အက်ကို ဟယွိ
December 20, 2012
တရုတ် လယ်သမားတွေဟာ သူတို့နိုင်ငံမှာ အမျိုးသမီး နည်းပါးလို့ သတို့သမီး ရှားပါး ပေမယ့် အခုအခါမှာ အင်တာနက် အွန်လိုင်း တွေ အပါအ၀င် တရားမ၀င် နည်းလမ်းတွေနဲ့ မြန်မာ အမျိုးသမီးတွေကို ဇနီးမယား အဖြစ် လွယ်ကူစွာ ရှာဖွေနိုင်နေကြပါပြီ။
တရုတ်နိုင်ငံမှာ တအိမ်ထောင် ကလေးတယောက် မူဝါဒ ချမှတ်ထားတာ ကြာပါပြီ။ ယောက်ျားလေး ကိုသာ အလေးထား မွေးကြ တာတွေ ရှိနေပြီး မိန်းကလေးကို မယူချင်ကြ၊ မမွေးကြတာတွေကြောင့်လည်း ကျား-မ ဦးရေ ကွာဟနေတာ ဖြစ်ပါတယ်။
ဒါ့အပြင် အရွယ်ရောက် တရုတ်လယ်သမား လုလင်ပျိုတွေဟာ သူတို့အတွက် သတို့သမီး ရှားပါး နေတဲ့အပြင် လယ်သမားဖြစ်နေ လို့လည်း တရုတ် မိန်းကလေးတွေရဲ့ စိတ်ဝင်စားမှု မရ၊ တရုတ် ရိုးရာအရ မင်္ဂလာခန်းဝင် ပစ္စည်းလည်း မတင်နိုင်ကြ။ ဒါကြောင့် တရုတ် လယ်သမားတွေဟာ အနီးအနားဒေသ အထူးသဖြင့် မြန်မာနိုင်ငံက သတို့သမီး ရရှိရေး အတွက် နည်းလမ်း အမျိုးမျိုးနဲ့ ကြိုးပမ်း လာတာ ဖြစ်ပါတယ်။
“တရုတ်အမျိုးသမီး တယောက်ကို လက်ထပ်ယူနိုင်ဖို့က အကုန်အကျ အရမ်းများတယ်ဗျ”လို့ ယီဟေလျန်းလို့ ခေါ်တဲ့ တရုတ် လယ်သမားက ပြောပါတယ်။ သူဟာ လွန်ခဲ့တဲ့ ၆ နှစ်လောက်က မြန်မာ အမျိုးသမီး တယောက်ကို ဇနီးမယား အဖြစ် ၀ယ်ခဲ့သူပါ။
ယီဟေလျန်းက“မြန်မာသတို့သမီး ရဖို့က စရိတ် သက်သာတယ်၊ ဒါကြောင့် ကျနော်တို့ (တရုတ် လယ်သမားတွေ) လိုချင်ကြ တာ”လို့လည်း ဆိုပါတယ်။
ယီဟေလျန်းဟာ မြန်မာဇနီးသည်နဲ့ပေါင်းသင်းပြီး သမီးလေးတယောက်နဲ့အတူ မြန်မာနယ်စပ် အနီးက ရွာလေးတရွာမှာ နေထိုင်ပါတယ်။ အခုလို လက်ထပ်ပေါင်းသင်းဖို့ အတွက် တရုတ်ယွမ် ၅၀၀၀ (အမေရိကန်ဒေါ်လာ ၈၀၀) ကုန်ကျ ခဲ့တယ်လို့ ဆိုပါတယ်။ ဒီကုန်ကျ စရိတ်ကို တရုတ် သတို့သမီးအတွက် ရိုးရာအရ ကုန်ကျမယ့် ယွမ် ၁၀၀၀၀ နဲ့လည်း သူက နှိုင်းယှဉ်ကြည့် နေပါသေး တယ်။
သူဟာ တရားမ၀င် သတို့သမီး ကုန်ကူးတဲ့ ၀က်ဘ်ဆိုက်တွေကို သုံးပြီး သူ့ဇနီးကို ၀ယ်ယူခဲ့တာ မဟုတ်ပါဘူး။ ဒါပေမယ့် ကျေးလက်ဒေသ တရုတ် လယ်သမားတွေ ကြားမှာတော့ အင်တာနက် ၀က်ဘ်ဆိုက်ကို အသုံးပြုပြီး သတို့သမီး ရှာဖွေမှုတွေ ကျယ်ကျယ်ပြန့်ပြန့် ရှိလာ နေပါပြီ။
အဲဒီလို မြန်မာ အမျိုးသမီးတွေ တရုတ်လယ်သမားတွေရဲ့ ဇနီးမယားအဖြစ် ပို့ဆောင်ခံရတာတွေဟာ လူကုန်ကူး ခံရမှုရဲ့ ၇၀ ရာခိုင်နှုန်းလောက် ရှိတယ်လို့ မနှစ်က အစိုးရရဲ့ ထုတ်ပြန်ချက်မှာ ဖော်ပြ ထားပါတယ်။
မြန်မာသတို့သမီး ရှာဖွေမှုများနဲ့ ပတ်သက်ပြီး မကြာသေးခင်က လေ့လာချက်အရ အွန်လိုင်း ၀က်ဘ်ဆိုက် ကြော်ငြာသုံး ရှာဖွေတာ ဟာ ရှက်စရာကိစ္စ မဟုတ်တော့ဘဲ ဖြစ်ရိုးဖြစ်စဉ်လို ဖြစ်လာကြတာကို တွေ့ရပါတယ်။
“ဟလို ကိုလူပျို၊ အိမ်ထောင်ပြုဖို့ ရည်ရွယ် ကြိုးစားနေတာလား။ ဇနီးကြင်ဖက် မရှိလို့ စိတ်ပျက် အကြံအိုက် နေတာလား။ အကြင် နာ အယုယပေးတာ ခံယူလိုပါသလား”လို့ သတို့သမီး ဇနီးသည် ရှာဖွေဆက်သွယ်ရေး ၀က်ဘ်ဆိုက်တခုရဲ့ အင်တာနက် စာမျက်နှာ မှာ မိတ်ဆက် ရေးထားပါတယ်။
“ခင်ဗျားဟာ သာမန် ဆင်းရဲသား လယ်သမား ဖြစ်နေရင်တောင် မြန်မာ သတို့သမီးလေးတွေက ခင်ဗျားနဲ့ ထာဝရ မခွဲမခွာ နေ ထိုင်သွားမှာပါ”လို့လည်း ပါ ပါတယ်။
“လှလည်းလှ ၊ စရိတ်လည်း သက်သာ ၊ လွယ်လည်းလွယ်”
တခြား သတို့သမီး ကုန်ကူးတဲ့ ၀က်ဘ်ဆိုက်တွေလို “မြန်မာသတို့သမီး ရွေးချယ်ရာ”(Burmese Bride Matching) ၀က်ဘ်ဆိုက်မှာလည်း ရွေးချယ်လို့ရမယ့် မြန်မာ အမျိုးသမီးဓာတ်ပုံတွေ တင်ပြပေးထားတာ တွေ့ရပါတယ်။ ပြီးတော့ ရွေးချယ် ၀ယ်ယူလိုသူတွေ အတွက် လိုအပ်တဲ့ အချက်အလက်တွေလည်း ဖော်ပြပေးထားပါတယ်။
ဧရာဝတီက ဆက်သွယ်မေးမြန်းကြည့်တော့ ဆိုက်မှာတင်ပြထားတဲ့ အမျိုးသမီးတွေထဲက နှစ်သက်ရာ သဘောကျတာကို ရွေးယူနိုင် ကြောင်း အခုလို ပြောပါတယ်။
“အမျိုးသမီးအတွက် ယွမ် ၈၀၀၀ ပေးရမယ်၊ ပြီးတော့ ယွမ် ၅၀၀၀ ကို မင်္ဂလာခန်းဝင်ကြေး ပေးရမယ်”လို့ အမည်မဖော်လိုသူ အမျိုးသား တဦးက ပြန်ဖြေပါတယ်။
သတို့သမီး ကုန်ကူးမှုနဲ့ ဆက်စပ်နေတဲ့ နောက်ထပ် ၀က်ဘ်ဆိုက် တခုမှာလည်း ဈေးနှုန်း အနေနဲ့ ကွာခြားမှု မရှိသလောက် တင်ပြ ထားတာ တွေ့ရပါတယ်။
“မြန်မာ အိမ်ရှင်မတွေက တရုတ် အိမ်ရှင်မတွေထက် အများကြီး သာတယ်”လို့ အကျိုးဆောင်သူ တယောက်က ညွှန်းဆို ပါတယ်။ သူ့ကိုယ်သူတော့ “တရုတ် လူပျိုကြီးများ ကယ်တင်သူ”လို့လည်း ပြောပါသေးတယ်။
ဝက်ဘ်ဆိုက် တချို့မှာတော့ အဆင်ပြေသလို ရောင်းဝယ်ကြတာတွေ ရှိပေမယ့် “မြန်မာသတို့သမီး ရွေးချယ်ရာ” (Burmese Bride Matching) ဆိုတဲ့ ၀က်ဘ်ဆိုက်မှာတော့ ၀ယ်ယူလိုသူ အနေနဲ့ တကိုယ်ရည်ဖြစ်ရမယ်၊ ရိုးသားရမယ်၊ စိတ်ရင်းကောင်းရမယ် ဆိုတဲ့ အချက်တွေနဲ့ ပြည့်စုံရမှာဖြစ်ပြီး နှိမ်ချ ဆက်ဆံတာမျိုးတွေ၊ လောင်းကစားလုပ်တာတွေ မရှိရဘူးလို့လည်း ဖော်ပြပေးထား ပါတယ်။
ဒါပေမယ့် တကယ်လက်တွေ့မှာတော့ ခေတ်သစ် ငွေဝယ်ကျွန် စနစ် ပုံစံတမျိုးသာ ဖြစ်တယ်လို့ လှုပ်ရှား ဆောင်ရွက်သူတွေက ပြော ဆို ကန့်ကွက်ပါတယ်။
“မြန်မာ မိန်းကလေးတွေ တရုတ် လူမျိုးတွေရဲ့ မိန်းမတွေ ဖြစ်လာတယ်၊ ပြီးတော့ သူတို့ ခင်ပွန်းအတွက် ကလေးမွေး ပေးရတယ်” လို့ ထိုင်းအခြေစိုက် ကချင် အမျိုးသမီး အစည်းအရုံး (Kachin Women’s Association of Thailand – KWAT) က မွန်းနေလီက ပြော ပါတယ်။ ဒီအဖွဲ့ဟာ မြန်မာပြည် မြောက်ပိုင်း ကချင်ပြည်နယ်မှာ တနှစ်ကြာ လေ့လာမှုတွေ လုပ်ခဲ့တာပါ။
သူက ဆက်ပြောပြတာကတော့ အဲဒီအမျိုးသမီးတွေဟာ ခင်ပွန်းသည်တွေရဲ့ အတင်းအကျပ်ခိုင်းစေခံရတာတွေ ရှိနေပြီး နေ့ခင်း ဘက်မှာ အလုပ်တွေ လုပ်နေကြရသလို ညပိုင်းမှာတော့ လိင်ကျွန်ဖြစ်နေကြရပါတယ် တဲ့။
တရုတ်ပြည် ယူနန်နယ်မှာတော့ ဇနီးမယားအဖြစ် လူကုန်ကူးခံရတဲ့ အမျိုးသမီးလေးတွေဟာ ပျမ်းမျှ အသက် ၁၄ နှစ်ကနေ ၂၀ ကြား အရွယ်တွေ ဖြစ်ပြီး အသက်အကြီးဆုံးက ၅၇ နှစ်၊ အငယ်ဆုံး ၁၁ နှစ်အထိ ရှိတယ်လို့ ဒေသခံ လူကုန်ကူးမှု တိုက်ဖျက်ရေး အဖွဲ့ ဦးဆောင်သူ တဦးဖြစ်တဲ့ လီချွန်ကင်းကလည်း ပြောပြပါတယ်။
တခါတရံမှာတော့ အိမ်ထောင် ပြုပြီးသား မြန်မာ အမျိုးသမီးတွေလည်း လူကုန်ကူး ခံရမှုထဲမှာ ၁၀ ရာခိုင်နှုန်းလောက် ပါဝင်နေ တယ်လို့ KWAT ရဲ့ ၂၀၀၈ က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။ KWAT အဖွဲ့ဟာ လူကုန်ကူးမှုနဲ့ပတ်သက်ပြီး လာမယ့် လထဲမှာ အစီရင်ခံစာဆက်လက် တင်ပြဖို့ရှိတယ်လို့လည်း သိရပါတယ်။
“တရုတ်တို့ ဘာကြောင့် သတို့သမီး လိုအပ်ချက်မြင့်မားရသလဲ”
တရုတ်ပြည်မှာ သတို့သမီး လိုအပ်ချက် မြင့်မားလာတာဟာ အစိုးရရဲ့ တအိမ်ထောင် ကလေးတယောက် မူဝါဒနဲ့ ဆက်စပ်နေပါတယ်။ မိန်းကလေးထက် ယောက်ျားလေးကိုပဲ လိုချင်ကြတာကလည်း တရုတ်တို့ ရိုးရာယုံကြည်မှုပါ။ အဲဒီယုံကြည်မှုကြောင့် တရုတ်တွေဟာ ယောက်ျားလေး မွေးဖွားလာဖို့သာ အလိုရှိပြီး မိန်းကလေး မွေးဖွားလာတာကို အလိုမရှိကြပါ။ တအိမ်ထောင် ကလေး တယောက်မှာလည်း မိန်းကလေးဆိုရင် မယူလိုဘဲ ယောက်ျားလေးသာ ရွေးချယ်ရင်း တရုတ်မိသားစုတွေမှာ ယောက်ျားသား ဦးရေ ပိုမိုများပြား လာတာဖြစ်ပါတယ်။
“ဒီ မူဝါဒနဲ့ ရိုးရာယုံကြည်မှု အစွဲတွေကြောင့် မိန်းကလေး ရှားပါးလာလို့ လူကုန်ကူးသူတွေကို ဒေါ်လာ ၃၅၀၀ ပေးပြီး ဇနီး မယား ၀ယ်ယူကြရတာ ဖြစ်တယ်”လို့ မွန်းနေလီက ပြောပါတယ်။
တရုတ်အစိုးရရဲ့ ဇွန်လက ထုတ်ပြန်ခဲ့တဲ့ စာရင်းအရ အရှေ့အာရှနိုင်ငံတွေမှာ လူဦးရေ ၁.၃ ဘီလီယံရှိပြီး ယောက်ျား ၁၁၇ ဦးမှာ မိန်းမ ၁၀၀ ပဲ ရှိကြောင်း၊ ၂၀၂၀ မှာတော့ တရုတ်လူမျိုး ယောက်ျားပျို ဦးရေ သန်း ၃၀ အထိ မြင့်တက် လာနိုင်ကြောင်း သိရပါတယ်။
တိုင်းပြည် အစွန်အဖျားက တရုတ်လူပျိုတွေ အနေနဲ့ ချမ်းသာပြည့်စုံမှု မရှိတဲ့အတွက်ကြေင့်၊ တရုတ်အမျိုးသမီးကို လက်ထပ်မယူနိုင်ဘဲ တခြား ပိုဆင်းရဲတဲ့ နိုင်ငံက ဇနီးသည်ကို ရှာရတာဖြစ်တယ်လို့ ဆိုကြပါတယ်။
“ကျနော့် အဖေက လယ်သမား၊ အမေကလည်း လယ်သမားပဲ။ တရုတ် အမျိုးသမီးတွေက ကျနော့်ကို ဘယ်တော့မှ လက်ထပ်မှာ မဟုတ်ဘူး။ ဘာဖြစ်လို့လဲဆိုတော့ ကားကောင်းကောင်း၊ အိမ်ကောင်းကောင်းမှ မရှိတာကိုး”လို့ လွန်ခဲ့တဲ့ ၂ နှစ်လောက်က မြန်မာ အမျိုးသမီး တဦးကို ဇနီးအဖြစ် ၀ယ်ယူခဲ့သူ တရုတ်အမျိုးသား တဦးက ဆိုပါတယ်။
ကုလသမဂ္ဂရဲ့ အဆိုအရ မြန်မာအမျိုးသမီးတွေကို တရုတ်နိုင်ငံရဲ့ တောင်ပိုင်း ပြည်နယ်တွေဖြစ်တဲ့ ယူနန်၊ ဖူကျင့်၊ ဟိုင်နန်၊ စိချွမ်နဲ့ အန်းဟွေ တွေမှာ လူကုန်ကူးခံရမှု မကြာခဏတွေ့ရကြောင်း သိရပါတယ်။ အခြား အဖြစ်အပျက်တွေကတော့ တရုတ်ပြည် အရှေ့ဘက်ပိုင်း ပြည်နယ်တွေဖြစ်တယ်လို့ အစိုးရမဟုတ်တဲ့ အဖွဲ့အစည်းတွေရဲ့ အစီရင်ခံစာတွေမှာလည်း တွေ့ရပါတယ်။
အဓိကအားဖြင့်တော့ မြန်မာအမျိုးသမီးတွေ တရုတ်ပြည်ရောက်ပြီး ဇနီးအဖြစ် လူကုန်ကူးခံနေ ရတာဟာ အရှေ့တောင်အာရှ နိုင်ငံ တွေထဲမှာ အဆင်းရဲဆုံးနိုင်ငံဖြစ်နေတာရယ်၊ အဲဒီဆင်းရဲမှုကနေ လွတ်မြောက်ချင်တာရယ်တွေကြောင့်လို့ ဆိုပါတယ်။
အမေရိကန်နိုင်ငံခြားရေး ၀န်ကြီးဌာနရဲ့ ပြီးခဲ့တဲ့နှစ် အစီရင်ခံစာမှာတော့“မြန်မာ အမျိုးသမီးတွေဟာ ကိုယ့်ကိုယ်ကိုယ် ဇနီးအဖြစ် တရုတ်တွေဆီ ရောင်းစားဖို့ ပွဲစားဆီက တဆင့် ဆက်သွယ်ကြတယ်”လို့ ဆိုပါတယ်။
နောက်တချက်ကလည်း အလုပ်အကိုင်ရဖို့ တရုတ်ပြည်ထဲသွားရောက်ကြရာက ဇနီးမယားအဖြစ် တွန်းပို့ ခံရတာတွေလည်း ရှိတယ်လို့ ဆိုပါတယ်။
“ကချင် အမျိုးသမီးတွေ တရုတ်မှာ အလုပ်လုပ်ဖို့ သွားတယ်။ အဲဒီမှာ သတို့သမီး အဖြစ် အတင်းအကျပ် တွန်းအပို့ ခံရပြီး ဇနီးမယားဖြစ်သွားရတာတွေ ရှိတယ်”လို့ KWAT ရဲ့ ၂၀၀၈ အစီရင်ခံစာမှာ ဖော်ပြထားပါတယ်။
“ပွင့်လင်း မြင်သာမှု နည်းပါးခြင်း”
မြန်မာ အမျိုးသမီးတွေ တရုတ်ပြည်မှာ တနှစ်အတွင်း ဘယ်လောက် လူကုန်ကူးခံနေရတယ် ဆိုတာ အတိအကျ မသိနိုင်ပါဘူး။
ပြီးခဲ့တဲ့နှစ် အမေရိကန် အစီရင်ခံစာ တခုမှာတော့ ၂၀၁၀ ပြည့်နှစ်အတွင်း မြန်မာအစိုးရဟာ လူကုန်ကူးမှု ဆိုင်ရာ အမှုပေါင်း ၁၇၃ မှု ကိုစစ်ဆေးခဲ့ပြီး ပြစ်မှုကျူးလွန်သူ ၂၃၄ ဦးကို ပြစ်ဒဏ်များ ချမှတ်ခဲ့ကြောင်း ဖော်ပြထားပါတယ်။
ဒါပေမယ့် မြန်မာအစိုးရအဖွဲ့မှာ အရည်အသွေးပြည့်ဝပြီး လေ့ကျင့်မှုပြည့်ဝတဲ့ ရဲအဖွဲ့ဖြစ်ဖို့၊ လုပ်ငန်းတာဝန် ထမ်းဆောင်ရာမှာ ပွင့် လင်းမြင်သာမှုတွေ ရှိဖို့ စတာတွေ လိုအပ်နေသေးတယ်လို့ အစီရင်ခံစာမှာ ပါရှိပါတယ်။
မွန်းနေလီက မြန်မာအမျိုးသမီးတွေ လူကုန်ကူးခံရနှုန်းတိုးလာတာရဲ့ အကြောင်းရင်းထဲမှာ အစိုးရနဲ့ တိုင်းရင်းသား လက်နက်ကိုင် ပဋိပက္ခ အရေး အခင်းတွေလည်း ပါဝင်တယ်လို့ ပြောပါတယ်။
ယင်းကိစ္စနဲ့ ပတ်သက်ပြီး ၂၀၀၉ ခုနှစ်က တရုတ်-မြန်မာ နားလည်မှု စာချွန်လွှာ လက်မှတ်ရေးထိုးခဲ့သော်လည်း ငွေကြေးနဲ့ ဥပဒေ အရ အထောက်အပံ့ ပေးမှုတွေ လိုအပ်နေဆဲဖြစ်တယ်လို့ သူက ဆက်လက်ပြောဆိုပါတယ်။
၂၀၀၉ ခုနှစ်မှာပဲ တရုတ် ပြည်သူ့ လုံခြုံရေးဝန်ကြီးဌာနက ယူနန်ပြည်နယ်မှာ အမျိုးသမီးနဲ့ ကလေးငယ်တွေ လူကုန်ကူးခံရတာတွေ တားဆီးဖို့ အထူးရုံးခန်း ဖွင့်လှစ်ခဲ့ပေမယ့် ဒီလို ဆောင်ရွက်ပေးတာဟာ လုံလောက်တဲ့ ဆောင်ရွက်မှု မဟုတ်သေးဘူးလို့ KWAT က ဆိုပါတယ်။
ကချင် လှုပ်ရှားမှု အဖွဲ့အစည်းတွေရဲ့ ညှိနှိုင်းဆောင်ရွက်ရေး တာဝန်ခံ နောင်လတ် ကတော့ တရုတ်အစိုးရက အခုလို အပြစ်ပေး အရေးယူမှုတွေ လုပ်လာတာဟာ ကောင်းမွန် လာတဲ့ အခြေအနေတရပ် ဖြစ်တယ်လို့ ပြောပါတယ်။
ဒါပေမယ့် တကယ့်အဖြစ်မှန် တွန်းပို့ခံရတာတွေကို အရေးယူတာ ဖြစ်ဖို့ လိုအပ်သလို အကျင့်ပျက်ခြစား တာတွေနဲ့လည်း ဆက်စပ်နေကြောင်း သူက ပြောပါတယ်။
“မြန်မာအစိုးရအနေနဲ့ အရေးတကြီး လိုအပ်နေတာက လူကုန်ကူးမှုတွေနဲ့ ပတ်သက်ပြီး လူထုအတွင်း ကျယ်ကျယ်ပြန့်ပြန့် သိမြင် လာအောင် လုပ်ဆောင်ဖို့၊ အထောက်အပံ့တွေ ပေးဖို့၊ လူကုန်ကူးခံရတဲ့ အမျိုးသမီးကြီးတွေနဲ့ ကလေးငယ်တွေကို အထောက် အပံ့တွေ ပေးအပ်ဖို့ပါပဲ”လို့လည်း နောင်လတ်က ဆက်လက်ပြောဆို သွားပါတယ်။ ။
Ref: ဧရာဝတီ
Friday, December 21, 2012
တရုတ် လိုအပ်ချက်၊ အင်တာနက် ဈေးကွက်နဲ့ မြန်မာ သတို့သမီးများ
အိန္ဒိယရောက် သမ္မတဦးသိန်းစိန်ကို ဆန္ဒပြ
မဆုမွန်
20.12.2012
မြန်မာသမ္မတဦးသိန်းစိန်ဟာ ဒီကနေ့မနက်မှာပဲ အိန္ဒိယနိုင်ငံ နယူးဒေလီမြို့မှာ ကျင်းပမယ့် အကြိမ် ၂၀မြောက် အာဆီယံ-အိန္ဒိယ ထိပ်သီး အစည်းအဝေးကို တက်ရောက်ဖို့ ရောက်ရှိလာပြီဖြစ်ပါတယ်။ ဒီလို အိန္ဒိယနိုင်ငံကို သမ္မတဦးသိန်းစိန် လာရောက်တဲ့ အချိန်မှာပဲ အိန္ဒိယရောက် မြန်မာ့ ဒီမိုကရေစီရေး လူပ်ရှားသူတွေက ထိုင်သပိတ် ဆန္ဒပြနေကြပါတယ်။ ဆန္ဒပြသူတွေက ဘာအချက်တွေကို အဓိကထား တောင်းဆို ဆန္ဒပြနေကြပါသလဲ ဆိုတာ ဆက်သွယ်စုံစမ်းထားတဲ့ မဆုမွန်က တင်ပြပေးထားပါတယ်။
ဒီဇင်ဘာလ ၂၀ရက်နေ့မှာပဲ မြန်မာသမ္မတဦးသိန်းစိန်ဟာ အာဆီယံထိပ်သီး နိုင်ငံ့ခေါင်းဆောင်တွေ ပါဝင်ဆွေးနွေး ကြမယ့် အကြိမ် ၂၀ မြောက် အာဆီယံ-အိန္ဒိယ ထိပ်သီး အစည်းအဝေးကို တက်ရောက်ဖို့ အိန္ဒိယနိုင်ငံ နယူးဒေလီ မြို့တော်ကို ရောက်ရှိနေပြီဖြစ်ပါတယ်။ သမ္မတ ဦးသိန်းစိန်နဲ့အတူ နိုင်ငံခြားရေးရာဝန်ကြီးဌာန၊ စွမ်းအင်ဝန်ကြီးဌာန၊ စက်မှုဝန်ကြီးဌာန ကျမ်းမာရေး ဝန်ကြီးဌာနနဲ့ ယဉ်ကျေးမှု ဝန်ကြီးဌာနက ပြည်ထောင်စုဝန်ကြီးတွေ လိုက်ပါသွားကြတယ် ဆိုတာကို နိုင်ငံတော်သမ္မတရုံးက သတင်းထုတ်ပြန်ခဲ့ပါတယ်။
“ကျနော်တို့က ထွက်တာပဲပြောလို့ရတယ်။ သတင်းက ကျန်တာတော့ ပြောလို့မရဘူး။ ကျနော်တို့ဝဘ်ဆိုဒ်မှာ အခုတင်ဖို့ လုပ်တယ်။ တင်လိုက်တယ်။ အဲ့မှာပဲ သွားဖတ်လိုက်ပါနော်။”
ဒါကတော့ သမ္မတ ဦးသိန်းစိန်ရဲ့ အိန္ဒိယနိုင်ငံခရီးစဉ် သတင်း ထုတ်ပြန်ချက်နဲ့ ပတ်သက်ပြီးတော့ သမ္မတရုံး ညွန်ကြားရေးမှူး ဦးဇော်ဌေးပြောပြ ခဲ့တာပါ။ မြန်မာသမ္မတဦးသိန်းစိန်ရဲ့ ဒီခရီးစဉ်ဟာ သမ္မတသက်တမ်းအတွင်း အိန္ဒိယကို သွားရောက်တဲ့ ဒုတိယ အကြိမ်မြောက် ခရီးစဉ်လည်းဖြစ်ပါတယ်။
အခုလိုမျိုး အိန္ဒိယနိုင်ငံကို သမ္မတဦးသိန်းစိန် သွားရောက်နေတဲ့ အချိန်မှာ လက်ရှိပြုပြင်ပြောင်းလဲရေးတွေ လုပ်ဆောင်နေပါတယ် ဆိုတဲ့ အရပ်သား အစိုးရ လက်ထက် တိုင်းရင်းသားဒေသတွေမှာ စစ်ဖြစ်ပွားနေတဲ့ အခြေအနေတွေ၊ နောက် လူ့အခွင့်အရေး ချိုးဖောက် ခံနေရမှုတွေနဲ့ လက်ပံတောင်းတောင် အရေး ငြိမ်းချမ်းစွာ ဆန္ဒပြနေတဲ့ သံဃာတော်တွေကို အကြမ်းဖက် ဖြိုခွင်းမှုတွေနဲ့ ပတ်သက်ပြီးတော့ ဆန့်ကျင် ကန့်ကွက်တဲ့ အနေနဲ့ အိန္ဒိယနိုင်ငံက မြန်မာ့ဒီမိုကရေစီရေး လူပ်ရှားသူတွေက ထိုင်သပိတ်စခန်း ဖွင့်ပြီး ဆန္ဒပြနေကြတာဖြစ်ပါတယ်။ ဒီဇင်ဘာလ ၂၀ရက်နေ့ဟာ ငါးရက်တာ ထိုင်သပိတ်ဆင်နွှဲတာ စတုတ္တမြောက် နေ့ဖြစ်ပါတယ်လို့ ဆန္ဒပြပွဲ ဦးဆောင်သူ မြန်မာနိုင်ငံလုံး ဆိုင်ရာ ကျောင်းသားများအဖွဲ့ချုပ်က ဦးကျော်သန်းက ဗွီအိုအေမြန်မာပိုင်းကိုပြောပါတယ်။
“ကျနော်တို့ ထိုင်သပိတ်ပြုလုပ်ရတဲ့ အကြောင်းအရင်းတွေထဲမှာ ရေရှည်အားဖြင့် ကျနော်တို့ သဘာဝရေမြေ တောတောင်တွေကို အရင်းတည်တဲ့ နိုင်ငံခြား ရင်းနှီးမြုတ်နှံမှုတွေနဲ့ ပတ်သက်လို့ ဒါလူထုကို အပြည့်အဝ သတိပေးရမယ်။ ဒီဟာတွေတင် မဟုတ်ဘူး။ လက်ပံတောင်းတောင် ကိစ္စ တစ်ခုတည်းတင် မဟုတ်ဘူး။ ကျန်တဲ့နေရာတွေကို ကုမ္ပဏီတွေက သိမ်းပြီး လုပ်နေတဲ့ စီမံချက်တွေရော၊ နောက်တစ်ခုဗျာ ကျနော်တို့ ဘာမှရေရေရာရာ မသိရသေးဘဲ၊ လက်ပံတောင်းတောင် ကိစ္စထက်၊ မြစ်ဆုံ ကိစ္စထက် သိပ်စိုးရိမ်စရာ၊ သိပ်ကြောက်စရာကောင်းတဲ့ ကိစ္စ နောက်ထပ် Project လည်းရှိသေးတယ်။ ကျောက်ဖြူ ဆိပ်ကမ်း ဓာတ်ငွေ့ပိုက်လိုင်း စီမံချက်ဆိုတာ ဒီလိုဟာမျိုး အများကြီး ရှိသေးတယ်။ ဒါကြောင့် ကျနော်တို့ပြောနေတာက ဒီတိုင်းပြည်ထဲမှာ နိုင်ငံခြားနဲ့ ဖက်စပ်လုပ်တဲ့ စီးပွားရေး လုပ်ငန်းတွေ အားလုံးကို လူကြားထဲမှာ ထင်ထင်ရှားရှား၊ ပွင့်ပွင့်လင်းလင်း ထုတ်ပြဖို့ လိုတယ်လို့ ကျနော်တို့ပြောနေတာဖြစ်တယ်။”
ဆန္ဒပြသူတွေရဲ့ အဓိကတောင်းဆိုချက်တွေကတော့ လက်ပံတောင်းတောင်အရေးမှာ သံဃာတော်တွေကို အကြမ်းဖက်နှိမ်နှင်း မှုမှာ သမ္မတ ဦးသိန်းစိန် ကိုယ်တိုင် တောင်းပန်သင့်တဲ့ အကြောင်းနဲ့ နောက်ပြီးတော့ ဒေသခံပြည်သူတွေ နစ်နာ ဆုံးရုံးမှုတွေကို အဓိကထား ထည့်သွင်း စဉ်းစားပေးသင့်တယ် ဆိုတာကို တောင်းဆို ထားတယ်လို့ ဦးကျော်သန်းက ပြောပါတယ်။
“အဓိကအားဖြင့်တော့ လက်ပံတောင်းတောင်မှာဖြစ်ခဲ့တဲ့ကိစ္စတွေနဲ့ပတ်သက်လို့ အစိုးရရဲ့ ကိုင်တွယ်ပုံတွေက မတရား သလို၊ သူတို့ လုပ်နေတဲ့ဟာတွေကလည်း မရိုးသားဘူးလို့ ကျနော်တို့က ပြောချင်တာပဲ။ သာမန်ငြိမ်းငြိမ်း ချမ်းချမ်းနဲ့ ဆန္ဒပြနေတဲ့ သံဃာတော်တွေ၊ နောက် အိပ်စက်အနားယူနေတဲ့ အချိန်ကို ရွေးပြီးတော့ ဒီလို မီးလောင်ဗုံးတွေနဲ့ ပစ်တယ်တို့ ဘာတို့ဆိုတာက အင်မတန် ရိုင်းစိုင်း ကြမ်းတမ်းတဲ့ အပြုအမူလို့ ကျနော်တို့ကမြင်တယ်။ ဘယ်လိုလူမျိုး အပေါ်မှာပဲဖြစ်ဖြစ်၊ ဘယ်လို အနေအထားမှာပဲဖြစ်ဖြစ် မလုပ်သင့်တဲ့ အလုပ်လို့ ကျနော်တို့မြင်တယ်။ ဒါလူသားတရပ်လုံး အပေါ်မှာ လုပ်တဲ့ ရာဇဝတ်မှုလို့ ကျနော်တို့ ဆုံးဖြတ်တယ်။ ဒါကို နိုင်ငံတကာမှာ ဖော်ထုတ်ပြနိုင်ဖို့ ကျနော်တို့ ထိုင်သပိတ်ကို လုပ်တာဖြစ်တယ်။”
