မိုးသီးဇွန်
January 31, 2013
လူနဲ့ တိရိစ္ဆာန်ကြား ခြားနားမှုထားတဲ့ စည်းမျဉ်းက တဖြေးဖြေးပါးလွှာလာတယ်။ လူနဲ့ တရိစ္ဆာန်ခြားနားမှုက ဘာသာရေး လား၊ အသိဉာဏ် လား။ ဘာသာရေး ဆိုရင် လူတချို့က ဘာသာရေး အဆုံးမတွေကို ဘာကြောင့် လိုက်နာမှု မရှိတော့တာ လဲ။ အသိဉာဏ်ဆိုရင် လူတချို့ဟာ လောကပါလ အသိတရားတွေ ဘာကြောင့် ချို့ယွင်း လာကြသလဲ။
ဘာကြောင့် တရိစ္ဆာန်အချို့ဟာ လောကပါလ အဆုံးအမဖြစ်တဲ့ တရား မျှတခြင်း၊ ကြင်နာခြင်း၊ ပူးပေါင်းဆောင်ရွက်ခြင်း တွေကို လုပ်လာနိုင်ကြပါသလဲ။
တခါက ဆောင်းပါးတခုမှာ တရိစ္ဆာန်တွေရဲ့ ပြဿနာကိုဖြေရှင်းနိင်စွမ်း (Problem Solving Skill) ကို ဆောင်းပါး တပုဒ် ရေးဖူးပါတယ်။ ခုတခါတော့ …
တရိစ္ဆာန်လောက က လောကပါလ တရားကို လိုက်နာလာသလို လူလောက က လောကပါလ တရားတွေကို ချိုးဖေါက် လာလာကို ဆွေးနွေး ချင်တယ်။
လူနဲ့ တရိစ္ဆာန်ကြားက ခံစားချက်များ
တရိစ္ဆာန်တွေမှာ လူတွေမှာရှိတဲ့ ခံစားမှုတွေရှိတယ်။ ကြောက်ရွံမှု၊ ရက်စက်မှု၊ ၀မ်းနည်းမှု၊ပျော်ရွင်မှု၊ အသိမှတ်ပြုခံခြင်မှု၊ မနာလိုမှု၊ အာဏာရယူလိုမှု၊ တကိုယ်ကောင်းဆန်မှု၊ ပိုင်နက်ကိုချဲ့ထွင်လိုမှု၊ ကာကွယ်လိုမှု စတာတွေရှိတယ်။
တခါ တိရိစ္ဆာန်တွေမှာလဲ လူတွေလိုပဲ မြင့်မြတ်တဲ့စိတ်တွေ ရှိနေကြပြန်တယ်။ အမျိုးချစ်စိတ်၊ မျိုးမတူတာချင်း ပေါင်း သင်းနေထိုင်တတ်မှု၊ မွေးစားမှု၊ စောင့်ရှောက်မှု၊ ပူးပေါင်းဆောင်ရွက်မှု စတာတွေလဲရှိကြောင်း သိပံပညာရှင်တွေက ဖေါ် ထုတ်လာနိုင်ကြတယ်။
တခါက အာဖရိကတောထဲက ကျားသစ်မတကောင်ကို သပ္ပံပညာရှင်တွေက ဗွီဒီယိုမှတ်တမ်းတခုတင်ဖြစ်တယ်။ သူဟာ ၇ ရက်လောက် တောလိုက်မရ ဖြစ်နေတယ်။ အရမ်းကိုဆာလောင်နေတယ်။ ကံကောင်းပြီး မြက်တောထဲက မျောက် မောင်းမတကောင်ကိုတွေ့ပြီး ဖမ်းဆီးသတ်ဖြတ်နိုင်ခဲ့တယ်။ ရထားတဲ့အမဲကို စာစာနဲ့ စားမလို့အလုပ်မှာ မျောက်မောင်း မ ရင်ခွင်ထဲက မျောက်သားငယ်လေးကို သူတွေ့လိုက်ရတယ်။ သူအံသြသွားတယ်။ မျောက်ငယ်လေးက ရက်သားလေး ရှိသေးတယ်။
သူဟာ သူရဲ့သားကောင် မျောက်မကြီးကို ဆက်မစားတော့ပဲ ကလေးကို ပို အာရုံရောက်သွားတယ်။ ချက်ချင်း သူက သူကိုယ်ကို လှဲချလိုက်ပြီး ကလေးကိုနို့တိုက်သလို လုပ်လိုက်ပါတယ်။ သူဟာ ကလေးမမွေးဖူးသေးတဲ့ ကျားသစ်ပျိုမ တကောင်ဖြစ်တယ်။ သူ့ဗီဇ စေ့ဆော်မှုက မိခင်စိတ်ကို ဖြစ်ပေါ်စေခဲ့တယ်။
မလှမ်းမကမ်းမှာ အလွန်ဆိုးတဲ့ တောခွေးအုပ်က ပေါ်လာတဲ့အခါမှာ ကလေးငယ်အတွက်သူက စိုးရိမ်လာတယ်။ ချက် ချင်းပဲ မျိုးမတူတဲ့ တရိစ္ဆာန်ကိုမွေးစားဖို့ သူဆုံးဖြတ်လိုက်တယ်။
တရိစ္ဆာန်တွေဟာ မျိုးမတူတဲ့ ကလေးတွေကို မွေးစားမှု (Adoption ) ရှိနေပါလားဆိုတာကို ပညာရှင်တွေ သတိပြုမိကြ တယ်။
ကျနော်တို့ ငယ်ငယ်က ကြက်မကြီးက ဘဲလေးတွေကိုစောင့်ရှောက်တာ၊ မကြာခန သတင်းတွေမှာတွေ့ရတဲ့ ကြောင်မ ကြီးက ကြွက်ကလေးတွေကို စောင့်ရှောက်တာ၊ အိန္ဒိယ ဟင်ဒီဘုရားရှီခိုးကျောင်းတခုမှာ မျောက်မတကောင် ခွေးငယ် တကောင်ကို ပွေ့ပိုက်မွေးစားထားတာ တွေ့လာရတယ်။ ဗုဒ္ဓဇတ်တော်တွေမှာ ကျွဲမကြီးက လူသားကလေးငယ်ကို နို့ တိုက်မွေးစားတာ စတဲ့ဇတ်လမ်းတွေကို ကျနော်တို့ မကြာခန ဖတ်ဖူးကြတယ်။
ဥရောပနိုင်ငံတွေမှာရေခဲ ပြင်ထဲ ဒုက္ခရောက်နေတဲ့ လူနဲ့ တခြားတရိစ္ဆာန်တွေ စိန့်ဘားနပ် ခွေးကြီးတွေကိုသုံးပြီး ကယ် တင်နေတဲ့ ဖြစ်ရပ်များလည်း ကျနော်တို့ မကြာခန တွေ့ရပါတယ်။
ဒီလို တရိစ္ဆာန်တွေဖက်က ထူးချွန်တဲ့ စံပြုတရိစ္ဆာန်တွေ ပေါ်ထွက်လာတာဟာ ကမ္ဘာကြီး ငြိမ်းချမ်းဖို့အတွက် အားတက်စ ရာတွေပါ။
ဒီလိုအချိန်မှာပဲ လူလောကထဲမှာ လူသားစင်စစ်ဖြစ်ပါလျက် ယုတ်မာရက်စက်တဲ့ သဘောတရားတွေကို ဖေါ်ထုတ်နေတဲ့ ကျင့်သုံးနေတဲ့သူတွေကို တွေ့ရပြန်တဲ့အခါမှာ လူဂုဏ်သိက္ခာဟာ ဘာလဲလို့ မေးခွန်းထုတ်စရာ ဖြစ်လာတယ်။
ဒီထက်လေးနက်စွာ ပြောရမယ်ဆိုရင်တော့ ဒါဟာ လူလောကကြီးတခုလုံးအတွက် စိန်ခေါ်မှု တခုပါ။
သတ္တဗေဒပညာရှင် ဂိုဒန် ဂဲလ်အပ် (Gordon Gallup) က တရိစ္ဆာန်တချို့ဟာ ကိုယ်ရုပ်ကိုကိုယ်မမှတ်မိကြဘူး။
ဥပမာ ကြက်ကိုမှန်ပြရင် ဒေါသထွက်လာတယ်။ တခြားကောင်လို့ ယူဆတယ်။ ထခွပ်တယ်။ တိုက်ငါး တကောင်ကို မှန် ပြရင် အတောင်ကားလာပြီး တိုက်ခိုက်ဖို့ပြင်တယ်။
တချို့ကတော့ မှတ်တယ်လို့ ဆိုတယ်။ ချင်ပန်ဇီနဲ့ ဂေါ်ရီလာတွေကို မှန်ပြကြည့်တဲ့အခါမှာ သူတို့ကိုယ်သူတို့ သိတယ်လို့ ဆိုတယ်။
တချို့လူတွေကတော့ သူတို့ကို မှန်ပြတဲ့အခါမှာ မှတ်မိကြပုံ မရတော့ဘူး။ သူတို့လာခဲ့တဲ့ ဘ၀ဟောင်းကို မေ့သွားတယ်။ စစ်သားအတော်များများဟာ ဆင်းရဲတဲ့ လုပ်သားပြည်သူတွေထဲကပဲ ပေါက်ပွားလာကြတာ ဟုတ်။
ဒါပေမဲ့ တချို့လူတွေက ပေါင်မုန့်မရှိရင် ကိတ်မုန့်စားပါလားဆိုတဲ့ ပြင်သစ်မိဘုရား၊ မာရီအင်တွိုင်းနက်ကိုအားကျ ကြ တယ်။
မီးမလာရင် ဖယောင်းတိုင်ထွန်းလို့ ပြောလိုပြော။ တမင်းတနပ်လျော့စားပြီး အကြွေးဆပ်စေ ဆိုလိုဆို မှန်ထဲက ပေါ်လာ တဲ့ သူရုပ်ကို မမှတ်မိရှာတော့ဘူး။ ငယ်ငယ်က ဖတ်ဖူးတဲ့ ပုံပြင်ထဲက ဇီးသီးသည်မဗျိုင်းလို ဘ၀မမေ့ဖို့ သူတို့ကို မကြာ ခန မှန်ပြပေးဖို့ လိုမယ်။
Ref: နေ့သစ်
Read More...
Collapse...
30.01.2013
တောင်ကိုရီးယားနိုင်ငံဆီ ငါးရက်ကြာခရီး သွားရောက်နေတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ဟာ ဗုဒ္ဓဟူးနေ့က ဖျောင်းချမ်း အထူး ဆောင်းရာသီ အားကစားပြိုင်ပွဲ ဖွင့်ပွဲကို တက်ရောက် ခဲ့သလို ဒီအားကစား ပြိုင်ပွဲမှာ ကျင်းပတဲ့ ဖွံ့ဖြိုးရေးဆိုင်ရာ ညီလာခံမှာလည်း မိန့်ခွန်းပြောကြား ခဲ့ပါတယ်။ အားကစား စိတ်ဓာတ် မြှင့်တင်ရေး အတွက် အထူး လုပ်ဆောင်မယ်လို့ ကတိပေးခဲ့သလို သူများ နည်းတူ မဟုတ်ဘဲ ကွဲပြားမှု ရှိနေတာအတွက် ကျန်တဲ့ လူမှုအသိုင်းအ၀ိုင်းက ၀ိုင်းပယ်ထားတာမျိုး ဟာ မဖြစ်သင့်ဘူးလို့ ပြောကြားခဲ့ပါတယ်။
ဒီအကြောင်းအပြည့်အစုံကို အေပီသတင်းပေါ်အခြေခံပြီး ဒေါ်ခင်မျိုးသက်က တင်ပြ ထားပါတယ်။
တောင်ကိုရီးယားနိုင်ငံ အရှေ့မြောက်ခြမ်းမှာရှိတဲ့ ဖျောင်းချန်း တောင်ပေါ်မြို့ကလေးမှာ ကျင်းပတဲ့ ၂၀၁၃ ခုနှစ် ဆောင်းရာသီ အထူး အိုလံပစ် ပွဲတော် ဖွင့်ပွဲကို တက်ရောက်ခဲ့ တဲ့ ဒေါ်အောင်ဆန်းစုကြည်ဟာ ပြိုင်ပွဲ ပထမနေ့မှာ ယှဉ်ပြိုင်ကြသူတွေကို အားပေးခဲ့ ပါတယ်။ နှင်းတွေ ထူထူထပ်ထပ် ကျနေတဲ့ ကွင်းထဲမှာ ယှဉ်ပြိုင်ကြတဲ့ ပြိုင်ပွဲကို အားပေးခဲ့သလို မသန်မစွမ်းဖြစ်နေပေမယ့် ကွဲပြားတဲ့စွမ်းရည် အသီးသီးရှိနေတဲ့ အားကစားသမားတွေနဲ့ လည်း တွေ့ဆုံ စကားပြောခဲ့တာပါ။
ဒီ ဆောင်းရာသီ အိုလံပစ်ပြိုင်ပွဲမှာ Alpine နဲ့ cross-country စကိတ် စီးပြိုင်ပွဲတွေ၊ နှင်းလျှောစီးပြိုင်ပွဲ၊ အမြန်စကိတ်စီး ပြိုင်ပွဲနဲ့ အလှ စကိတ်စီးပြိုင်ပွဲတွေ အပြင် ဟော်ကီပြိုင်ပွဲနဲ့ Snowshoeing လို့ခေါ်တဲ့ နှင်းစီး ဖိနပ်စီးပြီး ပြိုင်ရတာလို အားကစားနည်း ၇ မျိုးကို အားကစား သမား ၃,၀၀၀ လောက် ပါဝင်ယှဉ်ပြိုင်ကြတာဖြစ်ပါတယ်။
အဲဒီပွဲမှာကျင်းပတဲ့ “ဆင်းရဲတွင်း သံသရာလည်နေမှုနဲ့ စွမ်းရည်ရှိတဲ့ မသန်မစွမ်းသူတွေကို ဖယ်ကျဉ်ထားတာ အဆုံးသတ်ရေး” ဆိုတဲ့ခေါင်းစဉ်နဲ့ ကျင်းပတဲ့ ဖွံ့ဖြိုးရေး ဆိုင်ရာ ညီလာခံ ကိုလည်း DASSK တက်ရောက် ခဲ့ပါတယ်။
သူများနည်းတူမဟုတ်ဘဲ ကွဲပြားမှု ရှိနေတာအတွက် ကျန်တဲ့ လူမှု အသိုင်းအ၀ိုင်းက ၀ိုင်းပယ် ထားတာမျိုး ဟာ မဖြစ်သင့်ဘူးလို့ ညီလာခံမှာ ပြောကြား ခဲ့ပါတယ်။ မြန်မာနိုင်ငံ ရခိုင်ပြည်နယ် ထဲမှာ သိပ်မကြာခင်က ဗုဒ္ဓ ဘာသာနဲ့ မူဆလင်တွေကြားဖြစ်ပွားတဲ့ အကြမ်းဘက်မှုတွေကို ဥပမာပေးပြီးပြောခဲ့ တာပါ။
“ဒီလိုဖြစ်ခဲ့တာအတွက် မြန်မာနိုင်ငံမှာမှ ပြဿနာ ထူးထူးခြားခြား ရှိနေတယ်လို့ ပြောလို့ မရပါဘူး။ ဒါက ဘာကိုပြသလဲ ဆိုတော့ ကျမတို့မှာ အထူး အခွင့်အလန်းတွေ ရှိတယ် ဆိုတာပါ။ ကျမကတော့ ကျိန်းသေပြောရဲပါတယ်။ သိပ်မကြာခင် အချိန်တွေ အတွင်းမှာပဲ ကျမတို့ သဟဇာတဖြစ်ပြီး ငြိမ်းချမ်းရေးကို ရနိုင်မယ်ဆိုတာပါ။”
ဒီလို ငြိမ်းချမ်းရေးရဖို့အတွက် စာနာစိတ်ကိုယ်စီရှိဖို့လိုတယ်လို့လည်း ပြောပါတယ်။
“ပြဿနာတွေဖြစ်လာတာမို့ ရှက်နေစရာမလိုသလို ဒီပြဿနာတွေ အတွက်လည်း ကြောက်နေစရာမလိုပါဘူး။ ကျမတို့ အားလုံး လုပ်ရမှာက မှန်ကန်တဲ့ အဖြေကို ရအောင်ရှာဖို့ပါ။ လူမှု အသိုင်းအ၀ိုင်း ထဲမှာ ဖြစ်နေတဲ့ ဘယ်ပြဿနာမျိုး အတွက်မဆို မှန်ကန်တဲ့အဖြေ ရအောင် ရှာဖို့ဆိုရင် စာနာစိတ်ရှိဖို့ လိုပါတယ်။”
အခုလို လူမှုအသိုင်းအ၀ိုင်း မတူကွဲပြားမှုကြောင့် ဖြစ်ပွားနေတဲ့ ပြဿနာတွေအတွက် စာနာ စိတ်ထားဖြေရှင်းဖို့ စိတ်ထားတတ်ဖို့ ပြောဆို ခဲ့သလို မြန်မာနိုင်ငံရဲ့ လက်ရှိ အားကစား အခြေနေကိုလည်း သုံးသပ်ပြခဲ့ပါတယ်။
မြန်မာနိုင်ငံမှာ အားကစားနဲ့ အားကစားဆိုင်ရာပညာရေးကို နှစ်ရှည်လများ လျစ်လျူရှုတာ ခံနေရတယ်လို့ ဒေါ်အောင်ဆန်းစုကြည်က ၀န်ခံခဲ့ပြီး ဒါကို အထူးအားပေးဖို့ လုပ်ဆောင်မယ် လို့ ကတိပြုခဲ့ပါတယ်။
“ကျမတို့နိုင်ငံမှာ ပညာရေးအတွက် လျစ်လျူရှုတာကို ခံခဲ့ရပါတယ်။ ကျောင်းတွေမှာဆိုရင် အားကစားပညာရေးကို သိပ်မအလေးမထားသလို အားကစား အထောက်အကူပစ္စည်းတွေ လည်း မရှိလှပါဘူး။ ကုန်ကုန်ပြောမယ် ရိုးရိုးအားကစားနည်းအတွက်တောင် မရှိပါဘူး။ ဒါ့ကြောင့် ဒါကို အားပေးချင်ပါတယ်။ ကျမတို့ရဲ့လူငယ်တွေ ကိုယ်ခန္ဓာ ကြံ့ခိုင်သန်စွမ်းဖို့သာ မကပဲ အားကစားစိတ်ဓာတ်တွေရှိလာဖို့ လုပ်ရမှာပါ။ အတူတကွ လက်တွဲ လုပ်ကိုင်နိုင်စွမ်း တို့၊ အဖွဲ့အစည်းနဲ့ လုပ်ဆောင်တဲ့စိတ်ဓာတ် ရှိဖို့ဆိုတဲ့ အားကစားစိတ်ဓာတ်မျိုး ရှိကြဖို့ လိုနေပါတယ်။”
ဆောင်းရာသီ အိုလံပစ်ပွဲတော်အတွင်း ကျင်းပတဲ့ ကမ္ဘာလုံးဆိုင်ရာ ဖွံ့ဖြိုးရေးညီလာခံကို တက်ရောက်လာသူတွေဟာ စွမ်းရည်ရှိတဲ့ မသန်မစွမ်းသူတွေရဲ့ ရပိုင်ခွင့်တွေ တိုးတက်လာ စေဖို့အတွက် ပူးတွဲကြေညာချက် ထုတ်ပြန်ဖို့လည်း ရှိပါတယ်။
ဒီ ဆောင်းရာသီ အိုလံပစ်ပြိုင်ပွဲတွေဟာ အရင်တုန်းက တက်ရောက်သူသိပ်မရှိဘဲ စိတ်ဝင်စားမှု နည်းပါးခဲ့တာပါ။ အခုတော့ ကမ္ဘာတ၀န်းမှာ ကျင်းပနိုင်ဖို့အတွက် ပွဲစီစဉ်သူတွေ က စုစုစည်းစည်း ကြိုးပမ်းနေတာပါ။ လာမယ့် ၂၀၁၈ ခုနှစ် ဆောင်းရာသီ အိုလံပစ်ပွဲတော် ကိုလည်း ဒီ ဖျောင်းချန်းမှာပဲ ကျင်းပမှာဖြစ်ပါတယ်။
Ref: VOA News
Read More...
Collapse...
မအေးအေးမာ
30.01.2013
ဆင်းရဲမွဲတေမှု တိုက်ဖျက်ရေးနဲ့ ဖွံ့ဖြိုးရေးအတွက် လယ်ယာစိုက်ပျိုးရေးနဲ့ ဆည်မြောင်း ၀န်ကြီးဌာန ၀န်ကြီးရဲ့ ဧရာဝတီတိုင်း ခရီးစဉ် အတွင်းမှာ လယ်သမားတွေကို ခြိုးခြံချွေတာဖို့ တိုက်တွန်းတဲ့ မှတ်ချက်အပေါ် ဒေသခံတွေက မကျေမနပ် ဖြစ်နေကြပါတယ်။ ခြိုးခြံချွေတာရေး အတွက် ထမင်းလျှော့စားပါလို့ ဝန်ကြီးက ပြောခဲ့တာကြောင့် အခုလို မကျေမနပ် ဖြစ်နေတာပါ။ ဒီအကြောင်း အပြည့်အစုံကိုတော့ ဆက်သွယ် စုံစမ်းထားတဲ့ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။
မြန်မာနိုင်ငံက အခြေခံ တောင်သူလယ်သမားတွေ၊ ဝင်ငွေနည်း လူနေမှုဘဝ တိုးတက်မြင့်မားစေ ဖို့ တိကျတဲ့ ရည်မှန်းချက်တွေထားပြီး အကောင် အထည်ဖော် ဆောင်ရွက်လျှက် ရှိတယ်ဆိုပြီး လယ်ယာနဲ့ စိုက်ပျိုးရေး၊ ဆည်မြောင်းဝန်ကြီး ဦးမြင့်လှိုင်နဲ့အဖွဲ့က ပြောခဲ့ပါတယ်။
ဦးမြင့်လှိုင်နဲ့အဖွဲ့ဟာ လယ်သမားတွေရဲ့ အခြေအနေကို ကွင်းဆင်းလေ့လာ ခဲ့ရာမှာတော့ ဧရာဝတီတိုင်း၊ မအူပင်ခရိုင်၊ ဓနုဖြူမြို့နယ်က လယ်ယာ ကဏ္ဍ ဖွံ့ဖြိုးမှုဆိုင်ရာ လုပ်ငန်းတွေနဲ့ လယ်ယာကဏ္ဍတွေမှာ အကူအညီပေးမယ့် လုပ်ငန်းတွေကို သွားရောက်ဆွေးနွေးခဲ့ပါတယ်။ ဒီဆွေးနွေးချိန်မှာ အကြွေးတင်ပြီး အဆင်မပြေဖြစ်နေတဲ့ လယ်သမားတွေကို လယ်ယာ စိုက်ပျိုးရေးနဲ့ ဆည်မြောင်း ဝန်ကြီးဌာန ပြည်ထောင်စုဝန်ကြီး ဦးမြင့်လှိုင်က အခုလို ပြောသွားပါတယ်။
“ကြွေးတင်တာကို ဆပ်လို့ရအောင် ထမင်းတစ်နပ် လျှော့စားပေါ့။ တလပြည့်လို့ရှိရင် ငါ ဘယ်လောက် ဆပ်နိုင်မလဲ၊ ခြောက်လဆိုရင် ဘယ်လောက်ဆပ်နိုင်မလဲ၊ ငါနဲ့ ငါ့မိသားစုတွေ လည်း တစ်နပ်လျှော့စားမယ်၊ ဒီလို စိတ်ဓာတ်မျိုး- ဥပုသ်စောင့်တဲ့ သဘောမျိုးပေါ့ဗျာ။ ကုသိုလ် လည်းရ၊ ဝမ်းလည်းဝပေါ့။၊ ငါတို့ ဥပုသ်စောင့်နေတယ်- ဒီလို စိတ်ဓာတ်နဲ့ လုပ်လိုက်ရင် အကြွေးကျေသွား မှာပေါ့။ ရလာ ပါလိမ့်မယ်ကွာ၊ ရလာ ပါလိမ့်မယ်ကွာနဲ့ နေရင် မရရင် ကြွေး မကျေဘူး၊ အကြွေးမကျေရင် သံသရာထဲက လွတ်မှာ မဟုတ်ဘူး။ နောင်ဘဝကျရင် ကျွန်ပြန်ဖြစ်လိမ့်မယ်။”
လယ်ယာစိုက်ပျိုးရေး၊ ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်အနေနဲ့ အကြွေးတင်နေတဲ့ လယ်သမားတွေကို ထမင်း တနပ်ပဲ လျှော့စားပါဆိုတဲ့ ဖြေရှင်းနည်းထက် လယ်သမားတွေရဲ့ လက်ရှိ ဖြစ်နေရတဲ့ အခက်အခဲတွေကို နားလည်စာနာပြီး ဖြေရှင်းပေးဖို့ တာဝန်ရှိတယ်လို့ လယ်သမားအရေးဆောင်ရွက်နေသူ ဦးဌေးက ပြောပါတယ်။
“လယ်သမားအများစုဟာ ဒီနှစ်ကာလမှာ အတိဒုက္ခရောက်နေကြရပါတယ်။ လယ်ယာမြေ အများစုဟာ ခရိုနီတွေ အပါအဝင် တပ်မတော်၊ တပ်ရင်း တပ်ဖွဲ့တို့၊ ဌာနဆိုင်ရာတို့၊ ကုမ္ပဏီတို့ သိမ်းပိုက်မှုကြောင့် လယ်မြေလက်လွှတ် ဆုံးရှုံး ရတာတွေလည်း တော်တော် များပါတယ်။ တဘက်ကလည်း မြို့မြေတွေ၊ ရွာမြေတွေ တိုးချဲ့တယ် ဆိုရင်လည်း လက်လွှတ် ဆုံးရှုံး ရတာတွေ လည်း များပါတယ်။ သီးနှံဈေးနှုန်းတွေက ကျဆင်း ပါတယ်။ လယ်သမားတွေ အဓိက အားထားရ တဲ့ ထွက်ကုန်ဖြစ်တဲ့ စပါးဈေးနှုန်းတွေက အတော် ကျဆင်းနေပါတယ်။ ဝယ်ယူရတဲ့ ဓာတ်မြေသြဇာတို့၊ ပိုးသတ်ဆေးတို့ အပါအဝင် ဒီဇယ်ဆီတို့၊ ကျွဲနွား စရိတ်တွေ ဈေးတွေက အကုန်လုံး တက်နေပါတယ်။ အတော် အတိဒုက္ခ ရောက်ပါတယ်။
နိုင်ငံတော်ကနေ ချေးမယ်ဆိုတာကလည်း လယ်သမားတွေမှာ အပြည့်အဝ မရကြပါဘူး။ အပြည့်အဝ မရတဲ့ အခါမှာ အပြင်ကနေ ယူတဲ့အခါမှာ အတိုးက အနည်းဆုံး လစဉ် ၅ % အနည်းဆုံးပေးရပါတယ်။ အတိုးတွေက ရှိနေပါတယ်။ အဲဒီကျတော့ ဒီလို အနေအထားမျိုးမှာ လယ်သမားတွေကို ထမင်းတနပ်လျှော့စားဖို့ ပြောတာကတော့ ဒါကတော့ လက်လွတ်စပယ်နိုင်လွန်းတယ်လို့ ကျနော်တို့ ထင်ပါတယ်။”
မြန်မာနိုင်ငံမှာ အရပ်သားအစိုးရသစ်လက်ထက် ဆင်းရဲမွဲတေမှု ပပျောက်အောင် ဆောင်ရွက်နေတယ် ဆိုတာမျိုးတွေကိုလည်း ဆောင်ရွက်နေပါတယ်။ ဒါပေမဲ့လည်း ထိရောက်တဲ့ ဆောင်ရွက်တာမျိုးတွေ အားနည်းနေသေးတဲ့ အတွက်လည်း မြန်မာနိုင်ငံ၊ အဓိက လူတန်းစား နှစ်ရပ်ဖြစ်တဲ့ လယ်သမားနဲ့ အလုပ်သမားတွေ ရဲ့ ဘဝတွေဟာ သိသာထင်ရှားတဲ့ အပြောင်းအလဲတွေ မမြင်ရသေးဘူးလို့ အလုပ်သမား အရေး ဆောင်ရွက်နေသူတွေက ဆိုပါတယ်။
ဆင်းရဲမွဲတေမှု ပပျောက်ဖို့အတွက် လယ်သမားတွေရဲ့ဘဝတွေကို မြှင့်တင်ပေးဖို့ လိုအပ်တယ်လို့ လယ်သမားအရေးဆောင်ရွက်နေသူ ဦးဌေးက ဆက်ပြောပြပါတယ်။
“ဆင်းရဲမွဲတေမှု ပပျောက်အောင်၊ အလုပ်သမား၊ လယ်သမားတွေအတွက် အကျိုးရှိအောင် ဘယ်လို ပိုမို လုပ်ပေးနိုင်မလဲ၊ အဲဒီရှုဒေါင့်ကနေ စဉ်းစားကြရမှာ ဖြစ်ပါတယ်။ အဲလိုမဟုတ်ဘဲနဲ့ လယ်သမားတွေအနေနဲ့ ထမင်းတနပ် လျှော့စားဖို့ဆိုရင် ဒီစကားမျိုးကတော့ မသင့်ပါဘူး။”
ဝန်ကြီးဦးမြင့်လှိုင်ကတော့ အစိုးရသစ်အနေနဲ့ အခြေခံ တောင်သူလယ်သမားတွေရဲ့ ဝင်ငွေနဲ့ လူနေမှုဘဝ တိုးတက်မြင့်မားလာစေဖို့ တိကျတဲ့ ရည်မှန်းချက်တွေ ချမှတ်ထားပြီး အကောင်အထည်ဖော် ဆောင်ရွက်နေတဲ့ အကြောင်း၊ လယ်သမားတွေရဲ့ နိုးကြားထကြွစွာ ပူးပေါင်းဆောင်ရွက်မှုကို လိုအပ်တဲ့အကြောင်း၊ စက်မှုလယ်ယာ လုပ်ငန်းစဉ် စနစ်ကို ပြောင်းလဲ တဲ့နေရာမှာ အားလုံးပါဝင်ဖို့ လိုအပ်ကြောင်းတွေကိုလည်း လယ်သမားတွေနဲ့ တွေ့တဲ့ အချိန်မှာ ပြောဆိုသွားခဲ့ပါတယ်ရှင်။
Ref: VOA News
Read More...
