နေပြည်တော်

Friday, March 30, 2012

အာဏာရှင်နှင့်ပေါင်းသင်းခြင်း

ဂါမဏိ

မြောက်ကိုးရီးယား၊ ဇင်ဘာဘွေ နဲ့ မြန်မာနိုင်ငံတို့ဟာ ကမ္ဘာပေါ်မှာ အဆိုးသွမ်းဆုံး အာဏာရှင် နိုင်ငံဘွဲ့ထူး ဂုဏ်ထူးကို သူတလှည့် ငါတလှည့် အပြိုင်အဆိုင် ဆွတ်ခူးနေကြတဲ့ နိုင်ငံတွေ ဖြစ်ပါတယ်။ ဒီ ၃ နိုင်ငံထဲမှာ ဇင်ဘာဘွေနဲ့ မြန်မာတို့ မှာတော့ လောက်လောက် လားလား အတိုက်အခံတွေ ရှိနေပြီး အာဏာရှင်နဲ့ အတိုက်အခံ နိုင်ငံရေး ကစားကြတာတွေ၊ နိုင်ငံတကာရဲ့ ကစားကွက်တွေကို တွေ့ရပါတယ်။ အထူးသဖြင့် အာဏာရှင်တွေက ပြည်တွင်း အခြေအနေတွေကို နိုင်နင်းအောင် မကိုင်တွယ် နိုင်တော့တဲ့ အခါ အတိုက်အခံ အင်အားစုတွေနဲ့ အပေးအယူလုပ် ကစားတာတွေ ရှိတတ်ပါ တယ်။ (ဒါပေမဲ့ အာဏာရှင်တွေဟာ သူတို့ အကြပ်အတည်း ဆိုက်တာကို ဘယ်တော့မှ ဝန်ခံလေ့ မရှိပါဘူး။)

ဇင်ဘာဘွေနိုင်ငံဟာ ၂၀၀၈ ခုနှစ်မှာ ငွေကြေးဖောင်းပွမှုနှုန်း ၁၃,၀၀၀,၀၀၀,၀၀၀ ရာခိုင်နှုန်း အထိ ရောက်ခဲ့ပါတယ် (ဇင်ဘာဘွေဒေါ်လာ ၁၀၀,၀၀၀,၀၀၀,၀၀၀,၀၀၀ တန်ငွေစက္ကူ ထုတ်ခဲ့ရတယ်)။ အလုပ်လက်မဲ့ ၉၅ ရာခိုင်နှုန်းအထိ ရောက်ခဲ့ပါတယ်။ လူဦးရေ ၁၂ သန်းရှိတဲ့နိုင်ငံမှာ ပြည်သူ ၃ သန်း နိုင်ငံခြားထွက် အလုပ် လုပ်ကြရပါတယ်။ ကျန်းမာ ရေးစနစ် ပြိုလဲနေလို့ ကာလဝမ်း ကပ်ဘေး တနှစ်ကြာ ဆိုက်ပြီး လူတသိန်း ဝမ်းရောဂါဖြစ်၊ ၅၀၀၀ လောက် သေခဲ့ပါ တယ်။

၂၀၀၈ ခု မတ်လ ပါလီမန်ရွေးကောက်ပွဲမှာ ရှဗန်ဂီရိုင်ခေါင်းဆောင်တဲ့ အတိုက်အခံအမ်ဒီစီပါတီက ၉၉ နေရာ၊ မူဂါဘီ ခေါင်းဆောင်တဲ့ အစိုးရပါတီ ဇာနူး-ပီအက်ဖ်က ၉၇ နေရာ၊ အမ်ဒီစီ ခွဲထွက်အဖွဲ့က ၁၀ နေရာရခဲ့ပြီး သမတရွေး ကောက်ပွဲမှာတော့ ရှဗန်ဂီရိုင် က ၄၇.၉ ရာခိုင်နှုန်း၊ မူဂါဘီက ၄၃.၂ ရာခိုင်နှုန်း ရခဲ့တယ်လို့ ရွေးကောက်ပွဲကော်မရှင် ကဆိုပြီး မဲ ၅၀ ရာခိုင်နှုန်းမရလို့ ဒုတိယအကြော့ ရွေးကောက်ပွဲ ထပ်လုပ်ခိုင်း ခဲ့ပါတယ်။ တကယ်တော့ ရှဗန်ဂီရိုင်ဟာ ၅၀.၃ ရာခိုင်နှုန်းရခဲ့ပေမဲ့ မူဂါဘီက မဲလိမ်ခဲ့တာ ဖြစ်လို့ ဒုတိယအကြော့ ရွေးကောက်ပွဲကို အတိုက်အခံပါတီက သပိတ် မှောက်ခဲ့ပါတယ်။ ရွေးကောက်ပွဲကာလ အတွင်း မူဂါဘီရဲ့ ပါတီနဲ့ လုံခြုံရေး တွေက အတိုက်အခံနဲ့ ပြည်သူလူထု ၂၀၀ ကျော်ကို သတ်ခဲ့ပါတယ်။

ဒီလိုနဲ့ တယောက်ထဲပြိုင်တာ ၈၅ ရာခိုင်နှုန်းကျော်မဲရပြီး သမတဖြစ်လာပေမဲ့ အဖက်ဖက်က အကြပ်ဆိုက် နေတဲ့ အာဏာရှင် မူဂါဘီဟာ ၂၀၀၈ စက်တင်ဘာ ၁၅ ရက်မှာတော့ အာဖရိက တောင်ပိုင်းအသင်းရဲ့ ကြားဝင် စေ့စပ်ပေးမှုနဲ့ အာဏာ ခွဲဝေရေး သဘောတူ စာချုပ်ကို လက်မှတ် ထိုးလိုက်ရပါတယ်။ လက်မှတ်ထိုးပြီး တလအကြာမှာ ဇင်ဘာဘွေ စစ်တပ်က နိုင်ငံပိုင် စိန်တွင်းကို အဓမ္မ ဝင်သိမ်းပိုက် ခဲ့ပါတယ်။

၂၀၀၉ ဖေဖော်ဝါရီလမှာပေါ်လာတဲ့ အမျိုးသားညီညွတ်ရေးအစိုးရမှာ မူဂါဘီက သမတ၊ ရှဗန်ဂီရိုင်က ဝန်ကြီးချုပ်၊ ဇာနူး-ပီအက်ဖ် ပါတီက ကာကွယ်ရေး၊ လုံခြုံရေး၊ နိုင်ငံခြားရေး၊ တရားရေး၊ ရဲ၊ အကျဉ်းဦးစီး၊ ထောက်လှမ်းရေး စတဲ့ ဌာနများ၊ အမ်ဒီစီက ဘဏ္ဍာရေး၊ ကျန်းမာရေး၊ ပြန်ကြားရေး၊ အခြေခံဥပဒေရေးရာ စတဲ့ဝန်ကြီး နေရာများရပြီး ပြည်ထဲ ရေးဝန်ကြီးနေရာမှာ တပါတီကို တယောက်နဲ့ ၂ ယောက် ထားပါတယ် (ပြည်ထဲရေးဝန်ကြီး ၂ ယောက်ထားတာ ကမ္ဘာ မှာ ဒီတနိုင်ငံဘဲရှိမယ်ထင်ပါတယ်)။ မကြာခင်မှာဘဲ မူဂါဘီက အမ်ဒီစီ ပြန်ကြားရေး ဝန်ကြီးကို ဖြုတ်ပစ် လိုက်ပါတယ်။ အမ်ဒီစီ ပြည်နယ် အုပ်ချုပ်ရေးမှူး (ပြည်နယ်ဝန်ကြီးချုပ်) တွေကိုလဲ အသိအမှတ် မပြု၊ အာဏာ လွှဲမပေးခဲ့သလို ဗဟို ဘဏ်ဥက္ကဌ နဲ့ ရှေ့နေချုပ် နေရာတွေကိုလဲ ဇွတ်အတင်း ရယူခဲ့ပါတယ်။ တကယ်တော့ အမ်ဒီစီပါတီကို စီးပွားရေး ချွတ်ခြုံကျမှု ကယ်တင်ရေး၊ စီးပွားရေး ပိတ်ဆို့မှု ဖယ်ရှားရေး အတွက်ဘဲ အဓိက အားဖြင့် နေရာ ပေးခဲ့တာဖြစ်ပါတယ်။ ဒီလို ပူးပေါင်းမယ့် သဘောတူညီချက်ကို အမ်ဒီစီ ပါတီထဲမှာ အဲဒီအချိန်က ဆန့်ကျင်မှုတွေ ရှိခဲ့ပါတယ်။
XXX
ကောင်းကွက်တွေကတော့ သတ်တာ ဖြတ်တာတွေနည်းသွားတယ်၊ တခြားအကြမ်းဖက်မှုတွေ ဖမ်းဆီး ထောင်ချမှုတွေ အရင်ထက်စာရင် လျော့သွားပါတယ်၊ ဖမ်းရင်လဲ ခဏနဲ့ပြန်လွတ် သို့မဟုတ် အာမခံ ပေးပါတယ်။ ၂၀၀၉ ဇူလိုင်လမှာ ဘီဘီစီ နဲ့ စီအဲန်အဲန် သတင်းဌာနတွေကို ဖွင့်ပေးလိုက်တာ၊ ဖေဖော်ဝါရီလမှာ အတိုက်အခံ ခေါင်းဆောင် ဘီတီကို နိုင်ငံတော် သစ္စာဖောက်မှု နဲ့ တရား စွဲထားတာကို ပလပ်လိုက်တာ၊ ကမ္ဘာ့ ဒုက္ခသည်များနေ့ ဆန္ဒပြပွဲတုံးက အမျိုးသမီး ၄ ယောက် ဖမ်းဆီးခံရ ကိုယ်ထိ လက်ရောက် စော်ကားခံရမှုကို ဇူလိုင်လမှာ တရားရုံးက စုံစမ်း စစ်ဆေးခိုင်းတာ၊ အောက် တိုဘာလမှာ လူ့အခွင့်အရေး လှုပ်ရှားသူ ၈ ယောက်ကို တရားသေ လွှတ်လိုက်တာတွေ ရှိပါတယ်။ ၂၀၁၀ မေလမှာ အမ်ဒီစီအမတ် ရွိုင်ဘင်းနက်ကို နိုင်ငံတော် သစ္စာဖောက်မှုနဲ့ စွဲထားရာက တရားသေ လွှတ်ပေးလိုက်တယ် (ဒါပေမဲ့ ဝန်ကြီး ရာထူး ပေးဖို့ကိုတော့ မူဂါဘီက ဆက်လက် ပိတ်ပင် နေပါတယ်)။

၂၀၀၉ နှစ်ဆန်းမှာ ဇင်ဘာဘွေဒေါ်လာကို တရားဝင်ဖျက်သိမ်းလိုက်ပြီး တောင်အာဖရိက ငွေနဲ့ အမေရိကန် ဒေါ်လာတွေနဲ့ အစားထိုး သုံးစွဲ လိုက်တဲ့အတွက် စီးပွားရေး တိုးတက် လာသလို အရင်က ပိတ်ဆို့ထားတဲ့ နိုင်ငံတကာ အထောက်အပံ့တွေ ပြန်ဝင် လာတာတွေ ကြောင့်လဲ စီးပွားရေး နည်းနည်း အဆင်ပြေ လာပါတယ်။ (ဇာနူး-ပီအက်ဖ် ခေါင်း ဆောင်ပိုင်းတွေ အပေါ် ဒဏ်ခတ် ပိတ်ဆို့မှုတွေတော့ မရုပ်သိမ်း သေးပါဘူး။) အလုပ်လက်မဲ့ နှုန်းကတော့ ‘၇၀ ရာခိုင် နှုန်း’ ကို ကျသွားပါတယ်။ မီဒီယာ ကော်မရှင် သစ်ကလဲ သတင်းစာသစ် သတင်းဌာနသစ် လိုင်စင် ၈ ခုလောက် ချပေးခဲ့ပါတယ် (ကန့်သတ် ချုပ်ချယ်တဲ့ မီဒီယာ ဥပဒေဟောင်းတွေ ကိုတော့ မပယ်ဖျက် သေးပါဘူး)။

၂၀၁၀ ဖေဖော်ဝါရီမှာတော့ အခြေခံဥပဒေအသစ်ရေးဆွဲရေးလုပ်ငန်းစဉ် စတင် အသက်ဝင် လာပါတယ် (ဒါပေမဲ့ အကြမ်းဖက် ဟန့်တား နှောင့်ယှက်မှုတွေကြောင့် အောက်တိုဘာလမှာ ရပ်နားလိုက်ရတယ်)။ ၂၀၁၂ ရွေးကောက်ပွဲ အမှီ အခြေခံ ဥပဒေအသစ် ထွက်ဖို့ နှစ်ဖက် သဘောတူ ထားပါတယ်။

၂၀၀၉ ခုနှစ်ထဲမှာ အမ်ဒီစီလွှတ်တော်အမတ် အနည်းဆုံး ၁၆ ယောက်ကို ဓားပြမှု၊ မုဒိမ်းမှု၊ အကြမ်းဖက်မှု၊ ဓာတ်မြေသြဇာ ရောင်းစားမှု စတဲ့ ရာဇဝတ်မှု ပုဒ်မတွေနဲ့ ဖမ်းထားပါတယ်။ ဒီထဲက ၇ ယောက်ကို ထောင်ချလိုက်ပြီး ၄ ယောက် ကို အမတ်အဖြစ်က ပယ်ဖျက် လိုက်ပါတယ်။ အမ်ဒီစီ ဒုဝန်ကြီး မာလန်ဂူကို လက်ကိုင်ဖုံးခိုးမှုနဲ့ တရား စွဲထားပါတယ်။ အထက်လွှတ်တော် အမတ် ရွိုင်ဘင်းနက်ကို တရားမဝင် လက်နက် ကိုင်ဆောင်မှု၊ နိုင်ငံတော် သစ္စာဖောက်မှုတို့နဲ့ တရား စွဲခဲ့ပါတယ်။

နှစ်ဖက် သဘောတူ စာချုပ်အရ အခြေခံဥပဒေသစ်ဆွဲဖို့ ဆွေးနွေးညှိနှိုင်းတာကိုလဲ ဇာနူး-ပီအက်ဖ် စွမ်းအားရှင် တွေက ပုလိပ်တွေရှေ့မှောက်မှာဘဲ အကြမ်းဖက်ဖြိုခွဲ ပိတ်ပင်ခဲ့ပါတယ်။ အမ်ဒီစီ ခေါင်းဆောင် တယောက်ရဲ့အမေ အသက် ၇၃ နှစ်အရွယ် မလီလို ကိုလဲ ဝိုင်းရိုက်ခဲ့လို့ ဆေးရုံ တင်ရပါတယ်။ ဒါပေမဲ့ အကြမ်းဖက်သူ ဘယ်သူမှ အရေးမယူ ခံရပါဘူး။ အမ်ဒီစီက ဘဏ္ဍာရေး ဝန်ကြီးဘီတီရဲ့ ခြံစောင့်ကို သြဂုတ်လမှာ စစ်သား ၃ ယောက်က ဝိုင်းထိုးခဲ့ပါတယ်။ ဘဏ္ဍာရေး ဝန်ကြီး ဆီကိုလဲ စာအိပ်ထဲ ကျည်ဆံ ထည့်ပို့တာ ရှိခဲ့ပါတယ်။

အမ်ဒီစီပါတီဝင်တင်မက လူ့အခွင့်အရေးအဲန်ဂျီအိုအဖွဲ့ဝင် ၁၂ ယောက်လဲ အဖမ်းခံခဲ့ရပါတယ်။ လွတ်လပ်တဲ့ သတင်း စာတွေ ထုတ်ဝေခွင့် မရအောင် အမျိုးမျိုး ညစ်တာတွေ ဆက်လုပ် ခဲ့ပါတယ်။
၂၀၀၉ သြဂုတ်လမှာ ကျောင်းသား သမဂ္ဂခေါင်းဆောင် ၄ ယောက်ကို တရားဟောနေတုံး ဖမ်းခဲ့ပါတယ်။ နယ်တွေမှာ မဲရုံစောင့် လုပ်ခဲ့ဖူးတဲ့ ကျောင်းဆရာတွေ၊ သပိတ်မှောက်ရာမှာ ပါခဲ့တဲ့ ကျောင်းဆရာ ဆရာမတွေကို ရိုက်နှက်တာ၊ ခြိမ်းခြောက် နှောင့်ယှက် တာတွေ တောက်လျှောက် လုပ်ခဲ့ပါတယ်။ နိုဝင်ဘာလမှာ လယ်ယာ လုပ်သားသမဂ္ဂ အတွင်းရေးမှူး အိမ်ကို စွမ်းအားရှင်တွေ ဝင်စီးခဲ့ပါတယ် (ကံကောင်းလို့ လွတ်သွားခဲ့ပါတယ်)။ အောက်တိုဘာလမှာ ဝန်ကြီးချုပ် ရှဗန် ဂီရိုင် ဖိတ်ခေါ်ထားတဲ့ ကုလသမဂ္ဂ ညှဉ်းပန်း နှိပ်စက်မှု စုံစမ်းရေး သမားကို မူဂါဘီက လေဆိပ်ကနေ ပြန်မောင်းထုတ် ခဲ့ပါတယ်။

၂၀၀၉ ခု ဖေဖော်ဝါရီလထဲမှာ လူ့အခွင့်အရေးရှေ့နေ ၂ ယောက်ကိုဖမ်းခဲ့ပါတယ်။ မေလမှာတော့ နာမည်ကြီး လူ့ အခွင့်အရေး ရှေ့နေ မုချဒယ်ဟာမာနဲ့ တရားစွဲ ခံနေရတဲ့ အမ်ဒီစီအမတ် တယောက်ရဲ့ရှေ့နေ ဆင်ဂွင်နီကို ဖမ်းခဲ့ပါ တယ်။ အမ်ဒီစီ အထက်လွှတ်တော် အမတ် ရွိုင်ဘင်းနက်ကို အာမခံပေးလိုက်တဲ့ တရားသူကြီး ချီပတ်ဒ်ဇီကိုလဲ ရဲက မတ်လဆန်းမှာ ဖမ်းခဲ့ပါတယ်။ ၂၀၀၉ မတ်လ ၃၁ ရက်မှာ အလွတ် သတင်းထောက် မူဆင်ဂီကို ဗီအိုအေက လွှင့်တဲ့ မြေသိမ်းမှု သတင်းကြောင့် ဖမ်းခဲ့ပါတယ်။ မေလထဲမှာ လူ့အခွင့်အရေး နဲ့ နိုင်ငံရေးလှုပ်ရှားသူ ၁၈ ယောက်ကို အကြမ်းဖက်မှု ပုဒ်မတပ် ထောင်ချခဲ့ပါတယ်။ တရားရုံးသတင်း ဖော်ပြခဲ့တဲ့ ဇင်ဘာဘွေ လွတ်လပ်ရေး စာစောင်အယ်ဒီတာ ချီမာကုရီ နဲ့ ကာဟိယ တို့ကို မေ ၁၁ ရက်မှာ နိုင်ငံတော် အကြည်ညို ပျက်စေမှုနဲ့ ဖမ်းဆီး တရားစွဲခဲ့ပါတယ်။ မူဂါဘီဟာ ဇာနူး-ပီအက်ဖ် စွမ်းအားရှင် တသောင်းကို လူငယ်ဖွံ့ဖြိုးရေး ဝန်ကြီးဌာန ဝန်ထမ်းတွေ အဖြစ် လစာပေးထားတာ အောက်တိုဘာ လမှာ ပေါ်ထွက် လာပါတယ်။ ဇူလိုင်လမှာ အမ်ဒီစီလှုပ်ရှားသူ ကာတိယို ဆိုတဲ့ အမျိုးသမီးကို ဇာနူး-ပီအက်ဖ် ကြံ့ဖွတ် တွေက ဝိုင်းဝန်း ထိုးကြိတ်ရိုက်နှက် ကန်ကျောက်ခဲ့ပါတယ်။

၂၀၁၀ ခုနှစ်အစောပိုင်းမှာ အလွတ်တန်းဓာတ်ပုံသတင်းထောက် အင်ဒါဆန်မန်ယေးရီကို ၃ ခါ ဖမ်းခဲ့ပါတယ်။ တကြိမ် က တရားရုံးရှေ့မှာ ဓာတ်ပုံရိုက်လို့၊ တကြိမ်က အမျိုးသမီး အဖွဲ့ ချီတက်ပွဲကို ဓာတ်ပုံရိုက်လို့၊ တကြိမ်က ဇင်ဘာဘွေ ကြံ့ဖွတ်တွေရဲ့ နိုင်ငံတကာ စီးပွားရေး ပိတ်ဆို့မှု ဆန့်ကျင်ဆန္ဒပြပွဲကို ဓာတ်ပုံရိုက်လို့ ဆိုပြီး ဖမ်းခဲ့တာတွေ ဖြစ်ပါတယ်။ ဇန်နဝါရီ လထဲမှာဘဲ တောင်အာဖရိက နိုင်ငံမှာထုတ်တဲ့ ဇင်ဘာဘွေသား အပတ်စဉ် ဂျာနယ် ဖြန့်ချိရေး ကုမ္ပဏီ ဒါရိုက် တာ မဒ်ဇီမူရီ နဲ့ မုတန်ဒီရို တို့ကို ဇင်ဘာဘွေ ပုလိပ်က ဖမ်းပြီး တရားရုံးတင်ခဲ့ပါတယ်။ ၂၀၁၀ ပထမလေးလအတွင်း သတင်းစာဆရာ အနည်းဆုံး ၁၅ ယောက် ဖမ်းဆီး သို့မဟုတ် ရိုက်နှက် သို့မဟုတ် နှောင့်ယှက်ခံခဲ့ရပါတယ်။ ဇန်နဝါရီ လထဲမှာဘဲ ပုလိပ်တွေက အမျိုးသမီး ဆန္ဒပြ သမားတွေကို ရိုက်နှက်ခဲ့ပါတယ်။

လွတ်လပ်တယ်ဆိုတဲ့ မီဒီယာကော်မရှင်ကို ၂၀၁၀ ဖေဖော်ဝါရီကျမှ ထူထောင်ခွင့်ပေးခဲ့ပေမဲ့ အရင်အစိုးရ ထိန်းချုပ်ခံ မီဒီယာကော် မရှင်ဟောင်းရဲ့ ဥက္ကဌကဘဲ ကော်မရှင်သစ်မှာ ဥက္ကဌ လုပ်ပါတယ်။ ဖေဖော်ဝါရီလ ထဲမှာ ဇင်ဘာဘွေ အလုပ်သမား သမဂ္ဂရုံးကို ပုလိပ်တွေ ဝင်စီးခဲ့တဲ့ အတွက် အလုပ်သမား ခေါင်းဆောင် ဟမ်ဘီရာ ထွက်ပြေး ပုန်းအောင်း ခဲ့ရတယ်။

၂၀၁၀ မတ်လထဲမှာ ဝန်ကြီးချုပ်ကို အကြောင်းမကြား ခွင့်မတောင်းဘဲ ပြန်ကြားရေး၊ အခြေခံ ဥပဒေရေးရာ၊ သိပ္ပံနဲ့ နည်းပညာ၊ နိုင်ငံပိုင် စီးပွားရေး လုပ်ငန်းတို့ ကိုကိုင်တဲ့ အမ်ဒီစီဝန်ကြီး ၄ ယောက်ကို ဖြုတ်ပစ်လိုက်ပြီး ဇာနူး-ပီအက်ဖ် ပါတီကို ဒီဝန်ကြီး ဌာနတွေ ပေးလိုက်တယ်။ ဒီလထဲမှာဘဲ ပန်းချီဆရာမာဆီကို ကို ဆူပူ မှုလှုံ့ဆော်တဲ့ ပန်းချီ ပြပွဲလုပ်လို့ ဆိုပြီး ၂ ရက်ကြာ ဖမ်းဆီး ထိန်းသိမ်းခဲ့ပြီး ဓာတ်ပုံပြပွဲ ၃ ပွဲကိုလဲ အာဏာပိုင်တွေက ပိတ်ပစ်ခဲ့ပါတယ်။

အခြေခံဥပဒေရေးဆွဲရေး လူထုဆွေးနွေးပွဲတွေကို ဇာနူး-ပီအက်ဖ်စွမ်းအားရှင်တွေက အကြမ်းဖက်တာတွေ၊ အမ်ဒီစီ ပါတီဝင်တွေ လူ့အခွင့်အရေး လှုပ်ရှားသူတွေကို ဖမ်းဆီး တရားစွဲတာတွေ၊ အိုးအိမ် မြေယာ ဖျက်ဆီးမှုတွေ ၂၀၁၀ ခုနှစ် အတွင်း အကြိမ် ၁၀၀၀ ကျော် ရှိခဲ့ပါတယ်။ အမျိုးသမီးအရေး လှုပ်ရှားသူ ၈၃ ယောက် ဖမ်းခံရပါတယ်။ အခြေခံဥပဒေ ဆွေးနွေးပွဲကို ဇာနူး စွမ်းအားရှင်တွေ တိုက်ခိုက်ရာမှာ တယောက် သေခဲ့ပါတယ်။

၂၀၁၁ ခု ဖေဖော်ဝါရီ ၂၁ ရက်မှာ အာရပ်အုံကြွမှုလေ့လာရေးဆွေးနွေးပွဲကို ပုလိပ်တွေက စီးနင်းပြီး အစည်းအဝေး တက်သူ ၄၆ ယောက်ကို ဖမ်းခဲ့ပါတယ်။ မတ်လ ၁ ရက်နေ့မှာ လူတသန်း ချီတက် ဆန္ဒပြဖို့ လှုံ့ဆော်ခဲ့ပေမဲ့ ဖေဖော်ဝါရီ ၂၆ ရက်ကစပြီး ပုလိပ်တွေ အင်အား အလုံးအရင်းနဲ့ မြို့ထဲချထားပြီး ၂၈ ရက်နေ့မှာ ညမထွက်ရ အမိန့် ထုတ်ခဲ့လို့ ချီတက်ပွဲ မဖြစ်ခဲ့ပါဘူး။ ဇွန်လဆန်းမှာ အမ်ဒီစီပါတီ အထွေထွေ အတွင်းရေးမှူးဖြစ်တဲ့ ဇင်ဘာဘွေဘဏ္ဍာရေး ဝန်ကြီး ဘီတီရဲ့အိမ်ကို ဗုံးပစ်သွင်း တိုက်ခိုက်မှု ဖြစ်ခဲ့ပါတယ် (အမ်ဒီစီဝန်ကြီးနေအိမ်တွေကို ရဲက လုံခြုံရေးအစောင့် ပေးမထားပါ)။

ဇင်ဘာဘွေမီဒီယာစောင့်ကြည့်ရေးပရောဂျက်က ဒါရိုက်တာအင်ဒရူးမွိုင်စီနဲ့ အရာထမ်း ၃ ယောက်ကို ၂၀၁၁ ဒီဇင်ဘာ ပထမပတ် ထဲမှာ ဖမ်းသွားခဲ့ပါတယ်။ နိုဝင်ဘာလထဲမှာ လွတ်လပ်တဲ့ စတင်းဒတ် သတင်းစာ အယ်ဒီတာ မဒန်ဟိုင်းယား နဲ့ သတင်းထောက် မတ်ရှာဇီတို့ကို ခိုးရာပါ ကျန်းမာရေး အာမခံ ကုမ္ပဏီ စာရွက်စာတမ်းတွေ လက်ခံ ထားရှိမှုနဲ့ ဖမ်းခဲ့ပါ တယ်။ အဲဒီကျန်းမာရေး ကုမ္ပဏီကို ဗဟိုဘဏ် အုပ်ချုပ်ရေးမှူးရဲ့ အကြံပေး အရာရှိ ကီရီကီ ပိုင်ပါတယ်။ လွတ်လပ်တဲ့ ဒေးလီးနယူးစ် သတင်းစာ အယ်ဒီတာ စတန်လီဂါမာ နဲ့ သတင်းထောက် အင်စူဘီ တို့ကိုလဲ မူဂါဘီရဲ့ ဝန်ကြီးချွမ်ဘိုကို အသရေဖျက်မှုနဲ့ ဖမ်းခဲ့တယ်။

၂၀၁၁ ခု နိုဝင်ဘာ ၁ ရက်နေ့မှာ ပုလိပ်တွေက အမ်ဒီစီပါတီဗဟိုဌာနချုပ်ရုံးကို မျက်ရည်ယိုဗုံးတွေ ပစ်ခတ် လူရှင်းပြီး ပိတ်ပစ် လိုက်ပါတယ်။ ဒီဇင်ဘာလဆန်းမှာ လူ့အခွင့်အရေး လှုပ်ရှားသူ ၃ ယောက်ကို ဖမ်းခဲ့ပါတယ်။ ၂၀၁၁ ခုနှစ်ထဲမှာ အမျိုးသမီး သမဂ္ဂဝင် ၂၁ ယောက် အဖမ်းခံခဲ့ရပြီး ငြိမ်းချမ်းစွာ ချီတက် ဆန္ဒပြတဲ့ အမျိုးသမီး ၄၀ ကို ပုလိပ်တွေက ရိုက်နှက် ဖြိုခွဲခဲ့ပါတယ်။
XXX
ဇာနူး-ပီအက်ဖ်ပါတီက လူထုစည်းဝေးပွဲတွေ အလွယ်တကူလုပ်နေနိုင်ချိန်မှာ အမ်ဒီစီပါတီဟာ ပုလိပ်ခွင့်ပြုချက် ရဖို့ မနည်း တောင်းနေရပါတယ်။ တခါတလေလဲ အမ်ဒီစီဝန်ကြီးတွေကို ရဲကဆဲရေး တိုင်းထွာတာ၊ စစ်ဆေးရေး ဂိတ်တွေမှာ ထိန်းထားတာ ရှိတတ်ပါတယ်။ ထောက်လှမ်းရေး တွေဟာ နိုင်ငံထဲ ကြီးစိုးနေဆဲ ဖြစ်ပြီး ပြည်တွင်းရေဒီယိုနဲ့ ရုပ်သံလွှင့် လုပ်ငန်းတွေကိုလဲ မူဂါဘီကဘဲ ဆက်ထိန်းချုပ် ထားသလို မာတာဘီလီ (အဲန်ဒီဘီလီ) တိုင်းရင်းသားတွေကို နိုင်ငံရေး စီးပွားရေး ဖိနှိပ်မှုတွေ ခွဲခြား ဆက်ဆံမှုတွေ ဆက်လုပ်နေဆဲ ဖြစ်ပါတယ်။ သဘောတူချက်မှာ ပါတဲ့ ခြစားမှုတိုက်ဖျက် ရေးကော်မရှင် ကိုတော့ ၂၀၁၁ စက်တင်ဘာ ကျမှ ဖွဲ့စည်းခဲ့ပြီး ဘယ်လောက် လှုပ်ရှားနိုင်မလဲ မသိသေးပါဘူး။ မတရား ချုပ်ချယ်တဲ့ မီဒီယာဥပဒေတွေ၊ လုံခြုံရေး ဥပဒေတွေကိုလဲ မဖျက်သိမ်းသေးပါ။

၂၀၀၉ ခုနိုင်ငံရေးဖြေရှင်းချက်အပြီး နိုင်ငံထဲအလုအယက် တန်းစီဝင်လာတဲ့ နိုင်ငံခြားရင်းနှီး မြှုပ်နှံ သူတွေဟာ ဇာနူး-ပီအက်ဖ်ရဲ့ လက်ဝါးကြီးအုပ် စီးပွားရေး ပေါ်လစီကြောင့် အခုတော့ ပြန်ထွက် နေကြပါပြီ။

လူ့အခွင့်အရေးပြုပြင်ပြောင်းလဲမှုတွေ၊ စီးပွားရေးပြုပြင်ပြောင်းလဲမှုတွေလုပ်မယ်လို့ အားကြိုးမာန်တက် ကြွေးကြော် လုံးပမ်းခဲ့တဲ့ အမ်ဒီစီ ဝန်ကြီးတွေ-အမတ်တွေ အတော်များများဟာလဲ အာဏာရှင်မူဂါဘီ အုပ်စုရဲ့ အဟန့်အတား အခက် အခဲတွေကို ရေရှည် ဆက်ရင်မဆိုင် ချင်တော့ဘဲ လက်ရှိ အနေအထားလေးကို ထိန်းသိမ်း ထားဖို့လောက် ကိုဘဲ အာရုံ စိုက်လာ ပါတော့တယ်။ ဒါပေမဲ့ အများပြည်သူ ကိုတော့ အာဏာရှင်နဲ့ အာဏာခွဲဝေရေးတွေ အောင်မြင်နေကြောင်း ချဲ့ကား ပြောနေကြပါတယ်။

XXX

ကမ္ဘောဒီးယားနိုင်ငံမှာလဲ ၁၉၉၃ ခုမှာ ကုလသမဂ္ဂရဲ့ ရှေ့ဆောင်ကြီးကြပ်မှုနဲ့ အာဏာရှင်နဲ့ အတိုက်အခံ ပေါင်းသင်းခဲ့ ပေမဲ့ ဒီနေ့အထိ သာယာ ဝပြောတဲ့ ဒီမိုကရေစီနိုင်ငံ ဖြစ်မလာဘဲ အာဏာရှင်ဟောင်းက သဏ္ဍာန် နောက်တမျိုးနဲ့ ဆက် လက်ကြီးစိုးနေတဲ့ အကြောင်း နောင် အလျဉ်းသင့်တဲ့အခါ တင်ပြပါအုံးမယ်။

