မသိင်္ဂီထိုက်
14.11.2012
မြန်မာအစိုးရ အနေနဲ့ အကျဉ်းထောင်တွေထဲက အကျဉ်းသား ၄၅၀ ကို အမေရိကန် သမ္မတ အိုဘားမား မလာရောက်ခင် ပြန်လွှတ်ပေးမယ်လို့ မြန်မာ သမ္မတရုံး ညွှန်ကြားရေးမှူး ဦးဇော်ဌေး ကို မြန်မာနိုင်ငံ အခြေစိုက် သတင်း ဌာနတွေက ဖော်ပြနေကြပါတယ်။ ဒါပေမဲ့ ဒီအထဲမှာ နိုင်ငံရေး အကျဉ်းသားတွေ ပါမယ်၊ မပါဘူး ဆိုတာကတော့ ရှင်းရှင်းလင်းလင်း မသိရသေးဘူးလို့ ဆိုပါတယ်။ ဒီသတင်းနဲ့ ပတ်သက်ပြီး Amnesty International ခေါ် နိုင်ငံတကာ လွတ်ငြိမ်း ချမ်းသာခွင့် အဖွဲ့ရဲ့ အာရှရေးရာ တာဝန်ခံ မစ္စတာ T Kumar က အခုလို ပြောကြားလိုက်ပါတယ်။
“အခု လွှတ်ပေးမယ်ဆိုတဲ့ ၄၅၀ ထဲမှာ ရာဇဝတ်သားတွေ ဘယ်လောက် ပါနေသလဲဆိုတာ ကျနော် တို့ မသိပါဘူး၊ ဒါကြောင့် အစိုးရ အနေနဲ့ ဘယ်သူတွေကို လွှတ်ပေးမယ်၊ ဘယ်သူတွေကို လွှတ်ပေး တယ် ဆိုတာကို တရားဝင် ထုတ်ပြန်ပေးဖို့ လိုပါတယ်။ ယုံကြည်မှုကြောင့် အကျဉ်းကျနေ သူတွေ ဘယ်လောက်ပါနေတယ်ဆိုတာကို ဒီလို ထုတ်ပြန်တဲ့ အခါမှသာ ကျနော်တို့ သိနိုင်တာ ဖြစ်ပါ တယ်။ အခုအချိန်အထိ သူတို့ဟာ ဘာကြောင့် အားလုံးကို မလွှတ်ပေးနိုင်ဘူးလဲ ဆိုတာကို ကျနော်တို့ သိပ် နားလည်ရ ခက်ပါတယ်။”
သမ္မတအိုဘားမားသွားရောက်မယ့် ခရီးဟာ မြန်မာနိုင်ငံအတွက် အတော် အကျိုးရှိမဲ့ ခရီးစဉ်ဖြစ်တဲ့ အတွက် ဒီခရီးစဉ် မတိုင်ခင် ယုံကြည်မှုကြောင့် အကျဉ်း ကျနေသူ အားလုံးကို လွှတ်ပေး သင့်တယ် လို့လည်း မစ္စတာ ကူးမားရ်က ဆက်ပြောပါတယ်။
“သမ္မတအိုဘားမားသွားရောက်မယ့် ခရီးစဉ်ဟာ မြန်မာနိုင်ငံအတွက် သိပ်ကို အရေးပါတဲ့၊ ကြီးမဉ်ားတဲ့ အင်အားပေးမှု တရပ်ဖြစ်ပါတယ်။ ဒီအချိန်မှာ မြန်မာနိုင်ငံ အနေနဲ့ ယုံကြည်မှုကြောင့် အကျဉ်းကျနေတဲ့ အကျဉ်းသားတွေ အားလုံးကို လွှတ်ပေးဖို့ လိုအပ်ပါတယ်။ ဒါကို ကျနော်တို့ အမြဲတမ်း တောင်းဆို နေခဲ့တာ ဖြစ်ပါတယ်။ ကျနော်တို့ဆီမှာ မှတ်သားထားတဲ့ စာရင်းဇယားအရ ယုံကြည်မှုကြောင့် အကျဉ်းကျနေတဲ့ လူတွေရဲ့ အရေအတွက်ဟာ အများကြီး ရှိနေပါတယ်။
..ဆိုတော့ အခုလွှတ်ပေးလာတဲ့ စာရင်းအတိုင်း ကျနော်တို့ နှိုင်းယှဉ်စစ်ဆေး ကြည့်ပြီးတဲ့ အခါမှ ဘယ်နှစ်ယောက် ကျန်သေးတယ် ဆိုတာကို ကျနော်တို့ ပြောနိုင်မှာဖြစ်ပါတယ်။”
ဒီလို နိုင်ငံရေးအကျဉ်းသားတွေကို လွှတ်ပေးမယ်ဆိုတဲ့ သတင်းကိုတော့ နိုဝင်ဘာလ ၁၅ ရက်နေ့ ထုတ် အစိုးရ သတင်းတွေမှာ တရားဝင် ကြေညာမယ်လို့ ဦးဇော်ဌေးကို ကိုးကားပြီး မြန်မာ အခြေစိုက် သတင်းဌာနတွေက ဖော်ပြနေကြပါတယ်။ နိုင်ငံတကာ လူ့အခွင့်အရေး အဖွဲ့တွေက မစ္စတာ အိုဘားမား မြန်မာနိုင်ငံကို သွားရောက်တဲ့ အခါ တိုင်းရင်းသား ပဋိပက္ခတွေ ဖြေရှင်းရေးနဲ့အတူ အကယုံကြည်မှုကြောင့် အကျဉ်းကျ ခံနေရသူတွေ အားလုံး လွတ်မြောက်ရေးကိုလည်း တောင်း ဆိုနေကြတာ ဖြစ်ပါတယ်။
Ref: VOA News
Thursday, November 15, 2012
အကျဉ်းသား ၄၅၀ လွှတ်မည်
လူထုချင်းဆက်ဆံရေး တိုးမြှင့်သွားမယ် လို့ ဒေါ်အောင်ဆန်းစုကြည် ပြော
2012-11-14
နှစ်လေးဆယ်ကျော်ကြာအပြီး အိန္ဒိယနိုင်ငံ ကို ရောက်ရှိသွာတဲ့ ခရီးစဉ်အတွင်း အမျိုးသား ဒီမိုကရေစီ အဖွဲ့ချုပ်ပါတီ ဥက္ကဋ္ဌ ဒေါ်အောင်ဆန်းစုကြည်က People to People လူထုချင်း ဆက်ဆံရေးကို တိုးမြှင့် လုပ်ကိုင် သွားနိုင်ဖို့ မျှော်လင့် ထားတယ်လို့ ပြောကြားလိုက်ပါတယ်။
ဒေါ်အောင်ဆန်းစုကြည်က သူမရဲ့ ခရီးစဉ်ပထမရက်မှာ ခေတ္တ တွေ့ဆုံမေးမြန်းခွင့် ရခဲ့တဲ့ အိန္ဒိယ Times Now သတင်း ဌာနကို “လူထု အချင်းချင်း ဆက်ဆံရေးက အစိုးရချင်း ဆက်ဆံရေးထက် ပိုပြီး အရေးကြီးတယ်လို့ ယုံကြည်တယ်။ ဒါကြောင့် ကျမ အနေနဲ့ အိန္ဒိနဲ့ မြန်မာပြည်သူ အချင်းချင်း ပိုပြီး နီးကပ်နွေးထွေးတဲ့ ဆက်ဆံရေးဖြစ်လာဖို့ လုပ်နိုင် လိမ့်မယ်လို့ မျှော်လင့်ကြောင်း ဒေါ်အောင်ဆန်း စုကြည်က ပြောခဲ့တာပါ။
အခုလို ဒေါ်အောင်ဆန်းစုကြည် ပြောဆိုလိုက်တာဟာ မြန်မာ့အရေးထောက်ခံသူ အိန္ဒိယလူမှု အဖွဲ့အစည်းတွေရဲ့ ဆန္ဒနဲ့ ထပ်တူ ထပ်မျှ ဖြစ်တယ်လို့ မြန်မာနိုင်ငံလုံး ဆိုင်ရာ ကျောင်းသားများ အဖွဲ့ချုပ် ဥက္ကဋ္ဌ ရဲဘော်ကျော်သန်းက ပြောပါတယ်။
"၉၃၊ ၉၄ မှာ သူတို့ စာချွန်တော်တွေ လက်မှတ်ထိုး၊ ပူးပေါင်းဆောင်ရွက်ရေးတွေ လုပ်မယ်ဆိုပြီး ဖြစ်သွားတယ်။ ဒါ working relationship ပေါ့။ အဲဒီအချိန်တုန်းက အိန္ဒိယက NGO တွေပေါ့လေ။ ဒီ Civil Society တွေက စုပေါင်းပြီးတော့ ဆွေးနွေး ကြတဲ့ အခါကျတော့ အိန္ဒိယ အစိုးရရဲ့ ဒီလိုဟာမျိုးပေါ်မှာ ကျနော်တို့စိတ်မကောင်းဘူး၊ သဘော မတူဘူးပေါ့။ ဒါပေမဲ့ ဒါဆက်ဆံရေးနဲ့ ပတ်သက်လို့ လုပ်ပါ။ သို့သော်လည်းပဲ တကယ်တမ်း ဦးစားပေးသင့်တာကတော့ People to People ပေါ့။ လူထုချင်း ဆက်ဆံရေးကို ပိုပြီးတော့ အလေးပေးဆောင်ရွက် သင့်တယ်။ အဲဒီတော့ အခု ဒေါ်အောင်ဆန်းစုကြည် ပြောတာက လွန်ခဲ့တဲ့ ၉၅ တုန်းက ကျနော်တို့ အိန္ဒိယက ပြည်သူတွေပေါ့။ ကျနော်တို့ကို အားပေးထောက်ခံ ခဲ့တဲ့လူတွေ ပြောတဲ့ စကားကို သူလိုက်ပြောတဲ့ သဘောပါပဲ။ ဒါက လက်တွေ့လည်း ကျတယ်လို့ ကျနော် မြင်တယ်"
ဒေါ်အောင်ဆန်းစုကြည်ရဲ့ အိန္ဒိယခရီးစဉ်ဟာ အိန္ဒိယအခြေစိုက် မြန်မာ့ဒီမိုကရေစီရေး လုပ်ဆောင်နေသူတွေ အတွက် သိသာတဲ့ပြောင်းလဲမှု မရှိနိုင်ပေမယ့် ဒုက္ခသည်တွေနဲ့ ရွှေ့ပြောင်း အလုပ်သမားတွေ အတွက်တော့ အားအင် တခုဖြစ်တယ်လို့ အိန္ဒိယ အခြေစိုက် ၁၉၉၀ ရွေးကောက်ပွဲအနိုင်ရ NLD လွှတ်တော် ကိုယ်စားလှယ် ဒေါက်တာ တင့်ဆွေက ပြောပါတယ်။
"ကျနော့်အမြင် ပွင့်ပွင့်လင်းလင်းပြောရရင် အများကြီးတော့ ကျနော်တို့ မျှော်လင့်လို့ မရဘူး။ ဒေါ်အောင်ဆန်းစုကြည် လာခြင်း အားဖြင့် သေချာတာကတော့ ဒီမှာ ဒုက္ခရောက်နေတဲ့ သူတွေအပေါ်မှာ အင်မတန်မှ ကြီးမားတဲ့ စိတ်ဓာတ် ခွန်အားကို တက်စေတယ်။ နောက်တခုက ဒေါ်အောင်ဆန်းစုကြည် လာလိုက်တဲ့ အတွက် အရင်တုန်းက နိုင်ငံရေးဆိုတာ ထဲထဲဝင်ဝင် မရှိတဲ့ သူတွေကလည်း နိုင်ငံရေး အသိစိတ်ကို ရလာစေတယ် ဆိုတဲ့ အကျိုးအမြတ် ကတော့ သေချာပေါက်ရမှာ ဖြစ်ပါတယ်"
ဒေါ်အောင်ဆန်းစုကြည်ဟာ ဒီကနေ့မနက်မှာ အိန္ဒိယလွတ်လပ်ရေးခေါင်းဆောင် မဟတ္တမဂန္ဒီနဲ့ ဂျဝါဟာလနေရူး အုတ်ဂူတွေမှာ သွားရောက် ဂါရ၀ပြုခဲ့ပြီး နိုင်ငံခြားရေး အတွင်းဝန်နဲ့လည်း တွေ့ဆုံခဲ့ပါတယ်။
နေ့လယ်ပိုင်းမှာ အိန္ဒိယ၀န်ကြီးချုပ် မန်မိုဟန်ဆင်းနဲ့ တွေ့ဆုံခဲ့ပြီး ညပိုင်းမှာတော့ ခရီးစဉ်ရဲ့အဓိကဖြစ်တဲ့ နယူးဒေလီမြို့ Plenary Hall မှာပြုလုပ်မယ့် ဂျဝါဟာလနေရူး အထိမ်းအမှတ် ဟောပြောပွဲမှာ တက်ရောက် မိန့်ခွန်းပြောကြားမှာဖြစ်ပါတယ်။
Ref: RFA News
သမ္မတ အိုဘားမား မြန်မာအသိုင်းအဝိုင်းကို တရားဝင် မိန့်ခွန်းပြောမည်
သာလွန်ဇောင်းထက်
November 14, 2012
မြန်မာနိုင်ငံသို့ လာရောက်မည့် အမေရိကန်သမ္မတ ဘားရက် အိုဘားမားသည် ရန်ကုန်မြို့တွင် ပထမဆုံး အကြိမ် အဖြစ် မြန်မာ အသိုင်းအ၀န်းသို့ တရားဝင် မိန့်ခွန်းပြောကြားမည် ဖြစ်ကြောင်း သိရှိရသည်။
မြန်မာနိုင်ငံဆိုင်ရာ အမေရိကန်သံရုံးက သတင်းမီဒီယာများသို့ သမ္မတ အိုဘားမား ခရီးစဉ်အတွက် သတင်း ရယူလိုသော မီဒီယာများ စာရင်းပေးသွင်းရန် အကြောင်းကြားသော စာတွင် သမ္မတ အိုဘားမားသည် ရန်ကုန်မြို့တွင် ရှိနေစဉ် မြန်မာ အသိုင်း အ၀န်းသို့ တရားဝင် မိန့်ခွန်းပြောကြားမည်ဟု ဖော်ပြထားသည်။
ယင်းမိန့်ခွန်းပြောကြားမည့် အစီအစဉ်သို့ နိုင်ငံရေးလှုပ်ရှားသူများ၊ လူမှုရေး လုပ်ကိုင်နေသူများ အပါအ၀င် ရွေးချယ် ဖိတ်ကြား ထားသော မြန်မာအသိုင်းအ၀န်း တက်ရောက်ကြမည် ဖြစ်သော်လည်း မိန့်ခွန်းပြောကြားမည့် နေရာ၊ အချိန်နှင့် အစီအစဉ် အသေးစိတ်ကို ထုတ်ဖော်ပြောဆိုခြင်း မရှိသေးပေ။
နိုဝင်ဘာလ ၁၉ ရက်နေ့တွင် မြန်မာနိုင်ငံသို့ ရောက်ရှိလာမည့် သမ္မတ အိုဘားမားသည် ဒေါ်အောင်ဆန်း စုကြည်နှင့် တက္ကသိုလ် ရိပ်သာလမ်း နေအိမ်၌ နံနက် ၁၁ နာရီတွင် တွေ့ဆုံမည်ဖြစ်ကြောင်း၊ ဒေါ်အောင်ဆန်းစုကြည် ၏ အိမ်ခြံဝန်း အတွင်းသို့ လုံခြုံရေး အရ မြန်မာနိုင်ငံ အခြေစိုက် ပြည်တွင်းပြည်ပ သတင်း မီဒီယာ တချို့ကိုသာ သတင်း ရယူခွင့် ပြုနိုင်မည် ဟုသိရသည်။
လတ်တလော သိရှိထားသော သတင်းအချက်အလက် များအရ မြန်မာနိုင်ငံ နိုင်ငံခြား သတင်းထောက် အသင်းမှ သတင်းဌာန ၃ ခု၊ ပြည်တွင်း အခြေစိုက် သတင်းဂျာနယ် ၃ ခုတို့ ပါဝင်ကြောင်း သိရသည်။
ဒေါ်အောင်ဆန်းစုကြည် နေအိမ်တည်ရှိရာ အင်းလျားကန်စောင်း၊ ကမ္ဘာအေး ဘုရားလမ်း၊ ဆီဒိုနားဟိုတယ် တို့တွင် အမေရိကန် ပြည်ထောင်စုမှ လုံခြုံရေး တာဝန်ရှိသူများ၊ မြန်မာအစိုးရ အာဏာပိုင်များ ပူးပေါင်း၍ အထူး လုံခြုံရေး ကင်းများ ချထားကြောင်း အမျိုးသား ဒီမိုကရေစီ အဖွဲ့ချုပ် (NLD) ၏ တာဝန်ရှိသူ များက ဆိုသည်။
“လွန်ခဲ့တဲ့ လေး၊ ငါးရက် လောက်ကတည်းက အင်းလျားကန်၊ ဆီဒိုနားနဲ့ ကန်ပေါင်၊ ကမ္ဘာအေးဘုရားလမ်း တလျှောက်မှာ အမေရိကန် လုံခြုံရေးနဲ့ မြန်မာ အစိုးရ လုံခြုံရေးတွေ ပူးတွဲပြီး ကင်းချ ဆောင်ရွက်နေကြတယ်” ဟု NLD လူငယ် တဦးက ပြောသည်။
ခရီးစဉ်အတွင်း သမ္မတ အိုဘားမားက ရန်ကုန်မြို့တွင် ပြုပြင်ပြောင်းလဲရေးသမား သမ္မတ ဦးသိန်းစိန်နှင့်လည်း တွေ့ဆုံရန် ရှိကြောင်း အိမ်ဖြူတော်က ကြေညာထားသည်။
မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးနှင့် လူ့အခွင့်အရေး လုပ်ငန်းစဉ်များ တိုးတက်မှု ရှိစေရေး အတွက် အမေရိကန် ပြည်ထောင်စုက အားပေးထောက်ခံ သွားရန် ယခု ခရီးစဉ်ကို စီမံခြင်းဖြစ်ကြောင်း အိမ်ဖြူတော်ကြေညာချက်က ဆိုသည်။
အမေရိကန်သမ္မတ အိုဘားမားနှင့် သမ္မတ ဦးသိန်းစိန်တို့ တွေ့ဆုံမည့် အစီအစဉ်ကိုမူ ထုတ်ဖော်ပြောဆိုနိုင်ခြင်း မရှိကြောင်း
နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက ဧရာဝတီသို့ ရှင်းပြသည်။
သမ္မတအိုဘားမား တည်းခိုမည်ဟု သတင်းထွက်ပေါ်နေသော ချက်ထရီယံ ဟိုတယ်တွင် လုံခြုံရေး အထူး တင်းကျပ် ထားပြီး တည်းခို သူများကို လုံးဝ လက်မခံတော့ကြောင်း၊ ယခင် ရက်ရှည် တည်းခိုနေသူများ၊ ရုံးခန်း ဖွင့်ထားသူများ ကိုလည်း အိုဘားမား မလာမီ ရက်အတန်ကြာ ကြိုတင်၍ ထွက်ခွာစေခဲ့ကြောင်း သတင်းရရှိသည်။
အမေရိကန်ပြည်ထောင်စုနှင့် မြန်မာနိုင်ငံတို့သည့် ၂၂ နှစ်ကြာ သံတမန် ဆက်ဆံရေး အဆင့်နှိမ့်ချ ထားရာမှ ယခုနှစ်တွင် ပြန်လည်ကာ သံအမတ်ကြီး အဆင့်တိုးမြှင့်၍ ၂ နိုင်ငံ သံတမန် ဆက်ဆံရေး အပြန်အလှန် ပုံမှန် ပြန်ရောက်လာပြီး အမေရိကန်က စီးပွားရေး ဒဏ်ခတ်ပိတ်ဆို့ အရေးယူမှု များကိုလည်း ဖြေလျှော့ ရုပ်သိမ်းပေးခဲ့ကာ မြန်မာနိုင်ငံတွင် ရင်းနှီးမြှုပ်နှံလိုသည့် အမေရိကန် စီးပွားရေး လုပ်ငန်းရှင် များကိုလည်း ခွင့်ပြုပေးခဲ့သည်။
အမေရိကန် သမ္မတ အိုဘားမား၏ မြန်မာနိုင်ငံ ခရီးစဉ်အတွင်း ဆွေးနွေးဖက်များနှင့် ဆွေးနွေးမည့် အကြောင်း အရာများမှာ ကျန်ရှိ နိုင်ငံရေး အကျဉ်းသားများ လွှတ်ပေးရေး၊ နိုင်ငံရေး ပြုပြင်ပြောင်းလဲမှု အရှိန်မြှင့် လုပ်ဆောင်ရေး၊ တရား ဥပဒေ စိုးမိုးရေးနှင့် ပတ်သက်၍ လွှတ်တော်များက အခြေခံ ဥပဒေဆိုင်ရာ ဒီမိုကရေစီ နည်းလမ်းမကျမှုများကို ဖယ်ရှား၊ ပယ်ဖျက်၊ ပြုပြင် ပြင်ဆင်ရေး၊ ငြိမ်းချမ်းရေးနှင့် အမျိုးသား ပြန်လည်သင့်မြတ်ရေး စသည့်ကိစ္စများ ဖြစ်ကြောင်း အိမ်ဖြူတော် ကြေညာချက်က ဆိုထားသည်။
မြန်မာနိုင်ငံ၏ ပြုပြင်ပြောင်းလဲရေး အောင်မြင်မှု သို့မဟုတ် ကျရှုံးမှုသည် မြန်မာနိုင်ငံသား တဦးချင်းစီ၏ အားထုတ်မှု အပေါ် မူတည်ကြောင်း အဆိုပါ ကြေညာချက်တွင် ဖော်ပြထားသည်။
သမ္မတ အိုဘားမား၏ မြန်မာနိုင်ငံ ခရီးစဉ်နှင့်ပတ်သက်၍ ပြည်တွင်း ပြည်ပ မြန်မာ့အရေး လှုပ်ရှားသူများ ကလည်း မြန်မာနိုင်ငံတွင် ဒီမိုကရေစီနှင့် လူ့အခွင့်အရေး ကိစ္စရပ်များ၌ သိသာမြင်သာရှိသည့် တိုးတက်ဖြစ်ထွန်းမှုများ ရသင့်ကြောင်း ပြောဆိုနေကြသည်။
Ref: ဧရာဝတီ
အိန္ဒိယ လွတ်လပ်ရေး ကြိုးပမ်းမှု ဒေါ်စုချီးကျူး
စုမြတ်မွန်
14.11.2012