Collapse...
2013-01-30
ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက် ပဋိပက္ခတွေရဲ့ဒဏ် ခံစားခဲ့ရတဲ့ ဒုက္ခသည်တွေကို အမေရိကန် ပြည်ထောင်စု အပြည်ပြည် ဆိုင်ရာ ဖွံ့ဖြိုးမှုအေဂျင်စီ USAID က ဒေါ်လာ ၄.၂ သန်း ဒုတိယ အကြိမ် ထပ်မံ ကူညီခဲ့ပါတယ်။
အမေရိကန်ပြည်ထောင်စုဟာ ရခိုင်ပြည်နယ်က ဒုက္ခသည်တွေအတွက် ပြီးခဲ့တဲ့ ၂ဝ၁၂ ခုနှစ် ဇွန်လ အတွင်းက ပထမဦးဆုံး အကြိမ် ကူညီခဲ့ပါတယ်။ အခု တစ်ကြိမ်နဲ့ဆိုရင် စုစုပေါင်းထောက်ပံ့ငွေ အမေရိကန်ဒေါ်လာ ၇ သန်းကျော် ရှိပြီလို့ မြန်မာနိုင်ငံဆိုင်ရာ အမေရိကန် သံရုံးက ဇန်နဝါရီလ ၃ဝ ရက် ရက်စွဲနဲ့ သတင်း ထုတ်ပြန်ထားပါတယ်။
ဒါ့အပြင် အမေရိကန်ပြည်ထောင်စုအနေနဲ့ ဒုက္ခသည်တွေကို နည်သူမည်ဝါ မခွဲခြားပဲ နိုင်ငံတကာ အခြေခံမူတွေ၊ စံချိန်စံညွှန်းတွေ အတိုင်း ကူညီထောက်ပံ့မှုတွေ ဆက်လက်ဆောင်ရွက် သွားမယ်လို့ ထုတ်ပြန်ချက်မှာ ဖေါ်ပြ ထားပါတယ်။
Ref: RFA News
Read More...
Collapse...
ဖနိဒါ
ဗုဒ္ဓဟူးနေ့၊ ဇန်နဝါရီလ ၃၀ ရက် ၂၀၁၃
ချင်းမိုင်(မဇ္စျိမ)။ ။ အစိုးရ စစ်တပ်ဘက်မှ ကချင်ပြည်နယ်အတွင်း ထိုးစစ်ဆင် တိုက်ခိုက်မှု ရပ်ဆိုင်း၍ နိုင်ငံရေး ဆွေးနွေးမှု အမြန်ဆုံးပြုလုပ်ရန် ကချင်နှစ်ခြင်း ခရစ်ယာန် အဖွဲ့ချုပ် KBC က ယနေ့ ထုတ်ပြန် လိုက်သည်။
တနှစ်တကြိမ် ကျင်းပပြုလုပ်သော KBC အသင်းတော်၏ သုံးရက်ကြာ အုပ်ချုပ်စီမံ အစည်းအဝေး အပြီးတွင် ယနေ့ ဗုဒ္ဓဟူးနေ့မှာ ယင်းတို့၏ သဘောထားကို နောင်နန်းကျေးရွာရှိ “ရာပြည့်တောင်” (Jaw Bum) တွင် ဆုတောင်း၍ ထို ထုတ်ပြန်အား ဖတ်ကြားခဲ့ခြင်း ဖြစ်သည်။
ထိုအစည်းအဝေးတွင် KBC အသင်းတော်မှ ဘာသာဝင် လေးသိန်း၏ ကိုယ်စားလှယ် ၁၆၀ ဦး တက်ရောက် ခဲ့သည် ဟု KBC ၏ အထွေထွေ အတွင်းရေးမှူး သိက္ခာတော်ရ ဆရာတော် ဒေါက်တာ ခလမ်ဆမ်ဇွန်က ပြောသည်။
“ဒီကချင်ဒေသမှာ ဖြစ်နေတဲ့ တပ်မတော်ရဲ့ စစ်ဆင်ရေးက ကချင်လူမျိုးတွေကို ချေမှုန်းတဲ့ စစ်ဆင်ရေးလို ဖြစ်နေတာကို ကျနော်တို့ ဆုတောင်းတဲ့ အုပ်ချုပ်စီမံ အစည်းအဝေးမှာ ကျနော်တို့ရဲ့သဘောထားကို ထုတ်ပြန်လိုက်ပါ
တယ်”ဟု သူက မဇ္စျိမကို ပြောသည်။
တရုတ်-မြန်မာနယ်စပ် လိုင်ဇာ၊ လဂျားယန်းအနီးတဝိုက် အစိုးရ စစ်တပ်နှင့် ကချင်လွတ်လပ်ရေးအဖွဲ့ KIO တပ်ဖွဲ့များ အကြား တိုက်ပွဲများ ဖြစ်ပွားနေသဖြင့် စိုးရိမ်ခြင်းကြောင့် ထုတ်ပြန်ရခြင်း ဖြစ်သည်ဟု သူက ဆက် ပြောသည်။
“နိုင်ငံတော် သမ္မတ ၏ ထာဝရ ငြိမ်းချမ်ရေး လမ်းပြမြေပုံ ဖော်ဆောင်နေသည့် ကာလအတွင်း တိုင်းရင်းသား ညီအစ်ကိုများ အကြား ယုံကြည်မှုနှင့် စည်းလုံး ညီညွတ်ရေးကို ထိခိုက်ပျက်ပြားစေသည့် ကချင်ဒေသ အတွင်း စစ်ရေး တိုက်ခိုက်မှုများကို ချက်ချင်း ရပ်တန့်ပေးရန်” ဟူ၍ ၄င်းတို့၏ ထုတ်ပြန်ချက်တွင် ဖော်ပြထားသည်။
အဓမ္မနည်းအားဖြင့် ငြိမ်းချမ်းရေး ရယူရန် ကြိုးပမ်းခြင်းသည် ရေရှည်တည်တံ့မည်ဟု မယုံကြောင်း စစ်မှန်ပြီး တရား မျှတသော ငြိမ်းချမ်းရေး ရရှိနိုင်ရန် တိကျသော မူဝါဒများ၊ လုပ်ငန်းစဉ်များ ချမှတ်ကာ နိုင်ငံရေးတွေ့ဆုံ
ဆွေးနွေးခြင်း အမြန်ဆုံးပြုလုပ်ရန်တို့ အပါအဝင် စစ်ပြေးဒုက္ခသည် များအား ကုလသမဂ္ဂနှင့် နိုင်ငံတကာ အကူ အညီများကို အတားအဆီးမရှိ ကူညီခွင့်ပြုရန် အဆိုပါ ထုတ်ပြန်ချက်တွင် တောင်းဆိုထားသည်။
ထို့ပြင် ပြည်သူများအား မတရားဖမ်းဆီးခြင်း၊ စစ်ပြေးဒုက္ခသည်စခန်းသို့ လက်နက်နှင့် ပစ်ခတ်ခြင်း၊ မီးရှို့ခြင်းနှင့် အမျိုးသမီးများအား အဓမ္မပြုကျင့်ခြင်းများ မပြုလုပ်ရန်နှင့် အပြည်ပြည်ဆိုင်ရာ လူ့အခွင့်အရေး ဆိုင်ရာ သဘော
တူညီချက်များကို လေးစား လိုက်နာရန် တို့ကိုလည်း တိုက်တွန်းလိုက်သည်။
လတ်တလော ကချင်ကျေးရွာများအတွင်း အစိုးရစစ်တပ်၏ ပစ်ခတ်မှုများကြောင်း စိုးရိမ်မှု များဖြင့် ခိုလှုံနေရကြောင်း ဒေါက်တာ ခလမ်ဆမ်ဇွန်က ပြောသည်။
ယမန်နေ့က မြစ်ကြီးနားမှ မိုင် ၃၀ ကျော်အကွာ မရန်းကျေးရွာအနီး အခြေစိုက်ထားသော အစိုးရ၏ အမြောက်တပ်မှ ပစ်ခတ် လိုက်သည့် လက်နက်ကြီး တလုံး ထိုကျေးရွာထဲ ကျရောက်ခဲ့သဖြင့် ဒေသခံ လူ နှစ်ဦး သေဆုံးပြီး သုံးဦး ဒဏ်ရာ ရရှိခဲ့သည်ဟု သူက မဇ္စျိမကို ပြောသည်။
Ref: မဇ္ဈိမ
Read More...
Collapse...
သာလွန်ဇောင်းထက်
January 30, 2013
ရန်ကုန်မြို့မှ ကချင်ပြည်နယ် လိုင်ဇာမြို့နယ်အထိ ငြိမ်းချမ်းရေး လမ်းလျှောက်နေသူများနှင့် လိုက်ပါ၍ သတင်း မှတ်တမ်း ရယူသည့် ပြင်သစ်နိုင်ငံသား တဦးကို ယနေ့ညနေ ပိုင်းတွင် မြန်မာနိုင်ငံမှ ပြည်နှင်ဒဏ် ပေးမည်ဖြစ်ကြောင်း သိရှိရသည်။
တောင်ငူမြို့နယ်တွင် ရောက်ရှိနေသည့် ငြိမ်းချမ်းရေး လမ်းလျှောက်သူများအကြောင်း လိုက်လံ မှတ်တမ်း ယူနေသော ပြင်သစ်နိုင်ငံသား Mr. Christofa ဆိုသူကို ယနေ့ နေ့လယ်ပိုင်းတွင် အာဏာပိုင်များက သူတည်းခိုနေရာ တောင်ငူမြို့ အမေ့အိမ် တည်းခိုခန်းမှ လာရောက်ခေါ်ဆောင် သွားပြီး ရန်ကုန် အပြည်ပြည်ဆိုင်ရာ လေဆိပ်မှ တဆင့် ယနေ့ညနေပိုင်းတွင် ပြည်နှင်ဒဏ် ပေးမည်ဖြစ်ကြောင်း ငြိမ်းချမ်းရေး လမ်းလျှောက်သူတဦး ဖြစ်သည့် မမြနန္ဒာက ပြောသည်။
“ပြင်သစ်နိုင်ငံသားက မနေ့ကတည်းက ကျွဲပွဲကနေ တောင်ငူအထိ တနေကုန် သတင်းမှတ်တမ်း လိုက်ယူတယ်။ ကျမတို့ ကိုလည်း သူက အင်တာဗျူးတွေ ဘာတွေ လုပ်တယ်။ သူက ဖေဖော်ဝါရီ ၈ ရက်နေ့ အထိ ဗီဇာ ရထားပြီးသားလို့ ပြောတယ်။ ဗီဇာကတော့ ကမ္ဘာလှည့်ခရီးသွား ဗီဇာ အမျိုးအစား၊ ဒီနေ့ နေ့လယ် ၁၂ နာရီမှာ သူတည်းနေတဲ့ ဟိုတယ်ကနေ တောင်ငူမြို့နယ် လ၀ကမှူး ဦးစန်းဝင်းနဲ့ အာဏာပိုင်တွေက သူ့ရဲ့ အထုပ်အပိုးတွေကို ကားပေါ်တင်ပြီး ရန်ကုန်ကို ပို့မယ်၊ လေဆိပ်ကနေ ဒီညနေ ပြည်နှင်မယ်လို့ ပြောတယ်” ဟု မမြနန္ဒာက ဆိုသည်။
တောင်ငူမြို့နယ် လူဝင်မှုကြီးကြပ်ရေး ဦးစီးဌာနရုံးမှ တာဝန်ရှိသူ တဦးကလည်း ပြင်သစ်နိုင်ငံသား Mr. Christofa ကို ဦးစီးအရာရှိ ဦးစန်းဝင်း ကိုယ်တိုင် ရန်ကုန်မြို့သို့ ပြန်လည်ခေါ်ဆောင် သွားပြီ ဖြစ်ပြီး တိုင်းဦးစီး ဌာန၏ ညွှန်ကြားချက် အရ ထိုသို့ လုပ်ဆောင်ခြင်း ဖြစ်ကြောင်း အတည်ပြုပြောဆိုသည်။
Mr. Christofa ကို ပြည်နှင်ဒဏ် ပေးရာတွင် အထက်အာဏာပိုင်များ၏ ညွှန်ကြားချက်အရ ဆောင်ရွက်ခြင်း ဖြစ်ကြောင်း၊ မည်သည့် အကြောင်းကြောင့် ပြည်နှင်ဒဏ်ပေးသည်၊ မည်သူက ညွှန်ကြားသည် ဆိုသော အချက်အလက်များကို ထုတ်ဖော်မပြောနိုင်ဟု သိရှိရကြောင်း ငြိမ်းချမ်းရေး လမ်းလျှောက်သူများက ဆိုသည်။
“လ၀က ဦးစီးအရာရှိ ဦးစန်းဝင်း ပြောတာကတော့ ပြင်သစ်နိုင်ငံသားကို ပြည်နှင်ဒဏ်ပေးတယ်ပေါ့။ ဘာကြောင့် ဘယ်သူက ညွှန်ကြားလို့ ပေးတာလဲ ဆိုတာကို မပြောဘူး။ Christofa က ကျမတို့ဆီကို ဖုန်းဆက်ပြောတာက သူရဲ့ အထုပ်အပိုးတွေကို အတင်း ကားပေါ်ဆွဲတင်ပြီး ကြမ်းကြမ်းတမ်းတမ်း ဆက်ဆံတယ်လို့လည်း ပြောပါတယ်” ဟု မမြနန္ဒာက ရှင်းပြသည်။
Mr. Christofa က ယနေ့ညနေ ရန်ကုန်လေဆိပ်တွင် သတင်းထောက်များနှင့် တွေ့ဆုံလိုသဖြင့် သတင်းထောက်များကို အကြောင်းကြား ပေးထားရန် အကူအညီ တောင်းခံထားကြောင်း ငြိမ်းချမ်းရေး လမ်းလျှောက်သူများထံမှ သိရှိရသည်။
ငြိမ်းချမ်းရေး လမ်းလျှောက်သူများသည် ရန်ကုန်မြို့မှ ဇန်န၀ါရီလ ၂၁ ရက်နေ့ တွင်ထွက်ခွာခဲ့ပြီး လိုင်ဇာမြို့သို့ ရောက်သည်အထိ လမ်းလျှောက်မည် ဖြစ်ကြောင်း၊ တနေ့လျှင် မိုင်၂၀ အထိ ရောက်အောင် လျှောက်မည်ဖြစ်ကာ လက်ရှိ အဖွဲ့အတွင်းတွင် သံဃာတော် ၅ ပါးနှင့် လမ်းလျှောက်သူ ၃၀ ဦးပါဝင်ကြောင်း သိရှိရသည်။
Ref: ဧရာဝတီ
Read More...
Collapse...
စနေလင်း
January 30, 2013
ကာကွယ်ရေး ၀န်ကြီးဌာနက ဇန်န၀ါရီ ၂၉ ရက်နေ့ ရက်စွဲဖြင့် ထုတ်ပြန်ချက်တွင် ပါရှိသော ပြည်တွင်းပြည်ပ မီဒီယာ တချို့သည် ကချင် အရေးနှင့် ပတ်သက်၍ ဖော်ပြရာတွင် တဘက်စောင်းနင်း ဖြစ်နေသည် ဆိုသည့် အချက်ကို ပြည်တွင်းပြည်ပ သတင်းသမားများက ထိုသို့မဟုတ်ကြောင်း ပြန်လည် တုံ့ပြန်ကြသည်။
လက်ရှိအချိန်အထိ တပ်မတော်ဘက်မှ ပွင့်လင်းမြင်သာမှုမရှိဘဲ သတင်း ထုတ်ပြန်မှု တချို့တွင်လည်း နှောင့်နှေး ကြန့်ကြာ မှုများ ရှိသည့် အတွက် သတင်းသမားများ အနေဖြင့် ရသည့်ဘက်မှ ရေးသားရခြင်းမျိုးသာဖြစ်သည်ဟု 7Day News ဂျာနယ် တာဝန်ခံအယ်ဒီတာ ကိုအားမာန်က ပြောသည်။
၂၀၁၂ ခုနှစ် သြဂုတ်လ မတိုင်ခင်အထိ စာပေစိစစ်ရေး ရှိနေသောကြောင့် ထိုသတင်းမျိုးကို ရေးသား၍ မရခဲ့ကြောင်း၊ အခုနောက်ပိုင်းမှ ပိုမိုရေးသား ခဲ့ကြောင်း၊ သို့ရာတွင် ကချင် လွတ်မြောက်ရေး တပ်မတော် (KIA) ဘက်သို့မေးမြန်းရာတွင် လွယ်ကူသော်လည်း အစိုးရ တပ်မတော်ဘက်သို့ မေးမြန်းရာတွင် မည်သည့် အချိန်ကမှ မရခဲ့ကြောင်း ၎င်းက ဆက်ပြောသည်။
“KIA ဘက်မှာ အွန်လိုင်းကပဲဖြစ်ဖြစ်၊ ဖုန်းနဲ့ပဲဖြစ်ဖြစ်၊ လူကိုယ်တိုင်ကွင်းဆင်းပြီး သတင်းယူရင်ပဲ ဖြစ်ဖြစ် အားလုံး အဆင်ပြေတယ်။ မေးချင်တာ အကုန်လုံးဖြေတယ်။ ပွင့်လင်းမြင်သာတယ်။ တပ်မတော် ဘက်က စစ်ပွဲနဲ့ ပက်သက်တဲ့ မှတ်ချက်တွေ၊ အချက်အလက်တွေ တောင်းရင် ဘယ်တုန်းကမှ မရခဲ့ဘူး” ဟု သူက ဆိုသည်။
ထို့အပြင် KIA စစ်ကြောင်းနှင့် လိုက်ပါသတင်းယူလျှင် လွယ်ကူသော်လည်း အစိုးရ တပ်မတော် စစ်ကြောင်းနှင့် သတင်း လိုက်ယူရာတွင် လက်မခံကြောင်း၊ သတင်းသမားများ အနေဖြင့် နှစ်ဘက်စလုံးမှ သတင်းများကို ရေးသား ချင်သော်လည်း သတင်းဌာနများ အနေဖြင့် အချိန်နှင့်အမျှ ထုတ်ပြန် ရေးသား ရသောကြောင့် အချိန်နှင့် တပြေးညီ မှန်ကန်သော ဖြေရှင်းချက် များ၊ ထုတ်ပြန်မှုများပြုလုပ်ရန် လိုအပ်ကြောင်း AP သတင်းဌာနမှ ဒေါ်အေးအေးဝင်းက ပြောသည်။
အစိုးရ တပ်မတော်ဘက်မှ သတင်းအချက်အလက်နှင့် ပက်သက်ပြီး ပြောရေးဆိုခွင့်ရှိသူ တဦးကို ခန့်အပ်ထားရန် လိုအပ်ကြောင်း၊ ယခုကဲ့သို့ တဘက်တည်းက ပွင့်လင်းမြင်သာစွာ ပြောဆိုသောကြောင့် ထိုတဘက်မှ ထုတ်ပြန်ချက် များကိုသာ ဖော်ပြနေရခြင်းအပေါ် စိတ်မဆိုးသင့်ဘဲ ပြုပြင်ရန်လိုအပ်ကြောင်း ၎င်းက ရှင်းပြသည်။
“KIA နဲ့ ဆက်သွယ်ပြီး အဲဒီနယ်မြေအထိ သတင်းလိုက်ယူလို့ရတယ်။ အစိုးရ စစ်တပ်နဲ့က အဲဒီလိုလုပ်ဖို့ ကြိုးစားလို့မရဘူး။ အဲဒါတွေကို ချေဖျက်ချင်ရင် ဒီလိုဖြစ်တာကို စိတ်ဆိုးမနေဘဲနဲ့ ဒါကိုပြုပြင်ပေးလိုက်ရင် ပြီးတာပဲ။ များများ သတင်းထွက်အောင် လုပ်ပေးလိုက်ပေါ့။ သူတို့ဘက်က ဟာလည်းရေးချင်တာပဲ” ဟု သူက ဆက်ပြောသည်။
တိုက်ပွဲစတင်ဖြစ်ပွားချိန်က အစိုးရ၏ သတင်းထုတ်ပြန်မှုများသည် အလွန်နှေးကွေးခဲ့သော်လည်း ယခုနောက်ပိုင်းတွင် ကချင်စစ်ပွဲနှင့် ပက်သက်ပြီး အစိုးရဘက်မှ အနည်းငယ် ဖော်ပြခဲ့ကြောင်း၊ သတင်းဌာနများ အနေဖြင့် ရသလောက် မျှတစွာ ထည့်သွင်း ရေးသားခဲ့ကြကြောင်း Open News ဂျာနယ်မှ အယ်ဒီတာချုပ် ဦးသီဟစောက ဆိုသည်။
စာနယ်ဇင်း ကျင့်ဝတ်အရ ဘက်မျှစွာ ဖော်ပြရမည်သာ ဖြစ်ကြောင်း၊ စာနယ်ဇင်း သမားများအနေဖြင့် ကြိုးစား ဆောင်ရွက်သော်လည်း အများအားဖြင့် ရသလောက်သာ ထည့်သွင်းရေးသား ခဲ့ရကြောင်း ၎င်းကဆက်ပြောသည်။
“အရေးကြီးတာက အစိုးရနဲ့ တပ်မတော်ဘက်က သတင်းထုတ်ပြန်တာ မြန်မယ်၊ အချိန်မရွေး မေးလို့ရမယ် ဆိုရင်တော့ ပိုပြီးကောင်းတာပေါ့” ဟု ဦးသီဟစောက ဆိုသည်။
မီဒီယာများအနေဖြင့် ရည်ရွယ်ချက်ရှိရှိဖြင့် တဘက်စောင်းနင်း ရေးသားနေခြင်း မဟုတ်ကြောင်း၊ ပြည်ပသတင်းဌာနများတွင် ဖော်ပြချက်များသည်လည်း ပညာရှင်ပီသစွာ ရေးသားထားချက်များသာ ဖြစ်ကြောင်း၊ လက်ရှိအစိုးရ သတင်းဌာန များတွင်သာ ၎င်းတို့၏ တဘက်သက် အကြောင်းအရာများကို ရေးသားထားသည်များ တွေ့ရကြောင်း 7Day News ဂျာနယ်မှ တာဝန်ခံ အယ်ဒီတာ ကိုအားမာန်က ပြောသည်။
ပြည်တွင်း ပြည်ပ သတင်းဌာနများ အနေဖြင့် တိုက်ပွဲ ဖြစ်ပွားရာ ဒေသများအထိ သွားရောက် သတင်းယူခြင်းများ ရှိသော်လည်း တိုက်ပွဲဖြစ်နေသည့် နှစ်ဦးနှစ်ဘက်က သတင်းထောက်များ အတွက် လုံခြုံရေး အာမခံပေးမှု မရှိခြင်းကြောင့် သတင်းအချက်အလက်၊ ဓာတ်ပုံနှင့် ရုပ်သံ သတင်းများ တိုက်ပွဲအတွင်း ရယူနိုင်ရန် ခက်ခဲသည်ဟု ကချင်ပြည်နယ် တိုက်ပွဲဖြစ်ပွားရာ ဒေသများအထိ သွားရောက်သတင်းယူခဲ့သူ သတင်းထောက်များက ဆိုသည်။
နိုင်ငံတကာတွင် စစ်ပွဲများ အတွင်း သတင်းလိုက်ယူသည့် သတင်းထောက် များအတွက် အာမခံသည့် စံနှုန်းများ ရှိပြီး ဖြစ်၍ိယင်းစံနှုန်းများကို တိုက်ပွဲဖြစ်နေသည့် နှစ်ဘက် အဖွဲ့အစည်းက လိုက်နာကူညီမှသာ အမှန်တကယ် ဖြစ်ပျက်နေသည့် သတင်းအချက် အလက်များ၊ ဓာတ်ပုံများနှင့် ရုပ်သံ မှတ်တမ်းများကို လူထုအား မှန်ကန်စွာ အသိပေး တင်ပြနိုင်မည် ဖြစ်ကြောင်း ပြည်တွင်း ပြည်ပ သတင်းသမားများက သုံးသပ်သည်။
Ref: ဧရာဝတီ
Read More...
Collapse...
ခင်ဦးသာ
January 30, 2013
ကချင်ပြည်နယ်၊ မိုးကောင်းမြို့နယ်မှ အရပ်သားများနေထိုင်သည့် မရမ်းရွာသို့ အစိုးရတပ်မှ ပစ်ခတ်သည့် လက်နက်ကြီး ကျရောက်ပြီး သားအမိနှစ်ဦး ပွဲချင်းပြီး သေဆုံးကာ ၃ ဦး ဒဏ်ရာ ရသွားကြောင်း သတင်း ရရှိသည်။
“မနေ့က ညနေ ၇ နာရီလောက်မှာ အမြောက်ကြီးနဲ့ တနာရီလောက် ပစ်ခတ်ခဲ့တယ်။ ဗုံးခို ကျင်းထဲမှာ ပုန်းဖို့ လုပ်နေတဲ့ မိသားစုကို ထိသွားတော့ အမေဖြစ်သူနဲ့ ၈ နှစ်အရွယ် ကျောင်းသားလေး သေသွားတယ်။ နို့စို့ကလေးရယ်၊ သူ့ယောက်ျားကလည်း ဒဏ်ရာ ရသွားကြတယ်” ဟု အမျိုးသားဒီမိုကရေစီ အင်အားစု (NDF) ပါတီမှ ဒေါ်ဘောက်ဂျာက ဧရာဝတီသို့ ပြောသည်။
သေဆုံးသွားသည့် ကလေးမိခင် မလဘမ်လုသည် အသက် ၂၇ နှစ်ဝန်းကျင် ရှိကြောင်း၊ ဒဏ်ရာရသူ ၃ ဦးတွင် မလဘမ်လု၏ လသားအရွယ် ကလေးငယ်နှင့် ခင်ပွန်း အပြင် ၎င်း၏ ယောက္ခမ အသက် ၉၅ နှစ်အရွယ် အဘိုးအိုလည်း ပါဝင်ကြောင်း၊ ၎င်းတို့ကို ယခုအခါ မြစ်ကြီးနားဆေးရုံသို့ ပို့ဆောင်ထားကြောင်း သိရသည်။
“မလုဘမ်ရဲ့အမျိုးသားကလည်း လက်နှစ်ဖက်စလုံး ဖြတ်ပစ်ရမယ့် အနေအထားအထိ ဒဏ်ရာရသွားတာပါ။ လက်ချောင်း တချို့ ပြတ်သွားတယ်” ဟု ဒေါ်ဘောက်ဂျာက ပြောသည်။
အစိုးရစစ်တပ်၏ အမြောက်တပ်ရင်း (၃၇၂) မှ ပစ်ခတ်ခြင်း ဖြစ်ကြောင်း၊ မရမ်းရွာသည် ကချင် လူမျိုး အများစုနေ ထိုင်သည့် အိမ်ခြေ ၅၅၀ ကျော်ရှိသည့် ကျေးရွာ တခုဖြစ်ကြောင်း၊ အစိုးရ စစ်တပ်သည် အကြောင်းအရာမဲ့ ပစ်ခတ်မှုကို ယခင်ကလည်း မကြာခဏ လုပ်ဆောင်လေ့ ရှိကြောင်း သိရသည်။
“မနေ့ညက ၁၂၀ မမ၊ ၆၀ မမ တွေနဲ့ ၁၁ ချက် ပစ်ခတ်တယ်။ ဗုံးကျလာတော့ သားအမိတွေက ဗုံးခိုကျင်းထဲ ဆင်ပြေးတာမှာ ထိပြီးသေတာ။ နုိ့စို့ ကလေးကတော့ လွင့်စင်သွားပြီး ခြေထောက်တွေမှာပဲ ဒဏ်ရာ ရသွားတယ်” ဟု မရမ်းရွာခံ အမျိုးသားတဦးက ပြောသည်။
သေဆုံးသွားသည့် သားအမိ နှစ်ဦးအား ယနေ့၊ နေ့လည်ပိုင်းတွင် အသုဘ အခမ်းအနားပြုလုပ်၍ သင်္ဂြိုလ်လိုက်ပြီ ဖြစ်ကြောင်း၊ စစ်တပ်မှ နောက်ထပ် ပတ်ခတ် လာမည်ကို ရွာသားအများစုက စိုးရိမ်နေကြကြောင်း သိရသည်။
ပစ်ခတ်သည့်တပ်ရင်းမှ တပ်ရင်းမှူးသည် အသုဘသို့ လာရောက်၍ ငွေ ၃ သိန်းကျပ် ထောက်ပံ့ ပေးသွားကြောင်း မရမ်းရွာခံက ဆက်ပြောသည်။
“မရမ်းရွာက KIA/KIO တို့နဲ့ ဘာမှ ဆက်စပ်မှု မရှိပါဘူး။ ဒါပေမယ့် ကချင်လူမျိုးအများစု နေထိုင်တဲ့ရွာပါ။ မကြာခဏ ပစ်ခတ်နေတော့ လူမသေရင်လည်းဘဲ ကျွဲတွေ၊ နွားတွေ ခဏခဏ သေကြရတယ်” ဟု ၎င်းက ဆိုသည်။
ဇန်နဝါရီလ ၂၇ ရက်နေ့က ဖားကန့်မြို့နယ် မန်နားအောက် ကျေးရွာအနီးတွင် ကချင်လွတ်လပ်ရေးတပ်မတော် (KIA) က ထောင်ထားသည့် မိုင်တလုံး နင်းမိပေါက်ကွဲခါ အမျိုးသား ၂ ဦး ဒဏ်ရာရရှိပြီး ဖားကန့်ပြည်သူ့ဆေးရုံသို့ ပို့ဆောင်ထားကြောင်း၊ ထို့အပြင် ဇန်နဝါရီလ ၂၈ ရက်နေ့ နံနက်က ဖားကန့်မြို့နယ် ဖားပြင်ကျေးရွာအနီး ရတနာတောင်တန်း ကုမ္ပဏီကို KIA က မီးရှို့သဖြင့် ဝန်ထမ်း နှစ်ထပ် အိပ်ဆောင် မီးလောင်သွားကြောင်း စစ်တပ်ပိုင် မြဝတီ သတင်းဌာနက သတင်းထုတ်ပြန်ထားသည်။
မိုးကောင်းမြို့နယ်၊ မရမ်းရွာသို့ လက်နက်ကြီး ကျရောက်သည့် သတင်းနှင့် စပ်လျဉ်း၍ မြဝတီ၏ ထုတ်ပြန်မှုကိုမူ မတွေ့ရှိရသေးပေ။
KIA နှင့် အစိုးရတပ်တို့အကြား တိုက်ပွဲများ ပြင်းပြင်းထန်ထန် ဖြစ်ပွားနေသည်မှာ ၂၀၁၂ ခုနှစ်၊ ဒီဇင်လဆန်းမှ ယနေ့အထိ ဖြစ်သည်။ ထိုတိုက်ပွဲများကြောင့် နှစ်ဖက် စလုံးတွင် ထိခိုက်ကျဆုံးမှု များပြားပြီး၊ အရပ်သား အများအပြားလည်း သေဆုံးခဲ့သည်။
လက်ရှိတွင် KIA ထိန်းချုပ်သည့် နယ်မြေများနှင့် အရေးပါသည့် စခန်းများ၊ တောင်ကုန်းများကို အစိုးရ စစ်တပ်က သိမ်းပိုက်ထားနိုင်ပြီ ဖြစ်ကြောင်းလည်း အစိုးရက သတင်းထုတ်ပြန်ထားသည်။
ကချင်လွတ်လပ်ရေးအဖွဲ့ (KIO) နှင့်အစိုးရ၏ ပြည်တွင်းငြိမ်းချမ်းရေး ဖော်ဆောင်ရေးအဖွဲ့တို့သည် ငြိမ်းချမ်းရေး ဆွေးနွေးပွဲတခုကို မကြာမီ ပြုလုပ်ရန် ပြင်ဆင်နေကြပြီး “၀” ပြည် သွေးစည်းညီညွတ်ရေး တပ်မတော် (UWSA) ထိန်းချုပ်ရာ နယ်မြေ၌ ဆွေးနွေးရန် နှစ်ဘက်စလုံးက သဘောတူညီထားကြောင်း UWSA က ပြောဆိုထားသည်။
Ref: ဧရာဝတီ
Read More...
