ဧပြီလ ၂၇ ရက် ၂၀၁၂
ဟန်လင်း
စေတနာနဲ့ အကျိုးပေး လိုက်လျောညီထွေရှိကြပါစေ
ဦးပိုင်ကုမ္ပဏီကြီးကြောင့် တပ်မတော်သားနဲ့ တပ်ရင်းတပ်ဖွဲ့တွေ လက်တွေ့ အကျိုးမခံစားဘူး ဆိုရင် တိုင်းပြည်နဲ့ ပြည်သူ အတွက် ဘာတွေ အကျိုးအမြတ် ထွက်ခဲ့ပါသလဲဆိုတာ ဆက်တွေး ကြည့်ရအောင်ပါ။
ဦးပိုင်ကုမ္ပဏီကြီးရဲ့ မြ၀တီဘဏ်နဲ့ စစ်တပ်အုပ်စီးတဲ့ မြန်မာ့စီးပွားရေး ကော်ပိုရေးရှင်းပိုင် အင်းဝဘဏ် တို့ဟာ မြန်မာနိုင်ငံ တော် ဗဟိုဘဏ်နဲ့ ချိတ်ဆက်ပြီး ငွေကြေးကိစ္စ အ၀၀ကို စီမံနေကြသလို သွင်းကုန် ထုတ်ကုန် ကိစ္စတွေကိုလည်း ဒီဘဏ်တွေ ကပဲ ချယ်လှယ် ဆောင်ရွက်ကြတာပါ။ ပြည်ပက တင်သွင်းတဲ့ စားအုံးဆီနဲ့ ပြည်ပသို့ တင်ပို့ ရောင်းချတဲ့ သဘာဝ ဓါတ်ငွေ့တို့ ကို ဦးပိုင်နဲ့ မြန်မာ့ စီးပွားရေး ကော်ပိုရှင်းက တိုက်ရိုက် စီမံပါတယ်။
အကျိုးဆက် အားဖြင့် ပြည်ပကတင်သွင်းတဲ့ စားအုံးဆီ ကို ပြည်သူတွေက ဆီတပိဿာာ ကျပ်ငွေ ၁၀၀၀ လောက် အမြတ်ပေးပြီး ပြန်ဝယ်စား ရပါတော့တယ်။ နောက်တခုကလည်း စစ်တပ်က လုပ်ကိုင်တဲ့ ဘိလပ်မြေ စက်ရုံက ထုတ်တဲ့ ဘိလပ်မြေတွေ ရောင်းကောင်းအောင် ထိုင်းနိုင်ငံဖက်က လာတဲ့ ဘိလပ်မြေတွေ ပိတ်ပင်ခဲ့ရာက ပြည်တွင်းမှာ နဂို ဈေးထက် ၃ ဆလောက် ဈေးတက်ပြီး ၀ယ်ယူ သုံးစွဲရ ပြန်ပါတော့တယ်။
ပြီးတော့လည်း ဧရာဝတီ ဒေးဒရဲဖက်က လယ်သမား ရာကျော်လောက်ဟာ ပြီးခဲ့တဲ့ ဦးပိုင် ကုမ္ပဏီဆီက ချေးယူ ထားတဲ့ စိုက်ပျိုးစရိတ် ပြန်မဆပ်နိုင်လို့ လယ်မြေတွေ အသိမ်းခံရမယ့် အနေထားမျိုးနဲ့ ကျန်ဒေသ အသီးသီးမှာ ဦးပိုင် စနက်ကြောင့် လယ်မြေမဲ့ကြသူတွေ ဒုနဲ့ဒေးရှိလို့ နေပြန်ပါသေးတယ်။
ဦးပိုင်ကလုပ်ကိုင်တဲ့ ပြည်တွင်းအထည်ချုပ် လုပ်ငန်းများ ကဏ္ဍမှာလည်း ၁၉၉၈-၉၉ ခုနှစ် အတွက် အထည်ချုပ် လုပ်ငန်းမှ ပြည်ပ (အဓိက အနောက်ဥရောပ နိုင်ငံတွေ)ကို တန်ချိန် (၁၈၇) သန်း တင်ပို့နိုင်ခဲ့ပါတယ်။ ဒါပေမဲ့ အိမ်နီးချင်း နိုင်ငံက အထည်ချုပ်လုပ် သားတွေနဲ့စာရင် မြန်မာ့ အထည်ချုပ် လုပ်သားတွေရတဲ့ လစာဟာ ဒေါ်လာ ၂၀ မှ ၂၅ ဒေါ်လာလောက်သာ ဖြစ်နေလို့ ဗီယက်နမ်ရဲ့ ထက်ဝက်။ ထိုင်းအထည်ချုပ် လုပ်သားရတာထက် ဆယ်ပုံတပုံ လောက်သာရှိပါတယ်။
ဒါကြောင့် နှစ်စဉ်ဒေါ်လာသန်း(၄၀၀)လောက်ပြည်ပတင်ပို့ပြီး အကျိုးအမြတ် ရှိလှတဲ့ အထည်ချုပ် လုပ်ငန်းတွေ ၁၉၉၆ ခုနှစ် မှာ စီးပွားရေး ပိတ်ဆို့ ခံရလိုက်တော့ အတော်ကြီး အထိနာခဲ့တာ အကျိုးအမြတ် တော်တော်ရနေတဲ့ ဗိုလ်ချုပ်တွေပဲ ဖြစ်ခဲ့ကြ ပါတယ်။ အောက်ခြေ လုပ်ကိုင်နေတဲ့ အထည်ချုပ် လုပ်သားပေါင်း တသိန်းကျော် အလုပ်ပြုတ် ဘ၀ပျက် နွံနစ်ခဲ့ရတဲ့ အဖြစ် ဟာ လည်း ဗိုလ်ချုပ်တွေ အထည်ချုပ် စီးပွားရေး ကဏ္ဍမှာ ၀င်ပြီး နှောက်တဲ့ စနက်ကြောင့်ပါ။
လွန်ခဲ့သော၂၃နှစ်ကျော်ကာလ မြန်မာ့စီးပွားရေးဟာ စစ်တပ်ကတိုက်ရိုက်အုပ် ချုပ်စီမံနေတဲ့ ဦးပိုင် ကုမ္ပဏီကြီးရဲ့ လက်အောက်ခံ ဖြစ်ခဲ့သလို နိုင်ငံတကာက စစ်အုပ်စု ထိပ်သီးများအပေါ် ကျင့်သုံးတဲ့ ပိတ်ဆို့ အရေးယူမှု ပြုခဲ့ပြန် တော့လည်း အဲဒီ ဒဏ်တွေကို ပြည်သူတွေပဲ ကျောကော့အောင် ခါးစည်း ခံခဲ့ရပြန်ပါတယ်။ ကြက်သွန်နဲ့ ပေါင်းလို့ ဂျင်းပါ ရောအထောင်း ခံခဲ့ရတဲ့ အဖြစ်မျိုးလိုပါ။ ဒါကြောင့်မို့ စစ်တပ်ရဲ့ ဦးပိုင် ကုမ္ပဏီကြီးကြောင့် ပြည်သူတွေ အတွက် သက်သာချောင်ချိမှု တစိုးတစိမှ မရှိခဲ့သလို ပိုပြီး နစ်နာခဲ့ရတယ်လို့ပဲ ဆိုရပါတော့မယ်။
ကဲဒါဆိုရင် တိုင်းပြည်မှာ စစ်တပ်ပိုင်အရင်းအနှီးနဲ့ စီးပွားရေးလုပ်ငန်းတွေ ဆက်ပြီး ရှိသင့် မရှိသင့် ဦးပိုင် ကုမ္ပဏီတို့ရဲ့ ကောင်းကျိုးနဲ့ ဆိုးပြစ် ကိစ္စများကို နိုင်ငံတကာ ဥပမာများနဲ့ ချိန်ဆ စဉ်းစား ကြည့်ကြရအောင်ပါ။
မြန်မာစစ်တပ်ရဲ့ ဦးပိုင်ကုမ္ပဏီနဲ့ တပုံစံတည်းတူညီတာ ပါကစ္စတန်တပ်မတော်ပိုင် ဦးပိုင် ကုမ္ပဏီတွေပါ။ ကြည်း၊ ရေ၊ လေ တပ်မတော်တွေ အလိုက် (ဖေါ်ဂျေ) ၊(ရှာဟင်း)၊ (ဘာဟီရ) ဖေါင်ဒေးရှင်းများ ဆိုတဲ့ နံမည်တို့နဲ့ ဦးပိုင် ကုမ္ပဏီတွေဖွဲ့ပြီး တိုင်းပြည် စီးပွားရေးမှာ ၀င်လုပ် နေကြတာပါ။ ဒီဖေါင်ဒေးရှင်းတွေ အောက်မှာ စီးပွားရေး လုပ်ငန်း ရာကျော် ချိတ်ဆက်လုပ် ကိုင်နေပြီး နိုင်ငံပိုင် စီးပွားရေး လုပ်ငန်း ၇၀% လောက်ကို စီမံ ခန့်ခွဲ နေကြတာပါ။ နိုင်ငံပိုင် မြေယာ ၁၂% ကို စစ်တပ်က သိမ်းထားပြီး စစ်တပ် ဗိုလ်မှူးချုပ် တယောက်ကို မြေဧက (၅၀)လောက် ချပေးပါတယ်။ ကျေးလက် မြေယာတွေကို စစ်တပ်ရဲ့အိုးအိမ်ဦး စီး(ကာကွယ်ရေး)ကထိန်းချုပ်ထားသလို စစ်ဖက်တင်မက သူ့ရဲ့ သစ္စာခံတွေကိုပါ ပြန်လည် ခွဲဝေပေးလေ့ ရှိပါတယ်။
မြန်မာစစ်တပ်ကလည်း ကျေးလက်မှာမြေယာတွေ သိမ်းယူတတ်ပေမဲ့ အခိုင်အမာ စာရင်ဇယား မပြုခြင်း ကျေးလက် မြေယာ အားလုံး စစ်တပ်က ပိုင်တယ်လို့ တရားဝင် ထုတ်မပြောဆိုခြင်း ဥပဒေနဲ့ ပြဋ္ဌာန်း မထားခြင်း တို့သာ ပါကစ္စတန် စစ်တပ်နဲ့ မတူညီတာပါ။
ထူးခြားချက်ကတော့ ပါကစ္စတန်တပ်မတော်ရော မြန်မာ့တပ်မတော် ၂ ခုစလုံး ဟာ (၄၀%နဲ့ ၇၀%သော) တရုပ်ပြည်က အဓိက လက်နက် ၀ယ်ယူသူတွေ ဖြစ်နေကြသလို တရုပ်ပြည်က ရင်းနှီးမြှုပ်နှံမှု အများဆုံး (တတိယနဲ့ စတုတ္ထမြောက်) နိုင်ငံများ ဖြစ်လို့နေတာပါ။ ဒါကြောင့်လည်း နှစ်နိုင်ငံစလုံးဟာ လက်နက်တွေ စိတ်ကြိုက်ဝယ်ယူ နိုင်ဖို့ သက်သက် ဦးပိုင်ကုမ္ပဏီ တွေ ထောင်ကြပြီး တရုပ်အရင်းအနှီး အများကြီးကို မျက်စိမှိတ်ပြီး တမင် ခွင့်ပြု ကြရတယ်လို့ပဲ ကောက်ချက် ချနိုင်ပါသေးတယ်။
နောက်တခုက တိုင်းပြည်စီးပွားရေး သုံးပုံတပုံလောက်ကို အစဉ်တစိုက်ထိန်းချုပ် လုပ်ကိုင်ခဲ့တဲ့ အီဂျစ် တပ်မတော်ပိုင် ဦးပိုင် ကုမ္ပဏီရဲ့ ဥပမာပါ။ သမ္မတ နာဆာလက်ထက် ၁၉၅၂ ခုနှစ်စစ်တပ်က အာဏာသိမ်းစဉ်က စပြီး တိုင်းပြည် စီးပွားရေးထဲ စစ် တပ် စ၀င်ခဲ့ရာကနေ ၁၉၇၀ လွန် နှစ်တွေမှာ တိုင်းပြည်က စီးပွားရေးဈေးကွက် စဖွင့်လိုက်တော့ သမတ အန်ဝါဆဒတ်နဲ့ ရင် နှီးသူတွေ ဆွေမျိုးတွေအားလုံး တိုင်းပြည် စီးပွားရေးထဲ အလုံးအရင်းနဲ့ ၀င်လို့ လာပါတော့တယ်။ တိုင်းပြည်စီးပွား ၂၅% က နေ ၄၀%လောက်ကို စစ်တပ်က စီမံခဲ့ပါတော့တယ်။ စစ်တပ်ပိုင် ကုမ္ပဏီတွေ ၇၅% လောက်ရှိလာသလို ကျန်တဲ့ ကုမ္ပဏီ တွေကလည်း စစ်တပ် အရာရှိဟောင်းတွေ ပိုင်တာခပ်များများပါ။
လုပ်ငန်းခွင်ဆိုင်ရာအတွေ့အကြုံနဲ့ အရည်အချင်း သင်တန်းများမရှိတဲ့ စစ်တပ်အရာရှိ ဟောင်းတွေ စီးပွားရေး ကဏ္ဍထဲ ၀င်ပါ နေကြတဲ့ အချက်တွေဟာ မြန်မာ့ ဦးပိုင်ကုမ္ပဏီနဲ့ လာတူညီပေမယ့် ထိထိရောက်ရောက် ထုတ်ကုန်တွေ ထုတ်လုပ်ပြီး ပြည်ပသို့ တင်ပို့နိုင်တဲ့ အဆင့်ထိ အောင်မြင်မှု ရှိတာကတော့ အီဂျစ်က ဦးပိုင် ကုမ္မဏီဟာ မြန်မာ စစ်တပ်နဲ့ မတူပါဘူး။ အီဂျစ် စစ်တပ်ရဲ့ စက်မှုထုတ်ကုန် ၀က်ဘ်ဆိုဒ်ထဲမှာ စစ်တပ်ပိုင် ကုမ္ပဏီ ၂၀ လောက်ရဲ့ စက်မှုနဲ့ လျှပ်စစ် ထုတ်ကုန်တွေကို အောင် မြင်စွာ ကြေညာပြီး နိုင်ငံတကာသို့ ရောင်းချနေပါတယ်။
တပ်မတော်က အဝေးပြေးလမ်းမကြီးတွေ အိုးအိမ်အဆောက်အဦကြီးတွေ ဆောက်လုပ် နေတာတွေဟာ အီဂျစ်တို့ အတွက် တော့ တခြား နိုင်ငံသားတွေလိုမျိုး သိပ်ထူးဆန်း မနေတော့ပါဘူး။ တကယ်လို့ စစ်တပ်ကို နိုင်ငံရေး နယ်ထဲက ထွက်ခွာ ခိုင်းလိုက်မယ်ဆိုရင် အဲဒီလိုရထားတဲ့ အကျိုးအမြတ် တွေကြောင့်ပဲ တိုင်းပြည်ကို အန္တရာယ်ဖြစ် လာစေလိမ့်မယ်။ စစ်တပ် အတွင်းက နောက်တက် ပြုပြင်ပြောင်းလဲ လိုသူတွေက ဖိအား မပေးသမျှ လက်ရှိ ဗိုလ်ချုပ်တွေဟာ သူတို့ အကျိုးစီးပွား ဦးပိုင် အဆောက်အဦကြီးကို ဆက်ပြီး ကာကွယ်နေဦးမှာသာ ဖြစ်တယ်လို့ အီဂျစ် ပြည်သူ အများစုက ယုံကြည် ထားကြပါတယ်။
တကယ်တော့ မြန်မာ့စစ်ဗိုလ်ချုပ်တွေ ကောင်းကောင်းကြီး နမူနာယူသင့်တဲ့ စစ်အာဏာရှင် တဦး ရှိပါတယ်။ တောင်ကိုရီး ယားက ပတ်ချုံဟီးပါ။ (၁၉၆၁ မှ ၁၉၇၂ ခုနှစ်တွေ အထိ) တောင်ကိုရီးယားမှာ စစ်တပ်နဲ့ တက်သိမ်းပြီး အာဏာ ရယူခဲ့သူ ပတ်ချုံဟီးဟာ စစ်သားတွေဟာ စီးပွားရေးမှာ မစီမံတတ်တဲ့ အကြောင်းကို ကောင်းကောင်းကြီး သိခဲ့သူ တယောက်ပါ။ ပြည်ပရောက် ပညာတတ်တွေ တိုင်းပြည်ကိုပြန်လာဖို့ စည်းရုံး ခေါ်ဆိုပြီး ပေါ်လစီတွေ ချမှတ် ပေးနိုင်ခဲ့လို့လည်း ဒီကနေ့ တောင်ကိုရီးယား တက္ကသိုလ်ဟာ နံမည်ကျော် ဟားဗတ် တက္ကသိုလ်ရဲ့ လက်ခွဲ တက္ကသိုလ်တခု အဖြစ် အသိမှတ်ပြု ခံခဲ့ရတာပါ။ ဒီကနေ့ တောင်ကိုရီးယားနိုင်ငံ စီးပွားရေးမှာ ထိပ်တန်း ရောက်နေ နိုင်တာကလည်း ပတ်ချုံဟီးရဲ့ ကောင်းမှုတခုပါပဲ။ စစ်အာဏာ ရှင်ပီပီ မကျင့်သုံးခဲ့လို့ စစ်တပ်က စီးပွားရေးနဲ့ ဝေးဝေး နေခဲ့တာတွေကြောင့်ပဲ ဖြစ်ပါတယ်။
အမှန်ဆိုရရင် စစ်တပ်တခုရဲ့ပင်မရည်မှန်းချက်ဟာ တိုင်းပြည်ကို ကာကွယ်ဖို့ပါ။ လုံခြုံ ငြိမ်းချမ်းနေမှ ဒုတိယ ရည်မှန်းချက် တွေဖြစ်တဲ့ ဖွံ့ဖြိုး တိုးတက်မှု လမ်းမပေါ်ကို ရောက်နိုင်ပါတယ်။ ဒါကြောင့် စစ်တပ်ဟာ သူ့ရဲ့ ပထမ ရည်မှန်းချက် အတိုင်း မဆောင်ရွက်ဘဲ တိုင်းပြည်စီးပွား ဖွံ့ဖြိုးရေး၊ တိုးတက်ရေးတွေမှာ ၀င်လုပ်လို့ကတော့ စေတနာ တလွဲကောင်း နေတာပဲ ဖြစ်ပါ လိမ့်မယ်။ တိုင်းပြည်အပေါ် ထားရှိတဲ့ စေတနာတွေ နေရာမှန် အဆင့်တွေမှန်ပါမှ တိုင်းပြည်တခု တိုးတက်နိုင်မယ့် အကြောင်းကို အပေါ်မှာပြောပြခဲ့တဲ့ နိုင်ငံရပ်ခြား နမူနာများထဲက ရွှေးနှုတ်ပြီး မြန်မာ့ တပ်မတော်ထဲက ခေတ်သစ် ဗိုလ်ချုပ်တွေ ကောင်းကောင်းကြီး သင်ခန်းစာယူ ပြန်လည် သုံးသပ်သင့်ကြပါပြီ။
Read More...
Collapse...
အောင်လင်းထွဋ်
April 26, 2012
စစ်ဗိုလ်ချုပ်တို့အနေဖြင့် ပြည်တွင်းပြည်ပ နိုင်ငံရေးအကြပ်အတည်းဖြစ်တိုင်း ဒေါ်အောင်ဆန်းစုကြည်ကို ချဉ်းကပ်ပြီး နိုင်ငံရေးအမြတ် ထုတ်လေ့ရှိသည်ကို အထူးအထွေ မတင်ပြလိုတော့ပါ။ သို့သော် အတိတ်ကသမိုင်းကြောင်းများကို ဆင်ခြင်ပြီး NLD ဆက်လက် လျှောက်လှမ်းနိုင်ရန် စာရေးသူ သိရှိခဲ့သမျှ တင်ပြအပ်ပါသည်။
၁၉၉၀ ရွေးကောက်ပွဲတွင် ဒေါ်အောင်ဆန်းစုကြည်ကို အကျယ်ချုပ်ထားပြီး စစ်တပ်ကျောထောက်နောက်ခံ ပြုထားသော တိုင်းရင်းသား စည်းလုံးညီညွတ်ရေးပါတီ (တစည) နိုင်လိမ့်မည် သို့မဟုတ် အပြတ်အသတ် မရှုံးနိုင်ဟု စစ်ဗိုလ်ချုပ်များ တွက်ချက်ကာ လွတ်လွတ်လပ်လပ် ရွေးကောက်ပွဲ ကျင်းပ ပေးခဲ့သော်လည်း အမျိုးသား ဒီမိုကရေစီ အဖွဲ့ချုပ် (NLD) အပြတ်အသတ် နိုင်ခဲ့သဖြင့် NLD အာဏာ ရှိလာလျှင်တော့ ဒုက္ခ ရောက်ရတော့မည်ဟု စစ်ဗိုလ်ချုပ် ကြီးငယ်တို့ စိုးရိမ်ခဲ့ကြသည်။
၁၉၉၀ ရွေးကောက်ပွဲအပြီး စစ်ဗိုလ်ချုပ်ကြီးများအတွင်း ပြဿနာကြီးငယ်များ ရှိခဲ့ရာ နောက်ဆုံး ဗိုလ်ချုပ်မှူးကြီး စောမောင်ကို အလစ်အငိုက်ယူ တ်ိတ်တိတ် ဖယ်ရှားခဲ့ပြီး ဗိုလ်ချုပ်မှူးကြီး သန်းရွှေ ဦးဆောင်သည့် တင်းမာသော ဗိုလ်ချုပ်အများစု နေရာယူခဲ့ကြသည်။ အာဏာရပြီး မကြာမီ ၁၉၉၃ ခုနှစ်တွင် အမျိုးသားညီလာခံ ကျင်းပမည်ဟု ကြေညာကာ ၁၉၉၀ ရွေးကောက်ပွဲတွင် NLD အနိုင်ရမှုကို လျစ်လျူရှုခဲ့သည်။ ထို့နောက် အကျယ်ချုပ် ချထားခြင်းခံနေရသော ဒေါ်အောင်ဆန်းစုကြည်ကို NLD မှ ထုတ်ပယ်ပေးရေးနှင့် NLD အမျိုးသားညီလာခံ တက်ရောက်ရေး NLD ခေါင်းဆောင်များအား စည်းရုံးရန် စစ်ထောက်လှမ်းရေးအား တာဝန်ပေးခဲ့သည်။
ဗိုလ်ချုပ်မှူးကြီး သန်းရွှေ၏ နိုင်ငံတော် အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်နိုင်ရေး ဦးတည်ချက်ဖြင့် လက်ရှိဖွဲ့စည်းပုံကို ၁၉၉၃ ခုနှစ်မှစ၍ ရေးဆွဲခဲ့သည်။ မရှေးမနှောင်းမှာပင် စစ်ဗိုလ်များ နိုင်ငံရေးလမ်းကြောင်းအတွင်း ဝင်ရောက်နိုင်ရေးအတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းကို ဖွဲ့စည်းခဲ့သည်။
တိုင်းရင်းသားလက်နက်ကိုင် ငြိမ်းချမ်းရေးအဖွဲ့များ အပါအဝင် NLD ကို စစ်အစိုးရ၏ လက်ကိုင်တုတ်များဖြစ်သည့် လူထုလူတန်းစား အဖွဲ့များနှင့် အမျိုးသား ညီလာခံ အတွင်း ဝိုင်းဝန်း ဖိအားပေးပြီး စစ်တပ် ဖြစ်ချင်သောလမ်းကို လျှောက်ခိုင်း ခဲ့ပါသည်။ သို့သော် နေအိမ် အကျယ်ချုပ်မှ ဒေါ်အောင်ဆန်းစုကြည်ကို လွှတ်ပေးခဲ့ရပြီး ၁၉၉၆ ခုနှစ်တွင် NLD အမျိုးသားညီလာခံမှ ထွက်ခဲ့ရပြီးနောက် စစ်အာဏာရှင်တို့ အမျိုးသားညီလာခံကို ရပ်စဲခဲ့ရလေသည်။ ထိုအချိန်မှစ၍ NLD နှင့် ဆက်နွယ်သူမှန်သမျှကို နည်းမျိုးစုံဖြင့် ဖိအားပေးရန် နှုတ်မိန့်ပေးခဲ့ပြီး NLD ကို မျိုးပြုတ်အောင် ခြေမှုန်းခဲ့ကြသည်။ ဒေါ်အောင်ဆန်းစုကြည်ကို နည်းမျိုးစုံဖြင့် ထိန်းခိုင်းခဲ့ပြီး မရသည့်အဆုံးတွင် ဗိုလ်ချုပ်မှူးကြီး သန်းရွှေက နေအိမ်အကျယ်ချုပ်ထားရန် အမိန့်ပေးခဲ့သည်။
၂၀၀၀ ပြည့်နှစ်ပတ်ဝန်းကျင်တွင် မြန်မာ့နိုင်ငံအနေဖြင့် လူ့အခွင့်အရေးချိုးဖောက်မှု၊ ကလေးစစ်သား အသုံးပြုမှု အဓမ္မ လုပ်အားပေးခိုင်းမှု၊ အဓမ္မ ရွှေ့ပြောင်း နေရာချထားမှု၊ စစ်သားများအား မုဒိန်းပြုခွင့် လိုင်စင်ပေးမှု ဆွဲချက်များဖြင့် ကုလသမဂ္ဂတွင် အရေးယူဆောင်ရွက်ပေးရန် တင်ပြချက်များ ရှိလာသဖြင့် နိုင်ငံတကာတွင် မြန်မာ့အရေး ကိစ္စသည် ရေးပန်းစား ပေါ်လွင် ထင်ရှားလာခဲ့သည်။ အဆိုပါ အရေးကိစ္စကို လျစ်လျူရှုထား၍ မရမှန်း စစ်အာဏာရှင်ကြီး ကောင်းကောင်း သိပါသည်။ ထိုစဉ်အချိန်က ကမ္ဘာ့အာဏာရှင်ကြီးများ တဦးပြီးတဦး ကျဆုံး နေချိန်လည်း ဖြစ်သည်။
ထို့ကြောင့် ၂၀၀၁ ခုနှစ်မှစ၍ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လျှို့ဝှက်ပြန်လည် ချဉ်းကပ်ရန်နှင့် တပြိုင်တည်းမှာပင် အမေရိကန် ပြည်ထောင်စုအား ချဉ်းကပ်ရေး မဟာဗျူဟာကို စစ်အာဏာရှင်ကြီးမှ စစ်ထောက်လှမ်းရေးအား တာဝန် ပေးခဲ့ပြန်ပါသည်။ အမေရိကန် ပြည်ထောင်စုတွင် DCI Lobby Group ကို အမေရိကန်ဒေါ်လာ သိန်းချီပေး၍ ငှားရမ်းခဲ့ပြီး အခြား တဘက်တွင်လည်း မြန်မာပြည်သူ လူထု အတွက်ဟု ခေါင်းစဉ်တပ်ကာ ဗိုလ်ချုပ်မှူးကြီး သန်းရွှေနှင့် ဒေါ်အောင်ဆန်းစုကြည် တစားပွဲတည်းထိုင် ထမင်းစားခဲ့ကြသည်။ ၂၀၀၂ ခုနှစ်တွင် မြန်မာအစိုးရမှ ကိုယ်စားလှယ် နှစ်ယောက်ကို အမေရိကန် ပြည်ထောင်စုသို့ စေလွှတ် ခဲ့ပြီးနောက် မေလတွင် ဒေါ်အောင်ဆန်းစုကြည်ကို နေအိမ် အကျယ်ချုပ်မှ ပြန်လည်လွှတ်ပေးခဲ့သည်။ ထိုကဲ့သို့သော နည်းနာကိုသုံး၍ နိုင်ငံတကာနှင့် ကုလသမဂ္ဂကို မြန်မာ့နိုင်ငံရေး အဆင်ပြေသယောင် ပြသခဲ့သည်။
သို့သော် ဒေါ်အောင်ဆန်းစုကြည်အပေါ် မြန်မာပြည်သူလူထု၏ ထောက်ခံမှု၊ အားကိုးယုံကြည်မှုသည် စစ်အာဏာရှင်ကြီး တွက်ဆသလို လျော့မသွားဘဲ ပိုတိုး လာခြင်းကြောင့် ၄င်း၏ အစီအမံဖြစ်သော ကြံ့ခိုင်ရေး အသင်း၏ အနာဂတ် အန္တရာယ်ရှိလာသည်။ ထို့ကြောင့် ဒု ဥက္ကဋ္ဌနှင့် အတွင်းရေးမှူးကို တာဝန်ပေးပြီး ဒီပဲယင်း လုပ်ကြံမှုဖြင့် ဒေါ်အောင်ဆန်းစုကြည်ကို အပြတ်ရှင်းရန် အမိန့်ပေးခဲ့သည်။ သို့သော် ကံအားလျော်စွာ ဒေါ်အောင်ဆန်းစုကြည် အသက်ဘေးမှ လွတ်မြောက်ခဲ့သည်။ လုပ်ကြံသောသူများကို အရေးမယူသည့် အပြင် ရာထူးများပင် တိုးပေးခဲ့ပြီး လုပ်ကြံရန် ကြိုးပမ်းခံရသော ဒေါ်အောင်ဆန်းစုကြည်နှင့် NLD ပါတီဝင်များကိုမူ လုံခြုံရေးအရ ဆိုကာ အကျဉ်းထောင်များတွင် ချုပ်နှောင် ခိုင်းခဲ့သည်။
ဒီပဲယင်းအရေးခင်းသည် နိုင်ငံတကာတွင် ဝိုင်းဝန်းရှုတ်ချခံရသည့်အပြင် အနောက်နိုင်ငံကြီးများ၏ ပြင်းထန်သော ဖိအားပေးမှုများနှင့် စီးပွားရေး ပိတ်ဆို့မှုများ ဖြစ်လာသော အခါ စစ်အာဏာရှင်ကြီးသည် နိုင်ငံတကာတွင် မျက်နှာ မပြရဲတော့ဘဲ ဝန်ကြီးချုပ် တာဝန်ကို ဗိုလ်ချုပ်ကြီး ခင်ညွန့်အား တာဝန်ယူစေပြီး လမ်းစဉ် ၇ ရပ် ချမှတ်ပေးကာ နိုင်ငံတကာနှင့် ဆက်ဆံရန်နှင့် ဒေါ်အောင်ဆန်းစုကြည်အား ချဉ်းကပ်ပြီး အမျိုးသား ညီလာခံတွင် NLD ပါဝင်ရေး စည်းရုံး ခိုင်းခဲ့ပြန်သည်။
