Specially Designated Nationals List
Ref: ဝိမုတ္တိဘလော့
Friday, May 18, 2012
အမေရိကန်ပြည်ထောင်စု၊ ဘဏ္ဍာရေးဝန်ကြီးဌာနက ထုတ်ပြန်ထားသည့် စီးပွားရေး ပိတ်ဆို့ အရေးယူ ခံထားရသော “အထူးပညတ်ထားသည့် ဗမာနိုင်ငံသားများစာရင်း”
ခေတ်မီတပ်မတော်တရပ်ရဲ့ ရှေ့ခရီး အပိုင်း (၁၁)
မေလ ၁၈ ရက် ၂၀၁၂
ဟန်လင်း
စစ်တပ်နဲ့ပေါ်တာ
ကျနော်တို့မြန်မာပြည်သားတွေ စစ်တပ်ရဲ့တာဝန်ကို ပုခုံးထမ်းပိုးပြီး ကူညီပေးရတဲ့ အဖြစ်ဟာ ၁၉၄၂ -၄၅ ခုနှစ် ဂျပန်ခေတ် မှာချွေးတပ် ဆိုတဲ့ ဝေါဟာရ ဆိုးနဲ့ စတင် ရင်းနှီးခဲ့ကြတာပါ။ လုပ်အားအဖြစ် ချွေးတင်မက လှည်းနွား တစုံနဲ့ လူတယောက် နှုန်း ချွေးတပ်ဆွဲခံရပြီး ယိုးဒယား ဘန်ပေါင်အရပ်ကနေ မြန်မာပြည် သံဖြူဇရပ်ထိ ၁၇၅ မိုင်အရှည်ရှိ မဟာဗျူဟာ စစ် ရထားလမ်းဖေါက်လုပ်ရေး လုပ်ငန်းခွင်ထဲမှာ မြန်မာပြည်သား ၈သောင်းကျော်နဲ့ ဗြိတိသျှ စစ်သုံ့ပန်း ၁၇၀၀ ကျော် သြစတေးလျှ ၁၂၀၀၊ ဒတ်ခ်ျစစ်သည် ၆၀၀ကျော်တို့ အသက် စွန့်ခဲ့ကြရပါတယ်။ ဒါကြောင့် ပြန်လမ်းမရှိတဲ့ သေမင်း တမန် လမ်းမ အဖြစ် ကမ္ဘာမှာ ကျော်ခဲ့တာပါ။
လွတ်လပ်ရေးရပြီးနောက် ပြည်တွင်းစစ်ကာလ အစောပိုင်းမှာ စစ်တပ် ပစ္စည်း ထမ်းပိုးပေးရတဲ့ ကိစ္စ သိပ်မရှိခဲ့ဘဲ ၁၉၇၀ ခုနှစ်တွေလောက်ကျ ပေါ်တာ အဖြစ် အမည်သစ်နဲ့ ပြန်ပြီး တစခန်း ထလာခဲ့ပါတော့ တယ်။
မဆလခေတ် ပြည်သူ့စစ် မဟာဗျူဟာနဲ့ သောင်းကျန်းသူ အမြစ်ပြတ်ချေမှုန်းရေုး များနဲ့ နယ်စပ်ဒေသ ထိုးစစ်ကြီးတွေမှာ အရပ်သား ၀န်ထမ်းတွေ ဆင့်ခေါ်ရာက ပေါ်တာ-ပေါ်တာဆွဲတယ်-ပေါ်တာကြေး စသည်ဖြင့် ဝေါဟာရတွေ တွင်ကျယ်လာ ခဲ့ပါတယ်။ ပေါ်တာဆိုရင် လူတိုင်းက သေမလောက် ကြောက်ရပါတော့တယ်။ ပေါ်တာဆွဲခံရလို့ နကိုအတိုင်း အကောင်း နဲ့ အိမ်ပြန်ရောက်တဲ့လူက ခပ်ရှားရှားမို့ပါ။ ဖျားနာ၊ ငှက်ဖျား၊ ကျိုးပဲ့ လူစဉ်မမီဖြစ် မိုင်းနင်းမိတာတွေ အပြင် စစ်တပ်က မထမ်း မပိုးနိုင်လို့ ပစ်သတ်ထားခြင်း ခံခဲ့ရသူတွေ ထွက်ပြေးလို့ ပစ်သတ် ခံရသူတွေ မြန်မာပြည် တလွှားမှာ ဒုနဲ့ဒေးပါ။ အခုပြောခဲ့တာ က ရိုးရိုးသာမန် အရပ်သားပြည်သူတွေကို စစ်တပ်က ပေါ်တာ ဆင့်ခေါ်ခိုင်းစေတဲ့ဖြစ်စဉ်ပါ။
ဒါနဲ့ အလားသဏ္ဍန် တူတဲ့ နောက်ထပ် အမျိုးအစား တခုကတော့ ၀န်ဆောင်တပ် လို့ခေါ်ပြီး စေတနာ လုပ်အားရှင် များလို့ နံမည် လှလှလေးပေးထားတဲ့ အကျဉ်းသားပေါ်တာ ကိစ္စပါ။ ရှေ့တန်း ၀န်ထမ်း တပ်တွေကို အကျဉ်းထောင်များ အသီးသီမှ ထောင်ကျ အကျဉ်းသားတွေ ထုတ်နှုတ်ကာ ပစ္စည်း ထမ်းပိုးပေါ်တာ လိုက်ခိုင်းတဲ့ ကိစ္စဟာ မြန်မာ-တရုပ် နယ်စပ်က မင်းရန်အောင် ထိုးစစ်နောက်ပိုင်း မြန်မာ့မြေမှာ ခေတ်စား လာခဲ့ပါတယ်။ မဆလခေတ်မှသည် ရှေ့တန်း လုပ်အားရှင်များ၊ ရဲဘက် များလို့ နံမည်လှလှပေးပြီး အဓမ္မ ထမ်းပိုး လိုက်ပါစေခိုင်း ခဲ့ရာကနေ ဒီကနေ့အထိ နှစ် ၆၀ကျော်ကြာ ပြည်တွင်းစစ် အတွင်း ပြည်သူတွေ သောင်းချီပြီး သေဆုံး သွားခဲ့ကြ ပါပြီ။ ရှေ့တန်းသို့ ပေါ်တာပါပြီး ပြန်မရောက်တဲ့ အရပ်သားနဲ့ အကျဉ်းကျ ရဲဘက်တွေရဲ့ စုစည်း မရသေးတဲ့ သတင်းတွေလည်း အများစုပါ။ မြန်မာနိုင်ငံ တနံတလျားမှာ ကယားပြည်နယ်က မထော ခူ။ ရှမ်းတောင်က ကျိုင်းတောင်း၊ မြိတ်ဖက်က ရွာသစ်စခန်းတို့လို စစ်တပ်များ အတွက် ပေါ်တာတပ်ရင်း အခြေချ(၆)ခု လောက်ရှိပါတယ်။ ၁၉၉၇ ခုနှစ် တနင်္သာရီတိုင်း အတွင်း KNU တပ်ဖွဲ့တွေကို ထိုးစစ်ဆင်ခဲ့တုံးက ပေါ်တာပေါင်း၁၃၀၀-၁၄၀၀ လောက် သုံးခဲ့ရာမှာ ငတ်ပြတ်တာ ဖျားနာ ဒဏ်ရာနဲ့ စစ်သားတွေရဲ့ ရိုက်နှက် ပစ်သတ်တာတွေကြောင့် ဒီစစ်ဆင်ရေး တခုတည်းမှာ ကို ပေါ်တာ ရာဂဏန်းလောက် အသက် ဆုံးခဲ့ရဖူးပါတယ်။
သာမန်အပြစ်လျှော့ရက်တွေအပြင် အထူးအခွင့်အရေးအဖြစ် ရှေ့တန်းပေါ်တာက ပြန်ရောက်တာနဲ့ ထောင်က လွှတ်ပေး တာမျိုး။ ပေါ်တာ တပ်ရင်းတွေမှာ ငွေပေး လိုင်းဝင်ပြီး မိသားစုနဲ့တွေ့ဆုံနိုင်ခွင့် ရတာတို့လို အခွင့်အရေး အသီးသီးကို ပေါ်တာ ခေါ် ၀န်ဆောင် ရဲဘက်များကို အစိုးရက မက်လုံးပေးခဲ့ပါတယ်။ ထောင်အပြင် တန်းမရှိဘူးလို့ ဆိုပေမဲ့ ထောင်ထဲကျနေတာ ထက် ပိုပြီး သက်သာခွင့်လေး တချို့ ရဖို့ မြန်မြန် ပြန်လွတ်လေမလား ဆိုတဲ့ မျှော်လင့်ချက် တခုနဲ့ ဒီလိုဆိုးဝါးလွန်းလှတဲ့ သေ လမ်းကိုပဲ ထောင်ကျ အကျဉ်းသားတွေ ကိုယ်တိုင်က သက်ဆိုင်ရာ အကျဉ်း ထောင်မှူးနဲ့ထောင်ဝန်ထမ်းတွေထံ လာဘ်ထိုးပြီး ရှေ့တန်း လိုက်ပါခွင့် ရရေး ဆောင်ရွက်နေကြရတယ် ဆိုကလည်း မြန်မာ့ တရားစီရင်ရေးနဲ့ အကျဉ်းထောင် စနစ်ရဲ့ အံ့ဖွယ် ရာပါ။
ပေါ်တာဆိုတဲ့ခေါင်းစဉ်နဲ့ တပ်ရင်းမှူးတိုင်းအတွက် ရွှေခေတ်ကာလကောင်းကြီး တခုလည်း တပ်မတော်ထဲမှာ ရှိခဲ့ဖူးပါတယ်။ ၁၉၆၈ ခုနှစ် မင်းရန်အောင် ထိုးစစ်နောက်ပိုင်း ကနေ ဦးနေ၀င်း မဆလခေတ် အဆုံးထိ ပြီးတော့ န၀တခေတ်ဦးပိုင်း အထိပါပဲ။ ရှေ့တန်းထွက် တပ်ရင်း စစ်ကြောင်းတခု ပေါ်တာ(၆၀)နီးပါး ဆင့်ခေါ်ခွင့်ပြုခဲ့သလို လုပ်အားခနေ့တွက်ကို တွက်ချက်ပြီး အထက်ဌာနသို့ တင်ပြတောင်းခံခွင့် ရှိခဲ့ကြပါတယ်။ တပ်ရင်း၊ စစ်ကြောင်းနဲ့ တပ်ခွဲအလိုက် သုံးစွဲခဲ့တဲ့ ပေါ်တာစာရင်းကို နေ့စဉ် တပ်လှုပ်ရှားမှု အစီရင်ခံစာမှာ တင်ပြပြီး တောင်းခံကြရပါတယ်။ ဒီငွေတွေကို အရာရှိနဲ့ အကြပ်တချို့သာ ခံစားကြရ ပါတယ်။ ပြီးတော့လည်း ရှေ့တန်းအတွက် လိုအပ်တဲ့ ပေါ်တာကို ပိုဆွဲပြီး ငွေနဲ့ ပြန်ရွှေးနှုတ်စေတဲ့ နည်းကိုလည်း တပ်ရင်း တိုင်းမှာ ကျင့်သုံးတတ်ပြန်ပါတယ်။ ဒီနည်းက ပိုပြီး ငွေအရ များပါတယ်။ ဒါကြောင့်လည်း ပေါ်တာကြေး မရိုးမသားပြု ဖြတ် စားတာမျိုးနဲ့ ခရီးမထွက်ဘဲ အထွက်ပြပြီး ပေါ်တာကြေး ထုတ်ယူကြတဲ့ ပြဿနာ တသီကြီးဟာ အဲဒီခေတ်တုံးက အရာရှိ တွေကို အရေးယူ ရာထူးဖြုတ်ခံကြရတဲ့ ဖြစ်စဉ်တွေပါပဲ။
၁၉၉၀လွန် ခုနှစ်တွေ နောက်ပိုင်းမှာ ကကကြည်းကနေ တပ်ရင်းတွေအတွက် ပေါ်တာ ခွင့်ပြုငွေများ တွက်ချက် ချပေးတဲ့ ကိစ္စတွေ သိပ်မရှိတော့ ပြဿနာတွေလည်း တစုံတရာလျော့ပါးလို့ သွားခဲ့ပါတော့တယ်။ ၂၀၁၁ ခုနှစ် အတွင်း အခိုင် အမာစစ်ဆင်ရေး ၂ ခုအတွင်း အကျဉ်းသားပေါ်တာ ၁၂၀၀ သုံးစွဲခဲ့ကြောင်း သက်သေရှိပြီး ကုလသမဂ္ဂလူ့ အခွင့်အရေး ကော်မရှင်က ၂၀၁၀ခုနှစ်ထုတ်ပြန်တဲ့ လမ်းလျှောက်နေသော လူသေများ ဆိုတဲ့ အစီရင်ခံစာ ထဲမှာ အစိုးရနဲ့ သူပုန် အဖွဲ့ တွေရဲ့ ကလေးစစ်သား သိမ်းသွင်းမှု၊ မြေမြှုပ်မိုင်းနဲ့ အဓမ္မပေါ်တာ ဆင့်ခေါ်မှုတွေကို ဖွင့်ချထား ပါတယ်။ ဒီလိုအမှုအခင်း မျိုး တွေ မရှိကြောင်း ယခင်ရော ယခု အရပ်သား တပိုင်း အစိုးရက ငြင်းဆိုခဲ့သလို နိုင်ငံတကာက ပိတ်ဆို့ အရေးယူမှု ပြုခဲ့လို့ ပြီးခဲ့တဲ့ နှစ်ပေါင်း၂၀ကျော် စီးပွားရေးချို့ငဲ့ခဲ့ရ လူထု ဆင်းရဲမွဲတေခဲ့ရတဲ့ အဖြစ်တွေကလည်း အုပ်စိုးသူ စစ်ထိပ်သီးတွေရဲ့ အဓမ္မ လုပ်အားပေးနဲ့ တိုင်းရင်းသားများ အပေါ် စစ်ဆင်နွဲရာကဖြစ်ပေါ်လာတဲ့ ပေါ်တာဆွဲ၊ သတ်ဖြတ် လုယက် မုဒိမ်းမှုတို့လို လူ့အခွင့်အရေး ချိုးဖေါက်မှုတွေကြောင့်ပဲ ဖြစ်ခဲ့ပါတယ်။ ကိုယ့်တိုင်းပြည်အတွင်းမှာ အုပ်ချုပ်သူနဲ့ပြည်သူတွေ အဆင်ပြေ နေသမျှတော့ ဘယ်နိုင်ငံကမှ လာပြီး စီးပွားရေးပိတ်ဆို့ဖို့ နေနေသာသာ စီးပွားရေးကိုပဲ လာရောက်လုပ်ကိုင်လိုကြမှာပါ။
အဓမ္မလုပ်အားပေးနဲ့ပေါ်တာစနစ်ကို လူထုအပေါ်မှာပဲ စစ်တပ်ကအတင်း လုပ်ဆောင်ခိုင်းစေတာ မဟုတ်ပါဘူး။ နမူနာတခု ထုတ်နှုတ်ပြောရရင် ရခိုင်ပြည်နယ် စစ်တွေ အခြေစိုက် အမတ(၃၇၃) အမြောက်တပ်ရင်းက စစ်သည်နဲ့အကြပ်နဲ့ အရာရှိ တချို့တွေတင် သာမက မိသားစုဝင်တွေပါ နေ့စဉ်လိုလို သန့်ရှင်းရေးလုပ်၊ ကျောက်တူး၊ မြေဖို့ လုပ်ငန်းတွေ လုပ်ကိုင်နေရပါ တယ်။ တခြား တပ်ရင်းတွေမှာတော့ စနေ၊ တနင်္ဂနွေနေ့တွေလောက်ပဲ လုပ်ကြရတာပါ။ ဒါကြောင့် လုပ်အားပေး ကိစ္စအပြင် တပ်ရင်းမှူးက လက်အောက်လူတွေကို ဆဲဆိုကြိမ်းမောင်းတဲ့ ဒဏ်ကို သည်းမခံနိုင်သူ အမတ (၃၇၃) တပ်ရင်းက ကွန်ပြူ တာစာရေး တကက စာရေး ဇော်မျိုးနိုင် အပါအ၀င် အခြား တပ်ကြပ်ကြီး ၂ ယောက်နဲ့ တပ်သား ၄ ဦးတို့ တပ်မှ ထွက် ပြေးသွားတာကိုကြည့်ရင် တပ်မတော်သားများ ကိုယ်တိုင်လည်း ဒီအဓမ္မ ဒဏ်ချက်တွေအောက်က မကင်းလွတ်ခဲ့ရှာပါဘူး။
၂၀၁၅ခုနှစ်အရောက်မှာ မြန်မာနိုင်ငံတွင်း အဓမ္မခိုင်းစေမှုများ ပပျောက်ရေး နားလည်မှု သ၀ဏ်လွှာ တခုကို IL0 နဲ့ မြန်မာ အစိုးရတို့ ၂၀၁၂ မတ်လ ၁၆ ရက်နေ့က လက်မှတ် ထိုးခဲ့ပြီး လက်ရှိ ကာကွယ်ရေး ဦးစီးချုပ်ဖြစ်သူ ဗိုလ်ချုပ်ကြီးမင်းအောင် လှိုင်ကလည်း မေလ ၂ ရက်နေ့တုန်းက ILO အုပ်ချုပ်ရေး အဖွဲ့ ဥက္ကဋ္ဌ ဂရစ်ဗိန်းနဲ့ တွေ့ဆုံစဉ် တပ်မတော်သားတွေ ကနေ လူထုကို အဓမ္မ အလုပ်စေခိုင်းတာ ရှိလာရင်တော့ အရပ်ဖက် အလုပ်သမား ဥပဒေအရ အရေးယူခံရမှာလို့ ထပ်ခါ ကတိပြု ခဲ့ပါသေးတယ်။ ဒါပေမဲ့ ဦးသိန်းစိန် အစိုးရထုတ်ပြန်လိုက်တဲ့ ပေါ်တာ မထမ်းရတဲ့ဆိုတဲ့အမိန့်ဟာ ဝေးလံခေါင်သီတဲ့ ချင်း ပြည်နယ်၊ မတူပီ နယ်စပ်ဒေသို့ ၂၀၁၂ ဧပြီလဆန်းမှ စတင် အာဏာ သက်ရောက်ခဲ့တာပါ။ ဒီအမိန့်ကြောင့် နယ်မြေခံ စစ်တပ်စခန်းများနဲ့ ရဲတပ်ဖွဲ့ ၀င်မိသားစု လိုင်းများအတွက်ပါ လူထုကဆောက်ပေးစရာ မလိုတော့ပါဘူး။ ယခင် တပ်မတော် အစိုးရ လက်ထက်တုံးက ပြည်သူတွေကို ကျေးရွာအလိုက် ခွဲတမ်းချပြီး ကိုယ့်စရိတ်နဲ့ကိုယ် ဆောက်ခိုင်း ခဲ့တာပါ။ ဒါပေမဲ့ သမ္မတ ဦးသိန်းစိန်ရဲ့ အမိန့်အာဏာ သက်ရောက်မှု ရှိမရှိဆိုတာကလည်း တပ်တွေကို ချပေးတဲ့ စစ်သုံး ဘတ်ဂျက်နဲ့ သွား သက်ဆိုင်လို့ နေပြန်ပါတယ်။ အခုထိ တပ်စခန်းနဲ့ ရဲတပ်ဖွဲ့ဝင်မိသားစုလိုင်းတွေကို ပြုပြင်စရိတ် ချထားပေးတာ မရှိတာ အခက်ခဲတခုပါ။
လွန်ခဲ့တဲ့နှစ်ပေါင်း ၆၀ ကျော်ပြည်တွင်းစစ်မှာ ပေါ်တာဆိုတဲ့ခေါင်းစဉ်အောက်ကနေ သေကြေ ခဲ့ရသူ စာရင်းကို ဒီကနေ့ စု စည်းမယ်ဆိုရင် ဂျပန်ခေတ် ချွေးတပ် ဆွဲခံခဲ့ရတုန်းကထက် ပိုပြီး များလိမ့်မယ်လို့ ထင်မိပါတယ်။ ပြည်တွင်းစစ်ရဲ့ အနိဋ္ဌာရုံ ကို သိရှိပြီးနောက် ငြိမ်းချမ်းရေးကို တည်ဆောက်ကြမယ် ဆိုရင်တော့ အစိုးရရော တိုင်းရင်းသား လက်နက်ကိုင် အဖွဲ့များပါ ဒီလို စာရင်းတွေကို အမှန်အတိုင်းပြုစုထားဖို့ လိုပါတယ်။
တကယ်တမ်းပြောရမယ် ဆိုရင် စစ်ပွဲတွေကို ပြည်သူတွေက ဖန်တည်းခဲ့တာ မဟုတ်ပေမယ့် ပေါ်တာလို့ပဲ ဆိုဆို ၀န် ဆောင်တပ်လို့ပဲ ပြောပြော ဒီလိုခေါင်းစဉ်တွေအောက်မှာ စစ်ကြောင့် ဒုက္ခရောက်ရ သူတွေဟာ ပြည်သူတွေပါပဲ။ ဒဏ်မခံ နိုင်တဲ့ ဒေသခံ လူထုကတော့ နောက်ဆုံးမှာ ရွှေ့ပြောင်းဒုက္ခသည်များ အဖြစ် ဆက်ပြီး သံသရာ လည်နေကြရဦးမှာပါ။
နောင်မှာခေတ်မီမီ မြန်မာ့တပ်မတော်တရပ်ကို ထူထောင်လိုချင်တယ်ဆိုရင်ဖြင့် အဲဒီလို သမိုင်း သင်ခန်းစာတွေကို ဆင်ခြင် သုံးသပ်ပြီး ရှေ့ခရီးကို ဆက်ကြရမှာပါပဲ။ သမိုင်းဟောင်းဆိုးကြီးတွေ ဆက်ပြီး မဖြစ်ပေါ်စေဖို့ အထပ်ထပ်ပြန် သံသရာ မလည်စေဖို့ကတော့ ဒီကနေ့ခေတ်သစ် တပ်မတော်သား တိုင်းရဲ့ တာဝန်များသာ ဖြစ်ပါလိမ့်မယ်။ လူထုကို မထိခိုက်မနစ် နာစေသော ၀န်ထုပ်ဝန်ပိုး မပိစေသော စစ်တပ်မျိုး သာလျှင် တကယ့် ပီပီပြင်ပြင် တပ်မတော်တရပ် အဖြစ် ကမ္ဘာ့အလယ်မှာ ဂုဏ်တင့်နိုင်ပါလိမ့်မယ်။ ၁၉၅၄ ခုနှစ် တုံးက ၀ါရှင်တန်ပို့စ် သတင်းစာပါ ပါးစပ် ပါးစပ်ချင်း ပြောကြ ဆိုကြတာဟာမျိုးက စစ်ခင်းရတာထက် ပိုပြီး ကောင်းတယ်လို့ ဆာဝင်စတန် ချာချီ ရေးသား ခဲ့ဖူးတဲ့ ဆောင်ပုဒ်တခုကို မြန်မာ စစ်ဗိုလ်ချုပ် အဟောင်း နဲ့အသစ်တွေမှန်သမျှ အစဉ်အမြဲ နှလုံးသွင်းနေသင့် လှပါတယ်။ ဒါမှလည်း ဆိုးဝါး ခါးသည်းလွန်းလှသော ပြည်တွင်းစစ်နဲ့ ဒီစစ်ရဲ့နောက်ဆက်တွဲ ပေါ်တာပြဿနာတွေကို တပါတည်း ဖြေရှင်းပြီးသား ဖြစ်သွားပါလိမ့်မယ်။
ပြုပြင်ပြောင်းလဲမှုတွေကြားက ဥပဒေမဲ့ မြေသိမ်းမှုများ
ဝီလျံဘွတ်
May 17, 2012
မြန်မာအစိုးရရဲ့ ပြုပြင်ပြောင်းလဲရေးဘက် တိမ်းညွှတ်နေမှုအပေါ် နိုင်ငံတကာ အစိုးရတွေက အောတိုက် ချီးမွမ်းနေကြချိန်မှာ ပြည်တွင်းမှာလည်း မြေယာအဓမ္မ သိမ်းပိုက်မှုတွေ တစထက်တစ ပိုများ လာနေတယ်လို့ သိရပါတယ်။ အကြောင်းကတော့ အစိုးရအေဂျင်စီတွေနဲ့ ပြည်တွင်း လုပ်ငန်းရှင်ကြီးတွေဟာ နိုင်ငံခြား ရင်းနှီးမြှုပ်နှံမှုတွေကို လက်ခံကြိုဆိုဖို့ သူတို့ကိုယ် သူတို့ ပြင်ဆင်နေရာ ချနေကြ လို့ပါတဲ့။
နိုင်ငံတဝန်းက လယ်သမားတွေဟာ သူတို့ရဲ့ လယ်မြေတွေကနေ အတင်းမောင်းထုတ် ခံနေကြရပါတယ်။ ဒီလို မောင်းထုတ် ခံရတဲ့ အတွက်လည်း ဥပဒရှေ့မှောက် အယူခံနိုင်ဖို့ သူတို့မှာ မျှော်လင့်ချက် နည်းနည်းပဲရှိတာပါ။ ဒါက ဘာဖြစ်လို့လဲဆိုတော့ အနောက်နိုင်ငံတွေမှာ သမ္မတ ဦးသိန်းစိန်ရဲ့ “ပြုပြင်ပြောင်းလဲမှုတွေ” နဲ့ပတ်သက်ပြီး ကျယ်ကျယ်လောင်လောင် ပြောဆိုနေကြပေမယ့် မြန်မာပြည်ရဲ့ တရားဥပဒေ စိုးမိုးရေးက ၁၂ ရာစု ဥရောပမှာ ရှိခဲ့တဲ့ အခြေအနေ သာသာပဲ ရှိလို့ပါပဲ။
အလယ်ခေတ်တုန်းက ဥရောပမှာ မြေယာပိုင်ဆိုင်မှုကို လက်နက်နဲ့ အင်အားရှိသူတွေကပဲ အဆုံးအဖြတ် ပေးခဲ့ကြတာပါ။ အဲဒီ အချိန်တုန်းကတော့ ဓားရှည် ထက်ထက်နဲ့ ကိုယ်ပိုင် စစ်တပ်တွေပေါ့။ မြန်မာပြည်မှာလည်း အခုကာလမှာ စစ်တပ်နဲ့ ချိတ်ဆက်ရှိတဲ့ စီးပွားရေး လုပ်ငန်းကြီးတွေက ဥရောပ အလယ်ခေတ်က လုပ်ခဲ့တာမျိုးတွေ အတိုင်း အတော်များများ လုပ်နေကြတာပါပဲ။
လောလောဆယ် ရန်ကုန်တိုင်းဒေသကြီးရဲ့ တောင်ဖက် ပင်လယ် ကမ်းခြေနားမှာ၊ မန္တလေးမြို့ တဝိုက်မှာ၊ ပြီးတော့ မြန်မာပြည်မြောက်ပိုင်း တရုတ်နယ်စပ် အနီးက ဒေသတွေမှာ မြေယာ သိမ်းမှုတွေ ဖြစ်နေတယ်လို့ သိရပါတယ်။
ဘင်္ဂလားပင်လယ်အော်ကနေ မြန်မာပြည်ကိုဖြတ်ပြီး တရုတ်နိုင်ငံထဲ သွယ်တန်းဖို့ တည်ဆောက်နေတဲ့ ရေနံနဲ့ သဘာဝ ဓာတ်ငွေ့ ပိုက်လိုင်းလိုမျိုး စီမံကိန်းကြီးတွေနဲ့ စစ်တပ် အပေါင်းအပါ ကုမ္ပဏီတွေရဲ့ စက်မှုလုပ်ငန်း စီမံကိန်းတွေကြောင့်လည်း လယ်သမားတွေနဲ့ သူတို့မိသားစုတွေဟာ သူတို့နေရာတွေ ကနေ အဓမ္မ ရွှေ့ပြောင်း ခံနေကြပါတယ်။
ဒေသဆိုင်ရာ အာဏာပိုင်တွေက မောင်းထုတ်ခံရတဲ့ လယ်သမားတွေဘက်ကနေ ရပ်တာတောင်မှပဲ စီးပွားရေး ကုမ္ပဏီကြီးတွေက အဲဒီ အာဏာပိုင်တွေကို ဂရုမစိုက်ဘဲ လျစ်လျူရှု ထားတာပါ။ မင်္ဂလာဒုံမြို့နယ် အုပ်ချုပ်ရေးရုံးက တားမြစ်အမိန့် ထုတ်ခဲ့ပေမယ့် ဇေကမ္ဘာကုမ္ပဏီက သိမ်းထားတဲ့မြေကို ဘယ်လိုမျိုး ရှင်းလင်းရေး ဆက်လုပ်နေတဲ့ အကြောင်း ပြီးခဲ့တဲ့ တပတ်ကပဲ ဧရာဝတီက ရေးသား တင်ပြခဲ့ပါသေးတယ်။
ဇေကမ္ဘာကုမ္ပဏီကို အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) ရဲ့လွှတ်တော်အမတ် ဦးခင်ရွှေက ပိုင်တာဖြစ်ပါတယ်။
“စစ်တပ်အရာရှိဟောင်းများအနေနှင့် စက်မှုလုပ်ငန်းအပါအဝင် အခြားကဏ္ဍများတွင် နေရာယူလာကြပြီး ၄င်းတို့ ယခင်ကရှိခဲ့သည့် လုပ်ပိုင်ခွင့်ကို ဆက်လက် အသုံးချနေသဖြင့် မြန်မာပြည်သည် စိန်ခေါ်မှု အသစ်များနှင့် ရင်ဆိုင်နေရသည်” လို့ ကုလသမဂ္ဂ လူ့အခွင့်အရေးကောင်စီကို မကြာခင်က တင်သွင်းခဲ့တဲ့ အာရှလူ့အခွင့်အရေး ကော်မရှင် အစီရင်ခံစာထဲမှာ ဖော်ပြထားပါတယ်။
“စစ်တပ်၊ အစိုးရအေးဂျင့်များနှင့် စီးပွားရေးလုပ်ငန်းတို့ ပေါင်းဆုံမှုသည် အန္တရာယ် ကြီးမားလွန်းသည့် ဖွံ့ဖြိုး တိုးတက်မှု ဖြစ်သည်ကို တစထက်တစ ပိုများလာသော စိုးရိမ်ဖွယ် ကောင်းလှသည့် မြေယာ သိမ်းဆည်းမှုပြဿနာတွင် တွေ့မြင်နိုင်သည်” လို့လည်း အစီရင်ခံစာက ဆိုပါသေးတယ်။
ဒါ့အပြင် မြန်မာပြည်က အမှုတွေရဲ့ ၇၀ ရာခိုင်နှုန်းကို “အမှု၏ တစိတ်တပိုင်းကိုဖြစ်စေ၊ အမှု တခုလုံးကိုဖြစ်စေ ငွေပေးသည့် အပေါ် မူတည်၍ ဆုံးဖြတ်ခဲ့ခြင်းဖြစ်သည်။ စီးပွားရေး တိုးတက်မှုကြောင့် ငွေကြေး ပွားများ လာသကဲ့သို့ လာဘ်ပေးလာဘ်ယူမှုလည်း ပို၍ တိုးပွား လာမည်သာဖြစ်သည်” လို့ အာရှ လူ့အခွင့်အရေး ကော်မရှင်က စွပ်စွဲလိုက်ပါတယ်။
ဗြိတိန်အခြေစိုက် စီးပွားရေး ရင်းနှီးမြှုပ်နှံမှုအန္တရာယ် အကဲဖြတ်အဖွဲ့ Maplecroft ကတော့ နိုင်ငံရေးအရ ပြုပြင်ပြောင်းလဲမှုတွေ လုပ်နေတယ်လို့ ယူဆပြီး ချီးမွမ်းနေကြပေမယ့် တရား ဥပဒေ စိုးမိုးမှု ညွှန်းကိန်း အရတော့ မြန်မာပြည်ဟာ တရားဥပဒေစိုးမိုးမှု အချို့တဲ့ဆုံး နိုင်ငံတွေအနက် ထိပ်ဆုံးမှာ ဆက်ရှိနေဆဲပဲလို့ ပြောပါတယ်။
