မြန်မာနိုင်ငံအမျိုးသမီးရေးလှုပ်ရှားသူများ ပိုမို များပြားလာ

08 March 2009

ဒီနေ့ မတ်လ ၈ ရက်နေ့ဟာ နိုင်ငံတကာ အမျိုးသမီးများနေ့မှာ မြန်မာနိုင်ငံက အမျိုးသမီးတွေရဲ့ အခွင့်အရေးနဲ့ ပတ်သက်လို့ အကာအကွယ် မဲ့နေဆဲဖြစ်ပြီး အခြေအနေတွေဟာ တိုးတက်မှု မရှိသေးဘူးလို့ ထိုင်းနိုင်ငံ အခြေစိုက် WLB မြန်မာနိုင်ငံ အမျိုးသမီးများ အဖွဲ့ချုပ်က ပြောဆိုလိုက်ပါတယ်။ ဘယ်လို အခြေအနေတွေကြောင့် တိုးတက်မှုတွေ မရှိသေးတာလဲ ဆိုတာကို မနန္ဒာချမ်းက တင်ပြ ထားပါတယ်။

ဒီနေ့ကျရောက်တဲ့ နိုင်ငံတကာ အမျိုးသမီးများနေ့မှာ မြန်မာနိုင်ငံမှာရှိတဲ့ အမျိုးသမီးတွေ အနေနဲ့ နိုင်ငံရေး လှုပ်ရှားမှုတွေမှာ ပါဝင်လာကြတာ၊ ပြီးတော့ - လူသားတယောက် ရထိုက်တဲ့ ရပိုင်ခွင့်တွေကို တောင်းဆို လာတာတွေဟာ အရင်ကထက် စာရင် ပိုများလာတဲ့ အတွက် ဒါဟာ တိုးတက်တဲ့ လက္ခဏာတရပ်လို့ ဆိုနိုင်ပေမဲ့ ဒီအမျိုးသမီးတွေ အပေါ် ဖိနှိပ်မှုတွေနဲ့ တိုင်းရင်းသား ဒေသတွေက အမျိုးသမီးတွေရဲ့ အခြေအနေတွေကတော့ ဆိုးရွားနေဆဲဖြစ်လို့ တနိုင်ငံလုံး အတိုင်းအတာအရ တိုးတက်မှု မရှိသေးဘူးလို့ WLB မြန်မာနိုင်ငံ အမျိုးသမီးများ အဖွဲ့ချုပ် အထွေထွေ အတွင်းရေးမှူး မလွေးအေးနန်း ပြောပါတယ်။

"ကိုယ့်နိုင်ငံရဲ့ အခြေအနေကို ကြည့်ရင် နိုင်ငံရေးထဲမှာ ပါနေတဲ့ အမျိုးသမီး အနေအထားက အစိုးရက လုပ်ပေးလို့ မဟုတ်ဘဲ အမျိုးသမီးတွေက သူ့တို့ ဆန္ဒအရ နိုင်ငံရေးထဲမှာ တက်တက်ကြွကြွ ပါဝင်လှုပ်ရှားနေတယ်။ ၂၀၀၇ စက်တင်ဘာ အရေးအခင်းမှာ ဆိုရင်လည်း အမျိုးသမီးတွေ လမ်းမပေါ် ရဲရဲရင့်ရင့် ထွက်လာပြီး ဦးဆောင်နိုင်တဲ့ သူတွေ ရှိလာတယ်။ အဲဒီ လှုပ်ရှားနေတဲ့ သူတွေကို ဒီနေ့အချိန်မှာ စစ်အစိုးရကနေ ဆက်လက်ပါဝင်နိုင်မှု မရှိအောင် အစီအစဉ်ထား၊ ဖိနှိပ် တားဆီး တာမျိုးတွေ ရှိတယ်။ ဖမ်းဆီးတာ ရှိတယ်။ ချုပ်နှောင်တယ်၊ နှစ်ရှည် ထောင်ဒဏ်တွေ ချမှတ်တယ်။ မနီလာသိန်းတို့ ဆိုရင် တောက်လျှောက် တက်တက်ကြွကြွ ပါဝင်လာတဲ့ အမျိုးသမီး ခေါင်းဆောင် တဦးဖြစ်တာပေါ့။ ယေဘုယျ ပြောမယ်ဆိုရင် အမျိုးသမီးတွေရဲ့ အခြေအနေတွေက တိုးတက်မှုမရှိဘူး။"

