ကြာသပတေးနေ့၊ 28 မေလ 2009
ယခုလ ၂၀ -၂၅ ရက်နေ့ အထိ တရုပ်နယ်စပ်အခြေစိုက် အပစ်ရပ်အဖွဲ့ကြီး သုံးဖွဲ့၏ အကြီးအကဲ ခေါင်းဆောင်များ မိုင်းလား ၌ ၄-၅ ရက် တွေ့ဆုံပြီး လတ်တလော နိုင်ငံရေး စစ်ရေး အခြေအနေများ အပေါ် ဆွေးနွေး ခဲ့ကြကြောင်း တရုပ်နယ်စပ် သတင်း ရပ်ကွက်က ဆိုသည်။
“ကိုးကန့်တပ်ဖွဲ့က ဒု ဥက္ကဌ ဖှုန်ကြားဖူး၊ ပန်ဆန်း က ဥက္ကဌကြီး ပေါက်ယူချန် နဲ့ အိမ်ရှင် မိုင်းလားအဖွဲ့ အကြီးအကဲ ဦးစိုင်းလင်းတို့ ပါတာပေါ့” ဟု ဒေသခံ ကုန်သည် တဦးက ပြောပြသည်။
ဆွေးနွေးချက်များအရ - စစ်အစိုးရက နိုင်ငံရေးနည်းလမ်းဖြင့် မဖြေရှင်းဘဲ စစ်ရေးဖြင့်သာ ဖြေရှင်းလာလျှင် စစ်ဆင်မှု စီမံ ကွပ်ကဲရေး ဗဟိုတခု အတူ ထားရှိမည် ဖြစ်ကြောင်း၊ လက်တွဲခိုင်မြဲစွာ အပြန်အလှန် ကူညီပံ့ပိုးဖို့ သဘောတူကြကြောင်း၊ နအဖ စစ်တပ်၏ တောင်ပိုင်း ၀ တပ်ဖွဲ့နယ်မြေရှိ အရေးပါသော တပ်စခန်း သုံးခု ရုတ်ပေးရေး ကိစ္စ လုံးဝ မဖြစ်နိုင်ကြောင်း သိရသည်။
“အဲဒီစခန်း တွေရဖို့ ကျနော်တို့ အသက်ပေါင်းရာထောင်ချီ ပေးဆပ် ခဲ့ရတယ်၊ လွယ်လွယ်နဲ့ လက်လွတ်ပေးဖို့ လုံးဝ မဖြစ် နိုင်ဘူး” ဟု ၀ အကြီးအကဲ တဦးက ဆိုသည်။
အပစ်ရပ်ခေါင်းဆောင်များတွေ့ဆုံဆွေးနွေးမှုအပြီး မိုင်းလား တပ်ဖွဲ့ ထိပ်ပိုင်းအရာရှိများ အစည်း အဝေးတရပ် ထပ်မံ ကျင်းပရာ နယ်ခြားစောင့်တပ် အသွင်ပြောင်းရေး စစ်အစိုးရ၏ တောင်းဆိုချက်အပေါ် UWSA နည်းတူ လက်သင့်မခံ ကြောင်း၊ အရာရှိ အရာခံ တပ်မှူးများနှင့် လူထုခေါင်းဆောင် အားလုံးနီးပါး၏ ဆန္ဒ အရလည်းငြင်း ဆန်ကန့် ကွက်ကြ ကြောင်း၊ တြိဂံတိုင်းမှူး ဗိုလ်ချုပ် ကျောဖြိုးထံ အကြောင်းပြန်ရန် ၂၇/၀၅/၂၀၀၉ နေ့၌ကျိုင်းတုံသို့ ကိုယ်စားလှယ်စေ လွတ်အကြောင်း ပြန်လိုက်သည်ဟု အဆိုပါ ကုန်သည်က ဆိုသည်။
“ကျနော်တို့ နှစ်ပေါင်း ၂၀ ကျော် အပစ်ရပ်လာခဲ့တာ အစိုးရကို အန္တရာယ်ပေးတဲ့၊ ထိခိုက်စေတဲ့၊ လုပ်ရပ်မျိုး ဘာတခုမှ မလုပ်ခဲ့ တဲ့အပြင် အထောက်အကူ တွေတောင် ပေးနိုင်ခဲ့သေးတယ်” ဟု မိုင်းလားအရာရှိ တဦးက ပြောကြောင်းလည်း ပြောပြ၏။
နယ်ခြားစောင့်တပ်လူအင်အား ၃၂၆ ယောက်အနက် ဗမာ့ တပ်မတော် အရာရှိ ၃၀ (၃ ရာခိုင်နှုန်း) ယောက် ဖြည့်တင်း ကူညီမည် ဆိုသည့် အချက်ကိုလည်း မဖြစ်နိုင်သေးကြောင်း၊ အထူးဒေသ ၄ မိုင်းလား အဖွဲ့သည် မူးယစ် တိုက်ဖျက်ရေး ကဏ္ဍ၊ ဒေသဖွံ့ဖြိုး တိုးတက်ရေး ကဏ္ဍများ၌ ဘယ်သူ့ကိုမှ အားမကိုးဘဲ စွမ်းဆောင်နိုင် ခဲ့သည့်အပြင် ဒေသ အကျိုးပြု လုပ်ငန်းများပါ လုပ်နိုင်ခဲ့ကြောင်း အဆိုပါ အရာရှိက ဆိုသည်။
အပစ်ရပ်အဖွဲ့များ၏ စစ်အစိုးရတောင်းဆိုချက် ကန့်ကွက်ခြင်းနှင့် ပတ်သက်၍ လားရှိုး ကုန်သည် တဦးကလည်း -“ အပစ်ရပ် ၀ တပ်ဖွဲ့တွေရဲ့ ထိန်းချုပ်နယ်မြေ နယ်နိမိတ်တွေမှာ အင်အား ဖြည့်ထားတယ်၊ စစ်အရေးအရ အဓိက အချက်အခြာ တွေမှာ နေရာ ယူလာကြတာတွေ တွေ့ရတယ် - လို့ ရဲအရာရှိ တစ်ယောက်က ပြောတယ်။ တိုက်ပွဲ တွေထပ်ဖြစ် ရင်တော့ မြောက်ကိုးရီးယားက ရလာတဲ့ လက်နက်ဆန်းတွေ ထုတ်သုံးဖို့ အလားအလာ များတယ်လို့ ပြောတာဘဲ။ ရပ်ရွာလူထု ကတော့ ကြားက ထိမှာဘဲ” ဟု သျှမ်းသံတော်ဆင့် သို့ ပြောပြ၏။
မိုင်းလား၌ အပစ်ရပ်ခေါင်းဆောင်များဆွေးနွေးကြရာ၌ - “ဒေါ်အောင်ဆန်းစုကြည် ကိစ္စနဲ့ ၂၀၁၀ ရွေးကောက်ပွဲ မပြီးပြတ်သေးရင် စစ်အစိုးရ အနေနဲ့ အကြီးအကျယ် စစ်ဆင်ရေး လုပ်ဖို့ ဖြစ်နိုင်ဦးမှာ မဟုတ်ဘူး”-ဟု သုံးသပ်ကြကြောင်းလည်း ပြောကြသည်ဟု ဆို၏။
UWSA ဌာနချုပ် ပန်ဆန်း၌ ၀ပြည်အစိုးရက တရုပ်ပြည်မှ တဲင့်ကား ၁၀ စီး ထပ်မံ ၀ယ်ယူခဲ့ပြီး (မိုင်းလား၊ ၀ နယ်စပ်) မိုင်းဖျဲန်ဘက် တစီး ပို့ထားသည်ဆိုသည့် သတင်းမှာ အတည်ပြု၍ မရသေးကြောင်း ၀ အရာရှိများ နှင့်ရင်းနှီးသူ တဦး ပြောဆိုသည်။
စစ်အစိုးရနှင့် ဆက်ဆံရေးတင်းမာသည့်ကြားမှ မိုင်းလားဒေသ ငြိမ်းချမ်းလာခြင်း (သို့) ဗကပ မှ ခွဲထွက်ပြီး NDAA တည် ထောင်ခြင်းနှစ် ၂၀ ပြည့် အခမ်းအနားကိုမူ ကြီးကျယ်ခန်း နားစွာကျင်းပမည် ဖြစ်ကြောင်း၊ မိုင်းလားအဖွဲ့မှ ထိပ်ပိုင်းအရာရှိ တချို့၏ မိသားစု တရုပ်ပြည်အတွင်း ရွှေ့ပြောင်းမှုလည်း ရှိကြောင်းလည်း သိရသည်။
Ref: သျှမ်းသံတော်ဆင့်
Friday, May 29, 2009
အင်အားကြီး အပစ်ရပ်သုံးဖွဲ့ ခေါင်းဆောင်များ မိုင်းလား၌ တွေ့ဆုံဆွေးနွေး
ဒေါ်အောင်ဆန်းစုကြည်ကို ဆက်လက် အရေးယူမည် ဟု နအဖ တုန့်ပြန်
မင်းနိုင်သူ / ၂၈ မေ ၂၀၀၉
မေ (၂၂) ရက်တွင် ကုလသမဂ္ဂလုံခြုံရေးကောင်စီက ထုတ်ပြန်ခဲ့သော ကြေညာချက်နှင့် ပတ်သက်၍ မြန်မာစစ်အစိုးရ နိုင်ငံခြားရေး ၀န်ကြီးဌာနမှ ယမန်နေ့က သတင်း ထုတ်ပြန်ခဲ့သည်။
ယင်းသတင်းထုတ်ပြန်ချက်တွင် ဒေါ်အောင်ဆန်း စုကြည်သည် ၂၀၀၉ ခုနှစ် မေလတွင် သူမ၏ နေအိမ်သို့ တရားမ၀င် လျှို့ဝှက် ၀င်ရောက်လာသော အမေရိကန် နိုင်ငံသားအား နှစ်ရက်တိုင်တိုင် နေထိုင်ခွင့် ပြုခြင်း၊ လက်ခံ စကားပြောခြင်း၊ အစားအသောက် ကျွေးမွေးခြင်းတို့ ပြုလုပ်ခဲ့သည့် အတွက် ဥပဒေနှင့် အညီ အမှုဖွင့် တရား စွဲဆိုခဲ့သည်ဟု ဖော်ပြသည်။
ဤသို့တရားစွဲဆိုခြင်းသည် နိုင်ငံရေး အကျိုးသက်ရောက်မှု တစုံတရာ ဖြစ်ပေါ် လာနိုင်ဖွယ်ရာ မရှိသဖြင့် ၎င်းတို့၏ အရေးယူ ဆောင်ရွက်ချက်ကို ဆက်လက် ဆောင်ရွက်သွားမည် ဟုလည်း ဆိုသည်။
ထို့နောက် ဒီမိုကရေစီနိုင်ငံတော်သစ် တည်ဆောက်ရန်တွင် ပါဝင်နိုင်ရေး အတွက် ၂၀၀၈ ခုနှစ် စက်တင်ဘာ (၂၃) ရက်တွင် အကျဉ်းသား (၉,၀၀၂) ဦးနှင့် ၂၀၀၉ ခုနှစ် ဖေဖော်ဝါရီ (၂၀) ရက်တွင် အကျဉ်းသား (၆,၃၁၃) ဦးတို့ကို လွှတ်ပေး ခဲ့ကြောင်းနှင့် မူဝါဒလမ်းစဉ် (၇) ရပ်၏ ပဉ္စမ အဆင့် ဖြစ်သည့် ပါတီစုံ ရွေးကောက်ပွဲကို ၂၀၁၀ ခုနှစ်တွင် ကျင်းပသွားမည် ဖြစ်ကြောင်း ဖော်ပြခဲ့သည်။
ကုလသမဂ္ဂလုံခြုံရေးကောင်စီ၏ မေ (၂၂) ရက် ကြေညာချက်တွင် ဒေါ်အောင်ဆန်းစုကြည် အပါအဝင် သက်ဆိုင်ရာ နိုင်ငံရေး အဖွဲ့အစည်းများနှင့် တိုင်းရင်းသားများ တွေ့ဆုံ ဆွေးနွေးရေး အတွက် လိုအပ်သော အခြေအနေ ကောင်းများ ဖန်တီးကာ ကုလသမဂ္ဂ အထောက်အပံ့ဖြင့် အမျိုးသား ပြန်လည် သင့်မြတ်ရေး တည်ဆောက်ရန် မြန်မာ စစ်အစိုးရကို တောင်းဆိုခဲ့ပြီး ဒေါ်အောင်ဆန်း စုကြည်နှင့် နိုင်ငံရေး အကျဉ်းသား အားလုံးကို လွှတ်ပေးရန်လည်း ဖော်ပြပါရှိသည်။
ယင်းကိစ္စနှင့်ပတ်သက်၍ ၀ါရင့်သံအမတ်ဟောင်း တဦးဖြစ်သူ ဦးချန်ထွန်းက “ဒီကိစ္စက ဒေါ်အောင်ဆန်း စုကြည်ကို အမှုဖွင့်လို့ ပေါ်ပေါက်လာရတာ ဖြစ်တယ်။ ဒါကို ပြန်ကြည့်ရင် ဒေါ်အောင်ဆန်း စုကြည် တို့ကို အမှုဖွင့် ထားပြီး လုံခြုံရေး တာဝန်ယူရတဲ့ အဖွဲ့အစည်းက တာဝန်ရှိ ပုဂ္ဂိုလ်တွေကို ဘာမှ မလုပ်ဘူးဆိုတာ သဘာဝ မကျဘူး။ နောက် ယက်တောက မနှစ်ကတည်းက လာဖူးတာပဲ။ အဲဒါကိုလည်း အာဏာပိုင်တွေကို အကြောင်းကြား ထားတာပဲ။ ဒီအထဲက ထပ်လာနိုင်တယ် ဆိုတာ ဘာ့ကြောင့်လဲ။ ဘယ်သူ့မှာ တာဝန် ရှိလဲဆိုတာ အထင်းသားကြီးပဲ” ဟု သုံးသပ် ပြောဆိုသည်။
