2012-11-22
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ နယူးဇီလန်ဝန်ကြီးချုပ် Mr. John Key တို့ဟာ နိုဝင်ဘာလ ၂၂ ရက်နေ့ ညနေ ၄ နာရီခွဲက နေပြည်တော် သင်္ဂဟဟိုတယ်မှာ တွေ့ဆုံ ခဲ့ပါတယ်။
နယူးဇီလန်နိုင်ငံက မြန်မာနိုင်ငံကို အကူအညီ အထောက်အပံ့ပေးရာမှာ ပြည်သူလူထုရဲ့ အင်အားကို ဖြည့်ဆည်းပေး တဲ့ အကူအညီတွေကို အဓိကထားပေးဖို့ လိုတယ်ဆိုတာကို ဒီကနေ့ နယူးဇီလန် ဝန်ကြီးချုပ် နဲ့ တွေ့ဆုံဆွေးနွေး ရာမှာ ပြောဆိုဖြစ်ခဲ့ တယ်လို့ ဒေါ်အောင်ဆန်း စုကြည်က သတင်းထောက်တွေကို အခုလို ပြန်လည်ပြောကြား ခဲ့ပါတယ်။
"အမေတို့ပြောတဲ့ကိစ္စကတော့ အကူအညီပေးတာက ဘာမှပြောစရာမရှိပါဘူး၊ ပေးပုံပေးနည်းကတော့ အရေးကြီးပါတယ်၊ နောက် အကူအညီပေးတဲ့နေရာမှာ ပြည်သူလူထုရဲ့အင်အားကို ဖြည့်တင်းပေးတဲ့နည်းနဲ့ ပေးဖို့လိုအပ်တယ်၊ အစိုးရရဲ့ အင်အားကို ဖြည့်ပေးတဲ့ နည်းနဲ့ ပေးဖို့ မလိုဘူး၊ အမေတို့နိုင်ငံဟာ အာဏာရှင်အစိုးရဲ့လက်အောက်မှာ အကြာကြီးနေခဲ့ရတဲ့နိုင်ငံဆိုတော့ အစိုးရရဲ့အင်အားက အင်မတန်မှကြီးပါတယ်၊ ထပ်ပြီးတော့ဒီအင်အားကို ဖြည့်တင်းပေးလို့ရှိရင် ဒီမိုကရေစီလမ်းကြောင်းဘက်ကို သွားတဲ့နေရာမှာ နှောင့်နှေးနိုင်ပါတယ်၊ ဒီလိုဆွေးနွေးတယ်ဆိုတာ နှစ်နိုင်ငံကြားထဲမှာ နားလည်မှုရရှိအောင် နောက်ပြီးတော့ မြန်မာနိုင်ငံရဲ့ ဒီမိုကရေစီလမ်းကြောင်းကို တတ်နိုင်သမျှ ဖြောင့်ဖြူးအောင်လုပ်ပေးချင်တဲ့ ဆန္ဒနဲ့ဆွေးနွေးတာပါ"
နယူးဇီလန်ဝန်ကြီးချုပ် Mr. John Key ဟာ မြန်မာနိုင်ငံကို ပထမဆုံးလာရောက်တဲ့ နယူးဇီလန် ၀န်ကြီးချုပ်ဖြစ်ပြီး၊ သူဟာ နိုဝင်ဘာ ၂၁ ရက်က ရွှေတိဂုံဘုရားကို တက်ရောက်ကြည်ညိုခဲ့ပြီး၊ နယူးဇီလန်နိုင်ငံသား ကီဝီစစ်သား ၉ ဦး သဂြိုလ်ထားရာ ထောက်ကြံ့ စစ်သချိုင်းကို သွားရောက် အလေးပြုဖို့ရှိတယ်လို့ သိရပါတယ်။
Ref: VOA News
Friday, November 23, 2012
ပြည်သူတွေကို အားပေးတဲ့ အကူအညီဖြစ်ဖို့ လိုအပ်တယ်လို့ ဒေါ်အောင်ဆန်း စုကြည်ပြော
မြန်မာ့စီးပွားရေး ခိုင်မာလာနိုင်ကြောင်း IMF ခန့်မှန်း
22.11.2012
မြန်မာနိုင်ငံရဲ့ စီးပွားရေး ဖွံ့ဖြိုးမှုနှုန်းဟာ ရှေ့နှစ်မှာ ၆.၂၅% တိုးတက်လာနိုင်တယ်လို့ နိုင်ငံတကာ ငွေကြေး ရန်ပုံငွေ အဖွဲ့ (IMF) က ခန့်မှန်း ပြောဆို လိုက်ပါတယ်။ မကြာသေးခင်က စတင်လာခဲ့တဲ့ မြန်မာနိုင်ငံရဲ့ ပြုပြင် ပြောင်းလဲမှုတွေနဲ့ အတူ နိုင်ငံခြား ရင်းနှီးမြှုပ်နှံမှုတွေ တိုးလာနေတာတွေကြောင့် မြန်မာ့စီးပွားရေး ရှေ့လျှောက် ခိုင်မာ လာနိုင်တယ် ဆိုတာကို စီးပွားရေး ပညာရှင် တချို့ကလည်း သဘောတူပါတယ်။ မြန်မာ့စီးပွားရေး တိုးတက်မှု အလားအလာနဲ့ ရေရှည်ခံတဲ့ စီးပွားရေး ပြုပြင် ပြောင်းလဲမှုတွေဖြစ်ဖို့ ဘာတွေ လိုအပ်မလဲ ဆိုတာကို ဆက်သွယ် စုံစမ်းထားတဲ့ မခင်ဖြူထွေးက တင်ပြထားပါတယ်။
သိပ်မကြာခင် နှစ်ပိုင်းကပဲ စတင်လာခဲ့တဲ့ မြန်မာနိုင်ငံရဲ့ ပြုပြင် ပြောင်းလဲမှုတွေနဲ့အတူ သဘာဝ အရင်း အမြစ်နဲ့ နိုင်ငံခြား ပို့ကုန်ပစ္စည်း ထုတ်လုပ်တဲ့ လုပ်ငန်းတွေမှာ ရင်းနှီးမြှုပ်နှံ မှုတွေ တိုးလာနေတာတွေကြောင့် မြန်မာနိုင်ငံဟာ အာရှမှာ ထွန်းတောက် လာတော့မယ့် ကြယ်တပွင့် လို့တောင် နိုင်ငံတကာ ငွေကြေးရန်ပုံငွေအဖွဲ့ IMF ရဲ့ မြန်မာနိုင်ငံ ဆိုင်ရာ အကြီးအကဲ Meral Karasulu က ဗုဒ္ဓဟူးနေ့က ပြောဆို လိုက်တာပါ။
မြန်မာနိုင်ငံရဲ့ စီးပွားရေး ဖွံ့ဖြိုးမှုနှုန်းဟာ ရှေ့နှစ်မှာ ၆.၂၅% ထိ တက်လာနိုင်တယ်လို့လည်း IMF က ခန့်မှန်း လိုက်တာပါ။ ဒါဟာ သိပ် အကောင်းမြင်လွန်းရာ ကျနေပါသလား၊ ရန်ကုန် စီးပွားရေးတက္ကသိုလ် ပါမောက္ခချုပ်ဟောင်း ဦးကျော်မင်းထွန်း ကတော့ အခု IMF က ခန့်မှန်းတဲ့နှုန်းဟာ ဖြစ်နိုင်ခြေရှိတဲ့ ဖွံ့ဖြိုးမှုနှုန်းပါလို့ ဆိုပါတယ်။
“ပြည်တွင်းမှာ ခုနကပြောတဲ့ ဆင်းရဲမှုတွေပေါ့နော်။ ဆင်းရဲမှုတွေက ရှိနေတယ်ဆိုတာ တကယ်တော့ မမှားပါဘူး။ မှန်ပါတယ်။ ဒါပေမဲ့ IMF က အခု လာမယ့်နှစ်မှာ ၆.၂၅% လို့ ခန့်မှန်းတာဟာ ကျနော်ကတော့ လုံးဝကို ဖြစ်နိုင်တယ်လို့ ထင်တယ်လေ။ ကျနော်တို့က plan အနေနဲ့ ၆.၇ လို့ ခန့်မှန်းခဲ့တာကိုး။ ဒါပေမဲ့ အခုက ၆.၂၅ ဆိုတာကတော့ ကျနော် ထင်ပါတယ်။ reasonable ပေါ့။ ဖြစ်နိုင်တဲ့နှုန်းပါပဲ။ ဘာဖြစ်လို့လဲဆိုတော့ .၂၅ ပဲ။
“အခြေအနေကတော့ မနှစ်ကနဲ့ ဒီနှစ်က လုံးဝကို မတူပါဘူး။ ပြောင်းလဲမှုကတော့လေ ကျနော်တို့ ဒီ ရင်းနှီးမြှုပ်နှံမှုမှာ၊ ကုန်သွယ်မှုတွေမှာလည်း တက်လာတယ်။ ရင်းနှီးမြှုပ်နှံ မှုလည်း ဘာပဲဖြစ်ဖြစ်ပေါ့လေ တကယ် အမှန်အကန် ၀င်မလာသေးပေမဲ့ တော်တော်လေး စိတ်ဝင်တစားနဲ့ လာနေကြတာတွေ၊ စုံစမ်းနေကြတာတွေ၊ ၀င်ဖို့ ပြင်ဆင်နေတာတွေက အများကြီးပဲရှိတယ်။ အဲဒီတော့ ကျနော်တို့ကလည်း တကယ်တော့ ဒီ ၆.၂၅ ဆိုတာက ကျနော်တို့ရဲ့ မျှော်မှန်းချက်က ၆.၂၅ နဲ့ထားရင်တောင်မှ အမှန်တကယ်ဆိုရင် နည်းတယ်။ ကျနော်တို့က ခုနကပြောသလို ၈%၊ ၉% လောက်ကို ရအောင် လုပ်နိုင်မှ။ ဒါပေမဲ့ ကျနော်တို့ ရနိုင်သလားဆိုတော့ ရဖို့ အခွင့်အလမ်းတွေရော၊ အခြေအနေတွေရော ရှိပါတယ်။”
ဒီသီတင်းပတ် အစောပိုင်းကပဲ အမေရိကန်သမ္မတ အိုဘားမား မြန်မာနိုင်ငံကို လာရောက်ခဲ့ တာနဲ့အတူ မြန်မာအပေါ် အမေရိကန်ရဲ့ ဒဏ်ခတ်ပိတ်ဆို့မှုတွေ အထိုက်အလျောက် ဖြေလျှော့ပေးခဲ့တာတွေကလည်း အမေရိကန်နဲ့ အနောက်နိုင်ငံတွေအနေနဲ့ မြန်မာအပေါ်မှာ ယုံကြည်မှု ပိုပြီး ဖြစ်လာစေတာကြောင့်မို့လို့ ဒီအချက်ကလည်း မြန်မာ့စီးပွားရေး ဖွံ့ဖြိုး တိုးတက်ဖို့မှာ အထောက်အကူတရပ် ဖြစ်စေတယ်လို့လည်း ဦးကျော်မင်းထွန်းက သုံးသပ် ပါတယ်။
ဒီလို အလားအလာကောင်းတဲ့ စီးပွားရေး ဖွံ့ဖြိုးတိုးတက်မှုတွေ ရေရှည် ဖြစ်လာနိုင်ပါလား။ ဒီလိုဖြစ်ဖို့မှာ ဘယ်အရာတွေကို အဓိက ပြုပြင် ပြောင်းလဲသင့်ပါလဲ။ ဦးကျော်မင်းထွန်းက တော့ ခုလို ထောက်ပြပါတယ်။
“ဘာတွေ လိုလဲဆိုတော့ ဘာတွေလိုသလဲဆိုတာကို Pin-Point တခုချင်း ပြောစရာ မလိုဘူး။ ဘာတွေလိုလဲဆို အကုန်လုံး လိုတာပဲ။ ကျနော်တို့မှာ ငွေရေးကြေးရေးကဏ္ဍ၊ အဲဒီအပိုင်းထဲမှာ ဘဏ်တွေ၊ နောက် taxation system (အခွန်စနစ်) တွေ၊ legal framework (ဥပဒေပိုင်းဆိုင်ရာ ချမှတ်ဆောင်ရွက်မှု) တွေ၊ regulatory practice (စည်းမျဉ်းစည်းကမ်းပိုင်းဆိုင်ရာ လိုက်နာဆောင်ရွက်မှု) တွေ။
“ကျနော်တို့မှာ regulation က တချိန်လုံး စိုးရိမ်တကြီးနဲ့ regulation တွေက များနေတော့ အဲဒါတွေလည်း ကျနော်တို့က ပြန်ပြီးတော့ ပြုပြင်ရမယ်။ ဆိုတော့ ကျနော်တို့ရဲ့ ပြုပြင်ရမယ့် ဟာတွေက အများကြီးပဲ။ နောက်ဆုံး ကျနော်တို့ ပညာရေးနဲ့ ကျန်းမာရေးမှာကိုက ကျနော် ထင်တယ်၊ အခု တော်တော်လေး ပြုပြင် ပြောင်းလဲမှုတွေ လုပ်နေပေမဲ့ လုပ်စပြုလာတဲ့ အချိန်ပဲ၊ စရုံပဲ။ just starting point ပဲ။
“အခု ဒီ နိုင်ငံတကာအဖွဲ့တွေက ပြောသလိုပေါ့ human capital ဖြစ်တဲ့ ပညာရေးနဲ့ ကျန်းမာ ရေးကိုတော့ ကျနော်တို့က ပိုပြီးတော့ လုပ်ပေးရမှာပေါ့။ ဒါမှ ကျနော်တို့က ယုတ်လျော့နေတဲ့ တိုးတက်မှုမျိုး မဟုတ်ဘဲနဲ့ သူက အရှိန်အဟုန်နဲ့ တိုးတက်မှုကိုရဖို့က ပညာရေးနဲ့ ကျန်းမာရေးကိုတော့ အဓိက လုပ်ရမယ်။ သို့သော် အဲဒါတွေတင်ပဲ လုပ်လို့လည်းမရဘူး။ တဘက်က ဘဏ္ဍာရေးဆိုင်ရာမှာလည်း အများကြီးကို လိုအပ်ချက်တွေရှိတယ်။”
ရန်ကုန် စီးပွားရေးတက္ကသိုလ် ပါမောက္ခချုပ်ဟောင်း ဦးကျော်မင်းထွန်းကို ဆက်သွယ် မေးမြန်းခဲ့တာပါ။
မြန်မာနိုင်ငံအနေနဲ့ ပြီးခဲ့တဲ့နှစ်ပိုင်းကပြီး နိုင်ငံရေးနဲ့ စီးပွားရေး ပြုပြင်ပြောင်းလဲမှုတချို့ လုပ်လာခဲ့တဲ့အပေါ်မှာ အနောက်နိုင်ငံတွေကလည်း ဒါကို အသိအမှတ်ပြုတဲ့အနေနဲ့ မြန်မာ အပေါ် အရေးယူပိတ်ဆို့မှုတွေ လျှော့ပေါ့ပေးခဲ့သလို IMF အပါအ၀င် နိုင်ငံတကာ ဘဏ္ဍာရေး အဖွဲ့အစည်းတွေကလည်း မြန်မာနိုင်ငံနဲ့ ဆက်ဆံရေး ပြန်လည် တည်ဆောက်ပြီး ငွေကြေးနဲ့ နည်းပညာရပ်ပိုင်းဆိုင်ရာ အကူအညီတွေ ပြန်ပြီး ပေးအပ်လာတာလည်း ဖြစ်ပါတယ်။
Ref: VOA News
ကျောင်းမပြောင်းလို၍ တိုင်းရင်းသား ကျောင်းသား ၃၀၀ ကျော် ဆန္ဒဖော်ထုတ်
ရန်ပိုင်
November 23, 2012
ပြည်ထောင်စု တိုင်းရင်းသား လူငယ်များ စွမ်းရည်ဖွံ့ဖြိုးရေး ဒီဂရီကောလိပ်မှ ကျောင်းသစ်သို့ ပြောင်းရွေ့ခံရသည့် ကျောင်းသား ၃၀၀ ကျော်က ယနေ့နံနက် ၁၂ နာရီခန့်တွင် မန္တလေးမြို့ ရှားတောလေးရွာ မူလ ကောလိပ်ကျောင်းဟောင်း ရှေ့တွင်ထိုင်ကာ ဆန္ဒဖော်ထုတ်ကြောင်း သတင်းရရှိသည်။
အဆိုပါ တိုင်းရင်းသား ကျောင်းသားများသည် မကြာသေးမီက မန္တလေးမြို့မှ စစ်ကိုင်းရွာသစ်ကြီး တိုင်းရင်းသား ဖွံ့ဖြိုးရေး သိပ္ပံ တက္ကသိုလ်သို့ ပြောင်းရွေ့ ခံရခြင်းကြောင့် ယမန်နေ့ည ၇ နာရီခန့်မှ စတင်ကာ မိုင် ၃၀ ခန့် ဝေးသည့် မန္တလေးကျောင်းဟောင်းသို့ ၎င်းတို့ပိုင် ပစ္စည်းများကို သယ်ပိုးကာ လမ်းလျှောက် ချီတက် လာသူများဖြစ်သည်ဟု မန္တလေးမြို့ခံများက ဆိုသည်။
“တိုင်းရင်းသား ရိုးရာဝတ်စုံတွေဝတ်ပြီး ကျောင်းပေါက်ဝမှာ နေပူထဲ ထိုင်နေကြတယ်။ ဘာမှလည်း မစားဘူး၊ မနေ့ ကတည်းက လမ်းလျှောက် လာကြလို့ ပင်ပန်းနေတယ်” ဟု သွားရောက်ကြည့်ရှု့သူ မန္တလေးမြို့ခံတဦးက ပြောသည်။
ကျောင်းသားများ၏ မကျေနပ်ချက်များကို ပြည်ထောင်စု နယ်စပ်ရေးရာ ၀န်ကြီးဌာန ဒု ၀န်ကြီး ဗိုလ်ချုပ် ဇော်ဝင်း လာ ရောက်ကာ မေးမြန်းသည်ဟု အဆိုပါ မြို့ခံက ဆိုသည်။
စစ်ကိုင်းရွာသစ်ကြီးကျောင်းတွင် နေထိုင်သွားလာမှု အဆင်မပြေသည့်အတွက် မန္တလေးမြို့အနီးရှိ မူလ ကျောင်းတွင်သာ ဆက်လက်နေလို၍ တောင်းဆို ရခြင်းဖြစ်ကြောင်း၊ တောင်းဆိုချက်များ မရမချင်း ဤနေရာ၌ ဆက်လက်နေထိုင်နေမည် ကျောင်းသားများက ဆိုကြောင်း သိရသည်။
ကျောင်းသားများ၏ စားဝတ်နေရေးအတွက် မန္တလေးမြို့ခံ ၈၈ မျိုးဆက်ကျောင်းသားများအဖွဲ့၊ ဗမာနိုင်ငံလုံးဆိုင်ရာ ကျောင်းသားများ သမဂ္ဂ (ဗကသ) စသည့်အဖွဲ့များက ကူညီပေးနေကြောင်း သိရှိရသည်။
