2012-03-15
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က မဝေးတော့တဲ့ ကာလအတွင်း ပြည်ပခရီး ထွက်နိုင် လိမ့်မယ်လို့ မျှော်လင့်ကြောင်း မနေ့က ဟောင်ကောင် တက္ကသိုလ်က ချီးမြှင့်တဲ့ ဥပဒေ ပညာရပ်ဆိုင်ရာ ဂုဏ်ထူးဆောင် ပါရဂူဘွဲ့ လက်ခံတဲ့ ဗီဒီယို မိန့်ခွန်းမှာ ပြောဆို လိုက်ပါတယ်။
ဒေါ်အောင်ဆန်းစုကြည်က မကြာခင်ကာလမှာ ပြည်ပခရီးထွက်ခွာဖို့ အခြေအနေတွေ ပေါ်ပေါက် လာလိမ့်မယ်လို့ မျှော်လင့်ကြောင်း၊ အဲဒီလို အခြေအနေ ပေးလာရင် အခု ဆုချီးမြှင့်တဲ့ ဟောင်ကောင် တက္ကသိုလ်ကို ခဏတာပဲ ဖြစ်ဖြစ် လာရောက် လည်ပတ်မှာ ဖြစ်ကြောင်း ပြောကြား ထားပါတယ်။
ဒါ့အပြင် မြန်မာ့အရေးမှာ စိတ်ပါဝင်စား ထောက်ခံကူညီတဲ့အတွက် ဟောင်ကောင် တက္ကသိုလ်ကို ကျေးဇူး တင်ကြောင်း ပြောဆို ခဲ့ပါတယ်။
ဆက်လက်ပြီး “အမျိုးသားဒီမိုကရေစီအဖွဲ့ချုပ်အနေနဲ့ လွှတ်တော်ထဲဝင်ဖို့ ဆုံးဖြတ်တာဟာ တရား ဥပဒေ စိုးမိုးရေး အတွက် ဖြစ်ပါတယ်၊ မြန်မာနိုင်ငံမှာ တရားစီရင်ရေး ကဏ္ဍ နှစ်ပေါင်းများစွာ ချွတ်ချော် ပျက်စီးနေတာကြောင့် လွတ်လပ်ပြီး အမှီအခို ကင်းတဲ့ ဥပဒေ ပြဋ္ဌာန်းရေးနဲ့ တရားစီရင်ရေး ခိုင်ခိုင်မာမာ ဖြစ်ပေါ်လာဖို့ အမျိုးသား ဒီမိုကရေစီ အဖွဲ့ချုပ်က ကြိုးစား သွားပါမယ်” လို့ ဗီဒီယို မိန့်ခွန်းမှာ ထည့်သွင်း ပြောကြားခဲ့ပါတယ်။
Ref: RFA News
Friday, March 16, 2012
မကြာခင် ပြည်ပခရီး ထွက်နိုင်လိမ့်မယ်လို့ ဒေါ်အောင်ဆန်းစုကြည် မျှော်လင့်
မဲစာရင်း ပြဿနာစုံ မြို့နယ်ပေါင်းစုံ ကြုံတွေ့ရ
2012-03-15
ပဲခူးတိုင်း က၀မြို့နယ် မဲဆန္ဒနယ်မြေ အမှတ် (၂) အထုံကျေးရွာအုပ်စုက ကျေးရွာတွေမှာ ခုချိန်ထိ မဲစာရင်းတွေ မကပ် သေးဘူးလို့ ဒေသခံတွေက ပြောပါတယ်။
အိမ်ခြေ ၃၀၀ လောက်ရှိတဲ့ ခနာရွာ ကျေးရွာအုပ်ချုပ်ရေးမှူးကို မဲစာရင်း မကပ်သေးတဲ့ကိစ္စနဲ့ ပတ်သက်ပြီး ဒီနေ့ သွားမေးတဲ့ အခါ မြို့နယ်က ညွှန်ကြားချက် မရသေးဘူးလို့ ဖြေကြားကြောင်း ရွာသား တစ်ဦးက ပြောပါတယ်။
အထုံကျေးရွာ အုပ်စုမှာ ညောင်ပင်ကန်၊ ညောင်တပင်၊ ကမ်းမြှောင်၊ ခနာ၊ ခနီး၊ ခဲနန် စတဲ့ ကျေးရွာတွေ ပါတယ်လို့ ဆိုပါတယ်။ မဲစာရင်း ကပ်ထားမှ ဘယ်သူတွေ ဘယ်မဲရုံ သွားရမယ်၊ ကိုယ့်အမည်စာရင်း ပါမပါ စတာတွေ ကြိုတင် သိနိုင်မှာမို့ အချိန်မီ သိချင် နေကြတယ်လို့ ပြောပါတယ်။
အလားတူ မန္တလေးတိုင်း မိတ္ထီလာမြို့နယ်မှာလည်း မဲစာရင်းတွေ ကွာဟနေပြီး အမှားအယွင်းတွေ ရှိနေတယ်လို့ မိတ္ထီလာ မြို့နယ် အန်အယ်လ်ဒီ ရွေးကောက်ပွဲ အောင်နိုင်ရေးအဖွဲ့ဝင် ဦးတင်ကိုက ပြောပါတယ်။ မဲဆန္ဒရှင် စာရင်း ၅၀၀၀ ကျော် ကွာဟ နေတယ်လို့ ဆိုပါတယ်။ ဒါ့အပြင် ခုချိန်ထိ မဲစာရင်း အပြည့်အစုံ မိတ္တူကူးခွင့် မရသေးဘူးလို့လည်း အန်အယ်လ်ဒီ အဖွဲ့ဝင်တွေက ပြောပါတယ်။
၂၀၁၀ ရွေးကောက်ပွဲမှာ မသမာမှုတွေရှိခဲ့ပြီး ကြိုတင်မဲတွေနဲ့ ကြံ့ခိုင်ရေးနဲ့ ဖွံ့ဖြိုးရေးပါတီက အနိုင်ရရှိခဲ့ပါတယ်။ ခုလာမယ့် ၂၀၁၂ ကြားဖြတ် ရွေးကောက်ပွဲမှာ ဆန္ဒမဲ ပေးပိုင်ခွင့်ရှိလျက် မဲမပေးရမှာ စိုးရိမ်တယ် လို့လည်း မဲစာရင်းမှာ စာရင်း ပါမလာသူတွေနဲ့ မဲစာရင်း လွဲချော် မှားယွင်းနေတာတွေကို ထောက်ပြသူတွေက ပြောကြပါတယ်။
Ref: RFA News
သမ္မတထံစာရေးလို့ ရေတပ်သားတစ်ဦး ထောင်တစ်လကျ
2012-03-15
တပ်မတော်သားတွေရဲ့အကျပ်အတည်းတွေကို သမ္မတ ဦးသိန်းစိန်ထံ တင်ပြခဲ့တဲ့အတွက် အချုပ် တစ်လ ချခံ ခဲ့ရတယ်လို့ သံလျင် ရေတပ်စခန်းက ရေတပ်တပ်သား ကိုသူရိန်က အဖြစ် အပျက်တွေကို ပြီးခဲ့တဲ့ ရက်ပိုင်းက ဖွင့်ဟ ၀န်ခံခဲ့ပါတယ်။
တပ်မတော်သားတွေ ရသင့်ရထိုက်တဲ့ အခြေခံအခွင့်အရေးတွေ ဆုံးရှုံးနေတဲ့ အကြောင်း သမ္မတ ဦးသိန်းစိန်ထံ စာရေးသား တင်ပြခဲ့တဲ့ အတွက် ကိုသူရိန်ကို နိုင်ငံရေးလုပ်တယ် ဆိုပြီး စခန်းမှူး ဒုဗိုလ်မှူးကြီး ဇော်ဝင်းထွန်းက အချုပ် ချခဲ့ပါတယ်။
ရေတပ်သား ကိုသူရိန်က အခုလိုပြောပြပါတယ်။
“ဒုတိယဗိုလ်မှူးကြီးတွေ ထိုင်ခိုင်းပြီးတော့ ငါမေးမယ်တဲ့။ မင်း ဘာလုပ်မလဲတဲ့။ မင်းက ရဲဘော်တဲ့။ ဒုတိယ ဗိုလ်မှူးကြီး ပြောတဲ့ စကားနဲ့ မင်းပြောတဲ့စကား ဘယ်ဟာက အရာ ရောက်မယ် ထင်သလဲ။ မင်းလည်း ပြောချင်ရာပြော၊ ငါတို့လည်း ရေးချင်သလို ရေးပြီး အမိန့် ချချင်သလို ချမယ်တဲ့။ ငါတို့က ဒုတိယ ဗိုလ်မှူးကြီးတွေ၊ မင်းကို ထောင်အနှစ် ခုနစ်ဆယ်လောက် ချပစ်လို့ ရတယ်တဲ့။ နိုင်ငံရေး လုပ်လို့တဲ့”
သူအချုပ်က လွတ်လာပြီးတော့ သင်္ဘောမှာပဲ ပြန်ထားခဲ့ပါတယ်။ အဲဒီနောက် ဒဏ်ရာရတဲ့ အတွက် သံလျင် ရေတပ်စခန်း ဆေးရုံမှာ ဆေးကုသ ခံခဲ့ပြီး လွန်ခဲ့တဲ့ရက်က ဆေးရုံက ဆင်းလာခဲ့ကြောင်း ပြောဆိုပါတယ်။ အဲဒီနောက် ကိုသူရိန်ဟာ အန်အယ်လ်ဒီ ဌာနချုပ်ကို လာရောက်ပြီး မိမိတို့ အကျပ်အတည်းတွေကို ပြောဆိုခဲ့သလို တပ်မတော် အရာရှိဟောင်း တစ်ဦးထံမှာလည်း အဖြစ်အပျက်တွေကို ဖွင့်ဟ ထွက်ဆိုခဲ့ပါတယ်။
သံလျင် သီလ၀ါ ရေတပ်စခန်း လူနေအိမ်ရာတွေအတွင်းမှာလည်း ဗိုလ်ချုပ်အောင်ဆန်းပုံနဲ့ ဒေါ်အောင်ဆန်းစုကြည် ပုံတွေ ချိတ်ဆွဲခြင်း မပြုဖို့ စခန်း တာဝန်ရှိသူ ဒုဗိုလ်မှူးကြီး ဇော်ဝင်းထွန်းက တားမြစ်ခဲ့တယ်လို့ ရေတပ်သား သူရိန်က ပြောပါတယ်။
လောလောဆယ် ကိုသူရိန်ရဲ့နောက်ဆုံး အခြေအနေကို မသိရသေးပေမယ့် ဖမ်းဆီး အရေးယူ ခံမှာကို စိုးရိမ် ပူပန်နေကြောင်း သူ့မိတ်ဆွေ တစ်ဦးက ပြောဆိုပါတယ်။ ကိုသူရိန်ရဲ့ ဖွင့်ဟ ထွက်ဆိုချက်တွေဟာ မနေ့ကစပြီး အင်တာနက် စာမျက်နှာတွေမှာ ပျံ့နှံ့နေပါတယ်။
Ref: RFA News
စုဝေးခွင့်ဥပဒေ ပြန်ပြင်ဖို့ လူ့အခွင့်အရေးအဖွဲ့ တောင်းဆို
ကြာသပတေး, 15 မတ် 2012
မြန်မာနိုင်ငံမှာ ဥပဒေအဖြစ် ပြဋ္ဌာန်းလိုက်တဲ့ ငြိမ်းချမ်းစွာ စုဝေးခွင့် ဥပဒေမှာ အားနည်းချက်တွေ ရှိနေတာကြောင့် ပြင်ဆင်ဖို့ လိုတယ်လို့ လူ့အခွင့်အရေး အခြေအနေတွေကို စောင့်ကြည့်အ ကဲခတ်နေတဲ့ Human Rights Wtach က ပြောလိုက်ပါတယ်။
လွတ်လပ်စွာ စုဝေးခွင့်နဲ့ စီတန်းလမ်းလျှောက်ခွင့် ဥပဒေဟာ နိုင်ငံတကာ စံချိန်စံနှုန်းတွေနဲ့ ကိုက်ညီမှု မရှိဘူးလို့ ကြာသပတေး နေ့မှာပဲ ကြေညာချက် တစောင် ထုတ်ပြန် ပြောဆိုလိုက်တာပါ။ ပြီးခဲ့တဲ့နှစ် ဒီဇင်ဘာလမှာ သမ္မတ ဦးသိန်းစိန် လက်မှတ်ရေးထိုး အတည်ပြု ပေးလိုက်တဲ့ ဥပဒေအရ ငြိမ်းချမ်းစွာ စုဝေးမှုတွေ၊ စီတန်း လမ်းလျှောက်တာတွေ လုပ်ဆောင်ဖို့ အတွက် အာဏာပိုင်တွေထံ ခွင့်ပြုချက် လျှောက်ထားဖို့နဲ့ ဖောက်ဖျက်သူတွေ အနေနဲ့ ထောင်ဒဏ် ပြစ်ဒဏ်တွေ ကျခံနိုင်တဲ့ ပြဋ္ဌာန်းချက်တွေ ပါဝင် နေတယ်လို့ လူ့အခွင့်အရေး အဖွဲ့က ပြောဆိုခဲ့တာပါ။
အရင်တုန်းက ဆန္ဒပြ လှုပ်ရှားမှုတွေကို တားမြစ်ထားတာကို ဥပဒေသစ်က အခုအခါ ခွင့်ပြုလိုက်ပေမဲ့ ကြွေးကြော်သံတွေ တိုင်မယ် ဆိုရင်လည်း ကြိုတင် ခွင့်ပြုချက် ယူရတာမျိုးလို ထိန်းချုပ်မှုတွေ ရှိနေတုန်းပဲလို့လည်း ပြောပါတယ်။ မြန်မာနိုင်ငံမှာ တွေ့မြင် လာနေရတဲ့ အပြောင်းအလဲတွေ အပေါ် စိတ်အား တက်ကြွနေပေမဲ့လည်း အရင်က မရှိဖူးတာတွေ ရှိလာရုံနဲ့ အစိုးရကို အမှတ်ပေး မနေကြဘဲ ဥပဒေတွေကို နိုင်ငံတကာ စံချိန်စံနှုန်းတွေအတိုင်း ဖြစ်အောင် ဖိအား ပေးသင့်တယ်လို့လည်း Human Rights Wtach အဖွဲ့ရဲ့ အာရှရေးရာ ညွှန်ကြားရေးမှူး Brad Adams က ကြေညာချက်ထဲမှာ တိုက်တွန်း သွားတာပါ။ ဒါကြောင့်လည်း မြန်မာနိုင်ငံက လွှတ်တော်တွင်းမှာ ဒီဥပဒေကို ပြန်လည် ပြင်ဆင်နိုင်ရေး ကြိုးပမ်းဖို့နဲ့ တချိန်တည်းမှာပဲ ပြည်ထဲရေး ဝန်ကြီးဌာနလို အာဏာပိုင် အဖွဲ့အစည်းတွေ အနေနဲ့ ဥပဒေတွေရဲ့ ပြင်းထန်တဲ့ အကျိုးဆက်တွေနဲ့ ပတ်သက်လို့ နိုင်ငံတကာ အဖွဲ့အစည်း တွေနဲ့လည်း တိုင်ပင် ဆွေးနွေးမှုတွေ လုပ်ဆောင်ဖို့ Human Rights Wtach အဖွဲ့က တောင်းဆို ထားပါတယ်။
Ref: VOA News
မီဒီယာကို မကန့်သတ်သင့်ဟု ဒေါ်အောင်ဆန်းစုကြည် ပြော
March 15, 2012
အစိုးရ ၀န်ကြီးဌာနများက သတင်း မီဒီယာများ အပေါ် ဥပဒေကြောင်းအရ အရေးယူမည့် လုပ်ရပ်များသည် မီဒီယာ လွတ်လပ်ခွင့်ကို ကန့်သတ်ခြင်း ဖြစ်ပြီး နိုင်ငံတိုးတက်ရေးကိုကန့်သတ် လိုက်ခြင်းပင် ဖြစ်ကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။
မြန်မာနိုင်ငံဆိုင်ရာ အမေရိကန်အထူးကိုယ်စားလှယ်နှင့် မူဝါဒညှိနှိုင်းရေးမှူး မစ္စတာ ဒဲရက် မစ်ချယ်နှင့် ယမန်နေ့က တက္ကသိုလ် ရိပ်သာလမ်း နေအိမ်တွင် တွေ့ဆုံပြီးနောက် ကျင်းပသော သတင်းစာရှင်းလင်းပွဲ ဒေါ်အောင်ဆန်းစုကြည်က ထိုသို့ ပြောဆို လိုက်ခြင်းဖြစ်သည်။
မော်ဒန်ဂျာနယ်က မန္တလေးတိုင်း သပိတ်ကျင်းလမ်း မကောင်းကြောင်း သတင်းရေးသားခဲ့ရာ ဆောက်လုပ်ရေး ၀န်ကြီးဌာနမှ အင်ဂျင်နီယာက အသရေ ဖျက်မှုဖြင့် တရားစွဲဆိုထားခြင်း၊ သတ္တုတွင်း ၀န်ကြီးဌာန အပါအ၀င် အစိုးရ ၀န်ကြီးဌာန ခြောက်ခု အလွဲသုံးစား မှုနှင့် စာရင်း ကွာဟမှုများကို သတင်း ရေးသားသည့် The Voice Weekly ဂျာနယ်ကို သတ္ထုတွင်း ၀န်ကြီးဌာနက တရားစွဲမည်ဟု ကြေညာခြင်းများသည် မီဒီယာများကို ပါးစပ်ပိတ်အောင် ပြုလုပ်ခြင်းဖြစ်သည်ဟု အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောသည်။
“ဥပဒေစိုးမိုးရေးနဲ့ ပတ်သက်လို့ မီဒီယာလွတ်လပ်ခွင့် လိုတယ်ဆိုတာလည်း ပြောပြီးပြီလေ။ မီဒီယာ လွတ်လပ်ခွင့်ရှိမှ ဥပဒေ စိုးမိုးရေးကို ဖေးမပေးမှာပေါ့။ နောက်ပြီး လမ်းတွေ မကောင်းတာက ဓာတ်ပုံ ရိုက်ပြီးတော့ တရားစွဲလို့ ရှိရင်လည်း တရားရုံးမှာ ရင်ဆိုင်လိုက်။ ဒီလမ်းတွေကို မကောင်းလို့ မကောင်းတာပြောတာ ဒါဘာ တရားစွဲစရာ လိုသလဲ။ ကောင်းတဲ့ လမ်းကြီးကို နေပြည်တော်လမ်းကို ပြောနေတာမှ မဟုတ်ဘဲ။ သားတို့ပြောနေတဲ့ လမ်းက မကောင်းတဲ့လမ်းပဲ။ အဲဒီတော့ တရားစွဲတယ် ဆိုတာ မဟုတ်မမှန် စွပ်စွဲရင်တော့ တရားစွဲနိုင်တယ်။ အမှန်ကို အမှန်အတိုင်း ပြောတာကို ပါးစပ်ပိတ်တယ် ဆိုတာက၊ မီဒီယာ လွတ်လပ်ခွင့်ကို ကန့်သတ်တယ် ဆိုတာက ဒီနိုင်ငံရဲ့ တိုးတက်ရေးကို ကန့်သတ်တာနဲ့ အတူတူပဲ” ဟု ဒေါ်အောင်ဆန်းစုကြည်က ပြောသည်။
The Voice Weekly ဂျာနယ်ကို သတ္ထုတွင်း ဝန်ကြီးဌာနက ဥပဒေကြောင်းအရ အရေးယူမည်ဟု အစိုးရ သတင်းများမှ ယမန်နေ့က ကြေညာခြင်း အပေါ် ပြည်တွင်းမီဒီယာများ၊ ဝါရင့် စာနယ်ဇင်းဆရာများက အွန်လိုင်း၊ လူမှုကွန်ရက်များမှ တဆင့် အဆိုပါ ဝန်ကြီးဌာနနှင့် ကြေညာချက် ထည့်သွင်းခဲ့သည့် အစိုးရ သတင်းစာများ အပေါ် ချက်ချင်းပင် ပြင်းထန်စွာ ဝေဖန်ခဲ့ကြသည်။
သမ္မတဦးသိန်းစိန်ကိုယ်တိုင် ဒီမိုကရေစီကျင့်စဉ်များ လက်ခံကျင့်သုံးနေချိန်၌ အစိုးရဝန်ကြီးများကလည်း သမ္မတ ကဲ့သို့ ဒီမိုကရေစီ ကျင့်စဉ်များကို နားလည်ရန် လိုအပ်သည်ဟု Eleven Media Group ၏ CEO ဒေါက်တာ သန်းထွဋ်အောင်က ပြောဆိုခဲ့ပြီး The Messenger သတင်းဂျာနယ်ကလည်း သတ္ထုတွင်း ဝန်ကြီးဌာန၏ ကြေညာချက်ကို ကန့်ကွက်ကြောင်း၊ The Voice Weekly ဂျာနယ်ဘက်မှ ရပ်တည်မည်ဖြစ်ကြောင်း ကြေညာခဲ့သည်။
ယခုနောက်ပိုင်းတွင် ပြည်တွင်း သတင်းဂျာနယ်အများစုသည် စာပေစိစစ်ရေးက ဖြုတ်ပယ်ခိုင်းသော သတင်းများကို ဖြုတ်ပယ်ခြင်း မပြုတော့ဘဲ ထည့်သွင်း လာလျက်ရှိရာ စာပေ စိစစ်ရေးဌာနက သတိပေးမှုများ၊ လက်မှတ် ထိုးခိုင်းစေမှုများ ပြုလုပ်လာကြောင်း ပြည်တွင်း သတင်းသမားများက ဆိုသည်။
“စာပေစိစစ်ရေးက ခုနောက်ပိုင်း ပြန်ကြမ်းလာတယ်။ အရင်က လွှတ်ပေးတဲ့ ဒေါ်အောင်ဆန်းစုကြည်ရဲ့ စည်းရုံးရေး ခရီးစဉ် သတင်းတွေတောင် ဖြုတ်တယ်။ ဧရာဝတီ မြစ်ဆုံသတင်း ဖြုတ်တယ်။ ကြားဖြတ် ရွေးကောက်ပွဲ မဲစာရင်းမှားတဲ့ သတင်းတွေ ဖြုတ်တယ်။ အဲဒီတော့ ဂျာနယ်တွေကလည်း ကိုယ့်သဘော ကိုယ်ဆောင်ပြီး သတင်းတွေ ထည့်ကြတယ်။ စာပေ စိစစ်ရေးက ခေါ်ပြီး သတိပေးတယ်၊ လက်မှတ် ထိုးခိုင်းတယ်။ ပိတ်တဲ့ အထိတော့ စာပေစိစစ်ရေးက မလုပ်ရဲဘူး ထင်တယ်။ ဖွဲ့စည်းပုံ အခြေခံ ဥပဒေအရတော့ သတင်း လွတ်လပ်ခွင့်က မပေးလို့ မရတော့တဲ့ အဆင့်ထိဖြစ်လာပြီ။ စာပေစိစစ်ရေး ဖျက်မယ်ဆိုပြီး ဦးတင့်ဆွေ ကိုယ်တိုင် ပြောခဲ့တယ်” ဟု တာဝန်ခံ အယ်ဒီတာတဦးက ပြောသည်။
မြန်မာသတင်းသမဂ္ဂ၊ မြန်မာနိုင်ငံ သတင်းစာဆရာအသင်း၊ မြန်မာစာရေးဆရာအသင်းဟူသော လွတ်လပ်သော စာနယ်ဇင်း ဆိုင်ရာ အသင်း အဖွဲ့များ ဖွဲ့စည်းရန် ပြင်ဆင်နေပြီ ဖြစ်သောကြောင့် စာနယ်ဇင်းလောက အပြောင်းအလဲကြီး တခုကို ဦးတည်နေပြီဟု ပြည်တွင်း စာနယ်ဇင်း သမားများက ဆိုသည်။
“ပေါ်လာတဲ့ အသင်းအဖွဲ့တွေက စာပေစိစစ်ရေးဌာနဖျက်ဖို့ ပိုတွန်းအားဖြစ်စေမယ်လို့ သုံးသပ်တဲ့ သူတွေကလည်း သုံးသပ် ကြတယ်။ ဧပြီလ ၁ ရက် ရွေးကောက်ပွဲနဲ့အတူ မြန်မာ့ သတင်းလောကလည်း ပြောင်းလဲဖို့ တာစူနေတယ်။ လွှတ်တော်ဥက္ကဋ္ဌ သူရဦးရွှေမန်း ကိုယ်တိုင်ကလည်း သတင်း လွတ်လပ်ခွင့်ကို ပြောလာပြီဆိုတော့ သိပ်မကြာခင် ရက်ပိုင်းမှာ အပြောင်းအလဲကြီး တခု သေချာပေါက် ဖြစ်မယ်လို့ ထင်တယ်” ဟု ၀ါရင့် သတင်းသမားတဦးက ပြောသည်။
မြန်မာနိုင်ငံ စာပေနှင့်စာနယ်ဇင်းအဖွဲ့ကို လာမည့် မတ်လ ၂၄ ရက်နေ့တွင် ဖျက်သိမ်းတော့မည်ဟု စာပေနှင့် စာနယ်ဇင်း အဖွဲ့ အတွင်းရေးမှူး ဦးကိုကိုက ပြောဆိုထားပြီးဖြစ်သည်။
Ref: ဧရာဝတီ
ဖားကန့်မဲဆန္ဒရှင် ၂၀၁၀ ထက် ၃ ပုံ ၁ ပုံ လျော့နည်းသွား
ဖနိဒါ
ကြာသပတေးနေ့၊ မတ်လ ၁၅ ရက် ၂၀၁၂
ချင်းမိုင်(မဇ္စျိမ) ။ ။ ကြားဖြတ်ရွေးကောက်ပွဲအတွက် ပြည်သူ့လွှတ်တော် အမတ်တနေရာ လစ်လပ်နေသည့် ကချင် ပြည်နယ် ဖားကန့် မြို့နယ်၌ မဲပေးနိုင်သူ အရေ အတွက်မှာ ၂၀၁၀ ရွေးကောက်ပွဲ ကျင်းပစဉ်ကထက် ၃ ပုံ ၁ ပုံ လျော့နည်း သွားသည်ဟု သိရသည်။
၂၀၁၀ ရွေးကောက်ပွဲတွင် မဲပေးပိုင်ခွင့်ရှိသူ တစ်သိန်းခွဲကျော်ရှိခဲ့ရာမှ လာမည့် ကြားဖြတ် ရွေးကောက်ပွဲတွင် ဒေသခံ လူဦးရေ ၉၅,၁၃၇ သာ မဲပေးနိုင်သည်ဟု ပြည်နယ်ရွေးကောက်ပွဲ ကော်မရှင်က မဇ္ဈိမသို့ ပြောသည်။
ကချင်ပြည်လွတ်လပ်ရေးအဖွဲ့ KIO ၏ တပ်မဟာ ၆ နယ်မြေအတွင်းရှိ ကျေးရွာပေါင်း ၁၀ ကျော်က မဲရုံများ ဖျက်သိမ်း လိုက်သလို၊ ရွှေ့ပြောင်း အလုပ်သမားများ မဲပေးပိုင်ခွင့် မရှိခြင်းနှင့် သန်းခေါင်စာရင်း ရှိသူများသာ မဲပေးနိုင်သဖြင့် မဲပေးနိုင်သူ ဦးရေ လျော့နည်း သွားခြင်း ဖြစ်သည်ဟု ဖားကန့်မြို့နယ် ရွေးကောက်ပွဲ ကော်မရှင် တာဝန်ခံ တဦးက ပြောသည်။
“ကေအိုင်အေ တပ်စွဲထားတဲ့ နေရာတွေကို ကျနော်တို့က မကောက်ရဲဘူး။ ကောက်လိုက်ရင် ကျနော်တို့က လည်ပြတ် သွားမှာလေ။ အဲဒီမှာ (မဲစာရင်း) ဘယ်သူသွား ကောက်ရဲမှာလဲ။ နောက် အိမ်ထောင်စုရှိမှ ပေးလို့ရတယ်။ ဖားကန့်မှာ နေတာ ခြောက်လကျော်မှ လျှောက်ထားခွင့် ရှိတယ်။ နည်းဥပဒေအတိုင်း ကျနော်တို့ လုပ်တာပါ။” ဟု သူက မဇ္စျိမကို ပြောသည်။
အမျိုးသား ဒီမိုကရေစီအင်အားစု NDF ပါတီ ကိုယ်စားလှယ် ဒေါ်ဘောက်ဂျာ၏ စည်းရုံးရေးမှူး တဦးကလည်း “ခုရွာ ၁ဝ ရွာကျော် မဲရုံ ဖျက်လိုက်တယ်။ လုံခြုံရေးကြောင့် မဲရုံမထားတော့ဘူး။ ဒီနှစ်က ယာယီ အိမ်ထောင်စု စာရင်းတွေ မဲထည့်လို့ မရတော့ဘူး။ ဒါကြောင့် လျော့သွားတာပါ။” ဟု မဲစာရင်း လျော့နည်းသွားရပုံကို ပြောပြသည်။
မဲရုံ ဖျက်သိမ်းလိုက်သည့် ကျေးရွာများမှာ KIO နယ်မြေအတွင်းရှိ ကံစီးကျေးရွာ၊ လုံးခင်းကျေးရာ အုပ်စုရှိ နမ်းဆန် ၁၊ ၂၊ ၃ နှင့် ဂေါင်ရီ၊ ကထန်ရံ၊ လွယ်ဆိုင်၊ ကားမိုင်းမြို့နယ်ခွဲ လီဒိုကားလမ်းနှင့် အလှမ်းဝေးသည့် ကျေးရွာများ ဖြစ်ကြောင်း အမျိုးသား ဒီမိုကရေစီ အဖွဲ့ချုပ် NLD မှ ပြည်သူ့လွှတ်တော် ကိုယ်စားလှယ်လောင်း ဦးဒရှီလဆိုင်းက ပြောသည်။
၂၀၁၀ ရွေးကောက်ပွဲ ကျင်းပစဉ်က ကျောက်စိမ်းတူးဖော်ရေး ကုမ္ပဏီ ၂၀ တွင် မဲရုံများ ထားရှိခဲ့သော်လည်း လာမည့် ကြားဖြတ် ရွေးကောက်ပွဲတွင်မူ ယုဇန ကုမ္ပဏီတစ်ခုတည်းတွင်သာ မဲရုံ ထားရှိမည် ဖြစ်ကြောင်း သူက ဆက်ပြောသည်။
၂၀၁၀ အထွေထွေ ရွေးကောက်ပွဲ ကာလအတွင်း ဖားကန့်မြို့နယ်၌ မဲရုံပေါင်း ၁၁၀ ရှိခဲ့သော်လည်း ယခုနှစ်တွ မဲရုံ ၄၀ နီးပါး လုံခြုံရေး အရ ဖျက်သိမ်းလိုက်သဖြင့် မဲရုံ ၇၁ ရုံသာ ရှိမည်ဖြစ်သည်။
ထို့အပြင် လွဲမှားနေသော မဲစာရင်းများလည်း ရှိနေခြင်းကြောင့် ပြန်လည်ပြင်ဆင်ရန် ခရိုင်ကော်မရှင်သို့ တင်ပြ သွားမည် ဖြစ်ကြောင်းလည်း ဦးဒရှီလဆိုင်း က ပြောသည်။
ဖားကန့်မြို့နယ်၌ ၂၀၁၀ ရွေးကောက်ပွဲတွင် မဲပေးပိုင်ခွင့်ရခဲ့သော်လည်း လက်ရှိ ကြားဖြတ်ရွေးကောက်ပွဲ မဲစားရင်းတွင် မပါဘဲ ဖြစ်နေသူ ၁,၀၀၀ နီးပါးခန့် ရှိနေသည်ဟုလည်း NLD ပါတီ ရွေးကောက်ပွဲ အောင်နိုင်ရေး အဖွဲ့ဝင် ဦးဟန်မြင့်က ဆိုသည်။
ဦးဒရှီလဆိုင်းနှင့် ယှဉ်ပြိုင်ဖက်များမှာ ပြည်ထောင်စုကြံ့ခိုင်ဖွံ့ဖြိုးရေးပါတီမှ ဦးစိုင်းသိန်းထွန်း နှင့် NDF ပါတီမှ ဒေါ်ဘောက်ဂျာ တို့ဖြစ်သည်။
ဖားကန့်ဒေသခံ ပြည်သူများသည် မိမိတို့၏ စားဝတ်နေရေးပြဿနာ ဖြေရှင်းနေရသဖြင့် မဲပေးရန် စိတ်ဝင်စားမှု နည်းနေသည်ဟု ဒေါ်ဘောက်ဂျာ၏ စည်းရုံးရေးမှူးက မဇ္စျိမကို ပြောသည်။
“ပြည်သူလူထုက စားဝတ်နေရေးကြောင့် စီးပွားရေးရှာနေရတဲ့အတွက် သူတို့အပြောအဆို တခုကတော့ ဘယ်သူပဲ တက်တက် ကိုယ့်ရဲ့ စားဝတ်နေရေး ကိုယ်ပဲ ရှာနေရလို့ နိုင်ငံရေးကို ဘာမှ စိတ်မဝင်စားကြပါဘူး။”ဟု ပြောသည်။
Ref: မဇ္ဈိမ
ကချင်စစ်ပြေး ဒုက္ခသည်များအတွက် အမေရိကန်က ဒေါ်လာ ၁.၅ သန်းလှူ
March 15, 2012
ကချင်ပြည်နယ်တွင် ဖြစ်ပွားနေသော တိုက်ပွဲများကြောင့် နေရပ်စွန့်ခွာ ထွက်ပြေးနေရသော ဒုက္ခသည်များ အတွက် အမေရိကန် ပြည်ထောင်စုက အမေရိကန် ဒေါ်လာ ၁.၅ သန်း ကူညီမည် ဖြစ်ကြောင်း သတင်းရရှိသည်။