အခုလိုလက်ပံတောင်းအရေးစုံစမ်းစစ်ဆေးမှုတွေကို သမ္မတအနေနဲ့ -ဒေါ်အောင်ဆန်းစုကြည် ဦးဆောင်တဲ့ စုံစမ်း စစ်ဆေးရေး ကော်မရှင် ဖွဲ့ပြီး စစ်ဆေးပေးနေပေမယ့် ကော်မရှင်ရဲ့ ထုတ်ပြန်ချက်တွေ အပေါ်မှာ ကျေနပ်အားရမှု မရှိဘူးလို့လည်း ဦးကျော်သန်းက ဆက်ပြောပါတယ်။
“သိသိသာသာ ရှင်းရှင်းလင်းလင်းမရှိဘူး။ လူထုကျေနပ်လောက်တဲ့ အဖြေပါမလာဘူးဆိုတဲ့ သူများတွေ ဝေဖန်တဲ့ ကိစ္စ အပေါ်မှာ ကျနော်ကတော့ သဘောတူတယ်။ ဒီအတိုင်းပဲ ကျနော်တို့လည်း ဒီလိုပဲ ဆုံးဖြတ်တယ်။ ဒီလိုပဲ မြင်တယ်။ တကယ် လက်တွေ့ ကျတဲ့ ဖော်ထုတ်မှုတွေ ရှိဖို့ လိုတယ်။ အဲ့ဒီ့တော့ ဒေါ်အောင်ဆန်းစုကြည် အနေနဲ့လည်း စစ်အာဏာရှင်တွေ၊ စစ်အုပ်စုတွေ ဘက်က တိုင်းပြည်လုံးနဲ့ ဆိုင်တဲ့ကိစ္စ ဘိုးဘွား အမွေတွေကို ချရောင်းတဲ့ကိစ္စမှာ တိုင်းသူပြည်သားတွေ သိသင့်တယ် ဆိုတဲ့ အချက်တွေ သူတို့ ဖွင့်ပြဖို့လိုတယ်။ ဒေါ်စုအနေနဲ့လည်း အဲ့ဒီ့ဗိုလ်ချုပ်တွေကို တိုက်တွန်းဖို့လိုတယ်လို့ ကျနော်တို့ကတော့မြင်တယ်။”
မြန်မာနိုင်ငံတွင်းမှာ လက်ပံတောင်းတောင်အရေးလို နိုင်ငံခြားရင်းနှီးမြုတ်နှံမှု စီမံကိန်းတွေ အပါအဝင် နိုင်ငံတွင်းမှာ ဒေသခံပြည်သူတွေနဲ့ ရင်းနှီးမြုတ်နှံသူတွေကြား မကျေနပ်မှု ပဋိပက္ခတွေဖြစ်လာနိုင်တဲ့ အပေါ် အာဆီယံ ထိပ်သီးခေါင်းဆောင်တွေ အနေနဲ့ ထည့်သွင်း စဉ်းစားနိုင်အောင် အတွက် ဒီထိုင်သပိတ်က အဓိကရည်ရွယ်ပြီး လုပ်ဆောင်တာဖြစ်ပါတယ်လို့ ဦးဆောင် စီစဉ်သူ ဦးကျော်သန်းကပြောပါတယ်။
ထိုင်သပိတ်ငါးရက်တာ အဆုံးသတ်ပြီး ဒီဇင်ဘာလ ၂၁ရက်နေ့မှာတော့ အာဆီယံ- အိန္ဒိယ ထိပ်သီး အစည်းအဝေး ကျင်းပတဲ့ နေရာ အနီးနား အထိ ချီတက် ဆန္ဒပြမှုပြုလုပ်ကြမယ်လို့ သိရပါတယ်။ အခုအချိန်မှာတော့ အိန္ဒိယနိုင်ငံအတွင်းမှာ အာဆီယံ ထိပ်သီး အစည်းအဝေး ကျင်းပနေတာက တကြောင်း၊ နောက်ပြီးတော့ အိန္ဒိယမှာ အကြမ်းဖက် တိုက်ခိုက်မှုတွေဖြစ်ပွားမှာ စိုးတဲ့ အတွက်လည်း လုံခြုံရေးကို တင်းတင်းကျပ်ကျပ် ချထားတယ်လို့လည်း သိရပါတယ်။
Ref: VOA News
ABSDF ခေါင်းဆောင်တွေနဲ့ တိုင်းရင်းသားခေါင်းဆောင်တွေ ဆွေးနွေး
2012-12-20
မြန်မာနိုင်ငံလုံးဆိုင်ရာ ကျောင်းသား များ ဒီမိုကရက်တစ်တပ်ဦး (ABSDF) ခေါင်းဆောင်တွေဟာ ဒီကနေ့ ဒီဇင်ဘာလ ၂၀ ရက်နေ့က UNA ခေါ် ညီညွတ်သော တိုင်းရင်းသား လူမျိုးများ မဟာမိတ်အဖွဲ့က ခေါင်းဆောင်တွေနဲ့ တွေ့ဆုံဆွေးနွေး ခဲ့ပါတယ်။
မြန်မာနိုင်ငံကို ခေတ္တ အလည်ရောက်ရှိနေတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဥက္ကဌ ဦးသံခဲ ဦးဆောင်တဲ့ အဖွဲ့ဟာ ညီညွတ်သော တိုင်းရင်းသား လူမျိုးများ မဟာမိတ်အဖွဲ့ UNA မှ တာဝန်ရှိသူတွေနဲ့ ရန်ကုန်မြို့ မရမ်းကုန်းမြို့နယ် ၉ မိုင်မှာရှိ ရှမ်းတိုင်းရင်းသားများ ဒီမိုကရေစီ အဖွဲ့ချုပ် ဥက္ကဌ ဦးခွန်ထွန်းဦး နေအိမ်မှာ တွေ့ဆုံခဲ့ပြီး လက်ရှိ မြန်မာ့နိုင်ငံရေး အခြေနေတွေကို အပြန်လှန် ဆွေးနွေးခဲ့ကြတာပါ။
တကယ်လို့ ၈၈ မျိုးဆက်ကျောင်းသားများ အဖွဲ့နဲ့ ABSDF တို့ ပူးတွဲကျင်းပဖို့ ပြောဆိုနေတဲ့ ပါတီပေါင်းစုံ ညီလာခံ တခုဖြစ်လာရင် UNA အနေနဲ့လည်း အဖွဲ့ဝင် ပါတီတွေရဲ့ သဘောထားကို ရယူပြီး တက်ရောက်သင့် မသင့် ဆုံးဖြတ်သွားမယ်လို့ UNA ဥက္ကဌ ဦးခွန်ထွန်းဦးက RFA ကို ပြောပါတယ်။
ABSDF ခေါင်းဆောင်တွေနဲ့ ၈၈မျိုးဆက်ကျောင်းသားများ အဖွဲ့ ခေါင်းဆောင်တွေ မနေ့က တွေ့ဆုံဆွေးနွေးစဉ်က အင်အားစုပေါင်းစုံ ပါဝင်တဲ့ ညီလာခံ တစ်ရပ်ကို လာမယ့် ၂၀၁၄ ခုနှစ် နောက်ဆုံးထား ကျင်းပနိုင်အောင် ပူးပေါင်းကြိုးစားကြဖို့ သဘောတူခဲ့ကြတာပါ။
ဒါပေမယ့် အဲဒီအချိန်ဟာ ၂၀၁၅ ရွေးကောက်ပွဲ အချိန်နဲ့ အလွန်နီးကပ်နေတဲ့ အတွက် တိုင်းရင်းသား အင်အားစုတွေ၊ ဒီမိုကရေစီ အင်အားစုတွေ အတွက် အဆင်ပြေမှာ မဟုတ်ဘူးလို့ ဦးခွန်ထွန်းဦးက ပြောပါတယ်။
ဒီကနေ့ ကျင်းပတဲ့ ဆွေးနွေးပွဲကို ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ၊ ဇိုမီးဒီမိုကရေစီ အဖွဲ့ချုပ်၊ ရခိုင် ဒီမိုကရေစီ အဖွဲ့ချုပ်၊ မွန် ဒီမိုကရေစီ ပါတီ၊ ရှမ်းပြည်ကိုးကန့် ဒီမိုကရက်တစ် ပါတီ အစရှိတဲ့ UNA အဖွဲ့ဝင်တိုင်းရင်းသား ပါတီတွေက တာဝန်ရှိသူတွေ တက်ရောက် ခဲ့ကြပါတယ်။
Ref: RFA News
အလှူငွေပေးအပ်သူတစ်ဦး ထောင်ဒဏ် ၁ နှစ် ချမှတ်ခံရ
2012-12-20
ရခိုင်ပြည်နယ်၊ ရမ်းဗြဲမြို့က ဦးမောင်လှသွယ် ဆိုသူကို မနေ့က ရမ်းဗြဲမြို့နယ် တရားရုံးက ထောင်ဒဏ် ၁ နှစ် အမိန့် ချပြီး ကျောက်ဖြူ အကျဉ်းထောင်ကို ပို့လိုက်တယ်လို့ သိရပါတယ်။
အာဏာပိုင်တွေ ပစ်ခတ်မှုကြောင့် အောက်တိုဘာလက သေဆုံးသွားတဲ့ ဦးဟန်ရွှေဆိုသူရဲ့ ကျန်ရစ်သူ မိသားစုတွေကို အလှူငွေပေးအပ်ဖို့ သွားသူ ဦးမောင်လှသွယ် ကို အာဏာပိုင်တွေက ဒီဇင်ဘာလ ၁၈ ရက်နေ့ မနက်ပိုင်းက ဖမ်းဆီးပြီး ပုဒ်မ-၅၀၅(ခ) ဆူပူအောင်လှုံ့ဆော်မှုနဲ့ အမှုစွဲတင်ပြီး ရမ်းဗြဲမြို့နယ် တရားရုံးမှာ ရုံးတင်စစ်ဆေးခဲ့ပါတယ်။ ဦးမောင်လှသွယ် ကို တရားရုံးမှာ မနေ့က သူတို့ တွေ့ခွင့်မရခဲ့ဖူးလို့ မိသားစုဝင်တစ်ဦးက ပြောပါတယ်။
တရားရုံးမှာ စွပ်စွဲချက်တွေကို ခုခံချေပဖို့အတွက် ဦးမောင်လှသွယ် ကို အာဏာပိုင်တွေက ရှေ့နေငှားရမ်းခွင့် မပေးခဲ့ဘူး လို့လည်း မိသားစုဝင်တွေက ပြောပါတယ်။
ချောင်းဝကျေးရွာအုပ်စု ရေမျက်ဝကျေးရွာမှာရှိတဲ့ သေဆုံးသူ ဦးဟန်ရွှေရဲ့ကျန်ရစ်သူ မိသားစု အတွက် စေတနာရှင်တွေနဲ့ လူမှုအဖွဲ့အစည်း တစ်ချို့က စုပေါင်းလှူဒါန်းတဲ့ ငွေ ၈ သိန်းကို ရမ်းဗြဲမြို့မှာနေထိုင်တဲ့ ဦးမောင်လှသွယ် က သူတို့ကိုယ်စား သွားရောက်ပေးအပ် ရာမှာ အာဏာပိုင်တွေက လမ်းမှာဖမ်းဆီးပြီး အမှုစွဲတင်ခဲ့တာဖြစ်ပါတယ်။
ဦးဟန်ရွှေဟာ ပြီးခဲ့တဲ့ အောက်တိုဘာလ ၂၉ ရက်နေ့က ရခိုင်ပြည်နယ် ရမ်းဗြဲမြို့နယ် ကျောက်နီမော် ကျေးရွာမှာ ဆူပူမှုတွေ အတွင်း အာဏာပိုင်တွေရဲ့ ပစ်ခတ်မှုကြောင့် သေဆုံးသွားခဲ့သူဖြစ်ပါတယ်။
Ref: RFA News
ဆေးကုသမှုခံယူနေတဲ့ ဆရာတော်ကို ၈၈ မျိုးဆက်ကျောင်းသားခေါင်းဆောင် သွားရောက် အားပေး
2012-12-20
၈၈ မျိုးဆက်ကျောင်းသားခေါင်းဆောင် တစ်ဦးဖြစ်သူ ကိုကိုကြီးဟာ ဒီဇင်ဘာလ ၂၀ ရက်နေ့ ဒီကနေ့ ဘန်ကောက်မြို့ကို ရောက်ရှိပြီး လက်ပန်းတောင်းတောင် သပိတ်စခန်းမှာ ဒဏ်ရာ အပြင်းအထန် ရရှိပြီး ဘန်ကောက်မြို့၊ ဘန်ကောက် ဆေးရုံကြီးမှာ ဆေးဝါး ကုသ ခံနေတဲ့ ဆရာတော် ဦးတိက္ခဥာဏကို သွားရောက်ဖူးတွေ့ အားပေး ခဲ့ပါတယ်။
သူဟာ (၈၈) မျိုးဆက်ကျောင်းသားတွေကိုယ်စား ဆေးကုသနေတဲ့ ဆရာတော် ဦးတိက္ခဥာဏကို အလှူငွေ ဘတ်တစ်သောင်းလည်း လှူဒါန်း ခဲ့ပါတယ်။
ဆရာတော် ဦးတိက္ခဥာဏဟာ ဒီဇင်ဘာ(၁၃)ရက်ညမှာ ဘန်ကောက်ဆေးရုံရောက်ရှိခဲ့ပြီး မီးလောင်ဗုံး ဒါဏ်ရာတွေကို ကုသမှု ခံယူနေရတာပါ။
ဆရာတော်ဦးတိက္ခဥာဏရဲ့ ဆေးဝါးကုသစားရိတ်ဟာ (၂)ရက်ထဲမှာတင် ဘတ်(၁)သန်း(၃)သောင်းကျော် ကုန်ကျ တယ်လို့ မိသားစု ဝင်တွေက RFA ကို ပြောပါတယ်။
ဆရာတော်နဲ့ အခြားဒဏ်ရာရ သံဃာတော်တွေ ဆေးဝါးဆက်လက် ကုသနိုင်ဖို့အတွက်လည်း ဘန်ကောက်မြို့မှာ ခေတ္တ သီတင်းသုံးနေတဲ့ ရွှေညဝါ ဆရာတော်နဲ့ ဦးတိက္ခဥာဏ မိသားစုဝင်တွေနဲ့လည်း ဆွေးနွေးခဲ့တယ်လို့လည်း ဦးကိုကိုကြီးက ပြောပါတယ်။
ကိုကိုကြီးဟာ မနက်ဖြန် ဒီဇင်ဘာလ ၂၁ ရက်နေ့မှာ ထိုင်း-မြန်မာနယ်စပ် မဲဆောက်ကိုသွားပြီး မယ်တော်ဆေးခန်း၊ AAPP နိုင်ငံရေး အကျဉ်းသားများ ကူညီစောင့်ရှောက်ရေး အသင်း စတဲ့ အဖွဲ့အစည်းတွေကို သွားရောက်လေ့လာ မယ်လို့လည်း ပြောပါတယ်။
Ref: RFA News
သုံးနိုင်ငံလမ်းမကြီး အမြန်ပြီးရန် အိန္ဒိယ ဝန်ကြီးချုပ် နှိုးဆော်
ကြာသပတေးနေ့၊ ဒီဇင်ဘာလ ၂၀ ရက် ၂၀၁၂
နယူးဒေလီ (မဇ္ဈိမ) ။ ။ အိန္ဒိယ-မြန်မာ-ထိုင်း သုံးနိုင်ငံ အဝေးပြေးလမ်းမကြီး အမြန်ပြီးစီးရေး အတွက် အိန္ဒိယ ဝန်ကြီးချုပ် ဒေါက်တာ မန်မိုဟန်ဆင်း Dr. Manmohan Singh က ကြာသပတေးနေ့တွင် ထပ်လောင်း နှိုးဆော် လိုက်သည်။
နယူးဒေလီမြို့တွင် ကျင်းပနေသည့် အိန္ဒိယနှင့် အာဆီယံ ၁ဝ နိုင်ငံ ခေါင်းဆောင်များ ထိပ်သီး အစည်းအဝေး တွင် ထိုသို့ ထည့်သွင်းပြောဆို သွားခြင်းဖြစ်သည်။
“ကျွန်ုပ်တို့အနေနှင့် အိန္ဒိယ-မြန်မာ-ထိုင်း သုံးနိုင်ငံ အဝေးပြေးလမ်းမကြီး အမြန် အကောင်အထည်ဖော် ပြီးစီးရေးနဲ့ လာအိုနဲ့ ကမ္ဘောဒီယား အထိ တိုးချဲ့ သွားဖို့ မြင့်မြင့်မားမား ဦးစားပေး ဆောင်ရွက်သွားဖို့ လိုပါတယ်” ဟု မန်မိုဟန်ဆင်း က ပြောသည်။
မြန်မာနိုင်ငံမှာ အာဆီယံနိုင်ငံများနှင့် တောင်အာရှ နိုင်ငံများအကြား ကုန်မြေ ဆက်သွယ် ပေါင်းကူးပေးသည့် ဂိတ်တံခါး မကြီးတခုလည်း ဖြစ်သည်။
ဒီဇင်ဘာလ ၂ဝ ရက်နေ့က စတင်ကျင်းပနေသည့် အကြိမ် ၂ဝ မြောက် အိန္ဒိယ-အာဆီယံ ဆွေးနွေးဖက် အဆင့်နှင့် ၁ဝ ကြိမ်မြောက် ထိပ်သီး အဆင့် အစည်းအဝေးတွင် မြန်မာ သမ္မတ ဦးသိန်းစိန် လည်း ပါဝင် တက်ရောက်နေသည်။
သုံးနိုင်ငံ အဝေးပြေးလမ်းမကြီးကို ၂ဝ၁၆ ခုနှစ်တွင် ပြီးစီးရေးအတွက် အိန္ဒိယ နိုင်ငံခြားရေးဝန်ကြီး ဆာလ်မန်း ခူရှီးဒ် မြန်မာနိုင်ငံသို့ မကြာမီက သွားရောက်ခဲ့စဉ် ဆွေးနွေးခဲ့သေးသည်။
၁၉၈၈ မိုင် ရှည်လျားသည့် ထိုလမ်းမကြီးတွင် အိန္ဒိယနိုင်ငံ၊ မဏိပူရပြည်နယ်၊ အင်ဖားမြို့မှ မန္တလေးမြို့ထိ မိုင် ၅ဝဝ ရှိသည်။
ထိုလမ်း ဖောက်လုပ်ရေး အတွက် ၂ဝဝ၂ ခုနှစ်ကတည်းက သုံးနိုင်ငံ သဘော တူခဲ့ကြခြင်းဖြစ်ပြီး မြန်မာနိုင်ငံ ပုဂံမြို့ ကိုလည်း ဖြတ်သန်းကာ ထိုင်းနယ်စပ် မြဝတီမြို့သို့ ပေါက်မည်ဖြစ်သည်။
ထိုလမ်းမကြီး အမြန်အကောင်အထည်ဖော်ရေးအတွက် သုံးနိုင်ငံ ခေါင်းဆောင်များ နယူးဒေလီတွင် သီးသန့်တွေ့ဆုံဖွယ် ရှိကြောင်းလည်း သတင်းများ ထွက်ပေါ်ထားသည်။
အိန္ဒိယနှင့် အာဆီယံနိုင်ငံများအကြား စီးပွားရေး ဆက်ဆံမှုများ ပိုမို အားကောင်းလာစေရေး အတွက် အခရာကျလှ သည့် ဝန်ဆောင်မှုနှင့် ရင်းနှီးမြှုပ်နှံမှုတွင် လွတ်လပ်သော ကုန်သွယ်ရေး သဘောတူညီမှု (FTA) တရပ်ကို အပြီးသတ် ဆွေးနွေးနိုင်ခဲ့ကြသည်။
လက်ရှိ အိန္ဒိယ-အာဆီယံ ကုန်သွယ်မှု ပမာဏမှာ အမေရိကန်ဒေါ်လာ ၈ဝ ဘီလီယံ ရှိနေသည်။
“ကျနော်တို့အနေနဲ့ လာမယ့် ၂ဝ၁၅ ခုနှစ်မှာ နှစ်ဖက် ကုန်သွယ်မှုကို ဒေါ်လာ ၁ဝဝ ဘီလီယံ ရောက်ဖို့ ရည်ရွယ်ထားပါ တယ်” ဟု အိန္ဒိယ ကုန်သွယ်ရေး ဝန်ကြီး အာနန်း ရှားမား Anand Sharma က ကုန်သွယ်ရေးဝန်ကြီးများ ပူးတွဲ သတင်းစာ ရှင်းလင်းပွဲတွင် ပြောဆိုလိုက်သည်။
အိန္ဒိယ၏ အရှေ့မျှော် မူဝါဒအရ အာဆီယံနိုင်ငံများနှင့် နိုင်ငံရေး၊ စီးပွားရေး၊ ကုန်သွယ်ရေးနှင့် လုံခြုံရေး ပူးပေါင်း ဆောင်ရွက် မှုများ ပိုမိုတိုးမြှင့်လာနေလျက် ရှိသည်ကိုလည်း အမေရိကန်နိုင်ငံက ကြိုဆိုကြောင်း သဘောထားများ ထုတ်ပြန်ထားသည်။
Ref: မဇ္ဈိမ
စစ်တပ်ကို မထိန်းချုပ်နိုင်ခြင်းသည် သမ္မတ ဦးသိန်းစိန်အတွက် ပထမဆုံး စိန်ခေါ်မှုဖြစ်
လင်းသန့်
December 20, 2012
ဒီမိုကရေစီစနစ် တည်ဆောက်နေဆဲ မြန်မာနိုင်ငံ၏ အနာဂတ်တွင် အဓိက စိန်ခေါ်မှုကြီး ၃ ခု ရှိပြီး သမ္မတ ဦးသိန်းစိန် အနေဖြင့် မြန်မာ့ တပ်မတော်ကို အပြည့်အ၀ ထိန်းချုပ်နိုင်မှု မရှိသေးခြင်းသည် ပထမဆုံးဖြစ်ကြောင်း အမေရိကန် ပြည်ထောင်စုမှ ၀ါရင့် နိုင်ငံရေးသိပ္ပံ ပညာရှင် ဒေါက်တာ မိုက်ကယ် ဂရင်းက ပြောဆိုလိုက်သည်။
“ဦးသိန်းစိန်က စစ်တပ်ကို အပြည့်အ၀ မထိန်းချုပ်နိုင်သေးဘူး။ မာရှယ်လော (စစ်အုပ်ချုပ်ရေး) ကြေညာနိုင်တဲ့ မဲပေးခွင့် ရှိတဲ့ အာဏာပိုင်တွေ ထဲမှာ သူက ဆန္ဒမဲ တ၀က်လောက်ပဲ ရနိုင်သေးတယ်။ အချိန်မရွေး လွှတ်တော်ကို ပိတ်ပစ်လို့ ရနေတယ်” ဟု ဒေါက်တာ မိုက်ကယ် ဂရင်းက Geogorgetown Journal နှင့် “မြန်မာနိုင်ငံရဲ့ အနာဂတ်” အမည်ရှိ တွေ့ဆုံမေးမြန်း ခန်းတွင် ပြောကြားထားသည်။
ဒေါက်တာ မိုက်ကယ် ဂရင်းကို သမ္မတ ဂျော့ဂ်ျ ဘွတ်ရှ် အစိုးရလက်ထက်က မြန်မာနိုင်ငံဆိုင်ရာ အထူး ကိုယ်စားလှယ် အဖြစ် ရာထား ခဲ့ဖူးပြီး ၀ါရင့် သံတမန်တဦးလည်းဖြစ်သလို နိုင်ငံတကာရေးရာတွင် နှံ့စပ်ကြွယ်ဝသူ တဦးလည်း ဖြစ်သည်။ သူသည် မကြာသေးခင်က မြန်မာနိုင်ငံသို့ သွားရောက်လေ့လာခဲ့ပြီး နိုင်ငံတကာ မဟာဗျူဟာ လေ့လာရေး စင်တာ (Center for Strategic and International Studies – CSIS) ၏ မြန်မာနိုင်ငံဆိုင်ရာ အစီရင်ခံစာ ကိုလည်း ပူးတွဲရေးသားခဲ့သူဖြစ်သည်။
အမေရိကန်ပြည်ထောင်စု၊ ဂျော့ခ်ျတောင်း တက္ကသိုလ် ပါမောက္ခဟောင်းလည်းဖြစ်၊ အမေရိကန် အမျိုးသား လုံခြုံရေး ကောင်စီ၏ ညွှန်ကြားရေးမှူး တဦးလည်းဖြစ်သူ ဒေါက်တာ မိုက်ကယ် ဂရင်းက ဒုတိယ အနေဖြင့် ကချင်၊ ကရင်ပြည်နယ်နှင့် တချို့ တိုင်းရင်းသားဒေသ များတွင် အပစ်အခတ် ရပ်စဲရေး သဘောတူညီမှုဖြစ်ပြီး ယခုအထိ ပီပြင်မှု အပြည့်အ၀ မရသေးသည့်အပြင် တချို့ဒေသများတွင် အချိန်မရွေး တိုက်ပွဲများ ဖြစ်လာနိုင်ဖွယ်ရှိကြောင်း၊ ထို့အပြင် တပ်မတော် အကျိုးစီးပွားများဖြစ်သော တိုင်းရင်းသားဒေသများရှိ ရေနံ၊ သစ်၊ စသည့် လုပ်ငန်းများနှင့် ပတ်သက်၍လည်း အတူမျှဝေရန် တပ်မတော် ဘက်က အဆင်သင့် မဖြစ်သေးခြင်းသည်လည်း စိန်ခေါ်မှုများ ဖြစ်ကြောင်း ပြောသည်။
မြန်မာနိုင်ငံတွင် တလျှောက်လုံး စီးပွားရေး စစ်စစ် ဆိုသည်မှာ မရှိခဲ့သေးကြောင်း၊ ကျွမ်းကျင်သူများ မရှိသေးခြင်းသည် တတိယ စိန်ခေါ်မှုကြီးဖြစ်ကြောင်း၊ မြန်မာနိုင်ငံ အပေါ် နိုင်ငံတကာနှင့် NGO များက အကူအညီပေးလိုပြီး အစိုးရဘက်ရော၊ ဒီမိုကရက်တစ် အတိုက်အခံ ဘက်တို့ကိုပါ ကဏ္ဍတိုင်းတွင် ကျွမ်းကျင်သူများ လေ့ကျင့်ပေးရန် ဆန္ဒရှိနေကြာင်း ဒေါက်တာ မိုက်ကယ် ဂရင်းက ဆိုသည်။
“သူတို့မှာ စီးပွားရေးဆိုင်ရာ စီမံကွပ်ကဲသူတွေလည်း မရှိဘူး။ စာရင်းဇယားတွေလည်း မရှိဘူး။ သူတို့မှာက နှစ်ပေါင်းများစွာ တလျှောက်လုံး တကယ့်စီးပွားရေး စစ်စစ်ဆိုတာ မရှိခဲ့ဘူး” ဟု ဒေါက်တာ မိုက်ကယ် ဂရင်းက မေးမြန်းခန်းတွင် ပြောထားသည်။
မြန်မာနိုင်ငံသည် ပထ၀ီ အနေအထားအရ တရုတ်၊ အန္ဒိယ၊ အာဆီယံတို့၏ လမ်းဆုံဖြစ်နေပြီး မဟာဗျူဟာမြောက် နိုင်ငံဖြစ်နေကြောင်း၊ မူးယစ်ဆေးဝါး၊ လူကုန်ကူးမှု၊ မြောက်ကိုရီးယားနှင့် လက်နက်ကုန်သွယ်မှုရှိခြင်း အစရှိသော ကိစ္စများ ဆယ်စုနှစ်နှင့်ချီပြီး ရှိခဲ့ကြောင်း ဒေါက်တာ မိုက်ကယ် ဂရင်းက ထောက်ပြသည်။
သို့သော် အပြုသဘောဆိုင်ရာ ခြေလှမ်းများအဖြစ် သမ္မတ ဦးသိန်းစိန် အစိုးရက မြောက်ကိုရီယားနှင့် လက်နက်ဆိုင်ရာ ဆက်ဆံမှုများ မလုပ်တော့ဟု ဆိုသည့် အမည်ခံ လက်နက် မပြန့်ပွားရေးဆိုင်ရာ IAEA (နိုင်ငံတကာ အဏုမြူစွမ်းအင် အေဂျင်စီ) ၏ စာချုပ်ကို လက်မှတ်ရေးထိုးခြင်း၊ နိုင်ငံရေး၊ စီးပွားရေး ပြုပြင်ပြောင်းလဲမှုများ လုပ်ဆောင်လာခဲ့ပြီး နိုင်ငံရေးအကျဉ်းသားများ လွှတ်ပေးခြင်း၊ စာနယ်ဇင်းလွတ်လပ်ခွင့်နှင့် လွတ်လပ်စွာ စုဝေးခြင်းဆိုင်ရာတို့ကို အတိုင်းအတာ တခုအထိခွင့်ပြုပေးခြင်း၊ ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီ အဖွဲ့ချုပ်နှင့် နိုင်ငံရေးပါတီများ ကြားဖြတ်ရွေးကောက်ပွဲတွင် ပါဝင်ခွင့်ရခြင်း၊ ပြန်လည် မှတ်ပုံတင်ခွင့်ပေးခြင်းများဖြင့် ပူးပေါင်းဆောင်ရွက်မှုများ ရှိခဲ့ကြောင်းလည်း သူက ပြောသည်။
ထို့အပြင် သူက သမ္မတ ဦးသိန်းစိန်ကို ရိုးသားသူ၊ ပြုပြင်ပြောင်းလဲရေးကို လုပ်ဆောင်နေသူ အဖြစ် မှတ်ချက်ပေး ပြောဆို ပြီး ဒေါ်အောင်ဆန်း စုကြည် သည် သမ္မတ ဦးသိန်းစိန်နှင့် ပြည်သူ့လွှတ်တော် ဥက္ကဋ္ဌ သူရ ဦးရွှေမန်းတို့ အကြား အာဏာလွန်ဆွဲပွဲကြားတွင် ခက်ခက်ခဲခဲ ထိန်းညှိလုပ်ဆောင်နေရသည်ဟု ယူဆကြောင်းလည်း သုံးသပ်ပြောဆိုထားသည်။
“ဦးသိန်းစိန်က သဘာဝ အရင်းအမြစ် လုပ်ငန်းတွေမှာ ပွင့်လင်းမြင်သာတဲ့ ရင်းနှီးမြှုပ်နှံမှုဆိုင်ရာ သဘော တူညီမှုတွေကို လက်မှတ်ရေးထိုး ခဲ့တယ်။ ပြီးတော့ အမျိုးသားပြန်လည်သင့်မြတ်ရေးကို ဆောင်ကျဉ်းဖို့ ဒေါ်အောင်ဆန်းစုကြည်နဲ့လည်း ရိုးရိုးသားသား လက်တွဲ လုပ်ဆောင်နေတယ်” ဟု သူက ပြောသည်။
၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးသည်လည်း ယခုအထိ ခက်ခဲနေသေးကြောင်း၊ လွတ်တော်တွင်း ၇၅ ရခိုင်နှုန်းဖြင့် ပြင်ဆင်ခွင့် ရပါကလည်း အဆိုပါ ပြင်ဆင်ခွင့်ကို အတည်ပြုနိုင်ရေး လူထုဆန္ဒခံယူပွဲက နောက်ထပ် တဆင့် ၇၅ ရာခိုင်နှုန်းဖြင့် အနိုင်ရပါမှ ဥပဒေပြင်ဆင်နိုင်မည် ဖြစ်ကြောင်း၊ သို့မဟုတ်ပါက ဒီမိုကရက်တစ်များ အာဏာမရနိုင်ကြောင်း၊ တဖက်တွင်လည်း စစ်ဘက်၊ အစိုးရဘက်နှင့် အတိုက်အခံဘက်တို့ အားလုံးက နောက်ကြောင်းပြန် မလှည့်လိုကြသည်ကို သိရကြောင်း ဒေါက်တာ မိုက်ကယ် ဂရင်းက ဆိုသည်။