“တိုင်းပြည်ရဲ့ ရေရှည်စီးပွားရေး အလားအလာကို တွက်ဆနိုင်ဖို့အတွက် ပိုမိုလွတ်လပ်တဲ့ တရားစီရင်မှုနဲ့ လုပ်ငန်း လည်ပတ်ရာမှာ ပိုမိုပွင့်လင်းမြင်သာမှုတွေ အပါအဝင် တရားဥပဒေ စိုးမှုမှာ လက်ဆုပ် လက်ကိုင်ပြနိုင်တဲ့ တိုးတက်မှုတွေ အရင်ရှိဖို့ လိုအပ်ပါလိမ့်မယ်” လို့လည်း Maplecroft က ဆိုပါတယ်။
ပိုချမ်းသာကြွယ်ဝတဲ့ နိုင်ငံခြားသား ရင်းနှီးမြှုပ်နှံသူ ပါတနာတွေကို ဆွဲဆောင်ဖို့ မျှော်လင့်နေတဲ့ မြန်မာစီးပွားရေး လုပ်ငန်းတွေ အတွက်တော့ မြေတကွက်လောက် ပိုင်တာ၊ အထူးသဖြင့် ဖွံ့ဖြိုးဖို့ အလားအလာရှိတဲ့ မြို့အဝန်းအဝိုင်း ဒေသတွေ ဒါမှမဟုတ် ကမ္ဘာလှည့်ခရီးသွားတွေ စိတ်ဝင်စားတဲ့ နေရာတွေမှာ အဲဒီလို မြေကွက်ပိုင်တာဟာ လုပ်ငန်းကို ပိုတိုးတက်စေမှာဖြစ်ပါတယ်။
မြန်မာပြည်မှာ မြေယာပိုင်ဆိုင်မှုဟာ ၁၉၆၀ ခုနှစ်တွေကစလို့ မရေမရာဖြစ်နေ ခဲ့တာပါ။ အဲဒီအချိန်တုန်းက ဦးနေဝင်းရဲ့ ဆိုရှယ်လစ် အစိုးရ လက်ထက်မှာ မြေယာပိုင်ဆိုင်မှု အများစုကို ပြည်သူပိုင် လုပ်ခဲ့တာဖြစ်ပါတယ်။ အဲဒီနောက် စစ်အစိုးရ အဆက်ဆက် ကလည်း တရားဥပဒေ စိုးမိုးမှုကို တစစ ယိုယွင်းပျက်စီးစေခဲ့တာမို့ မြေယာကို ဘယ်သူပိုင်ဆိုင်သလဲ ဆိုတာက သမိုင်းကြောင်းအရ ပိုင်ဆိုင်ခွင့်ထက် စာရင် နိုင်ငံရေးသြဇာ ဒါမှမဟုတ်လည်း ငွေအပေါ်မှာ ပိုပြီး မူတည်ပါတယ်။
မြေယာဥပဒေသစ်တရပ်ကို လွှတ်တော်ထဲမှာ အခြေအတင် ဆွေးနွေးနေကြတယ် ဆိုပေမယ့်လည်း အဲဒီဥပဒေနဲ့ ပတ်သက်ပြီး ပွင့်ပွင့်လင်းလင်း ဝေဖန် သုံးသပ်တာတွေကို သဘောလောက်ပဲ လုပ်ခွင့်ရတာဖြစ်ပါတယ်။ စောင့်ကြည့်လေ့လာသူ တချို့ကတော့ ဒီဥပဒေဟာ စစ်တပ်နဲ့ ချိတ်ဆက်ရှိတဲ့ စီးပွားရေး လုပ်ငန်းတွေရဲ့ ဆောင်ရွက်နိုင်စွမ်းကို ပိုအားကောင်း လာစေဖို့ပဲဖြစ်လိမ့်မယ်။ အဲဒီ လုပ်ငန်းတွေက သူတို့ လိုချင်တဲ့မြေကို ရယူဖို့ ကြိုးစားတဲ့နေရာမှာ သူတို့အနေနဲ့ ဥပဒေအတိုင်း ဆောင်ရွက်တာဖြစ်တယ်လို့ ပြောနိုင်အောင်အတွက်ပဲ ဖြစ်လိမ့်မယ်လို့ ဆိုကြပါတယ်။
“တည်ဆဲဥပဒေများက အစိုးရမဟာမိတ်များ၏ မြေယာသိမ်းမှုအား အနည်းငယ်သာ တားဆီးနိုင်သည့် အပြင် လွှတ်တော်တွင် အခြေအတင်ဆွေးနွေးလျက်ရှိသော မြေယာဥပဒေကြမ်း အတည်ဖြစ်လာပါကလည်း ယင်းကဲ့သို့ သိမ်းယူမှုများ ဆက်လက်ဖြစ်ပွားဖွယ်ရှိသည်” လို့ ဒီမိုကရက်တစ်မြန်မာ့အသံ (DVB) ရဲ့ သတင်းတပုဒ်မှာ ဖော်ပြထားပါတယ်။
“မြေယာအက်ဥပဒေက စီးပွားရေးလုပ်ငန်းရှင်ကြီးများအား စိုက်ပျိုးနိုင်သည့်မြေများကို ထိထိရောက်ရောက် လက်ဝါးကြီးအုပ်ခွင့် ပြုမည်ဖြစ်သည့်အတွက် တနိုင်တပိုင်စိုက်ပျိုးနေကြသော လယ်သမားများ ၄င်းတို့မြေယာများမှ အဓမ္မ မောင်းထုတ်ခံကြရပေလိမ့်မည်” လို့လည်း အစီရင်ခံစာက နိဂုံးချုပ်ထားပါသေးတယ်။
ပြီးခဲ့တဲ့ ရက်သတ္တပတ်တွေအတွင်းက အကြီးမားဆုံး မြေယာသိမ်းမှုတခု စစ်ကိုင်းတိုင်းမှာ ဖြစ်ပွားခဲ့ပါတယ်။ ကြေးနီစီမံကိန်းအတွက် မြေဧက ၇၅၀၀ ကျော်ကို သိမ်းယူပြီး ရွာ ၃ ရွာက ပြည်သူတွေဟာလည်း သူတို့ရွာတွေကနေ မောင်းထုတ်ခံခဲ့ရတယ်လို့ သိရပါတယ်။ ဒီမြေယာသိမ်းမှုကို စစ်တပ်ရဲ့ ဦးပိုင်လီမိတက်နဲ့ တရုတ်စီးပွားရေး ကုမ္ပဏီတွေက လုပ်ဆောင်ခဲ့တာပါ။
“ဒီဖြစ်ရပ်တွေက တရုတ်နိုင်ငံမှာ လွန်ခဲ့တဲ့ နှစ် ၂၀ ကျော်က ဖြစ်ခဲ့တာတွေအတိုင်းပါပဲ။ ရုတ်ချည်းတိုးတက်လာတဲ့ စီးပွားရေးအခြေအနေကြောင့် စီမံကိန်းတွေ (ကျောက်မီးသွေးတွင်းတွေကနေ ရေအားလျှပ်စစ်အတွက် ရေလှောင်ကန် တည်ဆောက်တဲ့ စီမံကိန်းအထိ) အတွက် စိုက်ပျိုးမြေတွေ ပိုပိုပြီး လိုလာတာကိုး” လို့ ဟောင်ကောင် စွမ်းအင်စက်မှုလုပ်ငန်း ဆန်းစစ်လေ့လာသူ ဂျက်ဖ်မိဒ် (Jeff Mead) က ပြောပြပါတယ်။
“အဲဒီအချိန်မှာ တရားဥပဒစိုးမိုးမှုကလည်း မည်မည်ရရ မရှိတာမို့ တရုတ်ပြည်သူတွေအနေနဲ့ သူတို့မြေယာတွေ သိမ်းတာကို တားဆီးနိုင်ဖို့ အခက်အခဲတွေ့ခဲ့ရပါတယ်၊ ဒါပေမယ့် အခုအချိန်မှာတော့ တရုတ်နိုင်ငံမှာ ပြည်သူလူထုက ပိုရဲရဲတင်းတင်းရှိလာပြီး မြေယာသိမ်းမှုတွေဖြစ်လာရင် သက်ဆိုင်ရာကို ကန့်ကွက်နိုင်အောင် ပြင်ဆင်ထားကြပါပြီ” လို့လည်း သူက ဆိုပါသေးတယ်။
မြန်မာပြည်မှာ ပြုပြင်ရေးလိုလားတဲ့အစိုးရက လက်ရှိအုပ်ချုပ်နေတဲ့အတွက် ရလဒ်ကောင်းတခုကတော့ ပြည်သူလူထုက မတရားမှုတွေကို လူသိရှင်ကြား ထုတ်ဖော်ကန့်ကွက်ဖို့ အရင်လို မကြောက်ရွံ့ကြတော့တာပဲ ဖြစ်ပါတယ်။ မနှစ်တုန်းက သူတို့လယ်မြေတွေ အသိမ်းခံရတာနဲ့ပတ်သက်ပြီး မန္တလေးက လယ်သမားတချို့ ဒီလထဲမှာ တရားစွဲတာကို ကြည့်ရင် ပြည်သူလူထုက အရင်လိုမဟုတ်မှန်း သိနိုင်ပါတယ်။
ဒီလို ရဲရဲဝံ့ဝံ့ ဆောင်ရွက်တာမျိုးကလည်း အန္တရာယ်မရှိတာတော့ မဟုတ်ပါဘူး။ မကွေးတိုင်းမှာ မနှစ်တုန်းက ဦးပိုင်လီမိတက်နဲ့ ထူးကုမ္ပဏီကို တရားစွဲတဲ့ လယ်သမား ၅ ယောက် ထောင်ကျသွားပါတယ်။ သူတို့မြေတွေကို ကော့စတစ်ဆိုဒါ (Caustic Soda) စက်ရုံတည်ဖို့ အသိမ်းခံခဲ့ရတာမို့ သူတို့က အဲဒီကုမ္ပဏီတွေကို တရားပြန်စွဲခဲ့တာပါ။ ဒါပေမယ့် စော်ကားတဲ့ အသုံးအနှုန်းတွေ သုံးတယ်၊ ကန့်သတ်နယ်မြေထဲ ကျူးကျော်ဝင်ရောက်တယ်၊ ဥပဒေကို “ချိုးဖောက်တယ်” ဆိုတဲ့ စွပ်စွဲချက်တွေနဲ့ သူတို့ ထောင်ဒဏ်အပြစ်ပေးခဲ့ရတာ ဖြစ်ပါတယ်။
မြန်မာပြည်ဟာ “ဧရာမအခွင့်အလမ်း” ရဲ့ ထိပ်ဆုံးမှာ ရှိပုံပေါ်ပေမယ့် စိုးရိမ်စရာလည်း ရှိနေပါသေးတယ်။ အဲဒါကတော့ အဓိက အကျိုးခံစားခွင့်ရှိသူတွေဟာ အခြေကျနေတဲ့ စစ်အုပ်စုရဲ့ စီးပွားရေးအပေါင်းအပါတွေ ဖြစ်နေလို့ပါပဲလို့ ကုလသမဂ္ဂ အာရှပစိဖိတ်ဆိုင်ရာ စီးပွားရေးနဲ့ လူမှုရေးကော်မရှင် (UN Economic and Social Commission for Asia-Pacific) က ပြီးခဲ့တဲ့တပတ်မှာ သတိပေးခဲ့ပါသေးတယ်။
ဒါတွေအားလုံးဟာ မြန်မာနိုင်ငံမှာ တရားဥပဒေစိုးမိုးမှုနဲ့ လွတ်လပ်တဲ့ တရားစီရင်ရေးစနစ်မရှိတာရဲ့ လက္ခဏာတွေပါ။ အဲ့ဒါတွေမရှိရင် အခုဖြစ်နေတာတွေအတိုင်း ဖြစ်နေမှာပါပဲ။
William Boot ၏ Land Grabs Intensify as Burma ‘Reform’ Races Ahead of Law ကို ဆီလျော်အောင် ပြန်ဆို ဖော်ပြသည်။
Ref: ဧရာဝတီ
မြန်မာအပေါ် စီးပွားရေးပိတ်ဆို့မှု အမေရိကန် ယာယီရုပ်သိမ်း
ကိုအောင်လွင်ဦး
ကြာသပတေး, 17 မေ 2012
ဆယ်စုနှစ်တွေနဲ့ချီပြီး ဒဏ်ခတ်မှုတွေ ချမှတ်ထားတာကို ရပ်ဆိုင်းကြောင်း အမေရိကန် ပြည်ထောင်စုက ကြေညာ လိုက်ပါတယ်။ မြန်မာနိုင်ငံက နိုင်ငံရေး အပြောင်းအလဲတွေ အပေါ် တုံ့ပြန်ပြီး ဆက်ဆံရေးတွေ တိုးမြှင့် သွားမယ်လို့ ကြေညာထားတဲ့ အမေရိကန် ပြည်ထောင်စုက သံအမတ်ကြီးတွေကိုလည်း အပြန်အလှန် ရွေးချယ် ခန့်အပ်လိုက်တဲ့ အကြောင်းကိုလည်း အမေရိကန် နိုင်ငံခြားရေးဝန်ကြီး ဟီလာရီ ကလင်တန်နဲ့ မြန်မာနိုင်ငံခြားရေး ၀န်ကြီးတို့ရဲ့ ပူးတွဲသတင်းစာ ရှင်းလင်းပွဲမှာ ပြောဆိုသွားတာပါ။ ၀ါရှင်တန်ဒီစီမှာရှိတဲ့ အမေရိကန် နိုင်ငံခြားရေး ၀န်ကြီးဌာနမှာ ကိုယ်တိုင် သတင်းသွားရောက် သတင်းယူခဲ့တဲ့ ကိုအောင်လွင်ဦးက အပြည့်အစုံ တင်ပြပေးထားပါတယ်။
မြန်မာနိုင်ငံအပေါ် လက်နက်တင်ပို့ ရောင်းချမှုတွေကလွဲလို့ အရေးယူ ဒဏ်ခတ်မှုတွေကို ဆိုင်းငံ့ပေးသွား မှာ ဖြစ်တယ်လို့ မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်နဲ့ ပူးတွဲကျင်းပတဲ့ သတင်းစာ ရှင်းလင်းပွဲ အတွင်း အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ကြေညာလိုက် တာ ဖြစ်ပါတယ်။ မြန်မာနိုင်ငံအပေါ် ရင်းနှီးမြှုပ်နှံမှု အသစ်တွေနဲ့ ဘဏ္ဍာရေး ၀န်ဆောင်မှုတွေကို တားမြစ်တားတဲ့ ဒဏ်ခတ် ပိတ်ဆို့ထားတဲ့ ဥပဒေ တရပ် ဒီသီ တင်းပတ်ကုန်မှာ ကုန်ဆုံးတော့မယ့် အချိန်မှာပဲ အမေရိကန်ကို ရောက်ရှိလာတဲ့ မြန်မာနိုင်ငံခြားရေး ၀န်ကြီးနဲ့ တွေ့ဆုံ အပြီး ပြောဆိုလိုက်တာပါ။ ပြစ်ဒဏ် ခတ်ထားတာတွေ ဖယ်ရှားပေးမှာ ဖြစ်တဲ့အတွက် အမေရိကန် စီးပွားရေးနဲ့ ဘဏ္ဍာရေး လုပ်ငန်းတွေ မြန်မာနိုင်ငံမှာ ရင်းနှီးမြုပ်နှံ လုပ်ကိုင်ကြဖို့လည်း ၀န်ကြီး ကလင်တန်က တိုက်တွန်း သွားပါတယ်။
“အမေရိကန် စီးပွားရေးလုပ်ငန်းတွေနဲ့ ဘဏ္ဍာရေး ၀န်ဆောင်မှု လုပ်ငန်းတွေ မြန်မာနိုင်ငံမှာ လုပ်ကိုင်နိုင်ခွင့် ရမယ့် အစီအစဉ် သစ်တွေကို လည်း ဒီကနေ့ ကျမအနေနဲ့ ကြေညာ လိုပါတယ်။ ဒါဟာဆိုရင် ဒီကနေ့အချိန် အထိ ကျမတို့ ကျင့်သုံးနေတဲ့ မူဝါဒဟောင်းကနေ သိသိသာသာ ပြောင်းလဲ လိုက်တာ ဖြစ်ပါတယ်။ နိုင်ငံတကာ ခရက်ဒစ် အကြွေးပေးတဲ့စနစ်နဲ့ ဒေါ်လာငွေကို အခြေခံတဲ့ ငွေကြေး လွှဲပြောင်းမှုတွေကို မြန်မာနိုင်ငံသားတွေ အသုံးပြုနိုင်ဖို့ အတွက် စီးပွားရေးမှာ ရင်းနှီးမြှုပ်နှံ လုပ်ကိုင်နိုင်မယ့် လုပ်ငန်းလိုင်စင်တွေကို အမေရိကန် ပြည်ထောင်စုက ထုတ်ပေးသွားမှာ ဖြစ်ပါတယ်။ ဒါကြောင့်လည်း ဒီကနေ့အချိန်မှာ အမေရိကန် စီးပွားရေး လုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံကြပါလို့ ကျမတို့ ပြောချင်ပါတယ်။”
ဒါပေမဲ့လည်း အမေရိကန် စီးပွားရေး လုပ်ငန်းတွေ အနေနဲ့ တာဝန်သိသိနဲ့ လုပ်ငန်းတွေ လုပ်ကိုင်ကြဖို့ လည်း မျှော်လင့် ထားတဲ့အကြောင်း ၀န်ကြီး ကလင်တန် ကပြောဆို ခဲ့တာပါ။ ဒါပေမဲ့ တချိန် တည်းမှာပဲ မြန်မာနိုင်ငံ မြောက်ပိုင်းမှာ ကချင်လက်နက်ကိုင် အဖွဲ့တွေနဲ့ တိုက်ပွဲတွေ ဖြစ်ပွားနေတာတွေ အဆုံးသတ်ဖို့ အပါအ၀င် မြန်မာနိုင်ငံမှာ ပြုပြင်ပြောင်းလဲမှုတွေ ဆက်လက် လုပ်ဆောင်တာကို မြင်လိုတယ်လို့ လည်း ပြောခဲ့တာ ဖြစ်ပါတယ်။
“ကျမတို့ အနေနဲ့ ဆက်လက်ဖမ်းဆီးထားတဲ့ နိုင်ငံရေး အကျဉ်းသားတွေကို ပြန်လွှတ်ပေးဖို့နဲ့ အမျိုးသား ပြန်လည် သင့်မြတ်ရေးကို မြှင့်တင်တဲ့ ဥပဒေတွေ၊ လုပ်ဆောင်ချက်တွေကိုလည်း မြင်ချင်ပါတယ်။ တိုင်းပြည်တွင်းက တိုင်းရင်းသား လက်နက်ကိုင် ပဋိပက္ခတွေ အဆုံးသတ်ဖို့ အတွက် အမေရိကန် ပြည်ထောင်စုက အလေးအနက်ထား ပိုင်းဖြတ်ချက် ချထားတာပါ။ အသွေးအရောင် စုံတယ် ဆိုတာဟာ တိုင်းပြည် တခုရဲ့ ခွန်အားအဖြစ် ကျမတို့ ယုံကြည်ထားပါတယ်။”
လူ့အခွင့်အရေး လှုပ်ရှားသူတွေကတော့ မြန်မာနိုင်ငံတ၀ှမ်းက အကျဉ်းထောင်တွေထဲမှာ ယုံကြည်ချက်ကြောင့် ဖမ်းဆီး ခံထားရသူ ၅၀၀ လောက်ရှိနေဆဲ ဖြစ်တယ်လို့ ပြောဆိုနေကြတာပါ။ ဒီအတွက်လည်း အမေရိကန် ပြည်ထောင်စုနဲ့ ဥရောပသမဂ္ဂ (EU) တို့လို နိုင်ငံတွေက ဆက်လက် ဖမ်းဆီးထားသူတွေ ကို ပြန်လွှတ်ပေးဖို့ တောင်းဆိုနေကြတာ ဖြစ်ပါတယ်။ မြန်မာနိုင်ငံခြားရေး ၀န်ကြီး ဦးဝဏ္ဍမောင်လွင် ကတော့ မြန်မာနိုင်ငံမှာ ပြီးခဲ့တဲ့နှစ်ဆန်းပိုင်းက စလို့ သမ္မတ ဦးသိန်းစိန် ဦးဆောင်ပြီး အစိုးရသစ် အဖြစ် တက်လာပြီးနောက် နိုင်ငံရေး အကျဉ်းသားပေါင်း ၂သောင်း ၈ ထောင်ကျော်ကို ပြန်လွှတ်ပေးလိုက်ပြီးဖြစ် သလို ကျန်နေသူ တချို့ဟာဆိုရင်လည်း ရာဇ၀တ်မှု ကျူးလွန်သူတွေဖြစ်တာကို တွေ့ရတယ်လို့ ကာကွယ်ပြောဆို သွားတာပါ။
“ဇန်န၀ါရီလမှာ နောက်ဆုံး လွတ်ငြိမ်းချမ်းသာခွင့် ပေးခဲ့တဲ့ အချိန်အထိဆိုရင် ဒီစာရင်းတွေထဲက အများစုကို လွှတ်ပေးလိုက်ပြီး ဖြစ်ပါတယ်။ စာရင်းထဲမှာ ပါနေသူတွေထဲက တချို့ကျန်နေတာတာ့ ရှိပါတယ်။ ဒါပေမဲ့လည်း စာရင်းတွေကို အသေအချာ စစ်ဆေးပြီးတဲ့ အခါမှာတော့ ဒီလူတွေထဲမှာ တချို့ဟာ လူသတ်မှု၊ မုဒိန်းမှု၊ အကြမ်းဖက်မှုတွေနဲ့ ဆက်နွယ်မှုတွေလို ရာဇ၀တ်မှုနဲ့ အရေးယူထားတာတွေ တွေ့ရပါတယ်။”
မြန်မာနိုင်ငံမှာ ဧပြီလဆန်း လွှတ်တော် ရွေးကောက်ပွဲတွေ ကျင်းပပြီးနောက်ပိုင်း မှာပဲ အမေရိကန် ပြည်ထောင်စု ကတော့ စီးပွားရေးအရ ပိတ်ဆို့ ဒဏ်ခတ်ထားတာတွေ လျှော့ပေါ့ပြီး သံတမန် အဆက်အသွယ်တွေ တိုးမြှင့်သွားဖို့ ကြေညာထားတာပါ။ သံတမန် ဆက်ဆံရေးတွေ တိုးမြှင့်တဲ့ အနေနဲ့လည်း မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် မူဝါဒရေးရာ ညှိနှိုင်းရေးမှူး တာဝန် ယူထားသူ Derek Mitchell မြန်မာနိုင်ငံဘက်ကတော့ ကုလသမဂ္ဂရဲ့ မြန်မာနိုင်ငံဆိုင်ရာ သံအမတ်ကြီး တာဝန်ယူထားသူ ဦးသန်းဆွေ တို့ကို အပြန်အလှန် ခန့်အပ်ဖို့လည်း သတင်းစာရှင်းလင်းပွဲအတွင်း ကြေညာ သွားပါတယ်။ အမေရိကန်နဲ့ မြန်မာနိုင်ငံ ၂ နိုင်ငံကြား ဆက်ဆံရေးတွေ အခုလို ကြီးထွားလာနေတာ မို့ မြန်မာနိုင်ငံ အထီးကျန် အဖြစ် ရှိနေစဉ်မှာ အဓိကကျောထောက် နောက်ခံပေးထားတဲ့ တရုတ်နိုင်ငံနဲ့ ရင်းနှီးမှုတွေမှာ အကျိုးဆက်တွေ ရှိလာနိုင်တယ် လို့လည်း ဆန်းစစ်သူတွေက တွက်ဆနေကြတာပါ။ ၀န်ကြီး ကလင်တန် ကတော့ အမေရိကန်-မြန်မာ ဆက်ဆံရေးဟာ အပြန်အလှန် အကျိုးစီးပွားပေါ်မှာသာ အခြေခံပါ တယ်လို့ ပြောသွားပါတယ်။
“ဒါဟာ တခြားနိုင်ငံတွေနဲ့ မဆိုင်ပါဘူး။ ဒါဟာ ကျမတို့ချင်း ကြားမှာသာ ဖြစ်ပါတယ်။ ကျမတို့ အကဲခတ် စောင့်ကြည့်နေတဲ့ အပြောင်း အလဲတွေ၊ ဒီလိုဖြစ်ထွန်းမှုတွေကို ဆက်လက် ဖြစ်ပေါ်စေချင်တဲ့ ကျမတို့ရဲ့ ဆန္ဒတွေအပေါ်မှာ အမြစ်တွယ် ပေါက်ဖွားလာတာပါ။ တွေ့နေကြရတဲ့ အတိုင်းပါပဲ အိမ်နီချင်း နဲ့ ဒေသတွင်းကရော နိုင်ငံတကာကပါ ဆက်ဆံရေးတွေ တည်ဆောက်ပြီး ခိုင်မာအောင် ကြိုးပမ်း နေကြတဲ့ တိုင်းပြည်တွေ အများကြီး ရှိလာလိမ့်မယ်လို့လည်း ကျမတို့ အပြည့်အ၀ မျှော်လင့်ထားပါတယ်။ လွတ်လပ်ခွင့်နဲ့ လူတွေကို အခွင့်အလမ်းတွေ ပိုပေးတာဟာ ကောင်းတယ်လို့လည်း ကျမထင်ပါတယ်။ ဒီနေရာမှာ ကျမတို့ လည်း မိတ်ဆွေအဖြစ် ပါဝင်လာတဲ့အတွက် ကျေနပ်ပါတယ်။”
မြန်မာနိုင်ငံက နိုင်ငံရေးအပြောင်းအလဲတွေမှာ ဒီမိုကရေစီ အင်အားစုတွေ ပါဝင်ခွင့်ရှိလာတာ၊ နိုင်ငံရေး၊ စီးပွားရေး လွတ်လပ်ခွင့်တွေ တွေ့မြင်လာရတဲ့ အပေါ်မှာတော့ သမ္မတ ဦးသိန်းစိန်၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ သက်ဆိုင်သူတွေရဲ့ ကြိုးပမ်း အားထုတ်မှုတွေ အပေါ်မှာလည်း ၀န်ကြီး ကလင်တန်က ချီးကျူးစကားလည်း ပြောဆို သွားတာပါ။
Ref: VOA News
လယ်ယာမြေ ပြန်လည်ရရှိရေး လယ်သမားတောင်းဆို
2012-05-17
ရန်ကုန်တိုင်း၊ ရွှေပြည်သာမြို့နယ်၊ ဝါးတရာကျေးရွာမှာ အိုးအိမ်နဲ့ မြေစာရင်းဌါနကသိမ်းထားတဲ့ လယ်တွေကို ပြန်ပြီး လုပ်ပိုင်ခွင့်ပေးဖို့ လယ်သမားတွေက သက်ဆိုင်ရာကို တောင်းဆို လိုက်ပါတယ်။
သူတို့တောင်းဆိုစာကို လယ်သမား၊ အလုပ်သမားအရေး ဆောင်ရွက်နေတဲ့ မစုစုနွေးက သူတို့ကိုယ်စား ဒီနေ့တင်လိုက်တာလို့ RFA ကို အခုလို ပြောပါတယ်။
" အစိုးရကို လယ်ယာမြေ ပြန်လည်ရရှိရေး၊ ဒီမိုးတွင်းကို ထွန်ဖို့ ကျွန်မတို့ စာတွေ တင်ပြီး တောင်းဆိုတာပေါ့။ ကျွန်မတို့ လိပ်မူတာကတော့ ဦးမြင့်လှိုင်ပေါ့။ လယ်ယာ ဆည်မြောင်း ဝန်ကြီးဌါနကို ကျွန်မတို့ လိပ်မူပြီး တင်လိုက်တာပါ"
အဲဒီ ဝါးတရာက လယ်တွေကို အိုးအိမ်နဲ့မြေစာရင်းဌါနက လွန်ခဲ့တဲ့ ၁၀ နှစ်ကျော်ကတည်းက သိမ်းပြီး စက်ရုံ တည်ဆောက်မယ့် ကုမ္ပဏီတွေကို ပြန်ရောင်း ထားတာလို့ ဆိုပါတယ်။ အဲဒီထဲက တချို့ လယ်သမားတွေကို နစ်နာကြေးပေးပေမယ့် အများစုက နစ်နာကြေး မရကြဘူးလို့ ဆိုပါတယ်။
မနေ့က ကွင်းဆင်းလေ့လာတော့ သိမ်းထားတဲ့ အဲဒီလယ်တွေကို ကာဖို့ အုတ်တွေချထားတာ တွေ့ခဲ့ ရတယ်လို့ မစုစုနွေးက ပြောပါတယ်။
ဒီအတောအတွင်းမှာပဲ ပြီးခဲ့တဲ့ စနေနေ့မှာ ဧရာဝတီတိုင်း မအူပင်မြို့နယ်မှာ ဒေသခံ လယ်သမားတွေနဲ့ မစုစုနွေးတို့ တွေ့ဆုံပြီး လယ်သိမ်း ခံရမှုတွေ၊ နစ်နာမှုတွေ ဆွေးနွေးခဲ့ပါတယ်။ အဲဒီဆွေးနွေးပွဲ ကနေ နစ်နာချက် ၇ ချက်ကို အာဏာပိုင်တွေကို တင်ပြလိုက်တဲ့ အခါမှာ ဒီနေ့တော့ သူတို့တင်ြပချက်နဲ့ သက်ဆိုင်တဲ့ ရွာကို စစ်တပ်က ဝင်ရောက်စစ်ဆေးတယ်လို့ သိရကြောင်း မစုစုနွေးက ပြောပါတယ်။
" မအူပင်မြို့နယ်၊ မလက်တိုအုပ်စု၊ ခနောင်ကြီးကျေးရွာ အဲဒီမှာ ကျွန်မတို့ ၁၂ ရက်နေ့ စနေနေ့တုန်းက ကျွန်မတို့ လယ်သမားအရေးဆောင်ရွက် သူများနဲ့ လယ်သမားတွေ အပြန် အလှန်တွေ့ဆုံ ဆွေးနွေးပွဲ၊ ဆန္ဒထုတ်ဖော် လက်မှတ်ထိုးပွဲ ကျွန်မတို့ လုပ်တယ်လေ။ အဲဒီကနေပြီးတော့ လယ်သမား အခွင့်အရေးတွေ ဆုံးရှုံးနေပါတယ် ဆိုပြီး အခက် ၇ ချက်နဲ့ တင်တယ်ပေါ့။ ဒီနေ့လည်းကျတော့ ကာကွယ်ရေး ဝန်ကြီးဌါန ကကရုံးပေါ့နော်၊ စခန်းမှူးရုံးက သိမ်းထားတဲ့ လယ်သမားတွေကို လူကြီးတွေက ဆင်းစစ်တယ်လို့ ကျွန်မကို အကြောင်းပြန်ပါတယ် "