“နောက်တခုက သူတို့က အကျဉ်းသားတွေ လွှတ်ပေးတယ်လို့ ပြောတယ်။ အဲဒီလွှတ်တဲ့ အကျဉ်းသား တွေထဲမှာ နိုင်ငံရေး အကျဉ်းသားက ဘယ်လောက် ပါလို့လဲ။ နှစ်သုတ်ပေါင်းမှ (၂၅) ယောက် လောက်ပဲ ပါတယ် ထင်တယ်။ အများအားဖြင့်က ခိုးဆိုး လုယက်တဲ့ လူတွေကိုသာ အများဆုံး ပြန်လွှတ် ခဲ့တာပဲ။ အဲလိုလူတွေ အများစုကို ပြန်လွှတ်တဲ့ အတွက် အပြင်မှာ ဒုစရိုက်မှုတွေ ပိုများလာတာ ဖြစ်တယ်လို့ ယူဆ ကြတာတွေလည်း ရှိတယ်။ ဒါတွေကတော့ မိုးကြိုးပစ်ရာ ထန်းလက်နဲ့ ကာနေတဲ့ သဘောပေ့ါ။ ဒီထက်သာ ပိုဆိုးတဲ့ အခြေအနေကို အစိုးရဘက်က ဖန်တီးခဲ့ရင် နိုင်ငံတကာ အသိုင်းအ၀ိုင်းရဲ့ ဖိအားတွေ ပိုများလာမှာ ဖြစ်တယ်။ ပြည်တွင်းနိုင်ငံရေး အခြေအနေလည်း ကောင်းလာမှာ မဟုတ်ဘူး” ဟု ၎င်းက ဆက်လက် ပြောဆိုသည်။
မြန်မာစစ်အစိုးရအပေါ် အစဉ်တစိုက် ပျော့ပြောင်း ညင်သာစွာ ဆက်ဆံခဲ့သည့် အာဆီယံကလည်း ယခုကိစ္စနှင့် စပ်လျဉ်း၍ ဒေါ်အောင်ဆန်းစုကြည်ကို အမြန်ဆုံး ပြန်လွှတ်ပေးရန် တောင်းဆိုခဲ့သည်။
သို့သော် မြန်မာစစ်အစိုးရက ပြည်တွင်းရေး ကိစ္စသာ ဖြစ်ကြောင်းနှင့် အာဆီယံ အလှည့်ကျ ဥက္ကဋ္ဌ ထိုင်းနိုင်ငံသည် လုပ်ထုံး လုပ်နည်းများနှင့် မညီ လုပ်ဆောင်ခဲ့ကြောင်း စွပ်စွဲ တုံ့ပြန်ခဲ့သည်။
Ref: ခေတ်ပြိုင်
Chevron သည် စစ်အစိုးရကို အထောက် အကူပြုနေဟု အလုပ်သမား သမဂ္ဂ ပြောဆို
ကိုဝိုင်း
ကြာသပတေးနေ့၊ မေလ 28 2009
ချင်းမိုင် (မဇ္ဈိမ)။ ။ မြန်မာနိုင်ငံ တောင်ပိုင်းရှိ ရတနာ ဓာတ်ငွေ့နှင့် ပိုက်လိုင်း လုပ်ငန်းများတွင် စွမ်းအင် ကုမ္ပဏီကြီး ရှဗရွမ် ကော်ပိုရေးရှင်း Chevron ၏ ရင်းနှီး လုပ်ကိုင်နေမှုသည် ရက်စက် ဖိနှိပ်သည့် နအဖ စစ် အစိုးရအား ဘဏ္ဍာရေးအရ ထောက်ပံ့ ပေးခြင်းဖြစ်ကြောင်း နိုင်ငံတကာ အလုပ်သမား သမဂ္ဂကြီး တခုက ပြောသည်။
အမေရိကန်နှင့် ကနေဒါအခြေစိုက် နိုင်ငံတကာ အလုပ်သမား သမဂ္ဂ တခုဖြစ်သော International Brotherhood of Teamsters – IBT ၏ ယမန်နေ့ ထုတ်ပြန်ချက်တွင် ပြောဆို လိုက်ခြင်းဖြစ်သည်။
ဒီမိုကရေစီအရေး လှုပ်ရှားသူများကို ရက်စက်စွာ ဖိနှိပ်လေ့ရှိပြီး လူ့ အခွင့်အရေး ချိုးဖောက်မှု ကိုလည်း စနစ်တကျ ကျူးလွန်နေသော စစ်အစိုးရ အတွက် နိုင်ငံခြားငွေ အများဆုံး ရရှိစေသည့် ရင်းနှီး မြှုပ်နှံမှုလည်း ဖြစ်ကြောင်း IBT က ဆိုသည်။
ရှဗရွမ် ကော်ပိုရေးရှင်းအနေဖြင့် ရင်းနှီးမြှုပ်နှံရန် မလုပ်သင့်သော နိုင်ငံများ အဖြစ် မည်သည့် အချက်အလက် များကို အခြေခံပြီး မည်သို့ တိုင်းတာ သတ်မှတ်သည်ကို ရှင်းလင်းစွာ ထုတ်ပြန် ပေးရန် သမဂ္ဂ၏ တောင်းဆိုချက်ကို ကော်ပိုရေးရှင်း၏ ရှယ်ယာ ပိုင်ရှင်များ နှစ်ပတ်လည် အစည်းအဝေး၌ ဆွေးနွေး၍ မဲပေးကြရာ မဲအားလုံး၏ ၂၅ ရာခိုင်နှုန်း ထောက်ခံကြောင်း ထုတ်ပြန် ချက်တွင် ဖော်ပြသည်။
အလုပ်သမားသမဂ္ဂကြီး၏ ဘဏ္ဍာရေးဆိုင်ရာ အတွင်းရေးမှူး C. Thomas Keegel က “ဥပဒေကြောင်း၊ ငွေကြေးအရ၊ နိုင်ငံရေးအရ ကြီးမားတဲ့ စိန်ခေါ်မှုတွေ အကြားက မြန်မာနိုင်ငံမှာ ဒီလို ရင်းနှီး မြှုပ်နှံမှုတွေကို ရှဗရွမ်က ဘယ်လို ဆုံးဖြတ် လုပ်ကိုင်နေတယ် ဆိုတာကို အစု ပိုင်ရှင်တွေက အလေးထား လာကြတာ တွေ့ရလို့ ကျေနပ် အားရပါတယ်” ဟု ပြောသည်။
ရတနာ သဘာဝဓာတ်ငွေ့ လုပ်ငန်းတွင် မြန်မာရေနံနှင့် သဘာဝဓာတ်ငွေ့ လုပ်ငန်းမှ တဆင့် ရှဗရွမ်နှင့် တွဲဖက် လုပ်ကိုင်နေသည့် စစ်အစိုးရသည် နိုဘယ်ငြိမ်းချမ်းရေး ဆုရှင် ဒေါ်အောင်ဆန်း စုကြည်ကိုလည်း ဖမ်းဆီး ထိန်းသိမ်းထားကြောင်း ကြေညာချက်ထဲတွင် ဆိုထားသည်။
ရှဗရွမ်အနေဖြင့် ဤကဲ့သို့ နိုင်ငံရေးအရ သတိထားရမည့် အနေ အထားတွင် ရင်းနှီး မြှုပ်နှံမှု ပြုသင့်၊ မသင့် ကိစ္စမျိုးကို မည်သို့ စုံစမ်း အကဲဖြတ်သနည်း ဟုလည်း မေးခွန်း ထုတ်လိုက်သည်။
၁၉ဝ၃ ခုတွင် ဖွဲ့စည်းခဲ့သည့် International Brotherhood of Teamsters ဟု ခေါ်သည့် နိုင်ငံတကာ အလုပ်သမား သမဂ္ဂကြီး တွင် အဖွဲ့ဝင် အလုပ်သမား ၁ သန်းခွဲခန့် ရှိသည်။
ရှဗရွမ်ကော်ပိုရေးရှင်း Chevron Corporation သည် ကမ္ဘာ့ စတုတ္တမြောက် စွမ်းအင် ကုမ္ပဏီကြီး ဖြစ်ပြီး အမေရိကန်နိုင်ငံ ကာလီဖိုးနီးယားပြည်နယ်မှ San Ramon မြို့၌ ဗဟို ဌာနချုပ် ဖွင့်ထားသည်။ နိုင်ငံပေါင်း ၁၈ဝ ကျော်တွင် ရေနံနှင့် သဘာဝ ဓာတ်ငွေ့ ရှာဖွေ၊ တူးဖော်၊ ထုတ်လုပ်၊ သန့်စင်ရေးနှင့် သယ်ယူ ပို့ဆောင်ရေး လုပ်ငန်းများ လုပ်ကိုင်နေသည်။
Ref: မဇ္ဈိမ
Thursday, May 28, 2009
အင်းစိန်ထောင်ရှေ့မှာ ဒေါ်စု လွတ်မြောက်ရေး လူတဦး ဆန္ဒပြ
ကြာသပတေးနေ့၊ မေလ 28 2009 14:30 - မြန်မာစံတော်ချိန်
ချင်းမိုင် (မဇ္ဈိမ)။ ။ ဒေါ်အောင်ဆန်းစုကြည်ကို ချက်ချင်း ပြန်လွှတ်ပေးရန် ရေးသားထားသည့် ဆိုင်းဘုတ်ကို ကိုင်ဆောင်ကာ အင်းစိန် ထောင်ရှေ့တွင် နိုင်ငံရေး အကျဉ်းသားဟောင်း တဦး ယနေ့ ဆန္ဒပြသဖြင့် ဖမ်းဆီးခံရသည်။
Free Daw Aung San Su Kyi ဟူသည့် စာသားများ အပါအဝင် တောင်းဆိုချက် အချို့ကို ၂ ပေ ပတ်လည်ရှိ ပိတ်စ အဖြူပေါ်တွင် ရေးသား ကိုင်ဆောင်ကာ အသက် ၅ဝ နှစ်ကျော် နိုင်ငံရေးသားဟောင်း ဦးဇော်ညွန့်က ဆန္ဒပြသဖြင့် လုံခြုံရေး အာဏာပိုင်များက ဖမ်းဆီးသွားခြင်း ဖြစ်သည်။
မျက်မြင်သက်သေတဦးက “အမေစုကို ချက်ချင်း ပြန်လွှတ်ပေးပါ။ အောက်က Free Daw Aung San Su Kyi ဆိုတဲ့ စာသားတွေ အချက် ၄ ချက်လောက် ပါတယ်” ဟု မဇ္ဈိမကို ပြောသည်။
အဆိုပါ မျက်မြင်သက်သေ၏ ပြောဆိုချက် ……..
အခု ၁ နာရီခွဲလောက်မှာပဲ။ ဒီနေ့ လူတယောက်က ဆန္ဒပြတာလေ။ အင်းစိန်ထောင်ရှေ့မှာ ဆိုင်းဘုတ် ကိုင်ပြီးတော့ ဆန္ဒပြတယ်။ Banner စ အဖြူ ၂ ပေ ပတ်လည်လောက် ရှိမယ်။
soft pen (ဆော့ဖ်ပင်) နဲ့ ရေးထားတယ်။ ၅ မိနစ်လောက်ပဲ၊ လက်မြှောက်ပြီး ဆန္ဒပြတယ်။ ဖတ်လို့ မရလိုက်ဘူး။ သူတို့က ချက်ချင်း ခေါ်သွားပြီ။ သူ့ကို အင်းစိန်ဈေး အပေါ်ထပ်ကို ခေါ်သွားပြီ။
သူ့ကို အခုပဲ ရဲတွေရော အက်စ်ဘီတွေ၊ ကြံ့ဖွံ့တွေရော အယောက် ၂ဝ လောက်က ဆွဲခေါ်သွားပြီ။ ကျမတို့ ထိုင်နေတဲ့ နေရာက နေပြီးတော့ ဈေးပေါ်ကို ဆွဲတင်သွားပြီ။ အောက်မှာက ရဲတွေ အသင့်အနေအထား စောင့်နေတဲ့ ပုံစံပဲ။
အခုက အထဲကနေပြီးတော့ ပုံစံကြည့်ရတာ ညွန်ကြားချက်တွေရှိပြီး၊ ရဲတွေ လက်နက် အပြည့် အစုံနဲ့ အင်အားပြနေတဲ့ ပုံစံပေါ့လေ။ အခု လောလောဆယ် ဖြစ်နေတယ်။ ရာဂဏန်းလောက် ရှိမယ်။ ဒီက လူတွေကိုလည်း ပြဿနာရှာ နေတဲ့ ပုံစံပဲ။
မျက်မြင်သက်သေ နောက်တဦး၏ ပြောဆိုချက် …..