သမ္မတ ဦးသိန်းစိန်က ပြုပြင်ပြောင်းလဲမှုများ လုပ်ဆောင်နေရာတွင် တရုတ်နိုင်ငံ၏သြဇာကို ထိန်းညှိရန် လုပ်ဆောင်နေခြင်း မဟုတ်ဘဲ မြန်မာပြည်သူ လူထု၏ ပြဿနာကို ဖြေရှင်းပေးနိုင်ရေး ကြိုးစားနေပြီး မြန်မာပြည်ကို ကောင်းစေရန် လုပ်ဆောင်နေသည် ဟုလည်း မြင်ကြောင်း သူက မှတ်ချက်ပေးသည်။
မြန်မာနိုင်ငံအပေါ် အမေရိကန် ပြည်ထောင်စု၏ ထိတွေ့ဆက်ဆံရေး မူဝါဒရေးရာနှင့် ပတ်သက်၍ ဒေါက်တာ မိုက်ကယ် ဂရင်းက တခုလုံး ခြုံကြည့်က အောင်မြင်သည်ဟု မှတ်ချက်ပေးသော်လည်း မှားယွင်းမှု ၃ ခု ရှိသည်ဟု ယူဆကြောင်း ပြောသည်။
အမေရိကန် အစိုးရအဖွဲ့သည် အပြောကောင်းစွာဖြင့် မြန်မာအစိုးရကို တခါတရံ အလွန်အကျွံ ဖက်လဲတကင်း လုပ်ဆောင်ခဲ့ပြီး ဒေါ်အောင်ဆန်းစုကြည် ကို အခိုင်အမာ အားပေးထောက်ခံနေသည့် အမေရိကန် လွှတ်တော်ကိုလည်း လျှော့တွက်ခဲ့ခြင်းသည် ပထမ မှားယွင်းမှုဖြစ်ကြောင်း ဒေါက်တာ မိုက်ကယ် ဂရင်းက ဝေဖန်သည်။
ဒုတိယ မှားယွင်းမှုမှာ တရုတ်နှင့် အင်အားချိန်ခွင်လျှာ ညှိလိုသည့်ဗျူဟာ တချိန်ကရှိခဲ့ပြီး တရုတ်၏ဖောက်သည် မြန်မာကို အမေရိကန်က လုယူ လိုခဲ့ခြင်းဖြစ်ကြောင်း၊ တတိယ မှားယွင်းချက်မှာ မြန်မာနိုင်ငံအပေါ် စီးပွားရေး ဒဏ်ခတ် ပိတ်ဆို့မှုများ ထဲမှ တော်တော်များများကို ချွင်းချက်တစုံတရာ မထားဘဲ ဖြေလျှော့ပေးခဲ့ခြင်း ဖြစ်ကြောင်း၊ ထိုကိစ္စတွင် အမေရိကန် လုပ်ငန်းရှင်များ မြန်မာနိုင်ငံတွင် ရင်းနှီးမြှုပ်နှံမှုရရေး တခုတည်းကိုသာ ကြည့်ပြီး နိုင်ငံရေး အကျဉ်းသား အားလုံး လွတ်မြောက်ရေး အပါအ၀င် မဖြေရှင်းရသေးသည့် ပြဿနာတို့တွင် အားနည်းခဲ့ကြောင်း ဝေဖန်ထောက်ပြသည်။
သို့သော် နိုဝင်ဘာလ ၁၉ ရက်နေ့က အမေရိကန် သမ္မတ အိုဘားမား၏ သမိုင်းဝင် မြန်မာခရီးစဉ်သည် အဆိုပါ မှားယွင်းချက် များကို ပြန်လည် ပြင်ဆင်နိုင်ခဲ့ပြီး နိုင်ငံရေးအကျဉ်းသား တချို့လွတ်လာခြင်း၊ တရုတ်ကိုလည်း သံသယ ကင်းရှင်း သွားစေခြင်း၊ မြန်မာအနေဖြင့် IAEA နှင့် နောက်ဆက်တွဲ သဘောတူစာချုပ် ချုပ်ဆိုနိုင်စေခဲ့ခြင်း စသည်တို့ဖြင့် မြန်မာနိုင်ငံဆိုင်ရာ အမေရိကန် ပြည်ထောင်စု၏ မူဝါဒကို ပြန်လည် ထိန်းညှိပေးနိုင်ခဲ့ကြောင်း သူက ပြောဆိုသွားသည်။
Ref: ဧရာဝတီ
အမေရိကန် စစ်တပ်က မြန်မာ စစ်အရာရှိများကို သင်တန်းပေးမည်
ရန်ပိုင်
December 20, 2012
မြန်မာတပ်မတော်အရာရှိများကို အမေရိကန်နိုင်ငံက တိုက်ခိုက်ရေးနှင့် မသက်ဆိုင်သည့် စစ်ဘက်ဆိုင်ရာ သင်တန်းများ စတင်ပေးတော့မည်ဟု ၀ါရှင်တန် အခြေစိုက် AFP သတင်းတွင် ယမန်နေ့က ရေးသားဖော်ပြ လိုက်သည်။
လက်ရှိဖြစ်ပေါ်နေသည့် မြန်မာ့ပြုပြင်ပြောင်းလဲမှု များကို အားပေးသည့် အနေဖြင့် နှစ်နိုင်ငံ စစ်ရေး ပူးပေါင်းဆောင်ရွက်ခြင်းဖြစ်ပြီး အဓိက အားဖြင့် လူသားချင်း စာနာမှုဆိုင်ရာ ကူညီကယ်ဆယ်ရေး၊ စစ်ဘက်ဆိုင်ရာ ဆေးဝါး ကုသရေးနှင့် ကာကွယ်ရေးကဏ္ဍ ဆိုင်ရာ ပြုပြင်ပြောင်းလဲမှုများကို ပို့ချမည်ဟု ပင်တဂွန် စစ်ဌာနချုပ်မှ အရာရှိတဦးကို ကိုးကားပြီး AFP သတင်းက ရေးသားထားသည်။
ပြီးခဲ့သည့် အောက်တိုဘာလတွင် ကျင်းပခဲ့သော အမေရိကန်-မြန်မာ လူ့အခွင့်အရေး စကားဝိုင်း (US-Burma Human Rights Dialogue) သို့ ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေး ဝန်ကြီး မိုက်ကယ် ပေါ့စနာ (Michael Posner) ဦးဆောင်သော အမေရိကန် ကိုယ်စားလှယ် အဖွဲ့တွင် အိမ်ဖြူတော် အမျိုးသား လုံခြုံရေးအဖွဲ့၊ ဒု သမ္မတရုံး၊ နိုင်ငံတော် လုံခြုံရေး ဝန်ကြီးဌာန၊ အမေရိကန် နိုင်ငံတကာ ဖွံ့ဖြိုးရေး အေဂျင်စီတို့နှင့်အတူ အမေရိကန် ကာကွယ်ရေး ဝန်ကြီးဌာနမှ ပစိဖိတ်ဒေသဆိုင်ရာ အမေရိကန် စစ်ဘက်အကြီးအကဲ ဒု ဗိုလ်ချုပ်ကြီး ဖရန်စစ် ဝီယာစင်ကီ (Francis Wiercinki) နှင့် အကြီးတန်း အရာရှိများ တွေ့ဆုံဆွေးနွေးပြီးနောက် ဤကဲ့သို့ စစ်ဘက်ဆိုင်ရာ ဆက်ဆံရေး လမ်းပွင့်လာခြင်း ဖြစ်သည်ဟု သိရသည်။
“အမေရိကန်-မြန်မာ စစ်တပ်ချင်း ဆက်ဆံရေးမှာ အခြေတည်စ အခြေအနေကိုပဲ ကျနော်တို့ အာရုံစိုက်တာပါ။ သတိ ရှိရှိနဲ့ စံညွှန်း အတိုင်းဖြစ်တဲ့၊ သင့်လျော်ပြီး ရည်မှန်းချက်ပြီးမြောက်တဲ့၊ သတ်မှတ်ဘောင်ရှိတဲ့ စစ်တပ်ချင်း ဆက်ဆံရေး မျိုးကို ယေဘုယျ အားဖြင့် ထောက်ပံ့ပေးနိုင်မယ့် အနေအထားမျိုးဟာ မြန်မာ တနိုင်ငံလုံးချီ ပြုပြင်ပြောင်းလဲမှု လုပ်ဆောင်ချက်တွေမှာ အကျိုး သက်ရောက်စေပါလိမ့်မယ်” ဟု ပင်တဂွန် စစ်ဌာနချုပ်မှ အရာရှိတဦးကို ကိုးကားပြီး AFP သတင်းက ရေးထားသည်။
လာမည့် ၂၀၁၂ ခုနှစ်တွင် ထိုင်းနိုင်ငံ၌ ပြုလုပ်မည့် ရွှေမြွေဟောက် (Cobra Gold) စစ်ရေး လေ့ကျင့်မှု တွင်လည်း လေ့လာသူ အဖြစ် လေ့လာသူအဖြစ် တက်ရောက်ရန် မြန်မာ တပ်မတော်ကို မကြာသေးမီက ဖိတ်ကြား ထားပြီးဖြစ်သည်။
သမ္မတ ဦးသိန်းစိန် အစိုးရသစ် တက်လာပြီးသည့်နောက် အမေရိကန်နိုင်ငံနှင့် ဆက်ဆံရေး ပိုမိုကောင်းမွန် လာရာ မကြာသေးမီက အမေရိကန် သမ္မတ ဘားရက် အိုဘားမာ လာရောက်လည်ပတ်သည့် အထိ နှစ်နိုင်ငံ ဆက်ဆံရေးကို တိုးမြှင့်နိုင်ခဲ့သည်။
မြန်မာတပ်မတော် ကာကွယ်ရေးဦးစီးချုပ် ဗိုလ်ချုပ်ကြီးဟောင်း သူရ ဦးတင်ဦးက “သင်တန်းက နိုင်ငံရေးဆိုင်ရာ ပို့ချမှု ပါမပါတော့ မသိဘူး။ လွတ်လပ်တဲ့နိုင်ငံ တပ်မတော်ချင်း ဆက်ဆံတာ အရမ်းကောင်းတဲ့ အစီအစဉ်ပါ၊ အပယ်ခံ ဖြစ်နေတာထက် စာရင် စွမ်းရည်ပြည့်ဝတဲ့ တပ်မတော်ဖြစ်လာမယ့်ဟာ ကောင်းတာပေါ့” ဟု ဆိုသည်။
သို့သော်လည်း မိမိတို့ တပ်မတော်အနေဖြင့် သင်ကြားသည့် ပညာရပ်သည် ပြည်သူလူထုကို အကျိူးပြုရန်သာဖြစ်ပြီး ဒုက္ခပေးရန် မဟုတ် ဆိုသည်ကိုလည်း မမေ့သင့်ကြောင်း ဦးတင်ဦးက ထောက်ပြပြောဆိုသည်။
ထိုင်းနိုင်ငံ ချူလာလောင်ကွန်း တက္ကသိုလ်မှ နိုင်ငံရေးသိပ္ပံ ပါမောက္ခ ဒေါက်တာ သီတီနန် ပွန်ဆဒ်ဟီရက်ခ်က အမေရိကန်၏ စစ်တပ်ချင်း ပူးပေါင်းဆောင်ရွက်မှုသည် စစ်သင်တန်းနှင့် စစ်လက်နက် သင်တန်းများ မဖြစ်သင့်ဘဲ မြန်မာ စစ်ဗိုလ်ချုပ်များ အနေဖြင့် နိုင်ငံရေးတွင် ဝင်မပါတော့ဘဲ စစ်တန်းလျားသို့ ပြန်ရေး လက်ခံလာစေရန်သာ ဖြစ်သည်ဟု ပြောသည်။
ယခုကဲ့သို့ မြန်မာတပ်မတော် အရာရှိများကို သင်တန်းများပို့ချမည်ဟု ပြောဆိုချိန်သည် မြန်မာပြည်မြောက်ပိုင်း ကချင်ပြည်နယ်နှင့် ရှမ်းပြည်နယ်များ အတွင်းရှိ ကချင် လွတ်လပ်ရေး တပ်မတော် (KIA) နှင့် အစိုးရတပ်များ တိုက်ပွဲများ ဖြစ်ပွားချိန်နှင့် တိုက်ဆိုင်နေသည်။
လွတ်လပ်ရေးရပြီး ကာလများ အင်္ဂလန်နိုင်ငံနှင့်သာ စစ်ရေးဆက်ဆံမှုရှိခဲ့သည့် မြန်မာတပ်မတော်သည် ၁၉၅၀ ခုနှစ်လွန် ကာလများတွင် အမေရိကန်နိုင်ငံနှင့်ပါ စစ်ရေး ဆက်ဆံမှုများ တိုးမြှင့်ခဲ့သည်။
ထိုစဉ်က တပ်မတော် ခေါင်းဆောင်တဦးဖြစ်သည့် ဗိုလ်မှူးချုပ် မောင်မောင်က မြန်မာစစ်တပ် စုဖွဲ့ပုံတချို့ကို အမေရိကန် စစ်တပ်များ ကဲ့သို့ တိုက်ခိုက်ရေးကို အားပြုသည့်ပုံစံသို့ ပြောင်းလဲ ဖွဲ့စည်းခဲ့သည့်အပြင် တပ်မတော် စိတ်ဓာတ် စစ်ဆင်ရေး ဌာနကိုလည်း ဖွဲ့စည်းကာ မြန်မာ အရာရှိများကို အမေရိကန်သို့ စတင် စေလွှတ်လေ့လာစေခဲ့သည်။
နောက်ပိုင်းတွင် အမေရိကန် ဗဟို ထောက်လှမ်းရေးအဖွဲ့ (CIA) နှင့် အနီးကပ် ဆက်ဆံပြီး ဗိုလ်မှူးချုပ် တင်ဦး၊ နိုင်ငံခြားရေး ဝန်ကြီးဟောင်း ဦးလေးမောင်စသည့် စစ်ဘက် အရာရှိကြီးများကို ထောက်လှမ်းရေး အတတ်ပညာပိုင်းကိုပါ သင်ကြားစေခဲ့သည်။
ထို့အပြင် တောတွင်းတိုက်ခိုက်ရေး သင်တန်း (Ranger Course)၊ ကွန်မန်ဒိုသင်တန်း၊ အရာရှိသင်တန်း၊ ကာကွယ်ရေး တက္ကသိုလ် များသို့ပါ တခြားသော မြန်မာ တပ်မတော် အရာရှိကြီးများကို စေလွှတ်ပြီး တက်ရောက်စေခဲ့သည်။
ကာကွယ်ရေး ဦးစီးချုပ်ဟောင်း ဗိုလ်ချုပ်ကြီး သူရကျော်ထင် အပါအ၀င် ဒု ဗိုလ်ချုပ်ကြီး ထွန်းကြည်၊ ဗိုလ်ချုပ် ဉာဏ်လင်း၊ ထောက်လှမ်းရေး ညွန်ကြားရေးမှူး ချုပ်ဟောင်း ဗိုလ်မှူးကြီး အောင်ကိုး တို့သည် အမေရိကန် စစ်တက္ကသိုလ်များတွင် တက်ရောက်ခဲ့သည့် ထင်ရှားသည့် စစ်ဘက် အရာရှိကြီးများ ဖြစ်သည်။
၁၉၆၂ ခုနှစ် ဗိုလ်ချုပ်ကြီး နေ၀င်း အာဏာသိမ်းပြီးနောက်ပိုင်းတွင် စစ်တပ်ချင်းဆက်ဆံရေး နည်းပါး သွားခဲ့ပြီး မရှိမဖြစ် လိုအပ်သည့် နည်းစနစ်ပိုင်း ဆိုင်ရာ သင်တန်းများကိုသာ စေလွှတ်နိုင်ခဲ့သည်။
၁၉၈၈ ခုနှစ် စစ်တပ် အာဏာသိမ်းပြီး ဒီမိုကရေစီ လှုပ်ရှားမှုများကို အဆက်မပြတ် နှိမ်နင်းခဲ့ခြင်း၊ လူအခွင့်အရေး ချိုးဖောက် မှုများကြောင့် နှစ်နိုင်ငံ တပ်မတော်အကြား ဆက်ဆံရေး ပြတ်တောက်ခဲ့သည်။
နောက်ပိုင်းတွင် တရုတ်တပ်မတော်နှင့် ပိုမိုနီးကပ်စွာ ဆက်ဆံလာရာ မြန်မာတပ်မတော် အရာရှိ များလည်း တရုတ်နိုင်ငံသို့ သွားရောက်ကာ သင်တန်းများ တက်ရောက်ခဲ့သည့် အပြင် အိန္ဒိယ၊ အင်ဒိုနီးရှား၊ ရုရှား စသည့်နိုင်ငံများသို့ စေလွှတ်မှုများလည်း ရှိခဲ့သည်။
Ref: ဧရာဝတီ
အခွန်အတုတ်ကြီးမြင့်တာကို ဆန္ဒပြဖို့ ကြိုးပမ်း
2012-12-20
ရခိုင်ပြည်နယ် ကျောက်ဖြူမြို့ရဲ့ အချက်အချာကျတဲ့ ဆိပ်ကမ်းတစ်ခုဖြစ်တဲ့ “ဂျပန်မ” ဆိပ်ကမ်းမှာ အငှားနွားလှည်းတွေ အပေါ် ဆိပ်ကမ်း အာဏာပိုင်တွေနဲ့ စည်ပင်ဌာနတို့က အခွန်တွေ အဆမတန် ကောက်ခံနေတဲ့ အပေါ် မကျေနပ်လို့ လူပေါင်း ၁၀၀ ကျော်လောက် ဆန္ဒပြ ခဲ့ကြပါတယ်။
ဒီကနေ့ ဒီဇင်ဘာလ ၂၀ ရက်နေ့ မနက်ပိုင်းက လူပေါင်း ၁၀၀ ကျော်ပါဝင်တဲ့ နွားလှည်းအစီး ၅၀ ကျော်နဲ့ အခွန် ကင်းလွတ်ရေး တောင်းဆို ဆန္ဒဖော်ထုတ်ခဲ့ကြ သူတွေကို အာဏာပိုင်တွေက လမ်းခုလတ်မှာ တားဆီး ပိတ်ပင်ပြီး လူစုခွဲလိုက်တယ်လို့ ဆန္ဒပြသူတစ်ဦးက RFA ကို ပြောပါတယ်။
ဒေသခံ အာဏာပိုင်တွေက ဆန္ဒပြတာကို တားမြစ်ခဲ့သလို နောင်မှာ အလားတူ ဆန္ဒပြမယ်ဆိုရင် ဖမ်းဆီး အရေးယူမယ်လို့ ပြောဆိုကြောင်း သိရပါတယ်။
ဂျပန်မဆိပ်ကမ်းဟာ ကျောက်ဖြူ မြို့နယ်အတွင်း ရေလမ်းကြောင်း ဆက်သွယ်သွားလာရေးမှာ အဓိကကျတဲ့ ဆိပ်ကမ်း တစ်ခုဖြစ်ပါတယ်။
ဒီဆိပ်ကမ်းကို မှီခိုလုပ်ကိုင်နေကြရတဲ့ နွားလှည်း အငှားယာဉ်တွေအပေါ်မှာ ဆိပ်ကမ်းအာဏာပိုင်နဲ့ စည်ပင်ဌာနတို့က နွားလှည်း တစ်စီးကို ကျပ် ၁၀၀ နှုန်း အခွန်သတ်မှတ် ထားပေမယ့် အစိုးရဆီကနေ တဆင့်လေလံပြန်ဆွဲတဲ့ လုပ်ငန်းရှင်တွေက နွားလှည်းတစ်စီးကို ကျပ် ၅၀၀ ကနေ ကျပ် ၁၅၀၀ အထိ ကောက်ခံနေတာပါ။
နွားလှည်းခွန်အပြင် တင်တဲ့ ပစ္စည်းအပေါ်မှာ မူတည်ပြီးတော့လည်း အခွန်အခတွေကို တိုးမြှင့်ကောက်ခံနေ ပါတယ်။
အဲဒီလို လုပ်ဆောင်ချက်တွေအပေါ် မကျေနပ်တဲ့အတွက် နွားလှည်းတွေစုရုံးပြီး ဆိပ်ကမ်းအာဏာပိုင်ရုံးနဲ့ စည်ပင် ဌာနရုံးရှေ့ကို သွားရောက် ဆန္ဒပြဖို့ စီစဉ်ရာမှာ တားမြစ်ခံရတာပါ။
Ref: RFA News
Thursday, December 20, 2012
ကုလသမဂ္ဂအထူးကိုယ်စားလှယ် ရခိုင်ဒုက္ခသည် စခန်းတွေကို သွားရောက်
2012-12-19
ရခိုင်ပြည်နယ် အတွင်းက ပဋိပက္ခဖြစ်ပွားခဲ့တဲ့ အခြေအနေနဲ့ ဒုက္ခသည်တွေရဲ့ အခြေ အနေတွေကို လေ့လာဖို့ မနေ့က စစ်တွေမြို့ကိုရောက် ရှိနေတဲ့ ကုလသမဂ္ဂ အတွင်းရေးမှူး ချုပ်ရဲ့ အထူးကိုယ်စားလှယ် Mr. Vijay Nambiar နဲ့ လူဝင်မှု ကြီးကြပ်ရေး ပြည်ထောင်စုဝန်ကြီး ဦးခင်ရီတို့ဟာ ဒီကနေ့ မနက်ပိုင်းမှာ ဘူးသီးတောင်၊ မောင်တော၊ စစ်တွေမြို့တွေက ဒုက္ခသည် စခန်းတွေကို သွားရောက်ပြီး ဒုက္ခသည်တွေနဲ့ တွေ့ဆုံခဲ့ပါတယ်။
ဒါ့အပြင် ဒီကနေ့ နေ့လည်ပိုင်းမှာ အထူးကိုယ်စားလှယ် Mr. Vijay Nambiar ရဲ့ ရခိုင်ပြည်နယ် ခရီးစဉ်အပြီး စစ်တွေလေဆိပ်မှာ လူဝင်မှု ကြီးကြပ်ရေး ပြည်ထောင်စုဝန်ကြီး ဦးခင်ရီ၊ ရခိုင်ပြည်နယ် ဝန်ကြီးချုပ် ဦးလှမောင်တင်၊ ရခိုင်ပြည်နယ်အရေး စုံစမ်းရေး ကော်မရှင် အတွင်းရေးမှူး ဒေါက်တာကျော်ရင်လှိုင်တို့ အပါအဝင် စစ်တွေမြို့က မြို့မိမြို့ဖ ၅ ဦး၊ ကျူးကျော် နေထိုင်သူတွေဖက်က ကိုယ်စားလှယ် ၅ ဦးတို့ နဲ့ သီးသန့်တွေ့ဆုံ ဆွေးနွေးခဲ့ပါတယ်။ ဒီကိစ္စနဲ့ ပတ်သက်ပြီး တွေ့ဆုံဆွေးနွေးရာမှာ ပါဝင်ခဲ့တဲ့ စစ်တွေမြို့မိမြို့ဖတစ်ဦးဖြစ်သူ ဦးသန်းထွန်းက RFA ကို အခုလို ပြောပါတယ်။
" Vijay Nambiar ပြောတာက လူ့အခွင့်အရေးအရ နေဖို့၊ ထိုင်ဖို့ ကာကွယ်ပေးရမယ့်တာဝန်ဟာ ကမ္ဘာလူသားတွေမှာ တာဝန်ရှိတယ်၊ ဒါပေမယ့် တိုင်းရင်းသားအခွင့်အရေးကို မစော်ကားမိဖို့ အရေးကြီးတယ်လို့ ပြောတယ်၊ နောက်တစ်ခါ ရိုဟင်ဂျာဆိုတဲ့ စကားလုံးကို သုံးတာဟာ ရခိုင်တိုင်းရင်းသားတွေအတွက်ဆိုရင် တော်တော်လေးကို လက်ခံနိုင်စရာအကြောင်း မရှိတဲ့ အတွက်ကြောင့်မို့ တော်တော်လေးကို အပြုအမူအပြောဆိုတွေ ရှောင်ကြည်ကြဖို့ အရေးကြီးတယ်လို့ ပြောတယ်"
လူဝင်မှုကြီးကြပ်ရေး ပြည်ထောင်စုဝန်ကြီးအနေနဲ့လည်း ၁၉၈၂ ခုနှစ်၊ မြန်မာနိုင်ငံသားဥပဒေအရ တရား မဝင် ဝင်ရောက်နေထိုင်သူ ရှိ၊ မရှိ စီစစ်ဆောင်ရွက်နေရာမှာ ရိုဟင်ဂျာ ဆိုတဲ့အမည်ကို အသိအမှတ်ပြုဖို့ တောင်းဆိုပြီး လူစာရင်းကောက်ခံရာမှာ လက်မှတ်ထိုးခြင်းကို ငြင်းဆန်နေတဲ့အတွက် လုပ်ငန်းပိုင်း ဆိုင်ရာမှာ နှောင့်နှေးကြန့်ကြာနေသလို၊ ၁၉၈၂ ဥပဒေအတိုင်း ပြီးပြတ်အောင် ဆောင်ရွက်နိုင်ဖို့အတွက် အားလုံးပါဝင်ဆောင်ရွက်ဖို့ လိုအပ်ကြောင်းကို ဒီတွေ့ဆုံဆွေးနွေးပွဲမှာ ပြောကြားခဲ့တယ်လို့ ဦးသန်းထွန်းက ဆိုပါတယ်။
Mr. Vijay Nambiar အနေနဲ့ သူ့ရဲ့ ရခိုင်ပြည်နယ်ခရီးစဉ်အတွင်း ရခိုင်ပြည်နယ်အရေးကိစ္စနဲ့ ပတ်သက်ပြီး ပြည်နယ်ဝန်ကြီးချုပ်နဲ့လည်း သီးသန့်တွေ့ဆုံဆွေးနွေးခဲ့ပါတယ်။
Ref: RFA News
ကချင်တိုက်ပွဲကြောင့် ငြိမ်းချမ်းရေးထိခိုက်နိုင်
မသိင်္ဂီထိုက်
19.12.2012
မြန်မာစစ်တပ်နဲ့ ကချင်သူပုန်တွေကြား တိုက်ပွဲသတင်းတွေကြောင့် နုနယ်သေးတဲ့ ငြိမ်း ချမ်းရေး လုပ်ငန်းစဉ်တွေနဲ့ တိုင်းရင်းသား သွေးစည်း ညီညွတ်မှုအတွက် ပြည်တွင်း မှာရော နိုင်ငံတကာ အသိုင်းအ၀ိုင်း အတွင်းမှာပါ စိုးရိမ်မှုတွေ တိုးပွား လာစေပါတယ်။ မြန်မာနိုင်ငံဆိုင်ရာ အမေရိကန် သံအမတ်ကြီးဟာလည်း ကချင်ပြည်နယ်တွင်း အခြေအနေမှန်ကို သိရှိနိုင်ရေး အတွက် ကချင် ပြည်နယ်ကို ပထမဆုံး အကြိမ်အဖြစ် ကချင်ပြည်နယ်ကို သွားရောက်ခဲ့ပါတယ်။ ဘန်ကောက်မြို့ တော်ကနေ ဗွီအိုအေ သတင်းထောက် Deniel Schearf ပေးပို့ထားတဲ့သတင်းဆောင်းပါး ကိုတော့ မသိင်္ဂီထိုက်က တင်ပြပေးထားပါတယ်။
ပြီးခဲ့တဲ့သီတင်းပတ်အတွင်း မြန်မာအစိုးရတပ်တွေဟာ ရုရှားလုပ် စက်သေနတ်တင် ရဟတ် ယာဉ်တွေ အသုံးပြုပြီး တရုတ် နယ်စပ် အနီးမှာ အခြေစိုက်တဲ့ ကချင် လက်နက်ကိုင် တပ်တွေ ကို ပြင်းပြင်းထန်ထန် ထိုးစစ် ဆင်ခဲ့တယ်လို့ ပြည်ပ အခြေစိုက် မြန်မာသတင်း ဌာနတွေ က ဖော်ပြခဲ့ကြပါတယ်။
အစိုးရတပ်တွေဟာ ကချင်လက်နက်ကိုင်တပ်ဖွဲ့တွေ အခြေစိုက်စခန်းနဲ့ သိပ်မဝေးတဲ့ နေရာ အထိ လာ ရောက် တိုက်ခိုက် ခဲ့တယ်လို့ ကချင် လွတ်လပ်ရေး အဖွဲ့ KIO ပြောခွင့်ရ ဦးလာနန် ပြောကြား ချက်ကို ကိုးကားပြီး ကချင်သတင်းဌာနက ဖော်ပြခဲ့ပါတယ်။
ဒီသီတင်းပတ်တွေအတွင်း မြန်မာစစ်တပ်နဲ့ ကချင်လွတ်လပ်ရေး တပ်မတော် KIA တပ်ခွဲ တစ်ခုက ကချင်လက်နက်ကိုင် တချို့နဲ့ တိုက်ခိုက်မှုတွေ အတွင်း မြန်မာစစ်သား ဒါဇင်နဲ့ ချီ သေဆုံး ခဲ့တယ်လို့ ဦးလာနန်က ပြောပါတယ်။
ဒီဒေသက ဝေးလံခေါင်သီပြီး မြန်မာအစိုးရကလည်း ဒီလို တိုက်ပွဲသတင်းတွေကို ထုတ်ပြန်မှု သိပ်မရှိလှတာကြောင့် သတင်းတွေကို အတည်ပြုချက် ရယူဖို့ကတော့ ခက်ခဲပါတယ်။
အရာရှိတွေက စစ်တပ်က ထိုးစစ်ဆင်နေတယ်ဆိုတာကို ငြင်းနေကြပေမယ့် တကယ်မှာတော့ အစိုးရ တပ်တွေက တိုက်ခိုက်နေပါတယ်လို့ လွှတ်တော် အမတ်တဦးဖြစ်တဲ့ ဒေါ်ဒွဲဘူက ပြော ပါတယ်။
“လွှတ်တော်မှာ မေးမြန်းတဲ့အခါမှာလည်း တပ်မတော်ပိုင်းဆိုင်ရာ တာဝန်ရှိသူတွေ ဖြေဆို သွားတာ ကတော့ သူတို့ အနေနဲ့ သမ္မတကြီး ပြောတဲ့အတိုင်းပဲ ထိုးစစ်တွေမဆင်ပါဘူးလို့ လွှတ်တော်မှာ လာရောက်ဖြေဆို သွားပါတယ်။ အဲလိုပဲ သမ္မတ ဘက်ကလည်း အောက်ခြေမှာ ဒီလိုမျိုးဖြစ်နေတာ တွေဟာ ပြင်းပြင်းထန်ထန် မဖြစ်ပါဘူးလို့ ပြောပါတယ်။ ဒါပေမဲ့ အောက်ခြေက လူထုကိုယ်စား လှယ်တွေ အနေနဲ့ရော၊ လူထုတွေ အနေနဲ့ရော သိတာကတော့ တိုက်ပွဲတွေ ပြင်းပြင်းထန်ထန် ဖြစ်နေတယ်လို့ သိရပါတယ်။ ဒီ တပ်မတော်တွေသာ ကချင်ပြည်နယ်ဘက်ကို ထိုးစစ်လာ မဆင် လို့ရှိရင်တော့ ဒီပြဿနာတွေက ဖြစ်ပွားမှာ မဟုတ်ပါဘူး။”
ဦးမင်းဇော်ဦးကတော့ ရန်ကုန် အခြေစိုက် မြန်မာ ငြိမ်းချမ်းရေး စင်တာက အပစ်အခတ် ညှိနှိုင်းရေးနဲ့ အကောင်အထည်ဖော်ရေး ဆိုင်ရာ ညွှန်ကြားရေးမှူး ဖြစ်ပါတယ်။ စစ်တပ် ဘက်ကတော့ သူပုန်တွေက တိုက်ခိုက်တာကနေ ကိုယ့်ကိုယ်ကိုယ် ကာကွယ်တာ လို့ ပြောဆိုနေကြောင်း သူက ပြောပါတယ်။
“ကချင်တွေဘက်က ပြီးခဲ့တဲ့နှစ်က စစ်တပ်ဘက်က သိမ်းယူလိုက်တဲ့ သူတို့ရဲ့ နယ်မြေ ကို ပြန်ရဖို့ တိုက်တာ ဖြစ်နိုင်ပါတယ်။ တချိန်တည်းမှာဘဲ မြန်မာ့ တပ်မတော်ဘက်ကလည်း ဒီဒေသတွင်း ထောက်ပံ့ရေးနဲ့ ဗျူဟာကျတဲ့ လမ်းမကြီးတွေကို ကာကွယ်ဖို့ တပ်အင်အားကို တိုးနေပါတယ်။”
