ဒေါ်ခင်စိုးဝင်း
10.01.2013
အမေရိကန်ကူးသန်းရောင်းဝယ်ရေးနဲ့ ကုန်သွယ်ရေးဝန်ကြီးဟောင်း Mickey Kantor က သမ္မတ ဦးသိန်းစိန် အစိုးရ အနေနဲ့ ပြုပြင်ပြောင်းလဲရေး အရှိန်ကို ဆက်လက် ထိန်းသွားနိုင်ဖို့ အတွက် ရေရှည်ပြဿနာတွေကို တာဝန် ခံမှုတွေနဲ့ တာဝန်သိစွာ ကိုင်တွယ်ဖြေရှင်းဖို့ လိုအပ်ကြောင်း ပြောဆို လိုက်ပါတယ်။ ၂၀၁၅ ခုနှစ်မှာ ကျင်းပမယ့် အထွေထွေရွေးကောက်ပွဲ ရလာဒ်ကို ပြည်သူတွေက အဆုံးအဖြတ်ပေးနိုင်ဖို့ အတွက် စိတ်ချရအောင် လုပ်ဆောင် သင့်တယ်လို့လည်း မှတ်ချက် ချပါတယ်။ မြန်မာနိုင်ငံကို ၄ ရက်ကြာ ခရီးရောက်ရှိနေတဲ့ ကယ်လီဖိုးနီးယားပြည်နယ် အခြေစိုက် Pacific Council on International Policy နိုင်ငံတကာ မူဝါဒဆိုင်ရာ ပစိဖိတ်ကောင်စီရဲ့ ကိုယ်စားလှယ် အဖွဲ့ ဥပဒေ အကြံပေး အဖြစ်နဲ့ Mr. Kantor လိုက်ပါ လာခဲ့ တာဖြစ်ပါတယ်။ VOA ၀ိုင်းတော်သူ ဒေါ်ခင်စိုးဝင်းက Mr. Kantor ကို ရန်ကုန်မြို့မှာ ဗုဒ္ဓဟူးနေ့က သီးသန့်တွေ့ဆုံမေးမြန်း ထားပါတယ်။
VOA: အခုလို သီးသန့်တွေ့ဆုံမေးမြန်းခွင့်ပေးတဲ့အတွက်ကျေးဇူး တင်ပါတယ်ရှင်။ မြန်မာနိုင်ငံကို လာရောက်တဲ့ ခရီးစဉ်ရဲ့ ရည်ရွယ်ချက်ကို သိပါရစေရှင်။
Mr. Kantor: Pacific Council on International Policy နိုင်ငံတကာမူဝါဒဆိုင်ရာ ပစိဖိတ်ကောင်စီ အနေနဲ့ နိုင်ငံအတော် များများကို အခုလိုဘဲ သွားရောက်လေ့လာနေတာပါ။ အထူးသဖြင့် အာရှနဲ့ လက်တင် အမေရိကနိုင်ငံတွေကို အဓိက အာရုံစိုက်ပါတယ်။ အခု အာရှခရီးစဉ်က ဒီအတောအတွင်း ဒုတိယ ခရီးစဉ်ဖြစ်ပါတယ်။ ပထမ သွားခဲ့တဲ့နိုင်ငံကမြောက်ကိုရီးယားပါ။ ရည်ရွယ်ချက်ကတော့ ၂ မျိုး ရှိပါတယ်။ ပထမ အချက်ကတော့ ကျနော်တို့ ကိုယ်တိုင်က မြန်မာနိုင်ငံမှာ ဘာတွေဖြစ်နေသလဲ၊ အပြောင်းအလဲတွေ သိသိသာသာဖြစ်ထွန်းနေတာနဲ့ အမျှ ဘယ်လို စိန်ခေါ် အကဲစမ်းမှုတွေနဲ့ ရင်ဆိုင်နေရသလဲ ဆိုတာတွေကို သိချင်ပါတယ်။ နောက်တချက်ကတော့ ကျနော်တို့ စူးစမ်းတွေ့ရှိချက်တွေကို အမေရိကန် အစိုးရကိုရော၊ ပြည်သူတွေကိုပါ လက်ဆင့်ကမ်း အသိပေးဖို့ဖြစ်ပါတယ်။
VOA: အမေရိကန်အစိုးရရဲ့ မြန်မာနိုင်ငံအပေါ် ထိတွေ့ဆက်ဆံရေးမူကို ဘယ်လိုများ သုံးသပ်လို့ ရပါလဲ။
Mr. Kantor: အမေရိကန်-မြန်မာဆက်ဆံရေးက အခုမှ အစ ဘဲရှိပါသေးတယ်။ အရင်တုံး လူ့အခွင့်အရေး ချိုးဖေါက်မှုတွေကြောင့် ကာလ အတော်ကြာကြာ ပိတ်ဆို့မှုတွေနဲ့ အရေးယူခဲ့တာ အားလုံးအသိပါ။ အမေရိကန် သံအမတ်ကြီး Derek Mitchell နဲ့ သံရုံး အရာရှိတွေက ကျနော်တို့ ကိုယ်စားလှယ် အဖွဲ့ကို မြန်မာနိုင်ငံရဲ့ဖြစ်ထွန်းမှုတွေနဲ့ပတ်သက်ပြီး ဒီခရီးစဉ်အတွင်း မှာ သေသေချာချာ ရှင်းပြကြပါတယ်။ အားရစရာကောင်းပါတယ်။ သံအမတ်ကြီး Derek Mitchell ကမြန်မာ့အရေးကို ထဲထဲဝင်ဝင် စိတ်ပိုင်းဖြတ်ချက်နဲ့ လုပ်ဆောင်နေတာတွေ့ရပါတယ်။
VOA: မြန်မာနိုင်ငံမှာ ပဋိပက္ခတွေ ကလည်း ရှိနေဆဲ၊ နိုင်ငံရေး အကျဉ်းသား တချို့လည်း ကျန်နေသေးတော့ ပိတ်ဆို့မှုတွေလျှော့ပေးဖို့ အချိန်မတန် သေးဘူးလို့ ဝေဖန်တဲ့ သူတွေရှိပါတယ်။ ဒါနဲ့ပတ်သက်လို့ Mr. Kantor အနေနဲ့ ဘယ်လိုများ မှတ်ချက်ပေးချင်ပါသလဲ။
Mr. Kantor: ပိတ်ဆို့မှုတွေလျှော့ပေးဖို့ အချိန်တန်ပါပြီ။ ပိတ်ဆို့မှု တချို့ကိုလျှော့ပေါ့ပေးနေ တာပါ။ ဒီဘက်ဖြစ်ထွန်း မှုတွေကို ကြည့်ပြီး တဆင့်ချင်းလျှော့ပေးတဲ့ သဘောဖြစ်ပါတယ်။ ကျနော်တို့ ဒီနေ့ ရန်ကုန် ငြိမ်းချမ်းရေး စင်တာကို သွားရောက်လေ့လာ ခဲ့ပါတယ်။ တိုင်းရင်းသား လက်နက်ကိုင် ၁၃ ဖွဲ့နဲ့ ငြိမ်းချမ်းရေး သဘောတူညီမှု ရရှိထားတာ ကြားရလို့ အားတက် မိပါတယ်။ အဓိကနိုင်ငံရေး အင်အားစုဖြစ်တဲ့ ဒေါ်အောင်ဆန်းစုကြည်ရဲ့ NLD ပါတီလည်း ကြားဖြတ်ရွေးကောက်ပွဲမှာ အနိုင်ရလို့ သူကိုယ်တိုင် လွှတ်တော် အမတ်ဖြစ်နေပြီ ဆိုတဲ့ တမဟုတ်ချင်း အပြောင်း အလဲတွေ ဖြစ်ထွန်းနေတာတွေ့နေရပါပြီ။
VOA: ဟုတ်ကဲ့ ဒီလို အပြုသဘောဆောင်တဲ့ ပြုပြင်ပြောင်းလဲရေးအရှိန်အဟုန်ကို ဆက်ထိန်းထားနိုင်ဖို့ အတွက် သမ္မတ ဦးသိန်းစိန် အစိုးရကို ဘယ်လိုများ အကြံပေးချင်ပါသလဲရှင့်။
Mr. Kantor: စိန်ခေါ်အကဲစမ်းမှုတွေ ဒါမှမဟုတ် အပြောင်းအလဲတွေအတွက် လုပ်စရာတွေက အများကြီး ရှိသလို သိပ်လည်း ခက်ခဲတယ်လို့ ထင်ပါတယ်။ သမ္မတ ဦးသိန်းစိန် အနေနဲ့ အလုပ်အကိုင်တွေ ဖန်တီးပေးဖို့။ ရင်းနှီးမြှုပ်နှံမှုတွေ လုပ်ဖို့၊ အခြေခံ အဆောက်အဦတွေ တည်ဆောက်ဖို့နဲ့ ကောင်းမွန်တဲ့ ပညာရေး စံနစ် ထူထောင်ရေးမှာ တာဝန်ခံပြီး၊ တာဝန်သိစွာနဲ့ အစိုးရက သေချာအောင် လုပ်ဖို့လိုပါတယ်။ ဒါတွေကို မဖြစ်မနေ လုပ်ရမှာပါ။ တချိန်တည်းမှာဘဲ တခြား ဒီမိုကရေစီနိုင်ငံတွေ လိုဘဲ ရွေးကောက်ပွဲကိုလည်း ဦးသိန်းစိန် အနေနဲ့ ရင်ဆိုင် ရအုံးမှာပါ။ အားလုံးက အဲဒီရွေးကောက်ပွဲ ရဲ့ အဖြေကို စောင့်ကြည့် နေကြမှာလည်းဖြစ်ပါတယ်။ သက်ဆိုင်ရာ နိုင်ငံရေး အဖွဲ့အစည်းတွေ အားလုံး ပါဝင် ယှဉ်ပြိုင်နိုင်မယ့် အခင်းအကျင်းမျိုးဖြစ်အောင် လည်း စီစဉ်ပေးဖို့ လိုပါတယ်။ ထည့်သွင်း စဉ်းစားရမယ့် အချက်တွေက အများကြီးပါဘဲ။ သူကံကောင်းပါစေလို့ ဆုတောင်းပေးပါတယ်။ ၂၀၁၅ ခုနှစ်မှာ ထွက်လာမယ့် ရလာဒ်က မြန်မာလူထု ကို ကိုယ်စားပြုတယ် ဆိုတယ်ကိုသေချာအောင် လုပ်ကြရမှာဖြစ်ပါတယ်။
VOA: သိသာတဲ့ပြုပြင်ပြောင်းလဲရေးတွေတွေ့နေရတဲ့တချိန်တည်းမှာဘဲ ကချင်ဒေသက မအေးသေးတဲ့ စစ်ပွဲတွေ၊ ရခိုင်ပြည်နယ်က ဒုက္ခသည် အရေး ကိစ္စတွေက ရှိနေသေးတော့၊ အစိုးရ တာဝန်ရှိသူတွေနဲ့တွေ့တဲ့ အခါ ဒီပြဿနာတွေနဲ့ ပတ်သက်လို့ရော ဆွေးနွေးဖို့ ရှိပါသလား။
Mr. Kantor: ကျနော်တို့ဆွေးနွေးခဲ့ပြီးပါပြီ။ ဒီနေ့ ကြာသပတေးနဲ့ မနပ်ဖန်သောကြာနေ့မှာ နေပြည်တော် တာဝန် ရှိသူတွေနဲ့ တွေ့ရင်လည်း ကချင်နဲ့ ရခိုင်ပြည်နယ် အရေး စိုးရိမ်မကင်းဖြစ်ရတာတွေကို ပြောပြကြမှာပါ။ ကျနော်တို့ ကိုယ်စားလှယ် အဖွဲ့မှာပါတဲ့ ထက်မြက်တဲ့အမျိုးသမီး ကြီးတွေကလည်း ဒီကိစ္စနဲ့ ပတ်သက်ပြီး စိုးရိမ်မကင်းဖြစ်ရတာတွေကို ပွင့်ပွင့်လင်းလင်းဝေဖန်ဖို့ ၀န်မလေးကြပါဘူး။
VOA: Mr. Kantor က အမေရိကန်ကူးသန်းရောင်းဝယ်ရေးနဲ့ ကုန်သွယ်ရေး ၀န်ကြီး အဖြစ်နဲ့ NAFTA လို့ခေါ်တဲ့ မြောက် အမေရိကတိုက်နိုင်ငံများ အကြား လွတ်လပ်စွာ အခွန်လွတ် ကုန်သွယ်ရေးကို အောင်မြင်စွာ ကြိုးစားခဲ့တယ်လို့ သိရပါတယ်။ အခု အာစီယံနိုင်ငံတွေ ကလည်း NAFTA လိုသဘော တူညီမှုမျိုး ရအောင် ကြိုးစားနေကြပါတယ်။ အာစီယံနိုင်ငံတွေကို ဘယ်လို အကြံကောင်းတွေများပေးနိုင် ပါသလဲရှင့်။
Mr. Kantor: အားလုံးတသဘောတည်း တစုတည်းဖြစ်ဖို့ဆိုတာကတော့ ခက်ခဲတယ် ဆိုတာကိုတော့ အလေးအနက် ပြောချင်ပါတယ်။ NAFTA ကတော့ အောင်မြင်ပါတယ်။ အမေရိကန်ပြည်ထောင်စု ဆိုတာ ကမ္ဘာ့ဦးဆောင် စီးပွားရေး အင်အားကြီးနိုင်ငံဖြစ်တာနဲ့ အညီ လုပ်ထုံး လုပ်နည်းတွေ လိုပါတယ်။ NAFTA ဆိုတာ တကယ်တော့ WTO ကမ္ဘာ့ကုန်သွယ်ရေး အဖွဲ့အစည်းကြီး ကို ပြန်လည် ဖန်တီးလိုက်တဲ့ သဘောပါဘဲ။ အာစီယံကိုလည်း ဒီလိုဘဲဖြစ်စေချင်ပါတယ် အသေးစိတ် အချက် အလက်တွေ ဆွေးနွေး ကြရတာကလည်း လက်ဝင်တော့ စိတ်ရှည် သည်းခံကြဖို့ အရေးကြီးပါတယ်။ နိုင်ငံတိုင်းက ကိုယ့်အကျိုးစီးပွားကို ကာကွယ်လိုကြတာပါဘဲ။ အဖွဲ့ဝင်တွေ အားလုံး လိုချင်တဲ့အဖြေရအောင်ညှိနှိုင်းရတာကတော့ တကယ့်ကို အကဲစမ်းမယ့် ပြဿနာဆိုတာကို သဘောပေါက်ဖို့လည်းလိုပါတယ်။
VOA: အမေရိကန်နဲ့ မြန်မာကုန်သွယ်ရေးအရ ဆက်ဆံမှုပေါ်မှာကော ဘယ်လိုများဆန်းစစ်လို့ရပါသလဲ။
Mr. Kantor: ဒီအခြေအနေမှာတော့ ၂ နိုင်ငံကုန်သွယ်ရေးက သိပ်မရှိပါဘူး။ ဒါပေမဲ့ အနာဂတ်မှာတော့ တဖြည်ဖြည်း တိုးတက် လာမှာပါ။ အမေရိကန်ဘက်ကတော့ မြန်မာနိုင်ငံက လမ်းကြောင်းမှန်ပေါ်မှာ ရှေ့ရှုသွားနေတယ်ဆိုတာကို စိတ်ချရတဲ့ အထိစောင့်ကြည့်နေပါတယ်။ ဒီမိုကရေစီ တကယ်ဘဲ အမြစ်တွယ်နေပြီလား ထွန်းကားနေပြီလား၊ ဒါတွေတွေ့ရပြီဆိုရင် အမေရိကန် ကုမ္မဏီကြီးတွေ၊ ရင်းနှီးမြှုပ်နှံသူတွေက စိတ်ချလက်ချ ၀င်လာကြမှာပါ။ အမေရိကန် အစိုးရကလည်း တက်တက်ကြွကြွပိုပြီး အားပေးမယ်။ သိပ်ကို ပူးပေါင်းဆောင်ရွက်ဖို့ကောင်း တဲ့ မိတ်ဖက်နိုင်ငံ တနိုင်ငံဖြစ်လာတော့မှာပါ။
Mr. Mickey Kantor ဟာ သမ္မတ Bill Clinton လက်ထက်က အမေရိကန်ကူးသန်းရောင်းဝယ်ရေးနဲ့ ကုန်သွယ်ရေး ၀န်ကြီး အဖြစ် တာဝန် ထမ်းဆောင်ခဲ့သူဖြစ်ပြီး အခုလက်ရှိ California ပြည်နယ်၊ အခြေစိုက် Mayor Brown LLP ဥပဒေ အကျိုးဆောင် အဖွဲ့ရဲ့ အမှုဆောင် အရာရှိဖြစ်ပါတယ်။ အမေရိကန်ပြည်ထောင်စု ကယ်လီဖိုးနီးယားပြည်နယ်အခြေစိုက် Pacific Council on International Policy နိုင်ငံတကာ မူဝါဆိုင်ရာ ပစိဖိတ်ကောင်စီ ဥက္ကဌ Dr. Jerrold Green ဦးဆောင်တဲ့ ကိုယ်စားလှယ်အဖွဲ့ဟာ မြန်မာနိုင်ငံရဲ့ ဒီမိုကရေစီ အသွင်ကူပြောင်းရေးကာလဖြစ်ထွန်းမှုတွေနဲ့အတူ စိန်ခေါ်အကဲစမ်းမှုတွေ၊ ရင်းနှီးမြှုပ်နှံရေးအလားအလာတွေကို စူးစမ်း လေ့လာဖို့ မြန်မာနိုင်ငံကို ၄ ရက်ကြာခရီးရောက်ရှိနေပါတယ်။
နေပြည်တော်ရှိ အစိုးရတာဝန်ရှိသူတွေ၊ ငြိမ်းချမ်းရေး အကျိုးဆောင်တွေ၊ လူထုအခြေပြု အဖွဲ့အစည်းတွေနဲ့တွေ့ဆုံပြီး စီးပွားရေး၊ လူမှုရေး၊ ပညာရေးနဲ့ ကျန်းမာရေးကဏ္ဍတွေမှာ ဖွံ့ဖြိုးတိုးတက်အောင် ဘယ်လိုနည်းနဲ့ ထိထိရောက်ရောက် အကူအညီပေးနိုင်မလဲဆိုတာတွေကို အလေးအနက် ဆွေးနွေးခဲ့ကြပါတယ်။ ကိုယ်စားလှယ်အဖွဲ့ထဲမှာ အဖွဲ့ဝင်တွေအဖြစ် ဗြိတိန်နိုင်ငံဆိုင်ရာအမေရိကန်သံအမတ်ကြီးဟောင်း၊ Tuttle Click Automotive Group ရဲ့ အမှုဆောင်အရာရှိ Robert Tuttle၊ Oakley နေကာမျက်မှန်နဲ့ Digital Camera စတဲ့ လူသုံးကုန်ပစ္စည်းမျိုးစုံထုတ်လုပ်တဲ့ Oakley ကုမ္မဏီပိုင်ရှင် Scott Olivet အပါအ၀င် နိုင်ငံရေးနဲ့ စီးပွားရေးနယ်ပယ်က အထင်ကရပုဂ္ဂိုလ်တွေ၊ စေတနာရှင် စုစုပေါင်း ၁၈ ဦးတွေပါဝင်ပါတယ်။
Ref: VOA News
Friday, January 11, 2013
အမေရိကန်ကုန်သွယ်ရေး ဝန်ကြီးဟောင်း Mickey Kantor နဲ့ ဗွီအိုအေ သီးသန့် မေးမြန်းခန်း
ခရိုနီကြီးများ၏ အကူအညီနှင့် ပတ်သက်၍ ဒေါ်စု သဘောထား ထုတ်ဖော်
မြတ်ကျော်သူ
ကြာသပတေးနေ့၊ ဇန်နဝါရီလ ၁၀ ရက် ၂၀၁၃
ရန်ကုန် (မဇ္ဈိမ)။ ။ အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည် က ပြည်သူ့ လွှတ်တော်၌ မီဒီယာ များနှင့် တွေ့ဆုံစဉ် NLD ၏ လူမှုရေး လုပ်ငန်း များကို ပံ့ပိုးနေသည်ဟု ဆိုသည့် ခရိုနီများနှင့် ပတ်သက်၍ ၎င်း၏ သဘောထားကို ထုတ်ဖော် ပြောကြား လိုက်သည်။
ဇန်နဝါရီလ ၉ ရက်နေ့က ကျင်းပသည့် ဆဋ္ဌမအကြိမ် လွှတ်တော် အစည်းအဝေး ခတ္တနားနေချိန် မဇ္ဈိမ၏ မေးခွန်းကို NLD ဥက္ကဋ္ဌက ပြန်လည်ဖြေကြား လိုက်ခြင်းဖြစ်သည်။
“ခရိုနီလို့ ခေါ်ခံရတဲ့သူတွေက NLD နဲ့ တခြား လူမှုရေး လုပ်ငန်း လုပ်သူတွေကို ပံ့ပိုးတယ် ဆိုလို့ရှိရင် ဘာဖြစ်လဲ ပံ့ပိုးပါ စေပေါ့။ ပိုက်ဆံတွေကို တခြားနေရာမှာ အလဟဿ ဖြုန်းမယ့်အစား ပံ့ပိုးသင့်တဲ့ နေရာမှာ သုံးတယ်ဆိုတာ ကောင်းတဲ့ ကိစ္စပဲ” ဟု ဒေါ်အောင်ဆန်းစုကြည် က မဇ္ဈိမကို ပြောသည်။
NLD ၏ ရံပုံငွေပွဲအချို့နှင့် ပညာရေးဆိုင်ရာ ပွဲများတွင် Air Bagan, Sky Net နှင့် AGD Bank တို့မှ အဓိက အလှူရှင်များ အဖြစ် ပံ့ပိုးပေးသည့် ကိစ္စရပ်များ အတွက် ဝေဖန်မှုများ ရှိနေချိန်တွင် ဒေါ်အောင်ဆန်းစုကြည် က ခရိုနီအပေါ် ၎င်း၏ အမြင်ကို ယခုကဲ့သို့ ပြောကြား လိုက်ခြင်း ဖြစ်သည်။
“NLD ကို ချဉ်းကပ်လာတာလား၊ ဘယ်အဖွဲ့ကို ချဉ်းကပ်တာလား ဆိုတာကို အန်တီ မကြည့်ဘူး။ လုပ်တာက ဘာအတွက် လုပ်တာလဲ ဘာကို ထောက်ပံ့တာလဲ၊ ဘယ်နေရာကို အကျိုးပြုသလဲ။ ပြည်သူကို အကျိုးပြုမယ်၊ ဒီမိုကရေစီ ပြောင်းလဲရေးကို အကျိုးပြုမယ်၊ လိုအပ်နေတဲ့ ပညာရေး ကိစ္စတွေကို အကျိုးပြုမယ် ဆိုရင် ဒါဟာ ကြိုဆိုရမယ့် ကိစ္စပဲ” ဟု ဒေါ်အောင်ဆန်းစုကြည်က ဆိုသည်။
၂၀၁၂ ခုနှစ်၊ စက်တင်ဘာက ၈၈ မျိုးဆက် ကျောင်းသားများ အဖွဲ့က ပြုလုပ်ခဲ့သည့် ရံပုံငွေပွဲတွင် လေလံတင်ရောင်း ချသည့် ဂစ်တာ တလက်ကို ရွှေသံလွှင် ကုမ္ပဏီ ပိုင်ဆိုင်သည့် Sky Net ရုပ်သံလိုင်း ပိုင်ရှင် ဦးဝင်းနိုင် က ကျပ် ၅၈၈ သိန်းဖြင့်၊ မြန်မာနိုင်ငံဘောလုံး အဖွဲ့ချုပ် ဥက္ကဋ္ဌ ဦးဇော်ဇော်နှင့် အပြိုင် လေလံကြေးပေး၍ ဝယ်ယူ ခဲ့ပြီးနောက် NLD နှင့် ၈၈ စသည့် နိုင်ငံရေး အဖွဲ့အစည်းများနှင့် ဆက်ဆံမှုများ ရှိလာခဲ့ကြသည်။
ခရိုနီဆိုသည်မှာ ယခင် စစ်အစိုးရလက်ထက်များက ချမ်းသာလာပြီး တယောက်နှင့် တယောက် ချမ်းသာပုံချင်း မတူညီ၊ မတရားမှုများ လုပ်ခဲ့သလား၊ မလုပ်ဘူးလား ဆိုသည်ကိုလည်း စိစစ်ရမည်၊ သို့သော် မည်သူပင်ဖြစ်စေ ပြစ်မှု မထင်ရှားသရွေ့ အပြစ်မဲ့ ဟူ၍ သတ်မှတ် ရမည်ဖြစ်ပြီး ပြစ်မှု ရှိသူများကိုလည်း ပြုပြင်ပိုင်ခွင့် ပေးရမည်ဖြစ်ကြောင်း ဒေါ်အောင်ဆန်းစုကြည် က ဆိုသည်။
“လူတယောက်ကို ကြည့်တဲ့အခါ လူတွေဟာ တခါဆိုးလို့ အမြဲတမ်း ဆိုးနေမယ်လို့ ပြောလို့ မရပါဘူး” ဟု ဒေါ်အောင်ဆန်း စုကြည်က ပြောဆိုလိုက်ပြီး ဒီမိုကရေစီနိုင်ငံများတွင် သူဌေးဖြစ်နေသူ များသည် ယခင်က စက်မှု တော်လှန်ရေး ကာလက တရားမျှတသော နည်းလမ်းဖြင့် ဖြစ်ခဲ့ခြင်း မဟုတ်ဘဲ ခေါင်းပုံဖြတ်မှုတွေ ရှိခဲ့ကြောင်း၊ နောက်ပိုင်းတွင် ပရိဟိတ လုပ်ငန်းများ လုပ်သည့် မိသားစုများ ဖြစ်လာကြောင်း ခရိုနီ သမိုင်းကြောင်းကို ရှင်းပြသေးသည်။
NLD ပါတီ ပညာရေး ကွန်ယက် နှစ်နှစ်ပြည့်၊ အခမဲ့ ပညာဒါန ကျောင်းများ ရံပုံငွေ ရှာဖွေရေး ဂီတပွဲတော်ကို ခရိုနီများ ဖြစ်ကြသည့် Sky Net ၊ Air Bagan နှင့် AGD Bank တို့မှ လုပ်ငန်းရှင်များက ငွေကျပ် သိန်း နှစ်ထောင်ကျော် လှူဒါန်းခဲ့ကြသည်။
အဆိုပါရံပုံငွေပွဲမှ သိန်းပေါင်း ငါးထောင်ကျော် ရရှိခဲ့ပြီး စီစဉ်စရိတ် သိန်းနှစ်ထောင်ကျော်နှင့် ကျန်ငွေ အသားတင် သိန်း သုံးထောင်ကျော် ရှိသဖြင့် အဆိုပါငွေများကို နယ်စပ် ပညာရေးတွင် သုံးမည်ဟု NLD ပညာရေးကော်မတီက ဆိုသည်။
Ref: မဇ္ဈိမ
အမေရိကန် သန်းကြွယ်သူဌေကြီး ဆိုးရိုးစ် ဒေါ်အောင်ဆန်းစုကြည် နဲ့ ဆွေးနွေး
2013-01-10
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီကနေ့ ညနေက အမေရိကန်ဘီလျံနာ သူဌေးကြီး George Soros နဲ့အဖွဲ့ကို နေပြည်တော်မှာ လက်ခံတွေ့ဆုံ ခဲ့ကြောင်းနဲ့ ဟန်ဂေရီနိုင်ငံခြားရေး ၀န်ကြီးနဲ့ အဖွဲ့ကိုလည်း သီးခြားတွေ့ဆုံ ခဲ့ကြောင်း သိရပါတယ်။
ဒီတွေ့ဆုံပွဲတွေနဲ့ ပတ်သက်ပြီး အသေးစိတ်သတင်းထုတ်ပြန်တာ မရှိသေးပါဘူး။
အဲဒီမတိုင်ခင် ညနေပိုင်းက ဒေါ်အောင်ဆန်းစုကြည်နဲ့ လက်ပန်းတောင်းတောင်အရေး စုံစမ်းရေးကော်မရှင် အဖွဲ့ဝင်တွေဟာ ကြေးနီ စီမံကိန်းနဲ့ ပတ်သက်ပြီး လေ့လာ စစ်ဆေးခဲ့တဲ့ မြန်မာ့ ပတ်ဝန်းကျင် သိပ္ပံအဖွဲ့ MEI ရဲ့ တင်ပြချက်တွေကို စည်းဝေးဆွေးနွေး ကြကြောင်းလည်း သိရပါတယ်။
လက်ပန်းတောင်းတောင်အရေးနဲ့ ပတ်သက်ပြီး ကော်မရှင်က သဘာဝပတ်ဝန်းကျင် ထိခိုက်မှုနဲ့ လူမှုဘ၀ အကျိုး သက်ရောက်မှုတွေကို လေ့လာဖို့ အတွက် ပညာရှင်ပေါင်းစုံ ပါဝင်တဲ့ ကော်မတီတစ်ရပ် ဖွဲ့စည်းပေးခဲ့ပြီး အဖွဲ့က ကနဦး အစီရင်ခံစာကို သီတင်းနှစ်ပတ် အတွင်း စုံစမ်း စစ်ဆေးရေး ကော်မရှင်ထံ တင်ပြဖို့ စီစဉ်ဆောင်ရွက် ခဲ့ပါတယ်။ လက်ပန်းတောင်းတောင် ကြေးနီ စီမံကိန်းနဲ့ ပတ်သက်ပြီး ဒေါ်အောင်ဆန်းစုကြည် ဦးဆောင်တဲ့ စုံစမ်းရေးကော်မရှင် အဖွဲ့ဝင်တွေနဲ့ မြန်မာ့စီးပွားရေး ဦးပိုင်လီမိတက် ဥက္ကဋ္ဌ စစ်ရေးချုပ် ဒုတိယ ဗိုလ်ချုပ်ကြီး ခင်ဇော်ဦးတို့ မနေ့က တွေ့ဆုံပြီး လက်ပန်းတောင်းတောင် အရေးကိစ္စတွေကို ဆွေးနွေး ခဲ့ကြပါတယ်။
Ref: RFA News
မြစ်ကြီးနားသွားရထား မိုင်းခွဲခံရလို့ ရဲဝန်ထမ်းတစ်ဦး သေဆုံး
2013-01-10
မန္တလေးဘက်ကနေ မြစ်ကြီးနားဘက်ကို ခုတ်မောင်းလာတဲ့ နဘား - မြစ်ကြီးနားသွား ရထားအမှတ်- ၄၉ လော်ကယ် (ခေါက်ပြန်) ရထားဟာ ကချင်ပြည်နယ်၊ မိုးညှင်းမြို့နယ်၊ ဟိုပင်ဘူတာနဲ့ နန်းခွင်ဘူတာအကြား ကြာကြီးကွင်း တံတား၊ ချောင်းရေပေါက် အနီး မိုင်တိုင် ၆၅၄ နားမှာ (ဇန်နဝါရီ ၉ ရက်) မနေ့ ည ၁၀ နာရီ ၁၅ မိနစ် အချိန်က မိုင်းထောင်ဖောက်ခွဲ ခံခဲ့ရ တယ်လို့ စုံစမ်း သိရှိရပါတယ်။
