ရဲဘော်ဖိုးသံချောင်း
May 10, 2013
ဒီတလော ဗမာပြည်နိုင်ငံရေးလောကမှာ “ဒီမိုကရေစီအစိုးရ” ကြီးရဲ့ ဖိနှိပ်မှု သတင်းသစ်တွေ တခုပြီးတခု ဆက်တိုက် ကြားနေ ရပါတယ်။ မိတ္ထိလာ အရေးအခင်းကို ဗကပနဲ့ အတင်း ဆွဲစပ်ပေးတာ၊ လက်ပန်တောင်းတောင် အရေးမှာ လှုပ်ရှား သူတွေကို ဖမ်းဝရမ်း ထုတ်တာ၊ အခုနောက်ဆုံး ဗိုလ်ကြီးဟောင်းနေမျိုးဇင်ကို ပုဒ်မ ၄၀၁ (၁) နဲ့ ပြန်ဖမ်းတာ။ တလ တောင်မရှိတဲ့ ကာလတိုလေး အတွင်း ဆက်တိုက်ပေါ်ပေါက်ခဲ့တဲ့ အဖြစ်အပျက်တွေ ဖြစ်ပါတယ်။
ဒီလို တောက်လျှောက်ဖြစ်ပေါ်လာတဲ့ ကိစ္စတွေကို ဒါတွေဟာ သီးခြားစီဖြစ်တာ၊ တခုနဲ့တခု ဘာမှ မဆိုင်ဘူးလို့ ဆိုရင် နိုင်ငံရေး အရ ရိုးအလွန်းရာ ကျမယ် ထင်ပါတယ်။ အဖြစ်အပျက် တခုစီရဲ့ ထူးခြားချက်တွေကို တခုစီ ခွဲခြမ်းကြည့်တာ လည်း လုပ်၊ အားလုံးကိုပေါင်းပြီး နိဂုံးချုပ် သုံးသပ်တာလည်း လုပ်သင့်ပါတယ်။
“ဒီမိုကရေစီခေတ်ကြီး” ဆီကို ဗမာပြည်ကြီး “ပြောင်းလဲ” နေတုန်းမှာ လက်ပန်တောင်းတောင် လူထု လှုပ်ရှားမှုမှာ ပါဝင် သူတွေကို ဖမ်းဆီးဖို့ “ဒီမိုကရေစီ ဖခင်ကြီး” ဗိုလ်ချုပ်ကြီးဟောင်း သိန်းစိန်က မကြာခင်က ၀ရမ်း ထုတ်ခဲ့ပါတယ်။ ပုလိပ်က ၀ရမ်း ထုတ်တယ်ဆိုတာ ဘာဆန်းသလဲ။ ဟုတ်ပါတယ်၊ မဆန်းပါဘူး။ ဒါပေမဲ့ ပြန်စဉ်းစား လိုက်ရင် ၁၉၆၂ ခုနှစ် ဗိုလ် နေ၀င်း အာဏာသိမ်းတဲ့ အချိန်က စလို့ စစ်အစိုးရ အဆက်ဆက်ဟာ နိုင်ငံရေး သမားတွေ၊ ဒါမှမဟုတ် သူတို့ မလိုလား သူတွေကိုဖမ်းရင် ဖမ်းဝရမ်းကြေညာဖို့ နေနေသာသာ၊ ဖမ်းတာတောင်မှ ဖမ်းဝရမ်းနဲ့ မဖမ်းပါဘူး။ ညသန်းခေါင်သန်နွှဲ လူခြေတိတ်တော့မှ ခိုးကြောင်ခိုးဝှက် ဖမ်းဆီးတာပါ။ အခုတော့ နာမည်စာရင်းကြီးကြေညာပြီး ဘယ်ခြောက်ကာ ညာ လှမ်းတွေ လုပ်နေတာ ထူးခြားပါတယ်။ ဘာကြောင့်လဲ။ ဗိုလ်သိန်းစိန် အစိုးရအခုလို ၀ရမ်း ထုတ်ပြန်တာဟာ တပြည်လုံး ကိုခြိမ်း ခြောက်လိုက်တာ ဖြစ်ပါတယ်။ ဒါနဲ့တဆက်ထဲ တချက်ခုတ်နှစ်ချက်ပြတ် ရည်ရွယ်တာ ကတော့ ၀ရမ်းထုတ်ခံရ သူတွေ၊ ဒါမှမဟုတ် အဖမ်းခံရမယ့် အန္တရာယ်ရှိနေသူတွေ ပြည်ပကို “ထွက်ပြေး” အောင် တောခြောက်တာလည်း ဖြစ်ပါ တယ်။ ဒါဟာ ဗိုလ်သိန်းစိန်တို့ရဲ့ “အပြောင်းအလဲ” ခေတ်မှာ တီထွင်ခဲ့တဲ့ ပြည်သူ့ သပိတ်တွေကို ဖြိုခွဲတဲ့ နည်းနာပြောင်း လဲလာတဲ့ ဖော်ပြချက်တခုလို့လည်း ပြောနိုင်ပါတယ်။
ဗိုလ်သိန်းစိန်တို့က လူတွေကိုမဖမ်းခင် အခုလိုအသံပေးဟန်ရေးပြနေတာရဲ့ မြင်သာတဲ့ နောက်ရည်ရွယ်ချက် တခု က တော့ ပြည်တွင်းပြည်ပက တုန့်ပြန်ချက်တွေကို သွေးတိုး စမ်းနေတာ ဖြစ်ပါတယ်။ ဘယ်သူတွေ၊ ဘယ်အင်အားစုတွေက ဘယ်လို တုန့်ပြန်သလဲ ဆိုတာကို သူတို့အမြဲသိချင်နေတာပါ။ ဗိုလ်သိန်းစိန်တို့ရဲ့“အပြောင်းအလဲ” ကျမှ နှာစေးသွားသူ၊ အသံဝင်သွားသူတွေကို သူတို့လည်း သတိထားမိကြသလို ဒီ “အပြောင်းအလဲ” ဆိုတာကို ပြင်းပြင်းထန်ထန်ရှုတ်ချ၊ ကန့်ကွက်နေကြတဲ့ အလုပ်သမား၊ လယ်သမားနဲ့ ဆင်းရဲသားပြည်သူတွေအပါ နိုင်ငံရေး အင်အားစုတွေကိုလည်း မျက် လုံးတွေပြူးကြည့်နေကြပါတယ်။ သူတို့ဟာ ဖမ်းလို့ရရင်ဖမ်း၊ ဖမ်းလို့မရရင်ဝရမ်းထုတ်၊ ဒါမှမဟုတ်ရင် ထုံးတို့မှတ်ထား တာတွေ လုပ်နေပါတယ်။ ဒီလိုလုပ်လိုက်လို့ သူတို့နဲ့မတူတဲ့ အင်အားစုတွေထဲမှာ ကွဲထွက်ကုန်တယ်ဆိုရင်ပဲ နည်း သမို့လား။
နောက်တချက် စဉ်းစားသင့်တာက ဗိုလ်အောင်သောင်းက မိတ္ထိလာအရေးအခင်းမှာ ဗကပ သြဇာခံတွေပါနေတယ်လို့ ပြောလိုက်တဲ့ကိစ္စပါ။ မှန်တာပြောရရင် ပြည်တွင်းပြည်ပက မြန်မာ့အရေးစိတ်ဝင်စားသူတွေအဖို့ ဒါဟာ လုံးဝထင်မထား တဲ့ ကိစ္စမို့ အားလုံးပဲ မျက်ခုံးပင့်မိခဲ့ကြပါတယ်။ မဖြစ်နိုင်မှန်း လူတိုင်းကသိနေတဲ့ ကိစ္စတခုကို ဒီလူက ဘာဖြစ်လို့ ဘာ အထောက် အထားမှမပါဘဲ အမေရိကန်သံအမတ်လိုလူကို ပြောရတာလဲ။ ကွန်မြူနစ်တွေကိုအပြစ်တင်ပြရင် အမေရိ ကန်က သဘောကျမှာပဲဆိုပြီး ခေတ်ဟောင်းက မျက်နှာချို သွေးနည်းအတိုင်း လုပ်နေတာလား။ တခြား ဘာရည်ရွယ် ချက်ရှိနိုင်သလဲ။ တကယ်တော့ ဗမာပြည်က စစ်အစိုးရအဆက်ဆက်ရဲ့ လုပ်ထုံးအရဆိုရင် လူတယောက်၊ နိုင်ငံရေး အဖွဲ့အစည်းတရပ်၊ လှုပ်ရှားမှုတရပ်ကို ဗကပနဲ့ဆက်ပေးလိုက်တယ်ဆိုတာဟာ အမြင့်ဆုံးပုဒ်မတပ်လိုက်တာပဲ ဖြစ်ပါ တယ်။ အချိန်မရွေး အမြင့်ဆုံးပြစ်ဒဏ်ချနိုင်တယ်လို့ ကြေညာလိုက်တဲ့ အဓိပ္ပာယ်ပါ။ ဗိုလ်သိန်းစိန်-ဗိုလ်ရွှေမန်းတို့ စစ်အစိုးရရဲ့ “အပြောင်း အလဲ” မှာ “ပြည်ပအားကိုးပုဆိန်ရိုး” ဆိုတဲ့ လှုံ့ဆော်သံကို မပြောတော့ပေမဲ့ ဗကပသြဇာခံ ဆိုတဲ့ ခေါက်ရိုးကျိုးနေတဲ့ တိုက်ခိုက်နည်းကိုတော့ သံကုန်ဟစ်တုန်းပါပဲလားလို့ တွေးမိပါတယ်။ အမြင့်ဆုံးပုဒ်မတပ် လိုက်တာပဲ ဖြစ်ပါတယ်။ အခု စစ်အစိုးရက ဒီအရေးအခင်းနဲ့ဆက်ပြီး လူသတ်မှုနဲ့ရော တခြားပုဒ်မမျိုးစုံနဲ့ပါ ဖမ်းထား သူတွေ အတော်များများရှိနေပါပြီ။ ရုံးလည်းတင်နေပါပြီ။ ဒါပေမဲ့ အဲဒီအထဲက တယောက်ကိုမှ ဗကပသြဇာခံလို့ မပြော နိုင်တာဟာ အတော်ထူးဆန်းသလို ဖြစ်နေပါတယ်။
အခုလာပြန်ပါပြီ။ ဗိုလ်ကြီးဟောင်းနေမျိုးဇင်ကို သူ့ကို “လွတ်ငြိမ်းချမ်းသာခွင့်” ပေးတယ်ဆိုတုန်းက ထောင်ဗူးဝမှာ စွပ် ပေးလိုက်တဲ့ ပုဒ်မ ၄၀၁ (၁) ခြေမန်းကွင်းနဲ့ပြန်ဖမ်းပြီး ထောင်ဒဏ် ၆ နှစ် ချလိုက်တာဖြစ်ပါတယ်။ ဒါဟာ ဗမာပြည် တရားဥပဒေသမိုင်းမှာ မရှိဖူးတဲ့အစဉ်အလာလို့ ပြောရင်ရမယ်ထင်ပါတယ်။ သာမာန်ကြည့်ရင်တော့ ဒီလိုထောင်ချတာ ဟာ သူတို့ထောင်ထားတဲ့ ထောင်ချောက်ထဲဝင်မိလို့ အဖမ်းခံရတာပဲလို့ ပြောစရာဖြစ်ပါတယ်။ ဒါပေမဲ့ တကယ်က ဒါဟာ ဗိုလ်ကြီးဟောင်း နေမျိုးဇင်ကို လက်စားချေတာသက်သက်တင်မကပဲ သူတို့မတတ်သာလို့ထောင်က လွှတ်ပေးလိုက်ရ တဲ့ လူအားလုံးကို မလှုပ်ကြနဲ့ဟေ့လို့ သတိပေးလိုက်တာလဲ ဖြစ်ပါတယ်။
ဗိုလ်သိန်းစိန်-ဗိုလ်ရွှေမန်းတို့ရဲ့ “ဒီမိုကရေစီအစိုးရ” ကြီးဟာ (သူတို့ဆီကိုတင်ပြလျှောက်ထားရင်) ဆန္ဒပြခွင့်ပြုတယ်၊ ဒါဟာ ဒီမိုကရေစီစနစ်ကိုကျင့်သုံးတာလို့ ကြွားဝါနေပေမဲ့ အသေအချာပြန်သုံးသပ်လိုက်ရင် အဲဒီလို ဆန္ဒပြဖို့ လျှောက် လွှာ တင်တဲ့အထဲက ဆန္ဒပြခွင့်ရတာ ၅၀% ရှိရဲ့လား။ သူတို့ရဲ့ ဖွဲ့စည်းပုံအခြေခံဥပဒေ အခန်း (၈)၊ ပုဒ်မ (၃၅၄) မှာပါ တဲ့ “လက်နက် မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်” ဆိုတာအရ ပြည်သူလူထုတွေဆန္ဒပြကြတော့ ဘယ် လိုအကျိုးတွေ ခံစားရပါသလဲ။ ဗိုလ်သိန်းစိန်-ဗိုလ်ရွှေမန်းတို့ရဲ့အစိုးရသက်တမ်းဟာ သုံးနှစ်လောက်ရှိလာပြီဆိုတော့ တချို့ကိစ္စတွေကို သုံးသပ်နိဂုံးချုပ်လို့ရပြီလို့လည်း ထင်ပါတယ်။
ပြည်သူလူထုဆန္ဒပြပွဲတွေ လုပ်ခဲ့တာများပြီ၊ ဒီအထဲမှာပြည်သူလူထုက- တနည်းဆန္ဒပြသူတွေက- အနိုင်ရတာ၊ အောင် ပွဲရတာ ဘယ်နှစ်ခုများရှိသလဲ။ ဒီနေရာမှာ စစ်အစိုးရနဲ့ သူတို့ခရိုနီတွေရဲ့အကျိုးစီးပွားကို ဆန့်ကျင်တာမဟုတ်တဲ့ ဆန္ဒပြပွဲအသေးအမွှားလေးတွေကို ဆိုလိုတာမဟုတ်ပါဘူး။ အဲဒါမျိုးတွေမှာတော့ ဒီစစ်ဗိုလ်ချုပ်တွေဟာ သူတို့နာမည် ကောင်းရဖို့အတွက် ထိုးကျွေးတတ်ပါတယ်။ ကျန်တာတွေမှာတော့ ဆန္ဒပြသူတွေက တခုဆိုတခုမှ အောင်ပွဲမရပါဘူး။ အလွန်ဆုံးကြုံရတာဟာ ဆန္ဒပြသူတွေကို ဥပက္ခာပြုထားလိုက်တာ၊ ဒါမှမဟုတ်ဖြိုခွဲတာပဲမဟုတ်ပါလား။
ဒါဖြင့် ဆန္ဒပြပွဲတွေမှာ ဆန္ဒပြသူတွေ၊ ဒါမှမဟုတ် ပတ်သက်သူတွေကိုဖမ်းဆီးတဲ့ အဖြစ်အပျက်ကရော၊ ဘယ်နှစ်ရာနှုန်း လောက်ရှိပြီလဲ။ ဆန္ဒပြပွဲပေါင်းရဲ့ ၅၀% မကတဲ့ တိုက်ပွဲတွေမှာ ဖမ်းဆီးမှုတွေရှိတယ်ထင်ပါတယ်။
ဆန္ဒပြပွဲတွေကို အကြမ်းဖက်ဖြိုခွဲနှိမ်နင်းတာကရော- ဒါလည်းမနည်းတဲ့ရာခိုင်နှုန်းပါ။ ဒီအထဲမှာ ကမ္ဘာ့စံချိန်တင် လောက်တဲ့ လက်ပန်းတောင်းတောင် ဆန္ဒပြစခန်းတွေမှာ ကျိန်းစက်နေတဲ့သံဃာတော်တွေကို မီးလောင်ဗုံးနဲ့ပစ်ပေါက် တာမျိုးတွေလည်း ပါပါတယ်။
ဒီအချက်တွေကိုချုပ်ကြည့်လိုက်ရင် ဗိုလ်သိန်းစိန်-ဗိုလ်ရွှေမန်းတို့ရဲ့“ဒီမိုကရေစီအစိုးရ” ကြီး တက်လာတဲ့နောက်မှာ ပြည်သူလူထုဟာ သူတို့အရင်က အားထားခဲ့တဲ့ အင်အားစုတွေ၊ နိုင်ငံရေးသမားတွေနဲ့လမ်းခွဲပြီး ကိုယ့်ဟာကိုယ် တိုက် ပွဲဝင်တာတွေ များသထက်များလာနေတယ် ဆိုတာတွေ့ရပါမယ်။ အဲဒီလိုများလာတာနဲ့အမျှ ဒီမိုကရေစီစစ်အစိုးရကြီး ဟာ ဖြိခွဲတာ၊ ဖိနှိပ်တာတွေကို ပိုပြီးပြောင်ကျကျ၊ ပိုပြီးကြမ်းကြမ်းတမ်းတမ်း လုပ်လာနေတယ်။ ဒါ့အပြင် ပိုပြီးတော့ ပြင်းပြင်း ထန်ထန်လည်း သတိပေးနေပါတယ်။
တကယ်ကတော့ ဗမာပြည်မှာ ဦးကျိုးသွားတဲ့ နိုင်ငံရေးသမားဆိုတာတွေ ရှိပေမဲ့ ဦးကျိုးသွားတဲ့ ပြည်သူဆိုတာ မရှိ ကြောင်း ဗိုလ်သိန်းစိန် ဗိုလ်ရွှေမန်းတို့ မသိတာမဟုတ်ပါဘူး။
Ref: နေ့သစ်
Read More...
Collapse...
2013-05-09
ယခင် စစ်အစိုးရလက်ထက်က တရုတ်ဝမ်ပေါင်ကုမ္ပဏီ နဲ့ ချုပ်ဆိုခဲ့တဲ့ စာချုပ်တွေကို ဒေါ်အောင်ဆန်းစုကြည် ဦးဆောင်တဲ့ ကြေးနီ စီမံကိန်း စုံစမ်း စစ်ဆေးရေးကော် မရှင်ရဲ့ အစီရင်ခံစာ အကြံပြုချက်တွေ အတိုင်း အသစ်ပြန်လည် ချုပ်ဆိုဖို့ လက်ပံတောင်းတောင်ဒေသ ခံတွေနဲ့ သံဃာတော်တွေက ရန်ကုန်မြို့မှာ ဒီကနေ့ သတင်းစာ ရှင်းလင်းပွဲပြုလုပ်ပြီး တောင်း ဆိုလိုက်ကြပါတယ်။
စုံစမ်းစစ်ဆေးရေးကော်မရှင်ရဲ့ အစီရင်ခံစာပါ အကြံပြုချက်တွေ အတိုင်း ဆက်လက်ဆောင်ရွက်မယ် ဆိုရင် ဒေသခံရွာသူ၊ ရွာသားတွေ အတွက် အကျိုး ရှိနိုင်ကြောင်း လက်ပံတောင်းဒေသက ပခုက္ကူကျောင်း ဆရာတော် ဦးက၀ိနြေ္ဒာဘာသက မိန့်ကြားပါတယ်။
ဒါ့အပြင် ကြေးနီစီမံကိန်းဒေသမှာ လက်ရှိထုတ်ပြန်ထား တဲ့ ပုဒ်မ ၁၄၄ ကို ပြန်လည် ရုတ်သိမ်းပေးဖို့နဲ့ ဒေသခံ ရွာသားတွေကို အကူအညီပေးနေသူတွေ အပေါ် ထုတ်ပြန် ထားတဲ့ ဥပဒေ ပုဒ်မတွေကိုလည်း ရုတ်သိမ်းပေးဖို့ တောင်းဆို ခဲ့ကြပါသေးတယ်။
ရန်ကုန်မြို့ မြန်မာဂျာနယ်လစ်ရုံးခန်းမှာ ဒီကနေ့ပြုလုပ်တဲ့ သတင်းစာ ရှင်းလင်းပွဲကို တုံရွာ၊ ဆည်တည်းရွာ၊ အလယ်ရွာ၊ ရွာသစ်၊ တောကျောင်း၊ မိုးကြိုးပြင်မြောက်ရွာ စတဲ့ ကျေးရွာ ၆ ရွာက ဒေသခံတွေ တက်ရောက်ခဲ့ကြပါတယ်။
Ref: RFA News
Read More...
Collapse...