အင်္ဂါနေ့တုန်းကတော့ ကချင်ပြည်နယ်မြောက်ပိုင်းက ရဲစခန်းတစ်ခုကို KIA ဘက်က ၀င်ရောက် တိုက်ခိုက်ခဲ့တာကြောင့် အနည်းဆုံး လူတစ်ဦး သေဆုံးခဲ့ရပါတယ်။
KIA နဲ့ မြန်မာစစ်တပ်အကြား တိုက်ခိုက်မှုတွေက အပစ်အခတ်ရပ်စဲထားတာ ၁၇ နှစ်တာ ကာလ နောက်ပိုင်း ပြီးခဲ့တဲ့နှစ် ဇွန်လက ပြန်ဖြစ်ခဲ့တာပါ။ မြန်မာအစိုးရက လက်နက်ကိုင် တိုင်းရင်းသား သူပုန်တွေကို နယ်ခြားစောင့်တပ်တွေ အဖြစ် အသွင်ပြောင်းဖို့ ဖိအားပေးခဲ့ တာကလည်း တိုက်ပွဲတွေ ပြန်ဖြစ်စေခဲ့တဲ့ အစိတ်အပိုင်း တစ်ခုဖြစ်တယ်လို့ သုံးသပ်သူတွေက ဆိုပါတယ်။ တိုက်ပွဲကြောင့် သောင်းနဲ့ချီတဲ့ ပြည်သူတွေ ထွက်ပြေးခဲ့ကြရပါတယ်။
မြန်မာအာဏာပိုင်တွေနဲ့ KIO တို့အကြား ငြိမ်းချမ်းရေးဆွေးနွေးပွဲတွေ အတော်များများ လုပ်ခဲ့ပေမယ့်လည်း ဖြစ်ထွန်းမှု ကတော့ သိပ်မရှိလှပါဘူး။ KIO ဘက်က အတိမ်းအစောင်း မခံတဲ့ ကိစ္စ တခုဖြစ်တဲ့ ကိုယ်ပိုင် အုပ်ချုပ်ရေး ကိစ္စကို ဆွေးနွေးချင်နေပေမယ့် အစိုးရ ဘက်ကတော့ အပစ်အခတ် ရပ်စဲရေးကိုပဲ အာရုံစိုက် ဆွေးနွေး ချင်နေတာပါ။
မြန်မာ ငြိမ်းချမ်းရေး စင်တာဘက်ကနေ နှစ်ဘက်စလုံးကို တပ်တွေရုပ်သိမ်းဖို့ တိုက်တွန်း ခဲ့ပေမယ့် KIO ဘက်ကတော့ မြန်မာ အာဏာပိုင်တွေကို အယုံအကြည် မရှိဘူးလို့ ပြောဆို ထားပြီး ဆုံးဖြတ်ချက် ချခွင့်ရှိတဲ့ စစ်ဦးစီးချုပ် တယောက် စေလွှတ်ဖို့ ဆိုတာကိုလည်း သဘောမတူ ဖြစ်နေပါတယ်။
တိုက်ပွဲတွေ ဆက်ပြီးဖြစ်ပွားနေပေမယ့်လည်း အစိုးရ စစ်တပ်ဘက်က စိုးရိမ်မှုတချို့ရှိနေပြီး သူပုန်တွေကို အပြုတ် တိုက်မယ့် ပုံတော့ မရှိဘူးလို့ ညွှန်ကြားရေးမှူး ဦးမင်းဇော်ဦးက ပြောပါ တယ်။ လတ်တလော တိုက်ပွဲတွေက တဖက်နဲ့တဖက် စစ်ဆင်ရေး အကဲစမ်းမှု လုပ်တဲ့ ပွင့်လင်းရာသီနဲ့လည်း တိုက်ဆိုင်နေပါတယ်လို့ ဦးမင်းဇော်ဦးက ပြောပါတယ်။
“အပစ်အခတ်ရပ်စဲဖို့ရာက နှစ်ဘက်လုံးအနေနဲ့ စွန့်စားရမှာ ဖြစ်ပြီး တွေ့ဆုံဆွေးနွေးမှုတွေနဲ့ အနည်းဆုံးတော့ အချိန် သိပ်မကြာစေဘဲ တပ်တွေကို ပြန်ရုပ်သိမ်းဖို့နဲ့ ပြန်လည်နေရာ ချထားဖို့ လုပ်ကြရပါမယ်။ ဒီလိုမှမဟုတ်ရင်တော့ အခုလို ပွင့်လင်းရာသီမှာ ပဋိပက္ခတွေ ပိုပြီး ဆိုးလာနိုင်ပါတယ်။”
အရပ်သားအစိုးရရဲ့ သမ္မတအဖြစ် ဦးသိန်းစိန် တာဝန်ယူလိုက်ချိန်ကစပြီး နိုင်ငံရေး၊ စီးပွားရေး ပြုပြင်ပြောင်းလဲမှုနဲ့ အတူ တိုင်းရင်းသား သွေးစည်းညီညွတ်မှုတွေကို ထိပ်တန်း ဦးစားပေးအဖြစ် အရေးယူ လုပ်ဆောင်ခဲ့ပါတယ်။
သူပုန်အဖွဲ့အတော်များများနဲ့ အပစ်အခတ်ရပ်စဲရေး သဘောတူစာချုပ်တွေ လက်မှတ်ရေး ထိုးခဲ့သလို ထိုးစစ် ဆင်တာတွေ ကိုလည်း အဆုံးသတ်ဖို့ အမိန့်ပေးခဲ့ပါတယ်။ ဒါပေမယ့် ကချင်ပြည်နယ်အတွင်း တိုက်ပွဲတွေ ဆက်ဖြစ်နေတဲ့အပေါ် သမ္မတက စစ်တပ်ကို ထိန်းချုပ်မှု မရှိသေးတဲ့ အပေါ်မှာတော့ စိုးရိမ်မှုတွေ တိုးလာပါတယ်။
ကုလသမဂ္ဂကတော့ KIA ထိန်းချုပ်ရာ ကယ်ဆယ်ရေး စခန်းတွေမှာ လူသားချင်းစာနာမှု အထောက် အပံ့တွေ ပေးခွင့်ပေးဖို့ မြန်မာ အစိုးရကို တောင်းဆိုထားပါတယ်။ အရင်တုန်းကတော့ အစိုးရက ဒီလို အထောက်အပံ့တွေကို အကန့်အသတ်နဲ့ ခွင့်ပြုခဲ့ပါတယ်။ ဒါပေမယ့် ဒီလတွေအတွင်းမှာတော့ ဒေသ မအေးချမ်းတာကို အကြောင်းပြပြီး ရိက္ခာနဲ့ ဆေးဝါးလိုအပ်ချက်တွေ ရှိနေတဲ့ ကယ်ဆယ်ရေး စခန်းတွေကို အကူအညီပေးခွင့် ပိတ်ပင်ထားပါတယ်။
အစိုးရစစ်တပ်က သူပုန်တွေကို ထောက်ပံ့ရေး ဖြတ်တောက်ပြီး ဖိအားပေးချင်တာ ဖြစ်တယ် လို့လည်း ဝေဖန်သူတွေက ပြောပါတယ်။
မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက်ခ်မစ်ချဲလ်ဟာလည်း နှစ်ရက်ကြာ ခရီးစဉ်အဖြစ် ကချင်ပြည်နယ်ကို ဒီသီတင်းပတ် အတွင်း သွားရောက်ခဲ့ပါတယ်။ ဒီခရီးစဉ်ဟာ သူ့အနေနဲ့ ဇူလိုင်လက သံအမတ်တာဝန် ထမ်းဆောင်ပြီးနောက်ပိုင်း ပထမဆုံး ခရီးစဉ်လည်း ဖြစ်ပါတယ်။
သံအမတ်ကြီး ဒဲရက်ခ် မစ်ချဲလ်ဟာ KIA ဘက်က ထိန်းချုပ်ထားတဲ့ နယ်မြေအတွင်းက ကယ်ဆယ်ရေး စခန်းတွေ အပါအ၀င် ကယ်ဆယ်ရေး စခန်းတွေဆီကို သွားရောက် ခဲ့ပြီး ဒေသခံ ခေါင်းဆောင်တွေ နဲ့လည်း လိုအပ်နေတဲ့ လူသားချင်း စာနာမှုဆိုင်ရာ အထောက်အပံ့တွေကိုလည်း ဆွေးနွေးခဲ့ပါတယ်။
Ref: VOA News
ရန်ကုန်နှင့် မန္တလေး တက္ကသိုလ် ဆရာများ သမဂ္ဂ ဦးဆောင်သူများ နယ်ဝေး ရွှေ့ခံရ
ရန်ပိုင်
December 19, 2012
ရန်ကုန် တက္ကသိုလ်နှင့် မန္တလေးတက္ကသိုလ်တို့မှ ဆရာများသမဂ္ဂ၏ အလုပ်အမှုဆောင် ဆရာ၊ ဆရာမများအား ပညာရေး ၀န်ကြီးဌာနက မည်သည့် အကြောင်းပြချက်မှ မရှိဘဲ နယ်ဝေး တက္ကသိုလ်များသို့ ယခုလအတွင်း ပြောင်းရွေ့လိုက်ကြောင်း သိရသည်။
ပြောင်းရွေ့ခံရသည့် ဆရာများမှာ မန္တလေးတက္ကသိုလ် ဆရာများသမဂ္ဂမှ ဥက္ကဋ္ဌ၊ အတွင်းရေးမှူး အပါအ၀င် အလုပ် အမှုဆောင် ၇ ဦး ပါဝင်ပြီး၊ ဥက္ကဋ္ဌ ဒေါက်တာ သက်လွင်အား စစ်တွေတက္ကသိုလ်၊ အတွင်းရေးမှူး ဦးသုတအား ကျိုင်းတုံတက္ကသိုလ်၊ ဒေါက်တာ ခင်လှိုင်မြင့်အား မိုးညှင်းတက္ကသိုလ်၊ ဒေါက်တာ ၀င်းဝင်းညွန့်အား ဗန်းမော်တက္ကသိုလ်၊ ဦးမင်းလွင်အား ပင်လုံ တက္ကသိုလ်၊ ဒေါက်တာ နိုင်မျိုးလွင်နှင့် ဦးတင်ဦးလှိုင်အား မြစ်ကြီးနား တက္ကသိုလ်တို့သို့ ပြောင်းရွေ့လိုက်ခြင်း ဖြစ်သည်။
ဤသို့အကြောင်းပြချက်မရှိဘဲ ပြောင်းရွေ့လိုက်ခြင်းသည် တက္ကသိုလ်ဆရာများသမဂ္ဂ ဖွဲ့စည်း၍ ဖြစ်ကြောင်း၊ သမဂ္ဂ၏ လုပ်ဆောင် ချက်များ လုပ်ကိုင်၍ မရစေရန် အတွက် လူစု ခွဲလိုက်ခြင်းဖြစ်ကြောင်း မန္တလေးတက္ကသိုလ် ဆရာများသမဂ္ဂ အတွင်းရေးမှူး ဦးသုတက ဧရာဝတီသို့ ပြောသည်။
“သမဂ္ဂ အလုပ်အမှုဆောင်တွေချည်း ပြောင်းရွေ့ခံရတာကိုကြည့်ရင် ဒီဆရာများသမဂ္ဂကို မဖွဲ့စေချင်ဘူးဆိုတာ ပြောလို့ရတယ်၊ လူစုလို့ မရအောင်လုပ်တာပဲ” ဟု ဆရာ ဦးသုတက ဆိုသည်။
သမ္မတ ဦးသိန်းစိန်ကသာ ပြောင်းလဲမှုဟု ခေါ်ဆိုနေသော်လည်း ယခုပြောင်းရွေ့ခံရမှုက ပညာရေးဝန်ကြီး ဌာနတွင် ပွင်လင်းမြင်သာမှု မရှိသည်ကို ပြသနေကြောင်း၊ တဦးတယောက်၏ စိတ်ဆန္ဒပေါ်တွင် မူတည်၍သာ လုပ်ကိုင်နေသည်မှာ ထင်ရှားကြောင်း ဆရာ ဦးသုတက ဆက်ပြောသည်။
ပညာရေး ၀န်ကြီးဌာနအတွင်း စီမံခန့်ခွဲရေး ညံဖျင်းမှု၊ နိုင်ငံတကာနှင့် ယှဉ်လျှင် ပညာရေးစနစ် နိမ့်ကျနေခြင်း၊ ပညာရေး ၀န်ထမ်း အပြောင်းအရွေ့များတွင် ဘက်လိုက်မှုများ ရှိနေခြင်း၊ ထို့အပြင် ပညာရေးဝန်ထမ်းများ လူမှုအခွင့်အရေး ခံစားခွင့် နိမ့်ကျနေခြင်းကို ထောက်ပြမှုများအား အသစ်ဖွဲ့စည်းခဲ့သည့် တက္ကသိုလ် ဆရာများသမဂ္ဂသည် ပြုလုပ်ခဲ့ကြောင်း သိရသည်။
မန္တလေးတက္ကသိုလ် ဆရာများသမဂ္ဂ ဥက္ကဋ္ဌ ဒေါက်တာသက်လွင်ကလည်း “ကျနော်တို့ အမှုထမ်းတွေ ဆိုတာက အကြောက် တရားနဲ့ ကြီးပြင်းခဲ့ရတာ။ အခုလို အမှုဆောင်တွေကို နယ်ဝေးရွေ့လိုက်တော့ ကျန်တဲ့အသင်းသားတွေလည်း ထင်ယောင်ထင်မှားဖြစ်တဲ့ အပြင် စည်းရုံးရေးခက်ခဲပြီး လူစုလို့ မရအောင်လုပ်လိုက်တော့ အသင်းပျက်သလို ဖြစ်သွားတာပေါ့” ဟု ဆိုသည်။
အလားတူ ရန်ကုန်တက္ကသိုလ် တက္ကသိုလ်ဆရာများသမဂ္ဂ ဥက္ကဋ္ဌ ဒေါက်တာ ဥက္ကာမြ အပါအ၀င် အလုပ်အမှုဆောင် တချို့လည်း တခြားသော နယ်ဝေးတက္ကသိုလ်များသို့ ပြောင်းရွေ့ခံရသည်ဟု သိရသည်။
ထိုသို့ သမဂ္ဂအဖွဲ့ဝင် အလုပ်အမှုဆောင်ဆရာများ နယ်ဝေးသို့ ပြောင်းရွေ့ခံရသော်လည်း ပညာရေး ၀န်ထမ်း ဆရာ ဆရာမများ အရေး အပါအ၀င် လူမှုလုပ်ငန်းများကို ဆက်လက်လုပ်ဆောင်နိုင်ရန် ကျန်ရှိ အသင်းသားများနှင့်အတူ နယ်ဝေးမှနေ၍ ကြိုးပမ်း သွားမည်ဖြစ်ကြောင်း မန္တလေးတက္ကသိုလ် ဆရာများသမဂ္ဂ အတွင်းရေးမှူး ဆရာ ဦးသုတက ဆိုသည်။
“မန္တလေးကိုသွားဖို့ ခရီးစရိတ်ကတော့ မတတ်နိုင်ဘူး။ ဒါပေမယ့် ဒီခေတ်ကြီးမှာ ဖုန်းထဲကနေ၊ အင်တာနက် ကနေ အစည်းအဝေး လုပ်နိုင်မယ်။ ကျနော်တို့ ကြိုးစားပမ်းစား ထောင်ထားတဲ့အဖွဲ့ အပျက်မခံနိုင်ဘူး” ဟု ၎င်းက ပြောသည်။
ထိုသို့ တက္ကသိုလ်ဆရာများသမဂ္ဂ အလုပ်အမှုဆောင်များ ပြောင်းရွေ့ခံရမှုနှင့် ပတ်သက်ပြီး သမ္မတ ဦးသိန်းစိန် ထံသို့ စာရေးသား ပေးပို့ထားကြောင်း၊ ထို့အပြင် မန္တလေးမြို့ရှိ အပြည်ပြည်ဆိုင်ရာ အလုပ်သမားရုံး (ILO) သို့လည်း တိုင်ကြားထားကြောင်း သိရသည်။
အဆိုပါပြောင်းရွေ့မှုနှင့် ပတ်သက်၍ ဧရာဝတီက အထက်မြန်မာပြည် အဆင့်မြင့်ပညာ ဦးစီးဌာနသို့ ဆက်သွယ် မေးမြန်းသော်လည်း ဆက်သွယ်၍ မရရှိခဲ့ပေ။
မန္တလေးတက္ကသိုလ် ဆရာများသမဂ္ဂကို ပြီးခဲ့သည့် စက်တင်ဘာလက မန္တလေးတက္ကသိုလ် (ပင်မ)၊ နိုင်ငံခြား ဘာသာသင် တက္ကသိုလ်၊ အဝေးသင် တက္ကသိုလ်တို့မှ ဆရာ၊ ဆရာများဖြင့် ဖွဲ့စည်းခဲ့ခြင်းဖြစ်ပြီး၊ မန္တလေးတိုင်းအတွင်းရှိ လူငယ်ဖွံဖြိုးရေး လုပ်ငန်းများကိုလည်း လုပ်ကိုင်နေသည့် အဖွဲ့ဖြစ်သည်။
ပညာရေး ဝန်ကြီးဌာန ဗဟိုအစိုးရ ဝန်ကြီးမှာ ဒေါက်တာ မြအေးဖြစ်ပြီး အထက်မြန်မာပြည် အဆင့်မြင့်ပညာ ဦးစီးဌာန ညွှန်ကြားရေးမှူးမှာ ဒေါက်တာ စိုးဝင်း ဖြစ်သည်။
Ref: ဧရာဝတီ
'သေမင်းတမန် ရထားလမ်း' ပြန်ဖောက်ရန် စတင်လေ့လာနေ
ကွန်းချမ်း
ဗုဒ္ဓဟူးနေ့၊ ဒီဇင်ဘာလ ၁၉ ရက် ၂၀၁၂
စံခလပူရီ (မဇ္ဈိမ) ။ ။ ဒုတိယ ကမ္ဘာစစ်အတွင်းက ဖောက်လုပ်ခဲ့သည့် မြန်မာ-ထိုင်း 'သေမင်းတမန်' ရထားလမ်းမှ သံဖြူဇရပ်-ဘုရားသုံးဆူ လမ်းပိုင်းကို ပြန်လည် ဖောက်လုပ်ရန် အတွက် ဖြစ်နိုင်ခြေ ရှိသည့် လေ့လာစမ်းသပ်ချက် (Feasibility Survey) ကို စတင် လုပ်ဆောင်နေပြီ ဖြစ်ကြောင်း မြန်မာ့ မီးရထား၊ မြို့ပြအင်ဂျင်နီယာဌာနမှ တာဝန် ရှိသူများက မဇ္ဈိမကို ပြောဆိုကြသည်။
“စနေပါပြီ။ စနေတယ် ဆိုပေမယ့် ဟိုဘက်က ငြိမ်းချမ်းရေးအဖွဲ့ နယ်မြေလေ။ ဟိုဘက်နဲ့ မပြေလည်ဘဲနဲ့ ကျနော်တို့ မဝင်ရဲ ဘူးလေ” ဟု မြန်မာ့ မီးရထား တိုင်း (၈) မြို့ပြ အင်ဂျင်နီယာမှူး ဦးတင်မြင့် က ပြောသည်။
လေ့လာရေး အဖွဲ့ခေါင်းဆောင် ဦးမျိုးဝင်း ကလည်း “အခု သံဖြူဇရပ် အဝမှာပဲ ရှိသေးတယ်။ အတွင်းထဲ မဝင်ရသေး ဘူး။ သန်ဘက်ခါ ဝန်ကြီး လာမယ်။ ၂၆ လောက်ဆို ကျနော်တို့ အထဲဘက် ဝင်ဖြစ်မယ်” ဟု ပြောသည်။
ဒီဇင်ဘာလ ၂၁ ရက်နေ့တွင် ဝန်ကြီး ဦးအောင်မင်း သံဖြူဇရပ်မြို့သို့ ရောက်ရှိမည် ဖြစ်ပြီး ရထားလမ်းနှင့် ပတ်သက်၍ သတင်းစာ ရှင်းလင်းပွဲ ပြုလုပ်မည် ဖြစ်သည်ဟု ဆိုသည်။
မွန်နှင့် ကရင် လက်နက်ကိုင် တိုင်းရင်းသား နယ်မြေကို ဖြတ်သန်းရမည့် ထိုရထားလမ်းအတွက် လိုအပ်သည့် တိုင်းတာမှုများ လုပ်ဆောင်နိုင်ရန် မွန်ပြည်နယ် အစိုးရအဖွဲ့၊ မွန်ပြည်သစ်ပါတီတို့နှင့် တွေ့ဆုံညှိနှိုင်းပြီး ဖြစ်၍ ကရင်ပြည်နယ် အစိုးရ အဖွဲ့နှင့် တွေ့ဆုံဆဲ ဖြစ်သည်ဟု ဆိုသည်။
“ကရင်နယ်မြေကျတော့ ကရင်ပြည်နယ် အစိုးရရုံးကို သွားထားတုန်းပဲ ရှိသေးတယ်။ ရှေ့အပတ်ကျမှ ဝန်ကြီးရုံးက စာထွက်ပေးမယ်။ ကရင်ပြည်နယ် အစိုးရရုံးက ကရင် နှစ်ဖွဲ့နဲ့ ပြန်ချိတ်ပေးလိမ့်မယ်” ဟု တိုင်း (၈) မြို့ပြ အင်ဂျင်နီယာမှူး ဦးတင်မြင့် က ပြောသည်။
ထိုရထားလမ်းဟောင်း ပြန်လည် ဖောက်လုပ်ရန်အတွက် မိုးရာသီအကုန်တွင် တိုင်းတာခြင်း လုပ်ငန်းများကို စတင် လုပ်ဆောင်မည် ဖြစ်ကြောင်း ဝန်ကြီး ဦးအောင်မင်းက ဇူလိုင်လ ၁ ရက်နေ့တွင် နေပြည်တော်ရှိ စက်မှုဝန်ကြီးဌာန အစည်းအဝေးခန်းမ၌ မီဒီယာများနှင့် တွေ့ဆုံစဉ်တွင်လည်းကောင်း၊ မေလ ၁၅ ရက်နေ့က ဘုရားသုံးဆူမြို့တွင် ပြုလုပ်သည့် ကရင်အမျိုးသား အစည်းအရုံး (KNU) ၏ ဆက်ဆံရေးရုံး ဖွင့်ပွဲ အခမ်းအနားတွင် လည်းကောင်း ပြောကြားခဲ့သည်။
၎င်းပြင် ရထားလမ်းဟောင်းနှင့် ယှဉ်ကာ ဖောက်လုပ်ထားသည့် သံဖြူဇရပ်- ဘုရားသုံးဆူ မော်တော်ကားလမ်းကို လည်း အသစ်ပြန်လည် ဖောက်လုပ်မည် ဖြစ်ပြီး ဘုရားသုံးဆူမြို့တွင် စီးပွားရေးဇုန် ဖွင့်လှစ်မည်ဟု ဦးအောင်မင်း က ပြောကြားခဲ့သည်။
သမ္မတ ဦးသိန်းစိန်ကလည်း ဒီဇင်ဘာလ ၁၅ ရက်နေ့က မော်လမြိုင်သို့ ရောက်ရှိစဉ် ထိုင်းနိုင်ငံနှင့် နယ်စပ် ကုန်သွယ်ရေးစခန်း ဖွင့်လှစ်နိုင်ရေး၊ ယင်းရထားလမ်း၊ ကားလမ်းများ ပြန်လည် ဖောက်လုပ်နိုင်ရေးနှင့် စပ်လျဉ်း၍ မွန်ပြည်နယ်ရှိ နိုင်ငံရေး ပါတီများနှင့် တွေ့ဆုံစဉ် ထည့်သွင်း ပြောကြားခဲ့သည်။
ထိုင်းအစိုးရ အနေနှင့်လည်း နယ်စပ်ဂိတ် တရားဝင် ဖွင့်လှစ်နိုင်ရေးအတွက် ဒီဇင်ဘာလ ၁၂ ရက်နေ့တွင် ဘုရားသုံးဆူ နယ်စပ်သို့ လာရောက် လေ့လာခဲ့ကြပြီး ဖြစ်သည်။
မြန်မာနိုင်ငံ၊ မွန်ပြည်နယ်၊ သံဖြူဇရပ်မြို့မှ စတင်ပြီး ဘုရားသုံးဆူ တောင်ကြားကို ဖြတ်ကာ ထိုင်းနိုင်ငံ ဘန်ပေါင် (Ban Pong) ဘူတာသို့ ၁၉၄၂ မှ ၁၉၄၅ ခုနှစ်ထိ ဖောက်လုပ်ခဲ့သည့် အထက်ပါ ရထားလမ်းဟောင်းသည် လမ်းတခုလုံး မိုင် ၁၇၅ ကျော် ရှည်လျားသည်။
သံဖြူဇရပ်- ဘုရားသုံးဆူ လမ်းပိုင်းသည် မိုင် ၇ဝ ခန့် ရှိပြီး မွန်ပြည်နယ်အတွင်း ၉ မိုင် ၅ ဖာလုံနှင့် ကရင်ပြည်နယ် အတွင်း ၅၈ မိုင် ရှိသည်ဟု ဦးတင်မြင့် က ပြောသည်။
စစ်အတွင်းက မူလမီးရထားလမ်း ဖောက်လုပ်ရာတွင် တောင်ဖြိုဖောက်ခြင်း၊ သစ်လုံးကြီးများကို ထမ်းရခြင်း၊ အစာရေစာ မဝလင်ခြင်းနှင့် ငှက်ဖျားရောဂါ၊ ဝမ်းရောဂါ တို့ကြောင့် မြန်မာနိုင်ငံသား ၈ဝ,ဝဝဝ ကျော်နှင့် မဟာမိတ် တပ်သား ၁ဝ,ဝဝဝ ကျော် အသက် ဆုံးရှုံးခဲ့ကြရသည်ဟု မှတ်တမ်းများက ဖော်ပြကြသည်။
ယခင်လမ်းဟောင်း ကျောရိုးကို အခြေခံကာ စတင်တိုင်းတာပြီးနောက် ကောင်းကင်မြေပုံနှင့် တိုက်ဆိုင် စစ်ဆေးကာ လမ်းအူကြောင်း သစ်ကို ပြန်လည် ရွေးချယ်လိမ့်မည်ဟုလည်း မြန်မာ့မီးရထား အင်ဂျင်နီယာဌာနက ပြောသည်။
လမ်းဖောက်လုပ်ရန်အတွက် ဖြစ်နိုင်ခြေရှိသည့် လေ့လာစမ်းသပ်ချက်များ ပြုလုပ်ပြီးနောက် ရထား ဝန်ကြီးဌာနသို့ အစီရင်ခံ တင်ပြကာ ဝန်ကြီး ဌာန၏ ဖြည့်စွက်ချက်နှင့်အတူ လွှတ်တော်တွင် အဆုံးအဖြတ် ရယူမည်ဟု သိရသည်။
ဒေသတွင်း စီးပွားရေး လုပ်ငန်းရှင်များကမူ သေမင်းတမန် ရထားလမ်း ပြန်လည် ဖောက်လုပ်မည့် စီမံကိန်းသည် မြန်မာနိုင်ငံ ကမ်းရိုးတန်း တလျှောက်တွင် ဆောက်လုပ်မည့် ရေနက်ဆိပ်ကမ်း လေးခုအနက် တခု အပါအဝင် ဖြစ် သည့် မွန်ပြည်နယ်၊ ရေးမြို့နယ် အတွင်းရှိ ကုလားဂုတ် ရေနက်ဆိပ်ကမ်း စီမံကိန်း၏ အစိတ်အပိုင်းတခု ဖြစ်သည်ဟု ဆိုသည်။
မတ်လဆန်းတွင် မွန်စီးပွားရေး လုပ်ငန်းရှင်များက ပြည်နယ် ဝန်ကြီးချုပ်နှင့် တွေ့ဆုံစဉ် ကုလားဂုတ် ရေနက်ဆိပ်ကမ်း ဆောက်လုပ်မည့် အစီအစဉ် အပါအဝင် စီမံကိန်း၏ အစိတ်အပိုင်းများ ဖြစ်သည့် ရေး-သံဖြူဇရပ်- ဘုရားသုံးဆူလမ်း၊ ရေး-သံဖြူဇရပ်- ကြာအင်းဆိပ်ကြီး- ကျုံဒိုး-ကော့ကရိတ်- မြဝတီလမ်း ဖောက်လုပ်ရေးနှင့် ဘုရားသုံးဆူမြို့ အနီးတွင် စက်မှုဇုန် တည်ဆောက်ရေး တို့ကို ဆွေးနွေးခဲ့ကြသည်ဟု ဆွေးနွေးပွဲ တက်ရောက်သူ စီးပွားရေး လုပ်ငန်းရှင် နိုင်စိုးမြင့် က ပြောသည်။
အထက်ပါ စီမံကိန်းများကြောင့် ဘုရားသုံးဆူမြို့ရှိ အိမ်ခြံမြေများ ဈေးထိုးတက်လာ၍ အချက်အချာကျသည့် နေရာ များကို ဒေသဖွံ့ဖြိုးရေး အဖွဲ့က ဒေသအာဏာပိုင်များနှင့် ပူးပေါင်းပြီး ဝယ်ယူလျက် ရှိသည်ဟု ဘုရားသုံးဆူ မြို့ခံများက ပြောသည်။
ယခင်က မြို့ပြင်ရှိ ပေ ၄ဝ x ၆ဝ ရှိ အိမ်ခြံမြေ တကွက်လျှင် ထိုင်းဘတ်ငွေ ခုနှစ်သောင်းမှ တသိန်းဝန်းကျင်သာ ရှိခဲ့ရာမှ မွန်ပြည်သစ် ပါတီ၊ ကရင်အမျိုးသား အစည်းအရုံးတို့ ပြည်ထောင်စု အစိုးရနှင့် ငြိမ်းချမ်းရေး သဘောတူချက် ရရှိပြီး နောက်ပိုင်းတွင် သုံးသိန်းမှ လေးသိန်း ဝန်းကျင်ထိ တက်ခဲ့သည်။
Ref: မဇ္ဈိမ
လက်ပန်းတောင်းတောင်အရေး ဆရာတော် ဦးဝီရသူ ကြေငြာချက် ထုတ်ပြန်
2012-12-19
လက်ပန်းတောင်းတောင် သပိတ်စခန်း ဖြိုခွဲခံရမှုနဲ့ ပတ်သက်ပြီး နိုင်ငံတော် အဆင့် တောင်းပန်ပွဲ၊ ဒဏ်ရာ ရသူတွေကို ဆက်လက်ထောက်ပံ့ရေး၊ ဒေါ်အောင်ဆန်းစုကြည် ဦးဆောင်တဲ့ စုံစမ်းရေးကော်မရှင်ကို အပြည့်အဝထောက်ခံရေး စတဲ့ သဘောထားကြေငြာချက် တစ်စောင်ကို မန္တလေး၊ မဟာအောင်မြေမြို့နယ်၊ မစိုးရိမ်တိုက်သစ်၊ ဓမ္မသဟာယကျောင်း နာယက ဆရာတော် ဦးဝီရသူက ထုတ်ပြန် လိုက်ပါတယ်။
ဒီကနေ့ ကြေငြာချက်နဲ့ ပတ်သက်ပြီး ဆရာတော် ဦးဝီရသူက RFAကို အခုလို မိန့်ပါတယ်။
" သံဃာတော်တွေရဲ့ ဖြစ်ချင်တဲ့ ဆန္ဒနဲ့ ပြည်သူတွေရဲ့ ဆိုးရိမ်သောကိုတွေ့နေရတော့ သံဃာတွေရဲ့ ဖြစ်ချင်တဲ့ ဆန္ဒလည်းပြည့်ဝသွားအောင်၊ ပြည်သူတွေရဲ့ ဆိုးရိမ်သောကလည်း ပြေပျောက်သွားအောင် လက်ပန်းတောင်းတောင် ကိစ္စကို ပါဝင်ဆောင်ရွက်ရတဲ့ အကြောင်း၊ လက်ပန်းတောင်းတောင် ကိစ္စနဲ့ ဖမ်းဆီးထားတဲ့ ပြည်သူတွေကို အမြန်ဆုံးပြန်လွှတ်ပေးဖို့ ဆိုတဲ့ အကြောင်းတွေပါ"
ဒီကြေငြာချက်ဟာ နိုင်ငံတော်အဆင့်တောင်းပန်ပွဲ ပေါ်ပေါက်ရေး အားထုတ်ခဲ့မှုအပေါ် အပြစ်လို့ ယူဆ ခဲ့ရင် သံဃာထုက ပေးတဲ့ အပြစ်ဒဏ်ကို ခံယူသွားဖို့၊ လယ်တီဆရာတော်ဘုရားရဲ့သာသနာ့ အမွေအနှစ်ကို ခေတ်မီ နည်းစနစ်တွေနဲ့ လုံခြုံစိတ်ချရတဲ့အထိ ဆောင်ရွက်ပေးဖို့၊ ဒဏ်ရာရ သံဃာတွေကို နောက်ဆက်တွဲ ကျန်းမာရေးစောင့်ရှောက်မှု ဆက်လက်ဆောင်ရွက် သွားဖို့နဲ့ စုံစမ်းရေးကော်မရှင်ကို ထောက်ခံပြီး အဖြေမထွက်မချင်း ထိပ်တိုက်တိုးမယ့် အခြေအနေတွေကို ရှောင်ရှားကြဖို့ စတဲ့ အချက်(၆) ချက် ပါဝင်ပါတယ်။