စက်ခေါင်းတွဲရဲ့နောက်မှာရှိတဲ့ ခရီးသည်တွဲရဲ့ အလယ်တည့်တည့်ကို ဖောက်ခွဲခံရတာဖြစ်ပြီး လူစီးတွဲနဲ့ ကုန်တင်တွဲ အပါအဝင် စုစုပေါင်း ရထားတွဲ ၅ တွဲလမ်းချော် တိမ်းမှောက်ခဲ့ပြီး ရထား ရဲဝန်ထမ်း ၁ ဦး သေဆုံးခဲ့သလို ခရီးသည်တချို့ ဒဏ်ရာ ရခဲ့တယ်လို့ မျက်မြင် ကြုံတွေ့ရတဲ့ ဟိုပင်ဒေသခံ တစ်ဦးက RFA ကို အခုလို ပြောပါတယ်။
"ည ၁၀နာရီ ၁၅မှာကြီးမားတဲ့ အသံကြီးကို ကျွန်တော်တို့ ကြားရတယ်၊ ရထားမှာ လုံခြုံရေးပါသွားတယ်၊ ရထားတွဲ ငါးတွဲ ကတော့ အားလုံး သံလမ်းပေါ်ကနေ ကျပြီးမှ တစ်ချို့က ပက်လက် လန်သွားတယ်၊ တစ်ချို့က လဲကျနေတယ်၊ သံလမ်းကို မိုင်းထောင်ပြီးမှ ခွဲတဲ့ သဘောပါဗျ"
မနက်ဖြန်မှာ ရထားတွေ ပုံမှန်အတိုင်း ပြန်သွားနိုင်ဖို့အတွက် ရထားလမ်းပြင်ဆင်နှေုမှုတွေဟာ ညနေပိုင်း ၆ နာရီလောက်မှာ ပြီးစီးနိုင်မယ်လို့ ခန့်မှန်းကြောင်း မြစ်ကြီးနားဘူတာရုံ တာဝန်ကျ ဝန်ထမ်းတစ်ဦးက ပြောပါတယ်။
ကချင်ပြည်နယ် မိုးညှင်းမြို့နယ်အတွင်းမှာ ရက်သတ္တပတ် ၃ ပတ်အတွင်း ရထားသံလမ်းမိုင်း ခွဲခံရတာဟာ ဒီတစ်ကြိမ်နဲ့ ဆိုရင် လေးကြိမ်မြောက်ဖြစ်ပြီး အခုတစ်ကြိမ်ဟာ အဆိုးဆုံး အခြေအနေလို့ သိရပါတယ်။
Ref: RFA News
အစိုးရစစ်တပ်နဲ့ ကေအိုင်အေတို့ နှစ်ဖက် တိုက်ပွဲကြောင့် ဒေသခံပြည်သူ ဒဏ်ရာရ
2013-01-10
ကချင်ပြည်နယ်၊ ဖားကန့် ကျောက်စိမ်းတွင်းဒေသ၊ လုံးခင်းကျေးရွာအုပ်စု၊ လယ်ပြင်ကျေးရွာ နှစ်မျက်နာ ဘုရားနားမှာ ဒီကနေ့ နေ့လည် ၂ နာရီလောက်က အစိုးရ စစ်တပ်နဲ့ ကေအိုင်အေတပ်တွေ ထိပ်တိုက် ပစ်ခတ် တိုက်ခိုက်ခဲ့တဲ့ အတွက် အဲဒီ လယ်ပြင်ကျေးရွာက ကလေး သုံးယောက် မိခင် ဒေါ်ခွန်တောင် ဆိုသူ အမျိုးသမီးတစ်ဦးရဲ့ ခြေထောက်နှစ်ဖက်နဲ့ ညာဘက်လက်ဖျံမှာ ထိခိုက်ဒဏ်ရာရရှိခဲ့ပါတယ်။
ဖားကန့်ဒေသမှာ အစိုးရတပ်နဲ့ ကေအိုင်အေတပ်တွေ အကြား တိုက်ပွဲတွေဖြစ်ပွားမှုမရှိဘဲ အတန်ကြာ ငြိမ်သက်နေရာ ကနေ အခုလို တိုက်ပွဲသံပြန်ကြားရတာ ဖြစ်ပြီး၊ ဒဏ်ရာရတဲ့ အမျိုးသမီကတော့ လုံးခင်းတိုက်နယ်ဆေးရုံမှာ ဆေးကုသမှုခံယူနေရတယ်လို့ စုံစမ်းသိရှိရပါတယ်။
ပြီးခဲ့တဲ့နှစ် အောက်တိုဘာ ၉ ရက်နေ့တုန်းကလည်း ကလေးတွေ ကျောင်းဆင်းချိန် အဲဒီ လယ်ပြင်ကျေးရွာမှာပဲ တိုက်ပွဲဖြစ်ပွားခဲ့သေးတယ်လို့ သိရပါတယ်။
မိုးကောင်းကနေ ဖားကန့်ဘက်ကို အစိုးရစစ်တပ် ယာဉ်တန်း အစီး ၃၀ လောက် ရိက္ခာ သွားရောက် ပို့ဆောင်နေတာကြောင့် ခရီးသွားပြည်သူတွေ လုံခြုံရေး အတွက် မိုးကောင်း - ဖားကန့်လမ်းကို မနေ့မနက်ပိုင်းက စပြီး ပိတ်ထား လိုက်တယ်လို့ ဒေသခံတွေက ဆိုပါတယ်။
Ref: RFA News
ကချင်ဒေသ ငြိမ်းချမ်းရေးအတွက် ဆန္ဒထုတ်ဖော်
January 10, 2013
ကချင်ဒေသ စစ်ပွဲများ ရပ်ဆိုင်းပေးရန် ဒေသခံပြည်သူများနှင့် ငြိမ်းချမ်းရေး လိုလားသည့် ပြည်သူများက ယနေ့နေ့လယ် ၁၁ နာရီမှ စတင်ကာ ရန်ကုန် ရွှေဂုံတိုင် တော်ဝင်နှင်းဆီ ခန်းမတွင် ဆန္ဒထုတ်ဖော်ပွဲ ပြုလုပ်ခဲ့သည်။
အဆိုပါ ပွဲတွင် ကချင်လွတ်မြောက်ရေး တပ်မတော် (KIA) နှင့် မြန်မာ အစိုးရ တပ်မတော်တို့ တိုက်ခိုက်နေသည့် စစ်ပွဲကြောင့်
နှစ်ဘက် တပ်များ အနေဖြင့် ကျည်လွတ်မြေ စစ်မဲ့ဇုန်တခု သတ်မှတ်ပေးရန်၊ ထိုစစ်မဲ့ဇုန်တွင် စစ်မက်ရေးရာ ကိစ္စရပ်များ လုံးဝ မပြုလုပ်ရန်၊ နှစ်ဘက် လက်နက်ကိုင် တပ်များမှ လေးစားယုံကြည် အသိအမှတ်ပြု သဘောတူထားသော စေ့စပ်ညှိနှိုင်း ပေးနိုင်သည့် လူပုဂ္ဂိုလ်၊ အဖွဲ့အစည်းများက အမြန်ဆုံး ရွေးချယ်ကြေညာပေးရန် ငြိမ်းချမ်းရေး လိုလားသူများက တောင်းဆို ထားကြောင်း သိရသည်။
“ဖားကန့်မှာဆိုရင် စစ်ပွဲဖြစ်လို့ ထွက်ပြေးနေရတယ်။ မနက်မိုးလင်းလာတာနဲ့ အထုပ်တွေ ကိုင်ပြီး ဟိုပြေးဒီပြေး ပြေးနေ ရတယ်၊ အခုအထိ ပါပဲ။ ကျနော်တို့ အနေနဲ့ ငြိမ်းချမ်းရေး မြန်မြန်ရဖို့ပဲ ဆုတောင်းနေရပါတယ်” ဟု ယင်းပွဲကို တက်ရောက် လာသည့် ကချင်ပြည်နယ် ဖားကန့်ဒေသမှ ကိုခင်မောင်ဝင်းက ပြောသည်။
စစ်ပွဲရပ်ဆိုင်းရန် အခမ်းအနား အမျိုးမျိုး လုပ်ဆောင်နေသကဲ့သို့ အကျိုးသက်ရောက်မှု တခုခု ရှိရန် လိုအပ်ကြောင်း၊ တိုက်ပွဲများ ဆက်တိုက် ဖြစ်ပွားနေသည်ကို ၀င်ရောက် မပြောဆိုလျှင် ပိုမို ဆိုးရွားနိုင်ကြောင်း၊ စစ်ဘေးသင့် ပြည်သူများ၏
ဘ၀သည် အလွန်ပင် သနားစရာကောင်းကြောင်း၊ စစ်တိုက်မှုကြောင့် ထွက်ပေါ်လာသည့် ၁၀၅ မမ ကျည်တတောင့် တန်ဖိုးသည် ကျပ်သိန်း ၃၀ ကျော်ရှိသဖြင့် ထိုကျည်းဖိုးများကို ပညာရေး၊ ကျန်းမာရေး အတွက် အသုံးပြုမည် ဆိုက အလွန်ပင် ကောင်းမွန်မည် ဖြစ်ကြောင်း ၈၈ မျိုးဆက် ကျောင်းသားများ အဖွဲ့မှ ကိုမင်းကိုနိုင်က ပြောသည်။
“ကျည်ဆံဆိုတာ ငြိမ်းချမ်းရေး သံတမန်မဟုတ်ဘူး။ အခုဆိုရင် ကလေးငယ်တွေ ဒုက္ခသည်စခန်းတွေမှာ စစ်တိုက် ကစားနည်းတွေနဲ့ ဆော့ကစားနေတာ သူတို့ အနာဂတ် အတွက် စိတ်ပူပန်ရတယ်။ ထိပ်သီးခေါင်းဆောင်တွေ အချင်းချင်း ယူတဲ့ ငြိမ်းချမ်းရေးက မသေချာဘူး။ ဒါကြောင့် ကျနော်တို့ ပြည်သူတွေ၊ ဒေသခံတွေ လိုချင်တဲ့ ငြိမ်းချမ်းရေး ပုံစံကို ဖော်ထုတ် တောင်းဆိုသွားမယ်” ဟု ကိုမင်းကိုနိုင်က ဆက်ပြောသည်။
လက်ရှိ စစ်ဘေးသင့် ဒေသမှ လာရောက်သည့် ကချင်တိုင်းရင်းသားများသည် ငြိမ်းချမ်းရေးကို အမှန်ရအောင် ကူညီ ဆောင်ရွက်ပေးရန်၊ စစ်ဘေးကြောင့်နေရပ်စွန့်ခွာ ထွက်ပြေးနေရသူ (IDP) များလည်း ငြိမ်းချမ်းရေးကို အမြန် ရလို နေကြောင်း၊ လက်ရှိအချိန်တွင် IDP စခန်းများအတွင်း ဒုက္ခသည် ပိုမိုများလာကြောင်း၊ ကိုယ့်အိမ်တွင် ယခင်လို ပြန်နေနိုင်ဖို့
မျှော်လင့်ထားကြကြောင်း ကချင်ဒေသခံများက ပြောကြားသွားကြသည်။
“အခု စစ်ပွဲကြောင့် နှစ်ဘက် စစ်သားတွေ ၂ သောင်းလောက် ကျဆုံးသွားပြီ။ ပြီးတော့ စီးပွားရေး ကောင်းတဲ့ နေရာဖြစ်တဲ့
ကချင်ဟာ အခုဆိုရင် ဘာအလုပ်မှ မရှိသလို၊ စိတ်ဆင်းရဲမှုတွေ ကြောက်လန့်မှုတွေနဲ့ပဲ နေနေရပါတယ်” ဟု ဖားကန့်ဒေသမှ ဦးချိုက ဆိုသည်။
ကချင်ပြည်နယ် အတွင်းရှိ ပြည်သူများသည် စစ်ကိုမလိုလားကြောင်း၊ စစ်ငြိမ်းရန် လိုအပ်နေကြောင်း၊ ယခင်ကကဲ့သို့ မိမိနေရပ် ဒေသကို ပြန်ကာ လယ်ယာ ပြန်လုပ်လိုကြောင်း၊ နိုင်ငံတော်အနေဖြင့် သဘောထား ကြီးစွာ ဆောင်ရွက်ပေးမည်ဆိုပါက အလွန်ပင် ၀မ်းမြောက်မည် ဖြစ်ကြောင်း၊ ငြိမ်းချမ်းရေး ဆွေးနွေးပွဲ အမြန် ဆောင်ရွက်ပေးလိုကြောင်း ဖားကန့်မှ ဦးဘရန်ရှောင်ကလည်း ပြောသည်။
“ကျနော်တို့ အခု ငြိမ်းချမ်းရေး လိုလားသူတွေက လက်မှတ်ထိုးပြီး ဖေဖော်ဝါရီမှာ နောက်ဆုံးထားပြီး ကောက်မယ်။ ပြီးတော့ သက်ဆိုင်တဲ့ KIA နဲ့ သမ္မတဆီကို တင်သွားမယ်။ သူတို့ရော ငြိမ်းချမ်းရေးကို ဘယ်လောက်အထိ လိုလားလဲဆိုတာ သိရမယ်” ဟု အဖြူရောင်တွဲလက်များ အဖွဲ့မှ ကိုဘိုဘိုက ယင်း အခမ်းအနားတွင် ပြောကြားခဲ့သည်။
၈၈ မျိုးဆက် ကျောင်းသားများအဖွဲ့သည် ဇန်န၀ါရီလ ၁ ရက်နေ့မှ ၆ ရက်နေ့အထိ ကချင်ပြည်နယ်သို့ သွားရောက်ခဲ့ပြီး ၎င်းတို့ အနေဖြင့် စစ်ရေး အရှိန်လျှော့ပေးရန်နှင့် ခိုင်မာသော ကတိက၀တ် အာမခံချက်များ ရှိပါက နိုင်ငံရေး ဆွေးနွေးပွဲများ တက်ရောက်မည် ဖြစ်ကြောင်း ယနေ့ ၈၈ မျိုးဆက်ကျောင်းသားများ ရုံးခန်းတွင် ကျင်းပ ပြုလုပ်သည့် သတင်းစာ ရှင်းလင်းပွဲ၌ သတင်းထောက်များအား ပြောကြားသည်။
တရုတ်နိုင်ငံတွင် နေထိုင်နေသည့် ကချင်တိုင်းရင်းသားများ သည်လည်း စစ်ပွဲနှင့် ပတ်သက်ပြီး ဇန်န၀ါရီ ၁၀ ရက်နေ့က တရုတ်ပြည်၊ ယူနန်ပြည်နယ်၊ နားပမ်းမြို့၌ စုဝေး ဆန္ဒထုတ်ဖော်ခဲ့ကြောင်း သိရသည်။
ကူမင်း၊ မန်ရှီ၊ ရွှေလီ၊ ရင်ကျန်း မြို့နှင့် တရုတ်နိုင်ငံအတွင်းရှိ တခြားသော ရပ်ရွာများတွင် ပြန့်ကျဲ နေထိုင်နေကြသူ ကချင်တိုင်းရင်းသားများ သည်လည်း မြန်မာ အစိုးရက လေကြောင်းမှ မရပ်မနား ထိုးစစ်ဆင်နေမှုကို ကန့်ကွက်ကြောင်း၊ ကချင်အားလုံး တစိတ်တ၀မ်းတည်း ဖြစ်သည်ကို ပြသရန်အတွက် လူအင်အား ၁၅၀၀ ကျော်က ကားစီးရေ ၁၀၀
ကျော်ဖြင့် လိုင်ဇာ တဖက်ကမ်း နားပမ်းမြို့သို့ လာရောက် စုဝေးခဲ့ကြသည်ဟု ဒေသခံတဦးက ဆိုသည်။
“မနေ့ကမှ တိုင်ပင်ပြီးလုပ်တာပါ။ အစက လူ ၆၀၀ လောက်ပဲ စာရင်းပေးတာ၊ အခုတော့ ထပ်တိုးထပ်တိုးနဲ့ ၁၅၀၀ လောက်အထိ ရှိသွားတယ်။ အခုလဲ လာနေကြတုန်းပဲ” ဟု ယင်း ဆန္ဒထုတ်ဖော်ပွဲတွင် ကူညီပေးနေသည့် လိုင်ဇာမြို့သူ မရစ်ဒီးလာက ပြောသည်။
တရုတ်အာဏာပိုင်များသို့ အကြောင်းကြားခြင်းမရှိဘဲ ရုတ်တရက် စုဝေးခြင်းကြောင့် လိုင်ဇာ တဘက်ကမ်းမှ အာဏာပိုင် များက နိုင်ငံဖြတ်ကျော်ခွင့် မပေးခဲ့ကြောင်း သိရသည်။
“ဘာမှအားမငယ်ဖို့၊ အားလုံးက တစိတ်တ၀မ်းတည်း ရှိတယ်ဆိုတာ ပြဖို့ လာကြတာပါ” ဟု မရစ်ဒီးလာက ထပ်မံဆိုသည်။
ယနေ့ တော်ဝင်နှင်းဆီခမ်းမတွင် ကျင်းပပြုလုပ်သည့် ဆန္ဒခံယူပွဲသို့ ကချင်ဒေသခံများ၊ အဖြူရောင်တွဲလက်များ အဖွဲ့၊ ကချင် ငြိမ်းချမ်းရေးကွန်ရက်၊ ဆရာတော် အရှင်ဆန္ဒာဓိကနှင့် သံဃာတော်များ၊ ၈၈ မျိုးဆက် ကျောင်းသားခေါင်းဆောင်များ၊ မအူပင် ပျိုးခင်းသစ် လူငယ်အဖွဲ့နှင့် ငြိမ်းချမ်းရေး လိုလားသူ ပြည်သူများ တက်ရောက်ခဲ့ပြီး လွတ်လပ်ငြိမ်းချမ်း ပန်းရဲ့လမ်း လူမှုကွန်ရက်မှ ငြိမ်းချမ်းရေး သီချင်းများဖြင့် ဖျော်ဖြေခဲ့သည်။
ဧရာဝတီသတင်းထောက် နန်းဆိုင်နွမ်၊ နန်းသီရိလွင်နှင့် လဖိုင်တို့ ပူးပေါင်းရေးသားသည်။
Ref: ဧရာဝတီ
ကချင်အရေး စိုးရိမ်မိကြောင်း အမေရိကန် သံအမတ်ကြီး ထုတ်ဖော်ပြောဆို
January 10, 2013
ကချင်ပြည်နယ်က တစထက်တစ ပိုပြင်းထန်လာနေတဲ့ စစ်ပွဲတွေအပေါ် စိုးရိမ်မိတယ်လို့ မြန်မာနိုင်ငံ ဆိုင်ရာ အမေရိကန် သံအမတ်ကြီး ဒဲရက် မစ်ချယ် (Derek Mitchell) က ပြီးခဲ့တဲ့ တနင်္လာနေ့မှာ ဧရာဝတီကို ပြောဆိုလိုက်ပါတယ်။
အစိုးရစစ်တပ် အနေနဲ့ ကချင် လွတ်လပ်ရေး တပ်မတော် (KIA) ကို လေကြောင်းက တဆင့် တိုက်ခိုက်မှုတွေ ဆက်လက် ပြုလုပ်နေတာမို့ သွေးထွက် သံယိုမှုတွေ ဆက်လက် မဖြစ်ပွားရလေအောင် တိုက်ခိုက်မှုတွေ အဆုံးသတ် ဖို့ကိုလည်း မြန်မာ အစိုးရ ထိပ်ပိုင်းခေါင်းဆောင်တွေကို တိုက်တွန်းခဲ့တယ်လို့ သူက ဆိုပါတယ်။
“ဘယ်လို အကြမ်းဖက်မှုပဲဖြစ်ဖြစ် တစထက်တစ ပြင်းထန်လာမှာကို စိုးရိမ်တယ်လို့ ကျနော်တို့ တိတ်တဆိတ် စကား ပါးခဲ့ပြီးပါပြီ” လို့ ဒဲရက် မစ်ချယ်က ပြောပါတယ်။ ဒီအကြောင်းကို နေပြည်တော်မှာရှိတဲ့ အစိုးရ ထိပ်တန်း ခေါင်းဆောင်တွေ နဲ့လည်း ဆွေးနွေး ခဲ့ပြီးဖြစ်တယ်လို့ မစ္စတာ ဒဲရက် မစ်ချယ်က ပြောပါတယ်။
“ဆက်သွယ်ရေး လမ်းကြောင်းတွေ ဖွင့်ချင်တာ အပါအဝင် ကချင်ပြည်နယ် ကိစ္စနဲ့ ပတ်သက်ပြီး အစိုးရ တာဝန် ရှိသူတွေရဲ့ သဘောထားကို ကျနော်နားလည်ပါတယ်။ ဒါပေမယ့် နိုင်ငံရေးအရ အဖြေတခုရဖို့ လိုအပ်တယ် ဆိုတာ ကိုလည်း အသိအမှတ်ပြုကို ပြုရမှာ ဖြစ်ပါတယ်” လို့ သူက ပြောပါသေးတယ်။
KIA က ပိတ်ဆို့ထားတဲ့ အရေးပါတဲ့ ထောက်ပံ့ရေး လမ်းကြောင်းတခုကို ထိန်းချုပ်နိုင်ဖို့ အစိုးရက ပြီးခဲ့တဲ့ လ နှောင်းပိုင်းက စပြီး လေကြောင်းက တဆင့် တိုက်ခိုက်မှုတွေ နေ့စဉ်ပြုလုပ် ခဲ့တာမို့ ကချင်ပြည်နယ်မှာ စစ်ပွဲတွေ တစထက်တစ ပြင်းထန်လာနေတာပါ။
“ဒီကိစ္စအတွက် စစ်ရေးအရ အဖြေမရှိဘူး ဆိုတာရော၊ ရန်ရန်ချင်း တုံ့ပြန်မယ်ဆိုရင် လူတိုင်း ဒုက္ခရောက်ကြ ရမယ် ဆိုတာ ကိုပါ နှစ်ဖက်စလုံးက အသိအမှတ်ပြုရလိမ့်မယ်လို့ ကျနော် ယူဆပါတယ်” လို့ မြန်မာနိုင်ငံဆိုင်ရာ အမေရိကန် သံအမတ်က ဆက်ပြောပါတယ်။
“တကယ်လို့ စစ်မက်ဖြစ်ပွားမှုတွေ တစထက်တစ ပြင်းထန်လာတာက ကချင်ပြည်သူတွေကို အခုထက် ပိုပြီး တကွဲ တပြား ဖြစ်သွားစေမယ် ဆိုရင်တော့ ဒီကိစ္စတွေကို ဖြေရှင်းနိုင်ဖို့ အလားအလာရှိတဲ့ နိုင်ငံရေးနည်းနာ ကျနော် မတွေ့ပါဘူး” လို့ သူက ဆိုပါတယ်။
မစ္စတာ ဒဲရက် မစ်ချယ်ရဲ့ အခုလို ပြောဆိုချက်ဟာ မြန်မာအစိုးရရဲ့ လေကြောင်းတိုက်ခိုက်မှုတွေနဲ့ ပတ်သက်ပြီး အမေရိကန်အစိုးရက အစောပိုင်းမှာ ဝေဖန်ခဲ့တဲ့အပေါ် ထပ်မံအတည်ပြုလိုက်တာပါပဲ။
“မြန်မာအစိုးရက လေတပ်အသုံးပြုတဲ့အပေါ် ကျမတို့ စိတ်အနှောက်အယှက် ဖြစ်ရပါတယ်” လို့ အမေရိကန် နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် ဗစ်တိုရီးယား နူလန် (Victoria Nuland) က ပြီးတဲ့အပတ်မှာ သတင်းထောက်တွေကို ပြောကြားခဲ့ပါတယ်။ တိုက်ခိုက်မှုတွေ ရပ်ဆိုင်းပြီး နိုင်ငံရေးအရ တွေ့ဆုံဆွေးနွေးနိုင်အောင် အားထုတ်ကြဖို့ အမေရိကန်အစိုးရက နှစ်ဖက်စလုံးကို တိုက်တွန်းခဲ့တယ်လို့လည်း သူက ဆိုပါတယ်။
KIA နဲ့ မြန်မာအစိုးရအကြား ၁၇ ကြာ အပစ်အခတ်ရပ်စဲရေး သဘောတူညီချက် ပျက်ပြားသွားတဲ့ ၂၀၁၁ ကစလို့ နိုင်ငံရေးအရ ကိုယ်ပိုင်အုပ်ချုပ်ခွင့်ရဖို့ တိုက်ပွဲဝင်နေတဲ့ KIA ဟာ အစိုးရတပ်တွေနဲ့ စစ်ပွဲတွေ ဖြစ်ပွားနေခဲ့တာပါ။
KIA ရဲ့ နိုင်ငံရေးအဖွဲ့အစည်းဖြစ်တဲ့ ကချင်လွတ်လပ်ရေး အဖွဲ့ (KIO) အနေနဲ့ အစိုးရရဲ့ ငြိမ်းချမ်းရေး ကိုယ်စားလှယ်တွေနဲ့ ထပ်တလဲလဲ တွေ့ဆုံဆွေးနွေးခဲ့ပေမယ့် လက်ဆုပ်လက်ကိုင်ပြနိုင်တဲ့ ဘယ်လို သဘောတူညီချက်မျိုးမှ မရရှိခဲ့ပါဘူး။
အမေရိကန်သံအမတ်က စိုးရိမ်တယ်လို့ ပြောဆိုအပြီး နောက်တနေ့တွေမှာလည်း နှစ်ဖက်အကြား တိုက်ပွဲတွေ ဆက်လက် ဖြစ်ပွားနေခဲ့တယ်လို့ KIA က ပြောပါတယ်။ KIA ဌာနချုပ်ဖြစ်တဲ့ မြန်မာ-တရုတ် နယ်စပ်အနီးက လိုင်ဇာ မြို့တဝိုက်မှာ တိုက်ပွဲတွေ ပြင်းထန်တယ်လို့လည်း သိရပါတယ်။
ဒါ့အပြင် လိုင်ဇာမြို့နားက လဂျားယန် ဒေသကိုလည်း အစိုးရဖက်က ဂျက်လေယဉ် ၂ စီး၊ ရဟတ်ယာဉ် ၃ စီးနဲ့ အင်္ဂါနေ့မှာ ထပ်မံတိုက်ခိုက်ခဲ့တယ်လို့လည်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မြောက်ပိုင်းဒေသ) (ABSDF-NB) ပြန်ကြားရေးတာဝန်ခံ ကိုမင်းဌေးရဲ့ အဆိုအရ သိရပါတယ်။ KIA ရဲ့ မဟာမိတ် ဖြစ်တဲ့ ABSDF ဟာ KIA နဲ့ လက်တွဲပြီး အစိုးရတပ်တွေရဲ့ ထိုးစစ်ကို ခုခံနေတာ ဖြစ်ပါတယ်။
မစ္စတာ ဒဲရက် မစ်ချယ်ကတော့ သူအဓိက စိုးရိမ်တာဟာ ပဋိပက္ခကြောင့် အိုးမဲ့အိမ်မဲ့ဖြစ်ကြရတဲ့ သောင်းဂဏန်းချီတဲ့ အရပ်သားပြည်သူတွေ ဖြစ်တယ်လို့ ပြောပါတယ်။ မြန်မာအစိုးရအနေနဲ့ နိုင်ငံတကာ အကူအညီပေးရေးအဖွဲ့တွေ လိုင်ဇာနဲ့ အခြား KIA ထိန်းချုပ်ရာ ဒေသတွေမှာရှိကြတဲ့ ပြည်တွင်းရွှေ့ပြောင်းဒုက္ခသည် (IDP) တွေဆီ မရောက်နိုင်အောင် ပိတ်ဆို့ထားတာမို့ အခုလို စိုးရိမ်မိတာလို့ ဆိုပါတယ်။
“ဒီ အပြစ်မဲ့တဲ့ ပြည်သူတွေဆီ လူသားချင်းစာနာတဲ့ အကူအညီတွေ ရောက်နိုင်ဖို့ကိစ္စနဲ့ ပတ်သက်ပြီး အစိုးရ စစ်ဖက် ခေါင်းဆောင်တွေနဲ့ ကျနော်တို့ ဆက်လက် ပြောဆိုဆွေးနွေးသွားမှာပါ” လို့ သူက ပြောပါတယ်။
၂၀၁၂ ခုနှစ် ဇူလိုင်လမှာ မြန်မာနိုင်ငံဆိုင်ရာ အမေရိကန်သံအမတ်အဖြစ် စတင်တာဝန်ယူခဲ့တဲ့ ဒဲရက် မစ်ချယ်ဟာ ပြီးခဲ့တဲ့လက အစိုးရတပ်တွေ ပထမဆုံး လေကြောင်းကနေ တိုက်ခိုက်မှု မစတင်ခင် ၁၀ ရက်ခန့် မှာ ကချင်ပြည်နယ်ကို အလည်အပတ် သွားရောက်ခဲ့ပါတယ်။ ခရီးစဉ်အတွင်း အစိုးရထိန်းချုပ်ရာ ဒေသထဲမှာရှိတဲ့ မြစ်ကြီးနားတဝိုက်က IDP စခန်းတွေကို သူ တွေ့ခဲ့ပါတယ်။
“ဒီစခန်းတွေဟာ အဆိုးဆုံး IDP စခန်းတွေ မဟုတ်မှန်း ကျနော်တို့ ကောင်းကောင်း နားလည်ပါတယ်။ KIA ထိန်းချုပ်ရာ ဒေသမှာရှိတဲ့ စခန်းတွေမှာ ဒုက္ခသည် အများဆုံးရှိပြီး လိုအပ်ချက် အများဆုံးရှိမှန်းလည်း ကျနော်တို့ နားလည်ပါတယ်” လို့ ဒဲရက် မစ်ချယ်က ဆိုပါတယ်။
“ဒါပေမယ့် ကျနော်တို့ တွေ့ခဲ့တာက တွေ့ခဲ့တာပဲလေ၊ ဒါက ပထမဆုံး အလည်အပတ် ခရီးစဉ်ကိုး။ ကျနော်တို့ အနေနဲ့ လုပ်မယ်လို့ စိတ်ပိုင်းဖြတ်ထားတာတွေကို လက်တွေ့ပြသဖို့ နောက်နောင်မှာလည်း အခုလို ခရီးစဉ်တွေ ထပ်မံ စီစဉ်နိုင်လိမ့်မယ်လို့ မျှော်လင့်ပါတယ်။ အခုခရီးစဉ်ကို လိုလိုလားလား ခွင့်ပြုတဲ့အပြင် ခရီးစဉ် အဆင်ပြေ ချောမွေ့အောင် ဆောင်ရွက်ပေးတဲ့အတွက် အစိုးရကို ကျနော်တို့ ကျေးဇူးတင်ပါတယ်” လို့လည်း သူက ပြောပါတယ်။
အဲ့ဒီ ခရီးစဉ်အတွင်းမှာ KIA ဒါမှမဟုတ် KIO က တာဝန်ရှိသူတွေနဲ့တော့ မတွေ့ဆုံနိုင်ခဲ့ဘူးလို့ သိရပါတယ်။
“ဒါပေမယ့် ကချင် လူမှုအဖွဲ့အစည်းတွေက ကိုယ်စားလှယ်တွေနဲ့တော့ ကျနော်တို့ တွေ့ဆုံခဲ့ပါတယ်၊ သူတို့က KIA, KIO ခေါင်းဆောင် ပိုင်းနဲ့ နီးစပ်သူတွေပဲလေ။ သူတို့နဲ့ ကျနော်တို့အကြားမှာ တိုက်ရိုက် ညှိနှိုင်းဆောင်ရွက်မှုတွေ ရှိတဲ့အပြင် ဆွေးနွေးမှုတွေလည်း ဆက်လုပ်သွားမှာပါ” လို့ အမေရိကန်သံအမတ်က ဆိုပါတယ်။
အမေရိကန်ပြည်ထောင်စုအနေနဲ့ ကချင်ပြည်နယ်က စစ်ပွဲတွေ၊ ပြီးတော့ အခြား နယ်စပ်ပြည်နယ်တွေမှာ မငြိမ်
မသက်ဖြစ်နေတာတွေနဲ့ ပတ်သက်ပြီး အသံတိတ်လွန်းတယ်လို့ ဝေဖန်နေတဲ့ အပေါ်မှာတော့ သူက ချေပ ပြောဆိုပါတယ်။
