ဂါမဏိ
mole (နာမ်)။
၁။ ပွေးသတ္တဝါ။
၂။ တဖက်ရန်သူအတွင်း အယုံသွင်းမြှုပ်နှံထားသော သူလျှို။
(ပညာရေးဝန်ကြီးဌာန မြန်မာစာအဖွဲ့ထုတ် အင်္ဂလိပ်-မြန်မာ အဘိဓာန် မှ)
အမေရိကန်နိုင်ငံ ဖလော်ရီဒါပြည်နယ်ဟာ အာဏာရှင် ကက်စထရို အုပ်စိုးတဲ့ ကျူးဘား နိုင်ငံက မိုင် ၉၀ အကွာ ပင်လယ် ခြားလျက်ရှိတဲ့ နယ်မြေ ဖြစ်ပါတယ်။ ကျူးဘား နိုင်ငံဟာ ရေပတ်လည် ဝိုင်းနေတဲ့ ကျွန်းနိုင်ငံ ဖြစ်တာကြောင့် ကျူးဘား ပြည်ထဲ နေမရတဲ့ အတိုက်အခံတွေ ဒီမိုကရေစီ သမားတွေ ဒုက္ခသည်တွေ အတွက် ဖလော်ရီဒါ ပြည်နယ်မြို့တော် မိုင်ယာမီဟာ အချက်အခြာ လွတ်မြောက် ဒေသ ဖြစ်နေရုံတင် မက စားဝတ်နေရေး အတွက် ထွက်လာသူ ကျူးဘား ရွှေ့ပြောင်း အလုပ်သမားတွေ အဖို့လဲ အရေးပါတဲ့ အားကိုး ခိုနားရာ ဖြစ်နေပါတယ်။ ဒီကနေ့ ထိုင်းနိုင်ငံ မဲဆောက်မြို့ဟာ မြန်မာအ တိုက်အခံ မျိုးစုံ အတွက် ဗဟိုချက် ဖြစ်နေသလိုမျိုး ဖြစ်ပါတယ်။
ဒါကြောင့် ကျူးဘားအစိုးရ ထောက်လှမ်းရေးဟာ မိုင်ယာမီမှာရှိတဲ့ အဝေးရောက် အဖွဲ့အစည်း ပေါင်းစုံ ထဲကို နှစ်ပေါင်း ၄၀ ကျော် စိမ့်ဝင် ထိုးဖောက်ခဲ့ပြီး အဲဒီ အတိုက်အခံ အဖွဲ့တွေကို သတင်း ထောက်လှမ်း ရုံတင်မက ချုပ်ကိုင် စေခိုင်းနိုင်တဲ့ အထိ စွမ်းဆောင် ခဲ့ပါတယ်။ ဒီအတိုက်အခံ အဖွဲ့တွေထဲက အတက်ကြွ အလှုပ်ရှားဆုံး အဖွဲ့ရဲ့ စစ်ဆင်ရေးမှူးဟာ အာဏာရှင် ဖီဒယ် ကက်စ်ထရို ဆီကို ၁၀ နှစ်ကျော် လျှို့ဝှက် သတင်း ပို့နေခဲ့သလို စီအိုင်အေက သိမ်းသွင်းခဲ့တဲ့ ကျူးဘား အတိုက်အခံ ၄၀-၅၀ လောက်ဟာလဲ တကယ့် လက်တွေ့မှာ ကျူးဘား ထောက်လှမ်းရေး လူတွေ ဖြစ်နေ ခဲ့ပါတယ်။
ကျူးဘားနိုင်ငံကို လေယာဉ်နဲ့ စာသွားကြဲ၊ လူခေါ်ထုတ်တာတွေ လုပ်တဲ့ ထိပ်သီး အတိုက်အခံ အဖွဲ့ရဲ့ အမှုဆောင် ကျူးဘား လေတပ် လေသူရဲဟောင်း ဟွမ်ပါဘလိုရော့က် ဟာ မထင်မှတ်တဲ့ တနေ့မှာ ကျူးဘား ရုပ်မြင်သံကြားမှာ ပေါ်လာပြီး သူ့အဖွဲ့ကို စီအိုင်အေ သြဇာခံ အဖွဲ့လို့ ရှုတ်ချတာတွေ လုပ်လာမှ ဒီလူဟာ ကက်စထရို မြှုပ်ထားတဲ့ မြေအောင်းပွေးမှန်း အားလုံး သိသွား ကြပါတော့တယ်။ သူ သတင်းပေးလို့ အတိုက်အခံ လေယာဉ် ၂ စင်းကို ကက်စထရို လေတပ် က ပစ်ချ နိုင်ခဲ့ပါတယ်။
ရာနဲ့ချီတဲ့ ကျူးဘားသူလျှိုတွေ ပွေးတွေဟာ အခုထိ အမေရိကန် နိုင်ငံမှာ နေထိုင် အလုပ် လုပ်နေကြတယ် လို့ ၁၉၈၇ ခုမှာ ဘက်ပြောင်းလာတဲ့ ကျူးဘား ထောက်လှမ်းရေး ဗိုလ်မှူး ဖလော်ရင်တီနိုအက်စ်ပီလဂါက ထုတ်ဖော် ပြောခဲ့ပါတယ်။ ၁၉၆၄-၆၅ ခုနှစ် လောက်ကစပြီး စီအိုင်အေ သိမ်းသွင်းခဲ့တဲ့ ကျူးဘား လူမျိုး အများစုကြီးဟာ ကက်စထရို အတွက် လျှို့ဝှက် အလုပ် လုပ်ပေးနေတဲ့ နှစ်ဖက်ချွန်တွေ ဖြစ်တယ်လို့လဲ ဖော်ထုတ် ခဲ့ပါတယ်။ ဒီဗိုလ်မှူး ပြောတာ မှန်ကြောင်း ၁၉၉၁ ခုမှာ သက်သေ အထောက်အထား တွေ့ခဲ့ရပါတယ်။
ကျူးဘားပွေးတွေဟာ အတိုက်အခံခေါင်းဆောင်တွေ၊ ဒုတိယတန်း ခေါင်းဆောင်တွေ၊ သံတမန်တွေ၊ တက္ကဆီကား မောင်းသမားတွေ၊ လက်နက် အရောင်း အဝယ်သမားတွေ၊ မူးယစ်ဆေး ကုန်ကူး သမားတွေ၊ မီဒီယာ သမားတွေအဖြစ် အသွင်ယူ လှုပ်ရှား နေကြပါတယ်။ မိုင်ယာမီမြို့ရဲ့ ကျူးဘား ရပ်ကွက်က အရက်ဆိုင်တွေ စားသောက် ဆိုင်တွေမှာ လှုပ်ရှား နေကြပါတယ်။ ကျူးဘား ထောက်လှမ်းရေးတွေ မြေအောင်းပွေး တွေကို အဓိက ကွပ်ကဲ ကြီးကြပ်နေတာက တော့ နယူးယောက်မြို့မှာ ရှိတဲ့ ကုလသမဂ္ဂ ဆိုင်ရာ ကျူးဘား သံရုံး ဖြစ်ပါတယ်။
ဟွမ်ပါဘလိုရော့က်ကို အမေရိကန် အက်ဖ်ဘီအိုင် ထောက်လှမ်းရေး အဖွဲ့က လစာ ဒေါ်လာ ၆ ထောင်ကျော် ပေးပြီး ကျူးဘားနဲ့ ပတ်သက်တဲ့ သတင်းတွေ ထောက်လှမ်း ပေးပို့ ခိုင်းထားတာ ဖြစ်ပါတယ်။ ဒီအနေအထားကို အသုံးချပြီး ကျူးဘား ထောက်လှမ်းရေးဟာ ရော့က်ကတဆင့် အက်ဖ်ဘီအိုင်ကို ကိုင်တွယ် ကစားခဲ့ပါတယ်။ လိုရင်လိုသလို သတင်းမှားတွေ သတင်းလွဲတွေ ခွံ့ပေးပြီး အက်ဖ်ဘီအိုင် အဖွဲ့ကြီးကိုလဲ တန်ပြန် ထောက်လှမ်း၊ ကျူးဘား အတိုက်အခံ အဖွဲ့တွေကိုလဲ ဂျောက်ကျအောင် လုပ်နိုင်ခဲ့ပါတယ်။
ဟိုဆေးရာဖယ်လ်ဖာနန်ဒက်ဇ်ဘရင်းနစ္စ ကတော့ ၁၉၈၈ ခုမှာ ကျူးဘား သင်္ဘောသား ဘဝကနေ အမေရိကန်မှာ ခုန်ချပြီး အမေရိကန် အစိုးရ အလုပ်တခု ရခဲ့ပါတယ်။ သူဟာ အမေရိကန် အစိုးရ အထောက်အပံ့နဲ့ (လွတ်လပ်သော ဥရောပအသံ၊ လွတ်လပ်သော အာရှအသံတို့နဲ့ အဆင့်တူ) မာတီ ရုပ်သံလွှင့် ဌာနကို တည်ထောင်ပြီး ကက်စထရို ဆန့်ကျင်ရေးတွေ ထုတ်လွှင့် ခဲ့ပါတယ်။ ၁၉၉၀ ခု မတ်လမှာ မာတီ ရုပ်သံ စလွှင့်လွှင့်ချင်း ကျူးဘား အစိုးရက ရုပ်သံ လှိုင်းကို တိတိကျကျ ထိထိရောက်ရောက် ဖျက်နိုင်ခဲ့ပါတယ်။ ဒါဟာ ဘရင်းနစ္စ လျှို့ဝှက် ပေးပို့ထားတဲ့ လှိုင်းနှုန်းနဲ့ နည်း ပညာ အချက် အလက်ကြောင့် ချက်ခြင်း အတိအကျ ဖျက်နိုင်တာ ဖြစ်ပါတယ်။
အကြမ်းဖက်တိုက်ခိုက်မှုတွေ အလုပ်ဆုံး အပြင်းထန်ဆုံး ကက်စထရို ဆန့်ကျင်ရေး အဖွဲ့ တခု ဖြစ်တဲ့ အယ်လ်ဖာ ၆၆ အဖွဲ့ ခေါင်းဆောင် ဖရန်စစ္စကို အဗီလာအက်ဇ်ကျွီ ဟာ အမေရိကန် အက်ဖ်ဘီအိုင်နဲ့ ကျူးဘား ထောက်လှမ်းရေးကို တပြိုင် တည်း လျှို့ဝှက် သတင်းပေးနေသူ ဖြစ်ပါတယ်။ ၁၉၈၁ ခုနှစ်မှာ ကျူးဘားနိုင်ငံကို အကြမ်းဖက် ဝင်ရောက် တိုက်ခိုက်မှု တခု စီစဉ်ခဲ့ပြီး အက်ဖ်ဘီအိုင်ကို သတင်းပို့ အကူညီ ယူခဲ့သလို ကျူးဘား ထောက်လှမ်းရေးကို သတင်းပို့ပြီး အယ်လ်ဖာ ၆၆ တပ်ဖွဲ့ဝင် ရဲဘော် ၇ ယောက် အဖမ်းခံ စေခဲ့ပါတယ်။ သူဟာ ကက်စထရို ဆန့်ကျင်ရေး ထိပ်သီးခေါင်းဆောင် ၄၀ ရဲ့ သွားလာ လှုပ်ရှား နေထိုင်မှုတွေ ကိုလဲ ကျူးဘား နိုင်ငံဆီ သတင်း ပို့ခဲ့ပါတယ်။