မြန်မာနိုင်ငံဆိုင်ရာ အမေရိကန်ကိုယ်စားလှယ်နှင့် မူဝါဒညှိနှိုင်းရေးမှူး မစ္စတာ ဒဲရက် မစ်ချယ်က ရန်ကုန်မြို့ အမေရိကန် သံရုံးတွင် ယနေ့ ကျင်းပ ပြုလုပ်သော သတင်းစာ ရှင်းလင်းပွဲ၌ “အမေရိကန် ပြည်ထောင်စု အနေနဲ့ ကချင် ရွှေ့ပြောင်း နေထိုင်တဲ့ သူတွေအတွက် အမေရိကန် ဒေါ်လာ ၁.၅ သန်းကို ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) ဆီကနေ တဆင့် ကူညီသွားဖို့ ရှိပါတယ်” ဟု ပြောသည်။
ကချင်ဒုက္ခသည်များ အရေးနှင့် ပတ်သက်ပြီး မြန်မာအစိုးရအရာရှိများနှင့် နေပြည်တော်တွင် တွေ့ဆုံ ဆွေးနွေး ခဲ့ကြောင်း၊ ကချင် ဒေသတွင် မိုးရာသီ ၀င်ရောက် လာတော့မည်ဖြစ်ပြီး ကချင် ဒုက္ခသည်များ အရေး စိုးရိမ်ပူပန်ကြောင်း၊ အစိုးရ အနေနှင့် တိုင်းရင်းသားများနှင့် အမျိုးသားပြန်လည် သင့်မြတ်ရေး လုပ်ဆောင်ချက်များ လုပ်ဆောင် နေရာတွင် တိုးတက်မှုများ ရှိလာပြီး ကန့်သတ်မှုများ လျော့ကျလာသည်ကို တွေ့မြင်ရကြောင်း၊ ကချင်ပြည်နယ် ကိစ္စတွင် ရှု့ပ်ထွေးသော နိုင်ငံရေးနှင့် လုံခြုံရေး ဆိုင်ရာကိစ္စများ ပါဝင်ကြောင်း ၄င်းက ပြောသည်။
ပိတ်ဆို့အရေးယူမှု ဖယ်ရှားရေးနှင့် ပတ်သက်ပြီး မစ္စတာ ဒဲရက် မစ်ချယ်က ကြားဖြတ်ရွေးကောက်ပွဲ သန့်ရှင်းမျှတ လွတ်လပ် ပွင့်လင်းရေးသည် အရေးကြီးသော်လည်း အခြားသော အခြေအနေ အရေး ကိစ္စများ ပေါ်တွင်လည်း မူတည်သေးကြောင်း၊ နိုင်ငံရေး အကျဉ်းသားများ အားလုံး ပြန်လွှတ်ပေးရေး၊ တိုင်းရင်းသားအရေး ကိစ္စအပါအ၀င် အခြေအနေများစွာကို အမေရိကန် ပြည်ထောင်စုက ထည့်သွင်းစဉ်းစား ကြောင်းရှင်းပြသည်။
ကြားဖြတ်ရွေးကောက်ပွဲသည် မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေး ခရီးစဉ်အတွက် လွန်စွာ အရေးကြီးကြောင်းလည်း ၄င်းက ဆိုသည်။
“ရွေးကောက်ပွဲက မြန်မာနိုင်ငံ ဒီမိုကရေပြုပြင်ပြောင်းလဲရေး လမ်းကြောင်းအတွက် အတိမ်းအစောင်းမခံတဲ့ အခြေအနေ တခုပါပဲ။ ဒါက ဒီမိုကရေစီ လမ်းကြောင်းပေါ်ကို သွားနေပြီဆိုတဲ့ အစိုးရရဲ့ အာမခံချက်တွေကို သိသာ ထင်ရှားစေမှာ ဖြစ်ပါတယ်” ဟု မစ္စတာ ဒဲရက် မစ်ချယ်က ဆိုသည်။
မစ္စတာ ဒဲရက် မစ်ချယ်သည် ၇ လအတွင်း ၆ ကြိမ်မြောက်ခရီးစဉ်အဖြစ် မြန်မာနိုင်ငံသို့ လာရောက်ခြင်း ဖြစ်ပြီး မြန်မာ ကာကွယ်ရေး ၀န်ကြီး အပါအ၀င် အစိုးရ ထိပ်တန်း တာဝန်ရှိသူများ၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး ပါတီများမှ တာဝန်ရှိသူများနှင့် တွေ့ဆုံ ဆွေးနွေးမှုများ ပြုလုပ်ခဲ့သည်။
Ref: ဧရာဝတီ
Thursday, March 15, 2012
မြစ်ဆုံဒေသခံများကို ဖိအားပေးမှု ရုပ်သိမ်းရန် ၈၈ အဖွဲ့ တောင်းဆို
ကျော်ခ
March 14, 2012
ကချင်ပြည်နယ် မြစ်ဆုံစီမံကိန်း နယ်မြေအတွင်းရှိ တန်ဖဲ ကျေးရွာကို ရွှေ့ပြောင်းရန် အစိုးရ အာဏာပိုင် များ၏ ဖိအားပေးမှု ရုပ်သိမ်းရန် ၈၈ မျိုးဆက် ကျောင်းသားများ အဖွဲ့က သမ္မတ ဦးသိန်းစိန်ထံ ယမန်နေ့က စာပို့ တောင်းဆို လိုက်သည်။
အစိုးရက စီမံပေးထားသော နေရာသစ်တွင် စိုက်ပျိုးမြေ အခက်အခဲရှိ၍ မြစ်ဆုံစီမံကိန်းအနီး နေရာဟောင်းတွင် တောင်ယာ လုပ်ကိုင်ရန် ရောက်ရှိ နေကြသော တန်ဖဲ ရွာသားများကို ဒေသ အာဏာပိုင်များက ယခုလ ၁၇ ရက်မတိုင်မီ ပြောင်းရွှေ့ပေးရန် ဖိအားပေး များကို ရုပ်သိမ်းရန် တောင်းဆိုခြင်း ဖြစ်ကြောင်း ၈၈ မျိုးဆက် ကျောင်းသားများ အဖွဲ့မှ ကိုမြအေး က ဧရာဝတီသို့ ပြောပြသည်။
“သမ္မတဦးသိန်းစိန်အနေနဲ့က ဒီမြစ်ဆုံစီမံကိန်းကို သူ့အစိုးရလက်ထက်မှာ ယာယီရပ်ဆိုင်းထားမယ် ဆိုပြီးတော့မှ တရားဝင် ထုတ်ပြန် ထားတယ်၊ ဒီအချိန်မှာ နေရပ်ရင်းကို ပြန်ပြောင်းရွှေ့လာတဲ့ ရွာသားတွေကို ဒေသ အာဏာပိုင်တွေက ပြန်ထွက် သွားကြဖို့ အဓမ္မ ဖိအား ပေးမှုတွေ ရှိနေတာကို သမ္မတအနေနဲ့ ရပ်ဆိုင်းပေးဖို့ တောင်းဆိုထားတာ”ဟု ကိုမြအေး က ပြောသည်။
တောင်းဆိုစာကို သမ္မတ ဦးသိန်းစိန် အပါအဝင် အမျိုးသားလွှတ်တော် ဥက္ကဌ ဦးခင်အောင်မြင့်၊ ပြည်သူ့ လွှတ်တော် ဥက္ကဌ သူရ ဦးရွှေမန်း တို့ထံ လိပ်မူပြီး မိတ္တူကို ပြည်ထဲရေး ဝန်ကြီးဌာန၊ ကချင်ပြည်နယ် ဝန်ကြီး ဦးလဂျွန်ငန်ဆိုင်း နှင့် မြန်မာနိုင်ငံ အမျိုးသား လူ့အခွင့်အရေး ကော်မရှင်များ ထံသို့လည်း ပေးပို့ထားကြောင်း သိရသည်။
အစိုးရနှင့်တိုင်းရင်းသားများအကြား ယုံကြည်မှုတည်ဆောက်ဆဲ ကာလတွင် တိုင်းရင်းသားများအပေါ် စိတ်ဝမ်း ကွဲစေမည့် လုပ်ရပ်များကို ရှောင်ကျဉ်ပြီး သမ္မတ ညွှန်ကြားထားသည့် မြစ်ဆုံ စီမံကိန်း ရပ်တံ့ ထားပေးသကဲ့သို့ ကချင် တိုင်းရင်းသား အများစု ဖြစ်သော တန် ဖဲရွာသားများကို နေရပ်ရင်းတွင် အသက်မွေး ဝမ်းကျောင်းခွင့်ပြုရန် ရည်ညွှန်း တောင်းဆို ထားသည်ဟု ကိုမြအေးက ပြောသည်။
မြစ်ဆုံစီမံကိန်းကို ယာယီရပ်ဆိုင်းထားရန် သမ္မတ ဦးသိန်းစိန်က ညွှန်ကြားထားပြီးနောက် နေရပ်ရင်းသို့ ပြန်လည် ပြောင်းရွှေ့လာကြ သော တန်ဖဲရွာသားများကို ၁၀ ရက်အတွင်း ပြောင်းရွှေ့ပေးရန် ယခုလ ၆ ရက်နေ့တွင် မြစ်ကြီးနား ခရိုင်အုပ်ချုပ်ရေးမှူး ဦးခင်မောင်ချိုက ဒု သမ္မတ ဦးတင်အောင်မြင့်ဦး၏ ညွှန်ကြားစာကို ကိုးကား၍ အမိန့်ထုတ်ပြန်ခဲ့ကြောင်း ဒေသခံများကပြောသည်။
ယခင်နှစ် ဧပြီလပိုင်းက တန်ဖဲရွာသားများကို အစိုးရက နစ်နာကြေးများပေးကာ ၎င်းတို့စီစဉ်ဆောက်လုပ်ပေး ထားသော အောင်မြင်သာ စံပြကျေးရွာသို့ ပြောင်းရွှေ့ နေစေခဲ့သည်။ သတ်မှတ်ရက် အတွင်း ပြောင်းရွှေ့ မပေးလျှင် ထောင်ဒဏ် ၁ လ သို့မဟုတ် ငွေဒဏ် ကျခံ စေနိုင်သော ပုဒ်မ ၁၈၈ အရ တရားစွဲမည်ဟု ဦးခင်မောင်ချို က ပြောဆိုကြောင်း သိရသည်။
“အောင်မြင်သာရွာမှာက အိမ်တော့ နည်းနည်းကောင်းတယ်။ လုပ်ကိုင်စားဖို့က ကျနော်တို့နေရာဟောင်းမှာလို မြေမကောင်း ဘူး။ ကျောက်တောင်၊ ကျောက်မြေတွေ ချည်းပဲ။ တချို့နေရာဆို မြတ်တောင် မပေါက်နိုင်ဘူးလေ။ ဘာမှ လုပ်စားလို့ မရဘူး။ အဲဒါနဲ့ ဒီမှာ ပြန်လာပြီး တောင်ယာ ခုတ်ပြီး စပါးစိုက်ဖို့ ပြန်လာကြတာပါ”ဟု ဒေသခံတဦးက ပြောသည်။
တန်ဖဲရွာသားများ ယခင်က စပါးစိုက်ပျိုးခဲ့ကြသည့် လယ်ကွင်းများတွင် အစိုးရက လုပ်ကိုင်ခွင့်ပေးထားသော ရွှေ နှင့် ကျောက် တူးဖော် ရှာဖွေရေး ကုမ္မဏီများ လုပ်ကိုင် နေကြသဖြင့် ထိုလယ်ကွင်း အဟောင်းများတွင် လုပ်ကိုင်၍ မရတော့ဟုလည်း ဒေသခံများက ပြောသည်။ သို့သော် မြေရိုင်းများတွင်ရှင်းလင်းကာ စပါး စိုက်ပျိုးနိုင်သေးသည်ဟု ဆိုသည်။
မြစ်ဆုံ စီမံကိန်း ရပ်တံ့ထားမှုနှင့် ပတ်သက်ပြီး ယခုနှစ်ဖေဖော်ဝါရီ ၂၄ ရက်နေ့က တန်ဖဲရွာတွင် ပြုလုပ်သော ဆုတောင်းပွဲတွင် ကိုမင်းကိုနိုင် အပါအဝင် ၈၈ မျိုးဆက် ကျောင်းသားများ အဖွဲ့၊ စာပေ အနုပညာရှင်များ တက်ရောက် ခဲ့ကြပြီး စီမံကိန်း လုံးဝ ရပ်ဆိုင်း သွားသည် အထိ ကြိုးပမ်း သွားကြမည်ဟု တက်ရောက် သူများက ပြောဆိုကြကြောင်း သိရသည်။
“ဒီရွာသူ၊ ရွာသားတွေ ရှာဖွေစားသောက်နေကြရတဲ့ လတ်တလောအနေအထားဟာ သိပ်ပြီး ပူပန်သောက တွေနဲ့ ရုန်းကန် နေရ တာကို တွေ့ရတယ်။ ကျနော်တို့လည်း တော်တော့ကို စိတ်မချမ်းမသာ ဖြစ်မိတယ်။ အဓိက ကတော့ သူတို့ ကျေးရွာ မပြောင်းရွှေ့ရအောင် ကျနော်တို့ အဖွဲ့အနေနဲ့ကလည်း ငြိမ်းချမ်းသော နည်းလမ်းနဲ့ အားသွန်ခွန်စိုက် ကြိုးပမ်းသွားမှာပဲ”ဟု ကိုမြအေးက ပြော သည်။
အလားတူ ပြည်တွင်း ပြည်ပ၌ ရှိသော မြန်မာနိုင်ငံသားများကိုလည်း တန်ဖဲရွာ မပြောင်းရွှေ့စေရေးအတွက် သမ္မတ ဦးသိန်းစိန် ထံ စာပို့၍ ဝိုင်းဝန်း တောင်းဆို ပေးကြရန် အတွက်လည်း ကိုမြအေး ကဆက်ပြောသည်။
၂၀၁၁ ခုနှစ်တွင် တန်ဖဲရွာနှင့်အတူ စီမံကိန်းအတွင်းကျရောက်နေသည့် မလိယန်၊ တောင်ဘန်၊ မဇွပ်နှင့် ဖလဲ့ ကျေးရွာများရှိ အိမ်ခြေ ၁၀၀၀ ကျော်မှ လူဦးရေ ၃၅၀၀ ကျော် ပြောင်းရွှေ့ခဲ့ရကြောင်း ကချင်လူမှုဖွံ့ဖြိုးရေး ကွန်ရက်(KDNG) မှ ပြောရေးဆိုခွင့်ရှိသူ ကိုစားဂျီး က ဧရာဝတီသို့ ပြောသည်။
သဘာဝပတ်ဝန်းကျင်ထိခိုက်မည့်ဆိုးကျိုးနှင့် ဒေသခံများ၏ အသက်မွေးဝမ်းကျောင်းမှုကို ထိခိုက်စေနိုင်သည်ဟု ဆိုကာ ပြည်သူ လူထု၏ ဝိုင်းဝန်းတောင်းဆိုမှုကြောင့် သမ္မတ အမိန့်ဖြင့် ယခင်နှစ် စက်တင်္ဘာလကုန်ပိုင်းက စီမံကိန်းကို ရပ်ဆိုင်းထားခြင်း ဖြစ် သည်။
သို့သော်မကြာခင်ရက်ပိုင်းအတွင်းက မြစ်ဆုံ စီမံကိန်းကို အမြန်ဆုံး ပြန်လည်အကောင်ထည်ဖော်နိုင်ရန် မြန်မာ အစိုးရကို တိုက်တွန်း သွားမည်ဟု တရုတ် China Power Investment – CPI ကုမ္ပဏီ ၏ ဥက္ကဋ္ဌ Lu Qizhou က တရုတ်နိုင်ငံထုတ် China Daily သတင်းစာတွင် ပြောဆိုထားသည်။
CPI ကုမ္ပဏီအနေဖြင့် စီမံကိန်းတန်ဖိုး အမေရိကန်ဒေါ်လာ ၃ ဒဿမ ၆ ဘီလျံ အကုန်ကျခံတည်ဆောက်ရန် ရည်ရွယ် ထားပြီး စီမံကိန်း မှထွက်ရှိမည့် လျှပ်စစ် ဓာတ်အား ၉၀ ရာခိုင်နှုန်းကို တရုတ်နိုင်ငံသို့ ရောင်းချမည်ဖြစ်ကြောင်း သိရသည်။
ထို့အတူ ကချင်ပြည်နယ်အတွင်းရှိ မြစ်ဆုံစီမံကိန်း အပါအဝင် မြစ်ညာဘက်ရှိ ရေအားလျှပ်စစ်စီမံကိန်း ၇ ခုကို မြန်မာနိုင်ငံ အမှတ် (၁) လျှပ်စစ် စွမ်းအားဝန်ကြီးဌာနနှင့် CPI ကုမ္ပဏီတို့က ပူးပေါင်းလုပ်ဆောင်ခဲ့ကြပြီး အမေရီကန်ဒေါ်လာ ၂၀ ဘီလျံ တရုတ်ဘက်မှ အကုန်အကျခံထားပြီး နှစ် ၅၀ ထုတ်ယူပြီးမှ မြန်မာအစိုးရထံ လွှဲပြောင်းပေးမည်ဖြစ်ကြောင်း CPI ကုမ္ပဏီက ထုတ်ပြန်ထားသည်။
Ref: ဧရာဝတီ
ဦးတေဇရဲ့သားအကြီးနာမည် ဥရောပပိတ်ဆို့စာရင်းထဲက ပယ်ဖျက်
2012-03-14
စီးပွားရေး လုပ်ငန်းရှင် ဦးတေဇရဲ့သားအကြီး ကိုပြည့်ဖြိုးတေဇက ဥရောပသမဂ္ဂရဲ့ ပိတ်ဆို့ အရေးယူထားတဲ့ စာရင်း ထဲက မိမိနာမည်ကို ပယ်ဖျက်ပေးဖို့ လျှောက်ထားတဲ့ အယူခံကို အနိုင်ပေး လိုက်တဲ့ အကြောင်း ဥရောပသမဂ္ဂ တရားရုံးက မတ်လ ၁၃ ရက်စွဲနဲ့ ထုတ်ပြန်ကြေညာ လိုက်ပါတယ်။
တတိယနိုင်ငံတွေအပေါ် ဥရောပသမဂ္ဂရဲ့ ပိတ်ဆို့ အရေးယူမှုဆိုင်ရာ ဥပဒေဟာ အာဏာပိုင်တွေနဲ့ အကျိူးတူ ပူးပေါင်း စီးပွား ရှာနေတဲ့ လုပ်ငန်းရှင်တွေရဲ့ မိသားစုဝင်တွေ အပေါ် အကျိူး မသက်ရောက်ဘူးလို့ အဲဒီကြေညာချက်မှာ ဖော်ပြ ထားပါတယ်။ ဥရောပသမဂ္ဂတရားရုံးရဲ့ ဆုံးဖြတ်ချက်ကြောင့် ကိုပြည့်ဖြိုးတေဇဟာ အီးယူနိုင်ငံတွေမှာ ခရီးသွားခွင့်၊ ပညာသင်ယူခွင့် ရရှိမှာဖြစ်ပါတယ်။
မြန်မာနိုင်ငံမှာ လူ့အခွင့်အရေးတွေ ချိုးဖောက်နေတဲ့ စစ်အစိုးရနဲ့ ရောထွေးယှက်တင် ပါဝင်ပူးပေါင်းပြီး စီးပွားရေး လုပ်ငန်းတွေ လုပ်ကိုင်နေတဲ့ ဦးတေဇနဲ့ မိသားစုကို ဥရောပသမဂ္ဂက ၂၀၀၈ ခုမှာ စီးပွားရေးအရ အပိတ်ဆို့ အရေးယူခံ စာရင်းထဲ သွင်းခဲ့တာပါ။
ဒါနဲ့ပတ်သက်လို့ ကိုပြည့်ဖြိုးတေဇက သူ့အနေနဲ့ အစိုးရ စီမံအုပ်ချုပ်ရေး ယန္တရားကနေ အကျိုးကျေးဇူး တစ်စုံ တစ်ရာ မခံစားခဲ့ရတဲ့ အတွက် အမည်စာရင်း ပယ်ဖျက်ပေးဖို့ တရားရုံးမှာ လျှောက်ထား ခဲ့တာပါ။ ဒီအမှုကို ၂၀၀၉ ခု မေလက ဥရောပ သမဂ္ဂ တရားရုံးက ပယ်ချခဲ့ပြီး တရားရုံး ကုန်ကျစရိတ်အားလုံး ဥရောပသမဂ္ဂ ကောင်စီကို ကိုပြည့်ဖြိုးတေဇ အနေနဲ့ ပေးဆောင်ဖို့ အမိန့် ချမှတ်ခဲ့ပါတယ်။
အဲဒီစီရင်ချက်ကို ကိုပြည့်ဖြိုးတေဇက အယူခံတင်ခဲ့ပြီး မိမိဟာ အရင်စစ်အစိုးရ အဖွဲ့ဝင်မဟုတ်သလို စစ်အစိုးရ နဲ့လည်း ဆက်စပ်မှု မရှိကြောင်း ပြန်လည် ချေပခဲ့ပြီးတဲ့နောက် အခုလို အမှုမှာ အနိုင်ရ သွားပါတယ်။
Ref: RFA News
ကြားဖြတ်ရွေးကောက်ပွဲအရေး အမေရိကန်ကိုယ်စားလှယ် ဒေါ်စုနဲ့ ဆွေးနွေး
မနန္ဒာချမ်း
ဗုဒ္ဓဟူး, 14 မတ် 2012
အမေရိကန်နိုင်ငံရဲ့ မြန်မာနိုင်ငံဆိုင်ရာ မူဝါဒရေးရာ ညှိနှိုင်းရေးမှူး ဒဲရက်ခ် မစ်ချဲ ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ ဒီကနေ့ တွေ့ဆုံခဲ့ပြီးတော့ - ကြားဖြတ် ရွေးကောက်ပွဲကိစ္စ အပါအဝင် လက်ရှိ ဖြစ်ပေါ်နေတဲ့ အခြေအနေ တွေကို ဆွေးနွေး ခဲ့ကြပါတယ်။ ဒေါ်အောင်ဆန်းစုကြည် ကတော့ မဲဆွယ် စည်းရုံးရေး ကာလအတွင်း ကြုံတွေ့နေရတဲ့ ပြဿနာတွေနဲ့ မဲစာရင်း လွဲချော်မှုတွေ အကြောင်း ပြောပြခဲ့သလို - မစ္စတာ မစ်ချဲ ကလည်း လွတ်လပ်ပြီး တရားမျှတတဲ့ ရွေးကောက်ပွဲမျိုး ဖြစ်ဖို့ကို ထပ်မံ ပြောဆို သွားခဲ့ပါတယ်။ အကြောင်းစုံကို တော့ မနန္ဒာချမ်းက တင်ပြ ပေးထားပါတယ်။
မြန်မာနိုင်ငံကို ၆ ရက်ကြာခရီးစဉ်အဖြစ် ရောက်ရှိနေတဲ့ အမေရိကန်နိုင်ငံရဲ့ မြန်မာနိုင်ငံဆိုင်ရာ မူဝါဒရေးရာ ညှိနှိုင်းရေးမှူး ဒဲရက်ခ် မစ်ချဲ ဟာ မတ်လ ၁၄ ရက် ဗုဒ္ဓဟူးနေ့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သူမရဲ့ နေအိမ်မှာ တွေ့ဆုံ ခဲ့တာပါ။ အဲ့ဒီ တွေ့ဆုံမှု အတွင်း - ဧပြီလ ၁ ရက်နေ့ ကျင်းပမယ့် ကြားဖြတ် ရွေးကောက်ပွဲ အခြေအနေ အပါအဝင် လက်ရှိ မြန်မာနိုင်ငံမှာ ဖြစ်ပေါ်နေတဲ့ အခြေအနေတွေနဲ့ ပတ်သက်ပြီး ဆွေးနွေး ခဲ့ကြတာ ဖြစ်ပါတယ်။ ၁ နာရီကျော်ကြာ တွေ့ဆုံအပြီး ပြုလုပ်တဲ့ သတင်းစာ ရှင်းလင်းပွဲ အတွင်း မစ္စတာ မစ်ချဲက - ဒေါ်အောင်ဆန်းစုကြည်ရဲ့ နိုင်ငံတဝှမ်း မဲဆွယ် စည်းရုံးရေး ခရီးစဉ်တွေမှာ ကြုံတွေ့ ရတာတွေနဲ့ ပတ်သက်ပြီး စိုးရိမ်မိ ကြောင်းနဲ့ လွတ်လပ်ပြီး တရားမျှတတဲ့ ရွေးကောက်ပွဲတွေဖြစ်ဖို့ အတွက် နိုင်ငံတကာက စောင့်ကြည့် အကဲခတ်တွေ ထားရှိရေးကိစ္စနဲ့ ပတ်သက်လို့ သတင်းထောက်တွေကို အခုလို ပြောဆိုခဲ့ပါတယ်။
“နိုင်ငံတကာက အကဲခတ်တွေ စောင့်ကြည့်ဖို့ ကိစ္စနဲ့ ပတ်သက်လို့ တိတိကျကျ အာမခံပေး ပြောတာမရှိပါဘူး။ တကယ်တော့ အာဆီယံ အမေရိကန်နဲ့ တခြား အပါအဝင် တော်တော်များများက ကမ်းလှမ်းထားတာ ရှိပါတယ်။ ဒါမှလည်း လွတ်လပ် မျှတမှု ရှိရစေမယ်လို့ ကတိပေးထားတာ တွေကို အာမခံနိုင်မှာ ဖြစ်ပါတယ်။ ဒီကိစ္စကို ရွေးကောက်ပွဲ ကော်မရှင် ကတော့ တိတိကျကျ အဖြေ မပေးသေးပါဘူး။”
မဲဆန္ဒရှင်စာရင်းတွေမှာ မမှန်မကန် ဖြစ်နေတဲ့ ကိစ္စတွေနဲ့ ပတ်သက်လို့ ဆွေးနွေးဖြစ်တဲ့ အကြောင်းနဲ့ ဒီကိစ္စ ကိုတော့ ဒေါ်အောင်ဆန်းစုကြည် တို့ဘက်ကလည်း တင်ပြထားတာတွေ ရှိနေတယ်ဆိုတဲ့ အကြောင်းလည်း မစ္စတာမစ်ချဲ က သတင်းထောက်တွေကို ပြောခဲ့ပါတယ်။ အမေရိကန် အပါအဝင် နိုင်ငံတကာ အသိုင်း အဝိုင်းကတော့ အများက လက်ခံယုကြည်နိုင်တဲ့ အခြေအနေ မျိုးတွေကိုပဲ လိုချင်တဲ့ အကြောင်းကို လည်း ပြောသွားခဲ့ပါတယ်။ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကတော့ - ဒီကြားဖြတ်ရွေးကောက်ပွဲမှာ အနိုင်ရပြီး လွှတ်တော်ထဲကို ရောက်ရှိတဲ့အခါ လုပ်ဆောင် နိုင်မှာတွေ အများကြီး ရှိနိုင်ပါတယ်လုိ့ သတင်းထောက်တွေကို အခုလို ပြောခဲ့ပါတယ်။
“၂ဝ၁၅ ခုနှစ် ရွေးကောက်ပွဲတခုတည်းအတွက်ကိုပဲ ကျမတို့ ရှေ့ရှုပြီး လုပ်ဆောင်နေတာ မဟုတ်ပါဘူး။ လွှတ်တော် ထဲကို ရောက်သွားတဲ့ အခါကျရင်လည်း ဘာတွေ လုပ်ဆောင်နိုင်မလဲ ဆိုတာကိုပါ ကျမတို့က ရှေ့ရှုပါတယ်။ တကယ်လို့ ဒီကြားဖြတ် ရွေးကောက်ပွဲမှာ အမတ်နေရာ ၄၇ နေရာပဲ အနိုင် ရရှိခဲ့မယ် ဆိုရင်တောင်မှ ကျမတို့ အနေနဲ့ လုပ်နိုင်တာတွေ အများကြီး ရှိမှာပါ။ ဘာကြောင့်လဲ ဆိုတော့ ဥပဒေပြုအမတ် တယောက်ချင်းစီ တိုင်းဟာ - လူထုကို ကိုယ်စားပြုတဲ့ သူတို့ရဲ့ တာဝန်ကို ထမ်းဆောင်ဖို့ရာ အတွက် အခွင့်အရေး အပြည့်အဝ ရှိသင့်လို့ပါ”
ဒါ့အပြင် မြန်မာနိုင်ငံမှာ ပြည်သူကို ပထမဦးစားပေးတဲ့ နိုင်ငံရေးမျိုး လိုလားကြောင်းကိုလည်း ပြောဆို သွားခဲ့ပါတယ်။ ၆ ရက်ကြာ မြန်မာနိုင်ငံကို လာရောက်တဲ့ ခရီးစဉ်အတွင်း နေပြည်တော်မှာ ပြည်သူ့ လွှတ်တော်ဥက္ကဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်နဲ့ မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်တို့ အပါအဝင် အစိုးရ တာဝန်ရှိသူတွေနဲ့လည်း ၂ ရက်ကြာ တွေ့ဆုံ ခဲ့ပြီးနောက် - လွှတ်တော်ဆိုင်ရာ ကိစ္စရပ်တွေ၊ ကြားဖြတ် ရွေးကောက်ပွဲဆိုင်ရာ ကိစ္စရပ်တွေအပြင် မြန်မာနဲ့ အမေရိကန် ၂ နိုင်ငံအကြား ဆက်ဆံရေး ဒီ့ထက် ပိုတိုးမြှင့်နိုင်ဖို့ အတွက်တွေကို ဆွေးနွေး ခဲ့ကြပါတယ်။ အဲ့ဒီနောက် ရန်ကုန်ကို လာရောက်ပြီး ဗုဒ္ဓဟူးနေ့မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့တာပါ။ ကြာသာပတေး နေ့မှာတော့ ရန်ကုန်သံရုံးမှာ သတင်းစာ ရှင်းလင်းပွဲ ပြုလုပ်ဖို့ရှိပြီး - အဲ့ဒါပြီးရင်တော့ မန္တလေးကို ဆက်လက်ထွက်ခွာမှာဖြစ်ပါတယ်ရှင်။
Ref: VOA News
မီဒီယာကိုကန့်သတ်ခြင်းသည် နိုင်ငံတိုးတက်မှုကို ကန့်သတ်ခြင်းဟု ဒေါ်စုပြော
မင်းသက်
ဗုဒ္ဓဟူးနေ့၊ မတ်လ ၁၄ ရက် ၂၀၁၂
ရန်ကုန် (မဇ္ဈိမ) ။ ။ မီဒီယာ လွတ်လပ်ခွင့် ကန့်သတ်ခြင်းသည် နိုင်ငံတိုးတက်မှုကို ကန့်သတ်ခြင်းနဲ့ တူကြောင်း ဒေါ်အောင်ဆန်းစုကြည်က ဗုဒ္ဓဟူးနေ့တွင် ပြောကြားလိုက်သည်။
ယနေ့ညနေ ၅နာရီခွဲကျော်က အမျိုးသားဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်နှင့် အမေရိကန် နိုင်ငံ၏ မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒရေးရာညှိနှိုင်းရေးမှူးဖြစ်သူ ဒဲရစ်မစ်ချယ်တို့ တွေ့ဆုံမှုအပြီး မီဒီယာများနှင့် တွေ့ဆုံစဉ် ပြောကြားခြင်း ဖြစ်သည်။
နိုင်ငံအတွင်း လမ်းများမကောင်းသည်ကို သတင်းရေးသည့် မော်ဒန်ဂျာနယ်ကို တရားစွဲခြင်းနှင့် ဝန်ကြီး ဌာနများ ငွေကြေး အလွဲသုံးစား လုပ်သည်ဟု သတင်းရေးသည့် The Voice ဂျာနယ်ကို သတ္တုတွင်း ဝန်ကြီးဌာနမှ တရားစွဲမည်ဟု ဗုဒ္ဓဟူးနေ့ထုတ် နိုင်ငံပိုင် သတင်းစာတွင် ဖေါ်ပြခြင်းတို့ကို ရည်ညွှန်း၍ ဒေါ်အောင်ဆန်းစုကြည်က ပြောကြားခြင်း ဖြစ်သည်။
“လမ်းတွေမကောင်းတာကို ဓါတ်ပုံရိုက်ပြီး ပြပေါ့။ တရားစွဲရင်လည်း တရားရုံးမှာ ရင်ဆိုင်လိုက်။ လမ်းတွေ မကောင်းလို့ မကောင်းဘူး ရေးတာပဲ။ တရားစွဲတယ် ဆိုတာ မဟုတ်မမှန် စွပ်စွဲရင်တော့ တရားစွဲနိုင်တာပေါ့။ အမှန်ကို အမှန်အတိုင်း ပြောတာကို ပါးစပ် ပိတ်တယ်ဆိုတာ မီဒီယာ လွတ်လပ်မှုကို ကန့်သတ်တယ် ဆိုတာဟာ ဒီနိုင်ငံရဲ့ တိုးတက်မှုကို ကန့်သတ်တာနဲ့ တူတူပဲ။ အန်တီကတော့ ဒီလိုပဲ ယုံကြည်တယ်။"ဟု ဆိုသည်။
