2012-02-16
ဧပြီ ၁ ရက်မှာ ကျင်းပမယ့် ကြားဖြတ် ရွေးကောက်ပွဲကို အမျိုးသား ဒီမိုကရေစီအဖွဲ့ချုပ်အနေနဲ့ ဥပဒေ စိုးမိုးရေး၊ ပြည်တွင်း ငြိမ်းချမ်းရေးနဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်နိုင်ရေး ဆိုတဲ့ ရည်ရွယ်ချက် သုံးခုနဲ့ ၀င်ပြိုင်မှာဖြစ်ကြောင်း ကြေညာချက် ထုတ်ပြန် လိုက်ပါတယ်။
တရားဥပဒေ စိုးမိုးမှသာ ဥပဒေရဲ့ အကာအကွယ်ကို အမှန်တကယ်ရနိုင်ပြီး လွတ်လပ်မှုအရသာကို ပြည်သူတွေ အမှန်တကယ် ခံစားနိုင်မှာ ဖြစ်တယ်လို့ အန်အယ်လ်ဒီ အနေနဲ့ လက်ခံ ယုံကြည်ကြောင်း ပါတီရဲ့ အတွင်းရေးမှူးအဖွဲ့ဝင် ဦးအုံးကြိုင်က ပြောပါတယ်။
ဒါအပြင် ပြည်တွင်းစစ် အမြန်ဆုံးရပ်ဆိုင်းပြီး ငြိမ်းချမ်းအောင်လုပ်နိုင်မှသာ တိုင်းပြည်ကို ဖွံဖြိုး တိုးတက်အောင် တည်ဆောက် နိုင်မယ်လို့ အန်အယ်လ်ဒီက ယုံကြည်ကြောင်း၊ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်နိုင်ရေး အတွက် လွှတ်တော်တွင်း ညှိနှိုင်း အဖြေရှာပြီး ပြင်ဆင်နိုင်ဖို့ အန်အယ်လ်ဒီ အနေနဲ့ ကြိုးစား ဆောင်ရွက်သွားမှာ ဖြစ်ကြောင်းလည်း ဦးအုံးကြိုင်က ပြောပါတယ်။
လွှတ်တော်ပြင်ပသာမက လွှတ်တော်တွင်း ဒီမိုကရေစီ တည်ဆောက်ရေး လုပ်ငန်းတွေ တိုးမြှင့်လုပ်ဆောင် သွားနိုင်ဖို့ အန်အယ်လ်ဒီ အနေနဲ့ တရားဝင် နိုင်ငံရေးပါတီအဖြစ် ပြန်လည် မှတ်ပုံတင်ပြီး အခု ကြားဖြတ် ရွေးကောက်ပွဲကို ၀င်ရောက် ယှဉ်ပြိုင်ရတာ ဖြစ်တယ်လို့ ဒီကနေ့ရရှိတဲ့ ကြေညာချက်မှာ ဖေါ်ပြထားပါတယ်။
Ref: RFA News
Friday, February 17, 2012
ဥပဒေ စိုးမိုးရေးအတွက် ရွေးကောက်ပွဲ ဝင်မယ်လို့ အမျိုးသား ဒီမိုကရေစီအဖွဲ့ချုပ် ကြေညာ
ဒေါ်စုကိုယ်စားလှယ်လောင်း အမည်စာရင်း အတည်ပြုချက်မထွက်သေး
သင်းသီရိ | ဝါရှင်တန်
ကြာသပတေး, 16 ဖေဖော်ဝါရီ 2012
လာမယ့် ကြားဖြတ်ရွေးကောက်ပွဲအတွက် ဒေါ်အောင်ဆန်းစုကြည်ရဲ့ ကိုယ်စားလှယ်လောင်း အမည်စာရင်း အတည်ပြုချက် မထွက်လာ သေးတာဟာ ကန့်ကွက်သူ ဖက်က သူရဲ့ကန့်ကွက်လွာကို တိုင်းဒေသကြီး ကော်မရှင်ရုံးထိ အယူခံ ၀င်ထားတာကြောင့် ဖြစ်တယ်လို့ NLD အမျိူးသားဒီမိုကရေစီအဖွဲချုပ်က ပြောပါတယ်၊ ဒေါ်အောင်ဆန်းစုကြည်ဟာ ကိုယ်စားလှယ်လောင်း အရည်အချင်း ကိုက်ညီမှု မရှိဘူးဆိုပြီး ကန့်ကွက်ထားတာကို ခရိုက်ကော်မရှင်ရုံးက ပယ်ချထားတာပါ၊ ဒီအကြောင်းရဲ့ နောက်ဆုံး အခြေအနေ တွေကိုတော့ မသင်းသီရိက ဆက်ပြောပြ ပေးထားပါတယ်။
ဧပြီလ ၁ရက်နေ့မှာ လုပ်မယ့် ကြားဖြတ်ရွေးကောက်ပွဲအတွက် ဝင်ပြီး ပြိုင်ကြမယ့် ပါတီအသီးသီးက ကိုယ်စားလှယ်လောင်း အမည် စာရင်းတွေ အတော်များများ အတည်ပြုချက် ထွက်လာပေမယ့် ဒေါ်အောင်ဆန်းစုကြည်ရဲ့ ကိုယ်စားလှယ်လောင်း အမည်စာရင်း အခုချိန်ထိ ထွက်မလာ သေးတာဟာ သူကို ကန့်ကွက် ထားတဲ့အမှု မပြီးပြတ် သေးတာကြောင့် ဖြစ်ပါတယ်၊ ဒေါ်အောင်ဆန်းစုကြည် ဝင်ပြီး ပြိုင်မယ့် ကော့မှူး မဲဆန္ဒနယ်ထဲမှာပဲ ဝင်ပြိုင်မယ့် တခြားပါတီတခုဖြစ်တဲ့ ညီညွတ်ရေးနဲ့ ငြိမ်းချမ်းရေး ပါတီက ကိုယ်စားလှယ်လောင်း ဦးတင်ရီက ဒေါ်အောင်ဆန်းစုကြည်ဟာ ကိုယ်စားလှယ်လောင်း တဦးရဲ့ အရည်အချင်း နဲ့ မကိုက်ညီဘူး ဆိုပြီး ဖေဖော်ဝါရီ ၆ရက်နေ့က ရန်ကုန်တောင်ပိုင်း ခရိုင် ကော်မရှင်ရုံးကို ကန့်ကွက်ထားတာပါ၊
ဒီကန့်ကွက်လွာကို ခရိုင်ကော်မရှင်က ဖေဖော်ဝါရီ ၁၁ ရက်နေ့က မှာ ပယ်ချခဲ့ပေမယ့် ကန့်ကွက်သူ ဦးတင်ရီဘက်က တိုင်းဒေသကြီး ကော်မရှင်ရုံးထိ အယူခံ ဆက်ဝင်နေတာကြောင့် ဖြစ်တယ်လို့ NLD ပါတီရဲ့ ဗဟို အလုပ်အမှုဆောင် အဖွဲ့ဝင် ဦးဥာဏ်ဝင်းက ပြောပါတယ်၊
ဒေါ်အောင်ဆန်းစုကြည်အပေါ်မှာ ကန့်ကွက်တဲ့လုပ်ငန်းက မပြီးပြတ်သေးဘူး။ ဘာကြောင့်လဲ ဆိုတော့ ဒီကန့်ကွက်လွှာကို ခရိုင် ကော်မရှင်ရုံးက နေပြီးတော့ ၁၁ ရက်နေ့က ပယ်လိုက်တယ်။ ပယ်လိုက်တော့ အဲဒီကန့်ကွက်တဲ့ သူတွေက အယူခံဝင်မယ်လို့ ကော်မရှင်ရုံးမှာ ပြောသွားတယ်။ အဲဒါကြောင့် အယူခံကိစ္စကို စောင့်နေရတယ်။ ဒါတွေပြီးပြတ်မှ ထွက်မယ်လို့ ကျနော် ထင်ပါတယ်။ ဒါက ကျနော်တို့က ခရိုင်ကော်မရှင်ကို သွားတွေ့တဲ့ အခါမှာ အမိန့်ချတဲ့အခါ ကန့်ကွက်သူရှေ့ကို အမိန့်ချတယ်၊ နောက် ဥပဒေ အရလည်း အယူခံ ဝင်မှာလား မဝင်ဘူးလား ဆိုတာ မေးရပါတယ်။ အဲဒီလိုမေးတဲ့ အခါ သူတို့က ဝင်မယ်လို့ ပြောသွားတာပါ။
ဥပဒေ ပြဌာန်းချက်အရ အယူခံဝင်လွှာကို ပယ်ချအပြီး ၁၅ ရက်တွင်းမှာ တိုင်းဒေသကြီး ကော်မရှင် ရုံးတင်ရမှာ ဖြစ်သလို တိုင်းကော်မရှင် ကလည်း( ၇ ) ၇က် အတွင်း စစ်ဆေးကာ အမိန့်ချရမှာ ဖြစ်ပါတယ်။ ဒီအဆင့်ဟာ ကိုယ်စားလှယ်လောင်း တဦးကို ကန့်ကွက်တဲ့ နောက်ဆုံး အဆင့်လည်း ဖြစ်ပါတယ်။ ညီညွတ်ရေးနဲ့ ငြိမ်းချမ်းရေးပါတီက ကိုယ်စားလှယ်လောင်း ဦးတင်ရီက ဒေါ်အောင်ဆန်းစုကြည်ဟာ ကိုယ်စားလှယ်လောင်း အရည်အချင်း နဲ့ မကိုက်ညီဘူးဆိုပြီး ကန့်ကွက်ထားတဲ့ အချက်တွေက အဓိက အချက်တွေကို ဦးဥာဏ်ဝင်းရှင်းပြတာက
အဓိက အချက်တချက်ပြောရရင် ဒေါ်အောင်ဆန်းစုကြည်က Domiciled ဖြစ်တယ်ပေါ့၊ ဗြိတိန်နိုင်ငံမှာ နေထိုင်ခွင့်ရသူ ဖြစ်တယ်၊ နောက်ပြီးတော့ ဗြိတိန်နိုင်ငံရဲ့ Green Card ရသူ ဖြစ်တယ်၊ အဲဒါကတော့ တော်တော့်ကို မှားယွင်းတဲ့ စွပ်စွဲချက်ပဲ၊ ဗြိတိန်နိုင်ငံမှာ Green Card လည်းမရှိပါဘူး၊ British Domiciled ဆိုတာလည်း မရှိပါဘူး။ အဲတော့ မှားယွင်းပြီးတော့ တင်ပြတဲ့ အချက်ပါ။ နောက်တခုက ဒေါ်အောင်ဆန်းစုကြည်က နိုင်ငံခြားကနေ ရရှိတဲ့ ဆုငွေတွေကို အစိုးရဆီ မအပ်ပဲနဲ့ အသိမပေးပဲနဲ့ ထားတယ်ပေါ့။ အဲဒါလည်း လုံးဝမှားတယ်။ ဒေါ်အောင်ဆန်းစုကြည်က ရသမျှဆုကြေး ကို သူ့ အကောင့် ( account) လည်းမရှိဘူး။ သူလည်း မယူဘူး။ ဖောင်ဒေးရှင်းတွေကို တခါတည်းပဲ တန်းလွှဲတယ်။ ဒါ့ကြောင့် ဒီစွပ်စွဲချက်ဟာ မှားလည်းမှားတယ်။ သူတို့မှာလည်း ဘာအထောက်အထားမှ မရှိပါဘူး။
NLD ပါတီက ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းပါရှင်။ ကြားဖြတ်ရွေးကောက်ပွဲအတွက် ရန်ကုန်တိုင်းတွင်း လစ်လပ် နေရာ (၆) နေရာ အတွက် ဝင်ပြီး ပြိုင်မယ့် NLD ပါတီက ကိုယ်စားလှယ်လောင်း တွေထဲမှာ ဒေါ်အောင်ဆန်းစုကြည်က လွဲရင် ကျန်တဲ့ အမည်စာရင်းတွေ အတည်ပြုချက် ထွက်နေပါပြီ။ ဒါကြောင့် လှည်းကူးမြို့နယ် မဲဆန္ဒနယ်က နေဝင်ပြိုင်မယ့် NLD ပါတီက ကိုဖြိုးမင်းသိန်းက ဆိုရင် ကြိုတင်မဲ ကိစ္စတွေ အတွက် စပြီး လုပ်ဆောင်နေပြီလို့ ပြောပါတယ်။
ကျနော်တို့ ခရိုင်ကော်မရှင်ရုံးက ၆ ရက်နေ့က ခေါ်တွေ့တဲ့အချိန်မှာ ကြိုတင်မဲ ကိစ္စကိုဆွေးနွေးခဲ့ပါတယ်။ ကြိုတင်မဲ ယူမယ့် စာရင်းကို ကျနော်တို့ကို ပေးဖို့ပေါ့နော်။ ကျနော်တို့ ကိုယ်စားလှယ်တွေရဲ့ မဲရုံ ကိုယ်စားလှယ်တွေကနေ သွားရောက်ယူတဲ့ အချိန်မှာ လိုက်ပါခွင့် ပြုဖို့ပေါ့။ ဒီအခြေအနေတွေနဲ့ ပတ်သက်ပြီး သူတို့ က စီစဉ်ဆောင်ရွက် ပေးနေတယ်လို့ ကျနော့်ကို ပြောပါတယ်။ ဘာကြောင့်လဲ ဆိုတော့ ကြိုတင်မဲ ဟာ ၂၀၁၀ ရွေးကောက်ပွဲမှာ အဓိက ကျတဲ့ ကိစ္စတရပ် ဖြစ်ခဲ့ပါတယ်။ ဒါ့ကြောင့်မို့ ကြိုတင်မဲ ကိစ္စနဲ့ ပတ်သက်ပြီး ကျနော်တို့ အမျိူးသား ဒီမိုကရေစီ အဖွဲ့ချုပ် အနေနဲ့ကြိုတင်မဲ သွားယူတဲ့နေရာမှာ တိတိကျကျ ဖြစ်စေဖို့အတွက် ကိုယ်စားလှယ်တွေ လိုက်ပါခွင့်ရအောင် ဆွေးနွေး ထားတာ ဖြစ်ပါတယ်။
NLD ပါတီက ကိုယ်စားလှယ်လောင်း ကိုဖြိုးမင်းသိန်းပါ။ ဒေါ်အောင်ဆန်းစုကြည်ဟာ ဖေဖော်ဝါရီ (၁၅) ရက်နေ့ ကပဲ လှည်းကူးကို သွားကာ NLD ပါတီရဲ့ ကိုယ်စားလှယ်လောင်း အတွက် စည်းရုံးရေး သွားခဲ့သေးသလို မနက်ဖန် သောကြာနေ့မှာ ကျိုက်ထော်နဲ့ ဖျာပုံကိုလည်း ပါတီစည်းရုံးရေး သွားမှာ ဖြစ်ပါတယ်။ ဒါ့အပြင် မန္တလေးတိုင်း ကချင်ပြည်နဲ့ ရှမ်းပြည်နယ် ဘက်တွေကိုလည်း လူထုနဲ့ တွေဖို့ ဒေါ်အောင်ဆန်းစုကြည်သွားဖို့ စီစဉ် နေတယ်လို့လည်း NLD ပါတီက ပြောပါတယ်။
Ref: VOA News
သုံးလအတွင်း တနိုင်ငံလုံး အပစ်ရပ်မည်ဟု ဦးအောင်မင်း ပြော
ကိုပေါက်
ကြာသပတေးနေ့၊ ဖေဖေါ်ဝါရီလ ၁၆ ရက် ၂၀၁၂
နယူးဒေလီ (မဇ္ဈိမ) ။ ။ တနိုင်ငံလုံး အတိုင်းအတာဖြင့် အပစ်အခတ် ရပ်စဲရေးများကို သုံးလအတွင်း ပြုလုပ် ပြီးစီး သွားမည်ဟု မီးရထားဝန်ကြီး ဦးအောင်မင်း က ပြောသည်။
ဗုဒ္ဓဟူးနေ့က နိုင်ငံခြားသတင်းဌာနနှင့် ပထမဆုံးအကြိမ် အင်တာဗျူးရာတွင် အစိုးရ၏ ပြည်ထောင်စု ငြိမ်းချမ်းရေး ကိုယ်စားလှယ် အဖွဲ့ ခေါင်းဆောင်လည်း ဖြစ်သည့် ဗိုလ်ချုပ်(ဟောင်း) ဦးအောင်မင်း က ထိုသို့ ပြောဆိုလိုက်ခြင်း ဖြစ်ကြောင်း ရိုက်တာ သတင်း တရပ်တွင် ဖော်ပြပါရှိသည်။
တိုင်းရင်းသားလူမျိုးများနှင့် ဖြစ်ပွားခဲ့သည့် နှစ်ပေါင်း ၆၀ နာတာရှည်ဝေဒနာကြီးအား ယခင်အစိုးရ အဆက်ဆက်က ဆေးမမှန်၍ မကုစား နိုင်ခဲ့ကြောင်းလည်း ဦးအောင်မင်း က ပြောသည်။
“ကျနော်တို့ တိုင်းပြည်မှာ အခြေအနေတွေ ပြောင်းနေပြီး ဒီအရေးကိစ္စဟာလည်း ပြောင်းလဲသွားပါပြီ။ ကျနော်တို့ ဆေးကို ရှာဖွေ တွေ့ရှိနိုင်ပါပြီ” ဟု ဦးအောင်မင်း က ဆိုသည်။
လက်နက်ကိုင်အဖွဲ့ ၁၆ ဖွဲ့အနက် ၉ ဖွဲ့နှင့် အပစ်ရပ်ရေး သဘောတူ လက်မှတ်ရေးထိုးနိုင်ခဲ့ပြီး မကြာမီ လအနည်းငယ် အတွင်းမှာလည်း ကချင် လွတ်မြောက်ရေးတပ် (KIA) အပါအ၀င် ၆ ဖွဲ့နှင့် အပစ်ရပ် နိုင်လိမ့်မည်ဟု ဦးအောင်မင်း က ပြောသည်။
မတ်လ ၁ ရက်နေ့တွင် ကရင်နီအမျိုးသားတိုးတက်ရေးပါတီ (KNPP)နှင့် အပစ်ရပ်ရေး လက်မှတ်ထိုးနိုင်မည် ဖြစ်ကာ လက်နက်ကိုင် အဖွဲ့ငယ် ၅ ခုကလည်း လက်နက်ချရန် အဆင်သင့် ဖြစ်နေကြောင်း ၎င်းက ဆိုသည်။
သမ္မတ ဦးသိန်းစိန်အနေဖြင့် ငြိမ်းချမ်းရေး ခြေလှမ်းသုံးရပ် ချမှတ်ထားသည်။ ပထမဦးစွာ အပစ် ရပ်ပြီးနောက် နိုင်ငံရေး သဘော တူညီချက်များနှင့် နေရာ ပြန်ချရေးများ ပြုလုပ်မည်ဖြစ်ပြီး ၎င်းနောက် ပါလီမန်တွင်း အထူးညီလာခံ ကျင်းပ၍ အဖွဲ့ အသီးသီးနှင့် ရေရှည် သဘောတူညီချက်များ အခိုင်အမာ ချမှတ် သွားရန်ဖြစ်သည်ဟုဆိုသည်။
ဤအစီအစဉ်အားလုံးမှာ ၂၀၀၈ အခြေခံဥပဒေအောက်မှ ဆောင်ရွက်သွားရန်ပြီး တိုင်းရင်းသား အဖွဲ့များ တောင်းဆို ထားကြသည်မှာ တန်းတူရေးနှင့် ကိုယ်ပိုင် ပြဋ္ဌာန်းခွင့်ဖြစ်သည်။
Ref: မဇ္ဈိမ
မန်းငြိမ်းမောင် အမှုတွင် ဝန်ကြီးဦးအောင်မင်းကို သက်သေခေါ်လို
ဖနိဒါ
ကြာသပတေးနေ့၊ ဖေဖေါ်ဝါရီလ ၁၆ ရက် ၂၀၁၂
ချင်းမိုင်(မဇ္စျိမ) ။ ။ နိုင်ငံတော် ပုန်ကန်မှုအပါအဝင် ပြစ်မှုကြီးများဖြင့် တရားစွဲဆိုခံနေရသည့် ကရင် အမျိုးသား အစည်းအရုံး KNU ဗဟို ကော်မတီဝင် ပဒိုမန်းငြိမ်းမောင် အမှုအတွက် ပြည်ထောင်စု အဆင့် ငြိမ်းချမ်းရေး အဖွဲ့ခေါင်းဆောင် မီးရထား ဝန်ကြီး ဦးအောင်မင်းကို သက်သေအဖြစ် ခေါ်ဆိုပေးရန် ပဒို မန်းငြိမ်းမောင်၏ ရှေ့နေက တရားရုံးသို့ ကြာသပတေးနေ့က လျှောက်ထား လိုက်သည်။
ဝန်ကြီး ဦးအောင်မင်း နှင့်တကွ နေပြည်တော်မှ စစ်ဘက်ရေးရာလုံခြုံရေး (စရဖ)မှ ထိပ်တန်း အရာရှိကြီးများ၊ တပ်မှူးများ စုစုပေါင်း ၈ ဦးတို့အား အင်းစိန် အထူးတရားရုံးသို့ ဆင့်ခေါ်ပေးရန် ကြာသပတေးနေ့ ရုံးချိန်းကြားနာမှု အတွင်း လျှောက်ထားခြင်း ဖြစ်သည်ဟု မန်းငြိမ်းမောင်၏ ရှေ့နေ ဦးကြီးမြင့် က မဇ္ဈိမကို ပြောသည်။
“ကျနော်တို့တင်ပြထားတဲ့ သက်သေတွေကို ခေါ်မပေးဘူးဆိုရင် နောက်တပတ်မှာ နှစ်ဖက်အပြီးသတ် အမိန့်ချမယ်။ ခေါ်ပေးတယ် ဆိုရင်တော့ စောင့်ရမှာပေါ့” ဟု ဦးကြီးမြင့် က ပြောသည်။
ရန်ကုန်တိုင်း မြောက်ပိုင်းခရိုင် အင်းစိန် အထူးတရားရုံး၌ ကြာသပတေးနေ့က ကြားနာစစ်ဆေးခဲ့ရာတွင် ပဒို မန်းငြိမ်းမောင်ကို တရားလို ရှေ့နေများက ၃ နာရီခန့်ကြာ စစ်ဆေး မေးမြန်းခဲ့သည်ဟု ပဒို မန်းငြိမ်းမောင်၏ ရှေ့နေက ပြောသည်။
ပဒိုမန်းငြိမ်းမောင်က သူသည် KNU ဗဟိုကော်မတီဝင် ဖြစ်ကြောင်းနှင့် အမျိုးသားရေး၊ ငြိမ်းချမ်းရေး၊ ပြည်သူလူထု လူ့အခွင့်အရေး အတွက် တိုက်ပွဲဝင်ခဲ့သည်ဟု ထွက်ဆိုခဲ့ကြောင်း သိရသည်။
“သူက ငြိမ်းချမ်းရေးကိစ္စတွေကို နိုင်ငံတော်ကို အကူအညီပေးခဲ့တယ်။ အစိုးရက လက်နက်ပဲ အချခိုင်းနေတယ်။ အခွင့် အရေးတွေကို တကယ်မပေးဘူး။ တကယ်လို့ သူတို့ အခွင့်အရေး ပေးမယ်ဆိုရင် သူတို့လည်း ငြိမ်းချမ်းရေး လိုလားတယ်။ တိုက်ခိုက်စရာ မလိုဘူး။ ငြိမ်းချမ်းရေး ပေးမယ်ဆိုရင် အစိုးရနဲ့ လက်တွဲသွားဖို့ လုပ်လို့ရတယ်လို့ ထွက်ဆိုပါတယ်” ဟု မဒိုမန်းငြိမ်းမောင်၏ ရှေ့နေက ပြောသည်။
ပဒိုမန်းငြိမ်းမောင်အား ၂ဝ၁၁ ခုနှစ် ဇူလိုင်လ ၂၄ ရက်နေ့ လေကြောင်းလိုင်းဖြင့် တရုတ်နိုင်ငံ ကူမင်းမြို့မှ မြန်မာနိုင်ငံ ရန်ကုန်မြို့သို့ ရောက်ရှိလာစဉ် နိုင်ငံကူးလက်မှတ် တံဆိပ်တုံးအတု ရိုက်နှိပ် ထားသည်ဟုဆိုကာ အစိုးရ အာဏာပိုင် များက ဖမ်းဆီးခဲ့ခြင်း ဖြစ်သည်။
ယင်းနောက် စက်တင်ဘာလ ၂ ရက်နေ့တွင် ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှု ကြီးကြပ်ရေး အက်ဥပဒေ ပုဒ်မ ၁၃/၁ တို့အရ ထောင်ဒဏ် ၆ လစီကို တပေါင်းတည်း ကျခံစေရန် ရန်ကုန်တိုင်း မင်္ဂလာဒုံ တရားရုံးမှ ပြစ်ဒဏ် ချမှတ်ခဲ့သည်။
မူလစွဲဆို အမှုများမှ လွတ်မြောက်ရန် ၂၂ ရက် အလို ဇန်နဝါရီလ ၂ ရက်နေ့တွင် မတရားအသင်း ပုဒ်မ ၁၇(၁)နှင့် နိုင်ငံတော် ပုန်ကန်မှု ပုဒ်မ ၁၂၂(၁)တို့ဖြင့် ထပ်မံ တရားစွဲ ဆိုထားခြင်း ဖြစ်သည်။
“သူ့ကို တရားစွဲတာကို သူက တော်တော်ကို စိတ်ထိခိုက်ပြီးတော့ စိတ်မကောင်းဘူးပေါ့ဗျာ။ ရှင်းရှင်းပြောရင် သူပြောတဲ့ အတိုင်း ပြောရင် သူ ‘အလိမ်ခံရတာပဲ’လို့ ပြောတယ်ဗျ”ဟု ဦးကြီးမြင့်က မန်းငြိမ်းမောင်၏ ပြောစကားကို ပြန်ပြောပြသည်။
ပြီးခဲ့သည့် ဇန်နဝါရီလ ၁၂ ရက်နေ့က အစိုးရနှင့် KNU တို့ ပဏာမ တွေ့ဆုံ၍ အပစ်အခတ် ရပ်စဲရေး သဘောတူ လက်မှတ် ရေးထိုးခဲ့စဉ် ပဒိုမန်းငြိမ်းမောင် အပါအဝင် ဖမ်းဆီးထားသူများကို လွှတ်ပေးရန် KNU ဘက်မှ တောင်းဆိုခဲ့ သည်။
Ref: မဇ္ဈိမ
ဦးရွှေမန်း၏ ဝန်ထမ်းလစာတိုးရေး အဆို ဘဏ္ဍာရေးဝန်ကြီး ငြင်း
မျိုးသန့်
ကြာသပတေးနေ့၊ ဖေဖေါ်ဝါရီလ ၁၆ ရက် ၂၀၁၂
ချင်းမိုင် (မဇ္ဈိမ) ။ ။ နိုင်ငံ့ဝန်ထမ်းများကို လစာတိုးပေးရန် သူရဦးရွှေမန်း၏ အဆိုကို ဘဏ္ဍာရေး ဝန်ကြီး ဦးလှထွန်း က ငြင်းဆို လိုက်ပြီး ဝေးလံခေါင်သီသည့် ဒေသများမှ ဝန်ထမ်း သုံးသောင်းကျော်ကိုသာ ဒေသတွင်း အသုံးစရိတ် နှုန်းထားများ တိုးမြှင့်ပေးရန်ရှိသည်ဟု လွှတ်တော်တက် အမတ်များက ပြောသည်။
