2012-08-30
ဦးသိန်းစိန် အစိုးရအဖွဲ့အနေနဲ့ ယခင်အစိုးရ လက်ထက်က နိုင်ငံတော် သစ္စာဖောက်မှုနဲ့ အမည်မဲ စာရင်း Blacklist ထည့်သွင်း ထားမှုကနေ ပယ်ဖျက်ပေးဖို့ လောလောဆယ် အစီအစဉ် မရှိသေးဘူးလို့ နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက RFA ကို ဒီကနေ့ ပြောပါတယ်။
"နိုင်ငံတော် လှို့ဝှက်ချက်၊ နိုင်ငံတော် သစ္စာဖောက်မှု၊ နိုင်ငံရေး ခိုလှုံ သွားတာတွေ တချို့ ဆိုးဆိုးရွားရွား ကြီးတွေပေါ့နော်။ အဲလို ဟာတွေ ဆိုရင်တော့ လွှတ်ထား ရမှာပေါ့နော်"
ဦးသိန်းစိန်အစိုးရဟာ အရင်စစ်အစိုးရ လက်ထက်က နာမည်ပျက် စာရင်းထဲ ထည့်သွင်းထားခဲ့တဲ့ လူပုဂ္ဂိုလ် ၆၁၆၅ ဦးထဲက ၂၀၈၂ ဦးကို အခုလ ၂၈ ရက်နေ့က အမည်မဲ စာရင်းကနေ ပယ်ဖျက်ပေးခဲ့ ပါတယ်။
အဲဒီ အမည်မဲစာရင်းတွေကနေ ပယ်ဖျက်ခံရတဲ့ သူတွေ အနေနဲ့ မြန်မာနိုင်ငံကို လာဖို့ သံရုံး အသီးသီးက ဗီဇာ ထုတ်မပေးဘူး ဆိုရင် အစိုးရကို တိုင်ကြား နိုင်ကြောင်း၊ မြန်မာနိုင်ငံကို လာရောက်စဉ်မှာလည်း အမည်ပျက် စာရင်း သွင်းခံရဖူးသူတွေ အတွက် အထူးသီးသန့် ချမှတ်ထားတဲ့ စည်းကမ်းချက်တွေ မရှိကြောင်း၊ မြန်မာနိုင်ငံမှာ ကာလ ရှည်ကြာစွာ နေထိုင်လိုတဲ့ မြန်မာနိုင်ငံဖွား ပြည်ပနိုင်ငံသားတွေ အတွက် အမြဲတမ်းနေထိုင်ခွင့် (Permanent Residence) ထုတ်ပေးဖို့ ကိစ္စကိုလည်း သက်ဆိုင်ရာ တာဝန်ရှိသူတွေက စဉ်းစားနေကြောင်း သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။
လက်ရှိ အမည်မဲစာရင်းက ပယ်နှုတ်ခြင်း မပြုရသေးတဲ့ မြန်မာနိုင်ငံသား တချို့နဲ့ ပြည်ပနိုင်ငံသား တချို့ကို သမ္မတ ဦးသိန်းစိန်ရဲ့ ခွင့်ပြုချက် အရ မြန်မာနိုင်ငံကို ပြန်လာခွင့် ပြုခဲ့တာတွေ ရှိခဲ့တယ်လို့လည်း သိရပါတယ်။
ဒီအတောအတွင်း အမည်မဲစာရင်းက ပယ်ဖျက်ခံရတဲ့ မြန်မာနိုင်ငံသား ၉၃၅ ဦးနဲ့ ပြည်ပ နိုင်ငံခြားသား ၁၁၄၇ ဦးရဲ့ နာမည် စာရင်းတွေကို မြန်မာနိုင်ငံ သမ္မတရုံး အင်တာနက် စာမျက်နှာမှာ ဒီကနေ့ ထုတ်ပြန်ဖော်ပြထားတာကို မြင်တွေ့ရပါတယ်။
အဲဒီအမည်မဲ စာရင်းက ပယ်ဖျက်ပေးလိုက်တဲ့ သူတွေထဲမှာ အမေရိကန် နိုင်ငံခြားရေး ဝန်ကြီးဟောင်း မယ်ဒလင်း အောလ် ဘရိုက်နဲ့ ဒေါ်အောင်ဆန်းစုကြည်ရဲ့ သား ၂ ဦးတို့လည်း ပါဝင်ကြောင်း သိရပါတယ်။
Ref: RFA News
Friday, August 31, 2012
ပြည်ပနိုင်ငံတွင် နိုင်ငံရေးခိုလှုံခွင့် တောင်းခံခဲ့သူတချို့ အမည်မဲ စာရင်းမှ ပယ်ဖျက်ပေးဖို့ မရှိသေး
Black List ပယ်ဖျက်စာရင်းထုတ်ပြန်မှု အမေရိကန် ကြိုဆို
ဦးသားညွ့န့်ဦး
30.08.2012
မြန်မာနိုင်ငံပြည်ဝင်ခွင့် ပိတ်ပင်ခံထားရတဲ့ အမည်မည်း ပယ်ဖျက်စာရင်း မြန်မာ အစိုးရက ထုတ်ပြန် လိုက်တဲ့ အပေါ် အမေရိကန်ပြည်ထောင်စုက ကြိုဆို လိုက်ပါတယ်။ ဒါပေမယ့် သွားလာ လည်ပတ်မှုတွေ ကန့်သတ်ခံနေရတဲ့ ကျန်နေတဲ့ သူတွေကိုလည်း အခုလို အမည်မည်း စာရင်းကနေ ပယ်ဖျက်ဖို့ တောင်းဆိုသလို၊ အကျဉ်းကျနေတဲ့ ရာနဲ့ချီတဲ့ နိုင်ငံရေး အကျဉ်းသားတွေကို အမြန်ဆုံး ပြန်လွှတ်ပေးဖို့ ကိုပါ တိုက်တွန်း တောင်းဆို လိုက်ပါတယ်။ ကိုသားညွန့်ဦးက ဒီအကြောင်း တင်ဆက်ထားပါတယ်။
မြန်မာနိုင်ငံပြည်ဝင်ခွင့် ပိတ်ပင်ခံထားရတဲ့ အမည်မည်းစာရင်းပါ လူပုဂ္ဂိုလ် ၆ထောင်ကျော် ထဲကနေ၊ ပယ်ဖျက် လိုက်တဲ့ နှစ်ထောင်ကျော် စာရင်းကို မနေ့ကစလို့ နိုင်ငံတော် သမ္မတရုံးကနေ ထုတ်ပြန် လိုက်ပါတယ်။ မြန်မာ့ ဒီမိုကရေစီရေး အတွက် လှုပ်ရှားနေကြတဲ့ မြန်မာနိုင်ငံသားတွေ အပြင် နိုင်ငံခြားသားတွေပါ ဒီစာရင်းထဲမှာ ပါဝင်ပါတယ်။ ထူးထူးခြားခြား ဆိုရင် အမေရိကန်နိုင်ငံခြားရေး ၀န်ကြီးဟောင်း မက်ဒရင်းအောဗရိုက်ပါ ပါဝင်ပါတယ်။
အမေရိကန်ပြည်ထောင်စုကတော့ အခုလို ထုတ်ပြန်ချက်ဟာ ပြုပြင်ပြောင်းလဲရေး လုပ်ငန်းစဉ်ရဲ့ ခြေလှမ်း တရပ် အနေနဲ့ ကြိုဆိုပါတယ်။ ဒါပေမယ့် ကျန်ကန့် သတ်တားမြစ်ချက်တွေ ကိုလည်း ပယ်ဖျက်ပေးဖို့ တိုက်တွန်းတဲ့ အကြောင်း အမေရိကန်နိုင်ငံခြားရေး ဌာန အရှေ့အာရှဒေသ ဆိုင်ရာ ပြောခွင့်ရသူ Daragh Paradiso က ဗွီအိုအေ ကို ပြောပါတယ်။
“လွတ်လွတ်လပ်လပ် သွားလာခွင့်တွေ ရကြမယ့် မြန်မာအစိုးရရဲ့ ဒီ ထုတ်ပြန်ချက်တွေကို အမေရိကန်ပြည်ထောင်စု အနေနဲ့ ကြိုဆိုပါတယ်။ ဒါပေမယ့်လည်း အခုလို ပြည်ဝင်ခွင့် ပြည်ပထွက်ခွင့် စတဲ့ သွားလာမှုတွေ ချုပ်ခြယ် ကန့်သတ် ခံနေရဆဲ သူတွေနဲ့ ပတ်သက်လို့ ပွင့်ပွင့် လင်းလင်း မရှိသေးတဲ့ အပေါ်မှာတော့ ကျမတို့ စိုးရိမ်မကင်းဖြစ်နေရဆဲပါ။"
သတင်းမီဒီယာလွတ်လပ်ခွင့်အပါအ၀င် အခြားဖြစ်ထွန်းမှုတွေ မြန်မာအစိုးရက လုပ်လာပြီးတဲ့ နောက်မှာပဲ အခုလို ကြေညာချက်တွေ ပေါ်ထွက် လာတာပါ။ ဒါကြောင့် ဒါဟာ မြန်မာ အစိုးရရဲ့ ကျယ်ပြန်တဲ့ ပြုပြင်ပြောင်းလဲရေး လုပ်ငန်းတွေထဲက တခုလို့ ယူဆရမှာပါ။ အမေရိကန်ပြည်ထောင်စု အနေနဲ့ကတော့ တရားဥပဒေနဲ့ အညီ အခိုင်အမာဖြစ်အောင် ရှေ့တိုး ဆောင်ရွက်သွားဖို့ တိုက်တွန်း လိုပါတယ်။ အကျဉ်းထောင်တွေ ထဲမှာ ကျန်နေသေးတဲ့ ရာနဲ့ချီတဲ့ နိုင်ငံရေး အကျဉ်းသားတွေ ရှိနေသေးတဲ့ အပေါ် စိုးရိမ်မကင်းဖြစ်ရပြီး၊ ဒီလူတွေ အားလုံး အမြန်ဆုံး ခြွင်းချက်မရှိ ပြန်လွှတ်ပေး ဖို့ကိုလည်း မြန်မာ အစိုးရကို တောင်းဆို လိုက်ပါတယ်။”
အမည်မည်းစာရင်းကနေ ပယ်ဖျက်လိုက်တဲ့ နှစ်ထောင်ကျော်စာရင်းထဲမှာ ပြည်ပရောက် နိုင်ငံရေး လှုပ်ရှားသူတွေ၊ သတင်းသမားတွေ အပြင် အခြား တက်သိပညာရှင်တွေလည်း ပါဝင်ပါတယ်။ ဒီအထဲ ကနေဒါနိုင်ငံ Alberta တက္ကသိုလ်က ဒေါက်တာ ခင်စောဝင်းလည်း တဦးဖြစ်ပါတယ်။
အခုလို အမည်မည်းစာရင်းကနေ ပယ်ဖျက်လိုက်တာဟာ ကောင်းမွန်တဲ့လက္ခဏာ မင်္ဂလာသတင်းလို့ သူက မြင်ပါတယ်။ ဒါပေမယ့် သူတို့တွေ အနေနဲ့ မြန်မာနိုင်ငံထဲဝင်ပြီး ဘယ်လောက် အတိုင်းအတာ အထိ လူထုလုပ်ငန်းတွေ လုပ်ခွင့်ရမလဲ ဆိုတာကတော့ စောင့်ကြည့်ရဦးမှာဖြစ်တယ်လို့ ဒေါက်တာခင်စောဝင်းက ပြောပါတယ်။
“ လောလောဆယ်မှာတော့ ကောင်းတဲ့ လက္ခဏာ အပေါင်းလက္ခဏာလို့ ယူဆပါတယ်။ ပြီးတော့ ဒါဟာ ဘာပဲပြောပြော ယုံကြည်ချက်ကွဲပြား ခြားနား အတွေးအခေါ်တွေ ကွဲပြားခြားနားပေမယ့် ကျမတို့ကတော့ ဦးတည်ချက်ကတော့ တစ်ခုပဲ။ တိုင်းပြည်ရဲ့ကောင်းကျိုးအတွက် အားလုံး လက်တွဲပူးပေါင်းဆောင်ရွက်ပြီးတော့ လုပ်နိုင်တယ်။ လုပ်ကြမယ်ဆိုတဲ့ ဒါ လက္ခဏာတစ်ရပ်လို့ ကျမတို့ ယူဆတဲ့အတွက်ကြောင့် ဒါအင်မတန် မင်္ဂလာရှိတဲ့ သတင်းလို့ပဲ ကျမယူဆပါတယ်။
ဘယ်လောက် အတိုင်းအတာအထိ လုပ်နိုင်မလဲဆိုတာတော့ ကျမတို့စောင့်ကြည့်ရဦးမှာဖြစ်ပါတယ်။ ဒါ အခုမှ စစခြင်း ဆိုတော့ ဘယ်လောက် အတိုင်းအတာ အထိ ကျမတို့ လွတ်လပ်ခွင့်ရှိမလဲ ကိုယ်ယုံကြည်ရာ တကယ်ပြည်သူ လူထု အတွက် တကယ်ကောင်းကျိုးဖြစ်စေမယ့် လုပ်ငန်းတွေ ဘယ်လောက်အထိ လွတ်လွတ်လပ်လပ် မှန်မှန်ကန်ကန် လုပ်နိုင်မလဲလို့ ဆိုတာတော့ ကျမတို့ စောင့်ကြည့်ရဦးမှာဖြစ်ပါတယ်။”
ဒေါက်တာခင်စောဝင်းတို့အနေနဲ့က ကျမ်းမာရေး လူမူရေး ကိစ္စတွေကို နယ်စပ်တွေမှာ လုပ်နေတာ ရှိပါတယ်။ အခု မြန်မာနိုင်ငံထဲ သွားပြီး လုပ်ဖို့ စိတ်ကူးစိတ်သန်း ရှိပါသလားလို့ ကိုသားညွန့်ဦးက ဆက် မေးခဲ့ပါတယ်။
“ဟုတ်ကဲ့။ အရင်က လုပ်နေတာတော့ မဟုတ်ဘူး။ အရင်ကလည်း လုပ်တယ်။ အခုလည်း လုပ်နေတုန်းပေါ့။ အခုလည်း လုပ်နေရတယ် ဆိုတာက လိုအပ်ချက် အရပေါ့ ပြည်သူ လူထုတွေက လိုအပ်နေသေးတယ်။ ဒီကျမ်းမာရေး ကိစ္စတွေ နယ်စပ်ဒေသတွေမှာ လူတွေ အများကြီး ကျမ်းမာရေး ပြုစုစောင့်ရှောက်မူ ကို လက်လှမ်းမှီဖို့ဆိုတာကို လိုနေသေးတယ်ဆိုတာကို ကျမတို့ လောလောဆယ် လုပ်နေရတုန်းပါပဲ။
အဲ့တော့ ဒါက လိုအပ်ချက်အပေါ်မှာ မူတည်ပါတယ်။ တကယ်လို့ ပြည်သူလူထုရဲ့ လိုအပ်ချက်က နယ်စပ်မှာ မရှိဘဲနဲ့ ပြည်တွင်းမှာ ပိုပြီးတော့ လိုအပ်တယ် ဆိုလို့ရှိရင်လည်း ကျမတို့က ပြည်တွင်းမှာ လုပ်ဆောင်မှာပါ။ ဒါပေမယ့်လည်း အခုလိုမျိုး နယ်စပ်ဒေသ ဒီတရားမ၀င် သေးတဲ့သူတွေမှာ တရားဝင်နေထိုင်ခွင့် မရသေးတဲ့သူတွေအတွက် လိုအပ်နေသေးတယ်။ အဲ့ဒီ့ပြည်သူလူထုတွေ တကယ်ရှိနေသေးတယ်ဆိုရင်လည်း ကျမတို့ ဒီမှာ လည်း မလစ်ဟာရအောင်လို့ ဆက်လုပ်နေရဦးမှာပါပဲ။”
ဒေါက်တာခင်စောဝင်းဟာ မြန်မာနယ်စပ်မှာ အခြေစိုက်တဲ့ ဒေါက်တာ စင်သီယာမောင် ဦးဆောင်တဲ့ မြန်မာနိုင်ငံဆေးပညာရှင်များ အသင်းရဲ့ အမှုဆောင် တဦးဖြစ်ပါတယ်။ အဲဒီအဖွဲ့က အမှုဆောင်အားလုံး အခု အမည်မည်းစာရင်း ကနေ ပယ်ဖျက် ခံရတယ်လို့လည်း သိရပါတယ်။
မြန်မာအစိုးရအနေနဲ့ အမည်မည်းစာရင်းကနေ နှစ်ထောင်ကျော်ကို အခု ပယ်ဖျက် လိုက်ပြီဖြစ်ပြီး၊ ကျန်နေသေးတဲ့ လေးထောင်ကျော် စာရင်း ကိုလည်း စီစစ်ပြီး ပယ်ဖျက်သွားဖို့ အစီအစဉ် ရှိတယ်လို့ နိုင်ငံတော် သမ္မတရုံး ညွန်ကြားရေးမှုး ဦးဇော်ဌေးက ဗွီအိုအေ မြန်မာပို်င်းကို ပြောခဲ့ပါတယ်။
Ref: VOA News
အမည်ပျက်စာရင်းမှ ပယ်ဖျက်သည့် လူ ၂ ထောင်ကျော်စာရင်း ထုတ်ပြန်
လင်းသန့်
August 30, 2012
စစ်အစိုးရလက်ထက်က အမည်ပျက်စာရင်း သွင်းထားသည့် လူဦးရေ ၆ ထောင်ကျော် အနက် စာရင်းမှ ပယ်ဖျက်ပေးလိုက်သည့် နိုင်ငံခြားသားနှင့် မြန်မာနိုင်ငံသား ၂ ထောင်ကျော်စာရင်းကို သမ္မတရုံး၏ ဝက်ဘ်ဆိုဒ်မှ ယနေ့ ထုတ်ပြန်လိုက်သည်။
နာမည်ပျက်စာရင်းမှ ပယ်ဖျက်ပေးလိုက်သော နိုင်ငံခြားသား ၁၁၄၇ ဦးစာရင်းတွင် အမေရိကန် နိုင်ငံခြားရေး ၀န်ကြီးဟောင်း မယ်ဒလင်း အောဘရိုက်၊ အထက် လွှတ်တော်အမတ် တွန်လင်းတော့စ်၊ လူ့အခွင့်အရေး စောင့်ကြည့်ရေး အဖွဲ့ (HRW) မှ ဒေးဗစ် စကောက် မက်သီဆင်၊ ဂျာနယ်လစ်များဖြစ်သည့် ဘာတေး လစ်တနာ၊ ဒင်းနစ် ဒီဂရေး၊ ဂျွန်ပေဂျာ၊ အင်ဒရူးမာရှယ် စသည့် နိုင်ငံရေး၊ မီဒီယာ၊ စီးပွားရေး အသီးသီးမှ ထင်ရှားသူများစွာ ပါဝင်သည်။
၂၀၀၈ ခုနှစ်က နာဂစ်မုန်တိုင်းနှင့် ပတ်သက်၍ လျှို့ဝှက် သတင်း ပို့ခဲ့သူလည်းဖြစ်၊ မြန်မာ အာဏာရှင် စနစ်ကို ဝေဖန်ရေးသားလေ့ ရှိပြီး မြန်မာနိုင်ငံကို အကြိမ်များစွာ သွားရောက်ခဲ့ဖူးသူ Reuters သတင်းထောက် အင်ဒရှုးမာရှယ်က ထောင်နှင့် ချီသော သူများကို ရန်သူများကဲ့သို့ အမည်ပျက်စာရင်း သွင်းထားသည့် အကြောင်းရင်းကို ပို၍ စိတ်ဝင်စားကြောင်း ဧရာဝတီသို့ ပြောသည်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ သား ၂ ဦးဖြစ်သော Alexander Aris (ကိုမြင့်ဆန်းအောင်) နှင့် Kim Aris (ကိုထိန်လင်း)၊ စင်ပြိုင်အစိုးရ ၀န်ကြီး ဒေါက်တာ စိန်ဝင်းအဖွဲ့ အပါအ၀င် နိုင်ငံအသီးသီးမှ မြန်မာ့အရေး တက်ကြွ လှုပ်ရှားသူများ၊ ပညာရှင်များ၊ စီးပွားရေး သမားများ၊ သတင်း မီဒီယာ သမားများလည်း အမည်ပျက် စာရင်းမှ ပယ်ဖျက် လိုက်သည့် နိုင်ငံခြားသားများ စာရင်းတွင် ပါဝင်သည်။
နိုင်ငံခြားသား ခံယူထားသည့် မြန်မာများ စာရင်းတွင် ကိုမိုးသီးဇွန်၊ ဒေါက်တာ ဆလိုင်း ထွန်းသန်း၊ ဒေါ်မော်ရင်း အောင်သွင်၊ ဒေါက်တာ အောင်ခင်၊ ဦးအောင်ဒင် (USCB)၊ ဦးတင်မောင်ထူး (ကနေဒါ)၊ ဒေါက်တာ Alice ခေါ် ဒေါ်ခင် စောဝင်း (ကနေဒါ)၊ ဦးတင်မောင်သော် (CRDP)၊ ဒေါက်တာ ကြည်မေကောင်း၊ ဒေါ်အေးအေးသန့်၊ VOA မြန်မာဌာနမှူး ဦးသန်းလွင်ထွန်း၊ ဒေါက်တာ အေးကျော်၊ ဦးဘိုဘိုကျော်ငြိမ်း၊ အယ်ဒီ အောင်မြင့် ခေါ် ဗိုလ်အောင်ဒင်၊ ဦးချမ်းအေး (USA) စသူတို့လည်း ပါဝင်သည်။
၂၀၀၉ ခုနှစ်တွင် အပြည်ပြည်ဆိုင်ရာ မင်္ဂလာဒုံ လေဆိပ်၌ အဖမ်းခံရသူ ကိုညီညီအောင်နှင့် ဒေါ်အောင်ဆန်းစုကြည် နေအိမ် အကျယ်ချုပ် ကျခံရစဉ် ကာလက နေအိမ်ကို ရေကူး ၀င်ရောက်ခဲ့သူ အမေရိကန် နိုင်ငံသား ဂျွန်ဝီလီယံ ယက်ထော တို့ကိုလည်း နာမည်ပျက် စာရင်းမှ ပယ်ဖျက်သည့် အထဲတွင် ဖော်ပြထားသည်။
သမ္မတရုံးက ယနေ့ သြဂုတ်လ ၃၀ ရက်နေ့စွဲဖြင့် အမည်ပျက်စာရင်းမှ ပယ်ဖျက် လိုက်သည့် မြန်မာနိုင်ငံသား ၉၃၅ ဦး အမည်စာရင်း ကိုလည်း ဆက်လက်ဖော်ပြ ထားသည်။
ပြည်ပရောက် မြန်မာ့အရေး လှုပ်ရှားသည့် MPU, FTUB, AAPP, NDD, DPNS, BSLO, မြန်မာနိုင်ငံ ရှေ့နေများကောင်စီ၊ ညီညွတ်သော တိုင်းရင်းသား လူငယ်များ အဖွဲ့ချုပ်၊ မြန်မာနိုင်ငံ ဆေးပညာရှင်များအသင်း၊ မြန်မာ အမျိုးသမီးများ သမဂ္ဂ၊ ကရင် အမျိုးသမီး အစည်းအရုံး အစရှိသည့် အဖွဲ့များ၊ လူ့အခွင့် အရေး၊ ဒီမိုကရေစီအရေး လှုပ်ရှားနေသူများကို နာမည်ပျက် စာရင်းမှ ပယ်ဖျက်ပေးထားသည်။
ပယ်ဖျက်ပေးသည့် စာရင်းထဲတွင် ပါဝင်သူ ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင့် (AAPP) တွဲဖက်အထွေထွေ အတွင်းရေးမှူး ကိုဘိုကြည်က ယေဘုယျအားဖြင့် ယခု လုပ်ရပ်သည် ကောင်းမွန်ကြောင်း၊ နောက်ဆက်တွဲ နှောင်ဖွဲ့မှု မရှိလျှင် ကြိုဆိုကြောင်း ဧရာဝတီကို ပြောသည်။
“သံရုံးမှာ ဗီဇာလျှောက်မှ ဟိုလက်မှတ်ထိုး၊ ဒီလက်မှတ်ထိုးဆိုရင်တော့ မကောင်းဘူး။ အဲဒါမျိုး မလုပ်ဘူးလို့ မျှော်လင့်ပါတယ်။ တကယ်လို့ သံရုံးမှာ ၀န်ခံ ကတိလက်မှတ် ထိုးရမယ် ဆိုရင်တော့ ကျနော် ခဏ လေ့လာရေးခရီး အဖြစ် ပြန်ဖို့တောင် ခက်ပါလိမ့်မယ်” ဟု ကိုဘိုကြည်က ဆိုသည်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဥက္ကဋ္ဌဟောင်း တဦးဖြစ်သူ ကိုမိုးသီးဇွန်က “ကျနော်တို့ ကိုတောင် အစိုးရက နားလည်မှုပေးနိုင်ရင် တခြားလူတွေ အကုန်လုံးကို ပေးသင့်တယ်။ အဲဒီလို ပေးလိုက်တဲ့ အတွက် အစိုးရ အနေနဲ့ ပိုပြီး နာမည်ကောင်း ရဖို့ ရှိတယ်။ နိုင်ငံတော်အတွက် ပိုအကျိုးရှိဖို့ပဲ ရှိပါတယ်” ဟု ဧရာဝတီသို့ ပြောသည်။
ကိုမိုးသီးဇွန်နှင့် ABSDF ပထမဆုံး ဥက္ကဋ္ဌဖြစ်သူ ကိုထွန်းအောင်ကျော်၊ ကိုကိုလေး၊ ကိုမူးသာ၊ ကိုအောင်၊ ကိုရွှေစင်၊ ကိုရင်အေး စုစုပေါင်း ၇ ဦးပါအဖွဲ့သည် စက်တင်ဘာလ ၁ ရက်နေ့တွင် နှစ်ပေါင်း ၂၄ နှစ်အတွင်း မြန်မာနိုင်ငံသို့ ပထမဆုံး အကြိမ် သွားရောက်ကြမည်ဖြစ်ကြောင်း သိရသည်။
၎င်းတို့အနေဖြင့် အမေရိကန်ရှိ မြန်မာသံရုံးတွင် မည်သည့် ၀န်ခံကတိ၊ စာရွက်စာတမ်း ကိုမျှ လက်မှတ်ရေးထိုး ခဲ့ရခြင်း မရှိကြောင်း ကိုမိုးသီးဇွန်က ပြောသည်။
အလုပ်သမားရေး လှုပ်ရှားသူ FTUB မှ ဦးမောင်မောင်၊ ABSDF ဥက္ကဌဟောင်း ဒေါက်တာ နိုင်အောင် တို့လည်း မနက်ဖြန်တွင် မြန်မာနိုင်ငံသို့ သွားရောက်မည်ဖြစ်သည်။
ယနေ့ ထုတ်ပြန်သည့် စာရင်းဖော်ပြချက်များတွင် အမည်များ ထပ်နေခြင်း၊ သတင်းစာဆရာ ကြေးမုံ ဦးသောင်း ခေါ် အောင်ဗလ ကဲ့သို့သော ကွယ်လွန်ပြီးသူများ ပါဝင်နေသည်။
ပယ်ဖျက်ပေးသည့် အမည်ပျက် စာရင်းထဲတွင် ပြည်တွင်း၌ နေထိုင်သူများလည်း အများ အပြား ပါဝင်ပြီး နှုတ်ထွက်သော အစိုးရ ဝန်ထမ်းများ၊ လျော်ကြေးပေး၍ ဝန်ထမ်း အဖြစ်မှ နှုတ်ထွက်သည့် ကျောင်းဆရာမများ၊ ဆရာဝန်များ စသူတို့လည်း ပါဝင်ကြောင်း သိရသည်။
Ref: ဧရာဝတီ
KIO ထိန်းချုပ်နယ်မြေမှ အစိုးရ စစ်သားများ နေရပ်ပြန်ရန် စီစဉ်
လဖိုင်
August 30, 2012
ကချင်ပြည် လွတ်လပ်ရေး အဖွဲ့(KIO)ထိန်းချုပ်နယ်မြေသို့ အကြောင်း အမျိုးမျိုးဖြင့် ရောက်ရှိ လာသည့် မြန်မာ့ တပ်မတော်သားများ နေရပ်ပြန်နိုင်ရန် အတွက် စီစဉ်ပေးနေသည်။
