သန်းထွဋ်အောင်
Monday, 29 April 2013
စာတွေရေးရင် ဘယ်လိုစာမျိုး ရေးရတာ အခက်ဆုံးလဲလို့ စာရေးသက်ကြာတဲ့ လူတွေ မေးကြတယ်။ အားလုံးက တညီတညွတ် ပြောကြတာက သရော်စာ (Satire) တဲ့။ ရိတိတိ၊ ရွဲ့တဲ့တဲ့၊ ခနဲ့တဲ့တဲ့၊ ခပ်စောင်းစောင်း၊ ပြုံးစိစိ၊ မချိတချိ၊ ဘာတာတာ၊ ခိုးလိုးခုလု၊ စာဖတ်တဲ့သူများ ရသအစုံ ဖန့်တငံ့ငံ့ ခံစားလို့ရတဲ့စာ။ အဆင့်မြင့်ရေးတဲ့ သရော်စာ တစ်ပုဒ်က ရေးဖို့ဆိုတာ အခက်ဆုံးပဲ။
ကျွန်တော် စာစရေးစကတည်းက သရော်စာဆို အရမ်းရေးချင်တယ်။ ရေးကျင့်တယ်။ ဒါပေမဲ့ မရေးတတ်တော့ ဆော်တဲ့စာဖြစ်လိုက်၊ ခပ်ကြောင်ကြောင်စာတွေ ဖြစ်လိုက် ဖတ်ခိုင်းခံရတဲ့ လူတွေကလည်း ရယ်ရမလို၊ ငိုရမလို၊ ကောင်းသလားမေးရင်တော့ ပုတ်ခတ်ပုတ်ခတ်နဲ့ ဇွတ်ခေါင်းညိတ်တော့တာပဲ။ လူနိုင်တွေကိုး။ အဲဒီကတည်းက သဘောပေါက်လိုက်ပြီ။ ကောင်းလိုက်တဲ့ သရော်စာ။
(၂)
အခုတလော facebook၊ website တွေ သတင်းတွေထဲမှာ အရမ်းအရမ်း လော်ဘီလုပ်တာ ခေတ်စားနေတယ်။ ဘယ်သူ သမ္မတဖြစ်သင့်တယ်။ ဘယ်သူကတော့ဖြင့် သနားပါတယ်။ ခေါင်းဆောင်ကောင်း တစ်ယောက်ရဲ့ အရည်အချင်း ဘယ်လိုရှိတာ။ တစ်ယောက်နဲ့တစ်ယောက် ပြိုင်လိုက်ကြ။ ကာယကံရှင်တွေကတော့ မသိဘူး။ ဒီမှာတော့ ရန်ပွဲက တခြိမ့်ခြိမ့်။ တို့အမေနဲ့ ဘာနှိုင်းစရာ လိုလို့လဲ...ဘာညာဘာညာ Bla Bla Bla ကိုများ ပြောလိုက်၊ ဒီဘက်ကလည်း မင်းတို့အမေက ဘာတိုင်းပြည်ကောင်းအောင် ဘာလုပ်ဖူးလို့လဲ... Bla Bla Bal ပေါ့။ တို့အဖေကမှ ကြွေးတွေကျေသွားအောင် လုပ်နိုင်တယ် Bla Bla Bla (ဒီအကြွေးတွေ ဘယ်လိုကြောင့် တင်တယ်တော့ မပြောဘူး။ သိကော သိရဲ့လား မသိဘူး)...ရဲ့ စေတနာ၊ ...ရဲ့ ရင့်ကျက်မှု Bla Bla Bla တွေနဲ့ မွှမ်းလိုက်တဲ့ စာတွေ။
(၃)
ကျွန်တော့်ခေါင်းထဲမှာ ပြီးခဲ့တဲ့ ရက်ပိုင်းက ဆုံးသွားတဲ့ ကျွန်တော့်ဘကြီးသက် ပြောတာ သတိရမိတယ်။ ဘကြီးသက်က ကျွန်တော့်အဖေရဲ့ အစ်ကိုအကြီးဆုံး။ သခင်စိုး တပည့်။ နစ်နီမော်ကွန်းဝင် ဒုတိယဆင့်၊ ဂျပန်ခေတ်က ယောနင်းလား ဘာလားတက်၊ တောခို၊ သူအလင်းဝင်ပြီး ဂန့်ဂေါက ကျွန်တော့်အဖေဆီ လာလည်တုန်းကမှ စမြင်ဖူးတာ။ ကျွန်တော်က ရှိလှ ၁၀ နှစ်ပေါ့။ အလင်းဝင်ပြီး နေတော့လည်း နစ်နီတို့ရဲ့ ပျော်စံရာ ပုလဲမြို့နယ် လယ်မ္မရွာမှာ။ တစ်နှစ်တစ်ခေါက် ရန်ကုန်ကို လာတယ်။ အသက် ၈၈ နှစ်ရှိတာတောင် တစ်ယောက်တည်း လာတယ်။ ငွေတစ်ပြားမှ မပါဘဲ ရန်ကုန်လာဖို့ဆိုတာ မလွယ်ဘူး။ မျက်စိကလည်း မမြင်တာတောင် တွေ့ရာကားကြုံစီး၊ သူများတွေကျွေးတဲ့ ထမင်းစား၊ အ၀တ်နှစ်စုံလောက်နဲ့ ရန်ကုန်ကိုလာတာ၊ ရန်ကုန်ကိုရောက်ရင် ပထမဆုံး ကျွန်တော့်ရုံးကို လာတာပဲ။ ဒီတစ်ခေါက် နောက်ဆုံးအခေါက်ကတော့ သူ စိတ်ဓာတ်ကျသွားပုံ ရတယ်။ ကျွန်တော့်အဖေ မသေခင် ညီအစ်ကို နှစ်ယောက် နောက်ဆုံးတွေ့တော့ အဖေက ပြောလိုက်တယ်။ "ဒီတစ်ခေါက် နောက်ဆုံးတွေ့တာဖြစ်မယ် ကိုကို။ ကျွန်တော်မရှိရင် ကိုကို မလာနဲ့တော့" လို့ ပြောလိုက်တယ်။ နောက်ဆုံးတစ်ခေါက်မှာ သူထူးထူးဆန်းဆန်းတွေ ပြောတယ်။ ငါအောင်ဆန်းစုကြည်နဲ့ တွေ့ချင်တယ်။ ငါပြောစရာတွေ ရှိတယ်တဲ့။
ကြံကြီးစည်ရာ ဘကြီးသက်ရယ်ဆိုပြီး အားလုံးက ၀ိုင်းဟားကြတော့ မျက်နှာကြီးရှုံ့လို့ ငါစာရေးမယ်တဲ့။ (ပြောဖို့မေ့နေတာ သူကဗိုလ်ချုပ်ကို အရမ်းချစ်တယ်။ ဂျပန်ခေတ်တုန်းက ဘီဒီအေမှာ ဗိုလ်ချုပ်ရဲ့တပည့် ဖြစ်ဖူးတယ်တဲ့။ ဒေါ်စုကိုလည်းတော် တော်ချစ်ပုံရတယ်။)
စကားတွေတောင် ဟိုရောက် ဒီရောက်ဖြစ်ကုန်ပြီ။ ဘာလို့ ပြောချင်လို့လဲမေးတော့ သူပြောတဲ့ အမှတ်တရ စကားက "အောင်ဆန်းစုကြည် သမ္မတလုပ်မယ်လို့ ပြောနေတယ်။ သူက သူ့အဖေလိုပဲ ခေါင်းမာတယ်။ သူသမ္မတလုပ်ရင် မင်းတို့ဂျာနယ်တွေကလည်း အရမ်းလျှောက်ရေးကြမယ်။ ဆန္ဒပြတဲ့ သူတွေကလည်း ပြကြဦးမယ်။ ငါမမြင်ရက်ဘူး။ သူ့ကို ငါသတိပေးစရာ ရှိတယ်။ တွေ့မှငါပြောမယ်" တဲ့။
အခုတော့ ဘကြီးသက် သူပျော်စံရာ ပုံတောင်ပုံညာမှာ ခေါင်းချသွားပြီ။ သူဘာတွေ သတိပေးခဲ့ချင်သလဲ ကျွန်တော် သိချင်မိတယ်။
(၄)
အာဏာရှင် စနစ်မှာ အာဏာရှင် လုပ်ရသလိုတော့ ဒီမိုကရေစီခေတ်မှာ သမ္မတဖြစ်ရတာ၊ အထူးသဖြင့် ဒီနိုင်ငံမှာ သမ္မတဖြစ်ရတာ လွယ်မှတ်လို့။ ချစ်တဲ့လူတွေက မုန်းကြမယ်။ မချစ်တဲ့လူတွေက အောင့်ကာ တရွှတ်ရွှတ် လုပ်ကြဦးမယ်။ မိတ်ဆွေတွေက ရန်သူဖြစ်မယ်။ ရန်သူတွေက မိတ်ဆွေဟန် ဆောင်မယ်။ ပြည်သူပြည်သူနဲ့ တစ်နေကုန် အသံထွက်ရော စိတ်ထဲကပါ ရွတ်ရဦးမယ်။ ဟိုးထိပ်ဆုံးက သိကြားမင်းကအစ အောက်ဆုံးက ပုရွက်ဆိတ်အဆုံး သမ္မတကြီးကို တိုင်တည်ပြောကြမယ်။ ခုတုံးလုပ်ကြမယ်။ မထိတထိ ရိတိတိနဲ့ ဂျာနယ်လစ်တွေကိုလည်း ပြုံးပြရဦးမယ်။ တိုင်စာ၊ ပစ်စာ၊ အကြံပေးစာတွေကို မဖတ်ဘဲ ဖတ်ဟန် ဆောင်ရဦးမယ်။ ခရိုနီ၊ ခရိုပြာ၊ ခရိုနက်တွေနဲ့ ရင်းနှီးပေမယ့် မသိချင်ယောင် ဆောင်ရဦးမယ်။ အကြံဉာဏ်တွေ မလိုလည်း ခပ်စွာစွာတွေ ပါးစပ်ပိတ်အောင် အကြံပေး ခန့်ရဦးမယ်။ အားအားယားယား ဘာမှမရဘဲ ဖားနေတဲ့သူတွေ၊ ကိုယ့်ကို အရမ်းအရမ်း ထောက်ခံနေတဲ့ သူတွေကိုလည်း facebook ဖွင့်ပြီး ပြန်ချီးကျူးခိုင်းရဦးမယ်။ ရှုပ်တော့ တော်တော်ရှုပ်တဲ့ အလုပ်ပဲ။
ဒါပေမဲ့ သမ္မတဖြစ်ဖို့က ဒေါ်စုအတွက်ဆို ၉၂ ရာခိုင်နှုန်းနဲ့ အတည်ပြုပြီး ၁၅ နှစ် ရေးဆွဲထားတဲ့ ဂန္ထ၀င်ဖွဲ့စည်းပုံ (၂၀၀၈) ကို ပြင်ရဦးမယ်။ မဲ အရွေးမခံရဘဲ လွှတ်တော်ထဲ ရောက်နေတာ ၂၅ ရာခိုင်နှုန်း ရှိနေတာတောင် အရွေးမခံရတဲ့သူတွေ (ဒုတိယပဲ ရတယ်ဆိုတာ ပြည်သူက မကြိုက်လို့ပေး) လွှတ်တော်ရောက်ဖို့ PR စနစ်ကလည်း လာဦးမယ်။ ၂၅ ရာခိုင်နှုန်းတွေ ထွက်သွားမှ PR စနစ်လာရင် တော်သေးရဲ့။ PR စနစ်သာ ဇွတ်လုပ်ရင် ဝေဖန်သူတွေပြောတဲ့ တစ်မတ်သားကနေ ငါးမူးသား ဒီမိုကရေစီဖြစ်မှ ပြည်သူတွေရဲ့ ပိုင်ခွင့်ဖြစ်တဲ့ မဲတစ်ပြားက ဘာမှ အသုံးမ၀င် ဖြစ်ရဦးမယ်။
တကယ်တော့ Strong Democracy လို့ပဲခေါ်ခေါ် Direct Democracy လို့ပဲခေါ်ခေါ် လူထုတွေ အပြည့်အ၀ ပါဝင်ခွင့်ရတဲ့ ဒီမိုကရေစီဆိုတာ ကိုယ်အုပ်ချုပ်မယ့် သမ္မတကို လူထုမဲနဲ့ တိုက်ရိုက်ရွေးချယ်တာပဲ ဖြစ်ပါတယ်။ အခုဖွဲ့စည်းပုံအရ ၇၅ ရာခိုင်နှုန်း လူထုရွေးချယ်ထားသူတွေက ၂၅ ရာခိုင်နှုန်း အရွေးမခံရသူတွေနဲ့ ရွေးချယ်ခံ သမ္မတလောင်းနှစ်ယောက်နဲ့ စစ်တပ်က သမ္မတလောင်းတစ်ယောက် (ရေးရတာကို တော်တော်ရှုပ်တဲ့ ဖွဲ့စည်းပုံ) ထဲကနေ သမ္မတရွေးရတာပါ။ ဒီလောက်ရှုပ်တဲ့ သမ္မတလောင်း စနစ်ကို ပိုရှုပ်သွားမလားတော့ မသိဘူး။ လူထုလည်း ပါလို့ရအောင်၊ သမ္မတလောင်း ငါးယောက်လုပ်လိုက်၊ အမျိုးသားလွှတ်တော်က နှစ်ယောက်၊ ပြည်သူ့လွှတ်တော်က နှစ်ယောက်၊ တပ်မတော်က တစ်ယောက်ရွေး၊ ဒီငါးယောက်ကို လူထုက တိုက်ရိုက်မဲပေး ရွေးချယ်။ အများဆုံးသူ သုံးယောက်က သမ္မတ၊ ဒုသမ္မတဖြစ်၊ အများဆုံးသူက သမ္မတဖြစ်။ ကဲ ပိုမရှုပ်ဘူးလား။ ပိုခက်ရင် လူစိတ်ဝင်စားမယ်လေ။ PR စနစ် လုပ်ချင်သူတွေလည်း ၂၅ ရာခိုင်နှုန်းကြီး မရှိတော့မှ စကြရင် မကောင်းဘူးလား။ နို့မို့ဆိုရင် မည်ကာမတ္တ ဒီမိုကရေစီ ဆိုတာလေးတောင် ပျောက်သွားဦးမယ်။ စစ်တပ်က တစ်မတ်၊ ပီအာက တစ်မတ် ရွေးကောက်ပွဲလည်း လုပ်မနေကြပါနဲ့ ကွယ်ရို့။
ဒီလောက်ဇာတ်ရှုပ်တဲ့ သမ္မတဖြစ်ဖို့ ဒီလိုခပ်ရှုပ်ရှုပ်လေး သွားကြရင် မကောင်းဘူးလား။ သရော်စာလား၊ ဆော်စာလား၊ ခပ်ကြောင်ကြောင်စာလား မသိတော့။ လူထုကြိုက်တာကတော့ တိုက်ရိုက် ဒီမိုကရေစီလေ။ ဘယ်သူပဲ သမ္မတဖြစ်ဖြစ် ဂျာနယ်လစ်တွေကတော့ "ဒီကစောင့်နေသူ..."။
ကဲ အားလုံး ... Bla Bla Bla ပါပဲ။
Ref: EMG News
Friday, May 3, 2013
Bla Bla Bla တိုက်ရိုက်သွားကြမလား . . .
မြန်မာအပေါ် ၉၇ ဒဏ်ခတ်မှုသက်တမ်းတိုးဖို့ အိုးဘားမား လိုလား
ကိုသားညွှန်ဦး
03.05.2013
၁၉၉၇ ခုနှစ် သမ္မတ ဘီလ်ကလင်တန် လက်ထက်က မြန်မာနိုင်ငံအပေါ် ချမှတ်ခဲ့တဲ့ အရေးယူမှု ဥပဒေကို သက်တမ်းတိုးဖို့ သမ္မတ အိုဘားမားက အမေရိကန် လွှတ်တော် နှစ်ရပ်ကို အသိပေး ခဲ့ပါတယ်။ အမေရိကန်ပြည်ထောင်စု အနေနဲ့ မြန်မာနိုင်ငံ အပေါ် မူဝါဒပြောင်းလဲကျင့်သုံးရာမှာ၊ ထိစပ်ဆက်ဆံရေးမူ ကို ကျင့်သုံးနေသလို တဘက်မှာ ဖိအားပေးတဲ့ အရေးယူမှုတွေရှိသေးတယ် ဆိုတာကို ပြတာပါလို့ လူ့အခွင့်အရေး လှုပ်ရှားသူတွေက ပြောပါတယ်။ ကိုသားညွန့်ဦးက ဆက်သွယ်မေးမြန်းပြီး တင်ပြထားပါတယ်။
မြန်မာနိုင်ငံမှာ သိသာ တဲ့တိုးတက်မှုတွေ ရှိနေပြီး၊ ပြုပြင်ပြောင်းလဲရေး အတွက် အားထုတ်ဆောင်ရွက်နေပေမဲ့ မြန်မာနိုင်ငံဟာ အမေရိကန်ပြည်ထောင်စုရဲ့ လုံခြုံရေးနဲ့ နိုင်ငံခြားရေးမူဝါဒ အပေါ်မှာ အန္တရာယ် ရှိနေဆဲဖြစ်တဲ့ အတွက် အမျိုးသား အရေးပေါ် အက်ဥပဒေကို သမ္မတ ဘရက်အိုဘားမားက ၁ နှစ် ထပ်မံ သက်တမ်းတိုးဖို့ လွှတ်တော်ကို အကြောင်းကြား လိုက်တာပါ။ ဒီလုပ်ရပ် အပေါ်မှာတော့ အမေရိကန် အခြေစိုက် မြန်မာအရေး လှုပ်ရှားမှုအဖွဲ့ USCB က ၀မ်းမြောက်ကြိုဆိုတဲ့ အကြောင်း အဲဒီအဖွဲ့ရဲ့ အမှုဆောင် ညွှန်ကြားရေးမှူး Jennifer Quigley က ဗွီအိုအေ မြန်မာပိုင်းကို ပြောပါတယ်။
“ဒါဟာ လုပ်သင့်တဲ့ကိစ္စပါ။ အချို့နေရာတွေ ပြောင်းလဲတိုးတက်မှုတွေ ကျန်နေသေးတယ် ဆိုတာကို ပြသဖို့ ထိရောက်တဲ့ ကန့်သတ်ချက်တွေ ရှိထားရမှာပါ။ အထူးသဖြင့် မြန်မာစစ်တပ်နဲ့ ပတ်သက်နေတဲ့ကိစ္စရပ်တွေမှာပါ။ ဆိုလိုရင်းကတော့ အရေးယူဒဏ်ခတ်မှုတွေ ရှိနေသေးတယ်ဆိုတာပါ။ အခုလို သက်တမ်းတိုးခြင်းအားဖြင့် စစ်တပ်နဲ့ပတ်သက်မှုတွေကို ကန့်သတ်တာ အပါအ၀င် အရေးယူဒဏ်ခတ်မှုတရပ်လုံး ရှိနေသေးတယ်ဆိုတာ ပြပါတယ်။”
အမေရိကန်နိုင်ငံခြားရေးဌာနရဲ့ မြန်မာနိုင်ငံကိစ္စနဲ့ပတ်သက်လို့ ရှင်းလင်းမှုမှာတော့ မြန်မာနိုင်ငံအတွင်း အမေရိကန်ပြည်ထောင်စုက စိုးရိမ်ပူပင်နေတဲ့အခြေအနေ အတော်များများမှာ အရေးကြီးတဲ့ တိုးတက်မှုတွေ ဆက်ဖြစ်နေတယ်လို့ ဆိုပါတယ်။ အထူးသဖြင့်တော့ နိုင်ငံရေးအကျဉ်းသား ၈၅၀ လွတ်မြောက်ခဲ့တာ၊ လက်နက်ကိုင်တိုင်းရင်းသား အင်အားစုတွေနဲ့ အပစ်အခတ်ရပ်စဲရေး ကြိုးပမ်းဆောင်ရွက်တာ၊ နိုင်ငံတွင်းမှာလည်း လွတ်လပ်စွာ ပြောဆိုရေးသားခွင့် နိုင်ငံရေးမှာ လွတ်လွတ်လပ်လပ် ပါဝင်လှုပ်ရှားခွင့်တွေ ရှိလာတာကို ထောက်ပြပါတယ်။
ဒါပေမဲ့ ရခိုင်ပြည်နယ်အတွင်း လူမျိုးရေးအဓိကရုဏ်း၊ တိုင်းပြည်တွင်း အခြားနေရာတွေက ဘာသာရေးအဓိကရုဏ်းတွေနဲ့ နိုင်ငံရေးအကျဉ်းသားတွေ ရှိနေသေးတာ အပါအ၀င် ဖြေရှင်းလုပ်ကိုင်စရာ အတော်များများ ရှိသေးတယ်လို့ အမေရိကန် နိုင်ငံခြားရေးဌာန အရာရှိတွေက ပြောပါတယ်။ Jennifer Quigley ကတော့ အိမ်ဖြူတော်ရဲ့ ဒီ ထုတ်ပြန်ချက်ဟာ မြန်မာနိုင်ငံအပေါ် ကန့်သတ်ချက်တွေ ရှိနေသေးတယ်ဆိုတာ ပြသတဲ့အကြောင်း ယူဆပါတယ်။
“၁၉၉၇ ခုနှစ် သမ္မတဘီလ်ကလင်တန်လက်ထက်က ချမှတ်ခဲ့တဲ့ ဒီ ဥပဒေ အသက်ဝင်ဖို့ဆိုရင် နှစ်စဉ် ပြန်ပြီး သက်တမ်းတိုးရပါတယ်။ ဒါကြောင့် မြန်မာနိုင်ငံအပေါ်မှာ ဘဏ္ဍာရေးနဲ့ ရင်းနှီးမြှုပ်နှံမှုဆိုင်ရာ အရေးယူမှုဥပဒေကို သက်တမ်းတိုးဖို့ အစီအစဉ်ရှိတယ်ဆိုတာကို သမ္မတအိုဘားမားက လွှတ်တော်ကို အသိပေးတာပါ။ ဒါဟာ ပြီးခဲ့တဲ့နှစ်တုန်းက ရင်းနှီးမြှုပ်နှံမှုတားမြစ်မှုကို ပြန်ရုပ်သိမ်းထားတာကို ပြန်နောက်ဆုတ်စေလိုတဲ့သဘောတော့ မဟုတ်ဘူး။ ဆိုတော့ မြန်မာနိုင်ငံထဲ ရင်းနှီးမြှုပ်နှံမှုတွေ နဲ့ ငွေကြေးဝန်ဆောင်မှုလုပ်ငန်းတွေ လုပ်ကိုင်ခွင့်တော့ ခွင့်ပြုထားဆဲပါ။ ဒါပေမဲ့ ယာယီရုပ်သိမ်းထားတာမဟုတ်တဲ့ ကန့်သတ်ချက်တွေကို ဆက်ရှိစေဖို့ ဒီ ဥပဒေကို ဆက် သက်တမ်းတိုးတာဖြစ်ပါတယ်။ ”
အထူးသဖြင့်တော့ စစ်တပ်နဲ့ ဆက်နွယ်တဲ့ စီးပွားရေးလုပ်ငန်း ရင်းနှီးမြှုပ်နှံမှုတွေ ကို အမေရိကန်ပြည်ထောင်စုက ဆက်ပြီး ကန့်သတ်ထားတာဖြစ်တယ် လို့ ပြောပါတယ်။ အမေရိကန်ပြည်ထောင်စုကနေ မြန်မာအပေါ် အရေးယူမှုတွေကို ဆိုင်းငံ့ထားရာမှာ လည်း အဲဒီ ဥပဒေတခုလုံးကိုမဟုတ်ဘဲ၊ အစိတ်အပိုင်းပဲဖြစ်တာမို့ ကျန်နေတဲ့ အရေးယူမှုတွေဟာ ဥပဒေအတိုင်း ဆက်ရှိနေဖို့လိုအပ်တာကြောင့် ဖြစ်တယ်လို့ Jennifer Quigley က ပြောပါတယ်။
“ဆိုင်းငံ့ထားတာက ဒီ ဥပဒေရဲ့ အစိတ်အပိုင်းပဲဖြစ်ပါတယ်။ အရေးယူမှု အားလုံးကို ဆိုင်းငံ့ထားတာ မဟုတ်ပါဘူး။ ဥပမာပြောရရင် ဒီ ဥပဒေကို သက်တမ်းတိုးခြင်းအားဖြင့်တော့ ရင်းနှီးမြှုပ်နှံမှုအချို့ကိုတော့ ခွင့်ပြုမှာဖြစ်ပါတယ်။ ဒါပေမဲ့ စစ်တပ်နဲ့ ပတ်သက်ဆက်နွယ်တဲ့ ရင်းနှီးမြှုပ်နှံမှုမျိုးတွေကိုတော့ ဆက်ပြီး တားမြစ်ထားပါတယ်။”
အမေရိကန်အစိုးရအနေနဲ့ မြန်မာနိုင်ငံပတ်သက်လို့ ကန့်သတ်ချက်တွေ အရေးယူမှုတွေကို၊ မြန်မာနိုင်ငံရဲ့ ဖြစ်ပေါ်နေတဲ့ အခြေအနေနဲ့အညီ ဟန်ချက်ညီ ဆောင်ရွက်သွားနိုင်ဖို့လည်း အစိုးရနဲ့ လွှတ်တော်အကြား မမြဲမပြတ် ညှိနှိုင်းဆောင်ရွက်နေတယ်လို့ အမေရိကန်နိုင်ငံခြားရေးအရာရှိတွေ က ပြောပါတယ်။
ကျန်နေတဲ့ အရေးယူမှုတွေကတော့ လက်ရှိသွားနေတဲ့ မြန်မာနိုင်ငံ ရဲ့ ပြုပြင်ပြောင်းလဲရေးကို အနှောက်အယှက်ပေးမယ့် သူတွေအတွက် ပစ်မှတ်ထား ဆောင်ရွက်မှာဖြစ်တယ်လို့လည်း ပြောပါတယ်။ ဒါ့အပြင် မြန်မာနိုင်ငံက ဒီမိုကရေစီရေး အသွင်ကူးပြောင်း မှု ပြန်ပြီး နောက်မလှည့်သွားနိုင်အောင်လို့ အမေရိကန်ပြည်ထောင်စု အနေနဲ့ အားပေးဆောင်ရွက်သွားဖို့ကိုလည်း သန္နိဌာန် ချထားတယ်လို့ လွှတ်တော်ကို မနေ့က ရက်စွဲနဲ့ပေးပို့တဲ့ သမ္မတအိုဘားမားရဲ့ အကြောင်းကြားစာ ထဲမှာ ဖော်ပြထားပါတယ်။
Ref: VOA News
မြန်မာခေါင်းဆောင်တွေအပေါ် ဗီဇာပိတ်ပင်မှု အမေရိကန် ရုပ်သိမ်းလိုက်ပြီ
2013-05-03
အမေရိကန် နိုင်ငံခြားရေးဝန်ကြီးဌာနက မြန်မာအစိုးရ ခေါင်းဆောင်တွေ နဲ့ သူတို့နဲ့ ဆက်နွယ်နေသူတွေ အပေါ် ပြည်ဝင်ခွင့် ဗီဇာ ပိတ်ပင်ထားတာကို မေလ၂ရက်နေ့ကစပြီး ရုပ်သိမ်း လိုက်ပါတယ်။
အမျိုးသားဒီမိုကရေစီအဖွဲ့ချုပ်အပေါ် ဖိနှိပ်ချုပ်ချယ်မှု အပါအဝင် လူ့အခွင့်အရေး ချိုးဖေါက်မှုတွေကြောင့် မြန်မာနိုင်ငံ အစိုးရကို အမေရိကန် အစိုးရက ၁၉၉၆ ခုနှစ်မှာ ချမှတ်ခဲ့တဲ့ ဥပဒေအရ မြန်မာနိုင်ငံဒီမိုကရေစီ ပြောင်းလဲရေးကို၊ ဆန့်ကျင်နှောင့်ယှက်တဲ့ မူဝါဒချမှတ် လုပ်ဆောင်သူတွေနဲ့ အဲဒီလိုပြုမူဆောင်ရွက်မှုတွေကြောင့် အကျိုးခံစားခွင့်ရရှိသူတွေ၊ သူတို့ရဲ့မ်ိသားစုဝင်တွေကို အမေရိကန်နိုင်ငံ ဝင်ရောက်ခွင့် ဗီဇာပိတ်ပင်ထားခဲ့တာဖြစ်ပါတယ်။
ဒါပေမယ့် မြန်မာအစိုးရဟာ ၂ဝ၁၁ ခုနှစ်က စပြီး ဒီမိုကရေစီ ပြုပြင်ပြောင်းလဲရေး အတွက် နိုင်ငံရေး၊ လူမူရေး၊ စီးပွားရေး နယ်ပယ်တွေမှာ သိသာထင်ရှားပြီး အရေးကြီးတဲ့ပြုပြင်မှုတွေ ဆောင်ရွက်ခဲ့တာကြောင့် အခုလို ပိတ်ပင်မှုကို ဆက်လက်ထားရှိဖို့ မလိုတော့ဘူးလို့ အမေရိကန် နိုင်ငံခြားရေးဌာနရဲ့ ကြေညာချက်မှာ ဖေါ်ပြထားပါတယ်။
အဲဒီလိုအရင်က ပြည်ဝင်ခွင့် ပိတ်ပင်ထားသူ အများအပြားဟာ မြန်မာနိုင်ငံဖွံ့ဖြိုးတိုးတက်ရေး ပြုပြင်ပြောင်းလဲရေးလုပ်ငန်းတွေမှာ အခုပါဝင်ဆောင်ရွက်နေကြပြီလို့လည်းဆိုပါတယ်။ မနှစ်ကကြားဖြတ်ရွေးကောက်ပွဲမှာ တရားမျှတလွတ်လပ်မှုကြောင့် NLD ပါတီ ကိုယ်စားလှယ်တွေ အနိုင်ရပြီး လွှတ်တော်အတွင်း ဝင်ရောက်နိုင်ခဲ့တာကိုလည်း ထင်ရှားတဲ့ပြောင်းလဲတိုးတက်မှု တစ်ခုဖြစ်တယ်လို့ အမေရိကန်အစိုးရက ထောက်ပြပြောဆိုပါတယ်။
အမေရိကန်နိုင်ငံခြားရေးဌာနရဲ့ ထုတ်ပြန်ချက်မှာ အခုလိုဗီဇာပိတ်ပင်မှုကို ရုပ်သိမ်းလိုက်တာဟာ ဒီမိုကရေစီနဲ့ လူအခွင့်အရေး ပြုပြင်ပြောင်းလဲမှုတွေကို မြန်မာအစိုးရက ကတိကဝတ်ပြုခဲ့တဲ့အတိုင်း နောက်ထပ်တိုးတက်ဆောင်ရွက်ဖို့ အားပေးတိုက်တွန်းလိုတဲ့ အမေရိကန်အစိုးရရဲ့ ရည်မှန်းချက်နဲ့အညီ ဆောင်ရွက်တာဖြစ်တယ်လို့လည်း ဖေါ်ပြထားပါတယ်။
ဒါပေမဲ့ မြန်မာနိုင်ငံမှာ စိန်ခေါ်မူတွေတော့ အများကြီးရှိနေသေးကြောင်း အဓိကအားဖြင် တိုင်းရင်းသားတွေနဲ့ အမျိုးသားရင်ကြားစေ့ရေးကိစ္စတွေပြီးပြတ်ရန်၊ ရခိုင်ပြည်နယ်မှာဖြစ်ပွါးတဲ့ အဓိကရုဏ်းမျိုးတွေ ထပ်မံမဖြစ်ပွားအောင်ဆောင်ရွက်ရန်၊ ကျန်ရှိနိုင်ငံရေးအကျဉ်းသားတွေ လွှတ်ပေးရန်၊ ပြီးတော့ မြောက်ကိုရီးယားနဲ့ စစ်ရေးဆက်သွယ်မူအားလုံးကို ရပ်ဆိုင်းရန် စတဲ့အချက်တွေဖြစ်ကြောင်း အမေရိကန်နိုင်ငံခြားရေးဌာန အရာရှိတစ်ဦးက အမည်မဖေါ်ပဲပြောဆိုပါတယ်။
