March 27, 2013
လက်ပံတောင်းတောင်နဲ့ ပတ်သက်ပြီး တနိုင်ငံလုံး အတိုင်းအတာအထိ မကျေနပ်မှုတွေ ဖြစ်တယ်။ စီမံကိန်း ဆက်လက် အကောင်အထည်ဖော်ဖို့ ထောက်ခံလိုက်တဲ့ လက်ပံတောင်းတောင် အစီရင်ခံစာ ထွက်လာပြီးနောက်မှာ လယ်သမား တွေရဲ့ မကျေမနပ် ကန့်ကွက်မှုတွေ ပေါ်ထွက်လာတယ်။ ပညာရှင်တွေက လိုအပ်ချက်တွေကို ထောက်ပြကြတယ်။ ပတ် ဝန်းကျင် ပညာရှင်တွေလည်း ပါတယ်။ သတ္တုလုပ်ငန်းကို နားလည်တဲ့ ပညာရှင်တွေလည်း ပါတယ်။ ရှေ့နေတွေကလည်း ဥပဒေ ရှုထောင့်ကနေ ကန့်ကွက်တယ်။ မြန်မာ့နိုင်ငံရေး စိတ်ဝင်စားတဲ့ နိုင်ငံခြားသား သတင်းသမားတွေ ပညာရှင်တွေ ကတောင် အသံထုတ်ဝေဖန် လာတယ်။
ဒီလို အချိ်န်မှာ မိတ္ထီလာမီး ထလောင်တယ်။
မိတ္ထီလာအရေးအခင်းဟာ အစိုးရလုပ်တဲ့ မီးပဲ။ လက်ပံတောင်း အကျပ်အတည်းကို ရှောင်လွှဲဖို့ အစိုးရက အာရုံလွှဲ လိုက်တဲ့ မီးပဲ။ မိတ္ထီလာမှာ လူတွေ မရှုမလှ သေဆုံးကြ၊ မီးတွေလောင်ကြ ပြည်သူတွေ အိုးအိမ် ပျက်စီးကြ၊ ကျီးလန့်စာ စား ကြောက်လန့်ကြ၊ အလုပ်အကိုင် ပျက်စီးကြ… ဒါတွေ အားလုံးဟာ အစိုးရ လက်ချက်ချည်းပဲ။ မိတ္ထီလာ အရေးအခင်း မှာ တာဝန် အရှိဆုံး နံပါတ်တစ်က အစိုးရပဲ။
အစိုးရကို တည့်တည့် လက်ညှိုးထိုးတော့ ဖဘ ပေါ်မှာ အစိုးရက လစာပေးရေး ခိုင်းထားတဲ့ ကီးဘုတ် လူသတ်သမား တွေကတော့ မခံမရပ်နိုင်ဖြစ်ပြီး ကက်ကက်လန်အောင် ရန်ထောင်ကြဦး မှာပဲ။ ထစ်ကနဲရှိ မင်းတို့က အစိုးရပဲ လက်ညှိုး ထိုးချင်တယ်လို့ ပြောဦးမှာပဲ။ အဲသလိုပြောမယ့်သူတွေကိုလည်း ပြောထား ရဦးမယ်။ စစ်အာဏာရှင် သက်တမ်းတ လျှောက်မှာ လူထုကို အစီအစဉ်ရှိရှိနဲ့ ဒုက္ခပေးတာ စစ်အာဏာရှင် အစိုးရ တခုတည်းသာ ရှိတယ်။ ကြိုက်သလိုလေ့လာ ဒါဟာ အမှန်တရားပဲ။
မထိန်းသိမ်းပဲ ကြီးထွားလာတဲ့အထိ လက်ပိုက်ကြည့်ခဲ့တယ်
ဒီပွဲမှာ အစိုးရကြောင့်လို့ ဘာ့ကြောင့်ပြောသလဲ။ ရွှေဆိုင်မှာ ရွှေလာရောင်းတဲ့လူတွေက အစိုးရလူတွေလား လို့ တချို့က မေးမယ်။ ဟုတ်ချင်မှ ဟုတ်မယ်။ ရွှေဆိုင်မှာ ရန်ဖြစ်တာဟာ သာမန်ရန်ဖြစ်မှုဖြစ်ဖို့ များတယ်။ သာမန်ရန်ဖြစ်မှုကို ထိထိ ရောက်ရောက် အရေးယူမယ်။ ဆွမ်းကြီးလောင်းမယ့်လူတွေကို ထိထိရောက် ရောက် ဟန့်တားမယ်ဆိုရင် ဒီလောက်ကြီး ထွားလာစရာ အကြောင်းမရှိဘူး။
ဒီတော့ ကျုပ်တို့ ဒီမိုကရေစီ ဂုရုကြီးတွေ ပြောသလို ရဲတွေကို လေ့ကျင့်သင်တန်း မပေးလို့လား။ ဒါကတော့ လုံလောက် တဲ့ ဆင်ခြေမဟုတ်ဘူး။ ဒါဟာ ဆင်ဝှေ့ရန်ရှောင် စကားမျှသာ ဖြစ်တယ်။ အာဏာပိုင် အစိုးရဘက်က ဖေးဖေးမမ ဝင် ကာတဲ့ စကားမျှသာ ဖြစ်တယ်။ ဆင်သေကို ဆိတ်ရေနဲ့ ဖုံးတဲ့စကားမျှသာ ဖြစ်တယ်။ လွတ်လပ်ရေးရပြီးကတည်းက ဒီ လူတွေပဲ လုံခြုံရေး လုပ်လာတာ၊ တည့်တည့်ပြောရရင် လုပ်စားလာတာ နှစ်ပေါင်း ၆၀ ကျော်ပြီ။ အံတိုနေပြီ။ ဒီလောက် မှ နားမလည်ရင် ဒီလောက်ကြာ အောင် အာဏာထိုင်ခုံပေါ် ထိုင်မနေနိုင်ဘူး။ မိတ္ထီလာမှာ ရဲတွေ မထိန်းတာ မထိန်း တတ်လို့ မဟုတ်ဘူး။ ထိန်းသိမ်းဖို့ အမိန့်မရလို့ မထိန်းတာ။ ထိန်းဆိုတာကလည်း ပစ်ဖို့ခတ်ဖို့ ပြောတာ မဟုတ်ဘူး။ သူတို့က အားအားရှိ ပစ်ဖို့ပဲ စဉ်းစားနေတာဆိုတော့ ထိန်းပါပြောတာကို ပစ်ခိုင်းတယ်ထင်ပြီး ဒီမိုကရေစီ ခေတ်မို့လို့ ပစ်လို့မရဘူး၊ ခတ်လို့ မရဘူး ဆိုပြီး ပြောကြပြန်ရော။ ဘယ်သူက သူတို့ကို ဝင်သတ်ခိုင်းနေလို့တုန်း။ ခက်ပဲ ခက်ရချည် သေးရဲ့။ သတ်နေတာကို မသတ်အောင် တားပါဆိုမှ သူတို့က အားအားရှိ၊ ပစ်မယ် သတ်မယ်ဆိုတာချည်းပဲ။ ပစ်တဲ့ခတ် တဲ့ နည်းကလွဲပြီး တခြားနည်း မလုပ်တတ်တော့ဘူးလား။
“မိတ္ထီလာမှာ စဖြစ်ဖြစ်ချင်း ရွှေဆိုင်တွေ ဖျက်ဆီးနေတာ ၂ နာရီကျော်ကြာတယ်။ ဘယ်သူမှ လာမထိန်းဘူး” လို့ အာအက်ဖ်အေမှာ မိတ္ထီလာမြို့ခံ ကုန်သည်ကြီး ဦးလှမြင့်က ဖွင့်ပြောသွားတယ်။ မျက်စိရှေ့မှာ အကြမ်းဖက်နေတာ၊ လုယက်တိုက်ခိုက်နေတာကို ဘာ့ကြောင့် လက်ပိုက်ကြည့်နေတာလဲ။ ဘာသဘောလဲ။ ၂ နာရီကြာအောင် ဘာမှ မလုပ် တာဟာ လက်ပိုက်ကြည့်နေတာမဟုတ်လို့ ဘာလို့ဆိုဦးမတုန်း။
လက်ပံတောင်းမှာ သင်္ကန်းခြုံပြီး အိပ်နေတဲ့ ဘုန်းတော်ကြီးတွေကို မီးလောင်ဗုံးနဲ့ ခွဲတယ်။ မိတ္ထီလာမှာ မီးရှို့၊ လူသတ် တဲ့ လူတွေကိုတော့ ဘာမှမလုပ်ဘဲ လက်ပိုက်ကြည့်နေတယ်။ ဒါကိုကြည့်ရုံနဲ့ အစိုးရရဲ့ သဘောထား ဘယ်လိုရှိတယ် ဆိုတာ သိသာတယ်။
ကိုမင်းကိုနိုင် ရောက်သွားပြီး ချက်ချင်း ထုတ်ပြောတယ်။ လုံခြုံရေးတွေ ရပ်နေတဲ့ ကြားထဲကဝင်ပြီး လုယက်တိုက်ခိုက် သတ်ဖြတ်နေတာကို အမိန့်မရလို့ဆိုပြီး ဒီအတိုင်းကြည့်နေတယ်လို့ ထောက်ပြတယ်။ ဒီလိုထောက်ပြတာတောင် ချက် ချင်း အရေးမယူဘူး။ မတုန့်ပြန်ဘူး။ ဆက်လွှတ်ပေးထားလိုက်သေးတယ်။ ဒါ့ကြောင့် အစိုးရကို လက်ညှိုးထိုး တာဖြစ် တယ်။ အစိုးရက ဒီမီးကိုလောင်စေချင်တယ်။ ဒီမီးတောက်ကို ကြီးစေချင်တယ်။ တောက်ပါစေ၊ သတ်ပါစေ။ လူမျိုးရေး မုန်းတီးမှု ကြီးသထက်ကြီးလေ သူတို့ အတွက် ကောင်းလေလို့ သဘောထားတယ်။ (ကြီးတဲ့အတိုင်းအတာကို ဘယ် လောက်အထိ ကြီးစေချင်သလဲ ဆိုတော့ သူတို့ အာဏာကို မခြိမ်းခြောက်တဲ့ပမာဏအထိ ကြီးစေချင်တယ်။ အဲဒီထက် ပိုလာမှ ထိန်းပါတယ်။)
ဒီတော့ အဓိကရုဏ်းကို ကြီးလာအောင် စောင့်ကြည့်တယ်၊ လက်ပိုက်ကြည့်တယ်။ ဒီလိုလုပ်နေခြင်းအားဖြင့် စစ်တပ်လာ ပါတော့၊ ကူပါတော့ ဆိုတာမျိုးလည်း ဖြစ်စေချင်တယ်။ စစ်တပ်မရှိရင် တိုင်းပြည်ကို ထိန်းမရဘူးဆိုတဲ့ အမြင်မျိုးလည်း မြင်စေချင်တယ်။ အဲဒီအမြင်ကို ဦးအောင်မင်းက မိတ္ထီလာမှာ ပေါ်တင်ဖြန့်တယ်။ “လူတွေက ရဲကို မကြောက်ဘူး။ စစ် တပ်မှ ကြောက်တာ” လို့ ပြောတယ်။ စစ်တပ်ကယ်တင်ရှင် အတွေးအခေါ်ကို နောက်ကနေ တဘက်လှည့် အောက် လမ်းနည်းနဲ့ ဖဘနဲ့ ဂျာနယ်တွေထဲမှာ ရှိတဲ့ သူတို့ ဒလျှိုဒလန်တွေကတဆင့် ထပ်ပြီး ဝါဒပြန်ဖြန့်တယ်။ တခြားတဘက် မှာ လူမျိုးရေး ဘာသာရေး အမုန်းကိုလည်း ရေလောင်းပေါင်းသင် မွေးမြူထားပြီးသား ဖြစ်သွားတယ်။ နောင်လိုချင်ရင် လိုသလို အသုံးချလို့ ရမယ်လို့ တွေးတယ်။ ဒါ့အပြင် နောက်ထပ် တခြား တဘက်မှာ သူတို့ ခေါင်းပေါ် တက်လောင်နေ တဲ့ လက်ပံတောင်းမီး…… ၊ အဲဒီမီးအပေါ်မှာ ရောက်နေတဲ့ လူထုရဲ့ အာရုံကို လွှဲထားပြီးသားလည်း ဖြစ်သွားမယ်။ ဒါပါပဲ။ ဒီပွဲမှာ အစိုးရရဲ့ လုပ်ရပ်က ဒါပဲ။
အစီအစဉ်တကျ အကြမ်းဖက်ဖျက်ဆီးမှု
ဒါ့အပြင် ရမည်းသင်းမှာ ရွာကအိမ်တွေကို လူတွေသွားပြီး မီးရှို့သွားတဲ့လုပ်ရပ်။ ကားသုံးစီးနဲ့ လာရှို့တယ်တဲ့။ ဒီလို လူအများအပြား ကားနဲ့ သွားရောက်မီးရှို့တယ်ဆိုတာ သာမန်ပြည်သူတွေရဲ့ လုပ်ရပ်မဟုတ်ဘူး။ အဖွဲ့အစည်းတခုခု ကနေ အစီအစဉ်တကျလုပ်တဲ့ လုပ်ရပ်။ စစ်ဆင်ရေးဆန်တဲ့ လုပ်ရပ်။ ဒါမျိုးကို အသင်းအဖွဲ့မပါဘဲ လုပ်လို့မရဘူး။ အခု ဖြစ်တဲ့ ဘာသာရေး အဓိကရုဏ်းမှာ သာမန်ပြည်သူတွေကမူစလင်ဆန့်ကျင်ရေး အဖွဲ့အစည်း ဖွဲ့ပြီး စည်းရုံးလှုပ်ရှားတဲ့ အဆင့် မရှိသေးဘူး။ ဒီတော့ ဒါဟာ သာမန်ပြည်သူတွေ ရဲ့ လက်ချက်မဟုတ်ဘူးလို့ ဆိုချင်တယ်။
နောက်တချက်က အနီးအနား တခြား မြို့ကြီးတွေမှာ စာရွက်စာတမ်းတွေ ဝေတဲ့ ကိစ္စ။ မိတ္ထီလာမှာလည်း အဓိကရုဏ်း မစတင်ခင်မှာ အချိန်အများကြီး ကြိုတင်ပြီး စာရွက်တွေဝေခဲ့တယ်။ ရမည်းသင်းမှာ မဖြစ်ခင်လည်း စာရွက်တွေ ဝေခဲ့ တယ်။ တခြားမြို့တွေမှာလည်း အခုထိ စာရွက်ဝေကြတယ်။ ဒီလို စာရွက်ဝေတာတွေကို တွေ့တော့ အခုနောက်ပိုင်းမှာ ကြံ့ဖွတ်နဲ့ စွမ်းအားရှင်တွေက အောက်လမ်းနည်းသုံးပြီး အတိုက်အခံယောင်ယောင် ဘာယောင်ယောင်နဲ့ စာရွက်တွေဝေ တတ်တာကို သွားသတိရမိတယ်။ ဒေါ်အောင်ဆန်းစုကြည် ဆန့်ကျင်ရေးတို့ ဒေါ်အမာ ဆန့်ကျင်ရေးတို့ကို ကြံ့ဖွတ်တွေ စာရွက်ဝေခဲ့ဖူးတာကို မှတ်မိကြမှာပါ။
ဒီလို အစီအစဉ်တကျ လှုံ့ဆော် တိုက်ခိုက်မှုတွေကို လုပ်တဲ့သူဟာ ဗုဒ္ဓဘာသာ အစွန်းရောက်ဂိုဏ်း သို့မဟုတ် အစိုးရ ဒလျှို လက်ကိုင်တုတ် တွေသာ ဖြစ်နိုင်တယ်။ ပိုပြီး ဖြစ်နိုင်တာကို ပြောရရင် အဲဒီအမျိုးအစား နှစ်ခုစလုံးနဲ့ အကြုံးဝင် သော တခုတည်းသော အဖွဲ့အစည်းဖြစ်ဖို့ ပိုများပါတယ်။ ဒါမျိုးကို လူမသိအောင် ဖုံးဖိပြီး လုပ်နိုင်တာ အစိုးရလူတွေပဲ ရှိတယ်။ အစိုးရ မဟုတ်တဲ့လူက အကြမ်းဖက် ဂိုဏ်းဂဏ ဖွဲ့စည်းနိုင်ဖို့ ဆိုတာ မလွယ်ပါဘူး။ (ဒီပဲယင်းမှာ လုပ်တဲ့ စွမ်း အားရှင်တွေ ကြံ့ဖွတ်တွေကို အခုထိ နာမည်မဖော်ထုတ် နိုင်ကြသေးတာကို သတိရပါ။ တချို့ပါဝင်တဲ့ လူတွေကို နာမည်နဲ့ သိတဲ့လူတွေ ရှိပါတယ်။ မဖော်ထုတ်နိုင်ကြသေးတာပါ။)
သွေးထိုးလှုံ့ဆော် ဝါဒဖြန့်မှုတွေကို ကိုယ်တိုင် ပြုလုပ်ခြင်းနဲ့ ခွင့်ပြုခြင်း
မိတ္ထီလာ အရေးမှာ အစိုးရကို လက်ညှိုးထိုးတာ ဒါလောက်ကြောင့်ပဲလား ဆိုတော့ မဟုတ်သေးဘူး။ ဒါက ဖြစ်လာပြီးမှ ပွားအောင် ကြီးအောင်လုပ်ယူတဲ့အပိုင်း။ မဖြစ်ခင်က ဖြစ်လာအောင် မွှေးယူပျိုးယူတဲ့ အပိုင်းလည်း ရှိသေးတယ်။
ရခိုင်အရေးအခင်းကတည်းက သမ္မတရုံးညွှန်ကြားရေးမှူး ကိုဇော်ဌေး ခေါ် မှူးဇော်က ဖဘကနေ ပြောင်ဆွပေး မြှောက် ပေးခဲ့တယ်။ အဲဒီအထောက်အထားတွေ သိမ်းထားပါတယ်။ အချိန်မရွေး ပြန်ထုတ်ပြလို့ ရတယ်။ အဲဒီနောက် မူစလင် ဆန့်ကျင်ရေး ဟောပြောတာတွေ၊ စည်းရုံးတာတွေ လှုံ့ဆော်တာတွေ နေရာအနှံ့အပြားက ထွက်လာတယ်။ ကျယ်ကျယ် လောင်လောင် ထွက်လာတယ်။မူစလင်စီးပွားရေးလုပ်ငန်းတွေကို အားမပေးဖို့ တိုက်တွန်းလှုံ့ဆော်တာတွေလည်း ထွက် လာတယ်။ ဒါတွေအားလုံးကို အစိုးရက လွှတ်ပေးထားတယ်။ ဒါဟာ အစိုးရက မွှေးတဲ့မီးပဲ။ အစိုးရမွေးထားတဲ့ မီးပဲ။ အ စိုးရ ပျိုးယူထားတဲ့မီးပဲ။ တိုင်းပြည်တပြည်မှာ ဒီလို အမုန်းမီးကို မွေးထားတာဟာ တချိန်မှာ တတိုင်းတပြည်လုံးမှာ အလွန်ဆိုးဝါးကြေကွဲဖွယ် ထိခိုက်နစ်နာ ဆုံးရှုံးမှုမျိုးတွေ ဖြစ်တတ်တယ်။ ဒီလိုမီးကို ဆက်ပျိုးထားရင် အကြောင်းရင်း ဖြစ်တဲ့ လူမျိုးရေး လှုံ့ဆော်တဲ့ ဟောပြော ရေးသားမှုတွေကို ဆက်အားပေးထားရင် ဒီ့ထက်ဆိုးတဲ့ ကြေကွဲစရာတွေ ဖြစ် လာနိုင်သေးတယ်။ ဒီအန္တရာယ်မျိုးကို အစိုးရ လုပ်တဲ့လူတွေ သိတယ်။ တိုင်းပြည်ကို ချစ်တဲ့ အမြှော်အမြင်ရှိတဲ့ ဘယ် အစိုးရမျိုးမှ မလုပ်ဘူး။ အခုလုပ်ရပ်တွေက သိရက်နဲ့ လုပ်ယူနေတာ။ အင်္ဂလိပ်အစိုးရ လက်ထက်ကတည်းကပဲ။ အင်္ဂလိပ်အစိုးရက သူ့အုပ်ချုပ်ရေး ပြေလည်ဖို့အတွက် ဗမာတွေ အိန္ဒိယတွေကို တိုက်ပေးခဲ့တယ်။ ဒီလမ်းစဉ်ကို စစ်အာ ဏာရှင် တိုင်းရင်းသား အစိုးရက အတုခိုးကျင့်သုံးတာပဲ။ လိုရင်းကတော့ အာဏာတည်မြဲရေးပဲ။
အရင်တုန်းက ဗုဒ္ဓဘာသာနဲ့မူစလင်တိုက်ပေးတဲ့အခါမှာ မူစလင်ဘက်က ဆွတဲ့စာကို ဖြန့်ပြီး သုံးတာများတယ်။ အင်္ဂလိပ်ကမွေးထားပြီး ထုတ်သုံးတာက မော်လဝီနဲ့ ယောဂီစာအုပ်။ ဒီစာအုပ်ကို စစ်အစိုးရ အဆက်ဆက် အမွေခံပြီး ခဏခဏ ထုတ်သုံးခဲ့ကြသေးတယ်။ ဒီနေ့ခေတ်မှာ ဦးသိန်းစိန် အစိုးရက အသစ် မွေးထားပြီး လိုရင် ထုတ်သုံးတာက ကိုးခြောက်ကိုး။ တသက်လုံး ဘယ်တုန်းကမှ မရှိတဲ့ ဒီကိုးခြောက်ကိုး အတွေးအခေါ်တွေ လှုံ့ဆော်မှုတွေ ပြန့်ပွားလာ တာ၊ ဒါတွေကို အစိုးရ တာဝန်ရှိသူတွေ မသိကျိုးကျွံပြုနေတာဟာ ပြဿနာရဲ့ အခြေခံလောင်စာပဲ။ ဒါတွေကို မသိကျိုး ကျွံပြုတယ်ဆိုတာ သွေးရိုးသားရိုး မဟုတ်ဘူး။ မွေးထားတာ။ လိုရင် ထုတ်သုံးဖို့ ကြီးထွားလာအောင် မွေးမြူထားတာ။ သူက အစိုးရသစ် ဆိုသကိုးဗျ။ ဒီတော့ စာအုပ်အသစ် တံဆိပ်အသစ်တွေ မွေးယူတာပေါ့။ ဒါပေမဲ့ မလိုရင် ထိုးကျွေးပါ လိမ့်မယ်။ ဒါကိုလည်း ၉၆၉ များ သတိပြုကြပါ။
နောက်အန္တရာယ်ရှိသူက မစိုးရိမ်ဆရာတော် ဦးဝီရသူ။ ဦးဝီရသူရဲ့ သင်္ကန်းမှာ သွေးစွန်းနေပြီ။ မိတ္ထီလာ အရေးမှာ ဦးဝီရသူ ပါရာဇိက ကံ ထိုက်သွားပြီလို့ ဆိုချင်တယ်။ မိတ္ထီလာမှာ အများအပြား သေကြေဆုံးရှုံးမှုတွေဟာ ဦးဝီရသူ ပယောဂ မကင်းဘူး။ စိတ်ကောင်းရှိရင် ဦးဝီရသူ နောင်တရဖို့သင့်ပြီ။ ဒါပေမဲ့ နောင်တရတဲ့ လက္ခဏာ မတွေ့ရဘူး။ သူ့ကြောင့် လူအများအပြား သေကြရပေမဲ့ နောင်တမရဘူး။
မစိုးရိမ်ဆရာတော် ဦးဝီရသူဟာမူစလင်ဆန့်ကျင်ရေး တရားတွေ လှုံ့ဆော်ဟောပြောခဲ့ တယ်။ မူစလင်ဆန့်ကျင်ရေးကို ဖဘကနေ တွင်တွင်ကျယ်ကျယ် အစီအစဉ်ရှိရှိလုပ်တယ်။ ဒါတွေဟာ ရာဇဝတ်မှုမြောက်တဲ့ ဟောပြောချက်တွေပဲ။ ဘာ သာနှစ်ခု လူ့အဖွဲ့အစည်းနှစ်ခုအကြားမှာ အဓိကရုဏ်း အကြီးအကျယ် ဖြစ်ပွားစေတဲ့ လှုံ့ဆော်မှုတွေပဲ။ ဒီလို သူတပါးဘာ သာကို ထိခိုက်ဟောပြောတာမျိုးကို ဘယ်အစိုးရကောင်းကမှ ခွင့်မပြုဘူး။ ခုတော့ သမ္မတကြီး ထောက်ခံပွဲလုပ်ထားလို့ လား မသိဘူး။ ဦးဝီရသူကို စိတ်ကြိုက်ဟောပြောခွင့် ပေးတယ်။ ဦးဝီရသူဟာ ဆန္ဒပြခွင့် ဥပဒေပေါ်လာပြီးနောက်မှာ တကြိမ်တည်းသာ လူတသောင်းအထိ ခွင့်ပြုဖူးတဲ့ ဆန္ဒပြပွဲကို ဦးဆောင်စီစဉ်ခဲ့သူပါ။ အဲဒီဆန္ဒပြပွဲကလည်း သမ္မတကြီး ကိုထောက်ခံပြီး မူစလင်ကို ဆန့်ကျင်တဲ့ ဆန္ဒပြပွဲပါ။ အဲဒီ ဦးဝီရသူက အဓိကရုဏ်းတွေ ဖြစ်လာတော့ သူကပဲ ကယ် တင်ရှင် လုပ်ပြန်တယ်။ ကယ်တင်ရှင်လုပ်ရင်းကနေပဲ ဖဘ ကနေ ဖွတဲ့ အလုပ်ကိုလည်း ဝတ္တရားမပျက် ဆက်လုပ်ပြန် တယ်။ ဒီလို အငြင်းပွားဖွယ် အဖြစ်ဆုံးပုဂ္ဂိုလ်ဟာ မစ္စတာ နမ်ဘီးယားနဲ့ အစိုးရဝန်ကြီးတွေ မိတ္ထီလာကို လာပြီး တိုင်းခန်း လှည့်လည်တဲ့အခါ ဗုဒ္ဓဘာသာ ခေါင်းဆောင်အဖြစ် ပါလာပြန်တယ်။ ဒီလုပ်ရပ်ဟာ အများကြီး စဉ်းစားတွေးတောစရာ တွေ ဖြစ်ပေါ်စေပါတယ်။
ဖဘ ပေါ်မှာလည်း လေ့လာကြည့်ပါ။ မူစလင်ဆန့်ကျင်ရေးကို အကြီးအကျယ်လုပ်တဲ့သူ အများစုဟာ တပြိုင်တည်းမှာပဲ အစိုးရထောက်ခံသူတွေ ဖြစ်ကြတယ်။ အစိုးရလူတွေအားလုံးဟာလည်းမူစလင်ဆန့်ကျင် သူတွေဖြစ်ကြတယ်။ ဖဘပေါ် မှာ မူစလင်ဆန့်ကျင်ရေးလုပ်တဲ့ သူတွေရဲ့ စာတွေကို မှူးဇော်တို့ ဦးရဲထွတ်တို့က သူတို့ စာမျက်နှာကနေ ပြန်ဖြန့် ပြန်ဝေ လုပ်ပေးတယ်။ တချိန်က မှူးဇော် ကိုယ်တိုင်ရေးတာတွေဟာ ပြဿနာအကြီးအကျယ်တက်လာလို့ အခု တခြားနာမည်နဲ့ ရေးပြီး သူတို့ အကောင့်တွေကတဆင့် ပြန်ဖြန့်ပေး၊ ကြော်ငြာပေးနေသလားမှတ်ရတယ်။ သေချာတာ တခုကတော့ အစိုးရဘက်တော်သား အားလုံးဟာ မူစလင်ဆန့်ကျင် မုန်းတီးသူတွေ ဖြစ်ပြီး မူစလင်ဆန့်ကျင် မုန်းတီးသူတွေထဲက အများစုဟာလည်း အစိုးရ ထောက်ခံသူတွေ ဖြစ်တယ်ဆိုတဲ့ အချက်ပဲ။
အစိုးရ ဘက်တော်သားတွေအားလုံးက မူစလင်ကို ခါးခါးသီးသီး မုန်းတီးနေတဲ့အချက်နဲ့ လုံခြုံရေးတွေက အဓိကရုဏ်း ကို ကြီးထွားအောင် လက်ပိုက်ကြည့်နေတဲ့အချက်ဟာ တိုက်ဆိုင်မှု မဟုတ်ဘူး။
လက်ပံတောင်းကို အာရုံလွှဲခြင်း
ဒီလိုအချိန်မှာပဲ ဒေါ်အောင်ဆန်းစုကြည်ရဲ့ တိုက်တွန်းချက်ကြောင့် ခွင့်ပြုချက်တောင်းယူပြီး လက်ပံတောင်းမှာ ဆန္ဒပြ နေကြတယ်။ လက်ပံတောင်း ဆန္ဒပြပွဲဟာ လူမျိုးရေး အဓိကရုဏ်းကြောင့် မှေးမှိန်သွားတယ်။ ဘယ်မီဒီယာမှာမှ တက်မ လာဘူး။ ဒါဟာ သူတို့ လိုချင်တဲ့ ရလဒ်ပါပဲ။ လက်ပံတောင်းမှာ ဆန္ဒပြချင်သလောက် ပြ။ သူတို့ မမှုပါဘူး။ ခွင့်ပြုဖို့လည်း ညှိထားပြီးပါပြီ။ တခြား ဒေသက ပြည်သူတွေ သတိမထားမိကြဖို့၊ တခြား ဒေသကလူတွေ မကူညီကြဖို့က အဓိကပါ။ မညောင်းရင် မင်းတို့ လမ်းလျှောက်ကြ။ ငါတို့က ဂရုမစိုက်ဘူးဆိုတဲ့ သဘောနဲ့ လစ်လျူရှုထားပါလိမ့်မယ်။ ဆန္ဒပြချင်ပြ၊ လိုက်လည်း မလိုက်လျောဘူး၊ အသိအမှတ်လည်း မပြုဘူး ဂရုလည်း မစိုက်ဘူးဆိုတဲ့ သဘောနဲ့ သူလုပ်ချင်ရာ ဆက် လုပ်ပါလိမ့်မယ်။
ဒါပေမဲ့ ဒီမိုကရေစီလုပ်နေပါပြီဆိုတဲ့ အစိုးရရယ်၊ ငြိမ်းချမ်းချင်ပါတယ်ဆိုတဲ့ နိုင်ငံရေးသမားကြီးတွေရယ် သိထားဖို့က ငြိမ်းငြိမ်းချမ်းချမ်း ဆန္ဒပြနေ တာကို လစ်လျူရှုတာဟာ ဆူဆူပူပူ လုပ်အောင် ဖိတ်ခေါ်ရာရောက်တယ်ဆိုတာပါပဲ။ ငြိမ်း ငြိမ်းချမ်းချမ်း ဆန္ဒပြကြပါလို့တော့ ပြောတယ်။ ငြိမ်းငြိမ်းချမ်းချမ်း ဆန္ဒပြနေတော့လည်း ပြချင်ပြ ဘယ်သူကမှ အရေးမ လုပ်ဘူး၊ ပစ်ထားလိုက်မယ်ဆိုရင် သူတို့ကို စကားပြောလာအောင်၊ သူတို့ကို အာရုံစိုက်လာအောင် သူတို့ဟာ ပိုထိ ရောက်တဲ့ နည်းလမ်းမျိုးကို ရွေးကြရတော့မယ်။ ဒါဟာ သူတို့ရွေးချင်လို့ ရွေးရတာမဟုတ်၊ သူတို့ကို အဲသလို လမ်းမျိုး ရောက်အောင် တွန်းပို့တာပဲဆိုတာ သိကြဖို့လိုတယ်။
