ကိုသားညွန့်ဦး
23.08.2012
မြန်မာဘက်က စစ်ဘက် အရာရှိတွေဟာ တရုတ်က ဖမ်းဆီးမိထားတဲ့ မူးယစ်ရာဇာ နော်ခမ်း ကို ယူနန်ပြည်နယ်ကို လာရောက်ပြီး စစ်ဆေးမေးမြန်း တာတွေ လုပ်ခဲ့တယ်လို့ တရုတ် အာဏာပိုင်တွေ က မနေ့က ထုတ်ပြန်ပါတယ်။
မူးယစ်ဆေးဝါးကူးသန်းရောင်းဝယ်မှုနဲ့ ဆက်လျဉ်းပြီး ရှမ်းအမျိုးသား နော်ခမ်းကို မြန်မာ အပါအ၀င် အိမ်နီးချင်းနိုင်ငံ အတော် များများက အလို ရှိနေကြတာပါ။ သူ့အပါအ၀င် ဖမ်းမိ ထားသူတွေကို တရုတ် သင်္ဘောသားတွေကို သတ်ဖြတ်မှုနဲ့ တရား စီရင် စစ်ဆေးတော့မယ် လို့လည်း တရုတ် အာဏာပိုင်တွေ က ပြောပါတယ်။ အကြောင်းစုံ ကိုတော့ ကိုသားညွန့်ဦးက ဆက်ပြီး တင်ပြပေးထား ပါတယ်။
မဲခေါင်မြစ်အတွင်း မူးယစ်ဆေးဝါးကူးသန်းရောင်းဝယ်မှု လူသတ်မှုတွေနဲ့ စပ်လျဉ်းပြီး မြန်မာ၊ တရုတ်၊ ထိုင်း၊ လော နိုင်ငံတို့က အလိုရှိနေတဲ့ မူးယစ် ရာဇာနော်ခမ်းကို မြန်မာ အရာရှိတွေ တရုတ်နိုင်ငံ၊ ယူနန်ပြည်နယ်ကို သွားရောက်ပြီး စစ်ဆေးမေးမြန်းမှုတွေ လုပ်ခဲ့တာဖြစ်ပါတယ်။ ဒါကို တရုတ် ရုပ်သံကနေ ထုတ်လွှင့်ပြသ ခဲ့ပါတယ်။
မနှစ် အောက်တိုဘာလ ၅ ရက်နေ့ မဲခေါင်မြစ်အတွင်း တရုတ်သင်္ဘောသား ၁၃ ဦး သတ်ဖြတ်မှု မှာ နော်ခမ်းဟာ အဓိက တာဝန် ရှိသူလို့ တရုတ် အာဏာပိုင်တွေဘက်က ယူဆ ထားကြတာ ပါ။ နော်ခမ်းဟာ ဒီနှစ် ဧပြီလ ၂၅ ရက်နေ့ လောနိုင်ငံ တွင်းမှာ ဖမ်းဆီး ခံခဲ့ရတာဖြစ်ပြီး တရုတ်နိုင်ငံကို လွှဲပြောင်းပေးအပ်တာ ခံရပါတယ်။ တရုတ်နိုင်ငံ အနေနဲ့တာ့ သူ့ကို ရှေ့လထဲ တရား စီရင်ကြားနာဖို့ ရှိတယ်လို့ ယူနန်ပြည်နယ် ရဲဌာန ဒုတိယအကြီးအကဲ Xian Yanming က ပြောပါတယ်။
“ပြီးခဲ့တဲ့ နှစ် အောက်တိုဘာ ၅ ရက် အမှုကိစ္စနဲ့ပတ်သက်ပြီး လက်နက်ကိုင် အဖွဲ့မှာ ပတ်သက်နေ တဲ့ နော်ခမ်း၊ ရှော်ခမ်း၊ ယင်းလန် နဲ့ အခြား သံသယရှိသူတွေကို နောက်လကျရင် တရုတ်နိုင်ငံ ထဲမှာ တရား စီရင်ကြားနာ သွားမှာ ဖြစ်ပါတယ်။”
အသက် ၄၈ နှစ်အရွယ် မူးယစ်ရာဇာ နော်ခမ်းကို နိုင်ငံတကာရဲတပ်ဖွဲ့ရဲ့ အလိုရှိတဲ့ စာရင်းမှာပါ ထည့်သွင်းဖော်ပြ ထားတာဖြစ်ပါတယ်။ နော်ခမ်းဟာ မဲခေါင်မြစ်အတွင်း သင်္ဘောတွေကို တိုက်ခိုက်တာ၊ သင်္ဘောသားတွေကို သတ်ဖြတ် တာတွေကြောင့် ရွှေတြိဂံဒေသမှာ ပြီးခဲ့တဲ့နှစ် ကာလက နာမည်ဆိုးနဲ့ ကျော်ကြားခဲ့ပါတယ်။
မြန်မာဘက်က အဲဒီ လူသတ်မှုတွေအတွက် သက်ဆိုင်ရာနိုင်ငံတွေနဲ့ အပြည့်အ၀ ပူးပေါင်း ဆောင် ရွက်ခဲ့ပြီး မဲခေါင်မြစ် အတွင်း လုံခြုံရေး ဆိုင်ရာ ကိစ္စရပ်တွေ နယ်စပ် တကြောဖြစ်နေတဲ့ ရာဇ၀တ် မှု နှိမ်နင်းရေး ကိစ္စရပ်တွေမှာပါ ပူးပေါင်းဆောင်ရွက် သွားမယ်လို့ တရုတ်ကို ရောက်နေတဲ့ မြန်မာ စစ်အရာရှိတွေက ပြောခဲ့ပါတယ်။
တရုတ် သင်္ဘောသားတွေ သတ်ဖြတ်ခံရတဲ့ အမှုမှာတော့ နော်ခမ်း အပါအ၀င် သူ့ရဲ့ အမာခံ အဖွဲ့ ၀င်တွေနဲ့ ထိုင်းစစ်သား အချို့ ပူးပေါင်း ပတ်သက်နေတယ်လို့ တရုတ် ရဲတပ်ဖွဲ့က ပြောပါ တယ်။ နော်ခမ်း ဖမ်းဆီးခံရပြီး တဲ့နောက်တော့ သူ့ရဲ့ လက်ထောက် စိုင်းအောင်မြတ်နဲ့ နောက်ပါ အဖွဲ့ဝင် အတော်များများဟာ တာချီလိတ် အခြေစိုက် မြန်မာ စစ်တပ် ထံမှာ လက်နက် ချခဲ့ကြပါ တယ်။ နောက်လိုက် အဖွဲ့ဝင်တွေကို စစ်ဆေးမေးမြန်းပြီး ပြန်လွှတ် ခဲ့ပေမယ့်၊ စိုင်းအောင်မြတ် ကိုတော့ ကျိုင်းတုံ အကျဉ်းထောင်မှာ ဖမ်းဆီး ထ်ိမ်းသိမ်း ထားတယ်လို့ သိရပါတယ်။
တရုတ်သင်္ဘောသားတွေ သတ်ဖြတ်ခံရတဲ့ အမှုမှာ စိုင်းအောင်မြတ်လည်း ပတ်သက်တယ် ဆိုပြီး တရုတ် နိုင်ငံဘက်က လွှဲပြောင်းပေးအပ်ဖို့ မြန်မာ ဘက်ကိုတောင်းခံပေမယ့် မြန်မာ အာဏာပိုင်တွေ က ငြင်းပယ် ခဲ့ပါတယ်။ စိုင်းအောင်မြတ် ဖမ်းမိပြီးနောက် မြန်မာ နယ်စပ်မှာ ရှိတဲ့ နော်ခမ်းရဲ့ ပိုင်ဆိုင်မှု အချို့ကိုလည်း မြန်မာ စစ်တပ်က သိမ်းဆည်း ခဲ့တယ်လို့ သိရပါတယ်။
စိုင်းအောင်မြတ် ကိစ္စနဲ့ပဲ စပ်လျဉ်းပြီး တရုတ်နိုင်ငံရဲ့ အများပြည်သူ လုံခြုံမှု ဆိုင်ရာ ၀န်ကြီး Meng Jianzhu ဟာ ပြီးခဲ့တဲ့ ဇူလိုင်လက မြန်မာနိုင်ငံကို လာရောက် ခဲ့ပါသေးတယ်။ တရုတ် သင်္ဘောသားတွေကို သတ်ဖြတ်မှု ကျူးလွန်သူတွေကို ရုံးတင် စစ်ဆေးရာမှာ မြန်မာ အာဏာပိုင်တွေဘက်က ပူးပေါင်း ဆောင်ရွက်ပေးဖို့ တရုတ်ဝန်ကြီးက တိုက်တွန်း သွားခဲ့ပါတယ်။ နော်ခမ်းနဲ့ အဖွဲ့ဟာ ၂၀၀၈ ခုနှစ် ကတည်းကဆိုရင် တရုတ် သင်္ဘောတွေ၊ တရုတ်နိုင်ငံသားတွေနဲ့ တိုက်ရိုက် ပတ်သက်နေတဲ့ လက်နက် ကိုင် ရာဇ၀တ်မှု ၂၈ မှုကို ကျူးလွန်ခဲ့တယ်လို့ တရုတ်ဝန်ကြီးက ပြောပါတယ်။ အဲဒီ အမှုတွေ အတွင်းမှာပဲ ၁၆ ဦးသေဆုံးပြီး၊ ၃ ဦး ထိခိုက် ဒဏ်ရာရခဲ့တယ်လို့ ပြောပါတယ်။
မနှစ် အောက်တိုဘာလ ကုန်ပိုင်းကတော့ နိုင်ငံ လေးနိုင်ငံက အဆင်မြင့် ၀န်ကြီးတွေဟာ တရုတ်နိုင် ငံ၊ ဘေဂျင်းမြို့မှာ တွေ့ဆုံပြီး နယ်စည်းဖြတ်ကျော် ရာဇ၀တ်မှုတွေကို ပူးပေါင်းနှိမ်နင်းဖို့နဲ့ မဲခေါင်မြစ် အတွင်း သယ်ယူ ပို့ဆောင်ရေး လုပ်ငန်းတွေ လုံခြုံရေး ကိစ္စရပ်တွေ အတွက် ဆွေးနွေး သဘော တူညီမှုတွေ ရခဲ့ပါတယ်။ မဲခေါင်းမြစ်ဒေသ ပူးပေါင်းဆောင်ရွက်ရေး အစီအစဉ်အရ မြန်မာ၊ တရုတ်၊ ထိုင်းနဲ့ လောနိုင်ငံတွေဟာ အခုအခါ ထောက်လှမ်းရေး သတင်း အချက်အလက် ဖလှယ်တာ၊ မဲခေါင် မြစ်ကြောင်း တလျှောက် လုံခြုံရေး အစီအစဉ်တွေ ဆောင်ရွက်တာနဲ့ နယ်စည်းဖြတ်ကျော် ရာဇ၀တ် မှုနှိမ်နင်းရေး ကိစ္စတွေကို ပူးတွဲဆောင်ရွက်နေပါတယ်။
Ref: VOA News
Friday, August 24, 2012
မြန်မာအရာရှိများ ဘိန်းရာဇာနော်ခမ်းကို စစ်ဆေး
ကဝ မြို့နယ်၏ သုံးပုံတပုံ တလခန့် ရေလွှမ်းနေဆဲ
ကွန်းချမ်း
ကြာသပတေးနေ့၊ သြဂုတ်လ ၂၃ ရက် ၂၀၁၂
စံခလပူရီ (မဇ္ဈိမ) ။ ။ မိုးများ ဆက်တိုက် ရွာသွန်းနေခြင်းနှင့် စစ်တောင်း မြစ်ရေ လျှံခြင်းကြောင့် ပဲခူးတိုင်း၊ ကဝမြို့နယ် သုံးပုံတပုံမှာ တလခန့် ရေလွှမ်းမိုးမှု ခံနေရဆဲ ဖြစ်ကြောင်း ရေဘေးဒုက္ခသည်များကို အကူအညီပေးနေသူ များနှင့် ဒေသခံများက ပြောသည်။
ဇူလိုင်လ ၂၆ ရက်နေ့မှ စတင် ရေလွှမ်းခံရခြင်းကြောင့် ကဝမြို့နယ်အတွင်းရှိ ရွာ ၁၃၆ ရွာအနက် ၄၅ ရွာ ရေလွှမ်းခံရ ကာ လယ်မြေ ဧကပေါင်း ၃ဝ,ဝဝဝ ကျော် ပျက်စီးသွားသည်ဟု ခန့်မှန်းရကြောင်း ရေဘေးသင့် ဒုက္ခသည်များကို အကူအညီ ပေးနေသည့် အမျိုးသား ဒီမိုကရေစီ အဖွဲ့ချူပ် (NLD) မှ ပဲခူးခရိုင် ကော်မတီဝင် ဦးတင့်လွင် က ပြောသည်။
ကဝမြို့နယ်အတွင်း အုန်းနှဲကျေးရွာအုပ်စုတွင် လယ်မြေ ဧက ၄,ဝဝဝ ခန့် ပျက်စီးသွားခြင်း၊ သက္ကလ ကျေးရွာအုပ်စုတွင် အိမ်ထောင်စု ၄ဝဝ ကျော်မှ လူဦးရေ ၁,၂ဝဝ ကျော် ရေဘေးသင့်ခြင်း စသည်တို့ကို ၎င်းက စုပေါင်းတွက်ချက် ပြောဆိုခြင်း ဖြစ်သည်။
“လယ်တွေပေါ်မှာ ကျနော်တို့ မော်တော် ဖြတ်မောင်းသွားလို့ ရတယ်လေ။ လယ်ထဲမှာ စပါးပင်တွေ မရှိတော့ဘူး။ ရေကြီးတဲ့ ဒေသတွေ အားလုံးမှာ အဲဒီလို ဖြစ်သွားပြီ။ ကြဲခင်းတွေရော၊ စိုက်ခင်းတွေရော အားလုံးက ပျက်သွားပြီ” ဟု ဦးတင့်လွင် က မဇ္ဈိမကို ပြောသည်။
သက္ကလ ရွာမှ ဒေါ်သန်းသန်းအေး ကလည်း “သက္ကလမှာလေ ရေကြီးတာ ရက် ၂ဝ လောက် ရှိသွားပြီ။ စစ်တောင်း မြစ်ရေ ဝင်တာလေ။ အခု စိုက်ပြီးသားတွေပါ ပျက်စီးတယ်” ဟု ပြောသည်။
ထို့ပြင် အိမ်ခြေပေါင်း ၂,၅ဝဝ ကျော်နှင့် လူဦးရေ ၁၅,ဝဝဝ ကျော်လည်း ရေဘေးဒဏ် ခံနေကြရသည်ဟု ရေဘေးသင့် သူများကို အကူ အညီပေးနေသည့် ပဲခူးမြို့မှ ကိုဂျမား က ဆိုသည်။
အုန်းနှဲရွာတွင် ဘုရားကြီး၊ ကုသိနာရုံနှင့် ခဲမပြင်ဘုရားများတွင် ကယ်ဆယ်ရေးစခန်း သုံးခုနှင့် အခြား ကျေးရွာအချို့ တွင်လည်း အလားတူ စခန်းများ ဖွင့်ထားကာ ကျေးရွာအများစုမှာ ဘုန်းတော်ကြီးကျောင်းများတွင် ခိုလှုံနေရသည်ဟု အုန်းနှဲကျေးရွာအုပ်စုဘက်တွင် အကူအညီပေးနေသည့် ကိုဂျမား က ပြောသည်။
ရေဘေးကြောင့် စာသင်ကျောင်းများ မဖွင့်နိုင်သေးခြင်း၊ အလုပ်အကိုင် ကင်းမဲ့ခြင်းနှင့် ကျန်းမာရေး ချွတ်ယွင်းခြင်း စသည့် ပြဿနာများကိုလည်း မြင်တွေ့နေရကြောင်း အကူအညီပေးနေသူများက ပြောသည်။
“ဖျားနာ၊ ဝမ်းပျက် ဝမ်းလျှော၊ တုတ်ကွေး ရောဂါတွေ ဖြစ်ကြတယ်။ ကျန်းမာရေး စောင့်ရှောက်မှု အားနည်းတာကို တွေ့ရတယ်” ဟု ကိုဂျမား က ပြောသည်။
သက္ကလ ကျေးရွာအုပ်စုဘက်တွင် အကူအညီပေးနေသည့် ဦးတင့်လွင် က “ဆိုးဆိုးဝါးဝါး ဖြစ်တာက အရေပြားမှာ ခြေတောက်တွေမှာ၊ လက်တွေမှာ ဝဲတွယ်တာပေါ့ဗျာ။ ဝဲစားတဲ့ ရောဂါတွေ တော်တော်များများ ဖြစ်ကြတယ်။ ရေဆိုး ကြောင့်ပေါ့။ အသက်ဘေး အန္တရာယ် ဖြစ်လောက်တဲ့ ဝမ်းရောဂါတော့ မဖြစ်ဘူးခင်ဗျ” ဟု ဆိုသည်။
“အများစုကတော့ အလုပ်အကိုင် မဲ့သွားတဲ့ ပြဿနာ၊ တနေ့လုပ် တနေ့စား သမားတွေပေါ့။ ပျမ်းမျှ ရွာရဲ့လေးပုံ တပုံလောက် အဲဒီလို ဖြစ်နေတာ ရှိတယ်” ဟု သူက ဆက်ပြောသည်။
ရေဘေးသင့်သူများအား ကဝမြို့နယ် ကျန်းမာရေး စောင့်ရှောက်မှု အဖွဲ့မှ သက္ကလ၊ အုန်းနှဲ၊ သံတံခါး စသည့် ဒုက္ခသည် စခန်းများသို့ သွားရောက်ကာ ကျန်းမာရေး ပညာပေး ဟောပြောပွဲနှင့် ဆေးဝါး ကုသမှုများကို ဆောင်ရွက်ပေးနေပြီး ပဲခူးခရိုင် သဘာဝ ဘေးအန္တရာယ် အကူအညီပေးရေး ကွန်ယက်အဖွဲ့၊ ပဲခူးတိုင်း NLD နှင့် အခြား စေတနာရှင်များက လာရောက်ကူညီကြသည်။
အလားတူ ပဲခူးတိုင်း ညောင်လေးပင်၊ သနပ္ပင်နှင့် မဒေါက်မြို့နယ်များတွင်လည်း ရေဘေးဒဏ် ခံနေရပြီး စိုက်ခင်းများ ပျက်စီးမှု ရှိကြောင်း သိရသည်။
မိုးလေဝသနှင့် ဇလဗေဒ ညွှန်ကြားရေးမှူး ဦးစီးဌာန ၏ သြဂုတ်လ ၂၂ ရက်နေ့ ထုတ်ပြန်ချက်အရ စစ်တောင်းမြစ်ရေ သည် မဒေါက်မြို့တွင် ၂၄-၇-၂ဝ၁၂ ရက်နေ့မှ စ၍ ၂၉ ရက်ခန့် စိုးရိမ်ရေမှတ် အထက် ကျော်လွန်နေပြီး မြန်မာစံတော် ချိန် ၁၂း၃ဝ နာရီ အချိန် တိုင်းထွာချက်အရ စိုးရိမ်ရေမှတ် အထက် ၁၁၄ စင်တီမီတာ ၃ ဒသမ ၇ ပေခန့် ကျော်လွန် ကာ နောက် သုံးရက်အတွင်း စိုးရိမ်ရေမှတ် အထက်တွင် ဆက်လက် တည်ရှိနိုင်သည်ဟု ဆိုသည်။
၎င်းပြင် ရွှေကျင်မြစ်ရေသည် ရွှေကျင်မြို့တွင် စိုးရိမ်ရေမှတ် အထက် ၁၇ စင်တီမီတာ (၇ လက္မခန့်) ကျော်လွန်နေပြီး ၂၄ နာရီအတွင်း စိုးရိမ်ရေမှတ် အောက်သို့ ကျဆင်းနိုင်သည်ဟု ထုတ်ပြန်ထားသည်။
နိုင်ငံတဝှမ်း ပြည်နယ်နှင့် တိုင်းအချို့တွင် ရေကြီးရေလျှံမှု ဖြစ်ပေါ်လျက်ရှိပြီး အဆိုးရွားဆုံးမှာ ၂၆ မြို့နယ် ရှိသည့် ဧရာဝတီတိုင်း ဖြစ်ကာ မြို့နယ် ၁၂ ခုတွင် ရေလွှမ်းမိုးမှု ခံနေရဆဲ ဖြစ်သည်။
Ref: မဇ္ဈိမ
ရေဘေးကြောင့် ဆန်ဈေး တက်ရိပ်ပြ
ရန်ပိုင်
August 23, 2012
စပါးစိုက်ပျိုးသည့် ဧရာဝတီတိုင်းနှင့် ပဲခူးတိုင်း အရှေ့ခြမ်းဒေသများတွင် ရေကြီးမှု များကြောင့် စပါးအထွက် နောက်ကျနိုင်သည့် အတွက် ဆန်ဈေးကွက်တွင် ၀ယ်ယူသိုလှောင်မှု များပြားလာပြီး ဈေးနှုန်းများလည်း မြင့်တက်လာသည်။
ယခုနှစ်အတွင်း ဧရာဝတီတိုင်းတွင် စပါးစိုက်ဧက ၁ သိန်းခန့် နစ်မြုပ်နေပြီး ရေကျဆင်းမှု မရှိသေးသဖြင့် ပြန်လည် စိုက်ပျိုးရန် အချိန် ယူရမည်ဖြစ်ရာ စပါး အထွက်နောက်ကျပြီး ဆန်ထုတ်လုပ်မှု ကိုပါ ထိခိုက်လာနိုင်သည့်အတွက် ကြိုတင် သိုလှောင်မှု များကြောင့် ဈေးနှုန်းမြင့်တက် လာခြင်းဖြစ်သည်ဟု ရန်ကုန်မြို့ ဘုရင်နောင် ဆန်ဈေးကွက်မှ ပွဲရုံပိုင်ရှင်တဦးက ဆိုသည်။
“ရေပြန်ကျဖို့ မလွယ်ဘူး၊ ဆန်ဈေးက နောက်ပိုင်းဆို တက်ရိပ် ပါ သွားမှာ ဆိုတော့ ကြိုရောင်း ထားတဲ့ သူတွေ အနေနဲ့လည်း တက်ဈေးနဲ့ အပ်ရမှာ စိုးလို့ ၀ယ်ကြတာ” ဟု ၎င်းက ပြောသည်။
ပြီးခဲ့သည့် ရက်ပိုင်းက ၂၅ ရာခိုင်နှုန်း အကျိုးအကြေပါသည့် ဆန်ကြမ်းဈေးသည် တတင်းခွဲ တအိတ်လျှင် ၁၃၃၀၀ ကျပ်၊ မြောင်းမြ ဒေသထွက် အပျော့ဆန်မှာ ၂၉၀၀၀ ကျပ်၊ ရွှေဘိုဒေသထွက် ပေါ်ဆန်းမွှေး (ခွန်နီ) မှာ ၃၄၀၀၀ ကျပ်ရှိ ဈေးရှိပြီး ယနေ့တွင်မူ ဆန်ကြမ်းမှာ ၁၄၀၀၀ ကျပ်၊ အပျော့ဆန်မှာ ၃၁၅၀၀ ကျပ်၊ ခွန်နီဆန်မှာ ၃၆၅၀၀ ကျပ်အထိ မြင့်တက်သွားသည်ဟု သိရသည်။
ပဲခူးတိုင်းအနောက်ခြမ်း ပြည်မြို့မှ ပွဲရုံပိုင်ရှင် ကိုနေလင်းကလည်း လူအများစားသုံးသည့် ဆန်ကြမ်းဈေးမှာ ၁၄၅၀၀ ကျပ်မှ ၁၅၅၀၀ ကျပ်အထိ မြင့်တက်သွားကြောင်း ဆိုသည်။
“သာမန်အခြေအနေမှာ ဒီအချိန်ဆို စပါးမထွက်ခင် စပ်ကူးမတ်ကူးကာလ ဆန်ဈေးက ပုံမှန်တက်နေကြပါ။ ဒါပေမယ့် ဒီနှစ်ကတော့ ဧရာဝတီတိုင်းဘက်မှာ ရေကြီးတဲ့အပြင် ရခိုင်ဘက်ကိုလည်း ဆန်တင်ပို့နေရတော့ ဈေးကပိုတက်လာတယ်” ဟု ၎င်းက ပြောသည်။
ထို့အပြင် ရခိုင်ဒေသတွင် မကြာသေးမီက ဖြစ်ပွားသည့် ပဋိပက္ခများကြောင့် ရခိုင်လယ်သမားများ စိုက်ပျိုးရေးလုပ်ငန်းခွင်ကို သွားရောက်နိုင်ခြင်း မရှိသေးကြောင်း၊ ထိုအချက်သည်လည်း ဆန်ထုတ်လုပ်မှုကို အနည်းနှင့်အများ ထိခိုက်နိုင်ကြောင်း ကိုနေလင်းက ဆက်ပြောသည်။
မြန်မာနိုင်ငံ ဆန်စပါးလုပ်ငန်းရှင်များအသင်း (MRIA) က အဓိက ဆန်ထုတ်လုပ်ရာ ပြည်တွင်းဆန်ဈေးကွက်ကို ထိခိုက်ခြင်း မရှိစေရန် အရန်ဆန် ရောင်းချရေးကော်မတီက ဆန် ၄၆၆၆ တန်ကို တင်ဒါစနစ်ဖြင့် ပုဂ္ဂလိက လုပ်ငန်းရှင်နှင့် သမ၀ါယမအသင်း အပါအ၀င် ကုမ္ပဏီ ၆ ခုသို့ မကြာသေးမီက ဖြန့်ဖြူး ရောင်းချပေးခဲ့သည်။
MRIA အသင်းအတွင်းရေးမှူး ဦးရဲမင်းအောင်က “စပါးပြန်စိုက်တဲ့အချိန် နောက်ကျမှာ ဖြစ်တဲ့အတွက် ဆန်စပါးအထွက်ကိုတော့ ထိခိုက်မှာပါ။ ဒါပေမယ့် ကြီးကြီးမားမား ထိခိုက်မယ်လို့တော့ ပြောမရဘူး၊ စိုက်ပျိုးရာသီ မကုန်သေးတော့ စောင့်ကြည့်ရမယ်” ဟု ဆိုသည်။
ထို့အပြင် ရေကျသွားလျှင် တောင်သူများ လျင်မြန်စွာ စိုက်ပျိုးနိုင်ရန် အဓိက လိုအပ်နေသည့် မျိုးစပါး တင်း ၃ သောင်းခန့်နှင့် ပျိုးပင်များကို ရေကျမှု အခြေအနေအပေါ် မူတည်ပြီး အချိန်မီ ဖြန့်ဖြူးရန် ပြင်ဆင်ထားကြောင်း၊ သို့သော်လည်း တချို့သော ဒေသများတွင် ရေကျမှု နှေးကွေးသည့်အတွက် စပါးပြန်လည်စိုက်ပျိုးရန် မဖြစ်နိုင်သည့် အခြေအနေများလည်း ရှိနိုင်ကြောင်း ဦးရဲမင်းအောင်က ရှင်းပြသည်။
MRIA က ထုတ်ပြန်သည့် စာရင်းများအရ ဧရာဝတီတိုင်း အတွင်းရှိ ပုသိမ်၊ ကျောင်းကုန်း၊ ကျုံပျော်၊ သာပေါင်း၊ အသုတ်၊ ရေကြည်၊ ပဲခူးတိုင်း အရှေ့ခြမ်းရှိ သနပ္ပင်၊ က၀၊ ဝေါ၊ ရွှေကျင်၊ မဒေါက် စသည့်ဒေသများတွင် အများဆုံးခံခဲ့ရပြီး စိုက်ဧက ၁ သိန်း ၁ သောင်းနီးပါး ရေနစ်မြုပ်ခဲ့သည်ဟု သိရသည်။