ဒဲရစ်မစ်ချယ်နှင့် ဒေါ်အောင်ဆန်းစုကြည်တို့ ဗုဒ္ဓဟူးနေ့ ညနေ ၄ နာရီခန့်တွင် စတင်တွေ့ဆုံခဲ့ပြီး တနာရီခွဲကြာ ဆွေးနွေးမှု အတွင်း လာမည့်ဧပြီ တရက်နေ့တွင် ကျင်းပမည့် ကြားဖြတ် ရွေးကောက်ပွဲဆိုင်ရာ အခြေအနေများ ကိုလည်း ဆွေးနွေး ခဲ့ကြကြောင်း သိရသည်။
ဒဲရစ်မစ်ချယ်သည် မြန်မာနိုင်ငံသို့ ခြောက်ကြိမ်မြောက် ခရီးစဉ်အဖြစ် ယခုလ ၁၁ ရက်နေ့တည်းက မြန်မာနိုင်ငံကို ရောက်ရှိ လာခြင်း ဖြစ်သည်။
Ref: မဇ္ဈိမ
ဝန်ကြီးဌာနတချိူ့ ပြင်ဆင်ဖွဲ့စည်းရေး လွှတ်တော်ကိုယ်စားလှယ်တွေ တင်ပြ
2012-03-14
မလိုအပ်တဲ့ ၀န်ကြီးဌာနတချိူ့ကို ဒီမိုကရေစီစနစ်နဲ့ ညီအောင် ပြင်ဆင်ပြောင်းလဲ ဖွဲ့စည်းသင့်ကြောင်း အခု ကျင်းပနေတဲ့ လွှတ်တော် အစည်းအဝေးမှာ တိုင်းရင်းသားနဲ့ ဒီမိုကရေစီပါတီ ကိုယ်စားလှယ်တွေက တင်ပြဆွေးနွေးခဲ့ကြပါတယ်။
အထူးသဖြင့် လုံထိန်းရဲတပ်ဖွဲ့လို လူ့အခွင့်အရေးကိုဖိနှိပ်တဲ့ ယန္တရားမျိူးတွေကို တိုးချဲ့ဖို့မလိုအပ်ကြောင်း၊ ဥပဒေ စိုးမိုးရေး အတွက် ရဲတပ်ဖွဲ့ အင်အားနဲ့ ဥပဒေ ကျွမ်းကျင်သူများသာ လိုအပ်ကြောင်း၊ သမဝါယမ ဝန်ကြီးဌာန၊ ပြန်ကြားရေး ဝန်ကြီးဌာနတွေ ဖွဲ့စည်းပုံကို သုံးသပ်သင့်ကြောင်း အမျိူးသား လွှတ်တော် ကိုယ်စားလှယ် ရခိုင် တိုင်းရင်းသားများ တိုးတက်ရေး ပါတီဥက္ကဋ္ဌ ဒေါက်တာ အေးမောင်က မနေ့က တင်ပြ ဆွေးနွေးခဲ့ပါတယ်။
ဝန်ကြီးဌာနတွေအနေနဲ့ ပြင်ဆင်ပြောင်းလဲမှုတချိူ့ လုပ်ဆောင်နေကြောင်း သက်ဆိုင်ရာ ၀န်ကြီးက ပြန်လည် ရှင်းပြခဲ့တယ်လို့ ဒေါက်တာ အေးမောင်က ပြောပါတယ်။
ဒီမိုကရေစီနဲ့ တိုင်းရင်းသားအရေးကို လိုလားတဲ့ လွှတ်တော်အမတ်တွေအနေနဲ့ ပြည်သူတွေအတွက် အကျိုး ရှိစေမယ့် ဥပဒေ ပြဋ္ဌာန်းချက်တွေ ဖြစ်လာအောင် အခုလို အဆိုပြုချက်တွေကို တင်သွင်းရတာ ဖြစ်တယ်လို့လည်း ပြောပါတယ်။
ဒေါက်တာအေးမောင်ဟာ အမျိူးသားလွှတ်တော်ရဲ့ နိုင်ငံသားများ မူလအခွင့်အရေး၊ ဒီမိုကရေစီ ရေးနဲ့ လူ့အခွင့်အရေး ဆိုင်ရာ ကော်မတီ ဥက္ကဋ္ဌ တာဝန် ယူထားပါတယ်။
Ref: RFA News
မြန်မာနဲ့ရေပိုင်နက်အငြင်းပွားမှု ဘင်္ဂလားဒေ့ရ်ှနိုင်
ဗုဒ္ဓဟူး, 14 မတ် 2012
မြန်မာနိုင်ငံနဲ့ ရေနယ်နိမိတ် အငြင်းပွားမှုမှာ ဘင်္ဂလားဒေ့ရ်ှကို ကုလသမဂ္ဂ ပင်လယ်ပြင်ဆိုင်ရာ နိုင်ငံတကာ တရားရုံးက အနိုင် ပေးလိုက်ပြီလို့ ဘင်္ဂလားဒေ့ရှ် နိုင်ငံခြားရေး ဝန်ကြီးဌာနက ပြောပါတယ်။ နှစ်ပေါင်းများစွာ အချေအတင် ဖြစ်နေရတဲ့ ရေပိုင်နက် ကိစ္စ အပေါ် ဂျာမဏီနိုင်ငံ Hamburg မြို့ တရားခွင်က ဗုဒ္ဓဟူးနေ့မှာ ဆုံးဖြတ်ချက် ချမှတ်လိုက်တာပါ။
သီးသန့် စီးပွားရေးဇုန်နယ်မြေ အပါအဝင် သူပိုင်၊ ကိုယ်ပိုင် ရေပိုင်နက် အငြင်းပွားရာက ကုလသမဂ္ဂ တရားရုံးက အဆုံးအဖြတ် ပေးဖို့ ၂ဝဝ၉ ခုနှစ်မှာ စတင် လျှောက်ထားခဲ့တာဖြစ်ပြီး ပြီးခဲ့တဲ့နှစ် စက်တင်ဘာ လထဲမှာတော့ မြန်မာနဲ့ ဘင်္ဂလားဒေ့ရှ် ၂ နိုင်ငံက နိုင်ငံတကာ ဥပဒေရေးရာ ကျွမ်းကျင်သူ အကျိုးဆောင်တွေနဲ့ အပြန်အလှန် လျှောက်လဲချက်တွေ တင်ခဲ့ကြပါတယ်။ ထောက်ခံမဲ ၂၁ မဲ ကန့်ကွက်မဲ ၁ မဲနဲ့ ဆုံးဖြတ်လိုက်တဲ့ တရားရုံးရဲ့ စီရင်ချက်ကိုတော့ အယူခံ ပြန်လျှောက်ခွင့်လည်း မရှိဘူးလို့ ဘင်္ဂလားဒေ့ရှ် နိုင်ငံခြားရေး ဝန်ကြီး Dipu Monti က ဆုံးဖြတ်ချက် ချမှတ်အပြီးမှာ ပြောခဲ့တာပါ။
ရေနံနဲ့ သဘာဝဓာတ်ငွေ့သိုက်တွေ ရှိနိုင်တယ်လို့ ယုံကြည်နေကြတဲ့ ရေပိုင်နက် ပြဿနာကြောင့် လွန်ခဲ့တဲ့နှစ်တွေ အတွင်း ၂ နိုင်ငံကြား တင်းမာမှုတွေလည်း ရှိခဲ့ပါတယ်။ နိုင်ငံတကာ ပင်လယ်ပြင် ဥပဒေအရ ကမ်းလွန် ရေမိုင် ၁၂ မိုင် အထိဆိုရင် နိုင်ငံတနိုင်ငံရဲ့ ရေပိုင်နက်ဖြစ်ပြီး ကမ်းလွန် မိုင် ၂ဝဝ ဆိုရင်တော့ သီးသန့် စီးပွားရေးဇုန် နယ်မြေ အဖြစ် သတ်မှတ်လေ့ ရှိပေမဲ့ အခု အငြင်းပွား နေကြတဲ့ ရေပိုင်နက်ဟာ ကပ်လျက် ရှိနေတဲ့ မြန်မာ၊ အိန္ဒိယနဲ့ ဘင်္ဂလားဒေ့ရှ် ၃ နိုင်ငံ ကြား တည်ရှိနေတာမို့ အချေအတင် ဖြစ်စရာတွေလည်း ကြုံခဲ့ရတာပါ။
ဘင်္ဂလားဒေ့ရ်ှနဲ့ အိန္ဒိယနိုင်ငံတို့ကြား အငြင်းပွားနေတဲ့ အမှုကိုတော့ ကုလသမဂ္ဂရဲ့တရားခွင်က ၂ဝ၁၄ ခုနှစ်မှာ ဆုံးဖြတ်ချက် ချလိမ့်မယ် လို့လည်း မျှော်လင့်ရပါတယ်။
Ref: VOA News
Wednesday, March 14, 2012
မြန်မာ့နိုင်ငံရေးနောက်ကြောင်းပြန်မလှည်ဖို့ အမေရိကန်မျှော်လင့်
သင်းသီရိ
အင်္ဂါ, 13 မတ် 2012
မြန်မာနိုင်ငံတွင်း တိုးတက်လာတဲ့ နိုင်ငံရေးပြောင်းလဲမှုတွေကို အမေရိကန်တို့က လက်ခံထားပြီး၊ နောက်ကြောင်း ပြန်မလှည့်ဘူး ဆိုတာကိုလည်း နားလည်ထားတယ်လို့ မြန်မာနိုင်ငံကို ရောက်နေတဲ့ အမေရိကန် ရဲ့ မြန်မာနိုင်ငံဆိုင်ရာ အထူး ကိုယ်စားလှယ် မစ္စတာ Derek Mitchell ကပြောပါတယ်၊ အမေရိကန်တို့ အနေနဲ့ လာမယ့် ကြားဖြတ် ရွေးကောက်ပွဲရဲ့ တရားမျှတမှု တွေကိုလည်း အနီးကပ် စောင့်ကြည့် နေတယ်လို့လည်း ဆိုပါတယ်၊ မစ္စတာ Mitchell ဟာ ဒီကနေ့ မတ်လ ၁၃ ရက်နေ့မှာ အမျိူသား လွှတ်တော်ဥက္ကဋ္ဌ၊ ပြည်သူ့လွှတ်တော် ဥက္ကဋ္ဌတို့နဲ့ နေပြည်တော်မှာ တွေ့ဆုံစဉ်အတွင်း အခုလို သဘောထားတွေကို ပြောလိုက်တာလည်း ဖြစ်ပါတယ်၊ ဒီအခြေအနေ အပြည့်အစုံ ကိုတော့ မသင်းသီရိက ဆက်ပြောပြ ပေးမှာပါ၊
မြန်မာနိုင်ငံကိုရောက်နေတဲ့ အမေရိကန်ရဲ့ မြန်မာနိုင်ငံမူဝါဒ ညှိနှိုင်းရေးမှူးတဦး ဖြစ်တဲ့အပြင် အထူး သံတမန် တဦးလည်း ဖြစ်တဲ့ မစ္စတာ ဒဲရက်ခ် မစ်ချဲလ် (Derek Mitchell)ဟာ ဒီကနေ့ မတ်လ ၁၃ ရက်နေ့မနက်က နေပြည်တော်မှာ အမျိူးသား လွှတ်တော် ဥက္ကဋ္ဌ ဦးခင်အောင်မြင့် ၊ ပြည်သူလွှတ်တော် ဥက္ကဋ္ဌ သူရ ဦးရွှေမန်းတို့နဲ့ အတူ လွှတ်တော်၂ရပ်က ရေးရာ ကော်မတီဝင် တချို့နဲ့လည်း တွေ့ဆုံပါတယ်၊
အရင်ဆုံး အမျိုးသားလွှတ်တော် ဥက္ကဋ္ဌ ဦးခင်အောင်မြင့်နဲ့ တွေ့ဆုံစဉ်မှာတော့ အမေရိကန်က ချမှတ်ထားတဲ့ စီးပွားရေး ပိတ်ဆို့မှုတွေကို လျှော့ချ ရုတ်သိမ်းနိုင်ဖို့ အတွက် အမေရိကန်ဘက်က စဉ်းစားနေပြီ ဖြစ်ကြောင်းနဲ့ လွှတ်တော်တွင်းက ဆွေးနွေးမှုတွေ နဲ့ ဧပြီလ ၁ရက်နေ့မှာ ကျင်းပမယ့် ကြားဖြတ် ရွေးကောက်ပွဲရဲ့ လွတ်လပ် တရားမျှတမှုတွေ အပေါ်မှာ အနီးကပ် စောင့်ကြည့် နေတယ်လို့ မစ္စတာ ဒဲရက်ခ် မစ်ချဲလ် (Derek Mitchell) က ပြောခဲ့ပါတယ်၊ အမျိူးသား လွတ်တော် ဥက္ကဋ္ဌကလည်း ကြားဖြတ် ရွေးကောက်ပွဲနဲ့ ဆိုင်တဲ့ အခြေအနေ တချို့ကို ပြန်ရှင်းပြခဲ့တယ်လို့ ဒီတွေ့ဆုံမှုမှာ ပါဝင်တဲ့ အမျိူးသား လွှတ်တော် ကိုယ်စားလှယ် ဒေါက်တာအေးမောင်က ပြောပါတယ်၊
“သူတို့ စောင့်ကြည့်နေတာ နှစ်ပိုင်းရှိတယ်ပေါ့။ နံပါတ် ၁ က ဘတ်ဂျက်နဲ့ ပတ်သက်လို့ ဘယ်လို ညှိကြတယ်.. ပြင်ဆင် ကြတယ် ဆိုတာကို ကြည့်တယ်။ ပြီးတော့ လာမယ့် ကြားဖြတ် ရွေးကောက်ပွဲ တရားမျှတမှု ဘယ်လောက် ရှိမလဲဆိုတာ ကို အနီးကပ် စောင့်ကြည့်နေပါတယ်ဆိုတဲ့အကြောင်း ပြောပါတယ်။ နာယကကြီးကတော့ ရွေးကောက်ပွဲနဲ့ ပတ်သက်လို့ ကြားဖြတ် ရွေးကောက်ပွဲ ကာလမှာ တရားမျှတမှု ရှိဖို့က ရွေးကောက်ပွဲကော်မရှင်မှာ တာဝန်ရှိတယ်။ နောက် အစိုးရပိုင်းမှာ တာဝန်ရှိတယ်။ ရွေးကောက်ပွဲ ၀င်မယ့် လွှတ်တော်အမတ်တွေ.. နောက် ပြည်သူတွေမှာလည်း တာဝန် ရှိတယ်။ ၀ိုင်းဝန်းပံ့ပိုး ကူညီသွားရမယ့်တာဝန်ဟာ ကျနော်တို့ အားလုံးမှာ ရှိတယ် ဆိုတာမျိုး ရှင်းပြခဲ့ပါတယ်”။
အမျိူးသားလွှတ်တော် ကိုယ်စားလှယ်ဒေါက်တာအေးမောင် ပါရှင်၊ အဲဒီနောက် ပြည်သူ့လွှတ်တော်ဥက္ကဋ္ဌ သူရ ဦးရွှေမန်းနဲ့ အတူ လွှတ်တော် ကော်မတီရေးရာ အဖွဲတချို့နဲ့ တွေ့တဲ့အခါမှာတော့ တိုးတက်လာတဲ့ မြန်မာ့နိုင်ငံရေး ပြောင်းလဲမှုတွေပေါ် အမေရိကန် တိူ့ရဲ့ သဘေထားတွေကို ရှင်းပြခဲတ့ယ်လို့ မစ္စတာ Derek Mitchell နဲ့ ဒီကနေ့ တွေ့ခဲ့သူထဲက တဦးဖြစ်တဲ့ ပြည်သူ့လွှတ်တော် ဥပဒေ ရေးရာနဲ့ အထူးကိစ္စရပ်များ လေ့လာ ဆန်းစစ်ရေး ကော်မရှင် အဖွဲ့ဝင် ဦးတိုးနိုင်မန်းက ပြောပါတယ်။
“အခု နိုင်ငံရေးစနစ်ပြောင်းတာကို သူတို့ လက်ခံတယ်။ ဒုတိယအချက်က ကျနော်တို့နိုင်ငံ နောက်ကြောင်း ပြန်မလှည့်ဘူး ဆိုတာကို သူတို့ ကောင်းကောင်း သဘောပေါက်တယ်၊ နားလည်တယ်။ နောက်ဆုံး အချက်ကတော့ တကယ်တမ်း ကျနော်တို့ ပြုပြင် ပြောင်းလဲရေး လုပ်တဲ့ နေရာမှာ အချိန် အရေးကြီးသလို လုပ်ရဲတဲ့ သတ္တိ ဆန္ဒတွေ အရေးကြီးတယ် ဆိုတာကို အဓိက ဆွေးနွေး ဖြစ်ပါတယ်။ အဓိကကတော့ Sanction ပြန်ရုပ်ဖို့ဆိုရင် လုပ်ရတဲ့ process ကြီးက ကြာတယ်၊ အဲဒါနဲ့ ပတ်သက်လို့လည်း Derek Mitchell က မြန်မာပြည်မှာ အောက်ခြေ လူတန်းစားတွေ ရှိသေးတယ်။ Sanction က အစိုးရထက် ပြည်သူကိုပဲ ပိုထိခိုက်တယ် ဆိုတာကို သူတို့ နားလည်ပါတယ်။ ဒါကြောင့်မို့ အောက်ခြေ လူတန်းစားတွေ ဒုက္ခ ရောက်နေတာ ပေါ်မှာလည်း စိတ်မကောင်းပါဘူး။ ဒါကြောင့်မို့ အမြန်ဆုံး Sanction ရုပ်အောင် ကြိုးစား ဆောင်ရွက်နေပါတယ် ဆိုတဲ့စကား သူပြောပါတယ်။”
ပြည်သူ့လွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ်ရေး ကော်မရှင် အဖွဲ့ဝင် ဦးတိုးနိုင်မန်း ပါ၊
မြန်မာနိုင်ငံမူဝါဒ ညှိနှိုင်းရေးမှူးအပြင် အထူးသံတမန်တဦးအဖြစ် တာဝန်ရောက်ပြီးနောက်ပိုင်း ၆ ကြိမ်မြောက် အဖြစ် အခု သူလာတဲ့ ခရီးစဉ်ရဲ့ အဓိက ရည်ရွယ်ချက်တွေကို ကော်မရှင်အဖွဲ့ဝင်တွေက မေးမြန်းတာရှိသလို၊ သူ့ဘက်က သိချင်တဲ့ နိုင်ငံတော် ရသုံးမှန်းခြေ ငွေစာရင်း ဆွေးနွေးမှု အခြေအနေတွေကို မေးမြန်းခဲ့တာ ရှိတယ်လို့လည်း ပြည်သူ့လွှတ်တော် ရဲ့ နိုင်ငံတကာ ဆက်ဆံရေး ကော်မတီ ဥက္ကှဋ္ဌ ဦးလှမြင့်ဦး က ရှင်းပြပါတယ်။
အဓိကက Derek Mitchell က လွှတ်တော်ဥက္ကဋ္ဌ နဲ့ ၃ ကြိမ်လောက် တွေ့ထားပြီးသားပါ၊ ဒီတခေါက်လာတဲ့ ကိစ္စမှာလည်း လွှတ်တော် အနေနဲ့ သူ့ကို လွှတ်တော်ရေးရာကိစ္စတွေ မေးမြန်းတာလေးတွေ ဖြေကြားပေးတယ်၊ နောက်ပြီးတော့ ကျနော်တို့ အစိုးရရဲ့ ရည်ရွယ်ချက်က ဘာလဲ၊ ဒါတွေမေးပါတယ်။ လွှတ်တော်အနေနဲ့ကတော့ ခုချိန်မှာ ဘတ်ဂျက် ကိစ္စ ဆွေးနွေးတာနဲ့ ပတ်သက်ပြီးတော့ အခြေ နေတွေဘာတွေ မေးပါတယ်၊ ဒီလောက်ပါပဲ။”
ပြည်သူ့လွှတ်တော် နိုင်ငံတကာ ဆက်ဆံရေး ကော်မတီ ဥက္ကဋ္ဌ ဦးလှမြင့်ဦး ပါရှင်၊ မစ္စတာ Derek Mitchell ဟာ မနေ့ ကလည်း နိုင်ငံခြားရေး ၀န်ကြီးနဲ့တွေ့ပြီး မြန်မာ့အရေး ပြောဆို ဆွေးနွေးတာ ရှိသလို မနက်ဖြန် မတ်လ ၁၄ ရက်နေ့မှာ မန္တလေးက လူမှု ကူညီရေး လုပ်ငန်းတွေဆီ သွားဖို့ စီစဉ်ထားသလို မတ်လ ၁၅ ရက်နေ့မှာတော့ ရန်ကုန်မှာ ဒေါ်အောင်ဆန်းစုကြည်နဲ့ တွေ့ဖို့ စီစဉ်ထားပြီး၊ သူမပြန်ခင် သတင်းထောက် တွေနဲ့လည်း တွေ့ဆုံဖို့ ရှိပါတယ်၊
Ref: VOA News
မြန်မာနိုင်ငံသားတွေ လူ့အခွင့်အရေး အပြည့်အ၀ခံစားနိုင်ဖို့ ဒေါ်စု ဆန္ဒပြု
သင်းသီရိ
အင်္ဂါ, 13 မတ် 2012
ဒီကမ္ဘာမှာ နေထိုင်တဲ့ မြန်မာနိုင်ငံသူ နိုင်ငံသားတွေဟာ လူသားတိုင်းရသင့် ရထိုက်တဲ့ လူ့အခွင့်ရေးတွေကို ရယူ ခံစားနိုင်ခွင့် ရှိရမယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ရန်ကုန်မြို့မှာ ဒီကနေ့ ကျင်းပတဲ့ မြန်မာနိုင်ငံ လူ့အခွင့်ရေးနေ့ အခမ်းအနားမှာ ဒေါ်အောင်ဆန်းစုကြည်က အခုလို ပြောခဲ့တာ ဖြစ်ပါတယ်။ မြန်မာနိုင်ငံမှာ လူ့အခွင့်ရေး အခြေအနေတချို့ တိုးတက်မှု ရှိလာတယ်ဆိုပေမဲ့ နိုင်ငံမှာ ဒီထက် ပိုမို ကောင်းမွန်တဲ့ လူ့အခွင့်ရေး တွေ ရဖို့ လိုသေးတယ်လို့လည်း လူ့အခွင့်ရေး လှုပ်ရှားသူတွေက ထောက်ပြကြပါတယ်။ ဒီအခြေအနေ အပြည့်အစုံကိုတော့ မသင်းသီရိက ဆက်ပြောပြ ပေးမှာပါရှင်၊
ဒီကနေ့ မတ်လ ၁၃ ရက်နေ့ဟာ ၁၉၈၈ ခုနှစ်တုန်းက စက်မှုတက္ကသိုလ် ကျောင်းသားကိုဖုန်းမော် ကျဆုံးတဲ့နေ့ ဖြစ်ပြီး မြန်မာ နိုင်ငံမှာ ၁၉၈၉ ခုနှစ်ကစလို့ ဒီနေ့ကို မြန်မာနိုင်ငံ လူ့အခွင့်ရေးနေ့ အဖြစ် သတ်မှတ် ကျင်းပလာတာ အခု ၂၃ နှစ် ပြည့်ပြီ ဖြစ်ပါတယ်၊ ဒါ့ကြောင့် ဒီကနေ့ ကျရောက်တဲ့ မြန်မာနိုင်ငံ လူ့အခွင့်ရေးနေ့ကို ရန်ကုန်က တော်ဝင်နှင်းဆီမှာ ၈၈ မျိူးဆက် ကျောင်းသား ခေါင်းဆောင်တွေ စက်မှု တက္ကသိုလ် ကျောင်းသားဟောင်းတွေ က ဦးဆောင်ပြီး အခမ်းအနား ကျင်းပခဲ့တာပါ၊ ဒီအခမ်းအနားကို တက်ရောက်ခဲ့တဲ့ ဒေါ်အောင်ဆန်းစုကြည်က မြန်မာနိုင်ငံသူ နိုင်ငံသားတွေဟာ လူသားတိုင် ရသင့် ရထိုက်တဲ့ လူ့အခွင့်ရေးတွေကို ခံစားနိုင်ခွင့် ရှိရမယ်လို့ ပြောပါတယ်။
"ကျမတို့ဟာ ဒီကမ္ဘာကြီးမှာ နေတဲ့ လူသားတွေထဲက တစိတ်တပိုင်းဖြစ်တယ်ဆိုတာကို အမြဲ မမေ့တမ်း နှလုံးထဲမှာ စွဲထားရမှာ ဖြစ်ပါတယ်။ ဒီတော့ ကျမတို့ လူ့အခွင့်အရေးလို့ ပြောတာ မြန်မာနိုင်ငံသူ နိုင်ငံသား အခွင့်အရေးလို့ ပြောနေတာ မဟုတ်ဘူး။ မြန်မာနိုင်ငံသူ နိုင်ငံသားများဟာ လူသားတိုင်း ရသင့် ရထိုက်တဲ့ အခွင့်အရေးကို ရရမယ်လို့ ပြောနေတာဖြစ်ပါတယ်။ ကျမအနေနဲ့ မြန်မာနိုင်ငံမှာ မကြာခင် အချိန်အတွင်း လူ့အခွင့်အရေး ပြည့်ပြည့်၀၀ ခံစားနိုင်ပါစေ၊ တကမ္ဘာလုံးမှာလည်း ကမ္ဘာ့လူသား အားလုံး လူ့အခွင့်အရေး ပြည့်ပြည့်၀၀ ခံစားနိုင်ပါစေလို့ ကျမနဲ့ အတူ ဆန္ဒပြုကြပါလို့ မေတ္တာ ရပ်ခံချင်ပါတယ်။"
မြန်မာနိုင်ငံ ရဲ့ ဒီမိုကရေစီနဲ့ လူ့အခွင့်ရေးတွေအတွက် စတင်လှုပ်ရှားခဲ့တဲ့ ၈၈ အရေးတော်ပုံကြီးကို အခြေခံတဲ့ ဒီနေ့ဟာ သမိုင်းဝင် နေ့တနေ့ ဖြစ်ပြီး တိုးတက်မှုဘက် ဦးတည်တဲ့ ခြေလှမ်းတွေ အတူ လှမ်းကြဖို့နဲ့ ပညာရေးကဏ္ဍ အရေးကြီးပုံ တွေကိုလည်း ထည်သွင်းပြောကြားသွားပါတယ်။
"ကျမတို့ အဲဒီတုန်းက မြန်မာနိုင်ငံလူ့အခွင့်အရေးနေ့ဆိုပြီးတော့ အားလုံးသဘောတူပြီးတဲ့နောက်မှာ လူ့အခွင့်အရေး ဆိုတဲ့ အသုံး အနှုန်းက ဒီနိုင်ငံမှာ အတော်လေး ကျယ်ကျယ်ပြန့်ပြန့် ဖြစ်လာပါတယ်။ ကျမတို့ ဘယ်ကို သွားသွား တိုးတက်တဲ့ ဘက်ကို ဦးတည်ရမယ်။ တိုးတက်အောင် လုပ်ချင်တဲ့စိတ် ရှိရမယ်။ အဲဒီလို စိတ်ဓာတ်ရှိမှလည်း တိုးတက်နိုင်မှာ။ ပြီးတော့ အဖြစ်တခုကို သုံးသပ်တဲ့အခါမှာ နက်နက်နဲနဲ သုံးသပ်ရမယ်။ အပေါ်ယံကျော ကြည့်လို့မရဘူး။ ကျမတို့ နိုင်ငံအတွက် မျှော်လင့်ချက်တွေ များတယ်။ ဒါပေမဲ့ မျှော်လင့်ချက်ဆိုတာ မျှော်လင့်ချက်နဲ့ မပြီးဘူး။ အလုပ်လုပ်မှ ဒီမျှော်လင့်ချက်ကို အကောင်အထည်ဖော်နိုင်မှာ၊ ဒါကြောင့် ကျမတို့ ကလေးတွေကို ပညာသင်ပေးရမယ်။ ပညာသင်ပေးထားတယ်။ ပညာဆိုတာဘာလဲဆိုတော့ နောက်ဆုံးကျတော့ အခြေအနေတခုကို မှန်မှန်ကန်ကန်သုံးသပ်ဆင်ခြင်နိုင်ခွင့်၊ အဲဒီဟာ ပညာပဲ။"
ဒါကတော့ ဒီကနေ ရန်ကုန် တော်ဝင်နှင်းဆီမှာ ကျင်းပတဲ့ စက်မှုတက္ကသိုလ်ကျောင်းသား ကိုဖုန်းမော် ကျဆုံးခြင်း ၂၄ နှစ်ပြည့် နဲ့ မြန်မာနိုင်ငံ လူ့အခွင့်ရေး အနေ့ အခမ်းအနားတွင်း ဒေါ်အောင်ဆန်းစုကြည် ပြောခဲ့တဲ့ မိန့်ခွန်းထဲက တချို့ကို ကောက်နှုတ် တင်ပြ ပေးခဲ့တာပါ။ လွန်ခဲ့တဲ့ ၂၃ နှစ်က စလို့ လူ့အခွင့်ရေးနေ့ရယ်လို့ သတ်မှတ်ကျင်းပလာခဲ့ပေမဲ့ ဒီနေ့ထိတော့ မြန်မာနိုင်ငံမှာ လူ့အခွင့်ရေးတွေ အပြည့်အ၀ မရသေးဘူးလို့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က သုံးသပ်ပါတယ်။
"တကယ်ပြောင်းလဲရတော့မယ့်နေရာကို အသိတရားနဲ့ ပြောင်းလဲခြင်းဆိုရင်တော့ ခုလက်ရှိ အခြေအနေကို ကျနော်တို့ ကြိုဆိုရမယ်။ နှစ်ဦးနှစ်ဘက် ပေါင်းပြီးတော့ ဒါကို ချဲ့ထွင် သွားရလိမ့်မယ်။ အဲတော့ ကျနော်တို့ဘက်က လိုတာက ကိုဖုန်းမော် ကျဆုံးခဲ့ပြီးတာဟာ မြန်မာနိုင်ငံ လူ့အခွင့်အရေးနေ့လို့ ၂၃နှစ် ပြည့်တဲ့ အထိ မြန်မာနိုင်ငံမှာ လူ့အခွင့်အရေးတွေ မရသေးဘူး။ ခုမှ စပြီး လူ့အခွင့်အရေး အတွက် ကြိုးစားကြရမယ်။ အဲဒီအတွက် တကမ္ဘာလုံးမှာ ပေးနေတဲ့ လူ့အခွင့်အရေး စံချိန် စံညွှန်းတွေ အတိုင်း မြန်မာပြည်သူ ပြည်သားတွေလည်း ရနိုင်ဖို့အတွက် ပြည်သူလူထုဆီသို့ ဆိုတဲ့ ခေါင်းစဉ်နဲ့ ကျနော် အားလုံးကို ဖိတ်ခေါ် ထားခဲ့ပါတယ်။ တိုင်းရင်းသားတွေမှာ လူ့အခွင့်အရေးတွေ ချိုးဖောက် ခံနေရတာတွေ များစွာ ရှိမယ်ဆိုတာလည်း သေချာပါတယ်။"
၈၈မျိုးဆက်ကျောင်းသားခေါင်းဆောင် ကိုမင်းကိုနိုင်ပါ။ ဒါပေမဲ့ အရင်ကထက်စာရင် လူ့အခွင့်ရေး အခြေအနေ တွေဟာ အခု တိုးတက်မှု တစုံတရာ ရှိလာပေမဲ့ ဒီထက်ကောင်းမွန်တဲ့ အခြေအနေတွေနဲ့ တိုးတက်မှုတွေရဖို့ လိုနေသေးတယ်လို့လည်း လူ့အခွင့်ရေး ကော်မရှင် ဥက္ကဋ္ဌ ဦးဝင်းမြက သုံးသပ်ပါတယ်။
"လူ့အခွင့်အရေးနဲ့ပတ်သက်ပြီး အသိတရားရှိမှု Awareness က အရင်ထက် အများကြီးတိုးတက် ကောင်းမွန် လာတယ်လို့ ပြောလို့ရပါတယ်။ ဒါပေမဲ့ နိုင်ငံမှာ ဖြစ်နေတဲ့ အခြေနေကို ဒီထက် တိုးတက် ကောင်းမွန်အောင်တော့ ပိုမိုကြိုးစား ဆောင်ရွက်ဖို့ လိုနေသေးတယ်လို့ ပြောလိုပါတယ်။ ပြီးတော့ အရေးကြီးတာက အကယ်၍ ပဋိပက္ခဖြစ်နေတဲ့ နေရာက လူ့အခွင့်အရေး အခြေနေနဲ့ ပတ်သက်လို့ ကတော့ တိတိကျကျ ဘာမှပြောလို့ မရပါဘူး။ ဒါကြောင့် ပဋ်ိပက္ခဖြစ်နေတဲ့ နေရာတွေမှာ ဖြစ်နေတဲ့ လူ့အခွင့်အရေး ချိုးဖောက်မှုတွေက ခုချိန်မှာ တိတိကျကျ ပြောဖို့ ခက်ပါတယ်။"
လူ့အခွင့်ရေးကော်မရှင် ဥက္ကဌ ဦးဝင်းမြက သုံးသပ်ခဲ့တာပါရှင်။ ဒီကနေ့ ကျရောက်တဲ့ မြန်မာနိုင်ငံရဲ့ လူ့ အခွင့်ရေးနေ့ အခမ်းအနား တွေကို နယ်မြို့ တချို့မှာလည်း ကျင်းပကြသလို ထိုင်းနိုင်ငံ အပါအ၀င် တခြား နိုင်ငံတချို့မှာလည်း ကိုဖုန်းမော် ကျဆုံးခြင်း နှစ်ပတ်လည်နဲ့ လူ့အခွင့်ရေးနေ့ အခမ်းအနားတွေကို ကျင်းပကြပါတယ်။
Ref: VOA News
အစိုးရဝန်ထမ်းတို့ လစာတိုးမြှင့်
မျိုးသန့်
ဗုဒ္ဓဟူးနေ့၊ မတ်လ ၁၄ ရက် ၂၀၁၂
ချင်းမိုင် (မဇ္ဈိမ) ။ ။ နိုင်ငံအတွင်း နိုင်ငံ့တာဝန်ကို ထမ်းဆောင်နေကြသည့် ဝန်ထမ်းများအားလုံး လက်ရှိ ရရှိနေသည့် လစာအပြင် အပို ထောက်ပံ့ကြေး အဖြစ် တလကို ကျပ် သုံးသောင်း ထပ်မံ တိုးမြှင့် ပေးလိုက်သည်ဟု ဘဏ္ဍာရေးနှင့် အခွန် ဝန်ကြီးဌာနမှ နိုင်ငံပိုင် ရုပ်မြင်သံကြား MRTV-4 မှတဆင့် ဗုဒ္ဓဟူးနေ့တွင် ထုတ်ပြန်ကြေညာ လိုက်သည်။