ပြီးခဲ့တဲ့ တလျှောက်မှာလည်း လယ်တွေ မပေးချင်လို့ သီးနှံလျော်ကြေး မလိုချင်ပါဘူး။ မြေမငှားချင်ဘူးလို့ တောင်းပန်တဲ့ အချိန်မှာ လယ်သမားတွေကို ခြိမ်းခြောက်ဖမ်းဆီးတယ်။ ဒီအချိန်မှာ ဘယ်နိုင်ငံရေးသမားက မှဝင်မကူဘူး။ လယ်သမား တွေကို ပစ်ထားတယ်။ လယ်သမားတွေက မတတ်သာတဲ့ အဆုံး သူတို့ နစ်နာချက်ကို လူသိအောင် ဆန္ဒပြအော်ဟစ် လာတော့ နိုင်ငံရေးသမားတွေ ခေါင်းဆောင်ကြီးတွေက ဘာ့ကြောင့် မဆွေးနွေးနိုင်ရသလဲ။ ဆွေးနွေးတဲ့နည်းအရင် မသုံးဘဲ ဘာ့ကြောင့် ထစ်ကနဲရှိ ဆန္ဒပြနေရသလဲ ဆိုပြီး ထအော်တယ်။ ဒီမိုကရေစီ ခေါင်းဆောင်ကြီးများခင်ဗျာ။ စဉ်း စားပြီးပြောပါ။ နားနားပြီး ပြောပါခင်ဗျား။
ဆန္ဒပြဖို့ အကြိမ်ကြိမ်ခွင့်တောင်းပြန်တော့လည်း ခွင့်မပေးဘူး။ ခွင့်ပြုချက်မယူဘဲ ဆန္ဒပြပြန်တော့ တရားဥပဒေနဲ့ မညီ ဘူးဆိုပြီး လက်ညှိုးထိုးပြန်တယ်။ အခုတိုက်ယူ တောင်းယူလို့ ဆန္ဒပြခွင့်ကလေး လောက်တော့ ရလာပြီ။ အကန့်အ သတ်နဲ့ ရတာပါ။ ရလာတဲ့ အခွင့်အရေးလေးနဲ့ ဆန္ဒပြပြန်တော့ နိုင်ငံရေး သမားကြီးတွေ ဘာလုပ်နေလဲ။ ဒီမိုကရေစီ မိခင်ကြီးနဲ့ ဖခင်ကြီး ဘာလုပ်နေလဲ။ သူတို့ နားမကြား ကြပြန်ပါဘူး။ အေးအေးတောင်းရင် နားမကြားဘူး၊ ဆူရင်ပူရင် သတ်မယ်၊ ဖြတ်မယ်။ ဒါပဲလား။ ခင်ဗျားတို့ ပေးမယ့် ဒီမိုကရေစီ။
ရိုးရိုးဆန္ဒပြတာကို မကြားချင်ယောင်ဆောင်နေလို့ ပါဖောင်းမန့်လုပ် အခေါင်းမီးရှို့ စသဖြင့် သူတို့ ဒုက္ခကို လူတွေ အာရုံစိုက်လာအောင် လုပ်ပြန်တော့လည်း ပြင်ပကလူတွေ ပါလာပြီ ဘာညာဆိုပြီး ဝေဖန်ကြပြန်တယ်။
လက်ပံတောင်း ထွက်ပေါက်
လက်ပံတောင်းက တောင်သူလယ်သမားများခင်ဗျာ။ ခင်ဗျားတို့ကို ထွက်ပေါက် မရှိအောင် ပိတ်နေပါတယ်။ ခင်ဗျား တို့ကို အကြမ်းဖက်ချင်လာအောင် အစိုးရက တွန်းပို့နေပါ တယ်။ ဒါပေမဲ့ ဒီလိုတွန်းပို့တဲ့ အတွက် ခင်ဗျားတို့ အကြမ်းမ ဖက်ကြပါနဲ့။ ဒါဟာ ထောင်ချောက်ပါ။ သူတို့က သေနတ်နဲ့ ပစ်ဖို့ စောင့်နေပါတယ်။ မီးလောင်စေတတ်သော မီးခိုးဗုံး ဆိုသော အရာနဲ့ ဖြိုခွဲဖို့ စောင့်နေပါတယ်။ ဒီတခါ ခင်ဗျားတို့ သပိတ်စခန်းမှာ တာပေါ်လင် မမိုးဘဲ မီးထလောင်ရင် “ဆောရီးပါ။ ဒီတကြိမ် စမ်းသပ်ပြီးမှပဲ တာပေါ်လင် မမိုးရင်လည်း မီးလောင်တတ်တာပဲ ဆိုတာကို ကျနော်တို့ သိပါ တော့တယ်၊ ကျနော်တို့ အတွေ့အကြုံနည်းပါတယ်။ ကျနော်တို့ကို နိုင်ငံခြား လွှတ်ပြီး သင်တန်းပေးပါဦး” လို့ ဆိုပါလိမ့် ဦးမယ်။
တကယ်တော့ လက်ပံတောင်း လူထုအနေနဲ့ ရွေးချယ်သင့်တဲ့နည်းက တနည်းပဲရှိပါတယ်။ လက်ပံတောင်း အရေးနဲ့ ပတ်သက်တဲ့ ဆန္ဒပြပွဲတွေကို လက်ပံတောင်းမှာတင်မကပဲ တခြားနေရာတွေမှာလည်း ပြုလုပ်လို့ ရပါတယ်။ အရင်က လည်း နည်းနည်းပါးပါး လုပ်ခဲ့ဖူးပါတယ်။ ဒါပေမဲ့ အဲဒီတုန်းက ဆန္ဒပြခွင့် မရလို့ လူများများ မပါနိုင်ခဲ့ပါဘူး။ အခု ဘယ်မှာ ပဲ ဆန္ဒပြပြ ရစေ့မယ်လို့ အာမခံထားသူ ရှိနေပါပြီ။ ဒေါ်အောင်ဆန်း စုကြည်က ပြောထားပါတယ်။ သူ့အိမ်ရှေ့မှာ ဆန္ဒပြ ချင်တယ်ဆိုရင်လည်း ရပါစေ့မယ်လို့ အာမခံထားပါတယ်။
ဆန္ဒပြခွင့်တောင်းတာကို သူတို့ ကတိဖျက်ပြီး မပေးရင်လည်း ဥပဒေအရ ဘာ့ကြောင့် ခွင့်မပေးသလဲဆိုတာ ဖြေရှင်း ချက်တောင်းလို့ရပါတယ်။ သူတို့ ဖြေရှင်းချက် ပေးရပါမယ်။ ဆီလျော်တဲ့ ခိုင်လုံတဲ့ အကြောင်းပြချက် ဖြစ်ရပါမယ်။ လုံခြုံ ရေး ထိခိုက်မှာ ကြောက်လို့ဆိုတဲ့ ဖြီးလုံးဖြန်းလုံးလောက်နဲ့ မရပါဘူး။ လုံခြုံရေး ထိခိုက်မယ်လို့ ယူဆရင် သူတို့က လုံခြုံ ရေး ပေးရမယ်။ ဒီ့ထက်ပိုပြီး အများပြည်သူရဲ့ အသက်အိုးအိမ်စည်းစိမ်ကို ထိပါးမှာ စိုးရိမ်တယ်ဆိုရင် ဘာ့ကြောင့် စိုး ရိမ်ရကြောင်း ရှင်းချက်တောင်းနိုင်ပါတယ်။ သူများ တိုင်းပြည်တွေမှာ လူသိန်းပေါင်းများစွာ ဆန္ဒပြဖို့ ခွင့်တောင်းတာကို အစိုးရတွေက ခွင့်ပြုချက်ပေးရပါတယ်။ ဒီတော့ အကြောင်းပြချက် မခိုင်လုံပဲ ဆန္ဒပြခွင့်ကို ပိတ်ပင်ရင် အခြေခံ ဥပဒေ ကိုင်ပြီး တရားစွဲလို့ ရပါတယ်။ တရားစွဲရင်လည်း သူတို့ကိုယ် သူတို့ အနိုင်ပေးမှာပဲ ဆိုပေမဲ့ လူအများသိအောင် စွဲသင့် ရင် စွဲရပါလိမ့်မယ်။
ဒီတော့ ပြည်သူကို ပြည်သူကသာ ကူညီနိုင်ပါတယ်။ ဆင်းရဲသားကို ဆင်းရဲသားချင်းကသာ ကူညီတတ်တယ်လို့ ဆိုချင် ပါတယ်။ အများပြည်သူရဲ့ ဝိုင်းဝန်းမှု မပါဘဲ လက်ပံတောင်း ပြဿနာ မပြီးနိုင်ပါဘူး။
လူထုအထက် ဥပဒေအထက် အရာအားလုံးအထက်ရောက်နေသောကြောင့် နားမကြားနိုင်ဖြစ်နေကြသော၊ နားမကြား ချင်ယောင်ဆောင်နေကြသော လူကြီးမင်းများဆီသို့ အသံပေါက်အောင် လုပ်နိုင်တဲ့နည်းဟာ ဒီနည်းပဲရှိမယ်လို့ အကြံပြု ချင်ပါတယ်။
ဇော်ဝင်း
၈၈ ကျောင်းသားဟောင်း
မတ် ၂၆၊ ၂၀၁၃
Ref: နေ့သစ်
Friday, March 29, 2013
လက်ပံတောင်းသည် ဒီမိုကရေစီအရေး၊ လူမျိုးရေးမုန်းတီးမှုသည် ဒီမိုကရေစီ ဆန့်ကျင်ရေး
ဆင်ခြင်တုံတရားနဲ့ အတူ လက်တွဲလုပ်နိုင်ဖို့ အရေးကြီးတယ် လို့ ဒေါ်အောင်ဆန်း စုကြည် ပြော
2013-03-28
နိုင်ငံ့အရေး လုပ်ဆောင်ကြရာမှာ ဆင်ခြင်တုံ တရားရှိဖို့နဲ့ အားလုံးနဲ့ လက်တွဲ အလုပ်လုပ်နိုင်ဖို့ လိုတယ်လို့ ဒေါ်အောင်ဆန်းစုကြည် က ပြောကြား လိုက်ပါတယ်။
ဖခင်ဖြစ်သူရဲ့ ဇာတိဖြစ်တဲ့ မကွေးတိုင်း နတ်မောက်မြို့မှာကျင်းပတဲ့ ဗိုလ်ချုပ်အောင်ဆန်း အထိမ်းအမှတ် “အောင်ဆန်း ကွန်ပျူတာ ကျောင်းဆောင်သစ်” ဖွင့်ပွဲနဲ့ လှူဒါန်းပွဲကို ဒီကနေ့တက်ရောက်စဉ် အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က အခုလို ပြောလိုက်တာဖြစ်ပါတယ်။
"နိုင်ငံရေးလုပ်တယ်ဆိုတာ ဦးနှောက်ကိုလည်း သုံးရတယ်၊ ဆင်ခြင်တုံ တရားလည်း ရှိရတယ်၊ နောက်ပြီးတော့လည်း ကျမတို့ဟာ အားလုံးနဲ့ လက်တွဲပြီးတော့ လုပ်နိုင်တဲ့ အခြေအနေကိုလည်း ဦးတည်ရတယ်၊ ကျမတို့ ကြားထဲမှာ စည်းလုံး ညီညွှတ်မှုရှိမှ တိုးတက်နိုင်မှာပါ၊ စည်းလုံး ညီညွှတ်မှု မရှိပဲနဲ့ မတိုးတက်နိုင်ပါဘူး၊ အဲတော့ ဒီနတ်မောက်မြို့သူ မြို့သားတွေက စပြီးတော့ ကျမတို့ရဲ့နိုင်ငံအတွက် စံပြပြည်သူပြည်သားတွေဖြစ်အောင်လို့ နေပေးစေချင်ပါတယ်"
ဒီလှူဒါန်းတဲ့ ကျောင်းဆောင်ကို သီတဂူဆရာတော် ဦးဥာဏိဿရ ကြီးမှူးပြီး ဘယ်လဂျီယံနိုင်ငံ အလှူရှင်အဖွဲ့တဖွဲ့က ငွေကျပ်သိန်း ၁၆၀၀ ကျော် မတည် လှူဒါန်းတာဖြစ်ပါတယ်။
ဒီဖွင့်ပွဲကို သီတဂူဆရာတော်ကြီးရဲ့ တပည့်ဒါယိကာတွေ၊ အမျိုးသားဒီမိုကရေစီ အဖွဲ့ချုပ် အဖွဲ့ဝင်တွေနဲ့ နတ်မောက်ဒေသခံတွေ တက်ရောက် ခဲ့ပါတယ်။
Ref: RFA News
လူမျိုးရေးပဋိပက္ခကြောင့် လူမှုအကြပ်အတည်းဖြစ်ဖွယ် ကုလ သတိပေး
မခင်ဖြူထွေး
28.03.2013
မြန်မာနိုင်ငံမှာ ဘာသာရေးနဲ့လူမျိုးရေး ပဋိပက္ခအသွင်ဆောင်တဲ့ အကြမ်းဖက် အဓိကရုဏ်းတွေ ဆက်လက် ဖြစ်ပွားနေချိန်မှာ လူသားချင်း စာနာမှုဆိုင်ရာ အကျပ် အတည်း ကြုံနေရပြီလို့ လူသားချင်း စာနာကူညီမှု ဆိုင်ရာ ကုလသမဂ္ဂ ညှိနှိုင်းရေးမှူးရုံး UNOCHA က အကြီးတန်း အရာရှိတဦးက သတိပေးပြောဆို လိုက်ပါတယ်။ အကြမ်းဖက်မှုတွေကြောင့် အိုးအိမ်မဲ့ ဒုက္ခရောက်နေသူတွေ အတွက် အကူအညီတွေ အရေးတကြီး လိုအပ်နေတဲ့ အကြောင်းနဲ့ အကူအညီပေးနေသူတွေ အပေါ် ခြိမ်းခြောက်မှုတွေ ရှိနေတာမှာလည်း စိုးရိမ်မကင်းဖြစ်တဲ့ အကြောင်းတွေကို လူသားချင်း စာနာကူညီမှု ဆိုင်ရာ ကုလသမဂ္ဂ ညှိနှိုင်းရေးမှူးရုံး UNOCHA ရဲ့ လုပ်ငန်းဆောင်ရွက်မှု ဆိုင်ရာ ညွှန်ကြားရေးမှူး ဂျွန်ဂင်း (John Ging) က မနေ့က ကြာသပတေးနေ့က နယူးယောက်မြို့ ကုလသမဂ္ဂရုံးမှာ သတင်းထောက်တွေနဲ့ တွေ့ဆုံစဉ် ပြောသွားခဲ့တာ ဖြစ်ပါတယ်။ မခင်ဖြူထွေးက အပြည့်စုံ ပြောပြပါမယ်။
ပြီးခဲ့တဲ့နှစ်က ရခိုင်ပြည်နယ်တွင်း အကြမ်းဖက် ပဋိပက္ခတွေကြောင့် အိုးအိမ်မဲ့ဖြစ်ခဲ့ရသူ ၁ သိန်းကျော် အတွက် အရေးပေါ် အကူအညီတွေ လိုအပ်နေဆဲဖြစ်ပြီး လယ်ကွင်းတွေ ထဲမှာ နေထိုင်နေကြရတဲ့ သောင်းနဲ့ချီတဲ့ ဒုက္ခသည်တွေဟာ သိပ်မကြာခင် မိုးရာသီ စတာနဲ့ ရေအောက်မြှုပ်မယ့် အခြေအနေမှာ ကြုံနေတာကြောင့် ဒီလူတွေကို ရွှေ့ပြောင်းနေရာချထားဖို့ အရေးတကြီး လိုအပ်နေတယ်လို့ UNOCHA ရဲ့ လုပ်ငန်းဆောင်ရွက်မှုဆိုင်ရာ ညွှန်ကြားရေးမှူး John Ging က ခုလို ပြောသွားခဲ့ပါတယ်။
“ကျနော်တို့မှာ အခု နောက်ထပ် စိုးရိမ်စရာဖြစ်နေတာက ဒုက္ခသည်စခန်းနှစ်ခုမှာရှိတဲ့ ဒုက္ခသည်ပေါင်း ၂၄,၀၀၀ ရဲ့ ကိစ္စပါ။ သူတို့ဟာ လယ်ကွင်းတွေထဲမှာ နေထိုင်နေကြရ တဲ့သူတွေပါ။ ရှေ့နှစ်လလောက်အတွင်းမှာ ဒီ ဒုက္ခသည်စခန်း နှစ်ခုလုံး ရေအောက်ကို လုံးဝရောက်သွားမယ့်အခြေအနေ ရှိနေပါတယ်။ ဆိုတော့ ဒီလူတွေကို ရွှေ့ပြောင်း နေရာချထားဖို့အတွက် ဆောင်ရွက်ဖို့ လိုပါတယ်။ ဒါ့အပြင် ဒီလို ဒုက္ခသည်တွေအားလုံး သူတို့ရဲ့ နေအိမ်တွေဆီ ပြန်သွားပြီး လွတ်လွတ်လပ်လပ် သွားလာလုပ်ကိုင်ခွင့် ရဖို့လိုပါတယ်။ ဒါမှ သူတို့ရဲ့ ပုံမှန်ဘ၀တွေကို ပြန်လည် တည်ဆောက်နိုင်မှာ ဖြစ်ပါတယ်။”
ရခိုင်ပြည်နယ်တွင်း ဒုက္ခသည်ရောက်နေသူတွေ အတွက် လူသားချင်းစာနာမှုဆိုင်ရာ အကူအညီ ဒေါ်လာ ၆၇ သန်း ကျော် လိုအပ်နေပေမဲ့ လောလောဆယ် အကူအညီငွေ ၃၉ သန်းလောက်သာ ရသေးတယ်လို့လည်း သူက ဆိုပါတယ်။ ဒီဒုက္ခသည်တွေအတွက် လိုအပ်တဲ့ အကူအညီတွေပေးဖို့ အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ (OIC) က ကမ်းလှမ်းထားတာရှိသလို မြန်မာအစိုးရအနေနဲ့ OIC နဲ့ ပူးပေါင်းဆောင်ရွက်မှုတွေ ပြန်လုပ်သွားဖို့လည်း မစ္စတာ ဂျွန်ဂင်းက တိုက်တွန်းပါတယ်။
မစ္စတာ ဂျွန်ဂင်းဟာ သိပ် မကြာခင်ကပဲ မြန်မာနဲ့ ဖိလစ်ပိုင်နိုင်ငံတွေကို ၄ ရက်ကြာခရီး သွားရောက်ခဲ့ပြီး ရခိုင်ပြည်နယ်တွင်းက ဒုက္ခသည်တွေရဲ့ အခြေအနေတွေနဲ့ အကူအညီပေးရေး လုပ်ငန်းတွေကို ကိုယ်တိုင် သွားရောက်ကြည့်ရှုခဲ့တာ ဖြစ်ပါတယ်။ ဒုက္ခသည်တွေကို အကူအညီပေးတဲ့နေရာမှာ အကန့်အသတ်တွေ ရှိနေသလို အကူအညီပေးနေကြတဲ့ ၀န်ထမ်းတွေအပေါ် ခြိမ်းခြောက်မှုတွေ ဆိုးဆိုးရွားရွား ရှိနေတဲ့အပေါ်မှာ အထူးစိုးရိမ်တဲ့အကြောင်း မစ္စတာ ဂျွန်ဂင်းက ပြောသွားပါတယ်။
“အဲဒီဒေသမှာ လုံခြုံးရေးအခြေအနေက တင်းကျပ်ပြီး ခက်ခဲပါတယ်။ အကူအညီပေးနေတဲ့ ၀န်ထမ်းတွေအပေါ် ခြိမ်းခြောက်မှုတွေကလည်း ဆိုးဆိုးရွားရွား ရှိနေပါတယ်။ ဒီလိုအခြေအနေတွေ အားလုံး စုနေတော့ အခု ကျနော်တို့ အကြီးအကျယ် စိုးရိမ်စရာဖြစ်နေရတာက လူတွေ အများအပြား အရေးတကြီး အကူအညီ လိုအပ်နေချိန်မှာ လိုအပ်တဲ့အကူအညီတွေကို ထိထိရောက်ရောက် မပေးနိုင်တဲ့အခြေအနေပါပဲ။”
ဒုက္ခသည်တွေအတွက် အကူအညီတွေ ထိထိရောက်ရောက် ပေးနိုင်ဖို့ လိုအပ်တဲ့ လုံခြုံရေးနဲ့ ထောက်ပို့ရေး အကူအညီတွေကို မြန်မာအစိုးရဘက်က ခုထပ်ပိုပြီး စီစဉ်ဆောင်ရွက်ပေးဖို့လည်း သူက တိုက်တွန်းခဲ့ပါတယ်။ ကုလသမဂ္ဂအနေနဲ့ အကူအညီလိုအပ်တဲ့ ရခိုင်ဒုက္ခသည်တွေကိုရော၊ ရိုဟင်ဂျာ မူစလင်တွေကိုပါ အကူအညီတွေ ပေးအပ်နေတာမှာ၊ အထူးသဖြင့် ရိုဟင်ဂျာမူစလင် ဒုက္ခသည်တွေကို အကူအညီပေးတဲ့နေရာမှာတော့ အကန့်အသတ်တွေ အများအပြား ရှိနေတာကြောင့် မြန်မာအာဏာပိုင်တွေ အနေနဲ့ ဒီအပေါ်မှာ တစုံတရာ ကူညီ ဖြေရှင်းဆောင်ရွက်ပေးဖို့ လိုအပ်တဲ့အကြောင်း မစ္စတာ ဂျွန်ဂင်းက ပြောသွားပါတယ်။
“အိုးအိမ်မဲ့ ဒုက္ခရောက်နေတဲ့ ရခိုင်လူမျိုးတွေကို သွားရောက် ကူညီရာမှာ အခက်အခဲ သိပ်မရှိပါဘူး။ ဒါပေမဲ့ ရိုဟင်ဂျာ ဒုက္ခသည်တွေဆီ အကူအညီပေးနိုင်ဖို့မှာတော့ အကန့်အသတ်တွေ ရှိနေပါတယ်။ ဒါကြောင့်လဲ ဒီလိုဖြစ်နေတဲ့ အခြေအနေကနေ တန်းတူ အကူအညီပေးနိုင်တဲ့ အခြေအနေကို ကျနော်တို့ လိုချင်ပါတယ်။”
ပြီးခဲ့တဲ့ ၂၀၁၂ ခုနှစ် သြဂုတ်လ က မစ္စတာ ဂျွန်ဂင်း မြန်မာနိုင်ငံကို တကြိမ် သွားရောက်ခဲ့သလို အဲဒီအချိန်ကနဲ့ အခုအချိန်ထိ ကာလအတွင်း သူတွေ့ရသလောက် မြန်မာအစိုးရအနေနဲ့ လူအဖွဲ့အစည်းအချင်းချင်းအကြား တင်းမာမှုတွေ ကို လျော့ကျအောင် ဆောင်ရွက်နိုင်ခြင်း မရှိတဲ့အကြောင်းနဲ့ ဒီအတွက် စိုးရိမ်မကင်းဖြစ်ရကြောင်းတွေကိုလည်း မနေ့က သတင်းစာရှင်းလင်းပွဲမှာ မစ္စတာ ဂျွန်ဂင်းက ထုတ်ဖော် ပြောသွားခဲ့ပါတယ်။
တချိန်တည်းမှာလည်း ကချင်ပြည်နယ်တွင်း သောင်းနဲ့ချီတဲ့ စစ်ဘေးဒဏ်သင့်ဒုက္ခသည်တွေ အရေးပေါ် အကူအညီတွေ လိုအပ်နေတဲ့အကြောင်း နဲ့ ဒီလူတွေကို ကုလသမဂ္ဂက လူသားချင်းစာနာတဲ့ အကူအညီတွေ ပေးပို့ရာမှာ အခက်အခဲတွေ ရှိနေတုန်းပဲလို့လည်း လူသားချင်းစာနာကူညီမှုဆိုင်ရာ ကုလသမဂ္ဂ ညှိနှိုင်းရေးမှူးရုံး UNOCHA ရဲ့ လုပ်ငန်းဆောင်ရွက်မှုဆိုင်ရာ ညွှန်ကြားရေးမှူး ဂျွန်ဂင်း က ပြောဆိုသွားခဲ့ပါတယ်။
Ref: VOA News
မြန်မာသမ္မတမိန့်ခွန်း အမေရိကန်ကြိုဆို
ကိုသားညွန့်ဦး
28.03.2013
မြန်မာနိုင်ငံတွင်း အကြမ်းဖက်မှုတွေကို အစိုးရက ကိုင်တွယ်ဖြေရှင်းရာမှာ ဥပဒေနဲ့အညီ လူ့အခွင့်အရေး စံနှုန်း စံထားတွေကိုပါ လေးစား လိုက်နာဖို့ အမေရိကန်ပြည်ထောင်စုက တိုက်တွန်းပါတယ်။ မကြာခင်က ဖြစ်ခဲ့တဲ့ လူမျိုးရေး ဘာသာရေး အဓိကရုဏ်းတွေနဲ့ ပတ်သက်လို့ အပြန်အလှန်လေးစားမှုနဲ့ သည်းခံစိတ်မွေးဖို့ သမ္မတ ဦးသိန်းစိန်ရဲ့ နိုင်ငံတ၀ှမ်း ပြောတဲ့ မိန့်ခွန်းကိုလည်း အမေရိကန်ပြည်ထောင်စုက ကြိုဆိုခဲ့ပါတယ်။ အပြည့်အစုံကို ကိုသားညွန့်ဦးက တင်ဆက်ပေးမှာပါ။
မြန်မာနိုင်ငံတွင်း ဘာသာရေးနဲ့လူမျိုးရေးအခြေခံ အကြမ်းဖက်မှုတွေ အပေါ်မှာ မနေ့တုန်းက သမ္မတ ဦးသိန်းစိန်က နိုင်ငံ တ၀ှမ်းကို မိန့်ခွန်းပြောကြားသွားတဲ့ အပေါ်မှာ အမေရိကန်ပြည်ထောင်စုက အခြေခံ အားဖြင့် ကြိုဆို ခဲ့ပါတယ်။ ဒါပေမယ့် အကြမ်းဖက်မှုတွေကို ကိုင်တွယ်ရာမှာတော့ လူ့အခွင့်အရေး အခြေခံတွေကို လေးစားလိုက်နာဖို့ အမေရိကန်ပြည်ထောင်စု အနေနဲ့ တိုက်တွန်းတဲ့ အကြောင်း နိုင်ငံခြားရေး ဌာန ပြောခွင့်ရသူ Victoria Nuland က မနေ့က ပုံမှန် သတင်းစာရှင်းလင်းပွဲ အတွင်း ပြောသွားတာပါ။
“ဒီမိုကရေစီရေးအတွက်၊ မတူကွဲပြားတဲ့ ဘာသာရေး အယူ အဆ အားလုံး အတူယှဉ်တွဲ တည်ရှိမှုနဲ့ ပွင့်လင်းမြင်သာမှုတွေ အတွက် သီးခံကြဖို့၊ အပြန်အလှန်လေးစားကြဖို့ သမ္မတ ဦးသိန်းစိန်ရဲ့ တိုက်တွန်းချက်ကို ထောက်ခံ ပါတယ်။ မြန်မာပြည်သူတွေ အနေနဲ့ သူတို့ သမတထံကနေ ကြားရဖို့ လိုအပ်တဲ့ စကားမျိုးပါ။ အခြေအနေတွေ ပြန်လည် တည်ငြိမ်မှုရဖို့ အစိုးရ ကြိုးပမ်းချက်တွေကို အမေရိကန်ပြည်ထောင်စုက အားပေးနေပါတယ်။ ဒီလို ဆောင်ရွက်တဲ့နေရာမှာလည်း လူ့အခွင့်အရေးကို လေးစားလိုက်နာပြီး၊ ဥပဒေအတိုင်း ညီညွတ်ဖို့ လိုပါတယ်။ နိုင်ငံသားတွေကို အကာအကွယ်ပေးဖို့ လိုအပ်ချက်ရှိလာရင်၊ အင်အားသုံးဖြေရှင်းနည်းကို နောက်ဆုံး အခြေအနေကျမှ အသုံးပြုမယ်လို့ သမ္မတ ဦးသိန်းစိန် ပြောဆိုတာကို သတိပြုမိပါတယ်။ လုံခြုံရေးအရ ဆောင်ရွက်ချက်တွေမှာ လူ့အခွင့်အရေးကို အကာအကွယ်ပေးဖို့ ၊ လူ့အခွင့်အရေးချိုးဖောက်မှု မဖြစ်စေဖို့လိုမယ်ဆိုတာကို ကျမတို့ ထပ်ပြီး ထောက်ပြလိုပါတယ်။ ”
မိတ္တီလာမြို့ကနေ စတင်ခဲ့တဲ့ အကြမ်းဖက်မှုတွေဟာ မန္တလေးတိုင်း၊ မကွေးတိုင်းနဲ့ ပဲခူးတိုင်း ဒေသအချို့အထိ ကူးစက်ပျံနှံသွားတာကြောင့် အခြေအနေတွေအပေါ်မှာ အမေရိကန်ပြည်ထောင်စုအပါအ၀င် နိုင်ငံတကာက စိုးရိမ်မကင်းဖြစ်ခဲ့ပါတယ်။ ဒါပေမယ့် မနေ့က သမ္မတဦးသိန်းစိန် နိုင်ငံတ၀ှမ်း မိန့်ခွန်းပြောတဲ့နောက်ပိုင်းမှာတော့ အခြေအနေတွေဟာ အတော်လေး တည်ငြိမ်လာသလို၊ အကြမ်းဖက်ဒဏ်ခံခဲ့ရတဲ့ ဒုက္ခသည်တွေကို အကူအညီပေးရေးလုပ်ငန်းတွေကိုလည်း လူမှုအဖွဲ့အစည်းတွေက စတင်ဆောင်ရွက်နေကြပြီဖြစ်ပါတယ်။ ဒါပေမယ့် ရန်ကုန်အပါအ၀င် နယ်အတော်များများမှာတော့ လုံခြုံရေးတွေ တင်းကြပ်ထားဆဲပါ။ ဖြစ်ခဲ့တဲ့နေရာတွေမှာလည်း ပုဒ်မ ၁၄၄ ထုတ်ပြန်ထားတုန်းပါပဲ။
မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးကိုယ်စားလှယ် သောမတ်အိုဟေး ကင်တာနားကလည်း အကြမ်းဖက်မှုတွေ အခြားမြို့တွေကိုပါ ကူးစက်မှုမဖြစ်အောင် အရေးယူကိုင်တွယ်မှုတွေ အလျင်အမြန်ဆောင်ရွက်ဖို့ မြန်မာအစိုးရကို တိုက်တွန်းနေပါတယ်။ လူနည်းစုတွေအပေါ် အကြမ်းဖက်မှုတွေမှာ တာဝန်ရှိသူတွေကို အရေးယူကိုင်တွယ်ဖို့လည်း တိုက်တွန်းပါတယ်။ လူမျိုးရေးနဲ့ ဘာသာရေး ခွဲခြားဆက်ဆံမှုတွေအပေါ် ထိထိရောက်ရောက် ကိုင်တွယ်ဖို့ကိုလည်း မစ္စတာကင်တာနားက တိုက်တွန်းခဲ့ပါတယ်။