ကချင်ပြည် လွတ်လပ်ရေး တပ်မတော်(KIA) ဒု စစ်ဦးစီးချုပ် ဗိုလ်မှူးချုပ် ဂွန်မော် က“ဒီမှာရောက်နေတဲ့ သူတွေပြန်ဖို့ ILO က အဆက် အသွယ် လုပ်နေပြီ”ဟု ပြောပြသည်။
ယင်း အစီအစဉ်တွင် ကမ္ဘာ့ အလုပ်သမား အဖွဲ့ချုပ်(ILO) က ကြားဝင်ဆောင်ရွက် ပေးနေခြင်း ဖြစ်သည်ဟု ဆိုသော်လည်း အသေးစိတ် အစီအစဉ်ကိုမူ မသိရှိရပေ။
KIO နယ်မြေတွင် ရောက်ရှိနေသည့် အသက်ပြည့် စစ်သား၊ ကလေး စစ်သား စုစုပေါင်း ၄၀ နီးပါးရှိကြောင်း KIO ဘက်က သိရ သည်။
၎င်းတို့သည် နေရပ်ပြန်ပါက အရေးယူခံရမည်ကို စိုးရိမ်သဖြင့် မပြန်ကြသေးဘဲ ဆက်လက် နေထိုင်ကြသူများဖြစ်သည်ဟုလည်း ဆို သည်။
ပြန်လွှတ်လိုက်သည့် စစ်သားတချို့မှာ နေရပ်မပြန်တော့ဘဲ တရုတ်ပြည် နယ်စပ်မြို့များတွင် ဒေသခံတရုတ် လူမျိုးများ မလုပ်လို သည့် အလုပ်များတွင် လုပ်အားခ ဈေးပေါပေါဖြင့် နေ့စား ၀င်ရောက် လုပ်ကိုင်နေကြခြင်းများလည်း ရှိကြောင်း သိရသည်။
KIO နယ်မြေတွင် ရောက်ရှိနေသော ကလေး စစ်သား တဦးကလည်း “ပြန်ရင်တော့ ရန်ကုန်ပဲပြန်ရမှာပေါ့၊ အိမ်က လှိုင်သာယာမှာ၊ အခုရှိသေးလား မသိဘူး၊ တပ်ထဲ ရောက်သွားတာလည်း အိမ်ကမသိဘူး”ဟု ပြောသည်။
၎င်းမှာ ဧရာဝတီ တိုင်း မော်လမြိုင်ကျွန်းမြို့နယ်မှ ရန်ကုန်မြို့သို့ လာသည့် သဘောင်္တွင် စစ်သား အဖြစ် စုဆောင်းခြင်းခံရသူ ဖြစ်ကြောင်း သိရသည်။
KIO ထိန်းချုပ်နယ်မြေသို့ ရောက်ရှိလာသည့် မြန်မာ့ တပ်မတော်သားများကို သုံ့ပန်း ဟု မသုံးနှုန်းဘဲ အကြောင်းအမျိုးမျိုးကြောင့် ရောက်ရှိ လာသည့် မြန်မာ့ တပ်မတော်သားများ ဟု KIO က သုံးနှုန်းသည်။
KIA နှင့် အစိုးရတပ်များသည် ၂၀၁၁ ခုနှစ် ဇွန်လအတွင်းက စတင်၍ တိုက်ပွဲများ ပြန်လည်ဖြစ်ပွားခဲ့ပြီး ၁၇ နှစ်ကြာမြင့်ခဲ့သည့် အပစ်အခတ် ရပ်စဲရေး သဘောတူညီချက်လည်း ပျက်ပြားသွားခဲ့ရသည်။ ယင်းတိုက်ပွဲများကြောင့် ဒေသခံ အရပ်သား ပြည်သူ ၇၅၀၀၀ ခန့် ထွက်ပြေး တိမ်းရှောင်ခဲ့ရသည်။
အစိုးရနှင့် KIO ကြား ငြိမ်းချမ်းရေးအတွက် ၂၀၁၁ နိုဝင်ဘာ၊ ၂၀၁၂ ဇန်န၀ါရီ နှင့် မတ်လတို့တွင် တွေ့ဆုံဆွေးနွေးမှုများ ပြုလုပ်နေ သော်လည်း ရေရာသည့် သဘောတူညီချက် တစုံတရာ မရရှိသေးဘဲ ရှိနေသည်။
Ref: ဧရာဝတီ
ထားဝယ် စီမံကိန်းအတွက် ကလုံးထာ ကျေးရွာ ပြောင်းဖို့ ငြင်းဆန်
ကြည်ပြာ
ကြာသပတေးနေ့၊ သြဂုတ်လ ၃၀ ရက် ၂၀၁၂
ရန်ကုန် (မဇ္ဈိမ) ။ ။ ရေကာတာ တည်ဆောက်ရန် အတွက် အိမ်ထောင်စု ၁၈ဝ ကျော်ရှိ ရွာတရွာကို ရွှေ့ပြောင်း ပေးရန် ထားဝယ် ဖွံ့ဖြိုးမှု စီမံကိန်း ဆောင်ရွက်နေသည့် အီတာလျံ-ထိုင်းကုမ္ပဏီ ITD က ညှိနှိုင်းနေသော်လည်း ရွာသားများက ပြောင်းရွှေ့ရန် ငြင်းဆန်နေကြသည်။
ထားဝယ်ခရိုင်၊ ရေဖြူမြို့နယ်အတွင်းရှိ စိုက်ပျိုးရေးလုပ်ငန်းဖြင့် အဓိက အသက်မွေး ဝမ်းကျောင်း ပြုရာ ကလုံးထာ ကျေးရွာတွင် စိုက်ပျိုးမြေဧက တသောင်းကျော် ရှိသည်ဟု ဒေသခံများက ပြောသည်။
ဇူလိုင်လ ၁၆ ရက်နေ့က ကလုံးထာရွာသို့ ITD ကုမ္ပဏီ ကိုယ်စားလှယ် ရောက်လာပြီး ပြောင်းရွှေ့စေ လိုကြောင်း ပြောဆို ခဲ့သည်ဟု ကျေးရွာရှိ ဓမ္မရက္ခိတာ ကျောင်းတိုက် ဆရာတော် ဦးပညာဝံသ က မိန့်သည်။
“ရွာသားတွေရဲ့ဆန္ဒက လျော်ကြေးပေးလည်း ဘိုးစဉ်ဘောင်ဆက် နေလာတဲ့ ဒီရွာက မပြောင်း ချင်ကြဘူး။ စီမံကိန်း ဧရိယာမှာ နဘုလယ်ဒေသ ပါတယ်။ ဘုန်းဘုန်းတို့ရွာ မပါဘူး။ ဒါကြောင့် ပြောင်းဖို့ လက်မခံနိုင်ဘူး” ဟု မိန့်ကြား သည်။
လက်ရှိရွာ၏ အရှေ့တောင်ဘက် သုံးမိုင်ခန့် အကွာသို့ ပြောင်းရွေ့နေရာ ချထားပေးပြီး လျှော်ကြေးများ ပေးသွာမည်ဟု ITD က ညှိနှိုင်းလာခြင်း ဖြစ်သည်။
စီမံကိန်းဧရိယာအတွင်း မပါသည့်အတွက် ကျေးရွာမှ ဖယ်ရှားမပေးနိုင်ကြောင်းကို သြဂုတ်လ ၂၁ ရက်နေ့က စုပေါင်း လက်မှတ်ရေးထိုးပြီး သမ္မတ ဆီသို့ ပို့လိုက်ကြောင်း သိရသည်။
“တကယ်လို့ မဖြစ်မနေ ပြောင်းရမယ် ဆိုရင်တော့ လူတိုင်းမှာ အခွင့်အရေး ဆိုတာ ရှိတယ်။ လူ့အခွင့်အရေးတွေကို ပြောပြမယ်။ ကျနော်တို့ လုံးဝ မပြောင်းနိုင်ဘူးလို့ ပြောမယ်။ သက်ဆိုင်ရာ အဖွဲ့အစည်းတွေကိုလည်း ပြောမယ်” လို့ ကလုံးထာ ကျေးရွာတွင်နေထိုင်သည့် အသက် ၅၂ နှစ်အရွယ်ရှိ ဦးကြီးမြင့် က ဆိုသည်။
ထားဝယ်ဒေသ ဖွံ့ဖြိုးတိုးတက်ရေးအဖွဲ့မှ တာဝန်ခံ ညှိနှိုင်းရေးမှူး ကိုသန့်ဇင် ကလည်း “စီမံကိန်း ဧရိယာထဲမှာ မပါဘဲနဲ့ ရေကာတာ လာဆောက်မယ် ဆိုရင်တော့ ဒေသခံတွေရဲ့ သဘောတူညီချက်က အရေးကြီးပါတယ်။ ဒေသခံတွေက အခု လုံးဝ သဘော မတူဘူး။ ညှိနှိုင်းဖို့ လိုကို လိုအပ်နေပါတယ်” ဟု ဆိုသည်။
ထားဝယ် ရေနက်ဆိပ်ကမ်း စီမံကိန်းမှာ တနင်္သာရီတိုင်း သာဂရမြို့ဟောင်းအနီးတွင် တည်ရှိပြီး ထားဝယ်မြို့ အနောက်မြောက်ဘက် မိုင် ၂ဝ ခန့်အကွာရှိ ရေဖြူမြို့နယ် နဘုလယ် ကျေးရွာအနီးတွင် ရှိသည်။
၂ဝဝ၈ ခုနှစ်တွင် မြန်မာအစိုးရက ထိုင်းနိုင်ငံ Italian-Thai Development Public Co.,Ltd နှင့် နားလည်မှု စာချွန်လွှာ လက်မှတ်ရေးထိုး ခဲ့ကာ ၂ဝ၁ဝ ပြည့်နှစ်တွင် ၇၅ နှစ် လုပ်ငန်း လုပ်ဆောင်ခွင့် သဘောတူ စာချုပ် ချုပ်ဆိုခဲ့သည်။
Ref: မဇ္ဈိမ
KIA နှင့်အစိုးရတပ် တိုက်ပွဲ ယမ်းဂိုဒေါင် ပြင်းထန်စွာပေါက်ကွဲမှုဖြစ်
2012-08-30
အစိုးရတပ်နဲ့ KIA တပ်တွေ တိုက်ပွဲတွေ ဖြစ်ပွားနေတဲ့ ကချင်ပြည်နယ် ဖားကန့်ဒေသမှာ ကျောက်စိမ်း ကုမ္ပဏီတစ်ခုက ကျောက်စိမ်း တူးဖော်ရာမှာ အသုံးပြုဖို့ သိုလှောင်ထားတဲ့ ယမ်းဂိုဒေါင်တစ်ခု မနေ့က မီးလောင်ပြီး ပြင်းထန်စွာ ပေါက်ကွဲခဲ့တဲ့ အတွက် ဒေသခံ ပြည်သူတွေကြားမှာ ထိတ်လန့် တုန်လှုပ်မှုတွေ ဖြစ်ပေါ်ခဲ့တယ်လို့ သတင်း ရရှိပါတယ်။
ဖားကန့် ကုလားမှော် ကျေးရွာအနီးမှာရှိတဲ့ “ဝေ" ကျောက်မျက် ကုမ္ပဏီနားမှာ အစိုးရတပ်နဲ့ KIA တပ်တွေ တိုက်ပွဲဖြစ်နေချိန် KIA ဘက်က ပစ်လိုက်တဲ့ လက်နက် ထိမှန်ပြီး အခုလို ပေါက်ကွဲခဲ့တာလို့ ဒေသခံ တစ်ဦးက RFA ကို အခုလိုပြောပါတယ်။
"မနေ့က မွန်းလွဲ တစ်နာရီ ကျော်ကျော်လောက်ကနေ လက်နက်ကြီးတွေနဲ့ နှစ်ဖက် တပ်တွေ ပစ်ကြတယ်။ ပစ်ကြ ခတ်ကြရင်းနဲ့ သုံးနာရီ ကျော်ကျော်လောက်မှာ KIA ဘက်က ပစ်လိုက်တဲ့ လက်နက်ကြီးက ကုမ္ပဏီရဲ့ ဆီဘောက်ဆာကို သွားထိပြီး ဆီဘောက်ဆာ မီးလောင်ပြီးမှ ကုမ္ပဏီက ထားတဲ့ ယမ်းဂိုဒေါင်ပေါက်ကွဲ သွားတဲ့ နောက်ပိုင်းမှာ ဖားကန့် တစ်မြို့လုံးမှာ ရှိတဲ့ လူတွေက အထိတ်အလန့်နဲ့ လူတွေ အားလုံးက အကုန်ပြာယာ ခတ်ပြီးမှ ကိုယ့်ရဲ့ဘေးမှာပဲ ဖြစ်သလိုလို အနေအထားမျိုးနဲ့ သူတို့ တွေဟာ အကုန်လုံး ကျီးလန့်စာ စားနဲ့ အဲတာ ၃ နာရီကျော်လောက်မှာ ဖြစ်သွားတာ"
ဒီပေါက်ကွဲမှုကြောင့် ဒေသခံပြည်သူတွေကို ထိခိုက်မှု မရှိခဲ့ပေမဲ့ အဆောက်အဦး တချို့ ပျက်စီးမှု ရှိခဲ့တယ်လို့ သိရပါတယ်။ ဖားကန့်ဒေသမှာ နှစ်ဖက်တိုက်ပွဲကြောင့် အခုလို ပြင်းထန်တဲ့ ပေါက်ကွဲမှု ဖြစ်ပွားမှုဟာ ပထမဆုံး အကြိမ် ဖြစ်တယ်လို့ သိရပါတယ်။
နှစ်ဖက်တိုက်ပွဲတွေကြောင့် နယ်မြေ မလုံခြုံတဲ့အတွက် ဖားကန့်ဒေသက ဘုန်းတော်ကြီးကျောင်းတွေနဲ့ ခရစ်ယာန် ကျောင်းတွေက ဒုက္ခသည် စခန်း ၃၀ လောက်မှာ စစ်ပြေး စစ်ရှောင် ပြည်သူ တစ်သောင်းနီးပါး ရောက်ရှိနေပါတယ်။
Ref: RFA News
Thursday, August 30, 2012
မြန်မာခေါင်းဆောင်တချို့ ပြည်ဝင်ခွင့်ပိတ်ပင်မှု အမေရိကန်ဖြေလျှော့
29.08.2012
မြန်မာအစိုးရခေါင်းဆောင်တွေအပေါ် ပြည်ဝင်ခွင့်ဗီဇာ ဆိုင်ရာ ပိတ်ပင် ကန့်သတ် ထားတာကို အမေရိကန် သမ္မတ ဘာရက်ခ် အိုဘားမား (Barack Obama) က ဖြေလျှော့ပေးလိုက် ပါတယ်။
အဲဒါကြောင့် နယူးယောက်မြို့မှာကျင်းပမယ့် ကုလသမဂ္ဂ အထွေထွေညီလာခံကို တက်ရောက်ဖို့ သမ္မတဦးသိန်းစိန် လာရောက်တဲ့ အခါ အမေရိကန်နိုင်ငံတွင်းမှာ လွတ်လွတ် လပ်လပ် သွားလာ ခွင့်ရတော့မှာ ဖြစ်ပါတယ်။ အဲဒီလိုသာ လျှော့မပေးဘူး ဆိုရင် သမ္မတ ဦးသိန်းစိန်ဟာ နယူးယောက်မြို့က ကုလသမဂ္ဂ ရုံးချုပ် ပတ်ဝန်းကျင် တ၀ိုက်မှာပဲ သွားလာခွင့် ရမှာပါ။
မြန်မာအစိုးရက ပြုပြင်ပြောင်းလဲရေးတွေကို ဆက်ပြီး လုပ်ဆောင်နေတာနဲ့အမျှ သူနဲ့သူ့ရဲ့ အစိုးရ တို့ကို ပိုပြီး အနီးကပ် ထိတွေ့ ဆက်ဆံ သွားဖို့ မိမိတို့ရဲ့စိတ်ဝင်စားမှုကို အချက်ပြတဲ့ အနေနဲ့ အိုဘားမားက အခုလို ဆုံးဖြတ်ခဲ့တာလို့ အမေရိကန်သမ္မတ အိမ်ဖြူတော်၊ အမျိုးသား လုံခြုံရေးဆိုင်ရာ ပြောရေးဆိုခွင့် ရှိသူ တွမ်မ်မီ ဗိုင်တာ (Tommy Vietor) ကိုကိုးကားပြီး အေပီသတင်း မှာရေးထားပါတယ်။
ဒါဟာ အလုံးစုံ ရုပ်သိမ်းပေးလိုက်တာမဟုတ်ဘဲ ဆိုးရွားတဲ့ လူ့အခွင့်အရေး ချိုးဖောက်မှုတွေမှာ ပါဝင် ပတ်သက် တယ်လို့ အထောက်အထား ရှိတဲ့ မြန်မာ တာဝန် ရှိသူတွေ အပေါ် အမေရိကန်က ဆက်ပြီး စိစစ်သွားမှာဖြစ်တယ်လို့ အိမ်ဖြူတော် ပြောရေး ဆိုခွင့်ရှိသူ အမျိုးသမီး ကိုင်တ်လင်း ဟေးဒန်န် (Caitlin Hayden) ပြောပါတယ်။
သမ္မတအိုဘားမားက အခုလို ဆုံးဖြတ်လိုက်တဲ့အတွက် သမ္မတဦးသိန်းစိန်အနေနဲ့ အမေရိကန် တာဝန် ရှိသူတွေနဲ့ တွေ့ဆုံနိုင်မှာ ဖြစ်ပြီး သူ့ရဲ့ အမေရိကန် ခရီးစဉ် အတွင်း ဒီမိုကရေစီနဲ့ အမေရိကန်ရဲ့ မူဝါဒတွေကို ပိုပြီး နားလည် လာနိုင်စေမယ်လို့ အမျိုးသား လုံခြုံရေး ဆိုင်ရာ ပြောခွင့်ရ ဗိုင်တာ က ပြောပါတယ်။
သမ္မတဦးသိန်းစိန်၊ မြန်မာအစိုးရ ၀န်ကြီးတွေ၊ ဒုတိယ၀န်ကြီးတွေနဲ့ ထိတွေ့ ဆက်ဆံခြင်း အားဖြင့် ယုံကြည်မှုကို တည်ဆောက် နိုင်ပြီး နောက်ထပ် ပြုပြင်ပြောင်းလဲမှုတွေ လုပ်ဖို့ အတွက် တွန်းအားပေး ဖို့အခွင့်အလန်း ရမှာဖြစ်ပြီးတော့ အဓိကကျတဲ့ ပြုပြင် ပြောင်းလဲလိုသူတွေအနေနဲ့ ဒီမိုကရေစီနဲ့ အမေရိကန်မူဝါဒအကြောင်း ပိုပြီးနားလည်စေနိုင်လိမ့်မယ်လို့ အိမ်ဖြူတော် ပြောရေး ဆိုခွင့်ရှိ သူ ဟေးဒန်ကလည်း ပြောပါတယ်။
Ref: VOA News
တဒင်္ဂ သူ့ရုပ်လွှာ
August 17, 2012
ဗိုလ်ချုပ်ကြီး ဉာဏ်ထွန်းနဲ့ ကျနော် တွေ့ဆုံခဲ့ဖူးချိန်ဟာ တကယ့်ကို တဒင်္ဂလေးမှ တခဏတာ အခိုက်အတန့် ကာလလေး တခုပါ။
၂၀၀၅ ခုနှစ် မေ (၂၂) ရက်နေ့မှာ အမှတ် (၃) ဗျူဟာစစ်ရေယာဉ်စု (ရဗစ-၃) ကို အရာရှိ/စစ်သည် အင်အား ၄၄၀ (အရာရှိ-၄၀၊ အခြား အဆင့်-၄၀၀) နဲ့ ကျောက်ဖြူမြို့အနီးမှာ စတင် ဖွဲ့စည်းလိုက်ပါတယ်။ ရဗစ (၃) ဖွဲ့စည်းပြီး မကြာမီ ရက်ပိုင်းအတွင်းမှာ စစ်ဦးစီး အရာရှိချုပ် (ရေ) ရဲ့ ဓညဝတီရေတပ်စခန်း ဌာနချုပ် (ဓရခ) ခရီးစဉ် ပေါ်ပေါက် လာပါတယ်။
ခရီးစဉ်အတွင်း ရဗစ (၃) မှ အရာရှိ/စစ်သည်တွေ အရာရှိချုပ် (ရေ) ရဲ့ သြဝါဒ ခံယူပွဲ တက်ရပါတယ်။ သြဝါဒခံယူပွဲ ပြု လုပ်တဲ့နေရာက ဓရခ ရှေ့ ရေလယ်ဘွိုင် တခုမှာရှိတဲ့ စစ်ရေယာဉ်-ရန်တိုင်းအောင် ပေါ်မှာ။ အဲဒီဘွိုင်မှာ စစ်ရေယာဉ်-ရန်တိုင်းအောင်ကို အလယ်ထားပြီး စစ်ရေယာဉ်-ဓူဝ (၄၇၃) နဲ့ စစ်ရေယာဉ်-ဇေဌ (၄၇၄) တို့ တဖက် တချက်စီ ခြံရံကာ ချည်နှောင် ထားပါတယ်။
စစ်ရေယာဉ်-ရန်တိုင်းအောင် ရဲ့စစ်ရေယာဉ်မှူးက ရေ/၁၃၄၆ ယာယီ ဒုဗိုလ်မှူးကြီး မင်းဇော်၊ စစ်ရေယာဉ်-ဓူဝ မှာ ရေ/ ၁၃၇၈ ယာယီ ဒုဗိုလ်မှူးကြီး ကိုကိုကျော်၊ စစ်ရေယာဉ်-ဇေဌ မှာ ရေ/၃၄၄၇ ယာယီ ဒုဗိုလ်မှူးကြီး ထိန်ဝင်း အသီးသီး စစ် ရေယာဉ်မှူးတွေ ဖြစ်ကြပါတယ်။
သြဝါဒခံယူပွဲကို ရဗစ (၃) ဗျူဟာမှူး ရေ/၁၂၇၆ ယာယီ ဗိုလ်မှူးကြီး ဇော်ဦး အပါအဝင် အရာရှိ/စစ်သည် တရာကျော် တက်ရောက်ပါတယ်။
စစ်ရေယာဉ်ပေါ် ရောက်လာချိန်မှာ ဗိုလ်ချုပ်ကြီး ဉာဏ်ထွန်း (အဲဒီအချိန်က ဗိုလ်ချုပ်) ဝတ်ဆင် ထားတာက စစ်စိမ်း ရောင် တောဆောင်း ဦးထုပ် ဆောင်းထားပြီး ဦးထုပ်တံဆိပ်၊ ကော်လာတံဆိပ်နဲ့ အဆင့် တံဆိပ်တွေကို စစ်ဆင်ရေးနယ် မြေမှာအတိုင်း ဝတ်ဆင် ထားတာ တွေ့ရပါတယ်။
စစ်ရေယာဉ်ပေါ်မှာ ပြုလုပ်တာဆိုတော့ နေရာထိုင်ခင်း အခက်အခဲကလည်းရှိ ပရိဘောဂတွေလည်း မပြည့် မစုံမို့ ဖြစ်သ လို အကျဉ်းရုံး လုပ်ရတာပါ။
အရာရှိချုပ်(ရေ) စကားပြောရာမှာ ပရိသတ်ကို အာရုံစိုက်တယ်လည်းမဟုတ်၊ ပရိသတ်ထဲက လူတဦး တယောက်ကို စေ့ စေ့ကြည့်တယ်လည်း မဆိုသာ၊ တစုံတခုကို အလေးအနက် စဉ်းစားဟန်နဲ့ ဦးခေါင်းကို အနည်းငယ် စောင်းငဲ့ထားပြီး တန်း စီရပ်နေတဲ့ လူတန်းရှေ့ ရေယာဉ်ကုန်းပတ်ကွက်လပ်မှာ ခေါက်တုန့်ခေါက်ပြန် လမ်းလျှောက်ရင်း စကားကိုဖြည်းဖြည်း မှန် မှန်နဲ့ တလုံးချင်း ပီပီသသ ပြောဆိုပါတယ်။ တချက် တချက်မှာ ပရိသတ် အားလုံးကို လွှမ်းခြုံကာ မျက်လုံးဝေ့ကြည့်တတ် ပါတယ်။
သူ့ပြောဆိုလှုပ်ရှားဟန်ကို ကြည့်ရတာ နိုင်ငံကျော်ရုပ်ရှင်မင်းသားကြီး ဦးမြတ်လေးရဲ့ သရုပ်ဆောင် ကွက်တွေ ရှုစားနေရ သလိုလို။ မေးရိုးကားကား၊ လည်ပင်းတုတ်ခိုင်ခိုင် ရုပ်သွင် မျက်နှာထား ရှိပေမဲ့ မင်းသားကြီး ဦးမြတ်လေးနဲ့ မျက်နှာကျပုံ ခြင်း တူတယ်လို့ မပြောနိုင်၊ မျက်လုံးမျက်ဖန်နဲ့ နှုတ်ခမ်းအကျအနတွေကတော့ ဟာသသရုပ်ဆောင် ကိုမေတ္တာနဲ့ ခပ် ဆင်ဆင်။
ခုတလော ဗိုလ်ချုပ်ကြီး ဉာဏ်ထွန်းဟာ အနုပညာဗီဇ ရှိသူတဦးဖြစ်ပြီး အကယ်ဒမီ (ဦး) ဝင်းဦး သီဆိုတဲ့ “တိမ်လွှာမို့မို့ လွင်” သီချင်းကို ပိုင်နိုင်စွာ သီဆိုနိုင်ကြောင်း ရေးဖွဲ့ကြတာတွေ့ရလို့ ကိုယ်တိုင်ကြုံတွေ့ခဲ့ဖူးတဲ့ သူ့ရုပ်သွင်ဟန်ပန်ကို ပြေး မြင်ယောင်မိတာပါ။
သူပြောသွားတဲ့ စကားတွေထဲမှာ ရဗစ (၃) တိုးချဲ့ ဖွဲ့စည်းရတဲ့ ရည်ရွယ်ချက်ဟာ မြန်မာ့ရေပိုင်နက် အနောက်ဖက်ခြမ်းကို ခိုင်ခိုင်မာမာ အကာ အကွယ်ပြုနိုင်ဖို့ ဖြစ်တဲ့ အကြောင်း၊ နောက်ပြီး မကြာမီကာလမှာ ကျောက်ဖြူရေနက် ဆိပ်ကမ်း တည် ဆောက်ဖို့ စီမံချက်လည်း ရှိထားပြီး ဖြစ်ကြောင်း၊ ရဲဘော်တို့ အနေနဲ့ ဒီဒေသမှာ လာရောက် တာဝန် ထမ်းထမ်းဆောင်ရတာ လမ်းပမ်း ဆက်သွယ်ရေး ခက်ခဲတယ် ဆိုပြီး စိတ်ညစ်နေဖို့ မလိုကြောင်း ကျောက်ဖြူ-ရန်ကုန် အဝေးပြေး ကားလမ်းမကြီး တည်ဆောက်လျက် ရှိပြီး မကြာမီ ပြီးစီးတော့မှာဖြစ်ကြောင်း ပြောခဲ့တာတွေကို မှတ်မိနေပါသေးတယ်။
အဲဒီအချိန်ထိ ရဗစ (၃) ရုံးတည်ဆောက်ဖို့ မြေနေရာသတ်မှတ်ချက် အတည်မဖြစ်သေးပါ။ ရေယာဉ် အင်အားဝင် အရာရှိ/ စစ်သည်တွေက ရေယာဉ်မှာနေထိုင်ပြီး ရုံးပေါ် အင်အားဝင်တွေက ရငစ ရုံးမှာ ကပ်ရပ်နေထိုင်ရဆဲမို့ နေရေးထိုင်ရေး အ ခြေမကျသေးတဲ့အချိန် ဖြစ်ပါတယ်။
သူနဲ့ကျနော် အနီးကပ်ဆုံတွေ့ဖူးတာ ဒီလောက်ပါပဲ။
ရေတပ်ကာကွယ်ရေးဦးစီးချုပ်တွေထဲမှာ နည်းနည်းထူးခြားမှု ရှိသူတွေထဲ ဗိုလ်ချုပ်ကြီး ဉာဏ်ထွန်း လည်း ပါဝင်ပါတယ်။
ကျနော်တို့ရေတပ်မှာ “ကာနယ်ကြီး”လို့ လူသိများတဲ့ စစ်ဦးစီးဗိုလ်မှူးကြီး ရာထူးဟာ အလှုပ်အရမ်းများ တတ်တဲ့ အတွက် အဲဒီတာဝန်ကို ထမ်းဆောင်ရ သူတွေ အဖို့ ရင်ဖို လှိုက်မောစရာဖြစ်နေ တတ်ပါတယ်။ DSA အပတ်စဉ် (၁) သင်တန်းဆင်း ဗိုလ်မှူးကြီး ဘိုရှိန်းဟာ စစ်ဦးစီး ဗိုလ်မှူးကြီး တာဝန် ထမ်းဆောင်နေစဉ်မှာ ရုတ်တရက် ကွယ်လွန်ခဲ့တာပါ။ နောက် ၁၉၈၆ နှစ်ဆန်းမှာ ဗိုလ်မှူးကြီး လတ်ရွှေ ဟာလည်း ရုတ်တရက် ကွယ်လွန် ခဲ့ရပြန်ပါတယ်။ ၂၀၀၁ ခုနှစ် ဖေဖော်ဝါရီလထဲမှာ အ တွင်းရေးမှူး (၂) ဒုတိယ ဗိုလ်ချုပ်ကြီး တင်ဦး တို့အဖွဲ့ လေယာဉ် ပျက်ကျစဉ် ပါသွားခဲ့တဲ့ ဗိုလ်မှူးကြီး ကျော်တင်လှ ဟာ စစ်ဦးစီး ဗိုလ်မှူးကြီး(ရေ) ဖြစ်ပါတယ်။
