ဂါမဏိ
Tuesday, March 10, 2009
ထိုင်းနိုင်ငံ ဘန်ကောက်မြို့ အကျဉ်းထောင်တခုကနေ ၁၉၉၆ ခုမှာ ထောင်ဖောက် လွတ်မြောက်သွားတဲ့ မူးယစ်ဆေး ကုန်ကူးမှုနဲ့ ထောင် ကျခဲ့တဲ့ ဒေးဗစ်မက်မီလန်က သူ့ရဲ့ ထောင်ဖောက်မှု အတွေ့အကြုံကို အခုလို ဝေမျှပါတယ်။
"ကျနော့်ကို ရဲ ၄ ယောက်က ဘန်ကောက်မြို့ တရုတ်တန်းက ခရီးသွား အေဂျင်စီ ရုံးခန်းထဲ လာဖမ်းတဲ့ အချိန်ကစပြီး [ထွက်ပြေးဖို့] စ,ကြံစည်ခဲ့တာ ဖြစ်ပါတယ်။ တပတ်လောက် ကြာတော့ ကျနော် ထောင်ထဲ ရောက်သွားတဲ့အခါ ကျနော်ဟာ သံတိုင်တွေ၊ အုတ်နံရံတွေ၊ လျှပ်စစ် လွှတ်ထားတဲ့ သံဆူးကြိုးတွေကို စတင်လေ့လာပြီး ထွက်ပြေးနိုင်ဖို့ အကောင်းဆုံး နေရာကို ရှာဖွေခဲ့ပါတယ်။ ကျနော်ဟာ အဆောင် ၆ မှာ သွားနေခဲ့ပါတယ်။ ဘာလို့လဲဆိုတော့ အဆောင် ၆ က ပြူတင်းပေါက် သံတိုင်တွေဟာ အသေးဆုံး ဖြစ်လို့ပါဘဲ။...
အဲဒီထောင်မှာ ထောင်ဝါဒါကလည်း သိတ်မများပါဘူး။ အကျဉ်းသား ၁၂၀ ကို ဝါဒါ တယောက်နှုန်း လောက်ဘဲ ရှိမယ် ထင်ပါတယ်။ တကယ်တော့ အဲဒီထောင်ကို အစိုးရက ကိုင်တွယ် ထိန်းသိမ်းတာ မဟုတ်ဘဲ ထိန်းသိမ်းရေး ဂေါပကအဖွဲ့ တခုက အုပ်ချုပ်တာ ဖြစ်ပါတယ်။ ယူနီဖောင်းတွေမှာ ပန်းပွားတွေ၊ လေထီးခုန် တံဆိပ်တွေ၊ အပွင့်တွေ အချောင်းတွေ တပ်ပြီး ဟန်ရေးပြ နေတဲ့ လူတွေ ဖြစ်ပါတယ်။
[ထောင်ဖောက်ပြေးရာမှာ] အရေးကြီးတကာ့အရေးကြီးဆုံး အချက်ကတော့ လျှို့ဝှက်ရေး ပါဘဲ။ တကယ်တော့ ထောင်ထဲမှာ ကျနော့်ရဲ့ လျှို့ဝှက်ချက်ကို ထိန်းထား ပေးနိုင်မယ့်လူ တယောက်မှ မရှိပါဘူး။ ...
စီမံကိန်းဆွဲခြင်းသည် ပထမ
ပထမဆုံးလုပ်ရမှာက တယောက်ထဲနေလို့ရတဲ့ အကျဉ်းခန်းလေး ရဖို့ဖြစ်ပါတယ်။ အကျဉ်းခန်း အများစုဟာ ကားဂိုဒေါင် တလုံးစာလောက် ရှိပြီး အကျဉ်းသား ၂၅ ယောက်လောက် စုနေရပါတယ်။ ငါးသေတ္တာဗူးထဲက ငါးတွေလို ကျပ်ညပ်ပြီး အိပ်ရပါတယ်။
လူတိုင်းကိုသံခြေကျင်းတွေ ခတ်ထားတဲ့အတွက် တချွင်ချွင် အသံလည်း မြည်နေပါတယ်။ မီးကိုလည်း တညလုံး ထွန်းထားပါတယ်။ ကျနော်ကတော့ ပိတ်ဖွင့်လို့ရတဲ့ မီးခလုတ် တခုရအောင် ပိုက်ဆံပေးပြီး အကြံအဖန် လုပ်ခဲ့ပါတယ်။
ကျနော် ထောင်ထဲမှာ ငွေအများကြီးအကုန်ခံခဲ့ပါတယ်။ ကျနော့်မှာ ရုံးခန်းတခန်း၊ ထမင်းချက် တယောက်၊ သန့်ရှင်းရေး သမား တယောက် စသဖြင့် ထားပါတယ်။ တလကို ဒေါ်လာ ၇၀၀ ကျော်လောက် အကုန် ခံနိုင်ရင် ထောင်ထဲမှာ ဇိမ်နဲ့ နေလို့ရပါတယ်။ ဒါပေမဲ့ သိထားဖို့က ထောင်ထဲရောက်လာသူ ရာဇဝတ်သား အများစုဟာ လူ့အဖွဲ့အစည်းက စွန့်ပယ် ပစ်လိုက်သူတွေ ဖြစ်ပါတယ်။ ကိုယ့်ရဲ့ ဘဝမှာ မျှော်လင့် ချက်တွေ ပျောက်ဆုံး သွားပြီး မိတ်ဆွေ အပေါင်းအသင်း ဘာမှ မကျန်တော့ သလောက် ဖြစ်သွား ကြသူတွေ ဖြစ်ပါတယ်။
အကျဉ်းသားအများစုဟာ ထောင်ဖောက်ပေးဖို့ကိစ္စ ပြောရင် တအား တက်ကြွ စိတ်ပါလာတတ် ပါတယ်။ ဒါပေမဲ့ သိတ် မကြာခင်မှာဘဲ 'နေစမ်းပါဦး။ မဖြစ်သေးပါဘူး' လို့ သဘောပေါက် သွားတတ်ပါတယ်။ အရင်က ထောင်ဖောက်ဖို့ ကြိုးစားခဲ့ပြီး မအောင်မြင်ခဲ့တဲ့ အကျဉ်းသား ငါးယောက်ကို ခဏအတွင်းမှာ သွားသတိရလို့ ဖြစ်ပါတယ်။ ဒီငါးယောက် ဟာ အပြင်ဆုံး အုတ်နံရံအထိ ရောက်သွားခဲ့ပြီးမှ ပြန်မိခဲ့တာ ဖြစ်ပါတယ်။ သူတို့အားလုံး ပြစ်ဒဏ် တိုက်ပိတ် ခံရပါတယ်။ ပြစ်ဒဏ်တိုက် ဆိုတာ အဝတ်ဘီဒို အသေးတလုံးလောက် ရှိတဲ့ သွပ်လှောင်အိမ်ဘဲ ဖြစ်ပါတယ်။ သူတို့ကို အဲဒီတိုက်ထဲ ကနေ ဆင်ခတ်တဲ့ သံမဏိ ထူးကြိုးကြီးတွေ ခတ်ပြီး နေ့တိုင်း ထုတ်လိုက်သွင်းလိုက် လုပ်ပါတယ်။ အပြင်ထုတ်ချိန်မှာ ရိုက်နှက် ညှဉ်းဆဲပါတယ်။ ငါးယောက်မှာ လေးယောက် သေသွားခဲ့ပါတယ်။
ကျနော်ဟာ ထောင်ဝင်စာအထုပ်ထဲမှာ သေသေချာချာ ဝှက်သွင်းလာတဲ့ သံဖြတ်လွှတွေနဲ့ ညသန်းခေါင်အချိန်မှာ သံတိုင်တွေကို စဖြတ် ပါတယ်။ တကယ်တော့ သံတိုင် တချောင်းဘဲ ဖြတ်ဖို့လိုပါတယ်။ ဒါတောင် တချောင်းလုံး ပြတ်အောင် ဖြတ်ဖို့မလိုပါဘူး။ ကျနော့်အဖော် ဆွီဒင် လူမျိုး ဗလကြီးက ဆွဲကွေးပစ်နိုင်လို့ ဖြစ်ပါတယ်။ ကျနော်ကတော့ အတွင်းခံ ဘောင်းဘီတိုဝတ် ကိုယ်မှာဆီသုတ်ထားပြီး သံတိုင် ကြားကနေ လျှောထွက်လိုက် ပါတယ်။
နောက်ဆုံးအဟန့်အတား
ကျနော် အခန်းပြင်ရောက်ပြီးနောက် တိုက်ဝင်းထဲက ထွက်နိုင်ဖို့ ပျဉ်တချပ် သုံးရပါတယ်။ အဲဒီပျဉ်က စာအုပ်စင်ကပျဉ် ဖြစ်ပါတယ်။ ကျနော့် အခန်းထဲက ပစ္စည်းအားလုံးဟာ ထောင်ဖောက်ရာမှာ အထောက်အကူရဖို့ ရည်ရွယ်ပြီး ရှာဖွေစုဆောင်း ထားတာဖြစ်ပါတယ်။ ပရိဘောဂတွေဟာ လှေခါးတွေ ဖြစ်သွားပြီး ခန်းဆီးတွေက ကြိုးတွေ ဖြစ်သွားပါတယ်။
ကျနော်ဟာ အုတ်နံရံ ၆ ခုကို ကျော်ရမှာ ဖြစ်ပါတယ်။ ဒါကြောင့် ကျနော်ဟာ အလုပ်ရုံ တခုထဲဝင်ပြီး လှေခါးရှည် တခုနဲ့ ဝါးလုံးရှည် တချောင်း ယူလိုက်ပြီး အုတ်နံရံတွေကို တခုပြီးတခု ကျော်ခဲ့ပါတယ်။ ဝါဒါတွေ ဘယ်မှာအိပ်တယ် ဆိုတာကို ကျနော် စုံစမ်းထားပြီး ဖြစ်ပါတယ်။ ဒါပေမဲ့ တယောက်တလေက ကင်းလှည့်တာမျိုး ရှိတတ်ပါတယ်။ အဲသလို ကင်းလှည့်နေတဲ့ အခါ ကျနော် အမှောင်ရိပ်မှာ ပုံးနေရပါတယ်။
မနက် ၄ နာရီလောက်ရောက်ချိန်မှာ ကျနော်ဟာ အတော့်ကို ပင်ပန်း နုံးချိနေပါပြီ။ ဘာခံစားမှုမှ မရှိတော့ဘဲ ထုံကျင်နေပြီး စက်ရုပ်လိုဘဲ လှုပ်ရှားနေမိပါတယ်။ ဘေးပတ်ဝန်းကျင်ကို လှည့်ကြည့်လိုက်တော့ ဒီဒုက္ခ ဆင်းရဲ ကမ္ဘာလေးထဲမှာ လူပေါင်း ၁၂၀၀၀ လောက် ပြစ်ဒဏ် ကျခံနေရင်း လုံးလုံးလျားလျား ပိတ်မိနေတာကို ဆင်ခြင်မိတော့ ငါလည်း ထောင် မဖောက်နိုင်ရင် ဒီလိုဘဲ နေရမှာဘဲလို့ အတွေးပေါက် မိပါတယ်။
လျှပ်စစ်လွှတ်သံဆူးကြိုးတပ် နောက်ဆုံး အုတ်တံတိုင်းထိပ်ကို ကျနော် ရောက်တဲ့ အချိန်မှာ အရုဏ်ပျို့ လာပြီး အရှေ့ဘက် ကောင်းကင်မှာ လိမ္မော်ရောင် နုနုလေး စလွင်လာပါပြီ။ တနည်းအားဖြင့် ပြောရရင် ကျနော့်ရဲ့အချိန်ဇယား နောက်ကျနေတဲ့ သဘောပါဘဲ။ ဒါပေမဲ့ ဘယ်လိုဘဲဖြစ်ဖြစ် ထောင်ပြင်ကိုတော့ ခန္ဓာကိုယ် ရောက်နေပါပြီ။ ဒီလိုခံစားမှုမျိုး ကျနော် မခံစားရတာ ကြာပါပြီ။ ကလေး ဘဝတုံးကတော့ မနက် အိပ်ရာထတဲ့ အချိန်မှာ ကမ္ဘာလောကကြီးထဲ ကောင်းတဲ့ အရာတွေရှိတယ် ဆိုတာကို သိရတဲ့ အရသာမျိုးပေါ့။
ကားလမ်းကိုဖြတ်ကူးလိုက်ပြီး နေခဲ့ရတဲ့ ထောင်ကို အရင်မမြင်ခဲ့ ရတဲ့ မြင်ကွင်းကနေ တခဏ ပြန်ငေးကြည့် မိပါတယ်။ အရင်ကြည့်ခဲ့ရတဲ့ မြင်ကွင်းကတော့ ထောင်ကို အပို့မှာ သံခြေကျင်းတွေ၊ ထောင်အဝတ် အစားတွေနဲ့ လူ ၂၀၀ လောက် ပြွတ်သိပ်နေတဲ့ အချုပ်ကားပေါ် ကနေ မြင်ခဲ့ရတဲ့ မြင်ကွင်းပါ။ ဒီ့နောက် ကျနော် တက္ကဆီ တစီးငှားပြီး ထွက်လာခဲ့ပါတော့တယ်။"
ဒီဆောင်းပါးရေးတဲ့ ဒေးဗစ်မက်မီလန်ဟာ ဘန်ကောက် ဟီလ်တန်ဟော်တယ် လို့ခေါ်ကြတဲ့ ဘန်ကောက်ထောင်က ဖောက်ပြေးနိုင် ခဲ့တဲ့ တဦးတည်းသော အနောက်နိုင်ငံသား ဖြစ်ပြီး ဗြိတိန်နိုင်ငံမှာ တရားဝင် နေထိုင်နေပါတယ်။ ထိုင်းနိုင်ငံနဲ့ သြစတြေးလျ နိုင်ငံတို့ကတော့ သူ့ကို ဖမ်းဝရန်း ထုတ်ထားပါတယ်။
ဘီဘီစီ (မတ်လ ၁ ရက် ၂၀၀၉ ခု)
ဂါမဏိ
Ref: နေ့သစ်
....
Read More...
Collapse...
မတ်လ(၁၃) ရက်၊ ၂၀၀၉
အနှစ် (၂၀) နီးပါးမျှ မြန်မာပြည်သူလူထုကြီးနှင့် တကွ ကမ္ဘာ့ နိုင်ငံကြီးများ၊ အိမ်နီးချင်း နိုင်ငံများကိုပါ ပြောင်ပြောင် တင်းတင်း အရှက်မရှိသော မျက်နှာဖြင့် ဖုံးကွယ် လိမ်ညာခဲ့သည့် အမှန်တရားကြီးက ယခုတော့ ဗြုန်းကနဲပေါ်ထွက်လာခဲ့ပေပြီ။
အမှန်တရားကို ဖုံးကွယ်လိမ်ညာခဲ့ကြသောသူများကား ယနေ့ မြန်မာနိုင်ငံကို ဥပဒေမဲ့ အာဏာသိမ်း အုပ်ချုပ်နေသော စစ်အာဏာရှင်များနှင့် ၎င်းတို့၏ ပုဆိန်ရိုး နောက်လိုက် တပည့်ကျော်များ ဖြစ်ကြသည့် အမြီးကျက် အမြီးစား၊ ခေါင်းကျက် ခေါင်းစား ပွဲစား စာရေးဆရာ သတင်းစာ ဆောင်းပါးရှင်များနှင့် ကြံ့ဖွံ့ စွမ်းအားရှင်များ ဖြစ်ကြပါသည်။
မြန်မာနိုင်ငံ၏ အကျဉ်းထောင်များတွင် နိုင်ငံရေးအကျဉ်း သမားများ မရှိပါဟု ကမ္ဘာ့ ကုလသမဂ္ဂ အဖွဲ့ကြီးနှင့် လူ့အခွင့်အရေး ကော်မရှင် များသို့ နှစ်ပေါင်းများစွာ အကြိမ်ကြိမ် ဖုံးကွယ်ခဲ့သော မဟာ လိမ်ညာမှုကြီးကား ၂၀၀၉ ခု ဖေဖော်ဝါရီ (၁၄) ရက်မှ (၁၉) ရက်အထိ မြန်မာပြည်သို့ ရောက်ရှိနေသော ကုလသမဂ္ဂ လူ့အခွင့်အရေး အထူးကိုယ် စားလှယ် မစ္စတာ ကင်တားနား ရှောက်ရှိနေချိန်တွင် ဘူးပေါ်သလို ပေါ်ခဲ့ပေသည်။ ၂၀၀၉ ခု မတ်လ (၂) ရက်ထုတ် Voice Weekly ဂျာနယ်မျက်နှာဖုံးတွင် ဖော်ပြထားသော…
“နိုင်ငံရေးအကျဉ်းသမားများ လွှတ်ပေးရေး တိုးတက်မှု ရှိစေရန် စဉ်းစားမည်ဟု ပြည်ထဲရေး ၀န်ကြီးဆို” ဆိုသည့် သတင်းခေါင်းစဉ်နှင့် ၎င်းဂျာနယ်၏ အတွင်းစာမျက်နှာ (၇) တွင် …
“မြန်မာနိုင်ငံတွင် အကျဉ်းကျခံနေရသော နိုင်ငံရေး အကျဉ်းသမား များကို ပြန်လွှတ်ပေးသည့် လုပ်ငန်းစဉ် တိုးတက်မှု ရှိစေရေး စဉ်းစားပေးမည်ဟု ပြည်ထဲရေးဝန်ကြီး ဗိုလ်ချုပ်မောင်ဦးက ပြောဆိုကြောင်း မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ဆိုင်ရာ အထူး အစီရင်ခံစာ တင်သွင်းသူ MR.Thomas Ojea Quintana က ပြောကြားသည်။ မြန်မာနိုင်ငံသို့ (၆) ရက်ကြာ လာရောက်လည်ပတ်ပြီး ပြန်လည်မထွက်ခွာမီ ဖေဖော်ဝါရီ (၁၉) ရက်က ရန်ကုန် အပြည်ပြည်ဆိုင်ရာ လေဆိပ်တွင် ပြည်တွင်း ပြည်ပ သတင်းထောက် များနှင့် တွေ့ဆုံစဉ် ၎င်းက အထက်ပါအတိုင်း ပြောကြားခြင်း ဖြစ်သည်” ဟု အကျယ်တ၀င့် ရှင်းလင်းပြောသွားသည့် သတင်းကို ဖတ်လိုက်ရသည်။
စစ်အာဏာရှင်အစိုးရသည် မိမိတို့ တသက်လုံး ဖုံးကွယ် လိမ်ညာထား ခဲ့သည့် မဟာ မုသာဝါဒကြီးကို ယခုမှ ရုတ်တရက် ဖွင့်ဟ၀န်ခံ ပြောဆို လိုက်ခြင်းသည် တခုခုတော့ ထူးဆန်း နေလောက်သည်ဟု သံသယ ဖြစ်ဖွယ်မှာ ငြင်းဆန်၍ မရနိုင်ပေ။
အမှန်ကို အမှန်တိုင်း၊ အရှိကို အရှိတိုင်း ၀န်ခံ ပြောဆိုခြင်းသည် မြန်မာလူမျိုး ဗုဒ္ဓ ဘာသာဝင်တိုင်း မွန်မြတ်ဖြူစင် သော သူတော်ကောင်းတို့၏ အသွင် လက္ခဏာ စရိုက်ဖြစ်ပေသည်။
အမှားကို အမှားမှန်းသိ၍ အမှန်ဘက်သို့ ပြင်တတ်လာလျှင် ထိုသူသည် လူလိမ္မာဟု ဆိုရပေမည်။
အမှားကို အမှားမှန်းသိလျက် အမှန်ကို မပြင်ဘဲ ဆက်လက်၍ အမှားကို ဆက်လုပ် နေဦးမည်ဆိုလျှင် ထိုသူသည် လူမိုက်ဟု ဆိုရမည်။
(၁.၃.၀၉) တနင်္ဂနွေနေ့ ထိုင်းနိုင်ငံတွင် ကျင်းပပြီစီးခဲ့သော အာဆီယံ ထိပ်သီးအစည်းအဝေးမှ ပူးတွဲကြေညာ ချက်တွင် မြန်မာနိုင်ငံမှ နိုင်ငံရေးအကျဉ်းသမားများ လွှတ်ပေးရန် အချက် ပါရှိနေခြင်းသည် မြန်မာနိုင်ငံ၏ နိုင်ငံရေး အရွှေ့အပြောင်း တခုသို့ ဦးတည်နေပြီလောဟု ခန့်မှန်းစဉ်းစားစရာ ဖြစ်ရသည်။
မည်သို့ဆိုစေ တသက်လုံး ဘူးကွယ်ဖုံးပိတ်ထားခဲ့သော နိုင်ငံရေး အကျဉ်းသမားများ မရှိဟု ဆိုသည့် အမှားကို ပြင်၍ အမှန်ဘက်သို့ ရွှေ့ပြောင်း ပြောဆိုလာခြင်း သည်ပင်လျှင် မြန်မာနိုင်ငံရဲ့ အမျိုးသား ပြန်လည် သင့်မြတ်ရေး လမ်းပေါ် တွင် အကောင်းဆုံးသော အနာဂတ် အလင်းရောင် သစ် တခုအနေဖြင့် မျှော်လင့် ယုံကြည်နိုင်ဖွယ် ရှိနိုင်ကြောင်း တင်ပြ လိုက်ရပေသည်။
အမှန်တရားဖြင့်လည်းကောင်း၊ မြင့်မြတ်ဖြူစင်သော စိတ်ထား ကောင်းမှုဖြင့် လည်းကောင်း အပြန်အလှန် ယုံကြည် လေးစားကြခြင်းဖြင့် မြန်မာနိုင်ငံ၏ အကျပ်အတည်းများကို အောင်မြင်စွာ ဖြေရှင်းနိုင်ကြပါစေ။
မောင်သြ
Ref: ခေတ်ပြိုင်
....
Read More...
Collapse...
13 March 2009
အမေရိကန်သမိုင်းမှာ ငွေရင်းနှီးမြှုပ်နှံမှုကို အဆိုးဝါးဆုံး ကျူးလွန်ခဲ့တဲ့ အထဲမှာ ပါဝင်သူ အသရေဖျက် ငွေကြေးလုပ်ငန်းရှင် ဘားနာ့ဒ်
မက်ဒေ့ါဖ် (Bernard Madoff) အကျဉ်းထောင် ကို တိုက်ရိုက် ဦးတည်သွားနေပါပြီ။
သူ့အပေါ်စွဲချက်တင်ထားတဲ့အမှု ၁၁ ခုစလုံးမှာ အပြစ်ရှိကြောင်း နယူးယော့ခ် တရားရုံးတော်မှာ ကြာသပတေးနေ့က ထွက်ဆိုသွားလို့
သူ့ကို လက်ထိပ်ခတ်ပြီး ထောင်ကို ခေါ်ဆောင်သွားတာ ဖြစ်ပါတယ်။
သူ့ရဲ့အလိမ်ခံခဲ့ရတဲ့ ပုဂ္ဂိုလ် ၅၀ လောက်က လက်ခုပ်သြဘာ ပေးကြပြီး ဇွန်လ တရားဝင် စီရင်ချက်ချတဲ့ အချိန်အထိ မက်ဒေ့ါဖ် အကျဉ်းထောင်ထဲမှာ နေရ ပါလိမ့်မယ်။
ရုံးတော်ကိုလာတဲ့အထိ သူဟာ နယူးယော့ခ်မြို့မှာ ဒေါ်လာ ၇,၀၀၀,၀၀၀ တန်တဲ့ အိမ်ခန်းတွဲမှာ နေထိုင်ခဲ့သူ ဖြစ်ပြီး သူ့ရဲ့ရှေ့နေ ကတော့ ဒီအမှုနဲ့ ပတ်သက်ပြီး အယူခံ ၀င်မယ်လို့ ပြောဆိုပါတယ်။
အသက် ၇၀ အရွယ်ရှိ လူလိမ်ကြီးက သူလိမ်ခဲ့တာ ခံရသူတွေကို ရုံးတော်မှာ လှည့်မကြည့်ဘဲ ၀မ်းနည်းပါတယ်၊ ရှက်မိပါတယ်လို့သာ တရားသူကြီးကို ပြောဆို သွားပါတယ်။
လူထောင်ပေါင်းများစွာကို အနှစ် ၂၀ အတွင်း ဒေါ်လာ ဘီလီယံ ၅၀ ကျော် လိမ်ခဲ့လို့ သူ့ကို ထောင်ဒဏ်အနှစ် ၁၅၀ အထိ ချဖွယ် ရှိတယ်လို့ ခန့်မှန်း ပြောဆိုနေကြပါတယ်။
Ref: VOA News
Read More...
Collapse...