xxxxxx
အဇ္ဇရေးထောက်လှမ်းရေး အီလီကိုဟင်ဟာ ဆီးရီးယား အစိုးရထဲ စိမ့်ဝင် ထိုးဖောက်ခဲ့ရာမှာ ကာကွယ်ရေး ဝန်ကြီး ဌာန အကြံပေး အရာရှိချုပ် ဖြစ်လာပြီး ကာကွယ်ရေး ဝန်ကြီးရာထူး ရလုနီးပါး ဖြစ်ခဲ့ပါတယ်။ သူ့ကြောင့် ဆီးရီးယား နိုင်ငံရဲ့ ဂိုလန် ကုန်းမြင့် ခံစစ် ပြင်ဆင်မှု အသေးစိတ်၊ ဆီးရီးယား တပ်မတော် စစ်အင်္ဂါစဉ်၊ လက်နက် အင်္ဂါစဉ်တွေကို အဇ္ဇရေးက အပြည့်အစုံ ရသွားခဲ့ပါတယ်။ ဒါတင်မက ဆီးရီးယား တပ်စခန်း တိုင်းမှာ 'စစ်သားတွေ အရိပ်ရအောင်' ဆိုပြီး ယူကလစ် ပင်တွေ စိုက်ခိုင်းခဲ့တဲ့ အတွက် TRP (ပစ်မှတ်ညွှန်မှတ်) ဖြစ်သွားပြီး အဇ္ဇရေး လက်နက်ကြီးတွေ ချိန်ရ လွယ်သွား စေပါတယ်။ ၁၉၆၅ ခုမှာ အယောင်ဆောင်မှု ပေါ်သွားလို့ ကွပ်မျက် ခံခဲ့ရပေမဲ့ သူပေးခဲ့တဲ့ အချက်အလက် တွေကြောင့် ၁၉၆၇ အာရပ်-အဇ္ဇရေး စစ်ပွဲမှာ ရက်ပိုင်း အတွင်း ဂိုလန် ကုန်းမြင့်ကို အဇ္ဇရေး တပ်တွေ သိမ်းနိုင် ခဲ့ပါတယ်။
အဇ္ဇရေးနိုင်ငံက နောက်ထပ်နာမယ်ကျော် မြေအောင်းပွေး ဝုလ်ဖ်ဂဲင်းလော့ဇ် ဟာလဲ ဂျာမန် စီးပွားသမား အသွင်ယူပြီး အိဂျစ်နိုင်ငံ ကာကွယ်ရေး အသိုင်းအဝိုင်းထဲ ထိုးဖောက် နိုင်ခဲ့လို့ အိဂျစ် နိုင်ငံရဲ့ ဒုံးပျံစခန်းတွေ၊ အိဂျစ်ကို ကူညီနေတဲ့ ဂျာမန် သိပ္ပံပညာရှင်တွေ အကြောင်း သတင်းရယူပြီး အဇ္ဇရေး နိုင်ငံကို ပို့ပေး နိုင်ခဲ့ပါတယ်။
၁၉၇၅ ခုမှာ ခမာနီသူပုန်တွေ ကမ္ဘောဒီးယား တနိုင်ငံလုံးကို သိမ်းလိုက်တဲ့ အခါ ပြုတ်ကျသွားတဲ့ အမေရိကန် သြဇာခံ ဗိုလ်ချုပ်ကြီး လွန်နိုး အစိုးရထဲက ဝန်ကြီး တယောက်ဟာ နှစ်ရှည်လများ မြှုပ်ထားတဲ့ ခမာနီ မြေအောင်းပွေး ဖြစ်နေတာ တွေ့ကြရပါတယ်။ ဒီနှစ် ဧပြီလ ထဲမှာဘဲ တောင်ဗီယက်နမ် လေတပ်ထဲမှာ နှစ်နဲ့ချီ မြှုပ်ထားတဲ့ ဗီယက်ကောင်းပွေး လေသူရဲ ငုယင်ထန်ထရန်းက အက်ဖ်-၅ တိုက်လေယာဉ်နဲ့ တောင်ဗီယက်နမ် သမတ နန်းတော်ကို ဗုံးကြဲပြီး မြောက် ဗီယက်နမ်နိုင်ငံကို သူ့တိုက်လေယာဉ်နဲ့ ထွက်ပြေး ခိုဝင် သွားခဲ့ပါတယ်။
ရန်ဖက်အဖွဲ့အစည်းတွေထဲကို ကိုယ့်ထောက်လှမ်းရေး အဖွဲ့ဝင်တွေကို မြေအောင်းပွေး အဖြစ် ရေရှည် မြှုပ်နှံ ကြတာတွေ ရှိသလို တဖက် အဖွဲ့အစည်းထဲက လူတွေကို ချဉ်းကပ် စည်းရုံးပြီး မြေအောင်းပွေး အဖြစ် သိမ်းသွင်း တာတွေလဲ ကမ္ဘာ့နိုင် ငံရေးမှာ ထုံးစံ ဖြစ်နေပါတယ်။
ဆိုဗီယက်ရုရှားနိုင်ငံရဲ့ ကေဂျီဘီ ထောက်လှမ်းရေး အဖွဲ့ဟာ ဗြိတိသျှ ထောက်လှမ်းရေး အဖွဲ့ဝင် ကင်မ်ဖှီလ်ဘီ နဲ့ ဂိုင်း ဘားဂျက်စ် တို့ကို ရုရှားအတွက် မြေအောင်းပွေး အဖြစ် ကိမ်းဘရစ် တက္ကသိုလ် ကျောင်းသား ဘဝကတည်းက စပြီး နှစ်ရှည် မွေးမြူ ခဲ့သလို အမေရိကန် စီအိုင်အေ အဖွဲ့ဝင် အဲလ်ဒရစ်ခ်ျအေးမစ္စကိုလဲ နှစ်နဲ့ချီပြီး ပွေး မွေးနိုင်ခဲ့ပါတယ်။ စီအိုင်အေ ကလဲ ရုရှား စစ်ထောက်လှမ်းရေး အရာရှိ ဗိုလ်မှူးကြီး ပင်ကော့ဗ်စကီး (နောက်ပိုင်း သစ္စာဖောက်မှုနဲ့ ကွပ်မျက်ခံရ) နဲ့ ကေဂျီဘီ ထောက်လှမ်းရေး ထိပ်သီး ဗိုလ်ချုပ်ကြီး အိုးလစ်ဂ်ျကာလူဂျင် တို့ကို သိမ်းသွင်း နိုင်ခဲ့ပါတယ်။ ပင်ကော့ဗ်စကီး ဆီက ရတဲ့ အချက်အလက် တွေဟာ ၁၉၆၂ ခု ကျူးဘား ဒုံးပျံ အရေးအခင်းမှာ အမေရိကန် အတွက် အင်မတန် တန်ဖိုးရှိခဲ့ ပါတယ်။ ဗိုလ်ချုပ်ကြီး ကာလူဂျင် ကတော့ ဆိုဗီယက် အာဏာရှင်စနစ် ပြိုကွဲသွားတဲ့ အခါ ဘောရစ္စယဲ့လ်ဆင် ရဲ့ လက်ရုံး ဖြစ်လာခဲ့ပြီး ဗလာဒီမာပူတင် လက်ထက် မှာတော့ အမေရိကန်မှာ ခိုလှုံနေတဲ့ ဗိုလ်ချုပ်ကြီးဟာ မျက်ကွယ်မှာ တရား စီရင် ထောင်ဒဏ် ချမှတ် ခံခဲ့ရပါတယ်။
xxxxxx
ဗမာပြည်က နအဖစစ်အစိုးရဟာ တော်လှန်ရေးတပ်ဖွဲ့တွေထဲမှာရော အပစ်ရပ် အဖွဲ့တွေထဲ မှာပါ မြေအောင်းပွေးတွေ မွေးဖို့ ကြိုးစား ခဲ့ပါတယ်။ ၁၉၉၁ ခုက ကချင်ပြည်နယ်မှာရှိတဲ့ ကျောင်းသား တပ်မတော် (မြောက်ပိုင်း) တပ်ဖွဲ့ အတွင်း ဖြုတ်ထုတ်သတ်ပွဲ အကြီးအကျယ် ဖြစ်ခဲ့တာဟာ ဂန္ဓဝင် မြောက်တဲ့ မြေအောင်းပွေး စီမံချက် ဖြစ်ပါတယ်။
ကိုးကန့်ငြိမ်းအဖွဲ့ထဲမှာ ပယ်စောက်ချဉ်ကို ရခဲ့တဲ့အတွက် ၂၀၀၉ ခုနှစ် နယ်ခြားစောင့် တပ် ပြဿနာ တက်တဲ့ အခါ အဖွဲ့တွင်း အာဏာ သိမ်းပွဲ လုပ်ခိုင်းပြီး နအဖ စစ်တပ်တွေ ဝင်စွက်ခွင့် ရသွား စေပါတယ်။ အလားတူဘဲ ရှမ်းပြည် တောင်ပိုင်းက ရလလဖ (ပအိုဝ်းနီ) ငြိမ်းအဖွဲ့ ထဲမှာ ခွန်ချစ်မောင်ကို ပွေးမွေးနိုင်ခဲ့ပြီး အဖွဲ့တွင်း အာဏာ သိမ်းပွဲတွေ အကွဲ အပြဲတွေ ဖန်တီး၊ နောက်ဆုံး ၂၀၀၇ ခုမှာ အကြွင်းမဲ့ လက်နက် ချစေခဲ့ပါတယ်။ ပလောင်ငြိမ်းအဖွဲ့ မှာတော့ ဥက္ကဌ အိုက်မုန်းကို ပွေးမွေးပြီး ၂၀၀၅ ခုမှာ အကြွင်းမဲ့ လက်နက် ချစေ နိုင်ခဲ့ပါတယ်။ မြိုင်ကြီးငူ ဆရာတော် ဦးသုဇန၊ ပီအဲန်အို (ပအိုဝ်းဖြူ) ဥက္ကဌ အောင်ခမ်းထီ တို့ဟာလဲ နာမယ်ကျော် မြေအောင်းပွေး တွေ ဖြစ်ပြီး ၁၉၉၅ မှာ ကေအဲန်ယူ နဲ့ ဒီကေဘီအေ ကွဲအောင်၊ ၁၉၉၁ မှာ မဒတ/ဒီအေဘီ ကနေ ပီအဲန်အို သစ္စာ ဖောက်အောင်နဲ့ ၂၀၁၀ ခုမှာ ပအိုဝ်း ပြည်သူ့စစ် အသွင်ပြောင်းအောင် အချိန်ကိုက် စွမ်းဆောင် ပေးခဲ့ကြပါတယ်။
နအဖဟာ ငြိမ်းအဖွဲ့တွေတင်မကဘဲ အမျိုးသားဒီမိုကရေစီ အဖွဲ့ချုပ် ထဲမှာလဲ မြေအောင်းပွေးတွေ မွေးဖို့ ကြိုးပမ်း ခဲ့ပါတယ်။ အဖွဲ့ချုပ် ခေါင်းဆောင် ဗိုလ်မှူးချုပ်ဟောင်း အောင်ရွှေနဲ့ ဗိုလ်မှူးကြီးဟောင်း မောင်လွင် တို့ကို သိမ်းသွင်း ခဲ့ပုံတွေ၊ နာမယ်ကြီး မျိုးရိုး နောက်ခံရှိ ပြည်ပရောက်တွေ ဖြစ်တဲ့ ဗိုလ်ချုပ်အောင်ဆန်းရဲ့ သားကြီး ဒေါ်စု အစ်ကိုရင်း အောင်ဆန်း ဦး၊ ကုလ အတွင်းရေးမှူး ချုပ်ဟောင်း ဦးသန့်ရဲ့ သမီး အေးအေးသန့်၊ သားမက် တင်မြင့်ဦး၊ မြေး သန့်မြင့်ဦး၊ ဖဆပလ ဝန်ကြီးဟောင်း ဦးကျော်ငြိမ်းရဲ့ သားနှစ်ယောက် တို့ကို သိမ်းသွင်း ခဲ့တာတွေကို ကိုယ်တိုင် ပါဝင် စည်းရုံးခဲ့တဲ့ နအဖ ထောက်လှမ်းရေးဟောင်း ဗိုလ်မှူးအောင်လင်းထွဋ်က ဖော်ထုတ် ပြခဲ့ပါတယ်။ အေးလွင်ကိုလဲ စောစောပိုင်း ထောင်ကျ ကတည်းက သိမ်းသွင်း နိုင်ခဲ့တာကို တခြား ထောက်လှမ်းရေး ဟောင်းတွေက ပြန်ပြောပြခဲ့ပါတယ်။