တပြိုင်နက်မှာပဲ အခုလိုဗီဇာပိတ်ပင်တဲ့ ဥပဒေကို ရုတ်သိမ်းလိုက်ပေမယ့် မြန်မာနိုင်ငံအပေါ်၁၉၉၇ ခုနှစ်ကပြဌာန်းခဲ့တဲ့ အရေးပေါ်စီးပွားရေးဆိုင်ရာအရေးယူမှု အက်ဥပဒေကိုတော့ နောက်ထပ်တစ်နှစ် ဆက်လက်ထားရှိကြောင်းလည်း နိုင်ငံခြားရေးဌာနအရာရှိကပြောပါတယ်။ အဲဒီဥပဒေအရ အမေရိကန်ကုမ္ပဏီတွေဟာ မြန်မာ့ဒီမိုကရေစီ ပြုပြင်ပြောင်းလဲရေးကို ဆန့်ကျင်ဖိနှိပ်ခဲ့မှုမှာ ပါဝင်ပတ်သက်ခဲ့သူအဖြစ် အမေရိကန်အစိုးရက သတ်မှတ်ထားသူတွေနဲ့ စီးပွားရေးအရ ဆက်သွယ်လုပ်ကိုင်ခွင့်မရှိပါဘူး။
Ref: RFA News
ပါတီခေါင်းဆောင်ပိုင်း အပြောင်းအလဲမရှိကြောင်း ကြံ့ခိုင်ရေး ကိုယ်စားလှယ်ပြော
2013-05-02
ပြည်ထောင်စုကြံ့ခိုင်ဖွံ့ဖြိုးရေးပါတီ ခေါင်းဆောင်ပိုင်း အပြောင်းအလဲ မရှိကြောင်း၊ ပါတီ ဥက္ကဌအဖြစ် သမ္မတ ဦးသိန်းစိန်က ဒီကနေ့အထိ ဆက်လက် တာဝန် ယူထားဆဲဖြစ်ကြောင်း နေပြည်တော်မှာ ကျင်းပနေတဲ့ ကြံ့ခိုင် ဖွံ့ဖြိုးရေးပါတီ လူငယ် ညီလာခံကို တက်ရောက်နေတဲ့ ပါတီ ကိုယ်စားလှယ်တွေက ပြော ပါတယ်။
သမ္မတဦးသိန်းစိန်ဟာ ပါတီဥက္ကဌအဖြစ်က နှုတ်ထွက်ခြင်းမရှိသေးဘဲ ပါတီ ဒုတိယ ဥက္ကဌဖြစ်တဲ့ သူရ ဦးရွှေမန်းက ဥက္ကဌရဲ့ လုပ်ငန်းတာဝန်တွေကို ထမ်းဆောင်နေခြင်းသာဖြစ်တယ်လို့ ပါတီ လူငယ်ညီလာခံ တက်ရောက်နေတဲ့ မကွေးတိုင်းဒေသကြီး အမျိုးသားလွှတ်တော် ကိုယ်စားလှယ် ဦးလှဆွေက RFA ကို ဒီကနေ့ အတည်ပြုပြောကြားပါတယ်။
“နဂိုအတိုင်းပဲ၊ ဥက္ကဌက နိုင်ငံတော်သမ္မတကြီးပေါ့၊ သမ္မတကြီးက ဥက္ကဌတာဝန်ကို ယူထားပေမယ့် ထမ်းဆောင်နိုင်ခြင်း မရှိတဲ့ အတွက်ကြောင့်မို့ ယာယီဥက္ကဌက ဥက္ကဌတာဝန်ကို ထမ်းဆောင်နေတာခင်ဗျ၊ ကျနော်တို့ ပါတီဥက္ကဌကြီးကတော့ ဦးသိန်းစိန်ပါပဲ၊ သို့သော် ဦးသိန်းစိန်ဟာ ပါတီလုပ်ငန်းတွေကို ဆောင်ရွက်ရခြင်းမရှိပါဘူး၊ ဥပဒေအရ သူကနာမည်သာရှိတာ ပါတီလုပ်ငန်းတွေကို ဆောင်ရွက်ခြင်းမရှိပါဘူး၊ သူကပါတီတာဝန်ကို ထမ်းဆောင်နိုင်ခြင်း မရှိတဲ့အတွက်ကြောင့် ယာယီဥက္ကဌဖြစ်တဲ့ ဦးသူရရွှေမန်းက ဥက္ကဌတာဝန်၊ ဥက္ကဌအလုပ်တွေကို အကုန်လုပ်ပါတယ်ခင်ဗျ၊ ဒီနေ့ဆိုရင် ပြည်ထောင်စုဝန်ကြီး ၄ ပါးလောက်လည်းတက်တယ်၊ သို့သော်သူတို့ဟာ ပါတီမှာရာထူးတွေ ယူထားသော်လည်း ပါတီအလုပ်တွေကို မလုပ်ပါဘူး၊ ဆိုလိုတာက CEC တို့ EC တို့စသဖြင့် ယူထားပါတယ်၊ ယူထားပေမယ့် သူတို့ကလာပြီးတော့ပါတီမှာ တာဝန်ထမ်းဆောင်ခြင်းမရှိပါဘူး၊ မျက်နှာလေးလာပြပြီးတော့ ပြန်သွားတာပါပဲ၊ အဲ့ဒီသဘောပါ”
သမ္မတဦးသိန်းစိန်ဟာ ကြံ့ခိုင်ဖွံ့ဖြိုးရေးပါတီ ဥက္ကဌအဖြစ်က နှုတ်ထွက်လိုက်ပြီဖြစ်ပြီး၊ လက်ရှိပါတီဥက္ကဌအဖြစ် သူရဦးရွှေမန်းက ဆောင်ရွက်နေကြောင်း The Voice နေ့စဉ်သတင်းစာနဲ့ ကြံ့ခိုင်ဖွံ့ဖြိုးရေးပါတီက ထုတ်ဝေတဲ့ ပြည်ထောင်စု နေ့စဉ်သတင်းစာတွေမှာ ဖော်ပြထားပါတယ်။
ပါတီဒုတိယဥက္ကဌဖြစ်တဲ့ သူရဦးရွှေမန်းဟာ ယခင်က ဦးသိန်းစိန်ရဲ့ ဥက္ကဌလုပ်ငန်းတာဝန်တွေကို ပူးတွဲထမ်းဆောင်နေခဲ့တာဖြစ်ပြီး၊ အခုနေပြည်တော်မှာ ၃ ရက်ကြာကျင်းပနေတဲ့ လူငယ်ညီလာခံအတွင်း ဦးသိန်းစိန်ထံက ဥက္ကဌရာထူး လွှဲပြောင်းရယူလိုက်တာဖြစ်တယ်လို့ အဲဒီစာစောင်တွေမှာ ဖော်ပြထားပါတယ်။
Ref: RFA News
ခရီးသွားလုပ်ငန်းတွင် နိုင်ငံခြားသား ဖက်စပ်လုပ်ကိုင်နိုင်ခြင်းအပေါ် အငြင်းပွားမှု ပြင်းထန်
သီဟကိုကို
သောကြာနေ့၊ မေလ ၀၃ ရက် ၂၀၁၃
ရန်ကုန် (မဇ္ဈိမ)။ ။ ခရီးသွားလုပ်ငန်းအား နိုင်ငံခြားသား ရင်းနှီးမြှုပ်နှံမှု ဖက်စပ် လုပ်ကိုင်ခွင့် ပေးခြင်းအပေါ် ခရီးသွား လုပ်ငန်းရှင်များ အကြား သဘောထား မတိုက်ဆိုင်မှုများ ဖြစ်ပွားလျက် ရှိကြောင်း လုပ်ငန်းရှင်များ ထံမှ သတင်းရရှိသည်။
Ruby Land Tourism Services Co.Ltd၏ မန်နေးဂျင်း ဒါရိုက်တာ ဦးအေးကျော်က “ လုပ်ငန်းရှင် အများစုက ခရီးသွား လုပ်ငန်းကို နိုင်ငံခြားသား ရင်းနှီးမြှုပ်နှံမှု ဖက်စပ်လုပ်ကိုင် ခွင့်ပြုတာကို ကန့်ကွက်ကြောင်းစာကို လွှတ်တော်အထိ တင်ထားတယ်။ လွှတ်တော်က ၀န်ကြီးဌာနကို ခရီးသွားလုပ်ငန်းရှင် အားလုံးရဲ့ သဘောထား ဆန္ဒခံယူတင်ပြဖို့ ညွှန်ကြားထားတယ် ” ဟုပြောသည်။
ထိုသို့ ညွှန်ကြားထားသော်လည်း ခရီးသွားလုပ်ငန်းရှင် အသင်းသာလျှင် ဆန္ဒတောင်းခံ ထားပြီး ဧပြီလ ၂၈ နေ့က ပြုလုပ်ခဲ့သည့် ခရီးသွားလုပ်ငန်းရှင် အသင်း သင်းလုံးကျွတ် အစည်းအဝေးတွင် ဆန္ဒခံယူတာ မလုပ်ခဲ့ဟု ဆိုသည်။ ထို့အပြင် တရားဝန်ခရီးသွား လုပ်ငန်းများမှာ တထောင်ကျော် ရှိပြီး အသင်းဝင်ပေါင်း ၅၀၀ ကျော်ရှိကြောင်း ဦးအေးကျော်မှ ရှင်းပြခဲ့သည်။
ခရီးသွား လုပ်ငန်းရှင်အများစုက ကန့်ကွက်ကြောင်း ပြောဆိုသော်လည်း အမှန်တကယ် အနည်းအများကို တိတိကျကျ မပြောနိုင်ကြောင်း၊ အများစု၏ သဘောဆန္ဒအတိုင်းသာ ဆောင်ရွက်သွားမည်ဟု မြန်မာနိုင်ငံ ခရီးသွား လုပ်ငန်းရှင်များအသင်း အတွင်းရေးမှူး ဦးနှောင်းနှောင်းဟန်က ပြောသည်။
၎င်းက “ ခရီးသွားလုပ်ငန်းကို နိုင်ငံခြားသားကို ဖက်စပ် လုပ်ကိုင်ခွင့်ပေးတာကို ထောက်ခံတဲ့လူတွေလည်း များပါတယ်။ ခရီးသွားလုပ်ငန်းရှင် အသင်းအသစ် ရွေးချယ်တဲ့ အမှုဆောင်တွေထဲမှာ ကန့်ကွက်တဲ့လူ
နှစ်ယောက်လောက်ပဲ ပါတယ်။ အသင်းအနေနဲ့ ဘယ်ကိစ္စမဆို ဒီမိုကရေစီနည်းနဲ့ မဲခွဲဆုံးဖြတ်သွားမှာပါ ” ဟု ဆက်လက်ပြောသည်။
နိုင်ငံခြားသား ရင်းနှီးမြှုပ်နှံမှုများ ၀င်လာပါမှ ခရီးသွားလုပ်ငန်း ဖွံ့ဖြိုးလာမည် ဖြစ်ပြီး ခရီးသွားလုပ်ငန်းဖွံ့ဖြိုးပါမှ တိုင်းပြည်တိုးတက်လာမည်ဖြစ်ကြောင်း၊ မိမိနိုင်ငံသား၏ အကျိူးစီးပွားကို ကာကွယ်မည့် ဥပဒေများ ပြဌာန်းပေး
နိုင်လျှင် မည်သည့်နိုင်ငံခြားသား လာရောက်ပါစေ ပြဿနာ မရှိနိုင်ကြောင်း မြန်မာနိုင်ငံ ဧည့်လမ်းညွှန်များ အသင်းမှ အတွင်းရေးမှူး ဦးကိုကိုလတ်က ရှင်းပြသည်။
ကမ္ဘောဒီးယား၊ ထိုင်း၊ ဗီယက်နမ် နိုင်ငံတို့မှာ ခရီးသွားလုပ်ငန်း များတွင် နိုင်ငံခြားသား ဖက်စပ် လုပ်ကိုင်ခြင်းအတွက် နိုင်ငံခြားသားအား ၄၉ ရာခိုင်နှုန်း၊ ပြည်တွင်း လုပ်ငန်းရှင်အား ၅၁ ရာခိုင်နှုန်းပေးထားကြောင်း၊ နိုင်ငံခြားသားကို ခရီးသွားလုပ်ငန်း ဖက်စပ်လုပ်ကိုင်ခွင့်ပေးခြင်းထက် တိုင်းရင်းသား လုပ်ငန်းရှင်များကို အစိုးရအနေဖြင့် ပံပိုးကူညီပေးသင့်ကြောင်း Nature Dream Travel & Tours Co.Ltd ၏ မန်နေးဂျင်းဒါရိုက်တာ ဒေါ်စံပယ်အောင်က သူ့အမြင်ကို ပြောသည်။
မြန်မာနိုင်ငံ ရင်းနှီးမြှပ်နှံမှု ကော်မရှင်၏ အမိန့်ကြေညာစာ အမှတ် ၁/၂၀၁၃ တွင် နိုင်ငံသား နှင့် ဖက်စပ်စနစ် ဖြင့်သာ ဆောင်ရွက် ခွင့်ပြုသည့် စီးပွါးရေး လုပ်ငန်းစာရင်းတွင် ခရီးသွားလုပ်ငန်း ပါဝင်ပြီး အမျိုးသားစီမံကိန်းနှင့် စီးပွါးရေး ဖွံဖြိုးတိုးတက်မှုဝန်ကြီးဌာန၏ နိုင်ငံခြား ရင်းနှီးမြှပ်နှံမှု နည်းဥပဒေတွင် နိုင်ငံခြားသားသည် တားမြစ်သည့် လုပ်ငန်း (သို့မဟုတ်) ကန့်သတ်သည့်လုပ်ငန်းများကို နိုင်ငံသားနှင့် ဖက်စပ်လုပ်ကိုင်ပါက နိုင်ငံခြား မတည် ငွေရင်းအချိုးသည် စုစုပေါင်း ရင်းနှီးမြှပ်နှံမှု၏ ၈၀ ရာခိုင်နှုန်းထက် မကျော်လွန်စေရဟု ပါရှိသည်။
Ref: မဇ္ဈိမ
ဒေသခံတွေအရေး မျက်ကွယ်ပြုရင် စီမံကိန်းတွေ ရပ်ဆိုင်းရမယ်
ကျော်ခ
May 2, 2013
ရခိုင်ပြည်နယ်မှာ တည်ဆောက်နေတဲ့ အကြီးစား စီမံကိန်းကြီးတွေ အနေနဲ့ ပွင့်လင်းမြင်သာမှု ရှိဖို့နဲ့ ဒေသခံတွေရဲ့ တောင်းဆိုချက် တွေကို မျက်ကွယ်ပြုမယ် ဆိုရင် စီမံကိန်းတွေကို ရပ်ဆိုင်းထားဖို့ သဘောထား ကြေညာချက်တခု ဒီနေ့ပဲ ထွက်ပေါ်လာပါတယ်။
ရွှေသဘာဝ ဓာတ်ငွေ့စက်ရုံ၊ ရေနက်ဆိပ်ကမ်း၊ ရေနံနဲ့ သဘာဝ ဓာတ်ငွေ့ ပိုက်လိုင်း စတဲ့ စီမံကိန်း ကြီးတွေကြောင့် ဒေသခံ တွေက သူတို့ရဲ့ အိုးအိမ်တွေ၊ အသက်မွေးဝမ်းကျောင်း လုပ်ငန်းတွေ ပျက်စီး ဆုံးရှုံးမှာကို စိုးရိမ်မကင်း ဖြစ်နေကြတယ်လို့လည်း အဲဒီထုတ်ပြန်ချက်မှာ ဖော်ပြထားပါတယ်။
သဘောထား ထုတ်ပြန်ချက်ကို ကျောက်ဖြူမြို့ခံ အဖွဲ့အစည်းတွေဖြစ်တဲ့ Kyaukphyu Social Network Group၊ Sky Youth Organization၊ Maday Island Development organization နဲ့ ဒေသခံကျေးရွာ ၁၇ ရွာက လိုအပ်ချက်၊ တောင်းဆိုချက် တွေကို စုပေါင်း ထုတ်ပြန်ကြေညာလိုက်တာ ဖြစ်ပြီး သမ္မတ ဦးသိန်းစိန် အပါအဝင် ဒီစီမံကိန်းတွေကို လုပ်ဆောင်နေတဲ့ မြန်မာ့ရေနံနဲ့ သဘာဝ ဓာတ်ငွေ့လုပ်ငန်း(MOGE)၊ ကိုရီးယားနိုင်ငံမှ ဒေဝူး ကုမ္ပဏီနဲ့ တရုတ်နိုင်ငံမှ CNPC တို့ကို အသိပေးလိုက်တာ ဖြစ်တယ်လို့ ဆိုပါတယ်။
“လနဲ့ချီပြီး ဒေသခံတွေနဲ့ လိုက်တွေ့ဆုံ ဆွေးနွေးမှုတွေလုပ်ပြီး သူတို့ရဲ့ လိုအပ်ချက်တွေ၊ စိုးရိမ်မှုတွေနဲ့ပတ်သက်ပြီး ခုလို ထုတ်ပြန် လိုက်တာ၊ ဒီတောင်းဆိုချက်တွေ အကောင်အထည် ဖော်မပေးရင်တော့ ဒီစီမံကိန်းတွေကို ဆိုင်းငံ့ဖို့ ကျနော်တို့အနေနဲ့ ဆက်ပြီး တောင်းဆိုမှုတွေ လုပ်ရပါလိမ့်မယ်”လို့ Kyaukphyu Social Network Group တာဝန်ရှိသူ တစ်ဦးဖြစ်တဲ့ ကိုထွန်းလွင် က ဧရာဝတီ ကို ပြောပြပါတယ်။
ဒီစီမံကိန်းကြီး ၃ ခု စတင်ခဲ့တဲ့ ၂၀၀၉ ခုနှစ်ကတည်းက အဓမ္မသိမ်းယူခဲ့တဲ့ ဒေသခံတွေရဲ့ လယ်ယာမြေတွေနဲ့ ပတ်သက်ပြီး နိုင်ငံ တကာ စံနှုန်းအတိုင်း လျော်ကြေး အပြည့်အဝ ပေးချေဖို့လည်း တောင်းဆိုထားပါတယ်။
အသိမ်းခံ လယ်မြေတွေထဲမှာ လျော်ကြေးလုံးဝ မရတဲ့လယ်ယာမြေတွေ၊ လျော်ကြေး အပြည့် အဝမရသေးတဲ့ လယ်မြေတွေလည်း ရှိတယ်လို့ သိရပါတယ်။
ဒီစီမံကိန်းတွေကြောင့် စားဝတ်နေရေး အခက်အခဲကြုံတွေ့နေရတဲ့ ဒေသခံတွေအတွက် အသက်မွေးဝမ်းကျောင်း အလုပ် အကိုင် တွေ ဖန်တီးပေးဖို့နဲ့ ဒေသဖွံ့ဖြိုးရေးတွေ လုပ်ပေးဖို့ စတာတွေလည်း တောင်းဆိုချက်ထဲမှာ ပါဝင်တာကို တွေ့ရပါတယ်။
“ရေနံတင်ဆိပ်ကမ်း ဆောက်တဲ့နေရာမှာဆိုရင် ကျောက်တွေကို မိုင်းခွဲပြီး ရှင်းလင်းရေး လုပ်တယ်၊ ဒီဒေသက လူတွေ ၇၀ ရာနှုန်း က တံငါ အလုပ်လုပ်တယ်၊ အဲဒီလို ကျောက်မိုင်းခွဲတာ၊ ကျောက်တွေကို စွန့်ပစ်ပုံတာတွေ လုပ်တော့ ငါးဖမ်း လုပ်ငန်းတွေကို ထိ ခိုက် တယ်၊ နောက်ဆို ရေနံတင်သင်္ဘောတွေက ဝင်ထွက် သွားလာတော့မယ် ဆိုတော့ သူတို့ အသက်မွေးဝမ်းကျောင်း လုပ်ငန်း အတွက် အကျိုးထိခိုက်ပြီ၊ ဒါတွေအတွက် တာဝန်ယူမှုတွေ လိုအပ်ပါတယ်”လို့ ကိုထွန်းလွင် က ပြောပါတယ်။
တကယ်လို့ ရေနံသင်္ဘောတွေ မတော်တဆ ပေါက်ကွဲမှုဖြစ်လာခဲ့ရင် ကမ်းရိုးတန်းတလျှောက် ပင်လယ်ပြင် သန့်ရှင်းရေး လုပ်ငန်း တွေ၊ သဘာဝပတ်ဝန်းကျင် ပျက်စီးမှု၊ ဒေသခံတွေရဲ့ အသက်မွေးဝမ်းကျောင်း လုပ်ငန်းတွေ စတဲ့ ထိခိုက်နစ်နာမှုတွေကို အစိုးရနဲ့ စီမံကိန်း ကုမ္ပဏီတွေက တာဝန်ယူဆောင်ရွက်ပေးမှု ရှိမရှိ ကြိုတင် ရှင်းပြပေးဖို့ကိုလည်း ဒေသခံတွေက တောင်းဆိုထားပါတယ်။
ရွှေသဘာဝဓာတ်ငွေ့ စီမံကိန်းနဲ့ ရေနံနဲ့ ဓာတ်ငွေ့ပိုက်လိုင်း စီမံကိန်းအတွင်း သဘာဝပတ်ဝန်းကျင်အပေါ် အကျိုးသက်ရောက်မှု ဆန်းစစ်ခြင်းတွေ ပြုလုပ်ထားခြင်းမရှိရင် စီမံကိန်း ချက်ချင်း ရပ်ဆိုင်းပြီး နိုင်ငံတကာ စံချိန်စံညွှန်းတွေနဲ့အညီ ပြုလုပ်ဖို့၊ ဒေသခံတွေရဲ့ သဘောထားတွေကို ရယူဖို့ကိုလည်း ကြေညာချက်မှာ ဖော်ပြထားပါတယ်။
အလားတူ ဓာတ်ငွေ့ပိုက်လိုင်းရဲ့ ကြံ့ခိုင်မှုကို နိုင်ငံတကာ စံချိန်စညွှန်းနဲ့ ကိုက်ညီမှု ရှိမရှိစစ်ဆေးဖို့၊ ပိုက်လိုင်း အန္တရာယ်နဲ့ ပတ်သက် ပြီးတော့လည်း လူထုကို အသိပေးဖို့ လိုအပ်ကြောင်းလည်း ထောက်ပြထားပါတယ်။
ရခိုင်ပြည်နယ်ကနေ တရုတ်နိုင်ငံကို ဆက်သွယ်ထားတဲ့ ဒီဓာတ်ငွေ့ပိုက်လိုင်းကို ဧပြီလဆန်းပိုင်းက ရေလွှတ်ပြီးစမ်းသပ်ခဲ့ရာမှာ ပိုက်ဖြတ်သန်းရာ လမ်းကြောင်းမှာပါဝင်တဲ့ ရှမ်းပြည်နယ်ထဲက မြို့နယ်တချို့မှာ ပိုက်လိုင်းကျိုးပေါက် ပွင့်ထွက်မှုတွေဖြစ်ခဲ့တဲ့ အတွက် စိုးရိမ်မှုတွေဖြစ်ပွားခဲ့ရကြောင်း ဒေသခံတွေက ဧရာဝတီကို ပြောဆိုခဲ့ပါသေးတယ်။
ပိုက်လိုင်း ကျိုးပေါက်မှုဟာ ဒီနှစ်ထဲမှာ ၂ ကြိမ်ဖြစ်ပွားခဲ့တာဖြစ်ပြီး ယခင်နှစ်ထဲမှာလည်း ၂ ကြိမ် ကျိုးပေါက်ခဲ့ဖူးပါတယ်။
ရွှေသဘာဝ ဓာတ်ငွေ့စက်ရုံ၊ ရေနက်ဆိပ်ကမ်း၊ ရေနံနဲ့ သဘာဝ ဓာတ်ငွေ့ ပိုက်လိုင်း စတဲ့ စီမံကိန်းတွေ ပွင့်လင်းမြင်သာမှု မရှိတဲ့ အတွက် ဒေသခံတွေနဲ့ သဘာဝ ပတ်ဝန်းကျင်အရေး လှုပ်ရှားတဲ့ အဖွဲ့တွေက ရပ်ဆိုင်းထားဖို့ ပြည်တွင်း၊ ပြည်ပမှာ အကြိမ်ကြိမ် ဆန္ဒပြ တောင်းဆိုခဲ့ပါတယ်။
ဒေသခံတွေထုတ်ပြန်တဲ့ ဒီနေ့တောင်းဆိုချက်တွေကို အစိုးရနဲ့ စီမံကိန်းကုမ္ပဏီတွေ အနေနဲ့ အကောင်အထည်ဖော် ဆောင်ရွက် မပေးခဲ့ရင်တော့ စီမံကိန်းတွေ လုံးဝ ရပ်ဆိုင်းသွားတဲ့အထိ ဒေသခံရွာသားတွေနဲ့ မြို့ပေါ်က လူမှုအဖွဲ့အစည်းတွေ ပူးပေါင်းပြီး ဆန္ဒဖော်ထုတ်မှုတွေ ပြုလုပ်ကြမယ်လို့လည်း ဆိုပါတယ်။
ဒီဓာတ်ငွေ့ပိုက်လိုင်း တည်ဆောက်မှုနဲ့ ပတ်သက်ပြီး ဧပြီလ ၁၈ ရက်နေ့က မဒေးကျွန်း ဒေသခံ ကျေးရွာတွေက CNPC ကုမ္ပဏီ ကို ကန့်ကွက် ဆန္ဒထုတ်ဖော်မှုတွေ ပြုလုပ်ခဲ့ကြပါသေးတယ်။
သမ္မတရုံး ဝန်ကြီး ဦးစိုးသိန်း က တရုတ်စီမံကိန်းတွေဟာ မြန်မာ့မြေပေါ်မှာ ငွေကြေး အမြောက်အများ သုံးစွဲပြီး ရင်းနှီးမြှုပ်နှံတဲ့ အတွက် နိုင်ငံအတွက် အကျိုးရှိကြောင်း၊ ဒေသခံတွေအနေနဲ့ လယ်ယာ နည်းနည်းပဲ ဆုံးရှုံးရတာ ဖြစ်ကြောင်း၊ တရုတ် ကုမ္ပဏီတွေ အပေါ် ဆန္ဒဖော်ထုတ်မှုတွေဟာ မှားယွင်းတဲ့ လုပ်ရပ်ဖြစ်ကြောင်း ဒေသခံတွေကို လာရောက်ပြောဆိုသွားတယ်လို့ သိရပါတယ်။
သဘာဝဓာတ်ငွေ့ပိုက်လိုင်းကို ရခိုင်ပြည်နယ်ကတဆင့် မကွေးတိုင်း၊ မန္တလေးတိုင်းနဲ့ ရှမ်းပြည်နယ်တို့ကနေ တရုတ်နိုင်ငံ ယူနန် ပြည်နယ်မှာ အဆုံးသတ်မယ်လို့ သိရပြီး ဒီစီမံကိန်းကို အရင် နအဖ အကြီးအကဲ ဗိုလ်ချုပ်မှူးကြီး သန်းရွှေနဲ့ လက်ရှိ တရုတ်သမ္မတ ရှီကျင့်ဖျင် တို့က ၂၀၀၉ ခုနှစ်မှာ သဘောတူ လက်မှတ် ရေးထိုးခဲ့ကြတာ ဖြစ်ပါတယ်။
ထွက်ရှိလာတဲ့ သဘာဝ ဓာတ်ငွေ့တွေကို မြန်မာအစိုးရကနေ တရုတ်အစိုးရကို ၂၀၁၃ ခုနှစ်က စပြီး အနှစ် ၃၀ ရောင်းချမှာဖြစ်ပြီး ခန့်မှန်းခြေ အားဖြင့် အမေရိကန် ဒေါ်လာ ၂၉ ဘီလီယံ ရရှိမှာဖြစ်တယ်လို့ သိရပါတယ်။
Ref: ဧရာဝတီ
ရခိုင်ပြည်နယ်မှ ရန်ကုန်သို့ နယ်ကျော် ဝင်ရောက်လာသူ ၁၄ ဦးကို တရားစွဲမည်
ချစ်ဆု
May 3, 2013
ပြီးခဲ့သည့် ရက်ပိုင်းအတွင်း မင်္ဂလာဒုံ မြို့နယ်တွင် ဖမ်းမိခဲ့သည့် တရားမ၀င် နယ်ကျော် ၀င်ရောက်လာသူ ၁၄ ဦးထဲတွင် အသက်မပြည့်သူ တဦး ပါဝင်သော်လည်း အားလုံးကို တရားစွဲဆို သွားမည်ဖြစ်ကြောင်း မင်္ဂလာဒုံရဲစခန်းမှ သိရှိရသည်။
ဖမ်းဆီး ခံရသောသူများထဲမှ ၃ ဦးကို အင်းစိန်ဆေးရုံ၌ အသက် စစ်ဆေးရာတွင် တဦးမှာ အသက် ၁၃ နှစ်သာရှိသေးပြီး ထို အသက်မပြည့်သေးသော ဂျာကရာမက် (ခ) ခင်မောင်စိုးအား ကလေးသူငယ် တရားရုံးတွင် နယ်ကျော်မှုဖြင့် တရားစွဲဆို သွားမည်ဟု မင်္ဂလာဒုံရဲစခန်းမှ ဒုရဲအုပ် ကျော်မင်းစိုးက ပြောသည်။
“အင်းစိန်ဆေးရုံက အသက်စစ်ဆေးချက် ဆေးစာလည်း ရနေပါပြီ။ တရားစွဲဖို့ တင်ထားပါတယ်။ နေ့တော့ အတိအကျ မသိသေးပါဘူး” ဟု ၎င်းက ဆိုသည်။
အင်းစိန်ဆေးရုံမှ ဆေးစာကို ဧပြီလ ၃၀ ရက်နေ့တွင် ရရှိခဲ့ခြင်း ဖြစ်ပြီး ယင်းနေ့တွင်ပင် တရားစွဲဆိုရန် အတွက် တရားရုံးသို့ တင်ထားခြင်း ဖြစ်သည်။
ဖမ်းဆီး ခံရသူများ၏ ထွက်ဆိုချက်အရ ရန်ကုန်မြို့တွင် အလုပ်လုပ်ရန် ကျောက်တော်မြို့နယ် အပေါက်ဝ ကျေးရွာနေ ဘူရှင်ညာ ဆိုသူက လူစုပေးခြင်းဖြစ်ကြောင်း၊ တယောက်လျှင် ပွဲစားခ ကျပ် ၅ သိန်းပေးရကြောင်း သိရှိရသည်။
ဧပြီ ၂၇ ရက်နေ့တွင် မင်္ဂလာဒုံမြို့နယ် သစ်စိမ့်ကုန်း ရပ်ကွက် မလိခလမ်းပေါ်ရှိ လူမနေသောခြံ အတွင်း နေထိုင်နေသော တရားမ၀င် ရောက်ရှိနေသည့် ကျောက်တော်မြို့နယ်မှ ရန်ကုန်သို့ နယ်ကျော် ရောက်ရှိနေသည့် မှတ်ပုံတင်မရှိသူ ၁၄ ဦးကို တွေ့ရှိရသဖြင့် လူဝင်မှု ကြီးကြပ်ရေးသို့ ပို့ဆောင် စစ်ဆေးခဲ့ပြီး ၁၉၄၉ ခုနှစ် မြန်မာနိုင်ငံအတွင်း နေထိုင်သူများ မှတ်ပုံတင်ရေး အက်ဥပဒေ ပုဒ်မ – ၆ (၂)(၃) အရ လူဝင်မှု ကြီးကြပ်ရေးမှ တရားလို ပြုလုပ် တရားစွဲဆိုသွားမည် ဖြစ်သည်။
ထိုသူများကို ရခိုင်ပြည်နယ် ကျောက်တော် မြို့နယ်မှ ရန်ကုန်မြို့သို့ တရားမ၀င် ပို့ဆောင်ပေးခဲ့သည် ဆိုသော ရေနံချောင်း မြို့နယ်တွင် နေထိုင်သူ သွင်ဇာအောင် (၃၂) နှစ်နှင့် အပေါင်းအပါ ၉ ဦးကိုလည်း လူကုန်ကူးမှုဖြင့် အမှုဖွင့်ထားကြောင်း ရန်ကုန်တိုင်း ဒေသကြီးအစိုးရ အဖွဲ့ရုံးမှ သိရသည်။
ရခိုင်ပြည်နယ်အတွင်းမှ မြန်မာနိင်ငံအတွင်းရှိ တခြား ဒေသ တရပ်ရပ်သို့ မှတ်ပုံတင်မရှိသူ များအား သွားလာခွင့် ပိတ်ပင်ထားပြီး ရခိုင်ပြည်နယ် ပြင်ပသို့ တရားမ၀င် သွားရောက်သူများကို နေရပ်ပြန်လည် ပို့ဆောင်ခြင်း၊ နယ်ကျော်မှုဖြင့် ဖမ်းဆီး အရေးယူခြင်းများ ပြုလုပ်လေ့ရှိသည်။
Ref: ဧရာဝတီ
ကျောက်ဖြူ ဒေသခံများက သမ္မတ နှင့် CNPC ကို ၁၂ ချက် တောင်းဆို