Collapse...
မခင်ဖြူထွေး
29.01.2013
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ မနေ့- တနင်္လာနေ့က လက်ရှိ တောင်ကိုရီးယား သမ္မတ အီမြောင်ဘက်နဲ့ သာမက မကြာခင် သမ္မတသစ် ဖြစ် လာတော့မယ့် ရွေးကောက် တင်မြှောက် ခံထားရသူ မစ္စ် ဘက်ဂွန်ဟဲ တို့နဲ့ တွေ့ဆုံခဲ့ သလို နှစ်နိုင်ငံ ဆက်ဆံရေးနဲ့ စီးပွားရေး ဆိုင်ရာ ပူးပေါင်းဆောင်ရွက်ရေး ကိစ္စတွေ ကို ပြောဆိုဆွေးနွေး ခဲ့ကြပါတယ်။ အဲဒီနောက် တောင်ကိုရီးယား နိုင်ငံမှာကျင်းပတဲ့ မသန်စွမ်း သူများရဲ့ အထူး ဆောင်းရာသီ အိုလံပစ် အားကစားဖွင့်ပွဲ အခမ်းအနား ကိုလည်း တက်ရောက် ခဲ့ပြီးတော့ အားကစား သမားတွေကို ချီးကူးစကား ပြောဆိုခဲ့ပါတယ်။ ကမ္ဘာတ၀ှမ်းက အားကစားရုံမှာ ပြုလုပ်တဲ့ မသန်စွမ်းသူများရဲ့ အားကစား ပြိုင်ပွဲဟာ လူသားတို့ရဲ့ စိတ်ဓာတ်ခွန်အားနဲ့ သွေးစည်း ညီညွတ်မှု စွမ်းပကားကို ပြသနေတယ်လို့ အခမ်းအနားအဖွင့်မှာ ဒေါ်အောင်ဆန်းစုကြည်က ပြောဆိုပါတယ်။
“ဒီကနေ့ ကျမတို့ရဲ့ ဆင်နွှဲမှုဟာ လူသားတို့ရဲ့ စိတ်ဓာတ်ခွန်အား ထူးချွန်မှုကို ဂုဏ်ပြုတာ တင် မဟုတ်ပါဘူး၊ လူသားတို့ရဲ့ သွေးစည်း ညီညွတ်မှု စွမ်းပကားကိုလည်း ဂုဏ်ပြုလိုက် တာ ဖြစ်ပါတယ်။ ဒါကြောင့်လည်း အားလုံး အတူတူ ပါဝင်မယ်ဆိုရင် ဘာမဆို တတ်နိုင်ပါ တယ် ဆိုတဲ့ ဆောင်ပုဒ် ကမ္ဘာ တ၀ှမ်းမှာ ပဲ့တင်ထပ်နေတာ ဖြစ်သလို သဘာဝကြီး ကြောင့် မဟုတ်ဘဲ လူ့အဖွဲ့အစည်းကြောင့် ဖြစ်လာတဲ့ အားနည်းသူတွေ၊ ခွဲခြား ဆက်ဆံ ခံရသူတွေ ဘက်ကနေ ကျမတို့အားလုံး အတူတကွ ရပ်တည် လာအောင်လည်း စွမ်းဆောင်ပေး တာ ဖြစ်ပါတယ်။ သဘာဝကတော့ လူတွေကို အားနည်းစေ ဆိုတဲ့ ရည်ရွယ်ချက်နဲ့ မဖန်တီး ခဲ့ပါဘူး။ လူ့အဖွဲ့အစည်းကသာ လူတွေရဲ့ အားသာချက်ကို မကြည့်ဘဲ အားနည်းချက်တွေ ကိုသာ ထောက်ပြီး ဒီလူတွေက အားနည်းသူတွေ ဖြစ်တယ်ဆိုပြီး သတ်မှတ် လိုက်တာ ဖြစ်ပါတယ်။”
ဉာဏ်ရည်ချို့တဲ့ မသန်စွမ်းသူ အားကစားသမားပေါင်း ၃ ထောင်က နှင်းလျှောစီးတာနဲ့ စကိတ်စီးတာ အပါအ၀င် ဆောင်းရာသီ အားကစားနည်း ၇ မျိုးနဲ့ ပါဝင်ယှဉ်ပြိုင် ကစားကြမယ့် ဒီအားကစားပြိုင်ပွဲကြီး ရဲ့ ဖွင့်ပွဲ အခမ်းအနားမှာ ဒေါ်အောင်ဆန်းစုကြည်က အားကစားသမားတွေကို အားပေးစကား ပြောသွားခဲ့တာ ဖြစ်ပါတယ်။
မြန်မာနိုင်ငံအနေနဲ့ ကမ္ဘာကြီးရဲ့ ကောင်းကျိုးအတွက် တထောင့်တနေရာကနေ ပါဝင် အကျိုးပြုနိုင်တဲ့ နိုင်ငံတခုအဖြစ် မြင်ချင်တယ်လို့လည်း ဒေါ်အောင်ဆန်းစုကြည်က ဒီအခမ်းအနားမှာ ပြောသွားပါတယ်။
“ကျမရဲ့ အိပ်မက်ကတော့ သိပ်ကို ရိုးရှင်းပါတယ်။ ကမ္ဘာကြီးကို ပိုပြီးတော့ကောင်းတဲ့ နေရာ တခု ဖြစ်အောင် အပြောင်းအလဲတွေ လုပ်နေကြတဲ့နေရာမှာ ကျမရဲ့နိုင်ငံအနေနဲ့ တထောင့် တနေရာကနေ ပါဝင်စွမ်းဆောင်ပေးနိုင်တဲ့ နိုင်ငံမျိုး ဖြစ်စေချင်တာပါပဲ။ ကျမတို့နိုင်ငံ က ပြည်သူတွေ အနေနဲ့ ကမ္ဘာကြီး အတွက် တခုခု လုပ်ပေးနိုင်တယ်ဆိုတာကို သက်သေပြနိုင်တဲ့ အခွင့်အလမ်းမျိုး မြန်မာပြည်သူတွေကို ကျမ ရစေချင်ပါတယ်။ ဒါကတော့ သိပ်ကို ရိုးစင်းတဲ့ ကျမဖြစ်ချင်တဲ့ အိပ်မက်ပါ။”
ဒါကတော့ မနေ့က တောင်ကိုရီးယားမှာ ပြုလုပ်ခဲ့တဲ့ ကမ္ဘာတ၀ှမ်း မသန်စွမ်းသူများ ရဲ့ ဆောင်းရာသီ အားကစားပြိုင်ပွဲ ဖွင့်ပွဲ အခမ်းအနားမှာ ဒေါ်အောင် ဆန်းစုကြည် ပြောကြား သွားခဲ့တာပါ။ ဒီကနေ့ ဗုဒ္ဓဟူးနေ့မှာ ဒေါ်အောင်ဆန်းစုကြည် အနေနဲ့ ဘယ်သူတွေနဲ့တွေ့ပြီး ဘာတွေလုပ်ဖို့ ရှိတယ် ဆိုတာကိုတော့ တောင်ကိုရီးယားနိုင်ငံ မှာရောက်နေတဲ့ ဗွီအိုအေ ၀ိုင်းတော်သား ဦးရော်နီငြိမ်းက ခုလို ပြောပြပါတယ်။
“ဒေါ်အောင်ဆန်းစုကြည်ဟာ မနေ့ကတော့ -- ကြိမ်မြောက် ကမ္ဘာပေါ်က မသန်မစွမ်း သူများရဲ့ အထူး အိုလံပစ်ပွဲတော်မှာ အဖွင့်မိန့်ခွန်းစကား ပြောကြားခဲ့ပြီးတော့ အခု ဒီပွဲတော်နဲ့ဆက်စပ်ပြီး ကျင်းပတဲ့ ဒီကနေ့မနက်မှာ ကမ္ဘာပေါ်က မသန်မစွမ်း ပုဂ္ဂိုလ်တွေရဲ့ ဖွံ့ဖြိုးတိုးတက်ရေးဆိုင်ရာ ညီလာခံမှာ အဓိက ဟောပြော ဆွေးနွေးသူအဖြစ်နဲ့ မကြာခင် နာရီပိုင်းအတွင်းမှာ သူဟာ ဒီအခမ်း အနားကို ရောက်လာ တော့မှာ ဖြစ်တယ်။
အဲဒီအတွက်ကြောင့် ကျနော်တို့ အဲဒီအခမ်းအနားကို သွားနေကြပါတယ်။ ကမ္ဘာပေါ်မှာ မသန်မစွမ်း ပုဂ္ဂိုလ်တွေထဲမှာမှ သန်းပေါင်း ၂၀၀ ကျော်ဟာ နယ်ပယ်အသီးသီးမှာ ကိုယ့်တာဝန်ကိုယ် အသီးသီး ထူးချွန်ပြောင်မြောက်စွာ ထမ်းဆောင်နေကြတာ ဖြစ်ပါတယ်။ သူတို့ အကြီးမားဆုံး ရင်ဆိုင်နေရတာကတော့ သူတို့တွေကို မသန်မစွမ်းသူတွေ ဆိုပြီးတော့ လူ့အဖွဲ့အစည်းက ဘေးဖယ်ထားတဲ့ အနေအထားမျိုးပါ။ အဲဒါကို ပပျောက်ဖို့အတွက် ကမ္ဘာကြီးက ဒါကို သိရှိစေဖို့ ဆိုတဲ့ ရည်ရွယ်ချက်နဲ့ လုပ်တဲ့ အိုလံပစ်ပွဲတော်ကို ဒေါ်အောင်ဆန်းစုကြည်ကို ဖိတ်ကြားပြီးတော့ ဒီလိုမျိုး အဖွင့်မိန့်ခွန်းပြောကြားတာရော၊ အခု ဒီ ကျင်းပမယ့် ညီလာခံမှာ ဟောပြောဖို့ရော ဖိတ်ကြားခဲ့တာ ဖြစ်ပါတယ်။ အဲဒီတော့ ဒီပွဲမှာ ကမ္ဘာပေါ်မှာရှိတဲ့ နိုင်ငံပေါင်း ၁၁၀ ကနေပြီးတော့ မသန်မစွမ်း အားကစားသမားပေါင်း ၂၃၀၀ ကျော် လာရောက် ယှဉ်ပြိုင်တာလည်း ဖြစ်ပါတယ်။
ဒါပေမဲ့ အဲဒီပွဲနဲ့ ဆက်စပ်ပြီးတော့ ခုနကပြောတဲ့ မသန်မစွမ်းပုဂ္ဂိုလ်တွေရဲ့ ဖွံ့ဖြိုး တိုးတက်ရေး ညီလာခံ၊ နောက်တခါ ကမ္ဘာလုံးဆိုင်ရာ လူငယ်ညီလာခံ၊ နောက်တခါ ဆင်းရဲမွဲတေမှု တိုက်ဖျက်ရေးညီလာခံ၊ အဲဒီသုံးခုကိုလည်း ဒီ ဖျောင်ချန်းမြို့လေးမှာပဲ တွဲပြီး ကျင်းပမှာဖြစ်တဲ့အတွက် ဒီညီလာခံသုံးခုစလုံးမှာ ဒေါ်အောင်ဆန်းစုကြည် ပါဝင်တက်ရောက်မှာ ဖြစ်ပါတယ်။ အဲဒီအတွက် ကျနော်တို့ သွားနေတာပါ။”
နိုဘဲလ်ငြိမ်းချမ်းရေးဆုရှင်၊ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ဟာ မနေ့က မနက်ပိုင်းက တောင်ကိုရီးယားသမ္မတ အီမြောင်ဘက်နဲ့လည်း တွေ့ဆုံ ခဲ့ပါတယ်။ မြန်မာနိုင်ငံမှာ ပြည်သူတွေအတွက် စီးပွားရေး အခွင့်အလမ်းတွေ ပိုပြီးကောင်း လာအောင် ဆောင်ရွက်တဲ့နေရာမှာ တောင်ကိုရီးယားနိုင်ငံအနေနဲ့ ကူညီချင်တဲ့အကြောင်း သမ္မတအီမြောင်ဘက်က ပြောဆိုခဲ့တယ်လို့ သမ္မတရုံး ပြောခွင့်ရသူက ပြောပါတယ်။ မြန် မာနိုင်ငံအနေနဲ့ ဒီမိုကရေစီ ပြုပြင်ပြောင်းလဲမှုတွေ ဆောင်ရွက်နေတဲ့ တချိန် တည်းမှာ စီးပွားရေးဖွံ့ဖြိုးတိုးတက်အောင်လည်း တပြိုင်တည်း လုပ်ဆောင်သွားရမှာ ဖြစ်တဲ့ အကြောင်း မစ္စတာ အီမြောက်ဘတ် က ဒေါ်အောင်ဆန်းစုကြည် ကို ပြောကြားခဲ့တယ် လို့လည်း ဆိုပါတယ်။
ဒေါ်အောင်ဆန်းစုကြည်က လည်း မြန်မာနိုင်ငံသားတွေအတွက် တောင် ကိုရီးယားနိုင်ငံမှာ အလုပ်အကိုင် အခွင့်အလမ်းတွေ ပိုပြီးတော့ ရရှိစေဖို့နဲ့ နိုင်ငံဖွံ့ဖြိုး တိုးတက်ရေးမှာ အကျိုးပြုနိုင်တဲ့ အလုပ်ခွင် သင်တန်းမျိုးတွေမှာ မြန်မာနိုင်ငံသားတွေ တက်ရောက် သင်ကြားခွင့်တွေ ရဖို့ မျှော်လင့်တဲ့အကြောင်း ပြောဆိုခဲ့တယ်လို့လည်း ဆိုပါတယ်။ တောင်ကိုရီးယားနိုင်ငံမှာ မြန်မာနိုင်ငံ ကနေ လာရောက် အလုပ်လုပ်ကိုင်သူ ၇ ထောင်နီးပါး ရှိတယ်လို့လည်း သမ္မတရုံး ပြောခွင့်ရသူက ပြောပါတယ်။
ရှေ့လထဲ ကျမ်းသစ္စာကျိန်ဆိုမယ့် ပြီးခဲ့တဲ့သမ္မတရွေးကောက်ပွဲမှာ အနိုင်ရခဲ့တဲ့ သမ္မတ သစ်ဖြစ် လာမယ့်သူ မစ်္စ ဘက်ဂွန်ဟဲနဲ့လည်း ဒေါ်အောင်ဆန်းစုကြည် မနေ့က တွေ့ ဆုံခဲ့သလို နှစ်နိုင်ငံ ချစ်ကြည်ရေး အခုထက်ပိုပြီး ကောင်းအောင် တည်ဆောက်သွားဖို့ ကိစ္စတွေကို ပြောဆိုခဲ့ကြပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့ ဗုဒ္ဓဟူးနေ့မှာတော့ ကမ္ဘာလုံး ဆိုင်ရာ ဖွံ့ဖြိုးတိုးတက်မှု ထိပ်သီးဆွေးနွေးပွဲမှာ မိန့်ခွန်းပြောကြားဖို့ရှိသလို ကြာသပတေးနေ့မှာ တောင်ကိုရီးယားနိုင်ငံ တောင်ပိုင်း ဂွမ်ဂျူးမြို့က ပေးအပ်တဲ့ Gwangju လူ့အခွင့်အရေးဆုကို လက်ခံရယူမှာ ဖြစ်ပါတယ်။
၁၉၈၀ ခုနှစ်က ဂွမ်ဂျူးမြို့မှာဖြစ်ခဲ့တဲ့ ဒီမိုကရေစီရေး လူထုလှုပ်ရှားမှု အမှတ်တရ ဂုဏ်ပြု ချီးမြင့်တဲ့ ဒီ လူ့အခွင့်အရေးဆုကို ၂၀၀၄ ခုနှစ်က ဒေါ်အောင်ဆန်းစုကြည် နေအိမ် အကျယ်ချုပ် ကျနေချိန်မှာ ချီးမြှင့်ခံခဲ့ရတာ ဖြစ်ပါတယ်။ ဒီ ဆုပေးပွဲပြီးရင်တော့ အဲဒီနောက် မြန်မာပရိသတ်တွေအကြား လူကြိုက်များ ရေပန်းစားနေတဲ့ တောင်ကိုရီးယား တီဗွီမင်းသား Ahn Jae-wook နဲ့လည်း ညစာ အတူစားဖို့ ရှိပြီး သောကြာနေ့ မှာတော့ မြန်မာနိုင်ငံကို ပြန်လည် ထွက်ခွာမှာ ဖြစ်ပါတယ်ရှင်။
Ref: VOA News
Read More...
Collapse...
2013-01-29
ဆက်သွယ်ရေးနဲ့ သတင်းအချက် အလက်ဝန်ကြီးဌာန လက်အောက်ခံ ဌာနတစ်ခုဖြစ်တဲ့ မြန်မာ့ ဆက်သွယ်ရေး လုပ်ငန်း အထွေထွေ မန်နေဂျာ ဦးသိန်းဦးနဲ့ အခြား အဆင့်မြင့် အရာရှိ ၇ ဦး ကို နေပြည်တော်မှာ ရှိတဲ့ ရဲစခန်း တစ်ခုမှာ နိုင်ငံပိုင် ပစ္စည်း အလွဲသုံးစား လုပ်မှုနဲ့ အမှုဖွင့် အရေးယူထား တယ်လို့ မြန်မာနိုင်ငံ ရဲတပ်ဖွဲ့ အရာရှိ တစ်ဦးက RFA ကို ဒီကနေ့ အတည်ပြု ပြောကြား လိုက်ပါတယ်။
လွဲသုံးစားလုပ်မှုနဲ့ တရားစွဲခံထားရတဲ့ အရာရှိတွေကို မှုခင်းစုံစမ်းစစ်ဆေးရေး အဖွဲ့ CID က တရားလိုပြုလုပ် စွဲဆို ထားတာဖြစ်ပြီး၊ နေပြည်တော် ဥတ္တရ သီရိမြို့နယ် ဘုရားကုန်း ရဲစခန်းမှာ အမှုဖွင့် အရေးယူ ထားတယ်လို့ ဥတ္တရသီရိမြို့နယ် ရဲစခန်း တာဝန်ကျ ရဲအရာရှိတစ်ဦးက RFA ကို အခုလို ပြောကြားပါတယ်။
"ဦးသိန်းဦး ပါ တစ်အပေါင်း ရှစ်ဗျ၊ (ပ)/၆/၂၀၁၃၊ ပြစ်မှုပုဒ်မ ၄၀၉ နိုင်ငံတော်ပိုင် ငွေကြေးအလွဲသုံးစား လုပ်တာဗျ၊ မှုခင်း တပ်ဖွဲ့က ကျွန်တော်တို့ အပိုင် ဆိုတော့ ကျွန်တော်တို့ စခန်းမှာ လာဖွင့်တာဗျ၊ အဲဒါပဲ စခန်းမှာ ဖွင့်ထားသေးတယ်ဗျ"
မြန်မာ့ဆက်သွယ်ရေးလုပ်ငန်း၊ ပုဂ္ဂလိကပိုင် ဆက်သွယ်ရေး ကုမ္ပဏီ ၁၃ ခုနဲ့ တရုတ်နိုင်ငံ အခြေစိုက် ဆက်သွယ်ရေး ကုမ္ပဏီတွေဖြစ်ကြတဲ့ Huawei၊ ZTE တို့အကြားက မိုဘိုင်း ကွန်ရက် တည်ဆောက်ရေး လုပ်ငန်းတွေ၊ ငွေပေးငွေယူရှင်းတမ်း ကိစ္စတွေကိုလည်း ပြည်ထောင်စု စာရင်းစစ်ချုပ်ရုံး စာရင်းစစ် အဖွဲ့တွေက စစ်ဆေးနေတယ်လို့ မြန်မာနိုင်ငံရဲ့ စီးပွားရေး လုပ်ငန်းရှင်ကြီး တစ်ဦးဖြစ်တဲ့ ဦးတေဇပိုင် Elite Tech ကုမ္ပဏီရဲ့ အကြီးအကဲ ဦးစိုင်းခင်မောင်အေး က RFA ကို ပြောပါတယ်။
ပြီးခဲ့တဲ့ ဇန်န၀ါရီလ ၁၆ ရက်နေ့မှာ သမ္မတဦးသိန်းစိန်က ဆက်သွယ်ရေးနှင့် သတင်း အချက်အလက် နည်းပညာ ၀န်ကြီး ဦးသိန်းထွန်းကို ရာထူးမှနုတ်ထွက်ခွင့်ပြုတယ်လို့ ထုတ်ပြန်ကြေညာ ပြီးတဲ့နောက်မှာ မြန်မာ့ ဆက်သွယ်ရေး လုပ်ငန်းက အထွေထွေမန်နေဂျာ၊ အင်ဂျင်နီယာချုပ် စတဲ့ အကြီးတန်းအရာရှိတွေကို ခေါ်ယူ စစ်ဆေးနေတာ ဖြစ်ပါတယ်။
Ref: RFA News
Read More...
Collapse...
2013-01-29
ကချင်ပြည်နယ်မှာ တစ်နှစ်ခွဲကျော်ကြာ ဖြစ်ပွားနေတဲ့ အစိုးရနဲ့ ကေအိုင်အေ တပ်တွေ အကြား ထိုးစစ်တွေ ရပ်စဲဖို့နဲ့ ထာဝရ ငြိမ်းချမ်းရေး ဆက်လက် တည်ဆောက် သွားဖို့အတွက် အထူး လိုလားကြောင်း ကာကွယ်ရေး ဝန်ကြီးဌာနက ဒီကနေ့ ထုတ်ပြန်ကြေညာ လိုက်ပါတယ်။
ဒါဟာ ကချင်ပဋိပက္ခနဲ့ ပတ်သက်ပြီး ကာကွယ်ရေးဝန်ကြီးဌာနက ပထမဦးဆုံး အကြိမ် ထုတ်ပြန် လိုက်တာပါ။
အဲဒီ့သဘောထားထုတ်ပြန်ချက်ကို အပေါင်းလက္ခဏာဆောင်လို့ ကြိုဆိုတယ်လို့ ကေအိုင်အေ တပ်ရင်း (၆) တပ်ရင်းမှူး ဒုတိယ ဗိုလ်မှူးကြီး အင်ခွန်ဇော်ဒွဲ က RFA က တဆင့် အခုလို တုံ့ပြန်လိုက်ပါတယ်။
“ဒါမျိုးထုတ်ပြန်လာတယ် ဆိုကတည်းကတော့ အကောင်းဘက်မှာ ရည်ညွှန်းပြီးတော့ ထုတ်ပြန်တယ်လို့ ယူဆတယ်၊ ဒီမနက်ဖြန် သဘက်ခါဆိုရင် ကျနော်တို့ ကေအိုင်အို အနေနဲ့လည်း ထုတ်ပြန်ကြေညာချက် တစ်ခု ရောက်လာမယ်လို့ ယူဆတယ်၊ ဘာဖြစ်လို့လဲ ဆိုရင် တပ်မတော်က ဒီလိုမျိုး ထုတ်ပြန်တယ် ဆိုလို့ရှိရင် ကျနော်တို့ဘက်ကလည်း မထုတ်ပြန်နိုင်စရာ အကြောင်းတော့ မရှိပါဘူး၊ အခုလို ပွင့်ပွင့်လင်းလင်း လုပ်တဲ့ အတွက်ကြောင့်မို့ ကျနော်တို့တော့ အားလုံး ကြိုဆိုပါတယ်၊ ဘာပဲဖြစ်ဖြစ် အကောင်းဘက်မှာ အပေါင်းလက္ခဏာဆောင်ဖို့ များပါတယ် ဆိုတဲ့ အပိုင်းကို ကျနော်က လက်ခံပါတယ်”
ဒီကနေ့ ကာကွယ်ရေးဝန်ကြီးဌာနရဲ့ ထုတ်ပြန်ချက်ထဲမှာ အစိုးရ တပ်မတော် အနေနဲ့ မိမိကိုယ်ကို ခုခံ ကာကွယ်တာမျိုးမှ အပ ပစ်ခတ် တိုက်ခိုက်တာတွေ မပြုလုပ်ပဲ သမ္မတ ဦးသိန်းစိန်ရဲ့ ညွှန်ကြားချက်တိုင်း တိတိကျကျ လိုက်နာမယ် လို့လည်း ဖော်ပြ ထားပါတယ်။
Ref: RFA News
Read More...
Collapse...
စောဇင်ညီ
အင်္ဂါနေ့၊ ဇန်နဝါရီလ ၂၉ ရက် ၂၀၁၃
ရန်ကုန် (မဇ္ဈိမ)။ ။ ငြိမ်းချမ်းရေး လိုလားသော လမ်းလျှောက် လူငယ်များ အဖွဲ့အား မိုးထိမိုးမိ ရွှေလုပ်သားများ လမ်းလျှောက် ဆန္ဒပြခဲ့စဉ်က ကဲ့သို့ ဖြိုခွဲမည် မဟုတ်ကြောင်း တောင်ငူခရိုင် ရဲမှူး ဦးဇော်မင်း က ဇန်နဝါရီလ ၂၉ ရက်နေ့တွင် ကတိပေးခဲ့ကြောင်း လမ်းလျှောက်အဖွဲ့က ပြောသည်။
“ကျနော်တို့ တောင်ငူရဲမှူး ဦးဇော်မင်းကို မိုးထိမိုးမိက ပုံစံလို ကျနော်တို့ကို မလုပ်ဖို့ ကတိတောင်းခံ လိုက်တော့ ရဲမှူးက သဘောတူ ကတိပေး လိုက်ပါတယ်” ဟု ကိုဇင်ကို က ပြောသည်။
၂၀၁၂ ခုနှစ်၊ နိုဝင်ဘာလက နေပြည်တော်သို့ ဆန္ဒထုတ်ဖေါ်ရန် လမ်းလျှောက်ချီတက်လာသည့် မိုးထိမိုးမိ ရွှေလုပ်သား များကို တောင်ငူခရိုင် ရေနီမြို့အဝင်၌ လုံခြုံရေး တပ်ဖွဲ့များက ခေါင်းဆောင် ၄ ဦးအား ရိုက်နှက်ဖမ်းဆီး
ခဲ့ဖူးသည်။
ပုဒ်မ ၁၈ အား မကျူးလွန်ရန် ဝန်ခံကတိ လက်မှတ် ထိုးခိုင်းပြီး တေးသီချင်း သီကျူးမှုနှင့် တူရိယာ တီးမှုတ်ခြင်းများလည်း မပြုရန် လမ်းလျှောက် အဖွဲ့ထံမှ ရဲမှူးက ကတိကဝတ်များ တောင်းခံ ခဲ့ကြောင်း သိရသည်။
“နိုင်ငံတော်သီချင်းနဲ့ ငြိမ်းချမ်းရေး သီချင်းကိုတော့ ဆိုခွင့်ပြုခဲ့ပါတယ်။ အခြား နိုင်ငံရေး သီချင်းတွေပဲ မဆိုခိုင်းတာပါ” ဟု ကိုဇင်ကို က ဆက်ပြောသည်။
တောင်ငူ ခရိုင်ရဲမှူးနှင့် ခရိုင်အုပ်ချုပ်ရေးမှူးမှ ကချင်ပြည်နယ်ရှိ စစ်ဘေးသင့် ပြည်သူများအတွက် အလှူငွေ ကျပ် ၆ သောင်းကျော်အား ထိုလမ်းလျှောက်အဖွဲ့ထံ ပေးအပ်ခဲ့ကြောင်း လမ်းလျှောက်သူများက ပြောသည်။
ဇန်နဝါရီလ ၂၁ ရက်နေ့က ရန်ကုန်မြို့၊ ဆူးလေဘုရားအနီးမှ စတင်ကာ စစ်ပွဲများ ဖြစ်ရာ ကချင်ပြည်နယ်၊ လိုင်ဇာမြို့သို့ ဦးတည် လမ်းလျှောက် လာကြသည့် ထိုလူငယ် အဖွဲ့သည် ဇန်နဝါရီလ ၂၉ ရက်နေ့ ညနေ ၃ နာရီတွင် တောင်ငူ ခရိုင်သို့ ရောက်ရှိလာချိန်အထိ ပုဒ်မ ၁၈ နှင့် မငြိစွန်းရန် ခံဝန်ကတိ ၄ ကြိမ်တိတိ ထိုးခဲ့ရပြီ ဖြစ်ကြောင်း ကိုဇင်ကို ၏ ပြောကြားချက်အရ သိရသည်။
ထိုသို့ ခံဝန်ကတိများ ထိုးခိုင်းခြင်း၊ ပုဒ်မ ၁၈ ဖြင့် အရေးယူခြင်းတို့နှင့် ပတ်သတ်၍ ပြည်ထောင်စု ဝန်ကြီး ဦးအောင်မင်းက “မကောင်းတဲ့ ဥပဒေမှန်သမျှ ပြင်ရမယ်။ ဒါကြောင့် ဒီဥပဒေလည်း ပြင်ဖို့ လိုအပ်ရင် ပြင်သင့်ပါတယ်။ ဒါကို လွှတ်တော်ကပဲ ပြင်ရမှာပါ။ ငြိမ်းချမ်းရေး အတွက် အထွေထွေ လွတ်ငြိမ်းချမ်းသာခွင့် ပေးသင့်ပါတယ်” ဟု မြန်မာ ငြိမ်းချမ်းရေး စင်တာတွင် ဇန်နဝါရီလ ၂၇ ရက်နေ့က ပြုလုပ်သော လူမှု အဖွဲ့အစည်း များနှင့် တွေ့ဆုံပွဲတွင် ပြောကြားခဲ့သည်။
Ref: မဇ္ဈိမ
Read More...