အဆိုပါ ကျောင်းသားများသည် ယနေ့ညနေ ၃ နာရီတွင် ကျောင်းဝင်းအပြင်သို့ ထွက်ပြီး ဆန္ဒပြမည်ဖြစ်သည့် အတွက် ကျောင်းရှေ့တွင် လုံထိန်းများနှင့် ရဲတပ်ဖွဲ့ဝင်များ အသင့်အနေအထား ရောက်ရှိနေပြီး သံဆူးကြိုး အကာအရံများလည်း ချထားသည်ဟု သိရသည်။
ထို့အပြင် မန္တလေးတိုင်း ဥပဒေအရာရှိ တဦးမှလည်း ဆန္ဒပြမည်ဆိုလျှင် သက်ဆိုင်ရာ အာဏာပိုင်များထံသို့ ကြိုတင်ခွင့်တောင်းရသည်ဆိုသည့် ဥပဒေ အချက်အလက်များကို ရှင်းလင်းထားသည့် စာများဝေငှနေကြောင်း မြို့ခံက ပြောသည်။
မဖွံ့ဖြိုးသေးသည့် နယ်စပ်ဒေသများရှိ တိုင်းရင်းသားလူငယ်များအတွက် ရည်ရွယ်ကာ ပြည်ထောင်စုတိုင်းရင်းသား လူငယ်များ စွမ်းရည်ဖွံ့ဖြိုးရေး ဒီဂရီကောလိပ်ကို ပြီးခဲ့သည့် ၂၀၀၀ ပြည့်နှစ်က ရန်ကုန်-မန္တလေး ကားလမ်းနံဘေးရှိ ရှားတောကျေးရွာအနီး ဖွင့်လှစ်ခဲ့ခြင်းဖြစ်သည်။
Ref: ဧရာဝတီ
ဒီမိုကရေစီ တကယ်လိုလားရင် ဖွဲ့စည်းပုံ ကို ပြင်မှဖြစ်မယ်လို့ ဒေါ်စု ပြောကြား
2012-11-22
အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်း စုကြည် က ဒီမိုကရေစီ တကယ်လိုလားရင် ဒီမိုကရေစီ နည်းမကျတဲ့ လက်ရှိ ဖွဲ့စည်းပုံ အခြေခံဥပဒေကို မလွဲမသွေပြုပြင်ဖို့လိုကြောင်း ပြောဆို လိုက်ပါတယ်။
RFA က ပုံမှန်တင်ဆက်နေတဲ့ “ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည်” အစီအစဉ်အတွက် အင်္ဂါနေ့က ဆက်သွယ်မေးမြန်းရာမှာ သမ္မတ အိုဘားမားက မြန်မာပြည်မှာ ပြည်သူလူထုက ရွေးချယ်တဲ့ အစိုးရက သာလျှင် တိုင်းပြည် အုပ်ချုပ်ခွင့် ရှိရေးကို အာမခံတဲ့ ဖွဲ့စည်းပုံ ဥပဒေတခု ပေါ်ပေါက်ဖို့လိုကြောင်း ပြောဆိုခဲ့တာနဲ့ ဆက်နွယ်ပြီး ဒေါ်အောင်ဆန်းစုကြည်က အခုလိုဝေဖန်ခဲ့တာဖြစ်ပါတယ်။
ဒါပေမယ့် အဲဒီလိုပြုပြင်ဖို့အတွက် NLD ပါတီတခုတည်းရဲ့ သဘောထားနဲ့ ဆောင်ရွက်မှာ မဟုတ်ပဲ လွတ်တော် ကိုယ်စားလှယ် အများစုနဲ့ ညှိနှိုင်းဆောင်ရွက်ရမှာဖြစ်တယ်လို့ ဒေါ်အောင်ဆန်းစုကြည်က ပြောပါတယ်။
တဆက်တည်းမှာပဲ ဝန်ကြီးဌာနတွေက နိုင်ငံတော်ဘဏ္ဏာငွေ ကျပ်သန်းပေါင်း ၆ သောင်းခန့် အလွဲသုံးစားပြုခဲ့တာနဲ့ ပတ်သက်ပြီး အဲဒီ ကိစ္စကို ထိထိရောက်ရောက် အရေးယူဖို့ လိုကြောင်းလည်း ပြောဆိုခဲ့ပါတယ်။
ဒါ့အပြင် အိန္ဒိယနိုင်ငံခရီးစဉ်အတွင်း တက္ကသိုလ်တချို့ကို သွားရောက်လေ့လာခွင့် ရခဲ့ရာမှာ အင်မတန် အားကျစရာကောင်းကြောင်း နဲ့ မကြာခင် ရန်ကုန်တက္ကသိုလ် ပြန်လည်ရှင်သန်ရေးအတွက် ကော်မတီတခု ဖွဲ့စည်းဖုိ့ ကြိုးပမ်းမှာဖြစ်ကြောင်း စသဖြင့် ဒေါ်အောင်ဆန်းစုကြည်က RFA ကို ပြောဆိုခဲ့ပါတယ်။
Ref: RFA News
မြန်မာအတွက် နယူးဇီလန်အကူအညီ ဒေါ်လာ ၇ သန်း ပေးမည်
22.11.2012
နယူးဇီလန်အစိုးရက မြန်မာနိုင်ငံကို အမေရိကန်ဒေါ်လာ ၇ သန်း ကူညီထောက်ပံ့မှု ပေးမယ်လို့ မြန်မာနိုင်ငံမှာ အလည်ပတ် ရောက်ရှိနေတဲ့ နယူးဇီလန် ၀န်ကြီးချုပ်က ကြေညာ လိုက်ပါတယ်။
မြန်မာသမ္မတ ဦးသိန်းစိန်နဲ့ နေပြည်တော်မှာ တွေ့ဆုံပြီးတဲ့နောက် နယူးဇီလန် ၀န်ကြီးချုပ် မစ္စတာဂျွန်ကီး (John Key) က အခုလို အကူညီပေးမယ့် အစီအစဉ်ကို ထုတ်ပြန်ကြေညာ လိုက်တာဖြစ်ပါတယ်။
ဒီလိုအကူအညီပေးတဲ့ အစီအစဉ်အရ ပေါ်ပေါက်လာမယ့် နို့နဲ့နို့ထွက်ပစ္စည်း ထုတ်လုပ်မှု လုပ်ငန်းမှာ နယူးဇီလန်နိုင်ငံက နောက်လာမယ့် ၅ နှစ်အတွက် ဒေါ်လာ ၆ သန်း ရင်းနှီး မြှုပ်နှံမှု ပြုလုပ်မှာဖြစ်တယ်လို့ နယူးဇီလန် ၀န်ကြီးချုပ် မစ္စတာကီးက ပြောပါတယ်။ ပညာသင်ဆုနဲ့ အင်္ဂလိပ်စကားပြော သင်တန်းတွေ အတွက်လည်း အကူညီတွေ ပေးနေပြီ ဖြစ်ကြောင်း ပြောပါတယ်။
မကြာခင်က ရခိုင်ပြည်နယ်အတွင်းဖြစ်ပွားခဲ့တဲ့ ပဋိပက္ခတွေကြောင့် အိုးအိမ်စွန့်ခွာ ထွက်ပြေး ခဲ့ရသူတွေ အတွက်လည်း ဒေါ်လာ တစ်သန်း အကူအညီပေးမှာ ဖြစ်ကြောင်း နယူးဇီလန် ၀န်ကြီးချုပ် မစ္စတာကီးက ပြောပါတယ်။
မြန်မာနိုင်ငံ အနေနဲ့ ကျယ်ပြန့်တဲ့ နိုင်ငံတကာ အသိုင်းအ၀ိုင်း အတွင်း ပြန်လည် ပါဝင်လာစေ ရေး နယူးဇီလန် နိုင်ငံက ထောက်ခံ မှာဖြစ်ကြောင်း မစ္စတာ ကီးက သမ္မတ ဦးသိန်းစိန်ကို ပြောဆိုခဲ့ပါတယ်။
သမ္မတဦးသိန်စိန်က ပြီးခဲ့တဲ့နှစ်အတွင်း လုပ်ဆောင်ခဲ့တဲ့ ပြုပြင်ပြောင်းလဲရေးလုပ်ငန်းတွေနဲ့ ရင်ဆိုင်ရမယ့် အခက် အခဲတွေကို ရှင်းပြ ခဲ့သလို ရခိုင်ပြည်နယ်အတွင်းမှာ ဖြစ်ပွားနေတဲ့ အကြမ်းဖက်မှုတွေနဲ့ ပတ်သက်ပြီး အစိုးရက အရေးယူ လုပ်ဆောင်နေတာတွေကို ရှင်းပြခဲ့ တယ်လို့ နယူးဇီလန်ဝန်ကြီးချုပ်က ပြောပါတယ်။
နယူးဇီလန်နိုင်ငံဟာ ရှေ့လာမယ့်နှစ်အတွင်း မြန်မာနိုင်ငံမှာ သံရုံးဖွင့်ပြီး နှစ်နိုင်ငံအကြား နိုင်ငံရေးအရကော သံတမန်ရေး အရပါ ထိတွေ့ ဆက်ဆံမှုတွေ တိုးချဲ့လုပ်ဆောင် သွားမှာ ဖြစ်တယ်လို့ပြောပါတယ်။
မစ္စတာ ဂျွန် ကီးရဲ့ အခုခရီးစဉ်ဟာ မြန်မာနဲ့ နယူးဇီလန်တို့အကြား ၅၄ နှစ် ကြာ သံတမန် ဆက်ဆံရေး ကာလ အတွင်း နယူးဇီလန် ၀န်ကြီးချုပ်တဦးရဲ့ ပထမဆုံး မြန်မာနိုင်ငံ ခရီးစဉ် ဖြစ်သလို အမေရိကန်သမ္မတ ဘရာ့ခ် အိုဘားမား မြန်မာနိုင်ငံဆီ လာရောက် သွားအပြီး နောက်ထပ် နိုင်ငံတကာ ထိပ်တန်းခေါင်းဆောင် တဦး လာရောက်တာလည်းဖြစ်ပါတယ်။
Ref: VOA News
ဒေါက်တာထွန်းအောင်ကို ထောင်ဒဏ် ၁၂ နှစ် ကျခံစေရန် အမိန့်ချမှတ်
2012-11-22
ပြီးခဲ့တဲ့ဇွန်လက ရခိုင်ပြည်နယ် အတွင်း ဖြစ်ပွားခဲ့တဲ့ ပဋိပက္ခတွေနဲ့ပတ်သက်ပြီး အာဏာပိုင်တွေ က အမှု ၅ မှုနဲ့ ဖမ်းဆီး ထိန်းသိမ်းခဲ့တဲ့ ဒေါက်တာ ထွန်းအောင်(ခေါ်) နုရာဟက်ကို စစ်တွေခရိုင် တရားရုံးက အလုပ်နဲ့ ထောင်ဒဏ် ၁၂ နှစ် ကျခံစေဖို့ မနေ့က အပြီးသတ် အမိန့် ချမှတ် လိုက်ပါတယ်။
ပြည်သူပိုင်ပစ္စည်း ကာကွယ်စောင့်ရှောက်ရေး အက်ဥပဒေပုဒ်မ-၆(၁) အရ အလုပ်နဲ့ ထောင်ဒဏ် ၁ နှစ်၊ နိုင်ငံတော် ငြိမ်ဝပ် ပိပြားမှုကို ပျက်ပြားစေတဲ့ အမှုအပေါ် အလုပ်နဲ့ ထောင်ဒဏ် ၄ နှစ်၊ အရေးပေါ် စီမံမှု အက်ဥပဒေ ပုဒ်မ-၅(ည) အရ အလုပ်နဲ့ ထောင်ဒဏ် ၇ နှစ် စုစုပေါင်း အလုပ်နဲ့ ထောင်ဒဏ် ၁၂ နှစ်ကို သီးခြားစီ ထပ်မံ ကျခံစေဖို့ မနေ့က ချမှတ်ခဲ့တာပါ။
ဒေါက်တာထွန်းအောင်(ခေါ်) နုရာဟက်ကို ပြီးခဲ့တဲ့ သြဂုတ်လကုန်ပိုင်းက နိုင်ငံခြားငွေ လဲလှယ်မှု စည်းမျဉ်း သတ်မှတ်ရေး အက်ဥပဒေ ပုဒ်မ-၂၄(က) အရ ထောင်ဒဏ် ၃ နှစ် ကျခံစေဖို့ စစ်တွေခရိုင် တရားရုံး ကပဲ အမိန့် ချမှတ်ပေးခဲ့ပြီး ကျန်ရှိနေသေးတဲ့ ပုဒ်မတွေ အတွက် မနေ့က အပြီးသတ် အမိန့်ချမှတ်ခဲ့တာ ဖြစ်ပါတယ်။
ဒေါက်တာ ထွန်းအောင်ကို အာဏာပိုင်တွေက အမှု ၅ မှုနဲ့ စွဲချက်တင်ခဲ့ပေမယ့် အဲဒီအထဲက ပြစ်မှုဆိုင်ရာ ဥပဒေ ပုဒ်မ-၄၆၈ ၊ ၄၂၀ - မှတ်ပုံတင် အတု ပြုလုပ်တဲ့ အပေါ် ပြစ်မှု မထင်ရှားတဲ့ အတွက် အဲဒီပုဒ်မကို ပလပ်ခဲ့ပါတယ်။
ဒေါက်တာထွန်းအောင်ကို ပြီးခဲ့တဲ့ဇွန်လ ၁၁ ရက်နေ့က မောင်တောမြို့ ကုလသမဂ္ဂ UNHCR ရုံးခွဲမှာ ခိုလှုံနေစဉ် ဒေသဆိုင်ရာ အာဏာပိုင်တွေက မောင်တောမြို့ အကြမ်းဖက် တိုက်ခိုက်မှုတွေနဲ့ ဆက်စပ်ပြီး ဖမ်းဆီး ခဲ့တာပါ။ အဲဒီအချိန် ကတည်းက မိသားစု ၀င်တွေနဲ့လည်း တွေ့ခွင့် မရခဲ့ဘူးလို့ မိသားစုဝင်တွေက ပြောပါတယ်။
စစ်တွေခရိုင်တရားရုံးမှာ အမှုတွေ ရင်ဆိုင်နေရချိန်အတွင်း အာဏာပိုင်တွေရဲ့ စွပ်စွဲချက်တွေကို ခုခံချေပဖို့ အတွက် ရှေ့နေ မရှိဘဲ မိမိကိုယ်တိုင် ချေပလျှောက်လဲ ခဲ့ရတယ်လို့ ဆိုပါတယ်။
ဒေါက်တာထွန်းအောင်(ခေါ်) နုရာဟက်ဟာ ၁၉၉၀ ခုနှစ် နိုင်ငံရေး အခင်းအကျင်း ကာလမှာ လူ့အခွင့် အရေးနဲ့ ဒီမိုကရေစီ ပါတီက မောင်တောမြို့နယ် လွှတ်တော် ကိုယ်စားလှယ် တစ်ဦးဖြစ်တယ်လို့ သိရှိရပါတယ်။
Ref: RFA News
လယ်သမားတွေ ရန်ကုန်မြို့ထဲမှာ စီတန်းလှည့်လည် ဆန္ဒပြကြ
2012-11-22
ရန်ကုန်တိုင်း၊ လှိုင်သာယာမြို့နယ်၊ အနော်ရထာ စက်မှုဇုန်စီမံကိန်းအတွက် သိမ်းဆည်းထားတဲ့ လယ်ယာမြေတွေ ပြန်လည် ရရှိဖို့ကို လှိုင်သာယာမြို့နယ် အတွင်းပဒံ၊ အပြင်ပဒံ စတဲ့ ကျေးရွာတွေက လယ်သမား (၃ဝ) နီးပါးလောက်ဟာ ဒီကနေ့ မနက်ပိုင်းက လသာ မြို့နယ်က ဝါဝါဝင်း ကုမ္ပဏီရုံးရှေ့ကနေ ဗိုလ်ချုပ်လမ်းမကြီးအတိုင်း မြို့၊ ရွာနဲ့ အိုးအိမ် ဖွံ့ဖြိုးမှုဦးစီးဌာနရှေ့ကို လမ်းလျှောက် ဆန္ဒပြခဲ့ ကြပါတယ်။
အာဏာပိုင်တွေဖက်က ဖြေရှင်းမှုမလုပ်ပေးမခြင်း ဆန္ဒပြတောင်းဆိုမှုတွေ ဆက်တိုက် လုပ်ဆောင် သွားဖို့ စီစဉ် ထားတယ်လို့ ဆန္ဒပြ လယ်သမားတစ်ဦးက RFA ကို အခုလို ပြောပါတယ်။
"ညှိနှိုင်းလို့ အဆင်မပြေသေးတဲ့ လယ်တွေကို အဓမ္မခြံစည်းရိုးတွေခတ်နေတယ်၊ ခြံစည်ရိုးခတ်တာကို ရပ်ပေးရမယ်၊ စုံစမ်း စီစစ်ရေး စောင့်မယ် ဆိုရင်လည်း စုံစမ်း စီစစ်ရေး ကော်မရှင်ရဲ့ အဆုံးအဖြတ်ကို နှစ်ဖက်စလုံး နာခံမယ်။ စုံစမ်းစီစစ်ရေး မဆင်းခင်မှာ လယ်မြေတွေပေါ် အဓမ္မခြံခတ်တာ သဲဖုံးတာ အဆောက်အဦးဆောက်တာတွေ ဘက်ဟိုး တွေနဲ့ လယ်မြေတွေပေါ်မှာ မြောင်းတွေ ကုတ်တာတွေကို လုံဝ ရပ်တန့်ပေးမယ်ဆိုရင် လမ်းလျှောက်တာကို ရပ်မယ်"
လှိုင်သာယာမြို့နယ်မှာရှိတဲ့ အနော်ရထာ စက်မှုဇုန်စီမံကိန်း အကောင်အထည်ဖော်ဖို့ ၁၉၉၈ ခုနစ် ကတည်းက လယ်ယာမြေ ဧက ၈ဝဝ ကို ဝါဝါဝင်း ကုမ္ပဏီက သိမ်းယူ ထားတယ်လို့ သိရပြီး လယ်သမားတွေဟာ လယ်ယာမြေတွေမှာ လုပ်ကိုင်ခွင့်ပြန်လည် ရရှိဖို့ အတွက် နိုဝင်ဘာလ (၁) နေ့ကစပြီး နေ့ရောညပါ ဝါဝါဝင်း ကုမ္ပဏီရှေ့မှာ သပိတ်စခန်းဖွင့် ဆန္ဒပြတောင်းဆိုနေတာ ဒီကနေ့ဆိုရင် ၃ ပတ်ကျော် ရှိသွားပြီလို့ သိရပါတယ်။
Ref: RFA News
Thursday, November 22, 2012
နျူကလီယားမပြန့်ပွားရေး မြန်မာလက်မှတ်ထိုးမည်
ဦးစံမိုဝေ
21.11.2012
မြန်မာအစိုးရက အဏုမြူလက်နက် မပြန့်ပွားရေးနဲ့ပတ်သက်ပြီးတော့ နောက်ဆက်တွဲ လိုက်နာရမယ့် အချက်တွေကို နိုင်ငံတကာ အဏုမြူစွမ်းအင် အေဂျင်စီ IAEA နဲ့ သဘောတူ လက်မှတ်ရေးထိုးဖို့ သမ္မတဦးသိန်းစိန်က အတည်ပြု လိုက်တယ်လို့ သတင်း ထုတ်ပြန်ပါတယ်။ ပြီးခဲ့တဲ့နှစ်တွေ အတွင်း မြန်မာအစိုးရဟာ မြောက်ကိုရီးယား၊ ရုရှားတို့နဲ့ ပူးပေါင်းပြီးတော့ နျူကလီယား ဓာတ်ပေါင်းဖို တစ်ခု ဆောက်လုပ်ဖို့ ကြိုးပမ်းနေတယ် ဆိုတဲ့ သတင်းတွေ ထွက်ပေါ်ခဲ့တာပါ။ အခုလိုမျိုး မြန်မာနိုင်ငံ ဘက်က ဆုံးဖြတ်မှုဟာ အမေရိကန် သမ္မတ ဘာရတ်ခ် အိုဘားမားရဲ့ မြန် မာနိုင်ငံခရီးစဉ် လာရောက် ခဲ့တာ နဲ့လည်း တိုက်ဆိုင်ခဲ့တာပါ။ ဒီအကြောင်းကိုတော့ ဦးစံမိုဝေက အပြည့်အစုံ တင်ပြပေးထား ပါတယ်။