လူတွေကတော့ အေးဆေးပဲ ထိုင်နေကြတယ်။ သူတို့ဘက်ကသာ ဒီကလူတွေကို ပြဿနာ ရှာချင်တဲ့ပုံ ရှိနေတယ်။
လောလောဆယ် ရဲကား ၃ စီး ထည့်ထားတယ်။ ထောင်ကားက ၂ စီး ရှိတယ်။ ပိတ်ထားတဲ့ နေရာမှာလည်း ရပ်စောင့်နေတာ မဟုတ်တော့ဘူး။ မီးသတ်ရှေ့မှာလည်း ၇ဝ လောက် ရှိတယ်။ မျက်နှာချင်းဆိုင်မှာ အသင့်အနေအထား ရှိနေတယ်။ ဒီနေ့က ထောက်လှမ်းရေး တွေလည်း များတယ်။
အခုက ဈေးအပြင်ဘက်ကို ခေါ်ထုတ်သွားပြီ။
Ref: မဇ္ဈိမ
ဦးအုန်းကြိုင် - (အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင်) နှင့် ဆက်သွယ် မေးမြန်းချက်
ကြာသပတေးနေ့၊ မေလ 28 2009 14:50 - မြန်မာစံတော်ချိန်
” ဒီနေ့ နောက်ဆုံးနေ့ ဖြစ်ရင်လည်း ဖြစ်မယ်ပေါ့ဗျာ။ နောက်ဆုံးနေ့ မဖြစ်ရင်လည်း အထဲမှာ တရားစီရင်ရေး ထဲမှာ၊ တရားခွင်မှာ စစ်ဆေးမယ့် ဟာက တရားခံပြ သက်သေက ဦးကြည်ဝင်း တယောက်ပဲ ရှိမယ်ဆိုတော့ သိပ်ပြီးတော့ ထူးခြားမယ်လို့ အနေအထား မရှိဘူး။”
” လူတွေကတော့ နေရာအနှံ့မှာ ခါတိုင်းလို စုရုံးစုရုံးတော့ ထိုင်နေကြတာပဲ။ စကားပြော နေကြတာပဲ။ ရဲကားတွေလည်း ၄-၅-၆ စီး ကျနော်တို့ရှေ့မှာ ရပ်နေတာပဲဗျ။ သံဆူးကြိုးတွေ၊ အပိတ်အဆို့တွေ၊ လမ်းပိတ်တာတွေ ကလည်း ဒီအတိုင်းပဲ လုပ်ထားတယ်။ ဘာမှ ထူးထူးခြားခြား မရှိပါဘူးဗျ။ ရာသီဥတုကလည်း သိပ်ပြီး ဆိုးဆိုးရွားရွား မဟုတ်ဘူး။ မိုးလည်း မရွာဘူး၊ မိုး နည်းနည်း အုံ့နေတယ်။ လူတွေကတော့ ဒီလိုပဲ စကားပြောပြီး စောင့်ကြည့်နေတာပဲ။”
” ဒီနေ့က အမှုကို ပြီးမယ်ဆိုရင် စီရင်ချက်ချတာတို့ သို့မဟုတ်ရင်လည်း လျှောက်လဲချက် တင်တာမျိုးတွေ မရှိဘူးဆိုရင် ၁ နာရီ လောက်ဆို ပြီးသွားနိုင်ပါတယ်။ တယောက်ထဲ ရှိတာကိုး။ တရားရုံးကနေပြီးတော့ နှစ်ဖက် လျှောက်လဲချက် ပေးပါလို့ဆိုရင် လျှောက်လဲရမယ်။ ကျနော်တို့ရှေ့နေတွေ ဦးဉာဏ်ဝင်းတို့က လျှောက်လဲမယ်ဆိုရင် လျှောက်လဲလို့ ရအောင် အဆင်သင့်တော့ လုပ်ထားပါတယ်။”
”ရှေ့နေ ဦးကြည်ဝင်းကို တရားခံပြသက်သေ၊ နောက်ဆုံး သက်သေပေါ့ဗျာ၊ သူ့ကို စစ်ဆေးမယ်၊ ကျန်တဲ့ နှစ်ဖက်ရှေ့နေများကိုလည်း လျှောက်လဲချက် ပေးပါလို့ ရုံးတော်က ပြောရင် အကုန်လုံးတော့ ပြီးသွားမှာပေါ့။ အဲဒီတော့ စီရင်ချက် ချတာကိုတော့ မနက်ဖြန်မှ လုပ်မယ်ဆိုရင်၊ မနက်ဖြန် နေ့လယ်ပိုင်းလောက်မှာ ပြီးသွားမှာပဲ။ စီရင်ချက်ချတာကတော့ ကျနော်ထင်တယ် နာရီဝက်၊ တနာရီထက် ပိုကြာစရာ အကြောင်းမရှိဘူး။ အဲလိုပဲ ထင်ရတယ်ဗျ။”
”ကျန်တာကတော့ ဘာမှမထူးဘူး။ ဒီအတိုင်းပဲ၊ ပုံမှန်ပဲ။ လူတွေက သောက်ရေပေးတာ၊ မုန့်တွေပေးတာတို့၊ ချိုချဉ်တို့ မြေပဲတို့ စသဖြင့် ခါတိုင်းလိုပါပဲ။ တခြားဘက် အခြေ အနေတွေတော့ မသိသေးပါဘူး။ ဘာကြောင့်လဲ ဆိုတော့ အဆက်အသွယ် ကလည်း လမ်းတွေ ပိတ်ထားတာ။ ဟိုး … အင်းစိန် ဂုံးတံတားကြီးဘက် တမိုင်လောက်ကစ ပိတ်ထားတာဆိုတော့ အပြင်လူကလည်း အရောက်အပေါက် နည်းတယ်။ အဲဒီတော့ ဒီနားမှာ ရှိနေတဲ့လူတွေ ရောက်လာပြီးတော့၊ ပြန်မထွက်နိုင်တာဆိုတော့ သိပ် မသိရဘူးဗျ။ ဒီနေ့လည်း လူတွေက စုံပါတယ်။ တော်တော်များများ စုံပါတယ်။ တခြားမြို့နယ်က လာတာတို့။ မှော်ဘီ၊ အိမ်မဲ၊ ပုသိမ်တို့ကလည်း လာပါတယ်။ လူငယ်ခေါင်းဆောင်တွေလည်း လာကြတယ်။ လူတော့ စုံပါတယ်၊ ခါတိုင်းလိုပါပဲဗျ၊ ခါတိုင်းလိုပဲ။”
Ref: မဇ္ဈိမ
အဖွဲ့ချုပ်ရုံးတွင် ရွေးကောက်ပွဲ အောင်ပွဲနေ့ ကျင်းပ ဒေါ်အောင်ဆန်း စုကြည်၏ တရားရုံး ရေးသား ဖေါ်ပြချက် ထုတ်ပြန်
NEJ / ၂၇ မေ ၂၀၀၉
အမျိုးသားဒီမိုကရေစီအဖွဲ့ချုပ်ရုံးတွင် ယနေ့ကျင်းပသည့် (၁၉) နှစ်မြောက် ရွေးကောက်ပွဲ အောင်ပွဲနေ့ အခမ်းအနားတွင် ဒေါ်အောင်ဆန်းစုကြည်က ၎င်းအား စွဲဆိုထားသည့် အမှုနှင့်ပတ်သက်၍ တရားရုံးသို့ ရေးသား တင်ပြချက်ကို ထုတ်ပြန်ခဲ့သည်။
အဆိုပါ ကြေညာချက်ပါ ဒေါ်အောင်ဆန်းစုကြည်၏ ရေးသားတင်ပြချက် တွင် ဒေါ်အောင်ဆန်းစုကြည်က ယခု အမှုဖြစ်ပွားရသည့် အရင်းခံ အကြောင်းရင်းမှာ လုံခြုံရေး လစ်ဟင်းမှု သို့မဟုတ် လုံခြုံရေး ဖောက်ဖျက်မှု ဖြစ်သော်လည်း ယခုအချိန်အထိ လုံခြုံရေးဆိုင်ရာ တာဝန်ရှိမှုနှင့် စပ်လျဉ်းပြီး အရေးယူခြင်း မရှိဘဲ ၎င်းကိုသာ အရေးယူ တရားစွဲခြင်းမှာ ဘက်လိုက် ဆောင်ရွက်ခြင်း ဖြစ်သည်ဟု ဖော်ပြထားသည်။
အဖွဲ့ချုပ် ဒု-ဥက္ကဋ္ဌ ဦးတင်ဦးနှင့် အထွေထွေအတွင်းရေးမှူး ဒေါ်အောင်ဆန်းစုကြည် တို့သည် ၂၀၀၃ ခု မေ (၃၀) ရက်တွင် ဒီပဲယင်းမြို့ အနီးတွင် တိုက်ခိုက် ခံခဲ့ရပြီးနောက် နအဖ စစ်အစိုးရက ၎င်းတို့အား နေအိမ် အကျယ်ချုပ်ဖြင့် ထိန်းသိမ်းထားခဲ့သည်။
ထိုသို့ထိန်းသိမ်းထားစဉ်အတွင်း ယခုနှစ်မေလတွင် ဒေါ်အောင်ဆန်းစုကြည် ခြံထဲသို့ အမေရိကန် နိုင်ငံသား မစ္စတာယက်တောက တိတ်တဆိတ် ရေကူး ၀င်ရောက်ခဲ့ရာ ဒေါ်အောင်ဆန်းစုကြည်က ခေတ္တ နေခွင့် ပြုခဲ့သဖြင့် နအဖ စစ်အစိုးရက ဒေါ်အောင်ဆန်းစုကြည်ကို နေအိမ် အကျယ်ချုပ် ဖောက်ဖျက်မှုဖြင့် တရားစွဲဆိုကာ အမှုစစ်ဆေးလျက် ရှိသည်။
ဒေါ်အောင်ဆန်းစုကြည်က ယင်းအမှုကို မကျူးလွန်ကြောင်း ယမန်နေ့က တရားရုံးတွင် စာရေးသား ထွက်ဆိုခဲ့ပြီး ယင်းထွက်ဆိုချက်ကို ယနေ့ အမျိုးသား ဒီမိုကရေစီ အဖွဲ့ချုပ် (အန်အယ်လ်ဒီ) က ထုတ်ပြန် ခဲ့ခြင်းဖြစ်သည်။
အဆိုပါစာတွင် ဒေါ်အောင်ဆန်းစုကြည့်က ယမန်နှစ် နိုဝင်ဘာ (၃၀) ရက်တွင် ပထမအကြိမ် မစ္စတာ ယက်တော ၎င်း၏ နေအိမ်ခြံအတွင်း ရောက်ရှိခဲ့စဉ်က ဒေါက်တာ တင်မျိုးဝင်းမှ တဆင့် ယင်း အဖြစ်အပျက်အား အာဏာပိုင်များ သတင်းပေးပို့ ခဲ့သော်လည်း အာဏာပိုင်များက စုံစမ်း မေးမြန်းခြင်း မလုပ်ခဲ့ဟုလည်း ဖော်ပြထားသည်။
ယခုနှစ် မေလ (၄) ရက် ဒုတိယအကြိမ် မစ္စတာယက်တော ၎င်း၏နေအိမ်ခြံဝင်း အတွင်း ရေကူး ၀င်ရောက်ခဲ့မှုတွင် ၎င်းအနေဖြင့် မည်သူ့ကိုမျှ အဖမ်းအဆီး အချုပ်အနှောင် ခံရစေရန် တွန်းမပို့နိုင် ဟူသော နိုင်ငံရေး ခံယူချက်အရ ခေတ္တ ခိုလှုံခွင့် ပေးခဲ့ကြောင်း တင်ပြထားသည်။
ယင်းကျူးကျော်ဝင်ရောက်မှုနှင့်ပတ်သက်၍ လစဉ် ဆေးစစ်ဆေးရန် လာသည့် ဒေါက်တာ တင်မျိုးဝင်းမှ တဆင့် သက်ဆိုင်ရာသို့ အကြောင်းကြားရန် ရည်ရွယ် ခဲ့သော်လည်း ရဲတပ်ဖွဲ့ဝင်များသာ ရောက်လာပြီး ဒေါက်တာတင်မျိုးဝင်း ၀င်ခွင့် မရခဲ့ကြောင်းလည်း ဖော်ပြထားသည်။
Ref: ခေတ်ပြိုင်
ဒေါ်အောင်ဆန်းစုကြည် ယမန်နေ့ တရားရုံး ထွက်ဆိုချက်
ဗုဒ္ဓဟူးနေ့၊ မေလ 27 2009 18:25 - မြန်မာစံတော်ချိန်
ဒေါ်အောင်ဆန်းစုကြည်နှင့် တရားလိုပြသက်သေ တဦးဖြစ်သူ သတင်းတပ်ဖွဲ့မှ အမှုစစ် ဒုတိယ ရဲမှူးသန်းစိုးအား တရားရုံးက မေးမြန်းခဲ့ရာ မေးမြန်းချက်များနှင့် ထွက်ဆိုချက်များကို ယနေ့ထုတ် မြန်မာစစ်အစိုးရ သတင်းစာများတွင် ဖော်ပြထားရာ မဇ္ဈိမက ပြန်လည် တင်ပြလိုက်ပါသည်။
ဒေါ်အောင်ဆန်းစုကြည်နှင့်အတူ ဒေါ်ခင်ခင်ဝင်း၊ ဒေါ်ဝင်းမမ (ခ) အငယ်လေးတို့သည် အတူတကွ နေထိုင်ပါသလား။
အတူတကွ နေထိုင်ပါသည်။ ကျမအိမ်တွင် ဖြစ်ပါသည်။
ဒေါ်အောင်ဆန်းစုကြည်တို့ကို ကန့်သတ်မိန့်၊ တားဆီးမိန့်နှင့် ဆက်လက် တားဆီးမိန့်များကို ထုတ်ပြန်ထားပါသလား။
ကျမကိုတော့ ထုတ်ပြန်ထားပါသည်။
အမေရိကန်နိုင်ငံသား Mr. John William Yettaw သည် ၂၀၀၈ ခုနှစ် နိုဝင်ဘာ ၃၀ ရက်က ဒေါ်အောင်ဆန်းစုကြည်၏ အိမ်သို့ ရောက်ရှိ လာပါသေးသလား။
ရောက်ရှိလာသည်ဟုတော့ ပြောပါသည်။ ကျမတော့ မမြင်ခဲ့ပါ။
သူသည် မေလ ၃ ရက် ညအချိန်တွင် အင်းလျားကန်အတွင်း ရေကူးပြီး ဒေါ်စု၏ ခြံဝင်းအတွင်းသို့ ဝင်ရောက် ခဲ့ပါသလား။
ကျမ နားလည်သလောက်မှာ မေ ၄ ရက် နံနက်တွင်မှ ရောက်ရှိလာပါသည်။
မည်သူ သတင်းပို့ပါသလဲ။
ဒေါ်ခင်ခင်ဝင်းက လူတယောက် ရောက်နေသည်ဟု ကျမထံ သတင်းပို့ခြင်း ဖြစ်ပါသည်။