သိန်းလှိုင်
သောကြာနေ့၊ မေလ ၀၃ ရက် ၂၀၁၃
စစ်တွေ(မဇ္ဈိမ)။ ။ ရခိုင်ဒေသ လူမှုအဖွဲ့အစည်းများ အပါအဝင် ကျောက်ဖြူမြို့နယ် ကျေးရွာ ၂၀ နီးပါးမှ ကိုယ်စားလှယ် တို့က တရုတ် ရေနံနှင့် သဘာဝ ဓာတ်ငွေ့ ပိုက်လိုင်းဖြတ်သန်းရာဒေသ နစ်နာမှုများ အတွက် တောင်းဆိုချက် ၁၂ ချက်အား နိုင်ငံ သမ္မတနှင့် တရုတ် CNPC ကုမ္ပဏီတို့ထံ မေလ ၂ ရက်နေ့က တောင်းဆို လိုက်ကြသည်။
မတ်လ ၁၅ ရက်မှ ၁၇ ရက်နေ့ထိ ကျောက်ဖြူမြို့နယ်၊ လိပ်ခမော်ကျေးရွာ၊ ဘုန်းတော်ကြီး ကျောင်း၌ ကျင်းပခဲ့သည့် ဒေသခံများ တွေ့ဆုံဆွေးနွေးပွဲမှ ဆုံးဖြတ်ချက်များကို ယနေ့တွင် အတည်ပြု ထုတ်ပြန် တောင်းဆို လိုက်ခြင်း ဖြစ်သည်။
“မတ်လ ဆွေးနွေးပွဲကို ကျောက်ဖြူမြို့နယ်က ရွာပေါင်း ၁၇ ရွာက ကိုယ်စားလှယ်တွေနဲ့ လူမှုအဖွဲ့ သုံးဖွဲ့တို့ စုစည်း ကျင်းပ ခဲ့တယ်။ အဲဒီက ချမှတ်ခဲ့တဲ့ ဆုံးဖြတ်ချက်တွေ အပေါ်မှာ ရပ်သူရွာသား တွေရဲ့ သဘောတူညီချက် ပြန်လည် ရယူဖို့ တလကျော်ကြာ ချပြဆွေးနွေး ခဲ့ပြီးတော့ ဒီကနေ့မှ ကျနော်တို့ ထုတ်ပြန်ရတာ ဖြစ်တယ်။ တောင်းဆို ချက်တွေကို အဓိက အနေနဲ့ သမ္မတ ဦးသိန်းစိန် နဲ့ CNPC ကို ပို့ထားပြီး ဖြစ်ပါတယ်” ဟု ကျောက်ဖြူ လူမှုကွန်ယက်မှ ဦးထွန်းလွင် က ဆိုသည်။
ယင်းဆွေးနွေးပွဲကို ကျောက်ဖြူလူမှုကွန်ယက်၊ KY လူငယ်အဖွဲ့နှင့် မဒေးကျွန်းဒေသ ဖွံ့ဖြိုးရေး အသင်းတို့က စီစဉ်ခဲ့ကြသည်။
တောင်းဆိုချက်များတွင် ပိုက်လိုင်းတာဝန်ရှိသူများက ဒေသခံပြည်သူများကို အသိပေး ရှင်းလင်းရမည့် အချက် ၅ ချက်၊ ကန့်ကွက်ချက် ၁ ချက်နှင့် လုပ်ဆောင်ပေးရမည့် အချက် ၆ ချက် ပါဝင်ကြောင်း ၎င်းက ဆိုသည်။
“တာဝန်ရှိသူတွေက EIA ၊ SIA စစ်ဆေးခဲ့မှု ရှိမရှိ။ မရှိရင် စီမံကိန်း ချက်ချင်းရပ်ပြီး စစ်ဆေးဖို့၊ ပိုက်လိုင်း ခိုင်မာမှု မရှိမရှိနိုင်ငံတကာ အဆင့် စစ်ဆေးပြီးပြည်သူလူထုကို ချပြဖို့၊ လုပ်ငန်း ဆောင်ရွက်စဉ်အတွင်း ပေါက်ကွဲမှု အပါအဝင် ဒေသတွင်း မတော်တဆမှုများအပေါ် တာဝန်ယူမယ့် အနေအထား၊ ပိုက်လိုင်း တည်ဆောက်မှုကြောင့် လယ်မြေ သိမ်းဆည်းခံရမှု၊ အသက်မွေးလုပ်ငန်း ထိခိုက်နစ်နာမှုတွေအတွက် လျော်ကြေးနဲ့ အလုပ်အကိုင်တွေ ဖန်တီးပေးရေး၊ လုပ်ခ လစာကို နိုင်ငံတကာ စံနှုန်းနဲ့အညီ ပေးရေး၊ ဖွံ့ဖြိုးရေး လုပ်ငန်းတွေကို ဒေသခံတွေရဲ့ ဆန္ဒနဲ့အညီ ဖြည့်ဆည်းရေးစတဲ့ အချက်တွေ ပါဝင်တယ်” ဟု မဇ္ဈိမကို ရှင်းပြသည်။
ကျောက်ဖြူမြို့နယ်အတွင်း ပိုက်လိုင်း လမ်းကြောင်း တလျှောက် မြေဧက ၂၀၀ ကျော် ပါသွားခဲ့ပြီး လျော်ကြေး အပြည့်အဝ မရသူများ ရှိသလို မြေတူးသဖြင့် လယ်ပျက်သူများကိုလည်း လျော်ကြေး မပေးသေးကြောင်း ၎င်းက ထောက်ပြသည်။
“အခုဖြစ်နေတဲ့ ပြဿနာဟာ အစိုးရရော CNPC ပါ ပွင့်လင်းမြင်သာမှု မရှိလို့ပဲ။ စစ်အစိုးရနဲ့ တရုတ် စာချုပ်မှာ ဘယ်လိုအချက်တွေ ပါတယ်ဆိုတာ ဒီနေ့ထိ မသိရဘူး” ဟု ဦးထွန်းလွင် က ဆိုသည်။
လက်ရှိ မဒေးကျွန်း CNPC ကုမ္ပဏီတာဝန်ရှိသူမူ Mr.Chang Huan Lai က ၎င်းတို့အနေဖြင့် ဒေသဖွံ့ဖြိုးရေး ဆောင်ရွက်ရန် မြန်မာ့ ရေနံနှင့် သဘာဝဓာတ်ငွေ့လုပ်ငန်း (MOGE) သို့ ဒေါ်လာ ၁၀ သန်း ပေးထားပြီးဖြစ်ကြောင်း ယမန်နှစ် ဒီဇင်ဘာ ၂၅ရက် နေ့က သတင်းထောက်များအား ပြောကြားခဲ့ပြီး ဖြစ်သည်။
အကယ်၍ တောင်းဆိုချက်များအား လိုက်လျောခြင်းမရှိက လက်ပံတောင်းတောင် အရေးကဲ့သို့ ဆန္ဒပြမှုများ ဆက်တိုက် ဖြစ်လာနိုင်ကြောင်း ဦးထွန်းလွင် က မှတ်ချက်ပြု ပြောဆိုသည်။
ဧပြီလ ၁၈ ရက်နေ့ကလည်း တရုတ် CNPC ကုမ္ပဏီအား မဒေးကျွန်းသားများက ဆန္ဒပြခဲ့ရာ ခွင့်ပြုချက်မဲ့ ဆန္ဒပြသူ ၁၀ ဦးအား မဒေးကျွန်းရဲစခန်းမှ အရေးယူထားသည်။
Ref: မဇ္ဈိမ
အစိုးရ ငြိမ်းချမ်းရေး ကိုယ်စားလှယ်အဖွဲ့နှင့် KNU တို့ ကျင့်ဝတ်ကိစ္စများ ဆွေးနွေးမည်
သန်းထိုက်ဦး
May 2, 2013
ကရင်အမျိုးသား အစည်းအရုံး (KNU) နှင့် အစိုးရ ငြိမ်းချမ်းရေး ကိုယ်စားလှယ် အဖွဲ့တို့ အပစ်အခတ် ရပ်စဲရေး ဆိုင်ရာ ကျင့်ဝတ် စည်းကမ်းများ (Code of Conduct) ကိစ္စကို မေလဆန်းပိုင်းတွင် တွေ့ဆုံဆွေးနွေးရန် စီစဉ်ထားကြောင်း သိရသည်။
နေရာနှင့် နေ့ရက်ကို အတိအကျ မသတ်မှတ်ရသေးသော်လည်း မေလဆန်းပိုင်းတွင် ဆွေးနွေးမည်ဟု စီစဉ်ထားကြောင်း Myanmar Peace Center မှ ဒေါက်တာ မင်းဇော်ဦးက ဧရာဝတီသို့ ပြောသည်။
KNU အဖွဲ့အစည်းအား အမြန်ဆုံးတွေ့ဆုံနိုင်ရန် ကြိုးစားဆောင်ရွက်နေပြီး ကချင် လွတ်လပ်ရေး အဖွဲ့ (KIO) နှင့် တိုင်းရင်းသား လူမျိုးများ ဖက်ဒရယ် ကောင်စီ (UNFC) တို့နှင့်လည်း တွေ့ဆုံဆွေးနွေးရန် စီစဉ် ထားသည်ဟု ၎င်းက ဆိုသည်။
“KNU အဖွဲ့ကတော့ Code of Conduct နဲ့ ပတ်သက်ပြီး အသေးစိတ် ဆက်လက် ဆွေးနွေးမယ်လို့ သဘောတူထားတာ ရှိတယ်၊ အဲဒီ ကိစ္စကို ဆက်လက် ဆွေးနွေးမယ်” ဟု ဒေါက်တာ မင်းဇော်ဦးက ဆက်ပြောသည်။
တွေ့ဆုံရန် စီစဉ်ထားပြီးဖြစ်၍ နေရာနှင့် နေ့ရက်ကိုသာ ထပ်မံ ညှိနှိုင်းရမည်ဟု ၎င်းက ဆိုသည်။
ကရင်ပြည်နယ် ဘားအံမြို့ရှိ KNU ဆက်ဆံရေးမှ တာဝန်ရှိသူတဦး၏ အဆိုအရမူ တတိယ အပတ်ကျမှသာ တွေ့ဆုံနိုင်ဖွယ် ရှိကြောင်း သိရသည်။
၎င်းက “လောလောဆယ် လူကြီးတွေ မအားသေးဘူး၊ လူကြီးတွေတော့ ဆင်းလာတယ်၊ ဒါပေမယ့် ဒီကိစ္စ မဟုတ်ဘူး၊ နီပွန် ဖောင်းဒေးရှင်းက လူထုကို ဆန်ဝေပေးမယ့် ကိစ္စနဲ့ အခု ဘားအံမြို့နယ် ၀န်ကြီးချုပ် ရုံးကို သွားနေတယ်” ဟု ၎င်းက ဆိုသည်။
၂၀၁၂ ခုနှစ် စက်တင်ဘာ လဆန်းပိုင်က ဘားအံမြို့တွင် KNU နှင့် ပြည်ထောင်စု အဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီမှ ဒု ဥက္ကဋ္ဌ ဦးအောင်မင်း ဦးဆောင်သည့် ကိုယ်စားလှယ်တို့ နောက်ဆုံးအကြိမ် တွေ့ဆုံခဲ့စဉ် ကျင့်ဝတ်ဆိုင်ရာ ကိစ္စရပ်များကို ဆက်လက် ဆွေးနွေးရန် သဘောတူခဲ့ခြင်း ဖြစ်သည်။
အထက်ပါဆွေးနွေးပွဲ၌ အပစ်အခတ် ရပ်စဲရေးဆိုင်ရာ ကျင့်ဝတ်ကိစ္စများ ဆက်လက် ဆွေးနွေးရန် သဘောတူခဲ့သည့် အပြင် တပ်ပိုင်းဆိုင်ရာ ကိစ္စများ၊ အပစ်အခတ် ရပ်စဲရေး ပိုမိုခိုင်မာစေရေးနှင့် နိုင်ငံရေးတွေ့ဆုံ ဆွေးနွေးမှုများ ပြုလုပ်ရန်တို့ ပါဝင်ကြောင်းလည်း သိရသည်။
KNU အဖွဲ့အစည်းအနေနှင့် ဆွေးနွေးရန် ရှိသည့် ကျင့်ဝတ်ကိစ္စတွင် မည့်သည့် အကြောင်းအရာများ ပါဝင်သည်ကို မသိရှိရသော်လည်း အပိုဒ် ၁၁ ပိုဒ်နှင့် အချက် ၃၄ ချက်အပေါ် အခြေခံ၍ ဆွေးနွေးကြမည် ဖြစ်သည်။
ကရင် ဒုက္ခသည်များ ကော်မတီ (KRC) ကလည်း ထိုင်းနိုင်ငံရှိ ဒုက္ခသည်များ မြန်မာနိုင်ငံဘက်သို့ ပြန်လည် နေရာ ချထားရေး အတွက် KNU အဖွဲ့နှင့် အစိုးရအကြား စစ်မှန်သော ငြိမ်းချမ်းရေး တည်ဆောက်နိုင်သည့် ကာလကို စောင့်မျှော် နေကြောင်း ဧပြီလ ၃၁ ရက်နေ့က ထုတ်ပြန်ထားသည်။
ဧပြီလ ၂၅ ရက်နေ့က ကရင်ပြည်နယ် နယ်စပ်ရေးရာနှင့် လုံခြုံရေး ၀န်ကြီး ဗိုလ်မှူးကြီး အောင်လွင်၏ ဖိတ်ကြားချက်အရ KRC အဖွဲ့မှ ကိုယ်စားလှယ် တချို့တို့သည် ပြည်နယ် ၀န်ကြီးချုပ် ဦးဇော်မင်းနှင့် သွားရောက် ဆွေးနွေးခဲ့ရာမှ ရလဒ်အပေါ် ထုတ်ပြန်ခြင်း ဖြစ်သည်။
ကရင်ပြည်နယ် အစိုးရက ဒုက္ခသည်များကို ပြည်တွင်သို့ အစမ်းသဘော (Pilot Project) အနေနှင့် အိမ်ခြေ ၅၀ ခန့် ပြန်လာစေလိုကြောင်း တင်ပြရာ KRC အဖွဲ့အနေနှင့် လက်မခံကြောင်း၊ နိုင်ငံတော် အစိုးရနှင့် KNU အဖွဲ့တို့ စစ်မှန်သော ငြိမ်းချမ်းရေး ရရှိမှသာလျှင် အစုလိုက် တခါတည်း အပြီးအပိုင် ပြန်လာလိုကြောင်း ပြန်လည် တင်ပြခဲ့သည်ဟု ထုတ်ပြန်ချက်တွင် ပါရှိသည်။
၂၀၁၂ ခုနှစ် ဇန်န၀ါရီလ ၁၂ ရက်နေ့က ဘားအံမြို့တွင် ပထမဆုံး အကြိမ် အပစ်အခတ် ရပ်စဲရေး ဆွေးနွေးခဲ့ပြီး ဒုတိယ အကြိမ်ကို ပြည်ထောင်စု အဆင့်တွေ့ဆုံဆွေးနွေးပွဲ အနေဖြင့် ရန်ကုန်မြို့ ဆီဒိုးနား ဟိုတယ်တွင် ဧပြီလ ၆ ရက်နေ့က ကျင်းပခဲ့ကြောင်း သိရသည်။
၂၀၁၁ ခုနှစ် နိုဝင်ဘာလ ၁၅ ရက်နေ့တွင် အစိုးရ ကိုယ်စားလှယ် အနေဖြင့် ဦးအောင်မင်းက KNU ကိုယ်စားလှယ် များကို ငြိမ်းချမ်းရေး တွေ့ဆုံဆွေးနွေးရန် တရားဝင် ကမ်းလှမ်းခဲ့ရာမှ စတင်၍ တွေ့ဆုံဆွေးနွေးမှုများ ဆက်တိုက် ပြုလုပ်ခဲ့ခြင်း ဖြစ်သည်။
Ref: ဧရာဝတီ
Thursday, May 2, 2013
ဗိုလ်ခင်ညွန့်၊ ဗိုလ်အောင်မင်းတို့နှင့် တိုင်းရင်းသားလက်နက်ကိုင် အင်အားစုများ အရေး
မောင်ကျော်စွာ
၂၀၁၃ခုနှစ်၊ ဧပြီလ ၃၀ရက်
တိုင်းရင်းသားလက်နက်ကိုင်အင်အားစု များသည် (နဝတ-နအဖ) စစ်အစိုးရ၏ တစ်ပတ်ရိုက်ခြင်းကို ခံခဲ့ ကြရပြီးနောက် ယခုအခါ (ကာလုံ) က ချုပ်ကိုင်ထားပြီး “၂၀၀၈ အခြေခံဥပဒေ”ဖြင့် ပွဲထွက် အသုံးတော် ခံနေသော (ဗိုလ်)ဦးသိန်းစိန် ကြံ့ဖွံ့ အစိုးရ၏ လှည့် စားဖြားယောင်းမှုကို ရင်ဆိုင်နေကြရပြန်သည်။
(နဝတ-နအဖ) စစ်အစိုးရခေတ်ကာလတွင် “တွင်း-၁” ဗိုလ်ခင်ညွှန့်မှ တဆင့် တစ်ပတ် ရိုက်ခဲ့ခြင်းဖြစ်ပြီး (ဗိုလ်)ဦးသိန်းစိန် ကြံ့ဖွံ့ အစိုးရခေတ် ကာလတွင် “ပြည်ထောင်စုဝန်ကြီး” (ဗိုလ်)ဦးအောင်မင်းနှင့် “တည်”၍ လှည့်စားနေခြင်းဖြစ်သည်။
မတူသည့်ကာလ၊ မတူသည့်အခြေအနေအလျောက် အုပ်စိုးသူများတွင် လိုအပ်ချက် များကလည်း ကွဲပြား တတ်ပါသည်။
(နဝတ-နအဖ) စစ်အစိုးရခေတ်ကာလ၏ လိုအပ်ချက်သည် မြို့ပြ လူထုအုံကြွမှုနှင့် လက်နက်ကိုင်တော်လှန်ရေး မပေါင်းစပ်သွား ရေးသည် အဓိက အချက် ဖြစ်သည်။ အပစ်အခတ် ရပ်စဲရေးသည် ထိုအချက်မှ ပေါ်ထွက် လာသော နည်းပရိယာယ် တစ်ရပ်လည်း ဖြစ်သည်။ သို့ဖြင့် တိုင်းရင်းသား လက်နက်ကိုင် အင်အားစုများနှင့် အပစ်ရပ်ခဲ့ပြီး ဖွဲ့စည်းပုံ အခြေခံဥပဒေ ရေးဆွဲရေး “အမျိုးသား ညီလာခံ”ထဲသို့ “အခြား ဖိတ်ကြားသင့်သူများ အဖြစ်” ဆွဲထည့်ခဲ့သည်။ ကရင်အမျိုးသားအစည်းအရုံး(KNU)မှလွဲ၍ ကျန်တိုင်းရင်း သားအဖွဲ့အစည်းတိုင်းလောက်နီးပါး ညီလာခံတက်ခဲ့ကြသည်။ ထိုသို့ တက်ရောက်ကြသူများတွင် ကရင်အမျိုးသားအစည်းအရုံး (KNU)မှ ခွဲထွက်ကြသူများလည်း ပါဝင်တက်ရောက်ခဲ့ကြပါသည်။
တိုင်းရင်းသား လက်နက်ကိုင်အင်အားစုများသည် ညီလာခံသို့ တက်ရောက်ခဲ့ ကြရသော်လည်း သက်ဆိုင်ရာ မိမိလူမျိုးနှင့် မိမိ ပါတီ အဖွဲ့အစည်းကို ကိုယ်စားပြုခွင့် မရရှိခဲ့ချေ။ ထို့အပြင် ညီလာခံသို့ ပါဝင် တက်ရောက် ခဲ့ကြ ရသော်လည်း တင်ပြဆွေးနွေး တောင်းဆိုချက်များ အရာမထင်ခဲ့။ “မှတ်တမ်း တင်ထားပါမည်” ဟူသောစကားဖြင့် နှစ်သိမ့်ကျေနပ် ခဲ့ကြရသည်။ ညီလာခံမှ ချမှတ်ခဲ့ကြသော မူကြမ်းကို ဒေါက်တာ တူးဂျာမှ ညီလာခံ ကျင်းပရေးကော်မရှင် ဥက္ကဋ္ဌ ဗိုလ်သိန်းစိန် (လက်ရှိ သမ္မတ ဦးသိန်းစိန်) ထံပေးအပ်နေသည့် သတင်းစာဓါတ်ပုံကို မှတ်မိကြလိမ့်ဦးမည် ထင်ပါသည်။
သို့ဖြင့် တိုင်းရင်းသားလက်နက်ကိုင်အင်အားစုများသည် ၂၀၀၈ အခြေခံဥပဒေအတွက် အခြေခံရမည့်မူများ ရေးဆွဲ၊ ပန္နက်ချရာ တွင် “အုတ်တစ်ချပ်သဲတစ်ပွင့်”အဖြစ် ပါဝင်ခဲ့ကြရသည်။
ထိုစဉ်က (နဝတ-နအဖ) စစ်အစိုးရ၏ လိုအပ်ချက်သည် တိုင်းရင်းသား လက်နက်ကိုင်အင်အားစုများ ညီလာခံသို့တက်ရောက် ရေးနှင့် ပါဝင်ဆွေးနွေးစေရေးဖြစ်သည်။ လေ့လာသူအဖြစ် တက်ရောက်သည်ကိုပင် လက်ခံခဲ့သည်။ ဤမျှ ပျော့ပျောင်းပါသော (နဝတ-နအဖ) စစ်အစိုးရပါတကား။
“၂၀၀၈ အခြေခံဥပဒေ” အတည်ဖြစ်လာခဲ့ပြီးနောက် (ဗိုလ်)ဦးသိန်းစိန် ကြံ့ဖွံ့အစိုးရ၏ ယနေ့လိုအပ်ချက်ကား တစ်ချိန်က (နဝတ -နအဖ) စစ်အစိုးရ၏ လိုအပ်ချက်နှင့် လုံးဝ မတူတော့ပြီ။
တစ်ချိန်တစ်ခါက (နဝတ-နအဖ)စစ်အစိုးရ ပေးခဲ့ဖူးသော“အခွင့်အရေး” (နယ်မြေ/လက်နက်/စီးပွားရေးလုပ်ပိုင်ခွင့်) ဆိုသည် များ မျှော်လင့်၍ မဖြစ်နိုင်တော့ပြီ။ “ကားပါမစ်”၊ အသေးစားသတ္တု တူးခွင့်လောက်တော့ ရနိုင်သေးသည်။ သို့သော်လည်း ယင်း လုပ်ငန်းများကို “တည်ဆဲဥပဒေ” ဆိုသည်နှင့် ချုပ်ကိုင်ထားသည်။ “ဆက်ဆံရေးရုံး”ဟုပင် တရားဝင် အသိအမှတ်မပြုချေ။ နယ် မြေပိုင်နက်ကို တစ်စုံတစ်ရာအသိအမှတ် ပြုရမည့်သဘော သက်ရောက်သွားမည်ဖြစ်သဖြင့် (code of conduct) ဆိုသည့် တောင်းဆိုချက်ကို ကာချုပ်ဗိုလ်မင်းအောင်လှိုင်က ပြတ်ပြတ်သားသား ပယ်ချခဲ့ပြီး အပြန်အလှန် နားလည်မှုဖြင့်သာ လုပ်ကြရန် ပြောခဲ့ပြီးဖြစ်သည်။
(ဗိုလ်)ဦးသိန်းစိန် ကြံ့ဖွံ့အစိုးရ၏ ယနေ့လိုအပ်ချက်မှာ တိုင်းရင်းသားလက်နက်ကိုင်အင်အားစုများ “အုတ်တစ်ချပ်သဲတစ်ပွင့်” အဖြစ် ပါဝင်ဆွေးနွေးချမှတ်ခဲ့ကြသော “အခြေခံမူ ၁၀၄ချက်”ဖြင့် ရေးဆွဲခဲ့သော “၂၀၀၈ အခြေခံဥပဒေ” ဘောင်ထဲသို့ တိုင်း ရင်းသား လက်နက်ကိုင်အင်အားစုများ ဝင်ရောက်စေရေးဖြစ်သည်။
ထိုသို့ဝင်ရောက်ရာတွင် တိုင်းရင်းသားအင်အားစုများအနေဖြင့် မိမိတို့ ဦးစီးချုပ်ကိုင်ထားသည့် လက်နက်ကိုင်တပ်ကို စစ်တပ် အုပ်ချုပ်ကွပ်ကဲမှု လက်ထဲသို့ လွှဲပြောင်းအပ်နှံရမည်။ နိုင်ငံရေးတွင် ပါဝင်လှုပ်ရှားလိုလျှင် နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ မိမိပါတီအဖွဲ့အစည်းကို မှတ်ပုံတင်လျှောက်ထားရမည်။ ဤသို့ပြုလုပ်မှသာ နိုင်ငံရေးတွင် “တရားဝင်” ပါဝင်လှုပ် ရှားနိုင်မည်ဖြစ်သည်။
ဤသို့ လုပ်ဆောင်နိုင်ရန် (ဗိုလ်) ဦးအောင်မင်း ဒုတိယဥက္ကဋ္ဌအဖြစ် ပါဝင်နေသည့် “၅၂ဦး ပြည်ထောင်စုငြိမ်းချမ်းရေးဖော်ဆောင် ရေးလုပ်ငန်းကော်မတီ”၏ ပြည်နယ်အဆင့် မူဝါဒ(၅)ရပ်နှင့် ပြည်ထောင်စုအဆင့် မူဝါဒလုပ်ငန်းတာဝန် (၈)ရပ်အဖြစ် ဖော်ပြထား သည်။
ယင်းသို့ ပြည်နယ်အဆင့်မူဝါဒတွေ ပြည်ထောင်စုအဆင့် မူဝါဒတွေအဖြစ် ဖေါ်ပြထားသော်လည်း (ဗိုလ်) ဦးသိန်းစိန် ကြံ့ဖွံ့အစိုးရ ၏ လိုရင်းသဘောထားနှင့် အဓိကအချက်မှာ တိုင်းရင်းသားလက်နက်ကိုင်အင်အားစုများ “၂၀၀၈အခြေခံဥပဒေ”ကို လက်ခံ၊ လက်နက်ကိုင်တပ်အား ၎င်းတို့ထံ လွှဲအပ်ပြီး နိုင်ငံရေးပါတီအဖြစ် မှတ်ပုံတင်ကြရန် ဖြစ်သည်။
ထိုသို့ တိုင်းရင်းသားလက်နက်ကိုင်အင်အားစုများ “၂၀၀၈အခြေခံဥပဒေ”ကို လက်ခံလာစေရေး၊ လက်နက်ကိုင်တပ်လွှဲအပ် စေရေးအတွက် ငြိမ်းချမ်းရေးလုပ်ငန်းကော်မတီနှင့် (ဗိုလ်) ဦးအောင်မင်းတို့ လုပ်ဆောင်နေကြသည်။ ကျုံးသွင်းနေကြခြင်း၊ မြူဆွယ်နေကြခြင်း၊ တောခြောက်နေခြင်းသာဖြစ်သည်။ “ဖက်ဒရယ်ပြည်ထောင်စု” တည်ဆောက်ရေး ညှိနှိုင်းနေခြင်းမဟုတ်။ “ပြည်ထောင်စု တပ်မတော်” ဖွဲ့စည်းရေး ဆွေးနွေးနေခြင်း မဟုတ်ပါ။
“၂၀၀၈ အခြေခံဥပဒေ”တွင် ဒီမိုကရေစီအခွင့်အရေး အပြည့်အဝမရှိကြောင်း၊ တိုင်းရင်းသားများအတွက် တန်းတူရေးနှင့် ကိုယ် ပိုင်ပြဌာန်းခွင့်ရှိသော အခြေခံမူများ လုံးဝ မပါရှိကြောင်း လူတိုင်းသိပါသည်။
လက်နက်နဲ့ ဒီမိုကရေစီ လဲလှယ်ခဲ့ကြဖူးသည်။ ဒီမိုကရေစီမရရှိခဲ့။ လက်နက်ချကြရတာသာ အဖတ်တင်ခဲ့ကြရသည် မဟုတ် လော။
လက်နက်နဲ့ ငြိမ်းချမ်းရေး လဲလှယ်ခဲ့ကြဖူးသည်။ ငြိမ်းချမ်းရေးမရရှိခဲ့။ လက်နက်ချကြရတာသာ အဖတ်တင်ခဲ့ကြရသည် မဟုတ် လော။
Ref: KIC News
၂၀၁၃ မြန်မာနိုင်ငံ သတင်းလွတ်လပ်ခွင့် သိသာစွာတိုးတက်
မခင်ဖြူထွေး
01.05.2013
မြန်မာနိုင်ငံဟာ သတင်းမီဒီယာ လွတ်လပ်ခွင့် အပြည့်အ၀ရှိတဲ့ နိုင်ငံစာရင်းထဲမှာ မပါဝင်သေးပေမဲ့လို့ မြန်မာနိုင်ငံမှာ သတင်း မီဒီယာ လွတ်လပ်ခွင့်ဆိုင်ရာ တိုးတက်မှုတွေ ဒီနှစ်ပိုင်း အများအပြား ရှိခဲ့တယ်လို့ ကမ္ဘာပေါ်က သတင်းလွတ်လပ်ခွင့် အခြေအနေတွေကို လေ့လာ စောင့်ကြည့်နေတဲ့ အမေရိကန်နိုင်ငံအခြေစိုက် Freedom House အဖွဲ့က ပြောလိုက်ပါတယ်။
မနေ့ကထုတ်ပြန်တဲ့ Freedom House အဖွဲ့ရဲ့ အခုနောက်ဆုံး အစီရင်ခံစာထဲမှာ မြန်မာနိုင်ငံရဲ့ သတင်းလွတ်လပ်ခွင့် အခြေအနေနဲ့ ပတ်သက်လို့ ဘာတွေ ဖော်ပြထားပါလဲ။ ကမ္ဘာပေါ်က သတင်းလွတ်လပ်ခွင့် အဆိုးရွားဆုံး နိုင်ငံတွေထဲမှာ ဘယ်နိုင်ငံတွေ ပါဝင်နေသလဲ ဆိုတာတွေကိုတော့ မခင်ဖြူထွေး က တင်ပြထားပါတယ်။
ကမ္ဘာတ၀ှမ်း သတင်းလွတ်လပ်ခွင့် အခြေအနေတွေနဲ့ ပတ်သက်လို့ Freedom House အဖွဲ့က အခုနောက်ဆုံး ထုတ်ပြန်လိုက်တဲ့ ၂၀၁၃ ခုနှစ် အစီရင်ခံစာထဲမှာတော့ မြန်မာနိုင်ငံရဲ့ သတင်းလွတ်လပ်ခွင့် အခြေအနေတွေဟာ အရင်နှစ်တွေကထက် သိသိသာသာ တိုးတက်လာခဲ့တယ်လို့ ဆိုပါတယ်။ ပြီးခဲ့တဲ့နှစ်ပိုင်းအတွင်း မြန်မာနိုင်ငံမှာ နိုင်ငံရေးအရ တိုးတက်ပြောင်းလဲမှုတွေ ရှိခဲ့သလို၊ သတင်း မီဒီယာပိုင်းမှာလည်း တိုးတက်မှုတွေ ရှိခဲ့တယ်လို့ ဒီနှစ် အစီရင်ခံစာကို ပြုစုရေးသားသူ တဦးဖြစ်တဲ့ Freedom House အဖွဲ့ရဲ့ အကြီးတန်း သုတေသီ ခရင်း ခလီခါ (Karin Karlekar) က ပြောပါတယ်။