ဘဏ္ဍာရေးနှင့် အခွန်ဝန်ကြီးဌာန၏ အမိန့်ကြေညာစာအမှတ် ၁၀၀/၂၀၁၂ ဖြင့် ထုတ်ပြန်ကြေညာသည့် ကြေညာချက် တွင် “နိုင်ငံတော် အတွင်း နိုင်ငံတော်၏ တာဝန်ကို ထမ်းဆောင်လျက် ရှိကြသည့် ဝန်ထမ်းများ၊ တပ်မတော် (ကြည်း၊ ရေ၊ လေ) ဝန်ထမ်းများအား စားဝတ်နေရေး သက်သာ ချောင်လည်မှု ရှိစေရန်အတွက် လက်ရှိ လစာအပြင် အပို ထောက်ပံ့ကြေး အဖြစ် တဦးလျှင် တလ ကျပ် (သုံးသောင်းတိတိ) ခံစားခွင့် ပြုရန်” ဟု ဖေါ်ပြပါရှိသည်။
ယင်းအပြင် အစိုးရဌာန အသီးသီးတွင် နေ့စားအလုပ်သမားအဖြစ် လုပ်ကိုင်နေကြသည့် လုပ်သားများကိုလည်း အလုပ်ချိန် တနေ့ ၈ နာရီ အတွက် ယခင်က ကျပ် ၁၁၀၀ သတ်မှတ် ထားသော်လည်း ယခုတွင် ကျပ် ၂၁၀၀ သို့ တိုးမြှင့် ခံစားခွင့်ပြုသည်ဟု MRTV-4 မှ ထုတ်ပြန် ကြေညာသည်။
နိုင်ငံဝန်ထမ်းများနှင့် အစိုးရဌာန အသီးသီးတွင် နေ့စားအလုပ်သမားအဖြစ် လုပ်ကိုင်နေကြသည့် လုပ်သားများ အနေဖြင့် အဆိုပါ လုပ်ခ၊ လစာ တိုးမြှင့်ပေးမှု အကျိုးခံစားခွင့်ကို ဧပြီလ (၁) ရက်နေ့မှ စတင် ခံစားကြရမည် ဖြစ်သည်။
ဝန်ထမ်းများ လစာတိုးမြှင့်ပေးရန် ဖေဖေါ်ဝါရီလအတွင်း ပြည်ထောင်စုလွှတ်တော်တွင် အောက်လွှတ်တော် ဥက္ကဋ္ဌ သူရ ဦးရွှေမန်းက အဆို တင်သွင်းခဲ့ပြီး သူ၏ အဆိုတွင် “အမှန်အတိုင်း ဝန်ခံပြောဆိုရမည် ဆိုလျှင် ယနေ့ တာဝန် ထမ်းဆောင်နေကြသော နိုင်ငံ့ ဝန်ထမ်းများ၏ လက်ရှိ ရရှိနေသော လုပ်ခ၊ လစာ၊ စရိတ်နှင့် ချီးမြှင့်ငွေများသည် ယနေ့ခေတ်ကာလနှင့် လိုက်လျောညီထွေ မရှိကြပါ။ အခြေခံ စားဝတ်နေရေး၊ လူမှုရေးအတွက် လောက်ငစွာ မရရှိပါ။” ဟု ထည့်သွင်း ပြောဆိုသွားသည်။
ထိုအခြေအနေများကြောင့် အစိုးရအနေဖြင့် သန့်ရှင်းသောအစိုးရ ကောင်းမွန်သော အုပ်ချုပ်ရေး အမှန်တကယ် ဖြစ်လာနိုင်ရန် ဝန်ထမ်းများ၏ လုပ်ခ၊ လစာစရိတ်နှင့် ချီးမြှင့်ငွေများကို ယခု ဘဏ္ဍာရေးနှစ်အတွင်း မဖြစ်မနေ တိုးမြှင့်ပေးရန် ဦးရွှေမန်း၏ အဆိုပြု တင်သွင်းချက် ပြည်ထောင်စုလွှတ်တော်မှ အတည်ပြုခဲ့သည်။
ဦးရွှေမန်း၏ ဝန်ထမ်းများ လစာတိုးရေးအဆိုနှင့် ပတ်သက်၍ ဘဏ္ဍာရေးဝန်ကြီး ဦးလှထွန်းမှ နိုင်ငံ့လိုငွေ ပြလာနိုင်ခြင်း ငွေကြေး ဖေါင်းပွမှု မြင့်လာနိုင်ခြင်း၊ ကုန်ဈေးနှုန်း ကြီးမြင့်လာပြီး စီးပွားရေး မတည်ငြိမ်မှုများ ဖြစ်ပေါ်လာနိုင်ခြင်း စသည့် အကြောင်းပြချက် များဖြင့် ငြင်းဆိုခဲ့သည်။
ဘဏ္ဍာရေးဝန်ကြီးက ၂ဝ၁၃-၂ဝ၁၄ ခုနှစ်တွင်သာ ဝန်ထမ်းများ၏ လစာတိုးရေးကိုဆောင်ရွက်သင့်ပြီး ယခုနှစ် အတွင်း လူမှုရေး ခက်ခဲသည့် မြို့နယ် ၈၅ မြို့နယ်မှ ဝန်ထမ်း ၃၇,၈၁၇ ဦးကိုသာ လစာတိုးပေးနိုင်မည် ဖြစ်ကြောင်း ဦးလှထွန်း က လွှတ်တော်အတွင်း ရှင်းလင်းခဲ့သည်။
ဘဏ္ဍာရေးဝန်ကြီး၏ ငြင်းဆိုမှုအပြီး အောက်လွှတ်တော်ဥက္ကဋ္ဌ သူရ ဦးရွှေမန်းကလည်း လစာတိုးပေးရန် ဖေဖေါ်ဝါရီလ တွင် ပြည်ထောင်စု လွှတ်တော်သို့ သဝဏ်လွှာပေးပို့ကာ အစိုးရသို့ ထပ်မံ တိုက်တွန်းခဲ့ပြန်သည်။
ယခုလ (၁) ရက်နေ့ အစိုးရ သက်တမ်း တနှစ်ပြည့် သမ္မတ၏ မိန့်ခွန်းတွင်လည်း နိုင်ငံဝန်ထမ်းများသည် တနိုင်ငံလုံး လူဦးရေ၏ ၃.၃ ရာခိုင်နှုန်းသာ ရှိသည့် အတွက် ကျန် ၉၆.၇ ရာခိုင်နှုန်းရှိသော သာမန် လက်လုပ်လက်စား ပြည်သူများ ကို ငဲ့ကွက် သင့်ကြောင်း နိုင်ငံ့ ဝန်ထမ်းများ လစာတိုးရေးနှင့် ပတ်သက်၍ ပြောဆိုသွားခဲ့သည်။
သမ္မတ၏ မိန့်ခွန်းတွင် “လစာတိုးပေးရေး ဆွေးနွေးမှုတွေကြောင့် အရပ်ရပ်ကုန်ဈေးနှုန်းတွေ ရုတ်တရက် တက်လာ ကိုလည်း တွေ့ရှိရပါတယ်။ ကျနော်တို့ ဝန်ထမ်းတွေ လစာ တိုးမြှင့်ပေးလိုက်လို့ ခံစားရမယ့် အစိုးရဝန်ထမ်း မဟုတ်တဲ့ ၅၈ သန်းသော ပြည်သူတွေဟာ ဒီနောက်ဆက်တွဲ အကျိုးဆက်ကို ကိုယ်တိုင်ကိုယ်ကျ ကြုံတွေ့ရမှာ ဖြစ်ပါတယ်။” ဟု ဦးရွှေမန်း၏ ဝန်ထမ်း လစာတိုးရေး အဆိုကို တုန့်ပြန် ပြောဆိုခဲ့သည်။
ဘဏ္ဍာရေးဝန်ကြီး၏ ငြင်းဆိုမှုအပြင်၊ သမ္မတ၏ တုန့်ပြန်မှုအပြီး ၁၃ ရက်အကြာတွင် ဝန်ထမ်းများ လစာတိုးရေး ဦးရွှေမန်း၏ အဆို ဗုဒ္ဓဟူးနေ့တွင် အကောင်အထည် ပေါ်လာခြင်း ဖြစ်သည်။
Ref: မဇ္ဈိမ
ပိတ်ဆို့အရေးယူမှုတွေကို ပြန်လည် ဆန်းစစ်ကြဖို့ ကုလကိုယ်စားလှယ် ပြော
2012-03-13
မြန်မာနိုင်ငံအပေါ် အနောက်နိုင်ငံတချို့ ချမှတ်ထားတဲ့ ပိတ်ဆို့အရေးယူမှုတွေနဲ့ပတ်သက်ပြီး ပြန်လည် ဆန်းစစ် ကြဖို့ မြန်မာနိုင်ငံ လူ့အခွင့်အရေး ဆိုင်ရာ ကုလသမဂ္ဂ အထူးကိုယ်စားလှယ် Mr. Tomas Quintana က မနေ့က ပန်ကြား လိုက်ပါတယ်။
ဂျီနီဗာမှာ ကျင်းပခဲ့တဲ့ ကုလသမဂ္ဂ လူ့အခွင့်အရေးကောင်စီမှာ မြန်မာနိုင်ငံ လူ့အခွင့်အရေး အခြေအနေဆိုင်ရာ အစီရင်ခံစာ တင်သွင်းပြီးနောက် သတင်းစာရှင်းလင်းပွဲမှာ အဲဒီလို ပြောကြားခဲ့တာ ဖြစ်ပါတယ်။
ဒါဟာ မိမိအနေနဲ့ ပိတ်ဆို့အရေးယူမှုတွေကို ပြန်လည်ရုပ်သိမ်းပေးရမယ်လို့ ဆိုလိုတာမဟုတ်ဘဲ လူ့အခွင့်အရေး ကိစ္စ ဖြစ်နေတဲ့ အတွက် သေသေချာချာ အသေးစိတ် ပြန်လည်ခွဲခြမ်း စိတ်ဖြာ ဆန်းစစ်ဖို့သာ ဖြစ်ကြောင်း Mr. Quintana က ရှင်းလင်း ပြောဆိုပါတယ်။
“ပိတ်ဆို့အရေးယူမှုတွေဟာ တချို့နေရာတွေမှာ လူ့အခွင့်အရေးနဲ့ ဆက်စပ်နေရပါမယ်။ အထူးသဖြင့် စီးပွားရေး၊ လူမှုရေးနဲ့ ယဉ်ကျေးမှု နယ်ပယ်တွေမှာ ဖြစ်ပါတယ်။ ဒါကြောင့် ပြုပြင်ပြောင်းလဲမှုတွေအတွက် ဆုချရုံနဲ့ မပြီးဘဲ ဒီနယ်ပယ်တွေက လူ့အခွင့်အရေး ချိုးဖေါက်မှုတွေကိုလည်း လူသိရှင်ကြား ဖော်ထုတ်ရမယ့် တာဝန် ရှိပါတယ်။
မြန်မာနိုင်ငံက လက်ရှိ ပြုပြင်ပြောင်းလဲမှုတွေမှာ အပြုသဘောဆောင်တဲ့ အကျိုးသက်ရောက်မှုတွေ ရှိပါတယ်။ ဒါပေမယ့် အလွန် စိုးရိမ်စရာ လူ့အခွင့်အရေး ပြဿနာတွေကလည်း ရှိနေတုန်းပါပဲ။ ပြုပြင် ပြောင်းလဲမှုတွေကို တွန်းလုပ်နေတာနဲ့ ဒါတွေကို မသိကျိုးကျွံ ပြုထားလို့ မရပါဘူး။ လူ့အခွင့်အရေးအခြေအနေတွေ တိုးတက် ကောင်းမွန်လာအောင်လည်း ကြိုးစားရပါမယ်” လို့ Mr.Tomas Quintana က ပြောပါတယ်။
ဒါ့ပြင် တိုင်းရင်းသားလူမျိုးစုတွေအပေါ် ခွဲခြားဆက်ဆံမှုတွေ ရှိနေဆဲဖြစ်ကြောင်း၊ တိုင်းရင်းသားတွေရဲ့ အခွင့်အရေး တွေကို လေးစားမှသာ အမျိုးသား ရင်ကြားစေ့ဖို့၊ တည်ငြိမ်အေးချမ်းဖို့ အာမခံနိုင်မှာ ဖြစ်ကြောင်း၊ ဧပြီ ၁ ရက် ကြားဖြတ် ရွေးကောက်ပွဲနဲ့ ပတ်သက်ပြီး ယုံကြည် စိတ်ချရမှု ဆိုတာကလည်း အဲဒီနေ့ တစ်နေ့တည်း မဟုတ်ဘဲ လုပ်ငန်းစဉ် တစ်ခုလုံးနဲ့တကွ ရွေးကောက်ပွဲပြီး အခြေအနေ တွေကိုပါ ကြည့်ရှုရမှာ ဖြစ်ကြောင်း ပြောကြား ခဲ့ပါတယ်။
Ref: RFA News
ရုပ်ရှင်ဆင်ဆာစည်းကမ်း ပိုလျှော့ဖို့လို
မခင်ဖြူထွေး
အင်္ဂါ, 13 မတ် 2012
မြန်မာရုပ်ရှင်နဲ့ ဗွီဒီယို ဇာတ်ကားတွေအပေါ် တင်းကျပ်ထားတဲ့ စည်းမျဉ်းစည်းကမ်းတချို့နဲ့ ဆင်ဆာ အချက် ၁၀ ချက်ကို အစိုးရက မကြာသေးခင်က ဖြေလျှော့ ပေးလိုက်တာဟာ တကယ်တမ်း ဆင်ဆာလွတ်လပ်ခွင့် ပေးလိုက်တာ မဟုတ်ဘူးလို့ အနုပညာ အသိုင်းအဝိုင်းက ထောက်ပြကြပါတယ်။ ဘယ်လို အချက်တွေကို ဖြေလျှော့ခွင့် ပေးလိုက်ပြီး ဘယ်လိုအချက်တွေကို ဆက်ပြီး ထိန်းချုပ် ထားတာပါလဲ။ ဒီအပေါ် အနုပညာ အသိုင်းအဝိုင်းက လူတချို့ရဲ့ အမြင်တွေကို မခင်ဖြူထွေးက တင်ပြထားပါတယ်။
အရင်အစိုးရလက်ထက်က မြန်မာ့ရုပ်ရှင်နဲ့ ဗွီဒီယိုဇာတ်ကားတွေအပေါ် တင်းကျပ်ထားတဲ့ စည်းမျဉ်းစည်းကမ်းတချို့နဲ့ ဆင်ဆာ အချက် ၁၀ ချက်ကို အခု အရပ်သား အစိုးရလက်ထက်မှာ ဖြေလျှော့ပေး လိုက်တာပါ။ ဒီလို ဖြေလျှော့ ပေးလိုက်တဲ့ အထဲမှာတော့ စုန်း၊ သရဲ-တစ္ဆေကားတွေ ရိုက်ခွင့်ပြုတာ၊ ဇာတ်ကားတွေထဲမှာ အရက် သေစာ သောက်စားခွင့်ပြုတာ၊ အရွယ် မရောက်သေးတဲ့ ကလေးငယ်တွေကို ချစ်ခန်း ကြိုက်ခန်းတွေ ရိုက်ခွင့်ပြုတာ၊ လူကြီးမိဘတွေကို ပြန်ပြောတာမျိုး ရိုက်ခွင့်ပြုတာ၊ ယောက်ျားလေး တွေကို အခြောက်သဏ္ဍာန်မြူး သရုပ်ဆောင်ခွင့်ပြုတာ စတဲ့အချက်တွေ ပါဝင်ပါတယ်။
ဒါပေမဲ့ တကယ်တမ်း ဖြေလျှော့ပေးသင့်တဲ့ အချက်တွေကိုတော့ ဆက်ပြီး ထိန်းချုပ် ထားဆဲ ဖြစ်တာမို့ တကယ်တမ်း လွတ်လပ်ခွင့် ပေးတယ်လို့ မယူဆနိုင်ကြောင်း လက်ရှိ ဆင်ဆာ အပိတ်ခံထားရတဲ့ လွမ်းစိမ့် ဇာတ်ကားကို ရိုက်ကူးခဲ့သူ ဒါရိုက်တာ ကိုချိုတူးဇော်က ထောက်ပြပါတယ်။
“ကျနော့်ကားက လုံးဝ တကားလုံးကို ဆင်ဆာက ပြသခွင့်မပေးတာဗျ။ အခုချိန်အထိလည်း ပြသခွင့် မပေးသေးပါဘူး။ မပေးသေးတဲ့ အတွက် ဆင်ဆာက ဖြေလျှော့တယ်ဆိုတာ ကျနော်တို့ကားမျိုးတွေ အကျုံး မဝင်သေးဘူး၊ တကယ်ကို ပြည့်ဝတဲ့ လွတ်လပ်မှု မဟုတ်သေးဘူးလို့ပဲ ကျနော် မြင်ပါတယ်။”
ဘယ်လို အခြေအနေမျိုးကို တကယ်ပြည့်ဝတဲ့ လွတ်လပ်မှုလို့ ဆိုနိုင်မှာပါလဲ။ -
“ကျနော်တို့ အနုပညာသမားတွေက ကျနော်တို့အမြင်ကို ဒါဖြင့်ရင်တော့ ဒီလိုမြင်တယ်၊ ဒါဖြင့်တော့ ဒီလို ခံစားရတယ်-ကျနော်တို့ အမြင်တွေက သီအိုရီကျကျပေါ့-လက်တွေ့ အချက်တွေနဲ့ ဖြစ်ကောင်း ဖြစ်ချင်မှဖြစ်မယ်၊ ကျနော်တို့ ဟောဒီလို ခံစားရတယ်ဗျာ၊ ဟောဒီလို မြင်တယ်ဗျာ- ဟောဒီလိုတော့ ထိ-သိ-ကြုံတွေ့ခဲ့ရတယ်ဗျာ-လို့ တဆင့် ပြန်ပြီးတော့ ဖန်တီးမယ်၊ ဖောက်သည်ချမယ်၊ ဒါကို လွတ်လပ်ခွင့်ပေးမှ တိုင်းပြည်မှာ ဒီမိုကရေစီစနစ်ကြီးက တကယ်ဖွံ့ဖြိုးမှာ။ အဲဒီတော့ ဒါတွေကို ရုပ်ရှင်ကလည်း ရုပ်ရှင်အလျောက်၊ စာပေကလည်း စာပေအလျောက်၊ အဲဒါတွေကို လွတ်လပ်စွာ ဖော်ထုတ်ခွင့်တွေကို ပေးရပါလိမ့်မယ်။ အဲဒါမှ တကယ်ပြည့်ဝတဲ့၊ လွတ်လပ်တဲ့ ဆင်ဆာမူလို့ ကျနော် မြင်ပါတယ်။ ”
လွမ်းစိမ့်ဇာတ်ကားဟာ ၁၉၈၈ ခုနှစ် ကျောင်းသားတွေ ဦးဆောင်ပါဝင်ခဲ့တဲ့ လူထု လှုပ်ရှားမှု အရေးတော်ပုံ နောက်ခံထား ရိုက်ကူး ထားတဲ့ ဇာတ်ကားတစ်ခုပါ။ ဒီလို နိုင်ငံရေး နောက်ခံ အကြောင်းအရာနဲ့ ဇာတ်ကားမျိုးတွေ ကတော့ ဆင်ဆာ ပိတ်ပင်ခံရဆဲ ဖြစ်ပါတယ်။ ခုချိန်မှာ ဒါမျိုး မရှိသင့်တော့ဘူးလို့ လွမ်းစိမ့် ဇာတ်ကားမှာ အာအိုင်တီ ကျောင်းသားအဖြစ် ပါဝင် သရုပ်ဆောင်ခဲ့တဲ့ မင်းသား ရဲတိုက်က ပြောပါတယ်။
“ဒါကတော့ -- မူဝါဒအရ ဒီလိုကားမျိုး Pass မဖြစ်တာ သဘာဝကျပါတယ်။ အခုတော့ ဆင်ဆာ မူဝါဒ ပြောင်းလဲလာပြီ လို့လည်း ကြားရပါတယ်။ ပြောင်းလဲအောင်လည်း အားလုံးက ဝိုင်းပြီး ဆောင်ရွက် နေတာကို တွေ့ရပါတယ်။ လျှော့ပေးသွားတဲ့ အချက်တွေတော့ ရှိပါတယ်။ ဒါပေမဲ့ လျှော့ပေးထားတဲ့ အချက်တွေထဲမှာ လွမ်းစိမ့်နဲ့ ပတ်သက်တဲ့ အချက်တွေ မပါသေးဘူး။ မပါသေးတဲ့အတွက် လွမ်းစိမ့်က မထွက်လာသေးဘူး။”
အခု အစိုးရက ဆင်ဆာ သတ်မှတ်ချက်တချို့ လျှော့ပေါ့ပေးတယ် ဆိုတာဟာလည်း တကယ်တော့ တရားဝင် စာထုတ်ပြီး လျှော့ပေါ့ ပေးတာမျိုး မဟုတ်ပါဘူး။ ဒီအပေါ် ဒါရိုက်တာ ဝိုင်း ကလည်း -
“ဆင်ဆာ rules တွေက လျှော့ပေါ့တယ်လို့ ပြောတယ်၊ သူတို့က လျှော့ပေါ့တယ်ဆိုတာ အခုချိန်မှာ ဒီဘက်က လှုပ်ရှားမှုတွေ အားကောင်းနေတဲ့ အတွက် အားမတန်လို့ မာန်လျှော့ပြီးတော့ - လိုက်လျောပေးနေတဲ့ သဘော၊ တကယ့်တကယ် အဲဒါကို စာထုတ်ထားခြင်း လုံးဝမရှိဘူး။ လက်ရှိဥပဒေတွေအရ ဒီကားတွေကို ဆင်ဆာဖြတ်လို့ ရနေပါတယ်။ ဘာလို့လဲဆိုတော့ သူတို့က ပါးစပ်ထဲမှာပဲ ဥပဒေကို လုပ်နေတဲ့ အခါကျတော့ သိပ် အဆင်မပြေဘူး”
တကယ်တော့ တိုးတက်ပြီး လွတ်လပ်တဲ့ နိုင်ငံတွေမှာလည်း ဆင်ဆာ သတ်မှတ်ချက်တွေ ရှိပါတယ်။ ကလေးငယ်တွေ မကြည့်သင့်တဲ့ ဇာတ်ကား၊ ဆယ်ကျော်သက်တွေ ရှောင်သင့်တဲ့ ဇာတ်ကား စသဖြင့် ဇာတ်ကားအမျိုးအစားအလိုက် ဘယ်ကားတွေ ကတော့ဖြင့် ဘယ်လိုလူတွေ မကြည့်ရဘူး ဆိုတဲ့ သတိပေးချက်တွေနဲ့ သတ်မှတ် ထားပါတယ်။ တကယ်တမ်း ပြည့်ဝတဲ့ ဆင်ဆာမူတွေ ဖြစ်ဖို့မှာ ဒီလို အချက်တွေကိုလည်း ထည့်သွင်းစဉ်းစားရမှာ ဖြစ်တယ်လို့ ဒါရိုက်တာ ချိုတူးဇော်က အခုလို အကြံပြု ထောက်ပြပါတယ်။
“အမေရိကားမှာလည်းပဲ ဆင်ဆာမှာ အမျိုးမျိုး မူတွေသတ်မှတ်ထားတယ်။ အဲဒါ ဘာတွေလဲဆိုတော့ ကလေး၊ သူငယ် အသက် အရွယ်နဲ့ ကန့်သတ်တယ်။ အဲဒီလိုမျိုးပဲ ဆင်ဆာမှာ အဆင့်ဆင့်ရှိသင့်တယ်။ ကျနော် အဲဒါလေး အကြံပေးပါရစေ။ တကယ်လို့ ကျနော်တို့က မြန်မာလူ့အဖွဲ့အစည်းနဲ့ မကိုက်ညီတဲ့ မလုံမလဲ ဝတ်စားဆင်ယင်မှုတွေကို ပြမယ်၊ ဒါမှမဟုတ် ရုန့်ရင်းကြမ်းတမ်းစွာနဲ့ တကယ့် ကြောက်စရာ၊ လန့်စရာကောင်းတဲ့ သရဲကားတွေကိုဆိုရင် ကလေးသူငယ်တွေနဲ့ ကန့်သတ်ပြီးတော့ ကြည့်ခွင့် မရအောင် ကန့်သတ်ပြီးတော့ ဒါမျိုးတွေ စည်းမျဉ်းစည်းကမ်းတွေလုပ်မယ်။ ဒါတွေ တကယ် မကြည့်နိုင်အောင်လည်း ဘယ်လိုမျိုး စည်းကမ်းဥပဒေတွေ နောက်ဆက်တွဲ cover ဖြစ်အောင် လုပ်မယ်ဆိုတာတွေကိုပါ ထည့်စဉ်းစားသင့်တယ်၊ အဲဒါမျိုး လုပ်ရမယ်။ စည်းကမ်းဆိုတာက ပြဌာန်းချင်တိုင်း ပြဌာန်းလို့ မရဘူး။ နောက်မှ နောက်ဆက်တွဲဖြစ်လာမယ့် ကောင်းကျိုး၊ ဆိုးကျိုးကိုပါ ထည့်စဉ်းစားပြီးတော့ အဲဒါကိုပါ cover ဖြစ်အောင် ကြိုပြီးတော့ ရေးဆွဲသင့်တယ်၊ ပြင်ဆင်ထားသင့်တယ်ဆိုတာလေးကိုပါ အကြံပေးချင်ပါတယ်ဗျာ”
ဒါရိုက်တာ ကိုချိုတူးဇော်ရဲ့ အမြင်ပါရှင်။ တကယ်တမ်း မြန်မာ့ ရုပ်ရှင်နဲ့ မီဒီယာလောက တိုးတက်လာအောင် ပြုပြင် ပြောင်းလဲမှုတွေ လုပ်ဖို့ဆိုရင် အခုလို ဆင်ဆာ လျှော့ပေါ့ပေးတာမျိုးနဲ့ မလုံလောက်ဘဲ တကယ်တမ်း မှန်ကန်တဲ့ လုပ်သင့် လုပ်ထိုက်တဲ့ ပြုပြင် ပြောင်းလဲမှုတွေ အများကြီးလုပ်ဖို့ လိုအပ် နေသေးတယ်လို့ ရုပ်ရှင် အနုပညာရှင် အသိုင်းအဝိုင်းက ဝေဖန် ပြောဆို နေကြတာပါရှင်။
Ref: VOA News
The Voice ဂျာနယ်ကို သတ္တုတွင်းဌာန တရားစွဲမည်
ခင်ဦးသာ
March 14, 2012
အစိုးရ ၀န်ကြီးဌာနများ၏ ငွေကြေးအလွဲ သုံးစားမှု ပြဿနာအား ရေးသား ဖော်ပြခဲ့သည့် The Voice weekly ဂျာနယ်ကို သတ္တုတွင်း ၀န်ကြီးဌာက တရား စွဲဆိုမည် ဖြစ်ကြောင်း ယနေ့ထုတ် အစိုးရ သတင်းစာများ၌ ဖော်ပြထားသည်။
ပြီးခဲ့သည့် သီတင်းပတ်ထုတ် The Voice ဂျာနယ်၌“၀န်ကြီးဌာန အချို့၏ ကျပ်သိန်းထောင်ချီ အလွဲသုံး စားမှုများ စစ်ဆေးတွေ့ရှိ” ဟူသည့် သတင်းတွင် ပါဝင်သော သတ္တုတွင်း ၀န်ကြီးဌာန နှင့်ပတ်သက်၍ ရေးသားထားသည့် အချက်အလက် များ၌ မမှန်မကန် ဖော်ပြမှုများ ပါဝင်နေသောကြောင့် ဥပဒေကြောင်းအရ ဆောင်ရွက်သွားမည်ဟု အစိုးရ သတင်းစာများတွင် ပါရှိသည်။
သတ္တုတွင်း ၀န်ကြီးဌာန အမှတ် ( ၁) သတ္တုတွင်း လုပ်ငန်း၏ မုံရွာကြေးနီ စီမံကိန်းမှ အစုရှယ်ယာ ၅၀ ရာခိုင်နှုန်းကို ဒေါ်လာ သန်း ၁၀၀ ဖြင့် မြန်မာ့ စီးပွားရေး ဦးပိုင်လီမီတက်သို့ ရောင်းချခဲ့သည့် ဖြစ်စဉ်တွင် ငွေပေးချေမှုများအား ဦးပိုင် လီမီတက်က ပေးဆောင်ရမည့် အစား နိုင်ငံခြား ကုမ္ပဏီတခုမှ ပေးဆောင်ခဲ့ခြင်းများ ပါဝင်ကြောင်း The Voice ဂျာနယ် က ရေးသားထားသည်။
စီးပွားရေး ဦးပိုင်လီမီတက်သည် စစ်တပ် အငြိမ်းစား ဗိုလ်ချုပ်ကြီးများ၊ လက်ရှိ စစ်တပ်ထိပ်ပိုင်း ခေါင်းဆောင်များ ဦးစီး၍ စီးပွား ရေး လုပ်ငန်း အများအပြား လုပ်ဆောင်နေသည့် ကုမ္ပဏီကြီး တခုဖြစ်သည်။
ယခု တရားစွဲဆိုမည့် ကိစ္စနှင့်ပတ်သက်၍ ဧရာဝတီက The Voice ဂျာနယ် ကို ဆက်သွယ်ခဲ့သော်လည်း ပြန်လည် ဖြေကြားရန် ငြင်းဆိုသည်။
Eleven media group ၏ မတ်လ ၁၂ ရက်နေ့က ဖော်ပြထားသည့် အွန်လိုင်း စာမျက်နှာတွင်လည်း သတ္တုတွင်း ၀န်ကြီးဌာန၊ အမှတ် (၁) သတ္တုတွင်း လုပ်ငန်းနှင့် မြန်မာ့ အိုင်ဗင်ဟို ကြေးနီ ကုမ္ပဏီတို့ ပိုင်ဆိုင်သည့် အစုရှယ်ယာ ၅၀ ရာခိုင်နှုန်းကို မြန်မာ့ စီပွားရေး ဦးပိုင်သို့ ရောင်းချခဲ့ကြောင်း၊ ရောင်းချငွေအား ဦးပိုင်မှ မပေးချေဘဲ ဟောင်ကောင် မှ Wanbo Mining Copper Limited က ပေးပို့ခဲ့သည်ကို စစ်ဆေး တွေ့ရှိရကြောင်း ပြည်ထောင်စု စာရင်းစစ်ချုပ် ရုံး၏ အစီရင်ခံစာကို ကိုးကား၍ ရေးသား ထားသည်။
ဝန်ကြီးဌာန ၆ ခု ၏ ငွေကြေး အလွဲသုံးစားမှု၊ ငွေစာရင်း မမှန် မကန် လိမ်လည်ဖော်ပြမှုများအား ပြည်ထောင်စု စာရင်း စစ်ချုပ် ရုံးမှတဆင့် လွှတ်တော် အသီးသီး၏ ငွေစာရင်း ကော်မတီများနှင့် ကိုယ်စားလှယ်များထံ ဖြန့်ဝေ ပေးထားကြောင်းလည်း လွှတ် တော် ကိုယ်စားလှယ်များ က ဧရာဝတီ ကို ပြောသည်။
ငွေကြေးအလွဲသုံးစား ပြုလုပ်ခဲ့သည့် ၀န်ကြီးဌာန ၆ ခုမှာ သတ္တုတွင်း ၀န်ကြီးဌာန၊ ပြန်ကြားရေး၊ လယ်ယာ စိုက်ပျိုးရေးနှင့် ဆည်မြောင်း၊ အမှတ် (၁) (၂) စက်မှု ၀န်ကြီးဌာနများ နှင့် သမ၀ါယမ ၀န်ကြီးဌာန တို့ ဖြစ်သည်။
အစိုးရ၀န်ကြီးဌာနများ၏ ငွေကြေး အလွဲသုံးစားမှု သတင်းကို ပြည်တွင်း ပြည်ပ မီဒီယာများက ရေးသားဖော်ပြခဲ့သည့် အပြင် ထို ပြဿနာအား လွှတ်တော်၌လည်း ဆွေးနွေးကြမည် ဖြစ်ပြီး ငွေကြေး အလွဲသုံးမှု၊ အဂတိ လိုက်စားမှု တားဆီးရေး ကော် မရှင် တရပ် ဖွဲ့စည်းရေး၊ ဥပဒေ တရပ်ပြဌာန်း နိုင်ရေး တို့ကို လုပ်ဆောင်သွားမည်ဟု သိရသည်။
ဆောက်လုပ်ရေးဝန်ကြီးဌာန လက်အောက်ခံ ဌာနတချို့သည် လမ်းခွန် တရားမ၀င်ကောက်ခံခြင်း၊ လမ်း ပျက်စီးမှုများ စနစ် တကျ လုပ်ဆောင်ခြင်း မရှိသည့် သတင်းကို ဖော်ပြခဲ့သည့် မော်ဒန် ဂျာနယ်ကိုလည်း ဆောက်လုပ်ရေး ၀န်ကြီးဌာနက ယခု လဆန်းပိုင်း အတွင်း တရားစွဲဆိုမှု ဖြစ်ပေါ်ခဲ့သည်။
Ref: ဧရာဝတီ
အစိုးရ ထိုးစစ်ဆင်လျှင် SSA ခုခံ တိုက်ခိုက်မည်
သန့်စင်ငြိမ်းချမ်း
March 14, 2012
အစိုးရနှင့် အပစ်အခတ် ရပ်စဲထားသည့် ရှမ်းပြည်တပ်မတော် တောင်ပိုင်း (SSA–S) က ၎င်းတို့ နယ်မြေအတွင်း အစိုးရ တပ်များ ထပ်မံ ထိုးစစ် ဆင်လာပါက ခုခံသည့်အနေဖြင့် ပြန်လည် တိုက်ခိုက်သွားမည်ဟု ပြောဆိုလိုက်သည်။
ရှမ်းပြည်နယ် မိုင်းယောင်းနှင့် ကျောက်မဲဒေသများရှိ SSA–S စခန်းများကို အစိုးရတပ်များက ယခုလ ၁၁ ရက်နေ့တွင် ရုတ်တရက် ၀င်ရောက် တိုက်ခိုက်ပြီးနောက် အစိုးရ တပ်များ ဦးစွာ တိုက်ခိုက်လာပါက ပြန်လည်ခုခံရန် အောက်ခြေတပ်များအားလုံးကို ညွှန်ကြား ထားကြောင်း SSA–S ပြောခွင့်ရ ဗိုလ်မှူး စိုင်းလောင်ဝ်ဆိုင်းက ပြောပြသည်။