“ဒီကိစ္စနဲ့ပတ်သက်ပြီး ကျနော်တို့ မြန်မာအစိုးရနဲ့ စဉ်ဆက်မပြတ် ညှိနှိုင်းတိုင်ပင်မှုတွေ အတော်များများ လုပ်ခဲ့ပါတယ်။ အမေရိကန် အစိုးရအနေနဲ့ အသံတိတ်နေတာ မဟုတ်ပါဘူး။ ဒီကိစ္စဟာ သိပ်အရေးကြီးပြီး ချက်ချင်း ဆောင်ရွက်ရမယ့် ကိစ္စလို့ ကျနော်တို့ မှတ်ယူပါတယ်။ ကျနော်တို့ရဲ့ စိုးရိမ်မှုတွေနဲ့ တရားမျှတမှုအတွက် ကျနော်တို့ဖြစ်စေချင်တာတွေကို တင်ပြနိုင်တဲ့ နည်းလမ်းတွေ အများအပြားရှိပါတယ်” လို့ မစ္စတာ ဒဲရက် မစ်ချယ်က ပြောပါတယ်။
“စစ်ရေးအရ ဆက်လက် ထိုးစစ်ဆင်နေတာဟာ ဘာကြောင့် အစိုးရနဲ့ စစ်ဖက်ဆိုင်ရာ ခေါင်းဆောင်တွေ အတွက် အကျိုး မရှိဘူးဆိုတာကို တင်ပြဖို့ ကျနော်တို့ ကြိုးစားနေပါတယ်။ ဒီလိုလုပ်တာဟာ ယုံကြည်မှု တည်ဆောက်တဲ့နေရာ၊ ပြီးတော့ အခြေခံနိုင်ငံရေး ပြဿနာအတွက် နိုင်ငံရေးအရ အဖြေရှာတဲ့နေရာမှာ သူတို့ရဲ့ ဆောင်ရွက်နိုင်စွမ်းကို ထိခိုက်စေပါတယ်” လို့ သူက ဆိုပါတယ်။
“ဘာရည်ရွယ်ချက်နဲ့ပဲ စစ်ရေးအရ ဆောင်ရွက်မှုတွေကို ဆက်လုပ်ဆက်လုပ် နိုင်ငံတကာ အလယ်မှာ သူတို့ရဲ့ ဂုဏ်သတင်း ညှိုးနွမ်းစေမှာ ဖြစ်ပါတယ်၊ ပြီးတော့ သူတို့ ဖော်ပြခဲ့တဲ့ ငြိမ်းချမ်းရေး၊ အမျိုးသားပြန်လည် သင့်မြတ်ရေးနဲ့ ဖွံ့ဖြိုးရေး ရည်မှန်းချက်တွေကိုလည်း အဟန့်အတား ဖြစ်စေပါမှာပါ” လို့လည်း မစ္စတာ ဒဲရက် မစ်ချယ်က ပြောပါသေးတယ်။
Ref: ဧရာဝတီ
Thursday, January 10, 2013
ပြည်သူ့ကောင်းကျိုးအတွက် အားလုံးပူးပေါင်း လုပ်ဆောင်သင့်
2013-01-09
နေပြည်တော်မှာ ဒီကနေ့ စတင်ကျင်းပတဲ့ ပြည်သူ့လွှတ်တော် ဆဌမအကြိမ် ပုံမှန်အစည်းအဝေး ပထမနေ့ ခေတ္တ ရပ်နားစဉ် မှာ ဒေါ်အောင်ဆန်းစုကြည်က ပြည်သူ့ လွှတ်တော် ကိုယ်စားလှယ်တွေ အနေနဲ့ ပါတီစွဲ စိတ်မျိုး မထားရှိဘဲ ပြည်သူ့ကောင်းကျိုး အတွက် ပူးပေါင်း လုပ်ဆောင် သင့်တယ်လို့ ပြောကြား သွားပါတယ်။
"အလုပ်ကို အခြေခံရမယ်၊မှုကို အခြေမခံရဘူး။အဲတော့ ကိုယ်စားလှယ်ဆိုတာ ပါတီတစ်ခုရဲ့ ကိုယ်စားလှယ် အားလုံးဟာ တစ်ပုံစံတည်း မဟုတ်ဘူး။ သူတို့ရဲ့ လုပ်ရည် ကိုင်ရည်ကလည်း မတူဘူး။ သူတို့ရဲ့ စိတ်ရင်းစေတနာဟာလည်း မတူဘူး။ အဖြစ်အတိုင်းပြောမယ် ဆိုရင် ဒီအတိုင်းပဲ။ ပူးပေါင်းဆောင်ရွက်လို့ ရတဲ့ အခါမှာ ပြည်သူ့ အကျိုး အတွက်တော့ ပူးပေါင်းဆောင်ရွက် သင့်တယ်လို့ ထင်တယ်။ အန်တီဒီလိုပဲ မြင်တယ်။ ဒါကြောင့် သိပ်ပုဂ္ဂိုလ်ရေး ဆန်တာတို့၊ ဆန္ဒစွဲတို့ ဒေါသစွဲတို့ အဲဒီဟာတွေ မရှိဘဲနဲ့ ပြည်သူအတွက် ဘာအကျိုးရှိမလဲ ဆိုတာကို ကြည့်ပြီး လုပ်ရမယ်"
သတင်းထောက်တွေ မေးမြန်းတာတွေကို အချိန်ယူ ဖြေကြားပေးရာမှာ ဒေါ်အောင်ဆန်းစုကြည် က ဖွဲ့စည်းပုံ အခြေခံ ဥပဒေ အခန်း(၃) ပုဒ်မ ၅၉ ၊ ပုဒ်မခွဲ(စ)မှာ ပါဝင်တဲ့ နိုင်ငံခြားသားတွေနဲ့ ဆက်နွယ်တဲ့ ဥပဒေပါ အချက်အလက်တွေဟာ တဦးတယောက်ကို ရည်ရွယ်ပြီး တမင် ထည့်သွင်း ထားတာလို့ ယူဆကြောင်း ပြောပါတယ်။
မြန်မာနိုင်ငံရဲ့ စီးပွားရေးလုပ်ငန်း အများစုကို အစိုးရနဲ့ နီးစပ်တဲ့ လုပ်ငန်းရှင်တွေနဲ့ ဦးပိုင် ကုမ္ပဏီလို အာဏာပိုင် အဖွဲ့အစည်း တွေက လက်ဝါးကြီးအုပ် လုပ်ကိုင်နေတဲ့ အပေါ်မှာလဲ ဒေါ်အောင်ဆန်းစုကြည်က သူ့အမြင်တွေကို ဖြေကြား ခဲ့ပါတယ်။
Ref: RFA News
ရွှေ ဓာတ်ငွေ့ပိုက်လိုင်း လုပ်သားများ၏ လစာ တလနီးပါး မရသေးဟု ဆို
နန်းသီရိလွင်
January 10, 2013
ရခိုင်ပြည်နယ် ကျောက်ဖြူမြို့နယ်အတွင်းရှိ ရွှေသဘာဝဓာတ်ငွေ့ ပိုက်လိုင်း တည်ဆောက်ရေး လုပ်ငန်း၊ ဓာတ်ငွေ့ သန့်စင် စက်ရုံ တည်ဆောက်ရေး လုပ်ငန်း စသည်တို့ကို တာဝန် ယူထားသည့် တွဲဘက် ကန်ထရိုက် ကုမ္ပဏီများက ဒေသခံ အလုပ်သမား များကို တလနီးပါး အထိ လုပ်ခ ရှင်းမပေးသည့် ဖြစ်ရပ်များ ရှိနေကြောင်း ကြားသိရသည်။
“တပတ်ကို တကြိမ် လုပ်ခတွေ ရှင်းပေးခဲ့တယ်။ အခု လုပ်ခ ရှင်းမပေးတာ ၂၈ ရက်ရှိပြီ။ တခြား လုပ်စရာလည်း မရှိတော့ ဒီမှာပဲ ဆက် အလုပ်ဆင်းနေရတယ်။ တချို့ လစာမရလို့ ဆက်မလုပ်တော့ တာတွေလည်း ရှိတယ်” ဟု ကျောက်ဖြူ မြို့နယ် မလကျွန်း ကျေးရွာရှိ ပိုက်လိုင်း တည်ဆောက်ရေး လုပ်ငန်းတွင် နေ့စားလုပ်နေသည့် ကိုခင်ရီက ပြောသည်။
နေ့စား အလုပ်သမားများသည် မနက် ခြောက်နာရီခွဲမှ ညနေ ၅ နာရီခွဲအထိ အလုပ်ဆင်းရပြီး နေ့လယ်စာ စားချိန်နှင့် နားချိန်ကို မနက် ၁၁ နာရီခွဲမှ ၁ နာခွဲအထိ ရရှိကြောင်း သိရသည်။ အများအားဖြင့် မြေကျင်းတူး၊ မြေသယ် စသည့် အလုပ်များကို လုပ်ကိုင်ရပြီး လုပ်အားခအဖြစ် တရက်လျှင် ၃၅၀၀ ကျပ်နှုန်း ရရှိကြသည်။
“ကျနော်တို့က ဒီပိုက်လိုင်း စီမံကိန်းရဲ့ တစိတ်တပိုင်းကိုပဲ တာဝန်ယူထားတဲ့ တွဲဘက် ကန်ထရိုက်ဆိုတော့ ကျနော်တို့ အထက်က ကုမ္ပဏီကြီးတွေက ငွေရှင်းမှပဲ အလုပ်သမားခတွေ ပေးနိုင်ပါတယ်။ အခုလည်း ရစရာရှိတာ မရတော့ ကြန့်ကြာနေတာပါ” ဟု ပိုက်လိုင်း တည်ဆောက်ရေး တစိတ်တပိုင်းကို တာဝန်ယူထားသည့် MCC ကုမ္ပဏီမှ အလုပ်သမားရေးရာ တာဝန်ရှိသူ တဦးက ဧရာဝတီကို ပြောသည်။
သဘာဝဓာတ်ငွေ့နှင့် ရေနံပိုက်လိုင်း သွယ်တန်းမှု စီမံကိန်းအတွက် ရခိုင်ပြည်နယ်အတွင်း ၂၀၂ ကီလိုမီတာ တည်ဆောက်ရန် တာဝန်ယူထားသည့် အိန္ဒိယ ကုမ္ပဏီတခုဖြစ်သည့် Punj Loid ကုမ္ပဏီမှ တာဝန်ရှိသူ တဦးကလည်း နေ့စား အလုပ်သမား များအတွက် လုပ်ခလစာများကို ၁၅ ရက်လျှင် တကြိမ်ထုတ်ပေးလေ့ရှိပြီး အကြောင်း အမျိုးမျိုးကြောင့် ကြန့်ကြာမှုများ ရှိနိုင်သည်ဟု ဖြေရှင်းပြောဆိုသည်။
ကျောက်ဖြူမြို့နယ်အတွင်းရှိ သဘာဝဓာတ်ငွေ့ တူးဖော်ရေး၊ ပိုက်လိုင်း တည်ဆောက်ရေး၊ ဓာတ်ငွေ့သန့်စင် စက်ရုံ တည်ဆောက်ရေး စသည့် လုပ်ငန်းများအတွက် ဒေသခံ များကို အလုပ်ပေးထား နိုင်သော်လည်း ဒေသခံ အများစုမှာ နေ့စား အလုပ်သမားများ အဖြစ်သာ ရပ်တည်နေရကြောင်း သိရသည်။
“ကျနော်တို့ ဓာတ်ငွေ့ သန့်စင်စက်ရုံ ဆောက်လုပ်ရေး လုပ်ငန်းတွေမှာ ဒေသခံ ၃၀ ရာခိုင်နှုန်း ခန့်ထားပါတယ်။ အများဆုံးကတော့ မြေသယ်၊ ကျင်းတူးစတဲ့ အလုပ်ကြမ်းတွေမှာ ခန့်ထားတာပါ။ ကျနော်တို့ အနေနဲ့ ဒေသခံတွေကို ဒီထက်ပိုကောင်းတဲ့ အလုပ်အကိုင်တွေမှာ ခန့််ထားချင်ပေမယ့် ပညာအရည်အချင်း၊ လုပ်ငန်း ကျွမ်းကျင်မှုလိုအပ်ချက် တွေ အများကြီး ရှိတဲ့အတွက် အဲဒီလို မလုပ်နိုင်ပါဘူး” ဟု MGC ကုမ္ပဏီမှ အထွေထွေ မန်နေဂျာ ဦးဇော်မင်းဦးက ဆိုသည်။
နိုင်ငံတကာ ရင်းနှီးမြှုပ်နှံမှုများ အလုံးအရင်းနှင့် ၀င်ရောက်လာချိန်တွင် ဒေသခံများ၏ ပညာရေး အခြေအနေ နိမ့်ကျမှု၊ လုပ်ငန်း မကျွမ်းကျင်မှု၊ အရည်အသွေး မပြည့်မီမှုတို့သည် မြန်မာနိုင်ငံအတွက် ကြီးမားသော စိန်ခေါ်မှုများ ဖြစ်ကြောင်း ရွှေ သဘာဝဓာတ်ငွေ့လုပ်ငန်း ဆန့်ကျင် လှုပ်ရှားမှု အဖွဲ့ခေါင်းဆောင် ဦးဝင်းအောင်က ဧရာဝတီနှင့် သီးသန့် တွေ့ဆုံမေးမြန်းစဉ် ပြောကြားခဲ့သည်။
ရွှေသဘာဝဓာတ်ငွေ့ ပိုက်လိုင်း စီမံကိန်းကို ၂၀၁၃ ခုနှစ်အတွင်း အပြီးသတ် ဆောင်ရွက်မည်ဖြစ်ပြီး စီမံကိန်း ပြီးစီးပါက ထွက်ရှိမည့် သဘာဝဓာတ်ငွေ့ကို တရုတ်၊ အိန္ဒိယနှင့် ကိုရီးယား နိုင်ငံများနှင့် မြန်မာ့ရေနံနှင့် သဘာဝဓာတ်ငွေ့လုပ်ငန်းတို့က ခွဲဝေ ရယူကြမည်ဖြစ်ကြောင်း သိရသည်။ ခွဲဝေယူရာတွင် တရုတ်နိုင်ငံမှ ရာခိုင်နှုန်း အများဆုံးအဖြစ် ၅၀ ဒဿမ ၉ ရာခိုင်နှုန်း ရရှိမည်ဖြစ်ကာ မြန်မာ့ရေနံနှင့် သဘာဝဓာတ်ငွေ့ လုပ်ငန်းမှရရှိမည့် သဘာဝဓာတ်ငွေ့ကို ရခိုင်ပြည်နယ်အတွက် အသုံးပြုမည်၊ မပြုမည်ကို တရားဝင် သတင်းထုတ်ပြန်မှု မရှိသေးပေ။
Ref: ဧရာဝတီ
ဖယ်ခုံအင်းမှ ကျွန်း ၂ ကျွန်းကို တပ်မြေအဖြစ် ဒေသခံများ လက်မှတ် ထိုးပေးနေရ
ကြယ်ပြာ
January 10, 2013
အင်းလေးကန်နှင့် စပ်ဆက်နေသော ဖယ်ခုံအင်းအတွင်းရှိ ရေလယ်ကျွန်း ၂ ကျွန်းကို တပ်မြေဖြစ်ကြောင်း ဒေသခံ များအား လတ်မှတ် ထိုးခိုင်းပြီး ယင်းကျွန်းများပေါ်တွင် ဟိုတယ်ဇုန် တည်ဆောက်ခွင့် ရရန် စီးပွားရေး လုပ်ငန်းရှင်များက ကြိုးပမ်း နေကြကြောင်း သိရသည်။
အဆိုပါ ရေလယ်ကျွန်းများ ဖြစ်ကြသော လွယ်ပန်းစုံကျွန်းနှင့် ဟိုတိန်းတောင် ကျွန်းများက ဖယ်ခုံမြို့နယ် လွယ်ပေါကျေးရွာ အုပ်စုတွင် ပါရှိပြီး နှစ်ကျွန်းပေါင်း မြေဧက ၈၀၀ နီးပါးခန့် ရှိသည်။
ကျွန်းများသည် ယခင်ကတောင်များဖြစ်ခဲ့ပြီး ၁၉၆၇ ခုနှစ်တွင် ကယားပြည်နယ်ရှိ လောပိတ ရေအားလျှပ်စစ် စီမံကိန်း အတွက် ဘီလူးချောင်းကို ပိတ်၍ မိုးဗြဲဆည် တည်ဆောက်လိုက်ရာမှ လယ်ဧက ၂ သောင်းကျော် ရေများ ဖုံးလွှမ်း သွားခဲ့ကာ တောင်များ သည်လည်း ကျွန်းအဖြစ်သို့ ပြောင်းလဲ သွားခဲ့ခြင်း ဖြစ်သည်။
အိုးအိမ်မဲ့ ဖြစ်သွားခဲ့ရသော ဒေသခံများ ၁၉၆၈ ခုနှစ်မှစတင်၍ အဆိုပါ ကျွန်းများပေါ်သို့ ပြောင်းရွှေ့ နေထိုင် လာခဲ့ ကြကြောင်း၊ နောက်ပိုင်းတွင် အစိုးရ စစ်တပ် ရောက်ရှိလာပြီးနောက် ၁၉၉၄ ခုနှစ်၌ ထိုကျွန်းများကို ဖယ်ခုံမြို့ရှိ ကာကွယ်ရေး ၀န်ကြီးဌာန စစ်ဗျူဟာအဖွဲ့သို့ လွှဲပြောင်း ပေးအပ်ခဲ့ကြောင်း သိရသည်။
“ဒေသခံတွေ အရင်ရောက်ပေမယ့် တပ်ပိုင်မြေအဖြစ် လုပ်ထားပြီးသားပါ ဟိုတယ် လုပ်ငန်းရှင်တွေက လာကြည့် သွားကြတယ်။ မြေလွတ်ရှိရင် လုပ်မယ်၊ မရှိရင် အစိုးရနဲ့ပေါင်းလုပ်မယ်”ဟု အင်းတိုင်းရင်းသား ရေးရာ ၀န်ကြီး ဦးဝင်းမြင့်က ဧရာဝတီသို့ ပြောသည်။
ဆက်လက်၍ ၎င်းက ဟိုတယ်ဇုန်ဆောက်လုပ်ရန် ဖြစ်နိုင်သည့်အချက်များမှာ ယင်းကျွန်းများသည် သာယာ လှပပြီး နိုင်ငံခြားသားများ ကြိုက်နှစ်သက်မည် ဖြစ်ကြောင်း၊ အင်းလေးကန်နှင့် ကန်ရေပြင် တဆက်တည်း ဖြစ်ပြီး မနီးမဝေး အနေအထား၌ တည်ရှိနေခြင်း၊ ဟိုတယ်ဇုန် ဆောက်ပြီးပါက ယင်းနေရာတွင် ခရီးတထောက်နားကာ ကယားပြည်နယ် လွိုင်ကော်မြို့သို့ ဆက်လက် သွားရောက်နိုင်မည် ဖြစ်ပြီး ပဒေါင် တိုင်းရင်းသားတို့၏ ရိုးရာဓလေ့ များအားလည်း လေ့လာနိုင်မည် ဖြစ်သောကြောင့် စီးပွားရေး လုပ်ငန်းရှင်များ အနေဖြင့် စိတ်ဝင်စားနေကြခြင်း ဖြစ်သည်ဟု ဆိုသည်။
ဖယ်ခုံမြို့ပေါ်တွင်လည်း ဟိုတယ်ဇုန် ဆောက်ရန် အလားအလာ ရှိနေကြောင်း သူက ထပ်လောင်းပြောသည်။
အင်းလေးကန်အတွင်း ဟိုတယ်ဇုန် ထပ်မံတည်ဆောက်ရေးနှင့် ပတ်သက်ပြီး အင်းတိုင်းရင်းသား တို့နှင့် ပြဿနာဖြစ်နေသည့် အခြေအနေတွင် ကျွန်းနှစ်ကျွန်းပေါ်မှ ဒေသခံများက ထိတ်လန့်ကာ ၎င်းတို့၏ နေရာတွင် ဟိုတယ်ဇုန် မပြုလုပ်ပါရန် ရှမ်းပြည်နယ် ၀န်ကြီးချုပ် ထံသို့ အသနားခံစာ တင်လိုက်ကြောင်း၊ သို့သော် ဖယ်ခုံမြို့နယ် မြေစာရင်း ဦးစီးဌာနက လာရောက်၍ တပ်ပိုင်မြေ ဖြစ်သည်ဟု လတ်မှတ်ထိုး ခိုင်းစေလိုက်ခြင်းဖြစ်ကြောင်း သိရသည်။
“သူတို့ကပြောတယ်၊ လတ်မှတ်မထိုးလည်း သိမ်းမှာပဲ၊ ထိုးလည်း သိမ်းမှာပဲ ဆိုတော့ ရွေးချယ်ခွင့်မှ မရှိတော့တာ၊ ထိုးပေး လိုက်တာပေါ့။ ဒီကျွန်းတွေ မရှိတော့ရင် ကျနော်တို့ ဘယ်သွားနေရမှာလဲ။ ဘေးပတ်ချာလည်က ရေပြင်ကြီးပဲ”ဟု လွယ်ပန်းစုံ ကျွန်းသား ဦးလွန်းကျော်က ပြောသည်။
ယင်းဒေသတွင် အင်းတိုင်းရင်းသားများ အများစုနေထိုင်နေကြပြီး စီးပွားရေး လုပ်ငန်းအနေဖြင့် စပါး၊ ပြောင်း စိုက်ပျိုးခြင်းနှင့် ငါးဖမ်းခြင်းဖြင့် အသက်မွေးကြသည်။ ယင်းနောက် ကာကွယ်ရေး ၀န်ကြီးဌာန လက်အောက်သို့ ရောက်ရှိသွားခဲ့ပြီး အင်းလေးကန် ဟိုတယ်ဇုန် ကိစ္စမပေါ်ခင် အထိ တနှစ်လျှင် လယ်တဧကအတွက် ကျပ် ၂၅၀၀ နှင့် ပြောင်းပိဿာ ၁၀၀ ပေးဆောင်ကာ အဆင်ပြေခဲ့ကြောင်း၊ အင်းလေးကန် အတွင်း ဟိုတယ်ဇုန် ထပ်မံဆောက်ခွင့် ပိတ်လိုက်သည်မှစ၍ ယခုကဲ့သို့ တပ်ပိုင်မြေများ ဖြစ်ကြောင်း လတ်မှတ် လိုက်ထိုးစေခဲ့ခြင်း ဖြစ်ကြောင်း သိရသည်။
“လွန်ခဲ့တဲ့ ၁၀ နှစ်က ၁ ရက်လုပ်ရင် ၂ ရက် စားရတယ်။ အခုနောက်ပိုင်းမှာ ငါးတွေကလည်း ရှားလာတယ်။ မြေဆီ တွေကလည်း ညံ့၊ ပြောင်းအထွက်နှုန်းပါ လျော့လာတယ်။ ဒီကြားထဲ ဟိုတယ်ဇုန် ဆောက်မယ်ဆိုတော့ ကျနော်တို့ ဘ၀ပျက်ပြီပေါ့”ဟု လွယ်ပန်းစုံကျွန်း အုပ်ချုပ်ရေးမှူး ဦခင်မောင်က ဆိုသည်။
ဟိုတယ်ဇုန် မဆောက်ပါရန် အသနားခံစာကို ကျွန်းသားများက ရှမ်းပြည်နယ် ၀န်ကြီးချုပ်ထံသို့ ထပ်မံ၍ စာတင်ထားပြီး ဖယ်ခုံမြို့နယ် ပြည်သူ့လွှတ်တော် ကိုယ်စားလှယ်ထံသို့လည်း စာပို့ထားကြောင်း သိရသည်။
ဖယ်ခုံအင်း၌ ကဲ့သို့ အင်းလေးကန် အရှေ့ဘက် တောင်ခြေတွင် တည်ဆောက်မည့် ဟိုတယ်ဇုန်သစ် စီမံကိန်းအတွက် အစိုးရက မြေ ၆၂၂ ဧကကို ၂၀၁၂ ခုနှစ် ဒီဇင်ဘာလက သိမ်းယူထားခဲ့ကြောင်း၊ ယင်းမြေများထဲတွင် ဘုန်းကြီးကျောင်း ၁၃ ကျောင်း၏ ထင်းစိုက်ခင်း ဧရိယာဧက ၃၀၀ ကျော်နှင့် ဒေသခံများ၏ စိုက်ခင်းများ ပါဝင်နေကြောင်း၊ သစ်တောနှင့် သတ္တုတွင်းဝန်ကြီးဌာနက သိမ်းယူထားသည့် မြေများထဲမှ တချို့အား အစားပြန်ပေးရန် ညှိနှိုင်းပေးသွားမည် ဖြစ်ကြောင်း သတင်းများက ဆိုသည်။
Ref: ဧရာဝတီ
အိမ်ဖေါ်တွေကို အလုပ်သမားဥပဒေနဲ့ကာကွယ်ရမည်
ကိုအောင်လွင်ဦး
09.01.2013
မြန်မာနိုင်ငံသား အများအပြားအပါအ၀င် ကမ္ဘာတ၀ှမ်း သန်းနဲ့ချီရှိတဲ့ အိမ်ဖော် အလုပ်သမားတွေ ဟာ ဥပဒေနဲ့အညီ အကာအကွယ်တွေ မရနိုင်ဘဲ ဖြစ်နေရတယ်လို့ အပြည်ပြည်ဆိုင်ရာ အလုပ်သမား အဖွဲ့ချုပ် (ILO) ရဲ့ အစီရင်ခံစာ သစ်က ဖော်ပြ လိုက်ပါတယ်။ မြန်မာနိုင်ငံသား အများအပြား ရှိရာ အိမ်နီးချင်း တိုင်းပြည်တွေမှာ ဆိုရင်လည်း တရားဝင် အလုပ် လုပ်ကိုင်ခွင့်တွေ ရလာကြပေမဲ့ အခွင့်အရေးတွေ အပြည့်အ၀ မရနိုင်သေးဘဲ ဖြစ်နေရတယ် လို့လည်း ILO က ပထမဆုံးအကြိမ် ထုတ်ဝေလိုက်တဲ့ အစီရင်ခံစာမှာ ထောက်ပြ ထားတာပါ။ အပြည့်အစုံကိုတော့ ကိုအောင်လွင်ဦးက တင်ပြပေးထား ပါတယ်။
အမျိုးသမီး ၈၃ ရာခိုင်နှုန်း ပါဝင်တဲ့ ကမ္ဘာတ၀ှမ်းက အိမ်ဖော်အလုပ်သမား ၅၂ သန်းကျော်ဟာ နိမ့်ကျတဲ့ လုပ်ငန်းခွင် အခြေအနေတွေ၊ ဥပဒေနဲ့ အညီ ခံစားခွင့်တွေ ကာကွယ်စောင့်ရှောက် မှုတွေ မရဘဲ ဖြစ်နေရတာကို ILO ရဲ့ လေ့လာချက်က တွေ့ရှိခဲ့တာ ဖြစ်ပါတယ်။ အထူးသဖြင့် အိမ်ဖော်အလုပ် လုပ်သူတွေဟာ တခြား အလုပ်သမားတွေနဲ့ မတူဘဲ ခွဲခြား ဆက်ဆံခံရတာ၊ လူ့အခွင့်အရေး ချိုးဖောက် ခံရတာတွေကို ပိုပြီး ရင်ဆိုင်ရလေ့ ရှိတယ်လို့လည်း ILO ရဲ့ ဒုတိယ ညွှန်ကြားရေးမှူး ချုပ် Sandra Polaski က ဆွစ်ဇာလန်နိုင်ငံ၊ ဂျနီဗာမြို့မှာ ဗုဒ္ဓဟူးနေ့က အစီရင်ခံစာ ထုတ်ပြန်ချိန်မှာ ပြောဆို ခဲ့တာပါ။
“အထူးသဖြင့် အိမ်မှာနေပြီး အလုပ်လုပ်ကြရတဲ့ အိမ်ဖော် အလုပ်သမားတွေအနေနဲ့ စိတ်ပိုင်း၊ ရုပ်ပိုင်းသာမက လိင်ပိုင်း ဆိုင်ရာ အရ အနိုင်ကျင့် ခံရတာ၊ နှောက်ယှက်တာ လွတ်လွတ်လပ်လပ် သွားလာ လှုပ်ရှားခွင့်တွေကို ကန့်သတ် ခံရတာတွေလို အခြေအနေမျိုး ကြုံရ တတ်ပါတယ်။ ရွှေ့ပြောင်း အလုပ်သမားတွေဟာ ဆိုရင်လည်း ခေါင်းပုံဖြတ်ခံရတာ၊ အနိုင်ကျင့် ခံရတာတွေလို အခြေအနေမျိုးနဲ့ ပိုပြီး ကြုံရနိုင်ပါတယ်။”
အာရှဒေသမှာ အိမ်ဖော် အလုပ်သမား ၂ သိန်းခွဲစီလောက် ရှိနေတဲ့ မလေးရှား၊ ထိုင်း စတဲ့ နိုင်ငံတွေမှာ ဆိုရင်လည်း အကာအကွယ်ပေးနိုင်တဲ့ အခြေအနေတွေ အားနည်းနေတာကို အစီရင်ခံစာက ဖော်ပြခဲ့တာပါ။ မြန်မာနိုင်ငံသား သန်းဂဏန်းချီ အလုပ် လုပ်ကြတဲ့ ထိုင်းနိုင်ငံမှာ ဆိုရင်လည်း နည်းလမ်းပေါင်းစုံနဲ့ ရောက်လာသူတွေဟာ နိုင်ငံခြားသား အလုပ်သမားတွေ အဖြစ် မှတ်ပုံတင်ခွင့် ပြုထားတဲ့အတွက် ၂၀၁၀ ပြည့်နှစ်ထဲ လျှောက်ထားသူ ၈၈,၀၀၀ ထဲ မှာ မြန်မာနိုင်ငံသားတွေ ၈၀ ရာခိုင်နှုန်းကျော် ပါဝင်ခဲ့ပါတယ်။ ဒီလိုတရားဝင် အလုပ်သမားတွေ အဖြစ်နဲ့ မှတ်ပုံတင်နိုင်တယ် ဆိုပေမဲ့လည်း အခွင့်အရေးတွေတော့ အပြည့်အ၀ မရနိုင်ကြဘူးလို့ ILO က ဆိုပါတယ်။
ထိုင်းနိုင်ငံရောက် မြန်မာနိုင်ငံသား ရွှေ့ပြောင်း အလုပ်သမားတွေထဲက အိမ်ဖော်အလုပ် လုပ်နေသူတွေကို လေ့လာချက် တခုမှာ ဆိုရင်တော့ အများစုဟာ နှုတ်အားဖြင့် စော်ကားတာ ခံကြရသလို၊ လိင်ပိုင်းဆိုင်ရာ အနိုင်ကျင့် ခံရတဲ့ အထိ ကြုံခဲ့ ကြရကြောင်း တွေ့ရှိခဲ့တာပါ။ စစ်တမ်းကောက်ယူ ခဲ့တဲ့ အိမ်ဖော် အလုပ်သမားတွေ အနက် ၁၄ ရာခိုင်နှုန်းဟာ အလုပ်ရှင်က မတော်တရော် ကိုင်တွယ်တာ ခံခဲ့ရကြောင်းနဲ့ အဓမ္မ ကျင့်ခံခဲ့ရတာက ၁ ရာခိုင်နှုန်း ရှိခဲ့ကြောင်းလည်း တွေ့ရှိခဲ့တာ ဖြစ်ပါတယ်။ နောက်ပြဿနာ တခုကတော့ ဘယ်မှသွားခွင့် မပေးပဲ ထားတာဖြစ်ပြီး၊ စစ်တမ်းကောက်ယူ သူတွေရဲ့ ထက်ဝက်လောက် ကိုသာ အလုပ်ရှင်က အပြင်ကလူတွေနဲ့ တွေ့ခွင့်ပြုခဲ့တာ လို့လည်း အစီရင်ခံစာက ဖော်ပြခဲ့တာပါ။