မြန်မာနိုင်ငံမှာ စက်မှုဇုန်တွေတည်ဆောက်ဖို့၊ စီမံကိန်းတွေဖော်ဆောင်ဖို့ စသဖြင့် ဆောင်ရွက်နေရာမှာ ဒေသခံ လယ်သမားတွေ နစ်နာဆုံးရှုံးတာ အမြောက်အများ ရှိနေတယ်လို့ လယ်သမားအရေး ဆောင်ရွက်သူတွေက ပြောဆိုကြပါတယ်။
Ref: RFA News
စစ်ရေးပဋိပက္ခ ဖြေရှင်းပေးဖို့ ကုလသမဂ္ဂ အတွင်းရေးမှူးချုပ်ကို ကေအိုင်အေ ဥက္ကဋ္ဌ တိုက်တွန်း
2012-05-17
ကေအိုင်အို ကချင်လွတ်မြောက်ရေး တပ်မတော်နဲ့ မြန်မာအစိုးရတပ်တွေအကြား ဖြစ်ပွားနေတဲ့ စစ်ရေး ပဋိပက္ခကို ကြားဝင်ဖြေရှင်းပေးဖို့ ကေအိုင်အေ ဥက္ကဋ္ဌ ဦးဇောင်းဟရားက ကုလသမဂ္ဂ အတွင်းရေးမှူးချုပ် မစ္စတာ ဘန်ကီးမွန်းထံ စာရေးသား တိုက်တွန်း လိုက်ပါတယ်။
ကုလသမဂ္ဂ အတွင်းရေးမှူးချုပ်အနေနဲ့ ကချင်ပြည်နယ်အတွင်း ဖြစ်ပေါ်နေတဲ့အခြေအနေတွေကို လက်တွေ့သိရှိနိုင်အောင် လေ့လာရေး အဖွဲ့ ဒါမှမဟုတ် ကြားဝင် ဖျန်ဖြေရေး အဖွဲ့ စေလွှတ်ဖို့ တောင်းဆိုရတာ ဖြစ်တယ်လို့ ကေအိုင်အိုရဲ့ နိုင်ငံခြား ဆက်ဆံရေး တာဝန်ခံ ဗိုလ်မှူးကြီး ဂျိမ်းစ်လန်းဒေါင်းက ပြောပါတယ်။
မြန်မာစစ်တပ်ဟာ ကချင်ပြည်နယ်မှာ တိုင်းရင်းသားတွေအပေါ် လူမျိုးတုံးစစ်ဆင်ရေး ဆင်နွှဲနေပြီး၊ လူ့အခွင့်အရေး ချိုးဖောက်မှုတွေနဲ့ လူသားမဆန်တဲ့ ရာဇ၀တ်မှုတွေ တိုးများ လာနေတယ်လို့ ကေအိုင်အိုက ပြောပါတယ်။ အခြေအနေတွေ ဒီထက်ပိုပြီး ဆိုးဝါးမလာခင် ကုလသမဂ္ဂအနေနဲ့ ကြားဝင်ပြီး၊ ကချင်ပြည်နယ်က စစ်မက်ဖြစ်ပွားနေတဲ့ နေရာတွေကို လာရောက်လေ့လာဖို့ တောင်းဆို ထားပါတယ်။
ဒါ့အပြင် စစ်ပြေးဒုက္ခသည် စခန်းတွေနဲ့ နေရပ်စွန့်ခွာ ထွက်ပြေးနေရတဲ့ IDP ဒုက္ခသည်တွေကို ကုလသမဂ္ဂ လက်အောက်ခံ အဖွဲ့အစည်းတွေက အကူအညီပေးအပ်နေမှုတွေ အပေါ် ကျေးဇူး တင်ရှိကြောင်းကိုလည်း မေလ ၁၅ ရက်နေ့ ရက်စွဲနဲ့ ကုလသမဂ္ဂ အတွင်းရေးမှူးချုပ်ထံ လက်မှတ်ရေးထိုး ပေးပို့လိုက်တဲ့ ကေအိုင်အို ဥက္ကဋ္ဌရဲ့ စာထဲမှာ ဖော်ပြ ထားပါတယ်။
Ref: RFA News
အစိုးရ ငြိမ်းအဖွဲ့သစ် SSA-S နှင့် ပထမဆုံး တွေ့ဆုံဆွေးနွေးမည်
ဖနိဒါ
ကြာသပတေးနေ့၊ မေလ ၁၇ ရက် ၂၀၁၂
ချင်းမိုင်(မဇ္ဈိမ) ။ ။ အစိုးရ ပြည်ထောင်စုအဆင့် ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ရှမ်းပြည် တပ်မတော် တောင်ပိုင်း SSA-S တို့ လာမည့် မေလ ၁၉ ရက် စနေနေ့တွင် ရှမ်းပြည်နယ် ကျိုင်းတုံမြို့၌ တွေ့ဆုံ ဆွေးနွေးမည်ဟု သိရသည်။
ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီနှင့် လုပ်ငန်း ဖော်ဆောင်ရေး ကော်မတီ နှစ်ရပ်တွင် တပ်မတော်ဘက်မှ ကာကွယ်ရေး ဦးစီးချုပ်၊ ပြည်ထောင်စု ဝန်ကြီးများ၊ လွှတ်တော် ကိုယ်စားလှယ်များနှင့် သက်ဆိုင်ရာ ပြည်နယ်နှင့် တိုင်းများမှ ဝန်ကြီးချုပ်များ အပါအဝင် အပါအဝင် ၅၂ ဦးဖြင့် ယခုလ မေ ၃ ရက်နေ့က ပြင်ဆင်ဖွဲ့စည်း ခဲ့ခြင်း ဖြစ်သည်။
ပြည်ထောင်စုအဆင့် ငြိမ်းချမ်းရေး လုပ်ငန်းကော်မတီတွင် ဒုသမ္မတ ဦးစိုင်းမောက်ခမ်း ဥက္ကဋ္ဌအဖြစ် တာဝန်ယူထားသည်။ သို့သော် ဒုသမ္မတ တက်ရောက်ရန် ရှိမရှိကိုမူ မသိရသေးပေ။
ငြိမ်းချမ်းရေးဖော်ဆောင်ရေး လုပ်ငန်းကော်မတီမှ ထိပ်ပိုင်းခေါင်းဆောင် ဦးဆောင်သော အဖွဲ့နှင့် တွေ့ဆုံမည်ဟု ရှမ်းပြည်နယ် အစိုးရ အမှတ် ၂ လျှပ်စစ်ဝန်ကြီး ဦးခင်မောင်စိုးက အကြောင်းကြားလာ သော်လည်း မည်သူ ဦးဆောင်မည်ကို ပြောဆိုခြင်း မရှိခဲ့ကြောင်း SSA- S ပြောရေးဆိုခွင့်ရှိသူ ဗိုလ်မှူးစိုင်းလောဝ်ဆိုင်းက ပြောသည်။
“အစိုးရအပိုင်းမှာ VIP တွေ တက်မယ်လို့ ပြောတယ်။ ကျနော်တို့ သိရသလောက် ဝန်ကြီးတွေ ပါမယ်။ အရင်တုန်း ကထက် ပိုကြီးတဲ့ VIP လို့ ပြောတယ်။ နာမည်တော့ အတိအကျ မပြောဘူး”ဟု မဇ္ဈိမကို ပြောသည်။
SSA-S အဖွဲ့မှ ဗဟိုကော်မတီဝင် ဗိုလ်မှူးချုပ် ပေါင်ခေး ဦးဆောင်သော ၂၄ ဦးပါ ကိုယ်စားလှယ်များ သွားရောက် တွေ့ဆုံမည် ဖြစ်သည်။
နှစ်ဖက် ကိုယ်စားလှယ်များ တွေ့ဆုံရာတွင် နယ်မြေ သတ်မှတ်ရေး၊ မူးယစ်ဆေးဝါး တိုက်ဖျက်ရေး၊ နှစ်ဖက်စစ်ရေး အခြေအနေနှင့် အထွေထွေ စသည့်အချက် ၄ ချက် အဓိက ဆွေးနွေးမည် ဖြစ်ကြောင်း သိရသည်။
“အရင်တုန်းက ရရှိထားတဲ့ သဘော တူညီချက်တွေကို ပြန်ပြီးတော့ ဆွေးနွေးဖို့ဘဲ။ ရရှိထားတဲ့ နယ်မြေမှာဘဲ နေထိုင်မယ် ဆိုပြီး ပြောထားတယ်။ အဲဒီ နယ်မြေတွေက ဘယ်နေရာမှာဆိုတာ အတိအကျ မဆွေးနွေးရသေးဘူး”ဟု ဗိုလ်မှူး စိုင်းလောင်ဆိုင်းက ပြောသည်။
SSA-S အဖွဲ့က ငြိမ်းချမ်းရေး တွေ့ဆုံ ဆွေးနွေးရေး ကော်မတီနှင့် မူးယစ်ဆေးဝါး တိုက်ဖျက်ရေးကော်မတီ ဟူ၍ အဖွဲ့ နှစ်ဖွဲ့ကို ယခု လဆန်းပိုင်းက ဖွဲ့စည်း ခဲ့သည်ဟု သိရသည်။
SSA-S တောင်ပိုင်းအဖွဲ့နှင့် အစိုးရငြိမ်းချမ်းရေး အဖွဲ့တို့ ပြီးခဲ့သည့်နှစ် ဒီဇင်ဘာလ ၂ ရက်နေ့က တောင်ကြီးမြို့တွင် ပြည်နယ်အဆင့် အပစ်အခတ် ရပ်ဆိုင်းရေး သဘောတူညီမှု ရရှိခဲ့ပြီး ယခုနှစ် ဇန်နဝါရီလ ၁၆ ရက်နေ့က ပြည်ထောင်စု အဆင့် တွေ့ဆုံဆွေနွေး အပြီး SSA ဗဟိုဌာနချုပ် ရုံးနေရာနှင့် နှစ်ဖက် နယ်မြေသတ်မှတ်ရေး၊ လက်နက်ကိုင် သွားလာရန် ကြိုတင် အကြောင်းကြားရေး၊ ဒေသဖွံ့ဖြိုးရေး၊ ဆက်ဆံရေးရုံးများ ဖွင့်လှစ်နိုင်ရေး၊ စီးပွားရေး လုပ်ငန်းများ ဖွင့်လှစ် လုပ်ဆောင်နိုင်ရန်တို့ ပါဝင်သော သဘောတူညီချက် ၁၁ ချက်ကို လက်မှတ်ရေးထိုးခဲ့သည်။
ပြီးခဲ့သည့် တွေ့ဆုံမှုများတွင် ရထားဝန်ကြီး ဦးအောင်မင်း ခေါင်းဆောင်သော ကိုယ်စားလှယ်များနှင့် အပစ်အခတ် ရပ်စဲရေး သဘောတူညီမှု ရရှိခဲ့ပြီးနောက်ပိုင်း အစိုးရ တပ်များနှင့် SSA တောင်ပိုင်း တပ်ဖွဲ့များ အကြား တိုက်ခိုက်မှုများ ရှိခဲ့သည်။
Ref: မဇ္ဈိမ
နိုင်ငံခြားရင်းနှီးမြှုပ်နှံမှု စွမ်းအင်နှင့် သယံဇာတ တူးဖော်ရေးတွင်သာ များလာ
ဖိုးသိုက်
May 17, 2012
နိုင်ငံခြား ရင်းနှီးမြှုပ်နှံမှု ပမာဏမှာ ၂၀၁၁-၁၂ ဘဏ္ဍာရေးနှစ်တွင် အမေရိကန်ဒေါ်လာ ၂၀ ဘီလီယံ ကျော် သိသာစွာ တိုးတက်မှု ရှိခဲ့သော်လည်း သဘာဝ အရင်းအမြစ်များ အပေါ် အခြေခံသည့် ရင်းနှီးမြှုပ်နှံမှုများသာ ရာခိုင်နှုန်း အများဆုံးဖြစ်ကြောင်း သိရှိရသည်။
စီးပွားရေးနှင့် ကူးသန်းရောင်းဝယ်ရေး ၀န်ကြီး၏ အကြံပေး ဒေါက်တာမောင်အောင် အဆိုအရ နိုင်ငံခြား တိုက်ရိုက် ရင်းနှီးမြှုပ်နှံမှု ပမာဏ တိုးတက်လာရေး အတွက် စီးပွားရေးဆိုင်ရာ ပြုပြင်ပြောင်းလဲမှုများကို အစိုးရက ပြုလုပ်ခဲ့ပြီးနောက် နိုင်ငံခြား ရင်းနှီးမြှုပ်နှံမှုမှာ အမေရိကန်ဒေါ်လာ ၄၀ ဘီလီယံကျော်ဖြစ်လာခဲ့သည့် အတွက် ပြီးခဲ့သည့် ၂၀၁၀-၁၁ ဘဏ္ဍာရေးနှစ်နှင့် နှိုင်းယှဉ်လျှင် ဒေါ်လာ ၂၀ ဘီလီယံကျော် “သိသာစွာတိုးတက်” မှုရှိခဲ့ကြောင်း သိရသည်။
“သဘာဝ အရင်းအမြစ်တွေ အပေါ်မှာဘဲ ရင်းနှီးမြှုပ်နှံမှု တိုးတက်ရတဲ့ အကြောင်းအရင်းက နိုင်ငံခြားသား စီးပွားရေး လုပ်ငန်းရှင်တွေ အနေနဲ့ သူတို့မှာ ဒီလုပ်ငန်းနဲ့ ဆိုင်တဲ့ နည်းပညာပိုင်း ဆိုင်ရာ အားသာချက် တွေရှိတဲ့အပြင် သူတို့အတွက် အကျိုးအမြတ် ရရှိမှုကလည်း သေချာမှု ရှိတာကြောင့်ပါ။ ကျန်တဲ့ အခြားလုပ်ငန်းတွေက သူတို့အနေနဲ့ စွန့်စားပြီး လုပ်ရမယ့် အခြေအနေတွေကြောင့် အကျိုးအမြတ်က သေချာမှုမရှိလို့ ဒီလုပ်ငန်းတွေ အပေါ်မှာ ရင်းနှီးမြှုပ်နှံမှုက သိသာစွာ တိုးတက်ပြောင်းလဲမှု မရှိဘူး” ဟု ဒေါက်တာမောင်အောင်က ပြောသည်။
မြန်မာ့ရင်းနှီးမြှုပ်နှံမှုေ က်ာမရှင်က ထုတ်ပြန်သည့် စာရင်းများအရ နိုင်ငံခြား တိုက်ရိုက် ရင်းနှီးမြှုပ်နှံမှု ပမာဏမှာ ၂၀၁၁-၁၂ ဘဏ္ဍာရေးနှစ်တွင် ဒေါ်လာသန်းပေါင်း ၄၀၆၉၉ ရှိသည့်အနက် သဘာဝ အရင်းအမြစ်များ ဖြစ်သည့် စွမ်းအင်၊ ရေနံနှင့် သဘာဝ ဓာတ်ငွေ့ကဏ္ဍတွင် ဒေါ်လာ သန်းပေါင်း ၃၂၉၃၆ ရှိသောကြောင့် နိုင်ငံခြား ရင်းနှီးမြှုပ်နှံမှု ပမာဏ စုစုပေါင်း၏ ၈၀ ရာခိုင်နှုန်းခန့်ရှိပြီး ကုန်ထုတ်လုပ်မှု ကဏ္ဍတွင် ဒေါ်လာသန်းပေါင်း ၁၇၆၀ ရှိသည့်အတွက် စုစုပေါင်း ရင်းနှီးမြှုပ်နှံမှု ပမာဏ၏ ၄ ရာခိုင်နှုန်းသာရှိသည်။
နိုင်ငံအလိုက် ရင်းနှီးမြှုပ်နှံမှုမှာ ၂၀၁၁-၁၂ ဘဏ္ဍာရေးနှစ်တွင် တရုတ်နိုင်ငံ၏ ရင်းနှီးမြှုပ်နှံမှုမှာ ဒေါ်လာ ၁၃ ဘီလီယံကျော် ရှိကာ စုစုပေါင်း ရင်းနှီးမြှုပ်နှံမှု ပမာဏ၏ ၃၄ ရာခိုင်နှုန်းကျော်ဖြင့် ပထမ အဆင့်တွင် ရှိနေပြီး ထိုင်းနိုင်ငံ၏ ရင်းနှီးမြှုပ်နှံမှုက ဒေါ်လာ ၉ ဘီလီယံကျော်ရှိကာ ၂၃ ရာခိုင်နှုန်းကျော်ဖြင့် ဒုတိယ အဆင့်တွင်ရှိနေသည်။
ပြီးခဲ့သည့် ၂၀၁၀-၁၁ ဘဏ္ဍာရေးနှစ်တွ င် တရုတ်နိုင်ငံ၏ ရင်းနှီးမြှုပ်နှံမှုမှာ ဒေါ်လာ ၈ ဘီလီယံကျော်နှင့် ထိုင်းနိုင်ငံ၏ ရင်းနှီးမြှုပ်နှံမှုမှာ ဒေါ်လာ ၂ ဘီလီယံကျော်သာ ရှိခဲ့သည်။
“နိုင်ငံခြား ရင်းနှီးမြှုပ်နှံမှုတွေက သဘာဝ အရင်းအမြစ်တွေ အပေါ်မှာဘဲ အခြေခံပြီးတော့ ရင်းနှီးမြှုပ်နှံမှု ရှိနေတာ တိုင်းပြည် စီးပွားရေး ရေရှည်ဖွံ့ဖြိုး တိုးတက်မှု မရှိနိုင်ဘူး။ဒါကြောင့် တိုင်းပြည်၏ စီးပွားရေး ရေရှည်ဖွံ့ဖြိုး တိုးတက်ဖို့ အတွက် ဒို့လိုချင်တာက ကုန်ထုတ်လုပ်မှု ကဏ္ဍတွေ မှာ ရင်းနှီးမြှုပ်နှံမှု တိုးတက်လာဖို့ပါ။ ဘာကြောင့်လဲ ဆိုတော့ ကုန်ထုတ်လုပ်မှု ကဏ္ဍ တိုးတက်လာမှ တိုင်းပြည်ရဲ့ စီးပွားရေး တိုးတက်လာပြီး အလုပ်အကိုင် ရရှိမှု အခွင့်အလမ်းတွေ ပိုများလာမှာဖြစ်တယ်။ ဒါကြောင့် ကုန်ထုတ်လုပ်မှု ကဏ္ဍအပေါ်မှာ ၀င်ရောက် ရင်းနှီးမြှုပ်နှံလာဖို့ ပိုပြီးတော့ ဖိတ်ခေါ်ရမှာဖြစ်တယ်” ဟု ဒေါက်တာမောင်အောင်က ဆိုသည်။
နိုင်ငံခြား ရင်းနှီးမြှုပ်နှံမှုများ စက်မှုဇုန် ကဏ္ဍတွေ အပေါ်မှာ ၀င်ရောက် ရင်းနှီးလာဖို့ မြန်မာနိုင်ငံက အလိုရှိကြောင်း၊ အလုပ်အကိုင် အခွင့်အလမ်းတွေ ပိုမို ဖန်တီးပေးနိုင်ရန် စိုက်ပျိုးရေးနှင့် ကုန်ထုတ်လုပ်မှု ကဏ္ဍတွေ အပေါ် ပိုပြီး ရင်းနှီးမြှုပ်နှံစေချင်ကြောင်း မြန်မာ့ ရင်းနှီးမြှုပ်နှံမှုကော်မရှင် ဥက္ကဌ ဦးစိုးသိန်းက ဖေဖော်ဝါရီလ တစ်ရက်နေ့က အစိုးရ ရိပ်သာတွင်ပြုလုပ်ခဲ့သည့် ဥရောပ စီးပွားရေး လုပ်ငန်းရှင်များနှင့် တွေ့ဆုံမှုတွင်ပြောကြား ခဲ့သေးသည်။
“ကျွန်တော်တို့အနေနဲ့ အသေးစားနဲ့ အလတ်စား စက်မှုလုပ်ငန်းတွေ အပေါ်မှာ နိုင်ငံခြား ရင်းနှီးမြှုပ်နှံမှုတွေ ၀င်လာဖို့ ဦးစားပေး အနေနဲ့ ဆောင်ရွက်သွားဖို့ ရှိပါတယ်။ ဘာလို့လဲ ဆိုတော့ ဒီစက်မှု လုပ်ငန်းတွေက အလုပ်အကိုင် အခွင့်အလမ်းတွေ ကို ပိုမို ဖန်တီးနိုင်လို့ပါ။ အလားတူ စိုက်ပျိုးရေး ကဏ္ဍအပေါ်မှာလဲ နိုင်ငံခြား ရင်းနှီးမြှုပ်နှံမှုတွေ ၀င်ရောက်လာစေချင်ပါတယ်။ ဘာကြောင့်လဲ ဆိုတော့ ကျွန်တော်တို့ဆီမှာ စိုက်ပျိုးနိုင်တဲ့ လယ်ယာမြေက အများကြီးရှိတဲ့ အပြင် နိုင်ငံအနေနဲ့ကလဲ စိုက်ပျိုးရေးကို အခြေခံပြီး ဖွံ့ဖြိုးတိုးတက်ရေးမှာ အလားအလာ ကောင်းတွေရှိနေလို့ပါ” ဟု ဦးစိုးသိန်းက ဆိုသည်။
မြန်မာနိုင်ငံတွင် လာရောက် ရင်းနှီးမြှုပ်နှံရန် အတွက် နိုင်ငံခြားသား ရင်းနှီးမြှုပ်နှံသူများ အနေဖြင့်လည်း စောင့်ကြည့်လျက် ရှိနေကြောင်း ဟောင်ကောင် အခြေစိုက် မြန်မာနိုင်ငံဆိုင်ရာ ရင်းနှီးမြှုပ်နှံမှုနှင့် အကြံပေးကုမ္ပဏီ Bagan Capital မှ အမှုဆောင်အရာရှိချုပ် မစ္စတာဂျရီမီခရောစောဂျုန်းက ပြောဆိုထားကြောင်း ပြည်တွင်းသတင်း အေဂျင်စီများတွင် ဖော်ပြထားသည်။
“နိုင်ငံခြားသား ရင်းနှီးမြှုပ်နှံသူတွေ အနေနဲ့ မြန်မာနိုင်ငံမှာ ဟိုတယ်နဲ့ ခရီးသွားလုပ်ငန်း၊ ရေနံနှင့် သဘာဝဓာတ်ငွေ့ လုပ်ငန်း၊ စိုက်ပျိုးရေးလုပ်ငန်း၊ အသေးစား ကုန်ထုတ်လုပ်မှု လုပ်ငန်းတွေ နဲ့ စားသောက်ကုန် လုပ်ငန်းတွေမှာ ရင်းနှီးမြှုပ်နှံဖို့ကို ပိုပြီးစိတ်ဝင်စားမှုရှိကြတယ်” ဟု ဂျရီမီခရောစောဂျုန်းကဆိုသည်။
ကုန်ထုတ်လုပ်မှုကဏ္ဍတွင် နိုင်ငံခြားရင်းနှီးမြှုပ်နှံမှု တိုးတက်လာရေးအတွက် လုပ်ငန်းခွန်စည်းကြပ်မှု ကင်းလွတ်ခွင့်ကို ငါးနှစ်အထိတိုးထားသည့်အပြင် ငွေကြေး လွယ်ကူစွာ လွဲပြောင်းဆောင်ရွက်နိုင်ရန်နှင့် နိုင်ငံတကာ စီးပွားရေးနှင့် လိုက်လျောညီထွေမှုရှိအောင် လုပ်ဆောင်နေသောကြောင့် ကုန်ထုတ်လုပ်မှုကဏ္ဍတွင် ရင်းနှီးမြှုပ်နှံမှု တိုးတက်လာမည်ဟု မျှော်မှန်းထားကြောင်းလည်း ဒေါက်တာမောင်အောင်က ဆိုသည်။
“တရုတ်၊ ထိုင်း၊ ဗီယက်နမ်နိုင်ငံတွေမှာ လုပ်အားခဈေးနှုန်းတွေမြင့်တက်မှုရှိလာတာကြောင့် အဲ့ဒီနိုင်ငံမှာရှိတဲ့ လုပ်ငန်းတွေ မြန်မာနိုင်ငံအတွ င်းထဲကို ၀င်ရောက်လာမှာဖြစ်လို့ ကုန်ထုတ် လုပ်မှု ကဏ္ဍအပေါ်မှာ နိုင်ငံခြားရင်းနှီးမြှုပ်နှံမှုတွေ တိုးလာဖို့ရှိပါတယ်”ဟု ဒေါက်တာမောင်အောင်က ပြောသည်။
Ref: ဧရာဝတီ
မြောက်ကိုးရီးယားမှ စစ်လက်နက်များ ထပ်မံမဝယ်ယူတော့ဟု သမ္မတပြော
မျိုးသန့်
ကြာသပတေးနေ့၊ မေလ ၁၇ ရက် ၂၀၁၂
ချင်းမိုင် (မဇ္ဈိမ) ။ ။ လွန်ခဲ့သည့်အနှစ် ၂ဝ အတွင်း မြောက်ကိုရီးယားထံမှ သာမန်စစ်လက်နက်ပစ္စည်းများကိုသာ ဝယ်ယူခဲ့ပြီး ဆက်လက် ဝယ်ယူတော့မည် မဟုတ်ဟု မြန်မာနိုင်ငံသို့ ချစ်ကြည်ရေး ခရီး လာရောက်ခဲ့သော တောင်ကိုရီးယား သမ္မတ မစ္စတာ အီမြောင်ဘတ်ကို မြန်မာသမ္မတ ဦးသိန်းစိန်က ကတိပေးပြောကြားသည်ဟု ဝါရှင်တန်ပို့စ် သတင်းစာ၏ အွန်လိုင်း စာမျက်နှာတွင် ရေးသားထားသည်။
မြန်မာသမ္မတက တောင်ကိုရီးယားသမ္မတကို ပြောကြားရာတွင် မြန်မာနိုင်ငံသည် မြောက်ကိုရီးယားနှင့် နျူကလီးယား စီမံကိန်းများ ပူးပေါင်း လုပ်ဆောင်မှု မည်သည့် အခါကမျှ မရှိခဲ့ဟု ငြင်းဆို သွားသည်ဟုလည်း ဝါရှင်တန်ပို့စ်က ရေးသားသည်။
ကုလသမဂ္ဂ လုံခြုံရေးကောင်စီ ဆုံးဖြတ်ချက်အမှတ် ၁၇၁၈ နှင့် ၁၈၇၄ တို့တွင် မြောက်ကိုရီးယားနိုင်ငံမှ ထုတ်လုပ် သည့် စစ်လက်နက် ပစ္စည်းများကို အခြား ကမ္ဘာ့နိုင်ငံများမှ ဝယ်ယူခွင့် မပြုရန် ဆုံးဖြတ်ထားပြီး ထိုတားမြစ်ချက်ကို လိုက်နာသည့် အနေဖြင့် မြောက်ကိုရီးယားမှ လက်နက်များ ဝယ်ယူမည်မဟုတ်ဟု ပြောဆိုသည် ဟုလည်း ဝါရှင်တန်ပို့စ်က ရေးသားသည်။
မြန်မာနိုင်ငံသို့ နှစ်ရက်ကြာလာရောက်ခဲ့သည့် တောင်ကိုရီးယားသမ္မတသည် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌနှင့် အင်္ဂါနေ့တွင် တွေ့ဆုံခဲ့ အပြီး သတင်းစာ ရှင်းလင်းပွဲတွင် ကုလသမဂ္ဂ လုံခြုံရေးကောင်စီ၏ ချမှတ်ထားသော ဆုံးဖြတ်ချက်များကို ချိုးဖေါက်သည်ဟု ယူဆရသည့် မြောက်ကိုရီးယားနိုင်ငံနှင့် ဆက်ဆံမှု မပြုလုပ်ရန် မြန်မာသမ္မတ နှင့် ဆွေးနွေး ခဲ့သည်ဟုလည်း သတင်းစာ ရှင်းလင်းပွဲတွင် ထည့်သွင်းပြောသွားသည်ဟု သိရသည်။
မြောက်ကိုရီးယား၊ မြန်မာ ဆက်ဆံရေးတွင် ယခင်စစ်အစိုးရ တတိယခေါင်းဆောင် ဖြစ်ခဲ့သူ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းသည် နျူကလီးယား စီမံကိန်းများ ပူးပေါင်း လုပ်ဆောင်ရန် မြောက်ကိုရီးယားသို့ သွားရောက် ခဲ့သည်ဟု စွပ်စွဲချက်များ လွန်ခဲ့သည့်နှစ်များအတွင်း ထွက်ပေါ်လာခဲ့ရာ ထိုစွပ်စွဲချက်များကို ၂ဝ၁၁ ခုနှစ် ဒီဇင်ဘာလအတွင်း သတင်းစာ ရှင်းလင်းပွဲတခုတွင် ငြင်းဆို သွားခဲ့သေးသည်။
“တချို့စွပ်စွဲတာကတော့ နျူကလီးယားကိစ္စ အပါအဝင် မိမိသွားပြီးတော့ လက်မှတ်ထိုးခဲ့တယ်လို့ပြောတယ်။ မဟုတ်ပါဘူး။ နျူကလီးယား ကိစ္စဆိုတာ အင်မတန်မှ ကြီးမားတဲ့ ကိစ္စပါ။ ဒီကိစ္စ မိမိ လတ်မှတ် ထိုးလို့လည်း ရနိုင်တဲ့ အနေအထား မဟုတ်ပါဘူး” ဟု သူရဦးရွှေမန်းက ၂ဝ၁၁ ခုနှစ် ဒီဇင်ဘာလ ၁ ရက်နေ့တွင် ပြုလုပ်ခဲ့သည့် သတင်းစာ ရှင်းလင်းပွဲတွင် ပြောဆိုခဲ့သည်။
၂ဝ၁၁ ခုနှစ် ဒီဇင်ဘာလ ၁ ရက်နေ့က မြန်မာနိုင်ငံသို့ လာရောက်ခဲ့သည့် အမေရိကန်နိုင်ငံခြားရေး ဝန်ကြီး ဟီလာရီ ကလင်တန်ကလည်း ကုလသမဂ္ဂ လုံခြုံရေးကောင်စီမှ ချမှတ်ထားသည့် မြောက်ကိုရီးယားမှ လက်နက် မဝယ်ရေး ဆုံးဖြတ်ချက်ကို မြန်မာ အစိုးရအနေဖြင့် အကောင်အထည်ဖေါ်နိုင်ရန် မျှော်လင့်ကြောင်း သူ၏ ခရီးစဉ် သတင်းစာ ရှင်းလင်းပွဲတွင် ပြောကြားခဲ့သေးသည်။