ဒါ့အပြင် ပြည်တွင်းစစ်ဖြစ်ပွားနေတဲ့ မြန်မာနိုင်ငံမှာ စစ်အစိုးရကနေ တိုင်းရင်းသူတွေကို စစ်လက်နက်သဖွယ် အသုံးချ နေတာမျိုးတွေ ရှိနေဆဲဖြစ်ပြီး ဒီအမျိုးသမီးတွေ အားလုံးရဲ့ အခွင့်အရေးနဲ့ ပတ်သက်လို့ ကာကွယ်မယ့်သူ မရှိဘူးလို့ သူက ဆက်ပြောပါတယ်။

"မြန်မာပြည်မှာရှိတဲ့ တိုင်းရင်းသူတွေ အထူးသဖြင့် မြန်မာပြည် အရှေ့ပိုင်း ကရင်ပြည်နယ်မှာ စစ်ဖြစ်တယ်ဆိုရင် ကရင် အမျိုးသမီးတွေကို စစ်လက်နက်သဖွယ် အသုံးချ ခံရပြီးတော့၊ အတင်းအဓမ္မ ပြုကျင့် ခံနေရတယ်။ နိုင်ငံရေးထဲမှာ ပါဝင်နေတဲ့ အမျိုးသမီးတွေပဲ ဖြစ်ဖြစ်၊ နယ်စပ်ဒေသမှာ ရှိတဲ့ အမျိုးသမီးတွေပဲ ဖြစ်ဖြစ် အားလုံးဟာ အကာအကွယ် မဲ့နေတုန်း ပဲဖြစ်ပါတယ်။ အဓိက တရားခံဖြစ်တဲ့ စစ်အစိုးရ ရှိနေတဲ့ အတွက်ကြောင့် အမျိုးသမီးတွေ ဒီထက်ပိုပြီး ခံနေကြရဦးမှာ ဖြစ်ပါတယ်။"

WLB အထွေထွေအတွင်းရေးမှူး မလွေးအေးနန်း ဖြစ်ပါတယ်။ ဒါပေမဲ့ ဒီနှစ် ကျရောက်တဲ့ နိုင်ငံတကာ အမျိုးသမီးများနေ့မှာ ကုလသမဂ္ဂ အတွင်းရေးမှူးချုပ် ဘန်ကီမွန်းကနေ နိုင်ငံတကာမှာ အမျိုးသမီးတွေအပေါ် အကြမ်းဖက်မှုကို ဘယ်ပုံဘယ်နည်း ဘယ်အခြေအနေမှာပဲ ဖြစ်ဖြစ် ဘယ်နိုင်ငံရေး ခေါင်းဆောင်၊ ဘယ်အစိုးရကမှ သီးမခံသင့်ဘူး၊ အပြောင်းအလဲတွေ ပြုလုပ်ဖို့ အချိန်တန်နေပြီလို့ သောကြာနေ့က ပြောဆိုခဲ့ပါတယ်။

ဒီကနေ့ကျရောက်တဲ့ နိုင်ငံတကာ အမျိုးသမီးများနေ့ အခမ်းအနားကို ထိုင်းနိုင်ငံ ချင်းမိုင်မြို့မှာ ရှိတဲ့ အစိုးရ မဟုတ်တဲ့ NGO အဖွဲ့အစည်း တွေနဲ့ မြန်မာနိုင်ငံ အမျိုးသမီးများ အဖွဲ့ချုပ်တို့က ပူးပေါင်းပြီး ချီတက် လမ်းလျှောက်ပွဲ တခုကိုလည်း အခုအချိန်မှာ ပြုလုပ်နေကြသလို အိန္ဒိယ နဲ့ တရုတ်ပြည်မှာရှိတဲ့ မြန်မာအမျိုးသမီး အဖွဲ့အစည်း တွေကလည်း နိုင်ငံတကာ အမျိုးသမီးများ နေ့ အခမ်းအနားတွေကို ကျင်းပ နေကြပါတယ်ရှင်။

Ref: VOA News