ထိုသူမှာ မည်သူဖြစ်ပါသလဲ။
ထိုအချိန်ကတော့ ကျမ မသိပါ။ နောက်ကျမှပဲ သိပါသည်။
ထိုသူမှာ အမေရိကန် နိုင်ငံသား Mr. John William Yettaw ဟုတ်ပါသလား။
ဟုတ်ပါသည်။
Mr. Yettaw ဒေါ်အောင်ဆန်းစုကြည်အိမ်သို့ ရောက်ရှိချိန်တွင် သက်ဆိုင်ရာ အဖွဲ့အ စည်းများသို့ သတင်း ပို့ခဲ့ ပါသေးသလား။
သတင်းမပို့ခဲ့ပါ။
ဒေါ်စုတို့အနေဖြင့် နေအိမ်တွင် သူ့ကို ဧည့်ခံ ကျွေးမွေး နေထိုင်စရာ ပေးခဲ့တယ်ဆိုတာ ဟုတ်ပါသလား။
ကျမက ခေတ္တခိုလှုံခွင့် ပေးခဲ့ခြင်းသာ ဖြစ်ပါသည်။
Mr. Yettaw ကို အိမ်အတွင်းတွင် ကျွေးမွေးခြင်း၊ လက်ခံ စကားပြောခြင်း၊ ပေးသည့် စာနှင့် လက်ဆောင် ပစ္စည်းများကို လက်ခံ ရယူခဲ့ပါသလား။
Mr. Yettaw နှင့် စကားပြောခဲ့ပါသည်။ စာနှင့် ပစ္စည်းများသည် Mr . Yettaw ကျန်ရစ်ခဲ့တာလား၊ ထားခဲ့တာလား ဆိုသည်ကို ကျမ မသိပါ။ အဲဒီကိစ္စကိုတော့ Mr . Yettaw သာ သိမည် ဖြစ်ပါသည်။
Mr. Yettaw သည် မည်သည့်နေ့၊ မည်သည့်အချိန်တွင် ပြန်လည် ထွက်ခွာ သွားပါသလဲ။
သူသည် မေ ၅ ရက် ည ၁၁ နာရီ ၄၅ မိနစ်နှင့် ၁၂ နာရီ အကြား ပြန်လည်ထွက်ခွာသွားပါသည်။
Mr. Yettaw သည် မည်သည့် လမ်းမှ ပြန်လည် ထွက်ခွာ သွားပါသလဲ။
Mr. Yettaw သည် ရေကန်ဘက်သို့ သွားသည်ကိုသာ သိပါသည်။ မှောင်နေ၍ မည်သည့်လမ်းက သွားသည်ကိုတော့ ကျမ မသိပါ။
ဒေါ်စု အိမ်သို့ Mr. Yettaw ကျန်ရစ်ခဲ့သော ပစ္စည်းများကို ဒုတိယရဲမှူး တင်ဇော်ထွန်း တို့က လာရောက် သိမ်းဆည်းပါသေးသလား။
Mr. Yettaw ကျန်ရစ်ခဲ့သော ပစ္စည်းများကို ဒုတိယရဲမှူး တင်ဇော်ထွန်းတို့က လာရောက်သိမ်းဆည်းသွားခြင်း မှန်ကန်ပါသည်။
Mr. Yettaw သည် ဒေါ်စု အိမ်သို့ ရောက်ရှိချိန်က အိမ် ပတ်ဝန်းကျင်တွင် လုံခြုံရေး တပ်ဖွဲ့များ ရှိပါသလား။
ခြံအတွင်းမှာတော့ မရှိပါ။ ခြံအပြင်မှာ ရှိ/မရှိ မသိပါ။
Mr. Yettaw သည် ဒေါ်စု၏ အိမ်အတွင်း၌ ဓာတ်ပုံ၊ ဗီဒီယိုများ ရိုက်သွား ပါသေးသလား။
ကျမအိမ်တွင် ရှိစဉ်က ဓာတ်ပုံ၊ ဗီဒီယို ရိုက်ခြင်း ရှိ/မရှိ မသိပါ။
ဒေါ်စုအနေဖြင့် ကန့်သတ်မိန့်၊ တားဆီးမိန့်နှင့် ဆက်လက် တားဆီး မိန့်ပါ အချက် အလက်များကို သိရှိ ပါသလား။
ရေးသားထားသည့်အတိုင်း သိရှိပါသည်။
ထို့နောက် Mr. Yettaw အပေါ် စွဲဆိုသည့် ပြစ်မှုဆိုင်ရာ အမှုကြီးအမှတ် ၄၈/၂၀၀၉ မှ စစ်ဆေးရန်ကျန်သော တရားလိုပြသက်သေ သတင်းတပ်ဖွဲ့မှ အမှုစစ် ဒုတိယ ရဲမှူးသန်းစိုးကို ဆက်လက်စစ်ဆေးသည်။
မိမိသည် ဗဟန်းရဲစခန်း (ပ) ၃၀၂ /၀၉ လူဝင်မှု ကြီးကြပ်ရေး (အရေးပေါ်ပြဋ္ဌာန်းချက်များ) အက်ဥပဒေပုဒ်မ ၁၃ (၁) အမှုကို စုံစမ်စစ်ဆေးရန် မေ ၁၁ ရက်တွင် လက်ခံရရှိသည်။ မေ ၁၂ ရက်တွင် တရားလိုပြ သက်သေများကို ဆက်လက်စစ်ဆေးပြီး ဒုတိယ ရဲမှူး မောင်မောင်မြင့်နှင့် ဒုတိယ ရဲမှူးတင်ဇော်ထွန်းတို့ လွှဲပြောင်းပေးသော ရှာဖွေပုံစံများကို လက်ခံခဲ့သည်။ ထို့နေ့တွင်ပင် ၎င်းအမှုနှင့် ဆက်စပ်၍ Mr. Yettaw ၏ လက်ရေးနမူနာ ရယူပြီး ဒေါ်စုအိမ်မှ သိမ်းဆည်းရမိခဲ့သော Mr. Yettaw ၏ လက်ရေးများနှင့် တိုက်ဆိုင်စစ်ဆေးရန် မှုခင်းတပ်ဖွဲ့သို့ ပေးပို့အကြောင်းကြားခဲ့သည်။ ထိုနေ့တွင်ပင် Mr. Yettaw အား စစ်ဆေးခဲ့သည်။
မေ ၁၃ ရက်တွင် သက်သေများကို ဆက်လက်စစ်ဆေးသည်။ ဒုတိယရဲမှူး စကျော်ဝင်း လွှဲပြောင်းပေးသော ရှာဖွေပုံစံနှစ်စောင်ကို အမှုတွင် ထည့်သွင်း တင်ပြခဲ့သည်။ မေ ၁၄ ရက်တွင် Mr. Yettaw အား အမှုဖြင့် ဖမ်းဆီးကာ ဗဟန်းရဲစခန်း စွဲချက်အမှတ် ၂၆၄ /၀၉ လူဝင်မှုကြီးကြပ်ရေး (အရေးပေါ်ပြဋ္ဌာန်းချက်များ) အက်ဥပဒေ ပုဒ်မ ၁၃ (၁) အရ ရန်ကုန် မြောက်ပိုင်း ခရိုင်တရားရုံးသို့ တရားစွဲဆို တင်ပို့ခဲ့ကြောင်း ထွက်ဆိုသည်။
အမှုများကို ဆက်လက် စစ်ဆေးကြားနာရန် မေ ၂၇ ရက် နံနက် ၁၀ နာရီသို့ ချိန်းဆိုသည်။
Ref: မဇ္ဈိမ
လက်နက်ကိုင်တော်လှန်ရေးအဖွဲ့သစ်တွေ ပွဲဦးထွက်အောင်ပွဲခံ
မေလ ၂၇ရက်၊ ၂၀၀၉ (၀ိမုတ္တိ)
ဓနု အမျိုးသားကောင်စီရဲ့  စီမံမှုနဲ့ ဖွဲ့စည်းထားသော ပူးပေါင်းအဖွဲ့ဟာ ယနေ့  နံနက် (၄း၃၀) နာရီခန့်က မိုင်းဆတ်မြို့ နယ်အတွင်း ဖြတ်သန်း သွားလာခဲ့တဲ့ နအဖ (တြိဂံဒေသတိုင်း စစ်ဌာနချုပ် ) မှ စစ်ယာဉ်တန်း ၃ စီးအား တိုက်ခိုက်ခဲ့ရာ ယာဉ်ပေါ် လိုက်ပါလာသည့် နအဖဘက်မှ အားလုံးသေဆုံးပြီး လက်နက်များအား သိမ်းဆည်း ရမိကြောင်း သိရပါတယ်။ ယမန်နေ့ ကလည်း သျှမ်းပြည်တပ်မတော် SSA တောင်ပိုင်း တပ်ဖွဲ့မှ နအဖထံ သစ္စာဖောက်ခဲ့သည့် ဗိုလ်မှူးကြီးမိုင်းဇင့်နှင့် နအဖ စစ်ထောက်လှမ်းရေး နှစ်ယောက်ပါ ယာဉ်တန်းအား တိုက်ခိုက် ချေမှုန်းခဲ့ပါတယ်။ ထို့ အတူ မကြာခင်သေးကလည်း ကရင် တိုင်းရင်းသား လက်နက်ကိုင် တော်လှန်ရေး အင်အားစုတစ်ဖြစ်တဲ့ KNLA ကလည်း နအဖ ဒု-ဗိုလ်မှူးချူပ် ကောင်း မြတ်ကို ချေမှုန်း သုတ်သင်ခဲ့ပါတယ်။
ယနေ့ မနက်က - တော်လှန်ရေးအင်အားစုဖြစ်တဲ့ ဓနု အမျိုးသားကောင်စီ ကနေ နအဖကို ချေမှုန်း သုတ်သင်ရာမှာ နအဖ လက်ပါးစေ စစ်တပ်မှ ဗိုလ်မှူးမင်းဇော် (ထောက်ပို့တပ် - တပ်ခွဲမှူး)၊ ဗိုလ်အဆင့် နှစ်ဦး၊ စရဖ သုံးဦးနဲ့  အခြား အောက်ခြေ အဆင့်များ ကျဆုံးသွားကြောင်း သိရှိရပါတယ်။ အဆိုပါ နအဖ ဘက်တော်သားတွေဟာ တြိဂံဒေသ တိုင်းစစ်ဌာနချုပ် ကနေ မိုင်းဆတ်ဒေသကို ကာကွယ်ရေး ပစ္စည်းတွေ သွားပို့တဲ့ မော်တော်ယာဉ်တန်း ဖြစ်ကြောင်း သိရှိရပါတယ်။
နအဖအား တိုက်ခိုက်ချေမှုန်းခဲ့တဲ့ ဓနုအမျိုးသားကောင်စီရဲ့  စီမံမှုနဲ့ အတူ ပါဝင်ခဲ့တဲ့ အင်အားစုတွေ ကတော့ မြန်မာ့ မျိုးချစ် တပ်မတော် (Myanma Patriot Army)၊ ဓနုပြည်သူ့စစ် (Danu Public Army)၊ အခါ လွတ်မြောက်ရေး တပ်မတော် (Akha Liberty Army)၊ အခါ ပြည်သူ့စစ် (Akha Public Army)၊ မိုင်းသာ ပြည်သူ့စစ် (Maingtha Public Army)၊ လားဟူ ပြည်သူ့စစ် (Lahu Public Army)၊ ပအိုဝ်း ပြည်သူ့စစ် (Pa-oh Public Army)၊ မောရှမ်းပြည်သူ့စစ် (Maw Shan Public Army) နဲ့  ခန္တီးပြည်သူ့စစ် (Khamti Public Army) တို့  ဖြစ်ကြပါတယ်။
Tuesday, May 26, 2009
ဦးဝင်းတင် (အမျိုးသားဒီမိုကရေစီ အဖွဲ့ချုပ် ဗဟိုအလုပ် အမှုဆောင်) နှင့် ဆက်သွယ် မေးမြန်းချက်
အင်္ဂါနေ့၊ မေလ 26 2009 13:45 - မြန်မာစံတော်ချိန်
“ကျနော့်အထင်ကတော့ ဒေါ်စုက ဒီနေ့ ကိုယ်တိုင်စစ်ခံမှာလေ။ ကိုယ်တိုင်စစ်ဆိုတဲ့ သဘောက ဒီလိုဗျာ၊ သက်သေနဲ့ အစစ်ခံမယ်ဆိုရင် Cross Questions ဟိုမေး ဒီမေးလုပ်မယ်ကွာ။ တရားသူကြီးက အစစ်ခံချက်တွေကို အကိုးအကား ပြုတယ်ပေါ့ကွာ။ ကိုင်တိုင်စစ်ဆိုတဲ့ ကိုယ့်ဆန္ဒအတိုင်း ထင်မြင်သမျှ ပြောတာက ကိုယ်တိုင်စစ် ခေါ်တယ်။ အဲဒီ ကိုယ်တိုင်စစ်က Cross Questions မမေးတော့ဘူး။ သို့သော် တရားသူကြီးက တရားစီရင်တဲ့အခါမှာ အဲဒါကို ထည့်မစဉ်းစားဘူး။ မှတ်တမ်းထဲမှာ ထည့်တာပဲ ရှိတယ်”
“အဲဒီတော့ ကျနော်တို့က ဒေါ်စုကို ကိုယ်တိုင်စစ် လုပ်မယ်။ သက်သေစစ် အစစ်မခံတော့ဘူး။ တရားသူကြီးက ထည့် စဉ်းစားတာတော့ သိပ် မစဉ်းစားတော့ဘူး။ သူတို့က ထောင်ချမှာပဲ။ အဲဒါကြောင့် ကျနော်ထင်တယ်၊ သံတမန်နဲ့ သတင်းထောက်တွေကို ခေါ်ပြတာက ဒေါ်စုက ဘာမှ ပြောခွင့်ဆိုခွင့် မရှိတာ မဟုတ်ဘူး၊ ရေငုံနုတ်ပိတ် နေရတာ မဟုတ်ဘူး၊ ပြောဆိုနေတာ မြင်တယ် မဟုတ်လားဆိုတဲ့ သဘောမျိုးပဲ။ သံတမန်တွေက အရင်တပတ်ကလည်း ဒေါ်စုဟာ ဖြတ်ဖြတ် လတ်လတ်နဲ့ သန်စွမ်းနေတယ်။ သူတို့ ပြောချင်တာကို ကမ္ဘာကို ပြောနေတယ်။ ဒေါ်စုက မကျန်းမာဘူး ပြောနေချိန်မှာ ဒီလို မကျန်းမာတဲ့ လူတယောက်ကို ဒီလို အပြစ် စွဲတင်နေတာဟာ မသင့်တော်ဘူး ပြောနေတဲ့ တချိန်မှာ ဟောဒီမှာကြည့် ဒေါ်စုဟာ ဖြတ်ဖြတ်လတ်လတ် ရှိနေတယ်ဆိုတာ တခုထဲ သက်သက်ပဲ။ ဒီနေ့ သတင်းထောက်တွေ သံတမန်တွေ ဝင်ခွင့်ပြုတာ၊ ဒါပဲ။”
