ဒေါ်ခင်မျိုးသက်
ကြာသပတေး, 15 ဒီဇင်ဘာ 2011
မြန်မာနိုင်ငံဟာ မြောက်ကိုရီးယားလိုနိုင်ငံမျိုးရဲ့ အကူအညီယူပြီးတော့ နျူကလီယား လုပ်ငန်းတွေ လုပ်ဆောင်ဖို့ ကြိုးပမ်း နေတယ်ဆိုတဲ့ နိုင်ငံတကာရဲ့သံသယတွေ ရှင်းသွားစေဖို့ IAEA နိုင်ငံတကာ အဏုမြူစွမ်းအင် အေဂျင်စီနဲ့ စုံစမ်းစစ်ဆေးဖို့ ပွင့်ပွင့်လင်းလင်း ပြသဖို့ လိုအပ်တယ်လို့ ဝါရှင်တန် အခြေစိုက် ISIS နိုင်ငံတကာ လုံခြုံရေး ဆိုင်ရာနဲ့ သိပ္ပံဆိုင်ရာ အဖွဲ့ကြီးက ပြောကြား လိုက်ပါတယ်။ ဒီအကြောင်း အပြည့်အစုံကိုတော့ ဒေါ်ခင်မျိုးသက်က တင်ပြ ပေးထားပါတယ်။
မြန်မာနိုင်ငံဟာ IAEA နိုင်ငံတကာ အဏုမြူစွမ်းအင် အေဂျင်စီရဲ့ အဖွဲ့ဝင်နိုင်ငံ တနိုင်ငံဖြစ်သလို နျူကလီယား ဆိုင်ရာ လက်နက် မပြန့်ပွားရေး စာချုပ် ချုပ်ဆိုထားတဲ့ နိုင်ငံ တနိုင်ငံလည်း ဖြစ်ပါတယ်။ ဒါပေမယ့် စစ်အစိုးရ အုပ်ချုပ်တဲ့ ကာလမှာ နိုင်ငံတကာကနေ နျူကလီယား လက်နက်ဆိုင်ရာ စောင့်ကြည့်နေခဲ့တဲ့ မြောက်ကိုရီးယားနဲ့ ဆက်ဆံရေး တိုးမြှင့်မှုတွေအပြင် တခြား နျူကလီယား ဆိုင်ရာ သံသယဖြစ်စရာ အထောက်အထား တွေကြောင့် စိုးရိမ်စိတ်ပူရတဲ့ နိုင်ငံ တနိုင်ငံ အဖြစ်နဲ့ အသတ်မှတ် ခံခဲ့ရပါတယ်။
ဒါပေမယ့် အခုအခါမှာတော့ သံသယဖြစ်စရာတချို့ ပြေလျော့လာခဲ့တာမို့ လမ်းကြောင်းမှန်ပေါ် ရောက်နေတဲ့ အရိပ် လက္ခဏာတွေ တွေ့နေရကြောင်း ISIS အဖွဲ့က သုတေသနပညာရှင် အင်ဒရီရယ် စထရစ်ကာက (Andrea Stricker) ပြောပါတယ်။
“မြန်မာနိုင်ငံဟာ မြောက်ကိုးရီးယားလိုနိုင်ငံမျိုးရဲ့ အကူအညီကို ယူပြီး Nuclear သုတေသန လုပ်ငန်း အငယ်လေးတွေ စပြီး လုပ်နေတယ်လို့ လွန်ခဲ့တဲ့ နှစ်အတော်ကြာ ကတည်းက သံသယ ဖြစ်စရာတွေ အများကြီး တွေ့ခဲ့ရတာမို့ အထူးသဖြင့် အမေရိကန်လို နိုင်ငံက စိတ်ပူခဲ့တာပါ။ ဒါပေမဲ့ မကြာသေးခင် လတွေ အတွင်းမှာပဲ မြန်မာအစိုးရက သူတို့ မလုပ်ဆောင်ဘူး ဆိုတာကို အာမခံချက်တွေ ပေးခဲ့သလို မြန်မာနိုင်ငံမှာ လမ်းကြောင်း ပြောင်းဖို့ ဆုံးဖြတ်ခဲ့တာကို နိုင်ငံခြားရေး ဝန်ကြီး Hilary Clinton ရဲ့ မြန်မာနိုင်ငံ ခရီးစဉ်ကနေ တွေ့ခဲ့ရပြီး အရင်က ပြည်ပရောက် မြန်မာစစ်တပ် အရာရှိဟောင်း ပြောကြားခဲ့တဲ့ Nuclear လက်နက်ဆိုင်ရာ သံသယ ဖြစ်စရာတွေ အတွက် အခုထိ ခိုင်လုံတဲ့ အထောက်အထားတွေ မရတာကြောင့် မြန်မာနိုင်ငံဟာ လမ်းကြောင်းမှန်ပေါ် ရောက်နေပုံ ရတယ်လို့ တွက်ပါတယ်”
စက်တင်ဘာလထဲမှာ IAEA အစည်းအဝေးကို တက်ရောက်ခဲ့တဲ့ မြန်မာနိုင်ငံဆိုင်ရာ ကိုယ်စားလှယ် ဦးတင်ဝင်းက မြန်မာနိုင်ငံမှာ နျူကလီယား လက်နက် ထုတ်လုပ် နိုင်လောက်အောင် စီးပွားရေး မတောင့်တင်းဘူးလို့ တင်ပြခဲ့တဲ့အပြင် IAEA အဖွဲ့ မြန်မာနိုင်ငံကို လာရောက်မယ် ဆိုရင် လက်ခံမယ့် အရိပ်အယောင်တွေ ကိုလည်း ပြသခဲ့ပါတယ်။ IAEA အဖွဲ့ မြန်မာနိုင်ငံကို သွားရောက်နိုင်မယ် ထင်ပါသလားဆိုတဲ့ အမေးကိုတော့ -
“IAEA မြန်မာနိုင်ငံကို သွားနိုင်မယ်လို့ထင်သလို ဒီလို သွားတာဟာ သိပ်ကို ကောင်းတဲ့ လုပ်ရပ်ပါ။ ဒါဟာ မြန်မာ အစိုးရက မြန်မာနိုင်ငံမှာ Nuclear လက်နက် လုပ်ဆောင်မှုတွေ မရှိဘူးလို့ ပြောထားတာကို အထောက် အကူပေးတဲ့ အနေနဲ့ ထင်သာမြင်သာ ပြနိုင်တဲ့ သဘောပါ။ မြန်မာနိုင်ငံဟာ ဒီNuclear လက်နက်ကိစ္စနဲ့ ပတ်သက်ပြီး ပြည်ပရောက် စစ်တပ် အရာရှိဟောင်း အပြင် တခြား ပုဂ္ဂိုလ်တွေရဲ့ ပြောကြားချက် အများအပြားကို ဖြေရှင်းနေရတာပါ။
ဒီပုဂ္ဂိုလ်တွေစိတ်ပူတဲ့Nuclear လက်နက်ဆိုင်ရာလုပ်ဆောင်နေတဲ့ နေရာတွေက စက်ကိရိယာတွေဟာ Nuclear ပစ္စည်းတွေကို အန္တရာယ် မရှိတဲ့ လုပ်ငန်းတွေမှာရော အန္တရာယ်ရှိတဲ့ လုပ်ငန်းတွေမှာပါ သုံးနိုင်တာ တွေ့ရပြီး အန္တရာယ်ရှိတဲ့ လုပ်ငန်းတွေမှာ သုံးနိုင်ခြေက ပိုများနေပါတယ်။ ဒါကြောင့် ဒါကို IAEAက သွားတဲ့အခါ စစ်ဆေး နိုင်ပါတယ်။ ဒါကြောင့် IAEA က Nuclear ဆိုင်ရာ စစ်ဆေးမှုတွေ ထဲထဲဝင်ဝင် လုပ်နိုင်ဖို့ ခွင့်ပြုတဲ့ နောက်ဆက်တွဲ Nuclear ဆိုင်ရာ သဘောတူစာချုပ် ချုပ်ဆိုနိုင်ဖို့ပါ။ သူတို့ မြန်မာခေါင်းဆောင်တွေနဲ့ ဆွေးနွေး နိုင်မှာပါ”
IAEA က ထဲထဲဝင်ဝင် စစ်ဆေးမှုတွေလုပ်နိုင်ဖို့ သဘောတူစာချုပ်ကိစ္စကို ဆွေးနွေးဖို့အပြင် နျူကလီယားနဲ့ ဒုံးကျည် ဆိုင်ရာ အတတ်ပညာတွေ သင်ယူဖို့ အတွက် ရုရှားနိုင်ငံကို မြန်မာနိုင်ငံ ကနေ ရာနဲ့ချီတဲ့ ပညာတော်သင်တွေ ဘာကြောင့် စေလွှတ် နေတယ်ဆိုတဲ့ ကိစ္စကို ရှင်းရှင်းလင်းလင်း ပြောဆိုဖို့ လိုအပ်တယ်လို့ ဆိုပါတယ်။ မြန်မာနိုင်ငံ အတွက် နျူကလီယား ဆိုင်ရာ စိတ်ပူစရာတွေ အခုအခါမှာ လျော့ပါးလာတာ တွေ့နေရပေမယ့် လုံးဝ စိတ်ပူစရာမလိုတဲ့ အနေအထား အဖြစ်တော့ မသတ်မှတ် နိုင်သေးဘူးလို့လည်း ISIS က သတ်မှတ်ပါတယ်။
“စိတ်ပူစရာတွေကလျော့လျော့လာနေပါတယ်။ ဒီလိုနဲ့လာပေမဲ့ မြန်မာနိုင်ငံအတွက်Nuclear ဆိုင်ရာ ပူပန်ရမှုတွေ အဆုံးသတ် သွားပြီလို့ မပြောနိုင်ပါဘူး။ ဒီကိစ္စအတွက် မြန်မာနိင်ငံက ထင်သာမြင်သာ ပွင့်ပွင့်လင်းလင်း ပြောရမှာဖြစ်သလို ဘာတွေ လုပ်နေတယ်ဆိုတာ ပို သိရဖို့ မေးမြန်းချက်တွေကို ဖြေကြားဖို့လိုပါတယ်”
မြန်မာနိုင်ငံမှာ နိုင်ငံရေးပွင့်လင်းလာမှုတွေအတွက် ISIS အဖွဲ့က နိုင်ငံတကာနဲ့ အတူ ကြိုဆိုခဲ့ပေမယ့် နျူကလီယား လုပ်ငန်းစဉ် ဆိုင်ရာမှာ ယုံကြည်မှု တည်ဆောက်နိုင်ဖို့ အတွက် အခုထက်ပိုပြီး ပွင့်လင်းမှုတွေရှိဖို့လည်း ပန်ကြားခဲ့ပါတယ်။
Ref: VOA News
Friday, December 16, 2011
နျူကလီယားအရေး IAEA အပေါ် မြန်မာပွင့်လင်းဖို့လို
NLD ရွေးကောက်ပွဲဝင်မည်ကို ကြံ့ဖွံ့ စိုးရိမ်
December 15, 2011
ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ဖွံ့ပါတီ) မှ ဗဟိုအလုပ်အမှုဆောင် ဦးအောင်သိန်းလင်းက ပြည်ပ လွှမ်းမိုးမှု ရှိသော ပါတီ တခုကြောင့် မြန်မာနိုင်ငံအပေါ် ပြည်ပက လွှမ်းမိုးလာမည်ကို အထူးစိုးရိမ်သည်ဟု ပြောလိုက်ကြောင်း သတင်း ရရှိသည်။
ဦးအောင်သိန်းလင်းက ရန်ကုန်အခြေစိုက် ဒီမိုကရေစီမိတ်ဆွေ ၁၀ ပါတီနှင့် ဒီဇင်ဘာလ ၄ ရက်နေ့က ရန်ကုန်မြို့ အင်းလျားကန် မြကျွန်းသာ စားသောက်ဆိုင်တွင် တွေ့ဆုံ၍ အထက်ပါအတိုင်း ပြောဆိုခဲ့ခြင်း ဖြစ်ကြောင်း ၎င်းနှင့် တွေ့ဆုံခဲ့သည့် နိုင်ငံရေးပါတီ ခေါင်းဆောင် တဦးက ပြောသည်။
“သူပြောသွားတာက သူတို့က စာမဖတ်ဘူး၊ နိုင်ငံရေး အတွေ့အကြုံ မရှိဘူး၊ အထက်အမိန့်ပဲ နားထောင်တတ်တဲ့ ဗိုလ်ချုပ် ဟောင်းတွေဖြစ်တယ်၊ ညွှန်ကြားတာကိုပဲ လုပ်တတ်တယ်တဲ့၊ အဲဒီတော့ သူတို့အနေနဲ့ တခြားနိုင်ငံရေး ပါတီတွေနဲ့ ပူးပေါင်းလိုတယ်၊ လိုအပ်တဲ့ အကူအညီတွေ ပေးမယ်ပေါ့။ လောလောဆယ် မြန်မာ့နိုင်ငံရေးကို ပြည်ပက လွှမ်းမိုးမှု ရှိလာမယ့် အရိပ်အရောင်တွေ မြင်နေရတယ် လို့လည်း ပြောတယ်” ဟု သူက ဆိုသည်။
ဦးအောင်သိန်းလင်း ပြောသည့် ပြည်ပလွှမ်းမိုးမှု ရှိနေသော ပါတီ ဆိုသည်မှာ အမျိုးသား ဒီမိုကရေစီ အဖွဲ့ချုပ် (NLD) ပါတီကို ဆိုလိုခြင်း ဖြစ်ကြောင်း၊ ဒီမိုကရေစီ မိတ်ဆွေ ၁၀ ပါတီနှင့် တွေ့ဆုံပြီး ကမ်းလမ်းမှုများ ပြုလုပ်လာခြင်းမှာ တကျော့ပြန် နိုင်ငံရေးတွင် NLD ပါဝင်လာမှုကို တန်ပြန်သည့် သဘောဖြစ်ကြောင်း ပြည်တွင်း နိုင်ငံရေး အသိုင်းအ၀န်းက ပြောဆိုနေကြသည်။
“ကြံ့ဖွံ့အနေနဲ့ အခုအခြေအနေမှာ ပါတီလှုပ်ရှားမှု မရှိသလောက် ဖြစ်နေတယ်။ ဂျာနယ်တွေ မှာကလည်း တနေ့ တနေ့ ဒေါ်အောင်ဆန်းစုကြည်နဲ့ NLD သတင်းတွေကိုပဲ အဓိက ဦးစားပေးကြတော့ ဦးဌေးဦးတို့၊ ဦးအောင်သိန်းလင်းတို့ ကိုယ်တိုင်
စိတ်မသက်မသာ ဖြစ်နေတယ် ဆိုတာ သူတို့ကိုယ်တိုင် ထုတ်ဖော် ပြောခဲ့တာမျိုးရှိတယ်။ သူတို့အနေနဲ့ NLD သာ ရွေးကောက်ပွဲ ၀င်လာရင် ယှဉ်နိုင်ပါ့မလား ဆိုတဲ့ စိုးရိမ်မှုကလည်း အတော်ကြီးလာတယ်။ ဒါကြောင့် သူတို့ဘက်မှာ ခိုင်မာအောင် မဟာမိတ်ဖွဲ့ဖို့ ပါတီတွေကို စပြီး တွေ့တဲ့သဘောလို့ ထင်ပါတယ်။ NLD က ၉၀ ရွေးကောက်ပွဲမှာ နိုင်ခဲ့တယ်၊ လူထု ထောက်ခံခဲ့တယ်။ အခုလည်း ထောက်ခံမှု ရှိနေတာ တွေ့နေရဆဲပဲ” ဟု ၂၀၁၀ ပြည့်နှစ် ရွေးကောက်ပွဲတွင် ၀င်ရောက်ယှဉ်ပြိုင်ခဲ့သူ နိုင်ငံရေးသမား တဦးက ဆိုသည်။
ပြည်တွင်း သတင်းဂျာနယ်များတွင် ကြံ့ဖွံ့ပါတီနှင့် ဒီမိုကရေစီမိတ်ဆွေပါတီများ ပူးပေါင်းမည်ဆိုသော ဦးအောင်သိန်းလင်း၏ အဆိုကို ကိုးကား ရေးသား ခဲ့သော်လည်း အဆိုပါ သတင်းများ မမှန်ကြောင်း၊ အလွတ်သဘော တွေ့ဆုံခြင်းသာ ဖြစ်ကြောင်း ဒီမိုကရေစီ ပါတီများက သတင်းစာ ရှင်းလင်းပွဲ ကျင်းပ၍ ပြန်လည် ရှင်းလင်း ခဲ့ကြရသည်။
ကြံ့ဖွံ့ပါတီက လာမည့်ရွေးကောက်ပွဲများတွင် တခြားသော အင်အားနည်း ပါတီများကို ငွေကြေးအရ ကူညီခြင်းများ ရှိလာနိုင်ပြီး တရားဝင် မဟာမိတ်ပုံစံဖြင့် NLD ပါတီကို ယှဉ်ပြိုင်လာနိုင်ကြောင်း သုံးသပ်မှုများ ကလည်း နိုင်ငံရး အသိုင်းအ၀န်းတွင်
ကျယ်ကျယ်ပြန့်ပြန့် ထွက်ပေါ်လျက် ရှိသည်။
“တချို့ပါတီတွေ ဘက်က ရုံးတွေဖွင့်ဖို့ နေရာ အကူအညီတောင်းတာမျိုး၊ ကားသွင်းခွင့်ရဖို့ တောင်းတာမျိုး တွေလည်း ရှိနေတယ်လို့ သိရပါတယ်။ နောက်ပိုင်း ရွေးကောက်ပွဲမှာ ပြိုင်ဖို့ ငွေရေးကြေးရေး ကူညီတာမျိုးလည်း လုပ်လာနိုင်ပါတယ်။ အင်အားနည်းတဲ့ ပါတီတွေနဲ့ ကြံ့ဖွံ့ပါတီက တရားဝင် မဟာမိတ် ဖွဲ့တာမျိုး လုပ်နိုင်ပါတယ်” ဟု ဒီမိုကရေစီ မိတ်ဆွေ ၁၀ ပါတီအဖွဲ့ဝင် နိုင်ငံရေး ပါတီတခုမှ တာဝန်ရှိသူ တဦးက ဆိုသည်။
ဒီမိုကရေစီ မိတ်ဆွေ ၁၀ ပါတီတွင် အမျိုးသားဒီမိုကရေစီ အင်အားစု (NDF)၊ ရခိုင် တိုင်းရင်းသားများ တိုးတက်ရေး ပါတီ (RNDP)၊ မွန်ဒေသလုံး ဆိုင်ရာ ဒိမိုကရက်တစ်ပါတီ၊ ဒီမိုကရက်တစ် ပါတီ (မြန်မာ)၊ ပြည်ထောင်စု ဒီမိုကရေစီပါတီ၊ ညီညွှတ်ရေးနှင့် ငြိမ်းချမ်းရေး ပါတီ၊ ဒီမိုကရေစီနှင့် ငြိမ်းချမ်းရေးပါတီ၊ ချင်းအမျိုးသားပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ ဖလုံစဝေါ် ဒီမိုကရက်တစ် ပါတီတို့ ပါဝင်သည်။
Ref: ဧရာဝတီ
အစိုးရ အကူအညီအပေါ် သံသယဖြင့်ကြိုဆို
သန်းထိုက်ဦး
December 15, 2011
ကချင် စစ်ပြေး ဒုက္ခသည်များ အတွက် အစိုးရအာဏာပိုင်များက ကူညီ ထောက်ပံ့ပေးမှုများနှင့် ပတ်သက်၍ ကချင် လူ့အခွင့် အရေး လှုပ်ရှား နေသူများနှင့် အကူအညီ ပေးနေသူများက သံသယဖြင့် ကြိုဆိုကြောင်း ပြောသည်။
ကချင်လွတ်လပ်ရေး အဖွဲ့ (KIO) ထိန်းချုပ်ရာ လိုင်ဇာဒေသရှိ ဒုက္ခသည်များအား အစိုးရ အာဏာပိုင်များက ဆန်၊ အ၀တ်အစားနှင့် အိမ်သုံး ပစ္စည်းများကို ပေးအပ်ခြင်းဖြစ်ပြီး နိုင်ငံရေး အမြတ်ထုတ်မည်ကို စိုးရိမ်နေကြောင်းလည်း သိရသည်။
“အစိုးရကနေ အဲဒီလိုမျိုး လာပေးတယ် ဆိုတာတော့ ကောင်းတယ်၊ ဒါပေမယ့် သူတို့က စစ်ပွဲကို မရပ်ဘဲနဲ့ လာထောက်ပံ့ ပေးတယ် ဆိုတော့ စဉ်စားစရာတွေ ဖြစ်လာတယ်၊ သူတို့ရဲ့ဗျူဟာက ဘယ်လိုရှိနေတယ်ဆိုတာ ကျမတို့ အနေနဲ့ တော်တော်လေးကို စိုးရိမ် မကင်းဖြစ်မိတယ်”ဟု ထိုင်းနိုင်ငံ အခြေစိုက် ကချင်အမျိုးသမီး အစည်းအရုံး(KWAT) အဖွဲ့မှ မွန်နေလီက ဧရာဝတီသို့ ပြောသည်။
ဒုက္ခသည်များကို အကူအညီပေးရေးနှင့် ပတ်သက်၍ လတ်တလော အစိုးရနှင့် ကချင်လွတ်လပ်ရေး တပ်တော် (KIA) တပ်ဖွဲ့ဝင်များ ဖြစ်ပွားနေသည့် တိုက်ပွဲများ ရပ်ဆိုင်းရန် အရေးကြီးကြောင်းလည်း ၎င်းက ဆိုသည်။
“အခုဆိုရင် စစ်ပွဲတွေ ပိုပြီးတော့ တင်းမာလာတဲ့ အခြေအနေမှာ ရှိနေတယ်၊ ထွက်ပြေးတဲ့ လူတွေလည်း တောက်လျှောက် ရှိနေတယ်၊ အစိုးရက ကူညီတယ်ဆိုတဲ့ ဟာလည်း ဖူလုံတဲ့ အဆင့်အထိတော့ မရောက်နိုင်ဘူး၊ အဲဒီကိစ္စတွေ အပေါ်မှာ စိုးရိမ်မကင်းဖြစ် မိတယ်”ဟု မွန်နေလီက ဆက်ပြောသည်။
ကချင် စစ်ပြေး ဒုက္ခသည်များ ကူညီကယ်ဆယ်ရေးအဖွဲ့မှ တာဝန်ခံ ကိုလာရစ်က“အစိုးရပဲ ပေပေး၊ ဘယ်အဖွဲ့ အစည်းကပဲ ပေပေး ဒုက္ခသည်တွေကို ကူညီ ပံ့ပိုးတာကတော့ ဘာမှ အပြစ်မရှိဘူး၊ အစိုးရက ဒုက္ခသည်တွေ အပေါ် နိုင်ငံရေး အမြတ်ထုတ်တာ မရှိဘူး ဆိုရင် ဘယ်သူပဲ ဖြစ်ဖြစ် ကူညီသင့်တယ်လို့ မြင်တယ်”ဟု ဆိုသည်။
မကြာခင်ရက်ပိုင်း အတွင်း၌ ရန်ကုန် အခြေစိုက် ကမ္ဘာ့ ကုလသမဂ္ဂ ကလေးများ ရန်ပုံငွေအဖွဲ့ ယူနီဆက် (UNICEF)၊ နိုင်ငံတကာ ဒုက္ခသည်များ ဆိုင်ရာ မဟာမင်းကြီးရုံး (UNHCR)၊ ကုလသမဂ္ဂ လူသားချင်းစာနာမှု ဆိုင်ရာ အကူအညီ ပေးရေးအဖွဲ့ ကွပ်ကဲမှုရုံး (UNOCHA) တို့က အစိုးရ အာဏာပိုင်များ ပေးပို့လိုက်သည့် ထောက်ပံ့ရေး ပစ္စည်းများ အပါအ၀င် ဒုက္ခသည် စခန်းများရှိ တာဝန် ရှိသူများထံ လာရောက် ပေးအပ်ခဲ့ခြင်း ဖြစ်သည်။
KIO ထိန်းချုပ် ဒေသရှိ ဒုက္ခသည်များ အတွက် လာရောက်ပေးအပ်သော ကုလသမဂ္ဂ အဖွဲ့အစည်းမှ ပစ္စည်းများကို လက်ခံယူခဲ့ သော်လည်း အစိုးရ အာဏာပိုင်များ၏ အကူအညီကို လက်ခံခြင်း မပြုဘဲ ယမန်နေ့က ပြန်လည် ပို့ဆောင်လိုက်ကြောင်း ကချင် လွတ်လပ်ရေး အဖွဲ့(KIO) တွဲဖက် အထွေထွေ အတွင်းရေးမှူး ဦးလနန်က ပြောသည်။
“ဒီကိစ္စကတော့ အမှန်ပဲ ဘာကြောင့်လဲဆိုတော့ အခု တိုက်ပွဲတွေဟာ အစိုးရနဲ့ ဖြစ်နေတယ်၊ ဒီမှာ ရောက်လာတဲ့ ဒုက္ခသည် တွေကလည်း အစိုးရ စစ်တပ်ရဲ့လူ့အခွင့်အရေး ချိုးဖောက်မှုတွေ အမျိုးမျိုးကို ကြောက်ရွံ့ ထိတ်လန့်ပြီးတော့ ထွက်ပြေး လာတဲ့ ဒုက္ခသည် တွေ ပါပဲ၊ ဒါကတော့ သူတို့အနေနဲ့ လာတဲ့ကိစ္စမှာ၊ ဒီလိုမျိုး အခြေအနေမှာ သူတို့ရဲ့ ကြံ့ခိုင်ဖွံ့ဖြိုးရေး အဖွဲ့က ပံ့ပိုးတဲ့ ထောက်ပံ့ရေး ပစ္စည်း တွေကို ကျနော်တို့ လက်မခံဘူး၊ ပြန်ပို့ လိုက်ပါပြီ”ဟု ၎င်းက ဆိုသည်။
ကချင်ပြည်နယ် မြစ်ကြီးနားမြို့ ပြည်သူ့ လွှတ်တော်ကိုယ်စားလှယ် ဦးသိန်းဇော်၊ ကယ်ဆယ် ရေးနှင့် ပြန်လည် နေရာ ချထားရေး ဦးစီးဌာန၊ ကြက်ခြေနီ အသင်းမှ တာဝန်ရှိသူများက ထောက်ပံ့ ပေးပို့ခဲ့ကြောင်း ဦးလနန်က ပြောဆိုသည်။
KIA ထိန်းချုပ်ရာ လိုင်ဇာဒေသ တ၀ိုက်၌ လတ်တလော ဒုက္ခသည် ၃၄၀၀၀ ခန့်ရှိပြီး ၀ိုင်းမော်၊ ဗန်းမော်၊ မိုးမောက်၊ မံစီ၊ မိုင်ဂျာယန် စသည်တို့တွင် ဒုက္ခသည် ၇၀၀၀ ခန့် ထပ်မံ တိုးပွားလာကြောင်း သိရသည်။
မြန်မာနိုင်ငံ အမျိုးသား လူ့အခွင့်အရေး ကော်မရှင်ကလည်း ကချင် ပြည်နယ်ရှိ မြို့နယ် ၁၁ မြို့နယ်တွင် ယာယီ ဒုက္ခသည် စခန်း ၅၉ ခု၌ လူ ၁၄၁၁၃ ဦး ပြည်နယ် အစိုးရ၏ အစီအစဉ်ဖြင့် စောင့်ရှောက်ထားပြီး အအေးဒဏ် ကာကွယ်နိုင်ရန် စောင်နှင့် အနွေးထည် လိုအပ်မှုများ ရှိနေသေးကြောင်း ထုတ်ပြန် ထားသည်။
KIA သည် ၁၉၆၁ ခုနှစ်တွင် စတင် ဖွဲ့စည်းခဲ့ပြီး ၁၉၉၄ ခုနှစ်တွင် အစိုးရနှင့် ငြိမ်းချမ်းရေးစာချုပ် ချုပ်ဆို၍ နှစ်ဘက် အပစ် အခတ် ရပ်စဲခဲ့သည်။
အပစ်ရပ်ပြီးနောက်ပိုင်း ကချင်ပြည်နယ်၊ ရှမ်းပြည်နယ်ရှိ KIA ထိန်းချုပ် ဒေသများတွင် စစ်ရေးပဋိပက္ခတချို့ ဖြစ်ပွားခဲ့သော် လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်းထားနိုင်ခဲ့သည်။ ပြီးခဲ့သည့် ဇွန်လ ၉ ရက်နေ့မှ စတင်၍ တိုက်ပွဲများ ပြန်လည် ဖြစ်ပွားခဲ့ပြီး အပစ်အခတ် ရပ်စဲရေးလည်း ပျက်ပြားခဲ့ခြင်း ဖြစ်သည်။
Ref: ဧရာဝတီ
ထားဝယ်ဆိပ်ကမ်းကြောင့် မပြောင်းလိုသူများ ဆန္ဒထုတ်ဖော်
မင်းသက်၊ ဖနိဒါ
ကြာသပတေးနေ့၊ ဒီဇင်ဘာလ ၁၅ ရက် ၂၀၁၁
ချင်းမိုင်(မဇ္စျိမ) ။ ။ ထားဝယ် ရေနက်ဆိပ်ကမ်း စီမံကိန်းကြောင့် ကျေးရွာပေါင်း ၁၉ ရွာ ပြောင်းရွှေ့ရမည် ဖြစ်၍ မပြောင်းရွှေ့ လိုကြောင်းနှင့် စီမံကိန်းကြောင့် ထိခိုက်ရသူများအား နစ်နာကြေး မပေးသည့် အတွက် ထိခိုက်နစ်နာ သူများက ရန်ကုန်မြို့တွင် ကြာသပတေးနေ့က သတင်းစာ ရှင်းလင်းပွဲ ပြုလုပ်ခဲ့သည်။
ယင်းသတင်းစာ ရှင်းလင်းပွဲကို ထားဝယ်ဒေသ ဖွံ့ဖြိုးတိုးတက်ရေး အဖွဲ့မှ ဦးဆောင်ပြုလုပ်ခြင်းဖြစ်ကာ ရန်ကုန်မြို့၊ ဗဟန်းမြို့နယ်၊ ရွှေဂုံတိုင်လမ်းရှိ တော်ဝင်နှင်းဆီ စားသောက်ဆိုင်တွင် ပြုလုပ်ခဲ့ခြင်း ဖြစ်သည်။