"ဝန်ကြီးကတော့ ပေးရမယ့်လူဆိုတော့ ငြင်းတာပေါ့ဗျာ။ သူက တခုပဲ ပြောတယ်ဗျ ဝေးလံသီခေါင်သော ဒေသများတွင် သွားရောက် လုပ်ကိုင်နေသော ဝန်ထမ်းများ ကိုတော့ ဒီနှစ်ထဲမှာ ရှိတယ်ပေါ့။ ဒီ ဦးရွှေမန်းတင်ပြတဲ့ ဝန်ထမ်းအားလုံး လစာတိုးဖို့ ကိစ္စကတော့ ၂ဝ၁၃-၂ဝ၁၄ ကျမှပဲ စဉ်းစားပါရစေဆိုပြီး ပြောတယ်" ဟု လသာမြို့နယ်မှ အောက်လွှတ်တော် အမတ် ဦးကြည်မြင့်က မဇ္ဈိမကို ပြောသည်။
ယခုနှစ်အတွင်း နိုင်ငံ့ဝန်ထမ်းများ လစာတိုးမြှင့်ပေးရန် ဖေဖေါ်ဝါရီလ ၇ ရက်နေ့ ပြည်ထောင်စု လွှတ်တော်တွင် အောက်လွှတ်တော် ဥက္ကဋ္ဌ သူရ ဦးရွှေမန်းက အဆိုတင်သွင်းခဲ့ပြီး လွှတ်တော်မှ အတည် ပြုခဲ့ပြီးနောက် ကြာသပတေးနေ့ ပြည်ထောင်စု လွှတ်တော် အစည်းအဝေးတွင် ဘဏ္ဍာရေး ဝန်ကြီးက တုန့်ပြန် ငြင်းဆိုလိုက်ခြင်း ဖြစ်သည်။
လွှတ်တော်လုပ်ထုံးလုပ်နည်းအရ ဦးရွှေမန်း၏ အဆိုသည် ယခုကဲ့သို့ ဝန်ကြီး၏ ငြင်းဆိုမှုကြောင့် ပြည်ထောင်စု လွှတ်တော်တွင် မဲခွဲဆုံးဖြတ်ရန် သို့မဟုတ် အဆိုရှင်မှ ပြန်လည် ရုပ်သိမ်းရန်သာ ရှိသည်ဟုလည်း ဦးကြည်မြင့်က ပြောသည်။
ထို့အပြင် မဲခွဲဆုံးဖြတ်ပါက ဤအဆို အောင်မြင်နိုင်သည်ဟုလည်း "တောင်းတဲ့လူကတော့ မပိုင်ဘဲနဲ့ ဘယ်တောင်းမလဲ ဗျ။ နောက် ဒီဟာက ဖြစ်လည်း ဖြစ်သင့်တဲ့ဟာလေ။ ထောက်ခံမယ့်လူ များနိုင်တယ်။ ဖြစ်လာနိုင်တယ်" ဟု ဦးကြည်မြင့် က မဇ္ဈိမကို ပြောသည်။
သူရဦးရွှေမန်း၏ အဆိုတွင် "ကိုယ့်ဂုဏ်၊ ကိုယ့်သိက္ခာနှင့်အညီ နေထိုင် စားသောက်နိုင်ဖို့နှင့် သန့်ရှင်းသော အစိုးရ၊ ကောင်းမွန်သော အုပ်ချုပ်ရေး အမှန်တကယ် ဖြစ်လာဖို့နှင့် နိုင်ငံသားများ၊ ဝန်ထမ်းများ၏ လုပ်ခ၊ လစာစရိတ်နှင့် ချီးမြှင့်ငွေများကို လာမည့် ဘတ်ဂျတ် နှစ်အစတွင် မဖြစ်မနေ တိုးမြှင့်ပေးရေး" ဟု ပါရှိသည်။
ဦးရွှေမန်းက သူ၏ အဆိုတွင် နိုင်ငံဝန်ထမ်းများ လစာရရှိမှုနည်းပါးခြင်းကြောင့် အကျင့်ပျက် ခြစားမှုများ ဖြစ်ပေါ်နေ သည်ကို "ဝန်ထမ်းများ ကလည်း လုပ်ခ၊ လစာနည်းတာကို အကြောင်းပြုပြီး လက်ဖက်ရည်ဖိုး၊ အလှူငွေ၊ စာရွက် စာတမ်းကြေးများ တောင်းယူခြင်းနှင့် အခြား မလျော်ကန်သော လာဘ်ပေးလာဘ်ယူ ဆန်သည့် ပြုမူဆောင်ရွက် ခြင်းများကို နေရာအနှံ့ ဌာန အများစု လိုလိုပင် တခုမဟုတ်တခု ပုံစံအမျိုးမျိုး ဖြစ်ပေါ်နေတာကို ဝမ်းနည်းစွာ ကြားသိ နေရပါတယ်" ဟုလည်း ထည့်သွင်း ပြောသွားသည်။
ဝန်ထမ်းများ လစာတိုးမြှင့်ပေးရေးနှင့် ပတ်သက်၍ ၂ဝ၁ဝ ခုနှစ် မတ်လ ၁၁ ရက်နေ့ အောက်လွှတ်တော် အစည်းအဝေး တွင်လည်း ထည့်သွင်း ဆွေးနွေး ခဲ့ကြသည်။ အဆိုပါ ဆွေးနွေးမှုများအတွင်း ဘဏ္ဍာရေးနှင့် အခွန်ဝန်ကြီး ဦးလှထွန်းကပင် "ဝန်ထမ်းလစာနှင့် အငြိမ်းစားလစာ တိုးမြှင့် ဆောင်ရွက်လိုသည့်အခါတိုင်း ငွေကြေး ဖေါင်းပွမှုနှုန်း၊ နိုင်ငံအတွင်း လှည့်ပတ် သုံးစွဲငွေ ပမာဏ၊ ပြည်တွင်း အသားတင် ထုတ်ကုန်တန်ဖိုး စသည်တို့ကို ထည့်သွင်း တွက်ချက်ရပြီး ထိုအချက်များကို သုံးသပ်ကာ သင့်လျော်သော အချိန်တွင် ဆောင်ရွက်ပေးမည်" ဖြစ်ကြောင်းသာ ပြောကြားသွားသည်။
ထိုနေ့ လွှတ်တော်ဆွေးနွေးပွဲတွင်လည်း လဲချားမြို့နယ် မဲဆန္ဒနယ်မှ စိုင်းမောင်တင်က ဝန်ထမ်းများ လာဘ်ပေးလာဘ် ယူမှုများ ရှိနေမှုအပေါ် ထောက်ပြ ပြောဆိုသွားပြီး ထိုပြဿနာများကို မည်သို့ ဖြေရှင်းရန် ရှိကြောင်းကိုလည်း ဝန်ကြီး ဦးလှထွန်းကို မေးမြန်းခဲ့သည်။
ဦးလှထွန်းက လာဘ်ပေးလာတ်ယူ ကိစ္စများ ဖြေရှင်းပေးနိုင်ရေးအတွက် လစာတိုးပေးသည့် နည်းလမ်း တခုတည်းဖြင့် လုံလောက်မည် မဟုတ်ဘဲ ဝန်ထမ်းများကို ပညာပေးခြင်း၊ အရေးယူခြင်းနှင့် ပြည်သူများမှ အသိပေး တိုင်ကြားနိုင်ရန် ဌာနများ သတ်မှတ်၍ အကောင်အထည်ဖေါ် ဆောင်ရွက်သွားမည်ဟု ဖြေကြားသွားသည်။
ဝန်ထမ်းများ လာဘ်ပေးလာဘ်ယူ အကျင့်ပျက်ခြစားမှုနှင့် ပတ်သက်၍လည်း ယခုလ ၇ ရက်နေ့ ပြည်ထောင်စု လွှတ်တော်တွင် သူရ ဦးရွှေမန်းက "အူမတောင့်မှ သီလ စောင့်နိုင်မှာဖြစ်သလို အူမတောင့်ပြီး သီလမစောင့်လျှင်တော့ သူ့တာဝန်ပဲဖြစ်ပြီး သူတို့တရားကို သူတို့ စီရင်မှာဖြစ်ပါတယ်" ဟု ပြောဆိုသွားသည်။
နိုင်ငံ့ဝန်ထမ်းလစာများကို ၁၉၈၈ ခုနှစ်နောက်ပိုင်း ၁၉၈၉၊ ၁၉၉၃၊ ၂ဝဝဝ၊ ၂ဝဝ၆၊ ၂ဝ၁ဝ ခုနှစ်တို့တွင် အကြိမ်ကြိမ် တိုးမြှင့်ပေးခဲ့ပြီး ၂ဝ၁ဝ ခုနှစ် ဒီဇင်ဘာ ၃၁ ရက်နေ့တွင် ဘဏ္ဍာရေးနှင့် အခွန်ဝန်ကြီးဌာနမှ လစာတိုးမြှင့်မှု အမိန့်ကြော်ငြာစာ အမှတ် (၁၈၄/၂ဝဝ၉) အရ အစိုးရ ဝန်ထမ်း အသီးသီးကို ကျပ် ၂ဝ,ဝဝဝ စီ တိုးမြှင့်ပေးခဲ့သည်။ အဆိုပါ လစာ တိုးမြှင့်မှု မတိုင်ခင် ဝန်ထမ်းတဦး၏ လစာမှာ အနည်းဆုံး ၂ဝ,ဝဝဝ ကျပ်ဖြစ်သည်။
ယင်းအပြင် နိုင်ငံ့ဝန်ထမ်း ပင်စင်စားများ၏ လစာကိုလည်း ၂၀၁၁ ခုနှစ် ဇွန်လ ၃၀ ရက်နေ့တွင် တိုးမြှင့် ပေးခဲ့သည်။ အဆိုပါ ကြေညာချက် အရ ဝန်ထမ်းများ အငြိမ်းစား ယူခဲ့သော နောက်ဆုံးရာထူး လစာအတိုင်း ရရှိမည်ဖြစ်သည်။ သို့သော် နိုင်ငံရေး ပင်စင်စားများ၏ လစာမှာ ၁၁ဝ,ဝဝဝ ထက်ပိုနေပါက ၂၀,၀၀၀ ထပ်မံမတိုးမြှင့်ဘဲ လက်ရှိအတိုင်း သာ ခံစားသွားရန် သတ်မှတ်ထားသည်။
Ref: မဇ္ဈိမ
တောင်းဆိုမှုမရသဖြင့် တိုင်ရီအလုပ်သမားများ ဆက်လက်ဆန္ဒပြ
လင်းသန့်
February 16, 2012
ရန်ကုန် လှိုင်သာယာ စက်မှုဇုံရှိ တိုင်ရီ ဖိနပ်စက်ရုံ အလုပ်သမား ၁၈၀၀ ခန့်က ၎င်းတို့ တောင်းဆို ထားသည့် လိုလားချက်များ မရသေးသည့် အတွက် ၁၀ ရက် မြောက်နေ့အဖြစ် ငြိမ်းချမ်းစွာ ဆက်လက် ဆန္ဒပြနေကြောင်း သတင်းရရှိသည်။
ယမန်နေ့က အလုပ်ရှင်နှင့် အလုပ်သမားကိုယ်စားလှယ် ၃၈ ဦးတို့ ညှိနှိုင်းရာတွင် အချိန်ပိုကြေး တနာရီ ၇၅ ကျပ်မှ ၁၅၀ ကျပ် တိုးမြှင့် တောင်းခဲ့သည်ကို ၂၅ ကျပ်သာတိုး၍ ၁၀၀ ကျပ် သတ်မှတ်ပေးခဲ့ကြောင်း၊ ရက်မှန်ကြေး ၆၀၀၀ ကျပ်မှ ၈၀၀၀ ကျပ် တိုးမြှင့် တောင်းထားသည်ကိုလည်း လုံးဝ တိုးမပေးကြောင်း၊ ထို့အပြင် စာချုပ် လက်မှတ်ထိုးရမည့် အချက် အလက်များနှင့် လုံးဝ ခြားနား နေသောကြောင့် ဆက်လက် ဆန္ဒပြရခြင်း ဖြစ်ကြောင်း အလုပ်သမားတဦးဖြစ်သူ ကိုမျိုးမင်းသိန်းက ဧရာဝတီကို ပြောသည်။
အလုပ်သမားများအား အချိန်ပိုကြေး ၇၅ ကျပ်မှ ၁၀၀ ကျပ် အထိ တိုးပေးသည်ကို အလုပ်သမား ကိုယ်စားလှယ် တဦး၏ ပြောစကား အရ ၁၀၀ ကျပ် ထပ်တိုးပေးသည်ဟု ထင်မြင်ခဲ့မိ၍ အလုပ်သမား အများစုက တနာရီ အချိန်ပိုကြေး ၁၇၅ ကျပ်ဟု မှတ်ယူမှားခဲ့ရာ ယနေ့နံနက် စက်ရုံရှေ့သို့ လာရောက်မှ အဖြစ်မှန်ကို သိရသည်ဟု သူက ဆိုသည်။
သို့သော် အလုပ်သမား ၁၅ ဦးခန့်သည် စားဝတ်နေရေးခက်ခဲနေ၍ အချိန်ပိုကြေး ၂၅ ကျပ် ထပ်တိုး ပေးသည်ကို လက်ခံကာ ယနေ့မှစတင် အလုပ်ပြန်ဆင်းကြောင်း သိရသည်။
ယခုလက်ရှိတွင် အလုပ်သမများ နေထိုင်ရာ အဆောင်များ၌ အလုပ်ရှင်၏ လူယုံများက ခြိမ်းခြောက်မှု ရှိနေကြောင်း၊ စနေနေ့ အထိ အလုပ် မဆင်းပါက အဆောင်မှ ဖယ်ရှားမည်၊ အလုပ်မှ ရာသက်ပန် ထုတ်မည်ဟု ပြောကြောင်း အလုပ်သမားများက ဆိုသည်။
“ကျနော်တို့ မနက် ၆ နာရီကတည်းက စက်ရုံရှေ့မှာပဲ ဆန္ဒပြတယ်။ အာဏာပိုင်တွေဘက်က ဘာမှ ခြိမ်းခြောက် တာတော့ မရှိသေးဘူး။ ကျနော်တို့ အလုပ်သမားတွေကို အလုပ်ရှင်ဘက်ကပဲ ခြိမ်းခြောက်နေတာပါ” ဟု ကိုမျိုးမင်းသိန်းက ပြောသည်။
အလုပ်ရှင်၏ တရားဥပဒေမဲ့ ခြိမ်းခြောက်မှုများ၊ အလုပ်သမား ရပိုင်ခွင့်များကို မျက်ကွယ်ပြုနေမှုများ အတွက် အလုပ်သမား ပြဿနာ ဖြေရှင်းရေး ၀ါဏိဇ္ဇ ခုံရုံးသို့ ဥပဒေ ကြောင်းအရ တင်ပြတိုင်ကြား သွားရန် အလုပ်သမား ကိုယ်စားလှယ် ၄၆ ဦးကို ရွေးချယ်ထားပြီး ဥပဒေရေးရာ အကူအညီပေးသူ ရှေ့နေ ကိုဖိုးဖြူကို ကူညီပေးရန် ပြောဆိုထားသည်ဟု သူက ဆက်ပြောသည်။
ဆန္ဒပြမှု ၆ ရက်မြောက်နေ့က အလုပ်သမား ဦးစီးဌာန ညွှန်ကြားရေးမှူးချုပ် ဦးချစ်ရှိန်ကိုယ်တိုင် လာရောက် ခဲ့သော် လည်း မပြေလည် ခဲ့ကြောင်း၊ ယခု အလုပ်သမားများ၏ နစ်နာချက်များကို အချက် ၁၇ ချက်နှင့်တကွ တင်ပြတောင်းဆို ထားသော်လည်း အလုပ်ရှင် ဘက်က ပြေလည်အောင် မဖြေရှင်းသေးသည်မှာ ရက်ကြာသည်နှင့်အမျှ အလုပ်သမား များ စားဝတ်နေရေး ပိုခက်ခဲလာကြောင်း သိရသည်။
တိုင်ရီ ဖိနပ်စက်ရုံ အလုပ်သမားများ ဆန္ဒပြမှု သတင်းကို ပြည်တွင်း သတင်းဂျာနယ် များတွင် ဖော်ပြမှု အားနည်း နေကြောင်း ရှေ့နေ ကိုဖိုးဖြူက ပြောသည်။
“သတင်းဂျာနယ်တွေက ဓာတ်ပုံလည်း လာရိုက်တယ်၊ အင်တာဗျူးတွေလည်း လုပ်တယ်။ ဒါပေမယ့် ကျနော်တို့ ပြောတာတွေ အပြည့်အစုံ ပါလာတာ မတွေ့ရဘူး” ဟု သူက ဆိုသည်။
Ref: ဧရာဝတီ
Thursday, February 16, 2012
အလုပ်လက်မဲ့ ပြဿနာ ဖြေရှင်းဖို့ ပြင်ဆင်ပြီးဖြစ်ဟု ဒေါ်စုပြော
မျိုးသန့်
ဗုဒ္ဓဟူးနေ့၊ ဖေဖေါ်ဝါရီလ ၁၅ ရက် ၂၀၁၂
ချင်းမိုင် (မဇ္ဈိမ) ။ ။ မြန်မာနိုင်ငံ၏ အလုပ်လက်မဲ့ ပြဿနာကို ဖြေရှင်းရန် ပြည်ပနိုင်ငံများနှင့် အဖွဲ့အစည်း များ၏ အကူအညီ ရယူ၍ ဆောင်ရွက်ရန် ပြင်ဆင်ထားပြီး ဖြစ်ကြောင်း အမျိုးသားဒီမိုကရေစီ အဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်က ပြောဆိုလိုက်သည်။
မြန်မာနိုင်ငံ၏ အဓိက ပြဿနာမှာ ဆင်းရဲမွဲတေမှုဖြစ်ပြီး ဆင်းရဲခြင်းကို ဖြစ်စေသည့် အကြောင်းမှာ အလုပ်လက်မဲ့ များပြားခြင်းဟု ဗုဒ္ဓဟူးနေ့ မနက်က မရမ်းကုန်းမြို့နယ် ပါတီစည်းရုံးရေး ဟောပြောပွဲအတွင်း ဒေါ်အောင်ဆန်းစုကြည် က ထည့်သွင်း ပြောဆို သွားခြင်း ဖြစ်သည်။
“ကျမတို့နိုင်ငံရဲ့ အဓိက ပြဿနာကြီးကတော့ ဆင်းရဲမွဲတေမှုပါပဲ။ ဒီပြဿနာနဲ့ ပတ်သက်လို့ ဘယ်လိုဖြေရှင်းဖို့ စဉ်းစား ထားသလဲလို့ မေးလို့ရှိရင် ကျမတို့ မြန်မာနိုင်ငံကို ကူညီချင်တဲ့ အဖွဲ့အစည်းတွေ နိုင်ငံတွေနဲ့ ဒီကိစ္စတွေကို ကျမတို့ ဆွေးနွေး ပြီးပါပြီ။ ကျမတို့ ဘယ်လိုပုံစံနဲ့ အကောင်းဆုံး လုပ်မလဲ ဆိုတာကို စတင်ပြီးတော့ ကျမတို့ တတ်နိုင်သလောက် ဆောင်ရွက်နေပါတယ်” ဟု ဒေါ်အောင်ဆန်းစုကြည်က ပြောကြားသွားသည်။
ဖေဖေါ်ဝါရီလ ၃ ရက်နေ့က ကော့မှူးမြို့နယ် ပါတီစည်းရုံးရေး ခရီးစဉ်တွင်လည်း “ကော့မှူးမြို့နယ်မှာ ဆိုရင် အရေး အကြီးဆုံး ကိစ္စကတော့ အလုပ်အကိုင် မရှိခြင်းပါပဲ။ အလုပ်အကိုင်ကို ပြည်သူတွေ အတွက် လုံလုံလောက်လောက် ရှိအောင်လို့ လုပ်ပေး ရမှာဟာ ပထမဦးဆုံး တာဝန်တခု ဖြစ်တယ်ဆိုတာ ကျမတို့ နားလည်ပါတယ်” ဟု NLD ဥက္ကဋ္ဌက ပြောကြား သွားခဲ့သေးသည်။
ထိုသို့ NLD ပါတီက ဆင်းရဲမွဲတေမှု ပြဿနာကို အလုပ်အကိုင် အခွင့်အလမ်းများ ဖန်တီးပေးခြင်းဖြင့် ဖြေရှင်းနိုင်ရန် ကြိုးပမ်းမည်ဟု ပြောဆိုနေစဉ် သမ္မတ ဦးသိန်းစိန်ကလည်း တနိုင်ငံလုံး ဆင်းရဲမွဲတေမှု ၂၆ ရာခိုင်နှုန်း ရှိနေရာမှ ၂၀၁၅ ခုနှစ်တွင် ၁၆ ရာခိုင်နှုန်းသို့ လျော့ချနိုင်အောင် ရည်မှန်းချက်ထား ဆောင်ရွက်နေကြောင်း ၂၀၁၁ ခုနှစ် သြဂုတ်လအတွင်း ကျင်းပသည့် ပြည်ထောင်စု လွှတ်တော် မိန့်ခွန်းတွင် ပြောကြားသွားသည်။
၂၀၁၁ ခု နှစ် မေလအတွင်း နေပြည်တော်တွင် ကျင်းပသည့် ဆင်းရဲနွမ်းပါးမှု လျော့ကျရေး အမျိုးသား အဆင့် အလုပ်ရုံ ဆွေးနွေးပွဲ အတွင်း သမ္မတ မိန့်ခွန်းတွင် ဆင်းရဲနွမ်းပါးမှု ပပျောက်ရေးအတွက် လယ်ယာနှင့် သားငါး ထုတ်လုပ်မှုကဏ္ဍ ဖွံ့ဖြိုးရန်၊ ကျေးလက် အိမ်တွင်း စက်မှု လုပ်ငန်းများမှ ဝင်ငွေရရန်၊ အသေးစား ငွေချေးလုပ်ငန်းများ ဖွံ့ဖြိုးရန်၊ ကျေးလက် သမဝါယမ လုပ်ငန်းများ ဖွံ့ဖြိုးရန် လုပ်ငန်းစဉ်များ ချမှတ်ထားကြောင်း ပြောကြားခဲ့သည်။
“ဆင်းရဲတွင်းနက်မှုကို လျော့ပါးရေးအတွက် အသေးစား ငွေကြေးဝန်ဆောင်မှု လုပ်ငန်းဟာ လက်နက်ကောင်း တခု
ဖြစ်ပါတယ်” ဟုလည်း သမ္မတ မိန့်ခွန်းတွင် ထည့်သွင်း ပြောသွားခဲ့သည်။
သမ္မတ က အလုပ်လက်မဲ့များ၏ အဓိကပြဿနာမှာ ငွေအရင်းအနှီးဖြစ်ကြောင်း “ဆင်းရဲ နွမ်းပါးသူ အများစုဟာ ကျေးလက်မှာ နေထိုင်သူများ ဖြစ်ကြပါတယ်။ ၎င်းတို့ဟာ အလုပ် မလုပ်ချင်လို့ မဟုတ်ဘဲ အများစုမှာ အလုပ် လုပ်ကိုင် လိုကြပါတယ်။ အလုပ် လုပ်နိုင်ရန် လုပ်ခင်း ကိုင်ခင်းများလည်း ရှိကြပါတယ်။ ၎င်းတို့ရဲ့ အဓိက လိုအပ်ချက် ဟာ ငွေအရင်းအနှီး ဖြစ်ပါတယ်” ဟုလည်း ပြောကြားခဲ့သည်။
မရမ်းကုန်းမြို့နယ် ဟောပြောပွဲတွင် ဒေါ်အောင်ဆန်းစုကြည်က ပညာရေးနှင့် ကျန်းမာရေးသည်လည်း အရေးကြီး သည့် အချက်များ ဖြစ်နေပြီး NLD ပါတီအနေဖြင့် အလေးထား ဆောင်ရွက်ရန် ရှိကြောင်းလည်း ထည့်သွင်း ပြောကြား ခဲ့သည်။
ဒေါ်အောင်ဆန်းစုကြည်သည် ဗုဒ္ဓဟူးနေ့တွင်ပင် လှည်းကူးမြို့နယ်သို့ပါ ပါတီစည်းရုံးရေး ခရီးထွက်ခဲ့ပြီး လှည်းကူး မြို့နယ် အားကစားကွင်း အတွင်း ပရိသတ် ငါးသောင်းခန့်ကို ဟောပြောမှုတွင် တရားဥပဒေ စိုးမိုးရေးကို အဓိကထား ပြောကြား ခဲ့သည်။ ထို့ပြင် လှည်းကူးမြို့နယ်၏ NLD ကိုယ်စားလှယ်လောင်း ကိုဖြိုးမင်းသိန်း ကိုလည်း လူထုနှင့် မိတ်ဆက် ပေးခဲ့သေးသည်။
Ref: မဇ္ဈိမ
တပ်နှင့်ပြည်သူ ပိုနီးစပ်စေလိုကြောင်း ဒေါ်အောင်ဆန်းစုကြည်ပြော
February 15, 2012
အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်း စုကြည်က တပ်မတော်သည် ပြည်သူ လူထုနှင့် ပိုမို နီးစပ်ရန် လိုအပ်ပြီး တပ်မတော်နှင့် ပြည်သူ လက်တွဲပြီး ဒီမိုကရေစီရရှိရန် ဆောင်ရွက် သွားလိုကြောင်း ယနေ့ ပြောဆို လိုက်သည်။
ယနေ့ နံနက် လှည်းကူးမြို့နယ် ဘောလုံးကွင်းတွင် NLD ပါတီအတွက် မဲဆွယ်စည်းရုံးမှု ပြုလုပ်စဉ် ပြည်သူ လူထုအား ဒေါ်အောင်ဆန်းစုကြည်က အထက်ပါအတိုင်း ပြောဆို လိုက်ခြင်းဖြစ်သည်။
“ကျမတို့ကို ထောက်ခဲ့တဲ့သူတွေထဲမှာ လှည်းကူးမြို့နယ်မှာမို့လို့ တပ်မိသားစုတွေလည်း အများကြီး ပါမယ်လို့ မျှော်လင့်ပါတယ်။ ဒီမြို့နယ်ကနေ စပြီးတော့ တပ်မတော်နဲ့ ပြည်သူ ကြားမှာ ပိုပြီး နီးစပ်အောင်လို့ တပ်မတော်နဲ့ ပြည်သူ လက်တွဲပြီးတော့ ဒီမိုကရေစီ ရအောင် လုပ်ကြပါစို့လို့ ဆန္ဒပြုပါတယ်” ဟု ဒေါ်အောင်ဆန်းစုကြည်က ဆိုသည်။