နိုင်ငံတကာသို့လည်း ကုလသမဂ္ဂ အထွေထွေအတွင်းရေးမှူးချုပ်၏ အထူးကိုယ်စားလှယ် မစ္စတာ ရာဇာလီမှတဆင့် အချင်းချင်း နားလည်မှု ရသယောင် သတင်း လွှင့်ခြင်းဖြင့် နိုင်ငံတကာကို အချို သတ်ခဲ့သည်။ တဘက်တွင်လည်း ပြည်ထဲရေးဝန်ကြီး ဗိုလ်မှူးကြီး တင်လှိုင် ခေါင်းဆောင်သည့်အဖွဲ့နှင့် ဒေါ်အောင်ဆန်းစုကြည် အကြိမ်ကြိမ် တွေ့ဆုံခဲ့ပြီး နိုင်ငံရေးအကျဉ်းသားများ ပြန်လည်လွှတ်ပေးရေး၊ ၁၉၉၀ ရွေးကောက်ပွဲအား တနည်းနည်းဖြင့် အသိအမှတ်ပြုပေးရေး၊ ဖွဲ့စည်းပုံ မူကြမ်းပါ အခြေခံမူများ ပြန်လည်ဆွေးနွေးခွင့်ပြုရေး အစရှိသည့်အချက်များကို သဘောတူညီမှု ရခဲ့သည်။ အဆိုပါ ဆွေးနွေးမှုများကို နေ့စဉ် တာဝန်ခံများမှ ဗိုလ်ချုပ်မှူးကြီး သန်းရွှေအား တင်ပြပြီး သဘောတူညီမှုရယူခဲ့ခြင်း ဖြစ်သည်။
၂၀၀၄ ခုနှစ် အမျိုးသားညီလာခံပြန်မစမီ ရက်သတ္တ တပတ်အလိုအထိ NLD ညီလာခံပြန်တက်ရေးမှာ သေချာသလောက်ဖြစ်သည်။ ဗိုလ်ချုပ်မှူးကြီး သန်းရွှေလည်း သဘောတူသည်၊ ဒေါ်အောင်ဆန်းစုကြည်လည်း လက်ခံကျေနပ်သည့်အတွက် ၉၅ ရာခိုင်နှုန်း သေချာသလောက်ရှိသည်။ ထိုအတောအတွင်း တစုံတရာ အမှားအယွင်းမရှိရန် စကားလုံး အသုံးအနှုန်းမှအစ သတိထားရန် စစ်ထောက်လှမ်းရေးအတွင်း သတိပေးမှုများရှိခဲ့ပါသည်။
သို့သော် ရက်ပိုင်းအလိုတွင် စစ်အာဏာရှင်ကြီးမှနေ၍ တာဝန်ခံများအား ခေါ်ယူပြီး “မင်းတို့ ဒေါ်အောင်ဆန်းစုကြည်ကို ပြောလိုက်၊ NLD အရင်ဆုံး အမျိုးသားညီလာခံကို တက်ပါ၊ ပြီးမှ နိုင်ငံရေးအကျဉ်းသားများ ပြန်လွှတ်ပေးဖို့ စဉ်းစားပေးမယ်လို့” ဟု ပြန်လည်ပြင်ဆင် ပြောခိုင်းခဲ့ပြီးနောက် ဒေါ်အောင်ဆန်းစုကြည်နှင့် အဆင်ပြေမှု ပျက်ပြားခဲ့ရသကဲ့သို့ နောက်ဆက်တွဲအဖြစ် ဒေါ်အောင်ဆန်းစုကြည်နှင့် ရင်းနှီးခွင့်ရခဲ့သော ဗိုလ်ချုပ်ကြီး ခင်ညွန့်နှင့် စစ်ထောက်ရေးတဖွဲ့လုံးလည်း ဘဝပျက်ခဲ့ကြသည်။ အမြတ်ရသွားသူမှာ စစ်အာဏာရှင်ကြီးဖြစ်သည်။ ထိုကာလအတွင်း ဒီပဲယင်း အရေးအခင်းကြောင့် ရခဲ့သော ဒဏ်ရာဒဏ်ချက်များကို ပြည်တွင်းပြည်ပမှ မေ့ပျောက်သွားစေခဲ့သည်။
ယနေ့ အခြေအနေများကမူ ယခင်အခင်းအကျင်းများနှင့် မတူသည်များရှိသကဲ့သို့ တူသည်များလည်း တွေ့နေရသည်။ တူသည်များမှာ မြန်မာ့နိုင်ငံရေးတွင် ဒေါ်အောင်ဆန်းစုကြည်နှင့် NLD မပါလျှင် မြန်မာ့နိုင်ငံရေး ရှေ့တိုး၍ မရခြင်းဖြစ်သည်။ ဖွဲ့စည်းပုံအခြေခံဥပဒေကြီး ပြပြ၊ လွှတ်တော်ကြီး ပြပြ၊ ပြည်တွင်းပြည်ပက လက်ရှိအစိုးရဟူ၍ ခေါ်ခေါ်၊ စစ်ဝတ်ချွတ်အစိုးရဟုသုံးသုံး လူလိမ်များဟုသာ သတ်မှတ်ကြမည်ဖြစ်သည်။
NLD ကို ၂၀၁၀ ရွေးကောက်ပွဲ မဝင်နိုင်အောင် ဒေါ်အောင်ဆန်းစုကြည်ကို အကျယ်ချုပ်ချထားပြီး ကြံ့ခိုင်ရေးပါတီ နိုင်အောင် ဆောင်ရွက်ခဲ့သည်။ အစိုးရဖွဲ့ခဲ့သော်လည်း နိုင်ငံတချို့၏ အသိအမှတ်ပြုမှုကိုသာ ရခဲ့ပြီး လူရာအသွင်း မခံရသည့်အပြင် အိမ်နီးချင်းနိုင်ငံကြီး၏ အနိုင်ကျင့်မှုများကိုပါ ခံလာရပါသည်။ ဤအတိုင်း ဆက်သွားလျှင် အာရပ်နိုင်ငံများကဲ့သို့ ပြည်သူ၏ ဒဏ်ခတ်မှုကို ခံရမည်ဖြစ်သည်။ ထို့အတူ လူမျိုးစုတိုင်းရင်းသား လက်နက်ကိုင်များကြောင့် ပြည်ထောင်စု တစိပ်တပိုင်း ပြိုကွဲသွားနိုင်သည်ကို လက်ရှိအစိုးရ တွက်ချက်ခဲ့သည်။ ထို့ကြောင့် ၂၀၁၁ နှစ်လည်ပိုင်းလောက်တွင် ဒေါ်အောင်ဆန်းစုကြည်ကို တွေ့ဆုံခဲ့ရသည်။ ထုံးစံအတိုင်း အစိုးရ အခက်အခဲတွေ့လာလျှင် နောက်ဆုံး ဂျိုကာ (Joker) ကို ထုတ်သုံးခြင်းသည် စစ်အစိုးရ အဆက်ဆက်၏ သီအိုရီပင်ဖြစ်သည်။ ဤသည်မှာ တူသည့်အချက်များ ဖြစ်သည်။
မတူသည့်အချက်များမှာ ယခင်နှစ်ပေါင်းများစွာ ထိန်းချုပ်ထားခဲ့သည်များကို အတော်အတန် လွတ်လပ်မှု ပေးခဲ့သည်များ တွေ့ရသည်။ အထူးသဖြင့် မီဒီယာများဖြစ်သည်။ နိုင်ငံတကာ ဆက်ဆံရေးများတွင်လည်း ပွင့်လင်းမှုများ ရှိလာသည်။ တချို့အမှားများကို ခေါင်းဆောင်ပိုင်းများကိုယ်တိုင် ဝန်ခံလာသည်ကို တွေ့ရသည်။ ခေတ်နှင့်အညီ နိုင်ငံရေးကစားကွက်များ ပြောင်းသုံးလာသကဲ့သို့ ဖွဲ့စည်းပုံအခြေခံဥပဒေကို ကိုင်ပြီး ဥပဒေအတိုင်း ဆောင်ရွက်နေပါသည်ဟု အသံကောင်းဟစ်နေသည်ကိုလည်း တွေ့နေရသည်။ ပြည်သူအတွက်ဟူသော ခေါင်းစဉ်ဖြင့် ဒေါ်အောင်ဆန်းစုကြည်နှင့် NLD တို့ လွှတ်တော်အဝန်းအဝိုင်းအတွင်း ဝင်လာအောင် တံခါးအသာ ဟပေးခဲ့ပြီး အနောက်နိုင်ငံများကို မြန်မာနိုင်ငံ ပြုပြင်ပြောင်းလဲနေပါသည်၊ နောက်ပြန်မဆုတ်ပါဟု တဘက်မှ ကြွေးကြော်နေသည်။ ထို့အတူ တဖက်တွင်လည်း အင်အားကြီးလာသည့် တရုတ်နိုင်ငံသြဇာခံ မရောက်စေရန် ကူညီရေးကိုလည်း လေသံပစ်ခဲ့သည်။
ယခုအခါ မြန်မာအစိုးရ၏ နိုင်ငံရေးလှုပ်ရှားမှုကြောင့် ကြံ့ခိုင်ရေးပါတီ စစ်ဝတ်ချွတ် ဗိုလ်ချုပ်ကြီးများ အစိုးရကို နိုင်ငံတကာမှလည်း ယခင် စစ်ရာဇဝတ်မှုများကို မေ့ပျောက်ပြီး ချီကျူးထောပနာ ပြုနေကြသည်ကို တွေ့ရသည်။ ဒေါ်အောင်ဆန်းစုကြည်နှင့် NLD အနေဖြင့် ၁၉၉၀ ခုနှစ်ကတကြိမ်၊ ၂၀၀၂ ခုနှစ်ကတကြိမ် ၊ ၂၀၀၄ ခုနှစ်ကတကြိမ် အလားတူဖြစ်စဉ်များ ကြုံခဲ့ရပြီးဖြစ်သည်။ ယခုတကြိမ်တွင် ဗိုလ်ချုပ်မှူးကြီး သန်းရွှေ မဟုတ်သော်လည်း ၄င်းလက်သပ်မွေးထားခဲ့သော တပည့်များသာ ဖြစ်ပါသည်။ ဉာဏ်နီဉာဏ်နက် အတွေးအခေါ်များမှာမူ သိပ်ပြောင်းလဲလိမ့်မည်ဟု စာရေးသူမထင်ပါ။
ပြီးခဲ့သည့် ကြားဖြတ် ရွေးကောက်ပွဲသည် ဒေါ်အောင်ဆန်းစုကြည်နှင့် NLD အား ပြည်သူ၏ထောက်ခံမှုကို အစိုးရက အားစမ်းကြည့်ခြင်းဖြစ်သည်။ အနိုင်ရ NLD အမတ် ၄၃ ဦးသည် အကြောင်းမဟုတ်သော်လည်း ၂၀၁၅ ခုနှစ်တွင် ကြံ့ခိုင်ရေးပါတီ ဒုက္ခရောက်သွားနိုင်သသကဲ့သို့ စစ်ဗိုလ်ဟောင်းများလည်း အန္တရာယ်ရှိလာနိုင်၍ ယခုကတည်းက စကားလုံးအသုံးအနှုန်း အကြောင်းပြ ကြိုတင်ကာကွယ်နေခြင်း ဖြစ်သည်။
အထက်ပါ အကြောင်းအရာများကို ဒေါ်အောင်ဆန်းစုကြည်နှင့် NLD သည် ဆင်ခြင်သုံးသပ်ပြီး လက်ရှိအခြေအနေတွင် အကောင်းဆုံးဖြစ်စေရန် ပါတီတွင်း သဘောထားသာမက တိုင်းရင်းသားပါတီများ၊ လက်နက်ကိုင် ငြိမ်းချမ်းရေးအဖွဲ့များ၊ လွှတ်တော်အတွင်းအပြင် ဒီမိုကရေစီအင်အားစုများ၊ လူထုလူတန်းစား အဖွဲ့စည်းများ၏ အသံကိုလည်း အလေးတယူ နားထောင်သင့်သည်။ ထို့အပြင် နိုင်ငံတကာ၏ အသံကိုလည်း နားစွင့်ပြီးမှ ဆုံးဖြတ်ချက်ကို ချစေလိုပါသည်။ အားလုံးကမူ စစ်ဗိုလ်ချုပ်ဟောင်းအများစုမှာ ဤကိစ္စတွင် မရိုးသားသည်ကို သိနေကြသည်။ မှန်ကန်သော ဆုံးဖြတ်ချက် ချနိုင်စေရန် ဆန္ဒပြုပါသည်။
(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေး ခိုလှုံခွင့် တောင်းခံခဲ့သည်။)
Ref: ဧရာဝတီ
Read More...
Collapse...
ကိုသားညွန့်ဦး
ကြာသပတေး, 26 ဧပြီ 2012
အမေရိကန် ပြည်ထောင်စုအနေနဲ့ ကတိပြုထားတဲ့အတိုင်း မြန်မာနိုင်ငံရဲ့ဖြစ်ထွန်းတိုးတက်မှု တချက်ခြင်းအပေါ်မှာ လုပ်ရပ်တခုချင်း အလိုက် တုံ့ပြန် ကိုင်တွယ်နေတယ် လို့ နိုင်ငံခြားရေးဌာန အဆင့်မြင့် အရာရှိတဦးက ပြောပါတယ်။ ဒီလိုဖြစ်ထွန်းမှုတွေ နောက်ကြောင်း ပြန်လှည့်သွားရင်လည်း၊ အရေးယူမှု လျှော့ပေါ့ထားတာတွေ ချက်ခြင်းဆိုသလို ပြန်လည် တင်းကျပ်နိုင်တဲ့ အနေအထားမှာ အသင့်ရှိနေတယ်လို့လည်း ပြောပါတယ်။ အခု အခြေအနေအရတော့ အမေရိကန် ပြည်ထောင်စု အနေနဲ့ မြန်မာလူထုအပေါ် အကူအညီတွေ ထိထိရောက်ရောက် ပေးနိုင်တော့မယ် လို့လည်း အမေရိကန်တာဝန်ရှိသူတွေက ပြောပါတယ်။ ဒီအကြောင်း ကိုသားညွန့်ဦးက တင်ပြပေးပါမယ်။
မနေ့က ပြုလုပ်တဲ့ အမေရိကန်လွှတ်တော် နိုင်ငံခြားဆက်ဆံရေးကော်မတီရဲ့ မြန်မာ့အရေး ကြားနာမှုမှာ အမေရိကန်ပြည်ထောင်စု အစိုးရပိုင်းက ပုဂ္ဂိုလ်တွေ တက်ရောက်ပြီး လက်ရှိ မြန်မာနိုင်ငံနဲ့ ပတ်သက်လို့ ဆောင်ရွက်ချက်တွေ မျှော်မှန်းထားချက်တွေကို လွှတ်တော်တာဝန်ရှိသူတွေကို ရှင်းပြသွားတာပါ။ အထူးသဖြင့် မြန်မာ့ နိုင်ငံရေး ပြုပြင်ပြောင်းလဲမှုတွေကြောင့် အမေရိကန် ပြည်ထောင်စုရဲ့ မြန်မာအပေါ် ဒဏ်ခတ် ပိတ်ဆို့မှုတွေ ဘယ်လို ရှေ့ဆက်ဆောင်ရွက်သွားမလဲ ဆိုတာနဲ့ပတ်သက်လို့ အထက် လွှတ်တော်ကနေ အမေရိကန် အစိုးရပိုင်း တာဝန်ရှိသူတွေနဲ့ မြန်မာ့အရေး ကျွမ်းကျင်သူတွေကို ခေါ်ယူ ကြားနာ စစ်ဆေးမေးမြန်းတဲ့ပွဲဖြစ်ပါတယ်။ လက်ရှိ အစိုးရပိုင်းအနေနဲ့ကတော့ ကတိပြုထားတဲ့အတိုင်း မြန်မာနိုင်ငံရဲ့ဖြစ်ထွန်းမှုတွေအပေါ် တဆင့်ပြီးတဆင့် အရေးယူမှုတွေ လျှော့ချသွားပြီး၊ ပြုပြင်ပြောင်းလဲမှုတွေ အရှိန်အဟုန်ကောင်းလာရေး ပူးပေါင်းဆောင်ရွက်သွားဖို့ စီစဉ်ထားတယ်လို့ အမေရိကန် နိုင်ငံခြားရေးဌာန အာရှပစိဖိတ်ဆိုင်ရာ ဒုတိယ လက်ထောက် နိုင်ငံခြားရေးဝန်ကြီး ဂျိုးဆက် ယွန်းက ပြောသွားပါတယ်။
“ပြီးခဲ့တဲ့နှစ်ကစပြီး မြန်မာနိုင်ငံအပြောင်းအလဲတွေအပေါ်မှာ အခိုင်အမာအခြေအနေတွေနဲ့ ကျနော်တို့ တုံ့ပြန် ဆက်ဆံခဲ့ပါတယ်။ ၂၀၁၁ ခုနှစ်ကုန်ပိုင်း နိုင်ငံခြားရေးဝန်ကြီး ကလင်တန်ရဲ့ သမိုင်းဝင် မြန်မာနိုင်ငံခရီးစဉ် အတွင်း မြန်မာနိုင်ငံ ပြုပြင်ပြောင်းလဲမှုတွေ ကို ထောက်ခံကြောင်းနဲ့ လုပ်ရပ်တခုချင်းအပေါ်မှာ မဟာဗျူဟာကျကျ တုံ့ပြန်သွားမယ် ဆိုတာကို ရှင်းရှင်းလင်းလင်း ချပြခဲ့ပါတယ်။
မူးယစ်ဆေးဝါးတိုက်ဖျက်ရေးပူးပေါင်းဆောင်ရွက်မှုတွေ ပြန်လုပ်ခဲ့ပါတယ်။ ဒုတိယကမ္ဘာစစ် အတွင်း မြန်မာနိုင်ငံထဲ ကျန်ခဲ့တဲ့ အမေရိကန်စစ်သည် ရုပ်အလောင်း ရှာဖွေမှုတွေ ပြန်လုပ်ခဲ့ပါတယ်။ နိုင်ငံတကာငွေကြေးအဖွဲ့အစည်းတွေရဲ့ လေ့လာအကဲဖြတ်အဖွဲ့တွေ မြန်မာနိုင်ငံသွားရောက်မယ့်ကိစ္စ ထောက်ခံသွားမယ်ဆိုတာ ကတိပြုခဲ့ပါတယ်။ ဇန်န၀ါရီလအတွင်း နိုင်ငံရေးအကျဉ်းသား ၂၅၀ ကျော် ပြန်လွတ်လာတဲ့ နောက်ပိုင်းမှာတော့ နှစ်နိုင်ငံ သံအမတ်ကြီးအဆင့် ပြန်ထားမယ်လို့ ကျနော်တို့ ကြေညာခဲ့ပါတယ်။”
“ကြားဖြတ် ရွေးကောက်ပွဲအခြေအနေကို တုံ့ပြန်တဲ့အနေနဲ့ ဧပြီ ၄ ရက်နေ့မှာတော့ နိုင်ငံခြားရေးဝန်ကြီး ကလင်တန်က နောက်ထပ် ခြေလှမ်း အဆင့်တွေကို ကြေညာပါတယ်။ ဒီအထဲ မြန်မာနိုင်ငံမှာ USAID ရုံးပြန်ထားမယ်ဆိုတာနဲ့၊ UNDP ရဲ့ ပုံမှန် အစီအစဉ်လုပ်ငန်းတွေကို ထောက်ခံသွားမယ်ဆိုတာ ပါဝင်ပါတယ်။”
အမေရိကန်ပြည်ထောင်စုအနေနဲ့ မြန်မာအပေါ် စီးပွားရေးအရ ပိတ်ဆို့ အရေးယူမှုတွေကို လျှော့ချဖို့ ပြင်ဆင်ဆောင်ရွက်နေပေမယ့် လူပုဂ္ဂိုလ်အချို့နဲ့ လုပ်ငန်းအဖွဲ့အချို့အပေါ် ပစ်မှတ်ထား အရေးယူမှုတွေကိုတော့ ဆက်ထားမှာဖြစ်ပါတယ်။ အစိုးရအဖွဲ့နဲ့ လွှတ်တော်အတွင်းက ပြုပြင်ပြောင်းလဲရေး လိုလားသူတွေကိုတော့ တဦးချင်းအလိုက် အရေးယူမှုတွေကို ပြန်လည် လျှော့ပေးထားပါတယ်။ ဒါပေမယ့်လည်း အလှည့်အပြောင်းတခုခုမှာ တင်းနိုင်လျှော့နိုင်တဲ့ လုပ်ပိုင်ခွင့်တော့ အမေရိကန် အစိုးရပိုင်းက တာဝန်ယူထားတယ်လို့ အမေရိကန် ဘဏ္ဍာရေးဝန်ကြီးဌာန နိုင်ငံရပ်ခြား ပိုင်ဆိုင်မှု ထိန်းချုပ်ရေးဆိုင်ရာ ညွန်ကြားရေးမှူး Adam Szubin က ပြောပါတယ်။
“ရင်းနှီးမြုပ်နှံမှုနဲ့ ငွေကြေး ၀န်ဆောင်မှုဆိုင်ရာနဲ့ပတ်သက်ပြီးတော့ နောက်ထပ်အဆင့်တွေ လှမ်းဖို့ ပြင်ဆင်နေပါတယ်။ ဒါပေမယ့် နိုင်ငံခြားရေးဝန်ကြီး ကလင်တန်ပြောထားသလို ဒီခြေလှမ်းတွေဟာ အရေးယူမှုအားလုံးကို ရုပ်သိမ်းလိုက်တဲ့သဘော မဟုတ်ပါဘူး။ အရင်စစ်အစိုးရရဲ့ အပေါင်းအသင်း နီးစပ်သူတွေနဲ့ လုပ်ငန်းအဖွဲ့အစည်းတွေအပေါ် ပစ်မှတ်ထား အရေးယူထားမှုအချို့ ဆက်ထားရှိမှာပါ။ အရေးယူ ဒဏ်ခတ်တဲ့ ဥပဒေရဲ့ လုပ်ငန်းသဘော ဘောင်ကို ပြုသာပြင်သာအောင်လည်း လုပ်ထားပါတယ်။ မြန်မာနိုင်ငံက တိုးတက်ဖြစ်ထွန်းမှုတွေ နောက်ပြန်လှည့်ပြီဆိုတာနဲ့ ကျနော်တို့မှာ အခုလို လျှော့ပေးထားတာတွေကို ပြန်လည် အရေးယူနိုင်တဲ့ လုပ်ပိုင်ခွင့်လည်း ရှိထားပါတယ်။”
အခုလိုအရေးယူမှုတွေ လျှော့ပေးတာဟာ မြန်မာလူထုနဲ့ မြန်မာခေါင်းဆောင်ပိုင်းထဲက ပြုပြင်ပြောင်းလဲရေးအင်အားစုတွေကို အားပေး အကူအညီပေးနိုင်ဖို့ဖြစ်တယ်လို့ အမေရိကန် တာဝန်ရှိသူတွေက ပြောပါတယ်။ အခု အခြေအနေမှာကြောင့် အမေရိကန်ပြည်ထောင်စုရဲ့ နိုင်ငံတကာကူညီရေးအဖွဲ့ USAID အနေနဲ့ မြန်မာပြည်သူလူထုအတွက် ထိထိရောက်ရောက် တိုက်ရိုက် ကူညီ ဆောင်ရွက်ပေးနိုင်မယ့် အနေအထားရှိလာတယ်လို့ USAID ရဲ့ အာရှဒေသဆိုင်ရာ လက်ထောက်အုပ်ချုပ်ရေးမှူး သံအမတ်ကြီး Nisha Biswal က ပြောပါတယ်။
“မြန်မာနိုင်ငံ ဌာနေကိုယ်စားလှယ်ကို အခုနှစ် နှောင်းပိုင်းမှာ ခန့်ထားဖို့ရှိသလို လာမယ့် နွေကျရင်တော့ လုပ်ငန်းအစီအစဉ်တွေအားလုံး ပြန်စဖို့ရှိပါတယ်။ ဒါကြောင့် မြန်မာပြည်သူတွေကို တိုက်ရိုက် အကူအညီပေးနိုင်မယ့် အခြေအနေတွေ ရှိလာတော့မှာပါ။ မြန်မာ အရပ်ဘက် လူမှုအဖွဲ့အစည်းတွေကို တိုက်ရိုက် ထောက်ပံ့ကူညီနိုင် မှာပါ။ အမျိုးသားရင်ကြားစေ့ရေးလုပ်ငန်းတွေကို အကူအညီ ပေးနိုင်မှာပါ။
လူနည်းစု တိုင်းရင်းသားတွေအပါအ၀င် လိုအပ်ချက်တွေရှိနေတဲ့ အစုအဖွဲ့တွေကို ဆက်ပြီး ကူညီသွားနိုင်မှာပါ။ အစိုးရအဖွဲ့တွင်းနဲ့ အစိုးရအပြင်ဘက်က ပြုပြင်ပြောင်းလဲရေး လိုလားတဲ့ အစုအဖွဲ့တွေကို ထိစပ်ကူညီသွားနိုင်မှာပါ။ အထူးသဖြင့် ဒီမိုကရေစီအုပ်ချုပ်ရေးအတွက် စွမ်းဆောင်ရည်တွေ မြင့်တက်လာဖို့ အားဖြည့် ကူညီသွားနိုင်မှာပါ။ အခြားအလှုရှင် အသိုင်းအ၀ိုင်းတွေနဲ့လည်း ထိထိရောက်ရောက် ဆက်စပ်လုပ်ကိုင်သွားနိုင်မှာပါ။ အရေးကြီးဆုံးကတော့ အခုဖြစ်ထွန်းလာတဲ့ အခြေအနေသစ်အပေါ်မှာ မူတည်ပြီးတော့၊ ဒီအကူအညီလုပ်ငန်းတွေကို ကျမတို့ ပိုပြီးတော့ ကြီးကြပ်ကွပ်ကဲခွင့် ရရှိလာမှာဖြစ်ပါတယ်။”
အခု အထက်လွှတ်တော် ကြားနာစစ်ဆေးမှုကို ဦးဆောင်ပြုလုပ်သူကတော့ အထက် လွှတ်တော် နိုင်ငံခြားဆက်ဆံရေး အာရှပစိဖိတ်ဒေသဆပ်ကော်မတီဥက္ကဋ္ဌ ဂျင်ဝက် ဖြစ်ပါတယ်။ မကြာခင်ကပဲ သူဟာ မြန်မာနိုင်ငံကို သွားရောက်ပြီး၊ မြန်မာ အာဏာပိုင်တွေ နိုင်ငံရေးအဖွဲ့အစည်းတွေနဲ့ အရပ်ဘက်လူမှုအဖွဲ့အစည်းတွေနဲ့ တွေ့ခဲ့တာပါ။ သူဟာ အမေရိကန်ပြည်ထောင်စုရဲ့ မြန်မာအပေါ် အရေးယူ ဒဏ်ခတ်မှုတွေ ရုပ်သိမ်းဖို့ လိုလားသူလို့ အများက သိကြပါတယ်။ လက်ရှိ မြန်မာနိုင်ငံ အပြောင်းအလဲကို နောက်ခံ မတူတဲ့ ခေါင်းဆောင်နှစ်ဦးက အဓိက မောင်းနှင်နေတယ်လို့ သူက ပြောသွားပါတယ်။
“မြန်မာနိုင်ငံဟာ ဒီမိုကရေစီအုပ်ချုပ်ရေးစနစ်ကို ကူးပြောင်းဖို့ ခေါင်းဆောင်နှစ်ဦး ကနေ ပြင်ဆင် ဆောင်ရွက်နေပါတယ်။ ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့ နှစ်ဦးဖြစ်ပါတယ်။ သူတို့နှစ်ဦးဟာ နောက်ခံသမိုင်းကြောင်း အတွေ့အကြုံမတူ ကြပါဘူး။ နောက်ခံတွေ မတူညီကြပေမယ့် ဒီခေါင်းဆောင်နှစ်ဦးစလုံးဟာ တိုင်းပြည်ကို ဒီမိုကရေစီနိုင်ငံဖြစ်ဖို့ အတူတကွ ဆောင်ရွက်နေကြပါတယ်။ သူတို့နှစ်ဦးစလုံးရဲ့ တိုင်းပြည် အတွက် ပေးဆပ်မှုနဲ့ ရဲစွမ်းသတ္တိတွေကို ကျနော် လေးစားပါတယ်။”
မြန်မာ့အရေး အခုလို လွှတ်တော်ကြားနားမှုတွေဟာ အမေရိကန် လွှတ်တော်နှစ်ရပ် အနေနဲ့ မြန်မာနိုင်ငံအပေါ် ပိတ်ဆို့အရေးယူမှုတွေကို ဘယ်လို ဆက်ပြီး ကိုင်တွယ်မလဲ ဆိုတာ အဖြေထုတ်နိုင်အောင် သက်ဆိုင်ရာအုပ်ချုပ်ရေးပိုင်း တာဝန်ရှိသူတွေနဲ့ မြန်မာ့အရေး ကျွမ်းကျင်သူတွေကို အများပြည်သူရှေ့ မေးမြန်းကြားနာတဲ့ပွဲဖြစ်ပါတယ်။
ဒီ အရေးယူမှုတွေကို အမေရိကန်လွှတ်တော် နှစ်ရပ်ကနေ ဥပဒေအဖြစ် အတည်ပြု ပြဌာန်း ခဲ့တာ ဖြစ်ပါတယ်။ ဒါပေမယ့် လက်ရှိအားဖြင့် အမေရိကန်အစိုးရပိုင်းကနေ လွှတ်တော်နဲ့ ညှိနှိုင်းပြီးတော့ မြန်မာနိုင်ငံ တိုးတက်မှုအနေအထားမှာ အဲဒီ ဥပဒေပြဌာန်းချက်တွေကို တချက်ခြင်း ယာယီလျှော့ပေါ့ ဆိုင်းငံ့ပေးနေတဲ့ သဘောဖြစ်ပါတယ်။
Ref: VOA News
Read More...
Collapse...