တောင်ကိုရီးယားသမ္မတ၏ မြန်မာနိုင်ငံခရီးစဉ်သည် နှစ်ပေါင်း ၃ဝ အတွင်း ပထမဆုံးအကြိမ်လာရောက်သည့် ခရီးစဉ် ဖြစ်သည်။ ၁၉၈၃ ခုနှစ် တောင်ကိုရီးယား သမ္မတ ချန်ဒူးဝမ် မြန်မာနိုင်ငံသို့ လာရောက်ခဲ့စဉ်က အာဇာနည် ခေါင်းဆောင်ကြီး များ၏ ဂူဗိမာန်သို့ သွားရောက် ဂါရဝပြုရာတွင် မြောက်ကိုရီးယား သူလျှိုများ၏ ဗုံးခွဲတိုက်ခိုက်ခြင်း ခံခဲ့ရသည်။ တိုက်ခိုက်မှု အတွင်း ခရီးစဉ် နောက်ကျပြီးမှ ရောက်လာသူ တောင်ကိုရီးယား သမ္မတ ထိခိုက်ခြင်း မရှိသော်လည်း တောင်ကိုရီုးယား အစိုးရအဖွဲ့ဝင်များ အပါအဝင် မြန်မာအရာရှိ ၂၁ ဦးသေဆုံးခဲ့သည်။
မစ္စတာ အီမြောင်ဘတ်သည် အာဇာနည်ဗိမာသို့ အင်္ဂါနေ့တွင် သွားရောက်၍ ၁၉၃၈ ခုနှစ် တိုက်ခိုက်မှုအတွင်း ကျဆုံး သွားကြသည့် ကိုရီးယား သမ္မတ ဝန်ကြီးများကို ရည်စူး၍ လွမ်းသူ့ပန်းခွေချ ဂါရဝပြုခဲ့သည်ဟု နိုင်ငံပိုင် ကြေးမုံသတင်းစာ တွင် ဖေါ်ပြပါရှိသည်။ မြန်မာနိုင်ငံသို့ နှစ်ရက်တာ လာရောက်ခဲ့သည့် မစ္စတာ အီမြောင်ဘတ်သည် အင်္ဂါနေ့ မွန်းလွဲ ၂ နာရီတွင် ရန်ကုန်မြို့မှ ပြန်လည် ထွက်ခွာသွားပြီဖြစ်သည်။
Ref: မဇ္ဈိမ
ကချင်အရေး ကုလစောင့်ကြည့်
ကိုသားညွန့်ဦး
ကြာသပတေး, 17 မေ 2012
ကချင်ပြည်နယ်အတွင်း စစ်ရေးအရတင်းမာမှုတွေကို ကြားဝင်စေ့စပ်ဖို့ KIO ကချင် လွတ်မြောက်ရေး အဖွဲ့ကနေ အတွင်းရေးမှူးချုပ် ဘန်ကီမွန်းထံ တိုက်တွန်းတောင်းဆို ခဲ့ကြောင်းနဲ့ ကချင်ပြည်နယ်တွင်း အခြေအနေတွေကို အနီးကပ်စောင့်ကြည့်နေတယ်လို့ ကုလသမဂ္ဂ အတွင်းရေးမှူးချုပ်ရုံး ပြောခွင့်ရသူက ပြောလိုက်ပါတယ်။ ဒီအကြောင်းကိုတော့ ကိုသားညွန့်ဦးက တင်ပြပေးထားပါတယ်။
ကချင်ပြည်နယ်အတွင်းမှာ စစ်အစိုးရရဲ့ စစ်ဆင်တိုက်ခိုက်မှုတွေ တနှစ်နီးပါး ကြာမြင့်နေပြီး ပဋိပက္ခ အခြေအနေတွေ ပိုမဆိုးလာခင်မှာ ကုလသမဂ္ဂအနေနဲ့ ကချင်ပြည်နယ် အရေးကို ကြားဝင်ဆောင်ရွက်ပေးဖို့ အရေးကြီးတဲ့ အချိန် ရောက်နေပါပြီဆိုပြီး ကချင် လွတ်မြောက်ရေး အဖွဲ့ KIO ဥက္ကဋ္ဌ ဇောင်းဂရားက ကုလသမဂ္ဂ အတွင်းရေးမှူးချုပ်ကို စာရေးသားပေးပို့ခဲ့တာပါ။ မနေ့က ကုလသမဂရုံးချုပ် သတင်းစာ ရှင်းလင်းပွဲ မှာတော့ အဲဒီစာကို လက်ခံ ရရှိထားတယ်လို့ အတွင်းရေးမှူးချုပ်ရုံး ပြောခွင့်ရသူ MARTIN NESIRKY က ပြောပါတယ်။
“အဲဒီမှာ အခြေအနေတွေ ဘာဖြစ်နေသလဲဆိုတာကို ကုလသမဂ္ဂအနေနဲ့ အနီးကပ်စောင့်ကြည့် နေပါတယ်။ အတွင်းရေးမှူးချုပ် အနေနဲ့ ပြီးခဲ့တဲ့ မြန်မာနိုင်ငံ ခရီးစဉ်တွေမှာလည်း တိုင်းရင်းသား လူနည်းစု ပြဿနာနဲ့ ပတ်သက်လို့ မြန်မာအစိုးရက ကိုင်တွယ်နေတဲ့ ကိစ္စတွေအပေါ် ပြောခဲ့ ဆိုခဲ့တာတွေ ရှိပါတယ်။ မြန်မာခေါင်းဆောင်တွေနဲ့ တွေဆုံ တုန်းကလည်း ကချင်ဒေသမှာ အစိုးရ အနေနဲ့ စစ်ဆင်ရေး ရပ်ဆိုင်း ထားတယ်လို့ အတွင်းရေးမှူးချုပ်ကို ပြောခဲ့ကြပါတယ်။”
KIO ဥက္ကဋ္ဌ ဇောင်းဂရားရဲ့ အတွင်းရေးမှူးချုပ်ထံ ပေးစာထဲမှာတော့ အခု စစ်မက်ဖြစ်နေတဲ့ဒေသကို ကုလသမဂ္ဂ စောင့်ကြည့်ရေး အဖွဲ့တွေ စေလွှတ်ပေးဖို့ ကိုလည်း တောင်းဆို ထားပါတယ်။ အစိုးရသစ် တက်လာပြီးနောက်ပိုင်း ၂၀၁၁ ခုနှစ် ဇွန်လ ၉ ရက်ကစပြီး မြန်မာစစ်တပ် ဘက်က စစ်ဆင်ရေး KIA အပေါ် စစ်ဆင်မှုတွေ စတင်ခဲ့တာလို့ ဆိုပါတယ်။ ဒီ စစ်ဆင်ရေးဟာ KIO ကို စစ်ဆင်တာတင် မဟုတ်ဘဲ ဒေသခံ ကချင် လူထုကိုပါ စစ်ဆင်နေတာကြောင့် ဒါဟာ တိုင်းရင်းသား လူနည်းစုကို မျိုးဖြုတ်သုတ်သင်ဖို့ ကြိုးပမ်းချက်လည်းဖြစ်တယ်လို့ KIO ဥက္ကဋ္ဌရဲ့ ပေးစာမှာ ဖော်ပြ ထားပါတယ်။ ကုလသမဂ္ဂ ဘက်ကတော့ အခြေအနေတွေ ငြိမ်းချမ်းစေဖို့ အထူးသဖြင့် ဒုက္ခသည်တွေကို အကူအညီပေးနိုင်ဖို့ ကြိုးပမ်းသွားမယ်လို့ အတွင်းရေးမှူးချုပ်ရုံး ပြောခွင့်ရသူ မာတင် နက်ဆကီးက ပြောပါတယ်။
“အဲဒီ ပဋိပက္ခဒေသက သတင်းအချက်အလက်တွေကို အတည်ပြုလို့မရပေမယ့်လည်း အတွင်းရေးမှူးချုပ် အနေနဲ့တော့ အခုဖြစ်နေတဲ့ လက်နက်ကိုင် ပဋိပက္ခတွေကို ငြိမ်းငြိမ်းချမ်းချမ်း အဖြေရှာဖို့နဲ့ အပစ်အခတ်တွေ ရပ်စဲထားဖို့ ဘက်အားလုံးကို တိုက်တွန်းပါတယ်။ အကြမ်းဖက်မှုတွေ တိုးလာခြင်းအားဖြင့် ဒုက္ခသည်တွေ အခြေအနေ ပိုပြိး ဆိုးဝါးလာနိုင်သလို လူ့အခွင့်အရေးချိုးဖောက်မှုတွေလည်း တိုးလာနိုင်ပါတယ်။ ကချင်ဒေသ ဒုက္ခသည် ပြည်သူတွေအတွက် လူသားချင်းစာနာတဲ့ အကူအညီတွေ ပြန်ပေးနိုင်ဖို့ ကုလသမဂ္ဂဘက်က ကြိုးပမ်းနေပါတယ်။ အဲဒီအတွက် အဲဒီမှာ တိုးတက်မှုအချို့ရှိလာမယ်လို့ မျှော်လင့်ပါတယ်။”
KIO ကချင်လွတ်မြောက်ရေးအဖွဲ့နဲ့ မြန်မာအစိုးရဟာ ၁၉၉၄ ခုနှစ် ဖေဖ၀ါရီလမှာ နှစ်ဘက် အပစ်အခတ် ရပ်စဲရေး သဘောတူညီချက်ရခဲ့တာပါ။ KIO ဟာ မြန်မာစစ်အစိုးရ ဦးဆောင်ကျင်းပတဲ့ အမျိုးသားညီလာခံကိုပါ တက်ရောက်ပြီး အခုလက်ရှိ ဖွဲ့စည်းပုံရေးဆွဲရေးမှာပါ ပါဝင်ခဲ့ပါတယ်။ ဒါပေမယ့် အဲဒီ ဖွဲ့စည်းပုံအတည်ဖြစ်ပြီး ဖွဲ့စည်းပုံအရပေါ်လာတဲ့ အစိုးရသစ်လက်ထက်မှာပဲ မြန်မာအာဏာပိုင်တွေနဲ့ တင်းမာမှုတွေဖြစ်လာခဲ့တာ ပါ။ မြန်မာအစိုးရ တာဝန်ရှိသူတွေကတော့ KIO အပေါ် စစ်ဆင်ရေးတွေကို ရပ်ဆိုင်းထားပါတယ်လို့ အခု လဆန်းပိုင်းကပဲ ပြောဆိုခဲ့ပါ တယ်။
Ref: VOA News
Thursday, May 17, 2012
ခေတ်မီတပ်မတော်တရပ်ရဲ့ရှေ့ခရီး အပိုင်း(၁၀)
မေလ ၁၇ ရက် ၂၀၁၂
ဟန်လင်း
အဂတိတရားတို့မှ ကင်းဝေးရာသို့
ဒီကနေ့ အရပ်သားအုတ်ချုပ်ရေးအသွင်သို့ ပြောင်းလဲစပြုနေပြီဖြစ်တဲ့ ဦးသိန်းစိန်ဦးဆောင်သော ပြည်ထောင်စု မြန်မာနိုင်ငံ အစိုးရသစ်မှာ သန့်ရှင်းသော အစိုးရ တရပ်ပေါ်ပေါက်ရေး အတွက် အဂတိလိုက် စားမှုများကို ထိထိရောက်ရောက် အရေး ယူနိုင်ရန် လွပ်လပ်ပြီး ပြည်သူ လက်ခံနိုင်သော အမျိုးသား အဂတိ လိုက်စားမှု တားမြစ်ရေး ကော်မရှင် တရပ် ဖွဲ့စည်းဖို့ ၂၀၁၂ ခုနှစ် ဖေဖေါ်ဝါရီလ (၂၀) ရက်နေ့မှာ သင်္ကန်းကျွန်း မဲဆန္ဒနယ် လွှတ်တော် ကိုယ်စားလှယ် ဦးသိန်းညွန့် က အဆိုတင် ခဲ့ပါတယ်။
တကယ်တော့ အဂတိလိုက်စားမှုတိုက်ဖျက်ဖို့ ကိစ္စရပ်များကို ကိုလိုနီခေတ် ရာဇသတ်ကြီး ဥပဒေထဲမှာ ပြဋ္ဌာန်းခဲ့ပြီး ဖြစ်သလို ၁၉၄၈ ခုနှစ်၊ ၁၉၈၄ ခုနှစ်နဲ့ နအဖတို့ ခေတ်ကာလများ အတွင်း လာဘ်စားမှု၊ လာဘ်ပေး လာဘ်ယူမှုဆိုင်ရာ ဥပဒေ များနဲ့ ပြင်ဆင်ချက် အသီးသီး ထုတ်ပြန်ခဲ့ပြီး ဖြစ်ပါတယ်။ လာဘ်စားမှု သတင်းပေးနိုင်သူတွေကို ဆုခြီးမြှင့်ပြီး အကာကွယ် ပြုတဲ့ ဥပဒေများကိုပါ တိုးချဲပြဋ္ဌာန်း ပေးနိုင်ခဲ့တာ တွေ့ရပေမဲ့ အဲဒီ ဥပဒေတွေ အားလုံး စာအုပ်တွေထဲမှာပဲ အသက်ဝင်နေ ခဲ့တာကြောင့် ကျနော်တို့ရဲ့ န၀တ-နအဖခေတ် စစ်ဗိုလ်ချုပ်ကြီးတွေ ဥပဒေမဲ့စွာ ဆယ်သက်စာ လာဘ်ယူနိုင်ခဲ့ကြတာပါ။
မြန်မာ့တပ်မတော်ထဲက လာဘ်စားမှုသံသရာကြီးဟာ အဓိကအားဖြင့် စစ်ဗိုလ်ချုပ် တဦးတယောက်စီ တိုင်းရဲ့ အတ္တနဲ့လော ဘများ သက်သက်ကြောင့်တော့ မဖြစ်နိုင်ပါဘူး။ ပညာရှင်တွေ လက္ခံ နားလည်ထားတဲ့ လာဘ်စားမှုဖေါ်မြူလာ အရ ဆိုရင် လာဘ်စားမှု ဆိုတာမျိုး ဆိုတာက လက်ဝါးကြီးအုပ် လုပ်ပိုင်ခွင့်များ ပြည့်နှက်နေခဲ့ရင်၊ အများသဘော မဟုတ်ဘဲ တသီးပုဂ္ဂလိ က ကိုယ်ပိုင်ဆုံးဖြတ်ချက်တွေ များနေ လွန်းနေခဲ့ရင်၊ ပြီးတော့ တာဝန်ယူမှုနဲ့ တာဝန်ခံမှုတွေ အလွန်တရာ ချို့ယွင်းနေတဲ့ အဖွဲ့အစည်းများနဲ့ လုပ်ငန်းခွင်တိုင်းမှာ ဖြစ်ပေါ်လေ့ ရှိတယ်လို့ ဖွင့်ဆို ထားပါတယ်။
န၀တ-နအဖခေတ်အတွင်း အစိုးရကိုယ်တိုင်ပရောဂျက်များ နိုင်ငံပိုင်အဆောက်အဦးနဲ့ လုပ်ငန်းများကို ရောင်းချခြင်း၊ ငှား ရမ်းခြင်းတွေပြုခဲ့သလို တိုင်းပြည် အတွက် လိုအပ်တဲ့ ကုန်ကြမ်း၊ ကုန်ချောနဲ့ဇိမ်ခံ ပစ္စည်းတွေ အပြင် သွင်းကုန်ထုတ်ကုန် ပါမစ်တွေအကုန်လုံး ချုပ်ကိုင်ခဲ့ကြပါတယ်။ ဒါကြောင့်လည်း တိုင်းပြည်ကို အုပ်ချုပ် စီခံခန့်ခွဲခဲ့တဲ့ စနစ်ကြီး ကိုယ်တိုင်က လာဘ်စားမှုတွေကိုပေါက်ဖွားစေပြီး အာဏာရှိ ဗိုလ်ချုပ်တွေ လာဘ်စားခဲ့ကြ လာဘ်စားခွင့် ရခဲ့ကြတာမျိုးလည်း ဖြစ်နေပါ တယ်။
ကျနော်တို့မြန်မာနိုင်ငံလို မဖွံ့ဖြိုးသေးတဲ့တိုင်းပြည်တွေမှာ အကျင့်ပျက်ခြစားမှု၊လာဘ်ပေး လာဘ်ယူမှုတွေကို ဖြစ်ပွားစေ တဲ့ အခြေခံတရား ၂ ခု ရှိပါတယ်။ ပထမ အချက်က ချိနဲ့တဲ့ တရားစီရင်ရေး။ ညံ့ဖျင်းတဲ့ အုပ်ချုပ်မှုနဲ့ မဖွံ့ဖြိုးသေးတဲ့ အခြေခံ လူ့ဘောင် အုတ်မြစ်တွေဖြစ်ပြီး၊ နောက် ဒုတိယ အကြောင်းရင်း တချက်ကတော့ နိုင်ငံရဲ့ စီးပွားရေးကို လက်ဝါးကြီး အုပ်ခွင့် ပြုစေတဲ့ အစိုးရရဲ့ ပေါ်လစီများကြောင့်လို့ သိရပါတယ်။
ဒါကြောင့်မို့ ဒုတိယ အချက်ဖြစ်တဲ့ နိုင်ငံရဲ့စီးပွားရေး ကဏ္ဍမှာ စစ်တပ်က လက်ဝါးကြီး အုပ်တာတွေကို ချက်ခြင်း ပယ်ရှား ပစ် နိုင်တာနဲ့တပြိုင်နက် တပ်မတော်တွင်းက လာဘ်စားမှုတွေလည်း တခဏလေးနဲ့ ပျောက်ကွယ်သွားဖို့ ရှိပါတယ်။ ကျန်နေ သေးတဲ့ ပထမ အချက်ပါ တရားစီရင်ရေးနဲ့ အုပ်ချုပ်ရေး စနစ်တွေကို ခိုင်မြဲအောင်လုပ်ပြီး အခြေခံ လူမှုအဆောက်အဦ တွေကိုတော့ တဖြေးဖြေးချင်း ပြုပြင်ယူသွားရမယ်လို့ ပြောရပါလိမ့်မယ်။
လဒ်စားတယ်ဆိုတာက ကျနော်တို့တိုင်းပြည်က စစ်တပ်ထဲမှာတင်မဟုတ်ပါဘူး။ စစ်တပ်က တိုက်ရိုက် အုပ်ချုပ်နေတဲ့ ပါ ကစ္စတန်က အာဏာရှင် ဗိုလ်ချုပ်ကြီး မူရှာယက်နဲ့ ရင်းနှီးသူ ဒုဗိုလ်ချုပ်ကြီး ကွာဇီးဂျာ ၀တ်အာဆပ် ဆိုသူလည်း တရုပ်မီး ရထားစက်ခေါင်း (၆၉) လုံး တင်သွင်းရာမှာ အခွန် တိမ်းရှောင်ပြီး ဒေါ်လာသန်း (၁၀၀) ဖိုးလောက် လာဘ်စား ခဲ့တာမို့ အခု တရား ဆိုင်နေရပါတယ်။ သူတင်သွင်းပြီး လိုင်းဆွဲခဲ့ တဲ့ စက်ခေါင်းတွေကြောင့်လည်း နိုင်ငံပိုင် မီးရထား ဌာနအတွက် တနေ့ ရူပီးငွေ ၂ သန်းကျော်လောက် နစ်နာ ခဲ့ရပါသေးတယ်။
တရုပ်ပြည်မှာတော့ တိုင်းပြည်အမျိုးသားအရပ်ရပ်ဝင်ငွေ ၁၀%လောက်ဟာ နှစ်စဉ်လာဘ်စားမှု ကြောင့် ဆုံးရှုံးနေရပြီး ဒါ တွေကိုပြင်ဆင်ဖို့ အတွက် ရာထူးနေရာ တည်မြဲဖို့ ထက်စာရင် လာဘ်စားမှုကို အဆုံးတိုင် ချေမှုန်း သွားကြရမယ်ဆိုပြီး ယခင် တရုပ် သမ္မတဟောင်း လူလျှောက်ချီရဲ့သားဖြစ်သူ ဗိုလ်ချုပ်ကြီး လူရွှန်က ၂၀၁၁ခုနှစ်အောက်တိုဘာလ အတွင်း(၁၈) ကြိမ် မြောက် ပါတီကွန်ဂရက်မှာ ထုတ်ဖေါ် ပြောဆိုခဲ့ပါတယ်။ အဂတိ လိုက်စားခဲ့လို့ တရုပ်ရေ တပ်ဦးစီးချုပ် တယောက်ကိုလည်း ရာထူးမှ ထုတ်ပစ်ခဲ့ကြပါသေးတယ်။
ပြည်သူလူထု ထောက်ခံမှုသိပ်မရတဲ့ န၀တ-နအဖ ခေတ် စစ်ဗိုလ်ချုပ်ကြီးတွေဟာ သူတို့ရဲ့ တရား ၀င်ဖို့အရေး ထောက် ခံပေးသူ ဗီတို အာဏာရှိသူ တရုပ် အလိုကို လိုက်ပြီး အကြိုက်ဆောင် ခဲ့ရတဲ့ အချက်ဟာလည်း နောက်ထပ် လာဘ်စားမှု ကြီးထွားရခြင်း အခြေခံ တခုပါပဲ။ လုံခြုံရေးကောင်စီမှာ မဲခွဲတော့မယ့် အခါတိုင်း တရုပ်ဆီကထောက်ခံမှု အကာအကွယ် ဗီတို အာဏာအတွက် တဖက်သတ်ကျတဲ့ စီးပွားရေးနဲ့ ပရိုဂျက် စာချုပ်တွေကို န၀တ-နအဖ ဗိုလ်ချုပ်တွေ တရုပ်နဲ့ပြေးပြေးပြီး ချုပ်ဆိုကြရပါတယ်။ လက်နက်နဲ့ တိုင်းပြည် အရင်းအမြစ်တွေ ကျိပ်ပြီး ဖလှယ်ကြရပါတယ်။ ဒီလို ပွင့်လင်းမြင်သာမှု မရှိတဲ့ ကိစ္စတွေကနေ လာဘ်စားဖို့ ဟာကွက်တွေ အများကြီး ထပ်မံပေါ်ပေါက်စေပြန်ပါတယ်။
တဖက်ကလည်း နိုင်ငံရေးအကျိုးအမြတ်ထွက်ဖို့သက်သက် ရှေ့တန်းတင်စီးပွားရေး စီမံကိန်း တွေကို စစ်ဗိုလ်ချုပ် များဟာ ပြည်တွင်းက သူတို့ လက်သင့်ရာ လုပ်ငန်းရှင်တွေနဲ့ ပေါင်းပြီး လုပ်ခဲ့ကြပြန်ပါသေး တယ်။ အစိုးရပေါ်လစီတိုင်းကို ပြည်တွင်း စီးပွားရေး လုပ်ငန်းရှင်းကြီးများက အရှုံးခံပြီး အောင်မြင် အောင် အကောင်အထည်ဖေါ်ပေးကြပြန်ပါတယ်။ ပြီးရင် အစိုးရက သူတို့အတွက် မြိုးမြိုးမြက်မြက် ရနိုင်မယ့် စီးပွားရေးဂွင်တွေ၊ လုပ်ကွက်တွေနဲ့ ပါမစ်တွေပြန်ပြီး ချပေးပါတယ်။
သိသာထင်ရှားတဲ့ နမူနာကတခုက နေပြည်တော်တည်ဆောက်ရေးစီမံကိန်းမှာ လက်ဝေခံ စီးပွားရေး လုပ်ငန်းရှင်ကြီးများ ဖြစ်တဲ့ ဦးတေဇ၊ စတီဗင်လော၊ မက်မြန်မာဇော်ဇော်တို့ ဆောက်လုပ်ခွင့် ပါမစ်တွေ ရခဲ့ပြီး တကယ်တန်း ဆောက်လုပ်ခ တွေကိုတော့ တပြားတချပ်မှ မရကြပါဘူး။ ဒါပေမဲ့လည်း တစီးကို အမေရိကန်ဒေါ်လာ ၂ သိန်းနီးပါး တန်တဲ့ ကား (၁၀) စီးစီ တင်သွင်းခွင့်တွေကို နအဖ က ပြန်ချပေးပါတယ်။ တချို့ ကိုလည်း နှစ်စဉ်ဒေါ်လာ (၅) သန်းဖိုး တရုပ်ပြည်သို့ သစ်တင်ပို့ခွင့် ၊ တချို့ကိုလည်း ရန်ကုန်က ကိုယ်ပိုင် အိမ်ယာစီမံကိန်း တည်ဆောက်ခွင့်နဲ့ မြေကွက်များကို နအဖက ခွင့်ပြုချက် ချပေးခဲ့ ကြောင်း ၀ီကီလိဒ် သတင်းတွေထဲမှာ ဖေါ်ပြပေးထား ပါတယ်။ ပြီးခဲ့တဲ့နှစ် အထိ နိုင်ငံတကာ လာဘ်စားမှု စုံစမ်းရေး အစီရင် ခံစာထဲမှာ မြောက်ကိုရီးယားနဲ့ ဆိုမာလီတို့ပြီးရင် တတိယမြောက် လာဘ်စား အကျင့်ပျက်ဆုံး နိုင်ငံဟာ မြန်မာနိုင်ငံလို့ ဆိုပြီး နံမည်ပျက်နေရဆဲပါ။
ကျနော်တို့မြန်မာပြည်မှာ ဂျစ်ကားခပ်စုတ်စုတ်တစီးကို သိန်းတရာ၊ ချောင်ကျကျမြို့သစ်က မြေကွက်လေး တကွက် သိန်း ရာကျော် ကြမ်းခင်းဈေးဖြစ်လာနေတော့ရာ (၁၀)နှစ်စာလောက် ကုန်းရုံး ကြိုးစားပြီးတာတောင် ဘယ်သူမှ အိုးပိုင်အိမ်ပိုင်၊ ကားပိုင်ဖို့ မဖြစ်နိုင်သေးတဲ့ တိုင်းပြည်ဟာ ကမ္ဘာ့အလယ် အံ့ဖွယ်ပါပဲ။ မြန်မာပြည် စစ်တပ်ရဲ့ လာဘ်စားမှု သံသရာကြီးကို ဝေဖန်ဆန်း စစ်ကြည့်လိုက်မယ် ဆိုရင်ဖြင့် တိုင်းပြည်က လူလတ်တန်းစားနဲ့ အခြေခံ ဆင်းရဲသားလူ အများစုပဲ တကယ် တမ်း နစ်နာကြရတာပါ။ သေချာတာ တခုကတော့ လာဘ်စားမှုကြောင့် တရုပ်ပြည်မှာ အမျိုးသားဝင်ငွေ ၁၀%လောက် ဆုံးရှုံးတယ် လို့ဆိုရင် တရုပ်အားကိုး န၀တ-နအဖ တို့ လက်ထက်အတွင်း မြန်မာပြည်တွင်း စစ်တပ်ဗိုလ် ချုပ်တွေလာဘ်စား လို့ ဆုံးရှုံးသွားတဲ့ ငွေတွေဟာ ၁၀%ထက် မကဘူးလို့ တွက်ချက်လို့ ရနိုင်ပါတယ်။
အဲဒါတွေကြောင့်လည်း ကဗျာဆရာကြီးဗားတော့ဗရက်က ကျနော်တို့ရဲ့စာချုပ်တွေကို လက်မှတ်ရေးထိုးတဲ့ လက်တွေဟာ နိုင်ငံကို ဖျက်နေတယ် လို့ ဖွဲ့ဆို ခဲ့တာပဲဖြစ်ပါလိမ့်မယ်။ မျိုးဆက်သစ် တပ်မတော် တပ်မှူး တပ်သားတိုင်း အဲဒီလိုမျိုး အတိတ် က လာဘ်စားမှု အရိပ်ဆိုးတွေကို ကျော်နင်း လွန် မြောက်ပြီး ပီပီပြင်ပြင် ပြည်ချစ် တပ်မတော်သားများ အဖြစ်နဲ့ ခေတ်မီ တပ်မတော်ကြီး တရပ် ဖန်တီး တည်ဆောက်နိုင်ကြ ပါစေ။
အနာဂတ်က တောက်ပပေမယ့် အာမခံချက်မရှိသေး
May 16, 2012
ကာနက်ဂျီ နိုင်ငံတကာ ငြိမ်းချမ်းရေးထောက်ပံ့ ကူညီမှုအဖွဲ့ (Carnegie Endowment for International Peace) ၏ လေ့လာရေး ဆိုင်ရာ ဒု ဥက္ကဌဖြစ်သူ သောမတ်စ် ကာရိုသားစ် (Thomas Carothers) သည် ကြားဖြတ်ရွေးကောက် ပွဲမတိုင်မှီ ကာလတွင် မြန်မာပြည်သို့ အလည်အပတ် သွားရောက်ခဲ့သည်။ ဧရာဝတီနှင့် တွေ့ဆုံမေးမြန်းခန်းတွင် ကြားဖြတ်ရွေးကောက်ပွဲ၏ အရေးပါမှုနှင့် မြန်မာပြည် ဒီမိုကရေစီ အသွင်ကူးပြောင်းရေး အလားအလာများအပေါ် သူ၏အမြင်များကို ပြောကြားခဲ့သည်။
ထို့ပြင် နိုင်ငံတကာမှ နိုင်ငံရေးအသွင်းကူးပြောင်းမှုအတွေ့အကြုံများအပေါ် အခြေခံ၍လည်း မြန်မာပြည် အခြေအနေနှင့် အာဏာရှင် အုပ်စိုးမှုမှ အသွင် ကူးပြောင်းသွားသော အခြားနိုင်ငံများ အခြေအနေကို နှိုင်းယှဉ်ခဲ့သည်။ ထိုသို့ နှိုင်းယှဉ်ရာတွင် မြန်မာပြည်ကြုံတွေ့ရမည့် အဓိက စိန်ခေါ်ချက် များကို မီးမောင်း ထိုးပြသကဲ့သို့ မျှော်လင့်ချက်ရှိနိုင်သည့် အနေအထားကိုလည်း အကျိုးသင့် အကြောင်းသင့် ရှင်းပြသည်။
သောမတ်စ် ကာရိုသားစ် သည် CEIP ၏ ဒီမိုကရေစီနှင့် တရားဥပဒေစိုးမိုးရေး အစီအစဉ် (Democracy and Rule of Law Program) ကို စတင် တည်ထောင်သူဖြစ်ပြီး ထို အစီအစဉ်တွင် ညွှန်ကြားရေးမှူး အဖြစ်ဆောင်ရွက်လျှက် ရှိသည်။
မေး။ ။ မြန်မာပြည်က ဒီမိုကရေစီနိုင်ငံအဖြစ် အသွင်ကူးပြောင်းနေပြီလား။
ဖြေ။ ကြားဖြတ်ရွေးကောက်ပွဲက ၇ ရာခိုင်နှုန်းထက်နည်းတဲ့ လွှတ်တော်နေရာတွေ အတွက်ပဲ ကျင်းပခဲ့တာ ဆိုပေမယ့် ရာစု နှစ်ထက်ဝက်ကျော်ကြာအောင် အစိုးရက ကြိုးကိုင် ထားတဲ့ ရွေးကောက်ပွဲတွေ ဒါမှမဟုတ်လည်း တရားမဝင် ရွေးကောက်ပွဲတွေကိုပဲ ကြုံခဲ့ရတဲ့ လူ့အဖွဲ့အစည်း တခုအတွက်တော့ ဒီရွေးကောက်ပွဲဟာ ရှေ့ခြေလှမ်းကြီး တလှမ်း ဖြစ်တယ်ဆိုတာ သံသယရှိစရာ မလိုပါဘူး။
ဒေါ်အောင်ဆန်းစုကြည်နဲ့ NLD နိုင်ငံရေးထဲ ပြန်ရောက်လာတာ၊ နိုင်ငံရေး အကျဉ်းသားအများ အပြား လွတ် မြောက် လာတာနဲ့ နိုင်ငံရေးဆွေးနွေးပွဲတွေ၊ လှုပ်ရှားမှုတွေ အတွက် အတော်လေး လမ်းပွင့် လာတာတွေကို ထောက်ရင် မြန်မာပြည်မှာ အများစုက မခန့်မှန်းခဲ့တဲ့ နိုင်ငံရေး အရပွင့်လင်းမှု ထင်ထင်ရှားရှား ရှိနေပြီလို့ ပြောလို့ ရပါတယ်။