လက်ရှိအခြေအနေတွင်မူ ရေနှုတ်မြောင်းများ ပိတ်ဆို့နေခြင်း၊ တာတမံများ ပျက်ဆီးနေခြင်းကြောင် ရေများ အမြန်ကျဆင်းသွားခြင်း မရှိသေးသည့်အတွက် စိုက်ပျိုးပြီးသော စပါးပျိုးပင်များမှာ ရေကြောင့် ပျက်စီးသွားရန် သေချာသလောက် ရှိနေကြောင်း ဒေသခံ တောင်သူများက ပြောဆိုနေကြသည်။
Ref: ဧရာဝတီ
ပြောသည့်အတိုင်း မဖြစ်၍ SSA-S ကို ဦးအောင်မင်း အားနာ
သန်းထိုက်ဦး
August 24, 2012
ရှမ်းပြည် တပ်မတော် တောင်ပိုင်း (SSA-S) နှင့် အစိုးရအကြား သဘောတူညီမှု ရရှိထားသည့် အချက်များကို ဆက်လက် အကောင် အထည် မဖော်ဆောင်ပေးနိုင်သေးသောကြောင့် အားနာ မိကြောင်း အစိုးရ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ အဖွဲ့ ဒု ဥက္ကဋ္ဌ ဦးအောင်မင်းက ပြောသည်။
ပီးခဲ့သည့်သီတင်းပတ်က နေပြည်တော်တွင် SSA တောင်ပိုင်းမှ ကိုယ်စားလှယ် တချို့နှင့် နှစ်ဖက် ငြိမ်းချမ်းရေး သဘော တူညီချက် ရရှိ ထားသည့် ကိစ္စရပ်များကို သွားရောက်တွေ့ဆုံဆွေးနွေး ခဲ့ရာ ဦးအောင်မင်းက အထက်ပါအတိုင်း ပြောကြားကြောင်း SSA တောင်ပိုင်း ပြောခွင့်ရ ပုဂ္ဂိုလ် ဗိုလ်မှူး စိုင်းလောင်ဆိုင်းက ဧရာဝတီသို့ ပြောသည်။
“ကျနော်တို့ သဘောတူညီချက် ထဲမှာပါတဲ့ အချက်အလက်တွေအားလုံး ယနေ့အထိ ဘာမှ အကောင်အထည် ဖော်ဆောင်နိုင်တာ မရှိဘူး။ အဲဒီ ကိစ္စတွေကိုလည်း ဦးအောင်မင်းက ချက်ချင်းကြီး လိုအပ်သလို စိတ်တိုင်းကျ အကောင်အထည် မဖော်ဆောင်ပေးနိုင်သေးတာကို သူအနေနဲ့ အားနားတဲ့ အကြောင်း ပြောပါတယ်” ဟု ၎င်းက ဆိုသည်။
SSA တောင်ပိုင်း တပ်ဖွဲ့မှ ဗိုလ်မှူးကြီး အောင်သိန်း ဦးဆောင်သော ကိုယ်စားလှယ် ၃ ဦးသည် ဦးအောင်မင်း၊ အမှတ် (၂) လျှပ်စစ်စွမ်းအား ဝန်ကြီး ဦးခင်မောင်စိုးတို့အပြင် တခြား သက်ဆိုင်ရာ ၀န်ကြီးတို့နှင့်လည်း တွေ့ဆုံ ဆွေးနွေးခဲ့ကြောင်း သိရသည်။
SSA တောင်ပိုင်းမှ တင်ပြချက်များကို သမ္မတ ဦးသိန်းစိန်ထံ တင်ပြပေးမည် ဖြစ်ကြောင်း၊ ငြိမ်းချမ်းရေး မပျက်ပြားစေရန် အတူ ပူးပေါင်း ဆောင်ရွက်သွားရမည်ဟု ဦးအောင်မင်းက ပြောကြားကြောင်း ဗိုလ်မှူး စိုင်းလောင်ဆိုင်းက ပြောသည်။
အစိုးရနှင့် SSA တောင်ပိုင်း တပ်ဖွဲ့ဝင်များ ရှမ်းပြည်နယ်အတွင်း ဖြစ်ပွားခဲ့သည့် တိုက်ပွဲများသည် နှစ်ဖက် တပ်ဖွဲ့ဝင်များ ငြိမ်းချမ်းရေးလမ်းစဉ်ကို နားမလည်ခြင်းကြောင့် ဖြစ်ကြောင်း ဦးအောင်မင်းက ရှင်းပြခဲ့သည်ဟု သိရသည်။
ပြီးခဲ့သည့် မေလ ၁၉ ရက်နေ့က ရှမ်းပြည်နယ်အရှေ့ပိုင်း ကျိုင်းတုံမြို့တွင် SSA တောင်ပိုင်းမှ ဒု ဗိုလ်ချုပ်ကြီး ယွက်စစ် ဦးဆောင်သော ကိုယ်စားလှယ်အဖွဲ့က အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီအဖွဲ့နှင့် နောက်ဆုံးတွေ့ဆုံခဲ့ပြီးနောက် ရက်ပိုင်းအတွင်း တိုက်ပွဲများ ပြန်လည်ဖြစ်ပွားခဲ့သည်။
ယင်း ဖြစ်ပွားခဲ့သည့် တိုက်ပွဲများနှင့် ပတ်သက်၍ အစိုးရဘက်မှ ဒု တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး စိုးဝင်းက တရားဝင် တောင်းပန်ခဲ့ကြောင်း သိရသည်။
ယင်း ပြည်ထောင်စုအဆင့် တွေ့ဆုံဆွေးနွေးပွဲတွင် သဘောတူညီချက် ၁၂ ချက် ရရှိထားပြီး အစိုးရဘက်မှ ဗိုလ်ချုပ်ကြီး စိုးဝင်း၊ ရထားပို့ဆောင်ရေး ၀န်ကြီး ဦးအောင်မင်း၊ SSA တောင်ပိုင်းဘက်မှ ဒု ဗိုလ်ချုပ်ကြီး ယွက်စစ်၊ ဗိုလ်မှူးချုပ် ဘောင်ခေးတို့က သဘောတူ လက်မှတ်ရေးထိုးခဲ့ကြသည်။
သဘောတူညီချက် ၁၂ ချက်တွင် မူးယစ်ဆေးဝါး ပူးတွဲနှိမ်နင်းရေး၊ SSA တောင်ပိုင်း အဖွဲ့အား မတရားအသင်း အဖြစ်မှ ပယ်ဖျက်ပေးရေး၊ နိုင်ငံသား စိစစ်ရေး ကတ်ပြားများ ပြုလုပ်ပေးရေး၊ SSA တောင်ပိုင်း အဖွဲ့နှင့် မိသားစုဝင်များ နေရာချထားရေး၊ စီးပွားရေးလုပ်ငန်းများ ဖော်ဆောင်ရေး စသည့်အချက်များ ပါဝင်ကြောင်း သိရသည်။
အလားတူပင် မကြာသေးမီကလည်း ဦးအောင်မင်းက ရှမ်းပြည်နယ် အတွင်း ဖြစ်ပွားခဲ့သည့် ထိတွေ့မှု ဖြစ်စဉ်များ၌ လုပ်ငန်းစဉ်တွင် ပါရှိသည့် နှစ်ဖက်တပ်များ နေရာသတ်မှတ်ခြင်း မပြုနိုင်သေးခြင်း၊ ဆက်ဆံရေးရုံး မဖွင့်လှစ်နိုင်သေးခြင်းတို့ ဖြစ်ကြောင်း အစိုးရ သတင်းစာတွင် ဖော်ပြခဲ့သည်။
မိုင်းရယ် မဲဆန္ဒနယ်မှ ဦးစိုင်းသီဟကျော်က လက်နက်ကိုင် အဖွဲ့အစည်းများအကြား အပစ်အခတ်ရပ်စဲရေး သဘောတူညီမှု ရရှိပြီး နောက် တိုက်ပွဲများ ဆက်လက်ဖြစ်ပွားနေခြင်းကို သိလိုကြောင်း မေးခွန်းနှင့် စပ်ဆက်၍ ဦးအောင်မင်းက ထိုကဲ့သို့ ပြန်လည် ဖြေကြားခြင်း ဖြစ်သည်။
Ref: ဧရာဝတီ
ညမထွက်ရအမိန့် ချိုးဖောက်သူ ၆၀ ကို ထောင်ဒဏ်ချ
2012-08-23
အကြမ်းဖက် ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ်မှာ ညမထွက်ရ အမိန့်ကို ချိုးဖောက်မှုနဲ့ ထိန်းသိမ်း ခံခဲ့ရတဲ့ ရခိုင် တိုင်းရင်းသား ၆၀ လောက်ကို ပြည်နယ်တရားရုံးက ထောင်ဒဏ် ၆ လစီ ချမှတ်လိုက်ကြောင်း ထိုင်းနိုင်ငံ အခြေစိုက် ဧရာဝတီ သတင်းဌာနက ဖော်ပြပါတယ်။
ဇွန်လ ၈ ရက်နေ့ ကစလို့ ပဋိပက္ခတွေ ဖြစ်ပွားခဲ့ပြီးတဲ့နောက် ရခိုင်ပြည်နယ်တွင်းက မြို့နယ် ၆ မြို့နယ်မှာ ညမထွက်ရ ကာဖျူးအမိန့် ထုတ်ပြန်ခဲ့ပါတယ်။ အဲဒီနောက် အကြမ်းဖက်မှုတွေ ထပ်မံ ဖြစ်ပွားခဲ့ပြန်တဲ့ အတွက် ဒီလအစောပိုင်းက နောက်ထပ် မြို့နယ် ၃ ခုမှာလည်း ကာဖျူးအမိန့် ထုတ်ပြန်ခဲ့ပါတယ်။
ညမထွက်ရ ကာဖျူးအမိန့်ကို ချိုးဖောက်မှုနဲ့ ရခိုင်အမျိုးသား ဖွံ့ဖြိုးတိုးတက်ရေးပါတီ RNDP အဖွဲ့ဝင် ၄ ဦး အပါအ၀င် ထိန်းသိမ်း ခံရသူ ရခိုင် တိုင်းရင်းသား ၈၀၀ လောက်ရှိခဲ့တယ်လို့ သိရပါတယ်။ အဲဒီထဲက ၆၀ လောက်ကို ပြစ်ဒဏ် ချမှတ် ခဲ့တာ ဖြစ်ကြောင်း ဒေသခံတွေကပြောပါတယ်။
RNDP ဗဟိုကော်မတီအဖွဲ့ဝင် ဦးစံလှကျော်ကလည်း ထိန်းသိမ်း ခံရသူတွေ ထဲက အများစုကို ပြန်လွှတ် လိုက်ကြောင်း၊ တချို့ကိုတော့ တရားရုံး ဆိုင်းငံ့ အမိန့်နဲ့ နှစ်လလောက် ထိန်းသိမ်း ခံခဲ့ကြရကြောင်း ပြောဆိုပါတယ်။
အလားတူ ရိုဟင်ဂျာဆိုသူ ၁၀ ယောက်လောက်လည်း ထောင်ချခံရကြောင်း၊ တချို့ကို အကြမ်းဖက် ဆူပူအောင် လှုံ့ဆော်မှုနဲ့ ထောင်ဒဏ် ၁၀ နှစ်အထိ ချမှတ်ခံရတယ်ဆိုတဲ့ သတင်းတွေ ရရှိကြောင်း ဧရာဝတီ သတင်းဌာနက ဖော်ပြပါတယ်။
Ref: RFA News
ရခိုင်အရေး သမ္မတရုံး သုံးသပ်ချက် ကန့်ကွက်ခံရ
ခင်ဦးသာ
August 23, 2012
ရခိုင်ပြည်နယ် အတွင်း ဖြစ်ပွားခဲ့သည့် ပဋိပက္ခများနှင့် ပတ်သက်၍ နိုင်ငံတော် သမ္မတရုံးမှ ပြည်ထောင်စု လွှတ်တော်သို့ ပေးပို့သော သ၀ဏ်လွှာနှင့် အတူ ပူးတွဲပါရှိသည့် သုံးသပ်ချက်၌ ပါဝင်သော စွပ်စွဲချက်များကို ရခိုင် တိုင်းရင်းသားများ တိုးတက်ရေး ပါတီ (RNDP) ပါတီက ကန့်ကွက် ထားကြောင်း သိရသည်။
သ၀ဏ်လွှာနှင့်အတူ ပါရှိသည့် ရခိုင်ပြည်နယ် ပဋိပက္ခ ခြုံငုံသုံးသပ်ချက် များတွင် ရခိုင် တမျိုးသားလုံးကို လူမျိုးရေး မုန်းတီးစိတ် ကြီးမားသည့် လူမျိုးတမျိုး အဖြစ် ပုံဖော်ထားခြင်းကို RNDP ပါတီ၏ ပြည်ထောင်စု လွှတ်တော် ကိုယ်စားလှယ် ၁၄ ဦး က လက် မှတ် ထိုး၍ ပြည်ထောင်စု လွှတ်တော် နာယက ထံ ယမန်နေ့က ကန့်ကွက်စာ ပေးပို့ခဲ့ခြင်း ဖြစ်သည်။
ရခိုင်ဒေသ ပဋိပက္ခဖြစ်ပွားမှုတွင် ရခိုင်နိုင်ငံရေး ပါတီများနှင့် သံဃာတော်များ၊ လူပုဂ္ဂိုလ်များ ခေါင်းဆောင်၍ လူမျိုးရေး မုန်းတီးမှု သွေးထိုး လှုံ့ဆော်မှုများ ပါဝင်နေကြောင်း၊ လူမျိုးရေး မုန်းတီးမှု စိတ်ဓာတ် အလွန်မြှင့်တင်ပြီး အဆင် အခြင်မဲ့စွာ တိုက်ခိုက် ဆောင်ရွက်လျက် ရှိကြောင်း သြဂုတ်လ ၁၇ ရက်စွဲဖြင့် ပေးပို့သော သ၀ဏ်လွှာပါ သမ္မတရုံး သုံးသပ်ချက် က ဆိုထားသည်။
ထို့အတူ နိုင်ငံတွင်းရှိ ရခိုင်အသိုင်းအ၀ိုင်းနှင့် နိုင်ငံတကာရှိ ရခိုင် အသိုင်းအ၀ိုင်းသို့ပါ စည်းရုံး လှုံ့ဆော်နေကြောင်း၊ နိုင်ငံ အနှံ့ တွင် နေထိုင်သည့် ဘင်္ဂါလီ မွတ်စလင် လူမျိုးများ အပေါ်လည်း အကြမ်းဖက်ရန် ကြံစည် လုပ်ဆောင်လျက် ရှိသည်ဟု တဖက် သတ် သုံးသပ် ထားသည့် အချက် ၉ ချက်ဖြင့် ပြင်းထန်စွာ စွပ်စွဲ ထားကြောင်း ပြည်သူ့လွှတ်တော် ကိုယ်စားလှယ် ဦးဘရှိန် က ဧရာဝတီ ကို ပြောသည်။
“စွပ်စွဲတယ်ဆိုရင် အထောက်အထား ခိုင်လုံမှု ရှိရှိနဲ့ စွပ်စွဲရင် လက်ခံနိုင်စရာရှိပေမယ့် အထောက်အထား ခိုင်လုံမှု မရှိတဲ့ အ တွက် ကန့်ကွက်ရတာ၊ လူမျိုးတခုလုံးကို ပုတ်ခတ်စော်ကားလိုက်တဲ့ သဘောထားတွေ တွေ့ရတယ်၊ စွပ်စွဲချက်မှာ ပါတဲ့ သူ တွေ အမည်နာမ ဖော်ပြဖို့ လိုအပ်တယ်၊ စွပ်စွဲမှုအတွက်လည်း စိတ်မကောင်းဘူး”ဟု ၎င်း က ဆိုသည်။
သ၀ဏ်လွှာနှင့် အတူ ပူးတွဲပါရှိသည့် သုံးသပ်ချက်များကို ပြည်ထောင်စုလွှတ်တော်၌ ဆွေးနွေးခွင့် မရပါက မှတ်တမ်း အဖြစ် သိမ်းဆည်းရမည် ဖြစ်ကြောင်း၊ သို့သော် အထောက်အထား ခိုင်လုံမှုမရှိသည့် စွပ်စွဲသုံးသပ်ချက်ကို သမိုင်း မှတ်တမ်း အဖြစ် မတင်သင့်ဟု ဆိုကာ ကိုယ်စားလှယ်များက ကန့်ကွက်ခြင်း ဖြစ်ကြောင်း သိရသည်။
သ၀ဏ်လွှာ၌ ရေးသားထားသည့် အသုံးအနှုန်း တချို့သည် ကိုယ့်နိုင်ငံသား တိုင်းရင်းသား လူမျိုးတမျိုး အပေါ် အများပြည်သူ အထင်လွှဲမှား စေနိုင်ကြောင်း၊ နိုင်ငံတော်အား ကိုယ်စားပြုထားသည့် အစိုးရအဖွဲ့ အနေဖြင့် ထိုသို့သော အသုံးအနှုန်းမျိုး မသုံး သင့် ဟု ယူဆကြောင်း ပြည်သူ့လွှတ်တော် ကိုယ်စားလှယ် ဦးခင်မောင်ရီ (ခ) ခိုင်မောင်ရီ က ဧရာဝတီ ကို ပြောသည်။
ရခိုင်ဒေသတွင်း ပဋိပက္ခကြောင့် ရပ်ဆိုင်းနေသည့် ဘင်္ဂါလီလူမျိုးများ၏ စီးပွားရေးလုပ်ငန်းများကို ရခိုင်စီးပွားရေး လုပ်ငန်းရှင် များက အကွက်ချောင်းပြီး အချောင်ရရန် ကြိုးပမ်းနေဟု ရေးသားထားကြောင်း၊ လူတချို့သည် ထိုသို့ ရှိနိုင်သော်လည်း လူမျိုး တခုလုံး အပေါ် ခြုံငုံသုံးသပ်ထားခြင်းသည် ရိုးဖြောင့်သူများကို မကျေနပ်မှု တိုးပွားစေသည်ဟု ဦးခိုင်မောင်ရီ က ပြောသည်။
“ဥပမာ ခြုံငုံသုံးသပ်ချက် ဆိုပေမယ့် တချို့ဆိုတဲ့ စကားပဲသုံးသင့်ပေမယ့် အားလုံးလို့ ရေးထားတော့ လူမျိုးတခုလုံးကို ၀ါးလုံး ရှည်နဲ့ သိမ်းကျုံးပြီး ပြောသလို ဖြစ်သွားတယ်၊ တိုင်းရင်းသား လူမျိုးတခုလုံးကို စိတ်ထိခိုက်စေတယ်”ဟု ၎င်းက ဆိုသည်။
နယ်စပ်ဒေသမှ ရခိုင်ပြည်နယ်အတွင်းသို့ ခိုးဝင်နေသည့် ဘင်္ဂါလီလူမျိုးများကို လူ့ဝင်မှုကြီးကြပ်ရေး(လ၀က) ၀န်ထမ်းများက လာဘ်ပေး လာဘ်ယူ ပြုလုပ်၍ တရားမ၀င် ခွင့်ပြုနေကြောင်း၊ ထိုသို့ အဂတိ လိုက်စားသည့် လ၀က ၀န်ထမ်းများကို အစိုးရက အရေးယူမှု မရှိဟုလည်း ရခိုင်နိုင်ငံရေး အသိုင်းအ၀ိုင်းက အစိုးရအပေါ် စွပ်စွဲနေသည်ဟု သုံးသပ်ချက်၌ ရေးသားထားကြောင်း ဦးဘရှိန် က ရှင်းပြသည်။
အလားတူ မြန်မာနိုင်ငံ၏ ခေတ်အဆက်ဆက် အစိုးရများသည် ရခိုင်တိုင်းရင်းသားများ၏ အကျိုးစီးပွားများကို ဖော်ဆောင်ပေးခြင်း၊ ကာကွယ်ပေးခြင်းမရှိဘဲ သယံဇာတများကိုသာ ထုတ်ယူသုံးစွဲလာခဲ့သည်ဟူသော တိုင်းရင်းသား စည်းလုံးမှု ပြိုကွဲစေမည့် လှုံ့ဆော်မှုမျိုး လုပ်ဆောင်နေသည်ကို တွေ့ရကြောင်းလည်း သုံးသပ်ချက်က ဆိုထားသည်။
ရခိုင်ဒေသ၌ ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ(ကြံ့ခိုင်ရေး ပါတီ)သည် မဲအနိုင်ရရှိရေးအတွက် ဘင်္ဂါလီလူမျိုးများကို တရားမ၀င်ကတ်ပြားများ ထုတ်ပေးခြင်းဖြင့် မဲမသာမှုလုပ်ဆောင်ကြောင်း၊ ၁၉၈၂ ခုနှစ် နိုင်ငံသား ဥပဒေအရ ဘင်္ဂါလီလူမျိုးများ နိုင်ငံသား ဖြစ်လာမည့်အရေးကိစ္စကိုလည်း လက်မခံနိုင်သည့်အနေအထား တွေ့နေရကြောင်း စသည်တို့ကို သုံးသပ်ချက်၌ရေး သားထားကြောင်း သိရသည်။
“အချက် ၉ ချက်မှာ ၈ ချက်က စွပ်စွဲချက်တွေ ဖြစ်နေတော့ ဒီကိစ္စတွေဟာ ပြည်တွင်းမှာရှိတဲ့ တိုင်းရင်းသား ပြည်သူ တရပ်လုံး နဲ့ နိုင်ငံတကာ မျက်နှာစာမှာ ရခိုင်ပြည်သူတရပ်လုံးအပေါ် အထင်လွဲမှားမှု ဖြစ်စေတယ်၊ ဒါကြောင့် ဒီသုံးသပ်ချက်ကို ရုပ်သိမ်း ပေးဖို့ တင်ပြတာ”ဟု ဦးဘရှိန် က ပြောပြသည်။
RNPD မှ ပြည်ထောင်စု လွှတ်တော် ကိုယ်စားလှယ်များက သ၀ဏ်လွှာနှင့်အတူ ပူးတွဲပါရှိသည့် သုံးသပ်ချက်ပါ ကိစ္စများသည် ရခိုင်တမျိုးသားလုံးနှင့် ရခိုင်နိုင်ငံရေးပါတီများ၏ ဂုဏ်သိက္ခာ ကျဆင်းစေကြောင်း၊ ထို့အပြင် နိုင်ငံတော် သမ္မတ တဦး အနေဖြင့် တိုင်းရင်းသား လူမျိုးတမျိုးအပေါ် သူတပါး အထင်လွဲအောင် မလုပ်သင့်ကြောင်း စသည်ဖြင့် ကန့်ကွက်စာတွင် ရေးသား ထားသည်ဟု ဆိုသည်။
သမ္မတရုံး သုံးသပ်ချက်နှင့် ပတ်သက်၍ ဦးခိုင်မောင်ရီ ကလည်း အုပ်ချုပ်သူ အစိုးရအဖွဲ့သည် ပြည်သူများကို ကျေနပ်မှု ရှိရန် လုပ်ဆောင်နိုင်သကဲ့သို့ မကျေနပ်မှု ဖြစ်ပေါ်ရန်လည်း လုပ်ဆောင်နိုင်ကြောင်း၊ သို့သော် ဒီမိုကရေစီ စနစ်သို့ ကူးပြောင်းနေချိန် တွင် တိုင်းရင်းသားစည်းလုံးမှု ပြိုကွဲမည့် ကိစ္စရပ်များ မလုပ်ဆောင်သင့်ကြောင်း သုံးသပ် ပြောဆိုသည်။
“တည်ငြိမ်အေးချမ်းတဲ့ နိုင်ငံ တည်ဆောက်နေတဲ့အချိန်မှာ တိုင်းရင်းသားစည်းလုံးရေး ပြိုကွဲမှု၊ တည်ငြိမ်မှု ထိခိုက်စေမယ့် ကိစ္စ
ကို အစိုးရ က သတိထားသင့်တယ်”ဟုလည်း ဦးခိုင်မောင်ရီ က ပြောသည်။
ပြည်ထောင်စု လွှတ်တော်သို့ သမ္မတ ပေးပို့သည့် သ၀ဏ်လွှာနှင့်ပူးတွဲပါသုံးသပ်ချက်သည် သမ္မတ၏ အာဘော် မဟုတ်ဘဲ ကာကွယ်ရေး ၀န်ကြီး ဒု ဗိုလ်ချုပ်ကြီး လှမင်း နှင့် စစ်တပ် ထိပ်ပိုင်း ခေါင်းဆောင်များ၏ သုံးသပ်ချက် ဖြစ်နိုင်ကြောင်း နိုင်ငံရေး အကဲခတ်များက ပြောဆိုကြသည်။
ရခိုင်အရေး ပဋိပက္ခနှင့်ပတ်သက်၍ ရေရှည်တည်ငြိမ်မှုကို အစိုးရနှင့်အတူ ပူးပေါင်းဆောင်ရွက်ရန်အတွက် RNDP ခေါင်း ဆောင် များ၊ ရခိုင် ဒီမိုကရေစီအဖွဲ့ချုပ်(ALD)ပါတီ ခေါင်းဆောင်များနှင့် သမ္မတ ဦးသိန်းစိန် ဦးဆောင်သော အဖွဲ့တို့သည် နေပြည်တော် ၌ သြဂုတ်လ ၉ ရက်နေ့က တွေ့ဆုံ၍ သဘောတူညီခဲ့ကြသည်။
ရခိုင်ပြည်တွင်း တည်ငြိမ်မှုအတွက် ရခိုင်နိုင်ငံရေးတီများက ပါဝင် ပူးပေါင်းမှုကိစ္စကြိုဆိုကြောင်း၊ ထို့အတူ ရခိုင်ပြည်နယ်တွင် ရှိသည့် ကြံ့ခိုင်ရေး ပါတီ၊ တိုင်းရင်းသား စည်းလုံးညီညွတ်ရေး ပါတီ(တစည) တို့ကိုလည်း ပါဝင်ပူးပေါင်းရန် တိုက်တွန်းသင့်ကြောင်း RNDP က ပြောသည်။