12 March 2009
မြန်မာနိုင်ငံမှာ နိုင်ငံရေးနဲ့ လူ့အခွင့်အရေး လှုပ်ရှားသူတွေကို နှစ်ရှည်ထောင်ဒဏ်တွေ အပြစ်ပေးတာ၊ ကလေးစစ်သား အသုံးပြုတာတွေနဲ့ တိုင်းပြည်တွင်း စစ်အစိုးရရဲ့ လူ့အခွင့်အရေး ချိုးဖောက် နေတာတွေကြောင့် မြန်မာစစ်အစိုးရကို ICC နိုင်ငံတကာ ပြစ်မှုဆိုင်ရာ တရားရုံးမှာတင်ပြီး စစ်ဆေးဖို့ အလားအလာဟာ အနာဂတ်မှာ ဖြစ်လာနိုင်ခြေ ရှိတယ်လို့ သြစတြေးလျ အစိုးရက ပြောလိုက်ပါတယ်။ သြစတြေးလျ အထက်လွှတ်တော်မှာ ကြာသပတေးနေ့က ကျင်းပခဲ့တဲ့ ကြားနာ စစ်ဆေးပွဲ အတွင်း သြစတြေးလျ နိုင်ငံခြားရေး ၀န်ကြီးဌာနက အခုလို ပြောခဲ့တာပါ။ ဒါ့အပြင် သြစတြေးလျ အထက် လွှတ်တော်မှာ မြန်မာ့အရေးနဲ့ ပတ်သက်ပြီး လွှတ်တော်တရပ်လုံးရဲ့ ထောက်ခံချက်နဲ့ ဆုံးဖြတ်ချက်တခု ချမှတ်ခဲ့ပါသေး တယ်။ ဒီကနေ့ သြစတြေးလျလွှတ်တော်ရဲ့ လှုပ်ရှားမှုတွေကို ဆက်သွယ်မေးမြန်းထားတဲ့ ကိုကျော်ကျော်သိန်းက အပြည့်အစုံ တင်ပြပေးထားပါတယ်။
မြန်မာစစ်အစိုးရကို ICC တင်ဖို့ အလားအလာနဲ့ပတ်သက်ပြီး သြစတြေးလျ အစိုးရအနေနဲ့ စဉ်းစားတာမျိုး ရှိသလားလို့ လွှတ်တော်အတွင်း မေးခွန်းထုတ်ခဲ့သူကတော့ သြစတြေးလျ Green ပါတီရဲ့ အထက်လွှတ်တော်အမတ် မစ္စတာ စကော့တ်
လော်ဒ်လမ်မ် (Scott Ludlam) ပါ။
“သြစတြေးလျအစိုးရအနေနဲ့ မြန်မာစစ်အစိုးရကို ICCမှာတင်ပြီး စစ်ဆေးဖို့ အကြံပြုချက် တွေကို စဉ်းစားတာမျိုး ရှိ-မရှိ ကျနော် မေးခွန်း ထုတ်ခဲ့ပါတယ်။ သြစတြေးလျအစိုးရ အနေနဲ့ ဒီလိုစစ်ဆေးဖို့ ပယ်ချထားတာမျိုး မရှိကြောင်း၊ ဒါဟာ အနာဂတ်မှာ အသုံးဝင်
လာနိုင်ခြေ ရှိတဲ့၊ ဖြစ်လာနိုင်ခြေ ရှိတဲ့ အချက်ဖြစ်တယ်လို့ ပြန်ဖြေကြားခဲ့ပါတယ်။”
ဒါပေမဲ့လည်း မေးခွန်းထုတ်ခဲ့သူ အထက်လွှတ်တော်အမတ် မစ္စတာစကော့တ် လော်ဒ်လမ်မ် ကိုယ်တိုင်က ဒီလိုစစ်ဆေးတာမျိုး သိပ်မကြာခင်မှာ ဖြစ်လာလိမ့်မယ်လို့တော့ ထင်မထား ပါဘူး။ ICC မှာတင်ပြီး စစ်ဆေးဖို့ ဆိုရင် အရင်ဆုံး ကုလသမဂ္ဂ လုံခြုံရေးကောင်စီ ကနေ ဆုံးဖြတ်ချက် ချရပါတယ်။ မြန်မာ့အရေးနဲ့ ပတ်သက်ပြီး ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်တခုခု ထွက်လာဖို့မှာ အဓိက ထင်သာမြင်သာ ကန့်ကွက်နေတဲ့ နိုင်ငံနှစ်ခုက တော့ ဗီတို အာဏာသုံးခွင့်ရှိတဲ့ တရုတ်နဲ့ ရုရှားတို့ပါ။
ဒါပေမဲ့ မကြာသေးခင်ကပဲ လက်ရှိ ဆူဒန်သမ္မတ အိုမာ အယ်လ်-ဘရှား (Omar al-Beshir) ကို ICC မှာစစ်ဆေးဖို့ ဖမ်းဝရမ်း ထုတ်လိုက်တာက ထူးခြားတဲ့တိုးတက်မှု တခု ဖြစ်ခဲ့တာကြောင့် အနာဂတ်မှာ မြန်မာအစိုးရကို အလားတူ စစ်ဆေးတာမျိုး အတွက် သြစတြေးလျအစိုးရရဲ့ ထင်မြင်ယူဆချက်ကို သူမေးခွန်းထုတ်ခဲ့တာ ဖြစ်တယ်လို့ အထက်လွှတ်တော်အမတ် မစ္စတာစကော့တ်က ပြောပါတယ်။
အခု ကြာသပတေးနေ့မှာပဲ သြစတြေးလျ အထက်လွှတ်တော်မှာ နိုင်ငံရေးပါတီအားလုံးက လွှတ်တော်အမတ်တွေ အားလုံးရဲ့ တညီတညွတ်တည်း ထောက်ခံချက်နဲ့ မြန်မာ့အရေး ဆုံးဖြတ်ချက်တခု ချမှတ်ခဲ့ပါသေးတယ်။
“သြစတြေးလျ အထက်လွှတ်တော်ရဲ့ ဆုံးဖြတ်ချက်မှာ မြန်မာအစိုးရကို ပြစ်တင် ရှုတ်ချထားပါတယ်။ ဒီမိုကရေစီရေး ပြုပြင် ပြောင်းလဲမှုတွေ လုပ်ဖို့ တောင်းဆိုထားပါတယ်။ မြန်မာ့နိုင်ငံရေးမှာ တကယ့်ကို သိသာထင်ရှားတဲ့ တိုးတက်မှုတွေမရှိရင် ၂၀၁၀ပြည့်နှစ် ရွေးကောက်ပွဲကနေ ထွက်လာမယ့် ရလဒ်တွေကို အသိအမှတ်မပြုဖို့ သြစတြေးလျ အစိုးရကို တောင်းဆိုထား ပါတယ်။”
အထက်လွှတ်တော်အမတ် စကော့တ် လော်ဒ်လမ်မ် ပြောပြသွားတာ ဖြစ်ပါတယ်။
တကယ်ကတော့ သြစတြေးလျ လွှတ်တော်အမတ်တွေဟာ မြန်မာ့အရေးကို အားကြိုးမာန်တက် ထောက်ခံသူတွေ ဖြစ်ကြပါ တယ်။ မြန်မာ့ ဒီမိုကရေစီအရေး သြစတြေးလျ လွှတ်တော်အမတ်များ အဖွဲ့ (APDB) ဆိုတာကိုတောင် ဖွဲ့စည်း လုပ်ဆောင်နေ ကြပြီး မြန်မာနိုင်ငံနဲ့ ပတ်သက်တဲ့ လွှတ်တော် ဆုံးဖြတ်ချက်တွေလည်း မကြာခဏ ထွက်လာလေ့ ရှိပါတယ်။ ဒါပေမဲ့လည်း သြစတြေးလျ အစိုးရကတော့ လွှတ်တော် အမတ်တွေလောက် မြန်မာ့အရေးကို အားတက်သရော လုပ်ဆောင်တာ မတွေ့ရ ပါဘူး။ ဒါ့အပြင် မြန်မာ ရဲတပ်ဖွဲ့ကို လေ့ကျင့်ပေးတာတွေ၊ အရပ်ဖက် အရာရှိကြီးတွေကို လူ့အခွင့်အရေးနဲ့ နိုင်ငံတကာဥပဒေ တွေအကြောင်း သင်တန်းပေး တာတွေ စသည်အားဖြင့် ရှိခဲ့ဖူးသလို ကုန်သွယ် ကူးသန်းရောင်းဝယ်မှုတွေ ဆက်လုပ်နေတဲ့ အတွက်လည်း မကြာခဏ ဝေဖန် ခံရပါတယ်။
ဒီတော့ အထက်လွှတ်တော်က ချမှတ်လိုက်တဲ့ ဆုံးဖြတ်ချက်တွေကို အစိုးရက ဘယ်လောက်များ ထိထိရောက်ရောက် လိုက်နာ လုပ်ဆောင်မှာပါလဲ၊ လွှတ်တော်နဲ့ အစိုးရကြား မတူကွဲပြားနေတဲ့ ချဉ်းကပ်မှုတွေကိုရော ဘယ်လိုညှိနှိုင်းယူပြီး ဘုံတူညီထိရောက်တဲ့ လုပ်ဆောင်မှု ဖြစ်စေမှာပါလဲ၊ အထက်လွှတ်တော် အမတ် စကော့တ်လော်ဒ်လမ် ကတော့ ဒီကနေ့ ချမှတ်လိုက်တဲ့ လွှတ်တော်ရဲ့ တညီ တညွတ်တည်း ဆုံးဖြတ်ချက်ဟာ အစိုးရကို အင်မတန် အားကောင်းတဲ့ သတင်းစကား ပါးလိုက်တာပါပဲလို့ ဆိုပါတယ်။
“သြစတြေးလျအစိုးရ လုပ်နေတာက သူတို့လုပ်နိုင်ခြေရှိတယ်လို့ ထင်တာတွေကို လုပ်နေတာပါ။ ဒီကနေ့ ကျနော်တို့ လုပ်ဆောင်ခဲ့တာက အာဏာရ ပါတီကရော အာဏာရ မဟုတ်တဲ့ ပါတီကရော လွှတ်တော်အမတ်တွေ အားလုံးကနေ ပိုပြီး
အားကောင်းတဲ့ လုပ်ဆောင်မှုမျိုး အစိုးရကလုပ်တာကို မြင်ချင်တယ်လို့ ပြောလိုက်တာပါ။ ဖြစ်နိုင်ခြေရှိတဲ့ လုပ်ဆောင်မှု အားလုံးထဲမှာ ICC လိုကိစ္စမျိုးဖြစ်ဖြစ်၊ တခြားပုံစံတွေဖြစ်ဖြစ် အားလုံးကို ရှာဖွေဖို့ ကျနော်တို့က တညီတညွတ်တည်း တောင်းဆိုလိုက်တာ ဖြစ်ပါတယ်။"
သြစတြေးလျ အထက်လွှတ်တော်ရဲ့ ဒီကနေ့ဆုံးဖြတ်ချက်ကြောင့် မြန်မာနိုင်ငံက အသက် တချောင်းကိုလည်း ကယ်တင်နိုင် တာမျိုး မရှိ၊ နိုင်ငံရေး အကျဉ်းသား တယောက်ကိုလည်း လွတ်လာနိုင်စေတာမျိုး မရှိပေမဲ့ ဒီလို စကားချည်းသက်သက်
ဆုံးဖြတ်ချက်မျိုး နောက်ကနေ အားကောင်းတဲ့ လှုပ်ရှားမှုတွေ ဆက်ပြီး လုပ်ဆောင်သွားဖို့ အခြေအနေ ဖြစ်လာစေပါတယ် လို့လည်း မစ္စတာ စကော့တ် လော်ဒ်လမ်မ်က ပြောခဲ့ပါတယ်။
သံတမန်ရေးစကားတွေနောက်မှာ အမှန်တကယ် ဘာတွေဖြစ်နေတယ် ဆိုတာကို သိရဖို့က အင်မတန် ခက်ခဲကြောင်း၊ ဒီ စကားတွေနောက်မှာ တကယ် လုပ်ဆောင်တဲ့ အခြေအနေ ဘယ်လိုရှိတယ် ဆိုတာကို သိဖို့ရာဟာ မိမိတို့ နောက်ထပ် ဆက်လုပ်သွားမယ့် အလုပ် ဖြစ်ပါတယ်လို့လည်း ဆိုပါတယ်။
ကြာသပတေးနေ့ကကျင်းပတဲ့ သြစတြေးလျ အထက်လွှတ်တော်တွင်း ဆွေးနွေးပွဲကို ပြည်ပရောက် မြန်မာ လွှတ်တော် ကိုယ်စားလှယ် ၃ ဦးလည်း လေ့လာသူအဖြစ် တက်ရောက် နားထောင်ခွင့် ရခဲ့ပါတယ်။
Ref: VOA News
....
Read More...
Collapse...
12 March 2009
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ မြန်မာနိုင်ငံ အတွင်း ယုံကြည်ချက်ကြောင့် အကျဉ်းချခံ နေရတဲ့ သူတွေ၊ လူ့အခွင့်အရေး အတွက် လှုပ်ရှားနေသူတွေနဲ့ အတူ သွေးစည်း ညီညွတ်စွာ ရပ်တည်နေတဲ့ အကြောင်း အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ထုတ်ဖေါ်ပြောဆိုပါတယ်။ မနေ့က နိုင်ငံခြားရေး ၀န်ကြီးဌာနမှာ ကျင်းပတဲ့ နိုင်ငံတကာ အမျိုးသမီးများနေ့ အခမ်းအနားမှာ အခုလို ပြောဆိုလိုက်တာပါ။ အပြည့်အစုံကို ကိုသိန်းထိုက်ဦးက ဆက်ပြီး တင်ပြပေးပါလိမ့်မယ်။
မတ်လ ၈ရက်နေ့က ကျရောက်ခဲ့တဲ့ နိုင်ငံတကာ အမျိုးသမီးများနေ့ အခမ်းအနားကို မနေ့ကတုန်းက အမေရိကန် နိုင်ငံခြားရေးဌာန အဆောက်အဦမှာ ကျင်းပခဲ့ကြတာပါ။ လူအဖွဲ့အစည်းတွေကို တိုးတက်အောင် ဆောင်ရွက်တဲ့နေရာမှာ အဲဒီ လူ့အဖွဲ့ အစည်းအတွင်းမှာ ပါတဲ့ အမျိုးသမီးတွေကို ဘယ်လောက်အထိ တိုးတက်အောင် လုပ်ဆောင်နိုင်မလဲ၊ ဒီ တိုးတက်မှုက လူ့အဖွဲ့အစည်းရဲ့ တိုးတက်မှုကို တိုင်းတာတဲ့ သင်္ကေတ တခု ဖြစ်တယ်ဆိုပြီးတော့ ဟီလာရီ ကလင်တန်က ပြောဆိုသွားပါတယ်။ အမျိုးသမီးတွေကို နောက်ကျ ကျန်ရစ်အောင် လုပ်ထားမယ်၊ တိုးတက်အောင် မဆောင်ရွက်နိုင်ဘူး ဆိုရင် ဒီနေ့ ကမ္ဘာမှာ ရင်ဆိုင်နေရတဲ့ ရာသီဥတု ပြောင်းလဲလာတဲ့ ပြဿနာမျိုး၊ ဆင်းရဲတွင်း နက်လာတဲ့ ပြဿနာမျိုး တွေနဲ့ စီးပွားရေး အကျပ်အတည်းလို ပြဿနာမျိုးတွေကို ဖြေရှင်းနိုင်မှာ မဟုတ်ဘူးလို့လည်း အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ပြောဆိုသွားပါတယ်။
ဒီအခမ်းအနားမှာ အမျိုးသမီးတွေ ဆုပေးလေ့ ရှိတဲ့ အမေရိကန် နိုင်ငံခြားရေး ၀န်ကြီးရဲ့ နိုင်ငံတကာ သတ္တိရှင် အမျိုးသမီး များဆိုင်ရာ ဆုအဖြစ် ဆုရှင် ၈ယောက်ကို ရွေးချယ်ခဲ့ပါတယ်။ အဲဒီ ဆုရှင်တွေက အာဖဂန် နစ္စတန်၊ အီရက်၊ မလေးရှား၊ နီဂါ၊ ရုရှ၊ အူဘကစ္စတန်၊ ရေမန် အဲဒီ နိုင်ငံတွေကပါ ကမ္ဘာတ၀ှမ်းမှာ ရှိတဲ့ အမေရိကန် သံရုံးတွေကနေ အမျိုးသမီး ၈၀၊ လူ့အခွင့်အရေး၊ လူမှုရေး တရား မျှတမှုတွေ အတွက် ထူးထူးခြားခြား လုပ်ဆောင်တဲ့ အမျိုးသမီးတွေကို ၈၀ ကို စာရင်းသွင်း ခဲ့ပြီးတော့ ၈၀ထဲက စကာ စစ်ပြီးတော့ အခုလို ၈ယောက်ကို ရွေးချယ်ခဲ့တာပါ။ ဒီလို ၈ယောက်ကို ရွေးချယ် ဆုပေးပွဲ အခမ်းအနားမှာ မြန်မာနိုင်ငံက အဖိနှိပ်ခံ အမျိုးသမီးတွေနဲ့ အတူ လက်တွဲ ရပ်တည်နေတယ် ဆိုတဲ့အကြောင်း အမေရိကန် နိုင်ငံခြားရေး ၀န်ကြီး ဟီလာရီကလင်တန် က အခုလို ထပ်ပြီး ပြောသွားခဲ့တာပါ။
ကျမတို့နဲ့အတူ လက်တွဲဖို့ သူတို့ အစိုးရတွေက ပိတ်ပင်ဟန့်တားတာကို ခံနေရတဲ့ သူတွေနဲ့လည်း သွေးစည်း ညီညွတ်မှုကို ကျမတို့ ထုတ်ဖေါ်ချင်ပါတယ်။ အထူးသဖြင့် မြန်မာနိုင်ငံမှာ ပြီးခဲ့ အနှစ် ၂၀ အတွင်း၊ နှစ်ပေါင်းများစွာ နေအိမ် အကျယ်ချုပ် ကျခံနေရတဲ့ ဒေါ်အောင်ဆန်းစုကြည်ပါ။ သူဟာ ကမ္ဘာတ၀ှမ်းလုံးက ပြည်သူတွေအတွက် အင်အားနဲ့ မျှော်လင့်ချက် ရောင်ခြည်အဖြစ် ဆက်ရပ်တည်ခဲ့ သူပါ။ ဒေါ်အောင်ဆန်းစုကြည်ကို ဥပမာထားပြီး မြန်မာနိုင်ငံ အတွင်းမှာ ယုံကြည်ချက်ကြောင့် အကျဉ်းချ ခံနေရတဲ့ အခြား အမျိုးသမီးတွေ၊ ပြည်ပကို နှင်ထုတ်ခံရ သူတွေလည်း စစ်တပ်ရဲ့ လိင်ပိုင်းဆိုင်ရာ အကြမ်းဖက်မှုကို ကျုးလွန်ခံရသူတွေ အတွက်လည်း အင်အားတရပ် ဖြစ်ခဲ့ပါတယ်။
လူမှုရေး တရားမျှတမှုနဲ့ လူ့အခွင့်အရေး အတွက် စွမ်းစွမ်းတမံ ဆောင်ရွက်ခဲ့တဲ့ သူတွေကို ဒီလို အသိအမှတ်ပြု ချီးမြှင့်တာ ဆိုပြီး အမေရိကန် နိုင်ငံခြားရေး ၀န်ကြီး ဟီလာရီ ကလင်တန် က ပြောပါတယ်။ ဆုချီးမြှင့် ခံရတဲ့သူတွေ ထဲက မလေးရှား နိုင်ငံက ရတဲ့ မစ္စ အမ်ဘီဂါ စခရင်ဗာဆန်( Ms. Ambiga Sreenevasan) ဆိုရင် သူဟာ ရှေ့နေများ ကောင်စီရဲ့ ဥက္ကဌပါ။ သူဟာ သူ့အသက်ကို ရန်ရှာမယ် ဆိုပြီးတော့ ခြိမ်းခြောက်မှုတွေ ရှိခဲ့တဲ့ ကြားထဲက မလေးရှားနိုင်ငံမှာ လူ့အခွင့်အရေး အမျိုးသမီး အခွင့်အရေး၊ ဘာသာရေး ဆိုင်ရာ ဖိနှိပ်မှုတွေကို ဆက် ဆန့်ကျင်ပြီးတော့ တရားမျှတမှု အတွက် ရုန်းကန် လုပ်ဆောင်ခဲ့တယ် ဆိုပြီး ဒီအမေရိကန် နိုင်ငံခြားရေး ၀န်ကြီးဌာနရဲ့ ကြေညာချက်က ဖော်ပြထားပါတယ်။ ဒီလို ဆုပေးပွဲ အခမ်းအနားရဲ့ အမျိုးသမီးများ အခွင့်အရေး ကြေညာချက်တွေ ထဲမှာ မြန်မာနိုင်ငံ အကြောင်းကို တခုတ်တရ ထည့် ပြောဆို သွားတာပါ။
မကြာသေးခင်တုန်းက အာရှနိုင်ငံတွေကို သွားခဲ့တဲ့ ခရီးစဉ်အတွင်းမှာ မြန်မာနိုင်ငံပေါ်မှာ ထားတဲ့ အမေရိကန် နိုင်ငံခြားရေး ၀န်ကြီးဌာနရဲ့ မူဝါဒကို ပြန်ပြီးတော့ သုံးသပ်မယ်၊ အာစီယံ သဘောထားတွေကို သူ့အနေနဲ့ ပိုပြီး နားစိုက်မယ်လို့ ပြောခဲ့တဲ့ အတွက် မြန်မာနိုင်ငံနဲ့ ပတ်သက်တဲ့ မူဝါဒ အပြောင်းအလဲများ ရှိမလားလို့ စိုးရိမ်မှုတွေ ရှိခဲ့ကြပါတယ်။ အထူးသဖြင့် အမေရိကန် ပြည်ထောင်စုရဲ့ မြန်မာနိုင်ငံ အပေါ် ဖိအားပေးမှုတွေနဲ့ ပတ်သက်လို့ စိုးရိမ်ခဲ့ကြတာပါ။ ဒါပေမဲ့လည်း အမေရိကန် ပြည်ထောင်စုဟာ သူယုံကြည်တဲ့ လွတ်လပ်မှုနဲ့ လူ့ဂုဏ်သိက္ခာ တန်ဖိုးထားမှုတွေ အတွက် ဆက်လက် ရပ်တည် မယ်ဆိုပြီး လက်ရှိ အမေရိကန် နိုင်ငံခြားရေးဝန်ကြီး ဟီလာရီ ကလင်တန် က ဒေါ်အောင်ဆန်းစုကြည်နဲ့ ပတ်သက်ပြီး ပြောဆိုသွားတဲ့ အချက်က ပိုပြီး ထင်ရှားနေပါတယ်။ မနေ့က ကျင်းပခဲ့တဲ့ ဆုပေးပွဲ အခမ်းအနားကို သမ္မတ ကတော် မစ်ရှဲလ်အိုဘားမားလည်း တက်ရောက်ခဲ့တယ်လို့ သိရပါတယ်။
Ref: VOA News
....
Read More...
Collapse...
မုံပီး
ကြာသပတေးနေ့၊ မတ်လ 12 2009
နယူးဒေလီ (မဇ္ဈိမ)။ ။ ၀န်ကြီးချုပ် ဗိုလ်ချုပ်ကြီးသိန်းစိန်သည် အင်ဒိုနီးရှား နှင့် စင်္ကာပူတို့သို့ သွားရောက် လည်ပတ်မည် ဖြစ်သည်ဟု နေပြည်တော် သတင်းရပ်ကွက်များ အရ သိရသည်။
အင်ဒိုနီးရှားနိုင်ငံ ဂျကာတာသို့ မတ်လ ၁၅ ရက်နေ့တွင် ဗိုလ်ချုပ်ကြီး သိန်းစိန် ဦးဆောင်သော မြန်မာ ကိုယ်စားလှယ်အဖွဲ့ ရောက်ရှိမှာဖြစ်ပြီး ခရီးစဉ် အတွင်း အင်ဒိုနီးရှား သမတ ဆူဆီလို ဘမ်ဘန်း ယူဒ်ဟိုရိုနိ Susilo Bambang Yudhoyono နှင့် တွေ့ဆုံမှာဖြစ်သည်။
အင်ဒိုနီးရှား နိုင်ငံခြားရေး ၀န်ကြီးဌာနက အရာထမ်းတဦးက မဇ္ဈိမသို့ ခရီးစဉ်နှင့် ပတ်သက်၍ အတည်ပြု ပြောကြားခဲ့သည်။
နေပြည်တော် သတင်းရပ်ကွက်အရ ၀န်ကြီးများ၊ ဒုဝန်ကြီးများပါ လိုက်ပါပြီး အဖွဲ့ဝင် ၅၀ ခန့်ရှိမည့် ကိုယ်စားလှယ်အဖွဲ့သည် စင်္ကာပူနိုင်ငံကိုပါ သွားရောက် လည်ပတ်မည်ဟု သိရသည်။
Ref: မဇ္ဈိမ
....
Read More...
Collapse...
NEJ / မတ်လ(၁၂) ရက်၊ ၂၀၀၉
မြန်မာနိုင်ငံအပေါ် အမေရိကန် ပေါ်လစီပြောင်းလဲရေးကိစ္စကို ၂၀၀၈ ခု အမေရိကန် သမ္မတဟောင်း ဂျော့ဘွတ်ရှ် သက်တမ်း ကုန်ကာနီး ကတည်းက ပေါ်လစီ ကိုင်တွယ်သည့် အရာရှိများ စဉ်းစားခဲ့ကြောင်း အမေရိကန် ကွန်ဂရက်သို့ တင်သွင်းသည့် အစီရင်ခံစာ တစောင်တွင် ဖော်ပြထားသည်။
ခေတ်ပြိုင်မှ ဖတ်ရှုခွင့်ရသည့် မြန်မာနိုင်ငံနှင့် နိုင်ငံဖြတ်ကျော် ရာဇ၀တ်မှုများ ဆိုင်ရာ အဆိုပါ အစီရင်ခံစာကို နိုင်ငံခြားရေးရာ ကာကွယ်ရေးနှင့် ကုန်သွယ်ရေး ဌာနခွဲမှ ကွန်ဂရက်သို့ ၂၀၀၈ ခု သြဂုတ် (၂၁) ရက်နေ့စွဲဖြင့် တင်သွင်းခဲ့ခြင်း ဖြစ်သည်။
မြန်မာနိုင်ငံတွင် ဘိန်းအထွက်နှုန်း ကျဆင်းလာသည့်တိုင် မြန်မာနိုင်ငံမှ ပေါ်ထွက်လာသည့် နိုင်ငံဖြတ်ကျော် ရာဇ၀တ်မှုများကို စစ်အစိုးရ ဘက်က နှိမ်နင်းမှုအပေါ် အမေရိကန် ပေါ်လစီများက သိသိသာသာ သြဇာသက်ရောက် ခြင်းမရှိဟု ကျွမ်းကျင်သူများက ယူဆကြောင်း အစီရင်ခံစာတွင် ထောက်ပြထားသည်။ အထူးသဖြင့် ၂၀၀၇ ခု သံဃာ့ အရေးအခင်းတွင် မြန်မာ စစ်အစိုးရ၏ အကြမ်းဖက် နှိမ်နင်းမှုများ ဖြစ်ပေါ်ပြီးနောက်ပိုင်း မြန်မာနိုင်ငံအပေါ် အမေရိကန် ပေါ်လစီ ပြန်လည် သုံးသပ်စေလိုသည့် အစိတ်အပိုင်းများ တိုးတက်လာသည်ဟု ဆို၏။
မြန်မာနိုင်ငံနှင့် ပတ်သက်ပြီး အမေရိကန်ပေါ်လစီ ပြောင်းလဲရေး အတွက် ပေါ်လစီ ချမှတ်သူများ စဉ်းစားသည့် အချက်များမှာ
-မြန်မာနိုင်ငံကိုပေးသည့် လူမှုရေးအကူအညီပမာဏကို အမေရိကန်အစိုးရက တိုးမြှင့်ပေးသင့် မပေးသင့်၊
-မြန်မာစစ်အစိုးရအား နိုင်ငံရေးဖ်ိအား တိုးမြှင့်ပေးရာတွင် အာဆီယံနှင့် အခြားနိုင်ငံများ၏ ဆွေးနွေးချက် အခန်းကဏ္ဍက မည်မျှ အတိုင်းအတာထိ ရှိမည်၊
-မြန်မာနိုင်ငံကို ဒေသတွင်း မတည်ငြိမ်မှု၏ အဓိကနိုင်ငံ ဖြစ်မလာရေး အတွက် အိန္ဒိယ၏ အခန်းကဏ္ဍအပေါ် အမေရိကန် အစိုးရက မည်သို့ သုံးသပ်မည်၊
-မြန်မာနယ်စပ်ကို ကျော်ဖြတ်လာသည့် မူးယစ်ဆေးများ ပို့ဆောင်ပေးရာ ထိုင်းနှင့် တရုတ်နိုင်ငံတို့နှင့် အမေရိကန် အစိုးရ မည်သို့ အတူလက်တွဲ ဆောင်ရွက်သွားမည်နည်း စသည့်အချက်များ ပါဝင်သည်ဟု အစီရင်ခံစာတွင် ဖော်ပြထားသည်။
မြန်မာနိုင်ငံအပေါ် အမေရိကန်ဦးဆောင်သည့် နိုင်ငံတကာ ဒဏ်ခတ်ပိတ်ဆို့မှု မအောင်မြင် ရခြင်းမှာ
-အီးယူနှင့် ဂျပန်အပါအ၀င် အခြားနိုင်ငံများက မြန်မာနိုင်ငံအပေါ် ဒဏ်ခတ်မှုပုံစံ ကွဲပြားခြားနား နေခြင်း၊
-မြန်မာနိုင်ငံမှာ သဘာဝဓာတ်ငွေ့ ထုတ်လုပ်မှု များလာပြီး နိုင်ငံခြား ရောင်းချနိုင်သည့် အချက်ကြောင့် စစ်အစိုးရ ၀င်ငွေ သိသိသာသာ တိုးစေခြင်း၊
-အာဆီယံနိုင်ငံတွေက မြန်မာအပေါ် ဒဏ်ခတ်လိုသည့် ဆန္ဒ မရှိခြင်း၊
-မြန်မာနိုင်ငံ၏ စံချိန်တင်လောက်အောင် နိုင်ငံတကာ စီးပွားရေးနှင့် အဆက်ဖြတ်ပြီး အထီးကျန် နေနိုင်ခြင်း၊
-တရုတ်က မြန်မာစစ်အစိုးရကို စစ်ရေး၊ စီးပွားရေး ဆက်ကူညီ နေခြင်းတို့ကြောင့် ဖြစ်သည်ဟု သုံးသပ်ထားသည်။
မြန်မာနိုင်ငံ၏ နယ်စပ်ဖြတ်ကျော် မှောင်ခိုလုပ်ငန်းများ၌ ကျောက်သံ ပတ္တမြားများနှင့် တန်ဖိုးပေးချေသည့် စနစ်သုံးသည်။ အထူးသဖြင့် စစ်အစိုးရသည် ကျောက်တွင်းများကို ထိန်းချုပ်ထားသည့် အလျောက် ကျောက်သံ ပတ္တမြားများ မှောင်ခို ရောင်းချခြင်း၊ တရားဝင် ရောင်းချခြင်း ကိစ္စများ၌ စစ်အစိုးရ ကိုယ်တိုင် ပါဝင်ပတ်သက်မှု ရှိသည်ဟု စွပ်စွဲထားသည်။
မြန်မာစစ်အစိုးရသည် ၀ယ်မည့်သူများအား မြန်မာနိုင်ငံထွက် ကျောက်သံပတ္တမြားများ မဟုတ်ကြောင်း ဖုံးကွယ်ပြီး အမေရိကန် ကျောက်မျက်ဥပဒေ ပိတ်ဆို့မှုကို ရှောင်ရှားရန် ကြိုးစားသည်ဟု အမေရိကန်ကွန်ဂရက်က စွပ်စွဲထားသည်။ အမေရိကန် ကွန်ဂရက်၏ ခန့်မှန်းချက်အရ ကမ္ဘာပေါ်ရှိ မြန်မာနိုင်ငံမှ ထွက်သည်ဆိုသည့် ပတ္တမြား (၉၀) ရာနှုန်းကျော်အနက် အမေရိကန်နိုင်ငံသို့ ၀င်လာသည့် (၃) ရာနှုန်းသာ မြန်မာနိုင်ငံထွက် ပတ္တမြားအစစ် ဖြစ်သည် ဟု ထောက်ပြထားသည်။
ထို့ပြင် မြန်မာစစ်အစိုးရသည် ၂၀၀၈ ခုတွင် မြောက်ကိုရီးယားနိုင်ငံမှ ဘက်စုံပစ် ဒုံးကျည်များ တင်သွင်းခဲ့သည့် အတွက် မြောက်ကိုရီးယား အပေါ် ကုလသမဂ္ဂမှ ဒဏ်ခတ်ထားမှုကို ချိုးဖောက်ရာ ရောက်သည်ဟု ဖော်ပြထားသည်။
Ref: ခေတ်ပြိုင်
....