“ဦဇင်းတို့ ဘိုးဘွား လက်ထက်ကပင် စိုက်ထားတဲ့ အုန်းပင်။ ကွမ်းသီးပင်စတဲ့ အပင်တွေကလည်း ရှိတယ်။ စားသောက် သီးနှံ ပင်တွေကို တစ်သက်လုံး ထိုင်စားလို့ ရတယ်။ ဒါတွေကို လျော်ကြေး ပေးရင်လည်း တစ်သက်လုံး ထိုင်စားလို့ မရဘူး။ သားစဉ်မြေးဆက် အမွေပေးလို့ မရဘူး။ ဒါကြောင့် မပြောင်းချင်ဘူး” ဟု ရေဖြူမြိုနယ်၊ မယင်းကြီးရွာ။ မယင်းကြီးကျောင်းမှ ဘုန်းတော်ကြီး ဦးသြဘာသက မဇ္ဈိမကို မိန့်သည်။
ယင်းစီမံကိန်း အီတာလျံထိုင်းကုမ္ဗဏီ - ITD က ဦးစီး လုပ်ဆောင်နေခြင်း ဖြစ်ကာ စီမံကိန်းကြောင့် ကျေးရွာ ၁၉ ရွာ၊ လူဦးရေ ၃၂,၂၇၉ ဦး၊ စာသင်ကျောင်း ၂၁ ကျောင်းနှင့် ဘာသာရေး အဆောက်အအုံ ၂၃ ခု ဖယ်ရှားခံရမည် ဖြစ်ကြောင်း ထားဝယ်ဒေသ ဖွံ့ဖြိုးတိုးတက်ရေး အဖွဲ့က ပြုစုထားသော စာရင်းများအရ သိရသည်။
စီမံကိန်းမှာ တနင်္သာရီတိုင်း သာဂရမြို့ဟောင်းအနီးတွင် တည်ရှိကာ ထားဝယ်မြို့ အနောက်မြောက်ဘက် မိုင် ၂၀ ခန့် အကွာရှိ ရေဖြူမြို့နယ် နဖူးလယ် ကျေးရွာ အနီးတွင် တည်ရှိသည်။
စီမံကိန်းအတွက် စစ်အစိုးရလက်ထက် ၂၀၀၈ ခုနှစ်တွင် နားလည်မှု စာချွန်လွှာထိုးခဲ့ပြီး ၂၀၁၀ ပြည့်နှစ်တွင် လုပ်ငန်း လုပ်ဆောင်ခွင့် သဘောတူစာချုပ် ချုပ်ကာ ၇၅ နှစ် လုပ်ကိုင်ခွင့် ပေးထားသည်။
“ပြောင်းမယ်ဆိုရင်လည်း သွားထားဖို့ နေရာ အတိအကျကို မရှိသေးဘူး၊ အခု အိုင်တီဒီနဲ့ သူဌေးတွေက မြေဝယ်နေတာ များနေတဲ့ ကိစ္စတွေရယ်။ ပြောင်းရမယ်လည်း ပြော၊ ပြောင်းလည်း ပြောင်းရမယ် ဆိုတော့ ပြောင်းရွှေ့ရမဲ့ ဒေသခံတွေနဲ့ အထက် လူကြီးတွေနဲ့ သဘောဝ ကျကျ ညှိနှိုင်းပေးဖို့ တောင်းဆိုချင်တယ်”ဟု ရေဖြူမြို့နယ် ကလုတ်ထာ ကျေးရွာ ဦးပညာဝံသက မိန့်သည်။
နိုဝင်ဘာလအတွင်းကလည်း ကျေးရွာပြောင်းရွှေ့ရေးနှင့် ပတ်သက်၍ ကျေးရွာအုပ်ချုပ်ရေးမှူးမှ ဆန္ဒ သဘောထား ကောက်ခံ ခဲ့စဉ်က မပြောင်းရွှေ့လိုကြောင်း ဒေသခံများက တင်ပြခဲ့သော်လည်း ပြောင်းရွှေ့ရန် ပြောဆိုလာသည့် အတွက် ယခုကဲ့သို့ သတင်းစာ ရှင်းလင်းပွဲ ပြုလုပ်ရခြင်းလည်း ဖြစ်သည်။
စီမံကိန်းကို ၂၀၁၀ မှ ၂၀၁၄ အထိ ငါးနှစ်စီမံကိန်း အဖြစ် ပထမအဆင့်၊ ၂၀၁၄ မှ ၂၀၁၇ အထိ ဒုတိယအဆင့်၊ ၂၀၁၅ မှ ၂၀၁၉ အထိ တတိယအဆင့် ဟူ၍ သတ်မှတ်ကာ အကောင်အထည်ဖော် နေခြင်းဖြစ်ပြီး လျှပ်စစ် ဓာတ်အားပေးစက်ရုံ၊ ရေနံဓာတုစက်ရုံ၊ ရေနံချက် စက်ရုံအပြင် သံမဏိ စက်ရုံတို့လည်း ပါဝင်မည် ဖြစ်သည်။
စီမံကိန်း တခုလုံးအတွက် အမေရိကန်ဒေါ်လာ ၅၈ ဘီလျံကုန်ကျမည်ဖြစ်ပြီး ပထမ အဆင့်အတွက်မူ ရှစ်ဘီလျံ မှန်းဆ ထားကြသည်။
ယင်းအပြင် ထိုင်းနိုင်ငံ ကန်ချနပူရီနှင့် ဆက်သွယ်မည့် ကီလိုမီတာ ၁၇၀ အရှည် ရှစ်လမ်းသွား အဝေးပြေးလမ်းမ၊ ရထားလမ်း၊ ဓာတ်အားလိုင်း၊ ရေနံနှင့် သဘာဝဓာတ်ငွေ့ပိုက်လိုင်းနှင့် နယ်ခြားဝင်ထွက်ဇုန် များလည်း ပါရှိမည် ဖြစ်သည်။
“ရေနက်ဆိပ်ကမ်းအတွက် လိုအပ်သော ရေကို ထောက်ပံ့ဖို့ တလုပ်ထာကျေးရွာမှာ တည်ဆောက်မယ့် ရေလှောင်ကန်ကြောင့် အမြင့်ပေ ၇ စတုရန်းကီလိုမီတာ ရေလွှမ်းမိုးမှုကို ခံရမယ်လို့ တွက်ချက် ထားတယ်။ ထားဝယ်က ထိုင်းနိုင်ငံထိ သွားမယ့် ရှစ်လမ်းသွား လမ်းမကြီး စူပါ ဟိုင်းဝေး ကားလမ်းကို ဖောက်လုပ်နေတာ အခု နှစ်လမ်းသွား လမ်းမှာ ၉၀ ရာခိုင်နှုန်းခန့် ပြီးစီးနေပြီ” ဟု ဒေသခံတွေနဲ့ လက်တွဲ လုပ်ဆောင်နေသူ ထားဝယ်ဒေသခံ ကိုသန့်ဇင်က မဇ္ဈိမကို ပြောသည်။
ယင်းလမ်းဖောက်လုပ်ရေး အတွက်လည်း အရှေ့တောရွာ၊ ရေဖြူမြို့နယ် ကလုန်းထော၊ နဘုလည်း ဒေသများတွင် ဒေသခံများ၏ မြေယာများအား အသိပေးခြင်း မရှိဘဲ မြေထိုးစက်များဖြင့် ဖျက်ဆီးခဲ့ပြီး ယင်းအတွက်လည်း တစုံတရာ လျော်ကြေး မပေးခဲ့ကြောင်း ဒေသခံများထံမှ သိရသည်။
“ဒေသခံတွေကို လျော်ကြေး မပေးတာဟာ အနိုင်ကျင့်တာပဲလို့ပဲ မြင်တယ်”ဟု ပွဲတက်ရောက်ခဲ့သူ သဘာဝ ပတ်ဝန်းကျင် ပညာရှင် ဖရီဒါဦးအုန်းက ဆိုသည်။
အဆိုပါ သတင်းစာ ရှင်းလင်းပွဲသို့ သဘာဝ ပတ်ဝန်းကျင် ထိန်းသိမ်းရေးဆိုင်ရာ ပညာရှင် ဦးအုန်း၊ စာရေးဆရာ မောင်ဝံသ၊ စာရေးဆရာ ကိုသာ၊ မြန်မာနိုင်ငံ ငှက်နှင့်သဘာဝ ထိန်းသိမ်းရေးအသင်း MBNS မှ ဦးစိုးညွန့်တို့နှင့် ပြည်တွင်း သတင်းထောက်များ အပါအဝင် စုစုပေါင်း ၁၀၀ ခန့် တက်ရောက်ခဲ့သည်။
ဒေသခံများက မပြောင်းရွှေ့လိုကြောင်း ပြောဆိုနေကြသော်လည်း မယင်းကြီးနှင့် ကလုတ်ထာ ကျေးရွာများ တွင်မူ စီမံကိန်း အတွက် မြေထိုးစက်များဖြင့် တောင်ဖြိုခြင်း လုပ်ငန်းများ စတင်နေသည်။ ထားဝယ်ရေနက် ဆိပ်ကမ်းမှာ ထိုင်းနိုင်ငံ၏ အကြီးဆုံးဖြစ်သည့် Laem Chabang ဆိပ်ကမ်းထက် ၁၀ ဆ ကြီးမားပြီး လမ်းဖောက်လုပ်ရာတွင် လည်း ညအချိန်များ၌ မြေညှိစက်၊ မြေတူးစက်များဖြင့် လုပ်ဆောင်နေခြင်း ဖြစ်သည်။
စီမံကိန်းနယ်မြေအတွင်း ကျရောက်သည့် ရေဖြူမြို့နယ်၊ မင်းဒပ် ရွာခံများ၏ စိုက်ပျိုးမြေဧက ၁၂၃.၅၀ ဧကကို သိမ်းယူရန် အတွက် ရွာသားများက သဘောတူကြောင်း လက်မှတ်ရေးထိုး ခိုင်းမှုများ အောက်တိုဘာလ အတွင်း ကလည်း ဖြစ်ပွားခဲ့သေးပြီး “သဘောမတူလျှင် အခကြေးငွေလွတ်ဖြင့် သိမ်းမည်” ဟု ဆိပ်ကမ်း တာဝန်ခံ ဦးခင်မောင်ဆွေက ပြောဆိုခဲ့ဖူးသည်။
ယင်းအပြင် ထားဝယ် ရေနက်ဆိပ်ကမ်းနှင့် အထူးစီးပွားရေး စက်မှုဇုန် စီမံကိန်းအတွက် ကျောက်မီးသွေး လောင်စာ သုံး မီဂါဝပ် ၄၀၀၀ ထုတ် လျှပ်စစ်ဓါတ်အားပေး စက်ရုံတို့ကိုပါ တည်ဆောက်မည် ဖြစ်သည်။
သို့သော် စီမံကိန်းအတွင်း ကျောက်မီးသွေးသုံး စက်ရုံ ပါဝင်နေခြင်းကို မလိုလားအပ်သည့် ကိစ္စဖြစ်ကြောင်း ပွဲတက်ရောက်သူ သဘာဝ ပတ်ဝန်းကျင် ပညာရှင် ဦးဝင်းမျိုးသူက မဇ္ဈိမကို ပြောသည်။
စီမံကိန်း လုပ်ငန်းများတွင် ဒေသခံများအား လုပ်ကိုင်ခွင့် ပေးရန်အတွက် ITD ကုမ္ဗဏီက ယခင်က ကတိ ပေးခဲ့ဖူး သော်လည်း ဒေသခံများအား လုပ်ခလစာ လျှော့ပေးခြင်း အပြင် ဖိနှိပ်မှုရှိကြောင်း၊ ယင်းအပြင် မလိုလားအပ်သည့် လူမှုရေး ပြဿနာများလည်း ဖြစ်ပေါ်လျက် ရှိကြောင်း ထားဝယ်ဒေသ ဖွံ့ဖြိုးတိုးတက်ရေး အဖွဲ့ထံမှ သိရသည်။
“ထိုင်းက လုပ်သားတွေနဲ့ မြန်မာလုပ်သားတွေ လုပ်အားခကွာတာ။ တရားဝင် မဟုတ်ဘဲ မြန်မာ အမျိုးသမီးတွေနဲ့ ထိုင်းလုပ်သားတွေ ညားနေတာ။ ရွှေ့ပြောင်းလုပ်သားတွေ များလာတဲ့အတွက် ရာဇဝတ်မှုခင်းတွေ များလာတာ စတဲ့ပြဿနာတွေ အများကြီး”ဟု ကိုသန့်ဇင်က ဆိုသည်။
Ref: မဇ္ဈိမ
တရုတ်သံအမတ်ကြီး ဒေါ်အောင်ဆန်းစုကြည် နဲ့တွေ့ဆုံ
မသင်းသီရိ
ကြာသပတေး, 15 ဒီဇင်ဘာ 2011
မြန်မာအစိုးရကို ကျောထောက်နောက်ခံ ပေးထားတယ်လို့ အများက မြင်နေကြတဲ့ တရုတ်နိုင်ငံက နှစ်ပေါင်း ၂၀ အတွင်း ပထမဆုံး အကြိမ်အဖြစ် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ထိတွေ့ ဆက်ဆံမှုတွေ စတင် လိုက်ပါတယ်။ မြန်မာနိုင်ငံ ဆိုင်ရာ တရုတ်သံအမတ်ကြီးက ရန်ကုန်မြို့မှာ ဒေါ်အောင်ဆန်းစုကြည်နဲ့ တွေ့ဆုံခဲ့တာပါ။ မြန်မာနိုင်ငံမှာ အစိုးရက အပြောင်းအလဲတွေ လုပ်လာခဲ့ပြီးနောက် နိုင်ငံတကာ သံတမန် ဆက်ဆံရေး မှာလည်း ပြောင်းလဲ လာနေတဲ့ အခြေအနေတွေ ကိုတော့ မသင်းသီရိက တင်ပြပေးထားပါတယ်။
မြန်မာအစိုးရရဲ့ အဓိကမဟာမိတ် နိုင်ငံတခုအဖြစ် ယုံကြည်ထားကြတဲ့ တရုတ်နိုင်ငံဟာ မြန်မာ့ဒီမိုကရေစီရေး လှုပ်ရှားသူတွေနဲ့ ခပ်ကင်းကင်း နေလာတာဖြစ်ပေမဲ့ အခုအခါမှာတော့ ဒေါ်အောင်ဆန်းစုကြည်လို နိုင်ငံရေး ခေါင်းဆောင်တဦးနဲ့ပါ တွေ့ဆုံလာတာ ဖြစ်ပါတယ်။ မြန်မာနိုင်ငံဆိုင်ရာ တရုတ်သံအမတ်ကြီး လီကျုံဝှာ (Li Junhua) နဲ့ ပြီးခဲ့တဲ့ တပတ်အတွင်း ရန်ကုန်မြို့မှာ တွေ့ဆုံ ဖြစ်တာကတော့ ဒေါ်အောင်ဆန်းစုကြည် ဖက်က ထပ်တလဲလဲ တောင်းဆိုနေတဲ့အတွက် တွေ့ဆုံခဲ့တာလို့ တရုတ် နိုင်ငံခြားရေး ၀န်ကြီးဌာန ပြောခွင့်ရသူ လျူ ဝေမင်း (Liu Weimin) က ဒီကနေ့ပဲ ဘေဂျင်းမြို့တော်မှာ သတင်းထောက်တွေကို ပြောလိုက်တာပါ။
"ဒေါ်အောင်ဆန်းစုကြည် အနေနဲ့ တရုတ်နိုင်ငံက တာဝန်ရှိသူတွေနဲ့ တွေ့ဆုံဖို့ မျှော်လင့်နေတာကို အခါပေါင်းများစွာ ပြောဖူးပါတယ်၊ သူ့ရဲ့ မေတ္တာ ရပ်ခံချက်ကို တုန့်ပြန်တဲ့ အနေနဲ့ တရုတ်သံအမတ်ကြီး သွားတွေ့ခဲ့ပဲ ဒေါ်အောင်ဆန်းစုကြည် ရဲ့ သဘောထား အမြင်တွေကို နားထောင်ခဲ့တာပါ။ တရုတ်နိုင်ငံ အနေနဲ့ ၂ နိုင်ငံကြား မဟာဗျူဟာကျတဲ့ အပြည့်အ၀ ဆက်ဆံရေးမျိုး ထားရှိဖို့ သန္နိဓာန် ချထားတာဖြစ်သလို၊ မြန်မာနိုင်ငံက လူမှုရေး၊ စီးပွားရေး တိုးတက်အောင် လူတွေဘ၀ သာယာ ၀ပြောအောင် ကြိုးပမ်းမှုတွေဟာ အင်မတန် အရေးကြီးတာကို တရုတ်နိုင်ငံက လက်ခံထားတယ်၊ နိုင်ငံတခုရဲ့ အရေးကို ၀င်မစွက်ဖက်ရေး မူဝါဒအပေါ် အခြေခံပြီး၊ ၂ နိုင်ငံစလုံးက လူထုအတွက် ပိုမိုအကျိုးများစေဖို့ တရုတ်-မြန်မာ ဆက်ဆံရေးမှာ သက်ဆိုင်ရာ လူမှု အသိုင်းအ၀န်းက အားလုံးနဲ့ တရုတ်နိုင်ငံက ထိတွေ့ဆက်ဆံနေတာ ဖြစ်ပါတယ်။"
ပြီးခဲ့တဲ့ ဒီဇင်ဘာ (၈) ရက်နေ့ က တရုပ်သံအမတ်ကြီးနဲ့ အတူ ဒုတိယ အတွင်းဝန်တို့ဟာ ဒေါ်အောင်ဆန်းစုကြည် အိမ်မှာ ဒေါ်အောင်ဆန်းစုကြည်နဲ့ နေ့လည် ၃ နာရီကနေ ညနေ ၄ နာရီကျော်ထိ ၁ နာရီကျော် တွေဆုံခဲ့ပါတယ်။ ကနဦး ၂ ဦး ၂ ဖက် ဆက်ဆံရေးတွေ ရင်းနှီးလာစေဖို့ အတွက် အခုလို တွေ့ဆုံကြတာ ပါလို့လည်း NLD အမျိူးသား ဒီမိုကရေစီ အဖွဲ့ချုပ်က ဦးခွန်သာမြင့်က ပြောပါတယ်။
"ပထမတော့ တယောက်နဲ့တယောက် ရင်းနှီးဖို့ပါပဲ၊ တယောက်သဘော တယောက်သိဖို့ပါ။ အခုဟာက ဒီကြားထဲမှာ အနှစ် ၂၀ ကျော်က တရုပ်နဲ့ ကျနော်တို့ကြားထဲမှာ ပွင့်လင်းတဲ့ နားလည်မှု မရှိဘူးပေါ့။ အဲဒါအတွက် ပထမဆုံး အဆင့်အနေနဲ့ လာတွေ့တာပါ။ တယောက်နဲ့တယောက် နားလည်မှု အများကြီး ရပါတယ်။"
NLD ပါတီက ဦးခွန်သာမြင့်ပါ။
လာမယ့် သတင်းပတ်တွေအတွင်း မြန်မာနိုင်ငံမှာ ကျင်းပမယ့် မဲခေါင် မြစ်ဝှမ်းနိုင်ငံများ အစည်းအဝေးကို တက်ဖို့ နိုင်ငံတော် ကောင်စီဝင် ဒိုင် ဘင်ဂေါင်း (Dai Bingguo) လာရောက်မှာ ဖြစ်ပါတယ်။ ဒီလို တရုတ် အဆင့်မြင့် အရာရှိတွေ မြန်မာနိုင်ငံကို လာစဉ် ဒေါ်အောင်ဆန်းစုကြည်နဲ့ တွေ့ မတွေ့ ခုချိန်ထိ မသိရသေးပေမယ့် တရုတ်ဖက်က ပြောင်းလဲလာတဲ့ ဆက်ဆံရေး တွေကြောင့်ရော လက်ရှိ အမေရိကန် မြန်မာ ဆက်ဆံရေး တွေကြောင့်ပါ တရုတ် ခေါင်းဆောင်တွေဟာ အစိုးရနဲ့ တွေ့သလို ဒေါ်အောင်ဆန်းစုကြည် နဲ့လည်း တွေ့ဆုံနိုင်ခြေ ရှိနိုင်တယ်လုိ့လည်း မြန်မာ့အရေး လေ့လာသူတွေ သုံးသပ်ကြတာရှိပါတယ်။
တခါ ဒီကနေ့ ဗဟန်းရွေဂုံတိုင်မှာ ရှိတဲ့ NLD ရုံးချုပ်မှာ မြန်မာနိုင်ငံကို ရောက်နေတဲ့ ဥရေပသမဂ္ဂ နိုင်ငံခြားရေးနဲ့ လုံခြုံရေးဆိုင်ရာ အကြီးအကဲ ကက်သရင်း အက်ရ်ှတန် (Catherine Ashton) ရဲ့ အကြံပေး Mr. Robert Cooper နဲ့ ဒေါ်အောင်ဆန်းစုကြည် အပါအ၀င် NLD ဗဟိုအလုပ်မှုဆောင် အဖွဲ့ဝင်တွေရော CRPP အဖွဲ့နဲ့ပါ တွေ့ဆုံခဲ့ပြီး လက်ရှိ မြန်မာ့အရေး အခြေအနေတွေ ပြောဆို ဖြစ်ခဲ့တယ်လို့ NLD ပါတီက ပြောခွင့်ရသူ ဦးဥာဏ်ဝင်းက ပြောပါတယ်။
"မနက်၁၀နာရီက ကျနော်တို့အဖွဲ့ချုပ် ရွေဂုံတိုင်ရုံးမှာပါ။ CRPP အဖွဲ့တွေကလည်း သူတို့ရဲ့ အခက်အခဲ၊ သူတို့ပါတီတွေ ဘာကြောင့် မှတ်ပုံ ပြန်မတင်ဖြစ်သေးတယ် ဆိုတာရယ် ဘာကြောင့် ဆိုတဲ့နေရာမှာ ဥပမာ ရှမ်းဆိုရင် ခွန်ထွန်းဦးတို့၊ စိုင်းညွန့်လွင်တို့ အခုထိ မလွတ်မြောက်သေးတဲ့ အတွက် သူတို့အနေနဲ့ ခေါင်းဆောင်တွေ မရှိလို့ မှတ်ပုံ မတင်ရသေးဘူး ဆိုတဲ့အကြောင်း။ နောက်တခုကတော့ စီးပွားရေး ကိစ္စတွေ ဆွေးနွေးတယ်။ ဒေါ်အောင်ဆန်းစုကြည် ကတော့ IMF ကိစ္စတွေ၊ IMF တို့ဘာတို့နဲ့ ဆက်သွယ် ဆောင်ရွက်ဖို့ အရေးကြီးတယ် ဆိုတဲ့ အကြောင်းတွေ ဆွေးနွေးတာပါ။ မစ္စတာ Cooper က အရင်လည်း တခေါက် လာဖူးပါတယ်။ သူတို့ကတော့ မြန်မာနိုင်ငံ တိုးတက်ဖို့အတွက် ရွေးကောက်ပွဲကိစ္စ၊ လွတ်လပ်ဖို့နဲ့ Secret Voting နဲ့ Monitoring တွေရှိရင် ကောင်းမယ်ဆိုတဲ့ သဘောတွေ ဆွေးနွေးပါတယ်။"
NLD ပါတီပြောခွင့်ရသူ ဦးဥာဏ်ဝင်းပါ။
ဒါ့အပြင် မစ္စတာ Cooper က နိုင်ငံတော်သမ္မတနဲ့ရော အစိုးရအဖွဲ့ဝင် တချို့နဲ့ နေပြည်တော်မှာ တွေ့ဆုံစဉ် ဆွေးနွေးတဲ့ အကြောင်း အရာတချို့ကို ရှင်းပြခဲ့တယ်လိုလည်း ဦးဥာဏ်ဝင်းက ပြောပါတယ်။
တခါ လာမယ့် ဇန်န၀ါရီလဆန်းပိုင်းထဲ ဗြိတိန်နိုင်ငံခြားရေးဝန်ကြီး ၀ီလျံဟေ့ဂ် (William Hague) လည်း မြန်မာနိုင်ငံကို လာရောက်ဖို့ရှိပါတယ်။
ပြီးခဲ့တဲ့ အင်္ဂါနေ့ကမှ အာရှခရီးစဉ်ကို အဆုံးသတ်သွားတဲ့ အမေရိကန်ရဲ့ မြန်မာဆိုင်ရာ အထူးကိုယ်စားလှယ် Drek Mitchell ကတော့ သူ တရုတ်နိုင်ငံကို ရောက်စဉ်အတွင်း အမေရိကန် ပြည်ထောင်စုနဲ့ မြန်မာနိုင်ငံရဲ့ သံတမန်ရေးတွေ၊ ဆက်ဆံရေးတွေ တိုးမြင့် လာတယ် ဆိုပေမယ့် တရုတ်နိုင်ငံကို ထိခိုက်စေလိုတဲ့ ရည်ရွယ်ချက် မရှိကြောင်းပြောခဲ့ပါတယ်။ အမေရိကန် အနေနဲ့ တရုတ် မြန်မာ ဆက်ဆံရေးမှာ အနှုတ် လက္ခဏာပြဖို့ မလိုလာဘူးလို့ ဘေဂျင်းမြို့တော်မှာ ပြောခဲ့တာ ဖြစ်ပါတယ်။
Ref: VOA News
EU ကိုယ်စားလှယ် ငွေကြေးဆိုင်ရာကိစ္စများ ဆွေးနွေး
ကိုဝိုင်း
ကြာသပတေးနေ့၊ ဒီဇင်ဘာလ ၁၅ ရက် ၂၀၁၁
ချင်းမိုင် (မဇ္ဈိမ) ။ ။ ဥရောပသမဂ္ဂ EU နိုင်ငံခြားရေးနှင့် လုံခြုံရေးရာ အကြီးအကဲ၏ အကြံပေးပုဂ္ဂိုလ် မစ္စတာ ရောဘတ်ကူးပါး Robert Cooper နှင့် ဒေါ်အောင်ဆန်းစုကြည်တို့ ကြာသပတေးနေ့က တွေ့ဆုံရာတွင် နိုင်ငံရေး အကျဉ်းသားများ လွှတ်ပေးရေးနှင့် ငွေကြေးဆိုင်ရာ ကိစ္စများကို ဆွေးနွေးခဲ့ကြောင်း အစည်းဝေး တက်သူများထံမှ သိရသည်။
အမျိုးသားဒီမိုကရေစီအဖွဲ့ချုပ် NLD ဗဟိုရုံးချုပ်၌ မနက် ၁၀ နာရီမှစတင်ပြီး ၄၅ မိနစ်ကြာ တွေ့ဆုံခဲ့ရာ ပြည်သူ့ လွှတ်တော် ကိုယ်စားပြု ကော်မတီ CRPP အဖွဲ့ဝင်များလည်း ပါဝင်ပြီး ရွေးကောက်ပွဲဆိုင်ရာ အတွေ့အကြုံတချို့ ဖလှယ်ခဲ့သည်။
“ဒီမိုကရေစီနိုင်ငံတွေမှာ ရွေးကောက်ပွဲနဲ့ ပတ်သက်ရင် ပွင့်လင်းမြင်သာတဲ့ အကြောင်းတွေ၊ စောင့်ကြည့် လေ့လာမှုတွေ ရှိတယ်ဆိုတဲ့ အကြောင်းတွေကို ပြောပါတယ်။ World Bank နဲ့ IMF တို့ရဲ့ အကူအညီက လိုအပ်တယ် ဆိုတာ လည်း ပြောပါတယ်” ဟု NLD ပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမကို ပြောသည်။
မစ္စတာကူးပါး၏ ယခုခရီးစဉ်သည် ဒုတိယကြိမ်မြောက်ဖြစ်ပြီး ဇွန်လ အတွင်းက အချက်အလက် ရှာဖွေရေး ခရီးစဉ် အဖြစ် မြန်မာနိုင်ငံ
ဆိုင်ရာ EU အထူးသံ Piero Fassino နှင့်အတူ လာရောက်ခဲ့ဖူးသည်။
ယခုတွေ့ဆုံမှုအတွင်း နိုင်ငံရေး အကျဉ်းသားများ လွှတ်ပေးရေးမှာ အမျိုးသား ပြန်လည်သင့်မြတ်ရေးနှင့် ဒီမိုကရေစီ ဖော်ဆောင်ရေး လုပ်ငန်းတွင် အလွန် အရေးပါကြောင်း လက်ခံထားကာ အစိုးရ အဖွဲ့ဝင်များနှင့် တွေ့ဆုံတိုင်းလည်း ယင်းကိစ္စအား ထည့်သွင်း
ပြောဆိုလေ့ ရှိသည်ဟု မစ္စတာကူးပါးက ပြောဆိုခဲ့ကြောင်း တွေ့ဆုံရာတွင် ပါဝင်သူ ဦးအုန်းကြိုင်က ပြန်ပြောပြသည်။
မစ္စတာကူးပါးနှင့်အတူ ဘန်ကောက်အခြေစိုက် မြန်မာနိုင်ငံဆိုင်ရာ အီးယူ သံအမတ် မစ္စတာ ဒေးဗစ် ရေမွန် လစ်မန်း၊ မြန်မာနိုင်ငံ ဆိုင်ရာ ပြင်သစ် သံအမတ် Mr Thierry Mathou နှင့် EU အာရှရေးရာ ဌာန အကြီးအကဲ Mr Ceseamus Gellespie တို့လည်း တွေ့ဆုံမှုတွင် ပါဝင်ကြသည်။
CRPP အတွင်းရေးမှူး ဦးအေးသာအောင်က တိုင်းရင်းသားအရေး ကိစ္စများကို အဓိကထား ဆွေးနွေးခဲ့ပြီး အဖွဲ့ဝင် ပါတီများမှ ခေါင်းဆောင်များ အကျဉ်းကျဆဲ ဖြစ်သည့်အတွက် ပြန်လည် မှတ်ပုံ မတင်ကြကြောင်း ပြောဆိုခဲ့သည်။
ဆွေးနွေးပွဲ၌ ဦးတင်ဦး၊ ဦးဝင်းတင်၊ ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးအုန်းကြိုင်၊ ဦးဉာဏ်ဝင်း၊ ဦးဟံသာမြင့်၊ ဒေါ်မေဝင်းမြင့်၊ ဦးဝင်းမြင့်တို့နှင့် CRPP အတွင်းရေးမှူး ဦးအေးသာအောင်၊ ဦးနိုင်ငွေသိန်း၊ ဦးပူကျင့်ရှင်းထန်၊ ဦးရွှေကြူး၊ ဦးစိုးဝင်းတို့ တက်ရောက်ကြပြီး NLD ၏ လက်ရှိ နိုင်ငံရေး ရပ်တည်ချက်များနှင့် ဆောင်ရွက်ချက်များအား ရှင်းပြခဲ့ကြသည်။
စီးပွားရေးကိစ္စနှင့် ပတ်သက်၍မူ “IMF ရဲ့ ပညာရှင်တွေရဲ့ အမြင်တွေ၊ နောက်ပြီးတော့ ငွေရေးကြေးရေး ကိစ္စ၊ သုံးစွဲမှုတွေနဲ့ အခြေအနေတွေ၊ အဲဒါကို Balance လုပ်တဲ့ ကိစ္စတွေကို ပိုအလေးအနက် ထားတယ်လို့ ထင်ပါတယ်” ဟု ဦးဉာဏ်ဝင်းက သုံးသပ်သည်။