ဒီမိုကရေစီနိုင်ငံရေးတွင် သဘောထားမတူညီမှုများ ရှိနိုင်ကြောင်း၊ ယင်းသဘောထား မတူညီမှုများကို အေးချမ်းစွာ အကြမ်း မဖက်ဘဲ ဖြေရှင်းရမည် ဖြစ်ကြောင်း၊ ယင်းနည်းလမ်းမှာ ရွေးကောက်ပွဲပင် ဖြစ်ကြောင်း၊ ရွေးကောက်ပွဲတွင် နိုင်ငံရေး ပါတီများ အနေနှင့် တဦးနှင့်တဦး ရန်ဘက်ကဲ့သို့ သဘောမထားဘဲ ပြိုင်ဘက်အဖြစ်သာ သဘောထား၍ နိုင်လျှင် ညှာတာမှုနှင့် သဘောထား ကြီးရမည် ဖြစ်သကဲ့သို့၊ ရှုံးသော အခါတွင်လည်း အိနြေ္ဒ ဂုဏ်သိက္ခာနှင့် အောင်နိုင်သူကို မေတ္တာပို့ မုဒိတာ ပွားနိုင်သော အရည်အချင်း ရှိရမည် ဖြစ်ကြောင်း သူက ဆက်ပြောသည်။
“ယှဉ်ပြိုင်ဘက်ဆိုတာ တနည်းအားဖြင့် ဒီမိုကရေစီ ရှင်သန်အောင် လုပ်ပေးတာပဲလို့ ကျတို့စိတ်ထဲမှာ ထားရမှာ ဖြစ်ပါတယ်။ ဒီမိုကရေစီ ဆိုတာ အတိုက်အခံရှိမှ ဒီမိုကရေစီ ဖြစ်မြောက်တာပါ။ အတိုက်အခံ မရှိဘဲနဲ့ စစ်မှန်တဲ့ ဒီမိုကရေစီ ဆိုတာ ပြောလို့ မရပါဘူး” ဟု ဒေါ်အောင်ဆန်းစုကြည်က ဆိုသည်။
NLD ပါတီသည် ကြားဖြတ် ရွေးကောက်ပွဲတွင် လစ်လပ်မဲဆန္ဒနယ် ၄၈ ခုစလုံး၌ ၀င်ပြိုင်ခြင်းဖြင့် ဒီမိုကရေစီ အတိုက်အခံ အဖြစ် တရားဝင် ရပ်တည်မည်ဟုလည်း သူက ပြောသည်။
“၄၈ နေရာဆိုတာက လွှတ်တော်ထဲမှာရှိတဲ့ နေရာတွေထက် ရာခိုင်နှုန်း နည်းနည်းလေးပဲ ဖြစ်ပါတယ်။ ဒီနည်းနည်းလေး အတွက် ကျမတို့ ယှဉ်ပြိုင်တာက ဒီမိုကရေစီ စိတ်ဓာတ်နဲ့ ယှဉ်ပြိုင်တာပါ။ ဒီမိုကရေစီ အတိုက်အခံ အဖွဲ့တခု အနေနဲ့ ရပ်တည်မယ် ဆိုတဲ့ ယုံကြည်ချက်နဲ့ ကျမတို့ ယှဉ်ပြိုင်တာပါ။ အတိုက်အခံ လုပ်ရဲတဲ့ သတ္တိ ကျမတို့မှာ ရှိမှ တကယ် နိုင်ငံကို ဦးဆောင်နိုင်တဲ့ အရည်အချင်း တွေလည်း ကျမတို့ မွေးမြူနိုင်မှာ ဖြစ်ပါတယ်။ အတိုက်အခံ မလုပ်ရဲတဲ့ အတိုက်အခံ အနည်းစု အနေအထားမှာ မနေရဲတဲ့ အင်အားစုတွေ ဆိုတာက စစ်မှန်တဲ့ ဦးဆောင်မှုကို ပေးနိုင်မှာ မဟုတ်ပါဘူး” ဟု ၎င်းက ဆိုသည်။
တရားဥပဒေစိုးမိုးရေး၊ ပြည်တွင်းငြိမ်းချမ်းရေးနှင့် ဖွဲ့စည်းပုံအခြေခံဥပဒေ ပြုပြင်ရေးသည် NLD ပါတီ၏ အဓိက မူဝါဒများ ဖြစ်ကြောင်း၊ ရွေးကောက်ပွဲတွင် အနိုင်ရရန် ပြည်သူ့ ထောက်ခံမှု လိုအပ်နေကြောင်း သူက ဆက်ပြောသည်။
“၁၉၉၀ ခုနစ်ကနေပြီးတော့ ၂၀၁၂ ခုနစ်ရောက်တဲ့အထိကို ကျမတို့အများကြီး ဖြတ်ကျော်ခဲ့ရတယ်၊ ရုန်းကန် ခဲ့ရတယ်။ ဒါပေမယ့် ဒီဟာတွေက တန်ပါတယ်။ အဲဒီလို ရုန်းကန်ခဲ့လို့၊ ဖြတ်ကျော်ခဲ့လို့ အခုကျမတို့က ပြည်သူနဲ့ ပြန်ပြီးတော့ ထိတွေ့ပိုင်ခွင့် ရတယ်။ ပြည်သူရဲ့အင်အားနဲ့ ကျမတို့ အင်အားနဲ့ ပေါင်းပြီးတော့ ကျမတို့ လိုချင်တဲ့ နိုင်ငံတခုကို တည်ဆောက် နိုင်မယ့် အခွင့်အရေးတွေ ပေးမယ့် လမ်းတခု ပွင့်လာတယ်။ လမ်းကပွင့်ရုံပဲ ရှိသေးတယ်။ ကျမတို့ ဒီလမ်းကို လျှောက်နိုင်ဖို့ ဆိုတာက ပြည်သူလူထုရဲ့ ထောက်ခံမှုနဲ့ မဲပေးဖို့ လိုပါတယ်” ဟု ၎င်းက ရှင်းပြသည်။
လှည်းကူး မြို့နယ်တွင် NLD ပါတီ လွှတ်တော် ကိုယ်စားလှယ်လောင်း အဖြစ် ၈၈ မျိုးဆက် ကျောင်းသားဟောင်း တဦးဖြစ်သူ ဦးဖြိုးမင်းသိန်းက ၀င်ရောက် ယှဉ်ပြိုမည် ဖြစ်သည်။
လှည်းကူးမြို့နယ်ရှိ ဘောလုံးကွင်းတွင် လူထုဟောပြောခွင့်ရရှိရန် တရားဥပဒေ အတိုင်း ကြိုးစားခဲ့ရကြောင်း၊ ယမန်နေ့က လှည်းကူး ဘောလုံးကွင်းကို အသုံးပြုခွင့် ပေးပြီးမှ ဒေသခံ တာဝန်ရှိသူများက သုံးပိုင်ခွင့်ကို ပြန်ရုပ်သိမ်း ခဲ့ကြောင်း၊ ထို့ကြောင့် NLD ပါတီက အဆိုပါ ကိစ္စနှင့် ပတ်သက်၍ ရွေးကောက်ပွဲ ကော်မရှင်ကို တင်ပြခဲ့ကြောင်း သိရသည်။
“ရွေးကောက်ပွဲကော်မရှင်ကလည်း မှန်မှန်ကန်ကန်ပဲ ဆုံးဖြတ် လိုက်တာက မူလ ခွင့်ပြုချက် အတိုင်း ရှိစေရမယ်၊ ဆက်ပြီးတော့ လုပ်စေရမယ် ဆိုတာနဲ့ ကျမတို့ အခုလို စုရုံးနိုင်တယ်။ အဲဒါ ဥပဒေစိုးမိုးရေးပဲ” ဟု ဒေါ်အောင်ဆန်းစုကြည်က ပြောသည်။
ဖွဲ့စည်းပုံ အခြေခံဥပဒေကို ပြုပြင်လိုခြင်းမှာ ပြည်သူလူထု၏ သြဇာအာဏာသည် နိုင်ငံကို လွှမ်းမိုးစေရရန် အတွက် ဖြစ်ကြောင်း၊ ဖွဲ့စည်းပုံ အခြေခံဥပဒေက ပြည်သူလူထုကို အကျိုးပြုမည့် ဥပဒေ ဖြစ်ရန်လိုကြောင်း သူက ဆက်လက် ပြောဆိုသည်။
“ပြည်သူလူထုကို အကျိုးပြုမယ်ဆိုတာက ဖွဲ့စည်းပုံ အခြေခံဥပဒေအရ ပြည်သူလူထုရဲ့ အင်အားက လွှမ်းမိုးရမယ် ဆိုတဲ့ အဓိပ္ပာယ်ပဲ။ တရားနည်းလမ်း အရ အေးအေးဆေးဆေးနဲ့ လွှမ်းမိုးနိုင်မယ့် ဖွဲ့စည်းပုံ အခြေခံဥပဒေမျိုး ကျမတို့ လိုတာပါ။ ပြည်သူလူထုရဲ့ သြဇာအာဏာ လွှမ်းမိုးနိုင်မှ ပြည်သူလူထုက ချမ်းသာနိုင်မှာ ဖြစ်ပါတယ်” ဟု ၎င်းက ပြောသည်။
တောင်သူလယ်သမားများ ဘ၀တိုးတက်ခိုင်မာရေးအတွက်လည်း NLD ပါတီက ကြိုးပမ်းလျက် ရှိကြောင်း ဒေါ်အောင်ဆန်းစုကြည်က ထည့်သွင်း ပြောဆိုခဲ့သည်။
ယနေ့ လှည်းကူးမြို့နယ်အတွင်း NLD ပါတီ စည်းရုံးရေး ခရီးစဉ်တွင် ဒေသခံ ပြည်သူလူထု ထောင်ပေါင်းများစွာ တို့က လမ်းဘေး ၀ဲယာ တလျှောက် ဒေါ်အောင်ဆန်းစုကြည်ကို ကြိုဆို နှုတ်ဆက်ခဲ့ကြသည်။
Ref: ဧရာဝတီ
စစ်တပ်လွှမ်းမိုးမှု လျှော့ချရေး လွှတ်တော်တွင်း ဆွေးနွေး
ခင်ဦးသာ
February 15, 2012
တပ်မတော်နှင့် ပြည်သူအကြား နားလည်မှု ပြန်လည် တည်ဆောက်၍ ပြည်သူ၏ ယုံကြည် အားထားမှု ရယူနိုင်ရေးနှင့် ပတ်သက် ပြီး လွှတ်တော် ကိုယ်စားလှယ်များက ဆွေးနွေး တောင်းဆို ကြကြောင်း သိရသည်။
စစ်တပ်၏ အခန်းကဏ္ဍ လွှမ်းမိုးကြီးစိုးနေခြင်းကို လျှော့ချပြီး ပြည်တွင်းစစ်ရပ်စဲ၍ ပြည်ပရန် ကာကွယ်ရေး အတွက်သာ ဦး တည်ရေး၊ ကြည်း၊ ရေ၊ လေ တပ်မတော်သုံးရပ် စလုံးကို တပြေးညီ ကျစ်လျစ် ခေတ်မီရေး စသည်တို့ကို ကိုယ်စားလှယ်များက တင်ပြဆွေးနွေး ခဲ့ကြကြောင်း အမျိုးသား လွှတ်တော် ကိုယ်စားလှယ် ဒေါက်တာ အေးမောင် က ပြောသည်။
“အရပ်ဘက်ဌာနတွေရဲ့ အကြီးအကဲတွေ အားလုံးကို စစ်တပ်က အငြိမ်းစားတွေ ခန့်ထားတာ ရပ်တန့်ပေးဖို့၊ ဒီလုပ်ရပ်ဟာ အရပ်ဘက် ၀န်ထမ်းတွေရဲ့တက်လမ်းတွေကို ပိတ်ပင်ရာ ရောက်တော့ စစ်တပ် အပေါ်မှာ အမြင်မကြည်မှုတွေ ဖြစ်နေတာတွေ ကို ပြေပျောက် သွားစေချင်တဲ့ အတွက်ပါ”ဟု ဒေါက်တာ အေးမောင် က ဆိုသည်။
မလွှဲ မရှောင်သာ ခန့်ထားရမည်ဆိုပါက ရဲ ဌာနကဲ့သို့ နေရာမျိုး၌ စစ်ယူနီဖောင်းဖြင့်သာ ခန့်ထားရေး စသည့် စစ်တပ်၏ အခန်း ကဏ္ဍများနှင့် ပတ်သက်၍ ဖေဖော်ဝါရီလ ၁၃ ရက်နေ့ တွင် ကျင်းပခဲ့သော ပြည်ထောင်စု လွှတ်တော် အစည်းအဝေး၌ ဆွေးနွေး ခဲ့ကြကြောင်း ကိုယ်စားလှယ်များက ပြောသည်။
ပြည်ပရောက် ဗိုလ်မှူးဟောင်း စိုင်းသိန်းဝင်းက“ရေတပ် သဘောင်္ကျင်းမှာ လုပ်ခဲ့တဲ့အင်ဂျင်နီယာကို ကုန်းပေါ်က စက်ရုံမှာ ခန့်ထားတော့ သဘောသဘာဝ လုံးဝကွာနေတဲ့ အတွက် အဆင်မပြေမှုတွေနဲ့ ကြုံရတယ်”ဟု ဆိုသည်။
ပြည်သူ့လွှတ်တော် ကိုယ်စားလှယ် ဦးသိန်းညွှန့်ကလည်း ဒီမိုကရေစီစနစ်သို့ ဦးတည်နေပြီ ဖြစ်၍ ပြည်သူ၏ အခွန် ငွေများဖြင့် သုံးစွဲရမည် ဖြစ်သောကြောင့် ပြည်သူ ယုံကြည် အားထားရသည့် တပ်မတော်ဖြစ်ရန် လိုအပ်ကြောင်း ပြောဆိုသည်။
“တပ်မတော်သည် အမိ၊ တပ်မတော်သည် အဘ ဆိုတဲ့ ဆောင်ပုဒ်နေရာမှာ ပြည်သူ သည်သာ အမိ၊ ပြည်သူသည်သာ အဘ ဆိုတဲ့စ ကားရပ်ကို အစားထိုး ပြောင်းပေးဖို့ ဆွေးနွေးခဲ့ပါတယ်”ဟု ဦးသိန်းညွှန့် က ပြောသည်။
ကလေး စစ်သား စုဆောင်းမှု ပပျောက်ရေး အပါအ၀င် တပ်မတော်သား မိသားစုများ၏ စားဝတ်နေရေး ကိစ္စကိုလည်း မြှင့်တင်
ပေးရန် လိုအပ်ကြောင်း ဆွေးနွေးတင်ပြခဲ့သည်ဟု ဦးသိန်းညွှန့် က ဆိုသည်။
“စီးပွားရေးကောင်းမှ တပ်မတော်အင်အားရှိမယ်၊ စီးပွားရေးကောင်းဖို့ ပြည်တွင်းငြိမ်းချမ်းရေးကို တည်ဆောက်ရမယ်၊ နှစ်ပေါင်း ၆၀ ကျော် ကိုယ့်တိုင်းရင်းသား အချင်းချင်းတွေနဲ့ တိုက်ခိုက်နေရတဲ့ အတွက် ဖွံ့ဖြိုးမှု နှေးကွေးနေရတာပါ”ဟုလည်း ၎င်းကပြော သည်။
စစ်တပ်အရာရှိများ ဦးစီးသော စီပွားရေး ဦးပိုင်ကုမ္ပဏီ လီမီတက် နှင့်တပ်မတော်တို့အကြား မည်သို့ ဆက်စပ် ပတ်သက်မှု ရှိ သည်ကိုလည်း ပြည်သူများအား ရှင်းလင်းစွာ ထုတ်ပြန်ပေးရန် ဆွေးနွေးခဲ့ကြောင်း ဒေါက်တာ အေးမောင်က ပြောသည်။
အမျိုးသား လွှတ်တော် ကိုယ်စားလှယ် ဒေါက်တာ ဗညားအောင်မိုး ကလည်း စစ်တပ်က ပြည်သူများ၏ လယ်ယာ မြေများကို အဓမ္မ သိမ်းယူခြင်းများ နိုင်ငံတ၀န်း ဖြစ်ပေါ်နေမှု၊ စစ်တပ်ပိုင် မြေ၌သာ တပ်ရိက္ခာ စိုက်ပျိုး မွေးမြူရေး လုပ်ရန်၊ လယ်သမားများ၏ အခွင့်အရေး အပြည့်အ၀ ရရန်နှင့် အကာအကွယ် ပေးရန်များကို တင်ပြ ဆွေးနွေးခဲ့ကြောင်း ပြောသည်။
စစ်တပ်လက်အောက်၌ စစ်တက္ကသိုလ် အပြင် တပ်မတော်နည်းပညာ တက္ကသိုလ်၊ ဆေး တက္ကသိုလ်၊ ဆေးဘက် ပညာသင် တက္ကသိုလ် စသည်ဖြင့် ပညာရပ်ဆိုင်ရာ တက္ကသိုလ်များ သီးသန့် ထားရှိခြင်းသည် တပ်မတော်နှင့် ကျောင်းသားများ အကြား အ ယူ အဆများ လွဲမှားနိုင်သည့် အတွက် အရပ်ဘက် ဘွဲ့ရ ကျောင်းသားများကို တပ်မတော်၏ ပညာရှင် အပိုင်း၌ နေရာပေးထားခြင်း မျိုး လုပ်ဆောင်ရန် ဆွေးနွေး ကြကြောင်းလည်း သိရသည်။
“ဒီလိုမျိုး သီးသန့် တက္ကသိုလ်တွေကြောင့် ဆက်ဆံရေး အမြင် မကြည်မှုရှိတာတွေ ပြေပျောက် သွားဖို့ရယ်၊ ဒီ တက္ကသိုလ် တွေကို ပယ်ဖျက်လိုက်ရင် စစ်တပ်ရဲ့ အသုံးစရိတ်တွေလည်း လျော့ကျသွားမှာပါ”ဟု ဒေါက်တာအေးမောင် က ဆိုသည်။
တပ်မတော်အား ပြည်ထောင်စု တပ်မတော်အဖြစ်တည်ဆောက်ရေးအတွက် တိုင်းရင်းသား လူမျိုးစုံနှင့်ပါဝင် ဖွဲ့စည်းရေး ကိစ္စကိုလည်း ဆွေးနွေးခဲ့ကြောင်း ဒေါက်တာအေးမောင် က ပြောသည်။
တပ်မတော်သား လွှတ်တော် ကိုယ်စားလှယ်များဖြစ်သော ဗိုလ်မှူးကြီး ဌေးနိုင်နှင့် ဗိုလ်မှူးကြီး တင့်ဆန်းတို့ က တပ်မတော် အင်အားရှိရန် လိုအပ်ကြောင်းကို အိမ်နီးချင်း နိုင်ငံများနှင့် နှိုင်းယှဉ်၍ ရှင်းလင်းပြီး အရပ်ဘက် ဌာနများတွင်လည်း တာဝန် ထမ်းဆောင်ရန် တပ်မတော်မှ အငြိမ်းစားများအား စနစ်တကျ လေ့ကျင့် ပေးထားပြီး ဖြစ်ကြောင်းတို့ကို ပြန်လည်ချေပ ဆွေးနွေး ခဲ့ကြကြောင်း သိရသည်။
စစ်တပ်၏ အခန်းကဏ္ဍလျှော့ချရေးနှင့်ပတ်သက်၍ ဒီမိုကရက်တစ် အတိုက်အခံ ကိုယ်စားလှယ်များ၏ ဆွေးနွေး တင်ပြမှုများ အပေါ် စစ်တပ် ကိုယ်စားလှယ်များ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့ပါတီ) ကိုယ်စားလှယ်က နှစ်သက်မှု မရှိကြောင်း လွှတ်တော် ကိုယ်စားလှယ်များ က ပြောသည်။
လက်ရှိ မြန်မာ့ တပ်မတော်(ကြည်း၊ ရေ၊ လေ)အင်အားသည် ၃ သိန်း ၀န်းကျင် ရှိကြောင်း စစ်ဘက် အသိုင်းအ၀န်းက ပြောဆို ထားပြီး စစ်တပ် အသုံး စရိတ်ကို လာမည့် ၂၀၁၂-၂၀၁၃ ဘဏ္ဍာရေးနှစ် အတွက် တနိုင်ငံလုံး စရိတ်၏ ၁၅ ရာခိုင်နှုန်းနီးပါး လျာထားကြောင်း အစိုးရ ထုတ်ပြန်ချက်အရ သိရသည်။
Ref: ဧရာဝတီ
တာချီလိတ်တွင် စိတ်ကြွဆေးပြား ၈ သန်းကျော်နှင့် လက်နက်များ ဖမ်းမိ
ကျော်ခ
ဗုဒ္ဓဟူးနေ့၊ ဖေဖေါ်ဝါရီလ ၁၅ ရက် ၂၀၁၂
ချင်းမိုင် (မဇ္ဈိမ) ။ ။ ရှမ်းပြည်အရှေ့ပိုင်း ထိုင်းနိုင်ငံ နယ်စပ် တာချီလိတ်မြို့တွင် စိတ်ကြွ ရူးသွပ်ဆေးပြား ၈ သန်း ၇ သိန်းကျော်နှင့် လက်နက်များကို တနင်္လာနေ့က ဖမ်းဆီးရမိကြောင်း တာချီလိတ်မြို့နယ် မူးယစ် အာဏာပိုင် အသိုင်းအဝိုင်း ထံမှ သိရသည်။
တာချီလိတ်မြို့နယ်၊ လွယ်တော်ခမ်း ကျေးရွာစု ပါခါ ကျေးရွာရှိ မသင်္ကာဖွယ် အိမ်သုံးလုံးကို မြို့နယ်မူးယစ်တပ်ဖွဲ့များ၊ ရဲတပ်ဖွဲ့ဝင်များ၊ စစ်ဘက် လုံခြုံရေး-စရဖ အဖွဲ့များက ပူးပေါင်း စီးနင်းရှာဖွေရာမှ စိတ်ကြွ ရူးသွပ်ဆေးပြား ၈ သန်း ၇ သိန်းကျော် အပါအဝင် သေနက် ၄ လက်နှင့် ထိုဆေးပြား ထုတ်လုပ်ရာတွင် အသုံးပြုသည့် ပစ္စည်းအချို့ကို သိမ်းဆည်း ရမိခြင်း ဖြစ်ကြောင်း မူးယစ်အဖွဲ့နှင့် နီးစပ်သူ တဦးထံမှ သိရသည်။
“သူတို့အဖွဲ့တွေထဲက တယောက်ကပဲ ဖုန်းနဲ့ လှမ်းအကြောင်းကြားတာကနေ ဝင်ရှာတာ။ ပိုင်ရှင် ၃ ဦးလုံးက အခါလူမျိုးတွေ။ ဝင်စီးတဲ့ အချိန်မှာ ပိုင်ရှင်တွေ အကုန်လုံးက ထွက်ပြေးကုန်ပြီ။ ပစ္စည်းပဲ မိတာ” ဟု သူက မဇ္ဈိမကို ပြောသည်။
ပူးပေါင်းတပ်ဖွဲ့က အခါလူမျိုးအများစုနေထိုင်သော အိမ်ခြေ ၅ဝ ခန့်ရှိ ပါခါရွာမှ မူးယစ်မသင်္ကာသူ ၃ ဦး၏ အိမ်များကို နံနက် ၇ နာရီ ခန့်က ဝင်ရောက်ရှာဖွေရာ ဦးအားကာ အိမ်မှ ၄,၄၆၈,၄ဝဝ၊ ဦးအားမူ အိမ်မှ ၂,၃၉၄,ဝဝဝ နှင့် ဦးအားထာ အိမ်မှ ၁,၈၅၆,ဝဝဝ တို့ ဖမ်းဆီးရမိခဲ့ပြီး ဦးအားကာ အိမ်မှ ဆေးပြားများအပြင် AK-47 တလက်၊ M-16 တလက်၊ ပွိုင့် ၃၈ ပစ္စတို တလတ်နှင့် M-22 တလက်တို့ သိမ်းဆည်း ရမိခဲ့ကြောင်း မူးယစ်အဖွဲ့၏ မှတ်တမ်းများအရ သိရသည်။
ဦးအာကာ၏ အိမ်မှပင် စိတ်ကြွဆေးပြား ထုတ်လုပ်ရာတွင် အသုံးပြုသည့် ကဖိန်း အထုပ် ကီလို ၆ဝ နှင့် အခြား စက်ပစ္စည်း များကိုလည်း သိမ်းဆည်း ရမိကြောင်းသိရသည်။ ဦးအားမူ၏ အမျိုးသမီးကို တာဝန်အရ ခေါ်ယူ စစ်ဆေးမှု များ ပြုလုပ်နေလျက် ရှိကြောင်း သိရသည်။
ပါခါးကျေးရွာသည့် ထိုင်း-မြန်မာနယ်စပ်တွင် ရှိပြီး ထိုင်းဖက်ကမ်း မယ်ပါးလွမ် မြို့နှင့် ကပ်လျက်တွင် ရှိသည်။ ဖမ်းဆီး ရမိသည့် အဆိုပါ စိတ်ကြွဆေးပြားကို ထိုင်းနိုင်ငံ တွင်းသို့ တင်ပို့ဖွယ် ရှိနိုင်ကြောင်း မြန်မာ မူးယစ် အာဏာပိုင်များက ယူဆနေသည်။
စိတ်ကြွဆေးပြားများ ဖမ်းဆီးရမှုနှင့် ပါတ်သက်၍ တာချီလိတ်မြို့နယ် ရဲတပ်ဖွဲ့ကလည်း အတည်ပြု ပြောဆိုခဲ့ပြီး ထွက်ပြေး လွတ်မြောက် သွားသည့် အိမ်ရှင်သုံးဦးအား ဖမ်းဆီးနိုင်ရန် အတွက် ထိုင်းအာဏာပိုင်များနှင့် ညှိနှိုင်း ဆောင်ရွက်သွား မည်ဖြစ်ကြောင်း ပြောဆိုသည်။
“သူတိုိ့ကို တရားဥပဒေအရ ဆောင်ရွက်နိုင်အောင် ဟိုဘက် (ထိုင်း) အခြမ်းက အာဏာပိုင် အဖွဲ့တွေနဲ့လည်း ကျနော် တို့ ချိတ်ဆက် ဆောင်ရွက် သွားမှာပါ။ အခုတော့ သူတို့နဲ့ ပတ်သက်သူတွေကို ခေါ်ယူစစ်ဆေးမှုတွေ လုပ်နေပါတယ်” ဟု တာချီလိတ်မြို့နယ် ရဲအရာရှိ တဦးက မဇ္ဈိမကို ပြောသည်။
တာချီလိတ်မြို့နယ်သည် နှစ်စဉ်တိုင်းကဲ့သို့ ဘိန်းနှင့် အခြား မူးယစ်ဆေးဝါးများ ဖမ်းဆီးရမိလေ့ရှိပြီး အများစုမှာ ရှမ်းပြည်နယ် အတွင်းကပင် လာကြောင်း မူးယစ်အဖွဲ့နှင့် နီးစပ်သူက ပြောသည်။
ကမ္ဘာတဝှန်း ဘိန်းစိုက်ပျိုးမှုမှာ ၂ဝဝ၉ ခုနှစ်ထက်စာလျှင် ၂ဝ၁ဝ ခုနှစ်ထဲတွင် ၅ ရာခိုင်နှုန်း တိုးပွား လာခြင်းမှာ မြန်မာ နိုင်ငံကြောင့်ဟု ကုလသမဂ္ဂ မူးယစ်ဆေးဝါးနှင့် ရာဇဝတ်မှု ဆိုင်ရာရုံး UNODC ၏ ၂ဝ၁၁ ခုနှစ်ထုတ် အစီရင်ခံစာက ဆိုသည်။ ထို့အပြင် UNODC က မြန်မာနိုင်ငံသည် အရှေ့အာရှဒေသ၌ မက်သာဖက်တမင်းခေါ် စိတ်ကြွဆေးပြား အဓိက ဖြန့်ဖြူးရာ နိုင်ငံ အဖြစ်လည်း သတိ ပေးထားသည်။