Read More...
Collapse...
မင်းနိုင်သူ / မတ်လ(၁၂) ရက်၊ ၂၀၀၉
မလေးရှားရောက် မြန်မာအမျိုးသမီး ဒုက္ခသည်များသည် အိမ်မှထွက်တိုင်း အဖမ်းခံရရန် များနေသကဲ့သို့ အလုပ်လုပ်ရန် အခွင့် အလမ်းမှာလည်း အလွန် နည်းပါးနေကြောင်း အမေရိကန်နိုင်ငံ နယူးယော့ခ်မြို့ အခြေစိုက် ဒုက္ခသည် အမျိုးသမီးနှင့် ကလေးများအတွက် အမျိုးသမီး ရေးရာကော်မရှင် (WCRWC) ၏ အစီရင်ခံစာတွင် ဖော်ပြထားသည်။
မလေးရှားနိုင်ငံတွင် ဒုက္ခသည်နှင့် ခိုလှုံခွင့်လျှောက်ထားသူပေါင်း (၁၀၀,၀၀၀) ခန့် ရှိသည့်အနက် အများစုမှာ မြန်မာများဖြစ်ပြီး UNHCR တွင် မှတ်ပုံ တင်ထားသူပေါင်း (၄၀,၀၀၀) ရှိသည်။ ထိုမှတ်ပုံ တင်ထားသူများ ထဲမှ (၁၄,၀၀၀) မှာ ရိုဟင်ဂျာများ ဖြစ်သည်ဟု အစီရင်ခံစာတွင် ရေးထားသည်။
မလေးရှားတွင် နေစရိတ်ကြီးသည့်အတွက် တလကို မလေးရှား ရင်းဂစ် (၁,၅၀၀) (ဒေါ်လာ ၄၅၀) ခန့် ပေးရသော်လည်း ဒုက္ခသည်အများစုမှာ တလကို မလေးရှားရင်းဂစ် (၄၀၀ မှ ၆၀၀) ကြားသာ ရကြသည်။ ထို့ကြောင့် ဒုက္ခသည်များ စုပြီး အခန်းငှားနေရသည်။
လေ့လာချက်များအရ ဒုက္ခသည်အမျိုးသမီးများမှာ
- အိမ်ကထွက်တိုင်း အဖမ်းခံရမည့် အန္တရာယ်ရှိနေခြင်း၊
- လုပ်ကိုင်စားရန် အခွင့်အလမ်း အကန့်အသတ်နှင့်သာ ရှိခြင်း၊
- ရသည့်ငွေကို အာဏာပိုင်များကို လာဘ်ထိုးရသည့် အတွက် အဂတိ လိုက်စားမှုဒဏ် ခံရခြင်း၊
- နယ်စပ် ပြန်အပို့ခံရလျှင် ရောင်းစားခံရမည့် အန္တရယ်ရှိခြင်း၊
- နေအိမ်နှင့်အလုပ်ခွင်၌ အကြမ်းဖက်ခံရခြင်း စသည့် အခြေအနေများ ကြုံတွေ့ နေရသည်ဟု အစီရင်ခံစာတွင် ထောက်ပြထားသည်။
အစီရင်ခံစာ နိဂုံးပိုင်းတွင် မလေးရှားအစိုးရအနေဖြင့် ဒုက္ခသည်များအား တရားဝင် နေခွင့်ရရန် ဆောင်ရွက် ပေးသင့်ကြောင်း၊ UNHCR မှ လက်မှတ် ထုတ်ပေးထား သူများအား အသိအမှတ်ပြုပြီး မှတ်ပုံတင် ထားသူများအား အဖမ်းအဆီး ရပ်သင့်ကြောင်း၊ UNHCR နှင့်တကွ ၎င်းနှင့် တွဲလုပ်နေသည့် အန်ဂျီအိုများ ဘက်ကလည်း အမျိုးသမီး ဒုက္ခသည်များအတွက် သက်မွေးဝမ်းကျောင်း ကိစ္စများ ဆောင်ရွက်ပေးသင့်ကြောင်း အကျယ်တ၀င့် ထောက်ခံ ရေးထားသည်။
မြန်မာအမျိုးသမီး အလုပ်သမားများ မလေးရှားနိုင်ငံအတွင်း ၀င်ရောက် အလုပ်လုပ်ကိုင်မှုသည် ၂၀၀၇ ခုနှစ် နောက်ပိုင်း ပိုမို များပြားလာသည်ဟု မြန်မာ အလုပ်သမား အခွင့်အရေး ကာကွယ်ပေးရေးအဖွဲ့ (BWRPC) က ပြောသည်။
မလေးရှားနိုင်ငံတွင် တရားဝင် မြန်မာအလုပ်သမား (၂) သိန်းဝန်းကျင်ရှိနေပြီး အမျိုးသမီး အလုပ်သမား ဦးရေ မည်မျှ ရှိသည်ကို အတည်ပြု မပြောနိုင်သေးသော်လည်း မလေးရှားနိုင်ငံ၌ BWRPC အဖွဲ့က အမျိုးသမီး အလုပ်သမား အမှုပေါင်း (၁၇၀) ကျော် ကိုင်တွယ် ဆောင်ရွက် ထားရကြောင်း ယင်းအဖွဲ့မှ ကိုကျော်ထူးအောင်က ပြောသည်။
ယင်းတို့အနက် အမှုပေါင်း (၅၀) ကျော်ကို အောင်မြင်အောင် ဆောင်ရွက် ပေးနိုင်ခဲ့ကြောင်း၊ မြန်မာအမျိုးသမီး အလုပ်သမားများ အများဆုံး ကြုံကြရသည်မှာ သူဌေး၏ဖိနှိပ်မှု၊ လုပ်ခလစာ လျော့နည်းရရှိမှုနှင့် အဓမ္မပြုကျင့်ခံရမှု များဖြစ်ကြောင်း သိရသည်။
“အဓမ္မပြုကျင့်မှုကတော့ နည်းပါတယ်။ ကျနော်တို့ ဆောင်ရွက်ပေးခဲ့ရတာ နှစ်မှု သုံးမှုပဲ ရှိပါတယ်။ အဲဒီလို အမှုတွေ ဆိုရင်လည်း အောင်မြင်တာပါပဲ။ ဘာဖြစ်လို့လဲဆိုတော့ ဒီက အန်ဂျီအိုတွေက အဲလိုကိစ္စမျိုးကို အသည်းအသန် ဆောင်ရွက် ပေးကြလေ့ရှိပါတယ်။ အမှုတိုင်းတော့ အဆင် မပြေနိုင်ဘူးပေါ့ဗျာ။ ကျနော်တို့မှာလည်း မလုပ်နိုင်တဲ့ အတိုင်းအတာတွေ အများကြီးရှိပါတယ်” ဟု ကိုကျော်ထူးအောင်က ရှင်းပြသည်။
မလေးရှားရောက် မြန်မာ အထည်ချုပ် အလုပ်သမား (၁၆) ဦး အလုပ်ရှင် မစ္စတာကူးမား၏ ဖိနှိပ်မှုများကြောင့် ဒုက္ခရောက်ခဲ့ ကြရပြီးနောက် မလေးရှားအစိုးရ၏ တရားမ၀င် နိုင်ငံခြားသား အလုပ်သမား စစ်ဆင်ရေးတွင်လည်း ပတ်စ်ပို့ ကိုင်ဆောင်ထားသူ မြန်မာ အမျိုးသမီး မစိုးစိုးထွေးနှင့် အခြားအမျိုးသမီး လေးဦးတို့ ဖမ်းဆီး ခံထားရသည်ဟု သတင်းများ ပေါ်ထွက်နေသည်။
“မစိုးစိုးထွေးကို KLLA Depositation ရုံးမှာ ချုပ်ထားတယ်။ သူ့ရဲ့ ဘော်ဒီနံပါတ် (ဖမ်းဆီးခံနံပါတ်) က c-2554 လို့ သိရတယ်။ သူ့အလုပ် လုပ်ကိုင်ခွင့် စာအုပ်မှာ ဖော်ပြထားတာနဲ့ သူအလုပ်လုပ်နေတဲ့ နေရာကွဲပြားနေလို့ ဖမ်းဆီး ထားတာ။ သူက ပတ်စ်ပို့ ရှိပါတယ်။ ကျနော်တို့လည်း သူ့အတွက် ကြိုးစားနေတာပဲ။ ဟိုတနေ့ကပဲ ကျနော်တို့ အဖွဲ့ဝင် တယောက်သွားတွေ့တာ တွေ့ခွင့် မရခဲ့သေးဘူး” ဟု BWRPC မှ ကိုရဲမင်းထွန်းက ဆိုသည်။
လွန်ခဲ့သော လအတွင်းက လူသိများခဲ့သည့် မြန်မာ အထည်ချုပ်အလုပ်သမ (၁၆) ဦးကို ထိန်းသိမ်း ပေးထားခဲ့ရသည့် BWRPC အဖွဲ့ဝင်များကို ပြည်တွင်းရှိ မြန်မာအမျိုးသမီး ရေးရာအဖွဲ့၊ သတင်းတပ်ဖွဲ့တို့က အလုပ်သမ မိသားစုများထံ ချည်းကပ်၍ ယင်းအဖွဲ့ကို အမှုဖွင့်ရန် ဖိအားပေးနေသည်ကို ပြန်လည် ကြားသိရကြောင်း ကိုရဲမင်းထွန်းက ဆက်လက်ပြောဆိုသည်။
“ကောင်မလေးတွေ မိဘတချို့က ဖုန်းဆက်တယ်ဗျာ။ ငါ့တူရေ တို့ဆီကို အမျိုးသမီး ရေးရာအဖွဲ့တွေ လာပြီး သမီး မိန်းကလေးတွေကို ဘာလို့ နိုင်ငံခြားလွှတ်ရလဲ။ ဘာလဲနဲ့ လာပြောတယ်။ အခု ဒီလိုဖြစ်နေပြီဆိုတော့ ဒီမှာကျန်တဲ့ မိသားစုတွေက လုပ်စရာရှိတာ လုပ်ရမယ်ဆိုပြီး လာပြောတယ်တဲ့။ အမှုလည်း ဖွင့်ခိုင်းနေတယ်ဆိုတော့ ကျနော်ကလည်း ဖွင့်ပေါ့။ နောက်မှ သူတို့ပြောတာက ဟာ..မဟုတ်ဘူး။ အခု အမှုဖွင့်ခိုင်းတာက မင်းတို့အဖွဲ့ကို ဖွင့်ခိုင်းနေတာ။ တရားမ၀င် အဖွဲ့အစည်း တခုကနေ မြန်မာသံရုံးနဲ့ ပေးမတွေ့တာ။ မိန်းကလေးတွေကို အစာရေစာ ၀၀လင်လင် မကျွေးတာတွေ ရှိတယ်လို့ ထွက်ဆိုပြီး အမှုဖွင့် ခိုင်းနေတယ်လို့ ကျနော်တို့ကို မိဘတွေက ပြန်ပြော တယ်လေ။ ကျနော်တို့က သံရုံးနဲ့ ပေးမတွေ့တာလည်း မဟုတ်ဘူး။ အစားအတွက်ဆိုလည်း သူတို့အတွက် ၀ယ်ထားတဲ့ ဆန်အိတ်တွေ အခုထိရှိသေးတယ်” ဟု ၎င်းက ရှင်းလင်းပြောဆိုသည်။
အဆိုပါ အမျိုးသမီး (၁၆) ဦး မစ္စတာကူးမား၏ လုပ်ငန်းခွင်မှ ထွက်ပြေးလာချိန်၌ BWRPC ရုံးခန်းတွင် လက်ခံထား ရှိခဲ့ပြီး ယခုအခါ တင်နာဂါနိတခေါ် အမျိုးသမီး အဖွဲ့တခုက ထိန်းသိမ်း စောင့်ရှောက်ထားသည်။ အဆိုပါ အမျိုးသမီး အဖွဲ့ထံ မပြောင်းရွှေ့မီ ရင်ကျော်နှင့် မသန်းရင်တို့ နှစ်ဦးမှာ ၎င်းတို့၏ အစီအစဉ်ဖြင့်ပင် မြန်မာနိုင်ငံသို့ ပြန်သွားကြသည်။
ကျန်ရှိခဲ့သည့် မြန်မာအထည်ချုပ်အလုပ်သမား (၁၄) ဦးထဲမှ အမျိုးသမီးတဦးက “အစစအရာရာ အဆင်ပြေပါတယ်။ သမီးတို့အားလုံး အတူတူ ရှိနေကြပါတယ်။ အမျိုးသမီးရေးရာ အဖွဲ့တွေက အဲလိုပြောတယ်ဆိုတာ ပြန်တော့ကြားရ တာပေါ့နော်။ ကိုယ်မဟုတ်ဘဲနဲ့ အဲလို ပြောနေတော့ မပြောပြတတ်ဘူးရှင့်။ ဘယ်လိုပြောရမလဲ။ သူတို့က ဘယ်လိုပုံစံမျိုးနဲ့ တိုင်ချင်တာလဲ သမီးတို့ မသိဘူးလေ။ သမီးတို့ကို ဦးရဲတို့က အများကြီး အကူညီပေးထားတာပဲ။ ဟို..မဟုတ်တဲ့ ကိစ္စကို လိမ်ပြီးတော့လည်း မပြောတတ်ဘူးရှင့်။ မဟုတ်ဘဲနဲ့ ပြောတဲ့ စကားတွေကိုလည်း မိဘတွေ မယုံစေချင်ဘူး။ သမီးတို့က ကိုယ်တွေ့ ခံစားရတာဆိုတော့။ သမီးတို့ ပြောတာကိုပဲ ယုံစေချင်တယ်။ ဦးရဲတို့ကလည်း အများကြီး တာဝန်ယူတယ်။ အမှုအတွက် သွားရတဲ့အခါမှာလည်း ရှေ့နေ အမျိုးသမီးကြီးနဲ့ ဦးရဲတို့ အဖွဲ့က လိုက်ပို့ပေးတယ်။ ပတ်စ်ပို့စာအုပ်တွေ ပြန်မရသေးပါဘူး။ ဒီမှာနေရတာ အဆင်ပြေပါတယ်” ဟု ပြန်လည် ဖြေကြားသည်။
Ref: ခေတ်ပြိုင်
....
Read More...
Collapse...
NEJ / မတ်လ(၁၂) ရက်၊ ၂၀၀၉
ကရင်အမျိုးသားလွတ်မြောက်ရေးတပ်မတော်မှ ဗိုလ်ကြီးအဆင့်ရှိ တပ်ဖွဲ့ဝင် (၃) ဦးသည် ယခုလဆန်းပိုင်းက ကရင်ခွဲထွက် အဖွဲ့ တဖွဲ့ဖြစ်သည့် ဗိုလ်ဌေးမောင်၏ ကေအန်ယူ/ ကေအန်အယ်လ်အေ ငြိမ်းချမ်းရေး ကောင်စီအဖွဲ့နှင့် သွားရောက် ပူးပေါင်းလိုက်သည်။
ကရင်အမျိုးသားလွတ်မြောက်ရေးတပ်မတော်မှ ဗိုလ်ကြီးစောနေစိုးမြ၊ ဗိုလ်ကြီး မဟာဆွေနှင့် ဗိုလ်ကြီးသဲခီး တို့သည် ငြိမ်းချမ်းရေး ကောင်စီအဖွဲ့နှင့် သွားရောက် ပူးပေါင်းသည်မှာ မှန်ကန်ကြောင်း ကေအန်အယ်လ်အေ ကာကွယ်ရေး ဌာနမှ ဗိုလ်မှူးရှီးလေက ခေတ်ပြိုင်သို့ အတည်ပြု ပြောကြားသည်။
ဗိုလ်ချုပ်ကြီးဟောင်း စောဘိုမြ၏ သားငယ်ဖြစ်သူ ဗိုလ်ကြီး စောနေစိုးမြသည် ယခင်နှစ် ဒီဇင်ဘာလ (၁၂) ရက်နေ့ က အဖွဲ့၏ ခွင့်ပြုချက် မပါဘဲ ကော့ကရိတ်မြို့နယ် ထော့ကိုကိုးရွာတွင် အခြေစိုက်သည့် ကေအန်ယူ/ ကေအန်အယ်လ်အေ ငြိမ်းချမ်းရေး ကောင်စီအဖွဲ့နှင့် သွားရောက် တွေ့ဆုံခဲ့သည့်အတွက် ကေအန်ယူဗဟိုမှ ခေါ်ယူ၍ သတိပေး တားမြစ်မူများ ပြုလုပ်ခဲ့ရသည်။
စောနေစိုးမြသည် ယခင်လက ကရင်အမျိုးသားလွတ်မြောက်ရေး တပ်မတော်မှ နုတ်ထွက်ခွင့် တောင်းခံခဲ့ရာ ကေအန်အယ်လ်အေ စစ်ရုံးချုပ်မှ ၎င်းအား နုတ်ထွက်ခွင့် ပြုခဲ့သည့် နောက်ပိုင်း ထော့ကိုကိုးသို့ သွားရောက်ခဲ့ခြင်း ဖြစ်သည်။ ၎င်းတို့ (၃) ဦးနှင့် အတူ ကရင်အမျိုးသား အစည်းအရုံးကို အစဉ်တစိုက် အားပေးထောက်ခံခဲ့ပြီး ကရင်ခွဲထွက် အဖွဲ့များကို ပြင်းပြင်းထန်ထန် ဝေဖန်ခဲ့သည့် ကေအန်ယူ နယ်မြေ အခြေစိုက် အင်းရှည် ဆရာတော် ဦးဝိဇယသည်လည်း ၎င်းတို့နှင့်အတူ လိုက်ပါသွားခဲ့သည်။
ထော့ကိုကိုးသို့ လိုက်ပါသွားသူ (၄) ဦးထဲတွင် စောနေစိုးမြ၊ စောမဟာဆွေ၊ စောသဲးခီးတို့ (၃) ဦးမှာ ကေအန်ယူ/ ကေအန်အယ်လ်အေ ငြိမ်းချမ်းရေး ကောင်စီအဖွဲ့၏ တရားဝင်အဖွဲ့ဝင်များ ဖြစ်သွားပြီးဟု ဗိုလ်မှူးရှီးလေက အတည်ပြု ပြောသည်။ သို့သော် ဘုန်းတော်ကြီး ဦးဝိဇယကမူ “ဘုန်းကြီးဆိုတာက ဒကာ၊ ဒကာမတွေ ပင့်ဖိတ်လို့ရှိရင် ဘယ်အရပ် ဘယ်ဒေသမဆို ကြွရတယ်” ဟု ပြောသည်။
စောသဲခီးအား ကေအန်အယ်လ်အေမှ ထုတ်ပယ်ထားသည်မှာ ကြာပြီဖြစ်သော်လည်း စောနေစိုးမြကို ယခင်လကုန် ပိုင်း၌ နုတ်ထွက်ခွင့် ပြုခဲ့ခြင်း ဖြစ်သည်။ စောမဟာဆွေနှင့် ပတ်သက်၍ အသေးစိတ် အချက်အလက်များ မသိရှိ ရသေးသော်လည်း ဘုန်းတော်ကြီး ဦးဝိဇယ အပါအ၀င် ၎င်းတို့ (၄) ဦးသည် ယခုရက်ပိုင်းအတွင်း မဲဆောက်မြို့သို့ ပြန်လည် ရောက်ရှိလာပြီး မဲဆောက်နှင့် ထော့ကိုကိုးသို့ ပုံမှန် သွားလာလျက်ရှိသည်။
ကရင်အမျိုးသားအစည်းအရုံးသို့ ယခုကိစ္စနှင့် ပတ်သက်၍ ဆက်သွယ်မေးမြန်းခဲ့ရာ အဖွဲ့၏ တာဝန်ရှိသူတဦးက အဆိုပါ လူများသည် မိမိတို့ အဖွဲ့နှင့် လုံးဝပတ်သက်ခြင်း မရှိတော့သဖြင့် တစုံတရာ ပြောကြားရန် အကြောင်းမရှိဟု ခေတ်ပြိုင်သို့ ပြောကြားသည်။
Ref: ခေတ်ပြိုင်
....
Read More...
Collapse...
QBE အာမခံလုပ်ငန်းက မြန်မာနိုင်ငံ အတွက် အာမခံ လုပ်ဆောင်မှုများကို ပယ်ဖျက်လိုက်ပြီး နိုင်ငံအတွင်း ကုမ္မဏီ၏ ရှေ့ဆက် ဆောင်ရွက် သွားမည့် လုပ်ငန်း များကိုလည်း ရပ်ဆိုင်း ထားလိုက်ကြောင်း သိရှိ ရသည်။
ဗြိတိန် အခြေစိုက် Burma Campaign ၏ အမှုဆောင်ချုပ် ဖရန့် အိုဟော်လိုရန် က အာမခံလုပ်ငန်း ရပ်ဆိုင်း လိုက်ခြင်းနှင့် စပ်လျဉ်းပြီး ကုမ္မဏီ အနေနှင့် မြန်မာနိုင်ငံ၏ လက်ရှိ အာဏာရ အဖွဲ့အစည်းအပေါ် မယုံကြည် တော့ကြောင်း၊ မထောက်ခံ သောကြောင့် လက်တွဲ ဆောင်ရွက်မှုကို ဖျက်သိမ်း လိုက်ခြင်းဟု ကြေငြာသွားသည်။
QBE အနေနှင့် မြန်မာနိုင်ငံ အတွင်း ရုံးခွဲ ဖွင့်လှစ်မည် မဟုတ်သလို ၀န်ထမ်းများ၊ အေးဂျင့်များ ခန့်ထားမည် မဟုတ်ကြောင်း၊ မြန်မာနိုင်ငံနှင့် ဆက်စပ်နေသည့် လုပ်ငန်းကိစ္စ အ၀၀ကို လုံးဝ စွန့်ခွာခဲ့ပြီ ဖြစ်ကြောင်း ကုမ္မဏီက ကြေငြာလိုက်သည်။
Burma Campaign မှ ပြောရေး ဆိုခွင့်ရပုဂ္ဂိုလ် ဂျွန်နီ ချတ်တာရွန်က ကမ္ဘာ့ စီးပွားပျက်ကပ် ပေါ်ပေါက် လာခြင်းသည်လည်း မြန်မာနိုင်ငံ အတွင်း ရင်းနှီးမြှုပ်နှံမှု ပြုလုပ်ထားသည့် နိုင်ငံတကာ စီးပွားရေး လုပ်ငန်းများ ပြန်လည် ဆုတ်ခွာစေသည့် အဓိက အကြောင်းတခု ဖြစ်နိုင်ကြောင်းဖြင့် သုံးသပ် ပြောဆိုထားပြန်သည်။
Ref: လူထုအသံ
....
Read More...
Collapse...
NEJ / မတ်လ(၁၁) ရက်၊ ၂၀၀၉
ဥရောပတိုက်တွင် မကြာခင် ကျင်းပမည့် မူးယစ်ဆိုင်ရာ အီးယူ-အာဆီယံ အစည်းအဝေး (အာဆမ်) သို့ တက်ရောက်ရန် ပြည်ထဲရေးဝန်ကြီး သို့မဟုတ် ပြည်ထဲရေး ဒု-၀န်ကြီးကို မြန်မာစစ်အစိုးရက စေလွှတ်လိုသော်လည်း အဆိုပါ ပုဂ္ဂိုလ်များအား အီးယူက ဒဏ်ခတ် ပိတ်ဆို့ထားသည့် အတွက် လာရောက်ခွင့် မရဟု နိုင်ငံခြားရေး ၀န်ကြီးဌာန ၀န်ထမ်းတဦးက ပြောသည်။
အဆိုပါသတင်းနှင့် ပတ်သက်၍ ဥရောပကော်မရှင်ရုံး ပြောခွင့်ရပုဂ္ဂိုလ်ထံ အတည်ပြုချက်ရရန် အီးမေးလ်ဖြင့် မေးမြန်းထားသော်လည်း အကြောင်းပြန်ကြားချက် မရသေးပေ။ အလားတူ အစည်းအဝေးများသို့ ယခင်က ရဲမှူးကြီး စစ်အေး တက်ရောက်လေ့ ရှိသော်လည်း ယခုနှစ်တွင် ရဲမှူးကြီး ခမ်းအောင် တက်ရောက်ရန် များသည်ဟု သံတမန်တဦးက ပြောသည်။
သို့သော် အီးယူက ၂၀၀၈ ခုနှစ်တွင် ထပ်မံ ဖြည့်စွက်ထားသည့် မြန်မာနိုင်ငံမှ ဒဏ်ခတ်ထားသူများ စာရင်းတွင် ပြည်ထဲရေးဝန်ကြီး ဗိုလ်ချုပ်မောင်ဦးနှင့် ၎င်း၏ ဇနီးဖြစ်သူ ဒေါ်ညွန့်ညွန့်ဦးတို့ အမည်လည်း ထည့်သွင်းထားသည်ကို ခေတ်ပြိုင်က ဖတ်ရှုရသည်။
မြန်မာစစ်ခေါင်းဆောင်များအပေါ် အီးယူမှ ဗီဇာထုတ်မပေးရေး ဒဏ်ခတ်ခြင်း၊ လက်နက် မရောင်းချခြင်း၊ အီးယူ နိုင်ငံများရှိ မြန်မာ စစ်ခေါင်းဆောင်များ၏ ပိုင်ဆိုင်မှုများကို ထိန်းချုပ်ခြင်း၊ အီးယူသို့ အထည်အလိပ် အခွန်တင်သွင်းခွင့် အခွန်လျှော့ပေါ့သည့် ယေဘုယျ အခွန် ကင်းလွတ်ခွင့်ကို ပိတ်ပင်ခြင်း နည်းများဖြင့် ဒဏ်ခတ်ထားသည်။
မြန်မာနိုင်ငံနှင့် ပတ်သက်သည့် အီးယူ၏ အဓိကရည်မှန်းချက်မှာ မြန်မာနိုင်ငံတွင် နိုင်ငံတကာ အသိုင်းအ၀န်းနှင့် ဆက်ဆံရေး ပြန်ထူထောင်နိုင်ပြီး လူ့အခွင့်အရေး လေးစားသည့် လူမှုရေး၊ စီးပွားရေး တိုးတက်မှုကို ရှေးရှုသည့် ဒီမိုကရေစီ နည်းကျကျ တင်မြှောက်ခံရသည့် အရပ်သား အစိုးရတရပ် ပေါ်ထွန်းရေးဖြစ်သည်။ သို့သော် မြန်မာ စစ်အစိုးရ၏ လူ့အခွင့်အရေး ချိုးဖောက်မှုများကြောင့် မြန်မာနိုင်ငံမှ စစ်ခေါင်းဆောင် အများအပြားနှင့် လုပ်ငန်းရှင်များအား အီးယူက ဒဏ်ခတ်ထားသည်။
Ref: ခေတ်ပြိုင်
....