“ရခိုင်ပြည်နယ်မှာ ရခိုင်ပါတီတွေပဲရှိတာ မဟုတ်ပါဘူး၊ သမ္မတ အနေနဲ့ ကြံ့ခိုင်ရေးတို့၊ တစည တို့ကိုလည်း ပါဝင် ပူးပေါင်းဖို့ တိုက်တွန်းသင့်တာပေါ့”ဟု RNDP ပါတီ ၏ ကျောက်တော် မြို့နယ် ဥက္ကဋ္ဌ ဦးမောင်မောင် က ဧရာဝတီ ကို ပြောဆိုသည်။
Ref: ဧရာဝတီ
ဒုတိယမြောက် မြ၀တီ-မဲဆောက် ချစ်ကြည်ရေးတံတား တည်ဆောက်မည်
2012-08-23
ထိုင်း မြန်မာနယ်စပ် မြ၀တီနဲ့ မဲဆောက်မြို့တွေကို ဆက်သွယ်မယ့် ဒုတိယမြောက် ချစ်ကြည်ရေး တံတားကို မကြာခင် တည်ဆောက်တော့မယ်လို့ မြန်မာနိုင်ငံ ဆောက်လုပ်ရေး ၀န်ကြီးဌာနက ပြောဆိုကြောင်း ထိုင်းနိုင်ငံထုတ် The Nation သတင်းစာက ဖော်ပြပါတယ်။
လက်ရှိ ချစ်ကြည်ရေးတံတားမှာ အသေးစားနဲ့ အလတ်စား မော်တော်ယာဉ်တွေသာ သွားလာနိုင်ပြီး မကြာခင် တည်ဆောက်မယ့် ချစ်ကြည်ရေး တံတားသစ်မှာ တန် ၆၀ အထိ အကြီးစား မော်တော်ယာဉ်တွေ ဖြတ်သန်းနိုင်မယ်လို့ မြန်မာ ဆောက်လုပ်ရေး ၀န်ကြီးဌာန ညွှန်ကြားရေးမှူး ဦးကျော်လင်းက ပြောဆိုပါတယ်။
ဆောက်လုပ်ရေး ၀န်ကြီးဌာန ဒုတိယ ၀န်ကြီး ဦးကျော်လွင်ကလည်း ဆောက်လုပ်မယ့် နေရာကို သတ်မှတ်ပြီးပြီ ဖြစ်ကြောင်း၊ ၂၀၁၀ ဇွန်လက နှစ်နိုင်ငံ ကိုယ်စားလှယ်တွေ အဆိုပြုခဲ့တဲ့နေရာ သုံးနေရာထဲက လက်ရှိ တံတားရဲ့ မြောက်ဘက် သုံးမိုင် အကွာနေရာကို ရွေးချယ် ထားကြောင်း ပြောဆိုပါတယ်။
Ref: RFA News
Thursday, August 23, 2012
ဒေါ်စုနဲ့ သမ္မတဦးသိန်းစိန်တွေ့ဆုံ
ဦးကျော်ကျော်သိန်း
22.08.2012
အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ၊ ရန်ကုန်တိုင်း ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ သြဂုတ်လ ၂၂ ရက် ဗုဒ္ဓဟူးနေ့က နေပြည်တော်မှာ တွေ့ဆုံခဲ့ကြပါတယ်။ သူတို့နှစ်ဦး အဲဒီလို တွေ့ဆုံခဲ့တဲ့ အကြောင်း နိုင်ငံတော် သမ္မတရုံး ညွှန်ကြားရေးမှူး ဦးဌေးဇော်က အတည်ပြုပြောဆိုပေမဲ့ ဘာတွေဆွေးနွေးကြတယ် ဆိုတဲ့ အသေးစိတ်တွေ ကိုတော့ မပြောပါဘူး။
ဒါဟာဖြင့် သီတင်းနှစ်ပတ်တောင် မရှိတဲ့အချိန်အတွင်း ဦးသိန်းစိန်နဲ့ ဒေါ်အောင်ဆန်းစုကြည်တို့ ဒုတိယ အကြိမ် တွေ့ဆုံ ကြတာပါ။ ဒေါ်အောင်ဆန်းစုကြည် နောက်ဆုံး နေအိမ် အကျယ်ချုပ်ကနေ ပြန်လွတ် လာချိန်ကတည်း ကဆိုရင် သမ္မတနဲ့ တွေ့ဆုံတာဟာ စုစုပေါင်း သုံးကြိမ် ရှိသွားပြီဖြစ်ပြီး ဒီ့မတိုင်ခင် နောက်ဆုံးတွေ့ဆုံ ခဲ့တာက သြဂုတ်လ ၁၂ ရက်နေ့က ဖြစ်ပါတယ်။
ဒေါ်အောင်ဆန်းစုကြည်ဟာ လွှတ်တော်ကိုယ်စားလှယ်တဦးအဖြစ်နဲ့ ပြည်သူ့လွှတ်တော် အစည်းအဝေးတွေကို တက်ရောက်နေပြီး သြဂုတ်လ ၇ ရက်နေ့က ဖွဲ့စည်းခဲ့တဲ့ ပြည်သူ့လွှတ်တော် တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီရဲ့ ဥက္ကဋ္ဌ အဖြစ်လည်း ဆောင်ရွက်နေပါတယ်။
Ref: VOA News
သမ္မတ ဦးသိန်းစိန်နှင့် NESAC တွေ့ဆုံဆွေးနွေး
ရန်ပိုင်|
August 22, 2012
သမ္မတ ဦးသိန်းစိန်နှင့် အမျိုးသား စီးပွားရေးနှင့် လူမှုရေး အကြံပေးကောင်စီ (NESAC) အဖွဲ့ဝင်များ ယမန်နေ့က တွေ့ဆုံပြီး လယ်ယာကဏ္ဍနှင့် ရင်းနှီးမြှုပ်နှံမှုဆိုင်ရာ ဖွံ့ဖြိုး တိုးတက်ရေး ဆွေးနွေးရာတွင် ပြည်ပရောက် မြန်မာနိုင်ငံသားများ လွယ်ကူချောမွေ့စွာ ပြန်လာနိုင်ရေးကိုလည်း ပါဝင်ကြောင်း သိရသည်။
နေပြည်တော်၌ ပြုလုပ်သည့် အဆိုပါဆွေးနွေးပွဲတွင် သမ္မတ ဦးသိန်းစိန်နှင့် အတူ စက်မှုဝန်ကြီး ဦးစိုးသိန်း၊ ရထား ပို့ဆောင်ရေး ၀န်ကြီး ဦးအောင်မင်း၊ အမျိုးသား စီမံကိန်းနှင့် စီးပွားရေးဖွံဖြိုး တိုးတက်မှု ၀န်ကြီး ဦးတင်နိုင်သိန်းတို့ တက်ရောက်ခဲ့ပြီး NESAC အဖွဲ့ဝင် ဦးတင်ထွဋ်ဦး၊ ဒေါက်တာ ဆက်အောင်၊ ဒေါက်တာ ကျော်ရင်လှိုင်၊ ဒေါက်တာ ဇော်ဦး၊ ဦးသီဟံမျိုးညွန့်၊ ဦးတင်မောင်သန်း၊ ဦးဝင်းအောင်၊ ဦးသောင်းတင်၊ ဦးသန်းလွင်၊ ဦးလှမောင်ရွှေ၊ ဦးမိုးကျော်၊ ဦးခင်မောင်အေးတို့ အပါအ၀င် ၁၂ ဦး တက်ရောက်ခဲ့သည်ဟု ယနေ့ထုတ် အစိုးရသတင်းစာများတွင် ရေးသားထားသည်။
ထိုဆွေးနွေးပွဲ၌ တိုင်းပြည် ဖွံ့ဖြိုးတိုးတက်ရေးတွင် ပြည်ပရောက် မြန်မာနိုင်ငံသားများ၏ ဓနအင်အား၊ လုပ်အား၊ အတတ်ပညာ၊ အသိပညာများမှာ အရေးကြီးသည့်အတွက် မြန်မာနိုင်ငံသားများ ချောမွေ့စွာ ပြည်တော်ပြန်ရေးကို ဆွေးနွေးခြင်းဖြစ်ကြောင်း NESAC အဖွဲ့ဝင်တဦးဖြစ်သည့် ဦးလှမောင်ရွှေက ဧရာဝတီသို့ ပြောသည်။
“အိန္ဒိယ၊ တရုတ်၊ ဗီယက်နမ် နိုင်ငံတွေ ပြန်လည်ထူထောင်ရေးမှာ သူတို့ အဝေးရောက် နိုင်ငံသားတွေလုပ်အား အများကြီးပါတယ်။ အဝေးရောက် မြန်မာနိုင်ငံသားတွေထဲမှာလည်း ကောင်းကျိုးလုပ်ချင်တဲ့သူတွေ အများကြီး ရှိမှာပါ။ ဒါမျိုးကို ကျနော်တို့ နမူနာယူရမယ်” ဟု ၎င်းက ဆိုသည်။
ထိုသို့ ပြန်လာနိုင်ရန်အတွက် ပထမဦးစွာ ပြည်ပရောက် နိုင်ငံရေးအဖွဲ့များ၊ တိုင်းရင်းသား အဖွဲ့အစည်းများဖြင့် ဆွေးနွေးကာ ယုံကြည်မှု တည်ဆောက်ရန် လိုအပ်သကဲ့သို့၊ အကြောင်းအမျိုးမျိုးကြောင့် ပြည်ပနိုင်ငံများတွင် နိုင်ငံသား ခံယူထားသူများကိုလည်း ကြာရှည်စွာနေနိုင်ရန် အမြဲတမ်းနေထိုင်ခွင့် (PR) ကဲ့သို့သော အခွင့်အလမ်းများလည်း ပေးအပ်ရန်လိုသည်ဟု ထည့်သွင်းဆွေးနွေးကြောင်း ဦးလှမောင်ရွှေက ပြောသည်။
ပြည်ပရောက် မြန်မာနိုင်ငံသားများ အလည်အပတ် ပြန်လာရာတွင်ပင် လူဝင်မှုကြီးကြပ်ရေး ဥပဒေများနှင့် ကြိုးနစ်စနစ်ကြောင့် ခက်ခဲမှုများ ရှိနေသေးကြောင်း၊ အားလုံး ၀ိုင်းဝန်းဆောင်ရွက်ရန် လိုအပ်ကြောင်း ဆွေးနွေးမှုများ ပြုလုပ်သည်ဟု ၎င်းက ဆက်လက်ပြောသည်။
အမျိုးသားစီးပွားရေးနှင့် လူမှုရေး အကြံပေးကောင်စီ (NESAC) အဖွဲ့ဝင် စီးပွားရေးပညာရှင် ဒေါက်တာ ဇော်ဦး ပင်လျှင် အမေရိကန်နိုင်ငံသား ခံယူထားသူတဦး ဖြစ်သော်လည်း တိုင်းပြည်၏ စီးပွားရေးတိုးတက်မှု ကဏ္ဍများတွင် ၀င်ရောက်လုပ်ကိုင်နေကြောင်း သိရသည်။
ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချူပ် (UMFCCI) ဥက္ကဋ္ဌ ဦးဝင်းအောင်ကလည်း လယ်ယာမြေ သန်းခေါင်စာရင်းများ မှန်မှန်ကန်ကန် ကောက်ယူပြီး လိုအပ်နေသည့် တောင်သူများအား ရရှိစေနိုင်မည့် နည်းလမ်းများ၊ ပြည်ပရင်းနှီးမြှုပ်နှံမှုများ လာရောက်လျှင် နိုင်ငံသားများ အလုပ်အကိုင် အခွင့်အလမ်းများ ရရှိစေရန်တို့ကို စုပေါင်းဆွေးနွေးသည်ဟု ဆိုသည်။
“ရင်းနှီးမြှုပ်နှံမှုတွေ ၀င်လာရင် မြန်မာနိုင်ငံသားတွေ အလုပ်ကြမ်းတွေမှာတင် မဟုတ်ဘဲ ထိုက်တန်တဲ့ အလုပ်မျိုးတွေမှာ ရဖို့အတွက် စွမ်းရည်မြှင့်တင်ပေးရေးကိုလည်း ဆွေးနွေးကြတယ်” ဟု ၎င်းက ဆိုသည်။
ထို့အပြင် နိုင်ငံခြားရင်းနှီးမြှုပ်နှံမှုများ ၀င်ရောက်လာပါက ပြည်တွင်း ပုဂ္ဂလိက အသေးစားလုပ်ငန်းများ ပပျောက်သွားခြင်း မရှိစေရေးအတွက် အကာအကွယ်ပေးရေး၊ ဖက်စပ်လုပ်ကိုင်နိုင်ရေး အခွင့်အလမ်းများ ဖော်ဆောင်ရေး၊ အသေးစား လုပ်ငန်းများအား အစိုးရနှင့် UMFCCI အဖွဲ့မှ အားပေးနိုင်ရေးကိုလည်း ဆွေးနွေးကြကြောင်း ဆက်ပြောသည်။
ပြီးခဲ့သည့် မေလအတွင်းက ဖွဲ့စည်းခဲ့သည် NESAC အဖွဲ့ဝင်များနှင့် သမ္မတ ဦးသိန်းစိန်တို့၏ ယခု တွေ့ဆုံမှုသည် ၄ ကြိမ်မြောက် တွေ့ဆုံခြင်း ဖြစ်သည်။
Ref: ဧရာဝတီ
ရသေ့တောင်မြို့တွင် မေယုမြစ်ဝှမ်း ညီလာခံကျင်းပရေး ပင်မကော်မတီ ဖွဲ့စည်း
2012-08-22
မကြာသေးခင်က ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ် မြို့နယ် အသီးသီးက ဒေသခံ ခေါင်းဆောင်တွေဟာ ရသေ့တောင်မြို့မှာ စုဝေးပြီး မေယုမြစ်ဝှမ်း ညီလာခံလို့ နာမည်ပေးထားတဲ့ ဆွေးနွေးပွဲ တစ်ရပ်ကို များမကြာခင် ကျင်းပနိုင်ရေး အတွက် ရသေ့တောင်မြို့ အောင်မြေဗောဓိ အလိုတော်ပြည့် ကျောင်းတိုက်မှာ သြဂုတ်လ ၂၂ ရက် မနေ့က နေ့လည်ပိုင်းက မြို့မိမြို့ဖတွေ အစည်းအဝေး တစ်ရပ် ကျင်းပခဲ့ပါတယ်။
အဲဒီအစည်းအဝေးကို ရသေ့တောင်မြို့ခံ လူထု ၂၀၀ ကျော် တက်ရောက်ခဲ့ပြီး မေယုမြစ်ဝှမ်း ညီလာခံ အောင်အောင်မြင်မြင် ကျင်းပနိုင်ရေး အတွက် လူပေါင်း၂၀ ကျော်ပါဝင်တဲ့ ပင်မကော်မတီ တစ်ရပ်ကို ဖွဲ့စည်းခဲ့တယ်လို့ အဲဒီအစည်းအဝေး တက်ရောက်ခဲ့တဲ့ မြို့ခံ ကိုတေးနွယ်အောင်က ပြောပါတယ်။
အခုဖွဲ့စည်းလိုက်တဲ့ ဒီပင်မ ကော်မတီမှာ မြို့မိ မြို့ဖတွေအပြင် ဌာနဆိုင်ရာနဲ့ နိုင်ငံရေးပါတီတွေက တာဝန်ရှိသူတွေ ပါဝင်ပြီး အဲဒီညီလာခံကို လာမယ့် ရက်သတ္တ နှစ်ပတ်အတွင်း ဖြစ်မြောက်အောင် ကြိုးပမ်း လုပ်ဆောင်သွားမှာ ဖြစ်တယ်လို့ သိရပါတယ်။ ညီလာခံ ကျင်းပမယ့် နေ့ရက်နဲ့ နေရာကိုတော့ လာမယ့် သြဂုတ်လ ၂၄ ရက်နေ့မှာ အသေးစိတ် ထပ်မံ ဆွေးနွေးကြမယ်လို့လည်း သိရပါတယ်။
ဒီညီလာခံမှာ မကြာသေးခင်က ပဋိပက္ခ အကြမ်းဖက်မှုတွေ ဖြစ်ပွားခဲ့တဲ့ ဘူးသီးတောင်၊ မောင်တော၊ စစ်တွေ၊ ကျောက်တော် အပါအဝင် ပေါက်တော၊ မြေပုံ၊ မြောက်ဦး၊ မင်းပြား၊ ရမ်းဗြဲ၊ ကျောက်ဖြူ စတဲ့ မြို့အသီးသီးက မြို့မိ မြို့ဖတွေနဲ့ ပညာရှင်တွေကို ဖ်ိတ်ခေါ်ပြီး ဒေသခံ ရခိုင်လူမျိုးတွေ အဓွန့်ရှည်ရေးနဲ့ ရိုဟင်ဂျာ လူမျိုးတွေရဲ့ လူဦးရေအရ ၀ါးမြိုမခံရရေးတို့အတွက် အဓိက အဖြေရှာ သွားမှာ ဖြစ်တယ်လို့လည်း ညီလာခံ ဖြစ်မြောက်ရေး စီစဉ်သူတွေက ပြောသွားကြပါတယ်။
Ref: RFA News
တရုတ်အစိုးရ ဖိအားကြောင့် စစ်ပြေးဒုက္ခသည်များ စတင်ပြောင်းရွှေ့နေ
ဖနိဒါ
ဗုဒ္ဓဟူးနေ့၊ သြဂုတ်လ ၂၂ ရက် ၂၀၁၂
ချင်းမိုင်(မဇ္စျိမ) ။ ။ တရုတ်အာဏာပိုင်များ၏ စေခိုင်းချက်အရ တရုတ်နိုင်ငံ နောင်တောင်းခရိုင်၊ ရွှေလီမြို့နယ် အတွင်း ခိုလှုံနေသော ကချင် စစ်ပြေး ဒုက္ခသည်များမှာ ကချင် လွတ်လပ်ရေး အဖွဲ့ KIO နယ်မြေ အတွင်းသို့ စတင်၍ ပြောင်းရွှေ့နေပြီ ဖြစ်ကြောင်း ဒုက္ခသည် စခန်း တာဝန်ခံများက ပြောသည်။
နောင်တောင်းခရိုင်အတွင်း ဒုက္ခသည်စခန်း ခြောက်ခုမှ လူဦးရေ ၄,ဝဝဝ ကျော် ရှိရာ ပထမဆုံး အသုတ် အဖြစ် အိမ်ထောင်စု ၁၅ဝ ကျော်မှ လူ ၆ဝဝ ကျော်မှာ KIO ၏ တပ်မဟာ ၃ နယ်မြေ လနာဇွပ် Lana Zup ဒုက္ခသည်စခန်းသို့ ဗုဒ္ဓဟူးနေ့တွင် စတင်ပြောင်းရွှေ့နေခြင်း ဖြစ်သည်။
ဒုက္ခသည်များ ပြောင်းရွှေ့သည့် မှတ်တမ်းရိုက်ကူးရန် ကင်မရာ ကိုင်ဆောင်ခွင့်ကို တရုတ်အာဏာပိုင်များက တားမြစ် ထားသလို ပြောင်းရွှေ့နေကြဆဲမှာပင် စခန်းများကို ဖျက်ဆီးခြင်းများ ပြုလုပ်နေသဖြင့် ဒုက္ခနှစ်ကြိမ် ခံရသလို ခံစားရ သည်ဟု စခန်း တာဝန်ခံ တဦးဖြစ်သူ ဒေါ်မရန်လုလု က ပြောသည်။
“တရုတ် စစ်သားရော၊ ရဲရော အရမ်းများတယ်။ လူတောင် မထွက်သေးခင် သွပ်မိုးတွေ အကုန် ခွာလိုက်ပြီ။ လမ်းဘေး က ငှားနေတဲ့ လူတွေတောင် ပေးမနေတော့ဘူး။ အကုန်လုံးကို မောင်းထုတ်နေတယ်။ စခန်းတွေ အကုန်လုံး လိုက်ဖျက် နေတယ်။ ဓါတ်ပုံ ကင်မရာလည်း ကိုင်လို့ မရဘူး။ ကားတော့ ငှားပေးတယ်” ဟု မဇ္စျိမကို ပြောသည်။
၎င်းက ဆက်လက်ပြီး “သူတို့ နိုင်ငံကနေ မောင်းထုတ်လို့ ပြန်တာကို ခုလို ကျမတို့ကို လူလို သူလို မဟုတ်ဘဲ မောင်းနေ တယ်ဆိုတော့ လူ့အခွင့်အရေး ချိုးဖောက်ခံရသလိုပဲ။ ကျမတို့လည်း နေချင်လို့ နေတာမှ မဟုတ်တာ။ ကျမတို့က သေနတ် ကျည်ဆံကြောက်လို့ ကိုယ့်အိုးအိမ်တွေ ပစ်ထားပြီး ဒုက္ခသည်လို လာနေတာ။ နေခွင့် ရခဲ့တာကိုတော့ ကျေးဇူး တင်ပါတယ်။ အစိုးရတခု ဖြစ်ပြီးတော့ အဲဒီလောက် လုပ်ရက်တယ်။ သူတို့ စိတ်ထဲမှာ လူသားချင်းစာနာ စိတ်တော့ ရှိကြရဲလား” ဟု ခံစားပြောဆိုသည်။
ထိုစခန်းအတွင်းရှိ ဒုက္ခသည်များအား မြန်မာနိုင်ငံအတွင်းသို့ ပြောင်းရွှေ့ကြရန် ဇူလိုင်လ ၂ဝ ရက်နေ့ ကတည်းက တရုတ် အာဏာပိုင် များက ပြောဆို ထားပြီးဖြစ်သည်။
ထိုဒုက္ခသည်စခန်းတွင် မူလတန်းကျောင်း ဖွင့်လစ်ထားပြီး ကျောင်းသူကျောင်းသားပေါင်း ၈၆၈ ဦး ရှိနေကာ ကလေးများ ပညာရေး ထိခိုက်မည် စိုး၍ ဒုက္ခသည်များက လနာ့ဇွပ်သို့ မပြောင်းရွှေ့လိုကြခြင်း ဖြစ်သည်။
ယခု ပြောင်းရွှေ့လာသည့် နေရာသည် ယခင် တရုတ်လူမျိုးများ ဖဲဝိုင်းအဖြစ် အသုံးပြုရန် ဆောက်လုပ် ထားသည့် အဆောက် အအုံနှင့် ဟိုတယ်ဟောင်း တိုက်တန်းများတွင် နေထိုင်နေရမည် ဖြစ်ပြီး အဓိက မီးဖိုချောင်၊ အိမ်သာများကို ဆောက်လုပ်ရန် လိုအပ်နေကြောင်း သိရသည်။
ကလေးများ ပညာသင်ကြားရေးအတွက် ဖဲဝိုင်းအဆောက်အအုံနှင့် မီးဖိုချောင်အဖြစ် ဆောက်လုပ် ထားသော အဆောက် အအုံအား အကန့်လိုက် ပြုလုပ်ကာ မနက် တကြိမ်၊ ည တကြိမ် စာသင်ကြားပေးသွားမည် ဖြစ်ကြောင်း သိရသည်။
ဒုက္ခသည်များထဲမှ အိမ်ထောင်စု ၁ဝဝ ကျော်မှာ ဝေးလံလှသည့် ဤလနာ့ဇွပ်သို့ မပြောင်းရွှေ့လိုသဖြင့် မိမိဒေသ မန်ဝင်းကြီးသို့ အင်္ဂါနေ့က ပြောင်းရွှေ့သွားကြပြီဟု သိရသည်။
လက်ရှိ မိုးရာသီဖြစ်၍ ကလေးငယ်များ ဝမ်းသွားခြင်း၊ နာစေး၊ ချောင်းဆိုး အနည်း အကျဉ်းဖြစ်ပြီး သက်ကြီးများ အားနည်း၍ ဗီတာမင် အားဆေးများ သောက်သုံးရန် လိုအပ်နေသည်ဟု လနာ့ဇွပ် စခန်းတွင် ဆေးကုသ ပေးနေသည် ဆရာဝန်တဦးက ပြောသည်။
အစိုးရနှင့် KIO တို့ တိုက်ပွဲစတင်ဖြစ်ပွားချိန်မှစ၍ ၄င်းလနာ့ဇွပ် ဒုက္ခသည် စခန်းတွင် ဒုက္ခသည်ပေါင်း ၁,၄ဝဝ ရှိနေပြီး လက်ရှိ ၆ဝဝ ကျော် ထပ်မံ ရောက်ရှိလာခြင်းဖြစ်သည်။ နောက်နေ့တွင်လည်း ဒုက္ခသည်များ ထပ်မံ ပြောင်းရွှေ့ လာကြမည် ဖြစ်သည်။
သြဂုတ်လ ၁၉ ရက်နေ့ကလည်း ဖားကန့်မြို့နယ် KIA တပ်ရင်း ၆ လက်အောက်ခံ တပ်များနှင့် မြန်မာအစိုးရ နမခ လက်အောက်ခံ တပ်မ ၃၃ တပ်ဖွဲ့များအကြား တင်းမာမှုများ ရှိခဲ့သဖြင့် တိုက်ပွဲဖြစ်ပွားမည်ကို စိုးရိမ်ကာ မှော်မောင်း ဘွမ်၊ လမောင်ကုန်း၊ မှော်ဝမ်းကြီး၊ မှော်ဝမ်းကလေးနှင့် သူဌေးချောင်း များမှ ဒေသခံ ၁,ဝဝဝ နီးပါးမှာ ဖားကန့်မြို့ပေါ်ရှိ ကချင်ခရစ်ယာန် ဘုရားကျောင်း များသို့ လာရောက် ခိုလှုံနေရသည်ဟု အမျိုးသားဒီမိုကရေစီအဖွဲ့ချုပ် NLD ကိုယ်စားလှယ်လောင်း ဦးဒရှီလဆိုင်း က ပြောသည်။
“တင်္ဂနွေနေ့က KIO နဲ့ အစိုးရတို့ ထိပ်တိုက် ပစ်ခတ်တော့မလိုလို ပြည်သူတွေက ထိတ်လန့်ပြီးတော အစိုးရတပ် မူလရှိတာက ၄ဝ လောက် ရှိတယ်။ ဒါပေမယ့် စစ်ကိုင်း မုံရွာတပ်တွေက အင်အား နှစ်ထောင်လောက် ပြန်ရောက် တယ်လို့ လူတွေက ပြောနေကြလို့ တိုက်ပွဲဖြစ်မှာ ကြောက်လို့၊ KIO ကနေ ဒေသခံတွေ ဒုက္ခရောက်မှာစိုးလို့ ဖားကန့်ကို ခဏရှောင်ပေးဖို့ ပြောလို့ ကက်သလစ်၊ နှစ်ခြင်း ဘုရားကျောင်းတွေမှာ ခိုလှုံနေတယ်” ဟု မဇ္စျိမကို ပြောသည်။