မြန်မာနိုင်ငံ၌ ၂ဝဝ၉ ခုတွင် ဘိန်းစိုက်ပျိုးမှု ၃၁,၇ဝဝ ဟက်တာ (၇၈၂၉၉ ဧက) ရှိပြီး၊ ၂ဝ၁ဝ ခု၌ ၂ဝ ရာခိုင်နှုန်း တိုးလာကာ ၃၈,၁ဝဝ ဟက်တာ (၉၄၁ဝ၈ ဧက) အထိ ဖြစ်လာခဲ့သည်။ ထိုအထဲတွင် ရှမ်းပြည်နယ် အရှေ့၊ မြောက် နှင့် တောင်ပိုင်းတို့တွင် အများဆုံး စိုက်ပျိုးပြီး ၂ဝဝ၉ တွင် ဟက်တာ ၃ဝဝဝဝ ရှိရာမှ ၂ဝ၁ဝ တွင် ၃၅ဝဝဝ အထိ ၁၇ ရာခိုင်နှုန်း တိုးလာသည်ဟု အစီရင်ခံစာက ဆိုသည်။
Ref: မဇ္ဈိမ
Wednesday, February 15, 2012
ဝန်ကြီးတားမြစ်သော ဒေါ်စုဟောပြောပွဲ ကော်မရှင်မှ ပြန်လည်ခွင့်ပြု
မျိုးသန့်
အင်္ဂါနေ့၊ ဖေဖေါ်ဝါရီလ ၁၄ ရက် ၂၀၁၂
ချင်းမိုင် (မဇ္ဈိမ) ။ ။ အမျိုးသား ဒီမိုကရေစီအဖွဲ့ချုပ် NLD ၏ ဥက္ကဋ္ဌ ဒေါ်အောင်ဆန်းစုကြည်၏ ရန်ကုန်တိုင်း လှည်းကူးမြို့ရှိ ဘောလုံးကွင်း၌ ဗုဒ္ဓဟူးနေ့တွင် ပြုလုပ်ရန်ရှိသည့် ဟောပြောပွဲကို အားကစား ဝန်ကြီးမှ တားမြစ် သော်လည်း ပြည်ထောင်စု ရွေးကောက်ပွဲ ကော်မရှင်မှ ခွင့်ပြု ပေးလိုက်သည်။
အားကစားဝန်ကြီး ဦးတင့်ဆန်း ကိုယ်စား ရုံးအဖွဲ့မှူး လက်မှတ် ရေးထိုးထားသည့် ဖေဖေါ်ဝါရီ ၁၄ ရက်စွဲပါ တားမြစ်စာ တွင် “အားကစား ကိစ္စမှ လွဲ၍ အခြားကိစ္စများကို အသုံးပြုခွင့် မပြု” ဟု ပါရှိကြောင်း NLD လှည်းကူးမြို့နယ် လွှတ်တော် ကိုယ်စားလှယ်လောင်း ဦးဖြိုးမင်းသိန်းက မဇ္ဈိမကို ပြောသည်။
အဆိုပါ တားမြစ်မှုနှင့် ပတ်သက်၍ NLD က ပြည်ထောင်စု ရွေးကောက်ပွဲ ကော်မရှင်သို့ အကြောင်းကြား အကူအညီ တောင်းခံရာမှ ရွေးကောက်ပွဲ ကော်မရှင်က ခွင့်ပြုလိုက်ပြီး အားကစားဝန်ကြီး၏ တားမြစ်မှုကိုလည်း ပယ်ဖျက်ပေး လိုက်သည်ဟု ဦးဖြိုးမင်းသိန်းက ပြောသည်။
“အဲဒါကို ရုပ်သိမ်းလိုက်ပြီလို့ မြို့နယ်၊ တိုင်း ကော်မရှင် အဖွဲ့ခွဲတွေ၊ တိုင်း အားကစား ညွှန်ကြားရေးမှူး တွေကို အကြောင်းကြားပြီး ဒါ မလိုအပ်တော့ဘူး ဆိုပြီးတော့ ကျနော်တို့ကို ဆက်လက် ဆောင်ရွက်ခွင့် ပြုပါတယ်” ဟု မဇ္ဈိမကို ပြောသည်။
ဘောလုံးအားကစားကွင်းအတွင်း ဖေဖေါ်ဝါရီ ၁၅ ရက် မွန်းလွဲပိုင်း၌ ဟောပြောပွဲ ပြုလုပ်ရန် ရွေးကောက်ပွဲ ကော်မရှင်၊ ခရိုင် ရွေးကောက်ပွဲ ကော်မရှင်များ၊ မြို့နယ် အားကစား အဖွဲ့ချုပ်၊ မြို့နယ် အုပ်ချုပ်ရေးမှူး များသို့ NLD ၏ လှည်းကူး မြို့နယ် ရွေးကောက်ပွဲ အောင်နိုင်ရေး ကော်မတီမှ တင်ပြထားခဲ့ပြီး ခွင့်ပြုချက် ရရှိပြီးနောက် အားကစား ဝန်ကြီး၏ ကန့်ကွက်မှု ပေါ်ပေါက်လာခဲ့ခြင်း ဖြစ်သည်။
ဖေဖေါ်ဝါရီ ၅ ရက်နေ့က မန္တလေးမြို့ ဗထူးကွင်း၌ ဒေါ်အောင်ဆန်းစုကြည် ဟောပြောရန် စီစဉ်ထားသော်လည်း အဆိုပါ ကွင်းအတွင်း “ အားကစား ဖွံ့ဖြိုးရေး လုပ်ငန်းများသာ လုပ်ဆောင်ရန်” မြန်မာနိုင်ငံ ဘောလုံးအဖွဲ့ချုပ်မှ တားမြစ်ခဲ့သည်ဟု NLD မန္တလေးတိုင်း စည်းရုံးရေးမှူး ဦးမျိုးနိုင်က ပြောသည်။
သို့သော် ပြီးခဲ့သည့် ၁၂ ရက်နေ့ ပြည်ထောင်စုနေ့တွင် အဆိုပါ ဗထူးကွင်း အတွင်း ဌာနဆိုင်ရာများမှ ဝန်ထမ်း ၅၀၀ ခန့် ပြည်ထောင်စုနေ့ အခမ်းအနား ပြုလုပ် ခဲ့ကြောင်းလည်း ဦးမျိုးနိုင်က မဇ္ဈိမကို ပြောသည်။
လှည်းကူးမြို့နယ်မှ ပြည်သူလူထု အခြေအနေနှင့် ပတ်သက်၍ “ဆိုက္ကားတွေ၊ စက်ဘီးတွေ၊ ဆိုင်ကယ်တွေ မှာဗျာ အလံလေးတွေ၊ ဒေါ်စုပုံတွေ၊ ခွပ်ဒေါင်းနဲ့ ကြယ်ပါတဲ့ အမျိုးသား ဒီမိုကရေစီ အဖွဲ့ချုပ် အမှတ် တံဆိပ်တွေကို ဆိုင်ကယ် တွေမှာ ကပ်ပြီး သွားလာ နေကြတယ်။ တီရှပ်တွေ ဝတ်ထားကြတယ် ဦးထုပ်တွေ ဆောင်းထားကြတယ်” ဟု လူထု အခြေအနေကို ကိုယ်စားလှယ်လောင်း ဦးဖြိုးမင်းသိန်းက မဇ္ဈိမကို ပြောသည်။
NLD ဥက္ကဋ္ဌ ဒေါ်အောင်ဆန်းစုကြည်သည် ပါတီစည်းရုံးရေး ခရီးစဉ်များ အဖြစ် ထားဝယ်၊ ပုသိမ်၊ ကော့မှူးမြို့နယ်များ သို့ ဇန်နဝါရီလနှင့် ဖေဖေါ်ဝါရီလများ အတွင်း သွားရောက်ခဲ့ပြီး ဖြစ်သည်။
အောက်လွှတ်တော်ဥက္ကဋ္ဌ ဦးရွှေမန်းကလည်း ကြားဖြတ်ရွေးကောက်ပွဲ အတွက် တရားမျှတရန် စီစဉ် ထားသည်ဟု ဥရောပ သမဂ္ဂ၏ ဖွံ့ဖြိုးရေး ဆိုင်ရာ ကိုယ်စားလှယ် Andris Piebalgs အား တနင်္လာနေ့က နေပြည်တော်၌ တွေ့ဆုံစဉ် ပြောကြား ခဲ့သည်ဟုလည်း သိရသည်။
Ref: မဇ္ဈိမ
နိုင်ငံတကာ စောင့်ကြည့်လေ့လာသူများ ခွင့်ပြုရေး ကော်မရှင် နှုတ်ဆိတ်နေ
ဖနိဒါ
အင်္ဂါနေ့၊ ဖေဖေါ်ဝါရီလ ၁၄ ရက် ၂၀၁၂
ချင်းမိုင်(မဇ္စျိမ) ။ ။ ဧပြီ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲ၌ နိုင်ငံတကာ စောင့်ကြည့် လေ့လာ သူများ လာရောက်ခွင့် ပြုရန် ပြည်ထောင်စု ရွေးကောက်ပွဲ ကော်မရှင်ထံ အနည်းဆုံး နိုင်ငံရေးပါတီ နှစ်ခုက တင်ပြခဲ့သော်လည်း ကော်မရှင်က တစုံတရာ ဖြေကြားခဲ့ခြင်း မရှိကြောင်း နိုင်ငံရေး ပါတီများထံမှ သိရသည်။
ရွေးကောက်ပွဲ ဝင်မည့် နိုင်ငံရေးပါတီ ၁၇ ပါတီမှ ကိုယ်စားလှယ်များနှင့် ပြည်ထောင်စု ရွေးကောက်ပွဲ ကော်မရှင်တို့ အင်္ဂါနေ့က နေပြည်တော်တွင် တွေ့ဆုံကြစဉ် နိုင်ငံတကာ စောင့်ကြည့် လေ့လာရေးအဖွဲ့ လာရောက်ခွင့် ပြုသင့်ကြောင်း ရှမ်းတိုင်းရင်းသား ဒီမိုကရက်တစ် ပါတီ SNDP မှ တင်ပြခဲ့သည်ဟု ယင်းပါတီမှ တွဲဖက် အထွေထွေ အတွင်းရေးမှူး ဦးစိုင်းမောင်တင်က ပြောသည်။
ယင်းအချက်ကို SNDP ကိုယ်စားလှယ် ဦးစိုင်းဖုန်းအောင်က မေးမြန်း တင်ပြခဲ့သော်လည်း ပြည်ထောင်စု ရွေးကောက်ပွဲ
ကော်မရှင် ဥက္ကဋ္ဌ ဦးတင်အေးက တစုံတရာ ဖြေကြားခြင်း မရှိခဲ့ဟု ဦးစိုင်းမောင်တင်က ပြန်ပြောပြသည်။
“အဲဒါကို ဖြေမသွားဘူးဗျ။ ဘာမှ မပြောဘူး။ အဲဒီမေးထားတဲ့ မေးခွန်းကို ချန်ထားတယ်။ ဖြေတဲ့အထဲမှာ မပါသွားဘူး” ဟု ၎င်းက ပြောသည်။
အမျိုးသား ဒီမိုကရေစီပါတီသစ် ပါတီမှ ပြည်သူ့လွတ်တော် ကိုယ်စားလှယ် ဦးသိန်းညွန့်ကလည်း တပါတီချင်း အလိုက် ဆွေးနွေးရာတွင် ၎င်းအလှည့် ရောက်သည့် အခါ ယင်းအချက်ကို ထောက်ခံ ဆွေးနွေးခဲ့ကြောင်း၊ ကော်မရှင် ဥက္ကဋ္ဌက
ပြန်လည် မဖြေကြားခဲ့သော်လည်း လုံးဝ ပယ်ချခဲ့ခြင်း မရှိကြောင်း မဇ္ဈိမကို ပြောသည်။
“ကျနော်ကလည်း ဒီကြားဖြတ်ရွေးကောက်ပွဲက ပြည်တွင်းပြည်ပ စောင့်ကြည့်မယ်။ နိုင်ငံတကာ မီးမောင်း ထိုးမှုကို
ရောက်မယ်။ အဲဒါကို ပြောတာ။ ပြန်ဖြေတဲ့အထဲမှာ အဲဒါ မပါဘူး။ သေချာပြောနိုင်တာက ငြင်းပယ်တာ မရှိဘူး” ဟု ဦးသိန်းညွန့် က ပြောသည်။
ယခင်လက မြန်မာနိုင်ငံသို့လာရောက်ခဲ့သည့် အမေရိကန် အထက်လွှတ်တော်အမတ် ဂျွန်မက်ကိန်းက မြန်မာ အစိုးရ အနေဖြင့် ကြားဖြတ် ရွေးကောက်ပွဲတွင် နိုင်ငံတကာ စောင့်ကြည့်လေ့လာသူများ လာရောက် လေ့လာခွင့်ပြုရန် တိုက်တွန်း ပြောဆိုခဲ့သည်။
အင်္ဂါနေ့တွေ့ဆုံပွဲတွင် နိုင်ငံရေးပါတီများက ယခင် ၂ဝ၁ဝ ရွေးကောက်ပွဲကဲ့သို့ မဲမသမာမှုများ မရှိစေရေးနှင့် ပတ်သက် ၍ တင်ပြ ရာတွင်မူ ကော်မရှင် ဥက္ကဋ္ဌ ဦးတင်အေးက တရားမျှတပြီး စစ်မှန်သည့် ကြားဖြတ် ရွေးကောက်ပွဲ ဖြစ်ရန် ကတိ ပေးခဲ့ကြောင်း ဦးစိုင်းမောင်တင်က ဆက်ပြောသည်။
“သူ့အနေနဲ့ ကတိပေးတယ် ပေါ့နော်။ ဒါပေမယ့် သူတို့ ရွေးကောက်ပွဲ ကော်မရှင်တရပ်ထဲ လုပ်လို့ မရဘူး။ နိုင်ငံရေး ပါတီတွေ ကနေလည်း စောင့်ကြည့်ပြီးတော့ ထိန်းညှိကြဖို့ ပြောသွားပါတယ်”ဟု မဇ္စျိမကို ပြောသည်။
နိုင်ငံရေးပါတီ ၁၉ ခု ရှိခဲ့ရာတွင် မဲဆန္ဒနယ် ၃ နေရာ မပြိုင်နိုင်သဖြင့် မကြာမီက ဖျက်သိမ်းခံခဲ့ရသည့် ဒီမိုကရက်တစ် မဟာမိတ် ပါတီနှင့် ၈၈ ပြည်သူ့အင်အား ပါတီနှစ်ခု မှ လွှတ်တော် ကိုယ်စားလှယ်လောင်း နှစ်ဦးကို တသီးပုဂ္ဂလ ကိုယ်စားလှယ်လောင်း အဖြစ် ယှဉ်ပြိုင်ခွင့် ပြုလိုက်သည်ဟု အမျိုးသား ဒီမိုကရေစီ အင်အားစုပါတီ NDF မှ ဦးစိုးဝင်းက ပြောသည်။
ကြားဖြတ် ရွေးကောက်ပွဲတွင် လစ်လပ်နေသည့် နေရာပေါင်း ၄၈ နေရာတွင် ဝင်ရောက် ယှဉ်ပြိုင်ကြမည့် နိုင်ငံရေး ပါတီပေါင်း ၁၇ ပါတီ ရှိပြီး တသီးပုဂ္ဂလ ကိုယ်စားလှယ်လောင်းများ အပါအဝင် စုစုပေါင်း ၁၅၄ ဦး ယှဉ်ပြိုင်မည် ဖြစ်ကြောင်း အမည်စာရင်း များကိုလည်း ကော်မရှင်က အင်္ဂါနေ့က ထုတ်ပြန် လိုက်သည်။
သို့သော် နေပြည်တော်တွင် တစုတစည်းထဲ ထုတ်ပြန်ခြင်း မဟုတ်ဘဲ ဒေသန္တရအဆင့် ရွေးကောက်ပွဲ ကော်မရှင်များ က မိမိတို့ နယ်မြေ အလိုက် သီးခြားစီ ထုတ်ပြန် ထားကြောင်း သိရှိရသည်။
Ref: မဇ္ဈိမ
ရွေးကောက်ပွဲ သန့်ရှင်းလျှင် ပိတ်ဆို့မှုများ ရုပ်သိမ်းနိုင်သည်ဟု ဒေါ်အောင်ဆန်းစုကြည်ပြော
February 14, 2012
အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်က လာမည့် ကြားဖြတ် ရွေးကောက်ပွဲသည် သန့်ရှင်း လွတ်လပ်ပြီး တရားမျှတလျှင် ဥရောပသမဂ္ဂက မြန်မာနိုင်ငံအပေါ် ချမှတ်ထားသော စီးပွားရေးပိတ်ဆို့မှုများ ရုပ်သိမ်းရန် စတင်စဉ်းစား နိုင်ကြောင်း ယနေ့ ပြောဆိုလိုက်သည်။
ဂျာမနီနိုင်ငံ စီးပွားရေး ပူးပေါင်းဆောင်ရွက် မှုနှင့် ဖွံ့ဖြိုးတိုးတက်မှု ဝန်ကြီး Mr. Dirk Niebel နှင့် ဒေါ်အောင်ဆန်းစုကြည် တို့ ယနေ့မနက် ၁၁ နာရီက တက္ကသိုလ် ရိပ်သာလမ်း နေအိမ်တွင် တွေ့ဆုံအပြီး ကျင်းပပြုလုပ်သော သတင်းစာ ရှင်းလင်းပွဲတွင်
ဒေါ်အောင်ဆန်းစုကြည်က အထက်ပါအတိုင်း ပြောဆိုခြင်းဖြစ်သည်။
“ကြားဖြတ်ရွေးကောက်ပွဲက လုံးဝ တရားမျှတ သန့်ရှင်းလွတ်လပ်တယ် ဆိုရင်၊ ဆန္ဒမဲပေးမှုတွေက လွတ်လပ် မျှတတယ် ဆိုရင်
ဥရောပသမဂ္ဂ အနေနဲ့ ချမှတ်ထားတဲ့ စီးပွားရေး ပိတ်ဆို့မှုတွေ ရုပ်သိမ်းဖို့ စဉ်စားတာတွေ စလုပ်နိုင်ပါတယ်” ဟု ၎င်းက ဆိုသည်။
Mr. Dirk Niebel ကလည်း ကြားဖြတ်ရွေးကောက်ပွဲ သန့်ရှင်းမျှတရေးနှင့် မဲဆွယ်စည်းရုံးမှုများ လွတ်လပ် တရားမျှတစွာ လုပ်ခွင့် ရှိရေးသည် မြန်မာ့ ဒီမိုကရေစီ ပြောင်းလဲမှုဖြစ်စဉ်အတွက် လွန်စွာ အရေးကြီးကြောင်း ပြောသည်။
ဒီမိုကရေစီ ပြောင်းလဲမှုဖြစ်စဉ်တွင် ကြားဖြတ်ရွေးကောက်ပွဲက အဓိက အရေးပါသကဲ့သို့ အပြောင်းအလဲဖြစ်စဉ် အတွက်လည်း အလွန် အရေးကြီးကြောင်း၊ ကြားဖြတ် ရွေးကောက်ပွဲသာမက မဲဆွယ် စည်းရုံးမှုများသည်လည်း လွတ်လပ်၍ တရားမျှတ ရမည် ဖြစ်ကြောင်း သူကဆိုသည်။
“မြန်မာနိုင်ငံဖွံ့ဖြိုးရေးအတွက် ဥရောပသမဂ္ဂက ချမှတ်ထားတဲ့ စီးပွားရေးပိတ်ဆို့မှုတွေ ရုပ်သိမ်းဖို့ လိုအပ်တာကိုလည်း ကျနော်တို့ ဆွေးနွေး ဖြစ်ခဲ့ပါတယ်။ စီးပွားရေး ပိတ်ဆို့မှုဖယ်ရှားဖို့ ဆိုရင် ကြားဖြတ် ရွေးကောက်ပွဲပြီး နောက်ပိုင်း၊ လွှတ်တော်ထဲမှာ အတိုက် အခံတွေ ရောက်ရှိလာပြီးတဲ့ နောက်ပိုင်းမှာ ဒီမိုကရေစီ ပြုပြင် ပြောင်းလဲမှုတွေ ပိုပြီး တည်ငြိမ်ဖို့ လိုပါတယ်” ဟု ဂျာမန်ဝန်ကြီးက ရှင်းပြသည်။
ကြားဖြတ်ရွေးကောက်ပွဲ သန့်ရှင်းမျှတ လွတ်လပ်ရေးသည် မဲပေးသည့်နေ့ တနေ့တည်းကို ကြည့်၍ မရဘဲ ရွေးကောက်ပွဲ ဖြစ်စဉ် တခုလုံးကို ခြုံကြည့်ရန် လိုအပ်ကြောင်း၊ ခြိမ်းခြောက်မဲပေးခိုင်းမှု၊ မဲဝယ်မှုများ မရှိရန်လည်း အရေးကြီးကြောင်း ဒေါ်အောင်ဆန်းစုကြည်က ဆက်ပြောသည်။
“မဲဆွယ်စည်းရုံးမှုအပါအဝင် ရွေးကောက်ပွဲ ဖြစ်စဉ်တခုလုံး တရားမျှတ လွတ်လပ်မှ သန့်ရှင်းလွတ်လပ်တဲ့ ရွေးကောက်ပွဲလို့ ခေါ်နိုင်မှာပါ” ဟု ဒေါ်အောင်ဆန်းစုကြည်က ရှင်းပြသည်။
မြန်မာနိုင်ငံအပေါ် ချမှတ်ထားသော စီးပွားရေးပိတ်ဆို့မှုများနှင့် ပတ်သက်ပြီး ဥရောပသမဂ္ဂသည် ရှင်းလင်း ပြတ်သားသော လမ်းပြ မြေပုံရှိကြောင်း၊ ကြားဖြတ် ရွေးကောက်ပွဲ သန့်ရှင်းမျှတ လွတ်လပ်ရန်၊ နိုင်ငံရေး အကျဉ်းသားများ ပြန်လွှတ်ပေးရန်၊
အမျိုးသား ပြန်လည် စည်းလုံးညီညွတ်ရေး ဆောင်ရွက်ရန်တို့သည် အဓိက ကျပြီး အရေးကြီးသော အချက်များဖြစ်ကြောင်း ဂျာမန်ဝန်ကြီးက သတင်းထောက်များကို ပြောသည်။
“အမျိုးသား ပြန်လည်သင့်မြတ်ရေး သိသာထင်ရှားတဲ့ လုပ်ဆောင်မှုတွေ စတင်ရမှာဖြစ်ပြီး အချိန်တိုအတွင်း ပြီးမြောက် အောင်မြင်ရမယ်။ အဲဒါကို စတင်ရမယ်။ နောက်ပြီး ဧပြီလမှာ ဥရောပသမဂ္ဂ နိုင်ငံခြားရေး ၀န်ကြီးတွေက စီးပွားရေး ပိတ်ဆို့မှုတွေနဲ့ ပတ်သက်လို့ ဆုံးဖြတ်မှုတွေ လုပ်ပါလိမ့်မယ်။ ဒီလို လုပ်ဆောင်တဲ့နေရာမှာ ပူးပေါင်း ဆောင်ရွက်မှုတွေ ဘယ်လောက် တိုးတက်မှု ရှိသလဲ ဆိုတာအပေါ် မူတည်ပြီး ဆုံးဖြတ်မှာ ဖြစ်ပါတယ်” ဟု ၎င်းက ဆိုသည်။
ဒေါ်အောင်ဆန်းစုကြည်သည် ယနေ့ နံနက်ပိုင်းတွင်ပင် ဥရောပကော်မရှင်မှ ဖွံ့ဖြိုးရေးလုပ်ငန်းများဆိုင်ရာ မဟာမင်းကြီး Mr.Andris Piebalgs နှင့်လည်း တက္ကသိုလ်ရိပ်သာလမ်း နေအိမ်တွင် တွေ့ဆုံခဲ့သည်။
ဥရောပ သမဂ္ဂအဖွဲ့ဝင်များသည် မြန်မာအစိုးရ ထိပ်ပိုင်း တာဝန်ရှိသူများနှင့် ယမန်နေ့က တွေ့ဆုံခဲ့ရာ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းက ဧပြီ ၁ ရက်နေ့တွင် ကျင်းပမည့် ကြားဖြတ် ရွေးကောက်ပွဲအား လွတ်လပ်၍ တရားမျှတရန် ပြင်ဆင် ထားသည်ဟု ပြောဆိုခဲ့ကြောင်း သိရသည်။
Ref: ဧရာဝတီ
ကြားဖြတ်ရွေးကောက်ပွဲ တရားမျှတမည်ဟု ဦးရွှေမန်း ပြော
ခင်ဦးသာ
February 14, 2012
ဧပြီလ ၁ ရက်နေ့ ကြားဖြတ်ရွေးကောက်ပွဲကို လွတ်လပ်ပြီး တရားမျှသည့် ရွေးကောက်ပွဲဖြစ်ရေး အစိုးရက ပြင်ဆင် ထားကြောင်း ဥရောပ ကော်မရှင်အား သူရဦးရွှေမန်းက ပြောဆိုလိုက်သည်။
ဥရောပ ကော်မရှင်မှ ဖွံ့ဖြိုးရေးလုပ်ငန်းများဆိုင်ရာ မဟာမင်းကြီး Mr. Andris Piebalgs သည် ပြည်သူ့ လွှတ်တော် ဥက္ကဌ ဦးရွှေမန်းနှင့် ယမန်နေ့က နေပြည်တော်၌ တွေ့ဆုံခဲ့စဉ် ကြားဖြတ် ရွေးကောက်ပွဲ တရားမျှတရေး အတွက် တိုက်တွန်းခဲ့ပြီး ကျန်ရှိ နေသေးသည့် နိုင်ငံရေး အကျဉ်းသားများ ကိစ္စ စသည်တို့ကိုလည်း ဆွေးနွေး ခဲ့ကြကြောင်း ရိုက်တာ သတင်း၌ ရေးသားထားသည်။
Mr. Andris Piebalgs သည် သမ္မတ ဦးသိန်းစိန်နှင့်လည်း တွေ့ဆုံခဲ့ပြီး မြန်မာနိုင်ငံ၏ ဖွံ့ဖြိုးတိုးတက်ရေး လုပ်ငန်းစဉ် များ၌ အကူအညီ ပေးရေး လုပ်ငန်းစဉ်များကို ဆွေးနွေး ခဲ့ကြကြောင်း၊ ယူရိုငွေ သန်း ၁၅၀ (အမေရိကန်ဒေါ်လာ သန်း ၂၀၀ ခန့်) အား နှစ်နှစ်အတွင်း ကူညီ ပေးသွားမည်ဖြစ်ကြောင်း သိရသည်။
ကူညီထောက်ပံ့ငွေများအား မြန်မာနိုင်ငံ၏ ပညာရေး၊ ကျန်းမာရေးဆိုင်ရာ လုပ်ငန်းများ၌ အသုံးပြုရန် ရည်ရွယ်၍ ပေးအပ် သွားမည်ဖြစ်ပြီး ထိရောက်စွာ အသုံးပြုနိုင်ရေး အတွက် ဆောင်ရွက် ပေးသွားမည်ဟု သိရှိရသည်။
Mr. Andris Piebalgs သည် မြန်မာနိုင်ငံသို့ သုံးရက်ကြာ ခရီးစဉ်အဖြစ် ဖေဖော်ဝါရီလ ၁၂ ရက်နေ့တွင် ရောက်ရှိခဲ့သည်။ ယနေ့ နံနက် ၁၀ နာရီတွင် အမျိုးသား ဒီမိုကရေစီ အဖွဲ့ချုပ် (NLD) ပါတီ ဥက္ကဌ ဒေါ်အောင်ဆန်းစုကြည် နှင့်လည်း နေအိမ်တွင် တွေ့ဆုံသည်။