Read More...
Collapse...
NEJ / မတ်လ(၁၁) ရက်၊ ၂၀၀၉
ရန်ကုန်မြို့တွင် ၂ဝဝ၈-၂ဝဝ၉ စာသင်နှစ်အတွက် ကျင်းပသည့် တက္ကသိုလ်ဝင်တန်း စာမေးပွဲများကို လုံခြုံရေး တင်းတင်း ကျပ်ကျပ်ချပြီး ကျင်းပနေကြောင်း ရန်ကုန်မြို့ခံများက ပြောသည်။
စာမေးပွဲဖြေမည့် ကျောင်းသားကို ကိုယ်တိုင် လိုက်ပို့သူ မိခင်တဦးက “ကျမသားက ဗိုလ်တစ်ထောင် (၆) စာစစ်ဌာနမှာ ဖြေရပါတယ်။ ကျောင်းထောင့်မှာ လုံခြုံရေးရဲ (၃) ယောက် ချထားတယ်။ နောက်ထပ် ရဲလို့ ယူဆရတဲ့ အရပ်ဝတ် တယောက်က ဆိုင်ကယ်ရပ်ပြီး စောင့်တယ်။ ကျောင်းအဝင် ပေါက်ဝမှာတော့ အရန်မီးသတ် တပ်ဖွဲ့ဝင် (၄) ယောက်၊ ယာဉ်ထိန်းရဲ (၂) ယောက်၊ နောက် လုံခြုံရေး တာဝန်ယူရတဲ့ ဆရာ ဆရာမတွေ၊ အဲဒီလို ချထားတယ်။ အရင်နှစ်တွေ ကတော့ လုံခြုံရေး ဒီလောက် မတင်းကျပ်ဘူး” ဟု ပြောသည်။
အလားတူ ကျောင်းသားမိဘတဦးကလည်း ၎င်း၏သမီး စာမေးပွဲဖြေသည့် ကျောင်းထဲသို့ မဝင်ခင် ကျောင်းအပြင်မှာ ကတည်းက ကြိုးတန်းတွေ တန်းပြီး တန်းစီ ဝင်ခိုင်းကြောင်း၊ (၃) နေရာခန့်တွင် ရှာဖွေ စစ်ဆေးမှုများ လုပ်ကြောင်း ပြောသည်။
ယခုကျင်းပနေသည့် စာမေးပွဲမတိုင်ခင်ကာလသည် အခြားနှစ်များနှင့် မတူဘဲ ရန်ကုန် အပါအဝင် မြန်မာ တနိုင်ငံလုံး ဆိုးဆိုးရွားရွား လျှပ်စစ်မီး ပြတ်တောက်မှုများ ဖြစ်ပေါ်နေ၍ စာမေးပွဲဖြေမည့် ကျောင်းသူ ကျောင်းသားများနှင့် ကျောင်းသား မိဘများက အစိုးရအပေါ် စိတ်ဆိုး ဒေါသထွက်နေကြသည့် အချိန်လည်း ဖြစ်သည်။
ရန်ကုန်တွင်လည်း မတ် (၁၁) ရက် နံနက် စာမေးပွဲဖြေမည် ဖြစ်သော်လည်း မတ် (၁ဝ) ရက်နေ့ည နေရာ အများအပြားတွင် လျှပ်စစ်မီး မရရှိကြောင်း မြို့ခံများက ပြောပြကြသည်။
ယခုကဲ့သို့ စာမေးပွဲအကြိုကာလ လျှပ်စစ်မီး မရသည်ကို အကြောင်းပြုပြီး မော်လမြိုင်မြို့တွင် ကျောင်းသားများ ဦးဆောင်သည့် ဆူပူ ဆန္ဒပြမှုတရပ် ဖြစ်ခဲ့ပြီး အလားတူ တွံတေးမြို့တွင်လည်း ဖြစ်ပွားခဲ့ သေးကြောင်း၊ ထိုကြောင့် ဆူပူမှု တစုံတရာ မဖြစ်ရအောင်နှင့် ဖြစ်လာပါက အမြန်တားဆီးနိုင်ရန် ယခုကဲ့သို့ လုံခြုံရေး တပ်ဖွဲ့ဝင်များ ချထားခြင်း ဖြစ်နိုင်ကြောင်း မြို့ခံများက ပြောသည်။
မြန်မာနိုင်ငံတဝန်းလုံးတွင် နှစ်စဉ် တက္ကသိုလ်ဝင်တန်း စာမေးပွဲကို ကျောင်းသူ ကျောင်းသား (၅) သိန်းနီးပါးမှ (၅) သိန်းကျော် ဝင်ရောက် ဖြေဆိုကြပြီး အစိုးရက (၁) သိန်းကျော် အောင်ပေးလေ့ ရှိသည်။ ပြီးခဲ့သည့် ၂ဝဝ၅-ဝ၆ ခုနှစ်၌ (၅) သိန်းနီးပါး ဝင်ရောက်ဖြေဆိုပြီး (၂၅) ရာခိုင်နှုန်းနှင့် ညီမျှသည့် တသိန်း နှစ်သောင်းကျော် အောင်ပေးခဲ့သည်။
မြန်မာနိုင်ငံပညာရေးစနစ်အရ တက္ကသိုလ်ဝင်တန်း ရမှတ် အနည်းအများကို အခြေခံပြီး သက်မွေးဝမ်းကျောင်း တက္ကသိုလ်များ အပါအဝင် ဘာသာရပ် အမျိုးမျိုးကို တက်ရောက်ခွင့် ပေးသည့်အတွက် ကျောင်းသား ကျောင်းသူများ ရော၊ မိဘများပါ အလွန် အလေးထားသည့် စာမေးပွဲဖြစ်ကြောင်း စုံစမ်းသိရသည်။
Ref: ခေတ်ပြိုင်
....
Read More...
Collapse...
မင်းနိုင်သူ / မတ်လ(၁၁) ရက်၊ ၂၀၀၉
နိုင်ငံတော် လုပ်ကြံမှုတရားခံ ဂဠုန်ဦးစောရဲ့ နောက်ဆုံးနေ့များ စာအုပ် ရေးသားသူကို ဂဠုန်ဦးစော၏ မြေးများက အချက်အလက်များ မှားယွင်းကြောင်းနှင့် ထုတ်ဝေခွင့် တောင်းခံမှု မပြုခဲ့ခြင်းတို့ကြောင့် တောင်းပန်ခိုင်းသည့် စာတစောင် ပေးခဲ့ကြောင်း သိရသည်။
စာရေးဆရာသန်းဝင်းလှိုင် ရေးသားသော ယင်းစာအုပ်အတွက် တောင်းပန်ခိုင်းသည့် စာကို အင်ကြင်းစာပေမှ တဆင့် ဂဠုန်ဦးစော၏မြေး ဒေါ်ခေမာရင် ပေးပို့ခဲ့ရာ ယမန်နေ့၌ လက်ခံရရှိခဲ့ကြောင်း စာရေးဆရာက အတည်ပြု ပြောဆိုသည်။
အဆိုပါစာတွင် မိသားစု၏ ခွင့်ပြုချက်မရဘဲ စီးပွားရေးအတွက် ထုတ်ဝေခြင်းနှင့် ပုဂ္ဂိုလ်ရေး ထိခိုက် နစ်နာစေသော အချက်များ ပါခြင်းတို့ကြောင့် စာရေးသူမှ တောင်းပန်ရမည်ဟု ဖော်ပြထားကြောင်း သိရသည်။
“ကျနော်တို့က စီးပွားရေးအရ ထုတ်ဝေတာမဟုတ်ဘူး။ နိုင်ငံရေးအရ ထုတ်ဝေတာလည်း မဟုတ်ဘူး။ အများ သိသင့် သိထိုက်တဲ့ သမိုင်းတွေ မို့လို့ ရေးသား ထုတ်ဝေတာဖြစ်တယ်။ နောက်ပြီး သူတို့က အချက် အလက်တွေ မှားတယ်လို့ ပြောတယ်။ ဂဠုန်ဦးစောသမီး ဘေဘီစောရဲ့ အခြားနာမည်ဟာ မခင်ရီဆိုတာ မဟုတ်ဘူးလို့လည်း သူတို့က ပြောတယ်။ ကျနော်က အသေအချာ ကိုးကားပြီးမှ ရေးခဲ့တာ။ ၁၉၄၇ ခုနှစ် သြဂုတ်လ (၂၉) ရက်ထုတ် သတင်းစုံ ဂျာနယ်မှာလည်း ဘေဘီစောရဲ့ အခြားအမည်ဟာ မခင်ရီဆိုတာ ရေးထားတယ်” ဟု စာရေးသူက ပြောသည်။
အဆိုပါ စာမူအား စာပေစိစစ်ရေးအပြင် သမိုင်းသုတေသန ဌာနသို့လည်း တင်ပြခဲ့ရကြောင်း၊ ယင်းဌာနတို့မှ ၂၀၀၈ ခုနှစ် ဒီဇင်ဘာလအတွင်း ထုတ်ဝေခွင့် ချပေးခဲ့ရာ ယခုနှစ် ဇန်န၀ါရီ (၂၅) ရက်တွင် စာအုပ် ဖြန့်ချီခဲ့ကြောင်း ၎င်းက ဆက်လက်ပြောသည်။
ထိုစာအုပ်ထွက်ရှိလာပြီးနောက် ဦးညီညီရင်နှင့် ဒေါ်ဘေဘီစောတို့၏ သားသမီးများက စာရေးဆရာထံ တောင်းပန်ရန် စာပေးပို့ ထားခြင်းဖြစ်ကြောင်း၊ ယင်းစာပေးပို့မှုမှာ ပုဂ္ဂလိက တောင်းဆိုမှု တခုသာဖြစ်ကြောင်း စာရေးသူဘက်မှ ကူညီဆောင်ရွက်ပေးနေသည့် ရှေ့နေ ဒေါ်ခင်ခင်အေးက ပြောသည်။
Ref: ခေတ်ပြိုင်
....
Read More...
Collapse...
BKK Post/The Nation / မတ်လ(၁၁) ရက်၊ ၂၀၀၉
ထိုင်းဒီမိုကရက်ပါတီ အာဏာရရန် လမ်းခင်းပေးခဲ့သည့် ပီအေဒီအဖွဲ့၏ တောင်းဆိုချက်များကို မလိုက်လျော နိုင်သည့်အတွက် အာဘီဆစ်အစိုးရ ဘေးကျပ်နံကျပ် ဖြစ်နေသည်။
၂၀၀၈ ခုနှစ် အောက်တိုဘာ (၇) ရက်က ပီအေဒီဆန္ဒပြသူများကို နှိမ်နင်းရာ၌ ကြီးကြပ်ခဲ့သည့် ထိုင်းရဲချုပ် ပတ်ချရာဝပ် ၀မ်ဆူဝမ်ကို အရေးယူ အပြစ်ပေးရန် ပီအေဒီက ဖိအားပေးသည်ကို အာဘီဆစ် အစိုးရက လက်မခံ ခဲ့ပေ။ ထိုင်းကာကွယ်ရေး ၀န်ကြီးနှင့် ညီအစ်ကိုတော်သူ ရဲချုပ်နှင့် အာဘီဆစ်ကို အာဏာရအောင် လုပ်ပေးခဲ့သည့် နေ၀င်းချစ်ချော့တို့ ရင်းနှီးသည်။ ထို့ကြောင့် နေ၀င်းချစ်ချော့နှင့် ဒီမိုကရက်ပါတီ အတွင်း ရေးမှူးချုပ်လည်းဖြစ်၊ ဒု-၀န် ကြီးချုပ်လည်း ဖြစ်သည့် ဆူထက်တို့ ပေါင်းပြီး ရဲချုပ်ကို အကာအကွယ် ပေးသည်ဟု ပီအေဒီက စွပ်စွဲသည်။
တချိန်တည်းမှာပင် King Power Group ကုမ္ပဏီက အစိုးရမဖွဲ့ခင် ဒီမိုကရက်ပါတီ အမတ်တဦးကို ဘတ် (၁၀၀,၀၀၀) (ဒေါ်လာ ၃,၀၀၀ နီးပါး) ပေးခဲ့သည်ဟု ပီအေဒီခေါင်းဆောင် ဆွန်ထိက စွပ်စွဲခဲ့သည်။ ပီအေဒီသာ မပေါ်ခဲ့လျှင် တပ်ဆင်လည်း ၀န်ကြီးချုပ်က ပြုတ်မည် မဟုတ်သကဲ့သို့ အာဘီဆစ်လည်း အတိုက်အခံ ခေါင်းဆောင် ဘ၀က တက်မည်မဟုတ်။ ထို့ကြောင့် အာဘီဆစ် အစိုးရသည် ပီအေဒီအပေါ် ကျေးဇူးကြီးမားသည်ဟု ပီအေဒီက ယူဆပြီး အဆုံးစွန်သော တောင်းဆိုမှုများကို လုပ်လာခြင်း ဖြစ်သည်။
သို့သော် ဒီမိုကရက် အစိုးရကလည်း ပီအေဒီကို မျက်နှာသာပေးပုံ မရပေ။ မနှစ်က ပါလီမန်ကို ၀ိုင်းခဲ့သည့် ပီအေဒီ ဆန္ဒပြသူများ ဗုံးကိုင်ဆောင်သည် ဆိုသည့် ကောက်ချက်ကို ထိုင်းရဲက ကောက်ချက်ဆွဲ အပြီးတွင် ပီအေဒီ ခေါင်းဆောင် (၂၁) ဦးကို ပါလီမန်သိမ်းသည့် ကိစ္စနှင့် ပတ်သက်ပြီး မေးမြန်းရန် ဆင့်ခေါ်ခြင်း ခံရသည်။ ယင်းသို့ ဆင့်ခေါ်ခြင်းမှာ ဒု-၀န်ကြီးချုပ် ဆူထက်၏ လက်ချက် မကင်းဟု ပီအေဒီက ယူဆသည်။
ဤတွင် ပီအေဒီက နိုင်ငံရေး ပါတီထောင်မည့် အကြောင်း မကြာခင်က ကြေညာခဲ့သည်။ အာဘီဆစ် အနေဖြင့် ဆူထက်ကို နိုင်အောင် ကိုင်မည်ဆိုလျှင် လာမည့် ရွေးကောက်ပွဲ၌ ဒီမိုကရက် ပါတီအနိုင်ရရန် ပီအေဒီပါတီက ပူးပေါင်းမည် ဖြစ်သည့်အတွက် နေ၀င်းချစ်ချော့ကို အားကိုးစရာ မလိုဟု မက်လုံး ပေးသလိုလိုဖြင့် ခြိမ်းခြောက်သည်။
တဘက်ကကြည့်တော့လည်း နေ၀င်းချစ်ချော့သည် တပ်ဆင်ထောက်ခံသည့် အမတ် (၂၈) ဦးကို ဒီမိုကရက် ပါတီဘက် ခြံခုန်လာအောင် ဒီမိုကရက် အာဏာရအောင် ဦးဆောင်ခဲ့သူ ဖြစ်နေပြန်သည်။ ပီအေဒီကလည်း တပ်ဆင်အစိုးရ ပြုတ်ကျအောင် လက်တွေ့ အင်အားပြခဲ့သည့် အဖွဲ့ဖြစ်နေပြန်သည်။
ထို့ကြောင့် နိုင်ငံရေး အကျပ်အတည်းမျိုးစုံနှင့် ကြုံနေရသည့် အာဘီဆစ် အစိုးရအနေဖြင့် ပီအေဒီကို ဆက်ပြီး မဟာမိတ် လုပ်ထားရမည့် နည်းကလွဲ၍ လောလောဆည် အခြားရွေးစရာ မရှိ။ စီးပွားရေး တက်လာအောင် တွန်းအားပေးသည့် အနေဖြင့် အစိုးရက လူထုလက်ထဲ ငွေထည့်ပေးသည့် ကိစ္စ ပြီးအောင်စောင့်ရမည်။ ငွေရလျှင် လူထုက အာဘီဆစ် အစိုးရကို ထောက်ခံမည်။ ဤတွင် လူထုအားနှင့် ပီအေဒီကို အလွယ်တကူ ပြန်ရင်ဆိုင် နိုင်သည်။
Ref: ခေတ်ပြိုင်
....
Read More...
Collapse...
11 March 2009
၂၀၀၉ ခုနှစ်ကတော့ ကုလသမဂ္ဂအတွက်ရော အဖွဲ့ဝင် နိုင်ငံများ အတွက်ပါ လုပ်ရင် လုပ်၊ မလုပ်ရင် ပြုတ်မယ့် နှစ်ပဲလို့ အင်္ဂါနေ့က အိမ်ဖြူတော်မှာ ဘရက်ခ် အိုဘားမား(Barack Obama) နဲ့ တွေ့ဆုံစဉ် ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) က ပြောဆိုလိုက်ပါတယ်။
ကမ္ဘာ့စီးပွားရေး ကျဆင်းမှု၊ ရာသီဥတုပြောင်းလဲမှု၊ ဒါဖောဒေသက ဒုက္ခသည် များရဲ့ အခြေအနေ အပါအ၀င် အကျပ်အတည်း အများအပြားကို ၂၀၀၉ ခုနှစ်မှာ ကုလသမဂ္ဂ အနေနဲ့ ရင်ဆိုင်နေရတယ်လို့ ဘန်ကီမွန်းက ပြောဆိုပါတယ်။
ဘန်ကီမွန်းဟာ သူမတူအောင် ကုလသမဂ္ဂကို ဦးဆောင်မှု ပေးနိုင်ကြောင်း အမေရိကန် သမ္မတ အိုဘားမားက ချီးကျူးစကား ပြောကြားပါတယ်။
ကမ္ဘာကြီးပူနွေးလာနေမှု၊ အာဖဂန်စစ်ပွဲ၊ ဆူဒန်နိုင်ငံက အခြေအနေများနဲ့ ပတ်သက်ပြီး ကုလသမဂ္ဂ အတွင်းရေးမှူး ချုပ်နဲ့ နီးနီးကပ်ကပ် အတူတွဲ လုပ်ကိုင် လိုကြောင်း သမ္မတ အိုဘားမားက ပြောဆိုပါတယ်။
နိုင်ငံတကာရဲ့ အင်အားကြီးတဲ့၊ ညီညွတ်တဲ့ အမှာစကား ဆူဒန်နိုင်ငံကို ပါးလိုက်တဲ့ အတွက်လည်း အမေရိကန် သမ္မတက ကုလသမဂ္ဂ အတွင်းရေးမှူးချုပ်ကို ချီးကျူးလိုက်ပါတယ်။
Ref: VOA News
....
Read More...
Collapse...
11 March 2009
၂၀၀၇ ခုနှစ် သြဂုတ်လ ၂၃ ရက်နေ့က ရန်ကုန်မြို့မှာ တကိုယ်တော် ဆန္ဒပြမှု ကြောင့် ထောင်ဒဏ် တသက်တကျွန်း ပြစ်ဒဏ် ကျခံနေရတဲ့ နိုင်ငံရေး အကျဉ်းသား ဦးအုန်းသန်းဟာ ကလေး အကျဉ်းထောင်မှာ ကျန်းမာရေး အခြေအနေ ဆိုးရွားနေ ပါတယ်။ မိသားစုအနေနဲ့ ဝေးလံတဲ့ အကျဉ်းထောင်ကို လာရောက်ပြီး ထောင်ဝင်စာ တွေ့ဆုံရတဲ့ ဒုက္ခကြောင့် အခုနောက်ဆုံး ဦးအုန်းသန်းဟာ မိသားစုနဲ့ လုံးဝတွေ့ဆုံမှု မလုပ်တော့ဘူးလို့ သမီးဖြစ်သူက ပြောပါတယ်။ အပြည့်အစုံကို ထိုင်း အခြေစိုက် ဗွီအိုအေသတင်းထောက် မအေးအေးမာက တင်ပြပေးထားပါတယ်။
ဦးအုန်းသန်းဟာ မြို့တော်ခန်းမရှေ့မှာ ဆန္ဒပြတာတွေ၊ တရုတ် သံရုံးရှေ့မှာ ဆန္ဒပြ တာတွေကြောင့် အကြိမ်ကြိမ် အဖမ်းခံရပြီး နောက်ဆုံးမှာ ထောင်ဒဏ် တကျွန်းနဲ့ အရေးယူခြင်း ခံလိုက်ရပါတယ်။ အသက် ၆၂ နှစ် ရှိပြီဖြစ်တဲ့ ဦးအုန်းသန်းဟာ ဝေးလံခေါင်သီတဲ့ အကျဉ်းထောင်မှာ နေထိုင် နေရတာကြောင့် အခု အခါမှာတော့ မိသားစုကိုတောင် လက်ခံတွေ့ဆုံခြင်း မရှိတော့ဘဲ ကျန်းမာရေးလည်း ကောင်းမွန်မှု မရှိဘူးလို့ သမီးဖြစ်သူ မအိအိမွန်က အခုလိုပြောပါတယ်။
“အဖေ့မှာ ဆီးသွားတဲ့လမ်းကြောင်း ကျောက်တည်တဲ့ ရောဂါ၊ အဲဒါက မန္တလေးမှာ တခါ ဆေးရုံ တက်လိုက်ရသေးတယ်။ ပြီးတော့ ခန္တီးမှာတုန်းက သွေးတိုး နည်းနည်းရှိတယ်။ အခုနောက်ပိုင်းတော့ ထောင်ဆရာဝန်နဲ့ ပြပြပေးတယ် လို့တော့ ပြောတယ်။ ဒါပေမဲ့ ကလေးမှာတွေ့တဲ့ နောက်ဆုံး တခေါက်ဆိုရင် အားနည်းတဲ့ ပုံစံပေါက်နေတယ်။ အသက်အရွယ်ကလည်း ကြီးနေပြီ၊ ပြီးတော့ ၁၁ လပိုင်း ကတည်းက အဖေက မိသားစုကိုလည်း လိုက်မလာနဲ့ ဆိုတော့၊ အခုနောက်ပိုင်းလည်း ကျမမြင်တုန်းကလည်း အဖေက အရမ်းကို ပိန်နေတယ်လေ။ အဲတော့ တခုခုဖြစ်မှာလည်း စိုးတယ်။”
ဦးအုန်းသန်းဟာ ထောင်ထဲမှာလည်း အစာငတ်ခံ ဆန္ဒပြခြင်းကို အကြိမ်ကြိမ် လုပ်ခဲ့ပြီး သူ့ရဲ့ ယုံကြည်မှုတွေကို ဖော်ထုတ်ခဲ့ပါ တယ်။ ၁၉၈၈ ခုနှစ်ကစပြီး သူဟာ ထောင်ထဲမှာပဲ အများဆုံး နေထိုင်ခဲ့ရပြီး အပြင်မှာ နေထိုင်ခဲ့ရတဲ့ ရက်က နည်းပါးခဲ့တယ် လို့ ဆိုပါတယ်။
“ပိန်သွားတယ်ဆိုတာက အဲဒီလိုမျိုးတွေ သူ တခုပြီးတခု လုပ်တာပဲဖြစ်ဖြစ်၊ ဒီလောက် ပိန်နေတာတောင်မှ တခုခုထပ်ဖြစ် သွားရင် လဲဖို့ပဲ ရှိတော့တယ်။ အဲဒါကြောင့် ကျမကတော့ စိုးရိမ်တယ်။ အခုလို လွှတ်တဲ့အထဲ ဆိုလည်း ပါစေချင်တယ်။ ပထမ စစထွက်ချင်း အပြင်မှာ ၇ လလောက်ပဲ ကြာကြာနေဘူးတယ်၊ လူအသိုင်း အ၀ိုင်းနဲ့က။ အမြဲတမ်း ထောင်ထဲမှာချည်းပဲ၊ အမြဲတမ်း အချိန်ပြည့်က။ အဖေ့သက်တမ်း တလျှောက်လုံး ကလည်း သူ့ခံစားချက်က ဒီတိုင်းပဲ ဆုံးဖြတ်ထားတော့ ကျမတို့ မိသားစု အနေနဲ့ကတော့ များသောအားဖြင့် ဒုက္ခရောက်ကြတာ ချည်းပါပဲ၊ မိသားစုတွေ အကုန်လုံးကတော့။”
အခုဆိုရင် သမီးဖြစ်သူရဲ့ ထောင်ဝင်စာ တွေ့ရတဲ့ဒုက္ခကို မကြည့်ချင်တော့တဲ့ အဆုံးမှာ မိသားစုက ထောင်ဝင်စာ မပို့နိုင်အောင် လုပ်ခဲ့တဲ့ အပြင် မိသားစုကို လက်ခံ တွေ့ဆုံတာမျိုးကို လုံးဝ မလုပ်တော့ဘူးလို့ ဆိုပါတယ်။
“စိတ်ဆိုးအောင်ပြောလိုက်တာက ကျမ ရပ်ဝေးတွေ လိုက်လိုက်လာရတာ သူ စိတ် မဖြောင့်ဘူးတဲ့၊ ခန္တီးမှာတုန်းက သူ စာတခါ ရေးထားတာ ပြန်သွားရင် ဒီလမ်းခရီးက မိန်းကလေး တယောက်အနေနဲ့ မကောင်းဘူးတဲ့။ ထောင်တို့ ဘာတို့ ဆိုတာ လည်း ဘာမှလိုက်စရာ မရှိဘူး။ သူက ယုံကြည်ချက်ကြောင့် လုပ်နေတာတဲ့။ သူ ဘယ်နေရာ ရောက်ရောက် ဘယ် အစားအစာ ဖြစ်ဖြစ် သူစားလို့ ရတယ်တဲ့။ သူ နေတတ်အောင် နေတာ အကျင့်လည်း ပါနေပြီတဲ့။ ဒါ အခုမှလည်း မဟုတ်ဘူး၊ နှစ်တွေ က တအား များနေပြီတဲ့။ မလိုက်လာနဲ့တဲ့၊ အဲဒီလို ပြောလိုက်တာ။”
ဦးအုန်းသန်းလို ဆန္ဒပြတဲ့ ၈၈ ကျောင်းသား အမည်ခံထားတဲ့ ကိုအေးလွင်တို့ဟာလည်း အမေရိကန် သံရုံးရှေ့မှာ လူအင်အား နဲ့အော်ပြီး ဆန္ဒပြခဲ့ပေမယ့် အရေးယူ မခံရတဲ့အပြင် ဆက်ပြီး တရားဟောခွင့်တွေ၊ စည်းရုံးခွင့်တွေ ပေးထားပြီး ဦးအုန်းသန်း ကိုတော့ ပြန်မလွှတ်ပေးဘဲ ဖမ်းထားခြင်းဟာ မဖြစ်သင့်ဘူးလို့လည်း သမီးဖြစ်သူက ဆက်ပြောသွားပါတယ်။
“သံရုံးရှေ့မှာ ဆန္ဒပြတယ်ဆိုတာ ကိုအေးလွင်တို့ အုပ်စုလည်း အရှေ့မှာ အရင်ပြဘူးတော့ အဖေက ဒါတွေက လွတ်လပ်စွာ ပြောဆိုခွင့် ရှိရမယ်ဆိုပြီး သူလည်း ဆန္ဒပြခဲ့ဘူး တယ်လေ။ ဒါပေမယ့် ကိုအေးလွင်တို့ ကိစ္စကြတော့ ဘာမှ မဖြစ်ဘဲနဲ့ အဖေ့ အလှည့်ကြတော့ တကျွန်း ချလိုက်တဲ့အထိ ဖြစ်သွားတယ်ဆိုတော့၊ နောက် အခု အဖေ့အနေနဲ့ ကလည်း အရမ်းလည်း အသက်ကြီးနေပြီ။ ဆူပူလှုပ်ရှားတာတွေ၊ တအားကြီး စည်းရုံးခဲ့တာတွေလည်း မဟုတ်ဘဲနဲ့ သူ့ယုံကြည်ချက်ကြောင့် လုပ်ခဲ့တယ် ဆိုတော့ ကျမ သမီးတယောက် အနေနဲ့တော့ အခုအချိန် လွတ်ငြိမ်းချမ်းသာခွင့် လုပ်ပေးမယ်ဆိုရင်တော့ ကျမအဖေအတွက် ကျမ တောင်းဆိုချင်တယ်။”
ဦးအုန်းသန်းဟာ အခုအခါမှာတော့ ကျန်းမာရေးမကောင်းတဲ့ အကြောင်း၊ ကလေးထောင်က ပြန်လွတ်လာ သူတွေကလည်း ပြောပါတယ်။ အသက်အရွယ် ကြီးလာတဲ့အပြင် ရာသီဥတုဒဏ်တွေ၊ အစာအာဟာရ ချို့တဲ့ မှုတွေကြောင့် ကျန်းမာရေးလည်း ထိခိုက်မှုတွေ ရှိနေကြောင်း မိသားစုနဲ့ ပြန်လည် လွတ်မြောက်လာ သူတွေက ပြောပါတယ်။ ပြီးခဲ့တဲ့နှစ်က ဦးအုန်းသန်းတို့ကို စွဲထားတဲ့ ပုဒ်မ ၁၂၄(က) ကို ပြည်ထဲရေး ဌာနက ပြန်လည် ရုပ်သိမ်းလိုက်ပြီးနောက် နောက်လူတွေကို တရား စွဲဆိုထားတာ တွေ ပြန်လည် ရုပ်သိမ်း လိုက်ပေမယ့် အဲဒီပုဒ်မနဲ့ တကျွန်းချ ခံထားရတဲ့ ဦးအုန်းသန်းကိုတော့ အခုထိ ဖမ်းဆီးထားဆဲ ဖြစ်ပါ တယ်။
Ref: VOA News
....