ကျနော်တို့ သိမီသလောက် အရင်က ရေတပ်မှာ စစ်ဦးစီးဗိုလ်မှူးကြီး တာဝန်ထမ်းဆောင် သူတွေ ရာထူး တိုးတဲ့ အခါ ဌာန ချုပ်မှူး တာဝန်ကို ဆက်လက် ထမ်းဆောင်ကြရပါတယ်။ ဌာနချုပ်မှူးတွေ ထဲက သင့်တော်သူ တဦးကို စစ်ဦးစီး အရာရှိချုပ် (ရေ) ရွေးချယ် ခန့်အပ်လေ့ ရှိပါတယ်။ အဲဒီကမှ ကာကွယ်ရေး ဦးစီးချုပ် (ရေ) ဖြစ်တာပါ။
ဒါပေမဲ့ ဒုဗိုလ်ချုပ်ကြီး ကြည်မင်း လက်ထက်ကစပြီး အဲဒီအစဉ်အလာအတိုင်း အတိတကျ မဖြစ်တော့ပါဘူး။ ဗိုလ်ချုပ် ကြည်မင်း ဟာ ရေတပ် ပင်မ ဆက်သွယ်ရေး တပ်မှူးကနေ ကက(ရေ) လက်/ဆက်G1 နောက် စစ်ဦးစီး ဗိုလ်မှူးကြီး(ရေ)၊ စစ်ဦးစီး အရာရှိချုပ် (ရေ)၊ ကာကွယ်ရေးဦးချုပ် (ရေ) စသဖြင့် စစ်ရုံးမှာ တာဝန် ထမ်းဆောင်ရင်း တောက်လျှောက် ရာထူး တိုးမြင့်လာခဲ့တာ။
ဗိုလ်ချုပ်ကြီး ဉာဏ်ထွန်း လည်း ထို့အတူနီးပါးပါပဲ။ အမှတ် (၁) ရေတပ်ထောက်လှမ်းရေး တပ်မှူးတာဝန် နောက်ပိုင်း ကျွန်းစခန်းမှူး (ပုလဲကျွန်း လို့ထင်ပါတယ်။ အဲဒီကျွန်းစခန်းမှူး ၂ ခါပြန်ဖြစ်ခဲ့တယ်လို့ ဆိုပါတယ်)၊ ကက(ရေ) G1။ အဲဒီ ကမှ တနင်္သာရီရေတပ်စခန်းဌာနချုပ် (တရခ) ဒုဌာနချုပ်မှူး တာဝန် ခေတ္တထမ်းဆောင်ခဲ့ပြီး စစ်ဦးစီး ဗိုလ်မှူးကြီး (ရေ)၊ စစ်ဦးစီးအရာရှိချုပ် (ရေ)၊ ကာကွယ်ရေးဦးစီးချုပ် (ရေ) ဖြစ်လာသူ။
ကျောင်းဆရာ မိသားစုမှာ မွေးဖွားခဲ့ပြီး စည်းကမ်းထိန်းသိမ်းမှုကောင်းတဲ့ အစ်မတွေရဲ့ သွင်သင်မှုအောက်မှာ ကြီးပြင်း လူ ဖြစ်လာတဲ့ ဗိုလ်ချုပ်ကြီး ဉာဏ်ထွန်း ငယ်စဉ်က ပညာရေးထက်မြက်သလို အားကစားလည်း ထူးချွန်တယ်လို့ သိရပါ တယ်။
သူမွေးဖွားရာဇာတိ ဇီးကုန်းမြို့လေးဟာ ခေတ်အဆက်ဆက် တိုင်းပြည်ချစ်စိတ် ကြီးမားသူ၊ နိုင်ငံရေးအသိ နိုးကြားထက် သန်သူတွေ မွေးဖွားရာမြေဖြစ်တာမို့ သမိုင်းအစဉ်အလာမခေတဲ့ မြို့လေးတမြို့ပါ။ ဖက်ဆစ် တော်လှန်ရေး သူရဲကောင်း ဗိုလ်စက်ရောင် နေထိုင်ရာ မြို့လည်းဖြစ်ပါတယ်။
ခုဆိုရင် ဦးဉာဏ်ထွန်းဟာ အင်အားသောင်းဂဏန်းသာရှိတဲ့ ရေတပ်အကြီးအမှူး အဖြစ်ကနေ သန်းငါးဆယ် သောပြည် သူတွေကို ကိုယ်စားပြုတာဝန်ခံရမယ့် နိုင်ငံ့ခေါင်းဆောင်တဦး ဖြစ်လာပါပြီ။
“ဦးဉာဏ်ထွန်း ဘယ်လိုလူလဲ” ဆိုတဲ့ ပဟေဠိတပုဒ်ကိုတော့ သူဆက်လက်လုပ်ဆောင်မယ့် လုပ်ရပ်တွေက သက်သေခံ အဖြေထုတ်သွားပါလိမ့်မယ်။
လေးစားစွာဖြင့် …
နေမင်းသူ
၁၇-၈-၂၀၁၂
Ref: နေ့သစ်
မြန်မာ့ပြုပြင်ပြောင်းလဲရေးတွင် စစ်တပ်အခန်းကဏ္ဍ ဖယ်၍မရ
လင်းသန့်
August 29, 2012
မြန်မာနိုင်ငံ၏ ပြုပြင်ပြောင်းလဲရေးတွင် တပ်မတော်၏ အခန်းကဏ္ဍကို ဖယ်ထား၍ မရကြောင်း စင်ကာပူနိုင်ငံ အခြေစိုက် အရှေ့တောင်အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်းက ပြောသည်။
ထိုင်းနိုင်ငံ၊ ချင်းမိုင်တက္ကသိုလ်ရှိ The Regional Centre for Social Science and Sustainable Development (RCSD) ဌာနက ယမန်နေ့တွင် ကြီးမှူးကျင်းပခဲ့သည့် မြန်မာ့ပြုပြင်ပြောင်းလဲရေးနှင့် တပ်မတော်၏ အခန်းကဏ္ဍ အကြောင်း “အခန်းထဲက ဆင်” (The Elephant in the Room) ခေါင်းစဉ်ဖြင့် ဟောပြောပွဲတွင် ဒေါက်တာ တင်မောင်မောင်သန်းက ထိုသို့ ပြောဆိုခြင်း ဖြစ်သည်။
“အခု နောက်ပိုင်း၊ သမ္မတကြီး ဦးသိန်းစိန် တက်လာတဲ့အခါကျတော့ ဒီမိုကရေစီ အစိုးရဖြစ်တယ်ဆိုပြီးတော့ တပ်မတော်က ပြည်သူ့ရေးရာ ကိစ္စတွေမှာ မပါတော့ဘူး။ မပါတော့ သူက ပျောက်နေသလိုဖြစ်နေတယ်။ တကယ်တော့ သူက အရေးပါတဲ့ အခန်းကဏ္ဍမှာ ပါတယ်ဆိုတာ တင်စားပြီး ပြောတာပါ” ဟု ၎င်းက ပြောသည်။
ဆွေးနွေးပွဲတွင် တပ်မတော်ကို ဆင်နှင့်ခိုင်းနှိုင်းပြီး ပြောဆိုရင်း တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး မင်းအောင်လှိုင်သည် ဆင်ဦးစီးနှင့် တူကြောင်း၊ လက်ရှိ သွားနေသည့် လွှတ်တော်တွင် အတိုက်အခံက ပြောဆိုနေသည့် ဖွဲ့စည်းပုံ အခြေခံဥပဒေ ပြင်ဆင်ရေးသည် စစ်တပ်ကိုယ်စားလှယ် ထောက်ခံမှု မရှိလျှင် မဖြစ်နိုင်ကြောင်း ဒေါက်တာ တင်မောင်မောင်သန်းက ထောက်ပြသည်။
“မြန်မာနိုင်ငံရဲ့ ဒီမိုကရေစီဟာ တပ်မတော်က ပေးသလောက်ပဲ ရမှာပါ။ တပ်မတော် အလိုရှိသလောက်ပဲ ကျမတို့ လွှတ်တော် သက်တမ်းက ရှိမှာပါ” ဟုလည်း ဒေါ်အောင်ဆန်းစုကြည်ကလည်း မကြာသေးမီက ပြောဆိုခဲ့သေးသည်။
မြန်မာနိုင်ငံတွင် အနောက်ဒီမိုကရေစီ စံညွန်းများနှင့်အညီ ကာကွယ်ရေး ၀န်ကြီးကဲ့သို့ နေရာမျိုးတွင် အရပ်သားကိုသာ တာဝန်ပေးသင့်သည်ဟု ပြောဆိုမှုများရှိကြောင်း၊ သို့သော် လေ့လာမှုများအရ အရပ်သားနိုင်ငံရေး သမားများ၏ အားနည်းချက်များအပေါ် စစ်တပ်က တင်ပြပြောဆိုချက်များအား ကြည့်ခြင်းအားဖြင့် စစ်တပ်သည် ဖြတ်သန်းလာခဲ့သည့် သမိုင်းအရလည်းကောင်း၊ လေ့ကျင့် သင်ကြားပေးမှုများအရ လည်းကောင်း အရပ်သား နိုင်ငံရေးသမားများအပေါ် သံသယ ရှိနေကြဆဲဖြစ်ကြောင်း ဒေါက်တာ တင်မောင်မောင်သန်းက ဆိုသည်။
မြန်မာ့ နိုင်ငံရေးတွင် စစ်တပ်က ပါဝင်ရမည်ဟု တပ်မတော်အတွင်း လက်ခံယုံကြည်နေကြသူ များနေကြောင်း၊ အဆိုးဆုံး အခြေအနေကို ထိန်းညှိရန် မြန်မာနိုင်ငံ၏ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တပ်မတော်သား ကိုယ်စားလှယ်သည် လွှတ်တော်များတွင် ၂၅ ရာခိုင်နှုန်း ယူထားခြင်းဟု နားလည်ကြောင်းလည်း ၎င်းက ပြောသည်။
သို့သော် ပြီးခဲ့သည့် လပိုင်းအတွင်းက ကာကွယ်ရေး ၀န်ကြီး ဒုတိယ ဗိုလ်ချုပ်ကြီး လှမင်းက စင်ကာပူနိုင်ငံ၊ ရှန်ဂရီလာ ဆွေးနွေးပွဲတွင် ပြောသွားသည့် သင့်တော်ချိန်တွင် တပ်မတော် ကိုယ်စားလှယ်များကို လျှော့ချသွားရန်ရှိကြောင်း ပြောဆိုမှုနှင့် လက်ရှိ ပြုပြင်ပြောင်းလဲရေးများကိုလည်း စစ်တပ်က ထောက်ခံကြောင်း ပြောခဲ့သည်မှာ ကောင်းသည့် လက္ခဏာဖြစ်ကြောင်း ဒေါက်တာ တင်မောင်မောင်သန်းက ဆက်လက်ပြောသည်။
လက်ရှိ ပြုပြင်ပြောင်းလဲမှုကို ဦးဆောင်နေသူသည် စစ်ဗိုလ်ချုပ်ဟောင်း သမ္မတ ဦးသိန်းစိန်ဖြစ်ပြီး ဒီမိုကရေစီ လိုလားနေကြသည့် မြန်မာ့လူ့အဖွဲ့အစည်း တခုလုံးသည် အပြောင်းအလဲကို အဓိက မောင်းနှင်သူလည်း ဖြစ်ကြောင်း၊ အများက စိုးရိမ်နေသကဲ့သို့ စစ်တပ်က အာဏာပြန်သိမ်းပြီး စစ်ဗိုလ်ချုပ်များက တိုင်းပြည်ကို ပြန်အုပ်ချုပ်မည်ဟု မထင်ကြောင်းလည်း ဒေါက်တာ တင်မောင်မောင်သန်းက ဧရာဝတီကို ပြောသည်။
“တိုင်းပြည်ကို အင်အားသုံး အုပ်ချုပ်ဖို့ဆိုတာ မလွယ်ကူပါဘူး။ ပွင့်လင်းလာပြီဖြစ်တဲ့ တိုင်းပြည်ကို သူတို့ စစ်ဗိုလ်ချုပ်ကြီးတွေ ကိုယ်တိုင် ပြန်အုပ်ချုပ်မယ်လို့တော့ ကျနော် မထင်ဘူး” ဟု ၎င်းက ပြောသည်။
ဆက်လက်၍ သူက သတိပေးပြောသည်မှာ “သို့သော် ဒီမိုကရက်တွေက စစ်ခေါင်းဆောင်တွေကို ထောင့်ထဲ တွန်းမပို့ရင်တော့ အကောင်းဆုံးပဲ” ဟူ၍ ဖြစ်သည်။
အရပ်သားနှင့် စစ်သားတို့သည် မိမိတို့၏ ကိုယ်ပိုင်ကျွမ်းကျင်မှုများ ရှိကြကြောင်း၊ တိုင်းပြည်အကျိုးအတွက် အပြန်အလှန် လေးစားမှုရှိရှိ ညှိနှိုင်း ဆောင်ရွက်သွားသင့်ကြောင်း ၎င်းက အကြံပြုသည်။
လွှတ်တော်တွင်း၌ ရှိနေကြသည့် အရပ်သား အတိုက်အခံ နိုင်ငံရေးပါတီများက ကိုယ်စားလှယ်များ၊ အာဏာရ ကြံ့ခိုင်ရေး ပါတီကိုယ်စားလှယ်များ၊ စစ်တပ်ကိုယ်စားလှယ်များ အနေဖြင့် ထိတွေ့ဆက်ဆံရင်း နိုင်ငံရေးဆိုသည်မှာ အလျှော့အတင်းရှိပြီး ဒီမိုကရေစီသဘောအရ သဘောတူသည် ရှိသကဲ့သို့ မတူသည်များ ရှိတတ်သည်ကို ညှိနှိုင်းဆောင်ရွက်ရသည့် ဓလေ့များ စစ်တပ်အတွင်း ကျယ်ကျယ်ပြန့်ပြန့် သိရှိနားလည်သွားပါက တဖက်နှင့် တဖက် ရှိနေသည့် သံသယ များ ပြေလျော့သွားနိုင်ကြောင်း သူက ရှင်းပြသည်။
လတ်တလော အစိုးရ၀န်ကြီးများ အပြောင်းအလဲနှင့် ပတ်သက်၍ သမ္မတ ဦးသိန်းစိန်အနေဖြင့် ဖော်ဆောင်နေသည့် ပြုပြင်ပြောင်းလဲရေး အရှိန်ပိုရရေးအတွက် သူ့စိတ်ကြိုက် အဖွဲ့ (Team) ကို ဖန်တီးခြင်းဖြစ်ကြောင်း၊ ယခုပြောင်းလဲမှုသည် ဌာန ပြောင်းလဲ တာဝန်ပေးလိုက်ခြင်းသာဖြစ်ပြီး ပုဂ္ဂိုလ်ရေးသံယောဇဉ် ရှိသည့်အားလျှော်စွာ ဖြုတ်၊ ထုတ်၊ ရှင်း ဆိုသည့်နည်းကို မသုံးဘဲ မြန်မာ့နည်းအတိုင်း အလယ်လမ်းကို ရွေးချယ် လုပ်ဆောင်ခြင်းသာဖြစ်ကြောင်း ဒေါက်တာ တင်မောင်မောင်သန်းက ပြောသည်။
“လူအများကတော့ ဒီလောက်နဲ့ မလုံလောက်ဘူးလို့ ပြောမှာပါ။ ဒါပေမယ့် ဒီလိုလူတွေက အမြဲရှိနေတာပဲလေ” ဟု သူက ဆိုသည်။
The Elephant in the Room ခေါင်းစဉ်ဖြင့် ဆွေးနွေးပွဲသို့ မြန်မာ့အရေး စိတ်ဝင်စားသူများ၊ ပညာရှင်များ၊ ကျောင်းသား၊ ကျောင်းသူများ၊ မီဒီယာသမားများ တက်ရောက်ကြသည်။
Ref: ဧရာဝတီ
ဦးပိုင် ရှင်းလင်းချက် မပြည့်စုံဟု ကြေးနီစီမံကိန်း ယာသိမ်းခံများ တုံ့ပြန်
ကျော်ခ
August 29, 2012
စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပံတောင်း ကြေးနီ စီမံကိန်းအတွက် သိမ်းမြေများနှင့် ပတ်သက်၍ မြန်မာ့ စီးပွားရေး ဦးပိုင် လီမီတက်နှင့် တိုင်းဒေသကြီးလွှတ်တော် ဒုဥက္ကဌတို့၏ ဖြေရှင်းချက်များမှာ ယာသိမ်းခံတောင်သူ များ၏ နစ်နာမှုများကို လျစ်လျူရှု ခဲ့ကြောင်း မူရင်း ယာပိုင်ရှင်များက ပြောသည်။
သိမ်းမြေများနှင့် ပတ်သက်၍ ရွှေ့ပြောင်းရမည့် တောင်သူများ အတွက် မြေယာ သီးနှံလျော်ကြေး၊ နှစ်ရှည်သီးနှံ လျော်ကြေးများ ကိုလည်း ပေးလျော်ခဲ့ပြီး ဖြစ်ကြောင်း တိုင်းဒေသကြီး လွှတ်တော် ဒု ဥက္ကဌနှင့် ဦးပိုင် လီမိတက်မှ ဦးဝင်းကြည် တို့၏ စာနယ်ဇင်း များအား ရှင်းလင်းချက် အပေါ် တောင်သူများက တုံ့ပြန် ပြောဆိုကြခြင်း ဖြစ်သည်။
“သူတို့ပြောတာတွေက အကုန်မမှန်ဘူး၊ ကောင်းကွက် ကလေးတွေကိုပဲ ရွေးပြောပြီး နားလှည့်ပါးရိုက် လုပ်သွားတာ၊ ကျနော်တို့ ဝက်မှေးရွာမှာ ဆိုရင် မရွှေ့ပြောင်းတဲ့လူတွေက ခြံမြေ အဆောက်အဦ လျော်ကြေးတွေ လုံးဝကို မယူပါဘူး၊ ဒီလိုနစ်နာတဲ့ ဟာတွေကို မထည့်ပြောဘဲနဲ့ လုံးချသွားတာ”ဟု ဝက်မှေးရွာသား ဦးအောင်ဇော်ဦး က ဧရာဝတီသို့ ပြောသည်။
၂၀၁၀ ဒီဇင်ဘာလထဲတွင် ဓာတ်သတ္ထုရှာဖွေ စမ်းသပ်ရန် အတွက် ဖြတ်သန်းသွားလာမည့် သီးနှံစိုက်ခင်းများကို ၃ နှစ်စာ လျော်ကြေး အဖြစ် ကျပ် ၅ သိန်း ၂ သောင်း နှုန်းဖြင့် ပေးကြောင်း ပြောဆိုခဲ့သော်လည်း နောက်ပိုင်းတွင် မြေယာလျော်ကြေးအဖြစ် ပြောင်း လဲသုံးစွဲ၍ သိမ်းယူလိုက်သဖြင့် နစ်နာဆုံးရှုံးခဲ့ရကြောင်း ဒေသခံ တောင်သူများက ပြောဆိုကြသည်။
“အဲဒါကို မုံရွာခရိုင် အုပ်ချုပ်ရေးမှူး ဦးခင်မောင်ဆန်းက ကျနော်တို့ကို ၂၀၁၀ တုန်းက သီးနှံလျော်ကြေးဆိုပြီး ပြေားထားပြီးတော့ အခုနောက်ပိုင်းမှ သူက မြေလျော်ကြေးဆိုပြီးဖြစ်သွားတာ၊ ကျနော်တို့က စစ်ကိုင်းတိုင်းဝန်ကြီးချုပ် ဦးသာအေးကို သွားတင်ပြတော့ အဲဒါသူ စေတနာအမှားနဲ့ မှားပြီးပြောတာပါတဲ့၊ တကယ်တော့ မြေလျော်ကြေးပါတဲ့”ဟု ဦးအောင်ဇော်ဦး က ပြောသည်။
အသိမ်းခံမြေများအတွက် တရားမျှတစွာ ဖြေရှင်းပေးရေး ဒေသခံ ယာသိမ်းခံတို့က ဆက်တိုက်တောင်းဆိုမှုများ ဖြစ်ပွားနေပြီး နောက် ယခုလ ၂၂ ရက်နေ့တွင် စီးပွားရေး ဦးပိုင်လီမိတက်နှင့် တိုင်းဒေသကြီးလွှတ်တော် ဒု ဥက္ကဌတို့က ဆားလင်းကြီးမြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ စာနယ်ဇင်းရှင်းလင်းပွဲပြုလုပ်ခဲ့သည်။
ယင်းသို့ရှင်းလင်းရာတွင် လက်ပံတောင်း ကြေးနီစီမံကိန်းကို နိုင်ငံတော်၏ ခွင့်ပြုမိန့်ဖြင့် အကြီးစား ဓာတ်သတ္ထု တူးဖော်ခွင့်၊ ထုတ် လုပ်ခွင့်အမိန့်နှင့် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ခွင့်ပြုမိန့်တို့ဖြင့် မြန်မာ့စီးပွားရေး ဦးပိုင်လီမိတက်က တရားဝင် လုပ်ကိုင် လျက်ရှိကြောင်း မြေယာနှင့် သီးနှံလျော်ကြေးများအတွက် ကျပ် သန်းပေါင်း ၉၀၀၀ ကျော် ပေးလျော်ခဲ့ပြီးဖြစ်ကြောင်း ယနေ့ထုတ် မြန်မာ့အလင်း သတင်းစာတွင် ဖော်ပြထားသည်။
၎င်းတို့ အနေဖြင့် ၂၀၁၁ ခုနှစ်တွင် ယာမြေများအား မိုင်းမြေအဖြစ် ပြောင်းလဲအသုံးပြုခွင့် ရရှိခဲ့ပြီးနောက် မြေလျော်ကြေး၊ သီးနှံ လျော်ကြေး ပေးရာတွင် တောင်သူများ နစ်နာမှု မရှိစေရေးအတွက် ကာလပေါက်ဈေးထက် ပိုမို တွက်ချက်၍ တဧက လျှင် ကျပ် ၅ သောင်းခွဲ ခန့် ပေးလျော်ခဲ့ကြောင်းနှင့် မြေအမည်စာရင်း မပေါက်သူများကိုလည်း လျော်ကြေးထုတ်ပေးထားသည်ဟု ဆိုသည်။
ထို့အတူ ကျေးရွာသစ်များအား ယခင်နေအိမ်၏ အတန်းအစားပေါ်မူတည်၍ A,B,C,D အဆင့်များခွဲကာ အိမ်အတန်းအစား အလိုက် မိမိတို့ စိတ်ကြိုက်ပြုပြင်ရန် A အဆင့်ကို ကျပ် ၁၀ သိန်း၊ B အဆင့်ကို ၈ သိန်း၊ C အဆင့်ကို ၆ သိန်းနှင့် D ကို ၄ သိန်းစီ နှုန်းထားခွဲ၍ ထုတ်ပေးထားကြောင်းနှင့် အလုပ်အကိုင်များကိုလည်း ဖန်တီးပေးထားကြောင်း သတင်းစာ၌ ဖော်ပြထားသည်။
အစားထိုး ဆောက်လုပ်ပေးထားသော အိမ်များသည် ပျဉ်ထောင်၊ ပျဉ်ခင်းဖြင့် အဖြစ်သဘော အကြမ်းဆောက်လုပ်ပေးထားပြီး အဆင် သင့် နေထိုင်နိုင်သည့် အိမ်များမဟုတ်ကြောင်း ယင်းနေရာများသို့ ရွှေ့ပြောင်းခဲ့ရခြင်းမှာလည်း အဓမ္မစေခိုင်းခြင်းကြောင့် ဖြစ် ကြောင်း ဆည်တဲ ရွာသား တဦးက ပြောသည်။
“ကျနော်တို့က လုံးဝ ရွှေ့ပြောင်းချင်ကြတာမဟုတ်ဘူး၊ မရှိမဲ့၊ ရှိမဲ့လေး ဆုံးရှုံးမှာ စိုးတဲ့အပြင် ပြဿနာ ရှာခံရမှာကြောက်လို့ ရွှေ့ပေး ခဲ့ရတာ၊ သူတို့ပေးထားတဲ့ အိမ်တွေနဲ့လည်း နေထိုင်လို့မရဘူး၊ အရံသင့် တက်နေလို့ရတဲ့ အိမ်ရာတွေလည်း မဟုတ်ဘူး၊ ကျနာ် တို့ အိမ်တွေမှာဆို ထမင်းချက်အိမ်၊ နွားတင်းကုတ်ပါတယ် သူတို့ဆောက်ပေးထားတဲ့ အိမ်တွေက ကျဉ်းတယ်၊ အဲဒါတွေလည်းမပါဘူး”ဟု သူက ဧရာဝတီသို့ ပြောသည်။
မူရင်းယာပိုင်ရှင်များက ယနေ့ညနေပိုင်းတွင် ဆုံးရှုံးခဲ့ရသော ၎င်းတို့ယာခင်းများထဲတွင် တဲများထိုး၍ “ယာသိမ်းတိုက်ပွဲ” ဆင်နွှဲသွားမည် ဖြစ်ကြောင်း၊ ၈၈ မျိုးဆက်ကျောင်းသား အဖွဲ့များလည်း ရောက်ရှိနေကြပြီး မြို့နယ်အုပ်ချုပ်ရေးမှူးနှင့် ဆွေးနွေးရန် စီစဉ်နေကြ ကြောင်း ဦးအောင်ဇော်ဦး က ပြောပြသည်။
“သူတို့က ၃ နှစ်စာ သီးနှံလျော်ကြေးလို့ သုံးပြီးမှ မြေလျော်ကြေးဆိုပြီး ဒေသခံ တောင်သူလယ်သမားတွေကို မလှိမ့်တပတ် လုပ်လို့ ကျနော်တို့ လယ်ယာမြေတွေကို ပြန်ရအောင် တိုက်ပွဲဝင်သွားမှာဗျ”ဟု ဦးအောင်ဇော်ဦး က ဆက်ပြောသည်။
မုံရွာ ကြေးနီစီမံကိန်းအတွက် ၂၀၁၂ ခုနှစ် မေလက လယ်ယာမြေ ဧကပေါင်း ၇၈၆၈ ဧကခန့်ကို နိုင်ငံပိုင်မြေဖြစ်သဖြင့် လျော်ကြေး ပေး၍ သမ္မတအမိန့်ဖြင့် သိမ်းပိုက်ခြင်းဖြစ်သည်ဟု ထိုစီမံကိန်းကို အဓိက လုပ်ဆောင်နေသည့် ဦးပိုင် ကုမ္ပဏီလီမိတက်၊ တရုတ် နိုင်ငံ ဝမ်ပေါင်း ကုမ္ပဏီနှင့် ဒေသဆိုင်ရာ အာဏာပိုင်များက ရွာသားများကို ပြောဆိုခဲ့သည်ဟု သိရသည်။
Ref: ဧရာဝတီ
လွှတ်တော်နှင့် အခြေခံဥပဒေခုံရုံး အငြင်းပွားမှု စုံစမ်း စစ်ဆေးမည်
မြတ်ကျော်သူ
ဗုဒ္ဓဟူးနေ့၊ သြဂုတ်လ ၂၉ ရက် ၂၀၁၂
ရန်ကုန် (မဇ္ဈိမ)။ ။ ဖွဲ့စည်းပုံ အခြေခံဥပဒေဆိုင်ရာ ခုံရုံးနှင့် လွှတ်တော်နှစ်ရပ် အကြား ငြင်းခုန်နေသည့် လွှတ်တော်ရေးရာ အဖွဲ့များ အဆင့် သတ်မှတ်မှုနှင့်ပတ်သက်၍ စုံစမ်း စစ်ဆေးရေး အဖွဲ့တခုကို ဗုဒ္ဓဟူးနေ့တွင် အောက်လွှတ်တော် က ဖွဲ့စည်းလိုက်သည်။