နိုင်ငံတ၀ှမ်းမှာရှိတဲ့ မွတ်ဆလင်လူနည်းစုတွေအပေါ်မှာ ခွဲခြားဆက်ဆံမှုတွေနဲ့ အမုန်းတရားတွေနဲ့ အကြမ်းဖက်မှုတွေဖြစ်လာအောင် လှုံဆော်တဲ့ လူအုပ်စုတွေကို အစိုးရအာဏာပိုင်တွေအနေနဲ့ ထိထိရောက်ရောက် ကိုင်တွယ်ဖြေရှင်းတာမျိုး မလုပ်ဘူးလို့ မစ္စတာကင်တာနားက ဝေဖန် ထားပါတယ်။ နိုင်ငံတော် ဖွဲ့စည်းပုံအခြေခံဥပဒေပါအတိုင်း ဘာသာရေးနဲ့ နိုင်ငံသား အခွင့်အရေးတွေကို အကာအကွယ်ပေးဖို့အတွက် အစိုးရအပြင် လွှတ်တော်ပိုင်း၊ တရားရေးပိုင်း၊ အမျိုးသားလူအခွင့်အရေးကော်မရှင်တို့အနေနဲ့လည်း အရေးယူဆောင်ရွက်ပေးဖို့ တိုက်တွန်းထားပါတယ်။
Ref: VOA News
ရခိုင်ပြည်နယ် ဒုက္ခသည်စခန်းတွေ အရေးပေါ် အကူအညီတွေ လိုအပ်နေကြောင်း ကုလ သမဂ္ဂပြောကြား
2013-03-28
လာမယ့် မေလ မုတ်သုန်ရာသီမစခင် မြန်မာနိုင်ငံ ရခိုင်ပြည်နယ် ဒုက္ခသည် စခန်းတွေမှာ နေထိုင်နေ ကြရတဲ့ နေရာရွှေ့ပြောင်း ခံရသူ တစ်သိန်းခွဲ နီးပါး အတွက် အရေးပေါ် အကူအညီ အစီအမံတွေ အမြန်ဆောင်ရွက်ဖို့ လိုအပ်နေပြီလို့ ကုလ သမဂ္ဂက ပြောပါတယ်။
မကြာခင်က မြန်မာနိုင်ငံကို လာရောက်ခဲ့တဲ့ ကုလသမဂ္ဂ လူသားချင်း စာနာရေး ဆိုင်ရာ ညှိနှိုင်းဆောင်ရွက်ရေးမှူး မစ္စတာ John Ging က ဒုက္ခသည်တွေဟာ လယ်ကွင်းတွေ ထဲမှာ စခန်းဖွင့်ပြီး နေထိုင်နေကြရတာကြောင့် မိုးရာသီ ရောက်တာနဲ့ ရေဘေးဒုက္ခကြုံတွေ့ကြရတော့မှာဖြစ်ပါတယ်၊ သူတို့ကို နေရာရွှေ့ပြောင်းဖို့လိုလာသလို၊ နေရပ်ပြန်ရေး၊ လွတ်လွတ် လပ်လပ် သွားလာနိုင်ရေးတွေ အတွက်လည်း ဖြေရှင်းပေးဖို့ လိုလာပြီ ဖြစ်ပါတယ်၊ ဒါမှ သူတို့ ဘာသာသူတို့ ကိုယ့်ဘဝကိုယ် ပြန်ပြီး စတင် ထူထောင်နိုင်ကြမှာဖြစ်ပါတယ်လို့ နယူးယောက်မြို့ မှာ သတင်းထောက်တွေကို ပြောကြား ခဲ့ပါတယ်။
ဒါ့ပြင် ရခိုင်ပြည်နယ်မှာ လူသားချင်းစာနာရေးလုပ်ငန်းတွေဆောင်ရွက်နေတဲ့ ကုလသမဂ္ဂ ၀န်ထမ်းတွေ အထူးသဖြင့် ဌာနေ ဝန်ထမ်းတွေ အခြိမ်းခြောက်ခံနေရတဲ့အပေါ် စိုးရိမ်မိကြောင်း၊ ဒါကြောင့် တွေ့ဆုံခဲ့ရတဲ့ မြန်မာအစိုးရ အရာရှိတွေကို ရခိုင်ပြဿနာမှာ ကုလသမဂ္ဂက ဆောင်ရွက်နေတဲ့ အကူအညီတွေအပေါ် ဒေသခံ တွေ အမြင်မမှားအောင် ရှင်းပြပေးဖို့ တိုက်တွန်းခဲ့ကြောင်းလည်း ပြောကြားပါတယ်။
ရခိုင်ပြည်နယ် ပဋိပက္ခဟာ ပြီးခဲ့တဲ့နှစ် သြဂုတ်လက စတင်ဖြစ်ပွားခဲ့ပေမဲ့ အခုထိ လူ့အသိုင်းအဝိုင်းနှစ်ခု အကြားတင်းမာမှုတွေ လျော့ပါးမသွားသေးတာ၊ တိုးတက်မှုမရှိသေးတာတွေအပေါ် စိုးရိမ်ကြောင်းလည်း ကုလသမဂ္ဂ လူသားချင်းစာနာရေးဆိုင်ရာ ညှိနှိုင်းဆောင်ရွက်ရေးမှူး မစ္စတာ John Ging က ပြောပါတယ်။
Ref: RFA News
အဓိကရုဏ်းတွေ ငြိမ်းချမ်းစေဖို့ ဘာသာပေါင်းစုံ ဆုတောင်း
2013-03-28
မြန်မာနိုင်ငံမှာ လက်ရှိဖြစ်နေတဲ့ အဓိကရုဏ်းတွေ ငြိမ်းအေးစေဖို့ ရည်ရွယ်ချက်နဲ့ ဘာသာပေါင်းစုံက ဘာသာရေးခေါင်း ဆောင်တွေ စုပေါင်းပြီး Pray For Myanmar ခေါင်းစဉ်နဲ့ တရားဟော ဆုတောင်းပွဲ တစ်ရပ်ကို ဒီကနေ့ ဗိုလ်တစ်ထောင် မြို့နယ်မှာရှိတဲ့ YMCA ခန်းမမှာ ကျင်းပ ခဲ့ပါတယ်။
ဒီဆုတောင်းပွဲနဲ့ ပတ်သက်ပြီး ပွဲစီစဉ်သူတစ်ဦး အပါအ၀င်ဖြစ်တဲ့ Myanmamr Youth environment က ကိုသက်ဆွေဝင်းက အခုလိုပြောပါတယ်။
"မြန်မာနိုင်ငံက လူမျိုးပေါင်းစုံ ဘာသာပေါင်းစုံ သမိုင်းတလျှောက်မှာ နေထိုင်လာခဲ့တာ သက်တမ်း ကြာလှပါပြီ၊ ဓလေ့ထုံးတမ်း မတူညီတဲ့လူမျိုးတွေ ငြိမ်းငြိမ်းချမ်းချမ်း အတူတူနေထိုင် သွားကြတယ်ဆိုတာ ဒီမိုကရေစီနိုင်ငံရဲ့ စံနှုန်းတွေ နိုင်ငံသားတွေရဲ့ နိုင်ငံရေး ရင့်ကျက်မှုတွေကို ထောက်ပြနိုင်တဲ့ စံညွှန်းတွေဖြစ်တယ် လို့လည်း ယုံကြည်ပါတယ်၊ တိုင်းပြည်ပြောင်းလဲရေးမှာ အဟန့်အတား မဖြစ်စေဖို့ ငြိမ်းငြိမ်းချမ်းချမ်းနေနိုင်ဖို့ အခုလက်ရှိဖြစ်ပွားနေတဲ့ ဘာသာရေး ပဋိပက္ခတွေ လူမျိုးရေး ပဋိပက္ခတွေ ရှဲကြဖို့အတွက် မျှော်လင့်ပါတယ်"
ဒီအစီအစဉ်ကို ဘာသာပေါင်းစုံက လူငယ်တွေ ဦးဆောင်စီစဉ်ခဲ့တာဖြစ်ပြီး ဗုဒ္ဓဘာသာ ဘက်က မင်းကွန်းတောရ တိပိဋက ဆရာတော် ဦးကောဏိည၊ ခရစ်ယာန်ဘာသာက သိက္ခာတော်ရ ဆရာတော် ရယ်ဂျီနယ် ဘန်နတ်သ်၊ ဟိန္ဒူဘာသာမှ ဘာသာရေးခေါင်းဆောင် ဦးအောင်နိုင်နဲ့ အစ္စလာမ် ဘာသာက ဘာသာရေးခေါင်းဆောင် ဦးအေးလွင်တို့က တရားဟော ဆုတောင်းတာတွေ လုပ်ခဲ့တာဖြစ်ပါတယ်။
အဲဒီအပြင် ၈၈မျိုးဆက်ကျောင်းသားများအဖွဲ့၊ ဒါရိုက်တာ မင်းထင်ကိုကိုကြီး၊ ဘလော့ဂါ စာရေးဆရာနေဘုန်းလတ်အပါအ၀င် ဘာသာအသီးသီးက လူငယ်တွေကလည်း မြန်မာပြည် ငြိမ်းချမ်းရေးအတွက် ဆန္ဒတွေထုတ်ဖော်ခဲ့ကြပါတယ်။
Ref: RFA News
ပြည်ထဲရေး၏ လုပ်ပိုင်ခွင့်နှင့် ပဋိပက္ခ ဖြေရှင်းနိုင်စွမ်း ထိရောက်ထက်မြက်ရန် လို
ခိုင်ခိုင်
ကြာသပတေးနေ့၊ မတ်လ ၂၈ ရက် ၂၀၁၃
ရန်ကုန်(မဇ္ဈိမ)။ ။ လက်ရှိဖြစ်ပွားနေသော ပဋိပက္ခများနှင့် ပတ်သတ်ပြီး ပြည်ထဲရေး ၀န်ကြီးဌာန၏ လုပ်ပိုင်ခွင့်နှင့် ပဋိပက္ခ ဖြေရှင်းနိုင်စွမ်း ထိရောက် ထက်မြက်ရန် လိုကြောင်း ၈၈ မျိူးဆက်ကျောင်းသားများ အဖွဲ့မှ မတ်လ၂၇တွင် ထုတ်ပြန်သော ကြေညာချက်တွင် ထောက်ပြခဲ့သည်။
၈၈မျိူးဆက်ကျောင်းသား ကိုဇော်မင်းက "ပြည်ထဲရေး ၀န်ကြီးဌာနနဲ့ လက်အောက်မှာ ရှိတဲ့ လုံခြုံရေး တာဝန်ကျတဲ့ အဖွဲ့အစည်းတွေက လုပ်ဆောင်ချက်တွေမှာ အားနည်းချက်တွေ ရှိနေတယ်။ ဒါပေမဲ့ အရေးယူဆောင်ရွက်မှုတွေ မတွေ့ရဘူး။ အဓိက ကတော့ တာဝန်ယူနိုင်တာဟာ ပြည်ထဲရေး ၀န်ကြီးဌာနပဲ။ ဒီထက် ပိုပြီးအားစိုက်ဖို့ လိုတယ်ဆိုတာကို ကျွန်တော်တို့က ထောက်ပြထားပါတယ်" ဟု မဇ္ဈိမသို့ ပြောသည်။
ရန်ကုန်မြို့ ၊သင်္ဃန်းကျွန်းမြို့နယ်၊ သုမင်္ဂလာလမ်းရှိ ၈၈မျိုးဆက်(ငြိမ်းချမ်းရေးနှင့် ပွင့်လင်း လူ့အဖွဲ့အစည်းရုံး) တွင် လတ်တလောဖြစ်ပေါ်နေသော အဓိကရုဏ်းများ၊ တရားဥပဒေမဲ့ လုပ်ရပ်များနှင့်ပတ်သက်၍ မတ်လ၊ ၂၈ ရက် ညနေ မွန်းလွဲ ၃း၀၀ နာရီတွင် ၈၈မျိူးဆက် ကျောင်းသားများမှ သတင်းစာရှင်းလင်းပွဲ ပြုလုပ်ခဲ့သည်။
အဆိုပါ သတင်းစာရှင်းလင်းပွဲ လုပ်ရခြင်းမှာ တာဝန်ရှိသူများ အကုန်လုံး ပူးပေါင်းဆောင်ရွက် စေချင်သောကြောင့် ဖြစ်သည်ဟု ၈၈မျိူးဆက် ကျောင်းသားတဦးဖြစ်သူ ကိုဇော်မင်းက ရှင်းပြခဲ့သည်။
ထိုသတင်းစာရှင်းလင်းပွဲတွင် ဒေသအသီးသီးမှာ ရှိသည့် အဖွဲ့အစည်း အသီးသီးမှ ပဋိပက္ခများကို အတတ်နိုင်ဆုံး အမြန်ပြီးဆုံးသွားစေရန် ၀ိုင်းဝန်းကူညီရန်နှင့် သံဃာတော်များအနေဖြင့်လည်း တတ်နိုင်သမျှကာ နောက်ထပ် မဖြစ်ရန် တိုက်တွန်းခဲ့ကြသည်ဟု ၈၈မျိူးဆက်ကျောင်းသားများအဖွဲ့မှ သိရသည်။
ယနေ့ပြုလုပ်ခဲ့သည့် သတင်းစာရှင်းလင်းပွဲတွင် မင်းကိုနိုင်၊ ကိုကိုကြီး၊ ကိုဂျင်မီ၊ ကိုမြအေးတို့မှ မီဒီယာများက မေးမြန်းသည်ကို ဖြေကြားခဲ့ပြီး ကိုကိုကြီးမှ ယနေ့ဖြစ်ပွားနေသော ကိစ္စရပ်များကို ရာဇ၀တ်မှု၊ အကြမ်းဖက်မှုအဖြစ် သတ်မှတ်ကြောင်း၊ ပြည်ထဲရေးဝန်ကြီးဌာန၏ လုပ်ပိုင်ခွင့်နှင့် ပဋိပက္ခ ဖြေရှင်းနိုင်စွမ်း ထိရောက်ထက်မြက်ရန် လိုကြောင်း ပြန်လည်ဖြေကြားခဲ့သည်။
ထို့အပြင် သတင်းဖော်ပြမှုများကိုလဲ အတတ်နိုင်ဆုံး ထိန်းထိန်းသိမ်းသိမ်း ဖော်ပြနိုင်ရန် ကြိုးစားပေးစေလိုကြောင်း သတင်းမီဒီယာများသို့ တိုက်တွန်းခဲ့သည်။
လတ်တလောဖြစ်ပေါ်နေသော အဓိကရုဏ်းများ၊ တရားဥပဒေမဲ့ လုပ်ရပ်များနှင့်ပတ်သက်၍ ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း) ၏ သဘောထားထုတ်ပြန်ချက်ကို မတ်လ၂၇ရက်နေ့ ထုတ်ပြန်ခဲ့သည်။
Ref: မဇ္ဈိမ
ပဲခူးတိုင်း ပဋိပက္ခဖြစ်စဉ် ကိုင်တွယ်ထိန်းသိမ်းရန် လိုအပ်
ခိုင်ခိုင်
ကြာသပတေးနေ့၊ မတ်လ ၂၈ ရက် ၂၀၁၃
ရန်ကုန်(မဇ္ဈိမ)။ ။ မတ်လ ၂၇ ရက်နေ့တွင် ဖြစ်ပွားခဲ့သည့် ပဲခူးတိုင်း အနောက်ခြမ်း ပဋိပက္ခ ဖြစ်စဉ်များတွင် လုံလောက်စွာ ဂရုစိုက်မှု မရှိဟု ပြည်သူများက ပြောဆိုချက်များကို ဇီးကုန်းမြို့နယ် ရဲစခန်းမှ တာဝန်ရှိသူ တဦးက ဝင်ရောက် ထိန်းသိမ်းစဉ် မလိုလားသည့် အခြေအနေများ ဖြစ်ပေါ်မည်ကို စိုးရိမ်သည်ဟု မဇ္ဈိမသို့ ဖြေကြားခဲ့သည်။
၎င်းက “ ကျနော်တို့ ၀င်မထိန်းတာကိုပဲ မြင်ကြတာ။ တကယ်တမ်းက ၀င်ထိန်းရင်းနဲ့ တခြား မလိုလားစရာ အခြေအနေတွေကို လက်ယပ်ခေါ်သလို ဖြစ်သွားမှာပဲ။ ဘယ်သူမှ ဒါမျိူးကို ခန့်မှန်းမပေးနိုင်ဘူး။ ကျွန်တော်တို့ အဓိက လိုနေတာက စိတ်ဓါတ်တွေပဲ၊ ဥပဒေကို လေးစားမှု လိုသေးတယ်” ဟု မဇ္ဈိမသို့ ပြောသည်။
မတ်လ ၂၆ရက်နေ့မှ စတင်ပြီး ပဲခူးတိုင်း အနောက်ဖက်ခြမ်းရှိ ကြို့ပင်ကောက်၊ မင်းလှ၊ အုတ်ဖို ၊ဇီးကုန်း အစရှိသည့် မြို့များတွင် ပုဒ်မ၁၄၄ ထုတ်ပြန်ခဲ့သည်။
မတ်လ ၂၈ရက်နေ့တွင် အခြေအနေများမှာ တည်ငြိမ်သွားပြီ ဖြစ်သော်လည်း ဒေသခံများမှာ ပဋိပက္ခဖြစ်စဉ်များ ထပ်မံဖြစ်ပွားမည်ကို ကြောက်ရွံ့နပြီး နီးစပ်ရာ ဘုန်းတော်ကြီးကျောင်းများတွင် ခိုလှုံနေကြကြောင်းနှင့် ပဋိပက္ခတွင် ပါဝင်သူအများစုမှာ ထွက်ပြေးနေကြသည်ဟု မင်းလှရဲစခန်းမှ တာဝန်ရှိသူတဦးက ဆိုသည်။
၎င်းက ဆက်၍ “ပြည်သူတွေကို ကာကွယ်ပေးတာက ထိခိုက် ပျက်စီးမှု အနည်းဆုံးဖြစ်အောင် လုပ်ရတာကို သူတို့ကို မစောင့်ရှောက်လို့ ဖြစ်တာ ပြောတာတော့ မကောင်းဘူး” ဟုသူ့အမြင်ကို ပြောသည်။
ပဲခူးတိုင်းအနောက်ခြမ်းအတွင်း ဖြစ်ပွားခဲ့သော ပဋိပက္ခ ဖြစ်စဉ်များမှာ မိတ္ထီလာမြို့မှ စတင်ခဲ့သော ကိစ္စများ၏ နောက်ဆက်တွဲ ဖြစ်ပေါ်လာသည်ဟု ယူဆကြောင်း ဇီးကုန်းမြို့နယ် ရဲစခန်းမှ တာဝန်ရှိသူ တဦးက သူ့အမြင်ကို ပြောပြသည်။
၎င်းက “ဘယ်ကိစ္စကတော့ စပြီးဖြစ်တယ်ဆိုတာတော့ တိတိကျကျမရှိဘူး။ မိတ္ထီလာကစတာလို့ပဲ ပြောရမှာပဲ။” ဟု ဆိုသည်။
၎င်းက ဆက်၍ မနေ့က ဖြစ်ခဲ့သည့် ကိစ္စများအတွက် လုံခြုံရေးများကို တာဝန်ယူနိုင်သလောက် ယူခဲ့ကြသော်လည်း မလုံလောက်မှုများ ရှိကောင်း ရှိနိုင်ကြောင်း ပြောသည်။
မတ်လ၂၀ရက်နေ့တွင် ရွှေအရောင်းအ၀ယ် ပြုလုပ်ရာမှ သုံးရက်ခန့် ဖြစ်ပွားခဲ့သည့် မိတ္ထီလာပဋိပက္ခ ဖြစ်စဉ်တွင် သက်ဆိုင်ရာမှ ပုဒ်မ ၁၄၄ ထုတ်ပြန်ကာ ထိန်းသိမ်းခဲ့ရပြီး မတ်လ ၂၂ ရက်နေ့တွင် အရေးပေါ်ကြေညာချက် ထုတ်ပြန်ကာ တပ်မှ ၀င်ရောက် ထိန်းသိမ်းမှုများ ပြုခဲ့ရသည်။
မင်းလှမြို့နယ် ရဲစခန်းမှ တာဝန်ရှိသူတဦးက မြို့၏လက်ရှိအခြေအနေမှာ ဘာမှတိတိကျကျ မသိရသေးသည့် အချိန်လို့ဟု ဆိုသည်။
နတ္တလင်းရဲစခန်းမှ ဒုရဲအုပ်အောင်ဇော်ဇော်က မတ်လ၂၇ရက်နေ့တွင် ဖြစ်ပွားခဲ့သော ပဋ္ဋိပက္ခဖြစ်စဉ်များတွင် ပါဝင်ခဲ့သူဟု ယူဆထားသူများကို ထိန်းသိမ်းထားကြောင်း မဇ္ဈိမသို့ ပြောသည်။
ဒုရဲအုပ်အောင်ဇော်ဇော်က “လောလောဆယ်ကတော့ ၂ယောက်ပဲရှိပါသေးတယ်ဗျ။ ပြန်ပြီးတော့ နောက်ဆက်တွဲ မေးမြန်းစရာတွေ ရှိပါသေးတယ်။ ကျန်တဲ့ နောက်ဆက်တွဲတွေ ကတော့ အခုလုပ်ဖို့ မရှိသေးပါဘူး။ ကျွန်တော်တို့ ထိန်းသိမ်း ထားတာက မသင်္ကာလို့ မဟုတ်ပါဘူး” ဟု ရှင်းပြသည်။
မတ်လ ၂၇ ရက်နေ့ ညနေသုံးနာရီခန့်က ပဲခူးတိုင်း မင်းလှမြို့၊ဇီးကုန်းမြို့၊ နတ္တလင်းမြို့နှင့် နီးစပ်ရာရွာများတွင် လူဦးရေ ရာကျော်ခန့်က ဘာသာရေး အဆောက်အအုံ များနှင့် အိမ်အတွင်းရှိ ပစ္စည်းများအား ဖြိုဖျက်ခဲ့ပြီး ပုဒ်မ ၁၄၄ ထုတ်ပြန် ထားသော်လည်း ညနက်ချိန်အထိ ဆက်လက် ဆူပူမှုများ ဖြစ်ပွားခဲ့ကြောင်း ဒေသခံများက ပြောသည်။
Ref: မဇ္ဈိမ
ဆူပူမှုတွေကို အရပ်သား အုပ်ချုပ်မှုအာဏာနဲ့ ထိရောက်စွာနှိမ်နင်းမည်
အောင်ရဲ မောင်မောင်
28.03.2013
ပြည်သူလူထုရဲ့ အသက်အိုးအိမ်စည်းစိမ်လုံခြုံမှု ထိပါးတဲ့ လုပ်ရပ်မှန်သမျကို မြို့ပြအင်အားသုံးပြီး ထိထိရောက်ရောက် တားဆီးနှိမ်နှင်း သွားမယ်လို့ သမ္မတ ဦးသိန်းစိန်က ဒီညနေ ထုတ်လွှင့်ခဲ့တဲ့ အသံလွှင့် မိန့်ခွန်းထဲမှာ ပြောကြား သွားပါတယ်။ တာဝန်ရှိတဲ့ ရဲ တပ်ဖွဲ့ဝင်တွေကလည်း ဥပဒေနဲ့ အညီ ရဲဝင့်ပြတ်သားစွာ ဆောင်ရွက်ကြဖို့ မှာကြား သွားပါတယ်။ ဒီကိစ္စနဲ့ ပတ်သက်ပြီး တုန့်ပြန်ပြောကြားချက် တချို့နဲ့အတူ သတင်း အပြည့်အစုံကိုတော့ ရန်ကုန်အခြေစိုက် သတင်းထောက် ကိုအောင်ရဲမောင်မောင်က တင်ပြထားပါတယ်။
မြန်မာနိုင်ငံရဲ့ ဖွဲ့ စည်းပုံ အခြေခံဥပဒေမှာ ယုံကြည်တဲ့ ဘာသာကို လွတ်လွတ် လပ်လပ် ကိုးကွယ်ခွင့် အတွက် နိုင်ငံသား အခွင့်အရေးမှာ လွတ်လွတ် လပ်လပ်ပေးထားပြီး ဖြစ်တယ်လို့ နိုင်ငံတော် သမ္မတ ဦးသိန်းစိန်က ပြောပါတယ်။
“ကျနော်တို့နိုင်ငံရဲ့ အခြေခံဥပဒေမှာလည်း မိမိယုံကြည်ရာ၊ လွတ်လပ်စွာ ကိုးကွယ်ခွင့်က နိုင်ငံသား အခွင့်အရေး အနေနဲ့ အခွင့်အရေးအပြည့်အဝ ပေးထားပြီးဖြစ်ပါတယ်။ ဒီနေရာမှာ မွန်မြတ်တဲ့ ကိုးကွယ်ယုံကြည်မှုကို ခုတုံးလုပ်ပြီး အလွဲသုံးတဲ့ အယူသီး အစွန်းရောက်လုပ်ရပ်တွေ၊ မတူညီတဲ့ ဘာသာတရားတွေအကြား အမုန်းတရားတိုးပွားအောင် လုပ်ဆောင်မှုတွေ၊ ကိုယ်ကျိုးစီးပွားနဲ့ ယှဉ်တဲ့ နိုင်ငံရေး၊ စီးပွားရေးအမြတ်ထုတ် လုပ်ဆောင်လာမှုတွေကို ပပျောက်သွားအောင် ကျွန်တော်တို့ အစိုးရအနေနဲ့ ဖွဲ့စည်းပုံအခြေခံဥပဒေ၊ တည်ဆဲ ဥပဒေများနဲ့ အညီ ထိထိရောက်ရောက် အရေးယူဆောင်ရွက်သွားမှာ ဖြစ်ပါတယ်။”
အခုလိုအကြမ်းဖက် လုပ်ရပ်တွေ နယ်မြို့တွေ မှာ ဖြစ်နေတုန်း ဘာသာရေး လွတ်လပ်ခွင့်ရှိတယ်လို့ ပြောလာတဲ့ နိုင်ငံတော်သမ္မတ မိန့်ခွန်းကို ကြိုဆို ထောက်ခံတယ်လို့ အိုလာမာ အစ္စလာမ်သာသနာ ပညာရှင်များ အဖွဲ့ချုပ်က
အတွင်းရေးမှူးအဖွဲ့ဝင် ဦးတင်နိုင်ကပြောပါတယ်။
“ကျနော်အနေနဲ့ကတော့ ဒီမိန့်ခွန်းကို များစွာကြိုဆိုပါတယ်။ သမ္မတကြီး ဒီလိုပြောဆိုတဲ့ကိစ္စမှာလည်း လွန်စွာ နှစ်ထောင်းအားရဖြစ်မိပါတယ်။ တိတိကျကျ အရေးယူဆောင်ရွက်သွားမယ်ဆိုရင် ပဋိပက္ခတွေ နောက်နောင်မဖြစ်နိုင်ပါဘူးခင်ဗျ။”
မိထ္တိလာ အကြမ်းဖက်မှုတွေ ဖြစ်ပွားပြီး အခြားနယ်မြို့တွေမှာပါ ဘာသာရေးကို အခြေပြုတဲ့ အကြမ်းဖက်မှု လုပ်ရပ်တွေ တောက်လျောက်ဖြစ်ပွားလာခဲ့တဲ့အပေါ် မြန်မာနိုင်ငံရဲတပ်ဖွဲ့အနေနဲ့ ထိထိရောက်ရောက် အရေးယူမှု တွေ လုပ်ဆောင်သင့်တယ်လို့ သမ္မတ ဦးသိန်းစိန်က ဆိုပါတယ်။
“ပြည်သူလူထုရဲ့ အသက်အိုးအိမ်စည်းစိမ် လုံခြုံမှုကို ထိပါးတဲ့လုပ်ရပ် မှန်သမျှကိုတော့ လုံးဝ လက်သင့်ခံမှာ မဟုတ်ဘဲ လိုအပ်လျှင် မြို့ပြအင်အားသုံးပြီး ထိထိရောက်ရောက် တားဆီးနှိမ်နင်းသွားရမှာ ဖြစ်ပါတယ်။ ဒီနေရာမှာ တရားဥပဒေစိုးမိုးရေးတွင် အဓိက တာဝန်ရှိနေတဲ့ မြန်မာနိုင်ငံရဲတပ်ဖွဲ့အနေနဲ့ ဥပဒေနဲ့အညီ ရဲဝံ့ပြတ်သား စွာ ဆောင်ရွက်ကြဖို့ ပြောကြားလိုပါတယ်။”
အခုလို နိုင်ငံတော် သမ္မတက မြန်မာနိုင်ငံ ရဲတပ်ဖွဲ့အနေနဲ့ ထိထိရောက်ရောက် ဆောင်ရွက် ကိုင်တွယ်ဖို့ လိုအပ်တဲ့ အကြောင်း မိန့်ခွန်းထဲ ထည့်သွင်း ပြောလာတဲ့အပေါ်မှာ ဖြစ်သင့်တဲ့ လုပ်ရပ်တစ်ခု ဖြစ်တယ်လို့ ၈၈မျိုးဆက် ကျောင်းသားများအဖွဲ့က ကိုဂျင်မီက ပြောပါတယ်။
“နံပတ်တစ်ကတော့ ဒါဟာ ပြည်ထဲရေးဝန်ကြီးဌာနက ရဲဝန်ထမ်းတွေနဲ့ပတ်သက်ပြီးတော့ ကိုင်တွယ်ရမယ့်ကိစ္စတွေကို ရဲရဲဝင့်ဝင့်ပြတ်ပြတ်သားသား ကိုင်တွယ်ဖုိ့ အတွက် ပြောလိုက် တယ်လေ။ နောက်တခုကလည်း ပြဿနာတွေကို ကိုင်တွယ်ဖြေရှင်းတဲ့နေရာ မှာ သက်ဆိုက်ရာတပ်က ကိုင်ရင် အလွန်အကျွံဖြစ်မှာကို စိတ်ပူတယ်။ ဟိုတခါကလိုပေါ့ဗျာ။ လက်ပံတောင်းတောင် ကိစ္စလိုမျိုးတွေ ဖြစ်မှာကိုလည်း စိတ်ပူတာပေါ့ဗျာ။ ဆိုလိုချင်တဲ့သဘောက ဘာကိုကောက်ချက် ဆွဲလို့ရလည်းဆိုတော့ ပြဿနာတခုကို မြန်မြန်ဆန်ဆန်နဲ့သပ်သပ်ရပ်ရပ်ဖြေရှင်းနိုင်ဖို့အတွက် ရဲဝန်ထမ်းတွေရဲ့ အရည်အသွေးကိုမြှင့်တင်ရမယ် ဆိုတာတော့ ကောက်ချက်ချလို့ ရတယ်ခင်ဗျ။”
အချင်းချင်း ပူးပေါင်းဆောင်ရွက်မှုတွေ ပြုလုပ်ပြီးတော့ ဒီမိုကရေစီ အသီးအပွင့်တွေ ရရှိအောင် ဆောင်ရွက်သင့်တယ်လို့ လည်း နိုင်ငံတော်သမ္မတက ပြောပါတယ်။