2013-05-09
မြန်မာနိုင်ငံကို နိုင်ငံတကာက စီးပွားရေး ပိတ်ဆို့ အရေးယူမှုတွေ လျှော့ပေး လိုက်ပြီးနောက်ပိုင်း ကမ္ဘာ့ ဘဏ်က နှစ်ပေါင်း ၂၅ နှစ် အတွင်း ပထမဆုံး အကြိမ် အဖြစ် မြန်မာနိုင်ငံ ဖွံ့ဖြိုး တိုးတက်ရေး အတွက် အမေရိကန်ဒေါ်လာ သန်း ၄၄၀ ထုတ်ချေးပေး လိုက်တယ်လို့ သမ္မတရုံးဝန်ကြီးဌာန ပြည်ထောင်စု ၀န်ကြီး ဦးစိုးသိန်းက ဒီကနေ့ပြောလိုက်ပါတယ်။
နေပြည်တော်၊ သင်္ဂဟဟိုတယ်မှာ ဒီကနေ့ ကျင်းပတဲ့ ကမ္ဘာ့ဘဏ် အုပ်စုနဲ့ မြန်မာ အစိုးရတို့ အကြား ပူးပေါင်းဆောင်ရွက်မှု ပိုမိုမြှင့်တင်ရေး အလုပ်ရုံဆွေးနွေးပွဲမှာ ဝန်ကြီး ဦးစိုးသိန်းက သတင်းထောက်တွေကို အခုလိုပြောကြား လိုက်တာပါ။
“ကမ္ဘာ့ဘဏ်အနေနဲ့ ဒေါ်လာသန်း ၄၄၀ အတိုးနှုန်းသက်သာစွာနဲ့ ချေးပေး လိုက်တယ်၊ ဒို့အကြွေးကလည်း သန်း ၄ဝဝ လောက် ရှိတယ်၊ အကြွေးလေး ခုနှိမ်သွားတာပေါ့၊ အကြွေးအသစ် စတာပါ”
လာမယ့်နှစ်မှာလည်း ကမ္ဘာ့ဘဏ်က အမေရိကန်ဒေါ်လာ သန်း ၇၀၀ လောက် ထပ်မံချေးပေးနိုင်လိမ့်မယ်လို့ ထင်မြင်ကြောင်း ၀န်ကြီး ဦးစိုးသိန်းက ပြောပါတယ်။ ဒါ့အပြင် ကျေးလက်ဒေသ ဖွံ့ဖြိုးတိုးတက်ရေးအတွက် ကမ္ဘာ့ဘဏ်က အမေရိကန်ဒေါ်လာ သန်း ၈၀ အကူအညီပေးခဲ့ကြောင်းလည်းပြောပါတယ်။
ကမ္ဘာ့ဘဏ်ဟာ မြန်မာနိုင်ငံ ဖွံ့ဖြိုးတိုးတက်ရေး၊ အလုပ်အကိုင် အခွင့်အလမ်းသစ်တွေ ဖန်တီးပေးနိုင်ရေး၊ ဆင်းရဲနွမ်းပါးမှု တိုက်ဖျက်ရေးစတဲ့ စီမံကိန်းတွေကို အစိုးရနဲ့ပူးပေါင်းပြီး ကူညီသွားမယ်လို့သိရပါတယ်။
Ref: RFA News
Read More...
Collapse...
2013-05-09
ပဲခူးတိုင်းဒေသကြီး၊ က၀မြို့နယ်အတွင်း မနေ့ကနေ့လည်ပိုင်းက လေပြင်း တိုက်ခတ် သွားတာကြောင့် အိမ်ခြေအလုံး ၄၀၀ နီးပါး ပျက်စီး သွားတယ်လို့သိရပါတယ်။
သရက်ကုန်း၊ ပေါက်ကံ၊ ကံထူး၊ ရွှေပေါက်ပင်စတဲ့ ကျေးရွာတွေမှာ တိုက်ခတ်သွားတဲ့ လေပြင်း ဒဏ်ကြောင့် သရက်ကုန်းကျေးရွာမှာ အိမ်ခြေ ၃၀၀ ကျော် ပျက်စီး သွားခဲ့ပြီး ဒေသခံ ၁၅၀၀ ကျော် အိုးမဲ့ အိမ်မဲ့ဖြစ်သွားတယ်လို့ အဲဒီဒေသခံ ဒေါက်တာလှမိုးက RFA ကို ပြောပါတယ်။
လေပြင်းကြောင့် ထိခိုက်ဒဏ်ရာရသူ မရှိပေမယ့် မိုးကြိုး ပစ်ခံရတာနဲ့ သစ်ပင် ပြိုတာတွေကြောင့် နွား ၃ ကောင်သေဆုံးပြီး တိရိစ္ဆာန်တချို့ ထိခိုက်မှု ရှိတယ်လို့သိရပါတယ်။
ဒေသခံတွေအနေနဲ့လည်း အ၀တ်အစားနဲ့ အိုးခွက်ပန်းကန်တွေ လိုအပ်နေပြီး လောလောဆယ် အထိ အာဏာပိုင်တွေ ဘက်က အကူအညီပေးတာ မရှိသေးဘူးလို့ ဆိုပါတယ်။
ပြီးခဲ့တဲ့ ဧပြီလ ၁၇ ရက်နေ့ကလည်း သရက်ကုန်းကျေးရွာ အုပ်စုထဲက ကျေးရွာ ၁၃ ရွာမှာ လေပြင်း တိုက်ခတ်လို့ အိမ်ခြေ ၅၈၃ လုံး ပျက်စီး သွားခဲ့ပါသေးတယ်။
Ref: RFA News
Read More...
Collapse...
May 9, 2013
အင်ဒိုနီးရှားနိုင်ငံ၊ ဂျကာတာမြို့ရှိ မြန်မာသံရုံးကို ဗုံးခွဲရန် ကြံစည်သည်ဟု မသင်္ကာသူများကို အင်ဒိုနီးရှား ရဲတပ်ဖွဲ့က နေရာ ၃ ခုတွင် ၀င်ရောက်စီးနင်း ဖမ်းဆီးခဲ့ရာ အစ္စလမ် စစ်သွေးကြွ ၇ ဦး ပစ်သတ်ခဲ့ပြီး ၆ ဦး လက်ရ ဖမ်းဆီးမိကြောင်း အင်ဒိုနီးရှားနိုင်ငံမှ လာသော သတင်းများ အရ သိရှိရသည်။
ယမန်နေ့ ညပိုင်းက အင်ဒိုနီးရှားနိုင်ငံ ဂျားဗားပြည်နယ် Kebumem မြို့ရှိ အိမ်တလုံးကို ရဲတပ်ဖွဲ့ ၀င်များက ၀င်ရောက် စီးနင်းခဲ့ရာ တညလုံး တိုက်ပွဲများ ဖြစ်ခဲ့ကြောင်း၊ ပစ်ခတ်မှုအတွင်း မသင်္ကာဖွယ်ရာ စစ်သွေးကြွ ၃ ဦး သေဆုံးခဲ့ကာ ၄ ဦး လက်ရ ဖမ်းဆီး နိုင်ခဲ့သည်။
အလားတူ ယမန်နေ့က Cigondewah ကျေးရွာရှိ အကြမ်းဖက် စစ်သွေးကြွများ ခိုအောင်း နေသော နေအိမ်တခုကို ၀င်ရောက် စီးနင်းခဲ့ရာ အပြန်အလှန် ပစ်ခတ်မှုဖြစ်ပွား ခဲ့ပြီး ၃ ဦးသေဆုံးကာ ၁ ဦး လက်ရ ဖမ်းမိခဲ့ကြောင်း၊ Batang မြို့တွင် လည်း ၀င်ရောက် စီးနင်းမှုပြုလုပ်ခဲ့ရာ သံသယရှိသူ စစ်သွေးကြွ ၁ ဦး သေဆုံးခဲ့ပြီး မတ်လ အတွင်းက ဂျာကာတာမြို့ရှိ ရတနာဆိုင် တဆိုင် ဓါးပြတိုက်မှုပတ်သက်၍ မသင်္ကာရသူ ၁ ဦးကို ဖမ်းဆီးနိုင်ခဲ့ရာ စုစုပေါင်း ၇ ဦးသေဆုံးပြီး ၆ ဦး ဖမ်းမိထားကြောင်း ရဲမှူးချုပ် Boy Rafli Amar ကပြောသည်။
သေဆုံးသွားသူ ၇ ဦးသည် လက်နက်ချရန် ငြင်းဆန်ခဲ့ကြပြီး လုံခြုံရေး တပ်ဖွဲ့များကို သေနတ်များ၊ လက်လုပ်ဗုံး များဖြင့် ပြန်လည် ပစ်ခတ် ခုခံ ခဲ့ကြခြင်းကြောင့် ရဲတပ်ဖွဲ့က ပစ်သတ်ခဲ့ခြင်းဖြစ်ကြောင်း အင်ဒိုနီးရှား အမျိုးသား ရဲတပ်ဖွဲ့၏ ပြောရေးဆိုခွင့် ရှိသူ ရဲမှူးချုပ် Boy Rafli Amar က အေပီသတင်းဌာနသို့ ပြောဆိုသည်။
Cigondewah ကျေးရွာစီးနင်းမှုတွင် စစ်သွေးကြွ အကြမ်းဖက်သမားများဟု မသင်္ကာရသူများ ထံမှ ပစ္စတို ၃ လက်နှင့် လက်လုပ် ဗုံး ၄ လုံး သိမ်းဆည်း မိခဲ့ကြောင်း၊ အကြမ်းဖက် သမားများသည် ဓားပြမှု အများအပြား တွင်လည်း ပါဝင် ပတ်သက် သည်ဟုလည်း ယုံကြည်ရကြောင်း အင်ဒိုနီရှား ရဲတပ်ဖွဲ့၏ အကြီးအကဲ ရဲဗိုလ်ချုပ်ကြီး Timur Pradopoက ဆိုသည်။
အကြမ်းဖက်မှုစစ်သွေးကြွများသည် ရဲတပ်ဖွဲ့ကို အဓိကဦးတည်ချက်ထားသော အကြမ်းဖက် လုပ်ငန်းများပြုလုပ်ရန် ရည်ရွယ်ချက် ရှိပြီး ရန်ပုံငွေ ရရှိရန် ဓားပြမှုများ ကျူးလွန်နေသည့် အဖွဲ့ကြီး တခု၏ အစိတ်အပိုင်းများ ဖြစ်နိုင်သည်ဟု အင်ဒိုနီးရှား ရဲတပ်ဖွဲ့က ယူဆထားသည်ဟု သိရှိရသည်။
ဗုဒ္ဓဘာသာဝင် အများစုနေထိုင်ရာ မြန်မာနိုင်ငံတွင် ဖြစ်ပွားခဲ့သော ဘာသာရေး ပဋိပက္ခ များအတွင်းတွင် မူဆလင် အမြောက်အများ သေဆုံးခဲ့ပြီး ထောင်ပေါင်းများစွာ အိုးမဲ့အိမ်မဲ့ ဖြစ်ခဲ့ရသည်ဆိုကာ အင်ဒိုနီးရှားနိုင်ငံမှ အစွန်းရောက် ဝါဒီများက ဂျာကာတာမြို့ရှိ မြန်မာသံရုံးရှေ့တွင် သွားရောက် ဆန္ဒပြခဲ့ကြောင်း၊ မြန်မာနိုင်ငံအပေါ်လည်း ဂျီဟတ် ခေါ် ဘာသာရေးစစ်ပွဲဆင်နွဲရန် တောင်းဆိုသည်။
Ref: ဧရာဝတီ
Read More...
Collapse...
နန်းသီရိလွင်
May 9, 2013
ရှမ်းပြည်နယ် မြောက်ပိုင်း နမ့်ခမ်းမြို့နယ် အတွင်းရှိ ရှမ်းပြည် ပြန်လည် ထူထောင်ရေး ကောင်စီနှင့် ရှမ်းပြည် တပ်မတော် တောင်ပိုင်း RCSS/SSA ၏ အမှတ် (၇၀၁) နယ်မြေကို အစိုးရ တပ်မတော်က ယနေနံနက်တွင် ထိုးစစ်ဆင်နေပြီး ယနေ့နေ့လည် အထိ တိုက်ပွဲများ ဖြစ်ပွားနေကြောင်း သတင်းရရှိသည်။
“၄ နာရီခွဲလောက်က လက်နက်ကြီးသံ စကြားတာ။ နောင်ခမ်းနဲ့ ကွန်ဟိုင်းဆိုတဲ့ ရွာတွေဘက်က စဖြစ်တာ။ အခု နောင်မ ဆိုတဲ့ ရွာနားမှာ တပ်မတော်က လက်နက်ကြီးတွေနဲ့ ပစ်နေတယ်။ မြို့ပေါ်ကနေ လက်နက်ကြီးသံ ကြားနေရတယ်။ ရွာသူ ရွာသားတွေလည်း ပြေးကုန်ပြီ။ မြို့နဲ့ နီးတဲ့ ရွာတွေက မြို့ပေါ် တက်လာတယ်။ ဟိုဘက်ကမ်းက ရွာတွေကတော့ တရုတ်ပြည်ဘက် ပြေးကြတယ်” ဟု နမ့်ခမ်းမြို့နယ် ပြည်သူ့လွှတ်တော် ကိုယ်စားလှယ် ဦးစိုင်းကျော်က ဧရာဝတီသို့ ပြောသည်။
လက်နက်ကြီးနှင့် ပစ်ခတ်မှုများကြောင့် ထွက်ပြေးလာသူ ဒေသခံ ရွာသားများသည် နမ့်ခမ်းမြို့ ဇေယျသုခ ဘုန်းတော်ကြီးကျောင်းနှင့် မြို့ပေါ်ရှိ ဆွေမျိုးမိတ်ဆွေအိမ်များသို့ ရောက်ရှိလာကြကြောင်း သိရသည်။
ဒေသခံတဦးက “တရုတ်ပြည်ဘက်ကို ပြေးတဲ့သူတွေကို တရုတ်က လက်မခံဘူး ပြောတယ်။ အခု နမ့်ခမ်းမြို့ထဲကို ၀င်တဲ့ ကူးတို့ဆိပ်တွေကိုလည်း ပိတ်ထားလိုက်ပြီ။ ပိတ်မိနေကြမယ် ထင်တယ်။ နမ့်ခမ်းဆေးရုံမှာလည်း သွေး အသည်းအသန်လိုတဲ့ လူနာတွေ ပြည့်နေလို့ မြို့ထဲမှာ သွေးလှူမယ့်သူ လိုက်ရှာနေကြတယ်” ဟု ဆိုသည်။
နမ့်ခမ်းမြို့နယ် ဆေးရုံကြီးတွင် အစိုးရ တပ်မတော်ဘက်မှ ကျဆုံးသူ ၉ ယောက်၊ ဒဏ်ရာအကြီးအကျယ်ရရှိသူ ၈ ယောက်အထိ ရှိနေပြီး ဒဏ်ရာပြင်းထန်သူများကို မူဆယ်ဆေးရုံသို့ပို့ရန် စီစဉ်နေကြောင်း၎င်းက ဆက်ပြောသည်။ သို့သော် သေဆုံး ဒဏ်ရာရရှိသူ စာရင်းကို နမ့်ခမ်းမြို့နယ် ဆေးရုံကြီးသို့ ဆက်သွယ်မေးမြန်းခဲ့ရာ အတည်ပြုချက် မရရှိပေ။
“နှစ်ဘက်စလုံး ပစ်ခတ်နေတုန်းပဲ။ ဘယ်ဘက်က သာနေလဲ ပြောလို့ မရသေးဘူး။ အပစ်အခတ် ရပ်စဲထားတဲ့ သဘောတူညီချက်ကို သူတို့ စဖောက်လာတာပဲ။ ကျနော်တို့ တပ်စခန်းတွေရှိတဲ့ ကျနော်တို့ နယ်မြေထဲကို ၀င်လာရင် အကြောင်းကြားရမယ်။ သူတို့က အကြောင်းမကြားဘဲ ၀င်လာတယ်။ စပစ်တယ်။ လွန်ခဲ့တဲ့ လေး၊ ငါး၊ ခြောက်ရက်ကတည်းက အစိုးရတပ်တွေ ကျနော်တို့ဘက်ကို ကျွံလာတာ” ဟု RCSS/ SSA အမှတ် (၇၀၁) စစ်ဒေသမှ ဗိုလ်ကြီး စိုင်းခမ်းက ယနေ့ နေ့လည် ၁ နာရီအချိန်တွင် ဧရာဝတီ၏ ဆက်သွယ်မေးမြန်းမှုကို ဖြေကြားခဲ့သည်။
ကချင်လွတ်မြောက်ရေး တပ်မတော် (KIA) က စစ်ကူမည်ဆိုသည့် သတင်းများ ကြိုတင်ကြားထားသော်လည်း အကြောင်းကြားမှု တစုံတရာ မရှိသေးကြောင်း ၎င်းက ဆိုသည်။
ထိုးစစ်ဆင်မှုကို သိန္နီအခြေစိုက် စကခ (၁၆) တပ်မမှူး ကိုယ်တိုင် ကွပ်ကဲဆောင်ရွက်နေပြီး တိုက်ပွဲကြောင့် နမ့်ခမ်းမြို့ တဘက်ကမ်းရှိ နောင်မ၊ ၀မ်တာဟေး စသည့် ကျေးရွာများမှ ဒေသခံများ ထွက်ပြေးတိမ်းရှောင်နေကြောင်း သိရသည်။
“ရည်ရွယ်ချက်က ရှိတာ ကြာပြီထင်တယ်။ တပ်မမှူးကိုယ်တိုင် နမ့်ခမ်းမှာ လာထိုင်ကတည်းက ကျနော်တို့ ထင်တယ်၊ တနေ့နေ့တော့ ၀င်တိုက်မှာပဲလို့။ အပစ်ရပ်ထားတဲ့အချိန်မှာ တိုက်ပွဲ မဖြစ်သင့်ဘူး။ စားပွဲပေါ်မှာ ဆွေးနွေးလို့ ရတဲ့ဟာ၊ ကျနော်လည်း ဒါတော့ လွှတ်တော်တက်ရရင် ဒါကို ဆွေးနွေးဖြစ်အောင် ကြိုးစားမယ်” ဟု ပြည်သူ့လွှတ်တော် ကိုယ်စားလှယ် ဦးစိုင်းကျော်က ဧရာဝတီသို့ ပြောသည်။
RCSS/ SSA အဖွဲ့သည် ၂၀၁၁ ဒီဇင်ဘာလ ၂ ရက်နေ့တွင် ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့နှင့် ပဏာမ သဘောတူညီချက် ၈ ချက်ဖြင့် အပစ်အခတ်ရပ်ဆဲရန် သဘောတူညီခဲ့ကြပြီးနောက် ငြိမ်းချမ်းရေးဆွေးနွေးပွဲ ၃ ကြိမ်အထိ ပြည်ထောင်စုအဆင့် တွေ့ဆုံဆွေးနွေးခဲ့ပြီးဖြစ်ကြောင်း သိရသည်။
အစိုးရနှင့် SSA တောင်ပိုင်းတို့အကြား ပဏာမ အပစ်အခတ် ရပ်စဲရေး သဘောတူညီမှု ရရှိပြီး နောက်ပိုင်း တိုက်ပွဲပေါင်း ၅၀ ကျော် ဖြစ်ပွားခဲ့ကြောင်း၊ တိုက်ပွဲအများစုမှာ နယ်မြေကျွံမှုများ ဖြစ်ကြောင်း သိရှိရသည်။
Ref: ဧရာဝတီ
Read More...
Collapse...