ကြားဖြတ်ရွေးကောက်ပွဲအား လွတ်လပ်ပြီး တရားမျှတအောင် ဆောင်ရွက်သွားမည်ဟု ဦးရွှေမန်းက ဖေဖော်ဝါရီလ ၂ ရက်နေ့က လူ့အခွင့်အရေး ကိုယ်စားလှယ် မစ္စတာ ကင်တားနားနှင့် တွေ့ဆုံစဉ်က ပြောဆိုခဲ့ပြီး ရွေးကောက်ပွဲ ကော်မရှင်ဥက္ကဌ ဦးတင်အေး ကိုယ်တိုင်လည်း နိုင်ငံတကာ သံတမန်များနှင့် တွေ့ဆုံစဉ် မကြာခဏ ပြောဆိုလေ့ရှိသည်။
လွတ်လပ်ပြီး တရားမျှတသည့် ရွေးကောက်ပွဲ ဖြစ်ရမည်ဟု မြန်မာအစိုးရ၏ ထိပ်တန်း ခေါင်းဆောင်များက နိုင်ငံတကာသို့ ပြောဆို နေသည့်တိုင် အောင်ခြေအဆင့် ကော်မရှင် အဖွဲ့ဝင်များ အတွင်း အပြောင်းအလဲ မရှိသေးသည့် ကိစ္စ အပေါ် စိုးရိမ်မှု တချို့ ရှိနေသေးကြောင်း ၂၀၁၀ ရွေးကောက်ပွဲ၌ ပါဝင် ယှဉ်ပြိုင်ခဲ့ကြသည့် ဒီမိုကရေစီ အင်အားစု နိုင်ငံရေး ပါတီများက ဆိုသည်။
ကြားဖြတ်ရွေးကောက်ပွဲတွင် လပ်လစ်နေရာ ၄၈ နေရာရှိပြီး NLD ပါတီနှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) တို့သည် နေရာအားလုံး၌ ၀င်ရောက် အရွေးခံကြမည် ဖြစ်သည်။
တိုင်းရင်းသား စည်းလုံးညီညွတ်ရေး (တစည) ပါတီသည် ၂၃ နေရာ အရွေးခံ မည်ဖြစ်ပြီး တခြားနိုင်ငံရေး ပါတီ စုစုပေါင်း ၁၉ ခုမှလည်း ၀င်ရောက် ယှဉ်ပြိုင်ကြမည် ဖြစ်သည်။
ကြံ့ဖွံ့ပါတီသည် ၂၀၁၀ ရွေးကောက်ပွဲ၌ ၈၀ ရာခိုင်နှုန်းခန့် အနိုင်ရခဲ့သော်လည်း တနိုင်ငံလုံးတွင် မဲမသမာမှု များကို လုပ်ဆောင် ခဲ့ကြောင်း ပြည်တွင်း၊ ပြည်ပမှ ဝေဖန်မှုများကို ခံခဲ့ရသည်။
ကြားဖြတ်ရွေးကောက်ပွဲ၌ နိုင်ငံတကာလေ့လာ စောင့်ကြည့်ရေးအဖွဲ့များကို ဝင်ရောက်ခွင့် ပေးရေး အတွက်လည်း နိုင်ငံတကာက မြန်မာ အစိုးရကို တောင်းဆို နေကြသော်လည်း ပေးမည်၊ မပေးမည်ကို အတိအကျ ပြောဆိုမှု မရှိသေးပေ။
Ref: ဧရာဝတီ
တပ်များမလှုပ်ရှားရေး အစိုးရတပ်နှင့် SSA တောင်ပိုင်း သဘောတူ
သန်းထိုက်ဦး
February 13, 2012
တြိဂံတိုင်း စစ်ဌာနချုပ်မှ စစ်ဦးစီးပထမတန်း (G 1) ဒု ဗိုလ်မှူးကြီး ခင်မောင်ထွေးနှင့် ရှမ်းပြည် တပ်မတော် (SSA) တောင်ပိုင်းမှ ဗိုလ်မှူးကြီး အောင်မောင်းတို့သည် အပစ်အခတ် ရပ်စဲရေး သဘောတူထား သော်လည်း နှစ်ဘက်တပ်များ တိုက်ပွဲ ပြန်လည် ဖြစ်ပွားမှုနှင့် ပတ်သက်၍ ဖေဖော်ဝါရီလ ၈ ရက်နေ့က တွေ့ဆုံဆွေးနွေး ခဲ့ကြကြောင်း သိရသည်။
မည်သည့်နေရာ၌ တွေ့ဆုံဆွေးနွေးကြောင်း အတိအကျ မသိရသော်လည်း ယင်းတွေ့ဆုံဆွေးနွေးပွဲတွင် စစ်ရေး ပဋိပက္ခ ဖြစ်ပွားသည့် ဒေသများ၌ လှုပ်ရှားနေသော အစိုးရတပ်များ နယ်မြေ ရှင်းလင်းရေး မပြုလုပ်ရန် သဘော တူညီခဲ့ကြောင်း ဗိုလ်မှူးကြီး အောင်မောင်းထံမှ သိရကြောင်း သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းက ဧရာဝတီသို့ ပြောသည်။
“ဒု ဗိုလ်မှူးကြီး ခင်မောင်ထွေးကလည်း အခုနယ်မြေ ရှင်းလင်းရေး လုပ်နေတဲ့ သူတို့တပ်ဖွဲ့တွေကို ရပ်ဆိုင်းဖို့ သဘော တူသွားတယ်” ဟု ၎င်းက ဆိုသည်။
SSA တောင်ပိုင်းတပ်ဖွဲ့နှင့် အစိုးရတပ်များ၂ ရက်ခန့်အကြာ ပြန်လည်ဖြစ်ပွားခဲ့သည့် အကြောင်းကိုမှု SSA တောင်ပိုင်းဘက်က တစုံတရာ မှတ်ချက်ပေးခြင်း မရှိကြောင်း ဦးခွန်စိုင်းက ဆက်ပြောသည်။
ရှမ်းပြည်နယ် အရှေ့ပိုင်း မိုင်းပြင်းမြို့နယ်အတွင်း အခြေစိုက် လှုပ်ရှားနေသော SSA တောင်ပိုင်း တပ်ဖွဲ့ဝင်များနှင့် မိုင်းတုံ မြို့နယ်ရှိ အစိုးရတပ်များ ဖေဖော်ဝါရီလ ၇ ရက်နေ့မှစ၍ တိုက်ခိုက်မှု ဖြစ်ပွားခဲ့ခြင်း ဖြစ်ကြောင်း သိရသည်။
ယင်းနေ့တွင် SSA တောင်ပိုင်း ဌာနချုပ် တည်ရှိရာ လွယ်တိုင်းလျန်း၌ ၆၅ ကြိမ်မြောက် ရှမ်းပြည် နယ်နေ့ အခမ်းအနား ကျင်းပ နေချိန်ဖြစ်သည်။
နှစ်ဘက် တိုက်ပွဲများ ပြန်လည်ဖြစ်ပွားခဲ့သည့် အကြောင်းကို အစိုးရငြိမ်းချမ်းရေး ကိုယ်စားလှယ်ခေါင်းဆောင် ဦးအောင်မင်းထံ ယခုလ ၉ ရက်နေ့က စာပေးပို့ခဲ့သော်လည်း တစုံတရာ အကြောင်း ပြန်ကြားချက် မရရှိသေးကြောင်း သိရသည်။
၂၀၁၁ ဒီဇင်ဘာ၂ ရက်နေ့က ဦးအောင်မင်းနှင့် SSA တောင်ပိုင်းအဖွဲ့ ကိုယ်စားလှယ်များ တောင်ကြီးမြို့တွင် တွေ့ဆုံ ဆွေးနွေးပြီး အပစ်အခတ် ရပ်စဲရေး သဘောတူ လက်မှတ် ရေးထိုးခဲ့ကြသည်။
Ref: ဧရာဝတီ
အပေါ်ယံ အပစ်အခတ် ရပ်စဲရေး ဖြစ်မှာကို WLB စိုးရိမ်
ကျော်ခ
အင်္ဂါနေ့၊ ဖေဖေါ်ဝါရီလ ၁၄ ရက် ၂၀၁၂
ချင်းမိုင် (မဇ္ဈိမ) ။ ။ အစိုးရငြိမ်းချမ်းရေးကိုယ်စားလှယ်အဖွဲ့များနှင့် တိုင်းရင်းသားလက်နက်ကိုင် တပ်ဖွဲ့များ အကြား ငြိမ်းချမ်းရေး ဆွေးနွေး နေမှုများ၏ ရလဒ်မှာ စစ်မှန်သည့် ငြိမ်းချမ်းရေး ဖြစ်ပေါ် မလာမည်ကို စိုးရိမ်မိကြောင်း အမျိုးသမီးများ အဖွဲ့ချုပ် (မြန်မာနိုင်ငံ) WLB က ထုတ်ပြန်လိုက်သည်။
အမျီုးသမီးအဖွဲ့ ၁၃ ဖွဲ့ဖြင့် ပေါင်းစည်းထားသည့် WLB ၏ အင်္ဂါနေ့ ထုတ်ပြန်ချက်ထဲတွင် “အပေါ်ယံ အပစ်အခတ် ရပ်စဲရေး လမ်းကြောင်း ကိုသာ ဦးတည်သွားမည်ကို မိမိတို့အနေဖြင့် အထူး စိုးရိမ်ပူပန်မိသည်” ဟု ဖေါ်ပြပါရှိသည်။
တိုင်းရင်းသားအားလုံး စုစည်းပါဝင်နိုင်မည့် တွေ့ဆုံဆွေးနွေးမှုမျိုးမဟုတ်ဘဲ တဖွဲ့ချင်းစီ ခွဲထုတ် ဆွေးနွေးနေမှုကို ထောက်ပြကာ “အဲလိုတွေ လုပ်နေတဲ့ တပြိုင်တည်းမှာပဲ စစ်ပွဲတွေ ဖြစ်နေတာတွေကိုလည်း တွေ့မြင်နေရတော့ စစ်မှန်တဲ့ အပစ်ခတ် ရပ်စဲရေးတွေ မဖြစ်မှာကို စိုးရိမ်မိတယ်” ဟု WLB မှ အထွေထွေ အတွင်းရေးမှူး ဒေါ်တင်တင်ညို က မဇ္ဈိမကို ပြောသည်။
အစိုးရငြိမ်းချမ်းရေး ကိုယ်စားလှယ်အဖွဲ့များက ကရင်အမျိုးသားအစည်းအရုံး (KNU)၊ မွန်ပြည်သစ်ပါတီ (NMSP) နှင့် ရှမ်းပြည် တပ်မတော် SSA တောင်/မြောက် အဖွဲ့များ အပါအဝင် စုစုပေါင်း ၁၁ ဖွဲ့တို့ဖြင့် အပစ်ခတ် ရပ်စဲရေး အတွက် တွေ့ဆုံ ဆွေးနွေးမှုများကို သီးခြားစီခွဲ၍ ပြုလုပ်ထားသည်။
၁၉၉၄ ကာလမှ စတင်ခဲ့သည့် တိုင်းရင်းသားလက်နက်ကိုင် ၁၇ ဖွဲ့ တို့ အပစ်အခတ် ရပ်စဲရေး ပြုလုပ်ခဲ့ ကြသော်လည်း အပစ် ရပ်စဲမှု ပျက်ပျယ်ခဲ့ကြပြီး တိုက်ပွဲများ ဆက်လက် ဖြစ်ပွားနေခြင်းကိုလည်း WLB ၏ ထုတ်ပြန်ချက်၌ ထောက်ပြ ထားသည်။
ကချင်လွတ်မြောက်ရေးအဖွဲ့ KIO နှင့် အစိုးရတို့အကြား ဇန်နဝါရီ ၁၈၊ ၁၉ ရက်များက တွေ့ဆုံ ဆွေးနွေးခဲ့ ပြီးနောက် ဖေဖေါ်ဝါရီလ ၁၃ ရက်နေ့ထိ နှစ်ဖက် တိုက်ပွဲပေါင်း ၃၅ ကြိမ် ဖြစ်ပွားခဲ့ကြောင်း KIA ဒုစစ်ဦးစီးချုပ် ဗိုလ်မှူးချုပ် ဂွမ်မော် က ပြောသည်။
“တိုက်ပွဲတွေကတော့ တောက်လျှောက် ဖြစ်နေတုန်းပါပဲ။ ဆွေးနွေးမှု လုပ်နေတယ် ဆိုတာကတော့ နိုင်ငံရေး အရ အဖြေရှာမှု လုပ်နေတာ ဖြစ်တဲ့အတွက် အဲဒါ အောင်မြင်သွားရင်တော့ တိုက်ပွဲတွေ ရပ်ဆိုင်း သွားမှာပါ။ နိုင်ငံရေးအရ အဖြေ မရှာနိုင်ခင်မှာတော့ တိုက်ပွဲတွေက ခုလိုပဲ ရှိနေဦးမှာပါပဲ” ဟု ဗိုလ်မှူးချုပ် ဂွမ်မော် က မဇ္ဈိ်မကို ပြောသည်။
အလားတူ အစိုးရနှင့် ပဏာမ အပစ်ခတ်ရပ်စဲထားသော KNU နှင့် အစိုးရ တပ်မတော်တို့အကြား ဖေဖေါ်ဝါရီ လဆန်းပိုင်းက တိုက်ပွဲ နှစ်ကြိမ် ဖြစ်ပွားခဲ့သေးကြောင်း KNU ထံမှ သိရသည်။
အစိုးရနှင့် တိုင်းရင်းသားလက်နက်ကိုင် ပဋိပက္ခများ၏ဆိုးကျိုးကို အမျိုးသမီးများနှင့် ကလေးများက အများဆုံး ကြုံတွေ့ ခံစားရပြီး လတ်တလော ဖြစ်ပွားနေသည့် KIO နှင့် အစိုးရအကြား ဖြစ်ပွားခဲ့သည့် ၈ လကျော်အကြာ တိုက်ပွဲများ အတွင်း ထွက်ပြေးခိုလှုံ နေကြရသည့် စစ်ပြေး ဒုက္ခသည် ၆ သောင်းကျော်အနက် အများစုမှာ အမျိုးသမီးနှင့် ကလေးများ ဖြစ်ကြသည်။
အစိုးရနှင့် လက်နက်ကိုင်အဖွဲ့များ ဆွေးနွေးမှုပြုလုပ်သည့်အခါတွင် အမျိုးသမီးများ၏ ဆန္ဒသဘောထားများ ပါဝင်ရန် လိုအပ်ပြီး ငြိမ်းချမ်းရေး ဆွေးနွေးပွဲများတွင် အမျိုးသမီး ကိုယ်စားလှယ်များ ပါဝင်မှုကို အားပေးရန်လည်း သက်ဆိုင်ရာ အဖွဲ့အစည်းများသို့ WLB က တိုက်တွန်းထားသည်။
“တိုက်ပွဲတွေကို ဖေါ်ဆောင်သူတွေဟာ အမျိုးသမီးနဲ့ ကလေးတွေမဟုတ်ကြပေမယ့် တကယ် ခါးစည်းခံရတဲ့ အများစု က သူတို့ပဲ။ ဒါကြောင့် နိုင်ငံတော် တည်ဆောက်ရေး၊ ပဋိပက္ခဖြေရှင်းရေး စတဲ့နေရာတွေမှာ အမျိုးသမီးတွေရဲ့ အသံတွေ၊ စဉ်းစား တွေးခေါ်ချက်တွေကို အရေးတယူ ထည့်သွင်း စဉ်းစားဖို့လိုတယ်။ အဲသလို စဉ်းစားပေးမှသာ တကယ် ဘက်ပေါင်းစုံ ပြီးပြည့်စုံတဲ့ စဉ်းစားချက်တွေနဲ့ အတူ ကျမတို့ မြန်မာနိုင်ငံကို အပြောင်းလဲတခု၊ ဖွံ့ဖြိုးတိုးတက်ပြီး ဒီမိုကရေစီအရ အနှစ်သာရ ရှိတဲ့ နိုင်ငံတော် တခုကို တည်ဆောက်နိုင်မှာ ဖြစ်တယ်” ဟု မတင်တင်ညို က ပြောသည်။
ရေရှည်တည်တံ့မည့် ငြိမ်းချမ်းရေးနှင့် အမျိုးသားပြန်လည်သင့်မြတ်ရေး အတွက် ပြည်တွင်း ပြည်ပရှိ မြန်မာနိုင်ငံသား များ လက်မှတ်ရေးထိုး လှုပ်ရှားမှု တရပ်ကိုလည်း ဖေဖေါ်ဝါရီ ၁၄ ရက်နေ့မှ စတင် ပြုလုပ်မည်ဟု ဆိုသည်။
အဆိုပါ မေတ္တာရပ်ခံစာအား ဦးသိန်းစိန် အစိုးရ၊ မြန်မာ့တပ်မတော်၊ ဒီမိုကရေစီနှင့် တိုင်းရင်းသား လက်နက်ကိုင် အဖွဲ့အစည်းများ အားလုံးသို့ ပေးပို့မည်ဟုလည်း ထုတ်ပြန် ကြေညာချက်က ဆိုသည်။
ဘင်္ဂလားဒေ့ခ်ျ၊ အိန္ဒိယနှင့် ထိုင်းနယ်စပ် အခြေစိုက် မြန်မာနိုင်ငံမှ အမျိုးသမီးအဖွဲ့ ၁၂ ဖွဲ့က ၁၉၉၉ ခုနှစ် ဒီဇင်ဘာလ ၉ ရက် နေ့တွင် WLB ကို စတင် တည်ထောင်ခဲ့ကြပြီး ၂ဝ၁၁ ခုနှစ်တွင် ကယန်းအမျိုးသမီးများ အစည်းအရုံး က ပါဝင်လာ ခဲ့သည်။
Ref: မဇ္ဈိမ
Tuesday, February 14, 2012
လက်နက်ကိုင် ပဋိပက္ခ ချုပ်ငြိမ်းဖို့ သမ္မတဦးသိန်းစိန် တိုက်တွန်း
မသိင်္ဂီထိုက်
တနင်္ဂနွေ, 12 ဖေဖော်ဝါရီ 2012
စစ်မှန်တဲ့ပြည်ထောင်စုကို လက်တွေ့ တည်ဆောက် အကောင်အထည် ဖော်နိုင်မယ့် အခြေအနေတွေ တွေ့နေရပြီ ဆိုပြီး ဒီကနေ့ (၆၅) နှစ်မြောက် ပြည်ထောင်စု နေ့မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆို လိုက်ပါတယ်။ သမ္မတ ဦးသိန်းစိန် ကတော့ ပြည်ထောင်စု အတွက် ပြည်တွင်း လက်နက်ကိုင် ပဋိပက္ခတွေ ရပ်ဆိုင်းကြဖို့ တိုက်တွန်း လိုက်ပါတယ်။ ဒီကနေ့ မြန်မာပြည် တ၀ှမ်းက ပြည်ထောင်စုနေ့ အခမ်းအနားတွေ အပြင် လက်တလော တိုက်ပွဲတွေ ဖြစ်နေတဲ့ တိုင်းရင်းသား လက်နက်ကိုင် အဖွဲ့ ကေအိုင်အိုက ဘယ်လို တုံ့ပြန် ပြောကြားလိုက်သလဲ ဆိုတာကိုတော့ မသိင်္ဂီထိုက်က စုစည်းတင်ပြထားပါတယ်။
တိုင်းရင်းသား အဖွဲ့အစည်းတွေနဲ့ အမျိုးသား ဒီမိုကရေစီ အဖွဲ့ချုပ်တို့ဟာ ၁၉၉၈ ခုနှစ် နောက်ပိုင်းမှာ လက်တွဲ မဖြုတ်ဘဲ မြန်မာ့ နိုင်ငံရေး လောကမှာ အတူလက်တွဲ လုပ်ဆောင် နိုင်ခဲ့တာကို ကြည့်ရင် တကယ် စစ်မှန်တဲ့ ပြည်ထောင်စုကြီးကို တည်ထောင် နိုင်တယ် ဆိုတာကို အမျိုးသား ဒီမိုကရေစီ အဖွဲ့ချုပ် အနေနဲ့ ယုံကြည်မှု ရှိတယ် ဆိုပြီး မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဒီကနေ့ အမျိုးသား ဒီမိုကရေစီ အဖွဲ့ချုပ် ရုံးမှာ ပြုလုပ်တဲ့ (၆၅) နှစ်မြောက် ပြည်ထောင်စုနေ့ အခမ်းအနားမှာ ပြောသွားပါတယ်။ ဒီတိုင်းရင်းသား အဖွဲ့အစည်းတွေဟာ ၁၉၉၀ ရွေးကောက်ပွဲ နောက်ပိုင်း ပါတီ ဖျက်သိမ်း ခံရတာတွေ ဖမ်းဆီး ခံရတာတွေ ရှိနေပေမဲ့ အန်အယ်လ်ဒီနဲ့ တသားတည်း ရပ်တည် ခဲ့ကြတယ်လို့လည်း ပြောသွားပါတယ်။ ဒါ့အပြင် စစ်မှန်တဲ့ ပြည်ထောင်စုကို ဘယ်လို သွားကြမလဲ ဆိုတာကိုလည်း အခုလို ပြောဆိုလိုက်ပါတယ်။
“ပင်လုံစာချုပ်ကို အခြေခံဟာ ပြည်ထောင်စု တိုင်းရင်းသား အားလုံးကြားထဲမှာ ယုံကြည် စိတ်ချမှု၊ တစ်ဦးအပေါ် တစ်ဦး လေးစားမှု၊ တစ်ဦးပေါ် တစ်ဦး ယုံကြည်မှု၊ တစ်ဦးပေါ်တစ်ဦး သစ္စာရှိမှု အပေါ်မှာ အခြေခံတာပါ။ ဒါကြောင့် အခုထိ တိုင်းရင်းသား များက နောင် ပြည်ထောင်စု တစ်ခုကို၊ နောင် စစ်မှန်တဲ့ ဒီမိုကရေစီ ပြည်ထောင်စု တစ်ခုကို တည်ထောင်ဖို့ ဆိုတာဟာ ပင်လုံစာချုပ်ရဲ့ စိတ်ဓါတ်၊ ပင်လုံစာချုပ် အပေါ်မှာ အခြေခံရမယ်လို့ ထပ်တလဲလဲ ပြောနေတာ ဒီဟာတွေကြောင့် ဖြစ်တယ်လို့ ကျမတို့ ထင်ပါတယ်။”
တိုင်းရင်းသား ပါတီတွေလည်း ဒီကနေ့ ရန်ကုန်မြို့တော်မှာ ပြည်ထောင်စုနေ့ အထိမ်အမှတ်ပွဲ ကျင်းပခဲ့ကြ ပါသေးတယ်။ ညနေပိုင်းမှာ ကျင်းပတဲ့ ဒီပွဲကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်လည်း တက်ရောက်ခဲ့ပြီး တိုင်းရင်းသား စည်းလုံး ညီညွတ်ရေး စစ်မှန်တဲ့ ပြည်ထောင်စု တည်ဆောက်ရေးနဲ့ ပတ်သက်ပြီး တိုင်းရင်းသား ပါတီတွေနဲ့ ဆွေးနွေး ခဲ့ကြတယ်လို့လည်း ရခိုင် တိုင်းရင်းသား ပါတီက ဒေါက်တာ အေးမောင်က ပြောပါတယ်။
“ပင်လုံညီလာခံက မျှော်မှန်းခဲ့တဲ့အတိုင်း ဒီကနေ့ ရောက်နေသလား၊ မရောက်ဘူးလား ဆိုတာကို ပြန် သုံးသပ်ဖို့ လိုတယ် ဆိုတာကို ကိုယ့်အမြင် သူ့အမြင်နဲ့ သုံးသပ် ဝေဖန်ကြပါတယ်။ ဒေါ်အောင်ဆန်းစုကြည် မိန့်ခွန်းပြောတဲ့ အခါမှာလည်း စစ်မှန်တဲ့ ပြည်ထောင်စုကို ကျမတို့ တည်ဆောက်ဖို့ လိုပြီဆိုတာကို သူ ညွှန်း ဖော်ပြသွားတာ တော်တော်လည်း တိုင်းရင်းသားတွေ လက်ခုပ်သြဘာ တီးကြပါတယ်။”
နိုင်ငံတော် စစ်တပ် အင်အားကို ခိုင်မာတောင့်တင်းအောင် သားစဉ်မြေးဆက် တည်ဆောက်ထားဖို့ စစ်တပ် အင်အား မကောင်းရင် တိုင်းရင်းသား ပြည်သူတွေ အနေနဲ့ အင်အားကြီး နိုင်ငံတွေရဲ့ အနိုင်အထက် ပြုကျင့်တာကို ခံရမှာ ဖြစ်တယ်၊ ဒါကြောင့် မြန်မာ့ တပ်မတော်ကို ခေတ်မီ တပ်မတော် ဖြစ်အောင် ဖွဲ့စည်းတာမှာ တိုင်းရင်းသား အားလုံး ပါဝင် လုပ်ဆောင်ရမယ်လို့ ဒီကနေ့ ပြည်ထောင်စုနေ့ သ၀ဏ်လွှာ အဖြစ်နဲ့ သမ္မတ ဦးသိန်းစိန်က ပြောကြားပါတယ်။
ဒါ့အပြင် တိုင်းရင်းသား လက်နက်ကိုင် ပဋိပက္ခတွေ အဆုံးသတ်ကြဖို့လည်း သူက တိုက်တွန်း ထားတာပါ။
ကချင် လွတ်လပ်ရေးအဖွဲ့ (ကေအိုင်အို) ရဲ့ ဗဟိုအလုပ်အမှုဆောင် ကော်မတီဝင် ဗိုလ်မှူးကြီး ဂျိမ်းစ်လွန်ဒေါင်း ကတော့ မြန်မာ အစိုးရက ပြောဆိုနေတဲ့ စစ်မှန်တဲ့ ပြည်ထောင်စု တည်ဆောက် လိုတယ် ဆိုတာကို သံသယ ရှိတယ်လို့ ပြောဆိုလိုက်ပါတယ်။
“မနှစ်တုန်းက မတ်လ ၃၀ ရက်နေ့ကနေ ဒီအစိုးရ တက်လာတယ်။ အဲဒီနေ့ကနေ စပြီးတော့မှ ငြိမ်းချမ်းရေးက သူ ပြောနေတာပဲ။ နောက် တပြည်လုံးက လူတွေကိုလည်း ခေါ်တယ်။ နောက် သူ့ရဲ့ စစ်ဗိုလ်ချုပ် တွေကိုလည်း အမိန့်ပေးတယ်။ အပစ်အခတ် ရပ်စဲဖို့ရာ ပြန်ပြီးတော့ ခေါ်ယူဖို့ ဆိုပြီးတော့ အဲဒီ အမိန့်ပေးတဲ့ စစ်တပ်တွေ ကတော့ ပိုပြီးတော့ ပို့တယ်၊ ၁၂ ရက် ပြည်ထောင်စုနေ့မှာ ကျနော်တို့ ဘက်မှာ ဘယ်လောက် အချင်းချင်း သတ်ဖြတ်ကြသလဲ။ အဲဒီတော့ သူကတော့ နေပြည်တော်မှာ အော်နေတယ်။ ပြည်ထောင်စု စိတ်ဓါတ် မွေးမြူပြီးတော့မှ ကျနော်တို့ တိုင်းပြည်ဟာ ငြိမ်းချမ်းလာတာကို ကျနော်တို့ မြင်ချင်ပါတယ်။ ငြိမ်းချမ်း လာတာကို ကျနော်ကတော့ ခံစားရတာ မျက်စိအားဖြင့် သော်လည်းကောင်း ခံစားချက်ကို လိုချင်ပါတယ်။ ဒါကြောင့် ကျနော်တို့က လွန်ခဲ့တဲ အချိန်ကို ထားလိုက်ပါ။ အခု ပြည်ထောင်စုနေ့က စပြီး ရှေ့ရှုပြီးတော့မှ အပြောနဲ့အလုပ် လက်တွေ့ ညီပါစေ။”