အိန္ဒိယနိုင်ငံမှာရောက်နေတဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ အိန္ဒိယ ဝန်ကြီးချုပ် Manmohan Singh တို့ဒီကနေ့ တွေ့ဆုံ ခဲ့ကြပါတယ်။ နှစ်နိုင်ငံ လွှတ်တော်နဲ့ တရားစီရေး ပိုင်းမှာ ပိုမိုပူးပေါင်းဆောင်ရွက်မှုတွေ လုပ်ကြဖို့ ဆွေးနွေး ခဲ့ကြတယ်လို့ အမည်မဖော်လိုတဲ့ အိန္ဒိယ နိုင်ငံခြားရေး တာဝန်ရှိသူတွေက VOA မြန်မာပိုင်းကိုပြောပါတယ်။ မကြာခင် အချိန်ကတော့ အိန္ဒိယ ခရီးစဉ်ရဲ့အဓိကဖြစ်တဲ့ နေရူးအောက်မေ့ဖွယ် အခမ်းအနားမှာ မိန့်ခွန် ပြောကြား သွားခဲ့ပါ တယ်။ ဒေါ်အောင်ဆန်းစုကြည်ဟာ ဒီကနေ့ အစောပိုင်းကလည်း မဟတ္တမဂန္ဒီရဲ့ ဂူဗိမာန် နဲ့ နေရူး အောက်မေ့ဖွယ် နေရာတွေကို သွားရောက်ပြီးတော့ ဂါရဝပြုခဲ့ပါတယ်။ ဒီနေ့ ဒေါ်အောင်ဆန်းစုကြည်ရဲ့ ခရီးစဉ်အကြောင်း အပြည့်အစုံကို ဘန်ကောက်ရုံးက မစုမြတ်မွန်က တင်ပြပေးထား ပါတယ်။
အိန္ဒိယနိုင်ငံမှာ ဒုတိယနေ့အဖြစ်ရောက်နေတဲ့ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်ဟာ ဒီကနေ့၊ ဗုဒ္ဓဟူးနေ့ နေ့လည်ပိုင်းမှာ အိန္ဒိဝန်ကြီးချုပ် Dr. Manmohan Singh နဲ့ တွေ့ဆုံ ခဲ့ပါတယ်။ နာရီဝက်လောက် တွေ့ဆုံမှု အတွင်း မြန်မာနိုင်ငံက အမျိုးသားပြန်လည် သင့်မြတ်ရေးနဲ့ ဒီမိုကရေစီဖော်ဆောင်ရေး ကိစ္စတွေ အပါအဝင် ကိစ္စမျိုးစုံကို ဆွေးနွေး ခဲ့ကြတယ်လို့ အမည်မဖော် လိုတဲ့ အိန္ဒိယနိုင်ငံခြားရေး တာဝန်ရှိသူက VOA မြန်မာပိုင်းကိုပြောပါတယ်။ နှစ်နိုင်ငံကြား လွှတ်တော်တွေနဲ့ တရားစီရေး ပိုင်းတွေမှာ ပိုမို ပူးပေါင်း ဆောင်ရွက်မှုတွေ လုပ်ကြဖို့ ဝန်ကြီးချုပ် Dr. Singh နဲ့ ပြည်သူ့ လွှတ်တော် တရားဥပဒေ စိုးမိုးရေးကော်မတီ ဥက္ကဋ္ဌ ဒေါ်အောင်ဆန်းစုကြည် တို့ ဆွေးနွေး ခဲ့ကြပါတယ်။ နှစ်နိုင်ငံ ပြည်သူ အချင်းချင်း ဆက်ဆံရေးကောင်းမွန် ဖို့ဟာ အရေးကြီး တယ်ဆိုတဲ့ အပေါ်မှာ လည်း သဘောတူ လက်ခံခဲ့ကြပါတယ်။
မြန်မာသမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ ဆောင်ရွက်နေတဲ့ တိုးတက်မှုတွေကို အိန္ဒိယ ဝန်ကြီးချုပ်က ကြိုဆို ခဲ့တယ်လို့လည်း ဆိုပါတယ်။ နယူးဒေလီကို ဒေါ်အောင်ဆန်းစုကြည်လာတဲ့ အတွက် ဝမ်းသာရသလို ဂျဝါဟာလာ နေရူးအောက်မေ့ဘွယ် မိန့်ခွန်းဟောပြောဖို့ သဘောတူခဲ့တဲ့ အပေါ်မှာလည်း အိန္ဒိယ ဝန်ကြီးချုပ်က ဒေါ်အောင်ဆန်းစုကြည်ကို ကျေးဇူး တင်စကား ပြောခဲ့ ပါတယ်။
ဒေါ်အောင်ဆန်းစုကြည်ရဲ့ ဒီမိုကရေစီရေး ကြိုးပမ်းမှုတွေ အပေါ်မှာ အပြည့်အဝထောက်ခံကြောင်း၊ ဆုမွန်ကောင်းလည်း တောင်းပေးပါကြောင်း၊ ဒေါ်အောင်ဆန်းစုကြည်ရဲ့ အရှုံးမပေးတဲ့ သတ္တိကိုလည်း အားကျလေးစားတဲ့ အကြောင်းတွေကို ဝန်ကြီးချုပ် Manmohan Singh က ဒေါ်အောင်ဆန်းစုကြည် ကို ပြောကြား ခဲ့တယ်လို့ အမည်မဖော်လိုတဲ့ အိန္ဒိယနိုင်ငံခြားရေးရုံး တာဝန်ရှိသူက VOA မြန်မာပိုင်း ကို ပြောပါတယ်။ ဒီကနေ့တွေ့ဆုံမှုဟာ သူတို့ နှစ်ယောက်ကြား ဒုတိယ အကြိမ် တွေ့ဆုံမှုဖြစ်ပါတယ်။
ဝန်ကြီးချုပ် Manmohan Singh မေလ မြန်မာနိုင်ငံကိုလာခဲ့စဉ်မှာ ပထမတခါ တွေ့ဆုံခဲ့တာဖြစ်ပြီး အမျိုးသား ကွန်ဂရက်ပါတီ ဥက္ကဋ္ဌ Sonia Gandhi ကိုယ်စား ဒေါ်အောင်ဆန်းစုကြည်ကို အိန္ဒိယနိုင်ငံ ကို လာရောက်ဖို့ အဲဒီတုန်းက ဖိတ်ကြား ခဲ့တာဖြစ်ပါတယ်။
ဒေါ်အောင်ဆန်းစုကြည်ဟာ ဝန်ကြီးချုပ်နဲ့ မတွေ့ခင်မှာ အိန္ဒိယနိုင်ငံခြားရေးဌာန အတွင်းဝန် မစ္စတာ Ranjan Mathai နဲ့လည်း တွေ့ဆုံဆွေးနွေး ခဲ့ပါတယ်။
ဒေါ်အောင်ဆန်းစုကြည် အိန္ဒိနိုင်ငံကို လာရတဲ့ အဓိကအကြောင်းက ဒီကနေ့ နိုဝင်ဘာလ ၁၄ ရက်မှာ ကျရောက်တဲ့ ဂျဝါဟာလာနေရူးရဲ့ (၁၂၃) နှစ်ပြည့် မွေးနေ့ အထိမ်းအမှတ် အခမ်းအနားမှာ နေရုး အောက်မေ့ဖွယ် မိန့်ခွန်း ပြောကြားဖို့ ဖြစ်ပါတယ်။
ဒီကနေ့ မကြာခင် နာရီပိုင်း ကပဲ Vigyan Bhavan အဆောက်အဦးမှာ ဒေါ်အောင်ဆန်း စုကြည် မိန့်ခွန်းပြောကြား ခဲ့တာမှာ - အိန္ဒိယနိုင်ငံက လွတ်လပ်ရေးကြိုးပမ်းခဲ့ကြတဲ့ ခေါင်းဆောင်ကြီးတွေရဲ့ အတွေး အခေါ် ဆောင်ရွက်ချက်တွေဟာ သူ့အတွက် အကြံဉာဏ်တွေ၊ အားကျစရာတွေ ဖြစ်စေခဲ့ တယ်လို့ အခုလို ပြောကြား သွားခဲ့ပါတယ်။
"အင်အားအကြီးဆုံး ပြိုင်ဘက်အပေါ်မှာ အထိရောက်ဆုံး နိုင်ငံရေး အင်အား ဖြစ်စေခဲ့တဲ့ ဂန္ဒီရဲ့ အကြမ်း မဖက်တဲ့ မူဝါဒကို ကျမတို့ မြန်မာ့ ဒီမိုကရေစီရေး လှုပ်ရှားမှုမှာ အခိုင်အမာ လက်ကိုင် ထားခဲ့ကြပါတယ်။ ကျမရဲ့ နိုင်ငံရေး အတွေးအခေါ်တွေက ဂန္ဒီရဲ့ လွှမ်းမိုးမှုတွေ ရှိနေတယ် ဆိုတာကို လူတော်တော်များများက သိကြပါတယ်။ ဒါပေမဲ့ ကျမရဲ့နိုင်ငံရေး ဘဝ ဖြတ်သန်းမှုမှာ ဂျဝါဟာလာ နေရူးရဲ့လွှမ်းမိုးမှု ကိုတော့ လူတွေက သိပ်ပြီးတော့ မသိကြပါဘူး" - လို့ ဒေါ်အောင်ဆန်း စုကြည်က နေရုး အောက်မေ့ဖွယ် မိန့်ခွန်းမှာ ပြောကြား သွားခဲ့ပါတယ်။
သူ ငယ်ငယ်ကလေးကတည်းက ပန်ဒေ့ရ်ှကြီးလို့ သိခဲ့ရတဲ့ ဂျဝါဟာလာနေရူးဟာ ဖခင် ဗိုလ်ချုပ်အောင်ဆန်း လုပ်ကြံ ခံခဲ့ရပြီးတဲ့နောက်မှာ သူ့မိခင် ဒေါ်ခင်ကြည်ကို စောင့်ရှောက်ခဲ့တဲ့ အကြောင်း၊ သူ့ဖခင်နဲ့လည်း အင်မတန်မှ ရင်းနှီးခဲ့တဲ့ အကြောင်း၊ နေရူးရေးသားခဲ့တဲ့ အိန္ဒိယကို ရှာဖွေ တွေ့ရှိခြင်း-ဆိုတဲ့ စာအုပ်ဟာ သူ နေအိမ် အကျယ်ချုပ် ကျနေစဉ် အချိန်တွေကို ဖြတ်သန်း ရာမှာ အထောက်အကူ ပြုခဲ့တဲ့ အကြောင်းတွေကို ဒေါ်အောင်ဆန်းစုကြည်က နေရူး အောက်မေ့ဖွယ် မိန့်ခွန်းထဲမှာ ပြောကြား သွားခဲ့ပါတယ်။ ၁၉၉၅ ခုနှစ်တုန်းက ဂျဝါဟာလာ နေရူးဆု သူ့ကို ပေးအပ်ခဲ့ တာကိုလည်း ကျေးဇူး တင်ကြောင်း ပြောသွားခဲ့ပါတယ်။
ဒီနေ့ မနက်အစောပိုင်းတုန်းကတော့ ဒေါ်အောင်ဆန်းစုကြည်ဟာ အိန္ဒိယနိုင်ငံရဲ့ ဖခင်ကြီးလို့ တင်စား ကြတဲ့ မဟတ္တမ ဂန္ဒီရဲ့ ဂူဗိမာန်နဲ့ အိန္ဒိယနိုင်ငံ လွတ်လပ်ရေးရဖို့ ရှေ့တန်းက ဦးဆောင်ခဲ့သူ တယောက်လည်းဖြစ်၊ ပထမဆုံး အိန္ဒိယဝန်ကြီးချုပ်လည်း ဖြစ်တဲ့ ဂျဝါဟာလာနေရူး ရဲ့ အောက်မေ့ ဖွယ် နေရာတွေကို သွားရောက် ပန်းခွေချ၊ ပန်းကြဲ ဂါရဝပြုခဲ့ပါတယ်။
အိန္ဒိယနိုင်ငံမှာ နိုဝင်ဘာလ (၁၈) ရက် အထိ နေထိုင်မယ့် ဒေါ်အောင်ဆန်း စုကြည် ဟာ သူ့ အနေနဲ့ အိန္ဒိယကို လာရောက်ခဲ့ တာဟာ နှစ်နိုင်ငံကြားမှာ ဆက်ဆံရေးပိုမို ခိုင်မာစေချင်တဲ့ အတွက် လာခဲ့ တာ ဖြစ်တယ်လို့ နယူးဒေလီ မြို့တော်မှာ ဒီကနေ့ အစောပိုင်း တုန်းက သတင်းထောက်တွေကို ပြောခဲ့ပါတယ်။
“ကျွန်မရဲ့မျှော်လင့်ချက်က ဘာလဲလို့ လူတွေက မေးနေကြတော့ တကိုယ်ကောင်း ဆန်သလို ဖြစ်နေ ပါတယ်။ မျှော် လင့်ချက်ကြောင့်ပဲ လာခဲ့တာ မဟုတ်ပါဘူး၊ မိတ်ဆွေစိတ် နဲ့ နှစ်နိုင်ငံကြား ဆက်ဆံရေး ကို ပိုမို ခိုင်မြဲစေချင်တဲ့ စိတ်နဲ့ လာခဲ့တာဖြစ်ပါတယ်” -လို့ ဒေါ်အောင်ဆန်းစုကြည် က ဖြေသွား ခဲ့ပါတယ်။
ဒေါ်အောင်ဆန်းစုကြည်ဟာ မနက်ဖြန် ကြာသာပတေးနေ့ ကျရင်တော့ အိန္ဒိယနိုင်ငံရဲ့ ဒုတိယ သမ္မတ၊ နိုင်ငံခြားရေး ဝန်ကြီး အပြင် အိန္ဒိယအောက်လွှတ်တော်၊ Lok Sabha ဥက္ကဋ္ဌ တို့နဲ့လည်း တွေ့ဆုံဖို့ ရှိပါတယ်။ စွမ်းအင်နဲ့ အရင်းအမြစ် သိပ္ပံကျောင်းကိုလည်း သွားရောက် လေ့လာဖို့ ရှိပါတယ်ရှင်။
Ref: VOA News
သမ္မတ အိုဘားမား မြန်မာခရီးစဉ် မြောက်ကိုရီးယား အန္တရာယ် ပူပန်
ဗုဒ္ဓဟူးနေ့၊ နိုဝင်ဘာလ ၁၄ ရက် ၂၀၁၂
မဇ္ဈိမသတင်းဌာန ။ ။ အမေရိကန် သမ္မတ အိုဘားမား၏ မြန်မာနိုင်ငံ ခရီးစဉ်နှင့် ပတ်သက်၍ လုံခြုံရေး စိုးရိမ်မှု မှာ မြောက်ကိုရီးယား ဖြစ်ကြောင်း သံတမန် သတင်း ရပ်ကွက်တခုက ပြောသည်။
သမ္မတ အိုဘားမား၏ အတွက် လုံခြုံရေးကို အမေရိကန် Secret Service များက ၎င်းတို့ဘာသာ လုပ်ဆောင်ခွင့် မြန်မာ ဘက်က ပေးထားပြီး လက်နက်များပါ မိမိ အစီအစဉ်ဖြင့် သယ်ယူ တင်သွင်းခွင့် ပြုထားကြောင်းလည်း နေပြည်တော် သတင်းရပ်ကွက် တခုက ဆိုသည်။
“ယခုအချိန်အထိ သမ္မတအိုဘားမား ဘယ်မှာတည်းမယ်။ နေရာ အတိအကျတွေကို အမေရိကန် ဘက်က မပေးဘူး” ဟု အဆိုပါ သတင်း ရပ်ကွက်က ပြောသည်။
မြောက်ကိုရီးယား ပညာရှင်အချို့ မြန်မာနိုင်ငံထဲတွင် ရှိနေဆဲဖြစ်သည်ဟု အကဲခတ်များက ထင်မြင်ချက် ပေးထား ကြသည်။
မြန်မာနိုင်ငံသို့ အမေရိကန် သမ္မတအနေဖြင့် ပထမဆုံး ရောက်လာမည့် ခရီးစဉ်အတွင်း ရန်ကုန်မြို့သို့ သွားရောက် မှာဖြစ်သည် ဟု အိမ်ဖြူတော်က ထုတ်ပြန် ထားသော်လည်း နေပြည်တော်သို့ သွားရောက်မည် မသွားရောက်မည်ကိုမူ လျို့ဝှက် ထားဆဲ ဖြစ်သည်။
သီးခြား အတည်မပြုနိုင်သော်လည်း သတင်းရပ်ကွက်များအရ သမ္မတ အိုဘားမားမှာ မြန်မာသမ္မတ ဦးသိန်းစိန်၊ အတိုက် အခံခေါင်းဆောင် ဒေါ်အောင်ဆန်းစုကြည်နှင့် အရပ်ဘက် လူ့အဖွဲ့အစည်း များနှင့်ပါ တွေ့ဆုံမည်ဟု ဆိုသည်။
ရန်ကုန်မြို့ မင်္ဂလာဒုံလေဆိပ်သို့ နိုဝင်ဘာလ ၁၉ ရက်နေ့ နံနက်တွင် ရောက်ရှိလာမှာ ဖြစ်ပြီး ထိုနေ့ မွန်းလွဲပိုင်း တွင်ပင် လေဆိပ်မှ ပြန်လည် ထွက်ခွာမည်ဟု ရန်ကုန်ရှိ အမေရိကန် သံရုံး ထုတ်ပြန်ချက်တွင် တွေ့ရသည်။
အိုဘားမားခရီးစဉ်တွင် လုံခြုံရေး စိုးရိမ်ရလျှင် ဖျက်သိမ်းရန်အထိပါ စဉ်းစားထားသော်လည်း မြန်မာဘက် ကတော့ နေပြည်တော်ကို အရောက် လာစေချင်သည်ဟု သံတမန် သတင်းရပ်ကွက်က ပြောသည်။
၁၉၈၃ ခုနှစ်က မြန်မာနိုင်ငံသို့ အလည်အပတ်ရောက်ရှိလာသော တောင်ကိုရီးယား သမ္မတ ချန်ဒူးဝှမ်ကို လုပ်ကြံ သတ်ဖြတ်ရန် မြောက်ကိုရီးယားက လျို့ဝှက်စေလွှတ်ကာ လုပ်ဆောင်ခဲ့ရာတွင် တဦးကို လက်ရ ဖမ်းမိခဲ့သည်။ သူက မြောက်ကိုရီးယား စစ်ဘက် အရာရှိဖြစ်ကြောင်း ဝန်ခံ ထွက်ဆိုခဲ့သည်။ ရန်ကုန်မြို့ အာဇာနည် ကုန်းတွင် ဗုံးခွဲလုပ်ကြံမှုကြောင့် တောင်ကိုရီးယား အစိုးရ အဖွဲ့ဝင်များ အပါအဝင် ၂၁ ဦး သေဆုံးပြီး ၄၆ ဦး ဒဏ်ရာ ရရှိခဲ့သည်။
Ref: မဇ္ဈိမ
မြန်မာစစ်တပ် ယာဉ်တန်းကို ကေအိုအေ မိုင်းခွဲ တိုက်ခိုက်
2012-11-14
ကချင်ပြည်နယ်၊ မိုးကောင်း-ဖားကန့်လမ်းပေါ်မှာ ရှစ်မိုင်ရွာဘက်ကနေ စစ်ကြောင်းချီတက်လာတဲ့ အစိုးရ စစ်ယာဉ်တန်းတွေ ထဲက ကား ၅ စီးကို ဒီကနေ့မနက်ပိုင်း ၁၁ နာရီလောက်က မိုးကောင်း-ကာမိုင်းကြား နန့်ဟိုင်နဲ့ လကတ်ယန် ကျေးရွာတွေ အနီးမှာ ကေအိုင်အေ ဘက်က မိုင်းခွဲ တိုက်ခိုက် ခဲ့တယ်လို့ သိရပါတယ်။
အစိုးရစစ်တပ်ကား ၅ စီးကို ကေအိုင်အေက မိုင်းခွဲတိုက်ခိုက်ခံလိုက်ရတဲ့အတွက် ကား ၅ စီးပေါ်မှာ ပါလာတဲ့ အစိုးရ တပ်ဖက်က ထောက်ပံ့ရေး ရိက္ခာနဲ့ စစ်လက် နက်ပစ္စည်းတွေ ပျက်စီး ဆုံးရှုံခဲ့ပြီး အစိုးရ စစ်သားတွေလည်း သေဆုံးမှု ရှိတယ်လို့ ဒေသခံတွေက ပြောပါတယ်။
ဒါ့အပြင် ကာမိုင်းနဲ့ ဖားကန့်ကြား မှာရှိတဲ့ နန့်ယားကျေးရွာနားတဝိုက်မှာလည်း အစိုးရ တပ်တွေကို ကေအိုင်အေ တပ်တွေက မိုင်းခွဲ တိုက်ခိုက်မှုတွေ ရှိနေတယ်လို့လည်း အဲ့ဒီနား ပတ်ဝန်းကျင်က ရွာသားတွေက ဆိုပါတယ်။
ဒီအတောအတွင်းမှာ အစိုးရတပ်တွေနဲ့ ကေအိုင်အေတပ်တွေအကြား တိုက်ပွဲတွေ ဖော်ဆောင်မှု မရှိဘဲ အနည်းငယ် တည်ငြိမ်နေတဲ့ ဖားကန့်ကျောက်စိမ်းတွင်းဒေသမှာ ဒီရက်ပိုင်း အတွင်း အခုလိုတိုက်ပွဲသံ ပြန်ကြားနေ ရတာလို့ ဒေသခံတွေက ပြောပါတယ်။
Ref: RFA News
မြန်မာနိုင်ငံရဲ့ လူ့အခွင့်အရေး ကိစ္စကို တိတိကျကျ ကိုင်တွယ်ဖို့ အိုဘားမားကို တောင်းဆို
2012-11-14
နိုင်ငံတကာ လူ့အခွင့်အရေး အဖွဲ့ ကိုယ်စားလှယ်တွေဟာ မနေ့က အမေရိကန်သမ္မတ ဘားရက်အိုဘားမားရဲ့ ထိပ်တန်း အကြံပေး အရာရှိတွေနဲ့ အိမ်ဖြူတော်မှာ တွေ့ဆုံဆွေးနွေး ခဲ့ကြပြီး သမ္မတရဲ့ မြန်မာနိုင်ငံ ခရီးစဉ်အတွင်း လူ့အခွင့်အရေး ကိစ္စကို တိတိကျကျ ထည့်သွင်းဆွေးနွေးဖို့ တောင်းဆို ခဲ့ကြတယ်လို့ သိရပါတယ်။
အဲဒီ အစည်းအဝေးမှာ သမ္မတအိုဘားမားရဲ့ လူ့အခွင့်အရေးဆိုင်ရာ ထိပ်တန်းအကြံပေးအရာရှိ Samantha Power က သမ္မတ အိုဘားမားဟာ မြန်မာ အစိုးရ သမ္မတ ဦးသိန်းစိန်နဲ့ တွေ့ဆုံဆွေးနွေးတဲ့ အခါမှာ ရခိုင်ပြည်နယ်က ပဋိပက္ခတွေနဲ့ ပတ်သက်ပြီးတော့လည်း ထည့်သွင်း ဆွေးနွေးမှာဖြစ်တဲ့ အကြောင်း ရှင်းပြတယ်လို့ လူ့အခွင့်အရေး အဖွဲ့တွေက ပြောပါတယ်။
လူ့အခွင့်အရေးကိစ္စကို ရှေ့တန်းထားဆွေးနွေးမှာအပြင် ဒီမိုကရေစီနဲ့ စီးပွားရေး ပြုပြင်ပြောင်းလဲမှု ဆိုင်ရာ ကိစ္စတွေ ကိုလည်း ထည့်သွင်းဆွေးနွေး သွားမယ်လို့ အိမ်ဖြူတော် အရာရှိက လူ့အခွင့်အရေး အဖွဲ့အစည်းက ကိုယ်စားလှယ်တွေကို ရှင်းပြခဲ့တယ်လို့ ဆိုပါတယ်။
နိုဝင်ဘာလ ၁၇ ကနေ ၂၀ ရက်နေ့အထိ ကြာမြင့်မယ့် သမ္မတအိုဘားမားရဲ့ အရှေ့တောင်အာရှ ခရီးစဉ်အတွင်းမှာ နိုဝင်ဘာလ ၁၉ ရက်နေ့မှာ မြန်မာနိုင်ငံကို ရောက်မှာဖြစ်ပြီး သမ္မတကြီး ဦးသိန်းစိန်၊ ဒေါ်အောင်ဆန်းစုကြည် တို့နဲ့ တွေ့ဆုံဆွေးနွေးမယ်လို့ သိရပါတယ်။