အိမ်ဖော် အလုပ်သမားတွေရဲ့ အခွင့်အရေး အကာအကွယ် ပေးရေးမှာ အဓိက အဟန့် အတား ဖြစ်နေရတဲ့ စိန်ခေါ်မှု အနေနဲ့ကတော့ သက်ဆိုင်ရာ အစိုးရတွေ အနေနဲ့ ကိန်းဂဏန်း အချက်အလက်တွေကို တိတိကျကျ မစုစည်းနိုင်တဲ့ ကိစ္စလို့လည်း ILO ရဲ့လုပ်ငန်းခွင် အခြေအနေဆိုင်ရာ ကျွမ်းကျင်သူ Martin Oelz က ပြောပါတယ်။
“အများပြည်သူကြား အချေအတင် ဆွေးနွေးမှုတွေမှာ အိမ်ဖော်လုပ်ငန်းအကြောင်း မပါတာ ကြာပါပြီ။ ဒါကတကယ့် ပြဿနာပါ။ ဘာကြောင့်လဲ ဆိုတော့ အိမ်ဖော် အလုပ်သမားတွေကို တယောက်ချင်း၊ တအိမ်ထောင်ချင်း၊ မိသားစု တစုချင်းစီက ငှားရမ်း ကြတာပါ။ စက်ရုံတွေ၊ ရုံးတွေမှာ ခန့်ထားတာမျိုးနဲ့ မတူပါဘူး။ ဒီအတွက်လည်း လူမှုရေး ကဏ္ဍနဲ့ အလုပ်သမား အခွင့်အရေး အတွက် ပြုပြင်ပြောင်းလဲမှုတွေမှာ အိမ်ဖော် လုပ်ငန်းက မပါနိုင်ပဲ ဖြစ်နေရတာပါ။ ဒီအတွက်လည်း သိက္ခာရှိတဲ့ အိမ်ဖော် အလုပ် ဖြစ်လာစေရေး မကြာသေးခင်ကပဲ ILO က ပဋိဉာဉ်တရပ်နဲ့ အကြံပြုချက်တွေကို ချမှတ်ခဲ့ပါတယ်။”
အခုအခါ ကမ္ဘာတ၀ှမ်း အိမ်ဖော်အလုပ်သမားတွေ တိုးပွားလာနေတာနဲ့အမျှ အခွင့်အရေး အတွက် အကာအကွယ်ပေးဖို့ အရေးတကြီး လိုအပ်နေတယ်လို့လည်း ILO အရာရှိ Oelz က ပြောဆိုခဲ့တာပါ။ ILO ရဲ့လေ့လာချက်အရ ကမ္ဘာတ၀ှမ်း သာမန် အလုပ်သမား ဥပဒေတွေကို ခံစားခွင့် ရတဲ့နေရာမှာတော့ တခြားအလုပ်သမားတွေနဲ့ ယှဉ်ရင် အိမ်ဖော်တွေဟာ ၁၀ % သာ ရကြတယ်လို့ ILO က ပြောပါတယ်။ အိမ်ဖော် အလုပ်သမားတွေရဲ့ ထက်ဝက်ကျော်ဟာ ဆိုရင်လည်း ဥပဒေနဲ့အညီ သတ်သတ် မှတ်မှတ်ထားတဲ့ အလုပ်ချိန်မျိုးမရှိဘဲ လုပ်ကိုင်နေကြရ သလို တပတ်တကြိမ် နားခွင့်၊ နှစ်စဉ်လစာနဲ့ခွင့် ရတာမျိုးလည်း မရှိကြပါဘူး။ ဒီလိုပဲ အမျိုးသမီး အများစုဖြစ်တဲ့ အိမ်ဖော် အလုပ်သမားတွေအနက် ထက်ဝက်ကျော်လောက်သာ အနိမ့်ဆုံးလစာ ခံစားခွင့် ရကြသလို၊ ၃ ပုံ ၁ ပုံကျော်ဟာ ဆိုရင်လည်း မီးဖွားချိန်အတွက် ခံစားခွင့် မရှိဘူးလို့ အစီရင်ခံစာက ဖော်ပြထားတာ ဖြစ်ပါတယ်။
Ref: VOA News
လက်ကမ်းစာစောင်ဝေတာပိတ်ပင်လို့ သန်လျင် နည်းပညာကျောင်း မှာ ရုတ်ရုတ်သဲသဲဖြစ်
2013-01-09
ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ် တောင်ပိုင်းခရိုင်က ရန်ကုန်တိုင်း သန်လျင် နည်းပညာ တက္ကသိုလ်ရှေ့မှာ ဒီနေ့ မနက်က လက်ကမ်း စာစောင်တွေ ဖြန့်ဝေတာကို ဆရာတွေနဲ့ ကျောင်း လုံခြုံရေးတွေက တားဆီး ပိတ်ပင်တဲ့ အတွက် ရုတ်ရုတ် သဲသဲ ဖြစ်သွားတယ် လို့သိရပါတယ်။
ဒီကနေ့ ဖြန့်ဝေတဲ့ လက်ကမ်းစာစောင်မှာ ဗကသများ အဖွဲ့ချုပ်ရဲ့ မူ ၅ ချက်၊ တောင်ပိုင်းခရိုင် ဗကသ ပေါ်ပေါက် လာပုံနဲ့ ဥက္ကဌ အဆက်ဆက်တို့ အမည်တွေ ပါဝင်ပါတယ်။
ဒါကို စစ်တပ်က ပြောင်းလာတဲ့ ကျောင်းဆရာက ဗသကဆိုတာ တရားမဝင် အဖွဲ့အစည်း ဖြစ်တဲ့ အတွက် စာဝေခွင့် မရှိဘူးလို့ ပိတ်ပင်သလို၊ ကျောင်းသားတွေကို မချေမငံပြော ဆိုပြီး၊ ရဲ နဲ့ စရဖ လုံခြုံရေးတွေ ခေါ်လိုက်တယ်လို့ ဗကသ တောင်ပိုင်းခရိုင် တာဝန်ခံ ကိုမင်းသွေးသစ်က RFA ကိုပြောပါတယ်။
အဲဒီနောက် ဆရာတွေက လက်ကမ်း ကြေညာဝေတဲ့ ကျောင်းသားတချို့ဆီက ကျောင်းသားကဒ်နဲ့ တယ်လီဖုန်းတွေ သိမ်းလိုက်တဲ့ အတွက် ညနေပိုင်းမှာတော့ တခြားကျောင်းတွေကကျောင်းသားတွေပါ ရောက်လာပြီး အခြေအနေ တင်းမာလာလို့ သိမ်းထားတဲ့ ပစ္စည်းတွေပြန်ပေးတယ်လို့ သိရပါတယ်။
Ref: RFA News
သမ္မတမူအရ လာဘ်ပေး လာဘ်ယူမှု အရေးယူရေး ကော်မီတီဖွဲ့ရဟု ဦးရဲထွဋ် ပြော
ဟင်္သာနီ (မွန်မြေ)
ဗုဒ္ဓဟူးနေ့၊ ဇန်နဝါရီလ ၀၉ ရက် ၂၀၁၃
စံခလပူရီ (မဇ္ဈိမ) ။ ။ သမ္မတ၏ 'ကောင်းမွန်သော အုပ်ချုပ်မှု စနစ်နှင့် သန့်ရှင်းသော အစိုးရ'အား အကောင်အထည် ဖော်နိုင်ရန် ရည်ရွယ်ချက်ဖြင့် 'လာဘ်ပေး လာဘ်ယူမှု အရေးယူ ဆောင်ရွက်ရေး ကော်မီတီ'အား ဖွဲ့စည်းရခြင်း ဖြစ်သည်ဟု နိုင်ငံတော် သမ္မတ၏ ပြောရေးဆိုခွင့် ရှိသူအဖြစ် ဇန်နဝါရီလ ၈ ရက်နေ့ကမှ တာဝန် ပေးအပ်ခြင်း ခံရသည့် ဦးရဲထွဋ် က ပြောဆိုလိုက်သည်။
“အဂတိ လိုက်စားမှုတွေ ပပျောက်အောင် လုပ်မယ်လို့လည်း သမ္မတက နေပြီး အကြိမ်ကြိမ် ပြောပါတယ်။ ပြီးခဲ့တဲ့ နှစ်ကုန်ခါနီး ကျနော်တို့ အစိုးရ ဝန်ကြီးများနဲ့ ဌာနဆိုင်ရာ အကြီးအကဲများကို ပြောတဲ့ အစိုးရအဖွဲ့ အုပ်ချုပ်မှု ယန္တရား ပြုပြင်ပြောင်းလဲရေး လုပ်ငန်းမှာလည်း ဒီကိစ္စကို ထပ်ပြောပါတယ်။ အခု ဖွဲ့တဲ့ ကော်မတီကတော့ သမ္မတကြီးရဲ့ မူဝါဒတွေကို အကောင်အထည် ဖော်နိုင်ဖို့ အတွက် ရည်ရွယ်ပြီးတော့ ဖွဲ့တာ ဖြစ်တယ်” ဟု ဦးရဲထွဋ် က မဇ္ဈိမကို ပြောသည်။
သမ္မတ ရုံး၏ အမိန့် ကြေငြာစာ အမှတ် ၉/၂၀၁၃ ဖြင့် တနင်္လာနေ့က ဖွဲ့စည်းလိုက်သည့် အဆိုပါ ကော်မတီ၌ ဥက္ကဋ္ဌ အဖြစ် ဒုသမ္မတ ဒေါက်တာ စိုင်းမောက်ခမ်း က တာဝန်ယူကာ အဖွဲ့ဝင်များ အဖြစ် ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကို၊ သမ္မတရုံး ဝန်ကြီးများ ဖြစ်သည့် ဦးသိန်းညွန့်၊ ဦးစိုးမောင်၊ ဦးစိုးသိန်း၊ ဦးတင်နိုင်သိန်း၊ ပြည်ထောင်စု ရှေ့နေချုပ် ဒေါက်တာ ထွန်းရှင်၊ သမ္မတ ဥပဒေ အကြံပေး အဖွဲ့ဝင် ဦးသန်းကျော်နှင့် သမ္မတရုံး ညွှန်ချုပ် ဦးလှထွန်းတို့ ပါဝင်ကြသည်။
နိုင်ငံများ၏ အဂတိ လိုက်စားမှု အခြေအနေကို စာရင်းပြုစုခဲ့သည့် Transparency International ၏ ၂၀၁၁ ခုနှစ်၊ အစီရင်ခံစာ ၌လည်း မြန်မာနိုင်ငံမှာ အဂတိ လိုက်စားမှု အများဆုံး နိုင်ငံ စားရင်းဝင်အဖြစ် ဆက်လက် တည်ရှိနေဆဲဖြစ်ကာ အာဖဂန် နစ္စတန်နိုင်ငံနှင့် အတူ အဆင့် ၁၈၀ တွင် တည်ရှိသည်။
ယခု ကော်မီတီ ထိရောက်စွာ အလုပ်လုပ် နိုင်ရန်အတွက် ဥပဒေပြုရေး၊ လုပ်ထုံးလုပ်နည်း ပြင်ဆင်ခြင်း၊ တိုင်ကြားမှု များကို စစ်ဆေး အရေးယူသည့် လုပ်နည်း စနစ်များကို ပြည်လည် သုံးသပ်ကာ လိုအပ်မည့် မူဝါဒလုပ်နည်း စနစ်များ ယေဘူယျ ရည်မှန်းချက် သတ်မှတ်ကာ တာဝန် ပေးအပ်ထားခြင်းများ ရှိသော်လည်း အသေးစိတ် လုပ်ငန်း တာဝန်များမှာ ဥက္ကဋ္ဌမှ ကော်မီတီ အစည်းအဝေး ခေါ်ယူပြီး နောက်ပိုင်းမှသာ သိရှိနိုင်မည်ဟု ဆိုသည်။
ကော်မီတီ အစည်းအဝေး ခေါ်ယူမည့် နေရက်ကိုလည်း လောလော ဆယ်၌ မသတ်မှတ် ရသေး ကြောင်းလည်း သမ္မတ၏ ပြောရေးဆိုခွင့် ရှိသူ ဦးရဲထွဋ် က ဆိုသည်။
မြန်မာ နိုင်ငံတွင် အဂတိ လိုက်စားမှုမှာ ကာလကြာရှည်စွာ အမြစ်တွယ် လာသည့် အနေအထား ဖြစ်ကာ အမြစ်ပြတ် တိုက်ဖျက်နိုင်ရန်မှာ စဉ်ဆက်မပြတ် လုပ်ဆောင် သွားရမည့် လုပ်ငန်းစဉ် ဖြစ်ကြောင်းလည်း ၎င်းက ဆိုသည်။
“လူရှိနေတဲ့ အတွက်ကြောင့် ဒီပြဿနာတွေက ရှိနေမှာပဲ။ အဂတိ လိုက်စားမှုတို့၊ လာဘ်ပေး လာဘ်ယူမှုတို့ ဘယ် အချိန်မှာ အမြစ်ပြတ်အောင် ဖြေရှင်း ဆိုတာက ကျနော်တို့ အမြဲတမ်း လုပ်သွားရမယ့် လုပ်ငန်းစဉ်ကြီးကို။ ဒီမိုကရေစီ နိုင်ငံတွေတောင်မှ ဒီပြသနာတွေ ဖြစ်လို့ အကြိမ်ကြိမ် အဖန်ဖန် ပြန်လည် ဖြေရှင်းခြင်း၊ လုပ်ထုံး လုပ်နည်းတွေ ပြုပြင်ခြင်းတွေ လုပ်နေရသေးတာပဲ။ ကောင်းမွန်သော အုပ်ချုပ်ရေး စနစ် ပေါ်ပေါက်ဖို့ အတွက် ဒီလုပ်ငန်း စဉ်ကြီးက စဉ်ဆက်မပြတ် လုပ်နေရမယ့် လုပ်ငန်းလို့ပဲ ကျနော်တို့ ခံယူထားပါတယ်” ဟု ဦးရဲထွဋ် က ပြောသည်။
ယခုကဲ့သို့ ကော်မီတီ ဖွဲ့၍ လုပ်ဆောင်ရခြင်းမှာလည်း ဖြစ်ပေါ်လာသည့် အဂတိ လိုက်စားမှု၊ လာဘ်ပေး လာဘ်ယူ မှုများ ဖြစ်ပွားလာပါက ကိုင်တွယ်နိုင်ရန် အတွက် မှန်ကန်သည့် ကိုင်တွယ်မှုစနစ်၊ လုပ်ထုံးလုပ်နည်းများ၊ အရေးယူမှု စနစ်များ ပေါ်ပေါက် လာရန် ရှေးရှူခြင်း ဖြစ်သည်ဟု ၎င်းက ဆက်ပြောသည်။
ဤကော်မီတီ ဖွဲ့စည်းခြင်း သည်လည်း ပြည်ထောင်စု အစိုးရ အဖွဲ့များ အနေဖြင့် သမ္မတ ကြီး၏ မူဝါဒ များအား မဖြစ်မနေ အကောင် အထည် ဖော်ကြရန် စိတ်ပိုင်းဖြတ်ထားသည့် အပေါ် မိမိတို့၏ Political will (ပြင်းပြသော နိုင်ငံရေး ဆန္ဒ) ကို ပြသသည့် ထုတ်ဖော် ခြင်းလည်း ဖြစ်ကြောင်း သမ္မတ၏ ပြောရေးဆိုခွင့်ရှိသူ ဦးရဲထွဋ် က ပြောဆိုသွားသည်။
Ref: မဇ္ဈိမ
မြန်မာထိုးစစ်ကြောင့် ကချင်ဒုက္ခသည်ဦးရေတိုး
မနန္ဒာချမ်း
09.01.2013
KIA ကချင်လွတ်မြောက်ရေးတပ်မတော် ဌာနချုပ်ရှိရာ ကချင်ပြည်နယ် လိုင်ဇာဒေသကို မြန်မာ အစိုးရ တပ်တွေဘက်က ဒီကနေ့ ဆက်လက် ထိုးစစ်ဆင် တိုက်ခိုက်နေဆဲဖြစ်ပါတယ်။ စစ်ရေး ဗျူဟာအရ အရေးပါတဲ့ KIA ထိန်းချုပ်ရာ အမာခံရှေ့တန်းနေရာ တခုဖြစ်တဲ့ ဖွန်ပြန်ဘွမ်တောင် ကို မြန်မာ တပ်တွေဘက်က သိမ်းပိုက်ဖို့ ကြိုးစားနေပေမဲ့ အခုထိတော့ မအောင်မြင်သေးဘူးလို့ KIA တပ်ဖွဲ့နဲ့ အတူ ပူးပေါင်း စစ်ဆင်နေတဲ့ မြန်မာနိုင်ငံလုံး ဆိုင်ရာ ကျောင်းသားများ ဒီမို ကရက်တစ် တပ်ဦး ABSDF မြောက်ပိုင်း အဖွဲ့က ပြောပါတယ်။ နောက်ဆုံး သိရတဲ့ သတင်းတွေ အရ - ဖွန်ပြန်ဘွန်တောင် အနီးမှာရှိတဲ့ တိုက်ကြက်ကုန်းကနေတော့ KIA ရော၊ ABSDF မြောက် ပိုင်းတပ်တွေပါ ဆုတ်ခွာပေးခဲ့ရပြီး - ဒီကနေ့ ထူးခြားချက်မှာတော့ မြန်မာ စစ်တပ်ဘက် ကနေ ပြည်သူ့စစ်တွေ ပါဝင်လာတယ်လို့ ABSDF က ပြောပါတယ်။ ဒီလိုနောက်ဆုံး အခြေအနေတွေကို စုံစမ်းထားတဲ့ မနန္ဒာချမ်းက တင်ပြပေးထားပါတယ်။
ဒီကနေ့တရက်တည်းမှာပဲ မြန်မာအစိုးရဘက်က KIA ထိန်းချုပ်ထားတဲ့ ဖွန်ပြန်ဘွမ်တောင် ကိုရော - အဲ့ဒီရဲ့ တဘက်မှာ ရှိနေတဲ့ လုံရော့ခ် တောင် ကိုပါ မြန်မာအစိုးရ တပ်တွေဘက်က တနေကုန် ထိုးစစ်ဆင် တိုက်ခိုက် ခဲ့တယ်လို့ ABSDF မြောက်ပိုင်း အဖွဲ့က ပြောပါတယ်။ လေကြောင်းနဲ့ လက်နက်ကြီး အကူမပါဘဲ မြေပြင်ကနေသာ ထိုးစစ်ဆင် တိုက်ခိုက်ခဲ့ တာဖြစ်ပြီး အခုထိတော့ သိမ်းပိုက်နိုင်ခြင်း မရှိသေးဘူးလို့ သိရပါတယ်။ ဒါပေမဲ့လည်း KIA တပ်မဟာ-၂ နဲ့ ABSDF လက်အောက်မှာ ရှိနေတဲ့ တိုက်ကြက်ကုန်း ကနေတော့ ဒီညပိုင်းမှာ ဆုတ်ခွာပေးခဲ့ရပြီး - ဒီကနေ့ တိုက်ပွဲမှာ မြန်မာစစ်တပ်တွေ ဘက်ကနေ ပြည်သူ့စစ်တွေ ပါဝင်လာတာ သိရတယ်လို့ ABSDF မြောက်ပိုင်းရဲ့ နိုင်ငံရေးနဲ့ စည်းရုံးရေး တာဝန်ခံ ကိုကျော်ကျော် က ဗွီအိုအေကို ပြောပြခဲ့ပါတယ်။
“ဒီကနေ့ ကျနော်တို့ အဲ့ဒီ စိုးမိုးကုန်းတခုဖြစ်တဲ့ ဖွန်းပြန်ဘွန်ကို သူတို့ မနက်ကတည်း ကနေ စပြီးတော့ ထိုးနေတာဗျ။ အခု ၄ နာရီရှိပြီ။ ၄ နာရီအထိ တိုက်နေတုန်းပဲ။ ဖွန်းပြန်ဘွန်နဲ့ တဘက် တချက်မှာရှိနေတဲ့ လုံရော့ခ် ကုန်းကနေပြီးတော့ ဒီဘက် တောင်ကြောမှာရှိတဲ့ တိုက်ကြက်ကုန်း ကိုလည်း သူတို့ ထိုးစစ်ဆင်တယ်။ ထိုးစစ်ဆင်တဲ့အခါကျတော့ တိုက်ကြက်ကုန်းကတော့ ကျနော်တို့ စစ်ရေးအရ အချက်အခြာမကျတဲ့ နေရာဖြစ်တဲ့အတွက် အဲ့ဒီကနေပြီး ခေတ္တ ယာယီ ပြန်ဆုတ်ပေးတယ်။ ဒါပေမဲ့ ဒီကနေ့ တိုက်ပွဲမှာ ထူးခြားတာက ပြည်သူ့စစ်တွေ၊ ရဲတွေပါ ပါလာတာ ကျနော်တို့ သတင်းရတယ်။”
လောလောဆယ်အထိတော့ နှစ်ဘက် ထိခိုက်သေဆုံးမှုနဲ့ပတ်သက်လို့ မသိရသေးဘူးလို့ ကိုကျော်ကျော် က ပြောဆိုခဲ့ပါတယ်။ တနင်္လာနေ့ကစလို့ ဒီကနေ့အထိ မြန်မာတပ်တွေဘက် က တောက်လျှောက် ထိုးစစ်ဆင်ပြီး KIA လက်ထက်ကနေ သိမ်းပိုက်နိုင်ဖို့ ကြိုးစားနေတဲ့ ဖွန်ပြန်ဘွန်တောင်ဟာ မြစ်ကြီးနားကားလမ်းနဲ့လည်း နီးပြီး - လဂျားယန်ကုန်သွယ်ရေး စခန်းနဲ့လည်း မနီးမဝေးမှာ တည်ရှိတဲ့အပြင် - စစ်ဗျူဟာအရ အရေးပါတဲ့ တောင်တတောင် လည်း ဖြစ်တာကြောင့် - ဒီဖွန်ပြန်ဘွတာင် ကျခဲ့ရင် - လိုင်ဇာကို ခြိမ်းခြောက်နိုင်တဲ့ အခြေအနေမှာ ရှိတယ်လို့လည်း ABSDF က ပြောပါတယ်။ ဒါ့အပြင် ဒီကနေ့မှာပဲ လိုင်ဇာဒေသမှာရှိတဲ့ နမ့်ဆန်ယန်ရွာကို မြန်မာအစိုးရတပ်ပိုင် တိုက်လေယာဉ် ၂ စင်းကနေ ပစ်ခတ်ခဲ့တဲ့အတွက် ဒေသခံတွေ ကြောက်လန့်တကြား ထွက်ပြေးခဲ့ကြရတယ်လို့လည်း ကိုကျော်ကျော် က ဆက်ပြောပြပါတယ်။
“နမ်ဆန်ယန်ရွာကို ဒီကနေ့ နေ့လည်ပိုင်းမှာ လေယာဉ်နဲ့ ပစ်ခတ်သွားတယ်။ နမ်ဆန်ယန်ရွာ ကျတော့ အဲ့ဒီမှာ ရွာသားတချို့ ရှိကြတယ်။ မနေ့က လဂျားယန်ကို ပစ်သလိုမျိုးပေါ့နော်။ ဒီကနေ့က ရွာတွေကို ပစ်သွားတယ်။ လူထုအထိအခိုက်တို့၊ ကျေးရွာအထိအခိုက်တို့ကတော့ အခုထက်ထိ ကျနော်တို့ ဘာမှ မကြားရသေးဘူး”
အခုလို အစိုးရတပ်တွေဘက်က ဒေသခံရွာတွေကိုပါ တိုက်ခိုက်လာနေတာကြောင့် မနေ့က ဆိုရင် မြန်မာစစ်တပ်ဘက်က ဒုံးကျည်နဲ့ ပစ်ခတ်ခဲ့တဲ့ လဂျားယန်ရွာ အပါအ၀င် အနီးနားတ၀ိုက် ရွာတွေက အရပ်သားပြည်သူတွေဟာ လိုင်ဇာဒုက္ခသည်စခန်းဆီ ထပ်မံထွက်ပြေးလာတဲ့အတွက် ဒီမနက်မှာ ရာနဲ့ချီ ရောက်ရှိလာတယ်လို့ ကချင်ဒုက္ခသည်ရေးရာကော်မတီ တာဝန်ခံ ဦးဒွဲပီဆာ က ပြောပါတယ်။
“ဒီလိုင်ဇာမြို့ ပတ်ဝန်းကျင်ကပေါ့လေ ဒုက္ခသည်တွေတော့ ရာဂဏန်းလောက်တော့ တိုးလာ ပါတယ်။ ဒီမနက်လောက်ကပဲ ၀င်လာတာ။ အမျိုးသမီးများတယ်။ သူတို့ရွာတွေမှာ လက်နက်ကြီး ကျည်ဆန်တွေရောက်တော့ လုံခြုံမှု မရှိလို့ ထွက်ပြေးလာကြတာ ပါ။ ဖြစ်အောင်တော့ စီစဉ်နေကြတာပဲ။ တဲတွေလည်း ထပ်ဆောက်ပေးရမှာပဲ။ စားရေးသောက်ရေးကတော့ ကော်မတီက စီစဉ်ထားတဲ့အတိုင်း ထပ်တိုးလာရင်လည်း ကျနော်တို့က တာဝန်ယူရတာပဲ။ (ဒုက္ခသည်တွေအတွက်) လိုအပ်တာတော့ အများကြီး လိုအပ်တာပေါ့။ ရနိုင်မလား၊ မရနိုင်ဘူးလားဆိုတာတော့ မပြောတတ်ဘူးလေ”
ဒါ့အပြင် ဒုက္ခသည်စခန်းတွေအတွင်းမှာလည်း ကဒုတ်ကျင်းတွေ တူးထားရပြီး - စစ်ပြေး ဒုက္ခသည်တွေအနေနဲ့ လေယာဉ်သံကြားရင် ကတုတ်ကျင်းတွေထဲ ပြေးဝင်ပုန်းအောင်းကြ ရတယ် လို့ ဦးဒွဲပီဆာ က ပြောပါတယ်။ ဒုက္ခသည်တွေရဲ့ လုံခြုံရေးအတွက် ညွှန်ကြားချက်တွေကိုလည်း ဒုက္ခသည် စခန်းအတွင်း ထုတ်ပြန်ထားပြီး - လောလောဆယ် အနီးပတ်ဝန်းကျင်မှာ တိုက်ပွဲတွေ ဖြစ်ပွားနေတဲ့အတွက် ဒုက္ခသည်တွေအနေနဲ့ အပြင်ကို မထွက်ကြဖို့၊ စခန်းတွင်းမှာပဲ သတိထားနေကြဖို့ မှာကြားထားတယ်လို့လည်း သူက ပြောဆိုခဲ့ပါတယ်။
တခါ ရှမ်းပြည် မြောက်ပိုင်းဘက်မှာလည်း အခုရက်ပိုင်းအတွင်း အစိုးရတပ်တွေဘက်က စစ်ကြောင်းတွေ အလုံအရင်းနဲ့ ၀င်ရောက်လာတာကြောင့် အဲ့ဒီမှာရှိတဲ့ ရာနဲ့ချီတဲ့ ဒေသခံတွေ ဟာ ကွတ်ခိုင်မြို့ဘက်ကို ထွက်ပြေးတာတွေ ရှိနေတယ်လို့ KIO က ပြောပါတယ်။ KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ ဒီစစ်ပွဲတွေ စတင်ကတည်းက ကချင်ပြည်နယ်တွင်းမှာ လူ့အခွင့်အရေးချိုးဖောက်မှုတွေ ဖြစ်ပေါ်နေပြီး၊ စစ်ပြေးဒုက္ခသည်ဦးရေဟာလည်း ၁ သိန်းကျော်သွားပြီ လို့ ဒုက္ခသည်အရေး ဆောင်ရွက်သူတွေက ပြောဆိုထားကြပါတယ်ရှင်။
Ref: VOA News
ဖွန်းပျဉ်ဘွန် တောင်ကုန်းကို သိမ်းပိုက်ရေး အစိုးရတပ် ဆက်လက် ထိုးစစ်ဆင်
သန်းထိုက်ဦး
January 9, 2013
ကချင်လွတ်လပ်ရေး တပ်မတော် (KIA) ဌာနချုပ် လိုင်ဇာမြို့အနီးရှိ ဖွန်းပျဉ်ဘွန် တောင်ကုန်းအောက် တွင် လှုပ်ရှားနေသော ရှေ့တန်း စခန်းတခုကို အစိုးရ တပ်က သိမ်းပိုက်ထားပြီ ဖြစ်ကြောင်း သတင်းရရှိသည်။
KIA တပ်ဖွဲ့ဝင်များ အခြေစိုက်ထားသည့် ဖွန်းပျဉ်ဘွန် တောင်ကုန်းကို သိမ်းပိုက်ရန် အတွက် အစိုးရ စစ်တပ်က ယခုလ ၆ ရက်နေ့ ညနေပိုင်းမှ စတင်၍ ထိုးစစ်ဆင် တိုက်ခိုက်နေခြင်း ဖြစ်သည်။
အစိုးရတပ်များက KIA တပ်ဖွဲ့ဝင်များ၏ထံမှ သိမ်းပိုက်ထားသည့် ယင်းရှေ့တန်းစခန်းတွင် နေရာယူထားပြီး ဖွန်းပျဉ်ဘွန် တောင်ကုန်းကို ရရှိရန် ဆက်လက် ထိုးစစ်ဆင် တိုက်ခိုက်နေကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မြောက်ပိုင်း တပ်ဖွဲ့မှ ပြောရေးဆိုခွင့် ရှိသူ ဦးလဆိုင်းက ဧရာဝတီသို့ ပြောသည်။
“ဖွန်းပျဉ်ဘွန် တောင်အောက်က အောက်ခြေစခန်းတွေကို အစိုးရက စစ်ကြောင်း ၂ ကြောင်း ခွဲပြီးတော့မှ ထိုးစစ် ဆင်နေတာ ဒီနေ့ နဲ့ပါဆိုရင် ၃ ရက် ရှိပြီ” ဟု ၎င်းက ဆိုသည်။
ဦးလဆိုင်း၏ ပြောပြချက်အရ KIA တပ်ဖွဲ့ဝင်များကို အစိုးရ စစ်ဆင်ရေး ကွပ်ကဲမှု စစ်ဌာနချုပ် (စကခ) ၂၁ လက်အောက်ခံတပ်၊ စကခ ၃ လက်အောက်ခံ ခြေလျင်တပ်ရင်း (ခလရ) အမှတ် ၁၄၂ တပ်ရင်းနှင့် ၂၇၈ တပ်ရင်းတို့က ထိုးစစ်ဆင် တိုက်ခိုက်နေကြောင်း သိရသည်။
“မနေ့ကဆိုလိုရှိရင် တိုက်လေယာဉ် ၂ စီး၊ ရဟတ်ယာဉ် ၃ စီး နဲ့ လေပြင်က ပစ်ကူပေးပြီးမှ ထိုးစစ်ဆင်တယ်။ နောက်ကနေ လက်နက်ကြီးတွေနဲ့ လှမ်းပစ်တယ်” ဟု ဦးလဆိုင်းက ဆိုသည်။ သို့သော် ယနေ့ လေယာဉ်များ အသုံး မပြုကြောင်းလည်း ၎င်းက ဆက်ပြောသည်။
အစိုးရ တပ်များကို ခုခံတိုက်ခိုက်ရာတွင် KIA တပ်ဖွဲ့နှင့်အတူ ABSDF မြောက်ပိုင်း တပ်ဖွဲ့ဝင်များ ပါဝင် တိုက်ခိုက်နေပြီး လတ်တလော တွင် နှစ်ဖက် အကျအဆုံး စာရင်းများကို မသိရှိရပေ။