ဒီအစိုးရ တက်လာပြီးတဲ့ နောက်ပိုင်း တိုင်းရင်းသား လက်နက်ကိုင် အဖွဲ့တချို့နဲ့ အပစ်အခတ် ရပ်စဲရေး ပဏာမ သဘော တူညီမှုတွေ ရရှိထားပေမဲ့ အပစ်ရပ် တိုင်းရင်းသား လက်နက်ကိုင်အဖွဲ့ ကေအိုင်အိုနဲ့တော့ အပစ်အခတ် ရပ်ဆဲရေး သဘောတူညီချက် ပျက်ပျယ် ခဲ့ပြီး စစ်ရေး တင်းမာမှုတွေ ရှိနေဆဲ ဖြစ်ပါတယ်။
Ref: VOA News
ပညာရေးနဲ့ ကျန်းမာရေးမှာ ပိုပြီးရင်းနှီးမြှုပ်နှံဖို့ ကုလ အထူးကိုယ်စားလှယ် တိုက်တွန်း
2012-02-13
မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စတာ Vijay Nambiar က မြန်မာနိုင်ငံမှာ ဆင်းရဲမွဲတေမှု လျှော့ချနိုင်ရေး လိုအပ်ချက်တွေ ဖြစ်တဲ့ အလုပ်အကိုင် အခွင့်အလမ်း ပေါများလာရေး၊ ပညာရေး၊ ကျန်းမာရေး ကဏ္ဍတွေမှာ ရင်းနှီးမြှုပ်နှံမှု အားကောင်းလာဖို့ လိုတယ်လို့ ဒီကနေ့ ပြောဆိုပါတယ်။
နေပြည်တော်မှာ ဒီကနေ့ ကျင်းပခဲ့တဲ့ မြန်မာနိုင်ငံ ဖွံ့ဖြိုးတိုးတက်မှုဆိုင်ရာ နည်းလမ်းများ နှီးနှောဖလှယ်ပွဲ ညီလာခံမှာ ကုလ သမဂ္ဂရဲ့ မြန်မာနိုင်ငံ ဆိုင်ရာ အထူးကိုယ်စားလှယ် မစ္စတာ Vijay Nambiar က ခုလို ပြောခဲ့တာပါ။
ကမ္ဘာ့လူဦးရေဟာ သန်းပေါင်း ခုနစ်ထောင်ရှိလာပြီဖြစ်ပြီး လာမယ့် ငါးနှစ်အတွင်းမှာ သန်း ၅၀၀ လောက် လူဦးရေ တိုးလာဖွယ် ရှိတယ်လို့ မစ္စတာ နမ်ဘီးယားက ဆိုပါတယ်။ ကမ္ဘာကြီးမှာ လူဦးရေ များပြားလာတာနဲ့ အမျှ စားနပ်ရိက္ခာ ဖူလုံမှု၊ အလုပ်အကိုင် ရရှိရေး၊ လူသားတွေရဲ့လုံခြုံမှုနဲ့ အခွင့်အလမ်းတွေ ဖန်တီး ပေးနိုင်မှုစတဲ့ အခက်အခဲတွေနဲ့ တစ်ကမ္ဘာလုံး ရင်ဆိုင်လာရဖွယ် ရှိတယ်လို့ ပြောပါတယ်။ ဒါကြောင့် မြန်မာနိုင်ငံဟာလည်း ဒီလို အခက်အခဲတွေကို ရင်ဆိုင်နိုင်ဖို့ ဘက်ပေါင်းစုံက ကြိုးပမ်းကြဖို့ လိုအပ်တယ်လို့ ပြောပါတယ်။
သမ္မတဦးသိန်းစိန် အစိုးရက မြန်မာနိုင်ငံရဲ့ ပညာရေး၊ လူသား အရင်းအမြစ် ဖွံ့ဖြိုးတိုးတက်ရေးနဲ့ ကျန်းမာရေး ကဏ္ဍတွေ ကောင်းမွန်လာဖို့ ကုလသမဂ္ဂနဲ့ ပူးပေါင်း ဆောင်ရွက် သွားမယ့်အကြောင်း ပြီးခဲ့တဲ့နှစ်က ကတိပေး ပြောဆိုခဲ့ပါတယ်။ ဒါကြောင့် သမ္မတ ဦးသိန်းစိန်ရဲ့ ပြုပြင်ပြောင်းလဲမှု အဆိုပြုချက်တွေ အထမြောက်ဖို့ဆိုရင် အစိုးရ တစ်ခုတည်းတင် လုပ်ဆောင်လို့ မရဘဲ ပုဂ္ဂလိက ကုမ္ပဏီတွေ၊ လူမှုအဖွဲ့အစည်းတွေ နိုင်ငံတကာ အဖွဲ့အစည်းတွေ ပူးပေါင်း ဆောင်ရွက်ဖို့ လိုအပ်ကြောင်းကိုလည်း မစ္စတာ နမ်ဘီးယားက တိုက်တွန်း ခဲ့ပါတယ်။
Ref: RFA News
အလုပ်အကိုင်ရရှိရေး ဦးစားပေးမယ်လို့ ဒေါ်စု ပြော
ကျော်ခ
တနင်္လာနေ့၊ ဖေဖေါ်ဝါရီလ ၁၃ ရက် ၂၀၁၂
ချင်းမိုင် (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် အနေဖြင့် အလုပ်အကိုင် ရှားပါးနေသည့် ကော့မှူးမြို့နယ်တွင်း ရှိ ပြည်သူများ အတွက် အလုပ်အကိုင် ရရှိရေး ဦးစားပေး ဆောင်ရွက်သွားမည် ဖြစ်ကြောင်း အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် က စနေနေ့က ပြောဆိုခဲ့သည်။
ကြားဖြတ်ရွေးကောက်ပွဲတွင် ကိုယ်စားပြု ယှဉ်ပြိုင်မည့် ကော့မှူးမြို့နယ်သို့ စနေနေ့က သွားရောက်သည့် မဲဆွယ် စည်းရုံးရေး ခရီးစဉ် အတွင်း ဝါးသင်္ခကျေးရွာ၌ ဒေါ်အောင်ဆန်းစုကြည်က ပြောဆိုခဲ့ခြင်းဖြစ်ပြီး ယင်းသို့ ဆောင်ရွက်နိုင်ရန် လူထု အနေဖြင့် ပါတီအား ထောက်ခံခြင်းဖြင့် ပါဝင်နိုင်ကြောင်း စည်းရုံး ပြောဆိုသွားသည်။
“ကော့မှူးမြို့နယ်မှာဆိုရင် အရေးအကြီးဆုံး ကိစ္စကတော့ အလုပ်အကိုင် မရှိခြင်းပါပဲ။ အလုပ်အကိုင်ကို ပြည်သူတွေ အတွက် လုံလုံ လောက်လောက် ရှိအောင်လို့ လုပ်ပေးရမှာဟာ ပထမဦးဆုံး တာဝန်တခု ဖြစ်တယ်ဆိုတာ ကျမတို့ နားလည်ပါတယ်” ဟု NLD ဥက္ကဋ္ဌက ပြောဆိုသည်။
သူက ဆက်၍ “ကော့မှူးမြို့နယ်မှာ ဆိုလို့ရှိရင် ဘွဲ့ရပြီးသား လူငယ်များဟာ အများစုက အခုထက်ထိ အလုပ်အကိုင် မရရှိ သေးဘူးဆိုတာ ကျမတို့ သိရပါတယ်။ ဘွဲ့ရလူငယ်တွေ၊ ဘွဲ့မရသေးတဲ့ လူငယ်တွေ၊ လူလတ်တွေ၊ လူကြီးတွေ၊ အလုပ် လုပ်ချင်တဲ့ လူတွေ၊ အလုပ်လုပ်ဖို့ လိုတဲ့လူတွေ အလုပ်လုပ်နိုင်ဖို့ဟာ ပထမ ဦးစားပေးပြီးတော့ ကျမတို့ အမျိုးသား ဒီမိုကရေစီ အဖွဲ့ချုပ် က လုပ်သင့်တယ်လို့ ဒီလိုပဲ ကျမတို့ ခံယူပါတယ်” ဟု ထည့်သွင်း ပြောဆိုသွားသည်။
ကြမ်းတမ်းခက်ခဲမည့် နိုင်ငံရေးခရီးရှည်အတွင်း ပြည်သူလူထုအနေဖြင့် NLD ပါတီနှင့် လက်တွဲဆောင်ရွက် သွားမည်ဟု ယုံကြည်ကြောင်း ဒေါ်အောင်ဆန်းစုကြည်က ပြောဆိုခဲ့ပြီး ပြည်သူများ၏ လိုအပ်ချက်များ၊ စိုးရိမ် ကြောင့်ကြမှုများနှင့်
မျှော်လင့် ချက်များကို အမျိုးသား ဒီမိုကရေစီ အဖွဲ့ချုပ်အား အသိပေး စေလိုကြောင်း ပြောဆို သွားခဲ့သည်။
ပါတီ၏ တတိယမြောက် မဲဆွယ်စည်းရုံးရေး ခရီးစဉ်အဖြစ် ကော့မှူးမြို့နယ်သို့ သွားရောက်ခဲ့သည့် ဒေါ်အောင်ဆန်းစုကြည် ၏ ခရီးစဉ်တွင် ဒေသခံများ သာမက ရန်ကုန်၊ ဒလ၊ တွံတေး၊ ကွမ်းခြံကုန်း၊ ဒေးဒရဲ စသည့် မြို့နယ်များမှ ပြည်သူများပါ လိုက်လံ အားပေး ကြိုဆို နှုတ်ဆက်ခဲ့ကြသည်။
ရန်ကုန်မြို့မှ အထွက် လှိုင်သာယာမြို့နယ် အစပ်မှ စ၍ အိုးစည်ဒိုးပတ်ဝိုင်းများ၊ ကရင်ဒုံးယိမ်း အကများဖြင့် ကြိုဆို နှုတ်ဆက်သူများ၊ လိုက်လံ ပို့ဆောင်သည့် ယာဉ်တန်းများ များပြားသဖြင့် ဒေါ်အောင်ဆန်းစုကြည် ဦးဆောင်သည့် ယာဉ်တန်းသည် ရန်ကုန်မြို့မှ မိုင် ၄၀ ဝန်းကျင် ခန့်သာ ကွာဝေးသည့် ကော့မှူးမြို့နယ် ဝါးသင်္ခ ကျေးရွာသို့ ၆ နာရီခန့်မျှ သွားခဲ့ရသည်။
“လိုက်ပို့တဲ့ ယာဉ်တန်း ကားစီးရေ ၂၀၀ ကျော် ၃၀၀ လောက်ရှိမယ် ဆိုင်ကယ်တွေက ထောင်နဲ့ချီရှိမယ်။ ယာဉ်တန်း အရှည်ကိုက ၁ မိုင်ခွဲ ၂ မိုင်လောက် အရှည်နဲ့ ရှိတယ်။ လမ်းတလျှောက်လုံး နှုတ်ဆက်နေတဲ့ သူတွေနဲ့ အန်တီကလည်း ပြန်နှုတ်ဆက်တာနဲ့ ဆိုတော့ ကားကို ဘီးလှိမ့်ယုံပဲ မောင်းလို့ရတယ်။” ဟု သွားရောက် သတင်းယူသည့် မဇ္ဈိမ သတင်းထောက်က ပြောသည်။
ဝါးသင်္ခကျေးရွာ ဒေါ်အောင်ဆန်းစုကြည် မိန့်ခွန်းပြောဆိုရာသို့ လာရောက်သည့် ပရိသတ် ၂ သောင်းဝန်းကျင်ခန့် ရှိပြီး ဝါးသင်္ခ ကျေးရွာမှ အပြန်တွင် ဒေါ်အောင်ဆန်းစုကြည်သည် မဆည်ဆိပ်၊ ငှက်အော်စမ်း စသည့် ကျေးရွာများသို့ သွားရောက် ခဲ့သေးကြောင်း သိရသည်။
ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲ မကျင်းပမီ တရက်အလို မတ်လ ၃၁ ရက် ည တွင် ဝါးသင်္ခ ကျေးရွာ၌ ညအိပ် တည်းခိုမည် ဖြစ်ပြီး နောက်တရက်တွင် ဝါးသင်္ခကျေးရွာ ကိုယ်စားပြု၍ မဲပေးမည် ဖြစ်သည်။
ကော့မှူးမြို့နယ်တွင် ဒေါ်အောင်ဆန်းစုကြည်နှင့် အဓိက ယှဉ်ပြိုင်မည့် အာဏာရ ကြံ့ခိုင်ရေးပါတီမှ ဒေါက်တာ စိုးမင်းသည် ပါတီမှ ဖွင့်လှစ် ထားသည့် ဖြိုးစေတနာ ဆေးခန်းတွင် လုပ်ကိုင်ပြီး လူထု စည်းရုံးမှုအဖြစ် ၂၀၁၀ ရွေးကောက်ပွဲ ကာလ နောက်ပိုင်းတွင် အခမဲ့ နယ်လှည့် ကျန်းမာရေး စောင့်ရှောက်မှုများ ပြုလုပ်နေကြောင်း သိရသည်။
Ref: မဇ္ဈိမ
တိုင်ရီစက်ရုံ ထိုင်သပိတ် ပြေလည်မှုမရသေး
ကျော်ခ
တနင်္လာနေ့၊ ဖေဖေါ်ဝါရီလ ၁၃ ရက် ၂၀၁၂
ချင်းမိုင် (မဇ္ဈိမ) ။ ။ တပတ်ကျော် ကြာသွားပြီဖြစ်သော တိုင်ရီဖိနပ်စက်ရုံ အလုပ်သမားများ၏ ထိုင်သပိတ် ဆန္ဒပြပွဲမှာ အလုပ်ရှင်နှင့် အလုပ်သမားများ အကြား လုပ်ခလစာ ညှိနှိုင်းမှု မပြေလည်နိုင်သေးဘဲ ဖြစ်နေပြီး ဆန္ဒပြပွဲ ရက်ဆက် သွားမည့် အခြေအနေတွင် ရှိနေသည်။
တနင်္လာနေ့မနက်ပိုင်းတွင် အလုပ်သမားဝန်ကြီးဌာနမှ ညွှန်ကြားရေးမှူးချုပ် ဦးချစ်ရှိန် အပါအဝင် တိုင်းနှင့် မြို့နယ် အလုပ်သမား ညွှန်ကြားမှု ဦးစီးဌာနများမှ တာဝန်ရှိသူများ၊ စက်ရုံပိုင်ရှင်နှင့် အလုပ်သမားများ ဖက်မှ ကိုယ်စားလှယ် ၃၈ ဦးတို့ တွေ့ဆုံဆွေးနွေး ခဲ့ကြသော်လည်း ထိုက်သင့်သည့် လစာနှုန်းထားထိ မရရှိ၍ ညှိနှိုင်းမှု မအောင်မြင်ခဲ့ပေ။
အလုပ်သမားများသည် မူလက စက်ရုံက သတ်မှတ်ပေးထားသည့် တနာရီလျှင် ၇၅ ကျပ်နှုန်းကို ၂၁၆ ကျပ်သို့ တိုးမြှင့် ပေးရန် တောင်းဆို ခဲ့သော်လည်း မရသဖြင့် ၁၅၀ ကျပ်သို့ လျှော့ချ တောင်းဆိုခဲ့သည်။ သို့သော် ထိုတောင်းဆိုချက်ကို အလုပ်ရှင်ဘက်မှ ၁၀၀ ကျပ်ထက် ပိုမပေးဘဲ တင်းမာနေ၍ အဆင်မပြေရခြင်း ဖြစ်သည်။
“သူ့အနေနဲ့လည်း ထပ်တိုးမပေးနိုင်ဘူး။ သူပေးတဲ့ လစာကို ကျေနပ်မှ အလုပ်လာဆင်း၊ မကျေနပ်ရင် မဆင်းနဲ့၊ ဒီလို ပုံစံမျိုး သူတို့က ပြောတော့ ဆွေးနွေးမှုက အဆင်မပြေ ဖြစ်သွားတာ” ဟု အလုပ်သမား ခေါင်းဆောင် တဦးဖြစ်သူ မမိုးဝေ က မဇ္ဈိမကို ပြောသည်။
အလုပ်သမများက အခြေခံ လစာ တိုးပေးရန်အပါအဝင် ရက်ပျက်ကြေး မဖြတ်တောက်ရန်၊ လုပ်ငန်းခွင်အတွင်း ဖိနပ်များ မတော်တဆ ပျက်စီးပါက လစာငွေ ဖြတ်တောက်ခြင်း မပြုရန်၊ သောက်ရေ လုံလောက်စွာ ပေးရန်၊ အလုပ်သမား အယောက် ၅ဝ ကို အိမ်သာတလုံး
ထားပေးရန်၊ သဘာဝ ဘေးအန္တရာယ် ကျရောက်ခြင်းနှင့် မိသားစု အရေး ကိစ္စများတွင် ခွင့်ပေးရန်များကို တောင်းဆို ထားကြသည်။
တိုင်ရီတွင် တနင်္လာနေ့မှ သောကြာနေ့ထိ မနက် ၇ ခွဲမှ ၉ နာရီထိ အလုပ်ဆင်းရသော်လည်း လုပ်အားခမှ ထိုက်တန်သည့် ခံစားခွင့် မရရှိသဖြင့် အလုပ်သမများ အနေဖြင့် တောင်းဆိုရခြင်း ဖြစ်ကြောင်း သိရသည်။
“မိန်းခလေးတယောက် အဆောင်ငှားနေမယ်ဆိုရင် အဆောင်ခက အနည်းဆုံး ၈ ထောင် ရှိတယ်။ ထမင်းစရိတ်က ၂ သောင်းခွဲလောက် ရှိတယ်။ တခြား အထွေထွေ စားရိတ်နဲ့ဆိုရင် ၄ သောင်းကျော်လောက် ကုန်တယ်။ ရတဲ့လစာက လူဟောင်းမှ အမြင့်ဆုံး လစာက ၇ သောင်းပဲ ရှိတော့ အလုပ်လုပ်ပြီး ခံစားခွင့်က ဘာမှမရှိဘူး” ဟု မမိုးဝေ က မဇ္ဈိမကို ပြောသည်။
စက်ရုံအလုပ်သမားများမှာ မြန်မာနိုင်ငံအလယ်ပိုင်းနှင့် ရခိုင်၊ ရှမ်းပြည်နယ်နှင့် ဧရာဝတီတိုင်းတို့မှ အများဆုံးဖြစ်ပြီး ၎င်းတို့ ဒေသများ အတွင်း အလုပ်အကိုင် မပြေလည်မှုများကြောင့် ရန်ကုန်မြို့ပေါ်တက်၍ အလုပ် လုပ်ကိုင်နေသူများ ဖြစ်ကြောင်း အလုပ်သမားများ ထံမှ စုံစမ်း သိရှိရသည်။ လုပ်အားခ တိုးမြှင့်ပေးရေးကိုလည်း ထိုက်သင့်သည့် တောင်းဆိုမှု ရရှိသည်အထိ ဆက်လက် တောင်းဆိုသွားမည် ဖြစ်ကြောင်းလည်း သူတို့က ပြောဆိုကြသည်။
အဆိုပါကိစ္စနှင့်ပတ်သက်၍ လှိုင်သာယာမြို့နယ် အလုပ်သမားညွှန်ကြားရေးမှူး ရုံးနှင့် တိုင်ရီစက်ရုံ တို့ကို မဇ္ဈိမက ဆက်သွယ် မေးမြန်သော်လည်း ဖြေကြားရန် ငြင်းဆို ခဲ့ကြသည်။
အလုပ်သမားအရေး ဆောင်ရွက် ပေးနေသည့် ရှေ့နေ ကိုဖိုးဖြူကလည်း အလုပ်သမားများ၏ ထိုက်သင့်သည့် အကျိုးခံစားခွင့် ရရှိသွားသည် အထိ ဥပဒေဘောင် အတွင်းမှ ဆောင်ရွက် ပေးသွားမည်ဟု ဆိုသည်။
တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာနှင့် အချိန်ပိုကြေးများနှင့် အခြား တင်းကြပ်သည့် စည်းမျဉ်း များကြောင့် ၂ဝ၁ဝ ခုနှစ်မှ စတင်ကာ ၃ နှစ်ဆက်တိုက် အလုပ်သမား များ၏ ဆန္ဒပြ တောင်းဆိုမှုများဖြင့် ကြုံတွေ့ ခဲ့ရကြောင်း သိရပြီး ယခုအကြိမ် ဆန္ဒပြမှုသည် ရက် အရှည်ကြာဆုံးဖြစ်သည်။
ဖေဖေါ်ဝါရီလ ၆ ရက်နေ့က စတင်ခဲ့သော တိုင်ရီ ဖိနပ်စက်ရုံအလုပ်သမားများ ဆန္ဒပြမှု ၃ ရက်မြောက် အကြာတွင် ယင်း စက်မှုဇုန် အတွင်းရှိ New Way ဖိနပ် စက်ရုံနှင့် သုံးထပ်ကြီး အထည်ချုပ် စက်ရုံ တို့တွင်လည်း လုပ်အားခ တိုးပေးရန် အလုပ် မဆင်းဘဲ ဆန္ဒပြ တောင်းဆိုမှုများ ဖြစ်ပွားခဲ့ပြီး အလုပ်ရှင်များနှင့် ညှိနှိုင်း ပြေလည် သွားကြသည်။
Ref: မဇ္ဈိမ
ရွှေညဝါဆရာတော် တရားဟောခွင့် တနှစ်ထပ်ပိတ်
မျိုးသန့်
တနင်္လာနေ့၊ ဖေဖေါ်ဝါရီလ ၁၃ ရက် ၂၀၁၂
ချင်းမိုင် (မဇ္ဈိမ) ။ ။ ရွှေညဝါဆရာတော်ဟု လူသိများသည့် ရန်ကုန်တိုင်း ကြည့်မြင်တိုင်မြို့နယ် သာဓုပရိယတ္တိ စာသင်တိုက်၏ ဦးဆောင်နာယက အဖွဲ့ဝင် စာချဆရာတော် ဦးပညာသီဟကို နိုင်ငံတော် သံဃာ့မဟာနာယကမှ တရားဟောခွင့် ပိတ်ပင်မှု တနှစ်ထပ်မံ တိုးမြှင့်လိုက်သည်ဟု ဆရာတော် ဦးပညာသီဟက မဇ္ဈိမကို မိန့်သည်။
ထပ်မံပိတ်ပင်မှုတားမြစ်စာကို မြန်မာတနိုင်ငံလုံးရှိ သံဃာ့နာယက၊ သာသနာရေးမှူး၊ မြို့နယ် အုပ်ချုပ်ရေးမှူး ရုံးတို့ ထံ ပေးပို့ ထားသည်ဟု သိရကြောင်းလည်း ဆရာတော်က ဆက်လက်မိန့်ကြားသည်။ သို့သော် အဆိုပါစာကို ကာယကံရှင် ဖြစ်သည့် ဆရာတော်ထံ တိုက်ရိုက် ရောက်ရှိခြင်း မရှိသေးဟု ဆရာတော်က မိန့်ကြားသည်။
"၂ဝ၁၃ အထိ မြန်မာတနိုင်ငံလုံး ထပ်မံပိတ်လိုက်သည် ဆိုပြီးတော့ တခြားနေရာကနေ မိတ္တူလေး ကျုပ်ဆီ လာပို့လို့ ကျုပ်လက်ထဲ ရောက်တယ်လေ။ တနေ့က ညက ရပါတယ်။ မိတ္တူတော့ ရပြီးပြီ" ဟု ဆရာတော်က မိန့်သည်။
ဤသို့ ပိတ်ပင်ခံရမှု ထပ်မံတိုးမြှင့်လိုက်ခြင်းကြောင့် ယခုလ ၁၁၊ ၁၂ ရက်နေ့များတွင် တာချီလိတ်နှင့် ၁၃၊ ၁၄၊ ၁၅ ရက်များ အတွင်း ခင်ဦး မြို့များတွင် ဟောပြောရန် စီစဉ်ထားသည့် တရားပွဲများလည်း ပျက်ပြယ် သွားခဲ့ရသည်။
ဆရာတော်သည် ဗုဒ္ဓဘာသာနှင့် သက်ဆိုင်ခြင်းမရှိသည့် ဝေါဟာရ၊ အသုံးအနှုန်းများကို တရားပွဲများ အတွင်း ထည့်သွင်း ဟောကြားသည် ဟူသည့် စွပ်စွဲချက်များဖြင့် ၂ဝ၁၁ ခုနှစ် ဖေဖေါ်ဝါရီလ ၁၁ ရက်နေ့မှ ၂ဝ၁၂ ဖေဖေါ်ဝါရီလ ၁ဝ ရက်နေ့အထိ တနှစ်တာ တရားဟောခွင့် ပိတ်ပင် ခံရပြီးဖြစ်သည်။
ယခုကဲ့သို့ တနှစ်ထပ်မံတိုးမြှင့်လိုက်ခြင်းမှာ ‘ဆိုဆုံးမ၍ မရသူ’အဖြစ် သတ်မှတ်ခံရခြင်းကြောင့်ဟုလည်း ရွှေညဝါ ဆရာတော်က မဇ္ဈိမကို ဆက်လက် မိန့်ကြားသည်။
ဆရာတော်သည် ပထမတနှစ် တရားပွဲ ပိတ်ပင်ခံနေရစဉ် ၂ဝ၁ဝ ခုနှစ် စက်တင်ဘာလ အတွင်း မန္တလေးတိုင်း NLD ရုံးတွင် တရားဟောသည်ဟု စွပ်စွဲကာ သံဃာ့ ဆိုဆုံးမှုမကို မနာခံသူ အဖြစ် သတ်မှတ်ခံခဲ့ရပြီး ကြည့်မြင်တိုင်ရှိ သာဓု ပရိယတ္တိ ကျောင်းတိုက်မှ ဖယ်ရှားရန်နှင့် ကျောင်းတိုက်တွင်း မည်သည့် သင်တန်းမှ မပြုလုပ်ရန်လည်း မဟနမှ ဒီဇင်ဘာလ ၁၂ ရက်နေ့က စာပေးပို့ ညွှန်ကြားခဲ့သည်။