လွန်ခဲ့တဲ့နှစ်တွေအတွင်း မြန်မာနိုင်ငံနဲ့ မြောက်ကိုရီးယား နီးနီးကပ်ကပ် ဆက်ဆံခဲ့တာနဲ့ နျူကလီ ယား ဓာတ်ပေါင်းဖို တည်ဆောက်ဖို့ ကြိုးပမ်းနေတယ် ဆိုတဲ့ သံသယတွေ ထွက်ပေါ်နေခဲ့ရာမှာ ပြီးခဲ့တဲ့ ရက်ပိုင်း အမေရိကန်သမ္မတ ဘာရတ်ခ် အိုဘားမား မြန်မာနိုင်ငံကို လာရောက် မလည်ပတ် ခင် တရက်အလိုမှာပဲ မြန်မာ အစိုးရက နိုင်ငံတကာ အဏုမြူစွမ်းအင် အေဂျင်စီ IAEA ရဲ့ မူဝါဒတွေ နဲ့ နောက်တိုး လိုက်နာရမယ့် အချက်တွေကို လက်ခံဖို့အတွက် သမ္မတဦးသိန်းစိန်က အတည်ပြုလိုက် တယ်လို့ သတင်း ထုတ်ပြန်ခဲ့ပါတယ်။
မြန်မာအစိုးရအနေနဲ့ ကုလသမဂ္ဂအဖွဲ့ဝင် နိုင်ငံတနိုင်ငံဖြစ်တာနဲ့အညီ ကုလသမဂ္ဂ လုံခြုံရေး ကောင်စီ ရဲ့ ဆုံးဖြတ်ချက် (၁၈၇၄) ကို လိုက်နာဆောင်ရွက်ဖို့ အခိုင်အမာ ဆုံးဖြတ်ထားပြီး ဖြစ်တယ်လို့လည်း ဆိုပါတယ်။ မြန်မာနဲ့ မြောက်ကိုရီးယား နိုင်ငံတို့ကြား နီးနီးကပ်ကပ် ဆက်ဆံနေမှုအပေါ် စိုးရိမ်နေတဲ့ အမေရိကန်သမ္မတ ရောက်လာချိန်မှာ အခုလို ကြေညာချက်ထုတ်တာဟာ တိုက်ဆိုင်မှုရှိနေပေမဲ့ အရင်ကတည်းက နျူကလီယား ထုတ်လုပ်ဖို့ ရည်ရွယ်ချက်လည်း မရှိခဲ့တာမို့ ဒါကို ပိုမို ပေါ် လွင်အောင် ထုတ်ပြန်တာပါလို့ နိုင်ငံတော် သမ္မတရုံးရဲ့ သတင်းထုတ်ပြန်ရေး အတွင်းရေးမှူး ဦးဉာဏ်ထွန်းက ဗွီအိုအေကို ပြောပါတယ်။
“သမ္မတကြီးကနေပြီးတော့ အဲဒီလို မူဝါဒ ချမှတ်ပြီးတော့ ဆောင်ရွက်တာပဲ ရှိပါတယ်။ အဏုမြူ မပြန့်ပွားရေးဆိုတာကလည်း ကျနော်တို့က အစကတည်းက လုပ်ဖို့လည်း မရည်ရွယ်ဘူး၊ ရည်ရွယ်ထားတာ မဟုတ်တာကို ပေါ်လွင်အောင်လို့ပါ။ ပိုပြီးတော့ ခိုင်မာတဲ့ လုပ်ငန်းစဉ် တရပ် အနေနဲ့ ကျနော်တို့က ထုတ်ပြနေတာပါခင်ဗျ။ ဆောင်ရွက်သွားမှာပါ။”
ဒါပေမဲ့ အမေရိကန်သမ္မတရဲ့ ဒုတိယ အမျိုးသားအကြံပေး လုံခြုံရေးအရာရှိ Ben Rhodes ကတော့ IAEA ရဲ့ နောက်တိုး လိုက်နာဆောင်ရွက်ရန် အချက်တွေအပေါ် သဘောတူလက်မှတ်ရေးထိုးဖို့ သမ္မတ ဦးသိန်းစိန်ရဲ့ ဆုံးဖြတ်ချက်အပေါ် ကြိုဆိုတဲ့အကြောင်း ပြောပါတယ်။
နျူကလီယား မပြန့်ပွားရေးဟာ ကမ္ဘာကြီးအတွက်ကော၊ အမေရိကန်အတွက်ပါ အရေးပါပါတယ်လို့ သူက ပြောပါတယ်။ ဒါဆိုရင် နိုင်ငံတကာ အဏုမြူ စွမ်းအင်အေဂျင်စီအနေနဲ့ မြန်မာနိုင်ငံမှာ အဏုမြူ စွမ်းအင် ဓာတ်ပေါင်းဖို တည်ဆောက်ဖို့ ကြိုးပမ်းခဲ့တယ်ဆိုပြီးတော့ သံသယရှိတဲ့နေရာတွေကို လာရောက်စစ်ဆေး ကြည့်ရှုခွင့် ပြုမှာပါလား။
“စစ်ဆေးမှုကို လက်ခံသွားဖို့တော့ ကျနော်တို့ ထုတ်ပြန်ချက်ထဲမှာ မပါပါဘူး။ မပါပါဘူးဆိုတာက လက်မခံဘူးလို့ ဆိုလိုတာ မဟုတ်ပါဘူး။ နောက်ဆက်တွဲ လုပ်ငန်းစဉ်တွေအရကတော့ ဒီ မူဝါဒ အတိုင်းပဲ ဆက်လက် ဆောင်ရွက်သွားဖို့ ရှိပါတယ်ဗျ။”
မြန်မာသမ္မတရုံးရဲ့ သတင်းထုတ်ပြန်ရေးအဖွဲ့ အတွင်းရေးမှူး ဦးဉာဏ်ထွန်းပါ။
ပြီးခဲ့တဲ့ ဆယ်စုနှစ် အတွင်း မြန်မာစစ်အစိုးရက မြောက်ကိုရီးယား၊ ရုရှားတို့နဲ့ ပူးပေါင်းပြီးတော့ နျူကလီးယား ဓာတ်ပေါင်းဖို တည်ဆောက်ဖို့ ကြိုးပမ်းခဲ့တယ် ဆိုတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်ခဲ့ပါတယ်။ ၂၀၀၂ ခုနှစ်အတွင်း မြန်မာ ဒုတိယ နိုင်ငံခြားရေးဝန်ကြီး ဦးခင်မောင်ဝင်းက မြန်မာနိုင်ငံအတွက် ငြိမ်းချမ်းစွာ အသုံးပြုဖို့အတွက် နျူကလီယား ဓာတ်ပေါင်းဖို တစ်ခု တည်ဆောက်ဖို့ ရည်ရွယ်ထားတယ် ဆိုပြီးတော့ IAEA အဖွဲ့ကို အကြောင်းကြားထားခဲ့တယ် လို့ ပြောခဲ့ပါတယ်။ ဒီလို ပြောဆိုချက် မထွက်ခင် ရုရှားကလည်း မြန်မာနိုင်ငံမှာ နျူကလီယား ဓာတ်ပေါင်းဖို တည်ဆောက်ဖို့အတွက် ဆွေးနွေးစကား ပြောဆိုဖို့ စီစဉ်ထားတဲ့အကြောင်း ထုတ်ဖော် ပြောခဲ့ဖူးပါတယ်။
မြန်မာအစိုးရရဲ့ ပြောခွင့်ရသူ ဦးဉာဏ်ထွန်းကတော့ ဒီကိစ္စနဲ့ပတ်သက်ပြီး ငြင်းဆိုပါတယ်။
“ကျနော်တို့ဆီကနေပြီး အဲဒါနဲ့ပတ်သက်ပြီးတော့ ကြိုးပမ်းခဲ့တာလည်း မရှိပါဘူးခင်ဗျ။ ဒါကတော့ ပြင်ပမီဒီယာတွေကနေ သူတို့ရဲ့ ထင်မြင်ယူဆချက်သာ ဖြစ်ပါတယ်။ ကျနော်တို့က အဲဒါတွေကို ဘာမှ ဆောင်ရွက်တာ မရှိပါဘူးခင်ဗျ။ ကျနော်သိရသလောက်တော့ အဲဒီအစီအစဉ်နဲ့ ပတ်သက်ပြီးတော့ ဘာမှ လုပ်ထားတာမရှိဘူးလို့ သိရတယ်ခင်ဗျ။ အဲဒီအစီအစဉ်နဲ့ပတ်သက်ပြီး လုပ်ထားတာ ဘာညာလည်း မကြားမိပါဘူးခင်ဗျ။ ၂၀၀၂ ဆိုတော့လည်း နည်းနည်းတော့ ကြာသွားပြီပေါ့နော်။ ကြာသွားပြီဆိုတော့ အဲဒီအစီအစဉ်နဲ့ပတ်သက်ပြီးတော့ ကျနော်တို့ ဒီဘက်အစိုးရပိုင်းမှာတော့ ဘာမှ အဲဒါတွေ လုပ်ထားတယ်၊ ပြုတယ်လည်း မကြားပါဘူးခင်ဗျ။”
မြန်မာနိုင်ငံဟာ IAEA စတင်ဖွဲ့စည်းခဲ့တဲ့ ၁၉၅၇ ခုနှစ်ကတည်းက အဖွဲ့ဝင်ဖြစ်ခဲ့ပြီိး ၁၉၉၂ ခုနှစ်၊ အဏုမြူလက်နက် မပြန့်ပွားရေးစာချုပ်၊ ၁၉၉၅ ခုနှစ်မှာ နောက်ဆက်တွဲ စောင့်ကြည့်ထိန်းသိမ်းရေး စာချုပ်နဲ့ အရှေ့တောင်အာရှ အဏုမြူလက်နက် ကင်းစင်ရေးစာချုပ်၊ ၁၉၉၆ ခုနှစ် နျူကလီယား စမ်းသပ်မှု တားဆီးရေး သဘောတူညီချက် စတာတွေကို သဘောတူလက်မှတ် ရေးထိုးခဲ့ပါတယ်။
Ref: VOA News
ရခိုင်ပြည်နယ် အရေးပေါ်အကူအညီ ဒေါ်လာ ၄၁ သန်း လိုအပ်
21.11.2012
ဒီလထဲ ထပ်ပြီးဖြစ်ပေါ်ခဲ့တဲ့ ရခိုင်ပြည်နယ်က အကြမ်းဘက်မှု ဖြစ်စဉ်တွေကြောင့် ရခိုင်ပြည်နယ် အရေး အလှူရှင်နိုင်ငံတွေက နောက်တွန့် ကုန်ကြတယ်လို့ နယ်စပ်ရေးရာ ၀န်ကြီး ဒုတိယ ဗိုလ်ချုပ်ကြီး သိန်းဌေးက ဒီကနေ့ ပြောဆို လိုက်ပါတယ်။ ဂျီနီဗာမြို့က ကုလသမဂ္ဂ လူသားချင်း စာနာထောက်ထားမှု အကူအညီပေးရေး (UNOCHA) ရုံးချုပ်နဲ့ ရန်ကုန်မြို့က UNOCHA ရုံးခွဲတို့ ရဲ့ "ရခိုင်အရေး တုန့်ပြန်ဆောင်ရွက်မှု အစီအမံ (Rakhine Response Plan)" ခေါင်းစဉ်နဲ့ ပြုလုပ်ခဲ့တဲ့ ဗွီဒီယို ကွန်ဖရင့် အစည်းအဝေးမှာ နယ်စပ်ရေးရာ ၀န်ကြီးက အဲဒီလို ပြောဆိုခဲ့တာပါ။
ရခိုင်ပြည်နယ်အတွက် အရေးတကြီး အရေးပေါ် ကူညီထောက်ပံ့ရေး အမေရိကန်ဒေါ်လာ ၄၁ သန်း လိုအပ်နေတယ် လို့လည်း အဲဒီ အစည်းအဝေးမှာ ရန်ကုန်မြို့ UNOCHA ရုံးခွဲက ပေါင်းစပ် ညှိနှိုင်းရေးမှူးက ပြောဆိုခဲ့ပါတယ်။ ဒီအစည်းအဝေး အပြီး ပြုလုပ်တဲ့ သတင်းစာ ရှင်းလင်းပွဲကို တက်ရောက်ခဲ့တဲ့ ရန်ကုန်မြို့ရောက် ၀ိုင်းတော်သား ဦးရော်နီညိမ်းက သတင်းပို့ ထားပါတယ်။
ရန်ကုန်မြို့က မြန်မာနိုင်ငံ ကုန်သည်ကြီးများနဲ့ စက်မှုလုပ်ငန်းရှင်ကြီးများအသင်း (UMFCCI) ရဲ့ အစည်းအဝေး ခန်းမမှာ ဂျီနီဗာမြို့နဲ့ ရန်ကုန်မြို့က ကုလသမဂ္ဂ လူသားချင်း စာနာထောက်ထားမှု အကူအညီပေးရေး (UNOCHA) ရုံးချုပ်နဲ့ ရန်ကုန်ရုံးခွဲ ပေါင်းစပ် ညှိနှိုင်းရေး တာဝန်ခံတို့ကြားမှာ ဗွီဒီယို ကွန်ဖရင့် ပြုလုပ်ခဲ့အပြီး သတင်းစာ ရှင်းလင်းပွဲ လုပ်တဲ့အခါမှာတော့ ရန်ကုန်မြို့ကနေ တက်ရောက် ဆွေးနွေးခဲ့သူဖြစ်တဲ့ နယ်စပ်ရေးရာ ၀န်ကြီး ဒုတိယဗိုလ်ချုပ်ကြီး သိန်းဌေးက အဲဒီ ဗွီဒီယိုကွန်ဖရင့်နဲ့ ပတ်သက်ပြီးတော့ အခုလို သတင်းထောက်တွေကို ရှင်းပြခဲ့ပါတယ်။
“ဒီကနေ့ Rakhine Respone Plan ပေါ့လေ၊ ဒီဟာကို ခုနက UN Coordinator ကနေပြီးတော့ ဦးဆောင် ပြီးတော့ ဆောင်ရွက်တာဖြစ်ပါတယ်။ ဘာလို့ ဒီလို ဆောင်ရွက်ရလည်း ဆိုတော့ အဓိက ရည်ရွယ်ချက် ကတော့ ရခိုင်ပြည်နယ်မှာ ၂၀၁၂ ခုနှစ် ဇွန်လအတွင်းကနေ ဖြစ်ပွားခဲ့တဲ့ မငြိမ်မသက်မှုကနေပြီးတော့ ရွှေ့ပြောင်းဒုက္ခသည်ပေါင်း ၇၅,၀၀၀ လောက် ရှိနေတာဖြစ်ပါ တယ်။
“နောက်တခါ ဒီ ၇၅,၀၀၀ ကို နေ့တဓူဝ ကျွေးမွေးဖို့ ကိစ္စရပ်တွေနဲ့ ပတ်သက်ပြီးတော့လည်း ရန်ပုံငွေတွေဟာ တော်တော်လေး လိုအပ်နေတဲ့ အနေအထားဖြစ်ပါတယ်။ ဒီလိုအခြေအနေ အတွင်းမှာပဲ ၂၀၁၂ ခုနှစ် အောက်တိုဘာလမှာ နောက်ထပ်တကြိမ် မငြိမ်မသက်မှုတွေ ဆက် ဖြစ်ပွားတဲ့အတွက်ကြောင့် နောက်ထပ် ဒုက္ခသည်ပေါင်း ၃၆,၀၀၀ လောက် တိုးလာတဲ့ အနေ အထားဖြစ်ပါတယ်။ စုစုပေါင်း ပေါင်းလိုက်မယ်ဆိုရင် ၁၁၁,၀၀၀ လောက် ဒုက္ခသည်တွေ ရှိ လာတဲ့ အနေအထားဖြစ်လာပါတယ်။”
အခုအခါ ရခိုင်ပြည်နယ်မှာ ဒုက္ခသည်အမျိုးအစား အမျိုးမျိုးပေါင်းလိုက်ရင် ၆၀၀,၀၀၀ လောက် ရှိနေပြီလို့လည်း ဗိုလ်ချုပ်ကြီးသိန်းဌေးက ဆက်ပြီး ရှင်းပြပါတယ်။
ဒီလ အောက်တိုဘာလမှာ ထပ်ပြီးပေါ်ပေါက်လာတဲ့ အကြမ်းဖက်မှု ဖြစ်စဉ်တွေကြောင့် ဒီကနေ့ ရန်ကုန်နဲ့ ဂျီနီဗာ ဗွီဒီယိုကွန်ဖရင့် အစည်းအဝေးကို သူ တက်ရောက် စကားပြောခဲ့ရတာ ဖြစ်တယ်လို့လည်း ၀န်ကြီး ဒုတိယဗိုလ်ချုပ်ကြီးသိန်းဌေးက အခုလို ရှင်းပြပါတယ်။
“ကုလသမဂ္ဂ လူသားချင်းစာနာမှုအကူအညီပေးတဲ့ အဖွဲ့တွေက သွားရောက်ပြီးတော့ ထောက်ပံ့ ဖို့အတွက် အခက်အခဲတွေလည်း ဖြစ်ပေါ်လာတဲ့ အနေအထား ဖြစ်ပါတယ်။ အလှူရှင်နိုင်ငံတွေ ကလည်း မိမိတို့ ထည့်ဝင်ရမယ့် ငွေကြေး ပမာဏပေါ်မှာ တုန့်ဆိုင်းမှုတွေက ဖြစ်ပေါ်လာတာ ဖြစ်ပါတယ်။ အဲဒီတော့ ဒီလို အထွေထွေ အခြေအနေ အရပ်ရပ်သည် ရခိုင်ဒေသ အတွင်းမှာ နေထိုင်တဲ့ ဒုက္ခသည် ၆၀၀,၀၀၀ လောက်အပေါ်မှာ ရိုက်ခတ်မှုတွေ ရှိတဲ့ အတွက်ကြောင့် ဒီ အခြေအနေကနေ လွတ်မြောက်ဖို့ အတွက် ကျနော်တို့ ဆောင်ရွက်ဖို့ လိုအပ် လာတာဖြစ်ပါ တယ်။”
UNOCHA ရုံး နှစ်ရုံးရဲ့ ဗွီဒီယိုကွန်ဖရင့် အစည်းအဝေးကနေ ဒီနေ့ ဘာရလာဒ်တွေ ထွက်ပေါ်ခဲ့ ပါသလည်း သို့မဟုတ် ဆုံးဖြတ်ချက် တစုံတရာ ချမှတ်နိုင်ခဲ့ ပါသလားလို့ ရန်ကုန် OCHA ရုံးက ပေါင်းစပ်ညှိနှိုင်းရေးတာဝန်ခံ မစ္စတာ အာရှော့ခ် နီဂမ်းမ် (Ashok Nigam) ကို ဗွီအိုအေက မေး ကြည့်ခဲ့ပါတယ်။
“ဒီကနေ့ ဗွီဒီယိုကွန်ဖရင့် အစည်းအဝေးမှာ ဆုံးဖြတ်ချက် တစုံတရာ ချမှတ်ဖို့ မဟုတ်သလို ရလာဒ်တခုခု ရရှိဖို့လည်း မဟုတ်သေးဘဲနဲ့ ဂျီနီဗာမြို့မှာရှိတဲ့ UN OCHA ရုံးရဲ့အဖွဲ့ဝင် နိုင်ငံ ကိုယ်စားလှယ်တွေ၊ ရန်ကုန်မြို့မှာရှိတဲ့ UN OCHA အဖွဲ့ဝင်နိုင်ငံတွေက သံတမန်တွေ၊ သက်ဆိုင်ရာ လူမှုရေးအဖွဲ့အစည်းတွေအနေနဲ့ ရခိုင်ပြည်နယ်မှာ အရေးတကြီး အရေးပေါ် အကူအညီတွေ လိုအပ်နေတယ်ဆိုတာကို အားလုံး သဘောပေါက် နားလည်စေဖို့နဲ့ အခုအခါ ရေရှည်အတွက် မဟုတ်သေးဘဲ လတ်တလော အရေးပေါ် လူသားချင်း စာနာထောက်ထားမှု အကူအညီ ရခိုင်ပြည်နယ်အတွက် အမေရိကန်ဒေါ်လာ ၄၁ သန်း လိုအပ်နေတယ်" လို့ မစ္စတာ အာရှော့ခ် နီဂမ်းမ်က ဗွီအိုအေကို ပြန်ပြီး ရှင်းပြသွားခဲ့တာပါ။