ဗိုလ်မှူးအောင်လင်းထွဋ် မဖော်ထုတ်ပြသေးပေမဲ့ ၂၀၁၀ ရွေးကောက်ပွဲနဲ့ အချိန်ကိုက်ပြီး နအဖ ဘက်လိုက်တဲ့ လေသံ တွေ ဗြောင်လွှင့်လာတဲ့ ကနေဒါ နိုင်ငံသား ရှမ်းပဒေသရာဇ် ဟန်ညောင်ရွှေ၊ အိန္ဒိယ နိုင်ငံရောက် လေယာဉ် အပိုင်စီး သမား စိုးမြင့်၊ ထိုင်းနိုင်ငံ အခြေစိုက် ဗဟုပိဋက အိုးကွဲ အဖွဲ့တို့ဟာလဲ မြေအောင်းပွေးတွေ ဖြစ်ပုံရပါတယ်။ ရန်ကုန်က အီးဂရက် ပိဋက အိုးကွဲ အဖွဲ့ဟာ ပွေးဖြစ်တယ် ဆိုတာကိုတော့ ဗိုလ်မှူးအောင်လင်းထွဋ်က ဖွင့်ချ ခဲ့ပြီးပါပြီ။
xxxxxx
အခုနောက်ဆုံး အုတ်အော်သောင်းတင်းဖြစ်လာတဲ့ ဗမာ မြေအောင်းပွေး သတင်းကတော့ ပြည်ပရောက် အတိုက်အခံ တွေထဲ အကြီးဆုံး အဖွဲ့ သို့မဟုတ် ထိပ်သီး အကျဆုံး အဖွဲ့ဖြစ်တဲ့ အဲန်စီယူဘီ တပ်ပေါင်းစုကြီးရဲ့ အထွေထွေ အတွင်းရေးမှူး ဦးမောင်မောင် သတင်း ဖြစ်ပါတယ်။ အရင်ကတည်းက သူနဲ့ ဆက်တဲ့ ယူဂျီတွေ ထောင်ထဲ ရောက်သွားတာ၊ မဲဆောက်မှာ အက်ဖ်တီယူဘီ ညီလာခံ လာတက်တဲ့ ပြည်တွင်းက ကိုယ်စားလှယ် ဆိုသူတွေ ထောင်မကျဘဲ နအဖက ပြန်လွှတ် ပေးလိုက်တာတွေ ကြားခဲ့ဖူးပါတယ်။
ပြည်တွင်းမှာ ဦးတင်ဦး-ဦးဝင်းတင်တို့က ရွေးကောက်ပွဲ သပိတ်မှောက်ရေး အားကြိုး မာန်တက် လုံးပမ်း နေချိန်၊ ပြီးခဲ့တဲ့ အောက်တိုဘာ-နိုဝင်ဘာမှာ တော်လှန်တဲ့ လွှတ်တော် ဆိုတာကို ဦးမောင်မောင် ခေါင်းဆောင်ပြီး နယ်စပ်မှာ ဖွဲ့စည်း ခဲ့တာဟာ ပြည်တွင်း တိုက်ပွဲကို အာရုံလွှဲ လမ်းလွှဲဖို့ လုပ်တာလို့ အများ ထင်စရာ ဖြစ်ခဲ့သလို ဦးတင်ဦး-ဦးဝင်းတင် တို့ဆီ က သဘောတူ ထောက်ခံကြောင်း အသံဖိုင်ပို့ အကြောင်း ကြားတယ်လို့ လီဆယ်ပြီး တိုင်းရင်းသား တွေနဲ့ တခြား ကိုယ်စားလှယ်တွေကို ဆိုးဆိုးဝါးဝါး ဖိုးတွမ်တီး ရိုက်ခဲ့တဲ့ ဧရာမ နိုင်ငံရေး ရာဇဝတ်မှုကြီး ကျူးလွန်တာလဲ ကြားခဲ့ရပါ သေးတယ်။
အခုတော့ နအဖနဲ့ ဆက်သွယ်ဝင်ထွက်တဲ့ အထောက်အထား ခိုင်ခိုင်မာမာ ပေါ်လာ ခဲ့ပါပြီ။ ထိုင်းနိုင်ငံမှာ အဓိက အကျ ဆုံး ဗမာ အတိုက်အခံ ခေါင်းဆောင်ကြီး ဗမာပြည် ခိုးသွားတာကို ထိုင်းထောက်လှမ်းရေး ကလဲ မသိဘဲ မနေပါဘူး။ ထိုင်း ထောက်လှမ်းရေး မသိလိုက်ဘူး ဆိုရင်တော့ တော်တော် ညံ့တဲ့ ထောက်လှမ်းရေး လို့ဘဲ မှတ်ချက် ချစရာ ရှိပါတယ်။ ဘန် ကောက်မှာရှိတဲ့ နအဖ သံရုံးနဲ့ မဲဆောက် တဖက်ကမ်း မြဝတီကို အဲန်စီယူဘီ အစည်းအဝေး သတင်းတွေ အတိအကျ အပြည့်အစုံ နေ့မကူးဘဲ ဝင်နေတာကို ထိုင်း ထောက်လှမ်းရေးတွေ သိနေတာတော့ ကြာပါပြီ။ အခုတော့ ၁ နဲ့ ၁ ပေါင်းလိုက်ရင် ၂ ထွက်တာကို ကောက်ချက်ချလို့ ရသွားလောက်ပါပြီ။
မဲဆောက်က အဝေးရောက် အတိုက်အခံ အဖွဲ့ အတော် များများရဲ့ ရုံးခန်းတွေ ဖောက်ထွင်း ခံရပြီး ကွန်ပျူတာ ဟာ့ဒ်ဒစ် တွေ လက်ပ်တော့ ကွန်ပျူတာတွေ မကြာခဏ ခိုးခံရ တာတွေဟာလဲ အတွင်းလူ မြေအောင်းပွေးတွေ အကူအညီ မပါဘဲ မဖြစ်နိုင်ပါဘူး။ မြေအောင်းပွေး တွေဟာ ဒေါ်အောင်ဆန်းစုကြည် ကွန်ယက် ဖွဲ့စည်းရေး မပြောခင် ကတည်းက ထိုင်း နိုင်ငံ၊ အမေရိကန် နိုင်ငံ၊ အိန္ဒိယနိုင်ငံ၊ ဂျပန်နိုင်ငံ တို့မှာ ဒီမိုကရေစီ ဆန့်ကျင်ရေး စစ်အာဏာရှင် ထောက်ခံရေး ပွေး ကွန်ယက် ဖွဲ့စည်းထားပြီး ဖြစ်ပုံရပါတယ်။
xxxxxx
ထိပ်သီးပြည်ပရောက်အတိုက်အခံအဖွဲ့ကြီးအတွင်းက မြေအောင်းပွေး အမှုကို စစ်ဆေး ဆုံးဖြတ်နိုင်ဖို့ အတွက် စုံစမ်းရေး ကော်မရှင် တခုကို အဲန်စီယူဘီက ဖွဲ့ထားတာ တွေ့ရပါတယ်။
ဗမာပြည်တွင်း ဥပဒေအရ ကြည့်ရင်တော့ အစိုးရ အဆက်ဆက်ဟာ ဒီလို မြေအောင်းပွေး အမှု သို့မဟုတ် သူလျှိုမှု အတွက် ရာဇသတ်ကြီး ဥပဒေ နိုင်ငံတော် သစ္စာဖောက်မှု ပုဒ်မ ၁၂၁၊ ၁၂၂ နဲ့ သေဒဏ် သို့မဟုတ် တသက်တကျွန်း၊ ၁၉၅၉ ခု တပ်မတော် အက်ဥပဒေ ပုဒ်မ ၃၂ အရ သေဒဏ်၊ ၁၉၅၀ ခု အရေးပေါ် စီမံမှု အက်ဥပဒေ ပုဒ်မ ၂ နဲ့ ၃ အရ သေဒဏ် သို့မဟုတ် တသက်တကျွန်း၊ ၁၉၂၃ ခု နိုင်ငံတော် လျှို့ဝှက်ချက် အက်ဥပဒေ ပုဒ်မ ၃ အရ ၁၄ နှစ်အထိ ထောင်ဒဏ်တွေ တိတိကျကျ သတ်မှတ် ထားပါတယ်။ ဒီအမှုမျိုးမှာ အာမခံပေးခွင့် မရှိပါဘူး။ (နအဖ ထိပ်သီး ဗိုလ်ချုပ် ရွှေမန်းရဲ့ မြောက်ကိုးရီးယား ခရီးစဉ် သတင်း ပေါက်ကြား စေခဲ့တယ် ဆိုတဲ့ နိုင်ငံခြားရေး ဝန်ကြီး ဌာနက ဗိုလ်မှူးဟောင်း ဝင်းနိုင်ကျော်ကိုတော့ နအဖက ၁၉၅၀ ခု အရေးပေါ် စီမံမှု အက်ဥပဒေ ပုဒ်မ ၃ နဲ့ သေဒဏ် ချခဲ့ပါတယ်။)
ဒါ့အပြင် သက်သေ အထောက်အထားတွေကို ဝိုင်းဝန်းပြင်ဆင်တာ ဖျောက်ဖျက် တာတွေကလဲ ရာဇသတ်ကြီး ဥပဒေ မမှန်မကန် သက်သေ ခံမှုပုဒ်မ ၁၉၁၊ ၁၉၂၊ ၁၉၃၊ ၂၀၁ တို့နဲ့ ငြိစွန်းနေပြီး ရာဇဝတ် မကင်းသော ပူးပေါင်းကြံစည်မှု ပုဒ်မ ၁၂၀(က)(ခ)၊ နိုင်ငံတော် သစ္စာဖောက်မှုကို အားပေးမှု ပုဒ်မ ၁၂၃၊ ထိန်ချန်မှု ပုဒ်မ ၁၂၄ တို့နဲ့လဲ ငြိပါတယ်။ အစိုးရ ဌာနတွင်း စုံစမ်း စစ်ဆေးရေးနဲ့ ပတ်သက်တဲ့ ဂျီဆာကျူလာ လုပ်ထုံး လုပ်နည်းတွေလဲ ရှိပါသေးတယ်။
ဘယ်လိုဘဲဖြစ်ဖြစ် စစ်မှန်တဲ့တော်လှန်ရေး အဖွဲ့အစည်းများ အနေနဲ့ တော်လှန်ရေး သတိ၊ လုံခြုံရေး အသိတွေ အစဉ် နိုးကြားနေဖို့ လိုအပ် ကြောင်းပါ။
ဂါမဏိ
Read More...