ခင်ဦးသာ
May 9, 2013
ရခိုင်ပြည်နယ်အတွင်း ဖြစ်ပွားခဲ့သည့် ပဋိပက္ခများနှင့် ပတ်သက်၍ ဖမ်းဆီး ထိန်းသိမ်း ခံထားရသော ရခိုင် အမျိုးသား ၁၀ ဦးကို စစ်တွေမြို့နယ် တရားရုံးက ထောင်ဒဏ် အသီးသီး ချမှတ် လိုက်ကြောင်း သတင်းရရှိသည်။
ယမန်နှစ် ဇွန်လအတွင်း ဖြစ်ပွားမှုတွင် ပါဝင်ပတ်သက်သည်ဟု ဆိုကာ ဖမ်းဆီးထားသော ကျောက်တော်မြို့နယ် အတွင်းမှ ရခိုင် အမျိုးသား ၁၀ ဦးကို မေလ ၇ ရက်နေ့တွင် စစ်တွေမြို့နယ် တရားသူကြီးအဖွဲ့မှ ဥပဒေ ပုဒ်မ ၃၇၉၊ ၄၃၆ တို့ဖြင့် စီရင်ချက် ချမှတ်လိုက်ကြောင်း၊ ၎င်းတို့အား အလုပ်နှင့် ထောင်ဒဏ် ၁ နှစ်မှ ၃ နှစ်အထိ အသီးသီး ချမှတ်လိုက်ကြောင်း ထိုအမှုအား လိုက်ပါဆောင်ရွက်ပေးနေသော ရှေ့နေ ဒေါ်အေးနုစိန်က ဧရာဝတီသို့ ပြောသည်။
“မြို့နယ်တရားသူကြီး ၂ ဦးရဲ့ ဆုံးဖြတ်ချက်နဲ့ ထောင်ဒဏ်ချမှတ်တာ ဖြစ်လို့ တရားမျှတမှု ရှိ မရှိ ဆိုတာကို ဥပဒေကြောင်း အရ အယူခံ ၀င်ပိုင်ခွင့် ရှိပါသေးတယ်။ ဒါကြောင့် ခရိုင်အဆင့် တရားရုံးမှာ ထပ်မံ အယူခံ ၀င်သွားမှာပါ” ဟု ၎င်းက ဆိုသည်။
ဖမ်းဆီးခံထားရသူများသည် ကျောက်တော် မြို့နယ်မှ ရွာသစ်ကေ၊ ကျောက်ဖြူ ရွာသစ်၊ ကသစ်တော စသည့် ကျေးရွာများမှ ကိုကျော်လှဖြူ၊ ကိုစံအေးကျော်၊ ကိုမောင်ထွန်းဝင်း၊ ကိုမောင်းသိန်းဝင်း၊ ကိုမောင်အေးချေ၊ ကိုစံလှိုင်၊ ကိုစောရွှေမောင်၊ ကိုကျော်ဆန်း၊ ကိုကျော်ထွန်းဝင်း၊ ကိုအောင်သန်းဌေး တို့ဖြစ်ကြောင်း သိရသည်။ ၎င်းတို့အနက် ကိုစံအေးကျော်သည် ပုဒ်မ ၃၇၉ ဖြင့် ထောင်ဒဏ် ၉ လ ချမှတ်ခံရပြီး အနည်းဆုံး ဖြစ်သည်။
၎င်းတို့အား ထောင်ဒဏ်ချမှတ်သည့် ပြစ်မှုဆိုင်ရာ ဥပဒေပုဒ်မ ၃၇၉ သည် နွားခိုးမှု၊ ပြစ်မှုဆိုင်ရာ ဥပဒေ ပုဒ်မ ၄၃၆ သည် မီးရှို့မှုတို့ဖြစ်ကြောင်း၊ ၎င်းတို့အား ကျောက်တော်မြို့နယ် အပေါက်ဝ ရဲစခန်းမှ တရားလိုပြု တရားစွဲဆိုခဲ့ခြင်း ဖြစ်ကြောင်း ရှေ့နေ ဒေါ်အေးနုစိန်က ပြောသည်။
ဖမ်းဆီးခံထားရသူများသည် အမှန်တကယ် ပြစ်မှုကျူးလွန်သူများ မဟုတ်ဘဲ ဒေသတွင်း လုံခြုံရေး တာဝန် ယူထားသည့် စစ်တပ်၏ ခိုင်းစေချက်အရ ရဲစခန်းမှ အမှုဖွင့် တရားစွဲဆိုခြင်းသာ ဖြစ်ကြောင်း ကျောက်တော်ဒေသခံ ဦးမောင်မောင်က ဧရာဝတီကို ပြောသည်။
“ရွာတွေမီးလောင်တော့ ထွက်ပြေးတဲ့ နွားတွေ၊ ပျောက်သွားတဲ့ နွားတွေရှိမှာပေါ့၊ ဒါကို နွားခိုးမှုလို့ စစ်တပ်က ပြောတယ်။ ကျနော်တို့ အမြင်ကတော့ ဒေသခံတွေကို ပုဒ်မတွေ အများကြီးနဲ့ တရားစွဲ ထောင်ချလို့ရအောင် ဆိုပြီးတော့ မတရား လုပ်တယ်လို့ မြင်တယ်။ ပဋိပက္ခဖြစ်ချိန်တုန်းက လမ်းမှာတွေ့တဲ့သူတွေ၊ သူတို့ သဘောမကျတဲ့ သူတွေကိုလည်း အကုန်ဖမ်းတယ်၊ ပြီးရင် ရဲစခန်းကို ပို့တယ်” ဟု ၎င်းက ဆိုသည်။
ထောင်ချခံထားရသူများသည် သာမန် တောင်သူလယ်သမားများသာ ဖြစ်ပြီး သားသမီး၊ မိသားစု ရှိသူများ ဖြစ်ကြောင်း၊ မိသားစုဝင်များကလည်း ၎င်းတို့ အမြန်ဆုံး ပြန်လည် လွတ်မြောက်လာမည်ကို မျှော်လင့်နေကြကြောင်း သိရသည်။
ရခိုင်ပြည်နယ် အတွင်း၌ ၂၀၁၂ ခုနှစ် ဇွန်လနှင့် အောက်တိုဘာလတို့တွင် ဖြစ်ပွားခဲ့သော အကြမ်းဖက်မှုများ၊ ပဋိပက္ခများကြောင့် မြို့နယ် ၁၂ ခုမှ ဖမ်းဆီး ထိန်းသိမ်းခံခဲ့ရသည့် ရခိုင်တိုင်းရင်းသား စုစုပေါင်း ၂၄၀ ကျော်ရှိပြီး အများစုမှာ ပြန်လည် လွတ်မြောက်သွားပြီ ဖြစ်ကြောင်း ရခိုင်ပြည်နယ် အစိုးရအဖွဲ့၏ မှတ်တမ်းတချို့တွင် ဖော်ပြထားသည်။
ရခိုင် တိုင်းရင်းသားများ အပြင် ဗမာတိုင်းရင်းသား ၉ ဦး၊ ဟိန္ဒူ လူမျိူး ၂၇ ဦး၊ မရာမာကြီး ၄ ဦး၊ ဘင်္ဂါလီ ၈၀၀ ကျော် တို့ကိုလည်း ဖမ်းဆီး ထိန်းသိမ်းခဲ့ပြီး အများစုမှာ ပြန်လည် လွတ်မြောက်သွားပြီဟု သိရသည်။
Ref: ဧရာဝတီ
Read More...
Collapse...
ဖိုးစိုးသူ
ကြာသပတေးနေ့၊ မေလ ၀၉ ရက် ၂၀၁၃
ကြေးနီတောင် စီမံကိန်းကြောင့် ပုဒ်မ ၁၄၄ ထုတ်ပြန် ထားသော ဆားလင်းကြီး မြို့နယ်ရှိ လယ်မြေများ ပေါ်တွင် ကျေးရွာ ၈ရွာခန့်မှ လယ်သမားများက ယခုနှစ် မိုးရာသီတွင် မိုးစပါး စိုက်ပျိုးသွားမည် ဖြစ်ကြောင်း ရန်ကုန်မြို့ မြန်မာ ဂျာနယ်လစ် ကွန်ရက်ရုံးတွင် ပြုလုပ်သော သတင်းစာ ရှင်းလင်းပွဲတွင် ပြောကြားခဲ့သည်။
ကြေးနီတောင်စီမံကိန်း နယ်မြေထဲတွင် ရောက်ရှိနေကြသော လယ်သမားများပိုင် လယ်မြေများ ပေါ်တွင် လယ်ထွန်ခြင်း ၊ လယ်စောင့်တဲ ဆောက်လုပ်ခြင်းများကို ဒေသဆိုင်ရာ အာဏာပိုင်များမှ တင်းကြပ်စွာ တားမြစ် ထားသော်လည်း ယခုမိုးရာသီတွင် မဖြစ်မနေ စိုက်ပျိုး သွားမည်ဖြစ်ကြောင်း ဆည်တည်းကျေးရွာ မှ လယ်စိုက်သူ ဦးမင်းမင်းကဆိုသည် ။
လယ် ၁၃ ဧကပိုင်ဆိုင်သူ ဦးမင်းမင်း က “ လယ်မြေတွေက စီမံကိန်းထဲ ပါနေတယ်။ ပုဒ်မ ၁၄၄ ထုတ်ပြန်ထားတဲ့ အတွက် လယ်မြေပေါ်မှာ ထွန်ယက်တာကိုတောင် တားဆီးနေကြတယ် ။ လယ်မစိုက်ရရင် မိသားစု စားဝတ်နေရေးတွေ အခက်အခဲတွေ့ပြီး ကလေးတွေရဲ့ ပညာရေး ၊ ကျန်းမာရေး အခြေအနေတွေ စိုးရိမ်နေရတယ် " ဟု ရှင်းပြသည် ။
ကြေးနီတောင် စီမံကိန်းနယ်မြေ တွင် မြေဧကပေါင်း ၇၈၀၀ ကျော်ပါဝင်နေပြီး မိမိပိုင် လယ်မြေ၊ ယာမြေများ တွင် ထွန်ယက် စိုက်ပျိုးရန် အတွက် ပုဒ်မ ၁၄၄ ထုတ်ပြန်ထားသော နယ်မြေဖြစ်၍ လယ်မြေထွန်ယက်ခြင်း ၊ လယ်စောင့်တဲများ ဆောက်လုပ်ခွင့်များ ကို တင်းတင်းကျပ်ကျပ် တားမြစ်မှုများ ရှိနေကြောင်း မိုးကြိုးပြင် ကျေးရွာ မှ ဒေါ်ရီရီမြင့် က ရှင်းပြသည်။ မိုးရာသီ ရောက်ရှိလာပြီ ဖြစ်၍
ကြေးနီတောင် စီမံကိန်း နယ်မြေတွင် မြေဧကပေါင်း ၇၈၀၀ကျော် ပါဝင်နေပြီး ပုဒ်မ ၁၄၄ထုတ်ပြန် ထားသည့် နယ်မြေဖြစ်၍ မိုးရာသီ ရောက်ရှိလာပြီ ဖြစ်၍ လယ်မြေထွန်ယက်ခြင်း၊ လယ်စောင့်တဲများ ဆောက်လုပ်ခွင့် များကို ဒေသခံအုပ်ချူပ်ရေးမှူးများမှ တင်းတင်းကျပ်ကျပ် တားမြစ်မှုများ ရှိနေကြောင်း မိုးကြိုးပြင် ကျေးရွာမှ ဒေါ်ရီရီမြင့်က ရှင်းပြသည်။
လယ်ယာစိုက်ပျိုးခွင့်ကို ခွင့်ပြုသည် ဖြစ်စေ ခွင့်မပြုသည်ဖြစ်စေ လယ်ယာစိုက်ပျိုးမှုများကို ယခုနှစ် မိုးရာသီတွင် ပြုလုပ်သွားမည် ဖြစ်ကြောင်း သတင်းစာရှင်းလင်းပွဲသို့ တက်ရောက်လာသော တောင်သူများက တညီတညွှတ်ထဲ ဆိုကြသည်။
ကြေးနီတောင် စီမံကိန်းမှာ ယခင်စစ်အစိုးရ လက်ထက်တွင် သဘောတူ စာချူပ် ချူပ်ဆိုခဲ့ခြင်း ဖြစ်သော်လည်း လက်ရှိအစိုးရ၊ တရုတ်ဝမ်ပေါင် ကုမ္ပဏီ နှင့် စုံစမ်း စစ်ဆေးရေး ကော်မရှင်တို့မှ ဥပဒေဘောင် အတွင်းမှ မျှမျှတတ ဆောင်ရွက်ပေးသင့်ကြောင်း ဆားလင်းကြီးမြို့နယ် ရှင်မတောင် ဆရာတော် အရှင်က၀ိန်ဒက မိန့်ကြားခဲ့သည်။
လက်ပံတောင်း တောင် ကြေးနီစီမံကိန်းတွင် လယ်မြေများ သိမ်းခံရသော လယ်သမားများကို လယ်တစ်ဧက လျှင် ၁၅ သိန်းပေးလျော်သော်လည်း လျော်ကြေးငွေမယူသော တောင်သူလယ်သမားလည်း ရှိကြောင်း ဆားလင်းကြီး ကျေးရွာဒေသခံများ ကဆိုသည် ။
Ref: မဇ္ဈိမ
Read More...
Collapse...
2013-05-09
မြန်မာ အစိုးရနဲ့ ပြည်ထောင်စု အဆင့် အပစ်အခတ် ရပ်စဲထားတဲ့ ရှမ်းပြည် တပ်မတော်တောင်ပိုင်း SSA/RCSS တပ်တွေနဲ့ မြန်မာ အစိုးရတပ်တွေ ဒီကနေ့ တစ်နေ့လုံး နီးပါး တိုက်ပွဲဖြစ်ပွား ခဲ့ပါတယ်။
ရှမ်းပြည်နယ်မြောက်ပိုင်း၊ နမ့်ခမ်းမြို့နယ် ရွှေလီမြစ်ဝှမ်းအခြေစိုက် ရှမ်းပြည် တပ်မတော်တောင်ပိုင်း SSA/RCSS တပ်မဟာ (၇၀၁) ရဲ့ တပ်စခန်းကို မြန်မာစစ်တပ်၊ အမှတ် ၁၆ စစ်ဆင်ရေး ကွပ်ကဲမှု ဌာနချုပ် တပ်တွေက ၀င်ရောက် တိုက်ခိုက်ခဲ့တဲ့အတွက် တိုက်ပွဲဖြစ်ပွား ခဲ့တာလို့ အဲဒီတိုက်ပွဲမှာရှိနေတဲ့ ၇၀၁ တပ်မှူး ဒုတိယ ဗိုလ်မှုးကြီး ဇွန်မိန်းက ပြောပါတယ်။ ဒီတိုက်ပွဲတွေကြောင့် ဒေသခံတွေ ထောင်နဲ့ချီပြီး တရုတ်ပြည်ဖက်ကို ထွက်ပြေး တိမ်းရှောင်ခဲ့ရပါတယ်။
ခုနောက်ဆုံးရရှိထားတဲ့ သတင်းတွေအရ ရှမ်းပြည်တပ်မတော် တောင်ပိုင်း အနေနဲ့ ရွှေလီမြစ်ဝှမ်းမှာ ရှိတဲ့ တပ်မဟာ (၇၀၁) တပ်စခန်းကို ဒီကနေ့ ညနေပိုင်းမှာ ဆုတ်ပေးလိုက်ရပြီး၊ တိုက်ပွဲတွေ အတွင်း ရှမ်းပြည် တပ်မတော်တောင်ပိုင်းက တစ်ဦးကျဆုံး၊ နှစ်ဦးဒဏ်ရာ ရရှိကြောင်း သိရပါတယ်။
မြန်မာစစ်တပ်ဘက်က ထိခိုက်ကျဆုံးစာရင်းတော့ မသိရသေးပါဘူး။
Ref: RFA News
Read More...
Collapse...
နေထွန်းနိုင်
05 May 2013 15:06
(၁)
၁၉၃၆ ခုနှစ် ဇန်န၀ါရီလ။ ကျောင်းသားခေါင်းဆောင် ကိုအောင်ဆန်းက တာဝန်ခံ အယ်ဒီတာ အဖြစ် ဆောင်ရွက်ခဲ့တဲ့ အိုးဝေမဂ္ဂဇင်း၊ အင်္ဂလိပ်ပိုင်း ကဏ္ဍမှာ ဆောင်းပါး တစ်ပုဒ်ကို ဖော်ပြခဲ့ပါတယ်။ ''ငရဲခွေးကြီးလွတ်နေပြီ''။ အဲဒီ အချိန်တုန်းက တက္ကသိုလ် အာဏာပိုင် မျက်နှာဖြူတွေကို အမျက်ဒေါသ ထွက်စေခဲ့တဲ့ ဆောင်းပါးဖြစ်ခဲ့ ပါတယ်။ ရန်ကုန် တက္ကသိုလ်ကျောင်းသား ကိုညိုမြက ယမမင်း ကလောင်နဲ့ ရေးခဲ့တဲ့ ဒီဆောင်းပါးကို အကြောင်းပြုပြီး ကိုအောင်ဆန်းကို ကျောင်းထုတ် ခဲ့ရာကနေ ဒုတိယအကြိမ် ပြည်လုံးကျွတ် ကျောင်းသား သပိတ်ကြီး ပေါ်ပေါက် ခဲ့ပါတယ်။
ဒီနေ့အချိန်မှာလည်း တရား မျှတမှုနဲ့ အမှန်တရားကို ဖော်ထုတ်ရမယ့် ကိစ္စရပ်တွေ ရှိလာခဲ့ပါပြီ။ လူတစ်ဦး တစ်ယောက်(သို့မဟုတ်) လူတစ်စု တစ်ဖွဲ့က လုပ်ဆောင်နေတဲ့ လုပ်ရပ်တွေဟာ မြန်မာနိုင်ငံကို သွေးချောင်းစီးစေမယ့် အခြေအနေကို တွန်းပို့နေပါတယ်။ ဒီလူတွေမှာ အာဏာရှင်စနစ်ကို ပြန်လည် အသက်သွင်းလိုတဲ့ စိတ်ဓာတ်တွေ ပြည့်နှက်နေပြီး သူတို့ရဲ့ လုပ်နည်း လုပ်ဟန်တွေက ယခင် စစ်အစိုးရ အုပ်ချုပ်ယန္တရား လည်ပတ်ခဲ့စဉ်က ကျင့်သုံးခဲ့တဲ့ လုပ်နည်း လုပ်ငန်းတွေနဲ့ တူညီနေပါတယ်။
အရေးယူမယ့်သူမရှိ လက်ရဲ ဇက်ရဲနိုင်တဲ့ သူတွေရဲ့ အနေအထားက ''ခေတ်သစ် ငရဲခွေးကြီး လွတ်နေပြီ''ဆိုတဲ့ အနေအထားပါပဲ။
(၂)
ဆက်သွယ်ရေး မြန်ဆန်လာမှု၊ အင်တာနက်ကို အသုံးပြုပြီး အာဏာရှင်စနစ်ကို ပြန်လည် အသက်သွင်း လိုသူတွေရဲ့ ၀ါဒဖြန့်ချိရေး ပုံစံတွေဟာ ပြောင်းလဲ လာပါတယ်။ လူမှုကွန်ရက် စာမျက်နှာတွေမှာ အင်အား အလုံးအရင်းနဲ့ ၀င်ရောက်နေရာယူပြီး လိုချင်တဲ့ ပစ်မှတ်ကို ရအောင်ဖန်တီး လုပ်ဆောင် လာကြပါတယ်။ ပြီးခဲ့တဲ့ နှစ်နှစ် သုံးနှစ်တာ ကာလက စတင်ပြင်ဆင်ခဲ့တဲ့ ဒီလူတွေ ခြေလှမ်းဟာ အခုချိန်မှာ အတော်လေး ခရီးပေါက်နေခဲ့ပါပြီ။ ဒီလူတွေဟာ အစိုးရရဲ့ ၀ါဒဖြန့်ချိရေး ယန္တရားက တစ်ဆင့် လူထုကြားကို ကျယ်ပြန့်စွာနဲ့ ၀င်ရောက်နေရာယူပြီး သွေးထိုး လှုံ့ဆော်မှုတွေကို လုပ်ဆောင် လာခဲ့ကြပါတယ်။
(၃)