တပ်မတော် ကာကွယ်ရေး ဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်ကမူ ကချင် လက်နက်ကိုင် အဖွဲ့များက စစ်ရေးနှင့် မသက် ဆိုင်သော ပစ်မှတ်များ၊ တရားဥပဒေ စိုးမိုးရေး ဆောင်ရွက်နေသော အစိုးရဌာနများ၊ မြန်မာနိုင်ငံ ရဲတပ်ဖွဲ့ တို့ကို တိုက်ခိုက်လာသဖြင့် တပ်မတော် အနေဖြင့် ပြည်သူများ၏ အသက် အိုးအိမ် လုံခြုံရေး၊ လမ်းပန်းဆက်သွယ်မှု လုံခြုံချောမွေ့စေရေး အတွက် စစ်ရေး အရ ပြန်လည် တုံ့ပြန်မှုများကို မလွဲသာ မရှောင်သာ ပြုလုပ်ခဲ့ခြင်း ဖြစ်ကြောင်း ကရင်အမျိုးသား အစည်းအရုံး (KNU) ခေါင်းဆောင် များနှင့် နေပြည်တော်တွင် တွေ့ဆုံစဉ် ပြောကြားခဲ့သည်။
တိုက်ပွဲများ ဖြစ်ပွားမှုကြောင့် စစ်ပြေး ဒုက္ခသည်စခန်းများသို့ လူဦရေး ၁၀၀ ခန့် ထပ်မံရောက်ရှိ လာပြီး အကူ အညီများ လိုအပ်လျက် ရှိကြောင်း ကချင်ဒုက္ခသည်များ ကယ်ဆယ်ရေး ကော်မတီ ဥက္ကဋ္ဌ ဆလန်ကဘာ ဒွဲပီဆာက ပြောသည်။
“အခု ကားလမ်းတွေမှာ အစိုးရတပ်တွေ ရှိနေတော့ ကျနော်တို့ ၀င်ထွက်သွားလာလို့ မရတော့ဘူး။ ဒီဒုက္ခသည် စခန်းမှာပဲ အားလုံးစုပြီး နေနေရတယ် ဆိုတော့ ရိက္ခာအတွက်လည်းပဲ အရင်ကထက် ပိုပြီးမှ ထောက်ပံ့ ကူညီရမယ့် အခြေအနေရှိတယ်” ဟု ၎င်းက ဆိုသည်။
အစိုးရနှင့် KIA ကြား ငြိမ်းချမ်းရေး ပြည်လည် တည်ဆောက်ရန် ၂၀၁၁ ခုနှစ် နိုဝင်ဘာလမှ စတင်၍ ၂၀၁၂ ခုနှစ်အတွင်း အကြိမ်ကြိမ် တွေ့ဆုံ ခဲ့ကြပြီး ဖြစ်သော်လည်း သဘောတူညီချက် တစုံတရာ မရရှိသေးပေ။ သောင်းနှင့် ချီသော ဒေသခံ များမှာလည်း အိုး အိမ်၊ တောင်ယာများကို စွန့်ခွာ၍ တရုတ်-မြန်မာနယ်စပ် ဒုက္ခသည် စခန်းများ၊ ပြည်တွင်း စစ်ဖြစ်ရာ ဒေသအနီးရှိ မြို့ပေါ်များနှင့် တောတောင်များ ထဲတွင် ထွက်ပြေး ခိုလှုံနေကြရဆဲ ဖြစ်သည်။
Ref: ဧရာဝတီ
Wednesday, January 9, 2013
အင်ဒိုနီးရှားနိုင်ငံခြားရေးဝန်ကြီး ရခိုင်ပြည်နယ်လေ့လာ
ကိုဇော်ဝင်းလှိုင်
08.01.2013
ရခိုင်ပြည်နယ်အတွင်းဖြစ်ပွားခဲ့တဲ့ ပဋိပက္ခတွေကြောင့် ဒုက္ခရောက်နေသူတွေ ပြန်လည် ထူထောင်ရေး လုပ်ငန်းတွေ အတွက် အင်ဒိုနီးရှားနိုင်ငံက အမေရိကန်ဒေါ်လာ တစ်သန်း အကူအညီပေးမယ်လို့ မြန်မာနိုင်ငံကို ၂ ရက်ကြာ သွားရောက် လည်ပတ်ခဲ့တဲ့ အင်ဒိုနီးရှားနိုင်ငံခြားရေး ၀န်ကြီး Marty Natalegawa က ကတိပြုခဲ့ပါတယ်။ လူမျိုးအချင်းချင်းကြား ပဋိပက္ခ ဖြစ်ပွားမှုတွေနဲ့ ပတ်သက်လို့ အတွေ့အကြုံ ရှိထားတဲ့ နိုင်ငံတခုဖြစ်တာနဲ့ အညီ ရခိုင်ပြည်နယ် အတွင်းဖြစ်ပွားနေတဲ့ ပဋိပက္ခတွေမှာ ကူညီ လုပ်ဆောင်ပေးလိုတဲ့ အကြောင်းလည်း ကမ်းလှမ်းခဲ့ပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင် တင်ပြပေးပါမယ်။
အင်ဒိုနီးရှားနိုင်ငံခြားရေးဝန်ကြီး Marty Natalegawa ဟာ ရခိုင်ပြည်နယ်အတွင်းက ဒုက္ခသည် စခန်းတွေကို တနင်္လာနဲ့ အင်္ဂါနေ့တွေက ၂ ရက်ကြာ သွားရောက် လေ့လာခဲ့တာဖြစ်ပြီး ဒီခရီးစဉ်ဟာ အချက်အလက် ရှာဖွေရေး ခရီးစဉ်ဖြစ်တယ်လို့ ပြောပါတယ်။
မစ္စတာ နာတာလီဂါဝါဟာ အင်္ဂါနေ့တုန်းကတော့ မြန်မာအစိုးရ နယ်စပ်ဒေသရေးရာဝန်ကြီး ဦးသိန်းဌေး အပါအ၀င် တခြား အစိုးရ အရာရှိတွေ၊ ဒေသခံ မြို့မိ မြိုဖတွေနဲ့ တွေ့ဆုံခဲ့ပြီး ရခိုင်ပြည်နယ် အတွင်းက ပြန်လည် ထူထောင်ရေး လုပ်ငန်းတွေအ တွက် အင်ဒိုနီးရှားနိုင်ငံက အကူအညီပေးမယ့် အကြောင်း ပြောကြားခဲ့ပါတယ်။
“အင်ဒိုနီးရှားနိုင်ငံအနေနဲ့ မြန်မာအစိုးရကို အမေရိကန်ဒေါ်လာ တစ်သန်း အကူအညီပေးဖို့ ကတိပြုတဲ့ အကြောင်း နယ်စပ်ရေးရာ ၀န်ကြီး ဦးသိန်းဌေးနဲ့ တွေ့ဆုံစဉ် မစ္စတာ နာတာလီဂါဝါက ပြောကြားသွားတာ ဖြစ်ပါတယ်။”
အင်ဒိုနီးရှားနိုင်ငံခြားရေးဝန်ကြီး ခရီးစဉ်နဲ့ဆိုင်တဲ့ တခြား အချက်အလက်တွေကိုတော့ ရန်ကုန်မြို့မှာရှိတဲ့ အင်ဒိုနီးရှား သံရုံး ဒုတိယ အတွင်းဝန် ဂျင်မာရာ ဆူပရီယာမီက ဗွီအိုအေကို အခုလို ပြောပြပါတယ်။
“ဒီခရီးစဉ်မှာ အဓိက ရည်ရွယ်ချက် ၃ ခုပါပါတယ်။ ပထမကတော့ - ရခိုင်ပြည်နယ်အတွင်း မှာ ဖြစ်နေတဲ့ ကိစ္စတွေနဲ့ ပတ်သက်လို့ နိုင်ငံရေး အရ ညှိနှိုင်း အဖြေရှာရေးပဲဖြစ်ပါတယ်။ ဒုတိယ ရည်ရွယ်ကတော့ - လူသားချင်း စာနာတဲ့ အကူအညီတွေ ပေးရေး ကိစ္စဖြစ်ပါတယ်။ အဲဒီမှာ အင်ဒို နီးရှား အစိုးရက အမေရိကန်ဒေါ်လာ တစ်သန်း ကူညီမယ့် ကိစ္စလည်း ပါပါတယ်။ တတိယ အချက်ကတော့ - ရခိုင်ပြည်မှာ ဒုက္ခသည်တွေ ပြန်လည် ထူထောင်ရေးမှာ အင်ဒို နီးရှားအနေနဲ့ ကိုယ်တိုင် ပါဝင် ဆောင်ရွက်ပေးဖို့ ဖြစ်ပါတယ်။ အင်ဒိုနီးရှား အနေနဲ့ ဘာသာရေး ပဋိပက္ခဖြေ ရှင်းရေး၊ ပြန်လည် ထူထောင်ရေး စသဖြင့် တို့မှာ အတွေ့အကြုံရှိတဲ့ အတွက်ကြောင့် - အထူးသဖြင့် ဆူနာမီ ပြန်လည်ထူထောင်ရေးမှာ အတွေ့အကြုံ ရှိခဲ့တဲ့အတွက် အခု ရခိုင်ပြည်နယ် ပြန်လည် ထူထောင်ရေးမှာ ကူညီပေးနိုင်ပါတယ်။”
နိုင်ငံခြားရေးဝန်ကြီး နာတာလီဂါဝါအနေနဲ့ မြန်မာအစိုးရ အရာရှိတွေနဲ့ တွေ့ဆုံစဉ် တခြား အကြံပြုချက်တွေကိုလည်း မြန်မာ အစိုးရကို တင်ပြ ဆွေးနွေးခဲ့တယ်လို့ သူက ဆက်ပြောပါတယ်။
“အင်ဒို နီးရှား အစိုးရအနေနဲ့ မြန်မာအစိုးရကို အကြံပေးရာမှာ နိုင်ငံသား ခံယူမှု ဥပဒေနဲ့ ပတ်သက်ပြီးတော့ တရားမျှတစွာ စဉ်းစားပေးဖို့ တခြား ကုလသမဂ္ဂအပါအဝင် တခြား နိုင်ငံတွေ ကလည်း အကြံပြုထားတာ ဖြစ်ပါတယ်။ ဒါ့အပြင် ရခိုင်ပြည်နယ် ပြဿနာဖြေရှင်းရေး အပါအဝင် ဒေသတွင်း တည်ငြိမ်ရေးမှာ အာဆီယံနိုင်ငံတွေနဲ့ ပါဝင် ဆောင်ရွက်ပေးနိုင်မယ့် အခန်းကဏ္ဍကို အင်ဒိုနီးရှားက လာရောက် လေ့လာတဲ့ ခရီးစဉ်လည်း ဖြစ်ပါတယ်။”
လူသားချင်းစာနာတဲ့အကူအညီပေးမှာနဲ့ပတ်သက်လို့တော့ ဘယ်လိုပုံစံနဲ့ ပေးမယ်ဆိုတဲ့ အသေးစိတ်တွေကို နောက်ပိုင်းမှာ ဆွေးနွေး ညှိနှိုင်းသွားကြမှာ ဖြစ်တယ်လို့ သိရပါတယ်။ နိုင်ငံခြားရေးဝန်ကြီး နာတာလီဂါဝါဟာ သူ့ရဲ့ ၂ ၇က်ကြာ ရခိုင်ပြည် ခရီးစဉ်အတွင်း ဒုက္ခသည်စခန်းတွေကို သွားရောက်ပြီး အင်ဒိုနီးရှား အစိုးရရဲ့ အကူအညီနဲ့ တည်ဆောက်နေတဲ့ အဆောက်အဦးတွေ ကိုလည်း လေ့လာခဲ့တယ်လို့ ရခိုင် အဓိကရုန်း သတင်းထုတ်ပြန်ရေးကော်မီတီ အတွင်းရေးမှူး ဦးဝင်းမြိုင်က ပြောပါတယ်။
“ညအိပ်ပါတယ်ခင်ဗျ။ မနေ့က ညအိပ်ပြီးတော့ အစိုးရအဖွဲ့တွေ၊ ဒီက အမျိုးသမီးအဖွဲ့တွေ နဲ့ တွေ့ပြီးတော့ ဒီနေ့ ပြန်သွားပါတယ် ခင်ဗျ။ ပထမနေ့ကလည်း ဗိုလ်ချုပ်ကြီး သိန်းဌေး တို့နဲ့ မောင်းတောမြို့က စခန်းရှိတဲ့နေရာတွေကို သွားကြတယ်။ ဒီနေ့မနက်တော့ အစိုးရ အဖွဲ့မှာ မြို့မိမြို့ဖတွေနဲ့တွေ့ပြီးတော့ အကူအညီပေးရေး ကိစ္စတွေကိုပဲဆွေးနွေးပါတယ်။ ဘာတွေ ထပ်ပေးမယ် ဆိုတာကိုတော့ ကျနော်တို့ မသိသေးဘူးခင်ဗျ။ စခန်းရှိတဲ့နေရာတွေကိုပဲ သွားကြည့်တာပါ။ လောလောဆယ် အဆောက်အဦးဆောက်တဲ့ ကိစ္စတွေကိုပဲ ရှင်းပါတယ် ခင်ဗျ။ ဆောက်ပြီးတဲ့အိမ်တွေရယ်၊ နောက်ပြီး ဆက်ပြီး ဆောက်မယ့် နေရာတွေရယ်။”
အင်ဒိုနီးရှားနိုင်ငံခြားရေးဝန်ကြီးဟာ မြန်မာအစိုးရရဲ့ ဖိတ်ကြားချက်နဲ့ ရောက်ရှိလာတာ ဖြစ်ပါတယ်။ ပြီးခဲ့တဲ့နှစ် နိုဝင်ဘာ လက ဖနွမ်းပင်မှာ ကျင်းပခဲ့တဲ့ ၂၁ ကြိမ်မြောက် အာဆီယံထိပ်သီး ညီလာခံပြင်ပမှာ အင်ဒိုနီးရှားသမ္မတနဲ့ မြန်မာ သမ္မတ ၂ ဦးတို့ တွေ့ဆုံ ဆွေးနွေးမှုတွေရဲ့ နောက်ဆက် တွဲ ထွက်ပေါ်လာတဲ့ အကျိုးဆက် ဖြစ်ပါတယ်။
ရခိုင်ပြည်နယ်အတွင်း ဖြစ်ပွားခဲ့တဲ့ ပဋိပက္ခတွေကနေ ထွက်ပြေးလာကြတဲ့ ရိုဟင်ဂျာ ဒုက္ခသည် တချို့ကို အင်ဒိုနီးရှားနိုင်ငံက လက်ခံထားတယ် လို့လည်း သိရပါတယ်ခင်ဗျား။
Ref: VOA News
မြန်မာထိုးစစ်ကြောင့် တွေ့ဆုံဆွေးနွေးဖို့ KIA ငြင်းဆို
မနန္ဒာချမ်း
08.01.2013
ကချင်ပြည်နယ် လိုင်ဇာဘက်မှာ မြန်မာအစိုးရတပ်တွေနဲ့ KIA ကချင်လွတ်မြောက်ရေး တပ်တွေ အကြား တိုက်ပွဲတွေ ဒီကနေ့ ဆက်လက်ဖြစ်ပွားခဲ့ ပါတယ်။ လိုင်ဇာဒေသ တ၀ိုက်က KIA ထိန်း ချုပ်ရာ တောင်ကုန်းတွေကို အစိုးရ တပ်တွေဘက်က တိုက်လေယာဉ်တွေနဲ့ ဝေဟင်ကနေ ပစ်ခတ်ခဲ့ သလို၊ မြေပြင်ကနေလဲ ထိုးစစ် ဆင်ခဲ့တာကြောင့် နှစ်ဘက်ထိပ်တိုက် ရင်ဆိုင် တိုက်ပွဲတွေ ဖြစ်ခဲ့ ပါတယ်။ အခုလို တိုက်ပွဲတွေ ပြင်းထန်နေတဲ့ အတွက် ဒီလအတွင်း နှစ်ဘက် ထပ်မံဆွေးနွေး လိုကြောင်း မြန်မာ အစိုးရဘက်က ကမ်းလှမ်းချက်ကို KIA ဘက်က မတုံ့ပြန်ခဲ့ဘူးလို့ KIO ပြောခွင့်ရ သူက ဗွီအိုအေကို ပြောပါတယ်။ အသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြပေးထားပါတယ်။
ဒီမနက်အစောပိုင်းကတည်းကစလို့ အစိုးရတပ်တွေဘက်ကနေ တိုက်လေယာဉ်တွေ အသုံးပြုပြီး ဝေဟင် ကနေ KIA ထိန်းချုပ် ထားတဲ့ လိုင်ဇာဒေသ တ၀ိုက်က စိုးမိုးကုန်းတွေ ကို တောက်လျှောက် ပစ်ခတ်ခဲ့တာဖြစ်တယ်လို့ KIA ဘက်ကရော KIA နဲ့ တွဲပြီး ခုခံစစ် ဆင်နွှဲနေတဲ့ ABSDF မြောက်ပိုင်း မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး က ဗွီအိုအေကို ပြောပြပါတယ်။ ညနေစောင်း အထိ လေကြောင်းကနေ တိုက်ခိုက် မှုတွေ ရှိခဲ့ပြီး၊ တပြိုင်တည်းမှာပဲ - မြေပြင်ကနေလည်း ထိုးစစ် ဆင်ခဲ့တာကြောင့် KIA တပ်တွေနဲ့ နှစ်ဘက် ထိပ်တိုက် ရင်ဆိုင်မှုတွေ ဖြစ်ခဲ့တဲ့ အကြောင်း လိုင်ဇာဒေသမှာရှိတဲ့ ABSDF မြောက်ပိုင်း ဌာနချုပ်ရဲ့ နိုင်ငံရေးနဲ့ စည်းရုံးရေး ဌာန တာဝန်ခံ ကိုကျော်ကျော် က အခုလို ပြောပြပါတယ်။
“မနက် ၄ နာရီကတည်းကနေပြီးတော့ လက်နက်ကြီးနဲ့အရင် စ ထုတာဗျ။ လက်နက်ကြီးနဲ့က အထူးသဖြင့် KIA ရဲ့ အဓိက ကျတဲ့ လိုင်ဇာဒေသ အနီးမှာရှိတဲ့ ဖုံးပြန်ပွန်တောင်လို့ခေါ်တဲ့နေရာကို စပြီး ပစ်တယ်။ ပစ်ပြီးတော့ အဲ့ဒီမှာ ခြေလျင်တပ်တွေက တက်ပြီးတော့ ထိုးတယ်။ ဖုံးပြန်ပွန်တောင် မှာ နှစ်ဘက်တပ်တွေ ထိပ်တိုက် ပစ်ကြ ခတ်ကြတယ်ပေါ့။ အထူးသဖြင့် တောင်ကုန်းကို သိမ်းပိုက်ဖို့ ကြိုးစားတဲ့ မြန်မာ့ တပ်မတော်ကို ဒီဘက်က KIA က ပြန်ပြီး ခုခံတဲ့ အနီးကပ် တိုက်ပွဲပေါ့နော်။ ဒီနောက်ဆုံး ညနေ ၃ နာရီခွဲ အထိကို ပစ်သွားတယ်။ အခြေအနေက အဲ့လိုပေါ့။ တနေကုန်လုံးပါပဲ ပစ်တာကတော့။”
အခုလို နှစ်ဘက် ထိပ်တိုက် ရင်ဆိုင်ဖြစ်ခဲ့တဲ့ တိုက်ပွဲတွေအတွင်း - ထိခိုက်သေဆုံး ဒဏ်ရာရမှု အခြေအနေတွေနဲ့ ပတ်သက် လို့တော့ လောလောဆယ် မသိရသေးဘူးလို့ ကိုကျော်ကျော် က ပြောခဲ့ပါတယ်။ ဒါ့အပြင် ဒီကနေ့မှာဘဲ လိုင်ဇာဒေသတွင်းမှာ ရှိတဲ့ လဂျားယန်ရွာကို လက်နက်ကြီးကျည် ၂ ခု ကျခဲ့တဲ့ အတွက် ဒေသခံတွေရဲ့ နေအိမ်နဲ့ ဈေးဆိုင်တခု ပျက်စီး သွားခဲ့ပြီး ဒေသခံတွေ ဟာလည်း ထွက်ပြေး တိမ်းရှောင်ခဲ့ ကြရပါတယ်။ လောလောဆယ်မှာ ဒီရက်ပိုင်းအတွင်း လိုင်ဇာဒေသမှာ ရှိတဲ့ ဒုက္ခသည် စခန်းတွေကို အလုံးအရင်းနဲ့ ၀င်ရောက်တဲ့ စစ်ပြေးဒုက္ခသည် တွေ မရှိပေမဲ့ - အစိုးရတပ်တွေဘက်က တိုက်လေယာဉ်တွေ မကြာခဏ ပျံသန်းနေတာကြောင့် - ဝေဟင်ကနေသာ ပစ်ခတ်လာမယ်ဆိုရင် ဒုက္ခသည်စခန်းဟာလည်း လုံခြုံစိတ်ချရမှု မရှိဘူးလို့ ကိုကျော်ကျော် က ဆက်ပြောပြပါတယ်။
“ဗုံးကြဲတဲ့ အခုနောက်ဆုံးအခြေအနေက လဂျားယန်မှာရှိတဲ့ အိမ်တလုံး မီးလောင်တယ်ဗျ။ အိမ်တလုံး ကတော့ ဆိုင် ဖွင့်ထားတာပေါ့နော်။ အဲ့ဒီဆိုင် မှာ တည့်တည့်ပဲ ရော့ကက်ကျပြီးတော့ အဲ့ဒီမှာ မီးလောင်သွားတယ်။ ဘယ်သူမှ မနေရဲတော့ဘူး အကုန်လုံး ကြောက်လန့်ပြီးတော့ အကုန် ထွက်ပြေးကုန်ကြပြီ။ ထွက်ပြေးရင်တော့ အဓိကကတော့ ဒုက္ခသည် စခန်းကိုပဲ သွားကြတာ။ ဒုက္ခသည် စခန်းကလည်း လုံခြုံမှု မရှိပါဘူးဗျာ။ အားလုံးလည်း ဟိုမှာ ကဒုတ်ကျင်း ကိုယ်ဆီနဲ့ ကျီးလန့်စာစားနဲ့ တထိတ် တလန့်နဲ့ နေနေကြရတဲ့ အနေအထားဖြစ်နေတာ။”
ဒီလို အစိုးရဘက်က KIA အပေါ် အပြင်းအထန် ထိုးစစ်ဆင်နေတာကြောင့် - ဒီဇန်န၀ါရီ လထဲမှာ KIO နဲ့ ထပ်မံ ဆွေးနွေးလိုကြောင်း မကြာသေးခင်က ငြိမ်းချမ်းရေး ၀န်ကြီး ဦးအောင်မင်းရဲ့ ကမ်းလှမ်းချက်ကို KIO ဘက်က မတုံ့ပြန်ခဲ့ဘူးလို့ KIO ပြောခွင့်ရသူ ဦးလာနန် က ဗွီအိုအေ ကို အခုလို ပြောပြပါတယ်။
“ဒီဇင်ဘာ ၁၃ ရက်နေ့မှာ ဦးအောင်မင်းဘက်က စာတစောင်ပို့ထားတယ်။ ဇန်န၀ါရီလ အတော အတွင်းမှာ တွေ့ဖို့ အတွက် ကမ်းလှမ်းတဲ့ စာပါ။ ဒါပေမဲ့ စာနဲ့အတူ ထိုးစစ်တွေက ရောက်လာတယ် ခင်ဗျ။ မြန်မာ အစိုးရကနေပြီးတော့မှ စစ်အင်အား အလုံးအရင်းနဲ့ ခြိမ်းခြောက် ထားပြီးတော့ မှပဲ တွေ့ကြရ အောင်ဆိုတဲ့ အချက်အပေါ်မှာတော့ ဒါက စဉ်းစားစရာ လိုတယ်ခင်ဗျ။”
မြန်မာအစိုးရတပ်တွေဘက်က KIO ဌာနချုပ်ရှိရာ လိုင်ဇာဒေသကို အခုလို ထိုးစစ်တွေ ဆင်နွှဲ ကတည်းက ABSDF ကနေ ဖမ်းဆီး မိခဲ့တဲ့ စစ်သုံ့ပန်း ၇ ယောက်ရှိပြီး၊ ၂ ယောက်ကတော့ တိုက်ပွဲအတွင်း ရခဲ့တဲ့ ပြင်းထန်တဲ့ဒဏ်ရာတွေကြောင့် သေဆုံး သွားတယ်လို့ ABSDF မြောက်ပိုင်း အဖွဲ့က ကိုကျော်ကျော် က ပြောပါတယ်။ ဒါ့အပြင် ရှမ်းပြည်နယ် မြောက်ပိုင်းမှာလည်း KIA နဲ့ မြန်မာ အစိုးရ တပ်တွေအကြား ကြိုကြားကြိုကြား တိုက်ပွဲ တွေ ဖြစ်ပွားနေပြီး၊ အခုရက်ပိုင်းအတွင်း အစိုးရ တပ်တွေဘက်က စစ်ကြောင်းတွေ အလုံအရင်းနဲ့ ၀င်ရောက် လာတာကြောင့် အဲ့ဒီမှာရှိတဲ့ ရာနဲ့ချီတဲ့ ဒေသခံတွေဟာ ကွတ်ခိုင်မြို့ဘက်ကို ထွက်ပြေးတာတွေ ရှိနေတယ်လို့ KIO ပြောခွင့်ရသူ ဦးလနန် က ဗွီအိုအေကို ပြောဆိုခဲ့ပါတယ်။
KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွား ခဲ့တာပါ။ ဒီစစ်ပွဲတွေ စတင်ကတည်းက ကချင်ပြည်နယ်တွင်းမှာ လူ့အခွင့် အရေး ချိုးဖောက်မှုတွေ ဖြစ်ပေါ်နေပြီး၊ စစ်ပြေး ဒုက္ခသည် ဦးရေဟာလည်း ၁ သိန်းကျော်သွားပြီ လို့ ဒုက္ခသည် အရေး ဆောင်ရွက်သူတွေက ပြောဆို ထားကြပါတယ်ရှင်။
Ref: VOA News
အမေရိကန်သူဌေးကြီး ဂျော့ဆိုးရော့စ် က ၈၈ ကျောင်းသားအဖွဲ့နဲ့ ဆွေးနွေး
2013-01-08
Open Society Foundation အဖွဲ့ တည်ထောင်သူ ဂျော့ဆိုးရောစ့် နဲ့ အဖွဲ့ဟာ ၈၈ မျိုးဆက် ကျောင်းသား ခေါင်းဆောင်တွေနဲ့ ဒီကနေ့ မနက်ပိုင်းက Chatrium Hotel မှာ တွေ့ဆုံ ခဲ့ကြပါတယ်။
အဲဒီတွေ့ဆုံပွဲမှာ မစ္စတာ ဆိုးရော့စ် က သူ့အနေနဲ့ တိုင်းရင်းသားဒေသတွေမှာ ဖြစ်ပွားနေတဲ့ တိုက်ပွဲတွေနဲ့ ပတ်သက်ပြီး စိုးရိမ် မိတယ်လို့ ပြောကြားခဲ့ကြောင်း ၈၈ မျိုးဆက်ကျောင်းသားများ အဖွဲ့က ကိုပြုံးချိုက RFA ကို ပြောပါတယ်။
ဒီကနေ့တွေ့ဆုံပွဲမှာ တိုင်းရင်းသားဒေသတွေရဲ့ ပဋိပက္ခတွေအပြင် မြန်မာ့နိုင်ငံရေး ပြောင်းလဲမှုဖြစ်စဉ်မှာ နိုင်ငံသား အားလုံး ပူးပေါင်း ပါဝင်နိုင်ရေး အတွက်ကိုလည်း ဆွေးနွေး ခဲ့တယ်လို့ ကိုပြုံးချိုက ဆက်ပြောပါတယ်။
ဒီံဆွေးနွေးပွဲကို ၈၈ မျိုးဆက်ကျောင်းသားခေါင်းဆောင်တွေဖြစ်တဲ့ ကိုမြအေး၊ ကိုပြုံးချို၊ ကိုဌေးကြွယ်နဲ့ ကိုမင်းဇေယျတို့ တက်ရောက် ခဲ့ပါတယ်။
မစ္စတာ ဆိုးရောစ့်နဲ့အဖွဲ့ဟာ ၈၈မျိုးဆက်ကျောင်းသားတွေအပြင် အမျိုးသားဒီမိုကရေစီ အဖွဲ့ချုပ် သဘာပတိ အဖွဲ့ဝင် ဦးဝင်းတင် နဲ့လည်း ဒီကနေ့ မနက်ပိုင်းက တွေ့ဆုံဆွေးနွေး ခဲ့ပြီး အမျိုးသား ဒီမိုကရေစီ အဖွဲ့ချုပ်ဥက္ကဌ ဒေါ်အောင်ဆန်းစုကြည် နဲ့လည်း သီးသန့်တွေ့ဆုံဆွေးနွေးဖို့ အစီအစဉ် ရှိတယ်လို့ သိရပါတယ်။
Ref: RFA News
လုပ်အားခ တိုးမြှင့် သတ်မှတ်ပြီးနောက် ထိုင်းသို့ ပြောင်းရွှေ့လုပ်သား အဝင်များလာ
သန်းထိုက်ဦး
January 8, 2013
ထိုင်းနိုင်ငံတွင် အလုပ်သမားများကို တနေ့ လုပ်အားခ ဘတ်ငွေ ၃၀၀ ပေးရန် ထိုင်း အစိုးရက အတည်ပြု လိုက်ပြီးနောက် မြန်မာနိုင်ငံ သားများ အပါအ၀င် လာအိုနှင့် ကမ္ဘောဒီးယား နိုင်ငံသားတို့ နယ်စပ်ဖြတ်ကျော် ၀င်ရောက်မှု တိုးမြင့်လာရာ ယခုလ ဇန်န၀ါရီလ ၁ ရက်မှ ၄ ရက်နေ့ အတွင်း ထိုင်းတွင် ၂၀၀ ခန့် ဖမ်းဆီး ခံရကြောင်း သိရသည်။
အဆိုပါ နိုင်ငံသားများသည် ထိုင်းနိုင်ငံ Buri Ram မြို့နယ်မှ တဆင့် ဘန်ကောက် မြို့သို့ သွားရန် ကြိုးစားရာတွင် ထိုင်း အာဏာပိုင် များ၏ စစ်ဆေး ဖမ်းဆီးမှုများကို ခံခဲ့ရခြင်းဖြစ်ကြောင်း ယမန်နေ့က ထိုင်းဘာသာဖြင့် ရေးသားထားသော Manager Online အင်တာနက် စာမျက်နှာတွင် ဖော်ပြထားသည်။
ထိုင်းအာဏာပိုင်များ ဖမ်းဆီးထားသည့် လူဦးရေ ၂၀၀ အထဲတွင် ကမ္ဘောဒီးယားနိုင်ငံသား အများဆုံးဖြစ်ကြောင်း သိရသည်။
ထိုင်း-မြန်မာ နယ်စပ် ကရင်ပြည်နယ် ဘုရားသုံးဆူမြို့ တဖက်ကမ်း စံခလဘူရီမြို့မှ တဆင့် ဘန်ကောက်သို့ သွားသည့် လမ်းကြောင်း တလျှောက် စစ်ဆေးရေး ဂိတ်များတွင် စစ်ဆေးမှုများကို ယခုရက်ပိုင်းတွင် ယခင်ထက် တင်းကျပ် ထားကြောင်း သိရှိရသည်။
တာခ့်ခရိုင် အုပ်ချုပ်ရေးမှူး Mr. Suriya Prasatbuntitya က တနေ့ လုပ်အားခ ၃၀၀ (ကျပ် ၈၀၀၀ ခန့်) ပေးမည်ဟု သတ်မှတ်ပြီးနောက်ပိုင်း မြန်မာနိုင်ငံသားများ ထိုင်းနိုင်ငံတွင် လာရောက် အလုပ်လုပ်ကိုင်မှု ပြန်မြင့် တက်လာသည်ဟု ပြောကြောင်း ထိုင်းသတင်းများတွင် ယနေ့ဖော်ပြထားသည်။