“ဒီနှစ်မှာတော့ မြန်မာနိုင်ငံဟာ သတင်းလွတ်လပ်ခွင့် အခြေအနေ တိုးတက်မှု အများဆုံး ရှိလာတဲ့ နိုင်ငံတခုပါ။ ကမ္ဘာ့နိုင်ငံတွေကြားမှာ သတင်းမီဒီယာ လွတ်လပ်ခွင့် အတိုးတက်ဆုံး နိုင်ငံတခုလို့ ဆိုရမှာပါ။ ဒါဟာ ပြီးခဲ့တဲ့နှစ်က သိသိသာသာ တိုးတက်မှုတချို့ရဲ့ နောက်ဆက်တွဲ ထပ်မံ တိုးတက်လာတဲ့ အခြေအနေပါ။ ဆိုတော့ မြန်မာနိုင်ငံနဲ့ ပတ်သက်လို့တော့ မျှော်လင့်ချက်တွေ အများကြီး ရှိပါတယ်။ အရင်က မြန်မာနိုင်ငံဟာ သတင်းလွတ်လပ်ခွင့် အနိမ့်ကျဆုံး နိုင်ငံထဲမှာ ပါဝင်ခဲ့တာပါ။ အခု မြန်မာနိုင်ငံဟာ သတင်းလွတ်လပ်ခွင့်နဲ့ ပတ်သက်လို့ ကျမတို့ စာရင်းပြုစုတဲ့ နိုင်ငံပေါင်း ၁၉၇ နိုင်ငံထဲမှာ ၁၆၂ နိုင်ငံမြောက် နေရာကို တက်လာတာ ဖြစ်ပါတယ်။ ဒါဟာ ပြီးခဲ့တဲ့နှစ် အနည်းငယ်အတွင်း သိသိသာသာ တိုးတက်ပြောင်းလဲလာတဲ့ အခြေအနေပါပဲ။”
ဘယ်လိုအခြေအနေတွေကိုကြည့်ပြီး မြန်မာနိုင်ငံမှာ သတင်းလွတ်လပ်ခွင့် တိုးတက်လာတယ်လို့ ယူဆတာပါလဲ။ ခရင်း ခလီခါ (Karin Karlekar) က အခုလို ပြောပါတယ်။
“အခြေခံအားဖြင့် ကျမတို့ ဒီနှစ် တွေ့ရတဲ့အခြေအနေတွေမှာတော့ အကျဉ်းထောင်တွေထဲမှာ ကျန်နေတဲ့ သတင်းထောက်တွေနဲ့ ဘလော့ဂါတွေကို ပြန်လွှတ်ပေးတာလည်း ပါပါတယ်။ အခုဆိုရင် အစိုးရကို ဝေဖန်လို့ သတင်းထောက်တွေ ထောင်ချခံရတယ်ဆိုတာ မရှိတော့ပါဘူး။ အစိုးရ ဆင်ဆာ ဖြတ်တောက်မှုတွေလည်း မရှိတော့သလောက် တိုးတက်လာတာ ရှိပါတယ်။ နေ့စဉ်ထုတ် သတင်းစာတွေ ထုတ်ဝေခွင့်တွေလည်း ရှေ့နှစ်ဆို အများအပြား တွေ့ရတော့မှာပါ။ ဒါကလည်း ကောင်းမွန်တဲ့ တိုးတက်မှု တခုပါပဲ။ သာမန် ပြည်သူတွေအနေနဲ့ သတင်း အချက်အလက်တွေကို ပိုပြီးတော့ လွတ်လွတ်လပ်လပ် ရယူနိုင်လာတဲ့ အခြေအနေလည်း ဖြစ်လာပါတယ်။ ဆိုတော့ မြန်မာနိုင်ငံနဲ့ ပတ်သက်လို့ကတော့ တိုးတက်မှုတွေ ကျယ်ကျယ်ပြန့်ပြန့် တွေ့ရပါတယ်။”
အရင်က ရေးသားခွင့် ပိတ်ပင်ခံရတဲ့ အကြောင်းအရာတွေ အခု ရေးသားဖော်ပြခွင့် ရလာတာ၊ လွတ်လပ်တဲ့ သတင်းစာနယ်ဇင်းနဲ့ ထုတ်ဝေသူများရဲ့ အဖွဲ့အစည်းတွေ ပေါ်ပေါက်လာတာ၊ သတင်းထောက်တွေအပေါ် ဖိနှိပ်မှုတွေ လျော့ နည်းလာတာနဲ့၊ နိုင်ငံခြားသား သတင်းထောက် အတော်များများကို အစိုးရက ပိတ်ပင်ထားတဲ့ အမည်မဲ စာရင်းကနေ ဖယ်ထုတ်ပေးတာနဲ့ ပြည်ပအခြေစိုက် သတင်းမီဒီယာလုပ်ငန်းတွေ မြန်မာနိုင်ငံတွင်းမှာ လုပ်ကိုင်ခွင့် ရလာတာ စတဲ့ အကြောင်းအရာတွေကလည်း မြန်မာနိုင်ငံမှာ သတင်းမီဒီယာ တိုးတက်မှုကို ဖော်ပြနေတဲ့အကြာင်း Freedom House ရဲ့ အစီရင်ခံစာမှာ ဖော်ပြထားပါတယ်။
အခုလို တိုးတက်မှုတွေ ရှိတဲ့တိုင်အောင် မြန်မာနိုင်ငံရဲ့ သတင်းမီဒီယာ အခြေအနေနဲ့ ပတ်သက်လို့ စိုးရိမ်စရာတွေကလည်း ရှိနေတုန်းပဲလို့ ခရင်း ခလီခါ (Karin Karlekar) က ပြောပါတယ်။ မြန်မာနိုင်ငံမှာ လက်ရှိ ရေးဆွဲနေတဲ့ သတင်းမီဒီယာ ဥပဒေတွေဟာ ဖိနှိပ်တဲ့ ဥပဒေတွေ မဖြစ်ဖို့ လိုတယ်လို့ သူက ဆိုပါတယ်။
“မြန်မာနိုင်ငံရဲ့ သတင်းမီဒီယာ ဥပဒေ ကလည်း ကျမတို့ ထည့်သွင်း တွက်ချက် စဉ်းစားတဲ့ကိစ္စတခုပါ။ ဒါနဲ့ပတ်သက်ပြီး စိုးရိမ်မှုတွေလည်း ရှိပါတယ်။ မြန်မာနိုင်ငံ အခုထက် တိုးတက်ကောင်းမွန်လာဖို့မှာ လက်ရှိမှာ ဖိနှိပ်မှုတွေ ရှိနေဆဲဖြစ်တဲ့ သတင်းမီဒီယာ ဥပဒေတွေနဲ့ တင်းကျပ်မှုတွေကို ပြင်ဆင်ရမယ်ဆိုတာ သေချာ ပါတယ်။ လောလောဆယ်မှာတော့ သတင်းမီဒီယာ ဥပဒေ ရေးဆွဲမှုနဲ့ ပတ်သက်လို့ အပြန်အလှန် ဆွေးနွေးမှုတွေနဲ့ ဝေဖန်မှုတွေကို ကျမတို့ တွေ့နေရတာ ဖြစ်ပါ တယ်။ နိုင်ငံတကာ စံညွှန်းတွေနဲ့ ညီပြီး ပွင့်လင်း လွတ်လပ်မှုရှိတဲ့ ဥပဒေတွေ ဖြစ်ဖို့ ကျမတို့ တိုက်တွန်း ပြောဆိုနေပါတယ်။”
ပြီးခဲ့တဲ့ ဆယ်စုနှစ်တခုအတွင်း ကမ္ဘာအ၀ှမ်း သတင်းလွတ်လပ်ခွင့် အခြေအနေဟာ ပိုပြီးတော့ ဆိုးရွားလာတဲ့အခြေအနေကို ရောက်ခဲ့တယ်လို့ Freedom House အဖွဲ့က ပြောပါတယ်။
နိုင်ငံပေါင်း ၁၉၇ နိုင်ငံက သတင်းလွတ်လပ်ခွင့် အခြေအနေတွေကို လေ့လာ စမ်းစစ်ပြီး ဒီအထဲကမှ သတင်းလွတ်လပ်ခွင့် ရှိတဲ့နိုင်ငံများ၊ တစိတ်တပိုင်း လွတ်လပ်တဲ့နိုင်ငံများနဲ့ သတင်းလွတ်လပ်ခွင့်မရှိတဲ့ နိုင်ငံများဆိုပြီး ခွဲခြားထားတာမှာ မြန်မာနိုင်ငံကတော့ သတင်းလွတ်လပ်ခွင့်မရှိတဲ့ နိုင်ငံပေါင်း ၇၄ နိုင်ငံထဲမှာ ပါဝင်ပါတယ်။
ကမ္ဘာပေါ်က သတင်းလွတ်လပ်ခွင့် အခြေအနေ အဆိုးရွားနိုင်ငံတွေမှာတော့ ဒီနှစ် မြန်မာနိုင်ငံကို ထည့်သွင်းမထားပါဘူး။ သတင်းလွတ်လပ်ခွင့် အခြေအနေ အဆိုးဆုံး ၈ နိုင်ငံကတော့ Iran၊ North Korea၊ Belarus၊ Cuba၊ Eritrea ၊ Equatorial Guinea၊ Turkmenistan နဲ့ Uzbekistan နိုင်ငံတွေ ပါဝင်ပါတယ်။
မြန်မာနိုင်ငံရဲ့ နိုင်ငံရေးနဲ့ လူမှုရေး လွတ်လပ်ခွင့်တွေကို Freedom House က အဆင့်သတ်မှတ်တဲ့ နေရာမှာလည်း မြန်မာနိုင်ငံဟာ နိုင်ငံရေး လွတ်လပ်ခွင့်မှာ ပြီးခဲ့တဲ့နှစ်က အဆင့် ၇ နေရာကနေ ဒီနှစ် အဆင့် ၆ နေရာကို တိုးတက်လာသလို လူမှုအခွင့်အရေးပိုင်းမှာလည်း အဆင့် ၆ ကနေ အဆင့် ၅ ကို တက်လာခဲ့တဲ့အကြောင်း အစီရင်ခံစာမှာ ဖော်ပြထားပါတယ်။
Ref: VOA News
မြောင်းမြစက်မှုဇုံ လျော်ကြေး တဧက သိန်းနှစ်ဆယ် ရမှကျေနပ်မည်
ဖိုးစိုးသူ
ဗုဒ္ဓဟူးနေ့၊ မေလ ၀၁ ရက် ၂၀၁၃
ဧရာဝတီတိုင်း မြောင်းမြမြို့ မြောင်းမြစက်မှုဇုံအတွက် သိမ်းဆည်းထားသည့် လယ်မြေများကို တဧကလျှင် လျော်ကြေး သိန်း၂၀ ဖြင့် အသိမ်းဆည်းခံ မြေပိုင်ရှင်များမှ ကျေနပ်မည် ဖြစ်ကြောင်း မြောင်းမြ တောင်သူလယ်သမား သမဂ္ဂ မှ အထွေထွေ အတွင်းရေးမှူး ဦးသန်းဇော်ဦးက ပြောသည်။
ဦးသန်းဇော်ဦးက “ လယ်သမား ၁၄ဦးပိုင်တဲ့ လယ်မြေဧကပေါင်း ၅၀ ကျော် အတွက် တဧကကို ၁၅ သိန်းနဲ့ လယ်သမား ၅ ဦးက လျော်ကြေးငွေ ယူလိုက်ကြတယ်။ ကျန်တဲ့ ကိုးဦးကတော့ ၂၅ သိန်းရမှ ကျေနပ်မယ် ဆိုတော့ မနေ့က ညနေမှာ လယ်သမားတွေနဲ့ စက်မှုဇုံ ကော်မတီ ဥက္ကဌတို့ညှိကြတာ လယ်သမားတွေက သိန်း၂၀ ရရင် ကျေနပ်ကြမယ်လို့ ပြောတယ်” ဟုဆိုသည်။
အဆိုပါ လျော်ကြေးငွေ ကိစ္စကို မြောင်းမြ စက်မှုဇုံဘက်မှ ၃ ရက် အတွင်း အကြောင်းပြန်ပေးမည် ဟု ပြောကြား ထားပြီး တစ်ဧကလျော်ကြေး သိန်း ၂၀ မရပါက မည်သို့ဆက်လုပ်ရမည်ကို မသိရှိ ရသေးကြောင်း လယ်မြေဧက တစ်ဧကခွဲ သိမ်းဆည်းခံထားရသော မြောင်းမြမြို့ ၊ မြဟေမာရပ်ကွက် စက်မှုဇုံ ၂ ရပ်ကွက်မှ လယ်သမား ဦးလှစိုးက ရှင်းပြသည် ။
ဦးလှစိုးက “ ဒီစက်မှုဇုံအတွက် ၁၉၉၄ မှာ တကြိမ်၊ ၂၀၀၃ မှာတကြိမ် စုစုပေါင်း နှစ်ကြိမ် သိမ်းခဲ့တယ်။ အဲဒီသိမ်းတာတွေမှာ ကျွန်တော်တို့တွေရဲ့ မြေတွေပါနေတယ်။ အခုအခါ ဒါတွေကိုပြောတော့ ကျွန်တော်တို့ ဘက်က မြေယာ ပိုင်ဆိုင်မှု စာချူပ်တွေ နာဂစ် ဖြစ်ပြီးချိန်မှာ ပျောက်သွားတာ တွေရှိတဲ့ အတွက် ၅ ဧကရှိပေမဲ့ ၁ ဧကခွဲပဲရတော့တယ် ” ဟုပြောသည်။
ယင်းကိစ္စများ နှင့်ပါတ်သက်ပြီး မြောင်းမြစက်မှုဇုံစီမံကိန်းကော်မတိ ဥက္ကဋ္ဌ ဦးကိုကိုနိုင်သို့ အကြိမ်ကြိမ် ဆက်သွယ်ခဲ့ရာ ဖုန်းစက် ပိတ်ထားပါ သဖြင့် မေးမြန်းခွင့် မရှိခဲ့ပေ ။
မြောင်းမြစက်မှုဇုံ စီမံကိန်းဧရိယာ အကျယ်ဝန်းသည် ဧကပေါင်း ၇၀ကျော်ခန့်ရှိပြီး ၂၉၉၄ ခုနှစ်များတွင် သိမ်းယူခဲ့သော လယ်မြေများပေါ်တွင် ဆန်စက်များ ၊ ကပ်စေး နှဲ စက်ရုံများ တည်ဆောက်ထားပြီး ၂၀၀၃ ခုနှစ်တွင် သိမ်းယူထားသော လယ်မြေများပေါ်တွင် မည်သည်စက်ရုံမှ တည်ဆောက်မှု ရှိသေးကြောင်း မြောင်းမြ ဒေသခံများထံမှ စုံစမ်း သိရှိရသည်။
Ref: မဇ္ဈိမ
မွန်ဂိုလီးယားက ဒီမိုကရေစီ ညီလာခံကို အမေရိကန် အားရ
2013-04-30
မွန်ဂိုလီးယားနိုင်ငံမှာ ကျင်းပခဲ့တဲ့ သတ္တမ အကြိမ်မြောက် ဒီမိုကရေစီ လူ့အဖွဲ့အစည်း ဆိုင်ရာ ဝန်ကြီးများ အဆင့် ညီလာခံဟာ အကျိုးရလဒ်တွေ အများအပြားရရှိခဲ့တဲ့ တွေ့ဆုံဆွေးနွေးပွဲ တစ်ရပ်ဖြစ်ကြောင်း အမေရိကန်ပြည်ထောင် စု နိုင်ငံခြားရေး ဝန်ကြီးဌာနက ကြေညာချက် ထုတ်ပြန် ပြောဆို လိုက်ပါတယ်။
Community of Democracies (CD) လို့ ခေါ်တဲ့ ဒီမိုကရေစီ လူ့အဖွဲ့အစည်းရဲ့ ၀န်ကြီးများအဆင့် ညီလာခံကို ၂ နှစ် ၁ ကြိမ် ကျင်းပနေရာမှာ ဒီနှစ်အတွက် အလှည့်ကျ ဥက္ကဌအဖြစ် တာဝန်ယူတဲ့ မွန်ဂိုလီးယားနိုင်ငံရဲ့ မြို့တော် အူလန်းဘာတာမြို့မှာ ဧပြီလ ၂၇ ရက်နေ့ကနေ ၂၉ ရက်အနေ့အထိ ကျင်းပခဲ့ပါတယ်။
ဒီညီလာခံကို အစိုးရခေါင်းဆောင်တွေ၊ နိုင်ငံခြားရေး ၀န်ကြီးတွေ၊ လွှတ်တော် အမတ်တွေ၊ အရပ်ဘက် အဖွဲ့အစည်း ခေါင်းဆောင်တွေ၊ ငြိမ်းချမ်းရေး နိုဘဲဆုရှင်တွေဖြစ် ကြတဲ့ ဒေါ်အောင်ဆန်းစုကြည်နဲ့ ယီမင်နိုင်ငံသူ တာဝပ်ကောကာမာတို့ အပါအ၀င် နိုင်ငံပေါင်း ၁၁၀ ၀န်းကျင်က ကိုယ်စားလှယ်တွေနဲ့ အတူ အမေရိကန် လက်ထောက် နိုင်ငံခြားရေးဝန်ကြီး ၀ီလျံဘန်းစ်လည်း တက်ရောက်ခဲ့ ပါတယ်လို့ ကြေညာချက်မှာဖေါ်ပြပါတယ်။
ညီလာခံမှာ ကမ္ဘာတ၀ှမ်း ဒီမိုကရေစီ အသွင်ကူးပြောင်းရေးနဲ့ တိုးတက်ခိုင်မာရေးအတွက် ဘယ်လိုဘယ်ပုံ ကူညီ ပံ့ပိုးပေးကြမလဲဆိုတာ ဆန်းစစ် ခဲ့ကြပါတယ်။
ပွင့်လင်းတဲ့အစိုးရ၊ နိုင်ငံရေးအပြောင်းအလဲတွေ၊ အမျိုးသမီးနဲ့ ဒီမိုကရေစီ၊ အရပ်ဘက် အဖွဲ့အစည်းတွေ အတွက် အန္တရာယ်များ စတဲ့ အကြောင်းအရာတွေ အပြင်၊ ဒီမိုကရေစီ ပညာပေးလုပ်ငန်း၊ အကျင့်ပျက်ခြစားမှု တိုက်ဖျက်ရေး၊ အာရပ်နွေဦးရဲ့ သင်္ခန်းစာတွေနဲ့ ပြဿနာတွေ၊ ထောင်စုနှစ်ဖွံ့ဖြိုး တိုးတက်ရေး ပန်းတိုင်များနှစ်ဖြစ်တဲ့ ၂၀၁၅ အလွန်မှာ ဒီမိုကရေစီရဲ့နေရာ၊ အင်တာနက်နဲ့ ပုံနှိပ်မီဒီယာစတဲ့ အမျိုးအမည် စုံလင်လှတဲ့ အကြောင်းအရာတွေကို ဆွေးနွေးနိုင်ခဲ့ပါတယ်။
ဒါ့ပြင်ဒီနှစ် ညီလာခံဟာ ကမ္ဘာတ၀ှမ်း ဒီမိုကရေစီ တိုးတက်ရေးနဲ့ အရပ်ဘက် အဖွဲ့အစည်းတွေ ပိုမို အားကောင်း လာရေးအတွက် မှတ်တိုင်သစ် တစ်ခုအဖြစ် မှတ်ယူရမှာဖြစ်ကြောင်းလည်း အမေရိကန်ပြည်ထောင်စု နိုင်ငံခြားရေးဝန်ကြီးဌာနရဲ့ ကြေညာချက်မှာ ရေးသားထားပါတယ်။
Ref: RFA News
ဥက္ကံမြို့ ပဋိပက္ခကြောင့် ၁ ဦးသေဆုံး၊ ၁၈ ဦး ဖမ်းဆီးထား
2013-05-01
ဧပြီ ၃၀ ရက်နေ့က ရန်ကုန်တိုင်းဒေသကြီး၊ ဥက္ကံမြို့မှာ ဖြစ်ပွားခဲ့တဲ့ ပဋိပက္ခကြောင့် လူတစ်ဦးသေဆုံးပြီး၊ လှုံ့ဆော်ခဲ့ သူတွေလို့ သံသယရှိတဲ့ ဒေသခံ ၁၈ ဦးကို မြန်မာနိုင်ငံ ရဲတပ်ဖွဲ့က ဖမ်းဆီး ထားကြောင်း RFA က ဒီကနေ့ စုံစမ်းသိရပါတယ်။
သံသယရှိသူ ၁၈ ဦးကို မြောက်ပိုင်းခရိုင် ရဲတပ်ဖွဲ့နဲ့ ရန်ကုန်တိုင်း ရဲတပ်ဖွဲ့ စစ်ကြောရေး စခန်းတွေမှာ နှစ်နေရာခွဲပြီး စစ်ဆေးမေးမြန်းမှုတွေ စတင် လုပ်ဆောင်နေတယ်လို့ သိရပါတယ်။
ဧပြီ ၃၀ ရက် ညနေပိုင်းက ဥက္ကံမြို့ သကြားစက်ပတ်ဝန်းကျင်က အစ္စလာမ် ဘာသာဝင်တွေ အများဆုံးနေထိုင်တဲ့ ရတနာကုန်း၊ ပနီပင်၊ ခြောက်သဲနဲ့ သဲကုန်းကျေးရွာတွေက အိမ်ခြေ ၁၀၀ ကျော်ကို လူအုပ်စုလိုက် ဝင်ရောက်ဖျက်ဆီး၊ မီးရှို့ခဲ့တဲ့ အတွက် ရဲတပ်ဖွဲ့ ဝင်တွေက အဲဒီနေရာတွေမှာ လုံခြုံရေး တာဝန် ယူရထားတယ်လို့ ဥက္ကံမြို့က ရဲအရာရှိတစ်ဦးက RFA ကိုပြောပါတယ်။
ပဋိပက္ခတွေ စတင်ဖြစ်ပွားခဲ့ပြီးနောက် ဥက္ကံမြို့ မြို့မဈေးကို သုံးရက်ကြာ ပိတ်ထားလိုက်ပြီး၊ ဥက္ကံမြို့နဲ့ ပတ်ဝန်းကျင်က ကျေးရွာတွေကို ပုဒ်မ ၁၈၈ အမိန့်ထုတ်ပြန် ကြေညာထားပါတယ်။ ဒီကနေ့မှာတော့ အခြေအနေတွေ တည်ငြိမ်နေပြီလို့ ရဲအရာရှိတစ်ဦးက RFA ကို ပြောပါတယ်။
ပဋိပက္ခကြောင့် ရန်ကုန်ဆေးရုံကြီးမှာ ဆေးဝါးကုသမှုခံယူနေတဲ့ ကိုတင်ဝင်း၊ ကိုဇော်နိုင်နဲ့ ကိုအီစမန်တို့ သုံးဦးထဲက ကိုဇော်နိုင်ကတော့ ရရှိတဲ့ဒဏ်ရာတွေကြောင့် ကွယ်လွန်သွားပြီဖြစ်ပါတယ်။
ဥက္ကံမြို့က ပဋိပက္ခအပြီး ရန်ကုန်ပြည်သူ့ဆေးရုံကြီးမှာ အတွင်းလူနာအဖြစ် ဆေးကုသမှုခံယူနေရသူ ၁၀ ဦး ရှိတယ်လို့လည်း ရန်ကုန်ပြည်သူ့ဆေးရုံကြီး တာဝန်ရှိသူတစ်ဦးက ပြောပါတယ်။
Ref: RFA News
ဖမ်းထားသည့် လက်ပံတောင်း ဒေသခံနှစ်ဦးကို မိသားစုဝင်များ စုံစမ်း၍ မရ
မန်းသားလေး
May 2, 2013
ရန်ကုန်ပြည်သူ့ အကျိုးဆောင် ကွန်ရက် အဖွဲ့ဝင် ကိုအောင်စိုးနှင့်အတူ အဖမ်းခံရသူ လက်ပံတောင်း ဒေသခံနှစ်ဦးကို ၎င်းတို့၏ မိသားစုဝင်များက မုံရွာထောင်တွင် တွေ့ဆုံခွင့် တောင်းသော်လည်း ထောင်အာဏာပိုင် များက ဖမ်းဆီးထားခြင်း မရှိဟု ငြင်းဆိုလိုက်ကြောင်း သတင်းရရှိသည်။
စစ်ကိုင်းတိုင်း၊ မုံရွာခရိုင်၊ ဆားလင်းကြီးမြို့နယ် လက်ပံတောင်း ကြေးနီ စီမံကိန်းရှိ ပုဒ်မ ၁၄၄ ထုတ်ပြန်ထားသည့် လယ်ယာမြေများတွင် ဒေသခံများက ဝင်ရောက် လယ်ယာ ထွန်ယက်သဖြင့် ဧပြီလ ၂၅ ရက်နေ့က ဒေသခံ နှစ်ဦးဖြစ်သော ကိုမောင်ဆန်းနှင့် ကိုစိုးသူတို့ကိုပါ ဖမ်းဆီးသွားခြင်း ဖြစ်သည်။
ကိုစိုးသူ၏ မိခင် ဒေါ်နွဲ့တင်နှင့် ကိုစိုးသူ၏ ညီမဖြစ်သူ မယဉ်မင်းဦး၊ ကိုမောင်ဆန်း၏ ဇနီး မနု အပါအဝင် ဒေသခံ ၁၃ ဦးက မုံရွာထောင်သို့ လာရောက်ပြီး ဖမ်းဆီး ထားသူများနှင့် တွေ့ခွင့်ရရန် တောင်းဆိုနေခြင်း ဖြစ်ပြီး မုံရွာထောင် အာဏာပိုင်များကမူ မရှိကြောင်း ငြင်းဆိုနေသည်ဟု သိရသည်။
“ကျမ သားလေးကို သူတို့ဖမ်းသွားပြီး ဒီထောင်မှာ ထားတယ်ဆိုလို့ ထောင်ဝင်စာ လာတွေ့တာပါ။ ဒါကို ထောင်မှူးတွေက မရှိဘူးဆိုပြီး ပြောနေပါတယ်။ ရဲစခန်းတွေလည်း စုံနေပါပြီ။ ဘယ်သူကမှ မသိဘူး ဆိုပြီး ပြောဆိုနေကြတာပါ။ ကျမတို့လည်း ဘာလုပ်လို့ ဘာကိုင်ရမှန်း မသိအောင်ကို ဖြစ်နေပါတယ်။ ကျမ သားလေးနဲ့ပဲ ကျမတွေ့ခွင့်ရရင် တော်ပါပြီ” ဟု အသက် ၁၈ နှစ်အရွယ် ကိုစိုးသူ၏ မိခင် ဒေါ်နွဲ့တင်က ပြောသည်။
မုံရွာထောင်မှူးက ဒေသခံများကို မုံရွာထောင်ရှေ့တွင် ရှင်းပြရာ၌ “ကျနော့်ဆီမှာ ဒီအမှုကိစ္စနဲ့ ပတ်သက်ပြီး ရောက်နေတဲ့ လူတွေ မရှိပါဘူး။ ရှိရင်လည်း ကျနော်က တွေ့ခွင့်ပေးမှာပါ။ တကယ်မရှိလို့ပါ။ အခြေနေအမှန်ကို သိဖို့အတွက်က သက်ဆိုင်ရာ ရဲစခန်းကို သွားမေးလိုက်ပါ။ ကိုအောင်စိုးတော့ ကျနော့်ဆီ ရောက်တယ်။ ရောက်ပြီး နာရီဝက်အကြာမှာပဲ ရဲတွေက ပြန်လာခေါ်သွားပါတယ်” ဟု ဆိုသည်။
ဖမ်းဆီးခံရသူများ၏ မိသားစုဝင်များက ယင်းတို့ နှစ်ဦးကို မည်သည့်နေရာတွင် ဖမ်းဆီးထားကြောင်း သိရှိရန် ဆာလင်းကြီးမြို့နယ် ရဲစခန်းသို့ ဖုန်းဆက်မေးမြန်းရာ တာဝန်ရှိသူများက ထိန်းသိမ်းထားသည့် နေရာကို မသိရှိဟု ဖြေကြောင်း၊ သို့သော် ညောင်ပင်ကြီးရဲစခန်းသို့ ကိုယ်တိုင်သွားရောက် မေးမြန်းကြရာတွင် ရဲမှူး ရဲအောင်က မုံရွာထောင်တွင် ထိန်းသိမ်းထားသည်ဟု ပြောကြောင်း သိရသည်။
လက်ပံတောင်း ဝန်းကျင်ရှိ ကျေးရွာ ၂၆ ရွာမှ ဒေသခံများအား လက်ပံတောင်းတောင် ကြေးနီစီမံကိန်း ရုပ်သိမ်းရေး အကြောင်းပြ၍ ဒေသတည်ငြိမ်ရေးနှင့် အေးချမ်းသာယာရေးကို ပျက်ပြားအောင် သွေးထိုးလှုံ့ဆော်သဖြင့် ၈ ဦးကို စစ်ကိုင်းတိုင်းဒေသကြီး ရဲတပ်ဖွဲ့က အမှုဖွင့်အရေးယူမည်ဖြစ်ကြောင်း ကြေညာချက် ထုတ်ပြန်ထားသည်။
အမှုဖွင့် အရေးယူရန် ထုတ်ပြန်ထားသည့် ၈ ဦးအနက် ကိုအောင်စိုးကို ဖမ်းဆီးထားပြီး ဖြစ်ပြီး ကျန် ၇ ဦးကို အလိုရှိကြောင်း ဓာတ်ပုံများနှင့် တကွ လက်ပံတောင်း ဝန်းကျင် ကျေးရွာလမ်းများတွင် ကြော်ငြာများ ကပ်ထားသည်ဟု သိရသည်။
ကျန် ၇ ဦးမှာ ရန်ကုန်ပြည်သူ့ အကျိုးဆောင်ကွန်ရက်မှာ ကိုဗထူး၊ ကိုသားကြီး၊ ကိုလတ်၊ ကိုသော်ဇင်၊ ကိုသူ၊ ရန်ကုန်ဝိဇ္ဇာ/သိပ္ပံ တက္ကသိုလ် ကျောင်းသားသမဂ္ဂဖွဲ့မှ ကိုသောင်းထိုက်ဦး၊ နိုင်ငံရေးအကျဉ်းသားများ ကူညီစောင့်ရှောက်ရေး ကွန်ရက်မှ ကိုဟန်ဝင်းအောင်တို့ ဖြစ်သည်။
အလိုရှိသူများကို ဖမ်းဆီးရေး သတင်းပေးကြရန်၊ လက်ခံထားသူများကိုလည်း အရေးယူမည်ဟု ရဲတပ်ဖွဲ့က ထုတ်ပြန်ထားသည်။
ယင်းထုတ်ပြန်ကြေညာချက်နှင့် ပတ်သက်၍ ဆည်တည်းရွာက လက်မခံကြောင်း ဧပြီလ ၂၉ ရက်နေ့တွင် ညောင်ပင်ကြီး ရဲစခန်းရှေ့၌ အင်အား ၁၃၀ ခန့်နှင့် ၁၅ မိနစ်ကြာ တရားဝင် ဆန္ဒပြခဲ့ကြောင်း၊ ရဲတပ်ဖွဲ့က ဖမ်းဝရမ်းထုတ်ထားသူများကို ဆည်တည်းဒေသခံများက လက်ခံထားရှိကြောင်း ဝန်ခံပြီး တရွာလုံးကို ဖမ်းဆီးနိုင်သည်ဟု ပြောဆိုခဲ့ကြောင်း သိရသည်။
ညောင်ပင်ကြီး ရဲစခန်းမှူး ရဲမှူး ရဲအောင်က “ကျနော်က ဥပဒေ နားမလည်သေးတဲ့ ဒေသခံတွေကို အကျိုးနဲ့အကြောင်း ပြန်ရှင်းပြလိုက်ပါတယ်။ ဒီဥပဒေနဲ့ ပတ်သက်လို့ နားမလည်တာ ရှိရင် ညောင်ပင်ကြီး ရဲစခန်းမှာ ၃ ယောက်တဖွဲ့ လာပြီး မေးမြန်းနိုင်ပါတယ်။ ကျနော်တို့က သူတို့ကို ဘာကြောင့် ဒီလိုလုပ်တယ်ဆိုတာ နားလည်နိုင်အောင် ရှင်းပြပေးသွားမှာပါ” ဟု ဧရာဝတီသို့ ပြောသည်။
ဆန္ဒပြသည့် ဧပြီလ ၂၉ ရက်နေ့တွင်လည်း ရဲမှူး ရဲအောင်က ဒေသခံများကို ဥပေဒအကြောင်း ရှင်းပြပြီး တောင်းပန်ကာ လူစုခွဲခိုင်းခဲ့သေးသည်။