အဆိုပါ ညွှန်ကြားချက်ကြောင့် ဆရာတော်သည် ဖေဖေါ်ဝါရီလ ၁၉ ရက်နေ့တွင် သာဓုကျောင်းတိုက် အတွင်းမှ ထွက်ခွာ ပေးရန် လက်မှတ် ထိုးထားရပြီး ‘ဆိုဆုံးမ၍ မရသူ’ဟု သတ်မှတ်ခံရမှုနှင့် ပတ်သက်၍ "ဝန်ခံကတိ လက်မှတ် လည်း ထိုးခဲ့တယ်။ အဲဒီ အတိုင်းအတာ အထိ လုပ်ပေးခဲ့ပြီးပြီ။ နောက်ထပ်ဘာများ လုပ်ပေးရ ဦးမှာလဲ။ နောက်ထပ် ဘာလုပ်ပေးမှ အဲဒီ စကားလုံး အသုံးအနှုန်းက ပျက်ပြယ်မှာလဲ။ စဉ်းစားလို့ မရအောင် ဖြစ်နေပါတယ်။ " ဟု မဇ္ဈိမကို မိန့်ကြားသည်။
ဖေဖေါ်ဝါရီလ ၁၅၊ ၁၆၊ ၁၇၊ ၁၈ ရက်နေ့များတွင် ကြည့်မြင်တိုင်မြို့နယ်နှင့် ကမာရွတ်မြို့နယ်များရှိ ဒါယိကာ၊ ဒါယကာ မများကို နှုတ်ဆက်သည့် အနေဖြင့် ဆွမ်းခံ ထွက်မည်ဟုလည်း သိရသည်။
သာဓု ကျောင်းတိုက်မှ ထွက်ရမည်နှင့် ပတ်သက်၍ ဆရာတော်က "၁၉ ရက်နေ့ကျတော့ အချိန်တန်ရင် ကျုပ် ထွက်သွားမှာပါ။ လွမ်းစရာ မရှိပါဘူးဗျာ။ လောကကြီးမှာ ပြီးရင် အားလုံးက ထားခဲ့ရမှာပါ" ဟု မဇ္ဈိမကို မိန့်ကြားခဲ့သည်။
Ref: မဇ္ဈိမ
ဗိုလ်ချုပ်ရုပ်ရှင် ဖြစ်မြောက်ရေးရုံးခန်း ဖွင့်လှစ်
ရန်ပိုင်
February 13, 2012
ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ဖြစ်မြောက်ရေးရုံးခန်း ဖွင့်လှစ်ခြင်း အခမ်းအနားကို ယနေ့နံနက် ၈ နာရီခွဲက ရန်ကုန်မြို့ ကမာရွတ် မြို့နယ် ဓမ္မစေတီလမ်း အမှတ်၁၀၁ (ဘီ) တွင် ကျင်းပသည်။
ထိုအခမ်းအနားသို့ ဗိုလ်ချုပ်အောင်ဆန်း ရုပ်ရှင် ဖြစ်မြောက်ရေးအတွက် နာယကဖြစ်သူ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင် အပါအ၀င် ၈၈ မျိုးဆက် ကျောင်းသား ခေါင်းဆောင်များဖြစ်သည့် ကိုမင်းကိုနိုင်၊ ကိုကိုကြီးတို့ တက်ရောက်ကြပြီး ဆရာတော် အရှင်ဆန္ဒာဓိက၊ စာရေးဆရာ ဦးမိုးသူ၊ ရုပ်ရှင်နယ်ပယ်မှ ဒါရိုက်တာ ကြည်ဖြူသျှင်၊ မင်းထင်ကိုကိုကြီး၊ ဝေဠုကျော်၊ ထွန်းအိန္ဒြာဗိုလ်၊ ဇင်ဝိုင်း၊ လူမင်း၊ ဒါရိုက်တာဝိုင်း၊ လူရွင်တော် အရိုင်းနှင့် သီးလေးသီး အငြိမ့် အဖွဲ့ဝင်များလည်း တက်ရောက်ကြသည်။
ဒေါ်အောင်ဆန်းစုကြည်က “အမှန်အတိုင်း ပြောရရင် ဒီလို ရုံးခန်းလေးက စရတာကို သိပ်သဘောကျတယ်။ ဘာကြောင့်လဲ ဆိုတော့ ဖေဖေဟာ ဇာတိ နတ်မောက်နယ်လေးကစပြီး ပြည်ထောင်စု ခေါင်းဆောင်ကြီး ဖြစ်လာတယ်။ ဒါကြောင့် ဒီလို ကျဉ်းမြောင်းတဲ့ ရုံးခန်းကလေးက စပြီး ကမ္ဘာကျော်မယ့် ရုပ်ရှင်တခုကို ထုတ်လုပ်ချင်တယ် ” ဟု အခမ်းအနားတွင် ပြောသည်။
မိမိတို့အနေဖြင့် သမိုင်းဆိုသည်မှာ အတိတ်တွင် ကျန်ရစ်ခဲ့သည့် အရာတခု မဟုတ်ကြောင်း၊ ထိုကြောင့် မှန်မှန် ကန်ကန် သုံးသပ်တတ်ရန် လိုအပ်ကြောင်း၊ သို့မှာသာ အနာဂတ်နှင့် ပစ္စုပ္ပန်တွင် မှန်ကန်စွာ ဦးဆောင်နိုင်မည် ဖြစ်ကြောင်း ဒေါ်အောင်ဆန်းစုကြည်က ဆက်လက် ပြောဆိုသည်။
ယခုရုပ်ရှင်တွင် ဗိုလ်ချုပ်၏ ကလေးဘ၀မှ စတင်သည့် တာဝန်သိစိတ်၊ တက္ကသိုလ်ကျောင်းသားဘ၀ နိုင်ငံရေး တာဝန် အရ လွတ်လပ်ရေး လှုပ်ရှားမှု၏ ကျောင်းသား ခေါင်းဆောင်တယောက် ဖြစ်လာခြင်း၊ ထိုမှစတင်ကာ ကျရာတာဝန်ကို ကျေပွန်စွာ ထမ်းဆောင်ခဲ့သည့် အခန်းကဏ္ဍများကို ဦးစားပေး ဖော်ပြသွားမည်ဟု သိရသည်။
“ဖေဖေဘ၀မှာ အရေးအကြီးဆုံး ဆောင်ရွက်ခဲ့တာကတော့ တိုင်းရင်းသား သွေးစည်း ညီညွတ်ရေး ကိစ္စပဲ။ ပြည်ထောင်စု စိတ်ဓာတ်ကို စပျိုးခဲ့တယ်။ ကျမတို့နိုင်ငံဟာ ပြည်ထောင်စုနိုင်ငံ ဖြစ်တယ်၊ တိုင်းရင်းသားတွေ အားလုံး သွေးစည်း ညီညွတ်ရေးဟာ အရေးကြီးဆုံး ဖြစ်တယ်၊ ဒါကိုအဓိက ထားပြီး ဒီရုပ်ရှင်မှာ ဖော်ပြစေချင်တယ်” ဟု ဒေါ်အောင်ဆန်းစုကြည်က ဆိုသည်။
ယခုဇာတ်ကားကို အနုပညာအရ အဆင်မြင့်မြင့် ဖြစ်စေချင်ပြီး အနုပညာရှင်များတွင်လည်း ထိုသို့ အရည် အချင်းများနှင့် ပြည့်စုံသည်ဟု ယူဆကြောင်း၊ အောင်မြင်ရန်လည်း အားလုံး ၀ိုင်းဝန်း ကြိုးစားမည်ဟု ယုံကြည်ကြောင်း၊ ရဟန်းရှင်လူ ပြည်သူများ ကလည်း အားပေးမည်ဟု ယုံကြည်ကြောင်း ဒေါ်အောင်ဆန်းစုကြည်က ပြောသည်။
ထိုအခမ်းအနားတွင် ကိုမင်းကိုနိုင်က ဗိုလ်ချုပ်အောင်ဆန်းသည် တက္ကသိုလ်ကျောင်းသားဘ၀ ကတည်းက အမျိုးသား နိုင်ငံရေးကို စတင် လုပ်ဆောင်သူ ဖြစ်သည့်အတွက် ကျောင်းသားများ၏ အခန်းကဏ္ဍကို ထည့်သွင်း ရိုက်ကူးရန် အကြံပြု ပြောကြားခဲ့သည်။
ရုပ်ရှင်ဖြစ်မြောက်ရေးအတွက် ဆရာတော် အရှင်ဆန္ဒာဓိကက ဗိုလ်ချုပ်အောင်ဆန်းသည် အသက် ၃၂ နှစ်အရွယ်တွင် တိုင်းပြည် အတွက် အသက် ပေးလှူ ခဲ့ရသောကြောင့် ငွေကျပ် ၃၂ သိန်းကို လှူဒါန်းကြောင်း၊ ယင်းအလှူငွေ ပမာဏ အတိုင်း လေးကြိမ် တိုင်တိုင် လှူဒါန်းမည် ဖြစ်ကြောင်းလည်း သိရသည်။ ထို့အပြင် ဇာတ်မင်းသား ဖိုးချစ်ကလည်း အလှူငွေ ကျပ်သိန်း ၄၀ လှူဒါန်းခဲ့သည်။
ရန်ကုန် နာရေးကူညီမှုအသင်းမှ ရုပ်ရှင်သရုပ်ဆောင် ဦးကျော်သူ၏ဖခင် အမျိုးသားရုပ်ရှင် ထုတ်လုပ်ရေး ကုမ္ပဏီမှ ပိုင်ရှင် ဦးစိန်တင် ကလည်း ဗိုလ်ချုပ်အောင်ဆန်း ရုပ်ရှင် ရိုက်ကူးရေးနှင့် ထုတ်လုပ်ရေး အတွက် ၎င်းမိသားစုပိုင် ကုမ္ပဏီကို ဒေါ်အောင်ဆန်းစုကြည်အား ပေးလှူခဲ့ကြောင်း သိရသည်။
“အမျိုးသားရေးကိစ္စလည်း ဖြစ်သလို ကိုယ်နိုင်ငံအတွက်လည်း တကယ်အဓိက ကျတယ်။ ဒေါ်အောင်ဆန်းစုကြည် ကလည်း အမျိုးသား ဆိုတဲ့ နာမည်ကို အရမ်းကြိုက်တယ်၊ ဒါကြောင့် လှူဖြစ်လိုက်တယ်” ဟု ဦးကျော်သူက ပြောသည်။
အဆိုပါ ရုပ်ရှင်ကုမ္ပဏီကို ဒေါ်အောင်ဆန်းစုကြည်အား အပြီးအပိုင် လှူဒါန်းခြင်းဖြစ်ကြောင်း၊ ယခု ရုပ်ရှင်ဇတ်ကား ရိုက်ကူးရေး သာမက နောင်ရိုက်ကူးမည့် ရုပ်ရှင်များနှင့် ပတ်သက်ပြီး ခံစားခွင့် အ၀၀သည်လည်း ဒေါ်အောင်ဆန်းစုကြည် နှင့်သာ သက်ဆိုင်တော့ကြောင်း ကိုကျော်သူက ရှင်းပြသည်။
Ref: ဧရာဝတီ
တပ်များမလှုပ်ရှားရေး အစိုးရတပ်နှင့် SSA တောင်ပိုင်း သဘောတူ
သန်းထိုက်ဦး
February 13, 2012
တြိဂံတိုင်း စစ်ဌာနချုပ်မှ စစ်ဦးစီးပထမတန်း (G 1) ဒု ဗိုလ်မှူးကြီး ခင်မောင်ထွေးနှင့် ရှမ်းပြည် တပ်မတော် (SSA) တောင်ပိုင်းမှ ဗိုလ်မှူးကြီး အောင်မောင်း တို့သည် အပစ်အခတ် ရပ်စဲရေး သဘောတူထား သော်လည်း နှစ်ဘက်တပ်များ တိုက်ပွဲ ပြန်လည် ဖြစ်ပွားမှုနှင့် ပတ်သက်၍ ဖေဖော်ဝါရီလ ၈ ရက်နေ့က တွေ့ဆုံဆွေးနွေး ခဲ့ကြကြောင်း သိရသည်။
မည်သည့်နေရာ၌ တွေ့ဆုံဆွေးနွေးကြောင်း အတိအကျ မသိရသော်လည်း ယင်းတွေ့ဆုံဆွေးနွေးပွဲတွင် စစ်ရေး ပဋိပက္ခ ဖြစ်ပွားသည့် ဒေသများ၌ လှုပ်ရှားနေသော အစိုးရ တပ်များ နယ်မြေ ရှင်းလင်းရေး မပြုလုပ်ရန် သဘော တူညီခဲ့ကြောင်း ဗိုလ်မှူးကြီး အောင်မောင်း ထံမှ သိရကြောင်း သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းက ဧရာဝတီသို့ ပြောသည်။
“ဒု ဗိုလ်မှူးကြီး ခင်မောင်ထွေးကလည်း အခုနယ်မြေ ရှင်းလင်းရေးလုပ်နေတဲ့ သူတို့တပ်ဖွဲ့တွေကို ရပ်ဆိုင်းဖို့ သဘော တူသွားတယ်” ဟု ၎င်းက ဆိုသည်။
SSA တောင်ပိုင်းတပ်ဖွဲ့နှင့် အစိုးရတပ်များ၂ ရက်ခန့်အကြာ ပြန်လည်ဖြစ်ပွားခဲ့သည့် အကြောင်းကိုမှု SSA တောင်ပိုင်း ဘက်က တစုံတရာ မှတ်ချက်ပေးခြင်း မရှိကြောင်း ဦးခွန်စိုင်းက ဆက်ပြောသည်။
ရှမ်းပြည်နယ် အရှေ့ပိုင်း မိုင်းပြင်းမြို့နယ်အတွင်း အခြေစိုက် လှုပ်ရှားနေသော SSA တောင်ပိုင်း တပ်ဖွဲ့ဝင်များနှင့် မိုင်းတုံ မြို့နယ်ရှိ အစိုးရ တပ်များ ဖေဖော်ဝါရီလ ၇ ရက်နေ့မှစ၍ တိုက်ခိုက်မှု ဖြစ်ပွားခဲ့ခြင်း ဖြစ်ကြောင်း သိရသည်။
ယင်းနေ့တွင် SSA တောင်ပိုင်း ဌာနချုပ် တည်ရှိရာ လွယ်တိုင်းလျန်း၌ ၆၅ ကြိမ်မြောက် ရှမ်းပြည် နယ်နေ့ အခမ်းအနား ကျင်းပ နေချိန်ဖြစ်သည်။
နှစ်ဘက် တိုက်ပွဲများ ပြန်လည်ဖြစ်ပွားခဲ့သည့် အကြောင်းကို အစိုးရငြိမ်းချမ်းရေး ကိုယ်စားလှယ် ခေါင်းဆောင် ဦးအောင်မင်းထံ ယခုလ ၉ ရက်နေ့က စာပေးပို့ ခဲ့သော်လည်း တစုံတရာအကြောင်း ပြန်ကြားချက် မရရှိသေးကြောင်း သိရသည်။
၂၀၁၁ ဒီဇင်ဘာ၂ ရက်နေ့က ဦးအောင်မင်းနှင့် SSA တောင်ပိုင်းအဖွဲ့ ကိုယ်စားလှယ်များ တောင်ကြီးမြို့တွင် တွေ့ဆုံ ဆွေးနွေးပြီး အပစ်အခတ် ရပ်စဲရေး သဘောတူ လက်မှတ် ရေးထိုးခဲ့ကြသည်။
Ref: ဧရာဝတီ
Monday, February 13, 2012
ချိတ်ပိတ်ခံရသည့် ဘုန်းကြီးကျောင်း နှစ်ကျောင်း ပြန်ဖွင့်ခွင့်ရ
လင်းသန့်
February 10, 2012
၂၀၀၇ ရွှေဝါရောင် သံဃာ့လှုပ်ရှားမှုအပြီး ချိတ်ပိတ်ခံခဲ့ရသည့် ရန်ကုန်မြို့ရှိ မဂ္ဂင်ကျောင်းတိုက်နှင့် ပြည်ကျော် ရွှေတောင် ကျောင်းတိုက် တို့ကို ယနေ့ နေ့လည်ပိုင်းက တရားဝင် ပြန်လည်ဖွင့်ခွင့် ပေးလိုက်ကြောင်း သတင်းရရှိသည်။
“ဒီနေ့ ဦးဇင်းတို့ရဲ့ မဂ္ဂင်ကျောင်းကို ပြန်ဖွင့်ပေးလိုက်တယ်။ အားလုံးပျော်ပျော်ရွှင်ရွှင် အေးအေးချမ်းချမ်းပါပဲ” ဟု မဂ္ဂင် ကျောင်းတိုက် ဆရာတော် ဦးဣန္နက ဧရာဝတီသို့ မိန့်ကြားသည်။
သင်္ကန်းကျွန်းမြို့နယ်ရှိ လယ်တီ ဝိပဿနာကျောင်းတိုက်တွင် ခေတ္တသီတင်းသုံးနေစဉ် ယနေ့ နံနက်က ခေါ်ဆောင်သွားခြင်း ခံရသည့် ဦးဂမ္ဘီရနှင့် ပတ်သက်၍ CNN သတင်းဌာနနှင့် အင်တာဗျူး နေချိန်၌ သက်ဆိုင်ရာက အကြောင်းကြားလာခြင်း ဖြစ်ကြောင်း၊ မဂ္ဂင် ကျောင်းတိုက် အရှေ့ သွားရောက်ခဲ့ပြီး မကြာခင် သာသနာရေး ဝန်ကြီးဌာနမှ တာဝန်ရှိသူများ အပါအ၀င် အာဏာပိုင်များက လာရောက် ဖွင့်လှစ် ပေးသွားခဲ့ခြင်း ဖြစ်ကြောင်း ဦးဣန္နက ဆက်လက် မိန့်ကြားသည်။
မဂ္ဂင်ကျောင်းတိုက် ပြန်လည်ဖွင့်ခွင့် လျှောက်ထားပြီး ၅ ရက်အကြာတွင် ယခုကဲ့သို့ ပြန်လည် ဖွင့်လှစ် ပေးခြင်းဖြစ်ကြောင်း သိရသည်။
မင်္ဂလာတောင်ညွန့်မြိ်ု့နယ် ပြည်ကျော် ရွှေတောင်ကျောင်းတိုက် ဆရာတော် ဦးပဏ္ဍ၀ံသက “အခုလေးတင်ပဲ လာဖွင့်ပြီးတော့ ပြန်သွားကြတယ်။ လူမှု ကယ်ဆယ်ရေး ၀န်ကြီးဌာန ဒု ၀န်ကြီးနဲ့ ရန်ကုန်တိုင်း သာသနာရေး ညွှန်ကြားရေးမှူး ပေါ့နော်။ သူတို့ လာဖွင့်သွားပါတယ်။ မြို့နယ် အုပ်ချုပ်ရေးမှူးနဲ့ပေါ့” ဟု ဧရာဝတီသို့ မိန့်ကြားသည်။
သင်္ကန်းကျွန်းမြို့နယ်ရှိ ချိတ်ပိတ်ထားသော မဂ္ဂင်ကျောင်းတိုက်ကို အကျဉ်းထောင်မှ မကြာမီက ပြန်လည် လွတ်မြောက် လာသည့် ၂၀၀၇ ခုနှစ် ရွှေဝါရောင် ဦးဆောင်ရဟန်းတပါး ဖြစ်သည့် ဦးဂမ္ဘီရက သက်ဆိုင်ရာသို့ အကြောင်း မကြားဘဲ ဖွင့်လှစ် နေထိုင်သည့် အတွက် သာသနာရေး ဝန်ကြီးဌာနမှ ယခင်အပတ်က ပြန်လည် ချိတ်ပိတ်ခဲ့သည်။
မဂ္ဂင်ကျောင်းတိုက် ပြန်လည် ချိတ်ပိတ်ခံရပြီးနောက် မဂ္ဂင်ကျောင်းဆရာတော်နှင့် ဦးဂမ္ဘီရ အပါအ၀င် နိုင်ငံရေး အကျဉ်းသားဟောင်း ရဟန်း တော်များသည် လယ်တီ ၀ိပဿနာ ကျောင်းတိုက်သို့ ပြောင်းရွှေ့သီတင်းသုံး နေခဲ့ ရသည်။
ယနေ့ နံနက် ၂ နာရီခန့်တွင် ရပ်ကွက်အုပ်ချုပ်ရေးမှူးနှင့် ရဲများက ဦးဂမ္ဘီရကို လယ်တီ ဝိပဿနာ ကျောင်းမှ လာရောက် ခေါ်ဆောင်သွားခဲ့ကြောင်း၊ ခေါ်ယူသွားစဉ်က ဖမ်းဆီးခြင်း မဟုတ်၊ ခေတ္တမေးမြန်းရန် ဟုသာ ပြောဆိုကြောင်း ဦးဣန္နကက မိန့်သည်။
သို့သော် ခေါ်ဆောင်သွားပြီးနောက် ဦးဂမ္ဘီရ၏ လက်ကိုင်ဖုန်းသို့ ဆက်သွယ်၍ မရဘဲဖြစ်နေကြောင်း သိရသည်။
ရန်ကုန်တိုင်းဒေသကြီးအစိုးရက အာဏာစက်နှင့် တရားစွဲ အရေးယူမည့်ကိစ္စကို သံဃမဟာနာယက အဖွဲ့က တားမြစ်ပြီး ဓမ္မစက်ဖြင့် တာဝန်ယူ ဆောင်ရွက်ခြင်း ဖြစ်ကြောင်း သိရသည်။
“ဒီကိုယ်တော်က မဟာနာယက ဆရာတော်ကြီးတွေရဲ့ ပင့်လျှောက်လွှာ ၃ ကြိမ်ရတာတောင်မှ တခါမှ မသွားလို့ ပျက်ကွက်တယ် ဆိုတာ ရှိတယ်။ သို့သော်ငြားလည်း လုပ်ထုံး လုပ်နည်းအရ ဆိုရင် သက်ဆိုင်ရာ ပင့်လျှောက်မယ့် ရဟန်းတော်ကို တိုင်းရုံးက သော်လည်းကောင်း၊ မဟနက သော်လည်းကောင်း၊ လာရောက်ဖို့ ပင့်ဖိတ်တဲ့ နေရာမှာ တပတ် သို့မဟုတ် ၂ ပတ်ခန့် ကြိုပြီး အကြောင်းကြား ရပါတယ်။ အခုဟာ အကြောင်းကြားစာကို ညနေခင်းပို့ မနက်ခင်းခေါ် ဆိုတာကြောင့် နှစ်ဖက်စလုံးက လုပ်ဆောင်ချက် အားနည်းချက်တွေ ရှိနေပါတယ်” ဟု ဦးပဏ္ဍ၀ံသက ဆက်လက်မိန့်ကြားသည်။
ရန်ကုန်မြို့ရှိ ခြောက်ထပ်ကြီး ဘုရားကြီးတိုက်ဝင်းအတွင်းရှိ သာသနာ့သိပ္ပံကျောင်းနှင့် သာသနာ့ဂုဏ်ရည် ကျောင်းတိုက် တို့ကိုလည်း တံခါးသော့များ ရိုက်ဖွင့်ထားသည့် အတွက် ယနေ့ နေ့လယ်ပိုင်းတွင် သာသနာရေး ဦးစီးဌာနက ပြန်လည် ချိတ်ပိတ် လိုက်ကြောင်း၊ ကျောင်းပြန်လည် ဖွင့်လှစ်ရန်အတွက် သက်ဆိုင်ရာ ရဟန်းတော်များက လျှောက်ထားဆဲ ဖြစ်ကြောင်း သိရသည်။
Ref: ဧရာဝတီ
ပင်လုံစိတ်ဓာတ် ခိုင်မာဖို့ NLD တိုက်တွန်း
2012-02-12
စစ်မှန်တဲ့ ပြည်ထောင်စုစနစ်ပေါ်ပေါက်ရေးအတွက် ပင်လုံစိတ်ဓာတ်ခိုင်မာဖို့ လိုအပ်တယ်လို့ အမျိုးသား ဒီမိုကရေစီ အဖွဲ့ချုပ် NLD က ဒီကနေ့ ကျရောက်တဲ့ (၆၅)နှစ်မြောက် ပြည်ထောင်စုနေ့ အထိမ်းအမှတ် ကြေညာချက်မှာ တိုက်တွန်း လိုက်ပါတယ်။
အမျိုးသားပြန်လည်ရင်ကြားစေ့ရေးနဲ့ ပြည်တွင်းငြိမ်းချမ်းရေးအတွက် ပင်လုံစိတ်ဓါတ် ရှင်သန်ဖို့ အမှန်တကယ် လိုအပ် နေတယ်လို့လည်း ထောက်ပြ ထားပါတယ်။
ရွှေဂုံတိုင် ပါတီ ရုံးချုပ်မှာ ဒီကနေ့ မနက်ပိုင်းက ကျင်းပတဲ့ ပြည်ထောင်စုနေ့ အခမ်းအနားမှာ ပါတီ ဥက္ကဌ ဒေါ်အောင်ဆန်းစုကြည်က ပြည်ထောင်စု စိတ်ဓာတ် ရှင်သန်ရေး အတွက် သဘောထားကြီးဖို့ အရေးကြီးတယ် လို့လည်း ပြောပါတယ်။ ဒါ့အပြင် စစ်မှန်တဲ့ ပြည်ထောင်စုနိုင်ငံ ထူထောင်နိုင်ဖို့ အတွက် တိုင်းရင်းသား အားလုံးနဲ့အတူ လက်တွဲလုပ်ဆောင် သွားမယ်လို့လည်း ပြောပါတယ်။
အမျိုးသားဒီမိုကရေစီအဖွဲ့ချုပ် ပြည်ထောင်စုနေ့အခမ်းအနားကို ပါတီဝင်တွေနဲ့ အတူ ဖိတ်ကြားထားတဲ့ ဧည့်သည်တော် တွေလည်း တက်ရောက် ခဲ့ကြပါတယ်။ ။
Ref: RFA News
ငြိမ်းချမ်းရေးအတွက် တံခါးဖွင့်ထားဆဲလို့ သမ္မတဦးသိန်းစိန် ပြောကြား
2012-02-12
မြန်မာနိုင်ငံမှာ ထာဝရ ပြည်တွင်းငြိမ်းချမ်းရေးရရှိဖို့ အစိုးရက တိုင်းရင်းသား လက်နက်ကိုင် အဖွဲ့တွေနဲ့ စေ့စပ် ညှိနှိုင်းရေး လုပ်ဆောင် နေသလို တိုင်းရင်းသား ပြည်သူ တရပ်လုံးကလည်း ပူးပေါင်း ပါဝင်ဖို့ (၆၅) နှစ်မြောက် ပြည်ထောင်စုနေ့ သမ္မတ ဦးသိန်းစိန်ရဲ့ မိန့်ခွန်းမှာ ဖေါ်ပြ ထားပါတယ်။
ပြည်ထောင်စုအစိုးရ အဖွဲ့သစ်အနေနဲ့ ငြိမ်းချမ်းရေးတံခါးကို ဖွင့်လှစ်ထားဆဲ ဖြစ်တယ်လို့လည်း ဖေါ်ပြ ထားပါတယ်။ ဒီမိုကရေစီ စနစ်ဟာ ကောင်းမွန်တဲ့ အုပ်ချုပ်ရေး စနစ်နဲ့ အကောင်အထည် ဖော်မှသာ အောင်မြင်နိုင်တာကြောင့် အစိုးရ အနေနဲ့ အလေးထား အကောင်အထည် ဖော်နေကြောင်းလည်း ပြောထားပါတယ်။