ဒေါက်တာဆိတ်ဖွား ရေးသားချက်ကို ဖော်ထုတ်ရေးအတွက် လွှတ်တော်က ဖွဲ့စည်းထားတဲ့ စုံစမ်းရေး ကော်မရှင်က ခေါ်ယူမေးမြန်းခံရတဲ့ လူတွေထဲမှာ ကျွန်တော်လည်း ပါပါတယ်။ နေပြည်တော်မှာ သွားရောက် စစ်ဆေး ခံခဲ့ပါတယ်။ ရက်ရှည်လများ အချိန်ယူ စုဆောင်းပြီး ကျွန်တော် သိရှိထားတဲ့ အချက်အလက်တွေကို စုံစမ်းရေး ကော်မရှင်ကို ပြောခဲ့ပါတယ်။ ဒီအချိန်တည်းက ဒေါက်တာ ဆိတ်ဖွားဟာ တစ်ဦးထက်မက ဖြစ်တယ် ဆိုတာကို ပြောဆိုခဲ့ပြီးသားပါ။ ဒေါက်တာ ဆိတ်ဖွားရဲ့ နောက်ကွယ်မှာ စနစ်တကျ ဖွဲ့စည်းထားတဲ့ အဖွဲ့တစ်ခု ခိုင်ခိုင်မာမာနဲ့ ရှိနိုင်တဲ့ အချက်တွေကိုလည်း ပြောခဲ့ပါတယ်။
အံ့သြစရာ ကောင်းတာက ဒေါက်တာဆိတ်ဖွား ဒါမှမဟုတ် ဒေါက်တာဆိတ်ဖွားအဖွဲ့ ဦးဆောင်သူကို စုံစမ်းရေး ကော်မရှင်အဖွဲ့ဝင်တွေက သိနေတဲ့ အချက်ပါပဲ။ ကျွန်တော်ရရှိထားတဲ့ အချက်အလက်တွေအရ ဆိတ်ဖွားဟာ ဘယ်သူ ဖြစ်ပါတယ်လို့ ပြောခဲ့ပါတယ်။ ဆိတ်ဖွားနဲ့ ဌာနတစ်ခုတည်း အလုပ်တွဲလုပ်ခဲ့တဲ့ စုံစမ်းရေး ကော်မရှင်အဖွဲ့ဝင် တစ်ဦးက ဒါကို ထောက်ခံပြီး ဟုတ်တယ်လို့ ပြောပါတယ်။
နောက်တစ်ချက်ကတော့ ဒေါက်တာဆိတ်ဖွားသုံးတဲ့ IP လိပ်စာကို အဲဒီအချိန်ကတည်းက လွှတ်တော်က ရရှိထားပြီး ဖြစ်နေလို့ပါ။ ဒီအချက်တွေကြောင့် ''ဆိတ်ဖွားကို ဖော်ထုတ်နိုင်ပြီ'' လို့ စုံစမ်းရေး ကော်မရှင်တွေ ပြောတာကို ကျွန်တော်က အံ့သြခြင်း မရှိပါဘူး။ သေချာတာကတော့ ဆိတ်ဖွားကို ဖော်ထုတ်ခြင်းဟာ လူတစ်ဦးရဲ့ လွတ်လပ်စွာ ရေးသားခွင့်ကို ထိပါးတာ မဟုတ်ဘဲ သူ့နောက်မှာရှိနေတဲ့ အဖွဲ့ရဲ့ လုပ်ရပ်ကို ဖွင့်ထုတ်လိုခြင်း ဖြစ်ပါတယ်။
(၄)
ဆိတ်ဖွားအနေနဲ့ သူ့ကိုလွှတ်တော်က ဖော်ထုတ်နိုင်မှာ မဟုတ်ဘူး။ ဖော်ထုတ်နိုင်ရင်လည်း ထုတ်ပြောဝံ့မှာ မဟုတ်ဘူးလို့ ယူဆထားပုံပါပဲ။ ဆိတ်ဖွား မတိုင်ခင်က အသုံးပြုခဲ့တဲ့ စစ်အောင်ဆိုတဲ့ Facebook Account ကို ပိတ်လိုက်သလို ပရော်ဖက်ဆာ ဒေါက်တာဆိတ်ဖွား အမည်ခံ ရေးသားနေတဲ့ Voice of Myanmar ဘလော့ဂ်မှာလည်း အသစ်ရေးသားခြင်း မပြုတော့ပါဘူး။ ဒါပေမဲ့ အခြားတစ်နေရာမှာ နာမည်တစ်ခုနဲ့ ထပ်ပေါ်လာပါတယ်။ အဲဒီလူက ''လူထုမောင်ကာဠု'' ဆိုတဲ့ Facebook Page ဖြစ်ပါတယ်။
စာရေးတဲ့လူတွေဟာ ကိုယ်ရဲ့ စာရေးဟန်ကို အလုံးစုံ မပြောင်းလဲ နိုင်ကြပါဘူး။ ဘယ်လိုနာမည်တွေ သုံးပြီး ရေးသည် ဖြစ်စေ ကာလ ကြာလာတာနဲ့အမျှ မူလရေးဟန်ကို သွေဖယ်နိုင်မှာ မဟုတ်ဘူး။ စာရေးတဲ့တိုင်း သိကြပါတယ် လူထုမောင်ကာဠုကို စောင့်ကြည့် လေ့လာမှုတွေအရ သူရဲ့ရေးဟန်တွေဟာ စစ်အောင်၊ ဆိတ်ဖွား စတဲ့သူတွေရဲ့ ရေးဟန်နဲ့ တဖြည်းဖြည်း တူလာတာကို တွေ့ရပါတယ်။
ဆိတ်ဖွားနဲ့ လူထုမောင်ကာဠုဟာ စစ်တပ်နဲ့ သူတို့လူ တစ်ချို့ကိုသာ ချီးမြှောက်ပြီး ဒီမိုကရေစီ လမ်းသွားမယ့် သူတွေကို တိုက်ခိုက်ခဲ့ပါတယ်။
အာဏာရှင်စနစ်ကို ပြန်လည် အသက်သွင်းလိုသူ ၀ါဒဖြန့်ချိရေး သမားတွေရဲ့ လုပ်နည်း လုပ်ဟန်က လူမှုကွန်ရက် စာမျက်နှာတွေမှာ သူတို့ရဲ့ အဖွဲ့ဝင်တွေ အင်အားကောင်းလာအောင် ပထမဆုံး လုပ်ဆောင်ပါတယ်။ ဒုတိယဆင့်အနေနဲ့ သူတို့ရေးသားမှုတွေအောက်မှာ ဘယ်သူမဆို ၀င်ရောက် မှတ်ချက် ပေးနိုင်အောင် လုပ်ပါတယ်။ တတိယဆင့်မှာတော့ သူတို့ရေးသားမှုကို သူတို့ရဲ့ အဖွဲ့ဝင်တွေ ၀င်ရောက် မှတ်ချက်ရေးစေပြီး ထောက်ခံမှု ရေးသားစေပါတယ်။ ဒီနောက်မှာ တစ်ဆင့် ဖြန့်ဖြူးကြတာ ဖြစ်ပါတယ်။ ဒီလိုနည်းနဲ့သူတို့ရဲ့ ၀ါဒ ဖြန့်ချိ သွေးထိုးမှုတွေကို ကျယ်ပြန့်အောင် လုပ်ဆောင်ခဲ့ကြပါတယ်။
(၅)
လူထု မောင်ကာဠုကို လူမှုကွန်ရက်သုံးတဲ့ လူတွေ သိကြပါတယ်။ ဒေါ်အောင်ဆန်းစုကြည် အပါအ၀င် လူထုထောက်ခံမှု ရရှိနေတဲ့ နိုင်ငံရေးသမားတွေ၊ မီဒီယာသမားတွေကို နည်းမျိုးစုံသုံး ပုတ်ခတ် တိုက်ခိုက်တာ ဖြစ်ပါတယ်။
လက်ရှိအချိန်မှာ သူ့ရဲ့အဓိက ရည်ရွယ်ချက်ကတော့ ဘာသာရေး အဓိကရုဏ်းတွေ မဖြစ်ဖြစ်အောင် သွေးထိုး လှုံ့ဆော်နေတာ ဖြစ်ပါတယ်။ သာကေတ ဗလီကိစ္စမှာလည်း လူထုမောင်ကာဠုနဲ့ သူ့ရဲ့ အဖွဲ့ဝင်တွေက လှုံ့ဆော်မှုတွေ လုပ်ခဲ့ပါတယ်။ ဒီလိုပါပဲ။ မိထ္တီလာဖြစ်ရပ် မတိုင်ခင်မှာလည်း အကြိုလှုံ့ဆော်မှုတွေကို ဆက်တိုက်လုပ်ဆောင်ခဲ့ပါတယ်။ အခုချိန်မှာတော့ သူ့ရဲ့ လူမှုကွန်ရက် စာမျက်မှာ အစ္စလာမ်မုန်းတီးရေးကို အခြေခံပြီး မြန်မာတိုင်းရင်းသားတွေနဲ့ မြန်မာနိုင်ငံတွင်းနေ မြန်မာမွတ်စလင်တွေအကြား ရန်တိုက်ပေးမှုတွေကို ဆက်တိုက်လုပ်ဆောင်လာတာ တွေ့ရပါတယ်။ အဆိုးဆုံးကတော့ ၂၀၁၅ ရွေးကောက်ပွဲမှာ လူထုထောက်ခံမှု အများဆုံး ရနိုင်ချေရှိတဲ့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်ကို မွတ်စလင်ပါတီလို့ ပုတ်ခတ်ပြီး တိုက်ခိုက်နေတာ ဖြစ်ပါတယ်။
(၆)
ရခိုင်ပဋိပက္ခ မကျယ်ပြန့်ခင် နိုင်ငံပိုင် သတင်းစာမှာ ဖော်ပြခဲ့တဲ့ ''မွတ်စလင်ကုလား'' ဆိုတဲ့ အသုံးအနှုန်းနဲ့ ပတ်သက်ပြီး ရှင်းလင်းမှုတွေ မရှိသေးပါဘူး။ အစိုးရသတင်းစဉ် အနေနဲ့ ''မွတ်စလင်ကုလား'' ဆိုတဲ့ အသုံးအနှုန်းကို အထက်လူကြီးရဲ့ အမိန့်မရဘဲ ထည့်ခွင့် မရှိဘူးဆိုတဲ့ ပြောဆိုချက်တွေလည်း ရှိနေပါတယ်။ ဒီနောက်ကွယ်မှာ ဘယ်သူက အမိန့်ပေး စေခိုင်းသလဲ ဆိုတာကို ထုတ်ဖော်ပြောဆိုတာလည်း မရှိသေးပါဘူး။
ပရော်ဖက်ဆာ ဒေါက်တာဆိတ်ဖွားဆိုတာ ပြန်ကြားရေး ၀န်ကြီးဌာနရဲ့ အဆင့်မြင့် အရာရှိပဲ ဖြစ်တယ်လို့ သူနဲ့လုပ်ဖော်ကိုင်ဖက် ဖြစ်ခဲ့ဖူးသူ လွှတ်တော်အမတ်က စုံစမ်းရေး ကော်မရှင်မှာ တရားဝင် ထုတ်ဖော်ပြောဆိုခဲ့တာ၊ သာမန်လူတွေ မရနိုင်တဲ့ သတင်းတွေကို လူထုမောင်ကာဠု စာမျက်မှာ အချိန်နဲ့ တစ်ပြေးညီတင်ပြီး လှုံ့ဆော်မှု ပြုနိုင်တာတွေက သံသယ ဖြစ်စရာတွေပါ။ သွေးထိုးလှုံ့ဆော်မှုတွေကို လုပ်ဆောင်နေသူတွေ သုံးတဲ့ ကလောင်နာမည်တွေကလည်း စစ်အစိုးရလက်ထက် နိုင်ငံပိုင် သတင်းစာတွေမှာ သုံးစွဲခဲ့တဲ့ ကလောင်အမည် ပေးပုံတွေနဲ့ ဆင်တူနေပါတယ်။
(၇)
အခုချိန်မှာတော့ ဆိတ်ဖွားကို ဖော်ထုတ်နိုင်ပြီလို့ စုံစမ်းရေး ကော်မရှင်က ပြောထားပါတယ်။ ဆိတ်ဖွားဆိုသူနဲ့ သူ့နောက်မှာ ရှိနေသူတွေကို လွှတ်တော်က အရေးယူမလား။ အစိုးရက အရေးယူမလား ဆိုတာကို ကျွန်တော်တို့ စောင့်ကြည့်နေပါတယ်။ ဆိတ်ဖွားနဲ့ စပ်ဆက်ပြီး ပေါ်ပေါက်လာတဲ့ လူထုမောင်ကာဠုနဲ့ သူ့နောက်မှာ ရှိနေသူတွေကိုလည်း ဖော်ထုတ်အရေးယူဖို့ လိုအပ်လာပါပြီ။ ဒီလို ဖော်ထုတ်အရေးယူမှလည်း ပြည်သူတွေအတွက် အမှန်တရားနဲ့ မတရားမှုတွေကို ခံစားခဲ့ရတဲ့ မြန်မာ မွတ်စလင်တွေအတွက် မျှတမှုပေးရာ ရောက်ပါတယ်။
အကယ်၍ လွှတ်တော်က အရေးမယူခဲ့ဘူး။ အစိုးရက အရေးမယူခဲ့ဘူးဆိုရင် တရားမျှတမှုကို လိုလားသူတွေက နိုင်ငံတကာကို ထုတ်ဖော်ပြောဆိုသွားမှာ ဖြစ်သလို International Criminal Court (ICC)၊ အခြားသော UN အဖွဲ့အစည်းတွေကို တိုင်ကြားပါလိမ့်မယ်။ နိုင်ငံတကာ တရားရုံးတွေ အနေနဲ့ Facebook အသုံးပြုသူရဲ့ IP၊ မေးလ်လိပ်စာတွေကို တောင်းဖို့ ၀န်လေးနေမှာ မဟုတ်ဘူးဆိုတာ လူထုမောင်ကာဠုသိဖို့ လိုပါတယ်။
လှုံ့ဆော်မှုတွေရဲ့ အဓိက တရားခံဟာ ဦးဝီရသူလို ဗုဒ္ဓဘာသာ သံဃာတော်တွေကြောင့် မဟုတ်ပါဘူး။ ၉၆၉ လှုပ်ရှားမှုတွေကြောင့်လည်း မဟုတ်ပါဘူး။ ဒေါက်တာဆိတ်ဖွားနဲ့ လူထုမောင်ကာဠုလို လူတွေ၊ သူတို့ရဲ့ နောက်ကွယ်မှာ ရှိနေတဲ့ အဖွဲ့အစည်းတွေကြောင့် ဖြစ်ပါတယ်။ ဒါကိုဖော်ထုတ်ပြီး ရဲရဲဝံ့ဝံ့ ဖြေရှင်းရပါလိမ့်မယ်။ ဒီလိုမှ မလုပ်ဘူးဆိုရင် မြန်မာနိုင်ငံဟာ ၂၀၁၅ခု နှစ် မတိုင်မီ အချိန်မှာပဲ ဘာသာရေး ပဋိပက္ခတွေကြောင့် သွေးချောင်းစီးမှုတွေ ဖြစ်လာနိုင်ပါတယ်။
ခေတ်သစ်ငရဲခွေးကြီးကို ဖော်ထုတ်ပေးဖို့က လွှတ်တော်နဲ့ အစိုးရမှာ တာဝန်ရှိနေပါတယ်။ ကျွန်တော်ကတော့ လွှတ်တော်ရဲ့ စုံစမ်းရေး ကော်မရှင်ရှေ့မှာ ရဲရဲဝံ့ဝံ့ အစစ်ခံခဲ့သလို နိုင်ငံတကာ တရားရုံးရှေ့မှာလည်း ရဲရဲဝံ့ဝံ့ အစစ်ခံဖို့ အဆင်သင့်ပါပဲ။
Ref: EMG News
Read More...
Collapse...
ခင်မမမျိုး
May 5, 2013
နိဒါန်း
ပြည်တွင်းပဋ္ဋိပက္ခတွေမှာ အိုင်အိုလို့အတိုကောက်ခေါ်ကြတဲ့ International Organizations (နိုင်ငံတကာ အဖွဲ့အစည်းများ) ကို ကိုယ်စားပြုပြီး၊ ကျယ်ကျယ်လောင်လောင် အသံပြုလေ့ ရှိကြရာမှာ ဥရောပက အီးယူ (European Union) ကလဲ တခု အပါအ၀င်ဖြစ်ပါတယ်။ အီးယူဆိုတဲ့ အဖွဲ့အစည်းဟာ (၁၉၉၃) ခုနှစ်မှာ Treaty of Maastricht အရ ပေါ် ပေါက်လာတဲ့ အဖွဲ့အစည်းဖြစ်ပြီး၊ (၂၀၀၉) ခုနှစ်၊ ဒီဇင်ဘာလမှာ Treaty of Lisbon စတင် အသက်ဝင်လာချိန်မှာ အီးစီ လို့ အတိုကောက်ခေါ်ကြတဲ့ European Communities ရဲ့ လုပ်ငန်း တာဝန်များကို အစားထိုးထားတဲ့ အဖွဲ့အစည်း ဖြစ် ပါတယ်။ အီးစီဆိုတဲ့ အဖွဲ့အစည်းကတော့ (၁၉၅၇) ခုနှစ်မှာ ပေါ်ပေါက်လာတဲ့ European Economic Community (EEC) ကို ရည်ညွှန်းတာ ဖြစ်ပါတယ်။ မူလ အီးအီးစီမှာ ဘယ်လ်ဂျီယံ၊ ဂျာမဏီ၊ ပြင်သစ်၊ အီတလီ၊ လူဇင်ဘတ်နဲ့ နယ် သာလန်နိုင်ငံတို့ ပါဝင်ခဲ့ပါတယ်။ (၁၉၇၃) ခုနှစ်မှာ ဗြိတိန်၊ ဒိန်းမတ်၊ အိုင်ယာလန်နိုင်ငံတို့ ပါဝင်ပြီး၊ အဖွဲ့ဝင် ကိုးနိုင်ငံ ဖြစ် လာပါတယ်။ (၁၉၈၁) ခုနှစ်မှာ ဂရိနိုင်ငံက အဖွဲ့ဝင်အဖြစ် ထပ်မံ ပါဝင်လာခဲ့ပြီး၊ ဆယ်နိုင်ငံ ဖြစ်လာပါတယ်။ (၁၉၈၆) ခုနှစ်မှာ စပိန်နဲ့ ပေါ်တူဂီနိုင်ငံတို့ ထပ်မံ ပါဝင်လာပြီး၊ ဆယ့်နှစ်နိုင်ငံ ဖြစ်လာပါတယ်။ (၁၉၉၅) ခုနှစ်မှာ ဆွီဒင်၊ ဖင်လန်နဲ့ သြစတြီးယားတို့ ထပ်မံ ပါဝင်လာပြီး၊ ဆယ့်ငါးနိုင်ငံ ဖြစ်လာပါတယ်။ (၂၀၀၄) ခုနှစ်မှာတော့ အရှေ့ဥရောပမှာ နိုင်ငံဆယ် နိုင်ငံ ထပ်မံ ပါဝင်လာပြီး၊ နှစ်ဆယ့်ငါးနိုင်ငံ ဖြစ်လာပါတယ်။ (၂၀၀၇) ခုနှစ်မှာ ရိုမေးနီးယားနဲ့ ဘူလ်ဂေးရီးယားတို့ ထပ်မံ ပါဝင်လာပြီး၊ နှစ်ဆယ့် ခုနှစ်နိုင်ငံဖြစ်လာ ခဲ့တာကြောင့် အီးယူရဲ့ နိုင်ငံရေး၊ စီးပွားရေး အခန်းကဏ္ဍ ကလဲ အတော်ပဲ ကျယ် ပြန့်လာခဲ့ပါတယ်။ ယူဂိုဆလားဗီးယား နိုင်ငံတော် ပြိုကွဲမှု ဖြစ်ပွားစဉ်က အီးယူအမည် မပေါ်ပေါက်သေးပါဘူး။ အီးစီ အမည်နဲ့ပဲ ရပ်တည်ဆဲ ရှိပါသေးတယ်။ ဒီအချိန် ကာလက ယူဂိုဆလားဗီးယားရဲ့ ပြည်တွင်းရေးမှာ အီးစီ အနေနဲ့ ပါဝင် ပတ်သက်ခဲ့မှုတွေကို ဒီဆောင်းပါးမှာ ရေးသား တင်ပြပါမယ်။
နိုင်ငံတော်ပြိုကွဲမှုစတင်ခြင်း
(၁၉၈၉) မတိုင်ခင်ကာလအထိ ယူဂိုဆလားဗီးယားနိုင်ငံဟာ စစ်အေးတိုက်ပွဲမှာ မပါဝင်သော ကြားနေနိုင်ငံတခု ဖြစ်ခဲ့ပါ တယ်။ (၁၉၇၀) ကာလတွေကတည်းက အီးစီ (European Community) နဲ့ ဆက်ဆံရေးတွေ ရှိခဲ့ပေမယ့်၊ (၁၉၈၉) ခုနှစ်ရောက်မှသာ အီးစီနဲ့ တရားဝင် ဆက်ဆံရေးတည်ဆောက်ဖို့ ကြိုးပမ်းအားထုတ်ခဲ့ပါတယ်။ (၁၉၉၀) ခုနှစ်ရောက် တော့ အီးစီဘက်ကနေ PHARE eligibility စတဲ့ အစီအစဉ်တွေနဲ့ တုန့်ပြန်ခဲ့ပေမယ့်၊ အီးစီရဲ့ သတ်မှတ်ချက်အဆင့်အ တန်းတွေကို မမီနိုင်တဲ့ ဘဲလ်ဂရိတ်အခက်အခဲတွေကြောင့် ရှေ့တိုးနိုင်ခြင်း မရှိခဲ့ပါဘူး။ ဒီသတ်မှတ်ချက် အဆင့်အတန်း တွေထဲမှာ ဒီမိုကရေစီပေါ်အခြေခံပြီး ကျင်းပတဲ့ လွတ်လပ်ပြီးတရားမျှတသော ပါတီစုံဖယ်ဒရယ် ရွေးကောက်ပွဲဆိုတဲ့ အ ချက်လဲ ပါဝင်ပါတယ်။ ဒီလိုနဲ့ (၁၉၉၁) ခုနှစ်ရောက်တော့ ဖယ်ဒရယ်ရွေးကောက်ပွဲထွက်ပေါ်လာဖို့ အရေးက ပိုပြီး ခက်ခဲ လာပါတယ်။