သမ္မတဦးသိန်းစိန်အနေနဲ့လည်း စစ်တပ်သြဇာနဲ့ တရားမဝင် ၂၀၁၀ ရွေးကောက်ပွဲတွေကြောင့် အာဏာ ရလာတယ် ဆိုပေမယ့် ပြုပြင်ပြောင်းလဲ လိုစိတ် ရှိပုံပေါ်ပါတယ်။ ကျနော်မြန်မာပြည်ကို အလည် သွားတဲ့အခါ မြန်မာ ပြည်သူအများအပြား ကြားမှာရှိနေတဲ့ အားတက်သရောဖြစ်နေမှုကို မခံစားဘဲ မနေနိုင်အောင်ဖြစ်ခဲ့ရပါတယ်။ ဒါကတော့ ဒီအခိုက်အတန့် ဟာဖြင့် တိုင်းပြည်အတွက် တကယ့် အချိန်ကောင်းဖြစ်တယ်၊ ပြီးခဲ့တဲ့နှစ် ၂၀ ကျော်အတွင်းမှာ အများ မျှော်လင့်ရဲတယ် ဆိုရုံလေးရှိခဲ့တဲ့ နိုင်ငံရေး အခွင့်အလမ်းဖြစ်တယ် ဆိုတဲ့ အားတက်သရောဖြစ်နေမှုပါပဲ။
အခြေအနေတွေက အားတက်စရာပါ၊ ဒါပေမယ့် ဒီဖြစ်ပေါ်တိုးတက်မှုတွေဟာ ဖြစ်နိုင်ချေရှိတဲ့ ဒီမိုကရေစီ နည်းကျ အသွင် ကူးပြောင်းမှုရဲ့ အဝင်ဝ အစမှာပဲ ရှိနေသေးတာဖြစ်ပါတယ်။ တိုင်းပြည် အာဏာကို ချုပ်ကိုင်ထားသူတွေ (ရေရှည် အမြစ်တွယ်နေတဲ့ ဒီမိုကရေစီ ဆန့်ကျင်ရေး စစ်အုပ်စုနဲ့ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ – USDP) က သူတို့ အာဏာ အဆောက် အအုံကို တစုံတရာ လက်လွှတ်ပေးတာမျိုး မရှိသေးပါဘူး။ စစ်တပ်နဲ့ USDP တို့ရဲ့ ရေရှည် အာဏာ ထိန်းချုပ်ထားမှုကို ပျက်ပြယ်စေဖို့ မုချလိုအပ်တဲ့ ဖွဲ့စည်းပုံ အခြေခံဥပဒေပြင်ဆင်ရေးဟာလည်း အခုမှ အလေးအနက် ထားပြီး စတင်ဆွေးနွေးရမယ့် အနေအထားမှာပဲ ရှိပါသေးတယ်။ ဒါ့ပြင် အစိုးရထဲက ပြုပြင်ပြောင်းလဲ ရေးသမားတွေက ပြုပြင်ပြောင်းလဲရေးကို ဆန့်ကျင်တဲ့ အစိုးရထဲက အခြားသူတွေ၊ စစ်တပ်ထဲက သူတွေနဲ့ ယှဉ်ရင် ဘယ်လောက်ထိ အားရှိသလဲ ဆိုတာကလည်း အခုထိ အတော်လေး မရေမရာဖြစ်နေဆဲပါ။
အစိုးရအနေနဲ့ ငွေလဲနှုန်းပြင်ဆင်သတ်မှတ်တာ၊ ဘဏ်စနစ်ပြုပြင်ပြောင်းလဲတာစတဲ့ အားတက်ဖွယ် စီးပွားရေးပြုပြင် ပြောင်းလဲမှု တချို့ကို ကမကထပြုဆောင်ရွက် ခဲ့ပေမယ့် လက်ရှိ အာဏာ ချုပ်ကိုင် ထားသူတွေရဲ့ အာဏာ အချက်အချာ တွေကို အကဲစမ်းမယ့် အပြောင်းအလဲတွေ အကောင်အထည်ဖော်နိုင် ပါ့မလား ဆိုတာကိုတော့ ဆက်လက်စောင့်ကြည့် ရမှာ ဖြစ်ပါတယ်။ ဘာဖြစ်လို့လဲ ဆိုတော့ ဒီလူတွေရဲ့ စီးပွားရေး လုပ်နည်း ကိုင်နည်းတွေက ခရိုနီ အရင်းရှင်ဝါဒ အယူအဆ အပေါ် အခြေခံတာကိုး။
ဆိုတော့ မြန်မာနိုင်ငံမှာ နိုင်ငံရေးလမ်းပွင့်နေပြီလားဆိုရင် ပွင့်နေပြီလို့ပြောချင်ပါတယ်။ စီးပွားရေးပြုပြင်ပြောင်းလဲမှု တွေရှိနေပြီလား ဆိုရင်လည်း ရှိနေပုံရတယ်လို့ ပြောချင်ပါတယ်။ ဒီမိုကရေစီ နည်းကျ အသွင် ကူးပြောင်းမှု ရှိနေပြီလား ဆိုရင်တော့ ပြောဖို့ အရမ်းစောပါသေးတယ်။
မေး။ အာဏာရှင်အုပ်ချုပ်မှုကနေ အသွင်ကူးပြောင်းသွားတဲ့ အခြားနိုင်ငံတွေကနေ ကျနော်တို့ဘာများ လေ့လာ နိုင်ပါသလဲ။ အဲ့ဒီနိုင်ငံတွေနဲ့ မြန်မာပြည်ကို ဘယ်လို နှိုင်းယှဉ်ကြည့်လို့ ရနိုင်ပါသလဲ။
ဖြေ။ ။ သေချာတာကတော့ နိုင်ငံရေးအသွင်ကူးပြောင်းမှုတိုင်းဟာ တခုနဲ့တခုမတူဘဲ သီးသန့် ပုံစံဖြစ်နေတာပါ။ (ဒီကူးပြောင်းမှုတွေဟာ ကမ္ဘာပေါ် တဝှမ်းက အကန့်အသတ်မဲ့ အမျိုးမျိုး အထွေထွေ လူမှုနိုင်ငံရေး ပုံသဏ္ဍာန်တွေနဲ့ အစဉ်အလာတွေအပေါ် ထင်ဟပ်နေတာဖြစ်ပါတယ်။) တချိန်တည်းမှာလည်း ပြီးခဲ့တဲ့ ၂၅နှစ်အတွင်းမှာ ဒီမိုကရေနည်းကျ အသွင်းကူးပြောင်းမှုဖြစ်လာမို့ အားထုတ်ခဲ့တဲ့ နိုင်ငံ ၁၀၀ ရှိတာမို့ တချို့ပုံစံတွေကို ခွဲခြား သတ်မှတ်လို့ ရသလို တကယ်တမ်း သတိထားပြီး ချဉ်းကပ်မယ် ဆိုရင် တချို့တူညီတာတွေကို ရှင်းရှင်းလင်းလင်း သဘောပေါက်နိုင် မှာဖြစ်ပါတယ်။
မြန်မာပြည်ပြုပြင်ပြောင်းလဲရေးဖြစ်စဉ်က အနိမ့်ဆုံးအဆင့် ၁၉၇၀ ကျော်နဲ့ ၁၉၈၀ ကျော်ကာလတွေ အတွင်း တောင်အမေရိက တိုက်မှာဖြစ်ခဲ့တဲ့ စစ်အုပ်ချုပ်ရေး ကနေ အသွင် ကူးပြောင်းရေးဖြစ်စဉ် တချို့ကို ပြန်အမှတ်ရ စေပါတယ်။ အဲ့ဒီဖြစ်စဉ်တွေကလည်း တခုနဲ့တခု နှိုင်းယှဉ်ကြည့်မယ်ဆိုရင် သိပ်ကို ကွဲပြားကြတာပါ။
ဥပမာ ဘရာဇီးနိုင်ငံမှာဆိုရင် စီးပွားရေးစီမံခန့်ခွဲမှုညံ့ဖျင်းတာနဲ့ အလွဲသုံးစားမှုတွေကြောင့် လူထုထောက်ခံမှု ကျဆင်းလာတဲ့ စစ်အစိုးရဟာ သဘောထားပျော့ပြောင်းသူ အုပ်စုနဲ့ သဘောထား တင်းမာသူ အုပ်စု ဆိုပြီး ၂ ခြမ်း ကွဲသွား ခဲ့ပါတယ်။ သဘောထားပျော့ပြောင်း သူတွေက အားလုံး လက်ခံနိုင်တဲ့ ရွေးကောက်ပွဲတွေ နောက်ပိုင်းမှာ ကျင်းပပြီး အရပ်သား အုပ်ချုပ်မှုကို တဖြေးဖြေး ပြန်လည် အသက် သွင်းခဲ့ပါတယ်။ ပြီးတော့ သဘောထား တင်းမာ သူတွေနဲ့ ငြိမ်းငြိမ်းချမ်းချမ်းဖြစ်အောင် အဲ့ဒီလူတွေရဲ့ စီးပွားရေး လုပ်ပိုင်ခွင့် အတော်များများကို ဆက်လုပ်ခွင့်ပေးတာနဲ့ အတိတ်က အမှားတွေ အတွက် စွဲချက် တင်တာတွေ မလုပ်ဘဲ ထိန်းထား ခဲ့ပါတယ်။
အတိတ်မှာဖြစ်ခဲ့တာတွေကို ချင့်ချိန်စဉ်းစားတဲ့ အခါမှာ တောင်အမေရိကတိုက်က အသွင်ကူးပြောင်းမှု အများစုဟာ အတော်လေး သင့်တော်တာကို တွေ့ရပါတယ်၊ ဒါပေမယ့် အဲ့ဒီဖြစ်စဉ် အများစုက တကယ်လက်တွေ့ ဘယ်လောက်အ ချိန်ကြာပြီး ရှုပ်ထွေးနက်နဲတယ် ဆိုတာကိုလည်း ဂရုပြုဖို့ အရေးကြီးပါတယ်။ ဘရာဇီးနိုင်ငံကိုပဲ ဥပမာ ထပ်ပေးရရင် အဲ့ဒီနိုင်ငံမှာ နိုင်ငံရေးပြုပြင်ပြောင်းလဲမှု လမ်းပွင့်လာတဲ့ ၁၉၇၄ ခုနှစ်ကစလို့ အားလုံး လက်ခံနိုင်တဲ့ ရွေးကောက်ပွဲကနေ အရပ်သား သမ္မတ အာဏာရလာတဲ့ အထိ ၁၀ နှစ် ကျော် အချိန် ကုန်လွန်ခဲ့တာပါ။
ပြီးတော့ အရင်အာဏာရှင်စနစ်ရဲ့ အကြွင်းအကျန်တွေအများအပြားကြားကနေ စနစ်တခု တကယ်ကောင်းကောင်း မွန်မွန် လည်ပတ်နိုင်ဖို့ နောက်ထပ် ၁၀ နှစ် နီးပါးလောက် အချိန် ထပ်ယူခဲ့ရပါသေးတယ်။
နောက်တခုသိထားသင့်တာကတော့ တောင်အာဖရိကတိုက်က စစ်အာဏာရှင်အများစုဟာ သူတို့တိုင်းပြည်ကို အရပ်သား အစိုးရလက် ပြန်မအပ်ခင် ဆယ်စုနှစ် တခု ဒါမှမဟုတ် ၂ ခုပဲ အာဏာ ရှိခဲ့တာဖြစ်တယ်၊ ပြီးတော့ အနိမ့်ဆုံး အဆင့် အဲ့ဒီနိုင်ငံတွေမှာ အရင်တုန်းက အရပ်သား အုပ်ချုပ်ရေးနဲ့ ဒီမိုကရေစီနည်းကျ ဗဟုဝါဒ အတွေ့အကြုံ တွေ တစုံတရာ ထင်ထင်ရှားရှား ရှိခဲ့တယ်ဆိုတာပဲ ဖြစ်ပါတယ်။ မြန်မာ စစ်တပ်ကတော့ လွတ်လပ်ရေး ရခဲ့တဲ့ ၆၅ နှစ်အတွင်း နိုင်ငံကို နှစ်ပေါင်း ၅၀ အုပ်ချုပ်ခဲ့တာဖြစ်ပြီး သင်ခန်းစာယူဖို့ အတွက်လည်း မြန်မာပြည်မှာ စစ်အုပ်ချုပ်ရေး မတိုင်ခင် ကျယ်ပြန့်တဲ့ ဒီမိုကရေစီ အတွေ့အကြုံ မရှိပါဘူး။
မေး။ ။ အာရပ်နွေဦး (Arab Spring) က မြန်မာပြည်တိုးတက်ပြောင်းလဲမှုတွေ အပေါ် အကျိုးသက်ရောက်မှု ရှိခဲ့ပါ သလား။
ဖြေ။ ။ အာရပ်နွေဦးက မြန်မာစစ်ဗိုလ်ချုပ်ကြီးတွေကို ပျာပျာသလဲဖြစ်စေခဲ့တယ်၊ ပြီးတော့ တိုင်းပြည်မှာဖြစ်လာနိုင်တဲ့ ပေါက်ကွဲမှုကို အောက်ခြေကနေ တားဆီးနိုင်ဖို့ ပြုပြင်ပြောင်းလဲမှုတွေ လုပ်မှဖြစ်တော့မယ် ဆိုတဲ့ သဘောထား ပျော့ပြောင်းသူတွေရဲ့ စဉ်းစားဆုံးဖြတ်ချက်ကိုလည်း အထောက်အကူဖြစ်စေခဲ့တယ်။
ဒါပေမယ့် မြန်မာပြည်ရဲ့ အထက်မှအောက်ပြုပြင်ရေးဖြစ်စဉ်က အာရပ်နွေဦးဖြစ်လာမယ့် ဆယ်စုနှစ်အတွင်းမှာရှိတဲ့ အာရပ်နိုင်ငံအတော်များများရဲ့ နိုင်ငံရေးအခြေအနေနဲ့ ပိုနီးနီးစပ်စပ် ဆင်တူပါတယ်။ အဲ့ဒီနှစ်တွေအတွင်းမှာ အာရပ် အစိုးရ အတော်များများက နိုင်ငံရေးနဲ့ စီးပွားရေးပြုပြင်ပြောင်းလဲမှုတွေ လုပ်ခဲ့ပါတယ်။ ပြောင်းလဲမှုတွေထဲမှာ အတိုက် အခံပါတီတွေကို လွှတ်တော်တွင်း ကိုယ်စားပြုခွင့်ပေးတာ၊ လွတ်လပ်တဲ့ လူမှုအဖွဲ့အစည်း (Civil Society) တွေ အတွက် လုပ်ပိုင်ခွင့် တစုံတရာပေးတာနဲ့ တိုင်းပြည်စီးပွားရေးရဲ့ တချို့အစိတ်အပိုင်းတွေကို သင့်တော်သလို ပြင်ဆင် ဆောင်ရွက်တာတွေ ပါပါတယ်။ ဆန်းစစ်လေ့လာသူတွေကတော့ ဒီပြောင်းလဲမှုတွေကို “တံတိုင်းခံပြုပြင်ရေး (Defensive Liberalization)” လို့ ဆိုကြပါတယ်။
အာရပ်အစိုးရတွေရဲ့ ဆောင်ရွက်မှုတွေက ဒီမိုကရေစီဖော်ဆောင်ဖို့အတွက် ပြုပြင်ပြောင်းလဲရေးတွေမဟုတ်ပါဘူး။ လူထုရဲ့ အစိုးရအပေါ် မကျေမနပ်ဖြစ်နေတာတွေကို လျှော့ချတဲ့နည်းနဲ့ စစ်မှန်တဲ့ ဒီမိုကရေစီဖော်ဆောင်မှုတွေ မဖြစ်လာအောင် တားဆီးဖို့ အသေအချာဘောင်ခတ်စီမံထားတဲ့ ကြိုးပမ်းမှုတွေသာ ဖြစ်ပါတယ်။ မော်ရိုကိုနဲ့ ဂျော်ဒန်နိုင် ငံကလိုမျိုး တချို့အစိုးရတွေက အဲ့ဒီနည်းနာကိုဆက်ထိန်းရင်း အာဏာဆက်လက် ကိုင်စွဲနိုင်ခဲ့ကြပါတယ်။ ဒါပေမယ့် ပြုပြင်ပြောင်းလဲရေးလုပ်တဲ့အခါမှာ ဒယိမ်းဒယိုင်ဖြစ်ခဲ့တဲ့ အီဂျစ်နိုင်ငံကလို အစိုးရတွေကတော့ အပြောင်းအလဲတွေ ဘာမှမလုပ်နိုင်ပဲ နောက်ဆုံးနိုင်ငံထဲမှာ လူထုအုံကြွပေါက်ကွဲမှုနဲ့ ကြုံရတဲ့အထိ ဖြစ်ခဲ့ပါတော့တယ်။
မေး။ ။ မြန်မာနိုင်ငံရဲ့ အသွင်ကူးပြောင်းမှုမှာ ဘယ်အရာက အခက်အခဲဆုံးအပိုင်း ဖြစ်လိမ့်မလဲ။
ဖြေ။ ။ နက်နက်ရှိုင်းရှိုင်းအမြစ်တွယ်နေပြီး ပြုပြင်ပြောင်းလဲရေးဆိုင်ရာကိစ္စတွေနဲ့ အတွင်းပိုင်းမှာ ကွဲနေတဲ့ စစ်အုပ်စု၊ နိုင်ငံရေးဖိနှိပ်မှုရဲ့ ဆိုးမွေတွေ၊ ရက်စက်ကြမ်းကြုတ်တဲ့ အစိုးရအုပ်ချုပ်မှုစနစ်၊ စီးပွားရေးချွတ်ခြုံကျမှုနဲ့ နိုင်ငံရေး အရ စိန်ခေါ်မှုတွေရှိနေတဲ့ ဒေသတွင်းတည်ရှိမှု စသဖြင့် အခက်အခဲတွေနဲ့ ပြည့်နေတာတော့ အသေအချာပါပဲ။
အထူးတုန်လှုပ်စရာကောင်းတာကတော့ တိုင်းပြည်အနေနဲ့ ဆယ်စုနှစ်ချီဖြစ်ပွားနေတဲ့ လူမျိုးစုံ တိုင်းရင်းသားပဋိပက္ခ တွေကို ဖြေရှင်းဖို့ကြိုးစားနေရတဲ့တချိန်တည်းမှာပဲ ရက်စက်ကြမ်းကြုတ်ပြီး ဖြစ်သလိုလုပ်တတ်တဲ့ နှစ် ၅၀ ကြာ အာဏာရှင်စနစ်ကနေ စွန့်ခွာဖို့ ကြိုးစားနေရတဲ့ အခက်အခဲနဲ့ အကြီးအကျယ် ရင်ဆိုင်နေရတာပဲဖြစ်ပါတယ်။ နိုင်ငံရေးစနစ်ရဲ့ဗဟိုချက်မှာ ဒီမိုကရေစီဖော်ဆောင်နိုင်ဖို့နဲ့ တိုင်းရင်းသားဒေသတွေမှာ ကိုယ်ပိုင်အုပ်ချုပ်ရေးရဖို့ဆိုတဲ့ အပြန်အလှန်ဆက်စပ်မှုရှိနေတဲ့ အာဏာခွဲဝေရေးဖြစ်စဉ် ၂ ခုကို တပြိုင်နက် ကြိုးစားဆောင်ရွက်တာဟာ သိပ်ကို ခက်ခဲပါလိမ့်မယ်။ ဒါကဘာနဲ့ အနည်းငယ် အလားသဏ္ဍာန်တူသလဲဆိုရင် ဘေး ၂ ဖက်က ချောက်ဖြစ်နေတဲ့ ခနော်နီခနော် နဲ့ တံတားပေါ်မှာ ကားမောင်းနေတုန်း ကားထဲမှာ ရန်ဖြစ်နေတဲ့ ခရီးသည်တွေကို တားရသလိုပါပဲ။
ဒါပေမယ့် မဖြစ်နိုင်စရာအကြောင်းမရှိပါဘူး။ သေသေချာချာ ကိုင်တွယ်ဆောင်ရွက်နိုင်မယ်ဆိုရင် ဒီဖြစ်စဉ် ၂ ခုဟာ တခုနဲ့တခု အပြန်အလှန် ဖေးမနိုင်တာဖြစ်ပါတယ်။ ၁၉၉၀ ခုနှစ်တွေ နှောင်းပိုင်း အင်ဒိုးနီးရှားနိုင်ငံက ရုတ်တရက် အာဏာရှင်စနစ်ကနေ စွန့်ခွာတဲ့အချိန်မှာ အဲ့ဒီနိုင်ငံအနေနဲ့ ဒီမိုကရစီဖော်ဆောင်ရေးနဲ့ တချို့ပြည်နယ်တွေရဲ့ ကိုယ်ပိုင်အုပ်ချုပ်ရေးကိစ္စတွေကို တချိန်တည်း ကိုင်တွယ်ဆောင်ရွက်နိုင်မှာမဟုတ်ဘူးလို့ အတော်များများက စိုးရိမ် ခဲ့ကြတာပါ။
အင်ဒိုနီးရှားနိုင်ငံဟာ အဲ့ဒီအချိန်တုန်းက ကနေ့ မြန်မာပြည်မှာ ကြုံတွေ့နေရတာတွေထက်ပိုကြီးတဲ့ ပြည်တွင်းပြဿနာ တွေနဲ့ ရင်ဆိုင်နေရတာဖြစ်ပါတယ်။ ဘာဖြစ်လို့လဲဆိုတော့ တချို့ အင်ဒိုနီးရှားပြည်တွင်းသူပုန်တွေက ခွဲထွက်ရေးရဖို့ အစိုးရကို တိုက်နေကြတာဖြစ်ပြီး မြန်မာပြည်မှာတော့ တိုင်းရင်းသားတွေရဲ့တောင်းဆိုမှုက အဲ့ဒီလောက် မပြင်းထန်ပါဘူး။ ဒါပေမယ့် အင်ဒိုနီးရှားနိုင်ငံက ဒီအခြေအနေတွေကနေ လွန်မြောက်အောင် ဆောင်ရွက်နိုင်ခဲ့တဲ့အပြင် အရှေ့တီမောနဲ့လည်း ငြိမ်းချမ်းရေးရပြီး အာဏာရှင်အစိုးရစနစ်ကို တကယ် အဆုံးသတ်နိုင်ခဲ့ပါတယ်။
မေး။ ။ မြန်မာပြည်အနာဂတ်နဲ့ပတ်သက်ပြီး မျှော်လင့်ချက်နိုင်စရာရှိပါသလား။
ဖြေ။ မြန်မာပြည်ဟာ ဒီမိုကရေစီဖော်ဆောင်တဲ့နေရာမှာ ကြီးမားတဲ့စိန်ခေါ်ချက်တွေနဲ့ ရင်ဆိုင်နေရပေ မယ့် ဒီမိုကရေစီဖော်ဆောင်ဖို့ လုံးဝမဖြစ်နိုင်တဲ့ အနေအထားနဲ့ အဝေးကြီးလိုပါသေးတယ်။ နိုင်ငံရေးလမ်းစပွင့်သွားတဲ့ တချို့နိုင်ငံတွေမှာလို မြန်မာနိုင်ငံမှာ နိုင်ငံအတွက် ဘာတွေလုပ်မယ်ဆိုတာကို ရွေးကောက်ပွဲတွေမတိုင်ခင်ကတည်းက လက်တွေ့ ဆောင်ရွက်ပြခဲ့တဲ့၊ တရားဝင်မှုနဲ့ ပတ်သက်ပြီး ပြည်တွင်းရော နိုင်ငံတကာမှာပါ မေးခွန်းထုတ်စရာမလိုပဲ အားလုံးက နက်နက် ရှိုင်းရှိုင်းလေးစားတဲ့ ခေါင်းဆောင်တယောက်ရှိတဲ့ ၊ ပြီးတော့ အခြေခံအားဖြင့် အဖွဲ့အစည်းဆိုင်ရာ စွမ်းဆောင်ရည်တွေရှိတဲ့ အားကောင်း မောင်းသန် ဒီမိုကရေစီအတိုက်အခံလှုပ်ရှားမှုရှိပါတယ်။
ဒါ့ပြင် နိုင်ငံတော်အာဏာထိန်းချုပ်ထားသူတွေထဲက ပြုပြင်ပြောင်းလဲရေးဘက်တော်သားတွေထဲမှာ သမ္မတဦးသိန်းစိန် အပြင် ယုံကြည်စိတ်ချရတဲ့ လူတချို့လည်း ပါပါသေးတယ်။ ပြီးတော့ မြန်မာ့အိမ်နီးနားချင်းနိုင်ငံတချို့က မြန်မာပြည် ဒီ မိုကရေစီဖော်ဆောင်ရေးဖြစ်စဉ်အပေါ် လိုလိုလားလားရှိပုံ မပေါ်ပေမယ့် အမေရိကန်ပြည်ထောင်စု၊ ဥရောပနဲ့ အာရှဒီမို ကရေစီနိုင်ငံအများအပြားအပါအဝင် အရေးပါတဲ့ နိုင်ငံတကာအင်အားစုတွေက ကူညီဖို့ အဆင်သင့်ရှိနေကြပါတယ်။
Ref: ဧရာဝတီ
နိုင်ငံခြားရေးဝန်ကြီး ခရီးစဉ်အတွင်း အမေရိကန်-မြန်မာဆက်ဆံရေး ထူးခြားမှုတွေ့နိုင်
ကိုသားညွန့်ဦး
ဗုဒ္ဓဟူး, 16 မေ 2012
နှစ်ပေါင်းနှစ်ဆယ်ကျော်အတွင်း မြန်မာနိုင်ငံခြားရေးဝန်ကြီးတဦးရဲ့ ပထမဆုံး တရားဝင် အမေရိကန် ပြည်ထောင်စု ခရီးစဉ်ကို ကြည့်မယ်ဆိုရင် အမေရိကန် မြန်မာ ဆက်ဆံရေး သိသိသာသာ တိုးတက် ကောင်းမွန်လာတဲ့ လက္ခဏာဖြစ်တယ်လို့ လေ့လာသူတွေက ယူဆပါတယ်။ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်ဟာ ဒီကနေ့ဆိုရင် အမေရိကန်နိုင်ငံခြားရေး ၀န်ကြီးနဲ့ ၀ါရှင်တန်ဒီစီမှာ တွေ့ဆုံပြီး ပူးတွဲသတင်းစာ ရှင်းလင်းပွဲ လုပ်ဖို့လည်း စီစဉ်ထားပါတယ်။ ဒီ ခရီးစဉ်အပေါ် မေးမြန်း သုံးသပ်ချက်ကို ကိုသားညွန့်ဦးက တင်ပြပေးထားပါတယ်။
မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ရဲ့ အခု အမေရိကန်ခရီးစဉ်အတွင်း အမေရိကန်-မြန်မာ ဆက်ဆံရေးမှာ သိသာထူးခြားတဲ့ အခြေအနေတွေ တွေ့ရနိုင်တယ်လို့ ယူဆမှုတွေ ရှိပါတယ်။ အမေရိကန် အထက် လွှတ်တော်အမတ် ဂျင်ဝက်ကတော့ အခု ခရီးစဉ်နဲ့ တိုက်တိုက် ဆိုင်ဆိုင်ပဲ မြန်မာနိုင်ငံအပေါ် စီးပွားရေးအရ ဒဏ်ခတ်ပိတ်ဆို့မှုကို အမေရိကန် အစိုးရအနေနဲ့ ရုပ်သိမ်းဖို့ သင့်လျော်တဲ့ အချိန် ဖြစ်တယ် လို့ ပြောပါတယ်။ အထူးသဖြင့် အခုလာမယ့် မေ ၂၀ ရက်နေ့မှာ မြန်မာနိုင်ငံအပေါ် ရင်းနှီးမြှုပ်နှံမှုသစ်တွေ ပိတ်ပင်ထားတာ သက်တမ်းပြည့်မှာပါ။
အရင်က တနှစ်တခါ သမ္မတအမိန့်နဲ့ သက်တမ်းတိုးခဲ့တဲ့ ဥပဒေဖြစ်တော့ ဒီတခါမှာ သမ္မတရဲ့လုပ်ပိုင်ခွင့်နဲ့ အရေးယူမှု ရပ်နားခွင့် ရှိပါတယ်။ ဒါကြောင့်လည်း အထက် လွှတ်တော်အမတ် ဂျင်ဝက်ဘ်က အခု မြန်မာနိုင်ငံခြားရေး ၀န်ကြီး ခရီးစဉ်ကာလမှာပဲ ဆောင်ရွက်ဖို့ တိုက်တွန်း သွားတာပါ။ အမေရိကန်နိုင်ငံရေးမှာ သြဇာကြီးမားတဲ့ အထက်လွှတ်တော် အမတ် မက်ကိန်းကလည်း အရေးယူမှုတွေကို ယာယီ ရပ်ဆိုင်းထားဖို့ပဲ တောင်းဆို ထားပါတယ်။
အရင်ကဆိုရင် မြန်မာခေါင်းဆောင်တွေကို အမေရိကန်ပြည်ထောင်စုကို လာရောက်ခွင့် ပိတ်ပင်ထား ရာကနေ အခုလို တရားဝင် ဖိတ်ကြားပြီး နှစ်ဘက်တွေ့ဆုံမှုတွေဖြစ်လာတာဟာ သိသာ ထင်ရှားတဲ့ ဆက်ဆံရေး တိုးတက်မှု တရပ်အဖြစ် ယူဆလို့ရပါတယ်။ ဒီလို ဆက်ဆံရေးဖြစ်လာ အောင်လည်း လက်ရှိ နိုင်ငံခြားရေး ၀န်ကြီး ဟီလာရီ ကလင်တန်ဘက်က အတော်လေး ကြီးကြီးမားမား စွန့်စားခဲ့ပြီး ဖြစ် လာတာလို့ ၀ါရှင်တန် ဒီစီက CSIS မဟာဗျူဟာနဲ့ နိုင်ငံတကာ လေ့လာရေး ဌာနက မြန်မာ့အရေး ကျွမ်းကျင်သူ Micheal Green က ယူဆပါတယ်။
“အမေရိကန်နိုင်ငံခြားရေးဝန်ကြီး ကလင်တန်က အမေရိကန်-မြန်မာဆက်ဆံရေး ပြုပြင်ပြောင်းလဲဖို့ အတွက် အရင်းအနှီး ကြီးကြီး မားမားနဲ့ လုပ်ဆောင်ခဲ့ပေမယ့် အစ ပထမမှာ ထိရောက်မှု ရှိတာကို သိပ် မပြနိုင်ခဲ့ပါဘူး။ ဒါပေမဲ့ လွန်ခဲ့တဲ့ လအနည်းငယ်က သမ္မတ ဦးသိန်းစိန်က သိသာတဲ့ ပြောင်းလဲမှုတွေ ဖေါ်ဆောင်ခဲ့ပြီး သူနဲ့ ဒေါ်အောင်ဆန်းစုကြည်နဲ့ ပိုမိုပြီး ပူးပေါင်းဆောင်ရွက်မှု ရှိလာတဲ့ အတွက် အမေရိကန်-မြန်မာ ဆက်ဆံရေး ပိုလို့ လမ်းပွင့် လာခဲ့ပါတယ်။ ကျနော့် အထင်ကတော့ ဒီ တိုးတက်မှုတွေ အတွက် အပြောင်းအလဲတွေ ဖြစ်လာနိုင်ပါတယ်။ မြန်မာနိုင်ငံဟာ မဲခေါင်မြစ် အောက်ပိုင်း စီမံကိန်းမှာ ပါဝင်ခွင့်ရလာနိုင်သလို နိုင်ငံတကာ ဘဏ်ကြီးဖြစ်တဲ့ အာရှဖွံ့ဖြိုးရေး ဘဏ်ကလည်း အကူအညီတွေပေးဖို့ အခွင့်အလမ်း ရှိလာနိုင်ပါတယ်။”