Collapse...
ဖနိဒါ
အင်္ဂါနေ့၊ ဇန်နဝါရီလ ၂၉ ရက် ၂၀၁၃
ချင်းမိုင်(မဇ္စျိမ)။ ။ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ကချင် လွတ်လပ်ရေး အဖွဲ့ KIO တို့ ပန်ဆန်းမြို့တွင် တွေ့ဆုံဆွေးနွေးရန် ဝ'ပြည် သွေးစည်း ညီညွတ်ရေး တပ်မတော် UWSA ၏ ဖိတ်ခေါ်ချက်ကို KIO ဘက်မှ လက်ခံကြောင်း အင်္ဂါနေ့တွင် အကြောင်းပြန်ခဲ့သည်ဟု UWSA ပြောရေးဆိုခွင့် ရသူ ဦးအောင်မြင့် က ပြောသည်။
ဇန်နဝါရီလ ၂၄ ရက်နေ့က ရှမ်းပြည်မြောက်ပိုင်းရှိ UWSA ဌာနချုပ် ပန်ဆန်းမြို့တွင် နှစ်ဖက် တွေ့ဆုံမှုကို UWSA က ကြားဝင် ကူညီပေးမည့် အဆိုပြုချက် အပေါ် လက်ခံကြောင်း KIO ဘက်မှ စာပြန်လာခြင်း ဖြစ်သည်။
“KIO တို့ဘက်ကနေ ပြန်ဆက်သွယ် လာပါတယ်။ ပန်ဆန်းမှာ လာတွေ့ဖို့ သူတို့ သဘောတူပါတယ် ဆိုပြီးတော့ ဒီနေ့ နေ့လည်လောက်က သတင်း ပို့လာတယ်။ အစိုးရ ဘက်က ဒီမှာဆွေးနွေးဖို့ လက်ခံတယ် ဆိုတာ ကျနော်တို့ဆီ ပို့လိုက်ပါပြီ။ ဆိုတော့ အစိုးရ ဘက်ကိုလည်း အခုပဲ သတင်းပို့နေတယ်” ဟု မဇ္ဈိမကို ပြောသည်။
အစိုးရ၏ ငြိမ်းချမ်းရေး လုပ်ငန်းကော်မတီ ဘက်မှလည်း KIO မှ လက်ခံပါက ၎င်းတို့လည်း လက်ခံနိုင်ကြောင်း သဘောထား ပေးပို့ ထားပြီးဖြစ်သည် ဟုလည်း ၎င်းက ဆိုသည်။
ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ဦးအောင်မင်း အနေနှင့် KIO ဘက်မှ လက်ခံပါက တွေ့ဆုံရန် ရှိကြောင်းလည်း ငြိမ်းချမ်းရေး အကျိုးဆောင် ဦးလှမောင်ရွှေ က မဇ္ဈိမကို အင်္ဂါနေ့ နေ့လည်ပိုင်းက ဖြေကြား ထားပြီးဖြစ်သည်။
မြန်နိုင်ငံ ငြိမ်းချမ်းရေးဘက် ဦးတည်နေသော်လည်း KIO နှင့် အစိုးရ အကြား တိုက်ပွဲများ မရပ်စဲဘဲ တိုက်ပွဲ ဆက်လက် ဖြစ်ပွားနေသဖြင့် ယခုကဲ့သို့ ကြားဝင် ကူညီခွင့်ရသဖြင့် တိုင်းပြည်အတွက် အကျိုးရှိမည်ဟု ဦးအောင်မြင့်က ပြောသည်။
“နှစ်ဖက်စလုံးက ယုံကြည်မှု နည်းနေတယ်၊ စစ်ကြောင့် ဒုက္ခသည်တွေလည်း သောင်းနဲ့ ချီရှိနေပြီ။ အခြေအနေက မကောင်းဘူး။ ဒါကြောင့် နှစ်ဖက် တွေ့ဆုံနိုင်အောင်၊ အခုအချိန်မှာ ကချင်ကို အစိုးရက လာပါဆိုရင်လည်း ဘယ်သွားမလဲ။ ဒါကြောင့် ကျနော်တို့ဆီမှာ ဖြစ်နိုင်မလား။ ဖြစ်နိုင်ရင် ပန်ဆန်းမှာ လာပြီး တွေ့ဆုံပါ။ ကျနော်တို့ ကူညီ ပံ့ပိုးပေးပါ့မယ် ဆိုတဲ့ ဆန္ဒမျိုးပါ” ဟု ၁၉၈၉ ခုနှစ် ကတည်းက အပစ်အခတ် ရပ်စဲထားသည့် UWSA ပြောခွင့်ရ ပုဂ္ဂိုလ် ဦးအောင်မြင့် က မဇ္စျိမကို ပြောသည်။
မည်သည့်နေ့ တွေ့ဆုံမည်ကို ညှိနှိုင်းနေဆဲ ဖြစ်ပြီး ထိုသို့တွေ့ဆုံနိုင်ရေး အတွက် KIO သို့ မဇ္ဈိမက ကြိုးစား ဆက်သွယ်ခဲ့သော်လည်း အဆက်အသွယ် ပြတ်တောက်နေသည်။
Ref: မဇ္ဈိမ
Read More...
Collapse...
January 29, 2013
ဝ ပြည် သွေးစည်း ညီညွတ်ရေး တပ်မတော်က (UWSA) ကို စစ်လက်နက် ပစ္စည်းများ ရောင်းချ ပေးခဲ့သည် ဆိုသော စွပ်စွဲချက်များ မဟုတ် မမှန်ကြောင်း မြန်မာနိုင်ငံ အခြေစိုက် တရုတ်သံရုံးက ငြင်းဆိုသည်။
တနင်္ဂနွေနေ့က ထုတ်ပြန်သော ကြေညာချက်တွင် တရုတ်တို့ အနေဖြင့် မြန်မာ စစ်တပ်ကို သာမက ကချင်၊ ရှမ်းနှင့် ဝ တပ်ဖွဲ့ များသို့လည်း လက်နက်ရောင်းချနေသည် ဟူသော စွပ်စွဲပြောဆိုချက် များသည် “အခြေအမြစ်မရှိ” ဟု ရေးသားထားသည်။
ယင်းထုတ်ပြန်ကြေညာချက်သည် ယမန်နှစ် နှစ်လည်ပိုင်းက တရုတ်လုပ် PTL02 ဘီးတပ် တင့်ကားများ UWSA က ရရှိခဲ့ကြောင်း ဒီဇင်ဘာလ အတွင်း ထုတ်ဝေခဲ့သော စစ်ဘက်ရေးရာ မဂ္ဂဇင်း “ဂျိန်းစ် ထောက်လှမ်းရေး အစီရင်ခံစာ” Jane’s Intelligence Review ၏ သတင်းရေးသားချက်ကို ရည်ညွှန်းခြင်းဖြစ်သည်။ ဂျိန်းစ်၏ သတင်းပေးပို့ချက်တွင် ယင်းလက်နက် ပစ္စည်းများကို တရားဝင် မဟုတ်သော တဆင့်ခံ ဈေးကွက်မှ ရောင်းဝယ် ခဲ့ခြင်းဟု ဆိုသည်။
တရုတ်သံရုံး၏ ထုတ်ပြန်ကြေညာချက်တွင်မူ “တရုတ် အစိုးရအနေဖြင့် မြန်မာနိုင်ငံ၏ နယ်မြေ ပိုင်ဆိုင်မှုနှင့် အချုပ် အခြာ အာဏာကို လေးစား အသိအမှတ်ပြုသည့် ရှင်းလင်းပြီး တသမတ်တည်းဖြစ်သော မူဝါဒကို လက်ကိုင်ထား” ပါကြောင်းနှင့် ဂျိန်းစ်၏ သတင်းသည် “မြန်မာလူထုနှင့် ကျယ်ပြန့်သော ပရိဿတ်များ အတွက် မှားယွင်းစွာ နားလည် လက်ခံခြင်းနှင့် ရှုတ်ထွေးခြင်းတို့ကို ဖြစ်စေနိုင်သည်” ဟု တုန့်ပြန်ရေးသား ထားသည်။
ယခု အငြင်းပွားမှုမှာ တရုတ်-မြန်မာ နယ်စပ်တွင် ကချင်လွတ်လပ်ရေးတပ် (KIA) နှင့် မြန်မာ တပ်များ အပြန်အလှန် တိုက်ခိုက်မှုများ ဖြစ်ပွား ချိန်နှင့်လည်း တိုက်ဆိုင်နေပြီး နှစ်ဘက်စလုံး ကလည်း တရုတ်လုပ် စစ်လက်နက်ပစ္စည်းများ တစိတ်တပိုင်း သုံးစွဲနေသည်။
UWSA နှင့် နီးစပ်သူများကလည်း အကယ်၍ KIA ဌာနချုပ် ကျပြီးလျှင် မြန်မာ စစ်တပ် အနေဖြင့် “ဝ” တပ်များထံ မြှားဦး လှည့်လာမည်ကို စိုးရိမ်ကြောင်း ပြောကြသည်။
ပြီးခဲ့သည့်အပတ် သောင်္ကြာနေ့တွင် ပြုလုပ်သော ပုံမှန်သတင်းစာ ရှင်းလင်းပွဲတွင် တရုတ်နိုင်ငံခြားရေး ဝန်ကြီးဌာန ပြောရေး ဆိုခွင့် ရှိသူက တရုတ်က KIA ကို လက်နက် မထောက်ပံ့ကြောင်း ပြောဆိုသည်။
“တရုတ်ဘက်က ကြားဝင်ညှိနှိုင်းပေးတာ၊ စကားဝိုင်းတွေကို ကမကထ လုပ်ပေးတာတွေနဲ့ မြန်မာပြည် မြောက်ပိုင်းက ပဋိပက္ခကို အပြုသဘော ပါဝင်ဆောင်ရွက် ပါတယ်” ဟု မစ္စတာ ဟုံလီက ပြောဆိုခဲ့သည်။
ဇန်နဝါရီ ၁၈ ရက်ကလည်း တရုတ်အထူးသံ ဖူယင်းနှင့် တရုတ်စစ်တပ် ကိုယ်စားလှယ် တဖွဲ့ သမ္မတ ဦးသိန်းစိန်နှင့် ရန်ကုန်တွင် တွေ့ဆုံပြီး ကချင်ပဋိပက္ခ အကြောင်း ပြောဆိုကြသော်လည်း အဖြေရှာမရခဲ့ကြပေ။
Ref: ဧရာဝတီ
Read More...
Collapse...
နန်းသီရိလွင်
January 29, 2013
ကချင်လွတ်မြောက်ရေး တပ်မတော် (KIA) နှင့် မြန်မာ့ တပ်မတော်အကြား ဖြစ်ပွားနေသော စစ်ပွဲများ အမြန်ဆုံး ပြေငြိမ်းရေး၊ ဒေသတွင်း လုံခြုံမှု ရရှိရေးနှင့် ကုန်ဈေးနှုန်း ကျဆင်းရေး တို့အတွက် မြန်မာ အစိုးရ တပ်မတော်နှင့် KIA တို့ကို ပူတာအိုဒေသခံ များက တောင်းဆို ဆန္ဒ ထုတ်ဖော်ခဲ့ကြောင်း သိရသည်။
“KIA အနေနဲ့ လမ်းတံတားဖျက်တာတွေ၊ အကြမ်းဖက်မှုတွေ ထပ်မလုပ်ဖို့လည်း ဆန္ဒ ထုတ်ဖော်ကြတယ်လို့ ပြောတယ်။ ကျနော်လည်း မြစ်ကြီးနား ရောက်နေလို့ အတိ အကျတော့ မသိသေးဘူး” ဟု ကချင်ပြည်နယ် ပူတာအို မြို့နယ် လွှတ်တော် ကိုယ်စားလှယ် ဦးလီပေါ်ရဲက ဧရာဝတီကို ပြောသည်။
ပူတာအို ဒေသခံ အင်အား ၃၀၀ နီးပါးခန့်သည် ယနေ့ နံနက် ၈ နာရီခန့်မှ စတင်ပြီး ဟိုခိုရပ်ကွက်မှ ပူတာအို မြို့မဈေး အနီးအထိ ချီတက်ကာ ဆန္ဒ ထုတ်ဖော်ခဲ့ခြင်း ဖြစ်ကြောင်း သိရသည်။
“လမ်းပန်းဆက်သွယ်ရေး ကလည်း အရမ်းခတ်ခဲလို့ ဆန္ဒထုတ်ဖော်ကြတာ။ မြစ်ကြီးနားကို သွားချင်တဲ့ သူတွေက ပူတာအိုမှာ ပုံနေတယ်။ မြစ်ကြီးနား ကနေ လာမယ့်သူ မရှိဘူး။ လေယာဉ်ခ ကလည်း ကျပ် ၆ သောင်း၊ မှောင်ခိုဈေးနဲ့ ၀ယ်ရင် ၂ သိန်းဆိုတော့ အရမ်း ခက်ခဲနေတယ်။ ၆ သောင်းနဲ့ ၀ယ်ဖို့ စောင့်ရင်လည်း တလခွဲ နှစ်လ လောက်စောင့်မှ လက်မှတ်ရတယ်” ဟု ပူတာအို ဒေသခံ ဒေါ်တီတီစန်းက ပြောသည်။
KIA နှင့် မြန်မာအစိုးရတို့ ငြိမ်းချမ်းရေး ယူထားစဉ် ကာလက ပူတာအိုနှင့် မြစ်ကြီးနား အကြား ကားများ၊ မော်တော် ဆိုင်ကယ် များဖြင့် ဆက်သွယ်ခဲ့ကြ သော်လည်း ၂၀၁၁ ခုနှစ် တိုက်ပွဲများ ပြန်လည် ဖြစ်ပွားချိန်မှ စတင်ပြီး မြစ်ကြီးနား ပူတာအို လမ်းပိုင်းကို လုံးဝ မသုံးနိုင်တော့ကြောင်း သိရသည်။
“ပြီးခဲ့တဲ့ ၂ ပတ်က ယာဉ်တန်း ရောက်လာလို့ နည်းနည်း ချောင်လည်သွားတယ်။ အဲဒီအရင်က ဆားပါ ပြတ်သွားတာ။ နည်းနည်း ချောင်လည်တယ် ဆိုပေမယ့် အခု ကျပ် ၁ ထောင်ကို ဆန် နို့ဆီဘူး ၃ ဘူးပဲ ရတယ်။ စပါးသစ် ပေါ်ပြီဆိုပေမယ့် စပါး ရှိသူတွေကလည်း ထုတ် မရောင်းရဲဘူး။ အစစအရာရာ ဈေးကြီးနေတယ်” ဟု ဒေသခံ တဦးက ဧရာဝတီကို ပြောသည်။
ပူတာအို ဒေသသည် ကချင်ပြည်နယ် မြောက်ဘက်စွန်း ဒေသတွင် ရှိပြီး စစ်ပွဲများ ပြန်လည် ဖြစ်ပွားချိန်မှ စတင်၍ လမ်းပန်း ဆက်သွယ်ရေး ပြတ်တောက် ကာ လေကြောင်း ဖြင့်သာ ဆက်သွယ်နေ ရသည့်မြို့ ဖြစ်သည်။
ပြီးခဲ့သည့်နှစ် မေလ ခန့်မှ စတင်ပြီး ပူတာအိုဒေသတွင် ဆန် ပြတ်လပ်မှုနှင့် တွေ့ကြုံနေရသဖြင့် သီတဂူ ဆရာတော် ကြီးနှင့် တခြား ဒေသဆိုင်ရာအဖွဲ့အစည်းများ၊ ကချင်ပြည်နယ် အစိုးရတို့က လေယာဉ်များ ငှားရမ်း၍ ဆန်အိတ်များ ထောက်ပံ့ ခဲ့ရသည်။
ယင်းနှစ် အောက်တိုဘာလ ၃၀ ရက်နေ့က ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကချင် လွတ်မြောက်ရေး တပ်မတော်တို့ တရုတ်နိုင်ငံ ရွှေလီမြို့၌ တွေ့ဆုံစဉ် မြစ်ကြီးနား ပူတာအိုလမ်းကို လုံခြုံမှု ပေးရန် အတွက် မြန်မာအစိုးရက တောင်းဆိုခဲ့ သော်လည်း မအောင်မြင်ခဲ့ပေ။
ယမန်နှစ် ဒီဇင်ဘာလ ၂၈ ရက်နေ့ မှ ၂၀၁၃ ခုနှစ် ဇန်န၀ါရီလ ၂၂ ရက်နေ့ အထိ မြစ်ကြီးနား ပူတာအို လမ်းကြောင်း တလျှောက် KIA မှ အရပ်သား ယာဉ်တန်းများကို တိုက်ခိုက်ခြင်း ၁၅ ကြိမ် မက ဖြစ်ပွားခဲ့ကြောင်း မြန်မာ့တပ်မတော်ပိုင် မြ၀တီ သတင်းစာတွင် ဖော်ပြထားသည်။
Ref: ဧရာဝတီ
Read More...
Collapse...
ရန်ပိုင်
January 29, 2013
ကချင်ပြည်နယ်၌ တိုက်ပွဲများ ဆက်ဖြစ်နေစဉ်မှာပင် မြန်မာ့တပ်မတော်၏ လေးလပတ် အစည်း အဝေး (တပ်မှူးများ ညီလာခံ) ကို ယမန်နေ့က နေပြည်တော် တွင် စတင် ကျင်းပကြောင်း နေပြည်တော် စစ်ဘက်ဆိုင်ရာ အသိုင်းအ၀န်း မှ သိရသည်။
ဤ လေးလပတ် အစည်းအဝေးသို့ ကာကွယ်ရေး ဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင် အပါအ၀င် တိုင်း စစ်ဌာနချုပ် များမှ တိုင်းမှူးများ၊ တပ်မမှူးများနှင့် ကာကွယ်ရေး ၀န်ကြီးဌာနမှ တာဝန်ရှိသူများ တက်ရောက်ကြသည်။
စစ်ရေးဆိုင်ရာ ဆုံးဖြတ်ချက်များ မည်သို့ချမှတ်သည်ကို မသိရသေးသော်လည်း လက်ရှိ ကချင် လွတ်လပ်ရေး တပ်မတော် (KIA) နှင့် ဖြစ်ပွားနေသော တိုက်ပွဲများ၊ တနှစ်နီးပါး ရှေ့တန်းသို့ ရောက်ရှိနေသည့် တပ်များ လဲလှယ်ရေး ကိစ္စရပ်များကို ဆွေးနွေးမည်ဟု စစ်ဘက်ဆိုင်ရာ အသိုင်းအ၀န်းနှင့် နီးစပ်သူ တဦးက ဆိုသည်။
“တချို့တပ်တွေလည်း ကချင်မှာကြာပြီ။ ဒါကြောင့် အနားမရတဲ့ တပ်တွေကို တပ်မ (၁၁)၊ တပ်မ (၂၂)၊ စကခ လက်အောက်ခံ တပ်တချို့နဲ့ လဲလှယ်ဖို့ ကိစ္စတွေလည်း ပါလိမ့်မယ်” ဟု ၎င်းက ဆိုသည်။
တိုက်ပွဲများ ပြင်းထန်သည့် ကချင်ပြည်နယ်တွင် ခြေမြန်တပ်မများဖြစ်သည့် (၃၃)၊ (၈၈)၊ (၄၄)၊ (၆၆)၊ (၉၉)၊ (၁၀၁) နှင့် စစ်ဆင်ရေး ကွပ်ကဲမှု စစ်ဌာနချုပ် (စကခ) များဖြစ်သည့် စကခ (၃)၊ စကခ (၂၁) တို့၏ လက်အောက်ခံ တပ်များအပြင် မြစ်ကြီးနားအခြေစိုက် မြောက်ပိုင်းတိုင်း စစ်ဌာနချုပ်မှ တိုင်းတပ်ရင်းများပါ စစ်ဆင်ရေးအတွင်း အဓိက ပါဝင် လှုပ်ရှားလျက် ရှိကြောင်း သိရသည်။
ထို့အပြင် ကချင်ပြည်နယ်နှင့် ထိစပ်နေသည့် ရှမ်းပြည်နယ်မြောက်ပိုင်းရှိ KIA တပ်မဟာ (၄) လှုပ်ရှားရာနယ်မြေများကို ထိန်းချုပ်ရန် ကျောက်မဲအခြေစိုက် စကခ (၁) နှင့် သိန္ဒီအခြေစိုက် စကခ (၁၆) က တာဝန်ယူလျက်ပြီး တခြားသော တိုင်းရင်းသား လက်နက်ကိုင်တပ်များနှင့် ဆက်စပ်မှု ဖြတ်တောက်ရန် စကခ (၁၀) လက်အောက်ခံတပ်များက တာဝန်ယူလှုပ်ရှား လျက်ရှိကြောင်း သိရှိရသည်။
၂၀၁၁ ခုနှစ် ဇွန်လက ရှမ်းပြည်မြောက်ပိုင်း တာပိန်ရေအားလျှပ်စစ် စီမံကိန်းအနီးရှိ KIA တပ်စခန်းများကို လုံခြုံရေးအရ ဖယ်ရှားရန် ကြိုးပမ်းရာမှ တိုက်ပွဲများ စတင်ခဲ့ရာ ယခုအခါ အစိုးရ တပ်များ၏ ထိန်းချုပ်မှုသည် KIA ဌာနချုပ်ရှိရာ လိုင်ဇာမြို့ အနီးသို့ပင် ရောက်ရှိလာခဲ့ပြီ ဖြစ်သည်။
တနှစ်ကျော် ကြာပြီဖြစ်သော တိုက်ပွဲများအတွင်း နှစ်ဦးနှစ်ဖက် အပြန်အလှန် စစ်ရေးလှုပ်ရှားမှုများ ပြုလုပ်ကြရာ မြန်မာ့တပ်မတော်ဘက်မှ ခုခံစစ်သာ ဆင်နွှဲသည် ဆိုသော်လည်း လေကြောင်း အပါအ၀င် လက်နက်ကြီး ပစ်ကူများဖြင့် စခန်းသိမ်း တိုက်ပွဲများကို ဖော်ဆောင်သကဲ့သို့ KIA ဘက်မှလည်း ထောက်ပံ့ရေး လမ်းကြောင်းများ ဖြစ်သည့် မီးရထားလမ်းများ ဗုံးခွဲခြင်း၊ မြို့နယ်၊ ကျေးရွာ ရဲကင်းများကို ၀င်ရောက်စီးနင်းခြင်း စသည်တို့ကို ပြုလုပ်ခဲ့ကြသည်။
ထို့အတွက် ဒေသခံ ပြည်သူလူထုများမှာ စစ်ဘေးလွတ်ရာသို့ ရှောင်တိမ်းရပြီး စစ်ပြေးဒုက္ခသည် များပြားလာသည့် အပြင် လမ်းခရီး လုံခြုံရေးလည်း ကျဆင်းလာခဲ့သည်။
ပြီးခဲ့သည့် ဇန်န၀ါရီလ ၁၇ ရက်နေ့ကမူ KIA ဌာနချုပ် လိုင်ဇာမြို့နှင့် ၇ မိုင်ခန့်သာ ကွာဝေးသည့် စစ်ရေး အချက်အချာကျသော လဂျားယန်စခန်းကို မြန်မာတပ်မတော်မှ သိမ်းပိုက်ပြီးသည့်နောက်တွင် သမ္မတ ဦးသိန်းစိန်က အပစ်အခတ် ရပ်စဲမည်ဟု ပြောဆိုခဲ့သော်လည်း လက်တွေ့တွင် တိုက်ပွဲများ ဆက်လက် ဖြစ်ပွားခဲ့သည်။
ကြံ့ခိုင်ရေးပါတီမှ အမျိုးသားလွှတ်တော် ကိုယ်စားလှယ် ဒု ဗိုလ်မှူးကြီးဟောင်း ဦးလှဆွေက KIA အား အပြုတ်တိုက်ရေး လွှတ်တော်အတွင်း ဆွေးနွေးခဲ့သော် ပြောဆိုသော်လည်း ကချင်အမျိုးသား တဦးဖြစ်သည့် အမျိုးသားလွှတ်တော် ကိုယ်စားလှယ် ဦးခက်ထိန်နန်ကမူ တတိယ အင်အားစုတခုမှ ၀င်ရောက်ဖြေရှင်းပေးရန် လွှတ်တော်တွင် အဆိုတင်သွင်းခဲ့သည်။
သို့သော် ပြီးခဲ့သည့် ရက်ကပင် လိုင်ဇာမြို့ကို ထိန်းချုပ်နိုင်သည့် မဟာဗျူဟာအရ အရေးပါသော အမြင့်ဆုံး ခါယာ တောင်ကုန်းကို မြန်မာတပ်မတော်မှ သိမ်းယူခဲ့သည်။
လက်ရှိ အခြေအနေတွင် စစ်ရေးအကဲခတ်များ အဆိုအရ စစ်ရေးအရ အရေးပါသော နောက်ထပ် တောင်ကုန်းတကုန်း ကျန်သေးရာ မြန်မာတပ်မတော်က ထိုးစစ်ဆင်ပြီး သိမ်းပိုက်လာနိုင်ကြောင်း၊ ထိုတောင်ကုန်းကိုသာ သိမ်းပိုက်နိုင်ခဲ့လျှင် KIA ၏ လိုင်ဇာစစ်ဌာနချုပ်ကို ထိန်းချုပ်နိုင်ပြီဟု ယူဆနိုင်ကြောင်း ဆိုသည်။
Ref: ဧရာဝတီ
Read More...
Collapse...