“အစိုးရတပ်တွေက ကျနော်တို့ကို တိုက်ချင်သလို ၀င်တိုက်ကြတာကို တွေ့ရတယ်ဆိုတော့ သူတို့ကို ယုံကြည် စိတ်ချစွာနဲ့ အပစ် အခတ် ရပ်စဲပြီဆိုပြီးတော့ အတူတကွ နေထိုင်သွားလို့ မရတဲ့ ပုံစံမျိုးကို တွေ့ရှိရတယ်။ ဒါကြောင့် သူတို့ကစပြီး တိုက်တယ် ဆိုရင်တော့ ကိုယ့်ကိုယ်ကိုယ် ခုခံကာကွယ်တဲ့ အနေနဲ့ ပြန်တိုက်ဖို့ ကျနော်တို့ တပ်တွေကို ပြောထားတယ်”ဟု သူက ဆိုသည်။
အစိုးရတပ်များက သံလွင်မြစ် အရှေ့ဘက် မိုင်းယောင်းနှင့် တာချီလိတ်ကြားရှိ SSA–S စခန်းအား ပြီးခဲ့သည့် တနင်္ဂနွေ နေ့က ၀င်ရောက် တိုက်ခိုက်ခဲ့သဖြင့် SSA တပ်များ ဆုတ်ခွာ ပေးခဲ့ရကြောင်း၊ ရှမ်းပြည်မြောက်ပိုင်း ကျောက်မဲနှင့် သီပေါမြို့ကြား ပုံဝိုး-ဟိုင်းကွီ ကျေးရွာ အုပ်စု အနီးရှိ SSA–S ကင်းစခန်းကိုလည်း ၀င်ရောက် တိုက်ခိုက်ခဲ့ကြောင်း ဗိုလ်မှူး စိုင်းလောင်ဝ်ဆိုင်းက ပြောသည်။
“ကျနော်တို့တပ်တွေရှိတာ သိရဲ့သားနဲ့ တမင်သက်သက် ၀င်တိုက်သွားတာပါ”ဟုလည်း သူက ပြောဆိုသည်။
အစိုးရနှင့် SSA–S တို့ ပြည်နယ်အဆင့် အပစ်အခတ်ရပ်စဲကြောင်း ပြီးခဲ့သည့်နှစ် ဒီဇင်ဘာလဆန်းပိုင်းက ရှမ်းပြည်နယ် တောင်ကြီး မြို့၌ လက်မှတ်ရေးထိုး ခဲ့ကြသည်။ သို့သော် အပစ်ရပ်ပြီး နောက်ပိုင်း တိုက်ပွဲများ ဖြစ်ပွားနေသည်မှာ အနည်းဆုံး ၁၃ ကြိမ်ခန့် ရှိပြီ ဟု SSA–S က ပြောသည်။
ယင်းတိုက်ပွဲများနှင့်ပတ်သက်၍ အစိုးရကိုယ်စားလှယ်တချို့နှင့် SSA–S ခေါင်းဆောင်များ ထိုင်း-မြန်မာ နယ်စပ် တနေရာတွင်ပြီး ခဲ့သည့်လ ၂၇ ရက်နေ့က ထပ်မံတွေ့ဆုံ ဆွေးနွေး ခဲ့ကြသည်။
“အဲဒီမှာ အစိုးရတပ်တွေ ကျနော်တို့ကို မတိုက်ခိုက်အောင် တာဝန်ယူပေးပါ့မယ်လို့ ပြောသွားတာ ရှိပါတယ်။ ဒါပေမယ့် အတိအကျ လိုက်နာခြင်း မတွေ့ရှိရသေးဘူး”ဟု ဗိုလ်မှူး စိုင်းလောင်ဝ်ဆိုင်းက ပြောသည်။
သူက ဆက်ပြီး“ကျနော်တို့နဲ့ အပစ်အခတ်ရပ်စဲရေး ရထားပြီးတော့ သဘောတူညီချက် လက်မှတ်ထိုးထား တာက နိုင်ငံတော် အစိုးရ ဖြစ်ပါတယ်။ နိုင်ငံတော် အစိုးရက ထုတ်ပြန်ထားတဲ့ အပစ်အခတ် ရပ်စဲရေးကို တပ်မတော်က ထိရောက်အောင် လိုက်နာနိုင်ခြင်း နည်းပါးတယ်လို့ မြင်တယ်”ဟုလည်း ပြောဆိုသည်။
တပ်မတော်က ထိုသို့ ဆက်လက်တိုက်ခိုက်နေပါက အစိုးရနှင့် SSA–S တို့၏ အပစ်အခတ် ရပ်စဲရေးစာချုပ် ပျက်သွား နိုင်ကြောင်း ရှမ်းပြည်အရေး လေ့လာ စောင့်ကြည့်နေသည့် သျှမ်းသံတော်ဆင့် အယ်ဒီတာ ဦးခွန်ဆိုင်းက ပြောသည်။
“စစ်ရေးအင်အားသုံးတယ်ဆိုတာ ငြိမ်းချမ်းရေးကို မလိုလားဘူးလို့ အဓိပ္ပာယ် သက်ရောက်ပါတယ်။ ငြိမ်းချမ်းရေး မလိုလားရင် အပစ်အခတ် ရပ်စဲရေး ပျက်ပြယ် သွားနိုင်ပါတယ်။ ဒီလို ပျက်ပြယ်အောင် ဘယ်ဘက်ကမှ မလုပ်သင့်ဘူး”ဟု သူက ဆိုသည်။
SSA–S အနေဖြင့်မူ အပစ်အခတ် ရပ်စဲရေး မပျက်ပြယ်လိုဘဲ ငြိမ်းချမ်းသည့်နည်းဖြင့်သာ ဆွေးနွေးဖြေရှင်း လိုကြောင်း ဗိုလ်မှူး စိုင်းလောင်ဝ်စိုင်းက ပြောသည်။
“ကျနော်တို့က အစိုးရနဲ့ ပစ်လားခတ်လား လုပ်လာတာလည်း ကြာပါပြီ။ မပြေလည်တဲ့ပြဿနာတွေကို ငြိမ်းချမ်းတဲ့ နည်းလမ်းနဲ့ ဖြေရှင်း နိုင်အောင် ကြိုးစားပါမယ်”ဟု သူက ဆိုသည်။
မော်ထိုင်း တပ်မတော် MTA ခေါင်းဆောင် ဦးခွန်ဆာ စစ်အစိုးရထံ လက်နက်ချသွားသည့် နောက်ပိုင်း ဗိုလ်မှူးကြီး ရွက်ဆစ်က SSA-S ကို မော်ထိုင်း အဖွဲ့ဝင်ဟောင်း တချို့နှင့် ၁၉၉၆ ခုနှစ်က ဖွဲ့စည်းခဲ့ခြင်း ဖြစ်သည်။
Ref: ဧရာဝတီ
စစ်တပ်များအား မထိန်းသိမ်းနိုင်မှုအပေါ် အစိုးရကို SSA-S သံသယရှိ
ဖနိဒါ
အင်္ဂါနေ့၊ မတ်လ ၁၃ ရက် ၂၀၁၂
ချင်းမိုင် (မဇ္ဈိမ) ။ ။ တိုက်ပွဲငယ်များ ဆက်တိုက် ဖြစ်ပွားနေခြင်းကြောင့် အစိုးရက စစ်တပ်များ အပေါ် မထိန်းချုပ်နိုင်ဟု သံသယ ဖြစ်ဖွယ် ရှိကြောင်း အစိုးရနှင့် ပဏာမ အပစ်အခတ် ရပ်စဲထားသော ရှမ်းပြည် တပ်မတော် တောင်ပိုင်း (SSA-S) က ပြောသည်။
“တိုက်ပွဲတွေ မဖြစ်အောင် သမ္မတ က တပ်မတော်ကို တိုက်ရိုက်အမိန့် မပေးနိုင်ဘူးလား။ ဒါမှမဟုတ် အစိုးရ ပေါ်လစီ အတိုင်း တပ်မတော်က လိုက်နာ ဆောင်ရွက်ခြင်း မရှိဘူးလား ဆိုတာ မေးခွန်းမျိုး မေးဖြစ်ပါတယ်” ဟု SSA-S မှ ဗိုလ်မှူး စိုင်းလောဝ်ဆိုင်းက ပြောသည်။
ပြည်ထောင်စုအဆင့် ငြိမ်းချမ်းကိုယ်စားလှယ်များနှင့် အပစ်အခတ် ရပ်စဲထားပြီးနောက် နှစ်လခန့်အတွင်း အစိုးရနှင့် SSA-S တပ်များ အကြား တိုက်ပွဲ ၁၃ ကြိမ် ဖြစ်ပွားခဲ့သည်။ မတ်လ ၁၁ ရက်နေ့ကလည်း ကျိုင်းတုံခရိုင် မိုင်းဖြတ်မြို့ အခြေစိုက် စစ်ဆင်ရေးနှင့် ကွပ်ကဲရေးဌာနချုပ် (စကခ-၁၈) လက်အောက်ခံ (ခမရ- ၅၇၃)တပ်ဖွဲ့များနှင့် SSA-S လှုပ်ရှားတပ်တို့ တနာရီကြာ တိုက်ပွဲ ဖြစ်ပွားခဲ့သည်။
SSA-S အင်အားနည်းရာ ဒေသများဖြစ်သော ကျောက်မဲ၊ သီပေါ၊ တာလေ၊ မိုင်းဖြတ်၊ မိုင်းယောင်း စသည့် ဒေသများ တွင် အစိုးရဘက်မှ စစ်ကြောင်းသုံးကြောင်း (လူအင်အား ၃၀၀ ခန့်) ဖြင့် ထိုးစစ်ဆင်လာခြင်းကြောင့် တိုက်ပွဲများ ဖြစ်ပွားရခြင်း ဖြစ်ပြီး အပစ် ရပ်စဲထားသည့်တိုင် စစ်ရေးအရ ဖိအားပေးမှုများ ရှိသည်ဟု SSA-S က ပြောသည်။
“အပစ်အခတ် ရပ်စဲထားတယ် ဆိုပေမယ့် စစ်ရေးနဲ့ ကျနော်တို့ကို ဖိအားပေးတယ်။ ဖိအားပေးတဲ့ ပုံစံအတိုင်း မလိုက်နာ မဆောင်ရွက်ဘူး ဆိုရင် ပြန်တိုက်တာတွေ ရှိတော့ အစိုးရနဲ့ တပ်မတော်ကြားမှာ ဘာတွေ ဖြစ်နေလဲဆိုတာ ကျနော်တို့ စဉ်းစား မတတ်အောင် ဖြစ်ပါတယ်။ အစိုးရက ဘာကြောင့် သူ့တပ်တွေကို မထိန်းနိုင်တာလဲ၊ မကြီးကြပ်နိုင် တာလဲ ဆိုတာကိုပါ” ဟု စိုင်းလောဝ်စိုင်း က ပြောသည်။
၂ဝ၁၁ နိုဝင်ဘာလမှ ၂ဝ၁၂ ဖေဖော်ဝါရီ လကုန်အထိ မိုင်းပြင်း၊ မိုင်းဖြတ်၊ တာချီလိတ်၊ မိုးပန်၊ ကျောက်မဲနှင့် သီပေါ မြို့နယ်များ အတွင်း ရှမ်းတပ်ဖွဲ့များကို ဖိအားပေး နေရာပြောင်းရွှေ့ခိုင်းခြင်းများ ပြုလုပ်ခဲ့သည်ဟု သိရသည်။
စစ်တပ်က အစိုးရ၏ လုပ်နည်းလုပ်ဟန်များကို နားလည်မှု လွဲနေသည့် ပုံစံတွေ့ရကြောင်း ဗိုလ်မှူး စိုင်းလောဝ်ဆိုင်း က မဇ္စျိမကို ပြောသည်။
အစိုးရတပ်များအနေဖြင့် ထိုးစစ်ဆင် တိုက်ခိုက်မှုများ မလုပ်ဘဲ ရပ်ဆိုင်းထားရန် သမ္မတမှ ညွန်ကြား ထားပြီးနောက် ကာကွယ်ရေး ဦးစီးချုပ်မှလည်း အောက်ခြေ တပ်များအား ဆက်လက် ညွှန်ကြားပြီး ဖြစ်ကြောင်းနှင့် တပ်မတော်တွင် အမိန့်နှင့် ညွန်ကြားချက်သည် အသက် သွေးကြောဖြစ်ကြောင်း မတ်လ ၁ ရက် သမ္မတ မိန့်ခွန်းတွင် ပါရှိသည်။
နှစ်ဘက် တိုက်ခိုက်မှုများနှင့် ပတ်သက်၍ ဖေဖော်ဝါရီလ၂၇ ရက်နေ့တွင် SSA-S ဘက်က အစိုးရ ငြိမ်းချမ်းရေး ကိုယ်စားလှယ် များထံ တင်ပြခဲ့ပြီး နှစ်ဖက်ခေါင်းဆောင် အချို့ တွေ့ဆုံ ဆွေ့နွေးခဲ့ကြောင်း၊ တိုက်ပွဲများ ထပ်မံဖြစ်ပွားမှု မရှိစေရန် တာဝန်ယူမည်ဟု ပြောဆိုမှု ရှိခဲ့သည့်တိုင် တိုက်ပွဲများ ဆက်လက် ဖြစ်ပွားခဲ့ကြောင်း SSA-S က ဆိုသည်။
၂ဝ၁၁ ဒီဇင်ဘာလက မီးရထားဝန်ကြီး ဦးအောင်မင်း ဦးဆောင်သော ပြည်ထောင်စုအဆင့် ငြိမ်းချမ်းရေး အဖွဲ့နှင့် SSA-S ပဏာမ သဘောတူ စာချုပ် လက်မှတ်ရေးထိုး ခဲ့သော်လည်း စစ်ရေးဒေသများ အတွင်းရှိ နှစ်ဖက်တပ်များ ဆုတ်ခွာရေးနှင့် ပတ်သက်၍ ဆွေးနွေးရာတွင် ပြည်နယ်အဆင့် တပ်များနှင့် ဆွေးနွေးရန်သာ ပြည်ထောင်စု အဆင့် ငြိမ်းချမ်းရေး အဖွဲ့က ပြောဆိုခဲ့သည်။ ယင်းနောက် ၂ဝ၁၂ ဇန်နဝါရီလတွင် ပြည်ထောင်စု အဆင့် လက်မှတ် ရေးထိုးခဲ့ သည်။
Ref: မဇ္ဈိမ
ဦးမန်းငြိမ်းမောင်ကို ထောင်ဒဏ်တသက်ချမှတ်
Nyein Khet
အင်္ဂါ, 13 မတ် 2012
မြန်မာအစိုးရနဲ့ အပစ်အခတ်ရပ်စဲရေးလက်မှတ် ရေးထိုးထားပြီး ငြိမ်းချမ်းရေး ရဖို့ ကြိုးပမ်းနေတဲ့ KNU ကရင့် အမျိုးသား အစည်းအရုံးရဲ့ ခေါင်းဆောင်တဦး ဖြစ်တဲ့ ဦးမန်းငြိမ်းမောင်ကို အင်းစိန်ထောင်တွင်း တရားရုံးက ထောင်ဒဏ် တသက်တကျွန်း ဒီကနေ့ ချလိုက်ပါတယ်။ ပြီးခဲ့တဲ့ နှစ် ဇူလိုင်လက တရုတ်နိုင်ငံမှာ ဖမ်းဆီးခံခဲ့ရတဲ့ ဦးမန်းငြိမ်းမောင်ကို တရားမ၀င် အသင်းနဲ့ ဆက်သွယ်မှု၊ နိုင်ငံတော် ပုန်ကန်မှုနဲ့ နိုင်ငံတော် နဲ့ စစ်မက်ခင်းမှု စတဲ့ အချက်တွေနဲ့ အပြစ်ပေး အရေး ယူခဲ့တာဖြစ်ပါတယ်။ ဒီအခြေနေ အပြည့်အစုံကိုတော့ အမှုမှာ လိုက်ပါဆောင်ရွက်ပေးနေတဲ့ အကျိုးဆောင်ရှေ့နေ နဲ့ ဆက်သွယ် မေးမြန်းထားတဲ့ မအေးအေးမာ က ပြောပြပါမယ်။
ကေအန်ယူရဲ့ ဗဟိုကော်မတီဝင် ဦးမန်းငြိမ်းမောင်ကို ထောင်ဒဏ် တသက်တကျွန်း ပြစ်ဒဏ် ချမှတ် လိုက်ကြောင်း သူရဲ့ ရှေနေဖြစ်သူ ဦးကြီးမြင့်က ပြောပါတယ်။
ဒီနေ့ နေ့လယ် ၁၂နာရီက အမိန့်ချပါတယ်။ ၁၇(၁) နဲ့က ၃နှစ်၊ ၁၂၂(၁) နဲ့က တသက် တကျွန်း၊ နှစ်မှုကို တပေါင်းတည်း ကျခံစေ ဆိုပြီး မြောက်ပိုင်း ခရိုင် တရားရုံးကနေ တရားသူကြီး ဦးလှဝင်း ရုံးကနေ ထောင်တွင်း တရားရုံးပေါ့၊ အဲဒီကနေ အမိန့်ချမှတ် လိုက်ပါတယ်။
ဦးမန်းငြိမ်းမောင် နဲ့ ပတ်သက်ပြီး ပြစ်ဒဏ်ချမှတ်လိုက်ပေမဲ့လို့ အယူခံဆက်တက်ဖို့ အတွက် ဆက်လုပ်သွားဖို့ ရှိပေမဲ့ ကာယကံရှင်ကို မေးမြန်း ရဦးမှာဖြစ်ကြောင်းတွေကို ပြောသွားပါတယ်။
“အင်း သူက မျက်နှာကလည်း မကောင်းဘူးဗျ။ သူ့ကြည့်ရတာ သူမျှော်လင့်သလို မဖြစ်ဘူးလား၊ အံအားသင့်သလို ဖြစ်သလားတော့ မသိဘူး။ စကားတောင် သိပ် မပြောဘူး ဗျ။ သိပ်မပြောတဲ့အတွက် အယူခံ ကိစ္စနဲ့ ပတ်သက်ပြိး သူကလည်း မပြောဘူး။ ကျနော်တို့ကလည်း အခုချိန်မှာ အမိန့်အရ တရားဝင် မိတ္တူကူးရဦးမှာ ဆိုတော့ အဲဒီ အမိန့်ရပြီးတော့မှပဲ တပတ် ၁၀ရက်လောက်မှ သွားတွေ့ပြီး သဘောထား မေးရဦးမှာပဲ။ သူက ရက် ၆၀တော့ ရတယ်ပေါ့ဗျာ။ ရန်ကုန်တိုင်း ဒေသကြီး တရားလွှတ်တော်မှာ အယူခံရမယ်။ အယူခံမယ်ဆိုရင်ပေါ့ဗျာ။”
ဦးမန်းငြိမ်းမောင်လွတ်မြောက်ရေးအတွက် အမျိုးမျိုး ကြိုးစားပြီး လျှောက်လဲချက်တွေ ပေးခဲ့ပေမဲ့ ပယ်ချ ခံခဲ့ရတယ်လို့ ရှေ့နေဖြစ်သူက ပြောပါတယ်။
“ကျနော့် လျှောက်လဲချက်ကတော့ သေသေချာလွှတ်ပေးသင့်တဲ့အကြောင်း သေသေချာချာ ပေးထားတာပါ။ တစ်က စွဲဆိုမှု မှားနေတယ်၊ ပြုလုပ်မူတခုတည်းကို ဒီလို နှစ်မှုလုပ်လို့ မရဘူး။ တရားစွဲလို့မရဘူး။ စွဲဆိုမယ်ဆိုရင် ပထမမှုကို အပြစ်ပေးမယ် ဆိုရင် ဒုတိယ အမူုကို အပြစ်ပေးလို့ မရဘူး။ ဖြစ်ရပ်အမှု တခုတည်းကို နှစ်မှု အပြစ် ပေးလို့ မရဘူး။ ဒါတွေ ဥပဒေကြောင်း အရ ပြောတယ်ပေါ့ဗျာ။ ကေအန်ယူအဖွဲ့ကြီးက လူကြီးတယောက်ကိုကွက်ပြီး အပြစ်ပေးမယ်ဆိုရင် ငြိ်မ်းချမ်းရေးကို ထိခိုက် နိုင်တယ်လို့။ ဒါတွေကဖြင့် စဉ်းစားသင့်တယ်လို့ ကျနော်တို့ ကဒီလိုတော့ ပြောတာပေါ့ဗျာ။ အဲလိုပြောပေမဲ့လို့ ကျနော်တို့ လျှောက်လဲချက်တွေက အပယ်ခံရတယ်။”
ကေအန်ယူကရင်အမျိုးသားအစည်းအရုံးဘက်ကတော့မြန်မာအစိုးရဘက်က ပြောတာ တမျိုး လုပ်တာတမျိုး ဖြစ်နေတဲ့ အတွက် ယုံကြည်မှု တည်ဆောက်တဲ့ အခါ အခက်အခဲ ရှိကြောင်း၊ ဦးမန်းငြိမ်းမောင် ကိစ္စသာမက ရှေ့တန်းတွေမှာလည်း စစ်အင်အား တိုးချဲ့မူတွေ ရှိနေတာကြောင့် ငြိမ်းချမ်းရေး တည်ဆောက်တာတွေဟာ မေးခွန်းထုတ်စရာ ဖြစ်လာတယ် လို့ တွဲဘက်အတွင်းရေး မူ ဗိုလ်မူးစောလှငွေက ပြောပါတယ် ။
“အခုဟာက ကျနော်တို့ ငြိမ်းချမ်းရေး တည်ဆောက်နေတာလေ။ ငြိမ်းချမ်းရေးနဲ့ ယုံကြည်မူ တည်ဆောက်နေတဲ့ ကာလမှာ တကယ်တော့ သူတို့ ပြောခဲ့တာကလည်း မန်းငြိမ်းကို ငြိမ်းချမ်းရေး လက်ဆောင်တွေ ပေးမယ်လို့ ပြောတာ။ နောက်ဆုံးတော့ နိုင်ငံတော် ပုန်ကန်မူနဲ့ မတရားအသင်း ဥပဒေတွေနဲ့ ခုဟာက တသက်တကျွန်း ချလိုက်တယ် ဆိုတော့ သူတို့ ပြောတာကတမျိုး လုပ်တာက တမျိုးပေါ့ဗျာ။ လုပ်တာတမျိုးဆိုတာက မန်းငြိမ်း ကိစ္စတင် မကဘူး။ ရှေ့တန်းမှာဆိုရင် ပြောရမယ် ဆိုရင် တပ်အင်အားတွေ တိုးလာတာ သူတို့လှုပ်ရှားမှုက ရန်လိုတဲ့ အပြုအမူတွေ များလာတဲ့ အခါကျတော့ သူတို့ ဆရာကြီး သမားကြီးတွေနဲ့ သူတို့ရဲ့ နောက်လိုက်တပည့် တွေ့ရဲ့ ငြိမ်းချမ်းရေးဖြစ်စဉ်အပေါ်မှာ သူတို့ ပြောသလိုဖြစ်သလား မဖြစ်ဘူးလား ဆိုတာ လူထုတွေရှေ့မှာ နိုင်ငံတကာရှေ့မှာ မေးခွန်း ထုတ်စရာ ဖြစ်လာတယ်"
ဦးမန်းငြိမ်းမောင်ဟာ ပြီးခဲ့တဲ့နှစ် ဇူလိုင်လက တရုပ်ပြည်ကူမင်းလေဆိပ်ကနေ မြန်မာပြည်ထဲကို ပြန်ရောက် သွားခဲ့ပြီး လူဝင်မှု ဥပဒေနဲ့ ဖမ်ဆီး ခံရပြီးနောက် လွတ်ငြိမ်း ချမ်းသာခွင့် ပေးတဲ့ရက်မှာပဲ ပုဒ်မ ၁၇ (၁) ပုဒ်မ ၁၂၂(၁)တိုနဲ့ ထပ်မံ တရားစွဲဆို ခံရပြိး အခုလို ထောင်ဒဏ် အပြစ်ပေးခံရတာလည်း ဖြစ်ပါတယ်ရှင်။
Ref: VOA News
Tuesday, March 13, 2012
ကုလလူ့အခွင့်ရေး ညီလာခံ မြန်မာ့အရေး အချေအတင်
ဒေါ်ခင်မျိုးသက်
တနင်္လာ, 12 မတ် 2012
မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုတွေဟာ နောက်ကြောင်းပြန်လှည့် သွားနိုင်စရာ ရှိနေ သေးတယ်လို့ မတ်လ ၁၂ ရက်နေ့က ကျင်းပတဲ့ ဂျနီဗာမြို့ ကုလသမဂ္ဂ လူ့အခွင့်အရေး ကောင်စီရဲ့ ၁၉ ကြိမ်မြောက် ဆွေးနွေးပွဲမှာ မြန်မာနိုင်ငံ လူ့အခွင့်အရေး ဆိုင်ရာ ကုလသမဂ္ဂ ကိုယ်စားလှယ် သောမတ်စ် အိုဟေး ကင်တားနားက ပြောကြားလိုက်တာ ဖြစ်ပါတယ်။ ဒါပေမယ့် မြန်မာ ကိုယ်စားလှယ်ကတော့ နောက်ကြောင်း ပြန်လှည့်သွားနိုင်ချေ လုံးဝ မရှိဘူးလို့ အာမခံလိုက်ပါတယ်။ အပြည့်အစုံကို ဒေါ်ခင်မျိုးသက်က တင်ပြ ထားပါတယ်။
မကြာသေးခင်ကမှ မြန်မာနိုင်ငံထဲက ပြောင်းလဲမှုတွေကို အနီးကပ် သွားရောက်စစ်ဆေးခဲ့တဲ့ မစ္စတာ ကင်တားနားက လက်ရှိ ပြုပြင်ပြောင်းလဲ နေမှုတွေဟာ မြန်မာနိုင်ငံရဲ့ လူ့အခွင့်အရေး အခြေနေတွေအတွက် အပြုသဘော ဆောင်တဲ့ ရိုက်ခတ်မှုတွေကို တွေ့နေရတယ်လို့ ပြောကြားခဲ့ ပေမယ့် အခြေအနေဟာ အချိန်မရွေး နောက်ကြောင်းပြန် ဆုတ်သွားနိုင်တဲ့ အနေထားမှာ ရှိနေတယ်လို့ တနင်္လာနေ့ လူ့အခွင့်အရေး ကောင်စီရဲ့ မြန်မာနိုင်ငံ ဆိုင်ရာဆွေးနွေးပွဲမှာ ပြောကြားခဲ့ပါတယ်။
“မြန်မာနိုင်ငံမှာ တရားဥပဒေရေး ပြုပြင်ရေးဆွဲရေး ကိစ္စဟာ လုပ်ဆောင်ဆဲ ကိစ္စဖြစ်ပါတယ်။ မပြီးဆုံး သေးပါဘူး။ ဒါ့ကြောင့် ဒီမိုကရေစီကို ကျင့်သုံး အကောင်အထည် ဖေါ်ဖို့ လိုအပ်တဲ့ တရားဥပဒေတွေ တကယ် မရှိသေးပါဘူး။ ဥပမာ တခုပြောရရင် စစ်အုပ်စု အုပ်စိုးတဲ့ခေတ် က တည်ရှိခဲ့တဲ့ မတရားစည်းဝေး စည်းရုံးရေး ဆိုတာ ဆက်လက်တည်ရှိနေဆဲပါ။ ဒီဥပဒေဟာ အရပ်သား အဖွဲ့အစည်း တွေရဲ့ လွတ်လပ်စွာ စုဝေးခွင့် စည်းရုံးခွင့် အတွက် အခက်အခဲ ဖြစ်နေပါတယ်။ ဒါ့အပြင် အစိုးရနဲ့ သဘောကွဲလွဲသူ ဆန့်ကျင်ဘက် လုပ်သူတွေကို ထောင်ချနိုင်တဲ့ ဥပဒေလည်း ဆက်လက် တည်ရှိနေဆဲပါ။ ဒါဟာ နိုင်ငံရေး အတိုက်အခံတွေကို ဖိနှိပ်ချုပ်ချယ်ဖို့ အတွက် အသုံးပြု နိုင်ပါသေးတယ်။
တခါ တရားစီရင်ရေး ယန္တရားဟာ အုပ်ချုပ်ရေး အာဏာစက်အောက်က မလွတ်မြောက်သေးပါဘူး။ နိုင်ငံတကာ လူ့အခွင့်အရေး ဆိုင်ရာ ကြေငြာ စာတမ်းတွေကိုလည်း အသိအမှတ်ပြု လက်ခံ ကျင့်သုံးဖို့ လိုအပ် နေပါသေးတယ်။ နောက်ပြီး မြန်မာနိုင်ငံ ပြုပြင်ရေးတွေကို နောက် ပြန်လှည့် သွားနိုင်သေးတဲ့ နောက်အခြေအနေ တခုကတော့ ဖွဲ့စည်းပုံအခြေခံ ဥပဒေထဲမှာ စစ်တပ်ကို အခွင့် အာဏာတွေ အဆမတန် ပေးထားခြင်းပဲ ဖြစ်ပါတယ်။”
အခုလို မစ္စတာ ကင်တားနားရဲ့ ပြောကြားချက်ကို မြန်မာ ကိုယ်စားလှယ်ဖြစ်တဲ့ ကုလသမဂ္ဂ ဆိုင်ရာ အမြဲတမ်း ကိုယ်စားလှယ် သံအမတ်ကြီး ဦးမောင်ဝေက လက်မခံတဲ့ အပြင် မြန်မာနိုင်ငံတွင်း လက်ရှိ ပြုပြင်ပြောင်းလဲ နေမှုတွေဟာ နောက်ကြောင်း ပြန်လှည့်တာမျိုး မဖြစ်စေရဘူးလို့ ပါ အာမခံ ခဲ့ပါတယ်။
“မြန်မာနိုင်ငံရဲ့ လက်ရှိ ဒီမိုကရေစီ ပြုပြင်ပြောင်းလဲရေး လုပ်ငန်းတွေ ဘယ်တော့မှ နောက်ကြောင်းပြန် လှည့်မသွားနိုင်ဘူး ဆိုတာ အာမခံ ပါတယ်။ ဒီပြုပြင်ပြောင်းလဲရေး လုပ်ငန်းစဉ်ဟာ အစီအစဉ်မရှိပဲ ထလုပ်တာမျိုး မဟုတ်ပါဘူး။ ၂၀၀၄ ခုနှစ်မှာ စပြီး သေသေ ချာချာ ချမှတ် ထားတဲ့ ဒီမိုကရေစီ ပြုပြင်ပြောင်းလဲရေး လမ်းပြမြေပုံ အဆင့် ၇ဆင့် အတိုင်း လုပ်ဆောင်နေတာပါ။ ဒါ့ကြောင့် နောက်ကြောင်းပြန် ဆုတ်ဖို့ လုံးဝမရှိနိုင်ပါဘူး။ ဒါဟာ မြန်မာ ခေါင်းဆောင်တွေရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ် အတွက် ချမှတ်ထားတဲ့ စစ်မှန်တဲ့ ပြုပြင် ပြောင်းလဲမှုပါ။”
မစ္စတာကင်တားနားက နိုင်ငံတကာကနေ မြန်မာနိုင်ငံ အပေါ် အရေးယူ ဒဏ်ခတ်မှု ချမှတ်ထားတာတွေ အတွက် ပြန်လည်စဉ်းစား ကြဖို့ တိုက်တွန်းခဲ့တာ အတွက် ကျေးဇူးတင်ကြောင်း သံအမတ်ကြီး ဦးမောင်ဝေက ပြောကြားခဲ့တဲ့ အပြင် ဒီအရေးယူ ဒဏ်ခတ်မှုတွေကို အမြန်ဆုံး စောစောစီးစီး ရုတ်သိမ်း ပေးကြဖို့လည်း တောင်းဆို ခဲ့ပါတယ်။
မြန်မာနိုင်ငံနဲ့ ထိတွေ့ဆက်ဆန်ရေး တိုးပြီး လုပ်ဆောင်လာ ပေမယ့် အခုထိ အရေးယူ ဒဏ်ခတ်မှုကို မရုတ်သိမ်း ပေးသေးတဲ့ အမေရိကန် နိုင်ငံက ကုလသမဂ္ဂ ကိုယ်စားလှယ် ကတော့ မြန်မာနိုင်ငံရဲ့ ပြုပြင် ပြောင်းလဲမှု အတွက် သတိကြီးကြီးနဲ့ စောင့်ကြည့်နေတဲ့ အပြင် လက်ရှိ တိုက်ပွဲတွေ ဖြစ်ပွါးနေတဲ့ ကချင် ဒေသတွေကို လူသားချင်းစာနာမှု ဆိုင်ရာ အကူညီတွေ ပေးနိုင်အောင် မြန်မာအစိုးရက သွားရောက်ခွင့်ပြုဖို့ တောင်းဆို လိုက်ပါတယ်။
“မြန်မာနိုင်ငံထဲမှာ တိုက်ပွဲတွေ ဖြစ်နေတဲ့ နေရာတွေဆီကို ကုလသမဂ္ဂ၊ နိုင်ငံတကာ လူသားချင်း စာနာတဲ့ အဖွဲ့အစည်း တွေနဲ့ သတင်း ထောက် တွေကို သွားရောက်ခွင့် ပေးဖို့ အမေရိကန် ပြည်ထောင်စုက တောင်းဆိုပါတယ်။ မြန်မာ အစိုးရအနေနဲ့ လူနဲစု တိုင်းရင်းသား အဖွဲ့အစည်းတွေကို နားလည် လက်လှမ်းမှီအောင် ကျိုးစားနေတာတွေ အတွက် အမေရိကန် ပြည်ထောင်စုက ထောက်ခံ သလို အမျိုးသား ပြန်လည် သင့်မြတ်ရေးအတွက် ရှေ့ရှုပြီး စစ်မှန်တဲ့ ဆွေးနွေး ပြောဆိုမှုတွေ လုပ်ဖို့ အားပေးပါတယ်။”
မြန်မာနိုင်ငံတွင်းပြုပြင်ပြောင်းလဲမှု အခြေနေတွေအတွက် အမေရိကန်က စိုးရိမ် စိတ်ပူနေချိန်မှာ တရုတ်နိုင်ငံကတော့ မြန်မာနိုင်ငံတွင်း အခြေ အနေတွေဟာ တည်ငြိမ်နေတာ တွေ့ရတယ်လို့ ကုလသမဂ္ဂ ဆိုင်ရာ တရုတ် ကိုယ်စားလှယ်က ပြောပါတယ်