2012-04-26
လာမယ့် ဇွန်လအတွင်း မြန်မာနိုင်ငံမှာ ရုံးပြန်ဖွင့်မယ်လို့ ကမ္ဘာ့ဘဏ်က မနေ့က ကြေညာလိုက်ပါတယ်။
ရန်ကုန်မှာ ဌာနေကိုယ်စားလှယ် အသစ်တစ်ယောက်နဲ့အတူ ရုံးပြန်ဖွင့် ၀န်ထမ်းတွေခန့်ပြီး မြန်မာနိုင်ငံအတွက် ကူညီပံ့ပိုးရေး အစီအစဉ်သစ် တစ်ရပ် ချမှတ်နိုင်အောင် လိုအပ်တဲ့ စီးပွားရေးဆိုင်ရာ အချက်အလက်တွေ စတင် ကောက်ယူ စုဆောင်းမယ်လို့ ကမ္ဘာ့ဘဏ်ရဲ့ အရှေ့အာရှနဲ့ ပစိဖိတ်ဒေသ ဆိုင်ရာ ဒု ဥက္ကဋ္ဌ Pamela Cox က ပြောပါတယ်။
ဒါပေမဲ့ မြန်မာအစိုးရက ကမ္ဘာ့ဘဏ်နဲ့ တခြားအဖွဲ့အစည်းတွေကို ပေးချေစရာရှိနေတဲ့ အကြွေးတွေနဲ့ ပတ်သက်ပြီး ဘယ်လိုဖြေရှင်းမလဲ ဆိုတဲ့ ကိစ္စလည်း ရှိနေတယ်လို့ ဆိုပါတယ်။
မိမိတို့ရဲ့ အဓိကပန်းတိုင်က မြန်မာပြည်သူတွေကိ်ု ကူညီဖို့ ဖြစ်ပါတယ်။ မြန်မာဟာ ပြင်ပကမ္ဘာနဲ့ နှစ်ကာလကြာရှည် အဆက်ပြတ်နေတဲ့ နိုင်ငံဖြစ်ပါတယ်။ ဒါကြောင့် လူထု ၀န်ဆောင်မှုလုပ်ငန်းတွေ၊ ဖွံ့ဖြိုးတိုးတက်ရေးဆိုင်ရာ ပြဿနာတွေ အတွက် အစိုးရနဲ့အတူ ဆောင်ရွက်နိုင်ဖို့ မဟာဗျူဟာ တစ်ရပ် ပြင်ဆင်နေပါတယ်။ ဒါတွေ အပြည့်အ၀ မဆောင်ရွက်နိုင်သေးခင်မှာ အကြွေးကိစ္စရှင်းဖို့ လိုပါတယ်လို့ Pamela Cox က ပြောဆိုပါတယ်။
မြန်မာအစိုးရဟာ ကမ္ဘာ့ဘဏ်ကို အမေရိကန်ဒေါ်လာ (၃၉၃) သန်း၊ အာရှဖွံ့ဖြိုးရေးဘဏ် (ADB ) နဲ့ တခြားဌာနတွေအပေါ် ဒေါ်လာ သန်းငါးရာလောက် ပေးချေစရာ ရှိနေပါတယ်။ မြန်မာ အစိုးရဟာ အကြွေးမဆပ်တဲ့အတွက် ကမ္ဘာ့ဘဏ်က ၁၉၈၇ ခုနှစ်ကစပြီး အစီအစဉ်တွေ ရပ်ဆိုင်းခဲ့ပါတယ်။
ကမ္ဘာ့ဘဏ်ရဲ့ အရှေ့အာရှနဲ့ ပစိဖိတ်ဒေသဆိုင်ရာ ဒု ဥက္ကဋ္ဌ Pamela Cox ဟာ ဇွန်လအတွင်း မြန်မာနိုင်ငံကို သွားရောက်မှာ ဖြစ်ပါတယ်။ မြန်မာပြည်ရဲ့ ဆင်းရဲမွဲတေမှုလျှော့ချရေး၊ အလုပ်အကိုင်ဖန်တီးရေး စတဲ့ ကိစ္စတွေကို စူးစိုက် ဆောင်ရွက်သွားဖို့ ဆန္ဒရှိကြောင်းလည်း ပြောဆိုပါတယ်။
Ref: RFA News
Read More...
Collapse...
2012-04-26
ရန်ကုန် ဗြိတိသျှသံရုံးက နေပြည်တော်မှာ ရုံးခွဲတစ်ခု ဖွင့်လှစ်တော့မယ်လို့ ဗြိတိန် နိုင်ငံခြားရေးဝန်ကြီး မစ္စတာ William Hague က မနေ့က ကြေညာချက် ထုတ်ပြန် ပြောဆိုလိုက်ပါတယ်။
အစိုးရ ရုံးစိုက်ရာ နေပြည်တော်မှာ သံရုံးခွဲ ဖွင့်လှစ်လိုက်တာကြောင့် ရန်ကုန်က မိမိတို့သံရုံးအတွက် အလုပ်တွင်ကျယ်တဲ့အပြင် မြန်မာအစိုးရ၊ မြန်မာပြည်သူတွေနဲ့ အတူ ထိတွေ့ဆက်ဆံလိုတဲ့ မိမိတို့ သဘောထားကို ပြသလိုက်တာလည်းဖြစ်ပါတယ်။
နေပြည်တော်မှာ အစိုးရချင်း ဆက်သွယ်ဆောင်ရွက်ဖို့ အဆင်ပြေတဲ့အပြင် မြန်မာပြည်ရဲ့ ဒီမိုကရေစီရေး အတွက်လည်း အထောက်အကူ ပြုပါတယ်လို့ စင်္ကာပူနိုင်ငံကို ရောက်ရှိနေတဲ့ ဗြိတိန် နိုင်ငံခြားရေးဝန်ကြီးက ပြောပါတယ်။
ဒါ့အပြင် အခုအချိန်ဟာ မြန်မာနိုင်ငံရဲ့ အသွင်ကူးပြောင်းရေးကို အားပေးတဲ့အနေနဲ့ ရင်းနှီးမြှုပ်နှံတာ၊ ကုန်ကူးသန်း ရောင်းဝယ်တာတွေကို အားပေးရမယ့် အချိန်ဖြစ်တယ်လို့လည်း ကြေညာချက်မှာ ဖော်ပြထားပါတယ်။
မြန်မာနဲ့ ပတ်သက်ပြီး ဒီလို ဆုံးဖြတ်မှုတွေ မချမှတ်ခင်မှာ ဗြိတိန်အစိုးရဟာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တိုင်ပင်နှီးနှောခဲ့ပါတယ်လို့ ဗြိတိန် နိုင်ငံခြားရေးဝန်ကြီး မစ္စတာ William Hague က ဆိုပါတယ်။
Ref: RFA News
Read More...
Collapse...
ကိုကျော်ကျော်သိန်း
ကြာသပတေး, 26 ဧပြီ 2012
ရွေးကောက်ခံထားရတဲ့ အမျိုးသားဒီမိုကရေစီအဖွဲ့ချုပ်က လွှတ်တော် ကိုယ်စားလှယ်တွေ လွှတ်တော် တက်ရောက် နိုင်ရေးကိစ္စ နိုင်ငံရေး အကျပ်အတည်း တခု အဖြစ် မချဲ့ကား လိုဘဲ နည်းစနစ်ပိုင်း အခက် အခဲတခုသာ ဖြစ်တာကြောင့် မကြာခင် ပြေလည် သွားလိမ့်မယ်လို့ မျှော်လင့်ကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒါ့အပြင် သမ္မတ ဦးသိန်းစိန်အပေါ်မှာ သူ့ရဲ့ ယုံကြည်မှုကိုလည်း ထပ်ပြီး အတည်ပြု ပြောဆိုခဲ့ပါတယ်။ မြန်မာနိုင်ငံမှာ ရောက်နေတဲ့ အီတလီ နိုင်ငံခြားရေး ၀န်ကြီးနဲ့ ဒီကနေ့ မနက်ပိုင်းက နေအိမ်မှာ တွေ့ဆုံ ဆွေးနွေးအပြီး သတင်းစာ ရှင်းလင်းပွဲ အတွင်း ဒေါ်အောင်ဆန်းစုကြည်က အဲဒီလို ပြောလိုက်တာပါ။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပေးပို့ ထားပါတယ်။
ဒေါ်အောင်ဆန်းစုကြည် အပါအ၀င် ရွေးကောက်ခံ NLD ကိုယ်စားလှယ်တွေ ဘယ်တော့ လွှတ်တော် တက်နိုင်မလည်း ဆိုတာဟာ ဒီကနေ့ မြန်မာ့နိုင်ငံရေးမှာ အရေးတကြီး မေးခွန်း ဖြစ်နေတယ် ဆိုတာကို သတိထားမိပုံရတဲ့ ဒေါ်အောင်ဆန်းစုကြည်ဟာ အဲဒါနဲ့ပတ်သက်ပြီး အသေအချာနဲ့ ရှင်းရှင်းလင်းလင်း ပြောဆို သွားခဲ့ပါတယ်။
မြန်မာနိုင်ငံမှာရောက်နေတဲ့ အီတလီ နိုင်ငံခြားရေးဝန်ကြီး ဂျီယူလီယို တာဇီ ဒီ ဆွန့် အာဂါတာ (Giulio Terzi di Sant Agata) နဲ့ တနာရီကျော်ကြာ တွေ့ဆုံ ဆွေးနွေးအပြီး လုပ်တဲ့ ပူးတွဲ သတင်းစာ ရှင်းလင်းပွဲအတွင်း ပြောခဲ့တာဖြစ်ပါတယ်။
“လွှတ်တော် တက်ရောက်ရေးနဲ့ ပတ်သက်လို့ အချိန်အကြာကြီးနဲ့ အခက်အခဲတွေ အများကြီး ဖြစ်မနေဘဲ ပြေလည် သွားလိမ့်မယ်လို့ ကျမတို့ မျှော်လင့်ပါတယ်။ လွန်ခဲ့တဲ့ အနှစ် ၂၀ လုံးလုံး လွှတ်တော် ပြင်ပကနေ တိုင်းပြည်တာဝန် ထမ်းဆောင်ခဲ့သလို အခုလည်း လွတ်တော်တွင်းကနေ ဆက်ပြီး တာဝန် ထမ်းနိုင်ဖို့ ကျမတို့ မျှော်လင့်ထားပါတယ်။” လို့ ဒေါ်အောင်ဆန်းစုကြည်က ပြောပါတယ်။
ဒါ့အပြင် ဒီကိစ္စကို ကြီးမားတဲ့ နိုင်ငံရေး အကျပ်အတည်း ပြဿနာကြီးတရပ်အဖြစ် ဒေါ်အောင်ဆန်းစုကြည်က မမြင်စေချင်ပုံ ရပါတယ်။ အဲဒီလို မဟုတ်ဘူး ဆိုတာကို သမ္မတ ဦးသိန်းစိန် အပေါ် သူ့ရဲ့ ယုံကြည်မှုကို ထပ်လောင်း ပြောဆိုခြင်းအားဖြင့် အခိုင်အမာ ရှင်းလင်းခဲ့ပါတယ်။
“ဒီကိစ္စဟာ နည်းစနစ်ပိုင်း အခက်အခဲ တခုသာပဲဖြစ်ပြီး နိုင်ငံရေးကိစ္စ တခုအနေနဲ့ ချဲ့ယူတာမျိုး မဖြစ်ချင်ပါဘူး။ အစိုးရနဲ့ ပူးပေါင်း ဆောင်ရွက်သွားဖို့ အတွက် ကျမတို့ ဆက်ပြီး နည်းလမ်း ရှာသွားမှာပါ။ သမ္မတ ဦးသိန်းစိန်ဟာ ပြုပြင် ပြောင်းလဲရေး ဆိုင်ရာ ကြိုးပမ်း ဆောင်ရွက်မှုတွေမှာ ရိုးသားမှု ရှိတယ်လို့ ကျမတို့ ယုံကြည်ပါတယ်။ သူဟာ မြန်မာနိုင်ငံကို အပြုသဘောဆောင် တိုးတက်တာ အမှန်တကယ် မြင်ချင်သူလည်း ဖြစ်ပါတယ်။ ဒီအချက်တွေကြောင့် ကျမတို့ NLD အနေနဲ့ ဒီနိုင်ငံရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေမှာ သမ္မတနဲ့ ပူးပေါင်း ဆောင်ရွက်နိုင်ဖို့ ကြိုးပမ်းမှုတွေကို အရှိန်မြှင့်သွားမှာ ဖြစ်ပါတယ်။” လို့ ဒေါ်အောင်ဆန်းစုကြည်က ပြောပါတယ်။
အီတလီ နိုင်ငံခြားရေးဝန်ကြီးရော ဒေါ်အောင်ဆန်းစုကြည်ရောက လက်ရှိ တိုင်းပြည်အုပ်ချုပ်ရေးပိုင်း တာဝန် ရှိသူတွေထဲမှာ အပြောင်းအလဲ တွေကို မလိုလားသူတွေ ရှိနေသေးတယ် ဆိုတာကို တညီညွတ်ထဲ အသိ အမှတ် ပြုကြပါတယ်။ သမ္မတ ဦးသိန်းစိန်နဲ့ သက်ဆိုင်ရာ လွှတ်တော် ခေါင်းဆောင်တွေကို နေပြည်တော်မှာ တွေ့ဆုံ ဆွေးနွေးခဲ့တဲ့ မစ္စတာ ဂျီယူလီယို တာဇီက သူတို့အပေါ်မှာ သူ့အနေနဲ့ အသိအမှတ်ပြုမှု လေးစားမှု ဖြစ်ခဲ့တယ်လို့ ပြောပါတယ်။
မြန်မာနိုင်ငံ ဒီမိုကရေစီ ပြုပြင်ပြောင်းလဲရေးနဲ့ ဖွံ့ဖြိုး တိုးတက်ရေး ဆိုင်ရာတွေမှာ ဥရောသမဂ္ဂနဲ့အတူ အီတလီနိုင်ငံက အတတ်နိုင်ဆုံး အကူအညီ ပေးသွားမှာဖြစ်သလို ပြုပြင် ပြောင်းလဲရေး လုပ်ငန်းစဉ်ဟာ ရပ်တန့်သွားလို့၊ အရှိန်နှေးသွားလို့ မရဘူးလို့လည်း သတိပေးခဲ့ပါတယ်။ ဒါ့အပြင် သူတို့အနေနဲ့ ၂၀၁၅ ခုနှစ်ဆီ ခုကတည်းက လှမ်းမျှော်ကြည့်နေပြီ ဆိုတာကိုလည်း ထင်ရှားစေခဲ့ပါတယ်။
“၂၀၁၅ ခုနှစ်ကျရင် မြန်မာနိုင်ငံမှာ ကျင်းပမယ့် အထွေထွေ ရွေးကောက်ပွဲတွေကို ကျနော်တို့ မျှော်လင့် စောင့်ဆိုင်းနေပါတယ်။ အဲဒီ ရွေးကောက်ပွဲ တွေကနေ ပြည့်ဝတဲ့ ဒီမိုကရေစီကို ကျင့်သုံးတဲ့ နိုင်ငံတခုအဖြစ် ပြန်ရောက်သွားလိမ့်မယ်လို့ ကျနော် အခိုင်အမာ မျှော်လင့်ထားပါတယ်။” လို့ အီတလီ နိုင်ငံခြားရေးဝန်ကြီး
ဂျီယူလီယို တာဇီကပြောပါတယ်။
မြန်မာနိုင်ငံက အပြောင်းအလဲတွေကို နိုင်ငံတကာက အပြုသဘောဆောင် ၀ိုင်းဝန်း တုန့််ပြန်နေကြတဲ့ အတွက် နိုင်ငံတကာ အကူအညီတွေ မကြာခင် အချိန်ကာလအတွင်း ၀င်ရောက်လာဖို့ ရှိနေတာက အသေအချာပါ။ မြန်မာနိုင်ငံလို ဘာမှ ခိုင်မာမှု မရှိသေးတဲ့ နိုင်ငံတခုမှာ နိုင်ငံတကာကပေးတဲ့ အကူ အညီတွေကနေ ဘေးထွက် ဆိုးကျိုးတွေ သက်ရောက်နိုင်တယ် ဆိုတာကို နားလည်ထားတဲ့ ဒေါ်အောင်ဆန်းစုကြည်က အကူအညီတွေ ပေးတာနဲ့ပတ်သက်လို့ သတိပေးစကား ပြောခဲ့ပါတယ်။
“ဖွံ့ဖြိုးတိုးတက်ရေးအတွက် နိုင်ငံတကာကနေပေးတဲ့ အကူအညီတွေ အားလုံးဟာ လူထုအနေနဲ့ အာဏာပိုင်တွေပေါ်မှာ မှီခိုရမှုကို လျော့ကျစေပြီး လူထုကို အားကောင်းလာအောင် အထောက်အကူ ဖြစ်စေဖို့ဆိုတာ အမျိုးသားဒီမိုကရေစီအဖွဲ့ချုပ် NLD ရဲ့ အစဉ်တစိုက် ရှိထားတဲ့ စိုးရိမ်ချက် ဖြစ်ပါတယ်။ အဲဒီ နည်းလမ်းကသာလျှင် စီးပွားရေး၊ နိုင်ငံရေးနဲ့ လူမှုရေး ဖွံ့ဖြိုးတိုးတက်မှုတွေ လိုက်လျောညီထွေဖြစ်မှာပါ။” လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောခဲ့ပါတယ်။
အီတလီနိုင်ငံမှာ ဒေါ်အောင်ဆန်းစုကြည်ကို ဂုဏ်ထူးဆောင်နိုင်ငံသားအဖြစ် အသိအမှတ်ပြု ချီးမြှင့်ထားတဲ့ မြို့တွေရှိနေပြီး ဒေါ်အောင်ဆန်းစုကြည် အနေနဲ့ အီတလီနိုင်ငံဆီ လာရောက်လည်ပတ်ပါလို့ သူတို့နှစ်ဦး တွေ့ဆုံချိန်မှာ အီတလီနိုင်ငံခြားရေး ၀န်ကြီးက ဖိတ်ကြားခဲ့ကြောင်း အီတလီအခြေစိုက် AGI သတင်းဌာနက ရေးသား ထားပါတယ်။
Ref: VOA News
Read More...
Collapse...
ရန်ပိုင်
April 26, 2012
ထိုင်းနိုင်ငံမှ အလိုရှိနေသည့် မြန်မာနိုင်ငံသား မူးယစ်ရာဇာ နော်ခမ်းကို လာအိုစစ်တပ်က ပစ်ခတ်ဖမ်းဆီး လိုက်ကြောင်း ထိုင်း ရုပ်သံ သတင်းဌာန Chanel 3 နှင့် ထိုင်း သတင်းများတွင် ဖော်ပြထားသည်။
လာအို အာဏာပိုင်များက မူးယစ်ရာဇာ နော်ခမ်းကို ဖမ်းဆီးရမိထားကြောင်း ထိုင်း အာဏာပိုင်များထံ အကြောင်းကြားခဲ့ သည့် အတွက် သွားရောက် စစ်ဆေးနေကြောင်း အဆိုပါ သတင်း ဌာနများတွင် ရေးသား ထားသည်။ နော်ခမ်းကို လက်ရ ဖမ်းဆီး မိခြင်းလော၊ အသေဖမ်းဆီး မိခြင်းလော ဆိုသည်မှာ မရှင်းလင်းသေးပေ။
မြန်မာနိုင်ငံ တာချီလိတ်မြို့မှ အစိုးရ အရာရှိတဦးကလည်း မူးယစ်ရာဇာ နော်ခမ်း၏ အဖွဲ့ဝင် လေးဦးကို ယနေ့နံနက်ပိုင်းက လာအိုနိုင်ငံ ဘက်ခြမ်းတွင် ဖမ်းမိသည်ဟု သိရကြောင်း ပြောသည်။
ပြီးခဲ့သည့် ဧပြီ ၂၀ရက်နေ့က မူးယစ်ရာဇာ နော်ခမ်းအား ထိုင်းနိုင်ငံမူးယစ်ဆေးဝါး ထိန်းချုပ်ရေး အဖွဲ့ရုံး (Office of the Narcotics Control Board – ONCB) က ဆုငွေ ထိုင်းဘတ် ၂ သန်း (ဒေါ်လာ ၆၄၀၀၀ ခန့်) ထုတ်ပြန်ထားသည်။
ထိုသို့ ဆုငွေထုတ်ပြီးနောက် နော်ခမ်း၏ အဖွဲ့ဝင် ၈ ဦးသည် မြန်မာအစိုးရ ထံသို့ လက်နက်ချ အလင်း ၀င်ခဲ့ကြောင်း ယနေ့ထုတ် အစိုးရ သတင်းစာများတွင် ဖော်ပြထားသည်။
မူးယစ်ရာဇာနော်ခမ်းနှင့် အဖွဲ့သည် မြန်မာ၊ လာအို၊ ထိုင်းနိုင်ငံ နယ်စပ်များ ထိစပ်နေသည့် ရွှေကြိဂံဒေသတွင် မူးယစ်ဆေးဝါး ရောင်းဝယ်မှုများ ပြုလုပ်နေပြီး မဲခေါင်မြစ် အတွင်းရှိ ကုန်သင်္ဘောများနှင့် ခရီးသည်တင် ရေယာဉ်များကို စီးနင်း တိုက်ခိုက်ကာ ပြန်ပေးငွေ တောင်းခြင်းများ ပြုလုပ်နေသည်ဟု စွပ်စွဲခံထားရသည်။
ပြီးခဲ့သည့်နှစ် အောက်တိုဘာလက မဲခေါင်မြစ်အတွင်းသွားလာနေသည့် တရုတ်ကုန်တင်သင်္ဘောကို ၀င်ရောက်စီးနင်းပြီး သင်္ဘောသား များအား သတ်ဖြတ်ခဲ့ရာတွင် မူးယစ်ရာဇာ နော်ခမ်းနှင့် အဖွဲ့က ပြုလုပ်ကြောင်း ထိုင်း အာဏာပိုင်များ၏ စွပ်စွဲမှုများလည်း ထွက် ပေါ်ခဲ့သည်။
မြန်မာ၊ တရုတ်၊ ထိုင်းနှင့် လာအို နိုင်ငံများက အလိုရှိနေသူ ရှမ်းတိုင်းရင်းသား တဦးဖြစ်သည့် နော်ခမ်းသည် ၁၉၉၆ ခုနှစ်တွင် လက်နက်ချခဲ့သော ဦးခွန်ဆာ ခေါင်းဆာင်သည့် မော်ထိုင်း တပ်မတော်(MTA) တပ်ဖွဲ့ဝင်ဟောင်း ဖြစ်သည်။
၂၀၀၆ ခုနှစ်မှ စတင်၍ လက်နက်ကိုင်ပြီး ရွှေတြိဂံနယ်မြေ၌ ပြန်လည် လှုပ်ရှားခဲ့ကြောင်း၊ သူ၏တပ်ဖွဲ့ကို လားဟူ၊ ရှမ်း တိုင်းရင်းသားများနှင့် ဖွဲ့စည်းထားကြောင်း သိရသည်။
မူးယစ်ဆေးဝါးကုန်သွယ်မှုများနှင့် ထိုင်းနိုင်ငံက အလိုရှိနေသူများစာရင်းတွင် မူးယစ်ရာဇာနော်ခမ်းအပြင် မြန်မာနိုင်ငံသားများဖြစ် သည့် တိုးတက်သော ဗုဒ္ဓဘာသာ ကရင် အမျိုးသား တပ်မတော်(DKBA) မှ ဗိုလ်နှုတ်ခမ်းမွေး ခေါ် ဗိုလ်မှူးချုပ် စောလားပွယ် နှင့် ယင်းဆေး တို့လည်း ပါဝင်သည်။
Ref: ဧရာဝတီ
Read More...
Collapse...
ကျော်ခ
April 26, 2012
ကချင်ပြည်လွတ်လပ်ရေးအဖွဲ့(KIO) ၏ လိုင်ဇာ ဗဟိုဌာနချုပ်ကို ထိုးစစ်ဆင်ရန် အစိုးရတပ်များက ရိက္ခာ၊ လက်နက်ခဲယမ်းနှင့် တပ် အင်အားများ တိုးမြှင့်၍ ချဉ်းကပ်မှုများ ပြုလုပ်နေကြောင်း KIO ပြောရေးဆိုခွင့် ရှိသူ ဦးလနန်က ထုတ်ဖော်ပြောဆိုလိုက်သည်။
KIO ဌာနချုပ်အနီး ဝန်းရံထားသော မြောက်ပိုင်းတိုင်း စစ်ဌာနချုပ်၏ လက်အောက်ခံတပ်ရင်းများကို သင်္ကြန်ကာလမှ စတင်ကာ တပ် ရိက္ခာ၊ တပ်အင်အား၊ အဝေးပစ် လက်နက်ကြီးများနှင့် အခြား လက်နက် ခဲယမ်းများကို ကုန်းလမ်းမှ တဆင့် ဖြည့်တင်းမှုများ ပြုလုပ်နေသကဲ့သို့ လေကြောင်းဖြင့်ပါ တိုးမြှင့် လုပ်ဆောင်နေခြင်းများကို ထောက်ပြ ပြောဆိုခြင်းဖြစ်သည်ဟု ဆိုသည်။
“သူတို့ကတော့ ကျနော်တို့ရဲ့ဗဟိုဌာနချုပ်အနီးကို နီးနိုင်သမျှနီးအောင် ချဉ်းကပ်နေတာမျိုး ရှိတယ်။ အထူးသဖြင့်တော့ ဌာနချုပ် လိုင်ဇာနဲ့ ပါချောင်ကြားမှာ ရှိနေတဲ့ တောင်ကုန်းတွေ ပေါ်မှာ ဒီအတောအတွင်း တပ်အင်အား ရာနဲ့ချီပြီးတော့ ဖြည့်တယ်။ အခု ရဟတ်ယာဉ်နဲ့ပါ နေ့တိုင်း အသုံးပြုလာတယ် ဆိုတော့ ကျနော်တို့ ဗဟိုဌာနချုပ်ရဲ့လုံခြုံရေး အပိုင်းကလည်း တော်တော်လေး စိုးရိမ် စရာ ဖြစ်လာတာပေါ့ဗျာ”ဟု ဦးလနန်က ဧရာဝတီသို့ ပြောသည်။
ဌာနချုပ်ဝန်းကျင်ရှိ အစိုးရတပ်များကို လေကြောင်းမှတဆင့် လက်နက်နှင့် လူအင်အားဖြည့်တင်းမှုများပြုလုပ်နေသကဲ့သို့ အဝေး ပစ် လက်နက်ကြီးများကိုလည်း ကုန်းကြောင်းဖြင့် သယ်ယူ ဖြည့်တင်းနေခြင်းကြောင့် KIO နှင့် အစိုးရအကြား တိုက်ပွဲများ ဆက် တိုက် ဖြစ်ပွားနေပြီး ဧပြီ ၂၄ ရက်နေ့ထိ ကချင်ပြည်နယ် အတွင်း တိုက်ပွဲပေါင်း ၉၅ ကြိမ် ရှိပြီဖြစ်ကြောင်း ဦးလနန်က ပြောသည်။
တိုက်ပွဲများသည် လိုင်ဇာဌာနချုပ်နှင့် ယခင်ထက် ပိုမိုနီးကပ်လာနေပြီး အစိုးရတပ်များက အဝေးပစ် ၁၂၀ နှင့် ၈၀ မမ၊ အမြောက် လက်နက်ကြီးများနှင့် အသုံးပြု ပစ်ခတ် နေသကဲ့သို့ KIO ဘက်ကလည်း လက်နက်ကြီးများဖြင့် ပြန်လည် ခုခံ ပစ်ခတ်နေကြောင်း၊ ထိုအခြေအနေ များကြောင့် မကြာမီ တိုက်ပွဲကြီးများ ပိုမို ပြင်းထန်လာနိုင်သဖြင့် KIO ဘက်ကလည်း ပြင်ဆင်မှုများ ပြုလုပ်ထားကြောင်း ၎င်းက ဆိုသည်။
နှစ်ဖက်တပ်များ တိုက်ပွဲအပြင်းထန်ဖြစ်ပွားနေချိန် ယခုလ ၁၇ ရက်နေ့က ဦးအောင်သောင်း ဦးဆောင်သော ပြည်ထောင်စု အဆင့် ငြိမ်းချမ်းရေးအဖွဲ့ ထံမှ ပြည်သူလူထုပါဝင် လေ့လာနိုင်ခွင့် ရှိစေရန်ဟု ဆိုကာ မြစ်ကြီးနား မြို့ပေါ်တွင် တွေ့ဆုံ ဆွေးနွေးရန် ကမ်းလှမ်း လာမှုကို KIO ဘက်က အဆင်သင့် မဖြစ်သေးကြောင်း ပြန်လည် အကြောင်းပြန်ခဲ့သည်ဟု သိရသည်။
“အခုအချိန်မှာ တိုက်ပွဲတွေက ကျနော်တို့ရဲ့ ဗဟိုဒေသအနားမှာ ပြင်းပြင်းထန်ထန်ဖြစ်လာတယ်။ ဗဟိုနဲ့ ရင်ဆိုင်ထားရတဲ့ အစိုးရ တပ်စခန်းတွေမှာ ရိက္ခာ၊ လက်နက်ခဲယမ်း၊ လူအင်အားတွေကို မြေပြင်ရော၊ လေကြောင်း အကူညီနဲ့ပါ သူတို့လုပ်လာတယ်။ အဲလို ဟာမျိုးဖြစ်နေတဲ့ အချိန်မှာ ကျနော်တို့ဘက်က မြစ်ကြီးနားမြို့ကို သွားပြီး တွေ့ဆုံဖို့ လုပ်တဲ့အခါမှာ မဆီလျော်တဲ့ အတွက် အဆင် သင့် မဖြစ်သေးတဲ့ အကြောင်း ပြန်ကြား ထားတာပါ”ဟု ဦးလနန်က ပြောသည်။
ဇန်နဝါရီလပိုင်းက အစိုးရငြိမ်းချမ်းရေးဖော်ဆောင်ရေးအဖွဲ့များနှင့် KIO တို့ တရုတ်နိုင်ငံ ရွှေလီမြို့တွင် တွေ့ဆုံဆွေးနွေးခဲ့ကြသော် လည်း KIO ဘက်က ပထမဆုံး တောင်းဆိုထားသည့် ထိုးစစ် ဆင်နေသော တပ်များကို ရုပ်သိမ်း ဆုတ်ခွာပေးရန်နှင့် နှစ်ဖက် သဘောတူ လက်မှတ် ရေးထိုးရာတွင် အခိုင်မာ ဖြစ်စေရန် နိုင်ငံတကာ၏ စောင့်ကြပ်မှုအောက်တွင် သက်သေထူ လက်မှတ်ရေးထိုး ကြရန် တောင်းဆိုမှုကို အစိုးရဘက်က လိုက်လျောနိုင်မှု မပြုနိုင်သဖြင့် ငြိမ်းချမ်းရေး အလှမ်းကွာ နေခြင်းဖြစ်ကြောင်း ကချင်ပြည် နယ် မြစ်ကြီးနားမြို့တွင် နေထိုင်သည့် ကချင် ငြိမ်းချမ်းရေး အကျိုးဆောင်အဖွဲ့(PCG) နှင့် KIO တို့က ပြောသည်။
အစိုးရနှင့် KIO ကြား ငြိမ်းချမ်းရေးဆွေးနွေးရန် ၂၀၁၁ နိုဝင်ဘာ၊ ၂၀၁၂ ဇန်န၀ါရီနှင့် မတ်လတို့တွင် ရွှေလီမြို့၌ တွေ့ဆုံခဲ့ကြ သော်လည်း ရေရာသည့် သဘော တူညီချက် တစုံတရာ မရရှိသေးဘဲ ရှိနေသည်။ ထိုတွေ့ဆုံပွဲ များတွင်လည်း ဒေသတွင်း တိုက်ခိုက်ရေး ဘက်မှ အရေးပါသော မြောက်ပိုင်းတိုင်း စစ်ဌာနချုပ် တိုင်းမှူးမှာ ကိုယ်တိုင် တက်ရောက်ခြင်းမရှိကြောင်း KIO က ပြောသည်။
KIO နှင့် အစိုးရတပ်များအကြား တိုက်ပွဲဖြစ်ပွားမှု တိုးမြင့်လာသည်နှင့်အမျှ လိုင်ဇာမြို့ပေါ်ဒုက္ခသည်စခန်းနှင့် အခြား ကချင် ဒုက္ခသည် စခန်းများတွင် ယခုလ ၁၆ ရက်နေ့မှစတင်ကာ ၁၀ ရက်အတွင်း စစ်ဘေး ခိုလှုံသူပေါင်း ၁၀၀၀ ကျော် တိုးလာကြောင်း၊ ဒုက္ခသည်စခန်းများသို့ ရောက်ရှိ မလာနိုင်ဘဲ တောတောင်များအတွင်း ရွာလုံးကျွတ် ထွက်ပြေး ခိုလှုံနေသူများလည်း ရှိကြောင်း ကချင် ဒုက္ခသည် စခန်းများ ကော်မတီ ဥက္ကဌ ဦးဒွဲပီဆား က ပြောပြသည်။
“အခုဟာက ထိုးစစ်က ပြန်တိုးလာတော့ နေလို့မရတော့တဲ့အတွက်ကြောင့်မို့ ဒုက္ခသည်တွေထပ်ထွက်လာကြတာပေါ့။ တော်တော် များများဖြစ်နေတာ ဝိုင်းမော် မြို့နယ်ထဲမှာ။ တချို့ ရွာလုံးကျွတ် ပျောက်နေတယ်။ တောထဲကို ထွက်ပြေးနေကြတာ။ တချို့ကလည်း တိုက်ပွဲနဲ့ ဝေးရင်ပြီးရော ဆိုပြီး အနီးအနားမှာ ပတ်ပြီး ပုန်းနေကြတာ။ ဒီကစခန်းတွေကို ရောက်မလာ နိုင်ကြဘူး”ဟု ဦးဒွဲပီဆား က ဧရာဝတီသို့ ပြောသည်။
ဒုက္ခသည်များ ထပ်တိုးမလာမီအထိ ကချင်ပြည်နယ် နယ်စပ်ဒုက္ခသည်စခန်းများတွင် မူလက ဒုက္ခသည်ပေါင်း ၄၅၀၀၀ ကျော် ရှိသည်။ အဆိုပါ ဒုက္ခသည်များသည်လည်း ၂၀၁၁ ခုနှစ် ဇွန်လပိုင်းက အစိုးရ တပ်များနှင့် KIO တို့အကြား တိုက်ပွဲများကြောင့် ရပ်ရွာ အိုးအိမ်များကို စွန့်ခွာ၍ လာရောက် ခိုလှုံနေကြပြီး နေရပ်ရင်းကို မပြန်နိုင်ကြသေးသူများ ဖြစ်သည်။
Ref: ဧရာဝတီ
Read More...