အဲဒီအချိန်မှာ ယူဂိုဆလားဗီးယား ဖွဲ့စည်းပုံအခြေခံဥပဒေအရ အလှည့်ကျ ဖယ်ဒရယ်ဥက္ကဋ္ဌ ဖြစ်သူက Croat အမျိုး သားဖြစ်တဲ့ Stipe Mesic ဖြစ်ပါတယ်။ သူ့ကို အီးစီရဲ့ကိုယ်စား Jacque Delors က ဖွဲ့စည်းပုံရေးရာ ပြဿနာဖြစ်နေတဲ့ အပေါ်မှာ ငြိမ်းချမ်းတဲ့ ဒိုင်ယာလော့ခ်နည်းနဲ့ ဖြေရှင်းမယ်ဆိုရင် စီးပွားရေး အထောက်အကူပေးမယ်လို့ ကမ်းလှမ်းခဲ့ပါ တယ်။ နိုင်ငံတကာအနေနဲ့ကတော့ ဒီလို ကမ်းလှမ်းချက်တွေပေးရတာ အလွန်ပဲ လွယ်ကူလှပါတယ်။ ဒါပေမယ့် ငြိမ်း ချမ်းတဲ့ ဒိုင်ယာလော့ခ် နည်းလမ်းဆိုတာက ပဋ္ဋိပက္ခမှာ ပါဝင်ပတ်သက်နေသူတွေအားလုံးက ဒီနည်းနဲ့ ဖြေရှင်းမယ်လို့ လက်ခံမှ အောင်မြင်တဲ့ အရာပါ။ ဒါပေမယ့် ငြိမ်းချမ်းတဲ့ ဒိုင်ယာလော့ခ် နည်းလမ်းဆိုတာက ပဋ္ဋိပက္ခမှာ ပါဝင်ပတ်သက် နေသူတွေအားလုံးက ဒီနည်းနဲ့ ဖြေရှင်းမယ်လို့ လက်ခံမှ အောင်မြင်တဲ့ အရာပါ။ ဒီအတွက် ဒီနည်းလမ်းကို လက်ခံသ ဘောတူနိုင်တဲ့ နိုင်ငံရေး ယဉ်ကျေးမှု အခင်းအကျင်းကို ကနဦးတည်ဆောက်ထားဖို့ လိုအပ်ပါတယ်။ ယူဂိုဆလားဗီး ယားမှာ ဒီလိုနိုင်ငံရေးယဉ်ကျေးမှု အခင်းအကျင်း တည်ဆောက်ထားမှု မရှိခဲ့ပါဘူး။ ဒါကြောင့် ဒိုင်ယာလော့ခ်နည်းလမ်း ကို ဆာဗ့်အမျိုးသားတွေသာမက ခရိုအက်အမျိုးသား အများစုကပါ ကန့်ကွက်ခဲ့ကြပါတယ်။
(၁၉၉၁) ခု၊ ဖေဖော်ဝါရီလ (၂၀) ရက်နေ့မှာ စလိုဗီနီးယား (Slovenia) က ယူဂိုဆလားဗီးယားကနေ ခွဲထွက်သွားပါ တယ်။ တပြိုင်နက်တည်းမှာပဲ ခရိုအေးရှား (Croatia) ကလဲ ခွဲထွက်ဖို့ ပြင်ဆင်ပါတယ်။ အီးစီကတော့ ဒါတွေကို လျစ်လျု ရှုထားပြီး အလှည့်ကျ ဥက္ကဋ္ဌလုပ်တဲ့ ဖဒရေးရှင်း အိုင်ဒီယာကိုပဲ ဆက်ပြီး ပံ့ပိုးပါတယ်။ ဒိုင်ယာလော့ခ်နည်းနဲ့ ဖြေရှင်းကြ ဖို့ တွန်းအားပေးပါတယ်။ ဒီလိုအချိန်မှာပဲ (၁၉၉၁) ခုနှစ်၊ ဇွန်လ (၂၅) ရက်နေ့ ရောက်တော့ နိုင်ငံတကာ သဘောထား တွေကို လျစ်လျူရှုပြီး စလိုဗီနီးယားနဲ့ ခရိုအေးရှားတို့က သူတို့ဘာသာ လွတ်လပ်ရေးကြေညာလိုက်ပါတော့တယ်။
ဒါကို တုန့်ပြန်တဲ့အနေနဲ့ ယူဂိုဆလားဗီးယား နိုင်ငံတော် ဖဒရယ်တပ်တွေက ဇွန်လ (၂၇) ရက်နေ့မှာ Ljubljana ကို ၀င်ပါတယ်။ ဖဒရယ်စစ်တပ်တွေက ခရိုအေးရှားကို ၀င်ရောက်ပြီး ဘော့စနီးယား- ဟာဇီဂိုးဗီးနားအထိ ရောက်လာပါ တယ်။ အီးစီကလဲ ဒီအခြေအနေတွေ အပေါ်မှာ ချက်ချင်းတုန့်ပြန်ပါတယ်။ အီးစီဘက်ကကြည့်မယ်ဆိုရင် ယူဂိုစလားဗီး ယား နိုင်ငံတော်ပြိုကွဲတာက ပထမ ဦးစားပေးအချက် မဟုတ်ပါဘူး။ ပြိုကွဲမှုက ယူဂိုဆလားဗီးယား နယ်နိမိတ်ကို ကျော် လွန်ပြီး တခြားနယ်မြေတွေထဲ မပြန့်ပွားလာရေးက အဓိက ဖြစ်ပါတယ်။ ဒါကြောင့် အီးစီအနေနဲ့က ဒီကိစ္စကို ကနဦး ဦးစားပေးရပါတယ်။ ဒီကိစ္စပြီးမှ သံတမန်နည်းလမ်းများသုံးပြီး အဖြေရှာဖို့ အီးစီက တွန်းအားပေး ပြောကြားပါတယ်။
လူဇင်းဘတ်၊ အီတလီ၊ နယ်သာလန် နိုင်ငံများက သမ္မတဟောင်း၊ သမ္မတသစ်များ၊ နိုင်ငံခြားရေးဝန်ကြီးများနဲ့ ကော်မရှင် တာဝန်ခံများပါဝင်တဲ့ Troika ဆိုတဲ့ အချက်အလက်ရှာဖွေရေး အလည်အပတ်သွားရောက်မှု (fact-finding visit) နည်း လမ်း စတင်ပါတယ်။ နောက်တော့ Troika က ယူဂိုဆလပ် လူထုတပ်မတော် (ဂျေအင်အေ) အနေနဲ့ ခွဲထွက်သွားတဲ့ နယ်မြေတွေကနေ မထွက်ခွာရင် အီးစီက ပံ့ပိုးကူညီနေမှုတွေအားလုံးကို ရပ်တန့်မယ်လို့ ဆိုပါတယ်။ လွတ်လပ်ရေးကြေ ညာမှုတွေကိုလဲ သုံးလ ရပ်ဆိုင်းထားရမယ်လို့ ဆိုခဲ့ပါတယ်။ စီအက်စ်စီအီး (Conference on security and co-operation in Europe) ရဲ့ အရေးပေါ် အကြံပေး လုပ်ထုံးလုပ်နည်းများကို စတင်အကောင်အထည်ဖော်ပါတယ်။ ဒီလို သံခင်းတမန်ခင်းလေးတွေကြောင့် အပစ်အခတ်ရပ်စဲမှု ရပ်တန့်ရေး အစီအစဉ်တွေ ထွက်ပေါ်လာပါတယ်။ ဒါပေမယ့် မကြာခင်ပဲ ပြန်ပျက်သွားပါတယ်။
ဇူလိုင်လထဲရောက်တော့ Troika ထဲက နိုင်ငံခြားရေး ၀န်ကြီးတွေလဲ သူတို့ရဲ့ သံတမန်နည်းလမ်းနဲ့ ဖြေရှင်းမှု မအောင် မြင်ဘူးဆိုတာ သိမြင်လာကြပါတယ်။ ဒါကြောင့် ဇူလိုင်လ (၅) ရက်နေ့မှာ ယူဂိုဆလားဗီးယားရော၊ ခွဲထွက်ဒေသတွေ ကိုပါ စစ်လက်နက်နဲ့ စစ်သုံးပစ္စည်းတွေ တင်ပို့ ရောင်းချတာကို ကန့်ကွက်လိုက်ကြပါတယ်။ ဇူလိုင်လ (၇) ရက်နေ့မှာ Troika’s Brioni Agreement ထွက်လာတော့ တစုံတရာအကျိုးများ ထူးလာလေမလားလို့ လူအများက စောင့်မျှော်ကြ ပါတယ်။ ဒါပေမယ့်လဲ ဒီသဘောတူညီချက်က စလိုဗီးနီးယားနဲ့ပဲ အဓိက သက်ဆိုင်တာဖြစ်ပြီး၊ လေ့လာစောင့်ကြည့်ရေး မစ်ရှင် ဖွဲ့ဖို့လိုအပ်ချက် ဖြစ်လာပါတယ်။
အီးစီမှာကလဲ တရားဝင်စစ်တပ်နဲ့ လုံခြုံရေး ဖွဲ့စည်းပုံ (security structures) မရှိသေးပါဘူး။ ဒါတွေနဲ့ ပတ်သက်ပြီး ဆွေးနွေးရမယ့် Maastricht Summit ကလဲ ဒီဇင်ဘာမှ စမှာ ဖြစ်ပါတယ်။ နောက်တချက်က ပြဿနာ အရပ်ရပ်ဟာ အချုပ်အခြာ အာဏာပိုင်တဲ့ နိုင်ငံ တနိုင်ငံ အတွင်းမှာ ဖြစ်ပွားနေတာ ဖြစ်တဲ့အတွက် သံတမန် နည်းလမ်း မဟုတ်တဲ့ တခြား ၀င်ရောက် စွက်ဖက်မှုတွေ ပြုလုပ်မယ် ဆိုရင်လဲ ပြည်တွင်း အချုပ်အခြာ အာဏာနဲ့ တရား ဥပေဒေကို ဖယ်ရှားပစ်ရာ ရောက်တာကြောင့် နိုင်ငံတကာ ဥပေဒေက ခွင့်ပြုထားခြင်း မရှိပါဘူး။
နောက်ဆုံး စလိုဗီးနီးယားမှာ အကြီးအကျယ် စစ်ပွဲတွေ ဖြစ်နေချိန်အထိ အီးစီကတော့ ယူဂိုစလားဗီးယားနိုင်ငံ မပြိုကွဲ ရေးကိုပဲ တောင်းဆိုပါတယ်။ ဒီလို တောင်းဆိုလို့ မပြိုကွဲရေးအတွက် တိုက်ပွဲဝင်နေတဲ့ ဖယ်ဒရယ် စစ်တပ်ကို ထောက်ခံ အားပေးလား ဆိုတော့လဲ အားမပေးပြန်ပါဘူး။ အီးစီအနေနဲ့ ကြားဝင်စေ့စပ်ဖြေရှင်းပေးမှာ ဖြစ်တဲ့ အတွက် ငြိမ်းချမ်းစွာ ဖြေရှင်းကြဖို့ပဲ ဆိုပါတယ်။ Brioni အစည်းအဝေး အပြီးမှ အီးစီ ဥက္ကဋ္ဌ Jacques Poo က သံတမန်နည်းလမ်းများ အောင်မြင်သွားပြီ ဖြစ်တဲ့အတွက် The hour of Europe လို့ တင်စားခဲ့ဖူးပါတယ်။
ဒါပေမယ့်လဲ မကြာခင်မှာလဲ Brioni Accords ကြီးက ပြိုလဲခဲ့တာ ဖြစ်လေတော့ ဒီအပေါ်မှာ အခြေခံထားခဲ့တဲ့ စေ့စပ် ဆွေးနွေးရေး၊ အပစ်အခတ်ရပ်စဲရေး ဆိုတာတွေကလဲ အိပ်မက် ပမာပါပဲ။ ဒီ Brioni Accords ကလဲ စလိုဗီးနီးယားအ ရေးပဲ အာရုံစိုက်ထားခဲ့တာကြောင့် ခရိုအေးရှား အရေးကို ဖြေရှင်းဖို့အတွက်ကျတော့ အသုံးမ၀င်လှပါဘူး။ တပူပေါ်နှစ် ပူ ထပ်ဆင့်လာတာကတော့ ဘော့စနီးယားနဲ့ မက်စီဒိုးနီးယား တို့ပဲ ဖြစ်ပါတယ်။ ဒီနိုင်ငံတွေကလဲ ကိုယ်ပိုင်အုပ်ချုပ်ရေး ကို တောင်းဆိုလာကြပြန်ပါတယ်။
(၁၉၉၁) ခုနှစ်၊ သြဂုတ်လ (၇) ရက်နေ့မှာ လန်ဒန်မှာ WEU (Western European Union) အစည်းအဝေးလုပ်ပါတယ်။ ဒီအစည်းအဝေးမှာ ပြင်သစ်က ဦးဆောင်ပြီး ဆာဗ့်နဲ့ခရိုအက်တွေကြားက ပြဿနာကို စစ်အင်အားသုံး ၀င်ရောက် စွက်ဖက် ဖြေရှင်းခြင်း (military intervention) ပြုလုပ်ဖို့ အဆိုတင်သွင်းပါတယ်။
ဒီအဆိုကို ဘယ်လဂျီယန်နဲ့ အီတလီက ထောက်ခံခဲ့ပြီး၊ ဒိန်းမတ်နဲ့ ပေါ်တူဂီကတော့ တက်တက်ကြွကြွ ထောက်ခံခြင်း မရှိခဲ့ပါဘူး။ ဗြိတိန်ကတော့ လိုအပ်မယ့် စစ်အင်အားနဲ့ ပတ်သက်ပြီး အနည်းငယ် စိုးရိမ်နေခဲ့ပါတယ်။ လူမျိုးရေး၊ နိုင်ငံ ခွဲထွက်ရေး စတာတွေနဲ့ ပတ်သက်ပြီး ဗြိတိန်နိုင်ငံတွင်းမှာတင် ပြဿနာတွေကလဲ ရှိနေလေတော့ ပါဝင်ပတ်သက်ဖို့ တွန့်ဆုတ်နေခဲ့ပါတယ်။ ဂျာမဏီကလဲ ဂျာမဏီရဲ့ အခြေခံဥပေဒေ (Grundgesetz) ဆိုင်ရာ ပြဋ္ဌာန်းချက်တွေနဲ့ နယ်မြေ ပြင်ပမှာ စစ်အင်အားသုံးဖို့အတွက် လိုအပ်မယ့် စစ်ရေးရာတွေကို အကြောင်းပြခဲ့ပါတယ်။
ဒီတော့ အခြေခံအားဖြင့်ကြည့်မယ်ဆိုရင် ယူဂိုဆလားဗီးယား ပြိုကွဲမှုကို တုန့်ပြန်ဖြေရှင်းမှုနဲ့ ပတ်သက်ပြီး အီးစီအတွင်း မှာတင် သဘောထားကွဲလွဲမှုတွေက အများကြီး ဖြစ်နေပါတယ်။ ဒီလိုနဲ့ စက်တင်ဘာ (၁၂) ရက်ရောက်တော့ ဖော့လင်း စစ်ပွဲမှာတုန်းက နှုတ်ထွက်ခဲ့ဖူးတဲ့ ဗြိတိသျှနိုင်ငံခြားရေး ၀န်ကြီးဟောင်း Lord Carrington က ဥက္ကဋ္ဌ အနေနဲ့ ဦးဆောင် တဲ့ ယူဂိုဆလားဗီးယားရေးရာ နိုင်ငံတကာ ကွန်ဖရင့်တခု Hague မှာ ထွက်ပေါ်လာပါတယ်။ ဒီကွန်ဖရင့် ထွက်ပေါ်လာ ပြီး မကြာခင်မှာပဲ မက်ဆီဒိုနီးယားက ဖယ်ဒရေးရှင်းနဲ့ အနည်းငယ်သာ ဆက်စပ်မှုရှိတဲ့ ကိုယ်ပိုင်အုပ်ချုပ်ခွင့်ရ ဒေသ သတ်မှတ်မှုကို လက်ခံမယ်လို့ အဆိုပြုခဲ့ပါတယ်။ ခရိုအေးရှားကို ယူဂိုဆလားဗီးယား ဖယ်ဒရယ် စစ်တပ်က တိုက်ခိုက် မှုနဲ့ ပတ်သက်ပြီး၊ ယူဂိုဆလားဗီးယားကို ကမ္ဘာ့ကုလသမဂ္ဂက arms embargo ပြုလုပ်ပါတယ်။
Carrington ရဲ့ တန်းတူညီမျှခွင့်၊ လူမျိုးရေး အခွင့်အရေးများကို အပြည့်အ၀ ခံစားခွင့် စတာတွေအပေါ်မှာ အခြေခံပြီး ယူဂိုဆလားဗီးယားအတွက် Confederal arrangements တွေ ပြုလုပ်ပေးဖို့ဖြစ်ပါတယ်။ ဒါပေမယ့်လဲ ဒီစီမံချက်မှာ နိုင်ငံတော်နယ်နိမိတ် ယခင်အတိုင်း ရှိရေး ဆိုတဲ့ အချက်ပါတဲ့အတွက် ပြဿနာ ပြေလည်ခြင်း မရှိခဲ့ပါဘူး။ ဆာဗီးယား ကို ငြိမ်းချမ်းရေးစီမံချက်ကို လက်ခံဖို့ အီးစီက တိုက်တွန်းခဲ့ပြီး၊ လက်မခံခဲ့ရင် တခြားပူးပေါင်းဆောင်ရွက်တဲ့ နယ်မြေ ဒေသတွေနဲ့ပဲ ဆက်လက်ဆောင်ရွက်မယ်လို့ ဆိုခဲ့ပါတယ်။
နိုဝင်ဘာ (၈) ရက်ရောက်တော့ ယူဂိုဆလားဗီးယား ဖယ်ဒရေးရှင်း တခုလုံးရဲ့ ဘဏ္ဍာရေး ထောက်ပံ့မှုတွေကို အီးစီက withdraw လုပ်လိုက်ပါတယ်။ Hague က ချမှတ်တဲ့ အပစ်အခတ်ရပ်စဲရေး အစီအစဉ်ပါ သတ်မှတ်ချက်၊ အခြေအနေ တွေကို လက်ခံတဲ့ federal entity တွေကိုပဲ ပြန်လည်ထောက်ပံ့မယ်လို့ ဆိုခဲ့ပါတယ်။ ဒီအရေးယူမှုဟာ ဆားဗီးယားကို ဦးတည်တာ ဖြစ်တဲ့အတွက် ငြိမ်းချမ်းရေးစီမံချက်ကို ဆားဗီးယားက ငြင်းဆိုခဲ့ပါတယ်။ အီးစီဟာ ဘက်လိုက်ဖြေရှင်း နေမှုတွေ ရှိတယ်ဆိုတဲ့ အမြင်တွေ ယူဂိုဆလားဗီးယား ဖယ်ဒရေးရှင်းနဲ့ ခွဲထွက်နယ်မြေထဲမှာ ရှိလာတာကြောင့် ကုလ သမဂ္ဂက ကြားဝင်ဖြေရှင်းမယ့် အစီအစဉ်ကို ရှာဖွေလာကြတယ်။
ဒီအခါမှာ အီးစီလဲ ယူဂိုဆလားဗီးယားအရေးနဲ့ ပတ်သက်တဲ့ နိုင်ငံတကာ စင်ပေါ်မှာ secondary actor နေရာကို ရောက်သွားခဲ့တယ်။ ဒီလို အခြေအနေတွေ ကြားမှာ ယူအင်မ၀င်လာခင် စင်ပေါ်တက်လာ တာကတော့ ဂျာမဏီနိုင်ငံပဲ ဖြစ်ပါတော့တယ်။ အီးစီက ခေါ်ဆိုထားတဲ့ အပစ်အခတ်ရပ်စဲရေး ပျက်ပြယ်သွားမှုတွေ၊ ခရိုအေးရှားနဲ့ စလိုဗီးနီးယား ဒေသတွေရဲ့ လွတ်လပ်ရေးကြေညာထားမှုကလဲ de facto ဖြစ်လာတဲ့ အခြေအနေတွေမှာ ဂျာမဏီရဲ့ နိုင်ငံရေးကစား ကွက် စတင်ဝင်ရောက်လာပါတယ်။
(ဆက်လက်ဖော်ပြပါမည်)
Ref: နေ့သစ်
Read More...
Collapse...