ကိုယ့်သဘောနဲ့ကိုယ် ပလ္လင်ပေါ်က အေးအေးဆေးဆေးဆင်းသွားတဲ့ အာဏာရှင် ကမ္ဘာပေါ်မှာ တယောက်မှ မရှိဘူးလို့ ဝါရင့် သတင်းစာ ဆရာကြီးလူထုစိန်ဝင်း ပြောတာ ကြားဖူး သလိုလိုဘဲ။

ပြည်ပစောင့်ကြည့်သူနှင့် မီဒီယာတွေ မဲရုံနားကပ်ခွင့်မရ

ကျော်ကျော်သိန်း - နန္ဒာချမ်း
ကြာသပတေး, 29 မတ် 2012

ဧပြီလ ၁ ရက်နေ့ လာမယ့် တနင်္ဂနွေနေ့မှာ ကျင်းပဖို့ရှိနေတဲ့ ကြားဖြတ်ရွေးကောက်ပွဲ တွေဟာ လွတ်လပ် မျှတပြီး ပွင့်လင်း မြင်သာတဲ့ ရွေးကောက်ပွဲတွေ ဖြစ်ရမယ် ဆိုတာကို မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်က ဒီကနေ့ ထပ်မံ အာမ ခံလိုက်ပါတယ်။ ဒါပေမဲ့လည်း နိုင်ငံတကာ လေ့လာ အကဲခတ်ရေး အဖွဲ့တွေကတော့ - ဒီကြားဖြတ် ရွေးကောက်ပွဲကို လေ့လာရမယ့် နေရာမှာ အကန့်အသတ်တွေ ရှိနေတဲ့အတွက် တကယ်တမ်း လွတ်လပ် ပွင့်လင်းပြီး တရား မျှတပါ့မလားဆိုတာ စိုးရိမ်စိတ် ရှိနေကြပုံ ပေါ်ပါတယ်။

ဒီကနေ့ မြန်မာအစိုးရ နိုင်ငံခြားရေးရုံးမှာ နိုင်ငံခြားရေးဝန်ကြီး ဦးဝဏ္ဏမောင်လွင်က နိုင်ငံတကာ လေ့လာရေး အကဲခတ် အဖွဲ့တွေကို ရှင်းလင်း ပြောကြားတဲ့ပွဲမှာ ဒီကြားဖြတ် ရွေးကောက်ပွဲနဲ့ ပတ်သက်ပြီးတော့ အဓိက ဘာတွေ ရှင်းလင်း ခဲ့သလဲ ဆိုတာကို ရန်ကုန်မှာ ရောက်နေပြီး ဒီရှင်းလင်းပွဲကို ကိုယ်တိုင် တက်ရောက် သတင်းယူခဲ့တဲ့ ကိုကျော်ကျော်သိန်းက အပြည့်အစုံ ပြောပြ ထားပါတယ်။

ကျော်ကျော်သိန်း။ ။ ဟုတ်ကဲ့ခင်ဗျား။ နိုင်ငံခြားရေး ၀န်ကြီး ဦးဝဏ္ဏမောင်လွင် ရှင်းလင်းသွားတာ ကတော့ ကျနော်တို့ သတင်း မီဒီယာသမားတွေကို ထုတ်ပြန်ထားတဲ့ ဆောင်ရန်၊ ရှောင်ရန် အချက်တွေနဲ့ အတော်လေးကို ဆင်တူပါတယ်။ ဒီကြားဖြတ် ရွေးကောက်ပွဲမှာ ရွေးကောက်ပွဲကို ဘယ်လို လေ့လာစောင့်ကြည့်လို့ ရတယ်၊ ဘာတွေ အကန့်အသတ်ရှိတယ်၊ ဘာတွေ လုပ်ခွင့်ရှိတယ် စသည်အားဖြင့် တော်တော်လေးတော့ ပြည့်ပြည့်စုံစုံ သူပြောသွားပါတယ်။ သွားချင်တဲ့နေရာကို လွတ်လွတ်လပ်လပ် သွားနိုင်တယ် အတားအဆီး အကန့်အသတ် မရှိဘူး။ ကျနော်တို့ တီဗွီ ရုပ်မြင်သံကြားပေါ့လေ ရိုက်လို့ရတယ်။ သတင်း ပို့လို့ရတယ်။ အဲဒါတွေကို သူပြောပါတယ်။

တကယ်လို့ လေ့လာစောင့်ကြည့်သူတွေက အကူအညီတောင်းမယ်ဆိုရင်လည်း နိုင်ငံခြားရေး ၀န်ကြီး ဋ္ဌာနက အပြည့်အ၀ အကူအညီ ပေးမယ်လို့ သူပြောပါတယ်။ စည်းမျဉ်း စည်းကမ်းတွေ ကန့်သတ်ချက်တွေကို သူဖတ်ပြပါတယ်။ တခါ ဒီလေ့လာ စောင့်ကြည့်သူတွေ အတွက် Code of Contents လို့ခေါ်တဲ့ စာအုပ်ငယ်ကိုလည်း ဝေတာကို တွေ့ရပါတယ် ခင်ဗျ။

နန္ဒာချမ်း။ ။ ဒါဆိုရင် ဒီနိုင်ငံတကာကနေ ရောက်ရှိနေတဲ့ ရွေးကောက်ပွဲ စောင့်ကြည့်ရေး အဖွဲ့တွေ ကရော အဓိက စိုးရိမ်မှု ဘာတွေ ရှိသလဲရှင့်၊ ဘာဖြစ်မလဲရှင့်။

ကျော်ကျော်သိန်း။ ။ ဟုတ်ကဲ့ခင်ဗျ။ နိုင်ငံခြားရေး ၀န်ကြီး ရှင်းလင်းအပြီးမှာ သူက လေ့လာ စောင့်ကြည့် သူတွေကို မေးခွန်း မေးခွင့်ပေးပါတယ်။ မီဒီယာသမားတွေကိုတော့ မေးခွန်းမေးခွင့် မပြုပါဘူး။ ဆိုတော့- လေ့လာ စောင့်ကြည့်သူတွေ မေးတဲ့ အထဲမှာ သူတို့ မေးခွန်းတွေ အပေါ်မှာ ကျနော် ခန့်မှန်း ကြည့်ရ သလောက်ကတော့ အဓိက စိုးရိမ် နေကြပုံရတဲ့ အချက်က ဒီရွေးကောက်ပွဲ ကျင်းပတဲ့နေ့မှာ မဲရုံတွေ မဖွင့်ခင်- မဲပေးတဲ့ အချိန်၊ မဲပေးပြီးလို့ မဲတွေ ရေတွက်တဲ့ အချိန်- အဲဒီ တချိန်လုံးမှာ လေ့လာ စောင့်ကြည့် သူတွေရော မီဒီယာ သမားတွေရော မဲရုံအတွင်းကို ၀င်ပြီး လေ့လာလို့ မရဘူး၊ သတင်းယူလို့ မရဘူး။ မဲရုံအပြင် ကိုက် ၅၀၀ အကွာက နေပဲ ကျနော်တို့ သတင်းယူလို့ ရမယ်၊ လေ့လာလို့ ရမယ်ဆိုတဲ့ အချက် ဖြစ်ပါတယ်။

အဓိက ကတော့ လေ့လာစောင့်ကြည့်သူတွေ အနေနဲ့က မဲရုံထဲကို ၀င်ပြီးတော့ သူတို့ လေ့လာခွင့် မရဘူး ဆိုရင် မဲပုံးတွေ သေသေချာချာ ပိတ်ထားသလား၊ မဲပုံးတွေက အလွတ်တွေ ဖြစ်ရဲ့လား၊ အထဲမှာ မဲတွေ ရှိနေလား စသည်အားဖြင့် စစ်ခွင့်မရှိဘူး။ မဲရေတွက်တဲ့ အခါမှာလည်းပဲ သူတို့ မဲရေတွက်တာကို ၀င်ကြည့်ခွင့် မရှိဘူးဆိုရင် ဒီရွေးကောက်ပွဲဟာ လွတ်လပ်ပြီးတော့ ပွင့်လင်း မြင်သာတဲ့၊ တရားမျှတတဲ့ ရွေးကောက်ပွဲ ဖြစ်နိုင်ပါ့မလား။ ဖြစ်လာနိုင်ဖို့ အတွက်က အဲဒီလို ကန့်သတ်ချက်က ဘယ်လောက်ထိ အတားအဆီး ရှိနေသလဲ ဆိုတဲ့အပေါ်မှာတော့ အဓိက စိုးရိမ်ချက် ဖြစ်ပုံရပါတယ် ခင်ဗျ။

နန္ဒာချမ်း။ ။ ဟုတ်ကဲ့ရှင့်။ ဒါဆိုရင် လွတ်လပ်ပြီးတော့ တရားမျှတတဲ့ ရွေးကောက်ပွဲ ဖြစ်ဖို့ပေါ့လေ လက်ရှိ အခြေအနေက ဘယ်လောက် အထိ စိုးရိမ်စရာ ဖြစ်နေတယ်လို့ တခြား ပြည်တွင်းမှာ ရှိနေတဲ့ ရွေးကောက်ပွဲ လေ့လာ စောင့်ကြည့်ရေး အဖွဲ့တွေကရော ပြောလဲရှင့်။

ကျော်ကျော်သိန်း။ ။ ဟုတ်ကဲ့၊ ပြောတာရှိပါတယ်။ ကျနော် ဒီကနေ့ ညနေပိုင်းမှာပဲ ဒီ ရန်ကုန်မြို့က ၈၈ မျိုးဆက် ကျောင်းသား အဖွဲ့ရဲ့ ရုံးခန်းကို ရောက်ပြီးတော့ သူတို့အဖွဲ့က သီးခြား လွတ်လပ်တဲ့ ရွေးကောက်ပွဲ လေ့လာ စောင့်ကြည့်ရေး ကွန်ယက် ဖွဲ့ပြီးတော့ ဒီမဲဆန္ဒနယ် အသီးသီးမှာ လေ့လာ စောင့်ကြည့်တာတွေ လုပ်ပါတယ်။ အဲဒီကနေ သတင်း အချက်အလက်တွေ စုဆောင်းပြီးတော့ ဒါတွေကို စာရင်းပြုစုမယ်။ ပြီးတဲ့ အခါကျရင် ဒီရွေးကောက်ပွဲ ကော်မရှင် ဥက္ကဋ္ဌ ဆီကိုလည်း သူတို့ ရထားသလောက် အချက် အလက်တွေနဲ့ သူတို့ ပေးပို့မယ် စသည်အားဖြင့် သူတို့ ပြောပါတယ်။ ကျနော် ဒီအဖွဲ့ရဲ့ ခေါင်းဆောင် တဦးဖြစ်တဲ့ ကိုကိုကြီးကို ကိုယ်တိုင် တွေ့ဆုံပြီးတော့ မေးတဲ့အခါမှာ ခုန ပြောတဲ့ကန့်သတ်ချက်ပေါ့နော်- မဲရုံအတွင်းကို ၀င်ပြီးတော့ လေ့လာခွင့်မရတဲ့ ကန့်သတ်ချက်က လွတ်လပ်ပြီးတော့ တရားမျှတတဲ့ ရွေးကောက်ပွဲ ဖြစ်ဖို့ ဘယ်လောက်အထိ စိုးရိမ်စရာ ကောင်းလဲ-ဆိုတဲ့ အခြေအနေနဲ့ ပတ်သက်ပြီးတော့ ကိုကိုကြီးက ကျနော့်ကို အခုလို ပြောပြပါတယ် ခင်ဗျ။

ကိုကိုကြီး ။ ။ "နိုင်ငံတကာ စောင့်ကြည့်သူတွေကို ခွင့်ပြုတယ် ဆိုတဲ့ အခါမှာ ဟို “ပေးကားပေး၏ မရ" တော့- မဖြစ်သင့်ဘူး။ တကယ်ကို သူတို့က သေသေချာချာပေါ့လေ- အချက် အလက်တွေကို ရှာဖွေ စုဆောင်းနိုင်တဲ့ အခွင့်အလမ်းမျိုး၊ လေ့လာနိုင်တဲ့ အခွင့်အလမ်းမျိုးတော့ ပေးသင့်တယ်လို့ ကျနော် မြင်တယ်လေ။ အခု ခွင့်ပြုတဲ့အချိန် ကိုယ်နှိုက်က ပြောရရင် အရမ်းကို နည်းလွန်းတယ်။ တကယ့် တကယ်က ရွေးကောက်ပွဲ အကြိုကာလ လေ့လာဖို့ဆိုရင် တလလောက် ကျနော်တို့ အနည်းဆုံး အချိန်ယူဖို့ လိုတယ်။ အခုဟာ ကျနော်တို့ဟာ မဲစာရင်းထဲမှာ ထည့်သွင်းထားတဲ့ လူအရေအတွက်တွေ ကိုယ်နှိုက်က ကျနော်တို့ အငြင်းပွားစရာ အများကြီး ရှိနေတာ။ ဆိုတော့- အခု ရွေးကောက်ပွဲ စောင့်ကြည့်ဖို့ အတွက် နိုင်ငံတကာက လေ့လာသူတွေကို ခွင့်ပြုတယ် ဆိုရင်လည်းပဲ သူတို့အနေနဲ့ ဒါ နိုင်ငံတကာ စံနှုန်းတွေနဲ့ အညီပေါ့လေ- လွတ်လွတ်လပ်လပ် လေ့လာ စောင့်ကြည့် သင့်တဲ့ အခွင့်အလမ်း တွေတော့ ရသင့်တယ်လို့ ကျနော် မြင်တယ်လေ။

ကျော်ကျော်သိန်း။ ။ အဲဒါကတော့ ၈၈ မျိုးဆက်ကျောင်းသားများအဖွဲ့က ခေါင်းဆောင်တဦး ဖြစ်တဲ့ ကိုကိုကြီးပါ။ သူတို့က အချက်အလက်တွေ စုဆောင်းတဲ့ နေရာမှာ အခုချိန်ထိ သူတို့ဆီကို မဲဆန္ဒနယ် အသီး သီးကနေ အချက်အလက်တွေ ၀င်နေပါတယ်။ အဲဒါတွေကို သူတို့ ပြုစုနေပါတယ်။ အဲဒီ သိထားပြီးသမျှ အချက် အလက်တွေက နေပြီးတော့ အခု ကြားဖြတ် ရွေးကောက်ပွဲ အခြေအနေဟာ ဘယ်လိုမျိုး ပုံစံကို ဦးတည်နေသလဲ ဆိုတဲ့ မေးခွန်းပေါ်မှာတော့ ကိုကိုကြီးက အခုလိုမျိုး ဖြေပါတယ် ခင်ဗျ။

ကိုကိုကြီး။ ။ ကျနော်တို့ဆီကို တဦးချင်းကရော အစုအဖွဲ့အလိုက်ရော မဲဆန္ဒနယ်တွေကနေ လှမ်းပို့တဲ့ သတင်း အချက် အလက်တွေ ရှိတယ်။ ဆိုတော့ ကျနော်တို့ အဲဒီ သတင်း အချက်အလက်တွေကို စုဆောင်း ပြီးတော့ ကျနော်တို့ ဒီ မနက်ဖြန်ဆိုရင်ပဲ ရွေးကောက်ပွဲ ကော်မရှင် ဥက္ကဋ္ဌဆီကို ကျနော်တို့ရဲ့ သဘော ထားတွေပေါ့လေ ပေးပို့ဖို့ အစီအစဉ်ရှိတယ်။ လောလောဆယ် မှာတော့ ချို့ယွင်းချက်တွေ တွေ့နေတာတော့ အများကြီးပဲ။

သို့သော် ဒါတွေအားလုံးကို ကျနော်တို့က တရားဝင် အစီရင်ခံစာ ထုတ်တဲ့အခါကျတော့ ကျနော်တို့ လိုအပ်တာတွေ ထောက်ပြပြီးတော့ ကျနော်တို့ တင်ပြ ဆွေးနွေးသွားဖို့ ရှိပါတယ်။

ကျော်ကျော်သိန်း။ ။ အဲဒါကတော့ ရန်ကုန်မြို့မှာ ၈၈ မျိုးဆက်ကျောင်းသား ခေါင်းဆောင် ကိုကိုကြီးကို ကျနော် တွေ့ဆုံ မေးမြန်းခဲ့တာပါ။ ကြားဖြတ် ရွေးကောက်ပွဲနဲ့ ပတ်သက်ပြီးတော့ ၂ ရက်ပဲ လိုတော့တဲ့ အချိန်မှာ ရွေးကောက်ပွဲနဲ့ ပတ်သက်တဲ့ မဲဆွယ်စည်းရုံး ဆိုင်ရာ ပြဿနာတွေ၊ မဲဆန္ဒရှင် စာရင်းဆိုင်ရာ ပြဿနာတွေ- ဒါတွေကတော့ အခုချိန်ထိ ကျနော်တို့ ကြားနေရ တုန်းပါပဲ။ မနက်ဖြန်မှာလည်းပဲ အမျိုးသား ဒီမိုကရေစီ အဖွဲ့ချုပ်က နေပြီးတော့ ဒေါ်အောင်ဆန်းစုကြည်ရဲ့ နေအိမ်ခြံဝင်း အတွင်းမှာ ရွေးကောက်ပွဲနဲ့ ပတ်သက်ပြီးတော့ သတင်းစာ ရှင်းလင်းပွဲတခု လုပ်ဖို့ရှိတယ်လို့ ကျနော်တို့ သိထားရပါတယ် ခင်ဗျာ။

Ref: VOA News

သြစတြေးလျလွှတ်တော်အမတ်တွေ မြန်မာပြည် ဝင်ခွင့်မရ

ကြာသပတေး, 29 မတ် 2012

သြစတြေးလျနိုင်ငံက ပါလီမန်အမတ်နှစ်ဦးရဲ့ မြန်မာနိုင်ငံ ကြားဖြတ်ရွေးကောက်ပွဲ စောင့်ကြည့် လေ့လာဖို့ လျှောက်ထားချက်ကို မြန်မာ အစိုးရက ငြင်းဆန် လိုက်ပါတယ်။ သြစတြေးလျနိုင်ငံ၊ ပြည်ထောင်စု လွှတ်တော်က လေဘာပါတီ အမတ် Janelle Saffin နဲ့ အနောက် သြစတြေးလျ ပြည်နယ်ရဲ့ အထက် လွှတ်တော်အမတ် Mathias Cormann တို့ဟာ မြန်မာနိုင်ငံကို လေ့လာရေး ကိုယ်စားလှယ် အဖြစ် သွားရောက်ဖို့ လျှောက်ထားကြတာကို ကမ်ဘာရာမြို့၊ မြန်မာ သံအမတ်ကြီးက ဗီဇာပေးဖို့ ငြင်းဆန်ခဲ့တာ ဖြစ်ပါတယ်။

မစ္စ် ဆက်ဖဲန်က မြန်မာ့ဒီမိုကရေစီရေးကို ပွင့်ပွင့်လင်းလင်း ထောက်ခံသူတစ်ဦးဖြစ်ပြီး အခုလို သူ့ကို ပြည်ဝင်ခွင့် ငြင်းဆန် လိုက်တာဟာ မြန်မာနိုင်ငံ ရွေးကောက်ပွဲဖြစ်စဉ် တစ်ခုလုံးအပေါ် သံသယ ဖြစ်စေတယ်လို့ ဆိုပါတယ်။ မြန်မာ အစိုးရ အနေနဲ့ အနောက် နိုင်ငံတွေက ပါလီမန် အမတ်တွေကို လက်မခံချင် ကြဘူးလို့လည်း သုံးသပ်ပါတယ်။

အာဆီယံနိုင်ငံတွေက ကိုယ်စားလှယ်အဖွဲ့မှာ ပါလီမန် အဖွဲ့ဝင်တွေကို ထည့်သွင်း ဖိတ်ကြား ခဲ့ပေမယ့် အမေရိကန်၊ သြတြေးလျ စတဲ့ နိုင်ငံတွေကကျတော့ အစိုးရ အရာရှိတွေကိုသာ သတင်းသမားတွေနဲ့ အတူ ဖိတ်ကြား ခဲ့တာလည်း ဖြစ်ပါတယ်။

Ref: VOA News

ပခုက္ကူရှိ ကျေးရွာ ရွေးကောက်ပွဲကော်မရှင် ဥက္ကဋ္ဌ ရိုက်နှက်ခံရ

ကျော်ခ
March 29, 2012

မကွေးတိုင်း ပခုက္ကူ မြို့နယ် မြင်းဝင်း ကျေးရွာတွင် ကြားဖြတ်ရွေးကောက်ပွဲ မဲပေးပုံ မှန်ကန်စေရန် ရည်ရွယ်၍ မဲပေးနည်း သရုပ်ပြ သင်တန်း ပို့ချနေသည့် ကျေးရွာကော်မရှင် ဥက္ကဋ္ဌ ဦးမြင့်အောင်ကို ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ခိုင်ရေးပါတီ) ဝင် သုံးဦး၏ ရိုက်နှက် ထိုးကြိတ်မှု ယမန်နေ့က ဖြစ်ပွားခဲ့ကြောင်း သတင်း ရရှိသည်။

မြို့နယ်ကော်မရှင်၏ ညွှန်ကြားချက်ဖြင့် မြင်းဝင်း ကျေးရွာရှိ အခြေခံပညာ မူလတန်းကျောင်းတွင် သရုပ်ပြ သင်တန်းပို့ချ နေခြင်းကို အမျိုးသား ဒီမိုကရေစီ အဖွဲ့ချုပ် (NLD) ပါတီဝင်များ မဲဆွယ်နေသည်ဟု ထင်မှတ်ကာ ကြံ့ခိုင်ရေး ပါတီ အဖွဲ့ဝင် သုံးဦးက လာရောက် ဆဲဆို ကြိမ်းမောင်းခြင်းကို တားမြစ်ရာမှ ယင်းသို့ ဖြစ်ပွားခဲ့ကြောင်း မြို့နယ် NLD ကိုယ်စားလှယ်လောင်း ဦးပိုက်ကို က ပြောသည်။

“ဒီပွဲလုပ်နေတာကို NLD ကလုပ်နေတယ် အထင်နဲ့ ရွာသားတွေကို မင်းတို့ ခွပ်ဒေါင်းထဲ မဲထည့်ရင် ထည့်တဲ့သူကို ဒူးတွေ၊ ခြေထောက်တွေ ချိုးပစ်မယ် ဆိုပြီး သူတို့က ခြိမ်းခြောက်တယ်။ ဒီကျောင်းကို ဘယ်သူ့ ခွင့်ပြုချက်နဲ့ သုံးတာလဲ၊ ဘာလဲဆိုပြီး အမျိုးမျိုး ဆဲဆိုတာကို ဦးမြင့်အောင်က သွားတားမြစ်တော့ လည်ပင်းနဲ့ ဗိုက်ကို ရိုက်နှက် ထိုးကြိတ်တာတွေ လုပ်သွား တာပေါ့ဗျာ”ဟု ဦးပိုက်ကို က ဧရာဝတီသို့ ပြောသည်။

ကော်မရှင် ဥက္ကဋ္ဌကို ကိုယ်ထိလက်ရောက်ကျူးလွန်ခဲ့သူ ဦးဟန်သိန်းမြင့်၊ ဦးမောင်လွင်နှင့် ကိုဦး တို့အား ရိုက်နှက်မှုနှင့် ပတ်သက် ၍ မြစ်ခြေ ရဲစခန်းကို တိုင်ကြားခဲ့သော်လည်း အရေးယူခြင်း မရှိသေးကြောင်း ဒေသခံများက ပြောသည်။

မဲပေးရန် သရုပ်ပြသင်တန်းကို ရွေးကောက်ပွဲကော်မရှင် အထက်အဆင့်ဆင့်မှ ညွှန်ကြားထားချက် ဖြစ်ပြီး မြင်းဝင်းရွာ အဖြစ်အပျက် ကို ကြားသိထားကြောင်း၊ ကျေးရွာ ကော်မရှင်ကိုလည်း ဖြစ်ရပ် အပြည့်အစုံအား မြို့နယ်ကော်မရှင်သို့ တင်ပို့ ခိုင်းထားကြောင်းနှင့် ရိုက်နှက်မှု မှန်ကန်ပါက သက်ဆိုင်ရာသို့ တင်ပြ အရေးယူ သွားမည်ဖြစ်ကြောင်း ပခုက္ကူမြို့နယ် ကော်မရှင်ဥက္ကဋ္ဌ ဦးပုတု ကပြောပြ သည်။

“ကျနော်တို့ကတော့ အဲဒီနေ့ကသွားတဲ့ သက်ဆိုင်ရာမြို့နယ်ကော်မရှင် အဖွဲ့တွေကို ဒီကိစ္စနဲ့ ပတ်သက်ပြီး တင်ပြဖို့ ညွှန်ကြား ထားတယ်။ အဖြစ်မှန် သိတာနဲ့ ခရိုင်ကို တင်ပြပြီးတော့ အရေးယူ ဆောင်ရွက်သွားဖို့ စီစဉ်မှာပါ”ဟု ဦးပုတု က ဧရာဝတီသို့ ပြောသည်။

ပခုက္ကူမြို့နယ်တွင် NLD မှ ဦးပိုက်ကိုနှင့် ကြံ့ခိုင်ရေးပါတီမှ ဦးကျော်တင့်တို့ နှစ်ဦး အမတ်လောင်း အဖြစ် ယှဉ်ပြိုင် အရွေးခံကြမည် ဖြစ်သည်။

ကြံ့ခိုင်ရေးပါတီ က ငွေနှင့်ပစ္စည်းများပေးကာ မဲဆွယ်နေခြင်း၊ အစိုးရ၀န်ထမ်းများ ကြံ့ခိုင်ရေး ပါတီကို မဲပေးရန် အာဏာဖြင့် ခြိမ်းခြောက် နေခြင်း စသည့် ရွေးကောက်ပွဲ မသမာမှုများ ဖြစ်ပွား နေသည်ဟု ဆိုကာ NLD က မကွေးတိုင်း ရွေးကောက်ပွဲ ကော်မရှင်ထံ တိုင်ကြား ထားကြောင်း သိရသည်။

တိုင်ကြားချက်၌ ကြံ့ခိုင်ရေးပါတီ အမတ်လောင်း ဦးကျော်တင့်က ယခုလ ၂၂ ရက်နေ့တွင် ပခုက္ကူမြို့ အမှတ် (၈) ရပ်ကွက်ရှိ ဒေသ ခံများအား တအိမ်လျှင် ကုလားပဲဆံ၂ ဘူး၊ အိုင်အိုဒင်းဆား ၁ ထုပ်နှင့် ကျပ်၂၀၀၀ စီပေးကာ မဲပေးကြရန် ပြောဆို စည်းရုံးကြောင်းနှင့် ပခုက္ကူ တက္ကသိုလ်၊ ပညာရေး ကောလိပ်နှင့် ရဲဌာနမှ ၀န်ထမ်းများ အားလုံး ကြံ့ခိုင်ရေး ပါတီကိုသာ မဲပေးရမည်ဟု ဖိအားပေးမှုများ ရှိနေသည် ဟုလည်း ပါဝင်သည်။

ထို့အတူ နိုင်ငံတ၀န်း၌ ကြိုတင်မဲများကို မတ်လ ၃၀ နှင့် ၃၁ ရက်နေ့တွင် ကောက်ခံရန် ပြည်ထောင်စု ရွေးကောက်ပွဲ ကော်မရှင်က ညွှန်ကြား ထားသော်လည်း ပခုက္ကူရှိ သူနာပြု သင်တန်းကျောင်းနှင့် ပညာရေး ကောလိပ်ရှိ သင်တန်းသား များကို ယခုလ တတိယ ပတ် အတွင်းက ကြိုတင်မဲများ ကောက်ခံခဲ့ကြောင်း သိရသည်။

ပခုက္ကူတွင် မဲပေးနိုင်သူပေါင်း ၁ သိန်း ၉ သောင်း ၉ ထောင်ကျော်ရှိပြီး မဲရုံပေါင်း ၃၂၄ ရုံ ထားရှိသွားမည်ဟု မြို့နယ် ရွေးကောက်ပွဲ ကော်မရှင်က ထုတ်ပြန်ထားသည်။ ၂၀၁၀ ရွေးကောက်ပွဲတွင် မဲရုံ ၃၂၂ ရုံ ရှိခဲ့သော်လည်း လာမည့် ကြားဖြတ် ရွေးကောက်ပွဲ အတွက် အထည်ချုပ် စက်ရုံ ၂ ရုံ ၌ မဲရုံ ၂ ရုံ ထပ်တိုး လာခဲ့သည်။

Ref: ဧရာဝတီ

ရှမ်းမြောက်ပိုင်း ပေါက်ကွဲမှုများ ရွေးကောက်ပွဲ မထိခိုက်နိုင်

နေမျိုး
ကြာသပတေးနေ့၊ မတ်လ ၂၉ ရက် ၂၀၁၂

ချင်းမိုင် (မဇ္ဈိမ) ။ ။ ရှမ်းပြည်နယ် မြောက်ပိုင်းတွင် ဗုံးပေါက်ကွဲမှုများ ဆက်တိုက် ဖြစ်ပေါ် ခဲ့သော်လည်း တနင်္ဂနွေနေ့ ကြားဖြတ် ရွေးကောက်ပွဲများအား ဆက်လက် ကျင်းပသွားဖွယ် ရှိကြောင်း ရှမ်းပြည်နယ်ရှိ အမျိုးသား ဒီမိုကရေစီ အဖွဲ့ချုပ် NLD က ပြောသည်။

ကြာသပတေးနေ့ နံနက်ပိုင်းက ပြည်ထောင်စု ရွေးကောက်ပွဲကော်မရှင် အဖွဲ့ဝင် ဦးသာဦးနှင့် တွေ့ဆုံစဉ် ရှမ်းပြည်နယ် အမျိုးသား လွှတ်တော် မဲဆန္ဒနယ် အမှတ် ၃ တွင် ပါဝင်သည့် လားရှိုး၊ သိန္နီ၊ ကွန်လုံ၊ မိုင်းရယ်နှင့် တန့်ယန်း ဒေသများ တွင် ကြားဖြတ် ရွေးကောက်ပွဲ ကျင်းပသွားမည်ဟု ပြောဆိုကြောင်း လားရှိုး NLD လွှတ်တော် ကိုယ်စားလှယ်လောင်း ဦးစိုင်းမြင့်မောင် က မဇ္ဈိမကို ပြောသည်။

“ဒီနေ့မနက် ၉ နာရီမှာ ပြည်ထောင်စုရွေးကောက်ပွဲ ကော်မရှင်က အဖွဲ့ဝင် ဦးသာဦးနဲ့ ကျနော်တို့ ရွေးကောက်ပွဲ ဝင်မယ့် ကိုယ်စားလှယ် ၅ ဦး တွေ့တယ်ခင်ဗျ။ အဲလိုတွေ့တဲ့ အချိန်အထိ ပြောတာ ဆိုတာတွေကတော့ ရွေးကောက်ပွဲ နဲ့ ပါတ်သက်ပြီး အောင်အောင်မြင်မြင် ကျင်းပသွားနိုင်ဖို့ ဆောင်ရွက်နေတယ်လို့ ပြောတာ သိရတယ်ခင်ဗျ” ဟု ဦးစိုင်းမြင့်မောင် က ပြောသည်။

သိန္နီ-မူဆယ် လမ်းမကြီးပေါ်ရှိ မြစ်ကူးတံတားနှင့် သိန္ဒီ-ကွန်လုံ တံတားတို့တွင် မတ်လ ၂၇ ညနှင့် ၂၈ ရက် မနက် လင်းအားကြီးများ အချိန် ဗုံးပေါက်ကွဲမှု များကြောင့် ဒေသတွင်း ပြည်သူများ အကြား စိုးရိမ်မှုများ ဖြစ်ပေါ် နေကြောင်း သူက ပြောသည်။

“အခုလို ဗုံးတွေ ကွဲတဲ့အခါကျတော့ မဲရုံကို သူတို့ လာပါ့မလားပေါ့။ ဒါကတော့ ကျေးလက် တောရွာက လူတွေပေါ့။ အဲဒီလို စဉ်းစားလို့ ရနိုင်တာပေါ့။ ဒါဟာ ရွေးကောက်ပွဲ မဖြစ်အောင် တမင်လှန့်တဲ့ သဘောများ ဖြစ်နေလားလို့ သုံးသပ်ချက်တွေ ရှိတယ်ဗျ” ဟု ဦးစိုင်းမြင့်မောင် က ပြောသည်။

နိုင်ငံပိုင် သတင်းစာများတွင်မူ အဆိုပါ ပေါက်ကွဲမှုများနှင့် ပတ်သက်၍ မည်သူက လုပ်ဆောင်ကြောင်းနှင့် ဘာကို ရည်ရွယ် လုပ်ဆောင်ကြောင်း ထုတ်ဖော် ကြေညာခြင်း မရှိသေးပေ။