“မြန်မာ အလုပ်သမားတွေ ထိုင်းနိုင်ငံမှာ အလုပ်လာလုပ်တဲ့သူတွေ ပိုများလာတယ်။ နယ်စပ်မှာရှိတဲ့ မြန်မာ အလုပ်သမားတွေ ကလည်း မြို့တွေမှာ သွားလုပ်ဖို့အထိ ကြိုးစားနေကြတယ်။ တရားဝင် လမ်းကြောင်းကနေပဲ ဖြစ်ဖြစ် တရားမ၀င် နည်းလမ်းနဲ့ပဲ ဖြစ်ဖြစ် သွားနေကြတယ်” ဟု Mr. Suriya က ဆိုသည်။
ထိုင်းနိုင်ငံတွင် အလုပ်သမားတဦး၏ အနည်းဆုံး တနေ့ လုပ်အားခအဖြစ် ယခုလ ဇန်န၀၀ါရီလ ၁ ရက်နေ့မှ စတင်၍ ဘတ်ငွေ ၃၀၀ ပေးရမည်ဟု ပြီးခဲ့သည့် ၂၀၁၂ ခုနှစ် ကုန်ပိုင်းတွင် ထိုင်းအစိုးရက ကြေညာခဲ့သည်။
ထိုင်း ဥပဒေနှင့် နိုင်ငံတကာ အလုပ်သမား ဥပဒေတို့တွင် ပြဌာန်းထားချက်အရ အလုပ်သမားဆိုင်ရာ ရပိုင်ခွင့် များသည် ထိုင်းနိုင်ငံသားများ သာမက ထိုင်းတွင် ရောက်ရှိနေသော မြန်မာ၊ လာအို၊ ကမ္ဘောဒီးယား နိုင်ငံတို့မှ အလုပ်သမားများနှင့်လည်း အကျုံးဝင်ကြောင်း သိရသည်။
တရားဝင် လာရောက်လုပ်ကိုင်နေသည့် အလုပ်သမားများကို ဘန်ကောက်မြို့နှင့် တခြားသော မြို့ကြီးများတွင် လုပ်ငန်းပိုင်ရှင် တချို့က ယခု လဆန်ပိုင်းမှ စတင်၍ တနေ့ ၃၀၀ ပေးနေပြီဖြစ်ကြောင်း မြန်မာ အလုပ်သမားများက ပြောပြသည်။
မဲဆောက်မြို့ အခြေစိုက် ရောင်ခြည်ဦး အလုပ်သမား အဖွဲ့မှ ဦးမိုးဆွေက “တနေ့ လုပ်အားခ ၃၀၀ တရားဝင် သတ်မှတ် လိုက်ပေမယ့် ဒီမဲဆောက်မှာတော့ မရဘူး၊ ကျန်တဲ့ တခြား ဘန်ကောက်တို့လို တချို့ဒေသတွေမှာတော့ ရတယ်လို့ ကြားတယ်” ဟု ဧရာဝတီသို့ ပြောသည်။
မဲဆောက်မြို့နယ် အတွင်း လုပ်လုပ်ကိုင်နေသည့် မြန်မာနိုင်ငံသားများကို ထိုင်းလုပ်ငန်းရှင် များက ဘတ် ၃၀၀ မပေးသော်လည်း ယခင် တနေ့ ၁၀၀ ပေးနေသော အလုပ်သမားများကို ၁၇၀ အထိ တိုးပေးလာကြောင်း ၎င်းက ဆိုသည်။
“လက်မှတ်တွေရှိတဲ့ အလုပ်သမားတွေ အများစုက သူတို့ မဲဆောက်မှာ မနေတော့ဘူး။ အထူးသဖြင့် (ယာယီ) ပတ်စ်ပို့တွေ ရှိတဲ့ အလုပ်သမားတွေက ဒီမှာနေပြီးတော့ ၁၇၀၊ ၁၈၀ နဲ့ဆို သူတို့လည်း ဘယ်လိုမှ မလုပ်နိုင်တော့ ဘန်ကောက် တက်ကြတယ်၊ အခုလည်း တက်နေကြတယ်။ အဲဒီတော့ မဲဆောက်မှာ တရားမ၀င် အလုပ်သမား ပိုများလာမယ်။ အစိုးရက ဘယ်လောက်ပဲ ခြိမ်းခြောက် ခြိမ်းခြောက် အလုပ်ရှင်တွေနဲ့ နယ်မြေခံ အာဏာပိုင်တွေနဲ့ ပေါင်းပြီးတော့ တရားမ၀င် အလုပ်သမား ငှားရမ်မှုတွေ ပိုပြီးတော့ များလာမယ်။ တရားမ၀င် ခိုးပြီးတော့ ဘန်ကောက်ကို တက်တဲ့လူတွေကလည်း များလာမယ်။ များလာတဲ့အပေါ်မှာ အလုပ်သမား အခွင့်အရေး ချိုးဖောက်မှုတွေ၊ လူ့အခွင့်အရေး ချိုးဖောက်မှုတွေ ပိုပြီးများလာမယ့် အနေအထားရှိတယ်” ဟု ဦးမိုးဆွေက ဆက်ပြောသည်။
Ref: ဧရာဝတီ
အလုပ်သမားအခွင့်အရေး အပြည့်အဝ ရရှိဖို့တောင်းဆို
2013-01-08
ရန်ကုန်တိုင်း၊ လှိုင်သာယာမြို့နယ် စက်မှုဇုန်(၄)မှာရှိတဲ့ ထိပ်တန်းမြန်မာ အထည်ချုပ် စက်ရုံနဲ့ နယူးဒေး အထည်ချုပ် စက်ရုံက အလုပ် သမားတွေဟာ အလုပ်သမား ရပိုင်ခွင့်တွေ အပြည့်အဝ ရရှိဖို့ အတွက် လှိုင်သာယာ မြို့နယ် အလုပ်သမား ရုံးမှာ အလုပ်သမား ခေါင်းဆောင်တွေ မနေ့က သွားရောက်တောင်းဆို ခဲ့ကြပါတယ်။
ထိပ်တန်းမြန်မာ အထည်ချုပ်စက်ရုံက အလုပ်သမား (၇၀၀) ကျော် အလုပ်သမားအခွင့်အရေးတွေ အပြည့် အဝ ရရှိဖို့ မြို့နယ် အလုပ်သမား ရုံးထံ စာရေးသား တင်ပြတောင်းဆို ခဲ့တဲ့ ခေါင်းဆောင် သုံးဦးကို မကြာခင်ရက်ပိုင်း ကပဲ စက်ရုံက အလုပ် ထုတ်လိုက်ပြီး၊ တခြား အလုပ်သမား (၁၈) ဦးကိုလည်း နေရာပြောင်းရွှေ့ခဲ့ပါတယ်။
ဒီအတွက် အလုပ်ထုတ်ရတဲ့ အလုပ်သမားတွေနဲ့ ပြောင်းရွှေ့ခံရတဲ့ အလုပ်သမား (၂၀) ကျော်ဟာ လုပ်ငန်းခွင် မဝင်ဘဲ အလုပ်သမား ရုံးမှာ သွားရောက်တောင်းဆို ခဲ့ကြတာဖြစ်ပါတယ်။
ဒါပေမဲ့ အလုပ်သမားတွေရဲ့တောင်းဆိုမှုကို အလုပ်ရှင်ဘက်က မလိုက်လျောနိုင်ကြောင်း ပြောကြား ခဲ့တယ်လို့ နေရာပြောင်းရွှေ့ ခံရသူ အလုပ်သမ တစ်ဦးဖြစ်တဲ့ မအိရွှေစင်က RFA ကို ပြောပါတယ်။
" စက်ရုံထဲမဝင်တာက ၃ ရက်နေ့ကစပြီး ယနေ့အချိန်ထိပေါ့၊ သူတို့ထုတ်လိုက်တာက ၃ ယောက် ပြောင်းရွှေ့ ခံရတာက ၁၈ ယောက် ဆိုတော့ အားလုံး ၂၁ ယောက်ပေါ့၊ ညှိနှိုင်းနေတဲ့ အခြေအနေ ကတော့ ဘာမှကို မပြေလည်သေးဘူး၊ ကျွန်မတို့တောင်းဆို တာက ပြောင်းရွှေ့ခံရတဲ့ ၁၈ ယောက်ကို အရင် အတိုင်းပဲ ပြန်လုပ်ခွင့်ပေးပါ၊ အငြင်းပွားနေတဲ့ ကာလကို လစာ လုံးဝ မဖြတ်ပါနဲ့ ဆိုတဲ့ နှစ်ချက်ပဲ တောင်းဆိုတာ၊ အဲ့ဒါကို စက်ရုံဘက်က လုံးဝ မလိုက်လျောပေးနိုင်ဘူးလို့ ပြောတယ်၊ စက်ရုံမှာ အလုပ်လုပ်တာ ၂ နှစ် ရှိသွားပြီ လူမှုဖူလုံရေး ဆိုတာလည်း မရှိဘူး၊ တစ်ရက် ပျက်ရင်လည်း တစ်သောင်းဖြတ်ထားတယ်"
အလုပ်ထုတ်ခံရတဲ့ မပပလင်း၊ မမြင့်မြင့်စန်းနဲ့ မအေးသူဇာတို့ သုံးဦးကို အလုပ်ရှင်ဘက်က နစ်နာကြေး အဖြစ် ကျပ်ငွေ တစ်သိန်း တစ်သောင်းသာ ပေးခဲ့တယ်လို့ သိရပါတယ်။
အလားတူ နယူးဒေး အထည်ချုပ်စက်ရုံမှာလည်း တနင်္လာနေ့က စပြီး အလုပ်သမားအခွင့်အရေး အပြည့် အဝ ရရှိဖို့တောင်းဆို ကြတဲ့ အလုပ်သမား (၄၀) ကို အလုပ်ရှင်က စက်ရုံ အပြင် ထွက်ခိုင်းတဲ့ အတွက် အလုပ်သမား တွေက လှိုင်သာယာ မြို့နယ်ရုံးကို သွားရောက် တိုင်ကြားခဲ့ပါတယ်။
မနေ့ကလည်း အဲဒီအလုပ်သမား (၄၀) ကို အလုပ်ရှင်က လုပ်ငန်းခွင်ထဲ အဝင်မခံတဲ့ အတွက် စက်ရုံရှေ့မှာ နေခဲ့ရတယ်လို့ သိရပါတယ်။
Ref: RFA News
AAPP အဖွဲ့ ၈၈ မျိုးဆက်ကျောင်းသားတွေနဲ့ တွေ့ဆုံ
2013-01-07
ရန်ကုန်မြို့ကို ရောက်ရှိနေတဲ့ AAPP နိုင်ငံရေး အကျဉ်းသားများ ကူညီစောင့်ရှောက်ရေး အဖွဲ့က ဦးတိတ်နိုင်နဲ့ ဦးဘိုကြည် တို့ဟာ မနေ့ နေ့လည်ပိုင်းက ဦးမင်းကိုနိုင် ဦးဆောင်တဲ့ ၈၈မျိုးဆက်ကျောင်းသားများ အဖွဲ့နဲ့ တွေ့ဆုံဆွေးနွေး ခဲ့ကြပါတယ်။
အကျဉ်းထောင်တွေထဲမှာ ကျန်ရှိနေဆဲဖြစ်တဲ့ နိုင်ငံရေးအကျဉ်းသားစာရင်းပြုစုရေး၊ နိုင်ငံရေး အကျဉ်သား ဆိုတဲ့ ဝေါဟာရ အဓိပ္ပါယ် ဖွင့်ဆိုချက်ကို အစိုးရနဲ့ နိုင်ငံ့အရေးဆောင်ရွက် သူတွေကြား အနီးစပ်ဆုံး တူညီအောင် ဖွင့်ဆိုနိုင်ရေးနဲ့ အကျဉ်းသားဟောင်းများ ဘဝပြန်လည် ထူထောင်ရေး ဆိုတဲ့ အချက် ၃ချက်ကို အဓိကထားဆွေးနွေး ခဲ့တယ်လို့ AAPP အတွင်းရေးမှုး ဦးတိတ်နိုင် က RFA ကို ပြောပါတယ်။
"အကျဉ်းထောင်ထဲမှာ နိုင်ငံရေးအကျဉ်းသား ၂၁၈ယောက် ကျန်နေသေးပါတယ်၊ ဒီ့အပြင် အခု တရားရင်ဆိုင်နေရတဲ့ သူတွေ၊ ကချင်ပြည်နယ်မှာ ဖမ်းထားတဲ့ လူတွေရော ဆိုရင် ၃၅ဝ၊ ၃၆ဝလောက်ရှိပါတယ်၊ ကျနော်တို့ စာရင်းနဲ့ ဒီနိုင်ငံရေး အကျဉ်းသားတွေရဲ့ စားရင်းပြုစုနေတဲ့ အဖွဲ့အစည်းတွေရဲ့ စာရင်းနဲ့ အနည်းငယ် ကွာဟမှုတွေ ရှိပါတယ်၊ ဒါကြောင့်မို့ ကျနော်တို့က နိုင်ငံရေး အကျဉ်းသား စာရင်းပြုစုနည်းကို ဘယ်လို လုပ်ကြမလဲဆိုတာ ဆွေးနွေးတယ်၊ အဲလိုဆွေးနွေးတဲ့ အခါ နိုင်ငံရေး အကျဉ်းသား ဆိုတဲ့ အဓိပ္ပာယ် ဖွင့်ဆိုချက် တူညီမှသာလျှင် ဒီဂဏန်းတွေလည်း လိုက်တူနိုင်တယ်လို့ စဉ်းစားတဲ့ အတွက် နိုင်ငံရေး အကျဉ်းသားတွေရဲ့ အဓိပ္ပာယ် ဖွင့်ဆိုချက်ကိုလည်း ဆွေးနွေးပါတယ်"
ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အဖွဲ့ AAPP အတွင်းရေးမှူး ဦးတိတ်နိုင်နဲ့ တွဲဘက် အတွင်းရေးမှူး ဦးဘိုကြည် တို့ဟာ မြန်မာနိုင်ငံကို ဇန်နဝါရီလ ၅ရက်နေ့က ရောက်ရှိ လာခဲ့ကြပါတယ်။
Ref: RFA News
ဂျော့ဆိုးရော့စ် SNLD အမှုဆောင်များနှင့် တွေ့ဆုံ
2013-01-08
မြန်မာနိုင်ငံကို ရောက်ရှိနေ တဲ့ ကမ္ဘာကျော် အမေရိကန် ငွေကြေး လုပ်ငန်းရှင် ဂျော့ဆိုးရောစ့်နဲ့ သူတည်ထောင် ထားတဲ့ Open Society Foudation က တာဝန် ရှိသူတွေဟာ ဦးခွန်ထွန်းဦး ဦးဆောင်တဲ့ ရှမ်းတိုင်းရင်းသား ဒီမိုကရေစီ အဖွဲ့ချုပ်SNLD ပါတီ အမှုဆောင်တွေနဲ့ မနေ့ မနက်ပိုင်းက ရန်ကုန်မြို့၊ ချက်ထရီယံ ဟိုတယ်မှာ တွေ့ဆုံဆွေးနွေး ခဲ့ပါတယ်။
ဆွေးနွေးရာမှာ ရှမ်းပြည်နယ်အတွင်း နယ်မြေအေးချမ်းမှုအခြေအနေ၊ အစိုးရရဲ့ ငြိမ်းချမ်းရေးမူဝါဒ၊ တိုင်းရင်းသား အခွင့်ရေး အခြေ အနေတွေနဲ့ ပတ်သက်ပြီး ဆွေးနွေးခဲ့ကြတယ်လို့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် ဥက္ကဌ ဦးခွန်ထွန်းဦးက RFA ကို ပြောပါတယ်။
"အဓိကကတော့ ရှမ်းပါတီဖြစ်တဲ့အတွက် ရှမ်းပြည်နယ်မှာဖြစ်တဲ့ ငြိမ်းချမ်းရေး အခြေအနေတွေကို အဓိကဆွေးနွေး တာပေါ့ အစိုးရရဲ့ ငြိမ်းချမ်းရေး မူဝါဒက ရှမ်းပြည်နယ်မှာက သိပ်တော့ မသည်းကွဲသေးဘူးပေါ့၊ တချို့တွေကို ပြည်သူ့စစ် အနေနဲ့ထားတယ်၊ တချို့တွေကို တိုက်နေတယ်၊ ငြိမ်းချမ်းရေး လက်မှတ် ထိုးပြီးမှ တိုက်နေတာလည်း မနည်းတော့ဘူး၊ ဝ ကျတော့ နယ်မြေလည်းပေးထားတယ်၊ စီးပွားရေး လုပ်ပိုင်ခွင့်တွေလည်း ပေးထားတယ်"
ဒါ့အပြင် ရှမ်းတိုင်းရင်းသားများဒီမိုကရေစီအဖွဲ့ချုပ် SNLD က ဦးဆောင်ပြီး ယုံကြည်မှုအတွက် ငြိမ်းချမ်းရေး တည်ဆောက်ခြင်း ခေါင်းစဉ်နဲ့ ဒုတိယ အကြိမ်မြောက် ကျင်းပမယ့် ရှမ်းတိုင်းရင်းသားတွေရဲ့ ညီလာခံမှာ၊ ရှမ်းပြည်နယ် အတွင်းမှာရှိကြတဲ့ တိုင်းရင်းသား အင်အားစုပေါင်းစုံ ပါဝင်မှာဖြစ်ကြောင်း၊ တိုင်းရင်းသားတွေအတွက် တည်မြဲတဲ့ငြိမ်းချမ်းရေး ရရှိဖို့လိုကြောင်း SNLD ပါတီက တင်ပြခဲ့တယ်လို့ သိရပါတယ်။
မြန်မာ့ဒီမိုကရေစီရေးအတွက် ၁၉၉၄ခုနစ်ကတည်းက ကူညီထောက်ပံ့ပေးလာခဲ့တဲ့ မစ္စတာ ဂျော့ဆိုးရော့စ်နဲ့ အဖွဲ့ဟာ ဒီကနေ့ ကိုမင်းကိုနိုင်၊ ကိုကိုကြီး အစရှိတဲ့ ၈၈ မျိုးဆက် ကျောင်းသားတွေနဲ့ တွေ့ဆုံမယ်လို့ သိရပါတယ်။
Ref: RFA News
UNFC နှင့် အစိုးရ ငြိမ်းအဖွဲ့တို့ ဇန်နဝါရီ ဒုတိယ အပတ်ထဲ ပြန်လည်တွေ့ဆုံဖွယ် ရှိ
ဖနိဒါ
အင်္ဂါနေ့၊ ဇန်နဝါရီလ ၀၈ ရက် ၂၀၁၃
ချင်းမိုင်(မဇ္စျိမ)။ ။ ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့နှင့် ညီညွတ်သော တိုင်းရင်းသား လူမျိုးများ ဖယ်ဒရယ်ကောင်စီ UNFC တို့ ယခုလအတွင်း တွေ့ဆုံဖွယ်ရှိသည်ဟု မကြာမီက သမ္မတ ဦးသိန်းစိန်နှင့် တွေ့ဆုံခဲ့သော ကရင်အမျိုးသား အစည်းအရုံး KNU မှ တွဲဘက် အတွင်းရေးမှုး (၂) ပဒိုမန်းမန်း က ပြောသည်။
KNU ဥက္ကဋ္ဌ ဗိုလ်ချုပ်ကြီး မူတူးစေးဖိုး အပါအဝင် ခေါင်းဆောင် ငါးဦးတို့သည် ဇန်နဝါရီလ ၅ ရက်နှင့် ၆ ရက်နေ့ များက သမ္မတ ဦးသိန်းစိန်နှင့် ကာကွယ်ရေး ဦးစီးချုပ် ဒု-ဗိုလ်ချုပ်မှူးကြီး မင်းအောင်လှိုင် တို့နှင့် နေပြည်တော်တွင် တွေ့ဆုံခဲ့ကြခြင်း ဖြစ်သည်။
“နိုင်ငံရေး ဆွေးနွေးတဲ့အချိန်မှာလည်း တဖွဲ့ချင်းမဟုတ်ဘဲ UNFC နဲ့ တွေ့ဆုံဖို့ ကျနော် ညွန်းပြတယ်။ အဲဒီအပေါ်မှာ ဒီလ အတွင်းမှာ UNFC နဲ့ တွေ့နိုင်ဖွယ်ရာ အလားအလာရှိပါတယ်။ မြန်မာအစိုးရ ငြိမ်းချမ်းရေးဖော်ဆောင်ရေး ကော်မတီနဲ့ပေါ့။ ဦးအောင်မင်း ပြောဆိုချက် အရပေါ့” ဟု ပဒိုမန်းမန်း က ပြောသည်။
ထိုသို့တွေ့ဆုံရာတွင် အပစ်အခတ် ရပ်စဲရေး ခိုင်မာရန်၊ နိုင်ငံရေးအဆင့် ဆွေးနွေးရန်နှင့် ကချင် လွတ်လပ်ရေး အဖွဲ့ KIO နှင့် ဖြစ်ပွားနေသော တိုက်ပွဲများ ရပ်ဆိုင်းရေး တို့ကို ဆွေးနွေးခဲ့ကြ သည်။
KIO နှင့် တိုက်ခိုက်နေခြင်းသည် ငြိမ်းချမ်းရေးအတွက် အဟန့်အတား ဖြစ်စေနိုင်ကြောင်း KNU ခေါင်းဆောင် များက ထောက်ပြ ပြောဆို ခဲ့သည်ဟု ပဒိုမန်းမန်းက မဇ္စျိမကို ပြောသည်။
သမ္မတ ဦးသိန်းစိန် က လက်နက်ကိုင် အဖွဲ့အစည်းများအနေဖြင့် နိုင်ငံရေး ဆွေးနွေးမည်ဆိုပါက လွှတ်တော် အတွင်း ဝင်ရောက်ပြီး ဖွဲ့စည်းပုံ အခြေခံ ဥပဒေအား ပြင်ဆင်ရေး ကိစ္စကို ထပ်လောင်း ပြောဆိုခဲ့သည်ဟု သိရသည်။
ဒု-ဗိုလ်ချုပ်မှူးကြီး မင်းအောင်လှိုင်ကလည်း တိုင်းရင်းသားအဖွဲ့အစည်းများနှင့် ငြိမ်းချမ်ရေးနှင့် အပစ်အခတ် ရပ်စဲရေးမှာ ၇၅ ရာခိုင်နှုန်း အောင်မြင်မှု ရရှိနေပြီ ဖြစ်ကြောင်းနှင့် ရာနှုန်းပြည့် အောင်မြင်ရေး ဆက်လက် ဆောင်ရွက်နေသည်ဟု ပြောဆိုခဲ့သည်ဟု ပဒိုမန်းမန်း က ပြောသည်။
အစိုးရအနေဖြင့် စစ်မှန်သည့် အပစ်အခတ် ရပ်စဲရေးခိုင်မာပါမှ နိုင်ငံရေးဆွေးနွေးမည့်အဆင့်သို့ ရောက်ရှိနိုင်မည် ဖြစ်ပြီး ထိုနိုင်ငံရေးဆွေးနွေးမှု မပေါ်ပေါက်နိုင်ပါက အပစ်အခတ် ရပ်စဲရေး သည်လည်း ခိုင်မာမည် မဟုတ်ကြောင်း ပဒိုမန်းမန်းက သုံးသပ်သည်။
ဇန်နဝါရီလ ၇ ရက်နေ့က ထိုင်းနိုင်ငံ၊ ချင်းမိုင်မြို့တနေရာတွင် ကျင်းပနေသော UNFC ၏ ၂ နှစ်ပြည့် နှစ်ပတ်လည် အစည်းအဝေး ကျင်းပပြီးနောက် အစိုးရ ငြိမ်းချမ်းရေး အဖွဲ့နှင့် တွေ့ဆုံနိုင်ဖွယ် ရှိသည်ဟုလည်း သူက မဇ္စျိမကို ပြောသည်။
ထိုနှစ်ပတ်လည် အစည်းအဝေးတွင် အစိုးရနှင့် အပစ်အခတ် ရပ်စဲထားသည့် တွေ့ဆုံဆွေးနွေးမှု အခြေအနေ များကို UNFC အထွေထွေ အတွင်းရေးမှူး၏ အစီရင်ခံစာနှင့် တဖွဲ့ချင်း အစီရင်ခံစာများကို တင်ပြဆွေးနွေးနေသည်ဟု UNFC တွဲဘက် အတွင်းရေးမှူး ဗိုလ်မှူးကြီး ခွန်ဥက္ကာ က ပြောသည်။
“နိုင်ငံရေးအရ တွေ့ဆုံဆွေးနွေးမှု ပြန်ရောက်အောင် ဘယ်လို ပုံစံနဲ့ ဘယ်လို အခင်းအကျဉ်း လုပ်မလဲဆိုတာတွေ၊ ကချင် ကိစ္စက အဓိက ပါတယ်။ ကချင်နဲ့ အပစ်မရပ်ဘဲ နိုင်ငံရေးဆွေးနွေးပွဲကို ခေါ်ဖို့ မဖြစ်သင့်ဘူး။ ကချင်ကိစ္စ မရပ်ဘဲ နိုင်ငံရေး ဆွေးနွေးပွဲက ကြည့်လို့ မကောင်းဘူး။ ကချင်နဲ့ အပစ်ရပ်ရေးကိုဘဲ နည်းလမ်းပေါင်းစုံ ရှာကြတာပေါ့” ဟု ဆိုသည်။
KIO နှင့် ဖြစ်ပွားနေသော ပဋိပက္ခများ ရပ်ဆိုင်းရန်အတွင်း တဖွဲ့ချင်း ဝိုင်းဝန်းတာဝန်ယူကြရန် မတူညီသော နည်းလမ်းများဖြင့် ဆက်လက် လုပ်ဆောင်သွားမည် ဖြစ်ကြောင်းလည်း ၎င်းက မဇ္စျိမကို ပြောသည်။
ထိုအစည်းအဝေးတွင် UNFC ဥက္ကဋ္ဌဖြစ်သည့် KIO မှ ဒု-ဗိုလ်ချုပ်ကြီး အင်ဘန်လ၊ ကရင်နီ အမျိုးသား တိုးတက်ရေး ပါတီ KNPP ဒု-ဥက္ကဋ္ဌ အေဘယ်တွိ ဦးဆောင်သော အဖွဲ့များ၊ KNU မှ ပဒိုဒေးဗစ်သာကဘော ဦးဆောင်သော အဖွဲ့များ၊ မွန်ပြည်သစ် ပါတီ NMSP မှ အတွင်းရေးမှူး နိုင်ဟံသာ၊ ရှမ်းပြည် တိုးတက်ရေးပါတီ SSPP မှ ခေါင်းဆောင် နှစ်ဦးတို့ အပါအဝင် စုစုပေါင်း ၄၅ ဦး တက်ရောက်နေသည်ဟု သိရသည်။
ချင်းအမျိုးသားတပ်ဦး CNF မှာမူ ၎င်းတို့၏ ဗဟိုကော်မတီ အစည်းအဝေး ကြိုတင် ကျင်းပရန် စီစဉ် ထားသဖြင့် အစည်းအဝေး ကို မတက်ရောက်နိုင်ကြောင်း ခွင့်တောင်းစာ တင်ခဲ့သည်ဟု ဦးခွန်ဥက္ကာ က ပြောသည်။
Ref: မဇ္ဈိမ
Tuesday, January 8, 2013
NLD ရဲ့ နိုင်ငံလုံးဆိုင်ရာ ပါတီညီလာခံ ကျင်းပမည်
2013-01-07
လာမယ့်ဖေဖေါ်ဝါရီလ နောက်ဆုံးပတ်အတွင်းမှာ အမျိုးသားဒီမိုကရေစီအဖွဲ့ချုပ် NLD ပါတီရဲ့ နိုင်ငံလုံး ဆိုင်ရာ ညီလာခံ ကျင်းပသွားမယ် လို့ ပြောခွင့်ရပုဂ္ဂိုလ် ဦးအုန်းကြိုင်က RFA ကို အတည်ပြုပြောပါတယ်။
အဲဒီညီလာခံကို တနိုင်ငံလုံးက အမျိုးသားဒီမိုကရေစီအဖွဲ့ချုပ် ကိုယ်စားလှယ် စုစုပေါင်း ၁၃ဝဝ လောက် တက်ရောက် ကြမယ်လို့ ခန့်မှန်း ထားပြီး၊ ညီလာခံကနေ လာမယ့် ၂ဝ၁၅ခုနှစ် ရွေးကောက်ပွဲနဲ့ ပတ်သက်တဲ့ ကြိုတင်ပြင်ဆင်မှုတွေ ကိုလည်း ဆွေးနွေး သွားမယ်လို့လည်း သိရှိရပါတယ်။
လတ်တလောမှာတော့ ညီလာခံကျင်းပဖို့အတွက် ဆွေးနွေးနေဆဲဖြစ်တာကြောင့် ညီလာခံ ကျင်းပမယ့် နေရာ အတိအကျနဲ့ ရက်ကိုတော့ ထုတ်ပြန်နိုင်ခြင်း မရှိသေးဘူးလို့ ဦးအုန်းကြိုင်က ပြောပါတယ်။
ပြီးခဲ့တဲ့ ၂ဝ၁၂ခုနှစ် ကြားဖြတ်ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ်က ကိုယ်စားလှယ် ၄၂ အနိုင် ရခဲ့ပါတယ်။
Ref: RFA News
စစ်သုံ့ပန်းတဦး လိုင်ဇာတွင် ထပ်မံ သေဆုံး
လဖိုင်
January 7, 2013
ကချင်လွတ်မြောက်ရေးအဖွဲ့ ဌာနချုပ် လိုင်ဇာဆေးရုံတွင် ဆေးကုသမူ ခံယူနေသည့် မြန်မာ့ တပ်မတော်သား နောက်တဦး ဇန်န၀ါရီလ ၅ ရက်နေ့က ကွယ်လွန် သွားကြောင်း သိရသည်။
သေဆုံးသွားသူမှာ ဒု-တပ်ကြပ် ရဲဇော်ဟု စုံစမ်းသိရှိရပြီး ၂၀၁၂ ဒီဇင်ဘာလ ၁၄-၁၅ ရက်တွင် ဖြစ်ပွားခဲ့သည့် လဂျားယန် တိုက်ပွဲတွင် ကျန်ရစ်ခဲ့သူ ၇ ဦး အနက်မှ တဦးဖြစ်သည်။
ဒီဇင်ဘာ ၁၆ ရက်နေ့ကလည်း ၁၆ နှစ်အရွယ် အောင်အောင် အမည်ရှိ တပ်သားတဦး ဒဏ်ရာပြင်းထန် သဖြင့် ကွယ်လွန် သွားခဲ့သည်။
ယခုထပ်မံ သေဆုံးသူမှာ ဒီဇင်ဘာ ၁၆ ရက်နေ့တွင် လိုင်ဇာပြည်သူ့ဆေးရုံသို့ ဒဏ်ရာ များဖြင့် ဆေးရုံသို့ ရောက်ရှိ လာခဲ့ကြောင်း ဆေးရုံ တာဝန်ရှိသူ တဦးက ဧရာဝတီသို့ ပြောဆိုသည်။
“ ဒီဇင်ဘာ ၁၇ ရက်နေ့မှာ ခွဲစိတ်ပါတယ်။ အူမကြီး၊ ရင်ခေါင်းက အစအနတွေ ထုတ်ပါတယ်” ဟု ဆေးရုံ တာဝန်ခံက ဆိုသည်။ ဒဏ်ရာပြင်းထန် သဖြင့် ၀မ်းဗိုက် တခုလုံးဖောယောင်ကာ အစာ မစားနိုင်သဖြင့် အရည်သာ တောက်လျောက် စားသုံး ခဲ့ရကြောင်းလည်း ဆိုသည်။ “ စကားတောင် မပြောနိုင်လို့ စာရေးပြီး ပြောရပါတယ် ” ဟု ဆေးရုံ တာဝန်ခံက ပြောသည်။