Read More...
Collapse...
10 March 2009
တောင်တရုတ်ပင်လယ်ပြင်မှာ တရုတ်သင်္ဘောတွေနဲ့ ထိပ်တိုက် တွေ့ခဲ့တဲ့ အမေရိကန် ရေတပ် သင်္ဘောဟာ တရုတ်နဲ့ နိုင်ငံတကာ ရေပိုင်နက် ဥပဒေကို ချိုးဖောက်တယ်လို့ တရုတ်ဘက်က တုံ့ပြန်လိုက်ပါတယ်။ တချိန်တည်းမှာပဲ ဒီ အဖြစ်အပျက်နဲ့ ပတ်သက်ပြီး၊ နောက်ဘယ်လို ကိုင်တွယ်မလဲ ဆိုတာတွေ အချို့ကို တရုတ် ပြောခွင့်ရသူက ရှင်းလင်း ပြောဆို သွားပါတယ်။ ဘေဂျင်းကနေ ဗွီအိုအေ သတင်းထောက် စတက်ဖနီဟိုး (Stephanie Ho) သတင်းရေးသား ပေးပို့တာကို ကိုသားညွန့်ဦးက တင်ပြပေးထားပါတယ်။
တနင်္ဂနွေနေ့ကဖြစ်သွားတဲ့ နှစ်ဖက် ရေကြောင်းဆိုင်ရာ ထိပ်တိုက်ဖြစ်မှုအပေါ် တရုတ်ရော အမေရိကန် ပြည်ထောင်စု ကပါ အပြန်အလှန် တဘက်နဲ့တဘက် ကန့်ကွက် အပြစ်တင် ခဲ့ကြပါတယ်။ အမေရိကန် ရေတပ်ရဲ့ သုတေသန သင်္ဘောတစင်းကို တရုတ်သင်္ဘော ၅ စင်းက နှောင့်ယှက် ဟန့်တားခဲ့တယ်လို့ အမေရိကန် ပင်တဂွန် ကာကွယ်ရေး ဌာနချုပ်က ပြောခဲ့ပါတယ်။
ဘေဂျင်းမှာ အင်္ဂါနေ့လုပ်တဲ့ ပုံမှန်သတင်းစာ ရှင်းလင်းပွဲ အတွင်းမှာတော့ တရုတ် နိုင်ငံခြားရေး ဌာန ပြောခွင့်ရသူ မာဂျောက်ဇူး (Ma Zhaoxu) က တရုတ်အပေါ် အပြစ်တင်ထားတဲ့ အမေရိကန်ဘက်က ပြောနေသလို မဟုတ်ဘူးလို့ ငြင်းခဲ့ပါတယ်။
“အမေရိကန်ဘက်က ပြောဆိုနေတာတွေဟာ တကယ့်အဖြစ်အပျက် အမှန် မဟုတ်ဘဲ အဖြူအမည်း ရောထွေး နေတာဖြစ်တယ်။ ဒီကိစ္စအပေါ်မှာ တရုတ်ဘက်ကတော့ လုံးဝ လက်ခံနိုင်စရာ မရှိဘူး” လို့ တရုတ်နိုင်ငံခြားရေး ဌာန ပြောခွင့်ရသူ မာဂျောက်ဇူး က တရုတ်စကားနဲ့ ပြောသွားပါတယ်။
အမေရိကန်ရဲ့လုပ်ရပ်ဟာ ကုလသမဂ္ဂရဲ့ ပင်လယ်ပြင်ဆိုင်ရာ ဥပဒေသတွေနဲ့ တရုတ်နိုင်ငံရဲ့ ဥပဒေတွေ ကိုပါ ချိုးဖောက်တာ ဖြစ်တယ်လို့ တရုတ် ပြောခွင့်ရသူက ဆိုပါတယ်။
တရုတ်နဲ့ဆိုင်တယ်ဆိုတဲ့ တောင်တရုတ် ပင်လယ်ပြင်က သီးခြား စီးပွားရေး ဇုန်မှာ တရုတ် ခွင့်ပြုချက် မယူဘဲ အင်မ်ပက်ကေးဘဲလ် (Impeccable) အမေရိကန် သင်္ဘောအနေနဲ့ အမေရိကန် အစိုးရကို ကိုယ်စားပြုပြီး သူချည်းသက်သက် သုတေသနပြု လုပ်ကိုင် ဆောင်ရွက်နေတဲ့ အပေါ် တရုတ် အစိုးရဘက်က ကန့်ကွက် ထားတယ်လို့ သူကပြောပါတယ်။
“လာမယ့်အနာဂတ်မှာ အလားတူအဖြစ်အပျက်မျိုးတွေ ထပ်ပြီး မကြုံလာစေရေး ထိထိ ရောက်ရောက် ကာကွယ် ဆောင်ရွက် ဖို့ အမေရိကန် အနေနဲ့ သူ့ရဲ့ အခုလို ကျူးကျော်တဲ့ လုပ်ရပ်မျိုးတွေ ချက်ချင်း ရပ်တန့်ရမယ်” လို့ နိုင်ငံခြားရေး ၀န်ကြီးဌာန ပြောခွင့်ရသူ မာဂျောက်ဇူးက ပြောပါတယ်။
ဘယ်လိုဥပဒေမျိုးတွေကို ချိုးဖောက်တာလဲဆိုတာ သတင်းထောက်တွေရဲ့ မေးမြန်းချက်နဲ့ အဖြစ်အပျက် အသေးစိတ်ကို ဖြေဆို ရှင်းလင်းတာမျိုးတော့ မလုပ်ခဲ့ပါဘူး။ အခု အဖြစ်အပျက်ဟာ နိုင်ငံတကာ ရေပိုင်နက် အတွင်းမှာ ဖြစ်ပွားခဲ့တယ် ဆိုတဲ့ ပင်တဂွန်ဘက်က ပြောဆိုချက် အပေါ်မှာတော့ တရုတ် အာဏာပိုင်တွေက တိုက်ရိုက် ငြင်းဆိုထားတာ မရှိပါဘူး။
အင်မ်ပက်ကေးဘဲလ် အမေရိကန်ရေတပ်သင်္ဘောဟာ တောင်တရုတ် ပင်လယ်က ဟိုင်နန်ကျွန်းနဲ့ ၁၂၀ ကီလိုမီတာ နိုင်ငံတကာ ရေပိုင်နက်ထဲမှာ အဏ္ဏ၀ါ ရေကြောင်းဆိုင်ရာ စူးစမ်း လေ့လာမှုတွေ ပုံမှန် ပြုလုပ်နေတာ ဖြစ်တယ်လို့ အမေရိကန် ကာကွယ်ရေး ၀န်ကြီးဌာနက ပြောပါတယ်။
အဲဒီအချိန်မှာပဲ တရုတ်သင်္ဘော ၅ စင်းဟာ အမေရိကန် သင်္ဘောကို ၀န်းရံပြီး အန္တရာယ်ရှိတဲ့ အနီးအနား အထိ ကပ်လာခဲ့ တယ်လို့ ပင်တဂွန် စစ်ဌာနချုပ် ပြောခွင့်ရသူက ပြောခဲ့ပါတယ်။ ဒီ သီးခြား စီးပွားရေး ဇုန်ထဲမှာလုပ်တဲ့ လုပ်ငန်းမျိုးတွေ အတွက် ပတ်ဝန်းကျင် ကမ်းရိုးတန်း နိုင်ငံတွေရဲ့ ခွင့်ပြုချက် မလိုအပ်ဘူးလို့ အမေရိကန် အစိုးရက မနေ့က ကြေညာချက် ထုတ်ခဲ့ပါတယ်။ ရေကြောင်းဆိုင်ရာ ကိစ္စရပ်တွေ အတွက် အမေရိကန်- တရုတ် ဆွေးနွေးပွဲ မျိုးတွေ ရှိထားပြီး ဒီကိစ္စ အတွက်လည်း အမေရိကန် ဘက်က တရုတ်နဲ့ ပြောဆိုဆွေးနွေးဖို့ အဆင်သင့် ရှိတယ်လို့ ကြေညာချက်မှာ ဖော်ပြခဲ့ပါတယ်။
အမေရိကန်-တရုတ် စစ်ဖက်ဆိုင်ရာ ဆွေးနွေးမှုတွေ ပြန်စခဲ့တဲ့ ရက်သီတင်းပတ် မကြာခင်အတွင်းမှာပဲ အခုလို နှစ်ဘက် တင်းမာမှု ဖြစ်ခဲ့တာပါ။ ဒီစစ်ဖက် ဆွေးနွေးမှုတွေဟာ အမေရိကန်ဘက်က ထိုင်ဝမ်ကို လက်နက် ရောင်းခဲ့တဲ့နောက် ရပ်ဆိုင်း ခဲ့ရဖူးပါတယ်။
အမေရိကန်သမ္မတ ဘရက်ခ် အိုဘားမား (Barack Obama) နဲ့ တရုတ်သမ္မတ ဟူဂျင်တောင်း (Hu Jintao) တို့ လာမယ့် ဧပြီလ လန်ဒန်မှာ တွေ့ဆုံ ဆွေးနွေးနိုင်ဖို့ ပြင်ဆင်တဲ့ အနေနဲ့ တရုတ် နိုင်ငံခြားရေး ၀န်ကြီး အမေရိကန် ပြည်ထောင်စုကို ရောက်ရှိနေချိန် အတွင်း အခုလို တင်းမာမှု ဖြစ်သွားခဲ့တာပါ။
Ref: VOA News
....
Read More...
Collapse...
မတ်လ(၁၀) ရက်၊ ၂၀၀၉
မောင်စွမ်းရည်
ဦးသန့်ကို လက်ဝဲသမား ကွန်မြူနစ်လားလို့ တချို့က တွေးကြ၊ ရေးကြ၊ မေးကြသတဲ့။ ဦးသန့်အနေနဲ့ ကမ္ဘာ့ကုလသမဂ္ဂ အဖွဲ့ကြီးမှာ အလုပ်လုပ်နေတဲ့ ကာလတလျှောက် ဒီလိုပဲ ထင်ကြပါတယ်။
သာမန်အားဖြင့်တော့ ဗမာလူမျိုးတွေက ဒီလိုမေးခွန်းမျိုးသာ ကြားလိုက်ရင် ပြုံးကြမှာပါ။ ဦးသန့်နဲ့ လက်ဝဲ၀ါဒဆိုတာ ဘုန်းကြီးနဲ့ ဘီးလိုပဲ၊ ဘာဆိုင် သလဲပေါ့။ ဘုရားဒကာ ဦးနုရဲ့ မိတ်ဆွေ မဟုတ်လား။
ဒီနှစ်ဟာ ဦးသန့် ရာပြည့်နှစ်ဖြစ်ပါတယ်။ ဦးသန့်ရာပြည့် အထိမ်းအမှတ် တံဆိပ်ခေါင်းတွေ ကုလသမဂ္ဂက ထုတ်ပါတယ်။ ဦးသန့်ရာပြည့် အထိမ်းအမှတ် ပွဲများလည်း လုပ်နေကြပါတယ်။ ဂျပန်ရောက် မြန်မာများက ဆိုရင် တခမ်းတနား လုပ်နေပါတယ်။ (ပန်းချီဝင်းဖေနဲ့ ကဗျာဝင်းဖေ(မောင်စွမ်းရည်) တို့ကိုလည်း ဖိတ်ကြား ထားပေမယ့် ဗီဇာ ပြဿနာကြောင့် မသွားနိုင်ခဲ့ကြပါ။) ရာပြည့်နှစ်ဖြစ်လို့ ဦးသန့်အကြောင်းကို အထူး ပြန်လည် စိတ်ဝင်စား လာရပါတယ်။ ဦးသန့်ရဲ့ အထ္ထုပ္ပတ္တိကို လေ့လာတဲ့အခါမှာ အနောက် နိုင်ငံသားတွေက ဦးသန့်ကို ဘာကြောင့် လက်ဝဲသမားရယ်လို့ သံသယ ရှိရသလဲဆိုတာ အဖြေလို့ ယူဆရတဲ့ အချက်အလက် တချို့ကို တွေ့လာရပါတယ်။
ပထမတွေ့ရှိလာရတာက ဦးသန့်ရဲ့ ကျောင်းသားလူငယ်ဘ၀ နိုင်ငံရေး အတွေးအခေါ်တွေ သန္ဓေတည်စ ခေတ်နောက်ခံကို လေ့လာကြည့်ရင် ဦးသန့်ရဲ့ မိသားစုဘ၀ နောက်ခံကားက ဦးသန့်ကို နိုင်ငံရေး စိတ်ဝင်စားဖို့ အားပေး ထောက်ကူ နေပါတယ်။ ဦးသန့်ရဲ့ ဖခင်ဟာ ပန်းတနော်လို တောမြို့လေးမှာ တဦးတည်သော ခေတ်ပညာတတ်၊ အင်္ဂလိပ်စာတတ် ပုဂ္ဂိုလ်ဖြစ်ပါတယ်။ အိန္ဒိယပြည်က တက္ကသိုလ် တခုမှာ ပညာသင်ခဲ့ဖူးသူ မြန်မာ မျိုးချစ်တဦး ဖြစ်ပါတယ်။
မြန်မာပြည်ဟာ ၁၈၈၆ ခုနှစ်မှာ ဗြိတိသျှလက်အောက် ရောက်ပြီး နောက်နှစ် (၂၀) အကြာ ၁၉၀၆ ခုနှစ်မှာ ၀ိုင်အမ်ဘီအေခေါ် ဗုဒ္ဓဘာသာ ကလျာဏယုဝ အသင်းကြီး ပေါ်ပေါက်လာခဲ့ပါတယ်။ အမျိုးသားရေး နိုးကြားလာတဲ့ ၀ံသာနုခေတ်ထဲကို ၀င်ရောက်လာခဲ့ပါတယ်။ ၁၉၁၂ ခုနှစ်မှာ သူရိယ သတင်းစာကို ဗုဒ္ဓဘာသာ ကလျာဏယုဝ အသင်း ခေါင်းဆောင်တွေက ထုတ်ဝေကြတယ်။ ဆရာလွန်းခေါ် သခင်ကိုယ်တော်မှိုင်းနဲ့ ပီမိုးနင်း၊ ရွှေဥဒေါင်း စတဲ့ သူ့ခေတ်က သတင်းစာဆရာ အကျော်အမော်တွေ ဦးဆောင်တည်းဖြတ် ထုတ်ဝေကြပြီး ခေတ်ကို ခေါင်းဆောင်တဲ့ သတင်းစာ ဖြစ်လာခဲ့တယ်။ နိုင်ငံရေး၊ စာပေရေး၊ စီးပွားရေး၊ ယဉ်ကျေးမှု စတဲ့ ဘက်စုံက နိုးကြားစေပါတယ်။
ဦးသန့်ရဲ့ဖခင်ဟာ သူရိယသတင်းစာ ကုမ္ပဏီလီမိတက်မှာ အစုရှယ်ယာဝင်ပြီး အားပေးတယ်။ သူရိယ သတင်းစာလည်း အမြဲမှာယူ ဖတ်ရှုတယ်။ ၀ိုင်အမ်ဘီအေကနေ ဂျီစီဘီအေ ဖြစ်လာတော့လည်း ထောက်ခံ အားပေးတယ်။ သူ့သားကြီးဖြစ်တဲ့ ဦးသန့်ကိုလည်း သူရိယ သတင်းစာနဲ့တကွ တခြား စာနယ်ဇင်းတွေရော၊ မြန်မာပျို့လင်္ကာ၊ ကဗျာစာပေတွေရော ဖတ်ရှုစေတယ်။ အင်္ဂလိပ်စာလည်း သင်ယူဖတ်ရှုစေပြီး ခေတ်ပညာတတ် ဖြစ်အောင် ပြုစုပျိုးထောင်တယ်။ အမျိုးသား ကျောင်းတွေပေါ်လာတော့ အမျိုးသားကျောင်းမှာ ပညာသင်စေတယ်။ ဦးသန့်ဟာ ၁၉၀၉ ခုနှစ်မှာ မွေးဖွားသူဖြစ်ပြီး ၁၉၂၆ မှာ ဆယ်တန်းအောင်တယ်။ တက္ကသိုလ်ကို တက်ရောက် ပညာသင်ပြီး ဒဿနိက ဘာသာ၊ သမိုင်းဘာသာ စတဲ့ ဘာသာတွေ ယူတယ်။ ၁၉၂၈ ခုနှစ်မှာ ဥပစာတန်း အောင်တယ်။ ဒါပေမယ့် သူ့ဖခင် ကွယ်လွန်ပြီး သူ့ညီ တက္ကသိုလ် ရောက်လာလို့ သူ့ညီတွေရဲ့ ပညာရေးကို အားပေးဖို့ ကျောင်းက ထွက်လိုက်ပါတယ်။
ကျောင်းကထွက်တော့ အင်္ဂလိပ်အစိုးရဲ့ အလုပ်တွေ ရနိုင်ပါတယ်။ ဒါပေမယ့် မလုပ်ဘဲ အမျိုးသားကျောင်းမှာ ကျောင်းဆရာ ၀င်လုပ်ပါတယ်။ ဒါဟာ နိုင်ငံရေး လုပ်ခြင်းတမျိုး၊ အမျိုးသားတာဝန် ထမ်းဆောင်ခြင်း တမျိုးအဖြစ်နဲ့ သူ့ခေတ်က လူငယ် ခေတ်ပညာတတ်တွေ ယူဆပါတယ်။ ဗိုလ်ချုပ်အောင်ဆန်းနဲ့ အတူ ကျဆုံးတဲ့ ဒီးဒုတ်ဦးဘချိုက အမျိုးသားကောလိပ် ဆရာ၊ ဦးရာဇတ်နဲ့ ဦးဘ၀င်းတို့က အမျိုးသားကျောင်း ကျောင်းအုပ်ကြီးတွေပါ။ ဦးနုဘွဲ့ရတော့လည်း ဦးသန့်ဖိတ်ခေါ်လို့ ပန်းတနော်မှာ အမျိုးသားကျောင်းအုပ် အဖြစ် အမှုထမ်းခဲ့ပါတယ်။ ဦးနု တက္ကသိုလ် ပြန်တက်ပြီး ဥပဒေဘာသာ သင်ယူချိန်ကျတော့မှ ဦးသန့်က ပန်းတနော် အမျိုးသားကျောင်းမှာ အမျိုးသားကျောင်း အုပ်အဖြစ် တာဝန်ယူပါတယ်။
ဦးသန့် တက္ကသိုလ်မှာ ပညာသင်စဉ်က ဦးဖေမောင်တင်၊ မစ္စတာဖာနီဗယ်၊ ဇော်ဂျီ၊ မင်းသုဝဏ်၊ ဦးနုတို့ စတဲ့ စာပေ အသိုင်းအ၀ိုင်းနဲ့ ထိတွေ့ခဲ့ပါတယ်။ မစ္စတာ ဖာနီဗယ်ဟာ အင်္ဂလိပ် အရာရှိကြီးတဦးပါ။ အငြိမ်းစားယူပြီး မြန်မာ လူငယ်တွေအတွက် တက္ကသိုလ်နားမှာ စာအုပ်ဆိုင် တဆိုင်ဖွင့်ရင်း တက္ကသိုလ် ဆရာကြီးများ အသိုင်းအ၀ိုင်းနဲ့ အတူ မြန်မာနိုင်ငံ သုတေသနအသင်း (၁၉၁၁)၊ မြန်မာစာပေ ပြန့်ပွားရေးအသင်း (၁၉၂၈)မှာ ကူညီဝိုင်းဝန်း နေပါတယ်။ မြန်မာနိုင်ငံ သုတေသနအသင်း ဂျာနယ်ကိုလည်း ပါဝင်ကူညီ ရေးသားနေပါတယ်။ သူ့စာအုပ်ဆိုင်မှာ လက်ဝဲစာအုပ် တွေလည်း တင်ထားပါတယ်။ ဂန္ထလောက မဂ္ဂဇင်းဆိုတဲ့ စာပေ မဂ္ဂဇင်းတစောင် ထုတ်ဝေပြီး လူငယ်တွေကို ကလောင် သွေးစေပါတယ်။ ဘာသာပြန် ပြိုင်ပွဲလည်း လုပ်ပေးပါတယ်။ သခင်ဘသောင်းနဲ့ ဦးသန့်တို့ဟာ ဘာသာပြန် ပြိုင်ပွဲမှာ ဆုရလို့ စာပေ အသိုင်းအ၀ိုင်းက အာရုံစိုက် ခံရပါတယ်။
ဂန္ထလောကမှာ ကလောင်သွေးကြသူ အများစုဟာ အမျိုးသား ကျောင်းထွက်တွေ ဖြစ်ကြပါတယ်။ အမျိုးသား ကျောင်းမှာ မြန်မာစာ၊ မြန်မာ့သမိုင်းကို အထူး သင်ယူခဲ့ကြသူတွေ ဖြစ်ပါတယ်။ တက္ကသိုလ်မှာလည်း ပါမောက္ခ ဦးဖေမောင်တင် ဦးဆောင်ပြီး ဖွင့်လှစ်ခါစ မြန်မာစာ ဂုဏ်ထူးတန်းကို တက်ရောက် ကြသူတွေလည်း ဖြစ်ကြပါတယ်။ နောင်အခါ ခေတ်စမ်း စာပေဆိုပြီး စာပေသစ် တခေတ်ကို ဆန်းသစ် စေခဲ့ပါတယ်။ သိပ္ပံမောင်ဝ၊ ဇော်ဂျီ၊ မင်းသုဝဏ် စတဲ့ အုပ်စု ဖြစ်ပါတယ်။ ဦးသန့်ဟာ မြန်မာစာ ဂုဏ်ထူးတန်း မတက်ခဲ့ပေမယ့် ဂန္ထလောက ကလောင်ရှင်၊ ခေတ်စမ်းအုပ်စုမှာ ရောနှောသွားခဲ့ပါတယ်။ သူက ဒဿနိက ဗေဒကို စိတ်ဝင်စားခဲ့ပါတယ်။
ဦးသန့် အသက် (၂၀) အရွယ်လောက်မှာ ဗြိတိန်နိုင်ငံက လက်ဝဲစာပေ ကလပ်ကို လှမ်းပြီး အသင်းဝင်ပါတယ်။ လက်ဝဲစာပေ ကလပ်မှာ မြန်မာထဲက ပထမဆုံး အသင်းဝင်ဖြစ်ပါတယ်။ လက်ဝဲစာပေများ သာမက ဗြိတိန်က စာနယ် ဇင်းတွေကိုပါ မှာဖတ်ခဲ့ပါတယ်။ သူ့ခေတ်မှာ ဘိလပ်က စာနယ်ဇင်းတွေကို သူလောက်ဖတ်သူ ရှားပါလိမ့်မယ်။ အဲသလို စာအုပ်တွေဖတ်ပြီး ဂန္ထလောက မဂ္ဂဇင်းကနေ ပြတ်ပြတ်သားသား ဝေဖန်ပါတယ်။
နောင်အခါ လူထုဦးလှဖြစ်လာမယ့် ကြီးပွားရေး မောင်လှဦးစီးတဲ့ “ကြီးပွားရေး မဂ္ဂဇင်း” ဟာ ၁၉၃၃ ခုနှစ် လောက်မှာ စတင် ထုတ်ဝေပါတယ်။ “ကြီးပွားရေး” ဆိုတာ ဟိုခေတ်က “ဖွံ့ဖြိုးတိုးတက်ရေး” ဆိုတဲ့ အဓိပ္ပာယ်ပါ။ (စီးပွားရေး မဟုတ်ပါ။) အဲဒီမဂ္ဂဇင်းမှာ သိပ္ပံမောင်ဝက ကလောင်နာမည်ဝှက် (၁၀) မျိုးမက သုံးပြီး ရေးပါတယ်။ ဇော်ဂျီ၊ မင်းသုဝဏ်၊ မောင်ထင်၊ တက္ကသိုလ် မောင်သန့်စင်၊ ကုသ၊ မြကေတု စတဲ့ ခေတ်စမ်း စာပေအုပ်စု တခုလုံး ၀င်ရေးပါတယ်။ ဦးသန့်လည်းပဲ ၀င်ရောက်ရေးသားရင်း စာပေနိုင်ငံရေး၊ လူမှုရေး ဝေဖန်စာများ ရေးလာခဲ့ပါတယ်။
ကိုနု၊ ကိုအောင်ဆန်း၊ ကိုရာရှစ်တို့ ခေါင်းဆောင်တဲ့ ၁၉၃၆ ခုနှစ် ရန်ကုန်တက္ကသိုလ် ဒုတိယ သပိတ်ဟာ မြန်မာနိုင်ငံရေးကို အရှိန်မြင့်စေပါတယ်။ လွတ်လပ်ရေး တိုက်ပွဲဆီကို ဦးတည်လာပါတယ်။ အရင်ကလို ရာထူးခွဲဝေ ယူရေး၊ ပြပြုင်ရေး ကိစ္စတွေလောက် မဟုတ်တော့ပါ။ လူငယ်တွေ အနေနဲ့ အင်္ဂလိပ်နယ်ချဲ့ အရင်းရှင် စနစ်ကို တိုက်ခိုက် ဆန့်ကျင်နေတဲ့ ရုရှားကို မျက်စိကျလာပါတယ်။ လက်ဝဲ၀ါဒဟာ လက်ယာဝါဒ နယ်ချဲ့ အရင်းရှင်ကို ဆန့်ကျင်တယ် ဆိုတဲ့အနေနဲ့ လက်ဝဲ၀ါဒကို လိုက်စား လာကြပါတယ်။ ဒီးဒုတ်ဦးဘချိုရဲ့ ဖေဘီယန် ဆိုရှယ်လစ်ပါတီဟာ လက်ဝဲပါတီ တခုပါ။ ဦးနုလည်း သူ့ဆရာနဲ့တွဲပြီး ဖေဘီယန်ဂိုဏ်းဝင် ဖြစ်ခဲ့ပါသေးတယ်။ နောက်တော့ ဦးနုက နဂါးနီ စာအုပ်အသင်းကို တည်ထောင်တယ်။ ဘိလပ်က လက်ဝဲစာပေ ကလပ်ကို အတုယူတယ်။ ၁၉၃၇ မှာ နဂါးနီ စာအုပ်အသင်း ထူထောင်လျှင် ထူထောင်ခြင်း ဦးနုရဲ့ မိတ်ဆွေ ဦးသန့်လည်း နဂါးနီ စာအုပ်အသင်းဝင် ဖြစ်လာခဲ့ပါတယ်။ အသင်းဝင်အဖြစ် စာအုပ်တွေကို ၀ယ်ဖတ်ရုံမက ဆောင်းပါးတွေ ၀င်ရေးခဲ့ပါတယ်။
နဂါးနီစာစောင်မှာ ဦးသန့်က “လက်ဝဲဂိုဏ်းများ၏၀ါဒ” ဆိုတဲ့ ဆောင်းပါးတပုဒ် ရေးတယ်။ ဦးသိန်းဖေမြင့်က လက်ဝဲစာစု ထုတ်တော့ ထပ်ပြီးသုံးတယ်။ ဒါကြောင့် ဒီဆောင်းပါးဟာ ထင်ရှားပါတယ်။ အရေးရှင်း၊ အတွေးရှင်း ပါတယ်။ လက်ဝဲဂိုဏ်း ဆိုတာ ဆင်းရဲသားဝါဒ (၀ါ) ဘုံဝါဒ (၀ါ) ဆိုရှယ်လစ်ဝါဒ တို့ကို ခေါ်တယ်။ လက်ယာဂိုဏ်း ဆိုတာက ဓနရှင်ဝါဒ၊ နယ်ချဲ့ဝါဒကို ခေါ်တယ်လို့ အဓိပ္ပာယ် ရှင်းလင်း ဖွဲ့ဆိုလိုက်ပါတယ်။ အဲဒီအချိန်က ဖြစ်နေတဲ့ ဂျာမနီ၊ အီတလီတို့က စပိန်ကို ၀င်ရောက် တိုက်ခိုက်တာဟာ လက်ဝဲဂိုဏ်း ကြီးစိုးမှာစိုးလို့ နှိမ်နင်းတာပဲ။ တရုတ်ပြည်ကို ဂျပန် ၀င်တိုက်တာဟာလည်း တရုတ်ပြည်မှာ ရုရှားလက်ဝဲ အယူအဆ ၀င်လာတာကို မနှစ်မျို့လို့ ၀င်တိုက်တာပဲလို့ ဖြစ်ခါစ ကမ္ဘာစစ်ကို နယ်ချဲ့တို့ရဲ့ ကျူးကျော်စစ် ဖြစ်ကြောင်း သိစေပြီး “လက်ဝဲနှင့်လက်ယာ တိုက်ပွဲသည် ကမ္ဘာ့ရာဇ၀င်ရှိ တိုက်ပွဲများထက် အဆပေါင်းများစွာ ပိုမိုကြီးကျယ်၏” လို့လည်း မှတ်ချက်ပေးလိုက် ပါတယ်။ “ကမ္ဘာကြီး တခုလုံး၏ နောင်ရေးသည် ၎င်းစပိန်နှင့် တရုတ်ပြည် အရေးတို့တွင် တည်သည်ဟု ဆိုလျှင် များစွာမှားမည် မဟုတ်ပေ” လို့လည်း မှတ်ချက်ချ၊ နိမိတ်ဖတ်ခဲ့ပါတယ်။ သူ နိမိတ်ဖတ်ခဲ့တဲ့ ပြဿနာအတိုင်း ဖြစ်လာခဲ့တာဟာ သူ ကုလသမဂ္ဂတာဝန် ထမ်းဆောင်ချိန်အထိ တဆက်တည်း ဖြစ်လာတဲ့ ပြဿနာ အဖြစ်နဲ့ သူ ဖြေရှင်း နေခဲ့ရပါတယ်။