“အချင်းချင်း ညှိနှိုင်း ပူးပေါင်း ဆောင်ရွက်ခြင်းနဲ့ အားလုံးအတွက် အကောင်းဆုံးအဖြေကိုရှာဖို့ ဒီမိုကရေစီ အလေ့အကျင့်ကို ကျင့်သုံးခြင်းကသာ ပေါ်ပေါက် လာတဲ့ အကျပ်အတည်းတွေကို ဖြေရှင်းနိုင်ပြီး ဒီမိုကရေစီ အသွင် ကူးပြောင်းခြင်းဖြစ်စဉ်ကို ပံ့ပိုးနိုင်လိမ့်မယ်လို့ယုံကြည်ပါတယ်။”
နိုင်ငံတော်သမ္မတရဲ့ အခုလို ဘာသာရေး ပဋိပက္ခတွေ မဖြစ်အောင် ပြောကြားလာတဲ့ သမ္မတမိန့်ခွန်းဟာ ဘယ်လောက်အာဏာရှိ်မလဲ ဆိုတာကတော့ စောင့်ကြည့် သုံးသပ်ရမှာဖြစ်တယ် လို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်မှုဆောင် အဖွဲ့ဝင် ဦးဥာဏ်ဝင်းကပြောပါတယ်။
“ကျနော်တို့အနေနဲ့ကတော့ ဥပဒေအရလုပ်မယ်။ အကောင်းဆုံး လုပ်မယ်ဆိုတာကိုတော့ ကြိုဆိုတာပေါ့ဗျာ။ အမြန်ဆုံးလုပ်ဖို့ လိုတယ်။”
ဒီတစ်ကြိမ်ဖြစ်ပွားခဲ့တဲ့ ဖြစ်စဉ်မှာ နှစ်ဖက်ဘာသာရေး ခေါင်းဆောင်တွေရဲ့ထိန်းသိမ်းမှုတွေကို လည်း အသိအမှတ်ပြုတယ်လို့ သမ္မတဦးသိန်းစိန်ကပြောပါတယ်။
“အရပ်ဘက် လူ့အဖွဲ့အစည်းတွေရဲ့ ပူးပေါင်းပါဝင်မှု၊ ဘာသာပေါင်းစုံက ခေါင်းဆောင်တွေရဲ့ ပူးပေါင်းဆောင်ရွက်မှု၊ နိုင်ငံတကာ အဖွဲ့အစည်းတွေရဲ့ ပူးပေါင်းကူညီမှု၊ မီဒီယာများရဲ့ ပိုမိုတာဝန်သိသိ၊ တာဝန်ရှိရှိ သတင်းဖော်ပြမှု၊ ပြည်သူတွေရဲ့ အသက်အိုးအိမ် စည်းစိမ်လုံခြုံမှုနဲ့ ပြန်လည်ထူထောင်ရေး လုပ်ငန်းများအတွက် ဘုန်းတော်ကြီးများ အပါအဝင် လုံခြုံရေး အဖွဲ့အစည်းများနဲ့ တပ်မတော်တို့ရဲ့ မှန်ကန်တဲ့ အခန်းကဏ္ဍက ပါဝင်မှုတွေကို တွေ့ရှိရပါတယ်။"
မိတ္ထီလာ အကြမ်းဖက်ဖြစ်ရပ်ဖြစ်ပွားအပြီး ရရက်အကြာမှ အခုလို ပြည်သူကို မိန့်ခွန်းပြောလာတာ အနည်းငယ်နောက်ကျတယ်လို့ လည်းမန္တလေးမြို့ မြ၀တီမင်းကြီးကျောင်းထိုင် ပဓာန နာယက ဆရာတော် ဦးအရိယ၀ံသဘိဝံသက မိန့်ပါတယ်။
“ အင်း ပြောရင် နည်းနည်းတော့ နောက်ကျတယ်ပြောရမယ်။ အမှန်တော့ အစိုးရအဖွဲ့အတွင်းမှာကို အားနည်းချက်တခုလို့ ဘုန်းကြီးတို့က ယူဆတာပဲ။ အမှန်တော့ သမ္မတကြီးရဲ့ ဒီမိန့်ခွန်းမျိုးကို အားလုံး တညီတညာတည်း ထောက်ခံပြီးတော့ အားလုံးတညီတညာတည်း ထောက်ခံပြီးတော့ အားလုံးတညီတညာတည်း လိုက်ပါသင့်တာ။”
နိုင်ငံတော်သမ္မတဦးသိန်းစိန်ဟာ အချိန်အားဖြင့် ၉ မိနစ် ကြာ ပြည်သူကို ရည်ရွယ်ပြီး ပြောခဲ့တဲ့ မိန့်ခွန်းကို လက်ရှိအချိန်မှာ ပြည်တွင်း ကသာမက နိုင်ငံတကာ အသိုင်းအ၀ိုင်းက စိတ်ဝင်တစား စောင့်ကြည့် နေတာလည်းဖြစ်ပါတယ်။ သမ္မတဦးသိန်းစိန် ပြောကြားခဲ့တဲ့ မိန့်ခွန်းဟာ အခုလို ဘာသာရေးအပေါ် အခြေခံတဲ့ အကြမ်းဖက် လုပ်ရပ်တွေ ဘယ်လောက်ထိ လျော့ပါးသွားမလဲ ဆိုတာကတော့ စောင့်ကြည့်ရမှာဖြစ်တယ်လို့ မြန်မာနိုင်ငံရေး လေ့လာသူတွေက သုံးသပ်ပြောကြားကြပါတယ်။
Ref: VOA News
Thursday, March 28, 2013
တိုင်းပြည် တည်ငြိမ်အေးချမ်းရေးအတွက် အားလုံးလက်တွဲဖို့ လိုအပ်
2013-03-27
တိုင်းပြည် တည်ငြိမ်အေးချမ်းရေးအတွက် ပြည်သူတွေ၊ ပါတီတွေနဲ့ အဖွဲ့အစည်းအားလုံးက စိတ်ရှည် သည်းခံပြီး ၀ိုင်းဝန်းဆောင်ရွက် ကြဖို့ လိုအပ်ကြောင်း ဒီနေ့မတ်လ ၂၇ ရက်နေ့မှာ ကျရောက်တဲ့ တော်လှန်ရေးနေ့မှာ အမျိုးသား ဒီမိုကရေစီ အဖွဲ့ချုပ် NLD ပါတီက ကြေညာချက်ထုတ်ပြန် ပြောဆို လိုက်ပါတယ်။
၆၈ နှစ်မြောက် ဖက်ဆစ်တော်လှန်ရေးနေ့ အခမ်းအနားကို ဗဟန်းမြို့နယ်၊ အမျိုးသား ဒီမိုကရေစီ အဖွဲ့ချုပ်ပါတီ ရုံးခန်းမှာ ကျင်းပခဲ့တာဖြစ်ပြီး ဒေါ်အောင်ဆန်းစုကြည်က သ၀ဏ်လွှာပေးပို့ ခဲ့ပါတယ်။
တပ်မတော်နဲ့ ပြည်သူတွေ သဟဇာတဖြစ်ရေးဟာ အရေးကြီးကြောင်းနဲ့ ဗိုလ်ချုပ်အောင်ဆန်း လမ်းညွှန်ချက် အတိုင်း အားလုံးက လိုက်နာကြဖို့ ကိုလည်း ဦးတင်ဦးက အခုလို တိုက်တွန်း ထားပါတယ်။
"တပ်မတော်နဲ့ ပတ်သက်တဲ့ အခန်းကဏ္ဍမှာလည်း ဗိုလ်ချုပ်ရဲ့ ရှေးတုန်းက ချမှတ်ခဲ့တဲ့ မူတွေအတိုင်းပေါ့၊ တပ်မတော်ဟာ ပြည်သူပြည်သားတွေရဲ့ သားသမီးဖြစ်တဲ့ အားလျော်စွာ ပြည်သူပြည်သားတွေနဲ့ သဟဇာတဖြစ်ဖို့ ကိစ္စ အကြောင်းအရာတွေ၊ နောက် တပ်မတော်ဟာ သီးခြား လူတန်းစားတရပ် မဟုတ်ဘူးပေါ့နော်၊ ပြည်သူပြည်သားတွေထဲက ပေါ်ပေါက်လာတဲ့ တပ်မတော်သာဖြစ်တဲ့ အတွက် ပြည်သူပြည်သားတွေနဲ့ တသားတည်းဖြစ်အောင် ဗိုလ်ချုပ်အောင်ဆန်းပြောခဲ့တဲ့ ကျနော်တို့ ဗိုလ်သင်တန်းကျောင်းဆင်း မိန့်ခွန်းတွေပေါ့နော်၊ အဲဒီဟာတွေကိုပဲ ကျနော်တို့ကိုးကားပြီးတော့ ပြောတာပါ"
ဒါ့အပြင် လက်ရှိဖြစ်နေတဲ့ မတ္တီလာမြို့ အဓိကရုဏ်းအပါအ၀င် မငြိမ်သက်မှုဖြစ်အောင် ဖန်တီးနေတာတွေကို တားဆီးနိုင်ဖို့အတွက် နိုင်ငံတော်ရဲ့ အေးချမ်းသာယာရေးကိုရှေ့ရှုပြီး တာဝန်ရှိသူတွေက ထိထိရောက်ရောက် အရေးယူဆောင်ရွက်ဖို့ လိုအပ်တယ်လို့ ဦးတင်ဦးက ပြောပါတယ်။
Ref: RFA News
နိုင်ငံရေးဦးဆောင်မှုမှာ တပ်မတော်ပါဝင်မှု ဦးစီးချုပ်ပြောကြား
27.03.2013
အနာဂတ် မြန်မာ့နိုင်ငံရေးမှာ စစ်တပ်ရဲ့ ဦးဆောင်မှု အခန်းကဏ္ဍနဲ့ပတ်သက်ပြီး ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် က ထပ်ပြီးတော့ အခိုင်အမာ ပြောဆိုခဲ့သလို၊ အမျိုးသား ညီညွတ်ရေးနဲ့ လွတ်လပ်ရေးကို ထိန်းသိမ်းကာကွယ် ဖို့အတွက် စစ်ဘက် အင်အားတောင့်တင်းဖို့ လိုတယ်ဆို ပြီးတော့ ထောက်ပြ ပြောဆိုခဲ့ပါတယ်။
ဒီကနေ့ နေပြည်တော်မှာ ကျင်းပတဲ့ တပ်မတော်နေ့ စစ်ရေးပြ အခမ်းအနားအတွင်း ပြီးခဲ့တဲ့ရက်ပိုင်းကမှ ဗိုလ်ချုပ်မှူးကြီး အဆင့် တိုးမြှင့်သွားတဲ့ ကာကွယ်ရေး ဦးစီးချုပ်က အဲ့ဒ်ီလိုပြောသွားတာပါ။
မိတ္ထီလာမြို့မှာ အကြမ်းဖက် အဓိကရုဏ်းတွေကြောင့် ပုဒ်မ ၁၄၄ ထုတ်ထားပြီး စစ်တပ်က လုံခြုံရေး တာဝန် ယူထားတဲ့အပြင် ကြို့ပင်ကောက်၊ အုတ်ဖိုနဲ့ မင်းလှ မြို့နယ်တွေမှာလည်း ပုဒ်မ ၁၄၄ ထုတ်ပြီး၊ စစ်တပ်က တာဝန် ယူထားတဲ့ အချိန်မှာပဲ တပ်မတော်နေ့ အခမ်းအနား အတွင်း ဗိုလ်ချုပ်မှူးကြီး မင်းအောင်လှိုင်က မိန့်ခွန်းပြောခဲ့တာပါ။
ဒီကနေ့ စစ်ရေးပြ အခမ်းအနားမှာ အရင်နှစ်တွေတုန်းက မပါခဲ့ဖူးတဲ့ လေတပ်၊ တိုက်လေယာဉ်တွေက စွမ်းရည် အလှပြ ပျံသန်း ခဲ့ကြသလို၊ ရုရှားလုပ် တိုက်ချင်းပစ် ဒုံးကျည်တွေ၊ လက်နက်ကြီးတင် သံချပ်ကာယာဉ်တွေ စသည်အားဖြင့် ပါဝင် ချီတက်ခဲ့ကြပါတယ်။
အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် လည်း ပထမဆုံး အကြိမ်အဖြစ် တပ်မတော်နေ့ အခမ်းအနားကို တက်ရောက် ခဲ့ပါတယ်။
Ref: VOA News
ကာကွယ်ရေး ဦးစီးချုပ်၏ မိန့်ခွန်းအပေါ် ပါတီနှင့် အဖွဲ့အစည်းများက ကြိုဆို
ခိုင်ခိုင်
ဗုဒ္ဓဟူးနေ့၊ မတ်လ ၂၇ ရက် ၂၀၁၃
ရန်ကုန်(မဇ္ဈိမ)။ ။ မတ်လ ၂၇ ရက်နေ့ နံနက်ပိုင်း နေပြည်တော်တွင် ပြုလုပ်ခဲ့သည့် ၆၈ နှစ်မြောက် တပ်မတော်နေ့ အခမ်းအနားတွင် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ပြောကြားခဲ့ သည့် မိန့်ခွန်းအပေါ် ပါတီနှင့် အဖွဲ့အစည်းများက ကြိုဆိုခဲ့သည်။
ကာကွယ်ရေး ဦးစီးချုပ် ဗိုလ်ချုပ်ကြီးမင်းအောင်လှိုင်က “နိုင်ငံတော်ဟာ ဘယ်အချိန်ကမှ တပ်မတော် အတွက် မဖြစ်ခဲ့သလို နောင်လည်း ဘယ်တော့မှဖြစ်မှာ မဟုတ်ဘူး” ဟုပြောကြားခဲ့ပြီး ဖွဲ့စည်းပုံ အခြေခံ ဥပဒေနှင့် အညီ ခံစားခွင့် ရရှိရေးနှင့် လိုက်နာဆောင်ရွက်နိုင်ရေး အတွက် တပ်မတော်သားများမှ ပြည်သူနှင့်အတူ ထိန်းသိမ်း ဆောင်ရွက်သွားမည် ဖြစ်ကြောင်း၊ တပ်မတော် အနေဖြင့် ငြိမ်းချမ်းရေးကို ပိုမိုလိုလားကြောင်း၊ ယနေ့အချိန်တွင် ဒီမိုကရေစီ စနစ်ဖြင့် ချီတက်ရာတွင် တပ်မတော် အပါအ၀င် ပြည်သူတရပ်လုံးက စည်းကမ်းရှိကြရန် ဥပဒေကို လေးစား လိုက်နာကြရန် အရေးကြီးကြောင်း မိန့်ခွန်း ပြောကြားခဲ့သည်။
အဆိုပါ ပြောကြားခဲ့သည့် မိန့်ခွန်းနှင့် ပတ်သတ်၍ ဒီမိုကရက်တစ်ပါတီ မြန်မာ မှ ဦးသုဝေက ယခုလို ပြောခြင်းသည် ကောင်းမွန်စိတ်ချရပြီး ကြိုဆိုကြောင်း သူ့အမြင်ကို မဇ္ဈိမသို့ ပြောသည်။
၎င်းက “ တပ်မတော်ဆိုတာ အာဏာသိမ်းပြီ ဆိုတာနဲ့ တိုင်းပြည်ပျက်တာပဲလေ။ ဒီလိုပြောတာဟာ သိပ်ကောင်း ပါတယ်။ တိုင်းပြည်အတွက် ရှိနေတယ်ဆိုတော့ စိတ်ချရတာပေါ့။ တပ်မတော်ဆိုတာ ကလည်း နိုင်ငံတော်ကို ကာကွယ်ဖို့ ထိန်းသိမ်းပေးဖို့ရယ် ကျန်သေးတယ်။ အစိုးရရဲ့ လမ်းစဉ်အတိုင်း သူတို့က လိုက်ရမှာပေါ့။ အဲဒီအတွက် ကို သူကပြောတယ်ဆိုတော့ ကျွန်တော်တို့က ကြိုဆိုပါတယ်။ ပြည်သူအတွက်ကို ၀မ်းသာပါတယ်” ဟုဆိုသည်။
လွှတ်တော် အဖွဲ့အစည်းများနှင့် ပတ်သတ်ပြီး အမျိုးသားဒီမိုကရေစီ အင်အားစု ပါတီ (NDF) မှ ဥက္ကဌ ဦးခင်မောင်ဆွေ က “ကောင်းပါတယ်။ လွှတ်တော်တွေ အဖွဲ့အစည်း နဲ့ပတ်သတ်လို့ ဘာမှ အနှောက်အယှက် ရှိမှာ မဟုတ်ပါဘူး ဆိုတာကို ပြသွားတာပါ။ ကမ္ဘာကိုရော မြန်မာကိုပါ သိစေတာက ပိုကောင်းတာပေါ့” ဟုပြောသည်။
(၆၈) နှစ်မြောက်တပ်မတော်နေ့အခမ်းအနားကိုနေပြည်တော်တွင်ကျင်းပခဲ့ပြီး စစ်လက်နက်ပစ္စည်းများကို ပထမဆုံး အကြိမ် ပြသခဲ့သည်။ ယနေ့ကျင်းပသည့် ( ၆၈)နှစ်မြောက် တပ်မတော်နေ့ အခမ်းအနားတွင် အမျိူးသား ဒီမိုကရေ အဖွဲ့ချူပ် ဥက္ကဌ ဒေါ်အောင်ဆန်းစုကြည် အား ပထမဆုံး အကြိမ် အဖြစ်တက်ရောက်ခဲ့သည်ကို တွေ့ရှိရသည်။ ထို့အပြင် ပါတီခေါင်းဆောင်များနှင့် နယ်ခြားစောင့် တပ်ဖွဲ့ဝင်များ တက်ရောက်ကြသည်။
အရှိုချင်းအမျိုးသား ပါတီမှ အထွေထွေ အတွင်းရေးမှူး ဆလိုင်းအောင်မင်းလှိုင်က ဗိုလ်ချူပ်မှူးကြီး မင်းအောင်လှိုင် ပြောသည့် စကားအတိုင်း ဆက်လက် ကျင့်သုံးသွားပါက အောင်မြင်မှု ရနိုင်ကြောင်းပြောသည်။
ထို့အပြင် ၈၈ မျိူးဆက်ကျောင်းသား တဦးဖြစ်သူ ကိုပြုံးချိုကလည်း တပ်မတော်ရဲ့ ဦးတည်ချက် အခန်းကဏ္ဍတွေကို တိတိကျကျ တာဝန်ထမ်းဆောင်နိုင်မယ်ဆိုရင် အထောက်အကူ ပြုနိုင်လိမ့်မည် ဖြစ်ကြောင်း သူ့အမြင်ကို
ပြောပြသည်။
၎င်းက “ကျွန်တော်တို့ နိုင်ငံမှာပြုပြင်ပြောင်းလဲရေးကို သွားနေပြီဆိုတဲ့အခါ တိုင်းပြည်ရဲ့ ကျရာတာဝန်ကို သတ်သတ် မှတ်မှတ်နဲ့ တာဝန်သိသိ နဲ့ဖော်ဆောင်နိုင်မယ်ဆိုရင် ပိုကောင်းမယ်လို့ မြင်ပါတယ်” ဟု ဆိုသည်။
Ref: မဇ္ဈိမ
နေပူတောင် ကျောက်ထုတ်စီမံကိန်း ရခိုင်ပြည်နယ် လွှတ်တော်တွင် ကန့်ကွက်
ခင်ဦးသာ
March 27, 2013
ရခိုင်ပြည်နယ်၊ တောင်ကုတ်မြို့နယ် အတွင်းရှိ နေပူတောင်မှ အလှဆင် မာဘယ်ကျောက် ထုတ်လုပ်ရန် ပြည်ထောင်စု အစိုးရနှင့် ဗီယက်နမ်နိုင်ငံမှ Simco Song Da Joint Stock Company တို့ အကြား သဘောတူ စာချုပ် ချုပ်ထားသည့် စီမံကိန်းအား ရပ်ဆိုင်းထားရန် ရခိုင်ပြည်နယ် လွှတ်တော်၌ ကန့်ကွက် တောင်းဆိုခဲ့ကြောင်း သိရသည်။
ထိုစီမံကိန်းနှင့် ပတ်သက်၍ ဒေသခံ ရခိုင်ပြည်သူများနှင့် မြန်မာနိုင်ငံသားများအား ပွင့်လင်းမြင်သာမှု ရှိသော သတင်း ထုတ်ပြန်မှုများ ဆောင်ရွက်ပြီးမှသာ ဆက်လုပ်သင့်၊ မသင့် ဆုံးဖြတ်၍ စီမံကိန်းကိစ္စ ဆက်လက် အကောင်အထည် ဖော်သင့်ကြောင်း အဆိုတရပ်ကို စစ်တွေမြို့နယ်မှ ပြည်နယ်လွှတ်တော် ကိုယ်စားလှယ် ဦးအောင်မြကျော်က ယခုသီတင်းပတ်တွင် တင်သွင်းခဲ့ခြင်း ဖြစ်သည်။
“ပြည်သူတွေကို ပွင့်ပွင့်လင်းလင်း ချပြပြီးမှ မလုပ်ဘူးဆိုရင် လက်ပံတောင်းတောင် စီမံကိန်းလို ပဋိပက္ခတွေ ကြီးထွား လာစေနိုင်တယ်။ ရခိုင်ပြည်သူတွေက ဒီတောင်ကို အဖိုးမဖြတ်နိုင်တဲ့ ကျောက်တောင်လို့ သိထားကြတော့ ပွင့်လင်းမြင်သာမှု မရှိဘူးဆိုရင် ပြဿနာတွေ ကြီးထွား လာနိုင်တဲ့အတွက် ဆိုင်းငံ့ထားဖို့ တင်ပြတာပါ” ဟု ဦးအောင်မြကျော် က ဧရာဝတီသို့ ပြောသည်။
နေပူတောင် စီမံကိန်း ရပ်ဆိုင်းထားရေး အဆိုအား မတ်လ ၂၈ ရက်နေ့တွင် ကျင်းပမည့် ပြည်နယ်လွှတ်တော် အစည်းအဝေး၌ ရခိုင်ပြည်နယ် အစိုးရ အဖွဲ့မှ စီးပွားကူးသန်း ၀န်ကြီး ဦးမြအောင်က ပြန်လည်ရှင်း ဖြေဆိုမည်ဖြစ်သည်။
“စီမံကိန်း ရပ်ဆိုင်းထားရေး အဆိုကို ပြည်နယ်အစိုးရက ကန့်ကွက်မယ် ဆိုရင်တော့ လွှတ်တော်ထဲမှာ မဲခွဲဆုံး ဖြတ်ရမှာပါ။ ပြီးမှပဲ ဘာတွေ ဆက်လုပ်သင့်တယ် ဆိုတာကို အဖြေ ထွက်လာမှပေါ့” ဟု ဦးအောင်မြကျော်က ပြောသည်။
နေပူတောင်သည် တောင်ကုတ်မြို့နယ်၊ ရခိုင်ရိုးမစွန်းတွင် တည်ရှိပြီး ၎င်းမှ မာဘယ်လ် အလှဆင်ကျောက်များအား တနှစ်လျှင် မက်ထရစ် တန်ချိန် ၇၈၅၀ ကို ၂၀၁၃ ခုနှစ်မှ စတင်၍ နှစ်ပေါင်း ၂၀ အထိ ထုတ်ယူမည် ဖြစ်သည်။ ထိုကျောက် အမျိုးအစားသည် မြန်မာနိုင်ငံ၌ ရှားပါးကြောင်း၊ ဦးနေ၀င်း အစိုးရ လက်ထက်တွင်လည်း ဂျပန် အစိုးရနှင့် ပူးပေါင်း ထုတ်လုပ်ရန် သဘောတူညီမှုများ ရရှိခဲ့သော်လည်း အကြောင်း အမျိုးမျိုးကြောင့် ရပ်ဆိုင်း ခဲ့ရကြောင်း သိရသည်။
ထိုစီမံကိန်း ကိစ္စအား ယခု သီတင်းပတ်တွင် ကျင်းပနေသည့် ပြည်နယ်လွှတ်တော်သို့ ဗဟိုအစိုးရ အဖွဲ့မှ တင်ပြလာသည့် ဒေသန္တရ စီမံကိန်း ကဏ္ဍတွင် ပါဝင်လာကြောင်း၊ ထိုစီမံကိန်းနှင့် ပတ်သက်၍ ပြည်ထောင်စု အစိုးရနှင့် ဗီယက်နမ် ကုမ္ပဏီတို့က လုပ်ဆောင်မှုဖြစ်၍ ပြည်နယ် အစိုးရတွင် လုပ်ပိုင်ခွင့် မရှိဟု ရခိုင်လူမှုအဖွဲ့များက ပြောသည်။
နေပူတောင် စီမံကိန်း ရပ်ဆိုင်းရေး လွှတ်တော်၌ အဆိုတင်သွင်းသကဲ့သို့ ရခိုင်လူမှုရေး အဖွဲ့အစည်း များကလည်း ဆန္ဒ ထုတ်ဖော် ကန့်ကွက်သွားမည်ဟု ပြောဆို ထားခဲ့ပြီးနောက် ရခိုင်ပြည်နယ် အစိုးရအဖွဲ့မှ သတ္တုတွင်း ၀န်ကြီး ဦးအောင်သန်းတင်နှင့် လူမှုရေးရာဝန်ကြီး ဒေါက်တာ အောင်ကျော်မင်း တို့သည် ဒေသခံများ၊ လူမှုအဖွဲ့များ၊ နိုင်ငံရေးပါတီများနှင့် တောင်ကုတ်မြို့၌ ယမန်နေ့က တွေ့ဆုံ၍ နေပူတောင် ကိစ္စကို ရှင်းလင်း ပြောဆိုခဲ့ကြောင်း တက်ရောက်ခဲ့သူ ရခိုင် လူမှုကွန်ယက်မှ တောင်ကုတ်မြို့ခံ ဦးစိုးဝင်းက ဧရာဝတီသို့ ပြောသည်။
၎င်းက “စီမံကိန်းနဲ့ ပတ်သက်ပြီး ဘာမှ မလုပ်သေးဘူးလို့ အစိုးရက ပြောနေပေမယ့် ၀န်ထမ်းအိမ်ရာတွေ ဆောက်နေတာတွေ၊ ကားလမ်းတွေ ဖောက်လုပ်နေတာ ကြာပါပြီ။ ကန့်ကွက်သံတွေ ပေါ်လာတော့မှ အစိုးရက ပြည်သူကို အသိပေးတဲ့ သဘောပါ” ဟု ဆိုသည်။
ပြည်နယ် ၀န်ကြီးများသည် တောင်ကုတ် လူထုတွေ့ဆုံပွဲ၌ အသေးစိတ် ရှင်းလင်းပြောဆိုမှု မရှိခဲ့ဟု သိရပြီး ထိုစီမံကိန်းမှ ၀င်ငွေမည်မျှရမည်၊ ဒေသအကျိုးအတွက် မည်ကဲ့သို့ ဆောင်ရွက်မည် ဆိုသည်ကိုလည်း အစိုးရ အနေဖြင့် တရားဝင် ထုတ်ဖော်ပြောဆိုမှု မရှိသေးပေ။
ပြည်နယ် သတ္တုတွင်းဝန်ကြီး ဦးအောင်သန်းတင်က ဧရာဝတီကို ပြောရာတွင် ဗီယက်နမ် ကုမ္ပဏီနှင့် ပြည်ထောင်စု အစိုးရတို့က အကျိုးတူ ပူးပေါင်းဆောင်ရွက်ရန် ၂၀၁၂ ခုနှစ်တွင် သဘောတူစာချုပ် ချုပ်ဆိုခဲ့ကြောင်း၊ ဗီယက်နမ် ကုမ္ပဏီ အနေဖြင့် နှစ်ပေါင်း ၂၀ အထိ ထုတ်လုပ်ခွင့်ရမည် ဖြစ်ပြီး နှစ် ၂၀ ပြည့်ပြီးပါက တခြား ကုမ္ပဏီများနှင့် ဆက်လက် စာချုပ်ချုပ်ဆို လုပ်ကိုင်သွားမည်ဖြစ်ကြောင်း ပြောဆိုသည်။
“ကျောက်ထုတ်ယူခွင့် ရမယ်ဆိုရင် နိုင်ငံတော်က အမြတ် ၅၀ ရာခိုင်နှုန်း၊ ဗီယက်နမ် ကုမ္ပဏီက ၅၀ ရာခိုင်နှုန်း ရမယ်။ ကုမ္ပဏီရတဲ့ အမြတ် ၅၀ ရာခိုင်နှုန်းထဲကနေ ဒေသခံတွေ အကျိုးအတွက် ၁၀ သို့မဟုတ် ၁၅ ရာခိုင်နှုန်း ခွဲဝေ ဆောင်ရွက်ပေးဖို့ ကုမ္ပဏီက သဘောတူထားတယ်” ဟု ပြည်နယ် သတ္တုတွင်း ၀န်ကြီးက ဆိုသည်။
ဦးစိုးဝင်းကမူ “ဒေသအကျိုးအတွက် ဒေသခံတွေ အလုပ်အကိုင်တွေ ရမယ်ပြောတယ်။ အလုပ်အကိုင်တွေရမယ် ဆိုပေမယ့် ကုန်ချောထုတ်မယ့် စက်ရုံတွေ မဆောက်ဘဲ ကုန်ကြမ်းပဲ ထုတ်ယူမယ်ဆိုရင်တော့ ဒေသခံတွေ အားလုံးက ကန့်ကွက်ကြပါတယ်” ဟု ဆိုသည်။
ပြည်ထောင်စု အစိုးရသည် ထိုစီမံကိန်းနှင့် ပတ်သက်၍ ပြည်သူများအား ယခင်က ထုတ်ဖော်ပြောဆိုခြင်း မရှိသည့်အပြင် ပြည်နယ်အစိုးရကလည်း စီမံကိန်းနှင့် ပတ်သက်၍ မည့်သည့် ကိစ္စကိုမှ စတင်လုပ်ဆောင်မှု မရှိသေးကြောင်း ပြည်နယ် ၀န်ကြီး ဦးအောင်သန်းတင် က ပြီးခဲ့သည့် ဖော်ဖေ၀ါရီလအတွင်း ဧရာဝတီကို ဖြေဆိုခဲ့သေးသည်။