အခုဆိုရင် ဒဏ်ရာရသူတွေကို ထောက်ပံ့ဖို့ အလှူငွေ ကျပ်သိန်း၂၄၀ ကျော် ရရှိထားပြီး ပြည်ပထွက် ဆေးကုသမယ့် လူနာတွေ အတွက်နဲ့ ရေရှည် ကုသရမယ့် လူနာတွေအတွက် စီစဉ်ဆောင်ရွက်နေတယ်လို့ သိရပါတယ်။
Ref: RFA News
ရှမ်းပြည်အတွင်း အစိုးရတပ်များ လူ့အခွင့်အရေး ချိုးဖောက်ဆဲဟု SWAN ပြော
ဖနိဒါ
ဗုဒ္ဓဟူးနေ့၊ ဒီဇင်ဘာလ ၁၉ ရက် ၂၀၁၂
ချင်းမိုင်(မဇ္စျိမ) ။ ။ ရှမ်းအမျိုးသမီးရေးရာ ဆက်သွယ်လှုပ်ရှား ဆောင်ရွက်ရေးအသင်း (SWAN) ၏ ပထမဆုံး အကြိမ် မြန်မာနိုင်ငံသို့ သွားရောက်ခဲ့သော ခရီးစဉ်စဉ်တွင် ရှမ်းပြည်နယ်အတွင်း မြန်မာအစိုးရ စစ်တပ်ဘက်မှ လူ့အခွင့်အရေးများ ဆက်လက် ချိုးဖောက်နေကြောင်း တွေ့ရှိရသည်ဟု ဗုဒ္ဓဟူးနေ့မှာ ထိုင်းနိုင်ငံ၊ ချင်းမိုင်မြို့၌ သတင်းစာ ရှင်းလင်းပွဲ ပြုလုပ်၍ ပြောဆိုလိုက်သည်။
မြန်မာအစိုးရက ငြိမ်းချမ်းရေး လုပ်ဆောင်ခြင်း မရှိဘဲ ပြည်ပ ရင်းနှီးမြှုပ်နှံမှုများသာ ဦးစားပေး လုပ်ဆောင်နေသဖြင့် စစ်မှန်သည့် ငြိမ်းချမ်းရေးအတွက် ရှမ်းပြည်နယ် အတွင်း တိုးမြှင့်ချထားသော အစိုးရစစ်တပ်များ ဆုတ်ခွာပေးရန်နှင့် နိုင်ငံရေး တွေ့ဆုံဆွေးနွေးမှုများ လုပ်ဆောင်ရန် တိုက်တွန်းလိုက်သည်။
နိုဝင်ဘာလကုန်ပိုင်းမှ ဒီဇင်ဘာလ ၁၈ ရက်နေ့ထိ သီတင်းသုံးပတ်ကြာ SWAN ခရီးစဉ် အတွင်း ရှမ်းပြည်နယ် တောင်ကြီး၊ နောင်ချို၊ ကျောက်မဲ၊ သီပေါ၊ လာရှိုး၊ သိန္နီ၊ ကွတ်ခိုင်၊ နမ့်ခမ်း၊ မူဆယ်နှင့် ကျိုင်းတုံမြို့နယ် ၁ဝ ခု တို့တွင် ရှမ်းလူမှု အသိုင်းအဝိုင်းများနှင့် ရှမ်းပြည်သူလူထုတို့နှင့် တွေ့ဆုံဆွေးနွေးနိုင်ခဲ့သည်။
“ငြိမ်းချမ်းရေး လုပ်ပြီးတော့ တိုက်ပွဲတွေ ဆက်ဖြစ်နေတယ်။ ပြည်သူတွေ တောတောင်တွေမှာ ထွက်ပြေးနေရတယ်။ ခုချိန် လယ်ယာလည်း မရိပ်နိုင်ဘဲ ပစ်ထားရတယ်။ ရွာသားတွေ လူ့အခွင့်အရေး ချိုးဖောက်ခံရတယ်။ သူပုန်နဲ့ ဆက်သွယ်တယ် ဆိုပြီး ဖမ်းဆီး၊ ရိုက်နှက်တာတွေ ရှိနေတယ်။ လနဲ့ချီပြီး ချုပ်ထားတယ်။ တဖက်မှာလည်း လယ်မြေ သိမ်းတဲ့ ကိစ္စတွေ ရှိနေတယ်” ဟု SWAN မှ ပြောရေးဆိုခွင့်ရှိသူ ယိင်းဟန်ဖက မဇ္ဈိမကို ပြောသည်။
မိုင်းရှုးမြို့နယ်မှ အမျိုးသမီးများ လိင်ပိုင်းဆိုင်ရာ အကြမ်းဖက်မှု လေးခု ကြားသိခဲ့ရပြီး ကျူးလွန်သူများမှာ အစိုးရ စစ်တပ်ဘက်မှ ကျူးလွန်ခြင်း ဖြစ်သော်လည်း အသေးစိတ် အချက်အလက်ကို ထုတ်ဖော်ပြောဆိုရန် မသင့်သေးကြောင်း မဇ္စျိမကို ပြောသည်။
ရှမ်းပြည်နယ် ၅၅ မြို့နယ်တွင် ယခင်က တမြို့နယ်လျှင် တပ်ရင်း တရင်းသာ ရှိခဲ့ရာမှ ယခုနောက်ပိုင်း ၁၈ဝ ရင်းထိ ရှိလာသဖြင့် လူ့အခွင့်အရေး ချိုးဖောက်မှုများ ပိုမိုဖြစ်လာမည်ကို ဒေသခံများ စိုးရိမ်နေသည်ဟု ပြီးခဲ့သည့် ဇွန်လဆန်းပိုင်းက ရှမ်းလူမှု အခြေပြုအဖွဲ့များက ပြောဆိုခဲ့သည်။
သီပေါမြို့နယ်၊ ဘော်ကြိုကျေးရွာမှ ၅ မိုင်အကွာတွင် ဖြတ်သန်းသွားသော တရုတ်ပိုင် ရေနံနှင့်သဘောဝ ဓါတ်ငွေ့ ပိုက်လိုင်းသည် ဆားဓါတ်ကြောင့် ပေါက်ကွဲစေနိုင်၍ ဒေသခံများ စိုးရိမ်သဖြင့် ရပ်တန့်ပေးရန် ဒေသခံများ တောင်းဆို နေသည် ဟု ယိင်းဟန်ဖ က ပြောသည်။
“မီးတိုင်တောင် တနှစ် မခံဘူး။ ၅ လ၊ ၆ လောက်ဆိုရင် ဓါတ်တိုင် လဲတာ။ ခု ပိုက်လိုင်းကို ဆားဓါတ်စားပြီး သံချေး တက်လာ ပြီးတော့ ပေါက်ကွဲသွားရင် ဘယ်လိုလုပ်မှာလဲ။ တချို့ ပိုက်လိုင်းတွေ ဆိုရင် မတည့်ဘူး။ ကောက်နေတယ်။ ဖာထားတာလည်း ရှိတယ်။ အဲဒါကြောင့် ဒီ ဂက်စ်ပိုက်လိုင်းက တကယ့်ကို အန္တရာယ် ကြီးနေပြီ၊ ပေါက်ကွဲသွားရင် ပြည်သူတွေရဲ့ လုံခြုံရေးကို ဘယ်သူ တာဝန်ယူမလဲ”ဟု သူက မဇ္စျိမကို ပြောသည်။
ထိုဂက်စ်ပိုင်းလိုင်း စီမံကိန်း ရပ်ဆိုင်းရေးအား ရှမ်းပြည်သူများက လွှတ်တော် ကိုယ်စားလှယ်များမှ တဆင့် တင်ပြ ခဲ့သော်လည်း မည်သို့မျှ တုံ့ပြန်ခြင်း မရှိသေးဟု ဆိုသည်။
ထိုစီမံကိန်းကို တရုတ် အမျိုသား ရေနံကော်ပိုရေးရှင်း CNPC က လုပ်ဆောင်နေပြီး ပိုက်လိုင်းကို ရခိုင်ပြည်နယ်၊ ရမ်းဗြဲ ကျွန်းမှ တဆင့် မန္တလေးတိုင်း၊ မေမြို့မှ ရှမ်းပြည်နယ် မြောက်ပိုင်း သီပေါ၊ နောင်ချို၊ မူဆယ်၊ နမ္မတူ၊ ကျောက်မဲ နှင့် နမ့်ခမ်းမြို့များမှ တရုတ်နိုင်ငံ ထိ ဖြတ်သန်း ဖောက်လုပ်မည် ဖြစ်သည်။ ထိုပိုက်လိုင်းအတွက် နမ့်ခမ်းမြို့နယ် အတွင်း လယ်ယာမြေ ဧကပေါင်း ၁၅,ဝဝဝ သိမ်းပိုက် ခံနေရသည်ဟု ရှမ်းသဘာဝ ပတ်ဝန်းကျင်ထိန်းသိမ်းရေးအဖွဲ့က မဇ္စျိမကို ပြောဆိုခဲ့ဖူးသည်။
ထိုကိစ္စကို ရှမ်းနိုင်ငံရေးပါတီများ၊ လက်နက်ကိုင် အဖွဲ့အစည်းများ၊ လူမှုအခြေပြု အဖွဲ့အစည်းများနှင့် လွှတ်တော် ကိုယ်စားလှယ် များနှင့် ပူးပေါင်း၍ ရှမ်းပြည်သူလူထုများ၏ အခက်အခဲ အသေးစိတ်ကို ကောက်ခံပြီး လွှတ်တော် ကိုယ်စားလှယ်များမှတဆင့် ဗဟိုအစိုးရထံ တင်ပြသွားရန် စီစဉ်ထားသည်ဟု ယိင်းဟန်ဖ က ပြောသည်။
ယင်း SWAN အမျိုးသမီးအဖွဲ့များ သွားရောက်သည့် ခရီးစဉ်အတွင်း အစိုးရ၏ ထောက်လှမ်းရေးများ၏ စောင့်ကြည့်မှု များနှင့် စစ်ဆေးမေးမြန်းမှု အမျိုးမျိုး ကြုံတွေ့ခဲ့ရသည်ဟုလည်း ယိင်းဟန်ဖ က ပြောသည်။
နိုဝင်ဘာလ ၂၆ ရက်နေ့မှ ၂၈ ရက်နေ့ထိ ရန်ကုန်မြို့တွင် SWAN အပါအဝင် ရှမ်းအမျိုးသား ဒီမိုကရေစီ အဖွဲ့ချုပ်၊ ရှမ်းတိုင်းရင်းသားများ ဒီမိုကရက်တစ် ပါတီ၊ ရှမ်းလူမှု အခြေပြု အဖွဲ့အစည်းများ၊ ရှမ်းလက်နက်ကိုင် အဖွဲ့အစည်းများ နှင့် ရှမ်းစာပေ ယဉ်ကျေးမှု အသင်းများ ပါဝင်သော 'ငြိမ်းချမ်းရေးအတွက် ယုံကြည်မှု တည်ဆောက်ခြင်း' ဆွေးနွေးပွဲ ကျင်းပခြင်းအားဖြင့် ရှမ်းလူမျိုးများ ညီညွတ်ကြရန် သဘော တူညီခဲ့ခြင်းမှာ ငြိမ်းချမ်းရေး တည်ဆောက်စဉ် ကာလ အတွင်း ကောင်းကျိုးတခုအဖြစ် ရှုမြင်သည်ဟု ဆက်ပြောသည်။
Ref: မဇ္ဈိမ
ABSDF ခေါင်းဆောင်များ ၈၈ မျိုးဆက် ကျောင်းသားများနှင့်တွေ့ဆုံ
နန်းသီရိလွင်
December 19, 2012
မြန်မာနိုင်ငံသို့ ရောက်ရှိနေသော မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဗဟိုကော်မတီဝင် ၁၀ ဦးသည် ယနေ့ နံနက်ပိုင်းတွေင် ၈၈ မျိုးဆက်ကျောင်းသားများနှင့် တွေ့ဆုံခဲ့ကြသည်။
ထိုင်းမြန်မာနယ်စပ် အခြေစိုက် ABSDF ဥက္ကဋ္ဌ ကိုသံခဲ အပါအ၀င် ခေါင်းဆောင် (၁၀) ဦးသည် မြန်မာ့နိုင်ငံရေး အပြောင်း အလဲ လေ့လာရေး ခရီးစဉ် အဖြစ် လာရောက်စဉ်အတွင်း ၈၈ မျိုးဆက် ကျောင်းသားများအဖွဲ့နှင့် တွေ့ဆုံခြင်းဖြစ်ကြောင်း သိရသည်။
“ABSDF ဆိုတာဟာ သီးခြား အဖွဲ့အစည်း မဟုတ်ပါဘူး။ ABSDF ဟာ ပြည်တွင်းမှာ၊ နိုင်ငံတကာမှာ အားလုံး ဒီမျိုးဆက်ကို ကိုယ်စားပြုပြီးတော့ ရပ်တည်ခဲ့တဲ့ အဖွဲ့အစည်းဖြစ်တယ်။ မြန်မာနိုင်ငံရဲ့ နိုင်ငံရေး အပြောင်းအလဲနဲ့ အတူ ABSDF က ဆွေးနွေးပွဲတွေ လာလုပ်မယ်။ ဒီမှာရှိနေတဲ့ အစိုးရ အဖွဲ့အစည်းတွေ၊ နိုင်ငံရေးအဖွဲ့အစည်းတွေ အားလုံးနဲ့ ထိတွေ့ ဆက်ဆံသွားမှာ ဖြစ်တယ်” ဟု ၈၈ မျိုးဆက် ကျောင်းသားများ ကိုယ်စား ကိုဌေးကြွယ်က တွေ့ဆုံပွဲအပြီးတွင် သတင်းထောက်များကို ပြောကြား သည်။
ABSDF ၏ လေ့လာရေး ခရီးစဉ်အတွင်း ဗမာနိုင်ငံလုံးဆိုင်ရာ ကျောင်းသားများ သမဂ္ဂ၊ တိုင်းရင်းသားခေါင်းဆောင်များ အပါအ၀င် နိုင်ငံရေး အဖွဲ့အစည်းများ၊ အစိုးရ အဖွဲ့အစည်းများနှင့် တွေ့ဆုံရန် ရှိကြောင်း သိရသည်။
“နိုင်ငံရေး ခရီးလမ်းမှာ ABSDF အနေနဲ့ ဘယ်လို အခန်းကဏ္ဍကနေ ပါဝင်နိုင်မလဲ ဆိုတဲ့အပေါ်မှာ သဘောထားတွေ စုစည်းဖို့၊ ပြည်တွင်းက အင်အားစုတွေနဲ့ ကျနော်တို့ ဆုံတွေ့ပြီး အမြင်တွေ အကြံပြုချက်တွေ နားထောင်ဖို့ ကျနော်တို့ ရည်ရွယ်ချက် ရှိပါတယ်။ အဲဒီ ရည်ရွယ်ချက် အခြေခံ အောက်မှာပဲ ၈၈ မျိုးဆက်တွေရဲ့ အကြံပြုချက်တေ၊ွ ရင်းရင်းနှီးနှီး လက်ခံဆွေးနွေးမှုတွေ ကျနော်တို့ ရရှိထားပါတယ်” ဟု ABSDF ၏ ဗဟိုကော်မတီဝင် တဦးဖြစ်သူ ရဲဘော် ကျော်ကိုကိုက ပြောသည်။
ပြီးခဲ့သည့် နိုဝင်ဘာလ အတွင်းက ထိုင်းနိုင်ငံ ချင်းမိုင်မြို့တွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တွေ့ဆုံခဲ့ပြီးနောက် ABSDF ခေါင်းဆောင်များ မြန်မာနိုင်ငံသို့ လေ့လာရေး ခရီး လာရောက်ရန် စီစဉ်ခဲ့ခြင်းဖြစ်ကြောင်း သိရသည်။
လေ့လာရေး ခရီးစဉ်သည် ယခုနှစ် ဒီဇင်ဘာလ ၁၈ ရက်မှ ၂၀၁၃ ခုနှစ် ဇန်န၀ါရီလ ၃ ရက်နေ့အထိ ၂ ပတ်ကြာမြင့်မည်ဖြစ်ကာ ဇန်န၀ါရီလ ၃ ရက်နေ့တွင် ခရီးစဉ်နှင့် ပတ်သတ်ပြီး သတင်းစာ ရှင်းလင်းပွဲ ပြုလုပ်မည်ဖြစ်ကြောင်း သိရသည်။
“လိုချင်တဲ့ လွတ်မြောက်ရေးအတွက် ကျနော်တို့ ၀ိုင်းဝန်း လက်တွဲကြတာပေါ့ဗျာ။ မီဒီယာလည်း မီဒီယာ အလုပ်လုပ်မယ်။ ကျနော်တို့ကလည်း ကျနော်တို့ အလုပ်ကို ကျေပွန်အောင် လုပ်သွားမယ်” ဟု ABSDF ၏ ဥက္ကဋ္ဌ ရဲဘော် သံခဲက သတင်းထောက်များသို့ ပြောကြားသည်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦးကို ၁၉၈၈ နိုဝင်ဘာလတွင် စတင်ဖွဲ့စည်းခဲ့ပြီး ၂၄ နှစ်ကြာ လက်နက်ကိုင် တိုက်ပွဲဝင်ခဲ့ကာ ယခုအချိန်ထိ အစိုးရသစ်နှင့် အပစ်အခတ်ရပ်စဲထားခြင်း မရှိသေးကြောင်းသိရသည်။
Ref: ဧရာဝတီ
ABSDF ကိုယ်စားလှယ်အဖွဲ့ ရန်ကုန်ရောက်
အောင်ရဲ မောင်မောင်
19.12.2012
ကျောင်းသားတပ်မတော်လို့ အများသိကြတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက် တစ် တပ်ဦး ABSDF က ခေါင်းဆောင် တချို့ ပထမဆုံး အကြိမ် ပြည်တွင်းမှာ ရောက်နေကြပါတယ်။ အစိုးရ တာဝန်ရှိသူတွေနဲ့ တွေ့ဆုံဆွေးနွေးဖို့ အပြင် ပြည်တွင်း နိုင်ငံရေး အင်အားစုတွေနဲ့ပါ တွေ့ဆုံဆွေးနွေးဖို့ အစီအစဉ်နဲ့ ရောက်နေကြ တဲ့ ABSDF ခေါင်းဆောင်တွေရဲ့ ခရီးစဉ်နဲ့ ပတ်သက်ပြီး ဗွီအိုအေရဲ့ ရန်ကုန်အခြေစိုက် သတင်းထောက် ကိုအောင်ရဲမောင်မောင် က တွေ့ဆုံမေးမြန်း ထားပါတယ်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF လက်ရှိ ခေါင်းဆောင် ပိုင်းတွေဟာ ဒီကနေ့မှာ မြန်မာနိုင်ငံ အတွင်းကို ပြန်လည်ရောက် ရှိခဲ့ပြီး နိုင်ငံရေး အင်အားစုတွေနဲ့ တွေ့ဆုံ သွားမယ်လို့ ADSDF ကျောင်းသားခေါင်းဆောင် ကိုကျော်ကို က ဗီအိ်ုအေ မြန်မာပိုင်းကို ပြောပါတယ်။
ABSDF ခေါင်းဆောင်ပိုင်းက တာဝန်ခံ တွေဟာ ၈၈ မျိုးဆက်ကျောင်းသားတွေနဲ့ ဒီကနေ့မှာ တွေ့ဆုံခဲ့ပြီးတော့ အမျိုးသား ဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည် နဲ့ တွေ့ဆုံဖို့လည်း ကြိုးစားနေတယ် လို့ ကိုကျော်ကိုက ဗွီအိ်ုအေကိ်ု ပြောပါတယ်။
“ဒီနေ့မှာပဲ ၈၈ မျိုးဆက် ကျောင်းသားခေါင်းဆောင်တွေနဲ့ တွေ့ဖြစ်တယ်၊ အဲဒီတွေ့ဆုံပွဲမှာ ကျနော်တို့ အားရပါတယ်။ ဝမ်းလည်း ဝမ်းသာတယ်။ နောက်တစ်ခုက သူတို့နဲ့ ကျနော်တို့ ကြားထဲမှာ ရှိတဲ့ အမြင်တွေ ဖလှယ်နိုင်တယ်။ နောက်တစ်ခုက ရှေ့ခရီးစဉ်အတွက် ပွင့်ပွင့်လင်းလင်း အကြံပြုကြတယ်၊ ဆွေးနွေးကြတယ်ပေါ့။”
မေး။ ။ ဒေါ်အောင်ဆန်းစုကြည်နဲ့ရော တွေ့ဖို့ရှိသေးလား။
“ကျနော်တို့ ကြိုးစားနေပါတယ်။”
ADSDF ဗဟို ကော်မတီဝင်တွေဟာ ဒီကနေ့မှာ ၈၈ ကျောင်းသားများ အဖွဲ့က ခေါင်းဆောင်ပိုင်းတွေနဲ့ တွေ့ဆုံခဲ့ ပြီး နေ့လည်ပိုင်းမှာ မြန်မာ ငြိမ်းချမ်းရေး စင်တာက တာဝန်ရှိသူတွေနဲ့ တွေ့ဆုံခဲ့ပါတယ်။
အခုလို ပြည်ပက အင်အားစုတွေ ပြည်တွင်းကို ပြန်လည်ဝင်ရောက်လာတာနဲ့ ပတ်သက်ပြီး မြန်မာ ငြိမ်းချမ်းရေး စင်တာက ဒေါက်တာမင်းဇော်ဦးက-
“အစိုးရဘက်ကရော အစိုးရနဲ့အတူတူ လုပ်နေတဲ့လူတွေကြားထဲမှာလည်း လုပ်ပေးရမှာက ဒီလိုလူတွေ ပြန်ဝင်လာတဲ့ အခါမှာ လက်ရှိစံနစ်က သူတို့ကို အရင်တုန်းကလိုမျိုး ကန့်သတ် ချုပ်နှောင်တာတွေ မရှိအောင် ကျနော်တို့က အဲဒီအခက်အခဲတွေကို တတ်နိုင်သလောက် ဖယ်ရှားပေးရမှာပေါ့။ ဥပမာ- မတရားအသင်း ကိစ္စမျိုးတွေ ဘာတွေ - ဒါမျိုးတွေနဲ့ ကင်းလွတ်မှု သူတို့ ပြန်လာပြီး လှုပ်ရှားလို့ ရမှာပါ။ ဒီလိုဟာမျိုးတွေကို စံနစ်မှာ ဥပဒေအရ တချို့ အကန့်အသတ် ရှိတဲ့ ဟာတွေကို ကျနော်တို့က အဲဒီ အကန့်အသတ်တွေကို ဖယ်ပေးဖို့ လိုတာပေါ့။
တဖက်က ပြန်ဝင်လာတဲ့သူတွေ ဘက်ကလည်း ဒီလိုမျိုး ပြန်ဝင်လာပြီး လှုပ်ရှားတဲ့အခါမှာ လက်ရှိ သွားနေတဲ့ အပြောင်းအလဲရဲ့ အကျပ်အတည်းတွေ၊ စိန်ခေါ်မှုတွေကို နားလည်ပြီးတော့ တဘက်နဲ့တဘက် အပြန်အလှန် နားလည်မှုရှိတဲ့ လှုပ်ရှားမှုမျိုးတွေ ဖြစ်ဖို့ လိုတယ်ပေါ့ဗျာ။”
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF က ဥက္ကဋ္ဌ ကို သံခဲ အပါအဝင် ဗဟိုကော်မတီဝင် ၉ ဦး ပြည်တွင်းကို ပြန်လည် ဝင်ရောက်လာ တာဖြစ်တယ်လို့ ကိုကျော်ကိုက ပြောပါတယ်။
ပြည်တွင်းမှာ သမ္မတဦးသိန်းစိန်ရဲ့ နိုင်ငံရေး ဖြစ်စဉ် တိုးတက်မှုတွေကို လေ့လာဖို့ လာခဲ့တာဖြစ်သလို ABSDF ရဲ့ ပြည်တွင်း ခရီးစဉ်မှာ အခြား ရည်ရွယ်ချက် ၃ ခုလည်း ရှိသေးတယ်လို့ ကိုကျော်ကိုက ပြောပါတယ်။
“အစိုးရရဲ့ ပြုပြင်ပြောင်းလဲမှုတွေကို ကျနော်တို့လာပြီး လေ့လာတယ်။ ဒုတိယတချက်ကတော့ ကျနော်တို့ရဲ့ မကဒ- ရှေ့ခရီး ဆက်သွားနိုင်ဖို့ ဆိုရင် ပြည်တွင်းမှာရှိတဲ့ နိုင်ငံရေး အင်အားစုတွေရဲ့ အကြံဉာဏ်၊ သူတို့ရဲ့ အကြံပြုမှု၊ သူတို့ရဲ့အသံတွေ ကျနော်တို့ နားထောင်မယ်၊ ဆွေးနွေးမယ်၊ ကျနော်တို့ အမြင်တွေ ဖလှယ်မယ်။ တတိယတခုကတော့ ကျနော်တို့ ရဲဘော်ဟောင်းတွေနဲ့ မိသားစုတွေနဲ့ ကျနော်တို့ ပြန်တွေ့ဖို့ပေါ့။ အဓိကကတော့ ခရီးစဉ် ရည်ရွယ်ချက်ကတော့ သုံးခုပေါ့။” ပြည်တွင်းကို ပြန်ဝင်လာတဲ့ ကျောင်းသားခေါင်းဆောင်တွေဟာ လက်ရှိ အချိန်မှာ မြန်မာငြိမ်းချမ်းရေး စင်တာမှာ ပဲ နေထိုင်မှာဖြစ်ပြီးတော့ သူတို့ရဲ့ခရီးစဉ်ဟာ ၂ ပတ်ခန့်ကြာမယ်လို့ လည်း ကျောင်းသားခေါင်းဆောင် ကိုကျော်သူရက ပြောပါတယ်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF ဟာ ပြည်တွင်းက အာဏာပိုင်တွေ နဲ့လည်း တွေ့ဆုံဖို့ရှိပြီး ဆက်လက် ဆွေးနွေးဖို့ ကိစ္စတွေလည်း ရှိတယ်လို့ ADSDF ခေါင်းဆောင်ပိုင်းတွေက ပြောပါတယ်။
“နိုဝင်ဘာလထဲက ဦးအောင်မင်းတို့နဲ့ တွေ့တဲ့အချိန်မှာ ကျနော်တို့ ဒီ သဘောတူညီချက် ရတာပေါ့နော်။ နံပါတ်တစ် ကတော့ ဒီ-တွေ့ဆုံဆွေးနွေးပွဲတွေ ကျနော်တို့ ဆက်လုပ် သွားမယ်။ ဒုတိယတချက်ကတော့ ကျနော်တို့ ဗမာပြည်ကို လေ့လာရေး ခရီးစဉ် လာဖို့ အဲဒီရဲ့ သဘောတူညီမှုအောက်မှာပဲ ဒီလမှာပဲ ကျနော်တို့ ထွက်ခဲ့တယ်။”
အခုလို မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF ပြည်တွင်း ပြန်လည် ရောက်ရှိ လာဟာ ပထမဆုံး အကြိမ်ဖြစ်ပြီးတော့ အခုတကြိမ် ပြန်လည် ဝင်ရောက်လာမှုဟာ မြဝတီဘက်မှာ စုရပ်လုပ်ပြီး နယ်စပ်ဘက်ကနေ ပြည်တွင်းကို ဝင်ရောက်လာ ခဲ့တာ ဖြစ်တယ်လို့လည်း ဗဟိုကော်မတီ အဖွဲ့ဝင် ကိုစောမောင်ဦးက ပြောပါတယ်။
၁၉၈၈ တနိုင်ငံလုံး အတိုင်းအတာနဲ့ ပါဝင်ခဲ့တဲ့ ဒီမိုကရေစီလိုလားတဲ့ လူထု အုံကြွမှုကြီးကနေ သန္ဓေ တည်ခဲ့တဲ့ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဟာ မြန်မာပြည်က စစ်အစိုးရကို လက်နက်စွဲကိုင် တိုက်ပွဲဝင်ခဲ့တာ အခုဆိုရင် (၂၃) နှစ် ကျော်ခဲ့ပါပြီ။
ပြီးခဲ့တဲ့ ဖေဖေါ်ဝါရီလ ၉ ရက်နေ့ကတော့ ABSDF အဖွဲ့ဟာ စစ်တပ်ရဲ့  ကျောထောက်နောက်ခံ ယူထားတဲ့ အရပ်သား အစိုးရရဲ့  ကိုယ်စားလှယ် အဖွဲ့ဖြစ်တဲ့ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နဲ့ ထိုင်း-မြန်မာ နယ်စပ်မှာ ပဏာမ တွေ့ဆုံ စကားပြောဆိုခဲ့ပါ တယ်။
ဒီရက်ပိုင်းတွေအတွင်းမှာ မြန်မာငြိမ်းရေး စင်တာမှာ လူ့ဘောင်သစ်ဒီမို ကရက်တစ်ပါတီ၊ အမျိုး သမီးများ အဖွဲ့ချုပ် (မြန်မာနိုင်ငံ) တွေက ခေါင်းဆောင် ပိုင်းတွေ ဟာ ပြည်တွင်း ပြန်ရောက် ခဲ့ကြပြီး ငြိမ်းချမ်းရေး စင်တာက တာဝန် ရှိသူတွေနဲ့ တွေ့ဆုံ ဆွေးနွေးမှုတွေ ပြုလုပ် ခဲ့ကြပါတယ်ခင်ဗျာ။
Ref: VOA News
Tuesday, December 18, 2012
မြန်မာပြည်အပေါ် တရုတ်စီးပွားရေး လွှမ်းမိုးမှု အနေအထားနှင့် တိုင်းပြည် အနာဂတ်
တရုတ်ပြည်ဟာ မြန်မာပြည်ရဲ့အရှေ့ဖက်မှာတည်ရှိပြီး ရှမ်းပြည်၊ ကချင်ပြည်တို့နဲ့ နယ်နိမိတ်ချင်း ထိစပ် နေပါတယ်။ လူဦးရေ သန်းပေါင်း (၁၃၀၀) ခန့် ရှိပြီး မြန်မာပြည်ရဲ့ လက်ရှိ လူဦးရေကတော့ ၂၀၀၉ နှစ်ကုန်မှာ သန်းပေါင်း (၆၀) နီးပါး လောက်ရှိပြီး ၂၀၁၀ အကုန်မှာတော့ (၆၁) သန်းကျော် ရှိလာတော့မှာလို့ ဆိုပါတယ်။ ၁၉၈၈ ခုနှစ် စက်တင်ဘာလ မြန် မာပြည် ဒီမိုကရေစီ အရေးတော်ပုံကြီး ဖြစ်အပြီး တပ်မတော်က ပြန်ပြီး ထပ်ဆင့် အာဏာသိမ်းချိန်ကစလို့ တရုတ်အစိုးရ ဟာ န၀တ၊ နအဖ စစ်အစိုးရနဲ့ စီးပွားရေး၊ စစ်ရေး ပူးပေါင်းဆောင်ရွက်မှုတွေ အကြီးအကျယ် တိုးချဲ့ လုပ်ကိုင်လာလိုက် တာ ဒီကနေ့ စစ်အစိုးရ တဖြစ်လဲ ဘောင်းဘီချွတ် ကြံ့ဖွံ့အစိုးရ အထိပါပဲ။
သူတို့မဟာဗျူဟာရည်ရွယ်ချက်
ပြည်ပသုတေသီတွေအဆိုအရ မြန်မာပြည်အပေါ်ထားတဲ့ တရုတ်ပြည်ရဲ့ မူဝါဒတွေမှာ ရည်ရွယ်ချက် (၆) ချက် ရှိတယ်လို့ ဆိုပါတယ်။ အဲဒါတွေကတော့ ..