နေမျိုး
တနင်္လာနေ့၊ ဇန်နဝါရီလ ၂၈ ရက် ၂၀၁၃
နယူးဒေလီ (မဇ္ဈိမ)။ ။ ဒေါ်အောင်ဆန်းစုကြည်၏ ငါးရက်ကြာ ကိုရီးယား ခရီးစဉ်အတွင်း ကိုရီးယားနိုင်ငံ၏ သမ္မတသစ် ဖြစ်လာမည့် မစ္စပက်ဂျုံဟေး Ms. Park Geun-hye နှင့် အင်္ဂါနေ့တွင် တွေ့ဆုံမည် ဖြစ်သည်။
ဖေဖော်ဝါရီလတွင် ကိုရီးယားနိုင်ငံ၏ ပထမဆုံးသော အမျိုးသမီး သမ္မတအဖြစ် စတင် တာဝန် ထမ်းဆောင်မည့် အသက် ၆၀ အရွယ်ရှိ ပက်ဂျုံဟေးနှင့် ဆိုးလ်မြို့တော်တွင် တွေ့ဆုံမှုမှာ နှစ်နိုင်ငံ အကြား ထိပ်တန်းခေါင်းဆောင်များ တွေ့ဆုံမှုတခု အဖြစ် The Korea Herald က ရေးသား ထားသည်။
မြန်မာနိုင်ငံမှ ဗိုလ်ချုပ်အောင်ဆန်း ၁၉၄၇ ခုနှစ်တွင် လုပ်ကြံခံခဲ့ရသလို ပက်ဂျုံဟေး၏ ဖခင် ထိုစဉ်က ကိုရီးယား သမ္မတ ပက်ချုံဟီး သည်လည်း ၁၉၇၉ ခုနှစ်တွင် လုပ်ကြံ သတ်ဖြတ် ခံခဲ့ရသူ ဖြစ်သည်။
ကိုရီးယားနိုင်ငံ၊ ဂွမ်ဂျူးမြို့ရှိ 'မေ ၁၈ အထိမ်းအမှတ် ဖောင်ဒေးရှင်း' မှ လူ့အခွင့်အရေးဆုကို ဒေါ်အောင်ဆန်းစုကြည် နေအိမ် အကျယ်ချုပ် ကျခံရစဉ်က ချီးမြှင့် ခံထားရပြီးဖြစ်သည်။
ထိုဖောင်ဒေးရှင်းမှာ ၁၉၈၀ ခုနှစ်၊ မေလ ၁၈ ရက်မှ ၂၇ ရက်နေ့အထိ ကိုရီးယားလူထု၏ ဒီမိုကရေစီရရှိရေး အုံကြွမှု ကြီးတွင် အာဏာရှင် ချန်ဒူးဝှန်၏ စစ်တပ်မှ အကြမ်းဖက် နှိမ်နင်းမှုကြောင့် လူ ၂,၀၀၀ ခန့် သေဆုံး ခဲ့ရသည်ကို အထိမ်းအမှတ်ပြု၍ ဖွဲ့စည်းထားခြင်း ဖြစ်သည်။
အမေရိကန် ပြည်ထောင်စု၊ ဟာဝိုင်ယီကျွန်းစုမှ တနင်္လာနေ့တွင် ရောက်ရှိလာသည့် ဒေါ်အောင်ဆန်းစုကြည် သည် ပြုံချွမ်းမြို့ တောင်တန်းဒေသတွင် ကျင်းပမည့် အထူး အိုလံပစ် ဖွင့်ပွဲ အခမ်းအနားကိုလည်း တက်ရောက်မည် ဖြစ်သည်။
လက်ရှိ ကိုရီးယား သမ္မတ လီမြောင်ဘက် ၂၀၁၂ ခုနှစ်၊ မေလအတွင်းက မြန်မာနိုင်ငံသို့ လာရောက်ခဲ့ပြီး သမ္မတ ဦးသိန်းစိန်လည်း အောက်တိုဘာလ အတွင်း ကိုရီးယားနိုင်ငံသို့ သွားရောက် လည်ပတ်ခဲ့သည်။
နှစ်နိုင်ငံ သမ္မတများ အောက်တိုဘာလက တွေ့ဆုံစဉ် စီးပွါးရေး ပူးပေါင်းဆောင်ရွက်မှု မြှင့်တင်ရန်နှင့် ဓါတ်ငွေ့ လုပ်ငန်းနှင့် လျှပ်စစ် ဓါတ်အားပေး စက်ရုံ တည်ဆောက်ခြင်း လုပ်ငန်းများကို ဆက်လက် အကောင်အထည်ဖော်ရန် သဘောတူခဲ့ကြသည်။
မြန်မာနိုင်ငံတွင် အများဆုံး ရင်းနှီးမြှုပ်နှံနေကြသည့် နိုင်ငံများထဲတွင် တောင်ကိုရီးယား နိုင်ငံလည်း ပါဝင်သည်။ ရွှေသဘာဝဓါတ်ငွေ့ စီမံကိန်း တွင်လည်း များစွာ ရင်းနှီးမြှုပ်နှံထားပြီး သဘာဝ အရင်းအမြစ် စူးစမ်း ရှာဖွေရေး၊ သတ္ထုတွင်း၊ စွမ်းအင် သန့်စင်ရေး၊ သဘာဝ ဓါတ်ငွေ့ဖြင့် လည်ပတ်သည့် လျှပ်စစ်ဓါတ်အားပေးစက်ရုံ တခု တည်ဆောက်ရေး၊ နည်းပညာ ကဏ္ဍနှင့် ရေနံနှင့် သဘာဝဓါတ်ငွေ့ ကဏ္ဍများတွင် ပါဝင် လုပ်ဆောင်နေသည်။
တောင်ကိုရီးယား စီးပွါးရေး လုပ်ငန်းများသည် ရန်ကုန်တိုင်း သာကေတ မြို့နယ်တွင် ၅၀၀ မီဂါဝပ် လျှပ်စစ်ဓါတ် အားပေး စက်ရုံတရုံ နှင့် လျှပ်စစ် ဖြန့်ဖြူးရေး ကွန်ယက်ကို ၂၀၁၅ ခုနှစ် နောက်ဆုံးထား၍ တည်ဆောက်ရန် စာချုပ် ချုပ်ဆိုခဲ့သည်။
တောင်ကိုရီးယား နိုင်ငံသည် မြန်မာနိုင်ငံအတွင်း စတုတ္ထ အများဆုံး ရင်းနှီးမြှုပ်နှံထားသည့် နိုင်ငံဖြစ်သည်။ ၁၉၈၈ ခုနှစ်မှ ၂၀၁၂ ဇူလိုင်လ အထိ အမေရိကန် ဒေါ်လာ ၂.၉၅၉ ဘီလီယံ ရင်းနှီးမြှုပ်နှံခဲ့သည်။ မြန်မာ့ရေနံနှင့် သဘာဝ ဓါတ်ငွေ့ ကဏ္ဍအနေဖြင့် ၂၀၁၂ ခုနှစ်၊ ဇူလိုင်လမှ စတင်ကာ နိုင်ငံခြား ရင်းနှီးမြှုပ်နှံမှု ပမာဏသည် စုစုပေါင်း စီမံကိန်း ၁၁၃ ခုတွင် အမေရိကန် ဒေါ်လာ ၁၄.၁၈၁ ဘီလီယံ အထိ ရောက်ရှိခဲ့သည်။
Ref: မဇ္ဈိမ
Read More...
Collapse...
ဦးရော်နီညိမ်း
28.01.2013
ဒေါ်အောင်ဆန်းစုကြည်ဟာ Hawaii Honolulu မှာ Rotary Global Peace Foundation အဖွဲ့ကြီးရဲ့ ငြိမ်းချမ်းရေးဆု ကို လက်ခံ ရယူ ခဲ့ပြီးတဲ့နောက် မြန်မာနိုင်ငံကို မပြန်ခင် အခု တောင်ကိုရီးယားနိုင်ငံ ကို ရောက်ရှိနေ ပါတယ်။ ဒေါ်အောင်ဆန်းစုကြည် ရဲ့ ခရီးစဉ် အတွင်း သတင်းတွေကို VOA ပရိတ်သတ် အတွက် ပြောပြပေးနိုင်ဖို့ VOA မြန်မာပိုင်း သတင်းထောက် ဦးရော်နီငြိမ်း အခု တောင်ကိုရီးယားနိုင်ငံ ဆိုးလ်မြို့တော်မှာ ရောက်ရှိနေပါတယ်။ အခုအချိန်မှာ ဦးရော်နီညိမ်း ဘာတွေ စုံစမ်း သိရှိထားသလဲ ဆိုတာကို ဆက်သွယ်မေးမြန်း ထားပါတယ်။
ဦးရော်နီညိမ်း- အခုဆိုရင် ဒေါ်အောင်ဆန်းစုကြည်ဟာ အထူးပြင်ဆင်ထားတဲ့ ခမ်းမဆောင်ထဲကနေ ကျနော်တို့ အပြင်မှာ ကော်ဇောနီ ခင်းထားတဲ့ လမ်းပေါ်ကို ထွက်လာပါပြီ ခင်ဗျာ။
(အမေစု ကျမ်းမာပါစေ- လူထုကြွေးကြော်သံများ)
ဒေါ်အောင်ဆန်းစုကြည်ကို ကျနော်တို့ သတင်းသမားတွေကို နေရာပေးထားတဲ့ နေရာကို ရောက်နေ ပါပြီ။ ကျနော့် နံဘေးမှာ ဆိုလို့ရှိရင်လည်း ဒေါ်အောင်ဆန်းစုကြည် ကြိုဆိုရေး အတွက် ပြောရေးဆိုခွင့်ရှိတဲ့ ကိုရန်နိုင်ထွန်း ရှိနေပါပြီ။ ကိုရန်နိုင်ထွန်းခင်ဗျ။ အခုဒေါ်အောင်ဆန်းစုကြည် ရောက်လာတဲ့ အပေါ်မှာ ကိုရန်နိုင်ထွန်းတို့ ပြင်ဆင်ထားမှု၊ အခြေအနေနဲ့ ပတ်သက်ပြီးတော့ မနက်ဖြန်၊ ဒီနေ့ကတော့ ဟိုတယ်မှာပဲပေါ့နော်။ ဒီဟာနဲ့ ပတ်သက်လို့ ကိုရန်နိုင်ထွန်း ဘာပြောချင်လဲ ခင်ဗျ။
ကိုရန်နိုင်ထွန်း-ဟုတ်ကဲ့။ ဒီနေ့ညနေပိုင်းမှာတော့ ကိုရီးယားနိုင်ငံ ဆိုးလ်မြို့တော်မှာ ရှိတဲ့ The Westin Chosun ဟိုတယ်မှာ ဒီည တည်းမှာဖြစ်ပါတယ်။ မနက်ဖြန် မနက် ကျရင်တော့ လက်ရှိ ရွေးချယ် တင်မြှောက်ခြင်း ခံထားရတဲ့ သမ္မတ Park Geun-hye နဲ့ တွေ့ဆုံမှာဖြစ်ပြီး အဲ့ဒီ့ကနေ တဆင့် Pyeongchang အိုလံပစ်ဖွင့်ပွဲအခမ်းအနားကို တက်ရောက်မှာဖြစ်ပါတယ်။ Pyeongchang အိုလံပစ်ဖွင့်ပွဲအခမ်းအနားမှာ လက်ရှိသမ္မတကြီး Lee Myung-bak နဲ့ လည်း တွေ့ဆုံဖို့ ရှိပါတယ်ခင်ဗျ။ ဖျောင်းချမ်း ညီလာခံမှာတော့ ဖွံ့ဖြိုး တိုးတက်ရေးဆိုင်ရာ မိန့်ခွန်း စကားတရပ်ကို ဒေါ်အောင်ဆန်းစုကြည်က အဓိကပြောဆိုတဲ့သူ တစ်ဦး အနေနဲ့ ပြောဆိုမှာဖြစ် ပါတယ်။ အဲ့ဒီ့ပွဲ ပြီးသွားရင်တော့ ကိုရီးယားနိုင်ငံ ကင်ပိုလေဆိပ်ကို လာပြီးတော့ ကင်ပိုလေဆိပ် ကနေပြီးတော့ ဂွမ်ဂျူးဆိုတဲ့ ဒေါ်အောင်ဆန်းစုကြည်ကို ၂၀၀၄ခုနှစ်က ဂွမ်ဂျူး လူ့အခွင့်အရေး ဆုပေးတဲ့ နေရာကို သွားမှာဖြစ်ပါတယ်။ အဲ့ဒီ့နေရာမှာပဲ ဒေါ်အောင်ဆန်းစုကြည်ဟာ ဂွမ်ဂျူးမြို့တော် သူ ဆုကို ယူပြီးတော့ ၂၀၀၄ခုနှစ်တုန်းက သူလက်ခံ ရရှိခဲ့တဲ့ ဂွမ်ဂျူး လူ့အခွင့်အရေးဆု ကိုလည်း ပြန်လည် လက်ခံ ရယူမှာဖြစ်ပါတယ် ခင်ဗျ။
ဦးရော်နီညိမ်း- ဟုတ်ကဲ့။ ကိုရန်နိုင်ထွန်းခင်ဗျာ။ ဒေါ်အောင်ဆန်းစုကြည်ဟာ ဂွမ်ဂျူး ဂုဏ်ထူးဆောင် ဒီစလွယ်ကို လက်ခံရယူမှာဖြစ်သလို သူ့ကိုပေးအပ်မယ့် လူ့အခွင့်အရေးဆုကလည်း ကျနော်တို့ သိရှိ ထားသလောက် ဟိုတုန်းက သမ္မတ ချမ်ဒူးဝမ် လက်ထက်မှာ ကျောင်းသားတွေကို အင်အားသုံးနှိမ်နှင်းခဲ့တဲ့ အပေါ်မှာ ဒါကို အထိမ်းအမှတ်ပြန်လုပ်ပြီးတော့ လူ့အခွင့်အရေး တိုက်ပွဲ ဝင်တဲ့ ဆုအနေနဲ့ ပေးအပ်မယ်လို့ ကျနော်တို့ သိရှိရပါတယ်။ အဲ့တာနဲ့ပတ်သက်လို့ ကိုရန်နိုင်ထွန်း ဒေါ်အောင်ဆန်းစုကြည် ဒီဆု ဘယ်လိုရသလဲဆိုတာ အကျဉ်းချုပ်လေး ပြောပြပေး ပါခင်ဗျာ။
ကိုရန်နိုင်ထွန်း-ဟုတ်ကဲ့ခင်ဗျာ။ ဂွမ်ဂျူးမြို့ဟာဆိုရင် ကိုရီးယားနိုင်ငံမှာ စစ်အာဏာရှင်စနစ်ကို တွန်းလှန်ဖြိုဖျက်ခဲ့တဲ့ အစပြုခဲ့တဲ့ နေရာလည်းဖြစ်ပါတယ်။ ပြောရရင်တော့ ဒီမိုကရေစီမြို့လို့ တင်စားခေါ်ဝေါ်တဲ့ နေရာ တစ်ခုလည်း ဖြစ်ပါတယ်။ အဲ့ဒီ့မှာ ဂွမ်ဂျူးလူ့အခွင့်အရေးဆုကို နှစ်စဉ်နှစ်တိုင်းလိုလို အာရှနဲ့ ဥရောပ နိုင်ငံတွေကနေ ဒီမိုကရေစီအရေး ကို အားကြိုးမာန်တက် ကြိုးစားနေတဲ့သူတွေ ကို ရွေးချယ်ပြီးတော့ ပေးတာဖြစ်ပါတယ်။ အဲ့ဒီ့တော့ ၂၀၀၄ခုနှစ်တုန်းက ကျနော်တို့ခေါင်းဆောင်ဖြစ်တဲ့ ဒေါ်အောင်ဆန်းစုကြည်ကို ကိုရီးယားနိုင်ငံ အခြေစိုက် အမျိုးသားဒီမိုကရေစီအဖွဲ့ချုပ်လွတ်မြောက်နယ်မြေ ကိုရီးယား ဌာနခွဲကနေ အဆိုတင်သွင်းခဲ့ပါတယ်။ အဆိုတင်သွင်းခဲ့တဲ့အတွက် ကျနော်တို့ဟာ ဒေါ်အောင်ဆန်းစုကြည်ဟာဆိုလို့ရှိရင် ဒီလိုဆုမျိုးကို ရရှိထိုက်တယ်လို့ ယူဆပြီးတော့ ပေးတာဖြစ်ပါတယ်ခင်ဗျာ။
ဂွမ်ဂျူးကနေပြီးတော့ ကင်ပိုလေဆိပ်ကို ပြန်လာမှာပါ။ ကင်ပိုလေဆိပ်ကနေ ဆိုးလ်ကို ဆက် သွားမှာပါ။ ဆိုးလ်မြို့ကို ရောက်တဲ့အခါမှာတော့ ဖေဖော်ဝါရီလ တစ်ရက်နေ့မှာပေါ့ ဆိုးလ်မြို့မှာ ရှိတဲ့ မြန်မာမိသားစုနဲ့တွေ့ဆုံမှာဖြစ်ပါတယ်။ အဲ့တာကတော့ ဖေဖော်ဝါရီလ ၁ရက်နေ့ မနက် ကိုးနာရီ တိတိ အချိန်မှာဖြစ်ပါတယ်။ အဲ့ဒီ့အစီအစဉ်ပြီးသွားရင်တော့ ၂၀၀၀ပြည့်နှစ် က နိုဘယ်လ်ငြိမ်း ချမ်းရေး ဆုရှင်ဖြစ်တဲ့ ကွယ်လွန်သူ သမ္မတ ကမ်ဒေးဂျုံရဲ့ ဇနီးဖြစ်သူ မစ္စ် ယီဟီတိုနဲ့ တွေ့ဆုံဆွေးနွေးမှာဖြစ်ပါတယ်။
ဦးရော်နီညိမ်း- ဟုတ်ကဲ့။ ကိုရန်နိုင်ထွန်းရေ။ အခုလိုရှင်းပြတဲ့အတွက် ကျေးဇူးတင်ပါတယ်။
မခွာညို- ဦးရော်နီရေ၊ အခုလေယာဉ်ကွင်းမှာ လုံခြုံရေးအခြေအနေ ဘယ်လိုတွေ့ရလဲရှင့်။ သတင်းယူရတာရော လွယ်လွယ်ကူကူပဲလား။
ဦးရော်နီညိမ်း- လုံခြုံရေးကတော့ မနေ့က ကျနော်တို့ ဟိုနိုလူလူမှာ တွေ့ခဲ့ရတဲ့အတိုင်း အနာဂတ် နိုင်ငံတစ်နိုင်ငံရဲ့ ခေါင်းဆောင်တစ်ယောက်အနေနဲ့ကို သဘောထားပြီးတော့ ရောက်လေရာ နိုင်ငံတိုင်းမှာ ဒေါ်အောင်ဆန်းစုကြည်ကို မှဲ့တစ်ပေါက် မစွန်းရအောင် တင်းတင်းကျပ်ကျပ်နဲ့ စောင့်ရှောက်တာကို ကျနော်တို့ တွေ့ရပါတယ်။ ကိုယ့်တိုင်းပြည်၊ ကိုယ့်မြေပေါ်မှာတော့ ဘာမှ အဖြစ်မခံဘူးဆိုတဲ့ အနေအထားမျိုးကို ကျနော်တို့တွေ့ရပါတယ်။ အဲ့ဒီ့တော့ ကျနော်တို့သတင်းသမားတွေဟာ အတော်လေးကို ကျပ်ကျပ်တည်းတည်း သတင်းရရှိဖို့ကို ဒေါ်အောင်ဆန်းစုကြည် ခရီးစဉ်မှာ သတင်းရရှိဖို့ကို ကျနော်တို့ တော်တော်လေးကို ပြောရ ဆိုရပါတယ်။
အခုကိုရီးယားသမ္မတနိုင်ငံကတော့ တော်တော်လေးကို သဘောကောင်းတယ်လို့ ပြောရပါမယ်။ အခုကျနော်တို့ မြန်မာနိုင်ငံသားတွေရော၊ သတင်းသမားတွေရော ဒေါ်အောင်ဆန်းစုကြည် ထွက်လာပြီး တက်မယ့်ကားပေါ်မှာ ပြင်ဆင်ထားတဲ့ ကော်ဇောနီဘေးမှာကို ကျနော်တို့ အားလုံးကို ရပ်ပြီးတော့ ကြိုဆိုခွင့်ပြုထားပါတယ်ခင်ဗျာ။
ဒါကတော့ တောင်ကိုရီးယားနိုင်ငံ ဆိုးလ်မြို့တော် Incheon အင်ချွန် လေဆိပ်ကို ဒေါ်အောင်ဆန်းစုကြည် ရောက်ရှိလာတဲ့အချိန် လေဆိပ်ထဲမှာရှိနေတဲ့ ဗွီအိုအေ သတင်းထောက် ဦးရော်နီညိမ်းက သတင်းပေးပို့တင်ပြခဲ့တာပါ။
Ref: VOA News
Read More...
Collapse...
2013-01-28
ပြည်သူ့လွှတ်တော်ဥက္ကဌ သူရဦးရွှေမန်းရဲ့ သားဖြစ်သူ ဦးတိုးနိုင်မန်း ပိုင်ဆိုင်တဲ့ RedLink အင်တာနက် ဆက်သွယ်ရေး ကုမ္ပဏီဟာ ဆက်သွယ်ရေး နဲ့ သတင်း အချက်အလက် နည်းပညာ ၀န်ကြီးဟောင်း ဦးသိန်းထွန်းနဲ့ စီးပွားရေးအရ ပတ်သက်မှု မရှိကြောင်း ဒီကနေ့ ပြောဆိုလိုက်ပါတယ်။
လက်ရှိ နေပြည်တော်မှာ အကျင့်ပျက် ခြစားမှုနဲ့ အကျယ်ချုပ်ထားပြီး စစ်ဆေး ခံနေရတဲ့ ဆက်သွယ်ရေး ဝန်ကြီးဟောင်း ဦးသိန်းထွန်းနဲ့ RedLink ကုမ္မဏီတို့ အကြား စီးပွားရေး အရ ပက်သက်မှု ရှိတယ်ဆိုပြီး ပြည်ပ အခြေစိုက် ဒီမိုကရေစီရေး လှုပ်ရှားသူတွေရဲ့ စွပ်စွဲ ပြောဆိုချက်ကို ဦးတိုးနိုင်မန်းက အခုလို တုံ့ပြန်ပြောဆို လိုက်တာပါ။
လောလောဆယ် အကျင့်ပျက် လာဘ်စားမှုတွေမှာ ပါဝင်ပက်သက်နေတယ်လို့ သံသယရှိတဲ့ မြန်မာ့ ဆက်သွယ်ရေး လုပ်ငန်းက အရာရှိ ၅၀ ကျော်ကိုလည်း နေပြည်တော် အခြေစိုက် ရဲတပ်ရင်းတွေမှာ ခေတ္တခေါ်ယူ စစ်ဆေးနေဆဲဖြစ်ပါတယ်။
ဒါ့အပြင် တရုတ်ဆက်သွယ်ရေး ကုမ္မဏီတွေ ဖြစ်တဲ့ Huawei နဲ့ ZTE ကုမ္မဏီနဲ့ မြန်မာ့ ဆက်သွယ်ရေး လုပ်ငန်းအကြား လုပ်ကိုင်နေတဲ့ ကိစ္စရပ်တွေမှာ ပါဝင် ပက်သက်နေတဲ့ ရန်ကုန် အခြေစိုက် ဆက်သွယ်ရေး ကုမ္မဏီအချို့က တာဝန် ရှိသူတွေကိုလည်း ခေါ်ယူ စစ်ဆေးနေတယ်လို့ RFA က စုံစမ်း သိရပါတယ်။
RedLink ကုမ္ပဏီ အကြီးအကဲ ဦးတိုးနိုင်မန်းကတော့ ဒီအကျင့်ပျက် လာဘ်စားမှု ကိစ္စရပ်တွေမှာ သူတို့ ကုမ္မဏီ အနေနဲ့ ပါဝင် ပက်သက်မှု မရှိဘူးလို့ တုံ့ပြန်ပြောဆိုပါတယ်။
Ref: RFA News
Read More...
Collapse...
2013-01-28
မြန်မာနိုင်ငံက တခြားနိုင်ငံတွေ နဲ့ နိုင်ငံတကာ အဖွဲ့အစည်းတွေ ကို ပေးဖို့ရှိနေတဲ့ ကြွေးမြီအားလုံးရဲ့ ၆ဝ ရာခိုင်နှုန်း၊ အမေရိကန်ဒေါ်လာ သန်း ၆ ထောင်နီးပါးကို အထူးအစီအစဉ်တရပ် အဖြစ် ကြွေးမြီရှင်နိုင်ငံတွေ က လျှော်ပေးတော့မယ့် အကြောင်း ဘဏ္ဍာရေးနဲ့ အခွန်ဝန်ကြီးဌာနက သတင်း ထုတ်ပြန်ပါတယ်။
ကျန်တဲ့အကြွေးတွေကိုလည်း ဆိုင်းငံ့ကာလ ၇ နှစ် အပါအဝင် ၁၅ နှစ်အတွင်း ပြန်ဆပ်ဖို့ ကြွေးရှင် “ပါရီကလပ်အဖွဲ့” နဲ့ သဘောတူညီမှုရခဲ့တယ်လို့ ဆိုပါတယ်။
ပါရီကလပ် အဖွဲ့ဝင်နိုင်ငံတွေက ကိုယ်စားလှယ်တွေနဲ့ ဘဏ္ဍာရေးနဲ့ အခွန်ဝန်ကြီး ဦးဝင်းရှိန် ဦးဆောင်တဲ့ မြန်မာ ကိုယ်စားလှယ် အဖွဲ့တို့ ပြင်သစ်နိုင်ငံ ပဲရစ်မြို့မှာ ဇန်နဝါရီလ ၂၅ ရက် နေ့က တွေ့ဆုံဆွေးနွေးပြီးနောက် သဘော တူညီမှု ရခဲ့တာလို့ ဘဏ္ဍာအခွန်ဝန်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။
အလားတူ နော်ဝေးနိုင်ငံက အကြွေး ဒေါ်လာသန်း ၅ ရာကျော် လျှော်ပေးဖို့ သဘော တူခဲ့ပြီး၊ ဂျပန်နိုင်ငံ ကလည်း အကြွေးဒေါ်လာ သန်း ၃ ထောင်ကျော် လျှော်ပစ်ဖို့ လုပ်ဆောင်နေတယ်လို့ ဆိုပါတယ်။
တချိန်တည်းမှာပဲ အာရှဖွံ့ဖြိုးရေးဘဏ်ကနေ ၁၉၇၃ ခုနှစ်ကတည်းက ချေးယူထားပြီး ပြန်မဆပ်နိုင်သေးတဲ့ ဒေါ်လာ ၅၁၂ သန်းကို ဂျပန်နိုင်ငံတကာ ပူးပေါင်းဆောင်ရွက်ရေး ဘဏ်ရဲ့ အကူအညီနဲ့ ပြန်ပြီး ဆပ်လိုက်နိုင်ပြီလို့ ဘဏ္ဍာအခွန် ၀န်ကြီးဌာနရဲ့ နောက်ထပ် သတင်းတပုဒ်မှာ ဖော်ပြထားပါတယ်။
အလားတူ ကမ္ဘာ့ဘဏ်ကလည်း မြန်မာနိုင်ငံကို အကြွေးသစ် ဒေါ်လာသန်း ၄၄၀ ချေးငှားဖို့ အတည်ပြုလိုက်တယ်လို့ သိရပါတယ်။
Ref: RFA News
Read More...
Collapse...
သာလွန်ဇောင်းထက်
January 28, 2013
မြန်မာနိုင်ငံ စာနယ်ဇင်းကောင်စီ (ယာယီ) က ရေးဆွဲထားသော ပုံနှိပ်နှင့် သတင်းမီဒီယာ ဥပဒေမူကြမ်းကို ပထမဆုံး အကြိမ် အဖြစ် သတင်းမီဒီယာ သမားများထံ ချပြဆွေးနွေးခဲ့ရာ သတင်း လွတ်လပ်ခွင့်ကို ကာကွယ် အာမခံသော ဥပဒေအဖြစ်ရေး အတွက် စာနယ်ဇင်း သမားများက တောင်းဆိုကြသည်။
သမ္မတ ဦးသိန်းစိန်က ဖွဲ့စည်းပေးထားသော မြန်မာနိုင်ငံ စာနယ်ဇင်းကောင်စီ (ယာယီ) က ယမန်နေ့တွင် ရန်ကုန်မြို့ရှိ မြန်မာနိုင်ငံ ဘဏ်များအသင်း အဆောက်အအုံ၌ ပုံနှိပ်နှင့် သတင်း မီဒီယာ ဥပဒေ မူကြမ်းကို သတင်း မီဒီယာသမားများနှင့် စာနယ်ဇင်း သမားများထံ ဖြန့်ဝေပြီး အကြံဉာဏ်များ တောင်းခံခဲ့ရာ သတင်း သမားများက သတင်း လွတ်လပ်ခွင့်ကို အာမခံရေး၊ လွတ်လပ်စွာ သတင်း ရယူခွင့်ရှိရေးနှင့် သတင်း သမားများ အပါအ၀င် နိုင်ငံသားများ၏ အခွင့်အရေးကို ပိတ်ပင်ထားသော ဥပဒေများ ဖျက်သိမ်းပေးရေး စသည်တို့ အပါအ၀င် ဒီမိုကရေစီနှင့် ထိုက်တန်သော သတင်းလွတ်လပ်ခွင့် ရရှိရေး၊ သတင်းသမား များနှင့် စာနယ်ဇင်းသမားများ လိုက်နာရမည့် ကျင့်ဝတ်များ တိကျစွာထားရှိ လိုက်နာရေးတို့ကို ဆွေးနွေးတင်ပြကြကြောင်း သိရှိရသည်။
ပုံနှိပ်နှင့် သတင်းမီဒီယာ ဥပဒေမူကြမ်းအပေါ် စာနယ်ဇင်းသမားများ၏ ဆွေးနွေးချက်များနှင့် တင်ပြချက်များကို မှတ်တမ်း တင်ထားပြီး ဥပဒေမူကြမ်းကို ပြန်လည် ပြင်ဆင်သွားမည်ဖြစ်ကြောင်း မြန်မာနိုင်ငံ စာနယ်ဇင်းကောင်စီ (ယာယီ) ၏ ပြန်ကြားရေး တာဝန်ခံ ဦးသီဟစောက ပြောသည်။
“မြန်မာနိုင်ငံ စာနယ်ဇင်းကောင်စီ (ယာယီ) ကနေ ပုံနှိပ်နဲ့ သတင်းမီဒီယာဥပဒေမူကြမ်းကို ချပြတာ ထူးခြားချက်ပေါ့။ တက်လာတဲ့ သတင်းသမားတွေနဲ့ စာနယ်ဇင်းသမားတွေ၊ ထုတ်ဝေသူတွေ အားလုံးက စိတ်ဝင်တစားနဲ့ ဒီဥပဒေကြမ်း အပေါ်မှာ ဆွေးနွေးကြတယ်။ ပြည့်စုံတဲ့ ဥပဒေမဟုတ်သေးပေမယ့် အားလုံးရဲ့ ပါဝင်မှုနဲ့ ဆွေးနွေးကြတာက ထူးခြားတယ်။ ဒီဆွေးနွေးပွဲက ရတဲ့ အချက်အလက်တွေအပေါ် မူတည်ပြီးတော့ ဒုတိယ ဥပဒေမူကြမ်းကို အချောသတ် ပြင်ဆင်ရေးဆွဲဖို့ ရှိပါတယ်” ဟု ဦးသီဟစောက ဆိုသည်။
ပုံနှိပ်နှင့် သတင်းမီဒီယာဥပဒေကြမ်းတွင် ပုဒ်မ ၃၆ ခုပါရှိပြီး သတင်းမီဒီယာသမားများ၏ ရပိုင်ခွင့်များ၊ ကျင့်ဝတ်နှင့်တာဝန်များ၊ သတင်း မီဒီယာတည်ထောင်မှု၊ သတင်းမီဒီယာကောင်စီ ဖွဲ့စည်းခြင်းအပါအ၀င် အခန်း ၈ ခန်းပါဝင်သည်။
AP သတင်းဌာန၏ မြန်မာနိုင်ငံဆိုင်ရာ သတင်းထောက် ဒေါ်အေးအေးဝင်းကမူ မီဒီယာဥပဒေတွင် သတင်း လွတ်လပ်စွာ ရယူခွင့်ကို ပိတ်ပင်သူများအား ထောင်ဒဏ်နှင့် ငွေဒဏ်ချမှတ်နိုင်သည့် ပြဋ္ဌာန်းချက်များ ပါဝင်သင့်ကြောင်း သုံးသပ်သည်။
“Press Law ဆိုတာက တကယ်တော့ Freedom of Press ကို ဆွဲတဲ့ ဥပဒေလို့ပဲ လုံးလုံးယူဆတယ်။ သတင်းကို လွတ်လပ်စွာ ရေးသားခွင့်တို့၊ သတင်းကို လွတ်လပ်စွာမေးခွင့်၊ သတင်းကို လွတ်လပ်စွာရယူခွင့်က အရေးကြီးတယ်။ သတင်းလွတ်လပ်စွာ ရယူတဲ့နေရာမှာ သတင်းရယူခွင့်ကို ပိတ်ပင်တဲ့သူပါ အရေးယူနိုင်ခွင့်ကို ထည့်ပေးထားသင့်တယ်။ သတင်း လွတ်လပ်စွာ ရယူခွင့်ပိတ်ပင်သူကို အပြစ်ပေးပိုင်ခွင့်ဆိုတာက ကိုယ့်တိုင်းပြည်တင်မဟုတ်ဘူး၊ အင်ဒိုနီးရှားတို့ တချို့တိုင်းပြည်တွေမှာလည်း ကိုယ်ယူမယ့်သတင်းကို နှောင့်ယှက် ဟန့်တားတဲ့သူတွေကို ငွေဒဏ်တို့ ထောင်ဒဏ်တို့ ရှိကြတယ်။ Press Law ထဲမှာလည်း သတင်းရယူခွင့်ကို ပိတ်ပင်တဲ့သူကို အပြစ်ပေးပိုင်ခွင့် ဆိုတဲ့ ဝေါဟာရလေးတခု ထည့်ထား စေချင်တယ်။ နောက်တခုက သတင်းလွတ်လပ်ခွင့်ကို အနှောင့်အယှက် ဖြစ်နေတဲ့ ဥပဒေတွေ၊ ၀တ္တရား နှောင့်ယှက်မှုတို့၊ လျှို့ဝှက် အက်ဥပဒေတို့ အများကြီးရှိတယ်။ မီဒီယာလွတ်လပ်ခွင့်ကို အနှောင့်အယှက် ဖြစ်နေတဲ့ဟာတွေကို ထည့်သွင်း စဉ်းစားသင့်တယ်” ဟု ဒေါ်အေးအေးဝင်းက ဆိုသည်။
ပုံနှိပ်နှင့် မီဒီယာဥပဒေမူကြမ်းကို ပြင်ဆင်ရေးဆွဲပြီးပါက မည်သို့မည်ပုံ ဆက်လက်ဆောင်ရွက်မည်ကို မဆုံးဖြတ် နိုင်သေးကြောင်း၊ စာနယ်ဇင်းသမားများ အနေဖြင့် လွှတ်တော်သို့ နောက်ဆုံးရောက်ရှိမည့် မီဒီယာဥပဒေကြမ်း အခြေအနေကို သိရှိရန် ကြိုးစားရမည်ဖြစ်ကြောင်း ပြည်သူ့ခေတ်ဂျာနယ်၏ အတိုင်ပင်ခံ အယ်ဒီတာ ဦးဖေမြင့်က ဆိုသည်။
“နှစ်ပတ်လောက် အတွင်းမှာ အကြံပြုချက်တွေကို ပြည့်ပြည့်စုံစုံပေးဖို့ တောင်းထားတယ်။ အဲဒါတွေကို ယူပြီးတော့ မူကြမ်းကို ပြင်မယ်။ ပြန်ပြင်ရေးပြီးရင်တော့ ဒီစာနယ်ဇင်းသမားတွေကို ဖိတ်ပြမယ်လို့ထင်တယ်။ ပြန်ပြီးတော့ အချောသတ်ပြီးတော့မှ ဘယ်ကိုပို့မလဲလို့ စဉ်းစားကြမယ်။ ဒီဥပဒေကို ပြန်ကြားရေးက တင်သည်ဖြစ်စေ၊ တစုံတယောက် တင်သည်ဖြစ်စေ၊ အဖွဲ့အစည်း တခုခုက တင်သည်ဖြစ်စေ လွှတ်တော်က ဆွေးနွေးဦးမှာပေါ့။
လွှတ်တော်က ဆွေးနွေးပြီးတော့ ဖြည့်စွက်တယ်၊ ပြင်ဆင်တယ်ဆိုတာကို လုပ်မှာပေါ့။ တကယ်ဆုံးဖြတ်တာက လွှတ်တော် ကိုယ်စားလှယ်တွေရဲ့ အဆုံးအဖြတ်ပဲ။ မီဒီယာသမားတွေ အနေနဲ့ လွှတ်တော်ကော်မတီတွေနဲ့ အဆက်အစပ်ရှိတာပဲ။ နောက်ဆုံး လွှတ်တော်ကို ရောက်သွားတဲ့ ဥပဒေကြမ်းက ဘယ်လိုရှိမလဲဆိုတာ သိအောင်လုပ်ရမယ်။ အဲဒီမှာမှ အများသဘောတူတဲ့ ကြိုက်နှစ်သက်တဲ့ဟာ မဟုတ်လို့ရှိရင်တော့၊ အများမနှစ်သက်တာတွေ ပါရင်တော့ ကြိုတင်ပြီးတော့ ပြောရမှာပေါ့” ဟု ဦးဖေမြင့်က ဆိုသည်။
ပြန်ကြားရေးဝန်ကြီး ဌာနကမူ ပုံနှိပ်နှင့်မီဒီယာဥပဒေကြမ်းကို မြန်မာနိုင်ငံ စာနယ်ဇင်းကောင်စီ (ယာယီ) က ရေးဆွဲလျက်ရှိပြီး ဥပဒေပေါ်ပေါက်ရေးအတွက် ပြန်ကြားရေးဝန်ကြီးဌာနနှင့် မြန်မာနိုင်ငံ စာနယ်ဇင်းကောင်စီ (ယာယီ) တို့ ပူးပေါင်း ဆောင်ရွက်သွားမည်ဖြစ်ကာ ယခု ၂၀၁၃ ခုနှစ်အတွင်း လွှတ်တော်သို့ တင်ပြနိုင်မည်ဟု မျှော်လင့်ကြောင်း ပြန်ကြားရေး ၀န်ကြီးဌာန ပြည်ထောင်စုဝန်ကြီး ဦးအောင်ကြည်က ဧရာဝတီသတင်းဌာနနှင့် မကြာသေးမီက တွေ့ဆုံစဉ်ပြောဆိုခဲ့သည်။
မြန်မာနိုင်ငံတွင် ၂၀၁၂ ခုနှစ်တွင် သတင်းဂျာနယ်များအားလုံး စာပေစိစစ်ရေးတင်ပြရန် မလိုအပ်ဘဲ ထုတ်ဝေခွင့်ပြုခဲ့ပြီး ၂၀၁၃ ခုနှစ်တွင် ဧပြီလ ၁ ရက်နေ့မှစတင်ပြီး ပုဂ္ဂလိကနေ့စဉ်ထုတ်သတင်းစာများ ထုတ်ဝေခွင့်ပြုမည်ဟု ပြန်ကြားရေးဝန်ကြီးဌာနက တရားဝင်သတင်းထုတ်ပြန်ထားသည်။
Ref: ဧရာဝတီ
Read More...