သျှမ်းပြည်တပ်မတော်ရဲ့ ခြုံခိုတိုက်ခိုက်မှု အစိုးရတပ်သား ၁၀ ယောက် ကျော်သေဆုံး
တနင်္လာနေ့၊ 25 မေလ 2009
ယမန်နေ့ (၂၄/၀၅/၂၀၀၉ ) ၂၂း၀၀ နာရီက သျှမ်းပြည်တပ်မတော် SSA တောင်ပိုင်း တပ်ဖွဲ့ တဖွဲ့က နအဖစစ် ယာဉ်တန်း အား ခြုံခို တိုက်ခိုက်ရာ ယာဉ်ပေါ် လိုက်ပါသည့် လူသူ လက်နက်များ အားလုံး ဆုံးရှုံးကြောင်း SSA ၏ တိုင်းဖှရီးဒမ်း ၀က်ဒ်ဆိုက်ဒ်က ဆိုပါသည်။
အလောင်း ၁၅ လောင်းထဲတွင် အစိုးရ စစ်ထောက်လှမ်းရေး ၂ ယောက်နှင့် အတူ သျှမ်းပြည် တပ်မတော် (တောင်ပိုင်း) ခွဲထွက် လက်နက်ချအဖွဲ့ ခေါင်းဆောင် ဗိုလ်မှူးကြီး မိုင်းဇင့်လည်း ပါဝင်ကြောင်း၊ ယာဉ်တန်းမှ လိုက်ပါသည့် စစ်အစိုးရ စစ်သားများနှင့် လက်နက်ချအဖွဲ့များ အားလုံး သေဆုံးဖွယ် ရှိကြောင်း၊ သျှမ်းပြည် တပ်မတော်ဘက်မှ တစုံတရာ ဆုံးရှုံးမှု မရှိကြောင်း ဆိုပါသည်။
မေ ၂၁ ရက် ၂၀၀၉ သျှမ်းပြည်အမျိုးသားများ တော်လှန်ရေးနေ့ ၅၁ နှစ်ပြည့်သည့် နေ့တွင်လည်း စစ်အစိုးရ တပ်စခန်းတခု (မိုင်တိုင် အမှတ် ၂၁ လဲချား - ပင်လုံကြား) အား သျှမ်းပြည် တပ်မတော်မှ စီးနင်း တိုက်ခိုက်ရာ လူသေလောင်း ၆ လောင်း၊ အရှင်တယောက်၊ လက်နက်နှင့် စစ်ပစ္စည်း အများအပြား သိမ်းဆည်း ရရှိခဲ့ပါသည်။
ဗိုလ်မှူးကြီးမိုင်းဇင့်သည် ၂၀၀၇ နှစ်လည်ပိုင်းတွင် သျှမ်းပြည် တပ်မတော်မှ ခွဲထွက်ပြီး လူအင်အား ရာကျော် နှင့် နအဖ စစ်အစိုးရထံ လက်နက်ချသွားသည့် အဖွဲ့ ခေါင်းဆောင်ဖြစ်သည်။ လက်ချပြီး နောက်ပိုင်း စစ်အစိုးရ က ဗိုလ်မှူးကြီး မိုင်းဇင့် အဖွဲ့အား ပြည့်သူ့စစ် သဏ္ဍာန်ဖြင့် ထားရှိ၍ လက်နက် ပြန်ကိုင်ခွင့် ပေးပြီး လိုသလို အသုံးချနေသည့် အဖွဲ့ဖြစ်သည်။
Ref: သျှမ်းသံတော်ဆင့်
တပ်အသွင်ပြောင်းရေး UWSA လက်မခံဟု စရဖ ညွန်ချုပ်ထံအကြောင်းပြန်
တနင်္လာနေ့၊ 25 မေလ 2009
စစ်အစိုးရအကြံပြုတောင်းဆိုချက်ကို လက်မခံနိုင်ဟု မေလ ၂၀ ရက်နေ့က ၀ ပြည် သွေးစည်းရေး တပ်မတော် UWSA က ဗိုလ်ချုပ်ရဲမြင့်ထံ အကြောင်းပြန်ခဲ့ကြောင်း အမည်မဖေါ်လိုသူ ၀ အရာရှိ တဦးက ပြောပါ သည်။
ဧပြီလနှောင်းပိုင်း စစ်အစိုးရ အဆင့်မြင့် အရာရှိများ နှင့် အပစ်ရပ် ခေါင်းဆောင်များ တွေ့ဆုံပြီး နောက်ပိုင်း မေလ ၁၉ ရက်နေ့အထိ UWSA ဌာနချုပ် ပန်ဆန်း၌ ကျင်းပသည့် အစည်းအဝေး ဆုံးဖြတ်ချက် အရ စစ်အစိုးရ အကြံပြု တောင်းဆို ချက်များဖြစ်သည့် နယ်ခြား ကာကွယ်ရေး တပ်အသွင် ပြောင်းရန်ဟူသည့် အချက်ကို သဘောတူ လက်ခံခြင်း မရှိ သကဲ့သို့၊ ၀ ပြည် သွေးစည်းရေး တပ်မတော်လည်း ၀ ပြည် အစိုးရ လက်အောက်တွင်သာ ထားရှိရန် ဆုံးဖြတ်ခဲ့သည်။ အစည်းအဝေး ဆုံးဖြတ်ချက်အတိုင်း မေလ ၂၀ ရက်နေ့က စရဖ ညွန်ချုပ် ဒုဗိုလ်ချုပ်ကြီး ရဲမြင့်ထံ အကြောင်းပြန်ခဲ့သည် ဟု အမည် မဖေါ်လိုသည့် ထိုအရာရှိက ဆိုသည်။
“မေလ ၂၀ ရက်မှာ စစ်အစိုးရကို အကြောင်းပြန်ဖို့ ရန်ကုန်မှာရှိတဲ့ ကျနော်တို့ ကိုယ်စားလှယ်ဆီကို အကြောင်းကြား ပြန်တယ်။ အဲဒီအချိန် ဗိုလ်ချုပ်ရဲမြင့် ခရီးထွက်နေတော့ နောက်တရက် နှစ်ရက်နေမှ (သူပြန်လာမှ) အကြောင်းပြန်ရတယ်။ ဗိုလ်ချုပ်ရဲမြင့်က ကျနော်တို့ ဆိုလိုတဲ့ အဓိပ္ပါယ်ကို ခင်ဗျားတို့ သဘော မပေါက်သေးဘူးနဲ့ တူတယ်။ ခင်ဗျားတို့ လူကြီးတွေကို ကျနော်ထပ် သွားတွေ့ဦးမယ် လို့ပြောတယ်။ ကျနော်တို့ ဘက်ကတော့ အချိန်မရွေး တွေ့ဖို့မျော်လင့်တယ်။ ဒါပေမယ့် လူအင်အား လျော့ချဖို့ စစ်တပ် အသွင်ပြောင်းဖို့ အသက် ၅၀ ကျော် အရာရှိကြီးများ ရာထူးမှ နားဖို့ဆိုတာ တွေကိုတော့ ကျနော်တို့ လက်မခံနိုင်ဘူး” - ဟု ထိုအရာရှိက ပြောသည်။
စစ်အစိုးရ၏ စစ်ဘက်ရေးရာ လုံခြုံရေးဌာန အကြီးအကဲ ဒုဗိုလ်ချုပ်ကြီး ရဲမြင့်သည် UWSA ကိုယ်စားလှယ်ကို ရှမ်းပြည် မြောက်ပိုင်း တန့်ယန်းမြို့ တွင် ဧပြီလ ၂၇ ရက်နေ့က တွေ့ဆုံခဲ့သည်။ ထိုအတူ မရှေး မနှောင်း၌ပင် အခြားအပစ်ရပ် အဖွဲ့ ကိုယ်စားလှယ် များနှင့်လည်း စစ်အစိုးရ၏ စစ်တိုင်းမှူးများက အသီးသီး ခေါ်ယူတွေ့ဆုံ ခဲ့သည်။ မြန်မာအမျိုးသား ဒီမိုကရက်တစ် မဟာမိတ် တပ်မတော် (MNDAA) က လက်မခံနိုင်ကြောင်း ချက်ခြင်း အကြောင်းပြန်ခဲ့ သော်လည်း ကျန် အဖွဲ့များမှာ အကြောင်း အမျိုးမျိုးပြပြီး ယခုတိုင် အကြောင်း မပြန်သေးချေ။
ဝ ပြည်သွေးစည်းရေးတပ်မတော် UWSA (အထူးဒေသ ၂ )သည် အထူးဒေသ ၄ မိုင်းလားအဖွဲ့၊ အထူးဒေသ ၁ ကိုးကန့်အဖွဲ့၊ အမျိုးသား ဒီမိုကရက်တစ် တပ်မတော် - ကချင် NDA-K တို့ နှင့် ငြိမ်းချမ်းရေးနှင့် ပေါင်းစည်းထားသည့် ဒီမိုကရေစီ တပ်ပေါင်းစု PDF အဖွဲ့ဝင်ဖြစ်သည့် အားလျော်စွာ ၁၉၈၉ ခုနှစ်တွင် စစ်အစိုးရနှင့် အပစ်ရပ်ခဲ့သည့် လက်နက်ကိုင် အဖွဲ့ ဖြစ်ပါသည်။
Ref: သျှမ်းသံတော်ဆင့်
အာဆီယံ ထုတ်ပြန်ချက်ကို စစ်အစိုးရက ကန့်ကွက်
နန်းဒေဝီ
တနင်္လာနေ့၊ မေလ 25 2009
နယူးဒေလီ (မဇ္စျိမ)။ ။ ဒေါ်အောင်ဆန်းစုကြည် တရားစွဲဆိုခံနေရသည့် အပေါ် အာဆီယံ အလှည့်ကျ ဥက္ကဋ္ဌက ကြေညာချက် ထုတ်ပြန်ခြင်းသည် အာဆီယံ ပဋိညာဉ်ပါ စည်းမျဉ်းများကို သွေဖည်ကာ ပြည်တွင်းရေး ဝင်ရောက် စွက်ဖက်ရာ ရောက်ကြောင်း စစ်အစိုးရက မီဒီယာက ယနေ့ ဝေဖန် ပြောဆိုသည်။
ယခုလ ၁၈ ရက်နေ့က အာဆီယံ အလှည့်ကျ ဥက္ကဋ္ဌ တာဝန်ယူနေသည့် ထိုင်းနိုင်ငံက ကြေညာချက် ထုတ်ခဲ့ခြင်းသည် “အာဆီယံအဖွဲ့၏ လုပ်ထုံး လုပ်နည်းနှင့် ညီညွတ်ခြင်း မရှိကြောင်း၊ အကြောင်းအရာ မှန်ကန်ခြင်း မရှိသည့်အပြင် မြန်မာနိုင်ငံ၏ ပြည်တွင်းရေးကို ဝင်ရောက်စွက်ဖက်သည်” ဟု ယနေ့ထုတ် မြန်မာ့အလင်း သတင်းစာတွင် ရေးသားဖော်ပြထားခြင်း ဖြစ်သည်။
“ဒေါ်အောင်ဆန်းစုကြည်အား အရေးယူခြင်း အတွက် သူမ၏ ကျန်းမာရေး စိုးရိမ်မိကြောင်း” အာဆီယံ ကြေညာချက်ထဲတွင် ဖော်ပြသည်မှာ မှန်ကန်မှု မရှိဘဲ ဒေါ်စုမှာ ကျန်းမာရေး စောင့်ရှောက်မှု အလုံအလောက် ရရှိပြီး ကျန်းမာလျက် ရှိနေပါသည်” ဟု သတင်းစာက ဆိုသည်။
“သို့ပါ၍ အာဆီယံအလှည့်ကျ ဥက္ကဋ္ဌ အနေဖြင့် အာဆီယံ၏ ဂုဏ်သိက္ခာ၊ မြန်မာနိုင်ငံ၏ ဂုဏ်သိက္ခာ၊ ထိုင်းနိုင်ငံ၏ ဂုဏ်သိက္ခာတို့ကို စောင့်ထိန်းနိုင်ရန် ပျက်ကွက်ခဲ့ကြောင်း ဝမ်းနည်းဖွယ်ရာ တွေ့ရှိရပါသည်” ဟု ဆက်လက်ရေးသားထားသည်။
ထိုင်းအခြေစိုက် အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) – NLD L/A ၏ နိုင်ငံခြားရေး တာဝန်ခံ ဦးညိုအုန်းမြင့်က အာဆီယံ ဥက္ကဋ္ဌ၏ ထုတ်ပြန်ချက်သည် ဘောင် မကျော်ကြောင်း ယခုလို ပြောသည်။
“နအဖကို ဝေဖန်တိုက်ခိုက်တာလည်း မပါဘူး။ အာဆီယံဆိုတာ အိမ်နီးချင်းတွေ အနေနဲ့ သဘောထား ကြတာပါ။ လက်ရှိ မြန်မာနိုင်ငံရဲ့ နိုင်ငံရေးအခြေအနေဟာ တဖက်စွန်း ရောက်နေတဲ့ ကိစ္စကို အာဆီယံမှာ ပြောပိုင်ခွင့် ရှိတယ်လို့ ကျနော် ဒီလို မြင်ပါတယ်” ဟု သူက ပြောသည်။
သူက ဆက်ပြီး “ဒါကြောင့် အာဆီယံက ဘောင်မကျော်ဘူးလို့ ကျနော်ထင်ပါတယ်” ဟု ပြောသည်။
အာဆီယံ ကြေညာချက်၌ လက်ရှိ တရားစွဲဆိုခံနေရသည့် ဒေါ်စု၏ ကျန်းမာရေး မကောင်းသည့် အခြေအနေတွင် အထူးပင် စိုးရိမ်မိကြောင်းနှင့် မြန်မာအစိုးရကို အာဆီယံ ခေါင်းဆောင်များက ဒေါ်စုကို ချက်ချင်း လွှတ်ပေးရန် တောင်းဆိုခဲ့သည့်အပေါ် ထပ်မံ၍ သတိပေးခြင်းဖြစ်ကြောင်း ရေးသားသည်။
ထို့အပြင် အာဆီယံအဖွဲ့ဝင် နိုင်ငံများတွင် တနိုင်ငံဖြစ်သော မြန်မာနိုင်ငံ အနေဖြင့် အဖွဲ့ဝင်များ၏ တာဝန်တခု ဖြစ်သော လူ့အခွင့်အရေးများကို ကာကွယ်ရန်နှင့် မြှင့်တင်ပေးရန် ဝတ္တရားရှိကြောင်း ဆိုထားသေးသည်။