“ပြီးခဲ့တဲ့ နှစ်က မြန်မာနိုင်ငံမှာ အစိုးရသစ်ဖွဲ့ပြီး လွှတ်တော်သစ် တရပ်ပါ ပေါ်ပေါက်လာပြီး ပြည်တွင်း အခြေနေတွေလည်း တည်ငြိမ် နေတာ တွေ့ရပါတယ်။ မြန်မာအစိုးရ အနေနဲ့ စီးပွါးရေးနဲ့ နိုင်ငံသားတွေရဲ့ လူမှု အဆင့်အတန်း တိုးတက်လာအောင် ဂရုစိုက် နေတာ တွေ့ရပြီး မြန်မာနိုင်ငံ သွေးစည်း ညီညွတ်ရေး အတွက် လုပ်ဆောင်နေတာ တွေ့ရ ပါတယ်။ မြန်မာ နိုင်ငံရဲ့ အခြေနေဟာ အပြုသဘော ဆောင်တဲ့ ဘက်ကို တဖြေးဖြေး ပြောင်းလဲနေတာပါ။”
မြန်မာနိုင်ငံက အခုလို အပြုသဘောဆောင်တဲ့ ပြုပြင်ပြောင်းလဲရေး တွေ နောက်ပြန်လှည့် မသွားစေဖို့ အတွက် စိန်ခေါ်မှုတွေ အများကြီးနဲ့ ရင်ဆိုင်နေရတဲ့ မြန်မာနိုင်ငံကို နိုင်ငံတကာ အသိုင်းအ၀ိုင်းကနေ ၀ိုင်းဝန်း ပံ့ပိုးကြဖို့လည်း မစ္စတာ ကင်တားနားက အစည်းအဝေးမှာ ပန်ကြား ခဲ့ပါတယ်။
Ref: VOA News
NLD ထိပ်တန်းဦးစားပေး လုပ်ငန်းစဉ် သုံးရပ်
ဦးကျော်ဇံသာ/ ခင်ဖြူထွေး
တနင်္လာ, 12 မတ် 2012
အမျိုးသားဒီမိုကရေစီ အဖွဲ့ချုပ် NLD ပါတီ ဥက္ကဋ္ဌ ဒေါ်အောင်ဆန်းစုကြည်က NLD ပါတီရဲ့ ထိပ်တန်း ဦးစားပေး လုပ်ငန်းစဉ် ၃ ရပ်ဟာ တရားဥပဒေ စိုးမိုးရေး၊ ပြည်တွင်း ငြိမ်းချမ်းရေးနဲ့ ဖွဲ့စည်းပုံ အခြေခံဥပဒေ ပြင်ဆင်ရေးတို့ ဖြစ်တယ်လို့ ဆိုပါတယ်။ ၁၄ ရက်နေ့ အသံလွှင့်ဖို့ ပြင်ဆင်ထားတဲ့ မိန့်ခွန်းမှာ ဒီအတိုင်း ဖော်ပြထားတာ ဖြစ်ပါတယ်။ ဒီမိန့်ခွန်းကို ဒေါင်းမာန်ဟုန် ဘလော့စာ မျက်နှာမှာ ဒေါ်အောင်ဆန်းစုကြည် ဗွီဒီယို အခွေအတိုင်း တွေ့ရှိရတာ ဖြစ်ပါတယ်။ ကဲ… ဦးကျော်ဇံသာ ဒီထိပ်တန်း ဦးစားပေး လုပ်ငန်းစဉ် တွေဟာ တိုင်းပြည်အတွက် အရေးကြီးဆုံး လုပ်ငန်းစဉ်တွေ ဟုတ်ပါတယ်နော်။
ဟုတ်ပါတယ်။ ခင်ဖြူထွေးရေ သိပ်ကို အရေးကြီးပါတယ်။ တိုင်းပြည်မှာ တရားဥပဒေ စိုးမိုးမှုမရှိရင် ဘာမှ လုပ်လို့ မရပါဘူး။ ဒါအမှန်ပါပဲ။ ဒါပေမဲ့ တရားဥပဒေ စိုးမိုးမှု ရှိအောင်လုပ်ဖို့ အတွက် ဖိနှိပ်ချုပ်ချယ်တဲ့ ဥပဒေတွေကို ဖျက်သိမ်း ပစ်ရမယ်၊ နောက်ပြီးတော့ လူထုကို အကာကွယ်ပေးတဲ့ ဥပဒေတွေ ပြဌာန်းရမယ်၊ ဒါ့အပြင် တရားဥပဒေ စိုးမိုးရေး ဆိုတာဟာ အုပ်ချုပ်ရေး အာဏာစက် အောက်က လွတ်မြောက်အောင် လုပ်ဖို့လည်း လိုအပ်မှာ ဖြစ်ပါတယ်။ ဆိုတော့ ဒါဟာ သိပ်အရေးကြီးတဲ့ မူဝါဒ ဖြစ်ပါတယ်။ အလားတူစွာပဲ ပြည်တွင်းစစ် ရပ်စဲရေး သို့မဟုတ် ပြည်တွင်းငြိမ်းချမ်းရေး ဟာလည်း သိပ်ကို အရေးကြီးတဲ့ ကိစ္စပါ။ ဒါ့အပြင် တနည်းအားဖြင့်ဆိုရင် တိုင်းရင်းသား ပြဿနာ ပြေလည်ရေးလည်း ဖြစ်ပါတယ်။ ဒေါ်အောင်ဆန်းစုကြည် အဲဒီထဲမှာ ဖော်ပြထားတဲ့ ကိစ္စတွေက သူတို့ဒါကို လုပ်ငန်းစဉ် အဆင့်ဆင့်နဲ့ ဆောင်ရွက်မယ်လို့ ဆိုပြီး ဖော်ပြထားပါတယ်။ ဒါဟာ တိုင်းရင်းသားတွေလည်း အကြိုက်တွေ့မယ့် လက်ခံနိုင်မယ့် လုပ်ငန်းစဉ်လည်း ဖြစ်ပါတယ်။ ဒါကို အကောင်ထည်ဖော်ရင် အကောင်းဆုံးပါပဲ။
ဒေါ်အောင်ဆန်းစုကြည်။ ။“ပြည်တွင်းစစ်ရပ်ဆိုင်းပြီး ငြိမ်းချမ်းစေရေးအတွက် အဆင့်သုံးဆင့် ဆောင်ရွက်ပါမယ်။ ပထမ အဆင့် အနေနဲ့ ကတော့ တနိုင်ငံလုံး အတိုင်းအတာနဲ့ အပစ်ခတ် ရပ်စဲရပါမယ်။ ဒုတိယ အဆင့်အနေနဲ့ နိုင်ငံရေးအရ ဆွေးနွေးပွဲတွေ ကျင်းပပြီး ညှိနှိုင်း ဆောင်ရွက်ရပါမယ်။ တတိယအဆင့်အနေနဲ့ တိုင်းရင်းသားတွေ လိုလားနေတဲ့ အတိုင်း ပင်လုံရဲ့ အခြေခံမူဖြစ်တဲ့ တန်းတူညီမျှမှု ကိုယ်ပိုင် အုပ်ချုပ်ရေး ပြဌာန်းခွင့်၊ ဖွဲ့စည်းပုံ အခြေခံဥပဒေအရ လွတ်လပ်စွာ ဆုံးဖြတ်နိုင်ခွင့် စတာတွေကို အခြေခံတဲ့ ပြည်ထောင်စုနိုင်ငံ စစ်စစ် တည်ထောင်ဖို့ ဘုံဦးတည်ချက် ထားပြီးတော့ ကြိုးပမ်းရပါတယ်။ ကျမတို့ တိုင်းရင်းသား ညီအစ်ကို မောင်နှစ်မတွေဟာ ခွဲထွက်ရေးကို လုံးဝ မလိုလားဘဲ စစ်မှန်တဲ့ ပြည်ထောင်စု စစ်စစ်ကြီးကို လိုလားတယ်လို့ ကျမ တထစ်ချ ယုံကြည်ပါတယ်။”
ဟုတ်တယ်။ ဦးကျော်ရေ ဖွဲ့စည်းပုံ ပြင်ဆင်ရေး ဆိုတာကလည်း လွှတ်တော်မှာ အမတ်ဦးရေ ၇၅ ရာခိုင်နှုန်းအထက် ထောက်ခံမှ ဖြစ်မှာ။ ဘယ်လွယ် ပါ့မလဲနော်။
မှန်ပါတယ် မလွယ်ပါဘူး အခုရွေးကောက်ပွဲက ကြားဖြတ်ရွေးကောက်ပွဲ၊ ဒေါ်အောင်ဆန်းစုကြည်တို့ ၀င်ပြိုင်မှာက လွှတ်တော် ၂ ရပ်ပေါင်းမှာမှ အမတ်နေရာ ၄၀ ကျော်ဆိုတော့ လောလောဆယ် မှာတော့ တော်တော်လေး ခက်ခဲမယ်လို့ ထင်ပါတယ်။ နောက်ပိုင်း ရွေးကောက်ပွဲတွေမှာ သူတို့ လုံးဝ ဥဿုံအနိုင်ရတဲ့ အခါမှာမှ ဖြစ်လာနိုင်တဲ့ ကိစ္စလို့ ထင်ရပါတယ်။
နောက်… စီးပွားရေး၊ လူမှုရေး ကိစ္စတွေကိုလည်း ပြောထားသေးတယ်။ အဲဒီအထဲမှာ အထူးခြားဆုံး အချက်က ဘာဖြစ်မလဲ ဆိုတာကိုလဲ ကြည့်ရအောင်ပါရှင့်။
ကျနော် ထင်တာကတော့ ခင်ဖြူထွေး ပထမဦးဆုံး ဒီတိုင်းရင်းသားအရေးနဲ့ ပတ်သက်ပါတယ်။ ဗမာစကား အခက်အခဲ ရှိတဲ့ တိုင်းရင်းသား ဒေသတွေရဲ့ ပညာရေးမှာ လိုအပ်သလို ဆောင်ရွက်ပေးဖို့ တနည်းအားဖြင့် တိုင်းရင်းသား ဘာသာ စကားတွေကို ကျောင်းမှာ ပညာရေးမှာ အသုံးပြုဖို့လို့ ယူဆပါတယ်။ ဒါဟာ သိပ်အရေးကြီးတဲ့ ကိစ္စပါ။ တခြား အခွင့်အရေးပိုင်း မှာတော့ မြန်မာပြည်မှာ အစဉ်သဖြင့် အဖိနှိပ်ခံ လူတန်းစားတွေ ဖြစ်လာခဲ့တဲ့ လယ်သမားတွေနဲ့ ပတ်သက်ပါတယ်။ ဒီအပိုင်းမှာတော့ သူက လယ်ယာ ပိုင်ဆိုင်ခွင့်တို့၊ လွတ်လပ်စွာ ရောင်းဝယ်ခွင့်တို့ စတာတွေ ဖော်ပြထားတာ တွေ့ရပါတယ်၊ စသဖြင့် ပြောထားပါတယ်။
ဒေါ်အောင်ဆန်းစုကြည်။ ။ “တောင်သူလယ်သမားများကို ဥပဒေနဲ့အညီ လယ်ယာလုပ်ပိုင်ခွင့်၊ လယ်ယာ ပိုင်ဆိုင်ခွင့် ရဖို့ ဦးစားပေး ဆောင်ရွက်သွားမှာ ဖြစ်ပြီး ဆန်စပါး အပါအ၀င် လယ်ယာထွက်ကုန် ပစ္စည်းများ၊ ဈေးကွက်စီးပွားရေးနဲ့ အညီ လွတ်လပ်စွာ စိုက်ပျိုး ကြိတ်ခွဲ ရောင်းဝယ်ခွင့် ရဖို့နဲ့ သင့်တော်တဲ့ဈေးနှုန်းများ ရဖို့ကို ဦးစားပေး ဆောင်ရွက်သွားမှာ ဖြစ်ပါတယ်။ ကမ္ဘာတ၀ှမ်း လယ်ယာထွက်ကုန် ပစ္စည်းများ ဈေးတက်နေခြင်းကို သတိပြုပြီး အနာဂတ်ကို ရှေ့ရှုတဲ့ လယ်ယာထွက်ကုန် စီးပွားရေး စနစ်ကို ထူထောင်ဖို့ လိုပါတယ်။ တောင်သူ လယ်သမားများရဲ့ နစ်နာဆုံးရှုံးမှုများကို ရပိုင်ခွင့်များ၊ ပြဿနာ အရေး ကိစ္စရပ်များကို တောင်သူလယ်သမား အကျိုးအတွက် လွတ်လပ်စွာ ဆောင်ရွက်နိုင်ဖို့ အတွက် ညီညွတ်သော တောင်သူ လယ်သမား အဖွဲ့အစည်းများအား ဖွဲ့စည်းခွင့် ပေးသွား ရပါမယ်။”
ဒီ ဦးစားပေး လုပ်ငန်းစဉ်တွေ အကောင်အထည် ဖော်လာဖို့ဆိုတာကတော့ အချိန် အတော် ယူရမှာပါပဲ။
မှန်ပါတယ်။ စောစောက ပြောခဲ့သလိုပဲ တချို့ဟာတွေကတော့ လောလောဆယ် လုပ်လို့ ဖြစ်နိုင်ပေမဲ့ တချို့ဟာတွေ ကတော့ လွှတ်တော်မှာ အမတ်ဦးရေ အများစု သာမန် ၅၀% ရတာတင် မကဘူး ၇၅ % ကျော် ရမှဖြစ်မယ့် ကိစ္စတွေလည်း ပါပါတယ်။ ဒါကြောင့် ဒီဟာ မလွယ်ကူဘူး ဆိုတာလည်း ဒေါ်အောင်ဆန်းစုကြည် ကိုယ်တိုင်လည်း သိပါတယ်။
ဒေါ်အောင်ဆန်းစုကြည်။ ။ “ဒါတွေက နားထောင်လို့တော့ ကောင်းပါရဲ့။ တကယ်ပဲ အကောင်ထည် ပေါ်ပါ့မလားလို့ ပြည်သူများက တွေးနေကြမယ် ထင်ပါတယ်။ လွယ်လွယ်တော့ ကျမတို့ လိုလား တောင့်တနေတဲ့ ပြည်ထောင်စုကြီး ထူထောင်ဖို့ မဖြစ်နိုင်ပါဘူး။ ကျမတို့ အားလုံး ညီညီ ညွတ်ညွတ်နဲ့ ဆန္ဒ ၀ိရိယ စိတ်ဓါတ် ပညာ ဆိုတဲ့ အောင်မြင်ခြင်းတရား လေးပါးကို ဆုပ်ကိုင်ပြီး ကြိုးစား သွားကြရင်တော့ ဖြစ်နိုင်မယ်လို့ ကျမ ယုံကြည်ပါတယ်။”
မြန်မာ့ရုပ်မြင် သံကြားကနေ ထုတ်လွှင့်ဖို့ ပြင်ဆင်ထားတဲ့ ဒေါ်အောင်ဆန်းစုကြည်ရဲ့ ရွေးကောက်ပွဲ မဲဆွယ် စည်းရုံးရေး မိန့်ခွန်း ထဲက တစွန်းတစကို ကြားခဲ့ ကြရတာပါ။ ဒီမိန့်ခွန်း အပြည့်စုံကိုတော့ မနက်ဖြန် မတ်လ ၁၄ ရက် မြန်မာ့ ရုပ်မြင် သံကြားကနေ ထုတ်လွှင့်ဖို့ စီစဉ်ထားတာ ဖြစ်ပါတယ်။
Ref: VOA News
မြစ်ဆုံဆည် ဆက်လုပ်ရန် ဆွေးနွေးမှု နယ်ပယ်အသီးသီးမှ ကန့်ကွက်
မျိုးသန့်
တနင်္လာနေ့၊ မတ်လ ၁၂ ရက် ၂၀၁၂
ချင်းမိုင် (မဇ္ဈိမ) ။ ။ ရပ်ဆိုင်းထားသည့် မြစ်ဆုံဆည် တည်ဆောက်မှုကို ပြန်လည်စတင်နိုင်ရန် ဆွေးနွေး နေသည့် သတင်းများ ကြားသိရ၍ ကန့်ကွက်မှုများလည်း နယ်ပယ် အသီးသီးမှ ထွက်ပေါ်လာသည်။
စီမံကိန်း ပြန်လည် စတင်မည်ဆိုသည်မှာ ပြည်သူလူထုဆန္ဒအား ဆန့်ကျင်သည့် လုပ်ရပ်အဖြစ် သဘာဝ ပတ်ဝန်းကျင် ထိန်းသိမ်းရေး ပညာရှင် ဦးအုန်းက ပြင်းထန်စွာ ရှုတ်ချလိုက်သည်။
"ဒါကတော့ ကျနော်တို့က ကန့်ကွက်ရမှာပဲ။ အခု ပြန်လုပ်မယ်ဆိုတဲ့ကိစ္စဟာ အင်မတန်ကို မိုက်ရိုင်းမှုလို့ ကျနော် ယူဆတယ်။ ဒီမိုကရေစီ လို့သာ အော်တာ၊ လုပ်တာတခြား အော်တာတခြား ဖြစ်နေတယ်။ အဲဒီတော့ ပြည်သူ့ဆန္ဒကို ဆန့်ကျင်တာတော့ ကျနော် လုံးဝ သဘောမတူဘူး" ဟု မဇ္ဈိမကို ပြောသည်။
မြစ်ဆုံဆည် တည်ဆောက်မှု အမြန်ဆုံး ပြန်လည်စတင်နိုင်ရန် မြန်မာအစိုးရ ခေါင်းဆောင်များနှင့် ဆွေးနွေး နေကြောင်း တရုတ် စွမ်းအင် ရင်းနှီးမြှပ်နှံမှု ကော်ပိုရေးရှင်း ဥက္ကဋ္ဌ Lu Qizhou ၏ ပြောဆိုမှုကို China daily သတင်းစာ၏ အင်တာနက် စာမျက်နှာတွင် စနေနေ့က ဖေါ်ပြမှုကို ညွှန်းဆို၍ ဦးအုန်းက ပြောခြင်းဖြစ်သည်။
မြစ်ဆုံဒေသတွင် ကမ္ဘာ့ရှားပါး ပန်းနှင့်သစ်ခွများ၊ အပင်များ၊ လိပ်ပြာများနှင့် တရိစ္ဆာန်များ ရှိနေ၍ "အဲဒီလောက် ကောင်းတဲ့ နေရာကို ဆည်ကြောင့် ပျက်ဆီးမယ်ဆိုရင် ကျနော်တို့ မလဲနိုင်ဘူး" ဟု ဦးအုန်းက မဇ္ဈိမကို ပြောသည်။
ထို့အပြင် ၂ဝ၁၁ ခုနှစ်ကတည်းက မြစ်ဆုံဆည် ဆန့်ကျင်ရေး တက်ကြွလှုပ်ရှားသူ ဦးဝင်းချိုကလည်း ဆက်လက် ကန့်ကွက် သွားရန် ပိုင်းဖြတ်ပြီး ဖြစ်ကြောင်း "ကျနော်တို့ အရင်တုန်းက မလုပ်ဖို့ ကန့်ကွက်ခဲ့တယ်။ အဲဒီတော့ ကျနော်တို့ ကန့်ကွက်တာဟာ မှန်တယ်လို့ ယုံကြည်ထားတဲ့ အတွက် မလုပ်ဖို့ ဆက်တားကို တားရမယ် ဆိုတာတော့ သေချာသွားပါပြီ။ တကယ့်ကို ကျနော်တို့ အစိုးရက မြစ်ဆုံဆည် ဆောက်ဖို့ စပြီဆိုတဲ့ အချိန်မှာတော့ ကျနော်တို့ တိတိကျကျကို ရင်ဆိုင်သွားပါမယ်" ဟု မဇ္ဈိမကို ပြောသည်။
မင်္ဂလာမြန်မာ NGO ၏ ဒါရိုက်တာနှင့် သဘာဝပတ်ဝန်းကျင် ထိန်းသိမ်းရေး လုပ်ဆောင်နေသူ ဒေါက်တာ ဖုန်းဝင်း ကမူ မြစ်ဆုံဆည် စီမံကိန်းနှင့် ပတ်သက်၍ အသိပညာရှင်များ၊ အတတ်ပညာရှင်များ၊ သဘာဝ ပတ်ဝန်းကျင် ထိန်းသိမ်းရေး လုပ်ဆောင် နေသူများမှ တိကျသေချာသည့် သုတေသနများ ပြုလုပ်ကာ ဆုံးဖြတ် သင့်သည်ဟု ဆိုသည်။
"ကျနော်ကတော့ သုတေသနကို သေသေချာချာ လုပ်ပြီးတော့မှ အချက်အလက်တွေ စုံတော့မှ လုပ်သင့်တယ် မလုပ်သင့်ဘူး ဆုံးဖြတ်တာ ပိုကောင်းတယ်လို့ ထင်တယ်။ လူထုက သဘောတူတယ် ဆိုရင် ဆက်လုပ်ရမယ်ပေါ့" ဟု မဇ္ဈိမကို ပြောသည်။
ဆောက်လုပ်နေသည့် ကုမ္ပဏီအား ဝိုင်းဝန်းရင်ဆိုင်ကြရန်နှင့် နိုင်ငံတကာဖိအားလည်း လိုအပ်ကြောင်း ကာတွန်း ဆရာ
အော်ပီကျယ် က ဆိုသည်။
"ကျနော်တို့ တိုင်းရင်းသားတွေအားလုံး၊ ကချင် တိုင်းရင်းသားတွေရောပေါ့။ ကျနော်တို့ ဒီမြစ်ဆုံကိစ္စကို စဉ်းစားရင် ရင်ထဲမှာ နာပါတယ်။ ဒီဟာကို တရုတ်ကုမ္ပဏီနဲ့ ရင်ဆိုင်ဖို့ အတွက် ပြည်သူ တရပ်လုံးကရော၊ ပညာရှင်တွေ ကရော၊ အနုပညာသည်တွေ ကရော ဖြေရှင်းပေးဖို့ ကျနော်တို့ ဝိုင်းကူမှာပါ။ ဒီဟာက နိုင်ငံတကာ ဖိအားပါ လိုလာပါပြီ" ဟု မဇ္ဈိမကို ပြောသည်။
လျှပ်စစ်ဓါတ်အား မဂ္ဂါဝပ် ၆,၀၀၀ ထုတ်လုပ်နိုင်မည့် ဒေါ်လာ ၃၆ သန်းတန် မြစ်ဆုံဆည် စီမံကိန်း ဖေါ်ဆောင် ရခြင်းမှာ အမျိုးသား အကျိုးစီးပွား အတွက်ဟု လျှပ်စစ်ဝန်ကြီး ဦးဇော်မင်းက ၂ဝ၁၁ ခုနှစ်အတွင်းက ပြောဆိုခဲ့ခြင်းကို "သူတို့က သူတို့ လုပ်ချင်တာတွေ စွတ်စွတ်ပြီး ပြောတယ်။ မျက်စိ ပိတ်ပြီးတော့ တိုင်းပြည် ရောင်းစားတဲ့ လူတွေရဲ့ အပြောကို ခင်ဗျားတို့ မယုံကြပါနဲ့။ ကျနော်တော့ လုံးဝ မယုံဘူး။ အမျိုးသား အကျိုးစီးပွား ဆိုတာ ကြားကောင်းအောင် အော်တာ။ အလကားပဲ။ ကျနော်တော့ လုံးဝ အယုံအကြည် မရှိဘူး" ဟုလည်း ဦးအုန်းက ဝေဖန်ပြောဆိုသည်။
မြစ်ဆုံဆည် တည်ဆောက်ရေး လုပ်ငန်းများ ဆက်လက် လုပ်ဆောင်လာပါက ပြည်သူ၏ သဘောထားကို ရယူက လွှတ်တော်တွင်း ကန့်ကွက် သွားမည်ဟုလည်း ၂ဝ၁ဝ ရွေးကောက်ပွဲဝင် အမျိုးသားဒီမိုကရေစီ အင်အားစုပါတီ ခေါင်းဆောင် ဦးခင်မောင်ဆွေက မဇ္ဈိမကို ပြောသည်။
ဖေဖေါ်ဝါရီလအတွင်းက တရုတ်နိုင်ငံသို့ သွားရောက်ခဲ့သည့် အောက်လွှတ်တော်ဥက္ကဋ္ဌ သူရ ဦးရွှေမန်းက တရုတ်နိုင်ငံ အမျိုးသား ကွန်ဂရက် ဥက္ကဋ္ဌ မစ္စတာ ဝူဘန်ကိုနှင့် တွေ့ဆုံစဉ် မြစ်ဆုံဆည် စီမံကိန်းကို သင်ခန်းစာ ယူကာ တရုတ်၊ မြန်မာ နှစ်နိုင်ငံ ပူးပေါင်း ဆောင်ရွက်နေသည့် စီမံကိန်းများ ဖြစ်သော ကျောက်ဖြူ ရေနက်ဆိပ်ကမ်း၊ ရေနံနှင့် သဘာဝ ဓာတ်ငွေ့ ပိုက်လိုင်း လုပ်ငန်းများ၊ ကားလမ်းနှင့် မီးရထားလမ်း စီမံကိန်းကြီးများကို အောင်မြင်စွာ အကောင်အထည် ဖေါ်နိုင်ရေး အတွက် ဆက်လက် တာဝန်ယူ ဆောင်ရွက် သွားမည်ဟု ကတိပေးခဲ့သည်ကို နိုင်ငံပိုင် သတင်းစာများက ဖေါ်ပြ ခဲ့သေးသည်။
မစ္စတာ ဝူဘန်ကို ကလည်း မြစ်ဆုံဆည် တည်ဆောက်ရပ်ဆိုင်းရခြင်းမှာ အနောက်နိုင်ငံများမှ ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများကို အကြောင်းပြကာ စီးပွားရေး လုပ်ငန်းအချို့ကို အနှောက်အယှက် ပြုနေ သည်ဟု ဦးရွှေမန်းနှင့် တွေ့ဆုံစဉ် ပြောကြားခဲ့သည်။
မြစ်ဆုံ ရေအားလျှပ်စစ် စီမံကိန်းသည် ကချင်ပြည်နယ် မြစ်ကြီးနားမြို့နှင့် ၂၇ မိုင်အကွာတွင် တည်ရှိပြီး စီမံကိန်းကို အမှတ် ၁ လျှပ်စစ် စွမ်းအင် ဝန်ကြီးဌာနနှင့် တရုတ် China power Investment Corporation –CPI တို့ အကျိုးတူ ဆောင်ရွက်နေရာ ၂ဝဝ၉ ခုနှစ် ဒီဇင်ဘာလတွင် စတင်ခဲ့သည်။
ဆည်ကြောင့် မြစ်ဆုံ သဘာဝအလှ ပျောက်ကွယ်သွားနိုင်ခြင်း၊ မြစ်ညာပိုင်းရှိ တိုင်းရင်းသား ကျေးရွာများ ရေမြုပ်၍ ၎င်းတို့၏ အသက် မွေးဝမ်းကျောင်း လုပ်ငန်းများ ဆုံးရှုံးပျက်စီးနိုင်ခြင်း၊ ရာသီဥတု ဖောက်ပြန်မှုကြောင့် မြောက်ဖျားရှိ ရေခဲတောင်များ အရည်ပျော်ခြင်း၊ မိုးသည်းထန်စွာ ရွာသွန်းခြင်းများ ဖြစ်ပေါ် လာစေနိုင်ပြီး အင်အားပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက ဆည်ပျက်စီးပြီး ဆည်အောက်ပိုင်းရှိ မြို့ရွာများနှင့် ပြည်သူများ သေကြေ ပျက်စီးမှု ရှိနိုင်ခြင်း၊ ဧရာဝတီမြစ် ထိခိုက် ပျက်စီး နိုင်ခြင်းတို့ကြောင့် ကန့်ကွက်မှုများ ဖြစ်ပေါ်ခဲ့ခြင်း ဖြစ်သည်။
အဆိုပါ စိုးရိမ်ပူပန်မှုများကြောင့် ပြည်သူများ၏ ဆန္ဒကို အလေးထားသောအားဖြင့် မိမိတို့ အစိုးရ လက်ထက်တွင် ဆောက်လုပ်ခြင်း မပြုရန် သမ္မတ ဦးသိန်းစိန်မှ ၂ဝ၁၁ ခုနှစ် စက်တင်ဘာလ အတွင်းက ဆုံးဖြတ်ခဲ့သည်။
Ref: မဇ္ဈိမ
ပြုပြင်ပြောင်းလဲရေး ဆောင်ရွက်ဖို့ မင်းကိုနိုင် တိုက်တွန်း
ဇော်ဝင်းလှိုင်
တနင်္လာ, 12 မတ် 2012
မြန်မာနိုင်ငံအတွင်း လူ့အခွင့်အရေးနဲ့ ဒီမိုကရေစီ ထွန်းကားရေးအတွက် လက်တွေ့ကျတဲ့ အလုပ်တွေ လုပ်ဆောင် ကြဖို့ အချိန် တန်ပြီလို့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က တိုက်တွန်း လိုက်ပါတယ်။ မနက်ဖြန် အင်္ဂါနေ့မှာ ကျရောက်တဲ့ မြန်မာနိုင်ငံ လူ့အခွင့်အရေးနေ့၊ ကိုဖုန်းမော်ကွယ်လွန်ခြင်း ၂၄ နှစ်ပြည့်နေ့ အကြိုအဖြစ်နဲ့ ပြည်တွင်း ပြည်ပက တက်ကြွ လှုပ်ရှား သူတွေကို အခုလို ပြောကြား လိုက်တာပါ။ အပြည့်အစုံကိုတော့ ကိုဇော်ဝင်းလှိုင်က တင်ပြ ပေးထားပါတယ်။
မနက်ဖြန် မတ်လ ၁၃ ရက် နေ့ဟာ မြန်မာ့ လူ့အခွင့်အရေး နေ့လို့ သတ်မှတ် ထားတဲ့ ရန်ကုန် စက်မှုတက္ကသိုလ် ကျောင်းသား ကိုဖုန်းမော် ကျဆုံးခဲ့တဲ့ ၂၄ နှစ်ပြည့်နေ့ဖြစ်ပါတယ်။
အခုလို ထူးခြားတဲ့ နေ့တနေ့မှာ မြန်မာနိုင်ငံ အတွင်း လူ့အခွင့်အရေးနဲ့ ဒီမိုကရေစီ ထွန်းကားရေးအတွက် လက်တွေ့ ကျတဲ့ လုပ်ငန်းတွေ လုပ်ဆောင်ကြဖို့ ပြည်တွင်း ပြည်ပမှာ ရှိနေကြတဲ့ လုပ်ဖော် ကိုင်ဖက်တွေကို ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်က တိုက်တွန်း လိုက်တာပါ။
“ပြည်တွင်းက ကျနော်တို့ လုပ်ဖော် ကိုင်ဖက်တွေ အားလုံးက ပြည်သူလူထု ကြားထဲကို ဆင်းပြီးတော့၊ နယ် အသီးသီးကို သွားပြီးတော့ အဲဒါတွေ လုပ်သင့်ပြီလို့ ကျနော် ယူဆတယ်။ နိုင်ငံတကာ မှာရှိနေတဲ့ ကျနော်တို့ ရဲဘော်တွေ ကျတော့လဲ ဒီထက်ပိုပြီးတော့ ဘာလုပ်နိုင်မလဲ ပေါ့ဗျာ။ ကျနော် မေးချင်တာက ကျနော်တို့ ပြည်တွင်းမှာ ဒီထက်ပိုပြီး အထောက်အပံ့ ကောင်းအောင်၊ လက်တွေ့ ကျတာကို ဘာလုပ် ပေးနိုင်ကြမလဲ၊ လူ့အခွင့်အရေးနဲ့ ဒီမိုကရေစီ အတွက်ပါ။ ကျနော် ပြောပြသလိုပါပဲ၊ အခမ်းအနားတွေ ကျင်းပရုံနဲ့ မပြီးဘူး ဆိုတာတော့ ကျနော် ထပ်ခါတလဲလဲ တိုက်တွန်း ချင်တယ်ဗျာ။ လက်တွေ့ကျတဲ့ အလုပ်ကိုပေါ့။ ၀ိုင်းစဉ်းစားကြပါ။ ခေါင်းတွေ ပေါင်းပြီးတော့ စဉ်းစားလိုက်လို့ ရှိရင်တော့ လက်တွေ့ကျတဲ့ အလုပ်တွေ ထွက်လာ ပါလိမ့်မယ်။”
မြန်မာနိုင်ငံကို နှစ်ပေါင်းများစွာ အုပ်ချုပ်လာခဲ့တဲ့ အာဏာရှင် ဆိုရှယ်လစ် အစိုးရရဲ့ လက်ချက်ကြောင့် ၁၉၈၈ ခုနှစ် မတ်လ ၁၃ ရက် နေ့မှာ စက်မှုတက္ကသိုလ် ကျောင်းသား ကိုဖုန်းမော် ကျဆုံးခဲ့ရတာပါ။ ဒါကြောင့်လည်း ကိုဖုန်းမော်ကို ဂုဏ်ပြုတဲ့ အနေနဲ့ နိုင်ငံရေး အင်အားစုတွေ စုပေါင်းပြီး မြန်မာနိုင်ငံ လူ့အခွင့်အရေး နေ့ရယ်လို့ ၁၉၈၉ ခုနှစ် မတ်လ ၁၃ ရက်နေ့မှာ စတင် သတ်မှတ်ခဲ့ကြတာ ဖြစ်တယ်လို့လည်း ဖြစ်ပါတယ်။