Collapse...
2011-04-10
အခု လတ်တလော ဖွဲ့စည်း ပေါ်ပေါက်လာတဲ့ ဦးသိန်းစိန် သမ္မတအဖြစ် ဦးဆောင်တဲ့ မြန်မာ အစိုးရသစ်ကို အရှိအတိုင်းပဲ အသိအမှတ်ပြု ကြောင်း မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။
“အခု အစိုးရသစ်တခု ရှိနေတယ် ဆိုတာကို အရှိ အရှိအတိုင်းပဲ အသိအမှတ် ပြုပါတယ်။ တကယ့်ကို ပြည်သူတွေရဲ့ဆန္ဒကို လေးစားပြီး ပြည်သူတွေနဲ့ တိုင်းပြည်အတွက် အကျိုးရှိစေမယ့် အစိုးရမျိုး ဖြစ်မဖြစ် ဆိုတာကိုတော့ နည်းနည်းတော့ စောင့်ကြည့် ရအုံးမှာပါ”
RFA က သောကြာနေ့ ညတိုင်း ထုတ်လွှင့်နေတဲ့ “လူထုနဲ့ ဒေါ်အောင်ဆန်းစုကြည်” အမေးအဖြေ အစီအစဉ် အတွက် ဖြေကြားချက် တွေကို ကြိုတင် ရယူခဲ့ရာမှာ ထိုင်းနိုင်ငံက မေးမြန်းသူ တဦးက “လက်ရှိ အစိုးရကို အသိအမှတ် ပြုပါသလား လို့ မေးမြန်း ခဲ့တာကို ဒေါ်အောင်ဆန်းစုကြည်က အခုလို ဖြေကြား လိုက်တာ ဖြစ်ပါတယ်။
တချိန်တည်းမှာပဲ မစ္စတာ ဒဲရစ် မစ်ချယ် (Derek Michell) ကို မြန်မာနိုင်ငံဆိုင်ရာ အမေရိကန် အစိုးရ အထူး ကိုယ်စားလှယ် အဖြစ် မကြာခင် ခန့်အပ်ဖို့ ကိစ္စနဲ့ ပတ်သက်ပြီး ကြိုဆိုပါကြောင်း ဒေါ်အောင်ဆန်းစုကြည်က မေးခွန်းရှင် တဦးကို ဖြေကြားခဲ့ပါတယ်။
“အမေရိကန်အစိုးရက အထူးကိုယ်စားလှယ် ခန့်တာကို ကျမတို့ကတော့ သဘောကျပါတယ်။ ရွေးချယ် ထားတဲ့ Mr. Derek Michell ဟာ မြန်မာနိုင်ငံ အရေးကို နှစ်ပေါင်းများစွာ လေ့လာခဲ့သူ၊ အာရှရေးရာ တွေကိုလည်း ကျွမ်းကျင်သူ တဦး ဖြစ်တယ်လို့ နားလည် ပါတယ်။ ဒါကြောင့်မို့လို့ မိမိရဲ့ တာဝန်တွေကို ကျေကျေပြွန်ပြွန် ထမ်းဆောင်နိုင်မယ်လို့ ယုံကြည်ပါတယ်။ မြန်မာနိုင်ငံ အခြေအနေကို မှန်မှန်ကန်ကန် သုံးသပ်ပြီး အမေရိကန်နိုင်ငံ မူဝါဒတွေနဲ့ ပတ်သက်လို့ အကြံဥာဏ် ကောင်းတွေ ပေးနိုင်မယ်ဆိုရင် အထောက်အကူ ပြုနိုင်မယ်လို့ ထင်ပါတယ်”
ဒါ့အပြင် တခြားမေးခွန်းရှင်တဦးက ပြည်ပခရီးထွက်ဖို့ ရှိပါသလား ဆိုတဲ့အမေးနဲ့ ပတ်သက်လို့ လောလော ဆယ်မှာ အလုပ် တာဝန်တွေ ပိနေတာကြောင့် သူမ အနေနဲ့ နိုင်ငံခြားကို သွားဖို့ မရှိသေးကြောင်း ဒေါ်အောင်ဆန်းစုကြည်က ပြောကြားပါတယ်။
Ref: RFA News
Read More...
Collapse...
2011-04-10
ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်က မြန်မာ အစိုးရအဖွဲ့သစ်ကို ပထမဆုံး စတင် ဆက်သွယ်မှု အနေနဲ့ သမ္မတ ဦးသိန်းစိန် ထံကို ပြီးခဲ့တဲ့ရက်ပိုင်းက စာတစောင် ရေးသားပေးပို့ လိုက်ပြီဖြစ်ကြောင်း ပါတီ ပြောခွင့်ရပုဂ္ဂိုလ် ဦးဥာဏ်ဝင်းက ပြောပါတယ်။
“ကျနော်တို့ နိုင်ငံတော် သမ္မတကြီးဆီကို စာတစောင် ရေးထားပါတယ်။ ဒီစာက ပိတ်ရက်တွေနဲ့ သူတို့ဆီကို ရောက်မရောက် ဆိုတာက ရှိနေတော့ ရောက်လောက်တဲ့ အချိန် ကျရင်တော့ ကျနော်တို့ အသိပေးပါ့မယ်။ ဒါက ကျနော်တို့ ကြိုးစား ဆက်သွယ်မှု တခုပေါ့လေ”
NLD ပါတီအနေနဲ့ သမ္မတ ဦးသိန်းစိန်ထံ ရေးသားတဲ့စာပါ အကြောင်းအရာ အသေးစိတ်ကို လာမယ့် သီတင်းပတ် အတွင်း အများပြည်သူကို အသိပေး ထုတ်ပြန် သွားဖို့ ရှိတယ်လို့ သိရပါတယ်။ NLD ပါတီ အနေနဲ့ တွေ့ဆုံ ဆွေးနွေးရေးကို ဆက်လက် ကြိုးပမ်း သွားမှာဖြစ်ပြီး၊ လက်ရှိ အစိုးရသစ် အနေနဲ့ NLD ပါတီရဲ့ လှုပ်ရှား ဆောင်ရွက်မှုတွေ အပေါ် ကန့်သတ် ပိတ်ပင်မှုတွေ ဆောင်ရွက် လာလိမ့်မယ်လို့ မထင်မြင်ကြောင်း ပါတီပြောခွင့်ရပုဂ္ဂိုလ် ရှေ့နေကြီး ဦးဥာဏ်ဝင်းက ပြောပါတယ်။
Ref: RFA News
Read More...
Collapse...