သို့သော် မြန်မာစစ်အစိုးရ သတင်းစာကမူ ''အာဆီယံအဖွဲ့အတွင်း မကောင်းသော အစဉ်အလာ တရပ်ကို ဖြစ်ပေါ်ရာ ရောက်စေပါသည်” နှင့် “ဒေါ်အောင်ဆန်းစုကြည်အား ယခုကဲ့သို့ အရေးယူရခြင်းမှာ နိုင်ငံတို့တွင် သမရိုးကျ ဆောင်ရွက်လေ့ရှိကြသည့် ပြည်တွင်းဥပဒေ ကျင့်သုံးမှုတခုသာ ဖြစ်သည့်အပြင် မြန်မာနိုင်ငံ၏ ပြည်တွင်းရေး သက်သက်သာ ဖြစ်ကြောင်း” ရေးသားထားသည်။ ဤသည်ကို စစ်အစိုးရပိုင် ရုပ်မြင်သံကြားနှင့် ရေဒီယို အစီအစဉ်များကလည်း ဖော်ပြကြသည်။
ထိုင်းအခြေစိုက် Altsean Burma ၏ ဆက်သွယ်ညှိနှိုင်းရေး တာဝန်ခံ မစ္စ Ms.Debbie Stothard ကလည်း အာဆီယံ ကြေညာချက်အပေါ် စစ်အစိုးရ၏ ပြင်းထန်သည့် တုံ့ပြန်ချက်သည် အတိုင်းအထက် အလွန် တုံ့ပြန်မှုသာ ဖြစ်ကြောင်း ပြောဆိုသည်။
“နိုင်ငံတော် အေးချမ်းသာယာရေးနဲ့ ဖွံ့ဖြိုးရေး ကောင်စီ (နအဖ) ရဲ့ တုံ့ပြန်မှုက လွန်ကဲတဲ့ တုံ့ပြန်မှုလို့ မြင်ပါတယ်။ ဘာဖြစ်လို့လဲဆိုတော့ သူတို့ တခုခု မှားလုပ်မိတယ် ဆိုတာ သူတို့ သိတယ်” ဟု သူက ဆိုသည်။
ဒေါ်စု နေအိမ်ခြံဝင်းအတွင်း တိတ်တဆိတ် ရေကူးဝင်ရောက်ခဲ့သူ အမေရိကန် နိုင်ငံသား ယက်တောကြောင့် အင်းစိန်ထောင် အတွင်း ထိန်းသိမ်း ခံနေရခြင်းသည် စစ်အစိုးရ အတွက် “ရှက်စရာကောင်းသည့် တရားစွဲဆိုမှု တခုသာ ဖြစ်ကြောင်း” သူက ဆက်ပြောသည်။
အာဆီယံ ကြေညာချက်၌ “လက်ရှိ မြန်မာနိုင်ငံအပေါ် နိုင်ငံတကာ အသိုင်းအဝိုင်း ရှေ့မှောက်တွင် လေးစားမှု၊ အများ ယုံကြည်စိတ်ချရမှုသည် ချိန်ခွင်လျှာပေါ်တွင် ရှိနေကြောင်း” လည်း ဖော်ပြပါရှိသည်။
မစ္စ Debbie Stothard က “အာဆီယံ ကြေညာထုတ်ပြန်ချက်ကိုယ်က တကယ်တော့ အဲဒီလောက် အား မပြင်းပါဘူး။ ဒါပေမယ့် ကြေညာချက်ပါ ထိရောက်တဲ့ စာကြောင်းကတော့ နိုင်ငံတကာက လေးစားမှု၊ အများ ယုံကြည်စိတ်ချမှု ဆိုတဲ့အပေါ် နအဖက အထိမခံနိုင်တာနဲ့ အားနဲချက်တွေကို ရှင်းရှင်းလင်းလင်း မြင်လိုက်ရပါတယ်” ဟု ပြောသည်။
၂ဝဝ၈ ခုနှစ် ဒီဇင်ဘာလတွင် အမေရိကန်နှင့် လူမှုအဖွဲ့အစည်းများက ကန့်ကွက် ခဲ့သည့်ကြားမှ အာဆီယံ ပဋိညာဉ် အချက်ပါ လူ့အခွင့်အရေး လေးစား လိုက်နာမည့်အကြောင်း မြန်မာ နိုင်ငံခြားရေး ဝန်ကြီး ဦးဉာဏ်ဝင်းက သဘောတူ လက်မှတ်ရေးထိုးခဲ့သည်။
နိုင်ငံတကာအဖွဲ့အစည်းများက ဒေါ်စုကို အမြန်ဆုံး လွှတ်ပေးရန် ဆက်တိုက် ဖိအားပေး တောင်းဆိုခဲ့ရာမှ ယခုလို အာဆီယံ ထုတ်ပြန်ကြေညာချက်ကို စစ်အစိုးရက တုံ့ပြန်ခဲ့ခြင်းသည် အခြား အာဆီယံ အဖွဲ့ဝင်များ၏ ဝေဖန်မှုကို နအဖ အစိုးရအနေဖြင့် စိုးရိမ်နေသည့် လက္ခဏာသာဖြစ်ကြောင်း ဦးညိုအုန်းမြင့်က ပြောဆိုသည်။
သူက “နောက်ထပ် အာဆီယံနိုင်ငံတွေက ဝေဖန်လာမှာကို စိုးရိမ်လို့ ဒီလို တုံ့ပြန်တယ်လို့ ထင်တယ်။ နောက်တခုက အာဆီယံက နောက်တဆင့် တက်လာမှာကိုလည်း သူ (နအဖ) စိုးရိမ်နေပုံရတယ်” ဟု ပြောသည်။
အာဆီယံ အဖွဲ့ဝင်နိုင်ငံများတွင် မလေးရှား၊ စင်္ကာပူ၊ ကမ္ဘောဒီးယား၊ ဖိလစ်ပိုင်၊ ထိုင်း၊ မြန်မာ၊ အင်ဒိုနီးရှား၊ လာအို၊ ဘရူနိုင်း၊ ဗီယက်နမ်တို့ ပါဝင်ကြသည်။ အာဆီယံ အသင်းကို ၁၉၆၇ ခုနှစ်တွင် စတင် တည်ထောင်ခဲ့ပြီး၊ ၁၉၉၇ ခုနှစ်တွင် မြန်မာနိုင်ငံသည် အာဆီယံအဖွဲ့ဝင် ဖြစ်လာသည်။
Ref: မဇ္ဈိမ
ဒေါ်အောင်ဆန်းစုကြည်အမှု တရားလိုပြသက်သေ စစ်ဆေးမှုပြီးဆုံး ဦးဝင်းတင် အပါအဝင် သက်သေ (၄)ဦး တင်သွင်းရန်ရှိ
NEJ / ၂၅ မေ ၂၀၀၉
ယနေ့ဆဌမမြောက်ရုံးချိန်းတွင် နအဖစစ်အစိုးရက ၎င်းတို့ တင်ပြထားသော သက်သေ (၂၃) ဦးအနက်မှ (၉) ဦးကို ပယ်ဖျက်လိုက်ခြင်းဖြင့် တရားလိုပြ သက်သေ စစ်မေးမှုကို အဆုံးသတ်စေခဲ့ပြီဖြစ်သည်။
“ဒီနေ့ ပြန်ခေါ်သက်သေ (၄) ဦးကို စစ်မေးတယ်။ နောက်စစ်မေးဖို့ ကျန်နေတဲ့ အထဲက (၁) ဦးကို မေးတယ်။ နောက်ထပ် စစ်မေးဖို့ ကျန်နေသေးတဲ့ သက်သေ (၉) ဦးကို အစိုးရက ပယ်ဖျက်လိုက်တယ်တဲ့” ဟု အန်အယ်လ်ဒီ ပါတီပြောခွင့်ရပုဂ္ဂိုလ် ဦးအုံးကြိုင်က ပြောသည်။
ပြီးခဲ့သည့် သောကြာနေ့က ဒေါ်အောင်ဆန်းစုကြည်၏ ရှေ့နေကြီးများက ပြန်ခေါ်သက်သေ (၅) ဦးကို ထပ်မံစစ်မေး မှုပြုရန် တင်ပြထားသော်လည်း ယနေ့တွင် (၄) ဦးသာ စစ်မေးခွင့်ရခဲ့သည်။
မနက်ဖြန်တွင် ဒေါ်အောင်ဆန်းစုကြည်ဘက်မှ သက်သေ (၄) ဦး အမည်စာရင်းကို တင်သွင်းသွားမည် ဖြစ်ပြီး အဆိုပါ (၄) ဦးထဲတွင် ဦးဝင်းတင်၊ ဦးကြည်ဝင်း(အန်အယ်လ်ဒီ လွှတ်တော် ကိုယ်စားလှယ်) ၊ ဦးတင်ဦး (အန်အယ်ဒီ ဒု-ဥက္ကဋ္ဌ) တို့ ပါဝင်မည် ဖြစ်ကြောင်း ဦးဝင်းတင်က ပြောသည်။
အမှုစစ်ဆေးရာ အထူးတရားရုံး၊ အကျဉ်းဦးစီးရှေ့တွင် အမျိုးသား ဒီမိုကရေစီ အဖွဲ့ချုပ် (အန်အယ်လ်ဒီ) ပါတီဝင်များနှင့် ပြည်သူများသည် ယခင်နေ့များအတိုင်း အေးချမ်းစွာ ရှိကြပြီး လုံခြုံရေး အင်အားလည်း လျော့နည်းချထားကြောင်း မျက်မြင်တဦးက ပြောသည်။
“အရပ်ဝတ်လုံခြုံရေးတွေ နည်းသွားပေမယ့် လုံခြုံရေးကား (၃) စီးနဲ့ ၂က/၇၄၄၀ အချုပ်ကား (၁) စီး အသင့်အနေ အထား ရှိနေတာကို ထူးထူးခြားခြား တွေ့ရတယ်” ဟု ၎င်းက ပြောသည်။
ယနေ့နံနက် (၁၀) နာရီခန့်တွင် အန်အယ်လ်ဒီ ဗဟို အလုပ်အမှုဆောင် ကော်မတီဝင် ဦးဝင်းတင်နှင့် ဇိုမီးအဖွဲ့ချုပ် ဥက္ကဋ္ဌ ပူကျင့်ရှင်းထန်တို့ အင်းစိန် (အကစ) ရှေ့သို့ ရောက်ရှိလာကြပြီး (၁၁) နာရီခန့်တွင် ပုံမှန် အစည်းအဝေးရှိသည့် အတွက် ဗဟန်း ရွှေဂုံတိုင်ရုံးချုပ်သို့ ပြန်သွားကြသည်။
ချောက်၊ ရေနံချောင်း၊ ကျောက်ပန်းတောင်းတို့်မှ အန်အယ်လ်ဒီ လူငယ်အဖွဲ့ဝင် အချို့လည်း လာရောက်အင်အား ဖြည့်ကြသည်ဟု သိရသည်။
ဒေါ်အောင်ဆန်းစုကြည်အမှုကို မနက်ဖြန်သို့ ထပ်မံရုံးချိန်းလိုက်ပြီး ဒေါ်အောင်ဆန်းစုကြည်ကို မနက်ဖြန်တွင် စစ်မေးမှုများပြုလုပ်တော့မည်ဟု ယူဆရသည်။
Ref: ခေတ်ပြိုင်
Monday, May 25, 2009
ဒေါ်အောင်ဆန်းစုကြည်ကိုဖမ်းထားပြီးနောက် ငယ်ထိပ် မြွေပေါက်သလို ဖြစ်နေတဲ့ နအဖ
Saturday, May 23, 2009
ရဲဘော်ဖိုးသံချောင်း
နအဖအဖို့ ဒေါ်အောင်ဆန်းစုကြည်ကို ဒီလိုဖမ်းဆီးရုံးတင်ဖို့ အခွင့်အရေး ရသွားတာ - ဒါမှမဟုတ် သူတို့ရဲ့ လုပ်ကြံမှု အောင်မြင် သွားတာဟာ နအဖအဖို့ နိုင်ငံရေးအရ လက်ဦးမှု ရသွားတယ်လို့ ယူဆစရာ ရှိပါတယ်။ ဒါပေမဲ့ လက်တွေ့ ဆက်ဖြစ်လာတာ တွေနဲ့ ဖြစ်လာ နိုင်တာတွေကို ပြန်တွေးလိုက်တော့ ဒါဟာ နအဖအဖို့ ကံကောင်းတာလား၊ ကံဆိုးတာလား စဉ်းစားစရာ ဖြစ်နေပါတယ်။
စစ်အစိုးရအနေနဲ့ ဒေါ်အောင်ဆန်းစုကြည်ကို လူထုနဲ့ အဆက်ဖြတ်ရေးဟာ သူ့တသက် ကိုယ့်တသက် လုပ်ရမယ့် ကိစ္စလို့ သတ်မှတ် ထားကြဟန် တူပါတယ်။ ဒါကြောင့် နေအိမ်ချုပ် သက်တမ်းစေ့တဲ့ အခါမှာ အခု ဒီဖောက်ထွင်းမှုမှာ အိမ်ရှင်ကို စွဲချက်တင်၊ ထောင်ချဖို့ လုပ်ကြံတော့တာ ဖြစ်ပါတယ်။ ဒါပေမဲ့ သူတို့ တွက်ထားတာတွေ ထဲမှာ မပါတာတွေ ဆက်တိုက် ဖြစ်လာနေလို့ ဗိုလ်သန်းရွှေ တယောက် ထိုင်နေ အကောင်းသားလို့ ဆိုရမလို ဖြစ်နေပါပြီ။
အိမ်ဖြူတော်မှာ အိုဘားမား တက်လာတဲ့နောက် နအဖ အစိုးရဟာ သူတို့ ဖောက်ချင်နေတဲ့ ရွှေလမ်း ငွေလမ်းတော့ဖြင့် ပေါက်တော့မယ်လို့ မျှော်လင့် ထင်စားခဲ့ပါတယ်။ ဒါပေမဲ့ အခုတော့ ဒေါ်အောင်ဆန်းစုကြည့်ကို ရုံးတင်တဲ့ ဒီကိစ္စ တခုတည်းနဲ့ပဲ စစ်ဗိုလ်ချုပ်တွေဟာ “ဆုချတာခံရမလား ထင်လို့ ဝင်သွားတာ၊ ထိပ်ချတာ ခံလိုက်ရတယ်” ဆိုတာမျိုး ဖြစ်သွားပါတယ်။ ကုလ သမဂ္ဂ အတွင်းရေးမှူးချုပ် ဘန်ကီမွန်းကလည်း နအဖကို ကလေးငေါက်သလို အပြစ်တင်တာ ခံလိုက်ရပြီး ကုလသမဂ္ဂ လုံခြုံရေး ကောင်စီ ကတောင် ဒီကိစ္စအတွက် စိတ်ပူတဲ့ အကြောင်း ထုတ်ပြန်ခဲ့ပါတယ်။ ဒါ့အပြင် ဗမာနိုင်ငံရဲ့ကိစ္စကို ပြောခဲလှတဲ့ တရုတ်တို့၊ အာစီယံ တို့ကတောင် “ပညာပေး” တာ ခံနေရပါပြီ။ နောက်ပြီး ဂျပန်လို နိုင်ငံကိုရှင်းပြရ၊ ထိုင်းနဲ့ ကတောက်ကဆ ဖြစ်ရ၊ ဒါ့အပြင် အီးယူက ဘာများ ပြောလာဦးမလဲ၊ တခြားနိုင်ငံတွေက ဘာတွေ ပြောဦးမလဲဆိုပြီး ထမင်းလုံး တစ္ဆေခြောက်တာ ညတိုင်း ခံနေရပါတယ်။ သေချာတာကတော့ သံခင်း တမန်ခင်း အရ၊ နိုင်ငံတကာ ဆက်ဆံရေး အရ နအဖအဖို့ အကြီးအကျယ် နစ်နာရတဲ့ ဘယ်သူမပြု မိမိမှု ဖြစ်ပါတယ်။