မကြာသေးခင်က လာရောက်ခဲ့သည့် အမေရိကန် နိုင်ငံခြားရေးဝန်ကြီး မစ္စစ်ကလင်တန်၏ ခရီးစဉ် အတွင်း ကလည်း
မြန်မာ နိုင်ငံသို့ ကမ္ဘာ့ဘဏ် ကိုယ်စားလှယ် အဖွဲ့ စေလွှတ်နိုင်ရန် ညှိနှိုင်းပေးမည် ဖြစ်ကြောင်း သမ္မတ ဦးသိန်းစိန်အား
ပြောဆိုခဲ့ဖူးသည်။
မစ္စတာကူးပါး၏ ယခုခရီးစဉ်အတွင်း သမ္မတ ဦးသိန်းစိန်အပြင် နိုင်ငံခြားရေးဝန်ကြီး၊ နယ်စပ်ရေးရာ ဝန်ကြီး၊ ပြည်သူ့ လွှတ်တော် ဒုဥက္ကဋ္ဌ တို့နှင့် ဗုဒ္ဓဟူးနေ့က တွေ့ဆုံခဲ့သေးသည်။ ယင်းအပြင် ဗဟိုဘဏ် ဥက္ကဋ္ဌနှင့် လွှတ်တော်ဆိုင်ရာ ကော်မတီဝင် တချို့နှင့် တွေ့ဆုံကာ နှစ်ဖက် ဆက်ဆံရေး တိုးမြှင့်ရန်၊ စီးပွားရေး၊ ငွေကြေးပြုပြင်ရေးနှင့် ငွေပေးချေ စနစ်၊ နိုင်ငံခြားငွေ လဲလှယ်နှုန်း ကိစ္စရပ်များကို ဆွေးနွေးခဲ့ကြောင်း ကြာသပတေးနေ့ထုတ် နိုင်ငံပိုင် သတင်းစာများ တွင် ဖော်ပြထားသည်။
မစ္စတာကူးပါး၏ ဇွန်လခရီးစဉ်အတွင်းကမူ ဒုသမ္မတ သီဟသူရ ဦးတင်အောင်မြင့်ဦးနှင့်သာ တွေ့ဆုံခွင့် ရခဲ့သည်။
အသက် ၆၄ နှစ်အရွယ် ဗြိတိန်နိုင်ငံသား မစ္စတာကူးပါးသည် ဒေါ်အောင်ဆန်းစုကြည်နှင့် ရင်းနှီးသူ တဦး ဖြစ်ပြီး EU တွင် ၂၀၀၂ ခုနှစ်မှစ၍ တာဝန် ထမ်းဆောင်ခဲ့သူ ဝါရင့် သံတမန်တဦးလည်း ဖြစ်သည်။
သမ္မတဦးသိန်းစိန် အစိုးရ တက်လာပြီး နောက်ပိုင်း မြန်မာနိုင်ငံသို့ နိုင်ငံတကာ အစိုးရ ကိုယ်စားလှယ် ဝင်ထွက်မှုမှာ ဆက်တိုက် ဆိုသလို ဖြစ်လာပြီး ယင်းအနက် EU အဖွဲ့ဝင် ဂျာမနီ၊ အီတလီနှင့် ပိုလန် နိုင်ငံတို့လည်း သီးခြားစီ ပါဝင် သည်။
မြန်မာနိုင်ငံမှ ဒီဇင်ဘာလ ၁၉ ရက်နေ့တွင် အိမ်ရှင်အဖြစ် လက်ခံကျင်းပမည့် လေးကြိမ်မြောက် မဲခေါင်ဒေသ ဆိုင်ရာ အစည်းအဝေးသို့ တက်ရောက်ရန် အတွက်လည်း တရုတ်ဝန်ကြီးချုပ် ဝမ်ကျားပေါင်နှင့် ထိုင်းဝန်ကြီးချုပ် မစ္စစ်ယင်လတ် ရှင်နာဝါထရာတို့လည်း လာရောက်ဦးမည် ဖြစ်သည်။
Ref: မဇ္ဈိမ
ဒေါက်တာမြတ်ဉာဏစိုး NLD နှင့်ပေါင်းရန် NDF မှ နုတ်ထွက်
မျိုးသန့်
ကြာသပတေးနေ့၊ ဒီဇင်ဘာလ ၁၅ ရက် ၂၀၁၁
ချင်းမိုင် (မဇ္ဈိမ) ။ ။ အမျိုးသားဒီမိုကရေစီအဖွဲ့ချုပ် NLD ခွဲထွက်များဖြင့် တည်ထောင်ထားသည့် အမျိုးသား ဒီမိုကရေစီ အင်အားစုပါတီ NDF မှ အထက် လွှတ်တော်အမတ် ဒေါက်တာမြတ်ဉာဏစိုးမှာ လက်ရှိပါတီမှ နုတ်ထွက်၍ NLD နှင့် ပူးပေါင်း သွားမည်ဖြစ်ကြောင်း သိရသည်။
ယခုကဲ့သို့ နုတ်ထွက်ရခြင်းမှာ ပါတီတွင်း ပြဿနာရှိ၍ မဟုတ်ဘဲ ဒေါ်အောင်ဆန်းစုကြည်၏ လမ်းညွန်မှု အတိုင်း ဆောင်ရွက် လိုခြင်းကြောင့် ဖြစ်ပြီး ဒီဇင်ဘာလ ၁၄ ရက်နေ့တွင် ပါတီသို့ နုတ်ထွက်စာ တင်ခဲ့ကာ ကြာသပတေးနေ့တွင် မိခင်ပါတီက နုတ်ထွက်ခွင့် ပြုလိုက်ပြီ ဖြစ်သည်။
“အန်တီစုဟာ အမျိုးသားခေါင်းဆောင် ဖြစ်နေပါတယ်။ ကမ္ဘာ့နိုင်ငံရေး ဇာတ်ခုံပေါ်မှာရော၊ အန်တီစုရဲ့ လျှောက်လှမ်း မှုတွေ၊ ဦးဆောင်မှု စွမ်းရည်တွေကြောင့် ဒီမိုကရေစီကို လိုလားတဲ့သူတွေက ဝန်းရံရမယ်လို့ ယူဆပါတယ်။ အဲဒါကြောင့် အန်တီစုရဲ့ လမ်းညွန်မှုကို ခံယူပြီးတော့ ပူးပေါင်း ဆောင်ရွက်သွားမှာ ဖြစ်ပါတယ်။ ဒါ့ကြောင့် ဒီလို ဆုံးဖြတ်ဆောင်ရွက် ခဲ့တာဖြစ်ပါတယ်။” ဟု NDF ပါတီ ရန်ကုန်တိုင်း ဗဟိုဦးစီးအဖွဲ့ အတွင်းရေးမှူးလည်းဖြစ်သူ ဒေါက်တာ မြတ်ဉာဏစိုးက မဇ္ဈိမကို ပြောသည်။
ဒေါက်တာမြတ်ဉာဏစိုးမှာ ၂၀၁၀ ရွေးကောက်ပွဲ၌ NDF ပါတီကိုယ်စားပြုအဖြစ် ရန်ကုန်တိုင်း မဲဆန္ဒနယ် ၄ တွင် ဝင်ရောက် ယှဉ်ပြိုင် ရွေးချယ်ခံခဲ့ရပြီး လက်ရှိတွင် အထက် လွှတ်တော်၏ ဥပဒေကြမ်း ကော်မတီဝင်လည်း ဖြစ်သည်။
NLD ပါတီမှ ပါတီဝင်ခွင့် လျှောက်လွှာ စတင်ထုတ်ပေးပါက ပါတီဝင်အဖြစ် လျှောက်ထား သွားမည်ဖြစ်ကာ သာမန် ပါတီဝင် အဖြစ် ဆောင်ရွက် သွားမည်ဖြစ်သည်။ ဒေါက်တာမြတ်ဉာဏစိုးက ဒီမိုကရက်တစ် အင်အားစု တခုတည်းသာ ရှိသင့်သည်ဟုလည်း ရှုမြင်သည်။
“NLD ကမှတ်ပုံမတင်ဘူး၊ ရွေးကောက်ပွဲ မဝင်ဘူး NLD ဆိုတဲ့ သင်္ဘောကြီးကတော့ မြုပ်နေပြီ။ NDF ဆိုတဲ့ အသက် ကယ်လှေလေးက ထွက်လာတယ်။ အခု အချိန်မှာတော့ NLD ဟာ အန်တီစုရဲ့ ဦးဆောင်မှုနဲ့ ခုတ်မောင်း နေပါပြီ ဒီ့အတွက်ကြောင့် ကျနော်တို့ဟာ အသက်ကယ် လှေလေးကနေပြီးတော့ သင်္ဘောကြီးပေါ် ပြန်တက်တာ။” ဟု ဒေါက်တာမြတ်ဉာဏစိုးက ဆိုသည်။
အလားတူ အမျိုးသားဒီမိုကရေစီပါတီသစ် - NNLD ဒုဥက္ကဋ္ဌဖြစ်သူ လသာမြို့နယ် လွှတ်တော်အမတ် ဦးကြည်မြင့် မှာလည်း ယခုလ ခြောက်ရက်နေ့က ပါတီမှ နုတ်ထွက်ခဲ့ပြီး မိခင် ပါတီဟောင်းဖြစ်သည့် NLD နှင့် ပြန်လည် ပူးပေါင်း သွားမည်ဟု သိရသည်။
ဦးကြည်မြင့်မှာ ၁၉၉ဝ ရွေးကောက်ပွဲ၌ NLD ကိုယ်စားပြု၍ လသာမဲဆန္ဒနယ်တွင် အနိုင်ရခဲ့သူဖြစ်ပြီး၊ ၂ဝ၁ဝ ရွေးကောက်ပွဲတွင် NLD မှတ်ပုံ မတင်သည့်အတွက် NDF ပါတီအဖြစ် ခွဲထွက်ကာ လသာမြို့နယ်၌ ဝင်ရောက် ယှဉ်ပြိုင်ရာ အနိုင်ရရှိခဲ့သူ ဖြစ်သည်။ ယင်းနောက် NDF ပါတီတွင်း ပြဿနာများကြောင့် NNLD ပါတီသို့ ခွဲထွက်ခဲ့သူ ဖြစ်သည်။
“ကျနော်က ခြွင်းချက်မရှိ အကြွင်းမဲ့ NLD ကို ပြန်သွားချင်ပါတယ်။ အဲဒီသဘောနဲ့ မိခင် NLD ကို ပြန်လာတာပါ။ အမ ဒေါ်အောင်ဆန်းစုကြည်က အစ အသစ် ပြန်ဝင်ကြမှာဆိုတော့ အဲဒီအချိန်ကျရင် လသာမြို့နယ်မှာ ကျနော် ပြန်ဝင်ရုံပဲ ရှိပါတယ်။” ဟု ဦးကြည်မြင့်က မဇ္ဈိမကို ပြောသည်။
တရားဝင် မှတ်ပုံတင်ခွင့်ရပြီဖြစ်သည့် NLD မှာ လာမည့်အပတ်အတွင်း ပြည်ထောင်စု ကော်မရှင်သို့ သွားရောက်
လျှောက်ထားမည် ဖြစ်ပြီး မှတ်ပုံတင်ရပြီ ဆိုပါက ပါတီဝင်ဟောင်းများ အပြင် ပါတီဝင်လိုသူ မည်သူမဆို ပါတီဝင် အဖြစ် ပြန်လည် လျှောက်ထားရမည် ဖြစ်သည်။
လျှောက်ထားသူများကိုလည်း စိစစ်လက်ခံသွားမည်ဖြစ်ကာ ပါတီဝင် ၁ဝ သိန်း လက်ခံမည်ဟု ပါတီပြောခွင့်ရ ဦးအုန်းကြိုင်က မဇ္ဈိမကို ပြောသည်။
NDF ပါတီ၏ မူဝါဒရေးရာကော်မတီခေါင်းဆောင် ဦးခင်မောင်ဆွေက မိမိတို့အနေဖြင့် NLD ပါတီမှတ်ပုံတင် ခြင်းကို ကြိုဆိုကြောင်းနှင့် ပူးပေါင်း လိုပါက ငြင်းဆန်ရန် မရှိကြောင်း မဇ္ဈိမနှင့် တွေ့ဆုံ မေးမြန်းခန်း တခု၌ ဖြေကြားခဲ့ဖူးသည်။
အမျိုးသားဒီမိုကရေစီပါတီသစ် NNLD အနေဖြင့် NLD နှင့် ပြန်လည်ပူးပေါင်းရေးမှာ NLD ခေါင်းဆောင်များ ပေါ်တွင်သာ မူတည်နေပြီး လွှတ်တော်တွင်း၊ ပြင် နိုင်ငံရေး လှုပ်ရှားမှုများတွင် ပူးပေါင်း ဆောင်ရွက်လိုသည့် ဆန္ဒရှိကြောင်း သိရသည်။
“လောလောဆယ်မှာတော့ အဖွဲ့ချုပ်နဲ့ ပြန်လည်ပေါင်းစည်းရေးဟာ မဖြစ်နိုင်သေးဘူးလို့ မြင်ပါတယ်။ ဒါပေမဲ့ ရေရှည် မှာ အမျိုးသား ပြန်လည် သင့်မြတ်ရေး၊ ဒီမိုကရေစီရေး၊ လူ့အခွင့်အရေး အတွက် လွှတ်တော်တွင်းမှာ ဖြစ်စေ၊ လွှတ်တော် ပြင်ပမှာ ဖြစ်စေ တူညီသော လုပ်ငန်းများတွင် ဒီမိုကရေစီ အင်အားစု အချင်းအချင်း ပူးပေါင်း ညှိနှိုင်း သွားဖို့ရှိပါတယ်” ဟု NNLD ပါတီခေါင်းဆောင် ဦးသိန်းညွန့်က မဇ္ဈိမကို ပြောသည်။
ပြည်သူ့လွှတ်တော်အမတ် ဦးသိန်းညွန့်မှာ ယခင်က NLD ခေါင်းဆောင်ဟောင်းတဦးဖြစ်ပြီး ၂ဝ၁ဝ တွင် NDF ပါတီကို ခွဲထွက် တည်ထောင်ခဲ့သည်။ ယင်းနောက် NNLD ပါတီကို ထပ်မံ တည်ထောင်ခဲ့သူ ဖြစ်သည်။
Ref: မဇ္ဈိမ
ရွှေညဝါဆရာတော်အား လူဝတ်မလဲရေး နာယက ဆရာတော်ကြီးများ လက်မှတ်ထိုး တင်ပြမည်
လင်းသန့်
December 15, 2011
ကြည့်မြင်တိုင်မြို့နယ် သာဓုကျောင်းတိုက်မှ ကျောင်းထိုင် နာယက ရွှေညဝါ ဆရာတော် အရှင် ပညာသီဟကို လူဝတ်လဲရန် နိုင်ငံတော် သံဃ မဟာနာယကအဖွဲ့က ဆုံးဖြတ်ခဲ့သော်လည်း ယင်းဆုံးဖြတ်ချက်ကို ပြန်လည် ပြင်ဆင်ပေးရန် ရွှေည၀ါ နာယက ဆရာတော် ကြီးများက ဦးဆောင်၍ လက်မှတ်ထိုး တင်ပြမည်ဟု သတင်းရရှိသည်။
“သာဓုကျောင်းတိုက်က ရွှေည၀ါ နာယက ဆရာတော်ကြီးတွေက သံဃမဟာ နာယက အဖွဲ့ကို လက်မှတ်ထိုး စာတင် ဖို့ တိုင်ပင် ဆွေးနွေးနေကြပါတယ်” ဟု သာဓု ကျောင်းတိုက်သို့ ရောက်ရှိနေသည့် နိုင်ငံရေး အကျဉ်းသားဟောင်း ကိုဇော်ရဲဝင်းက ဧရာဝတီကို ပြောသည်။
၂၀၁၁ အပြည်ပြည်ဆိုင်ရာ ဒီမိုကရေစီနေ့တွင် ဆရာတော် အရှင် ပညာသီဟသည် မန္တလေးတိုင်း အမျိုးသား ဒီမိုကရေစီ အဖွဲ့ချုပ် (NLD) ရုံး၌ သြဝါဒ ပေးခဲ့ခြင်းကြောင့် နိုင်ငံတော် သံဃမဟာ နာယက အဖွဲ့က ဆရာတော်အား ဒီဇင်ဘာ ၁၂ ရက်နေ့ ရက်စွဲဖြင့် အကြောင်းကြားစာ ပေးပို့ခဲ့သည်။
ရွှေညဝါဆရာတော်အား အာဏာပိုင်များက တရားဟောခွင့် ပိတ်ပင်ထားသည်ဟု သိရပြီး ဆရာတော် ကလည်း သြဝါဒ ပေးသည် ဟူသော အသုံးအနှုန်းကိုသာ အသုံးပြုခဲ့သည်။
နိုင်ငံတော် သံဃမဟာနာယက အဖွဲ့ ၄၇ ပါး စုံညီ အစည်းအဝေး ဆုံးဖြတ်ချက်ပါ အကြောင်းကြား စာတွင် ရွှေည၀ါ ဆရာတော်ကို သာဓု ကျောင်းတိုက်မှ ဖယ်ရှားရန်၊ သံဃာ အဆင့်ဆင့်၏ ဆုံးမညွှန်ကြားမှုကို မနာခံ၍ ဒုဗ္ဗစ ပုဂ္ဂိုလ် (သံဃာအဖွဲ့အစည်း၏ ဆုံးမမှုကို မနာခံသူ၊ ရဟန်းမဖြစ်ထိုက်သူ) အဖြစ် သတ်မှတ်ရန်နှင့် နိုင်ငံတော် သံဃ မဟာ နာယကအဖွဲ့၏ ခွင့်ပြုချက် မရဘဲ သာဓု ကျောင်းအတွင်း မည်သည့် သင်တန်းမှ ဖွင့်လှစ်ဆောင်ရွက်ခြင်း မပြုရန် တို့ပါဝင်သည်။
နိုင်ငံတော် သံဃ မဟာနာယကအဖွဲ့က ရန်ကုန်တိုင်း ဒေသကြီး သာသနာရေးမှူးသို့ ရွှေည၀ါ ဆရာတော်အား အရေးယူ ဆောင်ရွက်သည့် အခြေအနေများကို ပြန်လည်တင်ပြ ရမည်ဖြစ်သည်။
“ဒီထုတ်ပြန်ချက်ကြောင့် ဆရာတော် အရမ်းအံ့သြသွားတယ်၊ သူ တပါးတည်းကိုပဲ အရေးယူမယ် ထင်ထားတာ၊ အခု သာဓု ကျောင်းတိုက်မှာ ဘာသင်တန်းမှ မဖွင့်ရဘူးပါ လုပ်ချလိုက်တယ်” ဟု သာဓုကျောင်းတိုက်တွင် ကျောင်းထိုင် သည့် ရွှေည၀ါ အဖွဲ့ အတွင်းရေးမှူး ဦးသူရိယက မိန့်သည်။
ဆရာတော်အား လူဝတ်လဲစေသည့် ကိစ္စနှင့် ပတ်သက်၍ NLD ပါတီခေါင်းဆောင်များ ဖြစ်သည့် ဦးတင်ဦးနှင့် ဒေါ်မေ၀င်းမြင့်တို့ ဦးဆောင်သော အဖွဲ့လည်း လာရောက်ကာ ညှိနှိုင်းဆွေးနွေးခဲ့ကြောင်း ကိုဇော်ရဲဝင်းက ပြောသည်။
“ဘဘ ဦးတင်ဦးတို့ အနေနဲ့လည်း ဒီကိစ္စကို သိမ်သိမ်မွေ့မွေ့ ဖြစ်စေချင်လို့ လာဆွေးနွေးတဲ့ သဘောပါ” ဟု သူက ဆို သည်။
ရွှေည၀ါ ဆရာတော်အား လူဝတ်လဲကာ သာဓုကျောင်းတိုက်မှ ဖယ်ရှားမည့် သတင်းများနှင့် ယနေ့ နေ့လယ် ၁ နာရီတွင် ဆရာတော်အား အရေးယူရေး ဆွေးနွေးရန် ရန်ကုန်တိုင်း ဒေသကြီး သံဃမဟာနာယက ဆရာတော် တပါးဖြစ်သည့် ဗန်းမော် ဆရာတော်ကြီးနှင့် တခြား တာဝန်ရှိ ဆရာတော်တို့ လာမည်ဆိုသည့် သတင်းကြောင့် လူ ၃၀၀ ခန့်တို့ ကျောင်းတိုက်တွင် စုဝေး ရောက်ရှိခဲ့သည်ဟု ၈၈ မျိုး ဆက်ကျောင်းသား ကိုကိုကြီး (စမ်းချောင်း) က ပြောသည်။
သို့သော် ဗန်းမော်ဆရာတော်ကြီးနှင့် သံဃာများမှာ ယနေ့ လာရောက်ခဲ့ခြင်းမရှိခဲ့ပေ။
“မလိုလားအပ်တဲ့ အခြေအနေမျိုးကို ဆရာတော် (ရွှေည၀ါ) ကလည်း မဖြစ်စေချင်လို့ လူစုခွဲပေးဖို့ မေတ္တာရပ်ခံတာ လူစုခွဲ ပေးကြပါတယ်” ဟု ကိုဇော်ရဲဝင်းက ဆိုသည်။
ယခုအခါ နိုင်ငံရေး အကျဉ်းသားဟောင်းများ၊ ၈၈ မျိုးဆက် ကျောင်းသားများနှင့် တခြားသော နိုင်ငံရေး တက်ကြွ လှုပ်ရှားသူ များကလည်း ရွှေည၀ါ ဆရာတော်အား အရေးယူရန် ချမှတ်ထားမှုကို ပြန်လည် စဉ်းစားပေးရေး အတွက် နိုင်ငံတော် သံဃမဟာနာယက အဖွဲ့ထံ စုပေါင်း လက်မှတ်ရေးထိုး တင်ပြသွားရန်လည်း ရှိကြောင်း သူက ဆက်ပြော သည်။
နိုင်ငံတော် သံဃနာယကအဖွဲ့၏ ထုတ်ပြန်ချက်ကို သာဓုကျောင်းတိုက်သို့ မနေ့ညပိုင်းက ပေးပို့ခဲ့ပြီး အဆိုပါ ကျောင်းတိုက် အနီးတွင် အရပ်ဝတ်ရဲများ လုံခြုံရေး ယူထားကြောင်း ယင်းကျောင်းတိုက်ရှိ သံဃာတော်များထံမှ သိရသည်။
“ဆွဲချချင်တိုင်း ဆွဲချလို့ရတဲ့ ခေတ်ကြီးတော့ မဟုတ်တော့ဘူး၊ ဒီမိုကရေစီကျကျ လုပ်ဖို့လိုတယ်” ဟု ရွှေည၀ါ ဆရာတော် ဦးပညာသီဟက မိန့်သည်။
မကြာသေးမီက သာဓု ကျောင်းတိုက်တွင် ဒေါ်အောင်ဆန်းစုကြည်၏ ကမ္ဘာ့ ငြိမ်းချမ်းရေး နိုဗဲလ် ဆုရခြင်း နှစ် ၂၀ ပြည့် အခမ်းအနားနှင့် အမျိုးသား အောင်ပွဲနေ့ အခမ်းအနား စသည်တို့ကို ဆရာတော်က ကျင်းပခွင့် ပေးခဲ့သည်။ ဒေါ်အောင်ဆန်းစုကြည်၏ ကမ္ဘာ့ ငြိမ်းချမ်းရေး နိုဗဲလ် ဆုရခြင်း နှစ် ၂၀ ပြည့်အခမ်းအနားတွင် ရွှေညဝါ ဆရာတော်က ၎င်းအား အာဏာပိုင်များက ဖိအား ပေးနေကြောင်း မိန့်ကြားခဲ့သေးသည်။
ရွှေည၀ါအဖွဲ့ကို ၂၀၀၂ ခုနှစ်တွင် ဗန်းမော်ဆရာတော်ကြီးက ဥက္ကဋ္ဌအဖြစ် ဆောင်ရွက်၍ စတင် ဖွဲ့စည်းခဲ့ပြီး ၂၀၀၄ ခုနှစ်တွင် ရွှေည၀ါမှ သံဃာ့ တက္ကသိုလ်များ စတင်ဖွင့်လှစ် ခဲ့သည်။
Ref: ဧရာဝတီ
ငြိမ်းချမ်းရေး ဆွေးနွေးပွဲအတွက် အဖွဲ့သစ်ထပ်ဖွဲ့
December 15, 2011
အစိုးရနှင့် ရှမ်းပြည်တပ်မတော် (SSA) တောင်ပိုင်းတို့ ငြိမ်းချမ်းရေး သဘောတူညီချက်ကို လက်မှတ် ထိုးပြီးနောက် သမ္မတ ဦးသိန်းစိန်က ရထား ပို့ဆောင်ရေးဝန်ကြီး ဦးအောင်မင်း ဦးဆောင်သော “ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့” ကို ဖွဲ့စည်း လိုက်ကြောင်း သတင်းရရှိသည်။
ယင်းသို့ ပြည်ထောင်စုအဆင့် ညှိနှိုင်းရေးအဖွဲ့ကို ဖွဲ့စည်းကြောင်း ပြည်တွင်းမှ နိုင်ငံရေးအကဲခတ်များ၊ တိုင်းရင်းသား အဖွဲ့ အစည်းများနှင့် နီးစပ်သူများက ပြောသည်။
တိုင်းရင်းသားဒေသများတွင် တိုင်းရင်းသား အုပ်စု ၅ ခုနှင့် တွေ့ဆုံစဉ် စစ်ထောက်လှမ်းရေး အရာရှိ ဟောင်းနှင့် ဗိုလ်ချုပ်ဟောင်း ဦးအောင်မင်းက သမ္မတ ဦးသိန်းစိန်၏ အထူး ကိုယ်စားလှယ် သဖွယ် ဦးဆောင် ဆွေးနွေးသွားကြောင်း သိရသည်။ အဖွဲ့ ၅ ဖွဲ့မှာ SSA တောင်ပိုင်း၊ ကချင် လွတ်မြောက်ရေး အဖွဲ့ (KIO)၊ ကရင်အမျိုးသား အစည်းအရုံး (KNU)၊ ကရင်နီ အမျိုးသား တိုးတက်ရေးပါတီ (KNPP)၊ ချင်းအမျိုးသား တပ်ဦး (CNF) တို့ဖြစ်သည်။
ယခုလ အစောပိုင်းကတည်းက အစိုးရသည် SSA တောင်ပိုင်းနှင့် တောင်ကြီးမြို့၌ တွေ့ဆုံပြီး ပြည်ထောင်စု အဆင့် ဆွေးနွေးရန် ဆုံးဖြတ်ခဲ့သည်။
သတင်းရင်းမြစ်များအရ ပြည်ထောင်စုအဆင့်ဆွေးနွေးရေးအဖွဲ့တွင် ဦးအောင်မင်းအပြင်၊ စက်မှုဝန်ကြီး ဦးစိုးသိန်း (ဒု ဗိုလ်ချုပ်ကြီးဟောင်း-ရေ)၊ သမဝါယမဝန်ကြီး ဦးအုန်းမြင့် (ဒု ဗိုလ်ချုပ်ကြီးဟောင်း)၊ လူဝင်မှု ကြီးကြပ်ရေးနှင့် ပြည်သူ့ အင်အားဝန်ကြီး ဦးခင်ရီ (ဗိုလ်မှူးချုပ်ဟောင်း)၊ သစ်တောနှင့် သဘာဝ ပတ်ဝန်းကျင်ဝန်ကြီး ဦးဝင်းထွန်း၊ အမှတ် (၂) လျှပ်စစ် စွမ်းအင်ဝန်ကြီး ဦးခင်မောင်စိုး၊ စွမ်းအင်ဝန်ကြီး ဦးသန်းဌေး (ဗိုလ်မှူးချုပ်ဟောင်း)၊ နယ်စပ်ရေးရာ ဒုဝန်ကြီး ဗိုလ်ချုပ်ဇော်ဝင်း၊ ကာကွယ်ရေး ဦးစီးချုပ်ရုံးမှ ဗိုလ်မှူကြီး ကျော်စိုးဝင်းတို့ ပါဝင်ကြောင်း သိရသည်။
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အတွင်းရေးမှူး ဦးအောင်သောင်း ဦးဆောင်သည့် ငြိမ်းချမ်းရေး ဆွေးနွေး နေသည့် အဖွဲ့ကို ယခု အဖွဲ့စည်းလိုက်သည့် အဖွဲ့ဖြင့် အစားထိုးမည်လော၊ နှစ်ဖွဲ့စလုံး ဆက်လက် ထားရှိမည်လော ဆိုသည်ကိုမှု ကွဲပြားစွာ မသိရသေးပေ။
ကရင်ပြည်နယ် ကလိုထူးဖောဒေသတွင် ဒီဇင်ဘာ ၁၃ ရက်နေ့က ဦးအောင်သောင်း ဦးဆောင်သည့် ငြိမ်းချမ်းရေး ဆွေးနွေးရေး အဖွဲ့က တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်မဟာ (၅) နှင့် အပစ်ရပ်ရေး သဘောတူညီမှု ရခဲ့ကြောင်း အစိုးရ သတင်းစာတွင် ဖော်ပြထားသည်။
သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းက “နေပြည်တော်မှာ သူတို့အချင်းချင်း အပြိုင် ဖြစ်လာနိုင်ပါတယ်။ ရှမ်းနဲ့ ကချင်ပြည်နယ်တွေမှာ လက်နက်ကိုင် ပဋိပက္ခတွေ ရပ်စဲရေး အောင်မြင်အောင် မဆောင်ရွက်နိုင်လို့ ဦးအောင်သောင်းကို အပြစ် တင်နေတဲ့ ဝန်ကြီးတွေ ရှိပါတယ်” ဟု ပြောသည်။
ရန်ကုန်အခြေစိုက် နိုင်ငံရေးအကဲခတ်များကမူ သမ္မတဦးသိန်းစိန်က ဖွဲ့စည်းပုံအခြေခံဥပဒေနှင့်အညီ မည်သည့် သင့်လျော်သည့် အဖွဲ့ကိုမဆို ရည်မှန်းချက် အောင်မြင်အောင် အထူး တာဝန်များ ချပေးဖွယ် ရှိသည်ဟု သုံးသပ်ကြသည်။