ဒီကနေ့ပြုလုပ်တဲ့ ဗွီဒီယိုကွန်ဖရင့် အစည်းအဝေးမှာတော့ ရန်ကုန်မြို့ကနေ မစ္စတာ အာရှော့ခ် နီဂမ်းမ်နဲ့ ဂျီနီဗာမြို့ကနေ UN OCHA ရုံးရဲ့ ညွှန်ကြားရေးမှူး မစ္စတာ ရာရှစ်ဒ် ခါလီကော့ဗ်နဲ့ နိုင်ငံတကာစေတနာ့ဝန်ထမ်း အေဂျင်စီများကောင်စီ (ICVA) ရဲ့ ဥက္ကဋ္ဌ မစ္စ မယ်လာနီး ထက်ဖ် တို့က ဦးဆောင် ဆွေးနွေးခဲ့ကြတာဖြစ်ပြီးတော့ တခြားသော အဖွဲ့အစည်းတွေက တက်ရောက် သူတွေပါ ပါဝင် ဆွေးနွေးသွားခဲ့ပါတယ်။
Ref: VOA News
အကျင့်ပျက်ချစားမှု ဝိုင်းဝန်းတိုက်ဖျက်ဖို့ လိုအပ်
2012-11-21
အမျိုးသားဒီမိုကရေစီအဖွဲ့ချုပ် ဥက္ကဌ ကော့မှုး မြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်က အကျင့်ပျက် ချစားမှု တိုက်ဖျက်ဖို့ အတွက် အားလုံးမှာ တာဝန်ရှိကြောင်း ပြည်သူတွေကလည်း ပူးပေါင်း ပါဝင်ရမှာဖြစ်ကြောင်း ဒီကနေ့ တိုက်တွန်းပြောဆို ပါတယ်။
ဒေါ်အောင်ဆန်းစုကြည်က ဒီကနေ့ လွှတ်တော်ပြင်ပမှာ ၀န်ကြီးဌာန ၁၅ ခု ငွေကြေး အလွဲသုံးစား လုပ်မှုတွေ ရှိတယ်လို့ ပြည်ထောင်စု စာရင်း စစ်ချုပ်ရဲ့ လွှတ်တော်မှာ တင်ပြမှုနဲ့ ပတ်သက်ပြီး သတင်းထောက်တွေရဲ့ မေးမြန်းတာကို ဒေါ်အောင်ဆန်းစုကြည်ဖြေကြား ခဲ့ပါတယ်။
လွန်ခဲ့တဲ့ ၂၀၁၁ - ၂၀၁၂ ဘဏ္ဍာရေးနှစ်အတွင်း ခွဲဝေပေးခဲ့တဲ့ ဘဏ္ဍာငွေ အသုံးပြုရာမှာ ၀န်ကြီးဌာန ၁၅ ခုမှာ အလွဲသုံးစား လုပ်တာတွေ တွေ့ရှိချက် ပြည်ထောင်စု စာရင်းစစ်ချုပ်ရုံးရဲ့ အစီရင်ခံစာကို အခြေခံပြီး ပြည်ထောင်စု လွှတ်တော်မှာ မနေ့က ဆွေးနွေး ခဲ့ပါတယ်။
ငွေကြေးအလွဲသုံးစားလုပ်တဲ့ ဝန်ကြီးဌာန ၁၅ ခုမှာ ပြန်ကြားရေး၊ ရထားပို့ဆောင်ရေး၊ ဟိုတယ်နဲ့ ခရီးသွားလာရေး စတဲ့ ၀န်ကြီး ဌာနေတွေ ပါဝင်ပြီး နိုင်ငံတော် အနေနဲ့ နစ်နာဆုံးရှုံးမှု တန်ဖိုးက ကျပ်သန်းပေါင်း ငါးသောင်းကျော်နဲ့ အမေရိကန်ဒေါ်လာ ၂ သိန်း ရှိတယ်လို့ သိရှိ ရပါတယ်။
ဒါ့အပြင် ပုဂ္ဂလိက လုပ်ငန်းရှင်တွေကလည်း သက်ဆိုင်ရာ အစိုးရဝန်ကြီးဌာနတွေကို ပြန်လည်ပေးဆပ် ရမယ့် အကြွေးတွေ ကျပ်သန်းပေါင်း များစွာ ရှိနေကြောင်းလည်း ပြည်ထောင်စု စာရင်းစစ်ချုပ် ဦးသိန်းထိုက်က ပြီးခဲ့တဲ့ နိုဝင်ဘာလ ၁၄ ရက်နေ့ ပြည်ထောင်စု လွှတ်တော် အစည်းအဝေးမှာ တင်ပြ ခဲ့တယ်လို့ သိရပါတယ်။
Ref: RFA News
မူတူးဆေးဖိုး KNU စစ်ဦးစီးချုပ်အဖြစ် ဆက်လက်တာဝန် ယူဦးမည်
ဟင်္သာနီ (မွန်မြေ) | ဗုဒ္ဓဟူးနေ့၊ နိုဝင်ဘာလ ၂၁ ရက် ၂၀၁၂ ခုနှစ် ၁၉ နာရီ ၄၃ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်
စံခလပူရီ (မဇ္ဈိမ) ။ ။ ကရင်အမျိုးသားအစည်းအရုံး (KNU) မှ ထုတ်ပယ်ခြင်း ခံရသည်ဟု ကြေညာထားသည့် စစ်ဦးစီးချုပ် ဗိုလ်ချုပ်ကြီး မူတူးဆေးဖိုး အပါအဝင် ကြီးသုံးကြီးအား ရာထူးမှ ရပ်စဲခဲ့ခြင်းမှာ ကွန်ဂရက် ကသာ အဆုံးအဖြတ် ပေးနိုင်မည်ဟု ပုံမှန် ဗဟိုကော်မီတီ အစည်းအဝေးတွင် ချမှတ်ခဲ့ကြောင်း တွဲဖက် အထွေထွေ အတွင်းရေးမှူး (၁)ဗဒိုစောလှငွေ ပြောသည်။
ဗဟိုကော်မတီ ၄ဝ တက်ရောက်သည့် အဆိုပါ အစည်းအဝေးကို KNU ထိန်းချုပ် နယ်မြေတွင်းရှိ ဘားအံခရိုင်၊ လေးဝါး စခန်း၌ အောက်တိုဘာလ ၃၁ ရက်နေ့မှ နိုဝင်ဘာလ ၂ဝ ရက်နေ့ထိ ကျင်းပခဲ့ခြင်း ဖြစ်သည်။
“CEC (ဗဟိုအလုပ်အမှုဆောင်ကော်မတီ) က ဆုံးဖြတ်ချက် ချတာကို ဗဟိုကော်မီတီက သဘောမ တူတော့ အရေးယူ ဆောင်ရွက်ဖို့ အခက်အခဲ ရှိတယ်။ အရေးယူ ဆောင်ရွက်မယ် ဆိုရင်လည်းပဲ ဗဟိုကော်မီတီ ပုံမှန်နဲ့ ကွန်ဂရက် ဆက်လက် ကျင်းပဖို့အတွက် အနှောင့်အယှက် ရှိတဲ့ အတွက်ကြောင့် ကွန်ဂရက်ရဲ့ မူလ အခွင့်အရေး ဖြစ်တဲ့ ကွန်ဂရက်ရှေ့မှာ သဘောတူညီချက် အရ အသိအမှတ် ပြုထားတဲ့ ပုဂ္ဂိုလ်တွေကို ကွန်ဂရက် အထိ ပြန်ပါသွားနိုင်ခွင့် ရှိတယ်ဆိုတဲ့ မူလ Zero level ကို ပြန်သွားခဲ့ကြတယ်” ဟု ဗဒို စောလှငွေ က မဇ္ဈိမကို ပြောသည်။
ထို့ကြောင့် ဗိုလ်ချုပ်ကြီး မူတူးဆေးဖိုးမှာ KNU ၏ တရားဝင် စစ်ဦးချုပ်အဖြစ် ကွန်ဂရက် ခေါ်ချိန်အထိ ဆက်လက်၍ တာဝန် ယူသွားမည် ဖြစ်ပြီး ယခင် ကြီးသုံးကြီးကို ထုတ်ပြီး နောက်ပိုင်း တင်ခဲ့သည့် ယာယီ စစ်ဦးစီးချုပ် ဗိုလ်မှူးချုပ် ဘောကျော်ဟဲ မှာ တာဝန်မှ အလိုအလျောက် ပျက်ပျယ်သွားပြီ ဖြစ်သည်။
“အဓိက ညှိတာက လေးနှစ် တကြိမ် ချထားတဲ့ နိုင်ငံရေးလမ်းစဉ်၊ နိုင်ငံရေးနဲ့ ဆိုင်တဲ့ ရှေ့လုပ်ငန်းစဉ်ကို ညှိကြတာ။ ကွဲလွဲမှု မရှိပါဘူး။ ကြိုတင် တိုင်ပင်ပြီးမှ လုပ်ရမယ့် အလုပ်ကို လုပ်ပြီးမှ ပြန်တင်ပြတော့ ပြဿနာ ဖြစ်ခဲ့တာအပေါ် ပြန်လည် သုံးသပ်ပြီး လုပ်ထုံး လုပ်နည်းနဲ့ သေသေချာချာ လုပ်ငန်းပိုင်းဆိုင်ရာ အဓိပ္ပါယ် ဖွင့်ဆို၊ အစီအစဉ်တွေ အားလုံး ချမှတ်ပြီးတော့မှ အစီအစဉ်အတိုင်း လုပ်ကြဖို့ကို ကျနော်တို့ သဘောတူညီမှု ပြန်ယူခဲ့ကြတယ်” ဟု ဗဒိုလှငွေ က ဆက်ပြောသည်။
ထိုသို့ ပြန်လည် သုံးသပ်ချက်အရ ဗိုလ်ချုပ်ကြီး မူတူးဆေးဖိုး၏ မြဝတီမြို့ရှိ ဆက်ဆံရေးရုံး သွားရောက် ဖွင့်လှစ်ခဲ့ သည့် လုပ်ရပ်မှာ လုပ်ဟန် အမှားသဘော သက်ရောက်နေသည်ဟု ဆိုနိုင်သည်။
“သူတို့ ကိုယ်၌ကလည်း စေတနာ အရင်းခံနဲ့။ အခြေခံမူတွေ အပေါ်မှာ ဖောက်လွှဲ ဖောက်ပြန် လုပ်တာ မဟုတ်ဘူး။ သို့သော်လည်းပဲ ဒီလိုမျိုး အလျှင်အမြန် လုပ်ရမယ်၊ လုပ်ဖို့ လိုအပ်တယ်လို့ ယူဆပြီး လုပ်တော့ လုပ်ထုံးလုပ်နည်း တွေနဲ့ သူတို့ လုပ်ပုံ လုပ်နည်းတွေက အားနည်းမှု ရှိတယ်ဆိုတာ သူတို့ကိုယ်တိုင် ဝန်ခံတာတွေ ရှိပါတယ်” ဟု ဗဒို စောလှငွေ က ဆက်ပြောသည်။
မူတူးဆေးဖိုး၊ လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင်နှင့် တွဲဖက် အတွင်းရေးမှူး (၂) လည်းဖြစ် ဗဟို တရားရေး ဌာန တာဝန်ခံ ဗဒိုဒေးဗစ်ထော တို့အား ရာထူးမှ ရပ်ဆိုင်းရေး CEC ဆုံးဖြတ်ချက် ချရာတွင် ပါဝင်ခဲ့ သည့် KNU အထွေထွေ အတွင်းရေးမှူး နော်စီ ဖိုးရာစိန် က “ကျမတို့ စည်းလုံးညီညွတ်ရေး ဖော်ဆောင်ပြီးတော့ ကရင် တမျိုးသားလုံးအတွက် KNU က ချမှတ်ထားတဲ့ မူအတိုင်းက အားလုံးက လိုက်နာနိုင်မယ်ဆိုရင် ကျမတို့ ဆက်ပြီး သွားနိုင်မယ့် အပိုင်း၊ သွားလို့ ရပါတယ်” ဟု မဇ္ဈိမအား မှတ်ချက်ပြု၍ ပြောကြားခဲ့သည်။
အစည်းအဝေး အတွင်း၌ စစ်ဦးစီးချုပ်တို့ဘက်မှ တင်းတင်းမာမာ တုန့်ပြန်ပြောဆိုမှု မရှိဘဲ ညီညီ ညွှတ်ညွှတ်နှင့် ချမှတ် ထားသည့် မူအတိုင်း ရှေ့ဆက် လုပ်ဆောင်သွားကြရန် သဘောတူညီမှု ရရှိခဲ့သည်ဟု ၎င်းက ဆက်ပြောသည်။
ငြိမ်းချမ်းရေး တည်ဆောက်နိုင်ရန်အတွက် နိုင်ငံတော် အစိုးရနှင့် ဆက်လက် ဆောင်ရွက် သွားရန်ကိုလည်း အစည်း အဝေးတွင် တညီတညွှတ်တည်း သဘောထားပြုခဲ့ကြသည်။
ရရှိထားသည့် အပစ်အခတ် ရပ်စဲရေးကို ဆက်လက် ထိန်းသိမ်းသွားကာ နိုင်ငံရေး ပြဿနာကိုလည်း ဆက်လက် ဆွေးနွေး ဖြေရှင်း သွားမည်ဟု ဆိုသည်။
KNU ၏ ၁၅ ကြိမ်မြောက် ကွန်ဂရက်ကို ယခုနှစ် နိုဝင်ဘာလ ၂၆ ရက်နေ့ခန့်မှ စတင်ကာ ဒီဇင်ဘာ လလယ်ခန့်ထိ
ခေါ်ဆို ကျင်းပနိုင်ရန် ရည်ရွယ်ထားသည်ဟု သိရှိရသည်။
Ref: မဇ္ဈိမ
ဘင်္ဂလားဒေ့ရှ် နယ်စပ်ကို မြန်မာဘက်က ပိတ်
ငြိမ်းချမ်း
November 21, 2012
မြန်မာ-ဘင်္ဂလားဒေ့ရှ် နယ်စပ် ကူးသန်း သွားလာခွင့်ကို မြန်မာဘက်က ပိတ်ထားလိုက်ပြီး နယ်စပ်တွင် ဖမ်းဆီး ခံရကာ ပျောက်ဆုံးနေသော မြန်မာ စစ်သား ၃ ဦးကို ဘင်္ဂလားဒေ့ရှ် အာဏာပိုင်များက ရှာဖွေ မပေးသည့် အတွက် ဖြစ်နိုင်ကြောင်း သတင်း ရရှိသည်။
နိုဝင်ဘာလ ၅ ရက်နေ့တွင် အမည်မသိ လက်နက်ကိုင်အဖွဲ့တဖွဲ့က မြန်မာ-ဘင်္ဂလားဒေ့ရှ် နယ်စပ် ခြံစည်းရိုး ကာရံရေး လုပ်ငန်းခွင်မှ စစ်မြေပြင် ဆောက်လုပ်ရေး အင်ဂျင်နီယာ တပ်ဖွဲ့ဝင် စစ်သား ၃ ဦးကို ဖမ်းဆီးခေါ်ဆောင် သွားပြီး အရပ်သား တဦးကို ပစ်သတ်ခဲ့သည်။
မောင်တောမြို့နယ် အောင်ဗလရွာသား လှေသမားတဦးက “ခြံစည်းရိုးလုပ်ရင်း အဖမ်းခံလိုက်ရတဲ့ တပ်က လူတွေကို ဘင်္ဂလား ဘက်က ပြန်ရှာမပေးလို့ မြန်မာဘက်က ပိတ်ထားတာပါ။ ဘယ်တော့ ပြန်ဖွင့်မယ် ဆိုတာ မသိဘူး။ လောလောဆယ်တော့ ကျနော်တို့ တရားမဝင်လှေတွေ ထွက်လို့မရဘူး။ တရားဝင် နေ့ချင်းပြန် ပတ်စ်ပို့ သမားတွေကိုလည်း ပိတ်ထားတယ်လို့ ကြားပါတယ်” ဟု ပြောသည်။
မြန်မာနယ်ခြားစောင့် တပ်ဖွဲ့ဝင် တဦးကို ဆက်သွယ်မေးမြန်းရာ နယ်စပ် ပိတ်လိုက်သည်မှာ မှန်ကန်ကြောင်း အတည်ပြု ပြောကြားသော်လည်း အသေးစိတ်ဖြေဆိုရန်မှု ငြင်းဆန်သွားသည်။
မြန်မာ-ဘင်္ဂလားဒေ့ရ်ှနယ်စပ် တရားမဝင်နှင့် တရားဝင် ကူသန်းသွားလာခွင့်ကို ရခိုင်ပြည်နယ် ပဋိပက္ခကြောင့် ဇွန်လ ၈ ရက်နေ့မှ စ၍ ပိတ်ထားခဲ့ပြီး သြဂတ်လ ၂၇ ရက်နေ့တွင် နေ့ချင်းပြန် နယ်စပ်ကူး လက်မှတ်နှင့် တရားမဝင် လမ်းကြောင်းကို ပြန်ဖွင့်ပေးခဲ့ကြောင်း၊ ၇ ရက်သက်တမ်း နယ်စပ်ကူး လက်မှတ်ကိုမူ ယနေ့အထိ ပိတ်ထားဆဲဖြစ်ကြောင်း သိရသည်။
ဘင်္ဂလားဒေ့ရ်ှနိုင်ငံ တာ့ခ်နာမြို့နယ်ရှိ မြစ်နားရွာသားတဦးက “အခြေအနေကတော့ ဟိုဘက်ဒီဘက် သွားလာတာတွေ မရှိဘူး။ ဘင်္ဂလား ဘက်က ပိတ်ထားတာတော့ မဟုတ်ဘူး။ တာ့ခ်နာက နှစ်နိုင်ငံ ကုန်သွယ်ရေး ဆိပ်ကမ်းမှာလည်း မြန်မာဘက်က လှေတွေ မရှိသလောက်ပဲ။ တရားဝင်လမ်းက ၂ စီးလောက်ပဲ ရှိတယ်” ဟု မြစ်နားရွာသားက ပြောသည်။
ဖမ်းဆီးခံရသည့် စစ်သားများ ပြန်လည်ရရှိရေး အတွက် မြန်မာ နယ်စပ်ဒေသ လုံခြုံရေးနှင့် ကွပ်ကဲရေး (နစက) နှင့် ဘင်္ဂလားဒေ့ရ်ှနိုင်ငံ နယ်ခြားစောင့်တပ် (BGB) တို့ ၇ ကြိမ်ထက်မနည်း တွေ့ဆုံ ဆွေးနွေးခဲ့သည်။
မြန်မာဘက်မှ ဘင်္ဂလားဒေ့ရ်ှသို့ သစ်၊ နွား၊ ဝါး၊ ဆား၊ ငါး၊ ငါးခြောက်၊ သွားရည်စာ ယိုထုတ်များ၊ အဝတ်အထည် စသည်တို့ကို တင်သွင်းကြောင်း၊ တရားဝင်ရော မှောင်ခိုကုန်ပစ္စည်းကိုပါ ဘင်္ဂလားဒေ့ရ်ှက တရားဝင်အဖြစ် လက်ခံကာ ယင်းပစ္စည်းများပေါ်တွင် အခွန်ကောက်ခံကြောင်း သိရသည်။