ဟံသာဝတီ ဦးဝင်းတင်
09.05.2013
ကျုပ်တစ်ကောင် အသက်ခေါင်မိုးကပ်လာတော့ ဝဋ်နာ၊ ကံနာ၊ သံသရာနာတွေ တိုးလာသဗျာ။ ကိလေသာ မကုန်သေးတော့ မသေမချင်း ကိလေသာ နှိပ်စက်ခြင်းကို ခံရတော့မှာပေါ့လေ။ သေခါနီးလေ ပိုဆိုးလေတောင်ဖြစ်လာသေး။
ကျုပ် အထူးပြောချင်တဲ့ ကိလေသာက တွေးတော ယုံမှားခြင်း (ဝိစိကိစ္ဆာကိလေသာ) ဗျ။ ကိလေသာစက် သုံးထောက်ဝက် ဆိုတဲ့ ၁၅၀၀ ကိလေသာလည်း ပါမှာပေါ့။
ကျုပ် သေတွင်းသေဝရောက်လာလေ တွေးတော ယုံမှားခြင်းတွေ များလာလေ ဖြစ်နေသဗျာ။ ရတနာ သုံးပါး အပေါ်မှာ ဒွိဟ သံသယဖြစ်တာ မဟုတ်ပါဘူး။ အာဏာရှင်တွေ၊ အာဏာရူးတွေ၊ အာဏာမူးတွေရဲ့ လူ့ငရဲ အကြွပ်ကြော် ဒယ်အိုးတွေ အပေါ်မှာ တွေးတော ယုံမှားခြင်း ဖြစ်နေမိတာကို ပြောတာပါ။ ဒယ်အိုးတွေ ချိုးခွာလို့ ရမလား။ မရဘူးလား။ ခွာမလား။ မခွာဘူးလား။
ညှော်နံ့ဆိုးကလည်း ခါးသိုးနေတာပါကလား။ အဝီစိ ငရဲအိုးကြီးက ချိုးကပ်တဲ့ ညှော်နံ့လားဟဲ့။ လူတွေကြော်တဲ့၊ လှော်တဲ့ လူ့ငရဲအိုးကြီးက ချိုးကပ်တဲ့ ညှော်နံ့လားဟဲ့။ အာဏာရှင် စစ်သူရဲတွေရဲ့ တရှဲရှဲ ဆီပူထိုး ချိုးကပ်တဲ့ညှော်နဲ့ ဆိုးလားဟဲ့။
မဖြစ်ချေဘူးကွယ်ရို့။ ငရဲအိုးတွေ ချိုးမကပ်အောင်တော့ ခွာကြမှ တော်မယ်ကွယ်။ ငါကိုယ်တိုင် အဲ့ဒီငရဲအိုး တစ်မျိုးမျိုးထဲ ဆင်းရဦးမှာလားတောင် မသိတာ။ ဆီပူအိုးဆိုတာ ချိုးရှိရင်နောက်ထည့် ပစ္စည်း ချိုးကြီးကပ်ဖို့ နီးသဟဲ့။
ငါ ဆီပူလောင်ပြန်ဦးမှာလား။ ချိုးကြွပ်ကပ် ပြန်ဦးမှာလား။
ဒီလိုပဲပေါ့ဗျာ။ တွေးတောယုံမှားခြင်းတွေ ကျုပ်ကို ညှဉ်းဆဲနေသဗျ။ အေးအေးသတ္တဝါတွေ ဆင်းရဲကင်းကြပါစေ။ အပူကင်းကြပါစေ။ ငရဲအိုးတွေ ချိုးမကပ်ကြပါစေနဲ့။ အမျှ အမျှ အမျှ။
ငရဲအိုးတွေကိစ္စ ပြောမယ့်သာပြောရတာ။ ကျုပ်တို့၊ ခင်ဗျားတို့ခေတ်မှာ စစ်အာဏာရှင် ငရဲအိုးတွေ အမျိုးအမျိုး ပေါ်ခဲ့တာဆိုတော့ ရိုးနေတဲ့ ကိစ္စပဲပေါ့လေ။
အခု သမ္မတဦးသိန်းစိန် အစိုးရခမျာလည်း အဲဒီငရဲ ဆီပူအိုးတွေကို ချိုးခွာရမယ့် တာဝန်ကြီး ပိနေရှာတယ်။ သနားစရာပဲဗျာ။ သမ္မတကြီးလည်းချွေးတလုံးလုံးနဲ့ဗျာ။ စစ်အာဏာရှင်တွေကြော်ခဲ့၊ လှော်ခဲ့ကြတာဗျ။ အဲဒီတုန်းက ဗိုလ်သိန်းစိန် တစ်ယောက် မှူးကြီး-ချုပ်ကြီး ဗိုလ်ရာဝင်ပြီလား။ ရှေ့တန်းရောက်နေပြီလား၊ မသိပါဘူးဗျာ။ အဲ ဗိုလ်ချုပ်ကြီးတွေ လက်စွမ်းပြခဲ့ကြတဲ့ ဖိနှိပ်မှုတွေ၊ ချုပ်ချယ်မှုတွေ၊ ပိတ်ဆို့မှုတွေ၊ ဟန့်တားမှုတွေက နည်းမှတ်လို့။ အဲဒါတွေရဲ့ သင်္ကေတ ပြယုဂ်ဖြစ်တဲ့ မတရားဥပဒေတွေ၊ အမိန့်ကြေညာချက်တွေ၊ စည်းကမ်းနည်းလမ်းတွေ၊ ညွှန်ကြားချက်တွေ ဆိုတာကလည်း များမှများ။ တစ်ပြည်လုံး ပလူပျံနေတာလေ။
လွန်ခဲ့တဲ့ နှစ်ပေါင်းအစိတ်အတွင်း လူငယ်ကျောင်းသား၊ ရဟန်းရှင်လူ အများကို ထောင်ငရဲအိုးတွေမှာ ကြော်ခဲ့၊ လှော်ခဲ့သဗျ။ စစ်ထောက်လှမ်းရေး စခန်းတွေမှာလည်း ထိုနည်းလည်းကောင်း။ အဓမ္မ အလုပ်စခန်းတွေမှာလည်း အလားတူစွာပေါ့။ မီးပြင်းတိုက်၊ ဆီပူထိုး၊ ချိုးကပ်အောင် ကြော်သပေါ့လေ။ အဲဒီမီးပြင်းတွေ၊ အဲဒီဆီပူတွေဆိုတာက ပြောခဲ့တဲ့ မတရား ဥပဒေတွေ၊ အမိန့်ကြေညာချက်တွေ၊ စည်းကမ်း နည်းလမ်းတွေ၊ ညွှန်ကြားချက်တွေပဲပေါ့ဗျာ။
တကယ်တမ်းပြောမယ်ဆိုရင် အာဏာရှင်ခေတ်ဆိုးရဲ့ ချိုးတွေက ကျုပ်တို့ တစ်မျိုးလုံးကို ကပ်နေတာဗျ။ အဲဒါတွေကို ကျုပ်တို့ တစ်မျိုးလုံးပဲ ကုန်းရုန်းတွန်းတိုက် မိုက်မိုက်ကန်းကန်း ခွာကြရမှာဗျ။ ခြစ်ကြရမှာဗျ။ ချွတ်ကြရမှာဗျ။ ပွတ်ကြရမှာဗျ။ ဖဲ့ကြရမှာဗျ။
ဒီနေ့ ကျုပ်တို့ လူ့ဘောင်အဖွဲ့အစည်းမှာ ခါးခါးသီးသီး တွေ့ကြုံ ခံစားနေကြရတဲ့ ရခိုင်ပြဿနာ၊ ကချင်စစ်ပွဲ၊ လက်ပံတောင်း သယံဇာတိကျိန်စာ၊ လယ်မြေ အဓမ္မသိမ်း၊ စက်မှုကျွန်ခိုင်း၊ ပညာရေး ဦးနှောက်ချောင်၊ ကျမ်းမာရေး လူညွန့်တုံး၊ အလုပ်သမား - လယ်သမား - လက်လုပ်လက်စား ဘဝပျက်၊ အရာရှိ-အရာခံ ဝန်ထမ်းလုပ်သား အကျင့်ပျက်၊ ပြည်သူတိုင်းရင်း ဆင်းရဲတွင်းနက်၊ စာနယ်ဇင်း အလင်းမဆောင်နိုင်၊ လွှတ်တော်ထဲက မရွေးအမတ် အသံ၊ အာဏာကပ်ပါး ခရိုနီတို့ရဲ့ခြေလှမ်း၊ အားလုံးပေါ့လေ။ စစ်အာဏာရှင်ခေတ်ဆိုးရဲ့ချိုးတွေဗျ။ ခွာကြဟေ့၊ ခွာကြ။
အဲ..... အဲ..... အညစ်ဆုံး၊ အမှောင်ဆုံး တဒယ်အိုးလုံးကို မီးသွေးတုံးကြီးလို စွဲကပ်နေတဲ့ ၂၀၀၈ အခြေခံ ဥပဒေ ဆိုတဲ့ ချိုးကြီးကိုလည်း ခွာကြ ရဦးမယ်ဗျ။
သမ္မတဦးသိန်းစိန် အစိုးရလည်းလက်ပိုက်ကြည့်မနေရှာပါဘူး။ ရွှေသမင် ဘယ်ကထွက် မင်းကြီးတာကထွက် စရိုက် မကျင့်မိလေအောင် အလိုက်သင့်ကလေး စစ်အာဏာရှင် စနစ်ဆိုး ချိုးတွေနွှာ၊ အိုးတွေ ခွာပေးနေတယ်ဗျာ။ ၁၉၈၈ ကတည်းက ထုတ်ခဲ့တဲ့ အာဏာသိမ်း စစ်အစိုးရရဲ့ အမိန့်ကြော်ငြာစာ ၂/၈၈ ကို နှစ်အစိတ်ပြည့်လု တဲတဲလေးမှာ ရုပ်သိမ်းလိုက်တာကြည့်။
ကောင်းတယ်။ ကောင်းချီးပေးကြပါ။ သရီးချီးယား ဟစ်ဟစ်ဟူးရေးလို့ ဘိုလိုအော်ချင် အော်ကြပါ။
သမ္မတကြီးဟာ နှလုံးသမားဗျ။ ဟိုနှစ်လုံးသမား ပြောတာမဟုတ်ပါဘူး။ နှလုံးရောဂါ သမားလို့ပြောတာပါ။ နှလုံးသမား ဆိုတာ စိတ်မချရဘူး။ အဲဒီရောဂါမျိုးက တစ်နေ့ရွှေ၊ တစ်နေ့ငွေဗျ။ တစ်နေ့နေ၊ တစ်နေ့ အဲ ..... အဲ .... သက်တော်ရာကျော်ရှည် ဆိုတာမျိုးဗျ။
ကျုပ်တို့ ငယ်ငယ်တုန်းက ခေတ်စားခဲ့တဲ့ သီချင်း တစ်ပုဒ်ကို အာဖြဲ ဟစ်လိုက်ချင်စိတ် ပေါက်လာတယ်ဗျာ။ ကျုပ် သူငယ်ပြန်တာ မဟုတ်ပါဘူးနော်။ သူငယ်ပျော်တယ် ဆိုချင်ဆိုပါ။
ကိုင်း .... ကိုင်း ... ကျုပ်နဲ့အတူ အတင်းအာဖြဲ သီချင်းကဗျာ ဟဲကြစို့။
“နည်းတယ် များတယ် သဘောမှာ မထားလို့ရယ် နှလုံးသမားကို တအားကူမယ် စစ်အာဏာ ချိုးအထပ်ထပ် မျိုးပြတ်အောင် ခွာကြဟယ် နွှာကြမယ် .... ” ကိုင်း ..... ငရဲပြည်ကို၊ ငရဲကျွတ်တို့၊ ငရဲလူထွက်တို့ ....။
..... သမ္မတ ထောက်ခံကဗျာတေးကို ကျကျနန နောက်တစ်ပြန် လျှာသွေးလိုက်ကြပါဦး။ ဝမ်း .... တူး ... သရီး ...
“ နည်းတယ် များတယ် သဘောမှာ မထားလို့ရယ် .... .... .... စစ်အာဏာ ချိုးအထပ်ထပ် မျိုးပြတ်အောင် ခွာကြဟယ် နွှာကြမယ်”။ ။
Read More...
Collapse...
ဖနိဒါ
ဗုဒ္ဓဟူးနေ့၊ မေလ ၀၈ ရက် ၂၀၁၃
ချင်းမိုင်(မဇ္စျိမ)။ ။ ဦးနေမျိုးဇင် အား ထောင်ဒဏ် ၆ နှစ် ပြန်လည် ချမှတ်လိုက်ခြင်းမှာ နိုင်ငံရေး အကျဉ်းသား ဟောင်းများအား ခြိမ်းခြောက်မှု ဖြစ်ကြောင်း ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီ စောင့်ရှောင်ရေး အသင်း (AAPP)က ယနေ့ ပြောဆိုလိုက်သည်။
“သူက လယ်သမားတွေအတွက် ထဲထဲဝင်ဝင် လုပ်တယ်။ လူမှုရေးတွင် ပါဝင်နေတယ်။ အဲဒီလို ကိစ္စမျိုးတွေ နိုင်ငံရေး ကိစ္စမျိုးတွေမှာ ပါဝင်နေတယ်ဆိုရင် သူတို့နဲ့ အခန့်မသင့်တဲ့ အခြေအနေမျိုး ကျရင် အချိန်မရွေး
ပြန်ဖမ်းမယ် ဆိုတဲ့ ကိစ္စကို အသိပေးလိုက်တာပဲ။ ဒါက ပြင်းထန်စွာ အသိပေးလိုက်တာပဲ” ဟု AAPP အတွင်းရေးမှူး ကိုတိတ်နိုင် က မဇ္ဈိမကို ပြောသည်။
ထို့ပြင် ၂၀၁၂ ခုနှစ်၊ ဇန်နဝါရီလ လွတ်ငြိမ်းချမ်းသာခွင့်ဖြင့် လွတ်မြောက်လာပြီးဖြစ်သည့် နိုင်ငံရေး အကျဉ်းသားဟောင်း တဦးအား ဤသို့ပြုမူလိုက်ခြင်းမှာ သမ္မတ ဦးသိန်းစိန်အစိုးရ၏ နောက်ကြောင်း ပြန်လှည့်သည့် လုပ်ဟန်ဖြစ်ကြောင်း “ဒီကနေ လက်ရှိ သမ္မတ ဦးသိန်းစိန်ကနေ ပုဒ်မ ၄၀၁ ကို ပြန်လည် အသက်သွင်းပြီးတော့ ပြန်ပြီး ဖမ်းဆီးနေတဲ့ ကိစ္စက နောက်ကြောင်းပြန် ဥပဒေတွေကို သက်ရောက်စေတဲ့ ကိစ္စ။ အဲဒီလို လုပ်ဆောင်နေတဲ့ အပေါ်မှာ ကျနော်တို့က နောက်ကြောင်း ပြန်ဆုတ်နေပြီလားဆိုပြီး သံသယ ရှိပါတယ်” ဟု ကိုတိတ်နိုင် က ဝေဖန်သည်။
လူ့အခွင့်အရေး၊ ဒီမိုကရေစီရေး၊ အမျိုးသားပြန်လည် ရင်ကြေားစေရေး လုပ်ငန်းစဉ်များအား ကြီးများသော ဟန့်တားမှုတခု ဖြစ်သည့်အပြင် ယခုလုပ်ရပ်အပေါ် AAPP ပြင်းထန်စွာ ကန့်ကွက်ရှုံ့ချလိုက်သည်။
ဧရာဝတီတိုင်း၊ ပန်းတနော်မြို့နယ် လယ်သမားများနှင့် တွေ့ဆုံပွဲတခုတွင် ဗိုလ်ကြီးဟောင်း နေမျိုးဇင်က ရဲတပ်ဖွဲ့များ လဘ်စားသည် ဆိုသည့်စကား ပြောဆိုသည်ဟု ဆိုကာ ဒေါင့်ကြီးကျေးရွာ ရဲစခန်းမှူး ဦးထွန်းထွန်း က အသရေဖျက်မှု ပုဒ်မ ၅၀၀ ဖြင့် တရားစွဲဆိုချက်ကို ခရိုင်တရားရုံးမှ မေလ ၃ ရက်နေ့က ထောင်ဒဏ် ၃ လနှင့် ငွေဒဏ် ၂ သောင်း ပေးဆောင်ရန် အမိန့် ချမှတ်လိုက်သည်။
နေမျိုးဇင်က ငွေဒဏ် ပေးဆောင်ဘဲ ငြင်းဆိုခဲ့သည့်အတွက် မအူပင်အကျဉ်းထောင်သို့ ပို့ဆောင်ခဲ့သည်။ ထိုဒဏ်ငွေများကို တောင်သူ ၁၀၀ ကျော်မှ မေလ ၇ ရက်နေ့က ပေးဆောင်ခဲ့သည်။ သို့သော် အစိုးရ
ပြည်ထဲရေး ဝန်ကြီးဌာန အမိန့်အရ မအူပင်ခရိုင် အုပ်ချုပ်ရေးမှူး ဦးအေးသောင်း က မအူပင် အကျဉ်းထောင် တွင်း လာရောက်၍ ယခင် ပြစ်ဒဏ်ဟောင်းထဲမှ ထောင်ဒဏ် ၆ နှစ် ချခံရန် အမိန့် ချမှတ်ခဲ့သည်ဟု သိရသည်။
ကိုနေမျုိးဇင်သည် ၂၀၁၁ ခုနှစ်သြဂုတ်လက ဖမ်းဆီးခံရပြီး အီလက် ထရောနစ် ပုဒ်မ ၃၃ (က)ဖြင့် ထောင်ဒဏ် ၁၀ နှစ် ထောင်ဒဏ်ချမှတ်ခံရကာ ၂၀၁၂ ခုနှစ်၊ ဇန်နဝါရီလ ၁၃ ရက်နေ့ သမ္မတ၏ လွတ်ငြိမ်းချမ်းသာခွင့် အမိန့် ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁ (၁) ဖြင့် ပြန်လည် လွတ်မြောက်လာ ခြင်း ဖြစ်သည်။
ထိုပုဒ်မအရ နောင်တဖန် ပြစ်ဒဏ်တစုံတရာ ကျပါက ယခင် လက်ကျန် ပြစ်ဒဏ်များကိုပါ တပါတည်း ကျခံရမည်ဖြစ်သည်။
AAPP ကမူ ယခု ဦးနေမျုိးဇင်အား ထပ်မံ ထောင်ချလိုက်ခြင်းသည် ဦးသိန်းစိန်၏ လွတ်ငြိမ်း ချမ်းသာခွင့်ဖြင့် လွတ်မြောက်လာသာ နိုင်ငံရေး အကျဉ်းသားများကို ကြီးမားသော ခြိမ်းခြောက်မှု ဖြစ်ပြီး ၎င်းတို့အား
နိုင်ငံရေး၊ လူမှုရေး လုပ်ငန်းများတွင် တက်ကြွစွာ ပါဝင်ခြင်း မရှိစေရန် ပြင်းထန်စွာ သတိပေးလိုက်ခြင်း ဖြစ်သည်ဟု မှတ်ချက်ချထားသည်။
၎င်း ပုဒ်မ ၄၀၁ ဥပဒေနှင့်ပတ်သက်၍ သက်ဆိုင်ရာတာဝန်ရှိသူများနှင့် ဆွေးနွေးတိုင်ပင်ခြင်း၊ အကြံပြုခြင်း များနှင့် တောင်းဆိုမှုများ ဆက်လက် လုပ်ဆောင်သွားမည်ဟု ကိုတိတ်နိုင်က ပြောသည်။
ယခုကဲ့သို့ အစိုးရ၏ လုပ်ဆောင်ချက်အား ပြင်းထန်စွာ ရှုံ့ချကာ တိုင်းပြည်ဖွံ့ဖြိုးရေးနှင့် အမျိုးသားပြန်လည် သင့်မြတ်ရေးအတွက် ဗိုလ်ကြီးဟောင်း နေမျိုးဇင်အား ချွင်းချက်မရှိ အမြန်ဆုံး ပြန်လွှတ်ပေးရန် AAPP က တောင်းဆိုလိုက်သည်။
လက်ရှိ မြန်မာနိုင်ငံ ထောင်အသီးသီးတွင် နိုင်ငံရေးအကျဉ်းသားပေါင်း ၂၀၀ ကျော် ကျန်ရှိနေသေးကာ အယောက် ၇၀ ကျော်မှာ အမှုရင်ဆိုင်နေရသည်ဟု AAPP က ဆိုသည်။
Ref: မဇ္ဈိမ
Read More...
Collapse...
ဗုဒ္ဓဟူးနေ့၊ မေလ ၀၈ ရက် ၂၀၁၃
ယခု လပိုင်းအတွင်း ဖြစ်ပွားခဲ့သည့် ဘာသာရေးဆိုင်ရာ ပဋိပက္ခအတွင်း၌ ပျံလွန်တော် မူခဲ့ရသော သံဃာတော်၏ သေဆုံးမှုနှင့် ပတ်သက်၍ စစ်ဆေးခြင်း ခံနေရသော အစ္စလာမ် ဘာသာဝင် ၆ ဦးမှာ ပြစ်မှု ထင်ရှားပါက သေဒဏ် ကျခံရနိုင်ဖွယ် ရှိကြောင်း အာဏာပိုင်များက အင်္ဂါနေ့တွင် ပြောကြား လိုက်သည်ဟု AFP သတင်းတရပ်တွင် ဖော်ပြပါရှိသည်။
မန္တလေးတိုင်း တရားသူကြီး ဦးရဲအောင်မြင့်၏ အဆိုအရ ၎င်းတို့အား စစ်ဆေးနေပြီး သောကြာနေ့တွင် အမိန့် ချမှတ်လိမ့်မည်ဟု ခန့်မှန်းထားသည်။
“လူသတ်မှုအတွက် ပြစ်မှုထင်ရှားရင်တော့ သေဒဏ် ချမှတ် ခံရမှာပါ” ဟု ဦးရဲအောင်မြင့် ၏ တယ်လီဖုန်းမှ တဆင့် ဖြေကြားချက်အား ကိုးကား၍ AFP သတင်းက ရေးသားသည်။
မတ်လ အတွင်းက မိထ္ထီလာမြို့ရှိ ရွှေဆိုင်၌ ခိုက်ရန် ဖြစ်ပွားမှု တခုမှ အစပြုပြန့်ပွားခဲ့သော အကြမ်းဖက်မှု ဂယက်များကြောင့် အနည်းဆုံး လူ ၄၃ ဦး သေဆုံးခဲ့ရပြီး လူပေါင်း ထောင်ချီ၍ အိုးမဲ့အိမ်မဲ့ ဖြစ်ခဲ့ရသည်။
သံဃာတော် တပါး ပျံလွန်တော်မူစေခဲ့သည့် ကိစ္စ ထွက်ပေါ်ခဲ့ပြီးနောက်ပိုင်း နိုင်ငံတွင်းရှိ ဒေသ အများအပြား၌ ဆူပူအုံကြွမှုများ ဖြစ်ပေါ်ခဲ့ကာ ၎င်းအကြမ်းဖက်မှုများသည် အစ္စလာမ် ဘာသာဝင်များ ထံသို့ ဦးတည်လာခဲ့ သည်။
ပြဿနာ စတင်ဖြစ်ပွားခဲ့သည့် ရွှေဆိုင်ပိုင်ရှင်နှင့် အခြား အစ္စလာမ်ဘာသာဝင် နှစ်ဦးတို့အား ဈေးဝယ်သူကို ကိုယ်ထိလက်ရောက်ကျူးလွန်မှုဖြင့် ဧပြီလအတွင်းက ထောင်ဒဏ် ၁၄ နှစ်စီ ချမှတ်လိုက်သည်။
ဖြစ်ပွားခဲ့သော ဆူပူအုံကြွမှုများနှင့် ပတ်သက်၍ ဗုဒ္ဓဘာသာဝင် တစ်ဦးမျှ ပြစ်ဒဏ်ကျ ခံခဲ့ရခြင်းမရှိကြောင်း AFP သတင်းက ဆိုသည်။
ခန့်မှန်းခြေအရ မြန်မာနိုင်ငံလူဦးရေ၏ ၄ ရာခိုင်နှုန်းခန့်ရှိသော အစ္စလာမ် ဘာသာဝင်များအား တိုက်ခိုက် ခဲ့ခြင်း သည် ယခု ကောင်းမွန်သောနိုင်ငံရေး အပြောင်းအလဲ ကာလဟု အမွှမ်းတင်ခြင်း ခံနေရမှုများကို အမှောင်ရိပ် ဖုံးစေခဲ့ပြီး စစ်အစိုးရ၏ အုပ်ချုပ်မှုကြောင့် ဆိုးရွားစွာ ဖြစ်နေခဲ့ရသည့် နိုင်ငံ၏ အက်ကြောင်းများကို သိသာ ထင်ရှားစေခဲ့သည်ဟု ဆိုသည်။
အဓိကရုဏ်း ဖြစ်ပွားရာတွင် သံဃာတော်အချို့ ပါဝင်ခဲ့ပြီး အချို့မှာ လူမျိုးရေး လှုံ့ဆော်မှုအဖြစ် အစ္စလာမ် ဘာသာဝင်များ ပိုင်ဆိုင်သော ဆိုင်များ၌ စီးပွားရေးအရ အဆက်အဆံ မလုပ်ရန် ဆော်သြမှုများ ပြုလုပ်ခဲ့ကြ သည်။
ယခု တရားခွင်တွင် စစ်ဆေးခြင်း ခံနေရသည့် ၆ ဦး အနက် သံဃာတော်အား သေစေခဲ့မှု၏ အဓိက တရားခံမှာ အသက် ၂၀ အရွယ်ရှိသူ ဖြစ်ပြီး ကျန် ၅ ဦးမှာလည်း လူသတ်မှု၌ ပါဝင် ပတ်သက်သူများအဖြစ် စွဲချက်တင်ခံ ထားရသည်။
၇ ယောက်မြောက် မသင်္ကာဖွယ်ဖြစ်သူအား သက်ငယ် တရားရုံး၌ စစ်ဆေးသွားမည်ဖြစ်ပြီး အမှုတွင် ပါဝင်ပတ်သက်သည်ဟု ယူဆရသော ကျန် ၄ ဦးကိုလည်း ဖမ်းဆီးနိုင်ရန် ကြိုးပမ်းလျက်ရှိသည်။
ယခင် သီတင်းပတ်က ရန်ကုန် မြို့၏တောင်ဘက် မိုင် ၆၀ အကွာရှိ ဥက္ကံမြို့တွင် ထပ်မံဖြစ်ပွားခဲ့သော အစ္စလာမ်ဘာသာ ဆန့်ကျင်ရေး အဓိကရုဏ်းကြောင့် လူ ၁ ဦး သေဆုံးပြီး ဗလီနှင့် လူနေအိမ်များ ဖျက်ဆီးခံရကာ နိုင်ငံအတွင်း၌ ထိတ်လန့်တုန်လှုပ်မှုများ တဖန် ဖြစ်ပေါ်ခဲ့ရသည်။
၂၀၁၂ ခုနှစ်က ရခိုင်ပြည်နယ်တွင် ဖြစ်ပွားခဲ့သည့် ဗုဒ္ဓဘာသာဝင်နှင့် အစ္စလာမ်ဘာသာဝင်များ အကြား ပဋိပက္ခများကြောင့် လူ ၂၀၀ ခန့် သေဆုံးခဲ့ရပြီး သေဆုံးသူ အများစုမှာ ရိုဟင်ဂျာ မူဆလင်များ ဖြစ်ကြသည်။
သမ္မတ ဦးသိန်းစိန် တနင်္လာနေ့က ပြောကြားခဲ့သော မိန့်ခွန်းတွင် ရခိုင်ပြည်နယ်ရှိ အစ္စလာမ် ဘာသာဝင်များ အတွက် အဓိကကျသော အခြေခံ အခွင့်အရေးများ ရရှိရန် ကတိပြုခဲ့ပြီး “ငြိမ်းချမ်းစွာ ယှဉ်တွဲ နေထိုင်နိုင်ရန်” နိုင်ငံတော် အနေဖြင့် ဦးတည်သင့်သည်ဟု ပါရှိသည်။
Ref: မဇ္ဈိမ
Read More...