ကျောက်ဖြူမြို့၌ တည်ဆောက်နေသော ရွှေသဘာဝ ဓာတ်ငွေ့ပိုက်လိုင်း စီမံကိန်းအပါအ၀င် ရခိုင်ဒေသတွင်း လုပ်ဆောင်နေသည့် စီမံကိန်းများသည် ပွင့်လင်းမြင်သာမှု မရှိခြင်း၊ ပြည်သူကို အသိပေးမှု မရှိခြင်းတို့ကြောင့် ကန့်ကွက် ဆန္ဒပြမှုများနှင့် ကြုံလာနိုင်ကြောင်း၊ ရသေ့တောင်နှင့် မောင်တော ဒေသရှိ ပင်လယ်ကမ်းခြေတို့တွင်လည်း အဖိုးတန် တိုက်တေနီယမ် သတ္တုများကို တရုတ်နိုင်ငံက ထုတ်လုပ်ရန် ပြင်ဆင်နေမှု ကိစ္စကိုလည်း ပြည်နယ် အစိုးရမှ ပြည်သူများကို ရှင်းလင်းပြောဆိုမှု မရှိသေး၍ စောင့်ကြည့်နေကြောင်း ရခိုင်အမျိုးသမီးအဖွဲ့မှ ခေါင်းဆောင်တဦးဖြစ်သူ ဒေါ်မညိုအေးက ဧရာဝတီသုိ့ ပြောသည်။
ရခိုင်ဒေသရှိ ရွှေဂက်စ် စီမံကိန်းနှင့် စီမံကိန်းတချို့တွင် ဒေသခံပြည်သူများအား အလုပ်အကိုင် အခွင့်အလမ်းပေးမည်၊ ဒေသဖွံ့ဖြိုးရေး ဆောင်ရွက်ပေးမည်ဟု အစိုးရက မကြာခဏ ပြောဆိုနေသည့်တိုင် မည်သည့်ကိစ္စကိုမှ လက်တွေ့တွင် အကောင်အထည် ဖော်ပေးခြင်း မရှိ၍ ဒေသခံများအကြား မကျေနပ်မှုများ ကြီးထွားလာနေကြောင်းလည်း လူမှုအဖွဲ့များထံမှ သိရသည်။
Ref: ဧရာဝတီ
ဘာသာရေးအကြမ်းဖက် ပျံ့နှံ့မှု အမေရိကန် စိုးရိမ်
27.03.2013
လွန်ခဲ့တဲ့ မတ်လ ၂၀ ရက်နေ့စလို့ ၃ ရက်ကြာ အကြမ်းဖက်မှုတွေဖြစ်ပြီး သေဆုံးသူ ၄၀ ရှိခဲ့တဲ့ မန္တလေးတိုင်း မိတ္ထီလာမြို့မှာ ပုဒ်မ ၁၄၄ နဲ့ စစ်အုပ်ချုပ်ရေး ထုတ်ပြီး ထိန်းသိမ်းနေ ချိန်မှာပဲ မတည်မငြိမ် အခြေအနေတွေဟာ တခြား မြို့တွေ ဆီကိုပါ ပျံ့နှံ့ခဲ့တဲ့အတွက် နိုင်ငံ တကာရဲ့ စိုးရိမ်မကင်း ဖြစ်မှုတွေ ထွက်ပေါ်ခဲ့ပါတယ်။
ဒီအကြမ်းဖက် တိုက်ခိုက်မှုတွေမှာ ပါဝင်ကျူးလွန်သူတွေကို ဖမ်းဆီးပြီး ဥပဒေ အရ အပြစ်ပေး အရေးယူပါလို့ ကုလသမဂ္ဂ က တိုက်တွန်း ထားသလို၊ ပဋိပက္ခတွေ ပျံ့နှံ့လာ တဲ့အပေါ် စိုးရိမ်တဲ့ အကြောင်း အမေရိကန် ပြည်ထောင်စုက မတ်လ ၂၆ ရက်နေ့က တိုက်တွန်း ခဲ့ပါတယ်။
အထူးသဖြင့် ခုသီတင်းပတ်အစောပိုင်းက ရန်ကုန်မြို့နဲ့ မိုင် ၅၀ လောက်ပဲဝေးတဲ့ ပဲခူးမြို့ အနောက်ဘက်ခြမ်းက ကြို့ပင်ကောက်၊ အုတ်ဖိုနဲ့ မင်းလှ မြို့နယ်တွေမှာ ဗလီ ၀တ်ပြုကျောင်းတွေကို မီးရှို့ ဖျက်ဆီးတာ၊ နေအိမ်နဲ့ ဆိုင်ခန်းတွေကို ဖျက်ဆီး လာကြတာတွေကြောင့် ပုဒ်မ ၁၄၄ ထုတ်ပြန် ထားပါတယ်။
ပြည်မြို့မှာောတ့ ဒေသခံလူငယ်တွေ စုဝေးပြီး လုံခြုံရေး ယူထားကြတယ်လို့ ဒေသခံ တွေက ပြောပါတယ်။ အုတ်ဖိုမြို့မှာ ဖြစ်ခဲ့တဲ့ အကြမ်းဖက်မှုမှာ ပါဝင်ခဲ့တယ်လို့ သံသယရှိသူ ၅ ဦးကို ဖမ်းဆီးထားတဲ့ အကြောင်း မနေ့ကထုတ်တဲ့ အစိုးရ သတင်းစာတွေမှာ ဖော်ပြထားပါတယ်။
ဗုဒ္ဓဟူးနေ့မနက်မှာလည်း ဇီးကုန်းနဲ့ နတ္တလင်းမြို့နယ်တွေမှာ ဗလီနဲ့ လူနေအိမ်တွေ မီးရှို့ ခံခဲ့ရပါတယ်။ အခုလို အကြမ်းဖက်မှုတွေ ပျံ့နှံ့လာတဲ့ အပေါ် အမေရိကန် နိုင်ငံခြားရေး ဌာနက စိုးရိမ်မကင်းဖြစ်ကြောင်း ပြောပါတယ်။
လက်ထောက်ယာယီ ပြောခွင့်ရပုဂ္ဂိုလ် ပတ်ထရစ် ဗန်ထရယ်လ် (Patrick Ventrell) က တရားဥပဒေနဲ့အညီ ကိုင်တွယ်ဖြေရှင်းဖို့ မနေ့က ထပ်မံတိုက်တွန်းခဲ့ပါတယ်။
“မြန်မာနိုင်ငံအလယ်ပိုင်းမှာ ဘာသာရေး အကြမ်းဖက်မှုတွေ ဖြစ်ပွားနေတဲ့အတွက် အမေရိကန် ပြည်ထောင်စုအနေနဲ့ လွန်စွာပဲ စိုးရိမ်မကင်း ဖြစ်မိပါတယ်။ မနေ့ညက သတင်းတွေအရ ရန်ကုန်မြောက်ပိုင်း မိုင် ၉၀ အကွာမှာ ရှိတဲ့ နတ္တလင်းမှာ နောက်ထပ် ဗလီတခုနဲ့ နေအိမ်တချို့ မီးရှို့ခံခဲ့ရတယ်ဆိုတဲ့ သတင်းတွေ ရပါတယ်။ အခုလိုမျိုး အကြမ်းဖက် ခံခဲ့ရသူတွေအတွက် အလွန်ပဲ စိတ်မကောင်းပါဘူး။ ဒါကြောင့်မို့လို့ မြန်မာ အာဏာပိုင်တွေ အနေနဲ့ တရားဥပဒေ စိုးမိုးရေးနဲ့ တည်ငြိမ်ရေး အတွက် ထိန်းသိမ်းတဲ့နေရာမှာ လူ့အခွင့်အရေးကို လေးစားလိုက်နာပြီးတော့ ဥပဒေအတိုင်း ဆောင်ရွက်ပါ။ အိုးအိမ်မဲ့ဖြစ်သူတွေကိုလည်း အကူအညီတွေပေးပါ။ ဒီလို လုပ်ဆောင်ပေးဖို့က စစ်တပ်ရဲ့ အခန်းကဏ္ဍပဲ ဖြစ်ပါတယ်။”
အကြမ်းဖက်မှုတွေကြောင့် ဘေးဒဏ်သင့်ရသူတွေအတွက် လိုအပ်တဲ့ အကူအညီတွေ ပေးဖို့ အမေရိကန် ဒေါ်လာ ၁ သိန်း လှူဒါန်းမယ့် အကြောင်းလည်း အမေရိကန်သံရုံး က ကြေညာ ထားပါတယ်။
အခုလို မြန်မာနိုင်ငံမှာ အကြမ်းဖက်မှုတွေ ပျံ့နှံ့လာတဲ့အတွက်ကြောင့် မြန်မာနိုင်ငံတွင်း ခရီးသွားလာမှုတွေမှာ သတိထားဖို့၊ အကြမ်းဖက်မှု ဖြစ်နိုင်ဖွယ်ရှိတဲ့ နေရာတွေကို သွားတာလာတွေ ရှောင်ရှားဖို့ အမေရိကန်၊ ဗြိတိန်၊ သြစတြေးလျ၊ တိုင်ဝမ် တို့က သူတို့ရဲ့ သက်ဆိုင်ရာ နိုင်ငံသားတွေကို ခရီးသွား သတိပေးချက်တွေ ထုတ်ပြန်ထားပါတယ်။
Ref: VOA News
သွေးထိုးလှုံ့ဆော်မှု အကြမ်းဖက်မှုတွေ ရပ်ဆိုင်းဖို့ ၈၈ တွေ တောင်းဆို
2013-03-27
မတူညီတဲ့ ဘာသာဝင်တွေအကြား သွေးထိုးလှုံ့ဆော်မှုတွေ၊ အကြမ်းဖက် သတ်ဖြတ်မှုတွေကို ၈၈ မျိုးဆက်ကျောင်းသားများ အဖွဲ့ အနေနဲ့ လုံးဝ လက်မခံကြောင်း ဒီကနေ့မှာ ကြေညာချက် ထုတ်ပြန် ပြောဆို လိုက်ပါတယ်။
ဒီရက်ပိုင်းအတွင်း မိတ္ထီလာမြို့ အဓိကရုဏ်း ဖြစ်ပြီးတဲ့နောက်ပိုင်း အခု ရက်ပိုင်းအတွင်း ပဲခူးတိုင်းဒေသက မြို့နယ် တစ်ချို့မှာဖြစ်နေတဲ့ အကြမ်းဖက်မှုတွေနဲ့ ပတ်သက်ပြီး ၈၈ မျိုးဆက်ကျောင်းသားများ အဖွဲ့က ဒီကနေ့ မွန်းလွဲပိုင်းက သဘောထားကြေညာချက် ထုတ်ပြန် လိုက်တာပါ။
နိုင်ငံသားတွေရဲ့ အသက်အိုးအိမ်စည်းစိမ် လုံခြုံရေးဟာ နိုင်ငံတော်မှာ လုံးဝ တာဝန်ရှိကြောင်း၊ လက်ရှိ အကြမ်းဖက်မှု မီးရှို့မှုတွေကို ထိထိရောက်ရောက် အရေးယူဆောင်ရွက်ဖို့ အတွက် ပြည်ထဲရေး ၀န်ကြီးဌာနရဲ့ လုပ်ပိုင်ခွင့်နဲ့ ပဋိပက္ခ ဖြေရှင်းနိုင်စွမ်း ထိရောက်ထက်မြက်ရန် လိုအပ်တယ် လို့လည်း ပြောထားပါတယ်။
မြန်မာနိုင်ငံဟာ မတူညီတဲ့လူမျိုး ဘာသာများ အကြား ငြိမ်းချမ်းစွာ ကာလ ရှည်ကြာနေထိုင်ခဲ့တဲ့ နိုင်ငံဖြစ်သလို အခုလိုအချိန်ဟာ စစ်အာဏာရှင် စနစ်ကနေ ဒီမိုကရေစီ စနစ်ဆီ အသွင် ကူးပြောင်းနေတဲ့ ကာလဖြစ်သလို အလွန်နူးညံ့ သိမ်မွေ့တာကြောင့် ပြဿနာတွေကို ငြိမ်းချမ်းစွာ ဖြေရှင်းကြဖို့ကိုလည်း တိုက်တွန်း လိုက်ပါတယ်။
Ref: RFA News
ပဲခူးတိုင်းအတွင်းက မြို့နယ်တချို့မှာ မငြိမ်သက်မှု ဆက်ဖြစ်နေ
2013-03-27
ပဲခူးတိုင်းဒေသကြီး စစ်ကွင်းမြို့လယ်က ဗလီနဲ့ ဈေးဆိုင်တချို့ကို ဒီကနေ့ နေ့လည် ၃ နာရီလောက်က ဒေသခံ မဟုတ်တဲ့ လူတစ်စုက ၀င်ရောက် ဖျက်ဆီး ခဲ့ကြတယ်လို့ RFA က စုံစမ်းသိရှိရပါတယ်။
အခင်းဖြစ်နေတဲ့ ဗလီအနီးကို ရောက်နေတဲ့ စစ်ကွင်းမြို့ခံတစ်ဦးက သူမြင်နေရတာတွေကို အခုလို ပြောပါတယ်။
“အခုလူတွေ ဗလီကို ဖျက်နေတယ်၊ အသံတွေ ကြားနေရတယ်၊ သူတို့မှာ နှစ်တောင်လောက်ရှိတဲ့ တုတ်တွေ ကိုင်ထားတာတွေ့တယ်၊ စောင့်ပြီး ကြည့်နေကြတယ်၊ အခြေအနေ ကြည့်နေကြတယ်၊ နံရံကို ထုနေပြီ၊ ကြည့်ရတာကတော့ တောဘက်က လာတာလို့ ထင်တာပဲ၊ ၁ဝ ယောက် ၁၅ ယောက်လောက်တော့ ရှိတယ်၊ ရဲတွေဘယ်သူမှ လာတာ မတွေ့ဘူး၊ တခြား လမ်းထောင့်တွေကနေပြီးတော့ ဖျက်နေတဲ့ အသံတွေ ဒီက ကြားနေရတယ်၊ ဒီကနီးလည်း နီးတယ်၊ မြင်လည်း မြင်နေရတယ် ဆိုတော့ ဗလီကျောင်းမှာ တန်းလျား ရှိတယ်လေ၊ အဲ့ဒီ တန်းလျားက ထွက်ထားတဲ့ အကြော်ဆိုင်လေးကိုလည်း ဖျက်တယ်၊ ရှေ့ကဝါးလုံးတွေကို ယူပြီးတော့၊ ခုလူနည်းနည်း များလာပြီလေ၊ မြို့ခံလူတွေကတော့ မပါဘူး၊ ထဲမှာ ဝင်သွားကြတယ်၊ အပြင်ကမြင်နေရတာကတော့ ၃၊ ၄ ယောက်လောက်ပဲ၊ ဒါပေမယ့် အထဲမှာ လူတွေရှိတယ်၊ ဗလီက ပွင့်နေပြီလေ၊ ပထမရက်တည်းက ပွင့်နေတာ”
ဒီကနေ့မနက်ပိုင်းလောက်က စစ်ကွင်းမြို့ထဲကို လူ၃၀လောက် ၀င်လာပြီး ဖျက်ဆီးမယ်လို့ ကောလ ဟာလတွေ ထွက်ပေါ်လာပြီးနောက် ဈေးဆိုင်ခန်းတွေလည်း ပိတ်ခဲ့ ကြပါတယ်။ အဲဒီလို ကောလဟာလတွေ ထွက်ပေါ် ခဲ့ပြီး နေ့လည်ပိုင်းလောက်မှာ ဈေးဆိုင် တစ်ချို့နဲ့ ဗလီ ဖျက်ဆီး ခံခဲ့ရတာလို့ ဆိုပါတယ်။ စစ်ကွင်းမြို့မှာ အစ္စလာမ် ဘာသာဝင် ၅၀ လောက်သာရှိပြီး အိမ်ခြေ ၁၅ လုံးခန့်သာ ရှိတယ်လို့ သိရပါတယ်။
အလားတူ ဇီးကုန်းနဲ့ ကြို့ပင်ကောက်မြို့တွေမှာလည်း မူဆလင်နေအိမ်တွေ ဖျက်ဆီး ခံရတာ ရှိခဲ့တယ်လို့ ဒေသခံတွေက ပြောပါတယ်။ ဇီးကုန်းမြို့က ဗလီတစ်ခုနဲ့ မူဆလင်အိမ် တချို့ကို ရာနဲ့ချီတဲ့ လူအုပ်တစ်စုက ဖျက်ဆီးခဲ့တယ်လို့ ဇီးကုန်းဒေသခံ တစ်ဦးက RFA ကို ပြောပါတယ်။
“ဇီးကုန်းမှာဆိုရင် ၂၆ ရက်နေ့ ညကပေါ့၊ ၂၇ မနက် အစောကြီးပေါ့၊ အာ အရမ်း စိတ်ညစ်ဖို့ကောင်းတယ်၊ ကျမတို့တော်တော်ကြီး ဒီမှာလူတွေ စိတ်သောက ရောက်နေကြတယ်၊ လူအုပ်ကြီးက လာပြီးတော့ ဖြိုဖျက်နေတယ်”
အဲဒီလို လူအုပ်စုတစ်စုက ဖျက်ဆီးနေချိန်မှာ ရဲတပ်ဖွဲ့ထံ အကြောင်းကြားပေမယ့် အချိန်မီ လာရောက် ဖြေရှင်းတာ မရှိကြောင်းလည်း ဇီးကုန်းဒေသခံက ပြောပါတယ်။
ပြီးခဲ့တဲ့ မတ်လ ၂၄ ရက်နေ့ကစပြီး ပဲခူးတိုင်းအနောက်ခြမ်းက မြို့နယ်တချို့မှာ မူဆလင်တွေရဲ့ နေအိမ်တွေ၊ ဗလီတွေ ဖျက်ဆီး ခံနေရတာ ဖြစ်ပါတယ်။ အမျိုးသား ဒီမိုကရေစီ အဖွဲ့ချုပ် သာယာဝတီ မြို့နယ် ဥက္ကဌ ဦးအောင်မြင့်က ကြို့ပင်ကောက် ၊ အုတ်တွင်းနဲ့ ဇီးကုန်း အခြေအနေကို အခုလိုပြောပြပါတယ်။
“၂၄ ရက်နေ့က ပဲခူးတိုင်း အနောက်ဘက်ခြမ်း သာယာဝတီ ခရိုင် အိုးသည်ကုန်းရယ်၊ အုတ်ဖိုရယ်၊ ကြို့ပင်ကောက်ရယ် နေ့စဉ်ရက်ဆက် ဖြစ်နေတယ်၊ အခုညတုန်းက ဇီးကုန်းမှာ ဖြစ်တယ်၊ နတ်တလင်းမှာ ဖြစ်တယ်၊ ပေါင်းတည်မှာ ဖြစ်တယ်၊ အခု ဇီးကုန်းမှာ ထပ်ဖြစ်နေတယ်၊ ဒုက္ခရောက်နေတဲ့ အစ္စလာမ် ဘာသာဝင်တွေကို ဒုက္ခသည် စခန်းတွေ ဖွင့်လှစ်ပြီးတော့ ကူညီပေးဖို့ အဆင့်အထိ ကျနော်တို့ ကြိုးစားနေတယ်၊ ကျနော် ဒေါ်အောင်ဆန်းစုကြည်ကို အသေးစိတ် အစီရင် ခံနိုင်ဖို့အတွက် ကျနော် ကြို့ပင်ကောက်၊ ဇီးကုန်းက ဘာသာရေးခေါင်းဆောင်တွေနဲ့ ညှိနှိုင်းမှုတွေ လုပ်နေပြီးတော့ ဒုက္ခသည် စခန်းတွေ တည်းခိုရာ စခန်းတွေ ဖွင့်ပေးဖို့အတွက် လက်ရှိ အနေအထားမှာ ကျနော် ကြိုးစားနေတယ်”
အမျိုးသားဒီမိုကရေစီအဖွဲ့ချုပ်အဖွဲ့ဝင်တွေ အပါအ၀င် လူမှုရေး အဖွဲ့အစည်းတွေက သက်ဆိုင်ရာ ဒေသခံ အုပ်ချုပ်ရေး အာဏာပိုင်တွေနဲ့ ပူးပေါင်းပြီး လက်ရှိ အခြေအနေ ထပ်မဆိုးအောင်နဲ့ ဒုက္ခရောက်နေသူတွေကို အကူအညီပေးနိုင်ရေး အတွက် ဒီနေ့မတ်လ ၂၇ ရက်နေ့မှာ ဆွေးနွေး ခဲ့ကြတယ်လို့ ပြောပါတယ်။ ဒေသခံ အာဏာပိုင်တွေက အခုအချိန်ထိ ဘာမှ လုပ်ဆောင်ပေးတာ မရှိသလို အရေးယူတာလည်း မတွေ့ရသေးကြောင်း ဦးအောင်မြင့်က ပြောပါတယ်။
ပဲခူးတိုင်း ပေါင်းတည်မြို့မှာ ဒီနေ့ ပုဒ်မ ၁၈၈ ထုတ်ပြန်လိုက်ပါတယ်။
Ref: RFA News
ဇီးကုန်းနှင့် မင်းလှတွင် ဆူပူမှုများဖြစ်ပွား
ခိုင်ခိုင်၊ စောဇင်ညီ
ဗုဒ္ဓဟူးနေ့၊ မတ်လ ၂၇ ရက် ၂၀၁၃
ရန်ကုန်(မဇ္ဈိမ)။ ။ ပဲခူးတိုင်း မင်းလှ၊ နှင့်ဇီးကုန်းမြို့နယ်တို့တွင် ပုဒ်မ၁၄၄ ထုတ်ပြန်ထားသော်လည်း ယနေ့ နေ့လည်တွင် ဆူပူ ဖျက်ဆီးမှုများဖြစ်ပွား ခဲ့သည်ဟု ဒေသခံများက မဇ္ဈိမကိုပြောသည်။
ယနေ့နေ့လည် ၁နာရီခန့်တွင် ပဲခူးတိုင်း မင်းလှမြို့နှင့် နီးစပ်ရာရွာများမှ လူတထောင်ခန့်က ဗလီ သုံးလုံးခန့်နှင့် အတွင်းမှ ပစ္စည်းများအား ဖြိုဖျက်ခဲ့ပြီး အစ္စလာမ် ဘာသာဝင်များ၏ လူနေအိမ်များမှ အတွင်း ပစ္စည်းများအား ဖြိုဖျက် သွားခဲ့ကြောင်း ဒေသခံ ဒေါ်လှလှမိုးက ပြောသည်။
၎င်းက “လူထုက အိမ်ထဲက ပစ္စည်းတွေ ဗလီထဲက ပစ္စည်းတွေ ဖျက်ဆီး ခဲ့ပါတယ်။ ဗလီနှစ်လုံးက တော်တော် ပျက်စီးသွားတယ် ကြားတယ်။ ဒါပေမဲ့ လူကိုတော့ ဘာမှ မလုပ်သွားကြပါဘူး” ဟုပြောသည်။
ညနေလေးနာရီခန့်တွင် ရဲတပ်ဖွဲ့နှင့် စစ်တပ်တို့က ထိုဆူပူ အုံကြွမှုအား သေနတ်များ အပေါ်သို့ ပစ်ဖောက် ဖြိုခွဲသဖြင့် လူစုကွဲသွားကြောင်း အဆိုပါဒေသခံမှ ပြောသည်။
ဆူပူအုံကြွသည့် လူစုသည် နေ့လည်ခန့်တွင် ဆူပူအုံကြွကာ ပုဒ်မ၁၄၄ထုတ်ထားသော ကြောင့် စည်းမျဉ်းအတိုင်း ည၇နာရီ အချိန်မရောက်ခင် အိမ်သို့ ပြန်ကြကြောင်း ဒေါ်လှလှမိုးက ပြောဆိုသည်။
အုတ်ဖို၊ မင်းလှ နှင့် ကြို့ပင်ကောက်မြို့များတွင် မတ်လ ၂၆ ရက်နေ့ ညနေပိုင်းကစတင်၍ ညနေ၆နာရီမှ မနက် ၆နာရီအတွင်း လမ်းပေါ်မထွက်ရန် ပြစ်မှုဆိုင်ရာ ဥပဒေ ပုဒ်မ ၁၄၄ ကိုထုတ်ပြန် ကြေညာခဲ့ပြီးနောက် ယခုလို
နေ့လည်ဘက်တွင် မင်းလှနှင့် ဇီးကုန်းတို့တွင် ဆူပူဖျက်ဆီးမှုများ ဖြစ်ပွားခဲ့ခြင်းဖြစ်သည်။
နိုင်ငံတော်သည် ဒီမိုကရေစီ ပြုပြင် ပြောင်းလဲရေးနှင့် ဖွံ့ဖြိုး တိုးတက်ရေး လုပ်ငန်းများကို အရှိန် အဟုန်မြှင့်၍ လုပ်ဆောင် နေသည်ဖြစ်ရာ အဆိုပါ လုပ်ငန်းများကို ထိခိုက်မည့် အကြမ်းဖက်မှုများ၊ ဘာ သာရေး အစွန်းရောက် မှုများကို ရှောင်ရှားကြပါရန် သတင်း ထုတ်ပြန်ရေး အဖွဲ့က ပြည်သူများသို့ မတ် ၂၅ ရက်တွင် သတင်းထုတ်ပြန်၍ တိုက်တွန်း ထားသည်။
ထို့အပြင် ယနေ့နေ့လည် ဇီးကုန်းမြို့တွင် ဖြစ်ပွားခဲ့သော ဆူပူဖျက်ဆီးမှုတွင် အာဏာပိုင်များဘက်မှ ဖျက်ဆီးနေစဉ် မည်သို့မှ အရေးမယူပဲ ဖျက်ဆီးပြီးမှ ရာဘာ ကျည်ဆံများနှင့် ပစ်ခဲ့သည်ဟု ဇီးကုန်းမှ ဒေသခံ ကိုသန်းအောင်က မဇ္ဈိမကို ပြောသည်။
၎င်း က ကိုယ်တိုင် မြင်တွေ့ခဲ့ရပုံကို “ဒီနေ့ရော မနေ့ကရောဖြစ်တာ ညနေသုံးနာရီလောက်ကလာပြီး ဖျက်ဆီးကြတာ။ ဖျက်နေတုန်းကတော့ လုံခြုံရေးတွေက ဘာမှ မလုပ်ကြဘူး။ ဒီအတိုင်းပဲ ရပ်ကြည့်နေကြတယ်။ ဖျက်ဆီးတဲ့ လူတွေက ပြန်ထွက်လာတော့မှ သေနတ်နဲ့ ပစ်ကြတယ်။ ရာဘာကျည်နဲ့ ပစ်တယ်။” ဟု ပြောပြသည်။
နိုင်ငံ၏တည်ငြိမ်မှုကို ဖျက်ဆီးချင်သဖြင့် ယခုလိုပဋိပက္ခများ လုပ်ဆောင်နေကြသည်ဟု ယူဆကြောင်းနှင့် လုံခြုံရေး တပ်ဖွဲ့များမှာ တာဝန်ကို ကျေပွန်စွာထမ်းဆောင်ခြင်း နည်းပါးသည်ဟု ကိုသန်းဆောင်မှ ၎င်း၏ အမြင်ကို ဆိုသည်။
လက်ရှိအခြေအနေတွင် ညနေလေးနာရီခွဲခန့်မှ စတင်ပြီးတည်ငြိမ်သွားကြောင်း ဖျက်ဆီး ဆူပူသူများအား ဖမ်းဆီး ထိန်းသိမ်းခြင်း မတွေ့ရကြောင်း ဒေသခံများက ပြောသည်။
ဇီးကုန်းဒေသခံ ဒေါ်ခင်ဝိုင်းက “သေတာတော့ မရှိဘူးလို့ ကြားတာပဲ။ ဇီးကုန်းမှာ အစ္စလာမ်တွေပဲ အထိခိုက်ဆုံးပဲ။ ဘာအညိုးအတေးတွေမှ မရှိပဲနဲ့ ဒီလိုဖြစ်သွားတာ တော်တော်လေး စိတ်ထိခိုက်နေရတာ။ ဒါပေမဲ့ ကိစ္စတွေပြီးမှ လုံခြုံရေးတွေက လာပြီး ဂရုစိုက်တာ” ဟု ဆိုသည်။
ဒေါ်ခင်ဝိုင်းက ဆက်၍ လာရောက်ဖျက်ဆီး သူများမှာ နယ်အတွင်းရှိ ဒေသခံများသာ ဖြစ်ကြောင်းနှင့် လူအင်အား ၂၀၀ကျော် ၃၀၀ ခန့် လာရောက် ဖျက်ဆီးကြကြောင်း ဘာသာရေး အဆောက်အအုံ များကို အဓိက ဖျက်ဆီးသော်လည်း လူများကို အန္တရာယ်မပြုကြောင်း ရှင်းပြခဲ့သည်။
Ref: မဇ္ဈိမ
မင်းလှအကြမ်းဖက်မှု ရာဘာကျည်နဲ့ လူစုခွဲ
ကိုကျော်ထင်
27.03.2013
မန္တလေးတိုင်း မိတ္ထီလာမြို့နယ်က ပဋိပက္ခတွေဟာ ပြီးခဲ့တဲ့ရက်ပိုင်းမှာ ပဲခူးတိုင်း ဒေသကြီး အနောက်ဘက်က မြို့နယ် တချို့ထိ ပျံ့နှံ့လာပါတယ်။ ဒီကနေ့ ညနေပိုင်းက မင်းလှမှာ ဖြစ်ပွားတဲ့ ပဋိပက္ခကို ထိန်းသိမ်းနိုင်ဖို့ လုံခြုံရေး တပ်ဖွဲ့တွေက သေနတ်ပစ်ဖောက် လူစုခွဲတဲ့ အတွက် ဆူပူသူတချို့ ဒဏ်ရာရတယ်လုိ့ သိရပါတယ်။ အပြည့်အစုံကို ဗွီအိုအေသတင်းထောက် ကိုကျော်ထင် ရန်ကုန်ကနေ သတင်းပေးပို့ထားပါတယ်။
ပြီးခဲ့တဲ့ ရက်ပိုင်းတွေကစပြီး မငြိမ်သက်မှုတွေ စတင်ခဲ့တဲ့ ပဲခူးတိုင်းဒေသကြီး အနောက်ဘက်ခြမ်း မြို့နယ်တချို့က ပဋိပက္ခတွေဟာ ဒီကနေ့ ညနေပိုင်းမှာ မင်းလှမြို့ထိ ကူးစက် လာပါတယ်။
အခြေနေတွေကို မျက်ခြေမပြတ် စောင့်ကြည့်နေတဲ့ ဒေသခံ NLD ပါတီဝင် ကိုခင်ထွန်းက ဒီကနေ့ ညနေပိုင်း အခြေအနေကို အခုလို ပြောပြပါတယ်။
“၂၄ ရက်နေ့က မင်းလှမှာ ဖြစ်တယ်။ ၂၅ရက်နေ့နဲ့ ၂၆ ရက်နေ့မှာတော့ အုတ်ဖို၊ ကြို့ပင်ကောက်၊ စစ်ကွင်းမှာ ဖြစ်တယ်။ မင်းလှရဲ့ ရွာနီးချုပ်စပ်ပေါ့ဗျာ။ ရွာနီးချုပ်စပ်ကနေပြီးတော့ ၁ နာရီခွဲလောက်မှာ လူစုတယ်။ လူစုပြီးတော့ ၂ နာရီလောက်ကျတော့ ဇေယျဝတီ ရပ်ကွက်ထဲမှာ အစ္စလာမ် ဘာသာဝင် တယောက်ရှိတယ်။ သူက ကြက်ရောင်းတယ်။ သူ့အိမ်ကို စပြီးတော့ ဖျက်စီးတာပေါ့။ သူ့အိမ်ကို စပြီး ဖျက်ဆီးတယ်။ နောက်ပြီးတော့ မြို့ပေါ်မှာ ဗလီ ၃ လုံးရှိတယ်။ ဘီအိုစီလမ်းမှာ ဗလီတလုံးရှိတယ်။ ပေါက်ပင်တန်းလမ်းမှာ ဗလီတလုံးရှိတယ်။ ရုံးလမ်းမှာ ဗလီတလုံးရှိတယ်။ အဲ့ဒီ ၃ လုံးစလုံးကို ဖျက်စီးပစ်လိုက်တယ်။ ဒီနေ့ ၂ နာရီနဲ့ ၅ နာရီကြားဖြစ်တာ”