ဖနိဒါ
သောကြာနေ့၊ ဧပြီလ ၀၈ ရက် ၂၀၁၁
ချင်းမိုင် (မဇ္ဈိမ) ။ ။ တရားဝင် ကမ်းလှမ်းမှု မပြုလုပ်သေးသော်လည်း ဦးသိန်းစိန် ခေါင်းဆောင်သော အစိုးရ သစ်နှင့် တွေ့ဆုံ ဆွေးနွေး လိုကြောင်း အင်အားကြီး တိုင်းရင်းသား လက်နက်ကိုင် အဖွဲ့တဖွဲ့ ဖြစ်သော ဝ’ ပြည် သွေးစည်း ညီညွတ်ရေး ပါတီ UWSP က ပြောဆိုလိုက်သည်။
“ကျနော်တို့က သိန်းစိန်တက်လာတဲ့အချိန် တိုင်းပြည်ငြိမ်းချမ်းဖို့ အတွက် တက်လာတဲ့ အစိုးရ သစ်နဲ့ ပြန်တွေ့ဆုံ ဆွေးနွေးသွားဖို့ ဖွင့်ထားတယ်။ သူ့အနေနဲ့ ဘယ်လို ကမ်းလှမ်း လာမလဲတော့ မသိဘူး။ ဒါပေမဲ့ သူတို့ အစိုးရသစ် အပေါ် မူတည်တယ်လေ” ဟု အမည် မဖော်လိုသူ UWSP ဗဟို ကော်မတီဝင်တဦးက မဇ္ဈိမကို ဆက်သွယ် ပြောဆိုလာသည်။
ဦးသိန်းစိန်ကို သမ္မတအဖြစ် လွှတ်တော်က ရွေးချယ်တင်မြှောက်ပြီး ခါစ ဖေဖော်ဝါရီ ၅ ရက်နေ့တွင်လည်း UWSP ဥက္ကဋ္ဌ ပေါက်ယူချန်းက ဝမ်းမြောက်ကြောင်း သဝဏ်လွှာ ပေးပို့ခဲ့သေးသည်။ စာထဲတွင် “အမျိုးသား အချင်းချင်း အငြင်းပွားမှုများ ပြေငြိမ်း သင့်မြတ် ကြပါစေကြောင်း” ဟူ၍ ပါရှိသည်။
သို့သော်လည်း အစိုးရသစ်အပြောင်းအလဲတွင် နိုင်ငံရေး ပြုပြင်ပြောင်းလဲမှု လုပ်လာမည့် မျှော်လင့်ချက် သိပ်မထား သည်ကိုလည်း တွေ့ရသည်။
“အရင်က ယူနီဖောင်းဝတ်ပြီး အခု လုံချည်ကောက်ဝတ်လိုက်ပြီး ခေါင်းပေါင်း ပေါင်းလိုက်တာ ပဲလေ။ ဘာမှ မပြောင်းလဲဘူး” ဟု ဝ’ ခေါင်းဆောင်က တရုတ် ဘာသာစကားဖြင့် ပြောသည်။
စစ်အင်အား ၃ သောင်းခန့် ရှိသည်ဟုဆိုသော ဝ’ တပ်ဖွဲ့သည် စစ်ရေးအရ ပြင်ဆင်ထားမှုများ အဆင်သင့် ရှိပြီး ဝ’ နယ်မြေ တလက်မ၊ ကျည်တတောင့်မှ မဆုံးရှုံး နိုင်ကြောင်း ပြီးခဲ့သည့် မတ်လထဲတွင် ကျင်းပခဲ့သော စုံညီ နှစ်ချုပ် အစည်းအဝေး၌ ဥက္ကဋ္ဌ ဦးပေါက်ယူချန်းက ပြောဆိုခဲ့သည်။
မတ်လ ၂ ရက်နေ့တွင် တရုတ် ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အမြဲတမ်း ကော်မတီဝင် မစ္စတာ ကျာချင့်လင် ဦးဆောင်သော ကိုယ်စားလှယ် အဖွဲ့က သမ္မတ ဦးသိန်းစိန်နှင့် တွေ့ဆုံစဉ် တရုတ်-မြန်မာ နယ်စပ်ဒေသ တည်ငြိမ်ရေးနှင့် ပတ်သက်၍လည်း အဓိက ဆွေးနွေးမည်ဟု သူက ယုံကြည်ထားသည်။
ဗဟိုအစိုးရ သြဇာသက်ရောက်ခြင်း မရှိသော ဝ’ ထိန်းချုပ်နယ်မြေ၌ နေပြည်တော်ဘက်က တပ်အင်အား တိုးချဲ့လာခြင်း မရှိသော်လည်း နှစ်ဖက် အသင့်အနေအထား ပြင်ဆင် ထားမှုများ ရှိသည်ဟု ဆိုသည်။
Ref: မဇ္ဈိမ
Read More...
Collapse...
Saturday, 09 April 2011
တရားမ၀င် နယ်စပ် ဖြတ်ကျော်မှုဖြင့် ကရင်ပြည်နယ် မြ၀တီမြို့တွင် ဖမ်းဆီးထားသည့် ကနေဒါနိုင်ငံသားကို မြန်မာ အာဏာပိုင်များက ယနေ့ မွန်းလွဲပိုင်းတွင် ထိုင်းနိုင်ငံ မဲဆောက် အာဏာပိုင်များ ထံသို့ လွှဲပြောင်း ပေးလိုက်သည်။
ထိုင်းအာဏာပိုင်များ၏ ညှိနှိုင်းပေးမှုအရ မြန်မာ အာဏာပိုင်များက ယနေ့မွန်းလွဲ တရာနာရီ ခန့်တွင် ထိုင်း-မြန်မာ နယ်စပ် မြ၀တီမြို့နယ် အတွင်းသို့ တရားမ၀င် ၀င်ရောက်ခဲ့သည့် ကနေဒါ နိုင်ငံသား မစ္စတာ ရွန် ဇက်ရက်စကီ (Ron Zakreski) ကို မြ၀တီမှ တဆင့် ထိုင်းနိုင်ငံ မဲဆောက်ဘက်သို့ ပြန်လည် ပို့ဆောင်လိုက်ခြင်းဖြစ်သည်။
မြ၀တီမြို့နယ် နယ်ခြားကော်မတီ၏ ထိုင်းဘက် ဆိုင်ရာ ဥက္ကဌက မြန်မာ အာဏာပိုင်များနှင့် ဆက်သွယ်၍ ညှိနှိုင်း ဆွေးနွေး ခဲ့ခြင်းကြောင့် မစ္စတာ ရွန် ဇက်ရက်စကီသည် တစုံတရာ အရေးယူ အပြစ်ပေး ခံရခြင်း မရှိ ပြန်လည် လွှတ်မြောက် လာခြင်းဖြစ်သည်။
ထိုင်းနိုင်ငံဘက်သို့ ကောင်းမွန်စွာ ပြန်လည်ရောက်ရှိလာသည့် မစ္စတာ ရွန် ဇက်ရက်စကီကို ထိုင်း အာဏာပိုင် များက မဲဆောက် အခြေစိုက် အမှတ် (၄) ဒေသဆိုင်ရာ ကွပ်ကဲရေး တပ်သို့ ခေါ်ဆောင်ပြီး စစ်ဆေးမှုများ ပြုလုပ်ခဲ့သည်ဟု လည်း သိရသည်။
မစ္စတာ ရွန် ဇက်ရက်စကီ က“ အဖမ်းအဆီးခံရတဲ့ ကာလ အတွင်းမှာ မြန်မာ အာဏာပိုင်တွေက ကျနော့်ကို ကောင်းကောင်း မွန်မွန်ပဲ ထားပါတယ်။ ညှဉ်းပန်း နှိပ်စက်တာတွေလည်း မရှိပါဘူး”ဟု ဒေသခံ သတင်းထောက်များကို ပြော သည်။
လူဝင်မှုကြီးကြပ်ရေး(လ၀က) တရားမ၀င် နယ်စပ်ဖြတ်ကျော်မှု ဥပဒေဖြင့် တရား စွဲဆိုခြင်း ခံနေရသည့် မစ္စတာ ရွန် ဇက်ရက်စကီ ၏ အမှုကို မြန်မာ အာဏာပိုင်များက သင်္ကြန်ကာလ အပြီးမှသာ ဆက်လက်စစ် ဆေးရန် ရှိသော်လည်း ထိုင်းနိုင်ငံ ဘက်မှ ၀င်ရောက် ညှိနှိုင်းပေးမှုကြောင့် ပြန်လည် လွှတ်ပေး လိုက်ခြင်း ဖြစ်သည်ဟု မြ၀တီမြို့မှ အစိုးရ ၀န်ထမ်း တဦးက ပြောသည်။
မစ္စတာ ရွန် ဇက်ရက်စကီ သည် မတ်လ ၂၃ရက်နေ့က ထိုင်း-မြန်မာ နယ်စပ် တာ့ခ်ခရိုင် ဖုတ်ဖရမြို့နယ်ရှိ ဝေါ်လေရွာ နယ်စပ်မှ တဆင့် နယ်ခြား သောင်ရင်းမြစ်ကို ဖြတ်ကာ မြန်မာနိုင်ငံ ဝေါ်လေမြိုင် ရွာဘက်သို့ သွားရောက်ကာ ဓာတ်ပုံ လိုက်လံ ရိုက်ကူးနေစဉ် မြန်မာ အာဏာပိုင်များက ဖမ်းဆီးပြီး မြ၀တီရှိ ရဲစခန်းတွင် ဖမ်းဆီး ချုပ်နှောင်ထားကာ လ၀က အမှုဖြင့် တရားစွဲဆိုခြင်းဖြစ်သည်။
မစ္စတာရွန် ဇက်ရက်စကီ ကိစ္စနှင့်ပတ်သက်၍ ထိုင်းအာဏာပိုင်များဘက် မှ တစုံတရာ အရေးယူမှု ရှိ မရှိကို မသိရ သေး ပေ။
ယမန်နှစ် နိုဝင်ဘာလအတွင်းကလည်း ရွေးကောက်ပွဲ သတင်းယူရန် မြ၀တီမြို့သို့ တရားမ၀င် သွားရောက်ခဲ့သည့် APF သတင်း ဌာနမှ ဂျပန်လူမျိုး သတင်းထောက် မစ္စတာ တိုရု ယာမဂျိကို မြ၀တီရဲက ဖမ်းဆီးပြီး လ၀က ဥပဒေဖြင့် တရားစွဲကာ ပြည်နှင်ဒဏ်ဖြင့် ထိုင်းဘက်သို့ နယ်စပ်မှတဆင့် ပြန်ပို့ခဲ့ဖူးသည်။
Ref: ဧရာဝတီ်
Read More...
Collapse...