“ကျနော်တို့ အဓိက လုပ်ရမယ့် တာဝန်ကတော့ အခုဖြစ်နေတဲ့ ပြဿနာတွေရဲ့ အဖြစ်မှန်ကို ဖော်ထုတ်ရမှာပါပဲ” ဟု စုံစမ်း စစ်ဆေးရေး အဖွဲ့ဝင် တဦးဖြစ်သော အမျိုးသား ဒီမိုကရေစီအဖွဲ့ချုပ်မှ ပြည်သူ့ လွှတ်တော်အမတ် ဦးဝင်းထိန် က မဇ္ဈိမကို ပြောသည်။
အထက်လွှတ်တော် အမတ် ၁၆၃ ဦးကလည်း စုံစမ်းစစ်ဆေးရေးအဖွဲ့ ဖွဲ့စည်းခြင်းကို ထောက်ခံ အတည်ပြုကြောင်း ဗုဒ္ဓဟူးနေ့တွင် အောက်လွှတ်တော် ဥက္ကဋ္ဌသို့ သဝဏ်လွှာ ပေးပို့ခဲ့သည်။
စက်တင်္ဘာလ ပထမ သီတင်းပတ်အတွင်း စုံစမ်းစစ်ဆေးမှုများ စတင်လုပ်ဆောင်မည် ဖြစ်သော်လည်း ဆောင်ရွက်မည့် ကိစ္စများနှင့် ပတ်သက်၍ အသေးစိတ် ဆွေးနွေးမှု မပြုရသေးကြောင်း ဦးဝင်းထိန် က ပြောသည်။
စုံစမ်းရေးအဖွဲ့တွင် အောက်လွှတ်တော် ဒု-ဥက္ကဋ္ဌ ဦးနန္ဒကျော်စွာ က ဥက္ကဋ္ဌအဖြစ် ဆောင်ရွက်မည်ဖြစ်ပြီး ဦးဝင်းထိန်၊ ဦးဝင်းမြင့်၊ ဦးတီခွန်မြတ်၊ သူရဦးအောင်ကို၊ ဒေါက်တာစိုးရင်၊ ဦးသောင်း၊ ဒေါ်ဒွဲဘူ၊ ဦးမောင်မောင်ဦး၊ ဒေါ်နန်းဝါနု၊ ဦးဘရှိန်၊ ဒေါ်မိမြင့်သန်း၊ ဒေါ်တင်နွယ်ဦး၊ ဒေါ်နန်းစေးအွာ နှင့် ဦးစိုးဝင်းတို့က အဖွဲ့ဝင်များအဖြစ် ပါဝင်သည်။
ဗုဒ္ဓဟူးနေ့က အထက်လွှတ်တော်တွင် အခြေခံဥပဒေခုံရုံးအပေါ် စွပ်စွဲပြစ်တင်သော ဆွေးနွေးပွဲ ပြုလုပ်ရာ အခြေခံ ဥပဒေခုံရုံး ဥက္ကဋ္ဌ ဦးသိန်းစိုးလည်း ပါဝင် ဆွေးနွေးခဲ့သည်။
ခုံရုံး ဥက္ကဋ္ဌနှင့် အဖွဲ့ဝင်များသည် အခြေခံဥပဒေ ပြဋ္ဌာန်းချက်ကို ဖောက်ဖျက်ကျူးလွန်ပြီး တာဝန်ကျေပွန်အောင် ထမ်းဆောင်ခြင်း မရှိကြောင်း အဆိုကို အာဏာရ ကြံ့ခို်င်ရေးပါတီမှ အထက်လွှတ်တော်အမတ် ဦးဇော်မြင့် က တင်သွင်းခဲ့ခြင်းဖြစ်သည်။
ဦးသိန်းစိုးက ယခုကဲ့သို့ လွှတ်တော်များ၏ လုပ်ဆောင်ချက်များနှင့် ပတ်သက်၍ “ဥပဒေပြုရေး ကဏ္ဍက တရား စီရင်ရေးကို လွှမ်းမိုး စွက်ဖက်ခြင်း ဖြစ်ကြောင်း” ထည့်သွင်း ပြောကြားသွားသည်။ အခြေခံ ဥပဒေခုံရုံးကို အပြစ်တင်နေခြင်းဖြင့် အခြေခံ ဥပဒေကို “တန်ဖိုးမဲ့အောင်” ဆောင်ရွက်နေခြင်းဖြစ်ကြောင်းလည်း ပြန်လည်ပြစ်တင် သွားသည်။
အခြေခံဥပဒေခုံရုံး၏ ဆုံးဖြတ်ချက်ကို လွှတ်တော်များက မလိုက်နာသည့်အတွက် အခြေခံ ဥပဒေကို ချိုးဖောက်နေ ခြင်းဖြစ်သည် ဟု စွပ်စွဲကာ ပြည်ထောင်စု တရား လွှတ်တော်ထံ စာချွန်တော် လျှောက်တင် ထားကြောင်း ခုံရုံး၏ အင်တာနက် ဝဘ်ဆိုက်တွင် ထုတ်ပြန်သည်။
Ref: မဇ္ဈိမ
အစိုးရ ပြုပြင်ပြောင်းလဲမှုကို အကောင်းလက္ခဏာအဖြစ် ရှုမြင်
ရန်ပိုင်
August 29, 2012
သမ္မတ ဦးသိန်းစိန် အနေဖြင့် သက်တမ်း ၂ နှစ်ခန့်ရှိပြီဖြစ်သော အစိုးရအဖွဲ့အား ပြုပြင်ပြောင်းလဲ မှုများ ပြုလုပ် လိုက်ခြင်းသည် အကောင်းဘက်သို့ ဦးတည်နေသည့် လက္ခဏာ များဟု လေ့လာ သူများက ရှုမြင်ကြသည်။
၈၈ မျိုးဆက် ကျောင်းသားခေါင်းဆောင် ဦးကိုကိုကြီးက “သမ္မတရုံး ၀န်ကြီး ၄ ဦး ထပ်တိုး တာကိုက ပြုပြင်ပြောင်းလဲရေးကို အားစိုက် လုပ်ဖို့ဆိုတာ သိသာပါတယ်၊ အကောင်းဘက်ကို ဦးတည်တယ်၊ ပြုပြင်ပြောင်းလဲရေးကို အကောင် အထည်ဖော်နေ တယ်ဆိုတာ ကတော့ မြင်နေ ရတယ်၊ စောင့်ကြည့် ရမယ်” ဟု ဆိုသည်။
နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက သမ္မတ ဦးသိန်းစိန်၏ ယခု ပြုပြင်ပြောင်းလဲ မှုသည် ပြည်သူဆန္ဒကို အခြေခံကာ ဆောင်ရွက်ခြင်းဖြစ်ပြီး အစပထမဟု ပြောနိုင်ကြောင်း၊ မကြာမီတွင် ဆက်လက်ပြီး အရှိန်မြှင့်တင် ဆောင်ရွက် သွားမည်ဖြစ်ပြီး တိုင်းဒေသကြီးနှင့် ပြည်နယ်များ တွင်လည်း ပြုပြင်ပြောင်းလဲရေးများ စတင်နေပြီ ဖြစ်ကြောင်း ဧရာဝတီသို့ ပြောသည်။
အစိုးရ သက်တမ်း ၂ နှစ်အတွင်း အားနည်းချက်၊ အားသာ ချက်များကို လေ့လာကာ ပြုပြင်ပြောင်းလဲ မှုများကို ဆောင်ရွက်ခြင်း ဖြစ်ကြောင်း၊ ပြုပြင်ပြောင်းလဲရေးနှင့် ပတ်သက်၍ ပြည်သူများ၏ အားမလို အားမရ ဖြစ်နေခြင်း၊ နိုင်ငံခြား ရင်းနှီးမြုပ်နှံမှုများ အလုံးအရင်းနှင့် ၀င်ရောက် မလာခြင်း၊ ပြည်တွင်းငြိမ်းချမ်းရေး မရရှိသေးခြင်းကိုလည်း သမ္မတ ဦးသိန်းစိန် အနေဖြင့် သိရှိထားကြောင်း ဦးဇော်ဌေးက ဆိုသည်။
အမျိုးသား ဒီမိုကရေစီအဖွဲ့ချုပ် ခေါင်းဆောင်တဦးဖြစ်သည့် ဦးဝင်းတင်ကမူ “အစောကြီးကတည်းက လုပ်ရမှာ၊ အလာကောင်းပေမယ့် အခါနှောင်းတယ်လို့တောင် ပြောလို့ရတယ်” ဟု ပြောသည်။
ဝန်ကြီးအများစုမှာ စစ်အစိုးရလက်ထက် ကတည်းက ပါဝင်ခဲ့သည့် သဘောထား တင်းမာ သူများဖြစ်ပြီး ဒီမိုကရေစီ ပြုပြင်ပြောင်းလဲရေး လမ်းစဉ်နှင့် မကိုက်ညီကြောင်း၊ ပြန်ကြားရေး ၀န်ကြီးဟောင်း ဦးကျော်ဆန်း ဆိုလျှင် စာပေ လွတ်လပ်ခွင့်နှင့် ပတ်သက်၍ ပိတ်ပင် ချုပ်ချယ်သူဟု နာမည်ကြီးပြီး သမ္မတ၊ လွှတ်တော် ဥက္ကဋ္ဌ တို့၏ မိန့်ခွန်းများကိုပင် ဖြတ်တောက် စိစစ်မှု ပြုလုပ်ကြောင်း၊ အမှတ် (၁) လျှပ်စစ်စွမ်းအား ၀န်ကြီးဟောင်း ဦးဇော်မင်း ဆိုလျှင်လည်း မြစ်ဆုံဆည် စီမံကိန်းနှင့် ပတ်သက်ပြီး ပြောဆိုမှုများ ပြုလုပ်စဉ် ကတည်းက ရာထူးမှ ဖယ်ရှားသင့်သူဖြစ်ကြောင်း ဦးဝင်းတင်က ဆက်လက်ပြောသည်။
ပြီးခဲ့သည့် တနင်္လာနေ့မှ စတင်ကာ ပြုလုပ်သည့် ၀န်ကြီးရာထူး အပြောင်းအရွှေ့တွင် ပြည်တွင်း ငြိမ်းချမ်းရေး အကောင်အထည်ဖော်နေသူ မီးရထားဝန်ကြီး ဦးအောင်မင်း၊ စက်မှုဝန်ကြီး ဦးစိုးသိန်း အပါအ၀င် ၀န်ကြီး ၉ ဦးကို ရာထူး အပြောင်းအရွှေ့ ပြုလုပ်ခဲ့ပြီး၊ အရပ်သား ပညာရှင်ရှင်များနှင့် အမျိုးသမီးများ ပါဝင်သည့် ဒုဝန်ကြီး ၁၅ ဦးကိုလည်း ထပ်မံခန့်ခဲ့သည်။
ယမန်နေ့က ဆောက်လုပ်ရေးဝန်ကြီး ဦးခင်မောင်မြင့်နှင့် အမှတ် (၁) လျှပ်စစ် စွမ်းအား ၀န်ကြီး ဦးဇော်မင်း၊ ပြည်ထောင်စု စာရင်းစစ်ချုပ် ဦးလွန်းမောင် တို့အား သမ္မတ ဦးသိန်းစိန်က ရာထူးမှ နှုတ်ထွက်ခွင့်ပြုခဲ့သည်။
ပြန်ကြားရေး ၀န်ကြီးအသစ်ဖြစ်သူ ဦးအောင်ကြည်မှာ သဘောထား ပျော့ပြောင်းသူ တဦးဟု လူသိ များသော်လည်း စာပေ မူဝါဒများ အပေါ်တွင် မည်သို့ သဘောထားမည်ကို မသိရသေးကြောင်း၊ စောင့်ကြည့်ရဦးမည် ဖြစ်ကြောင်း၊ လစ်လပ်သွားသည့် ၀န်ကြီးဌာနများ အားခန့်အပ်ရာတွင် သက်ဆိုင်ရာလုပ်ငန်းများနှင့် ပတ်သက်ပြီး ကျွမ်းကျင်နှံ့စပ်သူ၊ ဆုံးဖြတ်ချက် ပေးနိုင်သူများ ကိုသာ ခန့်အပ်သင့်ကြောင်း၊ အရပ်သား ပညာရှင်များကို ခန့်အပ်ခြင်းသည် ကောင်းသော လက္ခဏာတခုဟု ပြောဆိုနိုင်ကြောင်း ၈၈ မျိုးဆက် ကျောင်းသားခေါင်းဆောင် ဦးကိုကိုကြီး ဆိုသည်။
အစိုးရသစ်အနေနှင့် ပြုပြင်ပြောင်းလဲမှုများ လုပ်ဆောင်ရာတွင် ရှေးရိုးစွဲ၊ ခေတ်နောက်ပြန် ဆွဲသည့် အမြင် ရှိသူများကို ချန်ထား ခဲ့မည်ဖြစ်ကြောင်း သမ္မတ ဦးသိန်းစိန်က ပြီးခဲ့သည့် မေလတွင် တကြိမ်၊ ယခုလလယ်တွင် တကြိမ် သတိပေး ပြောဆိုခဲ့သည်။
အစိုးရနှင့် နီးစပ်သူများ အဆိုအရ ယခု အပြောင်းအလဲမှာ အစသာဖြစ်ပြီး ၀န်ကြီးအပြောင်း အလဲများကို ဆက်လက် လုပ်ဆောင်ဦးမည် ဖြစ်ကြောင်း၊ လစ်လပ်နေသည့် ၀န်ကြီးများ ခန့်အပ်ရာတွင် အမျိုးသား ဒီမိုကရေစီ အဖွဲ့ချုပ် (NLD) မှ ကိုယ်စားလှယ်များပင် ပါဝင်နိုင်ကြောင်း သိရသည်။
Ref: ဧရာဝတီ
အင်ဒိုနီးရှား အထူးသံတမန်အဖွဲ့ ဒီမိုကရေစီ မိတ်ဆွေများ ပါတီခေါင်းဆောင် များနှင့် တွေ့ဆုံ
2012-08-29
မြန်မာနိုင်ငံကို ရောက်ရှိနေတဲ့ အင်ဒိုနီးရှား အစိုးရရဲ့ အထူးသံတမန် Dr.Hssaan Wirajuda ဦးဆောင်တဲ့ ကိုယ်စားလှယ် အဖွဲ့ဟာ ဒီမိုကရေစီ မိတ်ဆွေများ ပါတီအဖွဲ့ဝင် (၁၀) ပါတီက ခေါင်းဆောင်တွေနဲ့ ရန်ကုန်တိုင်း ဒေသကြီး အစိုးရအဖွဲ့ ရုံးမှာ မနေ့ ညနေပိုင်းက တွေ့ဆုံ ခဲ့ပါတယ်။
ဒီတွေ့ဆုံပွဲမှာ အင်ဒိုနီးရှား အစိုးရရဲ့ အထူးသံတမန် Dr. Wirajuda က ရခိုင်ပြည်နယ် အရေး ကိစ္စနဲ့ ပတ်သက်ပြီး ကူညီ ကယ်ဆယ်ရေး ကိစ္စတွေက အဓိက အရေးကြီးကြောင်း၊ လိုအပ်ရင် အကူအညီတွေ ပေးနိုင်ကြောင်း ပြောဆို ခဲ့တယ်လို့ တွေ့ဆုံပွဲကို တက်ရောက်ခဲ့တဲ့ ဒီမိုကရက်တစ် ပါတီ (မြန်မာ) က အထွေထွေ အတွင်းရေးမှူး ဒေါ်သန်းသန်းနုက RFA ကို ပြောပါတယ်။
"ရခိုင် ပြဿနာကလည်း ဖြေရှင်းဖို့နည်း တစ်နည်းကတော့ အခုအတိဒုက္ခရောက်နေတဲ့ လူတွေရဲ့ ကယ်ဆယ်ရေးနဲ့ ပြန်လည်နေရာ ချထားရေး ကိစ္စတွေကို အရင်ဆုံး ထိထိရောက်ရောက် ဆောင်ရွက်ပေးဖို့က အရေးကြီးတယ်။ အဲတာပြီးတော့မှ သာလျှင် ဆက်ပြီးတော့ သင့်မြတ်ရေးကိစ္စတွေကို လုပ်ပေးရမယ်။ လုပ်ပေးလို့ ဖြစ်မယ်ဆိုတဲ့ အကြောင်း၊ အဲဒါမှ အောင်မြင်မယ်ပေါ့နော်။ ဒီအချက်ကိုတော့ သူပြောသွားပါတယ်။ အကယ်၍ ကူညီပေးစေချင်တယ် ဆိုလို့ရှိရင်တော့ သူတို့က ဘယ်လို အကူအညီမျိုး လိုတယ်ဆိုတာကို သူတို့ကို ပြောလို့ ရှိရင် သူတို့က ကူညီနိုင်ပါတယ်တဲ့"
ဒါ့ပြင် ရခိုင်ပြည်နယ်က ကိစ္စရပ်တွေကို အစ္စလာမ်နိုင်ငံဖြစ်တဲ့ အင်ဒိုနီးရှားက ဝင်ရောက်စွက်ဖက်မှာ မဟုတ်ကြောင်းလည်း အင်ဒိုနီးရှား အထူးသံတမန်က ကတိပြု သွားခဲ့တယ်လို့ ဒေါ်သန်းသန်းနုက ပြောပါတယ်။
မနေ့က တွေ့ဆုံပွဲကို မြန်မာနိုင်ငံဆိုင်ရာ အင်ဒိုနီးရှား သံအမတ်ကြီးအပြင် အမျိုးသား ဒီမိုကရေစီ အင်အားစုပါတီ ခေါင်းဆောင်တွေဖြစ်တဲ့ ဦးသန်းငြိမ်း၊ ဦးခင်မောင်ဆွေ၊ ရှမ်းတိုင်းရင်းသားများ ဒီမိုကရက်တစ် ပါတီက ဦးစောသန်းမြင့်နဲ့ တခြားပါတီတွေက ခေါင်းဆောင်တွေ တက်ရောက်ခဲ့ကြတယ်လို့ သိရပါတယ်။
Ref: RFA News
ပျဉ်းမနားတွင် ရဲအရာရှိတစ်ဦး မီးရှို့သေဆုံး
2012-08-29
မြန်မာနိုင်ငံ ရဲတပ်ဖွဲ့က ရဲအုပ်အဆင့်ရှိတဲ့ ထောက်လှမ်းရေး အရာရှိတစ်ယောက် ကိုယ့်ကိုယ်ကို ဓာတ်ဆီလောင်း မီးရှို့ အဆုံးစီရင် သွားခဲ့တယ်လို့ ယူဆရတဲ့ ဖြစ်ရပ်တစ်ခု နေပြည်တော် ပျဉ်းမနားမြို့မှာ မနေ့ညနေပိုင်းက ဖြစ်ပွားခဲ့ပါတယ်။
သေဆုံးသူ ရဲအရာရှိဟာ SB ရဲသတင်းတပ်ဖွဲ့က ရဲအုပ် ဝင်းမင်းသန့်လို့ သိရပါတယ်။ အခင်းဖြစ်ပွားတဲ့နေရာဟာ ပျဉ်းမနားမြို့ အနောက်မြောက်ဘက် ပန်းခင်း ရပ်ကွက်မှာရှိတဲ့ ဘောရဇ္ဇ ဘုရားဝင်း အတွင်းမှာ ဖြစ်ပါတယ်။ သေမှုသေခင်းနဲ့ ပက်သက်လို့ အသေးစိတ် အချက် အလက်တွေကို စုံစမ်း စစ်ဆေးနေဆဲ ဖြစ်ကြောင်း ပျဉ်းမနား မြို့နယ် ရဲစခန်းမှူး ရဲအုပ် ဦးကျော်မြင့်က RFA ကို အတည်ပြု ပြောကြား ပါတယ်။
"တွေ့တဲ့အချိန်ကတော့ ၁၅း၃၀ ဗျ။ သူ့ဟာသူ ရှို့သလား၊ ဒါမှမဟုတ် သူများရှို့သလား။ ဒါက မသိသေးဘူး။ မသိသေးဘူး ဆိုတာ ဆရာဝန်ကြီးရဲ့ မူခင်း သုံးသပ်ချက်က ကျွန်တော်တို့ဆီ မရောက်သေးဘူး။ ဒီနေ့မှ ခွဲစိတ်တာ ဆိုတော့လေ။ ဆရာဝန်ကြီးရဲ့ မှတ်ချက် လာရင်တော့ တော်တော်လေး ပြောလို့ရတယ်ဗျ။ ဆရာဝန်ကြီး ကိုယ်တိုင်ကို သူကိုယ်သူ ရှို့သလား ဒါမှမဟုတ် တခြားသူ ရှို့သလား ဒါကပြောလို့ မရဘူး။ သူက ဘာလို့လဲဆို မီးလောင်ကျွမ်းမှုကြောင့် နံပါတ်တစ် သေသည်။ နောက်တခါ မီးလောင်ခံရစဉ် အသက်ရှိသည်။ မီးလောင်ခံရစဉ် အသက်ရှိသည်ဆိုတဲ့ အခါကျတော့ သေပြီးမှ သတ်ပြီးမှ ရှို့တာမျိုး မဟုတ်ဘူးဆိုတဲ့ ပုံစံမျိုးတော့ ပေါ်တာပေါ့ဗျာ။ ဘာကြောင့်သေသလဲ ဆိုတာ သေမှု သေခင်း ဖွင့်ထားတယ်။ ပျဉ်းမနား ရဲစခန်း အမှတ်စဉ် ၃၆၊ ၂၀၁၂ ပါ"
အမည်မဖော်လိုသူ ရဲဝန်ထမ်းတချို့နဲ့ ဒေသခံ တချို့ကတော့ ရဲအုပ် ဝင်းမင်းသန့်ဟာ မိမိကိုယ်ကို မီးရှို့ သတ်သေသွားတာ ဖြစ်ကြောင်း ပြောဆိုကြပါတယ်။ သေဆုံးသူ ရဲအရာရှိရဲ့ ရုပ်အလောင်းကို နေပြည်တော် ခုတင် (၁၀၀၀) ဆန့် ဆေးရုံမှာ လောလောဆယ် ထားရှိပြီး သက်ဆိုင်ရာ မှုခင်းဆရာဝန်တွေက စစ်ဆေးနေတယ်လို့ သိရပါတယ်။
အစိုးရရုံးစိုက်ရာ နေပြည်တော်မှာ အခုလို ရဲတပ်ဖွဲ့ အရာရှိတစ်ဦး ပထမဦးဆုံး ကိုယ့်ကိုကိုယ် မီးရှို့အဆုံးစီရင် သွားတယ်လို့ ယူဆရတဲ့ မှုခင်းဖြစ်တဲ့အတွက် ဒေသခံတွေကြားမှာ အထူးတလည် စိတ်ဝင်စားနေကြတယ်လို့ သိရပါတယ်။
Ref: RFA News
Wednesday, August 29, 2012
မြန်မာဝန်ကြီးအပြောင်းအလဲအပေါ် တုံ့ပြန်မှု
ကိုကျော်ကျော်သိန်း
28.08.2012
မြန်မာအစိုးရအဖွဲ့တွင်း ၀န်ကြီးအပြောင်းအလဲတွေ ဆက်တိုက် လုပ်လာတဲ့ အပေါ် အများစုက အကောင်းမြင်ကြ ပါတယ်။ သမ္မတ ဦးသိန်းစိန် အနေနဲ့ သူ့ရဲ့ ပြုပြင်ပြောင်းလဲရေး လုပ်ငန်းတွေကို ပို တွန်းအားပေးပြီး လုပ်နိုင်တော့မယ်လို့ မြင်ကြတာပါ။ ၀န်ကြီး တချို့ကို ဌာနနေရာ ပြောင်းရွှေ့ခန့်ထား လိုက်တာမှာ ပြုပြင်ပြောင်းလဲရေး လိုလားသူတွေလို့ အများက သတ်မှတ်သူတွေ ပို နေရာရ လာပြီးတော့ ပြုပြင်ပြောင်းလဲရေးကို တင်းခံနေသူတွေလို့ မြင်ကြ သူတွေကတော့ တာဝန်က နုတ် ထွက်ရတာ၊ သိပ် မထင်ရှားလှတဲ့ နေရာတွေကို ရောက်ကုန်တာကြောင့်လည်း အဲဒီလိုမြင်ကြတာ ဖြစ် ပါတယ်။ မြန်မာ အစိုးရအဖွဲ့ အပြောင်းအလဲ အပေါ် တုံ့ပြန်ချက် တချို့ကို ကိုကျော်ကျော်သိန်းက စုစည်းတင်ပြထားပါတယ်။
မြန်မာနိုင်ငံမှာ ၂၀၁၀ ပြည့်နှစ်ရွေးကောက်ပွဲပြီး နောက်ပိုင်း သမ္မတ ဦးသိန်းစိန် ဦးဆောင်တဲ့ အစိုးရ အဖွဲ့ တက်လာပြီး ကတည်း ကဆိုရင် အစိုးရ အဖွဲ့တွင်း အဓိက အပြောင်းအလဲတွေကို တနင်္လာနဲ့ အင်္ဂါနေ့တွေမှာ သမ္မတ ဦးသိန်းစိန်က ကြေညာခဲ့ပါတယ်။ ဒါဟာဖြင့် တချိန်တုန်းက ကမ္ဘာ့ပြင်ပ က နိုင်ငံ တခုလိုဖြစ်နေ ခဲ့တဲ့ မြန်မာနိုင်ငံမှာ အပြောင်းအလဲတွေကို ရှေ့ဆက် တိုးပြီး လုပ်နိုင်တော့မယ့် အလားအလာ အဖြစ် လေ့လာသူတွေက မြင်ကြပါတယ်။
အပြောင်းအလဲတွေထဲမှာ အထင်ရှားဆုံး တခုကတော့ သဘောထားတင်းမာသူ အဖြစ် အများကမြင်ကြ တဲ့ ဦးကျော်ဆန်းကို ပြန်ကြားရေး ၀န်ကြီးဌာန ကနေ ပြောင်းရွှေ့ လိုက်တာပါပဲ။ သူ့နေရာမှာ အစားထိုး ခန့်အပ် လိုက်သူက တချိန်တုန်းက ဒေါ်အောင်ဆန်းစုကြည်နဲ့ အစိုးရကြားမှာ ဆက်ဆံရေး ၀န်ကြီးအဖြစ် ထမ်းဆောင်ခဲ့သူ အလုပ်သမားနဲ့ လူမှု ဖူလုံရေး ၀န်ကြီး ဦးအောင်ကြည်ပါ။
အခုအစိုးရအဖွဲ့တွင်း ၀န်ကြီးအပြောင်းအလဲတွေဟာ ၂၀၁၁ ခုနှစ် မတ်လမှာ အရင် စစ်ကောင်စီထံ ကနေ သမ္မတ ဦးသိန်းစိန် အစိုးရ အာဏာ လွှဲပြောင်း ယူခဲ့ကတည်းက ဆိုရင် အကြီးမားဆုံးလို့ ဆိုရမှာပါ။ အဲဒီ အချိန်ကတည်းက ပြုပြင်ပြောင်းလဲရေးတွေ ကို အရှိန်အဟုန်နဲ့ ဆက်တိုက်လို လုပ်ခဲ့တာကြောင့် တကမ္ဘာလုံးက အံ့အား သင့်ခဲ့ရသလို မြန်မာနိုင်ငံ အပေါ် ချမှတ်ထားတဲ့ ဒဏ်ခတ် အရေးယူမှုတွေကို အနောက်နိုင်ငံတွေက ရုပ်သိမ်း ဆိုင်းငံ့ပေးခဲ့ရတဲ့ အခြေအနေထိ ရောက်ခဲ့ပါတယ်။
ဦးသိန်းစိန်ဟာ ပြုပြင်ပြောင်းလဲရေးလုပ်ငန်းစဉ်ပေါ် အခိုင်အမာ သန္နိဋ္ဌာန်ချထားတယ် ဆိုတာကို အထူးသဖြင့် ဒီ အစိုးရအဖွဲ့ အပြောင်း အလဲကို ကြည့်ခြင်းအားဖြင့် သံသယဖြစ်စရာ မရှိပါဘူး လို့ မြန်မာ့ အရေးလေ့လာသူ သတင်းစာဆရာ လယ်ရီ ယေဂင် (Larry Jagan) က သုံးသပ်ပါတယ်။