ရှမ်းပြည်နယ်မြောက်ပိုင်းရှိ အမျိုးသားလွှတ်တော် အမှတ် ၃ မဲဆန္ဒနယ်မြေ ကြားဖြတ်ရွေးကောက်ပွဲတွင် ဝင်ရောက် ယှဉ်ပြိုင်မည့် ပါတီ ၅ ခုရှိပြီး လူမျိုးစုံ နေထိုင်သည့် ဒေသ ဖြစ်တာကြောင့် အကြိတ်အနယ် ယှဉ်ပြိုင်ရမှာ ဖြစ်ကြောင်း ဦးစိုင်းမြင့်မောက် က ဆက်လက် ပြောပြသည်။

“သိန္နီ၊ မိုင်းရယ် ဘက်မှာတော့ ရှမ်းတိုင်းရင်းသား ဒီမိုကရက်တစ်ပါတီ SNDP ကတော့ လူကြိုက် များတယ်ဗျ။ ကွမ်လုံ မဲဆန္ဒနယ် ကတော့ ကြံ့ခိုင်ရေးက အုပ်အုပ်စီးစီး နေရာ ယူထားတာတွေ့တယ်။ သို့သော်လည်း အဲဒီမှာက ကိုးကန့် လူမျိုးလည်း များတယ်။ ကိုးကန့်၊ ကျားဖြူနဲ့ ကြံ့ခိုင်ရေးက အပြိုင်အဆိုင် ဖြစ်ကြမယ် ထင်တယ်ဗျ။ တန့်ယန်း မဲဆန္ဒနယ် ဘက်မှာက ‘ဝ’ တွေ ရှိတယ်ဗျ။ မြို့ပေါ်က အတော်လေး လူမျိုး စုံစုံလင်လင် ရှိတယ်ဗျ။ အမေစု ဒီကို လာတုန်းက ‘ဝ’ က ဒီမိုကရေစီ စစ်စစ် ပါတီကို အားကိုးတယ်။ အမေစုကို အားကိုးတယ်လို့ ကြေညာထားတယ်ဗျ” ဟု ပြောသည်။

ပါဝင်တီယှဉ်ပြိုင်မည့်ပါတီများမှာ NLD၊ SNDP၊ ကြံ့ခိုင်ရေးပါတီ၊ လားဟူ အမျိုးသား ဒီမိုကရေစီအဖွဲ့ချုပ်၊ ကိုးကန့် ဒီမိုကရေစီနှင့် ညီညွတ်ရေး ပါတီတို့ ဖြစ်ကြသည်။

ရှမ်းပြည်တပ်မတော် (မြောက်ပိုင်း) နှင့်ဝန်ကြီးဦးအောင်မင်းခေါင်းဆောင်သည့် အစိုးရ ငြိမ်းချမ်းရေး အဖွဲ့တို့ နှစ်ဘက် သဘောတူ အပစ်အခတ် ရပ်စဲရေး လက်မှတ်ရေးထိုး ထားသော်လည်း အမှတ် ၃ အမျိုးသား လွှတ်တော် မဲဆန္ဒနယ် အတွင်းတွင် တိုက်ပွဲများ ဆက်လက် ဖြစ်ပွားနေဆဲ ဖြစ်သည်။

ကချင်ပြည်နယ်အတွင်းမှ ဗန်းမော်၊ မိုးကောင်းနှင့် ဖားကန့် မဲဆန္ဒနယ် ရွေးကောက်ပွဲများကိုမူ လုံခြုံရေး အခြေအနေ များကြောင့် ရွှေ့ဆိုင်း ထားကြောင်း ပြည်ထောင်စု ရွေးကောက်ပွဲကော်မရှင်က မတ်လ ၂၃ ရက်စွဲဖြင့် ထုတ်ပြန် ကြေညာထားသည်။

Ref: မဇ္ဈိမ

မြစ်ကြောင်းနဲ့ မြစ်ကမ်းများမှာ ဓာတ်သတ္တု ရှာဖွေစမ်းသပ်ထုတ်လုပ်မှု တားမြစ်

2012-03-29

တန်ဖိုးမဖြတ်နိုင်တဲ့ နိုင်ငံတော်ရဲ့ သဘာဝအမွေအနှစ်ဖြစ်တဲ့ ဧရာဝတီ၊ သံလွင်၊ ချင်းတွင်းနဲ့ စစ်တောင်းမြစ် လေးသွယ်ရဲ့ သဘာဝ ပတ်ဝန်းကျင်ကို စဉ်ဆက်မပြတ် ထိန်းသိမ်း စောင့်ရှောက်ဖို့ မြစ်ကြောင်းနဲ့ မြစ်ကမ်းက ပေ ၃၀၀ အတွင်း ဓာတ်သတ္တု ရှာဖွေ စမ်းသပ် ထုတ်လုပ်တာ တားမြစ်လိုက်ကြောင်း သတ္တုတွင်း ၀န်ကြီးဌာန ပြည်ထောင်စုဝန်ကြီး ဦးသိန်းထိုက်က မနေ့က အမိန့် ထုတ်ပြန် လိုက်ပါတယ်။

ဖွဲ့စည်းပုံ အခြေခံဥပဒေပါ ပြဋ္ဌာန်းချက်နဲ့ မြန်မာ့သတ္တုတွင်း ဥပဒေပါ ပြဋ္ဌာန်းချက်တွေကိုလည်း ကြေညာချက်မှာ ပါရှိတာကို ဒီကနေ့ထုတ် သတင်းစာ တွေမှာ ဖော်ပြပါတယ်။ သဘာဝ ပတ်ဝန်းကျင် ထိန်းသိမ်းရေး လုပ်ငန်းတွေ လုပ်နေတဲ့ Eco Dev ဦးဆောင် ညွှန်ကြားရေးမှူး ဦးဝင်းမျိုးသူကတော့ မြစ်ကြောင်း ထိန်းသိမ်းရေး အတွက် နဂိုကတည်းက ဥပဒေ ထုတ်ပြန်ထားတာ ရှိတယ်လို့ ပြောပါတယ်။

ဒီလ ၁၅ ရက်နေ့မှာလုပ်တဲ့ ပြည်ထောင်စုအစိုးရအဖွဲ့ အစည်းအဝေးရဲ့ သဘောတူညီချက်အရ သတ္တုတွင်း ၀န်ကြီး ဌာနက မြန်မာ့ သတ္တုတွင်း ဥပဒေပုဒ်မ ၃၉ အရ ကျင့်သုံးပြီး ဒီအမိန့်ကို ထုတ်ပြန် လိုက်တယ်လို့ ဖော်ပြ ထားပါတယ်။

ဒီလို ဥပဒေတွေရှိပါလျက် ဧရာဝတီမြစ်ကြောင်း တစ်လျှောက်တင်မက မေခနဲ့ မလိခမြစ်မှာရော တခြား မြစ်တွေမှာပါ ရိုးရာနည်း မသုံးတော့ဘဲ စက်ယန္တရား ကြီးတွေနဲ့ ရွှေတူးဖော်နေတဲ့ အတွက် မြစ်ရေ ညစ်ညမ်း နေတယ်လို့ သဘာဝ ပတ်ဝန်းကျင် ထိန်းသိမ်းရေး သမားတွေက ပြောပါတယ်။

သတ္တုတွင်း ၀န်ကြီးဌာနရဲ့ ကြေညာချက်မှာ ဒီမြစ်လေးသွယ် ထိန်းသိမ်းရေးကို စနစ်တကျ ပေါင်းစည်း ဆောင်ရွက်ဖို့၊ ပစ္စုပ္ပန်နဲ့ အနာဂတ် မျိုးဆက်တွေ အကျိုးအတွက် သန့်ရှင်း ကောင်းမွန်တဲ့ ပတ်ဝန်းကျင် ဖြစ်ပေါ် လာစေဖို့နဲ့ မြစ်ကြီးတွေ ရေစီး ရေလာ ကောင်းရေး အတွက် စဉ်ဆက်မပြတ် ထိန်းသိမ်း စောင့်ရှောက်ဖို့ လိုအပ်တယ်လို့ ဖော်ပြထားပါတယ်။

ဥပဒေတွေ တားမြစ်ချက်တွေရှိပေမဲ့ ဧရာဝတီမြစ်ကြောင်း တစ်နေရာမှာ ရွှေရှာနေတဲ့ လှေအစီး ၃၀၀ လောက်တောင် တွေ့ခဲ့ ရတယ်လို့ လေ့လာသူ တစ်ဦးက ပြောပါတယ်။

Ref: RFA News

ဒီကေဘီအေ ခွဲထွက်အဖွဲ့ KNU ရဲ့ ဦးဆောင်ဆွေးနွေးမှုအတိုင်း လိုက်ပါ ဆောင်ရွက်မည်

2012-03-29

ဒီကေဘီအေ ခွဲထွက်အဖွဲ့ဖြစ်တဲ့ ကလိုထူးဘော ဒီကေဘီအေ အဖွဲ့အနေနဲ့ ပြည်တွင်းငြိမ်းချမ်းရေး အတွက် နိုင်ငံရေး အရ ဆွေးနွေးမှုကို မိခင် အဖွဲ့အစည်း အဖြစ်တဲ့ KNU ကရင် အမျိုးသား အစည်းအရုံးရဲ့ ဦးဆောင်မှုအတိုင်း လိုက်ပါမှာ ဖြစ်ကြောင်း ကလိုထူးဘော ဒီကေဘီအေ အဖွဲ့ရဲ့ ပြောရေးဆိုခွင့် ရှိသူက ဒီကနေ့ အာအက်ဖ်အေကို ပြောပါတယ်။

လောလောဆယ် မြန်မာအစိုးရနဲ့ အပစ်အခတ် ရပ်စဲထားပြီး၊ နောက်တစ်ဆင့်အနေနဲ့ နိုင်ငံရေးအရ ဆွေးနွေး ဖြေရှင်း ရမယ်လို့ ယုံကြည်ကြောင်း၊ အဲဒီလို ဖြေရှင်းတဲ့ အခါ KNU ရဲ့ ဦးဆောင်ဆွေးနွေးမှုအတိုင်း လိုက်ပါ ဆောင်ရွက်မှာ ဖြစ်ကြောင်း ပြောရေး ဆိုခွင့်ရှိသူ စောဂုန်အောင်က ပြောပါတယ်။

ဒါ့အပြင် ကလိုထူးဘော ဒီကေဘီအေ အနေနဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ်ကို ထောက်ခံ ၀န်းရံ သွားမယ်လို့လည်း သူက ဆက်ပြောပါတယ်။

လာမယ့် ဧပြီလ ၁ ရက်နေ့မှာ ကလိုထူးဘော ဒီကေဘီအေအနေနဲ့ ညီလာခံတစ်ရပ် ခေါ်ယူဖို့ရှိနေပြီး အဖွဲ့ဝင်တွေ အပြင် ပြည်သူ လူထု ကိုယ်စားလှယ်တွေကိုလည်း တက်ရောက်ဖို့ ဖိတ်ခေါ် ထားပါတယ်။

ဒီညီလာခံမှာ လက်ရှိ နိုင်ငံရေးအခြေအနေအပေါ် သဘောထားတွေကို ဆွေးနွေမှာဖြစ်သလို၊ ကလိုထူးဘော ဒီကေဘီအေ ရဲ့ ဖွဲ့စည်းပုံ စည်းမျဉ်း တစ်ရပ်ကိုလည်း ချပြ ဆွေးနွေးသွားမှာ ဖြစ်တယ်လို့ ဆိုပါတယ်။

ကလိုထူးဘောအဖွဲ့ဟာ ပြီးခဲ့တဲ့ ၂၀၁၀ ရွေးကောက်ပွဲကို ဆန့်ကျင်ပြီး မြ၀တီနဲ့ ဘုရားသုံးဆူမြို့တွေကို ရွေးကောက်ပွဲ နေ့မှာ ၀င်ရောက် သိမ်းပိုက်ခဲ့ဖူးပါတယ်။

Ref: RFA News

Thursday, March 29, 2012

ကိုးရီယားစစ်ပွဲအကြောင်း တစေ့တစောင်း

ခင်မမမျိုး

စကားချီး
ကမ္ဘာ့အရေးမှာရော၊ မြန်မာ့အရေးမှာပါ ကိုးရီးယားဆိုတဲ့ စကားလုံးကို လူပြော များကြပါတယ်။ ၂၀၁၀ ကမ္ဘာ့ဖလား ဘောလုံးပွဲကို ပထမဆုံး ၀င်ပြီး ယှဉ်ပြိုင်လာတဲ့ မြောက်ကိုးရီးယား အသင်းရဲ့ ပုံရိပ်တွေကလဲ ကမ္ဘာတ၀ှမ်းက ဘောလုံးဝါသနာ အိုး ပရိသတ်များစွာကို ဆွဲဆောင် ထားနိုင်ခဲ့သလို မြန်မာ့ ဒီမိုကရေစီ လောကသားတွေ အတွင်းမှာလဲ မြန်မာနဲ့ မြောက်ကိုးရီးယား နယူးကလီးယား ဆက်နွယ်မှုအရေး၊ မြောက်ကိုးရီးယားနဲ့ တောင်ကိုးရီးယားတို့အကြားက စစ်ရေးတင်းမာမှု စတာ တွေနဲ့ ပတ်သက်ပြီး အတော်ပဲ အုပ်အော်သောင်းနင်း ဖြစ်ခဲ့ကြပါတယ်။ တောင်ကိုးရီးယားနဲ့ မြောက်ကိုးရီးယား ကပဲ စစ်ဖြစ် တဲ့အခါ တောင်ကိုးရီးယား ဘက်ကို အမေရိကန်က ၀င်တိုက်ပြီးရင် နယူးကလီးယား အရေးနဲ့ ပတ်သက်နေတဲ့ မြန်မာနိုင်ငံ ကိုလဲ အမေရိကန်က စစ်ရေးအရ အရေးယူတော့ မယောင်ယောင်၊ အီရတ်လို ၀င်တိုက်တော့မယောင်ယောင်နဲ့ စိတ်ကူးယဉ် ပြောသူတွေကလဲ အများအပြားပါပဲ။ မြန်မာပြည်ကို အမေရိကန် ၀င်တိုက်တာ၊ မတိုက်တာ အသာထားလို့ အဓိကဇာတ် ကောင်ဖြစ်တဲ့ မြောက်ကိုးရီးယား အရေးတောင် နိုင်ငံတကာ ဇာတ်စင်ပေါ်မှာ အခုအချိန်ထိ မပြီးနိုင်မပြတ်နိုင် စင်တင်နေရဆဲပဲ ရှိပါသေးတယ်။

စိတ်ကူးယဉ်တယ်ဆိုတာက ကိုယ်ပိုင်အခွင့်အရေးဖြစ်ပေမယ့် ဒီလိုစိတ်ကူးယဉ်မှုတွေကနေ ပြည်သူလူထုကို မျှော်လင့်ချက် မှားတွေ မပေးမိဖို့ကတော့ အလွန်ပဲ အရေးကြီးပါတယ်။ ဗိုလ်သန်းရွှေ စစ်အုပ်စုရဲ့ နယူးကလီးယား စီမံကိန်းမှာ တိုင်းပြည်ရဲ့ ဘဏ္ဍာငွေအမြောက်အမြား အသုံးပြုနေတာကြောင့် မြန်မာပြည်သူလူထုတွေ ဆင်းရဲဒုက္ခရောက်နေရတဲ့ ပကတိ အမှန်တရားကို ပြည်သူလူထုနဲ့ နိုင်ငံတကာကို ချပြတာက ကဏ္ဍတပိုင်း၊ နယူးကလီးယားစီမံကိန်းကို အကြောင်းပြပြီး မြန်မာပြည်ကို military intervention လုပ်ပါဆိုတာက ကဏ္ဍတပိုင်း။

ဒီကဏ္ဍနှစ်ခုက မတူညီပါဘူး။ ပထမကဏ္ဍက စစ်အုပ်စုရဲ့ မတရားမှုတွေကို ဖော်ထုတ်ပြီး လူထုကြီးကို တော်လှန်ဖို့ တောင်း ဆိုတာ၊ နိုင်ငံတကာကို ရုပ်ပိုင်းစိတ်ပိုင်းဆိုင်ရာ ကူညီပံ့ပိုးမှုတွေ တောင်းဆိုတာနဲ့ ဆိုင်ပါတယ်။ ဒုတိယကဏ္ဍကျတော့ အမျိုးသား အကျိုးစီးပွားနဲ့ သက်ဆိုင်ပါတယ်။ ဒီကဏ္ဍနှစ်ခုက ကွဲပြားပါတယ်။ တိုင်းပြည် တပြည်ရဲ့ အနာဂတ်ကံကြမ္မာ ဖြစ်တာကြောင့် စိတ်ကူးယဉ် မျှော်မှန်းချက်တွေနဲ့ ထင်ရာစိုင်းလို့ မရပါဘူး။ မြန်မာရဲ့ကံကြမ္မာကို မြန်မာနိုင်ငံသူ၊ နိုင်ငံသား တွေကပဲ ဆုံးဖြတ်နိုင်အောင် အတတ်နိုင်ဆုံး ကြိုးပမ်းဆောင်ရွက်ကြရမှာ ဖြစ်ပါတယ်။ တစုံတရာ လိုချင်ရင် တစုံတခု စွန့် လွှတ်ရမယ်ဆိုတာ လောကကြီးရဲ့ ဓမ္မတာ ဖြစ်ပေမယ့် ဘယ်လို အကြောင်းအရာအတွက်မှ စွန့်လွှတ်ဖို့ မထိုက်တန်တဲ့ အရာဟာ အမျိုးသားအကျိုးစီးပွားပဲ ဖြစ်ပါတယ်။

အမျိုးသားအကျိုးစီးပွားကို ရှေ့တန်းမတင်ခဲ့တဲ့အတွက် အစိတ်စိတ်အမြွာမြွာဖြစ်သွားတဲ့ နိုင်ငံတွေ ကမ္ဘာမှာ အများအပြားပါ။ ပြည်ပနိုင်ငံကြီးတွေရဲ့ နိုင်ငံရေးကစားပွဲတွေမှာ ပဲ့နင်းဦးထောင်၊ ဦးနင်းပဲ့ထောင်နဲ့ တောင်မရောက်၊ မြောက်မရောက်ဖြစ် နေရ တဲ့ နိုင်ငံငယ်လေးတွေ အများအပြားပါ။ ဘယ်လိုနိုင်ငံကြီးကမှ သူ့အကျိုးစီးပွား အတွက် မပါပဲ အပေးအယူ မလုပ်ပါဘူး။ နိုင်ငံတကာဆက်ဆံရေး အသိုင်းအ၀ိုင်းမှာ အပေးအယူဟာ အဆန်းတကြယ်မဟုတ်ပေမယ့် နိုင်ငံငယ်တွေဘက်က ပေးလိုက် ရတာဟာ အမျိုးသားအကျိုးစီးပွား မဖြစ်ဖို့အရေးကိုတော့ နိုင်ငံငယ်လေးတွေရဲ့ နိုင်ငံရေးခေါင်းဆောင်ဆိုသူများမှာ တာဝန်ရှိ ပါတယ်။
ကိုးရီးယားလို့ ဆိုလိုက်ရင် တောင်ကိုးရီးယားနဲ့ မြောက်ကိုးရီးယား ဆိုပြီး နှစ်နိုင်ငံ ဖြစ်နေတာ လူအများက သိကြပါတယ်။ ဒါ ပေမယ့် ဘာကြောင့် နိုင်ငံနှစ်ခု ကွဲထွက်ရလဲ ဆိုတာကိုတော့ လူသိနည်းပါတယ်။ လေ့လာဆန်းစစ် သူတွေက နိုင်ငံရေး ခေါင်း ဆောင်များရဲ့ ၀ါဒရေးရာ ဦးစားပေးမှု၊ စစ်အေးတိုက်ပွဲကာလ ပြည်ပ အင်အားကြီးနိုင်ငံများရဲ့ ၀င်ရောက်ခြယ်လှယ်မှု စတာ တွေကို ထောက်ပြပြောဆိုကြပေမယ့် အဲဒီခေတ်ကာလ ကိုးရီးယားနိုင်ငံရေး ခေါင်းဆောင်များရဲ့ နိုင်ငံရေး အမြော်အမြင်နဲ့ အမျိုးသား အကျိုးစီးပွားကို ရှေ့တန်းတင် ဆုံးဖြတ်ခြင်း အားနည်းချက်တွေကလဲ ကိုးရီးယားစစ်ပွဲကြီး ပေါ်ပေါက် လာရခြင်းရဲ့ အခြေခံအကြောင်းရင်းထဲမှာ ထိပ်ဆုံးကနေ ပါဝင်ကြောင်း စစ်ရေး လေ့လာသူတွေက ထောက်ပြ ဝေဖန်ထားကြပါတယ်။ အခုဆက်လက်ပြီး လူထောင်ပေါင်းများစွာ သေဆုံးပြီး ကိုးရီးယားနိုင်ငံကြီးကို နှစ်ပေါင်းများစွာကြာအောင် တောင်နဲ့ မြောက် နှစ်ခြမ်းကွဲစေခဲ့တဲ့ ကိုးရီးယား စစ်ပွဲအကြောင်းကို ရေးသား တင်ပြပါမယ်။

ကမ္ဘာစစ်များမှသည် စစ်အေးတိုက်ပွဲဆီသို့

၂၀ ရာစု အစောပိုင်းကာလမှာ ကိုးရီးယားနိုင်ငံဟာ ဘုရင်စနစ်ကျင့်သုံးတဲ့ လွတ်လပ်သော နိုင်ငံတနိုင်ငံ ဖြစ်ပါတယ်။ ဒီအချိန် ကာလတွေတုန်းက ကမ္ဘာပေါ်မှာ တောင်ကိုးရီးယားနဲ့ မြောက်ကိုးရီးယား ဆိုတာ မရှိခဲ့သေးပါဘူး။ Yi မင်းဆက်ကနေ ကိုးရီး ယားနိုင်ငံကို နှစ်ပေါင်း ငါးရာကျော်ကြာအောင် အုပ်ချုပ် ခဲ့ပါတယ်။ (၁၉၁၀) ခုနှစ်ရောက်တော့ အင်အားကြီး အိမ်နီးချင်းနိုင် ငံဖြစ်တဲ့ ဂျပန်နိုင်ငံက ကိုးရီးယားနိုင်ငံကို ကျူးကျော် သိမ်းပိုက်ခဲ့ပါတယ်။ ဂျပန်တွေက ကိုးရီးယား နိုင်ငံငယ်တခု အဖြစ် အုပ်ချုပ်ခဲ့ပြီး ကိုးရီးယား လူမျိုးတွေရဲ့ အမျိုးသားရေး လက္ခဏာတွေကို ပျောက်ပြက်သွားအောင် ကြိုးပမ်း ခဲ့ပါတယ်။ စီးပွားရေး၊ အစိုးရနဲ့ အဆင့်မြင့် ပညာရေးနယ်ပယ်တွေမှာ ဂျပန် ဘာသာစကားကို အသုံးပြု ခဲ့ပါတယ်။

(၁၉၃၀) နှောင်းပိုင်းကာလရောက်တော့ ဂျပန်က အာရှတိုက်မှာ အင်ပါယာ တိုးချဲ့ ခဲ့ပါတယ်။ ဂျပန် တပ်မတော်ဟာ မန်ချူးရီးယားကို သိမ်းပိုက်ပြီး ကိုးရီးယား မြောက်ပိုင်း နယ်စပ် ဒေသကနေ တရုတ်ပြည်ကို သိမ်းပိုက်ဖို့ ကြိုးစားရာကနေ ၁၉၃၇ ခုနှစ်မှာ တရုတ်-ဂျပန် စစ်ပွဲကြီး စတင် လာပါတော့တယ်။ ဂျပန်တွေရဲ့ အင်ပါယာ ချဲ့ထွင်လာမှုဟာ တရုတ်ခေါင်းဆောင် ချန်ကေရှိတ်ကို ကျောထောက် နောက်ခံ ပေးထားတဲ့ အမေရိကန်နဲ့ပါ ထိပ်တိုက် ရင်ဆိုင်ရတဲ့ အခြေအနေကို ဦးတည် လာပါတယ်။ ၁၉၄၁၊ ဒီဇင်ဘာမှာ ဂျပန်က ပုလဲ ဆိပ်ကမ်းကို ဗုံးကြဲပြီး အမေရိကန်ကို စစ်ကြေညာရာကနေ ပစိဖိတ် စစ်မျက်နှာမှာ ဒုတိယ ကမ္ဘာစစ်ကြီး စတင် လာပါတော့တယ်။ ကနဦးအစမှာ ဂျပန်တွေ ဘက်ကနေ စစ်ရေးအရ အောင်ပွဲတွေ ရခဲ့ပေမယ့် စစ်ရေးဒီရေ အပြောင်း အလဲတွေ ဖြစ်ပေါ်လာခဲ့ပြီး ၁၉၄၅ ခုနှစ်မှာ ဖက်ဆစ်ဂျပန်က လက်နက် ချခဲ့ရပါတယ်။

ဒုတိယကမ္ဘာစစ်ပွဲကာလ ၁၉၃၉ ခုနှစ်ကနေ ၁၉၄၁ ခုနှစ်အတွင်းမှာ ဆိုဗီယက် ယူနီယံက မန်ချူးရီးယား နယ်စပ် စစ်မျက်နှာမှာ ဂျပန်ကို တိုက်ပွဲ ၀င်ခဲ့ပါတယ်။ ဒါပေမယ့် နောက်ပိုင်းမှာ နိုင်ငံ နှစ်ခုအကြား ကြားနေ စာချုပ် ချုပ်ဆိုပြီး ဂျပန်နဲ့ ဆိုဗီယက်တို့ အကြားက စစ်ပွဲတွေ ရပ်တန့် သွားခဲ့ပါတယ်။ အမေရိကန် ပြည်ထောင်စုက ဂျပန်နိုင်ငံ ဟီရိုရှီးမားကို အနုမြူဗုံးကြဲပြီး နောက်နှစ်ရက် အကြာမှသာ ဆိုဗီယက် ယူနီယံက ဂျပန်ကို စစ်ကြေညာ ခဲ့တာပါ။ ဂျပန် လက်နက်ချတဲ့ အချိန်ကျတော့ ဆိုဗီ ယက်ယူနီယံက မန်ချုးရီးယားကို ၀င်ရောက် သိမ်းပိုက်ပြီး ကိုးရီးယား မြောက်ပိုင်းဒေသ အထိ ခြေကုပ်ယူ တပ်စွဲခဲ့ပါတယ်။

ဂျပန်လက်နက်မချမီ ရက်ပိုင်းအလိုပါပဲ အမေရိကန် အစိုးရ ထိပ်ပိုင်းဆိုင်ရာ အရာရှိများ အကြားမှာလဲ ကိုးရီးယား သိမ်းပိုက်ရေး စီမံချက်နဲ့ ပတ်သက်ပြီး ပြန်လည်ပြုပြင် ညှိနှိုင်းစရာတွေ ပေါ်ထွက် လာခဲ့ပါတယ်။ အမေရိကန် သမ္မတ ထရူးမင်းရဲ့ စစ်ရေး အကြံပေးများက ကိုးရီးယားကို ဇုန်နှစ်ခု ခွဲခြား သိမ်းပိုက်ဖို့ အကြံပြုကြပါတယ်။ ကိုးရီးယား ပထ၀ီဝင် အနေအထားအရ ၃၈ မျဉ်းပြိုင်ရဲ့ မြောက်ပိုင်းကို ဆိုဗီယက် တပ်များက သိမ်းပိုက်ဖို့နဲ့ တောင်ပိုင်းဒေသကို အမေရိကန်တပ်များက သိမ်းပိုက်ဖို့ ဖြစ်ပါတယ်။ ဆိုဗီယက် ခေါင်းဆောင် စတာလင်က ဒီစီမံချက်ကို လက်ခံခဲ့ပါတယ်။ တမုဟုတ်ချင်းပဲ စတာလင်ရဲ့ အမိန့်နဲ့ General Ivan Chistiakov ရဲ့ တပ်တွေမှာ ကိုးရီးယား မြောက်ပိုင်း ဒေသမှာ ဖြန့်ကျက်ပြီး နယ်မြေ စိုးမိုးရေး ပြုလုပ် ခဲ့ပါတယ်။ များမကြာမီမှာပဲ အမေရိကန်တပ်တွေ ကနေ ကိုးရီးယား တောင်ပိုင်းကို သိမ်းပိုက် ခြေကုပ် ယူခဲ့ပါတယ်။ အမေရိကန်တပ် အကြီး အကဲကတော့ General John Hodge ဖြစ်ပါတယ်။ (၃၈ မျဉ်းပြိုင်ဆိုတာ မြေပုံပေါ်မှာ ဆွဲထားတဲ့ လိုင်းတခုပဲ ဖြစ်ပါတယ်။ နိုင်ငံရဲ့ လမ်းပန်း ဆက်သွယ်ရေးအတွက် အရေးပါတဲ့ လမ်းမကြီးတွေနဲ့ ရထားလမ်းတွေကို ဖြတ်တောက် ထားပါတယ်)

ဒုတိယကမ္ဘာစစ်မပြီးခင်ကတည်းက ဆိုဗီယက်ယူနီယံနဲ့ အမေရိကန်တို့က ဂျပန်ကို ဖယ်ရှားပြီးတဲ့ အခါ ကိုးရီးယားကို ကိုယ်ပိုင် အုပ်ချုပ်ခွင့် မပေးဖို့ သဘော တူထားခဲ့ကြပါတယ်။ အမေရိကန် ပြည်ထောင်စုက ကိုးရီးယားနိုင်ငံ လွတ်လပ်ရေးမရ ခင်မှာ ပြည်ပ ဦးဆောင်မှုအောက်မှာ ကာလ အတိုင်းအတာ တခုအထိ နေဖို့ ကိုးရီးယား နိုင်ငံရေး ခေါင်းဆောင်တွေကို အကြံပြု ပါတယ်။ ဒါပေမယ့် ကိုးရီးယား ပြည်သူလူထု ကတော့ ဂျပန်ကို အောင်ပွဲရပြီးတာနဲ့ ကိုးရီးယားနိုင်ငံ လွတ်လပ်ရေးရဖို့ မျှော်မှန်း ခဲ့ကြပါတယ်။ ကိုးရီးယား ပြည်တွင်းမှာ အခြေစိုက်တဲ့ နိုင်ငံရေး အုပ်စုများက အမေရိကန် တပ်တွေ ကိုးရီးယား နိုင်ငံထဲကို စရောက် ချိန်မှာပဲ လွတ်လပ်သော ကိုးရီးယားပြည်သူ့ သမ္မတ နိုင်ငံ တည်ထောင်ကြောင်း ကြေညာ ခဲ့ကြပါတယ်။ ဂျပန်ကို တော်လှန်ခဲ့ ကြတဲ့ ပြည်တွင်း အခြေစိုက် နိုင်ငံရေး အုပ်စုတွေဟာ နိုင်ငံအနှံ့မှာ ပြည်သူ့ ကော်မတီတွေ တည်ထောင်ပြီး အစိုးရ အနေနဲ့ အစားထိုးဖို့ ကြိုးပမ်း ခဲ့ကြပါတယ်။ ဒီလို လှုပ်ရှားမှုတွေကို အမေရိကန်နဲ့ ဆိုဗီယက် ပြည်ထောင်စုတို့က မနှစ်မြို့ခဲ့ပါဘူး။ ကိုးရီးယား နိုင်ငံတော်သစ်ကို ကိုးရီးယား ပြည်သူတွေရဲ့ ဖန်တီးခွင့်ကို ပေးအပ်လိုခြင်း မရှိပါဘူး။ ကိုးရီးယားနိုင်ငံကို တောင်မြောက် နှစ်ခြမ်းခွဲပြီး သိမ်းပိုက်ခံ နယ်မြေများအဖြစ် ကာလ အတန်ကြာ ဆက်ထားလိုပါတယ်။ နောက်ဆုံး သိမ်းပိုက်ခံ နယ်မြေများ အဖြစ် မထားနိုင်ရင်တောင် သူတို့ရဲ့ သြဇာခံများကိုသာ ကိုးရီးယား နိုင်ငံခေါင်းဆောင် အဖြစ် တင်မြှောက် လိုကြပါတယ်။ ဒီနေ ရာမှာ ပြည်ပကို ရောက်နေတဲ့ ကိုးရီးယား နိုင်ငံရေးသမားများရဲ့ အခန်းကဏ္ဍက အရေးပါလာပါတယ်။