တနင်္ဂနွေ, 10 ဧပြီ 2011
လစ်ဗျားခေါင်းဆောင် ကဒါဖီက ဖြန်ဖြေရေးအဖွဲ့က တင်ပြတဲ့ အပစ်အခတ် ရပ်စဲရေး မူဝါဒကို လက်ခံလိုက်ပြီလို့ အဖွဲ့ ခေါင်းဆောင် တောင်အာဖရိက သမ္မတ ဂျေကော့ဇူးမား (Jacob Zuma) က ပြောပါတယ်။ အဲဒီ လမ်းပြမြေပုံ မူဝါဒက ဘာတွေလဲ ဆိုတာကတော့ မရှင်းလှ သေးပါဘူး။ ဒါပေမဲ့ မစ္စတာ ကဒါဖီရဲ့ အုပ်ချုပ်ရေး အဆုံးသတ်ဖို့ဆိုတဲ့ အချက်ကိုတော့ သူတို့ လျော့ပေးလိမ့်မယ် မဟုတ်ဘူးလို့ အတိုက် အခံတွေက ပြောပါတယ်။
လစ်ဗျားတာဝန်ရှိသူတွေကတော့ မစ္စတာ ကဒါဖီက ရာထူးကနေ ဆင်းပေးမှာ မဟုတ်ဘူးလို့ ပြောကြပါတယ်။ တခြား အာဖရိက ခေါင်းဆောင်တွေနဲ့ အတူ မစ္စတာ ဇူးမားဟာ ကဒါဖီနဲ့ တနင်္ဂနွေနေ့က နာရီပေါင်းများစွာ တွေ့ဆုံခဲ့တာပါ။ မစ္စတာ ဇူးမားတို့က အပစ်အခတ် ရပ်စဲရေး ဖြစ်နိုင်အောင် နေတိုးကို လေကြောင်းက တိုက်ခိုက်တာတွေ ရပ်ထားဖို့ တောင်းဆို လိုက်ပါတယ်။ တနင်္လာနေ့ မှာတော့ သူပုန်တွေရှိရာ ဘန်ဂါဇီမြို့ကို ဖြန်ဖြေရေး အဖွဲ့က သွားရောက်ပြီး သူတို့ အစီအစဉ်ကို တင်ပြမှာ ဖြစ်ပါတယ်။
သူပုန်တွေ သိမ်းထားတဲ့မြို့ကို ကဒါဖီအပေါ် ဒီအချိန်မှာပဲ သစ္စာရှိတဲ့ တပ်တွေက တိုက်ခိုက်ရာမှာ နေတိုးက လေကြောင်းက တိုက်ခိုက်ခဲ့တဲ့ အတွက် ပြန်လှန်ပြီး တွန်းလှန်နိုင်ခဲ့ပုံ ရပါတယ်။ အရှေ့ပိုင်းက အက်ခ်ျတာဘီးယား မြို့နားလေးမှာ အစိုးရ တင့်ကား ၁၁ စီး၊ အနောက်ပိုင်းက သူပုန်တွေ သိမ်းထားရာ မစ္စရာတာ မြို့နားမှာ အစိုးရတင့်ကား ၁၄ စီးကို လေကြောင်းက တိုက်ခိုက် ဖျက်စီး နိုင်ခဲ့တယ်လို့ နေတိုးက ပြောပါတယ်။
ကဒါဖီတပ်တွေက လစ်ဗျားပြည်သူတွေအပေါ် ရက်ရက်စက်စက် အမြှောက်တွေနဲ့ ပစ်နေတာကြောင့် လေကြောင်း ကနေ တိုက်ခိုက်ပေးဖို့ လိုအပ်တယ်လို့ ဒုတိယ ဗိုလ်ချုပ်ကြီး ချားလ်စ် အော့ချက် က ပြောပါတယ်။
Ref: VOA News
Read More...
Collapse...
တနင်္ဂနွေ, 10 ဧပြီ 2011
အိုင်ဗရီကို့စ်နိုင်ငံမှာ လက်ရှိ သမ္မတ လောရင့်ဘက်ဘို နေထိုင်ရာ အိမ်ဝန်းအတွင်းကို ကုလ သမဂ္ဂနဲ့ ပြင်သစ် တပ်တွေက ထပ်မံ တိုက်ခိုက် ခဲ့ကြပါတယ်။ တနင်္ဂနွေနေ့မှာ အဘိုင်ဂျန်က မစ္စတာ ဘက်ဘိုရဲ့ နေအိမ်ဝန်းကို ကုလသမဂ္ဂနဲ့ ပြင်သစ်က ရဟတ်ယာဉ်တွေ သုံးပြီး တိုက်ခိုက် ခဲ့တယ်လို့ အိုင်ဗရီကို့စ် နိုင်ငံ ဆိုင်ရာ ကုလသမဂ္ဂ ပြောခွင့်ရသူက ပြောပါတယ်။
မျက်မြင်သက်သေတွေကလည်း နေအိမ်ဝန်းရှိရာနေရာမှာ ကျယ်လောင်တဲ့ ပေါက်ကွဲသံတွေနဲ့ အတူ မီးခိုးလုံးတွေ တွေ့ရတယ်လို့ ဆိုပါတယ်။ အခုလို ပစ်ခတ်တာဟာ မစ္စတာ ဘက်ဘိုရဲ့ သစ္စာခံတပ်တွေ အရပ်သားတွေနဲ့ ကုလသမဂ္ဂ ငြိမ်းချမ်းရေး ထိန်းသိမ်းရေး တပ်တွေကို လက်နက်ကြီးတွေနဲ့ ပစ်ခတ်နေမှုကို တားဆီး နိုင်အောင်လို့ လုပ်ဆောင်တာလို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက ပြောပါတယ်။
ဒါ့အပြင် အိုင်ဗရီကို့စ်နိုင်ငံက လူသားချင်းစာနာမှုဆိုင်ရာ အခြေအနေတွေနဲ့ လူ့အခွင့်အရေး ချိုးဖောက်မှုတွေ အတွက် အထူး စိုးရိမ်ကြောင်းလည်း ပြောပါတယ်။ အရပ်သား တွေဟာ တိုက်ပွဲတွေရဲ့ ဒဏ်ကို ခံစား နေကြရတာမို့ အပစ်အခတ်တွေ ချက်ချင်း ရပ်ဆိုင်းဖို့နဲ့ မစ္စတာ ဘက်ဘို ချက်ချင်း နုတ်ထွက်ပေးဖို့ တောင်းဆို လိုက်ပါတယ်။
နိုင်ငံတကာ အသိအမှတ်ပြု သမ္မတ အလက်စဲန်း ၀ါထရာရဲ့ တပ်တွေဟာ ပြီးခဲ့တဲ့သီတင်း ပတ်ကတည်းက သမ္မတ နန်းတော်ကို တိုက်ခိုက် နေပေမဲ့ မစ္စတာ ဘက်ဘို နုတ်ထွက် ပေးဖို့ အတွက် အခုထိ မလုပ်ဆောင် နိုင်ခဲ့ပါဘူး။ မစ္စတာ ဘက်ဘိုက မစ္စတာ ၀ါထရာ ပြီးခဲ့တဲ့နှစ် ရွေးကောက်ပွဲမှာ အနိုင်ရတယ် ဆိုတာကို အသိအမှတ် မပြုဘဲ သူ့ရဲ့ ရာနဲ့ချီတဲ့ သစ္စာခံ တပ်သားတွေနဲ့ နေအိမ် ၀န်းထဲကနေ ပြန်ပြီး ခုခံနေတာ ဖြစ်ပါတယ်။
Ref: VOA News
Read More...
Collapse...
စနေ, 09 ဧပြီ 2011
မြောက်ကိုရီးယားနဲ့ မြန်မာ နှစ်နိုင်ငံကြား ကြီးထွားလာနေတဲ့ စစ်ရေးဆက်ဆံမှုတွေနဲ့ ပတ်သက်ပြီး အမေရိကန် သမ္မတ ဘရက် အိုဘားမား (Barack Obama) က လွှတ်တော်ကို တင်ပြဖို့ အထက်လွှတ်တော် နိုင်ငံခြား ဆက်ဆံရေး ကော်မတီဝင် ရီပါဘလစ်ကန် အမတ် ရစ်ချတ် လျူဂါ (Richard Lugar) က သောကြာနေ့မှာ အဆိုပြုချက် တရပ် တင်သွင်း တောင်းဆို လိုက်ပါတယ်။
မြန်မာနိုင်ငံမှာ လူ့အခွင့်အရေးဆိုင်ရာ တိုးတက်အောင်လုပ်ဖို့ အထူးလိုအပ်နေတယ်လို့ အမေရိကန် နိုင်ငံခြားရေး ၀န်ကြီးဌာနက လူ့အခွင့်အရေး ဆိုင်ရာ နှစ်ပတ်လည် အစီရင်ခံစာ ထုတ်ပြန်လိုက်ချိန်မှာပဲ အင်ဒီယား နားပြည်နယ် အထက် လွှတ်တော်အမတ် မစ္စတာလျူဂါ ဦးဆောင်ပြီး အခုလို တောင်းဆို လိုက်တာပါ။
ကမ္ဘာတလွှား ဖြစ်ပွားနေတဲ့ အရေးအခင်းတွေကြောင့် မြောက်ကိုရီးယားနဲ့ မြန်မာကြားက စစ်ရေး ဆက်ဆံမှု တိုးမြှင့် နေတာတွေနဲ့ နည်းဗျူဟာ ဆိုင်ရာ ပူးပေါင်း ဆောင်ရွက် နေမှုတွေကို မျက်ခြေ ပြတ်မသွား သင့်ဘဲ မြောက်ကိုရီးယား ကနေ မြန်မာ အတွက် စစ်လက်နက် ပစ္စည်းတွေနဲ့ နည်းပညာတွေ ပေးအပ်နေတဲ့ လုပ်ရပ်ကို အသေးစိတ် သိအောင် အထူး အာရုံ စိုက်သင့်တယ်လို့လည်း မစ္စတာ လျူဂါက ပြောပါတယ်။
မြောက်ကိုရီးယားနိုင်ငံကို နျူကလီယား လက်နက်ဖျက်သိမ်းလာဖို့ အမေရိကန်နိုင်ငံက ပါဝင်ကြိုးစား နေချိန်မှာပဲ မြောက်ကိုရီးယား ဘက်က လက်နက် စမ်းသပ်မှုတွေနဲ့ ထပ်တလဲလဲ ခြိမ်းခြောက်မှုတွေ လုပ်နေတာပါ။ ဒီလိုလုပ်နိုင်ဖို့ မြောက်ကိုရီးယား နိုင်ငံအတွက် တခုတည်းသော ၀င်ငွေရလမ်းဟာ လက်နက် ထုတ်လုပ်ရောင်းချမှု ဖြစ်နေတာမို့ လက်နက် တင်ပို့တဲ့ နိုင်ငံ တနိုင်ငံဖြစ်တဲ့ မြန်မာနိုင်ငံနဲ့ ဆက်ဆံမှုကို အခုလို သတိပေးနေတာ ဖြစ်ပါတယ်။
ဒါ့အပြင် မြန်မာစစ်အစိုးရက လူသားမျိုးနွယ်တွေအပေါ် ရာဇ၀တ်ပြစ်မှုတွေ ကျူးလွန်မှုရှိမရှိ နိုင်ငံ တကာက စုံစမ်း စစ်ဆေးရေး အတွက် သမ္မတ အိုဘားမားက ဦးဆောင်ပြီး တွန်းအားပေးဖို့လည်း အဆိုပြုချက်မှာ တောင်းဆို ထားပါတယ်။ မြန်မာနိုင်ငံ အကျဉ်းထောင်တွေ ထဲမှာ အခုထိရှိနေသေးတဲ့ နိုင်ငံရေး အကျဉ်းသားအားလုံး လွတ်လာစေဖို့နဲ့ မြန်မာ စစ်တပ်မှာ ကလေးစစ်သား မစုဆောင်းစေဖို့ အိမ်နီးချင်းနဲ့ တခြားနိုင်ငံတွေက ပါဝင် လုပ်ဆောင်လာအောင် ဖိဖိစီးစီး လုပ်ဖို့လည်း တိုက်တွန်း ထားပါတယ်။
ဒီအဆိုပြုချက်ကို ရီပါပလစ်ကန်ပါတီက အထက်လွှတ်တော်အမတ်တွေဖြစ်တဲ့ ကန်တာကီပြည်နယ်က မစ်ခ်ျမက်ကောနဲလ် (Mitch McConnell) နဲ့ အိုကလာဟိုးမား ပြည်နယ်က ဂျိမ်းစ် အင်ဟိုဖ် (James Inhofe) တို့နဲ့အတူ ပူးတွဲ တင်သွင်း ခဲ့တာဖြစ်ပါတယ်။
Ref: VOA News
Read More...