“မြန်မာနိုင်ငံမှာ အပြောင်းအလဲတွေကို မြန်နိုင်သမျှမြန်မြန် အတော်လေး အပြင်းအထန် လုပ်ဖို့ သူဟာ သိပ်ကို စိတ်အား ထက်သန်နေပါတယ်။ ဒါပေမဲ့လည်း အရည်အချင်း မရှိတာ၊ ထိထိရောက်ရောက် လုပ်နိုင်တဲ့ ၀န်ကြီးတွေ မရှိတာ၊ အရည်အချင်း ပြည့်ဝတဲ့ အရပ်ဘက် ၀န်ထမ်းတွေ မရှိတာတွေနဲ့ သူ့ရဲ့ ပြုပြင်ပြောင်းလဲရေး လုပ်ငန်းစဉ်ကို ဆန့်ကျင်တဲ့ သဘောထား တင်းမာ သူတွေကြောင့် သူ့ရဲ့ လုပ်ငန်းတွေ အဟန့်အတားဖြစ်ခဲ့ရပါတယ်။ အခုတော့ သူဟာ ရှေ့ဆက် သွားနိုင်တဲ့ အနေအထား မှာ ရောက်နေပြီလို့ ကျနော်ထင်တယ်။ ရှေ့ဆက် မြင်ရလိမ့်မယ်လို့ ကျနော် ထင်တာကတော့ အစိုးရ အဖွဲ့ထဲမှာ မျက်နှာသစ်တွေ အများကြီး ပါလာမယ်၊ ဒုတိယ ၀န်ကြီးတွေလိုမျိုး နည်းနည်း နိမ့်တဲ့နေရာတွေမှာပေါ့၊ အဲဒီလူတွေဟာ အသိပညာရှင် အတတ် ပညာရှင်တွေ၊ စီးပွားရေး သမားတွေဖြစ်ပါ လိမ့်မယ်။”
တနင်္လာနဲ့အင်္ဂါနေ့တွေက အပြောင်းအလဲတွေမှာ ၀န်ကြီးကိုးဦးကို ၀န်ကြီးဌာန ပြောင်းရွှေ့ ခန့်ထား တာ၊ ဒုတိယ၀န်ကြီး ၁၅ ဦး ခန့်အပ်တာ၊ ၀န်ကြီးနှစ်ဦးနဲ့ ပြည်ထောင်စု စာရင်းစစ်ချုပ် တို့ကို ရာထူးက နုတ်ထွက်ခွင့်ပြုတာတွေ ပါဝင်ပါတယ်။ အခု ၀န်ကြီး အပြောင်းအလဲတွေ အပေါ် အကောင်းမြင်ကြ သူများပေမဲ့လည်း သမ္မတ ကိုသာ ယုံကြည်ကိုးစားပြီး ၀န်ကြီးတွေ အပေါ် သိပ်ကြီးမျှော်လင့်ချက် မထားသူမျိုးလည်း ရှိပါတယ်။
“သိပ်ပြီး မျှော်လင့်ချက်ကြီးရယ်လို့လည်း မရှိပါဘူး။ နိုင်ငံတော် သမ္မတကတော့ ကိုယ့်အပေါ် ကို ကောင်းအောင် လုပ်ပေး မှာပဲလေ။ နိုင်ငံတော် သမ္မတကိုတော့ မျှော်လင့်တာပေါ့။ ဒီဝန်ကြီးတွေ အနေနဲ့တော့ ပြောသလောက်ကြီး မျှော်လင့်ချက် မထားပါဘူး။”
ရန်ကုန်မြို့ခံတဦးပါ။
ပြန်ကြားရေး ၀န်ကြီးဌာနဟာ ပြည်တွင်းပြည်ပ သတင်းမီဒီယာတွေ၊ ရုပ်ရှင်နဲ့ ဂီတ နယ်ပယ်တွေကို ကြိကြပ်တဲ့ အပြင် ပြည်ပ သတင်းထောက်တွေရဲ့ ပြည်ဝင်ခွင့် ဗီဇာတွေကို စိစစ်ခွင့်ပြုတဲ့ အလုပ်ကို လည်း လုပ်ပါတယ်။ နောက် ရန်ကုန်မြို့ခံတဦး ကတော့ သမ္မတရဲ့ အခုလုပ်ရပ်ကို ၀မ်းမြောက်ဝမ်းသာ ကြိုဆိုသလို အခု ပြောင်းရွှေ့ ခန့်ထားလိုက်တဲ့ ၀န်ကြီးတွေအပေါ် မျှော်လင့်ချက် ထားသူလည်းဖြစ် ပါတယ်။
“ကျနော့်အမြင်ကတော့ လူမှန် နေရာမှန်တွေလို့ မြင်လိုက်တယ်။ ဦးကျော်ဆန်းနေရာကို ဝင်သွားတဲ့ ဦးအောင်ကြည်ကို ပို စိတ်ဝင်စားတယ်ပေါ့နော်။ ဦးအောင်ကြည် အနေနဲ့ကတော့ flexible ဖြစ်အောင် လုပ်သွားနိုင်လိမ့်မယ်လို့ ကျနော်တို့ ယုံကြည် လိုက်တယ်။ အခု နေရာပြောင်းလဲတဲ့ ဝန်ကြီးတွေပေါ့နော်-မဆိုးပါဘူး။ အားလုံး တော်တယ်၊ ကောင်းတယ်လို့ ကျနော်တော့ မြင်ပါတယ်။ ကြိုလည်း ကြိုဆိုပါတယ်။ သမ္မတကိုလည်း နှစ်နှစ်ခြိုက်ခြိုက်ပဲ ကျေးဇူး တင်လိုက်ပါတယ်။ ဘာဖြစ် လို့လဲဆိုတော့ ဒီဝန်ကြီးတွေက တိုင်းပြည် အတွက် အလွန် အရေးကြီးပါတယ်။ တိုင်းပြည် အတွက် ဆိုတာထက် ပြည်သူအတွက်လို့ ကျနော်တို့က ပိုပြီး ပြောချင်ပါတယ်။
အရေးကြီးတာ ပြည်သူ့ အတွက်ပါပဲ။ အဲဒီအတွက်တော့ ကျနော် တိုတိုနဲ့လိုရင် ပြောလိုက်မယ်ပေါ့- အခု လုပ်ရပ်နဲ့ ပတ်သက်ပြီး သမ္မတကြီးကို ကျနော်တို့က ဝမ်းမြောက် ဝမ်းသာ ထောက်လည်း ထောက် ခံ လိုက်ပါတယ်။ ကြိုလည်း ကြိုဆိုလိုက်ပါတယ်။ ဝန်ကြီးတွေကိုလည်း ထို့အတူပဲ- ကြိုဆိုပါ တယ်။ ထောက်လည်း ထောက်ခံပါတယ်။ ကျနော်တို့ အနေနဲ့ ပြောချင်တာ ကတော့- ဒီတာဝန်ယူ လိုက်တဲ့ ဝန်ကြီးတွေက ပြည်သူအတွက် တကယ်ပဲ လေးလေးနက်နက် အလုပ် လုပ်ပေးကြပါလို့- ဒါလေးပဲ ပြောချင်ပါတယ်။”
ဝန်ကြီးနေရာ အပြောင်းအလဲတွေဟာ မပြီးဆုံးသေးဘဲ နောက်ထပ် လာလိမ့်ဦးမယ်လို့ သမ္မတ ရုံးညွှ န်ကြားရေးမှူး ဦးဇော်ဌေးက ပြောထား ပါတယ်။ မြန်မာနိုင်ငံမှာ အပြောင်းအလဲတွေကို ခြေလှမ်း မှန်မှန်နဲ့ မြန်မြန် ဆက်လုပ်နိုင်ရင်ဖြင့် နှစ်ပေါင်းများစွာ နောက်ကျ ကျန်ရစ်နေခဲ့တဲ့ အခြေအနေ ကနေ နိုင်ငံတကာ အလယ်မှာ ဂုဏ်သိက္ခာရှိရှိ ရပ်တည်နိုင်မယ့် နိုင်ငံ တခု ဖြစ်လာလိမ့်မယ်လို့ အများက ယုံကြည် မျှော်လင့်ထားကြပါတယ် ခင်ဗျား။
Ref: VOA News
ပြောင်းလဲခြင်းနှင့်အတူ လိုက်ပါကြရန် သမ္မတ၏ အကြံပေးက တိုက်တွန်း
အောင်မြတ်ထွန်း
အင်္ဂါနေ့၊ သြဂုတ်လ ၂၈ ရက် ၂၀၁၂
ရန်ကုန် (မဇ္ဈိမ) ။ ။ လက်ရှိ ပြောင်းလဲနေသည့် အခြေအနေများ နောက်သို့ လိုက်ပါမှသာ ဖွံဖြိုး တိုးတက်မှု အတွက်
မောင်းနှင်အား ဖြစ်နိုင်ကြောင်း နိုင်ငံတော် သမ္မတ၏ စီးပွားရေး အကြံပေး ပါမောက္ခ ဒေါက်တာ အောင်ထွန်းသက်က ပြောဆို လိုက်သည်။
“ပြောင်းလဲမှု မရှိရင် တိုးတက်မှု မရှိနိုင်ဘူး။ နိုင်ငံတကာကလည်း အပြောင်းအလဲကို လိုလားတယ်။ ပြည်သူတွေက လိုလားတယ်။ အဲဒါကို မပြောင်းရင် တိုးတက်မှာ မဟုတ်ဘူး။ ဒါကြောင့် ပြောင်းလဲမှုတွေကို လက်ခံဆောင်ရွက်ပေးဖို့ လိုအပ်တယ်” ဟု သြဂုတ်လ ၂၅ ရက်နေ့က ဗိုလ်တထောင် မြို့နယ်ရှိ ဝါဏိဇ္ဇ ဘွဲ့ရများ အသင်း ရုံးခန်းတွင် ပြုလုပ်ခဲ့ သည့် စွမ်းရည် ဖွံ့ဖြိုး တိုးတက်ရေးဆိုင်ရာ ဟောပြောတွင် ပြောကြားသွားသည်။
အစိုးရအဖွဲ့ဝင်များ၊ အရပ်ဖက် လူ့အဖွဲ့အစည်း၊ အစိုးရဝန်ထမ်းများနှင့် ပြည်သူများ အားလုံး အတူ လိုက်ပါဖို့ လိုအပ်ကြောင်းလည်း ၎င်းက ဆိုသည်။
သမ္မတ ဦးသိန်းစိန် အစိုးရအဖွဲ့အတွင်း အပြောင်းအလဲကို လိုလားသူများ ရှိသကဲ့သို့ အပြောင်းအလဲနောက်သို့ လိုက်ပါရန် တွန့်ဆုတ်နေသူများ ရှိကြောင်းကိုလည်း “အခုချိန်ထိ ထိုင်ခုံ မဖယ်ချင်သေးတဲ့ သူတွေလည်း ရှိနေသေး တယ်။ အဲဒီ ပြောင်းလဲမှုမျိုး မရှိရင် တိုင်းပြည် တိုးတက်ဖို့ဆိုတာ မရှိနိုင်ဘူး” ဟု ဒေါက်တာအောင်ထွန်းသက် က ဆိုသည်။
ထို့ပြင် ပညာရေးနှင့် ကျန်းမာရေး အသုံးစရိတ်များ မြှင့်တင်ရန် လိုအပ်ကြောင်းလည်း ထည့်သွင်းပြောကြား သွားသည်။
“ယခင်က ပညာရေးကို နိုင်ငံရေးအတွက် အသုံးချခဲ့ပြီး တက္ကသိုလ်ပညာရေး ကျောင်းများကို ဝေးလံတဲ့ နေရာတွေကို ပို့ပြီး ပညာ သင်ခဲ့တယ်။ အဲဒီအတွက် အဲဒီခေတ်မှာ ကျန်ခဲ့တဲ့သူတွေက ပညာတတ်တွေ နည်းလာတယ်။ ဒါတွေကို
ပြုပြင်ပြီးတော့ ပညာရေးနှင့် ကျန်းမာရေး အသုံးစရိတ်ကို ပိုပြီးအသုံးပြုဖို့ လိုအပ်တယ်” ဟု ဆိုသည်။
လာမည့် ၂၀၁၅ ခုနှစ် ရွေးကောက်ပွဲမှ လူတော်များ ရွေးထုတ် ဦးဆောင်စေလိမ့်မည် ဟုလည်း ဒေါက်တာ က မျှော်မှန်းထားသည်။
“ဒီမိုကရေစီကိုအခုမှ စတော့ အားလုံးက ချွတ်ယွင်းချက်တွေ မြင်နေရတယ်။ အားလုံး ပြုပြင်နိုင် ရင်တော့ ၂၀၁၅ မှာ တိုးတက်ပြီး လူတော်တွေ ဦးဆောင်ပြီး ဖွံဖြိုးတိုးတက်တဲ့ နိုင်ငံတော်ဆီကို ရောက်မှာပါ” ဟု ဆိုသည်။
အလားတူ ၂၀၁၅ တွင် လူတဦးချင်းစီ၏ ဝင်ငွေ သုံးဆ ရောက်ရန် မျှော်လင့်ထားပြီး ကောင်းမွန်သည့် အုပ်ချုပ်ရေး စနစ်နှင့် သန့်ရှင်းသော အစိုးရ တရပ်ကိုလည်း မျှော်လင့် ထားကြောင်း နိုင်ငံတော် သမ္မတကြီး၏ စကားကို ကိုးကားပြီး သမ္မတ အကြံပေးက ပြောဆိုသွားသည်။
Ref: မဇ္ဈိမ
ဖွဲ့စည်းပုံ အခြေခံဥပဒေခုံရုံးကို စွပ်စွဲပြစ်တင်သည့်အဆို အမျိုးသား လွှတ်တော်က အတည်ပြု
2012-08-28
ဖွဲ့စည်းပုံ အခြေခံ ဥပဒေခုံရုံး ဥက္ကဋ္ဌနဲ့ အဖွဲ့ဝင်တွေ အနေနဲ့ အခြေခံဥပဒေ ပြဋ္ဌာန်းချက်တွေကို ဖောက်ဖျက် ကျူးလွန်ပြီး ဥပဒေ အရ ပေးအပ်တဲ့ တာဝန်တွေကို ကျေပွန်အောင် မထမ်းဆောင်တဲ့ အတွက် စွပ်စွဲ ပြစ်တင်တဲ့ အဆိုကို ဒီကနေ့ အမျိုးသား လွှတ်တော် အစည်းအဝေးမှာ ဆွေးနွေး ကြပြီးနောက် လွှတ်တော် ဥက္ကဋ္ဌက အတည်ပြုလိုက်ကြောင်း သိရပါတယ်။
ဒီအဆိုကို တပ်မတော်သား လွှတ်တော် ကိုယ်စားလှယ် ၆ ဦး အပါအဝင် အမျိုးသားလွှတ်တော် ကိုယ်စားလှယ် ၁၆ ဦး ပါဝင်ဆွေးနွေး ခဲ့ပြီးနောက် ထောက်ခံမဲ ၁၆၃ မဲနဲ့ လွှတ်တော် ဥက္ကဋ္ဌ ဦးခင်အောင်မြင့်က အတည်ပြုလို က်ကြောင်း အမျိုးသား လွှတ်တော် ကိုယ်စားလှယ် ဒေါက်တာအေးမောင်က ပြောပါတယ်။
"အဓိက ကတော့ ဦးဇော်မြင့်ဖေရဲ့ ဖွဲ့စည်းပုံ ခုံရုံးဥက္ကဋ္ဌနဲ့ အဖွဲ့ဝင်များအား ဖွဲ့စည်းပုံ အခြေခံ ဥပဒေ ပြဋ္ဌာန်းချက် များကို ဖောက်ဖျက် ကျူးလွန်ခြင်း၊ ဥပဒေအရ ပေးအပ်ထားသော တာဝန်များကို ကျေပွန်စွာ မထမ်းဆောင်ခြင်း တို့ အရ စွပ်စွဲပြစ်တင်သည့် အဆိုကို ၁၆ ဦးမှာ တပ်မတော်သား ၆ ဦး စွဲပါတယ်။ မဲခွဲဆုံးဖြတ်တဲ့ အခါကျတော့ ရွေးချယ် တင်မြောက်ခံရတဲ့ ကိုယ်စားလှယ် ၁၆၃ ဦးက မတ်တပ်ရပ်ပြီး ထောက်ခံပါတယ်။ အောင်မြင် သွားပါတယ်။ တပ်မတော်ဘက်က ခန့်အပ်တဲ့ ပုဂ္ဂိုလ် ၆၄ ဦးကတော့ ဖြင့် ကန့်ကွက် ဆန္ဒပေးတာပေါ့လေ"
အခြေခံ ဥပဒေခုံရုံး အဖွဲ့ဝင်တွေကို စွပ်စွဲ ပြစ်တင်တဲ့ အဆိုကို ဒီကနေ့ မန္တလေးတိုင်း ဒေသကြီး မဲဆန္ဒနယ် အမှတ် (၅) က အမျိုးသား လွှတ်တော် ကိုယ်စားလှယ် ဦးဇော်မြင့်ဖေက တင်သွင်းခဲ့တာ ဖြစ်ပါတယ်။
အမျိုးသားလွှတ်တော်က အတည်ပြုချက်ကို ပြည်သူ့လွှတ်တော်ကို တင်ပြရမှာဖြစ်ပြီး ပြည်သူ့ လွှတ်တော်က စုံစမ်းရေး ကော်မရှင် တစ်ရပ် ဖွဲ့စည်းကာ စွပ်စွဲခံရသူ ကိုယ်တိုင် ဒါမှမဟုတ် ကိုယ်စားလှယ်က လာရောက် ရှင်းလင်းရမှာ ဖြစ်ကြောင်း သိရပါတယ်။
ပြည်သူ့လွှတ်တော်က စွပ်စွဲပြစ်တင်မှုကို ပြည်ထောင်စုလွှတ်တော်မှာ လွှတ်တော် ကိုယ်စားလှယ် ၃ ပုံ ၂ ပုံ ထောက်ခံမဲ ရရှိပါက အနိုင်ရရှိမှာဖြစ်ပြီး စွပ်စွဲ ခံရသူတွေဟာ ရာထူးက နှုတ်ထွက်ပေးရမှာ ဖြစ်ပါတယ်။
Ref: RFA News
သမ္မတက ကုလနှင့် INGO ဝန်ထမ်းသုံးဦးကို ပြစ်ဒဏ်မှ လွတ်ငြိမ်း ခွင့်ပေး
2012-08-28
ရခိုင်ပြည်နယ် မငြိမ်မသက်မှုနဲ့ ပတ်သက်ပြီး ထောင်ဒဏ် ချမှတ်ခံရတဲ့ ဒေသခံ ကုလသမဂ္ဂနဲ့ အစိုးရ မဟုတ်တဲ့ နိုင်ငံတကာ အဖွဲ့အစည်းက ၀န်ထမ်း သုံးဦးကို နိုင်ငံတော် သမ္မတက ပြစ်ဒဏ်က လွတ်ငြိမ်းခွင့် ပေးလိုက်တယ်လို့ အစိုးရက မနေ့က ကြေညာပါတယ်။
နိုင်ငံတော်ရဲ့ မေတ္တာနဲ့ စေတနာကို နားလည်ကြပြီး မိမိအကျိုး၊ ဒေသအကျိုးနဲ့ နိုင်ငံ့အကျိုး ထမ်းဆောင် သွားစေဖို့ ပြစ်ဒဏ်က လွတ်ငြိမ်းခွင့် ပေးတာလို့ ဆိုပါတယ်။
မောင်တောမြို့နယ်အတွင်း ဆူပူမှု ဖြစ်ပွားရာမှာ ပါဝင်ပတ်သက်မှု၊ နိုင်ငံတော် အကြည်ညို ပျက်အောင် ပြောဆိုမှုနဲ့ ထောင်ဒဏ် ၂ နှစ် ချမှတ် ခံရတဲ့ WFP ကမ္ဘာ့စားနပ်ရိက္ခာ အစီအစဉ် အဖွဲ့က ဦးကာယက်စ်ခေါ် ဦးခင်ရွှေ၊ ဒီ နှစ်မှုအပြင် တရားမ၀င် နိုင်ငံခြားငွေ လက်ဝယ်တွေ့ရှိ မှုနဲ့ ထောင်ဒဏ် ၃ နှစ် ကျခံရတဲ့ UNHCR ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး ၀န်ထမ်း ဦးအဏာဝါ ဆာဒဏ်နဲ့ ဆူပူမှုမှာ ပါဝင် ပတ်သက်ရုံမက အိမ်မီးရှို့ဖို့ လောင်စာထားရှိမှု၊ တရားမ၀င်ငွေ လက်ဝယ် ထားရှိမှုနဲ့ ထောင်ဒဏ် ၆ နှစ် ကျခံရတဲ့ CSSEP - ရပ်ရွာလူထု ဖွံ့ဖြိုးရေး စီမံချက်ဝန်ထမ်း ဒေါ်ချိုလေးမာတို့ကို ပြစ်ဒဏ်က လွတ်ငြိမ်းခွင့် ပေးလိုက်တာပါ။
ဒီလို လွှတ်ပေးတာကို ကြိုဆိုပါတယ်လို့ ကုလသမဂ္ဂ ပြောခွင့်ရသူ Farhan Haq ကပြောပါတယ်။ ကုလ သမဂ္ဂက မေတ္တာ ရပ်ခံတဲ့ အတွက် ဆူပူမှုမှာ ပါဝင် ပတ်သက်တယ် ဆိုတဲ့ စွပ်စွဲချက်နဲ့ ဖမ်းဆီးထားတဲ့ တခြား ကုလသမဂ္ဂ ၀န်ထမ်း ၅ ဦးကိုတော့ ဘာစွဲချက်မှ မတင်ဘဲ သြဂုတ် လလယ်ပိုင်းက ပြန်လွှတ်ပေးခဲ့ပါတယ်။
ဇွန်လက စတင်ဖြစ်ပွားတဲ့ ရခိုင်ပြည်နယ် ပဋိပက္ခအတွင်း လူ ၉၀ လောက် သေဆုံးတယ်လို့ တရားဝင် စာရင်းက ခန့်မှန်း ထားပေမဲ့ လူ့အခွင့်အရေး အဖွဲ့တွေကတော့ ဒီထက်မက များတယ်လို့ ဆိုပါတယ်။
Ref: RFA News
ကချင် ဒုက္ခသည်စခန်းမှ အဖမ်းခံ လေးဦးအမှု ဒုတိယအကြိမ် စစ်ဆေး
ဖနိဒါ
အင်္ဂါနေ့၊ သြဂုတ်လ ၂၈ ရက် ၂၀၁၂
ချင်းမိုင်(မဇ္စျိမ) ။ ။ စစ်ပြေးဒုက္ခသည်စခန်းမှ ကချင်အမျိုးသား လေးဦးကို မတရားအသင်း ပုဒ်မ ၁၇(၁)ဖြင့် မြစ်ကြီးနား မြို့နယ် တရားရုံး၌ စွပ်စွဲကာ အင်္ဂါနေ့တွင် တရားလိုပြသက်သေ အမှတ် (၁) ရဲစခန်းမှူး ရဲအုပ် ရဲလွင်အား စစ်ဆေးမေးမြန်း ခဲ့သည်ဟု ရှေ့နေ ဦးဂျီမာခါးက ပြောသည်။
ဇွန်လ ၁၅ ရက်နေ့က ကိုဘရန်ယုန်၊ ဦးလဖိုင်ဂမ်၊ ဦးဇော်ဘောက်နှင့် ကိုဇခုန်လရိန် တို့အား ဝိုင်းမော်မြို့နယ် တာလောကြီး ကျေးရွာတွင် မြောက်ပိုင်းတိုင်း စစ်ဌာနချုပ်(မပခ) လက်အောက်ခံ ခလရ ၃၇ တပ်ဖွဲ့များက ဖမ်းဆီးခဲ့ခြင်း ဖြစ်သည်။
ရဲအုပ် ရဲလွင်အား သြဂုတ်လ ၂၃ ရက်နေ့က ပထမဆုံးအကြိမ် စစ်ဆေးခဲ့ပြီး ယနေ့ ဒုတိယ အကြိမ်မြောက် အဖြစ် ၎င်းအား ထပ်မံ စစ်ဆေးခဲ့ရာ ကိုဘရန်ယုန်းသည် KIO စစ်သင်တန်း တက်ရောက်၍ ဒု-တပ်ကြပ် တာဝန် ထမ်းဆောင် ခဲ့သူဖြစ်ကာ ဒုက္ခသည် စခန်းသို့ ပြန်လည်နေထိုင်ပြီး ဖောက်ခွဲရေး လုပ်ရန် KIO မှ စစ်ပြေး ဒုက္ခသည် တာဝန်ခံ ဦးဒွဲပီဆား က ပိုက်ဆံ ထုတ်ပေးသည်ဟု အမှတ်(၁) ရဲစခန်းမှူး ရဲလွင်က ထွက်ဆိုသွားကြောင်း ရှေ့နေ ဦးဂျီမာခါး က ပြောသည်။
“ဦးဒွဲပီဆားက စစ်တပ်ဘက်ကမှ မဟုတ်တာ။ သူက ဗုံးဖောက်ခွဲရေးကိစ္စ ဘာမှ မပတ်သက်ဘူး။ ခု သူတို့ (အစိုးရ) က ပေါ်လစီ လုပ်နေတာ။ ခု မြစ်ကြီးနားမြို့မှာ ဗုံးဖောက်ခွဲမှုနဲ့ ပတ်သက်လို့ ဒီလူတွေကို အားလုံး အပြစ်ပုံချဖို့ လုပ်နေတာ” ဟု မဇ္ဈိမကို ပြောသည်။
ကိုဘရန်ယုန်းသည် KIO ဝန်ထမ်း မဟုတ်သော်လည်း သူ့အား စစ်ဘက်ရေးရာ လုံခြုံရေး တပ်ဖွဲ့ (စရဖ) က ညှင်းပန်း နှိပ်စက် ၍သာ ဝန်ခံလိုက်ခြင်း ဖြစ်သည်ဟု ကိုဘရန်ယုန်း၏ ဇနီး မခေါ်နန် က ပြောသည်။
“စရဖ ရုံးမှာ သူတို့ကို တခန်းစီ ထားတယ်။ အခန်းကလည်း မှောင်မဲနေတယ်။ ကိုင်လိုက်ရင် ရွှံ့ဗွက်တွေချည်းပဲ တဲ့။ နေ့လည် ထမင်းစား ချိန်မှာ ပြန်ထုတ်ပြီး ညသန်းခေါင်မှာ စစ်ဆေးတယ်။ အင်္ကျီတွေ အကုန်ချွတ်ပြီး သံလုံးနဲ့ လှိမ့်တယ်။ လက်နှစ်ဖက်ကို ယေရှုလို ချည်ထားပြီး ရိုက်နှက်တယ်။ သေနတ်နဲ့ နားထင်မှာ ရိုက်၊ ခေါင်းတွေမှာလည်း ရိုက်၊ ခေါင်းတွေလည်း ယောင်လို့၊ နားလည်း မကြားတော့ဘူး။ အဲဒီလို နှိပ်စက်တယ်လို့ ပြောတယ်” ဟု ခင်ပွန်း၏ ပြောပြချက်အား မဇ္စျိမကို ပြန်ပြောပြသည်။
သူက ဆက်ပြီး “မျက်နှာအုပ်ထားပြီး ဗုံးခွဲတဲ့နေရာကို ခေါ်သွားတယ်။ ဟိုရောက်တော့ မျက်နှာဖုံး ချွတ်ပြီး ဒါ မင်းတို့ ဖောက်ခွဲ တယ်လို့ ဝန်ခံရမယ်။ မဝန်ခံရင် သတ်လိုက်မယ်လို့ ပြောလာလို့ ဝန်ခံလိုက်တယ်တဲ့။ ဝန်ခံလိုက်တာနဲ့ မျက်နှာကို ပြန်ပိတ်ပြီး အမှောင် ခန်းထဲကို ပြန်ခေါ်သွားတယ်လို့ ပြောပြတယ်” ဟု ပြောသည်။
အသက် ၅ဝ နှစ်အရွယ်ရှိ ဦးလဖိုင်ဂမ်အား ရဲတပ်ဖွဲ့ဘက်မှ စွပ်စွဲထားချက်နှင့် စရဖမှ စွပ်စွဲချက်များ ကွဲလွဲနေသည်ဟု ဆိုသည်။ စရဖက ဦးလဖိုင်ဂမ်သည် ၁၉၇၉ ခုနှစ်မှ KIO က ခေါ်ယူ၍ ဝန်ထမ်းတာဝန် ထမ်းဆောင်ခဲ့သည်ဟု စွတ်စွဲ ထားပြီး ရဲတပ်ဖွဲ့ ဘက်မူ ဦးလဖိုင်ဂမ်သည် ၂ဝဝ၉ ခုနှစ်တွင် KIO ဝန်ထမ်း လုပ်ခဲ့သည်ဟု စွပ်စွဲထားသဖြင့် ကွဲလွဲနေ သည်ဟု ရှေ့နေက ဆိုသည်။
ဦးလဖိုင်ဂမ်၊ ကိုဘရန်ယုန်းနှင့် ကိုဇော်ဘောက်တို့ကို ဖောက်ခွဲအမှုဖြင့် တရားလို သက်သေဘက်မှ ထပ်မံ စွပ်စွဲထားသည်ဟု ရှေ့နေ ဦးဂျီမာခါးက ပြောသည်။
ဦးလဖိုင်ဂမ်သည်လည်း KIO ဝန်ထမ်း မဟုတ်ဘဲ သားသမီး ပညာရေးအတွက် ပိုက်ဆံရှာရန် ကျွဲကုန်သည်များနှင့် လိုက်ပါရာမှ ဖမ်းဆီးခြင်း ဖြစ်သည်ဟု ဦးလဖိုင်ဂမ်၏ ဇနီး ဒေါ်လချီးလု က ပြောသည်။
“သူကို ဘာလို့ KIO မဟုတ်ဘဲ ဝန်ခံရတာလဲလို့ မေးတော့ KIO လို့ မပြောဘူးဆိုရင် အသက်ရှင်မှာ မဟုတ်ဘူး။ တာလောကြီး မှာပဲ သေသွားပြီ။ ဝန်ခံလိုက်လို့ ခုလို အသက်ရှင် တွေ့ရတယ်လို့ ပြောတယ်။ ပထမရုံးချိန်းမှာ တွေ့တော့ သူက ခြေထောက်တွေလည်း ယောင်၊ မဲမဲ ဒဏ်ရာတွေနဲ့ တွေ့ရတယ်” ဟု သူက မဇ္စျိမကို ပြောသည်။