Collapse...
ရတနာဦး
တနင်္လာနေ့၊ ဇန်နဝါရီလ ၂၈ ရက် ၂၀၁၃
ရန်ကုန် (မဇ္ဈိမ)။ ။ နှစ် ၃၀ ကြာ အဆင့်ဆင့်ပြုလုပ်သွားမည့် မဟာရန်ကုန်မြို့ပြ ဖွံ့ဖြိုးမှု စီမံကိန်းအတွက် ဂျပန်နိုင်ငံမှ အမေရိကန်ဒေါ်လာ သန်း ၅၀၀ ချေးမည်ဟု ရန်ကုန်မြို့တော် စည်ပင် သာယာရေး ကော်မတီ မြို့ပြစီမံကိန်းဌာနမှ ဒုတိယ ဌာနမှူး ဦးတိုးအောင် က ပြောသည်။
ထိုစီမံကိန်းကို ဂျပန်နိုင်ငံရှိ JICA အဖွဲ့အစည်းနှင့် စည်ပင်သာယာရေးကော်မတီ တို့ ပူးပေါင်း လုပ်ဆောင်ကြမည်ဖြစ်ပြီး ပထမ ငါးနှစ်တာ ကာလ (၂၀၁၃ မှ ၂၀၁၈ ခုနှစ် အထိ) တွင်ပင် ကနဦး ခန့်မှန်း တွက်ချက်မှု အရ
ဒေါ်လာ ၂,၂၄၅ သန်း ကုန်ကျမည် ဖြစ်သည်။ ယင်းအတွက် ဂျပန်နိုင်ငံက ဒေါ်လာသန်း ၂၀၀ ကူညီမည် ဖြစ်ပြီး ဒေါ်လာသန်း ၅၀၀ ကိုလည်း အတိုးနှုန်းနည်းဖြင့် ချေးသွားမည် ဖြစ်သည်။
စီမံကိန်းတွင် ရန်ကုန်မြို့တော် ဧရိယာအား တိုးချဲ့မှုများ အပါအဝင် တန်ဖိုးနည်းအိမ်ယာ စီမံကိန်း၊ လမ်း၊ လျှပ်စစ်မီး၊ ရေနှင့်မိလ္လာ စနစ်များ စသည်တို့ ဖွံ့ဖြိုး တိုးတက်အောင် လုပ်ဆောင်မည့် စီမံချက်များ ပါဝင်သကဲ့သို့ စီးပွားရေး ဇုန်အသစ်များ ဖော်ထုတ်ခြင်း တို့ပါ ထည့်သွင်း ရေးဆွဲ ထားကြောင်း သိရသည်။
“ကျနော်တို့နဲ့ ပူးပေါင်းလုပ်ဆောင်တဲ့ JICA အဖွဲ့အစည်းက ရန်ကုန်မြို့ပြဧရိယာ ထပ်ပြီး တိုးချဲ့မယ်ဆိုရင် သန်လျင်၊ ကျောက်တန်း၊ လှည်းကူး၊ မှော်ဘီ၊ ထန်းတပင်နဲ့ တွံ့တေး မြို့နယ်တွေမှာ မြေဧကပေါင်း ၃၇၀,၀၀၀ ကျော် ထပ်မံ တိုးချဲ့နိုင်တယ်လို့ အကြံပြုထားပါတယ်။ ရန်ကုန်မှာ လက်ရှိ အခြေအနေအရ မြေကို လူနေအိမ်ခြေ အဖြစ် အသုံးပြု ထားတဲ့ ရာခိုင်နှုန်းက ၉၀ ရာခိုင်နှုန်းလောက် ရှိပြီး စက်မှုကဏ္ဍအတွက် ၆ ရာခိုင်နှုန်းလောက်ပဲ အသုံးပြုထားတဲ့ အတွက် အနာဂတ် မြို့ပြ စီမံကိန်းအတွက် စိန်ခေါ်မှုတရပ် ဖြစ်လာပါတယ်” ဟု စည်ပင်၊ မြို့ပြစီမံကိန်း ဌာနခွဲမှ လက်ထောက်ဌာနမှူး ဦးဝင်းလှိုင်ထွန်း က ပြောသည်။
မဟာရန်ကုန်မြို့ပြ ဖွံ့ဖြိုးမှုစီမံကိန်းတွင် အဆင့်မြင့် ရထားလမ်းများ ဆောက်လုပ်ခြင်း၊ မြို့ပတ် ရထားစနစ် အဆင့်မြှင့် တင်ခြင်း တို့ကို ကာလတို လုပ်ဆောင်ချက်အဖြစ် အမြန် လုပ်ဆောင်သွားမည် ဖြစ်သည်။ ထို့အပြင် မတ်လမှ စက်တင်ဘာလအတွင်း ပို့ဆောင်ရေး မဟာစီမံကိန်း၏ ဦးစားပေး စီမံကိန်းများအတွက် ရှေ့ပြေး လေ့လာ ဆန်းစစ်မှုများ လုပ်ဆောင်မည်ဖြစ်ပြီး အသေးစိတ် ဒီဇိုင်းများကို ၂၀၁၄ ခုနှစ်တွင် ရေးဆွဲမည်ဖြစ်၍ လုပ်ငန်းရှင် များအား တင်ဒါခေါ်ယူ သွားမည်ဟု သိရသည်။
ယခုပြုလုပ်မည့် စီမံကိန်းတွင် အစိုးရဌာနပိုင် မြေများနှင့် လယ်မြေများ အများဆုံး ပါဝင်ပြီး မြေလွတ်မြေရိုင်းများတွင် အဓိက တိုးချဲ့သွားမည်ဖြစ်ကာ ၂၀၁၂ ခုနှစ်၊ စက်တင်ဘာလ အတွင်း ကလည်း ရန်ကုန်အား ချဲ့နိုင်ရန် သမ္မတက မြေဧက လေးသောင်းကျော်ကို စည်ပင်သို့ ခွင့်ပြုခဲ့သည်။ သို့ရာတွင် JICA မှ အကြံပြုထားသည့် မြေနေရာများနှင့် သမ္မတမှ ခွင့်ပြုထားသည့် မြေနေရာတို့မှာ မတူညီသည့် အတွက် ပညာရှင်များက ယင်းမြေနေရာများ တိုးချဲ့နိုင်ရေး အတွက် သမ္မတထံ ဆက်လက်တင်ပြသွားမည် ဖြစ်သည်။
ရန်ကုန်မြို့တွင် လက်ရှိ အိမ်ထောင်စု အရေအတွက် ၁.၀၅ သန်း ရှိပြီး နှစ်စဉ် အိမ်ထောင်စု ၂၆,၀၀၀ ခန့် တိုးပွား လျက်ရှိကြောင်း စည်ပင်မှ စစ်တမ်းတွင် ဖော်ပြထားသည်။
လွတ်လပ်ရေးရပြီး နောက်ပိုင်း ကျေးလက်နေ ပြည်သူများ သိသိသာသာ တိုးပွားလာ၍ ရန်ကုန် စည်ပင် နယ်နိမိတ်ကို ၁၉၅၈ ခုနှစ်တွင် သာကေတ၊ တောင်ဥက္ကလာပ၊ မြောက်ဥက္ကလာပ၊ ၁၉၇၄ ခုနှစ်တွင် အင်းစိန် အထိနှင့် ၁၉၉၀ ခုနှစ် နောက်ပိုင်းတွင် လှိုင်သာယာ၊ ရွှေပြည်သာ၊ တောင်ဒဂုံ၊ မြောက်ဒဂုံ အထိ တိုးချဲ့ခဲ့သဖြင့် ရန်ကုန်စည်ပင် နယ်နိမိတ် ဧရိယာ ၃၀၆ စတုရန်းမိုင် အတွင်း လူဦးရေ ၅.၂ သန်းအထိ နေထိုင် လာကြသည်။
Ref: မဇ္ဈိမ
Read More...
Collapse...
စောဇင်ညီ
တနင်္လာနေ့၊ ဇန်နဝါရီလ ၂၈ ရက် ၂၀၁၃
ရန်ကုန် (မဇ္ဈိမ)။ ။ ပြည်တွင်းငြိမ်းချမ်းရေးကို ၂၀၁၅ ခုနှစ် မတိုင်မီ အပြီးဆောင်ရွက်မည် ဖြစ်ကြောင်း ပြည်ထောင်စု ၀န်ကြီး ဦးအောင်မင်းမှ ဇန်န၀ါရီလ ၂၇နေ့တွင် မြန်မာ့ ငြိမ်းချမ်းရေး ဖော်ဆောင်ရေး စင်တာ၌ ပြုလုပ်သည့် အရပ်ဖက် လူမှု အဖွဲ့အစည်းများနှင့် တွေ့ဆုံပွဲတွင် ပြောခဲ့သည်။
“ ၂၀၁၅ ရွေးကောက်ပွဲ ကျရင် ပြည်သူတွေ ရွေးချယ်ပေးလိုက်တဲ့ ဒီမိုကရေစီ အစိုးရ တရပ် တက်လာမယ်၊ အဲဒီအစိုးရ အတွက် ဒီပြသနာတွေ မထားခဲ့ ချင်ဘူး။ အဲဒီအစိုးရ အဖွဲ့ဟာ တိုင်းပြည် ဖွံ့ဖြိုးရေး အတွက် လုပ်ဆောင်ရမှာ အများကြီးရှိတယ်” ဟု ဦးအောင်မင်းက ပြောခဲ့သည်။
ထိုသို့ ပြောရခြင်းမှာ ယခုတက်လာသည့် ဒီမိုကရေစီ အစိုးရသည် ပထမဆုံး အစိုးရဖြစ်သဖြင့် ငြိမ်းချမ်းရေး လုပ်ငန်း များအား ဦးစွာဆောင်ရွက် ရမည် ဖြစ်ကြောင်း ထိုမှသာ နောင်တက် လာမည့် အစိုးရသည် တိုင်းပြည်ဖွံ့ဖြိုးရေး လုပ်ငန်းများအား ဆောင်ရွက်နိုင်မည် ဖြစ်ကြောင်း ၀န်ကြီးမှ ဆိုသည်။
ဝန်ကြီး၏ ပြောကြားချက်ကို ကချင်ပြည်နယ် အခြေစိုက် ငြိမ်းချမ်းရေး အကျိူးဆောင် ဦးဆန်အောင် က ငြိမ်းချမ်းရေး လုပ်ဆောင်ချက်များမှာ နှေးကွေးသည့် အပိုင်းတွေ ဖြစ်ပြီး ထိုးစစ် ရပ်ကာ အမှန်တကယ် ဆွေးနွေးရန် လိုသည်ဟု မဇ္စျိမကို ပြောသည်။
“လုပ်ဆောင်ချက်အပေါ် မူတည်ပါတယ်။ အမှန်တကယ် သဘောထား ဖြူဖြူစင်စင်နဲ့ ငြိမ်းချမ်းရေး လုပ်ချင်ရင်တော့ ၂၀၁၅အထိတောင် မလိုပါဘူး။ ၂၀၁၃မှာတောင် ပြတ်နိုင်ပါတယ်။ လက်နက်မချ ရင်တော့  ဆော်မယ်ဆိုတဲ့  မူကြီးပဲ ထားလို့ မဖြစ်ဘူးပေါ့ ။သဘောထား ကြီးနိုင်ရင်တော့  ယုံကြည်မှုတွေရလာမှာပါ။” ဟု ၎င်းက သူ့အမြင်ကို ပြောပြသည်။
အဆိုပါ တွေ့ဆုံပွဲတွင် ပြည်ထောင်စု ၀န်ကြီးများ ဖြစ်ကြသည့် ဦးအောင်မင်း ၊ ဦးစိုးသိန်းနှင့် ဦးခင်ရီတို့ တက်ရောက်ကာ အရပ်ဖက် လူမှု အဖွဲ့အစည်း ၄၆ ဖွဲ့နှင့် အပြန်အလှန် မေးမြန်း ဆွေးနွေးမှုများ ပြုလုပ်ခဲ့ကြသည်။
ထို့အပြင် လူထုခေါင်းဆောင် ဒေါ်အောင်ဆန်းစုကြည်အား ငြိမ်းချမ်းရေး ဖော်ဆောင်မည့် လုပ်ငန်းစဉ်များတွင် မကြာခင် ပါဝင်လာမည် ဖြစ်ကြောင်း ပြည်ထောင်စု ၀န်ကြီးများ၏ ပြောကြားချက်အရ သိရသည်။
ဒေါ်အောင်ဆန်းစုကြည်နှင့် ကုလသမဂ္ဂလို အဖွဲ့အစည်းမျိူးတွေ ပါဝင်လာဖို့ လိုကြောင်းနှင့် ၎င်းတို့ ပါဝင်လာလျှင် ယုံကြည်မှုပိုတိုးလာနိုင်သည်ဟု ဦးဆန်အောင်က ပြောသည်။
၎င်းက “ အခုပာာက မယုံကြည်လို့  အချင်းချင်း သံသယဖြစ်နေတာ ခက်တာပေါ့ ။ KIA ဘက်က သံသယရှိတဲ့ အတိုင်း အမှန်တကယ်ဘဲ ဖြစ်လာတယ်ဆိုတော့ ငြိမ်းချမ်းရေးဖော်ဆောင်သူတွေအနေနဲ့  အာမခံပေးဖို့ လည်းခက်နေတယ် ” ဟု မဇ္ဈိမသို့ ပြောသည်။
ယခုအချိန်တွင် ငြိမ်းချမ်းရေး ဖော်ဆောင်ရန် KIA , KIO အဖွဲ့တို့နှင့်သာ ကျန်ရှိပြီး နိုင်ငံရေး အရ ဆွေးနွေးပွဲများ ပြုလုပ်ရန် အဆိုပါ အဖွဲ့များမှ ချိန်းဆိုသည့် အချိန်အား စောင့်မျှော်လျှက် ရှိသည် ဟု ပြည်ထောင်စု ၀န်ကြီး ဦးအောင်မင်းမှ ပြောခဲ့သည်။
Ref: မဇ္ဈိမ
Read More...
Collapse...
2013-01-28
KIO ဌာနချုပ်ဖြစ်တဲ့ လိုင်ဇာကို သိမ်းပိုက်ပြီးမှ ငြိမ်းချမ်းရေးဆွေးနွေးမယ်ဆိုရင် ကချင်ပြည်သူ တစ်ယောက် အနေနဲ့ရော လွှတ်တော် ကိုယ်စားလှယ် တစ်ယောက် အနေနဲ့ပါ ကန့်ကွက်တယ်လို့ ကချင် တိုင်းရင်းသူ အင်ဂျန်းယန် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ဒွဲဘူက ဒီကနေ့ ဇန်န၀ါရီလ ၂၈ ရက်နေ့ ပြည်သူ့လွှတ်တော် ကျင်းပပြီးချိန်မှာ သတင်းထောက်တွေကို ပြောကြား လိုက်ပါတယ်။
ကချင်ပြည်နယ် ငြိမ်းချမ်းရေးအတွက် KIA လိုင်ဇာဌာချုပ်ကို အရင်သိမ်းပိုက်ပြီးမှ ငြိမ်းချမ်းရေးဆွေးနွေးဖို့ ဖြစ်နိုင်မယ်လို့ အမျိုးသား လွှတ်တော် ကိုယ်စားလှယ် ဦးလှဆွေရဲ့ပြောဆိုချက်ကို ကချင်ပြည်နယ်၊ အင်ဂျန်းယန် မဲဆန္ဒနယ်က ပြည်သူ့လွှတ်တော် ကိုယ်စားလှယ် ဒေါ်ဒွဲဘူ က ပြင်းပြင်းထန်ထန် ကန့်ကွက်လိုက်ပြီး တုံ့ပြန်ပြောကြား လိုက်တာ ဖြစ်ပါတယ်။
ကချင်ပြည်နယ် ငြိမ်းချမ်းရေးရဖို့ လွှတ်တော်ရဲ့ တိုက်တွန်းချက်တွေကို နှစ်ဖက်တပ်တွေက လိုက်နာဖို့ လိုအပ်ကြောင်း၊ လွှတ်တော်ရဲ့ တိုက်တွန်းချက်ဟာ လိုင်ဇာ တစ်ခုထဲ မဟုတ်ဘဲ ကချင်ပြည်နယ် တစ်ခုလုံးနဲ့ ရှမ်းပြည်နယ် မြောက်ပိုင်းမှာ ဖြစ်ပွားနေတဲ့ ထိုးစစ်တွေကိုလည်း ရပ်တန့်ဖို့လည်း ပါဝင်ကြောင်း ဒေါ်ဒွဲဘူက ပြောပါတယ်။
အခုလ ဇန်န၀ါရီလ ၁၉ ရက်နေ့ကလည်း သမ္မတဦးသိန်းစိန်အနေနဲ့ တမ်မတော်ကို ခုခံ ကာကွယ်သည်မှ အပ ထိုးစစ် ဆင်တာတွေရပ်ဖို့ ညွှန်ကြား ထားပြီးဖြစ်သလို၊ ကျင်းပနေတဲ့ ပြည်သူ့လွှတ်တော်၊ အမျိုးသား လွှတ်တော် အစည်းအဝေးတွေမှာလည်း ကချင်ပြည်နယ် ငြိမ်းချမ်းရေးဖော်ဆောင်နိုင်မယ့် အရေးကြီး အဆိုတွေ တင်သွင်းဆွေးနွေး ခဲ့ကြပါတယ်။
Ref: RFA News
Read More...
Collapse...
စောဇင်ညီ
တနင်္လာနေ့၊ ဇန်နဝါရီလ ၂၈ ရက် ၂၀၁၃
ရန်ကုန် (မဇ္ဈိမ)။ ။ စစ်မက်ဖြစ်ပွားခဲ့သည့် ကရင်ပြည်နယ် ဒေသများတွင် ပြည်ထောင်စု အစိုးရအဖွဲ့မှ ဝန်ကြီးများ ဦးဆောင်ကာ မကြောက်တရားများ လိုက်လံ ဟောပြော သွားမည်ဟု မြန်မာ့ ငြိမ်းချမ်းရေး ဖော်ဆောင်ရေး စင်တာ (MPC)တွင် ပြုလုပ်ခဲ့သော အရပ်ဘက် လူမှု အဖွဲ့အစည်းများနှင့် တွေ့ဆုံပွဲတွင် ပြည်ထောင်စု ဝန်ကြီး ဦးစိုးသိန်းက ပြောကြားသည်။
“ကျနော်တို့  မကြာခင်မှာ ကရင်ပြည်နယ်ကို သွားမှာပါ။ အဲဒီက ဒေသခံတွေကို မကြောက်ဖို့  တရား သွားဟောပါမယ်” ဟု ဇန်နဝါရီလ ၂၇ ရက်နေ့က ပြောသည်။
ထိုသို့ ဟောပြောရခြင်းမှာ ကရင်ပြည်နယ်ရှိ ဒေသခံများမှာ နှစ် ၆၀ ကျော် စစ်ပွဲဒဏ်များ ခံစားခဲ့ရကာ တပ်မတော်အား ကြောက်ရွံ့ခြင်းနှင့် အခြား လက်နက်ကိုင် အဖွဲ့အစည်း များအား ကြောက်ရွံ့ခြင်းများ ယခုအချိန် အထိ ခံစားနေရသောကြောင့် ဖြစ်ကြောင်း ဦးစိုးသိန်း က ရှင်းပြသည်။
မကြောက်တရား ဟောပြောမည့် အစီအစဉ်တွင် အစိုးရအဖွဲ့ အပြင် အရပ်ဘက် လူမှုအဖွဲ့အစည်းများ ပါဝင်သင့်ပြီး ပါဝင်မည် ဆိုပါက ၎င်းတို့နှင့် လာရောက် ဆက်သွယ် ရမည်ဖြစ်ကြောင်း သမ္မတရုံး ဝန်ကြီး ဦးစိုးသိန်းက ပြောဆိုသွားသည်။
“စစ်ပွဲတွေ ပြီးဆုံးသွားတဲ့အခါ ဒေသခံတွေဟာ စိတ်ဒဏ်ရာတွေ ရလာပါတယ်။ အဲဒီစိတ်ဒဏ်ရာ ပြင်ဖို့ဟာက ဒေသ ဖွံ့ဖြိုး တိုးတက်ဖို့ အတွက် အရေးအကြီးဆုံး လုပ်ငန်းပါပဲ။ အဲဒါတွေကို ကုပေးနိုင်ဖို့ အန်ဂျီအိုတွေက အရေးကြီးဆုံး ဖြစ်ပါတယ်။ ဘာလို့လဲဆိုတော့ မယုံတဲ့လူတွေ သွားကုလို့လည်း အဆင်မပြေနိုင်ဘူးလေ” ဟု သမ္မတရုံး ဝန်ကြီးတဦး ဖြစ်သည့် ဦးအောင်မင်း က ဆိုသည်။
အဆိုပါ မကြောက်တရား ဟောပြောခြင်းသည် ငြိမ်းချမ်းရေး လုပ်ငန်းစဉ် ၏ နောက်ဆက် တွဲ လုပ်ငန်းများဖြစ်ကြောင်း မြန်မာ ငြိမ်းချမ်းရေး ဖော်ဆောင်ရေး စင်တာမှ တာဝန်ရှိသူတဦးက ပြောသည်။
ယခုအစီအစဉ်နှင့် ပတ်သက်၍ KNU အဖွဲ့မှ ပြည်သူ့ ဆက်ဆံရေး တာဝန်ခံ ဗိုလ်မှုးကြီးဖောဒိုက “ဒီအစီအစဉ်ဟာ ကောင်းပါတယ်။ တပ်မတော်က ကြောက်စရာ မလိုဘူး ဆိုတာကို အစိုးရဘက်က ပြောတာကို ပြည်သူ့နားနဲ့ ဆက်ဆက်ကြားရတော့ ဒေသခံတွေရဲ့  စိတ်ခံစားချက်တွေ ပေါ့သွားတာပေါ့” ဟု မဇ္ဈိမကို ပြောသည်။
အဆိုပါ ဒေသများတွင် ငြိမ်းချမ်းရေးရရှိပြီဟု ဆိုသော်လည်း ဒေသခံများအား တပ်မတော် ဝန်ထမ်းများမှ မတရားပြုကျင့် မှုများ ရှိနေသေးပြီး တရားမဝင် အဖွဲ့အစည်း များနှင့် ဆက်သွယ်မှုများ ရှိသည်ဟု ဆိုကာ ပုဒ်မ ၁၇(၁)ဖြင့် ဖမ်းဆီးမှုများ ရှိနေသေးကြောင်း ကရင်လူမှု အဖွဲ့အစည်း တခုမှ တာဝန်ရှိသူတဦးက ပြောသည်။
“ကျမတို့ နယ်မှာ ငြိမ်းချမ်းရေးရရှိပြီ ဆိုပေမယ့်လည်း တပ်မတော်ရဲ့ အတင်းအဓမ္မ ပြုကျင့်မှုတွေ ခံနေရတုန်းပါပဲ။ ဥပဒေအရ ခြိမ်းခြောက်မှုတွေလည်း ခံနေရပါသေးတယ်” ဟု ဆိုသည်။
ကရင်ပြည်နယ်သည် ပြည်တွင်း စစ်ပွဲများ အနှစ် ၆၀ ကျော် ရင်ဆိုင်ခဲ့ရသော ပြည်နယ်တခု ဖြစ်ကာ စစ်ကြောင့် တိမ်းရှောင်နေရသည့် သိန်းနှင့် ချီသည့် ဒုက္ခသည်များ ထိုင်းနိုင်ငံတွင် အများဆုံး နေထိုင် ကြရသေးသည်။ ၎င်းတို့အထဲမှ အများစုမှာ ငြိမ်းချမ်းမှု ရရှိပြီဖြစ်၍ ဒေသတွင်းသို့ ပြန်လည်ဝင်ရောက်ရန် ပြင်ဆင်နေကြောင်း ဦးအောင်မင်း က ပြောကြား သွားသည်။
Ref: မဇ္ဈိမ
Read More...
Collapse...