သူဟာ အဲဒီလို လက်ဝဲအမြင်နဲ့ နိုင်ငံရေး ဝေဖန်လာတဲ့အခါ ၀ံသာနုအမြင်တွေနဲ့ အမျိုးသားနေ့ အမြင်တွေကိုပါ ကျဉ်းမြောင်းဟန် မြင်တွေ့ သုံးသပ်လာခဲ့ပါတယ်။ သူနိမိတ်ဖတ်တဲ့ လက်ဝဲ-လက်ယာ တိုက်ပွဲဟာ မြန်မာပြည်တွင်းကို ၀င်လာတော့ ဂျပန်နဲ့ အင်္ဂလိပ်တိုက်ပွဲ အသွင် ဆောင်လာပါတယ်။ နောက်ကျပြီး နယ်ချဲ့လို့ နယ်မြေ နည်းနည်းသာ ရစရာ ရှိတော့တဲ့အတွက် နယ်ချဲ့လက်ဟောင်းကြီးတွေရဲ့ လက်က နယ်မြေတွေကိုပါ လက်ရဲဇက်ရဲ ၀င်လုလာခြင်း ဖြစ်ပါတယ်။ ဒါပေမယ့် ဖက်ဆစ်ဂျပန်ကို သူရဲ့မိတ်ဆွေ ကိုနု၊ ကိုအောင်ဆန်းတို့က ရှေ့ဆောင် ခေါ်ယူလာရုံမက သူ့ကိုပါ ဂျပန်ခေတ် ပညာရေးတရပ်ကို စီမံကိန်း ရေးဆွဲခိုင်းတာကို ခံရပါတယ်။ ပညာရေး စီမံကိန်း ရေးဆွဲပြီးနောက် ရန်ကုန် အစိုးရအဖွဲ့မှာ မပါ၊ မ၀င်ဘဲ ပန်းတနော်ပြန်ပြီး အမျိုးသားကျောင်း ပြန်ဖွင့်ပါတယ်။ ဖက်ဆစ် တော်လှန်ရေး ပေါ်ပေါက်လာတော့ ရိက္ခာ စုဆောင်းရေး တာဝန်ယူရင်း ဖက်ဆစ် ဆန့်ကျင်ရေးဂိုဏ်းမှာ ပါဝင်လာခဲ့ပါတယ်။
ဖက်ဆစ်ဂျပန်ထွက်သွားပြီး အင်္ဂလိပ်ပြန်ဝင်လာတော့ လွတ်လပ်ရေး ရတော့မယ့် အခြေအနေကို သိမြင်လာခဲ့တယ်။ အရေးကြီးတဲ့ အချိန်မှာ စာနယ်ဇင်းတခုကို ကိုယ်တိုင်ထုတ်ပြီး နိုင်ငံရေးနဲ့ စာပေရေး ဘက်မှာ ဝေဖန် ဖေးမပေးဖို့ ကြိုးစားချင်တယ်။ ဒါပေမယ့် ဗိုလ်ချုပ်အောင်ဆန်းတို့ လုပ်ကြံခံရတော့ သူ့ရည်ရွယ်ချက် ပျက်သွားရပါတယ်။ ဦးနုအစိုးရ တက်လာတော့ သူ့ကို ဖဆပလ အဖွဲ့ကြီးမှာ ပြန်ကြားရေး အရာရှိအဖြစ် ဇွတ်ခေါ်ယူ တာဝန်ပေးပါတယ်။ ဒါဟာ နိုင်ငံရေး ပါတီတခုရဲ့တာဝန်ကို ပထမဆုံးနဲ့ နောက်ဆုံး ထမ်းဆောင်ရခြင်း ပါပဲ။
မကြာခင် လွတ်လပ်ရေးရတော့ ဦးနုက ဦးသန့်ကို ပြန်ကြားရေးဌာနကို ခေါ်ယူပြီး အသံလွှင့်ဌာန ညွှန်ကြားရေးဝန် ခန့်ပါတယ်။ ဒီအခါမှာ လွတ်လပ်ရေးနဲ့ အတူ ပြည်တွင်းစစ်ကြီး မွေးဖွားလာခဲ့ပါတယ်။ လက်ဝဲဂိုဏ်းရဲ့ နဂါးနီစာအုပ်သင်း ခေါင်းဆောင် ဦးနုနဲ့ ကျန်လက်ဝဲ ဂိုဏ်းသားများ ကွဲသွားခဲ့ရာက ဖြစ်တဲ့ ပြည်တွင်းစစ်ပါ။ ဖက်ဆစ်တော်လှန်ရေးမှာ ဗိုလ်အောင်ဆန်းက ကွန်မြူနစ်၊ ဆိုရှယ်လစ်များနဲ့ အတူ ဖဆပလကို ဖွဲ့စည်းခဲ့ပါတယ်။ ဂျပန် မ၀င်ခင်ကတည်းက ဖက်ဆစ်ဆန့်ကျင်ရေး လုပ်နေတဲ့ ကွန်မြူနစ်များကို ဗိုလ်အောင်ဆန်းက တပ်မတော်နဲ့ ပူးပေါင်းပေးလိုက်တာ ဖြစ်ပါတယ်။ တော်လှန်ရေး အောင်ပွဲရပြီးတော့ လက်ဝဲသမားချင်း စကွဲသွားပါပြီ။ ဗိုလ်အောင်ဆန်းက လက်ဝဲသမား လူငယ်တွေ ညီညွတ်ဖို့ အရေးကြီး တယ်လို့ ဆိုခဲ့ပါတယ်။ ဒါပေမယ့် ၀ါဒရေးရာ ပုဂ္ဂိုလ်ရေး တိုက်ပွဲတွေ ပြင်းထန်လာပြီး ပြည်တွင်းစစ် ဖြစ်ခဲ့ခြင်းပါ။ ခုထက်ထိ နှစ်ဖက်စလုံး ပြင်မရတဲ့ အမှားဖြစ်နေဆဲ ပါပဲ။ (အတိတ်က ကွဲပြဲမှုကို တရားခံ မရှာလိုတော့ပါ။ ရှေ့မှာ ဒီပြည်တွင်းစစ်ကြားက ထွက်ပေါ်လာတဲ့ စစ်အာဏာရှင် စနစ်ကို ဘယ်လို စာရင်းရှင်းရမလဲ ဆိုတာက အရေးကြီးနေပါတယ်။ ဖ-ဆ ဆိုရှယ်မွေးခဲ့တဲ့ သရဲကို လက်ဝဲ-လက်ယာ မရွေး ၀ိုင်းဝန်း တိုက်ကြရမှာပါ။
လွတ်လပ်စ မြန်မာအစိုးရက ဆိုရှယ်လစ်ပန်းတိုင်ကို ချီတက်မယ်လို့ ကြွေးကြော်ထားပါတယ်။ ဒါဟာ ဗိုလ်ချုပ် အောင်ဆန်း လမ်းစဉ်ပါပဲတဲ့။ ပြည်တွင်းစစ် ဖြစ်လာတော့ တောထဲကို ရောက်နေတဲ့ လက်ဝဲဂိုဏ်းသားတွေကို ဦးသန့် တို့ ဆန့်ကျင်ရပါတယ်။ ဒီမိုကရေစီ ပြန့်ပွားရေး အသင်းလို့ အမည်ပေးပြီး ဒီမိုကရေစီ စာစောင်တခုလည်း ထုတ်ဝေခဲ့ ပါတယ်။ ဥက္ကဋ္ဌ မြို့မ ဦးဘလွင်၊ အတွင်းရေးမှူး ဦးသန့်ပါ။ ဦးသန့်ဟာ အသံလွှင့်ရာမှာ မြန်မာလိုရော၊ အင်္ဂလိပ်လိုပါ လွှင့်ပါတယ်။ ဦးနုရဲ့ မိန့်ခွန်းတွေကိုလည်း ရေးပေးရပါတယ်။ ဒီမိန့်ခွန်းတွေကိုပဲ သူကပြန်ပြီး အင်္ဂလိပ်လို ဖောက်သည်ချရ ပြန်ပါတယ်။ ၁၉၄၈ ခုနှစ် ဧပြီ (၈) ရက်နေ့ အသံလွှင့်ခဲ့တဲ့ “Burma Choose Democracy” ဆိုတဲ့ ဆောင်းပါးဟာ လွတ်လပ်စ ဗမာပြည်အနေနဲ့ ကမ္ဘာကို သတင်းပေးခဲ့တာ ဖြစ်လို့ အရေးကြီးပါတယ်။
ဒီအသံလွှင့်ဆောင်းပါးမှာ “The declared political objective of the AFPFL is State Socialism” လို့ ဆိုထားပါတယ်။ “Democratic Socialism” ကိုလည်း ထပ်ဆင့် ပြောဆိုထားပါတယ်။ ဦးနုက “ဆိုရှယ်လစ် ပန်းတိုင်ကို သွားရာ လမ်းနှစ်သွယ် ရှိတယ်။ ဗြိတိသျှလမ်းနဲ့ ဆိုဗီယက်လမ်းတို့ ဖြစ်ပါတယ်။ ဗြိတိသျှလမ်းက ပန်းတိုင်ကို နှေးနှေးမှန်မှန်နဲ့ ရောက်ပါတယ်။ ဆိုဗီယက်လမ်းကတော့ အမြန်ရောက်တယ်။ ဒါပေမယ့် သွေးထွက် သံယိုရှိမယ်လို့ ဆိုထားပါတယ်။ အဲဒါကို ဦးသန့်က ဗြိတိသျှနည်းက ရွေးကောက်ပွဲနည်း၊ ဆိုဗီယက်နည်းက လက်နက်နဲ့ အကြမ်းဖက်တဲ့နည်း ဖြစ်ပါတယ်လို့ ရှင်းပြတယ်။ ဒါပေမယ့် လက်နက်နဲ့ အကြမ်းဖက်တဲ့ နည်းကို အပြစ် မတင်ပါဘူး။ ရုရှားမှာ ဇာဘုရင်က အကြမ်းဖက် နှိပ်ကွပ်နေလို့ တော်လှန်ရတာ ဖြစ်ကြောင်း ပြောပြပြီး မြန်မာပြည်မှာ ဒီလိုလုပ်စရာ မလို။ ဖဆပလကတော့ အကြမ်းဖက်နည်းကို မရွေး၊ ငြိမ်းချမ်းတဲ့နည်း၊ ဒီမိုကရေစီနည်း ကို ရွေးလိုက်ပြီလို့ ရှင်းလင်း ကြေညာတာပါပဲ။
ဒီလိုရှင်းရာမှာ ဆိုဗီယက်ရဲ့ အကြမ်းဖက်နည်းကို သူ့နိုင်ငံနဲ့ သူ မှန်ကန်လေဟန် ပြောခဲ့ပေမယ့် ဒီမိုကရေစီရဲ့ ဆန့်ကျင်ဘက်အဖြစ် အာဏာရှင်စနစ်ကို ဖော်ပြလိုက်ပါတယ်။ “Democracy” နဲ့ “Dictatorship” ဆိုတဲ့ ဝေါဟာရနှစ်လုံးနဲ့ မပြီးသေးဘူးဆိုပြီး ဆက်ရှင်းတဲ့အခါ အစိုးရတမျိုးက ပြည်သူတဦးချင်းရဲ့ လွတ်လပ်ပြီး ပြည့်စုံတဲ့ဘ၀ကို အာမခံပြီး နောက်အစိုးရ တမျိုးကတော့ ပြည်သူတဦးချင်းဟာ နိုင်ငံတော်ကို အလုပ်အကျွေး ပြုရမယ်လို့ ဆိုပြီး အယူအဆ နှစ်မျိုးရှိကြောင်း၊ တနည်းပြောရရင် “အစိုးရတမျိုးက ပြည်သူကို အစိုးရက ပိုင်ပြီး တခြားအစိုးရ တမျိုးက အစိုးရကို ပြည်သူက ပိုင်တယ်” လို့ ထပ်ရှင်းပါတယ်။ ဒီနေရာမှာတော့ လက်ဝဲ၀ါဒကို (၁) အကြမ်းဖက်ဝါဒ၊ (၂) ပြည်သူကို အစိုးရက ပိုင်တဲ့ဝါဒ၊ ပြည်သူတိုင်းဟာ နိုင်ငံတော်ကို အလုပ်အကျွေး ပြုရမယ့် ၀ါဒလို့ နိဂုံးချုပ်လိုက်ပါတယ်။ အကြမ်းဖက်ခြင်းဟာလည်း သူ့တိုင်းပြည်နဲ့သူ (ရုရှား ဇာဘုရင်လက်ထက်)၊ သူ့အခါနဲ့သူတော့ မှန်ပေမယ့် မြန်မာနိုင်ငံမှာ မမှန်ဘူးလို့ သူပုန်ထနေတဲ့ ကွန်မြူနစ်များကို ပြောဆိုခြင်းပါပဲ။
ဦးသန့်ဟာ နဂါးနီစာစောင်မှာ “လက်ဝဲဂိုဏ်း၏၀ါဒ” ကို ရှင်းပြတုန်းက လက်ဝဲ၀ါဒဟာ လွတ်လပ်ခြင်း၊ တရားမျှတခြင်း၊ ငြိမ်းချမ်းခြင်းနဲ့ ကြီးပွား တိုးတက်ခြင်း တို့ကို လိုလားတဲ့ ၀ါဒလို့ ဖွင့်ဆိုထားခဲ့ ဖူးပါတယ်။
မြန်မာပြည် လွတ်လပ်စမှာ ကြားနေနိုင်ငံအနေနဲ့ ဘက်မလိုက်ဝါဒကို ကျင့်သုံးလို့ သြဇာ တက်ခဲ့ပါတယ်။ ဦးနုက တရုတ်ပြည်သစ်ကို ချက်ချင်းထောက်ခံပြီး ကုလသမဂ္ဂ ၀င်ခွင့်ပြုရေးကို အဦးဆုံး အဆိုတင်ခဲ့ပါတယ်။ ၁၉၅၄ ခုနှစ်မှာ တရုတ်ပြည်ကို ချစ်ကြည်ရေး ခရီးသွားတော့ ဦးသန့်လည်း လိုက်သွားရတယ်။ အပြန်မှာ “ဂန္ဓာလရာဇ် မှတ်တမ်း” ဆိုပြီး စာအုပ်ရေးတော့ ဦးသန့်လည်း ၀င်ရေးရတယ်။ “ကိုယ်တွေ့ တရုတ်ပြည်သစ်” တဲ့။ တရုတ်ပြည်မှာ အံ့ဖွယ် ကောင်းလောက်အောင် သန့်ရှင်းပြီး စည်းကမ်းရှိတာကို ချီးကျူးတယ်။ ဒါပေမယ့် တချို့ပြောပြတာက အာဏာနဲ့ ခိုင်းကြောင်း၊ တခါတရံ ကြိမ်ဒဏ်၊ တခါတရံ သေဒဏ်ထိ အပြစ်ပေးလေ့ ရှိကြောင်းကို ရေးပါတယ်။
ဘာသာရေးလွတ်လပ်တာကိုတော့ ကိုယ်တွေ့ လေ့လာပြီး ချီးကျူးတယ်။ ပုဂ္ဂလိက သတင်းစာမရှိဘဲ အစိုးရ သတင်းစာတွေသာ ရှိတာကို သဘောမကျဘူး။ နိုင်ငံခြားသားတွေနဲ့ တရုတ်တွေကို လွတ်လွတ်လပ်လပ် ဆက်ဆံခွင့် မပေးဘူး။ ကမ္ဘာ့ သတင်းတွေကိုလည်း သိခွင့် မရှိဘူး။ အစိုးရက သိစေချင်တာပဲ သိခွင့်ပေးတယ်။ ဒါတွေကို သဘောမကျဘူး။ ဒါပေမယ့် တရုတ် အစိုးရနဲ့ ကွန်မြူနစ်ဝါဒကို မဝေဖန်ရ၊ မဝေဖန် ကြတာကိုတော့ မြန်မာပြည်မှာ ဗုဒ္ဓဘာသာကို မဝေဖန်နိုင်သလို၊ ဗြိတိန်မှာ ခရစ်ယာန်ဘာသာကို မဝေဖန်နိုင်သလို၊ အိန္ဒိယမှာ ဟိန္ဒူဘာသာကို မဝေဖန်နိုင်သလို အများပြည်သူတွေက အမှန်တရား (အမှား မရှိတဲ့တရား) လို့ ယုံကြည်ထားတဲ့ ကွန်မြူနစ်ဝါဒကို မဝေဖန်ကြတာ ဖြစ်မယ်လို့ သူများ မပြောတဲ့ အဖြေကို ပေးပါတယ်။
နိဂုံးချုပ်မှာတော့ “ပန်းတိုင်ချင်းတူပြီး လမ်းစဉ်ချင်းမတူ” တဲ့ တရုတ်နဲ့ မြန်မာချစ်ကြည်ရေးကို ဆန္ဒပြုပါတယ်။ ဒါဟာ ဦးနုရဲ့မိန့်ခွန်းမှာပါတဲ့ “ဆိုရှယ်လစ်ပန်းတိုင်” နဲ့ တရုတ်ပြည်က သွားမယ့် ပန်းတိုင်ချင်းတူတယ်။ ဒါပေမယ့် မြန်မာက ဒီမိုကရေစီနည်း (ရွေးကောက်ပွဲနည်း) ဗြိတိန်နည်းကို ကျင့်သုံးမယ်။ ဆိုဗီယက်နည်း (အကြမ်းဖက်နည်း) မသုံးဘူး လို့ ကြေညာခဲ့တာကို ရည်ရွယ်ဟန် ရှိပါတယ်။ ဒါကို ရှင်းမပြဘဲ နိဂုံးမှာ ထည့်ခဲ့ပါတယ်။ ဒါကိုလည်းပဲ ဦးသန့်ဟာ ဒီပလိုမက်တစ်ဖြစ်တယ် သို့မဟုတ် လက်ဝဲ သံယောဇဉ်ရှိတယ်လို့ ပြောနိုင်မှာပါပဲ။
ဦးသန့်ကို ၀န်ကြီးချုပ် ဦးနုက ၁၉၅၇ ခုနှစ်မှာ ကုလသမဂ္ဂကို အမြဲတမ်း မြန်မာ ကိုယ်စားလှယ် အဖြစ် ပို့လိုက်တယ်။ အဲဒီကာလမှာ ပြည်ထောင်စု ခရီးဆိုတဲ့ မြန်မာ့လွတ်လပ်ရေး သမိုင်းစာအုပ် သုံးတွဲကို ရေးနေဆဲပဲ။ ၁၉၆၁ မှာ စာပေဗိမာန်က ရိုက်နှိပ်ထုတ်ဝေတယ်။ ဦးသိန်းဟန် (ဆရာဇော်ဂျီ) ကလည်း “ပြည်ထောင်စုပန်းတိုင်” ဆိုတဲ့ စာအုပ်တအုပ်ကို တည်းဖြတ် ထုတ်ဝေတယ်။ ဦးနုရဲ့ ပြည်ထောင်စု မိန့်ခွန်းတွေပါပဲ။ ပုဂ္ဂိုလ်နှစ်ဦးလုံးဟာ ဦးနုရဲ့ မိတ်ဆွေရင်းတွေပါ။ ဦးနုရဲ့ ပန်ကြားချက်နဲ့ ပြုစုခဲ့တဲ့ စာအုပ်တွေပါ။
ဦးသန့်က “ပြည်ထောင်စုခရီး” ပထမပိုင်းမှာ မြန်မာနိုင်ငံ သူ့ကျွန်ဘ၀ ရောက်တာက အစ လွတ်လပ်ရေး ရတာအဆုံး အကျဉ်းချုံးပြီး ရေးပါတယ်။ ပထမအခန်း ခေါင်းစဉ်က “ဗမာ့လွတ်လပ်ရေး ဆုံးရှုံးခြင်း” တဲ့။ အဲဒီ ခေါင်းစဉ်အောက်မှာ ခေါင်းစဉ်ခွဲ အနေနဲ့ “ဥရောပတွင် ဓနရှင်ဝါဒနှင့် နယ်ချဲ့စနစ် ပေါ်ပေါက်ခြင်း” လို့ အမည်ပေးပါတယ်။ “နယ်ချဲ့” ရဲ့ အဓိပ္ပာယ်ကို ဖွင့်ဆိုပြီး နယ်ချဲ့စနစ်ရဲ့ ဇစ်မြစ် အကြောင်းရင်း ဖြစ်တဲ့ “ဓနရှင်ဝါဒ” ကိုထောက်ပြပြီး အဓိပ္ပာယ် ဖွင့်ဆိုပါ တယ်။ “အင်အားကောင်းသော နိုင်ငံများက အင်အားချည့်နဲ့သော နိုင်ငံများကို မတရား သိမ်းပိုက် အုပ်စိုးသောဝါဒ”၊ “တနိုင်ငံက တနိုင်ငံကို ကျူးကျော် စော်ကားထားသော ၀ါဒ”ကို နယ်ချဲ့ဝါဒလို့ ခေါ်ကြောင်းဖြင့် နယ်ချဲ့ဝါဒကို ဖွင့်ဆိုလိုက်တယ်။
ဆက်လက်ပြီးတော့ “နယ်ချဲ့ဝါဒရဲ့ အဓိကအကြောင်းရင်း” တခုအဖြစ် “ဓနရှင် ၀ါဒနှင့် ကမ္ဘာပေါ်ရှိ တိုင်းပြည် အသီးသီးတို့၏ ဆူကြုံနိမ့်မြင့် အဆင့်အတန်း မညီ ကွဲပြားခြားနားမှု” ကို စွဲချက် တင်ထားပါတယ်။ (ဓနရှင်ဝါဒကိုတော့ ခုအခါ အရင်းရှင်စနစ်လို့ အသုံးများပါတယ်။) အဲဒီ “ဓနရှင်ဝါဒကို အလွယ်ကူဆုံး စကားဖြင့် ဖော်ပြရလျှင် ကုန်ကို ထုတ်လုပ်ရာ၌ လူအများ အကျိုးရှိစွာ စားသုံးရန်အတွက် ထုတ်လုပ်ခြင်း မဟုတ်ဘဲ အမြတ် ထွက်ရန်အတွက် ထုတ်လုပ်သော စီးပွားရေး စနစ်ကို ခေါ်ဝေါ်ခြင်းဖြစ်လေသည်” လို့ ဖွင့်ဆိုပါတယ်။ ဒီဖွင့်ဆိုချက် တွေမှာ “မတရား” ဆိုတဲ့ ဝေါဟာရနဲ့ “ကျူးကျော်စော်ကား” ဆိုတဲ့ စကားတွေ သုံးထားတာကို ကြည့်ရင် ဦးသန့်ဟာ ကုလသမဂ္ဂ ရောက်နေချိန်မှာလည်း ဓနရှင်ဝါဒနဲ့ နယ်ချဲ့ဝါဒတို့ကို ခါးခါးသီးသီး မုန်းတီးတယ်ဆိုတာ သတိပြုသင့် ပါတယ်။
အနောက်ဥရောပ အစရှိတဲ့ အရင်းရှင်နယ်ချဲ့နိုင်ငံက သမိုင်း စာအုပ်တွေမှာ မျက်မှောက်ခေတ်ရဲ့သမိုင်းကို “စက်မှုတော်လှန်ရေး” (Industrial Revolution) နဲ့ စဖွင့်လေ့ ရှိပါတယ်။ သူတို့နိုင်ငံတွေမှာ စက်မှု ထွန်းကားလာလို့ ကုန်ချောရောင်းဖို့ ဈေးကွက်ချဲ့ခြင်း၊ ကုန်ကြမ်းရှာဖို့ နယ်သစ်ရှာခြင်းကို တခမ်းတနား ရေးပါတယ်။ ဦးသန့် နိဒါန်းချီခြင်းဟာ လက်ဝဲသမား ရေးဟန်ဖြစ်ပါတယ်။ ကွန်မြူနစ်တို့ရဲ့ သမိုင်းဆိုင်ရာ ရုပ်ဝါဒ (Historical Materialism) ရဲ့ အတွေးအမြင်တွေက ဆင်းသက်လာတာ ဖြစ်ပါတယ်။
ဦးသန့်ဟာ လက်ဝဲစာပေကလပ်အဖွဲ့ဝင်၊ နဂါးနီ စာအုပ်သင်းခေါ် လက်ဝဲစာအုပ် အသင်းသား ဖြစ်ခဲ့ပြီး နယ်ချဲ့ ဗြိတိသျှလက်အောက်ခံ ကျွန်ဘ၀က လာခဲ့သူ ဖြစ်ပါတယ်။ မြန်မာနိုင်ငံကို လက်ဝဲသမား ဗိုလ်ချုပ် အောင်ဆန်း၊ သခင်နု၊ စတာလင် ငြိမ်းချမ်းရေးဆုရ သခင်ကိုယ်တော်မှိုင်း၊ ဖေဗီယန် ဆိုရှယ်လစ် ဒီးဒုတ် ဦးဘချိုတို့က ဦးဆောင်ခဲ့တာ ဖြစ်ပြီး အဲဒီပုဂ္ဂိုလ်တွေဟာ သူ့မိတ်ဆွေရင်း၊ သူ့ဆရာရင်းတွေ ချည်းပါပဲ။ ဦးနုနဲ့ ဦးသန့်တို့ ကိုယ်တိုင် က ဆိုရှယ်လစ်နိုင်ငံ ထူထောင်ရေးအတွက် ရှေ့တန်း သဘောတရားရေး ဆရာတွေ ဖြစ်နေတယ် ဆိုတာလည်း သတိပြုရပါမယ်။
ဦးနုဟာ အာရှမှာ ဘက်မလိုက်ရေးမူဝါဒကို တီထွင်ဖော်ထုတ် ဦးဆောင်သူ တဦးအဖြစ် ထင်ရှားပါတယ်။ ဒီဝါဒကို ထူးထောင်ပြီး ဘန်ဒေါင်းကွန်ဖရင့် ဘက်မလိုက် ပထမညီလာခံ လုပ်ခဲ့ရာမှာ ဦးသန့်က ညီလာခံ အတွင်းရေးမှူးပါ။ လူထု ဦးလှနဲ့ လက်ဝဲသမား ကျောင်းသား ခေါင်းဆောင်များလည်း ပါဝင် တက်ရောက်ခဲ့ကြ ပါတယ်။ ဘက်မလိုက် မူဝါဒဟာ တရုတ်ကွန်မြူနစ် ခေါင်းဆောင် ချူအင်လိုင်းနဲ့ ဦးနုတို့ရဲ့ ချစ်ကြည်ရေး စာချုပ်ကို အခြေခံခဲ့ပါတယ်။ ဘက်မလိုက်ဘူး ဆိုတဲ့စကားရဲ့ အဓိပ္ပာယ်က နယ်ချဲ့အရင်းရှင် အမေရိကန်တို့ ဘက်ကို မလိုက်ဘူးဆိုတဲ့ အဓိပ္ပာယ်ဘက်ကို ပိုကဲနေပါတယ်။ ဒီလိုနဲ့ လက်ဝဲစာပေ ကလပ်အသင်းဝင်၊ နဂါးနီ အသင်းဝင် ဆိုရှယ်လစ်ပန်းတိုင် ချီတက်ရင်း ဘက်မလိုက်ဝါဒ ထူထောင်တဲ့ နိုင်ငံက ၀န်ကြီးရဲ့ အတွင်းဝန် ပြန်ကြားရေး ဌာနရဲ့ ညွှန်ကြားရေးဝန် ဦးသန့်ဟာ “လက်ဝဲညှော်နံ့မပျောက်” သို့မဟုတ် “လက်ဝဲရနံ့သင်း” ဆဲ ဖြစ်နေတယ်လို့ ဆိုချင်ပါတယ်။
ကုလသမဂ္ဂ အထွေထွေအတွင်းရေးမှူးချုပ်အဖြစ် ၁၉၆၁ က ၁၉၇၁ ခုနှစ်အထိ သက်တမ်း နှစ်ဆက်ကို ဦးသန့်က ထူးထူးခြားခြား တာဝန် ထမ်းဆောင်ရပါတယ်။ ဗုဒ္ဓ၀ါဒီဆိုတဲ့ စကားကို ရှေ့တန်းတင်ရင်း ဗုဒ္ဓ အလိုတော်အရ မေတ္တာဝါဒနဲ့ ကမ္ဘာ့ငြိမ်းချမ်းရေးကို ဆောင်ရွက်နေတယ်လို့ ကျော်ကြားပါတယ်။ ဒါပေမယ့် ပြည်တော်သာခရီး ပထမပိုင်းရဲ့ နိဒါန်းစကားဖြစ်တဲ့ နယ်ချဲ့အရင်းရှင်စနစ်နဲ့ ဆင်းရဲပြီး အင်အားချည့်နဲ့တဲ့ နိုင်ငံများကြား ပဋိပက္ခ တရားကို မမေ့ပါဘူး။ နယ်ချဲ့ခြင်း၊ ကျူးကျော်ခြင်းကို မကြိုက်ပါဘူး။ တရုတ်ပြည်ကြီး ကုလသမဂ္ဂ အဖွဲ့ဝင်ဖြစ်ရေး၊ ကျူးဘားကို ဒုံးပျံ မရောက်ရေး၊ ဗီယက်နမ် ဗုံးကြဲတာ ရပ်စဲရေးတို့ကို စွဲစွဲမြဲမြဲ တောင်းဆိုခဲ့ပါတယ်။
ဦးသန့်က “ကွန်မြူနစ်ဝါဒဟာ ကျွန်ုပ်တို့ရဲ့ ရန်သူ အစစ်မဟုတ်။ ရန်သူ အစစ်ကတော့ ဆင်းရဲခြင်းပါပဲ” လို့ အမြဲ ပြောခဲ့ပါတယ်။ ဒီစကားမျိုးဟာ အနောက် နိုင်ငံသားတွေ မပြောတဲ့ စကားမျိုးပါ။ “လူမျိုးခွဲခြားတဲ့ အာဃာတ စိတ်ဟာ စိတ်ရောဂါ တမျိုးပဲ” လို့ ပြောခဲ့တာလည်း နိုင်ငံကြီးတွေက အသားအရောင် ခွဲခြားသူ၊ လူမျိုးခွဲခြားသူတွေ ကို “အရူး” လို့ ဆိုလိုက်တာပါပဲ။ သူ့ရဲ့ “ဒိုင်း” က ဗုဒ္ဓ၀ါဒပါ။ ဘာပဲဖြစ်ဖြစ် သူရဲ့ ငြိမ်းချမ်းရေး အားထုတ်မှုတွေဟာ အောင်မြင်ပြီး ငြိမ်းချမ်းရေး ဗိသုကာကြီး ဦးသန့်လို့ ကျော်ကြားခဲ့ပါတယ်။ ဗုဒ္ဓ၀ါဒီတဦးရဲ့ လက်ဝဲ၀ါဒ စွဲလမ်းမှု တမျိုးပေတကားလို့ ဆိုရင် သဘောတူကြပါသလား ခင်ဗျား။
Ref: ခေတ်ပြိုင်
....