သို့သော် ယနေ့ထိ ပစ်ခတ် တိုက်ခိုက်ခြင်း မရှိသေးဘဲ တည်ငြိမ်လျက်ရှိသည်ဟုလည်း ၎င်းက ပြောသည်။
KIO နှင့် အစိုးရတို့ နှစ်ဖက်တိုက်ပွဲကြောင့် အိုးအိမ်စွန့်ခွာ ထွက်ပြေးတိမ်းရှောင်နေရသူ စစ်ပြေး ဒုက္ခသည် စုစုပေါင်း ၈ဝ,ဝဝဝ ကျော် ရှိနေပြီ ဖြစ်သည်။ နှစ်ဖက် စစ်ရေးကိစ္စနှင့် ပတ်သက်၍ နှစ်ဖက် စစ်ပိုင်းဆိုင်ရာ ခေါင်းဆောင်များ တွေ့ဆုံမည် ဖြစ်၍ ထပ်မံ တွေ့ဆုံမည့်နေရာ သဘော တူညီမှု မရသေးဘဲ ဖြစ်နေသည်။
Ref: မဇ္ဈိမ
ဆင်ဆာသတင်း တရုတ်ကို ဂယက်ရိုက်
August 22, 2012
မြန်မာပြည်က ဆင်ဆာ ဖျက်သိမ်းတဲ့ သတင်းဟာ တရုတ်ပြည် မီဒီယာတွေမှာ ထောင့်ပေါင်းစုံနဲ့ တင်ပြရေးသားနေကြပြီး အွန်လိုင်း ဖိုရမ် တချို့မှာဆို တရုတ်ပြည်ကရော မြန်မာလို လိုက်မလုပ် သင့်ဘူးလားလို့ မေးခွန်းတွေတောင် ထုတ်လာ ကြပါတယ်။
မြန်မာ့ဆင်ဆာသတင်း အပေါ် တရုတ်တွေရဲ့ ချဉ်းကပ်ပုံ မတူခြားနားကြတာ တရုတ် အစိုးရရဲ့ သတင်းဌာန အတွင်းမှာ ကိုပဲ ကွဲနေ ကြပါတယ်။
တရုတ်အမျိုးသားရေး ဝါဒယိမ်း သတင်းစာ The Global Times ဂလိုဘယ်လ် တိုင်းမ် သတင်းစာက တရုတ်တို့ အနေနဲ့ ယင်းကို စံနမူနာ မတင်သင့်ဘဲ ကိုယ့်မူ ကိုယ့်ဟန်နှင့်သာ စာပေ လွတ်လပ်ခွင့်ကို ရယူသင့်ကြောင်း ဝေဖန်ရေးသား လိုက်ပါတယ်။
“တရုတ်နိုင်ငံ၏ သတင်းစာ လွတ်လပ်ခွင့်သည် သင့်တင့်မျှတသော ခရီးရှည်ကြီးကို လျှောက်လှမ်း ခဲ့ပြီဖြစ်သည်။ အနာဂတ်တွင် ပို၍ ခရီးဆက်လှမ်း ကြရဦးမည်။ တရုတ်တို့ အနေဖြင့် စိတ်ရှုပ်ထွေးခံပြီး မြန်မာနှင့် ဗီယက်နမ် စသည့် နောက်ပေါက် ရွှေကြာနိုင်ငံများအား စံနမူနာ ယူနေခြင်းထက် အချိန်ကာလ လမ်းကြောင်း အတိုင်းသာ လိုက်ပါသင့်ပြီး နိုင်ငံ၏ လက်တွေ့ အခြေအနေကိုသာ ကြည့်သင့်သည်” လို့ ရေးပါတယ်။
အဆိုပါ သတင်းစာအာဘော်မှာ တရုတ်နိုင်ငံရဲ့ ပြုပြင်ပြောင်းလဲမှုတွေဟာ စမ်းသပ်မှု များစွာဖြင့် အောင်မြင်စွာ အစမ်းသပ် ခံပြီးဖြစ်ကြောင်း၊ မြန်မာနိုင်ငံရဲ့ ပြုပြင်ပြောင်းလဲမှုက အခုမှ အဖူးအညှောင့် ထွက်ပြူခါစ ဖြစ်တယ် လို့လည်း ဆိုပါတယ်။
ဂလိုဘယ်လ်တိုင်းမ် အာဘော်ကို သတင်းစာရဲ့ အယ်ဒီတာချုပ် ဟူဇီဂျင်းက ရေးတယ်လို့ ယူဆရပါတယ်။ သူ့အာဘော်ထက် တရုတ် အစိုးရရဲ့ သတင်းစာ People’s Daily ပြည်သူ့ နေ့စဉ်က သတင်းပေးပို့ ချက်က ပိုပြီး မျှမျှတတဖြစ်ပါသေးတယ်။ ဒီနေ့ဟာ မြန်မာ ဂျာနယ်လစ်တွေ အတွက် မဟာအောင်ပွဲလို့ ရန်ကုန် အခြေစိုက် သတင်းစာဆရာ တယောက်ကို ကိုးကားပြီး ဘန်ကောက်က တရုတ် သတင်းထောက် ဆွန်ဂွမ်ယွန်းက ရေးခဲ့ပါတယ်။
တရုတ်ဆိုရှယ်မီဒီယာတွေမှာ ဂလိုဘယ်လ်တိုင်းမ် အာဘော်ကို ဝေဖန်သံတွေ ညံနေတယ်လို့ The Wall Street Journal ဝေါလ်စတြိဂျာနယ် သတင်းစာက ရေးပါတယ်။ တရုတ် Tweeter တွီတာလို့ ပြောနိုင်တဲ့ အင်တာနက် အသုံးပြုသူ ၃၀ ရာခိုင်နှုန်းက အသုံးပြုနေတဲ့ မိုက်ခရိုဘလော့ဂ် ဝန်ဆောင်မှု Weibo ဝေဘိုးမှာ တယောက်က “ဂလိုဘယ်လ်တိုင်းမ် အာဘော်က မြန်မာနဲ့ ဗီယက်နမ် အပေါ် သဘောထားဟာ ဒီနိုင်ငံမှာ ဖြစ်ပျက်နေတဲ့ ချမ်းသာသူက ဆင်းရဲသူကို ဆက်ဆံတာနဲ့ အတူတူပဲ။ တောသူဌေး အထာမျိုးနဲ့ အပေါ်စီးက နှိမ်ချ ဆက်ဆံတာ” လို့ရေးကြောင်း ဝေါလ်စတြိက ဆိုပါတယ်။
မြန်မာတွေ ဆင်ဆာဖျက်သိမ်းလိုက်မှု အပေါ် စိတ်ဝင်စားမှုတွေ ကလည်း အမျိုးမျိုး အဖုံဖုံပါ။ နှစ်များစွာကြာ မြန်မာပြည် အရေး သတင်း ပို့နေသူ ကူမင်း အခြေစိုက် ဂျာနယ်လစ် ယင်ဟုန်ဝေက မီဒီယာ လွတ်လပ် လာတာဟာ အစိုးရ၊ စစ်တပ်၊ တိုင်းရင်းသားတွေနဲ့ နိုင်ငံတကာရဲ့ အကျိုးစီးပွားတွေ အပေါ် သက်ရောက်မှု ရှိလာမယ်လို့ ဧရာဝတီကို ပြောပါတယ်။ “တရုတ်အကျိုးစီးပွားကတော့ ရန်မီးပွားစရာ ပစ်မှတ်သစ် ဖြစ်လာလိမ့်မယ်” လို့ ပြောပြီး မြန်မာ့ မီဒီယာ အခင်းအကျင်းသစ်ဟာ ဥပဒေက နောက်ဆုံး ဝင်ထိန်းဖို့ လိုမယ့် “ရှုတ်ထွေးပွေလီမှု ခေတ်တခေတ်” ကို ဝင်ရောက်လာပြီလို့ ဆိုလိုက်ပါတယ်။
၁၉၉၈ ခုကစလို့ စုံစမ်းထောက်လှမ်းဖော်ထုတ်မှုတွေနဲ့ လူလေးစား ခံရတဲ့ စီးပွားရေး မဂ္ဂဇင်း Caijing ကိုင်ဂျင်းကို တည်ထောင် ခဲ့ရာက ဆင်ဆာ စိန်ခေါ်ရေးမှာ ရှေ့တန်းရောက်လာတဲ့ အယ်ဒီတာချုပ် ဟူရှုလီကလည်း မြန်မာ့ဆင်ဆာ ဖျက်သိမ်းမှု အပေါ် သံသယ ရှိနေပါတယ်။ သူ့ဘလော့ဂ်မှာ “စာပေ စိစစ်နှင့် မှတ်ပုံတင်ဌာန အခုထိ ရှိနေဆဲပါ။ ပုံနှိပ်ထုတ်ဝေခွင့် လိုင်စင် ပြန်သိမ်းနိုင်ပြီး ပုံနှိပ်စာစောင်တွေ ရပ်ပစ်နိုင်တဲ့ အခွင့်အာဏာကို ကိုင်ထားတုန်းပါ။ လွတ်လပ်တဲ့ စာနယ်ဇင်းဆီ သွားရာလမ်းဟာ ဘယ်တော့မှ မချောမွေ့ပါဘူး။ ဒါပေမဲ့ အနည်းဆုံး မြန်မာက ပထမ ခြေလှမ်း လှမ်းခဲ့ပါပြီ” လို့ ရေးပါတယ်။
ဂျာနယ်လစ်ကာကွယ်စောင့်ရှောက်ရေးကော်မတီရဲ့ မေလမှာ ထုတ်ပြန်ခဲ့တဲ့ ကမ္ဘာ့ ဆင်ဆာ အဖြတ်ဆုံးနိုင်ငံများ စာရင်းမှာ မြန်မာက အဆင့် ၇ ရပြီး တရုတ်က ဒုတိယ ချိတ်ပါတယ်။ ဟောင်ကောင်၊ ဘီဂျင်းနဲ့ ရှန်ဟိုင်းက နိုင်ငံခြား သတင်းထောက်များ အသင်းတွေ မနေ့က ရှားရှားပါးပါး ပူးတွဲပြီး “အကြမ်းဖက်ခြင်း၊ ခြိမ်းခြောက်ခြင်းများမှ ဂျာနယ်လစ်များကို အကာအကွယ်ပေးရန်” တရုတ် အာဏာပိုင်တွေကို တောင်းဆိုတဲ့ ကြေညာချက် ထုတ်ပြန်ခဲ့ပါတယ်။
ဟောင်ကောင်အခြေစိုက် Phoenix Weekly ဖီးနစ် အပတ်စဉ်ရဲ့ အယ်ဒီတာချုပ် ရှီယုံကန်းကလည်း မြန်မာ အစိုးရဟာ မီဒီယာကို ထိန်းချုပ်ဖို့ထက် မြေတောင်မြှောက်ပေးရမယ် ဆိုတာ သဘောပေါက် သွားပုံပေါ်တယ်လို့ သူ့ဘလော့ဂ်မှာရေးပါတယ်။ “ကျနော်တို့ အိမ်နီးချင်းက အပြောင်းအလဲ တအားမြန်နေပြီ။ သူတို့ ကျနော်တို့ကို မစောင့်တော့ဘူး”တဲ့။
သူ့အမြင်က ဝေဘိုးက အသံတွေနဲ့ အလားတူပါတယ်။ ဝေဘိုးမှာ တယောက်က “ကြည့်ရတာ မြောက်ကိုရီးယားနဲ့ ငါတို့ပဲ ကျန်ခဲ့ပြီ” လို့ ရေးသလို တခြား တယောက်ကလည်း “အဲလို မဟာအောင်ပွဲ တရုတ် ဂျာနယ်လစ်တွေ အတွက် ဘယ်တော့လဲ” တဲ့။
Ref: ဧရာဝတီ
တပ်စခန်းတခု ဆုတ်ခွာရန် SSA မြောက်ပိုင်းကို အစိုးရတပ် ဖိအားပေး
သန်းထိုက်ဦး
August 22, 2012
ရှမ်းပြည်နယ် တောင်ပိုင်း မိုင်းရှူးမြို့နယ်အတွင်း လှုပ်ရှားနေသည့် ရှမ်းပြည် တပ်မတော် မြောက်ပိုင်း (SSA-N) ၏ တာဆမ်းဖူး တပ်စခန်း တခုကို ထပ်မံ ဆုတ်ခွာပေးရန် အစိုးရတပ်က ညွှန်ကြားထားရာ စစ်ရေးတင်းမာမှုများ ဖြစ်ပေါ်နေသည်။
ယင်း တာဆမ်းဖူး တပ်စခန်းကို ဆုတ်ခွာပေးရန် အစိုးရ ခြေမြန်တပ်ရင်း အမှတ် ၁၄၉ နှင့် ၁၅၀ တပ်မှူးများက ပြီးခဲ့သည့် တပတ်က ညွန်ကြား ထားပြီး SSA မြောက်ပိုင်း၏ ၀မ်ဟိုင်း ဌာနချုပ် အပါအ၀င် ၎င်းတို့၏ တပ်စခန်း အနီးအနား တွင်လည်း အစိုးရတပ် စစ်အင်အား တိုးချဲ့ ထားကြောင်း SSA မြောက်ပိုင်းမှ ဗိုလ်မှူး စိုင်းလှက ဧရာဝတီသို့ ပြောသည်။
ပြီးခဲ့သည့် ဇူလိုင်လဆန်းပိုင်းတွင် မိုင်းရှူးမြို့နယ်ရှိ အစိုးရက SSA မြောက်ပိုင်း၏ လွိုင်ဖာဖု တပ်စခန်းနှင့် မြောက်ပိုင်း တန့်ယန်း မြို့နယ် ၇ မိုင် တပ်စခန်းတို့ကို ဆုတ်ပေး ခဲ့ရပြီး ယင်း တာဆမ်ဖူး တပ်စခန်းကို မဆုတ်ပေးနိုင်ကြောင်း ၎င်းကဆိုသည်။
“ကျနော်တို့က စစ်ရေးနဲ့ ဖြေရှင်းတဲ့ပုံစံမျိုးကို မလိုလားလို့ပဲ အပစ်အခတ် ရပ်စဲပြီးတော့ ငြိမ်းချမ်းရေး ဘက်ကို လျှောက်လှမ်း ခဲ့တယ်။ ဒါပေမယ့် သူတို့က စစ်ရေးနဲ့ ဖြေရှင်းနေမယ် ဆိုရင်တော့ ကျနော်တို့လည်း မတတ်နိုင်ဘူး။ စစ်ရေးနဲ့ပဲ ပြန်ပြီးတော့ တုံ့ပြန်ရမယ်” ဟု ဗိုလ်မှူး စိုင်းလှက ဆက်ပြောသည်။
SSA မြောက်ပိုင်း တပ်စခန်းများကို အစိုးရတပ်မှူးများက ဆုတ်ခွာပေးရန် ဖိအားပေးသည့် အကြောင်း အရင်းကိုမှု မသိရသော်လည်း နယ်မြေ စိုးမိုးရေးနှင့် စစ်ရေး လှုပ်ရှားမှုများကို ထိန်းချုပ်ရန် အတွက် ရည်ရွယ်ခြင်း ဖြစ်နိုင်ကြောင်း ၎င်းက ဆိုသည်။
SSA မြောက်ပိုင်း တပ်ဖွဲ့ဝင်များ၏ အဆိုအရ ၎င်းတို၏ တပ်စခန်းများကို ဆုတ်ခွာပေးရန် အထက် အရာရှိများ၏ ညွန်ကြားသည့် အတိုင်း ယင်းဒေသတွင် လှုပ်ရှားနေသည့် တပ်မှူးများက လုပ်ဆောင်ရခြင်း ဖြစ်ကြောင်း ပြောကြားသည်ဟု သိရသည်။
စစ်ရေးအရ နှစ်ဖက်တင်းမာမှုများကြောင့် SSA မြောက်ပိုင်း တပ်ဖွဲ့ဝင်များကလည်း စစ်ရေး ပြင်ဆင် ထားပြီး လတ်တလော တိုက်ပွဲဖြစ်ပွားခြင်း မရှိသေးကြောင်း သိရသည်။
ဇူလိုင်လဆန်းပိုင်းကလည်း အစိုးရတပ်များက SSA မြောက်ပိုင်း တပ်ဖွဲ့ဝင်များကို တပတ်ခန့်အကြာ ထိုးစစ်ဆင် တိုက်ခိုက်ခဲ့ပြီး ၇ မိုင်နှင့် လွိုင်ဖာဖု တပ်စခန်းများကို အစိုးရတပ်က နေရာယူခဲ့ခြင်းဖြစ်သည်။
ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ ဦးအောင်မင်းကမူ ရှမ်းပြည်နယ်အတွင်း ဖြစ်ပွားခဲ့သည့် ထိတွေ့မှု ဖြစ်စဉ်များ၌ လုပ်ငန်းစဉ်တွင် ပါရှိသည့် နှစ်ဖက်တပ်များ နေရာသတ်မှတ်ခြင်း မပြုနိုင်သေးခြင်း၊ ဆက်ဆံရေးရုံး မဖွင့်လှစ်နိုင်သေးခြင်းတို့ ဖြစ်ကြောင်း အစိုးရသတင်းစာတွင် ယမန်နေ့က ဖော်ပြထားသည်။
မိုင်းရယ် မဲဆန္ဒနယ်မှ ဦးစိုင်းသီဟကျော်က လက်နက်ကိုင် အဖွဲ့အစည်းများအကြား အပစ်အခတ်ရပ်စဲရေး သဘောတူညီမှု ရရှိပြီးနောက် တိုက်ပွဲများ ဆက်လက်ဖြစ်ပွားနေခြင်းကို သိလိုကြောင်း မေးခွန်းနှင့် စပ်ဆက်၍ ဦးအောင်မင်းက ထိုကဲ့သို့ ပြန်လည် ဖြေကြားခြင်း ဖြစ်သည်။
SSA မြောက်ပိုင်းသည် ယခုနှစ်ဆန်းပိုင်းတွင် အစိုးရနှင့် အပစ်အခတ် ရပ်စဲရေး သဘောတူညီထားသည့် လက်နက်ကိုင် အဖွဲ့ဖြစ်ပြီး မိုင်းရှူး၊ မိုင်းယန်း၊ တန့်ယန်း၊ ကျေးသီး၊ လားရှိုး၊ သီပေါ၊ နမ့်ဆန်၊ မိုးမိတ် စသည့် ဒေသများတွင် လှုပ်ရှားသည့် အဖွဲ့ဖြစ်သည်။
ပြီးခဲ့သည့် ဇွန်လ ၂၂ ရက်နေ့က မန္တလေးမြို့တွင် အစိုးရနှင့် SSA မြောက်ပိုင်း တပ်ဖွဲ့မှ ကိုယ်စားလှယ်များ ပြည်ထောင်စုအဆင့် အပစ်အခတ် ရပ်စဲရေး တွေ့ဆုံဆွေးနွေးရန် သဘောတူညီချက် ရရှိထားပြီးနောက်ပိုင်း တိုက်ပွဲပေါင်း ၃၀ ခန့် ဖြစ်ပွားခဲ့ကြောင်း SSA မြောက်ပိုင်းဘက်က ဆိုသည်။
ဦးသိန်းဇော်နှင့် SSA မြောက်ပိုင်း တပ်ဖွဲ့ဝင် ကိုယ်စားလှယ်များသည် နှစ်ဘက်တပ်များ ပြန်ဆုတ်၍ အပစ်အခတ် ရပ်စဲထားရေး၊ ပြည်ထောင်စုအဆင့် တွေ့ဆုံဆွေးနွေးရေး စသည်တို့ကို ဆွေးနွေးခဲ့ကြကြောင်း သိရသည်။
ရှမ်းပြည်နယ်ရှိ ရှမ်းပြည်တပ်မတော် တောင်ပိုင်း (SSA-S) သည်လည်း ပြီးခဲ့သည့် ဇွန်လ ၁၆ ရက်နေ့က အစိုးရနှင့် ပြည်ထောင်စုအဆင့် အပစ်အခတ် ရပ်စဲရေး သဘောတူညီချက် ပြုလုပ်ထားသော်လည်း တိုက်ပွဲများ ပြန်လည် ဖြစ်ပွားခဲ့ကြောင်း သိရသည်။
Ref: ဧရာဝတီ
Wednesday, August 22, 2012
ရှမ်းလက်နက်ကိုင်တွေ နဲ့ မြန်မာ စစ်တပ်ကြား တင်းမာမှုတွေကြီးထွား
ကိုမိုးဇော်
21.08.2012
အပစ်အခတ်ရပ်ထားတဲ့ ရှမ်းပြည်တပ်မတော် မြောက်ပိုင်းရဲ့ ရှေ့တန်းတပ်စခန်း တခုကို အစိုးရ တပ်ဖက်က ဒီရက်ပိုင်း အတွင်း ထပ်မံ ရုပ်သိမ်းခိုင်းနေတဲ့ အပေါ် လက်မခံရာက စစ်ရေးအရ တင်းမာမှုတွေ ပေါ်ပေါက်နေပါတယ်။ ရှမ်းတိုင်းရင်းသား နောက်ထပ် လက်နက်ကိုင် တပ်ဖွဲ့ တခုဖြစ်တဲ့ ရှမ်းပြည်တပ်မတော် တောင်ပိုင်း တပ်ဖွဲ့တွေဟာလည်း ၀တပ်ဖွဲ့တွေနဲ့ နယ်မြေ သတ်မှတ်ရေး ကိစ္စ အချေအတင် ဖြစ်စရာတွေ ကြုံနေရတာပါ။ ရှမ်းပြည်နယ်တွင်းက စစ်ရိပ် စစ်ယောင် သန်းနေတဲ့ အခြေအနေတွေ ကိုတော့ ဆက်သွယ် စုံစမ်းထားတဲ့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။
ရှမ်းပြည်တပ်မတော် မြောက်ပိုင်းခေါ် ရှမ်းပြည်တိုးတက်ရေးပါတီ SSPP/SSAဟာ ဒီနှစ် ဇန်န၀ါရီလက အပစ်အခတ် ရပ်စဲခဲ့တဲ့ အဖွဲ့ဖြစ်ပေမယ့် ဒီရက်ပိုင်းတွေ အတွင်းမှာ အစိုးရတပ်က မိုင်းရှုးမြို့နယ် အတွင်းက SSA မြောက်ပိုင်းရဲ့ စခန်းတခုကို ရုတ်သိမ်း ခိုင်းတာကြောင့် နှစ်ဖက်အကြား စစ်ရေး တင်းမာမှုတွေ ဖြစ်နေပါတယ်။ လောလောဆယ်မှာ နှစ်ဘက်တပ်တွေ အကြား တင်းမာနေတဲ့ အခြေအနေကို ရှမ်းပြည်နယ် အလယ်ပိုင်း ၀မ်ဟိုင်းဒေသမှာ အခြေပြုတဲ့ SSAရဲ့ ပြောရေးဆိုခွင့် ရှိသူ ဗိုလ်မှုးစိုင်းလက အခုလိုပြောပါတယ်။
“မိုင်းရူးမြို့နယ် ကျနော်တို့ ဟိုးအရင်ကတည်းက နေထားတဲ့ တာ့ဆန်ပူး ကုတို့ဆိပ်မှာပေါ့ အဲ့ဒီ့မှာမိုင်းရှုး တပ်ကနေ ဖယ်ခိုင်းတယ်။ လွန်ခဲ့တဲ့ လေးငါး ရက်လောက်ကပေါ့။ ကျနော်ကတော့ မရုပ်ပေးနိုင်တော့ဘူးလေ။ အခုတော့ သူတို့ တပ်လည်း ရှေ့မတိုး လာသေးဘူးလေ။ နည်းနည်းတော့ အလှမ်းဝေးနေတာပေါ့။ ဒါပေမယ့် သူတို့လည်း တပ်ရင်း နှစ်ရင်းနဲ့ လာတယ်။ သူတို့ရှေ့တိုး
လာရင်တော့ အတင်း ဖယ်ခိုင်းရင်တော့ အခြေအနေတော့ သိပ်မကောင်း ဘူးပေါ့။”
ပြီးခဲ့တဲ့ ဇွန်လအတွင်းကလည်း SSA မြောက်ပိုင်းနဲ့ အစိုးရတပ်တွေအကြားမှာတိုက်ပွဲ အပြင်း အထန် ဖြစ်ခဲ့ပြီးနောက်ပိုင်းမှာ အစိုးရ တပ်ရဲ့ တောင်းဆိုချက် အတိုင်း SSA မြောက်ပိုင်းက တပ်စခန်း ၂ခု ရုတ်သိမ်းပေးခဲ့ ရပါတယ်။ SSA မြောက်ပိုင်းနဲ့ အစိုးရ အကြား အပစ်အခတ် ရပ်စဲဖို့ သဘောတူ လက်မှတ်ရေးထိုးပြီးနောက်မှာ တိုက်ပွဲပေါင်း အကြိမ် ၂၀ကျော် လောက်ဖြစ်ပွားခဲ့ပြီး ဖြစ်ပါတယ်။
ဒီလိုတိုက်ပွဲတွေ ဆက်ဖြစ်နေတာကြောင့် အပစ်အခတ်ရပ်စဲပေမဲ့ အခြေအနေတွေက တိုးတက် မလာဘူးလို့  SSA မြောက်ပိုင်း ဘက်က သုံးသပ်တာလည်း ရှိနေပါတယ်။
“ကျနော်တို့က အစိုးရနဲ့ လက်မှတ်ထိုးတာက တပိုင်းပေါ့နော်။ သူတို့ စစ်တပ်ပိုင်းနဲ့ လုပ်တာက တခြားစီဖြစ်နေတယ်။ မကိုက်ညီဘူးပေါ့နော်။ ဆိုလိုတာက နည်းနည်းပါးပါး ငြိမ်သွားတာက လွဲပြီးတော့ ဘာမှ သိပ်ထူးခြား မလာဘူးပေါ့။ တပ်တွေ ဆက်ဆံရေး ကလည်း တစ်ယောက်နဲ့ တစ်ယောက် တဘက်နဲ့တဘက် အယုံ အကြည်လည်း မရှိကြသေးဘူးပေါ့။”
အပစ်အခတ်ရပ်စဲရေးသဘောတူညီချက်မှာ ရှမ်းတပ်ဖွဲ့ဌာနချုပ်အနီးက အစိုးရတပ်တွေကို ၅ ရက် အတွင်း ရုတ်သိမ်းဖို့ ပါရှိပေမဲ့ အခုချိန်ထိ ရုတ်သိမ်းတာ မရှိကြောင်းလည်း သူကဆက်ပြောပါတယ်။
SSA မြောက်ပိုင်းဖက်ကတော့ ငြိမ်းချမ်းရေးတည်ဆောက်နိုင်ဖို့ အတွက်တော့ ဆက်လက်ပြီး တွေ့ဆုံ သွားမှာဖြစ်ကြောင်း ဗိုလ်မှုးစိုင်းလကပြောပါတယ်။
“ ကျနော်တို့ဘက်ကတော့ စစ်မှန်တဲ့ ငြိမ်းချမ်းရေး လိုလားလို့ စစ်ရပ်စဲရေး လက်မှတ် ထိုးတာ။ အဲ့တာ တွေ့ဆုံဆွေးနွေးဖို့ နောက်တဆင့် တက်ပြီးတော့ ဆွေးနွေးဖို့ ကိုလည်း သူတို့အပေါ်ပဲ မူတည်တာပေါ့။ သူတို့ ကမ်းလှမ်းလာမယ် ဆိုရင် ကျနော်တို့လည်း နှစ်ဘက်ဆွေးနွေးဖို့ အဆင်သင့် ရှိပါတယ်။”