“သစ်တို့၊ နွားတို့ကျတော့ မြန်မာဘက်က တရားဝင် ခွင့်ပြုတာတော့ မဟုတ်ဘူး။ ကျနော်တို့ ကုန်သည်တွေ ကလည်း အလုပ်အကိုင် ရှားပါတော့ သက်ဆိုင်ရာ အာဏာပိုင်တွေကို ပေးကမ်းပြီး လာနေကြရတာပဲ။ ဘင်္ဂလားဒေ့ရ်ှက ကျတော့လည်း သစ်တို့၊ နွားတို့ အပေါ်ကရတဲ့ အခွန်က အများဆုံး။ နောက်ပြီး သူတို့နိုင်ငံကို ဝင်လာတာဆိုတော့ ဘယ်လိုနည်းနဲ့ လာလာ လက်ခံနေတာပေါ့” ဟု တောင်ကုတ်မှ သစ်ကုန်သည်တဦးက ပြောသည်။
Ref: ဧရာဝတီ
လှိုင်သာယာ လယ်သမားတွေ ဆက်လက်တိုက်ပွဲဝင်
2012-11-21
ရန်ကုန်တိုင်း၊ လှိုင်သာယာမြို့နယ်မှာ အနော်ရထာစက်မှုဇုန်စီမံကိန်းအတွက် သိမ်းဆည်းထားတဲ့ လယ်ယာမြေတွေ ပြန်လည် ရရှိဖို့ကို လှိုင်သာယာမြို့နယ် အတွင်းပဒံ၊ အပြင်ပဒံ စတဲ့ ကျေးရွာ ၄ ရွာက လယ်သမားတွေဟာ လသာမြို့နယ်က ဝါဝါဝင်း ကုမ္ပဏီရုံးရှေ့မှာ ဆန္ဒပြနေတာ ၃ ပတ်ကျော်ကြာ အပြီး ဒီကနေ့မနက်ပိုင်းမှာ လသာမြို့နယ်တဝိုက် လမ်းလျှောက် ဆန္ဒပြခဲ့ကြပါတယ်။
ဝါဝါဝင်းကုမ္ပဏီရှေ့ သပိတ်စခန်းဖွင့်နေတဲ့ ရက်တွေအတွင်းမှာ လယ်သမားတွေရဲ့တောင်းဆိုချက်တွေကို အကောင် အထည် မဖော်ပေးတဲ့ အတွက် အခုလို လမ်းလျှောက် ဆန္ဒပြရတာဖြစ်ပြီး နောက်နေ့တွေမှာလည်း အခုလို ဆက်ပြသွားမယ်လို့ ဆန္ဒပြ လယ်သမား ကိုကြည်ရွင်က ပြောပါတယ်။
လယ်သမား အယောက် (၂၀)ကျော်ဟာ လသာရဲစခန်းရှေ့ကနေ လမ်း (၂ဝ)၊ ကမ်းနားလမ်းနဲ့ (၁၇) လမ်းတွေကို ချီတတ် ဆန္ဒပြခဲ့ကြပြီး အဲဒီကနေ သပိတ်စခန်း တည်ရှိတဲ့ ဝါဝါဝင်းကုမ္ပဏီရှေ့ကို လမ်းလျှောက်ကြတာ ဖြစ်ပါတယ်။
သပိတ်စခန်းဖွင့်တာ (၂၁)ရက် ကျော်လာခဲ့ပေမယ့် အာဏာပိုင်တွေနဲ့ ကုမ္ပဏီဘက်က ညှိနှိုင်းဆောင်ရွက်ပေးတာမျိုး မရှိသေးဘူးလို့ သိရပါတယ်။ လယ်သမားတွေဟာ မနက်ဖြန် မနက်ပိုင်းမှာလည်း ဆူးလေမြို့တော်ခန်းမရှေ့မှာ သွားရောက်ဆန္ဒပြမယ်လို့ သိရပါတယ်။
Ref: RFA News
လက်ပန်းတောင်းတောင် သပိတ်စခန်း ၄ ခုအထိ တိုးချဲ့ ဖွင့်လိုက်ပြီ
2012-11-21
စစ်ကိုင်းတိုင်း၊ မုံရွာခရိုင်၊ လက်ပန်းတောင်းတောင် ကြေးနီ စီမံကိန်း ကို ကန့်ကွက် ဆန္ဒပြနေတဲ့ ဒေသခံတွေဟာ နိုဝင်ဘာလ ၂၁ ရက်နေ့မှာ သပိတ်စခန်း (၄) ခု အထိ ဖွင့်ပြီး ကန့်ကွက် ဆန္ဒပြနေကြပါတယ်။
ဒီကနေ့မှာတော့ လက်ပန်းတောင်းတောင်ခြေ သပိတ်စခန်းကနေ ညောင်ပင်ကြီးရွာအထိ သံဃာတော်တွေနဲ့ ဒေသခံ လူထု (၇၀၀)ကျော်ဟာ လက်ပန်းတောင်းတောင် မပျောက်ကွယ်ရေး အတွက် လမ်းလျှောက် ဆန္ဒပြခဲ့ကြတယ်လို့ ဒီအရေးမှာ ပါဝင် လှုပ်ရှားနေတဲ့ မြန်မာနိုင်ငံ ဝိဇ္ဇာ၊သိပ္ပံ တက္ကသိုလ် ကျောင်းသားများအဖွဲ့မှ တာဝန်ခံ ကိုသောင်းထိုက်က ပြောပါတယ်။
လက်ပန်းတောင်းတောင်ခြေမှာ နိုဝင်ဘာလ (၁၇) ရက်နေ့က သပိတ်စခန်း (၂) ခု ဖွင့်လှစ် ထားရှိပြီး ဒီကနေ့ မှာတော့ လက်ပန်းတောင်းတောင်ပေါ်မှာ နောက်ထပ် သပိတ်စခန်း(၂)ခု ထပ်မံ ဖွင့်လှစ်ခဲ့တာပါ။
တောင်ပေါ်က အသစ်ထပ်ဖွင့်တဲ့ သပိတ်စခန်း(၂)ခုကို စားစရာတွေ ပို့ခွင့်မရဘဲ ဒေသခံ အာဏာပိုင်တွေက လမ်းမှာ တားဆီး ဟန့်တားတာတွေ ရှိတယ်လို့ သိရပါတယ်။ ဒီအရေးကို နေ့ရောညပါ ဆန္ဒပြနေကြပေမယ့် ဦးပိုင် ကုမ္ပဏီဘက်က အခုထက်ထိ ဖြေရှင်းဆောင်ရွက်ပေးတာမျိုး မရှိသေးဘူးလို့ သိရပါတယ်။
Ref: RFA News
အစိုးရသတင်းစာများ ရပ်ဆိုင်းရေး ပြည်ထောင်စု လွှတ်တော်တွင် တင်
ခင်ဦးသာ
November 21, 2012
ငွေကြေး အလွဲသုံးစားမှု ကိစ္စများနှင့် ပတ်သက်နေသည့် အစိုးရထုတ် နိုင်ငံပိုင်သတင်းစာများကို ရပ်ဆိုင်းရန် ပြည်ထောင်စု လွှတ်တော်၌ တင်ပြ တောင်းဆို လိုက်ကြောင်း သိရသည်။
ပြန်ကြားရေး ၀န်ကြီးဌာနအတွင်း ငွေကြေးအလွဲသုံးစားမှု လုပ်ဆောင်ခဲ့ခြင်းနှင့် ယခုအခါ ဒီမိုကရေစီ စနစ်ကို ကူးပြောင်းနေပြီ ဖြစ်သည့် အတွက် နိုင်ငံပိုင် သတင်းစာများအား ရပ်ဆိုင်းသင့်ပြီ ဖြစ်ကြောင်း ယမန်နေ့က ကျင်းပသော ပြည်ထောင်စု လွှတ်တော် အစည်းအဝေး၌ သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က တင်ပြခဲ့သည်။
ဒီမိုကရေစီ အသွင်ပြောင်းချိန်တွင် သတင်းစာများ၏ အခန်းကဏ္ဍ မြှင့်တင်နေသည်ကို တွေ့ရကြောင်း၊ အတိတ် ကာလကို ပြန်ကြည့်ပါက ပြန်ကြားရေး ၀န်ကြီးဌာနသည် သတင်းစာ ထုတ်ဝေမှု မရှိခဲ့ကြောင်း၊ ထို့ကြောင့် နိုင်ငံပိုင် သတင်းစာ များအား ယခု လွှတ်တော် သက်တမ်းတွင် လုံးဝ ရပ်ဆိုင်း သင့်ကြောင်း ဦးသိန်းညွန့်က ထောက်ပြ ဆွေးနွေးခဲ့သည်။
၎င်းက “အလွဲသုံးစားမှုတွေအပြင် လွှတ်တော်ရဲ့ အရေးကြီးတဲ့ ဆွေးနွေးချက်တွေ ကိုလည်း အနည်းအကျဉ်းပဲ ဖော်ပြတာတွေ့ရတယ်၊ ဒီတော့ ပုဂ္ဂလိက ကဏ္ဍကိုပဲ မြှင့်တင်ပေးသင့်တယ်။ အများပြည်သူရဲ့ ၀န်ဆောင်မှုမီဒီယာဆိုပြီး ဆောင်ရွက်မယ့် ကိစ္စကိုလည်းပဲ ၀န်ကြီးဌာနအနေနဲ့ ပြန်လည်စဉ်းစားသင့်တယ်” ဟု ဆိုသည်။
အစိုးရပိုင် သတင်းစာများ ရပ်ဆိုင်းရန် လွှတ်တော်၌ တင်ပြဆွေးနွေးမှုနှင့် ပတ်သက်၍ ဌာနဆိုင်ရာ အကြီးအကဲများ အနေဖြင့် မည်သို့မျှ ပြောဆိုလမ်းညွှန်မှု မရှိသေးကြောင်း မြန်မာ့အလင်း သတင်းစာတိုက် မန်နေဂျာ ဦးဝေဖြိုးသန်းက ပြောသည်။
ပြန်ကြားရေး ၀န်ကြီးဌာနအနေဖြင့် နိုင်ငံပိုင် သတင်းစာများကို ရပ်ဆိုင်းပေးရန် အစီစဉ်မရှိဟု ယူဆကြောင်း၊ အဘယ့်ကြောင့်ဆိုသော် ဌာနအနေဖြင့် နိုင်ငံပိုင် သတင်းစာများကို ပြည်သူ့ဝန်ဆောင်မှု သတင်းစာများ အဖြစ် လုပ်ဆောင်နေခြင်းကြောင့်ဖြစ်ကြောင်း ရန်ကုန် မီဒီယာဂရုပ် (ပ်) ၏ အမှုဆောင်အရာရှိချုပ် ဦးကိုကို (စက်မှု) က ပြောသည်။
“နိုင်ငံပိုင် သတင်းစာတွေက ရင်းနှီးမြှုပ်နှံမှုတွေ အများကြီး လုပ်ထားတော့ လောလောဆယ်မှာ ရပ်ဆိုင်းမယ့် အစီအစဉ်ရှိမယ် မထင်ပါဘူး။ ပုံနှိပ်စက်တွေလည်း လုပ်ထားတော့ ပုံစံအသစ်နဲ့ပဲ ဆက်သွားမှာပါ” ဟု ၎င်းက ဆိုသည်။
ဒီမိုကရေစီစနစ်သို့ အသွင်ကူးပြောင်းနေသည့် အချိန်တွင် နိုင်ငံပိုင် သတင်းစာများအနေဖြင့် အာဏာရ အစိုးရ၊ ပါတီ တရပ် အတွက်သာ ၀ါဒဖြန့်သော သတင်းစာအဖြစ် မလုပ်ဆောင်သင့်ကြောင်း၊ ပြည်သူများ သိသင့်သိထိုက်သော၊ ပြည်သူများအပေါ် ထင်ဟပ်စေမည့် အကြောင်းအရာများကို လွတ်လပ်ပွင့်လင်းစွာ ရေးသားဖော်ပြခြင်းဖြင့် ပြည်သူ့ ၀န်ဆောင်မှု မီဒီယာ ဖြစ်သင့်ကြောင်းလည်း ဦးကိုကိုက ပြောသည်။
အစိုးရထုတ် နိုင်ငံပိုင်သတင်းစာများအား ပြည်သူ့ ၀န်ဆောင်မှု မီဒီယာများအဖြစ် အသွင်သစ်ဖြင့် ၀န်ဆောင်မှု ပေးသွားမည်ဟု ပြန်ကြားရေးဝန်ကြီးဌာက မကြာသေးခင်က ကြေညာခဲ့ပြီးနောက် အရောင်အသွေး စုံလင်စွာဖြင့် ထုတ်ဝေနေသော်လည်း စာအရေးအသားများမှာမူ ပြောင်းလဲတိုးတက်လာခြင်း မရှိသေးသည့်အတွက် ဝေဖန်မှုများ ရှိနေသည်။
ကြေးမုံ၊ မြန်မာ့အလင်း၊ The New Light of Myanmar သတင်းစာများကို ဦးစီးထုတ်ဝေနေသည့် ပြန်ကြားရေး ၀န်ကြီးဌာနအတွင်း ငွေကြေး ကျပ်သိန်းပေါင်း ၂၅၀၀ ကျော် အလွဲသုံးစားမှု လုပ်ဆောင်ခဲ့ကြောင်း ပြည်ထောင်စု စာရင်းစစ်ချုပ်က ပြီးခဲ့သည့် မတ်လအတွင်း စစ်ဆေးဖော်ထုတ်ခဲ့သည်။
ထို ငွေကြေး မသမာမှုသည် ပြီးခဲ့သည့် ၄ နှစ်အတွင်း လုပ်ဆောင်ထားခြင်း ဖြစ်ကြောင်း၊ သိန်းပေါင်း ၂၅၀၀ ကျော်အနက် ၁၀၀၀ ကျော်သာ ပေးသွင်းထားကြောင်း မတ်လအတွင်း ထုတ်ပြန်ခဲ့သည့် ပြည်ထောင်စု စာရင်းစစ်ချုပ်ရုံး အစီရင်ခံစာတွင် ပါရှိသည်။ ထိုငွေကြေး အလွဲသုံးစားမှုကြောင့် မြန်မာ့အလင်း သတင်းစာတိုက်မှ တာဝန်ရှိသူ ၃ ဦးအား ပြီးခဲ့သည့်နှစ် နိုဝင်ဘာလအတွင်းက အရေးယူခဲ့သည်။
ငွေကြေးအလွဲသုံးစားမှုသည် ယခင်ပြန်ကြားရေး ၀န်ကြီးဟောင်း ဦးကျော်ဆန်း လက်ထက်တွင် ဖြစ်ပေါ်ခဲ့ခြင်း ဖြစ်သည်။
ဦးကျော်ဆန်း နေရာတွင် ဦးအောင်ကြည်အား ၂၀၁၂ ခုနှစ် သြဂုတ်လ ၂၇ ရက်နေ့တွင် သမ္မတ ဦးသိန်းစိန်က ပြောင်းလဲ တာဝန်ပေးအပ်ခဲ့သည်။
ဝန်ကြီး ဦးအောင်ကြည် တာဝန်ယူပြီး မကြာမီတွင် အစိုးရပိုင် သတင်းစာများကို အများပြည်သူ ၀န်ဆာင်မှု သတင်းစာများအဖြစ် အသွင်ပြောင်းလဲမည်ဟု ကြေညာပြီး ရောင်စုံ သတင်းစာများ အဖြစ်ထုတ်ဝေခဲ့သည်။
နိုင်ငံပိုင်သတင်းစာ တစောင်ဖြစ်သည့် ကြေးမုံ သတင်းစာသည် ၁၉၅၇ ခုနှစ်တွင် ပုဂ္ဂလိကပိုင် သတင်းစာအဖြစ် ထုတ်ဝေခဲ့ပြီး ၁၉၆၂ ခုနှစ်တွင် ဗိုလ်ချုပ်ကြီး နေ၀င်း အာဏာသိမ်းပြီးနောက် ပြည်သူပိုင်အဖြစ် သိမ်းယူ၍ ထိုအချိန်မှ ယနေ့အထိ အစိုးရ၏ ၀ါဒဖြန့် သတင်းများကိုသာ ရေးသားလျက်ရှိသည်။ မြန်မာ့အလင်း သတင်းစာကို ၁၉၉၃ ခုနှစ်တွင် ထုတ်ဝေခဲ့သည်။
ပြန်ကြားရေးဝန်ကြီး အပါအ၀င် ၀န်ကြီးဌာနပေါင်း ၁၅ ခုသည် ကျပ်ငွေဘီလီယံ ၆၀ ၀န်းကျင် ငွေကြေး အလွဲသုံးစားမှု၊ ငွေစာရင်း မမှန်မကန် ဖော်ပြမှုများအား ပြည်ထောင်စု စာရင်းစစ်ချုပ်ရုံးက နှစ်ကြိမ်တိုင် စစ်ဆေးဖော်ထုတ်ခဲ့ပြီး၊ ထိုငွေများကို အချိန်ကာလတခုအတွင်း ပေးသွင်းရန်အတွက် ယမန့်က ကျင်းပခဲ့သည့် ပြည်ထောင်စု လွှတ်တော်က သဘောတူညီခဲ့ကြသည်။
ငွေကြေး အလွဲသုံးစားမှုများနှင့် ပတ်သက်၍ အောက်ခြေအဆင့် ၀န်ထမ်းတချို့ကို အရေးထားသည့် အကြောင်းအရာများ ပါဝင်ကြောင်း၊ ညွှန်ကြားရေးမှူးချုပ်၊ ညွှန်ကြားရေးမှူး အဆင့်ရှိသူ တချို့ကို ဌာနပြောင်းရွှေ့ပေးထားသည်ကို စာရင်းစစ်ချုပ်ရုံးမှ ပြည်ထောင်စု လွှတ်တော်သို့ ပေးပို့သော သ၀ဏ်လွှာတွင် ပါရှိကြောင်း အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က ပြောသည်။
ဝန်ကြီးဌာနများ၏ ငွေကြေးအလွဲသုံးမှု ကိစ္စများကို နိုင်ငံပိုင် သတင်းစာများ၌ အကျယ်တ၀င့်ရေးသား ဖော်ပြပေးခြင်း မရှိပေ။
Ref: ဧရာဝတီ
Tuesday, November 20, 2012
သမ္မတအိုဘားမား ရန်ကုန်တက္ကသိုလ် မိန့်ခွန်း ကောက်နုတ်ချက်
ဦးသန်းလွင်ထွန်း
18.11.2012
၁၉ နိုဝင်ဘာ ၂၀၁၂ တနင်္လာနေ့က ရန်ကုန်တက္ကသိုလ်တွင် ပြောကြားခဲ့သည့် သမ္မတ အိုဘားမား၏ မိန့်ခွန်း ကောက်နုတ် ချက်များ (အိမ်ဖြူတော် သတင်းဌာနမှ ထုတ်ပြန်သည်)။