Collapse...
ရန်ပိုင်
April 26, 2012
လူမျိုးရေး အဓိကရုဏ်းများ ဖြစ်ပွားလာနိုင်သည် ဆိုသော ကောလာဟလများကြောင့် ပဲခူးတိုင်း ပြည်မြို့ရှိ အစ္စလမ် ဘာသာဝင်များ စိုးရိမ် နေကြကြောင်း သတင်းရသည်။
ပြီးခဲ့သည့် သင်္ကြန်ကာလအတွင်း မကွေးတိုင်း ကံမမြို့၌ စီးပွားရေး လုပ်ငန်းချင်း ပြိုင်ဆိုင်ရာမှ အစပြု ဖြစ်ပွားခဲ့သည့် ပဋိပက္ခ အချင်းများမှုများ အပြီး ပြည်မြို့တွင် လည်း အမည်မသိ အဖွဲ့အစည်းများက စာများ ဖြန့်ဝေခြင်း၊ အင်တာနက် ၀က်ဘ်ဆိုက်များနှင့် လှုမှုကွန် ရက် Face Book ပေါ်တွင် လှုံ့ဆော်ခြင်းများ ပြုလုပ်လာသည့်အတွက် စိုးရိမ်မှုများ တိုးပွား နေခြင်းဖြစ်သည်။
ပြည်မြို့ခံ အစ္စလမ် ဘာသာဝင် ဦးဝင်းနိုင်က “အခုလာပြီး ချတော့မယ်၊ ဘာညာဆိုပြီး ထင်ယောင် ထင်မှားဖြစ်အောင် ကောလာ ဟလတွေ အသံထွက်နေတော့ စိုးရိမ်တယ်၊ တွေ့ဖူးကြုံဖူးတော့ ပစ္စည်းလေး ဘာလေး သိမ်းထား ရတာပေါ့”ဟု ဆိုသည်။
လောလောဆယ် အခြေအနေအရ အစ္စလမ် ဘာသာဝင်များအနေဖြင့် ဗုဒ္ဓဘာသာဝင်များ အထင်အမြင် လွဲမှားမှု မရှိစေရန် အတွက် ဘာသာရေး ၀တ်ပြုမှုများနှင့် တခြားသော လူမှုရေး ကဏ္ဍများတွင် အစွန်း မထွက်စေရန် သိုသိပ်စွာ နေထိုင်ကြောင်း ၎င်းကပြောသည်။
အဆိုပါ လူမျိုးရေးအဓိကရုဏ်း လှုံ့ဆော်စာများကို ပြည်မြို့ရှိ ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ(ကြံ့ခိုင်ရေး ပါတီ)၀င် တချို့က ဖြန့်ဝေသည်ဟု သတင်းများ ထွက်ပေါ်သည့် အတွက် ကြံ့ခိုင်ရေး ပါတီက မြို့လယ် ကာကာဗလီ ၌ ရှင်းလင်းပွဲ လုပ်ရန် ယမန်နေ့က စီစဉ်ကြောင်း၊ သို့သော်လည်း ဖြစ်ပေါ် မလာခဲ့ကြောင်း ဦးဝင်းနိုင်က ဆက်လက် ရှင်းပြသည်။
ပြည်မြို့၌ လူမျိုးရေး အဓိကရုဏ်းများသည် ၁၉၈၈ ၊ ၁၉၉၆ ၊၂၀၀၁ ခုနှစ်များတွင် သုံးကြိမ်တိုင်တိုင်ဖြစ်ပွားခဲ့ရာ အစိုးရက ဖန်တီးခြင်း ဖြစ်ကြောင်း စွပ်စွဲ ပြောဆိုမှုများ ရှိခဲ့သည်။
တခြားသော အစ္စလမ် ဘာသာဝင်တဦးက ပြည်မြို့၏ လက်ရှိအခြေအနေမှာ အေးဆေးတည်ငြိမ်နေကြောင်း၊ ဗုဒ္ဓဘာသာဝင်များ က လည်း အဓိကရုဏ်း ဖြစ်ပွားမှုကို လိုလားခြင်း မရှိသကဲ့သို့ စိတ်ဝင်စားခြင်းလည်း မရှိကြောင်း၊ အင်တာနက် ၀က်ဘ်ဆိုက်များတွင် ဖြန့်ဝေနေသကဲ့သို့ အခြေအနေမျိုး မရှိကြောင်း ပြောသည်။
ပြီးခဲ့သည့်ရက်ပိုင်းက ပြည်မြို့ရွှေလက်လှ ရပ်ကွက် ချင်းတန်းလမ်းတွင် လူ ၅၀ ခန့်စုဝေးရာ အမျိုးသား ဒီမိုကရေစီ အဖွဲ့ချုပ်(NLD) ပါတီဝင်တချို့ ပါဝင်ကြောင်း၊ အစ္စလမ် ဘာသာဝင် တို့၏ အိမ်များကို ဖျက်ဆီးရန် လှုံ့ဆော် ခဲ့သော်လည်း အထ မမြောက်ခဲ့ကြောင်း myanmarmuslim.net ဆိုသည့် အင်တာနက် ၀က်ဘ်ဆိုက်တွင် ဖော်ပြထားသည်။
NLD ပြောရေးဆိုခွင့်ရှိသူ ဦးဉာဏ်ဝင်းက“သတင်းတွေတော့ ထွက်လာတယ်၊ NLD ပါတီဝင်တွေပါတယ်ဆိုတာ မဖြစ်နိုင်တဲ့ ကိစ္စ၊ ကျနော်တို့လည်း ဒေသခံတွေကို သည်းခံကြဖို့၊ စိတ်ထိန်းဖို့ ပြောထားပါတယ်”ဟု ဆိုသည်။
NLD ပါတီခေါင်းဆောင် ဒေါ်အောင်ဆန်းစုကြည်ကလည်း နိုင်ငံသစ် တည်ထောင်မည့် အချိန်တွင် ယခုကဲ့သို့ အငြင်းပွားနေမည့် အစား တဦးအပေါ် တဦးနားလည်မှု ရှိကြရန်၊ သည်းခံရန် မကြာသေးမီက ပြောဆို ခဲ့သေးသည်။
ပြည်မြို့ခံ လူငယ်တဦးဖြစ်သည့် ကိုသီဟကလည်း လူမျိုးရေးအဓိကရုဏ်း ဖြစ်ပွားစေရန်အတွက် စာဖြန့်ဝေမှုများ၊ အင်တာနက် ၀က်ဘ်ဆိုက်များမှ လှုံ့ဆော်မှုများ ရှိသော်လည်း မြို့ခံ အများစုမှာ စိတ်ဝင်စားမှု မရှိကြောင်း၊ လူငယ်များ အနေဖြင့်လည်း နိုင်ငံရေးကို သာ ပိုမိုစိတ်ဝင်စားကြောင်း ပြောဆိုသည်။
“လူတွေပါလာမလားဆိုပြီး ကောလာဟလတွေကို ပြောနေတာ၊ လူငယ်ပိုင်းက လက်မခံဘူး၊ အာရုံ မညွှတ်ဘူး”ဟု ၎င်းက ဆို သည်။
မြန်မာနိုင်ငံတွင် နိုင်ငံရေးအကျပ်အတည်းများ ဖြစ်ပွားလျှင် အဓိကရုဏ်းများဖြစ်ပွားတတ်ရာ ၁၉၈၈ ခုနှစ် နောက်ပိုင်း စစ်အစိုးရ လက်ထက် မကြာခဏ ဖြစ်ပွားသည်ကို တွေ့ရသည်။
မကြာသေးမီ ကလည်း မကွေးတိုင်း ကံမမြို့တွင် မော်တော်ဆိပ်နှင့် ရေယာဉ်လိုင်းများကို ပြည်ထောင်စုကြံ့ခိုင်ရေးနှင့် ဖွံဖြိုးရေးပါတီ မှသာ နှစ်စဉ်ရရှိနေရာ ယခုနှစ်တွင် အစ္စလမ် ဘာသာဝင် ဒေါ်ဝါ၀ါ ရရှိသွားသည်မှ အစပြုကာ လူမျိုးရေး အဓိကရုဏ်း ဖြစ်ပွားပြီး ဘာသာရေး အဆောက်အဦးများနှင့် အိုးအိမ်များ ဖျက်ဆီးခြင်း ခံခဲ့ရသည်။
အလားတူ ကချင်ပြည်နယ် ဖားကန့်မြို့နယ် ဆိုင်းတောင်ရွာတွင်လည်း ဖြစ်ပွားခဲ့သေးသည်။
Ref: ဧရာဝတီ
Read More...
Collapse...
Friday, 27 April 2012
ထိုင်းအစိုးရမှ တိုးတက်သောဗုဒ္ဓဘာသာ ကရင်အမျိုးသားတပ်မတော် -DKBA ကလို့ထူးဘော၏ ဗိုလ်မှူးချုပ် စောလားပွယ် (ဗိုလ်နှုတ်ခမ်း မွှေး) အား မူးယစ်ရာဇာအဖြစ် စွပ်စွဲ ကြေညာမှုအပေါ် ပတ်သက်ခြင်း မရှိပါက ထုတ်ပြန်သူ ကိုယ်တိုင် တာဝန် ခံရမည်ဖြစ်ကြောင်း DKBA မှ ပြောဆိုလိုက်သည်။
ယမန်နေ့ညက ကေအိုင်စီထံ ရောက်ရှိလာသည့် DKBA ကလို့ထူးဘော၏ သဘောထားကြေညာချက် ထဲတွင် ဧပြီလ ၂၀ရက်နေ့က ထိုင်း အမှတ်(၃) ရုပ်သံလိုင်းမှ ထုတ်လွှင့် လိုက်သော ထိုင်းနိုင်ငံမှ အလိုရှိသူ မူးယစ်ရာဇာ ၂၅ဦးထဲတွင် ဒီကေဘီအေ ကလို့ထူးဘော စစ်ဦးစီး ချုပ် ဗိုလ်မှူးချုပ် စောလားပွယ် ပါဝင်ကြောင်း ထိုင်းနိုင်ငံ ဒု-၀န်ကြီးချုပ် ချလိမ့်ယူဘမ်းရုန်း ကိုယ်တိုင် ရှင်းလင်းခဲ့မှု အပေါ် ထိုသို့ တုန့်ပြန် လိုက်ခြင်းဖြစ်သည်။
ဒီကေဘီအေ ထုတ်ပြန်ချက်ပါ ပြောရေးဆိုခွင့်ရှိသူ ဗိုလ်ကြီးစောကိုမျိုးက “ထိုင်းအစိုးရက အကြောင်းအရာရှိလို့ ထုတ်ပြန်တယ်လို့ ယူဆတယ်။ ကျနော်တို့ကလည်း မဟုတ်တဲ့ အတွက် မဟုတ်ပါဘူးလို့ တုန့်ပြန်ရမှာပဲ။ ဒီကိစ္စကို ဖြေရှင်းဖို့ ဆုံးခန်းတိုင်အောင် ကျနော်တို့ လုပ်ဆောင် သွားမယ်။”ဟု ပြောသည်။
ထိုင်းအစိုးရ၏ စွပ်စွဲချက်သည် နိုင်ငံတော်အနေဖြင့်သော်လည်းကောင်း၊ ၎င်းတို့ တပ်ဖွဲ့အနေဖြင့်သော်လည်းကောင်း၊ ပုဂ္ဂိုလ်ရေး ဂုဏ်သိက္ခာ အားဖြင့် သော်လည်းကောင်း ထိခိုက်နေသည့် အပေါ် ပြန်လည် ထုတ်ပြန် ရခြင်းဖြစ်သည်ဟုလည်း သူက ဆက်ပြောသည်။
DKBA ကြေညာချက်တွင် ၎င်းတို့ကို မူးယစ်ဆေးဝါးနှင့် ပတ်သက်ကြောင်း ယူဆပါက ဒု-၀န်ကြီးချုပ် ချလိမ့်ယူဘမ်းရုန်း အနေဖြင့် DKBA အခြေစိုက်ရာ မည်သည့်နေရာ မဆို ၀င်ရောက် လေ့လာ နိုင်ကြောင်းနှင့် မူးယစ်ဆေးဝါး ကိစ္စ ထုတ်ဖော် တွေ့ရှိပါက မည်သည့် တရားရုံး၊ ခုံရုံး မဆို တက်ရောက် ရင်ဆိုင်သွားမည် ဖြစ်ကြောင်းလည်း ပါရှိသည်။
တဆက်တည်း၌ပင် လူတစ်ဦး သို့မဟုတ် အဖွဲ့တစ်ဖွဲ့ကို စွပ်စွဲပြောဆိုမည် ဆိုပါက “ဘယ်သူက ဘယ်အချိန်၊ ဘယ်နေရာမှာ ဘာတွေ လုပ်ခဲ့သလဲ ဆိုတဲ့ တိကျခိုင်လုံတဲ့ အထောက်အထားများ ပြသဖို့ တာဝန် ရှိတယ်လို့ ယူဆကြောင်း” ဒီကေဘီအေ၏ ကြေညာချက်တွင် ဖော်ပြထားသည်။
ထိုင်း ဒု-၀န်ကြီးချုပ်ကိုယ်တိုင် ယခု ဧပြီလ ၃၀ရက်နောက်ဆုံးထားကာ ၎င်းတို့ဒေသကို လာရောက်ကြည့်ရှု ဖြေရှင်းပေးရန် ဖိတ်ခေါ်ပါ ကြောင်း၊ လာရောက် ဖြေရှင်းပေးခြင်း မရှိပါက နိုင်ငံတကာ ဥပဒေအရ ထိုင်းအစိုးရအား ဆက်လက် အရေးယူ ဆောင်ရွက်သွားမည်ဖြစ် ကြောင်း DKBA က ပြောဆိုထားသည်။
ပြီးခဲ့သည့် ၂၀၁၁ခုနှစ်၊ ဒီဇင်ဘာလ ၁၁ရက်နေ့က DKBA သည် မြန်မာအစိုးရနှင့် လက်မှတ် ရေးထိုးရာတွင် သဘောတူညီချက် အပိုဒ် (၅) အရ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများအား ပြည်ထောင်စု အစိုးရနှင့် ပူးပေါင်း ဆောင်ရွက်ရန် အချက်ကို သဘောတူထားသည်ဟု ၎င်းတို့၏ ထုတ်ပြန်ချက်၌ ဖော်ပြထားသည်။
ထိုင်းအစိုးရက ဗိုလ်မှူးချုပ်စောလားပွယ်အား ဆုလာဒ်ငွေထုတ်၍ ဖမ်းဆီးရန် ကြေညာထားသည့်အပေါ် ကေအိုင်စီမှ ဗိုလ်မှူးချုပ်စောလား ပွယ်အား တိုက်ရိုက်မေးမြန်းနိုင်ရန် ယနေ့ အကြိမ်ကြိမ် ကြိုးစား ဆက်သွယ်သော်လည်း မအားလပ်မှုများ ရှိသည်ဟူသော အကြောင်းပြ ချက်များကြောင့် ပြန်လည်ဖြေကြားမှုကို မရရှိခဲ့ပေ။
ထိုင်းအစိုးရက ဧပြီလ ၂၀ ရက်နေ့တွင် ထိုင်းဘတ်ငွေ ၁၂သန်းဖြင့် ဖမ်းဆီးရန် ထုတ်ပြန်ခဲ့သည့် မူးယစ်ဆေးဝါး ကုန်ကူးမှု၌ ထိပ်တန်းစာ ရင်း ပါဝင်သူ ၂၅ဦး၏ အမည်ကို ထိုင်းအစိုးရ၏ Office of the Narcotics Control Board -ONCB အဖွဲ့က ထုတ်ပြန်ခဲ့ရာ မြန်မာနိုင်ငံ သား ၃ဦးဖြစ်သည့် ရွှေတြိဂံဒေသမှ နော်ခမ်း၊ တာချီလိတ် နမ့်ပုံပြည်သူ့စစ်ခေါင်းဆောင် ယီဆေးနှင့် ဗိုလ်မှူးချုပ်စောလားပွယ်တို့ ပါဝင်ခဲ့ သည်။
ဒီကေဘီအေသည် ၁၉၉၄ခုနှစ်တွင် ကရင်အမျိုးသားအစည်းအရုံး-KNU မှ ခွဲထွက်ကာ စစ်အစိုးရနှင့် ငြိမ်းချမ်းရေးယူခဲ့သည့် ကရင်လက် နက်ကိုင်အဖွဲ့တစ်ခုဖြစ်ပြီး ၎င်းတို့အား စစ်အစိုးရက ၂၀၁၀ခုနှစ်၊ သြဂုတ်လတွင် နယ်ခြားစောင့်တပ် အသွင်ပြောင်းလဲ ဖွဲ့စည်းပေးခဲ့သည် ကို ဗိုလ်မှူးချုပ်စောလားပွယ် ဦးဆောင်သည့် ကလို့ထူးဘော တပ်ဖွဲ့က ဆန့်ကျင်၍ အစိုးရနှင့် တနှစ်ကြာ ပြန်လည် တိုက်ခိုက်ပြီးနောက် အသစ် တက်လာသည့် မြန်မာအစိုးရနှင့် အပစ်ခတ် ရပ်စဲရေး ပြုလုပ်ခဲ့သည်။
Ref: KIC News
Read More...
Collapse...
မင်းသက်
ဗုဒ္ဓဟူးနေ့၊ ဧပြီလ ၂၅ ရက် ၂၀၁၂
ရန်ကုန် (မဇ္ဈိမ) ။ ။ ရန်ကုန်တိုင်းတွင်း လျှပ်စစ်မီး ပြည့်ဝစွာ ရရှိစေရေးအတွက် ယခင်က တရုတ်နိုင်ငံသို့ ရောင်းချ ထားသော လျှပ်စစ် ဓါတ်အားများထဲမှ မဂ္ဂါဝပ် ၁၀၀ ကို ပြန်ဝယ်ရန် ဆောင်ရွက်နေကြောင်း ရန်ကုန်တိုင်း ဒေသကြီး အစိုးရအဖွဲ့ လျှပ်စစ်ဝန်ကြီး ဦးဉာဏ်ထွန်းဦးက လွှတ်တော် ကိုယ်စားလှယ်များကို ဖြေကြားလိုက်သည်။
ဗုဒ္ဓဟူးနေ့က ကျင်းပသော ပထမအကြိမ် ရန်ကုန်တိုင်းဒေသကြီး လွှတ်တော် အထူးအစည်းအဝေး၊ ဒုတိယနေ့တွင် တက်ရောက် လာကြသော ကိုယ်စားလှယ်များ၏ မေးခွန်းများအပေါ် ဝန်ကြီးက ယင်းသို့ ပြန်လည် ဖြေကြားခဲ့ခြင်း ဖြစ်သည်။
“လျှပ်စစ်သုံးစွဲမှုဟာ ဒီနှစ်မှာ ပိုများလာတဲ့အတွက် အလှည့်ကျ ဓါတ်အားပေးတဲ့ စနစ်ကို ဆောင်ရွက်ခဲ့ရတာပါ။ အလှည့်ကျ စနစ်ကို ကျော်လွှားနိုင်ဖို့ အတွက် စက်မှုဇုန်တွေကို ပေးတဲ့ လျှပ်စစ်ကို လျှော့ပြီး ပြည်သူသုံး အတွက် ဖြန့်ဝေပေးလျက် ရှိပါတယ်။ ယခင်က ပိုလျှံလို့ တရုတ်ကို ရောင်းချထားတဲ့ လျှပ်စစ်ဓါတ်အား ၁၀၀ မဂ္ဂါဝပ်ကိုလည်း ပြန်ဝယ် ယူပြီးတော့ မိမိပြည်သူတွေ အတွက် ဖြည့်ဆည်း ဖြန့်ဝေနိုင်ရေး အတွက် ဆောင်ရွက်နေပါတယ်”ဟု ဦးဉာဏ်ထွန်းဦး က ဖြေကြားသွားခဲ့သည်။
ကြည့်မြင်တိုင်မြို့နယ် မဲဆန္ဒနယ် အမှတ် ၁ မှ ဒေါ်ကြည်ကြည်မာ၏ “၂၄ နာရီ မီးရရှိရေးကို မည်သို့ဆောင်ရွက်မည်ကို သိလိုသော မေးခွန်း” နှင့် ဗဟန်းမြို့နယ် မဲဆန္ဒနယ် အမှတ် ၂ မှ ဒေါက်တာ ဒေါ်ညိုညိုသင်း၏ “ရန်ကုန်တွင် ယနေ့ ပေးဝေနေသော လျှပ်စစ်မီး ပေးဝေရေးမှာ အလှည့်ကျဟု သိရပြီး ယင်းထက် သာလွန် ကောင်းမွန်သော အစီအစဉ် ရှိမရှိ” မေးသော မေးခွန်းတို့အပေါ် ဝန်ကြီးက ယင်းသို့ ဖြေကြားခဲ့ခြင်းဖြစ်သည်။
ရန်ကုန်မြို့ လျှပ်စစ်သုံးစွဲမှုသည် ယခင်က မဂ္ဂါဝပ် ၅ဝဝ နှင့် ၆ဝဝ ကြား သုံးစွဲခဲ့သော်လည်း ၂ဝ၁၂ ခုနှစ်တွင် တနေ့လျှင် မဂ္ဂါဝပ် ၇ဝဝ ထိ သုံးစွဲကြောင်း ရန်ကုန်တိုင်း လျှပ်စစ်ဝန်ကြီးက ဗုဒ္ဓဟူးနေ့ လွှတ်တော်တွင် ပြောကြား သွားသည်။
ရန်ကုန်မြို့ပေါ်အား အုပ်စု လေးစုခွဲ၍လည်းကောင်း၊ မြို့ပြင်အား အုပ်စုနှစ်စု ခွဲ၍လည်းကောင်း ဧပြီ ၂ ရက်နေ့မှ စတင်ကာ လျှပ်စစ်မီး အလှည့်ကျပေးလျက် ရှိသည်။
အမှတ် ၁ လျှပ်စစ် ပြည်ထောင်စုဝန်ကြီး ဦးဇော်မင်း က “ကျနော်တို့ နိုင်ငံမှာ အခုမဂ္ဂါဝပ် ၁၅၀၀ ပေးတာတောင် ကုန်အောင် မသုံးနိုင်ဘူး။ အဲဒီတော့ ဘယ်သူက သုံးမှာလဲ။ သုံးစရာမရှိရင် market ရဲ့သဘောအရ ရောင်းစားရမှာပေါ့” ဟု ၂ဝ၁၁ ခုနှစ် စက်တင်ဘာက နေပြည်တော် သတင်းစာ ရှင်းလင်းပွဲတခုတွင် ပြောဆိုခဲ့ဖူးသည်။
ယခုကဲ့သို့ ရန်ကုန်တိုင်းအတွက် လျှပ်စစ်သုံးစွဲရန် တရုတ်နိုင်ငံထံ ရောင်းချပြီးဖြစ်သော လျှပ်စစ်မဂ္ဂါဝပ် ၁ဝဝ အား မည်သည့်ဈေးဖြင့် မည်သို့ ပြန်လည် ဝယ်ယူမည်ကိုမူ မသိရှိရသေးပေ။
ရန်ကုန်တိုင်းဒေသကြီး ပြင်ပတွင် ရှိသော ကျွန်းချောင်း၊ မန်း၊ ရွှေတောင်၊ မြန်အောင်၊ သထုံ မြို့နယ်တို့တွင် ရှိသော စွမ်းအားပြည့် မလည်ပတ်နိုင်သည့် သဘာဝဓါတ်ငွေ့ဖြင့် လည်ပတ်ရသော ဓါတ်အားပေး စက်ရုံများကိုလည်း ပြန်လည် လည်ပတ်နိုင်ရေး သဘာဝဓါတ်ငွေ့ ထပ်မံတိုးချဲ့ရရှိစေရေး စီမံနေသည်ဟုလည်း ဦးဉာဏ်ထွန်းဦး က ဆိုသည်။
တိုးတက်လာမည့် စက်ရုံ၊ အလုပ်ရုံ၊ လူနေအိမ်နှင့် အဆောက်အအုံများအတွက် လျှပ်စစ် ဓါတ်အားပေး စက်ရုံသစ်များ ကိုလည်း ထပ်မံတည်ဆောက်ရန် ဆောင်ရွက်နေကြောင်းလည်း ပြောကြားသွားခဲ့သည်။
Ref: မဇ္ဈိမ
Read More...
Collapse...
ဖနိဒါ
ဗုဒ္ဓဟူးနေ့၊ ဧပြီလ ၂၅ ရက် ၂၀၁၂
ချင်းမိုင်(မဇ္စျိမ) ။ ။ ကချင်ပြည်နယ်၊ ဖားကန့်မြို့နယ် အမျိုးသားဒီမိုကရေစီအဖွဲ့ချုပ် NLD အဖွဲ့ဝင်များ၏ လပါတ် အစည်းအဝေးတွင် ရွေးကောက်ပွဲ ကျင်းပ နိုင်ရေးနှင့် ဥရုချောင်း ဆယ်ယူရေး ကိစ္စများ ဗုဒ္ဓဟူးနေ့က ဆွေးနွေးခဲ့ကြသည် ဟု သိရသည်။
မိုးကောင်း၊ ဖားကန့်နှင့် ဗန်းမော် မြို့နယ်များတွင် လုံခြုံရေး အကြောင်းပြချက်ဖြင့် ဧပြီလ ၁ ရက်နေ့တွင် ကြားဖြတ် ရွေးကောက်ပွဲ ကျင်းပ မပေးခဲ့ဘဲ ရွှေ့ဆိုင်းထားမှုကို ပြန်လည် ကျင်းပပေး နိုင်ရန်နှင့် ဥရုချောင်း မြစ်ရေလျှံမှုမှ ကာကွယ်ရေး ကိစ္စများကို ဖားကန့်မြို့နယ် ပါတီရုံးတွင် ဆွေးနွေး ဆုံးဖြတ်ခဲ့ကြခြင်း ဖြစ်သည်။
“ဖားကန့်မြို့နယ် မိုးတွင်းကျရင် ခံရမယ့်ဟာတွေပေါ့။ ဥရုချောင်း ပျက်စီးမှုကို ဝိုင်းဝန်းပြီးတော့ စုပေါင်းကာကွယ် လုပ်ဆောင်ဖို့ သက်ဆိုင်ရာကို တင်ပြဖို့။ ကချင်ပြည်နယ်မှာ ရွေးကောက်ပွဲ သုံးနေရာ ပြန်လုပ်ပေးဖို့ ဗဟိုကို တင်ပြပြီးတော့ ဗဟိုကနေ ဆင့်ကဲ ပြန်တင်ပြဖို့ ဆုံးဖြတ်တယ်”ဟု NLD မြို့နယ်စည်းရုံးရေးမှူး ဦးဟန်မြင့်က ပြောသည်။
ဖားကန့်မြို့တွင် မိုးတွင်း နှစ်စဉ် ရေးကြီး၍ ရေလွှမ်းလေ့ရှိရာ မိုးမကျမီ ဥရုချောင်းအတွင်း ပိတ်ဆို့နေသော မြေစာများ ရှင်းလင်းရန်အတွက် NLD ဗဟိုဌာနချုပ်ကို တင်ပြသွားရန် ဆုံးဖြတ်ခဲ့ကြခြင်း ဖြစ်သည်။
၁၉၉၄ ခုနှစ်နောက်ပိုင်း ကချင်ပြည်နယ်အတွင်း ပိုမိုဝင်ရောက်လာသော ကျောက်တူးကုမ္ပဏီများက မြေဇာများကို ဥရုချောင်းထဲ စွန့်ပစ်ကြသဖြင့် ရေလမ်းကြောင်းများ ပိတ်ဆို့ရာမှ မိုးရာသီတွင် ရေလွှမ်းရခြင်း ဖြစ်သည်ဟု သဘာဝပတ်ဝန်းကျင် ထိန်းသိမ်းရေး အဖွဲ့များက ပြောသည်။
၂ဝ၁၁ ခုနှစ် ဇူလိုင်လအတွင်းက ဖားကန့် လုံးခင်း၊ ဆိပ်မူ၊ နန့်မဖြစ်နှင့် ဖားကန့်မြို့ အောက်ဘက် ဆိုင်းတောင် ကျေးရွာများတွင် ဥရုချောင်း ရေလျှံတက်လာကာ နေအိမ်အများအပြား ရေနစ်မြုပ်ခဲ့သည်။
ဥရုချောင်းတလျှောက်ရှိ ကျောက်စိမ်းတွင်းများမှ စွန့်ပစ် မြေစာများကြောင့် ချောင်းတိမ်ကောရပြီး စွန့်ပစ် မြေစာပုံများ ပြိုကျမှုကြောင်း ၂ဝ၁ဝ ခုနှစ် ဇူလိုင်လအတွင်း လူအနည်းဆုံး ၃ဝ ဦးခန့် သေဆုံးခဲ့ရသည်။
ဥရုချောင်းသည် မြောက်ဘက် အိန္ဒိယ-မြန်မာနယ်စပ်ရှိ ကျောကန်တောင်တန်းသေမှ အစပြုကာ အနောက်မြောက်မှ တောင်ဘက်သို့ စီးဆင်းလာပြီး ချင်းတွင်းမြစ်ထဲသို့ စီးဝင်သွားသည်။
Ref: မဇ္ဈိမ
Read More...