Collapse...
2013-05-08
အင်ဒိုနီးရှားနိုင်ငံ ဂျကာတာမြို့က မြန်မာသံရုံးဗုံးခွဲဖို့ ကြံစည်မှုနဲ့ ဆက်စပ်ပြီး နောက်ထပ် အကြမ်းဖက် အဖွဲ့ဝင်တွေ ပုန်းအောင်းနေတဲ့ နေအိမ် တစ်ခုကို အင်ဒိုနီးရှား ရဲတပ်ဖွဲ့က ဒီကနေ့ ဝင်ရောက် စီးနင်း ဖမ်းဆီးရာမှာ အကြမ်းဖက် သမားတွေနဲ့ အပြန်အလှန် ပစ်ခတ်မှု ဖြစ်ပွား ခဲ့ပါတယ်။
ဂျာကာတာမြို့က နောက်ဆုံးရရှိတဲ့သတင်းအရ အကြမ်းဖက်သမား သုံးယောက်ကို အသေ ဖမ်းမိပြီး၊ နှစ်ယောက် ကိုတော့ အရှင် ဖမ်းမိတယ်လို့ အင်ဒိုနီးရှား ရဲချုပ်က ပြောပါတယ်။
သူတို့ဆီကနေ ပစ္စတိုသေနတ် ၃ လက်နဲ့ လက်လုပ်ဗုံး ၂ လုံးလည်း သိမ်းဆည်း ရရှိခဲ့တယ်လို့ ဆိုပါတယ်။
အနောက်ဂျာဗားခရိုင်က စင်ဂွန်ဒီဝါရွာမှာ မနက် ၁၁ နာရီခွဲက စတင်ဖြစ်ပွားခဲ့တဲ့ အဲဒီ အပြန်အလှန် ပစ်ခတ်မှုဟာ နာရီ အတော်ကြာမြင့်ခဲ့တယ်လို့ အင်ဒိုနီးရှား အမျိုးသား ရဲတပ်ဖွဲ့ပြောခွင့်ရ ပုဂ္ဂိုလ် Boy Rafli Amar က ပြောပါတယ်။
အကြမ်းဖက်သမားတွေ ခိုလှုံနေတဲ့အိမ်ဟာ လယ်ကွင်းပြင်ထဲမှာဖြစ်ပြီး ရဲတပ်ဖွဲ့ဝင်တွေ ဝိုင်းဝန်း ပစ်ခတ်နှိမ်နင်းနေတာကို ရုပ်မြင်သံကြားကနေ ထုတ်လွှင့်ပြသ ခဲ့တယ်လို့ ဆိုပါတယ်။
အကြမ်းဖက်သမားတွေဟာ လွန်ခဲ့တဲ့ ၄ လလောက်ကတည်းက အဲဒီအိမ်ကို ငှားရမ်း အသုံးပြုနေခဲ့ပြီး အခု စီးနင်းဝင်ရောက် ဖမ်းဆီးတဲ့ အခါ ပြန်ပြီးခုခံတဲ့အတွက် ပစ်ခတ်နှိမ်နင်း ခဲ့ရတာဖြစ်တယ်လို့ အင်ဒိုနီးရှား ရဲချုပ်က ပြောပါတယ်။
Ref: RFA News
Read More...
Collapse...
Wednesday, 08 May 2013
မြန်မာနိုင်ငံ အခြေစိုက် တရုတ် သံရုံးက တရုတ် နုိုင်ငံ ကနေ မြန်မာ နိုင်ငံထဲကို စစ်လက်နက်တွေ သယ်ပို့ ပြောင်းရွေ့ ခဲ့တဲ့ သတင်းတွေဟာ မှန်ကန်မှု မရှိဘူး ဆိုပြီး သတင်း ထုတ်ပြန် ခဲ့ပါတယ်။
သတင်း ထုတ်ပြန်ချက် ထဲမှာ တရုတ်နိုင်ငံကနေ ဝ ပြည် သွေးစည်းညီညွတ်ရေး တပ်မတော် (UWSA) ကို စစ်လက်နက် တပ်ဆင်ထားတဲ့ ရဟတ်ယာဉ်တွေ ရောင်းချ ခဲ့တယ် ဆိုတဲ့ သတင်းကို မြန်မာ eleven news ကဖေါ်ပြခဲ့တဲ့ အကြောင်း၊ ဒီသတင်းမှာ တရုတ်နိုင်ငံကို စွပ်စွဲဖေါ်ပြထားတဲ့ အကြောင်း၊ ဒီသတင်းနဲ့ ပတ်သက်ပြီး တရုတ် သံရုံးကနေ ကျေနပ်မှု လုံးဝမရှိတဲ့ အကြောင်း၊ ပြီးခဲ့တဲ့ နှစ်ကလည်း ဒီ thinktank အဖွဲ့ ကဘဲ အလားတူ သတင်းတွေ ထုတ်ပြန်ခဲ့ တာတွေဟာ၊ အရင်းအမြစ် မရှိတဲ့ သတင်းတွေ ဖြစ်တဲ့ အကြောင်း၊ မြန်မာပြည်တွင်း နဲ့ နိုင်ငံရပ်ခြားမှာ ရှိတဲ့ မြန်မာတွေကို ထင်ယောင် ထင်မှား ဖြစ်စေတာ ဖြစ်တဲ့ အကြောင်း၊ မြန်မာပြည်တွင်း ငြိမ်းချမ်းရေး ဖေါ်ဆောင်ရာမှာ တတပ်တအား ကြိုးပမ်းပေး နေမှုတွေကို ပယ်ပျက်စေတယ် လို့လည်း ကြေညာချက်ထဲမှာ ပါရှိပါတယ်။
ဝပြည် သွေးစည်း ညီညွတ်ရေး တပ်မတော် (UWSA) ကလည်း ရဟတ်ယာဉ်တွေ ရောင်းချ ခဲ့တယ် ဆိုတဲ့ သတင်းဟာ မဟုတ်ဘူးလို့ ငြင်းဆိုခဲ့တယ်လို့လဲသိရပါတယ်။
အိန္ဒိယ နိုင်ငံထုတ် သတင်း india Express သတင်းထဲမှာတော့ တရုတ်နိုင်ငံကနေ ဒီသတင်းတွေကို မဟုတ်မမှန်တဲ့ အကြောင်း ငြင်းဆိုခဲ့ပေမဲ့၊ တရုတ်နိုင်ငံ ကနေ ဝပြည် သွေးစည်း ညီညွတ်ရေး တပ်မတော် (UWSA) ကို ထောက်ပံ့ ပေးနေတာတွေဟာ မြန်မာ အစိုးရကို တရုတ်နိုင်ငံ ဆိုင်ရာ ရင်းနှီး မြှုပ်နှံမှုတွေ အပေါ် ထိပါး လာမှုတွေကို သတိပေး ရာရောက်တယ်လို့ ဆိုပါတယ်။
Eleven news သတင်း ဝဗ်ဆိုက် ပေါ်မှာ တရုတ်သံရုံး ရဲ့ထုတ်ပြန်ချက်ကိုလဲ ပြန်လည် ချေပ ထားပါတယ်။ တရုတ် သံရုံးထုတ် သတင်းထုတ်ပြန်ချက်ပါ အချက် အလက်တွေဟာ သတင်းကို အပြီးတိုင် မဖတ်ရှုဘဲ တဖက်သတ် စွပ်စွဲချက်တွေ ဖြစ်တဲ့ အကြောင်း၊ တရုတ် သံရုံး အနေနဲ့ ဒီသတင်း ကြောင့် မြန်မာတွေကို ထင်ယောင် ထင်မှား ဖြစ်စေ နိုင်တယ် ဆိုတာလုံးဝ မမှန်ကန်ဘူး လို့ တုန့်ပြန် ထားပါတယ်။
ဒါကြောင့်လဲဘဲ တရုတ် သံရုံး သတင်းထုတ်ပြန်ချက်ဟာ သတင်း လွတ်လာစွာ ထုတ်ဖေါ်ပိုင်ခွင့်ကို ထိပါးစေတဲ့ အချက်တွေကို အပြင်းအထန် ကန့်ကွယ်တယ်လို့ တုန့်ပြန် ထားပါတယ်။
Ref: ရွှေဟင်္သာ
Read More...
Collapse...
Wednesday, 08 May 2013
ကချင်ပြည် လွတ်လပ်ရေး တပ်မတော် KIA နှင့် အစိုးရ တပ်ဖွဲ့ များသည် နေ့စဉ်နှင့်အမျှ တိုက်ပွဲများ ဖြစ်ပွား လာနေကြောင်း KIO နိုင်ငံခြားရေး ဒုတိယ တာဝန်ခံ ဂျိန်းလွန်းတောင်က ဆိုပါသည်။
“ အဓိက တိုက်ပွဲ နေရာ တွေကတော့ ရှမ်းပြည် မြောက်ပိုင်း၊ ကွတ်ခိုင်မြို့နယ် ထဲက KIA တပ်မဟာ (၄)နေရာ၊ ပြီးတော့ မေခ မေလိခ မြစ်ဆုံရဲ့ အောက်ပိုင်းက ဧရာဝတီမြစ်ရဲ့ အနောက်ဖက်က မိုးညှင်းမြို့နယ်မှာ လှုပ်ရှား နေတဲ့ ကျနော်တို့ တပ်မဟာ (၂) နယ်မြေ ထဲမှာပေါ့ နေ့တိုင်း လိုလို ဖြစ်လာနေတာ ရှိပါတယ်။” ဟုဆိုပါသည်။
ရှမ်းပြည် မြောက်ပိုင်း ကွတ်ခိုင်၊ မူဆယ်နှင့် နမ်းဖက်ကာရှိ KIA တပ်မဟာ (၄) ဧရိယာ၌ ဖြစ်ပွားသော တိုက်ပွဲများမှာ ပြီးခဲ့သည့် မတ်လ (၁၁) ရက်နေ့တွင် တရုတ်နိုင်ငံ ရွှေလီမြို့ ၌ KIA နှင့် အစိုးရတို့ ဆွေးနွေးပွဲ နောက်ပိုင်း ရင်ဆိုင် တိုက်ပွဲများ တဖြည်းဖြည်း များပြား လာသည်ဟု ဆိုပါသည်။
အစိုးရ တပ်ဖွဲ့ များသည် KIA အား အပစ်အခတ် ရပ်စဲခြင်း မဟုတ်သည့် အတွက် ဒေသအလိုက် စစ်ဆင်ရေးများကို ဆက်လက် စစ်ဆင်နေခဲ့ပါသည်။
မေလ (၆) ရက်နေ့ နံက် (၈) နာရီခွဲတွင် ရှမ်းပြည် မြောက်ပိုင်း မူဆယ်ခရိုင် မွန်းဂူဒေသ၌ KIA တပ်မဟာ ၄ ၊ တပ်ရင်း (၃၈) တပ်ဖွဲ့နှင့် အစိုးရ ခလရ (၁၂၅) တပ်ဖွဲ့တို့ ရင်ဆိုင် တိုက်ခိုက် ခဲ့ကြပါသည်။
မေလ (၄) ရက်နေ့ ညနေ (၃) နာရီတွင်လည်း ရှမ်းပြည်မြောက်ပိုင်း ကွတ်ခိုင်မြို့ အရှေ့ ဖက် ဂိန်မိန်ဒေသ၌ လှုပ်ရှားနေသော KIA တပ်မဟာ (၄) လက်အောက်ခံ တပ်ရင်း (၁၇) နှင့် ခလရ (၁၂၇) တို့ ရင်ဆိုင် တိုက်ပွဲ ဖြစ်ပွား ခဲ့ပါသည်။
မေလ (၂) ရက်နေ့ နေ့လည် ၁ နာရီ ၄၅ မိနစ် ခန့်တွင်လည်း KIA တပ်မဟာ ၄ ၊ တပ်ရင်း (၃၈) နှင့် အစိုးရ ခလရ (၁၂၅) တို့ တိုက်ပွဲ ဖြစ်ပွား ခဲ့ ပါသည်။ ထို့အပြင် ညနေ (၇)နာရီ မိနစ် (၄၀) တွင်လည်း ကောင်းဆာနှင့် ဖိုက်ကောက် တ၀ိုက်ရှိ အစိုးရ ခမရ (၂၄၂) တပ်ဖွဲ့နှင့် ထပ်မံ ဖြစ်ပွား ခဲ့ပါသည်။
အလားတူ မေလ (၅) ရက်နေ့ တွင် ကချင်ပြည်နယ် မေခနှင့် မေလိခ မြစ်ဆုံ အောက်ပိုင်းရှိ မိုးညှင်း မြို့ နယ်တွင် KIA တပ်မဟာ (၂) မှ တပ်ရင်း (၅) တပ်ဖွဲ့နှင့် အစိုးရ ခလရ (၉၃) တို့ တိုက်ပွဲဖြစ်ပွား ခဲ့ပါသည်။ ဤတပ်ဖွဲ့များသည် ပြီးခဲ့သည့် မေလ (၃) ရက်နေ့ ကတည်းက တိုက်ပွဲ ဖြစ်ပွား လာခဲ့ခြင်းဖြစ်ပါသည်။
မေလ (၇) ရက်နေ့ နံက် (၂) နာရီတွင်လည်း လိုင်ဇာမြို့  အနီးရှိ လဂျားယန်ပွိုင့် (၇၇၁) မှလည်း လက်နက်ကြီး (၃) ချက် ပစ်ခတ် ခဲ့ပါသည်။
ဤတိုက်ပွဲများသည် KIA နှင့် အစိုးရတို့၏ တွေ့ဆုံ ဆွေးနွေးပွဲ များကို မထိခိုက် စေသော်လည်း ဆွေးနွေးမှုနှင့် နေရာ သတ်မှတ်ရေးတွင် အခက်အခဲ ဖြစ်လာနိုင်စရာ ရှိနေသည်ဟု ဆိုပါသည်။ KIA နှင့် အစိုးရတို့သည် အပစ်အခတ် ရပ်စဲရေး အတွက် (၁၃) ကြိမ်မျှ တွေ့ဆုံ ဆွေးနွေး ခဲ့သော်လည်း ယနေ့အထိ ပြေလည်မှု မရရှိခဲ့ပေ။
အစိုးရသည် KIA အပါဝင် အခြား အပစ်အခတ် ရပ်စဲ ထားသော အဖွဲ့များနှင့် ယခု မေလ အတွင်း၌ ဆွေးနွေးနိုင်ရန် စီစဉ်နေ သည်ဟု ဆိုပါသည်။ အစိုးရသည် KIA နှင့် ဆွေးနွေးနိုင်ရန် လိုလားနေသော်လည်း KIA သည် ကြားခံ အဖွဲ့အစည်း ပါဝင်ခြင်း မရှိပါ က ဆွေးနွေး လိမ့်မည် မဟုတ်ဟု အတိအလင်း ထုတ်ဖေါ်ပြောကြား ထားပြီး ဖြစ်ပါသည်။
Ref: ရွှေဟင်္သာ
Read More...
Collapse...