Read More...
Collapse...
အခြားမိုတယ်၊ ဟိုတယ်တွေကို ဟိုတယ်ဇုန်သို့မောင်းထုတ်
NEJ / မတ်လ(၁၀) ရက်၊ ၂၀၀၉
နေပြည်တော် ပေါင်းလောင်းကွက်သစ် ဥပ္ပါတသန္တိစေတီ ရှေ့တည့်တည့် ကွက်သစ်တွင် ဗိုလ်ချုပ်မှူးကြီး သန်းရွှေ၏ ကိုယ်ရေးအရာရှိ ဗိုလ်မှူးကြီး စိုးရှိန်း ပိုင်ဆိုင်သည့် မြင့်မိုရ်နန်း ဟိုတယ်ကြီးအား (၅) ထပ်ထိ သီးသန့်ဆောက်ခွင့် ပြုထားသော်လည်း အခြားဟိုတယ်၊ မိုတယ်များကိုမူ လူမရှိသည့် နေပြည်တော် ဟိုတယ်ဇုန်၌သာ ဆောက်ခွင့်ပြု ထားသည့်အတွက် လုပ်ငန်းရှင်များ မကျေမနပ်ဖြစ်နေသည်ဟု စုံစမ်းသိရသည်။
ဗိုလ်မှူးကြီး စိုးရှိန်း ပိုင်ဆိုင်သည့် မြင့်မိုရ်နန်း ဟိုတယ်ကြီးတွင် တည်းခိုလိုပါက အထူးခန်းမှာ တည ကျပ်ငွေ (၆၀,၀၀၀) ပေးရပြီး VIP လျှော့ဈေးနှုန်းက ကျပ်ငွေ (၄၈,၀၀၀) ဖြစ်သည်ဟု တည်းခိုဖူးသူတဦးက ပြောသည်။ ရိုးရိုး (၂) ယောက်ခန်းကို (၅) မျိုး ခွဲထားပြီး ဈေးနှုန်းများမှာ ကျပ်ငွေ (၂၅,၀၀၀) ၊ (၃၀,၀၀၀) ၊ (၃၅,၀၀၀)၊ (၄၀,၀၀၀) နှင့် (၄၅,၀၀၀) တို့ဖြစ်သည်။ တည်းခိုခကို အက်ဖ်အီးစီဖြင့် ပေးချေလိုပါက အက်ဖ်အီးစီ (၁) ဒေါ်လာကို ပုံသေမြန်မာငွေ (၁,၂၀၀) နှင့် မြှောက်ပြီး တွက်သည်ဟု တည်းခိုသူများက ပြောသည်။
နေပြည်တော် ကြာပန်းအ၀ိုင်းမှတဆင့် ရာဇဌာနီလမ်းမကြီးအတိုင်း လိုက်သွားလျှင် ရန်ကုန်-မန္တလေး လမ်းဟောင်း ရောက်သည်။ ယင်းနေရာသည် ယခင်က ပေါင်းလောင်းကွက်သစ်ဖြစ်သည်။ ပျဉ်းမနားမြို့နှင့် နီးသည့်အတွက် အဆိုပါ ပေါင်းလောင်းကွက်သစ်ဟောင်းနေရာသည် ယခုအခါ ဈေးကောင်းပြီး စည်ကားလာသော်လည်း နေပြည်တော် ဟိုတယ်ဇုန်နေရာတွင်မူ ပတ်ဝန်းကျင်၌ ဘာမျှမရှိသည့်အတွက် နိုင်ငံခြားသားအချို့သာ လာရောက် တည်းခိုကြသည်။ နိုင်ငံခြားသားများအား ပျဉ်းမနားမြို့ထဲ တည်းခိုခွင့်မပြုဟု လုပ်ငန်းရှင်တဦးက ပြောသည်။
ဗိုလ်မှူးကြီး စိုးရှိန်း ပိုင်ဆိုင်သည့် မြင့်မိုရ်နန်း ဟိုတယ်ကြီးရှိရာနေရာကို နေပြည်တော်တည်စက (၂) ထပ်ထက်ပို၍ ဆောက်ခွင့်မပေးသော်လည်း ဗိုလ်မှူးကြီး စိုးရှိန်းကိုမူ (၅) ထပ်ထိ ဆောက်ခွင့်ပေးထားခြင်းဖြစ်သည်။
၎င်းဟိုတယ်နှင့် မျက်စောင်းထိုးတွင် ပို့ဆက်ဝန်ကြီး ဗိုလ်ချုပ်သိန်းဆွေ ပိုင်သည့် ဆေးခန်းကြီးတခုကို (၃) ထပ်ထိ ဆောက်ခွင့်ပေးထားသည်ဟု မျက်မြင်သက်သေများက ပြောသည်။ ပျဉ်းမနားတွင် နာမည်ကြီးသည့် “ရာဇာ” ဆေးခန်းက ၎င်းနေရာ၌ (၃) ထပ်ထိ ဆေးခန်းခွဲ ဆောက်မည်လုပ်ရာ (၂) ထပ်ထက်ပုိ၍ ဆောက်ခွင့်မပေးကြောင်း စုံစမ်းသိရသည်။
Ref: ခေတ်ပြိုင်
......
Read More...
Collapse...
NEJ / မတ်လ(၁၀) ရက်၊ ၂၀၀၉
အိန္ဒိယနိုင်ငံ နယူးဒေလီမှ မြန်မာစစ်သံမှူး ဗိုလ်မှူးကြီး နေ၀င်း (DSA အပတ်စဉ် ၂၀) ကို အမေရိကန်နိုင်ငံ ၀ါရှင်တန်ဒီစီမြို့ မြန်မာသံရုံး သံရုံးယာယီတာဝန်ခံအဖြစ် ပြောင်းရွှေ့ရန် အလားအလာရှိသည်ဟု သံတမန် အသိုင်းအ၀ိုင်းတွင် ပြောဆိုနေသည်။
ဝါရှင်တန် မြန်မာသံရုံး ယာယီတာဝန်ခံ ဒု-ဗိုလ်မှူးကြီး မြင့်လွင်နှင့် နီးစပ်သည့် သတင်းရပ်ကွက်မှ ပြောရာတွင်
“သံရုံးယာယီတာဝန်ခံ ဒု-ဗိုလ်မှူးကြီး မြင့်လွင်နဲ့ ဦးကျော်ဝင်းတို့ နှစ်ဦးက မတည့်ကြဘူး၊ မြင့်လွင်က ကြာပြီ ဖြစ်တဲ့အတွက် မြန်မာစစ်သံမှူး ဗိုလ်မှူးကြီး နေ၀င်းနဲ့ လဲမယ်ဆိုရင် ဖြစ်နိုင်ပါတယ်။ စစ်သံမှူးမှာ ဗိုလ်မှူးကြီး တင်အောင်ဖြစ်ပြီး အမေရိကန်အစိုးရရဲ့ သဘောဆန္ဒအရ မြန်မာနိုင်ငံကို သံအမတ်ကြီးအဆင့်ပေးဖို့ အရင်က ငြင်းပယ်ခဲ့တဲ့ အစဉ်အလာရှိပါတယ်။ သံအမတ်ကြီး ဗိုလ်မှူးကြီး ၀ဏ္ဏအောင်လွင်ကို အရင်က နအဖက အဆိုပြုခဲ့ ပေမယ့် အမေရိကန်အစိုးရက ငြင်းပယ်တာမို့ ဂျီနီဗာ သံအမတ်ကြီးအဖြစ် လွှဲပြောင်းတာဝန်ပေးအပ်ခဲ့တဲ့ သာဓကရှိပါတယ်။ ကိုနေ၀င်းကို ယူနီဖောင်းချွတ်ပြီး နိုင်ငံခြားရေးဝန်ကြီးဌာန ပြောင်းပြီး အမေရိကန်နိုင်ငံဆိုင်ရာ ဗမာနိုင်ငံ သံရုံးယာယီတာဝန်ခံအဖြစ် ပေးနိုင်ပါတယ်” ဟု ပြောသည်။
မြန်မာစစ်သံမှူး ဗိုလ်မှူးကြီး နေ၀င်းသည် စစ်ဦးစီး ဗိုလ်မှူးကြီး (လေ) ဖြစ်ပြီးမှ စစ်ဦးစီး အရာရှိချုပ် (လေ) မဖြစ်တော့ဘဲ စစ်သံမှူးအဖြစ် လွင့်သွားခြင်း ဖြစ်သည်ဟု ၎င်းနှင့် တပတ်စဉ်တည်းဆင်း အရာရှိဟောင်းတဦးက ပြောသည်။ ၀ါရှင်တန်ဒီစီ မြန်မာသံရုံးတွင်ရှိသည့် ယခင် မဆလ အတွင်းရေးမှူး ဦးထွေးဟန်၏ သမက် ဦးကျော်ဝင်း ကို ထိန်းရန်အတွက် ဗိုလ်မှူးကြီး နေ၀င်းကို သံရုံးယာယီတာဝန်ခံပေးရန် ရွေးချယ်ခြင်း ဖြစ်နိုင်ကြောင်းလည်း ထင်မြင်ချက်ပေးသည်။
ဒု-ဗိုလ်မှူးကြီး မြင့်လွင်မှာ နှစ်ကြာလာပြီး အင်္ဂလိပ်စာ မကျွမ်းကျင်ဘဲ ဖြစ်နေသည့်အတွက် အင်္ဂလိပ်စာ ကျွမ်းကျင်သည့် ဗိုလ်မှူးကြီး နေ၀င်းကို သံအမတ်ဟောင်း ဦးလင်းမြိုင်နှင့်တွဲပြီး Lobby လုပ်ချင်စေလိုသည့် အတွက်ကြောင့် ပြောင်းလဲရန် ဖြစ်နိုင်ကြောင်း သံတမန်သတင်းရပ်ကွက်က ပြောသည်။
Ref: ခေတ်ပြိုင်
......
Read More...
Collapse...
NEJ / မတ်လ(၁၀) ရက်၊ ၂၀၀၉
နေအိမ်အကျယ်ချုပ်ကျနေသည့် ထောက်လှမ်းရေးအကြီးအကဲဟောင်း ဗိုလ်ချုပ်ကြီး ခင်ညွန့်ထံ ပါတီထောင်ပြီး ရွေးကောက်ပွဲဝင်ရန် ဆန္ဒရှိမရှိ နအဖခေါင်းဆောင်တဦး မကြာခင်က လာရောက် ညှိနှိုင်းခဲ့သော်လည်း ဗိုလ်ချုပ်ကြီး ခင်ညွန့်က လက်မခံကြောင်း ဗိုလ်ချုပ်ကြီး ခင်ညွန့်နှင့် နီးစပ်သည့် သတင်းရပ်ကွက်က ပြောသည်။
အဆိုပါ သတင်းကို ခေတ်ပြိုင်မှ သီးခြားအတည်ပြုချက် မရသေးသော်လည်း ဗိုလ်ချုပ်ကြီး ခင်ညွန့်အား စောင့်ကြပ်နေသည့် အနီးကပ်လုံခြုံရေး တပ်ဖွဲ့ဝင်များကို အရေးပေါ် ပြောင်းလိုက်သည်ဟု စုံစမ်းသိရသည်။ မည်သည့်အကြောင်းကြောင့် အနီးကပ်လုံခြုံရေး တပ်ဖွဲ့ဝင်များကို လဲကြောင်း ရှင်းရှင်းလင်းလင်း မသိရသေးပေ။
Ref: ခေတ်ပြိုင်
......
Read More...
Collapse...
Monday, 09 March 2009
စောထွန်း
ဂရစ်ဖစ်တက္ကသိုလ် ဂရစ်ဖစ် အာရှ အင်စတီကျု (Griffith Asia Institute) မှ အင်ဒရူးဆဲလ်သ် -Andrew Selth က ဖေဖော်ဝါရီလ ဆန်းပိုင်း နယူးဒေလီတွင် ကျင်းပခဲ့သည့် ငြိမ်းချမ်းရေးနှင့် ပဋိပက္ခလေ့လာရေး အင်စတီကျု (Institute of Peace and Conflict Studies) ၌ မြန်မာနိုင်ငံနှင့် နိုင်ငံတကာ သြဇာ၏ အကန့် အသတ်များ (Burma and the limits of International Influence) ဆိုသည့် ခေါင်းစဉ်နှင့် ဆွေးနွေးရာ၌ စစ်အစိုးရနှင့် ဆက်ဆံရာတွင် စစ်အစိုးရ၏ စိတ်သဘောထားကို နိုင်ငံတကာ အသိုင်းအဝန်း က နားလည်ရန် လိုအပ်ကြောင်းဖြင့် ပြောကြားခဲ့သည် ကို မဇ္ဈိမ သတင်းစာမျက်နှာတွင်ဖတ်ရပါသည်။
ဤတွင် စစ်အစိုးရ၏စိတ်သဘောထားမှာ ဘာလဲဟူသောမေးခွန်း ပေါ်လာပါသည်။ ကျနော်တို့ အားလုံး သိထားကြသည့် သတင်းမှောင်ချခြင်း၊ ပြောင်ငြင်းကွယ်ခြင်း၊ တရားမဲ့ ဥပဒေများဖြင့် အရေးယူ ဆောင်ရွက်ခြင်း၊ ယုံကြည်မှုအတွက် သာမန်လူများ၊ ကျောင်းသားငယ်များ သာမက သံဃာများကိုပါ ညှဉ်းဆဲ သတ်ဖြတ်ခြင်း တို့ကို မာခီးယားဗယ်လီ၏ အယူအဆအတိုင်း (ကြားနေအဖွဲ့ဆိုသည့် ကျောင်းတော်သား နိုင်ငံရေးပါတီမှ ပြောသလို) ရပ်တည်ချက် ထိပါးလာ၍ ပြတ်ပြတ်သားသား ဆောင်ရွက်ခြင်း ဟုသာ ထားမည်ဆိုလျှင်၊ မတရား စီးပွားအခွင့်အရေး ယူခြင်းများကို သူလည်းလေ လောကီသားပေမို့ဟု နားလည်မှု ပေးကြမည် ဆိုလျှင်၊ စစ်အစိုးရ၏ ပင်မ ရပ်တည်ချက်မှာ (အစဉ်အာဏာ တည်မြဲရေးသာ ဟုလည်း မပြောလိုဘူး ဆိုလျှင်) ဘာလဲဟု စဉ်းစားကြရန် ရှိပါသည်။ ယခုဆောင်းပါးတွင် ကျနော် သိနားလည် သလောက် သူတို့ သဘောထားမှန်ကို ရှင်းပြလိုပါသည်။ ကျနော်သည် စစ်သား သားသမီး တဦးဖြစ်ပြီး ၈၈ ခေတ် ကျောင်းသားလှုပ်ရှားသူ တဦးလည်း ဖြစ်ပါ၍ ကျနော်တို့ အတိုက်အခံ နိုင်ငံရေး ခေါင်းဆောင်တိုင်း မသိရှိသေးသည့် အချက်များကို သိရှိသည်ဟု ထင်ပါသည်။ မည်သို့ပင်ဆိုစေ ဆွေးနွေးစရာ အချက်များတော့ ရနိုင်ပါလိမ့်မည်။
ယနေ့တပ်မတော်၏ ယုံကြည်ရပ်တည်ချက်က ဘာပါလဲ။ ၈၈ ခေတ် အထိတော့ ရှင်းလင်းစွာပင် ဦးနေ၀င်း၏ ရပ်တည်ချက် အတိုင်း ဖြစ်ပါသည်။ ကွန်မြူနစ်နှင့် ဓနရှင် ပါလီမာန် ဒီမိုကရေစီကို မယုံကြည်။ ယင်းတို့ နှစ်မျိုးကြား အလယ်အလတ် သွားနိုင်မည့် လမ်းစဉ် တရပ်ကို တချိန်က ထူးချွန်သော နိုင်ငံရေး သဘောတရား ဆရာများအား ရေးဆွဲစေကာ စမ်းသပ် ကျင့်သုံးကြည့်ခဲ့သည်။ ၁၉၇၇ တွင် အရေးပေါ် ပါတီညီလာခံ ခေါ်ရသည် အထိ ဖြစ်သွားကာ ယင်းလမ်းကြောင်းမှ သိသိသာသာခွဲကာ မိမိသဘောကျ စနစ်ကို ကျင့်သုံး ခဲ့တော့သည်။ နောက်ဆုံး ၁၉၈၅ တွင် စီးပွားရေး ကျဆုံးမှုကြောင့် ခေါင်းဆောင်ကြီး တိန့်ရှောင်ဖိန်ကို အားကျကာ ပြုပြင်ပြောင်းလဲရန် စ စဉ်းစားသည်။
သို့သော် ကိုယ်တိုင်ဖျက်ဆီးခဲ့ပြီးသော ဗြူရိုကရေစီ ယန္တရားကို မထိန်းနိုင် ဖြစ်ကာ ၈၈ တွင် ပြိုကျ ခဲ့ရသည်။ ၈၈ ခုနှစ်က ကျနော်တို့၏လှုပ်ရှားမှုသည် အင်အား ပြင်းထန်တာ မှန်သော်လည်း အဆိုပါ ပျက်စီးပြီး ဗြူရို ကရေစီ အဖွဲ့အစည်းကြီး လွယ်လွယ်နှင့် ပြိုမကျလျင် ထိုမျှ ခရီး မရောက်နိုင်သည်မှာ သေချာပါသည်။ ထိုအခါ ဦးနေ၀င်းက သူ့သဘော အတိုင်း နောက် ဖဲတမျိုးချိုးပြီး စစ်တပ်ကို အာဏာ ပြန်သိမ်းစေခဲ့သည်။ ထိုအချိန်က တပ်တွင်း အရာရှိများ ဖြစ်နေသော၊ ကျနော်တို့နှင့် ကျောင်းနေဖက်မှ စစ်ထဲရောက်သွားကြသော သူတို့ကို မည်သို့ လမ်းညွှန်ခဲ့ သနည်း။ ထိုစဉ်က ဗိုလ်ချုပ်ခင်ညွန့်တို့ ရှင်းလင်းပွဲတွေမှာ ပေါ်လွင်ပါသည်။ စစ်တပ်၏ ရန်သူဖြစ်သော ကွန်မြူနစ်များ ကြိုးကိုင်မှု နှင့် ကိုလိုနီ လက်သစ်လုပ်လိုသော (မှတ်ချက်။ အဆိုပါစကားမှာ ကွန်မြူနစ် စကားဖြစ်ပါသည်) နယ်ချဲ့နိုင်ငံကြီးများ၏ ကြိုးကိုင်မှုဖြစ်သည်ဟု သူတို့ ရဲဘော်တွေကို သင်ပြခဲ့ပါသည်။ ယနေ့အထိလည်း သည်အတိုင်း သင်ကြားပို့ချဆဲ ဖြစ်ပါသည်။
နောက်ပိုင်း ဦးနေ၀င်းကို သူတို့ ရှင်းထုတ်ပစ်နိုင်ခဲ့သော်လည်း ယနေ့ ခေါင်းဆောင်များသည် ဦးနေ၀င်းကဲ့သို့ လွတ်လပ်ရေး တိုက်ပွဲနှင့် စစ်အေးကာလ ကမ္ဘာ့နိုင်ငံရေး အတွေ့အကြုံ ရှိသူများ မဟုတ်ပါ။ စစ်အေးကာလ အတွင်း ဦးနေ၀င်းကဲ့သို့ အမျိုးသားရေးနှင့် ဘက်မလိုက်ရေး ၀ါဒများဖြင့် ရပ်တည်နိုင်အောင် မစွမ်းနိုင်ကြပါ။ နိုင်ငံရေးကစားသည့် သီအိုရီလည်း မကျွမ်းကျင်ကြပါ။ သို့သော် သူတို့အတွက် နည်းလမ်းရှိလာခဲ့ပြီး ယနေ့ကာလ အချို့ ကမ္ဘာ့ ပညာရှင် ဆိုသူများ၊ သတင်းစာ ဆရာကြီး ဆိုသူများပင် ချီးမွမ်းရလောက်အောင် နိုင်ငံရေးကို ပိုင်နိုင်သည်၊ အာဏာနိုင်ငံရေးကို ကျွမ်းကျင်သည် ဟု သုံးသပ်လာရသည့် အခြေအနေသို့ စွမ်းဆောင်ခဲ့သည်မှာ အဓိက အကြောင်းတရား ၂ မျိုးဖြစ်ပါသည်။ ပထမ အကြောင်းတရားသည် သူတို့အား တွန်းပို့ ပေးနိုင်သည့် တွန်းအားဖြစ်ပြီး ဒုတိယ အကြောင်းတရားသည် နည်းပရိယာယ် ဖြစ်ပါသည်။
ပထမအကြောင်းတရား (သို့မဟုတ်) စစ်တပ်ဝါဒ
စစ်တပ်ဝါဒ ဟု အမည်တတ်သဖြင့် ကြမ်းတမ်းစွာ သုံးနှုန်းလိုခြင်း မဟုတ်ပါ။ ယနေ့ ရွေးကောက်ပွဲ အထိ မှန်းလာသည့် အယူအဆကို ဖြစ်စေသည့် ၀ါဒတရား ဖြစ်ပါသည်။ (မှတ်ချက်၊ ဦးနေ၀င်းသည် ၁၁ နှစ် အကြာတွင် ရွေးကောက်ပွဲ လုပ်ခဲ့ပြီး ယခု ဦးသန်းရွှေက ၂၂ နှစ်ကြာမှ လုပ်နိုင်ခြင်း ဖြစ်ပါသည်။) ဦးနေ၀င်း၏ စစ်သည်တော် ကျင့်ဝတ်တွင် စတင်ခဲ့သော ၀ါဒဖြစ်ပါသည်။ စစ်တပ်အတွင်း မည်သည့်ပုံစံဖြင့် ၀င်လာသည် ဖြစ်စေ စည်းကမ်း (ဤတွင် အမိန့်နာခံမှုကို ၄င်းတို့က စည်းကမ်းဟု ခေါ်ပါသည်) ကျနအောင် ပုံသွင်းပေးလိုက် ပါသည်။ ငယ်စဉ်က လမ်းစဉ်လူငယ် စစ်ရေးပြ သင်တန်းဆင်း ကျနော့်ကို အစ်ကိုဝမ်းကွဲ စစ်ဗိုလ်က မေးဖူးပါသည်။ “ညီလေး စစ်ရေးပြဆိုတာ ဘာလုပ်တာလဲ မင်းသိလား” ကျနော်က စည်းကမ်းကျအောင် သင်ပေးတာ ထင်ကြောင်း ပြောသောအခါ “မဟုတ်ဘူးကွ၊ အဲဒါ အမိန့်ကို မစဉ်းစားဘဲ နာခံတတ်အောင် ပုံသွင်းပေးတာ။ သတိ သက်သာ အေးစေ ပြောတဲ့အခါ မင်းက မစဉ်းစားဘဲ ချက်ခြင်း လုပ်လိုက်တယ် မဟုတ်လား။ ဒီလို ဘာမှ မဟုတ်တဲ့ အပြုအမူလေးက စပြီး မစဉ်းစားတဲ့ အကျင့် သွင်းပေးတဲ့ အခါ ရှေ့တန်းမှာ “တက်” လို့ အမိန့် ပေးတဲ့အခါ မစဉ်းစားဘဲ တက်တဲ့အကျင့် ရသွားတာပေါ့” စာဖတ်နာသော ကျနော့် အစ်ကိုသည် စစ်တပ်ထဲမှာ ရာထူး သိပ်ကြီးကြီး မရပါ။ ရှင်းပါသည်။ သို့သော် ထိုစဉ်က ၁၈ နှစ်သား ကျောင်းသားခေါင်းဆောင် ဖြစ်လာသည့် ကျနော့်အတွက် ပညာရပါသည်။
စစ်ရေးပြဖြင့် ပုံသွင်းပြီးနောက်ပိုင်း ပင်ပန်းမှု၊ အနားမနေရမှု တို့ကို ဆက်လက် ပို့ချပါသည်။ fatigue ခေါ် အားလပ်ချိန် မရအောင် ထားသော အလုပ်များကို ဆက်တိုက်ခိုင်းပါသည်။ ကျနော့် မိခင်ဖြစ်သူသည် အိမ်ဖော် အပျိုရွယ်လေးများ ထားသည့်အခါ တမျိုးပြီး တမျိုး ခိုင်းသောကြောင့် ကျနော်က မေးဖူးပါသည်။ အမေက “ဒီအရွယ် အားနေရင် တောင်စိတ် မြောက်စိတ်တွေ ၀င်တတ်တယ် သားရဲ့ ဒါကြောင့် မအားအောင် တမင်ရှာခိုင်းရတာ” ဟုပြောပြပါသည်။ တနည်းအားဖြင့် စိတ်ရောလူပါ မလွတ်လပ်အောင် ထားခြင်း ဖြစ်ပါသည်။ သည်နောက်မှာတော့ ရှေ့တန်းထွက်ခြင်း၊ (မည်သည့် အကြောင်းကြောင့် မသိဘဲ) စစ်ပွဲ ဆင်နွှဲခြင်း၊ တို့တွင် မိမိရဲဘော်များ မိုင်းထိ၍ ခြေပြတ် လက်ပြတ်ဖြစ်ရခြင်း၊ သေဆုံးရခြင်း၊ ရန်သူက သတ်ဖြတ်ခြင်း တို့ဖြင့် ဆက်လက် သင်ကြားပို့ချ ပေးပြန်ပါသည်။ နောက်ဆုံး အဖြေတခုသို့ တွန်းပို့ပါသည်။ ယင်းသည် ဆိုခဲ့သော “စစ်တပ်ဝါဒ” ဖြစ်ပါသည်။ ရှင်းအောင်ဆိုရလျှင် -