သမ္မတ အိုဘားမားရဲ့ မြန်မာနိုင်ငံခရီးစဉ်ဟာ အမေရိကန်သမ္မတတစ်ဦးရဲ့ သမိုင်းဝင် ခရီးစဉ်လည်းဖြစ် သလို အရှေ့တောင် အာရှဒေသ ဖက်ကို အလေးထား လာတဲ့ အမေရိကန် နိုင်ငံခြားရေး မူဝါဒ အပြောင်းအလဲ အတွက်လည်း အရေးပါတဲ့ ခရီးစဉ်ဖြစ်တယ်လို့ ပြောကြပါတယ်။
Ref: RFA News
Wednesday, November 14, 2012
မြန်မာ့နိုင်ငံရေး အကောင်းမြင်လွန်းတာ မဖြစ်သင့်ဟု ဒေါ်စုက အိန္ဒိယ အစိုးရကို ပြော
2012-11-13
မြန်မာနိုင်ငံက ဒီမိုကရေစီ အသွင်ကူးပြောင်းရေးနဲ့ ပတ်သက်ပြီး အိန္ဒိယအစိုးရ အနေနဲ့ အကောင်းမြင်လွန်း တာမျိုး မဖြစ်စေ သင့်ဘူးလို့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က သတိပေး ပြောကြား လိုက်ပါတယ်။
အိန္ဒိယနိုင်ငံ နယူးဒေလီမြို့ကို ဒီကနေ့ ဆိုက်ရောက်သွားတဲ့ ဒေါ်အောင်ဆန်းစုကြည်က ခရီးမစခင်က အိန္ဒိယ နိုင်ငံထုတ် The Hindu သတင်းစာနဲ့ အင်တာဗျူး ပြောကြားရာမှာ မြန်မာနိုင်ငံက အခြေအနေကို ဘက်ပေါင်းစုံက အသေအချာ လေ့လာ အကဲခတ်ဖို့ လိုအပ်ကြောင်း၊ အကောင်းမြင်တာ လွန်ကဲ သွားရင် အမှား လုပ်နေတာတွေကို သတိမမူမိဘဲ ဖြစ်တတ်ကြောင်း အိန္ဒိယ အစိုးရကို သတိပေး လိုက်တာ ဖြစ်ပါတယ်။
ဒေါ်အောင်ဆန်းစုကြည်ဟာ နိုဝင်ဘာလ ၁၄ ရက်နေ့မှာ အိန္ဒိယနိုင်ငံရဲ့ လွတ်လပ်ရေး ခေါင်းဆောင် ပထမဆုံး ဝန်ကြီးချုပ် Jawaharlal Nehru အထိမ်းအမှတ် အခမ်းအနားမှာ ဂုဏ်ထူးဆောင် ဧည့်သည်တော် အဖြစ် မိန့်ခွန်းပြောကြားမှာဖြစ်ပါတယ်။ အဲဒီနောက် ဒေါ်အောင်ဆန်းစုကြည်ဟာ ဝန်ကြီးချုပ် မန်မိုဟန်ဆင်း အပြင် တခြားနိုင်ငံရေး ပါတီ ခေါင်းဆောင်တွေနဲ့ တွေ့ဆုံဆွေးနွေးမှာဖြစ်သလို သူငယ်စဉ်က နိုင်ငံရေး သိပ္ပံ ဘာသာရပ်နဲ့ ဘွဲ့ယူခဲ့တဲ့ The Lady Shri Ram College ကိုလည်း သွားရောက်လည်ပတ်မှာ ဖြစ်ပါတယ်။
အိန္ဒိယနိုင်ငံဟာ မြန်မာနိုင်ငံရဲ့ ကုန်သွယ်ဖက် နိုင်ငံဖြစ်ပြီး လာမယ့် ၂၀၁၅ ခုနှစ်မှာ နှစ်နိုင်ငံ ကုန်သွယ်မှု ပမာဏဟာ အမေရိကန်ဒေါ်လာ သန်း ၃ ထောင် အထိရှိမယ်လို့ ခန့်မှန်း ထားပါတယ်။ ဒါ့အပြင် မြန်မာနိုင်ငံမှာ ရေနက် ဆိပ်ကမ်း တည်ဆောက်နေတာ အပြင် ၂၀၁၆ ခုနှစ်မှာ အပြီးဆောက်လုပ်ဖို့ ပြင်ဆင်နေတဲ့ မြန်မာနိုင်ငံကို ဖြတ်ပြီး ထိုင်းနိုင်ငံ အထိ လမ်းမကြီး ဖေါက်လုပ်ရေးမှာလဲ အိန္ဒိယ အစိုးရက အဓိက တာဝန်ယူမယ်လို့ ဆိုပါတယ်။
အဲဒီလို ဖွံ့ဖြိုးတိုးတက်ရေး ရင်းနှီးမြှပ်နှံမှုတွေဟာ လူ့အခွင့်အရေးနဲ ဒီမိုကရေစီအရေးကို ထည့်သွင်း စဉ်းစားတဲ့ တာဝန်ခံမှု ရှိတဲ့ ရင်းနှီးမြှပ်နှံမှုတွေဖြစ်ဖို့ လိုအပ်တယ်လို့ ပြီးခဲ့တဲ့ ဇွန်လအတွင်းက ဆွစ်ဇာလန်နိုင်ငံ ဂျီနီဗာမြို့နိုင်ငံတကာ အလုပ်သမား အဖွဲ့ချုပ် အိုင်အယ်လ်အို ညီလာခံမှာ ဒေါ်အောင်ဆန်းစုကြည်က ပြောခဲ့ပါတယ်။
Ref: RFA News
ငလျင်ဒဏ်ခံရသော ဒေသခံများ အရေးပေါ်အကူအညီ လိုအပ်နေ
2012-11-13
ရွှေဘို၊ စဥ့်ကူ၊ သပိတ်ကျင်းဒေသမှာ ဒီနေ့ အသေးစားငလျင် ၂ ကြိမ်၊ ၃ ကြိမ် လှုပ်နေသေးသလို၊ ဒေသခံတွေ အတွက် အရေးပေါ် အကူအညီ လိုအပ်နေတယ်လို့ သိရပါတယ်။ ကြက်ခြေနီအဖွဲ့က ကြေညာရာမှာ အခု၇က်ပိုင်း ငလျင်ဒဏ်ကြောင့် သေဆုံး ရသူပေါင်း ၃၈ ဦး ရှိပြီလို့ ဖေါ်ပြ ထားပါတယ်။
လောလောဆယ် စဥ့်ကူးမြို့နယ် ခူလယ်ရွာမှာဆိုရင် ဘုန်းကြီးကျောင်းတွေ၊ စေတီတွေနဲ့ အိမ်ခြေ ၂၀ လောက် ပျက်စီး သွားသလို ရွာသူ ရွာသား ၁ ထောင်ကျော်လောက်ဟာ အမိုးအကာ လုံလုံလောက်လောက် မရှိပဲ အအေးဒဏ်အောက်မှာနေရတယ်လို့ သိရပါတယ်။
ငလျင်ကြောင့် ရွှေဘိုမြို့နယ်ထဲက စဥ့်အိုးလုပ်ငန်းတွေလဲထိခိုက်သွားတယ်လို့ သိရပါတယ်။ လောလောဆယ် မှာတော့ နာရေး ကူညီမှု အသင်း (ရန်ကုန်) က ငလျင်သင့်ဒေသခံတွေ အတွက် ကျန်းမာရေး ဆိုင်ရာ ဆေးဝါး ကူညီဖို့ ဒေသခံတွေနဲ့ ဆက်သွယ်ဆောင်ရွက်နေသလို၊ ဒေသခံ NLD ပါတီဝင်တွေလဲ ကူညီဖို့အစီအစဉ်တွေချမှတ်ထားပြီလို့ သိရပါတယ်။
Ref: RFA News
ငလျင်ဒဏ်ကြောင့် သေဆုံးသူဦးရေ နှစ်ဆတိုး
မနန္ဒာချမ်း
13.11.2012
မြန်မာနိုင်ငံအလယ်ပိုင်းမှာ တနင်္ဂနွေနေ့မနက်ပိုင်းက ပြင်းအား ၆.၈ ရှိတဲ့ ငလျင်ကြီး လှုပ်ခတ်ခဲ့ တာကြောင့် သေဆုံးသူ ဦးရေဟာ အခုဆိုရင် ၂၆ ယောက် ရှိသွားပြီဖြစ်တယ်လို့ နိုင်ငံတကာ ကြက်ခြေနီအဖွဲ့ ICRC က အင်္ဂါနေ့က ပြောလိုက်ပါတယ်။
ဒဏ်ရာရရှိသူ ဦးရေ ၂၃၀ ရှိပြီးတော့ ၁၂ ယောက်က ပျောက်ဆုံးနေဆဲဖြစ်တယ်လို့ ဘန်ကောက် အခြေစိုက်ICRC အဖွဲ့ရဲ့ အရှေ့အာရှ-ပစိဖိတ်ရေးရာဌာန ပြောခွင့်ရ ကိတ်၊ ရိုးလ်က ဗွီအိုအေ မြန်မာပိုင်း ကို အခုလို ပြောပါတယ်။
“ကြက်ခြေနီအဖွဲ့အနေနဲ့ ဒေသခံအာဏာပိုင်တွေနဲ့ နီးနီးကပ်ကပ် ပူးပေါင်းဆောင်ရွက်နေပြီး မြေ ငလျင်ဒဏ် ဆိုးဆိုး ရွားရွား ခံခဲ့ရတဲ့ လူနေ ရပ်ကွက်တွေရဲ့ လိုအပ်ချက်တွေကို စီစစ်ပေးနေပါတယ်။ မနေ့ညက တွေ့ရှိချက် အရကတော့ သေဆုံးသူ ၂၆ ဦးရှိပြီး ဒဏ်ရာ ရသူပေါင်း ၂၃၁ ဦးရှိကာ ပျောက် ဆုံးသူဦးရေဟာ ၁၂ ဦးရှိတယ်လို့ သိရပါတယ်။ ပျက်စီးတဲ့ အဆောက်အဦးပေါင်း ၄၆၂ ခု ရှိပြီး နေအိမ်တွေ၊ အစိုးရ အဆောက်အဦးတွေ၊ ကျောင်းတွေ၊ ဘာသာရေး အဆောက်အဦးတွေ ပါဝင်ပါတယ်။”
ဒါ့အပြင် ICRC အဖွဲ့ကြီးအနေနဲ့လည်း ငလျင်ဒဏ် ခံခဲ့ရသူတွေကို အကူအညီပေးအပ်နေတာနဲ့ ပတ်သက်ပြီး သူက အခုလို ဆက်ပြောပြပါတယ်။
“ကြက်ခြေနီဝန်ထမ်းတွေအနေနဲ့ အရေးပေါ် ကယ်ဆယ်ရေးလိုအပ်ချက်တွေကို ကူညီဆောင်ရွက် လျှက် ရှိပြီး အရေးပေါ် ပစ္စည်းတွေကိုလည်း ဝေငှပေးလျှက် ရှိပါတယ်။ မီးဖိုချောင် ချက်ပြုတ်စရာ ပစ္စည်းတွေ၊ အရေးပေါ်ဆေးဝါး၊ တာပေါ်လင် အမိုးအကာတွေ အပြင် ဆေးရုံတွေ ပို့ပေးဖို့ စသည်ဖြင့် စီစဉ်နေပါတယ်။ မြေငလျင်ဒဏ် အဆိုးဝါးဆုံးခံခဲ့ရတဲ့ မြို့နယ်ပေါင်း ၇ ခုတို့မှာလည်း ဆက်ပြီိး အကူအညီပေးနေပါတယ်။ ကြက်ခြေနီိ စေတနာ့ ဝန်ထမ်းပေါင်း ၈၀ ကျော်လောက်ဟာ ကွင်းဆင်းနေပြီးတော့ အခြေအနေကို နီးနီးကပ်ကပ် အကူအညီပေးလျှက် ရှိကြပါတယ်။
Ref: VOA News
စံရိပ်ငြိမ် ရိုက်နှက်မှု တရားခံများ ဖမ်းမိပြီဟု ရဲကပြော
ကျော်ခ
November 13, 2012
ရန်ကုန်တိုင်း ကမာရွတ်မြို့နယ် ရန်ကုန်-အင်းစိန် လမ်းမကြီး စံရိပ်ငြိမ်ကားမှတ်တိုင် အနီး ကားတစီးအား အုပ်စုဖွဲ့ ဝိုင်းဝန်း ရိုက်နှက် ခဲ့မှုတွင် ပါဝင်သည်ဟု ရဲကယူဆသူ တရားခံ ၈ ဦးအနက်မှ ၄ ဦးကို မိထားပြီဖြစ်ကြောင်း ကမာရွတ်မြို့နယ် ရဲစခန်းက ထုတ်ဖော် ပြောဆို လိုက်သည်။
ယခုလ ၁ ရက်နေ့ မနက် ၁ နာရီခန့်က စံရိပ်ငြိမ်မှတ်တိုင် အနီးတွင် ကား ၁ စီးအား အခြား ကား ၄ စီးက ရှေ့နောက် ပိတ်ဆို့၍ ကားပေါ်တွင် လိုက်ပါလာသူနှင့် ကားအား ရိုက်နှက် ဖျက်ဆီးခဲ့သူ ၈ ဦးအနက် ၄ ဦးကို အခင်းဖြစ်ပွားရာတွင် စီးနင်းခဲ့သော ကား ၃ စီးနှင့် အတူ ဖမ်းမိကြောင်း ရဲကပြောသည်။
“လောလောဆယ်တော့ ၄ ယောက်နဲ့ ကား ၃ စီး မိထားပြီဗျ၊ ဖြစ်တာတော့ လူမှုရေး ကိစ္စပါ၊ ကောင်မလေး၊ ကောင်လေး ကိစ္စတွေ ပါ၊ ဖြစ်စဉ်မှာတော့ အားလုံး ၈ ယောက်ပါ” ဟု ကမာရွတ်မြို့နယ် ရဲစခန်းမှ ရဲအရာရှိ တစ်ဦးက ဧရာဝတီသို့ ပြောသည်။
အဆိုပါအမှုဖြစ်စဉ်၌ ဝိုင်းဝန်းရိုက်နက် ခဲ့သည်ဟု ရဲက ယူဆထားသူများ ထဲတွင် ပါဝင်သူ ကိုစည်သူမျိုးဇင် အား ယခုလ ၇ ရက်နေ့က ပြစ်မှု ကျူးလွန်ရာတွင် စီးနင်းခဲ့သော မတ်တူး အမျိုးအစား ယာဉ်နှင့်အတူ ကျွန်းတောလမ်း၊ ထူပါ စားသောက်ဆိုင်တွင် ဖမ်းဆီး ရမိခဲ့ကြောင်း မြန်မာနိုင်ငံ ရဲတပ်ဖွဲ့ အင်တာနက် စာမျက်နှာတွင်လည်း ဓာတ်ပုံနှင့်အတူ ပူးတွဲ ဖော်ပြထားသည်။
အခင်းဖြစ်ပွားစဉ်တွင် ကားထဲတွင် ပါဝင်သူ အမျိုးသမီးနှင့် အမျိုးသားကို ကား ၄ စီးပေါ် လိုက်ပါလာသူ လူငယ် တစ်စုက ထိုးကြိတ် ရိုက်နှက် သကဲ့သို့ ကားကိုလည်း အသင့်ပါလာသော ဒုတ်များဖြင့် ရိုက်နှက် ဖျက်ဆီးခဲ့ကြောင်း ဓာတ်ပုံများနှင့် အတူ အင်တာနက် စာမျက်နှာ အချို့နှင့် လူမှု ဆက်သွယ်ရေးကွန်ရက် Facebook စာမျက်နှာများပေါ်တွင် ယခုလဆန်းပိုင်းက ပေါ်ထွက် လာခဲ့သည်။
အဆိုပါ မှုခင်းနှင့် ပတ်သက်၍ အသေးစိပ်အချက်အလက် ကို ပြောဆိုရန် ရဲတပ်ဖွဲ့က ငြင်းဆန်ခဲ့ပြီး အခင်းဖြစ်ပွား မှုတွင် ပါဝင်သူ ကျန်ရှိနေသေးသော ၄ ဦးကိုလည်း ဆက်လက် ဖော်ထုတ်နိုင်ရန် စစ်ဆေးနေဆဲဖြစ်ကြောင်း ဧရာဝတီသို့ ရှင်းပြသည်။
မြန်မာနိုင်ငံရဲတပ်ဖွဲ့သည် ယခင်က မှုခင်းဖြစ်စဉ်များကို အများပြည်သူတို့ ရှင်းလင်း ချပြမှု ရှားပါးသော်လည်း ယခုနှစ်ပိုင်းတွင် ၎င်းတို့၏ အင်တာနက် ဝက်ဘ်ဆိုက်နှင့် ဖေ့ဘုတ်များကို လွှင့်တင်ကာ ထိုမှတဆင့် အမှုအခင်းအချို့ကို တင်ပြလျက် ရှိသည်။
သို့သော်လည်း ၂၀၀၈ ခု မတ်လတွင် ရန်ကုန် ကမာရွတ်မြို့နယ် စိမ်းလဲ့ကန်သာလမ်း၌ ဖြစ်ပွားခဲ့သော ၅ လောင်းပြိုင် လူသတ်မှု ကဲ့သို့သော အမှုကြီးမျိုးကိုမူ ဖြေရှင်းနိုင်ခြင်း မရှိသေးပေ။
၂၀၁၁ ခုနှစ်အတွင်း လူသတ်မှု ၁၂၄၅ မှုအပါအဝင် အမှုကြီး ၁၀ မျိုး၌ စုစုပေါင်း ၂၂၉၀ မှုဖြစ်ပွားခဲ့ကြောင်း၊ လူသတ်မှု ၁၂၄၅ မှုအနက် ၁၁၂၁ မှုအား ဖော်ထုတ် အရေးယူနိုင်ခဲ့ကြောင်း၊ တရားခံဖော်ထုတ်နိုင်ခြင်း မရှိသေးသော အမှုများကိုလည်း အမှုမှန် ပေါ်ပေါက်ရေး ကြိုးစားနေကြောင်း မြန်မာနိုင်ငံ ရဲတပ်ဖွဲ့က ၎င်းတို့ အင်တာနက် ဝဘ်ဆိုက် စာမျက်နှာတွင် ဖော်ပြထားသည်။
Ref: ဧရာဝတီ
မြေမြုပ်မိုင်း ထိခိုက်မှု တတိယအများဆုံးနိုင်ငံမှာ မြန်မာနိုင်ငံဖြစ်
2012-11-13
နိုင်ငံတကာ မြေမြုပ်မိုင်း အသုံးပြုမှု စောင့်ကြည့်လေ့လာရေးအဖွဲ့ (ICBL) ရဲ့ (၂၀၁၂) ခုနှစ် မြန်မာနိုင်ငံဆိုင်ရာ အစီရင် ခံစာနဲ့ ပတ်သက်တဲ့ ပထမဆုံး အကြိမ် သတင်းစာ ရှင်းလင်းပွဲကို ရန်ကုန်မြို့၊ တော်ဝင်နှင်းဆီ ခန်းမမှာ ဒီကနေ့ ပြုလုပ်ခဲ့ပါတယ်။
ပြီးခဲ့တဲ့ ဇူလိုင်လအတွင်း မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်က မြေမြုပ်မိုင်းတားဆီး ပိတ်ပင်ရေး သဘောတူ စာချုပ်ကို လက်ခံ အတည်ပြုနိုင်ဖို့ စဉ်းစားနေတဲ့ အပြင် မြေမြုပ်မိုင်း အသုံးမပြုဖို့ ဆုံးဖြတ်ထားတဲ့ တိုင်းရင်းသား လက်နက်ကိုင် အဖွဲ့တွေနဲ့ ငြိမ်းချမ်းရေး သဘောတူ စာချုပ်တွေ ချုပ်ဆိုနိုင်ဖို့ ကြိုးစားနေတဲ့ အကြောင်း နိုင်ငံတကာ အစည်းအဝေးတစ်ခုမှာ ပြောဆိုခဲ့တာကို ကြည့်ရင် တိုးတက်မူ တစ်ခု အဖြစ် ရှုမြင်နိုင်တယ်လို့ မြန်မာနိုငံဆိုင်ရာ မြေမြုပ်မိုင်းနဲ့ ထပ်ဆင့်ပေါက်ကွဲစေတတ်သော လက်နက် ပစ္စည်းများစောင့်ကြည့်လေ့လာရေး သုတေသီ ယေယွှာ မိုဆာ-ပွမ်စူဝမ် (Yeshua Moser-Puangsuwan)က ဒီကနေ့ ကျင်းပတဲ့ သတင်းစာ ရှင်းလင်းပွဲမှာ ပြောပါတယ် ။
ဒီနှစ် အောက်တိုဘာလ ၁ ရက်နေ့ အထိ ကမ္ဘာ့နိုင်ငံ ၈၀ ရာခိုင်နှုန်းက လူသတ်မိုင်းဗုံး အသုံးပြုမူ တားမြစ် ပိတ်ပင်ရေးနဲ့ အသုံး မပြုရေး သဘောတူ စာချုပ်မှာ လက်မှတ်ရေးထိုး ခဲ့ကြပေမယ့် မြန်မာနိုင်ငံ အနေနဲ့ လက်မှတ်ရေးထိုး ထားနိုင်ခြင်း မရှိသေးတဲ့ အပြင် ဒီဘက်နှစ် အတွင်းမှာ တွေ့မြင်နေရတဲ့ ငြိမ်းချမ်းရေး ဆွေးနွေးပွဲတွေ အပေါ်မူတည်ပြီး ကြည့်မယ်ဆိုရင် နောက်ပိုင်းမှာ ပြည်တွင်းမှာ ရှိတဲ့ လက်နက်ကိုင် အဖွဲ့အစည်း အားလုံးမှာ မြေမြုပ်မိုင်း အသုံးပြုမူ ဆိုးကျိုးတွေကို ကောင်းစွာ သဘောပေါက် လာမယ်လို့ ယုံကြည်ကြောင်းကို မိုဆာ-ပွမ်စူဝမ် က ဆက်လက် ပြောပါတယ် ။
ပြီးခဲ့တဲ့ ခြောက်နှစ်တာကာလအတွင်း မြေမြုပ်မိုင်းဗုံးတွေကြောင့် မြန်မာနိုင်ငံအတွင်းမှာ သေကြေ ဒဏ်ရာရသူ စုစုပေါင်း လူဦးရေ (၃၀၀၀)ကျော် ရှိခဲ့ပြီး နိုင်ငံတကာနဲ့ နှိုင်းယှဉ်လိုက်ရင် မြန်မာနိုင်ငံဟာ ထိခိုက် ဆုံးရှုံးမှု တတိယ အများဆုံး နိုင်ငံ တစ်ခု ဖြစ်တယ်လို့ နိုင်ငံတကာမြေမြုပ်မိုင်း စောင့်ကြည့်လေ့လာရေး အဖွဲ့က ဆိုပါတယ်။
Ref: RFA News
ဗိုလ်နှုတ်ခမ်းမွေး၏ တပ်ဖွဲ့ဝင်များကို ထိုင်းအာဏာပိုင်များ တရက်ကြာ ဖမ်း
သန်းထိုက်ဦး
November 13, 2012
တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့မှ ဗိုလ်နှုတ်ခမ်းမွေး (ခေါ်) ဗိုလ်ချုပ် စောလားပွယ်၏ ဆွေမျိုးနှင့် တပ်ဖွဲ့ဝင် တချို့ လိုက်ပါလာသည့် ကားတစီးကို ထိုင်းအာဏာပိုင် များက နိုဝင်ဘာလ ၁၁ ရက်နေ့တွင် ဖမ်းဆီးခဲ့ပြီး နောက်တရက် တွင် ပြန်လွှတ်ပေးလိုက်ကြောင်း သိရသည်။