ထိုင်းမြန်မာနယ်စပ်မှာအခြေစိုက်တဲ့ ရှမ်းပြည်တပ်မတော် တောင်ပိုင်းလို့ လူသိများတဲ့ ရှမ်းပြည်ပြန်လည် ထူထောင်ရေး ကောင်စီ RCSS/SSA ကတော့ ပြီးခဲ့တဲ့နှစ် ဒီဇင်ဘာလဆန်းက အပစ်အခတ် ရပ်စဲရေး လက်မှတ်ထိုးခဲ့ပြီး အဲဒီ့နောက်ပိုင်းမှာ အနည်းဆုံး တိုက်ပွဲပေါင်း အကြိမ် ၃၀လောက် ဖြစ်ခဲ့ပါတယ်။
ဒီအခြေအနေပေါ်မှာရှမ်းပြည်ပြန်လည်ထူထောင်ရေးကောင်စီ RCSS ဥက္ကဌကြီး ဒုတိယ ဗိုလ်ချုပ်ကြီး ယွတ်ဆစ်က နိုင်ငံတော် သမ္မတ ဆီကိုစာရေးသား ခဲ့ပေမဲ့ အကြောင်းပြန်တာ မရှိသေးဘူးလို့ ရှမ်းပြည် တပ်မတော် တောင်ပိုင်းရဲ့ ပြောရေးဆိုခွင့် ရှိသူ ဗိုလ်မှုးစိုင်းလောင်ဝ်ဆိုင်းက ပြောပါတယ်။
“စာထဲမှာလေ ကျနော်တို့ အပစ်အခတ်ရပ်စဲရေး ပြုလုပ်ပြီးတဲ့ နောက်ပိုင်း ပြဿနာ တွေ ဆက်လက်ပြီးတော့ ဖြစ်ပေါ်နေတဲ့ အတွက်ကြောင့် ကျနော်တို့ အပစ်အခတ် ရပ်စဲရေး သဘော တူညီချက်တွေကို ပြန်လည်ပြီးတော့ သုံးသပ်ပေးစေလိုတဲ့ အကြောင်းတွေ ကျနော်တို့ ဥက္ကဌကြီး ကနေ တောင်းဆို ထားတာတွေရှိပါတယ်။ ပါပါတယ်ခင်ဗျ။ အခုထက်ထိတော့ ဘာမှမပြန်ဘူး။”
တချိန်တည်းမှာတော့ ရှမ်းပြည်တပ်မတော် တောင်ပိုင်းနဲ့ ၀ပြည်သွေးစည်းညီညွတ်ရေး ပါတီခေါ် ၀ တပ်ဖွဲ့တွေနဲ့ နယ်မြေ သတ်မှတ်ရေး ကိစ္စတွေမှာ မပြေလည်မှုတွေ ရှိနေပါတယ်။ ဒါကတော့ ပြီးခဲ့တဲ့ လကုန်ပိုင်းက ရှမ်းပြည်နယ်တောင်ပိုင်း မိုင်းတုံမြို့နယ် အတွင်းမှာ ရှမ်းတပ်ဖွဲ့ဝင် တချို့ကို ၀ တပ်ဘက်က ဖမ်းဆီး ခဲ့တာဖြစ်တယ်လို့ ဗိုလ်မှုးစိုင်းလောင်ဝ်ဆိုင်းက ပြောပါတယ်။
“ ကျနော်တို့ စစ်ပြေးဒုက္ခသည်တွေအတွက် အသက်မွေးကြောင်း အလုပ်အကိုင်တွေရှိဖို့အတွက် တောင်ယာတွေ စိုက်ခင်းတွေကို ကျနော်တို့က ဖန်တီးပေးရမယ့် အချိန်မှာ သူတို့က သူတို့နယ်မြေကို ကျူးကျော်တယ် ဆိုပြီးတော့ စစ်ရေးနဲ့ ဖိအားပေးလာ တာပါ။ သူတို့ ဖမ်းထားတာကတော့ ၁၄ယောက် ရှိပါတယ်။ သေနက်လည်း ၁၄လက်ပါ။ မိုင်းတုံ နယ်မြေထဲမှာ လူပ်ရှားနိုင်တဲ့ တပ်ဖွဲ့တွေကို ၀ိုင်းဖမ်းတာပါ။”
လောလောဆယ်မှာတော့ ဖမ်းဆီးထားသူတွေကို ပြန်မလွှတ်သေးပါဘူး။ အဖမ်း ခံထားရတဲ့ လူတွေ ပြန်လွှတ်ဖို့ ကိုတော့ ဆွေးနွေးဖြေရှင်း သွားမှာဖြစ်တယ်လို့ ဆက်ပြောပါတယ်။
ငြိမ်းချမ်းရေးဖော်ဆောင်ရေးလုပ်ငန်းကော်မတီဒုဥက္ကဌပြည်ထောင်စုဝန်ကြီး ဦးအောင်မင်းက ရှမ်းပြည်နယ် အတွင်း ဖြစ်ပွားနေတဲ့ တိုက်ပွဲတွေဟာ နယ်မြေ မသတ်မှတ်ရသေးတာနဲ့ ဆက်ဆံရေး ရုံးတွေ မဖွင့်ရသေးတာကြောင့် ဖြစ်ကြောင်းနဲ့ ငြိမ်းချမ်းရေး လုပ်ငန်းစဉ် တဆင့်ပြီး တဆင့် လုပ်ဆောင်ပြီးရင်တော့ ပြဿနာတွေ ပြေလည်သွားမှာဖြစ်တယ်လို့ မနေ့က ပြည်သူ့ လွှတ်တော်မှာပြောဆို ထားပါတယ်။
ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒု-သမ္မတ ဒေါက်တာ စိုင်းမောက်ခမ်း ကတော့ အပစ်ရပ်ရေး ဆောင်ရွက်မှုတွေ ဟာ အခန့်မသင့်ရင် အချိန်မရွေး ပျက်ဆီးသွားနိုင်ကြောင်း ဒီလ ၁၂ရက်နေ့က နေပြည်တော်မှာ ကျင်းပတဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ အစည်းအဝေးမှာ ပြောဆို ထားပါတယ်။
Ref: VOA News
သတင်းလွတ်လပ်ခွင့် တိုးပေးဖို့ ပြည်တွင်း မီဒီယာ တောင်းဆို
ကိုကျော်ကျော်သိန်း
21.08.2012
မြန်မာနိုင်ငံမှာ သတင်းလွတ်လပ်ခွင့်နဲ့ လွတ်လပ်စွာ ထုတ်ဖော်ပြောဆို ခွင့်တွေ ပိုပြီး ရလာတော့မယ် ဆိုတဲ့ မျှော်လင့်ချက်တွေဟာ အများပြည်သူ ကြားထဲမှာရော၊ စာနယ်ဇင်းလောက မှာပါ မြင့်မား လာနေပါတယ်။ ပြည်တွင်းမှာ ထုတ်ဝေ တဲ့ ပုဂ္ဂလိက စာနယ်ဇင်းတွေ အနေနဲ့ သူတို့ရဲ့ စာစောင်တွေကို စာဖတ်သူလက်ထဲအရောက် မထုတ်ဝေခင်မှာ စာပေ စိစစ်ရေး အဖွဲ့ဆီ တင်ပြီး ခွင့်ပြုချက် ယူစရာ မလိုတော့ဘူးလို့ တာဝန်ရှိသူတွေက ပြောခဲ့ပြီးတဲ့နောက်ပိုင်း အခုလို မျှော်လင့်ချက်တွေ ပိုပြီး မြင့်မား လာတာလည်းဖြစ်ပါတယ်။ ဒါ့အပြင် သတင်း လွတ်လပ်ခွင့် ပိုပေးဖို့ကိုလည်း ဆက်ပြီး တောင်းဆိုနေကြပါတယ်။ ဒီအကြောင်းကိုတော့ ကိုကျော်ကျော်သိန်းက အပြည့်အစုံ ဆက်ပြောပြပါမယ်။
စာနယ်ဇင်းတွေအနေနဲ့ မထုတ်ဝေခင် စိစစ်ရေးရဲ့ခွင့်ပြုချက် အရင်ယူရမယ် ဆိုတဲ့ ရာစုနှစ် ထက်ဝက် နီးပါး တင်းတင်း ကျပ်ကျပ် ချုပ်ကိုင် ထားခဲ့တာကို မြန်မာ တာဝန်ရှိသူတွေက ဖြေလျှော့ပေးခဲ့ အပြီး နောက်တရက် အင်္ဂါနေ့မှာပဲ သတင်း လွတ်လပ်ခွင့် ပိုပေးဖို့ အတွက် နှိုးဆော် လိုက်ကြတာဖြစ်ပါတယ်။
“ အရေးပါတာပေါ့။ ကျနော်တို့ စာပေတင်မဟုတ်ဘူးဗျ။ အဓိက ကျနော်တို့ ရုပ်ရှင်ကားတွေရော ဗီဒီယိုတွေရော သီချင်းတွေရော သီချင်း သမားလည်းပဲ စိစစ်ရေးတို့ ဆင်ဆာတို့ ရှိသေးတယ်။ ဒီဟာတွေဟာ လွတ်လွတ် လပ်လပ်ဖြစ်သွားတယ် ဆိုလို့ရှိရင် အရုပ်က အစပေ့ါဗျာ။ ရုပ်သံ မီဒီယာတွေကလည်း လွတ်လွတ်လပ်လပ်ဖြစ်လာမယ် ဆိုရင် လုပ်ခွင့်တွေ အများကြီးဖြစ်လာမယ်။ ကျနော်တို့ ကြိုဆိုပါတယ်။”
အသက် ၅၅ နှစ်အရွယ် ဦးအောင်သန်း ပြောသွားတာပါ။
အရင်တုန်းကဆိုရင် သီချင်း၊ စာအုပ်စာစောင်၊ ကာတွန်း၊ သတင်းနဲ့ ပန်းချီပန်းပု အနုပညာလက်ရာ ဘာတခုမှ စိစစ်ရေးရဲ့ ခွင့်ပြု ချက် မရဘဲ ပုံနှိပ်ထုတ်ဝေတာ၊ အများပြည်သူကို ပြသတာမျိုး လုပ်လို့ မရခဲ့ပါဘူး။ အာရှတိုက်မှာ နိုင်ငံသားတွေရဲ့အခွင့်အရေး ကို အဖိနှိပ်ဆုံး နိုင်ငံတခု အဖြစ် နာမည်ဆိုးနဲ့ ထင်ရှားခဲ့တာဖြစ်ပြီး ပုံနှိပ် ထုတ်ဝေ ဖြန့်ချိ ပြသတာတွေမှာ နိုင်ငံရေးနဲ့ ပတ်သက် တာတွေ ပါသလား ဆိုတာကို စေ့စေ့စပ်စပ် စိစစ်ပြီးတော့ တည်းဖြတ်ခဲ့တာဖြစ်ပါတယ်။ အခုတော့ ဘယ်သူမှ မျှော်လင့် မထားနိုင် လောက်အောင်ကိုပဲ အခြေအနေက ပြောင်းပြန်လိုဖြစ်နေပါပြီ။
“ဒီလိုသာ သတင်းမီဒီယာတွေအပေါ်မှာ ပွင့်ပွင့်လင်းလင်းနဲ့ရေးသားခွင့် ရရင် ကျနော်တို့ တိုင်းပြည်ဟာ တဖြေးဖြေးနဲ့ တိုးတက် လာမှာကို မျှော်လင့် ထားတယ်။ တိုးတက်မူတွေ ရလာမယ်။ ပြည်သူနဲ့ အစိုးရကြားမှာ ဆက်စပ်မူတွေ ရှိလာမယ်။ မြင်သာ ထင်သာလာတဲ့ အခါ ပြည်သူတွေအတွက် ၀မ်းသာစရာ ကတော့ ရှေ့အလားအလာမှာ တိုင်းပြည်ကောင်းစား မှာကို မြင်နေရတာပေါ့။”
အသက် ၅၆ နှစ်အရွယ် ဦးအောင်ထက်ရဲ့ မျှော်လင့်ချက်ကို ကြားခဲ့ကြရတာပါ။
စာနယ်ဇင်းလောကဆိုင်ရာ အပြောင်းအလဲတွေဟာ ပြီးခဲ့တဲ့နှစ်ဇွန်လကတည်းက အခြေ စတည် ခဲ့တာလို့ ဆိုရမှာဖြစ်ပါတယ်။ အဲဒီအချိန်က မြန်မာနိုင်ငံမှာ ထုတ်ဝေနေတဲ့ ပုဂ္ဂလိက ဂျာနယ်နဲ့မဂ္ဂဇင်း ထက်ဝက်လောက်ကို စာပေ စိစစ်ရေးဆီ ကြိုတင်စရာ မလိုဘဲ ထုတ်ဝေခွင့် စပြီး ခွင့်ပြုခဲ့တာပါ။ ဒါပေမဲ့လည်း ပုဂ္ဂလိကအနေနဲ့ နေ့စဉ်ထုတ် သတင်းစာတွေကို ခုချိန်ထိ ထုတ်ဝေခွင့်မရသေးသလို ကာလရှည်ကြာရှိနေခဲ့တဲ့ ကိုယ့်ဖာသာကိုယ် စိစစ်တည်းဖြတ်တာမျိုးကလည်း ဆက်ရှိနေဆဲပါ။
ဒီအခြေအနေအောက်မှာပဲ The Voice Weekly ဂျာနယ်ရဲ့ အယ်ဒီတာချုပ် ကိုကျော်မင်းဆွေ ကတော့ လွတ်လပ်ခွင့် ပိုရလာ တော့မယ်ဆိုတဲ့ မျှော်လင့်ချက် ရှိနေပါတယ်။
“မြန်မာမီဒီယာအားလုံး သိပ်မကြာခင်မှာပဲ သတင်း လွတ်လပ်ခွင့် ရလာလိမ့်မယ်လို့ ကျနော် မျှော်လင့်ပါတယ်။ ကျနော် ဆိုလိုတာက လုံးဝ လွတ်လပ် တာမျိုးပါ။ လွတ်လပ်စွာ ထုတ်ဖော်ပြောဆို ခွင့်ကို ဆိုလိုတာပါ။ ဒီကိစ္စက ၂၀၀၈ ခုနှစ် အခြေခံ ဥပဒေထဲမှာ ပြဌာန်း ထားပြီးသားပါ။ အခြေခံဥပဒေအရ ဆိုရင် လွတ်လပ်စွာ ထုတ်ဖော်ပြောဆိုခွင့် ဆိုတာ နိုင်ငံသား အားလုံးရဲ့ အခြေခံ အခွင့်အရေးဖြစ်ပါတယ်။”
ပြင်သစ်နိုင်ငံအခြေစိုက် နယ်စည်းမခြားသတင်းထောက်များအဖွဲ့ RSF ရဲ့ သတ်မှတ်ချက် အရ မြန်မာနိုင်ငံရဲ့ သတင်း လွတ်လပ် ခွင့်အဆင့်ဟာ နိုင်ငံပေါင်း ၁၇၉ နိုင်ငံထဲ ၁၆၉ မှာ ရှိနေပါတယ်။ စိစစ်ရေးက တင်းတင်းကျပ်ကျပ် ထိန်းချုပ်တာမျိုး မရှိတော့ဘူး ဆိုပေမဲ့လည်း ကန့်သတ်ချက်တွေကတော့ သိသိသာသာကို ရှိနေတုန်းပါပဲ။
နေ့စဉ်ထုတ် ပုဂ္ဂလိကသတင်းစာတွေ မရှိသေးဘဲ သတင်းစာထုတ်ဝေခွင့်ကို နိုင်ငံပိုင်အဖြစ် ချုပ်ကိုင် ထားဆဲ ရှိပါတယ်။ ပြည်ပ အခြေစိုက် သတင်း မီဒီယာတွေဟာ ရန်တိုက် သွေးထိုးပေးနေသူတွေ၊ လေလှိုင်းသံ လူသတ်သမားတွေ စသည်အားဖြင့် အစိုးရ သတင်းစာတွေရဲ့ နောက်ဆုံး စာမျက်နှာမှာ စာလုံးမည်းကြီးတွေနဲ့ ဖော်ပြခဲ့တာကို ရပ်ခဲ့တာ ပြီးခဲ့တဲ့နှစ်က မှပါ။
အဲဒီနောက်မှာတော့ ၁၉၆၂ ခုနှစ်ကတည်းကနေဆိုရင် အသိသာ အထင်ရှားဆုံး အပြောင်း အလဲတွေကို စစ်ဗိုလ်ချုပ်ဟောင်း တွေဦးဆောင်တဲ့ မြန်မာ အစိုးရက ဖော်ဆောင် လာခဲ့ပါတယ်။ အပြောင်း အလဲတွေ ထဲမှာ ရွေးကောက်ပွဲတွေ လုပ်တာ၊ ဆန္ဒပြပွဲ တွေကိုခွင့်ပြုတာ၊ နိုင်ငံရေးအကျဉ်း သားတွေကို လွှတ်ပေးတာတွေလည်း ပါဝင်ခဲ့ပါတယ်။
အဲဒီအချိန်ကတည်းကစလို့ ပြည်တွင်းထုတ်စာနယ်ဇင်းတွေဟာ သူတို့အပေါ် ကန့်သတ်ချက်တွေကို တဖြည်းဖြည်း သွေးတိုး စမ်း ကျော်လွှား ခဲ့ကြပြီး ဘယ်တုန်းကမှ မမြင်ခဲ့ရတဲ့ ဒေါ်အောင်ဆန်းစုကြည်ရဲ့ ရုပ်ပုံတွေကို စာနယ်ဇင်းတွေရဲ့ မျက်နှာဖုံးမှာကို ပဲ တွေ့လာ ခဲ့ကြရသလို အစိုးရအပေါ် ဝေဖန်သူတွေရဲ့ သဘောထားတွေကို ဖော်ပြခဲ့ကြပါတယ်။
အဲဒီအခြေအနေဟာ လွန်ခဲ့တဲ့နှစ်လည်ပိုင်း မတိုင်ခင်တုန်းကဆိုရင် တွေးကြည့်လို့တောင် မရခဲ့ ပါဘူးလို့ စာနယ်ဇင်း အယ်ဒီတာတွေက ပြောကြ ပါတယ်။
Ref: VOA News
ရခိုင်ပြည်နယ်ပဋိပက္ခ စုံစမ်းရေး ကော်မရှင် တိုးချဲ့မည်
ကိုဇော်ဝင်းလှိုင်
21.08.2012
ရခိုင်ပြည်နယ်အတွင်းဖြစ်ပွားခဲ့တဲ့ ပဋိပက္ခတွေကို စုံစမ်း စစ်ဆေးဖို့ နိုင်ငံတော် သမ္မတက ဖွဲ့စည်းပေး လိုက်တဲ့ စုံစမ်း စစ်ဆေးရေး ကော်မရှင်ဟာ လုပ်ငန်းတွေကို စတင်နိုင်ဖို့ အတွက် ပြင်ဆင်နေကြပြီ ဖြစ်ပါတယ်။ သြဂုတ်လ ၂၁ ရက်နေ့မှာလည်း ပြည်ထောင်စု နယ်စပ်ရေးရာ ၀န်ကြီးကိုယ်တိုင် လာရောက်ပြီး နိုင်ငံတော်အစိုးရက လုပ်ဆောင် ထားတာတွေကို သမ္မတရဲ့ ကိုယ်စား ကော်မရှင် အဖွဲ့ဝင်တွေကို လာရောက် ရှင်းပြခဲ့တယ်လို့ ကော်မရှင် အဖွဲ့ဝင်တွေက ပြောပါတယ်။ အပြည့်အစုံ ကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။
ရခိုင်ပြည်နယ်အတွင်း ဇွန်လတုန်းက ဖြစ်ပွားခဲ့တဲ့ ပဋိပက္ခတွေ စုံစမ်း စစ်ဆေးဖို့ သမ္မတက ဖွဲ့စည်းပေး ထားတဲ့ ကော်မရှင်ဟာ သူတို့ရဲ့ လုပ်ငန်းတွေရဲ့ ပထမခြေလှမ်း အဖြစ်နဲ့ သြဂုတ်လ ၁၉ ရက်နေ့မှာ ပထမဆုံးအကြိမ် ကော်မရှင် အဖွဲ့ဝင် အားလုံး ပါဝင်တဲ့ မျက်နှာစုံညီ စည်းဝေးပွဲတခု ကျင်းပ ခဲ့ကြတာပါ။
အဲဒီမှာ ကော်မရှင်ရဲ့ လုပ်ငန်းတွေကို ဘယ်လို ချဉ်းကပ် လုပ်ဆောင်ကြမလဲ ဆိုတာနဲ့ ပတ်သက်လို့ အချင်းချင်း အကြံဉာဏ် ဖလှယ်တာတွေ လုပ်ဆောင် ခဲ့ကြတာပါ။ သြဂုတ်လ ၂၁ ရက်နေ့မှာတော့ ပြည်ထောင်စု နယ်စပ်ရေးရာ ၀န်ကြီး ဦးသိန်းဌေး ရောက်လာပြီး အစိုးရဖက်က လုပ်ဆောင်ထားသမျှကို သမ္မတကိုယ်စား ရှင်းလင်း တင်ပြ ခဲ့တယ်လို့ ကော်မရှင်အဖွဲ့ဝင် တဦးလည်းဖြစ်၊ NDF အမျိုးသားဒီမိုကရေစီအင်အားစု ခေါင်းဆောင် တဦးလည်းဖြစ်တဲ့ ဦးခင်မောင်ဆွေက ပြောပြပါတယ်။
“နယ်စပ်ရေးရာဝန်ကြီးက ဒီအဆင့်ဟာ ပြည်ထောင်စုအဆင့် ခန့်ထားတာဖြစ်တယ်။ ဒါကြောင့်မို့ ကော်မရှင်ဟာ လွတ်လပ်စွာနဲ့ သီးခြားဖြစ်တဲ့ ကော်မရှင်ဖြစ်တယ်။ ဒါကြောင့်မို့ လွတ်လပ်စွာ စစ်ဆေးမေးမြန်းခွင့်လည်း ရှိတယ်။ ဆောင်ရွက်ဖို့မှာလည်း ဘာမှ အနှောင့် အယှက် မရှိဆောင်ရွက်နိုင်ပါတယ်။ သူတို့အနေနဲ့ ပံ့ပိုးပေးဖို့ သမ္မတကိုယ်စား လာပြီးတော့ ရှင်းပြရခြင်းဖြစ်ပါတယ်လို့ စပြီးပြောပါတယ်။ နောက်ပြီး နယ်စပ်ရေးရာ ၀န်ကြီး လုပ်ဆောင်ထားတဲ့ ရခိုင်ပြည်နယ် ကိစ္စတွေပေါ့ဗျာ။ ဗီဂျေ နမ်ဗီးယား လာတာတို့ တူရကီ ၀န်ကြီးချုပ် လာတာတို့ မစ္စတာ ကင်တာနားလာတာတို့ ပတ်သတ်တဲ့ ခရီးစဉ်တွေနဲ့ ဓာတ်ပုံတွေကို ပြပြီး ဘယ်နေရာကို သွားသင့်တယ်ဆိုတာ သူ့အတွေ့အကြုံတွေကို ရှင်းပြတဲ့ ကိစ္စပါပဲ။”
ယေဘုယျအားဖြင့်တော့ ဒီစုံစမ်းရေး ကော်မရှင်အနေနဲ့ သမ္မတက ထုတ်ပြန်ထားတဲ့ ညွန်ကြားချက်တွေ အတိုင်း သူတို့ရဲ့ စုံစမ်း စစ်ဆေးရေး လုပ်ငန်းတွေကို အကောင်အထည်ဖော်သွားဖို့ စီစဉ် ထားတယ်လို့ ဦးခင်မောင်ဆွေက ဆက်ပြောပါတယ်။
“သမ္မတက ထုတ်ပြန်ထားတဲ့ အမိန့်အတိုင်း စုံစမ်းစစ်ဆေးဖို့ နယ်တွေ သွားပြီးတော့ သက်ဆိုင်ရာ တွေ့သင့် တွေ့အပ်တဲ့ ပုဂ္ဂိုလ်တွေကို တွေ့ဖို့ တွေ့တဲ့အခါမှာ ကျနော်တို့ ပြည်နယ်ကနေ အစိုးရတာဝန်ယူပေးဖို့၊ သွားတဲ့လာတဲ့နေရာတွေမှာ လုံခြုံရေးယူပေးဖို့ နောက်ပြီးတော့ သက်သေခံဥပဒေတို့ ရာဇ၀တ်မူဥပဒေတို့နဲ့ ပတ်သတ်တဲ့ ကိစ္စများကို တရားရုံးလိုပဲ ခေါ်ယူစစ်ဆေးခွင့်ရှိတယ်ဆိုတဲ့အကြောင်းကို ရှင်းပြပါတယ်။ ရှင်းပြပြီးတော့ ခရီးသွားတဲ့အခါမှာ လေယာဉ်နဲ့သွားတဲ့ ကိစ္စတွေပေါ့ သမ္မတရုံးက စီစဉ်ပေးမယ်ဆိုတဲ့အကြောင်းတွေဆိုပါတယ်ဗျ။ အချက်၈ချက်ကို ၈ဖွဲ့ခွဲပြီး လုပ်ရမယ့်သဘောရှိနေတာပေါ့။ အားလုံး သဘောပေါက် နားလည်ကြတယ်။ လုပ်ငန်းအဆင့်ဆင့်ကို ဘယ်လိုလုပ်ကြမယ်ဆိုတာ ၂၅ရက်မှကျမှ တိတိကျကျ စဉ်းစားနိုင်မှာပါ။”
ကော်မရှင်အနေနဲ့ လာမယ့် သြဂုတ်လ ၂၅ ရက်နေ့မှာ ဆပ်ကော်မီတီလေးတွေ ထပ်ဖွဲ့စည်းတာအပြင် ကော်မရှင်ရဲ့ ပြောရေးဆိုခွင့်ရှိသူတဦးကိုလည်း တိတိကျကျ သတ်မှတ်သွားဖို့ရှိတယ်လို့ ဦးခင်မောင်ဆွေက ပြောပါတယ်။
ဒီ စုံစမ်းစစ်ဆေးရေး ကော်မရှင်ကိုတော့ နိုင်ငံတော်သမ္မတရုံးက အမိန့်ကြော်ငြာစာထုတ်ပြန်ပြီး ဘာသာရေးခေါင်းဆောင်တွေ၊ နိုင်ငံရေးပါတီတွေက ကိုယ်စားလှယ်တွေ၊ လူမှုအဖွဲ့အစည်းတွေမှာ ၀င်ရောက် လုပ်ဆောင်နေသူတွေနဲ့ ၈၈ မျိုးဆက် ကျောင်းသားများအဖွဲ့က အဖွဲ့ဝင်တွေ အပါအ၀င် အဖွဲ့ဝင်စုစုပေါင်း ၂၇ ဦးနဲ့ သြဂုတ်လ ၁၇ ရက်နေ့ ရက်စွဲနဲ့ ဖွဲ့စည်းပေးလိုက်တာပါ။
သြဂုတ်လ၂၁ရက်နေ့မှာပဲ နိုင်ငံတော်သမ္မတရုံးက ပြည်သူ့လွှတ်တော် ဥက္ကဌထံ သ၀ဏ်လွှာ ရေးသားပြီး လွှတ်တော်မှာ မှတ်တမ်းတင်ထားဖို့
သ၀ဏ်လွှာနဲ့အတူ ရခိုင်ပြည်နယ်အတွင်း ဖြစ်ပွားခဲ့တဲ့ ပဋိပက္ခနဲ့ ပတ်သက်တဲ့ သုံးသပ်ချက် စာတမ်းကိုလည်း တင်သွင်းခဲ့ပါတယ်။