ရန်ကုန်မြို့မှ သံတမန်အသိုင်းအဝိုင်းနှင့် နီးစပ်သူတဦးက “ငြိမ်းချမ်းရေးဆွေးနွေးဖို့ အခု အဖွဲ့နှစ်ခုက ဆောင်ရွက် နေပြီပေါ့။ တဖွဲ့က ဦးအောင်သောင်း ခေါင်းဆောင်တာ၊ တဖွဲ့က ဦးအောင်မင်း ခေါင်းဆောင်တာ” ဟု ပြောသည်။
ထို့ကြောင့် ဦးအောင်သောင်း၏ ဥပဒေပြုအဖွဲ့ကို ကိုယ်စားပြုသော အဖွဲ့နှင့် ဦးအောင်မင်း၏ စီမံအုပ်ချုပ်ရေး အဖွဲ့ကို ကိုယ်စားပြုသော အဖွဲ့ဟူ၍ နှစ်ဖွဲ့ အပြိုင် ဖြစ်လာနိုင်ကြောင်း၊ ပါလီမန် ကိုယ်စားပြု ကော်မတီနှင့် အစိုးရ ကိုယ်စားပြု ကော်မတီတို့ ဖြစ်ကြောင်း ၎င်းက ဆက်လက်ပြောသည်။
တရုတ်-မြန်မာ နယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောကမူ ဦးအောင်သောင်း ဦးဆောင်သည့် အဖွဲ့ကို ဖျက်သိမ်း လိမ့်မည်ဟု ၎င်း၏ သတင်းရင်းမြစ်များမှ ကြားသိရကြောင်း ပြောသည်။
Ref: ဧရာဝတီ
Thursday, December 15, 2011
တင်ရေး၊ ၀င်ရေး၊ ပြင်ရေး၊ ထူထောင်ရေး (NLD နဲ့ ၈၈ မျိုးဆက်)
ဦးဝင်းတင်နဲ့ မေးခွန်းများ
မိုးမခ၊ ဒီဇင်ဘာ ၁၅၊ ၂၀၁၁
ဒီတပတ် ဆရာဦးဝင်းတင်နဲ့ တွေ့ဆုံစဉ်မှာ မေးဖြစ်တဲ့ မေးခွန်းတွေကတော့ လက်ရှိပြည်တွင်းမှာ ရွေးကောက်ပွဲ ၀င်ရေး၊ အခြေခံဥပဒေ ပြင်ဆင်ရေး၊ မှတ်ပုံတင်ပြီး ပါတီပြန်လည် ထူထောင်ရေး စတဲ့ ကိစ္စများအပေါ်မှာ ၈၈ မျိုးဆက်များ၊ ကျောင်းသားများ၊ တိုင်းရင်းသားများ၊ သံဃာတော်များနဲ့ ပါတီဝင်များ၊ ပါတီထောက်ခံသူများနဲ့ ဒေါ်အောင်ဆန်းစုကြည် ထောက်ခံသူများရဲ့ အမျိုးမျိုးသော သဘောထားများ၊ လုပ်ထုံးလုပ်နည်းများ ပြောဆို ထင်မြင်ချက်များနဲ့ ပတ်သက်ပြီး မေးမြန်းဖြစ်ပါတယ်။
ဖြေ။ ။ အင်န်အယ်ဒီမှာက ရွှေဂုံတိုင်ရပ်တည်ချက် ရှိတယ်။ ၂၀၀၉ ဧပြီမှာ ထုတ်ပြန်ခဲ့တာ။ နိုင်ငံရေး အကျဉ်းသားတွေ လွှတ်ပေးပါ။ ခုနောက်ပိုင်းမှာ လွတ်မြောက် လာသူတွေ ရှိသော်လည်း မလွတ်မြောက်သေးတဲ့ သူတွေ ရှိနေတယ်၊ ကျန်နေတယ်။ နောက်တခုက ၂၀၀၈ အခြေခံ ဥပဒေကို ပြင်ဆင်ဖို့ တောင်းဆိုတာ။ အဲသည်တုန်းက အနယ်နယ်က အင်န်အယ်ဒီ ခေါင်းဆောင်တွေ ၁၀၀ ကျော် စည်းဝေးပြီးတော့ ဆုံးဖြတ် ထားခဲ့တာ။ ဒါက “လွှတ် / ပြင် / ၀င်” လို့ ပြောမလား။ ” ပြင် / ၀င်” လို့ ပြောမလား။ လွှတ်ပေးရမယ်၊ ပြင်ဆင်ရမယ်။ ဒါမှ ရွေးကောက်ပွဲ ၀င်နိုင်မယ်ပေါ့။ ဒါပေမယ့် အခုဟာက ၀င်မယ်လို့ ဆုံးဖြတ်လိုက်တော့ …”၀င် / ပြင်” ဖြစ်သွားပြီ။ ဒီတော့ ပြင်/၀င် ဖက်ကနေပြီး ၀င်/ပြင်ကို မေးခွန်း ထုတ်တာတွေ၊ စကား ပြောဆိုတာတွေ ရှိနေတာပေါ့လေ။ အရင်က လွှတ်တော်တွေကို သပိတ် မှောက်မယ်လို့ ဆိုတဲ့ သဘောထားတွေ ရှိကြတယ်။ နောက်တော့ လွှတ်တော်ထဲဝင်ပြီး ဆောင်ရွက် လုပ်ကိုင်ကြမယ် ဆိုတဲ့ သဘောထားတွေ ဖြစ်လာကြတယ်။ ဒါက နိုင်ငံရေးရဲ့ ဖြစ်မြဲထုံးစံပဲ။ (Process)။ နောင်ကျရင်တော့ သမိုင်းမှာ ပြေလည်ရင်လည်း ပြေလည် သွားနိုင်မယ်။ မပြေလည်ရင်လည်း ဒီကိစ္စဟာ သမိုင်းမှာ မှားတယ်၊ မှန်တယ်ဆိုတာ ဆက်ပြီး ဆွေးနွေးစရာ အရှည်သဖြင့် တခုလည်း ဖြစ်သွားနိုင်တယ်။
မေး။ ။ အဲသည်မှာ သဘောတခုက လက်ရှိနိုင်ငံရေး အခြေအနေ အကြပ်အတည်းရဲ့ ပကတိကို ကြည့်ပြီး ‘၀င်/ပြင်’ သင့်သလား၊ ‘ပြင်/၀င်’ သင့်သလားဆိုတဲ့ အချိန်ကျ မကျကို ဆွေးနွေး နေကြတာ မဟုတ်လား ဆရာ။ အခုဟာက အင်န်အယ်ဒီပါတီ ကိုယ်တိုင်က တခဲနက်တည်း ‘၀င်/ပြင်’ ကို ရွေးချယ် ထားပြီးပြီပဲ။
ဖြေ။ ။ ကျနော်တို့ ပတ်ဝန်းကျင်မှာ ပြောနေကြတာက ‘၀င်/ပြင်’ ဖက်က ဆိုရင်ပေါ့ကွာ။ အခုဆိုရင် အနှစ် ၂၀ ရှိပြီ။ ဘာဖြစ်လို့ အချိန်ကို စောင့်နေကြဦးမှာလဲ။ နောက်ပြီးတော့ အခုအချိန်မှာ ဒေါ်အောင်ဆန်းစုကြည် ကိုယ်တိုင်က လွတ်မြောက်နေတယ်။ ကိုယ်တိုင် ဦးဆောင်မှု ပေးနေတယ်။ သူ့ရဲ့ ခေါင်းဆောင်မှုနဲ့ စည်းရုံးနိုင်မှု အင်အားကိုလည်း ထည့်တွက်သင့်တယ်။ ဒါမျိူးတွေ ပြောကြတယ်။ လွှတ်တော်ထဲမှာ တတိယ အင်အားစုတွေ၊ တိုင်းရင်းသား အင်အားစုတွေ၊ တပ်မတော်သားတွေ၊ ကြံ့ဖွံ့ပါတီဝင်တွေ၊ တစညလိုမျိူး ပါတီတွေက ကိုယ်စားလှယ်တွေက ဒေါ်အောင်ဆန်းစုကြည်နဲ့ သဘောထားချင်း ထပ်တူထပ်မျှ ဖြစ်လာပြီး ၂၀၀၈ အခြေခံ ဥပဒေထဲက ဒီမိုကရေစီ နည်းလမ်းမကျတဲ့ အချက်အလက်တွေကို ပြင်ဆင် ပြဋ္ဌာန်းမှုတွေ လုပ်ဆောင် လာနိုင်မယ်လို့ ပြောလာ ကြတာတွေ ရှိတယ်။ ဒေါ်အောင်ဆန်းစုကြည်ရဲ့ အားကို ပွားယူနိုင်တယ်လို့ ပြောဆိုကြတာတွေ ကြားရတယ်။ မူလက ၁၀၊ ၂၀ လောက်ကနေ ၁၀၀၊ ၂၀၀ အဆဆ ပွားသွားမယ်လို့ ပြောကြတယ်။
မေး။ ။ အဲဒါက ‘၀င်/ပြင်’ တွေဖက်က ပြောတာပေါ့ဆရာရယ်။ နိုင်ငံရေး အကျဉ်းသားတွေ၊ ၈၈ မျိုးဆက် ခေါင်းဆောင်တွေ၊ သံဃာ့တော်တွေ၊ သံဃာ့ ခေါင်းဆောင်တွေ လွတ်မြောက်ခြင်း မရှိတဲ့အတွက် ပြည်သူတွေကို ချုပ်နှောင်ထားတဲ့ ၂၀၀၈ အခြေခံ ဥပဒေကို အဓိကထား ပြင်ဆင်ဖို့ လိုအပ်တယ်။ အဲဒါပြီးမှ ရွေးကောက်ပွဲ ၀င်သင့်တယ်ပေါ့လေ။ ‘ပြင်/၀င်’တွေ ဖက်က ပြောဆိုတာတွေ၊ နောက်ပြီးတော့ အခုတလောမှာ ၈၈ မျိုးဆက်တွေ၊ ဗကသ ကျောင်းသား သမဂ္ဂများ အဖွဲ့ချုပ်၊ သံဃာ့ တပ်ပေါင်းစု တို့ကလည်း နိုင်ငံရေး အကျဉ်းသားတွေ မလွတ်မြောက်သေးလို့ သူတို့ကတော့ ဒေါ်အောင်ဆန်းစုကြည် ဦးဆောင်တဲ့ အင်န်အယ်ဒီ ပါတီရဲ့ ရွေးကောက်ပွဲ အပေါ် သဘောထားကို မကန့်ကွက်ဘူး၊ လေးစားတယ်။ သူတို့အနေနဲ့ သူတို့နံမယ် သုံးပြီးတော့ မ၀င်ဘူးလို့ ထုတ်ပြန်တာတွေ ရှိလာတယ်လေ။ အဲဒါတွေကိ်ု ဆရာတို့ ဘယ်လိုမျိူး ရင်ဆိုင် နေရသလဲ။
ဖြေ။ ။ ၈၈မျိုးဆက်တွေ၊ ကျောင်းသားတွေ၊ တိုင်းရင်းသားတွေ၊ ရဟန်း သံဃာတွေနဲ့ လူထု လူတန်းစား အသီးသီးရဲ့ ခေါင်းဆောင်တွေ၊ စွန့်လွှတ် အနစ်နာခံသူတွေ အများအပြားဟာ ထောင်ထဲမှာ ဖမ်းချုပ် ခံထားရဆဲ ဖြစ်တယ်။ သူတို့တွေရဲ့ အင်အားတွေ ဆောင်ရွက်မှုတွေ အားနည်းနေချိန်မှာ ရွေးကောက်ပွဲကို အပြင်ကလူတွေ ၀င်ကြရင် ဒီမိုကရေစီ အင်အားစုတွေ အချင်းချင်းတွေ ကြားမှာ သဘောထားတွေ ကွဲကြတာ၊ ညီညွတ်မှုတွေ ထိခိုက် ကုန်တာတွေ ဖြစ်နိုင်တယ်။ လှုပ်ရှားမှုတွေ ရုန်းကန်မှုတွေမှာ အားလျော့ သွားနိုင်တယ်။ အချင်းချင်းတွေ ကြားမှာ လမ်းခွဲကြီး တခုလို ဖြစ်သွားမယ်။ နောင်ကျရင် လွှတ်တော်ထဲက ဒီမိုကရေစီ အင်အားစုတွေကို အာဏာရှင်တွေက လက်ကိုင်တုတ် သဖွယ် သုံးပြီးတော့ အပြင်က ဒီမိုကရေစီရေး တောင်းဆို လှုပ်ရှားသူတွေကို တိုက်ခိုက် နှိမ်နင်းတာတွေ လုပ်လာမယ်လို့လည်း ပြောဆိုကြ၊ ထင်မြင်ချက် ပေးကြ တာတွေလည်း ရှိပါတယ်။ သူတို့ ပြောတာကလည်း မှားတယ်လို့ ပြောလို့မရဘူးလေ။ လက်ခံပြီး နားထောင် ပေးရပါတယ်။ ဒါကလည်း ကျနော်တို့ရဲ့ ၂၀၀၉ ရွှေဂုံတိုင် ကြေငြာချက်ထဲက ‘လွှတ်/ ပြင်/ ၀င်’ ဆိုတဲ့ သဘောမျိုးပဲလို့ ပြောရင်ရပါတယ်။
မေး။ ။ အခုထွက်ပေါ်လာတဲ့ သဘောထားတွေနဲ့အတူ ဆရာတို့ရဲ့ ပါတီပြင်ပမှာ ဘယ်လိုမျိူး နိုင်ငံရေး အင်အားတွေ ပေါ်ပေါက် လာတယ်လို့ တွေ့ရသလဲ။
ဖြေ။ ။ ကျနော့်အမြင်ပြောရရင် “၈၈မျိုးဆက်” လို့ပြောရမယ့် နိုင်ငံရေး အင်အားစု ထွက်ပေါ် လာတယ်လို့ ပြောချင်တယ်။ ယခုထက်ထိ အကျဉ်းထောင်ထဲမှာ ဖမ်းချုပ် ခံထားရတဲ့ ၈လေးလုံးတွေ၊ အကျဉ်းထောင်ကနေ လွတ်မြောက် လာတဲ့ ၈၈တွေ၊ ပြီးတော့ အဲသည် ၈၈မျိုးဆက် တွေကို လိုလားတဲ့ ထောက်ခံတဲ့ အင်အားစုတွေ ဆိုပြီး သိသိသာသာ ပေါ်ထွက် လာတယ်လို့ ပြောချင်ပါတယ်။ အဲသည် ၈၈မျိုးဆက်တွေ ထဲမှာလည်း ဒေါ်အောင်ဆန်းစုကြည်နဲ့ ပူးပေါင်းပြီး ရွေးကောက်ပွဲ ၀င်မယ်ဆိုတဲ့ သူတွေ ရှိလာတယ်။ နောက်တခုကတော့ ဒေါ်အောင်ဆန်းစုကြည် ရွေးကောက်ပွဲ ၀င်တာကို လက်မခံဘူး၊ ဆန့်ကျင်တယ် ဆိုတဲ့ သဘောထားလည်း ထွက်လာတယ်။ ပြီးတော့ နောက်ဆုံး တခုကတော့ ရွေးကောက်ပွဲကို ၈၈ အမည်ခံပြီး မ၀င်ဘူး၊ ရွေးကောက်ပွဲ ၀င်တာကိုလည်း ကန့်ကွက်ခြင်း မပြုဘူး၊ သို့သော် ဒေါ်အောင်ဆန်းစုကြည်နဲ့ အင်န်အယ်ဒီ ပါတီရဲ့ နိုင်ငံရေး အင်အားနဲ့ ရပ်တည်ချက်တွေကို ၀န်းရံ ပေးမယ်ဆိုတဲ့ သဘောထားလည်း ထွက်ပေါ်လာတယ်။
မေး။ ။ ဒါတွေ ထွက်လာတာက ဆရာကိုယ်တိုင် တွေ့ကြုံကြားသိနေရတာပေါ့။ သူများတွေ ပြောဆို နေတာကို တဆင့် အကြား သက်သက်နဲ့ မဟုတ်ဘူးပေါ့။
ဖြေ။ ။ ကိုယ်တိုင်မြင်ရ၊ သိရတာတွေပါ။ ထောင်ထဲက သဘောထားတွေ ထွက်လာတယ်။ စာနဲ့ ပေနဲ့ ရေးသားကြတယ်။ ထောင်ပြင်က ၈၈ တွေကလည်း ပြောဆို ဆွေးနွေးကြတာတွေ လုပ်လာကြတယ်။ ဒေါ်စုကို ထောက်ခံတယ်၊ မထောက်ခံဘူး ဆိုတာမျိုးက အစ ပြောကြ တင်ပြကြ ဆွေးနွေးကြတာတွေ ရှိတာကို မြင်တွေ့ နေရတယ်။ အဲသည်မှာ နောက်ဆုံး အများစုရဲ့ သဘောထားက ဘာဖြစ်လာသလဲ ဆိုတော့ ၈၈ မျိုးဆက်တွေ အနေနဲ့က သူတို့ရဲ့ ခေါင်းဆောင်တွေ၊ အခြား တိုင်းရင်းသားတွေ၊ သံဃာတော်တွေ၊ ကျောင်းသား လူငယ်တွေ ထောင်ထဲမှာ ရှိနေသေးသမျှမှာ ဒေါ်အောင်ဆန်းစုကြည် ဦးဆောင်တဲ့ အင်န်အယ်ဒီ ပါတီနဲ့ ချိတ်တွဲပြီးတော့ ရွေးကောက်ပွဲကို မ၀င်ကြဘူးဆိုတဲ့ သဘောထား ကျသွားတယ်။ လိုင်းပြတ် သွားတယ်ပေါ့ကွာ။ ဒါ့အပြင် နောက်ထပ် ပြတ်သွားတဲ့ လိုင်းတခုကတော့ ဘာပဲဖြစ်ဖြစ် အင်န်အယ်ဒီ ပါတီကိုတော့ ၀ိုင်းရံကြရမယ် ဆိုတာ အရေးကြီးတယ်။ အင်န်အယ်ဒီမှ ၀န်းရံပြီး အသွင်သဏ္ဍန် အမျိုးမျုိးရှိသော ဒီမိုကရေစီ လုပ်ငန်းတွေမှာ ဆက်လက် လုပ်ဆောင်သွားကြမယ် ဆိုတာမျိုး ဖြစ်လာတယ်။ တသီးပုဂ္ဂလ အနေနဲ့ ပါတီနဲ့ ပူးပေါင်းပြီး လုပ်ကိုင်ကြတာတွေ၊ ရွေးကောက်ပွဲ ၀င်ကြတာတွေ ကိုလည်း ဘာမှ မှတ်ချက် ပေးစရာ မလိုဘူးလို့လဲ သူတို့ဖက်က ရှင်းလင်း ပေးလိုက်တယ်။ ဒါကတော့ ပြည်တွင်းမှာ ရှိနေတဲ့ ၈၈ မျုိးဆက်ဆိုတဲ့ နိုင်ငံရေး အင်အားစုရဲ့ ရပ်တည်ချက်၊ သဘောထား ဖြစ်လာတာကို နောက်ဆုံးမှာ ထင်ထင်ရှားရှား တွေ့ရတယ်လို့ ပြောချင်တယ်။
မေး။ ။ ပြည်တွင်းမှာ ၈၈မျိုးဆက် နိုင်ငံရေးအင်အားစုအနေနဲ့က နောက်ဆုံးမှာ ‘၀င်/ပြင်’တွေ ‘ပြင်/၀င်’တွေ အခြား အချက်အလက်တွေ၊ ရွေးကောက်ပွဲတို့၊ ပါတီ မှတ်ပုံတင်တာ တို့ကို အဓိကထား ပြောဆို ဆွေးနွေး နေကြတာထက် ဒေါ်အောင်ဆန်းစုကြည်နဲ့ အင်န်အယ်ဒီပါတီကို အတိုက်အခံ နိုင်ငံရေး အင်အားစု တခု အဖြစ် အားလုံးက ၀န်းရံမယ် ဆိုတာမျိုး ဆုံးဖြတ်ချက် ကျသွားတယ်လို့ ပြောရမှာပေါ့၊ ဟုတ်လား ဆရာ။
ဖြေ။ ။ အဲလိုမျိုး ဖြစ်ပေါ်လာတယ်လို့ ပြောရမယ် ထင်ပါတယ်။ အဲသည်လိုမျိူး အခြားသော ပြည်ပက ဖြစ်စေ၊ ပြည်တွင်းက ဖြစ်စေ၊ နိုင်ငံရေး အင်အားစုတွေ မှာလည်းပဲ အလားတူ သဘောထားမျိူး၊ ရပ်တည်ချက်မျိုး လိုင်းကျသွားမယ်၊ ဆုံးဖြတ်နိုင်ကြမယ် ဆိုရင်ဖြင့် အချင်းချင်းတွေ ကြားထဲမှာ ရှင်းရှင်းလင်းလင်း ဖြစ်သွားကြမယ်။ ရှုပ်ထွေးမှုတွေ မဖြစ်ပေါ်တော့ဘူး။ လက်ရှိ မြန်မာနိုင်ငံရဲ့ နိုင်ငံရေး အခင်းအကျဉ်းမှာလည်း ထိရောက်မှု တခုခု ဖြစ်လာတော့မယ်လို့ ယူဆပါတယ်။
မေး။ ။ ဆရာကိုယ်တိုင်လည်း ရွှေဂုံတိုင်ကြေညာချက်ကို လက်ခံသူ၊ ထောက်ခံသူတဦး ဖြစ်နေရက်နဲ့ အင်န်အယ်ဒီ ပါတီဝင်တဦး ဖြစ်နေတဲ့အတွက် အများ ဆုံးဖြတ်ချက်ကို လက်ခံပြီးတော့ အခု ဒေါ်အောင်ဆန်းစုကြည်နဲ့ အင်န်အယ်ဒီ ပါတီရဲ့ ရှေ့လုပ်ငန်းစဉ် တွေမှာ ၀င်ပြီး လုပ်ကိုင် ဆောင်ရွက်နေရတယ်လို့ ပြောရင်ရမလား ဆရာ။
ဖြေ။ ။ ပြောလို့ရပါတယ်။ အခုအချိန်မှာ ကျနော်တို့လည်း ရွေးကောက်ပွဲ ၀င်ရေး၊ ရွေးကောက်ပွဲ အောင်နိုင်ရေးတွေ၊ ပါတီ ပြန်လည် ထူထောင်ရေး တွေမှာ ၀င်ရောက် လုပ်ကိုင်နေရတာကို တွေ့နိုင်ပါတယ်။
မေး။ ။ ဟုတ်ကဲ့ပါဆရာ။ ကျေးဇူးတင်ပါတယ်။ နောက်တရက်မှာတော့ ၈၈ မျိုးဆက်ဆိုတဲ့ နိုင်ငံရေး အင်အားစု လို့ ဆရာ သုံးနှုန်းတာကို ဆက်ပြီး မေးမြန်းပါဦးမယ်။
ဖြေ။ ။ ကောင်းပါပြီ။ တွေ့ကြသေးတာပေါ့ကွာ။
Ref: မိုးမခ
မြန်မာပြည် ပြောင်းလဲမှုတွေ ဆက်ဖြစ်ဖို့ ကုလ ကြိုးပမ်းမည်
ကိုသားညွန့်ဦး
ဗုဒ္ဓဟူး, 14 ဒီဇင်ဘာ 2011
မြန်မာနိုင်ငံတွင်းမှာ အခြေအနေအရပ်အရပ်မှာ စိတ်ဝင်စားစရာကောင်းလောက်အောင် တိုးတက် ဖြစ်ထွန်းတွေ တွေ့နေရပြီး ဒီထက်ပို ဖြစ်ထွန်း တိုးတက်လာဖို့ ကုလသမဂ္ဂ အနေနဲ့ ဆက်ပြီး ကြိုးပမ်း သွားမယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောဆိုပါတယ်။ တချိန်တည်း မှာတော့ အကျဉ်းထောင်အတွင်း ကျန်နေတဲ့ နိုင်ငံရေး အကျဉ်းသားတွေကို အမြန်ဆုံး လွှတ်ပေးဖို့လည်း တောင်းဆိုပါတယ်။ ကိုသားညွန့်ဦးက တင်ပြ ပေးပါလိမ့်မယ်။
ကမ္ဘာ့နိုင်ငံတွေအကြား တနှစ်အတွင်း ဖြစ်ထွန်းတိုးတက်မှုတွေနဲ့ပတ်သက်လို့ မနေ့က နယူးယောက် ကုလသမဂ္ဂ ရုံးမှာ အတွင်းရေးမှူးချုပ် ဘန်ကီမွန်းက သတင်းစာ ရှင်းလင်းပွဲ လုပ်ရာမှာ မြန်မာနိုင်ငံ အကြောင်းကို ထည့်ပြော သွားပါတယ်။ မြန်မာနိုင်ငံမှာ အပြောင်းအလဲတွေ မြင်နေရပြီဆိုတာကို အသိအမှတ်ပြု ပြောပါတယ်။
“မြန်မာနိုင်ငံတွင်း အများလိုလားတဲ့ ပွင့်လင်းပြောင်းလဲမှုသစ် မြင်နေရပါပြီ။ ကုလသမဂ္ဂအနေနဲ့ တိုးတက်မှုတွေ ဆက်ရှိလာဖို့ ဆက်ပြီး ကြိုးပမ်းဆောင်ရွက်သွားပါမယ်”
ကုလသမဂ္ဂအတွင်းရေးမှူးချုပ်ဟာ မြန်မာအစိုးရ သမ္မတဦးသိန်းစိန်နဲ့ ပြီးခဲ့တဲ့ အာဆီယံ-ကုလ ဆွေးနွေးပွဲ ကာလ အတွင်းမှာ တွေ့ဆုံခဲ့ပြီး လက်ရှိ ပြုပြင် ပြောင်းလဲမှုတွေကို အသိအမှတ်ပြုသလို အပြောင်းအလဲတွေ ပိုဖြစ်လာဖို့လည်း တိုက်တွန်းခဲ့ပါတယ်။ ဒါကြောင့်လည်း မကြာခင် မြန်မာနိုင်ငံကို သွားရောက်နိုင်ဖို့လည်း ပြင်ဆင်နေတယ်လို့ အတွင်းရေးမှူးချုပ်ရဲ့ ပြောခွင့်ရသူ Martin Nesirky က ဗွီအိုအေကို ပြောပါတယ်။
“မြန်မာအာဏာပိုင်တွေ ဖိတ်ကြားချက်ကြောင့် သူ မြန်မာနိုင်ငံကို သွားရောက်လိုတယ်ဆိုတာကို အတွင်းရေးမှူးချုပ် အနေနဲ့ တရားဝင် ပြောထားပြီးပါပြီ။ ဒီအတွက် မြန်မာနိုင်ငံကို ဖြစ်နိုင်သမျှ မြန်မြန် သွားရောက်နိုင်ဖို့ ပြင်ဆင် နေပါတယ်။ ဒါပေမယ့် ဘယ်တော့ သွားဖြစ်မလဲ ဆိုတာတော့ ခုချိန် မပြောနိုင် သေးပါဘူး”
လက်ရှိ မြန်မာနိုင်ငံအခြေအနေမှာ စိတ်ဝင်စားစရာကောင်းတဲ့ တိုးတက်မှုတွေ မြင်ရသလို ကုလသမဂ္ဂရဲ့ မြန်မာ့အရေး ပါဝင် ဆောင်ရွက်မှုကိုလည်း လက်ခံလာတာ တွေ့ရတယ်လို့ အတွင်းရေးမှူးချုပ် ပြောခွင့်ရသူ Martin က ပြောပါတယ်။
“မြန်မာနိုင်ငံတွင်း အခြေအနေအတော်များများမှာ စိတ်ဝင်စားစရာကောင်းလောက်အောင် တိုးတက်မှုတွေ မြင်လာရ ပါတယ်။ ဒီအထဲမှာ နိုင်ငံရေး လုပ်ငန်းစဉ်တွေလည်း ပါပါတယ်။ ဒီအထဲမှာ ဒေါ်အောင်ဆန်းစုကြည် ပါဝင် ပတ်သက်လာပါတယ်။
တိုင်းရင်းသားကိစ္စရပ်တွေမှာလည်း အာဏာပိုင်တွေဘက်က ပြောင်းလဲလာတဲ့ ခြေလှမ်းတွေ တွေ့လာရပါတယ်။ ကုလသမဂ္ဂရဲ့ အဖွဲ့အစည်း အချို့ဟာ မကြာခင်ကပဲ မြန်မာနိုင်ငံ မြောက်ပိုင်း ကချင်ပြည်နယ် နယ်စပ်ကို သွားရောက်ခွင့် ရခဲ့ပါတယ်။ ဒါဟာ အဲဒီဒေသတွင်းက ပြည်သူတွေ အတွက်တင် မဟုတ်ဘဲ ကုလသမဂ္ဂ အဖွဲ့အစည်းတွေ အနေနဲ့ အဲဒီက အခြေအနေတွေကို ကိုယ်တိုင် ကိုယ်ကျ သွားရောက် စစ်ဆေး လေ့လာခွင့်ရတာတွေဟာ အတော်လေး အရေးကြီးတဲ့ ကိစ္စရပ်တွေပါ”
ဒါပေမယ့် နိုင်ငံတကာက လိုလားတဲ့အခြေအနေတွေအတိုင်း ဖြစ်နေပြီလို့ ယူဆလို့မရသေးတဲ့ အကြောင်းလည်း ပြောပါတယ်။ အထူးသဖြင့် နိုင်ငံရေး အကျဉ်းသားတွေ လွတ်မြောက်လာရေး အပေါ်မှာ အတွင်းရေးမှုးချုပ် အနေနဲ့ အသေအချာ စောင့်ကြည့် နေတယ်လို့ ပြောခွင့်ရသူက ဆိုပါတယ်။
“အကျဉ်းထောင်တွေအတွင်း ကျန်ရှိနေတဲ့ နိုင်ငံရေးအကျဉ်းသားတွေ ဖြစ်နိုင်သမျှ မြန်မြန်ပြန်လွတ် လာသင့်တယ် ဆိုတဲ့ အတွင်းရေးမှူး ချုပ်ရဲ့ အမြင်အယူအဆ မပြောင်းမလဲ ရှိနေပါတယ်။ လာမယ့် ရက်ပိုင်း သီတင်းပတ်တွေ အတွင်းမှာ ဒီ အခြေအနေတွေ ဖြစ်လာမလား ဆိုတာကိုလည်း ကျနော်တို့ အသေအချာကို စောင့်ကြည့်နေပါတယ်”
အတွင်းရေးမှူးချုပ် ဘန်ကီမွန်းအနေနဲ့ မြန်မာနိုင်ငံကို အရင်က နှစ်ကြိမ်လာခဲ့ပြီး နာဂစ် ကယ်ဆယ်ရေး ကိစ္စနဲ့ နောက်တကြိမ်က အမျိုးသား ပြန်လည် သင့်မြတ်ရေး ခေါင်းစဉ်နဲ့ဖြစ်ပါတယ်။
မြန်မာအာဏာပိုင်တွေနဲ့ တွေ့ဆုံပေမယ့်၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ခွင့် မရခဲ့ပါဘူး။ ဒီတခေါက်တော့ လာမယ့် နှစ်ဆန်းပိုင်းမှာ အတွင်းရေးမှူးချုပ်ရဲ့ တတိယမြောက် မြန်မာခရီးစဉ် ဖြစ်လာလိမ့်မယ်လို့ မျှော်လင့် ရပါတယ်။
Ref: VOA News