ယင်း ကားပေါ်တွင် DKBA တပ်ဖွဲ့ဝင် ၂ ဦးနှင့် ဗိုလ်ချုပ် စောလားပွယ်၏ ဆွေမျိုး အပါအ၀င် ၆ ဦး လိုက်ပါလာပြီး မဲဆောက်မြို့မှ တဆင့် ထိုင်း-မြန်မာ နယ်စပ်သို့ မောင်းသွားနေစဉ် ဖုပ္ဖရဒေသရှိ စစ်ဆေးရေး ဂိတ်တခုတွင် အဖမ်းခံရခြင်း ဖြစ်ကြောင်း DKBA တပ်ဖွဲ့မှ ဗိုလ်မှူးကြီး စန်းအောင်က ဧရာဝတီသို့ ပြောသည်။
ကားပေါ်တွင် လိုက်ပါလာသူများသည် နယ်စပ်ဖြတ်ကျော်သည့် တရားဝင် စာရွက်စာတမ်း တချို့သာ ပါရှိပြီး ထိုင်းနိုင်ငံ နယ်စပ်မှ တဆင့် DKBA တပ်ဖွဲ့ဝင်ရှိရာ မြ၀တီမြို့နယ် ဆုံစည်းမြိုင် ကျေးရွာသို့ သွားမည်ဟု သိရသည်။
DKBA တပ်ဖွဲ့ဝင်များရှိရာ ဆုံစည်းမြို့ဒေသကို မြ၀တီမြို့မှ သွား၍ရသော်လည်း ဗိုလ်ချုပ် စောလားပွယ်၏ အမျိုးတော်စပ်သူ သက်ကြီးရွယ်အို ပါသည့်အတွက် အဆင်ပြေရန် စီစဉ်ခဲ့ကြောင်း ဗိုလ်မှူးကြီး စန်းအောင်က ဆက်ပြောသည်။
ထိုင်း အာဏာပိုင်များက ကားပေါ်တွင် လိုက်ပါလာသူများကို ပြန်လွှတ်ပေးသော်လည်း ကားမောင်းသူကိုမှု လူကုန်ကူး မှုဖြင့် စွပ်စွဲ၍ မဲဆောက်မြို့နယ် ရဲစခန်းတွင် ထိန်းသိမ်း ထားကြောင်း သိရသည်။
လတ်တလောတွင် ကားမောင်းသမား ပြန်လည် လွတ်မြောက်လာရန် ကြိုးစားဆောင်ရွက်နေပြီး အခြေအနေ များကို မသိရှိ ရသေးကြောင်း ကားသမား အမှုကို ဆောင်ရွက်ပေးနေသည့် DKBA တပ်ဖွဲ့မှ ကိုဇေယျာက ပြောသည်။
“ကားနဲ့ လူကိုတော့ မရသေးဘူး။ ဒီမနက် ကားကို လာထုတ်ပါလို့ ရဲအရာရှိ တဦးရဲ့ လက်ထောက်က ပြောတယ် ဆိုပြီးတော့ လှမ်းပြောလို့ ကျနော်တို့ သွားတဲ့အခါ အမှုတွဲ ကာယံကံရှင်က တရားရုံးရောက်နေတော့ ထုတ်လို့ မရသေးပါဘူး” ဟု ၎င်းက ဆိုသည်။
ကားမောင်းသမားနှင့် ပတ်သက်သည့် အခြေအနေမှန်ကို ကားမောင်းသမားနှင့် တွေ့ဆုံ စကားပြောခွင့် ရမှသာလျှင် သိရှိရမည်ဟု ကိုဇေယျာက ပြောသည်။
“အရင်ကလည်း ထိုင်းနိုင်ငံကနေပြီးတော့ သွားတာပဲ။ သွားခဲ့တဲ့ အခေါက်ရေလည်းများပြီ။ ဒီတကြောင်းကျမှ ဘာဖြစ်လို့ ဒီလိုဖြစ်တာလဲ ဆိုတာကတော့ နောက်ကွယ်က တခုခုများ ရှိနေသလားလို့ ကျနော်တို့ စဉ်စားထားတာရှိပါတယ်” ဟု ဆိုသည်။
ကိုဇေယျာက ဖမ်းဆီးရသည့် အကြောင်းအရင်းကို ရှင်းရှင်းလင်းလင်း မသိရသေးကြောင်း၊ ကားလမ်းများ သွားရေး လာရေး အခက်အခဲ ရှိသည့်အခါ နှစ်နိုင်ငံ မဟာမိတ် ဆက်ဆံရေး ပုံစံအရ DKBA တပ်ဖွဲ့ဝင် တချို့ကို ထိုင်းနိုင်ငံဘက်မှ ပို့လေ့ပို့ထ ရှိကြောင်းပြောသည်။
ဗိုလ်ချုပ် စောလားပွယ်ကို ဧပြီလ ၂၀ ရက်နေ့က ထိုင်းနိုင်ငံရှိ မူးယစ်ဆေး ထိန်းချုပ်ရေး ဘုတ်အဖွဲ့ရုံး (ONCB) မှ မူးယစ်ဆေးဝါးနှင့် ပတ်သက်၍ ဖမ်းဆီးရန် ဆုငွေ ထိုင်း ဘတ် ၁ သန်း (ဒေါ်လာ ၃,၂၀၀၀ ခန့်) ထုတ်ပြန်ထားသည်။
DKBA တပ်ဖွဲ့ဝင်များ အခြေစိုက်သည့် ဝေါ်လေတပ်စခန်း တည်ရှိရာ ထိုင်းဘက်ခြမ်းတွင် ၂၀၀၃ ခုနှစ်က ပိုင်ရှင်မဲ့ စိတ်ကြွဆေးပြား (ရာဘ) အလုံးရေ ၉ ဒဿမ ၄ သန်း ဖမ်းဆီးရရှိခဲ့မှုနှင့် ပတ်သက်၍ ONCB အဖွဲ့က ဗိုလ်ချုပ် စောလားပွယ်တွင် တာဝန်ရှိသည်ဟု စွပ်စွဲ၍ ဆုကြေးငွေ ထုတ်ထားခြင်း ဖြစ်သည်။
Ref: ဧရာဝတီ
အစိုးတပ်နှင့် SSPP တို့ တိုက်ပွဲ ဆက်တိုက် ဖြစ်ပွားနေ
ဟင်္သာနီ (မွန်မြေ)
အင်္ဂါနေ့၊ နိုဝင်ဘာလ ၁၃ ရက် ၂၀၁၂
စံခလပူရီ (မဇ္ဈိမ) ။ ။ အပစ်အခတ် ရပ်စဲရေး လက်မှတ် ရေးထိုးထားပြီး ဖြစ်သည့် ရှမ်းပြည် တိုးတက်ရေး ပါတီ တပ်မတော် SSPP နှင့် အစိုးရ စစ်ကြောင်းများ အကြားတွင် နိုဝင်ဘာလပိုင်း၌ တိုက်ပွဲများ ဆက်တိုက် ဖြစ်ပွားခဲ့သည် ဟု အမည်မဖော် လိုသည့် SSPP မှ ဗိုလ်မှူးကြီး တဦးက ပြောသည်။
အင်အား ၃ဝဝ ခန့်ရှိသည့် SSPP တပ်မဟာ (၆၁၂) စစ်ကြောင်းအား အစိုးရ စစ်ကြောင်းများမှ အပြင်း အထန် စစ်ဆင် ခဲ့သည် ဟုလည်း ၎င်းက ဆိုသည်။
“သူတို့ဘက်က ပြောတာတမျိုး လုပ်တာတမျိုး အခုလို လုပ်တာတော့ မကောင်းဘူး။ အခု တိုက်ပွဲတွေ ဖြစ်နေတဲ့ နေရာ ကလည်း မေမြို့ကနေ မူဆယ် အထိ ချထားတဲ့ ဂက်စ် ပိုက်လိုင်း တလျှောက် ဖြစ်နေတယ်။ ဂက်စ် ပိုက်လိုင်းက ကျနော်တို့ ထိန်းချုပ် နယ်မြေမှာ ရှိနေတယ်။ သူတို့ ဘက်က ဒီပိုက်လိုင်းကို လုံခြုံရေး ချချင်တဲ့ သဘော ရှိတယ်။ ဒီတိုက်ပွဲ ကိစ္စကိုလည်း ဦးအောင်မင်း နဲ့ UNFC နဲ့ ထိုင်းနိုင်ငံမှာ အလွတ်သဘော တွေ့တုန်းက တင်ပြထားပါတယ်။ တရားဝင်တော့ မဆွေးနွေးရသေးဘူး” ဟု မဇ္ဈိမကို ပြောသည်။
နောက်ဆုံး ဖြစ်ပွားခဲ့သည့် တိုက်ပွဲမှာ နိုဝင်ဘာလ ၉ ရက်နေ့က ကျောက်မဲခရိုင်၊ မိုးမိတ် မိုင်းငေါ့ အကြားရှိ ခူးခမ်း ခူးမိန် တောင်ကုန်းဒေသ ၌ ဖြစ်ပြီး နံနက် ၈ နာရီ မွန်းလွဲ ၁ နာရီအထိ ၅ နာရီကြာ ဖြစ်ပွားခဲ့သည်။
အစိုးရတပ် ခမရ (၅ဝ၁)၊ (၅ဝ၂)၊ (၅ဝ၃)၊ ခလရ (၂၃)၊ တပ်ရင်း (၇၁) အောင်လံနှင့် တပ်ရင်း (၉၅) မန္တလေးတို့မှ တပ်များ အသုံးပြု၍ ပူးပေါင်း စစ်ကြောင်းများဖြင့် SSPP တပ်မဟာ (၆၁၂) စစ်ကြောင်းအား တိုက်ခိုက်ခဲ့သည်ဟု SSPP ဘက်က ဆိုသည်။ တိုက်ပွဲကြောင့် နှစ်ဖက်လုံး ထိခိုက်မှု ရှိခဲ့ပြီး စာရင်း အတိအကျ မသိရှိ ရသေးပေ။
ထို့ပြင် မိုင်းငေါ့ရှိ ပြည်သူလူထုများကိုလည်း အစိုးရစစ်ကြောင်းနှင့် တိုက်ပွဲ ဖြစ်ပွားခဲ့သည့် SSPP တပ်၏ ခေါင်းဆောင်နှင့် အင်အား ပမာဏကို ခြိမ်းခြောက် မေးမြန်းခဲ့သည်ဟု ဒေသခံများက ပြောကြောင်း ၎င်းက ဆိုသည်။
နိုဝင်ဘာလ ၄ ရက်နေ့ကလည်း ခလရ (၂၃) ဒု-ဗိုလ်မှူးကြီး သန်းထွန်းအောင် ဦးဆောင်သည့် အင်အား ၉ဝ ရှိသည့် စစ်ကြောင်းနှင့် SSPP ၏ တပ်မဟာ ၆၁၂ စစ်ကြောင်းတို့ မိုင်းငေါ့နယ်ရှိ ကွန်ဖလမ်း ပန်လော့၌ နှစ်နာရီခွဲကြာ တိုက်ပွဲ ဖြစ်ပွားခဲ့သေးသည်။
ထို့ပြင် နိုဝင်ဘာလ ၂ ရက်နေ့ကလည်း SSPP ၏ တပ်မဟာ (၆၁၂) စစ်ကြောင်းနှင့် အစိုးရ တပ်တို့ မိုးမိတ်နှင့် မိုင်းငေါ့ နယ်ကြားရှိ ကျင်ကျိ၌ နာရီဝက်ခန့်ကြာ တိုက်ပွဲ ဖြစ်ပွားခဲ့သည်။ အစိုးရ စစ်ကြောင်းမှ SSPP တပ်မဟာ (၆၁၂) စစ်ကြောင်းအား သုံးနေရာ ဝင်ရောက် တိုက်ခိုက်ခဲ့ပြီး အစိုးရတပ်မှ ဗိုလ်မှူးတဦး ဒဏ်ရာရကာ ကျောက်မဲ၌ ဆုံးသွားခဲ့ သည်ဟု ၎င်းက ဆိုသည်။
အောက်တိုဘာလ ၃၁ ရက်နေကလည်း ရဲနိုင်ဦး (တာဝန် မသိရှိရ) ဦးစီးသည့် ခမရ ၅ဝ၃ စစ်ကြောင်း အင်အား ၁ဝဝ ခန့်ဖြင့် SSPP တပ်မဟာ စစ်ကြောင်း (၆၁၂)တို့ မိုးမိတ်ဘက်ရှိ ကျောက်လုံးကြီး ဒေသ၌ တိုက်ပွဲ ဖြစ်ပွားခဲ့သည်။
ပြီးခဲ့သည့် အောက်တိုဘာလ ၂၈ ရက်နေ့ကလည်း SSPP အဖွဲ့ဝင်များက ကချင်ပြည်နယ်၊ မန်စီမြို့နယ်၊ ကုန်းခမ်း ကျေးရွာ အနီး၌ တပ်သားသစ် များအား စစ်ဘက်ဆိုင်ရာ သင်တန်း ပေးနေစဉ် ဖမ်းဆီးခံခဲ့ရမှုများနှင့် ပတ်သက်၍လည်း “အပစ်အခတ် ရပ်စဲရေး လက်မှတ် ထိုးတဲ့ဟာက နှစ်ဦးနှစ်ဖက် သဘောတူပြီးမှ လက်မှတ် ရေးထိုးတယ်။ တဖက်နဲ့ တဖက် လက်နက်ကိုင်ပြီး သွားချင်လို့ရှိရင် အကြောင်းကြားရတယ်။ ဥပမာ သင်တန်းကျောင်းကို သွားဖမ်းတယ် ဆိုတာက အပစ်အခတ် ရပ်စဲရေးကို သဘော တူညီချက်ကို မလိုက်နာဘူး။ အဲလို နိုင်ငံရေး အမြတ်ထုတ်ဖို့ ကြိုးစားတာ မသင့်တော်ဘူးလို့ တင်ပြတယ်။ သူလည်း နောက် ဒီလို မဖြစ်ရပါဘူး။ မဖြစ်အောင် လုပ်ပေးမယ်လို့ ပြောတယ်” ဟု ၎င်းဗိုလ်မှူးကြီး က ပြောသည်။
SSPP နှင့် မြန်မာ အစိုးရတို့သည် ပြည်နယ်အဆင့်နှင့် အပစ်အခတ် ရပ်စဲရေး၊ ဆက်ဆံရေး ရုံးများ ဖွင့်လှစ်ရေး၊ နှစ်ဖက် ထိမ်းချုပ်ရာ နယ်မြေ၌ လက်နက် ကိုင်ဆောင်ပြီး သွားလာပါက ကြိုတင် အကြောင်းကြားရေး အပါဝင် သဘောတူညီ ချက် ၅ ချက်ဖြင့် ၂ဝ၁၂ ခုနှစ် ဇန်နဝါရီလ ၂၈ ရက်နေ့တွင် အပစ်အခတ် ရပ်စဲရေး လက်မှတ် ရေးထိုးထားကြသည်။
အပစ်အခတ် ရပ်စဲ ပြီးချိန်မှ စ၍ ယနေ့အထိ SSPP နှင့် မြန်မာ အစိုးရ တပ်တို့ အကြား တိုက်ပွဲပေါင်း အကြိမ် ၅ဝ ကျော်ဖြစ်ပွား ခဲ့ကြပြီး ဖြစ်ကြောင်း SSPP ဘက်မှ ပြောဆိုသည်။
Ref: မဇ္ဈိမ
Tuesday, November 13, 2012
ဒေါ်စု အိန္ဒိယခရီး စတင်
စုမြတ်မွန်
12.11.2012
အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်ဟာ ဒီကနေ့ ညပိုင်းမှာ ရန်ကုန် အပြည်ပြည်ဆိုင်ရာ လေဆိပ် ကနေ ထွက်ခွာပြီး တဆင့် ဘန်ကောက်မြို့ကနေ အိန္ဒိယ နိင်ငံကို အင်္ဂါနေ့မှာ ဆိုက်ရောက်မယ့် ခရီးစဉ်နဲ့ ပတ်သက်လို့ India သတင်း မီဒီယာတွေထဲမှာ ကျယ်ကျယ်ပြန့်ပြန့် ဖော်ပြနေကြပါတယ်။ တချိန်ထဲမှာပဲ ဒေါ်အောင်ဆန်းစုကြည် တက်ခဲ့ဖူးတဲ့ Lady Shri Ram ကောလိပ်ကို ဒေါ်အောင်ဆန်းစုကြည် လာလည်မှာမို့ တကျောင်းလုံးက ဂုဏ်ယူ စိတ်လှုပ်ရှားနေကြတယ် လို့ ကောလိပ်ပြောခွင့်ရသူက VOA မြန်မာပိုင်းကို ပြောပါတယ်။ အိန္ဒိယ အစိုးရခေါင်းဆောင်တွေ၊ လွှတ်တော် ခေါင်းဆောင်တွေ အပြင် မြန်မာ မိသားစုတွေ နဲ့ တွေ့ဆုံမဲ့ ဒေါ်အောင်ဆန်းစုကြည် India ခရီးစဉ် အကြောင်းကို ဘန်ကောက်ရုံးက မစုမြတ်မွန် စုစည်း တင်ပြပါမယ်။
ဂျဝါဟာလာနေရူး ဖောင်ဒေးရှင်းအဖွဲ့ဥက္ကဌ Sonia Gandhi ရဲ့ ဖိတ်ကြားချက်နဲ့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် ဟာ မနက်ဖန် အင်္ဂါနေ့မှာ India နိုင်ငံကို ရောက်ရှိမှာ ဖြစ်ပါတယ်။ ၁၉၆၀ ပြည့်လွန်နှစ်တွေ တုန်းက မိခင်ဒေါ်ခင်ကြည် India နဲ့ Nepal ဆိုင်ရာ သံအမတ် တာဝန် ထမ်းဆောင်ခဲ့စဉ် အတွင်း India နိင်ငံမှာ နေထိုင် ကျောင်းတက် သွားခဲ့တဲ့ ဒေါ်အောင်ဆန်းစုကြည် India နိုင်ငံကို ပြန်လာမဲ့ အပေါ် အတော် စိတ်ဝင်တစား ရှိနေကြပြီး အိန္ဒိယ သတင်း မီဒီယာတွေမှာလဲ ကျယ်ကျယ် ရေးသားဖော်ပြနေကြတယ်လို့ India ရောက် မြန်မာ မိသားစုတွေနဲ့ ဒေါ်အောင်ဆန်းစုကြည်တွေ့ဆုံ ပွဲကို စီစဉ်နေတဲ့ New Delhi မြို့မှာနေထိုင်တဲ့ ဒေါက်တာတင့်ဆွေက VOA မြန်မာပိုင်းကို ပြောပြပါတယ်။
“အများကြီးကို အံ့သြဝမ်းသာ စိတ်ဝင်စားမှုတွေ ပြကြပါတယ်။ အထူးသဖြင့် ကျနော်တို့နဲ့ နီးစပ်တာ အစိုးရပိုင်းက တပိုင်းပေါ့လေ။ မီဒီယာကလည်း ဖော်ပြတာတွေ၊ ဆောင်းပါးတွေ ရေးကြတာတွေ အများကြီးပါ။ ဒေါ်အောင်ဆန်းစုကြည် ခရီးနဲ့ ပတ်သက်ပြီးတော့ အိန္ဒိယ-မြန်မာ ဆက်ဆံရေး အလားအလာ ပိုကောင်းလာမလား စသဖြင့် ထင်မြင်ချက်တွေနဲ့ ဆောင်းပါးတွေရေးကြတယ်။ သူလာမဲ့ဒေလီမှာ မြန်မာ မိသားစုရှိတဲ့နေရာမှာတော့ လုံခြုံရေးက အစ ပတ်ဝန်းကျင်နေတဲ့ သူတွေက အစ အံ့သြ ဝမ်းမြောက်ပြီးတော့ ထူးခြားတဲ့ သမိုင်းဝင်ဖြစ်စဉ်တခုလို တက်ကြွမှုတွေ ကြီးမားတယ်လို့ ပြောနိုင်ပါတယ်။"
နိုဝင်ဘာလ ၁၃ ရက်နေ့ကနေ နိုဝင်ဘာလ ၁၇ ရက်နေ့အထိ ဒေါ်အောင်ဆန်းစုကြည်ရဲ့ အိန္ဒိယ ခရီးစဉ်နဲ့ ပါတ်သက်လို့ India အစိုးရနဲ့ အမျိုးသား ဒီမိုကရေစီ အဖွဲ့ချုပ်ရဲ့ ထုတ်ပြန်ချက်တွေ အရ ဒေါ်အောင်ဆန်းစုကြည်ဟာ India ဝန်ကြီးချုပ် Manmohan Singh နဲ့ နိုဝင်ဘာလ ၁၄ ရက် ဗုဒ္ဓဟူးနေ့မှာ တွေ့ဆုံကြမှာ ဖြစ်ပါတယ်။ ခရီးစဉ်အတွင်း အိန္ဒိယ အစိုးရခေါင်းဆောင်တွေ၊ လွှတ်တော်ခေါင်းဆောင်တွေ နဲ့ ဒေါ်အောင်ဆန်းစုကြည် တွေ့ဆုံဖို့ရှိတဲ့ အကြောင်း ဒေါက်တာတင့်ဆွေက ခုလို ပြောပြပါတယ်။
“ဒီမှာတော့ အိန္ဒိယအစိုးရပိုင်းက ပုဂ္ဂိုလ်တွေ၊ ဝန်ကြီးချုပ်ကအစ ဒုသမ္မတ၊ နောက် လွှတ်တော် ဥက္ကဌတွေ သူတွေ့မှာပါ။ နောက် ဖိတ်ကြားတဲ့ မစ္စစ် ဆိုနီယာဂန္ဒီကလည်း ဧည့်ခံမှာဖြစ်ပါတယ်။ နောက် မဟတ္တမဂန္ဒီရဲ့ ဂူဗိမာန်ကိုလည်း သွားပြီး ဂါရဝပြုမှာပါ။ အဓိကကတော့ ၁၄ရက်နေ့ ညနေမှာ နေရူး Memorial လက်ချာခေါ်တဲ့ နေရူး အောက်မေ့ဖွယ် မိန့်ခွန်းကို ဗစ်ဂျမ်ဘာဗာမှာ ညနေခြောက်နာရီမှာ မိန့်ခွန်းပြောမှာဖြစ်ပါတယ်။”
India နိင်ငံခရီးစဉ်အတွင်း ဒေါ်အောင်ဆန်းစုကြည်သွားမဲ့ထဲက ထူးခြားတယ် လို့ ပြောနိုင်မဲ့ နေရာ တခုကတော့ သူ နိုင်ငံရေး သိပ္ပံ ဘာသာရပ် ဘွဲ့အတွက် သင်ကြား တက်ရောက်ခဲ့တဲ့ Lady Shri Ram College ဖြစ်ပါတယ်၊ November လ ၁၆ ရက်နေ့ မှာ ဒေါ်အောင်ဆန်းစုကြည် သူ့ရဲ့ ကျောင်းဟောင်းဆီကို ပြန်လာမဲ့ အတွက် တကျောင်းလုံးက အင်မတန်ပျော်နေ ကြတယ်လို့ Lady Shri Ram ကောလိပ် ပြောခွင့်ရသူ ဒေါက်တာ Dr. Kanika Khandelwal က VOA မြန်မာပိုင်းကို ခုလို ပြောပါတယ်။
“စိတ်လှုပ်ရှားနေကြတယ်လို့ ပြောရင် လျှော့ပြောသလိုဖြစ်နေပါမယ်၊ ကျွန်မတို့ အားလုံးအတွက် အိမ်မက်ထဲက အတိုင်း လက်တွေ့ဖြစ်လာ ခဲ့တာပါ၊ ဒီရက်ကိုရောက်ဖို့ မျှော်လင့်စောင့်စား ခဲ့တာ နှစ်ပေါင်း ကြာခဲ့ပါပြီ၊ သူခုလို လာလည်မဲ့ အတွက် တကယ်ကို ဂုဏ်ယူ ဝမ်းမြောက်ရပါတယ်”လို့ ပြောသွားတာဖြစ်ပါတယ်။