ရန်ကုန်ပြည်သူ့ အကျိုးဆောင် ကွန်ရက်မှ ကိုဝေဠုက “ဖမ်းဝရမ်းထုတ်ခံရတဲ့ ကိစ္စနဲ့ပတ်သက်ပြီး ကျနော်တို့က နေပြည်တော်က တာဝန်ရှိတဲ့လူကြီးတွေနဲ့ တွေ့ဆုံညှိနှိုင်း အဖြေရှာဖို့ လုပ်နေပါတယ်။ တာဝန်ရှိတဲ့ လူကြီးတွေကလည်း ညှိနှိုင်းဖို့ သဘောတူလိုက်ပါပြီ။ ဘယ်သူဘယ်ဝါ ဆိုတာကတော့ ကျနော်တို့ ထုတ်ပြောဖို့ အချိန်မတန်သေးပါဘူး။ အခုလို ဒီမိုကရေစီခေတ်မှာ လူ့အခွင့်အရေး လှုပ်ရှားနေတဲ့လူတွေကို ဒီလို ဖမ်းဆီးထောင်ချတာမျိုးတွေ မလုပ်သင့်တော့ပါဘူး” ဟု ပြောသည်။
၈၈ မျိုးဆက် ကျောင်းသားခေါင်းဆောင် တဦးဖြစ်သူ ဦးကိုကိုကြီးကလည်း “ဒီမိုကရေစီနိုင်ငံဆိုတာ ထောင်ထဲမှာ နိုင်ငံရေး အကျဉ်းသားတွေမရှိမှ စစ်မှန်တဲ့ နိုင်ငံဖြစ်မှာပါ။ ကျနော့် သဘောထားကတော့ ထောင်ထဲမှာ နိုင်ငံရေး အကျဉ်းသား တဦးမှ မရှိစေချင်ဘူး။ ကျနော်လည်း ထောင်ထဲမှာ နှစ်ပေါင်းများစွာ နေလာခဲ့ရတာ။ ကျနော်တို့နိုင်ငံက ဒီမိုကရေစီလမ်းစဉ်ကို သွားနေပြီ ဖြစ်တဲ့အတွက် နိုင်ငံရေးလှုပ်ရှားတဲ့သူတွေကို ဖမ်းတာ ဆီးတာတွေ မဖြစ်သင့်တော့ပါဘူး။ နှစ်ဖက် စေ့စပ်ညှိနှိုင်းပြီး အဖြေရှာတာပဲ ကောင်းပါတယ်” ဟု ဧရာဝတီသို့ ပြောသည်။
ဖမ်းဝရမ်း ထုတ်ခံထားရသူများသည် လက်ပံတောင်း ဝန်းကျင်တွင် တိမ်းရှောင်နေကြောင်း၊ ဥပဒေနှင့် အညီ ဝင်ရောက်ဖမ်းဆီးရန် လေ့ကျင့်မှုများ ပြုလုပ်နေကြောင်း ရဲတပ်ဖွဲ့ထံမှ သိရသည်။
“ကျနော်တို့က တရားခံတွေကို တရားဥပဒေနဲ့အညီ ၀င်ရောက်ဖမ်းဆီး အရေးယူသွားမှာပါ။ လိုအပ်တဲ့ ပြင်ဆင်မှု အပိုင်းတွေကိုလည်း ကျနော်တို့ ပြင်ဆင်ထားပြီးပါပြီ” ဟု မုံရွာခရိုင် ရဲမှူး တင်ထွန်းက ဧရာဝတီသို့ ပြောသည်။
တိမ်းရှောင်နေသူ တဦးဖြစ်သည့် ကိုဗထူးက “ရဲတွေက ကျနော်တို့ကို ရွာထဲထိ ၀င်ဖမ်းဖို့အတွက် လေ့ကျင့်မှုတွေ လုပ်နေပါတယ်။ ရှေ့အဖွဲ့ ဒိုင်းကာအဖွဲ့နဲ့ နောက်အဖွဲ့ သေနတ်ပစ်အဖွဲ့ နှစ်ဖွဲ့ပေါင်းပြီး ရွာထဲဝင်စီးဖို့ လေ့ကျင့်ခန်းတွေ လုပ်နေတာပါ။ အခုဆို ဆည်တည်းရွာကို ပတ်ပတ်လည် ကင်းတွေချထားပါတယ်” ဟု ပြောသည်။
ဆားလင်းကြီး မြို့နယ် ရဲစခန်းက ဝမ်ပေါင်ကုမ္ပဏီအတွင်း အဖွဲ့လိုက် လေ့ကျင့်မှုများ ပြုလုပ်နေကြောင်း၊ အထူး ရဲတပ်ဖွဲ့ဝင်များလည်း လယ်တီ ဆရာတော်ဘုရားကြီး၏ သိမ်ကုန်းတွင် ညစဉ် လေ့ကျင့်မှုများ ပြုလုပ်နေကြောင်း မျက်မြင် ဒေသခံများကလည်း ပြောသည်။
ဒေသခံရွာသားများကလည်း ရဲတပ်ဖွဲ့များ ဝင်ရောက်ဖမ်းဆီးလျှင် ပြန်လည် ခုခံမည်ဟု ပြောဆိုနေကြသည်။
လက်ပံတောင်းတောင် စီမံကိန်း စတင်ခဲ့သည့် ၂၀၁၂ ခုနှစ် နှစ်ဦးပိုင်းမှ စတင်ပြီး ယခုအချိန်အထိ အမှုပေါင်း ၅၀ ကျော် ရှိပြီဖြစ်ကြောင်း ဆားလင်းကြီးမြို့နယ် ရဲစခန်းမှတဆင့် သိရသည်။
“ဒေသခံတွေက စားဝတ်နေရေးအတွက် ဆန္ဒပြကြတယ်။ တာဝန်ရှိသူတွေကလည်း ဒါကို ဖြေရှင်းနိုင်စွမ်း မရှိဘူး။ အခုဟာက ဒေသခံတွေ လယ်မြေတွေ မရောင်းဘူးလို့ပြောတယ်။ စုံစမ်းစစ်ဆေးရေး ကော်မရှင်က အမိန့်မချသေးဘူး။ ဒီအချိန်မှာ တောင်သူလယ်သမားတွေက စားဝတ်နေရေး ခက်ခဲမယ်။ အစိုးရကလည်း ဒါကို ထည့်မတွက်ခဲ့ဘူး။ သူတို့အနေနဲ့ကလည်း အချိန်မီ ထွန်ယက်စိုက်ပျိုးမှပဲ ဖြစ်မယ်လေ။ လယ်မထွန်ရဘူးဆိုရင် အစိုးရက ဒီ တောင်သူလယ်သမားတွေရဲ့ စားဝတ်နေရေးကို ဘယ်လို ဖြေရှင်းပေးမလဲဆိုတာမျိုး ရှိရမယ်။ လိုအပ်ချက်တွေကတော့ နှစ်ဖက်စလုံးမှာ ရှိနေပါသေးတယ်” ဦးကိုကိုကြီးက ပြောသည်။
Ref: ဧရာဝတီ
ရခိုင်စုံစမ်းရေးကော်မရှင် အကြံပြုချက် အမြန်ဆောင်ရွက်ဖို့ Quintana တိုက်တွန်း
ကိုသားညွန့်ဦး
01.05.2013
မြန်မာနိုင်ငံအနောက်ခြမ်း ရခိုင်ပြည်နယ်မှာ ဖြစ်ခဲ့တဲ့ အကြမ်းဖက်မှုတွေနဲ့ ပတ်သက်လို့ စုံစမ်း စစ်ဆေးရေးကော်မရှင်ရဲ့ အကြံပြုချက်တွေ အပေါ်မှာ အစိုးရအနေနဲ့ အရေးယူ လိုက်နာဆောင်ရွက်ပေးဖို့ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် သောမတ်စ် အိုဟေး ကင်တားနား (Tomás Ojea Quintana) က တိုက်တွန်းပါတယ်။
အထူးသဖြင့်တော့ အကြမ်းဖက်မှုတွေမှာ ပါဝင်ပတ်သက်တဲ့ တာဝန်ရှိသူတွေကို ဖော်ထုတ် အရေးယူဖို့ အရေးကြီးတယ်လို့ ပြောပါတယ်။ မစ္စတာ ကင်တားနားနဲ့ ဆက်သွယ်မေးမြန်းထားတဲ့ ကိုသားညွန့်ဦး က တင်ပြထားပါတယ်။
ရခိုင်ပြည်နယ် ပဋိပက္ခ စုံစမ်းရေးကော်မရှင်ရဲ့ အစီရင်ခံစာဟာ ပြီးခဲ့တဲ့ တနင်္လာနေ့က ထွက်လာ ခဲ့ပြီးတဲ့နောက်၊ အစီရင်ခံစာပါ အကြံပြုချက်တွေကို ပြန်လည် သုံးသပ်ပြီးတော့ လူ့အခွင့်အရေး ကိုယ်စားလှယ် မစ္စတာ ကင်တားနားက မနေ့က သူ့ရဲ့ အမြင်တွေကို ထုတ်ပြန်ခဲ့တာပါ။ အစီရင်ခံစာပါ အကြံပြုချက်တွေကို သူ ကြိုဆိုလိုက်ပြီး၊ ဒီအပေါ်မှာ အစိုးရအနေနဲ့ အကောင်အထည်ဖော် ဆောင်ရွက်ပေးဖို့ မစ္စတာ ကင်တာနား က တိုက်တွန်းပါတယ်။
အထူးသဖြင့်တော့ ရခိုင်ပြည်နယ် အကြမ်းဖက်မှုတွေအတွင်းမှာ ပြည်နယ် တာဝန်ရှိသူတွေ ကိုယ်တိုင်က မူဆလင် လူမှုအသိုင်းအ၀ိုင်းကို ပစ်မှတ်ထားပြီး လူ့အခွင့်အရေး ကျူးလွန်မှုတွေ ရှိခဲ့တယ်ဆိုတဲ့ စွပ်စွဲချက်တွေ သူ ရရှိထားတယ်လို့ ပြောပါတယ်။ ဒါကြောင့် အာဏာပိုင်တွေ တာဝန်ရှိသူတွေရဲ့ လုပ်ရပ်ကို အရေးယူဖို့ အရေးကြီးတယ်လို့ မစ္စတာ ကင်တာနား က ထောက်ပြပါတယ်။
“အစီရင်ခံစာပါ အကြံပြုချက်တွေက အပြုသဘော ဆောင်ပါတယ်။ ဒါတွေကို အစိုးရက လက်တွေ့ အကောင်အထည်ဖော်ရမှာပါ။ တချိန်တည်းမှာပဲ ကျနော် စိုးရိမ်မိတာကတော့ အာဏာပိုင်တွေရဲ့ တာဝန်ရှိမှု၊ ကျူးလွန်မှုတွေကို ဥပဒေ ကင်းလွတ်ခွင့် ပေးတာတွေ မဖြစ်စေဖို့ အရေးတကြီး ကိုင်တွယ်ဖြေရှင်းဖို့ပါ။ ဒီဖြစ်ရပ်ကြောင့် လူတွေအများကြီး သေဆုံးခဲ့သလို၊ အဖမ်းခံထားရတဲ့သူတွေလည်း ရှိပါတယ်။ ဒါကြောင့် အစိုးရအနေနဲ့ လူ့အခွင့်အရေး ချိုးဖောက်မှုတွေနဲ့ တာဝန်ရှိသူတွေကို ဖော်ထုတ် အရေးယူနိုင်မယ့် အခြေအနေမျိုး ဖန်တီးလုပ်ဆောင်ဖို့ လိုပါတယ်။”
အကြံပြုချက်တွေထဲမှာ စိုးရိမ်စရာ အခြေအနေတွေကိုလည်း သူက ထောက်ပြပါတယ်။ အဓိကအချက်ကတော့ ရခိုင်နဲ့ ရိုဟင်ဂျာ လူမှုအသိုင်းအ၀ိုင်းနှစ်ခုကို ခွဲထားဖို့ ဆိုတဲ့ကိစ္စပါ။ အဲ့ဒီဒေသတွင်းက မူဆလင်တွေ လွတ်လွတ်လပ်လပ် သွားလာခွင့်တွေကို ကန့်သတ်ထားတုန်းပဲလို့ မစ္စတာ ကင်တာနား က မြင်ပါတယ်။
မူဆလင်တွေကိုထားတဲ့ ဒုက္ခသည်စခန်းတွေရဲ့ အခြေအနေဟာ ဆိုးရွားနေတာကြောင့် အလျင်အမြန်ပဲ ဒီအခြေအနေကို ကိုင်တွယ်ဖြေရှင်းဖို့ လိုတယ်လို့ မစ္စတာ ကင်တာနား က ယူဆပါတယ်။
“အန္တရာယ်ကြီးတာကတော့ မြန်မာနိုင်ငံမှာ ဒီမူဝါဒကို ကျင့်သုံးလာပြီးရင်တော့ လူမှု အသိုင်းအ၀ိုင်းတွေအကြား ပြန်လည် သင့်မြတ်ရေးနဲ့ လူအဖွဲ့အစည်းမှာ သဟဇာတ ဖြစ်အောင် လုပ်ဆောင်ဖို့ လုပ်မရတဲ့ အခြေအနေပါ။ ဒါဟာ ပြဿနာပါ။ လူသား ရပ်တည်မှုဆိုင်ရာ အကြပ်အတည်း ကြုံနေရတာတွေကို ဘယ်လို ကိုင်တွယ်မလဲဆိုတာ စိုးရိမ်ရပါတယ်။ ရခိုင်မှာရှိတဲ့ အဲ့ဒီက ဒုက္ခသည်စခန်းတွေကို ကျနော်ရောက်ခဲ့ပါတယ်။ အခုဆို မိုးရာသီလာတော့မယ်။ ကော်မရှင်ရဲ့ အကြံပြုချက်မှာတော့ လူသားရပ်တည်မှု အကြပ်အတည်း ပြဿနာရှိတယ် ဆိုတာ ထောက်ပြထားပါတယ်။ ဒါပေမဲ့ ဒီပြဿနာကို အရေးတကြီး အလျင်အမြန် ကိုင်တွယ်ဖြေရှင်းဖို့ လိုနေပါပြီ။”
အစိုးရ အာဏာပိုင်တွေအနေနဲ့ ဒီလူမှုအသိုင်းအ၀ိုင်းနှစ်ခု ပြန်လည်ပေါင်းစည်းနိုင်ဖို့ အစီအစဉ်တွေ ချမှတ်ပြီး၊ ဒုက္ခသည်တွေကို ပြန်လည်နေရာချဖို့ စီစဉ်ဆောင်ရွက်ဖို့လည်း မစ္စတာ ကင်တာနား က တိုက်တွန်းခဲ့ပါတယ်။ မစ္စတာ ကင်တာနား ဟာ ကော်မရှင်ရဲ့ အစီရင်ခံစာ တခုလုံးကိုတော့ ဖတ်ရသေးတာ မဟုတ်ပါဘူး။ ဘာသာပြန် ရရှိထားတဲ့ ကော်မရှင်ရဲ့ အကြံပြုချက်တွေအပေါ်မှာ သူ့သုံးသပ်ချက်ကို ထုတ်ပြန်တာလို့ ပြောပါတယ်။
“ကျနော်ရဲ့ အခုထုတ်ပြန်ချက်က ကော်မရှင်ရဲ့ အကြံပြုချက်တွေအပေါ်မှာပဲ သုံးသပ်ထားတာပါ။ ဒါကြောင့် အစီရင်ခံစာ တခုလုံးကို ဘာသာပြန်ပြီး ဖတ်ရှုဖို့ လိုပါတယ်။”
ဒီအစီရင်ခံစာ တခုလုံးမှာ ဘင်္ဂါလီဆိုပြီး အသုံးအနှုန်းကိုပဲ သုံးစွဲတာကြောင့် လူ့အခွင့်အရေး အဖွဲ့တွေရဲ့ ဝေဖန်မှုတော့ ရှိပါတယ်။ မစ္စတာ ကင်တာနား ကတော့ ဒီ အသုံးအနှုန်းကိစ္စထက် အစီရင်ခံစာပါ အနှစ်သာရတွေက ပိုပြီး အရေးကြီးမယ်လို့ ယူဆပါတယ်။
“ရိုဟင်ဂျာဆိုတဲ့ အသုံးအနှုန်းဟာ ဖွဲ့စည်းပုံထဲမှာ မပါဝင်တာကြောင့် ဖြစ်နိုင်ပါတယ်။ ဒါပေမဲ့ အဲ့ဒီလူမှုအသိုင်းအ၀ိုင်းဟာ မြန်မာနိုင်ငံမှာ ရှိတာပါ။ သူတို့ကိုယ် သူတို့ ရိုဟင်ဂျာလို့ သုံးပါတယ်။ ဒါကြောင့် သူတို့ရဲ့ ကိုယ်ပိုင်လက္ခဏာကိုတော့ အသိအမှတ် ပြုသင့်တာပေါ့။ ဒါပေမဲ့လည်း ဒီအစီရင်ခံစာနဲ့ အကြံပြုချက်ရဲ့ အနှစ်သာရ ပို အရေးကြီးပါတယ်။”
မြန်မာလို အစီရင်ခံစာထဲမှာတော့ ရိုဟင်ဂျာ ဆိုတဲ့ အသုံးအနှုန်းနဲ့ပတ်သက်လို့ သုံးသင့် မသင့် အကျယ့်တ၀င့် ရှင်းထားတာ ပါဝင်ပါတယ်။ မစ္စတာ ကင်တာနား ကတော့ ရခိုင်ဒေသမှာရှိတဲ့ ရိုဟင်ဂျာ မူဆလင်တွေကို ခွဲခြားဆက်ဆံမှုဟာ လူမှုအသိုင်းအ၀ိုင်း နှစ်ခုအကြား အကြမ်းဖက်မှုတွေ ဖြစ်စေတဲ့ အကြောင်းတရပ် ဖြစ်တယ်ဆိုပြီး ထောက်ပြခဲ့ပါတယ်။
ဒါကြောင့်လည်း နိုင်ငံမဲ့ဖြစ်နေတဲ့ ရိုဟင်ဂျာ အရေအတွက် ၈ သိန်းဟာ ခွဲခြားဆက်ဆံခံရတာ၊ လူ့အခွင့်အရေး ချိုးဖောက်ခံရတာတွေ ရင်ဆိုင်နေရတယ်လို့ ထောက်ပြပါတယ်။ ပြီးခဲ့တဲ့ ၂၀၁၂ ခုနှစ် ဇွန်နဲ့ အောက်တိုဘာလအတွင်းက အကြမ်းဖက်မှုတွေကြောင့် လူ ၂၀၀ နီးပါး သေဆုံးခဲ့ပြီး၊ ဒီအခြေအနေတွေကို စုံစမ်းဖို့ သမ္မတ ဦးသိန်းစိန် က ၂၇ ဦးပါ စုံစမ်းရေးကော်မရှင်ကို ဖွဲ့စည်းပေးခဲ့တာပါ။
Ref: VOA News
ကမ္ဘာတ၀ှမ်း မေဒေးနေ့ ကျင်းပ
01.05.2013
မေဒေး လို့ခေါ်တဲ့ အပြည်ပြည်ဆိုင်ရာ အလုပ်သမားနေ့ကို ဂုဏ်ပြုပြီး ကမ္ဘာတ၀ှမ်းက အလုပ်သမားတွေဟာ လုပ်ခလစာ တိုးမြင့် ရရှိရေးနဲ့ လုပ်ငန်းခွင် အခြေအနေ ကောင်းမွန် လာဖို့အတွက် ချီတတ် ဆန္ဒပြခဲ့ကြပါတယ်။
တူရကီနိုင်ငံ အစ္စတန်ဘူမှာတော့ ဆန္ဒပြသူတွေဟာ မေဒေးနေ့ လူထုစည်းဝေးပွဲ လုပ်နေကြ Taksim ရင်ပြင်ကို ချီတတ်ဖို့ ကြိုးစားကြရာမှာ သူတို့ကို တားဆီးတဲ့ ရဲတွေနဲ့ အဓိကရုဏ်းဖြစ်ခဲ့ပါတယ်။
ဆန္ဒပြသူတွေဘက်က ခဲတွေနဲ့ ပစ်ပေါက်သလို၊ လုံခြုံရေးတပ်ဖွဲ့တွေဘက်ကလည်း မျက်ရည်ယို ဗုံးနဲ့ မီးသတ်ပိုက်တွေနဲ့ ထိုးပြီး လူစုခွဲပါတယ်။
ဂရိနိုင်ငံမှာလုပ်တဲ့ မေဒေးနေ့ အလုပ်သမား ဆန္ဒပြပွဲကြောင့် ဂရိကျွန်းစုတွေ အကြား သွားလာတဲ့ မော်တော် သင်္ဘောတွေ ရပ်နား သွားပါတယ်။ ဒါ့အပြင် အေသင်မှာ အများပြည်သူသုံး ယာဉ်ရထားတွေလည်း ရပ်တန့် သွားပါတယ်။ ဆန္ဒပြသူတွေဟာ အစိုးရရဲ့ ခြုံးခြံချွေတာရေး မူဝါဒတွေကို ကန့်ကွက် ဆန္ဒပြကြတာပါ။
အလုပ်လက်မဲ့နှုန်း ၂၇ ရာခိုင်နှုန်းအထိ မြင့်မားလာနေတဲ့ စပိန်နိုင်ငံမှာတော့ စီးပွားရေး မူဝါဒပိုင်း ပြုပြင်ပြောင်းလဲမှုတွေ လုပ်ဖို့ စုရုံး ဆန္ဒပြခဲ့ကြပါတယ်။ ပြင်သစ်မှာတော့ လက်ယာစွန်း အတိုက်အခံပါတီ အမျိုးသားတပ်ဦးက သူတို့ရဲ့ အစဉ်အလာမပျက် မေဒေးနေ့ ချီတတ်ပွဲလုပ်ပါတယ်။ ဖိလစ်ပိုင်မှာလည်း ဆန္ဒပြသူတွေဟာ မြို့တော် မနီလာမှာ ချီတတ်ပြီး အစိုးရရဲ့ လုပ်ငန်းတွေမှာ သူတို့အတွက် အလုပ်အကိုင်တွေ ရဖို့ တောင်းဆိုပါတယ်။
ကမ္ဘောဒီးယားမှာတော့ အထည်ချုပ်စက်ရုံလုပ်သားတွေက လုပ်ခလစာ တိုးပေးဖို့နဲ့ လုပ်ငန်းခွင် အခြေအနေ တိုးတက်ကောင်းမွန်လာဖို့ ဖနွမ်းပင်မြို့မှာ ဆန္ဒပြပါတယ်။ မြန်မာနိုင်ငံမှာလည်း အလားတူ မေးဒေးနေ့ အလုပ်သမား အစည်းအဝေးတွေနဲ့ အခမ်းအနားတွေကို ကျင်းပခဲ့ကြပါတယ်။
Ref: VOA News
တအာင်း တပ်သား သုံးဦး အသတ်ခံရမှု၊ ပလောင်အမျိုးသမီး နှစ်ဦး အဓမ္မကျင့် ခံရမှု စစ်တပ်ကို စွပ်စွဲ
ဖနိဒါ
အင်္ဂါနေ့၊ ဧပြီလ ၃၀ ရက် ၂၀၁၃
ချင်းမိုင်(မဇ္စျိမ)။ ။ နေရပ်သို့ ခွင့်ဖြင့် ပြန်သွားသည့် တအာင်းအမျိုးသား လွတ်မြောက်ရေး တပ်မတော် TNLA ရဲဘော် သုံးဦး ရှမ်းပြည်နယ် မြောက်ပိုင်း နမ့်ဆန်မြို့နယ် ဆွန်ဟင်း ကျေးရွာအနီး သတ်ဖြတ် ခံရမှုနှင့် မန်တုံမြို့နယ် ရေပုံကျေးရွာသူ နှစ်ဦး အဓမ္မ ပြုကျင့် ခံခဲ့ရမှုများနှင့် ပတ်သက်၍ အစိုးရ စစ်တပ်အား TNLA က စွပ်စွဲလိုက်သည်။
မတ်လ ၂၀ ရက်နေ့က မိဘများအား ကူညီရန် ခွင့်ဖြင့် ရွာပြန်သွားခဲ့သည့် ပန်စရီရွာမှ အသက် ၂၀ နှစ် အရွယ်ရှိ ကြသော ရဲဘော် မိုင်းထွန်းတင်၊ အနောက်ကင်း ရွာမှ ရဲဘော် မိုင်းကျော်ခိုင် တို့၏ အလောင်းအား နမ့်ဆန်မြို့နယ် မန်ဖတ် လမ်းမကြီး အထက်နှင့် အောက်တွင် မြုပ်ထားသည်ကို တွေ့ရှိသော်လည်း ဟိုနမ်းကျေးရွာမှ ရဲဘော် မိုင်းပန်ဆေး၏ အလောင်းအား ယနေ့ထိ မတွေ့ရသေးကြောင်း ပလောင် ပြည်နယ် လွတ်မြောက်ရေး တပ်ဦး PSFL က ယနေ့ သတင်း ထုတ်ပြန်ထားသည်။
ထို ပလောင် တပ်သား ၃ ဦးကို အစိုးရ တပ်ရင်း ၅၀၄ မှ နမ့်ဆန်မြို့နယ်ရှိ ဆွန်ဟင်း ကျေးရွာ အနီးတွင် ကြိုးတုတ်ဖမ်း ဆီးခေါ်ဆောင်သွားပြီး သတ်ပစ် လိုက်ကြောင်း ဒေသခံများကို ကိုးကား၍ ထုတ်ပြန်ချက်တွင်
ရေးသားထားသည်။
“ကျနော် ရဲဘော် ၃ ဦးက သူတို့ မိဘတွေကို ရွှေဖီချိန်မှာ လက်ဖက်ပြန်ခူး ကူညီပေးဖို့ ဆိုပြီးတော့ ခွင့်တောင်းပြီး ပြန်တာ။ အဲဒါ ရွာကို ဖုန်းဆက်ပေးတော့ အိမ်မရောက်သေးဘူးဆိုတာနဲ့ သူတို့ကို အစိုးရက ဖမ်းဆီးပြီး အသတ်ခံရခဲ့ရတယ်” ဟု TNLA ပြန်ကြားရေးတာဝန်ခံ ဗိုလ်ကြီး မိုင်းအောင်ကို က ပြောသည်။
အလောင်းများပေါ်တွင် ရက်စက်စွာ နှိပ်စက်ထားသည့် ဒဏ်ရာများကို တွေ့ရသည်ဟု ဆိုသည်။
ထို့ပြင် မန်တုံမြို့နယ်၊ ရေပုံကျေးရွာတွင် အခြေစိုက်နေသော အစိုးရစစ်တပ် ခလရ (၅၀၂) စစ်သားနှစ်ဦးက ရေပုံးရွာရှိ ပလောင် အမျိုးသမီးနှစ်ဦးကို ဧပြီလ ၁၉ နှင့် ၂၀ ရက်နေ့များတွင် အဓမ္မပြုကျင့်ခဲ့ကြောင်းလည်း P.S.LF ထုတ်ပြန်ချက်က ဆိုသည်။
ခလရ ၅၀၂ မှ တပ်သား တဦးက ၎င်းကျေးရွာနေ အသက် ၃၇ နှစ်အရွယ်ရှိ ရေပုံရွာသူ မုဆိုးမ မအီအီင် ၏ နေအိမ်သို့ ဧပြီလ ၁၉ ရက်နေ့က ည ၉ နာရီချိန်တွင် ဝင်ရောက်လာပြီး အဓမ္မ ပြုကျင့်ခဲ့သည့်နည်းတူ ဧပြီလ ၂၀ ရက်နေ့ ကလည်း ၎င်း ခလရ ၅၀၂ မှ အခြား တပ်သားတဦးကလည်း လက်ဖက်ခူးနေသည့် အိမ်ထောင်ရှိ ကလေးမိခင် ဒေါ်အီအီ အား ဓါးဖြင့် ထောက်ကာ အဓမ္မပြုကျင့်ခဲ့ကြောင်း TNLA ဗိုလ်ကြီး မိုင်းအောင်ကို က ပြောသည်။
အဆိုပါ သတင်းများ မပေါက်ကြားရန် အစိုးရတပ်မှ ခြိမ်းခြောက်ပြောဆိုမှုများ ရှိထား၍ ရွာသားများက ထိုအမှုများနှင့် ပတ်သက်၍ အရေးယူပေးရန် လုပ်ဆောင်ပေးမှုများ မရှိသလို ခလရ ၅၀၂ မှလည်း အရေးယူ ဆောင်ရွက်မှု မရှိသေးကြောင်း ၎င်းက ဆိုသည်။
အစိုးရက ငြိမ်းချမ်းရေးအတွက် ဦးတည်နေသည်ဟု ပြောဆိုနေသော်လည်း တိုင်းရင်းသား ဒေသများတွင် ထိုကဲ့သို့ အစိုးရ စစ်တပ်၏ လူ့အခွင့်အရေး ချိုးဖောက်နေမှုများ ဆက်လက် လုပ်ဆောင်နေခြင်းမှာ ငြိမ်းချမ်းရေးနှင့် လုံးဝ ကွဲလွဲနေသည်ဟု ဗိုလ်ကြီး မိုင်းအောင်ကို က ထောက်ပြ ဝေဖန်သွားသည်။
Ref: မဇ္ဈိမ
Tuesday, April 30, 2013
စိန်စု လမ်းစဉ်နှင့် အနာဂတ် ဒီမိုကရေစီ
သစ္စာနီ
April 30, 2013
နောက်ဆုံးအကြိမ် အကျယ်ချုပ်ဘ၀မှ လွတ်မြောက်လာပြီးသည့် နောက်တွင် ဒေါ်အောင်ဆန်းစုကြည် ၏ နိုင်ငံရေး သဘောထားနှင့် လမ်းစဉ်သည် ယခင် အခါများနှင့် သိသိသာသာ ကွာခြား သွားသည်ကို အလွယ်တကူ တွေ့မြင်နိုင်သည်။ သူသည် တိုင်းပြည်နှင့် လူမျိုးအတွက် လက်ငင်းလက်တွေ့ အကျိုးရှိနိုင်မည့် လမ်းစဉ် (Pragmatism – ဒိဋ္ဌဟိတ ၀ါဒ) ကို ရဲရဲတင်းတင်း ရွေးချယ် လာနိုင်ခဲ့သည်။
Pragmatic Method ကို ယနေ့ နိုင်ငံတကာမှ နိုင်ငံရေးသမား အများပင် အသုံးပြု လာကြသည်။ ကောင်းကောင်း နားမလည်သော သတင်းစာ ဆရာကြီး တဦးဟာ နားစွန်နားဖျား အသိဖြင့် “ဖောက်ပြန်တဲ့ ရုပ်ကြမ်းဝါဒီတွေရဲ့ အကျိုးမျှော်ဝါဒ” ဟု ပုတ်ခတ် လိုက်သေးသည်။ Real Politic ဆိုတာ Romantic Politic ထက် သာလွန်ပေသည်။ အကျိုး ရှိရာရှိကြောင်း မလုပ်ဘဲ အကျိုးမဲ့ရာ မဲ့ကြောင်း လုပ်ရမလို ဖြစ်နေသည်။ လက်တွေ့ လုပ်ဆောင်မှုသည် Reality တို့၏ အခြေခံ ဖြစ်ကာ အဆုံးအဖြတ်ကို ပြဌာန်းပေးသော အရာဖြစ်သည်။ လုပ်ငန်းအောင်မြင်ဖို့ အတွက် လက်တွေ့သည် သဘောတရား ထက် အရေးကြီးသည် ဆိုသော တရားသေ နိုင်ငံရေးသည် ခေတ် မရှိတော့။ ဖြစ်ပေါ်နေသည့် အခြေအနေအပေါ် အကောင်းကို ရှေ့ရှုပြီး ကိုင်းညွှတ်ဆောင်ရွက်နိုင်သည့် နိုင်ငံရေး သဘောထားသာ ခေတ်စားနေသည်။ ဒေါ်အောင်ဆန်းစုကြည် သည် အနှစ် ၂၀ လုံးလုံး ကိုင်တွယ် ကျင့်သုံးခဲ့သည့် ထိပ်တိုက် ရင်ဆိုင်ရေး လမ်းစဉ်၏ အကျိုးမရှိပုံကို ကောင်းကောင်း သဘောပေါက် ကာ၊ ပျော့ပြောင်း၍ လစ်ဘရယ်ဆန်သည့် အလယ်အလတ် သဘောထားသို့ ပြောင်းလဲခဲ့သည်။ ယင်းမှာ သွေဖီဖောက်ပြန်ခြင်း မဟုတ်ချေ။ စွန်မျှား စွန်ဖြတ်ကြရာ၌ လျှော့ကြိုး တင်းကြိုး ကိုသိသည်။ လေကြောင်း အနေအထား၊ စွန်ရောက်ရှိနေသော နေရာကို ကြည့်၍ ကြိုးကို လျှော့ပေးရသည့် အခါလည်း ရှိသည်။ အဓိကမှာ စွန်ဖြတ် နိုင်ဖို့သာ ဖြစ်သည်။