သေဆုံးသူများကို ဒုက္ခသည်များ နာရေးဆောင်ရွက်ပေးသည့်အဖွဲ့က မြုပ်နှံပေးခဲ့ကြောင်း သိရသည်။
ဆေးရုံသို့တက်ရောက်နေသည့် အခြားတပ်မတော်သားတဦးမှာ ခြေထောက်တွင် စတီးချောင်း ထည့်သွင်း ထားပြီး အခြေအနေ ကောင်းမွန်လျက်ရှိပြီး လဂျားယန် တိုက်ပွဲတွင် ကျောင်းသား တပ်မတော်က ခေါ်ယူလာသည့် စစ်မြေပြင်တွင် ကျန်ရစ်သည့် မြန်မာ့ တပ်မတော်သား ၄ ဦးမှာလည်း အခြေအနေကောင်းမွန်လျက် ရှိကြောင်း ကျောင်းသား တပ်မတော်က ပြောသည်။
လိုင်ဇာတွင် စစ်သုံ့ပန်းအဖြစ် ဖမ်းဆီးထားသော မြန်မာ့တပ်မတော်သားများ၊ ရဲဝန်ထမ်းများ၊ ကလေး စစ်သားများ ၃၀ ကျော်ကာ မြန်မာ အစိုးရဘက်သို့ ပြန်လည် လွဲပြောင်းပေးရန် ၈၈ မျိုးဆက်ကျောင်းသား များမှ တဆင့် ကေအိုင်အေက ကြိုးပမ်းလျက် ရှိပြီး အစိုးရ ကလည်း ခေါ်ယူရန် လိုအပ်သည်များ ဆက်လက်ဆောင်ရွက်လျက် ရှိသည်ဟု ဇန်န၀ါရီလ ၅ ရက်နေ့က ထုတ်ပြန်ခဲ့သည်။
မကြာမီက လိုင်ဇာသို့သွားရောက်ခဲ့သည့် ၈၈ မျိုးဆက်ကျောင်းသားများအဖွဲ့မှ ဦးမြအေးက “ကေအိုင်အေဘက်က ဒီ သုံ့ပန်းတွေကို ပြန်အပ်ချင်တယ် ဆိုတာ တိတိပပ ပြောပါတယ်” ဟု ဧရာဝတီသို့ ပြောဆိုသည်။
မြန်မာ့တပ်မတော်သားများအပါအ၀င် ရဲတပ်သားများ စသည့် သုံ့ပန်းများကို ပြန်ခေါ်သွားရန် သက်ဆိုင်ရာ အစိုးရ တာဝန်ရှိသူ များကိုလည်း အကြောင်းကြား ဆက်သွယ် ခဲ့ကြောင်း တပါတည်း ပြန်ခေါ်လာရေး အဆင်မပြေခဲ့၍ ခေါ်မလာနိုင်ခဲ့ကြောင်းလည်း ဦးမြအေးက ဆိုသည်။
Ref: ဧရာဝတီ
UNFC ညီလာခံမှာ ကချင်ပြည်နယ်အရေး အလေးထားဆွေးနွေးမည်
2013-01-07
အစိုးရနဲ့ အပစ်အခတ်ရပ်စဲထားတဲ့ တိုင်းရင်းသားလက်နက်ကိုင်အဖွဲ့တွေ နဲ့ အပစ်အခတ် မရပ်စဲ ရသေးတဲ့ တိုင်းရင်းသား လက်နက်ကိုင် အဖွဲ့တွေ ပါဝင် ဖွဲ့စည်းထားတဲ့ ညီညွှတ်သော တိုင်းရင်းသား လူမျိုးများ ဖယ်ဒရယ်ကောင်စီ UNFC ရဲ့ ဒုတိယ အကြိမ်မြောက် နှစ်ပတ်လည် အစည်းအဝေးကို ဒီကနေ့ ဇန်န၀ါရီလ ၇ရက်နေ့ ကနေ ၁၁ရက်နေ့ထိ ၄ရက်ကြာ ထုိုင်းနိုင်ငံ ချင်းမုိုင်မြို့မှာ ကျင်းပနေ ပါတယ်။
ဒီအစည်းအဝေးမှာ ကချင်ပြည်နယ် အရေးကိစ္စ အပါအ၀င် UNFC အဖွဲ့ရဲ့ လုပ်ငန်းစဉ်တွေ၊ အစိုးရနဲ့ UNFC တို့ တွေ့ဆုံဆွေးနွေးနေမှု အခြေအနေတွေကို အဓိကထား ဆွေးနွေး သွားကြဖို့ရှိတယ်လို့ UNFC အဖွဲ့ အတွင်းရေးမှူး ၂ ဦးခွန်ဥက္ကာ က RFA ကို ပြောပါတယ်။
အခုကျင်းပနေတဲ့ အစည်းအဝေးကို UNFC ဥက္ကဌ ကချင်ပြည်လွတ်လပ်ရေးအဖွဲ့ KIO က ဒုတိယ ဗိုလ်ချူပ်ကြီး အင်ဘန်လ၊ ကရင်နီ အမျိုးသား တိုးတက်ရေးပါတီ KNPP ကခေါင်းဆောင်တစ်ဦးဖြစ်သူ အေဘယ်တွိ၊ ကရင်အမျိုးသား အစည်းအရုံး KNU က ခေါင်းဆောင် တစ်ဦးဖြစ်သူ ပဒိုစောဒေးဗစ်သကဘော၊ မွန်ပြည်သစ်ပါတီ NMSP ကခေါင်းဆောင် နိုင်ဟံသာ တို့ အပါအ၀င် အဖွဲ့အစည်း အသီးသီးက ခေါင်းဆောင် ၄၅ဦး တက်ရောက်နေတယ်လို့သိရပါတယ်။
UNFC အဖွဲ့ဝင် ၁၁ ဖွဲ့မှာ ချင်းအမျိုးသားတပ်ဦးCNF ၊ ကချင်ပြည်လွတ်လပ်ရေးအဖွဲ့KIO၊ ရှမ်းပြည် တိုးတက်ရေး ပါတီ SSPP၊ ကရင်နီ အမျိုးသား တိုးတက်ရေး ပါတီ KNPP၊ ကရင် အမျိုးသား အစည်းအရုံး KNU၊ မွန်ပြည်သစ် ပါတီ NMSP စတဲ့အဖွဲ့တွေ ပါဝင်ပြီး ၂၀၁၀ ခုနှစ် နိုဝင်ဘာလမှာ စတင် ဖွဲ့စည်းခဲ့တာ ဖြစ်ပါတယ်။
Ref: RFA News
အစိုးရတပ်များ လိုင်ဇာ တောင်ကုန်းတခုကို ဆက်လက် ထိုးစစ်ဆင်
လင်းသန့်
January 7, 2013
ကချင်လွတ်လပ်ရေး တပ်မတော် (KIA) နှင့် ကချင်လွတ်လပ်ရေးအဖွဲ့ (KIO) ဌာနချုပ် လိုင်ဇာအနီး ဖွန်းပျဉ်ဘွန် တောင်ကုန်း စခန်းကို အစိုးရ စစ်တပ်က အလုံးအရင်းဖြင့် ယနေ့ နေ့လယ် ၁၂ နာရီက စတင် ထိုးစစ်ဆင်နေကြောင်း သတင်း ရရှိသည်။
“တိုက်ပွဲက ၁၂ နာရီလောက်က ဖြစ်တယ်။ သူတို့ ဖွန်းပျဉ်ဘွန်ကို ထိုးနေတယ်” ဟု KIA နှင့် ပူးတွဲ တိုက်နေသည့် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မြောက်ပိုင်းမှ ဗိုလ်မှူး မင်းဌေးက ဧရာဝတီသို့ ပြောသည်။
ယမန်နေ့ကလည်း KIO/KIA ဌာနချုပ် တည်ရှိရာ လိုင်ဇာမြို့သို့ အစိုးရ စစ်တပ်က အမြောက် လက်နက်ကြီး များဖြင့် ပစ်ခတ်ခဲ့ ကြောင်းလည်း သူက ဆက်ပြောသည်။
“မနေ့က လိုင်ဇာကို လက်နက်ကြီး ၈ လုံး ပစ်တယ်။ မနက် ၉ နာရီကနေစပြီးမှ အမြောက်တပ်ကနေ ၁၀၅ မမ ၃ လက်ကို တပြိုင်တည်း ပစ်တာ ၃ လုံး တခါ၊ နောက် ၃ လုံး ပစ်တော့ ၆ လုံး။ သူတို့ ပြန်သိမ်းထားတဲ့ ပွိုင့် ၇၇၁ တောင်ကုန်းကနေ ၂ လုံး ပစ်တာ” ဟု ဗိုလ်မှူး မင်းဌေးက ဆိုသည်။
အဆိုပါ ပစ်ခတ်မှုများတွင် ထိခိုက်ဒဏ်ရာ ရသူမရှိကြောင်း၊ ပွိုင့် ၇၇၁ တောင်ကုန်းအား အစိုးရ စစ်တပ်က ပြန်လည် သိမ်းယူပြီးနောက်ပိုင်း လိုင်ဇာမြို့ အနီးရှိ အရေးပါသော တောင်ကုန်း စခန်းများကို သိမ်းပိုက်ရန် ယခုကဲ့သို့ ထိုးစစ် အပြင်းအထန် ဆင်နွှဲနေခြင်းဖြစ်ကြောင်း သိရသည်။
သမ္မတ ဦးသိန်းစိန်နှင့် သမ္မတရုံး ၀န်ကြီး ဦးအောင်မင်းတို့ကလည်း KIO/KIA ဌာနချုပ် လိုင်ဇာအား သိမ်းယူမည် မဟုတ်ကြောင်း မကြာသေးခင်က ပြောကြားချက်နှင့် ပတ်သက်၍ “သူတို့ ဒီလိုပြောတာဟာ စစ်ရေး နားမလည်တဲ့ ပြည်သူကို လိမ်ညာနေတယ်လို့ ပြောချင်တယ်။ သူတို့က လိုင်ဇာကို သိမ်းစရာ မလိုဘူးလေ။ လိုင်ဇာ ပတ်ပတ်လည်က တောင်ကုန်းတွေ အားလုံး သိမ်းလိုက်ရင် လိုင်ဇာဆိုတာ အလိုလို ကျပြီးသား ဖြစ်နေပြီပဲ။ လိုင်ဇာမြို့ကို သူတို့ ဘာသိမ်းယူစရာ အကြောင်းရှိမှာလဲ” ဟု ဗိုလ်မှူး မင်းဌေးက ဆိုသည်။
သို့အတွက် KIA နှင့် ABSDF (မြောက်ပိုင်း) တပ်ဖွဲ့ဝင်များက ပွိုင့် ၇၇၁ တောင်ကုန်းအောက်ခြေသို့ ဇန်န၀ါရီလ ၄ ရက်နေ့က တန်ပြန် ထိုးစစ် ဆင်ခဲ့ရာ ABSDF မှ တဦးကျဆုံးပြီး KIA ဘက်မှ ၃ ဦး ကျဆုံးခဲ့ကြောင်း သိရသည်။
ကာကွယ်ရေး ဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်ကမူ ကချင် လက်နက်ကိုင် အဖွဲ့များက စစ်ရေးနှင့် မသက်ဆိုင်သော ပစ်မှတ်များ၊ တရားဥပဒေ စိုးမိုးရေး ဆောင်ရွက်နေသော အစိုးရဌာနများ၊ မြန်မာနိုင်ငံ ရဲတပ်ဖွဲ့ တို့ကို တိုက်ခိုက်လာသဖြင့် တပ်မတော် အနေဖြင့် ပြည်သူများ၏ အသက် အိုးအိမ် လုံခြုံရေး ၊ လမ်းပန်းဆက်သွယ်မှု လုံခြုံ ချောမွေ့စေရေး၊ နယ်ေမြေဒေသ တည်ငြိမ်အေးချမ်းရေးတို့ အတွက် မိမိကိုယ်ကို ခုခံ ကာကွယ်မှုနှင့် စစ်ရေးအရ ပြန်လည် တုံ့ပြန်မှုများကို မလွဲသာ မရှောင်သာ ပြုလုပ်ခဲ့ခြင်း ဖြစ်ကြောင်း ကရင်အမျိုးသား အစည်းအရုံး (KNU) ခေါင်းဆောင်များနှင့် နေပြည်တော် တွင် တွေ့ဆုံစဉ် ပြောကြားသည်။
ထို့အပြင် ဒု ဗိုလ်ချုပ်ကြီး မင်းအောင်လှိုင်က လက်တွေ့ မြေပြင်ဖြစ်ရပ်များနှင့် သတင်းမီဒီယာများ ဖော်ပြမှုသည် ကွာဟနေသည့် အတွက် KNU ခေါင်းဆောင်များ အနေဖြင့်လည်း ကိုယ်တိုင် သွားရောက် လေ့လာနိုင်ပါကြောင်းလည်း ပြောကြားခဲ့သည်။
KIO / KIA နှင့် အပစ်အခတ်ရပ်စဲရေး သဘောတူညီမှုသည် ၂၀၁၁ ခုနှစ် ဇူလိုင်လက စတင် ကျိုးပေါက်ခဲ့ပြီး ယနေ့အထိ တိုင် ၁၈ လ ၀န်းကျင်ကြာ တိုက်ပွဲများ ဖြစ်ပွား လာမှုကြောင့် အပြစ်မဲ့ အရပ်သား ထိခိုက်သေဆုံးမှု၊ ဒဏ်ရာရမှု၊ အိုးအိမ် စွန့်ခွာ စစ်ပြေး ဒုက္ခသည်ဖြစ်မှုများ တိုးပွား လာနေသည်။
KIA မှ ပြောခွင့်ရ ပုဂ္ဂိုလ် ဦးလနန်က ကချင်ပြည်နယ်အတွင်း ဖြစ်ပွားနေသော စစ်ပွဲများ အဆုံးသတ်ရေး အတွက် မည်သူမဆို ကြားဝင်ဆောင်ရွက်ပေးပါရန် တိုက်တွန်း နှိုးဆော်ထားသည်။
အလားတူ ကချင်ပြည်နယ် ငြိမ်းချမ်းရေး အကျိုးဆောင်လည်းဖြစ်၊ စီးပွားရေးလုပ်ငန်းရှင် တဦးဖြစ်သူ ဦးယွပ်ဇော်ခေါင် ကလည်း ကချင်ပြည်နယ် အတွင်း စစ်ပွဲများ အရှိန်မြင့်လာမှု အဆုံးသတ် သွားစေရေး အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်အား ကြားဝင် ကူညီပေးပါရန် လွန်ခဲ့သည့် စနေနေ့က မေတ္တာရပ်ခံ တောင်းဆိုထားသည်။
သို့သော် ကချင်ပြည်နယ် စစ်ပွဲများ အဆုံးသတ်ရေး ကြားဝင်စေ့စပ်ရန်ကိစ္စမှာ အစိုးရ အပေါ်တွင် မူတည်ကြောင်း ယမန်နေ့က ရန်ကုန်မြို့တွင် ဒေါ်အောင်ဆန်းစုကြည်က ပြောခဲ့သည်။
ကချင်ဒေသတွင် အစိုးရတပ်က လေကြောင်းပစ်ကူ ထိုးစစ်များနှင့် စပ်လျဉ်း၍ AFP သတင်း ဌာနက မေးမြန်းခဲ့ရာ ဒေါ်အောင်ဆန်း စုကြည်က “ဒီကိစ္စက အစိုးရ အပေါ်ပဲ မူတည်ပါတယ်။ ဒီအချိန်မှာ အစိုးရက ဒီကိစ္စကို ကိုင်တွယ်နေပါတယ်” ဟု ဖြေကြားခဲ့သည်။
ကျယ်ကျယ်ပြန့်ပြန့် ချီးမွမ်းခံနေရသည့် မြန်မာနိုင်ငံ၏ ပြုပြင်ပြောင်းလဲမှုများ ပုံပေါ်လာစေရန် ပြည်တွင်းစစ်မီး အမြန်ဆုံး ရပ်စဲရေး၊ ငြိမ်းချမ်းရေး ဖော်ဆောင်ရေး လုပ်ငန်းစဉ်တွင် ကြားဝင်စေ့စပ်ရေးမှာ တရားဝင် ဖိတ်ကြားခံရမှု ရှိရန် လိုအပ်သည် ဟု ဒေါ်အောင်ဆန်းစုကြည်က ဆက်ပြောသည်။
မကြာသေးမီက ကချင်ပြည်နယ် လိုင်ဇာမြို့သို့ သွားရောက်ခဲ့ပြီး KIA စစ်ဘက်ခေါင်းဆောင် ဗိုလ်ချုပ် ဂွန်မော်နှင့် ၂ ကြိမ်တိုင် ဆွေးနွေးခဲ့သူ ၈၈ မျိုးဆက်ကျောင်းသား တဦးဖြစ်သည့် ဦးမြအေးက လတ်တလော ကချင်ပြည်နယ်တွင် စစ်ရှိန်ကို လျှော့ချနိုင်ရေး၊ ငြိမ်းချမ်းရေး ဆွေးနွေးပွဲများ ပြန်စနိုင်မည့် လမ်းစကို ရှာဖွေသည့် အနေဖြင့် ဆွေးနွေးခဲ့ရာ KIO/ KIA ဘက်က နိုင်ငံရေး ဆွေးနွေးပွဲများ လုပ်ဆောင်ရေးမူကို လက်ကိုင်ထားကြောင်း ဧရာဝတီသို့ ပြောသည်။
“လက်ရှိ အခြေအနေမှာ ဆွေးနွေးပွဲတွေ ပြန်စတင်ဖို့ဆိုရင် လက်ရှိ ဖြစ်ပေါ်နေတဲ့ စစ်ရှိန်ကို ချပေးဖို့ လိုမယ်။ နောက် နိုင်ငံရေး ဆွေးနွေးပွဲမျိုးဖြစ်လာဖို့ တိကျ ခိုင်မာတဲ့ အာမခံချက်ပေးဖို့ လိုမယ်။ ဒါဆိုရင် ဆွေးနွေးပွဲတွေ ပြန်ဖြစ်မှာပါ” ဟု သူက ဆက်ပြောသည်။
ဆွေးနွေးပွဲများ ပြန်လည်ဖြစ်ပေါ်လာပါက မြန်မာ့တပ်မတော်ဘက်မှ တာဝန်ရှိသူများ ပါသင့်သကဲ့သို့ KIA ဘက်ကလည်း စစ်ဘက်ခေါင်းဆောင် ဗိုလ်ချုပ် ဂွန်မော်လည်း တက်ရောက်ရေး တိုက်တွန်းခဲ့ကြောင်း၊ KIA တွင် ဖမ်းဆီး ထိမ်းသိမ်းထားသည့် သုံ့ပန်းများအရေး ဆွေးနွေးဖြစ်ကြောင်း ဦးမြအေးက ဆိုသည်။
Ref: ဧရာဝတီ
ငြိမ်းချမ်းရေး ကိစ္စ နောက်ကြောင်းပြန်မလှည့်ဟု KNU ပြော
ဇာနည်မာန်
January 7, 2013
လက်ရှိအစိုးရနှင့် ဆွေးနွေးပြောဆိုနေသော ငြိမ်းချမ်းရေးကိစ္စရပ်များတွင် နောက်ကြောင်းပြန်လှည့် လိမ့်မည် မဟုတ်ကြောင်း ကရင် အမျိုးသား အစည်းအရုံး (KNU) က ပြောဆိုလိုက်သည်။
“ကျနော်တို့ ကရင်လက်နက်ကိုင် တော်လှန်ရေးက နှစ်ပေါင်း ၆၀ ကျော် ကြာခဲ့ပြီ။ ကျနော်တို့ ကရင်ပြည်သူတွေ လည်း ထိခိုက်သေကြေ တာတွေ များလွန်းနေပြီ။ ဒီလိုအဖြစ်မျိုး အနာဂတ်မှာ မဖြစ်စေချင်တော့တဲ့အတွက် ကျနော်တို့ကတော့ ငြိမ်းချမ်းရေး အတွက် လုပ်နေတာတွေကို နောက်ကြောင်းပြန် လှည့်မှာ မဟုတ်ဘူး” ဟု ရန်ကုန်သို့ ရောက်နေသော KNU ဗဟို အလုပ်အမှုဆောင် အဖွဲ့ဝင် ပဒိုမန်းငြိမ်းမောင်က ပြောသည်။
KNU အထွေထွေ အတွင်းရေးမှူးချုပ် ပဒိုကွယ်ထူးဝင်းကလည်း လက်ရှိအခြေအနေတွင် ဆွေးနွေး လုပ်ဆောင်နေသည့် ငြိမ်းချမ်းရေး ဆွေးနွေးနေမှုများကို မပျက်ပြားစေလိုကြောင်း ပြောဆိုသည်။
“ကျနော်တို့ အနေနဲ့ကတော့ ဒီနေ့လုပ်နေတဲ့ ငြိမ်းချမ်းရေး လုပ်ငန်းတွေကို ဘယ်နည်းနဲ့မှ မပျက်ပြားစေချင်ဘူး။ ကျနော်တို့ ရွေးလိုက်တဲ့ ဒီလမ်းကို ကျေနပ်မှု ရှိတယ်။ ဘာလို့လဲ ဆိုတော့ ကျနော်တို့ ပြည်သူတွေ နစ်နာလွန်းလှပါပြီ။ နာကျင်မှု အနည်းဆုံး နည်းနဲ့ ကိုယ့် ရည်မှန်းချက်ကို ဖြစ်မြောက်အောင်ပဲ ကြိုးစား လုပ်ချင်ပါတယ်” ဟု သူက ဆက်ပြောသည်။
ထို့အတူ တိုင်းရင်းသား အဖွဲ့များနှင့် ငြိမ်းချမ်းရေး ပြောဆိုရာတွင် တဦးနှင့်တဦး ယုံကြည်မှု တည်ဆောက်ရန်နှင့် တဘက်နှင့် တဘက် သံသယများ ရှိနေသည်ကို ပြေလျော့စေရန်လည်း အရေးကြီးကြောင်း ပဒိုမန်းငြိမ်းမောင်က ဆိုသည်။
“နှစ်ပေါင်း ၆၀ ကျော်တောင် ဖြစ်ခဲ့တဲ့ အဖွဲ့ ၂ ခုအနေနဲ့ သံသယတွေကတော့ ပျောက်ဦးမှာ မဟုတ်ဘူး။ ယုံကြည်မှု ကလည်း အကန့်အသတ်နဲ့ပဲ ရှိနေအုံးမှာပဲ။ ဒါပေမယ့် ဒီလိုပဲ တဘက်နဲ့ တဘက် ယုံကြည်မှုကို တည်ဆောက် သွားဖို့၊ သံသယတွေ ဖြေလျှော့သွားဖို့ ကျနော်တို့ ဘက်ကတော့ ကြိုးစားပြီး လုပ်သွားမှာပါပဲ” ဟု သူက ပြောသည်။
ဗဟိုကော်မတီဝင် ပဒိုစောလှထွန်းကလည်း အကယ်၍ နှစ်ဘက်ယုံကြည်မှုကို မတည်ဆောက်နိုင်ဘဲ ငြိမ်းချမ်းရေး အတွက် လုပ်ဆောင်နေမှုများ ပျက်ပြား သွားမည် ဆိုပါက KNU အနေဖြင့် မူလလမ်းကြောင်းဖြစ်သည့် လက်နက်ကိုင် လမ်းစဉ် ကိုသာ ပြန်ရောက် သွားမည်ဖြစ်ကြောင်း ရှင်းပြသည်။
“ဒီလို အခြေအနေ ရောက်သွားခဲ့ရင် ကျနော်တို့ ပြည်သူတွေပဲ အထိနာမယ်။ ဒါကြောင့် ငြိမ်းချမ်းရေးအတွက် နောက်ပြန် မလှည့်တမ်း အဆုံးစွန် အထိ သွားမယ်လို့ ကျနော်တို့ ပြောတာဖြစ်တယ်” ဟု သူက ဆက်ပြောသည်။
စစ်အစိုးရကို တော်လှန်သော သက်တမ်းအရှည်ကြာဆုံး တိုင်းရင်းသား လက်နက်ကိုင် အဖွဲ့တခုဖြစ်သည့် KNU အနေဖြင့် နိုင်ငံရေး နည်းလမ်း တကျ ဖြေရှင်းသွားမည်ဖြစ်သော်လည်း ပါတီတခု အဖြစ် တည်ထောင် လှုပ်ရှား သွားလိမ့်မည် မဟုတ်ကြောင်း သိရသည်။
“နိုင်ငံရေးနည်းလမ်းအရ စားပွဲဝိုင်းမှာ ထိုင်ဆွေးနွေးတယ် ဆိုပေမယ့် KNU ပါတီ မထောင်ဘူး။ ၂၀၀၈ ဖွဲ့စည်းပုံ မပြင်သေးသရွေ့၊ ရှင်းရှင်းပြောရရင် KNU က ပါတီထောင်ပြီး နိုင်ငံရေး လုပ်သွားမှာ မဟုတ်ဘူး” ဟု ပဒိုကွယ်ထူးဝင်းက ပြောသည်။
KNU အဖွဲ့အတွင်း ဦးဆောင်သူများ အပြောင်းအလဲ ဖြစ်ခဲ့ပြီး မကြာမီတွင်ပင် သမ္မတ ဦးသိန်းစိန်က KNU မှ တာဝန် ရှိသူများကို နေပြည်တော်သို့ လာရောက်ရန် ဖိတ်ခေါ်မှုကြောင့် ဥက္ကဋ္ဌသစ် မူတူးစေးဖိုး၊ အထွေထွေ အတွင်းရေးမှူးချုပ် ပဒိုကွယ်ထူးဝင်း၊ ဗဟို အလုပ်အမှုဆောင် အဖွဲ့ဝင် ပဒိုမန်းငြိမ်းမောင်တို့ ပါဝင်သည့် အဖွဲ့မှာ နေပြည်တော်နှင့် ရန်ကုန်မြို့တို့သို့ ရောက်နေကြခြင်း ဖြစ်သည်။
၎င်းအဖွဲ့အနေနှင့် ယခုတကြိမ်လာရောက်ခြင်းသည် ပြောင်းလဲသွားသော ခေါင်းဆောင်များနှင့် သမ္မတ ဦးသိန်းစိန် အစိုးရကို မိတ်ဆက်သည့် သဘောသာဖြစ်ပြီး နှစ်ဘက် ငြိမ်းချမ်းရေး ဆွေးနွေးမှုများ သီးသန့် ပြောဆိုခဲ့ခြင်း မရှိကြောင်း ရန်ကုန်မြို့ ငြိမ်းချမ်းရေး စင်တာတွင် ယနေ့ပြုလုပ်သည့် KNU နှင့် ပြည်တွင်းရှိ ကရင်လူမှု အဖွဲ့အစည်းများ တွေ့ဆုံချိန်တွင် KNU တာဝန် ရှိသူများက ပြောဆို ခဲ့ခြင်းဖြစ်သည်။
သမ္မတ ဦးသိန်းစိန်၊ သမ္မတရုံးဝန်ကြီး ဦးအောင်မင်း၊ ကာကွယ်ရေးဝန်ကြီး ဒုတိယ ဗိုလ်ချုပ်ကြီး ဝေလွင်တို့နှင့် တွေ့ဆုံချိန်တွင် လက်ရှိ ကချင်ပြည်နယ်တွင်း ဖြစ်ပွားနေသော စစ်မက်များနှင့် ပတ်သက်ပြီးလည်း ပြောဆိုခဲ့သည်ဟု သိရသည်။
“ကချင်ကိစ္စ၊ ကချင်နဲ့ဖြစ်နေတဲ့ ကိစ္စကလည်း ကျနော်တို့ ကရင်နဲ့ ဆက်စပ်နေတယ်။ ကချင်နဲ့ စစ်ဖြစ်နေ တုန်းမှာ ကရင်နဲ့ ငြိမ်းချမ်းရေးပြောနေတယ်၊ ချင်းနဲ့ ငြိမ်းချမ်းရေး ပြောနေတယ်။ တကယ်လို့သာ တပြည်လုံး အပစ်အခတ် ရပ်စဲရေး တည်ဆောက်ချင်တယ် ဆိုရင် ကရင်နဲ့သာမက၊ ချင်းနဲ့သာမက ကချင်တွေနဲ့လည်း ညှိနှိုင်းရမယ်။ ဒါမှသာ တပြည်လုံး အတိုင်းအတာ ငြိမ်းချမ်းရေးရမယ်။ ငြိမ်းချမ်းရေးအတွက် အပစ်ရပ်မယ် ဆိုရင် တဖွဲ့တည်း၊ တဘက်တည်းက ရပ်လို့မရဘူး။ နှစ်ဘက်လုံးက ရပ်မှရမယ် ဆိုတာတွေကို သမ္မတ ဦးသိန်းစိန်၊ ၀န်ကြီးဦးအောင်မင်းတို့ကို ကျနော်တို့ ပြောခဲ့ပါတယ်” ဟု ပဒိုကွယ်ထူးဝင်းက ရှင်းပြသည်။
အနာဂတ်တွင် ပြုလုပ်မည့် ငြိမ်းချမ်းရေးစကားဝိုင်းများတွင် KNU ကို မတရားအသင်းအဖြစ် သတ်မှတ်ထားမှု ဖျက်သိမ်း ပေးရေး၊ KNU နှင့် ပတ်သက်မှုကြောင့် အကျဉ်းကျနေရသူများ အရေးတို့ကိုလည်း ထပ်မံ ထည့်သွင်း ဆွေးနွေးမှုများ ပြုလုပ်မည်ဖြစ်ကြောင်း သိရသည်။
၂၀၁၂ ခုနှစ် နှစ်ဆန်းပိုင်းတွင် အစိုးရအဖွဲ့များနှင့် KNU အဖွဲ့အကြား ငြိမ်းချမ်းရေး ဆွေးနွေးမှုများ စတင်ခဲ့ပြီး ထိုစဉ်က အဖွဲ့ ဥက္ကဋ္ဌ နော်စီ ဖိုးရာစိန်နှင့် အဖွဲ့တို့ ရန်ကုန်တွင် ပြည်ထောင်စု အဆင့် ဆွေးနွေးပွဲများ ပြုလုပ်နိုင်သည်အထိ ဆက်ဆံရေး တိုးတက်ခဲ့သည်။ KNU ၏ ဆက်ဆံရေး ရုံးခွဲကိုလည်း ၂၀၁၂ ခုနှစ် ဧပြီလတွင် ပဲခူးတိုင်း ကျောက်ကြီးမြို့၌ ပထမဆုံး အဖြစ် ဖွင့်လှစ်နိုင်ခဲ့သည်။
Ref: ဧရာဝတီ
အစိုးရတပ်မှ သဘောတူညီချက်ကို မလိုက်နာသည့် အတွက် RCSS/SSA နှင့် တိုက်ပွဲပြန်ဖြစ်ဟုဆို
ကွန်းချမ်း
တနင်္လာနေ့၊ ဇန်နဝါရီလ ၀၇ ရက် ၂၀၁၃
အစိုးရတပ်နှင့် ရှမ်းပြည်တပ်မတော် (တောင်ပိုင်း) RCSS-SSA တို့ အပစ်အခတ်ရပ်စဲရေး သဘော တူညီချက်များကို အစိုးရ ဘက်မှ လိုက်နာခြင်း မရှိသည့်အတွက် တိုက်ပွဲများ ပြန်လည် ဖြစ်ပွား ခဲ့သည်ဟု RCSS-SSA က ပြောဆို လိုက်သည်။