Collapse...
2012-04-25
မြန်မာအစိုးရအပေါ် ပိတ်ဆို့ အရေးယူထားတာတွေအားလုံးကို ချက်ခြင်း ပြန်လည်ရုပ်သိမ်းဖို့ အမေရိကန်အစိုးရမှာ ရည်ရွယ်ချက် မရှိကြောင်း အရှေ့အာရှနဲ့ ပစိဖိတ် ဒေသ ဆိုင်ရာ အမေရိကန် လက်ထောက် နိုင်ငံခြားရေး ၀န်ကြီး မစ္စတာ Kurt Campbell က ပြောလိုက်ပါတယ်။
ဝါရှင်တန် ဒီစီ မြို့မှာ မနေ့က ကျင်းပတဲ့ မြန်မာပြည်ဆိုင်ရာ အမေရိကန်မူဝါဒ သုံးသပ်ရေး ကြားနာပွဲမှာ ပြောဆို ခဲ့တာပါ။
အဲဒီကြားနာပွဲမှာ Mr. Kurt Campbell က - သမ္မတ ဦးသိန်းစိန် ရဲ့ပြုပြင်ပြောင်းလဲမှု တွေအပေါ် မိမိတို့ ကြိုဆိုပေမဲ့၊ ပိတ်ဆို့ အရေးယူမှု တွေကို ရုပ်သိမ်းလိုက်ဖို့ အစီအစဉ် မရှိပါဘူး။ မြန်မာနိုင်ငံက အပြောင်းအလဲတွေ နောက်ကြောင်း ပြန်လှည့်သွားတာမျိုး၊ ရှေ့ဆက် ပြုပြင် ပြောင်းလဲ သင့်တာတွေမှာ အချိန် ဆွဲနေတာမျိုး ဖြစ်လာရင် ဘယ်လိုတုန့် ပြန်သွားမလဲ ဆိုတဲ့ မဟာဗျူဟာ ဟာ မိမိတို့ အမေရိကန် အစိုးရရဲ့ မူဝါဒမှာ အဓိက ကျတဲ့ သဘောမျိုး ရှိပါတယ် လို့ ပြောသွားပါတယ်။
ဒါ့အပြင် မြောက်ပိုင်းကချင်ပြည်နယ်က တိုက်ပွဲတွေမှာ ဒေသခံတွေအပေါ် မြန်မာစစ်တပ်က လူ့အခွင့်အရေး အကြီးအကျယ် ချိုးဖောက်နေတဲ့ သတင်းတွေကို ကြားသိ နေရကြောင်း၊ နိုင်ငံရေး အကျဉ်းသား ၅၀၀ ကျော်ကို မြန်မာ အာဏာပိုင်တွေက ပြီးခဲ့တဲ့ အောက်တိုဘာ လထဲမှာ လွှတ်ပေးခဲ့ ပေမဲ့ အနည်းဆုံး ရာနဲ့ချီပြီး ကျန်ရှိနေသေး တယ် လို့လည်း Mr. Campbell က ပြောဆိုပါတယ်။
မြန်မာ့အရေး ဆောင်ရွက်နေတဲ့ US Campaign for Burma အဖွဲ့က ဦးဆောင်ညွှန်ကြားရေးမှူး ဦးအောင်ဒင်က ထွက်ဆို သွားခဲ့ရာမှာလည်း အမေရိကန် အစိုးရ အရာရှိကြီး တွေရဲ့ ပျက်ကွက်မှုတွေကို ပြောဆို သွားခဲ့ပါတယ်။
ဝါရင့်ကျောင်းသား ခေါင်းဆောင်တွေ၊ ဒေါ်အောင်ဆန်းစုကြည်ရဲ့ ပါတီခေါင်းဆောင်တွေ၊ တိုင်းရင်းသား အဖွဲ့ဝင်တွေနဲ့ တိုင်ပင်နှီးနှော ဆွေးနွေးတာမျိုး မလုပ်ဘဲ ရင်းနှီးမြှုပ်နှံမှုနဲ့ ငွေကြေးဆိုင်ရာ ပိတ်ဆို့ အရေးယူ မှုတွေကို လျော့ပေါ့ ပေးလိုက်တဲ့ အချက်ကိုလည်း ထောက်ပြသွားခဲ့ပါတယ်။
Ref: RFA News
Read More...
Collapse...
2012-04-26
ကြားဖြတ်ရွေးကောက်ပွဲမှာ အနိုင်ရရှိထားတဲ့ အန်အယ်လ်ဒီ လွှတ်တော်ကိုယ်စားလှယ်တွေ လွှတ်တော် တက်ရောက်နိုင်ရေးအတွက် အကူအညီပေးဖို့ ကြံ့ခိုင်ဖွံ့ဖြိုးရေး ပါတီ ဒုတိယ ဥက္ကဋ္ဌနဲ့ ပြည်သူ့ လွှတ်တော် ဥက္ကဋ္ဌ ဖြစ်သူ သူရ ဦးရွှေမန်းထံ တိုင်းရင်းသားနဲ့ တသီးပုဂ္ဂလ လွှတ်တော် အမတ်တွေက စာရေးသား တောင်းဆို လိုက်ပါတယ်။
လွှတ်တော်ကိုယ်စားလှယ် ကတိသစ္စာပြုလွှာမှာ ဖော်ပြထားတဲ့ စကားတွေရပ်ကို ပြင်ဆင်နိုင်ဖို့အတွက် ၂၀၁၀ ရွေးကောက်ပွဲမှာ အများစု အနိုင်ရရှိထားတဲ့ ကြံ့ခိုင်ဖွံ့ဖြိုးရေးပါတီ လွှတ်တော် ကိုယ်စားလှယ်တွေက ဦးဆောင်ပြီး ဆောင်ရွက်ပေးဖို့ တသီးပုဂ္ဂလအမတ်တွေ အပါအ၀င် လွှတ်တော်ကိုယ်စားလှယ် ၁၆ ဦးက လက်မှတ်ရေးထိုး တောင်းဆိုလိုက်တာ ဖြစ်တယ်လို့ အမျိုးသား လွှတ်တော်ကိုယ်စားလှယ် ဒေါက်တာ အေးမောင်က ပြောပါတယ်။
နိုင်ငံရေးပါတီများ မှတ်ပုံတင်ခြင်း ဥပဒေ အခန်း (၂)၊ နိုင်ငံရေးပါတီ တည်ထောင်ခြင်းနှင့် မှတ်ပုံတင်ခြင်း ပုဒ်မ (၆) ပါ စောင့်ထိန်း လိုက်နာရမယ့် ၀န်ခံချက်မှာလည်း အဲဒီစကားရပ်ကို ပြင်ဆင်ခဲ့ပြီး ဖြစ်တဲ့အတွက် အခု ကတိသစ္စာပြုလွှာမှာပါ အဲဒီ စကားရပ်ကို တပြေးညီ ပြင်ဆင်ပေးဖို့ကိုလည်း ကြံ့ခိုင်ဖွံ့ဖြိုးရေးပါတီ ဒုတိယ ဥက္ကဋ္ဌ သူရဦးရွှေမန်းထံ ဧပြီလ ၂၅ ရက် နေ့စွဲနဲ့ ပေးပို့တဲ့ လွှတ်တော်အမတ်တွေရဲ့ စာထဲမှာ ရေးသားထားပါတယ်။
Ref: RFA News
Read More...
Collapse...
2012-04-24
မြန်မာအစိုးရအပေါ် စီးပွားရေး ပိတ်ဆို့ အရေးယူထားတွေကို ဖြေလျှော့ရေးဆိုင်ရာ အမေရိကန်အစိုးရရဲ့ မဟာဗျူဟာ တွေနဲ့ ပတ်သက်ပြီး စိုးရိမ် ပူပန်ကြောင်း လူ့အခွင့်အရေး စောင့်ကြည့် အဖွဲ့ ( HRW ) နဲ့ အဖွဲ့ (၈) ဖွဲ့က သမ္မတ အိုဘားမား ဆီကို ပူးတွဲ ပန်ကြားစာ တစ်စောင် ပေးပို့ခဲ့ပါတယ်။
ဧပြီလ (၂၄) ရက်နေ့စွဲနဲ့ ပေးပို့ခဲ့တဲ့ အဲဒီပန်ကြားစာနဲ့ ပတ်သက်ပြီး ၀ါရှင်တန်အခြေစိုက် HRW အဖွဲ့ရဲ့ အာရှရေးရာ ညွှန်ကြားရေးမှူး Mr. John Sifton က RFA ကို ပြောကြားခဲ့ရာမှာ -
သမ္မတ အိုဘားမားအစိုးရရဲ့ မြန်မာအပေါ် ချမှတ်ထားတဲ့ ပိတ်ဆို့မှုတွေ လျှော့ပေါ့ရေးနဲ့ပတ်သက်ပြီး အမေရိကန် အစိုးရရဲ့ အစီအစဉ်တွေက မြန်ဆန်လွန်းနေတဲ့ အတွက် မိမိတို့ စိုးရိမ် ပူပန်မိကြပါတယ်။ မြန်မာနိုင်ငံမှာ အပြောင်းအလဲတွေ ပေါ်ပေါက်လာတဲ့ အတွက် အခုလို ပိတ်ဆို့မှုတွေ လျှော့ချပေးရမယ် ဆိုတာ မိမိတို့လည်း သဘောတူ လက်ခံပါတယ်။ ဒါပေမဲ့ အာဏာဟာ စစ်တပ်မှာ ရှိနေဆဲဖြစ်တဲ့ မြန်မာနိုင်ငံ အတွက် အရေးကြီးတဲ့ အပြောင်းအလဲတွေ ဆက်လက်ဆောင်ရွက်ဖို့ လိုနေ သေးပါသေးတယ်။ တကယ့် အပြောင်းအလဲတွေ ပေါ်ပေါက်လာတဲ့ အထိ အမေရိကန် အစိုးရအနေနဲ့ ထိန်းထားဖို့ အရေးကြီး ပါတယ်လို့ ပြောဆိုခဲ့တာပါ။
ဆက်လက် ပြောကြားရာမှာ - SND ဆိုတဲ့ ပိတ်ဆို့အရေးယူဖို့ အထူးသတ်မှတ်ထားတဲ့ လူပုဂ္ဂိုလ်တွေ၊ အဖွဲ့အစည်းတွေရဲ့ နောက်ဆုံးစာရင်း မပြုစုတာ အချိန် အတော်ကြာခဲ့ပြီမို့ ဒီစာရင်းကို အသစ်ပြန်လည် ပြုစုဖို့ လိုအပ် နေပါတယ်။ ပိတ်ဆို့မှုတွေ ပြန်လည် လျှော့ပေါ့ပေးရာမှာ ဒီစာရင်းသစ်က အရေးကြီးပါတယ်။ ဒီအတွက် မြန်မာနိုင်ငံတွင်းက အတိုက်အခံ ဒီမိုကရေစီ ပါတီခေါင်းဆောင် တွေနဲ့ ဆွေးနွေးညှိနှိုင်းပြီး လုပ်သင့် လုပ်ထိုက်တာတွေ ဆောင်ရွက်ဖို့ Mr. John Sifton က RFA ကို ပြောကြားခဲ့ပါတယ်။
ဒါ့အပြင် မြန်မာပြည်မှာ ကျန်ရှိနေသေးတဲ့ နိုင်ငံရေးအကျဉ်းသားတွေ ပြန်လွတ်ဖို့၊ ပြည်တွင်းက လူ့အခွင့်အရေး အခြေအနေတွေကို နိုင်ငံတကာ အဖွဲ့အစည်းတွေက လွတ်လွတ်လပ်လပ် စုံစမ်းနိုင်ဖို့၊ တိုင်းရင်းသား လူမျိုးတွေအရေး၊ အလုပ်သမားအရေး၊ စာနယ်ဇင်းလွတ်လပ်ခွင့် စတာတွေမှာ အမှန်တကယ် တိုးတက်မှုတွေ ရရှိပြီဆိုမှ ပိတ်ဆို့မှုတွေကို တစ်ဆင့်ချင်း လျှော့ပေါ့ပေးသင့်ကြောင်း ပန်ကြားစာမှာ ဖော်ပြထားပါတယ်။
Ref: RFA News
Read More...
Collapse...
သားညွန့်ဦး
အင်္ဂါ, 24 ဧပြီ 2012
မြန်မာနိုင်ငံအပေါ် အနောက်နိုင်ငံတွေက စီးပွားရေးအရပိတ်ဆို့မှုတွေရှိခဲ့ရာမှာ အပြင်းထန်ဆုံး လို့ ပြောနိုင်တဲ့ ကနေဒါနိုင်ငံက မြန်မာပြည်အပေါ် အရေးယူမှု တွေကို အခု ဆိုင်းငံ့ လိုက်ပါပြီ။ မြန်မာနိုင်ငံ တွင်း ဖြစ်ထွန်းမှု တွေကြောင့် အခုလို အရေးယူမှုတွေ ယာယီ ဆိုင်းငံ့ထား လိုက်တာ ဖြစ်ပေမဲ့ မြန်မာ့နိုင်ငံရေး အခြေအနေတွေကို မပြတ် စောင့်ကြည့်သွားမှာ ဖြစ်တယ်လို့ ကနေဒါ နိုင်ငံခြားရေး ၀န်ကြီး John Baird က မနေ့က ကနေဒါ ပါလီမန်မှာ ကြေညာသွားတာဖြစ်ပါတယ်။ အသေးစိတ်ကိုတော့ ကိုသားညွန့်ဦးက ပြောပြပါမယ်။
မြန်မာနိုင်ငံအပေါ် အရေးယူမှုတွေ ဆိုင်းငံ့ထားလိုက်ပြီဆိုတာကို မနေ့က ကနေဒါ နိုင်ငံခြားရေးဝန်ကြီး John Baird ကိုယ်တိုင် ကနေဒါ ပါလီမန်မှာ ကြေညာ သွားတာပါ။ မြန်မာနိုင်ငံတွင်းက သိသာထင်ရှားတဲ့ အပြောင်းအလဲတွေ၊ အထူးသဖြင့် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အတော် များများ လွတ်မြောက်လာပြီး နိုင်ငံရေး လုပ်ငန်းစဉ်တွေမှာ ပါဝင် ပတ်သက်လာတာ၊ တိုင်းရင်းသား လက်နက်ကိုင်တွေနဲ့ ငြိမ်းချမ်းရေး ဆွေးနွေးမှုတွေ လုပ်လာတာတွေဟာ အရေးပါတဲ့ ဖြစ်ထွန်း မှုတွေ ဖြစ်တယ်လို့ နိုင်ငံခြားရေး ၀န်ကြီး John Baird က ပြောပါ တယ်။ မြန်မာနိုင်ငံ အနေနဲ့ နိုင်ငံရေး ပြုပြင် ပြောင်းလဲမှုတွေ အရှိန်မြှင့် လုပ်လာမယ်ဆိုရင် မြန်မာအပေါ် အရေးယူမှုတွေကို ပြန်လည် ရုပ်သိမ်းမှာ ဖြစ်တယ်လို့ ဆိုတဲ့ ကတိအတိုင်း အခုလို ဆောင်ရွက်တာလို့ Mr.Baird က ပြောပါတယ်။
“ကနေဒါအနေနဲ့ မြန်မာနိုင်ငံအပေါ် ကတိပြုထားတဲ့အတိုင်းပဲ မြန်မာနိုင်ငံအပေါ် အရေးယူ ဒဏ်ခတ်မှုတွေ ကို ယာယီဆိုင်းငံ့လိုက်ပြီဆိုတာကို ၀မ်းမြောက်စွာနဲ့ ပြောလိုပါတယ်။ ပို့ကုန်၊ သွင်းကုန်နဲ့ ရင်းနှီးမြှုပ်နှံမှု ဆိုင်ရာ တားမြစ်ချက်တွေအတော်များများကို ယာယီရုပ်သိမ်း လိုက်တာပါ။”
ဒါပေမယ့်လည်း အရေးယူမှုအချို့တော့ ဆက်ပြီးကျန်နေပါသေးတယ်။ အထူးသဖြင့် စစ်ရေးနဲ့ ပတ်သက် လာတဲ့ကိစ္စတွေမှာပါ။ အခု ပြောင်းလဲမှုတွေဟာ နုနယ်သေးတာမို့ စောင့်ကြည့်သွားရမှာဖြစ်ပြီး လိုအပ် လာမယ်ဆိုရင်တော့ ဒီအရေးယူမှုတွေ ဆက်လုပ်ဖို့လည်း အသင့်ရှိတယ်ဆိုတာကိုလည်း ကနေဒါ နိုင်ငံခြားရေးဝန်ကြီး John Baird က ပြောပါတယ်။
“အခြေအနေတွေအပေါ် သုံးသပ်ကြည့်ရရင်တော့ ပြောင်းလဲမှုတွေဟာ နုနယ်သေးတာမို့ အချိန်မရွေး ပျက်ယွင်းသွားနိုင်ပါတယ်။ ဒါကြောင့်မို့လို့လည်း လက်နက်ရောင်းဝယ်မှု တားမြစ်ချက်တွေ၊ စစ်ရေးနဲ့ ပတ်သက်လို့ နည်းပညာနဲ့ ငွေကြေးဆိုင်ရာအလွှဲအပြောင်းကိစ္စ အရေးယူထားတာတွေကိုတော့ ဆက် ထားပါတယ်။ ဖြစ်ထွန်းမှုတွေကို ကနေဒါနိုင်ငံအနေနဲ့ သတိကြီးကြီးထားပြီး စောင့်ကြည့်သွားပါ မယ်။ ပြုပြင်ပြောင်းလဲမှုတွေ နောက်လှည့်သွားရင် ပြုပြင်ပြောင်းလဲမှုတွေကို ပယ်ဖျက်လိုက်ပြီဆိုရင်တော့ အခု ဆိုင်းငံ့ထားတဲ့ အရေးယူမှုတွေကို ပြန်လည် ချမှတ်ကျင့်သုံးဖို့လည်း အဆင်သင့်ရှိပါတယ်။”
နိုင်ငံခြားရေးဝန်ကြီး John Baird ဟာ ပြီးခဲ့တဲ့လအတွင်းမြန်မာနိုင်ငံကို သွားရောက်ခဲ့ပြီး မြန်မာသမ္မတ ဦးသိန်းစိန်ကိုရော ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုပါ တွေ့ဆုံခဲ့ပါတယ်။ အခုလို အရေးယူမှုတွေ ဆိုင်းငံ့မယ်ဆိုတဲ့အပေါ် ဆွေးနွေးချက်ကို ဒေါ်အောင်ဆန်းစုကြည် ကိုယ်တိုင်က သဘောတူခဲ့တယ်လို့ ပြောပါတယ်။ တဘက်မှာတော့ မြန်မာအစိုးရအတွင်းမှာ အပျော့၊ အမာ အခြေအနေတွေ ရှိတယ်ဆိုတာကို သုံးသပ်မိပြီး အခု ခြေလှမ်းတွေဟာ ပြုပြင်ပြောင်းလဲလိုတဲ့ အုပ်စုကို အားပေးလိုတဲ့သဘော ဖြစ်တယ်လို့ ပြောသွားပါတယ်။
“အစိုးရအတွင်းထဲမှာ သမ္မတအပါအ၀င် ပြုပြင်ပြောင်းလဲလိုသူအချို့ရှိပါတယ်။ ပြုပြင်ပြောင်းလဲမှုကို ဆန့်ကျင်သူတွေလည်းရှိပါတယ်၊ နောက် အခြေအနေကို ထိုင်စောင့်ကြည့် နေသူတွေလည်း ရှိပါတယ်။ ကျနော်တို့အနေနဲ့ကတော့ ဒီ စောင့်ကြည့်နေသူတွေ ပြုပြင်ပြောင်းလဲရေး အုပ်စုဘက် ရောက်လာတာကို လိုလားပါ တယ်။ ဒါကြောင့်လည်း အခုလို ဆုံးဖြတ်တာပါ။ အခု ဒီ အရေးယူမှု ဆိုင်းငံ့ထားတာတွေ ကိုလည်း အချိန်မရွေး ပြန်ပြီးတော့ ချမှတ်ကျင့်သုံးလို့လည်း ရပါတယ်။ ဒီအတွက်လည်း နောက်တွန့်မှာ မဟုတ်ပါဘူး။”
အခုလို ကနေဒါနိုင်ငံရဲ့ အရေးယူမှုတွေ ဆိုင်းငံ့လိုက်တာကြောင့် ကနေဒါနိုင်ငံတွင်းက အစိုးရမဟုတ်တဲ့ အဖွဲ့အစည်းတွေ၊ ပုဂ္ဂလိကစီးပွားရေးလုပ်ငန်းတွေနဲ့ ကနေဒါနိုင်ငံသားတွေဟာ မြန်မာနိုင်ငံမှာ ရင်းနှီးမြှုပ်နှံ လုပ်ကိုင်နိုင်ကြတော့မှာပါ။ ဒီအတွက် မြန်မာနိုင်ငံသားတွေအတွက် အလုပ်အကိုင် အခွင့်အလမ်းကောင်းတွေ ပွင့်လာစေမယ်လို့ မျှော်လင့်ထားပါတယ်လို့ John Baird က ပြောပါတယ်။ ဒါပေမယ့် ကနေဒါအပါအ၀င် အနောက်နိုင်ငံတွေရဲ့ မြန်မာအပေါ် အရေးယူ ဒဏ်ခတ်မှုတွေဟာ မြန်မာနိုင်ငံတွင်း အပြောင်းအလဲတွေရှိလာစေဖို့ တွန်းအားဖြစ်စေတယ်၊ Sanctions တွေဟာ ထိရောက်မှုရှိခဲ့တယ်လို့ ကနေဒါနိုင်ငံခြားရေးဝန်ကြီးက ပြောပါတယ်။
“ပြောင်းလဲမှုတွေဖြစ်လာဖို့ အခုလို အရေးယူဒဏ်ခတ်တာတွေ ချမှတ်ခဲ့တာပါ။ ဒီလို အရေးယူ ဒဏ်ခတ်မှုတွေဟာ ထိရောက်အောင်မြင်တယ် ဆိုတာကို ဒီနေ့ ကမ္ဘာမှာ မြန်မာ အခြေအနေက သာဓက ပြပါတယ်။ မြန်မာအစိုးရက အခု သိသာထင်ရှားတဲ့ ပြောင်းလဲမှုတွေ လုပ်လာတဲ့ အတွက် ကျနော်တို့ဘက်ကလည်း တုံ့ပြန်မှုတွေ ရှိလာတာပါ။ ဒီလိုပဲ အခြား လစ်ဘရယ်ဒီမိုကရေစီ အစိုးရတွေ မဟာမိတ်နိုင်ငံတွေဖြစ်တဲ့ ဥရောပနိုင်ငံတွေ၊ အမေရိကန်ပြည်ထောင်စုနဲ့ သြစတြေးလျနိုင်ငံတွေကလည်း အလားတူ တုံ့ပြန်မယ် ယူဆ ပါတယ်။ တချိန်တည်းမှာလည်း အခြေအနေတွေကိုတော့ ကျနော်တို့က အနီးကပ်ကို စောင့်ကြည့်နေမှာပါ။”
အခုလို ကနေဒါနိုင်ငံရဲ့ ဆုံးဖြတ်ချက်ကိုတော့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် ကိုရော ဒေါ်အောင်ဆန်းစုကြည်ကိုပါ ဖုံးနဲ့ဆက်ပြီး အသိပေးမှာဖြစ်တယ်လို့လည်း သတင်းထောက်တွေကို ကနေဒါနိုင်ငံခြားရေး ၀န်ကြီးက ပြောသွားပါတယ်။
Ref: VOA News
Read More...
Collapse...