တရားဥပဒေစိုးမိုးရေးအတွက် သက်ဆိုင်ရာပုဂ္ဂိုလ်တွေ၊ အဖွဲ့အစည်းတွေ၊ အစိုးရ ၀န်ထမ်းတွေနဲ့ ပြည်သူ အားလုံးက တရား ဥပဒေကို လေးစား လိုက်နာရမယ် လို့လည်း ပြောပါတယ်။
တိုင်းရင်းသား လက်နက်ကိုင်အဖွဲ့တွေနဲ့ အစိုးရက အပစ်အခတ်ရပ်စဲရေး သဘောတူညီချက်တွေ ရရှိနေပေမယ့် ကချင် ပြည်နယ်မှာ စစ်ပွဲတွေ ဆက်လက် ဖြစ်ပွားနေပြီး ဒေသခံတွေ တရုတ်-မြန်မာ နယ်စပ်ကို ထွက်ပြေး ခိုလှုံနေကြတဲ့ အပြင် အဲဒီဒေသ တွေမှာ လူ့အခွင့်အရေး ချိုးဖေါက်မှုတွေ ဆက်လက် ဖြစ်နေကြောင်းလည်း လူ့အခွင့်အရေးအဖွဲ့တွေက ဝေဖန်နေကြပါတယ်။
သမ္မတရဲ့ ပြည်ထောင်စုနေ့ သ၀ဏ်လွှာထဲမှာ နိုင်ငံတော် တည်ငြိမ်ရေးနဲ့ ထာဝရ ငြိမ်းချမ်းရေးကို ဖော်ဆောင်လိုတဲ့ အတွက်၊ နိုင်ငံရေး လုပ်ငန်းစဉ်တွေမှာ အားလုံး ပါဝင်နိုင်ရေး အတွက် အကျဉ်းထောင် အသီးသီးကနေ အကျဉ်းသားတွေကို လေးကြိမ် တိတိ လွှတ်ပေး ခဲ့တယ်လို့လည်း ဖော်ပြထားပါတယ်။ ။
Ref: RFA News
ဗိုလ်ချုပ်ကြီးဟောင်းခင်ညွန့် လူမှုရေးအဖွဲ့ ဖွဲ့စည်း
2012-02-12
စစ်ထောက်လှမ်းရေးအကြီးအကဲဟောင်းနဲ့ ၀န်ကြီးချုပ်ဟောင်း ဦးခင်ညွန့်ဟာ ရန်ကုန်တိုင်း ကျောက်တန်းမြို့နယ် ဖွံ့ဖြိုး တိုးတက်ရေး အတွက် ရံပုံငွေ ကျပ်သိန်း ၁၀၀ မတည်ပြီး "ရွှေမှော်ဝန်း" လူမှုရေး အဖွဲ့ကို ဒီနေ့ ဖွဲ့စည်း လိုက်တယ်လို့ သိရပါတယ်။
ဆိုင်းငံ့ပြစ်ဒဏ် ၄၄ နှစ်ချမှတ်ခံရထားတဲ့ ဗိုလ်ချုပ်ကြီးဟောင်း ခင်ညွန့်ဟာ သမ္မတဦးသိန်းစိန်ရဲ့ လွတ်ငြိမ်း ချမ်းသာခွင့် အမိန့်နဲ့ နေအိမ် အကျယ်ချုပ်ကနေ ပြီးခဲ့တဲ့လက လွတ်မြောက်လာပြီး ပထမဆုံး အကြိမ် အဖြစ် ဇာတိဖြစ်တဲ့ ကျောက်တန်းမြို့ကို ဒီနေ့ သွားရောက်ခဲ့ပြီး သူလှူဒါန်းထားတဲ့ သိမ်တခုမှာ ရပ်ဆွေ ရပ်မျိုးတွေ ဖိတ်ခေါ်ပြီး ခုလို ဖွဲ့စည်း လိုက်တာလို့ ဒေသခံ တဦးက ပြောပါတယ်။
ဒီအဖွဲ့မှာ ဦးခင်ညွန့်ရဲ့ ငယ်ဆရာ ၀န်ကြီးချုပ်ဟောင်း တဦးဖြစ်သူ ဗိုလ်မှူးချုပ်ဟောင်း ဦးတင့်ဆွေကို နာယက အဖြစ် ထားရှိပြီး ဦးခင်ညွန့်နဲ့ ဇနီး ဒေါက်တာ ဒေါ်ခင်ဝင်းရွှေ၊ သား ဗိုလ်မှူးကြီးဟောင်း ဇော်နိုင်ဝင်း၊ ဦးခင်ညွန့်ရဲ့ ဆရာမ ဒေါ်တင်တင်နွယ် စတဲ့ ပုဂ္ဂိုလ်တွေ ပါဝင်တယ်လို့ သိရပါတယ်။ ။
Ref: RFA News
ဖွံ့ဖြိုးရေးလုပ်ရန် ဗဟု ခေါင်းဆောင်တို့ ပြည်တော်ပြန်
မျိုးသန့်
သောကြာနေ့၊ ဖေဖေါ်ဝါရီလ ၁၀ ရက် ၂၀၁၂
ချင်းမိုင်(မဇ္ဈိမ) ။ ။ ထိုင်းနိုင်ငံ အခြေစိုက် ဗဟု ဖွံ့ဖြိုးရေးအဖွဲ့ကို တည်ထောင်သူများ ဖြစ်သည့် ဦးဇော်ဦး၊ ဦးတင်မောင်သန်း၊ ဦးအောင်သူငြိမ်းနှင့် ဦးအောင်နိုင်ဦး တို့သည် ဖွံ့ဖြိုးရေး လုပ်ငန်းများ တိုးမြှင့် လုပ်ဆောင်ရန် မြန်မာနိုင်ငံသို့ သောကြာနေ့တွင် ပြန်လည် ထွက်ခွာသွားပြီ ဖြစ်သည်။
ဗဟု ဖွံ့ဖြိုးရေးအဖွဲ့သည် ရပ်ရွာဖွံ့ဖြိုးရေး လုပ်ငန်းများမှအစ နိုင်ငံ၏ စီးပွားရေး မူဝါဒများအထိ လိုအပ်သည်များကို ပြင်ဆင် ဖြည့်စွက် မြှင့်တင်နိုင်ရန် သင်တန်းများကို မြန်မာနိုင်ငံ အတွင်း ပို့ချပေးနိုင်ရန်လည်း ရည်ရွယ်သည်ဟု အဖွဲ့၏ Senior Staff ဦးအောင်သူငြိမ်းက မဇ္ဈိမကို ပြောသည်။
“မူဝါဒနဲ့ ပါတ်သက်တဲ့ သုတေသန၊ မူဝါဒတွေနဲ့ ပတ်သက်လို့ တိုက်တွန်း၊ စည်းရုံး ပြောဆိုတာပေါ့။ အရည်အသွေး မြှင့်တင်ရေး သင်တန်း တွေပေါ့။ ဖွံ့ဖြိုးရေး လုပ်ငန်းတွေနဲ့ ပတ်သက်လို့ မြန်မာပြည်ထဲမှာ ကျနော်တို့ ဒီကိစ္စတွေ တိုးပြီးတော့ လုပ်လို့ရမယ်လို့ ထင်ပါတယ်” ဟု ပြောသည်။
ဦးအောင်သူငြိမ်းက ဦးသိန်းစိန် အစိုးရသည် ပြုပြင်ပြောင်းလဲရေး လုပ်ငန်းများကို အမှန်တကယ် လုပ်ဆောင်နေသည် ဟု ယူဆပြီး၊ အောက်ခြေ အုပ်ချုပ်ရေး အဖွဲ့အစည်းများ၏ အရည်အသွေးများ မြှင့်တင်ရန် လိုအပ်သည်ဟုလည်း ပြောသည်။
“ဒေသန္တရ အုပ်ချုပ်ရေးပေါ့။ အထူးသဖြင့် အပေါ်မှာ ပြောင်းတာ တပိုင်းပေါ့၊ အောက်ခြေမှာ ကိုယ်တိုင်ကိုယ်က အားကောင်းလာဖို့ လိုတာပေါ့။ အောက်ခြေစနစ် အုပ်ချုပ်ရေးတွေကစလို့ ပိုပြီးတော့ လုပ်နိုင် ကိုင်နိုင်အောင်လို့ အဲဒီလို သင်တန်းတွေ ပေးဖို့ရှိပါတယ်” ဟု မဇ္ဈိမကို ပြောသည်။
သောကြာနေ့တွင် မြန်မာနိုင်ငံသို့ ပြန်လည်ရောက်ရှိသွားပြီဖြစ်သည့် ဦးအောင်နိုင်ဦးနှင့် ဦးအောင်သူငြိမ်းတို့သည် ၁၉၈၈ အရေးအခင်း အပြီးတွင် ဖွဲ့စည်းခဲ့သည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) တွင် ခေါင်းဆောင်များ အဖြစ် ပါဝင် ဆောင်ရွက်ခဲ့သူများလည်း ဖြစ်သည်။
သူတို့နှစ်ဦးသည် မြန်မာနိုင်ငံသို့ ပြန်မရောက်သည်မှာ ၂၃ နှစ်ကျော် ရှိပြီးဖြစ်ပြီး ယခုခရီးသည် ပထမဆုံး ပြည်တော်ပြန် ခရီး ဖြစ်သည်ဟုလည်း သိရသည်။
မြန်မာနိုင်ငံတွင် သီတင်းနှစ်ပတ်ကြာနေထိုင်မည့် ဦးအောင်သူငြိမ်းနှင့် ဦးအောင်နိုင်ဦး တို့သည် ခရီးစဉ် အတွင်း ဒေါ်အောင်ဆန်းစုကြည် အပါအဝင်၊ ၈၈ မျိုးဆက် ကျောင်းသား ခေါင်းဆောင်များ၊ အစိုးရ တာဝန်ရှိသူများနှင့် ဖွံ့ဖြိုးရေး လုပ်ငန်းများ အတွက် ဗဟု မှ မည်သို့ ကူညီနိုင်မည်ကို တိုင်ပင် ဆွေးနွေး သွားမည်ဟုလည်း သိရသည်။
နိုင်ငံရေး အကျဉ်းသားအချို့ကို လွှတ်ပေးခြင်း၊ NLD ပါတီကို မှတ်ပုံတင်ခွင့်ရရန် ရွေးကောက်ပွဲ ဥပဒေများ၏ အချို့ အပိုင်းများကို ပြင်ဆင်ပေးခြင်းတို့ကို ရည်ညွှန်း၍ မြန်မာနိုင်ငံသည် ပြုပြင် ပြောင်းလဲရေး လမ်းပေါ်သို့ ရောက်ရှိနေပြီ ဖြစ်ပြီး အစိုးရ၏ ပြုပြင် ပြောင်းလဲရေး လုပ်ငန်းများကို ယုံကြည်သည်ဟုလည်း ဦးအောင်သူငြိမ်းက မဇ္ဈိမကို ပြောသည်။
“အစိုးရ ကိုယ်တိုင်ကလည်း အားတိုက်အင်တိုက်ပေါ့ ပြုပြင်ပြောင်းလဲရေးတွေ လုပ်နေတာပေါ့။ ကျနော် အခု လက်ရှိ သမ္မတ ဦးသိန်းစိန်တို့ တချို့ခေါင်းဆောင်တွေက သူတို့ ပြောင်းချင်တယ် ဆိုတာကို တစိုက်မတ်မတ် လုပ်နေတယ် ဆိုတာတော့ ကျနော်ယုံပါတယ်" ဟု ပြောသည်။
အဆိုပါ အပြောင်းအလဲများအတွက် အစိုးရ ထိပ်ပိုင်းခေါင်းဆောင်များတွင်သာ မူတည်မနေဘဲ တည်ငြိမ်သည့် အပြောင်း အလဲများ ဖြစ်ရန်၊ ယခုထက် ပိုမိုတိုးတက်ရန်တို့ အတွက် လူအများ၏ ပညာအရည်အချင်းနှင့် အရည်အသွေး များလည်း မြှင့်တင် ပေးရန် လိုသည်ဟု ဦးအောင်သူငြိမ်းက ယူဆသည်။
ဗဟု ဖွံ့ဖြိုးရေးအဖွဲ့သည် ပြည်တွင်းမှ သင်တန်းသားများကို ခေါ်ယူ၍ စီးပွားရေး၊ လူမှုရေး၊ နိုင်ငံရေး ဘာသာရပ်များကို ထိုင်းနိုင်ငံ ချင်းမိုင် တက္ကသိုလ်နှင့် ချိတ်ဆက်၍ သင်တန်းများ ပေးနေသည်ဟုလည်း သိရသည်။
ထို့အပြင် ထိုင်းနိုင်ငံ ချင်းမိုင်တက္ကသိုလ်တွင် ဖွင့်လှစ်ထားသည့် လူမှုဖွံ့ဖြိုးရေး အစီအစဉ် Community Development and Civic Empowerment (CDCE) တွင်လည်း ပြည်တွင်းမှ သင်တန်းသားများ ခေါ်ယူ၍ သင်တန်းများ ဖွင့်လှစ် ပို့ချပေးနေသည်။
ဗဟုအဖွဲ့တွင် ဒေါက်တာဇော်ဦး၊ ဦးအောင်နိုင်ဦး၊ ဦးတင်မောင်သန်း၊ ဦးအောင်သူငြိမ်း တို့ ပါဝင်ပြီး မြန်မာနိုင်ငံ၏ ပညာရေး၊ နိုင်ငံရေး၊ လူမှုရေး၊ စီးပွားရေးနှင့် ကျေးလက်ဒေသ ဖွံ့ဖြိုးရေး လုပ်ငန်းများ လုပ်ဆောင်ရန် ရည်ရွယ်ချက်ဖြင့် ၂၀၀၅ ခုနှစ်တွင် စတင် ဖွဲ့စည်းခဲ့သည်။
Ref: မဇ္ဈိမ
ABSDF နှင့် အစိုးရ ကိုယ်စားလှယ်တို့ အကြိုဆွေးနွေးပွဲ ပြုလုပ်
ကျော်ခ
သောကြာနေ့၊ ဖေဖေါ်ဝါရီလ ၁၀ ရက် ၂၀၁၂
ချင်းမိုင်(မဇ္ဈိမ) ။ ။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF (ကျောင်းသား တပ်မတော်) နှင့် မြန်မာ အစိုးရတို့အကြား ငြိမ်းချမ်းရေး ဖေါ်ဆောင်နိုင်ရန် အကြိုတွေ့ဆုံဆွေးနွေးပွဲကို နှစ်ဖက် ကိုယ်စားလှယ် အဖွဲ့များက ထိုင်း-မြန်မာ နယ်စပ် မဲဆောက်မြို့တွင် ဖေဖေါ်ဝါရီ ၉ ရက်နေ့က တွေ့ဆုံ ဆွေးနွေး ခဲ့ကြသည်။
ABSDF ကိုယ်စားလှယ်အဖွဲ့နှင့် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့၊ အဖွဲ့ဝင် ဒုဗိုလ်မှူးကြီးဟောင်း စောခင်စိုး ဦးဆောင်သော ကိုယ်စားလှယ်များက ပြည်တွင်း ငြိမ်းချမ်းရေး၊ ဒီမိုကရေစီ ဖေါ်ဆောင်နိုင်ရေး တို့ကို အကြိုသဘောဖြင့် တွေ့ဆုံ ဆွေးနွေးခဲ့ကြခြင်း ဖြစ်ကြောင်း ဆွေးနွေးပွဲတွင် ပါဝင်သူ ABSDF ဒုဥက္ကဋ္ဌ ဦးမျိုးဝင်း က ပြောသည်။
“အခြေခံအားဖြင့်တော့ ရှေ့ဆက်ပြီး နိုင်ငံရေး ပြဿနာတွေကို နိုင်ငံရေး နည်းလမ်းနဲ့ ဖြေရှင်းနိုင်ဖို့၊ ပြည်တွင်း ငြိမ်းချမ်းရေး ပြဿနာတွေ ဆွေးနွေးနိုင်ဖို့အတွက် အဓိကထားပြီး အကြိုသဘော ဆွေးနွေးဖြစ်တယ်” ဟု မဇ္ဈိမကို ပြောသည်။
ယခုဆွေးနွေးပွဲသည် ပဏာမ တွေ့ဆုံခြင်းဖြစ်ပြီး အပစ်ရပ်ရေး အပါအဝင် နိုင်ငံရေးအရ နှစ်ဖက် ညှိနှိုင်း ဖေါ်ဆောင်ရ မည့် ကိစ္စရပ်များကို အကောင် အထည် ဖေါ်နိုင်ရန် ဒုတိယအကြိမ် တွေ့ဆုံပွဲတွင် ဆွေးနွေး သွားကြမည် ဖြစ်ကြောင်း ABSDF ထံမှ သိရသည်။
“ကျနော်တို့ အစစ်အမှန်ဆွေးနွေးရမယ့် ညှိနှိုင်းရမယ့် နိုင်ငံရေးကိစ္စတွေ အားလုံးကို ဒုတိယ အဆင့်မှာပဲ ဆွေးနွေးမယ်။ အခု ဆွေးနွေးပွဲကလည်း ဒုတိယအဆင့်ကို သွားနိုင်ဖို့ ပြင်ဆင်တဲ့ အနေအထားပဲ ရှိပါတယ်။ ရက်ကိုတော့ နှစ်ဖက် အားတဲ့ရက်ကို ညှိနှိုင်းပြီး လုပ်ကြမှာပါ။ ခုတော့ သတ်မှတ်ထားတာ မရှိသေးပါဘူး” ဟု ဦးမျိုးဝင်း က ပြောသည်။
ယင်းသို့တွေ့ဆုံရာတွင် တင်ပြဆွေးနွေးကြမည့် အချက်များကို ABSDF တာဝန်ရှိသူများအကြား ဆွေးနွေးဖလှယ်မှုများ ပြုလုပ် ရဦးမည်ဟု သိရသည်။
အစိုးရဘက်မှ ငြိမ်းချမ်းရေး စားပွဲဝိုင်းတွင် ‘တန်းတူညီတူ’ ဆွေးနွေးမည်ဟု ဖော်ပြပါရှိသော ကမ်းလှမ်း စာကို ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ ခေါင်းဆောင် ဦးအောင်သောင်း ကိုယ်စား ဒုဗိုလ်မှူးကြီးဟောင်း စောခင်စိုး လက်မှတ်ထိုး၍ ဇန်နဝါရီ ၁၀ ရက်နေ့စွဲဖြင့် ကမ်းလှမ်းမှု ပြုလုပ်ခဲ့သည်။
ABSDF ကလည်း ၎င်းတို့အနေဖြင့် အမျိုးသား ပြန်လည်သင့်မြတ်ရေး၊ ပြည်တွင်း ငြိမ်းချမ်းရေး၊ ဖက်ဒရယ် ပြည်ထောင်စု တည်ဆောက်ရေး၊ ဒီမိုကရေစီနှင့် လူ့အခွင့်အရေး စသည့် နိုင်ငံရေး လုပ်ငန်းစဉ်များကို ကြိုးပမ်းနေခြင်း ဖြစ်ကြောင်း အကြောင်းပြန်စာ ပို့ခဲ့ပြီးနောက် ယခုကဲ့သို့ ဆွေးနွေးပွဲ ဖြစ်ပေါ်လာခဲ့ခြင်း ဖြစ်ကြောင်း သိရသည်။
ABSDF အတူ လက်တွဲ တိုက်ပွဲဝင်ခဲ့ကြသည့် ကရင်အမျိုးသား အစည်းအရုံး KNU နှင့် အစိုးရတို့ ဇန်နဝါရီ ၁၂ ရက် နေ့က ဘားအံမြို့တွင် အပစ်ရပ်ရေး ဆွေးနွေး သဘော တူခဲ့ကြသည်။
၁၉၈၈ ဒီမိုကရေစီအုံကြွမှုကြီးမှ ကျောင်းသားလူငယ်များဖြင့် ဖွဲ့စည်းခဲ့သည့် ABSDF အနေဖြင့် အစိုးရနှင့် ငြိမ်းချမ်းရေး ဆွေးနွေးရန် အတွက် မိမိအဖွဲ့တွင်းနှင့် ပြည်တွင်း/ပြည်ပ ကျောင်းသားလူထု၏ သဘောထား အကြံဉာဏ်များ ရယူခဲ့ပြီးမှ ယခုကဲ့သို့ တွေ့ဆုံ ဆွေးနွေးခဲ့ခြင်း ဖြစ်ကြောင်း သိရသည်။
Ref: မဇ္ဈိမ
SSA တောင်ပိုင်းနှင့် အစိုးရတပ်များ တိုက်ပွဲ ပြန်ဖြစ်
သန်းထိုက်ဦး
February 10, 2012
အပစ်အခတ်ရပ်စဲရေး သဘောတူထားသည့် ရှမ်ပြည်တပ်မတော် (SSA) တောင်ပိုင်းနှင့် အစိုးရတပ်များ ယခုတပတ် အင်္ဂါနေ့မှ စ၍ ၂ ရက်ကြာ တိုက်ပွဲများ ပြန်လည် ဖြစ်ပွားခဲ့ကြောင်း သိရသည်။
ရှမ်းပြည်နယ် အရှေ့ပိုင်း မိုင်းပြင်းမြို့နယ်အတွင်း အခြေစိုက် လှုပ်ရှားနေသော SSA တောင်ပိုင်း တပ်ဖွဲ့ဝင် များနှင့် မိုင်းတုံ မြို့နယ်ရှိ အစိုးရ တပ်များ တိုက်ခိုက်ကြခြင်း ဖြစ်ကြောင်း SSA တောင်ပိုင်း ပြောခွင့်ရပုဂ္ဂိုလ် စိုင်းလောင်ဆိုင်းက ဧရာဝတီသို့ ပြောသည်။
“အဲဒီဒေသမှာ ဒီတကြိမ်နဲ့ဆိုရင် တိုက်ပွဲတွေ ၃၊ ၄ ကြိမ်လောက် ပြန်ဖြစ်ခဲ့ပြီး အစိုးရ တပ်တွေကသာ ကျနော်တို့ အခြေ ချထားတဲ့ နေရာမှာ လာဝိုင်းပြီးတော့ ပစ်တယ်။ အဆိုးဆုံးကတော့ ၇ ရက်နေ့မှာပါ” ဟု ၎င်းက ဆိုသည်။
အစိုးရတပ်များ တိုက်ခိုက် ခဲ့သောနေ့သည် SSA တောင်ပိုင်းဌာနချုပ် တည်ရှိရာ လွယ်တိုင်းလျန်းတွင် ၆၅ ကြိမ်မြောက် ရှမ်းပြည်နယ်နေ့ အခမ်းအနား ကျင်းပနေချိန်ဖြစ်သည်။
အစိုးရတပ်က ၆၀ မမ အမြောက်များနှင့် ပစ်ခတ်သည့်ဒဏ်ကို မခံနိုင်သောကြောင့် နောက်ဆုတ်ပေးသော SSA တောင်ပိုင်း တပ်ဖွဲ့ဝင် များကို အစိုးရ စစ်သည်အင်အား ၂၀၀ ခန့်ဖြင့် လိုက်လံ တိုက်ခိုက် ခဲ့သေးကြောင်း စိုင်းလောင်ဆိုင်းက ဆက်ပြောသည်။
“ဆုတ်ခွာသွားတဲ့ ဘက်ကို သူတို့ စစ်ကြောင်းနဲ့ လိုက်ပြီးတော့ နောက်တကြိမ် ပြန်တိုက်ခိုက်တယ်၊ အဲဒီမှာ ကျနော်တို့ သေနတ် တလက် ဆုံးရှုံး သွားပါတယ်” ဟု ၎င်းက ဆိုသည်။
၃ နာရီကြာ တိုက်ပွဲဖြစ်ပွားခဲ့ရာ နှစ်ဖက်အကျအဆုံးကို မသိရှိရသေးပေ။ ယင်းဒေသကို လတ်တလောတွင် အစိုးရ တပ်များက ထိန်းချုပ် ထားကြောင်း သိရသည်။
“ကျနော်တို့ အပစ်အခတ် ရပ်စဲရေး ဧရိယာ သဘောတူတွေ လက်မှတ် ရေးထိုးထားပြီဆိုတော့ အခု ဘယ်လိုပုံစံ ဘယ်နည်း ဖြစ်ကြတာလဲ ဆိုတဲ့ အကြောင်းကို ပြည်ထောင်စု အဆင့် ငြိမ်းချမ်းရေးအဖွဲ့ ခေါင်းဆောင် ဦးအောင်မင်းကို မေးမြန်းကြည့် ထားပါတယ်” ဟု စိုင်းလောင်ဆိုင်းက ပြောသည်။
ယမန်နေ့က ဦးအောင်မင်းထံ စာပေးပို့ခဲ့ပြီး တစုံတရာ အကြောင်း ပြန်ကြားချက် မရရှိသေးကြောင်း သိရသည်။
ရှမ်းပြည်နယ်နေ့ အခမ်းအနားတွင် SSA တောင်ပိုင်းမှ ဒုတိယ ဗိုလ်ချုပ်ကြီး ရွက်ဆစ်က အစိုးရနှင့် ယခုကဲ့သို့ အပစ်အခတ် ရပ်စဲခြင်းသည် စစ်ဘေး စစ်ဒဏ်မှ ကင်းဝေးစေရေး၊ အသက် မွေးဝမ်းကျောင်း လုပ်ငန်း ကောင်းမွန်စွာ လုပ်ကိုင် စားသောက် နိုင်ရေး ရည်ရွယ်ကြောင်း၊ သို့သော် ဦးသိန်းစိန် အစိုးရတပ်က လူထု အသက်အိုးအိမ် လုံခြုံမှု ထိခိုက်လာပါက လူထုဘက်မှ ရပ်တည်၍ ပြန်လည် ဆန့်ကျင် သွားမည်ဖြစ်ကြောင်း ပြောကြားခဲ့သည်။
၂၀၁၁ ဒီဇင်ဘာ၂ ရက်နေ့က အစိုးရနှင့် SSA တောင်ပိုင်းအဖွဲ့ ကိုယ်စားလှယ်များ တောင်ကြီးမြို့တွင် တွေ့ဆုံ ဆွေးနွေးပြီး အပစ်အခတ် ရပ်စဲရေး သဘောတူ လက်မှတ် ရေးထိုး ခဲ့ကြသည်။ ရထားဝန်ကြီး ဦးအောင်မင်းနှင့် အမှတ် (၂) လျှပ်စစ် စွမ်းအား ၀န်ကြီး ဦးခင်မောင်စိုးတို့က သက်သေခံအနေနှင့် လက်မှတ် ရေးထိုးပေးခဲ့ကြောင်း သိရသည်။
SSA တောင်ပိုင်းသည် ရှမ်းပြည် ညီညွတ်ရေးနှင့် တော်လှန်ရေးတပ် (SURA) မှ ဒု ဗိုလ်ချုပ်ကြီး ရွက်ဆစ်က ပြောင်းလဲ ဖွဲ့စည်းခဲ့ခြင်း ဖြစ်သည်။ SURA သည် ၁၉၉၆ ခုနှစ်တွင် စစ်အစိုးရထံ လက်နက်ချခဲ့သော ခွန်ဆာဦးဆောင်သည့် မော်ထိုင်း တပ်မတော် (MTA) မှ ခွဲထွက် အဖွဲ့ဖြစ်သည်။
Ref: ဧရာဝတီ
Posts