သူတို့ကျောင်းရဲ့ဘွဲ့ရ ကျောင်းသူဟောင်း ဒေါ်အောင်ဆန်းစုကြည်ကို ကြိုဆိုဖို့ အတွက်ကိုလဲ တကျောင်းလုံးမှာ ပြင်ဆင်နေကြတယ်လို့ ဆိုပါတယ်။
“လူတိုင်း ပြင်ဆင်မှုတွေအတွက် အလုပ်များနေကြပါတယ်၊ ကောလိပ် တခုလုံးကို အလှဆင်နေကြတယ်၊ ခင်းကျင်းပြထားဖို့ ဓါတ်ပုံဟောင်းတွေကို ပြန်ပြီး ထုတ်နေကြတယ်၊ ဒေါ်အောင်ဆန်းစုကြည် လာတဲ့နေ့ကျရင် ကျောင်းသူတွေက ယဉ်ကျေးမှု ကပွဲလေး တခုနဲ့ ဖျော်ဖြေပါမယ်၊ အထူးခြားဆုံး ကတော့ သူ့ပြောမဲ့ မိန့်ခွန်းဖြစ်ပါလိမ့်မယ်။ ဒေါ်အောင်ဆန်းစုကြည် မိန့်ခွန်းပြောမှာမို့ မိန့်ခွန်းကတော့ အဲဒီနေ့အတွက် အထူးခြားဆုံးဖြစ်မှာပါ၊ နောက်အမှတ်တရ သစ်ပင်စိုက်ဖို့ အစီအစဉ်ရှိပါတယ်၊ ဒီကျောင်းကနေ ဘွဲ့ရသွားသူတွေစုပြီးတော့လဲ သူ့ကိုပေးဖို့ အထူးအမှတ်တရ ပစ္စည်းကို စီစဉ်ထားပါတယ်”လို့ Lady Shri Ram College ရဲ့ ပြောခွင့်ရသူ Dr. Kanika Khandelwal က VOA မြန်မာပိုင်းကို ပြောသွားတာဖြစ်ပါတယ်။
ဒေါ်အောင်ဆန်းစုကြည်ဟာ သူ့ရဲ့ ခရီးစဉ်အတွင်းမှာ New Delhi မြို့တော်အပြင် တခြားမြို့တွေဆီကိုလဲ သွားဖို့ အစီအစဉ်တွေ ရှိပါတယ်။
“ ကျနော်တို့ ၁၆ရက်ပြီးရင် ပင်ဂလိုလို့ခေါ်တဲ့ အိန္ဒိယနိုင်ငံရဲ့ အိုင်တီမြို့တော်ပေါ့လေ။ အိန္ဒိယနိုင်ငံရဲ့ ဆီလီကွန် ဗယ်လီလို့တောင် ပြောလို့ရတဲ့ အိန္ဒိယနိုင်ငံ ဆီလီကွန် ဗယ်လီကို သွားပြီးတော့ နည်းပညာဆိုင်ရာမှာ အမြင့်ဆုံး တက္ကသိုလ်ပေါ့လေ။ အဲ့ကို သူသွားပါလိမ့်မယ်။ နည်းပညာနဲ့ ပတ်သက်ပြီးတော့ သူလေ့လာမယ်။ အဲ့တာပြီးရင် တဆက်တည်း အဲ့နားမှာ သိပ်မဝေးတဲ့ ကျေးလက် ဖွံ့ဖြိုးရေး လုပ်ထားတဲ့ ပြည်နယ်တခုက အေပီလို့ခေါ်တဲ့ မြို့တခုကိုလည်း သွားပြီးလေ့လာဦးမှာပါ ခင်ဗျ။”
အိန္ဒိယရောက် မြန်မာမိသားစုတွေနဲ့ တွေ့ဆုံပွဲကတော့ နိုဝင်ဘာ လ ၁၆ ရက်မှာ နယူးဒေလီ မြို့မှာ ဖြစ်ပါတယ်။ နိုဝင်ဘာလ ၁၄ ရက်နေ့မှာ ကျရောက်တဲ့ India နိုင်ငံရဲ့ လွတ်လပ်ရေးဖခင်ကြီး ဂျဝါဟာလာနေရူးရဲ့ မွေးနေ့ အထိမ်းအမှတ်ပွဲမှာ နေရူးအောက်မေ့ဖွယ် မိန့်ခွန်းပြောကြားဖို့ အတွက် မေလတုန်းက မြန်မာနိုင်ငံကို လာရောက်ခဲ့တဲ့ India ဝန်ကြီးချုပ် Manmohan Singh ကနေတဆင့် ဂျဝါဟာလာနေရူး ဖောင်ဒေးရှင်း အဖွဲ့ဥက္ကဌ Sonia Gandhi ကဒေါ်အောင်ဆန်းစုကြည်ကို ဖိတ်ကြား ခဲ့တာဖြစ်ပါတယ်။
Ref: VOA News
ငလျှင်ဒဏ်သင့် ဒေသကို NLD ပါတီ သိန်းတစ်ရာလှု
2012-11-12
မန္တလေးတိုင်းနဲ့ စစ်ကိုင်းတိုင်းက ငလျင်ဘေးဒဏ်သင့် ပြည်သူတွေအတွက် အမျိုးသား ဒီမိုကရေစီ အဖွဲ့ချုပ် က ဒီကနေ့ ငွေကျပ်သိန်း တစ်ရာ လှူဒါန်း လိုက်ပါတယ်။
စစ်ကိုင်းတိုင်းအတွက် ကျပ်သိန်း ၅ဝ နဲ့ မန္တလေးတိုင်းအတွက် ကျပ်သိန်း ၅ဝ ကို သက်ဆိုင်ရာ တိုင်းအမျိုးသား ဒီမိုကရေစီ အဖွဲ့ချုပ် ကိုယ်စားလှယ်တွေ ကနေ တဆင့် ငလျင်ဒဏ်ခံ ပြည်သူတွေကို လှူဒါန်း သွားမယ်လို့ သိရပါတယ်။
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီကနေ့ ညနေပိုင်း အိန္ဒိယနိုင်ငံကို မထွက်ခွာခင်မှာ အခုလို လှူဒါန်းဖို့ ညွန်ကြား ခဲ့တာလို့ သိရပါတယ်။
မန္တလေးတိုင်း အမျိုးသားဒီမိုကရေစီအဖွဲ့ချုပ်က ဒေါ်အောင်ဆန်းစုကြည် လှုဒါန်းတဲ့ ငွေကို မတည်ပြီး မြို့မိမြို့ဖတွေ စေတနာရှင်တွေရဲ့ အကူအညီ ကိုလည်း ရယူသွားဖို့ အတွက် ကော်မီတီတစ်ရပ် ဖွဲ့ပြီး လုပ်ဆောင် သွားမယ်လို့ တိုင်းအဖွဲ့ဝင် ဦးမျိုးနိုင်က RFA ကို ပြောပါတယ်။
စစ်ကိုင်းတိုင်း ရွှေဘိုမြို့အနီးမှာ မနေ့မနက်က အင်အား ၆ ဒဿမ ၈ ရှိတဲ့ငလျင် လှုပ်ခတ်သွားတဲ့ အတွက် စစ်ကိုင်းတိုင်း နဲ့ မန္တလေးတိုင်း အတွင်းက မြို့နယ်တွေမှာ ပျက်စီး ဆုံးရှုံးမှုတွေ များသလို သေဆုံးသူ ၁၃ ယောက်လောက် အထိ ရှိနိုင်တယ်လို့ ပြောကြပါတယ်။
မနေ့က လှုပ်ခတ်သွားတဲ့ ငလျင်ဒဏ်ကြောင့် ထိခိုက် ဒဏ်ရာ ရသူတွေကို ရွှေဘိုဆေးရုံ၊ ကျောက်မြောင်းဆေးရုံ၊ စဥ့်ကူးဆေးရုံတွေကို တင်ပို့ ကုသနေကြပြီး ပြင်းထန်သူတွေကိုတော့ မန္တလေးပြည်သူ့ဆေးရုံကြီးကို သယ်ယူ ကုသနေပါတယ်။
တစ်ချိန်တည်းမှာလည်း ငလျင်လှုပ်ခတ်သွားတဲ့ ဒေသတွေမှာ လူထုကို အသိပညာပေးဖို့ အတွက် မြန်မာနိုင်ငံ ငလျင် ပညာကော်မီတီဝင် ငါးဦးဟာ ဒီကနေ့ ရွှေဘိုမြို့ကို ထွက်ခွာသွားတယ်လို့ သိရပါတယ်။
Ref: RFA News
တောင်ကိုရီးယားပိုင် စက်ရုံက အလုပ်သမား ၇၀ ကျော် အလုပ် ထုတ်ခံရ
2012-11-12
ရန်ကုန်မြို့၊ တောင်ဥက္ကလာပမြို့နယ်မှာရှိတဲ့ ကိုရီးယားနိုင်ငံသားပိုင် မြန်မာဟေးဝေး (Myanmar Hae Wae) အထည်ချုပ် စက်ရုံက အလုပ်သမား (၇၀)ကျော်ကို စက်ရုံ ဘက်ကနေ အလုပ် ထုတ်လိုက်တာကြောင့် အလုပ်ရှင်နဲ့ အလုပ်သမားတွေကြား ဒီကနေ့ ပဋိပက္ခ ဖြစ်ပွား ခဲ့ကြတယ်လို့ သိရပါတယ်။
ဒီကနေ့မှာ အလုပ်သမား (၇၀)ကျော်ဟာ စက်ရုံမှာ အလုပ်ဆင်းဖို့ သွားရောက်တာကို စက်ရုံဘက်က ၀င်ခွင့် မပြုဘဲ အလုပ် ထုတ်လိုက်တဲ့ အကြောင်း အသိပေးပြောကြား လိုက်တဲ့ အတွက် ဒီကိစ္စနဲ့ ပတ်သက်ပြီး အလုပ်သမားတွေက မကျေနပ် ကြဘူးလို့ အလုပ်သမားခေါင်းဆောင် ဒေါ်သန်းသန်းဦးက RFAကို ပြောပါတယ်။
ပြီးခဲ့တဲ့ နိုဝင်ဘာလ (၉)ရက်နေ့က အရည်အသွေး စစ်ဆေးရေး ဌာနက အလုပ်သမား (၁၉) ဦးကို တခြား အလုပ်ဌာန တစ်ခုကို ပြောင်းရွှေ့ လိုက်တာနဲ့ ပက်သက်ပြီး အလုပ်သမားတွေဖက်က မကျေနပ်တဲ့ အတွက် ဌာနတူ အလုပ်သမား (၇၀) ကျော်ဟာ အဲဒီနေ့မှာပဲ စက်ရုံတွင်းမှာ အလုပ် မလုပ်ဘဲ ဆန္ဒပြ တောင်းဆို ခဲ့ကြပါတယ်။
အဲဒီတောင်းဆိုမှုနဲ့ ပတ်သက်ပြီး မြို့နယ်အလုပ်သမားဦးစီးဌာနက တာဝန်ရှိသူတွေနဲ့ အလုပ်ရှင် ကိုယ်စားလှယ် ၀န်ထမ်းတွေက ဆန္ဒပြတောင်းဆို ခဲ့တဲ့ အလုပ်သမားခေါင်းဆောင် (၆) ဦးကို ခေါ်ယူပြီး စာရွက်အလွတ်မှာ လက်မှတ် ထိုးခိုင်းခဲ့တယ်လို့ သိရပါတယ်။
အလုပ်သမားတွေဟာ အခုလို အကြောင်းပြချက်မရှိဘဲ အလုပ်ထုတ်ခံရတာကို မကျေနပ်တဲ့အတွက် တိုင်းအလုပ်သမားရုံး အထိ တိုင်ကြား သွားမယ်လို့ ဆိုပါတယ်။ အဲဒီ ကိုရီးယားနိုင်ငံသားပိုင် မြန်မာဟေးဝေး အထည်ချုပ်စက်ရုံမှာ အလုပ်သမားပေါင်း (၁၈၀၀) ကျော် ရှိတယ်လို့ သိရပါတယ်။
Ref: RFA News
မြန်မာ ကျန်းမာရေးအသုံးစရိတ် အရှေ့တောင်အာရှတွင်း အမြင့်မားဆုံး ရှိ
ခင်မျိုးသွယ်
တနင်္လာနေ့၊ နိုဝင်ဘာလ ၁၂ ရက် ၂၀၁၂
ရန်ကုန် (မဇ္ဈိမ) ။ ။ မြန်မာနိုင်ငံသည် အရှေ့တောင်အာရှဒေသတွင်း ကျန်းမာရေး အသုံးစရိတ် အမြင့်မားဆုံးတွင် ရှိနေပြီး အသုံး စရိတ်၏ ၈၇ % မှာ လူမမာများ မိမိတို့ ဖာသာအိတ်စိုက် သုံးစွဲနေရခြင်းဖြစ်ကြောင်း အစီရင်ခံစာ တရပ်က ဆိုသည်။
၂ဝဝ၉-၂ဝ၁ဝ ဘဏ္ဍာနှစ်အတွင်း စစ်တမ်း ကောက်ယူထားပြီး ထွက်ပေါ်လာသည့် မြန်မာနိုင်ငံ ကလေး သူငယ်များ အခြေအနေ သုံးသပ်ချက် အစီရင်ခံစာ အရ သိရှိရခြင်း ဖြစ်သည်။
“လက်ရှိ အောက်ခြေ လူတန်းစား အများစုက တနေ့ဝင်ငွေ ကျပ် ၁,၅ဝဝ ဝန်းကျင်မှာ ရှိနေတယ်။ နေထိုင် မကောင်း လို့ ရပ်ကွက် ထဲက ဆေးခန်းကို သွားရင် အနိမ့်ဆုံး ကျပ် ၃,ဝဝဝ ဝန်းကျင် ရှိတယ်” ဟု ရပ်ကွက်ဆေးခန်း တခုတွင် အကူသူနာပြု လုပ်နေသူ မအေးအေးထွေး က ဆိုသည်။
အထူးကုဆေးခန်း တခုတွင် သာမန်ရောဂါတခုအတွက် ပြသလိုပါက ဆရာဝန် စမ်းသပ်ခမှာ ကျပ် ၄,ဝဝဝ ခန့် ပေး ရပြီး၊ သူနာပြုခ၊ အရံသူနာပြုခ၊ အခန်းခ စသည့် စရိတ်များအပါအဝင် ပျမ်းမျှ ကျပ် ၁ဝ,ဝဝဝ မှ ၁၅,ဝဝဝ ခန့်အထိ ကုန်ကျနိုင်ကြောင်း အထူးကု ဆေးခန်းတွင် ဖျားနာရောဂါ ကုသဖူးသူ တဦးထံမှ သိရသည်။
“လူအများစု အားထားနေရတဲ့ ရပ်ကွက် ဆေးခန်းလေးတွေမှာတောင် ငွေကြေးကုန်ကျမှုက ကျပ် ၃,ဝဝဝ၊ ၄,ဝဝဝ ဆိုတော့ တထောင်ဖိုး ဆေး ၃ ခွက် ရောင်းတဲ့ ရပ်ကွက်ထဲက စပ်ဆေးဆိုင်တွေကို လူအများစုက အားကိုး လာကြ ခြင်းဖြစ်တယ်” ဟု ၎င်းက ပြောသည်။
လက်ရှိအခြေအနေတွင် သားဖွားဆရာမခန့်ထားမှု နှုန်းမျာ လူဦးရေ ၄,ဝဝဝ ကျော်တွင် သားဖွားဆရာမ ၁ ဦး နှုန်းသာ ရှိနေပြီး လက်ထောက် ကျန်းမာရေးမှူး မှာလည်း လူဦးရေ ၄,ဝဝဝ ဝန်းကျင်တွင် ၁ ဦး နှုန်းသာ ရှိနေသည်။
“ကျန်းမာရေး စောင့်ရှောက်မှုအနေနဲ့ ကျေးလက်ဒေသ၊ ဝေးလံတဲ့ ဒေသနဲ့ နယ်စပ် ဒေသတွေမှာ ပိုပြီး အားနည်း ပါတယ်။ ဒီလိုဒေသတွေနဲ့ ပိုပြီး ဆင်းရဲတဲ့ မိသားစုတွေထဲက ကလေး သူငယ်တွေနဲ့ အမျိုးသမီးတွေမှာ ကျန်းမာရေး ဆိုးရွားမှုတွေ ပိုပြီး ကြုံကြရပါတယ်” ဟု နယ်စပ်မြို့တခုတွင် တာဝန်ထမ်းဆောင်နေသူ ဆရာဝန် တဦးက ပြော သည်။
လက်ရှိအစိုးရ၏ ကျန်းမာရေး သုံးစရိတ်တွေမှာလည်း လွန်စွာ နည်းပါးလျက်ရှိကြောင်း အစီရင်ခံစာက ဆိုသည်။
“ဆရာဝန်ကြီးတွေအနေနဲ့ ၁ ရက်ထဲမှာ လူနာပေါင်း ရာချီ ကုနေကြရတယ်။ ဆရာဝန်နဲ့ လူနာအချိုးက ဘယ်လိုမှ မဖြစ်သင့်ဘူး။ ထိရောက် ကုသမှုရှိမရှိ တိမ်းစောင်းလွဲချောမှု ရှိမရှိ ဘယ်သူမှ မသိနိုင်ဘူး။ ဒီလိုဖြစ်လာတာ နှစ်ပေါင်း အတော် ကြာလာပြီ။ ဖြစ်သင့်တာက ရောဂါ တခုစီနဲ့ ဆိုင်တဲ့ ကျွမ်းကျင် ဆရာဝန်တွေ စဉ်ဆက်မပြက် မွေးထုတ်သင့် ပါတယ်” ဟု စာရေးဆရာ - ဆရာဝန် တဦးက ဆိုသည်။
ကျန်းမာရေး ဝန်ကြီးဌာန အောက်တွင် အထူးကုဆရာဝန် ၁,၈၅၃ ဦး၊ လက်ထောက် ဆရာဝန် ၂,၈၉၆ ဦး၊ အုပ်ချုပ်ရေး ပြည်သူ့ ကျန်းမာရေး ရောဂါနှိမ်နင်းရေး ဌာနများတွင် ၆၃၃ ဦး၊ စုစုပေါင်း ၅,၃၈ဝ ဦး ရှိကြောင်း သိရှိရသည်။
Ref: မဇ္ဈိမ
ငလျင်ကြောင့် စစ်ကိုင်းတိုင်းတွင် ဆုံးရှုံးမှုတန်ဖိုး ကျပ်သိန်း ၂၇၀၀ ခန့်ရှိ
နန်းသီရိလွင်
November 12, 2012
စစ်ကိုင်းနှင့် ရွှေဘိုခရိုင်အတွင်း လှုပ်ခတ်ခဲ့သော ငလျင်ဒဏ်ကြောင့် သေဆုံးသူ ၂ ဦး၊ ပျောက်ဆုံးသူ ၅ ဦး၊ ဒဏ်ရာရသူ ၂၆ ဦးနှင့် ပြိုကျ ပျက်စီးသည့် အဆောက်အဦးပေါင်း ၁၁၈ ခု ရှိပြီး ဆုံးရှုံးမှု တန်ဖိုး ကျပ် ၂၆၉၂. ၅ သိန်းခန့် ရှိနိုင်ကြောင်း စစ်ကိုင်းတိုင်း ဒေသကြီး အစိုးရ အဖွဲ့က သတင်း ထုတ်ပြန်ထားသည်။
မြန်မာနိုင်ငံရဲတပ်ဖွဲ့၏ ယနေ့နံနက် သတင်းထုတ်ပြန်ချက်တွင် ယမန်နေ့က ငလျင်လှုပ်ခတ်မှု များကြောင့် တခြား တိုင်းဒေသများ အပါအဝင် သေဆုံးသူ စုစုပေါင်း ၁၁ ဦး၊ ပျောက်ဆုံးနေသူ ၃၆ ဦး ရှိကြောင်း သိရသည်။
နိုဝင်ဘာ ၁၁ ရက်နေ့ နံနက်ပိုင်းက လှုပ်ခတ်ခဲ့သည့် အင်အားရခ်ျတာ စကေးလ် ၆ ဒဿမ ၈ ရှိ အင်အားပြင်းထန်သည့် ငလျင်ကြောင့် စစ်ကိုင်း ခရိုင်နှင့် ရွှေဘို ခရိုင်အတွင်းရှိ မြို့နယ် ၆ မြို့နယ်တို့တွင် ပျက်စီးဆုံးရှုံးမှုများ ရှိခဲ့ပြီး ရွှေဘိုမြို့နယ်နှင့် စဥ့်ကူးမြို့နယ်ကို ဆက်သွယ်ပေးမည့် ဆောက်လုပ်ဆဲ ရတနာသိင်္ခ ဧရာဝတီ မြစ်ကူးတံတား၏ တံတားတိုင် ၁ နှင့် ၃ အကြားရှိ ၂၀ မီတာ အရှည် တံတားသံပေါင်နှင့် တာဝါတိုင်တခု ပြိုကျ ပျက်စီးခဲ့ကြောင်း ဇက် ရေယာဉ်တစီးနှင့် Barge ယာဉ်တစီး တို့သည် လျှောကျသည့် တံတား သံပေါင်အောက်တွင် ဧရာဝတီ မြစ်အတွင်း နစ်မြုပ်ခဲ့ကြောင်း သိရသည်။
“ငလျင်လှုပ်တဲ့ အချိန်မှာ ကျနော်နဲ့အတူ တံတားပေါ်မှာ တော်တော်များများရှိနေတယ်။ ပထမတော့ ငလျင်က အလျားလိုက် လှုပ်တယ်။ နောက် အပေါ်အောက် လှုပ်တဲ့အချိန်မှာ တံတားပေါ်က ဆောက်လက်စ တာဝါတိုင်က လေးပေလောက် အပေါ်ကို မြောက်တက်သွားပြီး မြစ်ဘက်ကို ပြုတ်ကျသွားတာ။ အဲဒီမှာ ကျနော်တို့ အလုပ်သမားတွေလည်း ပြုတ်ကျကုန် တာပဲ” ဟု ရတနာသိင်္ခ တံတားဆောက်လုပ်ရေး လုပ်ငန်းခွင်မှ အလုပ်သမား တစ်ဦး ကဆိုသည်။
ငလျင်ဒဏ်ကြောင့် ပြိုကျပျက်စီးသွားသော ရတနာသိင်္ခ တံတားဆောက်လုပ်ရေး လုပ်ငန်းနေရာသို့ ဒုတိယ သမ္မတ ဒေါက်တာ စိုင်းမောက်ခမ်း ယနေ့ နံနက်ပိုင်းက လာရောက်ကြည့်ရှုသွားခဲ့သည်။
“မြစ်ထဲမှာ ရှိနေတဲ့ တံတားတိုင် ၃ နဲ့ စဥ့်ကူးဘက်က တံတားတိုင်တွေအားလုံးကို စစ်ဆေးပြီးပါပြီ။ အားလုံး အခြေအနေ ကောင်းပါတယ်။ ဒီဘက်က တံတားတိုင်တွေကိုပဲ ပြန်ဆောက်ရဖို့ ရှိတယ်” ဟု ဆောက်လုပ်ရေး ၀န်ကြီးဌာန ပြည်ထောင်စု ၀န်ကြီးက ပြောသည်။
ဒုတိယ သမ္မတ ဒေါက်တာ စိုင်းမောက်ခမ်းသည် ပြိုကျ ပျက်စီးနေသည့် တံတားကို ကြည့်ရှုစစ်ဆေးသွားပြီး ငလျင်ဘေးဒဏ် ခံခဲ့ရသည့် ကျောက်မြောင်းမြို့နယ်ခွဲ ဒေသခံများကို တွေ့ဆုံ အားပေးသွားကြောင်း သိရသည်။