- တရုတ်ပြည်အနောက်တောင်ဘက်က အိန္ဒိယသမုဒ္ဒရာကို ဆက်သွယ်တဲ့ လမ်းကြောင်း လုံခြုံရေး။
- နယ်စပ်ဒေသလုံခြုံရေးနဲ့ တည်ငြိမ်ရေးကို ထိန်းသိမ်းရေး။
- တရုတ်ပြည်ရဲ့လောင်စာစွမ်းအင် စိတ်ချဖူလုံစေရေး။
- တရုတ်-မြန်မာအကြား စီးပွားရေးပူးပေါင်းဆောင်ရွက်မှုတိုးမြှင့်ရေး။
- အိန္ဒိယနိုင်ငံ အင်အားကြီး ခေါင်းထောင်ထလာလာကို နိုင်နိုင်နင်းနင်း ကိုင်တွယ်ဖြေရှင်ရေး။
- မြန်မာနိုင်ငံနဲ့ဆွေမျိုးပေါက်ဖော်ဆက်ဆံရေးကို ဆက်လက်ထိန်းသိမ်းရေး။ စတာတွေ ဖြစ်ပါတယ်။
မရှောင်လွှဲနိုင်တဲ့ ပင်မအကြောင်းရင်းခံတချို့
၂၀၁၁ခုနှစ် စာရင်းအရဆို မြန်မာပြည်မှာ တွက်ချက်အတည်ပြုပြီးထုတ်ယူနိုင်တဲ့ သဘာဝဓါတ်ငွေ့ပမာဏ (၂၈၃.၂) ဘီ လျံ ကုဗမီတာရှိပြီး တရုတ်ပြည်မှာက (၈၀၀) ဘီလျံ ကုဗမီတာ ရှိပါတယ်။ ဒါကြောင့် တရုပ်ပြည်က သဘာဝ ဓါတ်ငွေ့ သိုက် ပမာဏရဲ့ (၃)ပုံတပုံကျော်လောက် ရှိနေပါတယ်။ ဒီဓါတ်ငွေ့သိုက် တွေဟာ အိန္ဒိယ သမုဒ္ဒရာနဲ့ ဆက်စပ်နေတဲ့ မြန်မာ့ ရေပိုင်နက်ထဲက ဘင်္ဂလား ပင်လယ်အော်နဲ့ မုတ္တမ ပင်လယ်ကွေ့ထဲမှာ တည်ရှိပါတယ်။
တရုတ်ပြည်ဟာ စီးပွားရေးဖွံ့ဖြိုးလာတဲ့အတွက်ကြောင့် လောင်စာစွမ်းအင်တွေ ပိုပြီး လိုအပ်လာ ပါတယ်။ ပြည်ပက တင်သွင်း နေရတဲ့ အပေါ် မှီခိုနေရမှုက ၂၀၀၃ ခုနှစ်မှာ (၃၄%)၊ ၂၀၀၈ ခုနှစ်မှာ (၅၀%) ရှိလာပြီး ၂၀၂၀ ခုနှစ်မှာ (၆၀%) ရှိလာမယ်လို့ ဆိုပါတယ်။ ဒီရေနံတင်သွင်းတာရဲ့ (၈၀%) ဟာ မလက္ကာရေလက်ကြားက တဆင့် ဖြတ်နေ ရပါတယ်။
အထက်ကဖော်ပြတဲ့ ပထ၀ီနိုင်ငံရေးနဲ့စီးပွားရေးအကြောင်းအချက်တွေက တရုတ်ပြည်ကို ရေနံနဲ့ ဓါတ်ငွေ့ ပိုက်လိုင်းတွေ တည်ဆောက်ဖို့နဲ့ မြန်မာနိုင်ငံ အတွင်း ရင်းနှီးမြှုပ်နှံမှုတွေ မဖြစ်မနေ လုပ်ဆောင် လာစေဖို့ တွန်းအား ပေးခဲ့တာ ဖြစ်ပါတယ်။
ဒါ့ပြင် စီးပွားရေးတိုးတက်လာနေတဲ့ တရုတ်ပြည်အတွက် မြန်မာပြည်ဟာ ကုန်ချော တပိုင်း ထုတ်ကုန်တွေ ထောက်ပံ့တဲ့ အဓိက နေရာနဲ့ ဈေးပေါတဲ့ လုပ်အားနဲ့ ကုန်ကြမ်း ရေသောက်မြစ်ရရာ ဒေသ ဖြစ်လာနေပါတယ်။ မြန်မာပြည်က တဆင့် စရိတ်စခနည်းတဲ့ သယ်ယူပို့ဆောင်ရေး ၀န်ဆောင်မှုကလည်း တရုတ် စီးပွားရေး လုပ်ငန်းတွေအတွက် မုချအကျိုးရှိစေ တာ ဖြစ်ပါတယ်။ အထူးသဖြင့် အိန္ဒိယသမုဒ္ဒရာနဲ့ ဆက်သွယ်ရေး လမ်းကြောင်း ဖြောင့်ဖြူး လာတာက တရုတ်ပြည်ရဲ့ ပထ၀ီ နိုင်ငံရေး အကျိုးစီးပွားအတွက် စိတ်ချလက်ချ ဖြစ်သွားစေတဲ့ အဓိက အကြောင်းရင်း ဖြစ်ပါတယ်။
နောက်ပီး ဧရာဝတီမြစ်ကို ယူနန်ပြည်နယ်ရဲ့လျှပ်စစ်စွမ်းအင်ရင်းမြစ်အဖြစ်ရော ပင်လယ်ထွက်ပေါက် အဖြစ် အသုံးပြုဖို့ စီစဉ်လာတာတွေ၊ စတာတွေက လည်း မြန်မာ-တရုတ် ပူးပေါင်းဆောင်ရွက်မှုတွေ ထဲက မဟာဗျူဟာကျတဲ့ လုပ်ငန်းတွေ ဖြစ်ပါတယ်။ ယူနန်က ထွက်ကုန်ပစ္စည်းတွေကို ရန်ကုန်၊ သီလဝါဆိပ် ကမ်းအထိ ကုန်ကြောင်း ရေကြောင်းနဲ့ သယ်ယူပို့ ဆောင်ဖို့စီမံကိန်းကလည်း အစီအစဉ် ရှိထားပါတယ်။ သီလ၀ါဆိပ်ကမ်း စီမံကိန်းမှာ အပိုင်း (၃) ပိုင်း ပါဝင်ပါတယ်။ ပထ မ ပိုင်းက မြန်မာ-တရုတ်နယ်စပ် ဗန်မော်နားက ကွန်တိန်နာဆိပ်ကမ်းကို ကားလမ်းနဲ့ ဆက်သွယ်တာ၊ ဒုတိယပိုင်းအနေ နဲ့ ကွန်တိန်နာ ဆိပ်ကမ်းဆောက်တာနဲ့ တတိယပိုင်းက ဧရာဝတီ မြစ်ရေ စီးကြောင်း နက်ဖို့ သောင်တူးဖော်တဲ့ အပိုင်းတွေ ဖြစ်ပါတယ်။ တရုတ် ကွန်တိမ်နာပေါင်း နှစ်သန်းလောက် နှစ်စဉ် သယ်ပို့နိုင်မှာဖြစ်ပြီး ဧရာဝတီမြစ်ကို ဖြတ်လမ်းအဖြစ် အသုံးပြုပြီး အိန္ဒိယ-အရှေ့ အလယ်ပိုင်းနဲ့ ဥရောပကို တရုတ်ကုန်တွေ ပို့ဖို့ ပင်လယ်ရေလမ်းကြောင်း အနေနဲ့ အသုံးချဖို့ ဖြစ်ပါတယ်။ လောလောဆယ်ဆယ်တော့ ဒီစီမံကိန်းတွေဟာ ဧရာဝတီ မြစ်ဆုံ စီမံကိန်းလိုပဲ အကြောင်းကြောင်းတွေ ကြောင့် ရပ်နားထားပါတယ်။ ၁၉၉၇ ကစပြီး အနောက် နိုင်ငံအစိုးရတွေရဲ့ ပိတ်ဆို့မှုတွေကြောင့် တရုတ်ဖွံ့ဖြိုးမှု အကူအညီတွေ ရရေးဟာ မြန်မာနိုင်ငံ ရဲ့ နိုင်ငံခြား အကူအညီတွေမှာ အကြီးဆုံး ရေသောက်မြစ် ဖြစ်လာပါတယ်။
တမိုးလုံးဖျောက်ဆိပ် ဖြစ်နေတဲ့ တရုတ်စီမံကိန်းတွေ
၂၀၀၈ခု နှစ်ကုန် စာရင်းတွေအရဆို မြန်မာ့ရေအားလျှပ်စစ်လုပ်ငန်း၊ ရေနံ-ဓါတ်ငွေ့နဲ့သတ္ထု တူးဖော်ရေး လုပ်ငန်း စတဲ့ စီမံကိန်း လုပ်ငန်းပေါင်း (၉၀) လောက် မှာ တရုတ်နိုင်ငံစုံ ကော်ပိုရေးရှင်း အနည်ဆုံး (၆၉) ခုလောက် ပါဝင် ပတ်သက်နေ ပါတယ်။ စီမံကိန်းတွေကတော့ ဆည်မြောင်း အငယ်စား ဆောက်လုပ်ခြင်းက အစ ကျောက်ဖြူကနေ ယူနန်ပြည်နယ်၊ ခွန်း မင်ထိ ရှည်တဲ့ ရေနံနဲ့ ဓါတ်ငွေ့ပိုက်လိုင်း တည်ဆောက်ရေးထိ ပါဝင်ပါတယ်။
ကန်ထရိုက်စာချုပ်တွေနဲ့ နားလည်မှုစာချွန်လွှာတွေ
၁၉၉၉ ခုနှစ်အကုန်မှာ မြန်မာစစ်အစိုးရဟာ တရုတ်ပြည်နဲ့ အမေရိကန်ဒေါ်လာသန်းပေါင်း (၁.၄) ဘီလျံ သန်ပေါင်း (၁၄၀၀) တန်ဖိုး ရှိတဲ့ နားလည်မှု စာချွန်လွှာပေါင်း (၅၀၇) ခုကို လက်မှတ်ရေးထိုး ခဲ့ပါတယ်။ ၂၀၀၂ ခုနှစ် အောက်တိုဘာ လ မှာ တရုတ် ကုမ္ပဏီတွေဟာ စုစုပေါင်း အမေရိကန်ဒေါ်လာ (၂.၁)ဘီလျံ (သန်းပေါင်း ၂၁၀၀) တန်ဖိုးရှိတဲ့ စီမံကိန်း (၂၉၃) ခု ကန်ထရိုက်စာချုပ် ချုပ်ဆိုလိုက်ပြီး ၂၀၀၄ခု မတ်လမှာ သဘောတူညီချက် (၂၁) ခု လက်မှတ် ရေးထိုးခဲ့ပါ တယ်။ ဒီ သဘောတူညီချက်တွေက အထူးချေးငွေနဲ့ စီးပွားရေးနဲ့ နည်းပညာ ပူးပေါင်းဆောင်ရွက်ရေး တို့ ပါဝင်ပါတယ်။
၂၀၀၆ စက်တင်ဘာလအထိ မြန်မာပြည်မှာ တရုတ်ပြည်ရဲ့စီမံကိန်းတွေနဲ့ အလုပ်သမား ကန်ထရိုက် စာချုပ်ပေါင်း (၈၂၅) ခု ရှိပါတယ်။ အများဆုံး ကတော့ ၂၀၁၀ ခုနှစ် စက်တင်ဘာလ (၇) ရက်ကနေ ၁၁ ရက်နေ့ထိ ဗိုလ်ချုပ်မှူးကြီးရဲ့ (၅) ရက်ကြာ တရုတ် ပြည် ခရီးစဉ်မှာ အတိုးမဲ့ချေးငွေ အနေနဲ့ အမေရိကန် ဒေါ်လာ (၄.၂) ဘီလျံ ထုတ်ချေး ခဲ့ပါတယ်။ သဘောတူညီချက် စာ ချုပ်ကိုတော့ ပြည်ထောင်စုမြန်မာနိုင်ငံ နိုင်ငံခြား ရင်းနှီးမြှုပ်နှံမှု ဘဏ်နဲ့ တရုတ်ပြည် ဖွံ့ဖြိုးရေးဘဏ် ကော်ပိုရေးရှင်း (CDBC) တို့က လက်မှတ်ရေးထိုး ခဲ့ပါတယ်။ ဒီချေးငွေတွေကို အဓိက ကျောက်ဖြူ-ခွန်းမင် ဓါတ်ငွေ့ ပိုက်လိုင်းနဲ့ ရေနံပိုက်လိုင်း တည်ဆောက်ရေး တို့မှာ အသုံးပြုဖို့ ဖြစ်ပါတယ်။
ကျောက်ဖြူ-ခွန်းမင် ရေနံနှင့် ဓါတ်ငွေ့ပိုက်လိုင်း
ရခိုင်ပြည်နယ် ကျောက်ဖြူကနေ တရုတ်နိုင်ငံ၊ ယူနန်ပြည်နယ်က ခွန်းမင်မြို့ထိ သွယ်တန်းထားတဲ့ ရေနံနဲ့ ဓါတ်ငွေ့ပိုက် လိုင်း (၂) ခု ကို ၂၀၁၃ခုနှစ် မတ်လမှာ အပြီးတည်ဆောက်ဖို့ မှန်းထားပြီး ဇွန်လမှာ စတင်သယ်ဆောင်နိုင်မယ်လုိ့ ခန့် မှန်းထားပါတယ်။ ဒီပိုက်လိုင်းစီမံကိန်းကနေ မြန်မာအစိုးရက နှစ်စဉ် တနှစ်ကို နိုင်ငံခြားငွေ ဒေါ်လာ (၁) ဘီလျံနဲ့ နှစ် ပေါင်း (၃၀) ခံစားရရှိမယ်လို့ သိရပါတယ်။ နောက်ပီး ဒီပိုက်လိုင်းတလျှောက် ကျောက်ဖြူကနေ ယူနန်ပြည်နယ်၊ ရွှေလီ ထိ ကီလိုမီတာ (၈၁၀) ရှည်တဲ့ ရထားလမ်းတခုလည်း တွဲဖက်ဖောက်လုပ်ပါအုန်းမယ်။ ရခိုင်ကမ်းခြေ မဒေးကျွန်းမှာ အ နောက်အာဖရိကနဲ့ အာဖရိက က သယ်လာမယ့် ရေနံတင်သင်္ဘောတွေ ဆိပ်ကပ်မယ့် ရေနက်ဆိပ်ကမ်းနဲ့ ရေနံစိမ်းတွေ သိုလှောင်မယ့် အဆောက်အဦတွေကိုလည်း ဆောက်လုပ်နေပါတယ်။ ဒီရေနံစိမ်းတွေနဲ့ ရွှေဂက်စ်ကထွက်မယ့် သဘာ ၀ဓါတ်ငွေ့တွေကို ဒီပိုက်လိုင်းတွေကတဆင့် တရုပ်ပြည်ကို သယ်ယူကြမှာ ဖြစ်ပါတယ်။ “ပိုက်လိုင်းတလျှောက်ရထား လမ်း တည်ဆောက်ရခြင်း ရည်ရွယ်ချက်မှာ အိန္ဒိယသမုဒ္ဒရာမှာ စိုးမိုးနေတဲ့ အမေရိကန်ရေတပ် အန္တရာယ်ကို ကာကွယ် ဖို့ အရေးပေါ် လိုအပ်လာရင် တရုပ် တပ်အင်အား အလုံးအရင်းကို ရွှေ့ပြောင်းဖို့ ရည်ရွယ်ချက် ဖြစ်တယ်” လို့လည်း စစ်ရေး အကဲခတ်တွေက ဆိုပါတယ်။
ပင်လယ်ဆိပ်ကမ်းတွေနဲ့ အဝေးပြေးလမ်းမ စီမံကိန်းတွေ
တရုတ်နိုင်ငံဟာ ပင်လယ်ဆိပ်ကမ်း၊ ရထားလမ်းတွေနဲ့ အဝေးပြေးလမ်းမတွေ တည်ဆောက်ဖို့ မြန်မာစစ်အစိုးရကို ကူ ညီနေပါတယ်။ လောလောဆယ်ဆယ် ရခိုင်ပြည်နယ်၊ စစ်တွေနဲ့ကျောက်ဖြူ ပယ်လယ်ရေနက် ဆိပ်ကမ်းတွေ တည် ဆောက်နေပါတယ်။ တရုတ်ကုမ္ပဏီတွေဟာ မြန်မာပြည်မှာ (၃၀၅) ကီလိုမီတာ ရှည်တဲ့ အဝေးပြေးလမ်းမတခုကို တည် ဆောက်ပေးထားပါတယ်။ မကြာမီ ရှမ်းပြည်မှာ အာရှတိုက်လုံးဆိုင်ရာ ဆက်သွယ်ရေးကွန်ယက်ရဲ့ နောက်ဆုံး အဆက် အသွယ်ဖြစ်တဲ့ လာရှိုးကို ဆက်သွယ်တဲ့ ၁၀၇ ကီလိုမီတာရှည်တဲ့ ရထားလမ်းတခု တည်ဆောက်တော့မှာ ဖြစ်ပါတယ်။ တရုတ်ပြည်က နည်းပညာ၊ ပစ္စည်းတွေနဲ့ ဆောက်လုပ်ရေးလုပ်သားတွေအကုန်လုံး ကူညီမှာ ဖြစ်ပါတယ်။
စစ်ရေးထောက်ပံ့မှုနဲ့ ရေတပ်ဆိပ်ကမ်းတွေ
တရုတ်နိုင်ငံက မြန်မာစစ်အစိုးရကို (၂) ဘီလျံဖိုး စစ်ပစ္စည်းတွေနဲ့ ဂျက် တိုက်လေယာဉ်တွေ ရောင်းချ ခဲ့ပါတယ်။ မြန်မာ ရေပိုင်နက်က ကျွန်းပေါ်မှာ ရေတပ် အခြေစိုက်စခန်းတွေ ဆောက်လုပ် ခဲ့ပါတယ်။ မြန်မာပြည်ကို အဓိက လက်နက် တင်ပို့သူလည်း ဖြစ်ပါတယ်။ လက်နက် ပစ္စည်း ၉၀% ထောက်ပံ့ခဲ့တယ်။ ၁၉၈၉ ခုနှစ်မှာ တရုတ်နိုင်ငံဟာ မြန်မာစစ်အစိုးရနဲ့ အမေရိကန် ဒေါ်လာ (၁.၂) ဘီလျံ တန်ဖိုးရှိတဲ့ လက်နက်ရောင်းဝယ်ရေးလုပ်ငန်းကို လက်မှတ်ရေးထိုးခဲ့ပါတယ်။ ဒီ လုပ်ငန်းမှာ လက်နက်တွေ၊ စစ်ရေး နည်းပညာတွေနဲ့ လေ့ကျင့်ရေးတွေ အကူအညီပေးဖို့ ပါ ပါတယ်။ ၁၉၉၀ ခုနှစ် အတွင်းမှာ တရုတ်ပြည်ဟာ မြန်မာစစ်အစိုးရကို အလတ်စားတင့်ကား အစီး (၁၀၀)၊ အပေါ့စားတင့်ကား အစီး (၁၀၀)၊ တိုက်လေယာဉ် (၂၆၈) စီး၊ လူစီးသံချပ်ကာယာဉ် အစီး (၂၅၀)၊ စွယ်စုံသုံးဒုံးစနစ်များ၊ ဟောင်၀၀်ဇာအမြောက်တွေ၊ လေ ယာဉ်ပစ်သေနတ်တွေ၊ မြေပြင်ကဝေဟင်ပစ်ဒုံးပျံတွေ၊ စိန်ပြောင်းတွေ၊ ချေမှုန်းရေးရိုင်ဖယ်တွေ၊ ဗုံးလောင်ချာတွေ၊ ထရပ် ကားကြီးတွေ၊ ကင်းလှည့် မော်တော်ဘုတ်တွေ၊ ပဲ့ထိန်းအမြန်ဒုံးယာဉ်တွေ၊ မိုင်းရှင်းကရိယာတွေနဲ့ စက်သေနတ်တင် မော်တော်ဘုတ်တွေ ရောင်းပေးခဲ့ပါတယ်။
၁၉၉၄ ခုနှစ်မှာ မြန်မာစစ်အစိုးရက ဒေါ်လာ သန်း (၄၀၀) တန် နောက်ထပ် လက်နက်ရောင်းချရေးလုပ်ငန်း တခုကို လက်မှတ်ရေးထိုးခဲ့ပါတယ်။ ဒီစာချုပ်အရ ဟယ်လီကော်ပတာတွေ၊ လက်နက်ငယ်တွေ၊ အမြောက်တွေလို ရေတပ် သင်္ဘောတွေနဲ့ သံချပ်ကာ ယာဉ်တွေ လက်ခံ ရရှိခဲ့ပါတယ်။ ၂၀၀၂ ခုနှစ်မှာ စစ်ထရပ်ကား အစီး (၂၀၀) နဲ့ စစ်သင်္ဘော (၅) စီး ပို့ခဲ့တယ်။ ၂၀၀၂ ခုနှစ်ကနေ ၂၀၀၄ ခုနှစ်အထိ တရုတ်ပြည်ဟာ ရေတပ် အရာရှိတွေကို လေ့ကျင့်ပေးခဲ့ပြီး မြန်မာပြည် တောင်ပိုင်း ကမ်းခြေ တလျှောက်မှာ ရေတပ် ပူးတွဲလေ့ကျင့်ရေးတွေ လုပ်ခဲ့ပါတယ်။ ၂၀၀၅ ခုနှစ်မှာ စစ်ထရပ်ကား အစီး (၄၀၀) ရောင်းချခဲ့တယ်။ ကိုကိုးကျွန်း၊ ဟိုင်းကြီးကျွန်း၊ မြိတ်နဲ့ သီလ၀ါ ဆိပ်ကမ်းကို ဆက်သွယ် ထားတဲ့ တြိဂံပုံ ရေတပ် အခြေစိုက် စခန်း (၄) ခု ကို တည်ဆောက်ခဲ့ပါတယ်။
၁၉၉၀ ခုနှစ် အလယ်ပိုင်းက မြန်မာစစ်အစိုးရဟာ တရုတ်ထောက်လှမ်းရေးလုပ်ငန်းအတွက် ဇာဒက်ကြီးကျွန်းကို အသုံး ပြုခွင့်ပေးခဲ့ပါတယ်။ ဒီကျွန်းဟာ မြန်မာပြည်တောင်ဘက်အစွန်ဆုံး ကော့သောင်းအနီး ၀ိတိုရိယအငူနဲ့ မလှမ်းမကမ်းမှာ တည်ရှိပါတယ်။
ရင်းနှီးမြှုပ်နှံမှု
၁၉၉၇ ခုနှစ်အထိ မြန်မာပြည်မှာ တရုတ်ပြည်ရဲ့ တိုက်ရိုက်ရင်းနှီးမြှုပ်နှံမှုဟာ အခြားနိုင်ငံတွေနဲ့ နှိုင်းယှဉ်ရင် အတော်လေး နည်းပါသေးတယ်။ တရုတ် လူမျိုးတွေရဲ့ မမြင်ရတဲ့ ရင်နှီးမြှုပ်နှံမှုတွေနဲ့ စီးပွာရေး ဖက်စပ် လုပ်ငန်းတွေမှာသာ များ ပြား လှပါတယ်။ အများစုက မြန်မာနိုင်ငံသား မှတ်ပုံတင် ကိုင်ထားတဲ့ ဆွေမျိုးတွေ နာမည်နဲ့ လုပ်နေတာ ဖြစ်ပါတယ်။ အဓိက မြို့ကြီးတွေမှာ လုပ်ကိုင်နေတဲ့ စီးပွားရေး လုပ်ငန်းကြီး၊ လုပ်ငန်းငယ် အတော်များများဟာ တရုတ်တွေရဲ့ ရင်းနှီးမြှုပ်နှံ မှုတွေ ဖြစ်တယ်လို့ သုတေသီ မောင်အောင်မျိုးက သူ့ရဲ့ ဗမာ့ တပ်မတော် တည်ဆောက်ရေး စာအုပ်မှာ ပွင့်ပွင့်လင်းလင်း ထောက်ပြ ထားပါတယ်။
ကမ္ဘာ့နိုင်ငံကြီးတွေဟာ စွမ်းအင်သုံးစွဲမှု တိုးလာနေလို့ သူတို့စွ မ်းအင်ရင်းမြစ်တွေ ဖြည့်တင်းဖို့ မြန်မာနိုင်ငံကို အဓိက ခြေ ဦးလှည့်လာကြပါတယ်။ ဒီအထဲမှာ တရုတ်၊ အိန္ဒိယ၊ ထိုင်း၊ တောင်ကိုရီးယားနှင့်စင်္ကာပူ နိုင်ငံတို့ဟာ ရေအားလျှပ်စစ် လုပ်ငန်း၊ ရေနံနဲ့ သဘာဝဓါတ်ငွေ့လုပ်ငန်း၊ သတ္ထုတူးဖော်ရေးလုပ်ငန်းတွေမှာ အများဆုံး ရင်းနှီးမြှုပ်နှံသူတွေ ဖြစ်လာပါ တယ်။ တရုတ်နိုင်ငံက တခြားနိုင်ငံတွေရဲ့ ပြည်တွင်းရေးကိစ္စတွေမှာ ၀င်ရောက်မစွက်ဖက်ရေးမူကို ကိုင်စွဲထားပေမဲ့ လည်း မြန်မာနိုင်ငံအပေါ်ကျင့်သုံးနေတဲ့ စီးပွားရေးနဲ့ နိုင်ငံရေးမူဝါဒကတော့ အမျိုးသားအကျိုးစီးပွားအပေါ်မှာပဲ အခြေပြု ထားတယ်ဆိုတာ ရှင်းပါတယ်။ မြန်မာပြည်က သဘာဝသယံဇာတ အရင်းအမြစ်တွေရဖို့အတွက် မြန်မာစစ်အစိုးရကို နိုင် ငံရေး၊ စစ်ရေး၊ စီးပွားရေး၊ ငွေကြေး အထောက်အကူတွေ အများကြီးပေးခဲ့ပါတယ်။ မြန်မာ့စွမ်းအင်ကဏ္ဍမှာ အမေရိကန် ဒေါ်လာ ဘီလျံနဲ့ချီပြီး ရင်းနှီးမြှုပ်နှံခဲ့ပါတယ်။ ရေနံ၊ သဘာဝဓါတ်ငွေ့တွေလို မဟာဗျူဟာကျတဲ့ ကဏ္ဍတွေမှာ ရင်းနှီးမြှုပ် နှံမှုတွေ လုပ်ခဲ့ပါတယ်။
၂၀၁၀-၂၀၁၁ ဘဏ္ဍာရေးနှစ် ပထမ (၃)လပါတ်ထိ စာရင်းအရဆို တရုတ်နိုင်ငံဟာ ရေအားလျှပ် စစ်ကဏ္ဍမှာ အမေရိ ကန် ဒေါ်လာ (၅)ဘီလျံ၊ သတ္ထုကဏ္ဍမှာ ဒေါ်လာ ၉၉၇ သန်း၊ ရေနံနဲ့ သဘာဝဓာတ်ငွေ့ကဏ္ဍမှာ (၂.၁၅) ဘီလျံ မြှုပ်နှံ ထားတာကြောင့် လောလောဆယ်မှာ တရုတ် ပြည်ရဲ့ရင်းနှီးမြှုပ်နှံမှုက (၈.၁၇) ဘီလျံ ရှိပါတယ်။ ၁၉၈၈ က စမယ်ဆိုရင် မြန်မာနိုင်ငံမှာ နိုင်ငံခြားရင်းနှီး မြှုပ်နှံမှု စုစုပေါင်းဟာ ဒေါ်လာ (၂၀) ဘီလျံကျော်ရှိပါပြီ။ ဒီအထဲမှာ (၁၂.၃၂) ဘီလျံဟာ တရုတ်ပြည်ကလာပြီး ထိုင်းနိုင်ငံက (၉.၅၆) ဘီလျံနဲ့ ဒုတိယလိုက်ပါတယ်။ အစိုးရစာရင်းဇယားတွေအရ ၂၀၀၇ ခုနှစ် နိုဝင်ဘာလကုန်ထိ စုစုပေါင်း နိုင်ငံခြား တိုက်ရိုက်ရင်းနှီးမြှုပ်နှံမှုပမာဏဟာ အမေရိကန် ဒေါ်လာ (၁၄.၇) ဘီလျံရှိပြီး ထိုင်းနိုင်ငံက ဒေါ်လာသန်းပေါင်း (၇၃၉၁.၈၄၃) နဲ့ ပထမနေရာမှာရှိပြီး တရုတ်ပြည်က ဒေါ်လာ (၄၇၅.၄၄၃)သန်းနဲ့ ဆဋ္ဌမ လိုက်ပါတယ်။ အထူးသဖြင့် တရုတ်ပြည်ဟာ မြန်မာပြည်ကို လွတ်လပ်တဲ့ချေးငွေပုံစံနဲ့ ဘဏ္ဍာရေး အကူအညီ တွေ ပေးတာတွေ၊ နိုင်ငံရေးအရ အားပေးထောက်ခံတာတွေနဲ့ စစ်လက်နက် ပစ္စည်းတွေ ထောက်ပံ့ခဲ့တဲ့ အပြင် သဘာဝ သယံဇာတ ပစ္စည်း ရှာဖွေရေးဘက်တွေမှာလည်း အကြီးအကျယ် ရင်းနှီးမြှုပ်နှံလာခဲ့တယ်ဆိုတာကို တွေ့ရပါတယ်။