၎င်းတို့ကို ဖမ်းဆီးခံရစက မည်သည့်နေရာတွင် ဖမ်းဆီးထားသည်ဟု မသိရဘဲ တလအကြာတွင် မြစ်ကြီးနား အကျဉ်းထောင်သို့ ပို့လိုက်ကြောင်း အကျဉ်းသားများ ထံမှတဆင့် ထောင်ဝင်စာ သွားတွေ့သူများထံမှ သိရှိခဲ့ရသည်ဟု ကိုဘရန်ယုန်း ၏ ဒေါ်ခေါန်နန်က ပြောသည်။
၎င်းတို့အား စက်တင်္ဘာလ ၄ ရက်နေ့တွင် ရုံးချိန်းပေးလိုက်သည်။
၂ဝ၁၁ ခုနှစ်၊ နှစ်ကုန်ပိုင်းမှစ၍ ယနေ့ထိ ဖောက်ခွဲမှု၊ KIO နှင့် ဆက်သွယ်သည့် မတရားသင်း ပုဒ်မ ၁၇(၁)ဖြင့် မပခ လက်အောက်ခံ တပ်ဖွဲ့များနှင့် စရဖ တပ်ဖွဲ့တို့မှ ဖမ်းဆီးထားရသူ စုစုပေါင်း ၇၀ ကျော်ရှိသည်ဟု ရှေ့နေ ဦးဂျီမာခါးက ပြောသည်။
Ref: မဇ္ဈိမ
အစိုးရအဖွဲ့အတွင်း ဝန်ကြီးများ အပြောင်းအရွှေ့ လုပ်
ရန်ပိုင်
August 28, 2012
အစိုးရအဖွဲ့အတွင်း ပြန်ကြားရေးဝန်ကြီး ဦးကျော်ဆန်း၊ မီးရထားဝန်ကြီး ဦးအောင်မင်း အပါအ၀င် အစိုးရ အဖွဲ့ဝင် ၀န်ကြီး ၉ ဦးနှင့် ဒုဝန်ကြီး ၁၅ ဦးအား ယမန်နေ့က အပြောင်းအလဲများ စတင်ပြုလုပ်သည်။
သမ္မတ ဦးသိန်းစိန်နှင့် နီးစပ်သူ ပြည်တွင်းငြိမ်းချမ်းရေး ဖော်ဆောင်နေသည့် မီးရထားဝန်ကြီး ဦးအောင်မင်း၊ စက်မှုဝန်ကြီး ဦးစိုးသိန်း၊ အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီး ဦးတင်နိုင်သိန်းနှင့် ဘဏ္ဍာရေးနှင့် အခွန်ဝန်ကြီး ဦးလှထွန်းတို့ ၄ ဦးကို သမ္မတရုံးဝန်ကြီးများ အဖြစ်ခန့်အပ်ခဲ့သည်။
သမ္မတရုံးဝန်ကြီး အရေအတွက် ထပ်မံတိုးမြှင့် ခန့်ထားခြင်းသည် ငြိမ်းချမ်းရေးနှင့် စီးပွားရေး ပြုပြင်ပြောင်းလဲမှုများကို ပိုမိုလုပ်ဆောင်နိုင်ရန် ဖြစ်ကြောင်း သမ္မတရုံး ညွှန်ကြားရေးမှူး ဦးဇော်ဌေးက BBC သတင်းဌာနနှင့် တွေ့ဆုံမေးမြန်းခန်းတွင် ပြောဆိုခဲ့သည်။
ဦးအောင်မင်းမှာ တိုင်းရင်းသားများနှင့် ငြိမ်းချမ်းရေး ဖော်ဆောင်ရာတွင် အဓိက လုပ်ကိုင်နေသူတဦးဖြစ်ရာ သမ္မတရုံးဝန်ကြီးအဖြစ် ခန့်အပ်ခြင်းကြောင့် ငြိမ်းချမ်းရေး အကောင်အထည် ဖော်ဆောင်မှုကို ပိုမိုလုပ်ဆောင်နိုင်မည်ဟု ယူဆကြသည်။
ထို့အပြင် ခေါင်းမာဂိုဏ်သားတဦးဟု လူသိများသည့် ပြန်ကြားရေးဝန်ကြီး ဦးကျော်ဆန်းကိုလည်း သမ၀ါယမ၀န်ကြီးအဖြစ် ပြောင်းလဲခဲ့ပြီး ၎င်း၏ နေရာတွင် လူမှုဝန်ထမ်း ကယ်ဆယ်ရေးနှင့် ပြန်လည်နေရာ ချထားရေးဝန်ကြီး ဦးအောင်ကြည်နှင့် အစားထိုးခဲ့သည်။
ဦးအောင်ကြည်မှာ သဘောထားပျော့ပျောင်းသူတဦးဟု လူသိများပြီး ဒေါ်အောင်ဆန်းစုကြည်နှင့် စစ်အစိုးရကြား ဆက်ဆံရေး ၀န်ကြီးအဖြစ် တာဝန်ယူခဲ့သူဖြစ်သည်။ ထို့အပြင် မင်းဗထူး ကလောင်အမည်ဖြင့် စီမံခန့်ခွဲမှုဆိုင်ရာ စာအုပ်များကို ဘာသာပြန်ရေးသားနေသူ ဖြစ်သည်။
အားကစားဝန်ကြီးဌာန၊ ဟိုတယ်နှင့် ခရီးသွားလုပ်ငန်း ၀န်ကြီး နှစ်ဌာနကို ပူးတွဲတာဝန်ယူရသည့် ဦးတင့်ဆန်းကိုလည်း အားကစားဝန်ကြီးဌာနတခုတည်းကိုသာ ကိုင်တွယ် တာဝန်ပေးအပ်လိုက်သည်။
အဆိုပါ ၀န်ကြီး ၉ ဦး၏ လစ်လပ်နေသည့် နေရာများနှင့် ပတ်သက်ပြီး မည်သူများနှင့် အစားထိုးမည်ကိုမူ ကြေညာခြင်း မရှိသေးပေ။
အလားတူ ဒု ၀န်ကြီး ၁၅ ဦးကို အသစ်ခန့်အပ်ရာတွင် အမျိုးသမီး ပညာရှင် ၄ ဦး ခန့်အပ်ခြင်းသည် ထူးခြားမှုတခုဖြစ်ပြီး၊ အရပ်ဖက်မှ အသိပညာရှင် အတတ်ပညာရှင်များဖြစ်သည့် စာရေးဆရာ မောင်သန်းဆွေ (ထားဝယ်) အား ယဉ်ကျေးမှု ဒု ၀န်ကြီး၊ သမ္မတ၏ အမျိုးသားရေးနှင့် လူမှုရေးအကြံပေး ကောင်စီဝင် ဦးဆက်အောင်နှင့် ဒေါက်တာ ခင်စန်းရီအား အမျိုးသားစီမံကိန်းနှင့် စီးပွားရေးဖွံဖြိုးတိုးတက်မှု ဒု ၀န်ကြီးများ၊ ဦးသောင်းတင် (KMD) အား ဆက်သွယ်ရေး စာတိုက်နှင့် ကြေးနန်း ဒုဝန်ကြီးတို့အဖြစ် ခန့်အပ်ခဲ့သည်။
သမ္မတ ဦးသိန်းစိန်အနေဖြင့် အစိုးရအဖွဲ့ အပြောင်းအလဲကို ပြီးခဲ့သည့် မတ်လခန့်ကတည်းက စီစဉ်ခဲ့သော်လည်း ယခုမှသာ အပြောင်းအလဲ လုပ်နိုင်ခြင်းဖြစ်ကြောင်း အစိုးရနှင့် နီးစပ်သူများက ဆိုသည်။
Ref: ဧရာဝတီ
Tuesday, August 28, 2012
ဝန်ကြီးနဲ့ဒုဝန်ကြီး ရာထူး အပြောင်းအလဲ အစိုးရကြေညာ
မနန္ဒာချမ်း
27.08.2012
မြန်မာနိုင်ငံက ၀န်ကြီးကိုးဦးနဲ့ ဒုဝန်ကြီး (၁၅) ဦး နေရာတွေ ကို ပြောင်းလဲ ခန့်အပ်လိုက်တဲ့ အကြောင်း နိုိင်ငံတော် သမ္မတရုံးက ဒီကနေ့ ကြေညာ လိုက်ပါတယ်။ သမ္မတရုံး တာဝန်ရှိသူ ကတော့ နိုင်ငံ ပြန်လည် ထူထောင်ရေး လုပ်ငန်းစဉ်မှာ လိုအပ်ချက်တွေကို ဖြည့်ဆည်းနိုင်ဖို့ ရည်ရွယ်ဆောင်ရွက် ခဲ့တာလို့ ပြောဆိုခဲ့တာပါ။ အသေးစိတ်ကိုတော့ မနန္ဒာချမ်းက စုံစမ်း တင်ပြပေး ထားပါတယ်။
သမ္မတဦးသိန်းစိန်ရဲ့အမိန့်နဲ့ သြဂုတ်လ ၂၇ ရက်နေ့မှာ ၀န်ကြီးကိုးဦးနဲ့ ဒုဝန်ကြီး (၁၅) ဦးနေရာတွေ ကို ပြောင်းလဲ ခန့်အပ် ခဲ့တဲ့အကြောင်း သမ္မတရုံး ညွှန်ကြားရေးမှူး ဦးဇော်ဋ္ဌေး က အတည်ပြု ပြော ဆိုပါတယ်။ ဒီကနေ့ ကြေညာချက်ဟာ အစသာ ရှိသေးပြီး နောက်ပိုင်းမှာလည်း လစ်လပ်သွား တဲ့နေရာတွေ အတွက် ထပ်မံကြေညာဖို့ ရှိတယ်လို့ သူက အခုလို ပြောပြပါတယ်။
“ဟုတ်ပါတယ်၊ ဟုတ်ပါတယ်။ ဝန်ကြီးကိုးပါးတော့ ပြောင်းရွှေ့ခန့်အပ် တယ်ဗျ။ ဒု-ဝန်ကြီးကတော့ အများကြီးဗျ။ ကျနော်လည်း အသေးစိတ်တော့ မမှတ်မိတော့ဘူး။ သူ့ လုပ်ဆောင်ချက်က ဒီနေ့ ကြေညာတဲ့ အမိန့်တခုတည်းနဲ့ မပြီးသေးပါဘူး။ နောက်ပိုင်း Reconstruction ပေါ့နော်။ ဒါက အစပဲ ရှိပါသေးတယ်။ နောက်နေ့တွေလည်း လာဖို့ ရှိပါသေးတယ်။ ဒါက မပြီးသေးပါဘူး။ ဥပမာ ဦးတင့်ဆန်းဆိုရင် ဟိုတယ်လ်/ခရီးနဲ့ အားကစား နှစ်ခုပေးထားတယ်။ အခုတော့ အားကစား ကိုပဲ ပေးလိုက်တဲ့အတွက် ဦးတင့်ဆန်းရဲ့ ဟိုတယ်လ်/ခရီးနေရာမှာ တနေရာ လွတ်နေတယ်။ အဲ ဒီတော့ ဘာလုပ်မှာလဲ။ အဲဒါကို စောင့်ကြည့်ဖို့ပဲ ရှိတာပေါ့။ ဥပမာ ကျနော်ပြောတာ။ ဦးအောင်ကြည်က အလုပ်သမားနဲ့ လူမှု/ကယ်ဆယ် နှစ်ခု ကိုင်ထားတာလေ။ အခု ပြန်ကြားရေး ကို ရောက်သွားတယ်။ နောက်တော့လည်း နိုင်ငံတော် သမ္မတကြီး ဆက်လုပ်မှာပေါ့။”
တနင်္လာနေ့က ပြောင်းရွှေ့ခန့်အပ်ခဲ့တဲ့ အထဲမှာ ဦးစိုးသိန်း၊ ဦးအောင်မင်း၊ ဦးလှထွန်းနဲ့ ဦးတင်နိုင် သိန်းတို့ လေးဦးကို သမ္မတရုံး ၀န်ကြီးဌာနမှာ ခန့်အပ်လိုက်ပြီး ဦးအောင်ကြည်ကိုတော့ ပြန်ကြားရေး ၀န်ကြီးဌာနမှာ ခန့်အပ်ကြောင်း၊ အရင် ပြန်ကြားရေး ၀န်ကြီးဌာန ၀န်ကြီး ဦးကျော်ဆန်းကိုတော့ သမ ၀ါယမ ၀န်ကြီးဌာနကို ပြောင်းရွှေ့ခဲ့ပြီး ဦးအုန်းမြင့်ကို မွေးမြူ ရေးနဲ့ ရေလုပ်ငန်း ဦးစီးဌာန၊ နောက် ဦးအေးမြင့်ကိုတော့ စက်မှုဝန်ကြီး ဌာနနဲ့ ဦးတင့်ဆန်းကတော့ အရင်က ဟော်တယ်နဲ့ အားကစား ၀န်ကြီးဌာနမှာ ပူးတွဲ တာဝန်ယူနေရာ ကနေ အားကစား ၀န်ကြီး ဌာနတခုတည်း ကိုပဲ တာဝန် ယူစေတော့တာ ဖြစ်ပါတယ်။
ဒီလိုထုတ်ပြန်ချက်အရ သမ္မတရုံးမှာ အရင်က ၀န်ကြီးနှစ်ဦးပဲ ရှိနေရာကနေ လေးဦး အထိ တိုးချဲ့ ခန့်အပ် လာတာလည်း ဖြစ်ပါတယ်။ မြန်မာ အစိုးရ အကြီးအကဲ သမ္မတ ဦးသိန်းစိန်ရဲ့ ပြုပြင်ပြောင်း လဲရေး အစီအစဉ်ကို လိုလားသူတွေနဲ့ ဆန့်ကျင် သူတွေကြား အားပြိုင်မှုတွေ ရှိနေတယ်လို့ သတင်းတွေ ထွက်ပေါ်နေတဲ့ တချိန်တည်းမှာပဲ အစိုးရ အဖွဲ့ဝင်တွေ အပြောင်းအရွှေ့ စာရင်း ထွက်ပေါ် လာတာပါ။ သမ္မတရုံး ညွှန်ကြားရေးမှူး ဦးဇော်ဋ္ဌေးကတော့ ပြုပြင်ပြောင်းလဲရေး လုပ်ငန်း စဉ်တွေ အားကောင်းစေဖို့ ရည်ရွယ်ဆောင်ရွက်တာလို့ အခုလို ပြောပါတယ်။
“တချို့ဟာတွေ သမ္မတကြီး- သူ လက်တွေ့ လုပ်ငန်းဆောင်ရွက်ချက်တွေမှာ ဘယ်ထောင့်ကို ပိုပြီး ဘယ်လို လုပ်ရမလဲ၊ ဥပမာ ပေါင်းသင့်တာပေါင်း၊ အဲဒါမျိုးတွေ သူ လုပ်ပါလိမ့်မယ်။ ဒါကတော့ သမ္မတ ရဲ့ လုပ်ပိုင်ခွင့် မူဝါဒရယ်။ နောက် တချို့ဟာတွေက Constitution မှာ မပါဘူးဗျ။ ဝန်ကြီး ဌာနလည်း မဟုတ်ဘူး။ ဒါပေမဲ့ ဝန်ကြီးအဆင့် ပေးပြီးတော့ လုပ်ရမယ့် ဟာတွေ ရှိတယ်။ အခုနောက်ပိုင်း economic reform ပေါ့နော်။ အဲဒီမှာ လုပ်ရမယ့် ဟာတွေက တချို့အဖွဲ့အစည်းတွေက ဝန်ကြီး အဆင့် ပေးရမယ့် ဟာတွေ ရှိတယ်။ အဲဒါတွေအတွက် သီးခြား ကိုင်တွယ် ပါလိမ့်မယ်။ ဒါက ပထမ စပြီးတော့ လျာလိုက်တာပါ။ ပြီးရင် လာအံုံုံးမှာပါ။ အဲဒီအခါကျရင် ပိုပြီးတော့ ရှင်းသွားမှာပါ။”
သမ္မတရုံး ညွှန်ကြားရေးမှူး ဦးဇော်ဋ္ဌေး ဖြစ်ပါတယ်။ ဒုဝန်ကြီး (၁၅) ဦးနေရာတွေ စာရင်း မှာတော့ ပြည်ထဲရေး၊ စွမ်းအင်၊ ယဉ်ကျေးမှု၊ ဘဏ္ဍာရေးနဲ့ အခွန်၊ လူမှုဝန်ထမ်း ကယ်ဆယ်ရေး နဲ့ ပြန်လည်နေရာချထားရေး၊ ပတ်ဝန်းကျင် ထိန်းသိမ်းရေးနဲ့ သစ်တော၊ ကျန်းမာရေး ဆက်သွယ်ရေး၊ စာတိုက်နဲ့ ကြေးနန်းစတဲ့ ၀န်ကြီးဌာနတွေ ပါဝင်ကြပါတယ်ရှင်။
Ref: VOA News
ကုလဝန်ထမ်းတွေ ပြစ်ဒဏ်စီရင်မှုအပေါ် ကင်တားနားဝေဖန်
ကိုကျော်ကျော်သိန်း
27.08.2012
ရခိုင်ပြည်နယ် တရားရုံးတခုကနေ ထောင်ဒဏ်အသီးသီးချမှတ်လိုက်တဲ့ ကုလ သမဂ္ဂ ၀န်ထမ်းနှစ်ဦးနဲ့ အစိုးရ မဟုတ်တဲ့ အဖွဲ့အစည်း တခုက ၀န်ထမ်း တဦးတို့ကို ချက်ခြင်းပြန်လွှတ်ပေးဖို့ မြန်မာနိုင်ငံ လူ့အခွင့်အရေး အခြေအနေ ဆိုင်ရာ အထူး စုံစမ်း စစ်ဆေးရေးမှူး တောမတ်စ် အိုဟေး ကင်တားနား (Tomas Ojea Quintana) က မြန်မာ အစိုးရကို တောင်းဆို လိုက်ပါတယ်။ အဲဒီလူသုံးဦးကို ထောင်ဒဏ် ချမှတ်လိုက် အပြီး နောက်တရက်မှာပဲ မစ္စတာ ကင်တားနားက တောင်းဆို လိုက်တာပါ။ ဒီလိုထောင်ဒဏ် ချလိုက်တာကို လူ့အခွင့်အရေးစောင့်ကြည့်လေ့လာရေး အဖွဲ့ HRW ကလည်း ဝေဖန်ပြောဆိုပါတယ်။ အပြည့်အစုံကို ကိုကျော်ကျော်သိန်းက တင်ပြပေးထားပါတယ်
ရခိုင်ပြည်နယ်မှာဖြစ်ခဲ့တဲ့ အဓိကရုဏ်းတွေကို သွေးထိုးလှုံ့ဆော်တာမှာ ပါဝင် ပတ်သက်တယ် ဆိုတဲ့ စွဲချက်တွေနဲ့ အဲဒီ ၀န်ထမ်း သုံးဦး အပေါ် ထောင်ဒဏ်နှစ်နှစ်ကနေ ခြောက်နှစ် အထိ သောကြာနေ့က အသီးသီး ချမှတ်ခဲ့တာပါ။ အခုလို ထောင်ဒဏ်တွေ ချမှတ် လိုက်တဲ့အပေါ် ပြစ်တင်ဝေဖန်ပြီး သူတို့ကို အမြန်ဆုံး ပြန်လွှတ်ပေးဖို့ မစ္စတာ ကင်တားနားက တောင်းဆိုပါတယ်။
“ကျနော့်ရဲ့ ထင်မြင်ချက်အရဆိုရင် အဲဒီ ကုလသမဂ္ဂ၀န်ထမ်းတွေအပေါ် စွပ်စွဲချက်တွေဟာ အခြေ အမြစ် မရှိပါဘူး။ ဒါက ပထမပြဿနာပါ။ ဒုတိယပြဿနာ ကတော့ မြန်မာနိုင်ငံမှာ စနစ်ကျတဲ့ တရား စီရင်ရေး မရှိပါဘူး။ အခု အဖမ်းခံရသူ အများအပြား ဟာ ရှေ့နေငှားခွင့် မရ၊ အထောက် အထားတွေနဲ့ သက်သေတွေ တင်ပြခွင့် မရဘူးဆိုတာ ကျနော် သိထားပါတယ်။ ဒါ့အပြင် တရား စီရင်ရေးဟာ ဘက်မလိုက်တဲ့ပုံ၊ သီးခြား လွတ်လပ်တဲ့ပုံ မရှိပါဘူး။ ဒီသုံးသပ်ချက်တွေ အကုန်လုံး အရ ပြောမယ် ဆိုရင် သူတို့ကို ထောင်ဒဏ် ချမှတ်လိုက်သည်ပဲဖြစ်ပါစေ၊ အစိုးရ အနေနဲ့ သူတို့ အားလုံးကို ချက်ခြင်း ပြန်လွှတ်ပေးသင့်တယ် ဆိုတာ ကျနော့် အတွက်တော့ ရှင်းပါတယ်။”
မစ္စတာကင်တားနားရဲ့အမြင်နဲ့ အလားတူပဲ လူ့အခွင့်အရေးစောင့်ကြည့်လေ့လာရေး အဖွဲ့ (HRW) ရဲ့ အာရှဒေသ စည်းရုံး လှုံ့ဆော်ရေး ဆိုင်ရာ ညွှန်ကြားရေးမှူး ဂျွန် ဆစ်စ်တန် (John Siston) ကလည်း မြင်ပါတယ်။
“ဒီအမှုကို စစ်ဆေး စီရင်တဲ့နှုန်းနဲ့ စွပ်စွဲချက်တွေအရဆိုရင် မျှတမှုမရှိဘူးဆိုတာ သေချာပါတယ်။ ဒါဟာဖြင့် မြန်မာ အာဏာပိုင်တွေဟာ လူမျိုးစု အချင်းချင်းအကြား ဟန်ချက်ညီမှု ရှိအောင် လုပ်ရမယ့် အစား ရိုဟင်ဂျာတွေကို ပစ်မှတ်ထားနေတယ် ဆိုတဲ့ နောက်ထပ် ဥပမာ တခုဖြစ်ပါတယ်။”
မစ္စတာကင်တားနားဟာ ပြီးခဲ့တဲ့ ဇူလိုင်လကုန်ပိုင်းက မြန်မာနိုင်ငံလာပြီး ရခိုင်ပြည်နယ်ဘက် သွားရောက် ခဲ့သလို ဖမ်းဆီးခံ ထားရတဲ့ ကုလသမဂ္ဂနဲ့ INGO တွေက ၀န်ထမ်းတွေနဲ့လည်း တွေ့ဆုံခဲ့ ပါသေးတယ်။ အဲဒီခရီးစဉ် အဆုံးသတ်မှာ ဖမ်းဆီးထား သူတွေကို ပြန်လွှတ်ပေးဖို့နဲ့ သီးခြား လွတ်လပ် တဲ့ နိုင်ငံတကာ စုံစမ်းစစ်ဆေးရေးကော်မရှင် တရပ် ဖွဲ့စည်းဖို့ တိုက်တွန်း ခဲ့ပါတယ်။
အခု သုံးယောက်ကို စီရင်ချက်မချခင်မှာ ဖမ်းထားသူတွေထဲက အများစုကို မြန်မာ အာဏာပိုင်တွေ က ပြန်လွှတ်ပေးခဲ့ ပါတယ်။ မစ္စတာ ကင်တားနား တိုက်တွန်းခဲ့သလို နိုင်ငံတကာကော်မရှင် တရပ် ဖွဲ့စည်းရေး ဆိုတာကိုတော့ ပယ်ချပြီး ပြည်တွင်းက ထင်ရှားသူတွေ ပါဝင်တဲ့ ကော်မရှင် တရပ်ကို ဖွဲ့စည်း ထားပါတယ်။
HRW အဖွဲ့ရဲ့ ဂျွန် ဆစ်စ်တန်က အဲဒီကော်မရှင်အတွက် အကြံပြုချက်တချို့ကို ပြောခဲ့ပါတယ်။
“သူတို့ ပထမဆုံး လုပ်သင့်တာကတော့ အဖြစ်အပျက်ရဲ့ တကယ့်အခြေခံအကြောင်းကို သိနိုင်မယ့် ဘက်မလိုက်တဲ့ အချက်အလက် စူးစမ်း ရှာဖွေရေး လုပ်ငန်းတွေ လုပ်ဖို့ပါပဲ။ ဖြစ်သွားတဲ့အပေါ် ငြင်း ခုံပြောဆိုနေတာက အချိန်တွေ အလဟဿ ဖြစ်စေပါတယ်။ ရုန်းရင်း ဆန်ခတ်တွေ အကြီး အကျယ်ဖြစ်ခဲ့တယ် ဆိုတာကို အသိအမှတ်ပြုပြီး ဘယ်လိုဖြစ်ရတယ်၊ ဘယ်သူတွေမှာ တာဝန်ရှိ တယ်ဆိုတာကို စုံစမ်း စစ်ဆေးဖို့ လိုပါတယ်။ အဲဒီနောက်မှာ ဘယ်လိုရှေ့ဆက်သွားကြမယ်၊ အနာဂတ်မှာ ပဋိပက္ခတွေ လျော့နည်းစေပြီး လူမျိုးစုတွေကြား ဘယ်လို ဟန်ချက်ညီနေထိုင်ကြမယ် ဆိုတာကို ရှာဖွေဖို့ ဖြစ်ပါတယ်။”
HRW အဖွဲ့က ဂျွန် ဆစ်စ်တန်ပါ။
ရခိုင်ပြည်နယ်မှာဖြစ်ခဲ့တဲ့ လူမျိုးစုအချင်းချင်းကြား ရုန်းရင်းဆန်ခတ်မှုတွေအပေါ် မြန်မာ တာဝန်ရှိ သူတွေသာမက လူထု ကိုယ်တိုင်ရဲ့အမြင်နဲ့ နိုင်ငံတကာက မြင်ကြတာတွေဟာ အတော်လေး ကွဲပြားနေပါတယ်။ ကုလသမဂ္ဂနဲ့ HRW အဖွဲ့တို့ဟာ မြန်မာနိုင်ငံက လူ့အခွင့်အရေးချိုးဖောက်မှုတွေ ကို တောက်လျှောက် စောင့်ကြည့်လေ့လာပြီး အစီရင်ခံစာတွေ ထုတ်ပြန် ခဲ့သလို နိုင်ငံရေး အကျဉ်းသားတွေ လွတ်မြောက်ဖို့၊ လူ့အခွင့်အရေး ချိုးဖောက်မှုတွေ ရပ်ဆိုင်းဖို့ တိုက်တွန်း တောင်းဆို ခဲ့တဲ့ အဖွဲ့တွေ လည်း ဖြစ်ပါတယ်။
အခု ရခိုင်ပြည်ပဋိပက္ခမှာတော့ ကုလသမဂ္ဂအပါအ၀င် နိုင်ငံတကာ လူ့အခွင့်အရေး အဖွဲ့တွေကို သာမက သတင်း မီဒီယာတွေကို လည်း ဝေဖန် ပြစ်တင် တာတွေ ရှိလာခဲ့ပါတယ် ခင်ဗျား။
Ref: VOA News
ခုံရုံးအငြင်းပွားမှု ပြည်သူ့မျက်နှာ ကြည့်ရန် ဒေါ်အောင်ဆန်းစုကြည် တိုက်တွန်း
လင်းသန့်
August 27, 2012
ပြည်ထောင်စု လွှတ်တော်တွင် ဖွဲ့စည်းပုံအခြေခံ ဥပဒေခုံရုံးက မှားယွင်းစွာ ဆုံးဖြတ် ခဲ့သည် ဟူသော အဆို တင်သွင်းမှုကို လွှတ်တော် ကိုယ်စားလှယ်များ ဆွေးနွေးကြရာတွင် ဒေါ်အောင်ဆန်းစုကြည်က ပြည်သူ့ မျက်နှာကို ကြည့်ပြီး ညှိနှိုင်း ဆောင်ရွက် သွားကြရန် တိုက်တွန်းဆွေးနွေး သွားကြောင်း သိရသည်။
လက်ရှိဖြစ်ပေါ်နေသော အခြေအနေသည် အငြင်းအခုံဖြစ်ရသည့် ပြဿနာတရပ် ဖြစ်သော်လည်း ဒီမိုကရေစီ စနစ်အတွက် မထူးဆန်းကြောင်း၊ ဖြေရှင်းပုံ ဖြေရှင်းနည်း မှန်ကန်ရန် လိုအပ်ကြောင်း၊ ဖြေရှင်းရာတွင် အားလုံးသည် ညှိညှိနှိုင်းနှိုင်း တိုင်တိုင်ပင်ပင် သဘောထား ကြီးကြီးနှင့် အမြော်အမြင် ရှိရှိ ဖြေရှင်းရေး ဦးတည်ကြရန် ဒေါ်အောင်ဆန်းစုကြည်က မေတ္တာရပ်ခံရင်း ယနေ့ ပြည်ထောင်စု လွှတ်တော်တွင် ဆွေးနွေး တင်ပြသွားသည်။