Collapse...
ကိုပေါက်
စနေနေ့၊ ဧပြီလ ၀၉ ရက် ၂၀၁၁
နယူးဒေလီ (မဇ္ဈိမ) ။ ။ သျှန်တိနိကေတန် စာကြည့်တိုက်ကြီးအား တည်ထောင်ခဲ့သူ စာရေး ဆရာကြီး ပါရဂူသည် စနေနေ့ နံနက် ၁၀ နာရီခန့်တွင် ရန်ကုန်မြို့ အာရှ တော်ဝင်ဆေးရုံ၌ ကွယ်လွန်သွားခဲ့သည်။
ဆရာကြီး၏ ရုပ်အလောင်းအား ရေဝေးသုဿန် အအေးတိုက်တွင် ၃ ရက်ကြာ ထားရှိဦးမှာ ဖြစ်ပြီး တနင်္လာနေ့တွင် သင်္ဂြိုဟ် မည်ဟု သိရှိရသည်။
“ဆရာမ သန်းမြင့်အောင်နဲ့ ဦးကျော်သူတို့က အလောင်းကို ဆေးရုံမှာ သွားယူနေတယ်။ အာရှ တော်ဝင် ကနေ ရေဝေး အအေးခန်းကို ပို့မယ်။ အအေးခန်းမှာ ၃ ရက်ထားဦးမှာ”ဟု နာရေး ကူညီမှုအသင်းမှ တာဝန်ရှိသူ တဦးက ပြောသည်။
နှလုံးရောဂါဖြင့် ကွယ်လွန်ချိန်တွင် ဆရာကြီးမှာ အသက် ၉၁ နှစ် ရှိပြီဖြစ်ပြီး စာအုပ်ပေါင်း ၁၀၀ ကျော် ရေးသား ပြူစုခဲ့သည်။
ဆရာကြီးသည် အထူးသဖြင့် အိန္ဒိယ စာပေများကို မြန်မာဘာသာသို့ ပြန်ဆိုပေးလေ့ ရှိရာ ယခုလို ကွယ်လွန် သွားသည့် အတွက် အစားထိုး မရသည့် ကွက်လပ်ကြီး တခု ဖြစ်ကြောင်း စာရေးဆရာ ချစ်ဦးညိုက မဇ္ဈိမကို ပြောသည်။
“ဆရာပါ က ဟိန္ဒီစာအုပ်တွေ အများဆုံး ဘာသာပြန်ပါတယ်။ အိန္ဒိယစာပေကို အင်္ဂလိပ် ဘာသာကနေ တဆင့် ပြန်နိုင်တဲ့ ပုဂ္ဂိုလ်များ ရှိပေမယ့် ဟိန္ဒီ၊ သက္ကတ ကနေ တိုက်ရိုက် ပြန်နိုင်တဲ့ ပုဂ္ဂိုလ်ကတော့ အင်မတန် နည်းပြီးတော့ ခုလို ဆရာပါ တိမ်းပါး သွားခြင်းဟာ ကြီးစွာသော ကွက်လပ်ကြီး ဖြစ်ပါတယ်”ဟု သူက ပြောသည်။
ဆရာပါရဂူသည် ၁၉ နှစ်သားအရွယ် ရှင်သာမဏေ ဘဝဖြင့် တိုးတက်ရေးနှင့် ဒဂုန်မဂ္ဂဇင်း များတွင် စာပေများ စတင် ရေးသားလာခဲ့သည်။ ၁၉၄၇ ခုနှစ်တွင် ဗာရာဏသီ ဟိန္ဒူတက္ကသိုလ် BHU မှ ဟိန္ဒီနှင့်သကတ္တဘာသာများ သင်ယူတတ်မြောက်ကာ ၁၉၅၅ ခုနှစ်တွင် လူဝတ်လဲခဲ့သော်လည်း ကွယ်လွန်သည်အထိ အိမ်ထောင်မပြုခဲ့ပေ။
ဆရာပြုစုခဲ့သည့် စာအုပ်များတွင် ဘင်္ဂါလီစာဆိုကြီး တဂိုး၏ ကဗျာ၊ ဝတ္ထုများ၊ ရာဟုလာသံကိစ္စည်း၏ စာပေများ၊ ချန်ဒရာဗားရ်မား၏ စာပေများ ပါဝင်သည်။ မဟာလူသားဗုဒ္ဓ၊ ဗုဒ္ဓစကား၊ ဗုဒ္ဓဘာသာနှင့် ကွန်မြူနစ်ဝါဒ၊ ဓမ္မစကား၊ ဈင်ဗုဒ္ဓဘာသာ စသည့် ဘာသာရေးစာပေများအပြင် ပလေတို၊ အရစ္စတိုတယ်၊ နိုင်ငံရေးဒဿန၊ တော်လှန်သောအတွေးအခေါ် စသည်တို့ကဲ့သို့ ဒဿနိကဆိုင်ရာ စာပေများလည်း ပါဝင်သည်။
ခရီးသွားစာပေများ၊ အိန္ဒိယ ဂန္ထဝင်ဝတ္ထုများ၊ အထ္ထုပ္ပတ္တိများလည်း ရေးသားပြုစုခဲ့ကာ ဝေသာလီ၊ စိတ္တရလေခါ၊ စိတြ၊ ဒိဗျာ၊ အမ္ဗပါလီတို့မှာ ကြော်ကြားသည်။
ဆရာပါရဂူ၏ စာပေဆောင်ရွက်ချက်များတွင် တမူထူးခြားချက်ဟုဆိုရမည့် သျှန်တိနိကေတန် စာကြည့်တိုက် ထူထောင်နိုင်ခဲ့ခြင်းကြောင့် မြန်မာစာပေအတွက် အကျိုးထူးများ ပေးစွမ်းနိုင်ကြောင်းကိုလည်း ဆရာချစ်ဦးညိုက ပြောသည်။
“ရိုးရိုးစာကြည့်တိုက်လို မဟုတ်ပါဘူး။ ရည်ညွှန်းစာကြည့်တိုက်ကြီးပါ။ ဒါကြောင့် စာဖတ်အသင်းလို၊ စာကြည့်သင်းလိုတော့ လူဝင်လူထွက် များမှာမဟုတ်ပါဘူး။ ဒီစာကြည့်တိုက်ထဲမှာ လာဖတ်တဲ့သူတွေ အင်မတန်နည်းသော်လည်း ဒီစာကြည့်တိုက်မှာ လာပြီး စာဖတ်ခြင်း၊ Reference လုပ်ခြင်း၊ ကျမ်းပြုခြင်းအားဖြင့် အင်မတန် အရည်အချင်းလေးနက်တဲ့စာမျိုးတွေကို ပြုစုနိုင်ကြလိမ့်မယ်လို့ မျှော်လင့်ပါတယ်”
အဆိုပါ စာကြည့်တိုက်ကို ရွှေပေါက္ကံမြို့သစ် ၁၆ ရပ်ကွက်တွင် ဖွင့်လှစ်ထားရှိပြီး ဆရာပါရဂူ ၂၀၀၄ ခုနှစ်မှ စတင်၍ ကွယ်လွန်သည်အထိ နေထိုင်သွားခဲ့သည်။
ကျန်းမာရေးချို့တဲ့သော စာရေးဆရာကြီးများအား ပူဇော်ကန်တောပွဲကို စနေနေ့က ရန်ကုန်မြို့ စီးတီးစတားဟိုတယ်တွင် ပြုလုပ်ခဲ့သည်။ လွန်ခဲ့သည့်လက ပြုလုပ်ခဲ့သည့် အာရပ်စော်ဘွားများပြည်ထောင်စု UAE နိုင်ငံအတွင်း ပထမဆုံးအကြမ် ပြုလုပ်ခဲ့သည့် စာပေဟောပြောပွဲများတွင် စာရေးဆရာများ လက်မှတ်ဖြင့် စာအုပ်များ အမှတ်တရ ရောင်းချ၍ ရရှိခဲ့သော ငွေကြေးများဖြင့် ပူဇော်ကန်တော့ကြခြင်းဖြစ်သည်။
အဆိုပါအခမ်းအနားတွင် ဆရာပါရဂူ ကွယ်လွန်ခြင်းအတွက် တက်ရောက်လာသော စာရေးဆရာများက ဝမ်းနည်းခြင်းအထိမ်းအမှတ်အဖြစ် ၂ မိနစ် ငြိမ်သက်ခဲ့ကြကြောင်း သိရသည်။
ဆရာပါရဂူသည် ၂၀၀၁ ခုနှစ်အတွက် ပခုက္ကူဦးအုန်းဖေ တသက်တာစာပေဆု ချီးမြှင့်ခံခဲ့ရပြီး ညီတော်မင်းနန်၊ ဂေါရီ စာအုပ်များဖြင့်လည်း ဘာသာပြန်စာပေဆုများ ရရှိခဲ့ကာ ၁၉၆၇ ခုနှစ်တွင် မြန်မာနိုင်ငံ ဟိန္ဒူစာပေအသင်း၏ ရွှေတံဆိပ်ဆုကိုလည်း ဆွတ်ခူးရရှိခဲ့သည်။
၁၉၅၆ ခုနှစ်တွင် အာရှစာရေးဆရာညီလာခံ အတွင်းရေးမှူးအဖွဲ့သို့ မြန်မာနိုင်ငံကိုယ်စားလှယ်အဖြစ် တက်ရောက်ခဲ့သည်။ ၁၉၅၈ ခုမှ ၁၉၆၅ ခုအထိ မြန်မာနိုင်ငံ စာရေးဆရာ အသင်းနှင့် သမဂ္ဂများတွင် အမှုဆောင်အဖြစ် ပါဝင်ကာ ၁၉၇၁ မှ ၁၉၇၅ အထိ မြန်မာစာပေကော်မရှင်အဖွဲ့ဝင်အဖြစ် ဆောင်ရွက်ခဲ့သည်။
၁၉၈၈ ခုနှစ် လူထုအုံကြွမှုကြီးတွင် စာရေးဆရာသမဂ္ဂမှ မဆလ နိုင်ငံတော်ကောင်စီထံသို့ လက်မှတ်စုထိုး တောင်းဆိုသည့်လှုပ်ရှားမှုတွင် တက်ကြွစွာ ပါဝင်ခဲ့သည်။
ဆရာပါရဂူ ကွယ်လွန်သွားခြင်းနှင့်ပတ်သက်၍ အထူးကြေကွဲဝမ်းနည်းရကြောင်း ချစ်ဦးညိုက ပြောသည်။
“ကျနော့်မှာ အဖေ ၃ ယောက်ရှိပါတယ်။ ကျနော့်ရဲ့ မွေးသဖခင်နဲ့ အခြားနှစ်ယောက်ကတော့ ဆရာပါရဂူနဲ့ ဆရာမြသန်းတင့်ပါ။ ကျနော် ဆရာမြသန်းတင့်ရဲ့ဈာပနမှာ ဆရာပါရဂူကို ဖက်ပြီးတော့ ကျနော် ငိုခဲ့ပါတယ်။ အခု ဆရာပါ ဆုံးတဲ့အချိန်မှာ ကျနော် အတိုင်းမသိ ကြေကွဲပါတယ်” ဟု ဝမ်းနည်းစွာ ပြောဆိုသည်။
ဆရာမြသန်းတင့် ကွယ်လွန်ပြီးနောက် ‘မြသန်းတင့်’ဟူသော စာအုပ်တအုပ်ကို ဆရာပါရဂူ က အမှတ်တရ ရေးသားထုတ်ဝေခဲ့သေးသည်။
Ref: မဇ္ဈိမ
Read More...