နအဖ ရဲ့ တရားဝင်ထုတ်ပြန်တဲ့ စာရင်းတွေအရ မြန်မာနိုင်ငံမှာ ၂၀၁၀ ပြည့်နှစ် အောက်တိုဘာလကုန်အထိ နိုင်ငံပေါင်း (၃၁) နိုင်ငံက အမေရိကန် ဒေါ်လာ (၃၂) ဘီလျံ နီးပါးလာရောက် မြှုပ်နှံထားပြီး ရေနံနဲ့ သဘာဝ ဓာတ်ငွေ့ကဏ္ဍနဲ့ လျှပ် စစ် စွမ်းအားကဏ္ဍ နှစ်ရပ်မှာ အများဆုံးမြှုပ်နှံထားကြောင်း၊ အဆိုပါကဏ္ဍ နှစ်ခုထဲမှာ မြှုပ်နှံထားတဲ့ပမာဏဟာ မြှုပ်နှံမှု စုစုပေါင်းရဲ့ (၈၀) ရာခိုင်နှုန်းဝန်းကျင်အထိ ရှိနေကြောင်း သိရပါတယ်။ ဒီအထဲမှာ ထိုင်းနိုင်ငံက ဒေါ်လာသန်းပေါင်း (၉၅၆၈.၀၉၃) သန်းနဲ့ ပထမနေရာက ရှိနေပြီး တရုတ်ပြည်က ဒေါ် လာသန်းပေါင်း (၆၄၁၅ .၀၅၈) သန်း နဲ့ ဒုတိယနေရာ က လိုက်ခဲ့ပါတယ်။
၂၀၁၁ ခုနှစ် ဇန်န၀ါရီလ စာရင်းအရ မြန်မာပြည်မှာ တိုက်ရိုက်နိုင်ငံခြားရင်းနှီးမြှုပ်နှံမှုစုစုပေါင်းဟာ အမေရိကန် ဒေါ်လာ (၃၅,၅၁၈.၄၄) သန်း ထိရှိလာပြီး အဲဒီမှာ တရုတ်ပြည်က စုစုပေါင်းတိုက်ရိုက်ရင်းနှီးမြှုပ်နှံမှုရဲ့ (၂၇.၉၄) ရာခိုင်နှုန်းနဲ့ ပထ မ နေရာရောက်လာပြီး ထိုင်းနိုင်ငံက (၂၆.၉၄) ရာခိုင်နှုန်းနဲ့ ဒုတိယ ဟောင်ကောင်က (၁၆.၆၃) ရာခိုင်နှုန်းနဲ့ တတိယ နေရာကို ရောက်လာပါတယ်။ ၂၀၁၂ ခုနှစ် နှစ်ဆန်းပိုင်းက သမတဦးသိန်းစိန် အစိုးရလက်ထက် တရားဝင် ထုတ်ပြန်တဲ့ စာရင်းဇယားအရဆို တရုတ် ပြည်ရဲ့ တိုက်ရိုက်ရင်းနှီးမျြုပ်နှံမှု (FDI) ဟာ အမေရိကန်ဒေါ်လာ (၁၄)ဘီလျံနီးပါး ရှိလာပြီး စုစုပေါင်း နိုင်ငံခြားတိုက် ရိုက် ရင်းနှီးမြှုပ်နှံမှု (FDI) ရဲ့ (၃၅) ရာခိုင်နှုန်း ရှိလာပါတယ်။ ဒါဟာ ထိုင်းနိုင်ငံရဲ့ ရင်းနှီးမြှုပ်နှံမှုထက် အတော်ကျော် တက်သွားပြီး ပထမ နေရာမှာပဲ ဆက်လက်ဗိုလ်စွဲနေပါတယ်။
တရုတ်အစိုးရရဲ့တရားဝင်ထုတ်ပြန်တဲ့သတင်းတွေ အရဆို ၂၀၁၁ ခုနှစ် အကုန်မှာ တရုတ်ပြည်ရဲ့ရင်းနှီးမြှုပ်နှံမှု စုစု ပေါင်းဟာ (၂၀.၂၆) ဘီလျံထိ ရှိလာပြီး ဗမာပြည်မှာ အဓိက ရင်းနှီးမြှုပ်နှံသူနေရာမှာ ရှိနေတယ်လို့ ဆိုပါတယ်။ ဒီလိုနဲ့ တရုတ်အစိုးရဟာ တစတစနဲ့ မြန်မာပြည်မှာ ဖွံ့ဖြိုးရေးအကူအညီတွေ၊ စစ်ရေးအကူအညီတွေနဲ့ ကုန်သွယ်ရေး လုပ်ငန်း တွေ၊ စီးပွားရေးမြှုပ်နှံမှုတွေ တစတစ တိုးချဲ့လာနေပြီး မြန်မာ့စီးပွားရေးနဲ့ နိုင်ငံရေး ပင်မအသက်သွေးကြောနေရာတွေ မှာ လွှမ်းမိုးမှုရဖို့ တဖြည်းဖြည်းချင်း ချဉ်းနင်းဝင်ရောက်လာနေပါတယ်။
ဒီဖြစ်စဉ်တွေကို နှစ် ၂၀ ကျော် ကာလအကြာ ပြန်လှန်သုံးသပ်ကြည့်မယ်ဆိုရင်
တရုတ်ပြည်ဟာ မြန်မာပြည်နဲ့ စီးပွားရေး၊ စစ်ရေးပူးပေါင်းဆောင်ရွက်မှုတွေလုပ်နေတာ ဆယ်စုနှစ် နှစ်ခုကျော် ရှိလာပါ ပြီ။ တရုတ်ပြည်ကရတဲ့ ဒေါ်လာသန်းနဲ့ချီတဲ့ အကူအညီတွေ၊ ချေးငွေတွေ၊ ဒေါ်လာဘီလျံနဲ့ချီတဲ့ ကုန်သွယ်မှုတွေ၊ လက် နက်တွေနဲ့ စစ်ရေးနည်းပညာထောက်ပံ့မှုတွေကြောင့် ကမ္ဘာ့အလယ်မှာ အထီးကျန်နေတဲ့ စစ်အာဏာရှင်အစိုးရဟာ ဆက်လက် တည်မြဲခဲ့ပြီး တောင့်တင်းကြံ့ခိုင်လာတယ်။ ဆိုတာ ဘယ်သူမှ မငြင်းနိုင်ပါဘူး။
မြန်မာပြည်ဟာ ဒေသတွင်းက အင်အားကြီးနှစ်နိုင်ငံဖြစ်တဲ့ တရုတ်နဲ့အိန္ဒိယကြားမှာရှိနေတာက ပထ၀ီအနေအထားအရ မဟာဗျူဟာအချက်အချာကျပြီး အလွန်အရေးပါတဲ့ ကုန်းမြေတံတားကြီး အနေအထားမှာ ရှိနေပါတယ်။ ဆင်မြူရယ်ဟန် တင်တန်ရဲ့အမြင်အရဆို ဟိန္ဒူဝါဒ၊ ဗုဒ္ဓ၀ါဒနဲ့ ကွန်ဖြူးရှပ်အယူအဆတွေလွှမ်းမိုးတဲ့ ယဉ်ကျေးမှုပြတ်ရွေ့ကြောကြီးပေါ်မှာ ခွ ထိုင်ထားတဲ့ တိုင်းပြည် ဖြစ်နေတယ်လို့ ဆိုပါတယ်။ ပထ၀ီအနေအထားအရ အင်မတန်အန္တရာယ်ရှိတယ်ဆိုတဲ့ သ ဘောပါ။ စစ်အေးခေတ် တလျှောက်လုံးမှာ ၁၉၆၂ ခုနှစ်ကစတဲ့ ဗိုလ်နေ၀င်းကြီးစိုးတဲ့ စစ်အစိုးရအပါအ၀င် လွတ်လပ်ရေး အစိုးရ အဆက်ဆက်က ဘက်မလိုက်ကြားနေတဲ့ နိုင်ငံခြားရေးဝါဒကို တသမတ်တည်း ဆွဲကိုင်ကျင့်သုံးခဲ့ကြတာ ဖြစ် တယ်။ ဒါပေမဲ့ ၁၉၈၈ ခုနှစ် ပြည်သူလူထုရဲ့ အထွေထွေ ဒီမိုကရေစီအရေးတော်ပုံကြီးအပြီးမှာ အာဏာထပ်သိမ်းလိုက် တဲ့ ဗိုလ်စောမောင်နဲ့ ဗိုလ်သန်းရွှေ ဦးဆောင်တဲ့ စစ်အစိုးရ တက်လာကတည်းက ဘက်မလိုက် ဆက်ဆံရေးမူဝါဒကို စွန့် ပစ်ပြီး တရုတ်အစိုးရနဲ့ပဲ တဖက်သတ် ဆက်ဆံလာရတဲ့ အခြေအနေဟာ ဒီကနေ့ ဦးသိန်းစိန်ရဲ့ ဘောင်းဘီချွတ် ဗိုလ် ချုပ်များရဲ့ အစိုးရလက်ထက် အထိပါပဲ။
ကမ္ဘာ့နိုင်ငံရေးအခင်းအကျင်းကလည်း ဆိုဗီယက် ယူနီယံပြိုကွဲအပြီး အမေရိကန်ပြည်ထောင်စုက တကိုယ်တော်စူပါ ပါဝါ ဖြစ်လာတဲ့ ကမ္ဘာ့အင်အားချိန်ခွင်လျှာ အပြောင်းအလဲတွေနဲ့ တိုက်ဆိုင်နေပါတယ်။ ဒါ့ပြင် ကုလသမဂ္ဂရဲ့ အစီအစဉ် တွေကလည်း အမေရိကန်အကျိုးစီးပွားတွေ၊ တန်ဘိုးတွေနဲ့ တဆက်တစပ်တည်းဖြစ်လာနေတဲ့ အချိန်ကာလတွေလည်း ဖြစ်နေတဲ့ အချိန်၊ တရုတ်အစိုးရကလည်း အရင်ကိုင်ဆွဲထားတဲ့ ကွန်မြူနစ်ပါတီချင်း ဆက်ဆံရေးမူဝါဒကို စွန့်လွှတ်ပြီး အစိုးရချင်း ဆက်ဆံရေး မူဝါဒကိုပြောင်းပြီး အာဏာရစစ်အစိုးရနဲ့ပဲ ပြောင်းလဲဆက်ဆံလာတဲ့ အချိန်ကာလတွေ ဖြစ်ပါ တယ်။
ဒီလိုအခြေအနေတွေအောက်မှာ နေပြည်တော်နဲ့ ပီကင်းဆက်ဆံရေး အနေအထားတွေကြောင့် ဒေသတွင်းက တချို့နိုင်ငံ တွေ အထူးသဖြင့် အိန္ဒိယနိုင်ငံ အနေနဲ့ သူ့ရဲ့ အရှေ့ဖက်နိုင်ငံတွေနဲ့ ဆက်ဆံရေးကို အလေးထားတဲ့ အရှေ့ကြည့် (Look East) ဆိုတဲ့ မဟာဗျူဟာ မူဝါဒ အပြောင်းအလဲတွေကို ချမှတ် လုပ်ဆောင်လာရတဲ့ အခင်းအကျင်း အနေအထားတွေ ရောက်လာပါတယ်။
သေချာတာကတော့ ၂၀၀၈ ဖွဲ့စည်းပုံအခြေခံဥပဒေကို ခံကတုတ်လုပ်ပြီး ကာလုံကြိုးကိုင်ထားတဲ့ စစ်အုပ်စု အစိုးရကတော့ သူတို့ ရှင်သန်ဖို့ အတွက်ဆို ဘယ်လိုနိုင်ငံတကာ ဖိအားမျိုးကိုမဆို ရင်ဆိုင်ဖို့ ဘာမဆို လုပ်မှာပဲ ဖြစ်ပါတယ်။ ဒါ့ ကြောင့်လည်း ဘယ်သူသေသေ ငတေမာ ပြီးရော ဆိုတဲ့ စစ်အစိုးရရဲ့ ခေတ်အဆက်ဆက်ပေါ်လစီတွေအောက်မှာ တ ရုတ်စီးပွားရေး လုပ်ငန်းတွေ နေရာတကာမှာ တမိုးလုံဖျောက်ဆိပ်ဖြစ်လာ ခဲ့ရတာပါ။ တရုတ် အစိုးရကလည်း ဒေသတွင်း မဟာဗျူဟာ အခင်းအကျင်း လိုအပ်ချက်အရ မြန်မာပြည်အပေါ် နည်းမျိုးစုံနဲ့ သြဇာ လွှမ်းမိုးထားနိုင်ဖို့ ကြိုးပမ်းနေမှာ ဖြစ် သလို ကမ္ဘာ့အလည်မှာ အထီးကျန်ဖြစ်နေတဲ့ ကာလုံစစ်အုပ်စုဖက်ကလည်း သူတို့ အာဏာဆက်လက်တည်မြဲဖို့အတွက် မိတ်ဖက်ရှာရင်း အားယူရင်းနဲ့ တရုတ်အစိုးရအပေါ် တစတစ မှီခိုရတဲ့ကိန်း ဆိုက်ခဲ့တာပါပဲ။ ဒီအခြေအနေတွေအောက် မှာ ပြည်သူတွေကို အပေါ်ယံဟန်ပြ ဒီမိုကရေစီပေးသယောင် လှည့်စားနေပြီး အမည်ခံ အရပ်သားအစိုးရ တဖြစ်လဲ စစ် အုပ်စုကြီးစိုးတဲ့ စစ်အာဏာရှင်စနစ်သာ ဆက်လက် သက်ဆိုး ရှည်နေမယ် ဆိုရင်တော့ မြန်မာပြည်ဟာ တရုတ်ပြည်အ ပေါ် မှီခိုနေရတဲ့ တရုတ်ပြည်ရဲ့သြဇာခံနိုင်ငံအဆင့် ကျရောက်မယ့် အလားအလာတွေ တစတစ များလာနေပါတော့တယ်။
တနည်းပြောရရင် မြန်မာပြည်ဟာ စစ်တပ်ကျောထောက်နောက်ခံ ဦးသိန်းစိန်အစိုးရတဖြစ်လဲ စစ်အာဏာရှင်ကြီးတွေ ကြီးစိုးနေမှုကို မဖယ်ရှားနိုင်ဘဲ အပေါ်ယံ ဒီမိုကရေစီ ဗန်းပြနေတာတွေပဲ သက်ဆိုးရှည်နေခဲ့ရင်တော့ ၁၉ ရာစုခေတ်က ဗြိတိသျှ ကိုလိုနီဖြစ်တဲ့ အိန္ဒိယနိုင်ငံ၊ ဘင်္ဂလားပြည်နယ်ရဲ့နယ်တနယ် ဖြစ်ခဲ့ရတဲ့ တိုင်းပြည်ဟာ ၂၁ ရာစုခေတ်မှာတော့ တရုတ်နိုင်ငံရဲ့ ဒေသတွင်း မဟာဗျူဟာ ရည်မှန်းချက် စီမံကိန်းထဲက နယ်ရုပ်ကလေး တရုပ် အဆင့်သာ ဖြစ်လာပြီး ရေ ရှည်မှာတော့ ကိုယ်ပိုင်အ မျိုးသားလက္ခဏာ (National Identity) တစတစ ပျောက်ကွယ်လာမယ့် အန္တရာယ်ကို မလွဲမ သွေ ကြုံတွေ့ရတော့မှာ ဖြစ်ပါတယ်။
ကိုးကား …
၁။ ASEAN-India Connectivity: A Myanmar Perspective
၂။ ERI Website
၃။ DISCUSSION PAPER No. 66: Myanmar’s Economic Relations with China: Can China Support
the Myanmar Economy? Toshihiro KUDO* July 2006
၎။ Burma’s Economy 2010: A Fresh Look at Some Elemental Issues , September 2010, By Sean TURNELL
၅။ Economic and Military Cooperation between China and Burma By Nyi Nyi Lwin
၆။ Internet News
၇။ BURMA’S CHINA CONNECTION AND THE INDIAN OCEAN REGION By Andrew Selth: September 2003
၈။ ပြည်တွင်းထုတ် ဂျာနယ်များ၊ မဂ္ဂဇင်းများ
Ref: နေ့သစ်
ပြုပြင်ပြောင်းလဲရေး သမားများ သတိထားရမည့် ပေါက်ဖော်တို့နှင့် ဆက်ဆံရေး
အောင်ကျော်စိုး
December 16, 2012
သမ္မတကြီး ဦးသိန်းစိန် လက်ထက် မြန်မာနိုင်ငံသည် တစ်ချိန်တစ်ခါက ရန်သူသဖွယ် အပြန်အလှန် သဘောထား ခဲ့ကြသည့် အမေရိကန်ပြည်ထောင်စုနှင့် ဆက်ဆံရေးတွင် နှင်းခဲပျော်သည့် အခြေအနေမျိုးကို ဖန်တီး လိုက်နိုင်ပြီ ဖြစ်ရာ တိုင်းပြည်၏ စီးပွားရေး၊ ပညာရေး၊ ကျန်းမာရေး အစရှိသည့် နယ်ပယ် အသီးသီး၌ အနောက်ကမ္ဘာမှ ရင်းနှီး မြှုပ်နှံမှုများနှင့် အကူအညီ အထောက်အပံ့များ ဝင်ရောက် လာတော့ မည့် အနေအထားတွင် ရှိနေပါသည်။ မြန်မာ-အမေရိကန် ဆက်ဆံရေးတွင် ယခု ၂၀၁၂ ခုနှစ် အတွင်းဖြစ်ပေါ်ခဲ့သော သမိုင်း မှတ်တမ်းဝင် ဖြစ်ရပ်များက လေ့လာ စောင့်ကြည့်သူများနှင့် ကမ္ဘာ့နိုင်ငံများကို အံ့အား သင့်စေခဲ့ သကဲ့သို့ နှစ်ဦးနှစ်ဖက် စလုံးအတွက် အပေါင်း လက္ခဏာ ဆောင်သည့် ဖွံ့ဖြိုး တိုးတက်မှုများကိုလည်း ပေါ်ထွန်း စေခဲ့ပါသည်။ သို့တိုင်အောင် ထိုသို့ ဆက်ဆံရေး တိုးတက် ကောင်းမွန်လာမှုနှင့် မြန်မာ ပြည်တွင်း အမေရိကန်ပြည်ထောင်စု၏ ပါဝင် ပတ်သက်လာမှု တို့၏ နောက်ကွယ်တွင် များစွာ သတိထားရမည့် အန္တရာယ် တစ်ရပ်လည်း ကပ်ပါလျက် ရှိပါသည်။ ထိုအန္တရာယ်မှာ မြန်မာ-အမေရိကန် ပြန်လည်ချစ် ကြည် ရင်းနှီးလာမှု အပေါ် အိမ်နီးချင်း အာရှနဂါးကြီး တရုတ်ပြည်၏ အလားအလာ ရှိသော တုံ့ပြန်မှုများပင် ဖြစ်ပါသည်။
ပြည်သူ့ဆွေမျိုးလော၊ စစ်တပ်ဆွေမျိုးလော
နှစ်နိုင်ငံ ဆက်ဆံရေး သမိုင်းကြောင်းတွင် မြန်မာနိုင်ငံအပေါ် “မီးစ တစ်ဖက်၊ ရေမှုတ်တစ်ဖက်” ဆက်ဆံ ရေးမျိုး ကျင့်သုံး ခဲ့ဖူးသည့် တရုတ်ပြည်သူ့ သမ္မတ နိုင်ငံအတွက် မြန်မာဟူသည် မှာ စီးပွားရေး အရသော်လည်းကောင်း၊ မဟာဗျူဟာရေး အရသော်လည်းကောင်း လွန်စွာ တန်ဖိုးရှိသည့် အိမ်နီးချင်းနိုင်ငံ တစ်နိုင်ငံ ဖြစ်သည်မှာ လူတိုင်း အသိပင် ဖြစ်ပါသည်။ တရုတ်နိုင်ငံ ထုတ်ကုန်၊ အထူးသဖြင့် တောင်ပိုင်း ယူနန်ပြည်နယ် ထုတ်ကုန် ပစ္စည်းများ အတွက် မြန်မာ နိုင်ငံသည် အဖိုးတန်လှသည့် ဈေးကွက် ကြီးတစ်ခုဖြစ်ပြီး စွမ်းအင် ဆာလောင် နေသည့် တရုတ်စီးပွားရေး အင်ဂျင်ကြီး လည်ပတ် နိုင်ရေးအတွက် သဘာဝ ဓာတ်ငွေ့မှအစ လယ်ယာ စိုက်ပျိုးရေး ကဏ္ဍ ထွက်ကုန်များ အပါအဝင် တွင်းထွက် ပစ္စည်းများ အဆုံး တင်ပို့ ထောက်ပံ့ ပေးလျက် ရှိသည်။
နှစ်နိုင်ငံ အကျိုးတူ ပူးပေါင်း ဆောင်ရွက်ရေး ခေါင်းစဉ် အောက်၌ အကောင်အထည် ဖော်လျက် ရှိသော လုပ်ငန်းများအနက် ရေအား လျှပ်စစ်စက်ရုံနှင့် အထူးစီးပွားရေးဇုန် တည်ဆောက်ရေး အစရှိသည့် အခြေခံ အဆောက်အဦ ဖွံ့ဖြိုးရေး စီမံကိန်းကြီး များမှာ လက်ရှိ အနေအထားတွင် နှစ်ဖက်စလုံး အတွက် လွန်စွာ အရေးကြီး လျက်ရှိသည်။ ထို့ပြင် ရခိုင်ပြည်နယ် ကျောက်ဖြူမှ တရုတ်နိုင်ငံ ရွှေလီအထိ သွယ်တန်း ဖောက်လုပ်နေသည့် စွမ်းအင် ပိုက်လိုင်း နှစ်ခု (ရေနံတစ်လိုင်း၊ သဘာဝဓာတ်ငွေ့တစ်လိုင်း) တည် ဆောက်ရေးမှာလည်း ဘေဂျင်း အစိုးရ အတွက် အလွန် အရေးပါသည့် စီမံကိန်း တစ်ခုဖြစ်သည်။ အကြောင်းမှာ ရခိုင်ပြည်နယ်မှ တူးဖော် ထုတ်ယူမည့် သဘာဝ ဓာတ်ငွေ့နှင့် အာဖရိက၊ အရှေ့ အလယ်ပိုင်း ဒေသ တို့မှ ဝယ်ယူသည့် ရေနံတို့ကို ယင်းပိုက်လိုင်း နှစ်ခုဖြင့် တရုတ်ပြည်ထဲသို့ တွန်းပို့နိုင်မည် ဖြစ်၍ပင်။ ထိုပိုက်လိုင်းများကြောင့် တရုတ် အနေဖြင့် အမေရိကန်ပြည် ထောင်စုရေတပ်က ထိန်းချုပ် ဟန့်တားနိုင်သည့် အလားအလာ ရှိသော မလက္ကာ ရေလက်ကြားကို သင်္ဘောများ ဖြင့် ဖြတ်သန်းကာ စွမ်းအင် သယ်ဆောင် တင်သွင်းရသည့် လုပ်ငန်းစဉ်ကို ရှောင်ရှား နိုင်ပေလိမ့်မည်။
တရုတ်နိုင်ငံသည် ၁၉၈၀ ပြည့် နှစ်လယ် ကာလများ မတိုင်မီက မြန်မာ အစိုးရ (ထိုစဉ်က မြန်မာ့ ဆိုရှယ်လစ် လမ်းစဉ် ပါတီအစိုးရ) ကို လက်နက်ကိုင် ဆန့်ကျင် တော်လှန်သည့် ဗမာ ပြည်ကွန်မြူနစ် ပါတီ (ဗ.က.ပ) ကို ထောက်ပံ့ပေးသည့် မူဝါဒ ကျင့်သုံးခဲ့ သော်လည်း ၁၉၈၈ ခုနှစ်၊ စစ်တပ်အာ ဏာ သိမ်းပိုက်မှု ဖြစ်ပေါ်သည့်နောက် ပိုင်း (န.ယ.က အစိုးရ လက်ထက်)တွင် စည်းဝါး ကိုက်ညီသော “ဆွေမျိုးပေါက် ဖော်” ဆက်ဆံရေးဖြင့် မြန်မာနိုင်ငံတွင်း တရုတ်ဆန့်ကျင်ရေး သဘောတရားများ ကို ဖုံးအုပ်ရန် ကြိုးပမ်း လာသည်။ မြန်မာဘက်ကလည်း ထိုစဉ် အချိန်က အမေရိကနှင့် အနောက်ကမ္ဘာ၏ ပိတ်ဆို့ အရေးယူမှုများဖြင့် ရင်ဆိုင်ကြုံတွေ့ နေရပြီး နိုင်ငံတကာ အသိုင်းအဝိုင်း၌ အပယ်ခံ တစ်ဦး သဖွယ် ဖြစ်နေခဲ့ပေရာ စီးပွားရေး အသက်ဆက် နိုင်ရန် တရုတ် ကိုသာ အားထား ခဲ့ရသည်။
လူ့အခွင့်အရေး ချိုးဖောက်သည် ဟူသော စွပ်စွဲချက်များဖြင့် မြန်မာနိုင်ငံ ကို ဒဏ်ခတ် အရေးယူရန် အနောက် နိုင်ငံများက ကုလသမဂ္ဂ လုံခြုံရေး ကောင်စီ၌ ကြိုးပမ်းမှု အမျိုးမျိုး ပြုလုပ် ခဲ့ရာတွင် တရုတ်နိုင်ငံကပင် ဗီတို အာဏာသုံးကာ ပယ်ချပေးခဲ့သည်။ (မှတ်ချက်။ အာရှ အင်အားကြီး နောက်တစ်နိုင်ငံ ဖြစ်သော အိန္ဒိယမှာ ၁၉၉၄ ခုနှစ်လောက် အထိ တပ်မတော် အစိုးရ အတိုက်အခံ များကို ကျောထောက် နောက်ခံ ပြုပေး ခဲ့သော်လည်း နောက်ပိုင်း တွင်မှ အရှေ့မျှော် မူဝါဒကြောင့် မြန်မာ နှင့် ကော်ဇောနီ ခင်းရန် ကြိုးပမ်း လာသည်) သို့သော် မြန်မာပြည်တွင်းနှင့် ပြည်ပရှိ စစ်တပ် ဆန့်ကျင်ရေး အင်အားစု များ၏ ဝေဖန် ရေးသားမှု များကြောင့် သော်လည်းကောင်း၊ ရှေးယခင် မြန်မာပေါက် မဟုတ်သော တရုတ် လူမျိုးများ မြောက်ဘက်နှင့် အရှေ့မြောက်ဘက် တံခါးပေါက် အသီးသီးမှ ဝင်ရောက်မှု တိုးမြင့်လာကာ တရုတ် ကုမ္ပဏီများ အထူး အခွင့်အရေး ရရှိခဲ့ခြင်းကြောင့်
သော်လည်းကောင်း မြန်မာပြည်သူ အများစုက တရုတ်နိုင်ငံကို “အခွင့် အရေးသမား၊ တစ်နည်းအားဖြင့် အချောင်သမား” အဖြစ် လည်းကောင်း၊ တပ်မတော်ကို ”တိုင်းပြည်ရောင်းစား သူ” အဖြစ်လည်းကောင်း တစ်စထက် တစ်စ ရှုမြင်လာကြသည်။ တစ်နည်း အားဖြင့် ပြည်သူတို့၏ ဆွေမျိုးပေါက် ဖော်မဟုတ်၊ စစ်တပ်၏ ဆွေမျိုးသာ ဖြစ်သည်ဟူသော သဘောမျိုး ထားရှိ လာကြပါသည်။
စကားပြောလာသော စီမံကိန်းကြီးများ