ဒေါ်အောင်ဆန်းစုကြည့်ကို ရုံးတင်လိုက်တာဟာ နအဖဗိုလ်ချုပ်တွေ အတွက် ဝမ်းသာ စရာလား၊ စိတ်ညစ် စရာလား ဆိုတာကို သိချင်ရင် ရန်ကုန်နဲ့ တခြားမြို့ကြီး တွေမှာ လုံခြုံရေးတွေ အပြည့် ယူနေရတာကို ကြည့်ရင် သိနိုင်ပါတယ်။ ပဒူအုံကို တုတ်နဲ့ ထိုးမိသလို ဖြစ်ဖို့ များနေပါပြီ။ တကယ်လို့ သာ ဒီကိစ္စကြောင့် လူထုအုံကြွ လာတယ်ဆိုရင် ဘယ်သူက သွေးထိုးပေးလို့၊ ပြည်ပက မြှောက်ပေးလို့ စသဖြင့် ပြောလို့ မရတာ သေချာနေပါပြီ။ ဗမာပြည်မှာ ဖြစ်ခဲ့တဲ့ အရေးကိစ္စတွေ မှန်သမျှဟာ အုပ်စိုးသူများ ဖက်က မတော် မတရား လုပ်တဲ့အတွက် ပေါ်ထွက်လာတာတွေ ချည်းဖြစ်ပါတယ်။ ဒါဟာတရားပါ။ စားဝတ်နေရေးနဲ့ လုံးချာလိုက်နေတဲ့ ပြည်သူလူထုဟာ အလကားနေရင်း လမ်းပေါ် ထွက်ပြီး ကိုယ့်ဒုက္ခ ကိုယ်မရှာကြ ပါဘူး။ သံဃာတော်များလည်း အလားတူပါပဲ။ ဒီလို တိုင်းပြည် အတွက် အရေးပါတဲ့ အမှုကြီးတခု၊ နိုင်ငံတကာကလည်း အာရုံစိုက်မယ့် အမှုမျိုးကို ဖန်တီး လိုက်ရတာဟာ တကယ်တော့ နအဖအတွက် ပြောရင်လည်း မရဲပဲကျွဲပြဲ စီးရတာပါ။ ဒါကြောင့်မို့ သံတမန် လောကကို ဟန်ပြအနေနဲ့ တရက်ထဲသာ တရားရုံး တက်ခွင့် ပြုခဲ့ပေမဲ့ ကျန်တာ အားလုံးကို ထောင်ထဲမှာ တံခါးပိတ် စစ်ဆေးနေပါတယ်။ ဒါဟာသူတို့ဖက်က ကျိုးကြောင်း မခိုင်လုံကြောင်း၊ မရိုးသား နိုင်ကြောင်း ဝန်ခံတာတမျိုးလို့ ယူဆရင် ရပါတယ်။
အခုတော့ အမှုကို လူအများရှေ့မှောက်မှာ စစ်ဆေးရေး ဆိုတဲ့ တောင်းဆိုချက်ဟာ ကျယ်လောင် သထက် ကျယ်လောင် လာနေပါပြီ။ အစိုးရ ပြတဲ့ သက်သေတွေကို စစ်ဆေးပြီးခဲ့ သလောက် အရဆိုရင် ဥပဒေအရ နအဖ မုချရှုံးမှာပါ။ သူတို့ ဖက်က သက်သေတွေရဲ့ အစစ်ခံချက် တွေဟာ သူတို့အတွက် အထောက်အကူ လုံးဝ မပြုပါဘူး။ တကယ်ဆိုရင် တရားခံပြ သက်သေတွေ ကိုတောင် စစ်နေဖို့ မလိုလောက်အောင် ဖြစ်ပါတယ်။ ဒါပေမဲ့ နအဖဟာ သိုးကို မဖြစ်ဖြစ်အောင် စားချင်တဲ့ ဝံပုလွေလိုပဲ “နင်မဟုတ် နင့်အဖေပဲ” လို့ ပြောပြီး အပြစ်ပေးဖို့ လုံးပမ်းမှာပါပဲ။ ဒါမျိုးကို ထောင်ထဲမှာ တံခါးပိတ် စစ်ဆေးတဲ့ ရုံးမျိုးမှာလုပ်ရတာ ပိုလွယ်ကူပါတယ်။ ဒါကြောင့် ဒေါ်အောင်ဆန်း စုကြည်ရဲ့ အမှုကို အများပြည်သူ တက်ရောက် နားထောင်နိုင်တဲ့ တရားရုံးမှာ စစ်ဆေးရေးဟာ တရားမျှတမှု အတွက် အင်မတန်မှ အရေးကြီးပါတယ်။ ဒါကြောင့် တရားခွင်ကို လူထု မျက်မှောက် ရောက်အောင် တောင်းဆို ကြရပါမယ်။ ဒါဟာ တရားမျှတ၊ ကျိုးကြောင်း ဆီလျော်တဲ့အပြင် လူတိုင်းသဘော တူနိုင်တဲ့ တောင်းဆိုချက် ဖြစ်တဲ့အတွက် လတ်တလော လှုပ်ရှားမှုမှာ ထိပ်တန်း တင်ရမယ့် တောင်းဆိုချက်၊ ကြွေးကြော်သံ ဖြစ်ပါတယ်။
ဒီတခါ ဒေါ်အောင်ဆန်းစုကြည့်ကို ရုံးတင်တဲ့ကိစ္စဟာ ၂ဝ၁ဝ ရွေးကောက်ပွဲကို ဝင်ဖို့ ပြင်နေတဲ့ လူတွေအတွက်တော့ အတော်လေး အကြပ်ရိုက် သွားမှာ ဖြစ်ပါတယ်။ နအဖလုပ်လိုက်တာက သူတို့ကို ယမ်းချေးပန်း တယ်လို့ ပြောနိုင်ပါတယ်။ တကယ်လို့ သာ သူတို့ အနေနဲ့ ဒီကိစ္စနဲ့ ပတ်သက်တဲ့ သဘောထားပေးဖို့ မေးမြန်းတောင်းဆိုလာရင် သူတို့ဟာ အတတ်နိုင်ဆုံး ခေါင်းရှောင် ချင်ကြမှာပါ။ နအဖအလိုကို လိုက်ပြောရင် မဲရမှာကို ထိခိုက်မယ်၊ နအဖကို ဆန့်ကျင်ရင် ရွေးကောက်ပွဲ ဝင်ခွင့်တောင်မှ ရချင်မှ ရမယ်။ ဒါကြောင့် ဒီကိစ္စမှာ တတိယ အင်အားဆိုသူ တော်တော်များများက ပြောဖို့ ခေါင်းရှောင် နေကြပါတယ်။ ဒါဟာ ၂ဝ၁ဝ ရွေးကောက်ပွဲ နောက်ပိုင်း ဒီမိုကရေစီ အတွက် လေ့ကျင့်နေတာလည်း ဖြစ်ကောင်း ဖြစ်နိုင်ပါတယ်။
သူတို့နဲ့ပြောင်းပြန်၊ ပြည်သူလူထုကတော့ ဒီကိစ္စနဲ့ပတ်သက်တဲ့ ကိုယ့် ခံစားချက်၊ ကိုယ့် အမြင်တွေကို ရဲရဲ တင်းတင်းပဲ ဒေါသနဲ့ ပြောနေ ကြပါတယ်။ သည်းမခံနိုင်တော့ဘူး ဆိုတဲ့ အဓိပ္ပာယ်တွေ ဖော်ပြ နေကြပါတယ်။ ဒီလို အခြေအနေမှာ အချိန်မရွေး ပေါက်ကွဲ ထွက်နိုင်တယ် ဆိုတာကို ဗမာပြည်အရေး နားလည်သူတိုင်း တွေးမိကြမှာပါ။ ဒီအချိန်မှာ ဒေါ်အောင်ဆန်းစုကြည်ကို အမှု ဆင်ပြီးတင်တာ ဟုတ်မဟုတ် ဆိုတဲ့ မေးခွန်းမျိုးကို ဘယ်သူကမှ အချိန်ကုန်ခံ ဆွေးနွေး မနေကြတော့ပါဘူး။ ဘာကို-ဘယ်လို လုပ်ရင် ကောင်းမလဲ ဆိုတာကိုပဲ ဆွေးနွေးကြမှာပါ။ ပြည်တွင်း၊ ပြည်ပ၊ သံဃာ၊ ကျောင်းသား၊ အလုပ်သမား၊ လယ်သမား၊ မြို့နေ ဆင်းရဲသား၊ စာရေးစာချီ ဝန်ထမ်း၊ ပညာရှင်၊ ကုန်သည်ပွဲစား၊ စစ်ဗိုလ်စစ်သား၊ အိမ်ရှင်မ၊ မပြောပဲ ဘယ်သူမှ မနေပါဘူး။
ဒီအခြေအနေကို နအဖအစိုးရလည်း မသိတာမဟုတ်ပါဘူး။ ဒါပေမဲ့ သူတို့ အတွက် အနည်းဆုံး ရွေးကောက်ပွဲ ပြင်ဆင်တဲ့ ကာလနဲ့ ကျင်းပတဲ့ ကာလမှာ ဒေါ်အောင်ဆန်းစုကြည်ကို လူထုထဲမှာ မလှုပ်ရှားနိုင်အောင် လုပ်ထားဖို့က ပို အရေးကြီး နေပါ တယ်။ ဒါကြောင့်မို့ သူတိုဖက်က ကြည့်ရင်လည်း သေမြေကြီး - ရှင်ရွှေထီး လုပ်လိုက် ရတာပါ။ သူတို့က အမှုကို အမြန် ပြီးပြတ်အောင် တက်သုတ်ရိုက် စစ်နေတာ၊ ကမျောသုံးပါး စွဲချက်တင်တာ တို့ကို ထောက်ကြည့်ရင် နအဖ စစ်ဗိုလ်တွေ ဘယ်လောက် ခြောက်ခြား နေတယ်ဆိုတာ အတိုင်းသား တွေ့မြင်နိုင်ပါတယ်။
ဟောင်သရောအဖွဲ့ နယ်ခြားစောင့်တပ် ဖွဲ့စည်းရေး သဘောတူ စစ်အစိုးရက တပ်နေရာ သတ်မှတ်ရန် စီစဉ်ပေး
ဝီရ / ၂၂ မေ ၂၀၀၉
နယ်ခြားစောင့်တပ်အဖြစ် ပထမဦးဆုံး အသွင်ကူးပြောင်းမည့် စောသမူဟဲ ဦးဆောင်သည့် အင်အား (၅၀၀) နီးပါး ရှိသည့် ဟောင်သရောအဖွဲ့ (ကေပီအက်ဖ်) အတွက် လိုအပ်သည့် တပ်အင်အား (၈၈၈) ပြည့်ရန် အခြား ကရင်ငြိမ်း အဖွဲ့များနှင့် ပူးပေါင်း ဖွဲ့စည်းသွားရန် နအဖ စစ်အစိုးရက စီစဉ်နေကြောင်း ယင်းအဖွဲ့မှ တပ်ခွဲမှူး တဦးက ပြောသည်။
“ဗိုလ်ထိန်မောင်နဲ့ ဒီကေဘီအေ အဖွဲ့လက်အောက်က တပ်သားတွေကိုလည်း ကျနော်တို့ တပ်ရင်းတွေမှာ ဖြည့်သုံးဖို့ ရှိတယ်။ တပ်ရင်း (၃) ရင်းစာ ရာထားပြီး ဒီနယ်ခြားစောင့် တပ် နာမည်အောက်မှာပဲ အတူ အလုပ်လုပ်ကြမယ်ပေါ့။ ဒီပထမ (၆) လအချိန်ထဲမှာ တပ်ဆောက်ဖို့၊ စစ်သင်တန်းတွေ တက်ရောက်ဖို့ အဲဒါကို အရင်လုပ်နေပါတယ်။ အောက်တိုဘာလ အထိပေါ့” ဟု ၎င်းက ခေတ်ပြိုင်သို့ ပြောသည်။
ဟောင်သရောအဖွဲ့ နယ်ခြားစောင့်တပ် တည်နေရာအတွက် ကြာအင်း ဆိပ်ကြီးဒေသ အမှတ် (၁) တပ်ရင်း၊ ကျိုက်ဒုံဒေသ အမှတ် (၂) တပ်ရင်းနှင့် အမှတ် (၃) တပ်ရင်းကို ဘုရားသုံးဆူ နယ်စပ်မြို့နှင့် ချောင်းဆုံရွာ သွားသည့် လမ်းမကြီးအကြား (၁၃) ကီလိုမီတာ အကွာတွင် စစ်အစိုးရက စီစဉ်ပေးထားကြောင်း ၎င်းက ပြောသည်။
နယ်ခြားစောင့်တပ်ဖွဲ့စည်းရေးအတွက် ဟောင်သရော အဖွဲ့သည် နအဖ စစ်အစိုးရနှင့် ပြီးခဲ့သည့် ဧပြီ (၃၀) ရက်တွင် ထိပ်ပိုင်းအဆင့် သဘောတူညီမှု ရရှိခဲ့ပြီး ယခုလလယ်ပိုင်းတွင် အောက်ခြေအဆင့် ညှိနှိုင်း ပြီးစီးခဲ့ကြောင်း သိရသည်။
စစ်အစိုးရ ညွှန်ကြားချက်အရ ၂၀၀၉ အောက်တိုဘာလအထိ (၆) လအတွင်း အပြီးသတ် လုပ်ဆောင်ရမည့် နယ်ခြားစောင့်တပ် အသွင်ပြောင်းရေး ပထမခြေလှမ်းအဖြစ် ခွဲမှူးအဆင့် စစ်သင်တန်း (၄၅) ရက် တက်ရောက်ရန်၊ အခြေခံစစ်သင်တန်း ရက်ပေါင်း (၉၀) တက်ရောက်ရန်နှင့် တပ် တည်ဆောက်ရန်တို့ ပါဝင်သည်။
ဘုရားသုံးဆူဒေသဝန်းကျင်တွင် နအဖနှင့် အပစ်အခတ် ရပ်စဲထားသည့် တိုင်းရင်းသား လက်နက်ကိုင် အဖွဲ့ပေါင်း (၆) ဖွဲ့ကျော် ရှိသည်။