ဂျပန်တွေရဲ့ ဖိနှိပ်အုပ်ချုပ်မှုတွေကို တော်လှန်ရင်း အကြောင်းအမျိုးမျိုးနဲ့ ဆိုဗီယက် ယူနီယံ၊ တရုတ်နဲ့ အမေရိကန် နိုင်ငံတွေ ကို ရောက်နေတဲ့ ကိုးရီးယား နိုင်ငံရေးသမားတွေ အများအပြား ရှိပါတယ်။ အင်အားကြီး နိုင်ငံတွေဟာ သူတို့ရဲ့ သြဇာခံ နိုင်ငံရေး သမားတွေကို ရွေးချယ်တဲ့ အခါ ပြည်တွင်းမှာထက် ပြည်ပရောက် နိုင်ငံရေး သမားများထဲက ရွေးချယ်ပြီး စင်တင်ပေးလေ့ ရှိပါတယ်။ ကိုးရီးယား နိုင်ငံရေး စာမျက်နှာမှာလဲ ဒီအတိုင်းပါပဲ။ ပြည်ပအခြေစိုက် နိုင်ငံရေးသမားတွေ ကိုးရီးယားနိုင်ငံကို ပြန် ၀င်လာတဲ့ အခါမှာ အမေရိကန် ပြည်ထောင်စုမှာ ၂၅ နှစ်ကြာနေထိုင်ခဲ့တဲ့ အသက် ခုနစ်ဆယ်အရွယ် nationalist တဦးဖြစ်တဲ့ Syngman Rhee ကို အမေရိကန်က ကြိုဆိုခဲ့သလို မန်ချူးရီးယားစစ်မျက်နှာမှာ ဂျပန်ကို တော်လှန်ပြီးနောက်ပိုင်း ဒုတိယ ကမ္ဘာစစ် ကာလတလျှောက် ဆိုဗီယက်ပြည်မှာ နေထိုင်ခဲ့တဲ့ communist တဦးဖြစ်တဲ့ Kim II Sung ကိုလဲ ဆိုဗီယက်က ပံ့ပိုး ပေးလာပါတယ်။ ဒီလိုနဲ့ အမေရိကန်နဲ့ ဆိုဗီယက်တို့ရဲ့ သိမ်းပိုက်ခံ နယ်မြေဘ၀မှာ ဒီနှစ်နိုင်ငံရဲ့ ဆက်ဆံရေးတွေ ယိုယွင်း လာတာနဲ့အမျှ ကိုးရီးယား တောင်ပိုင်း မြောက်ပိုင်း ညီညွတ်ရေး လမ်းစကလဲ တစတစနဲ့ ပျောက်ကွယ်လာပါတယ်။

(၁၉၄၇) ခုနှစ်မှာ ကွန်မြူနစ်ဝါဒ တကမ္ဘာလုံး ပျံ့နှံ့သွားရေးကို တားဆီးမယ့် အမေရိကန် နိုင်ငံခြားရေး မူဝါဒတွေ ပါဝင်တဲ့ Truman Doctrine ထွက်ပေါ် လာပါတယ်။ ၁၉၄၉ ခုနှစ်ရောက်တော့ အမေရိကန်နဲ့ ဆိုဗီယက် ပြည်ထောင်စုတို့က ပွင့်ပွင့် လင်းလင်း ရန်သူတွေ ဘ၀ကို ရောက်နေပါပြီ။ စစ်အေး တိုက်ပွဲကြီးကလဲ စတင်နေပါပြီ။ ကိုးရီးယား နယ်မြေနှစ်ခု ပေါင်းစီးရေး အတွက် သဘောတူညီမှုက မရခဲ့ကြပါဘူး။ မြောက်ပိုင်းဒေသမှာ ဆိုဗီယက်ယူနီယံက သူစိတ်တိုင်းကျ ဆိုဗီယက်စတိုင် အစိုး ရကို ဖန်တီးပါတယ်။ ပါဝါကို မြောက်ကိုးရီးယား ကွန်မြူနစ်အလုပ်သမားပါတီရဲ့ လက်ထဲမှာ ထားပြီး၊ အရေးပါတဲ့ အစိုးရနေရာ များကို ဆိုဗီယက် ပြည်ထောင်စု အတွင်းမှာ နေထိုင်ခဲ့ဖူးတဲ့ ကိုးရီးယား နိုင်ငံရေးသမားများကို နေရာပေးထားပါတယ်။ ၁၉၄၈ ခုနှစ်မှာ ဆိုဗီယက်တပ်တွေ ၃၈ မျဉ်းပြိုင်မြောက်ပိုင်း သိမ်းပိုက်ဇုန်ကနေ ထွက်ခွာတော့ ဒီနယ်မြေက ကိုးရီးယားဒီမို ကရက် တစ် ပြည်သူ့သမ္မတနိုင်ငံ ဖြစ်လာ ခဲ့ပါတယ်။ မြောက်ကိုးရီးယားလို့ လူအများ သိကြတဲ့ ကိုးရီးယား ဒီမိုကရက်တစ် ပြည်သူ့ သမ္မတနိုင်ငံမှာ Kim II Sung က သမ္မတ ဖြစ်လာခဲ့ပါတယ်။

၃၈ မျဉ်းပြိုင်ရဲ့ တောင်ပိုင်း အမေရိကန်သိမ်းပိုက်ခံနယ်မြေမှာတော့ နိုင်ငံရေး အသွင်ကူးပြောင်း မှုက ချောချော မွေ့မွေ့ မရှိခဲ့ပါဘူး။ ကိုးရီးယား နိုင်ငံတော်သစ်ကို တည်ထောင်ပြီး လွတ်လပ်ရေး ကြေညာဖို့ လုပ်ခဲ့တဲ့ ပြည်သူ့ကော်မတီတွေကို ကွန်မြူနစ် အမာခံ အဖွဲ့တွေဆိုပြီး အမေရိကန် အုပ်ချုပ်ရေး တာဝန်ရှိသူတွေက ဖိနှိပ်ခဲ့ကြပါတယ်။ ကမ္ဘာစစ် မတိုင်ခင်က ဂျပန်အင်ပါယာ အတွက် အလုပ် လုပ်ပေးခဲ့တဲ့ ဖက်ဆစ် လက်ကိုင်ဒုတ် ရဲအရာရှိတွေနဲ့ ဗြူရိုကရက်တွေကို အသုံးချပြီး အမေရိကန်သြဇာခံ နိုင်ငံရေး သမားတွေကို ဆန့်ကျင်တဲ့ နိုင်ငံရေးအဖွဲ့တွေကို ချေမှုန်း သုတ်သင်မှုတွေ ရှိလာပါတယ်။ တောင်ကိုးရီးယားရဲ့ အဲဒီ အချိန်ကာလ နိုင်ငံရေး အခြေအနေဟာ ရုန်းရင်း ဆန်ခတ်ဖြစ်မှုတွေ၊ လုပ်ကြံ သတ်ဖြတ်မှုတွေ၊ ဖမ်းဆီး နှိပ်စက်မှုတွေနဲ့ ပြည့် နှက်နေခဲ့ပါတယ်။

၁၉၄၈ ရောက်တော့ ကုလသမဂ္ဂက ကြီးကြပ်ပြီး၊ အမေရိကန်ရုပ်သေးနိုင်ငံရေး ခေါင်းဆောင် Syngman Rhee အနိုင် ရစေဖို့ အမေရိကန် အုပ်ချုပ်ရေး တာဝန်ရှိသူတွေက ဖန်တီးထားတဲ့ ရွေးကောက်ပွဲ ထွက်ပေါ်လာပါတယ်။ ရွေးကောက်ပွဲပြီးတော့ တောင်ကိုးရီးယားလို့ လူအများ သိထားတဲ့ ကိုးရီးယား သမ္မတနိုင်ငံမှာ Syngman Rhee က သမ္မတ ဖြစ်လာခဲ့ပါတယ်။ သူအာဏာရပြီး မကြာခင်မှာပဲ Cheju-do ဆိုတဲ့ ကျွန်းမှာ ပုန်ကန်မှုတွေ ပေါ်ပေါက်လာပြီး ကိုးရီးယား ပြည်မ အထိ ပြန့်နှံ့ သွားပါတယ်။ Anti-Rhee သူပုန်တွေကို မြောက်ကိုးရီးယားက ကူညီထောက်ပံ့ပေးပါတယ်။ ဒီပုန်ကန်မှုကို Syngman Rhee က အမေရိကန်စစ်ရေးအကြံပေးတွေနဲ့ အကူအညီနဲ့ ပြင်းပြင်းထန်ထန် နှိမ်နင်းခဲ့ပါတယ်။ ဒီနှိမ်နင်းမှုမှာ ထောင်ပေါင်းများ စွာ သော တောင်ကိုးရီးယား ပြည်သူတွေရဲ့ အသက်တွေ ဆုံးရှုံးခဲ့ရပါတယ်။

တောင်ကိုးရီးယားနဲ့ မြောက်ကိုးရီးယားခေါင်းဆောင်များဟာ ကိုးရီးယားတနိုင်ငံလုံးကို အုပ်ချုပ်ခွင့်ရဖို့ အသည်း အသန် ကြိုး ပမ်းခဲ့ကြပါတယ်။ ၁၉၄၉ ခုနှစ် နွေရာသီမှာ ၃၈ မျဉ်းပြိုင် တလျှောက်မှာ ရှိတဲ့ နှစ်ဘက် စစ်တပ်တွေ အကြား ပစ်ခတ်မှုတွေ စတင် လာပါတယ်။ လေ့လာသူတွေရဲ့ အဆိုအရ ၁၉၅၀ ခုနှစ် ဇွန်လ အထိမှာ ပုန်ကန်မှုတွေနဲ့ နယ်စပ်တိုက်ပွဲတွေမှာ သေဆုံးခဲ့ တဲ့ ကိုးရီးယားလူမျိုး တသိန်းကျော် ရှိခဲ့ပါတယ်။ ဒီလို ပြည်တွင်းစစ်တွေနဲ့ အစပျိုးပြီး နောက်ပိုင်းမှာ လူအများ အခေါ်အရ ကိုးရီးယားစစ်ပွဲ၊ စစ်ရေး လေ့လာသူတွေ အခေါ်အရ အင်အားကြီး နိုင်ငံတွေအကြားက proxy war တခု ဖြစ်ခဲ့တဲ့ စစ်ပွဲကြီးတခု စတင်ဖို့ အချိန်က တစတစ နီးကပ် လာပါတော့တယ်။ နှစ်ဘက်စလုံးက ခေါင်းဆောင်တွေဟာ ၃၈ မျဉ်းပြိုင်ကို ကျော်ပြီး တနိုင်ငံနဲ့ တနိုင်ငံ သိမ်းပိုက်ဖို့ ကြံရွယ် လာကြပါတယ်။ ဒါပေမယ့် ရုပ်သေး ကြိုးဆွဲ နိုင်ငံကြီး နှစ်နိုင်ငံဖြစ်တဲ့ အမေရိကန်နဲ့ ဆိုဗီယက် ယူနီယံတို့က မီးစိမ်း မပြခဲ့ပါဘူး။

ဒီနေရာမှာ တတိယဇာတ်ကောင်အဖြစ် ၀င်လာခဲ့တာကတော့ တရုတ်ပြည်သူ့သမ္မတ နိုင်ငံပဲ ဖြစ်ပါတယ်။ အဲဒီ အချိန်ကာလက အမေရိကန် ပြည်ထောင်စုဟာ ဆိုဗီယက်ယူနီယံနဲ့ တိုက်ရိုက် ဖြစ်ပွားမယ့် စစ်ကို ဦးတည်စေတဲ့ စစ်ရေး ကျူးကျော်မှုတွေ ပြုလုပ်ဖို့ ဆန္ဒ မရှိသေးပါဘူး။ အမေရိကန် ထောက်လှမ်းရေး အရာရှိတွေက Syngman Rhee ရဲ့ အမျိုးသားရေး ၀ါဒကို သံသယ ရှိနေခဲ့ပါတယ်။ တပြိုင်နက်တည်းမှာပဲ စတာလင်ကလဲ အမေရိကန်နဲ့ ထိပ်တိုက်ရင်ဆိုင်မှု မပြုလုပ် လိုသေးပါဘူး။ မြောက် ကိုးရီးယား ခေါင်းဆောင် Kim II Sung ရဲ့ တောင်ကိုးရီးယားကို သိမ်းပိုက်နိုင်မယ့် အရည်အချင်း ကိုလဲ မယုံကြည်ကြပါဘူး။ မြောက်ကိုးရီးယားက တောင်ကိုးရီးယားကို ကျူးကျော်လိုက်ရင် အမေရိကန် တပ်တွေ တောင်ကိုးရီးယား မြေပေါ်ကို ပြန်ရောက်လာ မှာကို စိုးရိမ်ကြပါတယ်။ ဒါကြောင့် နှစ်ဘက်စလုံးက မီးစိမ်း မပြခဲ့ကြတာပါ။

ဒါပေမယ့် ၁၉၄၉ ခုနှစ်၊ အောက်တိုဘာလမှာ ကမ္ဘာ့နိုင်ငံရေး အခြေအနေက စတင် ပြောင်းလဲ လာပါတော့တယ်။ အဲဒီအချိန်မှာ တရုတ်နိုင်ငံ အတွင်းမှာ ပြည်တွင်းစစ် အဆုံးသတ် သွားပါတယ်။ တရုတ် ကွန်မြူနစ်ပါတီ ခေါင်းဆောင် မော်စီတုန်းရဲ့ တပ်တွေ ဟာ ကူမင်တန် ချန်ကေရှိတ် တပ်တွေကို အနိုင်ရရှိပြီး တရုတ်ပြည်သူ့ သမ္မတနိုင်ငံ ပေါ်ထွက် လာပါတော့တယ်။ ကူမင်တန် တပ်တွေက တရုတ်ပြည် အရှေ့ပိုင်း (၁၂၅) မိုင်အကွာမှာရှိတဲ့ မော်မိုဆာကျွန်း (ထိုင်ဝမ်) မှာ သွားပြီး တပ်စွဲကြပါတယ်။ (၁၉၅၀)ခုနှစ်၊ ဖေဖော်ဝါရီ လကျတော့ မော်စီတုန်းက ဆိုဗီယက် ယူနီယံနဲ့ မဟာမိတ် စာချုပ်မှာ လက်မှတ် ရေးထိုး ခဲ့ပါတယ်။ ဒီလိုနဲ့ တရုတ်ပြည်က ကွန်မြူနစ်တွေရဲ့ အောင်ပွဲဟာ အမေရိကန် အစိုးရ ခေါင်းဆောင်တွေ အာရှ အရှေ့ပိုင်းကို အာရုံစိုက်လာ စေခဲ့ ပါတော့တယ်။ တပြိုင်နက်တည်းမှာပဲ စတာလင်ရဲ့ ကိုးရီးယား အပေါ် ထားရှိတဲ့ အမြင်ကိုလဲ ပြောင်းလဲ စေခဲ့ပါတယ်။ (၁၉၅၀) ခုနှစ်၊ ဇန်န၀ါရီလမှာ Kim II Sung တောင်းဆိုထားတဲ့ စစ်လက်နက် ပစ္စည်းတွေကို စတာလင်က တင်သွင်းပေး ခဲ့ပါတယ်။ ဧပြီလ ရောက်တော့ တရုတ်က အကူအညီ ပေးမယ်ဆိုရင် တောင်ကိုးရီးယားကို ၀င်တိုက်လို့ ရကြောင်း ဆိုဗီယက် တွေက Kim II Sung ကို ပြောကြား ခဲ့ပါတယ်။ မေလမှာ မော်စီတုန်းက Kim II Sung ရဲ့ စစ်ရေးစီမံချက်ကို လက်ခံခဲ့ပြီး လိုအပ်တဲ့ စစ်ရေး အထောက်အပံ့တွေ ပေးဖို့ သဘော တူညီခဲ့ပါတယ်။ ကိုးရီးယား စစ်ပွဲကြီး စတင်ဖို့ လမ်းတွေကတော့ ပွင့်သွား ခဲ့ပါပြီ။

မြောက်ကိုးရီးယားက တောင်ကိုးရီးယားကို စတင်တိုက်ခိုက်ပြီ

ကိုးရီးယားစစ်ပွဲကြီး စတင်ခဲ့တဲ့ အချိန်ဟာ (၁၉၅၀) ခု၊ ဇွန်လ (၂၅) ရက်၊ နံနက် လေးနာရီ အချိန်မှာပါ။ တောင်ကိုးရီးယား အနောက် ကမ်းရိုးတန်း ဒေသက Ongjin ကျွန်းဆွယ်ကို မြောက်ကိုးရီးယား ပြည်သူ့ တပ်မတော်က လက်နက်ကြီး အကူ အညီသုံးပြီး စတင် တိုက်ခိုက် ပါတော့တယ်။ စစ်စတင်ပြီး မကြာခင် အချိန်မှာပဲ ဒီသတင်းဟာ ၃၈ မျဉ်းပြိုင် တလျှောက် အရှေ့ ဘက် မိုင် ၂၀၀ ကျော်ကို ပျံ့နှံ့သွားပါတယ်။ ၃၈ မျဉ်းပြိုင် ဆိုတာကလဲ ကာကွယ်ရေး ရှုထောင့်အရ အချက်အချာ ကျတဲ့ နယ် စပ်မျဉ်း မဟုတ်ပါဘူး။ မြစ်ချောင်း အတားအဆီးနဲ့ တောင်တန်း အတားအဆီးတွေ မရှိပါဘူး။ အဲဒီအချိန်မှာ တောင်ကိုးရီးယား စစ်တပ် အရာရှိတွေနဲ့ သူတို့အားကိုးတဲ့ အမေရိကန်စစ်ဘက် အကြံပေးတွေက ခွင့်ယူထားချိန် ဖြစ်တာကြောင့် နာရီပိုင်း အတွင်းမှာတင် Kaesong ကို မြောက်ကိုးရီးယား တပ်တွေက သိမ်းပိုက် နိုင်ခဲ့ပါတယ်။ Churchon ဘက်မှာ ခုခံမှု အနည်းငယ် ကြုံတွေ့ရပေမယ့် မြောက်ကိုးရီးယား တပ်တွေကပဲ အနိုင် ရခဲ့ပါတယ်။

စာရွက်ပေါ်က ဂဏာန်းတွေကိုပဲ ကြည့်မယ်ဆိုရင် မြောက်ကိုးရီးယားနဲ့ တောင်ကိုးရီးယား တပ်သား အရေအတွက်က အတူတူပဲ ဖြစ်ပါတယ်။ စစ်အင်အား ကိုးသောင်းခွဲဆီ ရှိခဲ့ကြပါတယ်။ ဒါပေမယ့် မြောက်ကိုးရီးယား တပ်မတော်မှာက တရုတ် ပြည်တွင်းစစ်မှာ ကွန်မြူနစ်တွေ ဘက်ကနေ ၀င်တိုက် ပေးခဲ့ပြီး စစ်သက် အတွေ့အကြုံ ရှိတဲ့ တပ်သားတွေနဲ့ အရာရှိတွေ ပါဝင် နေခဲ့ပါတယ်။ တချို့ကကျတော့ ဆိုဗီယက် တပ်နီတော်မှာ အမှု ထမ်းခဲ့သူတွေပါ။ ဒုတိယ ကမ္ဘာစစ်အတွင်းက ဆိုဗီယက်စစ် လက်နက် ပစ္စည်းတွေဖြစ်တဲ့ T-34 တင့်ကားတွေ အပါအ၀င် လက်နက် အင်အားကလဲ တောင့်တင်း ခဲ့ပါတယ်။ တောင် ကိုးရီးယား စစ်တပ်ဘက်မှာ ကျတော့ အစိုးရက အမေရိကန် ရုပ်သေး အစိုးရ ဖြစ်နေပြီး၊ အမေရိကန် ကိုပဲ အုပ်ချုပ်ရေး၊ စစ်ရေး၊ သူပုန် နှိမ်နင်းရေးတွေမှာ အားကိုးနေရတာ ဖြစ်နေတဲ့ အတွက် စစ်ဘက် အတွေ့အကြုံကလဲ နည်းပြီး လေ့ကျင့် သင်ကြားပေးမှု က လဲ အခြေအနေနဲ့ မကိုက်ညီ သေးပါဘူး။

ဒါကြောင့် မြောက်ကိုးရီးယားက တောင်ကိုးရီးယားကို ကျူးကျော်ပြီး သုံးရက် အတွင်းမှာပဲ တောင် ကိုးရီးယားရဲ့ ဆိုးလ်မြို့တော် ကို သိမ်းပိုက် နိုင်ခဲ့ပါတယ်။ မြို့ရဲ့ တောင်ပိုင်းကို ရှင်းလင်းရေး လုပ်နေ တုန်းမှာတင် ဆုတ်ခွာသွားတဲ့ တောင်ကိုးရီးယား တပ်တွေဟာ ကြောက်လန့်တကြား ဖြစ်ပြီး ဟန်မြစ်ပေါ်က တံတားတွေကို ချိုးဖျက် လိုက်တာကြောင့် တံတားတွေပေါ်မှာ ရှိနေဆဲဖြစ်တဲ့ ရာပေါင်း များစွာသော အရပ်သား ပြည်သူတွေ သေဆုံး သွားခဲ့ပါတယ်။ သူတို့ လိုအပ်မယ့် ရိက္ခာ ထောက်ပံ့ရေးနဲ့ စစ်လက်နက် အကူအညီ လမ်းကြောင်းတွေကို ကိုယ်တိုင် ဖျက်ဆီးလိုက်သလို ဖြစ်သွား ခဲ့ပါတယ်။

(မြောက်ကိုးရီးယားက တောင်ကိုးရီးယားကို ၁၉၅၀ ခုနှစ်၊ ဇွန်လ ၂၅ ရက်နေ့မှာ ကျူးကျော်ခဲ့ပြီး သုံးရက် အတွင်းမှာ တောင်ကိုးရီးယား မြို့တော် ဆိုးလ်ကို သိမ်းပိုက် နိုင်ခဲ့ပါတယ်)

စစ်ပွဲတခုရဲ့ တရားမျှတမှုရှုထောင့်ကနေ ကြည့်ရင်တော့ ဒီပွဲက ပြီးဆုံး သွားပါပြီ။ မြောက်ကိုးရီးယား တပ်တွေက ပြည်ပ လက်နက် အကူအညီ ယူထားပေမယ့် တိုက်ပွဲကို သူတို့ကိုယ်တိုင်ပဲ ဆင်နွှဲခဲ့တာပါ။ တောင်ကိုးရီးယား တပ်တွေကလဲ အမေရိကန်ရဲ့ လက်နက် အကူအညီတင်သာမက စစ်ရေး အကြံပေးမှုတွေ ကိုပါ ယူထားပြီး ခုခံ တိုက်ပွဲ ၀င်ခဲ့တာပါပဲ။ ဒီတိုက်ပွဲမှာ မြောက်ကိုးရီးယား စစ်တပ်က အနိုင် ရသွားခဲ့ပါတယ်။ ကိုးရီးယား တနိုင်ငံလုံးကို ကွန်မြူနစ် စနစ်နဲ့ အုပ်ချုပ်ဖို့ Kim II Sung ရဲ့ မျှော်မှန်း ချက်တွေ ပြည့်ဝ သွားပြီလို့ ဆိုနိုင်ပါတယ်။ တရုတ်ပြည်သူ့ သမ္မတနိုင်ငံမှာ မော်စီတုန်း တပ်တွေက ချန်ကေရှိတ် တပ်တွေကို အနိုင် ယူခဲ့သလိုမျိုးပဲ ဖြစ်ပါတယ်။ တရုတ်နိုင်ငံကို ဘယ်နည်း ဘယ်ဖုံ တည်ဆောက်ကြမယ် ဆိုတာကတော့ တရုတ်ခေါင်း ဆောင်တွေနဲ့ တရုတ်ပြည်သူတွေရဲ့ အရေး ကိစ္စပါပဲ။ တရုတ်နိုင်ငံရဲ့ အနာဂတ် ကံကြမ္မာကို တရုတ်ပြည်သူနဲ့ ခေါင်းဆောင် တွေကသာ ဖန်တီးကြမှာ ဖြစ်ပါတယ်။

ဒါပေမယ့် ကိုးရီးယားပြည်သူတွေမှာတော့ ဒီအခွင့်အရေး မရှိခဲ့ပါဘူး။ ကိုးရီးယား နိုင်ငံရဲ့ အနာဂတ် ကံကြမ္မာကို ကိုးရီးယား ပြည်သူတွေ ဖန်တီးခွင့် မရခဲ့ကြပါဘူး။ ကိုးရီးယား အချင်းချင်း တိုက်ကြတဲ့ ပွဲမှာ သူတို့ရဲ့ ရုပ်သေးသြဇာခံ အစိုးရ အုပ်ချုပ် နေတဲ့ တောင်ကိုးရီးယား ဒေသရဲ့ စစ်တပ်တွေ စစ်ရှုံးတာကို အမေရိကန်နဲ့ မဟာမိတ်တွေက မနှစ်မြို့ခဲ့ကြပါဘူး။ ဗြိတိသျှ ၀န်ကြီးချုပ် အက်တလီက naked aggression လို့ ကြွေးကြော်ခဲ့ပါတယ်။ အမေရိကန်ကလဲ သူ့သြဇာခံ နိုင်ငံဘက်ကနေ ၀င်ရောက် ကူညီပေးဖို့ စတင် ကြိုးပမ်း လာပါတော့တယ်။ ပမာဆိုရရင် ငါးနှစ်အရွယ် ကလေးတွေကို အချင်းချင်း နပန်း လုံးကြတာ မှာ ကိုယ့်ကလေးက မနိုင်တဲ့ အခါ လူကြီးတွေကပါ တဘက်က ကလေးငယ်ကို ၀င်ရိုက် ကြသလိုမျိုးပါ။ အဲဒီအချိန်ကာလက အမေရိကန်ရဲ့ ရုပ်သေးအဆင့် လောက်သာ ရှိသေးတဲ့ ကုလသမဂ္ဂ လုံခြုံရေး ကောင်စီ ကလဲ အမေရိကန်ရဲ့ စစ်ရေးအရ ၀င်ရောက် စွက်ဖက်မှုကို legitimate ဖြစ်အောင် ပြုလုပ် ပေးပါတယ်။ ကမ္ဘာ့ငြိမ်း ချမ်းရေးနဲ့ လုံခြုံရေး အတွက် ကုလသမဂ္ဂ အဖွဲ့ဝင်နိုင်ငံ အားလုံးက တောင်ကိုးရီးယားကို လိုအပ်တဲ့ ကူညီထောက် ပံ့မှု ပေးရ မယ်လို့ ယူအက် လုံခြုံရေး ကောင်စီက ကြေညာ ပါတော့တယ်။ ဒီတုန်းက ဒုတိယကမ္ဘာစစ်ကြီး ပြီးစ၊ စစ်အေး တိုက်ပွဲ စကာစ အချိန်မှာ တခါမှ မကွဲခဲ့ဖူးတဲ့ ကိုးရီးယားနိုင်ငံကို မြေပုံပေါ်မှာ တောင်နှင့်မြောက် ဖြစ်အောင် အမေရိကန် စစ်ဘက် အကြံပေး များက ခွဲခဲ့ပြီးမှ ကိုးရီးယား ပြည်သူအချင်းချင်း စစ်တိုက်ပြီး တဘက်မှ တဘက်ကို အနိုင်ရမှုဟာ ကမ္ဘာ့ ငြိမ်းချမ်းရေးကို ထိခိုက် တာ မထိခိုက်တာတော့ မသေချာ။ အမေရိကန်ရဲ့ ကွန်မြူနစ် နှိမ်နင်းရေး Truman Doctrine ကို အရှိုက် ထိသွားတာတော့ သေချာပါတယ်။ ယူအင်ရဲ့ လုပ်ငန်း ဆောင်တာတွေကို အနောက်နိုင်ငံတွေ အလိုကျ မဖြစ်အောင် check and balance လုပ် ပေးနိုင်မယ့် တရုတ်ပြည်သူ့ သမ္မတနိုင်ငံ အစိုးရကလဲ ယူအင်မှာ မရောက်သေးပါ။ ယူအင်မှာ တရုတ်ထိုင်ခုံကို ယူထားတာက ချန်ကေရှိတ် အစိုးရ ဖြစ်ပါတယ်။ ဆိုဗီယက်ကလဲ အမေရိကန်နဲ့ ထိပ်တိုက် မတွေ့လိုသေးပါ။ ဒါကြောင့် ယူအင်က အမေ ရိကန် စိတ်တိုင်းကျ စီမံလို့ ရတဲ့ နေရာကြီး တခု ဖြစ်နေခဲ့ပါတယ်။

ဒီလိုနဲ့ ဇွန်လ ၂၇ ရက်နေ့မှာ ထွက်ပေါ်လာခဲ့တဲ့ UN Resolution ကို ကိုင်ပြီး အမေရိကန်က စတင်လှုပ်ရှား ပါတော့တယ်။ ဂျပန်မှာ အခြေစိုက်နေတဲ့ အမေရိကန် ဗိုလ်ချုပ် Douglas MacArthur ကို ကိုးရီးယား ဆိုးလ်မြို့ရဲ့ တောင်ပိုင်း ဟန်မြစ် ကမ်းတဘက်က တောင်ကိုးရီးယား တပ်တွေဆီကို သွားဖို့ စေလွှတ်ခဲ့ပါတယ်။ ဇွန်လ ၂၉ ရက်နေ့မှာ ဗိုလ်ချုပ် မက်စ်အာသာ စစ်မြေပြင်ကို ရောက်သွားတော့ သွေးပျက်နေတဲ့ တောင်ကိုးရီးယား စစ်တပ်ကို တွေ့ရပါတော့တယ်။ သွေးပျက်နေတဲ့ တပ်သားတွေနဲ့ တိုက်ပွဲဝင်ဖို့ဆိုတာ မဖြစ်နိုင်တာကြောင့် အမေရိကန် တပ်သားတွေ ၀င်ရောက် စစ်ကူ တိုက်ခိုက်မှ ရမယ်ဆိုတဲ့ အကြောင်း ထရူးမင်းဆီကို အစီရင်ခံစာ ရောက်ပါတယ်။ အမေရိကန် သမ္မတက နောက်တနေ့မှာပဲ ယူအက်စ်တပ်တွေကို တောင်ကိုးရီးယားကို စပြီး ပို့ပါတော့တယ်။ အမေရိကန်က ကုလသမဂ္ဂ လုံခြုံရေးကောင်စီက Resolution ကို ကိုင်ထားတဲ့ အတွက် တခြား ယူအင် နိုင်ငံတွေကလဲ တောင်ကိုးရီးယား ဘက်ကနေ ကူညီ တိုက်ခိုက် ရပါတော့တယ်။ ဗြိတိန်၊ သြစတြေးလျ၊ ကနေဒါ၊ နယူးဇီလန်၊ ကိုလံဘီယာ၊ ဖိလစ်ပိုင်နဲ့ ထိုင်းနိုင်ငံတွေက ကုလသမဂ္ဂ တပ်တွေအနေနဲ့ ပါဝင် အားဖြည့်ကြပါတယ်။

ဒါပေမယ့်လဲ ခြေလျင် စစ်သည်တွေအနေနဲ့ တောင်ကိုးရီးယားတပ်တွေနဲ့အတူ တိုက်ပွဲဝင်ခဲ့ကြတာက အမေရိကန် စစ်သည် တွေပါ။ အမေရိကန် စစ်တပ်က မြောက်ကိုးရီးယား တပ်တွေကို အလွယ်တကူ ချေမှုန်း နိုင်မယ်လို့ ထင်ခဲ့ကြပါတယ်။ ဒါပေမယ့် လဲ အမေရိကန် တပ်တွေ ၀င်လာပြီး သုံးပတ် အတွင်းမှာလဲ စစ်ပွဲဟာ သူတို့ မျှော်မှန်းသလောက် မလွယ်ကူမှန်း သိသွား ကြပါတော့တယ်။ တောင်ကိုးရီးယားက အမေရိကန် ရုပ်သေး အစိုးရကို တော်လှန်နေကြတဲ့ တော်လှန်ရေး သမား သူပုန်တွေက လဲ အမေရိကန်တွေရဲ့ ထောက်ပံ့ရေး လမ်းကြောင်းတွေကို ဖျက်ဆီး ပစ်ခဲ့ကြပါတယ်။ ဇူလိုင် (၂၀) မှာ အမေရိကန် ဗိုလ်ချုပ် William F. Dean ကို မြောက်ကိုးရီးယားတပ်က အရှင် ဖမ်းမိ သွားပါတယ်။

ဇူလိုင်အကုန်ရောက်တော့ တောင်ကိုးရီးယားရဲ့ အနောက်ပိုင်းဒေသ တခုလုံးဟာ မြောက်ကိုးရီးယား တပ်မတော် လက်ထဲကို ကျရောက် သွားပါပြီ။ အမေရိကန်နဲ့ တောင်ကိုးရီးယား စစ်တပ်တွေက Pusan Port ကို ဆုတ်ခွာ ကြပါတယ်။ စစ်ကူမရောက် ခင်မှာ Pusan Port တ၀ိုက်မှာ ခြေကုပ်ယူပြီး ခံစစ် တည်ဆောက်ဖို့ ရည်ရွယ်ချက်နဲ့ပါ။ တချိန်တည်းမှာပဲ ကြွက်မနိုင်၊ ကျီမီး ရှို့တဲ့ လုပ်ရပ်ကို အမေရိကန်တွေက စလုပ် လာပါတော့တယ်။ အရပ်သားတွေ အခြေချနေထိုင်တဲ့ နယ်မြေဒေသတွေ အပါ အ၀င် မြောက်ကိုးရီးယား တပ်တွေကို လေကြောင်းကနေ တိုက်ခိုက်မှု ဖြစ်ပါတယ်။ ဒီလို လေကြောင်းကနေ တိုက်ခိုက်မှုတွေ ကြောင့် မြောက်ကိုးရီးယား တပ်သားတွေ သာမက တောင်ကိုးရီးယား အရပ်သား ပြည်သူ အများအပြားပါ သေကြေပျက်စီး ခဲ့ရပါတယ်။
သြဂုတ်လ အစပိုင်းမှာ အမေရိကန်နဲ့ တောင်ကိုးရီးယား တပ်တွေဟာ ခံတပ်ခိုင်မာဖို့ ကြိုးပမ်းနေရဆဲပဲ ရှိပါသေးတယ်။ မြောက်ကိုးရီးယား တပ်တွေက Pusan Port နဲ့ မိုင်ငါးဆယ်ပဲ ဝေးတဲ့ Mason ကို ချီတက် လာကြပါပြီ။ အမေရိကန် စစ်တပ်က Lieutenant General Walton Walker က မရင်း တပ်မကြီးနဲ့ မြောက်ကိုးရီးယားတပ် ချီတက်ရာ လမ်းကြောင်းကို ပိတ်ဆို့ဖို့ လုပ်ပါတယ်။ ဒါပေမယ့်လဲ မအောင်မြင်ခဲ့ပါဘူး။ ဒါကြောင့် နောက်ထပ် ချေမှုန်းရေး တပ်တွေကို မလွှတ်တော့ပဲ ခံစစ်ဒေသ ခိုင်မာရေးကိုသာ ဦးတည် ကြိုးပမ်း ကြပါတော့တယ်။