ထိုစဉ်က တရုတ်နိုင်ငံ ဘက်ကို ကြည့်မည်ဆိုလျှင် စီမံကိန်းကြီးများ အတွက် အဓိကကျသည့် သော့ချက်မှာ တပ်မတော် အစိုးရနှင့် ချိတ်ဆက်မှု ကောင်းကောင်း ရရှိထားရေးသာ ဖြစ် ပါသည်။ တပ်မတော် အစိုးရ ဘက်ကို ကြည့်မည် ဆိုလျှင်လည်း တိုင်းပြည် ကာကွယ်ရေး ကဏ္ဍအတွက် လိုအပ် သော စစ်လက်နက်များ ရှာဖွေ စုဆောင်း ရေးမှာ ဘေဂျင်း အစိုးရနှင့် ချိတ်ဆက် မှုကောင်း ရှိထားရန် လိုအပ် နေသည်။ ဤသို့သော အနေအထားမျိုးကြောင့် တရုတ်အနေဖြင့် မြန်မာနိုင်ငံမှ ဒေသခံ ပြည်သူများ၊ အရပ်ဘက် လူ့အဖွဲ့အစည်း များ သို့မဟုတ် အခြားပါဝင်ပတ်သက် သူ Stakeholder များနှင့် ဆက်ဆံရေး ကောင်းမွန်အောင် လုပ်ဆောင်နေစရာ မလိုအပ်ခဲ့ပေ။ တပ်မတော်အစိုးရ၏ ”တစ်သွေး၊ တစ်သံ၊ တစ်မိန့်” ဆန်သော အုပ်ချုပ်မှု အောက်တွင် တရုတ်ကုမ္ပဏီ များ အနေဖြင့် မြန်မာပြည်တွင်း လုပ်ငန်းများကို စိတ်တိုင်းကျ လုပ်ကိုင် နိုင်ခဲ့သည်ချည်းသာပင် ဖြစ်လေသည်။ သို့တိုင်အောင် “ပြည်သူ့ဆန္ဒ” ကို ရှေ့တန်းတင်ပြီး လူထု အကျိုးစီးပွား အကာအကွယ်ပေးရေးနှင့် လူ့အခွင့် အရေးကို အလေးပေးရန် လိုအပ်သော အရပ်သားအစိုးရတစ်ရပ် ၂၀၁၁ ခုနှစ် အတွင်း ပေါ်ထွန်းလာသောအခါ အခြေ အနေအရပ်ရပ်မှာ ပြောင်းလဲ သွားတော့ သည်။
ပြုပြင်ပြောင်းလဲရေး သမားကြီး ဦးသိန်းစိန် ဦးဆောင်သော အစိုးရ လက်ထက် တစ်ဟုန်ထိုး ပေါ်ထွက်လာ သော သဘာဝ ပတ်ဝန်းကျင် ထိန်းသိမ်းရေး လှုပ်ရှားသူများနှင့် လူ့အခွင့်အရေး လှုပ်ရှားသူ အုပ်စု အသီးသီးတို့၏ ဆန့်ကျင် ကန့်ကွက် သံများကြောင့် တရုတ်ကျောထောက် နောက်ခံ မြစ်ဆုံ ရေအား လျှပ်စစ် စီမံကိန်းမှာ ဗွေဆော်ဦး ရပ်ဆိုင်း လိုက်ရသည်။ ယင်းစီမံကိန်း သည် ပြည်သူ့ဆန္ဒနှင့် ဆန့်ကျင်သော ကြောင့် ရပ်ဆိုင်းလိုက်ခြင်း ဖြစ်သည်ဟု သမ္မတကြီးက အကြောင်းပြချက်ပေး သည်။ အခြားသော အကြောင်းအရင်း တစ်ခုမှာ မြစ်ဆုံ စီမံကိန်းကို အများက တရုတ်ပြည်၏ အမြတ်ထုတ် ခေါင်းပုံဖြတ်မှု အဖြစ် သတ်မှတ်ကြခြင်းကြောင့် ဖြစ်ဟန် ရှိသည်။ လျှပ်စစ်ဓာတ်အား မလုံလောက်မှု ဆိုးရွားစွာ ဖြစ်ပေါ်နေ သော မြန်မာနိုင်ငံမှ ထွက်ရှိသည့် ဓာတ်အား ၉၀ ရာခိုင်နှုန်းခန့်ကို တရုတ်နိုင်ငံသို့ တိုက်ရိုက် သွယ်တန်း ရောင်းချရန် စီစဉ်ထားခဲ့ခြင်းဖြစ်သည်။ ယင်းစီမံကိန်း ရပ်ဆိုင်းရန် ဆုံးဖြတ်ချက်ကြောင့် တရုတ်-မြန်မာဆက်ဆံ ရေး မပြေမလည် ဖြစ်တော့မည်ဟု လေ့လာ စောင့်ကြည့်သူများက ခန့်မှန်း ကြသော်လည်း အစိုးရက တရုတ်နှင့် ရရှိထားသည့် နက်ရှိုင်းသော ဆက်ဆံ ရေးမှာ ဆက်လက် တည်တံ့ သွားမည် ဖြစ်သည်ဟု ကြေညာသည်။
မျက်နှာချိုသွေးရခြင်း အကြောင်းနှစ်ရပ်
မြစ်ဆုံစီမံကိန်း ရပ်ဆိုင်းသွားပြီး နောက် တစ်နှစ်ခန့် အကြာတွင် တရုတ် စီမံကိန်း ဆန့်ကျင် ကန့်ကွက်မှုများမှာ စစ်ကိုင်းတိုင်း ဒေသကြီး အတွင်းရှိ လက်ပံ တောင်းတောင် ကြေးနီ စီမံကိန်း ဘက်သို့ ဦးလှည့် လာသည်။ စီမံကိန်းကြောင့် မြေယာ သိမ်းခံရသူများ၊ သဘာဝ ပတ်ဝန်းကျင် ထိန်းသိမ်းရေးတက်ကြွစွာ လှုပ်ရှားသူများက မြစ်ဆုံကဲ့သို့ပင် စီမံကိန်း ရပ်ဆိုင်းရန် တောင်းဆိုကြ သည်။ သပိတ်စခန်းများ ဖွင့်ကာ အချိန် အတန်ကြာ ကန့်ကွက် ဆန္ဒပြခဲ့ကြ သည်။ သပိတ်စခန်းမှ ဆန္ဒပြ လူအုပ်ကို လူစုခွဲရာ၌ ရဲတပ်ဖွဲ့ဝင်များ၏ လူအစု အဝေးထိန်းသိမ်းရေး နည်းဗျူဟာ အားနည်းချက်ကြောင့် အစိုးရမှာ ပြည်တွင်းနှင့် နိုင်ငံတကာအသိုင်း အဝိုင်း၏ အပြောအဆိုခံလိုက်ရသည်။ အစိုးရဆန့်ကျင်ရေးအင်အားစုများက ယင်းစီမံကိန်းသည် မြန်မာနိုင်ငံ၏ အချုပ်အခြာအာဏာကို ထိခိုက်နစ်နာ စေသည့် စီမံကိန်း အဖြစ်လည်းကောင်း၊ မြန်မာအစိုးရသည် တရုတ် အစိုးရကို အလွန်ကြောက်နေသည့် အစိုးရအဖြစ် လည်းကောင်း ဝေဖန် ပြောဆိုကြသည်။ ထိုသို့ ပြောဆိုကြခြင်းမှာလည်း ဆန္ဒပြ ခေါင်းဆောင်များ၊ သံဃာတော်များနှင့် ဦးစွာ သွားရောက် တွေ့ဆုံခဲ့သူ ပြည်ထောင်စု ဝန်ကြီး ဦးအောင်မင်းက “တရုတ်ကိုလည်း တပည့်တော်တို့က ကြောက်ရတယ်ဘုရား” ဟူသော စကား တစ်ခုတည်းကို တလွဲ အဓိပ္ပာယ်ကောက် ယူလိုက်မှုကြောင့် ဖြစ်ဟန် ရှိပါသည်။
အမှန်တွင် ၄င်းက တရုတ်နိုင်ငံ ကို မြန်မာအနေဖြင့် သတိထားဆက်ဆံ ရမည်ဟု ပြောဆိုခြင်းဖြစ်ပြီး သတိထား ရသည့် အကြောင်းနှစ်ရပ်ကို ရှင်းပြခဲ့ သည်။ နံပါတ် ၁ အကြောင်းအရင်းမှာ ၁၉၈၈ ခုနှစ်၊ အရေးအခင်း ကာလတွင် တရုတ်ပြည်သည် မူဆယ်ဘက်မှ နေ၍ စားနပ်ရိက္ခာနှင့် ပြည်ပကုန် ပစ္စည်းများ (ဆေးဝါးစသည်) တို့ကို တင်ပို့ ပေးခဲ့ ခြင်းဖြစ်ပြီး နံပါတ် ၂ အကြောင်းမှာ အထက်တွင် ဆိုခဲ့သည့် လက်နက်ကိုင် တော်လှန်ရေး လုပ်သော ဗ.က.ပတို့အား တိန့်ရှောင်ဖိန် လက်ထက်၌ ထောက်ပံ့မှု ရပ်ဆိုင်း ပစ်လိုက်ခြင်းကြောင့် ဖြစ် သည်။ သို့အတွက်ကြောင့် အကယ်၍ တရုတ်နှင့် ရန်ဖြစ်မည်ဆိုပါက နယ်စပ် ဒေသများတွင်ရှိသော လက်နက်ကိုင် သူပုန်များကို ထောက်ပံ့မှုများ ပြန်လည် ပြုလုပ် လာမည်ကို စိုးရိမ်ရကြောင်း၊ ထိုသို့ ပြန်လည် လုပ်ဆောင်ပါက
တိုင်းပြည် စီးပွားရေး ဖွံ့ဖြိုးအောင် ကောင်းစွာ လုပ်ဆောင် နိုင်မည် မဟုတ် ကြောင်း ဦးအောင်မင်းက ရှင်းပြပါ သည်။ တရုတ်-မြန်မာ ဆက်ဆံရေး သည် အမှန်တွင် လွန်စွာ အကဲဆတ် သည့် အနေအထားတွင် ရှိနေသည်မှာ ရှင်းလင်း လွန်းသည်။ နှစ်နိုင်ငံအကျိုး စီးပွားတို့မှာ အပြန်အလှန် အမှီသဟဲပြု နေပြီး “ပါးရိုက်၍ နားကိုက်သည်” ဟူသော အခြေအနေမျိုးသို့ မရောက် အောင် သက်ဆိုင်သူများ အားလုံးက ထိန်းသိမ်းထားရန်လည်း လိုအပ်ပါ သည်။ လက်ပံတောင်းတောင် စီမံကိန်း၊ ထိုမှတစ်ဆင့် ကျောက်ဖြူအထူး စီးပွားရေးဇုန် စီမံကိန်း၊ စွမ်းအင်ပိုက် လိုင်းနှစ်ခု သွယ်တန်းရေး စီမံကိန်းများ အထိ ဆန္ဒပြမှုများ ဖြစ်ပေါ်လာကာ “ရပ်ဆိုင်းရေး” ကိုသာ ဖိအားပေး တောင်းဆိုမည် ဆိုပါက ဘေဂျင်းနှင့် နေပြည်တော် ဆက်ဆံရေးမှာ ကမောက်ကမ ဖြစ်မှုများ နှင့် မလွဲမသွေ ကြုံရမည်သာပင်။ စီမံကိန်းများကြောင့် အမှန်တကယ် ထိခိုက် နစ်နာသွားသူ ပြည်သူများ ပြေလည်ရေးနှင့် တရုတ်နိုင်ငံနှင့် ဆက်ဆံရေး ဆက်လက် ကောင်းမွန်ရေး အစရှိသည့် ကိစ္စနှစ်ရပ် အကြား ချိန်ခွင် လျှာမျှပေးရေးမှာ သမ္မတဦးသိန်းစိန် အစိုးရ၏ အရည်အချင်းကို ဖော်ကျူး သွားပေလိမ့်မည်။
ကိုယ်ရယ်၊ ပေါက်ဖော်ရယ်၊ အန်ကယ်ဆမ်ရယ်
မြန်မာနိုင်ငံ၌ လူ့အခွင့်အရေးနှင့် ပြည်သူ့ဆန္ဒကို အလေးပေးမည် ဆို သော ဒီမိုကရေစီ အစိုးရ ပေါ်ထွန်း လာခြင်းကြောင့် ပြည်တွင်းရှိ တရုတ် အကျိုး စီးပွားများ စိန်ခေါ်မှုများနှင့် ရင်ဆိုင် ကြုံတွေ့ လာရသည်ဟု လေ့လာ ဆန်းစစ်သူ အချို့က ဆိုကြသော်လည်း ဘေဂျင်း အစိုးရအတွက် နောက်ထပ် ဧရာမ စိန်ခေါ်မှုကြီး တစ်ရပ်ကား ကျန်ရှိ နေပါသေးသည်။ ယင်းမှာ အမေရိကန်- မြန်မာ ဆက်ဆံရေး တိုးတက် ကောင်းမွန် လာခြင်းဖြစ်သည်။ တရုတ်လူမျိုး မူဝါဒ ရေးရာ ပညာရှင်များက မြန်မာ့ ပြုပြင် ပြောင်းလဲရေး ဖြစ်စဉ်များနှင့် တရုတ် စီမံကိန်းများ၌ ဖြစ်ပေါ်သော ပြဿနာများသည် ဘေဂျင်း အစိုးရအား ထိန်းချုပ်ရန် အမေရိကန် (အန်ကယ် ဆမ် - Uncle Sam) ၏ အစီအမံများ ကြောင့် ဖြစ်သည်ဟုပင် ဆိုကြသည်။ တရုတ်ခေတ်ပြိုင် နိုင်ငံတကာ ဆက်ဆံ ရေးအင်စတီကျု၊ အမေရိကန် သုတေသနဗဟိုမှ Yuan Peng က ”အမေရိကန် ပြည်ထောင်စုသည် တရုတ်ပြည် တိုးတက်မှု နှောင့်နှေးရန် အလို့ငှာ စစ်ရေး မဟုတ်သော အခြားနည်းလမ်း မျိုးစုံကို အသုံးပြုလိမ့်မည်ဖြစ်သည်” ဟု China Daily သတင်းစာတွင် ဆောင်းပါးဖြင့် ဝေဖန် ရေးသားသည်။ အမေရိကန် အစိုးရ၏ ဦးတည်ချက်တွင် မဟာမိတ်များ အားကောင်း မောင်းသန် ဖြစ်ရေး၊ တရုတ်နှင့် မြောက်ကိုရီးယား၊ ပါကစ္စတန်၊ မြန်မာနိုင်ငံတို့၏ ဆက်ဆံ ရေးများ လျော့ပါးအောင် တစ်ဖက်တွင် လုပ်ဆောင်ပြီး အခြားတစ်ဖက်တွင် ယင်းနိုင်ငံများနှင့် မဟာမိတ်ဖွဲ့ရေး စသည်တို့ ပါဝင်သည်ဟု ဆိုပါသည်။
တစ်နည်းအားဖြင့် ဆိုပါက အိုဘားမား အုပ်ချုပ်ရေး အဖွဲ့၏ အာရှ မဏ္ဍိုင်ပြု မူဝါဒသည် အဆိုပါဦးတည် ချက်ကို အထောက်အကူပြုပြီး တရုတ် အပေါ် ဒေသတွင်း နိုင်ငံများ သံသယ ကြီးထွားလာစေရေးပင် ဖြစ်သည်။ သို့သော် အမေရိကန်-မြန်မာ ဆက်ဆံရေး ကောင်းမွန်လာမှု ဟူသည်မှာ ကနဦး အစပိုင်းမျှ တွင်သာ ရှိနေသေး သည်ဖြစ်ရာ မြန်မာနိုင်ငံတွင်း တရုတ် သြဇာ လွှမ်းမိုးမှုမှာ ဆက်လက် ကျန်ရှိ နေဦးမည့် သဘောတွင် ရှိကြောင်း လေ့လာ ဆန်းစစ်သူများက အကဲဖြတ် ပါသည်။
သို့အတွက် သုံးပွင့်ဆိုင် ဇာတ်လမ်း တစ်ပုဒ်ဖြစ်လာသော တရုတ်-မြန်မာ- အမေရိကန် ဆက်ဆံရေးတွင် စိုးရိမ်မှုများ ပျောက်ကင်းအောင် အိုဘားမား အုပ်ချုပ်ရေးအဖွဲ့ အနေဖြင့် မည်သို့ လုပ်ဆောင် သင့်သနည်း ဟု မေးစရာ ဖြစ်လာပါသည်။ ပထမဦးစွာ အိုဘားမားတို့ အနေဖြင့် သုံးပွင့်ဆိုင် ဆက်ဆံရေးသည် အကြွင်း သုညဂိမ်း (Zero-Sum Game) ၊ တစ်နည်းအား ဖြင့် တစ်ဦး၏ အနိုင်သည် ကျန်တစ်ဦး အတွက် အရှုံးဂိမ်းပုံစံ မဟုတ်ဟူသည် ကို ရှင်းလင်းသွားအောင် ပြုလုပ်သင့် ပါသည်။ မြန်မာအနေဖြင့်မူ ညီညွတ်မျှ တပြီး စဉ်ဆက်မပြတ် သဘောဆောင် နိုင်မည့် ပြုပြင် ပြောင်းလဲမှု များကို အောင်မြင်စွာ အကောင်အထည် ဖော်ရာ တွင် အမေရိကန်၊ တရုတ်၊ အာဆီယံ နှင့် အခြားသော အိမ်နီးချင်းတို့၏ ကျောထောက်နောက်ခံ ပြုမှု ရရှိရန် လိုအပ် ပေမည်။ ဒုတိယ အချက် အားဖြင့် ဆိုရလျှင် မြန်မာ့ပြုပြင်ပြောင်းလဲရေး အတွက် အမေရိကန်၏ ပံ့ပိုးပေးမှုတို့ သည် တရုတ် အစိုးရလက်ကိုင် ကျင့်သုံး နေသည့် တည်ငြိမ်ရေးနှင့် ရှဥ့်လည်း လျှောက်သာ၊ ပျားလည်းစွဲသာ (Win-Win) ဟူသည့် ရလဒ်ဘောင်တွင်း၌သာ ရှိအောင် ကြိုးပမ်း သင့်သည်။ အဆိုပါ တည်ငြိမ်မှုက တရုတ် အကျိုးစီးပွားကို ဦးစွာကာကွယ်ပေးပြီး ထိုမှတစ်ဆင့်မြန်မာ့ ပြုပြင်ပြောင်းလဲမှုများ အပေါ် တရုတ် အစိုးရ ၏ပံ့ပိုးမှု ရရှိကာ သုံးနိုင်ငံစလုံး ပန်းတိုင် ဝင်စေမည့်အခြေအနေ(Win-Win-Win) ကို ရောက်စေမည်ဖြစ်လေသည်။
မှီငြမ်းကိုးကား ။ China Poses
Risk to Myanmar's Reform By
Bangkok Post
Ref: The Voice Weekly
ဒေါ်အောင်ဆန်းစုကြည်အတွက် ဂုဏ်ထူးဆောင်ဒီမိုကရေစီဆု
မမိုးဖြူ
17.12.2012
မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်ကို ၂၀၁၂ ခုနှစ်အတွက် Ion Ratiu ဂုဏ်ထူးဆောင် ဒီမိုကရေစီ ဆုချီးမြှင့် လိုက်တယ်လို့ အမေရိကန်အခြေစိုက် Wilson သုတေသနအဖွဲ့က ကြေညာလိုက်ပါတယ် ။ လာမယ့်လထဲမှာ ချီးမြှင့်မယ့် ဒီဆုပေးပွဲ အကြောင်း ပြည့်ပြည့်စုံစုံ သိရအောင် ဆက်သွယ်မေးမြန်းထားတဲ့ မမိုးဖြူက တင်ပြပေးထားပါတယ်။
“The Ion Ratiu Democracy Award” ဆိုတဲ့ ဒီမိုကရေစီဂုဏ်ပြုဆုကို ကမ္ဘာတလွှား ဒီမိုကရေစီရေး ကြိုးပမ်းဆောင်ရွက်မှု သမိုင်းမှာ ထူးခြားပြောင်မြောက်တဲ့ စိတ်ကူးဥာဏ်ရည်၊ ကြံ့ကြံ့ခိုင်တဲ့ ရဲစွမ်းသတ္တိနဲ့ ပြည့်စုံတဲ့သူတွေရဲ့ လက်ရုံးရည်၊ နှလုံးရည်တွေကို အသိအမှတ်ပြု ချီးမြှင့်လေ့ ရှိပါတယ်။ Romania နိုင်ငံရေးသမား Ratiu ရဲ့ အမည်ကို ရည်ညွှန်းထားတဲ့ ဒီဆုကိုလာမယ့် လထဲမှာ ဒေါ်အောင်ဆန်းစုကြည်ကို ပေးအပ်ချီးမြှင့်ဖို့ အမေရိကန် အခြေစိုက် Wilson မူဝါဒရေးရာ သုတေသန အဖွဲ့ရဲ့ နိုင်ငံတကာ အမျိုးသမီး ခေါင်းဆောင်များ အဖွဲ့ GWLI က စီစဉ်ဆောင်ရွက်နေပါတယ်။ ခါတိုင်းနဲ့ မတူပဲ မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည် ကို အခုချီးမြှင့်မယ့် ဆုက သမိုင်းဝင် ဂုဏ်ပြုဆုဖြစ်တယ်လို့ GWLI ညွှန်ကြားရေးမှူး Rangita de Silva de Alwis က VOA ကို ပြောပါတယ်။
“ဒီဆုဟာ နိုင်ငံနဲ့လူမျိုးအတွက် ဒီမိုကရေစီရေး ကြိုးပမ်းမှုကို နှစ်ပေါင်းများစွာ ခက်ခက်ခဲခဲ၊ ပင်ပမ်းစွာ လုပ်ဆောင်ခဲ့တဲ့ ခေါင်းဆောင် တစ်ဦးကို ပထမဆုံးအကြိမ် သူ့နိုင်ငံ၊ သူ့လူထုရှေ့မှာ ချီးမြှင့်ပေးအပ်မှာမို့ Ratiu Democracy ဆုသမိုင်းမှာ အင်မတန်ကို ထူးခြားပါတယ်။ နောက်တချက်က သူအင်မတန် လေးစားမြတ်နိုးတဲ့ အမျိုးသမီး လွတ်လပ်မှု အခွင့်အရေး အတွက်လည်း သူ့နိုင်ငံက အမျိုးသမီးထုရှေ့မှာ ဒီဆုကို ပေးအပ်မှာပါ။”
ဒီမိုကရေစီရေးကြိုးပမ်းမှုခရီးလမ်းမှာ ဒေါ်အောင်ဆန်းစုကြည်နဲ့ ပူးပေါင်းဆောင်ရွက်တဲ့ အာဏာပိုင်တွေကိုရော ဆုချီးမြှင့် ထိုက်တယ် လို့ မထင်ဘူးလား၊ ဥပမာ အသားရောင် ခွဲခြားရေးပြဿနာ အဆုံးသတ်နိုင်ဖို့ အတွက် အရေးပါသူ တဦးဖြစ်တဲ့ တောင်အာဖရိက သမ္မတဟောင်း De Klerk ဟာလဲ နယ်လ်ဆင် မန်ဒဲလားရဲ့ဒီမိုကရေစီ တိုက်ပွဲမှာ အရေးပါသူတဦး အဖြစ် ကမ္ဘာ့ သမိုင်းလေ့လာသူ တချို့က ယူဆကြတယ် မဟုတ်လားလို့ မေးတဲ့အခါ သူ့အမြင်ကို ပြန်ရှင်းပြပါတယ်။
“ကျမအထင်တော့ ဒေါ်အောင်ဆန်းစုကြည်ဟာ ဘယ်သူနဲ့မှ နိူင်းယှဉ်လို့မရအောင် ဒီမိုကရေစီရေး ကြိုးပမ်းမှုမှာ ရှေ့တန်း ကနေ တိုက်ပွဲ ဝင်ခဲ့သူပါ။”
ဟုတ်ပါပြီ။ ဒါဆိုရင် မြန်မာနိုင်ငံမှာ ပြုပြင်ပြောင်းလဲရေး ခြေလှမ်းတွေ စတင်နေတဲ့ လက်ရှိမြန်မာ သမ္မတရဲ့ ဆောင်ရွက်ချက်တွေနဲ့ ဘယ်လို နှိုင်းယှဉ် သုံးသပ်ပါလဲ ဆိုတဲ့မေးခွန်းကိုတော့ သူကခုလိုပြောပြပါတယ်။
“ဟုတ်ကဲ့။ ဒီနေရာမှာ အရေးကြီးတာက သမ္မတက ဒီမိုကရေစီပြုပြင်ပြောင်းလဲရေး အတွက် စိန်ခေါ် တိုက်ပွဲ ဝင်ရတဲ့ လုပ်ငန်းမျိုး၊ ဖြည့်စည်းပြီးဆောင်ရွက်ပေးရတဲ့ လုပ်ငန်းမျိုးကို၊ ပိုပြီးဆောင်ရွက်ရတာလို့ ထင်ပါတယ်။ မြန်မာဒီမိုကရေစီရေး အတွက် ဆယ်စုနှစ် ၂ခုကြာ နေအိမ် အကျယ်ချုပ်ချထားတဲ့ ကြားက ဒေါ်အောင်ဆန်းစုကြည်က ရုန်းကန် ကြိုးစားခဲ့တာပါ။”
လတ်တလော မြန်မာနိုင်ငံရဲ့ ပြုပြင်ပြောင်းလဲရေး ခြေလှမ်းတွေအပေါ်သူ့အမြင်ကို မေးတဲ့ အခါမှာတော့ ဒီမိုကရေစီ အတွက် ပထမလှမ်းရမဲ့ ခြေလှမ်းကို မြန်မာနိုင်ငံက လှမ်းလိုက်ပါပြီ။ လမ်းကြောင်းမှန်ပေါ်ကိုလဲရောက်နေပါပြီ။ ဒါပေမဲ့ ရှေ့ဆက်လုပ်စရာတွေ အများကြီး ရှိနေသေးတယ်လို့ မှတ်ချက်ပေးပါတယ်။ ဒါဖြင့် အဲဒီအများကြီး ထဲက ဘယ်အချက်ကို အရေးအကြီးဆုံး အနေနဲ့ စလုပ်သင့်တယ် ထင်ပါလဲလို့ ဆိုတော့ သူကအခုလိုဖြေပါတယ်။
“ ကျမအမြင်တော့ ဒီမိုကရေစီနိုင်ငံသစ်ကို တည်ဆောက်တဲ့အခါမှာ တရားဥပဒေစိုးမိုးရေးက အရေးကြီး သလို အဲ့ဒီ့ အရေးပါတဲ့ ပြုပြင်ပြောင်းလဲရေး အလုပ်တွေက အမျိုးသမီးတွေက အဓိက အခန်းကဏ္ဍ ပါဝင်ဖို့ လိုပါတယ်။”
နိုင်ငံတကာအမျိုးသမီးခေါင်းဆောင်များအဖွဲ့ GWLI ကွန်ယက်ဟာ ၂၀၁၁ ခုနှစ်ကစလို့ Wilson မူဝါဒသုတေသန လုပ်ငန်းနဲ့ အတူ အမေရိကန်နိုင်ငံခြားရေး ၀န်ကြီး ဟီလာရီ ကလင်တန် ဦးဆောင်တဲ့ အမျိုးသမီးပြည်သူ့ဝန်ထမ်း လုပ်ငန်းတို့ ပူးပေါင်းဆောင်ရွက်ကြတဲ့ အခြေခံ လုပ်ငန်းအဖွဲ့ လည်းဖြစ်ပါတယ်။ အခုဒေါ်အောင်ဆန်းစုကြည်ကို ဂုဏ်ပြုမယ့် The Ion Ratiu Democracy Award ဆုကို ၂၀၁၃ ခုနှစ် ဇန်န၀ါရီလ ၁၅ ရက်နေ့မှာ Wilson မူဝါဒရေးရာ သုတေသနအဖွဲ့ ရဲ့ညွှန်ကြားရေးမှူး Jane Harman က ပေးအပ်မှာ ဖြစ်ပါတယ်။
Ref: VOA News
Posts