အစိုးရတပ်ဖွဲ့များ ကြိုတင်အကြောင်းကြားခြင်းမရှိဘဲ မိမိတို့ တပ်စခန်း အနီးသို့ လက်နက် အင်အားနှင့် ချဉ်းကပ် လာခြင်းကြောင့် ဇန်နဝါရီလ ၅ ရက်နေ့ နံနက် ၇ နာရီ ဝန်းကျင်တွင် နာရီဝက်ခန့် တစ်ကြိမ်၊ နံနက် ၁၁ နာရီတွင် တစ်ကြိမ်၊ နေ့လည်ပိုင်းတွင် တစ်ကြိမ် တိုက်ပွဲ ဖြစ်ပွားခဲ့ခြင်း အပေါ် RCSS-SSA က ထိုသို့ ပြောဆိုလိုက်ခြင်း ဖြစ်သည်။
“အပစ်အခတ် ရပ်စဲရေးအတွက် ကျနော်တို့ လက်မှတ် ထိုးလာတာ တနှစ်ပြည့်ခဲ့ပါပြီ။ ဒါပေမဲ့ ဗမာ့ တပ်မတော် ဘက်က ကျနော်တို့ ရရှိထားတဲ့ သဘော တူညီချက်အတိုင်း လိုက်နာဆောင်ရွက်မှု မရှိတဲ့အတွက်ကြောင့် ကြိုကြားကြိုကြား နဲ့ တိုက်ပွဲတွေ ပြန်ဖြစ်ပွားနေရ ပါတယ်” ဟု RCSS-SSA ပြောခွင့်ရ ဗိုလ်မှူး စိုင်းလောင်ဆိုင် က ပြောသည်။
၂၀၁၁ ခုနှစ် ဒီဇင်ဘာလတွင် ပြည်နယ်အဆင့်နှင့် ချုပ်ဆိုခဲ့သည့် အပစ်အခတ် ရပ်စဲရေး သဘောတူချက်တွင် နှစ်ဘက် တပ်များ သွားလာမည်ဆိုပါက ကြိုတင်အကြောင်းကြားရန် ဆိုသည့်အချက် ပါဝင်သည်။
ဟိုမိန်း အခြေစိုက် စစ်ဗျူဟာတပ်က ဟိုမိန်းမြို့နယ်ခွဲ အနောက်တောင်ဘက် သံလွင် ကူးတို့ဆိပ်မှ ကီလိုမီတာ ၄၀ ခန့် ရှည်လျှားသည့် မယ်အော့ရွာထိ ကားလမ်း ဖောက်ရန် ဒီဇင်ဘာလအတွင်းက RCSS နှင့် သဘောတူခဲ့ပြီး ဇန်နဝါရီလ ၅ ရက်နေ့တွင် လမ်းပိုင်း တနေရာ၌ နှစ်ဖက်တပ်ဖွဲ့များ တွေ့ဆုံရန် ချိန်းဆို ထားကြသော်လည်း အစိုးရတပ်က ချိန်းဆိုချက် အတိုင်း လိုက်နာခြင်း မရှိသည့် အတွက် တိုက်ပွဲ ဖြစ်ပွားရခြင်း ဖြစ်သည်ဟုလည်း စိုင်းလောင်ဆိုင် က ပြောသည်။
“သူတို့က လမ်းပေါ်မှာ တွေ့ကြဖို့ ပြောတာပဲ။ အဲဒါ ကျနော်တို့ကလည်း သွားပြီးတော့ ကြိုဆိုနေတာပဲ။ လမ်းဖောက်တဲ့ နေရာဘက်ကို မသွားဘဲနဲ့ ကျနော်တို့ တပ်တွေ တည်ရှိတဲ့ နေရာဘက်ကို စစ်အင်အားနဲ့ ချီတက်လာတယ် ဆိုတော့ ကျနော်တို့ရဲ့ ရှေ့တန်း တပ်နဲ့ တောထဲမှာ တိုးပြီး တိုက်ပွဲတွေ ဖြစ်ပွားရခြင်းပဲ ဖြစ်ပါတယ်” ဟု သူက ပြောသည်။
တိုက်ပွဲကြောင့် နှစ်ဖက်တပ်ဖွဲ့များ ထိခိုက်မှု ရှိသည်ဟု ဒေသခံများက ပြောသော်လည်း ဗိုလ်မှူး စိုင်းလောင်ဆိုင်က မူ အစိုးရ ဘက်က တဦး ကျဆုံးပြီး မိမိတို့ဘက်မှ ထိခိုက် ကျဆုံးမှု မရှိဟု ဆိုသည်။
တိုက်ပွဲ ဖြစ်ပွားရာ နေရာသည် ထိုင်းနိုင်ငံ မြောက်ပိုင်း မယ်ဟောင်ဆောင်နယ်စပ် ရတ်ထိုင်းကျေးရွာ၏ အနောက် မြောက်ဘက် ၇ ကီလိုမီတာ ခန့်သာ ကွာဝေးသည့်အတွက် တိုက်ပွဲ ဖြစ်ပွားပြီး နောက်ပိုင်းတွင် ၎င်းနယ်စပ်ရှိ ထိုင်း တပ်မတော်မှလည်း လုံခြုံရေး တပ်လှန့် ထားခြင်းများ ရှိသည်ဟု ဒေသမှ လာသော သတင်းများက ဆိုသည်။
ယခုဖြစ်ပွားခဲ့ရသည့်ကိစ္စနှင့် ပတ်သက်ပြီး RCSS-SSA ဘက်က တောင်ကြီးမြို့တွင် ရှိသည့် ၎င်းတို့၏ ဆက်ဆံရေးရုံးမှ တဆင့် ဒေသခံ တိုင်းမှူး၊ တိုင်း စစ်ဌာနချုပ်၊ ရှမ်းပြည်နယ် အစိုးရ နယ်စပ်ရေးရာ လုံခြုံရေး ဝန်ကြီးဌာနသို့ တင်ပြသွားမည်ဟု ဆိုသည်။
၎င်းပြင် RCSS-SSA သည် ယခင်ကလည်း အစိုးရတပ်နှင့် ဖြစ်ပွားသည့် လက်နက်ကိုင် ပဋိပက္ခများကို ခြုံငုံ သုံးသပ်ပြီး
မြန်မာ ငြိမ်းချမ်းရေး စင်တာရှိ သမတရုံး ဝန်ကြီး ဦးအောင်မင်း ထံသို့ တင်ပြ ထားခဲ့သည်ဟု ဆိုသည်။
RCSS-SSA သည် လွန်ခဲ့သည့် ၂၀၁၁ ခုနှစ် ဒီဇင်ဘာလတွင် ပြည်နယ်အဆင့်နှင့် အပစ်အခတ် ရပ်စဲခဲ့ပြီး၊ ပြည်ထောင်စု အဆင့်နှင့် ၂၀၁၂ ခုနှစ် ဇန်နဝါရီလတွင် ငြိမ်းချမ်းရေး သဘောတူညီချက် လက်မှတ် ရေးထိုးခဲ့ သော်လည်း အပစ်ရပ်ပြီးနောက် တိုက်ပွဲပေါင်း ၅၀ ကျော် ဖြစ်ပွားခဲ့သည်ဟု စိုင်းလောင်ဆိုင် က ပြောသည်။
အလားတူ အခြား အပစ်ရပ် ရှမ်းတပ် တခုဖြစ်သည့် ရှမ်းပြည် တပ်မတော် (မြောက်ပိုင်း) SSPP-SSA သည်လည်း ဇန်နဝါရီလ ၁၇ ရက်နေ့ အပစ်အခတ် ရပ်စဲချိန်မှ စ၍ အစိုးရ တပ်နှင့် အကြိမ် ၃ဝ ထက်မနည်း တိုက်ပွဲများ ဖြစ်ပွားခဲ့သည်။
Ref: မဇ္ဈိမ
Monday, January 7, 2013
ကချင်စစ်ရေး ကြားဝင်ဆောင်ရွက်ဖို့ အစိုးရ ခွင့်ပြုချက်လိုကြောင်း ဒေါ်စုပြော
2013-01-07
ကချင်ပြည်နယ်တွင်း အစိုးရတပ်တွေနဲ့ KIA တပ်ဖွဲ့တွေကြား အရှိန်မြင့်လာနေတဲ့ စစ်ရေး ပဋိပက္ခတွေ အဆုံးသတ်ရေး အတွက် ဝင်ရောက်ဆောင်ရွက်ဖို့ ဆိုရင် အစိုးရရဲ့ ခွင့်ပြုချက် လိုအပ်တယ်လို့ အမျိုးသား ဒီမိုကရေစီ အဖွဲ့ချုပ် ဥက္ကဌ လွှတ်တော် ကိုယ်စားလှယ် ဒေါ်အောင်ဆန်းစုကြည် က ပြောဆိုကြောင်း AFP သတင်းက ဖေါ်ပြပါတယ်။
ကချင်ပြည်နယ်ပြဿနာကို ဝင်ရောက်ဆောင်ရွက်မှာပါလားလို့ AFP က မေးမြန်းရာမှာ ဒီကိစ္စဟာ အစိုးရ အပေါ် တည်ပါတယ်၊ အခုလောလောဆယ်မှာ ဒီကိစ္စကို အစိုးရက ကိုင်တွယ်နေတာပါ၊ ငြိမ်းချမ်းရေးအတွက် ညှိနှိုင်းဆောင်ရွက်ရာမှာ ပါဝင်ဖို့အတွက် အစိုးရဆီက တရားဝင် ကမ်းလှမ်းလာဖို့ လိုအပ်ပါတယ်လို့ ဒေါ်အောင်ဆန်းစုကြည်က ပြန်လည်ဖြေကြားခဲ့ပါတယ်။
ပြီးခဲ့တဲ့ စနေနေ့က ကချင်ငြိမ်းချမ်းရေး ဆွေးနွေးရေးအကျိုးဆောင်အဖွဲ့ဝင် ဦးယွပ်ဇော်ခေါင် က ကချင်ပြဿနာမှာ ပြည်တွင်းပြည်ပမှာ သြဇာရှိတဲ့ ဒေါ်အောင်ဆန်းစုကြည် လို ပုဂ္ဂိုလ်မျိုးက ကြားဝင်ဆောင်ရွက်သင့်ကြောင်း၊ ဆောင်ရွက်ဖို့ တာဝန်လည်း ရှိကြောင်း တိုက်တွန်းပြောဆို ခဲ့ပါတယ်။
Ref: RFA News
KIA ဌာနချုပ် လိုင်ဇာကို မြန်မာတပ် လက်နက်ကြီးနဲ့ ပစ်ခတ်
ကိုသားညွှန့်ဦး
06.01.2013
ရက်ပိုင်းလောက် ငြိမ်သက်နေခဲ့တဲ့ ကချင်ပြည်နယ်က တိုက်ပွဲတွေ ဒီနေ့မှာ ပြင်းပြင်းထန်ထန် ပြန်ဖြစ် လာပါတယ်။ ဒီကနေ့ မနက်ပိုင်းမှာပဲ မြန်မာတပ်ဘက်ကနေ လက်နက်ကြီးနဲ့ စတင်ပစ်ခတ်ပြီး၊ ညနေပိုင်း အထိ မြေပြင်တိုက်ပွဲတွေ ပြင်းပြင်း ထန်ထန် ဖြစ်ပွားခဲ့တယ်လို့ တာဝန်ရှိသူတွေ နဲ့ ဒေသခံတွေက ပြောပါတယ်။ စုံစမ်းမေးမြန်း ထားတဲ့ ကိုသားညွန့်ဦးက တင်ပြထားပါတယ်။
ဒီကနေ့ မနက်ပိုင်းကတည်းက စတင်ခဲ့တဲ့ တိုက်ပွဲတွေဟာ ပြင်းထန် လာတာကြောင့် လိုင်ဇာမြို့ခံတွေကပါ စိုးရိမ် လာကြ ပါတယ်။ အထူးသဖြင့်တော့ မြန်မာအစိုးရ သမ္မတဦးသိန်းစိန် ကတော့ သူတို့အနေနဲ့ လိုင်ဇာမြို့ ကချင် လွတ်မြောက်ရေး တပ်ဖွဲ့ ကေအိုင်အေ ဌာနချုပ်ကို သိမ်းယူဖို့ အစီအစဉ် မရှိပါဘူးလို့ ပြောထားပေမဲ့ အခုတော့ လိုင်ဇာမြို့အထိကို လက်နက်ကြီး ကျည်တွေ ကျလာတာကြောင့်ပါ။
ပြီးခဲ့တဲ့ သီတင်းပတ်က မြန်မာတပ်ဘက်က သိမ်းယူခဲ့တဲ့ တောင်ကုန်းကနေ လက်နက်ကြီး ပစ်ကူပေးပြီး၊ အနီးအနား ကေအိုင်အေ ဘက်က စစ်စခန်းတွေကို ပြင်းပြင်းထန်ထန် ထိုးစစ်ဆင်လာတာဖြစ်တယ်လို့ ကေအိုင်အေနဲ့အတူ တွဲဘက် တိုက်နေတဲ့ ABSDF မြောက်ပိုင်း ပြန်ကြားရေး တာဝန်ခံ ဗိုလ်မှုးမင်းဌေးက ဗွီအိုအေကို ပြောပါတယ်။
“ဒီနေ့က မနက်ကနေ စပြီးတော့ ရွှေဘုန်းယန် အမြှောက်တပ် ကနေပြီးတော့ အမြှောက် ၃ လက်လောက်နဲ့ လှမ်းပစ်တယ်။ နောက်ပြီးတော့ ဟိုနေ့က ၃၀ ရက်နေ့က ထိုးပြီး ယူသွားတဲ့ (၇၇၁) တောင်ကုန်းကနေပြီးမှလည်း လှမ်းပစ်တယ်။ ပစ်တာက လိုင်ဇာကို လှမ်းပစ်တာ။ လိုင်ဇာကို လှမ်းပစ်တာက ၈ လုံး။ ပြီးတော့ ညနေပိုင်းမှာ တိုက်ပွဲတွေ တောက်လျှောက် ဖြစ်နေတယ်။ ဒီ လွယ်မောက်ယန် ဘက်ကနေ တက်လာတဲ့ အဖွဲ့တွေနဲ့။”
အခုဟာက မြေပြင် တိုက်ပွဲ ဖြစ်နေတဲ့သဘောပေါ့။ -
“ဟုတ်တယ်။ မြေပြင် တိုက်ပွဲဖြစ်တော့ လက်နက်ကြီးတွေက ဒီဘက် လဂျားယန် နဲ့ လ၀ါယန် ဘက်ကို ပစ်နေတာ။ လဂျားယန် ကျနော်တို့ ကျောင်းသားစခန်း ရှိတဲ့နေရာကို။”
လိုင်ဇာမြို့ပေါ်ရော ပစ်တာခတ်တာ ရှိလား။ -
“လိုင်ဇာမြို့ကို မနက်က ပစ်တယ်။ ၈ လုံး ပစ်တယ်။”
အထိအခိုက်တွေရော ဘယ်လိုရှိပါလဲခင်ဗျ။ -
“လိုင်ဇာမြို့ကို ပစ်တာတော့ အထိအခိုက် မရှိဘူး။ လိုင်ဇာမြို့ထဲကိုတော့ ၂ လုံး ကျသွားတယ်။ လူကို ထိခိုက်တာတော့ မရှိဘူး။”
လေယာဉ်ပျံ သုံးတာတွေ ဘာတွေရော ရှိပါလား။ ဒီနေ့။ -
“လေယာဉ်ပျံသုံးတာတော့ ဒီနေ့ မရှိဘူးခင်ဗျ။”
ပြီးခဲ့တဲ့ ရက်တွေက ၂ ရက်လောက် ငြိမ်သွားပြီးမှ အခု ထိုးစစ် ဆင်လာတဲ့ သဘောလား။ ဘာကြောင့်လဲ။ ဘာကြောင့်လို့ ယူဆလဲ။ -
“ပြီးခဲ့တဲ့ ၂ ရက်က ခဏ ငြိမ်နေတာတော့ ကျနော် ထင်တယ်၊ သူတို့ စစ်ပမ်းသွားတာလည်း ဖြစ်နိုင် တယ်။ အခုထပ်ပြီးမှ ပြန် ထပ် တက်ဖို့ သူတို့ အမိန့် ပေးထားတယ်လို့လည်း ကျနော်တို့ ကြားရတယ်။ ကြားရတော့ အခု သူတို့ အင်အား ထပ်ဖြည့်ပြီးတော့ တက်လာတယ်။ တက်လာတဲ့အင်အားတွေက အခုဟာက ဆန်တွေ ဘာတွေ သယ်လာတာ မဟုတ်ဘူး။ လက်နက် ခဲယမ်း ကျည်တွေကို သယ်လာပြီးမှ တက်လာတာ။”
ကိုမင်းဌေးတို့ ABSDF စခန်းနဲ့ ကေအိုင်အေ စခန်းတွေ အခြေအနေက ဘယ်လိုရှိလဲ။ အခုအနေအထားက တိုက်ပွဲ ပြင်းထန်တော့။ -
“တိုက်ပွဲ ပြင်းထန်တော့ သူတို့ကတော့ ကျနော်တို့ကို လက်နက်ကြီးတွေကို မိုးရွာသလိုရွာအောင် ပစ်ပြီးတော့မှ ပစ်တာပေါ့နော်။ ဒါပေမဲ့ ကျနော်တို့ကလည်း လက်နက်ကြီးဒဏ် ခံနိုင်အောင်တော့၊ ကျနော်တို့ မထိအောင်တော့ နေကြရတာပေါ့။”
အလားအလာက ဟိုဘက်က တအား ထိုးလာလို့ရှိရင် ဆုတ်ပေးရမယ့် အလားအလာရှိလား။ ဒါမှမဟုတ် ခံတိုက်နိုင်တဲ့ အနေအထား ရှိလား။ -
“အဲဒါကတော့ ဒီ စစ်ပွဲပေါ် အခြေအနေပေါ်မှာ မူတည်မယ်လေ။ ကျနော်တို့က လောလောဆည်မှာ ခုခံနေတဲ့ အနေအထား ကနေပြီးမှ အဲဒီ စစ်ပွဲကာလမှာပဲ ကျနော်တို့က ပြန်ထိုးတာ လည်း ဖြစ်ကောင်း ဖြစ်နိုင်တယ်။ ဒီအခြေအနေမှာ ဆုတ်နိုင်သလား၊ ဆက်ပြီး တောင့်ထားနိုင်မလား ဆိုတာကတော့ စစ်ပွဲရဲ့ အခြေအနေအပေါ်မှာ မူတည်ပြီးမှ ကျနော်တို့က အပြောင်းအလဲ လုပ်သွားရမှာ ဆိုတော့ အခုချိန်မှာ ကျနော်တို့က ပြောလို့ကို မရသေးဘူးခင်ဗျ။”
တိုက်ပွဲက တနေရာတည်းမှာပဲ ဖြစ်နေတာလား၊ ပျံ့ပြီး ဖြစ်နေတာလား။ ဘယ်နေရာမှာ အဓိက ဖြစ်နေတာလဲ။ -
“တိုက်ပွဲတွေက နေရာ အနှံ့ပါပဲ။ နေရာ အနှံ့ ဖြစ်တယ်ဆိုတာက ဒီ နမ်ဆမ်ယန် ဘက်ပေါ့။ နမ်ဆမ်ယန် ဘက်မှာလည်း သူတို့ တက်လာတယ်။ အဲဒီ သူတို့ တက်လာတဲ့ စစ်ကြောင်းတွေ၊ ရိက္ခာတွေ ကျည်တွေ မပို့နိုင်အောင်၊ အဓိက ကျည်တွေပေါ့နော်၊ သူတို့က တက်သွားတဲ့ကုန်းပေါ်ကို ကျည်တွေ ထပ်ဖြည့်ဖို့ လုပ်နေတယ်။ အဲဒါတွေ ထပ်မဖြည့်နိုင်အောင် ကျနော်တို့က ဟန့်ထားတဲ့ အနေနဲ့ ဖြတ်ပြီးတော့မှ ဟန့်တားနေတာ။”
ခုလို တိုက်ပွဲတွေ ရှိနေတယ်ဆိုပေမဲ့ မြန်မာအစိုးရဘက်ကတော့ အပစ်အခတ်ရပ်စဲရေး နဲ့ ငြိမ်းချမ်းရေး ရဖို့အတွက် ကြိုးစားနေတယ်လို့ မြန်မာ ငြိမ်းချမ်းရေးဗဟိုဌာန တာဝန်ရှိသူတွေက ပြောပါတယ်။
Ref: VOA News
KNU အဖွဲ့ ကာကွယ်ရေးဦးစီးချုပ်နဲ့ တွေ့ဆုံ
သူရစိုး
06.01.2013
ကရင်အမျိုးသား အစည်းအရုံး KNU ခေါင်းဆောင်တွေဟာ ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး မင်းအောင်လှိုင်နဲ့ ဒီကနေ့ တွေ့ဆုံ ပါတယ်။ အပစ်အခတ် ရပ်စဲရေးက တဆင့် ငြိမ်းချမ်းရေးရဖို့ ကြိုးပမ်း သွားမယ်လို့ နှစ်ဘက်စလုံးက ကတိပြုခဲ့ကြတဲ့ အကြောင်း သိရပါတယ်။ တချိန်တည်းမှာပဲ ကရင် အမျိုးသား အားလုံး ပါဝင်တဲ့ ညီလာခံတရပ်ကို ရန်ကုန်မှာ ခေါ်ယူ ကျင်းပနိုင်ဖို့ KNU ဘက်က စီစဉ်နေတယ် လို့လည်း ဆိုပါတယ်။ ဒီအကြောင်းကိုတော့ KNU ကိုယ်စားလှယ် အဖွဲ့ရဲ့ ခရီးစဉ်မှာ လိုက်ပါ သတင်းယူနေတဲ့ ရန်ကုန်အခြေစိုက် ဗွီအိုအေ သတင်းထောက် ကိုသူရစိုးက တင်ပြ ထားပါတယ်။
ဒီနေ့မနက်မှာ ကာကွယ်ရေး ဦးစီးချုပ်နဲ့ KNU ခေါင်းဆောင်တွေဟာ နေပြည်တော် စစ်ရုံးချုပ်မှာရှိတဲ့ ရိပ်သာမှာ သူတို့ တွေ့ကြတယ် ခင်ဗျ။ တွေ့တဲ့အခါမှာ KNU ဥက္ကဋ္ဌ မူတူးဆေးဖိုး ပြောတာက သူတို့ နောက် မကြာမကြာ တွေ့မယ်။ အပစ်အခတ် ရပ်စဲရေးကနေ စလို့ ထာဝရ ငြိမ်းချမ်းရေး ရသွားအောင် လုပ်သွားပါ့မယ်လို့ ကာကွယ်ရေး ဦးစီးချုပ်က ပြောတယ် ဆိုပြီးတော့ မူတူးဆေးဖိုး က ပြန် ပြောပြပါတယ်။
“ကျနော်တို့ တည်ဆောက်သွားမယ့် ပြည်တွင်း ငြိမ်းချမ်းရေးကို အပစ်အခတ် ရပ်စဲရေးကနေ ကျနော်တို့ စပြီး ဆောင်ရွက် သွားပါမယ်။”
ကရင် အမျိုးသား အစည်းအရုံး KNU က ပြောရေးဆိုခွင့်ရှိသူ ဦးမန်းငြိမ်းမောင် ကတော့ ကာကွယ်ရေး ဦးစီးချုပ်နဲ့ သူတို့ တွေ့တဲ့ အခါမှာ အပစ်အခတ် ရပ်စဲရေး ခိုင်မာဖို့ ဆက်လက် ဆွေးနွေးဖို့ကိစ္စတွေကို သူတို့ ပြောတယ်။ နောက်ပြီး သူတို့ ဒီ တွေ့ဆုံမှုကနေ နှစ်ဘက် ယုံကြည်မှု တည်ဆောက်နိုင်မယ်လို့ အခုလို ပြောပြပါတယ်။
“တပ်မတော် ကာကွယ်ရေး ဦးစီးချုပ်နဲ့ အဆင့်မြင့် တပ်မှူးကြီးတွေကို ကျနော်တို့ တွေ့ခဲ့တယ်။ ကျနော်တို့ တွေ့တော့ ကာကွယ်ရေး ဦးစီးချုပ်က ပြောတယ်၊ ကျနော်တို့ ဒီ ငြိမ်းချမ်းရေး ဖြစ်စဉ်မှာ ရာခိုင်နှုန်း ၇၀ လောက် အောင်မြင်နေပါပြီတဲ့။ အဲဒီတော့ ကျန်တဲ့ ၃၀ ရာခိုင်နှုန်းကို ကျနော်တို့ကတော့ ကျနော်တို့ ငြိမ်းချမ်းရေး ခရီးစဉ်မှာ အခက်အခဲ ဒီလောက် မကြီးမားတော့ပါဘူးလို့ ယုံယုံကြည်ကြည် တက်တက်ကြွကြွနဲ့ ပြောကြားခဲ့တယ်။ နောက်တခုကတော့ ကျနော်တို့ရဲ့ တိုင်းရင်းသားတွေရဲ့ ဖွံ့ဖြိုးရေးအတွက် သူ လုပ်ဆောင်ချင်တယ်၊ သူ ခံစားချက်အပြည့်နဲ့ ပြောကြား ခဲ့ပါတယ်။ ကျနော်တို့ ဒီ တပ်မတော် ကာကွယ်ရေး ဦးစီးချုပ်နဲ့ ဗမာ့တပ်မတော်က အဆင့်မြင့် တပ်မှူးကြီးများ၊ ခေါင်းဆောင်ကြီးများကို တွေ့တဲ့အခါကျတော့ တဦးနဲ့တဦး ယုံကြည်မှု ပိုရတယ်လို့ ကျနော်တို့ဘက်က အဲဒီလို ရှုမြင်ပါတယ်။”
ရန်ကုန်ရောက်တုန်း ရန်ကုန်မှာရှိတဲ့ ကရင်အဖွဲ့အစည်းတွေနဲ့ သူတို့ တွေ့တယ်။ ၁ နာရီလောက် သူတို့ တွေ့ဆုံခဲ့တဲ့ဟာတွေ၊ နောက် ကာကွယ်ရေး ဦးစီးချုပ်နဲ့ တွေ့ဆုံခဲ့တဲ့ဟာတွေကို ရန်ကုန်မှာရှိတဲ့ ကရင် အဖွဲ့အစည်းတွေကို သူတို့ ပြန်ရှင်းပြတယ်ပေါ့နော်။ သမ္မတကြီးက ရန်ကုန်မြို့မှာ ကရင်တိုင်းရင်းသားတွေ အားလုံး ပါဝင်တဲ့ အစည်းအဝေးတခု လုပ်ဖို့ကို အစိုးရ အနေနဲ့ ပံ့ပိုးပေးမယ်၊ သဘောလည်း တူတယ် ဆိုပြီးတော့ အဲဒီအကြောင်းတွေကို ပြန်ပြီးတော့ ကရင်အဖွဲ့အစည်းတွေကို ရှင်းပြတာခင်ဗျ။
ကရင်အမျိုးသမီးများအဖွဲ့က ဒေါ် နော်ဆူဇန်နာလှလှစိုး ကတော့ ဒီ ကာကွယ်ရေး ဦးစီးချုပ်နဲ့ ကရင် ခေါင်းဆောင်တွေ တွေ့ဆုံမှု ကနေ ရှေ့ဆွေးနွေးပွဲမှာ ငြိမ်းချမ်းရေး ဖြစ်စဉ်အတွက် ပိုပြီးတော့ ကောင်းလာမယ်လို့ ထင်တယ်လို့ အခုလို ပြောပါတယ်။
“အခုက initial cease fire ပေါ့နော်။ ပဏာမ ဆိုတော့ ခိုင်မာတဲ့ အပစ်အခတ် ရပ်စဲရေးကို ဆက်သွားမယ်။ ပြီးတော့ နိုင်ငံရေး တွေ့ဆုံ ဆွေးနွေးမှုတွေ မြန်မြန် ဆက်သွားနိုင်မယ် လို့တော့ ကျမတို့ မျှော်လင့်နေပါတယ်။”
KNU အနေနဲ့ သမ္မတကြီးကိုရော၊ ကာကွယ်ရေး ဦးစီးချုပ်ကိုရော ပြောတာက ကချင်ကိစ္စနဲ့ ပတ်သက်လို့ ကချင်ပြည်နယ်မှာ တိုက်ပွဲတွေ ပြန်ဖြစ်နေတာက ငြိမ်းချမ်းရေးကို အနှောက်အယှက် ဖြစ်စေတယ်။ အဲဒါတွေကို ရပ်တန့်ပေးဖို့၊ သူတို့အနေနဲ့ ကြားဝင် ကူညီ ဆောင်ရွက်ပေးလို့ ရမယ်ဆိုရင်လည်း ကူညီ ဆောင်ရွက်ပေးပါ့မယ်လို့ သမ္မတကိုရော၊ ကာကွယ်ရေး ဦးစီးချုပ်ကိုရော သူတို့ ပြောတယ်လို့ ပြောပါတယ်။
“ကျနော်တို့ သမ္မတကြီးနဲ့ တွေ့တဲ့အခါမှာရော၊ တပ်မတော် ကာကွယ်ရေး ဦးစီးချုပ် နဲ့ တွေ့တဲ့ အခါမှာရော ကျနော်တို့ ဒီနေ့ မြောက်ပိုင်းမှာ ကချင် အမျိုးသားတွေနဲ့ ဖြစ်တဲ့ကိစ္စမှာ စစ်အရှိန်မြင့်တဲ့ ကိစ္စဟာ ကျနော်တို့ ငြိမ်းချမ်းရေး လုပ်ငန်းစဉ်မှာ ထိခိုက်မှု တစုံတရာ ရှိတယ်။ ရိုက်ခတ်မှုတွေ ရှိတယ်။ နောက်ပြီးတော့ နိုင်ငံတော်ရဲ့ ပြုပြင် ပြောင်းလဲမှု လုပ်တဲ့အခါမှာရော ဒါဟာ သံသယနဲ့ စောင့်ကြည့်နေတဲ့ သူတွေအတွက် သံသယ ပိုမို ကြီးထွားစေတယ်။ ဒါကြောင့်မိုလို့ KIO နဲ့ ဖြစ်နေတဲ့ ပဋိပက္ခမှာ စစ်အရှိန်မြင့်နေမှုကို ကျနော်တို့ နိုင်ငံတော် လုံခြုံရေးကို မထိပါးတဲ့ ကိစ္စတွေ ဆိုရင် စစ်အရှိန်ကို လျှော့ဖို့အတွက် ကျနော်တို့ မေတ္တာရပ်ခံ တိုက်တွန်းခဲ့ပါတယ်။”
ကာကွယ်ရေး ဦးစီးချုပ်ကတော့ သူက ဒီဟာတွေဟာ အချုပ်အချာ အာဏာကို မထိပါးဘူး ဆိုရင်တော့ သူတို့အနေနဲ့ ခွင့်လွှတ်လို့ ရတယ်ပေါ့။ အချုပ်အချာ အာဏာကို ထိပါးလာတဲ့ အခါကျတော့ သူတို့အနေနဲ့ မလွှဲသာ မရှောင်သာနဲ့ လုပ်ရတယ် ဆိုတဲ့အကြောင်းကို ပြန်ပြီး ပြောပြ ပါတယ်။
အခု KNU က လာတဲ့ အဖွဲ့ထဲက နှစ်ယောက်လောက်က သူတို့ ကျန်ခဲ့ပြီးတော့ ကရင် နှစ်သစ်ကူး ပွဲတော်ကို တက်ဖို့ အစီအစဉ် ရှိပါတယ်။ တခြား ရန်ကုန်မှာရှိတဲ့ အဖွဲ့အစည်းတွေနဲ့လည်း သူတို့ ထပ်ပြီးတော့ အစည်းအဝေး ကိစ္စကို အသေးစိတ် ဆွေးနွေးဖို့ အစီအစဉ်တွေ ရှိတယ်လို့ ဆိုပါတယ်။
Ref: VOA News
Posts