မိမိတို့သည် (တိုင်းပြည်အတွက်) သူများထက် အပင်ပန်းခံ အလုပ်လုပ်ရသည်။
မိမိတို့သည် (တိုင်းပြည်အတွက်) သက်စွန့်ဆံဖျား အလုပ်လုပ်ရသည်။
(ဘာကြောင့်မှန်းမသိဘဲ ဖြစ်သွားသော) ရန်သူကြောင့် မိမိတို့ ရဲဘော်ရဲဘက်တွေ ထိခိုက် သေဆုံးရသည်။
မိမိတို့ကို နှိပ်စက်ခဲ့သော ယင်း ရန်သူကို ပြည်သူတချို့ ထောက်ခံနေသည်။
မိမိတို့သည် အမိန့်နာခံရသည်။ စစ်စည်းကမ်းဖြင့် အချိန်ပြည့် နေရသည်။ ညအိပ်နေစဉ် လာနှိုးလျင် သက်စွန့် ဆံဖျား ခရီး စတင်ရသည်အထိ ၂၄ နာရီ ထမ်းဆောင်ရသူများ ဖြစ်သည်။
ထိုအချိန်တွင် သာမန်ပြည်သူများ၊ ၀န်ထမ်းများ (ယင်းတို့စကားအရ “အရပ်သားများ”) သည် သက်သက်သာသာ နေရသည်။ အသက်စွန့်ရန် မလို၊ စည်းကမ်း မရှိ၊ အားလပ်ချိန်တွေ အပြည့်ရှိနေသည် ။ စီးပွားရေးလုပ်ပြီး ချမ်းသာနေသည် … ဟူသော အတွေးကို ဆက်တိုက် ပို့ချပေးပါသည်။ ထိုသို့သော အနစ်နာခံမှု များကြောင့် သူတို့တွင် “နိုင်ငံတော်အာဏာ” ကို သုံးပိုင်ခွင့်ရှိသည် ဟု အဖြေထုတ်ပေး ပါသည်။
ပြည်သူလူထုနှင့် စစ်တပ်အတွင်းအကြီးမားဆုံး အတားအဆီးသည် အဆိုပါ အတွေးအမြင် ဖြစ်ပါသည်။ ကျနော် ပညာရှင်ဘ၀ စစ်တပ်နှင့် တွဲ၍ တောထဲတောင်ထဲ သွားရသည့်အခါ စစ်ဗိုလ်တွေ အင်မတန် အံ့သြကြပါသည်။ သူတို့မှ လွဲ၍ မြို့ပေါ်တွင် တိုက်ပုံ ၀တ်နေသော လူပျော့များ ဤသို့ အပင်ပန်း ခံနိုင်မည်၊ အပင်ပန်းခံ အလုပ် လုပ်လိမ့်မည်ဟု မထင်ခဲ့ကြပါ။ အင်္ဂလန်မှ ဘွဲ့ထူးတွေ ရလာသည့် ဆရာဝန်ကြီး သည်လည်း ညလာနှိုးလျှင် ထလိုက်ရမှန်း ဂျူတီ ယူရမှန်း သူတို့ မသိကြပါ။ (အစပိုင်းတွင် မသိကြပါ၊ နောက်ပိုင်း ရာထူးရလာတော့လည်း မသိချင်ကြတော့ပါ)။ တနှစ်က တက္ကသိုလ် ဆရာမလေး တဦး ကျောင်းသားများနှင့် ကွင်းဆင်း ခရီးထွက်လာစဉ် လက်နက်ကိုင် လက်ချက်နှင့် ကွယ်လွန်ပါသည်။ ၀န်ထမ်းတိုင်း၊ ပြည်သူတိုင်းမှာ လက်နက်မဲ့ သက်စွန့်ဆံဖျား မှုတွေ ပြည့်နေကြောင်း သတိ မထားမိကြပါ။
နောင်တချိန်တွင် ငြိမ်းချမ်းစွာဆန္ဒပြသူများအား နှိမ်နင်းသည့် အခါ နိုင်ငံတကာက ယုံကြည်ချက်ကြောင့် အကျဉ်းချ ခံရခြင်း ဟု မြင်သော်လည်း သူတို့လို ပင်ပန်းစွာ အလုပ် မလုပ်ရဘဲ အခွင့်အရေး တောင်းသူများဟု ဆက်လက် မြင်လာပါတော့သည်။
သည်ထက် ပိုကြီးသည့် စစ်တပ်ဝါဒတစ်ရပ်မှာ နိုင်ငံခြားသားကို အထင်ကြီးခြင်း ဖြစ်ပါသည်။ နိုင်ငံခြားသား မုန်းတီးခြင်း (xenophoebia) သည် အထင်ကြီးရာမှ ကြောက်လန့် မုန်းတီးခြင်း ဖြစ်ပါသည်။ ယင်းသည် မိမိတို့ ကြိုးစားသော်လည်း တိုးတက်မှု မရလာသည့် အခါ ကြီးသော အကြောင်းပြချက် ဖြစ်လာပါသည်။ နိုင်ငံခြားသားကို ပိုမို အလုပ်လုပ်သူ၊ ပိုမို ဥာဏ်ကြီးသူ ဟုမြင်ပါသည်။ ပြည်ပတွင် တိုးတက်ခြင်းသည် ယင်းလူမျိုးများ အလုပ်လုပ်၊ ဥာဏ်မြင့်သောကြောင့် ဖြစ်ပြီး မြန်မာပြည် မတိုးတက်ခြင်းမှာ စစ်တပ် တတပ်လုံး အလုပ် လုပ်သော်လည်း ပြည်သူတွေ၊ ၀န်ထမ်းတွေ အလုပ် မလုပ်သောကြောင့် မတိုးတက်ခြင်းဟု မြင်လာပါသည်။ သည်အတိုင်းလည်း သင်ကြားပေးပါသည်။ သာမန် ပြည်သူတွေမှာတော့ နိုင်ငံခြားသွား အလုပ် လုပ်ကြသည့်အခါ နိုင်ငံခြားသားကို သူလိုကိုယ်လို ဟုသာမြင်ပါသည်။ အလုပ် လုပ်သလောက် အခွင့်အရေး ရသဖြင့် အလုပ်လုပ်ကြသည်။ စည်းကမ်းရှိသလောက် စည်းကမ်း၏ အကျိုးကို ခံစားရသဖြင့် စည်းကမ်းနှင့် နေကြသည်။ သူတို့လို ကိုယ်လည်း အခွင့်အရေး ရရင် ကိုယ့်တိုင်းပြည်လည်း ဖြစ်နိုင်ကြောင်း နားလည်ကြသည်။ ကြီးမားသော အတွေးအခေါ် ကွာဟမှုကြီး ဖြစ်ပါသည်။
ထိုမှတဆင့်တိုးသောအခါ စစ်တပ်က ပိုအလုပ်လုပ် အနစ်နာခံရတဲ့ အတွက် အခွင့်အရေး ယူထိုက်သည်ဟု မြင်လာ ပါတော့သည်။ နိုင်ငံရေးသမားများအား နိုင်ငံတော်အာဏာကို ဖြတ်လမ်းနည်းဖြင့် ရယူလိုသည်ဟု စွပ်စွဲ ပေးလိုက်ပါသည်။ တပ်ထဲတွင် နေခဲ့သော ငယ်စဉ်က ကျနော်ကိုယ်တိုင်သည် အမိန့်နှင့် အာဏာကို ယုံကြည်ပါသည်။ နောင် ၈၈ ခေတ်ကို ကျော်မှ စည်းရုံးရေးကို ယုံကြည် လာပါသည်။ ပတ်ဝန်းကျင်က ပုံသွင်း ပေးခြင်းဖြစ်ပါသည်။ ဗိုလ်ချုပ်အောင်ဆန်းသည် စည်းရုံးရေးကို ယုံကြည်ပြီး ဗိုလ်ချုပ်နေ၀င်းသည် အမိန့်နှင့် အာဏာကို ယုံကြည်ခဲ့ခြင်း၏ နောက်ဆက်တွဲ အမွေဖြစ်ပါသည်။
အထက်ပါ စစ်တပ်ဝါဒ သည် နိုင်ငံတကာ၊ ဘာသာတရားနှင့်၊ နိုင်ငံရေး သဘောတရားများ သိရှိ နားလည်လာသည့် အရာရှိကြီးများ ဖြစ်လာသည့်အခါ မိမိတို့၏ အထက်ပါ ကျင့်ထုံးများနှင့် ဆန့်ကျင် ဆုံးဖြတ်မှုတိုင်း၊ အဖြေတိုင်း အတွက် စိတ်ဖြေစရာ ဆေးကောင်းကြီး တခွက် ဖြစ်လာပါတော့သည်။ ယနေ့ ဗိုလ်ချုပ်ကြီးများအားလုံး ဤအတိုင်း ယုံကြည်ကြသည်မှာ မှားယွင်းဖွယ် မရှိပါ။
ဒုတိယအကြောင်းတရား (သို့မဟုတ်) ပုံတူကူးခြင်း
ဦးနေ၀င်းအားဖယ်ရှားပြီးသည့်အခါ စစ်ဗိုလ်ချုပ်ကြီးများအတွက် လမ်းကြောင်း ချပေးမည့်သူ မရှိတော့သလောက် ဖြစ်ပါသည်။ (ထိုမတိုင်ခင် အာဏာသိမ်းပြီး ကာလက ဒေါက်တာမောင်မောင်နှင့် တကွ ပါတီခေတ် ခေါင်းဆောင်များ Policy နှင့် လမ်းညွှန်မှုများ ချပေးခဲ့ပါသည်။) သို့ရာတွင် အတန်အသင့် အမြင်ကျယ်သူ ဗိုလ်ချုပ်ခင်ညွန့်သည် မဟာဗျူဟာ လေ့လာရေးဌာနကို (အမေရိကန် ပုံစံအတိုင်း) ထူထောင်ကာ ပညာတော်သော စစ်ဗိုလ်ငယ်များမှ အစ ခေါင်းခေါက်ရွေးယူ၍ ထောက်လှမ်းရေး ဌာနချုပ်တွင် ကမ္ဘာ့ နိုင်ငံရေး အလိုက် အထူးပြုတာဝန် အမျိုးမျိုးဖြင့် လေ့လာ လေ့ကျင့်စေခဲ့သည်။ အမေရိကန်နှင့် အီးယူ၊ ဂျပန် တို့သို့ နိုင်ငံရေး အောက်လမ်းနည်းများဖြင့် ချဉ်းကပ်ခဲ့သည်။ စစ်အစိုးရ၏ လမ်းပြမြေပုံနှင့် နေပြည်တော် စီမံကိန်း၊ နိုင်ငံတော် ကာကွယ်ရေး တက္ကသိုလ်ခေါ် ပေါ်လစီ စီမံကိန်းများကို သူ၏ ဦးခေါင်းများဖြင့် ဆွဲယူ ခဲ့သည်။
နောင်တချိန် ဗိုလ်ချုပ်ခင်ညွန့် မရှိသောအခါ စစ်တပ်ခေါင်းဆောင်များ အတွက် နမူနာပေါင်း များစွာ၊ စကားလုံးပေါင်း များစွာ (ယနေ့ နောက်ဆုံးပေါ် - ရိုဟင်ဂျာ မဟုတ်၊ ဘင်္ဂါလီ ဆိုသည့် စကားလုံးမျိုး အထိ) အရန်သင့် ရှိထားပြီ ဖြစ်သည်။ ကာကွယ်ရေး တက္ကသိုလ်တွင် အရည်အချင်းရှိသော ပညာတတ် ဗိုလ်မှူးကြီးများ၏ သုတေသန ကျမ်းများ ရှိနေသည်။ ဒီပဲယင်း အရေးအခင်းကို “ဒေါ်အောင်ဆန်းစုကြည် အန္တရာယ်ကာကွယ်ရေး” ဟူသော သုတေသန စာတမ်းအတိုင်း ဖန်တီးခဲ့သည်။ UN ကိုယ်စားလှယ် ဂန်ဘာရီ မလာမီ ပြည်တွင်း တာဝန်ခံကို မောင်းထုတ်ပြခြင်း၊ ယင်းမှ တဆင့်ချင်း ရှေ့တိုးလာပြခြင်း၊ အမေရိကန် စစ်ရေယာဉ် မ၀င်နိုင်မီ အာဆီယံ၊ UN တို့နှင့် အစည်းအဝေး လုပ်ပြခြင်း စသည်ဖြင့် နည်းဗျူဟာ မျိုးစုံကို အသစ်ဖန်တီး ယူခြင်းထက် ဦးနေ၀င်းလုပ်ခဲ့သည့် ခြေလှမ်းများကို အနီးစပ်ဆုံး ပုံတူကူးချခြင်းများ ဖြစ်သည်။ ကွန်မြူနစ်၊ ဆိုရှယ်လစ်တို့ကို မယုံကြည် သော်လည်း ထိုဝါဒ ကျင့်သုံးသူတို့၏ နည်းပရိယာယ် လုပ်နည်း လုပ်ဟန်များကို လေ့လာကြသည်။ ဤသည်မှာလည်း မဆန်း၊ မဆလခေတ်တွင် သူတို့ ကြီးပြင်း လာကြပေရာ (တနည်းအားဖြင့် လူရာဝင်လာရ ပေရာ) ထိုခေတ်က သင်ကြားခဲ့သော နိုင်ငံရေးသမား မုန်းတီးရေး တရားများ၊ ဦးနု မကောင်းကြောင်းများ၊ ပါတီစုံနှင့် ဖက်ဒရယ်မူ မကောင်းကြောင်းများသည် အသည်းတွင် စွဲထင် နေပေပြီ။ ထိုခေတ်တလျှောက်လုံး ဖတ်စရာ နိုင်ငံရေးစာအုပ် ဆို၍ လက်ဝဲစာပေသာ ရှိရာ ထို စာပေတို့မှ လက်ဝဲ၀ါဒ တော်လှန်ရေး သမားတို့၏ ကောင်းကွက်များ အယူအဆ ကောင်းများကို အရ မယူနိုင်သောအခါ မကောင်းသော လုပ်နည်း လုပ်ဟန်များကိုသာ ကူးယူရ ပေတော့သည်။ “ဆန့်ကျင်ကြ၊ ဆန့်ကျင်ကြ” ဆိုသည့် လက်မောင်းတန်း အော်ဟစ်မှု များကို သူတို့ရိုက်သော ရုပ်ရှင်ထဲမှ အလံနီတို့ထံမှ အရယူသည်။ ကျနော့်နားထဲတွင် “သတ်ပစ်၊ သတ်ပစ်” ဆိုသည့် အသံများ ကြားယောင် မိရသည်။
အရေးအခင်းပြီးခါစက အားလုံးသပိတ်မှောက်ပြီး ဖြစ်နေသည့် ၀န်ထမ်းများဖြင့် မည်သို့ ဆက်လက် အုပ်ချုပ်မည်နည်းဟု ကျနော်တို့ တွေးခဲ့ဖူးသည်။ တပြည်လုံး သပိတ်မှောက်လျင် တိုင်းပြည်ကို အုတ်တံတိုင်း ခတ်ရုံပေါ့ဟု ပြောခဲ့ကြသည်။ သို့သော် အာဏာ မသိမ်းမီတွင် မော်စီတုန်း၏ နည်းလမ်းတခုကို ကျနော်ဖတ်မိသည်။ ယင်းမှာ “အစွန်းရောက် လူနည်းစုကို တိုက်ရိုက်နှိမ်နင်းခြင်း၊ အလတ်တန်းစား လူများကို တွေဝေ ယိမ်းယိုင်စေခြင်း နှင့် နောက်တန်းက လူထုကြီးကို မိမိလူဟု အမည်တပ်ခြင်းဖြင့် တဖြည်းဖြည်း ပြောင်းလဲယူခြင်း” လုပ်ငန်းစဉ် ဖြစ်ပါသည်။ ကူးယူတတ်သော စစ်အုပ်စုသည် ထိုအတိုင်း တသဝေမတိမ်း ကျင့်သုံး ပါသည်။ ယနေ့တိုင်လည်း ပြည်တွင်းသာမက ပြည်ပ နိုင်ငံများအထိပါ တိုးချဲ့ယူလာရာ အာဆီယံသည် ထိုလမ်းစဉ်မှ အလယ်အလတ် တန်းစား အုပ်စုဖြစ်လာပါသည်။ အတိုက်အခံ ထဲမှလည်း အဆိုပါ အလယ်အလတ်တန်း အုပ်စုကို ဆွဲယူနေပါပြီ။ တွေဝေသော (ကွန်မြူနစ်စကားဖြင့် ဆက်ပြောလျှင် ပညာတတ်များ) လူတချို့သည် ပါတီဖွဲ့ အရွေးခံရန်၊ ရွေးကောက်ပွဲကို ထောက်ခံရန် လမ်းစဉ်ကို ရွေးနေကြလေပြီ။ စစ်တပ်သည် သာမန်အားဖြင့် ကျောင်းသားများကို မထလာအောင် နှိပ်ကွက် ထားလိုသည်မှ အပ နိုင်ငံရေးသမားများလောက် အမြင်မကြည်မှု မရှိသည်ဖြစ်ရာ (သူတို့သင်ခဲ့သော ဦးနေ၀င်းခေတ် သမိုင်း စာအုပ်များတွင်လည်း ကျောင်းသားများ အမြင်မှား၍သာ နိုင်ငံရေး လုပ်ကြကြောင်း သင်ခဲ့ရရာ) ကျနော်တို့ ၈၈ ကျောင်းသားများကိုလည်း အလယ်အလတ် လူစုတွင် ပါဝင်မည်လားဟု ထင်ကာ လွှတ်ပေးထားခဲ့သည်။ ၂၀၀၇ တွင်မှ အစွန်းရောက် စာရင်းသို့ ထည့်သွင်းခဲ့ ခြင်းဖြစ်ပါသည်။
ခြုံငုံ၍ဆိုရလျှင် စစ်တပ်၏ မကောင်းမှုများကို နားလည်မှုပေးသည့်တိုင် ယင်းတို့၏ ရပ်တည်ချက် သဘောထားသည် မှားယွင်းစွာ သင်ကြားလာသော အခြေခံအပေါ်မှ ဖြစ်ပေါ်လာခြင်းသာ ဖြစ်ပါသည်။ တိုင်းသူပြည်သားများ အမှန်တကယ် ခံစားမှု၊ အမှန်တကယ် အလုပ် လုပ်ကိုင်နေကြပြီး အကျိုး မရကြမှု၊ ယင်းတို့ အထင်ကြီးသော ပြည်ပ နိုင်ငံသားများကဲ့သို့ အရည်အချင်း ရှိသူများစွာ ရှိနေမှု၊ ယင်းတို့ ကဲ့သို့ ပင်ပန်း နွမ်းနယ်စွာ၊ သက်စွန့်ဆံဖျား တိုင်းပြည်အတွက် အလုပ် လုပ်နေသူများ ရှိနေမှုတို့ကို ယနေ့တိုင် သိမြင်လာကြခြင်း မရှိသေးပါ။ ပြည်သူလူထုနှင့် အမှန်တကယ် နီးနီးစပ်စပ် နေထိုင်လိုစိတ်၊ နားလည်အောင် လုပ်လိုစိတ် နည်းပါးအောင် ကြိုတင် လေ့ကျင့် ပေးထားခြင်းဖြင့် အရပ်ဘက် တာဝန်ယူရသည့်တိုင် အစဉ်ကင်းကွာ နေလေ့ရှိသည်။ နားလည်သွားသော အရာရှိများသည်လည်း ဘေးဖယ်ခြင်း ခံသွားကြရသည်။ ထို့ကြောင့်လည်း ယနေ့ခေတ် ပင်စင်ယူသွားသော စစ်ခေါင်းဆောင် အားလုံးသည် လက်ရှိစစ်တပ်၏ ဘေးဖယ်ခြင်းကို ခံကြရသည်ဖြစ်ရာ လက်ရှိ ခေါင်းဆောင်ကြီးများ တသက်တာ မည်သည့်အခါမျှ အငြိမ်းစား မယူရဲတော့သည့် အဖြစ်သို့ ရောက်ရှိကုန်ကြခြင်း ဖြစ်ပေသည်။
Ref: ဧရာဝတီ
......
Read More...
Collapse...
အင်္ဂါနေ့၊ မတ်လ 10 2009
ရန်ကုန်။ ။ နိုင်ငံတ၀ှမ်း ကုန်စည်ရောင်းဝယ်ရေး လောကတွင် ဧပြီလဆန်းမှ စတင်၍ အလေးချိန် ချိန်တွယ်ရာ၌ ပိဿာစနစ်ဖြင့်သာ တပြေးညီ လုပ်ဆောင်ရတော့မည်ဟု ကုန်သည်ကြီးများ အသင်းက ထုတ်ပြန် လိုက်သည်။
ကုန်စည်ဒိုင်များသည် ရောင်းဝယ် ဖောက်ကားရာတွင် အလေးချိန်ကို နေရာဒေသ အလိုက် ပိဿာ၊ တင်း၊ တောင်း များဖြင့် ချိန်တွယ်နေရာမှ ပိဿာစနစ်ဖြင့် တူညီစွာ ဆောင်ရွက်ကြရန် ရန်ကုန်ရှိ ပြည်ထောင်စု မြန်မာနိုင်ငံ ကုန်သည်များနှင့် စက်မှု လုပ်ငန်းရှင်များ အသင်းချုပ် (UMFCCI) မှ သတ်မှတ် ပေးလိုက်ခြင်း ဖြစ်သည်။
ဤအကြောင်းကို UMFCCI မှ အထွေထွေ အတွင်းရေးမှူး ဦးစိန်ဝင်းလှိုင်က ပြောပြသည်။
လက်ရှိတွင် စပါး၊ ပဲ၊ နှမ်း၊ ကြက်သွန် စသည့် ကုန်စည်များ အဓိက အရောင်းအ၀ယ်လုပ်ရာ ရန်ကုန်၊ မန္တလေး၊ ပခုက္ကူနှင့် မုံရွာမြို့တွင် ကုန်စည်ဒိုင်ကြီး ၁၁ ခုနှင့် ဒိုင်ငယ်ပေါင်း မြောက်မြားစွာ ရှိနေသည်။
သူတို့သည် ပိဿာ၊ တင်း၊ တောင်းစနစ် စသည့် ပုံစံအမျိုးမျိုးဖြင့် ရောင်းဝယ်လျက် ရှိသည်။
တနိုင်ငံလုံး ပိဿာစနစ်သို့ ပြောင်းလိုက်သော်လည်း ထိုစနစ်မှာ နိုင်ငံတကာတွင် အသုံးပြုသည့် ပုံစံမျိုး မဟုတ်သေးကြောင်း ရန်ကုန်ရှိ ဘုရင့်နောင် ကုန်စည်ဒိုင်မှ ပဲကုန်သည်တဦးက ယခုလို ပြောသည်။
"နိုင်ငံတကာမှာတော့ တန်နဲ့ပဲ အရောင်းအ၀ယ် လုပ်ပါတယ်။ ကုန်စည် အရောင်းအ၀ယ်တွေ ထိုင်းနေတဲ့အချိန်မှာ ကုန်သည်တွေ အနေနဲ့ကတော့ အခုလို အလေးချိန် တနေရာနဲ့ တနေရာ ကွာဟမှုကနေပြီး အမြတ်အစွန်း ရတာမျိုးတွေလည်း ရှိပါတယ်'' ဟု သူက ဆိုသည်။
အလေးချိန် တိုင်းတာပုံကို တပြေးညီ သတ်မှတ်ရေးအတွက် နိုင်ငံတ၀န်းရှိ ကုန်စည်ဒိုင်များမှ တာဝန်ရှိသူများနှင့် UMFCCI အသင်းချုပ်သည် အကြိ်မ်ကြိမ် ညှိုနှိုင်းခဲ့ပြီး ဖြစ်သည်။
ယခုနှစ် ဇန်န၀ါရီ ၂၇ ရက်နေ့က အသင်းချုပ်ရုံး၌ ကျင်းပခဲ့သည့် ကုန်စည်ဒိုင် တာဝန်ရှိသူများ ဆွေးနွေးပွဲကျမှ ပိဿာဖြင့် သတ်မှတ်သွားကြရန် စတင်၍ အတည်ပြု နိုင်ခဲ့ခြင်းဖြစ်သည်။
Ref:
မဇ္ဈိမ
......
Read More...
Collapse...
Posts