စစ်အစိုးရ၏ စပွန်ဆာဖြင့် ပြုလုပ်သော ရွေးကောက်ပွဲတွင် ပြည်ခိုင်ဖြိုးပါတီက အနိုင်ရကာ ဦးသိန်းစိန် ဦးဆောင်သော အစိုးရကို ဖွဲ့စည်းနိုင်ခဲ့သည်။ အစိုးရသည် သိသာထင်ရှားသော ဆောင်ရွက်ချက်များဖြင့် ထိန်းချုပ်မှုများကို လျှော့ဖြေ (Liberalization) လာခဲ့သဖြင့် နိုင်ငံတကာ အသိုင်းအ၀ိုင်းကပင် ၀မ်းမြောက် ၀မ်းသာ ကြိုဆိုလက်ခံလာ ခဲ့ကြသည်။
ထို့ကြောင့် ယနေ့ခေတ် မြန်မာနိုင်ငံ ၏ အခြေအနေကို (အတိုက်အခံရော၊ အစိုးရဘက်ကပါ ဖြေလျှော့မှုတွေ ဆောင်ရွက်လာကြသဖြင့်) အမျိုးသား ရင်ကြားစေ့ရေးကို ဆောင်ရွက်ရန် အတွက် အကောင်းဆုံး အချိန်ကာလ၊ ထီးလိုမင်းလို ကာလဟုပင် ဆိုရပေမည်။ အပေါ်စီးမှ အာဏာကို ဆုပ်ကိုင်ထားသော အီလိ (Elic) များက အပြောင်းအလဲကို ဦးဆောင်ကာ ဖန်တီး ခင်းကျင်း ထားသော၊ သတ်မှတ်ချက် တစုံတရာအတွင်း (Guided democracy)၊ အတိုက်အခံ ပလေယာတို့ အနေဖြင့် ကစားကွက်များကို မည်မျှ လိမ္မာကျွမ်းကျင်စွာ ဖော်ဆောင်နိုင်မည်နည်း။ အင်မတန် ခက်ခဲ ကြီးလေးသော တာဝန်ဝန်တရပ်ပင် ဖြစ်သည်။ ထိုအချိန်တွင် စိတ်လှုပ်ရှားမှု၊ စိတ်ခံစားမှုကို အခြေခံ လှုပ်ရှား၍ မရ။ နိုင်ငံရေး အမြာ်အမြင် ကြီးမားမှုဖြင့် ဆင်ခြင်တုံ တရားကိုသာ အခြေခံရမည်။ အမျိုးသား ပြန်လည်သင့်မြတ်ရေး (National Reconciliation) ကွက်၍ တည်ဆောက်မရ။ အဓိက အင်အားစု ၄ ရပ် (အစိုးရ၊ အာဏာရပါတီ၊ အတိုက်အခံနှင့် ယနေ့ မြန်မာနိုင်ငံရေး ကဏ္ဍတွင် အခိုင်အမာ ပါဝင်နေသည့် တပ်မတော်) စလုံး သင့်မြတ် ညီညွတ်မှ ဖြစ်ပေမည်။ အဲဒါဆို အားလုံး၏ Minister တွေကို ပြင်ရပေမည်။
ဒေါ်အောင်ဆန်းစုကြည်နှင့် သမ္မတဦးသိန်းစိန် တွေ့ဆုံဆွေးနွေးကြကာ အဖြေတခု ထွက်ပေါ်လာသည်။ ဒေါ်အောင်ဆန်းစုကြည်၏ ပါတီကို မှတ်ပုံတင်မည်၊ ရွေးကောက်ပွဲ ၀င်မည်၊ ကန့်ကွက်သူတို့က ကန့်ကွက်သော်လည်း ဒေါ်အောင်ဆန်းစုကြည်က ရဲရဲဝံ့ဝံ့ ဆက်လျှောက်ခဲ့သည်။ နှစ်ကာလတွေ ကွာခြားသွားသော်လည်း သူ့ “စန်း” က မကျသေး။ ကြားဖြတ် ရွေးကောက်ပွဲတွင် ရာနှုန်းပြည့် နီးပါး အောင်နိုင်ခဲ့သည်။ ပြည်သူတွေက သူနှင့် ပါတီကို ချစ်ခင် အားပေးဆဲ ဆိုတာ ထင်ရှားသည်။ ရွေးကောက်ပွဲ မဲဆွယ်ခရီးထွက်ရာ၌လည်း ရောက်ရှိရာ ဒေသတိုင်းမှာ အုတ်အုတ်ကျက်ကျက် ကြိုဆိုကြသည်။ ယခု ကြားဖြတ်ရွေးကောက်ပွဲမှာ ၂၀၁၅ ရွေးကောက်ပွဲအတွက် အကြို အားစမ်းပွဲလည်း ဖြစ်နိုင်သည်။ လွှတ်တော်ထဲ ၀င်ရန် ကျမ်းကျိန်ဖို့ ကိစ္စ၌လည်း ဒေါ်စုဘက်က အလျှော့ပေးခဲ့သည်။ ပြည်သူတွေက သူ့ကို လွှတ်တော်ထဲမှာ မြင်ချင်ကြသည်၊ ဒါကြောင့် ပြည်သူ့ဆန္ဒကို လေးစားတဲ့ အနေနဲ့ သူ့ဘက်က အလျှော့ပေးခဲ့တာဟု သူက ဆိုသည်။ ဘာပဲဖြစ်ဖြစ် လွှတ်တော်ထဲ ရောက်သွားတော့ အားလုံးက ကြိုဆိုကြသည်။ လွှတ်တော် ဥက္ကဋ္ဌ ဦးရွှေမန်းနှင့် တွေ့ဆုံသည်။ လွှတ်တော်က သူ့ကို တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ ခန့်သည်။ တချို့က ဒါဟာ ဒေါ်အောင်ဆန်းစုကြည်ကို ပါးနပ်စွာ အသုံးချတာဟု ဆိုသည်။ ယနေ့ မှိုလိုပေါက်နေသော ပြဿနာများ၊ ဥပဒေပြင်ပမှ ဆန္ဒပြပွဲ၊ သပိတ်မှောက်ပွဲများကို ဒေါ်အောင်ဆန်းစုကြည် ရင်ဆိုင် ဖြေရှင်းရတော့မည်။ တဘက်က လူထု ကျေနပ်အောင် မဖြေရှင်းနိုင်ခဲ့သော် … (ဤ ပြဿနာကို လက်ပံတောင်းတောင် ကိစ္စတွင် အထင်အရှားတွေ့ရသည်)။
ဒေါ်အောင်ဆန်းစုကြည်က ရှင်းရှင်းပြောသည်။ သူ့ကို အသုံးချသည် ဆိုလျှင်လည်း တိုင်းပြည်အကျိုးရှိမည် ဆိုပါက အသုံးချ ခံမည်ဟု …။
ဒေါ်အောင်ဆန်းစုကြည်၏ သဘောထားကို တဘက်ကလည်း သိသည်။ ဒေါ်အောင်ဆန်းစုကြည်က ပရမ်းပတာ ၀ါဒကို မကြိုက်။ ဥပဒေဘောင် အပြင်ဘက်က လှုပ်ရှားမှုမျိုးကို မနှစ်သက်။ ဒီမိုကရေစီ ကိုယ်နှိုက်က စည်းကမ်းရှိပြီးသားဟု ပြောလေ့ရှိသည်။ တရားဥပဒေ စိုးမိုးရေး ကို အလေးထားသူ ဖြစ်သည်။ ဤ သဘောထားကို စမ်းသပ်ဖို့အတွက် လက်ပံတောင်းတောင် ကိစ္စ စုံစမ်းစစ်ဆေးရေး ကော်မရှင် ဥက္ကဋ္ဌ အဖြစ် သူ့ကို ခန့်အပ်လိုက်သည်။ တကယ်တမ်း ဖြစ်ရိုးဖြစ်စဉ် အတိုင်း ဆောင်ရွက်မည် ဆိုပါက စုံစမ်းစစ်ဆေးရေး ကောက်မရှင်က စုံစမ်းစစ်ဆေး ရရှိသမျှ တွေ့ရှိချက်တွေကို အစိုးရ ထံတင်ပြ၊ အစိုးရက အစီရင်ခံစာပါ အချက်အလက်များကို ကြည့်ရှုသုံးသပ်၍ ဆက်လုပ်သင့် မလုပ်သင့် ဆုံးဖြတ်၊ ဒါပဲဖြစ်သည်။ ယခုတော့ အစိုးရအဖွဲ့က လွှဲရှောင်လိုသော သဘောလား၊ စုံစမ်းစစ်ဆေးရေး ကော်မရှင်အပေါ် ယုံကြည်မှု လွန်ကဲသော သဘောလား မသိ။ လက်ပံတောင်းတောင် ကိစ္စကို စုံစမ်းစစ်ဆေးရေး ကော်မရှင်၏ ဆုံးဖြတ်ချက်အတိုင်း လိုက်နာပါမည်ဟု ကြိုတင်ကြေညာ ထားလေသည်။ အင်မတန် ကြီးမားလှသော အလောင်းအစား တခု ဖြစ်သည်။
ဒေါ်အောင်ဆန်းစုကြည် ခေါင်းဆောင်သော စုံစမ်းရေး ကော်မရှင်က ဆက်မလုပ်သင့်ပါဟု ဆုံးဖြတ်လိုက်လျှင် တကယ်ပဲ အစိုးရက ဆက်မလုပ်ဘဲ နေမည်လား။ (သူတို့ ကြိုတင်ပြောစကားအရ ဆိုလျှင် ဒီအတိုင်းပဲ မှတ်ယူရပေမည်) ဤနေရာ၌ ဒေါ်အောင်ဆန်းစုကြည် အတွက် ပွင့်လန်းနေသော အခွင့်ထူးကိုတွေ့ရသည်။ သူသာ ဆက်မလုပ်သင့် ဟုဆုံးဖြတ်လိုက်လျှင် ပြည်သူ၏ ထောက်ခံမှုကို တခဲနက် ရမည်။ ၉၀ ရာခိုင်နှုန်းသောလူတွေက ဆက်မလုပ်သင့်ဟု ယူဆကြ၏။ အစိုးရလည်း အကြပ်တွေ့နိုင်သည်။ တပ်မတော်ပိုင် ဦးပိုင် ကုမ္ပဏီလည်း ဒုက္ခရောက်မည်။ ဒေါ်အောင်ဆန်းစုကြည်မှာ လူထုကြားတွင် နိုင်ငံရေး ဂုဏ်သိက္ခာ မြင့်တက်နိုင်မည်။ သို့သော် သူက ရေရှည်ကိုမျှော်တွေးကာ “ဆက်လုပ်သင့်သည်” ဟု ဆုံးဖြတ်ပေး လိုက်သည်။
တဘက်ကလဲ (လောင်းကစား စကားနှင့် ဆိုရလျှင်) ဒေါ်အောင်ဆန်းစုကြည်ကို ယုံ၍ ပုံလိုက်ခြင်းဖြစ်သည်။ ဒေါ်အောင်ဆန်းစုကြည်သည် သူ့စိတ်ထဲတွင် မှန်သည်ဟု ထင်သည့်အတိုင်း ပြောဆိုလုပ်ကိုင်လိမ့်မည်။ သူ၏ ပင်ကိုယ် စိတ်ရင်းအတိုင်း တွက်ဆလျှင် ဤစီမံကိန်းမှာ ဆက်လုပ်သင့်သည်ဟု အဖြေထွက်ပေမည်။ ပြီးတော့ ဤဆုံးဖြတ်ချက်မှာ သူ တယောက်တည်း အပေါ်၌ မတည်။ အဖွဲ့ဝင် ပညာရှင်များ၏ သဘောထားက အရေးပါ၍ နေ၏။ အစိုးရသည် တကယ်တော့ နိုင်မည့် မြင်းကို လောင်းခဲ့သည်ဟု ဆိုရမည်။ မှန်တယ် ထင်လျှင် မငဲ့ကွက်ဘဲ ပြောရဲလုပ်ရဲသည့် ဒေါ်အောင်ဆန်းစုကြည်မှာ ပေါက်ကွဲနေသော လက်ပံတောင်းတောင် ဒေသခံများနှင့် ပဋိပက္ခဖြစ်ရသည်မှာ အားလုံးအသိပင် ဖြစ်၏။ ဒေါ်အောင်ဆန်းစုကြည်က အစီရင်ခံစာ မထွက်ပေါ်မီ ကော်မရှင် စတင်ဖွဲ့စည်းစဉ်ကပင် “ကျမ အကောင်းဆုံး ဖြစ်အောင်လုပ်မယ်၊ အများကြိုက်တော့ ဖြစ်ချင်မှဖြစ်မယ်” ဟု ပြောခဲ့သည်။ အကောင်းဆုံး ဆိုသော စကားဖြင့်ပင် ကျနော်တို့ ကျေနပ် သင့်သည်။ ဒါက သဘာဝလည်း ကျသည်။ သို့သော် ပြင်းထန်သော ခုခံဆန့်ကျင်မှုနှင့် သူရင်ဆိုင်လိုက်ရသည်။ တခုတော့ ကောင်းသည် ဒေါ်အောင်ဆန်းစုကြည် အတွက် နိုင်ငံရေး သံဝေဂ ရစရာ ဖြစ်သည်။ လူတွေက သူတို့အကြိုက် မလိုက်နာလျှင် ကန့်ကွက်ကြတတ်သည့် သဘောဖြစ်သည်။
ဒေါ်အောင်ဆန်းစုကြည်က မှတ်သားလောက်စရာ “နိုင်ငံရေး လုပ်တယ်ဆိုတာ လူမုန်းချင်မုန်းမှာပေါ့၊ ကျမကိုချစ်စေချင်ရင် ဇာတ်ကမှာပေါ့” ဟု ပြောခဲ့သည်။
အရင်က “အမေစု ဆုံးဖြတ်တဲ့အတိုင်း နာခံပါမယ်” ဆိုသော သပိတ်စခန်း ခေါင်းဆောင်တွေကလည်း ကက်ကက်လန်အောင် ရန်တွေ့ကြသည်။ လက်ပံတောင်းတောင် ကိစ္စမှာ လှပသော နိုင်ငံရေး ကစားကွက်ဖြစ်ကာ ဒေါ်အောင်ဆန်းစုကြည်၏ ခိုင်မာ ပြတ်သားမှုနှင့် အမြော်အမြင် ရှိမှုကို ထုတ်ဖော်ပြသနိုင်သည့် ပွဲလည်းဖြစ်သည်။ ဒေါ်အောင်ဆန်းစုကြည်သည် ဤပွဲတွင် မရှုံးအောင် ကစားနိုင်ခဲ့သည်မှာ သေချာသည်။ သူသည် ပေါ်ပြူလာ နိုင်ငံရေးသမား (Popular Politic) မဟုတ် ဆိုတာ၊ အရည်အချင်းရှိသော နိုင်ငံရေးသမား တယောက်ဆိုတာ ထုတ်ဖော်ပြသ နိုင်ခဲ့သည်။ သူသည် အများစု အကြိုက်ကို လိုက်၍ မပြောနိုင်။ မီးခိုးဗုံးကို မီးလောင်ဗုံးဟု မပြောနိုင်ဟု ငြင်းခဲ့သည့် သတ္တိကို ချီးကျူးရပေမည်။
မကြာမီ ကာလများက ဒေါ်အောာင်ဆန်းစုကြည်သည် သမ္မတ လုပ်လိုသည်ဟု ပြောင်ပင်ဖွင့်ဟ ပြောလာခဲ့သည်။ နိုင်ငံရေး သမားတယောက် အတွက် အာဏာဆိုသည်မှာ လုပ်ပိုင်ခွင့်ပင် ဖြစ်သည်။ ဒါကြောင့် သမ္မတ ဖြစ်ချင်တယ် ဆိုတာ သဘာဝ ကျသည်။ သမ္မတ ဖြစ်ဖို့ အခြေခံဥပဒေကို ပြင်ဆင်ရမည်။ ဖွဲ့စည်းအုပ်ချုပ်ပုံ အခြေခံဥပဒေ အခန်း ၃ နိုင်ငံတော် သမ္မတနှင့် ဒုတိယ သမ္မတ အရည်အချင်းများ ပုဒ်မခွဲ (စ) ညွှန်းဆိုချက်ကို ပြင်ဆင်မှ ဖြစ်မည်။ မိမိ၏ ရင်သွေးနှစ်ဦးက အင်္ဂလန် နိုင်ငံသား ဖြစ်နေခြင်းမှာ ဤအချက်နှင့် ငြိစွန်းနေသည်။ ဗိုလ်ချုပ်အောင်ဆန်းတို့ ရေးဆွဲခဲ့သော ၁၉၄၇ အခြေခံဥပဒေ၌ ဤအချက် မပါဝင်။ သူ့ကို သမ္မတ မဖြစ်စေရန် ရည်ရွယ်ဟန့်တားလိုသော သဘောထားဖြင့် ထည့်သွင်းထား သကဲ့သို့ ဖြစ်နေသည်။ ဖွဲ့စည်း အုပ်ချုပ်ပုံ အခြေခံဥပဒေကို ပြင်ဆင်နိုင်ရန် လွှတ်တော် ကိုယ်စားလှယ် ၇၅ ရာခိုင်နှုန်း ကျော်ကျော်က ထောက်ခံ ရမည် ဖြစ်ရာ ယခုလက်ရှိ လွှတ်တော် အတွင်း၌ ရှိနေသော အရပ်သား ကိုယ်စားလှယ် အားလုံးက ထောက်ခံသည့် တိုင်အောင် မဖြစ်နိုင်။ ၂၅ ရာခိုင်နှုန်း ပါဝင်နေသော တပ်မတော် ကိုယ်စားလှယ်များကပါ ထောက်ခံမှ ဖြစ်ပေမည်။
ဒေါ်အောင်ဆန်းစုကြည်သည် ထိုအချိန်၌ ဦးသိန်းစိန် အစိုးရအဖွဲ့နှင့်လည်း ပြေလည်နေပြီ။ ဦးရွှေမန်း၏ လွှတ်တော်နှင့်လည်း ပြေလည်နေပြီး ဦးရွှေမန်းနှင့် အတူ ဒုံးယိမ်းပင် ကလိုက်သေးသည်။ ပြည်ခိုင်ဖြိုးမှ ဦးဌေးဦးတို့နှင့်လည်း ပြေလည်မှု ရရှိနေပြီ။ NLD ဗဟို ပါတီညီလာခံသို့ ဦးဌေးဦး ပြုံးရွှင်သော မျက်နှာဖြင့် တက်ရောက်ခဲ့တာ တွေ့ရသည်။ ဒေါ်အောင်ဆန်းစုကြည်က သူတို့ ပါတီသည် အတိုက်အခံပါတီ မဟုတ်ဟုပင် ထုတ်ဖော်ပြောခဲ့သည်။ ပြီးခဲ့သော ၀ါဆိုလပြည့်နေ့က သုံးခွတွင် ပြည်ခိုင်ဖြိုးနှင့် NLD နှစ်ပါတီ ပူးတွဲကာ ၀ါဆိုသင်္ကန်း ကပ်ကြသည်ဆိုသော သတင်းကိုကြည့်ကာ ကျနော် စဉ်းစားမရ ဖြစ်ခဲ့ သေးသည်။
ဒီတော့ ဒေါ်အောင်ဆန်းစုကြည် ပြေလည်မှု ရရှိစေရန် ကျန်ရှိနေသေးသည်မှာ တပ်မတော် အင်အားစုသာ ရှိတော့သည်။ ဒေါ်အောင်ဆန်းစုကြည်သည် တပ်မတော် အပေါ် ချစ်ခင်လေးစားသည်၊ သံယောဇဉ်ရှိသည်ဟု တဖွဖွ ပြောနေခဲ့သည်မှာ ကြာလေပြီ။ ဤအချက်ကို လက်တွေ့ သက်သေပြဖို့ အတွက် လက်ပံတောင်းတောင် ပြဿနာ ပေါ်လာသည်။
ဒေါ်အောင်ဆန်းစုကြည် ဦးဆောင်သော စုံစမ်းရေး ကော်မရှင်က လက်ပံတောင်းတောင် စီမံကိန်း ဆက်လက် ဆောင်ရွက် သင့်ပါသည် ဟူသော ကောက်ချက်ကြောင့် လက်ငင်း အကျိုးရှိသွားသည်မှာ တပ်မတော်ပိုင် ကုမ္ပဏီ ဦးပိုင်ပင် ဖြစ်လေသည်။ ဒီအတွက် တပ်မတော်က ဒေါ်အောင်ဆန်းစုကြည်ကို အခြေခံ ဥပဒေ ပြင်ဆင်ရေး၌ ထောက်ခံခြင်းဖြင့် ပြန်လှန်ကျေးဇူး ဆပ်လေမလား။ ဒါကလဲ စွန့်စားမှု တခုဖြစ်သည်။
“အပေးအယူရဲ့ သဘောတရားဟာ ပျော့ပြောင်းရမယ်၊ နားလည်မှုရှိရမယ်၊ ဒါ ဒီမိုကရေစီရဲ့ အခြေခံပဲ” ဟု ဒေါ်အောင်ဆန်းစုကြည် ပြောခဲ့သည်။ ပေးမှ ယူလို့ ရမည်ဟု သိသည်။
ပထမ ဆိုခဲ့သလို လက်ငင်း အကျိုးရှိသည်မှာ တပ်မတော် (ဦးပိုင်) သာဖြစ်သော်လည်း ရေရှည်တွင်မူ အမျိုးသား ပြန်လည် သင့်မြတ်ရေး အတွက် အရေးပါသော ခြေလှမ်းဖြစ်သဖြင့် နိုင်ငံတော် အကျိုးစီးပွားဟု ပြောသည်ကို မှားသည်ဟု မဆိုနိုင် ပါချေ။ တဆက်တည်းပင် ဒေါ်အောင်ဆန်းစုကြည်သည် တပ်မတော်နေ့ အခန်းအနားသို့ တက်ရောက်ကာ စစ်ရေးပြပွဲကို ကြည့်၍ လက်ခုပ်လက်ဝါး တီးကာ အားပေးခဲ့သည်။ ဆန်ဖရန်စစ္စကို မြန်မာမိသားစုနှင့် တွေ့ဆုံရာ၌ “တပ်မတော်သာ ဒီမိုကရေစီ လမ်းကြောင်းပေါ်မှာ ပြည်သူနဲ့အတူ လျှောက်နေပြီဆိုရင် နောက်ကြောင်းပြန်လှည့်စရာ မရှိပါဘူး” ဟု ပြောခဲ့သည်။
ဦးသိန်းစိန် (သမ္မတကြီး ကလည်း) ဘီဘီစီ သတင်းဌာန Hard Talk အစီအစဉ်တွင် “မြန်မာပြည်သူလူထုက ဒေါ်အောင်ဆန်းစုကြည်ကို အနာဂါတ် မြန်မာနိုင်ငံရဲ့ သမ္မတ အဖြစ် မြင်ချင်တယ်ဆိုရင် ကျနော့်အနေနဲ့ လက်မခံနိုင်စရာ မရှိပါဘူး။ ကျနော်တို့ အကြားမှာ ပြဿနာ တစုံတရာ မရှိပါဘူး” ဟု ပြောဆိုခဲ့သည်။
ဖွဲ့စည်းအုပ်ချုပ်ပုံ အခြေခံဥပဒေ ပြင်ဆင်ရေးကိစ္စကို ပြည်ခိုင်ဖြိုးကပင် စတင် အဆိုတင်သွင်းကာ ဘာတွေပြင်မည် ဆိုတာ ဆွေးနွေးဖို့ ပြင်ဆင်နေသည်။ ပြင်ဆင်ရာ၌ အခန်း ၃၊ အပိုဒ်ခွဲ (စ) ပါဝင်လာမည်လော။ ဦးအောင်မင်းက ၂၀၁၅ ရွေးကောက်ပွဲ မတိုင်မီ အခြေခံဥပဒေ ပြင်ဆင်မည်ဟု ဆိုပြန်လေသည်။ ပြည်ခိုင်ဖြိုး ဒုဥက္ကဋ္ဌ ဦးဌေးဦးက “ဒီမိုကရေစီ ဖော်ဆောင်ရေးကို ကျနော်တို့ ဆောင်ရွက်ခဲ့တာ။ ကိုယ်လုပ်ခဲ့တာကို ပြန်မဖျက်ဆီးဘူး။ နောက်ကြောင်း ပြန်လှည့်မယ် ဆိုတဲ့ စကားကို တခါမှ မပြောခဲ့ဘူး” ဟု ဆိုသည်။ ဦးသိန်းစိန်၊ ဦးရွှေမန်းနှင့် ဒေါ်အောင်ဆန်းစုကြည် တို့၏ ပဋိပက္ခ ဖြေရှင်းရေး (ပူးတွဲထုတ်ပြန်သည့်) မူ ၆ ချက် ထွက်လာသည် ကိုလည်း တွေ့ရသည်။ အဲဒီတော့ ဒီနေ့ မြန်မာနိုင်ငံရေး အခြေအနေမှာ အတော်ပင် ရှင်းလင်း နေသည်ဟု ဆိုရမည်။
စိန်စု လမ်းကြောင်း (Sein – Su Trend) ဒါမှမဟုတ် အဆင့်ဆင့် ဒီမိုကရေစီ ပုံဖော်ရေးကို အချိုးအစား ညီညွတ်ရေး လမ်းကြောင်းအတိုင်း လျှောက်လှမ်းဖို့ ပြင်ဆင်နေတာ သေချာသည်။ ယနေ့ မြန်မာ့နိုင်ငံရေး ဇာတ်ခုံပေါ်မှ အဓိက ပလေယာ လေးဦး (အစိုးရ၊ လွှတ်တော်၊ အတိုက်အခံနှင့် တပ်မတော်) လမ်းကြောင်းကို ပြောင်းလဲနိုင်လောက်အောင် အားကောင်းသည့် တခြား ပလေယာများကို မမြင်။
ဤကစားပွဲသည် စစ်မှန်သောကစားပွဲဟု တထစ်ချ ယူဆနိုင်ပါသလား။ ကျနော် မဖြေတတ်ပါ။ ကြက်ဥအရောင်၊ တိမ်တောင် သဖွယ် ကိစ္စဖြစ်ပါသည်။ နိုင်ငံရေးဆိုသည်မှာ ပုံသေကားချ ပြော၍ ရနိုင်သောအရာ မဟုတ်။ မထင်မှတ်သော အလှည့်အပြောင်း တွေလည်း ရှိနိုင်သည်ပင်။ ဥပမာ ၂၀၁၅ မတိုင်မီ အခြေခံဥပဒေကို တကယ် ပြင်နိုင်မှာလား။ မပြင်နိုင်ခဲ့သည် ရှိသော် …။
ဦးသိန်းစိန်ပင် ဒုတိယ သက်တမ်း တာဝန်ယူဖွယ် ရှိပါသည်။ သူကလည်း (ယခင်က တကြိမ်သာ တာဝန်ထမ်းဆောင်မည် ဟု ပြောထားခဲ့ပြီးမှ) ယခုအခါ လိုအပ်ပါက သမ္မတ တာဝန်ကို ဒုတိယ သက်တမ်းအဖြစ် တာဝန်ထမ်းဆောင်မည်ဟု ဆိုထားပြန် သည်။ ပြီးတော့ ရွေးကောက်ပွဲ ကော်မရှင်ကလည်း PR စံနစ် အသုံးပြုသင့် မသင့် စဉ်းစားလိမ့်မည်။ ဒါဆို ဘယ်ပါတီမှ လွတ်လွတ်ကျွတ်ကျွတ် အောင်မြင်မှု မရနိုင်။ ညွန့်ပေါင်း အစိုးရအဖွဲ့ ပေါ်ထွန်းလာလေမည်လား။ တခုတော့ ရှိသည်။ ပြည့်ဝ စစ်မှန်သော ဒီမိုကရေစီ နိုင်ငံဖြစ်ဖို့ ကျနော်တို့ စောင့်စားကြရဦးမည်။ စစ်တပ်အာဏာမှ တဆင့် ပြည်သူ့ အာဏာအဆင့်သို့ တဖြည်းဖြည်း ကူးပြောင်းခဲ့ကြသည့် တောင်ကိုရီးယား၊ အင်ဒိုနီးရှားတို့ လမ်းကြောင်းအတိုင်း သွားမည့်ပုံသာ ပေါ်ပါသည်။ ။
သစ္စာနီသည် ကဗျာ၊ ၀တ္ထုတို၊ ဆောင်းပါး၊ ဘာသာရေး၊ နိုင်ငံရေး၊ သရော်စာ၊ ဘာသာပြန်၊ သိပ္ပံဝတ္ထု၊ အနုပညာ ဝေဖန်ရေး စသည့် စာပေ လက်ရာစုံကို မဂ္ဂဇင်း၊ ဂျာနယ်များတွင် ရေးသားလျက် ရှိပြီး လုံးချင်း စာအုပ်များစွာကိုလည်း ရေးသားထုတ်ဝေလျက်ရှိသည့် စာရေးဆရာ တဦးဖြစ်သည်။
Ref: ဧရာဝတီ
မီးလောင်ရာ လေပင့်ပေးသူများ
မွန်မွန်မြတ်
April 29, 2013
မကြာမီက လွတ်လပ်ခွင့်ရလာသော မြန်မာနိုင်ငံ၏ အင်တာနက်မှ ၀က်ဆိုက်နှင့် လူမှုကွန်ယက် စာမျက်နှာများတွင် ယခုအခါ ၀ါဒဖြန့်ချီရေးက ရှောင်မလွတ်နိုင်အောင် ဖြစ်လာနေသည်။ တပ်မတော်ကို ထောက်ခံခြင်း သို့မဟုတ် မူဆလင်များကို အလုံးစုံဆန့်ကျင်ခြင်း၊ မီဒီယာများကို တိုက်ခိုက်ခြင်းနှင့် ဒေါ်အောင်ဆန်းစုကြည်ကို ဆဲဆိုဝေဖန်ခြင်းတို့က Facebook စာမျက်နှာများနှင့် ဘလော့ဂ်များပေါ်တွင်ပြည့်နှက်နေသည်။
ဤလမ်းကြောင်းကို မည်သူတွေက ဖန်တီးလုပ်ကိုင်နေကြသည် ဆိုခြင်းကို တိတိကျကျ သိရှိရန် မဖြစ်နိုင်သော်လည်း ပါဝင်သော အကြောင်းအရာနှင့် ရုပ်ပုံတွေက ရေးသားသူများကို မှန်းဆနိုင်ဖို့ သဲလွန်စတွေ ထုတ်ပေးထားသည်။ အများစုက နိုင်ငံတော်အလံ၏ ပုံရိပ်ကို သုံးလေ့ရှိကြပြီး ကျန်သည့်သူတွေကတော့ ပြင်ဦးလွင် စစ်တက္ကသိုလ် အ၀င်ဝတွင်ထားရှိသော စစ်ဘုရင်တပါး၏ ရုပ်ထုပုံကို နှစ်ချိုက်စွာ အသုံးပြုကြသည်။
မျက်မြင်သိနိုင်သည့် အကြောင်းအရာ မဟုတ်သော်လည်း သူ့အနေဖြင့် ထိုဝက်ဆိုတ်အများစုကို စစ်ဖက်က လုပ်ကိုင်နေသည်ဟု ခံစားရကြောင်း ၂၀၀၇ ခုနှစ် ရွှေဝါရောင်တော်လှန်ရေးတွင် ပါဝင်ခဲ့သော ဗုဒ္ဓဘာသာ ဘုန်းတော်ကြီး ဦးအာစရိယက ပြောသည်။