Pusan Preimeter မြေပုံ

Pusan Perimeter က တောင်ကနေ မြောက်အထိ မိုင်ရှစ်ဆယ် ကျယ်ဝန်ပြီး၊ အရှေ့အနောက် မိုင်ငါးဆယ်ခန့် ကျယ်ဝန်း ပါတယ်။ အရှေ့ဘက်မှာ Pohangdon မြို့ နဲ့ Yonil လေတပ် အခြေစိုက်စခန်း ရှိပါတယ်။ စစ်ရေး အချက်အချာ ကျတဲ့ နေရာ တွေ ဖြစ်တာကြောင့် အမေရိကန်နဲ့ တောင်ကိုးရီးယား တပ်တွေက အသည်းအသန် ကာကွယ် ခဲ့ကြရပါတယ်။ ဒါပေမယ့်လဲ သြဂုတ် ဒုတိယပတ် ရောက်တော့ ဒီနေရာတွေကို မြောက်ကိုးရီးယား တပ်တွေက သိမ်းပိုက်လိုက် တာကြောင့် အမေရိကန်တပ် တွေနဲ့ တောင်ကိုးရီးယား တပ်တွေက ပင်လယ်ဘက်ကနေ ထွက်ပြေး ခဲ့ရပါတယ်။ နောက်ပိုင်းမှာ အမေရိကန် လေတပ်က လေကြောင်း တိုက်ခိုက်မှုတွေ အကြီးအကျယ် ပြုလုပ်လာတာကြောင့် မြောက်ကိုးရီးယား တပ်တွေက ဆုတ်ခွာ ပေးလိုက်ရ ပါတယ်။

မြောက်ကိုးရီးယားတပ်တွေက အမေရိကန် တပ်တွေရဲ့ ရှေ့တန်း ဗျူဟာရုံးနဲ့ တောင်ကိုးရီးယား အစိုးရယာယီ ရုံးစိုက်ရာမြို့ ဖြစ်တဲ့ Taegu ကို အာရုံ စိုက်လာပါတယ်။ မြောက်ကိုးရီးယား တပ်တွေ နီးကပ် လာတာကြောင့် တောင်ကိုးရီးယား အစိုးရက Pusan ကို ထွက်ပြေး ရပါတော့တယ်။ နိုင်ငံရေး အချက်အချာ နေရာဟာ Pusan ဖြစ်လာတာကြောင့် မြောက်ကိုးရီးယား ခေါင်းဆောင် Kim II Sung က စက်တင်ဘာ (၁) ရက်မတိုင်မီမှာ သိမ်းပိုက်ဖို့ အမိန့် ပေးလိုက်ပါတယ်။ အမေရိကန်ရဲ့ ရုပ်သေး အစိုးရဖြစ်တဲ့ တောင်ကိုးရီးယား အစိုးရကို အမေရိကန် စစ်တပ်က အထူး ကာကွယ် ပေးခဲ့ရပါတယ်။ နောက်ဆုံး အမေရိကန်စစ် တပ်နဲ့တင် မလုံလောက် တော့ပဲ ဗြိတိန်ရဲ့ အကူအညီကိုပါ တောင်းခံ လာတာကြောင့် သြဂုတ်လ နှောင်းပိုင်းမှာ ဗြိတိသျှ တပ်မတခုက Pusan မှာ ခြေကုပ် သွားယူ ရပါတော့တယ်။

သြဂုတ် (၃၁) မှာ မြောက်ကိုးရီးယားစစ်တပ်က General Kim Chaik ရဲ့ Pusan စစ်ဆင်ရေးကြီး စတင် လာပါတယ်။ ဒါပေမယ့် နိုင်ငံသုံးခုရဲ့ စစ်တပ်သုံးခု ပူးပေါင်းပြီး ခုခံ ကာကွယ်နေတာကြောင့် မအောင်မြင်ခဲ့ပါဘူး။ စက်တင်ဘာ (၈) ရက်မှာ နှစ်ဘက်စလုံးက တဘက်နဲ့တဘက် ရင်ဆိုင် ထိန်းချုပ်ထားတဲ့ အဆင့်မှာပဲ ရှိနေပါသေးတယ်။ အဲဒီအချိန်မှာပဲ အမေရိကန် စစ်တပ်က ဗိုလ်ချုပ် မက်စ်အာသာရဲ့ Operation Chromite စစ်ဆင်ရေးကြီးက စတင် လာပါတော့တယ်။ စစ်ပွဲကြီး စတင် ချိန် တုန်းက တောင်ကိုးရီးယား အနောက်ပိုင်း Ichon Port ကို သိမ်းပိုက်ပြီး ဆိုးလ်မြို့တော်ကို ပြန်လည် သိမ်းပိုက်ဖို့ စီမံ ချက် ရှိခဲ့ဖူးပါတယ်။ မြောက်ကိုးရီးယား လက်ထဲကို ကျရောက်နေတဲ့ ဆိုးလ်မြို့တော်ကို သိမ်းပိုက် နိုင်မှသာ ဆက်သွယ်ရေး လမ်း ကြောင်းနဲ့ ထောက်ပံ့ရေး လမ်းကြောင်းတွေကို ဖြတ်တောက် နိုင်ပြီး Pusan Perimeter ကို အာရုံစိုက်နေတဲ့ မြောက်ကိုးရီး ယားတပ်တွေ ပြန်လည် ဆုတ်ခွာရေးကို ပြုလုပ်နိုင်မယ်လို့ ယူဆတာကြောင့် ဒီစီမံချက်ကို အသက်သွင်းဖို့ စတင်ကြိုးပမ်း ပါတော့တယ်။ ဒီစစ်ဆင်ရေး အတွက် အထူးတပ်ဖြစ်တဲ့ X Corps ကို ဖွဲ့စည်း ခဲ့ပါတယ်။

စက်တင်ဘာလ (၁၆) ရက်နေ့မှာ အမေရိကန်တပ်တွေက Inchon ကို သိမ်းပိုက် နိုင်ခဲ့ပါတယ်။ အဲဒီကနေတဆင့် ဆိုလ်းကို သိမ်းပိုက်ဖို့ ကြိူးပမ်းတာမှာ မြောက်ကိုးရီးယား စစ်သည် နှစ်သောင်းကျော်က ကာကွယ် ခဲ့ကြပါတယ်။ ဒါပေမယ့်လဲ အမေရိ ကန် တပ်တွေက အင်အားဖြည့် တိုက်ပွဲ ၀င်ခဲ့ကြတာကြောင့် စစ်တင်ဘာ (၂၀) မှာ ဆိုးလ်မြို့တော်ရဲ့ ဆင်ခြေဖုန်း ဒေသတွေ အထိ အမေရိကန် တပ်တွေ ၀င်ရောက် နိုင်ခဲ့ကြပါတယ်။ ဆိုးလ်မြို့တော်ကို အမေရိကန် တပ်တွေက သိမ်းပိုက်ပြီးချိန်မှာ Pusan Perimeter မှာ ရင်ဆိုင် ထိန်းချုပ် တိုက်ပွဲဝင်နေတဲ့ မြောက်ကိုးရီးယား တပ်တွေက ရှေ့က အမေရိကန်၊ ဗြိတိန်နဲ့ တောင်ကိုးရီး ယားတပ်တွေနဲ့ နောက်က အမေရိကန် X Corps တွေအကြားမှာ ညပ်သွားပါတယ်။ မြောက်ကိုးရီးယား တပ်တွေ အားပျော့ လာချိန်မှာ ဗိုလ်ချုပ် မက်အာသာ ကိုယ်တိုင် တောင်ကိုးရီးယားကို သွားပြီး အမေရိကန်နဲ့ ယူအင် တပ်တွေကြောင့် အသက် ဆက်နေရတဲ့ တောင်ကိုးရီးယား အစိုးရကို အသက်ပြန်သွင်း ပေးခဲ့ပါတယ်။ အမေရိကန် ရုပ်သေး ကိုးရီးယားခေါင်းဆောင် Syngman Rhee ကို သမ္မတ ရာထူး ပြန်ပေးအပ် ခဲ့ပါတယ်။ ထောင်ပေါင်း များစွာသော မြောက်ကိုးရီးယား တပ်သားတွေ စစ် အကျဉ်းသားတွေ ဖြစ်ခဲ့ပါတယ်။ ဒီအချိန်ကာလ တုန်းက လူ့အခွင့်အရေး ဆိုတာကလဲ ကမ္ဘာမှာ ကျယ်ကျယ်လောင်လောင် မရှိသေးပါဘူး။ စစ်မြေပြင် ရာဇ၀တ်မှုတွေကို နှစ်ဘက်စလုံးက ကျူးလွန် ခဲ့ကြတာပါ။ မြောက်ကိုးရီးယား တပ်တွေရဲ့ စစ်အကျဉ်းသား ဖြစ်ခဲ့တဲ့ အမေရိကန် တပ်သားတွေနဲ့ တောင်ကိုးရီးယား တပ်သားတွေ သာမက တောင်ကိုးရီးယားနဲ့ အမေရိကန်တပ် တွေရဲ့ စစ်အကျဉ်းသား ဖြစ်ခဲ့တဲ့ မြောက်ကိုးရီးယား တပ်သားတွေပါ နှိပ်စက် ညှဉ်းပန်း ခံခဲ့ကြရတာပါပဲ။ အပြန်အလှန် စွပ်စွဲကြ ပြီး စစ်နိုင်သူက သူလိုရာ ဆွဲရေးတဲ့ သမိုင်းတွေကိုသာ လူအများ သိခွင့်ရကြတာ ကတော့ စစ်ပွဲတိုင်းရဲ့ ထုံးစံတခုပါပဲ။

စစ်ပွဲကာလအတွင်းမှာ လူမဆန်တဲ့ သတ်ဖြတ်မှုတွေကို နှစ်ဘက်စလုံးက ပြုလုပ် ခဲ့ကြပါတယ်။ အမေရိကန် စစ်သားနဲ့ တောင် ကိုးရီးယား စစ်သားတွေကို ဖမ်းမိတဲ့အခါ မြောက်ကိုးရီးယား တွေက နားနောက်မှာ သေနတ် ထောက်ပြီး တချက်တည်းနဲ့ အသေ ပစ်သတ်ပါတယ်။ တောင်ကိုးရီးယား တွေကလဲ ကွန်မြူနစ်လို့ သံသယရှိတဲ့ အရပ်သားတွေကိုပါ အစုလိုက် အပြုံလိုက် ပစ်သတ်ပါတယ်။ အမေရိကန် စစ်သားတွေဟာ တောင်ကိုးရီးယား တပ်တွေနဲ့အတူ နယ်မြေ ရှင်းလင်းရေး ထွက်ချိန်တွေမှာ ကျေးလက် ဒေသက ကွန်မြူနစ်ဝါဒ ထောက်ခံသူ အရပ်သား တောင်သူ လယ်သမားတွေကို တောင်ကိုးရီးယား စစ်တပ်က ပစ် သတ်မှုတွေမှာပါ ပါဝင် ခဲ့ကြရပါသေးတယ်။ တောင်ကိုးရီးယား အစိုးရဟာ အမေရိကန် အသက်သွင်းမှုကြောင့်သာ အသက်ရှင် နေပေမယ့် တောင်ကိုးရီးယား အရပ်သားပြည်သူ အများစုကတော့ ကွန်မြူနစ် ၀ါဒကိုသာ ထောက်ခံ ခဲ့ကြပါတယ်။ ဒါကြောင့်လဲ Syngman Rhee အစိုးရနဲ့ စစ်တပ်က ကျေးလက်ဒေသက ကွန်မြူနစ် အမာခံတွေကို သူပုန်တွေလို့ သံသယ ရှိတာနဲ့ အစု လိုက် အပြုံလိုက် သတ်ဖြတ် ပစ်လိုက်ကြပါတယ်။

အဖမ်းမခံရတဲ့ မြောက်ကိုးရီးယား တပ်သားတွေက တောင်ကိုးရီးယားမှာ ရှိနေတဲ့ တော်လှန်ရေး သမား သူပုန်တွေနဲ့ လက်တွဲ ပြီး ဆက်လက် တိုက်ပွဲ ၀င်ကြပြန်ပါတယ်။ သူတို့တွေက ပြည်သူထဲမှာ တပ်ဖျောက် နေပါတယ်။ တောင်ကိုးရီးယား တွေက တော်လှန်ရေး သမားနဲ့ မြောက်ကိုးရီးယား တွေကို ရှာလို့ မတွေ့တော့ သူတို့ အခြေစိုက်မယ် ထင်တဲ့ နယ်မြေ ဒေသတွေကို သူပုန်နယ်မြေတွေ သတ်မှတ်ပြီး အမေရိကန်တွေကို ဗုံးကြဲ ခိုင်းပါတယ်။ ဒီဗုံးဒဏ်တွေကြောင့် အရပ်သား ထောင်ပေါင်း များစွာရဲ့ အသက်တွေ ကြွေလွင့် ခဲ့ရပြန်ပါတယ်။

စစ်ပွဲက မပြီးသေးပါဘူး။ စက်တင်ဘာ (၂၇) ရက်ရောက်တော့ အမေရိကန် အစိုးရက ဗိုလ်ချုပ် မက်အာသာကို မြောက်ကိုးရီးယားကို ကျူးကျော် သိမ်းပိုက်ခွင့် ပေးလိုက်ပါတယ်။ ၃၈ မျဉ်းပြိုင်ကို ကျော်ပြီး မြောက်ကိုးရီးယား စစ်တပ်ကို ချေမှုန်းဖို့ ခွင့်ပြုချက် ရသွားပါတယ်။ မြောက်ကိုးရီးယားက တောင်ကိုးရီးယားကို ကျူးကျော်ဖို့ ကြိုးပမ်းလို့ တောင်ကိုးရီးယားကို ၀န်းရံကာ ကွယ်ဖို့ Resolution ထုတ်ပေးခဲ့တဲ့ ယူအင်ကလဲ အမေရိကန် တပ်တွေက မြောက်ကိုးရီးယားကို ကျူးကျော်ဖို့ လုပ်တော့ ရေငုံ နှုတ်ပိတ်ပါပဲ။ အောက်တိုဘာ (၁) ရက်နေ့ရောက်တော့ ယူအင်ရဲ့ Commander in Chief အနေနဲ့ ဗိုလ်ချုပ်မက် အာသာက မြောက်ကိုးရီးယား ခေါင်းဆောင်တွေကို 'I, as the United Nations Commander in Chief, call upon you and the forces under your command, in whatever part of Korea situated, forthwith to lay down your arms and cease hostilities under such military supervision as I may direct....' လို့ ဆိုခဲ့ပါတယ်။

တင်းမာမှုအခြေအနေက တစတစ ဆိုးလာခဲ့ပါပြီ။ မြောက်ကိုးရီးယားနဲ့ တောင်ကိုးရီးယားတို့အကြားက ၀ါဒရေးရာ အားပြိုင်မှု တွေကို ပြည်ပ စွက်ဖက်မှုတွေက အားဖြည့် ပေးထားတဲ့ စစ်ပွဲမှာ အမေရိကန် တပ်တွေက သူတို့ ရုပ်သေး တောင်ကိုးရီး ယားဘက်က ၀င်တိုက် ပေးရုံမက မြောက်ကိုးရီးယားကိုပါ သိမ်းပိုက်ဖို့ ခြိမ်းချောက် လာပြန်ပါတယ်။ အမေရိကန်က ယူအင်ကို ကြိုး ကိုင်ပြီး ယူအင် အရေခြုံထားတာကြောင့် ယူအင်အဖွဲ့နဲ့ နိုင်ငံတွေကပါ ကန့်လန့်ကန့်လန့် ပါနေကြပါတယ်။ နှစ်ဘက် နိုင်ငံရေး၊ စစ်ရေး ကစားပွဲက တရားမျှတမှု လုံးဝ မရှိတော့ပါဘူး။ ဒီလိုအခြေအနေမှာ မြောက်ကိုးရီးယားကို ကျောထောက် နောက်ခံပေးခဲ့တဲ့ ဆိုဗီယက် ယူနီယံက လက်ပိုက် ကြည့်နေခဲ့ပေမယ့် မြောက်ကိုးရီးယားနဲ့ နယ်နိမိတ်ချင်း ဆက်ဆံနေတဲ့ တရုတ် အနေနဲ့ကတော့ လက်ပိုက် ကြည့်နေလို့ မရတော့ပါဘူး။

ကမ္ဘာ့နိုင်ငံရေးစင်မြင့်ပေါ်မှာကလဲ ချန်ကေရှိတ်တပ်တွေကို မော်စီတုန်းတပ်တွေက အနိုင်ယူပြီး တရုတ်ပြည်သူ့ သမ္မတ နိုင်ငံကြီးကို တည်ထောင်ပြီး ဖြစ်ပေမယ့် ယူအင်က အမေရိကန် ကျောထောက် နောက်ခံ ပေးထားတဲ့ ချန်ကေရှိတ် အစိုးရကိုပဲ တရုတ် အစိုးရအဖြစ် အသိအမှတ်ပြုပြီး လုံခြုံရေးကောင်စီ ကုလားထိုင်ပေါ်မှာ ထိုင်ခိုင်း ထားဆဲပါ။ မြောက်ကိုးရီးယားကို သိမ်းပိုက်ဖို့ ပြင်နေတဲ့ အမေရိကန်စစ်ရေး မျှော်မှန်းချက်တွေရဲ့ နောက်ဆက်တွဲမှာ တရုတ်နိုင်ငံနဲ့ နယ်နိမိတ်ချင်း ထိစပ်နေ မှုကို အခွင့်ကောင်းယူပြီး တရုတ်ရဲ့ အချုပ်အခြာ အာဏာကို ထိခိုက်လာနိုင်ဖွယ် consequences တွေကလဲ ရှိနိုင်ကြောင်း တရုတ် မဟာဗျူဟာ ကျွမ်းကျင်သူတွေက သံသယ ရှိလာကြပါတယ်။ ဒါကြောင့် မော်စီတုန်း အစိုးရဟာ မြောက်ကိုးရီးယားကို အမေရိကန် သိမ်းပိုက်သွားပြီး အမေရိကန် ရုပ်သေး တောင်ကိုးရီးယား အစိုးရ လက်အောက်မှာ ထည့်သွင်းသွားမယ့် အရေးကို လက်ပိုက် ကြည့်မနေခဲ့ပါဘူး။

စစ်ပွဲတွင်းသို့ တရုတ်ဝင်လာပြီ

မူလအစတုန်းက အမေရိကန်နဲ့ ယူအင်ရဲ့ စစ်ရေးအရ ၀င်ရောက်စွက်ဖက်မှုဟာ တောင်ကိုးရီးယားကို ကာကွယ် ပေးဖို့လို့ ဆိုခဲ့ပါတယ်။ ဒါပေမယ့် စက်တင်ဘာ လကုန်ရောက်တော့ အမေရိကန်က ယူအင် အရေခြုံပြီး မြောက်ကိုးရီးယား ကိုပါ ၀င်ရောက် ကျူးကျော်ပြီး မြောက်ကိုးရီးယား စစ်တပ်ကို ချေမှုန်းဖို့ ဖြစ်လာပါပြီ။ အမေရိကန် မဟာဗျူဟာ ကျွမ်းကျင်သူ အချို့က ဒါနဲ့ ပတ်သက်ပြီး သဘော မတူခဲ့ကြပါဘူး။ မလိုလား အပ်တဲ့ နောက်ဆက်တွဲ ပြဿနာတွေ တက်လာတော့မယ်လို့ ယူဆပြီး သတိပေးခဲ့ ကြပါတယ်။ သူတို့ရဲ့ သတိပေးချက်တွေကြောင့် အမေရိကန် သမ္မတ ထရူးမင်းက တရုတ်၊ ဆိုဗီယက်တို့နဲ့ ထိပ်တိုက် ရင်ဆိုင်မှု ဖြစ်လာမှာကို စိုးရိမ် လာပါတယ်။ တရုတ်ပြည်နဲ့ မြောက်ကိုးရီးယား နယ်စပ်ဖြစ်တဲ့ Yalu မြစ်ကြောင်း တလျှောက်မှာ လေကြောင်း တိုက်ခိုက်မှုနဲ့ တခြား စစ်ရေး အော်ပရေးရှင်းတွေ မပြုလုပ်ရဘူးလို့ ဗိုလ်ချုပ် မက်အာသာကို အမိန့် ပေးခဲ့ပါတယ်။ တရုတ် တပ်တွေနဲ့ ထိပ်တိုက် ရင်ဆိုင်မှု မဖြစ်ရလေအောင် တရုတ်နယ်စပ်နဲ့ မိုင် လေးဆယ် အတွင်းမှာ လှုပ်ရှားခြင်း မပြုဖို့ကိုလဲ မဟာဗျူဟာ ကျွမ်းကျင်သူတွေက တွက်ချက် တင်ပြ ပေးထားခဲ့ပါတယ်။ စစ်တင်ဘာ (၃၀) ရက်မှာပဲ မော်စီတုန်း အစိုးရက အမေရိကန် နိုင်ငံကို 'The Chinese people absolutely will not tolerate foreign aggression, nor will they supinely tolerate seeing their neighbours being savagely invaded by imperialists' ဆိုပြီး သတိပေးခဲ့ပါတယ်။ ဒါဟာ နယ်နိမိတ်ချင်း ထိစပ်နေတဲ့ အိမ်နီးချင်းနိုင်ငံတွေနဲ့ ပတ်သက်ပြီး တရုတ်နိုင်ငံရဲ့ သဘောထားဖြစ် ပါတယ်။

အမေရိကန်က ဒီလိုသတိပေးချက်ကို အလေးအနက် မထားခဲ့ပါဘူး။ တရုတ်နယ်စပ်ကို မရောက်သေး သရွေ့ တရုတ် အစိုးရနဲ့ ပြဿနာ ဖြစ်နိုင်ဖွယ် မရှိဘူးလို့ ယူဆ ထားခဲ့ကြပါတယ်။ အောက်တိုဘာလ ရောက်တော့ ဗိုလ်ချုပ်မက်အာသာ တပ်တွေက မြောက်ကိုးရီးယားကို ကျူးကျော် ပါတော့တယ်။ အောက်တိုဘာလ (၁၂) ရက်နေ့မှာ မြောက်ကိုးရီးယား မြို့တော် Pyongyang ကို အမေရိကန် တပ်တွေ အများအပြား ပါဝင်တဲ့ ယူအင် တပ်တွေက သိမ်းပိုက် ခဲ့ပါတယ်။ အောက်တိုဘာလ (၁၉) ရက်နေ့ရောက်တော့ တရုတ်ပြည်သူ့ လွတ်မြောက်ရေး တပ်မတော်ရဲ့ ခြေမြန် တပ်ရင်း အချို့က Yalu မြစ်ကို ကျော်ဖြတ်ပြီး မြောက်ကိုးရီးယား နယ်မြေထဲကို ချဉ်းနင်း ၀င်ရောက် လာကြပါတော့တယ်။ နောက်ပိုင်းမှာ မြောက်ကိုးရီးယား စစ်မြေပြင် အတွက် အသုံးပြုတဲ့ တရုတ်ပြည်သူ့ လွတ်မြောက်ရေး တပ်မတော်ရဲ့ လက်အောက်ခံ တပ်တွေကို တရုတ်ပြည်သူ့ ၀န်ထမ်းတပ်လို့ အမည်ခွဲခြား သတ်မှတ်ခဲ့ပါတယ်။

အောက်တိုဘာ (၂၅) ရက်နေ့ရောက်တော့ တရုတ်တပ်တွေနဲ့ ယူအင်တပ်တွေ စတင် ထိတွေ့မှု ဖြစ်ပြီး နိုဝင်ဘာ (၆) ရက်နေ့အထိ ပြင်းပြင်း ထန်ထန် တိုက်ပွဲတွေ ဖြစ်ခဲ့ပါတယ်။ နိုဝင်ဘာ (၆) ရက်နေ့ရောက်တော့ ယူအင် တပ်တွေ ဘက်က အထိ နာလာတာကြောင့် ဆုတ်ခွာပြီး ပြန်လည် စုစည်း ရပါတော့တယ်။ တရုတ် တပ်တွေကလဲ တောင်တန်းတွေ အကြားမှာ ပြောက်ကျား အသွင်နဲ့ ပြန်လည် ပျောက်ကွယ် သွားပြန်ပါတယ်။ အမေရိကန်တွေနဲ့အတူ တိုက်ပွဲဝင်နေတဲ့ ဗြိတိန်တပ်တွေက တရုတ်နဲ့ ဆွေးနွေးညှိနှိုင်းမှု လုပ်ပြီး အပစ်အခတ် ရပ်စဲရေး ဇုန်တခု သတ်မှတ်သင့်ကြောင်း အမေရိကန် ဗိုလ်ချုပ်တွေကို တင်ပြကြပါတယ်။

ဒါပေမယ့် အမေရိကန်တွေက လက်မခံခဲ့ကြပါဘူး။ နိုဝင်ဘာ (၂၄) ရက်နေ့ရောက်တော့ ဗိုလ်ချုပ် မက်အာသာက နောက်ဆုံး အပြီးသတ် တိုက်ပွဲ ဆင်နွှဲဖို့ သူ့တပ်တွေကို အမိန့်ပေးပါတယ်။ ဒါနဲ့ ပတ်သက်ပြီး တိုက်ပွဲ ၀င်နေကြတဲ့ စစ်ဆင်ရေးမှူးတွေက အလွန်ပဲ စိုးရွံ့ကြပါတယ်။ မြောက်ကိုးရီးယား တောင်တန်းတွေ အကြားမှာ ဆောင်းရာသီ စစ်ဆင်ရေး ပြုလုပ်ရတာဟာ အမေရိကန် တပ်တွေအတွက် မလိုလားအပ်တဲ့ တောင်းဆိုမှုဖြစ်ကြောင်း ဆိုခဲ့ကြပါတယ်။ တောင်တန်းတွေ အကြားမှာ နေရာယူ တပ်ဖျောက်ထားတဲ့ တရုတ်စစ်သည် အင်အားကိုလဲ မခန့်မှန်း နိုင်ကြပါဘူး။

ဒါပေမယ့်လဲ စစ်မိန့်ဖြစ်တာကြောင့် ကြောက်လန့်တကြားနဲ့ပဲ စစ်ဆင်ရေး ထွက်ခဲ့ ကြပါတယ်။ တောင်တန်းတွေ အကြား မှာတော့ တရုတ် တပ်မတော် General Peng Dehuai ရဲ့ တရုတ်စစ်သည် နှစ်သိန်းကျော်က စောင့်ကြို နေကြပါတယ်။ တရုတ် စစ်သည်တွေမှာ အမေရိကန် တပ်တွေလို လက်နက်ကြီး ပစ်ကူတွေ၊ တင့်ကားတွေ၊ လေကြောင်း အကူအညီတွေ မရှိခဲ့ ကြပါဘူး။ ဒါပေမယ့် နာရီ အနည်းငယ် အတွင်းမှာပဲ အမေရိကန်နဲ့ ယူအင်တပ်တွေရဲ့ ညာတောင်ပံ စစ်ကြောင်းကို ဖောက်ပြီး တောင်ကိုးရီးယား တပ်တွေကို ချေမှုန်း နိုင်ခဲ့ပါတယ်။ နိုဝင်ဘာ (၂၈) ရက်နေ့ရောက်တော့ ယူအင်ရဲ့ အမှတ် (၈) တပ်မတော် ဆုတ်ခွာ သွားရပါတယ်။ ဆုတ်ခွာရာမှာလဲ တရုတ်တပ်တွေနဲ့ မြောက်ကိုးရီးယား တပ်တွေက ချုံခို တိုက်ခိုက်ကြတာကြောင့် အမေရိကန်ရဲ့ 2nd Division တပ်ကြီး တခုလုံး တိုက်ခိုက်ရေး အတွက် ပြန်လည်စုဖွဲ့လို မရအောင်ကို ဖွဲ့စည်းပုံ ပျက်သွား ခဲ့ရပါတယ်။

အရှေ့ဘက်စစ်မျက်နှာမှာလဲ ယူအင်တပ်အင်အား တသောင်းခုနစ်ထောင်ကျော်ဟာ လမ်းကျဉ်း လမ်းမြောင်လေး တွေကနေ အသည်းအသန် ဆုတ်ခွာ ထွက်ပြေး ကြရပါတယ်။ ဒီဇင်ဘာ ၂၄ ရက်နေ့ရောက်တော့ ယူအင် တပ်တွေဟာ ၃၈ မျဉ်းပြိုင် အနီး အနားမှာတောင် မရှိကြတော့ပါဘူး။ သုံးလနီးပါး ကြာခဲ့တဲ့ ဒီထိတွေ့မှုတွေမှာ တရုတ်စစ်သည် လေးသောင်းကျော် သေဆုံး ခဲ့ပါတယ်။ များသောအားဖြင့် အမေရိကန် လေတပ်ရဲ့ လေကြောင်း တိုက်ခိုက်မှုနဲ့ လက်နက်ကြီး ပစ်ကူတွေကြောင့်ပါ။ နှစ်ဘက်စလုံး အထိ နာမှုတွေကြောင့် အင်အားဖြည့်ရင်း ခေတ္တ ထိတွေ့မှု ရပ်ဆိုင်းသွားပါတယ်။ ဒါပေမယ့် ကမ္ဘာ့အင်အားကြီး နိုင်ငံတွေရဲ့ ခေါင်းဆောင်တွေ အကြားမှာ တတိယ ကမ္ဘာစစ်ဆိုတဲ့ စကားလုံးက ၀င်လာခဲ့ပါပြီ။ မဟာဗျူဟာ ကျွမ်းကျင်သူ တွေက ကိုးရီးယား စစ်ပွဲကနေ တဆင့် အမေရိကန်နဲ့ မဟာမိတ် အရင်းရှင်နိုင်ငံတွေက တဘက်၊ ဆိုဗီယက်-တရုတ်နဲ့ ကွန်မြူ နစ်နိုင်ငံတွေက တဘက် ဆင်နွှဲတဲ့ တတိယ ကမ္ဘာစစ်ကြီး ဖြစ်လာမှာကို စိုးရိမ် လာကြပါတော့တယ်။ အဲဒီအချိန်ကာလမှာ ဆိုဗီယက် နိုင်ငံမှာကလဲ နယူးကလီးယား လက်နက် ရှိနေပြီမို့ တတိယ ကမ္ဘာစစ် ဖြစ်လာခဲ့ရင် အမေရိကန်ကရော၊ ဆိုဗီယက်က ပါ နယူးကလီးယား သုံးမယ့် အနေအထားမှာ ရှိလာခဲ့ပါပြီ။ ဒီအခြေအနေကိုလဲ နှစ်ဘက်စလုံးက မလိုလားကြပါဘူး။ တတ်နိုင်သမျှ စစ်ပွဲကို ရှောင်လိုကြပါတယ်။
ဗြိတိန်ဝန်ကြီးချုပ် အက်တလီက ကိုးရီးယားစစ်ပွဲနဲ့ ပတ်သက်ပြီး အမေရိကန်ကို စစ်ရေးအရ၊ နိုင်ငံရေးအရ ထောက်ခံထား တာ ဖြစ်ပေမယ့်လဲ ဆိုဗီယက်ယူနီယံနဲ့ ထိပ်တိုက်တွေ့ပြီး ကမ္ဘာစစ်ဖြစ်မယ့် အခြေအနေကို မလိုလားပါဘူး။ ဒါကြောင့် ဒီဇင်ဘာ လဆန်းမှာ ကတည်းက ၀ါရှင်တန်မှာ အရေးပေါ် အစည်းအဝေးလုပ်ပြီး ဗြိတိန်နဲ့ ဆွေးနွေးတိုင်ပင်ခြင်း မပြုပဲ ကိုးရီး ယားကို အနုမြူဗုံး မကြဲပါဘူး ဆိုတဲ့ ကတိကို အမေရိကန်သမ္မတ ထရူးမင်းဆီကနေ မရအရ တောင်းယူခဲ့ပါတယ်။ ဗြိတိန်က ဦးဆောင်ပြီး တရုတ်နဲ့ အမေရိကန်အကြားမှာ Peace Initiative လုပ်ဖို့ ကြိုးစားခဲ့ပေမယ့် မအောင်မြင်ပါဘူး။