သင်းသီရိ
အင်္ဂါ, 24 ဧပြီ 2012
အမျိူးသားဒ်ီမိုကရေစီအဖွဲ့ချုပ်က ကျမ်းကျိန်စဉ်တွင်း ရွတ်ဆိုရတဲ့ စကားရပ်ပြင်ဆင်နိုင်ရေးကိစ္စကို ကြံ့ခိုင်ဖွံ့ဖြိုးရေး ပါတီရဲ့ လွှတ်တော် ကိုယ်စားလှယ် အများစုကတော့ မပြောင်းလဲရေး ဘက်ကိုသာ စိတ်ဝင်စား နေကြတယ်လို့ ကြံ့ခိုင် ဖွံ့ဖြိုးရေး ပါတီရဲ့ လွှတ်တော် ကိုယ်စားလှယ်တဦးက ပြောလိုက်ပါတယ်၊ ဒါ့အပြင် လာမယ့် ဧပြီလ ၂၆ ရက်နေ့မှာ ထပ်မံ ကျင်းပမယ့် ပြည်ထောင်စု လွှတ်တော်မှာ NLD ပါတီရဲ့ ကိစ္စ ကို လွှတ်တော် အမတ်တချို့ ဆွေးနွေးဖို့လည်း ရှိပါတယ်၊ ဒီကနေ့ ပြည်ထောင်စု လွှတ်တော်ထဲ ဘယ်လို အကြောင်းအရာတွေ ဆွေးနွေး ခဲ့ကြသလဲဆိုတာနဲ့ NLD ကိစ္စအပေါ် လွှတ်တော် ကိုယ်စားလှယ် တချို့ရဲ့ သဘောထား တွေကိုတော့ မသင်းသီရိက ဆက်ပြောပြပေးမှာပါ၊
လွှတ်တော်မတက်ခင် ကိုယ်စားလှယ်တွေ ကျမ်းကျိန်စဉ်တွင်း ရွတ်ဆိုရတဲ့ စကားရပ်ပြင်ဆင်နိုင်ရေး အတွက် ကြိူးစား နေတာမို့ မနေ့ကတည်းက ပြန်စနေပြီ ဖြစ်တဲ့ လွှတ်တော်တွေကို NLD ရွေးကောက်ခံ ကိုယ်စားလှယ်တွေ မတက်ကြသေး ပါဘူး၊ ဒီကနေ့ ဧပြီလ ၂၄ ရက်မှာ လွှတ်တော် နှစ်ရပ် ပေါင်းပြီး ပြည်ထောင်စု လွှတ်တော် ခေါ်ယူ ကျင်းပ ခဲ့ပါတယ်၊ လွှတ်တော်အမတ်တွေ စုံညီတွေ့ကြတဲ့ ကြံ့ခိုင်ဖွံဖြိုးရေးပါတီ အမတ်အများစုရဲ့ သဘောထားကတော့ ကျမ်းကျိန် စဉ်တွင်း ရွတ်ဆိုရတဲ့ စကားရပ် ပြောင်းလဲရေး စိတ်မ၀င်စားကြဘူးလို့ ကြံ့ခိုင်ဖွံဖြိုးရေး ပါတီရဲ့ အမျိုးသား လွှတ်တော် ကိုယ်စားလှယ် ဦးသန်းဆွေက ပြောပါတယ်။
- အားလုံးကတော့ စိတ်ဝင်စားပါတယ်။ စိတ်ဝင်စားတယ်ဆိုတာက ကျနော်တို့က မပြောင်းလဲဖို့ စိတ်ဝင်စားတာပါ။ ကျနော်တို့ သဘောထားကတော့ ကမ္ဘာ့လွှတ်တော်အသီးသီးက ကျန်းကျိန်တဲ့စာတွေ ရှိတယ်လေ၊ အဲဒီစာတွေမှာ အားလုံးက ခု ကျနော်တို့ရဲ့ စာတွေက အဲဒီ ကမ္ဘာ့လွှတ်တော်တွေက အတိုင်းပါပဲ။ ကျနော်တို့က အခြေခံဥပဒေကို ကာကွယ် စောင့်ရှောက် ရမယ်ပေါ့၊ ကမ္ဘာအရပ်ရပ်က လွှတ်တော်တွေက စာတွေအတိုင်း ဖြည့်ထားတာပဲ ဖြစ်ပါ တယ်။
ဖွဲ့စည်းပုံအခြေခံဥပဒေထဲက ဇယား (၄)ကို ပြင်ဆင်နိုင်ဖို့ ကိစ္စကို လာမယ့် ဧပြီလ ၂၆ ရက် ကြာသပတေးနေ့မှာ ထပ်မံ ကျင်းပမယ့် ပြည်ထောင်စု လွှတ်တော်အတွင်းမှာ ဆွေးနွေးဖို့ ရှိပါတယ်။
- အဲဒါနဲ့ ပတ်သက်ပြီးတော့လည်း ကြာသပတေးနေ့ကျရင် ဆွေးနွေးမယ့်လူတွေ ရှိပါတယ်။ ချင်းကိုယ်စားလှယ်တွေ နာမည်ပေးထားတယ်လို့ ကြားတယ်။
ကြံ့ခိုင်ဖွံဖြိုးရေးပါတီရဲ့အမျိုးသားလွှတ်တော် ကိုယ်စားလှယ် ဦးသန်းဆွေက ပြောပြခဲ့တာပါရှင်၊ ခုကိစ္စကို လွှတ်တော် အတွင်း ဆွေးနွေးညှိနှိုင်းလာဖို့အတွက် တိုင်းရင်းသားပါတီတချို့ကြားမှာလည်း စတင် ညှိနှိုင်း ဆောင်ရွက် တာတွေ လုပ်နေ ပြီလို့ အမျိူးသားလွှတ်တော် ကိုယ်စားလှယ် ဒေါက်တာအေးမောင် ကလည်း ပြောပါတယ်၊
- လွှတ်တော်မှာအတိုင်း မဟုတ်ရင်တောင်မှ မနေ့ညက ကျနော်တို့ တိုင်းရင်းသားပါတီတွေ စုံစုံညီညီ စုစည်းပြီး ဆွေးနွေးခဲ့ကြတာတွေ ရှိပါတယ်။ ဒီမှာလည်း ပြည်ခိုင်ဖြိုးပါတီက ပုဂ္ဂိုလ်တော်တော်များများ နဲ့လည်း ကျနော်တို့ တွေ့ဆုံကြတယ်။ တခြားတသီးပုဂ္ဂလအမတ်တွေနဲ့လည်း တွေ့ဆုံကြတယ်။ ဘယ်လို လုပ်ရင်ကောင်းမလဲ ဆိုတဲ့ ထွက်လမ်းလေးပေါ့နော်။ ချဉ်းကပ်ပုံ ချဉ်းကပ်နည်းက မှန်မှဖြစ်တော့မှာ မို့လို့ ကျနော်တို့ ပျော့ပျော့ပျောင်းပျောင်း ညင်ညင်သာသာ ဖြစ်ရအောင် လမ်းရှာနေပါတယ်။ တွေ့စပြုပြီလို့ မှတ်ပါတယ်။ ဖွဲ့စည်းပုံအခြေခံဥပေဒေကို ပြုပြင်ပေးရမယ့်ကိစ္စဟာ အင်မတန်မှ all inclusive ဖြစ်မှပဲ ပုဒ်မလေးကို စကားရပ်ကို အစားထိုးနိုင်မှပေါ့။ အဲဒါကြောင့် ညီညွတ်ဖို့ လိုပါတယ်။ ခုနလို Majority ဖြစ်တဲ့ ပါတီဝင်ထုက လွှတ်တော်အမတ်ထုက သဘောထား ကြီးစွာ အမြင်ကျယ်စွာနဲ့ လက်ကမ်းကြိုဆိုတာ မျိုးဖြစ်အောင် ကျနော်တို့ တွေ့ဆုံဆွေးနွေးနိုင်အောင် ကြိုးစားရမယ့် အပိုင်းလည်း ရှိပါတယ်။
အမျိူးသားလွှတ်တော် ကိုယ်စားလှယ် ဒေါက်တာအေးမောင် ပါ၊ NLD ပါတီက အခုတောင်းဆိုထားဟာ ဖွဲ့စည်းပုံအခြေခံ ဥပဒေကို ပြင်ဆင်ရမှာမို့ ဒါဟာ ပြည်ထောင်စုလွှတ်တော်အပေါ်မှာသာ မူတည်နေ ပါတယ်၊ ပြည်ထောင်စု လွှတ်တော် အမတ် ၂၀% က NLD ကိစ္စကို ဆွေးနွေးဖို့ အဆို တင်သွင်း ရင် ပြည်ထောင်စုလွှတ်တော်က လက်ခံရမှာ ဖြစ်ပြီး အဆုံးအဖြတ် ကတော့ ကိုယ်စားလှယ် ၇၅ ရာခိုင်နှုန်းထောက်ခံရမှာ ဖြစ်တယ်လို့ ပြည်သူလွှတ်တော် ဥပဒေရေးရာ ကော်မရှင်က ဥပဒေပညာရှင် ဦးသန်းမောင်က ရှင်းပြပါတယ်။
- အဓိကပြောရမယ်ဆိုရင်တော့ ဥပဒေပြုအာဏာက ပြည်ထောင်စုလွှတ်တော်မှာသာ ရှိပါတယ်။ ဥပဒေကို ပြဋ္ဌာန်း တာကလည်း ပြည်ထောင်စုလွှတ်တော်က ပြဋ္ဌာန်းတာပါ။ ဆုံးဖြတ်တာလည်း ပြည်ထောင်စုလွှတ်တော်ကပဲ ဆုံးဖြတ် တာပါ။ ဒီတော့ အခြေခံဥပဒေကို ၇၅% က ပြင်လိုက်တယ်ဆိုတာနဲ့တင် ဒီကိစ္စက မပြီးပါဘူး။ ခုနပြောတဲ့ ပြည်သူ့လွှတ်တော် ဥပဒေ၊ အမျိုးသားလွှတ်တော် ဥပဒေ၊ ပြည်ထောင်စုလွှတ်တော် ဥပဒေတွေမှာပါ သက်ဆိုင်ရာ တူညီတဲ့ ဥပဒေ ပုဒ်မ အလိုက် ပြင်ရပါမယ်။
ပြည်သူ့လွှတ်တော် ဥပဒေရေးရာ ကော်မရှင်က ဥပဒေပညာရှင် ဦးသန်းမောင် ရဲ့ သုံးသပ်ချက်ပါ၊
ဒီကနေ့ ကျင်းပခဲ့တဲ့ ပြည်ထောင်စု လွှတ်တော် အစည်းဝေးမှာတော့ သမ္မတရဲ့ သ၀ဏ်လွှာနဲ့ အတူ ပြည်ထောင်စု လွှတ်တော် အစည်းအဝေးရဲ့ နှစ်ပတ်လည် အစီရင်ခံစာနဲ့ ၃လပတ် အစီရင်ခံစာ များ ပေးပို့ခြင်း ကိစ္စ၊ နိုင်ငံခြားငွေ လဲလှယ်နှုန်း စနစ် ပြောင်းလဲရေး ပြည်ထောင်စု အဆင့်အဖွဲ့အစည်းများ လစဉ် ချီးမြှင့်ငွေ လျှော့ပေါ့ ခံစားနေခြင်း ကိစ္စ နဲ့ အတူ အငြိမ်းစား ၀န်ထမ်းများ ပင်စင် တိုးမြှင့်ခြင်း ကိစ္စတွေလည်း ပါဝင်သလို အမျိုးသား လူ့အခွင့်အရေး ကော်မရှင် ဖွဲ့စည်းဖို့ ကိစ္စတွေကို အစီရင်ခံစာ ဖတ်တာတွေ မှတ်တမ်းတင်တာတွေ လုပ်ခဲ့ပါတယ်၊
ဒါ့အပြင် လွှတ်တော်နှစ်ရပ်မှာ ဖွဲ့စည်းထားတဲ့ ကော်မတီတွေနဲ့ ကော်မရှင် တွေဟာ ပြည်ထောင်စုအဆင့် မရှိဘူးဆိုပြီး ဖွဲ့စည်းပုံ အခြေခံ ခုံရုံးက ဆုံးဖြတ်ချက် ချထားတာကို ဥပဒေကြမ်း ပူးပေါင်း ကော်မတီ က ပြန်လည် လေ့လာ ဆန်းစစ် ထားတဲ့ အစီရင်ခံစာတွေကိုလည်း ဒီကနေ့ ကျင်းပခဲ့တဲ့ ပြည်ထောင်စု လွှတ်တော် အတွင်းမှာ ဆွေးနွေး ဖတ်ကြားခဲ့ကြ ပါတယ်။
Ref: VOA News
Read More...
Collapse...
2012-04-24
မြန်မာနိုင်ငံ အမျိုးသား လူ့အခွင့်အရေး ကော်မရှင်ကို ပြည်ထောင်စု အဆင့်ကနေ ပယ်ဖျက်ပြီး သမ္မတရုံး ဘတ်ဂျက်နဲ့ လုပ်ငန်း ဆောင်ရွက်စေမှာ ဖြစ်ကြောင်း ဒီကနေ့ ကျင်းပတဲ့ ပြည်ထောင်စု လွှတ်တော် ပထမ အကြိမ်၊ တတိယ ပုံမှန် အစည်းအဝေးကနေ ဆုံးဖြတ် လိုက်ပါတယ်။
ဒီကနေ့ ပြည်ထောင်စုလွှတ်တော် စည်းဝေးပွဲကို နိုင်ငံတော် သမ္မတက အဆိုပြုချက် ၃ စောင် တင်သွင်းခဲ့တဲ့ အထဲမှာ အမျိုးသား လူ့အခွင့်အရေး ကော်မရှင်နဲ့ ပတ်သက်ပြီး အတည်ပြုတာ ဖြစ်ကြောင်း အမျိုးသား လွှတ်တော် ကိုယ်စားလှယ် ဦးဖုန်းမြင့်အောင်က ပြောပါတယ်။
ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်တွေရဲ့ လစာငွေလျော့ချခြင်း၊ အငြိမ်းစား ၀န်ထမ်းတွေရဲ့ ပင်စင်လစာ တိုးမြှင့်ပေးခြင်း စတဲ့ ကိစ္စရပ်တွေကိုလည်း နိုင်ငံတော် သမ္မတရဲ့ လုပ်ပိုင်ခွင့်အရ အတည်ပြု လိုက်ကြောင်း သိရပါတယ်။
နိုင်ငံတော်ရဲ့ဘတ်ဂျက်နဲ့ စီမံခန့်ခွဲတဲ့ ကိစ္စရပ်တွေကို ပြည်ထောင်စုလွှတ်တော်ကို တင်ပြပြီး အတည်ပြုချက် ရယူရမှာ ဖြစ်ပေမဲ့ အဆိုပါ ကိစ္စရပ်တွေမှာတော့ သမ္မတရဲ့ လုပ်ပိုင်ခွင့်အရ ဆုံးဖြတ်တာ ဖြစ်ကြောင်း သိရပါတယ်။
Ref: RFA News
Read More...
Collapse...
မင်းဝဏ်
ဧပြီလ ၂၄ ရက် ၂၀၁၂
ဧပြီလ ၁ ရက်ကကျင်းပပြီးစီးခဲ့တဲ့ ကြားဖြတ်ရွေးကောက်ပွဲ မဲဆန္ဒနယ် ၄၅ နေရာမှာ လွှတ်တော် ကိုယ်စားလှယ် ၄၃ နေရာ အနိုင်ရရှိခဲ့တဲ့ NLD အမျိုးသား ဒီမိုကရေစီ အဖွဲ့ချုပ်က ဧပြီလ ၂၃ ရက်မှာ ပြန်လည် ကျင်းပခဲ့တဲ့ ပထမအကြိမ် လွှတ်တော် တတိယ ပုံမှန် အစည်းအဝေးရဲ့ လက်ကျန် အစီအစဉ် တွေကို ပါဝင်တက် ရောက်ခြင်း မရှိသေးတဲ့ သတင်းက ဒီရက်ပိုင်းမှာ အတော်လေးဟိုး လေးတကြော်ကြော် ဖြစ်နေပါတယ်။ နအဖလက်ထက်က ပြဋ္ဌာန်းခဲ့တဲ့ နိုင်ငံရေးပါတီများ တည်ထောင်ခွင့်နှင့် မှတ်ပုံတင်ခြင်းဥပဒေ၊ ရွေးကောက်ပွဲ ဥပဒေတွေထဲက ပြဋ္ဌာန်းချက်တချို့ကို သမတ ဦးသိန်းစိန်တို့အစိုးရက ပြင်ဆင်ပေး ပြီးတဲ့နောက်မှာ NLD က နိုင်ငံရေးပါတီအဖြစ်မှတ်ပုံတင်ပြီး ကြားဖြတ်ရွေးကောက်ပွဲကို ဝင်ရောက်ခဲ့ခြင်း ဖြစ်ပါတယ်။
ဒီမှာ တခုရှင်းပြဖို့လိုတာက လွှတ်တော်အမတ်ဖြစ်လာပြီး လွှတ်တော်ထဲ ရောက်ပီဆို အမတ်တိုင်းက ကျမ်းကျိန် ဆိုရပါတယ်။ ဒါနဲ့ပတ်သက်လို့ ဒေါ်အောင်ဆန်းစုကြည်တို့က အဲဒီကျမ်းကျိန်ဆိုရာမှာ အရင်က အခြေခံ ဥပေဒကို ကာကွယ် စောင့်ရှောက်ပါမည် ဆိုတဲ့ စကားရပ်အစား လေးစား လိုက်နာပါမည် ဆိုတဲ့ စကားရပ်နဲ့ အစားထိုး ပြောင်းလဲပေးဖို့ သမတဦးသိန်းစိန်နဲ့ ဆွေးနွေးပြီး နှစ်ဦးနှစ်ဖက် သဘော တူညီချက် ရပြီးတဲ့နောက် မှာ လွှတ်တော် ၂ ရပ်စလုံးမှာလည်း ဒီကိစ္စကို ဆွေးနွေးခဲ့ပြီး ဒီစကားရပ်ကို အတည်ပြုခဲ့ပြီး ဖြစ်ပါတယ်။ လွှတ်တော် ၂ရပ်စလုံးက တပ်မတော်သား ကိုယ်စားလှယ်တွေကော၊ အရပ်သား ကိုယ်စားလှယ်တွေပါ ရာနှုန်း ပြည့် သဘောတူ လက်ခံခဲ့ကြလို့ နိုင်ငံရေး ပါတီများ တည်ထောင်ခွင့်နဲ့ မှတ်ပုံတင်ခြင်း ဥပဒေ၊ ရွေးကောက်ပွဲ ဥပဒေတွေထဲမှာ ဒီစကားရပ်ကို ပြင်ဆင်ခဲ့တာ ဖြစ်ပါတယ်။ ဒါကြောင့်လည်း ဒေါ်အောင်ဆန်းစုကြည်တို့က ပြီးခဲ့တဲ့ ကြားဖြတ်ရွေးကောက်ပွဲမှာ ၀င်ရောက် အရွေး ခံခဲ့ကြတာ ဖြစ်ပါတယ်။
ဒီလိုနှစ်ဖက်သဘောတူညီချက်တွေနဲ့အတူ လွှတ်တော်တွင်း ဥပဒေ လုပ်ထုံးလုပ်နည်း ဖြစ်စဉ်တွေကို ဖြတ်သန်း ရယူပြီး ချောမွေ့နေကာမှ အခုတခါ ပြန်ပြီး အတားအဆီးတွေ ပြန်ပေါ် လာနေတာကတော့ သွေးရိုး သားရိုး မဟုတ်ပါဘူး။ အတော် အံ့အားသင့်စရာ ကောင်းပါတယ်။ တကယ်တော့ ဥပဒေ အရ၊ ပြင်ဆင်ပြီး စကားရပ်တခုဟာ နေရာတိုင်းမှာ သက်ဝင်ရမှာ ဖြစ်ပါတယ်။ အခုတော့ အခြေခံ ဥပဒေထဲက ကျမ်းကျိန်လွှာ ထဲမှာ ဒီလေးစား လိုက်နာပါမည် ဆိုတာကို ပြင်မထားဘဲ နဂိုမူလက အတိုင်း ထိန်းသိမ်းကာကွယ်စောင့် ရှောက်ပါမည် ဆိုပြီး ပြင်ဆင်ခြင်း မရှိဘဲ ထည့်သွင်းထားတာကို တွေ့နေရလို့ ဒေါ်အောင်ဆန်းစုကြည်နဲ့ အဖွဲ့ချုပ် လွှတ်တော် ကိုယ်စားလှယ်လောင်းတွေက ဒါကို ဥပဒေကြောင်းအရ ထောက်ပြ တောင်းဆိုနေရတာ ဖြစ် ပါတယ်။
ဒါတွေကလည်း သူ့အလိုလို အဆင်သင့် အလွယ်တကူ ဖြစ်လာရတာမဟုတ်ပါဘူး။ တိုင်းပြည်နဲ့ ပြည်သူလူထု ကောင်းကျိုးအတွက် ရှေးရှုပြီး ကြိုးပမ်းခဲ့တဲ့ ဒေါ်အောင်ဆန်းစုကြည်အနေနဲ့ အရင် နအဖ ခေတ်ကနေ အခု သမတ ဦးသိန်းစိန်တို့ လက်ထက်ထိ လုပ်ခဲ့ရတဲ့ ညှိနှိုင်း ဆွေးနွေးပွဲ တွေကနေ ထွက်ပေါ်လာတဲ့ ရလဒ်ကောင်း တွေ ဖြစ်တယ်လို့ ပြောရင် မမှားပါဘူး။ တနည်းပြောရရင် ဒါဟာ အမျိုးသား ပြန်လည် သင့်မြတ်ရေးနဲ့ ယုံ ကြည်မှု တည်ဆောက်ရေးရဲ့ ပထမဆုံး ပွဲဦးထွက် ခြေလှမ်းကောင်း ဖြစ်ပါတယ်။ တပ်မတော်နဲ့ ပြည်သူတို့ ပြန်လည် ကြည်ဖြူကြမယ့် အခြေအနေ အခင်းအကျင်းတရပ်လည်း ဖြစ်ပါတယ်။
ကတိက၀တ်တွေအရ ပြင်ဆင်ပေးပြီးသား ဥပဒေတရပ်၊ စကားရပ်တခု၊ ထိန်းသိမ်း ကာကွယ် စောင့်ရှောက် up hold ဆိုတဲ့ စာသားအစား နှစ်ဦးနှစ်ဖက် ဆွေးနွေးပွဲကနေ သဘောတူထားပြီးသား ဖြစ်တဲ့ လေးစား လိုက်နာ respect နဲ့ အစားထိုး ပြင်ဆင်ပေးဖို့၊ ဆိုတာ အမျိုးသားပြန်လည် သင့်မြတ်ရေးအတွက် သော်လည်းကောင်း၊ ယုံကြည်မှု တည်ဆောက်ရေး အတွက်သော်လည်းကောင်း အင်မတန်မှ အရေးကြီးတဲ့ ပထမဆုံး ခြေလှမ်းလည်း ဖြစ်လို့ ပြည်ခိုင်ဖြိုး ပါတီနဲ့ တပ်မတော်အနေနဲ့ အထူး အလေးထား သင့်ပါတယ်။
ဒီအချိန်မှာပဲ သမ္မတဦးသိန်းစိန်က ၂၀၀၈ ဖွဲ့စည်းပုံထဲက လွှတ်တော်ကိုယ်စားလှယ် ကျမ်းကျိန် စာသားကို ပြင်မပေးနိုင်ဘူး ဆိုတဲ့ စကားမျိုး သူလုံးဝ မပြောခဲ့ရဘူးလို့ ငြင်းဆိုလိုက်ပြီး ဒါဟာသူတို့ အစိုးရနဲ့ NLD အမျိုးသား ဒီမိုကရေစီ အဖွဲ့ချုပ်အကြားက ယုံကြည်မှုကို ပျက်စီးစေတဲ့ အကြောင်းအရာ ဖြစ်တယ်လို့လည်း မီဒီယာ ကနေ ပြောခဲ့ပါတယ်။
လွှတ်တော်နိုင်ငံရေးထဲပါဝင်ဖို့ ရွေးကောက်ပွဲဝင်ရတာဟာ တရားဥပဒေစိုးမိုးရေး၊ ပြည်တွင်း ငြိမ်းချမ်းရေး နဲ့ ဖွဲ့စည်းပုံ ပြင်ဆင်ရေး ရည်ရွယ်ချက်ကြီး ၃ ခု နဲ့ ဝင်ရောက်တာဖြစ်တယ်လို့ ကြွေးကြော်ထားတဲ့ NLD အတွက် ညှိနှိုင်း သဘောတူညီချက် ရထားပြီးသား၊ ကတိပေးပြီးသား ၊ ပြင်ဆင်ပေးပြီးသား စကားရပ် တခုအတွက် အခုလို ကသိကအောက် ဖြစ်စရာ ကြုံလာခဲ့ရတာကတော့ စိတ်အနှောက်အယှက် ဖြစ်စရာပါပဲ။ NLD အတွက် သာ မကပါဘူး။ တတိုင်းတပြည်လုံး ငြိမ်းချမ်းရေးနဲ့ အမျိုးသား ပြန်လည် ရင်ကြားစေ့ရေး ဖြစ်စေချင်တဲ့ ပြည်သူ တွေ၊ တပ်မတော်သားတွေ အတွက်ပါ။ စိတ် ကသိကအောက် ဖြစ်စေပါတယ်။
ဒီလိုလုပ်ရပ်ကို ဘယ်သူကများ ကြိုးကိုင်လုပ်ဆောင်နေတာပါလဲ။ သမတ ဦးသိန်းစိန် ကလည်း သဘောတူ ပြီးပြီ၊ အမျိုးသား လွှတ်တော်၊ ပြည်သူ့ လွှတ်တော်ကလည်း သဘော တူထားတာကို ဘယ်သူကများ ၀င်ဖျက် နိုင်ပါသလဲ။ သေချာတာကတော့ တခုပဲ ရှိပါတယ်။ တပ်မတော် ထိပ်တန်း အသိုင်းအ၀ိုင်းက ထွက်လာနေတဲ့ တီးတိုး စကားတွေအရဆို ဗိုလ်ချုပ်မှူးကြီး သန်းရွှေအနေနဲ့ အခုထိ အရေးကြီးတဲ့ ဆုံးဖြတ်ချက်တွေဆို သူကိုယ်တိုင် ပါဝင် ဆုံးဖြတ်နေပြီး သူ သဘောမတူတာကို ကျန်တဲ့သူတွေက အရင် အတိုင်းပဲ ဘာမှ လုပ်လို့ မရဘူး ဆိုတာပါပဲ။
ဒီလိုအခြေအနေမှာ NLD က အပြောနဲ့အလုပ်အတိုင်း ဖွဲ့စည်းပုံထဲက ဥပဒေပုဒ်မတွေ တခုပြီးတခု ပြင်လာလို့ အခု ကတည်းကသာ စလျှော့ပေးလိုက်ရင် နောက်ပိုင်းမှာ ပြင်ပေးရမယ့် ဥပဒေပုဒ်မတွေ များလာတဲ့ အခါ ကိုယ်ကျိုးရှာ ဗိုလ်ချုပ်တစုဟာ သူတို့ရဲ့ ၂၀၀၈ ခံကတုတ်ကြီး ကျဆုံးရတော့မယ်လို့ စိတ်ပူပန်သောက ရောက်နေပုံ ရပါတယ်။ ဒါ့ကြောင့် ပြည်ခိုင်းဖြိုး ပါတီနဲ့ တပ်မတော်ထဲက ကိုယ်ကျိုး လောဘကြီးတဲ့ ဗိုလ်ချုပ်တွေ တချို့က ဗိုလ်ချုပ်မှူးကြီး သန်းရွှေ အစီအမံအတိုင်း လွှတ်တော်၂ရပ်က အတည်ပြုပြီးသား ကိစ္စ တခုကို ကဖျက်ကယက် လုပ်နေကြတာပဲ ဖြစ်ပါတယ်။
ဒါကြောင့် ဒီပြင်ပေးဖို့ကိစ္စဟာ အထူးအခွင့်အရေးရရှိထားသူတွေအတွက် ရာဇသံလို ဖြစ်နေတော့ စစ်အုပ်စု ခေါင်းမာ ဂိုဏ်းသားတွေ အရမ်း စိုးရိမ်နေကြပါတယ်။ နေပြည်တော် ၄ မြို့ နယ်မှာ NLD ကို ပြည်သူလူထု အပြတ်အသတ် ထောက်ခံခဲ့တဲ့ အခြေအနေ အပါအဝင် ၄၅ နေရာပြိုင် ၄၃ နေရာနိုင်ခဲ့တဲ့ NLD ကို လျှော့ မတွက်ရဲတဲ့ အခြေအနေလည်း ဆိုက်နေပါတယ်။
တိုက်တိုက်ဆိုင်ဆိုင် ဒီတစ်ခေါက်လွှတ်တော်တက်ဖို့ ဗိုလ်မှူးအမတ်တွေအစား ဒုဗိုလ်မှူးကြီး အဆင့်ကနေ ဗိုလ်မှူးချုပ် အဆင့်ထိ စစ်ဗိုလ်အမတ် ၅၉ ဦးကို ကာကွယ်ရေး ဦးစီးချုပ် ဒုဗိုလ်ချုပ်မှူးကြီး မင်းအောင်လှိုင်က လဲလှယ် အစားထိုး လိုက်တာကလည်း ဒီ ကျမ်းကျိန်လွှာ စကားရပ် ပြင်ဆင်ချက်ကို နဂို စစ်ဗိုလ် အမတ်တွေက သဘော တူထားတာဖြစ်လို့ အခုတခါ ကဖျက်ကယက် လုပ်တာမှာ မအောင်မြင်စေဖို့ ညွှန်ကြားချက် အသစ်နဲ့ တပ်မတော်သား ကိုယ်စားလှယ်သစ်တွေများ ရွေးချယ် လွှတ်တာများလား ဆိုပီး သံသယ ဖြစ်စရာ ကောင်းလှ ပါတယ်။
ဒါကြောင့် စစ်မှန်တဲ့အမျိုးသား ပြန်လည်သင့်မြတ်ရေးနဲ့ ပြည်တွင်း ငြိမ်းချမ်းရေး၊ တိုင်းပြည် ကမ္ဘာနဲ့အညီ ရင်ဘောင် တန်းနိုင်ရေးတို့အတွက် တပ်မတော်အနေနဲ့ ပြီးခဲ့တဲ့ ကြားဖြတ်ရွေးကောက်ပွဲတုန်းကလိုပဲ အသဲ ကြား က မဲတပြားနဲ့ လွှတ်တော်တွင်း လွှတ်တော်ပ အားပြိုင်ပွဲတွေမှာ တိုင်းပြည် အန္တရာယ် ဖြစ်စေတဲ့ အဖျက် အမှောင့်တွေ အားလုံးကို မားမားမတ်မတ် ဆက်လက်ရင်ဆိုင် တွန်းလှန် ကြပါစို့လို့။
Read More...
Collapse...