ညနေ ၅ နာရီလောက်မှာ လုံခြုံရေး တပ်ဖွဲ့ဝင်တွေက သေနတ်ပစ်ဖောက် လူစုခွဲတာကြောင့် အကြမ်းဖက်မှုတွေ ရပ်တန့်သွားတယ်လို့ သူက ဆက်ပြောပါသေးတယ်။
“မီးရှို့တာတို့၊ လူသတ်တာတို့ မဖြစ်သွားဘူး၊ နောက်ဆုံးကျတော့ ၅ နာရီမထိုးခင်လောက်မှာ လုံခြုံရေးကနေ ရာဘာကျဉ်တွေနဲ့ပစ်ပြီး လူစုခွဲလိုက်တယ်။ ၅နာရီလောက်မှာ လူစု ကွဲသွားတယ်။”
မေး။ ။ ရာဘာကျဉ်နဲ့ ပစ်တယ်ဆိုတာ ဘယ်လိုလုပ်သိတာလဲဗျ။
“မိုးပေါ်ထောင်ပစ်တယ်လို့လည်း ပြောတယ်ဗျာ။ ဒါပေမဲ့လို့ ထိခိုက်ဒဏ်ရာ ရတဲ့သူတော့ ရှိသွားတာပဲ။ ၅ ယောက်လောက် ထိခိုက်ဒဏ်ရာ ရသွားတယ်။”
ပဲခူးတိုင်းဒေသကြီး အနောက်ဘက်က မြို့နယ်တချို့ထိ ဘာသာရေး အဓိကရုဏ်း ပုံစံမျိုး ဖြစ်လာတာကြောင့် မြန်မာနိုင်ငံလုံးဆိုင်ရာ အစ္စလာမ် သာသနာရေး အဖွဲ့က အစ္စလာမ် ဘာသာဝင်တွေကို အကာကွယ်ပေးဖို့ သမ္မတ ဦးသိန်းစိန်ထံ အိတ်ဖွင့်ပေးစာ တစောင်ကို မနေ့က ရက်စွဲနဲ့ ပေးပို့ခဲ့ပါတယ်။
အစ္စလာမ် သာသနာအဖွဲ့ ပြောခွင့်ရသူ ဦးဝဏ္ဍရွှေ က ပြည်မမှာ ဖြစ်နေတဲ့ ပဋိပက္ခတွေက ရခိုင်ပြည်နယ်နဲ့ မတူဘူးလို့ ထောက်ပြပါတယ်။
“ပထမ ရခိုင်ပြည်နယ်မှာ ဖြစ်တာပေါ့နော်၊ ရခိုင်ပြည်နယ်မှာ ဖြစ်တဲ့ကိ စ္စကျတော့ နိုင်ငံသားဖြစ်ခွင့်၊ တခါ လူမျိုးရေး ဆိုင်ရာ ကိစ္စ၊ ဒီလို အငြင်းပွားယုံနဲ့ ဖြစ်တယ်လို့ ယူဆစရာပေ့ါ။ အခု အဲ့ဒီဟာကနေ တဆင့် ရန်ကုန်မှာ ဆိုရင် သာကေတမှာ ဗလီကျောင်း အငြင်းပွားမှု ဖြစ်ခဲ့တယ်၊ နောက် လှိုင်သာယာမှာ ဖြစ်တယ်၊ ရွှေပြည်သာမှာ ဖြစ်တယ်။ နောက်ဆုံး မိတ္ထီလာမှာ ဖြစ်တဲ့ကိစ္စက အဆိုးရွားဆုံးပဲပေါ့နော်။ ဒါတွေ ဖြစ်လာပြီးနောက် သက်ဆိုင်ရာ အာဏာပိုင်တွေ ထိန်းသိမ်းနေတဲ့ကြားက တခြားနေရာတွေကို ကူးစက် လာတယ်။ ကူးစက်လာတဲ့ အခါကျတော့ ဒါက သာမန် ရခိုင်ပြည်နယ်မှာ ဖြစ်ခဲ့တဲ့ဟာမျိုး မဟုတ်ဘဲနဲ့ အစ္စလာမ် ဘာသာဝင်တွေနဲ့ ဘာသာရေးနဲ့ ပတ်သက်တဲ့ကိစ္စ၊ ဘာသာ သာသနာ ကိုးကွယ်ယုံကြည်မှုကို အကြောင်းပြူပြီးတော့ ဖြစ်တဲ့ကိစ္စလို့ ယူဆစရာ ဖြစ်လာတဲ့အတွက် အရေးတကြီး သမ္မတကြီးဆီကို အကူညီ တောင်းတာပါ၊”
အစ္စလာမ် ဘာသာရေး အဆောက်အဦးတွေနဲ့ ပစ္စည်းဥစ္စာတွေ ဆုံးရှုံးမှုတချို့ ရှိပေမဲ့ ဗုဒ္ဓဘာသာဝင်တိုင်းက ကျူးလွန်တာ မဟုတ်ဘူးလို့ ဦးဝဏ္ဍရွှေ က ဆက်ပြောပါသေးတယ်။
“ဗုဒ္ဓဘာသာနဲ့ အစ္စလာမ် သာသနာဟာ နှစ်ပေါင်းများစွာ ဒီနိုင်ငံမှာ အတူယှဉ်တွဲ နေထိုင်ခဲ့တာပါ။ ကျနော်တို့ကို စာသင်ပေးတဲ့ ဆရာမတွေ ဗုဒ္ဓဘာသာပါ။ ကျနော်တို့ကို မိခင်ဝမ်းက ကျွတ်အောင် မွေးဖွားပေးတဲ့ အမျိုးသမီးတွေက ဗုဒ္ဓဘာသာ အမျိုးသမီးတွေပါ။ ကျနော်တို့ကို အခုထက်ထိ စောင့်ရှောက်နေတုန်း ရှိပါသေးတယ်။ ဗုဒ္ဓဘာသာထဲက လှုံ့ဆော်မှုကြောင့် တချို့ နိုင်ငံရေး ပယောဂ ရှိမယ်။ တချို့ ပစ္စည်း လိုချင်တဲ့ တောကြောင်တွေ ရှိမယ်။ ဒီလိုလူတွေက လုပ်တာပါ။ ဗုဒ္ဓသာသနာနဲ့ မပတ်သက်ဘူးလို့ ကျနော်တို့ ယူဆပါတယ်။”
မကွေးကျောင်းတိုက် ဆရာတော် ဦးပါမောက္ခ ကတော့ နှစ်ဘက်စလုံးက ငြိမ်းချမ်းရေးကို လိုလားမှ ပဋိပက္ခ မရှိနိုင်ဘူးလို့ မိန့်ပါတယ်။
“ငြိမ်းချမ်းရေးဆိုတာ ဗုဒ္ဓဘာသာ တခုတည်း မဟုတ်ဘူး။ တခြားသော အစ္စလာမ်ဘာသာ၊ ဟိန္ဒူဘာသာ၊ ခရစ်ယာန် ဘာသာတွေလည်း ငြိမ်းချမ်းရေးကို အလိုရှိမှာပါပဲ၊ အဲ့ဒီတော့ ဘုန်းကြီးတို့ ဘက်ကလည်း ဗုဒ္ဓဘာသာ မြန်မာလူမျိုး တိုင်းရင်းသား တွေဘက်ကလည်း တယောက်နဲ့ တယောက် ပဋိပက္ခကို မလုပ်ဖို့၊ ငြိ်မ်းချမ်းရေးကို အခြေပြုဖို့၊ သူတို့ဘက်ကလည်း ငြိမ်းချမ်းရေးကို အလိုရှိရင် ပြဿနာ ဖြစ်စရာ အကြောင်းမရှိဘူး။”
ရန်ကုန်တိုင်း ဒေသကြီးက မြို့နယ်တချို့မှာ ပြီးခဲ့တဲ့ အပတ်ထဲ အလားတူ ပဋိပက္ခတွေ ဖြစ် လာနိုင်တဲ့ ကောလဟာလတွေ၊ လှုံ့ဆော်မှုတွေ ရှိလာတာကြောင့် တိုင်းဒေသကြီး အစိုးရ အဖွဲ့က အခြေအနေ တည်ငြိမ်အောင် နိုင်ငံရေး ပါတီတွေနဲ့ လူထု အခြေပြု အဖွဲ့အစည်းတွေကပါ ပူးပေါင်း လုပ်ဆောင်ကြဖို့ တိုက်တွန်း ထားပါတယ်။
Ref: VOA News
Wednesday, March 27, 2013
၆၈ နှစ်မြောက် တပ်မတော်နေ့ နေပြည်တော်မှာ ကျင်းပ
2013-03-27
မြန်မာ့တပ်မတော် သမိုင်းကြောင်းမှာ ဘယ်တုန်းကမှ လူမျိုးတုန်း သတ်ဖြတ်မှု (Genocide) ကျူးလွန်ခဲ့တာ မရှိခဲ့ကြောင်း တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က နေပြည်တော်မှာ မတ်လ ၂၇ ရက်နေ့ ဒီနေ့ကျင်းပတဲ့ ၆၈ နှစ်မြောက် တပ်မတော်နေ့ အခမ်းအနားမှာ ပြောလိုက်ပါတယ်။
ဒါ့အပြင် တပ်မတော်ဟာ တပ်မတော် ဥပဒေစည်းမျဉ်း များအပြင် ဂျီနီဗါ ကွန်ဗန်းရှင်း (Geneva Conventions) ကိုလည်း လိုက်နာလျက် ရှိကြောင်းနဲ့ ကွန်ဗန်ရှင်း ခေါ် နိုင်ငံတကာ သဘောတူညီချက်တွေ ကိုလည်း တပ်မတော်သားတွေ သိရှိအောင် သင်ကြားပေးလျက်ရှိကြောင်း အပြင် စည်းကမ်းဖေါက် ဖျက်သူတွေကိုလည်း အရေးယူလျှက်ရှိကြောင်း ဗိုလ်ချုပ်မှူးကြီး မင်းအောင်လှိုင်က ပြောခဲ့ပါတယ်။
ဂျီနီဗါကွန်ဗန်းရှင်းဟာ ဒုတိယကမ္ဘာစစ်ကြီးအပြီး ၁၉၄၉ ခုနှစ်မှာ ပြန်လည်မွန်းမံပြဌာန်းခဲ့တဲ့ ဥပဒေလိုမျိုးအသက်ဝင်တဲ့ နိုင်ငံတကာ သဘောတူညီချက်ဖြစ်ပါတယ်။ အဲဒီပြဌာန်းချက်မှာ စစ်ပွဲကာလအတွင်း စစ်သုံ့ပန်းတွေနဲ့ အရပ်သားတွေရဲ့ အခွင့်အရေးကို ပြဌာန်းထားတာဖြစ်သလို စစ်ပွဲတွေမှာ အရပ်သားတွေကို အကာအကွယ်ပေးဖို့ကိုလည်း ပြဌာန်းထားတာ ဖြစ်ပါတယ်။
ဒီနေ့ တပ်မတော်နေ့ အခမ်းအနားမှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဗိုလ်ချုပ်အောင်ဆန်းမျှော်မှန်းခဲ့တဲ့ တပ်မတော်ဖြစ်အောင်ကြိုးပမ်းဖို့ ထည့်သွင်းပြောကြားခဲ့ပါတယ်။
ဒီနေ့အခမ်းအနားကို တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ ဥက္ကဋ္ဌ ဒေါ်အောင်ဆန်းစုကြည်လည်း အထူးဧည့်သည်အဖြစ် ပထမဆုံးအကြိမ် တက်ရောက်ခဲ့ပါတယ်။
ဒေါ်အောင်ဆန်းစုကြည်ကို စစ်ရေးပြကွင်း ပွဲကြည့်စင်ရှေ့ဆုံးတန်းမှာ ကာကွယ်ရေးဝန်ကြီး ဗိုလ်ချုပ်ကြီး ဝေလွင်နဲ့အတူ ထိုင်ခုံဘေးချင်းကပ် နေရာချထားပေးခဲ့ပြီး၊ အဲ့ဒီအခမ်းအနားကို လွှတ်တော်အသီးသီးက ရေးရာကော်မတီဥက္ကဋ္ဌတွေနဲ့ တိုင်းရင်းသား လွှတ်တော်ကိုယ်စားလှယ်တွေလည်း တက်ရောက်ခဲ့ကြပါတယ်။
အခုနှစ် တပ်မတော်နေ့ စစ်ရေးပြအခမ်းအနားမှာ ပထမဆုံးအကြိမ်အဖြစ် ဂျက်တိုက်လေယာဉ်တွေ၊ သံချပ်ကာကားတွေ၊ လေယာဉ်ပစ်အမြောက်တွေ ထည့်သွင်းပြသခဲ့သလို စစ်ရဟတ်ယာဉ်တွေက နိုင်ငံတော်အလံကို ပျံဝဲသယ်ဆောင်ပြီး အလေးပြုတဲ့အစီအစဉ်ကိုပါ ထည့်သွင်းကျင်းပခဲ့ပါတယ်။
ဒီကနေ့ တပ်မတော်နေ့ အခမ်းအနားကို ကိုမင်းကိုနိုင်ဦးဆောင်တဲ့ ၈၈မျိုးဆက်ကျောင်းသားများအဖွဲ့ကလည်း ပထမဆုံးအကြိမ် သဝဏ်လွှာတစ်စောင် ပေးပို့ခဲ့ပါတယ်။ ၈၈ မျိုးဆက်ခေါင်းဆောင်တွေရဲ့ သ၀ဏ်လွှာမှာ ဒီမိုကရေစီရေးနဲ့ လူ့အခွင့်အရေး ဦးတည်ချက်ကို နိုင်ငံရေးအင်အားစုအားလုံး၊ တပ်မတော်အပါအဝင် ပြည်သူတစ်ရပ်လုံးရဲ့ အင်အားနဲ့ နိုင်ငံသစ်တည်ထောင်ဖို့ တိုက်တွန်းကြောင်း ဖော်ပြထားပါတယ်။
Ref: RFA News
ပဲခူးတိုင်း အနောက်ဘက်ခြမ်းတွင် ဆူပူ ဖျက်ဆီးမှုများ ဆက် ပျံ့နှံ့
March 27, 2013
လူမျိုးရေး၊ ဘာသာရေး ဆူပူ အကြမ်းဖက် ဖျက်ဆီးမှုများ ပဲခူးတိုင်း အနောက်ခြမ်းဒေသများသို့ ပျံ့နှံ့လာရာ ဇီးကုန်း၊ နတ္တလင်း မြို့တွင် ဗလီနှင့် မွတ်စလင်များ၏ နေအိမ်၊ ဈေးဆိုင်များ ယမန်နေ့ညက ဆက်လက် ဖျက်ဆီးခံခဲ့ရကြောင်း သတင်းရရှိသည်။
ယမန်နေ့ည ၁၁ နာရီခန့်က နတ္တလင်းမြို့ မြို့နယ်အုပ်ချုပ်ရေး တာဝန်ရှိသူများ၊ ဘုန်းတော်ကြီးများ၊ ဘာသာရေး ခေါင်းဆောင်များ၊ နိုင်ငံရေးတက်ကြွ လှုပ်ရှားသူများနှင့် နိုင်ငံရေးပါတီများမှ စောင့်ကြပ်နေသည့် ကြားမှပင် လူ ၁၅၀ ခန့် စတင် စုဝေးလာရာမှ လူအုပ်စုမှာ ပိုမိုများပြားလာပြီး လုံခြုံရေး တပ်ဖွဲ့များက လူစုခွဲသော်လည်း မရတော့ဘဲ အဆောက်အအုံများကို ဖျက်ဆီးကြခြင်း ဖြစ်ကြောင်း သိရှိရသည်။
နတ္တလင်းမြို့ခံ ဦးအုန်းသန်းက “ဖျက်ဆီးရေး ခေါင်းဆောင်တွေက မီးရှို့ဘူး၊ လူမသတ်ဘူး၊ ပစ္စည်းမယူဘူး ဖျက်ပဲဖျက်မယ်၊ တားဆီးတာတွေ မလုပ်ပါနဲ့ ဆိုတဲ့ ခြိမ်းခြောက်စကားတွေ ပြောလာတဲ့အတွက် အကြမ်းမဖက်အောင် အာဏာပိုင်တွေ နောက်ဆုတ်ပေးလိုက်ရတယ်။ အဲဒါမှာ အန္တရာယ် မရှိတော့ဘူးဆိုပြီး လူတွေ ပိုရဲတင်းလာတယ်” ဟု ဆိုသည်။
ထို့နောက် မွတ်စလင်များ ပိုင်ဆိုင်သော ပစ္စည်းများကို လမ်းပေါ်သို့ သယ်ယူပြီး မီးရှို့ကြကြောင်း၊ တချို့သော မွတ်စလင်များမှာ ၎င်းတို့ပိုင် ပစ္စည်းဥစ္စာများနှင့် အတူ ညနေပိုင်းကတည်း မြို့ခံ ဗုဒ္ဓဘာသာ ဘုန်းကြီးကျောင်းများနှင့် အိမ်တချို့သို့ ပြောင်းရွေ့ထားသည့် အတွက် ဖျက်ဆီးခြင်းမှ လွတ်မြောက်သွားကြောင်း ၎င်းက ဆက်ပြောသည်။
အိမ်နှင့် ဆိုင် ဖျက်ဆီးခံရသည့် မွတ်စလင်တဦးဖြစ်သူ ဦးတင်အေးက မိမိတို့ နတ္တလင်းမြို့၌ နေထိုင်လာသည်မှာ နှစ်ပေါင်း ၄၀ ခန့် ရှိပြီဖြစ်ကြောင်း၊ ဒေသခံ ဘာသာခြားများဖြင့်လည်း ညီရင်းအစ်ကိုတမျှ နေထိုင်ခဲ့ကြောင်း၊ ယခုကဲ့သို့ ဖျက်ဆီးမှုမျိုး မကြုံဖူးကြောင်း၊ အုပ်ချုပ်ရေး ကင်းမဲ့သွားပြီဟု ခံစားရကြောင်း၊ မည်သည့် အာဏာပိုင် အဖွဲ့အစည်းများကမျှ လာရောက် အားပေးပြောဆိုမှု မရှိကြောင်း ပြောသည်။
“ကျနော်တို့ ပုန်းနေရတယ်။ တအိမ်လုံး ရစရာမရှိဘူး၊ ဖျက်ဆီးသွားတာ။ ချွေးနဲစာနဲ့ ရှာထားရတာတွေ ကုန်ပြီ။ ဘယ်သူ့ကို အားကိုးရမှန်း မသိတော့ဘူး” ဟု ၎င်းက ဆိုသည်။
အလားတူ ဇီးကုန်းမြို့တွင်လည်း ဗလီနှင့် မွတ်စလင်များ၏ နေအိမ်၊ ဆိုင်များကို ဖျက်ဆီးခံရကြောင်း၊ ဒေသခံ လုံခြုံရေး ရဲတပ်ဖွဲ့များကလည်း ၀င်ရောက် ထိန်းသိမ်းပေးခြင်း မရှိကြောင်း ဒေသခံများထံမှ သိရသည်။
ဇီးကုန်းမြို့ အမျိုးသားဒီမိုကရေစီ အဖွဲ့ချုပ် (NLD) မှ ဒေါ်ခင်ဝိုင်းက “တမြို့ထဲနေတဲ့ မွတ်စလင်တွေကို လူသားချင်း စာနာဖို့တော့ ကောင်းပါတယ်။ အခု ဖျက်ဆီးတဲ့လူတွေလက်ထဲမှာ ပုဆိန်၊ ဓား၊ သံတူရွင်း အစုံပါတယ်။ မင်းမဲ့စရိုက်တွေ ဖြစ်နေပြီ” ဟု ဆိုသည်။
ဇီးကုန်းဗလီမှာ အနည်းငယ်သာ ပျက်စီးသွားသည့်အတွက် ယနေတွင် ထပ်မံဖျက်စီးမည်ဟု သတင်းများ ထွက်ပေါ်လာသည့်အတွက် ယခုအခါ မွတ်စလင်များမှာ ထိတ်လန့်တုန်လှုပ်နေကြောင်း သိရသည်။
အဆိုပါ ဆူပူမှုနှင့် ပတ်သက်ပြီး ဇီးကုန်း NLD မှ ကိုအောင်မြတ်သူ အပါအ၀င် တခြားသော ၁၀ ဦးကိုလည်း ထိန်းသိမ်းထားကြောင်း သိရသည်။
မိတ္ထီလာမြို့မှ စတင်ခဲ့သည့် လူမျိုးရေး၊ ဘာသာရေး အဓိကရုဏ်းများသည် ယခုအခါ ပဲခူးတိုင်း အနောက်ခြမ်း မြို့များဖြစ်သည့် ကြို့ပင်ကောက်၊ အုတ်ဖို၊ မင်းလှ၊ နတ္တလင်းမြို့များသို့ ပြန့်နှံ့လာခြင်း ဖြစ်သည်။
ယမန်နေ့ညက ကြို့ပင်ကောက်၊ အုတ်ဖို၊ မင်းလှမြို့များ၌ ပုဒ်မ ၁၄၄ ထုတ်ပြန်ခဲ့ပြီး ည ၆ နာရီမှ နံနက် ၆ နာရီအတွင်း လမ်းပေါ် မထွက်ရန်၊ လူစုခြင်း၊ ဟောပြောခြင်း၊ စီတန်းလမ်းလျှောက်ခြင်း၊ လှုံ့ဆော်ခြင်း၊ တိုက်တွန်းခြင်းမပြုလုပ်ရန် ကြေညာထားသည်။
အုတ်ဖိုမြို့နယ် အိုးသည်ကုန်း အုပ်စု၌ ဖြစ်ပွားသည့် ဆူပူအကြမ်းဖက်မှုတွင် ပါဝင်သည်ဟု ယူဆရသူ ၅ ဦးကို မင်းလှရဲစခန်းက ဖမ်းဆီး ထိန်းသိမ်းထားသည်ဟု ယနေ့ထုတ် အစိုးရသတင်းစာများတွင် ဖော်ပြထားသည်။
မြန်မာနိုင်ငံ အလယ်ပိုင်းမှ ရန်ကုန်သို့ လမ်းတလျှောက်ရှိ မြို့များတွင် ဆူပူ ဖျက်ဆီးမှုများ ကူးစက်ဖြစ်ပေါ်နေခြင်းအပေါ် သက်ဆိုင်ရာ အုပ်ချုပ်ရေး အာဏာပိုင်များ၏ တရားဥပဒေစိုးမိုးရေး ကိုင်တွယ်ကို ဝေဖန်မှုများ ရှိနေသည်။
ပြည်မြို့တွင်လည်း ဆူပူအုံကြွအောင် လှုံ့ဆော်စာများ ဝေငှသည်ဟု သိရကြောင်း၊ ထိုမှတဆင့် ရန်ကုန်-ပြည် အဝေးပြေး ကားလမ်းအတိုင်း ရန်ကုန်ဘက်သို့ ဆင်းလာကာ အုတ်ဖို၊ နတ္တလင်း၊ ဇီးကုန်း၊ ကြို့ပင်ကောက်မြို့တို့တွင် ထပ်မံ ဖြစ်ပေါ်ခဲ့ရာ အဝေးပြေး ကားလမ်းမပေါ်ရှိ မြို့များတလျောက် ဖြစ်ပျက်ခဲ့သည်ကို မတားဆီးနိုင်သေးသည်က သံသယ ရှိစရာကောင်းကြောင်း ၈၈ မျိုးဆက် ကျောင်းသားခေါင်းဆောင်တဦးဖြစ်သူ ဦးမင်းကိုနိုင်က ပြောသည်။
“ဒါက သိပ်ကို သံသယရှိဖို့ကောင်းတယ်။ လုပ်ချင်ရင် အလွယ်လေးပါဗျာ။ အခုက မတားဆီးဘူး။ ဖြစ်တော့မှ ဖြစ်တဲ့နယ်မှာ ပုဒ်မ ၁၄၄ ထုတ်ပြန်လိုက်တယ်။ အစိုးရဘက်က အာရုံပဲ မစိုက်တာလား၊ အကဲမခတ်မိတာလား။ ဘာ့ကြောင့် ဒီလို လူအုပ်စုလိုက် တမြို့ဝင်တမြို့ထွက်ကို ခွင့်ပြုနေရတာလဲ” ဟု ၎င်းက ပြောသည်။
ကြို့ပင်ကောက် မြို့နယ် ရဲစခန်းမှ တာဝန်ကျ ဒု ရဲအုပ် တဦးကမူ ယခုဖြစ်စဉ်များကို ပြန်လည် သုံးသပ်ရလျှင် လူအုပ်စုဖြင့်သော် လည်းကောင်း၊ လူတစုက အကြမ်းဖက်မှု ဖြစ်ပျက်ခဲ့သော ဒေသများရှိ ၎င်းတို့၏ အမာခံများနှင့် ချိတ်ဆက်၍ သော်လည်းကောင်း လုပ်ဆောင်နေနိုင်ကြောင်း၊ လူအုပ်စုလိုက်ကားများဖြင့် လာရောက် ဖျက်ဆီးနေခြင်းမျိုး မဟုတ်သောကြောင့် ခန့်မှန်းရန် ခက်ခဲနေကြောင်း ဆိုသည်။
ထို့အတွက် မြို့အ၀င်များတွင် ပိတ်ဆို့ရှာဖွေ တားဆီးရန်မှာလည်း ရိုးရိုးသားသား ခရီးသွားများအတွက် အဟန့်အတား ဖြစ်မည်ကို စိုးရိမ်သောကြောင့် ထိုသို့လုပ်ရန် မလွယ်ကူကြောင်း ၎င်းက ဆက်ပြောသည်။
“ဒီကွင်းဆက်ကို လိုက်ဖို့ကလည်း အခုခေတ်က ဖုန်းတွေ တအားပေါနေတော့ ဖြစ်ပျက်မှုတွေက တအားမြန်တယ်။ လုံခြုံရေးတွေဘက်ကလည်း ဒီလို ဖျက်ဆီးမှုတွေထဲမှာ သံဃာတွေ ပါလာတော့ ကိုင်တွယ်ရ ခက်တယ်။ အထက်ကို ပြန်တင်ပြရ၊ ညွှန်ကြားချက် ပြန်စောင့်ရမျိုး လုပ်ရတယ်” အဆိုပါ ဒု ရဲအုပ်က ပြောသည်။
Ref: ဧရာဝတီ
အစိုးရနှင့် အပစ်ရပ် ဆွေးနွေးနိုင်ရေး ညှိနှိုင်းမှု ပလောင်အဖွဲ့ အဖြေ မရသေး
ဟင်္သာနီ (မွန်မြေ)
အင်္ဂါနေ့၊ မတ်လ ၂၆ ရက် ၂၀၁၃
ပလောင် ပြည်နယ် လွတ်မြောက်ရေး တပ်ဦး (PSLF) နှင့် အစိုးရ ကိုယ်စားလှယ် တို့အကြား ပထမဆုံး အကြိမ် အပစ်အခတ် ရပ်စဲရေး ဆွေးနွေးပွဲ ပြုလုပ်နိုင်ရန် ဝန်ကြီး ဦးအောင်မင်း မှ တာဝန်ပေးအပ်ထားသည့် ကိုယ်စားလှယ်များနှင့် ညှိနှိုင်းဆွေးနွေးမှုများ ပြုလုပ်လျက် ရှိသော်လည်း ဆုံးဖြတ်ချက် မချမှတ် နိုင်သေးကြောင်း PSLF အထွေထွေအတွင်းရေးမှူး ဗိုလ်မှူး မိုင်ဘုန်းကျော်မှ ပြောသည်။
“ဦးအောင်မင်း တာဝန် ပေးထားတဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက လူတွေနဲ့ ဆွေးနွေးညှိနှိုင်း နေတာပါ၊ နာမည် ထုတ်ပြောဖို့တော့ ခက်ပါသေးတယ်၊ အဓိက ကတော့ တွေ့ကြမယ့် နေရက် အချိန်တွေ၊ နေရာတွေကို ညှိနေတာပါ၊ အခုချိန် ထိတော့ ဘာမှ ရေရေရာရာ သဘောတူတာတော့ မရှိသေးပါဘူး” ဟု ဗိုလ်မှူး မိုင်ဘုန်းကျော်မှ မဇ္ဈိမအား ပြောသည်။
ဖေဖော်ဝါရီ လကုန်မှစ၍ ဖုန်း၊ အွန်လိုင်း စနစ်တို့ဖြင့် နှစ်ဖက် တွေ့ဆုံ ဆွေးနွေး နိုင်ရေးကို ညှိနှိုင်း ခဲ့ကြကာ လူချင်း တွေ့ဆုံ ညှိနှိုင်းမှု မပြုလုပ် ရသေးဟု ဆိုသည်။
လက်ရှိ အခြေအနေ၌ ပလောင် (တအောင်း) ဒေသ ဘက်တွင် အစိုးရ၏ စစ်ကြောင်း လှုပ်ရှားမှု များကြောင့် ထိတွေ့ ရင်ဆိုင် တိုက်ပွဲများ ဖြစ်ပွားလျက် ရှိသည်။
မတ်လ (၂၂) ရက်နေ့ ညနေ (၅) နာရီ တွင် အင်အား (၁၀၀) ကျော်ရှိသော အစိုးရ ခမရ (၅၀၂) စစ်ကြောင်းသည် ကွတ်ခိုင် မြို့နယ်ရှိ နမ့်လိတ် တောင်ကြော၌ အခြေ စိုက်နေသည့် တအာင်း အမျိုးသား လွတ်မြောက်ရေး တပ်မတော် T.N.L.A တပ်ရင်း (၁ဝ၁) မှ တပ်ခွဲ (၁) ၊ K.I.A တပ်ရင်း (၈) ပူးပေါင်း တပ်ဖွဲ့ များနှင့် တစ်နာ ရီကျော် တိုက်ပွဲ ဖြစ်ပွားခဲ့သည်။
ထိုသို့ ထိုးစစ်ဆင် လှုပ်ရှား လာသည့် လုပ်ရပ်ကိုကန့်ကွက် ရှုံ့ချကြောင်း ပလောင် ပြည်နယ် လွတ်မြောက်ရေး တပ်ဦး (PSLF) မှ မတ် (၂၂) ရက်နေ့ ရက်စွဲဖြင့် ထုတ်ပြန်ချက် တစ်စောင် ထုတ်ပြန် ခဲ့သည်။
မန်တုံမြို့တွင် ကျင်းပရန် ရှိသည့် ရွှေဖီလက်ဖက်ရာသီနှင့် တအောင်းစာပေနှင့်ယဉ်ကျေးမှု ညီလာခံ ပွဲတော်အတွက် အခြေစိုက် ပျောက်ကြား စခန်းတွင်သာ နေရာယူကြရန်နှင့် စစ်ရေးလှုပ်ရှားမှုကို ရပ်စဲ ထိန်းသိမ်းထားရန် ညှိနှိုင်း ဆောင်ရွက်ခဲ့ကြောင်း ထုတ်ပြန်ချက်တွင် ဖော်ပြထားသည်။