အခုလို ဆက်ဆံရေးတိုးတက်ကောင်းမွန်လာတာနဲ့အတူ နှစ်ဘက် သံအမတ်ကြီးအဆင့် ခန့်အပ်ရေး ကိစ္စလည်း အခု နိုင်ငံခြားရေး ၀န်ကြီး ခရီးစဉ်ကာလ အတွင်း အကောင်အထည်ပေါ်လာနိုင်တယ်လို့ ယူဆမှုတွေ ရှိပါတယ်။ အခု ခရီးစဉ်အတွင်းမှာ မြန်မာနိုင်ငံတွင်း နိုင်ငံရေး တိုးတက်မှုတွေ ပိုရှိလာဖို့ အမေရိကန် ဘက်ကလည်း တိုက်တွန်းဖွယ် ရှိတယ်လို့ USCB အမေရိကန် အခြေစိုက် မြန်မာ့အရေး လှုပ်ရှားမှု အဖွဲ့က အမှုဆောင် ညွန်ကြားရေးမှူး ဦးအောင်ဒင်က ပြောပါတယ်။
“ဆက်ဆံရေးကတော့ တိုးတက်လာတာအမှန်ပဲလေ။ အမေရိကန်အစိုးရကလည်း မြန်မာအစိုးရအပေါ်မှာ ပူးပေါင်းဆောင်ရွက်မှုတွေ တိုးမြှင့်ပြီးတော့ အပြောင်းအလဲတွေကို အားပေးနေတာကို။ တဘက်မှာလည်း စီးပွားရေး ပိတ်ဆို့မှုတွေကို အတိုင်းအတာ တခုအထိ ကိုင်တွယ်ထားတယ်။ တဘက်မှာလည်း ပူးပေါင်းဆောင်ရွက်မှုတွေကို တိုးမြှင့်ပြီးတော့ မြန်မာအစိုးရရဲ့လက်ရှိ ပြောင်းလဲရေး လမ်းကြောင်းတွေကို မှန်မှန်ကန်ကန်နဲ့ ရှေ့ကို အရှိန်အဟုန်နဲ့ တိုးမြှင့်အောင် တွန်းပို့နေတာကို။ ဆိုတော့- မနက်ဖြန်တွေ့ ဆုံကြရင်လည်း အမေရိကန် အစိုးရ အနေနဲ့ကတော့ မြန်မာနိုင်ငံ အတွင်းမှာ ကျန်ရှိနေတဲ့ နိုင်ငံရေး အကျဉ်းသား အားလုံးကို ခြွင်းချက်မရှိ လွှတ်ပေးရေး၊ နောက်တခါ လူထုအခြေပြု အဖွဲ့အစည်းတွေကို လွတ်လွတ်လပ်လပ် လှုပ်ရှားဆောင်ရွက်ခွင့်ပေးရေး စသဖြင့်ပေါ့နော်- နောက်တခါ ကချင် ပြည်နယ်မှာ ဖြစ်ပေါ်နေတဲ့ စစ်ပွဲတွေ အမြန်ဆုံး ရပ်စဲရေးနဲ့ တိုင်းရင်းသား လူမျိုးစုများနဲ့ ပြဿနာတွေကို ညီညွတ်စွာဖြေရှင်းရေး၊ ဒါတွေကိုတော့ အလေးပေးပြီး ပြောဆိုဆွေးနွေး လိမ့်မယ်လို့ ကျနော်တော့ ယုံကြည်ပါတယ်။”
အခုလို အခြေအနေတွေ တိုးတက်လာပေမယ့် မြန်မာနိုင်ငံနဲ့ပတ်သက်လို့ အမေရိကန်ပြည်ထောင်စု ဘက်က စိုးရိမ်ပူပင်နေတဲ့ အချက်တွေ ကတော့ ရှိနေဆဲပါ။ အထူးသဖြင့် အခု ဖြစ်ထွန်းမှုတွေ နောက်ကြောင်းပြန် လှည့်သွားနိုင်တဲ့ အနေအထားဖြစ်တယ်လို့ M. Green က ပြောပါတယ်။
“အမေရိကန်က ချမှတ်ထားတဲ့ ဒဏ်ခတ်ပိတ်ဆို့မှုအားလုံးကို သိပ်မကြာတော့တဲ့အနာဂတ်မှာ ရုပ်သိမ်းပေးနိုင်မယ့် အလား အလာတော့ ကျနော် မမြင်ပါဘူး။ အကြောင်းကတော့ လက်ရှိ မြန်မာ့နိုင်ငံရေး အပြောင်း အလဲတွေက ရေရှည် ခံပါ့မလားလို့ ၀ါရှင်တန်မှာ မေးခွန်းထုတ် နေကြလို့ပါပဲ။ တနည်းအားဖြင့် နောက်ပြန်ဆုတ်မယ့် အလားအလာကို စိုးရိမ်နေကြဆဲ ဖြစ်လို့ပါပဲ။ မြောက် ကိုးရီးယား-မြန်မာ နျူးကလီယားနဲ့ စစ်ရေး ဆက်ဆံမှုကြောင့် စိုးရိမ်နေကြတာဖြစ်ပြီးတော့ ဒါက အမေရိကန် အစိုးရအတွက် အဓိကပြဿနာဖြစ်တာကြောင့် ဒါကို ဖြေရှင်းနိုင်ဖို့ လိုပါတယ်။
“ဒါ့အပြင် တိုင်းရင်းသားလူမျိုးစုတွေအပေါ် မြန်မာစစ်တပ်က ဆက်လက် တိုက်ခိုက်နေတာ တွေ့နေရ ပါတယ်။ တခါ အမျိုးသား ဒီမိုကရေစီ အဖွဲ့ချုပ် အနေနဲ့ လွှတ်တော်မှာ ဘယ်လို အခန်းကဏ္ဍကနေ ပါဝင်ဆောင်ရွက်ခွင့်ရမလဲ ဆိုတာလည်း မသိနိုင်သေးပါဘူး။ ဒါ့ကြောင့် အခု ဖြစ်ထွန်း တိုးတက်မှုတွေ နောက်ပြန်ဆုတ်သွားနိုင်တယ်လို့ စိုးရိမ်မကင်းဖြစ်မှုတွေ ဆက်ပြီး ရှိနေတာပါ။
“ဒါပေမယ့်လို့ ခြေတစ်လှမ်းချင်းစီယူပြီး ဒီအပြောင်းအလဲကို ထိန်းသိမ်းသွားရမယ်ဆိုတဲ့ သဘောထားကတော့ ကွန်ဂရက် လွှတ်တော်မှာရော သမ္မတ အိုဘားမား အစိုးရ ထဲမှာရော လက်ခံ ထားတာကို တွေ့ရပါတယ်။”
မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ဟာ ဒီကနေ့ ၀ါရှင်တန်မှာ မြန်မာနိုင်ငံခြားရေး ၀န်ကြီးနဲ့ တွေ့ သလို အခြား အစိုးရ အဆင့်မြင့် အရာရှိတွေ၊ အမေရိကန် လွှတ်တော်က ခေါင်းဆောင်တွေကိုလည်း တွေ့ဆုံဖို့ ရှိပါတယ်။ မနက်ဖြန်ကျရင်တော့ နယူးယောက်မြို့က နိုင်ငံခြား ဆက်ဆံရေးကောင်စီမှာ စကားပြောဖို့ ရှိပါတယ်။
ဦးဝဏ္ဏမောင်လွင်ဟာ အရင်က အမေရိကန်ပြည်ထောင်စုကို နိုင်ငံခြားရေး ၀န်ကြီး အဖြစ် လာရောက်ခဲ့တာ ရှိပေမယ့် ကမ္ဘာ့ ကုလသမဂ္ဂ ခရီးစဉ် အနေနဲ့ လာရောက်တာဖြစ်ပါတယ်။ ဒါကြောင့် ဦးဝဏ္ဏမောင်လွင်ရဲ့ အခု ခရီးစဉ်ဟာ နိုင်ငံခြားရေးဝန်ကြီး အဖြစ် ပထမဆုံး တရားဝင် အစိုးရခရီးစဉ် ဖြစ်ပေမယ့်လို့ ၀ါရှင်တန် ဒီစီကို လာရောက်တာတော့ ဒုတိယအကြိမ်မြောက် ဖြစ်ပါတယ်။
Ref: VOA News
ပိတ်လှောင်ခိုင်းစေခံရသည့် မြန်မာအလုပ်သမား ၁၅၀ ခန့်ကို ကယ်ဆယ်
ခင်ဦးသာ o
May 16, 2012
ထိုင်းနိုင်ငံတောင်ပိုင်း မဟာချိုင်ဒေသရှိ စက်ရုံတခုတွင် လှောင်ပိတ် ခိုင်းစေ ခံထားရသည့် မြန်မာ အလုပ်သမား ၁၅၀ ခန့်အား ထိုင်း ရဲတပ်ဖွဲ့နှင့် အလုပ်သမား အရေးဆောင်ရွက်နေသည့် အဖွဲတို့ ပူးပေါင်းပြီး ယမန်နေ့က ကယ်ထုတ်နိုင်ခဲ့ကြောင်း သတင်းရရှိသည်။
မဟာချိုင်ဒေသ၊ ဆွေမမလမ်းရှိ ဆန်းထေ့ ပုစွန်စက်ရုံမှ အလုပ်သမားများသည် လုပ်ခလစာ မရခြင်း၊ အပြင် ထွက်ခွင့် မရှိခြင်း၊ အစားအသောက် မလုံလောက်ခြင်း စသည်တို့နှင့် ကြုံနေရကြောင်း၊ စက်ရုံပြင်ပသို့ ရောက်ရှိလာသည့် အလုပ်သမား တဦးကို အကူအညီတောင်းခံရာမှ ယခုကဲ့သို့ ကယ်ထုတ်နိုင်ခဲ့ခြင်းဖြစ်ကြောင်း အလုပ်သမား အရေး ဆောင်ရွက်ပေးနေသူ ဦးကျော်သောင်းက ဧရာဝတီကို ပြောသည်။
“အလုပ်သမား ၁၄၆ ယောက်ပါ။ ဆိုင်းဘုတ်တွေ တရားဝင် ကပ်ထားပြီး လုပ်နေတဲ့ စက်ရုံ မဟုတ်ဘဲ အိမ်ရဲ့ မြေအောက်ခန်းထဲမှာ ကျေးကျွန်သဖွယ် ဖိနှိပ် ခိုင်းစေ ခံထားရပါတယ်” ဟု ဦးကျော်သောင်း က ဆိုသည်။
ထိုစက်ရုံရှိ အလုပ်သမား တဦးမှ ၎င်းတို့ထံ ဆက်သွယ်လာ၍ ထိုင်းအာဏာပိုင်များထံ အကြောင်းကြားသော်လည်း ခိုင်လုံသည့် ဓာတ်ပုံ၊ ဗီဒီယို အထောက်အထား ပါရှိမှ ဆောင်ရွက်ပေးမည်ဟု ဆိုသည့် အတွက် မှတ်တမ်း ဓာတ်ပုံ ရရှိရေးကို စွန့်စွန့်စားစား ကြိုးပမ်းခဲ့ရကြောင်း မှတ်တမ်းဓာတ်ပုံ ရိုက်ကူးခဲ့သူတဦးက ပြောသည်။
“ဗီဒီယိုတွေ၊ ဓာတ်ပုံတွေ ခိုးပြီး ရိုက်ခဲ့ရတာပါ။ လူမိုက်တွေမြင်မှာ ကြောက်ရသလို ထိုင်းရဲတွေမြင်မှာကိုလည်း စိုးရိမ် ရပါတယ်။ ကျနော် ကိုယ်တိုင်က ဘတ် (အလုပ်သမားလက်မှတ်) မရှိဘဲ နေထိုင်ရလို့ပါ။ ကိုယ့်နိုင်ငံသားတွေလည်း လွတ်မြောက်စေချင်လို့ စွန့်စားခဲ့တာပါ” ဟု ၎င်း က ဆိုသည်။
မှတ်တမ်း ဓာတ်ပုံများအား ထိုင်းရဲတပ်ဖွဲ့၊ ကုလသမဂ္ဂ လက်အောက်ခံ အလုပ်သမား အဖွဲ့တို့ထံ တင်ပြကာ ၎င်းအဖွဲ့အစည်းများ အကူအညီဖြင့် စက်ရုံ ပိုင်ရှင်နှင့် မြန်မာ အလုပ်သမားခေါင်း တို့အား ဖမ်းဆီး၍ အလုပ်သမားများကို ကယ်ထုတ်နိုင်ခဲ့ကြောင်း သိရသည်။
ထိုင်းနိုင်ငံရောက် မြန်မာနိုင်ငံသားများအဖွဲ့ (BAT)၊ ထိုင်းအစိုးရ လူကုန်ကူးမှု တိုက်ဖျက်ရေး အထူး ရဲတပ်ဖွဲ့ (AHTD)၊ ကုလသမဂ္ဂ လူကုန်ကူးမှု တိုက်ဖျက်ရေး အဖွဲ့ (UNIAP)၊ မြန်မာသံရုံး အလုပ်သမား ကူညီ စောင့်ရှောက်ရေး အဖွဲ့၊ ထိုင်းနိုင်ငံတောင်ပိုင်း ဖန်င အခြေစိုက် ပညာရေး ဖွံ့ဖြိုးရေး ဖေါင်ဒေးရှင်း (FED) စသည့် အဖွဲ့များ ပူးပေါင်းဆောင်ရွက်ခဲ့ကြခြင်း ဖြစ်ကြောင်း သိရှိရသည်။
ကယ်ဆယ်ခဲ့သည့် အလုပ်သမားများအား အာဏာပိုင်များက ခေါ်ဆောင်သွားပြီး ဒုက္ခသည် ထိန်းသိမ်းရေး စခန်းများ၌ နေရာ ချပေးထားကြောင်း ဦးကျော်သောင်းက ဆိုသည်။
ထိုစက်ရုံရှိ အလုပ်သမား တချို့သည် လှောင်ပိတ် ခံထားရသည်မှာ နှစ်နှစ်ခန့်ရှိပြီဖြစ်ကြောင်း၊ နေထိုင် မကောင်းပါကလည်း ဆေးကုသခွင့် မရကြောင်း၊ တရက်လျှင် နာရီ ၂၀ ၀န်းကျင် လုပ်ကိုင်ရပြီး ပိတ်ရက်မရှိဟု လွတ်မြောက်လာသူ အလုပ်သမား တဦးက ဧရာဝတီကို ပြောသည်။
လွတ်မြောက်လာသူ တခြားအလုပ်သမားတဦးကလည်း “စက်ရုံထဲကနေ အပြင် ထွက်လိုက်တာနဲ့ ငရဲပြည်ကနေ နတ်ပြည်သို့ ချက်ချင်း ရောက်သွား သလိုပဲဗျာ” ဟု ပြောသည်။
အလုပ်သမားများသည် တခါတရံ၌ နံက် ၄ နာရီ မှ ည ၁၀ နာရီထိ အအေးခန်းထဲတွင် ပုစွန်အခွံများ ခွာရကြောင်း၊ ထမင်းစားချိန်မှ လွဲ၍ နားခွင့် မရှိကြောင်း၊ မတော်တဆ အိပ်ငိုက်မိပါက အလုပ်သမားခေါင်းဆောင်၏ ရိုင်းစိုင်း ကြမ်းတမ်းစွာ ဆဲဆိုခြင်း၊ ရိုက်နှက်ခြင်း ခံရကြောင်း အလုပ်သမားများက ဆိုသည်။
“ထမင်းစားချိန် မိနစ် ၂၀ ပဲရတယ်။ ကျနော်ဆိုရင် အိပ်ငိုက်မှာစိုးလို့ စာရေးမတချို့ ခိုးရောင်းတဲ့ ၅ ဘတ်တန် မန်ကျည်းစေ့လှော်တွေကို ခိုးပြီး ၀ါးရတယ်” ဟု အလုပ်သမား တဦးက ဆိုသည်။
ယခု ဖမ်းဆီးထားသည့် မြန်မာနိုင်ငံသား အလုပ်သမားခေါင်းဆောင် ကိုကျော်စိုး ဆိုသူသည် မိမိနိုင်ငံသား အချင်းချင်းအပေါ် ကြမ်းတမ်းစွာ ဆက်ဆံပြောဆိုကြောင်း၊ ၎င်း မကျေနပ်သည့် အလုပ်သမားများကို ရှေ့မှောက် ခေါ်ယူပြီး ဒူးထောက်ခိုင်းကာ ပါးရိုက်လေ့ ရှိကြောင်းလည်း အလုပ်သမားများက ပြောသည်။
ထိုင်းနိုင်ငံ စမွတ်ပကန်ဒေသ၌ ရဲဌာန ၁၄ ခု ပူးပေါင်း၍ တရားမ၀င် အလုပ်သမား အမျိုးသား၊ အမျိုးသမီး တထောင်ကျော်အား ယမန်နေ့က ဖမ်းဆီးခဲ့ရာ မြန်မာနိုင်ငံသား ၃၈၆ ယောက်ပါဝင်ပြီး ကျန်သူများမှ လာအိုနှင့် ကမ္ဘောဒီးယား နိုင်ငံမှ အလုပ်သမားများဖြစ်ကြောင်း၊ ၎င်းတို့အား စမွတ်ပကန် လူဝင်မှုကြီးကြပ်ရေး အချုပ်ခန်းမှတဆင့် သက်ဆိုင်ရာ နယ်စပ်ဒေသများသို့ ပို့ဆောင် သွားမည်ဖြစ်ကြောင်း ယနေ့ထုတ် ထိုင်း သတင်းစာများ၌ ဖော်ပြထားသည်။
ထိုသို့ စီမံချက်ချမှတ်၍ ဖမ်းဆီးခြင်းသည် အလုပ်သမားများအကြား မူးယစ်ဆေးဝါး ပြန့်နှံ့နေသည့် အတွက် ဖြစ်ကြောင်း၊ မူးယစ်ဆေးဝါးသည် တရားမ၀င် အလုပ်သမား တချို့ထံမှ လာကြောင်း၊ အလုပ်သမား တထောင်ကျော် ဖမ်းဆီးခြင်းနှင့် ပတ်သက်၍ ပြုလုပ်သည့် သတင်းစာရှင်းလင်းပွဲ၌ ရဲတပ်ဖွဲ့ အကြီးအကဲ တဦး၏ ပြောကြားချက်ကို ထိုင်းဘာသာဖြင့် ထုတ်ဝေသည့် သတင်းစာများ၌ ဖော်ပြထားသည်။
ထိုင်းနိုင်ငံ၌ မြန်မာနိုင်ငံသား တရားမ၀င် အလုပ်သမား သိန်း၊ သန်းချီရှိကြောင်း၊ ထိုအလုပ်သမားများ တရားဝင် အလုပ် လုပ်ကိုင်ခွင့် ရရေးကို မြန်မာ အစိုးရ အနေဖြင့် ဆောင်ရွက်ပေးသင့်ကြောင်း ဦးကျော်သောင်းက ပြောသည်။
၎င်းက “ပွဲစားတွေက တဆင့်မဟုတ်ဘဲ တရားဝင်လာပြီး လုပ်ခွင့်ရဖို့ရယ်။ ဒီက ပြန်သွားတဲ့ လူတွေကိုလည်းပဲ အလုပ်အကိုင်တွေ ဖန်တီးပေးဖို့ ကိစ္စတွေ အရေးကြီးပါတယ်။ မဟုတ်ရင် ဒီလိုပဲ ဒုက္ခရောက်၊ ရောင်းစားတာတွေ ကြုံနေရဦးမှာပါ” ဟု ဆိုသည်။
အလားတူ တရားဝင် နိုင်ငံကူးစာအုပ် ကိုင်ဆောင်ထားသည့် မြန်မာ အလုပ်သမား ၁၅ ဦးသည် ရှမ်းပြည်နယ်၊ တာချီလိတ်မြို့မှ အကျိုးဆောင် ကုမ္ပဏီနှင့် စာချုပ် ချုပ်ဆိုကာ ထိုင်းနိုင်ငံ အလုပ်ရုံတခု၌ အလုပ် ရရှိခဲ့ကြောင်း၊ အလုပ်ရှင်မှ လုပ်ခ မပေးဘဲ နှင်ထုတ်၍ မြန်မာသံရုံးထံ မေလ ၁၄ ရက်နေ့တွင် တိုင်ကြားခဲ့ကြောင်း၊ သံရုံးမှ တာဝန်ယူဖြေရှင်း မပေး၍ ယခုအခါ ထိုင်းနိုင်ငံ၊ ဘန်ကောက်မြို့အနီး သီးတင်းသုံးနေသည့် ရွှေတွံတေး ဆရာတော် အရှင်ဝါယမ က ကူညီစောင့်ရှောက်ထားကြောင်းလည်း သိရသည်။
အလုပ်သမားများအား သံရုံးမှ အကူအညီမပေးဘူး ဆိုသည်မှာ မဟုတ်မှန်ကြောင်း၊ ၎င်းတို့အား အလုပ်သစ် ရရှိရေး၊ အလုပ်ရှင် သိမ်းယူ ထားသည့် နိုင်ငံကူး လက်မှတ်၊ စာရွက် စာတမ်းများ ပြန်လည် ရရှိရေး တို့ကို သံရုံး တာဝန် ရှိသူများမှ စီစဉ်နေကြောင်း ထိုင်းနိုင်ငံ ဘန်ကောက်မြို့ရှိ မြန်မာသံရုံးမှ သံမှူး ဦးနိုင် ထွန်းက ဧရာဝတီ ကို ပြောသည်။
“ကျနော်တို့က အကုန်စီစဉ်နေတယ်၊ အလုပ်သမား ၀န်ကြီးနဲ့ တာဝန်ရှိသူတွေ မြန်မာနိုင်ငံကို ခဏ သွားနေလို့ပါ၊ ဒါကို သူတို့က မစောင့်တာပါ၊ ကျနော်တို့ သံရုံး တာဝန်ရှိသူတွေနဲ့ ကျနော် ကိုယ်တိုင် ဒီကိစ္စကို အမြန်ဆုံး အဆင်ပြေအောင် ဆောင်ရွက်နေ ပါတယ်”ဟု ဦးနိုင်ထွန်းက ပြောဆိုသည်။
ထိုင်းနိုင်ငံအတွင်း၌ မြန်မာနိုင်ငံသား တရားဝင်လက်မှတ်ရှိသူ အလုပ်သမား ဦးရေ ၂ သန်း ၀န်းကျင်နှင့် တရားမ၀င်သည့် အလုပ်သမား ဦးရေ ၂ သန်း ၀န်းကျင်ရှိကြောင်း အလုပ်သမား အရေး ကူညီပေးနေသည့် အဖွဲ့များထံမှ သိရသည်။
Ref: ဧရာဝတီ
ညီနောင်တိုင်းရင်းသား ပါတီကြီးတစ်ခု တည်ထောင်ဖို့ စည်းရုံးလှုပ်ရှား
2012-05-16
ချင်း၊ ရခိုင်၊ မွန်၊ ကရင် စတဲ့ တိုင်းရင်းသားပါတီ အသီးသီးနဲ့ စုဖွဲ့ထားတဲ့ ညီနောင်တိုင်းရင်းသား ပါတီကြီးတစ်ခုကို အခု ၆ လအတွင်း တည်ထောင်နိုင်ဖို့ စည်းရုံး လှုပ်ရှားမှုတွေ စတင်ဆောင်ရွက်နေပြီလို့ ချင်း အမျိုးသား ပါတီ ဥက္ကဋ္ဌ ဦးဇိုဇမ်က RFA ကို ဒီကနေ့ အတည်ပြု ပြောကြားလိုက်ပါတယ်။
" Nationalistic Brotherhood ပါတီဆိုပြီး ထွက်လာပါလိမ့်မယ်။ အဲဒီဟာကတော့ ရှိတဲ့ တိုင်းရင်းသားအားလုံးပေါ့ဗျာ၊ ပါတီ အသေးလေးတွေ အကုန်လုံး စုပေါင်းပြီးတော့ မြန်မာ့နိုင်ငံရေး အခင်းအကျင်း ထဲကို အဲဒီပါတီကြီး တစ်ခုအနေနဲ့ ဝင်ပြီးတော့ အလုပ် လုပ်ဖို့ရှိတယ်။ အဓိက ကတော့ ကျွန်တော်တို့ တိုင်းရင်းသား အရေးအရာနဲ့ ပတ်သက်လို့ ပြည်ခိုင်ဖြိုး ပါတီကလည်း ဘာမှ လုပ်မပေးနိုင်ဘူးပေါ့ဗျာ။ နောက်ရော NLD တို့၊ တစည တို့ ဆိုတာကလည်း ကျွန်တော်တို့လောက် လုပ်နိုင်မယ် မထင်ဘူး။ ဘာဖြစ်လို့လည်း ဆိုတော့ တိုင်းရင်းသား အရေးအရာ ကိစ္စတွေ အားလုံးအတွက် တိုင်းရင်းသားတွေ ဦးဆောင်ပြီး ဖွဲ့စည်းထားတဲ့ ပါတီတွေက သာလျှင် ကျကျနန ကိုင်တွယ်ပြီးမှ လုပ်ပေးနိုင်လိမ့်မယ်လို့ ကျွန်တော်တို့က ယုံကြည်ပါတယ်"
အဲဒီိညီနောင် တိုင်းရင်းသားပါတီကြီးဟာ လာမယ့် ၂၀၁၅ ရွေးကောက်ပွဲမှာ ၀င်ရောက်ယှဉ်ပြိုင်ပြီးနောက် တိုင်းရင်းသား တန်းတူညီမျှ အခွင့်အရေး ရရှိအောင် ကြိုးပမ်း သွားမယ်လို့ သိရပါတယ်။
လောလောဆယ် ချင်းတိုင်းရင်းသားတွေကို ကိုယ်စားပြုတဲ့အနေနဲ့ ချင်းအမျိုးသားပါတီနဲ့ ချင်းတိုးတက်ရေးပါတီတို့ကို မေလ (၁၁) ရက်နေ့က ပူးပေါင်း လိုက်ပြီလို့ ဦးဇိုဇမ်က ပြောပါတယ်။
ဒီအတောအတွင်း တိုင်းရင်းသား ပါတီတွေအပါအ၀င် ၂၀၁၀ ရွေးကောက်ပွဲဝင် နိုင်ငံရေး ပါတီတွေက ခေါင်းဆောင် တချို့ဟာ အခုမေလ ၁၂ ရက်နေ့ကနေ ၂၅ ရက်နေ့အထိ ANU သြစတြေးနိုင်ငံ အမျိုးသား တက္ကသိုလ်မှာ နိုင်ငံရေးခေါင်းဆောင်မှုပညာ သင်တန်း သွားရောက် လေ့လာ ဆည်းပူးကြမယ်လို့ သိရပါတယ်။
အဲဒီ သြစတြေးလျနိုင်ငံက နိုင်ငံရေးသင်တန်း သွားတက်ကြမယ့်သူတွေထဲမှာ ချင်းအမျိုးသားပါတီက ဦးဇိုဇမ်၊ ရခိုင်တိုင်းရင်းသားများ တိုးတက်ရေးပါတီက ဦးဦးလှစော၊ NDF အမျိုးသား ဒီမိုကရေစီ အင်အားစုပါတီက ဒေါက်တာသန်းငြိမ်း၊ ဒီမိုကရက်တစ်ပါတီ မြန်မာက ဒေါ်သန်းသန်းနုနဲ့ တိုင်းရင်းသား စည်းလုံးညီညွတ်ရေး ပါတီက ဦးသိန်းထွန်းတို့ ပါဝင်တယ်လို့ သိရပါတယ်။
Ref: RFA News
Wednesday, May 16, 2012
ခေတ်မီတပ်မတော်တရပ်ရဲ့ ရှေ့ခရီး အပိုင်း(၉)
မေလ ၁၆ ရက် ၂၀၁၂
ဟန်လင်း
လာဘ်စားမှုသံသရာ
ခေတ်မီတပ်မတော်တရပ်ရဲ့ရှေ့ခရီးမှာ ဆောင်ရန်ရှောင်ရန်ကိစ္စအ၀၀ကို သမိုင်းနမူနာများ ထုတ်လို့ အပိုင်းလိုက် ခွဲခြား တင်ပြလျှက် ရှိရာမှာ ဒီတပါတ်မှာတော့ ဘယ်သူခွဲခွဲ ဒို့မကွဲဆိုတဲ့ တပ်မတော်ကြီးကို အတွင်းလှိုက် ဖြိုခွဲ နေတဲ့ အဓိက အချက်လေး တခုအကြောင်း ပြောပါမယ်။ နံမည်သာ ဆိုးပြီး ရတဲ့သူတိုင်း အကျိုးများစေတဲ့ လာဘ် ပေးလာဘ်ယူ ဆိုင်ရာ ကိစ္စများပါ။ ပြင်ပရန်သူ ထက်ကိုပို ဆိုးဝါးလွန်းသူ တပ်မတော်ကြီးရဲ့ အတွင်း ရန်သူပါ။
စစ်တပ်က အုပ်စိုးခဲ့တဲ့ အထင်ကရခေတ်ကြီး၂ခု မြန်မာပြည်မှာရှိခဲ့ပြီး အရင်စစ်အုပ်စု ဗိုလ်နေ၀င်းလက်ထက်က ရာထူးဖြုတ်ပြစ်ချင်တဲ့ လူတွေအတွက် သောက်မြင်ကပ် ပုဒ်မ တခု အဖြစ် လာဘ်စားမှု အာဏာ အလွဲသုံးမှု ဆိုတဲ့ ခေါင်းစဉ်များသုံးပြီး အိမ်ရိုက်သံ လိုမျိုး စီးကရက်သေတ္တာ တချို့ကို ပုံကြီးချဲ့ပြီးဖေါ်ပြ ခဲ့တာမို့ ဒီလောက် နည်းပါးတဲ့ ပမာဏလေးနဲ့ ဗိုလ်ချုပ်တွေကို ဖြုတ်ပြစ်ရတာလို့ ပြည်ပက လူတိုင်း သရော်စရာ ဖြစ်ခဲ့ပါတယ်။