နန္ဒချမ်း
တနင်္လာ, 23 ဧပြီ 2012
အပစ်အခတ် ရပ်စဲရေး ဆွေးနွေးမှုတွေ မပြေလည်နိုင်သေးတဲ့ KIA ကချင် လွတ်မြောက်ရေး တပ်မတော် နဲ့ မြန်မာ အစိုးရတပ်တွေ အကြားမှာ အခုရက်ပိုင်း တွေအတွင်း တိုက်ပွဲတွေဟာ ပိုပြီး ပြင်းထန် လာနေပြီး တိုးချဲ့ တပ်အင်အား အကူနဲ့ KIA ဌာနချုပ်အနီးကို ထိုးစစ် ဆင်နွှဲနေတယ်လို့ KIO ပြောရေးဆိုခွင့်ရှိသူ က ပြောလိုက် ပါတယ်။ ဒါ့အပြင် ကချင်ပြည်နယ် နေရာတော်တော်များများ တိုက်ပွဲတွေ ဖြစ်ပွားနေတဲ့ အတွက်လည်း ထွက်ပြေးကြတဲ့ ဒုက္ခသည် အရေအတွက် ပိုများ လာလို့ ဒီဒုက္ခသည်တွေ စားဝတ်နေရေး အခက်အခဲ ဖြစ်နေ ရတယ်လို့လည်း ဒုက္ခသည်အရေး ကူညီဆောင် ရွက်ပေးနေသူ တွေက ပြောကြပါတယ်။
KIA ဌာနချုပ်ရှိရာ လိုင်ဇာ တ၀ိုက်မှာ တနင်္ဂနွေနေ့ တရက်တည်းမှာတင် တိုက်ပွဲပေါင်း ခြောက် ကြိမ်လောက် ဖြစ်ပွားခဲ့တာပါ။ KIA ဗဟို ဌာနချုပ်ဟောင်း ရှိရာ ပါဂျောင်ဒေသနဲ့ လိုင်ဇာဒေသ ကြားက နားပေါ့လို့ ခေါ်တဲ့ အစိုးရ တပ်စခန်းမှာ လေကြောင်းအကူအညီနဲ့ တပ်အင်အား ဖြည့်တင်းတာတွေ မြန်မာတပ်တွေဘက်က လုပ်ခဲ့ပြီး KIA ဌာနချုပ်ကို ပစ်မှတ်ထား ထိုးစစ်ဆင်ဖို့ ဖြစ်နိုင်တယ်လို့ KIO ပြောခွင့်ရပုဂ္ဂိုလ် ဦးလာနန် က အခုလို ပြောပါတယ်။
“အဖြစ်များတာကတော့ ကျနော်တို့ရဲ့ ဗဟိုဌာနချုပ် နဲ့ နီးတဲ့ ဒေသတ၀ိုက်ပေါ့နော် အဲ့ဒီမှာ အဖြစ်များ တယ်ခင်ဗျ။ သူတို့ရဲ့ ရည်မှန်းချက်က တဖြည်းဖြည်းနဲ့ ကျနော်တို့ရဲ့ ဗဟိုဌာနချုပ်နဲ့ နီးသထက်နီးအောင် စစ်ဆင်ရေး လုပ်တာမျိုး၊ ကျနော်တို့ရဲ့ အရေးကြီးတဲ့ ထန်းကုန်းတွေကို ထိုးစစ်လုပ် သိမ်းပိုက်တာမျိုး ပုံမှန် လုပ်နေကြတယ်ခင်ဗျ။ နောက်ပြီးတော့ လေကြောင်းအကူနဲ့ သူတို့ တပ်အင်အား ချပေးတာမျိုး လက်နက် ခဲယမ်းမီးကျောက် တွေကို လေကြောင်းအကူနဲ့ ပို့ပေးတာမျိုး လုပ်နေကြတယ်ခင်ဗျ။ သိသာထင်ရှားတာက ဘာလဲဆိုတော့ သူတို့ရဲ့ အခု တိုက်ပွဲတွေဟာ ကျနော်တို့ရဲ့ ဗဟိုဌာနချုပ် ကို အဓိက ဦးတည်နေတယ် ဆိုပြီးတော့ ခန့်မှန်းပြောဆိုလို့ရတယ်ခင်ဗျ။ တိုက်ပွဲတွေမှာလည်း သူတို့က လက်နက်ကြီးတွေကို ပိုပြီးတော့ အသုံးပြုတာ များလာတယ်။ အရင်ကထက် လက်နက်ကြီးတွေကို သူတို့ အင်နဲ့အားနဲ့ဖြည့်ပြီးတော့ ပစ်ခတ်တာမျိုး၊ KIO တပ်စခန်းတွေရှိမယ်လို့ ခန့်မှန်းမိတဲ့ နေရာတိုင်းကို သူတို့ လက်နက်ကြီးနဲ့ ပစ်ခတ်တာမျိုး ဒီလိုမျိုး ဆက်တိုက် လုပ်လာတယ်။ ဒါတွေက ထူးခြားချက်လို့ ပြောလို့ရမယ်ခင်ဗျ။”
ဒါပေမဲ့လည်း မြန်မာအာဏာပိုင်တွေဘက်ကတော့ လက်ရှိ တိုက်ပွဲတွေနဲ့ပတ်သက်ပြီး တစုံတရာ ပြောဆိုတာ မရှိခဲ့ပါဘူး။ KIA နဲ့ မြန်မာအစိုးရတပ် တွေအကြား တိုက်ပွဲတွေဟာ ကချင် ဒေသအနှံ့မှာ ဖြစ်ပွား နေတာ ကြောင့် ထွက်ပြေးကြရတဲ့ ဒုက္ခသည်အရေအတွက်ဟာလည်း အခုဆိုရင် ရှစ်သောင်း လောက် ရှိသွားပြီလို့ ကချင်ဒုက္ခသည်အရေး ကူညီ ဆောင်ရွက်ပေးနေသူတွေက ပြောကြပါတယ်။ ဒါ့အပြင် ဒီတိုက်ပွဲအတွင်း လူ့အခွင့်အရေး ချိုးဖောက်မှုတွေလည်း ဆိုးဆိုးရွားရွား ဖြစ်ပေါ်နေပြီး - ဒေသခံတွေအနေနဲ့ ထွက်ပြေးရင်း သေဆုံး ထိခိုက်ဒဏ်ရာရသူတွေ ရှိနေတယ်လို့ NDF အမျိုးသားဒီမိုကရေစီအင်အားစု၊ ဖားကန့်မြို့နယ် ရွေးကောက်ပွဲဝင်ကိုယ်စားလှယ် လောင်း ဒေါ်ဘောက်ဂျာ က ပြောပါတယ်။
“ဧပြီလ ကြားဖြတ်ရွေးကောက်ပွဲကျင်းပပြီးနောက်ပိုင်းလောက်ကတည်းက အခြေအနေတွေက ဆိုးလာတယ်။ အများဆုံး တိုက်ပွဲဖြစ်တာက ဗန်းမော် ဘက်မှာပါ။ စစ်ပြေးဒုက္ခသည်တွေကလည်း ကချင်ပြည်နယ် တခုလုံး ဆိုရင် ရှစ်သောင်း လောက်ရှိတော့မယ်။ ဒုက္ခသည်တွေက အခု ဗန်းမော် ဘက်ရယ်၊ လိုင်ဇာဘက်ရယ်၊ ကန်ပိုင်တီတို့ ဘက်မှာ ပိုများလာပါတယ်။ ဒီလို တိုက်ပွဲဖြစ်တဲ့ကြားမှာ တချို့တွေက သေနတ်မှန် တာတွေ ရှိတယ်။ တချို့ကျတော့ ဗုံးစတွေထိလို့ သေတာတွေရှိတယ်။”
ဒါ့အပြင် ကချင်ပြည်နယ် မြစ်ကြီးနားမြို့ရဲ့ အဓိက စားသုံးကုန်နဲ့ လူသုံးကုန်ပစ္စည်း ပို့ဆောင်ရာ တရုတ် နယ်စပ် ကန်ပိုင်တီ ကုန်သွယ်ရေး လမ်းကြောင်း ကိုလည်း KIA ဘက်ကနေ မနက်ဖြန် အင်္ဂါနေ့ကစပြီး ပိတ်ပစ်တော့မယ်ဆိုတဲ့ အတည်မပြုနိုင်သေးတဲ့ သတင်းတွေလည်း ထွက်ပေါ်နေတာပါ။ ဒီသတင်းကြောင့် တချို့ ခရီးသည်တွေ အနေနဲ့ ဒီကနေ့ တနင်္လာနေ့ကစပြီး မသွားကြတော့ဘူးလို့ ဒေသခံတချို့က ပြောပါတယ်။ ဒီသတင်းနဲ့ပတ်သက်ပြီး KIO ပြောခွင့်ရပုဂ္ဂိုလ် ဦးလာနန်ကို မေးကြည့်တဲ့အခါမှာတော့ KIA အနေနဲ့ အရပ်သားတွေ အသုံးပြုတဲ့လမ်းတွေကို ပိတ်ပင်တာမျိုး မရှိကြောင်း ငြင်းဆိုခဲ့ပြီး ဒီဒေသတွေမှာ တိုက်ပွဲတွေ ဖြစ်နေတဲ့အတွက် အရပ်သားတွေအနေနဲ့ သတိထားကြဖို့ကိုလည်း ပြောဆိုထားတာရှိတယ်လို့ ဗွီအိုအေကို ပြောပါတယ်။
KIA နဲ့ မြန်မာအစိုးရတပ်တွေအကြား တိုက်ပွဲတွေ ပြန်စခဲ့တာ ၂၀၁၁ ဇွန်လကုန်လောက်ကတည်းကပါ။ အဲ့ဒီလို တိုက်ပွဲတွေ ပြန်ဖြစ်ခဲ့ပြီးနောက်ပိုင်း KIA ခေါင်းဆောင်တွေနဲ့ မြန်မာအစိုးရ ငြိမ်းချမ်းရေး ကိုယ်စားလှယ်တွေ ဟာ ပြည်နယ် အဆင့်အနေနဲ့ နှစ်ခါ၊ ပြည်ထောင်စုအဆင့်အနေနဲ့ သုံးခါ တွေ့ဆုံခဲ့ ကြပြီးဖြစ်ပေမဲ့ အခုထိတော့ ပြေလည်မှု မရရှိကြသေးပါဘူး။ ဒါ့အပြင် မြန်မာစစ်တပ်တွေဘက်က အခုလို တပ်အင်အားတိုးချဲ့ပြီး တိုက်ပွဲတွေ ပိုမို ပြင်းထန်လာတဲ့အတွက် ငြိမ်းချမ်းရေးဆွေးနွေးပွဲ အောင်မြင်နိုင်မယ့် အလားအလားအပေါ် KIO ပြောရေးဆိုခွင့်ရှိသူ ဦးလာနန် ကတော့
“တိုက်ပွဲတွေ ဘယ်လောက်ပဲဖြစ်ဖြစ် ဒေသငြိမ်းချမ်းရေး ရဖို့အတွက်ကတော့ တွေ့ဆုံဆွေးနွေးမှု တွေကတော့ လုပ်ရမှာပဲခင်ဗျ။ အဲ့ကိစ္စကိုတော့ ကျနော်တို့ဘက်က မျှော်လင့်ပါတယ်။ မျှော်လင့်တယ်ဆိုတဲ့နေရာမှာလည်း တောင်းဆို ထားတဲ့အချက်တွေရှိပါတယ်။ အခု ကချင်ဒေသမှာ ထိုးစစ်ဆင်နေတဲ့ တပ်တွေ ပြန်ရုတ်သိမ်း ဖို့ရယ်၊ ပြဿနာတွေဖြစ်ပွားနိုင်တဲ့ ဒေသမှာရှိတဲ့ တပ်တွေ အနေအထားကို နှစ်ဦးနှစ်ဘက် အကြေအလည် ဆွေးနွေးပြီးမှပဲ ဖြေရှင်းပေးဖို့၊ အဲ့ဒီအချက်တွေကို ပထမအဆင့်အနေနဲ့ လုပ်ရမယ်။ အဲ့ဒီအချက်တွေ လုပ်ပြီးတဲ့ အခါမှ သဘောတူညီချက် လက်မှတ်ရေးထိုးကြမယ်။ လက်မှတ်ရေးထိုးတဲ့အခါမှာလည်း အခိုင်အမာ ဖြစ်စေဖို့အတွက် နိုင်ငံတကာရဲ့ စောင့်ကြပ်မှုအောက်မှာ လက်မှတ်ရေးထိုးကြမယ်ဆိုတဲ့ အဓိက အချက် နှစ် ချက်ပါပဲခင်ဗျ။ အဲ့ဒီအချက်နဲ့ပတ်သက်ပြီးတော့ အစိုးရကိုယ်စားလှယ်အဖွဲ့တွေက အခုထက်ထိ တုန့်ပြန်မှုတော့ မရှိသေးဘူးခင်ဗျ။ သူတို့သာ ကျနော်တို့ တောင်းဆိုချက်တွေကို လိုက်လျောပေးမယ်ဆိုလို့ ရှိရင် ငြိမ်းချမ်းရေးဆွေးနွေးမှုဟာ အရှိန်အဟုန် နဲ့ အကောင်းဘက်ကို ပြောင်းလဲသွားမှာပါ။ ဒါပေမဲ့ အစိုးရ ကိုယ်စားလှယ်တွေ ဘက်ကတော့ အပစ်အခတ်ရပ်စဲရေး လက်မှတ်ထိုးဖို့ကိုပဲ ပြောဆိုနေကြတော့ အဲ့ဒီမှာ ဘယ်လိုမှ ညှိလို့မရတဲ့ အကြောင်းအရာတွေ ပေါ်လာတယ်ခင်ဗျ။ ဒါကြောင့်မို့ တွေ့ဆုံဆွေးနွေးမှုတွေကတော့ အပြုသဘောဆန်တဲ့ ရလဒ် တခုမှ မတွေ့ရသေးပါဘူး။”
KIO ပြောခွင့်ရပုဂ္ဂိုလ် ဦးလာနန် ဖြစ်ပါတယ်။ KIA နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေး ပျက်သွားခဲ့တာ အခုဆိုရင် ၁၁ လနီးပါး ရှိသွားခဲ့ပြီဖြစ်ပါတယ်။ ဒီတိုက်ပွဲတွေအတွင်း မြန်မာစစ်တပ်တွေ ဘက်ကနေ ဒေသခံ အရပ်သားတွေကို အဓမ္မ တပ်ပေါ်တာ ဆွဲတာ၊ ညှဉ်းပန်းနှိပ်စက်မှု တွေ နဲ့ အမျိုးသမီးတွေအပေါ် မုဒိမ်းကျင့်မှု စတဲ့ လူ့အခွင့်အရေး ချိုးဖောက်မှုတွေကို ကျူးလွန်ခဲ့တယ်ဆိုပြီး ကချင် ဒုက္ခသည်အရေး ဆောင်ရွက်သူတွေနဲ့ လူ့အခွင့်အရေးအဖွဲ့တွေက ပြောဆိုခဲ့ကြပါတယ်။
ဒါပေမဲ့လည်း မြန်မာအစိုးရ သတင်းစာတွေထဲမှာတော့ KIA တပ်တွေက လမ်း တံတားတွေကို မိုင်းခွဲ ဖျက်ဆီးတာ၊ တပ်သားသစ် စုဆောင်းတာတွေ ရှိတယ်ဆိုပြီး ဖော်ပြရေးသားနေတာကြောင့် KIA နဲ့ မြန်မာ အစိုးရအကြား ငြိမ်းချမ်းရေး ရနိုင်ဖို့အနေအထားဟာ မရေရာလှသေးဘူးလို့ မြန်မာ့အရေး သုံးသပ်သူတွေက ပြောဆိုနေကြပါတယ်။
Ref: VOA News
Read More...
Collapse...
လှလှသန်း
တနင်္လာ, 23 ဧပြီ 2012
မြန်မာ သမ္မတ ဦးသိန်းစိန်ရဲ့ ဖိတ်ကြားချက် အရ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက ဒီသတင်းပတ်ထဲ မြန်မာနိုင်ငံကို သွားမယ်လို့ ကုလသမဂ္ဂ ဌာနချုပ်မှာ သတင်းထောက်တွေကို ပြောဆို လိုက်ပါတယ်။ မြန်မာနိုင်ငံက ပြုပြင် ပြောင်းလဲမှုတွေကြောင့် ဒီအနောက်နိုင်ငံ တွေရဲ့ ဒဏ်ခတ် ပိတ်ဆို့မှုတွေ ကို တနှစ်တာ ယာယီ ဆိုင်းငံ့ ပေးခဲ့တာကိုလည်းဘဲ မစ္စတာ ဘန်ကီမွန်းက ကြိုဆို လိုက်ပြီးတော့ လက်ရှိ လွှတ်တော်မှာ ကျမ်းသစ္စာ ဆိုမှု ပြသနာနဲ့ ပတ်သက်ပြီးတော့ အမျိုးသား ဒီမိုကရေစီ အဖွဲ့ချုပ် NLD နဲ့ မြန်မာအစိုးရ ကြားမှာ ညှိယူ ဖြေရှင်း နိုင်ကြလိမ့်မယ်လို့ မျှော်လင့်တဲ့ အကြောင်းလည်း ပြောပါတယ်။
အတွင်းရေးမှူးချုပ် ဘန်ကီမွန်းက သူ့ရဲ့ မြန်မာ့ မိတ်ဆွေများ အဖွဲ့ဝင် နိုင်ငံတွေနဲ့ တနလာင်္နေ့ ညနေက တွေ့ဆုံအပြီး သတင်းထောက်တွေကို သူ့ရဲ့ မြန်မာနိုင်ငံ ခရီးစဉ်နဲ့ ပတ်သက်လို့ အခုလို ကြေညာသွားတာ ဖြစ်ပါတယ်။
“ကျနော် ဒီနေ့ သမ္မတ ဦးသိန်းစိန် ဆီကနေ ဖိတ်ခေါ်တာ ကို လက်ခံ လိုက်ပါတယ်။ ဒီ အပတ်ကုန်မှာ သွားပါမယ်။ ကျနော် ကုလသမဂ္ဂ အထွေထွေ အတွင်းရေးမှူး အဖြစ် ဒုတိယ အကြိမ် တာဝန် ထမ်းဆောင်ရတော့ ကျနော် တို့ မျိုးဆက် အတွက် ဘာတွေ ပြင်ဆင်သင့် လဲ ဆိုတာ သတ်မှတ်ခဲ့ပါတယ်။ အဲဒီ ထဲက တစ်ခုက တော့ အကူးအပြောင်း ကာလရောက် နေတဲ့ နိုင်ငံတွေကို အကူအညီ ပေးရေးပါဘဲ။ အခု မြန်မာပြည် အတွက် လုပ်ပေးဖို့ ကျနော် တို့မှာ အခွင့်အရေး ရှိပါတယ်။ တာဝန်ရှိပါတယ်။ အဲဒါကြောင့် ဒီ အချိန် အခါ ကို အကောင်းဆုံး ဖြစ်အောင် လုပ်ကြရပါမယ်။”
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် အန်အယ်လ်ဒီက လွှတ်တော် ကိုယ်စားလှယ်တွေ ၄၃ နေရာ အနိုင်ရရှိခဲ့တဲ့ ဧပြီလ ၁ ရက်နေ့ ကြားဖြတ် ရွေးကောက်ပွဲ အပြီး မြန်မာနိုင်ငံကို သွားရောက်ဖို့ ရှိတယ်လို့ ကြေညာခဲ့တဲ့ မစ္စတာ ဘန်ကီမွန်းက မြန်မာနိုင်ငံမှာ သမ္မတ ဦးသိန်းစိန် အစိုးရ တက်လာပြီးတဲ့နောက်ပိုင်း နိုင်ငံရေးနဲ့ စီးပွားရေး ပြုပြင် ပြောင်းလဲမှုတွေ တွေ့လာရတဲ့ အတွက်လည်း ချီးကျူးသွားပါတယ်။ ဒါ့အပြင် မြန်မာနိုင်ငံရဲ့ အသွင်ကူးပြောင်းရေး ကာလဟာ ရှေ့ဆက်ရမယ့် ခရီးရှည်ကြီးရှိတဲ့ အတွက်ကြောင့်လည်း မြန်မာနိုင်ငံရဲ့ အနာဂတ်ရေး အတွက် အကူအညီပေးနိုင်ဖို့ မြန်မာနိုင်ငံကို ကမ္ဘာက အကူအညီပေးသင့်တယ်လို့လည်း သူက ပြောကြားသွားပါတယ်။
မြန်မာနိုင်ငံမှာ နိုင်ငံရေး အကျဉ်းသားတွေ ပြန်လွှတ်ပေးတာ တိုင်းရင်းသားတွေနဲ့ ငြိမ်းချမ်းရေး ဆွေးနွေးတာ နိုင်ငံရေးမှာ အန်အယ်လ်ဒီ ပါဝင်ခွင့် ရရှိလာတာ အစရှိတဲ့ တိုးတက်တဲ့ ခြေလှမ်းတွေ ကြောင့်လည်း အနောက်အုပ်စုတွေက ဒဏ်ခတ်ပိတ်ဆို့မှုတွေကို ဆိုင်းငံ့ပေးခဲ့တာကိုလည်း မစ္စတာ ဘန်က ကြိုဆိုလိုက်ပါတယ်။
“ကျနော် နိုင်ငံတကာ က အပေါင်း လက္ခဏာ ဆောင်တဲ့ တုံ့ပြန်မှု ကို ကြိုဆိုပါတယ်။ ဒီကနေ့ ဥရောပသမဂ္ဂ ရဲ့ အရေးယူ ဒဏ်ခတ် ပိတ်ဆို့မှု ဆိုင်းငံ့ လိုက်တာ အပါအဝင် အမေရိကန် ပြည်ထောင်စု နဲ့ အခြား တိုင်းပြည် များရဲ့ လုပ်ဆောင် ချက်တွေ ပါဝင်ပါတယ်။ ကျနော်တို့ အနေနဲ့ မြန်မာ နိုင်ငံရဲ့ အပြောင်းအလဲ ကို ဖော်ဆောင်ဖို့၊ ဒီမိုကရေစီ ရရှိစေဖို့ အတွက် အဲဒီ လို နိုင်ငံတကာ က ထောက်ခံ အားပေးမှု တွေ မြင်လိုပါတယ်။”
မစ္စတာ ဘန်ကီမွန်းဟာ မြန်မာနိုင်ငံမှာ ပျက်ဆီးဆုံးရှုံးမှု ကြီးမားလှတဲ့ နာဂစ် ဆိုင်ကလုန်းကြီး တိုက်ခတ် အပြီး ၂၀၀၈ ခုနှစ်မှာ တကြိမ် ၂၀၀၉ ခုနှစ်မှာ တကြိမ် မြန်မာနိုင်ငံကို သွားရောက်ခဲ့တာ ဖြစ်ပါတယ်။ အခု တတိယ အကြိမ် သွားရောက်တာ မှာလည်း အပြောင်းအလဲ ဖော်ဆောင်ရာ မှာ အရေးကြီးတဲ့ အခန်းကဏ္ဍ က ပါဝင်ခဲ့တဲ့ သမ္မတ ဦးသိန်းစိန် အပြင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကိုလည်း အထူး ကျေးဇူးတင် စကား ပြောကြားဖို့ ရှိတယ်လို့လည်း သူက ပြောပါတယ်။
“ဒီအကြိမ်မှာတော့ သမ္မတ ဦးသိန်းစိန် နဲ့ ဒေါ်အောင်ဆန်း စုကြည် တို့ကို ကိုယ်တိုင် ဂုဏ်ပြု ချီးကျုး စကားပြော နိုင်ဖို့ မျှော်လင့်ပါတယ်။ သူတို့ အလုပ်တူတူ လုပ်ပြီး ပေါင်းစည်းနိုင်ခဲ့ကြတယ်။ အခုလိုမျိုး အတူတူ လက်တွဲ ဆက်လက် လုပ်ကိုင် သွားနိုင်မယ် လို့ မျှော်လင့်ပါတယ်။ နောက်ပြီး ကျနော် တို့ အတူ ကုလသမဂ္ဂ အနေနဲ့ ကူညီ နိုင်မယ့် လက်တွေ့ အကောင်အထည် ပြနိုင်မယ့် အကူအညီ နည်းလမ်းတွေ ပေးသွားဖို့ ရှာဖွေသွားမှာပါ။ မြန်မာ အစိုးရ နဲ့ လူထု အနေနဲ့ ပြန်လည် ရင်ကြားစေ့ရေး၊ ဒီမိုကရေစီ ရရှိရေး၊ ဖွံ့ဖြိုး တိုးတက်ရေးတွေ စလုပ်ခဲ့ပြီး ပိုကောင်းတဲ့ မနက်ဖြန် ကို တည်ဆောက် နေကြပါပြီ။ အဲဒါကြောင့် သူတို့ကို ကျနော်တို့ ရဲ့ ထောက်ခံမှု အပြည့်အဝ ပေးသင့်ပါတယ်။”
ဒါ့အပြင် ကြားဖြတ် ရွေးကောက်ပွဲမှာ အနိုင်ရ အန်အယ်လ်ဒီ လွှတ်တော်ကိုယ်စားလှယ်တွေ ဧပြီလ ၂၃ ရက် ကျမ်းသစ္စာ ကျိန်ဆိုပွဲ မတက်ရောက်ဖို့ ဆုံးဖြတ်ခဲ့တဲ့ ဖွဲ့စည်းပုံ အခြေခံ ဥပဒေနဲ့ ပတ်သက်ပြီးတော့လည်းဘဲ နှစ်ဘက်တို့ ပြေလည်အောင် ဆွေးနွေးနိုင်လိမ့်မယ်လို့လည်း သူ့အနေနဲ့ မျှော်လင့်တဲ့ အကြောင်းလည်း မစ္စတာ ဘန်က အခုလို ပြောခဲ့ပါတယ်။
“သူတို့ နှစ်ယောက် အေးအေး ချမ်းချမ်း ဘဲ ပါလီမန် ကိစ္စ နဲ့ ပတ်သက် ပြီး သဘော တူညီမှု ရသွားမယ် လို့ ကျနော် အရိုးသားဆုံး မျှော်လင့်ပါတယ်။ သူတို့ ဟာ သမိုင်းဝင် သွားတဲ့၊ မြန်မာ လူထုရဲ့ သဘောထားကို ထင်ဟပ်တဲ့ ကြားဖြတ် ရွေးကောက်ပွဲကိုလည်း ဖြတ်သန်း ခဲ့ပြီးပါပြီ။ ကျနော် သမ္မတ ဦးသိန်းစိန် ဘာပြောထားသလဲ ဆိုတာ ကို အလေးထားပါတယ်။ ကျနော် ဒီကိစ္စမှာလည်း သူတို့ တိုင်းပြည်အတွက်၊ ဒီမိုကရေစီ ရရှိရေး အတွက် အေးအေးချမ်းချမ်း အဖြေကို တစ်နည်းနည်း ရှာတွေ့မယ် လို့ မျှော်လင့်ပါတယ်။”
ကချင်ပြည်နယ်မှာ ပဋိပက္ခတွေ ဖြစ်ပွားနေမှုနဲ့ ပတ်သက်ပြီးလည်း အတွင်းရေးမှူးချုပ်က မြန်မာအစိုးရ အနေနဲ့ အထူးသဖြင့် ကေအန်ယူ ကရင့် အမျိုးသား အစည်းအရုံး အပါအ၀င် တခြား တိုင်းရင်းသား အုပ်စုတွေနဲ့ ပြန်လည် ရင်ကြားစေ့ဖို့ ကြိုးပမ်းနေသလို ကချင်အုပ်စု ကိုလည်း အလားတူ ကမ်းလှမ်း လိမ့်မယ်လို့ မျှော်လင့်တဲ့ အကြောင်း ပြောကြားသွားပါတယ်။ မြန်မာနိုင်ငံမှာ ဒီမိုကရေစီ အပြည့်အ၀ တည်ဆောက်နိုင်ဖို့ အတွက် အုပ်စုအားလုံးတို့ကိုလည်း အစိုးရ အနေနဲ့ လက်ကမ်းကြိုဆိုဖို့ အရေးကြီးတဲ့ အကြောင်းလည်း သူက ပြောကြားသွားပါတယ်။ မစ္စတာ ဘန်ဟာ ဒီသတင်းပတ်ကုန်မှာ အိန္ဒိယကို သွားရောက်ဖို့ ရှိပြီး မြန်မာနိုင်ငံကို သွားရောက်မယ့် ဒီသတင်းပတ် သူ့ရဲ့ ခရီးစဉ်မှာတော့ တိုင်းရင်းသား အရေးကိစ္စကို သမ္မတ ဦးသိန်းစိန်နဲ့ ဒေါ်အောင်ဆန်းစုကြည် အပါအ၀င် လွှတ်တော် ဥက္ကဌတွေ ၀န်ကြီးတွေနဲ့ ဆွေးနွေးနိုင်လိမ့်မယ်လို့ မျှော်လင့်တဲ့ အကြောင်းလည်း ပြောကြားသွားပါတယ်။ ဒါ့အပြင် မစ္စတာ ဘန်ဟာ သူ့ရဲ့ ခရီးစဉ် အတွင်းမှာ စီးပွားရေးနဲ့ လူမှုရေး ကဏ္ဍက ခေါင်းဆောင်တွေနဲ့လည်း တွေ့ဆုံဖို့ မျှော်လင့်တဲ့ အကြောင်းလည်း ပြောကြားသွားပါတယ်။
Ref: VOA News
Read More...
Collapse...
2012-04-23
ပြည်သူ့ လွှတ်တော်ကို ဒေါ်အောင်ဆန်းစုကြည် ၀င်ရောက်လာမှာကို ကြိုဆိုပါတယ်။ လွှတ်တော်ကို တက်ဖို့ကိစ္စကတော့ ဒေါ်အောင်ဆန်းစုကြည် ကိုယ်တိုင် အဆုံးအဖြတ် ပေးရမှာ ဖြစ်တယ်လို့ သမ္မတ ဦးသိန်းစိန်က ဂျပန် သတင်းထောက်များကို ပြောကြားကြောင်း ဂျပန်နိုင်ငံက လာတဲ့ သတင်းတွေမှာ ဖော်ပြထားပါတယ်။
သတင်းထောက်တစ်ဦးရဲ့ အမေးကို ဖြေကြားရာမှာ ဦးသိန်းစိန်က မြန်မာနိုင်ငံအနေနဲ့ ဒီမိုကရေစီ နည်းလမ်းတကျ ပြုပြင် ပြောင်းလဲမူတွေ ချမှတ် ပြုလုပ်နေတာကို နောက်ကြောင်း ပြန်မှာ မဟုတ်ကြောင်း၊ ဒေါ်အောင်ဆန်းစုကြည်နဲ့ ရည်မှန်းချက်တူညီတဲ့ ဆောင်ရွက်ချက်တွေကို ပူးပေါင်းဆောင်ရွက်မှာ ဖြစ်ကြောင်းလည်း ပြောသွားပါတယ်။
ဖွဲ့စည်းအုပ်ချုပ်ပုံ အခြေခံဥပဒေဆိုင်ရာ အပြောင်းအလဲများ လုပ်ပေးမပေး မေးမြန်းရာမှာတော့ ဒီကိစ္စကို ပြည်သူကသာ အဆုံးအဖြတ် ပေးပါလိမ့်မယ်။ ပြည်သူ့ ဆန္ဒနဲ့ ပြည်သူရဲ့ ရွေးချယ်မှုသာ အဓိက ဖြစ်ပါတယ်လို့ ဖြေကြား သွားပါတယ်။
NLD ပါတီ အဆိုပြုထားတဲ့ ပါလီမန်လွှတ်တော်ကို မ၀င်ခင် ကျမ်းကျိန်ဆိုရမယ့် စာသားကို ပြင်ဆင်ပေးဖို့ တောင်းဆိုချက်အပေါ် သူ့အနေနဲ့ ဆောင်ရွက်ပေးဖို့ အစီအစဉ် မရှိသေးဘူးလို့ သမ္မတ ဦးသိန်းစိန်က ပြောတယ်လို့လည်း ဂျပန်နိ်ုင်ငံကလာတဲ့ သတင်းတွေမှာ ဖော်ပြထားပါတယ်။
ဒါနဲ့ ပတ်သက်လို့ လိုက်ပါသွားတဲ့ မြန်မာ အရာရှိတစ်ဦးကတော့ အစီအစဉ်မရှိဘူးလို့ သမ္မတက မပြောကြောင်း၊ ဘာသာပြန်ဆိုကြတာ မှားတာဖြစ်ကြောင်း ပြန်လည် ငြင်းဆိုထားပါတယ်။
Ref: RFA News
Read More...
Collapse...