“အခုကိစ္စက တရားဥပဒေကိစ္စ ဖြစ်တဲ့အပိုင်းမှာ တရားဥပဒေအရ ကျေကျေနပ်နပ် နှစ်ဦးနှစ်ဖက် ဆွေးနွေးဖို့ လိုပါတယ်။ တဖက်နဲ့ တဖက် လေးစားဖို့ လိုပါတယ်။ ကိုယ့်အမြင်နဲ့ မတူတဲ့သူဟာ အားလုံး မှားတယ် ဆိုပြီးတော့ စွပ်စွဲလို့ မရပါဘူး။ ကိုယ့်အမြင် သူ့အမြင် နှစ်ဖက်စလုံးကို လေးစားဖို့ လိုပါတယ်။ နားလည်အောင် လုပ်ဖို့လိုပါတယ်။ ပြည်သူတွေလည်း နားလည်အောင် လုပ်ဖို့ လိုပါတယ်” ဟု ဒေါ်အောင်ဆန်းစုကြည်က ဆိုသည်။
အဆိုပါအဆိုကို ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော် ကိုယ်စားလှယ် ဦးမြင့်စိုးက တင်သွင်းရာ ဒေါ်အောင်ဆန်းစုကြည်နှင့် တပ်မတော်သား ကိုယ်စားလှယ် ၃ ဦး ပါဝင်သော လွှတ်တော် ကိုယ်စားလှယ် ၂၂ ဦး တို့က ဆွေးနွေးကြသည်။
ခုံရုံးကိစ္စ လွှတ်တော်ကိုယ်စားလှယ်များက ဆွေးနွေးကြရာတွင် မူလက ဆွေးနွေးရန် ကိုယ်စားလှယ် ၄၅ ဦး ရှိခဲ့သော်လည်း ပါတီများ၏ အချိုးအရ ၂၂ ဦးသာ ဆွေးနွေးရန် အမည်စာရင်း ကြေညာခဲ့ခြင်းဖြစ်သည်။
ယနေ့ ပြည်ထောင်စု လွှတ်တော်အစည်းအဝေးတွင် ခုံရုံးကိစ္စ ဆွေးနွေး မဲခွဲ ဆုံးဖြတ်မည်ဖြစ်သဖြင့် ဖွဲ့စည်းပုံ အခြေခံ ဥပဒေ ခုံရုံး ဥက္ကဋ္ဌ ဦးသိန်းစိုးလည်း တက်ရောက်သည်။
လွှတ်တော်ကော်မတီများ၊ ကော်မရှင်များသည် ပြည်ထောင်စု အဆင့် မဟုတ်ဟု ခုံရုံး၏ ဆုံးဖြတ်ခဲ့မှုသည် မှားယွင်းကြောင်း ဦးမြင့်စိုး၏ အဆိုကို ဆွေးနွေးခွင့်ရ လွှတ်တော် ကိုယ်စားလှယ် အများစုက ထောက်ခံကြသည်။
သို့သော် တပ်မတော်သား ကိုယ်စားလှယ် ၃ ဦးဖြစ်သည့် ဗိုလ်မှူးကြီး လှထွန်း၊ ဒုတိယ ဗိုလ်မှူးကြီး ရဲနိုင်ဦးနှင့် ဗိုလ်မှူးကြီး အောင်သီဟ တို့ကမှု ဖွဲ့စည်းပုံ အခြေခံဥပဒေ ခုံရုံး၏ လုပ်ပိုင်ခွင့်နှင့် ဆုံးဖြတ်ချက်တို့ကို လေးစား လိုက်နာပြီး လွှတ်တော်၏ အရေးကြီး အဆိုကို ပြန်လည် သုံးသပ်သင့်ကြောင်း ဆွေးနွေးသွားကြသည်ဟု သိရသည်။
သင်္ကန်းကျွန်းမြို့နယ် လွှတ်တော်ကိုယ်စားလှယ် ဦးသိန်းညွန့်ကမှု ဖွဲ့စည်းပုံ အခြေခံ ဥပဒေကို ပြင်ဆင်ရမည့် အချိန် ကျနေပြီဖြစ်ပြီး နိုင်ငံတော် ဖွဲ့စည်းပုံ အခြေခံဥပဒေ ခုံရုံးအား ပြည်သူများမှ ရွေးချယ် တင်မြှောက် ထားသည့် လွှတ်တော် ကိုယ်စားလှယ် များဖြင့် ပြောင်းလဲပြင်ဆင် ဖွဲ့စည်းသင့်ကြောင်း ပြည်ထောင်စု လွှတ်တော်တွင် ဆွေးနွေး တင်ပြခဲ့သည်။
အခြေခံဥပဒေ ခုံရုံးဆိုင်ရာ ဆွေးနွေးမှုနှင့် ပတ်သက်၍ ပြည်ထောင်စု လွှတ်တော်က မဲခွဲ ဆုံးဖြတ်ကြရာတွင် ခုံရုံး ဆုံးဖြတ်ချက် မှားယွင်းကြောင်း ပြည်ထောင်စု လွှတ်တော်က တိုက်တွန်းပေးရန် အဆိုကို ထောက်ခံမဲ ၄၄၇ မဲ၊ ကန့်ကွက်မဲ ၁၆၈ မဲ၊ ကြားနေမဲ ၄ မဲတို့ဖြင့် အတည်ပြုခဲ့သည်။ ယနေ့ ကျင်းပသည့် ပြည်ထောင်စု လွှတ်တော်တွင် ဆန္ဒမဲ ပေးပိုင်ခွင့်ရှိသူ စုစုပေါင်း ၆၁၉ ဦးရှိသည်။
လွှတ်တော် ကော်မတီများသည် ပြည်ထောင်စုအဆင့် ဟုတ်၊ မဟုတ် ပြဿနာသည် အစိုးရ အဖွဲ့ဝင် ၀န်ကြီးများ၏ ဘတ်ဂျက်တောင်းခံမှု ကိစ္စကို ပယ်ချခြင်း၊ ဖြတ်တောက် ကန့်ကွက်ခြင်း၊ ဌာနဆိုင်ရာ ကိစ္စများအတွက် ၀န်ကြီးများကို ဆင့်ခေါ်မေးမြန်းခြင်း၊ ဝန်ကြီးများက လာရောက်ဖြေရှင်း ပေးရခြင်း စသည့် ကိစ္စများကြောင့် လွှတ်တော်နှင့် အစိုးရ အဖွဲ့အကြား မပြေလည်မှုများ စခဲ့ကြောင်း သိရသည်။
လွှတ်တော်၏ လုပ်ရပ်တချို့ကို ကျေနပ်မှု မရှိသော အစိုးရအဖွဲ့သည် လွှတ်တော်က ၎င်းတို့ အပေါ် လွှမ်းမိုး လာသည်ဟု ယူဆကြကြောင်း၊ သို့အတွက် လွှတ်တော် ကော်မတီများကို ပြည်ထောင်စု အဆင့် ရှိ၊ မရှိ ဆုံးဖြတ်ပေးရန် အစိုးရ အဖွဲ့က ခုံရုံးကို တင်ပြခဲ့ရာ ဖွဲ့စည်းပုံ အခြေခံ ဥပဒေခုံရုံးက ပြည်ထောင်စု အဆင့် မရှိဟု ဆုံဖြတ်ပေးခဲ့သည်။
ယင်းဆုံးဖြတ်ချက်ကို လွှတ်တော်များက မကျေမနပ်ဖြစ်ကြပြီး ခုံရုံးသည် ဖွဲ့စည်းပုံ အခြေခံ ဥပဒေကို ကျော်လွန် လုပ်ဆောင်သည့် အတွက် ခုံရုံးအဖွဲ့ဝင်များ နှုတ်ထွက်ပေးရန် စွပ်စွဲပြစ်တင် အဆိုများ တင်ပြ လာခဲ့ခြင်းဖြစ်သည်။
ဖွဲ့စည်းပုံအခြေခံ ဥပဒေခုံရုံးကို ဥက္ကဋ္ဌအဖြစ် ယခင်စစ်ဥပဒေချုပ်ဟောင်း ဦးသိန်းစိုးနှင့် အတူ အဖွဲ့ဝင် ၉ ဦးကို နိုင်ငံတော် သမ္မတ၏ ၂၀၁၁ ခုနှစ် မတ်လ ၃၀ ရက်နေ့စွဲဖြင့် ထုတ်ပြန် ခန့်ထားခဲ့ခြင်းဖြစ်ပြီး သက်တမ်းသည် ပြည်ထောင်စု လွှတ်တော်ကဲ့သို့ ၅ နှစ် ရှိသည်။
Ref: ဧရာဝတီ
ဆရာဝန်များ အလုပ်လက်မဲ့ ပြဿနာ သမ္မတထံ စာပေးပို့
2012-08-27
မြန်မာနိုင်ငံမှာ ဆရာဝန်တွေ အလုပ်အကိုင် ရှားပါးပြီး အလုပ်လက်မဲ့ များပြားလာတဲ့ ပြဿနာကို ကိုင်တွယ် ဖြေရှင်းပေးဖို့ ဆရာဝန် အယောက် (၈၀) စုပေါင်း လက်မှတ်ထိုးပြီး သမ္မတ ဦးသိန်းစိန်ထံ စာတစ်စောင် ရေးသားပေးပို့ လိုက်ပါတယ်။
ဆရာဝန်ရာထူးအတွက် ရွေးချယ်ရာမှာ ပွင့်လင်းမြင်သာမှု မရှိတဲ့အချက်နဲ့ ရာထူးဝင်ခွင့်ကို ကျန်းမာရေး ၀န်ကြီး ဌာနကပဲ တာဝန်ယူ ရွေးချယ်စေလိုကြောင်း အကြံပြုချက်တွေ ကိုလည်း အဲဒီ သမ္မတထံ ပေးစာထဲမှာ ရေးသား ထားတယ်လို့ ကိုယ်တိုင် စာတင်ခဲ့တဲ့ ဆရာဝန် တစ်ဦးက ပြောပါတယ်။
"ရွေးချယ်တဲ့ နေရာမှာလည်း သူတို့ အသုံးပြုနေတဲ့ ရွေးချယ်ရေး စနစ်က ဆရာဝန်တွေနဲ့ ကိုက်ညီမှု မရှိတာကို ကျွန်တော်တို့ တင်ပြတာပါ။ သူတို့မေးခွန်းတွေက ဆရာဝန် တစ်ယောက်ရဲ့ အရည်အချင်းကို ဖော်ထုတ်ရာ မရောက်ပဲနဲ့ သူတို့ အလိုရှိတဲ့ ပုံစံမျိုးကို ဖော်ထုတ် နေတာကြောင့် ကျွန်တော်တို့က တင်ပြ တာပါခင်ဗျ။ တခြားအချက်ကတော့ ကျွန်တော်တို့ ၇ ချက်ရေးထား ပါတယ်။ တောင်းဆိုချက်နဲ့ သဘောထား ၅ ချက်ရှိပါတယ်။ တောင်းဆိုချက် ၄ ချက်ရှိပါတယ်။ သမ္မတ အိမ်တော်ရော၊ ရုံးကိုရော သွားပါတယ်။ သူတို့က ဒီအဖွဲ့အစည်းတွေ၊ ဒါမှမဟုတ်ရင် ဋ္ဌာနတွေ၊ ကုမ္ပဏီလိုပဲ ဗဟိုစာတိုက်ကနေ တဆင့်တင်ရမယ်ဆိုလို့ ကျွန်တော်တို့ ဗဟိုစာတိုက်ကနေ သွားတင်ရပါတယ်"
ဆရာဝန်တွေ အလုပ်ရွေးချယ်တဲ့အခါ အရင်ဆုံး ပြည်ထောင်စု ရာထူးဝင် အဖွဲ့မှာ စာမေးပွဲ ၀င်ဖြေ ရပြီး ရာထူးရွေးချယ်ရေးမှာ အရင် မဆလခေတ်က အတိုင်း ရွေးချယ်နေဆဲပဲလို့ ဆရာဝန်တွေက ပြောပါတယ်။ သမ္မတထံ စာရေးသား ပေးပို့ရာမှာ တခြားဝန်ကြီးဌာနတွေကိုလည်း မိတ္တူ ပေးပို့ခဲ့တယ်လို့ သိရတယ်။
Ref: RFA News
အကျဉ်းသားတစ်ဦး အင်းစိန်ဆေးရုံမှ ထွက်ပြေးလွတ်မြောက်
2012-08-27
အင်းစိန် ဗဟိုအကျဉ်းထောင်မှာ မူးယစ်ဆေးဝါးမှုနဲ့ နှစ်ရှည် ထောင်ဒဏ်ကျ ခံနေရတဲ့ အကျဉ်းသား တစ်ဦးဟာ သြဂုတ်လ (၂၆) ရက် မနေ့က မနက် (၆) နာရီလောက်က ထွက်ပြေး လွတ်မြောက် ခဲ့တယ်လို့ အကျဉ်းဦးစီး ဌာနက RFA ကို ဒီကနေ့ အတည်ပြု ပြောဆိုပါတယ်။
တရားခံဟာ ကျန်းမာရေးကြောင့် အင်းစိန်ထောင်အနီး မှုခင်းစုံစမ်း စစ်ဆေးရေး ဌာန (CID) နဲ့ မျက်နှာချင်းဆိုင်မှာ ရှိတဲ့ အင်းစိန်ဆေးရုံ ဖျားနာဆောင်မှာ ရဲ အစောင့်အရှောက်နဲ့ တက်ရောက်ပြီး ဆေးကုသနေစဉ်မှာ ကုတင်နဲ့ ခြေချင်းကို တွဲခတ်ထားတဲ့ သော့ကို သံဖြတ်လွှနဲ့ ဖြတ်ပြီး ထွက်ပြေး လွတ်မြောက် သွားခဲ့တာပါ။
ဒီတရားခံ ထွက်ပြေးသွားတာ တစ်ရက်ကျော် ရှိသွားပြီ ဖြစ်ပေမယ့်လည်း အခုအချိန်ထိ ပြန်လည် ဖမ်းမိခြင်း မရှိသေးကြောင်း အင်းစိန်မြို့နယ် ရဲစခန်းက တာဝန်ရှိသူ တစ်ဦးကလည်း RFA ကို အတည်ပြု ပြောပါတယ်။
ဒီအကျဉ်းသားဟာ ရန်ကုန်တိုင်း၊ မင်္ဂလာဒုံ တရားရုံးကနေ မူးယစ်ဆေးဝါး မှုနဲ့ ထောင်ဒဏ် ၁၂ နှစ် အပြစ်ပေး ခံရသူ တစ်ဦးဖြစ်ပြီး ဒီအကျဉ်းသား လွတ်မြောက် သွားမှုကြောင့် ရဲအရာရှိ တစ်ဦး အပါအ၀င် ရဲတပ်ဖွဲ့ဝင် ၄ ဦး ထိန်းသိမ်း ခံထားရတယ် လို့လည်း သိရပါတယ်။
Ref: RFA News
လက်ပန်းတောင်းတောင် ဒေသခံပြည်သူ လယ်သိမ်းတိုက်ပွဲ ဆက်လက် ဆင်နွှဲ
2012-08-27
စစ်ကိုင်းတိုင်း လက်ပန်းတောင်းတောင် ကြေးနီစီမံကိန်း ဒေသမှာ အာဏာပိုင်တွေ ဘက်က ပုဒ်မ ၁၄၄ ညမထွက်ရ အမိန့် ထုတ်ပြန် လိုက်တာကို မကျေနပ်တဲ့ ဒေသခံပြည်သူ နှစ်ထောင်နီးပါးဟာ လယ်သိမ်း တိုက်ပွဲကို မနေ့က (၅) ရက်မြောက်နေ့ အဖြစ် ဆက်လက် ဆင်နွှဲခဲ့ပါတယ်။
ကိုလိုနီ အင်္ဂလိပ်လက်ထက်က လယ်သမားခေါင်းဆောင် ဆရာစံက ဖားရွှေကျော် တိုက်ပွဲ ဆင်နွှဲခဲ့သလို ၀က်မှေး ဒေသခံတွေ ဟာလည်း အိုးစည် ဗုံမောင်းတွေနဲ့ မြန်မာနိုင်ငံတော် သီချင်းတွေ ဟစ်အော် သီဆိုပြီး သူတို့ လယ်ယာမြေတွေ ပြန်လည် ရရှိဖို့ ဆန္ဒဖော်ထုတ်နေကြတာ ဖြစ်ပါတယ်။
ဒီ ဆန္ဒပြပွဲကို လုံခြုံရေး ရဲတပ်ဖွဲ့ဝင် ၁၅၀ လောက်က မီးသတ်ကား ၃ စီးနဲ့အတူ စောင့်ကြည့် နေခဲ့ကြပေမယ့် ပဋ္ဋိပက္ခ တစုံတရာ ဖြစ်ပွားမှု မရှိခဲ့ပါဘူး။ ဒေသခံတွေရဲ့ တောင်းဆိုချက်တွေကို အာဏာပိုင်တွေ ဘက်က တစုံတရာ ညှိုနှိုင်း ဖြေရှင်းပေးမှု မရှိတဲ့အတွက် ဆန္ဒဖော်ထုတ်မှုတွေ ဆက်လက် လုပ်ဆောင်သွားမယ်လို့ ပါဝင်သူ ဒေသခံတစ်ဦးက ပြောပါတယ်။
"ကျွန်မတို့ ဒီလယ်ယာမြေထဲမှာပေါ့နော်၊ ဘိုးစဉ်ဘောင်ဆက်က လုပ်ထားတဲ့ လယ်ယာမြေတွေ ထဲမှာ သူတို့က မတရားလည်း အနိုင်ကျင့် သိမ်းပိုက် ထားသေးတယ်။ ပုဒ်မ ၁၄၄ က လာပြီး ထုတ်ပြန် ထားသေးတယ်။ အဲဒီအတွက်ကြောင့် မို့လို့ ကျွန်မတို့ တောင်သူ လယ်သမားတွေက ဘိုးစဉ်ဘောင်ဆက်က လုပ်ထားတဲ့ လယ်မြေကတော့ လာပြီးတော့ ထွန်မှာပဲ။ နေ့စဉ်နဲ့ အမျှ ဒီလိုလာပြီးတော့ ကျွန်မတို့ စိုက်ဖို့ ပြန်ပြင် တာပေါ့နော်။ ပြီးတော့ ကျွန်မတို့ တောင်သူ လယ်သမားတွေရဲ့ လယ်ယာမြေတွေ ထဲကို ကျူးကျော် ဝင်ရောက်ခြင်း မပြုရဆိုတဲ့ ဆိုင်းဘုတ်ကို ကျွန်မတို့ လယ်မြေတိုင်းမှာ ချိတ်တာပဲ။ ညှိနှိုင်းခြင်းလည်း မရှိဘူး။ ဒီဆိုင်းဘုတ်တွေ လိုက်ပြီး ချိတ်သ၍ကတော့ ကျွန်မတို့ကလည်း လိုက်လုပ်နေဦးမှာပဲ"
လက်ပန်းတောင်းတောင် ကြေးနီစီမံကိန်းကို တရုတ်နိုင်ငံက ၀မ်ပေါင်ကုမ္ပဏီနဲ့ မြန်မာ စစ်တပ်ပိုင် ဦးပိုင် လီမိတက်တို့ ပူးတွဲ အကောင်အထည် ဖော်နေတာဖြစ်ပြီး ပတ်ဝန်းကျင် ကျေးရွာ ၂၆ ရွာက လယ်မြေဧက ၇၈၀၀ ကျော်ကို အဓမ္မ သိမ်းပိုက် ထားတာကြောင့် တောင်သူတွေက သူတို့လယ်မြေတွေ ပြန်လည် ရရှိရေးအတွက် လယ်သိမ်းတိုက်ပွဲ ဆင်နွှဲနေကြတာ ဖြစ်ပါတယ်။
Ref: RFA News
UWSA ဖမ်း SSA-S တပ်ဖွဲ့ဝင်များ ပြန်မလွတ်သေး
ကွန်းချမ်း
တနင်္လာနေ့၊ သြဂုတ်လ ၂၇ ရက် ၂၀၁၂
စံခလပူရီ (မဇ္ဈိမ) ။ ။ ဝ' ပြည် သွေးစည်းညီညွတ်ရေး တပ်မတော် (UWSA) ၏ ဖမ်းဆီးခြင်းကို ခံထားရသည့် ရှမ်းပြည် တပ်မတော် တောင်ပိုင်း (SSA-S) တပ်ဖွဲ့ဝင်များ တလခန့် ကြာပြီ ဖြစ်သော်လည်း ပြန်လည် လွတ်မြောက်လာခြင်း မရှိသေးကြောင်း SSA-S က ပြောသည်။
ဇူလိုင်လ ၃ဝ ရက်နေ့က ရှမ်းပြည်နယ် တောင်ပိုင်း၊ မိုင်းတုံမြို့နယ်၊ နားကောင်းမှုး ကျေးရွာအုပ်စု ပုံတောင်းဒေသ ရာဘာခြံ အတွင်း စိုက်ပျိုးရေး လုပ်ရန်ဟူ၍ ရောက်ရှိ လာသည့် အရာရှိ နှစ်ဦးပါ SSA-S တပ်ဖွဲ့ဝင် ၁၄ ဦးကို နယ်မြေ ကျူးကျော်မှုဖြင့် UWSA တပ်ဖွဲ့ ဝင်များက ဖမ်းဆီး ထိန်းသိမ်းခဲ့ခြင်း ဖြစ်ကြောင်း SSA-S ပြောရေးဆိုခွင့်ရှိသူ ဗိုလ်မှူး စိုင်းလောင်ဆိုင် က ပြောသည်။
“လွှတ်လည်း မလွှတ်ပေးသေးဘူး။ သူတို့ဘက်က လွှတ်ပေးဖို့ တရားဝင် ပြောလာတာလည်း မရှိသေးဘူး” ဟု မဇ္ဈိမကို ပြောသည်။
သြဂုတ်လအတွင်း SSA ကိုယ်စားလှယ်အဖွဲ့နှင့် UWSA တပ်ဖွဲ့တို့ နှစ်ကြိမ်တိုင် တွေ့ဆုံ ခဲ့ကြသော်လည်း ဖမ်းဆီး ခံထားရ သည့် SSA တပ်ဖွဲ့ဝင် ကိစ္စကို ဆွေးနွေးနိုင်မှု မရှိသေးကြောင်းလည်း “သူတို့ရဲ့ ဖိတ်ခေါ်ချက်အရ ကျနော်တို့ နှစ်ကြိမ် တွေ့ဆုံ ဖြစ်ပါတယ်။ ဒါပေမယ့် နှစ်ကြိမ်လုံးမှာ (ထိုကိစ္စ) မဆွေးနွေး ဖြစ်ပါဘူး။ အထက်က ညွှန်ကြားချက်တွေ မရရှိသေးဘူး အဲဒီလိုပဲ ကျနော် တို့ကို ပြောပြတယ်” ဟု စိုင်းလောင်ဆိုင် က ပြောသည်။
ယင်းအခြေအနေကြောင့် UWSA နှင့် SSA တို့၏ ထိစပ်ဒေသတွင် နှစ်ဘက် တပ်အင်အား ဖြည့်တင်း ထားကြပြီး တင်းမာမှုများ ရှိကြသော်လည်း စစ်ရေး နည်းလမ်းဖြင့် ဖြေရှင်းကြမည် မဟုတ်ကြောင်း နှစ်ဘက် တပ်ဖွဲ့များက ပြောဆို ကြသည်။
“သူတို့ဘက်က စစ်ရေး လှုပ်ရှားတာတွေ ရှိတော့ ရှိပါတယ်။ ဒါပေမယ့် ကျနော်တို့ ကတော့ တောင်းပန် ပါတယ်။ ဒီကိစ္စကို ငြိမ်းချမ်းတဲ့ နည်းနဲ့ တွေ့ဆုံဆွေးနွေး ပြီးတော့ အဖြေရှာလို့ ရပါတယ် ဆိုပြီးတော့။ အောက်ခြေမှာ ဖြစ်တဲ့ ကိစ္စလို့ပဲ ကျနော်တို့ သဘောထား ပါတယ်” ဟု စိုင်းလောင်ဆိုင် က ပြောသည်။
သို့သော် ဖမ်းဆီးထားသူများကို ပြန်လွှတ်ပေးရန် အစီအစဉ်ရှိကြောင်း UWSA ဝိန်ကောင်း ခရိုင် အတွင်းရေးမှူး ဦးစောလွင် က ပြောသည်။
“နည်းနည်းတော့ တင်းမာတယ်။ တိုက်ဖို့ ခိုက်ဖို့ အဲတာတော့ မရှိသေးပါဘူး။ ဆက်ဆွေးနွေးဖို့ ရှိပါတယ်။ ကျနော်တို့ လည်း သူတို့ကို တိုက်ဖို့ခိုက်ဖို့ စိတ်ဆန္ဒ မရှိပါဘူး။ ကောင်းမွန်စွာ ပြန်လွှတ်ပေးဖို့ အစီအစဉ် ရှိတယ်” ဟု မဇ္ဈိမကို ပြော သည်။
အဆိုပါ SSA တပ်ဖွဲ့ဝင်များအား ချုပ်နှောင်ထားခြင်း မရှိဘဲ UWSA တပ်မဟာ (၇၇၂) ဌာနချုပ် မိန်းကျွတ် တပ်တွင်း၌ ထိန်းသိမ်း ထားပြီး ပြန်လွှတ်ပေးမည့် နေ့ရက်ကိုမူ မပြောနိုင်သေးကြောင်း ဦးစောလွင် က ဆိုသည်။
UWSA ဘက်ကမူ နယ်မြေကျူးကျော် ဝင်ရောက်လာသည့် SSA တပ်ဖွဲ့ ဝင်များမှာ စိုက်ပျိုးရေး လုပ်ရန် မဟုတ်ဘဲ တပ်စခန်း လာရောက် ဆောက်လုပ်ခြင်းကြောင့် ဖမ်းဆီး ထိန်းသိမ်းရခြင်း ဖြစ်သည်ဟု ဆိုသည်။
UWSA နှင့် SSA-S နှစ်ဖွဲ့လုံးမှာ အစိုးရနှင့် အပစ်အခတ် ရပ်စဲထားသည့် တိုင်းရင်းသား လက်နက်ကိုင် တပ်ဖွဲ့များ ဖြစ်ပြီး ရှမ်းပြည်နယ် အတွင်း အခြေချထားကြကာ ဒေသတွင်း နယ်မြေ သတ်မှတ်ရေးနှင့် ပတ်သက်၍ သီးသန့် သဘောတူထားခြင်း မရှိသေးကြောင်း သိရသည်။
၂ဝ၁၁ ခုနှစ်၊ ဒီဇင်္ဘာလ ၂ ရက်နေ့က အစိုးရ ကိုယ်စားလှယ်အဖွဲ့နှင့် ပြည်နယ်အဆင့် အပစ်အခတ် ရပ်စဲရေး လက်မှတ် ရေးထိုး စဉ်က ရှမ်းပြည်နယ် တောင်ပိုင်း လင်းခေး မြို့နယ်အတွင်းရှိ ဟိုမိန်းနှင့် မိုင်းတုံမြို့နယ် မုန်းထားမြို့နယ်ခွဲများ အား SSA-S ဗဟို ဌာနချုပ် ဒေသအဖြစ် သတ်မှတ်ရန် သဘောတူခဲ့သည်။
ထိုဒေသသည် UWSA နှင့် RCSS/SSA အပြင် အစိုးရတပ်နှင့် အစိုးရ၏ နယ်ခြားစောင့်တပ်၊ ပြည်သူ့စစ် တပ်ဖွဲ့များ လည်း လှုပ်ရှား သွားလာရာ ဒေသ ဖြစ်သည်။
Ref: မဇ္ဈိမ
Monday, August 27, 2012
ပြင်းထန်တဲ့ တိုက်ပွဲကြောင့် ကချင်စစ်ဘေးဒုက္ခသည် ပိုမို ထွက်ပြေး
2012-08-26
ကချင်ပြည်နယ် ဖားကန့် မြို့ နယ်မှာ အစိုးရ စစ်တပ် စစ်ကြောင်းတွေနဲ့ ကေအိုင်အေတို့ တိုက်ပွဲတွေ အပြင်းအထန် ဖြစ်ပွါးနေတဲ့ အတွက် စစ်ပြေး ဒုက္ခသည်တွေ ဖါးကန့် မြို့ ပေါ်ကို ထွက်ပြေး လာတာ အခုဆိုရင် အနည်းဆုံး သုံးသောင်းကျော် ရှိပြီလို့ ဒုက္ခသည်တွေကို ကူညီစောင့်ရှောက်ပေးနေတဲ့ NGO အဖွဲ့ဝင် တဦးက ပြောပါတယ်။
"ပြီးခဲ့တဲ့ စနေနေ့ကတည်းက ဖြစ်တာ။ မော်မောကုန်းကနေစပြီး ဖြစ်ခဲ့တာ။ အခု ကျွန်မတို့ မြို့ပေါ်မှာ မနေ့ ကတည်းက ဒုက္ခသည်တွေက ၃ သောင်းကျော် ရှိတယ်။ ဖြစ်တုံးပဲ။ ဒီနေ့လည်း မျောက်ဖြူမှာ ဖြစ်တယ်။ မနေ့ညကကျတော့ ရွာဟောင်းမှာ ဖြစ်တယ်။ ဆိုင်းတောင် ရွာဟောင်း ဆိုတဲ့နေရာမှာ။ နေ့တိုင်းကို ဖြစ်နေတာ။ ဖြစ်တဲ့နေရာတွေ ကတော့ ၂ -၃ မိုင်ပဲ။ သိပ်တော့ မဝေးဘူး။ ဒါပေမဲ့ တောင်တွေ ဘာတွေတော့ ခံထားတာပေါ့။ အရှေ့ဘက်ကတော့ မဖြစ်ဘူး။ အနောက်မြောက်ဘက်မှာ ဖြစ်တာ။"