“စစ်ဘုရင်တွေဆိုတာ စစ်တပ်ကို ကိုယ်စားပြုတယ်လေ၊ ဒီတော့ သူတို့တွေက စစ်တပ်နဲ့ တနည်းနည်းနဲ့ ပတ်သက်မှု ရှိရမယ်” ဟု သူက ဆို၏။
Myanmar ICT for Development Organisation ၏ အမှုဆောင် ညွှန်ကြားရေးမှုး ဖြစ်ပြီး ဘလော့ဂါ တဦးလည်းဖြစ်သူ နေဘုန်းလတ်က ဘလော့ဂ် အများအပြားသည် အစိုးရ ၀ါဒဖြန့်ချီရေး လမ်းကြောင်းများဖြစ်သည်ဟု ယုံကြည် ကြောင်း ပြောသည်။ အချို့သော အုပ်စုများသည် သတင်းအချက်အလက်များကို အင်တာနက်ပေါ်သို့ လျှင်မြန်စွာ တင်ပို့ ဖြန့်ချီနိုင်ကြသည်မှာ သံသယဖြစ်ဖွယ် ကောင်းသည်ဟု သူကဆို၏။ အထူးသဖြင့် ဆူပူမှုဖြစ်စေရန်လှုံ့ဆော်သော အကြောင်းအရာများဖြစ်သည်။
“အဲဒီဆိုက်တွေမှာ နိုင်ငံတော်အလံနဲ့ နေပြည်တော်ရဲ့ဓါတ်ပုံတွေ တင်ထားကြတယ်။ နောက်ပြီး သူတို့ရဲ့ သတင်းအများစုက အစိုးရ ၀က်ဆိုက်တွေကသတင်းတွေ”ဟု နေဘုန်းလတ်က ပြောသည်။
သံသယဖြစ်ဖွယ်ကောင်းသည်မှာ မှန်သော်လည်း ထိုဝက်ဆိုက်များ၏ နောက်ကွယ်တွင် မည်သူရှိနေသည်ကို တိကျစွာ သက်သေပြရန် ခက်ခဲနေသေးသည်ဟုလည်း ဆိုသည်။
“ဒီအဖွဲ့တွေက လမ်းကြောင်း နှစ်ခုကိုသုံးတယ်၊ ပထမတခုက လူမျိုးရေး ဘာသာရေးအုပ်စုတွေကြားမှာ ပဋိပက္ခတွေ ဖြစ်အောင် သွေးထိုးလှုံ့ဆော်တဲ့ သတင်းအချက်အလက်တွေ ဖြန့်ဖို့၊ နောက်တခုက သူတို့ကို ထောက်ခံအားပေးတဲ့သူတွေနဲ့ ဆက်သွယ်ဖို့သုံးတယ်” ဟု သူက ဆက်ပြောသည်။
ရေးသူ မသိရှိရသည့် ၀က်ဆိုက် ၁၀ခုကို အလွတ်သဘော လေ့လာကြည့်သည့်အခါ ထိုဆိုက်အားလုံးတွင် စစ်တပ်ကိုထောက်ခံခြင်း၊ မူဆလင်ဆန့်ကျင်ရေးနှင့် နိုင်ငံရေးအတိုက်အခံများကို ဆန့်ကျင်တိုက်ခိုက်ခြင်း စသော အကြောင်းအရာများ ပါဝင်ကြသည်။ ဒေါ်အောင်ဆန်းစုကြည်၊ မင်းကိုနိုင်၊ ၈၈ မျိုးဆက်ကျောင်းသားများအဖွဲ့နှင့် အခြား သြဇာရှိသော လူ့အခွင့်အရေးလှုပ်ရှားသူများမှာ သူတို့ အဓိကထားပြီး ပြောဆို တိုက်ခိုက်ခြင်း ခံကြရသူများဖြစ်သည်။
ဝင်ရောက်ကြည့်ရှုသူများကို ဆွဲဆောင်နိုင်ရန်အတွက် ၎င်းဝက်ဆိုက်များသည် ညစ်ညမ်းဓါတ်ပုံနှင့် ရုပ်ရှင်များ၊ အတင်းအဖျင်းများနှင့် လိင်ကိစ္စ ဦးစားပေးသော ကောလဟာလ များကို ဖော်ပြကြသည်။ ဒေါ်အောင်ဆန်းစုကြည် နေအိမ် အကျယ်ချုပ် ခံရစဉ်အတွင်း ကလေးတယောက်မွေးခဲ့သည် ဆိုသော သတင်းမျိုးသည်လည်း ထိုအထဲတွင် တခု အပါအ၀င်ဖြစ်သည်။
လူသိများသော ၀က်ဆိုက်တခုမှာ Myanmarexpress.net ဖြစ်ပြီး ၎င်းကို ၂၀၁၁ ခုနှစ် ဒေါ်အောင်ဆန်းစုကြည် နေအိမ် အကျယ်ချိန်မှ လွတ်မြောက်လာသည်နှင့် မရှေးမနှောင်းမှာ တည်ထောင်ခဲ့ခြင်းဖြစ်သည်။ ရုရှားနိုင်ငံ မော်စကိုမြို့တွင် မှတ်ပုံတင်ထားသော ထိုဝက်ဆိုက်အား စတင် ဖန်တီးခဲ့ချိန်မှစ၍ အကြိမ်ရေ ၂၂သန်းကျော် ၀င်ရောက်ကြည့်ရှုမှု ရှိခဲ့သည်။
ထိုသို့သော ၀က်ဆိုက်များ၏ နောက်တွင် စစ်တပ်ရှိနေနိုင်သည်ဆိုသည့် ယူဆချက်ကို ပိုမိုလေးနက်စေသည့် အကြောင်းတခုမှာ သတင်း နည်းပညာနှင့် ပတ်သက်၍ အဆင့်မြင့်သင်တန်းများ တက်ရောက်ထားသူ အမြောက်အများ တပ်မတော်တွင်းမှာ ရှိနေသောကြောင့်ဖြစ်သည်။
အစိုးရ၏ သိပ္ပံနှင့် နည်းပညာဝန်ကြီးဌာနသည် ရုရှားတက္ကသိုလ်များတွင် ပညာသင်ကြားရန် ၂၀၀၁ ခုနှစ်မှစ၍ ၂၀၁၀-၂၀၁၁ စာသင်နှစ်အထိ နှစ်စဉ် လူငါးရာခန့် စေလွှတ်ကြောင်း Anton Khlopkov နှင့် Dmitry Konukhov တို့က ၂၀၁၁ခုနှစ်ထုတ် Nuclear Club journal ဂျာနယ်တွင်ရေး သားသော “ရုရှား၊ မြန်မာနှင့် နျူကလီယား နည်းပညာ” ဆောင်းပါးတွင် ဖော်ပြထားသည်။ ရုရှားတက္ကသိုလ်များသို့ မြန်မာနိုင်ငံမှ ကျောင်းသားစေလွှတ်မှုက အခြားသောနိုင်ငံများ ထက် ပို၍များသည်။
မြန်မာနိုင်ငံ၏ ထိပ်တန်းနည်းပညာကျောင်းများမှ ဘွဲ့ရရှိသူများရှိနေသော်လည်း ရုရှားတွင် ပညာသင်ကြားရန် စေလွှတ်ခြင်း ခံရသူ အများစုမှ စစ်ဖက်မှ ဗိုလ်နှင့် ဗိုလ်ကြီးအဆင့် အရာရှိများသာဖြစ်သည်ဟု သတင်းများက ဆိုသည်။
စိုင်းသိန်းဝင်းသည် စစ်တပ်မှ ဗိုလ်မှူးဟောင်းတယောက်ဖြစ်ပြီး အစိုးရ၏ သံသယဖြစ်ဖွယ်ရာ နျူကလီးယားလက်နက် အစီအမံများကို ကမ္ဘာသိအောင် ဖွင့်ဟထုတ်ဖေါ်ပြော၍ ၂၀၁၀ တွင် မြန်မာနိုင်ငံမှ ထွက်ပြေးခဲ့သူဖြစ်သည်။ ယခုအခါ နော်ဝေနိုင်ငံ၌ နေထိုင်သော စိုင်းသိန်းဝင်းက ၂၀၁၁ က သူ၏ အီးမေးလ်ကို ဖောက်ထွင်းဝင်ရောက်ခံလိုက်ရပြီးနောက် သူ၏ ပုဂ္ဂိုလ်ရေးအချက်အလက်များကို Myanmarexpress.net တွင် ဖော်ပြထားသည်ကို တွေ့ရကြောင်း ပြောသည်။
သူ၏ နည်းပညာ ကျွမ်းကျင်မှုကို အသုံးပြု၍ ဖောက်ထွင်းဝင်ရောက်သူကို ခြေရာခံထောက်လှမ်းခဲ့ရာ စစ်ဖက်က လူတယောက် ဖြစ်နေသည်ကို တွေ့ရကြောင်း စိုင်းသိန်းဝင်းကပြောသည်။
“အဲဒီလူက ရုရှားမှာ ကျောင်းတက်သွားတဲ့ စစ်တပ် အရာရှိတယောက်ပါ၊ မြန်မာနိုင်ငံကနေ သူ အသုံးပြုတဲ့ IP လိပ်စာကိုပါ ကျနော်ပြောပြနိုင်ပါတယ်” ဟု သူကဆိုသည်။
စိုင်းသိန်းဝင်းက Myanmar Express နှင့် Opposite Eyes ကဲ့သို့သော ၀က်ဆိုက်များသည် အစိုးရ အဖွဲ့အစည်းများနှင့် ဆက်သွယ်မှု ရှိသည် ဆိုသည်မှာ အလွန်သိသာကြောင်း ဆက်ပြောသည်။
“သူတို့ဆီမှာတင်နေတဲ့ ဓာတ်ပုံတွေ သတင်းအချက်အလက်တွေက အပြင်မှာမရှိဘဲ ရဲဖက် နဲ့ စစ်ဖက်မှာပဲ ရနိုင်မယ့်ဟာမျိုးတွေ၊ ဒီလိုဆိုက်တွေကို တည်ထောင်ရတဲ့ ရည်ရွယ်ချက်က ဒေါ်အောင်ဆန်းစုကြည်လို၊ ၈၈ မျိုးဆက် ကျောင်းသားများအဖွဲ့လို ပုဂ္ဂိုလ်မျိုးတွေအပေါ်မှာ လူထုအမြင် ဆန့်ကျင်ဖက် ပြောင်းသွားအောင်လုပ်ဖို့ပဲ၊ ရခိုင်လိုမျိုး မိတ္ထီလာလိုမျိုး ဘာသာရေး ပဋိပက္ခတွေ ဖြစ်လာရင်လည်း ပိုကြီးထွားအောင်ဝင်မွှေ ကြတယ်” ဟု စိုင်းသိန်းဝင်းက ဆိုသည်။
ပဋိပက္ခတွင် ပတ်သက်ခြင်း
မြန်မာနိုင်ငံ အနောက်ဖက် ဝေးလံခေါင်ဖျားသော ကျောက်နီမော်ရွာတွင် ရခိုင်အမျိုးသမီးတယောက်ကို မူဆလင်ယောင်္ကျားတစုက အဓမ္မပြုကျင့်ပြီးနောက် သတ်ဖြတ်လိုက်သော မှုခင်းတခု ၂၀၁၂ ခုနှစ်တွင် ဖြစ်ပွားခဲ့သည်။ အစိုးရဖက်က တရားဝင် သတင်းမထုတ်ပြန်မှီ အချိန်များစွာစောပြီး မရေတွက်နိုင်သော ၀က်ဆိုက်များတွင် ထိုသတင်းကို ဖော်ပြနေကြပြီဖြစ်သည်။
သေဆုံးသွားသော မိန်းကလေး၏ ဓါတ်ပုံတပုံကိုလည်း မူရင်းဇစ်မြစ်ကို တိကျစွာ ဖော်ပြနိုင်ခြင်း မရှိဘဲ တင်ခဲ့ကြသည်။
သေချာစေသောအချက်တခုမှာ ထိုသို့ ဖော်ပြလိုက်ကြပြီး တပတ်မျှမကြာမှီ အချိန်အတွင်း ရခိုင်ပြည်နယ် တောင်ကုတ်မြို့နယ်အတွင်း နောက်ထပ်မှုခင်းတရပ် ဖြစ်ပွားသွားခဲ့သည်။ ဒေါသမီး တောက်လောင်နေသော လူတစုက လက်စားချေသည့်အနေဖြင့် မူဆလင် ဘုရားဖူး ၁၀ ယောက်ကို ရက်စက်စွာ သတ်ဖြတ်ပစ်လိုက်ကြသည်။ ထိုဖြစ်ရပ်က ရခိုင်ပြည်နယ်အတွင်းတွင် ဗုဒ္ဓဘာသာနှင့် မူဆလင်များ ပဋိပက္ခ အကြီးအကျယ် ဖြစ်ပွားသွားစေခဲ့သည်။
အဓိကရုဏ်း စတင်ဖြစ်ပွားချိန်မှ စ၍ လူ ၂၀၀ ခန့် အသက်ဆုံးရှုံးခဲ့ရပြီး မရေမတွက်နိုင်သော ဒဏ်ရာရသူများ ရှိခဲ့ကာ လူ ၇၀၀၀၀ ကျော် အိုးအိမ်မဲ့ဖြစ်ခဲ့ရသည်။ လူနေအိမ် ၁၆၀၀၀ လုံး၊ ဗုဒ္ဓဘာသာ ဘုန်းကြီးကျောင်း ၁၄ ကျောင်း၊ ဗလီ ၄၅ ခုနှင့် စာသင်ကျောင်း ၃ ကျောင်း ပြိုလဲပျက်စီးခဲ့ရသည်။
ထိုအကြောင်းအရာ အားလုံးကို အွန်လိုင်းကွန်ယက်များနှင့် ၀က်ဆိုက်များတွင် ဖော်ပြပြီး မုန်းတီးမှုနှင့် အယုံအကြည် ကင်းမဲ့မှုတွေ တိုးပွားလာအောင် မီးလောင်ရာ လေပင့်ခဲ့ကြသည်။
အင်တာနက်ပေါ်မှ ရန်ဘက်များနှင့် အတူယှဉ်တွဲကာ ဗုဒ္ဓဘာသာ ဘုန်းတော်ကြီး ဦးဝီရသူကလည်း သူ၏ မူဆလင် ဆန့်ကျင်ရေး ၀ါဒဖြန့်မှုများကို မြှင့်တင်ဆောင်ရွက်ရန် စိတ်အားထက်သန်လာသည်။ ဘာသာရေး ပဋိပက္ခများ ဖြစ်ပွားစေရန် သွေးထိုးလှုံ့ဆော်မှုဖြင့် ၂၀၀၃ ခုနှစ်က ဖမ်းဆီးခြင်းခံခဲ့ရသော ဦးဝီရသူသည် ၂၀၁၂ ခုနှစ်တွင် လွတ်ငြိမ်း ချမ်းသာခွင့်နှင့် ပြန်လည်လွတ်မြောက်လာခဲ့သည်။ ဦးဝီရသူသည် လတ်တလော ခေတ်စားနေသည့် ၉၆၉ လှုပ်ရှားမှုကို ဖန်တီးသူလည်းဖြစ်သည်။ ၉၆၉ ဆိုသည့် ကိန်းဂဏန်းများသည် ဗုဒ္ဓ၊ ဓမ္မနှင့် သံဃာကို ကိုယ်စားပြုကြောင်း သူကပြောသည်။
ပို၍အရေးကြီးသောအချက်မှာ မြန်မာနိုင်ငံတွင်းရှိ မူဆလင်အသိုင်းအ၀ိုင်းက သုံးစွဲသော ၇၈၆ ဆိုသည့် သင်္ကေတကို တုန့်ပြန်ရန်ဖြစ်သည်ဟု သူကဆိုသည်။
မြန်မာနိုင်ငံလုံးဆိုင်ရာ မူဆလင်အဖွဲ့၏ အထွေထွေအတွင်းရေးမှူး ဦးကျော်စိုးကမူ ၇၈၆ ဆိုသောဂဏန်းသည် “မြန်မာနိုင်ငံက မူဆလင် အသိုင်းအ၀ိုင်းကြားမှာ လူကြိုက်များတဲ့ ကံကောင်းစေတဲ့ ဂဏန်းတခု သက်သက်ပါ” ဟု ပြောသည်။
နောက်ဆုံးဖြစ်ခဲ့သော မိတ္ထီလာဖြစ်ရပ် မတိုင်မီကာလကတည်းက ဒုက္ခရောက်တော့မှာ သတိထားမိခဲ့ကြောင်း ဦးကျော်စိုးက ပြောသည်။ ပဋိပက္ခများသည် မူဆလင်ဆန့်ကျင်ရေး စိတ်ဓါတ်များ ပြည်သူများ ကြားတွင်ပျံ့ပွားစေရန် လှုံ့ဆော် လုပ်ဆောင်ခဲ့ခြင်းကြောင့် ဖြစ်သည်ကို ယုံကြည်ကြောင်းနှင့် ၎င်းအနေဖြင့် မူဆလင်များကို ဆူပူမှု ပဋိပက္ခများနှင့် ဝေးဝေးနေကြရန် သတိပေးခဲ့ကြောင်း ဦးကျော်စိုးက ပြောပြသည်။
ဗုဒ္ဓဘာသာ သပိတ်
ယခုနှစ်ဆန်းပိုင်းတွင် မွန်ပြည်နယ်မှ ဗုဒ္ဓဘာသာ ဘုန်းကြီးအချို့သည် ၉၆၉ ခေါင်းစီးအောက်တွင် မူဆလင်ဆန့်ကျင်ရေး လှုပ်ရှားမှု ဆောင်ရွက်ရန် စုစည်းခဲ့ကြသည်။ ဘာသာရေးဆိုင်ရာ ဟောပြောချက်များ၊ DVD ချပ်များနှင့် စတစ်ကာများကို အသုံးပြု၍ ဗုဒ္ဓဘာသာဝင်များအနေဖြင့် ဗုဒ္ဓဘာသာဆိုင်များတွင်သာ ဈေးဝယ်ကြရန်၊ ဗုဒ္ဓဘာသာဝင်ချင်းသာ လက်ထပ်ထိမ်းမြားကြရန်၊ ဗုဒ္ဓဘာသာချင်းသာ ကူညီထောက်ပံ့ပေးကြရန် စည်းရုံးလှုံ့ဆော်ခဲ့ကြသည်။
အစိုးရက ၉၆၉ လှုပ်ရှားမှုကို ဥပေက္ခာပြုခဲ့သည့်အတွက် အံ့သြမိကြောင်းနှင့် ရန်လိုသော အသွင်ဆောင်သည့် လှုပ်ရှားမှုကို တုန့်ပြန်ရန် ဆန္ဒရှိပုံမရကြောင်း ဦးအာစရိယက ပြောသည်။
“သာသနာရေးဝန်ကြီးဌာနက ဘာသာနှစ်ခုကြားမှာ တင်းမာမှုတွေမြင့်တက်လာစေတဲ့ လှုပ်ရှားမှုမျိုးကို ခွင့်ပြုထားတာ တကယ်ကို ထူးဆန်းပါတယ်” ဟု ဦးအာစရိယက သူ၏ အမြင်ကို ပြောသည်။ “၂၀၀၇ ရွှေဝါရောင်တော်လှန်ရေးပြီးတော့ ဘုန်းကြီးတို့ကို ဂျီမေးလ် အကောင့်လေးတခု သုံးမိတဲ့အတွက် ထောင် ၁၅ နှစ်ချတယ်။ အခု ပေါ်ပေါ်ထင်ထင် မီးမွှေးနေတဲ့ မူဆလင်ဆန့်ကျင်ရေးလှုပ်ရှားမှုကိုကျတော့ ဘာဖြစ်လို့ အရေးမယူတာလဲ” ဟု သူက မေးခွန်းထုတ်လိုက်သည်။
လူမျိုးရေး၊ ဘာသာရေး ခွဲခြားဆန့်ကျင်သည့် ကို ၉၆၉ လှုပ်ရှားမှု၏ အတွေးအမြင်များ ပါဝင်သည့် ဟောပြောချက်များ၊ DVD ချပ်များကို အင်တာနက်ဝက်ဆိုက်များမှ နေ၍ ကူညီ ပျံ့နှံ့စေခဲ့ကြောင်း ဦးအာစရိယက ပြောသည်။
“နိုင်ငံရေးနဲ့ပတ်သက်ပြီး ရည်ရွယ်ချက်ရှိတဲ့ လူတစုက ဘာသာရေး အယူသီးတာကို အသုံးချပြီး သေသေချာချာ အကွက်ချ လုပ်ဆောင်ခဲ့တဲ့ လုပ်ရပ်ပါ။ ဘုန်းကြီးရဲ့ ဒကာ၊ ဒကာမတွေကို ကြားထဲကနေ အသုံးချခံ၊ အစတေးခံ တွေ မဖြစ်စေနဲ့လို့ သတိပေးခဲ့ရတယ်” ဟု သူကပြောပြသည်။
ဦးကျော်စိုးကလည်း သူ့အနေဖြင့် ဖေဖော်ဝါရီလအတွင်းက ရန်ကုန်တိုင်းဒေသကြီး ၀န်ကြီးချုပ်ဦးမြင့်ဆွေထံသို့ စာရေးသားပြီး ရန်ကုန်မြို့တော်တွင် လူမျိုးရေးမုန်းတီးမှုနှင့် ပဋိပက္ခများ ဖြစ်ပေါ်လာစေရန် သွေးထိုးလှုံ့ဆော်နေသော ဘာသာရေးအမည်ခံအဖွဲ့များကို ဟန့်တားပေးပါရန် တောင်းဆိုခဲ့ကြောင်း ပြောသည်။
“အစိုးရဖက်က ဒီလိုလှုပ်ရှားမှုတွေကို ထိန်းချုပ်ဖို့ ဘာကြောင့် မလုပ်ဆောင်ခဲ့ရသလဲဆိုတာ ကျနော် နားမလည်ဘူး။ ဒီအတွက် တကယ် စိတ်မကောင်းဖြစ်ရပါတယ်” ဟု သူကဆိုသည်။
ဘလော့ဂါ နေဘုန်းလတ်ကလည်း ယင်းကဲ့သို့ ကြိုးကိုင်လှုပ်ရှားမှုများကို အစိုးရဖက်က ဘာကြောင့်ခွင့်ပြုခဲ့သည် ဆိုခြင်းကို မစဉ်းစားတတ်ကြောင်းပြောသည်။
လူသတ်မှု နှင့် ကြိုးကိုင်ခြင်း
မိတ္ထီလာမြို့တွင် အဓိကရုဏ်းဖြစ်ပွားရသည့် အကြောင်းရင်းသည် မူဆလင်ရွှေဆိုင်ပိုင်ရှင်နှင့် ဗုဒ္ဓဘာသာ ဖောက်သည်နှစ်ယောက်တို့ အချေအတင်ဖြစ်ရာမှ စတင်ခဲ့ခြင်းဟု အများကလက်ခံယုံကြည်ကြသည်။
သို့သော် ကြီးမားသော လူသတ်ပွဲနှင့် ပဋိပက္ခဆီသို့ တမဟုတ်ချင်း အရှိန်မြင့်တက်သွားရခြင်းသည် အင်တာနက်ပေါ်မှ တို့မီးရှို့မီးများ၏ ကျေးဇူးကြောင့်လို့ပင် ဆိုနိုင်ပါသည်။ သူတို့၏ ၀က်ဆိုက်များနှင့် ဘလော့ဂ်တွေပေါ်မှာ ရက်စက်ခြင်း နှင့် မုန်းတီးမှု အကြောင်းအရာတွေကို ဖော်ပြပေးကြပြီး ဇာတ်ရှိန်မြင့်အောင် ပို့ဆောင်ပေးကြသည်။
ရွှေဆိုင်မှာပြဿနာဖြစ်ပြီး ဆယ်ရက်အတွင်းမှာပင် ဆူပူမှုတွေက မိတ္ထီလာမှနေ၍ အခြားမြို့ ၁၄ မြို့ဆီအထိကူးစက်သွား သည်။ ဆူပူအကြမ်းဖက်မှုများကြောင့် လူ ၄၃ ဦးသေဆုံး၍ ၈၆ ဦးဒဏ်ရာရခဲ့သည်။ ဗလီများ၊ ကျောင်းများနှင့် နေအိမ်များအပါအ၀င် အဆောက်အဦး ၁၃၀၀ ကျော်ပျက်စီးဆုံးရှုံးခဲ့ရသည်။
ဆူပူမငြိမ်သက်မှုများနှင့် ပတ်သက်၍ အစိုးရဖက်က လုံလောက်သော တုန့်ပြန်မှုများ ဆောင်ရွက်ရန် ပျက်ကွက်ခဲ့ခြင်းသည် ၎င်း၏ ပါဝင်ပတ်သက်မှုကို ဖော်ပြသည့် သက်သေဖြစ်ကြောင်း ဘလော့ဂါနေဘုန်းလတ်၊ ဦးကျော်စိုးနှင့် ၈၈ မျိုးဆက်ကျောင်းသားများအဖွဲ့ခေါင်းဆောင် မင်းကိုနိုင်တို့က ယူဆကြသည်။
ပဋိပက္ခများ ပြီးပြီးချင်း မိတ္ထီလာမြို့ခံ မူဆလင်များနှင့်သွားရောက်တွေ့ဆုံမေးမြန်းခဲ့သော ဦးကျော်စိုးက “ အကြမ်းဖက်တဲ့ သူတွေကိုင်တဲ့ ဓားတွေက တပုံစံထဲပဲလို့ မျက်မြင် သက်သေတွေက ပြောတယ်။ နှစ်ပေလောက်ရှည်တဲ့ ဓားတွေ။ နောက်ပြီး သူတို့တွေက အချင်းချင်း တယောက်ကိုတယောက် ၀ီစီမှုတ်ပြီး အချက်ပေးကြတယ်။ သေသေချာချာ လေ့ကျင့်ပေးထားတဲ့ သူတွေဆိုတာ သေချာပါတယ်” ဟုပြန်ပြောပြသည်။
အဆိုပါ လူများ၏နောက်ကွယ် ကိုယ်ယောင်ဖျောက် ကြိုးကိုင်နေသူများ ရှိနေသည့် အချက်မှာ အလွန်ရှင်းလင်း ကြောင်း ဦးကျော်စိုးကထပ်ပြောသည်။
“သူတို့က မူဆလင်တွေကိုပဲ သတ်တယ်၊ လူမျိုးတုန်း သုတ်သင်ပွဲတခု လိုပါပဲ”
နောက်ကွယ်က ကိုယ်ယောင်ဖျောက် အဖွဲ့ အစည်းနှင့် အင်တာနက် စာမျက်နှာများ၏ သွေးထိုးလှုံ့ဆော်ပေးခြင်း၊ ကြိုးကိုင်ချယ်လှယ်ခြင်းကိုသာ မခံရလျှင် မူဆလင်နှင့် ဗုဒ္ဓဘာသာများသည် ကောင်းမွန်စွာ အတူတကွ နေနိုင်ကြမည် ဟု ဦးကျော်စိုးက ၀မ်းနည်းစွာ ပြောသည်။
လက်တွေ့တွင်လည်း မိတ္ထီလာတွင် အကြမ်းဖက် တိုက်ခိုက်မှုများ ဖြစ်ပွားနေစဉ်က မူဆလင်များကို ၎င်းတို့၏ အိမ်နီးချင်း ဗုဒ္ဓဘာသာဝင်များက ခေါ်ယူ စောင့်ရှောက်ပေးခဲ့ကြသည်ဟု သူကဆိုသည်။
ဖုံးကွယ်ထားသော အကြောင်းတရားများ
ကွဲပြားခြားနားသော ဘာသာရေးနှင့် လူမှုရေး အုပ်စုများကြားတွင် အယုံအကြည် ကင်းမဲ့ခြင်းနှင့် အပြန်အလှန် ကြောက်ရွံ့မုန်းတီးစေသော အခြေအနေမျိုးကို မြှောက်ပေးပြီး မတည်ငြိမ်သော အခြေအနေ တရပ်ကို တည်ဆောက်ခြင်းသည် ကမ္ဘာပေါ်တွင် အချို့သောအစိုးရများက သူတို့အာဏာကိုထိန်းချုပ်နိုင်ရေးအတွက် သုံးလေ့ရှိသော နည်းဗျူဟာတခုဖြစ်ပါသည်။
ဘာသာရေးနှင့် လူမျိုးရေးမုန်းတီးမှုကို သွေးထိုးလှုံ့ဆော်ပြီး ဆူပူမငြိမ်သက်မှုများ ဖြစ်ပေါ်လာသည့် အခါ စစ်တပ်အနေဖြင့် လမ်းမများပေါ်တွင် တပ်စွဲနေရာယူပြီး စစ်ဥပဒေကို ထုတ်ပြန်ကြေညာခွင့် ရရှိနိုင်မည်ဖြစ်သည်။
ချက်သမ္မတနိုင်ငံအခြေစိုက် လူ့အခွင့်အရေးလှုပ်ရှားသူ Igor Blazevic က သူ၏မိခင်နိုင်ငံ ဘော့စနီးယား၌ ၁၉၉၀ပြည့်နှစ် အစောပိုင်းကာလများတွင် ကြုံတွေ့ခဲ့ရသော အဖြစ်အပျက်များမှ သင်ခန်းစာထုတ်နှုတ်၍ ဧပြီ ၈ ရက်နေ့က ဧရာဝတီတွင် “ အစွန်းရောက် အမျိုးသားရေးဝါဒ၏ ဒုက္ခသံသရာ” အမည်ရှိ ဆောင်းပါးတပုဒ် ရေးသားခဲ့သည်။
“လူမျိုးသန့်စင်ရေးဆိုတာ လူအုပ်စုတွေကြားမှာ ဒါမှမဟုတ် အခြေခံလူတန်းစား အသိုင်းအ၀ိုင်းကြားမှာ တယောက်ကို တယောက် မုန်းတီးလို့ အလိုအလျောက်ဖြစ်လာတဲ့ အကြမ်းဖက်မှု မဟုတ်ဘူး။ ဒါက လုံခြုံရေးဆိုင်ရာ အရေးကြီးတဲ့ အစိတ်အပိုင်းတခုကနေပြီးတော့ သေသေချာချာ လေ့ကျင့်ပေးထားတဲ့ လက်နက်ကိုင်တွေ လုပ်ရတဲ့ အလုပ်ပါ။ သူတို့တာဝန်က တရားဝင်တပ်ဖွဲ့တွေ၊ အစိုးရ တာဝန်ရှိသူတွေ၊ ငွေကြေးပံ့ပိုးပေးနေသူတွေနဲ့ တိုက်ရိုက် ဆက်သွယ်မှုကို ဖုံးဖုံးဖိဖိနဲ့ လုပ်ရတဲ့ အလုပ်မျိုး ဖြစ်ပါတယ်” ဟု Blazevic ကပြောသည်။
မိတ္ထီလာတွင် ဖြစ်ခဲ့သောဖြစ်ရပ်များသည် ပထမဆုံး ဟုမဆိုနိုင်ပါ။ ၁၉၈၈ အရေးအခင်းမှ သတ်ဖြတ်မှုများ၊ ၂၀၀၃ ခုနှစ်မေလက ဒေါ်အောင်ဆန်းစုကြည်နှင့် ထောက်ခံသူများကို အကြမ်းဖက်တိုက်ခိုက်ခဲ့သော ဒီပဲရင်း အရေးအခင်း နှင့် ၂၀၁၂ မေလက မူဆလင်ဘုရားဖူး ဆယ်ယောက် တောင်ကုတ်မြို့တွင် အသတ်ခံခဲ့ရခြင်းတို့က မဝေးသေးသော သမိုင်း၏ အဖြစ်အပျက်များပင်။