“ကျနော်တို့က ကိုဖုန်းမော် ကျဆုံး ပြီးတော့ နောက် တနှစ်အကြာမှာ ၁၉၈၉ မတ်လ ၁၃ ရက်မှာ အဲဒီ နိုင်ငံရေး အင်အားစုတွေ အားလုံး ပေါင်းပြီးတော့ တညီတညွှတ်ထဲ ပေါင်းပြီးတော့ ဆုံးဖြတ် ခဲ့တာ ကတော့ အဲဒီ ကိုဖုန်းမော် ကျဆုံးတဲ့ နေ့ကို မြန်မာနိုင်ငံ လူ့အခွင့်အရေးနေ့ ဆိုပြီးတော့ ဆုံးဖြတ်ခဲ့တယ်။ အဲဒီအိမ်မှာ အဲဒီ အခမ်းတွေ ၇ ရက်၊ တစ်ပတ် ကျင်းပတာပေါ့။ အဲဒါနဲ့ပဲ အပြီးသတ် ကျတော့ ကျနော် အဖမ်းခံရတယ်။ အဲဒီမှာ ၁၆ နှစ် ကြာခဲ့တယ်ပေါ့။ အဲဒီတော့ မြန်မာနိုင်ငံ လူ့အခွင့်အရေးနေ့ လို့ သတ်မှတ် ပြီးတော့ ကျနော်တို့ တိတိကျကျ လုပ်နိုင်ခဲ့တာ အဲဒီ တနှစ်ပဲ ရှိတယ်။ အခု ၂၃ နှစ်ကြာမှ ပြန်ပြီးတော့ လုပ်ကြရတာ။ လုပ်ကြတဲ့ အခါမှာတော့ ကျနော့် သဘော အရကတော့ အခမ်းအနား ကျင်းပရုံ မကပဲနဲ့ အဲဒီ လူ့အခွင့်အရေးနဲ့ ပတ်သက် တာတွေ ကျနော်တို့ တစ်ပြည်လုံးက သိရှိအောင်၊ အဲဒီ လူ့အခွင့်အရေးကို ကျနော်တို့ နိုင်ငံသား တွေ အားလုံး ခံစား နိုင်ရအောင် အကုန်လုံးက လူထုထဲ ဆင်းပြီးတော့ လူ့အခွင့်အရေး ဆိုင်ရာ မြင့်တင်မှုတွေ၊ အသိပေးမှုတွေ၊ လူ့အခွင့်အရေးနဲ့ ပတ်သက်ပြီးတော့ အကာကွယ် ပေးမှုတွေကို ဥပဒေ ကြောင်းအရရော၊ ပြည်သူတွေ အကုန်လုံး သိရှိ ခံစားနိုင်အောင်၊ နားလည်နိုင်အောင် အတွက် အင်တိုက် အားတိုက် လုပ်ကြဖို့ လိုပြီလို့တော့ ကျနော် ယုံတယ်ဗျာ။”
မြန်မာနိုင်ငံ လူ့အခွင့်အရေးနေ့ ရယ်လို့ သတ်မှတ် ခဲ့ကြပေမယ့်လည်း စစ်အစိုးရ လက်ထက် ဖမ်းဆီး ထိန်းချုပ်မှု တွေကြောင့် မြန်မာနိုင်ငံ အတွင်းမှာ လူ့အခွင့်အရေး နေ့ရယ်လို့ တရားဝင် ကျင်းပနိုင်ခဲ့ခြင်း မရှိပါဘူး။ ပြည်ပမှာ ရောက်နေကြတဲ့ ရဲဘော် ရဲဘက် တွေကပဲ စုပေါင်းပြီးတော့ ကျင်းပကြတာ ရှိပါတယ်။
လက်ရှိမှာတော့ အစိုးရ အပြောင်းအလဲ ဖြစ်လာတာနဲ့အတူ အတိုင်းအတာ တခုအထိ နိုင်ငံရေး လှုပ်ရှားခွင့် တွေလည်း ရနေတာ ဖြစ်ပါတယ်။ ဒါကြောင့်လည်း အရင်က ထောင်က ပြန်လွှတ် လာတာနဲ့ အခုတကြိမ် ထောင်က ပြန်လွှတ်လာတဲ့ အခြေအနေတွေ သိသိသာသာ ကွာခြားနေတာကို တွေ့ရတယ်လို့ ကိုမင်းကိုနိုင်က ပြောပါတယ်။
“အရင်တခေါက်နဲ့စာရင် လုပ်သာ ကိုင်သာရှိတယ်။ လူထုရဲ့ နိုင်ငံရေး ရေချိန် တက်လာတာရော၊ စိတ်ဓါတ် အင်အား မြင့်မား လာတာရော၊ အတိုင်းမသိကို ကွာခြားပါတယ်။ တခုပဲရှိတယ်၊ ကျနော်တို့ဖက်က အဲဒီ အခြေအနေ တွေကို နံပတ်တစ် - ထိန်းနိုင်ရမယ်။ ပြီးရင် ထပ်မံ တိုးချဲ့နိုင်ရမယ်။ ထိန်းတယ်၊ တိုးချဲ့တယ် ဆိုတဲ့နေရာမှာလည်း ကျနော်တို့ လက်ရှိအစိုးရက နောက်ဆုံး ပြည်သူလူထုကို ပြောထားတဲ့ မိန့်ခွန်းက အင်မတန် နူးညံ့ပြီးတော့ နွေးထွေးတဲ့ လက်တွေနဲ့ ကမ်းထားတာဆိုတော့ ကျနော်တို့က အဲဒီ ကမ်းတဲ့ လက်ကိုလဲ ခိုင်ခိုင်မာမာ ပြန်ဆုပ်ရမယ့် အနေအထား ဖြစ်တဲ့ အတွက်ကြောင့် ဒီမိုကရေစီရေးကို တကယ်လုပ်မယ့် ပြုပြင် ပြောင်းလဲရေး သမားတွေ အားလုံးနဲ့ လက်တွဲတဲ့ နည်းလမ်းကို သွားမှာပါ။
ဟို အောက်ခြေ မှာရှိနေတဲ့ တချို့ တချို့တွေ၊ ဒါကို သမ္မတရဲ့အမိန့်၊ သမ္မတရဲ့ ပြောင်းလဲလာတဲ့ သဘောထားကို မလိုက်နာ နိုင်တဲ့ လူတွေနဲ့ကတော့ ကျနော်တို့ ရင်ဆိုင် နိုင်ရမှာပေါ့။ အဲဒီ အားလုံး အတွက်တော့ ကျနော်တို့ ပြင်ဆင် ထားပါတယ်။ ကျနော်တို့ ပြည်သူ လူထုမှာ အဲဒါတွေ ရင်ဆိုင်နိုင်ဖို့ စိတ်ဓါတ် သတ္တိရော၊ ပူးပေါင်း ဆောင်ရွက်ဖို့ ရင့်ကျက်တဲ့ စိတ်ဓါတ် အခြေခံ တွေရော ကျနော်တို့ နေရာတကာမှာ လှည့်ပြီးတော့ လျှောက်ကြည့် တဲ့အခါမှာ အားရစရာ ကောင်းလောက်အောင် တုန့်ပြန်မှုတွေ တွေ့ပါတယ်။ ကျနော်တို့ အားရပါတယ်။ အဲဒီတော့ ရှေ့ဆက်ရမယ့် ခရီးအတွက် ကတော့ ပြည်သူ လူထုနဲ့အတူ လက်တွဲ ပြီးတော့ သွားနိုင်ပါလိမ့်မယ်။”
ကိုဖုန်းမော်နေ့ဟာ ခေတ်သစ် မြန်မာနိုင်ငံ သမိုင်းမှာ ထင်ရှားတဲ့ ရှစ်လေးလုံး အရေးတော်ပုံကြီး ပေါ်ပေါက် လာအောင်၊ မြန်မာနိုင်ငံကို ၂၆ နှစ်တာ အုပ်ချုပ်လာခဲ့တဲ့ တပါတီ အာဏာရှင်စံနစ် ပြုတ်ကျအောင် တနိုင်ငံလုံး အတိုင်းအတာနဲ့ ဒီမိုကရေစီအရေး တောင်းဆို ဆန္ဒပြမှုတွေ ဖြစ်ပေါ်လာအောင် အစပျိုးပေးခဲ့တဲ့ နေ့ဖြစ်ပါတယ်။
ကိုဖုန်းမော်နေ့ အထိမ်းအမှတ် အဖြစ်နဲ့ ပြည်ပမှာ ရောက်နေကြတဲ့ လုပ်ဖော်ကိုင်ဖက် ရဲဘော်တွေ အတွက်လည်း ကိုမင်းကိုနိုင်က ၈၈ မျိုးဆက် ကျောင်းသားများ ကိုယ်စား Youtube က တဆင့် အင်တာနက်မှာ ရုပ်သံဖိုင် ပေးပို့ထားတာ ဖြစ်ပါတယ်။
Ref: VOA News
ကြံ့ခိုင်ရေး ပါတီ ငွေပေး မဲဆွယ်
March 12, 2012
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ခိုင်ရေးပါတီ) က ကြားဖြတ် ရွေးကောက်ပွဲ အတွက် မဲဆွယ်ပွဲ တက်ရောက်ရန် လူ တဦးလျှင် တနေ့ ကျပ် ၃၀၀၀ ပေး၍ စည်းရုံးမှုများ ပြုလုပ်လျက် ရှိကြောင်း သတင်းရရှိသည်။
ပါတီကိုယ်စားလှယ်လောင်း တဦးလျှင် ကျပ် သိန်း ၅၀ ထုတ်ပေးပြီး အောင်နိုင်ရေးအတွက် ထိုသို့ မဲဆွယ် စည်းရုံးမှုများ ပြုလုပ်လာ ခြင်းဖြစ်သည်ဟု ရန်ကုန်တိုင်း ကြံ့ခိုင်ရေးပါတီ အသိုင်းအ၀ိုင်းက ပြောသည်။
“ဗဟိုကနေ ပါတီ ကိုယ်စားလှယ်လောင်းတွေအတွက် မဲဆွယ်စရိတ် ထုတ်ပေးထားတယ်၊ သက်ဆိုင်ရာ မြို့နယ် ပါတီရုံးခွဲတွေ ကလည်း တတ်နိုင်သလောက် ငွေကြေးရော စိတ်ဓာတ်ပိုင်း ဆိုင်ရာရော ကိုယ်စားလှယ်လောင်း အတွက် ဖြည့်ဆည်း ပေးကြဖို့ လူကြီး တွေက ညွှန်ကြား ထားပါတယ်”ဟု ရန်ကုန်တိုင်း ကြံ့ခိုင်ရေးပါတီ တာဝန်ရှိသူ တဦးကလည်း ပြောဆိုသည်။
ထို့အပြင် အစိုးရ၀န်ကြီးတချို့ကလည်း ကြံ့ခိုင်ရေးပါတီ ကိုယ်စားလှယ်လောင်းများအတွက် အထူး မဲဆွယ်ပွဲများ ပြုလုပ်ပေးလျက် ရှိကြောင်း သိရှိရသည်။
ရန်ကုန်တိုင်း မင်္ဂလာတောင်ညွှန့်မြို့နယ်မှ အရွေးချယ်ခံမည့် ကြံ့ခိုင်ရေးပါတီ၏ ပြည်သူ့လွှတ်တော် ကိုယ်စားလှယ်လောင်း ဒေါ်လဲ့လဲ့အေး အတွက် အလုပ်သမား ၀န်ကြီးဌာနနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ပြည်ထောင် စု ၀န်ကြီး ဦးအောင်ကြည်က မဲဆွယ်ပေးလျက်ရှိကြောင်း ဒေသခံ တဦးက ပြောပြသည်။
“ဦးအောင်ကြည်ကိုယ်တိုင် ဖဆပလ ရပ်ကွက်မှာ သက်ကြီးကန်တော့ပွဲ နာမည်တပ်ပြီး ဒေါ်လဲ့လဲ့အေးအတွက် မဲဆွယ် သွားတယ်။ သက်ကြီး ရွယ်အိုတွေကို ငွေကြေးနဲ့ ကန်တော့ပြီး ဒေါ်လဲ့လဲ့အေးကို မဲထည့်ပေးဖို့ မဲဆွယ်တယ်”ဟု မင်္ဂလာတောင်ညွှန့် ဒေသခံက ပြောသည်။
ဦးအောင်ကြည်သည် ၂၀၁၀ ရွေးကောက်ပွဲတွင် မင်္ဂလာတောင်ညွှန့်မြို့နယ်မှ လွှတ်တော်ကိုယ်စားလှယ်အဖြစ် အရွေးချယ် ခံရပြီး ပြည်ထောင်စု ၀န်ကြီးတာဝန် ထမ်းဆောင်နေသူ ဖြစ်သည်။
အစိုးရ၀န်ကြီး တဦးအနေဖြင့် နိုင်ငံ့တာဝန်ထမ်းဆောင်ချိန်တွင် ယခုကဲ့သို့ ပါတီနိုင်ငံရေးအတွက် မဲဆွယ် စည်းရုံးရေး ပြုလုပ်ခြင်းမှာ ဥပဒေနှင့် မညီကြောင်း ပြည်တွင်းရှိ နိုင်ငံရေးသမား တဦးက ပြောသည်။
“အစိုးရ၀န်ကြီးဆိုတာက ပြည်သူ့ဝန်ထမ်းဖြစ်သွားပြီ။ ပါတီနိုင်ငံရေးကို လုပ်လို့မရဘူး။ ပါတီကိုယ်စားလှယ်လောင်း အတွက် မဲဆွယ် တာမျိုး တကယ်ကို မလုပ်သင့်ဘူး။ ဥပဒေအရလည်း ငြိတယ်။ ၀န်ကြီး ဆိုတဲ့ ရာထူးအရှိန်အ၀ါ သုံးပြီး ပါတီ အတွက် မဲဆွယ်တာ ကလည်း နိုင်ငံပိုင် ပစ္စည်းကို သုံးတာပဲ”ဟု နိုင်ငံရေးသမား တဦးဖြစ်သူ ဒေါက်တာ စောနိုင်က ပြောသည်။
၂၀၁၀ ရွေးကောက်ပွဲတွင်လည်း ကြံ့ခိုင်ရေး ပါတီအတွက် အစိုးရ ၀န်ကြီးများ မဲဆွယ်စည်းရုံးမှု ပြုလုပ်ခဲ့သည်။
နိုင်ငံရေး ပါတီများ မှတ်ပုံတင်ခြင်း ဥပဒေတွင် နိုင်ငံ့ဝန်ထမ်း မဟုတ်သူများသာ ပါတီ တည်ထောင်ခွင့်၊ စည်းရုံးခွင့် ရှိကြောင်း နှင့် နိုင်ငံရေး ပါတီများ အနေဖြင့် နိုင်ငံပိုင် ငွေကြေး၊ မြေ၊ အိမ်၊ အဆောက်အအုံ၊ ယာဉ် ၊ ပစ္စည်းတို့ကို တိုက်ရိုက်ဖြစ်စေ၊ သွယ်ဝိုက်၍ ဖြစ် စေ ရယူသုံးစွဲသည်ကို တွေ့ရှိပါက ပါတီ မှတ်ပုံတင်ကို ဖျက်သိမ်း၍ ပါတီကိုလည်း ဖျက်သိမ်းရမည်ဟု ပြဌာန်းထားသည်။
မရမ်းကုန်းမြို့နယ် ကြံ့ခိုင်ရေးပါတီ၏ လွှတ်တော်ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်မည့် အငြိမ်းစား ညွှန်ကြားရေးမှူး ဦးရဲထွဋ်ကလည်း မဲဆွယ်စည်းရုံးရေး ကားဖြင့် လှည့်လည်ရန် လူတဦးလျှင် နေ့စား ကျပ် သုံးထောင်ပေး၊ ထမင်းကျွေးစနစ်ဖြင့် ခေါ်ယူ အသုံးပြုကြောင်း သိရှိရသည်။
“တချို့တနေ့လုပ်တနေ့စားတွေက ထမင်းလည်းစားရမယ်၊ ပိုက်ဆံလည်းရတယ်ဆိုတော့ လိုက်သွားကြတာ၊ ရပ်ကွက် ပြည်သူတွေ ကတော့ ကြံ့ဖွံ့က ခေါ်တာကို စိတ်သိပ်မ၀င်းစားကြဘူး၊ သူတို့တနေ့ ၃၀၀၀ ပေးခေါ်ထားတဲ့ လူတွေကတောင် ရွေးကောက်ပွဲ ကျင်းပတဲ့နေ့ ဒေါ်အောင်ဆန်းစုကြည်ကို မဲထည့်မယ် ပြောနေကြတယ်”ဟု မရမ်းကုန်းမြို့နယ် ၃ ရပ်ကွက်သား တဦးက ပြောသည်။
ကြံ့ခိုင်ရေးပါတီသည် ပြီးခဲ့သည့် ၂၀၁၁ ခုနှစ် ဒီဇင်ဘာလအတွင်းက မရမ်းကုန်းမြို့နယ်၌ အိမ်ဂရန်များ ချထားပေးမည်ဟု ဆိုပြီး ကြားဖြတ် ရွေးကောက်ပွဲ အတွက်တရားမ၀င် မဲဆွယ်စည်းရုံးမှု ပြုလုပ်ခြင်းများ ရှိခဲ့သည်။
ရပ်ကွက်အားလုံးတွင် အိမ်ဂရန်များရရှိရန် ဆောင်ရွက်ပေးမည်ဟုဆိုပြီး အိမ်အရောင်းအ၀ယ်စာချုပ်၊အိမ်ထောင်စု စာရင်း၊ အိမ်ပိုင် ရှင်၏ နိုင်ငံသား စိစစ်ရေးကတ် အပါအ၀င် လိုအပ်သော အချက်အလက် စာရွက်စာတမ်းများကို တောင်းခံကြောင်း၊ ဒီဇင်ဘာ၂၁ ရက် နေ့မှ၂၂ ရက်နေ့အထိ ရပ်ကွက် ကြံ့ခိုင်ရေး ပါတီရုံးတွင် လာလျှောက်ကြရန်လည်း ရာအိမ်မှူး၊ ဆယ်အိမ်မှူးများက လိုက်လံ နှိုးဆော်မှုများ ပြုလုပ်ခဲ့သည်။
ယင်း အိမ်ဂရန်ထုတ်ပေးမည့် အစီအစဉ်ကို နောက်ပိုင်းတွင် ပြန်လည် ရုပ်သိမ်းခဲ့သည်ဟု သိရသည်။
၂၀၁၀ ရွေးကောက်ပွဲတွင်လည်း ကြံ့ခိုင်ရေး ပါတီသည် လမ်းခင်းခြင်း၊ ငွေထုတ်ချေးများဖြင့် မဲဆွယ်စည်းရုံးခြင်း၊ ကြိုတင်မဲ ရယူခြင်းများ အပါအ၀င် ဥပဒေနှင့်မညီသော နည်းလမ်းများဖြင့် ရွေးကောက်ပွဲ အနိုင်ရခဲ့ကြောင်း ပြည်တွင်း နိုင်ငံရေး ပါတီများက တရားဝင် ထုတ်ပြန် ပြောဆိုခဲ့ကြသည်။
ဧပြီ ၁ ရက်ကျင်းပမည့် ကြားဖြတ်ရွေးကောက်ပွဲတွင် ကြံ့ခိုင်ရေး ပါတီက လစ်လပ်မဲဆန္ဒနယ် ၄၈ နေရာလုံးတွင် ၀င်ရောက် ယှဉ်ပြိုင် မည်ဖြစ်ကြောင်း သိရသည်။
ကြံ့ခိုင်ရေးပါတီသည် ၁၉၉၃ ခုနှစ်ကစတင်၍ လူမှုရေးအသင်းအဖြစ် တည်ထောင်ခဲ့ပြီးနောက်၂၀၁၀ ပြည့်နှစ်တွင် ရွေးကောက်ပွဲ ၀င်ရန် နိုင်ငံရေး ပါတီ အဖြစ်ပြောင်းလဲ ဖွဲ့စည်းခဲ့ခြင်း ဖြစ်သည်။
Ref: ဧရာဝတီ
ဒေါ်အောင်ဆန်းစုကြည် လွှတ်တော် လေ့လာ
ရန်ပိုင်
March 12, 2012
အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်း စုကြည်သည် ပြည်သူ့လွှတ်တော် ဥက္ကဋ္ဌ သူရ ဦးရွှေမန်း၏ ဖိတ်ကြားချက် အရ ဧည့်သည်တော် အဖြစ်ယနေ့ ကျင်းပနေသည့် ပြည်သူ့ လွှတ်တော်၌ မိနစ် ၄၀ ခန့်ကြာ လေ့လာကြောင်း သတင်းရသည်။
“လေ့လာသူအဖြစ် သွားတာပါ၊ တခြား လွှတ်တော် ကိုယ်စားလှယ်တွေ၊ တိုင်းရင်းသား လွှတ်တော် ကိုယ်စားလှယ်တွေနဲ့ မတွေ့ဖြစ် ပါဘူး”ဟု လုံခြုံရေး တာဝန် ယူထားသည့် ဦးခွန်သာမြင့်က ဆိုသည်။
ဒေါ်အောင်ဆန်းစုကြည်သည် ယနေ့နံနက် ၉နာရီခွဲ ခန့်က ပြည်သူ့လွှတ်တော် ဥက္ကဋ္ဌ သူရ ဦးရွှေမန်းနှင့် နှစ်ဦးတည်း သီးသန့်တွေ့ ဆုံဆွေး နွေးခဲ့ပြီး မည်သည့် အကြောင်းအရာများ တွေ့ဆုံ ဆွေးနွေးသည်ကိုမူ မသိရှိရကြောင်း ဦးခွန်သာမြင့်က ဆက်ပြောသည်။
ထို့အပြင် နံနက် ၈ နာရီခွဲခန့်က အမျိုးသားလွှတ်တော် ဥက္ကဋ္ဌ ဦးခင်အောင်မြင့်နှင့်လည်း သီးခြားတွေ့ဆုံခဲ့ကြောင်း သိရသည်။
ဒေါ်အောင်ဆန်းစုကြည်သည် NLDပါတီ၏ မူဝါဒနှင့် သဘောထား လုပ်ငန်းစဉ်များအား ရုပ်မြင်သံကြားနှင့် ရေဒီယို အစီအစဉ် များမှ ထုတ်လွှင့်မှု အတွက် ရိုက်ကူးရန် နေပြည်တော်သို့ ရောက်ရှိနေခြင်း ဖြစ်သည်။ ဒေါ်အောင်ဆန်းစုကြည်၏ ရုပ်သံ ဟောပြောချက် မူကြမ်းထဲမှ တချို့ကို ပြည်ထောင်စု ရွေးကောက်ပွဲ ကော်မရှင်က ဆင်ဆာ ဖြတ်တောက်ထားသည်။
ယနေ့ နေ့လယ်ပိုင်းတွင် ဒေါ်အောင်ဆန်းစုကြည်သည် ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးနှင့် တွေ့ဆုံမည် ဖြစ်ကြောင်း သိရသည်။
ထို့နောက် ဒေါ်အောင်ဆန်းစုကြည်သည် နေပြည်တော်ရှိ ရွိုင်ရယ် ကုမုဒြာ ဟိုတယ်၌ နားနေပြီး ရန်ကုန်နေအိမ်သို့ ပြန်လည် ထွက်ခွာမည် ဖြစ်ကြောင်း၊ မူလက မဲဆွယ်စည်းရုံးရေး သွားရောက်မည့် မကွေးတိုင်းအတွင်း ခရီးစဉ်ကို လာမည့် မတ်လ ၂၈ ရက်သို့ ရွှေ့ ပြောင်းလိုက်ကြောင်း NLD က ပြောသည်။
NLDပါတီ ၀င်ရောက်ယှဉ်ပြိုင်မည့် မဲဆန္ဒနယ်မြေများတွင် ဆန္ဒမဲပေးခွင့်ရှိသူ စာရင်းကွာဟမှုများ ရှိနေပြီး တချို့ ဒေသများတွင် သေဆုံး သွားသူများ၊ နိုင်ငံသား စိစစ်ရေးကတ် နံပါတ်တူသူများ၊ မိဘ အမည်တူသူ အများအပြား မဲပေးခွင့်ရှိသူ စာရင်းတွင် ပါရှိနေ သည့် အတွက် ကန့်ကွက် ပြောဆိုမှုများလည်း ပေါ်ထွက်နေသည်။
လက်ရှိအခြေအနေ၌ ဒေါ်အောင်ဆန်းစုကြည်ဝင်ရောက် ယှဉ်ပြိုင်မည့် ရန်ကုန်တိုင်း ကော့မှူးမြို့နယ် ၀ါးဘလောက်သောက် ရွာတွင် မဲပေးနိုင်သူ ဦးရေ ၄၉၀ ကျော်စာရင်းတွင် ပါဝင်ခြင်း မရှိကြောင်း အဆိုပါ ကျေးရွာရှိ NLDပါတီ ရွေးကောက်ပွဲ အောင်နိုင်ရေး အဖွဲ့ဝင် တဦးက ပြောသည်။
ဒေါ်အောင်ဆန်းစုကြည်ကလည်း မဲစာရင်းကွာဟမှုများကို ပြည်ထောင်စု ရွေးကောက်ပွဲ ကော်မရှင်အနေဖြင့် အချိန်မီ အရေးယူ ပြုပြင် နိုင်ခြင်း မရှိပါက တရားမျှတသည့် ရွေးကောက်ပွဲ ဖြစ်သည်ဟု ခေါ်ဆိုနိုင်ခြင်း ရှိမည် မဟုတ်ဟု မီဒီယာများနှင့် တွေ့ဆုံရာတွင် ပြော ဆိုထားသည်။
ဧပြီ ၁ ရက်ကျင်းပမည့် ကြားဖြတ်ရွေးကောက်ပွဲတွင် NLD ပါတီက လစ်လပ်နေရာ ၄၈ နေရာ စလုံး ၀င်ရောက် ယှဉ်ပြိုင်မည် ဖြစ်ကြောင်း ထုတ်ပြန်ထားပြီး ဖြစ်သည်။
Ref: ဧရာဝတီ
၁၉၉၀ မွန်ပါတီ ကြားဖြတ်ရွေးကောက်ပွဲပြီး မှတ်ပုံတင်၊ ပါတီပေါင်းဖွယ်ရှိ
ကွန်းချမ်း
တနင်္လာနေ့၊ မတ်လ ၁၂ ရက် ၂၀၁၂
စံခလပူရီ (မဇ္ဈိမ) ။ ။ ကြားဖြတ် ရွေးကောက်ပွဲအပြီးတွင် ပါတီမှတ်ပုံတင်ခြင်း ကိစ္စကို လုပ်ဆောင် သွားမည်ဟု ၁၉၉၀ ရွေးကောက်ပွဲဝင် မွန်အမျိုးသား ဒီမိုကရေစီ အဖွဲ့ (MNDF) က တနင်္ဂနွေနေ့တွင် ပြုလုပ်သည့် သတင်းစာ ရှင်းလင်းပွဲတွင် ပြောသည်။
မော်လမြိုင်မြို့ မွန်ဓမ္မာရုံ၌ ပြုလုပ်သည့် ပါတီဥက္ကဋ္ဌ နိုင်ငွေသိမ်း၏ အသက် ၉၀ ပြည့်အကြို ဂုဏ်ပြုပွဲအပြီး သတင်းစာ ရှင်းလင်းပွဲတွင် သတင်းထောက်များ၏ မေးမြန်းချက်ကို ဒု-ဥက္ကဋ္ဌ (၂) နိုင်တင်အောင် က ဖြေကြားသွားခြင်း ဖြစ်သည်။
“ဒီလာမယ့် ရွေးကောက်ပွဲပြီးရင် ကျနော်တို့အဖွဲ့ အနေနဲ့ မှတ်ပုံတင်ပါမယ်။ အခုလက်ရှိ မွန်အမျိုးသား ဒီမိုကရေစီ အဖွဲ့ နာမည်နဲ့ ဖြစ်ချင် ဖြစ်မယ်။ ဒါမှမဟုတ် တခြား နာမည်နဲ့လည်း ဖြစ်ချင် ဖြစ်မယ်” ဟု နိုင်တင်အောင် က ပြောသည်။
MNDF အနေနှင့် ပါတီ မှတ်ပုံတင်ခဲ့ပါက ပြည်တွင်း မွန်နိုင်ငံရေးပါတီနှစ်ခု ဖြစ်လာမည့်အတွက် မွန်ပြည်သူ များနှင့် ရဟန်း သံဃာတော်များ၏ လိုလားချက် ဖြစ်သည့် ပါတီနှစ်ခု ပေါင်းစည်းရေး အတွက် ၂၀၁၀ ရွေးကောက်ပွဲဝင် မွန်ဒေသလုံး ဆိုင်ရာ ဒီမိုကရေစီပါတီ (AMDP) နှင့် ညှိနှိုင်း သွားမည်ဟုလည်း MNDF က ပြောသည်။
“ကျနော်တို့ မွန်ပါတီနှစ်ခု ပေါင်းကို ပေါင်းရမယ်။ ကျနော်တို့ အချင်းချင်းလည်း ညှိနှိုင်းနေတုန်းပဲ။ နားလည်မှု ရထားပြီးပြီ။ ပေါင်းဖို့ အတွက်က အချိန်နည်းနည်း ယူရဦးမယ်” ဟု နိုင်တင်အောင်က ပြောသည်။
ပါတီနှစ်ခု ပေါင်းစည်းရန်အတွက် ယခင်နှစ်ကုန်ပိုင်းကပင် နှစ်ဖက်ပါတီများက မွန်ပြည်နယ်၊ ကရင်ပြည်နယ် စသည် တို့မှ မွန်ပြည်သူ များနှင့် ရဟန်း သံဃာများ၏ ဆန္ဒကို ကောက်ခံခဲ့ရာ ပူးပေါင်းစေလိုသည့် အဖြေကို ရရှိခဲ့သည်။
“ဆရာတို့ မပေါင်းရင် ရွာထဲကို လုံးဝ မဝင်နဲ့တဲ့။ ဘုန်းကြီးတွေကလည်း မပေါင်းရင် ကျောင်းကို လုံးဝ မလာနဲ့လို့ ပြောတယ်။ သူတို့ကလည်း ပေါင်းစေချင်တဲ့ဆန္ဒ ရှိတယ်” ဟု AMDP ဥက္ကဋ္ဌ နိုင်ငွေသိန်းက ပြောသည်။
ပါတီကွဲ၍ မွန်ပါတီ နှစ်ခု ဖြစ်လာခြင်း မဟုတ်ဘဲ ၂၀၁၀ ရွေးကောက်ပွဲတွင် မွန်အမျိုးသား ကိုယ်စားပြုသည့် နိုင်ငံရေး ပါတီတခု ရှိသင့်သည် ဟူသော ယုံကြည်ချက်ဖြင့် အခြေအနေအရ ပါတီသစ် ပေါ်ပေါက်လာရခြင်း ဖြစ်သည်ဟု ပါတီသစ် ခေါင်းဆောင် နိုင်ငွေသိန်းက ပြောသည်။
ပါတီဟောင်း ဖြစ်သည့် MNDF ကို ၁၉၈၈ ခုနှစ် အောက်တိုဘာလ ၁၁ ရက်နေ့၌ စတင်ဖွဲ့စည်းခဲ့ပြီး ၁၉၉ဝ ရွေးကောက်ပွဲတွင် ကိုယ်စားလှယ် ၁၉ ဦး ဝင်ရောက်ယှဉ်ပြိုင် ခဲ့ရာ ငါးနေရာ အနိုင်ရခဲ့သည်။
ထိုရွေးကောက်ပွဲရလဒ်ကို စစ်အစိုးရက အသိအမှတ်ပြုရန် ငြင်းပယ်ခဲ့ပြီးနောက် ၁၉၉၁ ခုနှစ်တွင် ပါတီ ခေါင်းဆောင်များ ဖမ်းဆီး ခံရကာ မွန်ပြည်နယ်နေ့ ဖြစ်သည့် ၁၉၉၂ မတ်လ ၁၉ ရက်နေ့တွင် ပါတီ ဖျက်သိမ်း ခံရသည်။ ၎င်းနောက် ၂၀၀၈ ဖွဲ့စည်းပုံ အခြေခံ ဥပဒေကို လက်မခံသည့် အတွက် ၂၀၁၀ ရွေးကောက်ပွဲအတွက် ပြန်လည် မှတ်ပုံတင်ခြင်း မပြုဘဲ ရွေးကောက်ပွဲကို ကန့်ကွက်ခဲ့သည်။
နိုင်ငံရေး ပါတီများ မှတ်ပုံတင်ခြင်း ဥပဒေ ပြင်ဆင်ပေးပြီးနောက် လွှတ်တော်ကိုယ်စားပြု ကော်မတီ (CRPP) အတွင်းမှ အမျိုးသား ဒီမိုကရေစီ အဖွဲ့ချုပ် (NLD) က မှတ်ပုံတင်မည်ဟု ဆုံးဖြတ်ခဲ့ရာ MNDF အပါအဝင် ၁၉၉၀ ရွေးကောက်ပွဲဝင် ကျန်တိုင်းရင်းသား နိုင်ငံရေး ပါတီတို့က ဦးခွန်ထွန်းဦးနှင့် နိုင်ငံရေး အကျဉ်းသားများကို မလွှတ်ပေးပါက ရွေးကောက်ပွဲ ဝင်မည် မဟုတ်ကြောင်း ဆုံးဖြတ် ခဲ့ကြသည်။
ဇန်နဝါရီ ၁၃ ရက်နေ့တွင် ဦးခွန်ထွန်းဦး အပါအဝင် နိုင်ငံရေး အကျဉ်းသားများ ပြန်လွတ်လာပြီး နောက်တွင် တိုင်းရင်းသား ပါတီများ ပါတီ မှတ်ပုံတင်ခြင်း ကိစ္စကို ဆုံးဖြတ်ခဲ့ရာ မွန်အမျိုးသား ဒီမိုကရေစီအဖွဲ့လည်း ပါဝင်ခဲ့သည်။
Ref: မဇ္ဈိမ
Monday, March 12, 2012
ပုဗ္ဗသီရိ NLD၏ အမတ်လောင်း ဦးဖြိုးဇေယျာသော်၊ တပ်မတော် အရာရှိဟောင်း ဦးနေမျိုးဇင်နှင့် ဒေါ်အောင်ဆန်းစုကြည်၏ နေပြည်တော် ခရီးစဉ်
ရော်နီညိမ်း
စနေ, 10 မတ် 2012
လာမယ့် ဧပြီလ(၁)ရက်နေ့ ကြားဖြတ်ရွေးကောက်ပွဲမှာ၊ နေပြည်တော်တိုင်း ပုဗ္ဗသီရိမြို့မဲဆန္ဒနယ်ကနေ ၀င် ရောက် အရွေးခံမယ့်၊ အမျိုးသား ဒီမိုကရေစီအဖွဲ့ချုပ်ရဲ့ ပြည်သူ့ လွှတ်တော် ကိုယ်စားလှယ်လောင်း ဦးဖြိုးဇေယျာသော် အတွက်၊ မဲဆွယ် စည်းရုံး လှုပ်ရှားခဲ့သူ ဖြစ်ပြီးတော့၊ ဒေါ်အောင်ဆန်းစုကြည် ရဲ့ နေပြည်တော် ခရီးစဉ်မှာ လုံခြုံရေး တာဝန်နဲ့ လိုက် ပါခဲ့သူလည်း ဖြစ်တဲ့၊ နိုင်ငံရေး အကျဉ်းသားဟောင်း NLD ပါတီဝင် ဗိုလ်ကြီးဟောင်း ဦးနေမျိုးဇင်ရဲ့ အတွေ့အကြုံတွေ ကို ကိုရော်နီညိမ်းက၊ ဆက်သွယ် မေးမြန်းထားပါတယ်။ ဒီသီတင်းပတ်ရဲ့ တပ်မှူးတပ်သား ပြောစကား ကဏ္ဍအဖြစ် တင်ဆက် လိုက်ပါတယ်။