“အသေအပျောက် မရှိပေမယ့် ကျနော်တို့ ဆိုရင် တရွာလုံး နီးပါး အပြင်ထွက်နေရတယ်။ အဲဒါကို ဒုတိယ သမ္မတကို ပြောချင်ပေမယ့် တိုင်းဒေသကြီး ၀န်ကြီးချုပ်က အားလုံး အဆင်ပြေတယ် ဆိုတာကိုပဲ ပိတ်ပြောနေတော့ ကျနော်တို့ အနေနဲ့ ပြောဆိုဖို့ ခက်နေတယ်။ အိမ်တွေ ပြိုမှာ ကြောက်လို့ လူတွေကို ဘောလုံးကွင်းထဲမှာ စုထားရတယ်။ သူတို့ရဲ့ စားဝတ်နေရေး၊ အိမ်၊ ကျောင်းနဲ့ သာသနိက အဆောက်အအုံတွေ ပြန်ဆောက်ဖို့ ကျန်နော်တို့မှာ ဘာမှ မရှိဘူး” ဟု ရွှေဘိုမြို့နယ် ကျောက်မြောင်း မြို့နယ်ခွဲ မလားကျေးရွာအုပ်စုမှ ကျေးရွာ အုပ်ချုပ်ရေးမှူး ဦးဇော်မျိုးထွန်းက ပြောသည်။
မလားကျေးရွာ အုပ်စုနှင့် မခေါက် ကျေးရွာ အုပ်စုများတွင် စာသင်ကျောင်း၊ ဘုန်းတော်ကြီးကျောင်းနှင့် သာနိက အဆောက် အအုံများ၊ အုတ်ဖြင့် ဆောက်ထားသော လူနေအိမ်များ ပြိုကျမှု အများဆုံးဖြစ်ပြီး မလားကျေးရွာ အုပ်စုနှင့် မခေါက်ကျေးရွာ အုပ်စုအကြားရှိ တံတားငယ် တစင်းမှာ ငလျင်ဒဏ်ကြောင့် ပျက်စီးနေသဖြင့် အဆက်အသွယ် မပျက်စေရန် ရပ်ရွာလူထုက ဖြစ်သလို ပြင်ဆင်ထားရကြောင်း သိရသည်။
ငလျင်ကြောင့် မန္တလေးတိုင်း စဥ့်ကူးမြို့နယ် ကျည်တော်ပေါက်နှင့် ကန်တောင် ကျေးရွာ ရွှေတော ရွှေတွင်း ၂ တွင်းတွင် အလုပ်သမား ၂၀ တို့သည် ၄ နာရီအကြာ ပိတ်မိနေခဲ့ကြပြီး ယခုအခါ ပြန်လည် လွတ်မြောက်လာပြီဖြစ်ကြောင်း သိရသည်။
နိုဝင်ဘာလ ၁၁ ရက်နေ့ နံနက် အင်အားပြင်းထန်သော ငလျင်ကြီး လှုပ်ပြီးနောက် နိုဝင်ဘာလ ၁၂ ရက် နံနက် ၃ နာရီအထိ နောက်ဆက်တွဲ ငလျင် ၆ ကြိမ်အထိ လှုပ်ခတ်ခဲ့ပြီး အင်အားအနည်းငယ် ပြင်းထန်သော ငလျင်ငယ်များ ဖြစ်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက သတင်းထုတ်ပြန်ထားသည်။
Ref: ဧရာဝတီ
ပျောက်ဆုံး မြန်မာစစ်သား ၃ ဦးအတွက် ဘင်္ဂလားဒေ့ရှ် ဒေသခံများ ကို အကူ အညီတောင်း
ငြိမ်းချမ်း
November 12, 2012
မြန်မာ-ဘင်္ဂလားဒေ့ရှ် နယ်စပ်တွင် ဖမ်းဆီးခံရပြီး ပျောက်ဆုံးနေသော မြန်မာ စစ်သား ၃ ဦးကို ရှာဖွေရေး ကူညီရန် ဘင်္ဂလားဒေ့ရှ် နယ်ခြားစောင့် တပ် (BGB) က ကျေးရွာအုပ်စု ဥက္ကဋ္ဌများနှင့် အတွင်းရေးမှူး များကို ဆင့်ခေါ် အကူအညီ တောင်းထားကြောင်း သိရသည်။
နိုဝင်ဘာလ ၅ ရက်နေ့တွင် အမည်မသိ လက်နက်ကိုင် အဖွဲ့ တဖွဲ့က မြန်မာ-ဘင်္ဂလားဒေ့ရှ် နယ်စပ် ခြံစည်းရိုး ကာရံရေး လုပ်ငန်းခွင်မှ စစ်မြေပြင် ဆောက်လုပ်ရေး အင်ဂျင်နီယာ တပ်ဖွဲ့ဝင် စစ်သား ၃ ဦးကို ဖမ်းဆီးခေါ်ဆောင် သွားပြီး အရပ်သား တဦးကို ပစ်သတ်ခဲ့သည်။
အစည်းအဝေး တက်ရောက်ခဲ့သူ ကျေးရွာအုပ်စု ဥက္ကဋ္ဌတဦးက “အခု မြန်မာဘက်က ပျောက်ဆုံးနေတဲ့ စစ်သား ၃ ယောက်ကို ရှာပေး ကြပါ။ ရှာပေးနိုင်တဲ့ လူကို ဆုချမယ်လို့ ပြောပါတယ်။ ဒီနေ့ကစပြီး ကျေးရွာတိုင်းမှာလည်း BGB တပ်ဖွဲ့ ဝင်တွေ ချထားပြီး စောင့်ကြည့် သွားမယ်လို့လည်း ပြောပါတယ်” ဟု ပြောသည်။
နိုဝင်ဘာလ ၁၁ ရက်နေ့ နံနက်တွင် ဘင်္ဂလားဒေ့ရ်ှနိုင်ငံ ဘန်တရိုဘန် ခရိုင်၊ နတ်ကျောက်စရီ မြို့တွင် အမှတ် (၁၅) နယ်ခြားစောင့်တပ် တပ်ရင်းမှူး ဗိုလ်မှူးကြီး မဟားဘူးဘူး ရိုဟာမန်း ဦးဆောင်သော အဖွဲ့နှင့် မြန်မာ နယ်စပ်ဒေသ လုံခြုံရေးနှင့် ကွပ်ကဲရေး (နစက) မှ ဗိုလ်မှူး စိန်သာကျော် ဦးဆောင်သော အဖွဲ့တို့ လေမူစရီဒေသရှိ စာသင်ကျောင်း တခုတွင် ဆွေးနွေး ခဲ့ကြကြောင်း၊ ယင်းသို့ ဆွေးနွေရာတွင် အဆင်မပြေ ဖြစ်ခဲ့ပြီးနောက် ဗိုလ်မှူးကြီး မဟားဘူးဘူး ရိုဟာမန်းက လေမူစရီ BGB စခန်းတွင် ဒေသခံကျေးရွာ ခေါင်းဆောင်များကို ဆင့်ခေါ် ဆွေးနွေးခြင်း ဖြစ်ကြောင်း အစည်းအဝေး တက်ရောက်ခဲ့သူ ပန်းချောင်းကျေးရွာ ဥက္ကဋ္ဌက ပြောသည်။
အခင်ဖြစ်ပွားရာတွင် အသတ်ခံရသူအတွက် မြန်မာနိုင်ငံ အနေဖြင့် ဘာမှ မပြောလိုသော်လည်း တပ်မတော် စစ်မြေပြင် ဆောက်လုပ်ရေး အင်ဂျင်နီယာ တပ်ရင်းမှ တပ်ကြပ်ကြီး နိုင်ထူးအောင်နှင့် ရဲဘော် ၂ ဦးတို့ကို ရှာဖွေပေးရန် BGB ကို နစက က တိုက်တွန်းနေပြီး ရှာမပေးပါက ဘင်္ဂလားဒေ့ရှ် ပိုင်နက်သို့ ဝင်ရောက် ရှာဖွေမည်ဟု နစကနှင့် နီးစပ်သော သတင်းများက ဆိုသည်။
ကီလိုမီတာ ၃၀၀ ကျော် ရှည်လျားသည့် မြန်မာ-ဘင်္ဂလားဒေ့ရှ် နယ်စပ် ခြံစည်းရိုး ကာရံရေးကို စစ်တွေ အခြေစိုက် တပ်မတော် ဆောက်လုပ်ရေး အင်ဂျင်နီယာ တပ်ရင်းက လုပ်ကိုင်နေသည်မှာ ၄ နှစ်ကြာပြီဖြစ်သည်။
Ref: ဧရာဝတီ
Monday, November 12, 2012
နောက်ဆက်တွဲ ငလျင်ဒဏ် စိုးရိမ်ရ
ဒေါ်ခင်မျိုးသက်
11.11.2012
တနင်္ဂနွေနေ့ မနက်ပိုင်းက စစ်ကိုင်းတိုင်း ရွှေဘိုမြို့အနီး ဗဟိုပြုတဲ့ ငလျင်ကြီး လှုပ်ခတ်ခဲ့တဲ့ အတွက် သေဆုံးမှုတွေ ထိခိုက် ဒဏ်ရာရမှုတွေ ရှိနေသလို နောက်ဆက်တွဲ ငလျင်လှုပ်ခတ်မှုတွေ ရှိလာနိုင်တာမို့ သတိရှိကြဖို့ ပညာရှင်တွေက သတိပေးနေပါတယ်။ မြန်မာနိုင်ငံတွင်း ကူညီကယ်ဆယ်ရေးတွေ လုပ်နေတဲ့ Save the Children အဖွဲ့က ငလျင်ကြောင့် သေဆုံးသူ ၁၁ ဦး ရှိပြီလို့ ပြောကြားသလို အစိုးရ ထုတ်ပြန်တဲ့ သတင်းမှာတော့ အခုချိန်အထိ ၄ ဦး ရှိပြီလို့ အတည်ပြုထားပါတယ်။ ဒီငလျင်ဒဏ် ခံခဲ့ရတာနဲ့ ပတ်သက်ပြီး နောက်ဆုံး အခြေအနေတွေကို တော့ ဒေါ်ခင်မျိုးသက်က တင်ပြထားပါတယ်။
တနင်္ဂနွေနေ့က လှုပ်ခတ်ခဲ့တဲ့ ငလျင်ကြောင့် သပိတ်ကျင်းမှာ အိမ်ပြိုပြီး သေဆုံးသူ တဦး၊ ကျောက်မြောင်းမှာ အမျိုးသမီး တဦးနဲ့ နွယ်ရုံမှာ အမျိုးသားတဦးအပြင် ဧရာဝတီမြစ်ကူး တံတားသံဘောင် ကျိုးကျတာကြောင့် သေဆုံးရသူ တဦး ရှိတယ်လို့ အစိုးရက သတင်းထုတ်ပြန်ပါတယ်။
မြန်မာနိုင်ငံထဲမှာ ကူညီကယ်ဆယ်ရေးတွေ လုပ်နေတဲ့ ဗြိတိန်အခြေစိုက် Save the Children အဖွဲ့က ဌာနေ ကိုယ်စားလှယ် Denis De Poerk ကတော့ ငလျင်ကြောင့်သေဆုံးသူ ၁၁ ဦး ရှိကြောင်း ဗွီအိုအေ ကို အတည်ပြုပြောဆိုပါတယ်။
“ငလျင်ဒဏ်ခံခဲ့ရတဲ့ ဒေသထဲမှာနေတဲ့ လူတွေကိုရော၊ ဒေသအာဏာပိုင်တွေအပြင် ဒေသထဲမှာ ကူညီကယ်ဆယ်ရေး လုပ်နေတဲ့ ကျနော်တို့လို အဖွဲ့တွေကိုပါ ဆက်သွယ် စုံစမ်းကြည့်တဲ့အခါမှာ သေဆုံးခဲ့သူက အခုထိ စုစုပေါင်း ၁၁ ဦးရှိနေပြီး အယောက် ၄၀ လောက် ဒဏ်ရာရခဲ့တယ်လို့ သိရပါတယ်။ ဒါ့ထက်လည်း ပိုလာနိုင်ပါသေးတယ်။ ကျနော်တို့ မန္တလေး ဆေးရုံကြီးကို ပါသွားပြီးမေးပါတယ်။ အဲဒီမှာ ငလျင်ကြောင့် ရောက်လာတဲ့ လူနာ ၁၀ ဦးလောက် ဆေးရုံတင်ထားတယ်လို့ ဆိုပါတယ်။”
ဒီသေဆုံးသူတွေထဲမှာ စဥ့်ကူက ရွှေတွင်းတွေ ရှိရာဒေသမှာ တွင်းပြိုပြီး သေဆုံးရသူတွေ ရှိနေတယ်လို့ လည်း ပြောပါတယ်။
“ ဒီနေ့ ကျနော်တို့ ရတဲ့ သတင်းအရဆိုရင် ငလျင် ဗဟိုချက်နဲ့ နီးတဲ့ မြို့နယ်တွေထဲက တခုမှာ ၆ ယောက် သေဆုံးပြီး အဲဒီထဲမှာ ရွှေတွင်းပြိုလို့ သေဆုံးရတဲ့သူက ၂ ဦး ပါနေပါတယ်။”
မြန်မာနိုင်ငံဟာ ငလျင်ရပ်ဝန်းထဲမှာ ကျရောက်နေပြီး အခုလှုပ်ခတ်ခဲ့တဲ့ ငလျင်ဟာ စစ်ကိုင်း ပြတ်ရွေ့ကြောမှာ လှုပ်ခတ် ခဲ့တာပါ။ မြေလွှာပြတ်ရွေ့မှုကြောင့် တနှစ်ကို ၂ စင်တီမီတာလောက် ရွေ့လျားနေတဲ့ စစ်ကိုင်းပြတ်ရွေ့မှာ ပုံမှန် ငလျင် လှုပ်ခတ်လေ့ရှိတယ်လို့ မြန်မာနိုင်ငံ မြေငလျင် ကော်မတီ အတွင်းရေးမှုး ဦးစိုးသူရထွန်းက ပြောပါတယ်။
“ငလျင်က မန္တလေးမြို့ရဲ့ မြောက်ဘက် ရွှေဘိုမြို့ရဲ့ အရှေ့မြောက်ဘက်မှာ သူက စစ်ကိုင်းပြတ်ရွေ့ပေါ်မှာ လှုပ်ခဲ့တယ် ဆိုတာ သိရတယ်။ စစ်ကိုင်းပြတ်ရွေ့က အလျားလိုက်ပြတ်ရွေ့ဆိုတော့ သူက ဖြစ်လေ့ဖြစ်ထရှိတဲ့ အတိုင်းပဲ။ အကြမ်းဖျင်းဆိုရင် သူက အနက် ဆယ်ကီလိုမီတာ တနည်းပြောရရင် ၆ မိုင်လောက်ပဲ ရှိတယ်ဆိုတော့ တိမ်တဲ့အထဲမှာ ပါပါတယ်။”
တိမ်တဲ့ငလျင် လှုပ်ခတ်ခဲ့တဲ့ နောက်ဆက်တွဲ ဆိုးကျိုးတွေက ဘာတွေပါလဲ။ -
“ငလျင်တိမ်ရင် လူတွေမှာ အရမ်းကို ခံစားရပါတယ်။ တော်လဲ သံကြားရတာတို့ သဲတွေ ပန်းထွက်တာတို့ ဖြစ်တတ် ပါတယ်။ ပမာဏ မကြီးပေမဲ့ လူတွေအတွက် အတော်သိသာပါတယ်။”
ဒီငလျင်ကြောင့် ဖြစ်ခဲ့ရတဲ့ အပျက်အစီးတွေကိုလည်း အခုလို ပြောပြပါတယ်။
“အပျက်အစီးတွေထဲမှာ သိရသလောက် အကြီးဆုံးကတော့ ဧရာဝတီမြစ်ကို ဖြတ်ဖို့လုပ်နေတဲ့ တံတား ဆောက်လုပ် ဆဲမှာ ပြိုကျ သွားခဲ့တာပါ။ ကျန်တာကတော့ ငလျင်နဲ့ အနီးဆုံးဖြစ်တဲ့ ကျောက်မြောင်း တို့ မလယ်တို့ ဆိုတဲ့ ရွာတွေ မြို့လေးတွေမှာ အပြိုအပျက်တွေ ရှိတယ်။ အိမ်တွေလည်း ပြိုတယ်။ တော်တော်လေး ရှေးဟောင်းဖြစ်နေတဲ့ အဆောက်အအုံတွေ ဘုရားတွေ ပြိုတာလည်း များပါတယ်။”
နောက်ဆက်တွဲ ငလျင်တွေ လှုပ်တဲ့ အနေအထားကို ရှင်းပြပေးပါလား။ -
“နောက်ဆက်တွဲ ငလျင်တွေက ပထမဦးဆုံး အကြီးဆုံးငလျင် ဗဟိုချက်ရဲ့ တောင်ဘက် ကို ရောက်နေတာ တွေ့တယ်ပေါ့။ ကျနော်တို့ ရှုထောင့်ကတော့ ငလျင်ဗဟိုချက်တွေ၊ ဒီလို နောက်ဆက်တွဲ ငလျင်တွေကို ကြည့်ပြီးတော့ ဘယ်လောက်ထိ ရွေ့ ပြတ်သွားတဲ့ မြေသား ပမာဏ ရှိတယ် ဆိုတာကို ခန့်မှန်းတာပေါ့လေ။ မနက်ပိုင်း ငလျင်ကြီး လှုပ်ပြီးတဲ့အချိန်မှာ နောက်ထပ် နှစ်ကြိမ်လောက်ကို ဆက်တိုက်လှုပ်တယ်။ နောက် ညနေပိုင်းလောက်မှာ တကြိမ် နည်းနည်း ပိုအားကြီးတဲ့ ပမာဏ ၅.၈ လောက်ရှိတဲ့ ငလျင် လှုပ်တာ တွေ့ရပါတယ်။ ဆိုတော့ နောက်ထပ် နှစ်ရက် သုံးရက်၊ ဒါမှမဟုတ် တပတ်လောက် အထိလည်း ရှိနေတတ်တဲ့ သဘောတော့ ရှိပါတယ်။”
ဘယ်ဒေသတွေမှာ နေထိုင်တဲ့သူတွေ အတွက် နောက်ထပ် လှုပ်တဲ့ ငလျင်တွေကို သတိထားဖို့ လိုပါလဲ။ ဒေသလေး နည်းနည်း ပိုင်းပြီးတော့ ပြောပြပေးပါလား။ -
“ဟုတ်ကဲ့။ ဒေသအနေနဲ့ကတော့ အလွယ်ဆုံး ပြောရင်တော့ ပထမဆုံး ငလျင်ကြီးကို ခံစားရတဲ့ လူတွေ အားလုံးနဲ့ ဆိုင်တယ်လို့ ပြောရမှာပေါ့။ အခု ကျနော် သိရသလောက်ကတော့ မန္တလေး၊ စစ်ကိုင်း၊ မုံရွာပေါ့ ၀န်းကျင်ဒေသတွေမှာ ခံစားရတယ်။ နောက်ပြီးတော့ နည်းနည်း အလှမ်း ဝေးပေမဲ့ သိသာခံစားရတာက တောင်ကြီးနဲ့ အင်းလေး ဒေသတို့၊ နောက်တခါ အပေါ်က မူဆည်၊ ရွှေလီ၊ နန်းခမ်း ဒေသတို့ အဲဒီလောက်အထိတောင်မှ ခံရတာတွေ ရှိတယ်ပေါ့။ ဆိုတော့ သူတို့ ဒေသတွေ အားလုံးမှာလည်း နောက်ဆက်တွဲ ငလျင်ကို သတိထားသင့်ပါတယ်။ ကနဦးငလျင်ကြောင့် အက်ကြောင်းတွေ ရှိခဲ့ရင် ပြိုပျက်ဖို့အတွက် လမ်းကြောင်းတွေ ရှိခဲ့ရင် နောက်ဆက်တွဲ ငလျင်ငယ်တွေ ကနေပြီးတော့ ဖြိုဖျက်နိုင်တဲ့ အားမျိုး ဖြစ်သွားစေတယ်ပေါ့။ ဆိုတော့ အန္တရာယ် ရှိနေတယ်လို့ ပြောရမှာပေါ့။ အဓိက ကတော့ အဆောက်အဦး ပြိုပျက်တဲ့ အန္တရာယ်ပေါ့။ ကိုယ်နေတဲ့ အဆောက်အဦးတွေ ပြိုပျက်နေတဲ့ အခြေအနေတွေ ရှိ မရှိကို အရင်ဆုံး လေ့လာသင့်ပါတယ်။”
အခု အားပြင်းငလျင်ကြီး လှုပ်ခတ်ခဲ့တဲ့နောက်ပိုင်းမှာ နောက်ဆက်တွဲ ငလျင်တွေရဲ့ အန္တရာယ်ကို သတိထားဖို့ လိုအပ်တယ်လို့လည်း ဦးစိုးသူရထွန်းက ပြောပါတယ်။
Ref: VOA News
ညီနောင်တိုင်းရင်းသား ပါတီများ အဖွဲ့က သမ္မတအိုဗားမားနဲ့တွေ့ဆုံ လိုကြောင်း တောင်းဆို
2012-11-11
နိုဝင်ဘာလ ၁၉ရက်နေ့ မြန်မာနိုင်ငံကို ရောက်ရှိမယ့် အမေရိကန်ပြည်ထောင်စုသမ္မတ အိုဘားမားနဲ့ တွေ့ဆုံလိုကြောင်း တိုင်းရင်းသား (၁၃) ပါတီနဲ့ ဖွဲ့စည်းထားတဲ့ ညီနောင် တိုင်းရင်းသားပါတီများ ဖက်ဒရေးရှင်း(NBF) အဖွဲ့က ဒီကနေ့ ရက်စွဲနဲ့ ကြေညာချက် တစ်ရပ် ထုတ်ပြန်ပြီး တောင်းဆို လိုက်ပါတယ်။
မြန်မာနိုင်ငံရဲ့ ဒီမိုကရေစီရေးနဲ့ ငြိမ်းချမ်းရေးအတွက် အမေရိကန်သမ္မတရဲ့ အားပေးထောက်ခံ ဆောင်ရွက်ပေးမှုဟာ အင်မတန် အရေးကြီး တာကြောင့် အခုလို တွေ့ဆုံဖို့ တောင်းဆို ရတာဖြစ်ကြောင်း ရန်ကုန်မြို့ ကျောက်တံတားမြို့နယ် အိုလံပစ် တာဝါမှာ ဒီကနေ့ညနေပိုင်းက ပြုလုပ်တဲ့ ညီနောင်တိုင်းရင်းသား ပါတီများ ဖက်ဒရေးရှင်း (NBF) အဖွဲ့ခေါင်းဆောင်တွေရဲ့ တွေ့ဆုံဆွေးနွေးပွဲ အပြီးမှာ ချင်းအမျိုးသားပါတီ ဥက္ကဌ ဦးဇိုဇမ်က RFA ကို ပြောပါတယ်။
ညီနောင်တိုင်းရင်းသားပါတီများဖက်ဒရေးရှင်း(NBF)အဖွဲ့အနေနဲ့ မြန်မာနိုင်ငံမှာ ဒီမိုကရေစီ ထွန်းကားရေးကို အစဉ် တစိုက် အားပေး ကူညီခဲ့တဲ့ အမေရိကန်သမ္မတရဲ့ မြန်မာနိုင်ငံခရီးစဉ်ကို ကြိုဆိုကြောင်း၊ ခရီးစဉ်အတွင်း မြန်မာနိုင်ငံမှာ ဖက်ဒရယ် ဒီမိုကရက်တစ် ပြည်ထောင်စုပေါ်ပေါက်လာရေးအတွက် သမ္မတ အိုဘားမားအနေနဲ့ အကြံဥာဏ်ကောင်းတွေပေးနိုင်ဖို့ မျှော်လင့်ကြောင်း စတဲ့ အချက်တွေကိုလည်း NBF အဖွဲ့ရဲ့ ဒီကနေ့ ကြေညာချက်မှာ တိုက်တွန်းဖော်ပြထားပါတယ်။