(၁၉၅၁) ခုနှစ်၊ ဇန်န၀ါရီလ (၁) ရက်နေ့ရောက်တော့ တရုတ်တပ်တွေဟာ ရေခဲနေတဲ့ Imjin River ကို တညလုံး ဖြတ်ကူးပြီး တဘက်ကမ်းက တောင်ကိုးရီးယား တပ်တွေဆီ ရောက်လာချိန်မှာ တောင်ကိုးရီးယား စစ်သည်တွေ ကြောက်လန့်တကြားနဲ့ ထွက်ပြေး ကြရပါတော့တယ်။ ဆိုးလ်မြို့တော်ကို ကာကွယ်ဖို့အတွက် ယူအင် တပ်တွေမှာ အင်အား နည်းနေတာကြောင့် ဇန်န၀ါရီလ (၃) ရက်နေ့မှာ မြို့ကနေ ဆုတ်ခွာပြီး မြို့တောင်ပိုင်း မိုင် ငါးဆယ် အကွာမှာ နေရာယူပြီး ထိုးစစ်ပြင်ဖို့ ပြန်လည် စုဖွဲ့ ပြင်ဆင်ကြရပါတယ်။ ဇန်န၀ါရီလ (၂၅) ရက်နေ့မှာ ယူအင်တပ်တွေဘက်က ပြန်ပြီး ထိုးစစ် ဆင်ခဲ့ပါတယ်။ ဖေဖော်ဝါရီနဲ့ မတ်လ တလျှောက်မှာ ထိတွေ့မှု အကြိမ်များစွာ ဖြစ်ခဲ့ပြီး မတ်လ (၁၄) ရက်နေ့ကျမှ ဆိုးလ်မြို့တော်ကို ယူအင် တပ်တွေက ပြန်လည် သိမ်းပိုက် နိုင်ခဲ့ပါတယ်။ အေပြီ လထဲ ရောက်တော့ ယူအင်တပ်တွေက ၃၈ မျဉ်းပြိုင် အနီးကို ပြန်လည် ချဉ်းကပ်လာ နိုင်ပါပြီ။ အဲဒီအချိန်မှာပဲ ထရူးမင်းရဲ့ စစ်ရေး အကြံပေးတွေက ငြိမ်းချမ်းရေး လုပ်ဖို့ အကြံပြုလာကြပါတယ်။ ထရူးမင်းရဲ့ ငြိမ်း ချမ်းရေး ခြေလှမ်းတွေကို ယူအင်ထဲက မဟာမိတ်တွေကလဲ လက်ခံကြပါတယ်။ ထင်ထင်ရှားရှား ဆန့်ကျင် နေတာကတော့ ဗိုလ်ချုပ် မက်အာသာပါ။ သူက ကွန်မြူနစ် တရုတ်တွေနဲ့ compromise လုပ်စရာ မလိုဘူးလို့ ဆိုခဲ့ပါတယ်။ တရုတ် ပြည်မကြီး ကို လေကြောင်းကနေ ထိုးစစ်ဆင်ပြီး ချန်ကေရှိတ် တပ်တွေကို မော်စီတုန်း တပ်တွေနဲ့ ထိပ်တိုက် ပြန်တွေ့ပေးဖို့ အကြံပြုပါ တယ်။ အလုံးစုံအောင်ပွဲ ရရှိရေးကိုပဲ ဦးတည်သင့်ကြောင်း ဆိုခဲ့ပါတယ်။

စစ်ပွဲတိုင်းမှာ အဆုံးသတ်အောင်ပွဲရချင်မှ ရနိုင်မှာပါ။ တခါတရံမှာ စစ်ရေး အမြင်တခုတည်းနဲ့ မဆုံးဖြတ်ပဲ နိုင်ငံရေး အမြင်နဲ့ပါ ပေါင်းစပ် ဆုံးဖြတ်ရတာ ရှိပါတယ်။ မက်အာသာ ပြောသလို တရုတ်ပြည်မကြီးကို တိုက်ခိုက်ခြင်း အားဖြင့် ဆိုဗီယက် ယူနီယံကို စစ်ပွဲထဲ ဆွဲသွင်းရာ ရောက်သွားပါမယ်။ အဲဒီကနေ တတိယ ကမ္ဘာစစ်ကြီးကို escalation ဖြစ်သွားနိုင်ပါတယ်။ ဒီအချက်ကို အမေရိကန်နဲ့ ဗြိတိန်က မဟာဗျူဟာ လေ့လာရေး ပညာရှင်တွေက တင်ပြပြီး compromise လုပ်ဖို့ကို အကြံပြုခဲ့ကြပါတယ်။ နောက်ဆုံး အေပြီလ (၁၁) ရက်နေ့မှာ ဗိုလ်ချုပ်မက်အာသာက သူ့ရဲ့ aggressive policy တွေကို လူသိရှင်ကြား ထုတ်ဖော် ပြောကြားပြီး နောက်ပိုင်းမှာ ထရူးမင်းက သူ့ရဲ့ ဗိုလ်ချုပ်ကြီးကို အနားပေးလိုက် ရပါတော့တယ်။ သူ့နေရာမှာ General Ridgway ကို အစားထိုး ခန့်အပ်ခဲ့ပါတယ်။ မေလရောက်တော့ ကိုးရီးယား စစ်မြေပြင်မှာ တိုက်ပွဲဝင်နေကြတဲ့ ခန့်မှန်း နှစ် ဘက် စစ်အင်အားက ဆယ်သိန်းကျော် ဖြစ်နေပါပြီ။ တရုတ်တပ် အင်အား ငါးသိန်းကျော်၊ မြောက်ကိုးရီးယားတပ် အင်အားနှစ် သိန်းနီးပါး၊ တောင်ကိုးရီးယား အက်အား နှစ်သိန်းကျော်နဲ့ အမေရိကန်နဲ့ ယူအင်အက်အား နှစ်သန်းခုနစ်သောင်းကျော် ဖြစ်ပါ တယ်။

အပစ်အခတ်ရပ်စဲရေးအတွက် ကြိုးပမ်းကြပြီ

ဇွန်လရောက်တော့ တရုတ်မော်စီတုန်းအစိုးရက ကိုးရီးယားစစ်ပွဲမှာ အပစ်အခတ် ရပ်စဲလိုကြောင်း ဆိုဗီယက် ယူနီယံကို အသိ ပေး ပြောခဲ့ပါတယ်။ အဲဒီလမှာပဲ အမေရိကန်ကနေ ဆိုဗီယက် သံအမတ်ကို ၂၈ မျဉ်းပြိုင် ဟိုဘက်ဒီဘက်မှာ အပစ်အခတ် ရပ်စဲဖို့ကို သဘောတူကြောင်း ပြောကြားခဲ့ပါတယ်။ နှစ်ဘက်စလုံးက တိုက်ခိုက်မှုတွေ ရပ်တန့်လိုတာကြောင့် ငြိမ်းချမ်းရေး ဆွေးနွေးပွဲက အဆင်ပြေမယောင် ရှိခဲ့ပေမယ့် တဘက်နဲ့ တဘက် ယုံကြည်မှု အားနည်းချက်တွေကြောင့် နောက်ထပ်နှစ်နှစ် ထပ်ကြာခဲ့ပါတယ်။ ကိုးရီးယားတောင်နဲ့ မြောက်ကို စစ်ရေးအရ တဘက်နဲ့ တဘက် ကျူးကျော်ပြီး ပြန်လည်ပေါင်းစည်း ပေးဖို့ ခက်ခဲကြောင်း နှစ်ဘက်စလုံးက သဘောတူ လက်ခံထားခဲ့ကြပါတယ်။

ဘယ်လိုပဲဖြစ်ဖြစ် နှစ်ဘက်တပ်တွေအကြား ထိတွေ့မှုတွေကတော့ ရှိနေဆဲပါပဲ။ တဘက်နဲ့ တဘက် စစ်ရေးအရ အနိုင်မယူ နိုင်တာကို နှစ်ဘက်စလုံးက သိနေကြပေမယ့် တွေ့ဆုံညှိနှိုင်းမှုမှာ တဘက်နဲ့တဘက် ဖိအားပေးနိုင်ဖို့ တိုက်ခိုက်မှုတွေ ရှိနေ ခဲ့ပါတယ်။ အောက်တိုဘာလ ရောက်တော့ Main Line of Resistance သတ်မှတ်ပြီး နှစ်ဘက်စလုံးက ထိပ်တိုက်ရင် ဆိုင်ထားတဲ့ အခြေအနေမှာပဲ ရှိပါတော့တယ်။ Conflict Stalemate အဆင့်ကို ရောက်နေပါပြီ။ ဒီလိုအချိန်မှာ negotiation အောင်မြင်ဖို့ အခွင့်အလမ်း အများဆုံး အခြေအနေပါ။

တောင်ကိုးရီးယားက အမေရိကန် ရုပ်သေးအစိုးရအကြီးအကဲ Rhee က အပစ်အခတ်ရပ်စဲရေးကို သဘော မတူညီပါဘူး။ မြောက်ကိုးရီးယားကို သိမ်းပိုက်နိုင်တဲ့ အထိ အမေရိကန်ရဲ့ စစ်ရေး အကူအညီရဖို့ ကြိုးပမ်းပါတယ်။ ဒါပေမယ့် အမေရိကန် တွေကို လွှမ်းမိုးနိုင်တဲ့ သြဇာအာဏာ မရှိပါဘူး။ တကယ်တမ်း ဆွေးနွေးညှိနှိုင်းကြတော့ တောင်ကိုးရီးယားက အမေရိကန်က token representation အဆင့်မှာပဲ ထားခဲ့ပါတယ်။ တကယ်တန်းကျတော့ တွေ့ဆုံညှိနှိုင်းပွဲမှာ တဘက်က အမေရိကန်နဲ့ တခြားတဘက်က တရုတ်နဲ့ မြောက်ကိုးရီးယားတို့ ဆွေးနွေးခဲ့ကြတာပါ။

နိုဝင်ဘာလရောက်တော့ နှစ်ဘက်စလုံးက armistice line ထားဖို့ သဘောတူညီခဲ့ပါတယ်။ (၁၉၅၂)ခုနှစ်၊ ဖေဖော်ဝါရီလ ရောက်တော့ အပစ်အခတ်ရပ်စဲရေးနဲ့ ပတ်သက်တဲ့ အကျယ်တ၀င့် အချက်တွေကို ညှိနှိုင်းဆွေးနွေးနိုင်ခဲ့ကြပါတယ်။ နောက် ထပ်ဆွေးနွေးဖို့ ကျန်တဲ့ ကြီးမားတဲ့ ပြဿနာကတော့ စစ်အကျဉ်းသား ပြဿနာပါ။ နှစ်ဘက်ထိပ်တိုက် တိုက်ခိုက်မှုဖြစ်နေ ချိန်မှာ စစ်အကျဉ်းသား ပြဿနာဆိုတာ ဒုတိယအဆင့်မှာ ထားရမှာ ဖြစ်ပါတယ်။ ပထမအဆင့်က နှစ်ဘက် အပစ်ရပ်သွား အောင် ညှိနှိုင်းဖို့ပါ။ ပြီးတော့မှ အကျဉ်းသားကိစ္စကို ဆွေးနွေးရမှာပါ။ အကျဉ်းသားကိစ္စကို ရှေ့တန်းတင်ဆွေးနွေးဖို့ ကြိုးစား တဲ့ ဘယ်လို ညှိနှိုင်းဆွေးနွေးပွဲမှ အောင်မြင်မှာ မဟုတ်ပါဘူး။ ဒီလိုကိစ္စမျိုးဆိုတာက တဘက်နဲ့ တဘက် အန္တရာယ်မပြုဘူး ဆိုတဲ့ ယုံကြည်မှုကို တည်ဆောက်ပြီးမှ စတင်ရတဲ့ အရာ ဖြစ်ပါတယ်။ ဒီကိစ္စမျိုးက တော်ရုံတန်ရုံ အလွယ်တကူ ဆုံးဖြတ်လို့ ရတဲ့ ကိစ္စရပ်မဟုတ်ပါ။ ဆွေးနွေးညှိနှိုင်းပွဲတွေကို ဒီတောင်းဆိုချက်က စရင် အဲဒီကနေ ရှေ့ဆက်မတက်ပဲ ဖြစ်တတ်ပါတယ်။

အမေရိကန်နဲ့ တရုတ်၊ မြောက်ကိုးရီးယားတို့ရဲ့ ဆွေးနွေးပွဲမှာလဲ ဒီကိစ္စကို ဒုတိယအဆင့်ရောက်မှ ဆွေးနွေးကြတာမှာ တောင် ရှေ့ဆက်တက်ဖို့ အခက်အခဲတွေ ဖြစ်သွားရပါတယ်။ armistice line နဲ့ သာ မရှိခဲ့ရင် ဆွေးနွေးပွဲတွေ ချက်ချင်း ရပ်ပြီး စစ်ကြီးပြန်ဖြစ်သွားနိုင်တဲ့ အခြေအနေမျိုးပါ။ ယူအင်ဘက်က တပ်တွေမှာက စစ်အကျဉ်းသား တသိန်းခွဲရှိနေပါတယ်။ မြောက်ကိုးရီးယား ဘက်မှာကလဲ စစ်အကျဉ်းသားတွေအများအပြား ရှိနေပါတယ်။ ဒါပေမယ့် အမေရိကန်တွေက all for all exchange ကို သဘောမတူပါဘူး။ စစ်အကျဉ်းသားတွေကို ကွန်မြူနစ်တိုင်းပြည်တွေဆီ ပြန်ခြင်း၊ မပြန်ခြင်းနဲ့ ပတ်သက်ပြီး ရွေးချယ်မှုပေးရမယ်လို့ ဆိုပါတယ်။ ဒါကို တရုတ်နဲ့ မြောက်ကိုးရီးယားဘက်က အလွန်ပဲ ဒေါသထွက်ကုန်ကြပါတယ်။
တောင်ကိုးရီးယားမှာရှိနေတဲ့ စစ်အကျဉ်းသား ထိန်းသိမ်းရေး စခန်းတွေမှာ အစာရေစာ ပြတ်လပ်မှုနဲ့ ညှဉ်းပန်းနှိပ်စက်မှုခံ နေရတဲ့ ကွန်မြူနစ်တပ်သားတွေဟာ ဘယ်လိုအကြောင်းနဲ့မှ ဆက်နေစရာ အကြောင်း မရိဘူးလို့ သူတို့က ဆိုခဲ့ပါတယ်။ မေလ မှာ ဖြစ်တဲ့ Koje Camp ဆန္ဒပြပွဲမှာ အမေရိကန်တပ်တွေက တင့်ကားတွေအသုံးပြုပြီး နှိမ်နင်းခဲ့တဲ့ အထိပါ။ တပြိုင် နက်တည်းမှာပဲ အမေရိကန်နဲ့ တောင်ကိုးရီးယားတို့ကလဲ မြောက်ကိုးရီးယား ထိန်းသိမ်းရေး စခန်းတွေထဲက စစ်အကျဉ်းသား တွေ အတွက် စိုးရိမ်နေကြရပါတယ်။ နှစ်ဘက်စလုံးက စစ်အကျဉ်းသား ထိန်းသိမ်းရေး စခန်းတွေအားလုံးမှာ ရိုက်နှက်မှုတွေ၊ ညှဉ်းပမ်းနှိပ်စက်မှုတွေ၊ အစာရေစာ မလုံလောက်မှုတွေကတော့ ရှိနေခဲ့တာပါပဲ။

တချိန်တည်းမှာပဲ ဆွေးနွေးပွဲကို အကြောင်းပြထားစဉ်ကာလမှာ တောင်ကိုးရီးယားဗိုလ်ချုပ် Paek Sun-yop က တောင်ကိုးရီး ယားနိုင်ငံထဲမှာ ရှိနေတဲ့ ကွန်မြူနစ်တွေကို သုတ်သင်ရှင်းလင်းရေး ပြုလုပ်ပါတယ်။ တောင်ကိုးရီးယား ကွန်မြူနစ်တော်လှန် ရေး ကို ၁၉၅၂ ခု၊ ဇန်န၀ါရီမှာ Ratkiller ဆိုတဲ့ အော်ပရေးရှင်းနဲ့ ချေမှုန်းခဲ့ကြပါတယ်။ (၁၉၅၂) ကာလတွေမှာ နှစ်ဘက်စလုံး ကတော့ အဆုံးသတ်အောင်ပွဲ စစ်ဆင်ရေးမဟုတ်တဲ့ ထိတွေ့မှုတွေကို ဆက်တိုက် ပြုလုပ်နေခဲ့ကြပါတယ်။ ဇွန်လ (၂၃) မှာ Yalu မြစ်ပေါ်က Supung dam နဲ့ တခြား dam သုံးခုကို အမေရိကန်လေတပ်က ဗုံးကြဲခဲ့တာကြောင့် မြောက်ကိုးရီးယားနဲ့ တရုတ်ပြည်အရှေ့မြောက်ပိုင်းတို့မှာ လျှပ်စစ်ဓာတ်အား ပြတ်တောက် သွားခဲ့ပါတယ်။

အမေရိကန်နဲ့ ယူအင်တပ်တွေရဲ့ တိုက်ခိုက်ခြင်းကို ကာကွယ်ဖို့အတွက် မြောက်ကိုးရီးယားနဲ့ တရုတ်တပ်တွေက (၇၄၅) မိုင် အရှည်ရှိတဲ့ မြေအောက်ဥမင်လှိုဏ်ခေါင်း ကွန်ယက်ကြီးကို စတင်ဖောက်လုပ်ခဲ့ပါတယ်။ ၁၉၅၃ ခုနှစ်၊ နှစ်ဦးပိုင်းမှာ တရုတ် စစ်သည်အင်အား တသန်းကျော်က ကိုးရီးယားစစ်မြေပြင်မှာ ရောက်နေခဲ့ပါပြီ။ ယူအင်တပ်အင်အား ရှစ်သိန်းကျော် ကလဲ စစ်မြေပြင်ပေါ်မှာ ရှိနေခဲ့ပါတယ်။ အဲဒီအချိန်မှာပဲ နိုင်ငံရေးအပြောင်းအလဲတွေကလဲ စဖြစ်လာပါတယ်။ အမေရိကန်မှာ ဒု တိယကမ္ဘာစစ်က နာမည်ကြီး ဗိုလ်ချုပ်ကြီးဖြစ်တဲ့ အိုင်ဆစ်ဟောင်ဝါက သမ္မတဖြစ်လာပါပြီ။ တချိန်တည်းမှာပဲ ဆိုဗီယက် မှာ လဲ စတာလင် သေဆုံးသွားခဲ့ပါပြီ။ ဆိုဗီယက် ခေါင်းဆောင်တွေက ဆွေးနွေးပွဲကို အချိန်တိုအတွင်း အပြီးဖြတ်ဖို့ ဖိအားပေး လာပါတော့တယ်။

မေလမှာ ယူအင်တပ်တွေက မြောက်ကိုးရီးယားမြို့တော် Pyongyang ရဲ့ မြောက်ပိုင်းက ရေကာတာတွေကို ဗုံးကြဲ ဖျက်ဆီးပစ်လိုက်တာကြောင့် ရေလွှမ်းမိုးမှုဖြစ်လာပြီး မြောက်ကိုးရီးယားရဲ့ လယ်ယာမြေတွေ ပျက်စီးသွားပါတယ်။ ပြည်သူလူ ထုမှာ အငတ်ဘေးနဲ့ ရင်ဆိုင်ရပါတော့တယ်။ ဒီလိုဖြစ်ပြီး မကြာခင်မှာပဲ နှစ်ဘက်စလုံးက သဲသဲမဲမဲ တိုက်ခိုက်မှုတွေ လုပ် ကြပါတယ်။ ဇူလိုင်လထဲမှာ တပတ်အတွင်းမှာတင် ယူအင်တပ်တွေဘက်က စစ်သည် သုံးသောင်းကျော် ကျဆုံးပါတယ်။ တရုတ်နဲ့ မြောက်ကိုးရီးယားဘက်မှာ ဒီထက် ပိုပြီး အသေအပျောက်များမယ်လို့ လေ့လာသူတွေက ခန့်မှန်းကြပါတယ်။ ဖိ အားများ လာတာနဲ့အမျှ ဆွေးနွေးပွဲအရှိန်ကလဲ မြန်လာပါတယ်။

အမေရိကန်ရုပ်သေးအစိုးရတောင်ကိုးရီးယား ခေါင်းဆောင် Rhee က တဘက်နဲ့ တဘက် သဘောတူထားတဲ့ စစ်အကျဉ်း သား ဖလှယ်ရေး သဘောတူညီချက်ကို ဖောက်ဖျက်ပြီး အကျဉ်းသားတွေကို လွှတ်ပေးလိုက်ပါတယ်။ ဆွေးနွေးပွဲပျက်ပြားဖို့ နည်းမျိုးစုံနဲ့ ကြံစည်ပါတယ်။ ဒါပေမယ့် အထိနာနေပြီဖြစ်တဲ့ အမေရိကန်တပ်မှူးတွေနဲ့ တရုတ်၊ မြောက်ကိုးရီးယား တပ်မှူး တွေကို ဆွေးနွေးပွဲကို အပျက်မခံကြတော့ပါဘူး။ (၁၉၅၃) ခုနှစ်၊ ဇွန်လ (၂၇) ရက်နေ့မှာပဲ ARMISTICE ကို သဘောတူ လက်မှတ် ရေးထိုး လိုက်ကြပါတော့တယ်။ သုံးနှစ်၊ သုံးလနဲ့ သုံးရက်ကြာခဲ့တဲ့ စစ်ကြီးကတော့ ပြီးဆုံးသွားပါပြီ။

စစ်ပွဲကြီး အပြီးမှာ
(၁၉၅၃) ခုနှစ်၊ ဇွန်လ (၂၇) ရက်နေ့မှာ UN Command ဘက်က General William K. Harrison နဲ့ ကွန်မြူနစ်အင်အားစု တွေ ဘက်က Nam II တို့က armistice ကို လက်မှတ်ရေးထိုး ခဲ့ကြပါတယ်။ ဒီစာချုပ်မှာ အပြီးသတ် ငြိမ်းချမ်းရေး စာချုပ် အတွက် နိုင်ငံတကာ ကွန်ဖရင့်တခု ကျင်းပဖို့ သတ်မှတ်ချက် ပါရှိပါတယ်။ ဒီသတ်မှတ်ချက် အရ (၁၉၅၄) ခု၊ အေပြီလမှာ အမေရိကန်၊ ဗြိတိန်၊ ပြင်သစ်၊ ဆိုဗီယက်ယူနီယံ၊ တရုတ်တို့က နိုင်ငံခြားရေး ၀န်ကြီးတွေ တက်ရောက်ခဲ့ကြပါတယ်။ ယူအင် ဘက်က ကိုးရီးယား ကျွန်းဆွယ် တခုလုံးမှာ ယူအင်က စောင့်ကြည့်တဲ့ ရွေးကောက်ပွဲတွေ ကျင်းပပြီး ကိုးရီးယားကို ပြန်လည် ပေါင်းစည်းဖို့ အကြံပြုချက် တင်ပါတယ်။ ကွန်မြူနစ်တွေဘက်က ကိုးရီးယားမြေပေါ်မှာ ရောက်နေတဲ့ နိုင်ငံခြား တပ်တွေအား လုံး ရွေးကောက်ပွဲ မတိုင်မီ ထွက်ခွာပေးဖို့ တောင်းဆိုပါတယ်။ ဒီအကြံပြုချက်၊ တောင်းဆိုချက်တွေနဲ့ ပတ်သက်ပြီး ဘယ်လိုမှ ဆက်လက်ညှိနှိုင်းလို့ မရခဲ့ပါဘူး။ (၁၉၅၃) ခုနှစ်၊ သြဂုတ်လမှာ လက်မှတ် ရေးထိုးထားတဲ့ အမေရိကန်နဲ့ တောင်ကိုးရီးယား (Republic of Korea) တို့ အကြားက Mutual Defence Treaty က အောက်တိုဘာ လကတည်းက အသက်ဝင် နေပါပြီ။

ဒီလိုနဲ့ပဲ နောင်နှစ်ပေါင်း ခြောက်ဆယ်နီးပါး အချိန်ကာလအထိ အမေရိကန် eighth US Army, US Air Forces Korea (USAFK), US Naval Forces Korea (CNFK), Marine Forces Korea (MARFORK) တို့ကလဲ Combined Forces Command ရဲ့ အစိတ်အပိုင်း တခုအနေနဲ့ တပ်စွဲ ထားဆဲပါပဲ။ တောင်ကိုးရီးယားနဲ့ မြောက်ကိုးရီးယား ကလဲ ကွဲပြား နေဆဲပါပဲ။

မိုင်ပေါင်း (၁၆၀) ရှည်လျားပြီး၊ နှစ်မိုင်ခွဲ အကျယ်ရှိတဲ့ ကိုးရီးယား နှစ်နိုင်ငံအကြားက Demilitarized Zone (DMS) မှာ ဖြစ်ပွားခဲ့တဲ့ တင်းမာမှုတွေ၊ nuclear tensions တွေ၊ Naval clashes တွေကလဲ အများအပြားပါ။ ၁၉၆၆ ခု၊ အောက်တိုဘာ လမှာ စတင်ခဲ့တဲ့ သုံးနှစ်ကြာ DMS ပဋ္ဋိပက္ခမှာ အမေရိကန်တပ်သား လေးဆယ်ကျော်အပါအ၀င် တောင်ကိုးရီးယားတပ်သား သုံးရာနီးပါးနဲ့ မြောက်ကိုးရီးယားတပ်သား လေးရာကျော် သေဆုံးခဲ့ပါတယ်။ (၁၉၆၈) ခုမှာ ဖြစ်ပွားခဲ့တဲ့ တောင်ကိုးရီးယား သမ္မတ လုပ်ကြံသတ်ဖြတ်ရန် ကြိုးပမ်းမှုမှာလဲ မြောက်ကိုးရီးယား ကွန်မင်ဒိုတွေအပါအ၀င် တောင်ကိုးရီးယားရဲတွေနဲ့ အရပ် သား တွေမှာ သေဆုံးခဲ့ပါတယ်။ ၁၉၆၈၊ ၁၉၆၉၊ ၁၉၇၀ ခုနှစ်တွေမှာလဲ မြောက်ကိုးရီးယား ကွန်မင်ဒိုများက တောင်ကိုးရီးယား နယ်စပ်ကို ဖြတ်ကျော်တိုက်ခိုက်မှုတွေ ဖြစ်ခဲ့ပါတယ်။

၁၉၇၄ ခုနှစ်မှာတော့ မြောက်ကိုးရီးယားကနေ တောင်ကိုးရီးယားကို ကျူးကျော်ဝင်ရောက်ဖို့ ဆောက်လုပ်ထားတဲ့ ဥမင်လှိုဏ် ခေါင်း တခုကို တောင်ကိုးရီးယားတပ်တွေက ရှာဖွေတွေ့ရှိခဲ့ပါတယ်။ (၁၉၇၅) ခုနှစ်မှာ ဒုတိယ ဥမင်လှိုဏ်ခေါင်းတခုကို ထပ်မံ ရှာဖွေ တွေ့ရှိခဲ့ပါတယ်။ (၁၉၇၆) ခုနှစ်မှာလဲ နယ်စပ်ကို ဖြတ်ကျော်လာတဲ့ မြောက်ကိုးရီးယားကွန်မင်ဒိုတွေနဲ့ တောင်ကိုးရီး ယားတပ်တွေ ထိတွေ့မှာ ဖြစ်ပွားခဲ့ပြီး၊ သြဂုတ်လမှာတော့ ကမ္ဘာကျော် The Axe Murder Incident ဖြစ်ပွားခဲ့ပါတယ်။ (၁၉၇၇) ခုနှစ်မှာတော့ မြောက်ကိုးရီးယားနယ်မြေထဲကို ကျွံသွားတဲ့ American CH-47 Chinook helicopter ပစ်ချခံခဲ့ရပါ တယ်။ (၁၉၇၈) ခုနှစ် မှာ တတိယ ဥမင်လှိုဏ်ခေါင်းတခုကို တောင်ကိုးရီးယားတပ်တွေက ရှာဖွေ တွေ့ရှိခဲ့ပါ တယ်။ (၁၉၇၉) ခုနှစ်မှာလဲ မြောက်ကိုးရီးယားအေးဂျင့်များရဲ့ ကျုးကျော်ဝင်ရောက်မှုတွေ ရှိခဲ့ပြီး၊ မြောက်ကိုးရီးယားမိုင်းကွင်းထဲကို တပ်ကျွံ သွားတဲ့ အမေရိကန်တပ်သား အချို့လဲ သေဆုံးဒဏ်ရာရမှုတွေ ရှိခဲ့ပါတယ်။ (၁၉၈၀) ကနေ (၁၉၉၂) ခုအထိမှာလဲ မြောက် ကိုးရီးယားကျူးကျော်မှုတွေ ရှိခဲ့ပြီး၊ (၁၉၉၀) မှာတော့ ဥမင်လှိုဏ်ခေါင်းတွေ ထပ်မံ ရှာဖွေ တွေ့ရှိခဲ့ပါတယ်။ (၁၉၉၄) ခုနှစ်မှာ မြောက်ကိုးရီးယားနယ်မြေထဲကို ဆယ်ကီလိုမီတာကျော်ပြီး ၀င်သွားတဲ့ American OH-58A+ helicopter ပစ်ချခံခဲ့ရပါတယ်။ (၁၉၉၆) ခုနှစ်မှာ Joint Security Area ထဲကို မြောက်ကိုးရီးယားတပ်တွေ ၀င်ရောက်မှု သုံးကြိမ်ဖြစ်ပွားခဲ့ပါတယ်။ (၁၉၉၇) ခုနှစ်ကနေ (၂၀၀၆) ခုနှစ်အထိ တောင်ကိုးရီးယား နယ်စပ်ကို ကျူးကျော်ဖို့ အားထုတ်မှုတွေ ဆက်လက်ဖြစ်ပွားခဲ့ပါတယ်။

(၂၀၀၆) ခုနှစ်မှာ မြောက်ကိုးရီးယားက ပထမဆုံး နယူးကလီးယား စမ်းသပ်မှု စတင်ပြုလုပ်ခဲ့ပြီး၊ (၂၀၀၉) ခုနှစ်မှာ ဒုတိယ အကြိမ် စမ်းသပ်မှု ပြုလုပ်ခဲ့ပါတယ်။ nuclear tensions တွေအပြင် naval clash တွေလဲ အများအပြား ဖြစ်ပွားခဲ့ပါတယ်။ (၁၉၉၉) ခုနှစ်မှာ မြောက်ကိုးရီးယား ကင်းလှည့်ရေယာဉ် ခြောက်စီးဟာ Yellow Sea Maritime Border ကို ကျူးကျော်ဝင် ရောက်ခဲ့တဲ့အတွက် တောင်ကိုးရီးယားရေတပ်နဲ့ ထိတွေ့မှု ကိုးကြိမ်ဖြစ်ပွားခဲ့ပါတယ်။ (၂၀၀၉) ခုနှစ်၊ ဇူလိုင်လမှာ မြောက် ကိုးရီးယား ရေပိုင်နက်ထဲကို ရောက်သွားတဲ့ တောင်ကိုးရီးယား ငါးဖမ်းရေယာဉ်ကို မြောက်ကိုးရီးယားရေတပ်က ဖမ်းဆီး ထိန်းသိမ်းထားမှု ဖြစ်ပွားခဲ့ပါတယ်။ (၂၀၀၉)ခုနှစ်၊ စက်တင်ဘာလမှာ တောင်ကိုးရီးယား ရေပိုင်နက်ထဲကို မြောက်ကိုးရီးယား naval vessel တစီးက ၀င်ရောက်မှု ဖြစ်ပွားခဲ့ပါတယ်။ (၂၀၁၀) ခုနှစ်၊ မတ်လမှာတော့ တောင်ကိုးရီးယား စစ်ရေယာဉ် Cheonan ကို မြောက်ကိုးရီးယား စစ်ရေယာဉ်က တော်ပီဒိုနဲ့ ပစ်ခတ်ပြီး နစ်မြှုပ်ပစ်ခဲ့ပါတယ်။

ဒီလိုနဲ့ (၂၀၁၀)၊ နိုဝင်ဘာလမှာတော့ မြောက်ကိုးရီးယားတပ်တွေက တောင်ကိုးရီးယား Yeonpyeong island ကို လက်နက် ကြီးများနဲ့ ပစ်ခတ်တိုက်ခိုက်ရာက တောင်ကိုးရီးယားဘက်က ပြန်လည်တိုက်ခိုက်မှုတွေ ဖြစ်ပွားခဲ့ပါတယ်။ နှစ်နိုင်ငံအကြား စစ်ရေးတင်းမာမှုတွေ ဖြစ်ပွားခဲ့ပြီး တောင်ကိုးရီးယားဘက်က K-9 155mm self-propelled howitzers တွေ အသုံးပြုရုံမက လေတပ် F-16 jets တွေကို ပဋိပက္ခဖြစ်ပွားရာ ဒေသကို စေလွှတ်တဲ့အထိ ဖြစ်ခဲ့ပါတယ်။