ရွှေည၀ါဆရာတော်ကို လူဝတ်လဲရန်အတွက် လုံခြုံရေးယူ
December 15, 2011
ရန်ကုန်၊ ဒီဇင်ဘာ ၁၄
ဒီဇင်ဘာလ ၁၀ ရက်နေ့က ဒေါ်အောင်ဆန်းစုကြည် ကမ္ဘာ့ငြိမ်းချမ်းရေး နိုဘယ်လ်ဆု ရရှိခြင်း အနှစ် (၂၀) ပြည့် ဂုဏ်ပြုပွဲ အခမ်းအနား ကျင်းပခဲ့သည့် ကြည့်မြင်တိုင် သာဓု ပရိယတ္တိစာသင်တိုက်ရှိ ရွှေည၀ါ ဆရာတော်ကို လူဝတ်လဲရန် အတွက် ယနေ့ ညနေပိုင်းက ရဲတပ်ဖွဲ့ဝင်များဖြင့် လုံခြုံရေး ဆောင်ရွက်ထားသည်ဟု ကြည်မြင်တိုင်မြို့နယ် USDP ပါတီအဖွဲ့ဝင် တစ်ဦးက ယနေ့ည ၁၁ နာရီက The Voice Weekly သို့ပြောကြားသည်။
" ညနေ ၄ နာရီကျောင်းကနေ ဦပညာသီဟကို အပြီးထွက်သွားဖို့၊ဘုန်းကြီးဝတ်နဲ့ နိုင်ငံရေး မလုပ်ဖို့ လုပ်ချင်ရင် လူဝတ်လဲဖို့ အတွက် စာထုတ် ထားတာပါ၊ ကျောင်းမှာ ဘုန်းကြီးကျောင်းသားတွေ လူတွေများတော့ ခိုက်ရန် တစ်ခုခု ဖြစ်သွားမှာ စိုးလို့ လုံခြုံရေး ယူထားတာပါ အခု ည ၇ နာရီလောက်အထိ ကျောင်းမှာ ရှိနေသေးတယ်"ဟု အထက်ပါ ပုဂ္ဂိုလ်က ဆိုသည်။
ရွှေည၀ါဆရာတော်ကို မန္တလေးတိုင်းဒေသကြီး အမျိုးသားဒီမိုကရေစီအဖွဲ့တွင် တရားဟောကြား ခဲ့သဖြင့် ကြည်မြင်တိုင် သာဓု ကျောင်းတိုက်မှ ဖယ်ရှားရန်၊ သံဃာ့အဖွဲ့အစည်း အဆင့်အဆင့်၏ ဆုံးမညွှန်ကြားသည်ကို မနာခံသဖြင့် လူဝတ်လဲရန်၊ နိုင်ငံတော် သံဃာ့နာယက အဖွဲ့၏ ခွင့်ပြုချက်မရရှိဘဲ သာဓု ကျောင်းတိုက်အတွင်း မည်သည့် သင်တန်းမှ ဖွင့်လှစ် သင်ကြားခြင်း မပြုလုပ်ရန် အချက် သုံးချက်ပါသည့် ဆဌအကြိမ် နိုင်ငံတော် သံဃာ့မဟာ နာယက အဖွဲ့ (၄၇)ပါးစုံညီ အစည်းအဝေး ဆုံးဖြတ်ချက်ဖြင့် နိုင်ငံတော် သံဃမဟာနာယက အဖွဲ့၏ ဒီဇင်ဘာလ ၁၂ ရက်နေ့ဖြင့် ရန်ကုန်တိုင်း ဒေသကြီး ၊ တိုင်းဒေသကြီး သံဃနာယက အဖွဲ့သို့ ပေးပို့သော ထုတ်ပြန်ချက်အရ သိရသည်။
Ref: The Voice Weekly
“လက်နက်ကိုင် ပြဿနာမဟုတ်ဘူး၊ ဒါ … ပြည်တွင်းစစ်”
December 14, 2011
နိုဝင်ဘာလ ၂၉ ရက်နေ့က ကချင်လွတ်လပ်ရေး တပ်မတော် (KIA) နှင့် အစိုးရ ဝန်ကြီးတချို့တို့ တရုတ်နိုင်ငံပိုင် ရွှေလီမြို့တွင် အပစ်ရပ်ရေး ကိစ္စ အတွက် တွေ့ဆုံ ဆွေးနွေးခဲ့ကြသော်လည်း KIA နှင့် အစိုးရတပ်များ အကြား တိုက်ပွဲများ ဆက်လက် ပြင်းထန်လျက်ပင် ရှိသေးသည်။ ကချင်ဒေသမှ ဒုက္ခသည်များ ထောင်နှင့်ချီ ထွက်ပြေးနေရပြီး ယမန်နေ့က ကုလသမဂ္ဂ လက်အောက်ခံ INGO အဖွဲ့များ သွားရောက် ကူညီခဲ့ကြသည်။ နိုင်ငံတော် သမ္မတ ဦးသိန်းစိန်ကလည်း ဒီဇင်ဘာ ၁၀ ရက်နေ့ ရက်စွဲဖြင့် ကချင်ဒေသ အတွင်း အစိုးရတပ်များ တိုးချဲ့ချထားခြင်း၊ ထိုးစစ်ဆင်ခြင်းများ ဆက်လက် မပြုလုပ်ရန် တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ထံ ညွှန်ကြားချက် တစောင် ပေးပို့ခဲ့သည်။ သို့ရာတွင် ယနေ့တိုင် တိုက်ပွဲများ ဆက်လက် ဖြစ်ပွားနေဆဲ ဖြစ်သည်။ နိုဝင်ဘာ ၂၉ ရက်နေ့က အစိုးရ ဝန်ကြီးများနှင့် KIA ခေါင်းဆောင်များ တွေ့ဆုံ ဆွေးနွေးခဲ့ပြီးနောက် ထပ်မံ တွေ့ဆုံ ဆွေးနွေးခြင်းလည်း မရှိပေ။
ရွှေလီတွင် နိုဝင်ဘာ ၂၉ ရက်နေ့က တွေ့ဆုံဆွေးနွေးခဲ့သည့် ကိစ္စရပ်များနှင့် ပတ်သက်၍ KIA ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်အား ဧရာဝတီ သတင်းထောက် ဝေမိုးက နိုဝင်ဘာ ၃၀ ရက်နေ့တွင် ဆက်သွယ်မေးမြန်းခဲ့သည် များအား ဖော်ပြ လိုက်ရပါသည်။
မေး။ ။ အခုလက်ရှိ အခြေအနေ ဘယ်လိုလဲ။
ဖြေ။ ။ တိုက်ပွဲအခြေအနေကတော့ တောက်လျှောက်ပဲ။ မနေ့ (နိုဝင်ဘာ ၂၉) က ဆွေးနွေးပွဲ ကတော့ ဘာမှ သိပ်တော့ မဖြစ်ပါဘူး။ အပစ်အခတ် ရပ်ဆိုင်းရေးကို အဓိက မပြောဘူး။ အဓိကတော့ နိုင်ငံရေးနည်းနဲ့ ဖြေရှင်းရမယ်၊ နောက် အခုတလော သမ္မတ ဦးသိန်းစိန်က ကျနော်တို့ကို တရက်တည်းနဲ့ ချေမှုန်းမယ်ဆိုတဲ့ စကားတွေ ပြောတာက ဒါ မသင့်လျော်ဘူး ဆိုတာတွေပေါ့။ တော်တော်လေးကို ရှည်ရှည်ဝေးဝေး ပြောဖြစ်တယ်။ အဓိကကတော့ နိုင်ငံရေး တွေ့ဆုံဆွေးနွေးမှုပဲ၊ အဲဒီလမ်းကြောင်းကို အဓိက သွားရမယ်။ လက်နက်ကိုင်ရင်တော့ ဒါ ဘယ်လိုမှ အဆင်မပြေနိုင်ဘူး ဆိုတာကို အဓိကထားပြီး ကျနော်တို့ Highlight လုပ်တာပေါ့။ ကျနော်တို့က ဒါကို လက်နက်ကိုင် ပြဿနာလို့ မသတ်မှတ်ဘူး။ ပြည်တွင်းစစ်လို့ သတ်မှတ်တယ်။ ဒါကြောင့်မို့လို့ နိုင်ငံရေးနည်းနဲ့ ဖြေရှင်းရမယ်လို့ ကျနော်တို့က ပြောတယ်။ အဓိကကတော့ အခုနပြောတဲ့ နိုင်ငံရေး တွေ့ဆုံဆွေးနွေးမှု လမ်းကြောင်းပေါ်ကို ရောက်ရေးကို အဓိက ဇောင်းပေးပြီးတော့ မနေ့က ဆွေးနွေးသွားတာ။
မေး။ ။ အဲဒီတော့ ဟိုဘက်ကရော ဘာတွေ ပြန်ပြောလဲ။
ဖြေ။ ။ ဘာမှမပြောဘူး။ ပြန်ပြီးတင်ပြမယ်ပေါ့။ သူတို့ကတော့ နိုင်ငံရေးဆွေးနွေးရမယ်၊ သူတို့နဲ့ အချက် ၄ ချက် သဘောတူဖို့ ပြောတယ်။ အစကတော့ ဦးအောင်မင်းက ခပ်မာမာပဲ။ သူက အားလုံးနဲ့ ပြေလည်တော့မယ် ဘာညာဆိုပြီး ပြောတာ။ နောက် ကျနော်တို့ဆီက ပြန်ပြောတဲ့ အခါမှာကျတော့ သူကနည်းနည်း လေသံ ပြန်ပျော့သွားတယ်။ သူကတော့ အားလုံးနဲ့ အဆင်ပြေပြီ၊ လက်မှတ်ထိုးခါနီးပြီး၊ အဲဒီလို လုပ်နေတာ။ သူတို့ဘက်က ဦးအောင်သောင်းရယ်၊ ဦးသိန်းဇော် ရယ်၊ ဦးအောင်မင်းရယ်။ အဓိက ဆွေးနွေးတာ သူတို့သုံးယောက်ပဲ။
မေး။ ။ အချက် ၄ ချက်ဆိုတာ ဘာတွေလဲ။
ဖြေ။ ။ အချက် ၄ ချက်က အပစ်အခတ် ရပ်စဲရေး၊ လက်နက်မပါဘဲ သွားလာရေး၊ ဒေသ ဖွံ့ဖြိုးရေး အဲဒီ အချက်တွေကို ခါတိုင်း အရင် အဖွဲ့တွေ ပြောနေတာကိုပဲ ပြောတာပါပဲ။
မေး။ ။ နောက်ထပ် ဆွေးနွေးဖို့ကိုရော သူတို့ သဘောတူလား။
ဖြေ။ ။ ဆွေးနွေးရအောင်လို့တော့ ပြောတာပဲ၊ ဘယ်နေ့ဖြစ်မလဲတော့ မသိသေးဘူး။
မေး။ ။ ဒါဆို ၃ နာရီကျော် တွေ့တာက ဘာမှ သိပ်မထူးခြား ဘူးပေါ့။
ဖြေ။ ။ မထူးခြားဘူးလို့ ပြောရမှာပဲလေ။ ကျနော်တို့ဘက်ကလည်း အရင်ကဟာတွေ ပြောတယ်။ အခုကတော့ သူတို့က သမ္မတဆီကို တင်ပေးမယ်ပေါ့။ အဲဒီတော့ ဒီတကြိမ်မှာမှ သမ္မတက မသိပါဘူးလို့ ပြောရင်တော့ ဒါ မဟုတ်တော့ဘူး။
မေး။ ။ ဒီရက်ပိုင်း ကချင်မှာ ဖြစ်နေတဲ့ တိုက်ပွဲတွေနဲ့ ပတ်သက်ပြီးတော့ကော မနေ့က (နိုဝင်ဘာ ၂၉) ဆွေးနွေးပွဲမှာ ဘာတွေပြောတာ ရှိလဲ။ အစိုးရဘက်ကကော ဘာတွေ တုန့်ပြန်လဲ။
ဖြေ။ ။ ဘာမှ တုန့်ပြန်ချက် မရှိဘူး။ သူတို့ကတော့ ceasefire agreement လုပ်မှ ဒီတပ်တွေက ပြန်ဆုတ် သွားရမယ့် သဘောမျိုး ပြောတယ်။ ကျနော်တို့ကတော့ ညှိနှိုင်းရင်းနဲ့ ဒီတပ်တွေက ဆုတ်သွားနိုင်တယ်။ အဓိကတော့ နိုင်ငံရေး တွေ့ဆုံဆွေးနွေးပွဲ လုပ်ရမယ်လို့ ပြောတယ်လေ။ သူတို့ဘက်က လေကြောင်း အကူသုံးတဲ့ ကိစ္စတွေ အကုန်လုံး ပြည့်ပြည့်စုံစုံ ကျနော်တို့ ပြောတယ်။ တပ်တွေတိုးတာက အစ၊ နိုင်ငံခြားတပ်နဲ့ တိုက်တဲ့ ပုံစံမျိုးဖြစ်လာပြီ။ ပြည်တွင်းစစ် ဆိုတာထက်ကို ပိုပြီးဘောင်ကျော် သွားပြီလို့ အဲဒီလိုပြောလိုက်တယ်။ ကျနော်တို့ KIA ရဲ့ စစ်ရုံးချုပ် ကတော့ ဒီတိုက်ပွဲကို မှတ်တမ်းတင်ထားမယ်။ အင်အားအများဆုံး ပြည်ပရန်ကို တိုက်တဲ့ စစ်ပွဲပုံစံမျိုး ဖြစ်တယ်ဆိုတဲ့ အကြောင်းလည်း ကျနော်တို့ ပြောလိုက်ပြီ။ အဲဒီကိစ္စကို သူတို့ဘက်က ဘာမှ ပြန်မပြောဘူး။ နားထောင်သွားတာပဲ။
မေး။ ။ KIO အနေနဲ့ ဒါမှမဟုတ် KIA အနေနဲ့ သမ္မတနဲ့ မြန်မာအစိုးရကို ဘာတွေပြောချင်လဲ။ တိုင်းရင်းသား ကိစ္စမှာ သူတို့ကို ဘာတွေ ပြောစေချင်လဲ။
ဖြေ။ ။ အဓိက ကတော့ ကျနော်တို့က ဒီတိုင်းရင်းသားကိစ္စကို အစိုးရအဆက်ဆက်က လက်နက်ကိုင် တပ်လို့ ပြောနေတာကို ကျနော်တို့က ပြောချင်တယ်။ ဘာဖြစ်လို့လဲဆိုတော့ လက်နက်ကိုင်ပြဿနာ၊ လက်နက်ကိုင် ပဋိပက္ခလို့ ပြောလိုက်ရင် Ceasefire agreement မှာ အဆုံးသတ်သွားတယ်။ ဒါကြောင့် ကျနော်တို့ ပြောတာက လက်နက်ကိုင် ပဋိပက္ခ မဟုတ်ဘူး၊ ဒါ ပြည်တွင်းစစ်ဖြစ်တယ်။ ဒီတိုက်ပွဲက နိုင်ငံရေးကြောင့် ဖြစ်လာတဲ့ ပြည်တွင်းစစ်၊ နိုင်ငံရေးကြောင့် ဖြစ်လာတဲ့ပြဿနာ။ ဒါကြောင့်မို့လို့ နိုင်ငံရေးနည်းနဲ့ ဖြေရှင်းရမှာ။ အခု ကျနော်တို့က အပစ်အခတ် ရပ်ဆိုင်းရေး မလုပ်ဘူးလို့ ပြောနေတာ မဟုတ်ဘူး။ ကျနော်တို့ သဘောထားက လုပ်မယ်။ ဒါပေမယ့် အစိုးရက နိုင်ငံရေးနည်းနဲ့ တွေ့ဆုံ ဆွေးနွေးရမယ်ဆိုတဲ့ ဆန္ဒ ရှိကိုရှိရမယ်။ ဒီဆန္ဒကို လူသိရှင်ကြား ဖော်ထုတ်ပြရမယ်။ နောက် ဘယ်လို လုပ်မယ်ဆိုတဲ့ road map ရှိသင့်တယ်။ ဒီ ၃ ချက်အပေါ်မှာ အခြေခံမှ ကျနော်တို့က အပစ်အခတ် ရပ်စဲရေး လုပ်လို့ရမှာ။ လွန်ခဲ့တဲ့ ၁၇ နှစ်ကျော်တုန်းက ဒီလို road map မရှိဘဲနဲ့ အပစ်အခတ် ရပ်စဲရေးလုပ်ခဲ့တာလေ။ ဒါကြောင့် မနေ့ (နိုဝင်ဘာ ၂၉) က ကျနော်တို့ ဥက္ကဋ္ဌကလည်း ပြောလိုက်တယ်။ အဲဒီလို အရင်ပုံစံ အတိုင်းပဲ လုပ်မယ်ဆိုရင်တော့ ယာယီပဲ ရမယ်။ ဒီနေ့ အပစ်အခတ် ရပ်ဆိုင်းပြီး သဘက်ခါကျရင် တိုက်ပွဲတွေ ပြန်ဖြစ်လာနိုင်တယ်လို့ကို ပြောလိုက်တယ်။
မေး။ ။ တိုက်ပွဲတွေရဲ့ အနေအထားက ဘယ်လိုရှိလဲ။ ဗိုလ်မှူးချုပ်တို့ အတွေ့အကြုံအရ ဆိုရင် ပိုဆိုး လာတယ်လို့ ပြောနိုင်လား။
ဖြေ။ ။ သူတို့ဘက်က အင်အားတွေ ပိုသုံးလာတာပေါ့။ နောက် လေကြောင်းအကူတပ်တွေ ပါလာတယ်။ အမြောက် တွေနဲ့ ပစ်လာတယ်။ နိုဝင်ဘာ ၂၅ ရက်နေ့က ပစ်တယ်။ အခုတလော သူတို့က ဒီလေကြောင်းက ကူတယ်။ အရင်တုန်းကတော့ လူနာ အတင်အပို့ လောက်ပဲ သုံးတာ၊ အခုက မဟုတ်ဘူး။ ထောက်ပံ့ ပို့ဆောင်တာတို့၊ လူအင်အား ချတာတို့ လေကြောင်းအကူသုံးလာတယ်။
မေး။ ။ ဒါဆို ရဟတ်ယာဉ်တွေနဲ့ ပစ်လာတာတွေ ရှိပြီလား။
ဖြေ။ ။ ရဟတ်ယာဉ်နဲ့ ပစ်တာတော့ မရှိဘူး။ ဒါပေမယ့် စစ်တပ် အပြောင်းအရွှေ့လုပ်တယ်၊ ရိက္ခာပို့ တယ်။ လက်နက်တွေ ပို့တယ်။ မနေ့ (နိုဝင်ဘာ ၂၉) ကဆိုရင် ရှမ်းရွာလေး တစ်ရွာကို မီးရှို့လိုက်တယ်။ ဧရာဝတီမြစ်ကမ်းဘေးမှာ အိမ်ခြေ ၁၀၀ လောက်ရှိတာ အကုန်လုံးနီးပါး ပြောင်တာပဲ။ ၅ အိမ်၊ ၆ အိမ် လောက်ပဲ ကျန်တယ်။ အကုန်လိုက် မီးရှို့တာ။ ရွာထဲကို ၁၁၀ (မမ) တွေနဲ့ ပစ်ပြီးမှ ရွာကို မီးရှို့၊ အဲဒီလို လုပ်နေတာ။ ဒါ ရှမ်းရွာနော်၊ ကချင်ရွာတောင် မဟုတ်ဘူး။
မေး။ ။ စစ်ပွဲနဲ့ မသက်ဆိုင်တဲ့ နေရာတွေကို ပစ်မှတ်ထားတာက ပုံမှန်ဘဲလား။ ဆက်တိုက် လိုလို ဖြစ်နေလား။
ဖြေ။ ။ ဒါ တောက်လျှောက်ပဲ။ ဗန်းမော်ဘက်မှာ ခဏခဏဖြစ်တယ်။ ဒီလိုဖြစ်တဲ့ ရွာပေါင်းက အခု ကျနော် သိတာတောင်မှ ၈ ရွာ၊ ၉ ရွာလောက် ရှိတယ်။ ရွာထဲက အိမ်တွေကို သေနတ်နဲ့ ပစ်တာတို့ ဘာတို့ ပေါ့နော်။ တိုက်ပွဲဖြစ်မှ မဟုတ်ဘူးပေါ့။ မနေ့ (နိုဝင်ဘာ ၂၉) က ဆိုလည်း အဲဒီလိုပဲ။ ရွာထဲမှာ တိုက်ပွဲမဖြစ်ဘူး။ ဒါပေမယ့် လက်နက်ကြီးနဲ့ကို ပစ်တာ။ နောက်ပြီးတော့ မီးရှို့လိုက်တာ။
မေး။ ။ ရွှေလီမှာ တွေ့ကြတာ ဆိုတော့ တရုတ်နိုင်ငံရဲ့ အနေအထားကရော ဘယ်လိုရှိလဲ။
ဖြေ။ ။ သူတို့ကတော့ ကောင်းကောင်းမွန်မွန် ဆွေးနွေးပြီးမှ ဖြေရှင်းစေချင်တဲ့ ဆန္ဒရှိတယ်။ ကျနော် တို့ကလည်း ဆွေးနွေးချင်တယ်လို့ ပြောတယ်။ မနေ့ (နိုဝင်ဘာ ၂၉) က ဆွေးနွေးပွဲမှာ ကျနော်တို့ ဥက္ကဋ္ဌ ကိုယ်တိုင် တက်တယ် ဆိုတာက တကယ်လို့သာ နိုင်ငံရေး တွေ့ဆုံဆွေးနွေးမှုတွေ လုပ်မယ်ဆိုရင် ဘယ်လို လုပ်ကြမလဲ ဆိုတဲ့ အစီအစဉ်ကို တောက်လျှောက်ဆွေးနွေးသွားချင်လို့။ အဲဒီမှာ အမြဲတမ်း ဗဟိုကော်မတီဝင် ၉ ဦးရှိတဲ့အနက်က ၃ ဦး တက်တယ်။ နောက်အားလုံး ၆ ဦးမှာ ၅ ဦးက ဗဟို ကော်မတီဝင် လူကြီးတွေပဲ။ ကျနော်တို့ အစက စဉ်စားတာကတော့ နှစ်ရက်လောက် အချိန် ယူမယ်ပေါ့။ တွေ့ဆုံ ဆွေးနွေးပွဲတွေကို နောက်ထပ် ဘယ်လိုလုပ်မလဲ ဆိုတဲ့ အစီအစဉ်တွေကိုပါ ကျနော်တို့က ဆွေးနွေးချင်တယ်။ ဒါပေမယ့် ကျွန်တော်တို့က အဲဒီလို ဆွေးနွေးဖို့ လုပ်နေတဲ့ အချိန်မှာပဲ သူတို့က အချိန်ကတော့ ၂ နာရီပဲ ရမယ်လို့ ပြောတယ်။ အဲဒီတော့ လာကြည့်တဲ့ ပုံစံပဲ ဖြစ်သွားတယ်။
မေး။ ။ ဆွေးနွေးတဲ့ အချိန်မှာ တရုတ် အာဏာပိုင်ရော ရှိနေလား။
ဖြေ။ ။ သူတို့ကတော့ အထဲမှာ မထိုင်ဘူး။ သူတို့က လုံခြုံရေးနဲ့ တခြားကိစ္စတွေမှာ ကူညီပေးတာ။
မေး။ ။ ပေကျင်းက အရာရှိတွေ၊ ဒါမှမဟုတ် အစိုးရဘက်က ကိုယ်စားလှယ်တွေနဲ့ရော မြန်မာ အစိုးရ ဘက်နဲ့ ပြောဆို ဆွေးနွေးတာ ရှိလား။
ဖြေ။ ။ မရှိဘူး။ သူတို့ကတော့ ကျနော် တို့ကို သွားရေးလာရေး ခက်ခဲတဲ့အတွက် သွားရေး လာရေးမှာ အကူအညီ ပေးတယ်။ အထဲမှာ တိုက်ပွဲတွေ ဖြစ်နေတော့ အထဲမှာ လုပ်လို့ မရဘူးဆိုတဲ့ အချက်ကိုပါ အခြေပြုပြီး သူတို့က နေရာ ခွင့်ပြုပေးတယ်။
မေး။ ။ မဟာမိတ် အနေအထားကရော နောက်ဆုံးအခြေအနေ ဘယ်လို ရှိသလဲ။
ဖြေ။ ။ မဟာမိတ်အနေအထားက အရင် အတိုင်းပါပဲ။ အဓိကကတော့ UNFC (ညီညွတ်သော လူမျိုးများ တိုင်းရင်းသား ဖက်ဒရယ်ကောင်စီ) ရဲ့ သဘောထား။ ကျနော်တို့ တဖွဲ့ချင်း တွေ့လို့ ရပြီ၊ ဒါပေမယ့် UNFC ရဲ့ ခွင့်ပြုချက် လိုတယ်။ အဲဒီတော့ တဖွဲ့ချင်း လက်မှတ် ရေးထိုးမယ့် ကိစ္စကတော့ UNFC က ထိုးပါဆိုရင် ကျနော်တို့က အပစ်အခတ် ရပ်စဲရေးပဲ ဖြစ်ဖြစ် ထိုးလို့ရတယ်။ တနိုင်ငံလုံး အတိုင်းအတာနဲ့ ပတ်သက်တာ ဆိုရင်တော့ တဖွဲ့ချင်း ပြောလို့ မရဘူး။ အဲဒီအခါကျရင် UNFC ကနေ မူချမှတ် ပေးမယ်ရမယ် ဆိုတဲ့ သဘောပါ။ တဖွဲ့ချင်း တွေ့လို့ ရပါတယ်။
မနေ့ (နိုဝင်ဘာ ၂၉) က ဦးအောင်မင်းကအစ သူပြောပုံက အားလုံးပဲ လက်မှတ်ထိုးတော့ မလိုလိုလေ။ သူကအဲဒီလို စပြီး စကားပြောတာ။ အခုက လက်မှတ်ထိုးမယ်လို့ ကတိပေးထားတဲ့ အဖွဲ့က ဘယ်သူမှ မရှိဘူး။ တွေ့ဖို့ကတော့ ကျနော်တို့ အားလုံး ဆန္ဒရှိတာပေါ့။ တကယ်လို့သာ နှစ်ဘက်ပြေလည်နိုင်တဲ့ လမ်းကြောင်းတွေ့တယ် ဆိုရင်တော့ ဘယ်သူမဆို ဆက်ဆံရေးအရ လုပ်သွားမှာပါ။ ကြိုပြီးတော့ လက်မှတ်ထိုးမယ်၊ ဘယ်နေ့မှာ ထိုးမယ်ဆိုတာတော့ မရှိပါဘူး။
Ref: ဧရာဝတီ
တောင်ဒဂုံ စက်မှုဇုန်ရှိ အောင်စိန်လင်း သစ်အချောထည် စက်ရုံ၌ အလုပ်သမားများ ဆန္ဒပြ
thanhtike
Wed, Dec 14th, 2011
၂၀၁၁ ခုနှစ် ဒီဇင်ဘာလ ၁၄ ရက်နေ့ ၉ နာရီခန့်၌ တောင်ဒဂုံ စက်မှုဇုံ အမှတ် ၈၅ ၊ ယောက်ကော်လမ်း နှင့် တောင်ကြီးလမ်း ထောင့်မှာ တည်ရှိတဲ့ အောင်စိန်လင်း သစ်အချောထည် စက်ရုံမှ အလုပ်သမားတွေ နှစ်အလိုက် လုပ်ကိုင်ခဲ့
သည့် နှစ်များအတွက် နစ်နာကြေး မပေးတဲ့အပေါ် စက်ရုံအတွင်း ဆန္ဒပြတောင်းဆိုမှု ဖြစ်ပွားခဲ့ ပါတယ်။ ဦးလင်းဝင်း ပိုင်တဲ့ အောင်စိန်လင်း ကုမ္မဏီမှာ ၁၉၉၆ ခုနှစ်မှ စတင် လည်ပတ်ခဲ့တဲ့ သစ်အချောထည် စက်ရုံတခု၌ ဖြစ်ပွားခဲ့တာ ဖြစ်ပါသည်။ အောင်စိန်လင်း သစ်အချောထည် စက်ရုံက လုပ်ငန်း လိုအပ်ချက်ကြောင့်ဟု အကြောင်းပြ၍ အလုပ်သမားများကို လစာ ၆ လစာ ပေးပြီး အလုပ်က ဖြုတ်ပစ်ခဲ့ပါတယ်။ အလုပ်သမားတွေကို လုပ်သက်ဆု ကြေးအနေနဲ့ တစ်နှစ်ကို ၁၀၀၀ ကျပ် နှုန်းဖြင့်သာ ပေးပါတယ်။ နှစ်ပေါင်းများစွာ အလုပ် လုပ်ကိုင်ခဲ့ကြသော အလုပ်သမားတွေ အတွက် ဒီလုပ်သက် ဆုကြေးက အလွန် နည်းပါး လွန်းတာကြောင့် မကျေနပ်ကြပါဘူး။ ထိုအတွက်ကြောင့် သက်ဆိုင်ရာ လူတွေကြီးတွေဆီ စာပို့ထားပြီး စက်ရုံ တွင်းမှာပဲ အလုပ် ထုတ်ခံခဲ့ရတဲ့ အလုပ်သမား ၂၄ ယောက်က ငြိမ်းငြိမ်း ချမ်းချမ်းနဲ့ ထိုင်ပြီး ဆန္ဒပြနေကြတာ ဖြစ်ပါတယ်။
၂၀၁၁ ခုနှစ် ဒီဇင်ဘာ ၁၀ ရက်နေ့မှာ အလုပ်ရုံကို ရပ်စဲပြီး ၁၄ ရက်နေ့မှာ လျော်ကြေး ပေးမယ်လို့ စက်ရုံကို အလုပ်လာဆင်းတဲ့ အလုပ်သမားတွေကို တစ်ယောက်ချင်းစီ ရုံးတွင်း အမိန့်စာထုတ်၍ ခေါ်ပြောခဲ့ပါသည်။ ယခု ဒီဇင်ဘာလ ၁၀ ရက်နေ့က ထုတ်ပြန်ထားတဲ့ ရုံးတွင်းအမိန့်စာ (၁/၂၀၁၁) ထုတ်ပြန်လိုက်တဲ့ အထဲမှာ အောင်စိန်လင်း သစ်အချောထည် ကုန်ထုတ် လုပ်ငန်းများကို ဆက်လက် လုပ်ဆောင်ရန် ဝန်ထမ်းအင်အား လိုအပ်မှု မရှိတော့၍ ကုမ္မဏီ ရုံးချုပ် မှ လမ်းညွှန်ထားရှိသော ဝန်ထမ်း (၂၂) ဦးကို ဒီဇင်ဘာ ၁၄ ရက်နေ့ ညနေပိုင်းမှ စပြီး တာဝန်မှ ရပ်စဲလိုက်တယ်။ အလုပ် ခန့်ထားမှုဆိုင်ရာ သဘောတူညီချက်နဲ့ ညီတဲ့ ဝန်ထမ်းများမှာ အောက်ပါအတိုင်း အကျိုး ခံစားခွင့်များကို ခံစားခွင် ပြုပါမည်။
(၁) ၂၀၁၁ ဒီဇင်ဘာ တစ်လအတွက် အခြေခံလစာ ၊ အပိုထောက်ပံ့ကြေး ၊ ရက်မပြတ် ဆုကြေး နှင့် ခရီးစားရိတ်