ညီနောင်တိုင်းရင်းသားပါတီများဖက်ဒရေးရှင်း (NBF) အဖွဲ့ထဲမှာ ရှမ်းတိုင်းရင်းသားများ ဒီမိုကရက်တစ် ပါတီ၊ ချင်းအမျိုးသား ပါတီ၊ မွန်ဒေသလုံး ဆိုင်ရာ ဒီမိုကရေစီပါတီ၊ ဖလုံ-စဝေါ် ဒီမိုကရက်တစ် ပါတီ၊ ကယန်း အမျိုးသားပါတီ၊ ရခိုင် တိုင်းရင်းသားများ တိုးတက်ရေး ပါတီ၊ တိုင်းလိုင်(ရှမ်းနီ)အမျိုးသားဖွံ့ဖြိုး တိုးတက်ရေးပါတီ၊ ဓနုတိုင်းရင်းသား လူမျိုးများ ဒီမိုကရေစီပါတီ၊ အရှိုချင်းအမျိုးသား ပါတီ၊ အင်း အမျိုးသား ဖွံ့ဖြိုးတိုးတက်ရေးပါတီ၊ ပအိုဝ်း အမျိုးသားအဖွဲ့ချုပ်ပါတီ၊ တအောင်း(ပလောင်)အမျိုးသားပါတီ၊ 'ဝ' ဒီမိုကရက်တစ်ပါတီတို့ ပါဝင်ပါတယ်။
Ref: RFA News
ABSDF ပြည်တွင်း လေ့လာရေး ခရီးစဉ် သွားရန် ဦးအောင်မင်းနှင့် သဘောတူ
ဟင်္သာနီ (မွန်မြေ)
သောကြာနေ့၊ နိုဝင်ဘာလ ၀၉ ရက် ၂၀၁၂
စံခလပူရီ (မဇ္ဈိမ) ။ ။ ဝန်ကြီး ဦးအောင်မင်း ဦးဆောင်သည့် ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နှင့် ကျောင်းသား တပ်မတော် ABSDF တို့ ထိုင်းနိုင်ငံ၊ ချင်းမိုင်မြို့၌ သောကြာနေ့က တွေ့ဆုံကြပြီးနောက် အချက် ၂ ချက်ကို သဘော တူနိုင်ခဲ့ကြသည်ဟု ABSDF အထွေထွေ အတွင်းရေးမှူး ရဲဘော် မျိုးဝင်း က ပြောသည်။
“ABSDF အနေနဲ့ ပြည်တွင်းကို လေ့လာရေး ခရီးစဉ်ကို သွားရောက်ဖို့ကို မကြာမီ ဆောင်ရွက်သွားဖို့ ရယ်နဲ့ နောက် တချက်က တရားဝင် နှစ်ဖက် နိုင်ငံရေး ဆွေးနွေးပွဲ ဆက်လက် လုပ်ဆောင်သွားဖို့ သဘောတူ နိုင်ခဲ့ကြတယ်” ဟု မဇ္ဈိမကို ပြောသည်။
တရားဝင် နိုင်ငံရေး ဆွေးနွေးပွဲ ဆက်လက် ပြုလုပ်မည့် အချိန်နှင့် ပြည်တွင်း လေ့လာရေး ခရီးစဉ် သွားရောက်ခြင်း အချိန် တို့အား နောက်ပိုင်း၌ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နှင့် ဆက်လက် ချိတ်ဆက်ကာ အတည်ပြုသွားမည် ဖြစ်သည်။
၎င်းတို့အနေနှင့် ပြည်တွင်းသို့ လေ့လာရေး ခရီးစဉ် သွားရောက်ရခြင်းမှာ တစုံလုံး အခြေအနေအား သိရှိနိုင်ရန်၊ ABSDF လက်ရှိ အခြေ အနေနှင့် အလားအလာများကို အကဲဖြတ်နိုင်ရန်နှင့် ပြည်တွင်းရှိ နိုင်ငံရေး အင်အားစုများ အားလုံးနှင့်လည်း တွေ့ဆုံနိုင်ရန် အတွက် ရည်ရွယ်သည့် ခရီးစဉ် ဖြစ်သည်ဟု ရဲဘော် မျိုးဝင်း က ပြောသည်။
ယနေ့ ဆွေးနွေးပွဲတွင် ဦးအောင်မင်းနှင့် ပွင့်ပွင့်လင်းလင်း တွေ့ဆုံ ဆွေးနွေးခွင့် ရခြင်းအတွက် အလားအလာ ကောင်းသည့် အခြေခံ ရှိပြီး နောက်ထပ်လည်း နိုင်ငံရေး ဆွေးနွေးပွဲ ဆက်လက် ဆွေးနွေးရန် သဘောတူ နိုင်ခဲ့၍ အလားအလာ ကောင်းသည့် ဆွေးနွေးပွဲ ဖြစ်သည်ဟု ABSDF ဘက်မှ သုံးသပ်သည်။
ABSDF ဘက်မှ ဥက္ကဋ္ဌ ရဲဘော်သံခဲ ဦးဆောင်၍ ကိုယ်စားလှယ် ၆ ဦးဖြင့် ဦးအောင်မင်းတို့ အဖွဲ့အား သွားရောက် ဆွေးနွေး ခဲ့ခြင်း ဖြစ်သည်။
ဦးအောင်မင်း ဦးဆောင်သည့် ကိုယ်စားလှယ် အဖွဲ့နှင့်အတူ ခရီးစဉ်တွင် လိုက်ပါလာသည့် Myanmar Peace Center မှ အဖွဲ့ဝင် အချို့ တို့သည် ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) နှင့် တွေ့ဆုံခဲ့သေး သည်။ ဤဆွေးနွေး ပွဲသည် ဤနှစ် မကုန်မီ နိုင်ငံရေး ဆွေးနွေးပွဲအတွက် ပြင်ဆင်နိုင်ရန် အကြို ညှိနှိုင်းခြင်း ဖြစ်သည် ဟုလည်း ဆိုသည်။
“ဝန်ကြီး ဦးအောင်မင်း အခြား အဖွဲ့တွေ အတူတူ ရောက်တုန်း UNFC ကို ညစာ စားပွဲ ဖိတ်လိုက်တာပါ။ အဲဒီ မတိုင်ခင် ကျနော်တို့ ဘက်က တက်ရောက် လာကြတဲ့ ကိုယ်စားလှယ်တွေနဲ့ အလွတ်သဘော ဆွေးနွေးကြတာပဲ ရှိပါတယ်။ အထွေ အထူးတော့ မရှိပါဘူး” ဟု ငြိမ်းချမ်းရေး အကျိုးဆောင် တဦးဖြစ်သည့် ဦးလှမောင်ရွှေ က မဇ္ဈိမကို ပြောသည်။
ထိုသို့တွေ့ဆုံခဲ့မှုနှင့် ပတ်သက်၍ UNFC နှင့် မေးမြန်းနိုင်ရန် မဇ္ဈိမက ဆက်သွယ် ခဲ့သော်လည်း အဆက်အသွယ် မရနိုင်ခဲ့ပေ။
ဝန်ကြီးနှင့် အဖွဲ့သည် စနေနေ့ နံနက်ပိုင်း၌ ကရင်နီအမျိုးသား တိုးတက်ရေးပါတီ KNPP နှင့် ဆက်လက် တွေ့ဆုံမည် ဟု ငြိမ်းချမ်းရေး အကျိုးဆောင် ကိုညိုအုန်းမြင့်က ပြောသည်။
Ref: မဇ္ဈိမ
KNPP နဲ့ အစိုးရငြိမ်းချမ်းရေး အဖွဲ့ တွေ့ဆုံ
နိုင်ကွန်းအိန်
11.11.2012
နောက်လာမယ့် ဆွေးနွေးပွဲအတွက် အကြိုညှိနှိုင်းတဲ့ အနေနဲ့ ပြည်ထောင်စုဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဖော်ဆောင်ရေး ကော်မီတီ အဖွဲ့နဲ့ ကရင်နီ အမျိုးသား တိုးတက်ရေးပါတီ KNPP ခေါင်းဆောင်တွေဟာ နိုဝင်ဘာလ ၁၀ ရက်နေ့က တွေ့ဆုံဆွေးနွေး ခဲ့ကြပါတယ်။ ကရင်နီ အမျိုးသား တိုးတက်ရေး ပါတီဘက်ကတော့ နှစ်ဖက်တပ်တွေ နေရာ ချထားရေး အစီအစဉ်နဲ့ ဒေသ ဖွံ့ဖြိုးရေး လုပ်ငန်းတွေ အပေါ် လူမှုအဖွဲ့အစည်းတွေရဲ့ လွတ်လပ်စွာ စောင့်ကြည့်လေ့လာခွင့် ပေးဖို့ တောင်းဆို ခဲ့သလို ၀န်ကြီး ဦးအောင်မင်း ကလည်း ခွင့်ပြုချက်ပေးတယ် လို့ KNPP ပါတီ ခေါင်းဆောင်တွေက ပြောပါတယ်။ ဒီအခြေအနေတွေ အပြည့်စုံကိုတော့ ထိုင်းအခြေစိုက် သတင်းထောက် ကိုနိုင်ကွန်းအိန်က ဆက်သွယ်မေးမြန်းထားပြီး တင်ပြထားပါတယ်။
နောက်လာမယ့် ဆွေးနွေးပွဲအတွက် အကြိုညှိနှိုင်းတဲ့အနေနဲ့ ပြည်ထောင်စုဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဖော်ဆောင်ရေး ကော်မီတီဖွဲ့နဲ့ ကရင်နီ အမျိုးသား တိုးတက်ရေးပါတီ KNPP ခေါင်းဆောင်တွေဟာ နိုဝင်ဘာလ ၁၀ ရက်နေ့က တွေ့ဆုံဆွေးနွေး ခဲ့ကြပါတယ်။ ကရင်နီအမျိုးသား တိုးတက်ရေး ပါတီဘက်ကတော့ နှစ်ဖက်တပ်တွေ နေရာ ချထားရေး အစီအစဉ်နဲ့ ဒေသဖွံ့ဖြိုးရေး လုပ်ငန်းတွေအပေါ် လူမှုအဖွဲ့အစည်းတွေရဲ့ လွတ်လပ်စွာ စောင့်ကြည့်လေ့လာခွင့် ပေးဖို့ တောင်းဆိုခဲ့သလို ၀န်ကြီး ဦးအောင်မင်းကလည်း ခွင့်ပြုချက်ပေးတယ် လို့ KNPP ပါတီ ခေါင်းဆောင်တွေက ပြောပါတယ်။ ဒီအခြေအနေတွေ အပြည့်စုံကိုတော့ ထိုင်းအခြေစိုက် သတင်းထောက် ကိုနိုင်ကွန်းအိန်က ဆက်သွယ်မေးမြန်းထားပြီး တင်ပြထားပါတယ်။
ပြည်ထောင်စုဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဖော်ဆောင်ရေး ကော်မီတီအဖွဲ့နဲ့ KNPP ခေါ် ကရင်နီ အမျိုးသားတိုးတက်ရေး ပါတီခေါင်းဆောင်တို့ဟာ နိုဝင်ဘာ ၁၀ ရက်နေ့က ထိုင်းနိုင်ငံမှာ တွေ့ဆုံခဲ့ပါတယ်။ အခုတွေ့ဆုံမှုဟာ လာမယ့် ဆွေးနွေးပွဲအတွက် အကြိုညှိနှိုင်းတဲ့သဘော ဆောင်နေတယ်လို့ ဒီအစည်းအဝေးကို တက်ရောက်ခဲ့သူ ကရင်နီအမျိုးသား တိုးတက်ရေးပါတီရဲ့ အတွင်းရေးမှူး (၂) ဦးအောင်ဆန်းမြင့် က ပြောပါတယ်။
“ဒီတပ်ပိုင်းဆိုင်ရာ ကိစ္စတွေ ဆိုတော့ နောက် အစည်းအဝေးမှာ ကျနော်တို့ နှစ်ဘက်တပ်များဆိုင်ရာ စည်းမျဉ်းစည်းကမ်းတွေကို ပေါ့နော်၊ ချမှတ်ပြီးမှ ဆွေးနွေးကြဖို့လည်း ကျနော်တို့က တင်ပြပါတယ်။ နောက်တခု ကတော့ (၁၄) ချက်ထဲက လေ့လာစောင့်ကြည့်ရေး အဖွဲ့တို့ အဲဒီလိုမျိုးတွေ ဖွဲ့ဖို့ကိုလည်း သူတို့နဲ့ အကြိုညှိနှိုင်းတာ ရှိတာပေါ့နော်။ နောက် ကျနော်တို့ CPO တွေပေါ့နော်။ ကျနော်တို့ဆီမှာ ဒီရွာသစ် ရေကာတာ စီမံကိန်းနဲ့ ပက်သက်ပြီးတော့မှ အစိုးရဘက်က ပွင့်လင်းမြင်သာမှုမရှိဘူး။ သူတို့ လေ့လာမှုကို ပိတ်ပင်တယ် ပြောဆိုတဲ့ အပေါ်မှာလည်း ကျနော်တို့ အစိုးရကို ပြန်ပြောတော့ သူတို့ကတော့ ဒါတွေကို လွတ်လွတ်လပ်လပ် ပေါ့နော်။ ကျနော်တို့ ခွင်ပြုပါတယ် ဆိုပြီးမှ အဲတာတွေ ပြောခဲ့တာ ရှိတာပေါ့နော်။ အဓိကကတော့ နောက်လာမယ့် ဆွေးနွေးပွဲအတွက် ကြိုတင်ပြင်ဆင်တဲ့ သဘောပါဘဲ။”
ကရင်နီအမျိုးသား တိုးတက်ရေးပါတီဘက်က တင်ပြချက်အပေါ် ဦးအောင်မင်းတို့ ငြိမ်းချမ်းရေးကော်မတီ အနေနဲ့ အတတ်နိုင်ဆုံး အကောင်အထည် ဖော်ပေးမယ်လို့ ပြောသွားတဲ့ အကြောင်းလည်း ဦးအောင်ဆန်းမြင့်က ပြောပါတယ်။
“သူကတော့ အတတ်နိုင်ဆုံးပေါ့နော်။ ကျနော်တို့နဲ့ ဆွေးနွေးထားတဲ့ သဘောတူထားတဲ့ အချက်တွေကို အတတ်နိုင်ဆုံး ကြိုးစားပြီးတော့မှ အကောင်အထည် ဖော်သွားဖို့ဆိုပြီးတော့ သူကတော့ အဲဒီလို ပြောသွားပါတယ်။ ဆက်ပြီးတော့မှ ကျနော်တို့ ညှိညှိနှိုင်းနှိုင်း လုပ်သွားဖို့လည်း သူ့အနေနဲ့ ဆန္ဒ ရှိပါတယ်ပေါ့နော်။”
ဒီနှစ်ကုန်ပိုင်းလောက်မှာ ကရင်နီ အမျိုးသား တိုးတက်ရေးပါတီနဲ့ မြန်မာငြိမ်းချမ်းရေးကော်မီတီတို့ ထပ်မံ တွေ့ဆုံဖို့ ရှိနေတယ်လို့လည်း ဦးအောင်ဆန်းမြင့်က ပြောပါတယ်။ KNPP နဲ့ အစိုးရအကြား တပ်မတော် အစိုးရ လက်ထက် ၁၉၉၅ ခုနစ်က အချက် (၁၆) ချက်နဲ့ အပစ်ရပ်စဲရေး သဘောတူခဲ့ကြပါတယ်။ ဒါပေမဲ့ ၃ လအကြာမှာ အပစ်အခတ်ရပ်စဲရေး သဘောတူညီမှု ပျက်ပြယ်ပြီး နှစ်ဘက် တိုက်ပွဲတွေ ပြန်လည် ဖြစ်ပွားခဲ့ပါတယ်။
KNPP ခေါ် ကရင်နီအမျိုးသား တိုးတက်ရေးပါတီဟာ မတ်လ ၇ ရက်နေ့မှာ မြန်မာအစိုးရ ငြိမ်းချမ်းရေးကော်မီတီ အဖွဲ့နဲ့ အပစ်အခတ် ရပ်စဲရေး ပဏာမ တွေ့ဆုံဆွေးနွေးခဲ့ပြီး ဇွန် ၉ ရက်နေ့မှာ ပြည်ထောင်စုအဆင့် ငြိမ်းချမ်းရေး ဖော်ဆောင်ရေး ကော်မီတီနဲ့ အချက် ၁၄ ချက်ပါ သဘောတူညီ လက်မှတ်ရေးထိုး နိုင်ခဲ့ပါတယ်။ လက်ရှိ မြန်မာအစိုးရနဲ့ ကရင်နီအမျိုးသား တိုးတက်ရေးပါတီတို့ တည်ဆောက်နေတဲ့ ငြိမ်းချမ်းရေး လုပ်ငန်းစဉ်အပေါ် ဦးအောင်ဆန်းမြင့်က အခုလိုပြောပါတယ်။
“ကျနော်တို့ အနေနဲ့ကတော့ အခုက အစိုးရနဲ့ အပစ်အခတ် ရပ်စဲရေး လုပ်ထားတယ်။ ကျနော်တို့ KNPP အနေနဲ့ ကတော့ အပစ်အခတ်ရပ်စဲရေးကို ခိုင်မာအောင် ရှေ့တည်တန့် ခိုင်မြဲအောင် ဆက်လုပ် သွားချင်တယ်။ ဒီကနေတဆင့် ကျနော်တို့က အဓိပ္ပာယ်ပြည့်ဝတဲ့ နိုင်ငံရေးဆွေးနွေးပွဲ လုပ်သွားချင်တယ်။ အဲဒီကမှတဆင့် စစ်မှန်တဲ့ ငြိမ်းချမ်းရေး ရောက်တဲ့အထိကို ကျနော်တို့ဘက်ကတော့ ဆန္ဒရှိပါတယ်။ ဒါပေမဲ့ အစိုးရ ဘက်ကတော့ သူတို့အနေနဲ့ပေါ့နော်။ ဒီစစ်တပ်ပိုင်းဆိုင်ရာနဲ့ အခုဆွေးနွေးနေတဲ့ ငြိမ်းချမ်းရေး ဖော်ဆောင်ရေးကော်မီတီနဲ့ ဘယ်လောက်ညှိနှိုင်းမှုရှိသလဲ ဆိုတဲ့အပေါ်မှာတော့ မူတည် တာပေါ့နော်။”
ပြည်ထောင်စုဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဖော်ဆောင်ရေး ကော်မီတီအဖွဲ့ဟာ ဒီရက်ပိုင်းတွေမှာ လူ့ဘောင်သစ်ဒီမိုကရက်တစ်ပါတီ၊ ရခိုင်ပြည်လွတ်မြောက်ရေး ပါတီ (ALP)၊ အမျိုးသမီးများအဖွဲ့ချုပ် (မြန်မာနိုင်ငံ)၊ ABSDF ခေါ် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး၊ UNFC ခေါ် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ အဖွဲ့တွေနဲ့လည်း ထိုင်းနိုင်ငံထဲမှာ တွေ့ဆုံခဲ့ပါတယ်။
KNPPနဲ့ ဆွေးနွေးပွဲကို မြန်မာအစိုးရဘက်က ဦးအောင်မင်း ဦးဆောင်တဲ့ အဖွဲ့ဝင် ၇ ဦး တက်ရောက်ခဲ့ သလို ကရင်နီတိုးတက်ရေးပါတီ ဘက်ကတော့ ဒုတိယ ဥက္ကဋ္ဌ အေဘယ်ဒွိ ခေါင်းဆောင်ပြီး အဖွဲ့ဝင် ၅ ဦး တက်ရောက်ခဲ့ပါတယ်။
Ref: VOA News
ကျောက်မီးသွေး လျှပ်စစ်စက်ရုံကိစ္စ တန်ပြန်ဆန္ဒပြ
ကွန်းချမ်း
တနင်္ဂနွေနေ့၊ နိုဝင်ဘာလ ၁၁ ရက် ၂၀၁၂
စံခလပူရီ (မဇ္ဈိ)။ ။ ကျောက်မီးသွေးသုံး လျှပ်စစ်ဓာတ်အားပေး စက်ရုံကို ကန့်ကွက်သည့် ဆန္ဒပြပွဲ ဖြစ်ပွားပြီး ၆ ရက် အကြာတွင် ထောက်ခံသည့် တန်ပြန် ဆန္ဒပြပွဲတရပ် စနေနေ့က တနင်္သာရီတိုင်း မြိတ်မြို့နယ်၌ ဖြစ်ပွားခဲ့သည်။
မြိတ်မြို့ အရှေ့ဘက် ၁၇ မိုင်အကွာ လော့လော့ကျေးရွာ အနီးရှိ ၅ဝ မဂ္ဂါဝပ် ထုတ်လွှတ်မည့် ကျောက်မီးသွေးသုံး ဓါတ်အားပေး စက်ရုံ စီမံကိန်းကို ဒေသခံ ၁၅၀ ခန့်က ကန့်ကွက် ဆန္ဒပြပြီး၊ ၂၅၀ ခန့်က ထောက်ခံ ဆန္ဒပြကြခြင်း ဖြစ်သည်။
ကန့်ကွက်သူများက စက်ရုံသည် စာသင်ကျောင်းများနှင့် နီးခြင်း၊ လူနေရပ်ကွက်အတွင်း ရှိခြင်း၊ စက်ရုံမှ ထွက်မည့် စွန့်ပစ် ပစ္စည်း များသည် မြစ်ချောင်း တလျှောက်ရှိ ကျေးရွာများနှင့် ဒေသခံများ၏ ရေလုပ်ငန်းများကို ထိခိုက်စေနိုင်ခြင်း စသည်တို့ကြောင့် ကန့်ကွက် ရသည်ဟု ဆိုသော်လည်း ထောက်ခံသူများကမူ လျှပ်စစ်ဓါတ်အား ဈေးနှုန်း သက်သာခြင်း၊ ဒေသဖွံ့ဖြိုးရေးနှင့် အလုပ်ရုံ စက်ရုံများ ဖွံ့ဖြိုး တိုးတက်ရေး၊ ဆင်းရဲ နွမ်းပါးမှုနှင့် အလုပ်လက်မဲ့ ဦးရေ လျော့နည်း ပပျောက်ရေးအတွက် ထောက်ခံခြင်း ဖြစ်သည်ဟု ဆိုကြသည်။
ထောက်ခံဆန္ဒပြပွဲအတွက် တအိမ်တယောက် ပါဝင်ရန် လိုက်လံစည်းရုံးပြီး ခရီးစရိတ် ၅,၀၀၀ ကျပ်နှင့် တီရှပ် တထည် ပေးနေကြောင်း ကန့်ကွက် သူများက ဆိုသည်။
“ကျောက်မီးသွေး စက်ရုံကို ထူထောင်ချင်တဲ့ သူဌေးများက ဒီထောက်ခံပွဲ ဖြစ်အောင် စည်းရုံးပြီး လုပ်တာ” ဟု စက်ရုံကို ကန့်ကွက်သူ ကိုနေလင်းထွန်း က စွပ်စွဲသည်။
သို့သော်လည်း ထောက်ခံသူများကမူ ၎င်းမှာ မဟုတ်မမှန်ကြောင်း ပြောသည်။