ဒီလိုအခြေအနေမှာ ၂၁ရာစု၊ ကိုးရီးယားစစ်ပွဲကြီး ထပ်မံဖြစ်ပွားလာတော့မှာကို ကမ္ဘာ့နိုင်ငံရေးဇာတ်ခုံက ရင်တမမနဲ့ စိုးရိမ် ခဲ့ကြရပါတယ်။ ၂၁ ရာစုမှာ ကမ္ဘာ့အင်အားကြီးနိုင်ငံတွေအကြားက စစ်ရေးအသွင်နဲ့ ထိပ်တိုက်ရင်ဆိုင် ထိတွေ့မှုကို အင်အား ကြီးနိုင်ငံတွေက စစ်ခေါင်းဆောင်များအပါအ၀င် မည်သူမျှ လိုလားခြင်း မရှိကြပါဘူး။ Character of war က ၂၁ ရာစုမှာ ပြောင်းလဲသွားခဲ့ပါပြီ။ Deterrence strategy ကို အသုံးပြုကြပေမယ့် conflict escalation ဆက်မဖြစ်သွားအောင် ထိန်းထိန်းသိမ်းသိမ်း လုပ်နေကြပါတယ်။

နိဂုံး
နိဂုံးချုပ်ဆိုရရင် လွန်ခဲ့တဲ့ နှစ်ပေါင်းခြောက်ဆယ်ကျော်ကာလက ဖြစ်ပွားခဲ့တဲ့ ကိုးရီးယား စစ်ပွဲဟာ လူမျိုးရေး၊ ဘာသာရေး၊ အိုင်ဒီရော်လော်ဂျီတွေပေါ်မှာ အခြေခံတဲ့ ပဋိပက္ခတွေ ရှိနေတဲ့ နိုင်ငံငယ်လေးတွေကို သင်ခန်းစာတွေ အများကြီး ပေးခဲ့ပါ တယ်။ နိုင်ငံတနိုင်ငံရဲ့ အနာဂတ်အရေးကို အဖြူ၊ အမည်း ကွဲပြားမှု လိုင်းတခုတည်းပေါ်ကနေ ဆုံးဖြတ်လို့ မရပါဘူး။ စစ်ရေးအမြင်၊ နိုင်ငံရေးအမြင်၊ စီးပွားရေးအမြင်၊ လူမှုရေး အမြင်၊ နိုင်ငံတကာရေးရာ ရှုထောင့်တွေ အားလုံးကို ထည့်သွင်း တွက်ချက်ပြီး သုံးသပ်ကြရမှာ ဖြစ်ပါတယ်။ နိုင်ငံတခုရဲ့ နိုင်ငံရေးအကူးအပြောင်း ကာလတွေကိုလဲ အမြော်အမြင်ကြီးစွာနဲ့ စနစ်တကျပြင်ဆင်စီမံကြဖို့ လိုအပ်ပါတယ်။ ကိုလိုနီစနစ် အဆောက်အအုံကြီးကို ဖြိုချမယ်၊ ဘုံရန်သူကို ဖြိုမယ်ဆိုပြီး အကြမ်း မဖက် တော်လှန်ရေးလုပ်ခဲ့တဲ့ India နိုင်ငံကြီးလဲ လွတ်လပ်ရေးရတာမှ မကြာသေးခင် ခေါင်းဆောင်ပါ လုပ်ကြံခံရပြီး ပြည် တွင်းစစ်တွေနဲ့ နှစ်ခြမ်းစကွဲသွားခဲ့ရာက ထပ်ဆင့် ကွဲပြဲမှုတွေပါ ကြုံခဲ့ရဖူးပါတယ်။ လက်နက်ကိုင်တော်လှန်ရေးတွေ၊ လူထု တိုက်ပွဲတွေ ပေါင်းစပ်ပြီး ဖြိုခဲ့တဲ့ မြန်မာနိုင်ငံမှာလဲ လွတ်လပ်ရေး မရခင်ကတည်းက ခေါင်းဆောင်တွေ လုပ်ကြံခံရပြီး ပြည် တွင်းစစ်တွေ ဖြစ်လိုက်တာ နောက်ဆုံးစစ်အာဏာရှင် စနစ်ဆိုးအောက်မှာ အဆုံးသတ်ခါနီးဆဲဆဲပါပဲ။ ဒီလိုနိုင်ငံတွေ ကမ္ဘာ တ၀ှမ်းလုံးမှာ အများကြီးရှိခဲ့ပါတယ်။
ဒါတွေကို ကိုလိုနီ အမွေဆိုးကြောင့်ဆိုပြီး ဒေါသထွက်ကြ၊ စိတ်နာကြနဲ့ အချိန်တွေ ကုန်လာကြရင်း၊ ကိုယ့်ဘက်က အား နည်းခဲ့ကြတဲ့ ညီညွတ်ရေးတည်ဆောက်မှု၊ နိုင်ငံရေးအတွေးအခေါ် အားနည်းမှု၊ မင်းလောင်းမျှော်မှု၊ ခေါင်းဆောင်ကိုးကွယ်မှု၊ နောက်ကျောဓားထိုးမှု စတဲ့ အမွေဆိုးတွေကိုတော့ တယုတယ အမွေဆက်ခံလာကြတဲ့ နိုင်ငံလေးတွေလဲ အများကြီးရှိနေဆဲ ပါ။ စနစ်ဆိုတဲ့ အဆောက်အဦးတခုကို ဖြိုချရင်ပဲဖြစ်ဖြစ်၊ ပြုပြင်ရင်ပဲဖြစ်ဖြစ် ကြိုတင်တွက်ချက် စဉ်းစားထားရမယ့် အချက် အလက် တွေ၊ ရှုမြင်သုံးသပ်ပြင်ဆင်ထားရမယ့် ကဏ္ဍတွေကလဲ အများအပြားပါ။ စဉ်းစားသုံးသပ်၊ ပြင်ဆင်ထားကြဖို့ လိုအပ်ပါတယ်။
ပိုပြီး အရေးကြီးတာက စနစ်တခုကို ဖြိုချပြီး အသစ်ပြန်ဆောက်ဖို့၊ ပြုပြင်ဖို့ အခွင့်အာဏာကို လုကြရင်းနဲ့ တရားရုံးမှာ အမွေ တက်လုကြတဲ့ ညီအစ်ကိုတွေလို မဖြစ်အောင် ဂရုစိုက်ဖို့ လိုပါတယ်။ ညီအစ်ကိုချင်း ညှိနှိုင်းဆွေးနွေးလို့ ရပါရက်နဲ့ ရှေ့နေ တွေ အပြန်အလှန်ငှားပြီး တရားရုံးမှာ ဦးတည်လျှောက်ကြတဲ့အခါ တော်တည့်ဖြောင့်မတ်တဲ့ ဥပဒေဘက်တော်သား တွေနဲ့ တွေ့ရင်တော့ ကံကောင်းပါရဲ့။ အစကတည်းက ပြိုင်ဘက်ဖြစ်နေတဲ့ ရှေ့နေတွေ၊ နှစ်ဘက်ခွစားတဲ့ တရားသူကြီးတွေနဲ့ တွေ့လို့ကတော့ အမှုကြာပြီး ဟိုက စားလိုက်၊ ဒီက စားလိုက်နဲ့ ရှိသမျှအမွေတွေ ပြောင်သလင်းခါသွားနိုင်ပါတယ်။ ဒီအချက် ကို နိုင်ငံတော်အနာဂတ်ကြီးကို ဦးဆောင်ဦးရွက်ပြုလိုကြတဲ့ စစ်အုပ်စု ခေါင်းဆောင်တွေ၊ အတိုက်အခံနိုင်ငံရေး ခေါင်းဆောင် တွေနဲ့ ခေါင်းဆောင်လို့ မိမိကိုယ်ကို သတ်မှတ်နေကြသူများ အားလုံး သတိပြုကြဖို့ လိုအပ်ပါတယ်။

နောက်တချက်က ၂၁ရာစုရဲ့ စစ်ပွဲသဏ္ဍာန်တွေဟာ ပြောင်းလဲနေပြီဆိုတာကို ကမ္ဘာ့နိုင်ငံရေး ရေချိန်နဲ့ အညီ ရှုမြင်တတ်ဖို့ လိုပါတယ်။ ပဋိပက္ခဖြစ်နေတဲ့ ဘက်နှစ်ဘက်မှာ ဘက်တဘက်က နိုင်ငံတကာကို ကူပါကယ်ပါဦး အော်လိုက်ကြ၊ တောင်း ဆိုလိုက်ကြ၊ အမေရိကန်ကူပါဝင်ပါဦးလို့ လုပ်ကြ၊ တခြားဘက်တဘက်က အမေရိကန် ၀င်လာရင် တွန်းလှန်ဖို့ ဆိုပြီး စစ်အင် အားတိုးချဲ့လိုက်ကြနဲ့ ၂၀ ရာစုက Cold War Dilemma လေးကိုပဲ ဦးနှောက်ထဲ ထည့်ထားကြရင်တော့ ၂၁ ရာစုမှာ အသွင် အမျိုးမျိုးနဲ့ ပေါ်ပေါက်နေတဲ့ တခြားစစ်ပွဲတွေရဲ့ သားကောင်ဘ၀ကို ကျရောက်သွားပါလိမ့်မယ်။ တဘက်နဲ့တဘက် အနိုင် တိုက်ဖို့ ကြိုးစားကြရင်း အမျိုးသားအကျိုးစီးပွားကို အမှန်တကယ် ခြိမ်းချောက်လာတဲ့ အန္တရာယ်တွေကို ဥပေက္ခာ ပြုထားကြ မယ် ဆိုရင် ဒါတွေရဲ့ ဆိုးကျိုးအမွေတွေကို နောင်လာနောက်သား မျိုးဆက်တွေ ခံစားကြရပါလိမ့်မယ်။

ကိုးရီးယားစစ်ပွဲကြီး ဖြစ်ပွားခဲ့ရတာဟာ လွန်ခဲ့တဲ့ နှစ်ခြောက်ဆယ်ကျော်က ကိုးရီးယားခေါင်းဆောင်တွေရဲ့ ဆင်ခြင်တုံ တရား နည်းပါးမှု၊ အာဏာ မက်မောမှု၊ အမြော်အမြင်နည်းမှု၊ ကျွန်စော်နံမှု၊ သူတပါးကြိုးဆွဲသမျှ ရုတ်သေးက လိုက်ကမှု၊ အင်အား ကြီးနိုင်ငံတွေ ၀င်ရောက်ခြယ်လှယ်တာကို တဘက်နဲ့ တဘက် အပြန်အလှန် လက်ခံစွပ်စွဲကြရင်း မိမိတို့ အချင်းချင်းကြား က အမျိုးသားသွေးစည်းညီညွတ်ရေးကို မတည်ဆောက်နိုင်မှု၊ အိမ်ကြက်ချင်း အိုးမဲသုတ် ခွပ်ခိုင်းတာကို အဟုတ်မှတ်ပြီး အသေခံ ခွပ်လိုမှု၊ နိုင်ငံရေးအစွန်းရောက်မှု၊ တိုင်းပြည်ရဲ့ အချုပ်အခြာအာဏာနဲ့ နယ်မြေပိုင်နက်ကို တန်ဖိုးမထားပဲ ပေးတာယူကျွေး တာ စားရရေးအတွက် နယ်နိမိတ်ပိုင်းခြားသတ်မှတ်မှုတွေကို လက်ခံမှု စတာတွေကြောင့်ပဲ ဖြစ်ပါတယ်။ ဒါကြောင့် မြန်မာ့ နိုင်ငံရေးခေါင်းဆောင်တွေ အပါအ၀င် ပြည်သူလူထုကြီး အနေနဲ့ ကိုးရီးယားစစ်ပွဲက သင်ခန်းစာများကို ဆင်ခြင်သုံးသပ်ရင်း၊ ၂၁ ရာစုမှာ ပြောင်းလဲလာတဲ့ စစ်ပွဲသဏ္ဍာန်တွေ ကိုလဲ မျက်ခြေမပြတ် အကဲခတ်ရင်း နိုင်ငံတော်အနာဂတ်အတွက် အရေးကြီး တဲ့ သုံးသပ်ပြင်ဆင်ချက်များ၊ ဆုံးဖြတ်ချက်များကို လုပ်ဆောင်ကြဖို့ လိုအပ်ပါကြောင်း ရေးသားတင်ပြအပ်ပါတယ်။

ခင်မမမျိုး (၂၁၊ ၁၊ ၂၀၁၁)

ရည်ညွှန်းကိုးကား။ ။

Catchpole, B. (2001) The Korean War 1950-53, Constable Robinson
Chant, C. (1992) The Military History of the United States. Vol. 11, The Korean War, New York, Marshall Cavendish
Grant, R. (2004) Atlas of Conflicts: The Korean War, WAL, Milwaukee
Malkasian, C. (2001) The Korean War 1950-1953, Essential History Series, Fitzroy Dearborn
ROK Ministry of Defence, “Response to ‘Rush to judgement’”, 27 July 2010Summers, H. (1990) Korean War Almanac, New York: Facts on File
Posted by Khin Ma Ma Myo at 10:41 AM

ကိုယ့်လည်ပင်းစွပ်မယ့် ကြိုးကွင်းတွေ ဘယ်သူတွေ ၀င်ကျစ်ပေးတာလဲ

လူထုစိန်ဝင်း

အခုတစ်လော ရောက်လာသမျှ ပြည်တွင်း၊ ပြည်ပ သတင်း မီဒီယာသမား အားလုံးက တစ်ခုတည်းသော မေးခွန်းကိုပဲ မေးကြတယ်။ သတင်း မီဒီယာလောကသား အားလုံး စိတ်ဝင်တစား ပြောဆို ဆွေးနွေးနေကြတဲ့ “မီဒီယာ ဥပဒေ” ဆိုတာကို ဘယ်လို မြင်သလဲ ဆိုတဲ့ မေးခွန်း ဖြစ်တယ်။

မီဒီယာဖွံ့ဖြိုးရေး ညီလာခံ

ဒီလ ၁၈ ရက် ၁၉ ရက်က ပြန်ကြားရေး ၀န်ကြီးဌာနနဲ့ ကုလသမဂ္ဂ ပညာရေး သိပ္ပံနဲ့ ယဉ်ကျေးမှု အဖွဲ့ (ယူနက်စကို) တို့ ပူးပေါင်းပြီး “မြန်မာနိုင်ငံ မီဒီယာဖွံ့ဖြိုး တိုးတက်ရေး ညီလာခံ” ဆိုတဲ့ ညီလာခံတစ်ခု ကျင်းပခဲ့တယ်။ အဲဒီမှာ ပြည်ပ အဖွဲ့အစည်း တချို့က ကိုယ်စားလှယ်တွေ တက်ရောက်ပြီး စာတမ်း ဖတ်ကြားသလို ပြည်တွင်း မီဒီယာ သမားတချို့လည်း စာတမ်းများ ဖတ်ကြတယ်။ ပြန်ကြားရေးနဲ့ ပြည်သူ့ဆက် ဆံရေးဦးစီးဌာန ညွှန်ကြားရေးမှူးချုပ် ဦးရဲထွဋ်က “New Media Laws and regulations in Myanmar” ဆိုတဲ့ ခေါင်းစဉ်နဲ့ စာတမ်း ဖတ်ကြားသွားကြောင်း သိရတယ်။ လူတွေ ပြောနေကြတဲ့ မီဒီယာ ဥပဒေ ဆိုတာက ဒါပဲ ဖြစ်ပါလိမ့်မယ်။ ဘာတွေ ပါတယ်ဆိုတာ မသိပါဘူး။ ယေဘုယျ သဘောတော့ ပြောနိုင်ပါတယ်။

တည်ငြိမ်အေးချမ်းဖို့

ဥပဒေဆိုတာ ဘယ်နိုင်မှာဖြစ်ဖြစ် ဘာစနစ်နဲ့အုပ်ချုပ် အုပ်ချုပ်၊ လူတွေကို ထိန်းချုပ်ဖို့ လုပ်ကြတာချည်း ဖြစ်တယ်။ မရှိမကောင်း၊ ရှိမကောင်းဆိုတဲ့ အရာဖြစ်တယ်။ လူ့အဖွဲ့အစည်း တည်တည်ငြိမ်ငြိမ်နဲ့ အေးချမ်း သာယာဖို့ အတွက် လူတိုင်းလူတိုင်းမှာ သဘာဝအရ ရှိနေကြတဲ့ အရိုင်းစိတ်တွေနဲ့ ပရမ်းပတာ စိတ်တွေကို အနားကွပ်ပြီး ထိန်းသိမ်းပေးဖို့ လိုတယ်။ ဥပဒေက ဒီတာဝန်ကို ယူရတယ်။ လူ့အဖွဲ့အစည်း ဆိုတာက လူမျိုးပေါင်းစုံ ပါဝင် နေတာ ဖြစ်လို့ ဆိုပြီး လူတိုင်းနဲ့ ကိုက်ညီအောင် ဥပဒေကို လိုက်ညှိရေးလို့ မရဘူး။ ဥပဒေဆိုတာ ဘယ်နေရာဖြစ်ဖြစ်၊ ဘယ်အချိန်အခါ ဖြစ်ဖြစ်၊ ဘယ်သူ့ အတွက်ဖြစ်ဖြစ် တစ်မျိုးတည်း၊ တစ်သမတ်တည်း ဖြစ်ရတယ်။ သူ့ကျတော့တစ်မျိုး၊ ငါ့ကျတော့ တစ်မျိုး၊ လိုရင်တစ်မျိုး၊ မလိုရင်တစ်မျိုး လုပ်လို့မရဘူး။ ဥပဒေရှေ့မှောက်မှာ နိုင်ငံသား အားလုံး တစ်ပြေးညီ ဖြစ်ရတယ်။ ဥပဒေအထက်မှာ ဘယ်သူမှ မရှိစေရဘူး။

ကာကွယ်စောင့်ရှောက်မှုပေးရမယ်

ဥပဒေက လက်လှမ်းမမီတဲ့ လူတန်းစားတစ်ရပ် သီးခြား တည်ရှိနေတာမျိုးလည်း လုံးဝ မရှိစေရဘူး။ ရှိနေရင်လည်း အဲဒါ အာဏာရှင် နိုင်ငံပဲ ဖြစ်တယ်။ ဒီမိုကရေစီနိုင်ငံ ဘယ်လိုမှ မဖြစ်နိုင်ဘူး။ ဒီမိုကရေစီနိုင်ငံ ဆိုတာ တိုင်းသူပြည်သား အားလုံး တန်းတူ ညီမျှရှိရတယ်။ စံစရာရှိ အတူစံပြီး ခံစရာရှိလည်း အတူခံရတယ်။ တောင်ယာလုပ်တဲ့ လယ်သမားတွေ ဆီက ဘိမ်း(ကွမ်းပုံ) ကလေး တစ်ငုံစာ မိတာကို ထောင်ခုနှစ်နှစ် ပြစ်ဒဏ်ချ ပြီး သိန်း ၇၀၀၀ ဖိုး ဘိန်းတွေ၊ ဆေးပြားတွေနဲ့ မိတဲ့ လော်ပန်ကြီး ကတော့ အုတ်နံရံ အမြင့်ကြီးနဲ့ ဘုံခုနှစ်ဆင့် နန်းတော်ကြီးထဲမှာ ဇိမ်ကျနေမြဲ ကျနေတာမျိုး လုံးဝမရှိရဘူး။ အဲဒီလို မညီမျှမှုတွေ ရှိနေသေးသရွေ့ ဒီမိုကရေစီ နိုင်ငံလို့ မခေါ်နိုင်ဘူး။ ဒီမိုကရေစီ စနစ်မှာ အခွင့်ထူးခံ လူတန်းစား လုံးဝ မရှိရဘူး။ ဥပဒေဟာ နိုင်ငံသား အားလုံးကို ထိန်းချုပ်သလို နိုင်ငံသားအားလုံး စိတ်ချလက်ချ လုပ်ကိုင် စားသောက်နိုင်အောင် ကာကွယ် စောင့်ရှောက်မှုလည်း ပေးရမယ်။

အပ်နဲ့ထွင်းရမှာ ပုဆိန်နဲ့ပေါက်

ထိန်းချုပ်မှုနဲ့ ကာကွယ်စောင့်ရှောက်မှုမှာ ကာကွယ်စောင့်ရှောက်မှုဘက်က အလေးသာမှ အဲဒီနိုင်ငံဟာ နေပျော်တဲ့ နိုင်ငံတစ်ခု ဖြစ်မှာပါ။ ထိန်းချုပ်မှု လွန်ကဲရင် စိတ်ညစ်စရာ ကောင်းပါတယ်။ အာဏာရှင် စနစ်ကို လူတွေ စက်ဆုပ် မုန်းတီးတာက အဲဒီ အချက် အဓိကပဲ။ အာဏာရှင် စနစ်တိုင်းမှာက ဘယ်ကိစ္စ မဆို သူတို့ဘ၀လုံ ခြုံရေး၊ သူတို့အာဏာ တည်မြဲရေးကိုပဲ အမြဲ ဂရုစိုက်တွေးလေ့၊ ကြည့်လေ့ရှိတယ်။ မလိုအပ်ဘဲနဲ့ တင်းကြပ်လွန်း တဲ့ဥပဒေတွေ ချမှတ်ပြဋ္ဌာန်းရုံမက သဘာဝမကျစွာ ပြင်းပြင်းထန်ထန် အရေး ယူတာမျိုးလည်း လုပ်လေ့ရှိတယ်။ အပ်နဲ့ထွင်းရမယ့် ကိစ္စကို ပုဆိန်နဲ့ ပေါက်တတ်သေးတယ်။

သဟဇာတ ဖြစ်မှု

ပုဆိန်နဲ့ ပေါက်တဲ့ အစိုးရဆိုတော့လည်း လူတွေက ရွံကြောက်ကြီး ဖြစ်နေတာပေါ့။ ဒါဆိုရင် ဘယ်ကောင်းတော့ မှာလဲ။ အစိုးရ ဆိုတာ တိုင်းသူ ပြည်သားများရဲ့ လစာ ရိက္ခာကို စားတဲ့ ပြည်သူ့ ၀န်ထမ်းလို့ ခေါ်တဲ့ အဆိုနဲ့ ဖြောင့်ဖြောင့်ကြီး ဆန့်ကျင်နေမှာ မဟုတ်လား။ အစိုးရနဲ့ ပြည်သူဆိုတာ တစ်သားတည်း ကျနေရမှာမျိုး ဖြစ်တယ်။ အစိုးရက ပြည်သူကို ကာကွယ် စောင့်ရှောက်ရမယ်။ ပြည်သူက အစိုးရကို ပံ့ပိုး ကူညီရမယ်။ အစိုးရနဲ့ ပြည်သူ သဟဇာတ ဖြစ်ရင် တိုင်းပြည် သာယာတယ်။ သဟဇာတ မဖြစ်ရင် ပစ္စန္တရစ် အရပ်လို နေချင်စဖွယ် မရှိဘူး။ ပစ္စန္တရစ် အရပ်ဖြစ်ရတဲ့ ကိစ္စမှာ အများအားဖြင့် အုပ်ချုပ်ရေး အာဏာကို ချုပ်ကိုင် ရယူထားတဲ့ အစိုးရများရဲ့ တာဝန်သာဖြစ်တယ်။

ဒေ၀ါလီခံရအောင် လုပ်လို့

အစိုးရက အုပ်ချုပ်ရေးညံ့ဖျင်းလို့၊ အာဏာကို အလွဲသုံးစားလုပ်လို့၊ ဥပဒေကို မျက်ကွယ်ပြုလို့ တိုင်းပြည်တွေ ဆင်းရဲတွင်း နက်သထက် နက်ကြရတာသာ ရှိတယ်။ ပြည်သူတွေက ပေးဆောင်ရမယ့် အခွန်တွေ မပေးကြ လို့ ဒေ၀ါလီ ခံရတဲ့ တိုင်းပြည်ဆိုတာ မရှိဘူး။ အုပ်ချုပ်ရေး အာဏာ ကိုင်စွဲထားတဲ့ အစိုးရက အာဏာသုံးပြီး အခွန်အခတွေ မရ ရအောင် ကောက်ယူကြမြဲ ဖြစ်တယ်။ ပြည်သူတွေက အခွန်အခမပေးရင် တရားစွဲ ထောင်ချ လို့ရပေမဲ့ အစိုးရတာဝန်ကို ကျေပွန်အောင် မထမ်းဆောင်တဲ့ အစိုးရကို တာဝန် မကျေပွန်မှုနဲ့ တရားစွဲ ထောင်ချနိုင်တဲ့ ဥပဒေတော့ ကမ္ဘာပေါ်မှာ ဘယ်နိုင်ငံမှမရှိဘူး။ တိုင်းပြည်ကို ဒေ၀ါလီ ခံရအောင် လုပ်လို့ ထောင်ချခံရတဲ့ အစိုးရဆိုတာလည်း ကမ္ဘာပေါ်မှာ မရှိခဲ့ဘူး။

ခြိမ်းခြောက်ဖို့ မဟုတ်

စစ်မှန်တဲ့ ဒီမိုကရေစီနိုင်ငံမှာ တရားဥပဒေဆိုတာ အစိုးရက အသုံးချတဲ့ လက်နက် အဖြစ်သာ ရှိမနေစေရဘူး။ ပြည်သူ လူထုက အစိုးရကို ပြန်လည် ထိန်းသိမ်းဖို့လည်း ဖြစ်စေရမယ်။ ပြည်သူက အခွန်အခ မပေးရင် အရေးယူ သလို ပြည်သူပေးတဲ့ လစာရိက္ခာကို စားပြီး တာဝန် ကျေပွန်အောင် ထမ်းဆောင်ဖို့ ပျက်ကွက်တာ ကိုလည်း အရေးယူ အပစ်ပေးနိုင်ဖို့ လိုတယ်။ ဥပဒေ မှန်သမျှရဲ့ အနှစ်သာရက တိုင်းသူ ပြည်သားများ အပူအပင်၊ အကြောင့်အကြ ကင်းကင်းနဲ့ စိတ်အေးချမ်းသာစွာ လုပ်ကိုင် စားသောက် နေထိုင်နိုင်အောင် ကာကွယ်စောင့် ရှောက်မှုပေးဖို့ ဖြစ်တယ်။ ပြည်သူတွေကို ခြိမ်းခြောက်ဖို့ မဟုတ်ဘူး။ ဖိနှိပ်ဖို့ မဟုတ်ဘူး။

အခြေခံဥပဒေကို ဆန့်ကျင်

စောစောက အမေးရှိခဲ့တဲ့ မီဒီယာဥပဒေဆိုတာက ဖွဲ့စည်းအုပ်ချုပ်ပုံ အခြေခံဥပဒေက အသိအမှတ်ပြု ပေးအပ် ထားပြီး ဖြစ်တဲ့ နိုင်ငံသူ နိုင်ငံသားများရဲ့ လွတ်လပ်စွာ ယုံကြည် ကိုးကွယ်ခွင့်၊ လွတ်လပ်စွာ ထုတ်ဖော် ပြောကြားခွင့်၊ လွတ်လပ်စွာ ရေးသားခွင့် ဆိုတဲ့ အခြေခံ လူ့အခွင့် အရေးကို ဆန့်ကျင် လုပ်ဆောင်ရာ ဖြစ်တဲ့ အတွက် သတင်းမီဒီယာ သမား တစ်ယောက် အနေနဲ့ ကန့်ကွက်သလို နိုင်ငံသား တစ်ယောက် အနေနဲ့လည်း ကန့်ကွက်ပါတယ်။ လက်ရှိ အခြေအနေမှာတောင် သတင်း မီဒီယာတွေကို ထိန်းချုပ်ထားတဲ့ ဥပဒေတွေက လိုတာထက်တောင် အများကြီး ပိုနေပါသေးတယ်။ အသရေဖျက်မှု ဥပဒေ၊ အစိုးရကို အကြည်ညို ပျက်စေမှု ဥပဒေ၊ ဆူပူအောင် လှုံဆော်ရေးသားမှု ဥပဒေ၊ အစိုးရ လျှို့ဝှက်ချက် ပေါက်ကြးမှု ဥပဒေ၊ အီလက်ထရောနစ် အက်ဥပဒေ၊ ရုံးတော်ကို မထီမဲ့မြင်ပြုမှု ဥပဒေ စတဲ့ စတဲ့ ဥပဒေတွေ အများကြီး ရှိပါတယ်။

ရုပ်သိမ်းပေးရမှာ

ပြန်ကြားရေး ၀န်ကြီးဌာနက ပြောသလို သတင်းမီဒီယာ ဖွံ့ဖြိုး တိုးတက်ရေး အတွက်၊ စတုတ္ထမဏ္ဍိုင် ကြံ့ခိုင်ရေး အတွက် လုပ်တာပါ ဆိုရင် နောက်ထပ် ဥပဒေပုဒ်မ အသစ်အသစ်တွေနဲ့ ထပ်ပြီး ထိန်းချုပ်ဖို့ လုပ်မယ့်အစား ရှိနေတဲ့ ကန့်သတ် ချုပ်ချယ်မှု သဘော ဆောင်တဲ့ ဥပဒေ ပုဒ်မတွေကို ရုပ်သိမ်းပေးဖို့ လုပ်ဆောင်ရမှာ ဖြစ်ပါတယ်။ နှစ်ပေါင်း ငါးဆယ်ကျော် သတင်းသမား လုပ်လာခဲ့သူ တစ်ယောက် အနေနဲ့ သတင်းမီဒီယာကို ကန့်သတ် ထိန်းချုပ်ဖို့ လုပ်တဲ့ ဥပဒေမှန်သမျှကို လက်မခံနိုင်ပါဘူး။ သတင်းသမား အစစ် “ပရော်ဖက်ရှင်နယ်” မှန်သမျှလည်း လက်ခံကြမှာ မဟုတ်ပါဘူး။ ပရော်ဖက်ရှင်နယ် သတင်းသမား မဟုတ်တဲ့ ခေတ်ပျက် ဂျာနယ် လစ် တွေကသာ အခွင့်အရေး မျှော်ကိုးပြီး ထောက်ခံချင် ထောက်ခံ ကြပါလိမ့်မယ်။ ပရော်ဖက်ရှင်နယ် သတင်းသမား မှန်ရင် ကိုယ့်လည်ပင်း စွပ်မယ့် ကြိုးကွင်းကို ကိုယ်တိုင် ၀င်ကျစ်ပေးတာမျိုး ဘယ်နည်းနဲ့မှ မျက်နှာပြောင် တိုက်ပြီး လုပ်မှာ မဟုတ်တာ သေချာပါတယ်။ ။

NLD ရဲ့ ထိပ်တန်းကိစ္စသုံးရပ်နဲ့ ကာကွယ်ဦးစီးချုပ်ရဲ့အဓိကတာဝန်

တူမောင်ညို
မတ်လ ၂၈၊ ၂၀၁၂

“(၆၇) နှစ်မြောက် တပ်မတော်နေ့” မှာပြောတဲ့ ဗိုလ်မင်းအောင်အောင်လှိုင်ရဲ့မိန့်ခွန်းထဲက အောက်ပါအချက် ၂ ချက်ကို သတိ ပြုမိပါတယ်။

တပ်မတော်ဖခင် ဗိုလ်ချုပ်အောင်ဆန်း၊ ဗိုလ်ချုပ်ကြီးနေဝင်း၊ ဗိုလ်ချုပ်မှူးကြီးသန်းရွှေတို့ကို တပ်မတော်ကို ခေတ်ကာလနဲ့ အညီ တည်ဆောက် ပေးခဲ့လို့ ကျေးဇူး တင်ထိုက်သူများ အဖြစ် တတန်းတည်း ထားပြီး ရည်ညွန်း ပြောကြားတဲ့ အချက်နဲ့ လွှတ်တော်ထဲမှာ စစ်သားအမတ် ၂၅% ဘာကြောင့် ပါဝင်နေရသလဲ ဆိုတဲ့ အချက်တွေပဲ ဖြစ်ပါတယ်။

တပ်မတော်ဖခင်လို့ ဗိုလ်ချုပ်အောင်ဆန်းကိုရည်ညွန်းသော်လည်း ယခင်က “အောင်ဆန်းစစ်ကြောင်း” ဆိုတာ ရှိခဲ့ပြီး (နဝတ-နအဖ) ခေတ် မှာ ဖြုတ်ပယ် ခဲ့ပါတယ်။ အခုလည်း ဖြုတ်ပယ်ထားဆဲပါ။ ထားပါတော့။

နောက်တချက်က ဗိုလ်ချုပ်အောင်ဆန်း နိုင်ငံရေးလုပ်တော့ စစ်တပ်ကနေပြတ်ပြတ်သားသား ထွက်ပြီး နိုင်ငံရေးကို ခြေစုံပစ်ပြီး လုပ်ခဲ့သူဖြစ် တယ်။ ဗိုလ်ချုပ်အောင်ဆန်းဟာ “ကိုအောင်ဆန်း- သခင်အောင်ဆန်း- ဗိုလ်အောင်ဆန်း- ဦးအောင်ဆန်း” စသဖြင့် ကျောင်းသား၊ နိုင်ငံရေး သမားဘဝကနေ တော်လှန်ရေး တပ်မတော်သား၊ တော်လှန်ရေး တပ်မတော်သား ဘဝကနေ နိုင်ငံရေး သမားဘဝကို အဆင့်ဆင့် ပြောင်းလဲ ခဲ့တာပါ။