သဝဏ်လွှာထဲမှာ အဓိကအားဖြင့် ပဋိပက္ခတွေနဲ့ ပတ်သက်လို့ သမ္မတရုံးက စုံစမ်းသိရှိထားတဲ့ အချက်တွေကို လွှတ်တော်အမတ်တွေထံ အသိပေးအကြောင်းတဲ့ သဝဏ်လွှာဖြစ်ပေမယ့် ရခိုင်ပြည်နယ် အဓိကရုဏ်းနဲ့ပတ်သတ်ပြီး အစိုးရရဲ့ သုံးသပ်ချက်ကိုလည်း ကဏ္ဍအလိုက်ခွဲပြီး ထည့်သွင်း ဖော်ပြထားပါတယ်။
သမ္မတရုံးက လွှတ်တော်ကို ပေးပို့တဲ့ သ၀ဏ်လွှာကို ပြည်သူ့လွှတ်တော်တဦးက ဗွီအိုအေကို ဖတ်ပြခဲ့တာမှာတော့ ရခိုင်တိုင်းရင်းသားများ၏ အခြေအနေဆိုတဲ့ ခေါင်းစဉ်အောက်မှာ - နိုင်ငံရေးပါတီများ၊ သံဃာအချို့နှင့် လူပုဂ္ဂိုလ်အချို့တို့ ခေါင်းဆောင်၍ လူမျိုးရေး မုန်းတီးမှုစိတ်ဓါတ်ကို အလွန်အကျွံ မြင့်တင်ခြင်း၊ လူမျိုးရေးအရ ဆင်ခြင်မဲ့စွာ တိုက်ခိုက်လိုစိတ်ကို လှုံ့ဆော်ခြင်းတို့ ဆောင်ရွက်လျက်ရှိသည်။ နိုင်ငံအတွင်းနဲ့ နိုင်ငံတကာမှာရှိသည့် ရခိုင်အသိုက်အ၀န်းသို့ပါ ချဉ်းကပ် ဆောင်ရွက်လျက် ရှိသည်။ နိုင်ငံအနှံ့အပြား ၌ နေထိုင်လျက် ရှိသည့် ဘင်္ဂါလီ မူဆလင်များအပေါ် အကြမ်းဖက်ရန်ကိုလည်း ကြံစည် လုပ်ဆောင်လျက် ရှိသည် စသည်ဖြင့် က ကနေ ဈ အထိ အချက်လိုက် ဖော်ပြထားတယ်လို့ ဆိုပါတယ်။
ဘင်္ဂါလီ မူဆလင်များ၏ အခြေအနေဆိုတဲ့ ခေါင်းစဉ်အောက်မှာတော့ သာမာန်ပြည်သူများနှင့် ဘာသာရေး အစွန်းရောက်ဟူ၍ ၂ ပိုင်း တွေ့ရကြောင်းနဲသာမာန်ပြည်သူများကတော့ ဘ၀ရပ်တည်ရေးနဲ့ အသက်ရှင်နေထိုင်ရေးကိုသာ အာရုံ ပြုနေကြရသည်၊ အမျိုးသမီးနှင့် ကလေးငယ်တွေဟာ လူဦးရေ၏ ၄ ပုံ ၃ ပုံခန့်ရှိပြီး အသက်မွေးဝမ်းကျောင်းမှု အခက်အခဲများကို ရင်ဆိုင်နေရ သည်၊ အစွန်းရောက် အစ္စလာမ် မော်လ၀ီအချို့သည် ဘာသာရေး မှိုင်းပြု၍ လူဦးရေ များပြားမှုကို အသုံးချရန် ကြံစည်လျက်ရှိသည် စသည်ဖြင့် ဖော်ပြထားပြီး အစီရင်ခံစာနှင့် သ၀ဏ်လွှာ စုစုပေါင်းမှာ စာမျက်နှာ ၁၀ မျက်နှာ နီးပါးရှိတယ်လို့ လွှတ်တော်အမတ်တွေက ပြောပါတယ်။
Ref: VOA News
မြရည်နန္ဒာမြို့သစ် ကျူးကျော်နေထိုင်သူနှင့် လုံခြုံရေး တပ်ဖွဲ့ဝင် ရုန်းရင်း ဆန်ခတ်ဖြစ်
2012-08-21
မန္တလေးတိုင်း ချမ်းမြသာစည်မြို့နယ် မြရည်နန္ဒာမြို့သစ် မြရည်နန္ဒာ ရပ်ကွက်အတွင်း ကျူးကျော် နေထိုင် သူတွေကို အစိုးရ လုံခြုံရေး တပ်ဖွဲ့တွေက ဒီကနေ့ အဓမ္မ၀င်ရောက် ရိုက်နှက်ဖယ်ရှား ခိုင်းခဲ့တဲ့ အတွက် ရုန်းရင်း ဆန်ခတ် ဖြစ်ပွားခဲ့ပြီး ကိုယ်ဝန်ဆောင် နှစ်ဦး အပါအ၀င် စုစုပေါင်း ၇ ဦး ဒဏ်ရာ ရရှိခဲ့ပါတယ်။
ဒီနေ့မနက် (၇) နာရီခွဲလောက်က ရဲတပ်ဖွဲ့ ဝင်တွေက မြရည်နန္ဒာ ရပ်ကွက်ကို ဝင်ရောက် ခဲ့ပြီးနောက် ကျူးကျော်နေအိမ် ၅၂၀ ကို အဓမ္မ ရွှေ့ပြောင်း ခိုင်းခဲ့ရာမှာ ရပ်ကွက်သူ ရပ်ကွက် သားတွေကို ရိုက်နှက် ခဲ့တယ်လို့ ရပ်ကွက်သူ အမျိုးသမီး တစ်ဦးက RFA ကို ပြောပါတယ်။
"ကျွန်တော်တို့ ပြည်သူတွေပေါ် မငဲ့ညာပဲနဲ့ သူတို့က ဝင်ရောက်ပြီး အကြမ်းဖက်တယ်။ လက်နက်တွေနဲ့။ ယောင်္ကျား၊ မိန်းမ အကုန် ဆွဲချတယ်။ ကျွန်တော်တို့က သမ္မတကြီး ကယ်ပါ အော်လေ၊ သူတို့က ဆွဲချလေ။ သမ္မတကြီး ကယ်ပါ အော်လေ၊ ရိုက်လေ။ ကျွန်တော်တို့ ပြည်သူတွေ ဘက်က လက်နက်၊ တုတ်၊ ဓားလက်နက် တစ်ယောက်မှ မကိုင်ပါဘူး။ ငြိမ်းချမ်းစွာ ကျွန်တော် တို့က တောင်းပန်တာ။ ရှိခိုးပြီးတော့၊ အသက်ကြီးတဲ့သူတွေ အကုန်လုံး ရှိခိုးပြီးတော့ကို တောင်းပန်တာကို သူတို့ကမရတာ။ ဗိုလ်မှူးကြီး တစ်ယောက်ကတော့ ကျည်ဆန် ကတ်တွေကိုလေ၊ သူ့တပည့်တွေကို အကုန် ကျည်ဆန်ကတ်လိုက် ဝေတယ်။ ပစ်မိန့်ရပြီတဲ့၊ ဖမ်းမိန့်ရပြီတဲ့၊ ပစ်ဆိုပြီး ခိုင်းတယ်"
ဒဏ်ရာရသူတွေကို ဆေးရုံပို့ထားပြီး အဲဒီအထဲက နှလုံးရောဂါ အခံရှိတဲ့ သက်ကြီးလူနာ တစ်ဦးကတော့ သတိမေ့နေဆဲဖြစ်ပြီး အသက် အန္တရာယ် စိုးရိမ် ရတယ်လို့ သိရပါတယ်။
အဲဒီ ကျူးကျော်ရပ်ကွက်ကို အာဏာပိုင်တွေက တရုတ်လုပ်ငန်းရှင်တွေကို ရောင်းချ ထားတယ်လို့ သိရပါတယ်။ လောလောဆယ် ရဲတပ်ဖွဲ့ဝင်တွေ ရပ်ကွက်တွင်းက ထွက်ခွာသွားပြီ ဖြစ်ပေမယ့် နောက်တကြိမ် ထပ်လာဦးမယ်ဆိုတဲ့ ကောလာဟလတွေ ကြောင့် ကျူးကျော် အခြေချနေထိုင်သူတွေ စိုးရိမ်မကင်း ရှိနေကြပါတယ်။
Ref: RFA News
နယ်စပ်ရေးရာ ပြည်ထောင်စုဝန်ကြီးနှင့် ရခိုင်ပြည်နယ် ဖြစ်စဉ် စုံစမ်းရေး ကော်မရှင် အဖွဲ့ဝင်များ တွေ့ဆုံ
2012-08-21
သမ္မတ ဦးသိန်းစိန် ဖွဲ့စည်းပေးခဲ့တဲ့ ရခိုင်ပြည်နယ် ဖြစ်စဉ် စုံစမ်းရေး ကော်မရှင် အဖွဲ့ဝင်တွေနဲ့ နယ်စပ်ရေးရာ ပြည်ထောင်စု ဝန်ကြီး ဒုတိယ ဗိုလ်ချုပ်ကြီး သိန်းဌေးတို့ ရန်ကုန်မြို့ ပြည်လမ်းမှာ ရှိတဲ့ ရန်ကုန်တိုင်း ဒေသကြီး အစိုးရ အဖွဲ့ရုံးမှာ ဒီကနေ့ ပထမဆုံး အကြိမ် တွေ့ဆုံခဲ့ပါတယ်။
ဒီတွေ့ဆုံပွဲမှာ နယ်စပ်ရေးရာ ဝန်ကြီးက ရခိုင်ပြည်နယ် ဖြစ်စဉ်နဲ့ ပက်သက်တဲ့ ရုပ်ပုံ မှတ်တမ်းတွေ၊ ဗီဒီယို ဖိုင်တွေကို ရှင်းလင်းပြသ ခဲ့ပြီး ဒီစုံစမ်းရေး ကိစ္စရပ်မှာ လိုအပ်တဲ့ အကူအညီ မှန်သမျှကို ထောက်ပံ့ မယ်လို့ ကတိပေးခဲ့ကြောင်း ဒီအစည်းအဝေး တက်ရောက်ခဲ့တဲ့ စုံစမ်း စစ်ဆေးရေး ကော်မတီဝင် NDF ပါတီ ဥက္ကဋ္ဌ ဦးခင်မောင်ဆွေက RFA ကိုပြောပါတယ်။
"နယ်စပ်ဒေသဝန်ကြီးကနေ သူ ဒီရခိုင်ဒေသနဲ့ ပတ်သက်တဲ့ ကိစ္စတွေ၊ လုပ်ခဲ့တာတွေကို ရှင်းပြခဲ့တာဗျ။ ၂၅ ရက်နေ့မှာ ကော်မရှင် အစည်းအဝေး လုပ်မယ်ဗျ။ အဲဒါ ပြီးလို့ရှိရင်တော့ ကျွန်တော်တို့ လုပ်ငန်းတွေ ပီပီပြင်ပြင် ဖြစ်မယ်ဗျာ။ တာဝန် ခွဲတာတွေရော၊ ဘာတွေရော ကျွန်တော်တို့ လုပ်ကြပြီ။ အခုကတော့ ဒီသမ္မတ ကိုယ်စား လာပြီးတော့ နယ်စပ်ရေးရာ ဝန်ကြီးက သူကူညီနိုင်တဲ့ အကြောင်းတွေ၊ ရခိုင်မှာသူတို့ ဘာတွေ လုပ်ခဲ့တယ်ဆိုတဲ့ အကြောင်းတွေ အဲတာတွေ သူရှင်းလင်း ပြောကြားသွားတာပဲဗျ"
ဒီဆွေးနွေးပွဲမှာ နယ်စပ်ရေးရာဝန်ကြီး ဒုတိယ ဗိုလ်ချုပ်ကြီး သိန်းဌေးက အဓိက ရှင်းလင်းပြောကြား ခဲ့ပြီး စုံစမ်း စစ်ဆေးရေး ကော်မတီဝင်တွေဘက်က ဆွေးနွေး ပြောကြားခွင့် မရရှိခဲ့ကြဘူးလို့လည်း သိရပါတယ်။
ဒါ့ပြင် ဒီဆွေးနွေးပွဲကို ပြည်တွင်း ပြည်ပ သတင်း မီဒီယာတွေ တက်ရောက် သတင်းယူဖို့ နယ်စပ်ရေးရာ ဝန်ကြီးဌာန ဘက်က တစ်ရက်ကြိုတင် ဖိတ်ကြား ခဲ့ပေမယ့် ဒီကနေ့ ဆွေးနွေးပွဲကို သတင်းထောက်တွေကို ၀င်ခွင့် မပြုဖို့ ရန်ကုန်တိုင်း ဝန်ကြီးချုပ် ဦးမြင့်ဆွေရဲ့ အမိန့်နဲ့ တားမြစ်ခဲ့တာကြောင့် အစိုးရ သတင်းဌာနတွေကလွဲလို့ ပုဂ္ဂလိက သတင်းထောက်တွေ သတင်းယူခွင့် မရခဲ့ဘူးလို့ သိရပါတယ်။
မကြာမီ ရက်ပိုင်းမှာ ကော်မရှင်ဥက္ကဋ္ဌ ဦးမျိုးမြင့်က ရခိုင်ပြည်နယ်က ဖြစ်ရပ်တွေကို ယခင်က သွားရောက် လေ့လာခဲ့တဲ့ အဖွဲ့ဝင် ငါးဦးကို ဦးဆောင်ပြီး စစ်တွေကို သွားရောက်ဖို့ ရှိပါတယ်။
Ref: RFA News
SSPP/SSA တပ်စခန်း မိုင်းရှုးမြို့နယ်အတွင်းက ဖယ်ရှားပေးဖို့ အစိုးရ တပ်က ဖိအားပေး
2012-08-21
ရှမ်းပြည်မြောက်ပိုင်း မိုင်းရှုးမြို့နယ်အတွင်း အခြေစိုက် တပ်စွဲထားတဲ့ ရှမ်းပြည် တိုးတက်ရေး ပါတီ SSPP/SSA ရှမ်းပြည် မြောက်ပိုင်း တပ်ရဲ့ တပ်စခန်းတွေကို အမြန်ဆုံး ဖယ်ရှားပေးဖို့ အစိုးရ နယ်မြေခံတပ်တွေက ဖိအားပေးပြောဆို လာပြီး တပ်ရင်း ၂ ရင်းနဲ့ ၀ိုင်းထားကြောင်း SSA မြောက်ပိုင်း တပ်ဖွဲ့ရဲ့ ပြောရေးဆိုခွင့် ရှိသူ ဗိုလ်မှူး စိုင်းလ က ပြောပါတယ်။
ရှမ်းပြည်မြောက်ပိုင်း မိုင်းရှုးမြို့နယ်အတွင်းမှာရှိတဲ့ နမ့်ပန်ချောင်းအနီးက SSA မြောက်ပိုင်း တပ်ရင်း ၈၀၁ တပ်စွဲထားတဲ့ ခနောက်စိမ်း စမ်းသပ် တူးဖော်ခွင့် ရထားတဲ့ နယ်မြေထဲကနေ ဖယ်ရှားပေးဖို့ အခုရက်ပိုင်း အတွင်းမှာ အစိုးရ တပ်ဘက်က ပြောဆို လာတာလို့ ဗိုလ်မှူး စိုင်းလ က ပြောပါတယ်။
"သုံးလေးရက်ခန့်ကပေါ့။ အဲဒီ မိုင်းရှုးတပ်ကနေပြီးတော့ ကျွန်တော်တို့ အဲဒီ မိုင်းရှုးမြို့နယ်ထဲက တာ့ဆမ်ပူး ကူတို့ဆိပ်မှာ နေရာ ယူထားတဲ့ ကျွန်တော်တို့ တပ်ပေါ့။ အဲဒီမှာ ကျွန်တော်တို့ ခနောက်စိမ်း လုပ်ကွက် ရှိတယ်လေ။ ကျွန်တော်တို့ စမ်းသပ်တူးဖော်ခွင့်နဲ့ ကျွန်တော်တို့ ပါမစ်ရထားတာ အနှစ် ၂၀ လောက်တောင်ရှိပြီ ထင်တယ်။ ကျွန်တော်တို့ အဲမှာ နေခဲ့တာလည်း အနှစ် ၂၀ - ၃၀ လောက် ရှိပြီကိုး။ အဲဒီမှာ မနေဖို့ ဖယ်ပေးဖို့ ပြောလာတော့ သူတို့လည်း တပ်ရင်း ၂ ရင်းနဲ့ ထွက်လာတယ်လေ။ ခမရ ၁၅၀ နဲ့ ခမရ ၁၄၉ ပေါ့။ တိုက်ပွဲတော့ မဖြစ်သေးပါဘူး။ သူတို့ ပြန်ဆုတ်သွားရင်တော့ တမျိုးပေါ့။ သူတို့ ရှေ့တိုးလာရင်တော့ ဖြစ်နိုင်ခြေတော့ ရှိတယ်"
ရှမ်းပြည် တိုးတက်ရေးပါတီ SSPP/SSA မြောက်ပိုင်းတပ်ဖွဲ့ဟာ အခုနှစ် ဇန်န၀ါရီလကုန်ပိုင်းကမှ ရှမ်းပြည်နယ် တောင်ကြီးမြို့မှာ အပစ်အခတ် ရပ်စဲရေး အပါအ၀င် ပြည်နယ်အဆင့်၊ ပြည်တောင်စုအဆင့်တွေမှာ အချက် ၅ ချက်စီ နှစ်ဖက် သဘောတူ လက်မှတ်ထိုးထားတဲ့ တိုင်းရင်းသား လက်နက်ကိုင်တပ်ဖွဲ့ ဖြစ်ပါတယ်။
Ref: RFA News
Tuesday, August 21, 2012
စာနယ်ဇင်းများ စိစစ်ဖြတ်တောက်မှု မရှိဘဲ ထုတ်ခွင့် ရပြီ
အောင်သက်ဝိုင်း
August 20, 2012
မြန်မာနိုင်ငံတွင် ၄၈ နှစ်ကြာ ကျင့်သုံးခဲ့သော စာပေစိစစ်ရေး လုပ်ငန်းများကို ဖြေလျော့လိုက်ပြီး သတင်း ဂျာနယ်များ အပါအဝင် စာအုပ်စာတမ်း အားလုံး ထုတ်ဝေပြီးမှ စာပေ စိစစ်ရေး တင်ပြရသော ထုတ်/ တင် စနစ်သို့ ပြောင်းလဲ ကျင့်သုံးပြီ ဖြစ်ကြောင်း စာပေ စိစစ်နှင့် မှတ်ပုံတင်ဌာန ဒုတိယ ညွှန်ကြားရေးမှူးချုပ် ဦးတင့်ဆွေက ပြောသည်။
ရန်ကုန်မြို့ ဗဟန်းမြို့နယ်ရှိ စာပေစိစစ်ရေးနှင့် မှတ်ပုံတင် ဌာနရုံးတွင် ယနေ့ ကျင်းပ ပြုလုပ်သော စာပေ စိစစ်ရေး၏ မူဝါဒများ ပြောင်းလဲ ကျင့်သုံးရေး အစည်းအဝေး၌ ၎င်းက အထက်ပါ အတိုင်း ပြောဆိုလိုက်ခြင်းဖြစ်သည်။
“၁၉၆၄ ခုနှစ် သြဂုတ်လ ၆ ရက်နေ့က စတင်ကျင့်သုံးခဲ့တဲ့ စာပေစိစစ်ရေး လုပ်ငန်းတွေက ၄၈ နှစ် ၁၄ ရက်အကြာ ဒီကနေ့ ဆိုရင် အဆုံးသတ် သွားပါပြီ။ သတင်းဂျာနယ် ၈၀၊ ဘာသာရေးဂျာနယ် ၆ စောင်နဲ့ တခြား ဘာသာရေး ဆိုင်ရာ စာအုပ် စာစောင်တွေ အားလုံး စာပေ စိစစ်ရေးကို ကြိုတင်ပြစရာ မလိုဘဲ ထုတ်/ တင် စနစ်နဲ့ ဒီနေ့ကစလို့ ထုတ်ဝေခွင့် ပြုလိုက်ပါပြီ” ဟု ဦးတင့်ဆွေက ပြောသည်။
ထုတ်/ တင် စနစ် ခွင့်ပြုလိုက်သော်လည်း အသေးစိတ် အခြေခံရမည့် မူ ၁၆ ချက်ကို ဆက်လက် လိုက်နာရမည် ဖြစ်ကြောင်း ၎င်းက ဆိုသည်။
အသေးစိတ်လိုက်နာရမည့် မူ ၁၆ ချက်တွင် နိုင်ငံရေး ၅ ချက်၊ စီးပွားရေး နှစ်ချက်၊ လူမှုရေး ၇ ချက်၊ အထွေထွေ လိုက်နာရမည့် အချက် ၂ ချက်တို့ ပါဝင်ကြောင်း၊ နိုင်ငံရေးတွင် ဒို့တာဝန် အရေးသုံးပါးကို ထိပါးခြင်း မပြုရ၊ နိုင်ငံတော်၏ မူဝါဒနှင့် နိုင်ငံတော် အစိုးရကို အဖျက်သဘော ဝေဖန်ရေးသား ဖော်ပြခြင်းမပြုရ၊ နိုင်ငံတကာနှင့် ချစ်ကြည်ရင်းနှီးမှုကို ထိခိုက်စေမည့် အချက်များအား ဖော်ပြခြင်း မပြုရ၊ အဂတိ လိုက်စားမှု၊ တရားမ၀င် မူးယစ်ဆေးဝါး ထုတ်လုပ်ရောင်းဝယ်မှု၊ အဓမ္မ လုပ်အားပေး ခိုင်းစေမှု၊ လူကုန်ကူးမှု၊ ကလေးစစ်သား စသော အကြောင်းအရာတို့နှင့် ပတ်သက်ပြီး သတင်း အရင်းအမြစ် မခိုင်မာဘဲ ရေးသားဖော်ပြခြင်း မပြုရ၊ နိုင်ငံတော်အား ဆန့်ကျင်နှောင့်ယှက်နေသော လူပုဂ္ဂိုလ် အဖွဲ့အစည်းများ နှင့်ပတ်သက်ပြီး လှုံ့ဆော်အားပေး ထောက်ခံသည့် အရေးအသားများ ရေးသားဖော်ပြခြင်း မပြုရ ဆိုသော အချက် ၅ ချက်တို့ကို လိုက်နာရမည် ဖြစ်ကြောင်း သိရသည်။
စီးပွားရေးနှင့် ပတ်သက်၍ လိုက်နာရမည့် အချက်များမှာ နိုင်ငံတော်၏ စီးပွားရေး ဆိုင်ရာ မူဝါဒ များအား အဖျက်သဘော
ထိခိုက်ရေးသားခြင်း မပြုရ၊ သတင်း အရင်းအမြစ် မခိုင်မာသော စီးပွားရေး ဆိုင်ရာ အချက်အလက်များ၊ သတင်း၊ ဆောင်းပါးနှင့် ဓာတ်ပုံများအား ရေးသား ဖော်ပြခြင်း မပြုရဆိုသော အချက်များဖြစ်၍ လူမှုရေးနှင့် ပတ်သက်ပြီး မြန်မာ့ယဉ်ကျေးမှု အရ ဖော်ပြရန် မသင့်လျော်သော ကိုယ်ခန္ဓာ အစိတ်အပိုင်းများအား ဖော်ပြခြင်း၊ ဟီရိသြတ္တပ တရားနှင့် မညီသော ၀တ်စား ဆင်ယင်မှုနှင့် ကိုယ်ဟန် အမူအရာများအား ဖော်ပြခြင်း တို့ကို ရှောင်ကျဉ်ရန်၊ အားကစားပွဲစဉ် ခန့်မှန်းချက်နှင့် ပတ်သက်၍ လောင်းကစားကို အားပေးရာရောက်သည့် ရေးသားချက်များ၊ သရဲ၊ တစ္ဆေ၊ ကြတ်၊ သိုက်သမိုင်း၊ လူခြောက်စသည့် ထူးခြား ဆန်းကျယ် ဇာတ်လမ်းများတွင် ကလေးနှင့် လူငယ်များကို အယူအဆ လွဲမှား စေနိုင်သော ယုတ္တိမတန်သည့် အကြောင်းအရာများ ဖော်ပြခြင်း မပြုရန်၊ အရက်နှင့် ဆေးလိပ်ကြော်ငြာများ ထည့်သွင်း ဖော်ပြခြင်းမပြုရန်၊ အရွယ် မရောက် သေးသော ကလေးသူငယ် တဦးဦး ပြစ်မှု ကျူးလွန်သည့် သတင်းဓာတ်ပုံများ ရေးသား ဖော်ပြခြင်းမပြုရန်၊ အများပြည်သူ အထိတ်တလန့် ဖြစ်စေမည့် သတင်းနှင့် ဓာတ်ပုံများ ဖော်ပြခြင်း မပြုရန်၊ ထေရ၀ါဒ ဗုဒ္ဓဘာသာ၏ အသုံးအနှုန်း ဝေါဟာရများကို တခြား ဘာသာရေး ဆိုင်ရာ စာပေများတွင် ထည့်သွင်း အသုံးပြု ရေးသားခြင်း မပြုရန် ဆိုသော အချက်များကို လိုက်နာရမည် ဖြစ်သည်။
အထွေထွေ လိုက်နာမည့် အချက်များတွင် ဌာနဆိုင်ရာလုပ်ငန်းများ၊ ပုဂ္ဂလိက လုပ်ငန်းများ၏ အားနည်းချက် များအား ထောက်ပြ ဝေဖန်ရာတွင် အချိန်၊ နေရာ၊ အဖွဲ့အစည်း အမည် စသည်ဖြင့် သတင်း အရင်းအမြစ်နှင့် အထောက်အထား ခိုင်လုံစွာ ရေးသားဖော်ပြရမည်၊ သတင်းခေါင်းစည်း၊ စာအုပ်အမည်များ ရေးသားရာတွင် နိုင်ငံခြား ဘာသာဖြင့် ရေးသားဖော်ပြခြင်းထက် မြန်မာ ဘာသာဖြင့် တတ်နိုင်သမျှ ဆီလျှော်အောင် ပြန်ဆိုရေးသား ရမည်ဆိုသော
အချက်များ ပါဝင်သည်။
လတ်တလော နိုင်ငံရေးနှင့် ဘာသာရေး သတင်းနှင့်စာပေ အမျိုးအစားများကို ထုတ်/ တင် စနစ် ခွင့်ပြုလိုက်ခြင်းမှာ ပြန်ကြားရေး ၀န်ကြီးဌာနက အဆင့်ဆင့် ပြောင်းလဲလာသော မူဝါဒကြောင့်သာ ဖြစ်ပြီး တခြား မည်သည့်အကြောင်း ကြောင့်မျှ မဟုတ်ကြောင်း၊ ထုတ်/ တင် စနစ် ထုတ်ဝေရမည် ဖြစ်သော်လည်း ၁၉၆၂ ခုနှစ် ပုံနှိပ် အက်ဥပဒေမှာ ဆက်လက် အကျုံးဝင်နေဆဲ ဖြစ်ကြောင်း ဦးတင့်ဆွေက ရှင်းပြသည်။
မီဒီယာဥပဒေကိုလည်း နိုင်ငံတော်သမ္မတရုံးသို့ သြဂုတ်လ ၇ ရက်နေ့က တင်ပြထားပြီး အစိုးရ အဖွဲ့၏ အတည်ပြုချက် ရရှိပါက မကြာမီ လွှတ်တော်သို့ တင်ပြသွားတော့မည် ဖြစ်ကြောင်း သူက ဆိုသည်။