“ကျနော်တို့မှာ တကယ့် မီးလိုအပ်လို့ ဆန္ဒဖော်ထုတ်တဲ့ ပွဲတပွဲပဲ ဖြစ်ပါတယ် ခင်ဗျာ” ဟု ထောက်ခံ ဆန္ဒပြပွဲ ဦးဆောင်သူ ကိုမြင့်စိုး က ပြောသည်။
လက်ရှိတွင် မြိတ်မြို့နယ်အတွင်း တယူနစ် ၇၀၀ ကျပ် ကုန်ကျသည့် ပုဂ္ဂလိက လျှပ်စစ်ဓါတ်အားကို သုံးစွဲနေရပြီး ကျောက်မီးသွေးသုံး လျှပ်စစ် ဓါတ်အားပေး စက်ရုံမှ တယူနစ် ၂၀၀ ကျပ်သာ ကောက်ခံမည်ဟု ကြေညာထားသည်။
ကန့်ကွက်သူများကမူ မွန်ပြည်နယ်၊ မော်လမြိုင်တွင် အကောင်အထည်ဖော်မည့် သဘာဝ ဓါတ်ငွေ့သုံး လျှပ်စစ် ဓါတ်အားပေး စက်ရုံ ကဲ့သို့သော တယူနစ် အိမ်သုံး ၃၅ ကျပ်နှင့် လုပ်ငန်းသုံး ၇၅ ကျပ်သာ ကုန်ကျမည့် အန္တရာယ်နည်း ဈေးပေါသည့် လျှပ်စစ် ဓါတ်အားကို လိုလားကြသည်ဟု ဆိုသည်။
သို့သော်လည်း ကျောက်မီးသွေး စက်ရုံကို လိုလားသူများက သဘာဝ ဓါတ်ငွေ့သုံး စက်ရုံသည် မြန်မာနိုင်ငံ အတွက် မသင့်တော်သေးကြောင်း ပြောသည်။
“နိုင်ငံတကာ အဆင့်မီတဲ့ သဘာဝဓါတ်ငွေ့ လျှပ်စစ်ဓါအားပေး စက်ရုံ ကျနော်တို့မှာ မရှိသေးဘူး။ ဒါ့ကြောင့် သဘာဝ ဓါတ်ငွေ့ကို ကျနော်တို့ မတောင်းဆိုဘဲနဲ့ ကျောက်မီးသွေး စက်ရုံကို ကျနော်တို့ တောင်းဆိုတာ ဖြစ်တယ်။ ကျောက်မီးသွေး စက်ရုံဟာ ကမ္ဘာမှာ အများကြီး ရှိတယ်လေ” ဟု ကိုမြင့်စိုး က ပြောသည်။
မြိတ် ကျောက်မီးသွေးသုံး လျှပ်စစ် ဓါတ်အားပေး စက်ရုံ တည်ဆောက်မှု စီမံကိန်းကို ဖျက်သိမ်းပေးရန်နှင့် ကျောက်မီးသွေး အစား သဘာဝ ဓါတ်ငွေ့ဖြင့် လည်ပတ်ပေးရန် စက်ရုံပတ်ဝန်းကျင်ရှိ ကျောက်ဖျာ၊ လော့လော့၊ သမုတ်နှင့် ကျွဲကူး ကျေးရွာများမှာ ဒေသခံ ၁,၆၇၇ ဦး၏ စုပေါင်းလက်မှတ်ဖြင့် အောက်တိုဘာ လဆန်းတွင် သမ္မတထံ အသနားခံစာ တင်ပြခဲ့သေးသည်။
အလားတူ တနင်္သာရီတိုင်း၊ ကော့သောင်းမြို့ရှိ ၈ မဂ္ဂါဝပ် ထုတ်လွှတ်မည့် ကျောက်မီးသွေးသုံး စက်ရုံကို အောက်တိုဘာလ ၁၆ ရက်နေ့တွင် ကန့်ကွက် ဆန္ဒပြပြီးနောက် ၂၄ ရက်နေ့တွင် ထောက်ခံဆန္ဒပြပွဲ ပြုလုပ်ခဲ့ကြသည်။
Ref: မဇ္ဈိမ
ရွှေဘို ငလျင် လူ ၆ ဦးထက် မနည်း သေဆုံး
မန်းသားလေး
November 11, 2012
စစ်ကိုင်းတိုင်း ရွှေဘိုခရိုင်၊ ရွှေဘိုမြို့ မြောက်ဘက် ၄၅မိုင်ခန့်အကွာ ကျောက်မြောင်းကို ဗဟိုပြုပြီးရစ်ခ်ျတာ စကေးလ် ၆.၈ အဆင့်ရှိ ငလျှင်တစ်ခု ယနေ့ နံနက် ၇နာရီ ၄၂မိနစ် ၃၇စက္ကန့် လှုပ်ခတ်မှုဖြစ်ပွား ခဲ့သောကြောင့် သေဆုံးသူ ၆ဦး ရှိခဲ့သည်။
ထို့ပြင် ငလျင်ကြောင့် နေ့လည် ၁နာရီခွဲချိန်ထိ မန္တလေးတိုင်း စဥ့်ကူးမြို့နယ် ရွှေတွင်းလုပ်သား ၁၁ ဦး တွင်းထဲတွင် ပိတ်မိလျှက် ရှိနေသည်။
သေဆုံးသူများမှာ ကျောက်မြောင်းနှင့် စဥ့်ကူးဆက်နွယ်သော မြစ်ကူးတံတားဆောက်လုပ်ရေးလုပ်ငန်း ခွင်တွင် သေဆုံးသူ ၂ ဦး၊ စဥ့်ကူးမြို့ ကျည်တောက်ပေါက် စားသောက်ဆိုင်တွင်သေဆုံးသူ ၂ဦး၊ စဥ့်ကူးမြို့နယ် နွယ်ရုံကျေးရွာတွင် သေဆုံးသူ ၁ ဦးနှင့် မန္တလေးမြို့ သွေးလန့်သေဆုံးသူ ၁ ဦး စုစုပေါင်း ၆ ဦး သေဆုံးခဲ့ကြောင်း ဧရာဝတီက စုံစမ်း သိရှိရသည်။
ယင်းမြေငလျှင်မှာ မန္တလေးမြေငလျှင်စခန်း မှ မြောက်ဘက် ၈၂မိုင်ခန့်အကွာ မြန်မာနိုင်ငံပြည်တွင်း ရွှေဘိုမြို့မြောက်ဘက် ၄၅မိုင်ခန့် အကွာ ဗဟိုပြုပြီး အင်အားပြင်းထန် အဆင့် ၆.၈ ရစ်စကေး လှုပ်ခတ်သွားပြီး ယင်းငလျှင်သည် စစ်ကိုင်းပြတ်ရွှေ့ကြောပေါ်တွင် လှုပ်ခတ် သွားခြင်းဖြစ်ကြောင်း နေပြည်တော် မိုးလေ၀သနှင့် ဇလဗေဒ ဦးစီးဌာနက ဧရာဝတီကို ပြောကြားခဲ့သည်။
ငလျှင်ကြောင့် ကျောက်မြောင်းနှင့် စဥ့်ကူးဆက်နွယ်သော ရတနာသိင်္ခ ဧရာဝတီမြစ်ကူး တံတား တိုင်အမှတ် MP 2 နှင့် MP3 ဆောက်လက်စ ငြမ်းများ ပြိုကျပြီး လုပ်သား၂ ဦး (အရပ်သားတဦး၊ ဝန်ထမ်းတဦး)သေဆုံးပြီး ၁၆ဦး ဒဏ်ရာရကာ ၅ ဦး ပျောက်ဆုံးလျှက် ရှိကြောင်း ရွှေဘိုခရိုင် အုပ်ချုပ်ရေးမှူး ဦးလှဦးက ပြောကြားသည်။
“ငလျှင်က တအားပြင်းတယ်ဗျ။ တံတားကတော့ ဆောက်လုပ်စမို့ သံချောင်းတွေက အခိုင်မာ မရှိသေးဘူးလေ။ တစ်ယောက် ကတော့ ဆောက်လုပ်ရေးမှာ ထိခိုက် ဒဏ်ရာရပြီး သေတာ။ နောက်တစ်ယောက် ကတော့ စားသောက်ဆိုင်မှာ ပြိုကျတဲ့ အဆောက်ဦး ပိပြီး သေတာပါ” ဟုဦးလှဦးကပြောသည်။
ဆောက်လုပ်ရေး လုပ်ငန်းခွင်တွင် သယ်ယူပို့ဆောင်ရေး လုပ်ဆောင်နေသော သဘောင်္နှစ်စင်းလည်းရေ ထဲသို့ မြှပ်သွားကြောင်း သိရသည်။ ယင်းသဘောင်္ကို ပြန်လည်ဆည်ယူရန် ကြိုးပမ်းနေကြောင်းသိရသည်။
စဥ့်ကူး ဒေသခံများ၏ ပြောဆိုချက်များအရလည်း ကျည်တောက်ပေါက် စားသောက်ဆိုင် ပြိုကျရာ လူ ၂ ဦးသေဆုံးပြီး နွယ်ရုံကျေးရွာ တွင်လည်း တံတိုင်းတခု ပြိုရာတွင် ၁ ဦး သေဆုံးကြောင်း သိရသည်။ စဥ့်ကူးတွင် ဗလီတစ်ခု ပျက်စီးခဲ့ပြီး ဘုန်းကြီးကျောင်းများနှင့် စာသင်ကျောင်းများ အက်ကွဲ ပျက်စီး ခဲ့ကြောင်း သိရသည်။
မန္တလေးမြို့ ၌လည်း မန်းမြန်မာပလာဇာတွင် အက်ကွဲပျက်စီးမှုများရှိပြီး လျှောက်လမ်းခင်းကြွေပြားများ အက်ကွဲ ခဲ့သည်။ ၂၅လမ်း၊ ၃၅ လမ်းထောင့်ရှိ တိုက်တခြမ်း ပြိုကျ ခဲ့သော်လည်း လူအထိအခိုက် မရှိကြောင်း သိရသည်။ သို့သော်လည်း ၂၃ လမ်းဘက်ရှိ နေအိမ်တွင် လေဖြတ်ဝေဒနာ ခံစားပြီး အိပ်ယာထဲ လှဲနေရသော အသက် ၆၀ ၀န်းကျင်ရှိ အမျိုးသမီး တဦးမှာ သွေးလန့် သေဆုံးသွားကြောင်း သိရသည်။
“ကျနော် အခု အသက် ၄၀ အထိ ကုန်ခဲ့သမျှ ငလျင်ထဲမှာ ဒီတစ်ခါ အပြင်းထန်ဆုံးပဲ။ မန္တလေးက အဆောက် အဦတွေမှာ ဆိုးဆိုးဝါးဝါး ထိခိုက်တာ မရှိခဲ့ပါဘူး။ ဒီတကြိမ် ငလျင်ဟာ မန္တလေးက အင်ဂျင်နီယာလောကကို သတိပေး လိုက်သလိုပါဘဲ။ အရင်က ငလျင်ဇုံ အဆင့် ၄ ထဲမှာရှိနေတာမို့ အဆောက်အဦးဆောက်တဲ့ အခါ ငလျင်ဒဏ်ကိုပါ ထည့်သွင်း တွက်ချက်ကြရပါတယ်။ ရှေ့ ပိုပြီး သတိထား ရပါတော့မယ်” ဟု မန္တလေး အင်ဂျင်နီယာ တစ်ဦးဖြစ်သည့် ကိုဇင်မင်းဆွေက ပြောသည်။
အဆောက်အဦတင်မကပဲ အဆောက်အဦမှာ အသုံးပြုသော မှန်၊ အလူမီနီယံရဲ့ အရည်အသွေးက အစ ဂရုစိုက်ရန် လိုနေပြီ ဖြစ်ကြောင်း ကိုဇင်မင်းဆွေက ပြောကြားသည်။
မြေငလျှင်အင်အားပြင်းထန်မှုကြောင့် ရွှေဘို၊ ခင်ဦး၊ ရေဦး၊ တန့်ဆည်၊ ဇီးကုန်း၊ ကန့်ဘလူ၊ မုံရွာ၊ စစ်ကိုင်း၊ မန္တလေး၊ မိုးကုတ်ရှိ နေအိမ်များ ပြိုကျ အက်ကွဲ ခဲ့ရပြီး စေတီပုထိုး အပြိုအပျက်များလည်း ရှိကြောင်း သိရသည်။
အမရပူရမြို့ပေါ်ရှိ ပုထိုးတော်ကြီးစေတီ၊ အောင်မြေသာစံမြို့နယ်၊ ဥပုသ်တော် ရပ်ကွက်၊ အမှတ် ၃၈ ရှိလေးမျက်နှာစေတီနှင့် အမရ ဌာနနီ အရှေ့ ရပ်ကွက်၊ အကွက် ၃၁ ရှိ အရိပ်မထွက်ဘုရားတို့မှ စိန်ဖူးတော်များမြေခ ခဲ့ရသည်။ ထို့ပြင် မန္တလေးတိုင်းဒေသကြီး၊ အမရပူရမြို့နယ်ရှိ စွယ်တော်မြတ် စေတီ(မန္တလေး)စိန်ဖူးတော်သည် အလယ်ပစ္စယံပေါ်သို့ ပြုတ်ကျခဲ့သည်။
ရွှေဘိုမြို့ အမှတ် ၅ ရပ်ကွက် ရွှေပေါ်ကျွန်းဘုရား အနည်းငယ် ပြိုကျ ပျက်စီးခဲ့ပြီး အနောက်ဈေး ရပ်ကွက်ရှိ လောက မာရဇိန် ဘုရားစောင်းတန်း ပျက်စီးမှုလည်း ရှိခဲ့သည်။
စဥ့်ကူးမြို့နယ်တွင် ရွှေဂူကြီးဘုရား မုခ်ဦးတစ်ခြမ်း ပြိုကျပျက်စီးခဲ့ပြီး ယင်းရှိ အခြေခံ မူလတန်းကျောင်း ရှိကျောင်းဆောင် တဆောင် ပြိုကျပြီး အုတ်တံတိုင်းပေ ၃၀၀ ခန့် ပြိုကျခဲ့ကြောင်း သိရသည်။ ထို့ပြင်ရွှေကြက်ယက်တောင် ဘုရား တံခွန်တိုင်နှင့် မုခ်ဦး၊ တောရကျောင်းတိုက်ရှိ အုတ်တံတိုင်း ၅ ခန်း၊ ပရိယတ္တိ သတ္တမ ၀ံသနန္ဒာကျောင်းတိုက်ရှိ အုတ်တံတိုင်းပေ ၆၀၀ ခန့်၊ ရွှေယက်တောင် ဘုရားရှိ တံခွန်တိုင်နှင့် မုခ်ဦးလည်း ပြိုကျ ခဲ့သေးသည်။ အမှတ်၂ ရပ်ကွက်ရှိ နေအိမ် တစ်လုံးပြိုကျပြီး လူ ၃ ဦး ဒဏ်ရာရခဲ့သေးကြောင်း သိရသည်။
မိုးကုတ်မြို့တွင်လည်း ဘုရားစေတီပုထိုးများ ပြိုကျပျက်စီးခဲ့ပြီး ဌာပနာများ ပေါက်ထွက်ခဲ့ကြောင်း သိရသည်။
နောက်ဆုံးရရှိသော သတင်းများအရ ဆေးရုံသို့ ရောက်ရှိသော အရေအတွက်ကို အခြေခံပြီး သေဆုံးသူ ၁၃ ဦး၊ ထိခိုက် ဒဏ်ရာရသူ ၄၀ ဦး ရှိကြောင်း Save The Children က ပြောဆိုသည်။
Ref: ဧရာဝတီ
ပြင်းအား ၆.၆ အဆင့်ရှိ ငလျင်ကြောင့် ဘုရားစိန်ဖူးတော် ကျခဲ့ရ
မင်းမင်း
တနင်္ဂနွေနေ့၊ နိုဝင်ဘာလ ၁၁ ရက် ၂၀၁၂
ရန်ကုန် (မဇ္ဈိမ)။ ။ မြန်မာနိုင်ငံအလယ်ပိုင်းတွင် နိုဝင်ဘာ ၁၁ ရက်နေ့ နံနက် ၇း၄၅ မိနစ်ခန့်က ရစ်ခ်ျတာ စကေး ၆.၆ အဆင့်ရှိ ငလျင်တခု လှုပ်ခတ် သွားကြောင်း အမေရိကန်နိုင်ငံ ဟာဝိုင်ရီ အခြေစိုက် ငလျင်တိုင်းတာရေး စခန်းက ကြေညာသည်။
ငလျင်သည် ရွှေဘိုမြို့နှင့် ၃၅ မိုင်အကွာ၊ မိုးကုတ်မြို့နှင့် ၃၇ မိုင်အကွာ၊ မန္တလေးမြို့နှင့် ၇၆ မိုင်အကွာ၊ နေပြည်တော်နှင့် ၂၂၆ မိုင် အကွာတွင် လှုပ်ခတ် သွားသည်ဟု မိုးလေဝသ ပညာရှင် ဒေါက်တာ ထွန်းလွင်၏ အင်တာနက် စာမျက်နှာတွင် ဖေါ်ပြထားသည်။
အမရဌာနနီ အရှေ့ရပ်ကွက်၊ အကွက် ၃၁ ရှိ အရိပ်မထွက်ဘုရား စိန်ဖူးတော်နှင့် ထီးတော် ပြုတ်ကျ ခဲ့ခြင်းကြောင့် အာရုံခံ တန်စောင်းသို့ ခေတ္တ ပြောင်းရွှေ့ ထားရသည်ဟု မန္တလေး မဇ္ဈိမ သတင်းထောက်က ပေးပို့သည်။
မန္တလေး ဈေးချိုတွင် ဖွင့်လှစ်ထားသည့် မန်းမြန်မာ ပလာဇာ သည်လည်း ငလျင်ကြောင့် စောင်းလာပြီး ဈေးသည် များ နေရာ ပြောင်းရွှေ့နေကြသည် ဟု မန္တလေး သတင်းထောက်က သတင်းပေးပို့သည်။
မန္တလေးတိုင်း စဥ့်ကူးမြို့နယ်တွင်လည်း ငလျင်ကြောင့် လူတယောက် သေဆုံးပြီး အပျက်အစီး ပမာဏ များပြားသည်ဟု စဥ့်ကူး ရဲစခန်းမှ တာဝန်ရှိ ရဲအရာရှိ တဦးက ပြောသည်။ ပျက်စီးဆုံးရှုံးမှု စာရင်းကိုမူ အတည်ပြုချက် ရယူဆဲဟုလည်း အဆိုပါ ရဲအရာရှိက ပြောသည်။
ငလျင်တစ်ခု လှုပ်ခတ်ပြီးပါက နောက်ထပ် ငလျင်ငယ်များ ထပ်မံလှုပ်တတ်သည်ဟုလည်း မိုးလေဝသ ပညာရှင် ဒေါက်တာထွန်းလွင်က သတိပေးထားသည်။ သို့သော် အစိုးရိမ် မလွန်ကဲရန်လည်း သူက ထပ်လောင်းပြောကြားသည်။
Ref: မဇ္ဈိမ
အင်အား(၆.၈)ရစ်တာ စကေးရှိငလျှင်ကြောင့် သေဆုံးပျောက်ဆုံး သူများရှိ
2012-11-11
နိုဝင်ဘာလ ၁၁ ရက် မြန်မာစံတော်ချိန် (၇)နာရီ ( ၄၃) မိနစ်က ရွှေဘို ငလျင်တိုင်းတာရေး စခန်းရဲ့ အရှေ့မြောက်ဘက် (၃၅) မိုင် အကွာနေရာကို ဗဟိုပြုပြီး၊အင်အား (၆.၈) ရစ်ခ်ျတာ စကေးရှိတဲ့ ငလျှင် တစ်ခု လှုပ်ခတ်သွားခဲ့ပါတယ်။
ငလျှင်ဒဏ်ကြောင့် မန္တလေးတိုင်းဒေသကြီး၊ စဥ့်ကူးမြို့နယ်၊ သပိတ်ကျင်းမြို့နယ်၊ စစ်ကိုင်းတိုင်းဒေသကြီး၊ ကန့်ဘလူ မြို့နယ်၊ ရွှေဘို မြို့နယ်နဲ့ ကျောက်မြောင်း စတဲ့ဒေသတွေမှာ လူ အသေအပျောက် ၊ အိုးအိမ် အပျက်အစီးတွေ ရှိခဲ့ပါတယ်။
ငလျှင် လှုပ်ခတ်မှုဒဏ်ကို ပြင်းထန်စွာ ခံစားခဲ့ရတဲ့ စဥ့်ကူးမြို့နယ်က အခြေအနေနဲ့ ပတ်သက်လို့ မြို့နယ် NLD အတွင်းရေးမှူး ဦးမောင်မောင်ဝင်းက RFA ကို ခုလိုပြောပါတယ်။
"စဥ့်ကူးမြို့နယ်မှာ ဆိုရင် ခက်သင်၊ ဘိုသာကုန်းရွာ အထိနာဆုံးခင်ဗျ။ ခက်သင်ရွာနားမှာရှိတဲ့ ခက်သင်တောင်က တစ်ခြမ်းလုံးပြိုကျသွားတယ်။ ဘုရားကျောင်းတွေ၊ ဘုန်းကြီးကျောင်း တော်တော်များများရှိတယ်။ ဘုန်းကြီးကျောင်းတွေ အဓိကပျက်စီးသွားတယ်။ သံဃာတော် တစ်ပါးက ပျံလွန်တော်မူသွားတယ်။ တစ်ပါးက အခြေအနေတော်တော်ဆိုးနေတယ်။ သုံး ပါးလောက်က ဆေးရုံတင်ထားရတယ်။ ရတနာသိင်္ဃတံတားကျတော့ အဲဒီမှာသံဘောင်ပြုတ်ကျပြီးတော့ ဆောက်လုပ်ရေးလုပ်သား (၄) ဦး သံဘောင်နဲ့အတူ မြစ်ထဲထိုးကျသွားတာ အဲဒီ(၄) ဦးကပျောက်ဆုံးနေတယ်။ အလောင်းလည်းမတွေ့ဘူး။ ဒီတံတားခွင်မှာ လုပ်နေတဲ့ ဆောက်လုပ်ရေးလုပ်သား (၁၀) ဦးလောက်က ဆေးရုံတင်ထားရတယ်ခင်ဗျ။ ပြင်းထန်တဲ့လူနာတွေကတော့ မန္တလေးဆေးရုံကြီးကို သွားကြတယ်။"
သပိတ်ကျင်းမြို့နယ်ထဲက ကွင်းသုံးဆယ် ရွှေလုပ်ကွက်မှာ ရွှေတူးဖော်နေကြသူ (၁၁)ဦးဟာ ငလျှင်ဒဏ်ကြောင့် ရွှေတွင်းထဲမှာ ပိတ်မိနေတယ်လို့ သိရပါတယ်။ စစ်ကိုင်းတိုင်းဒေသကြီး၊ ကန့်ဘလူမြို့ပေါ်မှာတော့ တစ်စုံတစ်ရာ ထိခိုက်ပျက်စီးမှု မရှိခဲ့ပေမယ့် မလယ်တိုက်နယ်၊ ရေရှင်၊ ဇီးကုန်း၊ သပြေသာ၊ ထန်းတပင်စတဲ့ နယ်တွေဘက်မှာတော့ လူနာဆောင်၊ မူလတန်းကျောင်းဆောင်၊ ရှေးဟောင်းစေတီပုထိုး၊ အိုးအိမ် တိုက်တာ၊ ဘုန်းတော်ကြီးကျောင်း စတာတွေ ပျက်စီးခဲ့ပါတယ်။
ဒီကနေ့ မနက်က လှုပ်ခတ်သွားတဲ့ ငလျှင်ဒဏ်ကြောင့် ထိခိုက် ဒဏ်ရာရသူတွေကို ရွှေဘိုဆေးရုံ၊ ကျောက် မြောင်းဆေးရုံ၊ စဥ့်ကူးဆေးရုံ တွေကို တင်ပို့ကုသနေကြပြီး ပြင်းထန်သူတွေကိုတော့ မန္တလေးပြည်သူ့ ဆေးရုံကြီးကို သယ်ဆောင်ကုသမှုခံယူနေကြပါတယ်။
Ref: RFA News
Posts