သူ့နောက်တက်န၀တ-နအဖ စစ်အုပ်စုကတော့ စပြီး အာဏာလွှဲပြီဆိုကတည်းက လာဘ်ပေးလာဘ်ယူလိုက်ကြ တာ ကနေ့အထိ အစိုးရသစ် ဖွဲ့ပြီးတာတောင် အဆုံး မသတ်နိုင်သေး ပါဘူး။ န၀တ ကောင်စီမှာ ကာကွယ်ရေးဌာန စစ်ဆင်ရေး အထူးအဖွဲ့ ၂ မှူး နောက် မွေး/ရေ လုပ်ငန်းဝန်ကြီး ဗိုလ်ချုပ် ချစ်ဆွေကို အပါတ်စဉ် ဒေါ်လာ(၇၅၀၀)လောက် လာဘ်ထိုး ခဲ့ရဖူးကြောင်း ငါးဖမ်း သင်္ဘောအစင်း ၁၀၀ လောက် ပိုင်သူ ထိုင်းလုပ်ငန်းရှင် တဦးက ဖွင့်ချပါတယ်။ တွင်း(၂)လုပ်တဲ့ ရဟတ်ယာဉ် ပျက်ကျသူ ဗိုလ်ချုပ် တင်ဦးဟာ တိကျပြီး အလွန်ရစ်တတ်သူ တဦးဖြစ်တာမို့ သူ့သားကပဲ တန်ဖိုးကြီး မာစီးဒီဘင့် ကားတွေကို လက်ခံတတ်ပါ တယ်။ လုံးဝ လာဘ်မယူ တတ်သူလို့ ထင်မှတ်ထားကြတဲ့ ဗိုလ်ချုပ်ခင်ညွန့် ကိုလည်း စီးပွားရေး လုပ်ငန်းရှင် တဦးက ကုန်စည်ပြပွဲ ဖိတ်စာကို ရွှေသား အစစ်မှာ စိန်စီပြီး အောက်လမ်းနည်းနဲ့ လာဘ်ထိုးခဲ့ပြီး ကုမ္မဏီမှာ သူ့သားကို အစုရှယ်ယာ ထည့်ပေးတာ စင်္ကာပူမှာ ဘဏ်စာရင်း ဖွင့်လို့ ဒေါ်လာ တသန်း ထည့်ပေး ခဲ့ပါတယ်လို့ သိရပါတယ်။
ဗိုလ်ချုပ်မှူးကြီး သန်းရွှေရဲ့ လာဘ်စားမှုသတင်းကို လုံးဝမကြားရပေမယ့် သူ့သမီးသန္တာရွှေရဲ့ ဒေါ်လာ သန်း ၅၀ တန် စိန်စီသော မင်္ဂလာပွဲ။ မြေးဖြစ်သူ နေရွှေသွေးအောင် ခေါ် ဖိုးလပြည့်ရဲ့ ဒေါ်လာ ၂ သောင်းခွဲဖိုး မွေးနေ့ပွဲတွေ ကိုတော့ လက်ဝေခံ စီးပွားရေး သမားများက အကျိုးဆောင်ပေးကြပါတယ်။
သူ့လိုပဲ ဗိုလ်ချုပ်ရဲမြင့်သား ရဲတံခွန် ဆောက်လုပ်ရေးပိုင်ရှင် အောင်ဇော်ရဲမြင့် ၊ သစ်တောဝန်ကြီး ဦးအောင်ဖုန်း သားတွေဖြစ်တဲ့ စစ်တိုင်းအောင် စစ်သွေးအောင်။ ဦးအောင်သောင်း ရဲ့ သား နေအောင်ပိုင် အောင်ရည်ဖြိုး ကုမ္ပဏီ စတဲ့ဖြစ်ရပ်တွေ အားလုံးဟာ န၀တ-နအဖ ခေတ် စစ်ထိပ်သီးများနဲ့ လက်ဝေခံ လုပ်ငန်းရှင်တို့ရဲ့ သိသာမြင်လွယ်တဲ့ လာဘ်စားမှု ကွင်းဆက်တွေပါပဲ။
န၀တ-နအဖ ခေတ်စစ်ထိပ်သီး ဗိုလ်ချုပ်တွေ တိုင်းပြည်မှာ စီမံကိန်းတွေချပြီး အကောင်အထည်ဖေါ်လေတိုင်း လက်ဝေခံ လုပ်ငန်းရှင်တွေသာ အမြတ် ထွက်ပြီး လက်မှတ်ထိုး ခွင့်ပြုချက် ချပေးနိုင်သူ တနည်းအားဖြင့် သေနတ် မကိုင်ဘဲ ဖေါင်တိန် ကိုင်ပြီး လုပ်ပိုင်ခွင့်တွေ ချပေးနိုင်တဲ့ ဗိုလ်ချုပ်တိုင်း လိုလို စီးပွားဖြစ်ကုန်တာ ချည်းပါပဲ။ ရလာ တဲ့စီးပွားဥစ္စာတွေကို ဗိုလ်ချုပ်ရဲ့သား၊ တူ၊ ညီများနဲ့ မယားကြီးငယ် တို့က နောက်ပိုင်းမှ စီမံခန့်ခွဲကြပါတယ်။ ဒါ ကြောင့်လည်း ဗိုလ်ချုပ်မှူးကြီး ကိုယ်တိုင်(ငါ့)(၄)လုံးကိုရှောင်ဖို့ အမြဲ ဆင်ချွန်း တုပ်သလိုမျိုး သူ့လူတွေကို မကြာ ခဏ သတိပေးပြီး ပြောခဲ့တာပါ။
န၀တ-နအဖ အဖြစ်စပွဲထွက်ပြီဆိုကတည်း စစ်ကောင်စီဝင်ထိပ်သီးတွေနဲ့ ၀န်ကြီးလုပ်သူတွေကိုယ်တိုင်က ဒီလို လာဘ်စားမှုတွေနဲ့ မကင်းလေတော့ရာ မကြာခင် လက်အောက်က တိုင်းအဆင့် ဗိုလ်ချုပ်တွေပါ လာဘ်စား တတ်ကုန်တာ ဟာမဆန်းပါဘူး။ အများစုဟာ အိုးအိမ်မြေယာ ကိုယ်ပိုင် အဖြစ် ရယူပိုင်ဆိုင်ခြင်း မြေယာနဲ့ သက်ဆိုင်တဲ့ သစ်တော၊ သတ္တု လုပ်ပိုင်ခွင့်များ ချပေးခြင်း တို့လို့ ကိစ္စမျိုးတွေပါ။ ကိုယ်ပိုင် စစ်တိုင်း စစ်နယ်ထဲမှာ လက်ညှိုးထိုးပြီး မြေသိမ်းခွင့် ရှိနိုင်တာကလည်း သူတုို့ အဆင့်တွေပဲ မဟုတ်ပါလား။
အရပ်သားတဦးအတွက် ဒါးမဦးချ ကိုယ်လုပ်ခဲ့တဲ့လယ်ယာမြေကို တရားဝင်ဖြစ်သွားအောင်လို့ မြေယာ ပုံစံ (လန၃၉) တခု လိုချင်တယ် ဆိုရင်နှစ်နဲ့ ချီပြီးစောင့်ဆိုင်းဖို့ လိုပေမဲ့ စစ်တပ်ကတော့ မြေတိုင်းစာရေး ကို ဆင့်ခေါ် ပြီး နေ့ချင်းပြီး လုပ်ပိုင်ခွင့်ရှိပါတယ်။
ဒါကြောင့်လည်း မြေများများပိုင်တဲ့ တိုင်းအဆင့်ဗိုလ်ချုပ်နဲ့ ဗိုလ်မှူးချုပ်အဆင့်တိုင်း သိန်းထောင်နဲ့ချီ ကြီးပွား ကြပါ တယ်။ မကြာသေးခင်လေး ကမှ ရခိုင်ပြည်နယ်မှာ တိုင်းမှူးဟောင်း ဗိုလ်ချုပ်သောင်းအေး ကတော်က သံတွဲ ငပလီက လူထုအများ အပန်းဖြေနေရာကို ကိုယ်ပိုင်ပြုလျှောက်ထားခဲ့လို့ ပြဿနာ တက်ရပါတော့တယ်။ အစဉ် အဆက် တိုင်းမှူး လုပ်သွားသူတွေ ပယက၊ ခယက လုပ်သွားသူတွေဖြစ်တဲ့ ဗိုလ်ချုပ်မြင့်အောင် ဗိုလ်ချုပ်အောင် ထွေးနဲ့ ဗိုလ်မှူးကြီးဝင်းဟန် ဗိုလ်မှူးမောက်ကို အဆင့်ရှိသူတွေလည်း ငပလီ မှာ မြေယာတွေ အများကြီးပိုင်ထား ကြတာပါပဲ။ ကျောက်ဖြူ ဖက်မှာလည်း ဗိုလ်ချုပ်ဟောင်းတွေ ပိုင်ထားတဲ့ မြေအများ ရှိနေပါသေးတယ်။
၂၀၁၁ခုနှစ်ဇူလိုင်နောက်ဆုံးပါတ်လောက်မှာ ကာကွယ်ရေးဦးစီးချုပ်သစ် ဗိုလ်ချုပ်မင်းအောင်လှိုင်က စစ်ထောက် ချုပ်ဗိုလ်ချုပ်ဝေလွင်၊ စစ်ရေးချုပ် ဗိုလ်ချုပ်ခင်ဇော်ဦး တို့ ၂ယောက်ကို လာဘ်ပေးမှု အာဏာ အလွဲသုံးမှုတွေနဲ့ စစ် ဆေးခဲ့ပြီး အဲဒီနှစ်အတွင်းမှာကိုပဲ ဒုဗိုလ်ချုပ်ကြီး သူရမြင့်အောင်၊ ဗိုလ်မှူးချုပ် ထွန်းသန်း၊ ဗိုလ်ချုပ်တင်ငွေ၊ ဗိုလ် ချုပ်ကျော်ဖြိုးစတဲ့ စစ်ထိပ်သီး တချို့ကို ရာထူးဖြုတ်ခံခဲ့ရပါတယ်။ ပြဿနာ အရင်းခံကတော့ အရင် တြိဂံတိုင်းမှူး၊ ရမခတိုင်းမှူး၊ စစ်ကိုင်းတိုင်းမှူး ဘ၀တွေတုံးက မြေကွက်တွေရောင်းစားခဲ့တဲ့ အကြောင်း အခု အစိုးရသစ်မှာ ၀န်ကြီးချုပ် ဖြစ်လာသူတွေက အထက်သို့ တင်ပြ လာတာကြောင့်လို့ သိရပါတယ်။ ဒါကြောင့်လည်း စစ်တပ်ထဲ မှာ ဗိုလ် ချုပ်တွေ မြေပိကုန်ကြပြီလို့ တပ်ထဲမှာ ပြောစမှတ် တွင်ရစ် ခဲ့ပါတယ်။
ဒီကနေ့အထိ ဘယ်သူမှ မတို့မထိဝံ့သေးတဲ့ ဦးပိုင်ကုမ္ပဏီထဲက လာဘ်စားမှုတွေကို ဆက်ပြောရဦးမယ် ဆိုရင် တော့ ဒီထက်ပိုပြီး ပွဲကြမ်းပါလိမ့်မယ်။ သာမန် ဦးပိုင်ကုမ္ပဏီ် စာရေးဝန်ထမ်း တယောက် ရတဲ့ လစာဟာ တစ်လ ၈ သောင်းကျော်ဖြစ်လို့ သာမန် တပ်ကြပ်တဦးထက်ကို ၂ ဆလောက် ပိုနေပါတယ်။ ဦးပိုင် လုပ်ငန်းစုများရဲ့ ဒါရိုက် တာများ အဖြစ် တာဝန်ယူနေသူ ဗိုလ်မှူးကြီး အဆင့်တွေထဲမှာ မြန်မာ့ဘီယာရောင်းချခွင့် ပါမစ် ကိုင်ထားတဲ့ ဗိုလ်မှူးကြီး ကိုကိုကြီး ဆိုရင် ရန်ကုန်၊ နေပြည်တော်မှာ ဇိမ်ခံတိုက်ကြီး၁လုံးစီနဲ့ အဖိုးတန်ကား ၃ စီးပိုင်ဆိုင်ထားပြီး တပ် ရင်း(၁၀)ရင်းကစစ်သားတွေရဲ့ လစာတပါတ်စာလောက် အသုံးစရိတ်ငွေကို ညစဉ် ပျော်ပါးသုံးဖြုန်းပါတယ်။ ကကသံ က ဗိုလ်မှူးကြီး စံအေးလှ ဆိုသူကတော့ ဦးပိုင်လက်အောက်ရှိ အင်ငါးခွ သကြားစက်စီမံကိန်းငွေ ကျပ် သန်း တထောက်လောက် အလွဲသုံးပြီး ကုမ္မဏီက ထွက်သွားပါတယ်။ ဦးပိုင်ကုမ္မဏီအစဉ်အလာအရ လာဘ်စား တဲ့ သူတွေကိုအကျယ်မချဲ့ဘဲ တခြားပြောင်းတာဝန်ပေးတဲ့ အကျဉ်းနည်းနဲ့ ဖြေရှင်းလေ့ရှိပါတယ်။
အုပ်ချုပ်ရေးပိုင်းထဲက ထင်ရှားတဲ့နောက်တဦးကတော့ ယောက်ဖ လုပ်သူကို ငွေသိန်း၃၅၀၀ ကြိုထုတ်ပေး ဒီငွေနဲ့ ကတ္တားဝယ်ပြီး စည်ပင်ကို ပြန်သွင်းခိုင်းတဲ့ နည်းနဲ့ တဖက်လှည့် လာဘ်စား တတ်သူကတော့ မန္တလေးမြို့တော်ဝန် ဗိုလ်မှူးချုပ်ဟောင်း ဦးဖုန်းဇော်ဟန်ပါ။ မန္တလေးမှာ တကွက်ကို သိန်း၂၅၀၀ကျော် တန်မြေကွက်ပေါင်း ၂၀ကျော် ပိုင် ဆိုင်ထားသူမို့ အရင် မန္တလေး တိုင်းမှူးဟောင် ဗိုလ်ချုပ်တင်ငွေထက် အဆ(၂၀)လောက် ချမ်းသာတယ်လို့ ဆိုပါတယ်။ ကြွင်းကျန်နေသေးတဲ့ အောက်ခြေ တပ်ရင်းနဲ့ ဗျူဟာ အဆင့်တွေရဲ့ လာဘ်စားမှုတွေကတော့ လူထု နဲ့ ကုန်သည် ငယ်လေးတွေ ဆီကနေ တောင်းစား ခြောက်စား ဆိုတဲ့အဆင့်လောက် သာသာ ငွေရကြတာမို့ စာမဖွဲ့ လောက်တော့ပါဘူး။
တကယ်တော့လည်း မြန်မာစစ်အုပ်စုအနေနဲ့ ယခင် သူ့ရဲ့စစ်ရေးစွမ်းရည်တွေကို စီးပွားရေးစွမ်းရည်များ အဖြစ် သို့ တစ်စတစ်စနဲ့ အစီအစဉ်တကျ ပြောင်းလဲနေတဲ့ဖြစ်စဉ်ကြီးကို ဖြတ်သန်း လို့နေတာပါ။ မမြဲသော ကမ်းနား သစ်ပင်လို အမှုထမ်း ဘ၀မျိုးထက် စာရင် စည်းစိမ်တွေကို အာမခံချက်ကောင်းတဲ့ ပြည်ပ ဘဏ်တွေမှာ အပ်နှံပြီး ကုမ္ပဏီပိုင်ရှင်များ၊ လုပ်ငန်းရှင်များ အဖြစ် အသွင်ပြောင်းနေချင် ကြပါပြီ။ တပ်နဲ့သေနတ်တွေကို ကွပ်ကဲ ကြတာထက် ဒေါ်လာ အထပ်လိုက် ကိုင်သုံးနိုင်နေတဲ့ ဗိုလ်ချုပ်အဆင့် ရှိသူတွေ မြန်မာ့ တပ်မတော်ထဲ အတော်များနေပါပြီ။
ကံကောင်းတယ်လို့ဆိုရမယ့် အချက်တခုကတော့ လာဘ်စားမှုသံသရာကြီ်းဟာ အထက်ပိုင်း အဆင့်လောက်မှာ ကြီးထွားပြီး အောက်ခြေထိ မရောက်ဘဲ ကွင်းဆက် တချို့ပြတ်နေ ခဲ့လို့သာ ဒီကနေ့အထိ မြန်မာ့ တပ်မတော်ကြီး ဖရိုဖရဲ မဖြစ်သေးတာပါ။ လာဘ်စားမှု အပေါက်အရှတွေနဲ့ ခေါင်ကစမိုးမလုံတဲ့ န၀တ-နအဖတို့ ခေတ် တပ်ဖွဲ့ စည်းပုံတွေကို ရှေ့ဆက်ပြီး ဆက်ခံသင့် မသင့် ဆိုတာကတော့ တပ်မတော်ကြီးကို ခေတ်မီမီ တည်ဆောက်လိုသူ တိုင်း အလေးထား စဉ်းစားရမယ့် အချက်တခုပဲဖြစ်နေပါတော့တယ်။
ဒဏ်ခတ်ပိတ်ဆို့မှု ဆိုင်းငံ့ရေး သတိထားဆောင်ရွက်ဖို့ ဒေါ်စုတိုက်တွန်း
ကိုသားညွန့်ဦး
အင်္ဂါ, 15 မေ 2012
မြန်မာနိုင်ငံရေး ပြောင်းလဲမှုတွေဟာ နောက်ကြောင်းပြန်မလှည့်ဘူးလို့ တရားသေသတ်မှတ်လို့ မရတဲ့ အတွက် သတိထားသွားဖို့ လိုတဲ့ အကြောင်း မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် က ပြောပါတယ်။ အဖွဲ့ချုပ် ကိုယ်စားလှယ်တွေ အနေနဲ့ လက်ရှိ ဖွဲ့စည်းပုံပြင်ဆင်ရေးကို အရေးတကြီး ကြိုးပမ်း သွားမှာဖြစ်ပေမယ့်လို့ လွှတ်တော်ထဲမှာ စစ်တပ်ရဲ့ ထောက်ခံမှု မပါဘဲနဲ့တော့ ဖွဲ့စည်းပုံ ပြင်ဆင်ရေး မဖြစ်နိုင်သေးဘူး လို့လည်း ပြောပါတယ်။ ဒီအကြောင်းကိုတော့ ကိုသားညွန့်ဦးက တင်ပြပေးထားပါတယ်။
အမေရိကန်ပြည်ထောင်စုကနေ မြန်မာနိုင်ငံအပေါ် ပိတ်ဆို့အရေးယူထားတာတွေကို ယာယီရုပ်သိမ်းပေးဖို့ အမေရိကန် အထက်လွှတ်တော် အမတ် ဂျွန်မက်ကိန်းက ပြောကြားခဲ့တဲ့ အပေါ်မှာ သူ့အနေနဲ့ ကန့်ကွက် ဆန့်ကျင်ဖို့ မရှိဘူးလို့ ဒေါ်အောင်ဆန်းစုကြည်က ပြောခဲ့တာပါ။ အင်္ဂါနေ့ မနက်ပိုင်းက အမေရိကန် ပြည်ထောင်စု သမ္မတဟောင်း ဂျော့ခ်ျ၊ ဒဗလျူဘွတ်ရှ် အမှတ်တရ ဌာနက ကြီးမှူး ကျင်းပခဲ့တဲ့ Acceleration of Human Freedom လို့ ခေါ်တဲ့ လူသားနဲ့ လွတ်လပ်မှု အခွင့်အရေး အခမ်းအနားမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က အင်တာနက်တဆင့် ပါဝင်ဆွေးနွေး ခဲ့ပါတယ်။ အဲဒီမှာ လက်ရှိ မြန်မာနိုင်ငံရေးနဲ့ ပတ်သက်လို့ အကော င်းမြင်လွန်းလို့ မရဘဲ သတိထားဖို့လိုတဲ့ အကြောင်း ပြောသွားတာပါ။
“အမေရိကန်နိုင်ငံသားတွေအနေနဲ့ လက်ရှိအခြေအနေမှာ ဒဏ်ခတ်ပိတ်ဆို့မှုတွေကို ဆိုင်းငံ့ပေးဖို့ သင့်လျော်တယ်လို့ ယူဆရင် ကျမအနေနဲ့ ဒါကို မကန့်ကွက် လိုပါဘူး။ ဒါပေမယ့် ဒီနေရာမှာ သတိထားဖို့ ကျမ ထောက်ပြ လိုပါတယ်။ လူတွေအနေနဲ့ မြန်မာနိုင်ငံရဲ့ ပြုပြင်ပြောင်းလဲမှုတွေ အပေါ် သိပ်ကို အကောင်းမြင် လွန်းကြတယ်လို့ ကျမအနေနဲ့ တခါတလေ ခံစား မိပါတယ်။ ကျမတို့ အနေနဲ့ မမေ့အပ်တာ ကတော့ ဒီမိုကရေစီဖော်ဆောင်မှုဟာ နောက်ပြန် မဆုတ်နိုင်ဘူးလို့ ပြောလို့ မရနိုင်ဘူးဆိုတဲ့ အချက်ပါပဲ။ ကျမလည်း ပွင့်ပွင့်လင်းလင်း ပြောခဲ့ပြီးပါပြီ။ စစ်တပ် အနေနဲ့ ဒီမိုကရေစီဖော်ဆောင်ရာမှာ လေးလေး နက်နက်နဲ့ ထိထိရောက်ရောက် ဆောင်ရွက်သွားမယ် ဆိုတဲ့ သံဓိဌာန်ခိုင်မာစွာ မချမှတ်မချင်း ကျမတို့ အနေနဲ့ ဒီမိုကရေစီဖော်ဆောင်မှုကို နောက်ပြန်ဆုတ်လို့ မရနိုင်ဘူး ဆိုတာကို ဘယ်တော့မှ ပြောနိုင်မှာ မဟုတ်ပါဘူး။”
အနောက်နိုင်ငံတွေက မြန်မာနိုင်ငံအပေါ် ချမှတ်ခဲ့တဲ့ အရေးယူပိတ်ဆို့မှုတွေဟာ ရည်မှန်းချက်ကို ထိရောက်ခဲ့တယ်လို့ ဒေါ်အောင်ဆန်းစုကြည်က မြင်ပါတယ်။ ၂၀၁၀ ရွေးကောက်ပွဲ အပြီး ပထမဆုံး ခေါ်ယူတဲ့ လွှတ်တော် အတွင်းမှာပဲ အရေးယူ ဒဏ်ခတ်မှုတွေ ရုပ်သိမ်းရေး အဆိုကို ပထမဆုံး တင်သွင်း အတည်ပြုခဲ့တာကိုကြည့်ရင် အရေးယူမှုတွေ ထိရောက်ခဲ့တယ် ဆိုတာကို ဒေါ်အောင်ဆန်းစုကြည် က ထောက်ပြပါတယ်။
အမျိုးသားဒီမိုကရေစီအဖွဲ့ချုပ်အနေနဲ့ အခုလွှတ်တော်ထဲမှာ ဖွဲ့စည်းပုံပြင်ရေးကိစ္စကို အရေးတကြီး ကြိုးပမ်းမှာဖြစ်ပေမယ့် အလျင်စလိုတော့ ဆောင်ရွက်နိုင်မယ့် အခြေအနေ၊ အလားအလမှာ မရှိဘူး လို့လည်း ဒေါ်အောင်ဆန်းစုကြည်က ပြောပါတယ်။
“ကျမတို့အနေနဲ့ ဖွဲ့စည်းပုံပြင်ဆင်ရေးကို အဦးဆုံးလုပ်နိုင်လိမ့်မယ်လို့တော့ မထင်ပါဘူး။ ဖွဲ့စည်းပုံ ပြင်ဖို့ဆိုတာ လွှတ်တော်ရဲ့ ၇၅ ရာခိုင်နှုန်း ထောက်ခံမှ ဖြစ်မှာပါ။ ဒီအထဲ ၂၅ ရာခိုင်နှုန်းက စစ်တပ်က ခန့်ထားတဲ့ ကိုယ်စားလှယ်တွေပါ။ ဒီတော့ ဖွဲ့စည်းပုံပြင်ဖို့ဆိုတာ စစ်တပ်ရဲ့ ထောက်ခံမှု ပါမှ ရမှာပါ။ ဒါကြောင့် ဖွဲ့စည်းပုံပြင်ဖို့ဆိုတာ ဦးဆုံးတော့ မဖြစ်နိုင်ပါဘူး။ ဒါပေမယ့် ဖွဲ့စည်းပုံပြင်ဆင်ရေးဟာ ကျမတို့ အရေးတကြီး အလေးထားလုပ်ဆောင်သွားမယ့်ကိစ္စဖြစ်ပါတယ်။”
နိုင်ငံရေး အကျဉ်းသားတွေနဲ့ပတ်သက်လို့လည်း မြန်မာအစိုးရအနေနဲ့ တကယ်တန်း ဒီမိုကရေစီရေး ဖော်ဆောင်မယ် ဆိုရင် နိုင်ငံရေး အကျဉ်းသား အားလုံးကို လွှတ်ပေး ရမှာဖြစ်တယ်လို့ ဒေါ်အောင်ဆန်းစုကြည်က ပြောသွားပါတယ်။
“ပြီးခဲ့တဲ့ ဇန်န၀ါရီလတုန်းက နိုင်ငံရေးအကျဉ်းသားအတော်များများ လွတ်လာပါတယ်။ ဒီ လွှတ်လိုက်သူတွေဟာ အမျိုးသား ဒီမိုကရေစီ အဖွဲ့ချုပ်က တင်ပြထားတဲ့ စာရင်းမှာ ပါတဲ့ သူတွေလို့ ပြည်ထဲရေး ၀န်ကြီးက ပြောခဲ့ပါတယ်။ ဒီ စာရင်းအတိုင်းပြောမယ် ဆိုရင် နိုင်ငံရေး အကျဉ်းသား ၂၇၁ ဦး လွတ်ဖို့ ကျန်နေ ပါသေးတယ်။ ဒီကိစ္စနဲ့ ပတ်သက်လို့ ပြည်ထဲရေး ၀န်ကြီးနဲ့ ပြောဆိုနေတာ ရှိပါတယ်။ ဒါနဲ့ပတ်သက်လို့ လည်း ထပ်ဆွေးနွေး ချင်ပါတယ်။ သူတို့ကြေညာသလို ဒီ စာရင်းအတိုင်း လွှတ်ပေးတယ် ဆိုရင်တော့ ကျန်နေတဲ့ ၂၇၁ ဦးကို ဘာကြောင့် လွှတ်မပေးသေးတာလဲ ဆိုတာ တရားဝင် သိချင်ပါတယ်။ မြန်မာနိုင်ငံမှာ ဒီမိုကရေစီရေး ဖော်ဆောင်မှုတွေ လုပ်မယ်ဆိုရင် နိုင်ငံရေး အကျဉ်းသားတွေ လုံးလုံးမရှိသင့်ပါဘူး။”
တိုင်းရင်းသားလူနည်းစုအရေးကိစ္စနဲ့ပတ်သက်လို့တော့ တိုင်းရင်းသားလူမျိုးတွေနဲ့ နိုင်ငံရေးအရ အဖြေ ထုတ်နိုင်မှသာ တိုင်းရင်းသားဒေသ ဖွံဖြိုးရေး လုပ်ငန်းတွေကို ဆောင်ရွက်နိုင်လိမ့်မယ် လို့ ဒေါ်အောင်ဆန်းစုကြည်က ပြောသွားပါတယ်။
“အပစ်အခတ်ရပ်စဲရေး လုပ်ရုံတင် မလုံလောက်ပါဘူး။ အပစ်အခတ်ရပ်စဲရေးဆိုတာ အစ သက်သက်ပါ။ နိုင်ငံရေးအရ အဖြေရှာမှုမျိုး မရှိသေးပါဘူး။ ဒီအခြေအနေနဲ့ တိုင်းရင်းသား လူနည်းစုဒေသတွေမှာ စီးပွားရေးဖွံ့ဖြိုးမှုလုပ်ဖို့ မလုံလောက်ပါဘူး။ ဒါကြောင့် နိုင်ငံရေးအရ အဖြေထုတ်နိုင်ဖို့ လိုအပ်ပါတယ်။”
ဝါရှင်တန်မှာ အင်္ဂါနေ့လုပ်တဲ့ အဲဒီအခမ်းအနားမှာတော့ သမ္မတ ကတော်ဟောင်း လော်ရာ ဘွတ်ရ်ှ က ဒေါ်အောင်ဆန်းစုကြည်ကို တကမ္ဘာလုံးက လေးစားရတဲ့ ဒီမိုကရေစီနဲ့ လူ့အခွင့်အရေးခေါင်းဆောင် တဦးအဖြစ် မိတ်ဆက်ပေးပါတယ်။ အဲဒီနောက် ၀ါရှင်တန်ပို့စ် သတင်းစာကြီးရဲ့ ပင်တိုင်ဆောင်းပါးရှင် မိုက်ကယ် ဂီယာ ဂါစင်က ပရိသတ်ကိုယ်စားလှယ် မေးမြန်းခဲ့ ရာမှာ ဒေါ်အောင်ဆန်းစုကြည်က အခုလို ဖြေကြားသွားတာတွေ ဖြစ်ပါတယ်။
Ref: VOA News
မြောက်ကိုရီးယား နဲ့ မပတ်သက်ရင် မြန်မာကို တောင်ကိုရီးယား အပြည့်အ၀ ကူညီမည်
ကိုကျော်ကျော်သိန်း
အင်္ဂါ, 15 မေ 2012
မြန်မာနဲ့ မြောက်ကိုရီးယားအကြား ဆက်ဆံရေးအပေါ် တောင်ကိုရီးယားနိုင်ငံရဲ့ စိုးရိမ်ချက်ကို တောင် ကိုရီးယား သမ္မတ အီလ် မြောင်ဘာ့က်က သူ့ရဲ့ မြန်မာနိုင်ငံ ခရီးစဉ်အတွင်း မြန်မာ သမ္မတကို အတိအလင်း ထုတ်ဖော်ပြောဆို ခဲ့ပါတယ်။ ဒီ ကိစ္စအတွက် မြန်မာအစိုးရနဲ့ အပြည့်အ၀ ပူးပေါင်းဆောင်ရွက်ပါမယ် လို့လည်း အခိုင်အမာပြောခဲ့သလို မြန်မာနိုင်ငံ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်ကို ဆက်ပြီး ထောက်ခံ အားပေး သွားမယ်လို့လည်း အာမခံခဲ့ပါတယ်။ သူ့ရဲ့ နှစ်ရက်ကြာ မြန်မာနိုင်ငံ ခရီးစဉ်တွေ အတွင်း တွေ့ဆုံ ဆွေးနွေးခဲ့ချိန်မှာ သမ္မတ အီလ်မြောင်ဘာ့က် က အဲဒီိလိုပြောဆိုခဲ့တာပါ။ အပြည့်အစုံ ကိုတော့ ဘန်ကောက်ကနေ ကိုကျော်ကျော်သိန်း က သတင်းပေးပို့ထားပါတယ်။
မြန်မာနိုင်ငံကို နှစ်ရက်ကြာခရီးစဉ်အဖြစ် ရောက်နေတဲ့ တောင်ကိုရီးယား သမ္မတဟာ ဒီကနေ့ မနက်ပိုင်းက အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် နဲ့ ရန်ကုန်မြို့ ဆီဒိုးနား ဟော်တယ်မှာ တွေ့ဆုံဆွေးနွေး ပြီးတဲ့နောက် လုပ်တဲ့ ပူးတွဲ သတင်းစာ ရှင်းလင်းပွဲအတွင်း တောင်ကိုရီးယားနိုင်ငံရဲ့ စိုးရိမ်ချက်တွေ နဲ့ မြန်မာ့ ဒီမိုကရေစီ ပြုပြင်ပြောင်းလဲရေး ဆိုင်ရာတွေနဲ့ ပတ်သက်ပြီး ပြောဆိုခဲ့တာပါ။