(၂) လစဉ်ပုံမှန်ရရှိငွေ (OT) မပါသော နို့တစ်ကြေး တစ်လစာ နှင့် အလုပ် အင်အားလျှော့ချမှု အတွက် နစ်နာကြေး (၄) လစာ စုစုပေါင်း (၅)လစာ
(၃) ခွင့်ရက် အကျိုးခံစားခွင့်ရှိပါက ခွင့်ရက်အကျိုးခံစားခွင့်
(၄) လုပ်သက် တစ်နှစ်လျှင် တစ်ထောင်နှုန်းဖြင့် လုပ်သက် နှစ်အလိုက် ဆုကြေး
(၅) တာဝန်မှ ရပ်စဲခံရတဲ့ အိပ်ဆောင်နေ ဝန်ထမ်းများဟာ (၁၄/၁၂/၂၀၁၁) ရက်နေ့ ၁၆ နာရီမှ စပြီး အိပ်ဆောင်တွင် နေထိုင်ခွင့်အား ရပ်စဲ လိုက်ပါပြီ။
အောင်စိန်လင်း သစ်အချောထည် စက်ရုံက လုပ်ငန်း လိုအပ်ချက်ကြောင့် အလုပ်သမား ဦးရေကို လျှော့ချတဲ့အနေနဲ့ အလုပ်ကနေ ထုတ်ပစ်ခဲ့တယ်လို့ ဆိုသော်လည်း စက်ရုံမှာ လုပ်ကိုင်တဲ့ ဝန်ထမ်းဦးရေက စုစုပေါင်း ၂၉ ယောက်သာ ရှိပါသည်။ “အခုအခါ အလုပ်သမား ၂၈ ယောက်က အလုပ်က ထွက်ဖို့ ပြင်နေကြပါတယ်။ စက်ရုံမှာ ဝန်ထမ်း ၂ ဦးသာ ကျန်ခဲ့မှာ ဖြစ်ပါတယ်။ ဒီနှစ်ယောက်နဲ့ စက်ရုံ လည်ပတ်ဖို့က ဘယ်လိုမှ မဖြစ်နိုင်ပါဘူး။ အလုပ် သမားတွေကို
လုပ်သက် ကြေးမပေးပဲ လဲလှယ်ချင်လို့ အခုလို စီစဉ်တာမျိုး ဖြစ်တယ်”ဟု အောင်စိန်လင်း သစ်အချောထည် စက်ရုံမှ အလုပ်သမား တစ်ဦးက ပြောပြပါသည်။
“ကိုယ်လိုချင်တဲ့ အခွင့်အရေးလေး ဒါလေးပဲ တောင်းဆိုတာပါ။ ကျွန်တော်တို့ကို လုပ်သက်ဆုကြေး တစ်ထောင်ပဲ ပေးထားတာ။ တစ်နှစ်ကို တစ်ထောင်နှုန်းနဲ့ ကျွန်တော်တို့ ၁၅ နှစ်လောက် လုပ်ခဲ့လူတွေက တစ်သောင်းခွဲပဲ ရမှာ ၊ ၁၄နှစ်လောက် လုပ်ခဲ့တဲ့ လူဆိုလည်း တစ်သောင်းလေးထောင်ပဲ ရတော့မှာပါ။ ကျွန်တော်တို့က ဒါ သူတို့ပေးတဲ့ ဂရုဏာကြေး ဆိုတာက ဘယ်လိုမှ မဖြစ်စလောက်လေးပါ။ လုပ်သက်အများကြီး အကြာကြီး လုပ်ပြီးကာမှ သူတို့က ဆုကြေး သဘောမျိုးလေး တစ်နှစ်ကို တစ်ထောင်နှုန်း ပေးတာကြတော့ ဝန်ထမ်းတွေအတွက် အများကြီးနစ်နာပါတယ်။ နှစ်ရှည်လများ လုပ်လာပြီးမှ ဒီလောက်လေးပဲ ဆုံးဖြတ်ချက် ချတာကတော့ သူတို့ဘက်က လွန်တယ်လို့ ကျွန်တော်တို့က ထင်လို့ပါ။ အခုက ကျွန်တော်တို့ အဆင်ပြေအောင် ဆောင်ရွက်ပေးမယ့် အထက်က လူကြီးတွေကို ညှိနှိုင်းပေးဖို့ စောင့်နေပါတယ်။ ပြေလည်မယ်လို့လဲ မျှော်လင့်ပါတယ်။ အလုပ်ရှင်ကလည်း အလုပ်သမားတွေ မနစ်နာအောင် ပြေလည်အောင် ဖြေရှင်းပေးဖို့ပဲ ကျွန်တော်တို့ လိုချင်တာပါ။ ကျွန်တော်တို့လည်း နှစ်ရှည်လများ လုပ်ခဲ့ပြီးပြီဆိုတော့ သံယောဇဉ် ရှိပါတယ်။ အပြန်အလှန်ပါပဲ ” လို့ ဆန္ဒပြနေတဲ့ အလုပ်သမားတစ်ဦးက ပြောပြခဲ့ပါသည်။
“ကျွန်တော်တို့ ဝန်ထမ်း တစ်ယောက်ကို လစာ လျော်ကြေးပေးမယ့် အထဲမှာ အခြေခံလစာရယ် ၊ အပိုကြေးရယ် ၊ ခရီးစားရိတ်ရယ် ၊ ရက်မပျက်ဆုကြေးရယ် အဲတာတွေ အကုန်လုံးပေါင်းမှ လစာ သုံးသောင်းခြောက်ထောင်ပဲ ရတာပါ။
ကျွန်တော်တို့ကို ရုတ်တရက်ကြီး ဒီဇင်ဘာလ ၁၄ရက်နေ့ ပိုက်ဆံပေးမယ် အဆောင်မှာနေတဲ့ နယ်မှလာတဲ့ ဝန်ထမ်းတွေပါ ညနေ ၄ နာရီ နောက်ဆုံးထားပြီး ချက်ချင်းသွားခိုင်းတဲ့ အခါကျတော့ တခြားအလုပ် ရှာချိန်လည်း မရဘူး။
လုပ်သက်ဆုကြေး တစ်နှစ်ကို တစ်ထောင် နှုန်းဆိုတာ ကျွန်တော်တို့ တစ်ရက်နဲ့တွက်ကြည့်ရင် ဘယ်လောက်မှ မရှိတော့ဘူး။ ကျွန်တော်တို့ လစာတွေကို ၂၀၀၉ ခုနှစ်ထဲက မတိုးပေးတော့ပါဘူး။ ၂၀၁၀မှာ အစိုးရက ဝန်ထမ်းတွေကို လစာပိုက်ဆံတွေ တိုးပေး လိုက်တယ်။ ဝန်ထမ်းတွေ လစာတိုးနေတဲ့ အခိုက်မို့လို့ ကျွန်တော်တို့ကို နှစ်လလောက် စာအိတ်နဲ့ပိတ်ပြီး လစာကို တိုးပေးပါတယ်။ ကျွန်တော်တို့က ၂၀၀၉ ကရတဲ့ အစိုးရ ဝန်ထမ်းလစာ အတိုင်းပဲ မတိုးသွား ပါဘူး။ ၇ နှစ် လုပ်ခဲ့တဲ့ ဝန်ထမ်းက အခြေခံလစာ တစ်သောင်းနှစ်ထောင်ပဲ ရပါတယ်။ ကျွန်တော်လုပ်သက်ဆို ၁၄နှစ် ရှိပါပြီ။ တစ်သောင်း ရှစ်ထောင် ပဲရတယ်။ အခုကိစ္စကို အလုပ်သမား ဥပဒေအတိုင်း ဖြစ်စေချင်ပါတယ်။”လို့ ဆန္ဒပြ လုပ်သက် (၁၄)နှစ် ရှိပြီဖြစ်တဲ့ အလုပ်သမားတစ်ဦးက ပြောပါတယ်။
၂၀၁၁ ခုနှစ် ဒီဇင်ဘာလ ညနေ ၄ နာရီမှာ နောက်ဆုံး သိရတဲ့ သတင်း အချက်အလက်မှာ အောင်စိန်လင်း သစ်အချောထည် စက်ရုံမှ ဆန္ဒ ပြနေတဲ့ကိစ္စကို ရန်ကုန်တိုင်း ဒေသကြီးက အလုပ်သမား ညွှန်ကြားမှုဦးစီးဌာနက ဦးစီးမှူး ကိုယ်တိုင် လာရောက်၍ အလုပ်ရှင်တွေနဲ့ ဆွေးနွေးပြီး ညှိနှိုင်း ပေးသော်လည်း ညှိနှိုင်းလို့ မရခဲ့ပါဘူး။ အလုပ်သမားတွေကို သူ့တို့အတွက် ထုတ်ပေးတဲ့ ပိုက်ဆံတွေကို ထုတ်ယူပြီး မကျေနပ်တဲ့ကိစ္စကို ဝါဏိစ္စ (အလုပ်သမား နှင့် အလုပ်ရှင်အရေးကို ပြေလည်အောင် ညှိနှိုင်းပေးတဲ့ အဖွဲ့အစည်း) ကို တင်ပေးမယ်လို့ ဦးစီးမှူးက ညှိနှိုင်းပေးခဲ့ပါတယ်။ ညှိနှိုင်းပေးမှုကြောင့် အဆောင်နေနေတဲ့ အလုပ် ထုတ်ခံရတဲ့ အလုပ်သမားတွေကို ဒီဇင်ဘာလ ၂၁ ရက်နေ့ နောက်ဆုံး ပြောင်းရွှေ့ပေးရန် အလုပ်ရှင်တွေက ပြောဆိုခဲ့ပါတယ်။ ယခု ဆန္ဒပြနေတဲ့ အလုပ်သမား ၁၂ ဦးက ဆန္ဒပြနေတာကို ရပ်ဆိုင်းခဲ့ပြီး ဒီကိစ္စအပေါ် မကျေနပ်ချက်တွေကို ဝါဏိစ္စ အဖွဲ့ကို တင်ပေးရန် လက်မှတ်ထိုး ပေးလိုက်ကြပြီး ဆက်လက် ရင်ဆိုင်သွားမယ်လို့ ပြောဆိုခဲ့ပါတယ်။
Ref: BVJ
Wednesday, December 14, 2011
မြန်မာ့အရေး စိန်ခေါ်မှု အမေရိကန်နဲ့ ပူးပေါင်းဆောင်ရွက်ဖို့ တရုတ်စိတ်ဝင်စား
ဒေါ်ခင်မျိုးသက်
အင်္ဂါ, 13 ဒီဇင်ဘာ 2011
မြန်မာနိုင်ငံမှာ တိုးတက်ပြောင်းလဲလာစေဖို့ ဒေသတွင်း မဟာမိတ်နိုင်ငံတွေဆီက ပူးပေါင်းဆောင်ရွက်မှုတွေ ရအောင် အာရှ ၃ နိုင်ငံကို သွားခဲ့တဲ့ မြန်မာနိုင်ငံ ဆိုင်ရာ အမေရိကန် အထူးကိုယ်စားလှယ် ဒဲရက်မစ်ချဲလ် (Derek Mitchell)ရဲ့ ခရီးစဉ်ဟာ မနေ့က အင်္ဂါနေ့က ပြီးဆုံးသွားခဲ့ပြီ ဖြစ်ပါတယ်။ မြန်မာအစိုးရ ရင်ဆိုင်နေရတဲ့ စိန်ခေါ်မှုတွေကို တရုတ်နိုင်ငံက အမေရိကန်နဲ့ အတူ ပူးပေါင်းဆောင်ရွက်ဖို့ စိတ်ဝင်စားတာ တွေ့ရတယ်လို့ အခု နောက်ဆုံးသွားတဲ့ တရုတ်နိုင်ငံ ခရီးစဉ် အတွင်းမှာ မစ္စတာ မစ်ချဲလ်ကပြောပါတယ်။ ဒါ့အပြင် မြန်မာနဲ့ အမေရိကန်အကြား ဆက်ဆံရေး ကောင်းမွန်ဖို့ ကြိုးစားတာမှာလည်း တရုတ်နိုင်ငံ အပေါ် ခြိမ်းခြောက်မှုတခု အဖြစ် မမြင်သင့်ဘူးလို့လည်း သူက ပြောပါတယ်။ အကြောင်းစုံကို ဒေါ်ခင်မျိုးသက်က တင်ပြ ပေးထားပါတယ်။
မြန်မာနိုင်ငံမှာ အပြောင်းအလဲတွေ ပိုပြီးလုပ်လာအောင် အားပေးဖို့နဲ့ အမေရိကန်-မြန်မာ ဆက်ဆံရေး ပိုမိုကျယ်ပြန့် လာအောင် လုပ်ဖို့ အပါအဝင် နိုင်ငံခြားရေးဝန်ကြီး ဟီလာရီကလင်တန် (Hillary Clinton) မြန်မာနိုင်ငံကို သွားရောက်ခဲ့တဲ့ နောက်ပိုင်းမှာ မြန်မာနိုင်ငံ ဆိုင်ရာ အမေရိကန် အထူးကိုယ်စားလှယ် မစ္စတာမစ်ချဲလ်ဟာ အာရှ သုံးနိုင်ငံခရီးကို ထွက်လာခဲ့တာပါ။ သူဟာ ဒေသတွင်း နိုင်ငံတွေနဲ့ပါ မြန်မာ့အရေး ပူးပေါင်း ဆောင်ရွက်နိုင်ဖို့ ကြိုးစားတဲ့ အနေနဲ့ ဒီဇင်ဘာလ ၈ ရက်နေ့က တောင်ကိုရီးယား နိုင်ငံကို စတင် ခရီးထွက်ခွာခဲ့ပြီး ဂျပန်နိုင်ငံနဲ့ တရုတ်နိုင်ငံကိုပါ သွားရောက် ခဲ့တာပါ။ ဒီဇင်ဘာလ ၁၃ ရက်နေ့မှာ တရုတ်နိုင်ငံမှာ ခရီးစဉ်ကို အဆုံး သတ်ခဲ့တယ်လို့ အမေရိကန် နိုင်ငံခြားရေး ၀န်ကြီးဌာန ပြောခွင့်ရက VOA ကိုပြောပါတယ်။
“မြန်မာနိုင်ငံဆိုင်ရာ မူဝါဒညှိနှိုင်းရေးမှူးနဲ့ အထူးကိုယ်စားလှယ်ဒဲရက် မစ်ချဲလ် (Derek Mitchell) ရဲ့ တရုတ်နိုင်ငံ ဒုတိယနေ့ ခရီးစဉ် အဆုံးသတ်သွားပြီ ဖြစ်ပါတယ်။ အင်္ဂါနေ့မှာ သူဟာ တရုတ်အစိုးရ အရာရှိကြီးတွေနဲ့ရော တရုတ်နိုင်ငံမှာရှိတဲ့ အာဆီယံနိုင်ငံ သံရုံးတွေက တာဝန်ခံတွေနဲ့ သာမက နိုင်ငံတကာ အဖွဲ့အစည်းတွေနဲ့ပါ တွေ့ဆုံခဲ့ပါတယ်။
ဒီလိုတွေ့ဆုံရာမှာ မြန်မာနိုင်ငံဆိုင်ရာ မူဝါဒ ညှိနှိုင်းရေးမှူး မစ္စတာ မစ်ချဲလ်က အမေရိကန်နိုင်ငံခြားရေး ဝန်ကြီး ဟီလာရီ ကလင်တန် (Hillary Clinton) ရဲ့ မြန်မာနိုင်ငံခရီးစဉ် အပါအဝင် မြန်မာနိုင်ငံ အပေါ်ထားရှိတဲ့ အမေရိကန်ရဲ့ မူဝါဒတွေနဲ့ ပတ်သက်ပြီး ဆွေးနွေးခဲ့သလို မြန်မာနိုင်ငံမှာ မကြာခင် အချိန်အတွင်း ဖြစ်ထွန်း တိုးတက်မှုတွေ အပေါ် သူတို့ရဲ့အမြင်တွေကိုလည်း ဆွေးနွေး ခဲ့ကြပါတယ်။ ဒါ့အပြင် ၂ နိုင်ငံ ဘုံအကျိုးစီးပွားဆိုင်ရာ ကိစ္စရပ်တွေ၊ မြန်မာနိုင်ငံ ပြုပြင် ပြောင်းလဲရေးနဲ့ လူသားချင်း စာနာမှုဆိုင်ရာ လိုအပ်ချက်တွေမှာ ပူးပေါင်း ဆောင်ရွက်နိုင်ခြေ တွေကိုလည်း ဆွေးနွေးခဲ့ပါတယ်”
မြန်မာနိုင်ငံပြုပြင်ပြောင်းလဲရေးနဲ့ မြန်မာနိုင်ငံမှာလိုအပ်နေတဲ့ အကူအညီတွေပေးရေး ကိစ္စတွေနဲ့ ပတ်သက်ပြီး တရုတ် နိုင်ငံကလည်း စိတ်ဝင်တစား ရှိနေတာ တွေ့ရတယ်လို့ ဆိုပါတယ်။
“မြန်မာအစိုးရ ရင်ဆိုင်နေရတဲ့ စိန်ခေါ်မှုတွေနဲ့ ပတ်သက်ပြီး အမေရိကန်နဲ့တရုတ်တို့ ပူးတွဲဆောင်ရွက်ဖို့ ၂ နိုင်ငံစလုံးက စိတ်ဝင်တစား ရှိကြတယ်လို့ ပီကင်းမှာ အမေရိကန် အထူး ကိုယ်စားလှယ်က ပြောပါတယ်။ မြန်မာနိုင်ငံ အထဲမှာရော တရုတ်-မြန်မာ နယ်စပ် တကြောမှာပါ ရှိနေတဲ့ စိန်ခေါ်မှုတွေထဲမှာ မူးယစ်ဆေးဝါး တိုက်ဖျက်ရေး၊ လူကုန်ကူးမှု တိုက်ဖျက်ရေးနဲ့ ကျန်းမာရေး ဆိုင်ရာ ပြဿနာတွေပါ ပါပါတယ်”
အခုလို ဒေသတွင်း နိုင်ငံတွေနဲ့ မြန်မာ့အရေး ပူးပေါင်းဆောင်ရွက်နိုင်ဖို့ လာရောက်ခဲ့တဲ့ မစ္စတာ မစ်ချဲလ်ဟာ သူ့ရဲ့ တရုတ်နိုင်ငံ ခရီးစဉ်အပြီး ပီကင်းမှာ ပြုလုပ်တဲ့ သတင်းစာ ရှင်းလင်းပွဲမှာတော့ အမေရိကန်နဲ့ မြန်မာတို့ကြား ဆက်ဆံရေး တိုးတက်လာမှု အတွက် တရုတ်နိုင်ငံ အပေါ် ခြိမ်းခြောက်မှု တခုအနေနဲ့ မမြင်သင့်ဘူးလို့ သတင်းထောက်တွေကို ပြောကြားခဲ့ပါတယ်။
ဒါ့အပြင် မြန်မာနိုင်ငံအတွက် သူ့အိမ်နီးချင်း ဘယ်နိုင်ငံနဲ့မှ ဆက်ဆံရေး တင်းမာတာမျိုး မဖြစ်စေချင် သလို တရုတ်-မြန်မာ ဆက်ဆံရေးမှာ အနုတ်လက္ခဏာ တရပ် ဖြစ်လာစေဖို့ ရည်ရွယ်ချက်လည်း လုံးဝ မရှိပါဘူးလို့ ဆိုပါတယ်။ မြန်မာနိုင်ငံနဲ့ မြန်မာနိုင်ငံ သားတွေရဲ့အကျိုးစီးပွားနဲ့ ဒေသတွင်း တည်ငြိမ်အေးချမ်းရေးတွေ အတွက် အမေရိကန်နဲ့ တရုတ် ၂ နိုင်ငံ အတူ ပူးပေါင်း ဆောင်ရွက် နိုင်ခြေတွေနဲ့ ပတ်သက်ပြီး တရုတ်နိုင်ငံဘက်က တွက်ဆချက်တွေ၊ အမြင်တွေကို သိရဖို့အတွက် တရုတ် အရာရှိတွေနဲ့ ဆွေးနွေး ခဲ့တယ်လို့လည်း သတင်းထောက်တွေကို ပြောပါတယ်။
မြန်မာနိုင်ငံအပေါ် စီးပွားရေးပိတ်ဆို့ အရေးယူမှုတွေကို ရုပ်သိမ်းပေးဖို့ မကြာသေးခင်ကပဲ တရုတ် နိုင်ငံခြားရေး ဝန်ကြီးဌာနက ကြေညာချက် ထုတ်ပြန် ခဲ့ပါတယ်။ ဒီအရေးယူ ဒဏ်ခတ်မှုဟာ မြန်မာနိုင်ငံမှာ လူ့အခွင့်အရေး ချိုးဖောက်မှုတွေနဲ့ ဒီမိုကရေစီရေး ဖိနှိပ်မှုတွေကြောင့် ချမှတ်ထားတာမို့ မြန်မာနိုင်ငံတွင်း ပြုပြင်ပြောင်းလဲမှုတွေ ဆက်ပြီး လုပ်လာခဲ့ရင် ရုပ်သိမ်းပေးဖို့ ဖြစ်လာမယ်လို့ နိုင်ငံခြားရေး ဝန်ကြီး ဟီလာရီကလင်တန် (Hillary Clinton) က မြန်မာနိုင်ငံခရီးစဉ်အတွင်း ပြောကြားခဲ့တာပါ။
မြန်မာနိုင်ငံမှာ ပြုပြင်ပြောင်းလဲမှုတွေ အများကြီး တွေ့လာရပေမယ့် အပြောင်းအလဲတွေ ဆက်ပြီးလုပ်ဖို့ အတွက် လိုအပ်နေတာတွေ အများကြီး ရှိနေသေးသလို မြန်မာနိုင်ငံရဲ့ အနာဂတ် နိုင်ငံရေးအတွက် မေးခွန်း ထုတ်စရာတွေ ရှိနေသေးတယ်လို့ မစ္စတာမစ်ချဲလ်က ပီကင်းမှာ ပြောကြားခဲ့ပါတယ်။ ဒါပေမယ့် အခုလိုပဲ အပြောင်းအလဲတွေ ဆက်ပြီး လုပ်နေမယ်ဆိုရင် မြန်မာနိုင်ငံ ဒီမိုကရေစီရေး ခရီးလမ်းကို လျှောက်လှမ်းရာမှာ အမေရိကန်နိုင်ငံက မိတ်ဆွေကောင်း တယောက်အဖြစ်နဲ့ ရပ်တည်နေမှာ ဖြစ်သလို တွေ့လာရတဲ့ တိုးတက် ပြောင်းလဲမှုတွေ အတွက် တဆင့်ချင်း အကူအညီတွေ တိုးပေးပြီး တုံ့ပြန်ဖို့ ရှိတယ်လို့လည်း ပြောကြားခဲ့ပါတယ်။
Ref: VOA News
NLD ပါတီ ထူထောင်ခွင့်ရပြီ
မစုမြတ်မွန်
အင်္ဂါ, 13 ဒီဇင်ဘာ 2011
မြန်မာနိုင်ငံ ပြည်ထောင်စုရွေးကောက်ပွဲ ကော်မရှင်ကနေ NLD အမျိုးသား ဒီမိုကရေစီ အဖွဲ့ချုပ်ကို နိုင်ငံရေးပါတီ အဖြစ် တည်ထောင်ဖို့ ခွင့်ပြုလိုက်ပါပြီ။ ဒီလိုခွင့်ပြုလိုက်တဲ့ အတွက် ပါတီမှတ်ပုံတင်ဖို့ လိုအပ်တာတွေကို စလုပ်နေပြီလို့ NLD ကပြောပါတယ်။ ပါတီကို အသစ် ပြန်လည် ဖွဲ့စည်းသွားမှာဖြစ်ပြီး ရွေးကောက်ပွဲ အတွက်လည်း ပြင်ဆင်မှုတွေ လုပ်နေတဲ့အကြောင်း နောက်ဆုံး အခြေအနေကို ဘန်ကောက်ရုံးကနေ မစုမြတ်မွန်က တင်ပြထားပါတယ်။
လက်ရှိ NLD အမျိုးသားဒီမိုကရေစီ အဖွဲ့ချုပ်ဒုဥက္ကဋ္ဌ ဦးတင်ဦး၊ အတွင်းရေးမှူး ဒေါ်အောင်ဆန်းစုကြည် အပါအဝင် ပြည်နယ်နဲ့တိုင်း အစုံက အဖွဲ့ဝင် ၂၁ ယောက် နာမည်နဲ့ ပါတီတည်ထောင်ခွင့် လျှောက်ထားတာကို ခွင့်ပြုလိုက်တယ်လို့ ရွေးကောက်ပွဲ ကော်မရှင်က တရားဝင် အသိပေး အကြောင်းပြန်ခဲ့တာပါ။ နိုင်ငံရေးပါတီ အဖြစ် မှတ်ပုံတင်ဖို့ ပထမအဆင့် ကျော်သွားပြီဖြစ်လို့ နောက်တဆင့် ဘာတွေ လုပ်ရမယ် ဆိုတာကို NLD သတင်းနဲ့ ပြန်ကြားရေး တာဝန်ခံ ဦးအုန်းကြိုင်က ခုလိုရှင်းပြပါတယ်။
“ပါတီတည်ထောင်ခွင့်ပြုလိုက်ပြီလို့ အကြောင်းကြားစာရပြီဆိုရင် ကျနော်တို့လုပ်ရမှာက စတင် တည်ထောင်ဖို့ သွားပြီးတင်တဲ့ ၂၁ ယောက် ထဲက ပထမခေါင်းဆောင်၊ ဒုတိယခေါင်းဆောင် ရွေးရမယ်။ ရွေးပြီးတဲ့အခါကျ ကျနော်တို့ ပါတီရဲ့နာမည်၊ ပါတီရဲ့အလံတော်၊ ပါတီရဲ့တံဆိပ်၊ ပါတီရဲ့သင်္ကေတ၊ ပါတီရဲ့မူဝါဒလမ်းစဉ်၊ ပါတီရဲ့ဘယ်လို ဖွဲ့စည်းမယ်ဆိုတဲ့ ဖွဲ့စည်းပုံ၊ အဲဒါတွေကို ပြုစုပြီးတော့ အဲဒီ ပ-ခေါင်းဆောင်၊ ဒု-ခေါင်းဆောင်တွေက နေပြည်တော် ကော်မရှင်ကို သွားတွေ့ပြီးတော့ မှတ်ပုံတင်ရမှာ။ အဲဒီအဆင့်ကို လုပ်ဖို့ ဦးဉာဏ်ဝင်းတို့ ပြင်ဆင်နေကြတယ်”
ခေါင်းဆောင်တွေကို သဘောတူ ရွေးချယ်မယ့် အစည်းအဝေးမှတ်တမ်း မိတ္တူကိုလည်း ပါတီ မှတ်ပုံတင်ခွင့် လျှောက်တဲ့အခါ ပေးဖို့ လိုတဲ့အတွက် ပါတီတည်ထောင်ခွင့် လျှောက်ထားခဲ့ကြတဲ့ ၂၁ ယောက်လုံး ပြန်ဆုံပြီး ဆုံးဖြတ် ရွေးချယ် ကြရမှာဖြစ်ပါတယ်။ ဒါပေမဲ့ ဒီ ၂၁ ယောက်ထဲမှာ ဝေးလံတဲ့ ဒေသတွေမှာ နေထိုင်ကြတဲ့ အဖွဲ့ဝင်တွေလည်း ပါတာမို့ ဘယ်တော့ အချိန်အတိအကျ ဖြစ်နိုင်မလဲ ဆိုတာ မပြောနိုင်ပေမဲ့ အမြန်ဆုံး ကြိုးစားမယ်လို့ ဦးအုန်းကြိုင်က ပြောပါတယ်။
တကယ်လို့ ပါတီမှတ်ပုံတင်ခွင့် ရသွားပြီဆိုရင်တော့ ပါတီအဖွဲ့ဝင်အင်အား စည်းရုံးခွင့်ပါရမှာ ဖြစ်ပါတယ်။ ဒီတော့ အဲဒီအခါ ကျရင် ၁၉၈၈ ခုနှစ်က တည်ထောင်ခဲ့တဲ့ NLD ပါတီဆိုတာ ရှိတော့မှာ မဟုတ်တဲ့အတွက် လက်ရှိ ပါတီဝင်တွေက ဘယ်လို ဖြစ်သွားမှာပါလဲ၊ ဦးအုန်းကြိုင်ကတော့ NLD ကို အသစ်ပြုပြင်ပြောင်းလဲ ဖွဲ့စည်းမှာဖြစ်လို့ လူဟောင်း လူသစ် အားလုံး အဖွဲ့ဝင်သစ် ပြန်လျှောက် ကြရမယ်လို့ ပြောပါတယ်။
“အဲဒီနေရာမှာ လူကြီးတွေရဲ့သဘောထားကတော့လေ လက်ရှိပါတီဝင်တွေလည်း အသစ်ပြန်ပြီးတော့ လျှောက်ထား ကြမယ်၊ အဲလို လုပ်မယ်လို့ စိတ်ကူးရှိပါတယ်။ အဲဒီလို ညွှန်ကြားထားတာ ရှိတယ်။ အဲဒီတော့ ကျနော်တို့ သည်ပင်လျှင်ကို ပါတီဝင်အဖြစ်နဲ့ ပြန်ပြီးတော့ လျှောက်ကြရမှာပေါ့”
နောင်ကျင်းပမဲ့ ရွေးကောက်ပွဲတွေမှာ ဝင်ပြိုင်နိုင်ဖို့ NLD ပါတီက နိုင်ငံရေးပါတီအဖြစ် ပြန်လည် မှတ်ပုံတင်တယ်လို့ အသိပေး ကြေညာ ခဲ့ပြီး ကတည်းက ရွေးကောက်ပွဲ အောင်နိင်ရေးအတွက်ကိုလည်း လှုပ်ရှား ဆောင်ရွက်နေကြပါတယ်။ အဖွဲ့ဝင် ၂၁ ယောက်ပါဝင်တဲ့ ဗဟို အောင်နိုင်ရေး အဖွဲ့ကို ဖွဲ့စည်းခဲ့ပါတယ်။ လွှတ်တော် ကိုယ်စားလှယ် နေရာ လစ်လပ်နေတဲ့ မြို့နယ်တွေ၊ ခရိုင်၊ ပြည်နယ်နဲ့ တိုင်းတွေမှာလည်း ရွေးကောက်ပွဲ အောင်နိုင်ရေး အဖွဲ့တွေဖွဲ့ကြဖို့ ဆောင်ရွက်နေတယ်လို့ NLD သတင်းနဲ့ ပြန်ကြားရေး တာဝန်ခံ ဦးအုန်းကြိုင်က ပြောပါတယ်။ အဲဒီလိုဖွဲ့ကြတဲ့ထဲမှာ အလွှာစုံကသူတွေ ပါဝင်နိုင်ဖို့ အဆိုပြုစာရင်းတွေကို သက်ဆိုင်ရာ ပါတီရုံးတွေ ဆီက တောင်းခံထားပါတယ်။