တိုက်ပွဲဖြစ်ပွားရာ နေရာက ထွက်ပြေးလာတဲ့ ဒုက္ခသည်တွေနဲ့ ဖားကန့် မြို့ နယ်မှာ ပြည့်နှက်နေပြီး ဘုန်းတော်ကြီးကျောင်းတွေနဲ့ ခရစ်ယန် ဘုရားကျောင်းတွေမှာ နေရာ ချထားရာမှာ အခုအခါ နေစရာ မရှိတော့ဘူး လို့လည်း ဆိုပါတယ်။
တိုက်ပွဲဖြစ်ပွားပြီး ထွက်ပြေးလာရတဲ့ ရွာသူရွာသားတွေကတော့ စတော်ခ၊ အင်ပါးလာခ၊ မျောက်ဖြူ၊ မရမ်၊ တောင်ပြို၊ မော်မောဘွန်၊ မော်ဝိုင်းကြီး၊ မော်ဝိုင်းလေး စတဲ့ ရွာတွေက ဖြစ်ပါတယ်၊ ဒုက္ခသည်တွေ ထဲမှာ သက်ကြီး ရွယ်အိုများ၊ မွေးကင်းစကလေးများနဲ့ မီးဖွားပြီးစ မိခင်တွေ ပါဝင်ပြီး ဒီကနေ့ မှာတော့ နာမကျမ်းသူ စစ်ပြေးဒုက္ခသည် တစ်ဦး ဆုံးပါး သွားတယ်လို့ သိရပါတယ်။
Ref: RFA News
ဧရာဝတီတိုင်း ပျက်စီးလယ်ယာများအတွက် မျိုးစပါးများ အစိုးရ ထောက်ပံ့
သန့်စင်ငြိမ်းချမ်း
August 25, 2012
ပြည်ထောင်စု အစိုးရက ဧရာဝတီတိုင်းအတွင်းရှိ ရေကြီးနစ်မြုပ် မှုကြောင့် ပျက်စီးသွားသည့် စပါးခင်းများ ပြန်စိုက်နိုင်ရန် မျိုးစပါး တင်း ၈ သောင်းကျော်ကို တိုင်းအစိုးရအဖွဲ့ထံ ယမန်နေ့က ထောက်ပံ့ပေးအပ်ခဲ့သည်။
ဧရာဝတီတိုင်း ကျောင်းကုန်းမြို့သို့ သမ္မတ ဦးသိန်းစိန် လာရောက်ပြီး မျိုးစပါး ၈၀၉၈၅ တင်း အတွက် ထောက်ပံ့ငွေ ၄၀၄၇.၉ သိန်း ကျပ်ကို တိုင်းအစိုးရ အဖွဲ့ ၀န်ကြီးချုပ် ဦးသိန်းအောင်ထံ ပေးအပ်ခဲ့သည်။
“ရေမြုပ်ပျက်စီးတဲ့ လယ်တွေ အချိန်အားဖြင့် မီတယ်ဆိုရင် ပြန်ပြီးတော့ စိုက်ရမှာပါ။ ပြန်စိုက်ဖို့ အတွက်လည်း မြို့နယ်တိုင်းမှာ မျိုးတွေက ရှိပြီးသားဖြစ်ပါတယ်။ ဒီမျိုးအတွက် တိုင်းဝန်ကြီးချုပ်က ခင်ဗျားတို့ကို အလကားပေးမှာ မဟုတ်ပါဘူး။ ဒီမျိုးဝယ်ဖို့အတွက် ကျနော်တို့ တွက်ချက်ပြီးတော့ တိုင်းကနေတင်ပြတဲ့ ငွေကြေးအပေါ်မှာ နိုင်ငံတော်က တတ်နိုင်တဲ့ အပိုင်းကနေ ထောက်ပံ့ပေးခြင်း ဖြစ်ပါတယ်” ဟု သမ္မတ ဦးသိန်းစိန်က ကျောင်းကုန်းတွင်ပြုလုပ်သည့် ထောက်ပံ့ငွေ ပေးအပ်ပွဲ အခမ်းအနားတွင် ပြောဆိုခဲ့သည်။
ဧရာဝတီတိုင်း တခုလုံးတွင် မိုးဦးကျ စိုက်လယ်ဧက ၃၅ သိန်းကျော် ရှိသည့်အနက် ဧက ၂ သိန်း ၇ သောင်းကျော် ရေနစ်မြုပ်ခဲ့ပြီး လယ်ဧက ၇ သောင်း ၉ ထောင်ကျော် ရေမြုပ်ပျက်စီးခဲ့ကြောင်း တိုင်းအစိုးရ အဖွဲ့ ၀န်ကြီးချုပ် ဦးသိန်းအောင်က အခမ်းအနားတွင် သမ္မတအား တင်ပြခဲ့သည်။
တိုင်းဝန်ကြီးချုပ် တင်ပြသည့် အချက်အလက်များအရ ဧရာဝတီ တတိုင်းလုံးရှိ စုစုပေါင်း လယ်ဧက၏ ၂.၂၆ ရာခိုင်နှုန်း ရေမြုပ် ပျက်စီးခဲ့ခြင်းဖြစ်ပြီး တန်ဖိုးအားဖြင့် လယ်တဧက ၁ သိန်းနှုန်း တွက်ချက်ပါက ကျပ်သိန်းပေါင်း ၇ သောင်း ၉ ထောင်ကျော် ဆုံးရှုံးသွားခြင်း ဖြစ်သည်။
နိုင်ငံတော်ဝင်ငွေ၏ ၄၀ ရာခိုင်နှုန်းကို လယ်ယာကဏ္ဍက နှစ်စဉ် ရှာဖွေပေးနေသောကြောင့် တိုင်းပြည် အတွက် အရေးအကြီးဆုံး ကဏ္ဍဖြစ်ကြောင်း သမ္မတ ဦးသိန်းစိန်က အခမ်းအနားတွင် ပြောဆိုခဲ့သည်။
“လယ်ယာကဏ္ဍ ထိခိုက်ပျက်စီး ဆုံးရှုံးတာနဲ့အမျှ ကျနော်တို့ တိုင်းပြည်ရဲ့ဝင်ငွေဟာလည်း ကျဆင်း သွားမှာ ဖြစ်ပါတယ်။ လယ်ယာကဏ္ဍ အထွက် တိုးလာတာနဲ့ အမျှ တိုင်းပြည်ရဲ့ ၀င်ငွေဟာလည်း တိုးလာမှာ ဖြစ်ပါတယ်”ဟု သမ္မတက ပြောသည်။
ထို့ကြောင့် ပျက်စီးသွားသည့် လယ်များ ပြန်စိုက်နိုင်ရန် ငွေကြေးထောက်ပံ့ပေးအပ်ခြင်း ဖြစ်ပြီး အချိန်မီ ပြန်လည် စိုက်ပျိုးကြရန် လယ်သမားများအား သမ္မတက တိုက်တွန်းခဲ့သည်။
“တောင်သူလယ်သမားတွေကို ကျနော် အကြံပေးချင်တာကတော့ လယ်/ဆည် ၀န်ကြီးကတော့ သိပ္ပံနည်းကျ ဘယ်လိုစိုက် ဘာညာနဲ့ ပြောပေမယ့် အမှန်တော့ စပါးပင်ဖြစ်ပြီးတော့ မြန်မြန် စပါးရဖို့က အရေးကြီး ပါတယ်။ ကျနော်တို့ ငွေပေးခဲ့မယ်၊ မျိုးစပါး ခင်ဗျားတို့ လက်ထဲကို ရောက်လာလို့ရှိရင် ဘယ်နည်းနဲ့ အကျိုးရှိအောင် စိုက်မလဲ ဆိုတာ ကိုယ့်အတွေ့အကြုံ အပေါ် မူတည်ပြီးတော့ စိုက်သွားဖို့ လိုပါတယ်” ဟု သမ္မတက ပြောသည်။
ထို့ပြင် အစိုးရအဖွဲ့ကိုယ်စား သမ္မတက ရေဘေးသင့် ပြည်သူများအတွက် ပညာရေးနှင့် ကျန်းမာရေးကဏ္ဍတွင် အသုံးပြုရန် ကျပ်သိန်း ၁၀၀ အား တိုင်းအစိုးရထံ ပေးအပ်ခဲ့သည်။
နောက်ရက်များတွင် ရေကြီးမှုဒဏ် ခံနေရသည့် ပဲခူးတိုင်းနှင့် ကရင်ပြည်နယ်တို့အား သွားရောက်၍ ကူညီထောက်ပံ့ မှုများ ဆောင်ရွက် သွားမည်ဟု သမ္မတက ပြောသည်။
ယင်းအခမ်းအနားသို့ သမ္မတနှင့် အတူ လယ်/ဆည်ဝန်ကြီး ဦးမြင့်လှိုင်၊ အလုပ်သမား ၀န်ကြီး ဦးအောင်ကြည် တို့ အပါအ၀င် အစိုးရ အဖွဲ့ဝန်ကြီး ၈ ဦး တက်ရောက်ခဲ့သည်။
ဧရာဝတီတိုင်းအတွက် ပြည်ထောင်စုအစိုးရအဖွဲ့က မျိုးစပါး တင်း ၈ သောင်းကျော် ထောက်ပံ့ခဲ့ သကဲ့သို့ မြန်မာနိုင်ငံ ဆန်စပါး လုပ်ငန်းရှင်များ အသင်းကလည်း မျိုးစပါး တင်း ၃ သောင်းအား တိုင်းအစိုးရ အဖွဲ့ထံ သြဂုတ်လ ၁၉ ရက်နေ့က ပေးအပ် လှူဒါန်းခဲ့သည်။
ဧရာဝတီတိုင်းတွင် နှစ်စဉ်ပုံမှန် ၁၂၆ ရက်ခန့် ရွာသွန်းပြီး မိုးရေချိန် ၉၀.၁၀ လက်မ ရွာသွန်း ခဲ့သော်လည်း ယခုနှစ် ဇန်န၀ါရီလ ၁ ရက်နေ့မှ သြဂုတ်လ ၂၃ ရက်နေ့အတွင်း မိုးရွာရက် ၇၂ ရက်တွင် မိုးရေချိန် ၇၈.၅၅ လက်မ ရွာခဲ့သည့် အတွက် ရေကြီး နစ်မြုပ်မှုများ ပေါ်ပေါက်ရခြင်း ဖြစ်ကြောင်း တိုင်းဝန်ကြီးချုပ်က အခမ်းအနားတွင် ပြောဆိုခဲ့သည်။
Ref: ဧရာဝတီ
KNU နဲ့ တတိယအကြိမ် ဆွေးနွေးပွဲကို အစိုးရ ငြိမ်းချမ်းရေး အဖွဲ့ ရက်ရွှေ့ဆိုင်း
2012-08-25
KNU ကရင်အမျိုးသား အစည်းအရုံးနဲ့ မြန်မာအစိုးရ ငြိမ်းချမ်းရေး ဖေါ်ဆောင်မှု အဖွဲ့တို့ ကရင်ပြည်နယ် ဖားအံမြို့မှာ သြဂုတ်လ (၂၇) ရက်ကနေ (၂၉) ရက်နေ့ထိ (၃) ရက်ကြာ တွေ့ဆုံ ဆွေးနွေးမယ့် ကိစ္စကို အစိုးရဘက်က အကြောင်းပြချက် တစုံတရာ ပေးခြင်းမရှိဘဲ မနေ့က ရက်ရွှေ့ဆိုင်းလိုက်ကြောင်း သိရပါတယ်။
အခုလို ရုတ်တရက် အစီအစဉ်ပြောင်းသွားတာကို KNU ဘက်က နားလည်နိုင်ပေမယ့် KNU အဖွဲ့ကို ကြိုဆိုကြမယ့် ပြည်တွင်းက ကရင်ပြည်သူတွေ အတွက် စိတ်မကောင်းဖြစ်ရကြောင်း၊ တတိယအကြိမ် ဆွေးနွေးပွဲ ဖြစ်မြောက်ဖို့ အတွက် KNU က ဆက်လက် ကြိုးပမ်းသွားမှာ ဖြစ်ကြောင်း KNU ပြောခွင့်ရသူ မနော်မေဦးက RFA ကို ပြောပါတယ်။
"ကျွန်မတို့ သိရသလောက် လူထုကလည်း စောင့်မျှော်နေကြတယ်။ ပြင်ဆင်ထားကြတယ်။ KNU ကို ကြိုဆိုဖို့ အတွက်။ ဖားအံမှာရော၊ ရန်ကုန်မှာရော၊ ဒေသ တလျှောက်မှာပေါ့နော်။ ဒီလို ရုတ်တရက် အစီအစဉ် ပြောင်းသွားတော့ သူတို့လည်း စိတ်ကောင်းမှာ မဟုတ်ဘူး။ ကျွန်မတို့လည်း စိတ်မကောင်းဘူး။ ဒါပေမဲ့ ကျွန်မတို့ ပြောချင်တာက ဒါမျုိးက ဖြစ်တတ်တယ်။ အစိုးရ ဘက်ကလည်း အစိုးရက ဦးဆောင်ပြီးတော့ လုပ်နေတဲ့ အလုပ်မှာ အလုပ်တွေက အများကြီး ရှိတော့။ ဘယ်လိုပဲ ဖြစ်ဖြစ် KNU ဘက်က သဘောထားတာ ကတော့ အစိုးရနဲ့ ညှိနှိုင်း ဆွေးနွေးပြီးတော့ တတိယအကြိမ် ဆွေးနွေးညှိနှိုင်းပွဲ အမြန်ဆုံး အကောင်အထည် ဖော်နိုင်အောင် ကြိုးစားသွားမယ်။"
ဖားအံမြို့က အခုတကြိမ် ဆွေးနွေးပွဲမှာ အပစ်ရပ်မယ့် နှစ်ဖက်တပ်တွေ လိုက်နာရမယ့် ကျင့်ဝတ် စည်းကမ်းတွေကို အဓိကထား ဆွေးနွေးဖို့ ရှိတယ်လို့ ဖေါ်ပြထားပါတယ်။
Ref: RFA News
ရခိုင်ပဋိပက္ခ သုံးသပ်ချက်မှတ်တမ်း သမ္မတ သဘောထား မဟုတ်ဟုဆို
မြတ်ကျော်သူ
သောကြာနေ့၊ သြဂုတ်လ ၂၄ ရက် ၂၀၁၂
ရန်ကုန် (မဇ္ဈိမ) ။ ။ သမ္မတ ဦးသိန်းစိန်က ပြည်ထောင်စု လွှတ်တော်သို့ ဗုဒ္ဓဟူးနေ့က ပေးပို့သည့် သဝဏ်လွှာနှင့် ပူးတွဲပါ “သတင်း သုံးသပ်ချက် မှတ်တမ်း” သည် သမ္မတနှင့် သမ္မတရုံး၏ သဘောထား မဟုတ်ကြောင်း သမ္မတရုံး ကိုယ်စား ညွှန်ကြားရေးမှူး ဦးဇော်ဌေး (မှူးဇော်) က ၎င်း၏ ဖေ့စ်ဘုတ်စာမျက်နှာတွင် သောကြာနေ့က ရေးသားလိုက် သည်။
သမ္မတ ဦးသိန်းစိန်၏ သဝဏ်လွှာသည် နှစ်ပိုင်းပါရှိပြီး တပိုင်းမှာ ဦးသိန်းစိန်၏ သဝဏ်လွှာဖြစ်ပြီး ကျန် တပိုင်းမှာ “ရခိုင်ပြည်နယ် ပဋိပက္ခဖြစ်စဉ် သတင်း သုံးသပ်ချက် မှတ်တမ်း” ဖြစ်သည်။
အဆိုပါ သတင်းသုံးသပ်ချက်မှာ “ရခိုင်ပြည်နယ်ဖြစ်စဉ်နှင့် ပတ်သက်၍ ပြည်တွင်း၊ ပြည်ပ သတင်း ဌာနများ၊ အစိုးရ မဟုတ်သော အဖွဲ့ အစည်းများ၊ ဝန်ကြီးဌာနများ စသည်တို့၏ သတင်းများကို စုစည်း ထုတ်နုတ်ထားသည့် နိုင်ငံတော် သမ္မတထံ တင်ပြချက်သာ” ဖြစ်ကြောင်း ညွှန်ကြားရေးမှူးက ဆိုသည်။
“ကျနော့်ရေးသားချက်က သမ္မတရုံး ထုတ်ပြန်ချက်ကို ကိုယ်စားပြုပါတယ်။ ဒီကိစ္စနဲ့ ပတ်သက် ပြီးတော့လည်း ရုံးက ထုတ်ပြန် သွားဦးမှာပါ” ဟု ဦးဇော်ဌေး က မဇ္ဈိမကို ပြောသည်။
သမ္မတ၏ သဝဏ်လွှာတွင် ရခိုင်ပြည်နယ်တွင် ဖြစ်ပွားခဲ့သည်များနှင့် ပတ်သက်၍ ပျက်စီး ဆုံးရှုံးမှုများ၊ ၎င်းတို့ အစိုးရ အနေနှင့် လုပ်ဆောင်နေသည့် လုပ်ငန်းများ၊ ဦးတည်ရာ လမ်းကြောင်းကို အနှောင့်အယှက်ပြုသူများကို အရေးယူ ဆောင်ရွက်မှုများနှင့် သတင်း မီဒီယာအချို့၏ လုပ်ကြံ ချဲ့ကား မှုများမှ ထင်ယောင်ထင်မှား ဖြစ်စေခြင်းများကြောင့် နှောင့်နှေး ကြံ့ကြာမှု ဖြစ်စေလျက်ရှိကြောင်းတို့ ပါရှိသည်။
သတင်းသုံးသပ်ချက်တွင် “နိုင်ငံရေးပါတီများ၊ သံဃာအချို့နှင့် လူပုဂ္ဂိုလ်အချို့တို့ ခေါင်းဆောင်၍ လူမျိုးရေး မုန်းတီးမှု စိတ်ဓာတ်ကို အလွန်အကျွံ မြှင့်တင်ခြင်း၊ လူမျိုးရေးအရ အဆင်အခြင်မဲ့စွာ တိုက်ခိုက်လိုစိတ်ကို လှုံ့ဆော်ခြင်းတို့ ဆောင်ရွက်လျက် ရှိသည်” ဟု ဖော်ပြထားသလို “ဘင်္ဂါလီမူဆလင်များအပေါ် အကြမ်းဖက်ရန် အဆက်မပြတ် ကြံစည် လုပ်ဆောင်လျက်ရှိသည်” ဟုလည်း စွပ်စွဲ ထား၍ လွှတ်တော်တွင် ရခိုင် တိုင်းရင်းသား တိုးတက်ရေး ပါတီအမတ် ၁၄ ဦး၏ ကန့်ကွက်ခြင်း ခံခဲ့ရသည်။
ထို့ကြောင့် သဝဏ်လွှာကို ပြည်ထောင်စု လွှတ်တော်တွင် ဖတ်ကြားမည့် အစီအစဉ်ပါ ဖျက်သိမ်း ခဲ့ရသည်။
Ref: မဇ္ဈိမ
PNLO ပထမဆုံးအကြိမ် အပစ်ရပ် လက်မှတ်ထိုး
ကွန်းချမ်း
တနင်္ဂနွေနေ့၊ သြဂုတ်လ ၂၆ ရက် ၂၀၁၂
စံခလပူရီ (မဇ္ဈိမ)။ ။ ထိုင်းနိုင်ငံတွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီနှင့် အလွတ်သဘော နှစ်ကြိမ် တွေ့ဆုံခဲ့သည့် ပအိုဝ်း အမျိုးသား လွတ်မြောက်ရေး အဖွဲ့ချုပ် (PNLO) က စနေနေ့တွင် ရှမ်းပြည်နယ် အစိုးရနှင့် ပထမဆုံး အကြိမ် အပစ်အခတ် ရပ်စဲလိုက်သည်ဟု PNLO က ပြောသည်။
PNLO ဘက်မှ ငြိမ်းချမ်းရေး ကိုယ်စားလှယ် ဒုတိယ ခေါင်းဆောင် စစ်ဦးစီးချုပ် ခွန်သူရိန် ဦးစီးသည့် တပ်မှူး သုံးဦးနှင့် ပြည်နယ် အစိုးရဘက်မှ ရှမ်းပြည်နယ် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူ၊ ပြည်နယ် ဥပဒေချုပ် ဦးမောင်မောင် ဦးဆောင်သည့် ကိုယ်စားလှယ်များ လက်မှတ် ရေးထိုးကြခြင်း ဖြစ်သည်။
“PNLO အပါအဝင် တိုင်းရင်းသား လက်နက်ကိုင် အဖွဲ့အစည်းတွေ အပစ်အခတ် ရပ်စဲရေးကို လုပ်ကြတာဟာ နိုင်ငံရေး ဆွေးနွေးပွဲကို ဦးတည်ပြီးတော့ လုပ်ကြတာ” ဟု PNLO ငြိမ်းချမ်းရေး ကိုယ်စားလှယ် အဖွဲ့ခေါင်းဆောင် ခွန်မြင့်ထွန်း က ပြောသည်။
ရှမ်းပြည်နယ် တောင်ကြီးမြို့ တောင်ကြီး ဟိုတယ်တွင် ပြုလုပ်သည့် တွေ့ဆုံမှုတွင် PNLO ကိုယ်စားလှယ် အဖွဲ့ခေါင်းဆောင် ခွန်မြင့်ထွန်းနှင့် အဖွဲ့ဝင် ၁၀ ဦး တက်ရောက်ပြီး အစိုးရဘက်မှ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ပြည်ထောင်စုဝန်ကြီး ဦးအောင်မင်းနှင့် အမှတ် (၂) လျှပ်စစ်ဝန်ကြီးဌာန ပြည်ထောင်စု ဝန်ကြီး ဦးခင်မောင်စိုးတို့ ဦးဆောင်သည့် ကိုယ်စားလှယ်များ တက်ရောက်ကြသည်။
၎င်းပြင် အမျိုးသားလွှတ်တော် ကိုယ်စားလှယ် နှစ်ဦးနှင့် ပြည်သူ့လွှတ်တော် ကိုယ်စားလှယ် နှစ်ဦးလည်း ငြိမ်းချမ်းရေး ဆွေးနွေး ပွဲသို့ ပထမဆုံး အကြိမ် တက်ရောက်ခဲ့ကြသည်။
စနေနေ့ ဆွေးနွေးပွဲတွင် အဆင့်နှစ်ဆင့် ခွဲထားပြီး ပထမအဆင့် ပြည်နယ် ငြိမ်းချမ်းရေး ဖော်ဆောင်ရေး အဖွဲ့နှင့် ပဏာမ အပစ်အခတ် ရပ်စဲရေး ဆိုင်ရာ အချက် ၅ ချက်ကို ဆွေးနွေးကာ သဘောတူ လက်မှတ်ရေးထိုးခြင်း၊ ဒုတိယ အဆင့် ပြည်ထောင်စု အဆင့်နှင့် ဆက်လက် ဆွေးနွေးရန်အတွက် အကြို ညှိနှိုင်းဆွေးနွေးခြင်းတို့ ဖြစ်သည်။
အပစ်အခတ် ရပ်စဲရေး သဘောတူချက်အရ PNLO ၏ ဆက်ဆံရေးရုံးများကို ရှမ်းပြည်နယ် တောင်ကြီး၊ မောက်မယ် နှင့် ဆီဆိုင်မြို့များတွင် ဖွင့်လှစ်ရန် သဘောတူခဲ့ကြပြီး မွန်ပြည်နယ် သထုံမြို့၌ ဆက်ဆံရေး ဖွင့်လှစ်နိုင်ရန် လာမည့် ပြည်ထောင်စု အဆင့် ဆွေးနွေးပွဲတွင် ဆက်လက်ညှိနှိုင်းသွားမည်ဟု ခွန်မြင့်ထွန်း က ပြောသည်။
စက်တင်္ဘာလတွင် ပြည်ထောင်စုအဆင့်နှင့် ဆွေးနွေးရန် လျာထားပြီး အပစ်အခတ် ရပ်စဲမှု ခိုင်မာရေး၊ နှစ်ဖက် တပ်ဖွဲ့ဝင်များ လိုက်နာရမည့် စည်းကမ်းချက်များ သတ်မှတ်နိုင်ရေး၊ ဆက်ဆံရေးရုံး လုပ်ငန်း လည်ပတ်နိုင်ရန် အတွက် ကူညီပံ့ပိုးရေး၊ PNLO/PNLA တပ်ဖွဲ့ဝင်များ၏ တပ်တည်နေရာ ညှိနှိုင်းရေး၊ မူးယစ်ဆေးဝါး တိုက်ဖျက်ရေးတွင် ပူးပေါင်းဆောင်ရွက်ရေး စသည်တို့ကို ဆွေးနွေးရန် သဘောတူခဲ့ကြသည်။
ဦးခွန်မြင့်ထွန်း ဦးဆောင်သည့် PNLO ငြိမ်းချမ်းရေး ကိုယ်စားလှယ်အဖွဲ့သည် ဇွန်လအတွင်း ငြိမ်းချမ်းရေး တည်ဆောက်နိုင်ရန် ပြည်တွင်းသို့ ဝင်ရောက် လေ့လာခဲ့ပြီး ဇူလိုင်လတွင် အပစ်အခတ် ရပ်စဲရေး ဆွေးနွေးရန်
တောင်ကြီးမြို့သို့ ရောက်ရှိခဲ့သော်လည်း ဝန်ကြီး ဦးအောင်မင်း မအားလပ်သည့်အတွက် ဆွေးနွေးပွဲ အကောင်အထည် မပေါ်ခဲ့ကြောင်း PNLO က ပြောသည်။
PNLO ကို ၂၀၀၉ ခုနှစ်၊ ဒီဇင်ဘာလတွင် ပြုလုပ်သည့် ပအိုဝ်း အမျိုးသား ညီလာခံမှ စတင် ဖွဲ့စည်းခဲ့ပြီး ရှမ်းပြည်နယ် နှင့် ကယားပြည်နယ် နယ်စပ်တွင် လှုပ်ရှားလျက် ရှိကာ လက်နက်ကိုင် တပ်ဖွဲ့ဝင် အင်အား ၂၀၀ ကျော် ရှိကြောင်း သိရသည်။
အခြားတိုင်းရင်းသား လက်နက်ကိုင် အဖွဲ့တခု ဖြစ်သည့် ကရင်အမျိုးသား အစည်းအရုံး (KNU) ကလည်း သြဂုတ်လ ၂၇ ရက်နေ့မှ ၂၉ ရက်နေ့ထိ သုံးရက်ကြာ ဘားအံမြို့၊ ဇွဲကပင် ဟိုတယ်တွင် ပြည်ထောင်စု ငြိမ်းချမ်းရေး ဖော်ဆောင်မှု လုပ်ငန်းကော်မီတီနှင့် တတိယ အကြိမ် ဆွေးနွေးရန် သဘောတူထားသော်လည်း အစိုးရဘက်မှ ရွှေ့ဆိုင်းလိုက်သည့် အတွက် တွေ့ဆုံဆွေးနွေးရန် အထ မမြောက်တော့ကြောင်း သြဂုတ်လ ၂၅ ရက် နေ့စွဲဖြင့် KNU က ထုတ်ပြန်သည်။
“ရွှေ့ဆိုင်းလိုက်တာ မနေ့က ကျမတို့ နှုတ်အားဖြင့် သတင်း ရပါတယ်။ ကျမတို့ ဘက်က ဆက်သွယ်ရေး တာဝန်ခံနဲ့ အစိုးရ ဘက်က ဆက်သွယ်ရေး တာဝန်ခံတို့ တယ်လီဖုန်းနဲ့ ဆက်သွယ်ပြီးတော့ အဲဒီသတင်းကို ကျမတို့ လက်ခံ ရရှိပါတယ်” ဟု KNU ငြိမ်းချမ်းရေး ဆွေးနွေးရေးအဖွဲ့၏ ပြောရေးဆိုခွင့်ရှိသူ နော်မေဦး က ပြောသည်။
အစိုးရဘက်မှ အရေးပေါ် ကိစ္စကြောင့် မအားလပ်သည့်အတွက် ရက်ရွှေ့ဆိုင်းလိုက်ခြင်း ဖြစ်သည် ဟုလည်း သူက ပြောသည်။
KNU အနေနှင့် အစိုးရနှင့် ညှိနှိုင်းတိုင်ပင်ပြီး မှန်ကန်သော စေတနာ သဘောထားအပေါ် အခြေခံကာ နှစ်ဦးနှစ်ဘက် အတွက် အဆင်ပြေမည့် တတိယ အကြိမ် တွေ့ဆုံဆွေးနွေးရက်ကို အမြန်ဆုံး အကောင်အထည်ဖော်နိုင်ရန် လုပ်ဆောင် သွားမည်ဟုလည်း KNU ၏ သဘောထား ထုတ်ပြန်ချက်တွင် ပါရှိသည်။
Ref: မဇ္ဈိမ
Posts