ထုတ်/ တင်စနစ် ပြောင်းလဲကျင့်သုံးခြင်းကို ပြည်တွင်း စာနယ်ဇင်းသမားများက ကြိုဆိုကြသော်လည်း လတ်တလော မီဒီယာ ဥပဒေမှာ သတင်း သမားများ မသိရှိရဘဲ ရေးဆွဲထားခြင်း ဖြစ်ကြောင်း၊ အရေးကြီးသည့် မီဒီယာဥပဒေ မည်သို့ ထွက်ရှိ လာမည်ကို မသိရသည့် အတွက် ယခု ထုတ်/ တင်စနစ် ပြောင်းလဲလိုက်ခြင်းအပေါ် အပြည့်အဝ ဝမ်းမသာနိုင်သေးကြောင်း၊ သတင်းဂျာနယ်များ အနေဖြင့် ပိုမို သတိထားကာ ကျင့်ဝတ်နှင့် အညီ ဆောင်ရွက်ကြရမည်ဖြစ်ကြောင်း ပြောဆိုကြသည်။
မြန်မာနိုင်ငံတွင် သတင်းလွတ်လပ်ခွင့် အပြည့်အဝ မရရှိသေးသည့် အတွက် ပြည်တွင်း သတင်းသမားများ ပါဝင် ဖွဲ့စည်း ထားသော သတင်း လွတ်လပ်ခွင့် ကော်မတီက လာမည့် သြဂုတ်လ ၂၁ ရက်နေ့တွင် ဥပဒေနှင့်အညီ တရားဝင် ဆန္ဒပြခွင့် စတင် လျှောက်ထားမည် ဖြစ်ကြောင်း သိရသည်။
စာပေစိစစ် ဖြတ်တောက်မှုများ မရှိတော့သော်လည်း သတင်းသမား အတွက် ပိုမို တာဝန် ကြီးလာကြောင်း၊ သတင်း လွတ်လပ်ခွင့် အပြည့်အဝ မရသေးသောကြောင့် ဆန္ဒဆက်လက် ထုတ်ဖော်ရဦးမည် ဖြစ်ကြောင်း သတင်း လွတ်လပ်ခွင့် ကော်မတီက ဆိုသည်။
Ref: ဧရာဝတီ
ဧရာဝတီတိုင်း ရေကြီးမှုအခြေအနေ ဆိုးရွား
မေစစ်ပိုင်
August 20, 2012
ဧရာဝတီတိုင်းဒေသကြီးတွင် သြဂုတ် ၃ ရက်မှ စတင်ကာ မိုးအဆက်မပြတ် ရွာသွန်း ခဲ့ခြင်းကြောင့် ဧရာဝတီမြစ်၊ ဒါးကမြစ်၊ င၀န်မြစ် စသည့်မြစ်များမှ မြစ်ရေကြီးပြီး ကျေးရွာ ၈၀၀ နီးပါးနှင့် မိုးစပါး ဧက ၂ သိန်းနီးပါး ရေမြုပ်နေကြောင်း သိရသည်။
လက်ရှိတွင် တိုင်းဒေသကြီးအတွင်းရှိ မြို့နယ်ပေါင်း ၂၁ မြို့နယ်မှ ရပ်ကွက် ၂၇ ခု နှင့် ကျေးရွာအုပ်စု ၇၉၈ ရွာတို့ ရေ နစ်မြုပ်ကာ လူဦးရေ ၆၄၄၀၀ ဦး အိုးမဲ့ အိမ်မဲ့ ဖြစ်နေကြောင်း၊ စိုက်ပျိုးထားသော မိုးစပါး ဧက ၁၉၉၈၇၀ ကျော် ရေနစ်မြုပ်ရာ လုံးပျက်စီး ဆုံးရှုံးရသည့် စပါးခင်းပေါင်းမှာ သြဂုတ်၂၀ ရက်အထိ ဧက ၅၅၀၀၀ ကျော် ရှိနေကြောင်း ဧရာဝတီတိုင်းဒေသကြီး ၀န်ကြီးချုပ် ဦးသိန်းအောင်က ဧရာဝတီသို့ ပြောသည်။
ရေနစ်မြုပ်ရာတွင် ကန်ကြီးထောင့်မြို့နယ်၊ သာပေါင်း၊ ကျောင်းကုန်း၊ ရေကြည်၊ ကျုံပျော်၊ ဓနုဖြူနှင့် ပန်းတနော် မြို့နယ်တို့မှာ ထိခိုက် ပျက်စီး ဆုံးရှုံးမှု အများဆုံးဖြစ်ကြောင်း သိရသည်။
“စပါးစိုက်ပျိုးရေးကတော့ အတိုင်းအတာတခုအထိ ထိခိုက်နေတယ်။ ရေပြန်ကျရင်တော့ နောက်ကျ စပါးကို တဆင့်ပြန်ဝယ်ပြီး စိုက်နိုင်အောင် စီစဉ်ထားတယ်။ ဒီနှစ်မှာ ရေဘေးနဲ့ လေဘေး လာနိုင်တယ်လို့ မိုးလေ၀သပညာရှင်တွေက ခန့်မှန်းတာကြောင့် အားလုံး ကြိုတင်ပြင်ဆင် ထားကြတယ်” ဟု တိုင်းဒေကြီးဝန်ကြီးချုပ် ဦးသိန်းအောင်က ပြောသည်။
နာဂစ်ဆိုင်ကလုန်း မုန်တိုင်းတိုက်စဉ်က ပျက်စီးမှုအများဆုံးဖြစ်ခဲ့သည့် ငပုတော၊ လပွတ္တာ၊ ဘိုကလေးနှင့် မော်လမြိုင် ကျွန်း မြို့များတွင် ရေကြီးခြင်းနှင့် မုန်တိုင်းဖြစ်ပေါ် လာခဲ့ပါက အထိအခိုက် နည်းစေရန် ကြိုတင်လေ့ကျင့်မှုများ ပြုလုပ်လျက် ရှိကြောင်း သိရသည်။
မိုးရေကြီးမှုသည် ယမန်နှစ်ကနှင့် နှိုင်းယှဉ်ပါက ပိုမိုကြီးမားသည့် အခြေအနေတွင် ရှိနေပြီး ပြည်တွင်း မိုးလေ၀သ ပညာရှင် များက မိုးနှောင်းပိုင်း ကာလတွင် မိုးကြီးမှု ပိုမိုနိုင်သည်ဟု ခန့်မှန်းထားသည့် အတွက် ဒေသခံများ အနေဖြင့် စိုးရိမ်မှုများ ရှိနေကြောင်း၊ ပစ္စည်းများ အသင့် ထုပ်ပိုးကာ နေရပ်အိ်ုးအိမ်မှ ခွာနိုင်ရန် အဆင်သင့်ပြင်ထားကြကြောင်းလည်း သိရှိရသည်။
ဧရာဝတီတိုင်းဒေသကြီး မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ တိုင်းမန်နေဂျာ ဦးအောင်မြင့်ကြည်က “မိုးနှောင်း ကာလမှာ မိုးရေ တတ်နိုင်တယ်လို့ ယူဆတယ်၊ ရေကြီးတာကို ကြိုတင်ခန့်မှန်းပြီး သတင်းကို ဒေသခံတွေ အတွက် အချိန်မီပေးမယ်၊ ပေါင်းစပ်ဆောင်ရွက်မယ်” ဟု ဆိုသည်။
ယင်းတိုင်းဒေသကြီးအတွင်း ရေထိန်းတာကြီး ရှစ်ခုရှိပြီး ယင်းတို့ကိုလည်း မကျိုးပေါက်အောင် သက်ဆိုင်ရာက ထိန်းသိမ်းလျက် ရှိကြောင်း၊ ယင်းတာကြီးများသာ ရေကြီးမှုကြောင့် ကျိုးပေါက်ခဲ့ပါက ဒေသတွင်း ရေကြီးနေမှု အခြေအနေများမှာ လုံးဝ ထိန်းသိမ်း မရသည့် အခြေအနေတွင် ရောက်ရှိနိုင်ကြောင်း သိရသည်။
“ရေမြုပ်နေတာ တလလောက်ရှိပေမယ့် ကယ်ဆယ်ရေးက တနေ့က လာတယ်၊ အဲဒီတခေါက်ပဲ။ ရေဘေး ကြုံနေတာတော့ လူဦးရေ ၄ ထောင်လောက် ရှိနေပြီ။ တချို့ကတော့ အိမ်ပစ်ပြီး ဒုက္ခသည်စခန်းမှာ သွားနေတယ်” ဟု ဒါးကမြို့ဒေသခံ ကိုသန်းစိုးက ပြောသည်။
ကြိမ်ချောင်းကျေးရွာ ဒေသခံ ကိုမင်းနိုင်ကလည်း “ကျနော်တို့ရွာမှာတော့ ကယ်ဆယ်ရေးကို မျှော်နေ ကြတုန်းပဲ။ ဘယ်ကမှ မလာသေးဘူး။ ရေနစ်ကုန်တဲ့ အိမ်တွေကတော့ အဝေးပြေး လမ်းမ ကြီးရဲ့ဘေးမှာ တဲတွေထိုးပြီး နေကြတယ်” ဟု ဆိုသည်။
ရေနစ်မြုပ်မှုများကြောင့် လက်ရှိအချိန်အထိ လူသေဆုံးမှု လုံးဝမရှိသေးကြောင်း တိုင်းဒေသကြီး အစိုးရ အဖွဲ့ထံမှ သိရသည်။
မိုးသည်းထန်စွာ ရွာသွန်းခြင်းနှင့် ရေကြီးခြင်းကြောင့် ဧရာဝတီတိုင်းဒေသကြီး အတွင်း မြို့နယ် ၁၃ မြို့နယ်မှ အခြေခံပညာကျောင်းပေါင်း ၄၈၇ ကျောင်းမှာ ပညာသင်ကြားမှု ယာယီ ရပ်ဆိုင်းထားပြီး ရေပြန်ကျမှသာ အစားထိုး အစီအစဉ်ဖြင့် သင်ကြားနိုင်ရန် စီစဉ် ထားသည်ဟု ဧရာဝတီတိုင်းဒေသကြီး အစိုးရ အဖွဲ့ရုံးမှ အတွင်းရေးမှူး ဦးစိုးအောင်က ပြောသည်။
မြန်မာနိုင်ငံ၏ ဆန်အိုးကြီးဟု တင်စားကြသည့် ဧရာဝတီတိုင်းဒေသကြီးတွင် မိုးစပါးစိုက်ဧက ငါးသောင်းကျော် လုံးဝ ပျက်စီးနေပြီး တသိန်းကျော် ရေနစ်မြုပ်နေသော်လည်း နိုင်ငံတော် အရန်ဆန် ပမာဏ လုံလောက်နေသောကြောင့် ပြည်တွင်းဆန်ဈေးကွက်သို့ လုံးဝထိခိုက်မှု မရှိနိုင်ကြောင်း ဆန်စပါး လုပ်ငန်းရှင်တဦးဖြစ်သူ ဦးကျော်ဝင်းက ဆိုသည်။
လက်ရှိတွင် ရေဘေးဒုက္ခသည်များအတွက် ပုသိမ်မြို့နယ်တွင် ကယ်ဆယ်ရေး စခန်း ၃၄ ခု၊ ကန်ကြီးထောင့် မြို့နယ်တွင် ကယ်ဆယ်ရေး စခန်း ၉ ခု၊ သာပေါင်းမြို့နယ်တွင် ကယ်ဆယ်ရေးစခန်း ၅၉ခု၊ ကျောင်းကုန်းမြို့နယ်တွင် ကယ်ဆယ်ရေး စခန်း ၅၂ ခု၊ ရေကြည်မြို့နယ်တွင် ကယ်ဆယ်ရေး စခန်း ၃၂ ခု၊ ဓနုဖြူမြို့နယ်တွင် ကယ်ဆယ်ရေးစခန်း ၁၄ ခု၊ ပန်းတနော် မြို့နယ်တွင် ကယ်ဆယ်ရေး စခန်း ၁၀ ခုနှင့် ကျုံပျော်မြို့နယ်တွင် ကယ်ဆယ်ရေး စခန်း ၁ ခုတို့ ဖွင့်လှစ်ကာ ဆောင်ရွက်လျက် ရှိကြောင်း သိရသည်။
Ref: ဧရာဝတီ
ရခိုင်ဒေသ ပဋိပက္ခ စုံစမ်းရေးကော်မရှင် ပထမအကြိမ် စည်းဝေး
လင်းသန့်| August 20, 2012
ကချင်ပြည် လွတ်လပ်ရေးအဖွဲ့(KIO) နှင့် အစိုးရအကြား ငြိမ်းချမ်းရေးဆွေးနွေးရန် အခက်အခဲဖြစ်နေရခြင်းမှာ အစိုးရ စစ်တပ် ဘက် မှ ခေါင်းမာနေသည့် အတွက် ဖြစ်ကြောင်း ဧရာဝတီက စုံစမ်းသိရှိရသည်။
ငြိမ်းချမ်းရေး စကားဝိုင်းများ နှင့် နီးစပ်သည့် သတင်းရပ်ကွက်များ၏ အဆိုအရ KIO နှင့် အစိုးရ တပ်များ အကြား တနှစ်ကျော် အကြာ ဖြစ်ပွားနေသော တိုက်ပွဲများကို အဆုံးသတ်နိုင်ရေး KIO ဘက်က လိုလားမှု ရှိသကဲ့သို့ ဝန်ကြီး ဦးအောင်မင်း ဦးဆောင်သော ငြိမ်းချမ်းရေး အဖွဲ့က ကြိုးပမ်းနေသော်လည်း အစိုးရ တပ်များက တိုက်ပွဲများ လျှော့ချရေးနှင့် တပ်နေရာများ ဆုတ်ခွာပေးရေးကို လက် မခံဘဲ ခေါင်းမာနေသဖြင့် စေ့စပ်ညှိနှိုင်းရန် မလွယ်ကူဘဲဖြစ်နေရကြောင်း သိရသည်။
အစိုးရငြိမ်းချမ်းရေးအဖွဲ့ အနေဖြင့် KIO နှင့် ငြိမ်းချမ်းရေး လုပ်ဆောင်နိုင်ရန်အတွက် အစိုးရ တပ်ဘက်မှ သဘောတူ လိုက်ပါဆောင် ရွက်နိုင်ရေး အချိန် ယူရဦးမည်ဖြစ်ပြီး ယင်းကာလကိုလည်း ပြောဆိုနိုင်ခြင်း မရှိသေးကြောင်း ကချင် ငြိမ်းချမ်းရေး စေ့စပ်ဆွေးနွေး ဝိုင်းများနှင့် နီးစပ်သည့် သတင်းရပ်ကွက်များက ဆိုသည်။
ယခင်လပိုင်းက ကချင်ပြည်လွတ်လပ်ရေး တပ်မတော်(KIA) ဒု စစ်ဦးစီးချုပ် ဗိုလ်မှူးချုပ် ဂွမ်မော်နှင့် အစိုးရ ဒု တပ်မတော် ကာကွယ် ရေး ဦးစီးချုပ် ဗိုလ်ချုပ်ကြီး စိုးဝင်း ဦးဆောင်သော နှစ်ဘက် ကိုယ်စားလှယ်များသည် စစ်ရေးကိစ္စများ ပြေလည်ရေး အတွက် တွေ့ဆုံ ဆွေးနွေးကြရန် အစီအစဉ် ရှိသော်လည်း ဆုံရပ်ရွေးချယ်မှု နှစ်ဘက် သဘောမတူဟု ဆိုကာ အလှမ်းဝေးခဲ့ရပြန်သည်။
အစိုးရဘက်ကလည်း အဆင့်မြင့်အရာရှိများ ပါမည်ဖြစ်သောကြောင့် အစိုးရထိန်းချုပ်ရာ နယ်မြေ အတွင်း၌ တွေ့ဆုံကြရန် လိုလား နေပြီး နေ့စဉ်တိုက်ပွဲများ ဖြစ်ပွားနေကာ နယ်မြေတွင်း မတည်ငြိမ်မှု များကြောင့် KIO က တရုတ်-မြန်မာ နယ်စပ် ရွှေလီမြို့တွင် တွေ့ဆုံကြရန် အဆိုပြု ထားခြင်းကို ညှိနှိုင်းမရဘဲ ဖြစ်နေကြသည်။
KIO က တွေ့ဆုံဆွေးနွေးရေး အခြေအနေကို မကြာခဏမေးမြန်းလာကြောင်း၊ သို့သော် အစိုးရဘက်မှ အခြေအနေ တုံ့ပြန် နိုင်ခြင်း မရှိသေးကြောင်း ကချင်ပြည်နယ် ငြိမ်းချမ်းရေး အကျိုးတော်ဆောင် အဖွဲ့ PCG ၏ အကျိုးတော်ဆောင်တဦး ဖြစ်သူ ဦးဆန်းအောင် က ဧရာဝတီသို့ ပြောပြသည်။
“KIO ဘက်ကတော့ ဘယ်လိုလဲ၊ ဘယ်တော့လဲ၊ ဒုသမ္မတ လာမယ်ဆိုတာရော လာမှာလား၊ အစိုးရ ဘက်က သဘောထား ကရော ဘယ်လိုလဲ၊ ဘာပြောလဲဆိုတာ မေးမေး နေတယ်၊ အစိုးရဘက်ကတော့ မနေ့ကမေးကြည့်တော့ ဘာမှ မသိသေးဘူးလို့ ပြောနေ တယ်။ ဝန်ကြီးဌာန အပြောင်းအလဲ လုပ်ပြီးမှပဲ ဖြစ်မယ် ထင်တယ်လို့ ပြောတာပဲ”ဟု ဦးဆန်းအောင် က ဆိုသည်။
အစိုးရငြိမ်းချမ်းရေးအဖွဲ့၊ သမ္မတ ရုံး အဖွဲ့တို့ကို KIO နှင့် ငြိမ်းချမ်းရေးဆွေးနွေးနိုင်မည့် အခြေအနေများ ဆက်သွယ်မေးမြန်း ရာတွင် တိကျသော အဖြေကို မရရှိကြောင်း၊ သို့သော် ယခုရက်ပိုင်း အတွင်း မန္တလေးမှ မြစ်ကြီးနားသို့ လာသော ရထားဖြင့် နေ့စဉ် အစိုးရ တပ်များ လိုက်ပါလာနေသည်ကို တွေ့မြင်ရကြောင်း ထို့ကြောင့် နှစ်ဘက် စေ့စပ်ဆွေးနွေးရေး အခြေအနေကို မှန်းဆရခက်ကြောင်း သူက ဆက်ပြောသည်။
ယခုရက်ပိုင်းအတွင်း KIO တပ်မဟာများဖြစ်သော ၁၊ ၂၊ ၃ နှင့် ၅ တို့အနီး ခြေကုတ် ယူထားသည့် အစိုးရ တပ်စခန်းများ တွင် အစိုးရ တပ်များက တပ်အင်အား၊ လက်နက်ခဲယမ်းနှင့် ရိက္ခာများကို ရေကြောင်း၊ ကုန်းကြောင်းများမှတဆင့် ဖြည့်တင်းမှုများ ပြုလုပ်နေ သည်ကို စစ်မြေပြင် သတင်းပို့ချက်များရောက်ရှိနေကြောင်း KIO ပြောရေးဆိုခွင့်ရှိသူ ဦးလနန် က ပြောသည်။
“သူတို့က လူတွေထင်သာမြင်သာ ရှိအောင် အလုံးအရင်းနဲ့ တက်လာတာတော့ မရှိဘူး၊ တခါ တက်လာရင် ၁၀၀၊ ၂၀၀ လောက် ပဲ၊ အထူးသဖြင့် ဗန်းမော် ရေလမ်းကြောင်းနဲ့ မြစ်ကြီးနား ရထားလမ်းကြောင်းပေါ့၊ သူတို့ တပ်တွေတိုးလာတာတွေပဲ ရှိတယ်၊ လျော့ သွားတာမရှိဘူး၊ ဒီမှာကလည်း တိုက်ပွဲတွေကနေ့စဉ် ရက်ဆက် နေရာတိုင်းမှာလိုဖြစ်နေတယ်”ဟု ဦးလနန် က ဧရာဝတီသို့ ပြော သည်။
ယနေ့ နံနက် ၇ နာရီခန့်က KIO တပ်မဟာ (၁) နယ်မြေရှိ ရှေ့တန်း တပ်စခန်းတခုအား အစိုးရ ခြေလျင် တပ်ရင်း (ခလရ) ၇၇ နှင့် ၄၇ တို့က စခန်းသိမ်းရန် ထိုးစစ်ဆင်ရာတွင် တိုက်ပွဲအပြင်းထန်ဖြစ်ပွားခဲ့ကြောင်း၊ ထိုစခန်းကို လက်လွှတ်လိုက်ရခြင်းမရှိသော် လည်း တိုက်ပွဲကြောင့် ၎င်းတို့ဘက်မှ ၂ ဦးဒဏ်ရာရရှိပြီး အစိုးရတပ်မှ ၂ ဦးသေဆုံးကာ ၁၀ ဦးကျော် ဒဏ်ရာရရှိသွားကြောင်း သေ ဆုံးသူ ရုပ်အလောင်းများကို ကောင်းမွန်စွာ သင်္ဂြိုဟ် ပေးခဲ့ကြောင်း စစ်မြေပြင်သတင်းများကို ကိုးကား၍ ဦးလနန်က ပြောသည်။
အစိုးရနှင့် KIO ကြား ငြိမ်းချမ်းရေးဆွေးနွေးရန် ၂၀၁၁ နိုဝင်ဘာ၊ ၂၀၁၂ ဇန်န၀ါရီ နှင့် မတ်လတို့တွင် ရွှေလီမြို့၌ တွေ့ဆုံခဲ့ကြ သော် လည်း ရေရာသည့် သဘောတူညီချက် တစုံတရာမရရှိသေးဘဲ ရှိနေသည်။ ထိုတွေ့ဆုံပွဲများတွင်လည်း ဒေသတွင်း တိုက် ခိုက် ရေး ဘက်မှ အရေးပါသော မြောက်ပိုင်းတိုင်း စစ်ဌာနချုပ် တိုင်းမှူးမှာ ကိုယ်တိုင်တက်ရောက်ခြင်းမရှိကြောင်း KIO က ပြောသည်။
KIO နှင့် အစိုးရတပ်များအကြား ၂၀၁၁ ခုနှစ် ဇွန်လပိုင်းမှစတင်ကာ ကချင်ပြည်နယ်အတွင်း တိုက်ပွဲများ တနှစ်ကျော်ကြာ အထိ ဖြစ် ပွားလျက်ရှိရာ ဒေသခံ ၅ သောင်းကျော် အိုးအိမ်တောင်ယာများကို စွန့်ခွာ၍ တရုတ်-မြန်မာနယ်စပ် ဒုက္ခသည် စခန်းများတွင် ခိုလှုံနေကြသည်။
ထို့အတူ မိုးညှင်းခရိုင်တွင်လည်း ကူညီရေးစခန်းများ၊ မြို့ပေါ်များ၊ နယ်စပ်ဒေသများနှင့် အလှမ်းဝေးသည့် တောတောင်များအ တွင်း ပုန်းအောင်းနေရသော ဒုက္ခသည် ၂၀၀၀ ခန့်ရှိကြောင်း၊ ဗန်းမော်နှင့် ရွှေလီ မြစ်အကြားရှိ တောင်ကြောများတွင်လည်း ယင်းသို့ ဒုက္ခသည် ၁၅၀၀ ကျော် ခိုလှုံနေရကြောင်း ကချင်ဒုက္ခသည် စခန်းများ ကော်မတီက ပြောဆိုထားသည်။
ယခုနှစ်ဆန်းပိုင်းက KIO အား တိုက်ခိုက်နေမှုများ ရပ်တန့်ရန် ကာကွယ်ရေး ဝန်ကြီးဌာနကို သမ္မတ ဦးသိန်းစိန်က ညွှန်ကြား ခဲ့သော်လည်း ထိုးစစ်ဆင် တိုက်ခိုက်နေဆဲ ဖြစ်သည်။
Ref: ဧရာဝတီ
ထိုးစစ်များ ရပ်တန့်ရန် တိုင်းရင်းသား ညီနောင်ပါတီများ တိုက်တွန်း
ကွန်းချမ်း
တနင်္လာနေ့၊ သြဂုတ်လ ၂၀ ရက် ၂၀၁၂
စံခလပူရီ (မဇ္ဈိမ) ။ ။ ပြည်တွင်း ငြိမ်းချမ်းရေး အတွက် ထိုးစစ်ဆင်မှုများ ရပ်တန့်ရန် နိုင်ငံတော် သမ္မတ၏ အမိန့် ညွှန်ကြားချက်ကို တပ်မတော်မှ လေးစား လိုက်နာသင့်ကြောင်း တိုင်းရင်းသား ညီနောင် ၆ ပါတီက တိုက်တွန်း လိုက်သည်။
ရန်ကုန်မြို့ရှိ ရှမ်းတိုင်းသားများ ဒီမိုကရက်တစ်ပါတီ SNDP ရုံးတွင် တနင်္ဂနွေနေ့က ကျင်းပသည့် ညီနောင် တိုင်းရင်းသား ပါတီများ (Nationality Brotherhood Fဝrum) ၏ ပုံမှန် အစည်းအဝေးမှ တိုင်းရင်းသားဒေသ များတွင် ဖြစ်ပွားနေသည့် စစ်ပွဲများကို ထောက်ပြ ပြောဆိုလိုက်ခြင်း ဖြစ်သည်။
“ကျနော်တို့ သိထားသလောက်တော့ သမ္မတ က ညွှန်ကြားချက် ပေးထားတာ။ ဒါပေမယ့် အပေါ်က သိထားတဲ့ အနေ အထားနဲ့ အောက်ခြေမှာ မြေပြင်မှာ ဖြစ်တဲ့ အနေအထား တွေဟာ ကွာဟမှု နည်းနည်း ရှိတယ်ခင်ဗျ။ KIA မှာလည်း ဖြစ်၊ တခြား ကျနော်တို့ ဒေသမှာလည်း အောက်ခြေမှာ အခြေအနေတွေက မတည်ငြိမ်ဘူး” ဟု ဖလုံ စဝေါ် ဒီမိုကရက်တစ်ပါတီမှ ဗဟိုကော်မတီဝင် စောသန်းမြင့် က ပြောသည်။
လတ်တလောတွင် ကချင်ပြည်နယ်၊ ရှမ်းပြည်နယ်နှင့် ကရင်ပြည်နယ်ရှိ ဒေသအချို့တွင် အစိုးရ တပ်မှ ထိုးစစ် ဆင်ခြင်း၊ တပ်အင်အား ဖြည့်တင်းခြင်းများ ရှိနေပြီး ရပ်တန့်နိုင်ခြင်း မရှိပါက စစ်မှန်သည့် ငြိမ်းချမ်းရေး ရရှိရန် လွယ်ကူမည် မဟုတ်ဟု သူက ပြောသည်။