ကျော်ခ
January 28, 2013
ကချင်လွတ်လပ်ရေး တပ်မတော် (KIA) အတွက် မဟာဗျူဟာကျတဲ့ ခါရာ တောင်ကုန်းကို အစိုးရ စစ်တပ်တွေက လက်နက် လူအင်အား အသုံးပြု တိုက်ခိုက်ပြီး ဒီလ ၂၅ ရက်နေ့ သိမ်းပိုက် ထားလိုက်ပြီ ဖြစ်ပါတယ်။
ပွိုင့် ၁၀၁၂ လို့ခေါ်တဲ့ ခါရာတောင်ဟာ လိုင်ဇာဌာနချုပ် အနီး KIA အတွက် ဗျူဟာ အရ အရေးပါတဲ့ အမြင့်ဆုံးတောင် ဖြစ်ပြီး ဒီလ ၂၄ ရက်နေ့မှာ အစိုးရ စစ်တပ်က ၁၂၀ မမ၊ ၁၀၅ မမ၊ ၈၁ မမ လက်နက်ကြီး အလုံးပေါင်း ထောင်ချီ ပစ်ခတ်ခဲ့ကာ မြေပြင် ထိုးစစ်တွေနဲ့ အင်အားသုံး စစ်ဆင်ပြီး သိမ်းပိုက်ခဲ့တာ ဖြစ်ကြောင်း KIA ဘက်က ပြောပါတယ်။
သမ္မတ ဦးသိန်းစိန် အစိုးရက လဂျားယန်ဒေသကို စစ်ဆင်ရေး ရပ်စဲလိုက်ပြီလို့ ဒီလ ၁၉ ရက်နေ့က တရားဝင် ကြေညာပြီးတဲ့ နောက် အခုလို ထိုးစစ်ဆင် ပြီး သိမ်းယူခဲ့တာ ဖြစ်ပါတယ်။ အတည် မပြုနိုင်သေးတဲ့ သတင်းတွေ အရ အစိုးရ စစ်တပ်ဘက်က အကျအဆုံး များပြားပြီး KIA တပ်ဘက်မှာလည်း ထိခိုက်သေဆုံးမှုတွေ ရှိတယ်လို့ သိရပါတယ်။
“ဒီ ခါရာ ပွိုင့်ကို ရအောင်ထိုးပါလို့ စစ်တပ်ကို အထက်က ညွှန်ကြားထားတယ် ပြောတယ်။ မဟာဗျူဟာအရ ကျတော့ ဒီဒေသမှာ ဒီတောင်က အမြင့်ဆုံး ပဲလေ။ အဲဒီတော့ သူတို့က စိုးမိုးထားတဲ့ပုံ ပေါက်တာပေါ့” လို့ KIA ရဲ့ မဟာမိတ် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မြောက်ပိုင်းရဲ့ ပြန်ကြားရေး တာဝန်ခံ ဗိုလ်မှူး မင်းဌေးက ဧရာဝတီကို ပြောပါတယ်။
အခုလ အစောပိုင်းက KIA အတွက် အရေးပါတဲ့ ပွိုင့် ၇၇၁ တောင်ကုန်းနဲ့ ဖွန်ပြင်ဘွန် တောင်ကုန်းတွေ အပါအဝင် တောင်ကုန်း တချို့ကို အစိုးရ တပ်က လေယာဉ်တွေနဲ့ ပစ်ကူ တိုက်ခိုက် သိမ်းပိုက်ခဲ့ပြီး လက်နက်တွေ တပ်ဆင် ထားတယ်လို့ စစ်မြေပြင် သတင်းတွေအရ သိရပါတယ်။
အစိုးရတပ်တွေနဲ့ KIA တပ်တွေ မြေပြင်တိုက်ပွဲတွေ ဆက်လက် ဖြစ်ပွားနေပြီး ဒီနေ့ မွန်းလွဲပိုင်းမှာ လဂျားယန် ဘက်က တက်လာတဲ့ အစိုးရ စစ်ကြောင်းနဲ့ KIA တပ်ဖွဲ့တွေ လဝါးယန် ဒေသမှာ တိုက်ပွဲဖြစ်ပွားနေကြောင်း ဗိုလ်မှူး မင်းဌေးက ပြောပါတယ်။
KIA ဌာနချုပ် လိုင်ဇာမြို့အနီး အစိုးရ စစ်တပ်တွေ ရောက်ရှိလာချိန်မှာပဲ ဒေသခံတချို့ဟာ ကချင်လွတ်လပ်ရေး အဖွဲ့ (KIO) ထိန်းချုပ်မှုအောက်ရှိ ဒုက္ခသည် စခန်းတွေကို ထွက်ပြေး လာကြပြီး လိုင်ဇာ မြို့တွင်းနဲ့ မြို့ပြင်မှာ ရှိနေတဲ့ စခန်း ၄ ခုက ဒုက္ခသည်တွေကလည်း အစိုးရတပ်က ပစ်ခတ် တိုက်ခိုက်မှုတွေ လုပ်လာမှာကို စိုးရိမ်နေကြတယ်လို့ ကချင် ဒုက္ခသည် စခန်းများ ကော်မတီ ဥက္ကဋ္ဌ ဆလန်ကဘာ ဒွဲပီဆာက ပြောပါတယ်။
ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီက ယခုလ ၁၉ ရက်နေ့ နေ့စွဲနဲ့ KIO ကို လက်ရှိ ကချင်ပြည်နယ် အတွင်းမှာ ဖြစ်ပွားနေတဲ့ ပဋိပက္ခများ အရေး ကိစ္စဖြေရှင်းရန်နဲ့ ငြိမ်းချမ်းရေး တည်ဆောက်ရေး ကိစ္စများ ဆွေးနွေးရန် စာပို့အကြောင်း ကြားခဲ့ပြီး KIO က အစိုးရအနေနဲ့ ထိုးစစ်တွေ ဆက်တိုက် ပြုလုပ်နေတဲ့ အတွက် စစ်ရေးအရ ဖိအားပေးမှု အခြေအနေအောက်မှာ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အနေနဲ့သာ ဆွေးနွေးဖို့ အကြောင်းပြန်ခဲ့ပါတယ်။
UNFC အနေနဲ့လည်း ဆွေးနွေးမယ်လို့ အစိုးရတာဝန်ရှိသူတွေက ပြည်တွင်း၊ ပြည်ပ သတင်းမီဒီယာတွေမှာ ဖြေကြားနေပေမယ့် နှစ်ဘက် တွေ့ဆုံနိုင်ရေး ဆက်သွယ်ရာမှာ အကြောင်းပြန်ကြားမှုတွေ မရှိဘူးလို့ KIO နဲ့ အစိုးရ ငြိမ်းချမ်းရေးဖော်ဆောင်ရေး အဖွဲ့ကြားမှာ ဆောင်ရွက်ပေးနေတဲ့ ကချင်ငြိမ်းချမ်းရေး အကျိုးတော်ဆောင်အဖွဲ့ (PCG) က ပြောပါတယ်။
“KIO က UNFC အနေနဲ့ တွေ့ဖို့ အကြောင်းပြန်ပြီး ကတည်းက အစိုးရဘက်ကတော့ တွေ့ဆုံနိုင်ရေး လှမ်း ဆက်သွယ်တာကို ဟိုရက်ရွှေ့၊ အချိန်ရွှေ့နဲ့ ဘာမှလည်း အကြောင်း မပြန်သေးဘူး။ ဖုန်းဆက်လည်း PSO (ကိုယ်ရေးအရာရှိ) တွေနဲ့ပဲ တွေ့တယ်။ ဘာမှမထူးသေးဘူး” လို့ PCG ရဲ့ အကျိုးတော်ဆောင် တဦးဖြစ်တဲ့ ဦးဆန်းအောင်က ဧရာဝတီကို ပြောပါတယ်။
ဒါ့အပြင် “အခုဟာက တိုက်ပွဲတွေကလည်း ဆက်တိုက်ဖြစ်နေတယ်။ KIA စခန်းတွေနဲ့ ခဲတပစ်စာ အကွာမှာပဲ အစိုးရ တပ်တွေက ရှိနေတယ်လေ။ အဲဒါတွေကြောင့်လည်း KIO က ယုံကြည်မှု ပိုပျက်ပြီးမှ UNFC အနေနဲ့ ဆွေးနွေးဖို့လုပ်တာ အဲဒါတွေပါတယ်။ ထိုးစစ် မလုပ်ဘဲနဲ့ စစ်ရှိန်လျှော့ပြီးမှ ဆွေးနွေးလိုက်ရင် အစောကြီး ကတည်းက ဖြစ်သွားမယ့် ကိစ္စပါ” လို့ သူက ဆက်ပြောပါတယ်။
ကချင်ပြည်နယ်ထဲမှာ ဖြစ်ပွားတဲ့ တိုက်ပွဲတွေနဲ့ ပတ်သက်ပြီး အရပ်သားတွေ ထိခိုက်သေကျေကာ အမျိုးသားပြန်လည် သင့်မြတ်ရေးကို အားယုတ်စေတဲ့ တိုက်ခိုက်မှုတွေ ဆက်ဖြစ်နေတာကို အမေရိကန် ပြည်ထောင်စုက အလွန်စိုးရိမ်နေပြီး ဒီတိုက်ခိုက်မှုတွေကို ပြင်းပြင်းထန်ထန် ဆန့်ကျင်ကန့်ကွက်တဲ့ အကြောင်း အမေရိကန် နိုင်ငံခြားရေးဌာန ရန်ကုန်သံရုံးက ခါရာတောင်ကုန်းကို မသိမ်းမီ ၂၄ ရက်နေ့က ထုတ်ပြန်ခဲ့ပါတယ်။
အမေရိကန် သံရုံးရဲ့ ထုတ်ပြန်ချက်ကို မြန်မာ နိုင်ငံခြားရေးဝန်ကြီးဌာနက တုံ့ပြန်ရာမှာတော့ ကချင်ပြည်နယ်မှာ စစ်ရေးဆောင်ရွက်မှု များကို ရပ်ဆိုင်းရန် သမ္မတ ဦးသိန်းစိန်က ဇန်နဝါရီက ၁၉ ရက်က ညွှန်ကြားချက်အား အစိုးရတပ်က လိုက်နာကြောင်း၊ KIA/KIO ကလည်း အလားတူ ရပ်ဆိုင်းရန် လိုအပ်ကြောင်း၊ သို့သော် KIA က တိုက်ခိုက်ပစ်ခတ်မှုများ ဆက်လက်ပြုလုပ်လာ၍ အစိုးရတပ်က ပြန်လည်တုံ့ပြန် တိုက်ခိုက်ရကြောင်း ဖော်ပြထားသည်။
ထို့အပြင် အမေရိကန် သံရုံးကြေညာချက်က KIA ၏ ပြည်သူများကို တိုက်ခိုက်မှုနှင့် ဖမ်းဆီးခေါ်ဆောင်မှုများကို မဖော်ပြဘဲ အစိုးရတပ်ကသာ တိုက်ခိုက်မှုများ ပြုလုပ်နေသည့် သဖွယ် ဖော်ပြ ထားသဖြင့် ပြင်းထန်စွာ ကန့်ကွက် ပယ်ချကြောင်းလည်း ရေးသားထားသည်။
ဗြိတိသျှ အစိုးရကလည်း အရပ်သားတွေ ထိခိုက်သေဆုံးပြီး အစိုးရတပ်က ရဟတ်ယာဉ်တွေ အသုံးပြု တိုက်ခိုက်နေ မှုကို အမြန်ဆုံး ရပ်တန့်ဖို့ ဒီလလယ် ပိုင်းက တောင်းဆို ခဲ့ပြီး မြန်မာနိုင်ငံ အပေါ် ပိတ်ဆို့မှု ဖယ်ရှားခြင်းသည် ယာယီသာ ဖြစ်ပြီး ရုတ်သိမ်းခြင်း မဟုတ်သေးကြောင်း၊ ပြန်သုံးသပ်ရာ၌ သက်ရောက်မှု ရှိနေကြောင်း သတိပေး ပြောကြားထားသည်။
Ref: ဧရာဝတီ
Read More...
Collapse...
ကိုသိန်းထိုက်ဦး
27.01.2013
ကချင်ဒေသ လက်နက်ကိုင်ပဋိပက္ခတွေကြားမှာ အပြစ်မဲ့ ပြည်သူတွေ မြေဇာပင်ဖြစ်ပြီး အတိဒုက္ခရောက်နေရတဲ့ အကြောင်း NLD အမျိုးသားဒီမုိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က ဟာဝိုင်ယီ ငြိမ်းချမ်းရေး အဖွဲ့အစည်း တခုဖြစ်တဲ့ Pillars of Peace အဖွဲ့ကြီးက ကျင်းပတဲ့ ကျောင်းသူကျောင်းသားတွေနဲ့ တွေ့ဆုံ ဆွေးနွေးပွဲမှာ ပြောဆုိုသွားပါတယ်။ ပဋိပက္ခကို ဖန်တီးသူတွေအနေနဲ့ အဆုံးသတ်ရဲတဲ့ သတ္တိရှိဖုို့လိုတယ်လို့ သူက ဆုိုပါတယ်။ ဆွေးနွေးပွဲကို တက်ရောက် သတင်းယူခဲ့တဲ့ ကိုသိန်းထိုက်ဦးက ဟိုနုိုလူလူကနေ သတင်းပေးပို့ပါတယ်။
ငြိမ်းချမ်းရေးအတွက် အပေးအယူလုပ် ညှိနှိုင်းရဲတဲ့သတ္တိရှိဖို့ လိုတယ်ဆိုတာ ပြောဆိုရင်း အပေးအယူ ညှိနှိုင်းတာကို အရှုံးပေးလိုက်ရတာ ဆိုပြီး မှားယွင်း ရှုမြင်တတ်တဲ့အကြောင်း ဒေါ်အောင်ဆန်းစုကြည် က မိန့်ခွန်းထဲမှာ ထောက်ပြ ပြောဆိုသွားပါတယ်။ စေ့စပ်ညှိနှိုင်းအဖြေရှာဖို့ ပျက်ကွက်ခဲ့ တာကြောင့် မြန်မာနိုင်ငံမှ လူမျိုးစု ပဋိပက္ခတွေ ဆက်ရှိနေသေးတာ ဖြစ်တဲ့အကြောင်း ပြောဆို သွားရင်းနဲ့ ကချင်ပြည်နယ် တိုက်ပွဲတွေကြား အမျိုးသမီးနဲ့ ကလေးငယ်တွေ အတိဒုက္ခရောက်နေရတဲ့ အနေအထားတွေကို ဒေါ်အောင်ဆန်းစုကြည်က ပြောဆိုသွားပါတယ်။
“ဘေးဒုက္ခအများဆုံး ရင်ဆိုင်နေရသူတွေဟာ အပြစ်မဲ့တဲ့ အမျိုးသမီးနဲ့ ကလေးတွေ ဖြစ်ပြီး သူတို့ဟာ ပဋိပက္ခကို ဖန်တီးသူ၊ ပဋိပက္ခ ဖြစ်နေအောင် လုပ်နေသူတွေ မဟုတ်တဲ့အကြောင်း၊” - ဒေါ်အောင်ဆန်းစုကြည်က ပြောပါတယ်။
အာဏာနဲ့ လုပ်ပိုင်ခွင့် ရှိသူတွေက မေတ္တာထားဖို့နဲ့ သတ္တိရှိဖို့၊ တခြား အရာတွေကို ပိုပြီး ဦးစားပေးနေတာကြောင့် အပြစ်မဲ့ပြည်သူတွေအတွက် ငြိမ်းချမ်းရေးကို မရနိုင်တာလို့ သူက ဆိုပါတယ်။
“ဒီနေရာမှာ သတ္တိဆိုတာ ရုပ်ပိုင်းဆိုင်ရာ အရ ပြသတဲ့ သတ္တိမျိုးကို ဆိုလိုတာ မဟုတ်သလို စစ်မြေပြင်မှာပြတဲ့ သတ္တိမျိုးကို သတ္တိလို့ ဆိုလိုတာ မဟုတ်ဘူး။ တခါတရံမှာ စစ်မြေပြင်မှာ မသွားတော့ဘူးလို့ ငြင်းဆန်တာကလည်း သတ္တိဖြစ်ပြီး ဒီလောက်ဆိုရင် တော်ပြီ၊ လုံလောက်ပြီလို့ ပြောရတာကလည်း သတ္တိဖြစ်တဲ့အကြောင်း၊ တယောက်ယောက်က ဒါကို အဆုံးသတ်သင့်ပြီလို့ ပြောရဲဖို့လိုတဲ့အကြောင်းနဲ့ ပဋိပက္ခကို အစပြု ဖန်တီးတဲ့သူတွေ ရှည်ကြာအောင် ဆက်လုပ်နေသူတွေ ဘက်က အဆုံးသတ်ရဲတဲ့သတ္တိရှိဖို့ လိုတဲ့အကြောင်း၊” - ဒေါ်အောင်ဆန်းစုကြည် ပြောဆိုသွားတာပါ။
ငြိမ်းချမ်းရေးအတွက် အပြောင်းအလဲတွေ လိုတယ်လို့လည်း ဒေါ်အောင်ဆန်းစုကြည်က ပြောပါတယ်။ အပြောင်းအလဲတွေ အတွက် ပြင်းပြင်းထန်ထန် အလုပ် လုပ်ရမှာ ဖြစ်ပြီး မဖြစ်မနေ ဆက်လုပ်မယ်ဆိုတဲ့ သံန္နိဌာန် ခိုင်မာဖို့လည်း လိုတယ်လို့ သူက ပြောပါတယ်။ ငြိမ်းချမ်းရေးရဖို့အတွက် လက်တွေ့ လုပ်ဆောင်ဖို့ လိုတယ်ဆိုတာကိုလည်း မီးကို ငြိမ်းချင်ရင် မဖြစ်မနေ လက်တွေ့ ငြိမ်းသက်ရတဲ့ဥပမာနဲ့ နှိုင်းယှဉ်ပြောပြသွားပါတယ်။
အရင် စစ်အစိုးရဘက်က တွေ့ဆုံဆွေးနွေးတယ် ဆိုတာကို တဘက်ဘက်က လုံးဝ ရှုံးနိမ့်သွားမှ ဆွေးနွေးတာလို့ ရှုမြင်ခဲ့တဲ့အတွက် တွေ့ဆုံဆွေးနွေးရေးကို ငြင်းပယ်ခဲ့တဲ့ အကြောင်းလည်း ဒေါ်အောင်ဆန်းစုကြည်က ရှင်းပြပါတယ်။
“တွေ့ဆုံ စကားပြောတယ်ဆိုတာ တဘက်နဲ့တဘက် အပေးအယူလုပ် ညှိနှိုင်းတာမျိုး ဆိုတာကို သူ့ဘက်က အကြိမ်ကြိမ် ရှင်းပြခဲ့တဲ့အကြောင်း၊” - ဒေါ်အောင်ဆန်းစုကြည်က ပြောပါတယ်။ အပေးအယူဆိုတာ ကိုယ့်ဘက်က အားလုံးကို ယူတာဆိုတဲ့ မှားယွင်းတဲ့ ရှုမြင်ချက်မျိုးနဲ့ ငြိမ်းချမ်းရေးကို တည်ဆောက်နိုင်မှာ မဟုတ်တဲ့အကြောင်း ဒေါ်အောင်ဆန်းစုကြည်က ရှင်းပြခဲ့ပါတယ်။
မြန်မာပြည် ဒီမိုကရေစီခရီး နှစ် ၂၀ ကျော်အတွင်းမှာ ဒီမိုကရေစီ မရသေးဘူး ဆိုရင်တောင် ပဋိပက္ခတွေကို စေ့စပ်ညှိနှိုင်းရမယ်ဆိုတဲ့ အမြင်သဘောထားတွေ ကိုတော့ အစပျိုး လက်ခံလာတာတွေ ရှိနေပြီလို့ ဒေါ်အောင်ဆန်းစုကြည်က ပြောပါတယ်။ ကချင်ဒေသ ငြိမ်းချမ်းရေးဟာလည်း စေ့စပ်ဆွေးနွေးရေး လုံးဝ ပျက်ပြယ်သွားပြီဆိုတာမျိုး မဟုတ်တဲ့အကြောင်း၊ အားလုံး လိုလားတဲ့ ငြိမ်းချမ်းရေးမျိုး မျှော်လင့်ချက်တွေ ရှိနေသေးတယ် ဆိုတာကို ဒေါ်အောာင်ဆန်းစုကြည်က မိန့်ခွန်းထဲမှာ ထည့်သွင်း ပြောကြားသွားပါတယ်။
Ref: VOA News
Read More...
Collapse...
2013-01-27
၂၀၀၈ ခုနှစ် ဖွဲ့စည်းပုံ အခြေခံ ဥပဒေမှာပါတဲ့ တစ်ချို့ အချက်တွေဟာ ဒီမိုကရေစီ စနစ်နဲ့ ဆန့်ကျင်နေတာကြောင့် ပြင်ဆင်ဖို့ လိုအပ်ကြောင်း၊ ပြင်ဆင်နိုင်မယ်လို့လည်း မိမိအနေနဲ့ မျှော်လင့်ကြောင်း အမျိုးသား ဒီမိုကရေစီ အဖွဲ့ချုပ် ဥက္ကဌ ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်က အမေရိကန်နိုင်ငံ ဟာဝိုင်အီကျွန်းက ဆွေးနွေးပွဲမှာ ပြောလိုက်ပါတယ်။
ပြီးခဲ့တဲ့ သောကြာနေ့ ဇန်နဝါရီလ ၂၅ ရက်နေ့က ဟာဝိုင်အီပြည်နယ် အခြေစိုက် East-West center အဖွဲ့ အစည်းက လက်ခံ ကျင်းပတဲ့ ဆွေးနွေးပွဲမှာ ပရိသတ်က ၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်နိုင်မလားလို့ မေးမြန်း ရာမှာ ဒေါ်အောင်ဆန်းစုကြည်က ပြင်ဆင်နိုင်မယ်လို့ မျှော်လင့်ကြောင်း ပြန်လည် ဆွေးနွေးခဲ့တာပါ။
၂၀၀၈ ဖွဲ့စည်းပုံမှာ ပြင်ဆင်ဖြည့်စွက်စရာတွေ အတော်များများရှိတဲ့ အထဲက ၂ ချက်ကို ထောက်ပြ ဆွေးနွေး သွားခဲ့ပြီး၊ အဲဒီအထဲမှာ လက်ရှိ ၂၀၀၈ ဖွဲ့စည်းပုံ အခြေခံဥပဒေဟာ စစ်မှန်တဲ့ ပြည်ထောင်စု ဖြစ်ဖို့ အဟန့်အတားဖြစ်နေတယ် လို့ ဒေါ်အောင်ဆန်းစုကြည်က ပြောလိုက်တဲ့ အပြင် “တိုင်းရင်းသားအားလုံးရဲ့ မျှော်မှန်းချက်တွေကို အာမခံတဲ့ ဖွဲ့စည်းပုံ အခြေခံ ဥပဒေ ဖြစ်လာမှသာ မြန်မာနိုင်ငံမှာ တိုင်းရင်းသား အားလုံး အတူတကွ ငြိမ်းချမ်းစွာ နေထိုင်နိုင်တဲ့ အခြေအနေကို ရောက်ရှိ လာမှာ ဖြစ်ပါတယ်လို့” ပြောခဲ့ပါတယ်။
ဒါ့အပြင် ဖွဲ့စည်းပုံ အခြေခံ ဥပဒေမှာ နိုင်ငံတော် သမ္မတဖြစ်ပိုင်ခွင့်ကို ကန့်သတ်ပြဌာန်းထားတဲ့ အချက်ဟာ လူပုဂ္ဂိုလ် တစ်ယောက်ကို ဦးတည်ရေးဆွဲပြဌာန်း ထားတာဖြစ်တဲ့အတွက် မသင့်လျှော်ကြောင်းနဲ့ ပြင်ဆင်ဖို့ လိုအပ်ကြောင်း ကိုလည်း ဒေါ်အောင်ဆန်း စုကြည်က ပြောခဲ့ပါတယ်။
အခြေခံ ဥပဒေမှာပါတာက မိသားစုဝင်ထဲမှာ အိမ်ထောင်ဖက် ဒါမှမဟုတ် သားသမီးဟာ နိုင်ငံခြားသား အဖြစ် ခံယူထားရင် သမ္မတဖြစ်ခွင့် မရှိဘူးလို့ ပြဌာန်းထားပါတယ်။
ဒါ့အပြင် လက်ရှိ ဖွဲ့စည်းပုံ အခြေခံ ဥပဒေကို ပြင်ဆင်မယ်ဆိုရင် လွှတ်တော် အမတ် ၇၅% ကျော်ရဲ့ ထောက်ခံမဲ ရရှိမှသာ ပြင်ဆင်နိုင်မှာ ဖြစ်တဲ့အပြင် လွှတ်တော် အသီးသီးမှာ တပ်မတော်သား ကိုယ်စားလှယ် တွေက ၂၅% အသီးသီး ရယူထားတာကြောင့် ပြင်ဆင်ဖို့ ခက်ခဲကြောင်း ဒါပေမယ့် တပ်မတော်သား ကိုယ်စားလှယ်တွေ ထဲမှာလည်း နိုင်ငံကောင်းကျိုးကို မြင်ချင်တဲ့ ကိုယ်စားလှယ်တွေ ရှိတဲ့အတွက် ၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်နိုင်မယ်လို့ မိမိအနေနဲ့ မျှော်လင့်ကြောင်း ဒေါ်အောင်ဆန်းစုကြည်က ပြောလိုက်ပါတယ်။
Ref: RFA News
Read More...
Collapse...
ကိုသိန်းထိုက်ဦး
27.01.2013
မြန်မာနုိုင်ငံ ငြိမ်းချမ်းရေးနဲ့ ကြွယ်ဝချမ်းသာရေး အတွက် ၀ိုင်းဝန်းကူညီပံ့ပိုးပေးကြဖို့ ဟာဝိုင်ယီကျွန်း ဟိုနုိုလူလူမှာ ဒီကနေ့ ကျင်းပတဲ့ Rotary Global Peace Foundation အဖွဲ့ကြီးရဲ့ ညီလာခံမှာ ငြိမ်းချမ်းရေးဆုကို လက်ခံရယူတဲ့ NLD အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က တိုက်တွန်းပြောဆုိုပါတယ်။ မြန်မာပြည်ရဲ့အခြေအနေအပေါ် အလွန်အကျွံ အကောင်းမြင်တာမျိုး မဖြစ်ဖို့လိုသလို အကောင်းဘက်ကို ဦးတည်တဲ့ ဖြစ်လာနုိုင်ခြေ အနေအထား တွေကိုလည်း ပစ်ပယ်မထားဖို့ လိုမယ်လို့ ညီလာခံ တက်ရောက်သူတွေကို ပန်ကြားသွားခဲ့တာပါ။ အပြည့်စုံကို ဟိုနုိုလူလူကနေ ကိုသိန်းထိုက်ဦး သတင်းပေးပို့ထားပါတယ်။
မြန်မာပြည် ငြိမ်းချမ်းရေးနဲ့ ချမ်းသာကြွယ်ဝမှု ရှေ့ မျှော်မှန်းချက်တွေအကြောင်း ပြောကြား ရင်း ဒေါ်အောင်ဆန်းစုကြည်က တိုင်းပြည်ရဲ့ လက်ရှိ အခြေအနေတွေကို ၄၅ မိနစ်ကြာ မိန့်ခွန်းမှာ အသေးစိတ် ရှင်းလင်းသွားခဲ့ပါတယ်။ ဟိုနိုလူလူ အခြေစိုက် Rotary Global Peace Foundation အဖွဲ့ကြီးဟာ ကမ္ဘာတ၀ှမ်း အဖွဲ့ဝင် တစ်သန်းနှစ်သိန်းရှိပြီး နိုင်ငံတကာကို လူသားချင်းစာနာမှု အကူအညီတွေ ပေးနေတဲ့အဖွဲ့ကြီးလည်း ဖြစ်ပါတယ်။ ကမ္ဘာတ၀ှမ်းမှာ အဖွဲ့ခွဲပေါင်း သုံးထောင်လောက် ရှိပါတယ်။
“မြန်မာနိုင်ငံကို အကူအညီပေးမယ်ဆိုရင် ရောဂါတိုက်ဖျက်ရေးနဲ့ ကုသရေး၊ ရေရရှိရေးနဲ့ မိလ္လာဆောက်လုပ်ရေး အကူအညီ၊ အခြေခံပညာရေးနဲ့ စာတတ်မြောက်ရေးကိစ္စ၊ ယဉ်ကျေးမှုနားလည်ရေးနဲ့ ပဋိပက္ခ ဖြေရှင်းရေး၊ လူတွေ အချင်းချင်း ဆက်သွယ်ရေး အတတ်ပညာနဲ့ သဘာ၀၀န်းကျင် ထိန်းသိမ်းရေး ကိစ္စတွေမှာ ပါဝင်ကူညီနိုင်မှာ ဖြစ်တယ်။” - လို့ ဒေါ်အောင်ဆန်းစုကြည်က ပြောပါတယ်။
မြန်မာပြည်ဟာ ကမ္ဘာမှာ ကျန်းမာရေး စောင့်ရှောက်မှု အဆိုးရွားဆုံး နိုင်ငံတွေထဲက တိုင်းပြည် တခု ဖြစ်နေပြီး အရှေ့တောင် အာရှမှာ မွေးကင်းစ ကလေးငယ်သေဆုံးမှုနှုန်း အများဆုံးနိုင်ငံထဲက တခုဖြစ်တဲ့ အကြောင်းလည်း ဒေါ်အောင်ဆန်း စုကြည်က ပြောသွားပါတယ်။ ကျန်းမာရေးစောင့်ရှောက်မှု အခြေအနေ၊ ပညာရေးကဏ္ဍ အကူအညီ လိုအပ်နေတဲ့ အနေအထားတွေနဲ့ ပြုပြင် ပြောင်းလဲဖို့ လိုအပ်နေတဲ့ အခြေအနေတွေကို မိန့်ခွန်းမှာ အသေးစိတ် ထည့်သွင်း ပြောဆိုပါတယ်။
“စီးပွားရေး၊ ပညာရေး၊ ကျန်းမာရေး လိုအပ်ချက်တွေအပြင် အမျိုးသားပြန်လည် သင့်မြတ်ရေးအတွက် တိုင်းရင်းသား လူမျိုးစုတွေအကြား မယုံကြည်မှု၊ အမုန်းတရားနဲ့ စိုးရိမ်မှုတွေ ကင်းစင်ပြီး သင့်မြတ်ရေးနဲ့ လက်တွဲနေထိုင်တဲ့ နိုင်ငံတခု ဖြစ်ဖို့လိုတဲ့အကြောင်း။” - ကိုလည်း ဒေါ်အောင်ဆန်းစုကြည်က မိန့်ခွန်းထဲမှာ ထည့်သွင်းပြောသွားပါတယ်။
မြန်မာပြည်မှာ ကျင့်ဝတ်သိက္ခာနဲ့ညီတဲ့ စီးပွားရေး ရင်းနှီးမြှုပ်နှံမှုတွေ လုပ်ကိုင်ပြီး မြန်မာပြည်သူတွေကို ကူညီပံ့ပိုးပေးဖို့လည်း Rotary Global Peace Foundation အဖွဲ့ကြီးက အဖွဲ့ဝင်တွေကို ဒေါ်အောင်ဆန်းစုကြည်က တိုက်တွန်းပါတယ်။
“ပြန်လည်သင့်မြတ်ရေးနဲ့ ရှေ့ဆက်သွားရမယ့်နိုင်ငံမှာ စစ်တပ်ကို ပြည်သူတွေက သူတို့ကို ကာကွယ်စောင့်ရှောက်တဲ့ အဖွဲ့အစည်းတခုအဖြစ် မြင်လာပြီး အရင်ကလို ဖိနှိပ်သူတွေအဖြစ် မမြင်တော့တဲ့ အပြောင်းအလဲတွေ ပေါ်လာဖို့လည်း လိုအပ်တယ်။” - လို့ ဆိုပါတယ်။ မြန်မာပြည် အနာဂတ်ရှေ့ရေး မျှော်မှန်းချက်တွေကို အကောင်အထည် ဖော်ရာမှာ မြန်မာပြည်သူတွေနဲ့အတူ လက်တွဲပြီး ရည်မှန်းချက်တွေ အောင်မြင်အောင် ၀ိုင်းဝန်းကူညီပေးဖို့ Rotary Global Peace Foundation အဖွဲ့က အဖွဲ့ဝင်တွေကို ဒေါ်အောင်ဆန်းစုကြည်က တိုက်တွန်းပြောဆိုသွားခဲ့ပါတယ်။
Ref: VOA News
Read More...