Collapse...
Friday, 08 April 2011
ထိုင်း-မြန်မာနယ်စပ် မဲဆောက်မြို့မှ တဆင့် မြန်မာနိုင်ငံ မြ၀တီမြို့ဘက်သို့ ထိုင်းကုန်ပစ္စည်းများ တရားမ၀င် တင်သွင်း နေခြင်းအား မြန်မာ အာဏာပိုင်များက တလခန့် ပိတ်ပင် ထားမှုကို ပြန်လည် ရုပ်သိမ်း လိုက်သဖြင့် နယ်စပ် ကုန်သွယ်ရေး တချို့ ပြန်လည် ကောင်းမွန် လာသည်ဟု ကုန်သည်များက ပြောသည်။
နေပြည်တော် အမိန့်ဖြင့် မတ်လ ၉ ရက်နေ့က ထိုင်းကုန်ပစ္စည်းများ မြန်မာဘက်သို့ မှောင်ခို တင်ပို့မှုများကို ပိတ်ပင်ထား ရာမှ မတ်လ ကုန်ပိုင်းတွင် ပြန်လည် ရုပ်သိမ်းလိုက်ခြင်း ဖြစ်သည်ဟု သိရသည်။
မြန်မာဘက်မှပြန်လည်ခွင့်ပြုပေးမှုကြောင့် ထိုင်းနိုင်ငံထုတ်လူသုံးကုန်၊ စားသုံးကုန်များကို နှစ်နိုင်ငံ ကုန်သည်များက နေ့ည မပြတ် တင်သွင်းလျှက် ရှိသည့် အတွက် သင်္ကြန်ကာလ မတိုင်မီ ရန်ကုန် အပါအ၀င် မြန်မာနိုင်ငံ အတွင်း ထိုင်း စားသောက် ကုန်ပစ္စည်း ဈေးနှုန်းများ ပြန်လည် ကျဆင်း လာခဲ့ကြောင်း မြန်မာ ကုန်သည်များက ပြောဆိုကြသည်။
ရန်ကုန်မှ စားသောက်ကုန် တင်သွင်းသည့် မြန်မာကုန်သည်တဦးက “ထိုင်းစားသောက်ကုန်တွေက ဈေးကွက် ပြတ်ပြီး အဆ မတန် ဈေးတက် နေရာကနေ မြ၀တီ လမ်းကနေ ပစ္စည်းတွေ ပြန်ဝင်တော့ ဈေးက အများကြီးကို ပြန်ကျသွားတယ်၊ ဒီ သင်္ကြန်မှာ ဈေးတက်မယ်လို့ ထင်ထားတဲ့ ထိုင်းကုန်တွေထဲက သံဘူး ဘီယာဆိုရင် တဖာကို ကျပ်လေးရာ နီးနီးဈေးကျ သွားတယ်၊ အခြား စားသောက်ကုန်တွေလည်း ဒီအတိုင်းပဲ မြ၀တီ လမ်းကိုသာ တရားဝင် ပြန်ဖွင့်ခဲ့ရင် ဒီထက်မက ဈေးနှုန်း တွေ ထပ်ကျဖို့ ရှိတယ်”ဟု ဧရာဝတီသို့ ပြောသည်။
သင်္ကြန်ကာလအမီ ကုန်သည်များ အဓိကတင်သွင်းနေသည့် ထိုင်းစားသောက်ကုန်များ ထဲတွင် အချိုရည်မျိုးစုံ၊ မုန့်မျိုးစုံ၊ ဘီယာမျိုးစုံ၊ အချိုမှုန့်နှင့် စားအုန်းဆီများကို တင်သွင်းလျှက် ရှိကြောင်း သိရသည်။
မြန်မာ အာဏာပိုင်များက မြ၀တီနယ်စပ်ကုန်သွယ်ရေးကိုပိတ်ကာ ထိုင်းနိုင်ငံထုတ်ကုန် ပစ္စည်းများ နေရာတွင် တရုတ်နိုင်ငံ ထုတ်ကုန်များနှင့် အစားထိုး တင်သွင်းခွင့် ပြုထားသော်လည်း အရေအသွေး ညံ့သည့် အတွက် ထိုင်းကုန်များ မြန်မာ နိုင်ငံတွင် ဈေးကွက် ရရှိနေခြင်း ဖြစ်သည်ဟု ကုန်သည်များက ပြောသည်။
ထိုင်းစားသောက်ကုန်များအပြင် ဆောက်လုပ်ရေးသုံးပစ္စည်များ၊ လူသုံးကုန်ပစ္စည်းများနှင့် အလှကုန် ပစ္စည်းများ၊ အ၀တ် အထည်များ အပါအ၀င် လယ်ယာသုံး ပစ္စည်းများကိုလည်း မြန်မာ ကုန်သည်များက တင်သွင်းလျှက် ရှိသည်ဟုလည်း သိရ သည်။
မဲဆောက်-မြ၀တီနယ်စပ် ကုန်သွယ်ရေးလမ်းကြောကို မြန်မာအာဏာပိုင်များဘက်က လုံခြုံရေး အကြောင်း ပြချက်ဖြင့် ယမန်နှစ် ဇူလိုင်လမှ စတင်ကာ နှစ်နိုင်ငံ ချစ်ကြည်ရေး တံတား အပါအ၀င် တရားမ၀င်ဂိတ် ၃၀ ခန့်ကို ပိတ်ခဲ့သည်မှာ ယနေ့ အထိဖြစ်သည်။
ယင်းသို့ မဲဆောက်-မြ၀တီနယ်စပ် ကုန်သွယ်ရေးလမ်းကြောကို ပိတ်လိုက်သဖြင့် တရားမ၀င် နည်းဖြင့် ကုန်သွယ်မှု ပြုရာ တလလျှင် ဘတ်သန်း ၈၀၀ ဖိုး ခန့်သာ ရှိတော့သည်ဟု ထိုင်းကုန်သည်ကြီးများ အသင်းက ပြောသည်။
ထိုင်း-မြန်မာနယ်စပ် မဲဆောက်-မြ၀တီ ကုန်သွယ်ရေးလမ်းကြော တရားဝင်ဖွင့်လှစ်ထားစဉ်က မြန်မာ ဘက်သို့ တင်ပို့သည့် ထိုင်းကုန်ပစ္စည်း တန်ဖိုးမှာ တလလျှင် ထိုင်းဘတ် သန်း ၃၀၀၀ ကျော် ရှိကြောင်း ထိုင်း ကုန်သည်ကြီးများ အသင်း၏ မှတ် တမ်းများအရ သိရသည်။
လက်ရှိ မဲဆောက်-မြ၀တီ ကုန်သွယ်ရေးတွင် မြန်မာဘက်က ထိုင်းဘက်သို့ ပရိဘောဂ အပါအ၀င် သစ်တောထွက် ပစ္စည်းများ၊ လယ်ယာ ထွက်ကုန်များ၊ ရေထွက် ပစ္စည်းမျိုးစုံနှင့် ချည်ထည်များ တင်ပို့လျှက် ရှိသည်။
မြ၀တီ နယ်စပ်ကုန်သွယ်ရေးကို ပိတ်ပင်ထားသောကြောင့် မဲဆောက်ရှိ ထိုင်းကုန်သည်ကြီးများမှာ တာချီလိတ်နှင့် ရနောင်း နယ်စပ်များမှ တဆင့် မြန်မာ နိုင်ငံဘက် ကုန်ပစ္စည်း တင်ပို့ နေရသောကြောင့် ခရီးဝေးပြီး ကုန်ကျ စရိတ် ပိုများသည်ဟု ထိုင်းကုန်သည်ကြီးများက ပြောသည်။
မြ၀တီမှ ရန်ကုန်သို့ အကွာအဝေးမှာ၂၆၅ မိုင်သာရှိသောကြောင့် မြ၀တီနယ်စပ်မှ တဆင့် ကားဖြင့် ကုန်စည် စီးဆင်းပါက ၁၄ နာရီ ခန့်သာ ကြာသည့်အတွက် ထိုင်းမြန်မာ နယ်စပ် ကုန်သွယ်ရေး အတွက် အကောင်းဆုံးလမ်းကြော ဖြစ်သည်ဟု လည်း သိရသည်။
Ref: ဧရာဝတီ်
Read More...
Collapse...
Posts