“အဆိုပြုစာရင်းထဲမှာတော့ လက်ရှိဆောင်ရွက်နေတဲ့ အဖွဲ့ဝင်ဟောင်းတွေ၊ စည်းရုံးရေးမှူး အဟောင်းတွေလည်း ပါဖို့ လိုသလို ရပ်မိရပ်ဖတွေ၊ မြို့မိမြို့ဖတွေ ပြီးတော့ လယ်သမားတွေ၊ အလုပ်သမားတွေ၊ NLD အောင်နိုင်ရေး အတွက် ပါဝင်ကူညီနိုင်မယ့် စီးပွားရေး လုပ်ငန်းရှင်တွေ၊ တတ်/သိ ပညာရှင်တွေ၊ နိုင်ငံရေး သမားဟောင်းတွေ- အဲဒါတွေပါ အကုန်လုံး ပါဝင်အောင် စည်းရုံးပြီးတော့ အောင်နိုင်ရေး ကော်မတီဖွဲ့ဖို့ ပြင်ဆင်ပါ၊ စည်းရုံးညှိနှိုင်း ဆွေးနွေးပြီးပြီဆိုရင်လည်း လျာထား စာရင်းပေါ့ဗျာ-အောင်နိုင်ရေး ကော်မတီကိုတော့ အောက်ပါ ပုဂ္ဂိုလ်များနဲ့ ဖွဲ့စည်း သင့်ပါတယ်ဆိုတဲ့ လျာထားစာရင်း၊ ကျနော်တို့ဆီကို တင်ပါ ဆိုပြီးတော့ ဗဟိုအောင်နိုင်ရေး ကော်မတီက ညွှန်ကြားထားတယ်၊ အဲဒီညွှန်ကြားစာ အရ ပြည်နယ်၊ တိုင်း တော်တော်များများ ကတော့ စာရင်းတွေ ပို့နေတယ်။ ကျနော်တို့ဆီ တချို့ရောက်တာတွေ ရောက်နေပြီ”
ရွေးကောက်ပွဲ မှတ်ပုံတင်ခြင်းဆိုင်ရာ ဥပဒေထဲက အချက်တချို့ကို ရွေးကောက်ပွဲကော်မရှင်က ပြင်ဆင်ခဲ့ပြီးနောက် NLD က ပါတီမှတ်ပုံ ပြန်တင်ပြီး ရွေးကောက်ပွဲတွေမှာ ပါဝင်ယှဉ်ပြိုင် သွားမယ်လို့ ကြေညာခဲ့တာပါ။ ကိုယ်စားလှယ် လစ်လပ်နေတဲ့ မဲဆန္ဒနယ် အားလုံးမှာ ပါဝင်ယှဉ်ပြိုင်သွားမှာ ဖြစ်သလို ဒေါ်အောင်ဆန်းစုကြည် ကိုယ်တိုင် ဝင်ရောက် အရွေးခံသွားမှာ ဖြစ်တယ်လို့ NLD က ပြောထားပါတယ်။ နောင်ရွေးကောက်ပွဲတွေ စည်းရုံး မဲဆွယ်တဲ့အခါ အနီရောင်အောက်ခံမှာ ခွပ်ဒေါင်းနဲ့ ကြယ်ပုံပါပြီး အောက်ဖက်မှာ အမျိုးသား ဒီမိုကရေစီ အဖွဲ့ချုပ်ဆိုတဲ့ စာတန်းပါတဲ့ အလံနဲ့ အမှတ်တံဆိပ် သင်္ကေတကို အသုံးပြုသွားမယ်လို့ အသိပေးခဲ့သလို ၁၉၉၀ ခုနှစ် ရွေးကောက်ပွဲမှာ ပါတီ အမှတ်တံဆိပ်အဖြစ် အသုံးပြုခဲ့တဲ့ ခမောက်တံဆိပ်ကို လုံးဝ အသုံးပြုတော့မှာ မဟုတ်ဘူး ဆိုတာကို တနင်္ဂနွေနေ့ကပဲ အစိုးရထုတ် သတင်းစာတွေကနေ ကြေညာခဲ့ပါတယ်။ သက်ဆိုင်ရာကတော့ ကြားဖြတ် ရွေးကောက်ပွဲ ဘယ်တော့ လုပ်မယ်ဆိုတာကို အသိပေး ကြေညာခြင်း မရှိသေးပါဘူးရှင်။
Ref: VOA News
ဘိုကလေး မတော်တဆ ပေါက်ကွဲမှု ၅ ဦး ဒဏ်ရာရ
သဲသဲ
အင်္ဂါနေ့၊ ဒီဇင်ဘာလ ၁၃ ရက် ၂၀၁၁
နယူးဒေလီ(မဇ္ဈိမ) ။ ။ ရေနံရှာဖွေရေးလုပ်ငန်းတွင် အသုံးပြုသည့် ဖောက်ခွဲရေးမိုင်း၏ အစိတ်အပိုင်း တခု (Detonator) အား ကလေးငယ် တဦး ဆော့ကစားမိရာမှ ပေါက်ကွဲမှုဖြစ်ပွားခဲ့ပြီး ဖခင်နှင့် ကလေးငယ်တဦး ပြင်းထန်စွာ ဒဏ်ရာရှိခဲ့သည့် ဖြစ်ရပ်တခု ဘိုကလေးမြို့နယ် အုန်းဘိုင်းကျေးရွာ၌ ဖြစ်ပွားခဲ့သည်။
ဒီဇင်ဘာလ ၆ ရက်နေ့ ညနေပိုင်းက ဖြစ်ပွားခဲ့သည့် ယင်းပေါက်ကွဲမှုကြောင့် နေအိမ်ရှိ မိသားစု ၅ ဦး ဒဏ်ရာ ရရှိ သွားပြီး ဖခင်ဖြစ်သူမှာ ဘယ်ဘက် လက်ချောင်း သုံးချောင်း ပြတ်သွားခဲ့ပြီး သားဖြစ်သူ ဆယ်နှစ်အရွယ် မောင်ကောင်းလမ်းမှာ ပေါက်ကွဲမှုကြောင့် လွင့်စင်လာသည့် သတ္တုစများ ဝမ်းဗိုက်၌ ထိမှန်ခဲ့သည်။
“နှစ်ယောက်က အခြေအနေဆိုးတယ်။ အဲဒီမှာ တယောက်က လက်ဖြတ် ပစ်ရတယ်၊ ကလေးတယောက်က ဗိုက်ခွဲ ပြီးတော့ ကျည်ဖူးလို ဟာလေး ခွဲထုတ် ထားရတာပေါ့” ဟု ဘိုကလေးမြို့ ကုတင် ၁ဝဝ ဆေးရုံမှ ဆေးရုံဝန်ထမ်း တဦးက မဇ္ဈိမကို ပြောသည်။
ပေါက်ကွဲမှုကြောင့် ဒဏ်ရာရရှိသူများအားလုံးမှာလည်း ဆေးရုံတွင်း ကုသမှု ခံယူနေသည်ဟု သိရသည်။
ပေါက်ကွဲမှုဖြစ်ပွားမှုနှင့် ပတ်သက်၍ “ဘယ်ကနေ ဘယ်လို ရလာလဲ မသိဘူး။ မိဘတွေလည်း မသိဘူး။ ညကျတော့ အဲဒါကို ဓါတ်မီးနဲ့ ထိုးကြည့်တာ အဲဒီအစလေးနဲ့ ဓါတ်မီးနဲ့ သွားတေ့မိတာကနေ ထပေါက်တာပဲ” ဟု ဒဏ်ရာရှိသွား သူ ဖခင်ဖြစ်သူ ဦးအောင်မျိုးဆန်း ပြန်ပြောပြသည်။
အခင်းဖြစ်ပွားရာသို့ ဒေသအာဏာပိုင် ရဲတပ်ဖွဲ့ဝင်များနှင့် အထူးသတင်းတပ်ဖွဲ့မှ ရဲအရာရှိများ လာရောက်ခဲ့ပြီး ရေနံ ရှာဖွေရန် အသုံးပြုပြီးနောက် မပေါက်ကွဲဘဲ ကျန်ရှိခဲ့သည့် မိုင်း၏ အစိတ်အပိုင်းကြောင့် ပေါက်ကွဲမှုဖြစ်ကြောင်းနှင့် ကျန်ရှိခဲ့သည့် မိုင်းသီး အစိတ် အပိုင်းများအား သိမ်းဆည်းသွားခဲ့သည်ဟု ရွာသားများက ပြောဆိုသည်။
ယင်းပေါက်ကွဲမှုနှင့် ပတ်သတ်၍ ဘိုကလေးမြို့နယ် ရဲစခန်းနှင့် အထူးသတင်းတပ်ဖွဲ့သို့ ဆက်သွယ်မေးမြန်း သော် လည်း ပြန်လည် ဖြေကြားခဲ့ခြင်း မရှိပေ။
၂ဝ၁ဝ ခုနှစ် ဒီဇင်ဘာအတွင်းက ဘိုကလေးမြို့နယ် အုန်းဘိုင်းကျေးရွာအနီး၌ ကုမ္ပဏီတချို့မှ မြေကြီးတွင်း မိုင်းခွဲ စမ်းသပ်၍ ရေနံ ရှာဖွေမှုများ ရှိခဲ့ပြီး မည်သည့် ကုမ္ပဏီဖြစ်သည်ကိုမူ မသိရပေ။ ယင်းကဲ့သို့ ဖြစ်ပွားမှုကြောင့် ထိခိုက်သူများ အနေဖြင့် လျော်ကြေး တစုံတရာ မရရှိနိုင်တော့ကြောင်း ယင်းဒေသသို့ ရောက်ရှိနေသည့် မတူကွဲပြားခြင်းနှင့် ငြိမ်းချမ်းရေးပါတီ - PDP ဥက္ကဋ္ဌက သုံးသပ်သည်။
“ဒေသအာဏာပိုင်တွေကလည်း မြန်မာ့ရေနံနဲ့ ဘသာဝ ဓါတ်ငွေ့ဝန်ကြီး ဌာနကို ဆက်သွယ်ပြီး cooperation လုပ်ရမှာ။ လှမ်းလက်ပြောပြီး လာတွေ့ရမှာပေါ့။ အခုထိ ဘာမှ လာလုပ်မပေးဘူး။ လက်နဲ့ လုပ်စားတာ လက်ပြတ် သွားတော့ ဘာလုပ်စားမတုန်း” ဟု အုန်းဘိုင်းရွာသို့ သွားရောက်ကြည့်ရှုခဲ့သူ PDP ဥက္ကဋ္ဌ ဦးနေမျိုးဝေက မဇ္ဈိမကို ပြောသည်။
ယင်းကဲ့သို့သော မပေါက်ကွဲသေးသည့် မိုင်းတချို့ကိုလည်း ဘိုကလေးမြို့နယ် ဆူးပဒိုင်းကုန်း ကျေးရွာအုပ်စု အနီး တဝိုက်ရှိ လယ်ကွင်းနှင့် ချောင်းစပ်တချို့တွင် တွေ့ရှိနေသဖြင့် ရွာသားများ စိုးရိမ်မကင်း ဖြစ်နေကြသည်
Ref: မဇ္ဈိမ
အရေးကြီး ရည်မှန်းချက်များ အတွက် ဗြိတိန် ဝန်ကြီး မြန်မာပြည် သွားမည်
ကိုဝိုင်း
အင်္ဂါနေ့၊ ဒီဇင်ဘာလ ၁၃ ရက် ၂၀၁၁
ချင်းမိုင် (မဇ္ဈိမ) ။ ။ အမေရိကန်နှင့် သဘောထားတူညီထားသော အရေးကြီး ရည်မှန်းချက်များ အတွက် အထောက်အကူ ပြုစေရန် အပြုသဘော ဆက်ဆံရေးအဖြစ် မြန်မာနိုင်ငံသို့ လာမည့် နှစ်ဆန်းပိုင်းတွင် သွားရောက် မည်ဟု ဗြိတိသျှ နိုင်ငံခြားရေး ဝန်ကြီး မစ္စတာ ဝီလျံ ဟိတ် William Hague က တနင်္လာနေ့၌ ပြောကြားလိုက်သည်။
အမေရိကန် နိုင်ငံခြားရေး ဝန်ကြီး ဟယ်လာရီ ကလင်တန်နှင့် ဝါရှင်တန် နိုင်ငံခြားရေးဝန်ကြီးဌာန၌ ဒီဇင်ဘာ ၁၂ ရက်နေ့က တွေ့ဆုံ ဆွေးနွေးမှုအပြီး မစ္စတာ ဟိတ်က သတင်းထောက်များကို ထုတ်ဖော် ပြောဆိုခြင်း ဖြစ်ကြောင်း ဗြိတိန် နိုင်ငံခြားရေး ဝန်ကြီးဌာန၏ ထုတ်ပြန်ချက်တွင် ပါရှိသည်။
“ကျနော် မြန်မာနိုင်ငံကို ဇန်နာဝါရီလ အစောပိုင်းမှာ သွားလည်ပါမယ်။ နိုင်ငံခြားရေးဝန်ကြီး ကလင်တန် သွားခဲ့တာ ကိုလည်း ကြိုဆိုပါတယ်။ မြန်မာနိုင်ငံမှာ နိုင်ငံရေး လွတ်လပ်မှု ရှိတာကို မြင်တွေ့ချင်တာနဲ့ ရှေ့မှာရှိတဲ့ သိပ်အရေး ကြီးတဲ့ ရည်မှန်းချက်တွေကို အထောက်ကူ ဖြစ်စေမယ့် အပြုသဘော ထိတွေ့ဆက်ဆံရေးမူဟာ ကျနော်တို့ရဲ့ တူညီတာတွေပါပဲ” ဟု မစ္စတာဟိတ်က သတင်းထောက်များကို ပြောသည်။
ခရီးစဉ် အသေးစိတ်ကို ထုတ်ပြန်ခြင်း မရှိသေးသော်လည်း ဆယ်စုနှစ်များစွာအတွင်း ဗြိတိန်-မြန်မာ နှစ်နိုင်ငံ အဆင့်မြင့်ဆုံး သံတမန် ဆက်ဆံရေး တခု ဖြစ်လာဖွယ် ရှိသည်။
ကန်နိုင်ငံခြားရေး ဝန်ကြီး မစ္စစ် ဟယ်လာရီကလင်တန်ကလည်း ယင်းခရီးစဉ်ကို ကြိုဆိုလိုက်ပြီး သံတမန် ဆက်ဆံရေးကို ထိန်းထားခြင်းဖြင့် မြန်မာ အစိုးရသစ်၏ လုပ်ဟန်များကို စမ်းသပ်ခွင့်ရမည်ဟု ထုတ်ဖော်ခဲ့သည်။
“၂၁ ရာစုမှာ ဒေသတွင်းမှာ မြန်မာနိုင်ငံအတွက် သင့်လျော်တဲ့ နေရာတခုရမှာ ပိတ်ဆို့နေတဲ့ အတားအဆီး တွေကို ဖြေရှင်း သွားရေးအတွက် အခွင့်အလမ်းတခု ရှိနေပါတယ်” ဟု မစ္စစ်ကလင်တန်က သတင်းထောက်များကို ပြောဆို ခဲ့သည်။
သို့သော် ဗြိတိန်ဝန်ကြီးချုပ်၏ ခရီးစဉ်သည် ဥရောပသမဂ္ဂနှင့် အတူ မြန်မာနိုင်ငံအပေါ် ပစ်မှတ်ထား ဘဏ္ဍာရေး ပိတ်ဆို့မှုနှင့် လက်နက် တင်ပို့ရေး တားမြစ်ပိတ်ပင်မှုထားမှုများကို ကြီးကြီးမားမား ပြောင်းလဲစေမည် မဟုတ်ဟု ဗြိတိန်အခြေစိုက် ဘားမားကမ်ပိန်း - ယူကေ Burma Campaign – UK က သုံးသပ်သည်။
ယင်းအပြင် နိုင်ငံရေး အကျဉ်းသား အားလုံး လွှတ်ပေးရေး၊ တိုင်းရင်းသားဒေသ ထိုးစစ်များ ရပ်ဆိုင်ရေး၊ စစ်မှန်သည့် အမျိုးသား ရင်ကြားစေ့ရေးနှင့် ဒီမိုကရေစီ အသွင် ကူးပြောင်းရေးကဲ့သို့သော စံနှုန်းမျာအပေါ် မြန်မာအစိုးရ၏ လုပ်ဆောင်ချက်က သာလျှင် အဓိကကျဖွယ် ရှိသည်ဟု ရှုမြင်ထားသည်။
“ဝီလျံ ဟိတ်အနေနဲ့ ကြားဖြတ်ရွေးကောက်ပွဲကို လွတ်လပ်ပြီး တရားမျှတအောင် ကျင်းပပေးဖို့ တိုက်တွန်းနိုင်ပါတယ်။ အဲဒီ စံနှုန်း အဆင့်တွေကို အစိုးရက ဖော်ဆောင်လာရင် ဗြိတိန်နဲ့ အီးယူတို့က ပိတ်ဆို့ထားတာတွေကို လျှော့ပေါ့ပေး ဖို့ ပြောပါလိမ့်မယ်” ဟု ဘားမားကမ်ပိန်း - ယူကေ ဒါရိုက်တာ မက်ခ် ဖါမန်နာ Mark Farmaner က မဇ္ဈိမကို ပြောသည်။
မစ္စတာ ဟိတ်၏ ယခုခရီးစဉ်သည် နိုဝင်ဘာလ ၁၅ ရက်နေ့က ဗြိတိန်အစိုးရ နိုင်ငံတကာဖွံ့ဖြိုးရေးဌာန DFID ဝန်ကြီး အင်ဒရူး မစ်ချယ်လ်၏ မြန်မာပြည် ခရီးစဉ်အပြီး တလမပြည့်မီ ထပ်မံသွားရောက်မည့် ဗြိတိန်အဆင့်မြင့်အရာရှိတဦး၏ ခရီးစဉ်လည်း ဖြစ်သည်။
အင်ဒရူးမစ်ချယ်လ်၏ နိုဝင်ဘာလ ၁၅ ရက် ခရီးစဉ်၌ ဒုသမ္မတ သီဟသူရတင်အောင်မြင့်ဦး၊ ပြည်သူ့လွှတ်တော် ဥက္ကဌ သူရဦးရွှေမန်း၊ နယ်စပ်ရေးရာဝန်ကြီးဌာနနှင့် စက်မှုဖွံ့ဖြိုးရေးဝန်ကြီး ဒုတိယ ဗိုလ်ချုပ်ကြီး သိန်းဌေး၊ ပြည်ထောင်စု ဒုဝန်ကြီးများနှင့် သီးခြားစီ တွေ့ဆုံခဲ့သည်။ အတိုက်အခံပါတီ အမျိုးသားဒီမိုကရေစီအဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည်နဲ့လည်း တွေ့ဆုံသွားခဲ့သည်။
တွေ့ဆုံမှုများတွင် မြန်မာ့နိုင်ငံရေးဖြစ်ပေါ်ပြောင်းလဲနေမှု၊ တိုင်းရင်းသားအဖွဲ့အစည်းများနှင့် ငြိမ်ချမ်းရေး ဆောင်ရွက် နေမှုနှင့် မြန်မာ-ဗြိတိန် နှစ်နိုင်ငံအကြား ဆက်ဆံရေး ပူးပေါင်း ဆောင်ရွက်မှု မြှင့်တင်ရေးကိစ္စများ ဆွေးနွေးခဲ့ကြသည်။
DFID သည် မြန်မာနိုင်ငံ ပညာရေးနှင့် ကျန်ားမရေးအတွက် ၂ဝ၁၂ မှ ၂ဝ၁၅ ခုနှစ်အထိ လေးနှစ်တာအတွင်း ခန့်မှန်းခြေ ပေါင် သန်း ၁၈ဝ (အမေရိကန်ဒေါ်လာ သန်း ၃ဝဝ) ကို ကုလသမဂ္ဂ လက်အောက်ခံ အဖွဲ့များ၊ နိုင်ငံတကာနှင့် ဒေသခံ NGO များ၊ ရပ်ရွာ အဖွဲ့အစည်းများမှ တဆင့် ကူညီပေးသွားရန် ရှိသည်။
ဗြိတိန်နိုင်ငံခြားရေး ဝန်ကြီး၏ ခရီးစဉ်နှင့် ပတ်သက်၍ တရားဝင် မသိရသေးသော်လည်း လာရောက်မည် ဆိုပါက ဒေါ်အောင်ဆန်းစုကြည်နှင့် တွေ့ခွင့် ရနိုင်ဖွယ်ရှိသည်ဟု အမျိုးသား ဒီမိုကရေစီအဖွဲ့ချုပ် NLD က မျှော်လင့် ထားသည်။
“ဘာလို့လည်းဆိုတော့ အမေရိကန်တောင် ခွင့်ပြုသေးတယ်။ ဗြိတိသျှလည်း ခွင့်ပြုမှာပေါ့။ လာလို့ ရှိရင် ဒေါ်အောင်ဆန်း စုကြည်နဲ့ တွေ့မှာပေါ့ခင်ဗျ။ အမေရိကန်တို့ ဗြိတိသျှတို့ကတော့ တနိုင်ငံထဲ လိုပဲလေ” ဟု NLD ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။
၁၉၈၈ ခုနှစ် ဒီမိုကရေစီအုံကြွမှုကို ပစ်ခတ်နှိမ်နင်း၍ အာဏာသိမ်းခဲ့သည့် နိုင်ငံတော်ငြိမ်ဝပ် ပိပြားမှု တည်ဆောက်ရေး အဖွဲ့ - နဝတ လက်ထက် ၁၉၈၉ မှ စ၍ နိုင်ငံ၏ အမည်ကို အင်္ဂလိပ်ဘာသာဖြင့် Burma ဟု သုံးနေရာမှ Myanmar ဟု ပြောင်းလဲ သုံးနှုန်းလာသော်လည်း အမေရိကန်နှင့် ဗြိတိန်တို့ကမူ Burma ဟုသာ ဆက်သုံးနေဆဲ ဖြစ်သည်။
Ref: မဇ္ဈိမ
သမ္မတ ‘အစစ်’ နဲ့သာ ဆွေးနွေးလိုတဲ့ KNU
ကျော်ခ
အင်္ဂါနေ့၊ ဒီဇင်ဘာလ ၁၃ ရက် ၂၀၁၁
ချင်းမိုင် (မဇ္ဈိမ) ။ ။ တိုးတက်သော ဗုဒ္ဓဘာသာ ကရင်အမျိုးသားတပ်မတော် DKBA မှာ အစိုးရနှင့် ငြိမ်းချမ်းရေး ယူသွားသော်လည်း ကရင်တပ် အချင်းချင်း တိုက်ပွဲပြန်ဖြစ်မည် မဟုတ်သည့်အပြင် နားလည်မှု ရှိရှိ လုပ်ကိုင်သွား မည်ဟု ကရင်အမျိုးသား အစည်းအရုံး KNU က ပြောဆိုသည်။
၁၉၉၄ နှစ်ကုန်ပိုင်းအတွင်း KNU အတွင်းမှ DKBA အဖြစ် ခွဲထွက်သွားကာ အကျိုးဆက်အဖြစ် တိုင်းရင်းသား လက်နက်ကိုင် အင်အားစု များ၏ ဌာနချုပ်ဖြစ်သည့် မာနယ်ပလော စခန်းမှာ ကျဆုံးခဲ့ဖူးသည်။
ကိုယ်ပိုင်ပြဌာန်းခွင့်နှင့် တန်းတူရေးအတွက်အတွက် နှစ်ပေါင်း ၆ဝ ကျော် အစိုးရကို လက်နက်ကိုင် တော်လှန်နေ သည့် KNU မှာ ယခု အစိုးရသစ် လက်ထက်တွင် ၄ ကြိမ်တိုင် တွေ့ဆုံခဲ့ပြီး ဖြစ်သော်လည်း တစုံတရာ သဘောတူညီမှု မရရှိခဲ့ပေ။
ယင်းကိစ္စရပ်များနှင့် ပတ်သက်၍ KNU ဒုဥက္ကဌ ပဒို ဒေးဗစ်သာကပေါကို မဇ္ဈိမ သတင်းထောက် ကျော်ခက ဆက်သွယ် မေးမြန်း ထားပါသည်။
ဗိုလ်မှူးစောလားပွယ် ဦးဆောင်တဲ့ DKBA အဖွဲ့ဟာ အပစ်ခတ်ရပ်စဲခြင်းမပြုလုပ်ခင် KNU တပ်တွေနဲ့ ပူးပေါင်းပြီး အစိုးရ တပ်တွေကို တိုက်ခိုက်ခဲ့တာ ရှိပါတယ်။ အခုသူတို့က အစိုးရနဲ့ အပစ် ရပ်လိုက်တော့ KNU နဲ့ KNU ရဲ့ ထိန်းချုပ် နယ်မြေတွေ အတွက် စိုးရိမ်ရတဲ့ အနေအထားတွေများ ရှိမလားခင်ဗျ။
“မရှိပါဘူး။ ကျနော်တို့ နားလည်မှုရှိရှိနဲ့ ဆက်လုပ်နေပါတယ်။ သူတို့ KNU ကို ပြန်ပြီးတော့ စစ်ရေးအရ တိုက်မှာ မဟုတ်ဘူး။ DKBA သမိုင်းရဲ့ အစကိုက အစိုးရက အကွက်ဆင်ပြီး အိမ်ကြက်ချင်း အိုးမဲသုပ်ပြီး ခွပ်ခိုင်းခံရတဲ့ သမိုင်းဖြစ်နေတယ်။ အဲဒီအခြေအနေ ကို ကျနော်တို့အားလုံး ပြန်မရောက်ချင်ကြဘူး ဆိုတာကို သူတို့လဲ သိပါတယ်။ အခုတော့ ကျနော်တို့ အချင်းချင်း နားလည်မှု ရှိပါတယ်။ ကျနော်တို့က ကရင် အချင်းချင်းပဲ။ အရင်က လက်တွဲလုပ်ခဲ့တဲ့ လူတွေပဲ။ အရင်က အစိုးရရဲ့ ညာဏ်ဆင်ထိုးခွဲမှုမှာ အလိမ် ခံရတယ်။ အခုလဲ အလိမ်ခံရပြီး လွယ်လွယ်နဲ့ လုပ်သွား တယ်ပေါ့ဗျာ။ သူတို့လည်း သူတို့ အဆင်ပြေသလို ရပ်တည် ပေါ့ဗျာ”
“တခုတော့ ရှိတာပေါ့ သူတို့လွယ်လွယ်နဲ့ အပစ်ရပ်သွားတာက အစိုးရနဲ့ အပစ်ရပ်ရေးဆွေးနွေးဖို့ အတွက် ကြားခံ အဖြစ် လုပ်ပေးတဲ့ ပွဲစားတွေက လိမ်သွားတာ။ ဘယ်လို လိမ်လဲဆိုတော့ တဖက်မှာ KNU က လျှို့ဝှက် သဘောတူညီချက်တွေ လုပ်နေပြီ ခင်ဗျားတို့ မြန်မြန်လုပ်၊ နောက်ကျရင် KNU က တဆယ်ရတဲ့ အခါ ခင်ဗျားတို့က ၂ ကျပ်ပဲ ရလိမ့်မယ် ဆိုပြီးတော့ DKBA ကို ဖဲ့ထုတ်သွားတယ်။ DKBA ကလည်း ရိုးတယ်မို့လား လူရိုးတွေလေ”
ဒီရက်ပိုင်းအတွင်းမှာ KNU နဲ့ မြန်မာအစိုးရ ကိုယ်စားလှယ်တွေနဲ့ ဘားအံမြို့မှာ အပစ်ရပ်ရေး ထပ်ပြီး ဆွေးနွေးဖို့ ရှိတယ် ဆိုတာရော ဟုတ်လား။
“မဟုတ်သေးပါဘူး။ ဟုတ်မယ်ဆိုရင်လည်း ကျနော်တို့ သတင်းထုတ်ပြန်မှာပါ”
KNU နဲ့ မြန်မာအစိုးရသစ်နဲ့ အပစ်ရပ်ရေး တွေ့ဆုံဆွေးနွေးကြတာ ၄ ကြိမ်ရှိပြီလို့ သိရတယ်။ ဒီတွေ့ဆုံမှု တွေကနေ အပစ်ရပ်ဖို့ သဘောတူညီမှု ဘာကြောင့် မရနိုင်သေး ဖြစ်နေတာလဲ ခင်ဗျ။
“ကျနော်တို့ တောင်းဆိုတာက တပြည်လုံး အတိုင်းအတာနဲ့ အပစ်အခတ်ရပ်ဆဲဖို့၊ တိုင်းရင်းသား နယ်မြေတွေမှာ လာချထားတဲ့ အစိုးရတပ်တွေ ရုတ်သိမ်းပေးဖို့၊ ငြိမ်းချမ်းရေး အတွက် ကောင်းတဲ့ အလားအလာ ကိစ္စတွေပေါ့ဗျာ။ နိုင်ငံရေး အကျဉ်းသား လွှတ်ပေးဖို့ ကိစ္စ၊ ဒီမိုကရေစီ လွတ်လပ်မှုရှိရမယ်။ လှု့အခွင့်ရေး ချိုးဖောက်မှုတွေ ရပ်ဖို့ ကျနော် တို့ဘက်က ဆွေးနွေးထားတာပဲ”
“ကျနော်တို့ ထိုင်းမြန်မာနယ်စပ်မှာ တွေ့ဆုံမှုတွေလုပ်ခဲ့တာ ၄ ကြိမ်ရှိပြီ။ ဝန်ကြီး အဆင့်ဖြစ်တဲ့ ဦးအောင်မင်း နဲ့ ၂ ကြိမ်၊ ပြည်နယ် အဆင့်နဲ့က ၂ ကြိမ် တွေ့ဆုံပြီးပါပြီ။ သူတို့လည်း သမ္မတကြီး ဦးသိန်းစိန်ကို တင်ပြလိုက်ပါ့မယ်။ တင်ပြ လိုက်ပါမယ် ဆိုပြီးတာ ပြန်ပြန် သွားတယ်။ ဘာမှ တိုးတက် မလာပါဘူး။ အခု ကချင်ဘက်မှာလည်း နေ့တိုင်းလို တိုက်နေတာပဲ”
“မပြေလည်တာကတော့ ဦးသိန်းစိန် အစိုးရက ဘာမှ တိုးလုပ်လာတာ မရှိဘူး။ တိုးလုပ်လာရင်တော့ နှစ်ဘက် ဆွေးနွေးမှုတွေဟာ တိုးတက်မှုတွေ ရှိလာမှာပေါ့”
KNU က မြန်မာအစိုးရနဲ့ အပစ်ရပ် လက်မှတ်ထိုးပြီးရင် အခြားလူ အမည်ခံ နာမည်တခုနဲ့ ထိုင်းနိုင်ငံ မဲ့စရီးယန်း ဘက်မှာ သွင်းကုန်၊ ပို့ကုန် ကုမ္ပဏီ တခု ဖွင့်မယ်လို့ ကြားနေရပါတယ်။
“အစိုးရဘက်ကနေ အပစ်ရပ်ဖို့ ဆွေးနွေးပွဲတွေလုပ်တဲ့အခါမှာ ကြားမှာ စီးပွားရေးသမားတွေက ကြားခံ ပါလာတယ်။ အဲဒီ ကြားပွဲစားတွေက ဟိုဘက်ကလည်း ရမယ်။ ဒီဘက်ကလည်းရမယ် ဆိုပြီးလုပ်တဲ့ အဲဒီလို စီးပွားရေး သမားတွေ လည်း ရှိတယ်။ အဲဒီလူတွေက သူတို့လိုချင်တဲ့ အဆင့် မရဘူးဆိုရင် မဟုတ်မှန် သတင်းတွေ လျှောက်လွှင့်နေတယ်။ ပြီးရင် နောက်မှာလည်း UNFC ကို တိုက်ခိုက်တယ်”