လက်ရှိတွင် နိုင်ငံတော် အစိုးရက တိုင်းရင်းသား လက်နက်ကိုင် အဖွဲ့ ၁ဝ ဖွဲ့နှင့် အပစ်အခတ် ရပ်စဲနိုင်ပြီး ဖြစ်သော်လည်း ငြိမ်းချမ်းရေး ရပြီဟု မဆိုနိုင်ကြောင်းကို သြဂုတ်လ ၁၂ ရက်နေ့တွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဥက္ကဋ္ဌ၊ နိုင်ငံတော် ဒုသမ္မတ ဒေါက်တာ စိုင်းမောက်ခမ်း က ပြောသည်။
“ငြိမ်းချမ်းရေး ဖော်ဆောင်နိုင်ရေးတွင် နှစ်ဦးနှစ်ဖက် တွေ့ဆုံလက်မှတ် ရေးထိုးပြီးရုံမျှနှင့် ငြိမ်းချမ်းရေး ရပြီဟု မဆိုနိုင်။ ထိလွယ် ရှလွယ်သော အခြေအနေ ဖြစ်၍ အခန့်မသင့်ရင် အချိန်မရွေး နောက်ဆုတ် ပျက်စီး သွားနိုင်ပါတယ်” ဟု ၎င်း၏ ပြောကြားချက်ကို သမ္မတရုံး အင်တာနက် စာမျက်နှာတွင် ဖော်ပြထားသည်။
ညီနောင် ၆ ပါတီ၏ ၁၁ ကြိမ်မြောက် သဘောထား ကြေညာချက်တွင် “နိုင်ငံတော်မှ မကြာမီ ကောက်ယူမည့် သန်းခေါင် စာရင်းတွင် သက်ဆိုင်ရာ တိုင်းရင်းသား အမည်ရင်း၊ လူမျိုး၊ ကိုးကွယ်သည့် ဘာသာတို့ကို မှန်ကန်စွာ ထည့်သွင်းဖော်ပြရန်” စသည် တို့ကိုလည်း တိုက်တွန်း ထားသည်။
မြန်မာနိုင်ငံရှိ တိုင်းရင်းသားများအနက် အချို့သည် သန်းခေါင်စာရင်းတွင်လည်းကောင်း၊ မှတ်ပုံတင် တွင်လည်းကောင်း မိမိတို့၏ လူမျိုး အမည်များကို ဖော်ပြခြင်း မခံကြရသည့်အတွက် နစ်နာမှုများလည်း ရှိကြောင်း မွန်ဒေသလုံး ဆိုင်ရာ ဒီမိုကရေစီ ပါတီမှ ဒေါက်တာ ဗညားအောင်မိုး က ပြောသည်။
သာဓက အဖြစ် ရန်ကုန်တိုင်း၌ မွန်လူမျိုး တသိန်းခန့် နေထိုင်ကြသည်ဟု မွန် ဒေသလုံး ဆိုင်ရာ ဒီမိုကရေစီ ပါတီက ခန့်မှန်းထားသည့် အတွက် ၂ဝ၁ဝ ရွေးကောက်ပွဲတွင် မွန်တိုင်းရင်းသား လူမျိုးရေးရာ ကိုယ်စားလှယ် ရရှိလိမ့်မည်ဟု မျှော်မှန်း ထားသော်လည်း နိုင်ငံတော်ရှိ သတ်မှတ် လူဦးရေ (ဝ.၁) ရာခိုင်နှုန်း ဖြစ်သည့် ၅၇,ဝဝဝ ဦး မပြည့်မီသည့် အတွက် ကိုယ်စားလှယ် တင်သွင်းခွင့် မရရှိခဲ့ကြောင်း ထောက်ပြသည်။
၎င်းပြင် ဌာနဆိုင်ရာ ဝန်ထမ်းများ ခန့်ထား ပြောင်းရွှေ့ခြင်းနှင့် ရာထူးတိုးမြှင့်ခြင်း ပြုရာတွင် ဒေသခံ တိုင်းရင်းသား များကို ဦးစားပေး ခန့်ထားရန်နှင့် အနာဂတ် ရွေးကောက်ပွဲတွင် အချိုးကျ ကိုယ်စားပြုစနစ် ကျင့်သုံးပါက တိုင်းရင်းသား တို့၏ အခွင့်အရေး ဆုံးရှုံးနစ်နာမှု မရှိအောင် ဆောင်ရွက်ရန် တိုက်တွန်းထားပြီး သက်ဆိုင်ရာ တိုင်းရင်းသား ဘာသာ စာပေဖြင့် သတင်းစာ၊ ဂျာနယ်များ ထုတ်ဝေရန်လည်း ညီနောင် ၆ ပါတီက သဘောတူခဲ့ကြသည်။
ညီနောင်ပါတီ အစည်းအဝေးသို့ အဖွဲ့ဝင်များ ဖြစ်သည့် ချင်းအမျိုးသားပါတီ၊ မွန် ဒေသလုံး ဆိုင်ရာ ဒီမိုကရေစီ ပါတီ၊ ဖလုံ-စဝေါ် ဒီမိုကရက်တစ် ပါတီ၊ ရှမ်းတိုင်းရင်းသားများ ဒီမိုကရက်တစ် ပါတီ၊ ရခိုင် တိုင်းရင်းသားများ တိုးတက်ရေးပါတီ၊ ကယန်း အမျိုးသား ပါတီနှင့် လေ့လာသူများ အဖြစ် အင်းအမျိုးသား ဖွံဖြိုး တိုးတက်ရေး ပါတီ၊ ဓနုတိုင်းရင်းသား လူမျိုးများ ဒီမိုကရေစီပါတီ၊ အရှို ချင်းအမျိုးသား ပါတီနှင့် တိုင်းလိုင် (ရှမ်းနီ) အမျိုးသား ဖွံ့ဖြိုး တိုးတက်ရေး ပါတီတို့က တက်ရောက် ကြသည်။
Nationality Brotherhood Fဝrum ကို လွှတ်တော်ခေါ်စအချိန်က ၂ဝ၁ဝ ရွေးကောက်ပွဲဝင် တိုင်းရင်းသား ညီနောင် ၅ ပါတီနှင့် စတင် ဖွဲ့စည်းခဲ့ပြီး ကယန်း အမျိုးသား ပါတီက ထပ်မံပူးပေါင်းခဲ့သည်။ ၎င်းတွင် ရှမ်းတိုင်းရင်း သားများ ဒီမိုကရက်တစ် ပါတီမှ အမတ်နေရာ ၅၇ ဦး၊ ရခိုင် တိုင်းရင်းသားများ တိုးတက်ရေး ပါတီ ၃၅ ဦး၊ မွန်ဒေသလုံးဆိုင်ရာ ဒီမိုကရေစီပါတီ ၁၆ ဦး၊ ချင်းအမျိုးသား ပါတီ ၁ဝ ဦး၊ ဖလုံ-စဝေါ် ဒီမိုကရက်တစ် ပါတီ ကိုးဦးနှင့် ကယန်း အမျိုးသား ပါတီက နှစ်ဦး အနိုင်ရရှိထားသဖြင့် စုစုပေါင်း အမတ်ဦးရေ ၁၂၉ ဦး အင်အားရှိသည့် အစုအဖွဲ့ ဖြစ်သည်။
Ref: မဇ္ဈိမ
မြန်မာပြည် မြောက်ပိုင်း စစ်ရေး အခြေအနေ ပိုမိုပြင်းထန် တင်းမာလာ
ဟင်္သာနီ (မွန်မြေ)
တနင်္လာနေ့၊ သြဂုတ်လ ၂၀ ရက် ၂၀၁၂
စံခလပူရီ (မဇ္ဈိမ) ။ ။ မြန်မာနိုင်ငံတောင်ပိုင်းရှိ အပစ်ရပ် အဖွဲ့များ အစိုးရနှင့် ငြိမ်းချမ်းရေး တွေ့ဆုံ ဆွေးနွေးရန် အစီအစဉ်များ ချမှတ်ကာ ငြိမ်းချမ်းရေး ဖော်ဆောင်နေကြ သော်လည်း မြောက်ပိုင်း ဒေသရှိ စစ်ရေး အခြေအနေမှာ စိုးရိမ်စရာ အနေအထား၌ ရှိနေဆဲ ဖြစ်သည်။
ကချင် လွတ်လပ်ရေး အဖွဲ့ KIO တပ်မဟာ (၁) (ပန်းဝါ) ဌာနချုပ် စခန်းသို့ တနင်္လာနေ့ နံနက်ပိုင်း၌ အစိုးရ တပ်မှ စခန်းသိမ်း တိုက်ပွဲ ဆင်နွှဲခဲ့သော်လည်း မသိမ်းပိုက် နိုင်ခဲ့ဘဲ ပြန်လည် ဆုတ်ခွာ သွားကြသည်ဟု KIO အတွင်းရေးမှူး ဦးလနန် က ပြောသည်။
“ဒီနေ့ တိုက်ပွဲကတော့ ပြင်းထန်တယ်လို့ ပြောရမယ် ၂ နာရီလောက် အပြင်းအထန် တိုက်ပွဲ ဖြစ်တယ်။ အစိုးရတပ်က အလောင်း နှစ်လောင်း ကျနော်တို့ ရရှိတယ်။ အထိအခိုက် တော်တော် များတယ်။ သူတို့ ပြန်ဆုတ် သွားတယ်။ စခန်းကို
တော့ မသိမ်းနိုင်ခဲ့ပါဘူး” ဟု မဇ္ဈိမကို ပြောသည်။
အစိုးရတပ်မှ ခလရ (၇၇) နှင့် ခလရ (၄၇) တပ်ရင်းများမှ အင်အား ၄ဝဝ ဝန်းကျင်ခန့်ဖြင့် စခန်းသိမ်း တိုက်ပွဲ ဆင်နွှဲခဲ့သည်ဟု ၎င်းက ဆိုသည်။
ပန်းဝါဒေသမှာ ကချင်ပြည်နယ် အရှေ့မြောက်ပိုင်းရှိ ချီဖွေမြို့နယ်၌ တည်ရှိပြီး တရုတ်နိုင်ငံ တန်ချွန်း နယ်စပ်ဒေသ နယ်ခြားမှတ်တိုင် (၆) အနီးတွင် တည်ရှိသည်။ ဤဒေသကို သြဂုတ်လ ၁၅ ရက်နေ့ ကတည်းက အစိုးရဘက်မှ ထိုးစစ် ဆင်လာခဲ့ရာ ယနေ့တွင် ဌာနချုပ်ကို ဝင်ရောက်၍ စခန်းသိမ်း တိုက်ပွဲ ဆင်နွှဲခဲ့ခြင်း ဖြစ်ကြောင်း သိရှိရသည်။
ဤဒေသသည် ပြည်ထောင်စု ငြိမ်းချမ်းရေး ဖော်ဆောင်မှု ကော်မီတီ ဒု-ဥက္ကဋ္ဌ ဦးအောင်မင်းနှင့် KIO တို့ အလွတ် သဘော ဆွေးနွေးစဉ် စစ်ပြေးဒုက္ခသည်များ ထားရှိနိုင်ရန်အတွက် စစ်မဲ့ဇုန် အဖြစ် ထားရှိရန် KIO မှ အဆိုပြုထားခဲ့ သော်လည်း အစိုးရမှ အကြောင်းပြန်ကြားခြင်း တစုံတရာ မရှိခဲ့ပေ။
အစိုးရမှ KIO အား စစ်ဆင်နေသည့် ထိုးစစ်အား “ရွှေပြည်သာ” စစ်ဆင်ရေးဟု နာမည် ပေးထားကာ ၎င်းစစ်ဆင်ရေး အတွက် အစိုးရ မြောက်ပိုင်းတိုင်း စစ်ဌာနချုပ်မှ တပ်ရင်း ၄၆ ရင်း၊ အရှေ့မြောက်တိုင်း စစ်ဌာနချုပ်မှ တပ်ရင်း ၄၂ ရင်း၊ တပ်မ (၈၈) မှ ရှစ်ရင်း၊ တပ်မ (၉၉) မှ ခြောက်ရင်း၊ တပ်မ (၄၄) မှ လေးရင်း၊ အမြောက်တပ်များ၊ ဆက်သွယ်ရေး တပ်များ၊ ထောက်ပို့တပ်များ ဆေးတပ်များနှင့် လေကြောင်း ပစ်ကူ တပ်များ ပါဝင်ပြီး စုစုပေါင်း အင်အားမှာ တသောင်း ကျော်ခန့် ရှိကြောင်း KIA အတွင်းရေးမှူး ဦးလနန်က မဇ္ဈိမကို ပြောသည်။
ထို့အပြင် တပ်မ (၆၆)၊ တပ်မ (၇၇) နှင့် တပ်မ (၁ဝ၁) တပ်များ ကိုလည်း အရန်တပ်များ အဖြစ် မြစ်ကြီးနားနှင့် ဗန်းမော် မြို့များတွင် နေရာချထားလျက် ရှိသည်။
ဤတပ်များဖြင့် လိုင်ဇာ KIO ဗဟိုဝန်းကျင်ကို ဝိုင်းထားကာ KIA တပ်၏ နေရာ ငါးနေရာဖြစ်သည့် ကချင်ပြည်နယ် အရှေ့မြောက်ပိုင်းမှ KIA တပ်ရင်း (၃) နယ်မြေနှင့် တပ်မဟာ (၁) နယ်မြေများ (ပန်းဝါဒေသ)၊ KIA တပ်မဟာ(၃) ဌာနချုပ် နယ်မြေ (လွယ်ဂျယ် - မိုင်ဂျာယန် ဒေသ)၊ KIAဗဟိုယာယီဌာနချုပ် လိုင်ဇာဒေသ၊ KIA တပ်မဟာ (၅) ဌာနချုပ်နယ်မြေ တာပိန်-ဘွမ်ဆင်ဒေသနှင့် KIA တပ်မဟာ (၄) တပ်ရင်း (၈) နယ်မြေရှမ်းပြည် မြောက်ပိုင်းဒေသ တို့အား ချိန်ရွယ် နေရာယူထားသည်ဟု KIO မှ ပြောသည်။
အလားတူ SSPP ၏ ဝမ်ဟိုင်း ဌာနချုပ် အားလည်း အစိုးရတပ်မှ အင်အား ၁,ဝဝဝ ခန့်က အင်အားဖြည့်၍ နေရာယူရေး စစ်ဗျူဟာဖြင့် တပ်စွဲထားကြောင်း SSPP ၏ ပြောခွင့်ရ ဗိုလ်မှူးကြီး ဖိန်ဖ က ပြောသည်။
“ကျနော်တို့ရဲ့ ဝမ်ဟိုင်း ဗဟိုဌာနချုပ်ကို လူအင်အား တထောင်ကျော်လောက်နဲ့ ဝိုင်းထားပါတယ်။ နှစ်ပတ် ရှိပါပြီ၊ ပိတ်ဆို့ထားတာ။ ကျနော်တို့ စီးပွားရေး လမ်းကြောင်း၊ ဆက်သွယ်ရေး လမ်းကြောင်းတွေကို ဖြတ်နိုင်အောင်၊ မလှုပ်နိုင်အောင် အဲဒီသဘောနဲ့ ဝိုင်းထားတာ ဖြစ်တယ်” ဟု မဇ္ဈိမကို ပြောသည်။
မိုင်းရှူး မြို့နယ် အတွင်းရှိ ဟိုင်းပါ ဒေသ၊ ကတိုးဆိပ်သို့ SSPP တပ်များ ဆုတ်ပေးရန် အစိုးရဘက်မှ တောင်းဆိုခဲ့ပြီး SSPP မှ မဆုတ်ပေးနိုင်ဟု အကြောင်းပြန်ခဲ့ပြီးနောက် မိုင်းအော့ ဒေသ၌ SSPP နှင့် အစိုးရတို့ အကြား ဇူလိုင်လဆန်း၌ တိုက်ပွဲများ အပြင်းအထန် ဖြစ်ပွားခဲ့ကြသေးသည်။
သြဂုတ်လဆန်းပိုင်းတွင် အဆိုပါ မိုင်းအော့ ဒေသ၌ တိုက်ပွဲများ ငြိမ်သက်ခဲ့သော်လည်း လှုပ်ရှား စစ်ကြောင်းများအား ဝမ်ဟိုင်း ဌာနချုပ်သို့ နေရာယူရေးစစ် ဆင်နွှဲရန် အင်အား ဖြည့်ထားခြင်း ဖြစ်သည်ဟု SSPP မှ ဆိုသည်။
“သူတို့က နိုင်ငံရေးအရ ဆွေးနွေး ချင်တယ်၊ ဖြေရှင်းချင်တယ်ဆိုရင် အကျပ်ကိုင်တဲ့ သဘော ဒီလိုမျိုးလုပ်တာ မဖြစ်သင့်ဘူး။ သူတို့က နိုင်ငံရေးအရ ဆွေးနွေးဖို့ ဆန္ဒများ မရှိတော့ဘူးလား ဆိုတဲ့ မေးခွန်းတွေ မေးစရာ ရှိတယ်။ နိုင်ငံရေးကို ဆွေးနွေးချင်တယ် ဆိုရင် ဒါတွေကို မလုပ်သင့် မလုပ်ထိုက်ဘူးလို့ ထင်ပါတယ်” ဟု ဗိုလ်မှူးကြီး ဖိန်ဖ က ပြောသည်။
အစိုးရနှင့် ရရှိထားသည့် အပစ်အခတ် ရပ်စဲရေးအား SSPP မှ ပြန်လည် သုံးသပ်ရန် ရှိသည်ဟု ပြောသည်။ ဗဟို ဆုံးဖြတ်ချက် အတိုင်း သတ်မှတ်နယ်မြေများကို ကျူးကျော် ဝင်ရောက်လာပါက ပြန်လည် ပစ်ခတ်ဖွယ် အနေအထား ရှိကြောင်း ၎င်းက ဆိုသည်။
ဇန်နဝါရီလ ၂၈ ရက်နေ့က အပစ်အခတ်ရပ်စဲရေး လက်မှတ်ရေးထိုးခဲ့သော ဗိုလ်ချုပ် ဆေထင် ခေါင်းသော SSPP အဖွဲ့သည် ဇွန်လ ၂ဝ ရက်နေ့၌ အစိုးရ၏ ပြည်ထောင်စု အဆင့်ငြိမ်းချမ်းရေး ဖော်ဆောင်ရေးအဖွဲ့နှင့် တွေ့ဆုံ ဆွေးနွေးရန် စီစဉ်ထားသော်လည်း ရခိုင်ပြည်နယ် အရေးကို အကြောင်းပြပြီး အစီစဉ်ကို အစိုးရက ပယ်ဖျက် လိုက်သည်ဟု ဆိုသည်။
SSPP သည် အစိုးရနှင့်အပစ်အခတ် ရပ်စဲရေး သဘောတူညီချက် ရရှိပြီး နောက်ပိုင်း၌ တိုက်ပွဲပေါင်း ၃ဝ ကျော် ဖြစ်ပွား ခဲ့ပြီး ဖြစ်သည်။
Ref: မဇ္ဈိမ
စစ်ဗျူဟာမြောက် KIA ပန်းဝါစခန်းကို အစိုးရက စခန်းသိမ်း တိုက်ပွဲ ဆင်နွဲခြင်း
Monday, 20 August 2012
ကချင်ပြည်နယ် အရှေ့မြောက်ပိုင်းရှိ ချီဖွေမြို့နယ် ပန်းဝါဒေသ၊ တရုတ်နိုင်ငံ တန်ချွန်း နယ်စပ်ဒေသ နယ်ခြား မှတ်တိုင် (၆) အနီးတွင် ရှိသော ကချင်ပြည် လွတ်မြောက်ရေး အဖွဲ့ (KIA) တပ်မဟာ (၁) စခန်းတစ်ခုကို အစိုးရ တပ်ဖွဲ့များက ယနေ့မနက် ပိုင်း၌ စခန်းသိမ်းရန် ပြင်းထန်စွာ တိုက်ခိုက် ခဲ့သည်ဟု KIA ပြောခွင့် ရရှိသူ ဆလန်ကဘာလနန်းက ဆိုပါသည်။
“ ၂နာရီလောက် အပြင်းအထန်ဖြစ်တယ်။ အစိုးရဖက်က အလောင်း (၂) လောင်း ကျန်ခဲ့တယ်။ သူတို့က တပ်ရင်း (၂) ရင်းနဲ့ လာပြီး ထိုးစစ် ဆင်တယ်။ အင်အားကတော့ (၄၀၀) ကျော်နဲ့ ပန်းဝါဒေသကို စစ်ဆင်နေတာ ဖြစ်တယ်။ မနိုင်လို့ သူတို့ ပြန်ဆုတ် သွားတယ်။ အစိုးရ ဖက်က အထိအခိုက် အကျအဆုံး များပုံရတယ်။ စစ် ဆင်လာတဲ့ တပ်ရင်းကတော့ ခလရ (၇၇) နဲ့ ခလရ (၄၇) တပ်ရင်း တွေဖြစ်တယ်”ဟုဆိုပါသည်။
အစိုးရ တပ်ဖွဲ့များသည် ဤ နယ်ခြား မှတ်တိုင် (၆) (၇) အနီးရှိ ပန်းဝါဒေသကို သြဂုတ်လ (၁၅) ရက်နေ့ ကတည်းက ထိုးစစ် ဆင်လာရာက ယနေ့တွင် KIA တပ်မဟာ (၁) စခန်း တစ်ခုကို ၀င်ရောက် သိမ်းပိုက်ရန် တိုက်ခိုက် ခဲ့ခြင်း ဖြစ်ပါသည်။
ဤအကြိမ်သည် ပန်းဝါဒေသတွင် အစိုးရ၏ ပထမဆုံး စခန်းသိမ်း တိုက်ပွဲဖြစ်သည် ဟု ဆိုပါသည်။ ဤဒေသ၌ စစ်ပြေးဒုက္ခ သည် (၅၀၀) ခန့် ရှိပြီး ဇွန်လ (၂၀) ရက်နေ့တွင် ဦးအောင်မင်းတို့နှင့် အလွတ်သဘော တွေ့ဆုံ ဆွေးနွေးစဉ် စစ်မဲ့ဇုံအဖြစ် ထားရှိရန် KIA က အဆိုပြု ထားသည့် နေရာဖြစ်ပါသည်။
ပန်းဝါဒေသသည် ယခင်က ဗမာပြည်ကွန်မြူနစ် ပါတီ (ဗကပ) ၏ အမှတ် (၂၀၂) စစ်ဒေသဖြစ်ခဲ့ ပါသည်။ နောက်ပိုင်း၌ ဦးစကုန်တိန်းယင်း ဦးဆောင်သော အဖွဲ့က အစိုးရထံ လက်နက် ချပြီးနောက် အစိုးရ၏ နယ်ခြားစောင့်တပ် အဖြစ် ပြောင်းလဲ သွားခဲ့ပါသည်။ ဦးစကုန်တိန်းယင်းလည်း လွှတ်တော် ကိုယ်စားလှယ် ဖြစ်သွား ခဲ့ပါသည်။ ဤဒေသသည် (ဗကပ) မတိုင် ခင်ခေတ် ကတည်းက KIA ၏ လှုပ်ရှား နယ်မြေဖြစ်ခဲ့ပါသည်။
KIA သည် နှစ်ဖက်စလုံးမှ စိုးမိုးမှုမရှိသည့် နေရာကို စံထားပြီး ဒုတိယနိုင်ငံ တခုခု၌ တွေ့ဆုံဆွေးနွေးရန် ဖြစ်သင့်သည့် အတွက် အပစ်ရပ်ရေး တွေ့ဆုံ ဆွေးပွဲကို တရုတ်နိုင်ငံရွှေလီမြို့၌ ကျင်းပသင့်ကြောင်း အစိုးအား ဇူလိုင် လကတည်းက အဆိုပြု ထားပါသည်။ သို့သော် အစိုးရက ရှမ်းပြည်နယ် မူဆယ်၌သာ တွေ့ဆုံရန် ယခင်ကတည်းက ကမ်းလှမ်းထား ပြီးယနေ့အထိ ဤနေရာကိုသာ လက်ခံမည်ဖြစ်ပါသည်။
ပန်းဝါဒေသမှ ကချင် စစ်ပြေး ဒုက္ခသည်များမှာမူ ထွက်ပြေး တိမ်းရှောင် နေရဆဲဖြစ်သော်လည်း တရုတ်နိုင်ငံ ရွှေလီ နယ်စပ်မှ ကချင် စစ်ပြေး ဒုက္ခသည် တချို့ကိုမူ တရုတ် အစိုးရသည် မြန်မာ အစိုးရနှင့် ညှိနှိုင်းပြီး မြန်မာ အစိုးရ ထိမ်းချုပ်သော ဒုက္ခသည် စခန်းများသို့ ပြောင်းရွှေ့စေခဲ့သည်ဟု ဒုက္ခသည် ကော်မီတီဝင် တချို့က ပြောပါသည်။
ထို့အပြင် KIA သည် မိုင် (၂၀၀) ကျော်အထိ ပစ်ခတ်နိုင်သော တာဝေးပစ် လက်နက်ကြီး များကို စမ်းသပ်နေသည် ဟု အစိုးရ ဖက်ကို ထောက်ခံသော ကချင်သတင်း မီဒီယာ အချို့တွင် ရေးသားထားပါသည်။ ဤကိစ္စနှင့် ပါတ်သက်ပြီး ဦးလာနန်းက-
“ကျနော်တို့မှာက လက်နက် အင်အား ထက်ပေါ့လေ ခိုင်မာတဲ့ စိတ်ဓါတ်အင်အားနဲ့ ရရာလက်နက်နဲ့ဘဲ တိုက်ခိုက်နေတာပါ။ ကျနော်တို့မှာ အဝေးပစ် လက်နက်ကြီးတွေရှိလျှင် အခုဖြစ်နေတဲ့ တိုက်ပွဲတွေက ပုံစံက ပြောင်းလဲသွားမှာပါ” ဟုဆိုပါ သည်။
အစိုးရသည် KIA မှ ဤလက်နက်များ အသုံးပြုနေသည်ဟု ၀ါဒဖြန့်ရသည့် အကြောင်းရင်းမှာ ၄င်းတို့ အသုံးပြုသည့် အခါ အ ပြစ် မမြင်သာအောင် စိတ်ကြိုက် လက်နက်မျိုး သုံးသည့်အခါ အပြန်အလှန် သဘောဆောင်အောင် ဖန်တီးနေခြင်းသာ ဖြစ် သည်ဟု စစ်ရေး သုံးသပ် သူများက ဆိုပါသည်။
ဤသို့ကြောင့် ပန်းဝါဒေသ စစ်ဆင်ရေးကို သုံးသပ်လျှင် အစိုးရသည် KIA အား စစ်ဆင်ရာတွင်၊ သံတမံ နည်းအရ တရုတ် အစိုးရ အလိုကျ ကချင် စစ်ပြေးဒုက္ခသည် များကို လက်ခံပေးခြင်းဖြင့် ကိုယ့်ဖက်ပါအောင် ဆောင်ရွက်နေခြင်း။ စစ်ရေးအရ စခန်း သိမ်း တိုက်ပွဲများ ဆင်နွဲခြင်း၊ မီဒီယာအရ လက်နက်ဆန်းများ KIA က အသုံးပြုနေခြင်း ဟူသော တိုက်ကွက်ကို ဖန်တီး နေခြင်းသာဖြစ်သည်ဟု သုံးသပ်သူများက ဆိုကြ ပါသည်။
Ref: PNA News
Posts