ဤရက်စက်ကြမ်းကြုတ်မှုများကို မည်သူက ကျူးလွန်သည်ဆိုစေ ကျန်ရှိနေသော အကြောင်းအရာတခုမှာ အစိုးရက ပြစ်မှုများအတွက် တရားဥပဒေအရ အရေးမယူနိုင်သေးခြင်းဖြစ်သည်။ တဖက်တွင်လည်း မြန်မာနိုင်ငံတွင် တရားဥပဒေစိုးမိုးရေးဆိုသည်မှာ အစိုးရက အရေးပေါ်အခြေအနေ ကြေညာရန် လိုအပ်ပြီဟု ယူဆပြီး လမ်းမများပေါ်တွင် စစ်တပ်များကို တပ်စွဲစေတော့မှ အသက်ဝင်သည်ဟု ထင်မှတ်အောင် ကြိုးစားနေခြင်းကလည်း ” နောက်ပြန်မလှည့်ဘူး” ဟူသော အစိုးရ၏ ကတိကဝတ်ကို သံသယ တိုးလာနေစေတော့သည်။
(Stirring up hatred through social media ကို ဆီလျော်အောင် နိုင်မင်းသွင်က ဘာသာပြန်ဆိုသည်)
Ref: ဧရာဝတီ
လက်ပံတောင်းလယ်သမားတွေ တရားဝင်ဆန္ဒပြခွင့်ရရှိ
မဆုမွန်
27.04.2013
အခုရက်ပိုင်း လက်ပံတောင်းတောင်ဒေသတွင်း တားမြစ်နယ်မြေထဲ လယ်ဝင်ထွန်ခဲ့တဲ့ ဒေသခံ လယ်သမားတွေနဲ့ အာဏာပိုင်တွေကြား သေနက်နဲ့ ပစ်ခတ်တဲ့ အထိ ထိပ်တိုက် ရင်ဆိုင်မှုတွေ ဖြစ်ပွားခဲ့ပြီးတဲ့နောက် အာဏာပိုင်တွေ ဘက်က ဒေသခံတွေကို တရားဝင် ဆန္ဒပြခွင့် ပေးလိုက်ပြီဖြစ်ပါတယ်။ ဆန္ဒပြသူ ကန့်သတ်ဦးရေ ၅၀၀ နဲ့ ဆန္ဒပြချိန် သုံးနာရီ ခွင့်ပြုပေးလိုက်တာဖြစ်ပါတယ်။ အပြည့်အစုံကို မဆုမွန်က တင်ပြထားပါတယ်။
စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပံတောင်းတောင် ကြေးနီစီမံကိန်း နယ်မြေ အတွင်း တရားဝင် ဆန္ဒပြခွင့်ပြုဖို့ ဒေသခံ လယ်သမားတွေ ဘက်က တာဝန်ရှိသူတွေကို ခွင့်ပြုမိန့်တောင်းခံ ခဲ့ပြီးတဲ့ တစ်ပတ် အကြာမှာ အာဏာပိုင်တွေဘက်က ခွင့်ပြုမိန့် ချပေး လိုက်တာဖြစ်ပါတယ်။ လာမယ့် ဧပြီလ ၂၉ ရက်နေ့မှာ ဆားလင်းကြီးမြို့နယ် တုံရွာကနေ ပုသိမ်-မုံရွာလမ်းဆုံ ဦးပိုင်ကုမ္ပဏီရုံးရှေ့အထိ ဆန္ဒပြကြမှာဖြစ်ပါတယ်။ ဆန္ဒပြပွဲ ခွင့်ပြုချိန် သုံးနာရီ တိတိ အတွင်းမှာ ဆန္ဒပြသူဦးရေ ၅၀၀ အထိ ကန့်သတ်ခွင့်ပြုထားတယ်လို့ လက်ပံတောင်းတောင် အရေးတက်ကြွလှုပ်ရှားသူ ကိုဟန်ဝင်းအောင်ကပြောပါတယ်။
“ကျနော်တို့ ၂၉ ရက်နေ့ကို စာတင်ထားတဲ့ဟာ ကျပြီပေါ့ဗျာ။ အဲဒီတော့ ကျနော်တို့ ၂၉ ရက်နေ့မှာ ဆန္ဒပြမယ်။ အယောက် ၅၀၀။ ကန့်သတ်အင်အား အယောက် ၅၀၀။ အချိန်အားဖြင့် သုံးနာရီ။ အဓိက ကတော့ လက်ပံတောင်းတောင် ကြေးနီစီမံကိန်း လုံးဝရပ်ဆိုင်းရေး၊ ပုဒ်မ ၁၄၄ ရုပ်သိမ်းရေး၊ မတရားဖမ်းဆီးထားတဲ့သူတွေကို ပြန်လည် လွှတ်ပေးရေး ဆိုတာတွေနဲ့ တုံရွာရှေ့ကနေ ပုသိမ်-မုံရွာ လမ်းဆုံ ဦးပိုင်ကုမ္ပဏီ ရုံးရှေ့အထိကို ကျနော်တို့ ဆန္ဒပြပွဲ ဆက်လုပ်မယ်။ နောက်နှစ်တွေမှာ ကျနော်တို့က မြေယာမယူထားတဲ့ လယ်သမားတွေဟာ သူတို့မြေသူတို့ပိုင်တယ်ဆိုတဲ့ သဘောထား ထုတ်ပြန်မှုတွေနဲ့ ရွာတွင်း ဆန္ဒပြလှုပ်ရှားမှုတွေ ဆက်တိုက်လုပ်သွားမှာဖြစ်ပါတယ်။ ”
တုံရွာကနေ စတင်ဆန္ဒပြကြမယ့် ဒီဆန္ဒပြပွဲမှာတော့ မိမိတို့ရဲ့ မိရိုးဖလာ လယ်ယာ လုပ်ကိုင်ခွင့်ပြန်ရရေး အတွက် ဒေသခံပြည်သူတွေ ဘက်က ရွာလုံးကျွတ် ဆန္ဒပြကြမှာဖြစ်ပြီး တားမြစ်နယ်မြေမဟုတ်တဲ့ နယ်မြေတွေမှာလည်း ပြန်ပြီးထွန်ယက်စိုက်ပျိုးဖို့ စီစဉ်နေတယ်လို့ ဆည်တည်ရွာက တောင်သူဦးကြီး ဦးသန်းမောင်ကပြောပါတယ်။
“ကျနော်တို့ကတော့ ရွာလုံးကျွတ်လိုက်နေကြပါတယ်။ ကျနော်တို့ရွာတွေက။ ကျနော်တို့ရဲ့ဘ၀ဟာ မြေကြီးပါ။ မြေကြီးက ကျနော်တို့ဘ၀ပါ။ အဲဒီတော့ ကျနော်တို့လယ်မြေတွေ အတွက်ကို ကျနော်တို့ဒီလိုပဲ နည်းလမ်းပေါင်းစုံနဲ့ ကာကွယ်သွားမှာပါ။ ရွာလုံးကျွတ်လိုက်မှာပါ။”
ပြီးခဲ့တဲ့ ဧပြီလ ၂၅ ရက်နေ့က လက်ပံတောင်းတောင် ကြေးနီစီမံကိန်းအတွင်း လယ်ယာသိမ်းခံထားရတဲ့ ဒေသခံတောင်သူလယ်သမားတွေက သူတို့ပိုင်ခဲ့တဲ့ လယ်ယာမြေထဲမှာ ဝင်ထွန်ယက်ခဲ့တာမှာ တားမြစ်နယ်မြေဖြစ်တဲ့အတွက် အာဏာပိုင်တွေနဲ့ လယ်သမားတွေကြား ထိပ်တိုက်ရင်ဆိုင်မှုတွေဖြစ်ပွားခဲ့ပြီး သေနတ်နဲ့ပစ်ခတ်မှု၊ ရိုက်နှက်ဖမ်းဆီးမှုတွေ ဖြစ်ပွားခဲ့ပါတယ်။
မနေ့က ဧပြီလ ၂၆ ရက်နေ့မှာတော့ ဖမ်းဆီးခံ ကျောင်းသားလူငယ်တွေနဲ့ လယ်သမားတွေကို ပြန်လွှတ်ပေးရေး၊ လက်ပံတောင်းတောင် ကြေးနီစီမံကိန်း ဖျက်သိမ်းရေးနဲ့ တားမြစ်နယ်မြေရုပ်သိမ်းရေး အပါအဝင် တောင်းဆိုချက်တွေကို လယ်သမားတွေက ဝိုင်းဆန္ဒပြခဲ့ကြရမှာတော့ အာဏာပိုင်တွေဘက်က လုံခြုံရေးအင်အားတွေ တိုးမြှင့်ချထားပြီး တင်းမာမှုတွေရှိခဲ့ပါတယ်လို့ တက်ကြွလှုပ်ရှားသူ ကိုဟန်ဝင်းအောင်ကပြောပါတယ်။
“လက်ပံတောင်းအခြေအနေကတော့ဗျာ လယ်ယာမြေဆုံးရှုံးပြီးတော့ လျော်ကြေးမယူထားတဲ့ လယ်သမားတွေ တော်တော်များများရှိတယ်။ အဲဒါတွေကို ထွန်ယက်ဖို့လုပ်တော့ ၂၅ ရက်နေ့က သေနတ်နဲ့ပစ်၊ ဖမ်းတာတွေဖြစ်တဲ့အခါကျတော့၊ အဲဒါမနေ့က ဆန္ဒပြတဲ့အခါကျတော့လည်း ပထမစည်း၊ ဒုတိယစည်း၊ တတိယစည်းတွေနဲ့ သတ်မယ်ဖြတ်မယ်ပုံစံမျိုးတွေ လုပ်ကြတယ်။ ညတုန်းကလည်း ဆည်တည်းရွာက တရုပ်ဆိုက်ထဲကို လုံထိန်းတွေ ထပ်ရောက်လာတာတို့။ ညပိုင်း မုံရွာမြို့ပေါ်မှာရှိတဲ့ ရဲတွေကို တောက်လျှောက် ကားတွေနဲ့ဒီဘက်လွှတ်တယ်။ မနက်ကျတော့လည်း ဟိုဘက်မှာ လုံထိန်းတွေ၊ ရဲတွေ ကျနော်တို့ မုံရွာဘက်ကူးတဲ့ဘက်မှာလည်း တောက်လျှောက် ထပ်ချထားတယ်။
"ဒီနေ့မနက် ၉ နာရီလောက်မှာ မိုးကြိုးပြင်ကျေးရွာက ထွန်တုံး တိုက်ပွဲဝင်မယ်ဆိုပြီးတော့ သူတို့ဘက်လူတွေက တဘက်သတ် ကောလာဟလတွေနဲ့ မိုးကြိုးပြင်ကျေးရွာကို ရဲတွေ ထောက်လှမ်းရေးတွေ အက်စ်ပီတွေ အပြည့် ဒီနေ့မနက် ၉ နာရီလောက်မှာ ရောက်လာတယ်။ ရောက်လာပြီးတော့ ရွာဝမှာ ၀ုန်းဝုန်းနဲ့လာပြီးတော့လုပ်တယ်။ ရွာသားတွေကို ခြိမ်းခြောက်တယ်။ ခြိမ်းခြောက်ပြီးတော့ သူတို့ ပြန်တယ်။ ပြန်ပြီးတဲ့ အခါကျတော့ မြေယာလျော်ကြေးတွေ ထုတ်ယူဖို့ဆိုပြီး ကျေးရွာအုပ်ချုပ်ရေးမှူးတွေနဲ့ ပေါင်းပြီးတော့ လော်စပီကာတွေနဲ့ အော်တယ်။ ရွာသားတွေက လက်မခံဘူး။ လယ်သမားတွေရဲ့အခွင့်အရေး ဆုံးရှုံးနေတဲ့ဟာကို ဘာတခုမှ ဖော်ထုတ်ခွင့် လုပ်ခွင့်မရဘဲနဲ့ တကယ့်ကို စစ်မြေပြင်ကြီးတခုအလား၊ ထောက်လှမ်းရေးတွေ စစ်တပ်တွေ လုံထိန်းတွေနဲ့ မဲမှောင်နေအောင် တောက်လျှောက်လုပ်နေတယ်။ အဲဒီအတွက် ရွာသားတွေအနေနဲ့လည်း ဒေသတည်ငြိမ်ရေးနဲ့ သူတို့တွေ အကြမ်းဖက်မခံရရေးကို သတိကြီးစွာနဲ့ စောင့်ကြည့်နေရတဲ့ အနေအထားတွေ ရှိပါတယ်။”
ဒီကနေ့ ဧပြီလ ၂၇ ရက်မနက်ပိုင်းမှာတော့ မူလစီစဉ်ထားတဲ့ လယ်ယာမြေတွေမှာ လယ်ထွန်ဖို့ ထွန်တုံးချချိန်မှာတော့ အာဏာပိုင်တွေက အင်အားအလုံးအရင်းနဲ့ လုံခြုံရေးယူထားတဲ့အတွက် ဒေသခံလယ်သမားတွေ ထပ်ပြီး အထိခိုက်အနာတရ သွေးမြေကျမှာ မလိုလားတဲ့အတွက် လယ်သမားတွေက ထွန်တုံးရုပ်ပြီး ပြန်လာခဲ့ကြတယ်လို့လည်း ဆည်တည်းရွာက လယ်သမားကြီး ဦးသန်းမောင်ကပြောပါတယ်။
“ဘိုးဘွားပိုင် ကျနော်တို့ သမဦးကျမြေတွေကို ကျနော်တို့က ပုံမှန်ထွန်ယက်စားသောက်လာတာ ဆိုတော့ ကျနော်တို့မြေကို ကျနော်တို့က ဆက်ပြီးတော့ ထွန်မှာပါ။ ဒါပေမဲ့ သူတို့က ကျနော်တို့ရဲ့ မြေပေါ်မှာ ကျနော်တို့ထွန်တာကို ဒီလိုလာပြီး အကြမ်းဖက်ဖို့အဆင်သင့်။ ထောင်နဲ့ချီတဲ့အင်အားနဲ့ပြင်တယ်ဆိုတော့ နောက်ဆုတ်ထားတာ။ ဒါပေမဲ့ ကျနော်တို့ဘက်ကနေပြီးတော့ ဒီလိုမျိုး ကျနော်တို့ကိုလာပြီးတော့ အကြမ်းဖက်တာတို့၊ မတရားလာလုပ်တာတို့ ဒီလိုထိပ်တိုက်မတိုးချင်လို့ ကျနော်တို့က နောက်ဆုတ်ထားတာပါ။” အခုလက်ရှိ အခြေအနေမှာတော့ မုံရွာခရိုင် လက်ပံတောင်းတောင်ကြေးနီ စီမံကိန်းနယ်မြေထဲမှာ အာဏာပိုင်တွေဘက်က လုံခြုံရေးအင်အားတွေ တိုးချဲ့ချထားပါတယ်။
ဦးပိုင်ကုမ္ပဏီလိမိတက်နဲ့ မြန်မာဝမ်ပေါင် ကုမ္ပဏီတို့ အကျိုးတူ ပူးပေါင်း လုပ်ဆောင်နေတဲ့ လက်ပံတောင်းတောင် ကြေးနီစီမံကိန်းအတွက် ဒေသခံတွေရဲ့ လယ်မြေ ဧကပေါင်း ၇,၈၀၀ ကျော်ကို သိမ်းယူခဲ့ပြီးတော့ ရွာပေါင်း ၄ ရွာကို ဖယ်ရှားခိုင်းခဲ့တာဖြစ်ပါတယ်။ ဒေသခံတောင်သူလယ်သမား အများစုကတော့ အသိမ်းခံထားရတဲ့ သူတို့ လယ်မြေတွေကို ဝမ်ပေါင်ကုမ္ပဏီနဲ့ ဦးပိုင်ကပေးတဲ့ လျော်ကြေး နစ်နာကြေးမယူဘဲ စီမံကိန်းရပ်တန့်ရေးကိုသာ ဆက်လက် တောင်းဆိုတိုက်ပွဲဝင်နေကြဆဲ ဖြစ်ပါတယ်။
Ref: VOA News
အကျင့်ပျက်ခြစားမှုကြောင့် ဒီမိုကရေစီစနစ် ပျက်ပြားစေနိုင်
2013-04-29
အကျင့်ပျက်ခြစားမှုဟာ ဒီမိုကရေစီကို ပျက်သုန်းစေတဲ့ အရာဖြစ်တယ်လို့ မွန်ဂိုလီးယားနိုင်ငံရောက်နေ တဲ့ ဒေါ်အောင်ဆန်းစုကြည်က ဒီနေ့ပြောကြား လိုက်ပါတယ်။ လူလန်ဘာတာ မြို့တော်မှာ ကျင်းပတဲ့ ၇ ကြိမ်မြောက် ဒီမိုကရေစီ လူမှုအဖွဲ့အစည်း ညီလာခံမှာ အဲဒီလိုပြောကြားလိုက်တာပါ။
ဒေါ်အောင်ဆန်းစုကြည်ဟာ မွန်ဂိုလီးယားသမ္မတက ဖိတ်ကြားတဲ့ ဂုဏ်ထူးဆောင် ဧည့်သည်တော် တစ်ဦး အဖြစ် ညီလာခံမှာ တက်ရောက်ဆွေးနွေးတာဖြစ်ပြီး၊ ဒီမိုကရေစီ လူမှုအဖွဲ့အစည်းက ချီးမြှင့်တဲ့ Geremek ဆုကိုလည်း လက်ခံ ရယူဖို့ရှိပါတယ်။ ဒီဆုဟာ ပိုလန်နိုင်ငံ ဒီမိုကရေစီ အသွင်ကူးပြောင်းရေးမှာ အဓိက အခန်းကဏ္ဍက ပါဝင်သူတစ်ဦးဖြစ်ပြီး ကမ္ဘာတ၀န်း ဒီမိုကရေစီ ထွန်းကားရေး ဆောင်ရွက်တဲ့ ဒီမိုကရေစီ လူမှုအဖွဲ့အစည်း ထူထောင်သူတွေထဲ ပါဝင်တဲ့ ပါမောက္ခ Bronisław Geremek ကို ဂုဏ်ပြု ချီးမြှင့်တဲ့ဆုဖြစ်ပါတယ်။
ဒေါ်အောင်ဆန်းစုကြည်ဟာ မွန်ဂိုလီးယား သမ္မတအိမ်တော်မှာ “မွန်ဂိုလီးယားနဲ့ မြန်မာ လွတ်လပ်မှုနဲ့ ဒီမိုကရေစီကို ရှေးရှုရာလမ်း” ဆိုတဲ့ခေါင်းစဉ်နဲ့ သမ္မတနဲ့အတူ မနက်ဖြန်ဟောပြောမှာဖြစ်ပြီး သတင်းစာ ဆရာတွေနဲ့လည်း တွေ့ဆုံဖို့ရှိပါတယ်။
ဒီမိုကရေစီ လူမှုအဖွဲ့အစည်း ညီလာခံဟာ ဒီမိုကရေစီရေး၊ လူ့အခွင့်အရေးနဲ့ အဂတိလိုက်စားမှု တိုက်ဖျက်ရေးအတွက် ရည်ရွယ် ကျင်းပတယ်လို့ ဆိုပါတယ်။
Ref: RFA News
အမေရိကန် GSP က ချက်ချင်း အကျိုးမထူးသော်လည်း ရေရှည် အကျိုးရှိနိုင်
ခင်မျိုးသွယ်
တနင်္လာနေ့၊ ဧပြီလ ၂၉ ရက် ၂၀၁၃
ရန်ကုန် (မဇ္ဈိမ)။ ။ အမေရိကန် အစိုးရအနေဖြင့် မြန်မာနိုင်ငံအား အခွန် သက်သာ ကင်းလွတ်ခွင့် (GSP) ကုန်သွယ်မှု အထူးအခွင့်အရေး ပေးမည်ဖြစ်ရာ လက်ရှိတွင် ထူးခြားစွာ သက်ရောက်မှု မရှိနိုင်သေးသော်လည်း
ရေရှည် နှစ်နိုင်ငံ ကုန်သွယ်မှုတွင် အကျိုးဖြစ်ထွန်းစေနိုင်မည်ဟု စီးပွားရေး ပညာရှင်များနှင့် လုပ်ငန်းရှင်များက သုံးသပ်ပြောဆိုကြသည်။
လတ်တလော အကျိုးသက်ရောက်မှု မရှိနိုင်သေးခြင်းမှာ ၂၀၀၃ ခုမှ စတင်သည့် အမေရိကန်နိုင်ငံ၏ စီးပွားရေး ပိတ်ဆို့ အရေးယူမှုကြောင့် မြန်မာ့ ပို့ကုန်နှင့် သွင်းကုန်များ၏ အဓိက ကုန်သွယ်ဘက် နိုင်ငံများမှာ အာရှနိုင်ငံ များသာ ဖြစ်ခဲ့၍ ဖြစ်သည်။
“အမေရိကန်က ပေးမယ့် အခွန်သက်သာခွင့်ဟာ ကုန်သွယ်မှု ခပ်ပါးပါးပဲ ရှိခဲ့တာကြောင့် ချက်ချင်းကြီးတော့ သက်ရောက်မှု မရှိနိုင်ပါဘူး။ ဘာကြောင့်လဲ ဆိုရင် မြန်မာက အဓိက တင်ပို့နေတဲ့ လယ်ယာ ထွက်ကုန်ကလည်း သူတို့ဆီမှာ လုံလောက်တယ်။ ကျောက်စိမ်း ကျတော့လည်း သူတို့ မကြိုက်ဘူး။ ဒါပေမယ့် ရေရှည်အတွက်တော့ အကျိုးရှိမှာ ဖြစ်ပါတယ်” ဟု ဆရာ ခင်မောင်ညို (ဘောဂဗေဒ) က ပြောကြားသည်။
ထို့ပြင် GSP မှာ ပို့ကုန်သမားများအတွက်သာ သက်ရောက်မှု ရှိနိုင်ကြောင်း “အမေရိကန်က GSP ပေးမယ်ဆိုရင် သွင်းကုန် သမားများ အတွက် ထူးခြားတဲ့ သက်ရောက်မှု မရှိနိုင်သော်လည်း ပို့ကုန်သမားများ အတွက်တော့ သက်ရောက်မှုရှိနိုင်ပါတယ်။ အထူးသဖြင့် လက်ခစား အထည် လုပ်ငန်းတွေ၊ ရေထွက်ပို့ကုန်တွေ အဆင်ပြေနိုင် ပါတယ်။ သွင်းကုန်တွေအတွက် လက်ရှိ အဆင်မပြေနိုင်သေးပေမယ့် ရေရှည် အတွက်တော့ အဆင်ပြေနိုင်ပါတယ်” ဟု ၎င်းက ဆက်လက်ပြောကြားသည်။
အရင်က ကုန်သွယ်မှု
စီးပွားရေး ပိတ်ဆို့ထားမှုများကြောင့် မြန်မာနှင့် အမေရိကန်တို့၏ ကုန်သွယ်မှုအနေအထားမှာ လွန်စွာ နည်းပါး ခဲ့ရသည်။
“အမေရိကန်နဲ့ မြန်မာ ကုန်သွယ်မှုက ၂၀၀၃ ခုနှစ်က စပြီး ၂၀၁၀-၁၁ ခုနှစ်အထိ နှစ်စဉ် အမေရိကန်ဒေါ်လာ သန်း ၁၀၀ မပြည့်တဲ့ အနေအထားမှာ ရှိခဲ့ပါတယ်” ဟု ကုန်သွယ်မှု စစ်တမ်းများကို သုတေသန ပြုခဲ့သူ ဦးသန်းထွန်းအောင် က ပြောသည်။
သို့သော် ၂၀၁၁- ၁၂ ခုနှစ်တွင် အမေရိကန်ဒေါ်လာ ၂၉၃.၆၄ သန်း အထိ ကုန်သွယ်မှု ရှိလာခဲ့သည်။
လက်ခစား အထည်ချုပ်လုပ်ငန်းများ အခြေအနေကောင်း
အမေရိကန်၏ GSP မှာ လက်ခစား အထည်ချုပ် လုပ်ငန်းများအတွက် အလားအလာ အကောင်းဆုံး ဖြစ်လာမည် ဖြစ်ကြောင်းလည်း မြန်မာနိုင်ငံ အထည်ချုပ် လုပ်ငန်းရှင်များ အသင်းမှ ဒုတိယ ဥက္ကဌ ဒေါက်တာအောင်ဝင်း က ခန့်မှန်းသည်။
“GSP မရသေးပေမယ့် အမေရိကန် ကုမ္ပဏီတွေက အပ်ထည်တွေကို စတင်ပို့နေရတဲ့ အနေအထား ရှိပါတယ်။ လောလောဆယ် GSP မရသေးတဲ့အတွက် အခွန်၁၅ ရာခိုင်နှုန်းဝန်းကျင် ပေးနေရသေးတယ်။ GSP သာ ရရင် သူသတ်မှတ်တဲ့ ကုန်အမျိုးအစားအလိုက် အခွန်ပေးရတာလည်း ရှိတယ်။ အခွန် မပေးရတာလည်း ရှိတယ်။ အထည်ချုပ်ကတော့ အပ်ထည် တိုးမြှင့်ရလာနိုင်တဲ့ အနေအထား ရှိပါတယ်” ဟု ဆိုသည်။
GSP ကြောင့် အထည်ချုပ် ဈေးကွက်တွင် အပ်ထည် ပိုမိုရရှိလာနိုင်သလို ချုပ်ခလည်း ပိုရလာနိုင်ခြေရှိကြောင်း အဆိုပါ အသင်း၏ အတွင်းရေးမှူးဒေါ်ခိုင်ခိုင်နွယ် က ပြောသည်။
“GSP ပေးပြီဆိုတာနဲ့ အခွန်ပေးနေရတဲ့ အခြားနိုင်ငံတွေမှာရှိတဲ့ စက်ရုံတွေက အထည်တွေကို ယူပြီး အပ်လို့လည်း ရပါတယ်။ အဓိက က မြန်မာ အထည်ချုပ်စက်ရုံတွေပေါ်မှာ သူတို့ ဘယ်လောက် အပ်ချင်သလဲ ဆိုတဲ့ အနေအထား ပေါ်မှာ မူတည်ပါတယ်။ မနေ့က အမေရိကန်က Buyer (အဝယ်တော်) လာဆွေးနွေးသွားတယ်။ အခွန်ရှိတဲ့ နိုင်ငံထက် အခွန်မရှိတဲ့ နိုင်ငံတွေက စက်ရုံတွေကို ချုပ်ခ ပိုပေးနိုင်တယ်လို့ ပြောသွားတယ်။ အခွန်ပေးရတဲ့ နိုင်ငံကို ချုပ်ခ ၁ ကျပ်ပေးနိုင်ရင် အခွန်မပေးရတဲ့ နိုင်ငံရဲ့ ချုပ်ခကို ၁ ကျပ် ၂၀ ပြားလောက် ပေးနိုင်တယ်လို့ ပြောသွားတယ်” ဟု ဆိုသည်။
ရေထွက်ကုန်တွေအတွက်လည်း အကျိုးရှိနိုင်
အဆိုပါ အမေရိကန်၏ GSP ကြောင့် မြန်မာ့ ရေထွက်ကုန် တင်ပို့မှုများလည်း အကျိုးသက်ရောက်နိုင်မည်ဟု
မျှော်လင့်ရသည်။
“ပုစွန်ကို အမေရိကန်ပို့နေရတာရှိတယ်။ GSP ရတာနဲ့ အခွန် ကင်းလွတ်နိုင်တော့ မြန်မာ့ ရေထွက်ကုန်ကို တင်သွင်းသူ များလာနိုင်တယ်။ ရေထွက် ပို့ကုန်သမားတွေအနေနဲ့ ဈေးကွက်တခု ပိုရလာနိုင်ပါတယ်” ဟု မြန်မာနိုင်ငံ ရေထွက်ပစ္စည်း ပြုပြင်ထုတ်လုပ်သူများနှင့် ပို့ကုန် လုပ်ငန်းရှင်များ အသင်းမှ အတွင်းရေးမှူး ဦးထွန်းအေး က ဆိုသည်။
လယ်ယာ ပို့ကုန်တွေပေါ်မှာ ...
မြန်မာနိုင်ငံ၏ အဓိကပို့ကုန်မှာ လယ်ယာထွက်ကုန်များ ဖြစ်နေသဖြင့် ယင်းပို့ကုန်များအပေါ် အခွန်သက်သာခွင့် သက်ရောက်မှုနဲ့ ပတ်သက်ပြီး “လယ်ယာ ထွက်ကုန်တွေထဲက အဓိက ပို့နေတာ ပဲနဲ့ ဆန်ပါ။ အမေရိကန် အနေနဲ့ ဆန်က်ို သူ့နိုင်ငံက စားဖို့ လုံလုံလောက်လောက် ထုတ်လုပ်နိုင်သလို ဆန်ကိုလည်း ပြန်ရောင်းနေတဲ့ နိုင်ငံပါ။ ဒါကြောင့် လယ်ယာပို့ကုန်တွေထဲက ဆန်အတွက်တော့ သက်ရောက်မှု သိပ်မရှိနိုင်ပါဘူး” ဟု ဆန်စပါး အသင်းချုပ်မှ ဦိးမျိုးသူရအေး က ပြောကြားသည်။
အမေရိကန်နိုင်ငံအနေဖြင့် ပဲများကို ကနေဒါနှင့် သြစတြေးလျ နိုင်ငံတို့မှ အဓိက ဝယ်ယူလျက်ရှိသည်။
“(မြန်မာ့ ပဲ) လောလောဆယ် အမေရိကန်ဈေးကွက်ကို တင်ပို့နေတာ မရှိသေးပါဘူး။ အခု စိုက်နေတဲ့ ပဲတွေက ၇၀ ရာခိုင်နှုန်းလောက်က အိန္ဒိယကို သွားနေတာပါ။ စိုက်နေတာလည်း အိန္ဒိယ ဈေးကွက် အကြိုက် ပဲတွေပါပဲ။ အခုလို GSP ပေးလိုက်တဲ့အတွက် ရေရှည်အတွက် ကောင်းပါတယ်။ အမေရိကန်က စားတဲ့ ပဲကို လေ့လာပြီး နောင်မှာ မျိုးဝယ်စိုက်သင့် စိုက်ပြီး အမေရိကန် ပြန်ပို့နိုင်မယ် ထင်ပါတယ်။ ပဲနှမ်းကိုတော့ အမေရိကန်က ဝယ်နေပါတယ်။ မြန်မာက စိုက်တာ နည်းနေပါသေးတယ်” ဟု ပဲနှမ်းကုန်သည်အသင်းမှ အတွင်းရေးမှူး ဦးမင်းကိုဦး က ပြောသည်။
သစ်သီးဝလံ ဈေးကွက်ကရော
မြန်မာနိုင်ငံမှ စိုက်ပျိုးသည့် သစ်သီးဝလံများကို လက်ရှိအနေအထားအထ်ိ အမေရိကန် ဈေးကွက်သို့ တင်ပို့ရောင်းချမှု မရှိခဲ့ပေ။
“အမေရိကန်က ပေးလာမယ့် GSP က သစ်သီးဝလံတွေအတွက် အကျိုးသက်ရောက်မှု မရှိသေးပါဘူ။ လာမယ့် ဇူလိုင် ၁၄ ရက်နဲ့ ၁၅ ရက်နေ့တွေမှာ အမေရိကန်နိုင်ငံ၊ ဖလော်ရီဒါ ပြည်နယ်မှာ ပြုလုပ်မယ့် အပြည်ပြည်ဆိုင်ရာ သရက်သီးပြပွဲမှာ မြန်မာ သရက်သီးတွေ ဝင်ရောက် ပြသဖ်ို့ ရှိပါတယ်။ အဲဒီပြပွဲမှာ ကုန်ပစ္စည်းကြိုက်လို့ ဈေးကွက် ရမယ်ဆိုရင် အခွန် သက်သာခွင့်ကလည်း ပံ့ပိုးထားရင် သရက်သီးနဲ့ပတ်သက်တဲ့ ဈေးကွက်ကြီး တခု ရနိုင်မယ်လို့ မျှော်လင့်ပါတယ်” ဟု သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်းမှ အထွေထွေအတွင်းရေးမှူး ဦးစိုးသန်းမင်းဒင် က ခန့်မှန်းပြောဆိုသည်။
Ref: မဇ္ဈိမ
Posts