အမေရိကန်ပြည်ထောင်စုအနေနဲ့ လူသားတွေရဲ့ ဂုဏ်သိက္ခာကို ယုံကြည်တဲ့ အတွက် ကျနော် ဒီကို လာခဲ့တာ လို့ပဲပြောပါရစေ။ ပြီးခဲ့တဲ့ ဆယ်စုနှစ်တော်တော် များများမှာ ၊ ကျနော်တို့ ၂ နိုင်ငံဟာ သူစိမ်းပြင်ပြင်ဖြစ်ခဲ့ပါတယ်။ ဒီနေ့မှာတော့ ၊ ဒီနိုင်ငံရဲ့ ပြည်သူတွေဖြစ်တဲ့ ခင်ဗျားတို့ အားလုံးကို ကျနော်တို့ အမြဲ ယုံကြည် မျှော်လင့်နေခဲ့တာပါ ဆိုတာကို ကျနော်ပြောနိုင်ပါပြီ။ ကျနော်တို့ အတွက် မျှော်လင့်ချက်တွေပေးသလို၊ ခင်ဗျားတို့ အားလုံးရဲ့ သတ္တိတွေကိုလည်း ကျနော်တို့ မျက်ဝါးထင်ထင် မြင်ခဲ့ရပြီးပါပြီ။
တနင်္ဂနွေနေ့တွေမှာ နိုင်ငံရေး အကျဉ်းသားတွေရဲ့ မိသားစုတွေကို ၀တ်စုံဖြူတွေ၊ ၀တ်ပြီး သွားတွေ့အားပေးကြတဲ့ လုပ်ဖော် ကိုင်ဖက် တက်ကြွ လှုပ်ရှားသူတွေ၊ လမ်းမထက်မှာ ငြိမ်းချမ်းစွာ ဆန္ဒပြခဲ့ကြတဲ့ ဘုန်းတော်ကြီးတွေ၊ ကျနော်တို့တွေ့ခဲ့ ရပါတယ်။ ဆိုင်ကလုံး မုန်တိုင်းဒဏ် ခံရသူတွေကို ကူညီဖို့ စုပေါင်း လုပ်ဆောင်ကြတဲ့ သာမန်ပြည်သူတွေရဲ့ အကြောင်း၊ ကျောင်းသားတွေရဲ့ အသံ၊ လွတ်လပ်ခြင်း သီချင်းတွေကို သီကျူးနေတဲ့ ဟစ်ပ်ဟော့ပ် ဂီတသမားတွေရဲ့ အသံ၊ အားလုံးကိုလည်း ကျနော်တို့ကြားခဲ့ ရပါတယ်။ ပြည်ပမှာရောက်ရှိနေပြီး အမိမြေနဲ့ မိသားစုထံ အမြဲ တမ်းတ ဆက်သွယ် ချင်နေတဲ့ ဒုက္ခသည်တွေ၊ ပြည်ပရောက် အင်အားစုတွေ အကြောင်းလည်း ကျနော်တို့ သိခဲ့ရပါတယ်။ ဒါ့အပြင် ဒေါ်အောင်ဆန်းစုကြည် ရဲ့အံ့မခန်း ဂုဏ်သိက္ခာ ကြီးမားမှုကိုလည်း ကျနော်တို့ လေးစား အားကျခဲ့ရပါတယ်။ ဒေါ်အောင်ဆန်းစုကြည်ဟာ ယုံကြည်ချက်နှလုံးသား ခိုင်မြဲသူတွေကို ဘယ်လိုမှ အကျဉ်းချထားလို့ မရနိုင်ဘူးဆိုတာ သက်သေပြခဲ့တာပါ။
သမ္မတရာထူး လက်ခံခဲ့တဲ့ အချိန်တုန်းက ကမ္ဘာပေါ်မှာ ရှိနေတဲ့ ခြိမ်းခြောက် အုပ်စိုးနေတဲ့ အစိုးရတွေဆီကို ကျနော် သ၀ဏ်လွှာ စကား ပါးခဲ့ဖူးပါတယ်။ အဲဒါကတော့ - “တင်းကြပ်တဲ့ လက်သီးတွေကို ဖြေလိုက်မယ်ဆိုရင် ကျနော်တို့ ဘက်ကလည်း လက်ကမ်းပါမယ်” ဆိုတဲ့ စကားပါပဲ။ ပြီးခဲ့တဲ့ ၁ နှစ်ခွဲကျော် ကာလ အတွင်းမှာပဲ၊ အပြောင်းအလဲတွေဟာ အရှိန်အဟုန်နဲ့ပေါ်လာ ခဲ့ပါတယ်။ ဆယ်စုနှစ် ၅ ခုကြာ၊ အာဏာရှင် စနစ်နဲ့ အုပ်စိုးခဲ့ သူတွေဟာ သူတို့ရဲ့ ချုပ်ကိုင်မှုတွေကို ဖြေလျော့ လာခဲ့ပါပြီ။
သမ္မတဦးသိန်းစိန်ရဲ့ ခေါင်းဆောင်မှုအောက်မှာ ပြောင်းလဲမှုလိုလားတဲ့ဆန္ဒတွေနဲ့ ပြုပြင်ပြောင်းလဲရေး လုပ်ငန်းစဉ် တခု ဆုံဆည်းပေါ်ထွက် လာခဲ့ပါပြီ။ အခုဆိုရင်၊ အရပ်သား အစိုးရ တခုနဲ့ အတူ၊ ပြည်သူ့လွှတ်တော် ဟာလည်း အင်အားယူပေါ်ထွက် လာနေပါပြီ။ တချိန်က တရားမ၀င်ဖြစ်ခဲ့တဲ့ အမျိုးသား ဒီမိုကရေစီ အဖွဲ့ချုပ် ဆိုလျှင်လည်း၊ ရွေးကောက်ပွဲ ၀င်ရောက်ပြီး ဒေါ်အောင်ဆန်း စုကြည် ကိုယ်တိုင်တောင် လွှတ်တော်အမတ် တဦးဖြစ်နေပါပြီ။
နိုင်ငံရေးအကျဉ်းသားတွေလည်း ရာနဲ့ချီပြီ လွတ်မြောက်လာခဲ့သလို၊ အဓမ္မလုပ်အားစေခိုင်း မှုတွေကို တားဆီးမှုတွေ ရှိနေပါပြီ။ တိုင်းရင်းသား လက်နက်ကိုင် အဖွဲ့တွေနဲ့ ပဏာမ အပစ်အခတ် ရပ်စဲရေးတွေ လုပ်နိုင်ခဲ့သလို၊ ပိုပြီးပွင့်လင်းတဲ့ စီးပွားရေး အတွက် ဥပဒေအသစ်တွေ လည်း ပေါ်လာနေပါပြီ။ ဒါ့ကြောင့် ဒီနေ့မှာ ကျနော်အနေနဲ့ ပေးခဲ့တဲ့ ကတိအတိုင်း၊ မိတ်ဆွေအဖြစ် လက်ကမ်းဖို့ ရောက်လာ ခဲ့တာပါ။ အခုဆိုရင်၊ ရန်ကုန်မြို့မှာ အမေရိကန် သံအမတ်ကြီးလည်း ရှိနေပါပြီ။
ပိတ်ဆို့ဒဏ်ခတ်မှုတွေလည်း လျှော့ချထားပြီးပါပြီ။ မြန်မာနိုင်ငံမှာ စီးပွားရေးပြန်လည် နာလန် ထူနိုင်ပြီး၊ ပြည်သူတွေ အတွက် အခွင့်အလမ်းတွေပေါ်လာအောင် ကျနော်တို့ ကူညီပါ့မယ်။ ဒါဟာ တကမ္ဘာလုံး ဖွံ့ဖြိုးဖို့အတွက် အင်အား တရပ်လည်းဖြစ်စေ ရပါမယ်။ ဒါပေမဲ့လည်း ဒီခရီးဟာ အခုမှ အစပဲရှိသေးပြီး၊ ရှေ့ဆက် အများကြီး သွားရအုံးမှာပါ။ လူမှုအသိုင်းအ၀ိုင်းရဲ့ ထိပ်ပိုင်းကနေ၊ ဆင်းသက်လာတဲ့ ပြုပြင်ပြောင်းလဲရေးတွေဟာ အခြေခံမှာရှိနေတဲ့ ပြည်သူတွေရဲ့ မျှော်မှန်းမှုတွေနဲ့ တထပ်တည်းရှိဖို့ လိုပါတယ်။ ကျနော်တို့ အခုမြင်နေရတဲ့ တိုးတက်မှု ရောင်ခြည် မီးပွားလေးတွေ၊ ငြိမ်းမသွားစေရေးနဲ့ ဒီမီးပွားလေးတွေဟာ မြန်မာပြည်သူ တရပ်လုံးအတွက်၊ ရှေ့ဆောင်လမ်းပြ ဓူဝံကြယ်ကြီးလိုဖြစ်သွားစေဖို့ လိုပါတယ်။
အဖိနှိပ်ခံရမှုတွေအစား အားလုံးစုံရုံးပိုင်ခွင့်ကို အပြည့်အ၀လေးစားလိုက်နာရပါမယ်။ ချုပ်ချယ် ကန့်သတ်မှုတွေ အစား သတင်း ဆင်ဆာဖြတ်တောက်မှုတွေကို ဆက်ပြီး ဖယ်ရှား သွားရပါလိမ့်မယ်။ ဒီလမ်းစဉ်အတိုင်း ဆက်လျှောက် သွားရင်၊ တိုးတက်မှုတွေ တွေ့လာမှာပါ။ မြစ်ဆုံရေကာတာ စီမံကိန်းမှာ ဆိုရင်၊ ကန့်ကွက်ကြတဲ့ ပြည်သူတွေရဲ့ အသံကို လစ်လျူ မရှု့ဘဲ၊ လေးစား လိုက်နာခဲ့တာကို တွေ့ခဲ့ရပါပြီ။
မတရားအသင်းလို့ ကြေငြာမှုတွေမရှိတော့ဘဲ နိုင်ငံရေး ပါတီတွေကိုလည်း လှုပ်ရှား လုပ်ဆောင်ခွင့်တွေ ပေးလာနေ ပါပြီ။ လွှတ်တော်ရွေးကောက်ပွဲတွေ တုန်းက ဆိုရင်၊ မဲဆန္ဒရှင်တဦးက - ကျနော့် အဖိုးအဖွားတွေ၊ တချိန်လုံးစောင့်ဆိုင်း ခဲ့ပြီး၊ မတွေ့သွားတဲ့ ဒီအခွင့်အရေး ပါပဲလို့ ပြောခဲ့တာ ကြားရပါတယ်။
ဒီလိုမဲဆန္ဒရှင်တွေရဲ့ လွတ်လပ်မှုကို ကာကွယ်ဖို့အတွက် အာဏာရှိသူတွေအနေနဲ့ သဘောထားကြီး ထိန်းချုပ်နိုင်ဖို့ လိုပါတယ်။ ဒါဟာ အမေရိကန်နိုင်ငံရေး စနစ်ရဲ့ ပုံစံပါပဲ။ အမေရိကန်မှာ ကမ္ဘာပေါ်မှာ အင်အား အကြီးဆုံးစစ်တပ် ရှိပေမယ့်၊ ဒီစစ်တပ်ဟာ အရပ်သား အစိုးရရဲ့ ထိန်းချုပ်မှုကို နာခံရပါတယ်။ ကျနော် ကိုယ်တိုင် သမ္မတ နိုင်ငံတော် စစ်သေနာပတိချုပ် ဆိုပေမယ့် ကျနော်ရဲ့ ဆန္ဒတိုင်းကို ကွန်ဂရက် လွှတ်တော်မှာ အတင်းအကြပ် အတည်ပြုခိုင်းလို့ မရပါဘူး။ နိုင်ငံတော်ရဲ့ တရားသူကြီးတွေကို ကျနော်က ခန့်အပ်ရတာ ဆိုပေမယ့်၊ သူတို့ရဲ့ တရားစီရင်ရေးမှာ ကျနော်ဝင်ပါလို့ မရပါဘူး။ ဘာကြောင့်လဲဆိုတော့ အမေရိကားမှာ ဆင်းရဲတဲ့ ကလေးငယ်လေးကနေ၊ သမ္မတ အထိ အားလုံးဟာ ဥပဒေအောက်မှာ တညီတညာတည်းဖြစ်နေလို့ ပါပဲ။
ဒီလို နည်းလမ်းနဲ့ပဲ ကိုယ်ရောက်ချင်တဲ့ အနာဂတ်ကို ရောက်အောင် သွားနိုင်မှာပါ။ အဲဒီအနာဂတ်မှာ ဆိုရင်၊ နိုင်ငံရေး အကျဉ်းသား တစ်ယောက် ရှိနေတယ် ဆိုရင်တောင် များလွန်းလှပြီလို့ ဆိုကြ ပါလိမ့်မယ်။ ဥပဒေဟာလည်း ခေါင်းဆောင်တွေရဲ့ အထက်မှာ ရှိနေပြီး၊ ဘယ်ကလေးသူငယ်ကို မှလည်း စစ်သားအဖြစ် ခိုင်းစားတာမျိုး မရှိသလို၊ ဘယ်အမျိုးသမီး ကိုမှလည်း မတရားခေါင်းပုံဖြတ်တာ မရှိတော့ပါဘူး။
နိုင်ငံတော်ရဲ့ လုံခြုံရေးကို အရပ်သားထိန်းချုပ်မှုအောက်မှာရှိတဲ့ စစ်တပ်က ကာကွယ်ပေးထားပြီး၊ ပြည်သူ လူထုက ရွေးချယ်ပေးလိုက်တဲ့ သူတွေ အုပ်ချုပ်ခွင့် ရှိစေမယ့်၊ ဖွဲ့စည်းပုံ အခြေခံ ဥပဒေတရပ်လည်း ရှိနေမယ့် အနာဂတ်ဖြစ်ပါတယ်။ ဒီခရီးလမ်းကို ရောက်အောင်သွားဖို့ အမေရိကန်ပြည်ထောင်စုက အဆင့်တိုင်းမှာ ကူညီသွားပါမယ်။ လူထု လူတန်းစား အဖွဲ့အစည်းတွေ အားကောင်းလာစေဖို့ အကူအညီတွေ၊ ဂုဏ်သိက္ခာရှိပြီး လူ့အခွင့်အရေးလေးစားတဲ့ စစ်တပ် တရပ်ဖြစ်လာစေဖို့ ၊ ဒါ့အပြင် စီးပွားရေး ဖွံ့ဖြိုးမှုတွေနဲ့ အတူ၊ ဒီမိုကရေစီ လမ်းစဉ်ဆီကို ရှေ့တိုး လုပ်ဆောင်လာနိုင်ရေး၊ ပူးပေါင်းဆောင်ရွက်သွားဖို့ ကျနော်တို့ ကူညီသွားမှာပါ။
နိုင်ငံသားဆိုတာကို အဓိပ္ပါယ်ဖွင့်ဆိုဖို့ ဘယ်နိုင်ငံမဆို အပြင်းအထန် ကြိုးစား ခဲ့ကြရပါတယ်။ အမေရိကန်နိုင်ငံမှာလည်း ဒီပြဿနာနဲ့ ပတ်သက်ပြီး အကြီးအကျယ် ဆွေးနွေးငြင်းခုံ ခဲ့ရတာပါ။ အခုထိလည်း ဆက်ပြီး ငြင်းခုံရဆဲပါ။ ဒါပေမယ့် အဓိက အခြေခံ အချက်တွေကတော့ တကမ္ဘာလုံး အတွက် အတူတူပါပဲ။ ဘယ်သူဖြစ်ဖြစ် အခြိမ်းခြောက် မခံရပဲ နေထိုင်နိုင်ခွင့် ရှိဖို့ လိုပါတယ်။ မိသားစုတွေ ဘေးရန်ကင်းကင်း နေနိုင်ဖို့ လိုပါတယ်။ သူတို့ ဘယ်သူဘယ်ဝါဖြစ်နေလို့ ဒါမှမဟုတ် သူတို့ ဘယ်နေရာကနေ ရောက်လာလို့ ဆိုပြီး သူတို့အိမ်တွေ မီးရှို့ ခံရတာမျိုး မဖြစ်သင့်ပါဘူး။ နောက်ဆုံး ကုန်ကုန်ပြောရရင် ကိုယ့်နိုင်ငံသားတွေ ကပဲ ကိုယ့်ရဲ့ နိုင်ငံညီညွတ်မှုကို လုပ်နိုင်တာပါ။ မြန်မာနိုင်ငံသားတွေဟာ မတူကွဲပြားမှု ဆိုတာကို အားနည်းချက် တရပ်အနေနဲ့ မဟုတ်ဘဲ၊ အင်အားအဖြစ် အသုံးချနိုင်လိမ့်မယ်လို့ ကျနော် အခိုင်အမာ ယုံကြည်ပါတယ်။
ကျနော့် နိုင်ငံ၊ ကျနော် လျှောက်လှမ်းခဲတဲ့ ဘ၀အတွေ့အကြုံတွေကို ကျနော် ပြောပြနေတာပါ။ အမေရိကန် ပြည်ထောင်စုဟာ ခရစ်ယာန်တွေနဲ့ ဂျူးတွေ၊ မူစလင်နဲ့ ဗုဒ္ဓဘာသာ ၀င်တွေ၊ ဟိန္ဒူနဲ့ ဘာသာ အယူဝါဒ မရှိသူတွေ အတူနေကြတဲ့ နိုင်ငံပါ။ ကျနော်တို့ နိုင်ငံဟာ ဘာသာစကား မျိုးစုံနဲ့ ယဉ်ကျေးမှု မျိုးစုံ ထွန်းကားတဲ့ နိုင်ငံပါ။ ကျနော်တို့မှာ ပြည်တွင်းစစ်ရဲ့ ခါးသီးမှုတွေ ရှိခဲ့ပေမယ့် လူသားတွေဟာ အမုန်းတရားတွေကို အသဲနှလုံးထဲကနေ ဖယ်ရှားနိုင်စွမ်း ရှိတယ်၊ ဘာသာ နဲ့ လူမျိုးဆိုတဲ့ ကဏ္ဍခြားထားတဲ့ လိုင်းတွေကလည်း မှေးမှိန် သွားနိုင်ပါတယ် ဆိုတာကို သမိုင်းကပြနေပါတယ်။ တကယ်တမ်း ဘာကျန်နေသလဲ ဆိုတော့ ရိုးသားတဲ့ အမှန်တရား ပါပဲ။ အမေရိကန်နိုင်ငံမှာ ကွဲပြားမှုတွေ အများကြီး ရှိပေမယ့် ကျနော်တို့ဟာ တစိတ်ထဲ တ၀မ်းထဲ လူမျိုး တမျိုးထဲပါ။ ကာလကြာလာတာနဲ့ အမျှ ဒီအမှန်တရား ကနေ ကျနော်တို့ နိုင်ငံကို အင်အားဖြစ်စေခဲ့ပါတယ်။
ကျနော်တို့ဟာ ဖွဲ့စည်းပုံ အခြေခံဥပဒေကို ကျွန်တော်တို့ ကိုင်စွဲထားတဲ့ ဒီမိုကရေစီ မူဝါဒတွေ အတိုင်း ဖြည့်ပြီး ပြင်ဆင် ခဲ့ပါတယ်။ ကမ္ဘာပေါ်မှာ အင်အား အကြီးဆုံး နိုင်ငံကြီးရဲ့ သမ္မတ တဦးအနေနဲ့ ဒီကနေ့ ခင်ဗျားတို့ရှေ့မှာ ကျနော် မားမားမတ်မတ် ရပ်နေပါပြီ။ ကျနော်ဟာ အရင်တုန်းက မဲပေးခွင့်မရှိတဲ့ သူတဦးရဲ့ အမျိုးအနွယ် တဦးပါ။ ဒီ နိုင်ငံ နယ်နိမိတ်အတွင်း ရှိသမျှ လူသားတွေဟာ ဒီနိုင်ငံရဲ့ သမိုင်း အစိတ်အပိုင်း ပဲဖြစ်ပါတယ်။ ဒါ့ကြောင့် ဒီနိုင်ငံမှာလည်း မတူကွဲပြားမှုတွေကို ကျော်လွှားနိုင်မယ်လို့ ကျနော့် နက်နက်ရှိုင်းရှိုင်း ယုံကြည်ပါတယ်။
Excerpts of President Obama's Speech in Burma
FOR IMMEDIATE RELEASE:
Above all, I came here because of America’s belief in human dignity. Over the last several decades, our two countries became strangers. But today, I can tell you that we always remained hopeful about you – the people of this country. You gave us hope. And we bore witness to your courage.