ဦးရော်နီညိမ်း ။ ။ ဦးနေမျိုးဇင်ခင်ဗျား၊ ဦးနေမျိုးဇင်ဟာ အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်း တွေရဲ့ အောင်နိုင်ရေး တေးသီချင်းတွေ အသံသွင်းဖို့ လုပ်နေတဲ့ နေရာကို ရောက်ရှိ နေတယ်လို့ သိရပါတယ်။
ဦးနေမျိုးဇင် ။ ။ ဟုတ်ကဲ့၊ အခု ကျနော်တို့ အသံသွင်းနေတာက ရန်ကုန်တိုင်းဒေသကြီး ဆိပ်ကမ်းမြို့နယ် ကိုယ်စားလှယ်လောင်း အဖြစ် ၀င်ရောက်ယှဉ်ပြိုင်မယ့် ဒေါက်တာ ဦးမျိုးအောင်အတွက် ရည်ရွယ် စပ်ဆိုထားတဲ့ အောင်နိုင်ရေး သီချင်းပါ။ ဦးဖြိုးမင်းသိန်း အတွက် မဖြူဖြူသင်းအတွက် စသည်ဖြင့် ကိုယ်စားလှယ် လောင်းတွေ အားလုံးအတွက် အောင်နိုင်ရေး သီချင်းတွေ ရေးစပ် ထားပါတယ်။ ဒေါက်တာ ဦးမျိုးအောင် အတွက်ဆိုရင် ဇီဝိတ ခွပ်ဒေါင်းဆိုတဲ့ နံမည်နဲ့၊ သူဟာ ဆရာဝန်ဖြစ်တယ်၊ ဆေးပညာနဲ့ ပြည်သူလူထုကို ကူညီ စောင့်ရှောက် ကယ်တင်ခဲ့သလို၊ နိုင်ငံရေး နည်းလမ်းနဲ့ လည်း တရားဝင် ဥပဒေဘောင်ထဲကနေ ပြည်သူလူထုရဲ့ဘ၀တွေကိုမြှင့်တင်ရေး ကြိုးပမ်းဖို့ ရည်ရွယ်ဝင်ပြိုင်တဲ့ သူ့ရဲ့ အကြောင်းကိုစပ်ဆိုပြီး၊ သူ့ကို မဲထည့်ကြဖို့ လူရွေးမမှားကြဖို့၊ လှုံ့ဆော်တဲ့ သီချင်းကို ကျနော်တို့ အသံသွင်းနေကြ တာပါ။
ဦးရော်နီညိမ်း ။ ။ ဟုတ်ကဲ့၊ ဦးနေမျိုးဇင်ဟာ နေပြည်တော်တိုင်း ပုဗ္ဗသီရိမြို့နယ် မဲဆန္ဒနယ်က အမျိုးသားဒီမိုကရေ စီအဖွဲ့ချုပ်ရဲ့ ပြည်သူ့လွှတ်တော်ကိုယ်စားလှယ်လောင်း ဦးဖြိုးဇေယျာသော်အတွက်လည်း မဲဆွယ်စည်းရုံး ဟောပြောခဲ့ တယ်လို့လည်း ကျနော်တို့ သိရပ်ါတယ်။ အဲဒီတော့ ပုဗ္ဗသီရိမြို့နယ်အပါ အ၀င် နေပြည်တော်တိုင်း အတွင်းမှာရှိတဲ့ မဲ ဆွယ်စည်းရုံးပွဲတွေရဲ့ အခြေအနေကို၊ ကြုံခဲ့ရသမျှ ခြုံပြီးတော့ ပြောပြပေးပါလား ခင်ဗျ။ နယ်မြေခံ လူထု အခြေအနေနဲ့ နေပြည်တော် ဆိုတော့ တပ်မတော် အသိုင်းအ၀ိုင်းလည်း ရှိနေတဲ့အတွက်၊ တပ်မတော် အသိုင်းအ၀ိုင်းရဲ့ လိုလား ထောက်ခံမှု ဘယ်လောက်ရှိလဲ ဆိုတာ၊ ကျနော်တို့ သိချင်ပါတယ် ခင်ဗျ။
ဦးနေမျိုးဇင် ။ ။ ဟုတ်ကဲ့၊ ကိုဇေယျာသော်ရဲ့ ဖိတ်ခေါ်ချက်အရ၊ ကျနော် လွန်ခဲ့တဲ့နှစ်ပတ်လောက်က ပုဗ္ဗသီရိမြို့ နယ် ကျေးရွာတွေက ဟောပြောပွဲတွေမှာ လိုက်ပြီးတော့ အားပေးပါတယ်။ နောက်ဆုံးပွဲ တစ်ပွဲကျတော့၊ ကိုဇေယျာ သော်ရဲ့ ဖိတ်ခေါ်ချက် အရပဲ လူထုရှေ့ ကျေးရွာလူထုရှေ့မှာ ကျနော် စကား တက်ပြောခွင့် ရခဲ့ပါတယ်။
(ဦးနေမျိုးဇင်၏ ကျေးရွာလူထုရှေ့ ပြောစကား ။ ။ စစ်စစ်မှန်မှန် ခိုင်မာတဲ့ အာမခံချက်ရှိတဲ့ အနေအထားကို ရောက်ဖို့ အတွက် စောစောက ပြောတဲ့ ကြီးနိုင်ငယ်ညှင်း တောတွင်း ဥပဒေဿ ကာလကတည်းက၊ ဖြတ်သန်းခဲ့တဲ့ ရင်ဆိုင်ခဲ့တဲ့ တည်ဆောက်ခဲ့တဲ့ လူတချို့ အဖွဲ့အစည်းတစ်ချို့ဟာ၊ လက်ရှိအခြေအနေမှာ အရေးပါတဲ့ နေရာမှာ ရောက်နေကြပြီးတော့၊ သူတို့ ကိုယ်တိုင်လည်း နောက်ကြောင်း ပြန်မလှည့်ပါဘူး ဆိုတာ၊ တိုင်းပြည်ကိုလည်း ဒီမိုကရေ စီနိုင်ငံအဖြစ် တည်ဆောက်ပါမယ်လို့ ကတိ ခံဝန်ချက်တွေ အလီလီ ပေးထားခဲ့ပြီ ဖြစ်တဲ့ အတွက်ကြောင့်၊ စစ်သားကောင်း တစ်ယောက်အနေနဲ့ ယောက်ျားကောင်း တစ်ယောက် အနေနဲ့ သမ္မတကြီး အပါအ၀င် နိုင်ငံ ခေါင်းဆောင်ပိုင်းက ပေးထားတဲ့ ကတိကို အလေးအနက် စောင့်ထိန်း လိုက်နာလိမ့်မယ်လို့ ယုံကြည်ပါတယ် ခင်ဗျား။ ပြည်သူလူထုအတွက် ကို ကျနော် ပြောတာပါ။ သမ္မတကြီး ကိုယ်တိုင်လည်း တိုင်းပြည် ကောင်းအောင် လုပ်မယ်လို့ ပြောနေပါတယ်။ ဒါပေမယ့် ပေါ့လေ၊ တချို့တချို့သော အစိပ်အပိုင်း တချို့တချို့သော နေရာတွေမှာ (ပရိဿတ်ထဲမှာ သတင်းယူနေတဲ့ အဖွဲ့တွေ လည်း ရှိပါလိမ့်မယ်) ……..၊ ဒီနေရာကနေ ကျနော် ပွင့်ပွင့်လင်းလင်း ပြတ်ပြတ်သားသားပဲ ပြောပါမယ်။ ရထားခေါင်း တွဲကြီးက ဒီလမ်းဒီခရီးကို ဒီနှုန်းနဲ့ သွားပါမယ်လို့ ကြေညာပြီး သွားဖို့ ကြိုးစားနေပေမယ့်၊ ကန့်လန့် လိုက်ချင်နေသေး တဲ့ နောက်တွဲတွေ၊ ခေါက်ရိုး မပြေနိုင်သေးပဲ ခေါက်ရိုး ကျိုးနေသေးတဲ့လူတွေ ရှိနေသေးတယ် ဆိုတာ၊ ကျနော် ပြောချင်ပါ တယ်။)
ဦးရော်နီညိမ်း ။ ။ အခု လက်ရှိအစိုးရ၊ သမ္မတကြီးဦးသိန်းစိန်အစိုးရနဲ့ အမျိုးသားဒီမိုကရေစီအဖွဲ့ချုပ်နဲ့၊ တနည်းအား ဖြင့် ပြောမယ်ဆိုရင်၊ သမ္မတ ကိုယ်တိုင်နဲ့ NLD ရဲ့ ခေါင်းဆောင်ဖြစ်တဲ့ ဒေါ်အောင်ဆန်းစုကြည်နဲ့ အတူတကွပူးပေါင်း ဆောင်ရွက် နေပါတယ် ဆိုတာကို၊ နယ်မြေခံလူထုတွေ သက်ဆိုင်ရာ ဒေသတွေ အလိုက် သိရှိကြပါသလား ခင်ဗျ။ သိရှိ ကြတယ်ဆိုရင် ဘယ်လောက် အတိုင်းအတာအထိ သိကြသလဲ၊ အဲဒါဆိုရင် လူထုတွေမှာ စိုးရိမ်စိတ်တွေ ဒီလောက်ရှိ ကြတော့မှာ မဟုတ်ဘူးလို့ ကျနော် ထင်ပါတယ်။ ဦးနေမျိုးဇင်ရဲ့ အတွေ့အကြုံအရ အဲဒီကိစ္စကို ကျနော် သိချင်ပါတယ် ခင်ဗျ။
ဦးနေမျိုးဇင် ။ ။ မြိုပေါ်တွေမှာတော့ အကြောက်တရား မရှိဘူးဆိုတာ၊ ဟုတ်တယ် ခင်ဗျ။ ကျနော်တို့ကို ကူညီနေ ကြတဲ့ အထဲမှာ ယာဉ်ထိန်းရဲတွေ ပါတယ်၊ ရဲတပ်ဖွဲ့ဝင်တွေ ပါတယ်၊ ကျနော်တို့သွားရာ လမ်းတလျှောက်မှာ ပြုံးပြုံးရွှင် ရွှင်နဲ့ လက်ပြ နှုတ်ဆက်ကြပြီးတော့၊ လမ်းကြောင်းတွေ ရှင်းပေးတယ်၊ လမ်းရှုပ်နေရင်လည်း လူတွေကို ပြေလည်ရာ ပြေလည်ကြောင်းတွေ ပြောပြီး ရှင်းပေးတယ်၊ မီးပွိုင့်တွေမှာလည်း ကျနော်တို့ ယာဉ်တန်းတွေ ဖြတ်ဖို့ သူတို့က အကူ အညီပေးကြတယ်။ ဒါတွေဟာ အရင်ခေတ် စနစ်မှာ ဘယ်လိုမှ မကြုံခဲ့ဖူးတဲ့ အနေအထားတွေဆိုတော့၊ ပြည်သူလူထု ရဲ့ရင်ထဲမှာလည်း သမ္မတကြီးနဲ့ ဒေါ်အောင်ဆန်းစုကြည်တို့ နားလည်မှု တစ်ခုနဲ့ တူညီတဲ့ ဘုံရည်မှန်းချက် တစ်ခုကို ချဉ်း ကပ်နေကြတယ်လို့ အကြမ်းဖျဉ်း သူတို့ သိနားလည်ထားတဲ့ အတွက်ကြောင့်၊ ပရိဿတ်ရဲ့အခြေအနေကို တင်ပြရမယ် ဆိုရင်တော့ ယခင်အခါတွေနဲ့ မတူတဲ့ အကြောက်တရား လျော့ပါးတဲ့ ဖွင့်ဟမှုတွေ ဖေါ်ထုတ်မှုတွေကို၊ ကျနော်တို့ တွေ့ လာရတာ ဖြစ်ပါတယ်။ ယခင်ကာလတုန်းက ဆိုရင် ဒေါ်အောင်ဆန်းစုကြည်ရဲ့ ဓါတ်ပုံကို လျှို့ဝှက်ပြီးတောင် မကိုင်ထား ရဲတဲ့သူတွေ အခြေအနေတွေပါ။ ဗိုလ်ချုပ်အောင်ဆန်းပုံ ဆိုရင် ဝေလာဝေးပေါ့။ အခုတော့ ဒါတွေ မရှိတော့ပါဘူး။ နေရာ တိုင်း လမ်းတိုင်း အိမ်တိုင်းမှာ၊ ဘယ်နားပဲ သွားသွား ဗိုလ်ချုပ်အောင်ဆန်းပုံ ဒေါ်အောင်ဆန်းစုကြည် ပုံတွေ အိမ်ရှေ့မှာ ချိတ်ဆွဲထားပြီးတော့ သူတို့ရဲ့လည်ပင်းမှာ ဒီဓါတ်ပုံတွေကို ချိတ်ဆွဲပြီး ထွက်ကြိုကြတာပါ။ အဲဒီတော့ သူတို့မှာ ပွင့်လင်း လွတ်လပ်လာတယ်၊ အကြောက်တရား ကင်းရှင်းလာတယ်၊ ဆိုတာကိုတော့ ယုံကြည်ရပါတယ်။ ဒါကို ကျနော်တို့ လေးလေးနက်နက် အသိအမှတ် ပြုပါတယ်။ ကျေးရွာတွေမှာတော့ အကြောက်တရား ကြီးစိုး နေပုံရတယ်။ ကျနော်တို့ ယာဉ်တန်းတွေ ရွာတွေကို ရွာကြိုရွာကြား ဖြတ်သွားတဲ့အချိန်မှာ၊ လွတ်လွတ်လပ်လပ် လက်မပြရဲကြပဲ၊ ပြုံးပြရုံပဲ ပြုံးပြ ကြတယ်။ လူတွေက တစ်ခုခုကို စိုးရိမ်ထိတ်လန့် နေကြရတဲ့ပုံ ရပါတယ်။ ခြိမ်းခြောက် ထားတာ တစ်ခုခု ရှိနေလို့သော် လည်းကောင်း၊ အခွင့်အရေးတစ်ခုခု ဆုံးရှုံး သွားမှာကို ပူပင်နေတာ သော်လည်းကောင်း၊ သူတို့မှာ ဖြစ်နေပုံ ရပါတယ်။
ဦးရော်နီညိမ်း ။ ။ ဦးနေမျိုးဇင်ကိုယ်တိုင် ပုဗ္ဗသီရိမြို့နယ်မှာ ဦးဖြိုးဇေယျာသော်အတွက် စင်ပေါ်ကို တက်ရောက် ဟောပြောတဲ့ အခါ၊ ပရိဿတ်ထဲမှာ တပ်မတော်သား မိသားစုတွေ ပါဝင်နေတယ် ဆိုတာကို သိလိုက်ရတဲ့ အချိန်မှာ ဘယ်လို ခံစားမှုမျိုး ဖြစ်ပေါ်ပါသလဲ။ နော်ကတခါ အနာဂတ်အတွက် ဘယ်လို မျှော်မှန်းချက် ဖြစ်ပေါ်ပါသလဲ။
ဦးနေမျိုးဇင် ။ ။ သူတို့လည်း ကျနော့်နည်းတူပေါ့ဗျာ။ တပ်မတော်ကို မျိုးချစ်တပ်မတော်၊ ပြည်သူလူထုကို တကယ် ကာကွယ် စောင့်ရှောက်တဲ့ တပ်မတော်၊ ပြည်သူလူထုနဲ့ တပ်မတော် ကြည်ကြည်ဖြူဖြူနဲ့ ပြည်သူသာ အမိ ပြည်သူသာ အဖ ဆိုတာကို လေးလေးနက်နက်ခံယူ ကျင့်သုံးတဲ့ တပ်မတော်မျိုး ဖြစ်စေချင်ကြတဲ့ စိတ်ဆန္ဒတွေ၊ ပြင်းပြင်းထန်ထန် ပေါ်နေကြတယ်လို့၊ ကျနော် သုံးသပ်မိပါတယ်။ ဒါကြောင့်လည်း ကျနော်ပြောတဲ့ အထဲမှာ ထည့်သွင်းပြီး ပြောခဲ့တာက၊ ကျနော်ဟာ တပ်မတော်ထဲကို ပြည်သူသာ အမိ ပြည်သူသာ အဖ ဆိုတဲ့ခံယူချက်နဲ့ ၀င်ရောက်ခဲ့ဖူးတဲ့ တပ်မတော်သား ဟောင်းတစ်ယောက် ဖြစ်တဲ့ အတွက်ကြောင့်၊ ပြည်သူ လူထုကိုသာပဲ အရင်ဆုံး ကျနော် ဦးညွှတ် အလေးပြုပါတယ်လို့ ပြောပြီး၊ အလေးပြုလိုက်တဲ့ အခါမှာ ကြက်သီး ထသလို ကျနော် ခံစား လိုက်ရတော့ ကျန်တဲ့ မျိုးချစ် တပ်မတော်သား တွေ အားလုံးကိုလည်း ဒီခံစားမှုမျိုးကို၊ ခံစား ကြစေချင်ပါတယ်။ ဒါကြောင့် ပြည်သူသာအမိ ပြည်သူသာ အဖ ဆိုတဲ့ စိတ်နေစိတ်ထားကို ၀န်ထမ်းအားလုံး မွေးမြူလာစေချင်တဲ့ သဘောနဲ့ ကျနော် ပြောခဲ့ပါတယ်။
ဦးရော်နီညိမ်း ။ ။ ဟုတ်ကဲ့၊ ပုဗ္ဗသီရိမြို့နယ်တင် မက၊ အနီးအနားမှာရှိတဲ့ ဇမ္ဗူသီရိ၊ ဒက္ခိဏသီရိ၊ ဥတ္တရသီရိ၊ အဲဒီ မြို့နယ် တွေကိုကော ရောက်ခဲ့ ပါသေးလား ခင်ဗျ။ မရောက်ခဲ့ဘူး ဆိုရင်လည်း၊ အဲဒီ မြို့နယ်တွေကို တခြားအဖွဲ့တွေရဲ့ လှည့်လည် စည်းရုံးမှု အခြေအနေကို သိရှိသလောက် ပြောပြပေးပါ ခင်ဗျ။
ဦးနေမျိုးဇင် ။ ။ ကျနော့်ကိုတော့ ဒေါ်စန္ဒာမင်း (ဒက္ခိဏသီရိမြို့ မဲဆန္ဒနယ် NLD ပြည်သူ့လွှတ်တော် ကိုယ်စားလှယ် လောင်း) က ဖိတ်ခေါ် ထားပေမယ့်၊ ကျနော် မရောက်သေးပါဘူး။ ဒါပေမယ့် အခုနောက်ဆုံး ဒေါ်အောင်ဆန်းစုကြည် သွားရောက် ဟောပြောတဲ့ (နေပြည်တော်တိုင်း လေးမြို့နယ်) လေးပွဲ စလုံးမှာတော့၊ ကျနော် အနီးကပ် ပါသွားခဲ့ပါ တယ်။ တက်ရောက်လာတဲ့ လူထု ပရိဿတ်ထဲက တုံ့ပြန်မှုတွေကို ကျနော် အနီးကပ် လေ့လာခဲ့ပါတယ်။ အဲဒီအခါမှာ လူထုက အားနဲ့အင်နဲ့ လာကြတယ်၊ တက်ရောက် လာကြတာ လူထုတွေ အင်မတန် များပြားတာကို ကျနော် တွေ့ခဲ့ရပါ တယ်။ အခုနောက်ဆုံး ဒေါ်အောင်ဆန်းစုကြည် ဟောပြောသွားတဲ့ ကိုဇေယျာသော် အတွက် ပုဗ္ဗသီရိ စည်းရုံးရေးပွဲမှာ ဆိုရင်၊ ကွင်းထဲက တက်ရောက်လာကြတဲ့ ဘယ်ဘက် တခြမ်းလုံးက ပရိဿတ်တွေဟာ တပ်မတော်သား မိသားစုတွေ ဖြစ်တယ်ဆိုတာကို ကျနော် တွေ့ရှိခဲ့ရပါတယ်။ စစချင်း စကားပြော စင်မြင့်မှာ လူထုခေါင်းဆောင် ဒေါ်အောင်ဆန်းစု ကြည် စပြီး မိန့်ခွန်းပြောတဲ့ အချိန်မှာတော့ သူတုိ့ တတွေအားလုံးဟာ သူ့ကိုယ်ကြည့် ကိုယ့်သူကြည့်နဲ့ပေါ့ ဗျာ။ ဒါက ဒီ ပွဲမျိုး သူတို့အတွက် ပထမဆုံး အကြိမ် ကြုံဆုံကြရတဲ့ သဘောမျိုးလည်း ဖြစ်ပါလိမ့်မယ်။ ဒါပေမယ့်လည်း နှစ်မိနစ်သုံး မိနစ်လောက် ဟောပြောမှုတွေ အရှိန်ကလေး ရလာတဲ့အခါ ဒေါ်အောင်ဆန်းစုကြည်ရဲ့ အင်မတန်ထက်သန်ကောင်းမွန် တဲ့ စကားတွေနောက်မှာ သူတို့တွေ စီးမျောသွားကြရင်းနဲ့၊ ပွင့်လင်း လာကြတယ်၊ လွတ်လပ်လာကြပုံ ရတယ်။ တပ်မ တော်ရဲ့ခေါင်းဆောင်ကြီး ဗိုလ်ချုပ်အောင်ဆန်းရဲ့ အသက်(၂၆) အရွယ်လောက် ငယ်စဉ်က BIA (Burmese Independence Army - ဗမာ့လွတ်လပ်ရေးတပ်မတော်) ယူနီဖေါင်းနဲ့ ဓါတ်ပုံပိုစတာကိုင်ဆောင်ထားတဲ့ ပရိဿတ် တစ်ယောက်ကို၊ ဒေါ်အောင်ဆန်းစုကြည်က လက်ညှိုးလှမ်းထိုးပြပြီးတော့၊ တပ်မတော်သားတွေရဲ့ဘ၀တွေ အကြောင်း ကို စပြီး ပြောပြလာတဲ့ အခါမှာတော့၊ အဲဒီ တပ်မတော် မိသားစု ပရိဿတ် အင်အားစုကြီးဟာ လှုပ်လှုပ်ရှားရှား ပျော်ပျော် ပါးပါး ဖြစ်လာကြပြီးတော့၊ ဒေါ်အောင်ဆန်းစုကြည်က သူတို့ကို မေးသမျှ မေးခွန်းတိုင်းကို အင်မတန် ပျော်ရွှင်မြူးတူးစွာ နဲ့ ပြန်ဖြေကြတယ်။ တပ်မတော်နဲ့ ပြည်သူလူထု တစည်းတလုံးထဲ နေချင်ကြသလား ဆိုတဲ့ မေးခွန်းမျိုးကို၊ နေချင်ပါ တယ်လို့ ပျော်ပျော်ပါးပါးကြီး ဖြေကြတာကို တွေ့လိုက်ရတဲ့ အခါမှာ၊ ဒေါ်အောင်ဆန်းစုကြည်ရဲ့စင်မြင့်ရှေ့မှာ ရပ်နေတဲ့ ကျနော်ဟာ ရင်ထဲမှာ တော်တော် ကြက်သီး ထသွားသလို၊ အင်မတန်လည်း ကြည်နူး ချမ်းမြေ့ရပါတယ်။ တပ်မတော်မိ သားစုတွေက ပြည်သူလူထုနဲ့ စည်းစည်းလုံးလုံး နေမှ ရတော့မယ်ဆိုတဲ့ သဘောကို နားလည်လာတာကို၊ ကျနော် အင်မတန်မှ ကျေနပ်ပီတိ ဖြစ်ရပါတယ် ခင်ဗျ။
ဦးရော်နီညိမ်း ။ ။ အဲဒီတော့ နေပြည်တော်တိုင်းစစ်ဌာနချုပ်ဧရိယာထဲမှာ ရှိနေတဲ့ တပ်တွေက၊ တပ်မတော်သား တွေရဲ့ မိသားစုဝင်တွေက ဒီပွဲတွေကို လာရောက်ကြတယ် ဆိုတော့၊ တပ်မတော် သားတွေကတော့ တာဝန်ချိန်ဖြစ် နေလို့ လာချင်မှ လာနိုင်ကြမှာပေါ့။ အဲဒီတော့ တပ်မတော်သားတွေရဲ့ မိသားစုဝင်တွေဟာ၊ ဒီလိုပွဲတွေကို လာဖို့အ တွက်ဆိုတာက၊ တပ်ဆိုတာ စည်းနဲ့ ကမ်းနဲ့ နေကြရပြီးတော့ တပ်မတော်သားတွေ မက၊ သူတို့ရဲ့ မိသားစုဝင်တွေဟာ လည်း တပ်စည်းကမ်း အတိုင်း နေကြရတဲ့ အနေအထား မျိုးတွေ ရှိနေတဲ့ အခါကျတော့၊ ဒီပွဲတွေ ရှိနေတဲ့အချိန်မှာ တပ် ရဲ့ခြံစည်းရိုး အပြင်ဘက်ကို သွားခွင့်ပြုလိုက်တာလား၊ ဒါမှမဟုတ် သူတို့တတွေ မိမိရဲ့အစီအစဉ်နဲ့မိမိ ဒီပွဲတွေကို လာရောက် ပါဝင် ဆင်နွှဲကြတာလား ခင်ဗျ။
ဦးနေမျိုးဇင် ။ ။ ကျနော်သုံးသပ် တွေ့ရှိရတာတော့၊ အဲဒီကာလမှာ တပ်မတော်ခေါင်းဆောင်ပိုင်းက လုံခြုံရေး သဘော သဘာဝ အရ ရှိတဲ့ အတိုင်းဆိုရင်၊ တပ်မတော်သားတွေကိုကော မိသားစုဝင်တွေကိုကော၊ တပ်ပြင်ထွက်ခွင့် (out pass) ကို ပိတ်ထား လိမ့်မယ်ဆိုတာ ကျိန်းသေပါတယ်။ ပိတ်ထားမယ် ဆိုတာ သတင်းလည်း ကြားရပါတယ်။ အခု ဒီပွဲကို တက်ရောက်လာတဲ့ တပ်မတော်သားတွေရဲ့မိသားစုဝင်တွေနဲ့ mufti (အရပ်ဝတ်) ၀တ်ထားတဲ့ တပ်မ တော်သားတွေရဲ့ စိတ်ခံစားချက် အရကိုပဲ၊ တစ်သက်မှာ တစ်ခါသာလျှင် ကြုံရနိုင်တာမျိုး၊ ပြီးတော့လည်း ခေတ်စနစ် အချိန်အခါအရ အကြောက်တရားနဲ့ချည့်ပဲ တစ်သက်လုံး နေသွားလို့ကတော့ လူမွေးသူမွေး ပြောင်မလာနိုင်ဘူး ဆို တာမျိုး၊တွေကို သူတို့တွေ လေးလေးနက်နက် သိလာကြလို့ ဘယ်လောက်ပဲ ချုပ်ခြယ်ထားပါစေ၊ ဘယ်လောက်ပဲ ကန့်သတ်ထားပါစေ၊ သူတို့ ရောက်အောင်လာကြပြီး ဒီပွဲကို အားပေးကြတယ်လို့၊ သူတို့ရဲ့ မျက်ဝန်းတွေ သူတို့ ပြော ဆိုတဲ့ အပြောအဆိုတွေ၊ ပွဲပြီးအပြန်မှာ သူတို့တွေ ရင်ကော့ပြီး အချင်းချင်း ပြောဆိုသွားတဲ့ စကားသံတွေကို ကျနော် နားထောင်ပြီးတော့၊ အဲဒီလို ကျနော် သုံးသပ်တွေ့ရှိရပါတယ်။
ဦးရော်နီညိမ်း ။ ။ ဒီလိုဆိုတော့ သူတို့တတွေဟာ တပ်ထဲကနေ မိမိတို့အစီအစဉ်နဲ့မိမိတို့ အပြင်ကို ထွက်လာ ကြပြီး၊ ဒီဟောပြောပွဲ တွေကို လာရောက် နားထောင်ခဲ့ကြတဲ့ အနေအထားကို ဦးနေမျိုးဇင် တွေ့ခဲ့ရတာပေါ့။ အဲဒီတော့ သူတို့ တတွေဟာ ဒေါ်အောင်ဆန်းစုကြည်ရဲ့ မိန့်ခွန်းကို နာယူဖို့ ဒီလိုလာကြတဲ့ အပြင်၊ သူတို့တွေရဲ့မြို့နယ်အလိုက် အမျိုး သားဒီမိုကရေစီ အဖွဲ့ချုပ်က ချမှတ်ပေးလိုက်တဲ့၊ ကိုယ်စားလှယ် လောင်းတွေ အပေါ်မှာ၊ ဥပမာအားဖြင့် ပုဗ္ဗသီရိမြို့နယ် က ဦးဖြိုးဇေယျာသော် အပေါ်မှာ၊ တခါ နေပြည်တော်တိုင်း အတွင်းမှာ ရှိတဲ့ တခြားမြို့နယ်တွေက မဲဆန္ဒနယ်တွေမှာ ၀င်ပြိုင်ကြတဲ့ NLD ရဲ့ ကိုယ်စားလှယ်လောင်းတွေ အပေါ်မှာကော၊ ဒေသခံ လူထု ပရိဿတ်အပြင် အဲဒီက တပ်တွေ ထဲမှာ မဲပေးကြရမယ့်၊ တပ်မိသားစုတွေရဲ့ အနေအထား ဘယ်လို ရှိတယ်လို့ ထင်မြင် မိပါသလဲ ခင်ဗျ။
ဦးနေမျိုးဇင် ။ ။ ဟုတ်ကဲ့၊ တပ်မတော်သားပြည်သူ့ဝန်ထမ်းတွေကော တပ်မိသားစုဝင်တွေကော၊ အားလုံးဟာ ပြည်သူ လူထုတွေပါပဲ။ သူတို့မှာလည်း သိမြင် ခံစားနားလည်နိုင်တဲ့ စွမ်းရည်တွေ ဥနှောက်တွေ၊ ကိုယ်စီ ရှိကြပါတယ်။ သူတို့ ဖြတ်သန်းခဲ့တဲ့ အခြေအနေ အချိန်အခါတွေ အရ သူတို့နဲ့ ဆက်ဆံမှု ထိတွေ့ နည်းပါးခဲ့တဲ့ သာမန် လူတန်းစား အလွှာ အသီးသီးတို့ရဲ့ ခံစားချက် ပုံပန်းသဏ္ဍာန်တွေ အရ သူတို့လည်း သိရှိကြပါတယ်။ ဘယ်လို အခြေအနေ အခွင့် အခါကို သူတို့ ရွေးချယ်သင့်သလဲ၊ ဘယ်သူဟာ စစ်မှန်တဲ့ စိတ်ထားနဲ့ လူထုအတွက် နိုင်ငံအတွက် အလုပ်လုပ်ခွင့်ရဖို့ တောင်းဆိုလာသလဲ၊ လုပ်ပိုင်ခွင့်တွေ ရရှိဖို့ မဲဆွယ်လာသလဲ ဆိုတာကို၊ သူတို့ သိပါတယ်။ ဖြတ်သန်းခဲ့ပြီးတဲ့ ရွေး ကောက်ပွဲတွေ အနေအထား အရလည်း၊ အခု တကြိမ် ထပ်လာမယ့် ရွေးကောက်ပွဲမှာ သမိုင်းရိုင်းသင့် မရိုင်းသင့် ဆိုတာကို၊ ပြည်သူ့ ၀န်ထမ်းတွေ ကိုယ်တိုင်လည်း ပင်ကိုယ် အသိစိတ်ဓါတ် ကိုယ်စီနဲ့ သိရှိခဲ့ကြပြီး ဖြစ်ပါတယ်။ ဒါပေမယ့် လက်ရှိဖြစ်ပေါ်နေတဲ့ ပွင့်လင်းလွတ်လပ်ခွင့်က အတိုင်းအတာတစ်ခု အထိပဲ ရရှိသေးတဲ့ ကာလမှာတော့၊ သူတို့တတွေ မှာ ချိန်ဆနေရသေးတဲ့ အနေအထားမျိုးတွေ ရှိနေသေးလို့သာလျှင်၊ နေပြည်တော် ပုဗ္ဗသီရိက ပွဲမှာ၊ ကျနော်တို့ မျှော် လင့်ထားသလောက် လူထုအင်အား ရောက်မလာတာလို့ ကျနော် သုံးသပ်ပါတယ်။ ဒါပေမယ့်လည်း ပုဗ္ဗသီရိမှာ ရောက်လာတဲ့ အင်အားကို ကြည့်လိုက်တော့၊ အဲဒီလောက်လာမယ် မထင်ထားတာမှာ ကွင်းကြီးပြည့်လုခမန်း၊ လူထု ပရိဿတ်တွေ ရောက်လာပြီးတော့၊ ဒီအထဲမှာ တပ်မတော် မိသားစုဝင်တွေ ပါပါသလားလို့ ဒေါ်အောင်ဆန်းကြည်က မေး လိုက်တဲ့အခါမှာ၊ ကွင်းတ၀က် ကျော်ကျော်က ပါပါတယ်လို့ တခဲနက် ဟိန်းထွက် ဖြေလိုက်တဲ့ အသံကြီးကိုက နိုင်ငံရဲ့အနာဂတ် ဘယ်လို ဖြစ်လာတော့မယ် ဆိုတာကို ဖေါ်ပြနေသလို၊ ကျနော် တွေ့လိုက်ရပါတယ်။
ဦးရော်နီညိမ်း ။ ။ လာမယ့်ဧပြီလ(၁)ရက်နေ့ ကြားဖြတ်ရွေးကောက်ပွဲမှာ၊ နေပြည်တော်တိုင်း ပုဗ္ဗသီရိမြို့ မဲဆန္ဒနယ် ကနေ ၀င်ရောက် အရွေးခံမယ့်၊ အမျိုးသား ဒီမိုကရေစီ အဖွဲ့ချုပ်ရဲ့ ပြည်သူ့ လွှတ်တော်ကိုယ်စားလှယ်လောင်း ဦးဖြိုးဇေ ယျာသော် အတွက်၊ မဲဆွယ် စည်းရုံး လှုပ်ရှားခဲ့သူ ဖြစ်ပြီးတော့၊ ဒေါ်အောင်ဆန်းစုကြည်ရဲ့နေပြည်တော် ခရီးစဉ်မှာ လုံခြုံရေး တာဝန်နဲ့ လိုက်ပါခဲ့သူလည်း ဖြစ်တဲ့၊ စစ်တက္ကသိုလ် ဗိုလ်လောင်းသင်တန်း အမှတ်စဉ်(၃၉) ကျောင်းဆင်း၊ နိုင်ငံရေး အကျဉ်းသားဟောင်း NLD ပါတီဝင် ဗိုလ်ကြီးဟောင်း ဦးနေမျိုးဇင်ကို ဆက်သွယ်မေးမြန်း တင်ဆက်ခဲ့တာပါ ခင်ဗျာ။ ကျနော် ရော်နီညိမ်းပါ။
Ref: VOA News
Posts