ဗိုလ်ချုပ်အောင်ဆန်းနဲ့ဗိုလ်နေဝင်းကို တတန်းထဲထား ဖေါ်ပြစရာ ဆိုလို့ “ရဲဘော်သုံးကျိပ်” စာရင်းကို ရေးသား ဖေါ်ပြရာမှာပဲ ဖြစ်တယ်။ ဒါ တောင် ဒို့ဗမာအစည်းအရုံး ဆိုတဲ့ ရှုဒေါင့်ကနေကြည့်ရင် “သခင်ကိုယ်တော်မှိုင်း ” အုပ်စုဝင် သခင်အောင်ဆန်းနဲ့ “သခင်ထွန်းအုပ် – သခင်ဗ စိန် ”အုပ်စုဝင် သခင်ရှုမောင်အဖြစ် ကွဲပြား နေသေးတယ်။

ဗိုလ်နေဝင်းဟာ စစ်တပ်ကို တလက်ကိုင်တပ်အဖြစ် အုပ်စီးခဲ့ပြီး စစ်အာဏာရှင်စနစ်ကို စတင် အခြေချခဲ့သူ အကောင်အထည် ဖော်ခဲ့သူဖြစ် တယ်။ ဒါကြောင့် ဗိုလ်နေဝင်းဟာ လက်ရှိ စစ်အုပ်စုနဲ့ စစ်အာဏာရှင် စနစ်ရဲ့ ဂေါ့ဖားသား ဖြစ်တယ်။

ဗိုလ်နေဝင်းဟာ “တော်လှန်ရေးကောင်စီ” ဆိုပြီး ၁၂ နှစ်အုပ်စိုးခဲ့ပြီး စစ်အာဏာရှင် စနစ်ကို ဖွဲ့စည်းပုံ အခြေခံဥပဒေ (၁၉၇၄) စိတ်ကြိုက် ရေးဆွဲကာ (မဆလ) တစ်ပါတီ အာဏာရှင်စနစ်နဲ့ (၁၄) နှစ် (၁၉၇၄- ၁၉၈၈) ကြာ ဖိနှိပ်ခဲ့တယ်။

ဗိုလ်သန်းရွှေကတော့ (နဝတ-နအဖ) စစ်ကောင်စီက ၂၁ နှစ် (၁၉၈၈ -၂၀၁၀) ဖိနှိပ်အုပ်စိုးခဲ့ပြီး၊ စစ်အာဏာရှင် စနစ်ကို ဖွဲ့စည်းပုံ အခြေခံဥပဒေ (၂၀၀၈) စိတ်ကြိုက် ရေးဆွဲပြီး “စည်းကမ်းပြည့်ဝတဲ့ ဒီမိုကရေစီ” ဆိုတဲ့ မျက်နှာဖုံး စွပ်ပေးခဲ့တယ်။

စစ်အုပ်စုဖွဲ့ပြီး စစ်တပ်ကို တလက်ကိုင်လုပ်တဲ့အစဉ်အလာဟာ ဗိုလ်နေဝင်းလုပ်နည်းဖြစ်တယ်။ ဒီနည်းကို ဗိုလ်သန်းရွှေက ဆက်ခံခဲ့တာဖြစ် တယ်။

ဒါကြောင့် ဗိုလ်မင်းအောင်လှိုင်တို့ လက်ရှိစစ်အုပ်စုဟာ ဗိုလ်နေဝင်း- ဗိုလ်သန်းရွှေ တို့ရဲ့ စစ်အာဏာရှင် စနစ် အမွေခံတွေသာ ဖြစ်တယ်။

လက်ရှိ စစ်အုပ်စုဟာ ဗိုလ်ချုပ်အောင်ဆန်းရဲ့နိုင်ငံရေးအစဉ်အလာကို ဆက်ခံသူတွေ မဟုတ်ဘူး။

ဗိုလ်ချုပ်အောင်ဆန်းက တပ်ကိုအသုံးချပြီး နိုင်ငံရေးမလုပ်ခဲ့ဘူး။ ကိုယ်ကျိုးစီးပွား မစုဆောင်းခဲ့ဘူး။ ဗိုလ်နေဝင်းတို့ ဗိုလ်သန်းရွှေ တို့က စစ် တပ်ကို ခါးပိုက်ဆောင်တပ် အဖြစ် တလက်ကိုင်ပြုကာ စစ်အာဏာရှင်စနစ် ဖန်တီးပြီး ကိုယ်ကျိုး စီးပွားစု ဆောင်း ခဲ့ကြတာ ဖြစ်တယ်။ ဒါဟာ ဗိုလ်ချုပ်အောင်ဆန်းနဲ့ ဗိုလ်နေဝင်း- ဗိုလ်သန်းရွှေတို့ အရင်းခံ ခြားနားချက်ဖြစ်ပါတယ်။ ထပ်တူ နှိုင်းယှဉ်လို့ မရတဲ့ မတူညီတဲ့ အစဉ်အလာ ဖြစ်တယ်။

ဒီနေ့စစ်အုပ်စုဟာ စစ်တပ်နဲ့ရှင်းရှင်းပြတ်ပြတ်ခွဲခြားပြီး နိုင်ငံရေးလုပ်ခဲ့တဲ့ ဗိုလ်ချုပ်အောင်ဆန်း အစဉ်အလာနဲ့ ပြဒါးတလမ်း သံတလမ်း ဆန့်ကျင်ပြီး ဗိုလ်နေဝင်း- ဗိုလ်သန်းရွှေတို့ရဲ့ စစ်တပ်ကို ခါးပိုက်ဆောင်တပ် အဖြစ် ထားပြီး နိုင်ငံရေး လုပ်ကာ ကိုယ်ကျိုးစီးပွား ရှာတဲ့ လုပ်ဟန်ကို အမွေ ဆက်ခံထားသူတြွေ ဖစ်ပါတယ်။ “အမျိုးသားနိုင်ငံရေး” ဆိုတာကို ဗန်းပြ အရေခြုံထားတယ်။

ဗိုလ်မင်းအောင်လှိုင်က “လွှတ်တော်အသီးသီးမှာ စစ်သားအမတ်တွေပါဝင်နေတယ်ဆိုတာ သမိုင်းကြောင်းအရ ပါဝင်နေတာ ဖြစ်ပြီး၊ အမျိုးသား နိုင်ငံရေး တာဝန်တစ်ရပ်ကို ထမ်းဆောင် နေတာ ဖြစ်တယ်” လို့ သူ့မိန့်ခွန်းထဲမှာ ထည့်ပြောထားတယ်။ စစ်မှုထမ်း ဥပဒေနဲ့ စစ်သားလုပ်နေ သူတွေ မဟုတ်ဘူး၊ ခံယူချက်နဲ့ စစ်ထဲ ဝင်ခဲ့ကြသူတွေ ဖြစ်တယ်လို့လည်း ဆိုတယ်။

(လပခ) တိုင်းမှူးဟောင်း (နဝတ) ဗိုလ်ထွန်းကြည်ရဲ့ကိုယ်တိုင်ရေးအထ္ထုပ္ပတ္တိမှာ ပါတဲ့ (ဝင်းဦးကိုအားကျတဲ့) ခံယူချက်မျိုးလား မသိပါ။

ဒါအပြင် “ဖွဲ့စည်းပုံအခြေခံဥပဒေ ၂၀၀၈” ထဲက ပုဒ်မ ၂၀၊ ပုဒ်မခွဲ (စ) ကိုကိုးကားပြီး “စစ်တပ်က ဖွဲ့စည်းပုံ အခြေခံ ဥပဒေကို အဓိကတာဝန် တရပ်အနေနဲ့ ကာကွယ် စောင့်ရှောက်သွားမယ်” လို့ အခိုင်အမာ ထည့်သွင်း ပြောကြား ခဲ့ပါတယ်။

ဒီပြောကြားချက်ဟာ ရေဒီယိုနဲ့ရုပ်မြင်သံကြားကနေ မတ်လ ၁၄ ရက်နေ့ကပြောကြားခဲ့တဲ့ ဒေါ်အောင်ဆန်းစုကြည်ရဲ့ပြောကြား ချက်ကို တုန့်ပြန်တာလို့ ယူဆနိုင်ပါတယ်။

“အမျိုးသားဒီမိုကရေစီအဖွဲ့ချုပ်ရဲ့ အဓိကရည်ရွယ်ချက်တွေအနက် ထိပ်တန်းတင်ထားတဲ့ကိစ္စ သုံးရပ်ကတော့ တရားဥပဒေ စိုးမိုးရေး၊ ပြည်တွင်း ငြိမ်းချမ်းရေးနဲ့ ဖွဲ့စည်းပုံ အခြေခံဥပဒေ ပြင်ဆင်ရေး တို့ဖြစ်ပါတယ်”

ဒေါ်အောင်ဆန်းစုကြည်က သူ့ဟောပြောချက်ထဲမှာ လက်ရှိဖွဲ့စည်းပုံအခြေခံဥပဒေ ၂၀၀၈ ထဲက ဒီမိုကရေစီစံနှုန်းနဲ့ မကိုက် ညီတာတွေ ထဲက ထင်ရှားတဲ့ ဥပမာတခု အဖြစ် “၂၀၀၈ ဖွဲ့စည်းပုံအခြေခံ ဥပဒေမှာ ရွေးကောက်ခံ မဟုတ်တဲ့ (စစ်တပ်) လွှတ်တော် ကိုယ်စားလှယ် ၂၅ ရာ ခိုင်နှုန်း ပါဝင်နေတာကို ပြည်သူတွေအသိ ဖြစ်ပါတယ်” ဆိုပြီး ထည့်သွင်း ပြောကြား ခဲ့ပါတယ်။

“အခြေခံဥပဒေကို အဓိကတာဝန်တရပ်အနေနဲ့ ကာကွယ်စောင့်ရှောက်သွားမယ်”လို့ဆိုရာမှာ အခြေခံဥပဒေနဲ့ အညီ အာဏာ သိမ်းနိုင်တဲ့ တာဝန်နဲ့ လွှတ်တော် အသီးသီး အတွင်းမှာရှိတဲ့ စစ်သား အမတ်တွေရဲ့တာဝန်လို့ ပေါင်းပြီး ပြောတာ ဖြစ်ပါတယ်။

ဒါပေမယ့် ဒီတာဝန်တွေကို ကာကွယ်ရေးဦးစီးချုပ်ကသာ အမိန့်ပေးညွန်ကြားဆောင်ရွက်မှာ ဖြစ်ပါတယ်။

လွှတ်တော် အသီးသီးမှာရှိတဲ့ ၂၅% စစ်သားအမတ်တွေကို ကာကွယ်ရေးဦးစီးချုပ်က စိတ်ကြိုက်ခန့်နိုင်/ဖြုတ်နိုင်/ လဲလှယ် နိုင်ပါတယ်။

စစ်သားအမတ်ဆိုတာမှာလည်း အမြင့်ဆုံးအဆင့်က “ဗိုလ်မှူးကြီး” အထိပဲပါတာပါ။ ဒါကလည်း အနည်းစုပါ။ ကျန်တဲ့ အများစုက ဗိုလ်မှူးအ ဆင့်နဲ့ ဗိုလ်ကြီးအဆင့် ဂျူနီယာလေးတွေ ဖြစ်ပါတယ်။ သူတို့ခမျာလည်း “စစ်စည်းကမ်း” ဆိုတာနဲ့ အသေ ချည်တုတ် ခံထားရသူတွေ ဖြစ်ပါတယ်။ ဒါကြောင့် ကာကွယ်ရေး ဦးစီးချုပ်ကို ဆန့်ကျင်တဲ့မဲ စစ်သား အမတ်တွေ မပေးဝံ့ပါဘူး။

ဒါကြောင့် “ဖွဲ့စည်းပုံအခြေခံဥပဒေကို အဓိကတာဝန်တစ်ရပ်အနေနဲ့ကာကွယ်စောင့်ရှောက်သွားမယ့်” ဗိုလ်မင်းအောင်လှိုင်နဲ့ NLD က ထိပ်တန်း တင်ထားတဲ့ ကိစ္စသုံးရပ် (တရားဥပဒေစိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့စည်းပုံ အခြေခံဥပဒေ ပြင်ဆင်ရေး ) ကတော့ ရှောင်လွှဲလို့မရအောင် ထိပ်တိုက် တွေ့နေပါပြီ။

“၁ ဧပြီ၊ ကြားဖြတ်ရွေးကောက်ပွဲ” မှာ အနိုင်ရရုံနဲ့ “NLDရဲ့ထိပ်တန်းကိစ္စသုံးရပ်” ဖြစ်မြောက် မလာနိုင်ဘူး ဆိုတာ NLD ကလည်း နားလည် သလို၊ လက်ရှိ ဦးသိန်းစိန် စစ်တစ်ပိုင်း အစိုးရကလည်း သိပါတယ်။

NLD ရဲ့ ထိပ်တန်းတင်ထားတဲ့ကိစ္စသုံးရပ်ဆိုတာဟာ စစ်တပ်နဲ့ ဖွဲ့စည်းပုံအခြေခံဥပဒေကို ပြုပြင် ပြောင်းလဲ၊ ပြင်ဆင် နိုင်မှသာ ဖြစ်မြောက်ပါ လိမ့်မယ်။

ဒီလိုပြုပြင်ပြောင်းလဲနိုင်ဖို့အတွက် NLD အနေနဲ့ လွှတ်တော်အဆင့်ဆင့် (ပြည်သူ့လွှတ်တော်+ အမျိုးသား လွှတ်တော်) ထဲမှာ ၇၅% ကျော်မယ့် လွှတ်တော် ကိုယ်စားလှယ်တွေရဲ့ ဆန္ဒမဲတွေ လိုပါတယ်။ ပြည်သူ့ ဆန္ဒခံယူပွဲမှာလည်း ထက်ဝက်ကျော် မဲဆန္ဒ ရဖို့ လိုပါတယ်။

လောလောဆယ်မှာတော့ ရွေးကောက်ပွဲကော်မရှင်နဲ့ အဆင့်ဆင့်သောအာဏာပိုင်တွေရဲ့ ညစ်ပတ် ကောက်ကျစ်မှု တွေကို NLD ရင်ဆိုင် နေရပါတယ်။

ညွန်း
၁။ မတ်လ ၁၄ ရက်နေ့၊ ရေဒီယို/ရုပ်မြင်သံကြားတို့မှ ဒေါ်အောင်ဆန်းစုကြည်၏ဟောပြောတင်ပြချက် (ဒီလှိုင်း စာစောင် အတွဲ ၁ အမှတ် ၁၀၊ စာမျက်နှာ ၆)
၂။ ၂၀၁၂ ခုနှစ်၊ မတ်လ ၂၇ ရက်၊ ကာကွယ်ရေးဦးစီးချုပ်မိန့်ခွန်း (မြန်မာ့အလင်းသတင်းစာ ၂၈ မတ်)

Ref: မိုးမခ

ရွေးကောက်ပွဲကြည့်ရှုဖို့ အမေရိကန်အဖွဲ့ရောက်ရှိ

2012-03-28

ဧပြီလ (၁) ရက်နေ့မှာ ကျင်းပမယ့် ကြားဖြတ် ရွေးကောက်ပွဲကို ကြည့်ရှုလေ့လာဖို့ အမေရိကန် ပြည်ထောင်စုက စေလွှတ်မယ့် ကိုယ်စားလှယ် အဖွဲ့ဝင် နှစ်ဦးရဲ့ အမည်တွေကို နိုင်ငံခြားရေး ဌာနက မနေ့က ကြေညာသွားပါတယ်။

ဒီမိုကရေစီရေး လှုပ်ရှားနေတဲ့ အမျိုးသား ဒီမိုကရက်တစ်အဖွဲ့ NDI က Peter Manikas နဲ့ နိုင်ငံတကာ ရီပါပလီကင် အဖွဲ့ IRI က Johanna Kao တို့ ဖြစ်တယ်လို့ နိုင်ငံခြားရေးဌာန ပြောခွင့်ရ အမျိုးသမီး Victoria Nuland ကပြောပါတယ်။

ဒါပေမယ့် သူတို့တွေဟာ ရွေးကောက်ပွဲ စောင့်ကြည့်ရေးအဖွဲ့ဆိုတာထက် ရွေးကောက်ပွဲ ဘယ်လိုကျင်းပသလဲ ဆိုတာ ကိုယ်တိုင် မျက်မြင် သွားရောက် ကြည့်ရှုကြမှာ ဖြစ်တယ်လို့ Victoria Nuland က သတင်းထောက်တွေကို ပြောပါတယ်။

အမေရိကန်က စေလွှတ်မယ့်အဖွဲ့ဟာ ရွေးကောက်ပွဲကို စောင့်ကြည့်တယ်ဆိုတဲ့ အဆင့်မှာတော့ မရှိပါဘူး။ ဘာကြောင့်လဲ ဆိုတော့ မြန်မာ အစိုးရက ရွေးကောက်ပွဲကျင်းပမယ့် ရက်ပိုင်း အလိုမှ ဖိတ်ခေါ်ခဲ့တာမို့ ကုလသမဂ္ဂက ပြဋ္ဌာန်းထားတဲ့ နိုင်ငံတကာ ရွေးကောက်ပွဲ စောင့်ကြည့်ရေး အချက်တွေနဲ့ အညီ စစ်ဆေးနိုင်မှာ မဟုတ်လို့ ဖြစ်ပါတယ်လို့ ပြောဆိုခဲ့ပါတယ်။

အမေရိကန် ကိုယ်စားလှယ်အဖွဲ့ဟာ မတ်လ (၂၈) ရက်နေ့ ကနေ ဧပြီလ (၃) ရက်နေ့အထိ လေ့လာ ကြည့်ရှုမှာ ဖြစ်ပါတယ်။

အလားတူပဲ ကုလသမဂ္ဂက စေလွှတ်မယ့် အဖွဲ့နဲ့ ပတ်သက်လို့လည်း အတွင်းရေးမှူးချုပ် ဘန်ကီမွန်းရုံးရဲ့ ပြောခွင့်ရ အမျိူးသမီး Eri Kaneko က မြန်မာအစိုးရရဲ့ ဖိတ်ကြားချက်ကို တုန့်ပြန်တဲ့ အနေနဲ့ နယူးယောက်မြို့ ကုလသမဂ္ဂ ဌာနချုပ်ကနေ ကိုယ်စားလှယ် အဖွဲ့ကို စေလွှတ်မှာပါ။ အဲဒီအဖွဲ့ကနေ ရွေးကောက်ပွဲ အစီရင်ခံစာကို အတွင်းရေးမှူးချုပ် ဘန်ကီးမွန်းကို တင်ပြမှာ ဖြစ်တယ်လို့ ပြောဆို ပါတယ်။

Ref: RFA News

SSA တိုက်ခိုက်ခံရမှု ဦးအောင်မင်းက သမ္မတနှင့် တိုက်ရိုက် ဆွေးနွေးမည်

ကျော်ခ
March 28, 2012

အပစ်ခတ်ရပ်စဲရေး ပဏာမ သဘောတူညီမှု ရရှိထားသည့် ရှမ်းပြည်တပ်မတော် တောင်ပိုင်း (SSA-S) ကို အစိုးရတပ်မှ တိုက်ခိုက်မှုများ ပြုလုပ်နေခြင်း အပေါ် ပြည်ထောင်စုအဆင့် ငြိမ်းချမ်းရေးအဖွဲ့ ခေါင်းဆောင် မီးရထားဝန်ကြီး ဦးအောင်မင်းက သမ္မတ ဦးသိန်းစိန်နှင့် တိုက်ရိုက် ဆွေးနွေးမည်ဟု သတင်းရရှိသည်။

အစိုးရတပ်များက ရှမ်းပြည်နယ်အတွင်း နယ်မြေစိုးမိုးရေးအတွက် တိုက်ခိုက်နေမှုများ အပေါ် SSA-S ဥက္ကဋ္ဌ ရွက်ဆစ်က ငြိမ်းချမ်းရေး ဖော်ဆောင်ရေး အဖွဲ့ထံ ယခုလ ၂၃ ရက်နေ့က စာပေးပို့ခဲ့ပြီး သုံးရက် အကြာတွင် SSA-S နှင့် အပစ်ရပ်ရေး သဘော တူညီချက် စာချုပ် ချုပ်ဆိုခဲ့သူ ဦးအောင်မင်းက ထိုကိစ္စကို သမ္မတ ဦးသိန်းစိန်နှင့် တိုက်ရိုက် ဆွေးနွေးပေးမည်ဟု အကြောင်းပြန် ခဲ့ခြင်း ဖြစ်ကြောင်း သိရသည်။

SSA-S ပြောခွင့်ရပုဂ္ဂိုလ် ဗိုလ်မှူး စိုင်းလောင်ဆိုင်းက “တိုက်ပွဲတွေဖြစ်ပွားနေမှုကို သူ့အနေနဲ့ သမ္မတနဲ့ တိုက်ရိုက် ဆွေးနွေး ပေးသွားမယ်လို့ လွန်ခဲ့တဲ့ နှစ်ရက်လောက် ကပဲ ဦးအောင်မင်းက ဖုန်းနဲ့ အကြောင်း ပြန်လာပါတယ်။ သူတို့ ဆွေးနွေး ပြီးမှပဲ ကျနော်တို့ကို အကြောင်း ပြန်မှာပါ။ ဘယ်နေ့ ဆွေးနွေးမယ်၊ အကြောင်းပြန်မယ် ဆိုတာ မသိရသေးပါဘူး” ဟု ဧရာဝတီသို့ ပြောသည်။

သမ္မတ ဦးသိန်းစိန်နှင့် ဦးအောင်မင်းတို့ တွေ့ဆုံဆွေးနွေးမှုသည် ဧပြီလ ကြားဖြတ်ရွေးကောက်ပွဲနှင့် သင်္ကြန်ကာလ အပြီးမှ ဖြစ်နိုင်ဖွယ် ရှိကြောင်း SSA-S က ခန့်မှန်းထားပြီး၊ နှစ်ဖက် အပစ်ခတ်ရပ်စဲရေး ပျက်ပြားမှု ဖြစ်မသွား စေရန် SSA-S က ထိန်းသိမ်း သွားမည်ဟု ဆိုသည်။

သို့သော် အစိုးရတပ်များက SSA-S လှုပ်ရှားနယ်မြေများအတွင်း ထပ်မံတိုက်ခိုက်မှုများ ဆက်လက် ပြုလုပ်လာလျှင် ခုခံ တိုက်ခိုက်သွားမည်ဟု ဆုံးဖြတ် ထားပြီး ဖြစ်ကြောင်း ဗိုလ်မှူး စိုင်းလောင်ဆိုင်းက ပြောသည်။

အစိုးရတပ်များသည် နှစ်ဖက်သဘောတူညီချက် ရရှိထားသော အပစ်ခတ်ရပ်စဲရေးကို ချိုးဖောက်ပြီး ရှမ်းပြည်နယ် အတွင်းရှိ မိုင်းပြင်း၊ မိုင်းဖြတ်၊ တာချီလိတ်၊ မိုင်းပန်၊ မိုင်းထ၊ နမ့်ဆန်၊ မိုင်းယောင်း၊ ကျောက်မဲနှင့် သီပေါ မြို့နယ်များအတွင်းရှိ SSA-S တပ်စခန်း ချရာ နေရာများကို ဖေဖော်ဝါရီလ ၆ ရက်နေ့မှ စတင်ကာ တိုက်ခိုက်သိမ်းပိုက်မှုများ ပြုလုပ်နေပြီး ရှမ်းတပ်ဖွဲ့ဝင်များကို သတ်ဖြတ်ခြင်း၊ လက်နက်နှင့်ပစ္စည်းများ သိမ်းယူခြင်းများ ပြုလုပ်နေကြောင်း ဥက္ကဋ္ဌ ရွက်ဆစ်က ပေးပို့သော စာထဲတွင်ပါရှိသည်။

“ကျနော်တို့အပေါ်မှာ စစ်ရေးအရတိုက်ခိုက်တာတောင် မကဘူး၊ တိုက်ပွဲဖြစ်တဲ့ နယ်မြေဒေသ အတွင်းက ရွာတွေမှာ ဝင်ပြီးတော့ ရွာသားတွေကို ရိုက်နှက်ပြီး ကြက်တွေ၊ ဝက်တွေ အတင်းအဓမ္မ ဖမ်းဆီး ယူဆောင်တာ မျိုးတွေတောင် လုပ်နေတယ်” ဟု ဗိုလ်မှူး စိုင်းလောင်ဆိုင်းက ပြောသည်။

ယခုနှစ် ဇန်နဝါရီလ ၂၆ ရက်နေ့က တောင်ကြီးမြို့တွင် ပြုလုပ်သော ပြည်ထောင်စုအဆင့် တွေ့ဆုံဆွေးနွေး ပွဲ၌ မိုင်းထ မြို့နယ်ခွဲ နှင့် ဟိုမိန်းမြို့နယ်ခွဲ ဒေသများကို SSA-S ဗဟိုဌာနချုပ် နယ်မြေအဖြစ် သတ်မှတ် ပေးခဲ့သော်လည်း ဒေသအခြေစိုက် အစိုးရတပ် တာဝန် ရှိသူများက ခွင့်ပြုချက်နှင့် ညွှန်ကြားချက် မရရှိဟုဆိုကာ နယ်မြေအတွင်း ဝင်ရောက်ခွင့် မပြုခဲ့ဟု သိရသည်။

မိုင်းထဒေသတွင် SSA-S တပ်ဖွဲ့ဝင်များ အခြေချ သွားလာနိုင်ရေး၊ လုပ်ကိုင်စားသောက်နိုင်ရေး တို့အတွက် နယ်မြေခံ အစိုးရ တပ်များမှ စီစဉ်ပေးမည် ဖြစ်ကြောင်း သဘောတူညီချက် ရရှိထားသော်လည်း တြိဂံတိုင်းမှူးနှင့် နယ်မြေခံအရာရှိများက ၎င်းတို့၏ လုံခြုံရေးအတွက် တပ်စိုက်ခွင့်မပြုနိုင်ဟု အကြောင်းပြန်ခဲ့ သည်မှာ စာချုပ်ပါ သဘော တူညီချက်များနှင့် ကိုက်ညီမှု မရှိကြောင်း SSA-S က ပြောဆိုသည်။

အလားတူ ရှမ်းပြည်နယ်အတွင်း SSA-S ဗဟိုဌာနချုပ် အခြေစိုက်ရန်နေရာတွင် ချထားသော အစိုးရ တပ်များကို မလိုအပ် တော့လျှင် ဆုတ်ခွာ ပေးမည်ဟု သဘော တူထားသော်လည်း ထိုနေရာ အပါအဝင် SSA-S လက်အောက်ခံ တပ်ရင်း တပ်ဖွဲ့များ အခြေစိုက်ရာ ဒေသအချို့တွင် အစိုးရစစ်တပ်မှ အင်အားဖြည့်တင်းမှုများ ပြုလုပ်နေသဖြင့် SSA-S အနေဖြင့် စိုးရိမ် ကြောင့်ကြစိတ်များ ဖြစ်ပေါ် လာစေပြီး ထာဝရ ငြိမ်းချမ်းရေး အဆင့်သို့ အစိုးရနှင့်အတူ လက်တွဲ ဖော်ဆောင်ရမည့် အခြေအနေကို သဘောပေါက်ရန် ခက်ခဲသည့် အခြေအနေသို့ ရောက်ရှိနေသည်ဟု ဆိုသည်။

ထိုကဲ့သို့ တိုက်ခိုက်မှုများ ဆက်တိုက်ရှိနေခြင်းကြောင့် SSA-S ဗဟိုဌာနချုပ်အနေဖြင့် အောက်ခြေ တပ်များအား နားလည်မှု ရှိစေရန်နှင့် ကျေနပ်မှု ရှိစေရန်တို့ အတွက် အကြောင်းပြချက်ပေးရန် အခက်ခဲ ဖြစ်စေခဲ့ကြောင်း ဥက္ကဋ္ဌ ရွက်ဆစ် အကြောင်းကြားစာ၌ ဖော်ပြထားသည်။

SSA-S ငြိမ်းချမ်းရေးအဖွဲ့နှင့် သမ္မတ ဦးသိန်းစိန် ဖွဲ့စည်းပေးထားသော ဦးအောင်မင်း ခေါင်းဆောင်သည့် ပြည်ထောင်စု အဆင့် ငြိမ်းချမ်းရေး အဖွဲ့တို့ တောင်ကြီးမြို့တွင် တွေ့ဆုံ ဆွေးနွေးရာတွင် နှစ်ဖက်တပ်များ နယ်မြေပိုင်းခြား သတ်မှတ်ရေးလည်း ပါဝင်ခဲ့ပြီး ယခုကဲ့သို့ တိုက်ခိုက်နေခြင်းမှာ SSA-S အပေါ် နယ်မြေအရ စိုးမိုးထိန်းချုပ်ရန် ကြိုးစားနေခြင်း ဖြစ်ကြောင်း တရုတ်-မြန်မာ နယ်စပ်အခြေစိုက် မြန်မာ့ စစ်ရေးလေ့လာသူ ဦးအောင်ကျော်ဇောက ပြောသည်။

“သူတို့ပေးထားတဲ့နေရာကို သဘောတူညီအောင် ညှိနှိုင်းတဲ့ကာလဖြစ်တယ်။ အဲဒါကို သူတို့က တက်တိုက်တာ။ အဲဒါကို တကယ်တမ်း ဆွေးနွေးတဲ့ အခါမှာ သူတို့ပိုင်တယ်ဆိုပြီး ဒီနေရာတွေကို တောင်းမှာ။ ဒါအရင်တုန်းကလည်း ဖြစ်ခဲ့ပါတယ်။ အထူးသဖြင့် ၁၉၉၄ ကာလတုန်းက အကြိမ်ကြိမ် ဆွေးနွေးနေဆဲ ကာလမှာလည်း ဒါမျိုးတွေ ဖြစ်ဖူးတယ်” ဟု ဦးအောင်ကျော်ဇောက ဧရာဝတီသို့ ပြောသည်။

ဗဟိုအစိုးရအနေဖြင့် တိုင်းရင်းသား လက်နက်ကိုင်တပ်များနှင့် အပစ်ရပ်ရေး ဆွေးနွေးရာတွင် နိုင်ငံတကာ မျက်နှာစာတွင် နာမည်ကောင်း ရရန် ကြိုးစားပြရုံ မဟုတ်ဘဲ စစ်မှန်သော အပစ်ခတ် ရပ်စဲရေးကို ဦးတည်ရန် အချိန်ရှိသေးကြောင်း၊ သို့မဟုတ်ပါက ၁၉၉၄ ခုနှစ်ကသို့ပင် ပြည်တွင်းစစ် ပြန်ဖြစ်နိုင်ကြောင်း ဦးအောင်ကျော်ဇောက ထောက်ပြော ပြောဆိုသည်။

အစိုးရနှင့် SSA-S တို့ ပြည်နယ်အဆင့် အပစ်ခတ်ရပ်စဲရေး နှစ်ဘက် သဘောတူစာချုပ် တရပ်ကို ဒီဇင်ဘာ လဆန်းပိုင်းက တောင်ကြီးမြို့တွင် လက်မှတ်ရေးထိုးခဲ့ပြီး ဝန်ကြီး ဦးအောင်မင်း ခေါင်းဆောင်သော ငြိမ်းချမ်းရေးအဖွဲ့နှင့် အချက် ၁၁ ချက်ပါ သဘောတူညီချက်ကို ယခုနှစ် ဇန်နဝါရီ ၁၆ ရက်နေ့က လက်မှတ် ရေထိုးခဲ့ကြသည်။

Ref: ဧရာဝတီ

..............................

မြန်မာ စံတော်ချိန်

သတင်းဝက်ဆိုဒ်များ

ပြည်တွင်း မဂ္ဂဇင်း၊ ဂျာနယ်များ

အဖွဲ့အစည်းများ

ဘာသာရေး

ဆရာတော်များ

အထွေထွေဘလော့ဂ်များ

နည်းပညာဘလော့ဂ်ဂါများ

နိုင်ငံရေးပါတီများ

တိုင်းရင်းသားများဘလော့ဂ်ဂါများ

လေ့လာစရာစာအုပ်စင်များ

ရုပ်ရှင်နှင့် ဗွီဒီယိုများ

သီချင်းများ

Counter

Visitors

ဆက်သွယ်လိုပါက

My Blog List

Friday, March 30, 2012

Thursday, March 29, 2012

ဖတ်စရာများ

ဗိုလ်ချုပ်ကျော်ဇော၏ အတ္ထုပ္ပတ္တိ

ကြပ်ပြေးနန်းတွင်းအကြောင်း

သုတေသန စာတမ်းများ

Blog Archive

ဥရောပ ခရီးစဉ်များ

အွန်လိုင်း ဇော်ဂျီဖောင့် ကွန်ဗာတာ

Facebook Fans Page

Subscribe To

Followers

ပညာရေးအတွက်

နိုင်ငံတကာကျောင်းများ

စာပေရသ

Our Blogger Templates Web Design