သားညွန့်ဦး
တနင်္လာ, 23 ဧပြီ 2012
အမျိုးသား ဒီမိုကရေစီ အဖွဲ့ချုပ်ရဲ့ လွှတ်တော် ကိုယ်စားလှယ်တွေ လွှတ်တော် ၀င်ရောက်ရေးအတွက် အစုအဖွဲ့ အားလုံး ညှိုနှိုင်း ဆောင်ရွက်ကြဖို့ အမေရိကန် ပြည်ထောင်စု တိုက်တွန်း ပါတယ်။ ဒီ ညိနှိုင်း ဆွေးနွေးမှု တွေအပေါ်မှာ ၀င်ရောက် စွတ်ဖက် ပြောဆိုမှာ မဟုတ်ပေမဲ့၊ ဖြစ်ထွန်းမှုတွေ ကိုတော့ စောင့်ကြည့် သွားမယ်လို့လည်း အမေရိကန် နိုင်ငံခြားရေးဌာန ပြောခွင့်ရသူက ပြောဆိုပါတယ်။
ကြားဖြတ် ရွေးကောက်ပွဲအတွင်း အနိုင်ရခဲ့တဲ့ အမျိုးသား ဒီမိုကရေစီအဖွဲ့ချုပ် ကိုယ်စားလှယ် တွေ အခု ကျင်းပနေတဲ့ လွှတ်တော်ကို မတတ်ရောက်နိုင်တဲ့ အခြေအနေဟာ မြန်မာ့ နိုင်ငံရေး ဖြစ်ထွန်းမှုတွေ နောက်ကြောင်း ပြန်လှည့် သွားနိုင်မလား စိုးရိမ်မှုကတော့ အတော်များများ ရှိနေတာပါ။ အမျိုးသား ဒီမိုကရေစီအ ဖွဲ့ချုပ် တာဝန်ရှိသူတွေ ကတော့ ဒါကို ပြဿနာတရပ်လို မယူဆပဲ၊ ညှိုနှိုင်း ဖြေရှင်းလို့ ရနိုင်မယ်လို့ ယူဆနေပါတယ်။ လွှတ်တော်ကိုလည်း တတ်ရောက် ဖြစ်မှာပါလို့ ပြောပါတယ်။ အမေရိကန် ပြည်ထောင်စုအနေ နဲ့ ကတော့ အဖွဲ့ချုပ် ကိုယ်စားလှယ်တွေ လွှတ်တော်ထဲ ၀င်ရောက်နိုင်ရေးအတွက် အားလုံး ညှိုနှိုင်းဆောင်ရွက် နိုင်ကြဖို့ တိုက်တွန်းပါတယ်။
“စစ်အုပ်ချုပ်ရေးမှာ ပြဌာန်းခဲ့တဲ့ ဖွဲ့စည်းပုံကို ထိန်းသိမ်း ကာကွယ်စောင့်ရှောက်ပါ့မယ်ဆိုတဲ့ ကျမ်းသစ္စာ ဆိုရမယ့်ကိစ္စကို စိုးရိမ်တာကြောင့် ဒီနေ့ ပြုလုပ်တဲ့ လွှတ်တော် အစည်အးဝေးတွေကို ဒေါ်အောင်ဆန်း စုကြည်နဲ့ သူ့ရဲ့ အမျိုးသား ဒီမိုကရေစီ အဖွဲ့ချုပ် ကိုယ်စားလှယ်တွေ မတတ်ရောက်ဘူးလို့ နားလည် ထားပါတယ်။ ဒီအခြေအနေ နဲ့ ပတ်သက်ပြီးတော့ အမျိုးသား ဒီမိုကရေစီ အဖွဲ့ချုပ်ဟာ အစိုးရနဲ့ အခြားအစုအဖွဲ့ ပါတီတွေကို ဆွေးနွေး နေတယ်လို့ သိထားပါတယ်။ အမျိုးသား ဒီမိုကရေစီအဖွဲ့ချုပ် လွှတ်တော်တွင်း ၀င်ရောက်နိုင်ဖို့ အတွက် အစုအဖွဲ့အားလုံး ညှိုနှိုင်း ကြိုးပမ်းလုပ်ဆောင်ကြပါလို့ ကျမတို့ တိုက်တွန်းပါတယ်။”
အမေရိကန်နိုင်ငံခြားရေးဌာန ပြောခွင့်ရသူ Vitoria Nuland က ပြောသွားတာပါ။
လွှတ်တော် ကိုယ်စားလှယ်တွေ ကျမ်းသစ္စာ ဆိုရမယ့် ဖွဲ့စည်းပုံကို ထိန်းသိမ်း ကာကွယ် စောင့်ရှောက်ပါမည် ဆိုတဲ့ စကားရပ်ကို အဖွဲ့ချုပ်က ပြင်ဆင်ဖို့ လိုလားနေတာပါ။ ဒါ ပြင်ပြီးမှ လွှတ်တော် တက်မယ်ဆိုတဲ့ သဘောမျိုး သက်ရောက်နေပါတယ်။ ဒါပေမယ့် အချို့ကတော့ ဒီအချက်ဟာ ဖွဲ့စည်းပုံပါ အချက်အလက် ဖြစ်တာမို့၊ လွှတ်တော်ထဲ ၀င်ပြီး ပြင်သင့်တယ်လို့ ယူဆမှုတွေ လည်းရှိပါတယ်။ အခု ကျင်းပနေတဲ့ လွှတ်တော် အစည်းအဝေးတွေ အတွင်း ဒီကိစ္စ ပြင်ဆင်ချက်ကို ဆွေးနွေး မလားလို့လည်း မျှော်လင့်မှုတွေ ရှိပါတယ်။ ပြင်ဆင်မယ် ဆိုရင်တော့ အဓိက အာဏာရပါတီဖြစ်တဲ့ ကြံခိုင်ရေးပါတီရဲ့ အဆုံးအဖြတ်က အဓိက ကျမှာပါ။ ကြံ့ခိုင်ရေးပါတီ အထွေထွေအတွင်းရေးမှုး ဦးဌေးဦးကတော့ ဖွဲ့စည်းပုံ ပြင်ဖို့ အချိန်အခါ မရောက်သေးဘူးလို့ မနေ့က လွှတ်တော်ဝန်းထဲ သတင်းထောက်တွေကို ပြောခဲ့ပါတယ်။
"ကတိ သစ္စာခံ တဲ့ ကိစ္စ က ကျနော် တို့လည်းဘဲ ဒီမှာ တက်နေတဲ့ လူတွေ အားလုံးက ဒီအတိုင်း ကတိ သစ္စာ ပြုလာကြတာဘဲလေ။ ပြင်ရမယ် ဆိုတာကျတော့ ကျနော်တို့ များ ပြန်ပြင်ရမလား မသိဘူး။ တကယ်လို့များ ပြင်ခွင့်ရမယ် ဆိုရင်၊ ဒီမှာ ရှိတဲ့ လူတွေ အားလုံး ပြန်ပြင်ရမလား တောင် မပြောတတ်ဘူး။"
အမေရိကန် ပြည်ထောင်စုအနေ နဲ့ကတော့ အခြေအနေတွေကို စောင့်ကြည့်သွားမယ်လို့ နိုင်ငံခြားရေးပြောခွင့်ရသူ Nuland က ပြောပါတယ်။
“ဒီအခြေအနေကို စောင့်ကြည့်သွားမှာ ဖြစ်ပြီး၊ မကြာခင်ရက်တွေအတွင်း ပြေလည်သွားလိမ့်မယ်လို့ မျှော်လင့်ပါတယ်။”
ဂျပန်နိုင်ငံရောက်နေတဲ့ သမ္မတ ဦးသိန်းစိန်ကတော့ အခု ဒေါ်အောင်ဆန်း စုကြည် လွှတ်တော်ထဲ မ၀င်လာတဲ့ ကိစ္စရဲ့ သူမရဲ့ ဆုံးဖြတ်ချက်ပဲဖြစ်တယ်၊ သူတို့အနေ နဲ့ကတော့ ဒေါ်အောင်ဆန်း စုကြည်ကို လွှတ်တော်ထဲမှာ ကြိုဆိုပါတယ်လို့ ပြောခဲ့ပါတယ်။
"ဒေါ်အောင်ဆန်း စုကြည် လွှတ်တော် ထဲကို ဝင်မလာတာ ဟာ သူ့ရဲ့ သဘော ဆန္ဒ ဘဲ ဖြစ်ပါတယ်။ လွှတ်တော်ကြီး ကတော့ သူကို ကျနော်တို့ ကြိုဆိုနေပါတယ်။ အဲဒီတော့ ဒီ သူမ ပါဝင်လာတာဟာ ခုနက လို ဆွေးနွေး ပြောဆိုတာတွေ၊ နောက်တစ်ခါ ကျနော် တို့မှာ မေးခွန်းတွေ မေးခွင့်၊ အဆိုတွေ တင်သွင်းခွင့် ကျနော်တို့ ရှိပါတယ်။ ပိုမို ပြီးတော့ ခုနက လို တိုင်းပြည်အတွက် အကျိုးပြုနိုင်တဲ့ ဟာတွေ ပိုမိုပြီးတော့ သွက်သွက်လက်လက် နဲ့ ပါလီမန် ကြီးဟာ ကျနော်တို့ အသက်ဝင် လှုပ်ရှားလာမယ် လို့ ကျနော် အနေနဲ့ ဒီလို ထင်မြင်ပါတယ်။"
အဖွဲ့ချုပ်ကတော့ ဒီကိစ္စအပေါ် နိုင်ငံတော် သမ္မတ၊ လွှတ်တော် ဥက္ကဋ္ဌတွေ နဲ့ ဖွဲ့စည်းပုံ အခြေခံဥပဒေ ဆိုင်ရာခုံရုံး တို့ကို အကြံပြုချက် ပေးပို့ထားပါတယ်။ ပြီးခဲ့တဲ့ ဒေါ်အောင်ဆန်းစုကြည် နဲ့ သမ္မတ ဦးသိန်းစိန် တို့ တွေ့ဆုံစဉ်မှာလည်း ဒီကိစ္စ ဆွေးနွေး ထားတယ် လို့သိရပါတယ်။ အမေရိကန် ပြည်ထောင်စု ကတော့ အခုလို ညိနှိုင်းဆောင်ရွက်မှု တွေကို အားပေးပါတယ်။
“အတွင်း ညှိုနှိုင်း ဆောင်ရွက်နေကြတဲ့အပေါ်မှာ ကျမတို့ ဘာမှ စွတ်ဖက်စရာ မရှိပါဘူး။ NLD က ပါဝင်ခွင့် မရခဲ့တဲ့ ပြီးခဲ့တဲ့ နိုင်ငံရေး လုပ်ငန်းစဉ်တွေမှာ ချမှတ်ခဲ့ပြီးတဲ့ကိစ္စရပ်တွေ၊ ဒီတိုင်းပြည်ရဲ့ အမည် သတ်မှတ်မှု ကိစ္စ အပါအ၀င်ပေါ့၊ ဒီကိစ္စရပ်အတော်များများအပေါ်မှာ NLD ဖက်က စိုးရိမ်မှုဖြစ်နေတာတွေ ရှိပါတယ်။ နိုင်ငံရေး ပွင့်လင်းမှုနဲ့ ပြုပြင်ပြောင်းလဲမှု လုပ်ငန်းစဉ်ရဲ့ အစိတ်အပိုင်း တရပ်အနေနဲ့ အဲဒီ ကိစ္စရပ်တွေကို သူတို့ အချင်းအချင်း ညှိုနှိုင်း ဆောင်ရွက်သွားရမှာဖြစ်ပါတယ်။”
မနေ့က ပြန်လည် ကျင်းပတဲ့ လွှတ်တော်တွေမှာ ကြားဖြတ် ရွေးကောက်ပွဲမှာ အနိုင်ရခဲ့တဲ့ ကိုယ်စားလှယ် တွေ ထဲကဆို နှစ်ဦးပဲ လွှတ်တော် တက်ရောက် နိုင်တယ်လို့ ပြောရမှာပါ။ အာဏာရပါတီက ကိုယ်စားလှယ် တဦးနဲ့ ရှမ်း တိုင်းရင်းသားများ ဒီမိုကရေစီ ပါတီက ကိုယ်စားလှယ်တို့ဖြစ်ကြပါတယ်။ အခြား အသစ်တတ်လာတဲ့ကိုယ်စားလှယ်တွေကတော့ ကာကွယ်ရေး ဦးစီးချုပ်က ခန့်ထားတဲ ကိုယ်စားလှယ် ၅၉ ဖြစ်ပါတယ်။ အရင် စစ်တပ် ကိုယ်စားလှယ်အချို့နဲ့ အစားထိုး ပြောင်းလဲလိုက်တာပါ။ မနေ့ကတော့ အဲဒီ တက်လာတဲ့ ကိုယ်စားလှယ်အားလုံး လွှတ်တော် ကိုယ်စားလှယ် အဖြစ်နဲ့ ကျမ်းသစ္စာကျိန်ဆိုခဲ့ကြပါတယ်။
Ref: VOA News
Read More...
Collapse...
ကျော်ခ
April 23, 2012
အမျိုးသားဒီမိုကရေစီ အဖွဲ့ချုပ် (NLD) အမတ်များက ပြင်ဆင်ရန် တောင်းဆိုသော ကျမ်းကျိန်စာသားကို ပြောင်းလဲ၊ ပြင်ဆင်ရန် မလိုအပ်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ(ကြံ့ခိုင်ရေးပါတီ) အထွေထွေ အတွင်းရေးမှူး ဦးဌေးဦးက ဧရာဝတီ၏ ယနေ့ ဆက်သွယ်မေးမြန်းမှုတွင် ပြောဆိုလိုက်သည်။
ဖွဲ့စည်းပုံ အခြေခံဥပဒေကို “ကာကွယ်စောင့်ရှောက်ပါမည်” အစား “လေးစားလိုက်နာပါမည်” ဆိုသည့်စကားရပ်နှင့် အစားထိုးမှသာ ကျမ်းကျိန်နိုင်မည်ဟု ဆိုကာ NLD အမတ်များက ယနေ့ ပြန်လည် ကျင်းပသော လွှတ်တော် အစည်းအဝေးများကို တက်ရောက်ခြင်း မရှိသေးချိန်တွင် အာဏာရ အင်အားကြီး အတိုက်အခံဖြစ်သော ကြံ့ခိုင်ရေးပါတီ၏ ခေါင်းဆောင်တဦးက ယခုကဲ့သို့ ပြောဆိုလိုက်ခြင်းဖြစ်သည်။
“ရွေးချယ်ခံထားရတဲ့ လွှတ်တော်ကိုယ်စားလှယ်တွေ လွှတ်တော်ထဲ တက်ရောက်တာနဲ့ ပတ်သက်လို့ ဒီစကားလုံးက သိပ်ပြီး ထူးခြား၊ ထိရောက်တာလည်း မရှိပါဘူး။
ဒါရေးထားတဲ့အတွက် မပြောရဘူး၊ မဆိုရဘူးလို့ ပိတ်ပင်ထားတာလည်း မရှိဘူးလို့ ကျနော် ထင်ပါတယ်။ အဲဒါကြောင့် ဒီဥစ္စာနဲ့ ပတ်သက်လို့တော့ ဘာမှလည်း သိပ်ထူးထူး ခြားခြား မရှိတဲ့အတွက် ဘာမှလုပ်စရာ မလိုဘူးလို့ ထင်ပါတယ်” ဟု ဦးဌေးဦးက ဧရာဝတီသို့ ပြောသည်။
ယနေ့လွှတ်တော်တွင် တက်ရောက်နေသည့် တိုင်းရင်းသားပါတီတခုက အဆိုပါ ကျန်းကျိန်စာသား အသုံးအနှုန်းကို ပြောင်းလဲပေးရန် အဆို တင်မည်ဟု သတင်း ကြားသိရကြောင်း၊ ၎င်းပါတီက ၂၀၁၀ လွှတ်တော်တွင်း ဝင်ရောက်ကြရာတွင် ကြံ့ခိုင်ရေး ပါတီနှင့်အတူ သဘောတူ ကျမ်းကျိန် ခဲ့ကြသူများ ဖြစ်သော်လည်း ယနေ့ ကန့်ကွက်ရန် ပြင်ဆင်လာခြင်းကို နားမလည်နိုင်ကြောင်း ဦးဌေးဦးက ဆက်လက်ပြောသည်။
ကျမ်းကျိန်စာသားကို ပြုပြင်ပြောင်းလဲရေးနှင့် ပတ်သက်၍ ဂျပန်နိုင်ငံသို့ ရောက်ရှိနေသော သမ္မတ ဦးသိန်းစိန်ကလည်း ကြားဖြတ် ရွေးကောက်ပွဲတွင် ဒေါ်အောင်ဆန်းစုကြည်နှင့် NLD အနိုင် ရရှိခဲ့ပြီး လွှတ်တော်တွင်း ရောက်ရှိလာမည်ကို ကြိုဆိုသော်လည်း လွှတ်တော်တက်ရေး၊ မတက်ရေးသည် ကာယကံရှင်များ၏ ဆန္ဒအတိုင်းသာ ဖြစ်ကြောင်း ဂျပန်နိုင်ငံ Kyodo သတင်းဌာနက ဖော်ပြထားသည်။
သတင်းထောက်များ၏ မေးမြန်းမှုကို ဖြေကြားရာတွင် ဦးသိန်းစိန်က “ဒေါ်အောင်ဆန်းစုကြည် လွှတ်တော်ထဲကို ဝင်မလာတာဟာ သူ့ရဲ့ သဘောဆန္ဒပဲ ဖြစ်မှာပါ။ ကျနော်တို့ လွှတ်တော်ကြီးကတော့ ကြိုဆိုနေမှာပါ” ဟု ဆိုသည်။
ထို့အပြင် AP သတင်းတပုဒ်တွင် သမ္မတ ဦးသိန်းစိန်က ပြည်သူများ၏ အကျိုးစီးပွားအတွက် တူညီသောလမ်းကို လျှောက်လှမ်းရန် ဒေါ်အောင်ဆန်းစုကြည်နှင့် ပူးပေါင်း ဆောင်ရွက် လိုသည်ဟုလည်း ပြောကြားခဲ့သည်။
NLD က ဧပြီ ၁ ရက်နေ့က ကျင်းပပြုလုပ်ခဲ့သော ကြားဖြတ်ရွေးကောက်ပွဲတွင် ၄၄ နေရာဝင်ရောက် ရွေးချယ်ခံခဲ့သည့် အနက်မှ ၄၃ နေရာတွင် ဆန္ဒမဲအပြတ်သတ် အနိုင်ရရှိခဲ့ပြီး ကျန်းကျိန်စာ အသုံးနှုန်း မပြင်ပေးခဲ့သည့် အတွက် ယနေ့ ပြန်လည် ကျင်းပသော ပြည်သူ့ လွှတ်တော်သို့ တက်ရောက်ကြခြင်း မရှိသေးပေ။
ယခုကဲ့သို့ NLD အမတ်များ လွှတ်တော်တက်ရန် အခက်ခဲဖြစ်နေမှုနှင့် ပတ်သက်၍ လွှတ်တော်တာဝန်ရှိသူများထံ NLD က ဥပဒေအကြံပြုလွှာ တစောင် ပို့ထားကြောင်း သိရသည်။
NLD မပါဝင်သေးသော ယခု လက်ရှိကျင်းပနေသည့် နေပြည်တော် လွှတ်တော်တွင် ကြံ့ခိုင်ရေးပါတီမှ ၅၂.၃ ရာခိုင်နှုန်းနှင့် တပ်မတော်သားကိုယ်စားလှယ် ၂၅ ရာခိုင်နှုန်းဖြင့် နေရာယူထားသည်။
Ref: ဧရာဝတီ
Read More...
Collapse...
2012-04-23
မြန်မာအပေါ် ဥရောပသမဂ္ဂ အီးယူရဲ့ စီးပွားရေးပိတ်ဆို့ အရေးယူမှုတွေ ရုပ်သိမ်းဖယ်ရှားလိုက်တာ မဟုတ်ဘဲ ယာယီ ဆိုင်းငံ့ထားဖို့ ဆုံးဖြတ်ခဲ့တဲ့ အပေါ် ဗြိတိန်ဝန်ကြီးချုပ် မစ္စတာ ဒေးဗစ် ကင်မရွန်းက ကြိုဆို လိုက်ပါတယ်။
မနေ့က Luxembourg နိုင်ငံမှာ ကျင်းပခဲ့တဲ့ အီးယူ နိုင်ငံခြားရေး ၀န်ကြီးတွေ ဆွေးနွေးပွဲမှာ မြန်မာအပေါ် ချမှတ်ထားတဲ့ ကုန်သွယ်ရေးနဲ့ အကူအညီတွေ ပိတ်ဆို့ထားတာကို ယာယီဆိုင်းငံ့ လိုက်ပါတယ်။ ဒါပေမဲ့ လက်နက် အရောင်းအ၀ယ် ပိတ်ဆို့မှုကိုတော့ ဆက်လက် ထားရှိမှာပါ။
မြန်မာနိုင်ငံမှာ သမ္မတ ဦးသိန်းစ်ိန်ဟာ အရေးပါတဲ့ ပြုပြင်ပြောင်းလဲမှုတွေ ဆောင်ရွက်ခဲ့ပါတယ်။ ဒါတွေအတွက် နိုင်ငံတကာက ပြန်လည်တုံ့ပြန်တာ မှန်ကန်ပါတယ်။ ဒါပေမဲ့ အဲဒီအပြောင်းအလဲတွေ နောက်ကြောင်း ပြန်လှည့် မသွားသေးတာဟာ ပိတ်ဆို့မှုတွေကို အပြီးအပိုင် မရုပ်သိမ်းသေးဘဲ ယာယီ ဆိုင်းငံ့လိုက်လို့သာ ဖြစ်ပါတယ် လို့လည်း ဗြိတိန်ဝန်ကြီးချုပ် မစ္စတာ ဒေးဗစ် ကင်မရွန်းက ပြောဆိုပါတယ်။
အီတလီ နိုင်ငံခြားရေးဝန်ကြီး Giulio Terzi ကလည်း ပိတ်ဆို့မှုတွေ ယာယီဆိုင်းငံ့ပြီး တစ်နှစ်အကြာ ပြန်လည် သုံးသပ်တဲ့အခါ မြန်မာနိုင်ငံရဲ့ အပြောင်းအလဲတွေ အခုထက် ပိုမို တိုးတက်လာတာကို တွေ့မြင်ရဖို့ အီးယူက မျှော်လင့် နေပါတယ်လို့ ပြောလိုက်ပါတယ်။
Ref: RFA News
Read More...
Collapse...
ဖနိဒါ
တနင်္လာနေ့၊ ဧပြီလ ၂၃ ရက် ၂၀၁၂
ချင်းမိုင်(မဇ္ဈိမ) ။ ။ တပ်မတော် ကာကွယ်ရေးဦးစီးချုပ်မှ စေလွှတ်ခန့်ထားသော တပ်မတော်သား လွှတ်တော် ကိုယ်စားလှယ် ၅၉ ဦးအား အစားထိုး ပြောင်းလဲလိုက်ကြောင်း တနင်္လာနေ့ထုတ် မြန်မာ့အလင်း သတင်းစာတွင် ဖော်ပြ ထားသည်။
ပြည်သူ့လွှတ်တော် ကိုယ်စားလှယ် ၃၆ ဦးနှင့် အမျိုးသားလွှတ်တော် ၂၀ ဦးတို့အား ရွေးကောက်ပွဲ ဥပဒေ ပုဒ်မ ၃၃ နှင့် အညီ ကာကွယ်ရေးဦးစီးချုပ်မှ အကြောင်းကြားချက်အရ အစားထိုး ပြောင်းလဲ လိုက်ခြင်း ဖြစ်သည်ဟု ရွေးကောက်ပွဲ ကော်မရှင်က ကြေညာသည်။
ထိုသို့ ပြောင်းလဲ ခန့်ထားရာတွင် ယခင်လွှတ်တော်တက်ရောက်နေသော ဗိုလ်မှူးအဆင့်ရှိ ကိုယ်စားလှယ်များအစား ဒုဗိုလ်မှူးကြီးအဆင့်မှ ဗိုလ်မှူးချုပ်အဆင့်ရှိသူများကို အစားထိုး ခန့်အပ် လိုက်ခြင်း ဖြစ်သည်။
ယခင်တပ်မတော်သား ကာကွယ်ရေး ကြည်းနံပါတ်မှာ အများအားဖြင့် အမှတ်စဉ် ၃ သောင်းကျော်တွင်ရှိသော တပ်မတော်သားများ ဖြစ်ပြီး အသစ်ပြောင်းလဲလိုက်သော ကိုယ်စားလှယ် တပ်မတော် အမှတ်စဉ် ၂ သောင်းကျော် ရှိသော တပ်မတော်သားများ ဖြစ်၍ အနည်းငယ် ဝါရင့်သူများအား အစားထိုး လဲလှယ်ထားသည်ကို တွေ့ရသည်။
“ကျနော့်အမြင်တော့ တပ်မတော်သည် အနာဂတ်နိုင်ငံရေး ဦးဆောင်မှု အခန်းမှာ ဆက်လက်ပါဝင်ခွင့်ရဖို့ ကြိုးပမ်းမှု တရပ်လို့ပဲ ထင်ပါတယ်။ အရွယ်ငယ်သူတွေ အနေနဲ့ ပွင့်လင်း ခေတ်မီတဲ့ အမြင်ရှိသူ စစ်ဗိုလ်တွေ များတယ်လေ။ ပြီးတော့ ကိုယ်ကျိုး စီးပွား ပိုင်ဆိုင်မှုတွေလည်း သိပ်မရှိသေးတော့ လူထု အများစုဘက် ယိမ်းသွားနိုင်တယ်။ ဒါကို ကာကွယ်လိုက်တာလို့ပဲ မြင်ပါတယ်။ အဓိက ကတော့ အခြေခံ ဥပဒေ ပြင်ဆင်ရေး ဇောင်းပေး ချည်းကပ်လာမှု အားလုံးအပေါ် ခံစစ် စနစ်တကျ ပြင်လိုက်တာပါပဲ” ဟု တပ်မတော်သား ဗိုလ်ကြီးဟောင်း နေမျိုးဇင် က သုံးသပ်သည်။
တပ်မတော်သား ကိုယ်စားလှယ်များအား ယခင်က အနည်းအကျဉ်းမျှ ပြောင်းလဲခန့်အပ်မှုများ ရှိခဲ့ဖူးသော်လည်း ယခုကဲ့သို့ အများအပြား အစားထိုးခန့်အပ်ခြင်းကို ဧပြီလ ၁ ရက်နေ့ ကြားဖြတ် ရွေးကောက်ပွဲ အပြီး ပထမဆုံးအကြိမ် ပြုလုပ်ခြင်း ဖြစ်သည်။
၂ဝဝ၈ ဖွဲ့စည်းပုံအခြေခံ ဥပေဒအရ လွှတ်တော်နှစ်ရပ်ပေါင်း ပြည်သူ့လွှတ်တော် ကိုယ်စာလှယ်ပေါင်း ၄၄ဝ ဦးထဲမှ တပ်မတော်သား ၁၁ဝ ဦး၊ အမျိုးသား လွှတ်တော်တွင် ကိုယ်စားလှယ်ပေါင်း ၂၂၄ ဦးရှိရာမှ တပ်မတော်သား ၅၆ ဦးပါဝင်ရာ လွှတ်တော် နှစ်ရပ်ပေါင်း တပ်မတော်သား ကိုယ်စားလှယ် ၁၆၆ ဦး ရှိသည်။
ရွေးကောက်ပွဲများမှ တက်လာကြမည့် လွှတ်တော်ကိုယ်စားလှယ်များထဲတွင် ကြံ့ခိုင်ရေးပါတီမှ ၃၄၃ ဦး၊ ကြားဖြတ် ရွေးကောက်ပွဲ အနိုင်ရ အမျိုးသား ဒီမိုကရေစီ အဖွဲ့ချုပ် NLD မှ ၄၂ ဦးနှင့် အခြား နိုင်ငံရေးပါတီနှင့် တသီးပုဂ္ဂလ ကိုယ်စားလှယ် ၁ဝ၅ ဦးတို့ ရှိသည်။
သို့သော် NLD အမတ်များအနေဖြင့် လွှတ်တော်တွင် ကျမ်းသစ္စာကျိန်ဆိုရန် စကားလုံး ပြင်ဆင်ပေးရန်အတွက် သက်ဆိုင်ရာ အာဏာပိုင်များနှင့် ညှိနှိုင်းနေဆဲဖြစ်၍ တနင်္လာနေ့တွင် ပြန်လည် စတင်ကျင်းပသည့် တတိယ အကြိမ် လွှတ်တော် အစည်းအဝေးများသို့ တက်ရောက်နိုင်ခြင်း မရှိသေးပေ။
Ref: မဇ္ဈိမ
Read More...
Collapse...
ကွန်းချမ်း
တနင်္လာနေ့၊ ဧပြီလ ၂၃ ရက် ၂၀၁၂
စံခလပူရီ (မဇ္ဈိမ) ။ ။ မွန်နိုင်ငံရေးပါတီများဖြစ်ကြသော မွန်အမျိုးသား ဒီမိုကရေစီ အဖွဲ့ (MNDF) နှင့် မွန်ဒေသလုံး ဆိုင်ရာ ဒီမိုကရေစီ ပါတီ (AMDP) တို့ အနေဖြင့် အမည်သစ် တခုဖြင့် ၂၀၁၄ ခု နှစ်မကုန်မီ ပေါင်းစည်းရန် တနင်္ဂနွေနေ့ က သဘောတူ လက်မှတ် ရေးထိုး လိုက်ကြပြီ ဖြစ်သည်။
မော်လမြိုင်မြို့ တောင်ပေါ်တန်းရှိ သာသနာ့ ၂၅ဝဝ ဘုရားကျောင်းတွင် ကျင်းပသည့် ညှိနှိုင်းဆွေးနွေးပွဲ၌ ၁၉၉ဝ ရွေးကောက်ပွဲဝင် MNDF ကိုယ်စားလှယ်များနှင့် ၂ဝ၁ဝ ရွေးကောက်ပွဲဝင် AMDP ကိုယ်စားလှယ် တို့က အချက် ၄ ချက် ပါသည့် သဘောတူချက်ကို လက်မှတ် ရေးထိုးကြခြင်း ဖြစ်သည်။
“သံဃာတော်တွေကလည်း ပေါင်းစေချင်တယ်၊ မွန်ပြည်သူတွေကလည်း ပေါင်းစေချင်တယ်၊ ဒါ့ကြောင့် ဒီလိုပေါင်းဖို့ ဖြစ်လာတာပါ” ဟု AMDP ဥက္ကဋ္ဌ နိုင်ငွေသိန်းက ပြောသည်။
အလားတူ MNDF အထွေထွေ အတွင်းရေးမှူး ဒေါက်တာမင်းစိုးလင်းကလည်း “ပြည်သူတွေနဲ့ သံဃာတော်တွေရဲ့ ဆန္ဒက ပေါင်းစေချင်တယ်ဆိုတော့ ကျနော်တို့က ဒါကို ဥပေက္ခာပြုလို့ မရဘူးပေါ့” ဟု ပြောသည်။
ညှိနှိုင်း ဆွေးနွေးပွဲသို့ နိုင်တင်အောင် ဦးဆောင်သည့် MNDF ကိုယ်စားလှယ်များ၊ နိုင်ချစ်ဦး ဦးဆောင်သည့် AMDP ကိုယ်စားလှယ်များ အပါအဝင် မြို့နယ်အသီးသီးမှ လူငယ်များ၊ လူမှုအဖွဲ့အစည်းများနှင့် မွန်စာ ပေယဉ်ကျေးမှု အဖွဲ့များမှ ၂ဝဝ ကျော်နှင့် သံဃာတော် အပါး ၈ဝ ခန့် တက်ရောက်ကြသည်။
ပါတီနှစ်ခု ပေါင်းစည်းရန်အတွက် ၂ဝ၁၁ နှစ်လည်ပိုင်းကပင် နှစ်ဖက်ပါတီများက မွန်ပြည်နယ်၊ ကရင်ပြည်နယ် စသည်တို့မှ မွန်ပြည်သူများနှင့် ရဟန်းသံဃာများ၏ ဆန္ဒကို ကောက်ခံခဲ့ရာ ပူးပေါင်းစေလိုသည့် အဖြေကို ရရှိခဲ့ကြပြီးဖြစ်သော်လည်း မည်သို့ပူးပေါင်းကြမည်ကို ဆွေးနွေးကြန့်ကြာနေခဲ့ကြသည်။
ထိုသို့ နှစ်ပါတီ မပူးပေါင်းမီ MNDF က ၂ဝ၁ဝ ခုနှစ် နိုင်ငံရေးပါတီများမှတ်ပုံတင်ခြင်းဥပဒေအရ မွန်ဒီမိုကရေစီပါတီ (MDP) အမည်ဖြင့် မှတ်ပုံတင်ရန်အတွက် နိုင်စိုးမြင့် ဦးဆောင်သည့် ဗဟိုအလုပ်အမှုဆောင် ကော်မတီဝင်အချို့ ယခုသီတင်းပတ်အတွင်း နေပြည်တော်သို့ သွားရောက်ရန် စီစဉ်နေကြောင်း နိုင်စိုးမြင့်က ပြောသည်။
MNDF ကို ၁၉၈၈ ခုနှစ် အောက်တိုဘာလ ၁၁ ရက်နေ့၌ စတင်ဖွဲ့စည်းခဲ့ပြီး ၁၉၉ဝ ရွေးကောက်ပွဲတွင် ကိုယ်စားလှယ် ၁၉ ဦး ဝင်ရောက်ယှဉ်ပြိုင်ခဲ့ရာ ငါးနေရာ အနိုင်ရခဲ့သည်။
ထိုစဉ်က စစ်အစိုးရမှ ရွေးကောက်ပွဲရလဒ်ကို အသိအမှတ်ပြုရန် ငြင်းပယ်ခဲ့ပြီးနောက် ၁၉၉၁ ခုနှစ်တွင် ပါတီ ခေါင်းဆောင်များ ဖမ်းဆီးခံရကာ မွန်ပြည်နယ်နေ့ ဖြစ်သည့် ၁၉၉၂ မတ်လ ၁၉ ရက်နေ့တွင် ပါတီ ဖျက်သိမ်း ခံရသည်။
AMDP ကမူ ၂ဝ၁ဝ ရွေးကောက်ပွဲတွင် ၃၄ နေရာ ဝင်ရောက်ယှဉ်ပြိုင်ခဲ့ရာ ပြည်သူ့လွှတ်တော် သုံးနေရာ၊ အမျိုးသား လွှတ်တော် လေးနေရာနှင့် ပြည်နယ်လွှတ်တော် ကိုးနေရာဖြင့် စုစုပေါင်း ၁၆ နေရာ အနိုင်ရရှိခဲ့သည်။
နှစ်ပါတီပူးပေါင်းနိုင်ရေးအတွက် လစဉ် ပုံမှန်တွေ့ဆုံဆွေးနွေးသွားမည်ဟူလည်း သဘောတူညီခဲ့ကြသည်။
Ref: မဇ္ဈိမ
Read More...
Collapse...
Posts