KNU ထိန်ချုပ်နယ်မြေတွေ ဖြစ်တဲ့ တပ်မဟာ ၃ နဲ့ ၅ နယ်မြေတွေထဲမှာ KNU က ရွှေတူးဖေါ်ရေး လုပ်ငန်းတွေ လုပ်ဖို့ ကားလမ်းတွေ ဖောက်နေတယ်ဆိုတဲ့ အသံတွေ ကြားနေရသလို တပ်မဟာ ၂ နဲ့ ၃ နယ်မြေ တွေမှာရှိတဲ့ ဝါးဘိုးဝါးတွေကို ကုန်ချောအဖြစ် ထုတ်ဘို့ အစီအစဉ် ရှိတယ်လို့လည်း နယ်စပ် လက်နက်ကိုင် တပ်တွေ ဘက်ကနေလည်း အသံတွေ ကြားနေရပါတယ်။
“ခင်ဗျားကြားတဲ့သတင်းက မမှန်ပါဘူး။ အဲဒီအစီအစဉ်တွေကို လုပ်နေတာမျိုးလည်း မရှိပါဘူး။ ဒါတွေက မလိုသူတွေ ပြောတဲ့ စကားတွေပါ”
နိုင်ငံတချို့ကတော့ မြန်မာအစိုးရသစ်ရဲ့ လုပ်ဆောင်ချက်တွေဟာ တိုးတက် ပြောင်းလဲမှုတွေ ရှိလာတယ် လို့ မှတ်ချက်ပြု ကြတာတွေလည်း ရှိပါတယ်။ KNU အနေနဲ့ အပစ်ရပ်ဖို့ကြတော့ အစိုးရက ဘယ်လို အတိုင်းအတာမျိုး ဖော်ဆောင်မှ ပြည်စုံမယ်လို့ ယူဆထားလို့လဲ။
“ဦးသိန်းစိန်ကတော့ နိုင်ငံရေးအကျဉ်းသား ၂ဝဝ လောက်တော့ လွှတ်ပေးတာပဲ။ နောက်ဟိုဒီ အဖွဲ့အစည်း လေးတွေ ဖွဲ့စည်းခွင့်တွေ လုပ်ပေးတာ။ သတင်း လွတ်လပ်ခွင့် ပေးတာလေးတွေ ရှိတာပေါ့။ သတင်း လွတ်လပ်ခွင့်ကလည်း တကယ် လွတ်လွတ်လပ်လပ် ပေးသလား ဆိုတော့လည်း မဟုတ်ပါဘူး”
“အဓိက ကတော့ တိုင်းရင်းသားတွေ အပေါ်စစ်ဆင်နေတဲ့ ကိစ္စပဲ။ အဲဒါတွေ ကိုရပ် အဲဒါတွေရပ်ရင်တော့ ကျနော် တို့နဲ့ အလားအလာ ကောင်းမယ်ဗျာ။ ကျနော်တို့နဲ့ အပစ်ရပ်ဖို့ ဆိုတာက အစိုးရပေါ်မှာ မူတည်တယ်လေ။ သူတို့ ပြည်တွင်းစစ် ရပ်ဖို့လိုတယ်။ မရပ်ရင် ဘာတိုးတက်မှုမှ ရှိမှာမဟုတ်ဘူး”
“ကျနော်တို့ အခုစဉ်းစားနေတာက ဦးသိန်းစိန်က တကယ်လုပ်ပိုင်ခွင့်အာဏာ ရှိလား မရှိလား ဒါပဲ။ သူတကယ်ပဲ အပစ်ရပ်ချင်လား။ စစ်တပ် အပေါ်မှာ သူအာဏာရှိလား။ သမ္မတဖြစ်ရင်တော့ သူအာဏာ ရှိရမှာပေါ့။ သမ္မတ အတု ဆိုရင်တော့ အာဏာ မရှိဘူးပေါ့ဗျာ။ အဲဒါကို ကျနော်တို့ ဆုံးဖြတ်ရမှာပဲ။ ကျနော်တို့ကတော့ သမ္မတ အစစ်နဲ့ပဲ ဆွေးနွေးချင်တယ်။ အစစ်နဲ့ ဆွေးနွေးမှ အလုပ်ဖြစ်မယ်။ အစစ်မဟုတ်ရင် ကျနော်တို့အတွက် ပရိယာယ်ပဲ ဖြစ်နေမယ်။ ဒါကြောင့် သမ္မတ တကယ်အစစ်လား။ အတုလား စောင့်ကြည့် နေတာပေါ့”
Ref: မဇ္ဈိမ
အစိုးရအလှူ KIO ဒုက္ခသည် ကော်မတီ လက်မခံ
ဖနိဒါ
အင်္ဂါနေ့၊ ဒီဇင်ဘာလ ၁၃ ရက် ၂၀၁၁
ချင်းမိုင်(မဇ္စျိမ) ။ ။ ကချင်လွတ်မြောက်ရေးအဖွဲ့ KIO ဌာနချုပ်ရှိရာ လိုင်ဇာမြို့ရှိ စစ်ပြေးဒုက္ခသည်များ အတွက် ကမ္ဘာ့ကုလ သမဂ္ဂ ဒုက္ခသည် များဆိုင်ရာ မဟာမင်းကြီးရုံး UNHCR နှင့် ကမ္ဘာ့ကုလသမဂ္ဂ ကလေးများဆိုင်ရာ ရန်ပုံငွေအဖွဲ့ UNICEF က ပထမဆုံး အကြိမ် လှူဒါန်းသော ပစ္စည်းများကို လက်ခံသော်လည်း အစိုးရဘက်မှ လှူဒါန်း ပစ္စည်းများကို လက်မခံကြောင်း KIO အရာရှိ တဦးက ပြောသည်။
UNICEF မှ စုစုပေါင်း အိမ်တွင်းသုံး ကယ်ဆယ်ရေးပစ္စည်း အစုံ ၈ဝဝ ကို လက်ခံသော်လည်း ကချင်ပြည်နယ် ကယ်ဆယ်ရေးနှင့် ပြန်လည် နေရာချထားရေး ဦးစီးဌာနမှ ကယ်ဆယ်ရေး ပစ္စည်းအစုံ ၁,ဝဝဝ၊ ပြည်နယ်အမတ် ဦးသိန်းဇော်က ဆန်အိတ် ၃ဝဝနှင့် အနွေးထည် ၁,ဝဝဝ ၊ ကချင်ပြည်နယ် ကြက်ခြေနီ အသင်းမှ အိမ်တွင်းသုံးပစ္စည်း အစုံ ၄ဝဝ တို့ကိုမူ KIO ဘက်က လက်မခံခဲ့ခြင်း ဖြစ်သည်။
“လက်ခံလို့ မရဘူးလေ။ အစိုးရက ထိုးစစ်တွေ ဆင်နေတဲ့အချိန်၊ သူတို့အစိုးရဘက်က သူတို့ကူညီတာ လက်ခံတယ် ဆိုရင် တဖက်မှာ သတ်၊ တဘက်မှာ ထမင်းကျွေးဆိုတဲ့ အဓိပ္ပါယ် ဖြစ်နေတယ်။ ဒါကြောင့် ကျနော်တို့ ဒီအချိန်မှာ လက်မခံနိုင်ဘူး”ဟု KIO စစ်ပြေး ဒုက္ခသည် ကူညီရေးကော်မတီ တာဝန်ခံ ဦးဒွဲပီဆားက ပြောသည်။
ကုလသမဂ္ဂမှ လှူဒါန်းသည့်ပစ္စည်းများကိုမူ လက်ခံလိုက်ကြောင်း “အခု လောလောဆယ်က အိမ်ထောင်စု ၈ဝဝ ဖို့ အိမ်တွင်းသုံး အိုးခွက်ပန်းကန်၊ ဇွန်းကအစ၊ ခြင်ထောင်၊ မိုးကာတွေ ပါတယ်လို့ ပြောတယ်။ အဲဒါကိုတော့ လက်ခံ လိုက်တယ်”ဟု သူက ဆက်ပြောသည်။
ရန်ကုန်မြို့ရှိ UNICEF မှ ဝန်ထမ်း ဦးမြတ်သာ၊ ဦးညီလင်းထက်၊ UNHCR မှ ဦးဂျိုးဇက်နှင့် UNOCHA မှ ဦးမိုးအောင် တို့ ၄ ဦးတို့က ယမန်နေ့ ညနေပိုင်းက လှူဒါန်းမည့် ပစ္စည်းများ တင်ဆောင်လာသော ကား ၈ စီးနှင့်အတူ လိုင်ဇာမြို့ရှိ စစ်ပြေး ဒုက္ခသည်များ အတွက် သွားရောက် လှူဒါန်းကြခြင်း ဖြစ်ကြောင်း ရန်ကုန်မြို့ရှိ ကုလသမဂ္ဂရုံးမှ ပြောရေးဆိုခွင့် ရှိသူ ဦးအေးဝင်း က မဇ္ဈိမကို ပြောသည်။
“ကျနော်တို့ သိသလောက် အထောက်အပံ့ supply တွေ တော်တော်နည်းနေတယ်လို့ ကြားတယ်။ ဆောင်းရာသီ လည်း ဝင်နေပြီ ဆိုတော့ ပိုပြီးတော့ ဂရုစိုက်ပြီးတော့ ပေးရမယ့် အခြေအနေရှိပါတယ်။ ကျနော်တို့လည်း သက်ဆိုင်ရာ အလှူရှင် နိုင်ငံတွေကို အကူအညီ တောင်းနေပါတယ်။ အခုဒီလိုစပြီး သွားနိုင်ပြီ ဆိုကတည်းကလေ ကျနော်တို့ ထပ်ပြီးတော့ လက်လှမ်း မီနိုင်အောင် ကြိုးစား သွားဦးမှာပါ”ဟု ပြောသည်။
ပထမဆုံးလာရောက်၍ စစ်ဆေးခြင်းဖြစ်၍ စစ်ပြေးဒုက္ခသည်များအတွက် လုံလောက်ခြင်းမရှိသော်လည်း လက်ရှိ လိုင်ဇာမြို့ အနီးတဝိုက် ရှိနေသော ဒုက္ခသည်စခန်း ၆ ခုတွင် စစ်ပြေးဒုက္ခသည် အိမ်ထောင်စုပေါင်း ၁၄ဝဝဝ ကျော် ရှိသည်။
KIO ထိန်းချုပ်သော နယ်မြေအတွင်း စစ်ပြေးဒုက္ခသည်စခန်းပေါင်း ၂၂ ခုရှိပြီး လူဦးရေ ၄၆ဝဝဝ ရှိနေပြီဟု ဒုက္ခသည် ကူညီရေး ကော်မတီက ခန့်မှန်းသည်။
စစ်ပြေးဒုက္ခသည်များအတွက် ကုလသမဂ္ဂမှ အကူအညီပေးခြင်းကို လက်ခံ ကြိုဆိုကြောင်းနှင့် ဆက်လက် အကူအညီ ပေးရန် KIO အရပ်ဘက် အရာရှိ ဦးဒွဲပီဆားက ပြောသည်။
“ကျနော်တို့ ဒုက္ခရောက်နေတဲ့အတွက် စစ်က ဘယ်တော့ ပြီးဆုံးမယ်ဆိုတာ မသိသေးဘူး။ ဒါပေမယ့် ကျနော်တို့ ပြည်သူတွေ ဘက်ကနေ စစ်ပြေး ဒုက္ခရောက်နေတဲ့ အချိန် ဒီလို ကူညီတယ်ဆိုတာ ကြိုဆိုပါတယ်။ ပြည်သူတွေလည်း ဝမ်းသာမယ်လို့ ယုံကြည်ပါတယ်”ဟု ပြောသည်။
ကုလသမဂ္ဂမှ လာရောက်လှူဒါန်းသည့် ကိုယ်စားလှယ်များသည် စစ်ပြေး ဒုက္ခသည်စခန်းများသို့ လိုက်လံ ကြည့်ရှုခဲ့ပြီး ဗုဒ္ဓဟူးနေ့တွင် လိုင်ဇာမြို့မှ ပြန်လည် ထွက်ခွာကြမည် ဖြစ်သည်။
ဒုက္ခသည် ၁၄,၀၀၀ ကျော်အတွက် ပြည်ထောင်စု လွှတ်တော် ကိုယ်စားလှယ်များကလည်း ပထမဆုံးအကြိမ် ကျပ်သိန်း ၇၀၀ ကို တနင်္လာနေ့က ပြည်နယ်ဝန်ကြီးချုပ် ဦးလဂျွန်ငံဆိုင်းထံ ပေးအပ်ခဲ့သည်။
မြန်မာအစိုးရနှင့် KIO အကြား ပြီးခဲ့သည့် ဇွန်လမှ စတင်တိုက်ပွဲဖြစ်ပွားခဲ့ရာ ၆ လကြာသည်အထိ အစိုးရက ပြည်ပ အကူအညီနှင့် ပြည်တွင်းမှ အစိုးရ မဟုတ်သော NGO များ အကူအညီ ထောက်ပံ့မှုကို ပိတ်ပင်ခဲ့ရာမှ ပထမဆုံး အကြိမ်အဖြစ် ကုလသမဂ္ဂမှ သွားရောက် လှူဒါန်းခြင်း ဖြစ်သည်။
ကချင်ပြည်နယ်အတွင်း ထိုးစစ်ဆင်မှု ရပ်ဆိုင်းရန် သမ္မတ ဦးသိန်းစိန်က ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်ထံ စနေနေ့က ညွန်ကြား ထားသော်လည်း အင်္ဂါနေ့ ညနေ ၃ နာရီချိန်တွင် KIA တပ်မဟာ ၃ လက်အောက် တပ်ရင်း ၁၅ နယ်မြေအတွင်း တိုက်ပွဲများ ဆက်လက် ဖြစ်ပွားနေသည်ဟု KIO က ပြောသည်။
Ref: မဇ္ဈိမ
အစိုးရတပ်နှင့် မူးယစ်ရာဇာ နော်ခမ်း တပ်ဖွဲ့ တိုက်ပွဲဖြစ်
သန်းထိုက်ဦး
December 13, 2011
အစိုးရတပ်နှင့် မူးယစ်ရာဇာ နော်ခမ်း ဦးဆောင်သော တပ်ဖွဲ့ဝင်များ ယခုရက်ပိုင်းအတွင်း ရွှေတြိဂံ ဒေသအနီး၌ တိုက်ပွဲ ၂ ကြိမ် ဖြစ် ပွားခဲ့ရာ နှစ်ဘက် အကျအဆုံး ရှိကြောင်း သိရသည်။
ရှမ်းပြည်နယ် အရှေ့ပိုင်း ရွှေတြိဂံဒေသအနီး တာချီလိတ်မြို့နယ်အတွင်းရှိ မိုင်းကိုး ကျေးရွာ၌ ဒီဇင်ဘာ ၆ ရက်နှင့် ၉ ရက်နေ့တွင် ကင်းလှည့်နေသော တာလေမြို့အခြေအစိုက် အစိုးရ တပ်ဖွဲ့ဝင်များကို နော်ခမ်း၏ တပ်ဖွဲ့ဝင် တချို့က သွားရောက် တိုက်ခိုက်ခဲ့ကြောင်း သျှမ်း သံတော်ဆင့် သတင်းစဉ်မှ အယ်ဒီတာ ဦးခွန်စိုင်းက ဧရာဝတီသို့ ပြောသည်။
“နော်ခမ်းက ပြောတာက ကျနော့် လူတွေလည်း လနဲ့ ချီပြီးတော့မှ ဒီအတိုင်း အလကား နေရတယ်၊ ဒါကြောင့်မို့ သူတို့ကို ကွင်းဆင်း ပြီးတော့ စစ်လေ့ကျင့်ရေး လုပ်ခိုင်းနေတယ်လို့ အဲဒီလိုမျိုး ပြောတယ်”ဟု နော်ခမ်း အဖွဲ့နှင့် နီးစပ်သူတဦးကို ကိုးကား၍ ဦးခွန်စိုင်းက ပြောဆိုသည်။
ယင်းဖြစ်ပွားခဲ့သော တိုက်ပွဲများတွင် လတ်တလော အကျအဆုံး စာရင်းကို အတိအကျ မသိရသေးသော်လည်း နှစ်ဘက် အကျ အဆုံး ရှိကြောင်းလည်း ဆိုသည်။
ယင်း တိုက်ခိုက်မှုသည် ရွှေတြိဂံဒေသ မဲခေါင်မြစ်အတွင်း တရုတ်နိုင်ငံသား ၁၃ ဦး အသတ်ခံရမှုနှင့် ပတ်သက်၍ ယာယီ ရပ်ဆိုင်း ထားသော တရုတ် ကုန်တင်သင်္ဘောများကို တရုတ် အာဏာပိုင်များက ပြန်လည် သွားလာခွင့်ပြုမည့် ဒီဇင်ဘာလ ၁၀ရက်နေ့ မတိုင်ခင် ဖြစ်ပွားခဲ့ခြင်း ဖြစ်သည်။
မြစ်ခေါင်မြစ် လုံခြုံရေးအတွက် တရုတ်၊ ထိုင်း၊ လာအိုနှင့် မြန်မာနိုင်ငံ အပါအ၀င် ကင်းလှည့်သည့် အစီအစဉ်ကို စနေနေ့က စတင် ခဲ့ပြီး တရုတ် ကုန်သင်္ဘောများ တရုတ်နိုင်ငံ ယူနန်မြို့ဆိပ်ကမ်းမှ ထိုင်းနိုင်ငံ ချင်းရိုင်ခရိုင် ချင်းစန်မြို့အထိ ကုန်ပစ္စည်းများ အပြန် အလှန်သယ်ယူ ပို့ဆောင်ခဲ့သည်။
ပြီးခဲ့သည့် အောက်တိုဘာ လဆန်းပိုင်းက Hua Ping နှင့် Yu Xing 8 Hao အမည်ရှိ တရုတ် ကုန်တင်သဘောင်္၂ စီး အမည်မသိ လက်နက်ကိုင် တစု၏ တိုက်ခိုက်မှုကို ခံရပြီးနောက် မဲခေါင်မြစ်တွင် သွားလာနေသော ကုန်တင်သင်္ဘောများကို တရုတ် အာဏာ ပိုင်များက ရပ်ဆိုင်းထားခြင်း ဖြစ်သည်။ ထိုတိုက်ခိုက်မှုကို မြန်မာနှင့် ထိုင်းအာဏာပိုင်များက နော်ခမ်း၏ လက်ချက်ဖြစ်ကြောင်း အစောပိုင်းတွင် စွပ်စွဲမှုများ ရှိခဲ့သည်။
ထိုင်းနိုင်ငံအနေနှင့် တရုတ်နိုင်ငံသို့ ကြက်သား၊ သကြား၊ ဆီ၊ ကားတို့ တင်ပို့ပြီး တရုတ်နိုင်ငံဘက်က ပန်းသီး၊ လိမ္မော်သီး၊ စပြစ်သီး စသည့် သစ်သီး ၀လံများကို ထိုင်းနိုင်ငံသို့ ပြန်လည် တင်သွင်းကြောင်း၊ ထိုင်းနိုင်ငံမှ တင်ပို့သည့် ကုန်ပစ္စည်း၏ တန်းဖိုမှာ တလတွင် ဘတ် သန်း ၈၆၀ ကျော်ရှိပြီး တရုတ်နိုင်ငံက ၆၉ သန်းခန့် ရှိကြောင်း သိရသည်။
ရှမ်းတိုင်းရင်းသား တဦးဖြစ်သည့် နော်ခမ်းသည် ရွှေတြိဂံ ဒေသတွင် မူးယစ် ဆေးကုန်ကူးနေသူဟု ကျော်ကြားပြီး မြန်မာ၊ တရုတ်၊ ထိုင်းနှင့် လာအို နိုင်ငံများက အလိုရှိနေသူ ဖြစ်ကြောင်း သိရသည်။
နော်ခမ်းသည် ၁၉၉၆ ခုနှစ်တွင် လက်နက်ချခဲ့သော ဦးခွန်ဆာ ခေါင်းဆာင်သည့် မော်ထိုင်း တပ်မတော် (MTA) တပ်ဖွဲ့ဝင်ဟောင်း ဖြစ် သည်။
၂၀၀၆ ခုနှစ်မှ စတင်၍ လက်နက်ကိုင်ပြီး ရွှေတြိဂံ နယ်မြေ၌ ပြန်လည် လှုပ်ရှားခဲ့ကြောင်း သိရသည်။ သူ၏တပ်ဖွဲ့ကို လားဟူ၊ ရှမ်း တိုင်းရင်းသား တို့နှင့် ဖွဲ့စည်းထားကြောင်း သိရသည်။
Ref: ဧရာဝတီ
Tuesday, December 13, 2011
ဗြိတိန်နိုင်ငံခြားရေးဝန်ကြီး ဇန်န၀ါရီလဆန်း မြန်မာပြည်သွားမည်
ဦးရော်နီညိမ်း
တနင်္လာ, 12 ဒီဇင်ဘာ 2011
ဗြိတိန်နိုင်ငံခြားရေးဝန်ကြီး ၀ီလျံဟိတ်ဂ် (William Hague) က မြန်မာနိုင်ငံကို နောက်နှစ် ဇန်န၀ါရီလ အစောပိုင်းမှာ သွားရောက်မှာ ဖြစ်တယ်လို့ ၀ါရှင်တန်မြို့တော်မှာ ရောက်ရှိနေစဉ် တနင်္လာနေ့က ပြောပါတယ်။ အမေရိကန် နိုင်ငံခြားရေးဝန်ကြီး ဟီလာရီ ကလင်တန်နဲ့ နှစ်နိုင်ငံကြား အရေးပါတဲ့ ကိစ္စရပ်တွေ ဆွေးနွေးအပြီး နိုင်ငံခြားရေး ၀န်ကြီးဌာနနဲ့ ပူးတွဲကျင်းပတဲ့ သတင်းစာ ရှင်းလင်းပွဲမှာ အခုလို ဗြိတိန်ဝန်ကြီး ၀ီလျံဟိတ်ဂ် က ပြောဆိုခဲ့တာဖြစ်ပါတယ်။ အကြောင်းစုံကို ဦးရောနီညိမ်းက တင်ပြထားပါတယ်။
ဒီဇင်ဘာလ ၁၂ ရက်နေ့က ၀ါရှင်တန်ဒီစီမြို့တော်ကို ရောက်ရှိနေတဲ့ ဗြိတိသျှ နိုင်ငံခြားရေးဝန်ကြီး ၀ီလျံဟိတ်ဂ် နဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန်တို့ တွေ့ဆုံခဲ့ရာမှာ နှစ်နိုင်ငံကြား အလေးထားပြီး စိုးရိမ်မကင်း ဖြစ်နေရတဲ့ ကိစ္စရပ်တွေ ဖြစ်တဲ့ ဥရောပ စီးပွားရေး ပဋိပက္ခ၊ အီရန်အပေါ် တိုးမြှင့် အရေးယူ ဒဏ်ခတ်ရေးကိစ္စ၊ အာဖဂန်နစ္စတန်ရဲ့ အသွင် ကူးပြောင်းရေးကာလ ကိစ္စ၊ ပါကစ္စတန် အရေးကိစ္စတွေအပြင် မြန်မာနိုင်ငံ အရေးကိစ္စ ကိုပါ ဆွေးနွေးခဲ့ကြပါတယ်။
အခုလို ဆွေးနွေးရာမှာ အာရှပစိဖိတ်ဒေသတွင်း အမေရိကန်ရဲ့ ပိုမိုပါဝင်လှုပ်ရှားလာတဲ့ အခန်းကဏ္ဍနဲ့ ပတ်သက် ပြီးတော့လည်း ထည့်သွင်း ဆွေးနွေး ခဲ့ကြပါတယ်။ အထူးသဖြင့် ပြီးခဲ့တဲ့ ၅၆ နှစ်အတွင်းမှာ ပထမဆုံးအကြိမ် အဖြစ် အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ နိုဝင်ဘာလ ၃၀ ရက်နေ့ကနေ ဒီဇင်ဘာလ ၂ ရက်နေ့အထိ သုံးရက်ကြာ မြန်မာနိုင်ငံ ခရီးစဉ်ကို ၀န်ကြီးဟိတ်ဂ် က ကြိုဆို ထောက်ခံလိုက်ပြီး သူ့အနေနဲ့လည်း ရှေ့လ ဇန်န၀ါရီလမှာ မြန်မာနိုင်ငံကို သွားရောက်မယ်လို့ သတင်းထောက်တွေကို အခုလို ပြောကြားခဲ့ပါတယ်။
“ကျနော်တို့ရဲ့ ဘုံဦးတည်ချက်က မြန်မာနိုင်ငံမှာ နိုင်ငံရေးအရ လွတ်လပ်ခွင့်တွေ ပိုပြီးတော့ ရလာစေဖို့ ဖြစ်ပါတယ်။ အပြုသဘော ဆောင်တဲ့ ထိတွေ့ဆက်ဆံမှုတွေနဲ့ ဒီလိုလွတ်လပ်ခွင့်တွေ ပိုရရေး ဦးတည်ချက်ကို ပိုပြီးတော့ အောင်မြင်အောင် ဆောင်ရွက်ဖို့ပါ။ ဒါက သိပ်ကို အရေးကြီးပါတယ်။ ကျနော် ဇန်န၀ါရီလဆန်းထဲမှာ မြန်မာနိုင်ငံကို သွားရောက်မှာဖြစ်ပြီး မြန်မာ့အရေး အပါအ၀င် တခြား ကိစ္စတွေနဲ့ ပတ်သက်လို့ အမေရိကန် ပြည်ထောင်စုနဲ့ နီးနီးကပ်ကပ် ဆက်သွယ် ဆောင်ရွက်သွားမှာ ဖြစ်ပါတယ်။”
အမေရိကန် နိုင်ငံခြားရေး ၀န်ကြီး ဟီလာရီကလင်တန်ဟာ မြန်မာသမ္မတ ဦးသိန်းစိန်၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ မြန်မာအစိုးရအဖွဲ့ ခေါင်းဆောင်တွေ၊ မြန်မာနိုင်ငံက လွှတ်တော် ခေါင်းဆောင်တွေနဲ့ တွေ့ဆုံ ဆွေးနွေးခဲ့ပါတယ်။ မြန်မာနိုင်ငံ ခရီးစဉ်အပြီးမှာတော့ ၀န်ကြီး ကလင်တန်က လွတ်လပ်ခွင့်တွေ အတွက် မြန်မာနိုင်ငံမှာ အစပျိုးတဲ့ ခြေလှမ်းတွေ တွေ့နေရပေမဲ့ တကယ်စစ်မှန်တဲ့ ပြောင်းလဲမှုတွေရှိလာဖို့ လုပ်စရာအလုပ်တွေ အများကြီး ကျန်နေသေးတယ်လို့ ပြောဆိုသွားခဲ့ပါတယ်။
မြန်မာအစိုးရခေါင်းဆောင်တွေနဲ့ ၀န်ကြီး ဟီလာရီကလင်တန်တို့ အောင်အောင်မြင်မြင် တွေ့ဆုံဆွေးနွေး နိုင်ခဲ့မှု အတွက် မိမိအနေနဲ့ ၀မ်းမြောက် ၀မ်းသာရှိတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုခဲ့ပြီးတော့ တရုတ်နိုင်ငံကလည်း ၀န်ကြီး ဟီလာရီကလင်တန်ရဲ့ မြန်မာနိုင်ငံ ခရီးစဉ်ကို ထောက်ခံကြိုဆိုကြောင်း ကြေညာချက် ထုတ်ပြန်ခဲ့ပါတယ်။
မြန်မာနိုင်ငံကို ဗြိတိသျှ နိုင်ငံခြားရေးဝန်ကြီး ၀ီလျံဟိတ်ဂ် သွားရောက်မယ့်သတင်းကို အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ကလည်း ကြိုဆိုကြောင်း သတင်းထောက်တွေကို အခုလို ပြောကြားခဲ့ပါတယ်။
“ဗြိတိန်နိုင်ငံခြားရေးဝန်ကြီး မြန်မာနိုင်ငံကို သွားရောက်မယ့် ခရီးစဉ်သတင်းကို ကျမ ကြိုဆိုပါတယ်။ သံတမန်ရေး အရ ဆက်လက် အရေးပေး ဆောင်ရွက်သွားခြင်း အားဖြင့် ကျမတို့အနေနဲ့ မြန်မာအစိုးရ သစ်ကို စမ်းသပ်နိုင်ဖို့ အခွင့်အလမ်းကောင်း ရလိမ့်မယ်လို့ ကျမ ထင်ပါတယ်။ ဒါ့အပြင် ၂၁ ရာစုမှာ မြန်မာနိုင်ငံအနေနဲ့ ကမ္ဘာ့နိုင်ငံ အသိုင်းအ၀ိုင်းကြား နေရာမှန် ရောက်နိုင်ဖို့ ကြိုးပမ်းမှု အတွက်လည်း အဟန့်အတားဖြစ်နေတဲ့ ကျန်ရှိနေသေးတဲ့ ပြဿနာတွေ ဖြေရှင်းရေးအတွက်လည်း လုပ်ဆောင်ပေးနိုင်မှာ ဖြစ်ပါတယ်။ မြန်မာအစိုးရသစ် အနေနဲ့ ဆန္ဒရှိတယ်ဆိုရင် ဘယ်လိုလမ်းမျိုး လျှောက်လှမ်းရမယ် ဆိုတာက ရှင်းပါတယ်။”
ဗြိတိသျှဝန်ကြီး ၀ီလျံဟိတ်ဂ် မြန်မာနိုင်ငံကို သွားရောက်မှာဖြစ်သလို ပြီးခဲ့တဲ့ နိုဝင်ဘာလ ၁၅ ရက်နေ့ကလည်း မြန်မာနိုင်ငံကို ဗြိတိန်ရဲ့ နိုင်ငံတကာ ဖွံ့ဖြိုးတိုးတက်ရေး ၀န်ကြီး အန်ဒရူးမစ်ချဲလ် သုံးရက်ကြာခရီး သွားရောက်ပြီးတော့ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းအပါအ၀င် မြန်မာအစိုးရ ခေါင်းဆောင်တွေ၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် တို့နဲ့ တွေ့ဆုံ ဆွေးနွေးခဲ့ပါတယ်။
ဝန်ကြီး အဲန်ဒရူးမစ်ချဲလ်ကလည်း မြန်မာနိုင်ငံက ပြုပြင်ပြောင်းလဲမှုတွေကို သတိကြီးကြီးနဲ့ အကောင်းမြင် သုံးသပ်နေမယ်လို့ သူ့ရဲ့ မြန်မာနိုင်ငံ ခရီးစဉ်အပြီးမှာ ပြောဆိုခဲ့ပါတယ်။
Ref: VOA News
Posts