We saw the activists dressed in white visit the families of political prisoners on Sundays, and monks dressed in saffron protesting peacefully in the streets. We learned of ordinary people who organized relief teams to respond to a cyclone, and heard the voices of students and the beats of hip hop artists projecting the sound of freedom. We came to know exiles and refugees who never lost touch with their families or their ancestral home. And we were inspired by the fierce dignity of Daw Aung San Suu Kyi, as she proved that no human being can truly be imprisoned if hope burns in your heart.
When I took office as President, I sent a message to those governments who ruled by fear: “we will extend a hand if you are willing to unclench your fist.” And over the last year and a half, a dramatic transition has begun, as a dictatorship of five decades has loosened its grip. Under President Thein Sein, the desire for change has been met by an agenda for reform. A civilian now leads the government, and a parliament is asserting itself. The once-outlawed National League for Democracy stood in an election, and Aung San Suu Kyi is a Member of Parliament. Hundreds of prisoners of conscience have been released, and forced labor has been banned. Preliminary cease-fires have been reached with ethnic armies, and new laws allow for a more open economy.
So today, I have come to keep my promise, and extend the hand of friendship. America now has an Ambassador in Rangoon, sanctions have been eased, and we will help rebuild an economy that can offer opportunity for its people, and serve as an engine of growth for the world. But this remarkable journey has just begun, and has much further to go. Reforms launched from the top of society must meet the aspirations of citizens who form its foundation. The flickers of progress that we have seen must not be extinguished – they must become a shining North Star for this entire nation’s people.
***
Instead of being repressed, the right of people to assemble together must now be fully respected. Instead of being stifled, the veil of media censorship must continue to be lifted. As you take these steps, you can draw on your progress. Instead of being ignored, citizens who protested the construction of the Myitsone dam were heard. Instead of being outlawed, political parties have been allowed to participate. As one voter said during the parliamentary elections, “Our parents and grandparents waited for this, but never saw it.”
To protect the freedom of that voter, those in power must accept constraints. That is what our American system is designed to do. America may have the strongest military in the world – but it must submit to civilian control. As President and Commander-in-Chief, I cannot just impose my will on our Congress – even though sometimes I wish I could. I appoint some of our judges, but I cannot tell them how to rule – because every person in America, from a child living in poverty to the President – is equal under the law.
That is how you must reach for the future you deserve – a future where a single prisoner of conscience is one too many, and the law is stronger than any leader; where no child is made to be a soldier, and no woman is exploited; where national security is strengthened by a military that serves under civilians, and a Constitution guarantees that only those who are elected by the people may govern. On that journey, America will support you every step of the way: by using our assistance to empower civil society; by engaging your military to promote professionalism and human rights; and by partnership with you as you connect your progress towards democracy with economic development.
***
Every nation struggles to define citizenship – America has had great debates about these issues, and they continue to this day. But certain principles are universal – the right of people to live without the threat that their families may be harmed or their homes may be burned simply because of who they are or where they come from. Ultimately, only the people of this country can define your union, but I have confidence that – as you do – you can draw on diversity as a strength, not a weakness.
I say this because my own country, and my own life, has taught me this. The United States of America is a nation of Christians and Jews; Muslims and Buddhists; Hindus and non-believers. Our story is shaped by every language and enriched by every culture. We have tasted the bitterness of civil war and segregation, but our history shows us that hatred in the human heart can recede, and the lines between races and tribe fade away. What is left, then, is a simple truth: e pluribus unum; in America, out of many, we are one nation, we are one people. Time and again, that truth has made our union stronger.
We amended our Constitution to extend the democratic principles that we hold dear. And I stand before you today as President of the most powerful nation on Earth, with a heritage that would have once denied me the right to vote. So I believe deeply that this country can transcend its differences, and that every human being within these borders is a part of your nation’s story.
(White House Press Office)
###
Ref: VOA News
အမေရိကန်သမ္မတရဲ့ သမိုင်းဝင် မြန်မာနိုင်ငံ ခရီးစဉ်
2012-11-19
မြန်မာနိုင်ငံကို သမိုင်းဝင် ခရီးစဉ်အဖြစ် ရောက်လာတဲ့ အမေရိကန် သမ္မတ ဘားရက် အိုဘားမားက မြန်မာနိုင်ငံမှာ ဒီမိုကရေစီ အသွင် ကူးပြောင်းရေး လုပ်ငန်းစဉ်တွေ အရှိန်အဟုန့် ဆက်သွားဖို့ တိုက်တွန်း လိုက်ပါတယ်။
သမ္မတ အိုဘားမားဟာ နိုင်ငံတော် သမ္မတဦးသိန်းစိန် နဲ့ တွေ့ဆုံဆွေးနွေး ခဲ့သလို အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် နဲ့ တက္ကသိုလ် ရိပ်သာလမ်း နေအိမ်မှာ သီးသန့် တွေ့ဆုံခဲ့ပြီး သတင်းစာ ရှင်းလင်းပွဲ ကျင်းပ ခဲ့ပါတယ်။
သူ့ရဲ့ မြန်မာနိုင်ငံ ခရီးစဉ် အဓိက ရည်ရွယ်ချက်ဟာ မြန်မာနိုင်ငံမှာ ဒီမိုကရေစီ ဦးတည်ပြောင်းလဲမှုတွေ အရှိန်အဟုန်နဲ့ ဆက်သွားနိုင်အောင် တွန်းအားပေးဖို့ ဖြစ်တယ်လို့ သမ္မတ အိုဘားမားက ပြောပါတယ်။
“ဒီမိုကရေစီ ကျင့်စဉ် နဲ့ အညီ ဥပဒေပြုရေး တရားစီရင်ရေး နဲ့ အုပ်ချုပ်ရေး မဏ္ဍိုင်တွေ ခိုင်မာ အားကောင်း လာရေး ၊ တိုင်းရင်းသားဒေသတွေမှာ လက်နက်ကိုင် ပဋိပက္ခတွေ ချုပ်ငြိမ်းရေး၊ မြန်မာနိုင်ငံသားတွေ အားလုံး တိုးတက်တဲ့ ပညာရေး ကျမ္မာရေး စောင့်ရှောက်မှုတွေ ရနိုင်ရေး အပြင် စီးပွားရေး အခွင့်အလမ်းတွေ ပိုများလာရေး အတွက် အမေရိကန်ပြည်ထောင်စု အနေနဲ့ တွန်းအားပေးသွားဖို့ ဖြစ်တယ်လို့” သမ္မတ အိုဘားမားက ဒေါ်အောင်ဆန်းစုကြည် ရဲ့နေအိမ်မှာ နိုဝင်ဘာလ ၁၉ ရက်နေ့က ပြုလုပ်တဲ့ သတင်းစာ ရှင်းလင်းပွဲမှာ ပြောခဲ့ပါတယ်။
အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က အသွင်ကူးပြောင်းရေးမှာ ကြုံတွေ့ ရတတ်တဲ့ ကြီးမားတဲ့ အခက်အခဲ တစ်ခုကတော့ အောင်မြင်မှု ဆိုတာတွေဟာ မသေချာ မရောရာပဲေ၀၀ါးနေခြင်းပဲ ဖြစ်တယ်၊ မိမိတို့အားလုံး အနေနဲ့ မသေချာသေးတဲ့ အောင်မြင်မှုတွေရဲ့ ဆွဲဆောင်မှုတွေကို သတိထား ကြည့်တတ်ဖို့ လိုအပ်ပါတယ်လို့ ပြောခဲ့ပါတယ်။
သမ္မတ အိုဘားမားဟာ ဒေါ်အောင်ဆန်းစုကြည်နဲ့ တွေ့ဆုံပြီးချိန်မှာ အမေရိကန်သံရုံးကို ခေတ္တ သွားရောက် ခဲ့ပြီး၊ ရန်ကုန် တက္ကသိုလ် ဘွဲ့နှင်းသဘင် ခန်းမဆောင်မှာ စောင့်ဆိုင်းနေတဲ့ နိုင်ငံရေး၊ စီးပွားရေး၊ လူမှုရေး နယ်ပယ်က ထင်ရှားကျော်ကြား သူတွေ ပါဝင်တဲ့ ပရိတ်သတ် ၁ ထောင် ကျော်ကို မိန့်ခွန်းကို ပြောကြား ခဲ့ပါတယ်။
အဲဒီနောက်မှာတော့ အမေရိကန် သမ္မတ အိုဘားမားဟာ ရန်ကုန် တက္ကသိုလ်မှာ မိန့်ခွန်းပြောကြားပြီးနာက် သူရဲ့ အထူးလေယာဉ်နဲ့ ကမ္ဘောဒီးယားနိုင်ငံမှာ ကျင်းပမယ့် အရှေ့တောင်အာရှ နိုင်ငံများ အာစီယမ် အဖွဲ့ဝင်နိုင်ငံတွေနဲ့ မဟာမိတ်နိုင်ငံတွေ ရဲ့ ထိပ်သီး ညီလာခံ တက်ရောက်ဖို့ ပြန်လည် ထွက်ခွာ သွားခဲ့ပါတယ်။
Ref: RFA News
သမ္မတအိုဘားမားခရီးစဉ်အတွင်း နိုင်ငံရေး အကျဉ်းသားတွေ လွတ်မြောက်
2012-11-19