မနေ့က နေပြည်တော်မှာ သမ္မတဦးသိန်းစိန်နဲ့ တွေ့ဆုံဆွေးနွေးချိန်အတွင်း ကိစ္စရပ် မျိုးစုံကို ပြောခဲ့တဲ့ အထဲမှာ မြန်မာနိုင်ငံမှာ ဒီမိုကရေစီ ပြုပြင် ပြောင်းလဲရေး လမ်းကြောင်း ပေါ်ရောက်အောင် လုပ်ဆောင်ခဲ့တဲ့ ဦးသိန်းစိန်အစိုးရအဖွဲ့ကို ပထမဆုံး ချီးကျူး ပြောဆို ခဲ့တာနဲ့အမျှ မြန်မာနိုင်ငံနဲ့ ပတ်သက်ရင် တောင် ကိုရီးယားနိုင်ငံ ရဲ့ အဓိက စိုးရိမ်ချက် ဖြစ်တဲ့ မြောက်ကိုရီးယားနဲ့ ဆက်ဆံ ရေးကို သမ္မတ အီလ်မြောင်ဘာ့က် က အထူး အလေးပေး ပြောဆိုခဲ့တာပါ။
“ကုလသမဂ္ဂလုံခြုံရေးကောင်စီက ချမှတ် ထားတဲ့ ဆုံးဖြတ်ချက်တွေကို ချိုးဖောက်တယ်လို့ ယူဆ ရနိုင် တဲ့ မြောက်ကိုရီးယားနိုင်ငံ နဲ့ မြန်မာနိုင်ငံ အကြား ဘယ်လို ဆက်ဆံရေးမျိုးကို မဆို မြန်မာအစိုးရ အနေနဲ့ ရှောင်ရှား လိမ့်မယ်လို့ ကျနော့်အနေနဲ့ မျှော်လင့်တဲ့အကြောင်း သမ္မတဦးသိန်းစိန်ကို ကျနော် ပြောခဲ့ပါတယ်။ ဒါဟာ ကျနော်နဲ့ သမ္မတဦးသိန်းစိန်တို့ ထိပ်သီးဆွေးနွေးပွဲ အတွင်း တရားဝင် မေတ္တာ ရပ်ခံခဲ့တာ ဖြစ်ပါ တယ်။” လို့ ဒေါ်အောင်ဆန်းစုကြည်နဲ့ ဆွေးနွေး ပြီးတဲ့နောက် လုပ်တဲ့ ပူးတွဲသတင်းစာရှင်းလင်းပွဲအတွင်း သမ္မတ အီလ်က စကားပြန် ကနေ တဆင့် ပြောသွားပါတယ်။
အဲဒီကိစ္စနဲ့ပတ်သက်ပြီး မြန်မာအစိုးရနဲ့ ပိုပြီးတော့ အပြည့်အ၀ ပူးပေါင်း ဆောင်ရွက်သွားဖို့ တောင် ကိုရီးယားနိုင်ငံ က ပြင်ဆင်ထား ပါတယ်ဆိုတာကိုလည်း သူက သမ္မတ ဦးသိန်းစိန်ကို ပြောခဲ့ပါတယ်။
ကုလသမဂ္ဂလုံခြုံရေးကောင်စီရဲ့ မြောက်ကိုရီးယားနိုင်ငံဆိုင်ရာ ဆုံးဖြတ်ချက်တွေထဲမှာ လက်နက်ငယ်တွေ က လွဲပြီးတော့ ဘယ်လို စစ်လက်နက်ပစ္စည်းမျိုးကိုမှ မြောက် ကိုရီးယား နိုင်ငံဆီကနေ မရယူဖို့ နိုင်ငံတွေ ကို ပိတ်ပင် တားမြစ်ထားပါတယ်။
ဒီကနေ့ ဒေါ်အောင်ဆန်းစုကြည်နဲ့ သမ္မတအီလ်တို့ တွေ့ဆုံဆွေးနွေးကြတာမှာလည်း ကိစ္စရပ်မျိုးစုံ ပါဝင် ခဲ့ပြီး အဓိကအနေနဲ့ ပညာရေးရဲ့ အရေးကြီးပုံနဲ့ ပတ်သက်လို့ ဆွေးနွေးခဲ့ကြတယ်လို့ သမ္မတ အီလ်က ပြော ပါတယ်။
“တောင်ကိုရီးယားဟာ ဒီမိုကရေစီ နိုင်ငံတခုအဖြစ်နဲ့ရော၊ ကြွယ်ဝချမ်းသာတဲ့ နိုင်ငံတခု အဖြစ် ကိုရော ရောက်ခဲ့ရတဲ့ အကြောင်းရင်းကတော့ ကျနော်တို့ရဲ့ နောက် မျိုးဆက်သစ် ခေါင်းဆောင်တွေ အတွက် ပညာရေး အထောက်အပံ့ပေးတဲ့ နေရာမှာ ကျနော်တို့ဟာ သန္နိဋ္ဌာန်ခိုင်မာပြီး စိတ်အား ထက်သန် စွာ လုပ်ခဲ့ကြတယ်ဆိုတာကို ကျနော် ထောက်ပြ ပြောဆိုခဲ့ပါတယ်။”
လို့ မစ္စတာအီလ်က ပြောပါတယ်။
ဒါ့အပြင် နိုင်ငံဖွံ့ဖြိုးတိုးတက်ရေးအတွက်ဆိုပြီး ဒီမိုကရေစီ၊ လူ့အခွင့်အရေးနဲ့ လွတ်လပ်မှုတွေကို ဘယ်တော့မှ အနစ်နာခံ အလျှော့မပေးရဘူးဆိုတာကို ဒေါ်အောင်ဆန်းစုကြည်နဲ့ သူနဲ့ သဘောတူ ခဲ့ကြ တယ်လို့လည်း သူကပြောပါတယ်။
ဒေါ်အောင်ဆန်းစုကြည်ကလည်း မိမိတို့အနေနဲ့ တရားမျှတမှု၊ လွတ်လပ်မှုနဲ့ ကြွယ်ဝ ချမ်းသာမှုတို့ အားလုံးကို တခုမဟုတ်တခု လိုချင်တာမဟုတ်ဘဲ အားလုံးကို လိုချင်တာ ဖြစ်ပါတယ်လို့ အလေးအနက် ပြောဆိုခဲ့ပါတယ်။ ပညာရေးနဲ့ပတ်သက်ပြီး တော့လည်း ဒေါ်အောင်ဆန်းစုကြည် က -
“နိုင်ငံရဲ့အနာဂတ်ကို တည်ဆောက်ကြတာမှာ အုပ်ချုပ်သူတွေက လိုချင်တဲ့ပုံစံမျိုး မဟုတ်ဘဲ သူတို့ ဖြစ်စေချင်တဲ့ပုံစံအတိုင်း တည်ဆောက်နိုင်စေမယ့် ပညာရေးမျိုးကို မြန်မာ ကလေးငယ်တွေ ရစေ ချင်ပါတယ်။”
လို့ ဒေါ်အောင်ဆန်းစုကြည်က ပြောသွားပါတယ်။
မြန်မာလူထုအနေနဲ့ ငြိမ်းချမ်းမှု၊ ကြွယ်ဝချမ်းသာမှုတွေနဲ့အတူ ဂုဏ်သိက္ခာရှိရှိ ရပ်တည် နေထိုင်သွား ချင်တယ် ဆိုတာကို ဒေါ်အောင်ဆန်းစုကြည်က ပြောဆိုခဲ့သလို လုံခြုံတယ် ဆိုရုံနဲ့ မလုံလောက်ဘဲ အစိုးရကရော ကိုယ်ကိုယ်တိုင်ကပါ အကာအကွယ် ပေးနိုင်မယ့် လူသားဂုဏ်သိက္ခာကို မိမိတို့ လိုအပ်ပါ တယ် လို့လည်း ဒေါ်အောင်ဆန်းစုကြည်က ပြောခဲ့ပါတယ်။
မြန်မာလူထုအနေနဲ့ ဒီမိုကရေစီနည်းကျ ခေါင်းဆောင်မှုအခြေအနေကို ရောက်အောင် ခက်ခဲတဲ့ လမ်းကြောင်းကို ဆက်လျှောက်ရ ဦးမှာပါလို့ ဒေါ်အောင်ဆန်းစုကြည်က ဆိုပြီး မြန်မာနိုင်ငံ ရဲ့ လက်ရှိ အခြေအနေကိုလည်း မီးမောင်းထိုး ပြောဆိုခဲ့ပါ တယ်။
“ကျမတို့နိုင်ငံရဲ့ သမိုင်းကြောင်းမှာ အပြောင်းအလဲဖြစ်နိုင်ခြေရှိတဲ့ အဆင့်တခုမှာ ကျမတို့ ရောက်နေပါ တယ်။ ဒါပေမဲ့လည်း ဒီအပြောင်းအလဲဟာ မလဲမပြိုဘဲ ဖြစ်လိမ့် မယ် ဆိုပြီး ကျမတို့ သေချာပေါက် ယူဆနိုင်မယ်လို့ ကျမတော့ မထင်ပါဘူး။ ရည်ရွယ်ချက် ရှိနေပါတယ်၊ တကမ္ဘာလုံးက စိတ်ကောင်း စေတနာကောင်းနဲ့ အားပေးနေ ကြပါတယ်၊ ဒါပေမဲ့ အဲဒီ စိတ်စေတနာကောင်းတွေ အလဟဿဖြစ်မသွားစေရေး သေချာအောင် ကျမတို့ လုပ်ရပါမယ်၊ ပြီးတော့ ကျမတို့လူထုအကျိုး အတွက် အဲဒီ စိတ်စေတနာကောင်းတွေကို အကောင်းဆုံးအသုံးပြုနိုင်အောင် လုပ်ကြရပါမယ်။”
လို့ ဒေါ်အောင်ဆန်းစုကြည်က ပြောခဲ့ပါတယ်။
ဂုဏ်သိက္ခာရှိပြီး ကောင်းမြတ်တဲ့လမ်းကြောင်းကို လျှောက်လှမ်းတဲ့နေရာမှာ မိမိ ကိုယ်တိုင်အနေနဲ့ရော၊ ကိုရီးယားလူထုနဲ့ အစိုးရကပါ ဆက်လက်ပြီး ထောက်ခံသွား ပါမယ် လို့လည်း မစ္စတာအီလ်ကပြောပါတယ်။
မြန်မာနိုင်ငံကို နိုင်ငံတော် တရားဝင်ခရီးစဉ်အဖြစ် မနေ့ကရောက်လာတဲ့ တောင် ကိုရီးယား သမ္မတဟာ သမ္မတ ဦးသိန်းစိန်နဲ့ မနေ့ကပဲ တွေ့ဆုံဆွေးနွေးပြီး နိုင်ငံတော် တရားဝင်ခရီးစဉ် အဆုံးသတ်ခဲ့ပြီး ဒီကနေ့မှာ ဒေါ်အောင်ဆန်းစုကြည်နဲ့ တွေ့ဆုံဆွေးနွေး တာဖြစ်ပါတယ်။ တောင်ကိုရီးယားသမ္မတနဲ့အဖွဲ့ဟာ ဒီကနေ့ နေ့လယ်ပိုင်းမှာတော့ မြန်မာနိုင်ငံကနေ ပြန်လည် ထွက်ခွာသွားပြီဖြစ်ပါတယ်။
Ref: VOA News
ဆင်ဆာဘုတ်စနစ် ဇွန်လတွင် ဖျက်သိမ်းမည်
ဖနိဒါ
အင်္ဂါနေ့၊ မေလ ၁၅ ရက် ၂၀၁၂
ချင်းမိုင်(မဇ္စျိမ) ။ ။ ပြန်ကြားရေးဝန်ကြီးဌာန လက်အောက် စာပေစိစစ်ရေးနှင့် မှတ်ပုံတင်ဌာနမှ စာမူကြမ်းများကို စိစစ်သည့် စနစ် ဇွန်လ နောက်ပိုင်းတွင် ရှိတော့မည် မဟုတ်ကြောင်း ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန ဒု-ညွန်ကြားရေးမှူးချုပ် ဦးတင့်ဆွေက ပြောသည်။
စာပေကင်ပေတိုင်ဟု နာမည်ကြီးသည့် စာပေစိစစ်ရေးနှင့် မှတ်ပုံတင်ဌာနမှ လုပ်ဆောင်နေသည့် စာပေ စိစစ်ရေး စနစ်ကို လုံးဝ ဖျက်သိမ်းမည်ဟု ဦးတင့်ဆွေက ပြောဆို လိုက်ခြင်း ဖြစ်သည်။
“ဇွန်လအတွင်းမှာ Press council တခုကို အထက်ကနေ ဖွဲ့စည်းပေးဖို့ ရှိတယ်။ အဲဒီ Press council ပေါ်လာတာနဲ့ တပြိုင်နက် စိစစ်ခြင်း လုံးဝ မရှိတော့ဘူး။ စိစစ်တဲ့ ဘာသာတွေ မရှိတော့ဘူး၊ စာမူတွေ တင်ပြီး စိစစ်နေရတဲ့ အပိုင်း အဲဒီစနစ်က လုံးဝ ဖျက်သိမ်း ပစ်မယ်ဆိုတာကို ပြောတာ”ဟု ဦးတင့်ဆွေက မဇ္စျိမကို ပြောသည်။
မီဒီယာ ဥပဒေမူကြမ်းအား ရှေ့နေချုပ်ရုံးသို့ ဧပြီလအတွင်းက ဒုတိယအကြိမ် ပို့ထားကြောင်း၊ ထိုရှေ့နေချုပ်ရုံး၏ ညွန်ကြားချက်၊ အကြံပြုချက်များကို ရယူရန် မကြာမီ ရက်ပိုင်း အတွင်းမှာ သွားရောက် ခံယူပြီး ပြင်ဆင်မည်ဟု သူက ဆက်ပြောသည်။
“ဇွန်လအတွင်းမှာ မူကြမ်းကို ပြန်ပြုပြင်ပြီးတော့ အစိုးရအဖွဲ့ကို တင်မယ်။ အစိုးရအဖွဲ့ကနေ အတည်ပြုတယ်ဆိုရင် ဇွန်၊ ဇူလိုင်အတွင်းမှာ လုပ်မယ့် လွှတ်တော်ကို တင်ပြမှာ ဖြစ်ပါတယ်။ လွှတ်တော်က အတည်ပြုတယ် ဆိုရင် နည်းဥပဒေပါ သြဂုတ်လမှာ ဆက်ပြီး ထွက်နိုင်အောင် လုပ်ပြီးတော့ စာပေလောက အသစ်က စိစစ်ခြင်း လုံးဝ မရှိတော့ဘဲနဲ့ သွားတော့မှာ”ဟု သူက ဆက်ပြောသည်။
သို့သော် စာပေစိစစ်ရေးနှင့် မှတ်ပုံတင်ဌာနက ဆက်လက် ရှိနေပြီး မှတ်ပုံတင်သည့် ကိစ္စများ၊ တနိုင်ငံလုံးမှ ထွက်သည့် စာအုပ်များကို မှတ်ပုံတင်ခြင်း၊ သက်ဆိုင်ရာ အမျိုးသားမော်ကွန်းတိုက် (National achieve)၊ အမျိုးသား စာကြည့်တိုက် (National library) များသို့ ပို့ပေးခြင်းများ ဆက်လက် လုပ်ဆောင်မည် ဖြစ်ကြောင်း ပြောဆိုသွားသည်။
စာပေနှင့် ပုံနှိပ်ထုတ်ဝေ ဖြန့်ချိရေးအသင်း၊ မြန်မာဂျာနယ်လစ်ကွန်ယက် MJN၊ မြန်မာနိုင်ငံ သတင်းစာဆရာများ အသင်း ဖြစ်မြောက်ရေး ကော်မတီ MJAနှင့် မြန်မာနိုင်ငံ သတင်းစာဆရာများ သမဂ္ဂ MJU တို့မှ ကိုယ်စားလှယ် ၆ ဦးကျ ပါဝင်သည့် စာနယ်ဇင်းကောင်စီ Press council အား လာမည့် ဇွန်လမှာ ဖွဲ့ပြီး သမ္မတ က အတည်ပြုပေးမည် ဖြစ်ကြောင်း ဦးတင့်ဆွေက ဆက်ပြောသည်။
စာပေစိစစ်ရေးစနစ် ဖျက်သိမ်းလိုက်သော်လည်း ထိုကောင်စီ ဖွဲ့စည်းရေး ဥပဒေများသည် သတင်းသမားများအတွက် အကာအကွယ် ပေးနိုင်ခြင်း မရှိမှာကို စိုးရိမ်ကြောင်း မြန်မာနိုင်ငံ သတင်းစာဆရာများ အသင်းဖြစ်မြောက်ရေး ကော်မတီ MJA အထွေထွေ အတွင်းရေးမှူး ဦးကိုကို(စက်မှု)က ပြောသည်။
“စာနယ်ဇင်းကောင်စီ ဥပဒေတွေ ပေါ်လာမယ်။ စာနယ်ဇင်းသမားတွေကို ဘယ်လို ကာကွယ်ပေးနိုင်မယ့် ဥပဒေတွေ လုပ်ပေးမယ် ဆိုရင် ပြဿနာ မရှိဘူး။ အခုက ဒီကြားဖြတ် ကောင်စီက စာပေစိစစ်ရေး အလုပ်တွေ လုပ်နေရမှာကို စိတ်ပူတာ။ ကိုယ့်စာနယ်ဇင်း သမားတွေကိုပဲ ချုပ်ချယ်တာမျိုး လုပ်ပေးရမယ့် အဖွဲ့အစည်းမျိုး ဆိုရင်တော့ မလုပ်ချင် ဘူး”ဟု သူက မဇ္စျိမကို ပြောသည်။
ဗုဒ္ဓဟူးနေ့တွင် မြန်မာနိုင်ငံ သတင်းစာဆရာများအသင်း အစည်းအဝေးပြုလုပ်၍ စာနယ်ဇင်းကောင်စီတွင် ပါဝင်ရေး၊ မပါဝင်ရေးနှင့် ပတ်သက်၍ ဆွေးနွေးမည် ဖြစ်ကြောင်း သိရသည်။
အင်္ဂါနေ့က ပြုလုပ်သည် သတင်းစာရှင်းလင်းပွဲတွင် စတုတ္ထအဆင့်အဖြစ် ဝတ္ထုစာမူကြမ်းများကို စာပေ စိစစ်ရေးနှင့် မှတ်ပုံတင် ဌာနသို့ မနက်ဖြန်မှ စတင်၍ တင်ပြရန် မလိုတော့ဘဲ ထုတ်တင် စနစ် အဖြစ် တိုက်ရိုက် ထုတ်ဝေခွင့် ပြုလိုက် သည်ဟု ရှင်းလင်းခဲ့သည်ဟု ဦးတင့်ဆွေက ပြောသည်။
Ref: မဇ္ဈိမ
လယ်မြေအဓမ္မ သိမ်းယူမှု မှတ်တမ်းတင်ရုပ်ရှင် ရိုက်ကူးမည်
မျိုးသန့်
အင်္ဂါနေ့၊ မေလ ၁၅ ရက် ၂၀၁၂
ချင်းမိုင် (မဇ္ဈိမ) ။ ။ နိုင်ငံတော် စီမံကိန်းများ အကြောင်းပြ၍ ပုဂ္ဂလိက ကုမ္ပဏီအချို့က လယ်မြေများ သိမ်းယူနေမှု များကို မှတ်တမ်း ရုပ်ရှင် အဖြစ် ဖန်တီး ရိုက်ကူးကာ မြန်မာနိုင်ငံ အတွင်း ပြသနိုင်ရန် စီစဉ်နေသည်ဟု ရုပ်ရှင်ဒါရိုက်တာ ဝိုင်းက မဇ္ဈိမကို ပြောသည်။
“လယ်သမားတွေကလည်း ပေါ်တင် ပြောပါတယ်။ တိုင်းပြည်အတွက်ဆို လုပ်ပါ။ သူတို့ ရတယ် ငတ်ပါစေ။ တိုင်းပြည် ကောင်းဖို့ အတွက်ဆို သူတို့ ခံလိုက်မယ်ပေါ့။ အဲဒီလို မဟုတ်ဘဲနဲ့ ပုဂ္ဂလိက နာမည်တွေနဲ့ သိမ်းထား တာတွေပေါ့။ အဲဒီလိုဆိုတော့ နိုင်ငံ အတွက်လည်း မဟုတ်ဘူး ဒီ Crony တွေ ကောင်းစားဖို့အတွက် သိမ်းတာကို ကျနော် မခံချင် ဖြစ်တာဗျ။ အဲဒီလိုဟာတွေက မြန်မာပြည် အနှံ့မှာ ဖြစ်နေတဲ့ အခါကျတော့ ဒါကို ကျနော် ရိုက်ပြ သင့်တယ်လို့ထင်လို့ ကျနော်ရိုက်တာပါ” ဟု လယ်သမားများထံ ကွင်းဆင်း လေ့လာနေသည့် ဒါရိုက်တာ ဝိုင်း က ပြောသည်။
ဒါရိုက်တာဝိုင်းသည် မေလအတွင်း ပြင်ဦးလွင်မြို့နယ်သို့ သွားရောက်ကာ လယ်သမားများနှင့် တွေ့ဆုံမေးမြန်း ခဲ့ပြီး အဆိုပါဒေသတွင် လယ်သမား အယောက် ၄ဝ ၏ မြေဧက ၁,၇၀၀ ကို ကုမ္ပဏီတခုမှ သိမ်းယူ ထားသည်ဟုလည်း ဆိုသည်။
အဆိုပါ မှတ်တမ်းရုပ်ရှင်နှင့် ပတ်သက်၍ မြေယာဥပေဒများ၏ အကျိုးသက်ရောက်မှုကို လေ့လာနေပြီး၊ ဥပဒေ ပညာရှင် များနှင့်လည်း တိုင်ပင်ညှိနှိုင်းကာ လုပ်ဆောင် သွားမည်ဟုလည်း ဝိုင်းကပြောသည်။
မှတ်တမ်းရုပ်ရှင်အတွင်း လယ်မြေသိမ်းယူမှုကြောင့် လယ်သာ လုပ်ကိုင်စားသောက်တတ်သည့် လယ်သမားများ၏ စားဝတ်နေရေး၊ သားသမီးများ၏ ပညာရေး၊ လယ် သိမ်းယူမှုကြောင့် ပြည်ပနိုင်ငံထွက်ကာ အလုပ် လုပ်နေကြရသည့် လယ်သမားများ၏ ဘဝများကိုလည်း ထည့်သွင်း ရိုက်ကူးသွားမည် ဖြစ်သည်။
“လယ်သမားတိုင်း ကြုံတွေ့နေရတဲ့ အဓိက ပြဿနာ တခုက ဘာလဲဆိုတာ ကျနော် ပိုပြီးတော့ မီးမောင်း ထိုးပြချင် တာပါ။ ဒါတွေဟာ မလုပ်သင့်ပါဘူး ဆိုတာလည်း မီးမောင်း ထိုးပြချင်ပါတယ်။ သူတို့မှာ စားဝတ်နေရေးတွေ ကျန်းမာရေးတွေ ဆုံးရှုံးမှုတွေ ဖြစ်နေတယ် ဆိုတဲ့ အချက်က အဓိက အရေးပါပါတယ်” ဟုလည်း ဝိုင်းက ပြောသည်။
အဆိုပါ မှတ်တမ်းရုပ်ရှင်အတွက် လယ်မြေသိမ်းယူမှု ဖြစ်စဉ်များ ဖြစ်ပေါ်နေသည့် ရန်ကုန်တိုင်း၊ မန္တလေးတိုင်း၊ တနင်္သာရီတိုင်း၊ ရှမ်းပြည်နယ် တို့သို့ ကွင်းဆင်းကာ ရိုက်ကူးမည်ဖြစ်ပြီး ရိုက်ကူးပြီးစီး ချိန်တွင် တနိုင်ငံလုံးသို့ ဖြန့်ချိ ပြသ သွားမည်ဟု ဆိုသည်။
ထို မှတ်တမ်းတင် ရုပ်ရှင်ကား ရိုက်ကူးလိုမှုနှင့် ပတ်သက်၍လည်း အာဏာပိုင်များဘက်မှ တုန့်ပြန်နိုင်မှုနှင့် ပတ်သက်၍ “ဒီကားကတော့ သူတို့ရဲ့ သဘောထား ကြီးမှုနဲ့ ဒီမိုကရေစီ လမ်းပေါ် လျှောက် မလျှောက်ဆိုတာ ဒီကားက အဖြေပါပဲ” ဟု ဝိုင်းက ပြောသည်။
ကုမ္ပဏီများ မြေယာသိမ်းယူမှုနှင့် ပတ်သက်၍ ဇေကမ္ဘာကုမ္ပဏီနှင့် ရန်ကုန်တိုင်း မင်္ဂလာဒုံမြို့နယ်၊ ပုလဲမြို့သစ် ရွှေနံ့သာနှင့် ပေါင်းကူရွာ တို့မှ လယ်သမားတို့ အချင်းများလျက် ရှိနေပြီး ဇေကမ္ဘာ ကုမ္ပဏီသည် အဆိုပါဒေသရှိ
လယ်ဧက ၈၀၀ ကျော်ကို စက်မှုဇုန် စီမံကိန်းအတွက် ၂၀၁၀ ခုနှစ်အတွင်း သိမ်းယူခဲ့ခြင်း ဖြစ်သည်။
လယ်မြေများပေါ်တွင် စီမံကိန်း ဆိုင်းငံ့ရန်နှင့် ယခုနှစ်အတွက် ထွန်ယက် စိုက်ပျိုးခြင်း မပြုလုပ်ရန် မင်္ဂလာဒုံမြို့နယ် အုပ်ချုပ်ရေးမှူး ရုံးမှ ယခုလ ၉ ရက်နေ့တွင် တားမြစ်ချက် ထုတ်ပြန် ထားသည်။
လယ်သမားများ၏ နစ်နာမှုများကို တင်ပြတောင်းဆိုနိုင်ရန်နှင့် ပုဂ္ဂလိကပိုင် ကုမ္ပဏီများမှ လယ်မြေသိမ်းယူမှု များကို ကာကွယ်နိုင်ရန် ဖြေရှင်းရန် “စုပေါင်းညီညာ စက်မှုလယ်ယာ ကုမ္ပဏီ” ကို ယခုလ ၁၇ ရက်နေ့တွင် မှတ်ပုံတင်မည် ဟုလည်း ရွှေနံ့သာ လယ်သမားများ အရေး လိုက်ပါဆောင်ရွက်ပေးနေသူ မတူကွဲပြားခြင်းနှင့် ငြိမ်းချမ်းရေး ပါတီ ဥက္ကဋ္ဌ ဦးနေမျိုးဝေက မဇ္ဈိမကို ပြောသည်။
“ကျနော်တို့က စက်မှုလယ်ယာ ကုမ္ပဏီတခု တည်ထောင်မယ်၊ ကုမ္ပဏီတွေရဲ့ နှောက်ယှက်တာတွေ လူလည် ကျတာတွေ ခံရတာကြောင့် စနစ်တကျ စုစည်းပြီး ထူထောင်မယ်။ လယ်ယာ ထွက်ကုန်တွေကို ကုမ္ပဏီကနေ ကျနော်တို့ ရောင်းမယ်” ဟု ဦးနေမျိုးဝေက ပြောသည်။
Ref: မဇ္ဈိမ
မူးယစ်ဂိုဏ်း အဖွဲ့ဝင် ၂၅ ဦး လက်နက်ချ အလင်းဝင်
2012-05-15
ရွှေတြိဂံနယ်မြေက မူးယစ်ဆေးဝါးနဲ့ ပတ်သက်ပြီး နာမည်ကြီးတဲ့ စိုင်းနော်ခမ်းရဲ့ အဖွဲ့ဝင် ၂၅ ဦးဟာ တာချီလိတ် မြို့နယ်က တပ်စခန်း တစ်ခုမှာ မနေ့ ညနေပိုင်းက လက်နက်နဲ့ ငြိမ်းချမ်းရေး လဲလှယ် ၀င်ရောက်ခဲ့ပြီး ဒီကနေ့ မနက်ပိုင်းမှာတော့ အခမ်းအနားနဲ့ ကြိုဆိုခဲ့ကြတယ်လို့ သတင်း ရရှိပါတယ်။
မြန်မာအပါအ၀င် ဒေသတွင်းနိုင်ငံတွေက အလိုရှိနေတဲ့ မူးယစ်ဂိုဏ်းခေါင်းဆောင် စိုင်းနော်ခမ်းကို ပြီးခဲ့တဲ့ ဧပြီလကုန်ပိုင်းက လာအို အာဏာပိုင်တွေက ရွှေတြိဂံဒေသမှာ ဖမ်းဆီး ရမိ လိုက်ပြီးနောက် သူရဲ့ အဖွဲ့သားတွေဖြစ်ကြတဲ့ ဦးယောဟန် ဦးဆောင်တဲ့ အဖွဲ့ဝင် ၆ ဦး၊ ဦးယားအီ ဦးဆောင်တဲ့ အဖွဲ့ဝင် ၁၅ ဦးနဲ့ ဦးအားထူ ဦးဆောင်တဲ့ အဖွဲ့ဝင် ၄ ဦး တို့ဟာ တာချီလိတ်မြို့ အခြေစိုက် ခမရ ၃၅၉ တပ်ရင်းကို လက်နက်ချ အလင်း ၀င်ခဲ့ကြတာ ဖြစ်တယ်လို့ အာဏာပိုင်တွေနဲ့ နီးစပ်သူထံမှ သိရပါတယ်။
သူတို့ ၃ ဖွဲ့ဟာ M16 , M22 အမျိုးအစား မောင်းပြန်ရိုင်ဖယ်တွေ၊ AK 47 မောင်းပြန်ရိုင်ဖယ်တွေ၊ လောင်ချာသေနတ်တွေ၊ ပစ္စတိုတွေနဲ့  မိုင်းဗုံးတွေ ယူဆောင် လာကြပြီး နာရီပိုင်း အတွင်း တစ်ဖွဲ့စီ ၀င်ရောက် လာကြတာ ဖြစ်တယ်လို့ သိရပါတယ်။
ဒီကနေ့ မနက်ပိုင်းမှာတော့ ခမရ ၃၅၉ တပ်ရင်း ရိပ်သာခန်းမမှာ ရှမ်းပြည်အရှေ့ပိုင်း တာချီလိတ် စစ်ဗျူဟာမှူး ဗိုလ်မှူးကြီးခင်မောင်စိုး၊ ခရိုင် အုပ်ချုပ်ရေးမှူး ဦးသက်လွင်နဲ့ မြို့နယ် အုပ်ချုပ်ရေးမှူး ဦးရဲထူးတို့ ဦးဆောင်ပြီး ကြိုဆိုပွဲနဲ့ ထောက်ပံ့ရေး ပစ္စည်း ပေးအပ်ပွဲ အခမ်းအနား လုပ်ခဲ့တယ်လို့ အာဏာပိုင်နဲ့ နီးစပ်သူတစ်ဦး ထံမှ သိရှိရပါတယ်။
မူးယစ်မှောင်ခို ဂိုဏ်းခေါင်းဆောင် စိုင်းနော်ခမ်းအဖွဲ့ဟာ ထိုင်း မြန်မာနဲ့ လာအိုနိုင်ငံတွေရဲ့ နယ်နမိတ်ချင်း ထိစပ်ရာ ရွှေတြိဂံဒေသက ရှမ်းပြည် အရှေ့ပိုင်း တာချီလိတ် နယ်အတွင်းမှာ အခြေပြု လှုပ်ရှားနေတဲ့ အဖွဲ့ တစ်ဖွဲ့ဖြစ်ပြီး မူးယစ်ဆေး မှောင်ခို ကုန်ကူးတာနဲ့ မဲခေါင်မြစ် အတွင်း ဖြတ်သန်း သွားလာတဲ့ သဘောင်္၊ စက်လှေတွေကို ဆက်ကြေးကောက်တာ၊ ပစ်ခတ် တိုက်ခိုက်တာတွေနဲ့ နာမည်ကြီးတဲ့ အဖွဲ့ တစ်ဖွဲ့ဖြစ်ပါတယ်။
Ref: RFA News
Subscribe to:
Posts (Atom)
Posts