ထိုသို့သော စစ်ရေး အခြေအနေ များကြောင့်လည်း တွေ့ဆုံ ဆွေးနွေးမည့် နေရာကို ပြည်ပ တစ်နေရာ၌ သတ်မှတ် ပေးရန် ပလောင် အဖွဲ့မှ တင်ပြ ထားပြီး အစိုးရ အဖွဲ့ဘက်မှ ပြည်တွင်းကို အဆိုပြု ထားပါသည်။
“ညှိနှိုင်းလို့ မရသေးတာကတော့ ပြောဖို့တော့ခက်ပါတယ်၊ သူတို့ဘက်က အလုပ်တွေ တအားတွေ ရှုပ်နေလို့လား၊ သို့မဟုတ် ကျွန်တော် တို့ကိုပဲ အသိအမှတ် မပြု တာလား၊ နေရာတွေ အချိန်တွေ ဒီလိုပဲ ညှိတာပေါ့၊ တစ်နေ့မဟုတ် တစ်နေ့တော့ တွေ့ရ မှာပေါ့လေ” ဟု PSLF အထွေထွေ အတွင်းရေးမှူး မိုင်ဘုန်းကျော်မှ မဇ္ဈိမအား ပြောကြား ခဲ့သည်။
အမြန်ဆုံး တွေ့ဆုံ ဆွေးနွေးမှု ပြုနိုင်ရန် ပလောင်ပြည်နယ် လွတ်မြောက်ရေး တပ်ဦးဘက်မှ မျှော်မှန်းထားကာ အစိုးရ၏ပလောင်(တအောင်း) ဒေသဖက်၌ စစ်ရေးလှုပ်ရှားမှုများ လုပ်ဆောင်နေခြင်းများသည်လည်း အစိုးရဘက်မှ ပြင်ဆင်မှု တစုံတရာဖြစ်မည်ဟု ခန့်မှန်းကြောင်း ဗိုလ်မှူး မိုင်ဘုန်းကျော်မှ ဆက်ပြောသည်။
Ref: မဇ္ဈိမ
မိတ္ထီလာဆူပူမှု သေဆုံးသူ ၄၀ ရှိကြောင်း အစိုးရ ကြေညာ
မအေးအေးမာ
26.03.2013
မန္တလေးတိုင်း မိတ္ထီလာမြို့မှာ လူသေဆုံးထိခိုက်မှုတွေ ဖြစ်ပွားခဲ့တဲ့ အကြမ်းဖက်မှုတွေ အတွင်း သေဆုံးသူ အရေအတွက်ဟာ ၄၀ အထိ ရှိခဲ့ပြီး အခြေအနေကို ထိန်းသိမ်း ထားနိုင်ပြီ ဖြစ်တဲ့ အကြောင်း အစိုးရက ကြေညာခဲ့ပါတယ်။ ဒါပေမဲ့လည်း မြို့ခံတွေနဲ့ နိုင်ငံတကာ အသိုင်းအ၀ိုင်း ကတော့ သွေးထွက်သံယို ပဋိပက္ခတွေ အကြီးအကျယ် ဖြစ်ပွားခဲ့တဲ့ အပေါ် စိုးရိမ်မှုတွေလည်း ရှိနေကြဆဲပါ။ မိတ္ထီလာမြို့က နောက်ဆုံး အခြေအနေတွေကိုတော့ ဗွီအိုအေ သတင်းထောက် မအေးအေးမာ က စုံစမ်းထားသမျှ တင်ပြထားပါတယ်။
အကြမ်းဖက် တိုက်ခိုက်မှုတွေကြောင့် ထိခိုက်သေကျေမှုတွေ ဖြစ်ပွားခဲ့ပြီးနောက် အရေးပေါ် အခြေအနေ ကြေညာပြီး စစ်တပ်က တာဝန် ယူထားပေမဲ့ ဒုက္ခရောက်နေသူတွေ သာမက မြို့ခံတွေပါ လုံခြုံရေး အတွက် စိုးရိမ်နေကြဆဲ ဖြစ်ပါတယ်။ မိတ္ထီလာမြို့မှာ ဆူပူမှုတွေ ဖြစ်ပွားအပြီး နောက်ဆက်တွဲ အနီးအနားက မြို့တချို့မှာပါ တိုက်ခိုက်မှုတွေ ဖြစ်ခဲ့တဲ့နောက် စစ်တပ်ရှိနေပေမဲ့လည်း လုံခြုံရေးအတွက် စိတ်မချကြတာမို့ ရပ်ကွက်တွေမှာ ဒေသခံတွေ တာဝန်ယူ ကင်းစောင့်နေကြတုန်းပဲလို့ မိတ္ထီလာမြို့ခံ လူငယ်တယောက်က ပြောပါတယ်။
“သူတို့ကလည်း ဒုက္ခသည်ကယ်ဆယ်ရေးစခန်းနေပြီး တချို့တွေကို ပြန်လည်နေရာချထားရေး စီစဉ်ပြီဆိုပြီးတော့ အစ္စလာမ်ဘာသာဝင်တွေကို ပြန်လွှတ်နေတဲ့ အနေအထားမျိုးတွေ ရှိတယ်လေ။ တချို့ကကျတော့လည်း ဒုက္ခသည်စခန်းတွေကို လာရောက်ပြီးတော့ မခိုလှုံဘဲနဲ့ တခြားကို ထွက်ပြီးတော့မှ လွတ်လပ်တဲ့နေရာတွေမှာ တစုတဝေး လျှောက်ပြီးတော့ ဟိုတနေရာ ဒီတနေရာနဲ့ ပုန်းအောင်းနေကြတဲ့ အစ္စလာမ်ဘာသာဝင်တွေလည်း ရှိသေးတယ်။ ကျနော်တို့ အခု လောလောဆယ်အခြေအနေမှာက သူတို့ကိုလည်း ကျနော်တို့က ပြန်စောင့်ကြည့်၊ သူတို့ကလည်း ကျနော်တို့ကို ပြန်စောင့်ကြည့် အဲ့လို အခြေအနေမျိုးတော့ ရှိတယ်။”
မြန်မာအစိုးရရဲ့ ဒီကနေ့ထုတ် သတင်းစာတွေမှာတော့ လုံခြုံရေး အာဏာပိုင်တွေက နောက်ထပ် ဘယ်သူဘယ်ဝါမှန်း မသိတဲ့ အလောင်း ၈ လောင်း အပျက်အစီးတွေကြားက ထပ်မံတွေ့ရှိရတဲ့အတွက် သေဆုံးသူ စုစုပေါင်းဟာ ၄၀ အထိ ရှိသွားပြီလို့ ဖော်ပြပါတယ်။ ဆူပူမှုတွေကိုလည်း ထိန်းသိမ်းပြီး အခုအခါ အခြေအနေတွေ ပုံမှန်ပြန်ဖြစ်စပြုလာပြီလို့လည်း အစိုးရပိုင် သတင်းစာတွေက ဖော်ပြခဲ့တာပါ။ ဒါပေမဲ့လည်း သွေးထွက်သံယို တိုက်ခိုက်မှုတွေ အကြီးအကျယ် ကြုံခဲ့ရပြီးနောက် နောက်ထပ် ပဋိပက္ခတွေ ဖြစ်မှာကို စိုးရိမ်တဲ့ မြို့ခံတွေကတော့ အခြေအနေတွေကို သတိထားစောင့်ကြည့်နေတုန်းပဲလို့ ပြောပါတယ်။
“ဖြစ်တဲ့နေ့ကထက်စာရင်တော့ နည်းနည်းတော့ တော်သေးတယ်လို့တော့ ပြောရမှာပေါ့။ ဒါပေမဲ့လို့ ညဘက်တွေမှာတော့ ကျနော်တို့ ကောင်းကောင်း မအိပ်ရဲကြသေးဘူး။ အိပ်မောကျနေတဲ့အချိန်မှာ မီးကွင်းလာပစ်သွားမှာ မြို့လူထုက ကြောက်နေကြတုန်းဗျ။ လုံခြုံရေးကလည်း လမ်းတိုင်း၊ နေရာတိုင်း၊ ထောင့်တိုင်းမှာ အပြည့်အ၀ ချထားပေးပြီး မရှိဘူးဗျ။”
“နေ့ကတော့ ကင်းကင်းရှင်းရှင်း သွားနေရတယ်။ ညကတော့ ကိုယ့်အိမ်ထဲ ကိုယ်ပြန်ဝင်လို့ မရသေးဘူးခင်ဗျ။ လောလောဆယ်။ လုံခြုံရေးကတော့ မိန်းလမ်းတွေ ဘာတွေမှာ ယူထားတာလေ။ ဒါပေမဲ့ ဟိုလို ဖျက်စီးဖို့ ဘာတွေ ညာတွေကတော့ မရှိတော့ပါဘူး။ အခုရှိနေတာက ကျန်ခဲ့တဲ့ပစ္စည်းတွေကို ခိုးယူပြီးတော့ ရောင်းစားဖို့ အဲ့လိုဟာမျိုးတွေပဲ ရှိတော့တယ်။”
မြန်မာအစိုးရ သတင်းစာတွေမှာတော့ ယာယီကယ်ဆယ်ရေး စခန်းတွေမှာ ခိုလှုံနေကြတဲ့ ဒုက္ခသည်တွေအတွက် စေတနာရှင်တွေက ၀ိုင်းဝန်းကူညီ ထောက်ပံ့မှုတွေ လုပ်ဆောင်နေတယ်လို့လည်း ဖော်ပြခဲ့တာပါ။ ကုလသမဂ္ဂကတော့ ပဋိပက္ခတွေကြား ဒုက္ခရောက်ခဲ့ရသူတွေရဲ့ အခြေအနေတွေကို သွားရောက် အကဲခတ်ခဲ့ပြီး အကူအညီပေးနိုင်ဖို့လည်း စီစဉ်နေတယ်လို့ ပြောပါတယ်။
ရန်ကုန်အခြေစိုက် ကုလသမဂ္ဂရုံး ပြန်ကြားရေးအရာရှိ ဦးအေးဝင်း ကတော့ လိုက်ပါသွားတဲ့ မိတ္ထီလာခရီးစဉ်အတွင်း ကုလသမဂ္ဂ အရာရှိတွေက အခြေအနေတွေကို လက်တွေ့သိခွင့်ရခဲ့တယ်လို့ ပြောပါတယ်။
“၂၄ ရက်နေ့က ကုလသမဂ္ဂ ဌာနေ ညှိနှိုင်းရေးမှူးက မိတ္ထီလာကို သွားပြီးတော့ ဒေသအခြေအနေကို သူ ကွင်းဆင်းလေ့လာပါတယ်။ အဲ့ဒီမှာ ရောက်ရောက်ချင်းမှာ ကြက်ခြေနီအဖွဲ့တွေနဲ့ တွေ့တယ်။ အဲ့ဒီက အခြေအနေတွေကိုလည်း သူ ကြားခဲ့ရတယ်။ ပြီးတော့ သူ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ဒုဝန်ကြီးတွေနဲ့လည်း တွေ့ခဲ့ပါတယ်။ အခု အဲ့ဒီမှာ ကုလသမဂ္ဂအဖွဲ့တွေ ကျန်ပါတယ်။ သူတို့က အဲ့ဒီမှာရှိတဲ့ ဒေသခံအာဏာပိုင်တွေနဲ့ရော၊ သူတို့ အဲ့ဒီကရှိတဲ့ အဖွဲ့ဝင်တွေနဲ့ရော သူတို့က ညှိနှိုင်းပြီးတော့ လိုအပ်တဲ့ ကယ်ဆယ်ရေးပစ္စည်းတွေကို အမြန်ဆုံး ချနိုင်ဖို့ လုပ်နေကြပါတယ်ခင်ဗျ။ အဲ့ဒီက ကြက်ခြေနီအဖွဲ့တွေ သူတို့ ပြောပြတဲ့အချိန်မှာ လူမမာတွေ ဘာတွေ သူတို့ ပို့တဲ့နေရာမှာ တော်တော်လေး သူတို့ စိတ်လှုပ်ရှားဖို့ကောင်းတဲ့ အဖြစ်အပျက်လေးတွေလည်း ပြောပြပါတယ်။ အဲ့ဒီမှာ ကျနော်တို့ ကြက်ခြေနီဝန်ထမ်း အမျိုးသမီးတယောက်ဆိုရင် သူ့မောင်လေးတောင် ဆေးရုံရောက်နေတာ သူတွေ့ခဲ့ရတယ်ဗျာ။ ဒါပေမဲ့ သူ့ခမျာ ကွင်းထဲကို သွားပြီးတော့ လူမမာ ထပ်ကယ်ပြီး ပြန်လာတဲ့အချိန်မှာ သူ့မောင်လေး ကွယ်လွန်သွားတာကို သူ တွေ့ခဲ့ရတယ်လို့ ပြောပြပါတယ်။ သူနဲ့အတူတူ နောက်ကြက်ခြေနီဝန်ထမ်း အမျိုးသမီးဆိုလို့ရှိရင်လည်း မီးလောင်နေတဲ့ကြားထဲက သူ့အိမ်ကို သူ မပြန်နိုင်ဘူး။ သူ့လိုပဲ သူများတွေကို လိုက်ကယ်နေတဲ့အတွက် သူ့အိမ်ကလည်း မီးထဲ ပါသွားတယ်ပေါ့ဗျာ။”
အကြမ်းဖက်မှုတွေ ဖြစ်ပွားခဲ့တဲ့ မိတ္ထီလာမြို့ကို သွားရောက်ခဲ့တဲ့ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် ဗီဂျေး နမ်ဘီယား ကတော့ အသွင်ကူးပြောင်းရေး လုပ်ငန်းစဉ်တွေ အကောင်အထည် ဖော်နေတဲ့ မြန်မာနိုင်ငံမှာ ဒီလိုဖြစ်ရပ်တွေ ပေါ်ပေါက်ခဲ့တာဟာ စိတ်မချမ်းသာစရာ ဖြစ်ရတဲ့အကြောင်း သမ္မတဦးသိန်းစိန်နဲ့ တွေ့ရှိချိန်မှာ ပြောဆိုခဲ့တာပါ။
ပဋိပက္ခတွေ ဖြစ်ပွားအောင် လှုံ့ဆော်မှုတွေမှာ တာဝန်ရှိသူတွေကို ထိထိရောက်ရောက် အရေးယူဖို့ လိုအပ်တဲ့အကြောင်းလည်း ၅ ရက်ကြာ ခရီးစဉ် နောက်ဆုံးနေ့အဖြစ် မနေ့က ကြေညာချက် ထုတ်ပြန်ရာမှာ ပြောဆိုခဲ့တာလည်း ဖြစ်ပါတယ်။
အမေရိကန် ပြည်ထောင်စုကတော့ မိတ္ထီလာမြို့မှာ ပဋိပက္ခကြောင့် ဒုက္ခရောက်နေသူတွေအတွက် အရေးပေါ် အကူအညီအဖြစ် ဒေါ်လာ ၁ သိန်း အကူအညီ ပေးအပ်သွားမှာ ဖြစ်တဲ့အကြောင်း မြန်မာနိုင်ငံဆိုင်ရာ သံအမတ်ကြီး ဒဲရက်ခ် မစ်ချဲ (Derek Mitchell) က ဒီကနေ့ပဲ ကြေညာချက် ထုတ်ပြန် ပြောဆိုခဲ့တာပါ။
ဒုက္ခသည်တွေအတွက် အခြေခံစားသောက်ကုန် ပစ္စည်းတွေ၊ ရေနဲ့ တကိုယ်ရေ သန့်ရှင်းဖို့အတွက် လိုအပ်ချက်တွေကို ပေးအပ်ရာမှာ အလှူငွေကို သုံးစွဲသွားမှာ ဖြစ်တယ်လို့လည်း ကြေညာချက်က ဖော်ပြခဲ့တာပါ။ တချိန်တည်းမှာပဲ မူဆလင်တွေအပေါ် နောက်ထပ် တိုက်ခိုက်မှုတွေ ဖြစ်ပွားနေတယ်ဆိုတဲ့ သတင်းအပေါ် အထူးစိုးရိမ်မကင်း ဖြစ်မိတဲ့အကြောင်းနဲ့ အစိုးရက တည်ငြိမ်မှုရအောင် ကြိုးပမ်းပြီး တာဝန်ရှိသူတွေကို အရေးယူမယ်လို့ ကြေညာထားတဲ့အပေါ် ကြိုဆိုကြောင်းလည်း ပြောပါတယ်။
အမေရိကန် ပြည်ထောင်စု အနေနဲ့ကတော့ ဘာသာအယူဝါဒ မတူသူတွေကြား အပြန်အလှန် လေးစားပြီး သည်းခံတတ်တဲ့ အလေ့အထတွေ ပေါ်ပေါက်လာအောင် ကြိုးပမ်းမှုတွေကို အားပေးသွားမှာဖြစ်တယ်လို့လည်း သံအမတ်ကြီး မစ်ချဲရဲ့ ကြေညာချက်မှာ ဖော်ပြထားပါတယ်။ အမေရိကန် နိုင်ငံခြားရေး ၀န်ကြီးဌာနကတော့ မနေ့တုန်းကပဲ မတည်မငြိမ်ဖြစ်နေတဲ့ ဒေသတွေနဲ့ ရန်ကုန်မြို့က လူစည်ကားရာ နေရာတွေကို အမေရိကန် နိုင်ငံသားတွေ သွားလာတာတွေကို ဆင်ခြင်ဖို့ အတွက်လည်း တိုက်တွန်းထားပါတယ်။
Ref: VOA News
ကရင်နီ ဒုက္ခသည်စခန်း မီးလောင်၍ သေဆုံးသူ ၃၇ ဦးဟု စခန်းကော်မီတီ အတည်ပြု
ဟင်္သာနီ (မွန်မြေ)
အင်္ဂါနေ့၊ မတ်လ ၂၆ ရက် ၂၀၁၃
စံခလပူရီ (မဇ္ဈိမ)။ ။ ထိုင်းနိုင်ငံ၊ မြန်မာ နယ်စပ် မယ်ဟောင်ဆောင် ခရိုင်တွင်းရှိ ဗာန်းမဲဆူရင်း ခေါ် ကရင်နီ အမှတ် (၂) ဒုက္ခသည် စခန်းတွင် မတ်လ ၂၂ ရက်နေ့က မီးလောင်ကျွမ်းမှု ဖြစ်ပွားခဲ့၍ သေဆုံးသူ ၃၇ ဦး ရှိကြောင်း ပင်မ စခန်းကော်မီတီ အတွင်းရေးမှူး (၁)က အင်္ဂါနေ့တွင် မဇ္ဈိမသို့ အတည်ပြု ပြောကြားလိုက်သည်။
သေဆုံးခဲ့ရသူ အရေအတွက်ကို ထိုင်းသတင်း မတ္တိချွန် က ၄၅ ဦးထက် မနည်းဟု ရေးသားပြီး တရုတ်ဆင်ဟွာ သတင်းအား ကိုးကား၍ မတ်လ ၂၆ ရက်နေ့ထုတ် မြန်မာ့အလင်း သတင်းစာ၌ ၆၀ ဦးကျော်ဟု ဆိုခြင်းကို
ငြင်းဆိုလိုက်ခြင်း ဖြစ်သည်။
“မီးလောင်ကျွမ်း ပြီးနောက် သေဆုံးရတာက ၃၆ ဦးပါပဲ။ ဒဏ်ရာ ပြင်းထန်လို့ ချင်းမိုင်ကို ပို့လိုက်တဲ့ တဦးက တနင်္ဂနွေနေ့က ထပ်ဆုံးသွားတော့ ၃၇ ဦး ဖြစ်သွားတယ်” ဟု အတွင်းရေးမှူး (၁) မနော်ထူးလွဲ (Naw Htoo Lweh) က ပြောသည်။
မီးလောင် ဒဏ်ရာ ပြင်းထန်၍ ဆေးရုံသို့ ပို့ရသည့် အရေအတွက်မှာ ၇ ဦး ရှိခဲ့သည်။ ဒဏ်ရာ မပြင်းထန်သူ များမှာ ရာဂဏန်းခန့် ရှိနိုင်မည် ဖြစ်သော်လည်း စိုးရိမ်ရသည့် အခြေအနေ မဟုတ်၍ ၎င်းတို့ကို ဒုက္ခသည် စခန်း၌ပင် ရှိနေကြောင်း မနော်ထူးလွဲ က ဆက်ပြောသည်။
ကရင်နီ ဒုက္ခသည်စခန်း နှစ်ခု ရှိကာ အမှတ် (၁) ဒုက္ခသည် စခန်း ဗာန်းမယ် နန်းဆွယ် နှင့် အမှတ် (၂) ဒုက္ခသည် စခန်း ဗာန်းမဲဆူရင်းတို့ ဖြစ်ကြသည်။ ပင်မကော်မီတီမှာ ၎င်းစခန်း နှစ်ခုလုံးကို ထိန်းချုပ် ကွပ်ကဲကာ စခန်း (၁)နှင့် (၂)တို့တွင်လည်း စခန်း ကော်မီတီများ သီးသန့်ရှိကြောင်း ၎င်းက ရှင်းပြသည်။
ထိုဒုက္ခသည် စခန်းတွင် ရပ်ကွက် (၄) ခုရှိသည့်အနက် လောင်ကျွမ်းခံရသည့် အမှတ် (၁) နှင့် (၄) တို့မှာ ချောင်းတခု ခြားကာ ထိုချောင်းကို ကျော်၍ တဖက်ကမ်းသို့ မီးကူးစက် လောင်ကျွှမ်း ခဲ့ခြင်း ဖြစ်ကာ မီးလောင်ရခြင်း အကြောင်းရင်းကိုမူ စုံစမ်း စစ်ဆေးနေဆဲဟုလည်း “အကြောင်းရင်းကိုတော့ စုံစမ်း စစ်ဆေးဆဲ ကာလမှာပဲ ရှိနေသေးတော့ ပြောလို့မရသေးပါဘူး။ ကျမ တဦးတည်းရဲ့၊ ဒုက္ခသည်စခန်း နေထိုင်တဲ့သူ တဦးရဲ့ မှတ်ချက် ပြောလို့ ရတာကတော့ တရပ်ကွက်နဲ့ တရပ်ကွက်က ရေချောင်းကို ဖြတ်ရတယ်နော်၊ အဲဒါကို ဘယ်လို တဖက်ကို ကူးပြီး လောင်သွားတယ်ဆိုတာလည်း သံသယ ရှိတာပေါ့” ဟု မနော်ထူးလွဲ က ဆက်ပြောသည်။
မီးလောင်မှုတွင် အိမ်ခြေပေါင်း ၃၉၅ လုံး လောင်ကျွမ်းခံရကာ ၂၅ လုံးမှာ မီးကူးစက်ခြင်းမှ ကာကွယ်ရန် ဖျက်ချခဲ့ရ၍ အိုးအိမ်မဲ့ ဖြစ်ရသည့် ဒုက္ခသည် ဦးရေပေါင်း ၂,၃၃၀ ဦး ရှိကြောင်း အတွင်းရေးမှူး(၁)က ဆိုသည်။
မီးလောင်ပြီးနောက် စိတ်ပိုင်း ရုပ်ပိုင်း ဆိုင်ရာ ကျန်းမာရေး အကူအညီများကို နိုင်ငံတကာ ကူညီ ကယ်ဆယ်ရေး အဖွဲ့ (IRC) မှ ကူညီနေပြီး အစားအသောက်များကို ထိုင်းမြန်မာ နယ်ခြား ကော်မီတီ (TBBC) က ထောက်ပံ့လျက် ရှိသော်လည်း လုံလောက်မှု မရှိသေးကြောင်း သိရသည်။
လတ်တလောတွင် အစားအစာနှင့် သောက်ရေ သုံးရေ အရေးတကြီး လိုအပ်လျက် ရှိသည်။ ထို့ပြင် အိုးအိမ်မဲ့ ဒုက္ခသည်များ အနေဖြင့် ဖြစ်သလို တဲထိုး နေထိုင်ရ၍ နေ့ပူ ညချမ်းလှသည့် ယခုရာသီ ဥတု၌ ကလေးငယ် များ၏ ကျန်းမာရေး အတွက် စိုးရိမ်ရကြောင်းလည်း ပင်မ စခန်းကော်မီတီ အတွင်းရေးမှူး (၁) နော်ထူးလွဲ က ပြောဆိုသည်။
Ref: မဇ္ဈိမ
Tuesday, March 26, 2013
“ယုံကြည်မှုမရှိလို့ ယုံကြည်မှု တည်ဆောက်နေတယ်”
March 25, 2013
ရှမ်းပြည် တိုးတက်ရေး ပါတီ(SSPP/SSA) သည် ၂၀၁၂ ခု ဇန်န၀ါရီ ၂၈ ရက်တွင် နိုင်ငံတော်အဆင့် အပစ်အခတ် ရပ်စဲရေး လက်မှတ် ထိုးပြီး လက်ရှိ ငြိမ်းချမ်းရေး အတွက် ယုံကြည်မှု တည်ဆောက်နေစဉ် ကာလတွင် ၂၀၁၃ ခုနစ် ဖေဖော်ဝါရီက စပြီး တိုက်ပွဲများ ပြန်လည် ဖြစ်ပွားနေခြင်းများနှင့် ပတ်သက်ပြီး SSPP/SSA နာယက ဒုတိယ ဗိုလ်ချုပ်ကြီး ဆေထင် အား ဧရာဝတီ သတင်းထောက် နန်းဆိုင်နွမ် က တွေ့ဆုံ မေးမြန်းထားပါသည်။
ဒုတိယ ဗိုလ်ချုပ်ကြီး ဆေထင် သည် ရှမ်းပြည်နယ် မြောက်ပိုင်း လားရှိုးမြို့နယ် လားရှိုး မိုတယ်တွင် ရှမ်းပြည်နယ်နှင့် ကယား ပြည် နယ်အတွင်းရှိ နိုင်ငံရေးပါတီများ၊ လက်နက်ကိုင် အဖွဲ့များ၏ မတ်လ ၂၀ ရက် မှ ၂၂ ရက်အထိ ကျင်းပသော ငြိမ်းချမ်းရေး အတွက် ယုံကြည်မှု တည်ဆောက်ရေး ဆွေးနွေးပွဲသို့ တက်ရောက်ခဲ့သူ ဖြစ်သည်။
မေး။ ။ ယုံကြည်မှုကို တည်ဆောက်နေတဲ့အချိန်မှာ တဖက်ကလည်း စစ်ဖြစ်နေတဲ့အပေါ် ဒု ဗိုလ်ချုပ်ကြီး ဦးဆေထင် အနေနဲ့ ဘယ်လို မြင်လဲ။
ဖြေ။ ။ စစ်ရပ်စဲရေး လုပ်တာဟာ ဒီတပ်မတော်နဲ့ အစိုးရနဲ့က နားလည်မှုတွေက သူတို့ တလွဲဆီဖြစ်နေတာပေါ့။ ဆိုလိုတာက ဒီတပ်မတော်က အစိုးရရဲ့လက်အောက် မရှိသလို ဖြစ်နေတယ်။ တပ်မတော်က အစိုးရ အမိန့်ကို မနာခံ သလိုမျိုးပေါ့။ ဒီအစိုးရ က လုပ်တဲ့ စစ်ရပ်စဲရေး ကို အသိအမှတ် မပြုဘူးလေ။ ဒီကိစ္စကို ဘယ်လိုလုပ်ပြီးတော့မှ ဖြေရှင်းမလဲ ဆိုတာကိုတော့ ဦးအောင်မင်း နဲ့တော့ ဆွေးနွေးထားပါတယ်။ သတ်မှတ်နယ်မြေတွေ ပြန်သတ်မှတ် ပေးဖို့လိုတယ်ပေါ့။ နယ်မြေတွေကို မသတ်မှတ်ခင်မှာ ရနိုင် သမျှ သူတို့ များများလိုချင်တယ်လေ။ အဲ့ဒါကြောင့် ကျနော်တို့ကို သူတို့က ထိုးစစ်ဆင်နေတယ်လို့ ထင်တာပါပဲ။
မေး။ ။ အစိုးရ တပ်မတော်ကနေပြီး SSA တပ်တွေကို နောက်ဆုတ်ခိုင်းတဲ့ အပေါ်မှာရော ဘယ်လိုရှိလဲ။
ဖြေ။ ။ အဲ့ဒီနေရာတွေက ကျနော်တို့ နေရာတွေလေ။ မြို့ထဲမှာဆိုရင်တော့ သူတို့နေတယ်ဆိုတာတော့ ထားလိုက်တော့ ။ကျနော် တို့က သူတို့ကို ဘာမှ မနှောင့်ယှက်ဘူးလေ။ အခု တောထဲမှာလည်း ကျနော်တို့တပ်က မနေရလို့ ဘယ်နေရာတွေမှာ သွားနေရမှာလဲ။ ဒါသူတို့တွေ တမင်တကာ ဒီ ဥစ္စာတွေ ဖြစ်လာဖို့ သူတို့ ဖန်တီးတယ်လို့ ထင်ပါတယ်။ အဲ့ဒီကိစ္စကတော့ တော်တော် အန္တရာယ် များတယ်ပေါ့။
မေး။ ။ SSA နဲ့ “ ၀”ပြည် သွေးစည်း ညီညွတ်ရေး တပ်မတော် (UWSA) ကို ဆက်သွယ်ရေး ပျက်ပြားအောင် အစိုးရ တပ်က လုပ်နေတယ်လို့ ကြားတယ်။ အဲ့ဒီအပေါ်မှာရော ဘယ်လိုမြင်ပါသလဲ။
ဖြေ။ ။ ဟုတ်ပါတယ်။ အစိုးရ ဖြတ်တောက်ချင်နေတာပါ။ သံလွင်မြစ် အရှေ့ဘက်မှာ ဆိုရင် “ ၀” ၊ အနောက်ဘက်ခြမ်းမှာ ဆိုရင် ကျနော်တို့ SSA ဒေသလေး တခုရှိတယ် သိပ်မကျယ်ပါဘူး။ အဲ့ဒီနေရာမှာ ကျနော်တို့တပ်က နေရာယူထားတာပေါ့၊ သူတို့ က အဲ့ဒီ ဆက်သွယ်ရေး ဖြတ်လိုက်ရင် UWSA နဲ့ ကျနော်တို့ တပ်နဲ့ အဆက်အသွယ်ပြတ်တောက် သွားမှာပေါ့ ။ ရှင်းရှင်းပြောရမယ် ဆိုရင် UWSA နဲ့ ကျနော်တို့က အပြန်အလှန် ကူညီ ကြဖို့ စာချုပ်ရှိပါတယ်။ ဒါတွေမကပါဘူး လက်နက် ခဲယမ်းတွေကိုလည်း ဒီ UWSAဘက်ကနေပြီးတော့မှ ရထားတာ။ အဲ့ဒါတွေကို သူတို့က ဖြတ်ချင်တာ။ အမှန်တကယ် သူတို့က ပြည်တွင်းငြိမ်းချမ်းရေးကို အမှန်တည်ဆောက် ချင်ရင်၊ မြန်မာ့နိုင်ငံရေး ပြဿနာတွေကို နိုင်ငံရေးအရ ဖြေရှင်းချင်ရင် ဒါတွေ လုပ်ဖို့မလိုပါဘူး။ ဒါကြောင့်မလို့ တော်တော် စဉ်းစားစရာ ဖြစ်ပါတယ်။ စစ်ရပ်ဆဲရေးဟာ အန္တရာယ်ရှိနေတယ်ပေ့ါ။