ဟောင်သရောအဖွဲ့နှင့် စီးပွားရေးအရ ပူးပေါင်းလုပ်ကိုင်နေသူ တဦးက “ဒီ ကေပီအက်ဖ် (ဟောင်သရော) အဖွဲ့မှာ ရှိတဲ့ခေါင်းဆောင်တွေက စီးပွားရေး အခွင့်အလမ်း ရချင်တဲ့ သူတွေပဲ များတယ်။ နိုင်ငံရေးဘက်ကို စိတ်မဝင်စား ကြဘူးခင်ဗျ။ အောက်ခြေ စစ်သားတွေက ဒီလို ပေါင်းနေမယ်ဆိုရင် ပေါင်းလို့ ရနိုင်ပေမယ့် တပ်ကြပ် အဆင့်လောက် ရှိတဲ့သူတွေက တပ် တတပ်ထဲမှာ ရေရှည်ပေါင်းဖို့ လွယ်မှာ မဟုတ်ဘူး” ဟု ပြောသည်။
စောသမူဟဲ ဦးဆောင်သော ဟောင်သရောအဖွဲ့ ခေါ် ကေပီအက်ဖ် အဖွဲ့သည် ကေအန်ယူ တပ်မဟာ (၆) လက်အောက် တပ်ရင်းမှ ၁၉၉၇ ခုနှစ် အစပိုင်းတွင် နအဖထံ လက်နက်ချ အလင်းဝင်ပြီး ပြန်လည် ဖွဲ့စည်းထားသည့် ကရင်ငြိမ်းချမ်းရေး အဖွဲ့တဖွဲ့ ဖြစ်သည်။
ကော့ကရိတ်၊ မြဝတီဒေသများနှင့် မွန်ပြည်သစ်ပါတီ ဗဟိုဌာနချုပ် တည်ရှိရာ ရေးချောင်းဖျားပိုင်းရှိ မရမ်းချောင်းဂိတ် လမ်းဆုံ ရွာတွင်လည်း ဒီကေဘီအေ အတွက် နယ်ခြားစောင့်တပ် ထပ်တည်မည်ဟု နယ်စပ်ရှိ ငြိမ်းအဖွဲ့ အသိုင်းအဝိုင်းမှ သတင်း ထွက်ပေါ်နေသည့် အတွက် အပစ်ရပ် အဖွဲ့အချင်းချင်း ပဋိပက္ခ ဖြစ်အောင် နအဖက ဖန်တီးနေခြင်းသာ ဖြစ်ကြောင်း မွန်ပြည်သစ်ပါတီမှ ခရိုင်အုပ်ချုပ်ရေး တာဝန်ခံတဦးက ပြောသည်။
၎င်းက “ဒါ စစ်အစိုးရက အပစ်ရပ်အဖွဲ့တွေရဲ့ နယ်မြေအချင်းချင်း ထပ်သွားအောင် လုပ်နေတာပဲ။ ဥပမာ ဗိုလ်ချုပ်အောင်နိုင် (မွန်ပြည်သစ်ပါတီ ခွဲထွက်) အဖွဲ့ကို ဘားအံ ပြည်နယ်ထဲက ကော့ယက္ခနဲ့ မွန်ပြည်သစ်ပါတီ မော်လမြိုင်ခရိုင် လက်အောက်က တောင်ပေါက်နယ်တွေမှာ ရုံးအခြေစိုက် ခိုင်းထားတယ်။ ကရင် ငြိမ်းအဖွဲ့တွေကိုလည်း မော်လမြိုင်မြို့ပေါ်မှာ လွတ်လွတ်လပ်လပ် လှုပ်ရှားခွင့် ပေးထားတယ်။ အခု ဒီကေဘီအေ အဖွဲ့ကလည်း ကျနော်တို့နယ်မြေမှာ နယ်ခြားစောင့် တပ်ရင်းအဖြစ် တည်ခိုင်းထားတယ်။ ဒါတွေဟာ ဘဝတူ တိုင်းရင်းသား အချင်းချင်း ရန်သူတွေဖြစ်အောင် ဖန်တီးနေတာပဲ ဖြစ်တယ်” ဟု ပြောသည်။
နအဖတို့ အခြေစိုက်ခိုင်းသည့် ဒီကေဘီအေအတွက် နယ်ခြားစောင့်တပ်ရင်း တည်နေရာသည် ရေးချောင်းဖျားရှိ မွန်ပြည်သစ်ပါတီ၏ အမှတ် (၇) တပ်ရင်းနှင့် (၁၀) ကီလိုမီတာသာ ကွာဝေးသည်ဟု သိရသည်။
ဒီကေဘီအေအဖွဲ့ ခေါင်းဆောင်များနှင့် စစ်အစိုးရတို့က နယ်ခြားစောင့်တပ်အဖြစ် အသွင်ပြောင်းရန် မူအရ သဘောတူမှု ရရှိခဲ့ပြီးနောက် အသေးစိတ်ညှိနှိုင်းရန် မြဝတီမြို့တွင် ဆွေးနွေးနေဆဲ ဖြစ်သည်။
Ref: ခေတ်ပြိုင်
စွဲဆိုသည့်ပုဒ်မသည် ကိုက်ညီမှုမရှိဟု ဦးဉာဏ်ဝင်း ပြောကြား
မေကျော်
စနေနေ့၊ မေလ 23 2009
ချင်းမိုင် (မဇ္ဈိမ)။ ။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား စွဲချက်တင်သည့် ပုဒ်မသည် ကိုက်ညီမှု မရှိကြောင်း သူမ၏ အမှုလိုက် ရှေ့နေတဦးဖြစ်သူ ဦးဉာဏ်ဝင်းက ယနေ့ ပြောဆိုသည်။
နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ တားဆီး ကာကွယ်ရေး ဥပဒေပုဒ်မ ၂၂ ဖြင့် စွဲချက် တင်လိုက်ခြင်းသည် ကိုက်ညီမှု မရှိကြောင်းနှင့် အဆိုပါ ပုဒ်မဖြင့် တရားစွဲရန် ဆုံးဖြတ်ခြင်းသည် မခိုင်လုံကြောင်း ပြောဆိုခြင်း ဖြစ်သည်။
''အမှု အခြေအနေကတော့ မခိုင်လုံဘူး။ မခိုင်လုံဘူးဆိုတာ ကျနော်တို့ အမြင်ပေါ့။ မခိုင်လုံဘူး။ စွဲတဲ့ပုဒ်မနဲ့ မညီိဘူး။ ကျနော်တို့ ဒီလိုပဲ မြင်ပါတယ်'' ဟု ဦးဉာဏ်ဝင်းက မဇ္ဈိမကို ပြောသည်။
ယမန်နေ့က ၅ ရက်မြောက်အဖြစ် အင်းစိန်ထောင်တွင်း အထူး တရားရုံးက တရားလိုပြ သက်သေ ၂ ဦးကို စစ်ဆေး ကြားနာပြီးနောက် ဒေါ်အောင်ဆန်းစုကြည်အား ပုဒ်မ ၂၂ ဖြင့် စွဲချက် တင်လိုက်သည်။
ဦးဉာဏ်ဝင်းက ''စွဲချက်တင်ပြီးရင် စစ်ပြီးသား သက်သေထဲက ကျနော်တို့ တောင်းဆိုတဲ့ သက်သေကို ပြန်စစ်မယ်။ အဲဒါတော့ ၅ ယောက်ပါ။ နောက် တရားလိုပြ သက်သေထဲက ၁ဝ ယောက်လောက် ကျန်သေးတယ်။ အဲဒါတွေကို ပြန်စစ်မယ်။ အဲဒါတွေ ပြီးမှ ဒေါ်အောင်ဆန်းစုကြည်ကို စစ်မယ်'' ဟု ပြောသည်။
ဒေါ်အောင်ဆန်းစုကြည်၏ ရှေ့နေများက တရားရုံးတော်သို့ ပြန်လည် တောင်းဆို စစ်ဆေးမည့် သူတို့ ၅ ဦးမှာ ရဲဝန်ထမ်းများ ဖြစ်သည်။
အမေရိကန်နိုင်ငံသား မစ္စတာ ယက်တောသည် အကျယ်ချုပ် ကျခံနေရသည့် ဒေါ်အောင်ဆန်းစုကြည်၏ နေအိမ်အတွင်း တိတ်တဆိတ် ဝင်ရောက်ခဲ့သဖြင့် လုံခြုံရေးက ဖမ်းဆီးခဲ့ကြောင်း ယခုလ ၆ ရက်နေ့တွင် မြန်မာစစ်အစိုးရက သတင်းထုတ်ပြန်ခဲ့သည်။
ထို့နောက် ယခုလ ၁၄ ရက်နေ့တွင် ဒေါ်စု၊ သူမနှင့် အတူနေသူ နိုင်ငံရေး လုပ်ဖော်ကိုင်ဘက် ဒေါ်ခင်ခင်ဝင်းနှင့် သမီးဖြစ်သူ မဝင်းမမတို့ကို အာဏာပိုင်များက အင်းစိန်ထောင်သို့ ပြောင်းရွှေ့ ချုပ်နှောင်ခဲ့သည်။ ၁၈ ရက်နေ့တွင် ထောင်တွင်း တရားရုံးက ကြားနာမှုများ ပြုလုပ်ကာ ၅ ရက်အကြာတွင် တရားရုံးက တရားလိုများဘက်က စွဲဆိုသည့် ပုဒ်မအတိုင်း စွဲချက် တင်လိုက်ခြင်းဖြစ်သည်။
ဒေါ်ဆောင်ဆန်းစုကြည်အား ယခုလ ၂၇ ရက်နေ့တွင် အကျယ်ချုပ်သက်တမ်း ပြည့်တော့မည် ဖြစ်သဖြင့် စစ်အစိုးရက လုပ်ကြံ၍ တရားစွဲဆိုခြင်းသာ ဖြစ်ကြောင်း မြန်မာအတိုက်အခံ အများအပြားက ယုံကြည်ကြသည်။
ဒေါ်အောင်ဆန်းစုကြည်ကရော ယခုအမှုသည် သူ့အပေါ် တမင် ဖန်တီးကြောင်း ရှုမြင် ပါသလားဟု ဦးဉာဏ်ဝင်းကို မေးမြန်းရာ ''သူက အဲလိုတော့ မပြောဘူး။ သူပြောတာက သူ့မှာ အပြစ်မရှိဘူး။ လူသားချင်း စာနာတဲ့ အနေနဲ့ နေရာနဲ့ ကျွေးမွေးတာ လုပ်ခဲ့တယ်။ ဒါလည်း အမှန်ပဲလို့ ပြောပါတယ်'' ဟု သူက ပြောသည်။
Ref: မဇ္ဈိမ
ဒေါ်အောင်ဆန်းစုကြည်နှင့် ဆွေးနွေးရန် လုံခြုံရေး ကောင်စီ ပြောဆို
မေကျော်
စနေနေ့၊ မေလ 23 2009
ချင်းမိုင် (မဇ္ဈိမ)။ ။ ဒေါ်အောင်ဆန်းစုကြည် အပါအဝင် နိုင်ငံရေးပါတီများ၊ တိုင်းရင်းသား အဖွဲ့များနှင့် အမျိုးသား ပြန်လည် ရင်ကြားစေ့ရေး အတွက် တွေ့ဆုံဆွေးနွေးရန် ကုလလုံခြုံရေး ကောင်စီက မြန်မာ စစ်အစိုးရကို ယမန်နေ့က ပြောဆိုလိုက်သည်။
တည်ငြိမ်ပြီး အချုပ်အခြာအာဏာ တည်ရှိမည့် မြန်မာနိုင်ငံကို တည်ဆောက်ရာတွင် တမျိုးသားလုံး ပါဝင်နိုင်ရန် တွေ့ဆုံဆွေးနွေးပွဲ ကျင်းပရန် လိုအပ်သည်ဟု ကုလကောင်စီက ပြောဆို လိုက်ခြင်းဖြစ်သည်။
နေအိမ်အကျယ်ချုပ်မှ လွတ်မြောက်တော့မည့် ဒေါ်စုကို စစ်အစိုးရက မေလ ၁၄ ရက်နေ့တွင် အင်းစိန်ထောင်၌ ပြောင်းရွှေ့ ဖမ်းဆီးခြင်းနှင့် ပတ်သက်၍ လုံခြုံရေးကောင်စီ အဖွဲ့ဝင် ၁၅ နိုင်ငံက ဆွေးနွေးကာ ယခုလို ထုတ်ပြန်ခဲ့ခြင်း ဖြစ်သည်။
ဒေါ်စုကို အကျဉ်းထောင်အတွင်း ချုပ်နှောင်လိုက်ခြင်းနှင့် ပတ်သက်ပြီး မြန်မာ့နိုင်ငံရေး အခြေအနေ တိုးတက် ပြောင်းလဲမှုအတွက် စိုးရိမ်ကြောင်း လုံခြုံရေး ကောင်စီက ပြောဆိုသေးသည်။
လုံခြုံရေးကောင်စီ ကိုယ်စား အလှည့်ကျ ဥက္ကဋ္ဌ ဗင်တလေ ချော့ကင် (ရုရှားနိုင်ငံ) က ယင်းကဲ့သို့ သတင်းကြေညာချက် ထုတ်ပြန်ခြင်း ဖြစ်သည်။
အလားတူပင် လူ့အခွင့်အရေး အထူးကော်မရှင်နာ မင်းကြီး မစ္စ နေဗီပီလေး (Navi Pillay) ကမူ ဒေါ်စု အမှုကို နိုင်ငံတကာ တရားစီရင်ရေး အဆင့် အတန်းနှင့် အညီ တရားမျှတမှု ဖြစ်ပေါ်ရေး ဆောင်ရွက်ရန် ပြောသည်။
“ဒေါ်အောင်ဆန်းစုကြည်ကို နေအိမ်အကျယ်ချုပ် စည်းကမ်းကို ချိုးဖောက်တယ်လို့ မြန်မာ အာဏာပိုင် တွေက ပြောကောင်း ပြောမှာပါ။ ဒါပေမယ့် သူတို့က သူတို့ ချမှတ်ထားတဲ့ ပြည်တွင်း ဥပဒေကို ပြန်ပြီး ချိုးဖောက်တဲ့ အပြင်ကို နိုင်ငံတကာ လူ့ အခွင့်အရေး ဆိုင်ရာ စောင့်ထိန်း လိုက်နာရမယ့် တာဝန်တွေကိုပါ ချိုးဖောက်နေတယ်” ဟု သူက ပြောသည်။
၂ဝဝ၇ ခုနှစ် အောက်တိုဘာလ ၁၁ ရက်နှင့် ၂၀၀၈ ခုနှစ် မေလ ၂ ရက်နေ့ ရက်စွဲဖြင့် ၂ ကြိမ်တိုင်တိုင် နိုင်ငံရေး အကျဉ်းသားများ လွှတ်ပေးရန် ပြောဆိုခဲ့သည်။
မြန်မာ အကျဉ်းထောင်များတွင် နိုင်ငံရေးအကျဉ်းသား ၂၀၀၀ ကျော် ရှိနေသည်။
Ref: မဇ္ဈိမ
Posts