Collapse...
စုမြတ်မွန်
27.01.2013
ကမ္ဘာ့ဘဏ်နဲ့ ADB အာရှဖွံ့ဖြိုးမှုဘဏ်တွေ အပေါ် မြန်မာနိုင်ငံက တင်နေတဲ့ အကြွေးတွေကို ဂျပန်ရဲ့ အကူ အညီနဲ့ ပြန်လည် ဆပ်နိုင် ခဲ့ပြီးနောက်မှာ မြန်မာကို အကြွေးသစ်ပေးဖို့ ကမ္ဘာ့ဘဏ်နဲ့ အာရှ ဖွံ့ဖြိုးမှု ဘဏ်တို့က ကြေညာခဲ့ကြပါတယ်။ နှစ်ပေါင်း ၃၀ အတွင်း မြန်မာနိုင်ငံကို ပထမဆုံးချေးငွေ အဖြစ် ADB ကဒေါ်လာ ၅၁၂ သန်းပေးမှာဖြစ်သလို၊ ကမ္ဘာ့ဘဏ်က ဒေါ်လာသန်း ၄၄၀ ချေးမယ်လို့ အသိပေးကြေညာ လိုက်ပါတယ်။ ဒါပေမဲ့ အဲဒီငွေတွေအားလုံးကို မြန်မာနိုင်ငံ ဖွံ့ဖြိုး တိုးတက်ရေး အတွက် သုံးနိုင်မှာပါလား၊ မစုမြတ်မွန်က တင်ပြပါမယ်ရှင်။
မြန်မာ့စီးပွားရေးကို ပြိုင်ဆိုင်နိုင်တဲ့ စီးပွားရေးအခြေအနေရောက်အောင် ကူညီဖို့အတွက်လို့ဆိုပြီး ADB အာရှ ဖွံ့ဖြိုးမှု ဘဏ်က ဒေါ်လာ ၅၁၂ သန်းချေးမယ်လို့ ကြေညာလိုက်သလို၊ ဆင်းရဲမွဲတေမှု ကျဆင်းရေးနဲ့ သာယာ ဝပြောလာမှုကို အားလုံး မျှဝေခံစားနိုင်ရေး မြန်မာ အစိုးရရဲ့ ကြိုးပမ်းမှုတွေကို တွန်းအားပေးတဲ့အနေနဲ့ မြန်မာနိုင်ငံကို ဒေါ်လာ သန်း ၄၄၀ အကြွေးပေးဖို့ ကမ္ဘာ့ဘဏ် အုပ်ချုပ်မှု အဖွဲ့က အတည်ပြုလိုက်ပြီလို့ ကမ္ဘာ့ဘဏ်က ကြေညာ ခဲ့တာဖြစ်ပါတယ်။ ကမ္ဘာ့ဘဏ်နဲ့ ADB တို့အပေါ် မြန်မာနိုင်ငံ တင်နေတဲ့ အကြွေးတွေကို ပြန်မဆပ်ခဲ့တဲ့ အတွက် နှစ်ပေါင်း ၃၀ လောက် မြန်မာနိုင်ငံအပေါ် ထောက်ပံ့ ကူညီမှုတွေကို ရပ်ဆိုင်း ထားရာကနေ ခုလို ဖွံ့ဖြိုး တိုးတက်ရေးဆိုင်ရာ ချေးငွေတွေ ပြန်ပေးမယ်လို့ ကြေညာ ခဲ့ကြတာဖြစ်ပါတယ်။
ADB ကို မြန်မာနိင်ငံက တင်နေတဲ့ အကြွေး သန်း ၅၀၀ လောက်နဲ့ ကမ္ဘာ့ဘဏ် အပေါ် တင်နေတဲ့ အကြွေး သန်း ၄၀၀ နီးပါးကို နိုင်ငံတကာ ပူးပေါင်းဆောင်ရွက်ရေး ဆိုင်ရာ ဂျပန်ဘဏ် JBIC ကနေ အခုဇန်နဝါရီ လထဲမှာပဲ ကြားကနေ ယာယီ ဝင်ဆပ်ပေးခဲ့ပြီးနောက်မှာ ခုလို မြန်မာနိုင်ငံ ကို ပြန်လည် ချေးငွေ ထုတ်ပေးတော့မယ်လို့ ကြေညာခဲ့ကြတာ ဖြစ်ပါတယ်။ ဒါဟာ မြန်မာနိုင်ငံ အတွက် သမိုင်းဝင် အရေးပါတဲ့ အချိန်ဖြစ်တယ်လို့ ADB ဒုဥက္ကဋ္ဌ Stephen Groff က ကြေညာချက် ထဲမှာ ပြောထားပါတယ်။ အလှူရှင်တွေ ပြန်လည်ပေးလာတဲ့ အကူအညီတွေကို အကျိုးအရှိဆုံး သုံးစွဲတဲ့ အခြေအနေဖြစ်ဖို့ အတွက် တည်ငြိမ်ပြီး ရေရှည်ခံတဲ့ ကိစ္စတွေအပေါ်မှာ ADB က အာရုံစိုက်လုပ်မယ်လို့ ဖော်ပြထားပါတယ်။
လူမှုရေးနဲ့ စီးပွားရေးဆိုင်ရာ ဖွံ့ဖြိုးတိုးတက်မှုတွေတွက် မြန်မာနိုင်ငံထဲမှာ ADB ရဲ့ ကူညီထောက်ပံ့ရေး လုပ်ငန်းတွေကို ပြန်စမယ်ဆိုတာကိုလည်း ဒီကနေ့ တနင်္လာနေ့ နေ့စွဲနဲ့ ထုတ်ပြန်တဲ့ ကြေညာချက်ထဲမှာ အသိပေးထားပါတယ်။ ကမ္ဘာ့ဘဏ်ကလည်း ဘဏ္ဍာရေးနဲ့ နည်းပညာအကူအညီတွေကို အပြည့်အဝ ပြန်ပေးတော့မယ်ဆိုတာကို တနင်္ဂနွေနေ့က ထုတ်ပြန်ကြေညာပါတယ်။ အခုလို စီးပွားရေးဆိုင်ရာ အပြောင်းအလဲတွေ ဖြစ်လာအောင် မြန်မာနိုင်ငံ ဟာ အချိန်တော်တော်ကြာ ဖြတ်သန်းလာခဲ့ရတာ ဖြစ်တယ်လို့ ကမ္ဘာ့ဘဏ်ရဲ့ မြန်မာနိုင်ငံဆိုင်ရာ ညွှန်ကြားရေးမှုး Annette Dixon က ပြောပါတယ်။ မြန်မာနိုင်ငံမှာ နောက်ထပ် လုပ်စရာတွေ အများကြီးရှိနေသေးတယ် ဆိုတာကိုလည်း ကမ္ဘာ့ဘဏ်ရဲ့ ထုတ်ပြန်ချက်ထဲမှာ သူကပြောထားပါတယ်။
မြန်မာနိုင်ငံမှာ လာရောက် ရင်းနှီးမြှုပ်နှံချင်သူတွေကို စွဲဆောင်နိုင်ဖို့၊ တိုးတက်မှုတွေ ရှိလာအောင်လို့နဲ့ အလုပ်အကိုင်တွေ ဖန်တီးနိုင်ဖို့အတွက် ကမ္ဘာ့ဘဏ်အနေနဲ့ အာရှဖွံ့ဖြိုးမှုဘဏ်၊ ဂျပန်အစိုးရအပြင် တခြားမိတ်ဖက် အဖွဲ့အစည်းတွေနဲ့ လက်တွဲဆောင်ရွက်နေတယ် လို့လည်း ကမ္ဘာ့ဘဏ်က ဆိုပါတယ်။ မြန်မာနိုင်ငံမှာ သမ္မတဦးသိန်းစိန်လက်ထက် ပြုပြင်ပြောင်းလဲမှုတွေ လုပ်လာတဲ့နောက်ပိုင်း မြန်မာအစိုးရနဲ့ ပြန်လည် ပူးပေါင်းဆောင်ရွက် လာတဲ့ အဖွဲ့အစည်းတွေထဲမှာ ကမ္ဘာ့ဘဏ်နဲ့ ADB အာရှဖွံ့ဖြိုးမှုဘဏ်တို့လည်း ပါဝင်ပါတယ်။ ဘဏ် ၂ ခုလုံးက ရုံးခွဲတွေကို မြန်မာနိုင်ငံမှာ ပြီးခဲ့တဲ့ နှစ်က ဖွင့်လှစ်ခဲ့ကြပါတယ်။
အခု ADB က ဒေါ်လာ ၅၁၂ သန်းနဲ့ ကမ္ဘာ့ဘဏ်က ဒေါ်လာ သန်း ၄၄၀ ပြန်လည် ချေးတယ်ဆိုပေမဲ့ ဒီဘဏ်တွေဆီက ခုလို အကြွေးပြန်ရနိုင်ဖို့ ကြားကနေ အကြွေးဆပ်ပေးထားတဲ့ နိုင်ငံတကာ ပူးပေါင်းဆောင်ရွက်ရေးဆိုင်ရာ ဂျပန်ဘဏ် JBIC ကို မြန်မာက ပြန်ပြီး အကြွေးတွေ ဆပ်ရဦးမှာဖြစ်ပါတယ်။ အကြွေးသစ် စုစုပေါင်း ၉၅၂ သန်းထဲက အကြွေးနဲ့ အတိုးသန်း ၉၀၀ လောက်ကို မြန်မာက ပြန်ဆပ်ရမယ့် အခြေအနေဖြစ်ပါတယ်။
Ref: VOA News
Read More...
Collapse...
2013-01-27
ရန်ကုန်မြို့၊သင်္ဃန်းကျွန်းမြို့နယ်၊ဝေဇယန္တာလမ်းမရဲ့ ဘေးဖက်မှာရှိတဲ့ မိချောင်းကန် စိုက်ပျိုးရေး မြေကွက် အပိုင်း(၁)၊ (၂)၊ (၃)ကို ၁၉၉၂ခုနှစ်တုန်းက စစ်တပ်ကနေ သိမ်းယူ ခဲ့တာနဲ့ ပတ်သက်ပြီး မြေသိမ်း ခံထားရတဲ့ ဒေသခံ (၅၀၀)ကျော်ဟာ ဇန်နဝါရီလ ၂၇ ရက်နေ့ ဒီကနေ့ မနက်ပိုင်းမှာ ဆန္ဒဖော်ထုတ် ခဲ့ကြပါတယ်။
ဆန္ဒဖော်ထုတ်သူတွေဟာ "ငါတို့မြေ ငါတို့ကို ပြန်ပေး၊ လူ့အခွင့်ရေး တန်းတူပေး၊ ပြည်သူရဲ့အသံ အမှန် နားထောင်ပေး" ဆိုတဲ့ စာတန်းတွေ ပါတဲ့ ဆိုင်းဘုတ်တွေ ကိုင်ဆောင်ပြီး ဝေဇယန္တာလမ်းနဲ့ ပြည်သာယာ လမ်းဆုံမှာ တောင်းဆို ဆန္ဒပြခဲ့ကြတာပါ။
ဒီကနေ့ ဆန္ဒပြပွဲကို အာဏာပိုင်တွေဆီမှာ ကြိုတင်ခွင့်ပြုချက် တောင်းခံခဲ့ပေမယ့် ဆန္ဒပြမယ့် ဝေဇယန္တာ လမ်းမကို ပြုပြင်နေတဲ့ အတွက် လမ်းပိတ်ဆို့မှုတွေ မဖြစ်ပွားအောင် ပြုလုပ်ခွင့် မပေးခဲ့ဘူးလို့ သိရပါတယ်။
Ref: RFA News
Read More...
Collapse...
2013-01-27
ကချင်ပြည်နယ်က စစ်ပွဲတွေ အမြန်ဆုံး ရပ်ဆိုင်းပေးဖို့အတွက် စုပေါင်းလမ်းလျှောက်နေကြတဲ့ ငြိမ်းချမ်းရေး လိုလား သူတွေကို ဒီကနေ့ ဇန်နဝါရီလ ၂၇ ရက်နေ့ ပဲခူးတိုင်း ဖြူးမြို့နယ် အရောက်မှာ ဒေသခံ အာဏာပိုင်တွေက ဆန္ဒပြတဲ့ အသွင် မဆောင်ဘဲ ခရီးသွားတဲ့ ပုံစံနဲ့ပဲ သွားလာကြဖို့ ခံဝန်လက်မှတ် ရေးထိုး ခိုင်းခဲ့ပါတယ်။
ဖြူးမြို့နယ်ကို ဖြတ်သန်းတဲ့အခါ အလံတွေမကိုင်ဆောင်ကြဖို့နဲ့ ကြွေးကြော်သံတွေ မပြုလုပ်ဖို့အတွက် ဒေသခံ အာဏာပိုင်တွေက ခံဝန် လက်မှတ် ရေးထိုး ခိုင်းခဲ့တာပါ။
အဲ့ဒါကြောင့် မြို့ကို ဖြတ်သန်းခွင့်ရရှိအောင် ခံဝန်လက်မှတ် ရေးထိုးခဲ့တယ်လို့ ငြိမ်းချမ်းရေး လမ်းလျှောက်ရာမှာ ပါဝင်တဲ့ ဦးဇင်ကိုကိုက RFAကို ပြောပါတယ်။
ငြိမ်းချမ်းရေးအတွက် လမ်းလျှောက်သူတွေဟာ ဒီကနေ့ည ပဲခူးတိုင်းဒေသကြီး ဖြူးမြို့နယ်မှာ ညအိပ် ရပ်နားမှာဖြစ်ပြီး မနက်ဖြန် မနက်မှာ တောင်ငူမြို့ကို ဆက်လက် ထွက်ခွာမယ်လို့ သိရပါတယ်။
ရန်ကုန်မြို့ကနေ တရုတ်-မြန်မာနယ်စပ် လိုင်ဇာမြို့အထိ ငြိမ်းချမ်းရေး အတွက် လမ်းလျှောက်တဲ့ ခရီးစဉ် တစ်လျှောက်မှာ ပဲခူးတိုင်းဒေသကြီး အဝင်မှာတော့ အာဏာပိုင်တွေက တားဆီး ခဲ့ကြပြီး ငြိမ်းချမ်းရေး အလံ ကိုင်ဆောင်ထားတာကို ရုပ်သိမ်းပေးမှ ရှေ့ဆက် သွားခွင့်ပြုခဲ့ တာတွေရှိခဲ့သလို၊ တည်းခိုဖို့ ပြင်ဆင်ကြတဲ့နေရာတွေကို တည်းခိုခွင့် မရအောင် ဒေသခံ အာဏာပိုင်တွေဖက်က ဖိအားပေးတာမျိုးတွေ ရှိတယ်လို့ သိရပါတယ်။
Ref: RFA News
Read More...
Collapse...
စောဇင်ညီ
သောကြာနေ့၊ ဇန်နဝါရီလ ၂၅ ရက် ၂၀၁၃
ရန်ကုန် (မဇ္ဈိမ)။ ။ အကယ်၍ လက်ပံတောင်းတောင် ကြေးနီစီမံကိန်း ရပ်ဆိုင်းခဲ့ရပါက တရုတ် ဝမ်ပေါင် ကုမ္ပဏီ အတွက် များစွာ နစ်နာရန်ရှိပြီး စာချုပ်ပါ အတိုင်း ဥပဒေအရ လုပ်ဆောင်သွားမည်ဟု ရန်ကုန်-မြန်မာ ဝမ်ပေါင် ကုမ္ပဏီမှ အုပ်ချုပ်မှု မန်နေဂျာ ဦးမြင့်သိန်း က ပြောသည်။
အဆိုပါ စီမံကိန်း ရပ်တန့်သွားပါက မြန်မာနိုင်ငံဘက်မှ လျော်ကြေးငွေ မည်မျှပေးရမည်ကို အတိအကျ မသိရှိနိုင်သေးဘဲ အသေးစိတ် အချက်အလက် များကို စာချူပ်အား လေ့လာပြီးမှသာ ပြောဆိုနိုင်မည်ဟု ဆိုသည်။
“လုပ်ငန်း ရပ်ဆိုင်းသွားရင်တော့ ကုမ္ပဏီ အနေနဲ့ တော်တော် နစ်နာမှာပါ။ ဥပဒေ လမ်းကြောင်းအရ ဖြေရှင်းမှာပါ။ စာချုပ်ပါ အချက်တွေနဲ့ပေါ့။ စီမံကိန်းရပ်သွားရင် မြန်မာပြည် အတွက်လည်း ရင်းနှီးမြှုပ်နှံမှုတွေ အတော် ဆုံးရှုံးနိုင်ပါတယ်” ဟု မဇ္ဈိမကို
ပြောသည်။
သို့သော် မြန်မာအစိုးရထံမှ လျော်ကြေးငွေ တောင်းခံမှု ရှိမည်မရှိမည် မသေချာကြောင်းလည်း “တရုတ်နဲ့မြန်မာ က မိတ်ဖက်နိုင်ငံတွေ ဆိုတော့ လျော်ကြေး တောင်းခံချင်မှ တောင်းခံမှာပါ။ မြန်မာ အစိုးရနဲ့ အရင် ညှိနှိုင်းဦးမှာပါ” ဟု ဦးမြင့်သိန်းက မဇ္ဈိမသို့ ပြောသည်။
မြန်မာဝမ်ပေါင် ကုမ္ပဏီအနေဖြင့် စီးပွားရေး အမြင်ဘက်မှ ကြည့်လျှင် ထိုစီမံကိန်း ရပ်ဆိုင်း မခံရနိုင်ဟု ရာခိုင်နှုန်းပြည့် ယုံကြည်သော်လည်း ယခု ဖြစ်ပေါ်နေသည့် ကိစ္စများသည် နိုင်ငံရေးနှင့် ပတ်သတ်မှုများ ရှိနေသည့် အတွက် ၎င်းတို့ ယုံကြည်မှုကို ပြောရ ခက်သည်ဟု ဦးမြင့်သိန်း က ဆိုသည်။
ထိုကြေးနီစီမံကိန်း ရပ်ဆိုင်းခံလိုက်ရပါက မြန်မာပြည်တွင်း တရုတ်အပါအဝင် နိုင်ငံတကာ ရင်နှီးမြှုပ်နှံမှုများ တွန့်ဆုတ် သွားနိုင်ကြောင်း ၎င်းက သတိပေးသည်။
မုံရွာမြို့ တဖက်ကမ်း၊ ဆားလင်းကြီးမြို့နယ်ရှိ လက်ပံတောင်းတောင် ကြေးနီ စီမံကိန်းအတွက် ဝမ်ပေါင် ကုမ္ပဏီသည် အမေရိကန်ဒေါ်လာ သန်း ၁,ဝဝဝ အထိ ရင်းနှီးကာ နှစ်ပေါင်း ၃ဝ ကြာ ကြေးနီ ထုတ်လုပ်ခွင့်ကို ဦးပိုင် လီမိတက်နှင့် ၂ဝ၁ဝ ခုနှစ်တွင် သဘောတူ စာချုပ်ချုပ်ဆို လုပ်ကိုင်ခဲ့သည်။ အကျိုးအမြတ် ခွဲဝေရာတွင် မြန်မာအစိုးရက ၁၆.၈ ရာ ခိုင်နှုန်း၊ မြန်မာ့စီးပွားရေး ဦးပိုင် လီမိတက်က ၁၃.၈ ရာခိုင်နှုန်း၊ မြန်မာဝမ်ပေါင်ကုမ္ပဏီမှ ၁၃.၃ ရာခိုင် နှုန်း အကျိုးအမြတ် ခွဲရန် စာချုပ်တွင် ပါရှိသည်။
စီမံကိန်းအတွက် ကုန်ကျစရိတ်များကိုမူ မြန်မာဝမ်ပေါင် ကုမ္ပဏီကသာ စိုက်ထုတ်မည် ဖြစ်ကြောင်း မြန်မာနိုင်ငံ ဆိုင်ရာ တရုတ် သံအမတ်ကြီးက ၂၀၁၂ ခုနှစ်၊ ဒီဇင်ဘာလ ၇ ရက်နေ့က ပြုလုပ်သော စာနယ်ဇင်း ရှင်းလင်းပွဲတွင် ပြောဆိုထားသည်။
လက်ပံတောင်း ကြေးနီစီမံကိန်း ကိစ္စဟာ စာချုပ်စာတမ်းနဲ့ လုပ်ဆောင်နေခြင်းကြောင့် ယင်းစာချုပ် များနှင့် ပတ်သတ်သည့် တရားဥပဒေ စိုးမိုးရေး၏ သဘောထား ကိုပါ လေးစား လိုက်နာဖို့လိုကြောင်း စုံစမ်းရေးကော်မရှင်၏ သတင်းစာ ရှင်းပွဲတွင် ကော်မရှင် ဥက္ကဋ္ဌ ဒေါ်အောင်ဆန်းစုကြည် က ပြောဆိုခဲ့သည်။
Ref: မဇ္ဈိမ
Read More...
Collapse...
ရန်ပိုင်
January 25, 2013
ငြိမ်းချမ်းရေး ကြားဝင် ဆောင်ရွက်ရန် အတွက် ပဋိပက္ခ ဖြစ်ပွားနေသည့် ကချင်ဒေသသို့ သွားရောက်သော ဗိုလ်ကြီးဟောင်း နေမျိုးဇင်နှင့် ၅ ဦးကို လိုင်ဇာမြို့မှ ၁၅ မိုင်ခန့် အကွာသို့ အရောက် အစိုးရ စစ်တပ်က ဆက်လက်မသွားရန် တားမြစ်ခဲ့သည်။
မြန်မာ့ လူမှုဘ၀ ဖွံ့ဖြိုးတိုးတက်ရေး ကွန်ရက်မှ ကိုနေမျိုးဇင်နှင့် အဖွဲ့သည် တာဝန်ရှိသူများ တားမြစ်နေသည့် ကြားမှ လဂျားယန်မှ တဆင့် ကချင်ပြည် လွတ်လပ်ရေး အဖွဲ့ (KIO) ဌာနချုပ်ရှိရာ လိုင်ဇာမြို့သို့ သွားရောက်လို သည်ဟု အကြောင်းပြ ထွက်ခွာလာရာ နယ်မြေလုံခြုံရေးနှင့် မိုင်းအန္တရာယ်ကြောင့် ကချင်ပြည်နယ် ဒေါ့ဖုန်းယန် မြို့နှင့် ၅ မိုင်ခန့် အကွာတွင် လာလမ်းသို့ ပြန်လည်စေလွှတ် ခဲ့သည်ဟု ဇန်န၀ါရီ ၂၅ ရက်နေ့ထုတ် အစိုးရ သတင်းစာများ၌ ရေးသားထားသည်။
ဗိုလ်ကြီးဟောင်း နေမျိုးဇင်က“ဒေါ့ဖုန်းယန် ဗျူဟာကုန်းဘေးက ဖြတ်ကတည်းက သူတို့သိနေတာပဲ မတားဘူး၊ ခက်ခက်ခဲခဲ
သွားပြီး လိုင်ဇာ ရောက်ခါနီး ခါယာတောင်ခြေ သိန်းဆင့်လမ်းခွဲ ရောက်မှ စစ်ကြောင်းကားတွေရောက်လာပြီး ဗျူဟာမှူး အမိန့်ဆိုပြီး တားမြစ်ခံရတာ စိတ်မကောင်းဘူး”ဟု ပြောဆိုသည်။
ဇန်န၀ါရီ ၂၄ ရက်က လာရောက် တားမြစ်သည့်အရာရှိများက ရှေ့လမ်းခရီးတွင် မိုင်းအများအပြား ရှိသည့် အတွက် အန္တရာယ် များကြောင်း ကောင်းမွန်စွာပြောဆိုသည်ဟု ကိုနေမျိုးဇင်က ပြောသည်။
၎င်းတို့ လာရောက်သည်ကို ကချင် လွတ်လပ်ရေးတပ်မတော်(KIA)ကလည်း ဒေသခံများမှ တဆင့် သိရှိကြောင်း၊ ယခု ပဋိပက္ခတွင် မည်သည့်ဘက်မှ ရပ်တည်ရန် မဟုတ်၊ ကချင် ခေါင်းဆောင်များ၏ ပြောကြားလိုသည့် အကြောင်းအရာ များကို နားထောင်ပြီး ပြန် လည် စေ့စပ်ရန် ယုံကြည်ချက်ဖြင့် ခရီး ထွက်ခဲ့ခြင်းဖြစ်ကြောင်းလည်း ၎င်းက ဆိုသည်။
လမ်းခရီးတလျှောက်တွင် လက်နက်ကြီးကျည်များ ကျရောက်ပေါက်ကွဲမှု၊ မိုင်းခွဲမှုများကြောင့် တံတားများ၊ လမ်းများ ပျက်စီး နေ သည့် စစ်၏ အနိဋ္ဌာရုံများကို မြင်တွေ့ရကြောင်း၊ ဆွဲမိုင်း၊ နင်းမိုင်းနှင့် အဝေးထိန်းမိုင်း အများအပြား ထောင်ထားသည်ဟု ဒေသခံများ ကလည်း ပြောဆိုကြောင်း၊ လိုင်ဇာအနီးတ၀ိုက်တွင် အစိုးရ စစ်တပ် စစ်ကြောင်းများ သွားလာလှုပ်ရှားနေပြီဖြစ်သည့်အတွက် ထိုးစစ်လည်း ကျရောက်လာနိုင်ကြောင်း ကိုနေမျိုးဇင်က မျက်မြင် အခြေအနေကို ပြောပြသည်။
“စစ်ဆင်ရေးက တနှစ်လောက်ရှိပြီဆိုတော့ ရဲဘော်တွေမှာ ဆံပင်တွေလည်းရှည်၊ ကွမ်းဆေးလိပ် ငတ်ပေါ့၊ ကျနော့်ကား မြင်တော့ ပြေးလာပြီး ငြိမ်းချမ်းချင်ပြီလို့ ပြောတယ်၊ ၀မ်းနည်းစရာပါ”ဟုလည်း ၎င်းက ပြောသည်။
အလားတူ ကချင်၊ ရှမ်း၊ လီဆူး စသည့်ဒေသခံများလည်း စစ်၏ဆိုးကျိုးများကို ခံစားနေရကြောင်း၊ ဘွဲ့ရ ပညာတတ် အမျိုးသမီး များကိုလည်း စစ်မှုထမ်းရန် အဓမ္မခေါ်ဆောင်မှုများ ရှိကြောင်း၊ စစ်ပွဲပြင်းထန်နေသည့် ကာလတွင် လက်ကိုင်ဖုန်းများကို သိမ်းဆည်း ထား၍ နေအိမ်များနှင့် ဆက်သွယ်ခွင့် မရသည့် အတွက် ပြန်လည်ခေါ်ဆောင်ပေးရန် တိုင်ကြားမှုများကိုလည်း ကြုံခဲ့ရကြောင်း ကိုနေမျိုးဇင်က ဆက်ပြောသည်။
ထို့ကြောင့် ဒေသငြိမ်းချမ်းရေး စစ်ပွဲများ ရပ်တန့်ရေး အတွက် နှစ်ဘက် အဖွဲ့အစည်း များကို ငြိမ်းချမ်းစွာဖြေရှင်းရန် မေတ္တာ ရပ်ခံလို ကြောင်း၊ ဒေသတွင်းငြိမ်းချမ်းစေရန် လူထုအင်အားဖြင့် ထပ်မံ လုပ်ဆောင် သွားဦးမည်ဖြစ်ကြောင်းလည်း ၎င်းက ပြောဆိုသည်။
မြန်မာ့ လူမှုဘ၀ ဖွံ့ဖြိုးတိုးတက်ရေး ကွန်ရက် အနေဖြင့် ဗန်းမော်- ဒေါ့ဖုန်းယန် လမ်းတလျှောက်ရှိ စစ်ပြေး ဒုက္ခသည်များ အတွက် ခြုံစောင် နှင့် အနွေးထည်၊ အစားအသောက်များကိုလည်း လှူဒါန်းခဲ့ကြောင်း သိရသည်။
ကချင်ပြည်နယ် ငြိမ်းချမ်းရေးအတွက် ရန်ကုန်မြို့မှ လိုင်ဇာမြို့အထိ ပထမဆုံး အကြိမ် လမ်းလျှောက် ချီတက်သည့် လှုပ်ရှားမှု တခုကိုလည်း ဇန်န၀ါရီ ၂၁ ရက် နံနက်ပိုင်းက စတင်ခဲ့ကြသည်။
Ref: ဧရာဝတီ
Read More...
Collapse...
Posts