မေး။ ။ လက်တလော ကချင် လွတ်လပ်ရေး တပ်မတော်(KIA) နဲ့ အစိုးရက ငြိမ်းချမ်းရေး အတွက် ဆွေးနွေးပွဲတွေ လုပ်နေကြပြီး စစ်ပွဲတွေ ရပ်ထားကြတယ်။ အဲ့ဒါကို ရပ်ဆိုင်းတဲ့ အချိန်မှာ ရှမ်းပြည်နယ်ဘက်ကို ပြန်လည် တိုက်စစ်တိုးလာတာကရော ပိုပြီး ထိုး စစ် ဆင်လာနိုင်ပါသလား။
ဖြေ။ ။ ဟုတ်ပါတယ်။ ကျနော်တို့ဘက်ကို ပိုပြီး ထိုးစစ်ဆင်လာနိုင်ပါတယ်။ အခုကတော့ ဒီ စစ်ရေး အသာရမှုပေါ့။ Political(နိုင်ငံ ရေး) မှာ စားပွဲခုံပေါ်မှာ စကားပြောရင် အသာရဖို့ လိုအပ်သလို စစ်ရေးမှာ အသာရဖို့လည်း အရေးကြီးတယ်။ ကျနော်တို့ဘက် က စစ်ရေး အရ အားနည်းနေတယ်ဆိုရင် အစိုးရ အနေနဲ့ ကျနော်တို့ဘက်ကို ပိုပြိး ဖိလို့ရတာပေါ့။ ဆိုလိုတာကတော့ ဒီအချက် ကတော့ လိုက်နာ မလိုက်နာလို့ရှိရင် ကျနော်တို့ စစ်ရေး စမယ်ဆိုတဲ့ စကားအရ သူတို့ ဖန်တီးတာပါ။ ဒါကတော့ မဆန်းပါဘူး။
မေး။ ။ ငြိမ်းချမ်းရေး ယုံကြည်မှု တည်ဆောက်တဲ့အချိန်မှာ ဘာတွေက အဓိက ကျပါသလဲ။
ဖြေ။ ။ ပထမဆုံး အရေးကြီးတာကတော့ ဒီ အပစ်အခတ်ရပ်စဲထားတဲ့ ကိစ္စ တည်မြဲဖို့ပါပဲ။ ကျနော်တို့ဘက်ကတော့ ဒီဥစ္စာကို ခိုင်ခိုင်မာမာ လိုက်နာတာပေါ့။ တပ်မတော်ပဲလေ သူတို့အခု ကျနော်တို့ တပ်တွေကို ကျူးကျော်ပြီးတော့ လုပ်နေတာပဲလေ။ အရင် ကဆိုရင် KIA က လမ်းမှာ ခြုံခိုတိုက်တယ်။ တံတားတွေခွဲတယ်လို့ ပြောကြတယ်။ ကျနော်တို့က အဲ့ဒီလို တခါမှ မလုပ်ဘူး။ ကိုယ့် ကိုယ်ကိုယ် ကာကွယ်ပြီး တိုက်တာပဲရှိပါတယ်။ ဒါပေမယ့် ဒီထက်အဆတိုး လာမယ်ဆိုရင်တော့ မပြောတတ်ဘူး။ စစ် ရပ်စဲရေး ရပ်ဆိုင်းထားတယ်။ ဒီစစ်က အခုထက် ကြီးလာနိုင်တယ်ပေါ့။ ကျနော်တို့ တပ်ကလည်း ရှမ်းပြည်နယ် မြောက်ပိုင်း နောင်ပိန် ၊ နောင်ချိူ ၊ မုံကိုး ၊ ကျောက်မဲ၊ သီပေါ၊ အဲ့ဒီနေရာတွေမှာလည်း ဖြန့်ထားတယ်။ အဲ့ဒီကတပ်တွေနဲ့ပါ ဖြစ်လာရင်တော့ တိုက်ပွဲက ကြီး လာ နိုင်ပါတယ်။ ဒီတိုက်ပွဲဖြစ်ဖို့လည်း ကျနော်တို့ က မလိုလားပါဘူး။
မေး။ ။ လက်ရှိ စစ်ဖြစ်နေတဲ့ အပေါ်မှာ အစိုးရကိုရော ဘာပြောချင်ပါသလဲ။
ဖြေ။ ။ အစိုးရကိုပြောတယ်။ အခု သမ္မတ ဦးသိန်းစိန်ကိုလည်း စာတွေဘာတွေ တင်ထားပါတယ်။ ဦးသိန်းဇော်တို့ ဦးအောင်မင်း တို့ ဟိုတနေ့ကလည်း ဦးအောင်မင်းနဲ့ ဆွေးနွေးဖြစ်ပါသေးတယ်။ စစ်ရပ်ဆိုင်းရေးကိစ္စတွေကို သူတို့ တပ်မတော်ဘက်က လူတွေကိုလည်း ထိန်းသိမ်းပေးဖို့ ကျနော်တို့ တောင်းဆိုတယ်။ ဒါပေမယ့် သူတို့ကလည်း တာဝန်မယူနိုင်ဘူး။ သမ္မတကြီး ကိုယ်တိုင်ကိုက တခါတလေ တာဝန်မယူနိုင်တဲ့ စကားတွေပြောတယ်။ ဒါကတော့ နည်းနည်းထူးဆန်းတယ်။ ဆိုလိုတာကတော့ တပ်မတာ် ပေါ်မှာ သူတို့ သြဇာမရှိဘူးဆိုတာကို နည်းနည်းတော့ ပေါ်လွင်တယ်။
မေး။ ။ လက်ရှိ SSA အနေနဲ့ ဘာတွေများ လုပ်ဆောင်နေပါသလဲ။
ဖြေ။ ။ ကျနော်တို့ တပ်အတွင်းမှာ စစ်ရပ်စဲတဲ့အချိန် တပ်တွေကို ပြန်ပြီးတော့မှ အရည်အချင်း မြှင့်တင်တာတွေ။ ပြီးတော့ လူထု စည်းလုံးရေးတွေ၊ လူထု ပညာရေး ကျန်းမာရေး တွေကို တတ်နိုင်သလောက် လုပ်ပေးနေတဲ့ အချိန် ဖြစ်တယ်လေ။
မေး။ ။ ရှမ်း စစ်သား၊ တပ်သားတွေရဲ့ မိသားစုနောင်ရေးတွေ အတွက်ရော ဘာတွေ လုပ်ဆောင်ပေးပါသလဲ။
ဖြေ။ ။ ရှမ်းစစ်သားတွေအတွက်က သိပ်မခက်ဘူးလေ။ သူတို့ မိသားစုတွေက နယ်ခံတွေဆိုတော့ တောင်ယာခုတ်တယ်၊ လယ် ယာတွေ လုပ်တယ်။ ဒီ တပ်သားတွေကတော့ ကျနော်တို့ ထောက်ပံ့ထားပါတယ်။ မိသားစုကတော့ လုပ်သင့် လုပ်ထိုက်တဲ့ အသက် မွေးဝမ်းကျောင်းတွေ ရှိပါတယ်။ အဲ့ဒါ သူတို့လုပ်တယ်လေ။
မေး။ ။ ရှမ်းပြည်နယ်က မူးယစ်ဆေးဝါးနဲ့ ပတ်သက်ရင် အရောင်းအ၀ယ်နှင့် သုံးစွဲမှုမြင့်မားတဲ့ နယ်မြေလို့ သတ်မှတ်ထားကြ တယ်။ SSA အနေနဲ့ရော မူးယစ်ဆေးဝါးနဲ့ ပတ်သက်ပြီး ဘာတွေလုပ်ဆောင် နေပါသလဲ။
ဖြေ။ ။ မူးယစ်ဆေးဝါး ကိစ္စကတော့ ကျနော်တို့လည်း ဆန့်ကျင်နေပါတယ်။ မူးယစ်ဆေးဝါးကို ရောင်းလည်း မရောင်းဘူး။ လုပ် လည်း မလုပ်ဘူး။ ဒါပေမယ့် ရှမ်းပြည် တောင်ပိုင်း၊ မြောက်ပိုင်းမှာဆိုရင် တောင်ပိုင်းက ဘိန်းစိုက်တာတွေ ပိုများလာတယ် ဆိုတာ တွေ့ရတယ်။ ဒါပေမယ့်လို့ မူးယစ်ဆေးဝါး ပြဿနာ က နှစ်ပေါင်း ရာချီဖြစ်နေတယ်။ ဒါကြောင့် မြန်မာပြည်မှာ တရားဥပဒေ မစိုးမိုးလို့ ဒီဘိန်းတွေ လုပ်နေတာ။ တရားဥပဒေ စိုးမိုးမှုတွေရှိရင် ကောင်းကောင်းအုပ်ချုပ်နိုင်မှာပေါ့။ စိုးမိုးမှုမရှိလို့ ဒီဘိန်းတွေ မူးယစ် ဆေးဝါး ပိတ်ပင်ရေးတွေ လုံးဝမဖြစ်နိုင်ဘူး။ ဒါကြောင့်မလို့ ဒီ မူးယစ်ဆေးဝါး ပိတ်ပင်ရေးကို လုပ်ချင်ရင် တရားဥပဒေ စိုးမိုးမှုကို အရင်လုပ်ဖို့ လိုမယ်ထင်ပါတယ်။
မေး။ ။ နောက်ဆုံး မေးခွန်းအနေနဲ့ လက်ရှိ အစိုးရကို ယုံကြည်မှု ရှိပါသလား။
ဖြေ။ ။ အခု လောလော ဆယ်တော့ ယုံကြည်မှုမရှိလို့ ယုံကြည်မှု တည်ဆောက်နေတယ်။ ယုံကြည်လာအောင် ဘယ်လို လုပ်ကြမှာလဲ ဆိုတာ အခု ပြောကြဆိုကြနေတာပဲလေ။ ဒါကတော့ ဒုတိယ အဆင့်ပေါ့။ ရန်ကုန်မှာ လုပ်တာ ပထမအဆင့်လေ။ နောက်ထပ် တတိယ စတုတ္ထ ပဉ္စမ သွားရဦးမယ်။ အစိုးရ က ကျနော်တို့ ယုံကြည်နိုင်လောက်အောင် ပြဖို့ လိုပါတယ်။ ယုံကြည်မှု တည်ဆောက်ရေး ဆိုတာ နှစ်ဘက်ရှိတာပေါ့။ သူ့ဘက် ကိုယ့်ဘက် ရှိတာပေါ့။ ကိုယ်ကပဲ တောင်းဆိုပြီး သူ့ဘက်က လက်မခံဘူး တုန့်ပြန်မှုမရှိဘူး ဆိုရင် ယုံကြည်မှုတည်ဆောက်ရေး ဆိုတာ အခက်အခဲ ရှိတာပေါ့။ ။
Ref: ဧရာဝတီ
မိထ္ထီလာ ဒုက္ခသည်များအတွက် အိမ်များ ပြန်ဆောက်ပေးရန် ၈၈ စီစဉ်နေ
ခိုင်ခိုင်
တနင်္လာနေ့၊ မတ်လ ၂၅ ရက် ၂၀၁၃
ရန်ကုန်(မဇ္ဈိမ)။ ။ မိတ္ထီလာမြို့မှ အဓိကရုဏ်းဒဏ်ခံ ဒုက္ခသည်များအတွက် အိုးအိမ် အစားထိုး ဆောက်လုပ်ပေးရန် ၈၈ မျိုးဆက် ကျောင်းသားများက စီစဉ်နေကြောင်း မြို့ခံ ကျောင်းသား ခေါင်းဆောင်တဦးက ပြောသည်။
“ဆင်ခြေဖုံး ရပ်ကွက်တွေမှာ ရှိနေတဲ့ ဒုက္ခသည်တွေအတွက် လေးပင်-သုံးခန်း အိမ် ဆောက်ပေးဖို့ စီစဉ်နေပါတယ်။ ဒေသပေါက်ဈေး တွက်ချက်နေပါတယ်။ အိမ်ထောင်စု အလိုက် မီးလောင် ပျက်စီးသွားတဲ့ အိမ်တွေကို မှတ်တမ်း တွေနဲ့ စာရင်းပြုစုနေပါတယ်။ အိမ်တလုံးစာကို သွပ်မိုး၊ ပျဉ်ခင်း၊ ထရံကာ၊ အဲလိုပုံစံမျိုးတွေ ဆောက်ဖို့ ကျနော်တို့ အစီအစဉ် ချထားပါတယ်” ဟု မိတ္ထီလာမြို့မှ ၈၈ မျိုးဆက် ကျောင်းသား ကိုထိန်မင်းခိုင် က မဇ္ဈိမကို ပြောသည်။
မီးလောင်သွားသည့် မြေနေရာများတွင်သာ အိမ် ပြန်လည်ဆောက်ပေးနိုင်မည်ဟု ဆိုသည်။
မတ်လ ၂၀ ရက်နေ့မှ စတင်ဖြစ်ပွားခဲ့သည့် မိထ္ထီလာ အဓိကရုဏ်းကြောင့် လူ ၁၀ ဦးထက်မနည်း သေဆုံးခဲ့ရပြီး အိုးအိမ်အများအပြား မီးရှို့ဖျက်ဆီးခံခဲ့ရသည်။
လက်ရှိ အခြေအနေမှာ တည်ငြိမ်လျက်ရှိသော်လည်း ခရိုင်အားကစားကွင်း၊ အထက ၁၊ အထက ၃၊ အထက ၅ နှင့် ပညာရေးကောလိပ်တို့တွင် ဖွင့်လှစ်ထားသော ဒုက္ခသည်စခန်းတွင် လူဦးရေ ၉,၆၄၄ ခန့်ရှိပြီး ဘုန်းကြီးကျောင်း ၁၆ ကျောင်းတွင် ခိုလှုံနေသော ဒုက္ခသည် ၃,၀၀၀ ကျော် ရှိနေသည်။
၎င်းတို့ ပြန်လည်နေရချထားရေးအတွက် ၈၈ မျိုးဆက် ကျောင်းသားများနှင့် ဆက်သွယ်ပြီး လှူဒါန်းနိုင်ရန် ရန်ကုန်ရှိ ကိုမင်းကိုနိုင် (ဖုန်း ၀၉၄၂၅၂၉၇၇၃)နှင့် မိထ္ထီလာမြို့မှ ဒေါက်တာစန်းလှိုင် (ဖုန်း ၀၉၄၃၀၉၂၃၄၈)တို့ထံသို့ ဆက်သွယ်နိုင်ကြောင်းနှင့် အလှူရှင်အချို့ လာရောက်လှူဒါန်းလျက် ရှိကြောင်းလည်း ကိုထိန်မင်းခိုင် က မဇ္ဈိမသတင်းဌာနသို့ ပြောကြားသွားသည်။
အစိုးရအနေနှင့်လည်း ဒုက္ခသည်များ၏ အရေးပေါ် စားဝတ်နေရေး လုံခြုံရေးကို အပြည့်အဝ ကူညီဆောင်ရွက်သွား ကာ အခြေအနေ တည်ငြိမ်လာသည့်နှင့်အမျှ ပြန်လည်နေရာချထားရေးကို အမြန်ဆုံးဆောင်ရွက်သွားမည်ဟု ထုတ်ပြန်ကြေညာလိုက်သည်။
ထို့အတွက် အစိုးရအနေနှင့် လူထုအခြေပြု အဖွဲ့အစည်းများ၊ ပုဂ္ဂလိကများ နိုင်ငံတကာ အဖွဲ့အစည်းများနှင့် လက်တွဲဆောင်ရွက်သွားမည်ဖြစ်ကာ ပဋိပက္ခကြောင့် ခံစားထိခိုက်နေရသည့် လူ့အဖွဲ့အစည်းများကြား ယုံကြည်မှု
ပြန်လည်တည်ဆောက်နိုင်မည့် ဆွေးနွေးမှုများနှင့် စိတ်ခံစားမှုများကို ကုစားနိုင်မည့် အလုပ်ရုံဆွေးနွေးပွဲများကို အကောင်အထည်ဖော် ဆောင်ရွက်သွားမည်ဟု အစိုးရ သတင်းထုတ်ပြန်ရေးအဖွဲ့က မတ်လ ၂၅ ရက်နေ့စွဲဖြင့်
ကြေညာသည်။
Ref: မဇ္ဈိမ
မိတ္တီလာအရေးအခင်း ဒုက္ခသည်တွေကို ကုလ အကူအညီပေးမည်
မခင်ဖြူထွေး
25.03.2013
မိတ္ထီလာခရိုင်တွင်း ပြီးခဲ့တဲ့ရက်ပိုင်းက အကြမ်းဖက် အဓိကရုဏ်း တွေကြောင့် အိုးအိမ် မဲ့ခဲ့ရသူ ၁ သောင်း ၂ ထောင်ကျော်ရှိနေပြီး ဒီလူတွေ အတွက် လိုအပ်တဲ့ အကူအညီတွေ ပေးနိုင်ဖို့ ကုလသမဂ္ဂက အချက်အလက် ရှာဖွေစုဆောင်းမှုတွေ လုပ်နေတယ်လို့ ကုလသမဂ္ဂက ပြောပါတယ်။ မိတ္ထီလာမြို့က အကြမ်းဖက်မှုတွေ တခြားမြို့ရွာတွေကို ပျံ့နှံ့မသွားအောင် အစိုးရက ထိန်းသိမ်းဆောင်ရွက်နေပေမဲ့လည်း မြို့နယ်တချို့ ပျံ့နှံ့ခဲ့တာလည်း ရှိပါတယ်။ ရန်ကုန်မြို့မှာလည်း မနေ့ကစလို့ လုံခြုံရေး တိုးမြှင့်ချထားမှုတွေ ရှိတဲ့အကြောင်း ဒေသခံတွေက ပြောပါတယ်။ ဒီအခြေအနေ အပြည့်အစုံကို မခင်ဖြူထွေးက တင်ပြထားပါတယ်။
ရွှေဆိုင်တခုမှာ အချင်းများရာကနေ စခဲ့တဲ့ မိတ္ထီလာခရိုင်တွင်း အကြမ်းဖက် ဆူပူမှုတွေကြောင့် အိုးအိမ်မဲ့ ဒုက္ခရောက်နေသူပေါင်း ၁ သောင်းကျော်ရှိနေပြီး ဒီလူတွေကို လိုအပ်တဲ့ အကူအညီ တွေ ပေးနိုင်ဖို့အတွက် ကုလသမဂ္ဂ အဖွဲ့တွေက ကြိုးပမ်းနေတဲ့ အကြောင်း ကုလသမဂ္ဂ အတွင်းရေးမှူးချုပ်ရဲ့ ပြောခွင့်ရသူ မာတင် နားစကီး (Martin Nesirky) က တနင်္လာနေ့ ပုံမှန်သတင်းစာရှင်းလင်းပွဲမှာ ပြောသွား ခဲ့ပါတယ်။
“ပြီးခဲ့တဲ့ သီတင်းပတ်က မန္တလေးတိုင်း ဒေသကြီး မိတ္ထီလာခရိုင်မှာ ဖြစ်ပွားခဲ့တဲ့ အကြမ်းဖက် မှုတွေအတွင်း လူပေါင်း ၁ သောင်း ၂ ထောင်လောက် အိုးအိမ်မဲ့ခဲ့ရတယ် လို့ မြန်မာအစိုးရက ခန့်မှန်းတဲ့အကြောင်း ကုလသမဂ္ဂ လူသားချင်း စာနာထောက်ထား မှုဆိုင်ရာရုံးက ပြောပါတယ်။ ဒုက္ခရောက်နေတဲ့သူတွေကို အာဏာပိုင်တွေက အစားအစာနဲ့ ရေ ဖြန့်ဝေပေးနေပါတယ်။ ကုလသမဂ္ဂ လူသားချင်း စာနာထောက်ထား မှုဆိုင်ရာရုံး၊ ကုလသမဂ္ဂ ကလေးများအတွက် ရန်ပုံငွေအဖွဲ့ UNICEF နဲ့ ကမ္ဘာ့စားနပ် ရိက္ခာအဖွဲ့ အပါအ၀င် အဖွဲ့တွေကလည်း လိုအပ်နိုင်မယ့် အကူအညီတွေနဲ့ ပတ်သက်လို့ အချက်အလက် စုဆောင်းရှာဖွေတာတွေ လုပ်ဆောင်နေပါတယ်။”
မြန်မာနိုင်ငံမှာရောက်နေတဲ့ ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ အထူးအကြံပေးပုဂ္ဂိုလ် ဗွီဂျေး နမ်ဘီးယား (Vijay Nambiar) ဟာလည်း လူပေါင်း ၃၀ ကျော် သေဆုံးတဲ့အထိ အကြမ်းဖက်မှုတွေ ပြင်းထန်ခဲ့တဲ့ မိတ္ထီလာမြို့ကို တနင်္ဂနွေနေ့က သွားရောက်ကြည့်ရှုခဲ့ပြီး ကယ်ဆယ်ရေးစခန်းတွေမှာရှိတဲ့ အိုးအိမ်မဲ့ ဒုက္ခရောက်နေသူတွေကို တွေ့ဆုံခဲ့သလို၊ ဘာသာရေးခေါင်းဆောင်တွေနဲ့လည်း တွေ့ဆုံ ခဲ့တာပါ။
အသက်အိုးအိမ် ဆုံးရှုံးမှုတွေ ဖြစ်ခဲ့တဲ့အပေါ်မှာ စိတ်မကောင်းဖြစ်ရကြောင်း ကြေညာချက် ထုတ်ပြန်ခဲ့သလို ဒီအကြမ်းဖက်မှုတွေကို ကျူးလွန်သူတွေကို အပြစ်ပေး အရေးယူဖို့လည်း မစ္စတာ နမ်ဘီးယားက တိုက်တွန်းပြောကြားခဲ့ပါတယ်။
မိတ္ထီလာမြို့က အကြမ်းဖက်မှုတွေ တခြားမြို့ရွာတွေကို ပျံ့နှံ့မသွားအောင် အစိုးရက ထိန်းသိမ်းဆောင်ရွက်နေပေမဲ့လည်း မြို့နယ်တချို့မှာ အကြမ်းဖက်မှုတွေ ပျံ့နှံ့ခဲ့ပါတယ်။
မန္တလေးတိုင်းဒေသကြီး ရမည်းသင်းခရိုင်မှာ တနင်္ဂနွေနေ့ညပိုင်းက အုပ်စုလိုက် အကြမ်းဖက် မီးရှို့မှုကြောင့် ဘာသာရေး အဆောက်အဦး တလုံးနဲ့ လူနေအိမ် ၅၅ လုံး မီးလောင် ပျက်စီးခဲ့တဲ့အကြောင်းနဲ့ ဒီအကြမ်းဖက်မှုမှာ ပါဝင်ပတ်သက်တယ်လို့ ယူဆရသူတွေကိုလည်း ဖမ်းဆီးထားတဲ့အကြောင်း မြန်မာအစိုးရသတင်းစာမှာ တနင်္လာနေ့က ဖော်ပြခဲ့ပါတယ်။
နေပြည်တော်မြောက်ဘက် တပ်ကုန်းမြို့မှာလည်း တနင်္ဂနွေနှောင်းပိုင်းက အကြမ်းဖက် မီးရှို့တာတွေ ဖြစ်ခဲ့ပြီး လူနေအိမ် ၄ လုံးနဲ့ ဗလီငယ်တခု မီးလောင် ပျက်စီးခဲ့တဲ့အကြောင်း ရိုက်တာသတင်းက ဖော်ပြပါတယ်။
ရန်ကုန်မြို့မှာတော့ ဘာသာရေး အဓိကရုဏ်းတွေနဲ့ မတည်မငြိမ်ဖြစ်အောင် လှုံ့ဆော်တဲ့ ကောလဟာလ သတင်းတွေ ပျံ့နှံ့နေတာကြောင့် ဒေသခံတွေ စိုးရိမ်ထိတ်လန့်နေရကြောင်း ဒေသခံတချို့က ဗွီအိုအေကို ပြောပါတယ်။
မင်္ဂလာတောင်ညွှန့်မြို့နယ်ဘက်မှာ ကောလဟာလ ပြောဆိုမှုတွေကြောင့် မနေ့ကညပိုင်းက လူတွေ ရုတ်ရုတ်သဲသဲဖြစ်ခဲ့ပြီး ဈေးဆိုင်တချို့ စောပိတ်သွားခဲ့တာ ရှိပေမဲ့ အကြမ်းဖက်တဲ့အထိတော့ ဘာအခြေအနေမှ မရှိခဲ့ဘူးလို့ မြို့ခံတွေနဲ့ လုံခြုံရေး တာဝန်ရှိသူတွေက ပြောပါ တယ်။ လောလောဆယ် ရန်ကုန်မြို့က စစ်ဆေးရေးဂိတ်တွေ အပါအ၀င် နေရာတချို့မှာ လုံခြုံရေး တင်းတင်းကြပ်ကြပ် ချထားတဲ့အကြောင်း ဒေသ ခံတွေက ပြောပါတယ်။
မြန်မာနိုင်ငံမှာ အခုလို ဘာသာရေး အဓိကရုဏ်းတွေ အရင်ကလည်း ဖြစ်ခဲ့ဖူးပေမဲ့ ၂၀၁၁ ခုနှစ် သမ္မတဦးသိန်းစိန် အစိုးရ တက်လာပြီးနောက်ပိုင်း အဆိုးရွားဆုံး ပြန်ဖြစ်လာခဲ့ တဲ့ ဖြစ်ရပ်တွေလည်း ဖြစ်ပါတယ်။
ပြီးခဲ့တဲ့နှစ်ကလည်း ရခိုင်ပြည်နယ်တွင်း ဒေသခံရခိုင်လူမျိုးတွေနဲ့ မူဆလင်တွေ ကြား ဖြစ်ပွားခဲ့တဲ့ အကြမ်းဖက်မှုတွေအတွင်း လူပေါင်း ၁၀၀ ကျော် သေဆုံးခဲ့ရသလို လူပေါင်း သိန်းနဲ့ချီ အိုးအိမ်မဲ့ ဒုက္ခရောက်နေကြရဆဲလည်း ဖြစ်ပါတယ်ရှင်။
Ref: VOA News
လက်နက်ကိုင် ဝ,အဖွဲ့က ကိုယ်ပိုင်အုပ်ချုပ်ခွင့်ရ ပြည်နယ် တောင်းဆို
တနင်္လာနေ့၊ မတ်လ ၂၅ ရက် ၂၀၁၃
ဝ,ပြည် သွေးစည်းညီညွတ်ရေး ပါတီ/တပ်မတော် (UWSP/UWSA) မှ ကိုယ်စားလှယ် တဦးက ဝ, ကိုယ်ပိုင် အုပ်ချုပ်ခွင့်ရ ပြည်နယ် တောင်းဆိုကြောင်း Shan Herald Agency for News (SHAN) သတင်းတရပ်တွင်
ဖေါ်ပြထားသည်။
UWSA မှ ပြင်ပ ဆက်ဆံရေးဆိုင်ရာ လက်ထောက် ပြောရေးဆိုခွင့် ရှိသူ ရှောင်ဆမ်ကွန် (Xiao Samkun) က လားရှိုးမြို့တွင် တွေ့ဆုံဆွေးနွေးနေကြသည့် ရှမ်း-ကယား ယုံကြည်မှု တည်ဆောက်ရေး ကွန်ဖရင့်တွင် မတ်လ ၂၁ ရက်နေ့က ပြောကြားခြင်း ဖြစ်သည်။
မတ်လ ၂၀ ရက်နေ့မှ စတင်၍ သုံးရက်တာ ကျင်းပခဲ့သော အဆိုပါ ညီလာခံသို့ သမ္မတရုံး ဝန်ကြီး ဦးအောင်မင်း တက်ရောက်ခဲ့ပြီး ရှမ်းနှင့် ကယားပြည်နယ်မှ ပါတီနှင့် အဖွဲ့ အစည်းပေါင်း ၂၂ ဖွဲ့ တက်ရောက်ရာ UWSA ၏ ရပ်တည်ချက် အနေအထားကို တရားဝင် ဆွေးနွေးခဲ့ကြခြင်း မရှိဟု Shan Herald က ဖေါ်ပြသည်။
တိုင်းရင်းသား အဖွဲ့များအနေဖြင့် ဘုံသဘောထားအမြင် ရှာဖွေရန်လိုအပ်သည်ဟု SHAN အယ်ဒီတာချုပ် က ဆိုသည်။
“ဝ,က ကိုယ်ပိုင်အုပ်ချုပ်ခွင့်ရ ပြည်နယ် တောင်းနေပါတယ်။ ဒါသူတို့အခွင့်အရေးပါ။ ဝ,ရဲ့ တောင်းဆိုမှုကို ဆန့်ကျင်မယ့်သူတွေလည်း ရှိပါတယ်။ သူတို့ (အခွင့်အရေး) ကိုလည်း ပိတ်ပင်လို့ မရပါဘူး” ဟု ဦးခွန်ဆိုင်း က ပြောသည်။
ထို့ပြင် ခွဲထွက်ခြင်းမပြုသည့် အဖြေတရပ်ရရန် ဆွေးနွေးသင့်သည်ဟုလည်း ၎င်းက ဆက်ပြောသည်။
ရှမ်း-ကယား ညီလာခံသို့ ရှမ်း၊ ကယန်း၊ ကရင်နီ၊ လားဟူ၊ ကိုးကန့်၊ ဝ၊ တအောင်း (ပလောင်)၊ ဓနု၊ အင်း စသည့် လူမျိုးများမှ နိုင်ငံရေးပါတီ ၁၀ ခု၊ လက်နက်ကိုင် အဖွဲ့အစည်း ၁၁ ဖွဲ့တို့မှ ကိုယ်စားလှယ်များနှင့် လေ့လာသူ လူမှုအဖွဲ့အစည်း ၂၂ ဖွဲ့ ပါဝင်ရာ စုစုပေါင်း ညီလာခံ တက်ရောက်သူ ၂၀၀ ခန့် ရှိသည်။ ဗြိတိန်၊ အမေရိကန်၊ အင်ဒိုနီးရှားနှင့် ဘရူနိုင်းနိုင်ငံ သံရုံးများမှ သံတမန်များလည်း တက်ရောက်ခဲ့ကြသည်။
UWSA မှာ ၁၉၈၉ ခုနှစ်တွင် ဗမာပြည်ကွန်မြူနစ်ပါတီမှ ခွဲထွက်ခဲ့သည်။
၂ဝ၁၁ ခုနှစ်၊ စက်တင်ဘာလ ၆ ရက်နေ့တွင် အစိုးရနှင့် အပစ်အခတ်ရပ်စဲထားသည့် UWSA သည် စစ်သည်အင်အား သုံးသောင်းကျော်ရှိကာ ပန်ဆန်းမြို့တွင် ဌာနချုပ် ဖွင့်လှစ်ထားရှိသည့် အင်အားအကြီးဆုံးသော တိုင်းရင်းသား လက်နက်ကိုင်အဖွဲ့ ဖြစ်သည်။
၂ဝဝ၈ ဖွဲ့စည်းပုံအရ ဝ,ကိုယ်ပိုင်အုပ်ချုပ်ခွင့်ရ တိုင်းကို မြို့နယ် ၆ မြို့နယ်ဖြင့် ဖွဲ့စည်းထားပြီး ၂ဝ၁ဝ ခုနှစ် ရွေးကောက်ပွဲ တွင် နှစ်မြို့နယ်သာ ကျင်းပနိုင်ခဲ့သည်။
Ref: မဇ္ဈိမ
Posts