မြန်မာနိုင်ငံကို အမေရိကန်သမ္မတအိုဘားမား ပထမဆုံးအကြိမ် ရောက်ရှိနေတဲ့ နိုဝင်ဘာလ ၁၉ရက်နေ့မှာပဲ သမ္မတ ဦးသိန်းစိန်က အကျဉ်းသား ၆၆ ဦးကို လွတ်ငြိမ်း ချမ်းသာခွင့် ပေးလိုက်ပါတယ်။ အဲဒီအထဲမှာ နိုင်ငံရေး အကျဉ်းသား ၅၂ ဦးလောက်ပါတယ်လို့ သိရပါတယ်။
သမ္မတ အိုဘားမား မြန်မာနိုင်ငံခရီးစဉ်အတွင်းမှာ လွှတ်ပေးတာ ဖြစ်တဲ့အတွက် နိုင်ငံရေး အကျဉ်းသားတွေကို နိုင်ငံရေး အရ အပေးအယူ လုပ်သလိုမျိုး ဖြစ်နေတယ်လို့ နိုင်ငံရေး အကျဉ်းသားဟောင်းတွေက ဝေဖန်ပြောဆို ကြပါတယ်။
ဒီကနေ့ လွတ်မြောက်လာတဲ့ နိုင်ငံရေးအကျဉ်းသား ၅၂ ဦးဟာ ရန်ကုန်တိုင်း၊ အင်းစိန် အကျဉ်းထောင်က ၁၀ ဦး၊ မန္တလေး၊ အိုးဘို အကျဉ်းထောင်က ၄ ဦး၊ သရက် အကျဉ်းထောင်က ၄ ဦး၊ သာယာဝတီ အကျဉ်းထောင်က ၁၂ ဦး၊ ရမည်းသင်း အကျဉ်းထောင်က ၁ ဦး၊ လွိုင်ကော်ထောင်က ၂ ဦး၊ ကလေး အကျဉ်းထောင်က ၁ ဦး၊ တောင်ငူထောင်က ၄ ဦး၊ ရွှေဘိုထောင်က ၆ ဦး၊ မော်လမြိုင်ထောင်က ၁ ဦး၊ လားရှိုးထောင်က ၁ ဦး၊ တောင်ကြီး အကျဉ်းထောင်က ၅ ဦးနဲ့ မြောင်းမြ အကျဉ်းထောင်က ၁ ဦးတို့ ဖြစ်တယ်လို့ ဒီကနေ့ ညနေပိုင်း စာရင်းတွေ အရ သိရပါတယ်။
Ref: RFA News
လက်နက်ကြီး ပစ်ခတ်မှုကြောင့် ဖားကန့်ကျောင်း ပိတ်လိုက်ရ
ဖနိဒါ
တနင်္လာနေ့၊ နိုဝင်ဘာလ ၁၉ ရက် ၂၀၁၂
ချင်းမိုင်(မဇ္စျိမ) ။ ။ ကချင်ပြည်နယ် ဖားကန့်မြို့ပေါ်ရှိ အစိုးရ၏ ဗျူဟာကုန်းတပ်မှ ကချင် လွတ်လပ်ရေး တပ် KIA ရှိရာသို့ လက်နက်ကြီးဖြင့် ၁ဝ ကြိမ် ပစ်ခတ် ခဲ့သဖြင့် ဖားကန့် အထက ကျောင်းသားများ ထိတ်လန့်မှု ဖြစ်ပွားခဲ့ကာ တနင်္လာနေ့ ညနေပိုင်း ကျောင်းပိတ်လိုက်ရသည်ဟု ဒေသခံများက ပြောသည်။
နံနက် ၁ဝ နာရီကျော်ချိန်တွင် ဖားကန့်မြို့ ဗျူဟာကုန်းတပ်စခန်းမှ ၁ဝ၅ မမ လက်နက်ကြီးဖြင့် မြောက်ဘက် တမိုင်ကျော် အကွာရှိ KIA ၏ တပ်မဟာ ၂ လက်အောက်ခံ တပ်ရင်း ၆ ရှိရာ မောမောင်းဘွမ်ဘက်သို့ ပစ်ခတ်ခဲ့၍ ကျောင်းသား များကို ကျောင်းသား မိဘများ ပြန်လည် ခေါ်ယူခဲ့ရာ ညနေပိုင်း ကျောင်းပိတ် လိုက်ရခြင်း ဖြစ်သည်။
“မနက် ၁ဝ နာရီ မိနစ် ၂၄ ကနေ ပစ်တာ နှစ်မိနစ်လောက် ခြားပြီး ဆက်တိုက် ပစ်တယ်။ အဲဒါကြောင့် ကလေးတွေ လည်း ထိတ်လန့်ပြီး မိဘတွေ ပြန်ခေါ်ယူလိုက်တယ်။ မိုးခြိမ်းသလို အသံကြားတော့ အားလုံးက ကြောက်ကြောက် လန့်လန့်နဲ့ နေနေရတယ်” ဟု နှစ်ခြင်း အသင်းတော်မှ တရားဟောဆရာ တဦးက ပြောသည်။
အစိုးရ၏ တပ်မ ၈၈ လက်အောက်ခံ တပ်ဖွဲ့များနှင့် KIA တို့ တိုက်ပွဲငယ်များ ဆက်လက် ဖြစ်ပွားနေကြောင်း ၎င်းက ဆက်ပြောသည်။
“ဖားကန့်လမ်း ၆ မိုင် ၇ မိုင်ဘက်မှာ အစိုးရ စစ်သားတွေ အများကြီး ထိုးစစ်ဆင်လာတော့ လမ်းဘက် KIA နဲ့ တိုက်ပွဲ ငယ်တွေ ဖြစ်နေတော့ ဒီဖားကန့် ဗျူဟာကုန်းကနေ လက်နက်ကြီးနဲ့ ခြိမ်းခြောက်တာနေမှာ” ဟု မဇ္စျိမကို ပြောသည်။
ဖားကန့် ဗျူဟာကုန်းမှ အောက်တိုဘာလ ၁၈ ရက်နေ့ လက်နက်ကြီး ပစ်ခတ်မှုကြောင့် KIA ရဲဘော်နှစ်ဦးနှင့် ဒေသခံ ရွာသား သုံးဦး သေဆုံးခဲ့ပြီး ၅ ဦးဒဏ်ရာ ရရှိခဲ့သည်။
နိုဝင်ဘာလ ၁၁ ရက်နေ့မှ စတင်၍ အစိုးရတပ်၏ ရိက္ခာနှင့်လက်နက်များ သယ်ဆောင်လာသော စစ်ယာဉ်တန်း ကား ၄ဝ ကျော် မိုးကောင်း-ဖားကန့် လမ်းအတိုင်း သယ်ဆောင် လာပြီး အင်အား ၂ဝဝ ခန့် တိုးမြင့်လာရာ ယနေ့တွင် ဖားကန့် ၆ မိုင်နှင့် ၇ တွင် ရောက်ရှိနေပြီ ဖြစ်ကြောင်း KIA တပ်ရင်း ၆ တပ်ဖွဲ့မှ ဗိုလ်ကြီး လှဒွဲက ပြောသည်။
Ref: မဇ္ဈိမ
Monday, November 19, 2012
မြန်မာခရီးစဉ်ဟာ အစိုးရကိုထောက်ခံဖို့မဟုတ် - သမ္မတ အိုဘားမား
ကိုသားညွှန့်ဦး
18.11.2012
မြန်မာနိုင်ငံကို သွားရောက်မယ့် ခရီးစဉ်ဟာ မြန်မာအစိုးရကို ထောက်ခံတယ် ဆိုတဲ့ သဘော မဟုတ်ဘဲ လက်ရှိ သွားနေတဲ့ ပြုပြင်ပြောင်းလဲ မှုတွေကို အသိအမှတ်ပြုဖို့ ဖြစ်တယ်လို့ အမေရိကန်သမ္မတ ဘရက် အိုဘားမားက ပြောလိုက် ပါတယ်။ မြန်မာနိုင်ငံထဲ လက်ရှိဖြစ်ပေါ်နေတဲ့ နိုင်ငံရေး အပြောင်း အလဲတွေ အပေါ်မှာ အားပေး ကူညီနိုင်ဖို့ အခွင့်အလမ်းကို လက်မလွှတ်နိုင်ဘူး လို့လည်း ပြောဆိုသွားပါတယ်။ ထိုင်းနိုင်ငံရောက်နေစဉ် သမ္မတ အိုဘားမားရဲ့ မြန်မာနိုင်ငံနဲ့ ပတ်သက်လို့ ပြောဆိုချက်တွေ အပေါ် ကိုသားညွန့်ဦးက စုစည်း တင်ပြထားပါတယ်။
မြန်မာနိုင်ငံတွင်း အများက ကြိုတင်တွက်မထားတဲ့ တိုးတက်ပြောင်းလဲမှုတွေကို ရှိလာတဲ့အပေါ်မှာ သူ့အနေနဲ့ အသိအမှတ်ပြုပြီး အခု မြန်မာနိုင်ငံ ခရီးစဉ်ဖြစ်လာတာလို့ သမ္မတ အိုဘားမားက ထိုင်းနိုင်ငံ ဘန်ကောက်မြို့မှာ ပြောသွားတာပါ။ ထိုင်းဝန်ကြီးချုပ် ယင်းလတ်ရှင်န၀ပ် နဲ့ တွေ့ဆုံပြီး နှစ်ဦး ပူးတွဲလုပ်တဲ့ သတင်းစာရှင်းလင်းပွဲ အတွင်း၊ မြန်မာနိုင်ငံနဲ့ ပတ်သက်လို့ သမ္မတ အိုဘားမား ခရီးစဉ်ဟာ အချိန်စောလွန်းသေးလို့ လူ့အခွင့်အရေး အဖွဲ့တွေက ဝေဖန်ချက်အပေါ်မှာ တုံ့ပြန်ပြောဆိုသွားတာပါ။
“ဒီခရီးစဉ်ဟာ မြန်မာအစိုးရရဲ့ မူဝါဒတွေ အပေါ် တသဘောတည်း ရှိကြောင်း ထောက်ခံတဲ့ သဘော မဟုတ်ပါဘူး။ ဒါပေမဲ့ တိုးတက် ပြောင်းလဲ လာမှုတွေ အပေါ်မှာ အသိအမှတ်ပြုရုံ သဘောဖြစ်ပါတယ်။ အခုဆို မြန်မာနိုင်ငံထဲမှာ တိုးတက်မှု လုပ်ငန်းစဉ်တွေ ရှိနေ တတ်ပါတယ်။ လွန်ခဲ့တဲ့နှစ် နှစ်တုန်းကဆို ဒီလိုဖြစ်လာမယ်လို့ ဘယ်သူမှ တွက်မထားတာပါ။ သမ္မတ ဦးသိန်းစိန်ဟာ အခုဆိုရင် ပိုကောင်းမွန်တဲ့ လမ်းကြောင်းပေါ် ခြေလှမ်းနေပါတယ်။ ဒေါ်အောင်ဆန်းစုကြည် ဆိုလည်း ရွေးချယ်ခံရတဲ့ လွှတ်တော် ကိုယ်စားလှယ် ဖြစ်နေပါပြီ။ နိုင်ငံရေး အကျဉ်းသားတွေ လွှတ်လာတာကို လည်း မြင်ရပါတယ်။ နောက်ထပ် နိုင်ငံရေး ပြုပြင်ပြောင်းလဲ မှုတွေ ထပ်လုပ်မယ် ဆိုတဲ့ ပိုင်းဖြတ် လုပ်ဆောင်မှုတွေလည်း ရှိထားပါတယ်။”
သမ္မတ အိုဘားမား အခုအာရှ ခရီးစဉ်မထွက်ခင်မှာပဲ အမေရိကန်ပြည်ထောင်စု ဘက်က မြန်မာအပေါ် အရေး ယူထားတဲ့ ပိတ်ကုန် ပိတ်ဆို့မှုကို ရုပ်သိမ်းထားလိုက်ပြီ ဖြစ်ပါတယ်။ မြန်မာ အာဏာပိုင်တွေ ရော မြန်မာ့စီးပွားရေး လုပ်ငန်းရှင်တွေ ဘက်ကပါ အလိုလားတဲ့ တောင့်တချက် တခုလို့ ပြောရမှာပါ။ မြန်မာနိုင်ငံ အပြောင်းအလဲအတွက် အခွင့်အလမ်းကောင်း ရချိန်မှာ ဒီအခွင့်အလမ်းကို လက်မလွှတ်လိုဘူးလို့ သမ္မတအိုဘားမားက ပြောခဲ့ပါတယ်။
“မြန်မာနိုင်ငံအနေနဲ့ အတော်လေး အချိန်ယူသွား ရဦးမှာပါ။ ဒါပေမဲ့ အခုလို တိုင်းပြည်အတွင်းက ပိုပြီး ကောင်းမွန်လာတဲ့ အခြေအနေတွေကို အားပေးနိုင်တဲ့ အခွင့်အလမ်းရတဲ့ အချိန်မျိုးမှာ၊ တချိန်က အမှားအယွင်း ရှိခဲ့တဲ့ ဒီလူတွေကို လက်မကမ်းသင့်ဘူး အမေရိကန်အနေနဲ့ ဘေးမှာ ရှောင်နေ သင့်တယ် ဆိုပြီး စဉ်းစားတဲ့အထဲ ကျနော်မပါပါဘူး။”
မြန်မာနိုင်ငံလာမယ့် ခရီးစဉ်အတွင်း ထူးခြားချက် တခုကတော့ ရန်ကုန် တက္ကသိုလ်မှာ မြန်မာလူထုကို မိန့်ခွန်း ပြောကြားမယ့် ကိစ္စပါ။ ဒါဟာ ဒီခရီးစဉ်အတွက် အရေးပါမှုတခုလို သမ္မတအိုဘားမားက ယူဆထားပါတယ်။
“ဒီခရီးစဉ်ရဲ့ ရည်ရွယ်ချက် တခုကတော့ တိုးတက် ပြောင်းလဲမှုတွေ ရှိတယ် ဆိုတာကို ပြသဖို့နဲ့၊ အနာဂတ်မှာ ဒီထက်ပိုပြီး တိုးတက်ဖို့ လုပ်စရာတွေ ရှိသေးတယ် ဆိုတာကိုလည်း ပြောဆို သွားဖို့ ဖြစ်ပါတယ်။ မြန်မာနိုင်ငံကို ရောက်တဲ့ အမေရိကန် သမ္မတတဦး အနေနဲ့ မြန်မာလူထုကို မိန့်ခွန်းပြောတဲ့ အခါမှာလည်း လူ့အခွင့်အရေးနဲ့ နိုင်ငံရေး လွတ်လပ်မှုတွေကို လေးစားတဲ့ တိုင်းပြည်အဖြစ် တခါးပွင့်လာတဲ့အပေါ်မှာ မြန်မာလူထုကို ဂုဏ်ပြုချီးကျူးစကား ပြောသွားမြှာ ဖစ်ပါတယ်။”
အပြောင်းအလဲတွေ မြန်မြန်ဆန်ဆန် ဖြစ်လာချိန်မှာ မြန်မာပြည်သူတွေဟာ သူတို့ဆန္ဒ သူတို့အသံတွေကို ကမ္ဘာကသိတယ် ဆိုတာကို ပြသဖို့လည်း လိုတယ်လို့ သမ္မတ အိုဘားမားက ပြောပါတယ်။ မြန်မာပြည်သူတွေ ဆန္ဒ သူတို့အသံကို နိုင်ငံတကာအနေနဲ့ နားထောင်နေတယ် ဆိုတာ မြန်မာပြည်သူတွေ သိအောင် လုပ်ရမယ်ဆိုပါတယ်။ ဒီအတွက်လည်း မြန်မာပြည်သွားမယ့် အခုခရီးစဉ်မှာ သူ့အတွက် ဒီအခွင့်အလမ်းမျိုး ရမယ်လို့ သမ္မတအိုဘားမားက ယုံကြည်တဲ့အကြောင်း ပြောပါတယ်။
ပူးတွဲ သတင်းစာရှင်းလင်းပွဲမှာပဲ ထိုင်းနိုင်ငံ ၀န်ကြီးချုပ်ယင်းလတ်ရှင်န၀ပ် ကတော့ မြန်မာနိုင်ငံ အတွက် အိမ်နီးချင်းထိုင်း အနေနဲ့ ရိုးရိုးသားသား မှန်မှန်ကန်ကန် အကူအညီ ပေးသွားလိုတယ် လို့ ပြောပါတယ်။ မြန်မာပြည် စီးပွားဖွံဖြိုး တိုးတက်ရေး ပညာရည် အဆင့်အတန်း မြင့်မားရေး နဲ့ မြန်မာလူထု နေထိုင်မှုဘ၀ တိုးတက် ကောင်းမွန်လာရေး အတွက် ထိုင်းအနေနဲ့ လိုလားတယ်လို့ ပြောပါတယ်။ တဆက်တည်းပါပဲ ထိုင်းနိုင်ငံရဲ့ မြန်မာ့ဒီမိုကရေစီရေး ထောက်ခံမှု အပေါ်မှာလည်း သမ္မတအိုဘားမားက ထိုင်းနိုင်ငံကို ချီးကျူးစကား ပြောပါတယ်။
Ref: VOA News
ရခိုင်ပြည်နယ် အကြမ်းဖက်မှု ဒေသဆိုင်ရာ လုံခြုံရေးတပ်ဖွဲ့ဝင် တစ်ချို့ ပတ်သက်မှု ရှိ
2012-11-18
ရခိုင်ပြည်နယ်က အကြမ်းဖက် ပဋိပက္ခတွေအတွင်း တစ်ချို့ဖြစ်ရပ်တွေမှာ ဒေသဆိုင်ရာ လုံခြုံရေး တပ်ဖွဲ့ တစ်ချို့က မူဆလင်တွေကို သတ်ဖြတ်မှုတွေ ရှိခဲ့ကြောင်း၊ မီးလောင်ရာ ကျေးရွာတွေက ထွက်ပြေး သူတွေကိုလည်း တိုက်ခိုက်မှုတွေ ရှိခဲ့ကြောင်း အမေရိကန်နိုင်ငံ အခြေစိုက် HRW အဖွဲ့ရဲ့ ထုတ်ပြန်ချက်ကို ကိုးကားပြီး အေအက်ဖ်ပီ သတင်းမှာ နိုဝင်ဘာလ ၁၈ ရက်နေ့က ဖေါ်ပြ လိုက်ပါတယ်။
ကျောက်ဖြူမြို့က အကြမ်းဖက်မှုတွေမှာဆိုရင် ကမန် မူဆလင်တွေကို ဒေသခံတွေက တိုက်ခိုက်မှုမှာ အစိုးရ လုံခြုံရေး တပ်တွေက ကာကွယ် တားဆီးမှု ပျက်ကွက်ခဲ့တယ်လို့ HRW အဖွဲ့က ထုတ်ပြန်ချက်ကို အေအက်ဖ်ပီ သတင်းဌာနက ရေးသားထားပါတယ်။
ရခိုင်ပြည်နယ်က အကြမ်းဖက်မှုမှာ မီးလောင်ပျက်စီးသွားတဲ့ မူဆလင် ရိုဟင်ဂျာတွေ အများစု နေထိုင်တဲ့ ကျေးရွာ အတော် များများရဲ့ ဓါတ်ပုံတွေကို ဂြိုလ်တုကနေ တဆင့် ရိုက်ကူး ယူထားတာကိုလည်း HRW အဖွဲ့က ဖေါ်ပြထားကြောင်း HRW အဖွဲ့ရဲ့ ကြေငြာချက်မှာ ဖေါ်ပြ ထားပါတယ်။
တစ်ချိန်တည်းမှာလည်း သမ္မတ အိုဘားမား သမ္မတ ဦးသိန်းစိန်နဲ့ တွေ့ဆုံဆွေးနွေးတဲ့ အခါ ရခိုင်ပြည်နယ် အရေး ကိစ္စကို ထည့်သွင်းဆွေးနွေးပေးဖို့ ကိုလည်း တိုက်တွန်းထားပါတယ်။
Ref: RFA News
Posts