ဟံသာဝတီဦးဝင်းတင်
08.05.2013
ဒီကနေ့ ကျုပ်စိတ်ထဲမှာ အင်မတန်လေးလံဝန်ပိတဲ့ ကိစ္စကြီးတရပ် ရှိနေတယ်ဗျာ။ နှလုံးသားမှာ ကျောက်တုံးတွဲ ဆွဲထားသလိုပဲလို့တောင် ပြောရမလား မသိဘူး။
ပြီးခဲ့တဲ့အပတ်က ဒီလှိုင်းစာစောင်ရဲ့ အာဘော်ခန်းမှာ "မြေကြီးကိစ္စ" ဆိုတဲ့ စကားလုံးကို တွေ့လိုက်ရတယ်။ ကျုပ်ပြောချင်တဲ့ကိစ္စကို မီးမောင်းထိုးပြလိုက်သလိုပဲဗျာ။ ကျုပ်ပြောချင်တဲ့ကိစ္စတွေက ပေါင်းလန်ဗြောင်းဆန်အောင် များပြားဆူဝေနေတယ်။ ဘယ်ကိစ္စကို ဘာက ကိုင်ပြောရမှန်း မသိတတ်အောင် ဖြစ်နေရတယ်။ ဒီလှိုင်းက အဲဒါတွေအားလုံးကို မြေကြီးကိစ္စလို့ တံဆိပ်ကပ်လိုက်တယ်ဗျို့။
ဟုတ်လိုက်တာဗျာ။ ကျုပ်ပြောချင်နေတာကလည်း တစ်ပြည်လုံးရဲ့မြေတွေ ယာတွေရဲ့ကိစ္စ၊ မြေတွေ ယာတွေပေါ်မှာ လုပ်ကိုင်စားသောက်နေကြတဲ့ လယ်သမား ယာသမား၊ မြေလုပ်သားတွေရဲ့ ကိစ္စ၊ အဲဒီလုပ်သားထုကြီးရဲ့ ငွေကြေး အရင်းအနှီး မပြည့်စုံမှုကိစ္စ၊ ကြွေးမြီကိစ္စ၊ ချေးငွေကိစ္စ၊ စိုက်ထုတ်ရင်းနှီး သုံးစွဲနေရတဲ့ ပစ္စည်းကိရိယာ၊ ဓါတ်မြေသြဇာ၊ ပိုးသတ်ဆေး စရိတ်ငွေကြေးတွေရဲ့ ကိစ္စ၊ လယ်ယာထွက်ကုန်သီးနှံ ဈေးနှုန်းတွေရဲ့ ကိစ္စ။ အို . . . ပြောမဆုံးပေါင် တောသုံးထောင်ပါပဲဗျာ။ စားရင်းတို့ရင် အပင်းဆို့သလို မော မော မော ဆိုတဲ့ စကားအတိုင်းပဲပေါ့။
ဒီအထဲ စစ်တပ်တို့၊ အစိုးရဌာနတို့ ခရိုနီ၊ ခရိုပြာ၊ ခရိုဝါ၊ ခရိုစိမ်းဆိုတဲ့ အာဏာကပ်ပါးတို့က မတော်မတရား နည်းမျိုးစုံနဲ့ သိမ်းယူအပိုင်စီးထားတဲ့ မြေယာဧက သိန်းပေါင်းများစွာရဲ့ ကိစ္စကလည်းပါသေး။ သီးနှံစိုက် လယ်ယာမြေတွေပေါ်မှာ စက်ရုံ အလုပ်ရုံ၊ အိုးမြေ အိမ်မြေ၊ တပ်မြေ စခန်းမြေ၊ သတ္တုတူး ကျော်ဖော်စတဲ့ လုပ်ငန်းတွေ လုပ်ကိုင်ဖို့ ပြောမပြနိုင်လောက်အောင် မတရားကြီး သိမ်းထားတဲ့မြေတွေက အများကြီး အားကြီးရှိသေးသဗျ။ အဲဂလို သိမ်းထားတဲ့ မြေတွေ၊ ယာတွေထဲမှာ တိုင်းရင်းသား ဒေသတွေက လယ်ယာမြေစိုက်ခင်းတွေကလည်း ဧရာမ အများကြီး ပါဝင်နေသေးတယ်လို့ ဆိုသဗျ။
ထားပါတော့ဗျာ။ အဲဒီမြေကြီး ကိစ္စကြီးတွေက ဒီနေ့ ပူလောင်ဆူပွတ် ဂယက်ထလာနေပြီဗျ။
လက်ပံတောင်း ကြေးနီစီမံကိန်းဆိုတာ အားလုံးသိကြပါရဲ့။ မီးခဲကိစ္စကြီးလေဗျာ။ စစ်ကိုင်းတိုင်း၊ မုံရွာနယ်ထဲက မြေကြီးကိစ္စဗျ။ တရုတ်တရက်တွေ၊ ဗရုတ်ဗရက်လုပ်နေတဲ့ အရှုပ်အယှက်တွေလို့ သာမန်ကာလျှံကာ မထင်လိုက်နဲ့ဗျ။ အဲဒါလည်း မြေကြီးကိစ္စပဲဗျ။ သယံဇာတ တူးတယ်ဆိုတာ မြေကြီးကိစ္စပဲပေါ့ဗျာ။
အဲ . . . အဲ။ ပြောရဦးမယ်။ ကျုပ်ရင်လေးနေတယ်ဆိုတဲ့ကိစ္စက အဲဒီ မြေကြီးကိစ္စပဲဗျ။ မြေကြီးပေါ်မှာ လူတွေနေတယ်။ ကျုပ်တို့လို ကျောမွဲတိုင်းပြည်အဖို့က မြေကြီးပေါ်မှာပဲ လုပ်ကိုင်စားသောက်ကြရသပေါ့ဗျာ။ အဲဂလို လူတွေ မှီတင်းနေထိုင်ရာ မြေကြီး။ လူတွေ တူးဆွအသက်မွေးရာ မြေကြီး။ အဲဒီမြေကြီးတွေဟာ ပြဿနာတွေ ပေါက်ဖွားရာ၊ ပဋိပက္ခတွေ ပေါက်ကွဲရာ အရင်းခံ ဘူမိနက်သန်တွေ ဖြစ်လာမယ်ဆိုရင် တစ်ပြည်လုံး၊ တစ်မျိုးလုံး အခက်ကြုံ လာနိုင်ပြီလို့ ဆိုရပေမှာပေါ့ဗျာ။
ကမ္ဘာ့သမိုင်းကို ပြန်မျှော်ကြည့်မလား။ လတ်တလော အိမ်နီးချင်းနိုင်ငံ သတင်းတွေ ငဲ့စောင်းကြည့်မလား။ တိုင်းရေးပြည်ရာ ပြဿနာတွေဟာ မြေကြီးကနေ မီးစွဲတောက်လောင်လာတာဗျ။ ဘယ်လောက် အန္တရာယ်ကြီးနိုင်တယ်ဆိုတာ အလွယ်နဲ့ သိမြင်နိုင်ပါတယ်။
ဒီနေ့ ကျုပ်တို့တိုင်းပြည်မှာလည်း မြေကြီးတွေ ပူလောင် မြိုက်ကျွမ်းစပြုနေပြီလို့ ဆိုရမယ်ဗျ။
လက်ပံတောင်းလို သယံဇာတတူးဖော်ရေးကိစ္စဟာ မြေယာပြဿနာ ဖြစ်လာနေတယ်။ ရန်ကုန်မြို့တော် အနီးအနား ဝန်းကျင်တစ်ဝိုက်က မြို့ပြနယ်မြေ တိုးချဲ့ရေးကိစ္စဟာ မြေယာပြဿနာ ဖြစ်လာနေတယ်။ ပြည်နယ်ဒေသတွေမှာ စွမ်းအင်ထုတ်လုပ်မှုကိစ္စတွေဟာ မြေယာပြဿနာဖြစ်လာနေတယ်။
ဒီလို မြေကြီးကနေ မီးတောက်လာတဲ့ ကိစ္စတွေဟာ မထိန်းသိမ်းကြ၊ မဖြေရှင်းကြရင် ကြာလေလောင်လေ၊ လူ့ဘောင်မီးစွဲလေ ဖြစ်လာလိမ့်မယ်ဗျို့။
၂၀ ရာစုအတွင်းက မြန်မာနိုင်ငံမှာ ဖြစ်ပျက်ခဲ့တဲ့ မြေကိစ္စတွေက သမိုင်းသက်သေခံနေတယ်။ ၁၉၂၀ ပြည့် ကာလများအတွင်း မြေကြီးပြဿနာဟာ ဆရာစံတောင်သူလယ်သမားသူပုန်ကြီးကို မွေးဖွားပေးခဲ့တယ်။ ဂျပန်ခေတ် လယ်သမားတွေ လယ်မဆင်းနိုင်ဘူး။ မြေကြီးပြဿနာက ဖက်ဆစ် တော်လှန်ရေး လူထုအရေးတော်ပုံကြီးကို ဖန်တီးခဲ့တယ်။
အစိုးရအဖွဲ့ဝင်တွေ၊ လွှတ်တော်အမတ်တွေ၊ နိုင်ငံရေးခေါင်းဆောင်တွေ စတဲ့ တိုင်းရေးပြည်ရေးတာဝန်ရှိသူတွေဟာ ဒီနှစ်ဆန်းပိုင်းလောက်ကစပြီး မြေကြီးကိစ္စ ဖြေရှင်းရေးလေသံတွေ ပစ်လာခဲ့ကြတယ်။ ဘယ်လို ပြဿနာထုထည်ပမာဏတွေကို စမ်းသပ်ရှာဖွေတွေ့ရှိလေသလဲတော့ မပြောတတ်။ တိုင်းပြည်ရဲ့ မြေကြီးပြဿနာတွေက တက်ပြီးတက်ရင်း ခေါင်ညွန့်ကို နင်းနေကြပြီ။
ကျုပ်တို့ ပြောချင်တာကတော့ဗျာ။ စာရင်းအင်းတွေ၊ ကိန်းဂဏန်းတွေ၊ စီမံလျာထားချက်တွေ မဟုတ်ပါဘူး။ သဘောကိုပြောချင်တာပါ။ သဘာဝကို ပြချင်တာပါ။
မြေကြီးဆိုတာ လှုပ်တတ်သဗျ။ မနှစ်က စစ်ကိုင်းတိုင်းမှာ ဖြစ်ပေါ်ခဲ့တဲ့ မြေငလျင်ကြီး မှတ်မိရဲ့မဟုတ်လား။
မြေကြီးဆိုတာ ပြိုတတ်သဗျ။ တလောက တရုတ်ပြည်ဘက်မှာ ပေါ်ပေါက်ခဲ့တဲ့ မြေပြိုမှုကြီးတွေ မြင်မိမှာပေါ့။ ပျက်လိုက်တဲ့အိမ်တွေ၊ သေလိုက်တဲ့လူတွေ။ နည်းမှတ်လို့။
မြေကြီးဆိုတာ မျိုတတ်သဗျ။ ဘုရားလက်ထက် ဒေဝဒတ် မြေမျိုခန်းလို ဖြစ်ရပ်ကအစ ဒီနေ့ခေတ်ကမ္ဘာနဲ့ အဝန်း ကြက်သီးဖြန်းဖြန်းထစရာ ကြားနေကြရတဲ့ အိမ်တွေ၊ လူတွေ မြေကြီးထဲ နစ်မြုပ်ပျောက်ကွယ်သွားတဲ့ မြေမျိုမှုတွေအထိပေါ့လေ။
ဒါ့ကြောင့် ကျုပ် အသည်းကြောင်ကြောင် ယောင်ကန်းကန်းဟစ်လိုက်ချင်တာကတော့ မြန်မာပြည်မှာ
မြေကြီးတွေ လှုပ်ခါနီးပြီဗျို့။
မြေကြီးတွေ ပြိုခါနီးပြီဗျို့။
မြေကြီးတွေ မျိုခါနီးပြီဗျို့။ ။
Read More...
Collapse...
ကိုသားညွန့်ဦး
08.05.2013
မြန်မာနိုင်ငံတွင်းမှာ ဘာသာရေးခေါင်းစဉ်နဲ့ သတ်ဖြတ်မှုတွေ ဖြစ်ခဲ့တာဟာ အင်မတန်ကို ၀မ်းနည်းစရာ ကောင်းပါတယ်လို့ ငြိမ်းချမ်းရေး နိုဘဲလ်ဆုရှင် တိဘက် ဘုန်းတော်ကြီး ဒလိုင်းလားမား (Dalai Lama) က ပြောပါတယ်။ မူဆလင်လူမှု အသိုင်းအ၀ိုင်း အပေါ်မှာလည်း စိတ်ခံစားမှုတွေ ဖြစ်လာတဲ့အခါမှာ ဗုဒ္ဓမြတ်စွာဘုရားကို သတိရကြဖို့ ကိုလည်း တိုက်တွန်းသွားပါတယ်။ အကြောင်းစုံ ကိုတော့ ကိုသားညွန့်ဦးက တင်ပြထားပါတယ်။
အမေရိကန်ပြည်ထောင်စု မယ်ရီလန်းပြည်နယ် မယ်ရီလန်း တက္ကသိုလ် မှာ မနေ့တုန်းက လုပ်တဲ့ ဟောပြောပွဲ အတွင်း မြန်မာနိုင်ငံတွင်း ဘာသာရေး အခြေခံတဲ့ ပဋိပက္ခတွေ အပေါ်မှာ အခုလို မှတ်ချက်ပေး ဟောကြား သွားတာပါ။ အန်န၀ါ ဆဒတ် (Anwar Sadat) ကို အမှတ်တရ ပြုလုပ်တဲ့ ငြိမ်းချမ်းရေးနဲ့ ဖွံ့ဖြိုးရေးဆိုင်ရာ ဟောပြောပွဲတွေ အတွင်း နိုင်ငံတကာက ခေါင်းဆောင်တွေ ဘာသာရေး ခေါင်းဆောင်တွေကို ဖိတ်ခေါ် ဟောကြားစေခဲ့ရာမှာ တိဘက် ဘုန်းတော်ကြီး ဒလိုင်းလားမား (Dalai Lama) လည်း တတ်ရောက်ဟောကြား ခဲ့တာပါ။
လူ့အဖွဲ့အစည်းအတွင်း မတူကွဲပြားချက်တွေအပေါ်မှာ ငြိမ်းချမ်းရေးကို ဘယ်လို တည်ဆောက်နိုင်မလဲ ဆိုတဲ့ အချက်ကို အဓိကထား ဟောပြောသွားရင်း ကမ္ဘာ့နေရာ အတော်များများမှာ ဘာသာရေး ခေါင်းစဉ်တပ်ပြီး အကြမ်းဖက်မှုတွေနဲ့ ပဋိပက္ခတွေ ဖြစ်တဲ့အပေါ်မှာ ဘုန်းတော်ကြီး ဒလိုင်းလားမား (Dalai Lama) က ဝေဖန်သွားခဲ့ပါတယ်။
အဲ့ဒီမှာ မြန်မာနိုင်ငံတွင်း မူဆလင်လူမှုအသိုင်းအ၀ိုင်းကို ဗုဒ္ဓဘာသာဝင်တွေက အကြမ်းဖက်မှုတွေဟာ အင်မတန် ၀မ်းနည်းစရာကောင်းတယ်လို့ ဘုန်းတော်ကြီး ဒလိုင်းလားမား (Dalai Lama) က မိန့်ပါတယ်။
“ဘာသာရေးခေါင်းစဉ်တပ်ပြီး လူတွေကို သတ်ဖြတ်နေတာကို စဉ်းစားလို့ကို မရပါဘူး။ တကယ့်ကို အတော်လေး ၀မ်းနည်းစရာ ကောင်းပါတယ်။ အခုကာလမှာ ဒါမျိုးတွေကို မြန်မာနိုင်ငံနဲ့ သီရိလင်္ကာနိုင်ငံတွေမှာ တွေ့နေရပါတယ်။ ဗုဒ္ဓဘာသာ ဘုန်းတော်ကြီးတွေဟာ မူဆလင် ဗလီတွေကို ဖျက်ဆီးတာ၊ မူဆလင်မိသားစုတွေကို တိုက်ခိုက်တဲ့ ကိစ္စတွေပါ။”
ဘာသာရေး ခေါင်းစဉ်ခံပြီး ဖြစ်ခဲ့တဲ့ အဖြစ်အပျက်တွေဟာ နေရာအတော်များများ မှာ နိုင်ငံရေးနဲ့ ဆက်နွယ်ပတ်သက်ပုံရပြီး၊ ဒါဟာ ဘာသာရေးကိစ္စ မဟုတ်ဘူးလို့ လည်း ဘုန်းတော်ကြီး ဒလိုင်းလားမား (Dalai Lama) က မိန့်ပါတယ်။
ဒါကြောင့်လည်းပဲ မြန်မာနိုင်ငံမှာ ဖြစ်နေတဲ့ကိစ္စတွေမှာ ဗုဒ္ဓဘာသာဝင်တွေအနေနဲ့ မုန်းတီးမှု ခံစားချက်တွေ ဖြစ်လာရင် ဗုဒ္ဓမြတ်စွာဘုရားကို သတိရပါလို့ သူက တိုက်တွန်းပါတယ်။
“ဒါတွေဟာ အတော်လေး ၀မ်းနည်းစရာ ကောင်းပါတယ်။ ကျနော်ပြောခဲ့ဖူးပါတယ်။ ဗုဒ္ဓဘာသာ ညီအကိုတော်တွေ မောင်နှမတွေအနေနဲ့ မူဆလင်အသိုင်းအ၀ိုင်းအပေါ်မှာ မကျေမနပ် စိတ်ခံစားမှုတွေ ရှိလာတဲ့အခါမှာ ဗုဒ္ဓမြတ်စွာကို သတိရကြပါ။”
အန်န၀ါ ဆဒတ် (Anwar Sadat) ကို အမှတ်တရပြုတဲ့ အဲ့ဒီ ဟောပြောပွဲတွေမှာ ဘုန်းတော်ကြီး ဒလိုင်းလားမား (Dalai Lama) အပြင်၊ တောင်အာဖရိက သမ္မတဟောင်း နယ်လ်ဆင် မန်ဒဲးလား (Nelson Mandela)၊ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် (Kofi Annan)၊ အမေရိကန်သမ္မတဟောင်း ဂျင်မီကာတာ (Jimmy Carter)၊ အမေရိကန်နိုင်ငံခြားရေးဝန်ကြီးဟောင်း မန်ဒရင်း အောဘရိုက် (Madeleine Albright) စတဲ့ နိုင်ငံရေးခေါင်းဆောင်တွေ ဟောပြောခဲ့ဖူးပါတယ်။
ဘုန်းတော်ကြီး ဒလိုင်းလားမား (Dalai Lama) အနေနဲ့ မြန်မာနိုင်ငံတွင်းမှာ ဖြစ်နေ တဲ့ ဘာသာရေးအခြေခံတဲ့ ပဋိပက္ခတွေနဲ့ပတ်သက်ပြီး အရင်တုန်းကလည်း ဝေဖန် ခဲ့ဖူးပါတယ်။ ပြီးခဲ့တဲ့နှစ်ဆန်းပိုင်း မိတ္ထီလာအရေးအခင်း ဖြစ်ပြီးတဲ့နောက်ပိုင်း ပြီးခဲ့တဲ့ ဧပြီလတုန်းကလည်း မြန်မာနိုင်ငံက ဗုဒ္ဓဘာသာ ဘုန်းတော်ကြီးတွေအနေနဲ့ ဗုဒ္ဓမြတ်စွာရဲ့ မိန့်ကြားချက်တိုင်း မေတ္တာတရား ထားပြီး ခွင့်လွှတ်သည်းခံကြဖို့ တိုက်တွန်းခဲ့ပါတယ်။
မိမိရဲ့ စိတ်ထဲမှာ စိတ်ခံစားမှု ပြင်းထန်လာပြီး သတ်ဖြတ်လိုစိတ် ဖြစ်လာရင် ဗုဒ္ဓတရားကို လက်ကိုင်ထားဖို့နဲ့ ဗုဒ္ဓမြတ်စွာရဲ့ နောက်လိုက်တွေဆိုတာ မမေ့ကြဖို့ တိုက်တွန်းခဲ့ပါတယ်။
Ref: VOA News
Read More...
Collapse...
ဟင်္သာနီ (မွန်မြေ)
အင်္ဂါနေ့၊ မေလ ၀၇ ရက် ၂၀၁၃
စံခလပူရီ (မဇ္ဈိမ)။ ။ ဒီမိုကရေစီအကျိုးပြု ကရင်တပ်မတော် (DKBA) တပ်နှင့် အစိုးရ ၏ နယ်ခြားစောင့်တပ် တို့အကြား ပစ်ခတ်မှု ပဋိပက္ခများသည် ကရင် အမျိုးသားများ၏ သွေးစည်း ညီညွတ်ရေးကို ထိခိုက်စေမည် မဟုတ်ဘဲ လာမည့် သီတင်းပတ် အတွင်း ပြေလည်မှု ရနိုင်မည်ဟု မျှော်လင့်ရကြောင်း DKBA က ဆိုသည်။
ဧပြီလ ၆ ရက်နေ့တွင် နေပြည်တော်၌ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ ဒုဥက္ကဋ္ဌ ဦးအောင်မင်းနှင့် သွားရောက် ညှိနှိုင်းခဲ့သည့် DKBA တပ်မှ ဗိုလ်မှူး မောင်လေး က ပြောဆိုခြင်း ဖြစ်သည်။
“မြိုင်ကြီးငူမှာ ဖြစ်တဲ့ ပဋိပက္ခအရ လတ်တလော မြေပြင်မှာ ဖြစ်နေတဲ့ ပဋိပက္ခ အနေအထား တွေကို သွားရောက် တင်ပြတာပဲ ရှိပါတယ်။ နောက်နောင် ဒီလိုမျိုး အဖြစ်တွေ ဘယ်လို မဖြစ်အောင် ထိန်းသိမ်းရမယ် ဆိုတဲ့ အနေအထားကို ဆွေးနွေးတယ်။ အဲဒီ ဆွေးနွေးချက်တွေကို ဝန်ကြီးတွေဘက်က အထက်ကို တင်ပြပြီး အမြန်ဆုံး ကရင်ပြည်နယ်ကို ဆင်းလာပြီး ပြည်နယ် အစိုးရနဲ့ရော ကျနော်တို့ ဘက်နဲ့ရော BGF ဘက်နဲ့ရော တွေ့ပြီး ဖြေရှင်းကြမယ်လို့ စီစဉ်ထားတယ်။ အလွန်ဆုံး တပတ်လောက်ပဲ ကြာမယ်လို့ ခန့်မှန်းတယ်” ဟု ဗိုလ်မှူး မောင်လေးမှ ပြောသည်။
ဝန်ကြီး ဦးအောင်မင်း တို့နှင့် သွားရောက် တွေ့ဆုံခဲ့စဉ် DKBA ဘက်မှ ရရှိထားသော အပစ်အခတ် ရပ်စဲရေးသဘော တူညီချက်ကို မပျက်ပြားစေလို၍ လာရောက်တင်ပြ ဆွေးနွေးခြင်း ဖြစ်ကြောင်း ဦးအောင်မင်း တို့အား တင်ပြခဲ့ပြီး DKBA နှင့် ငြိမ်းချမ်းရေး အဖွဲ့များအကြား ဆက်ဆံနိုင်မည့် ကြားခံအဖွဲ့ ထားရှိရန် အဓိက လိုအပ်သည်ဟု ဆိုသည်။
ကရင်ပြည်နယ်ရှိ ငြိမ်းချမ်းရေး အဖွဲ့အချင်းချင်း အားလုံး ပါဝင်သည့် ဆွေးနွေးပွဲတရပ် ထပ်မံ ဆွေးနွေးရန် လိုအပ်ပြီး နယ်မြေ သတ်သတ်မှတ်မှတ် ကန့်သတ်ရန် လိုနေကြောင်း တို့ကို တင်ပြ ခဲ့သည်ဟု ဗိုလ်မှူး မောင်လေး က ပြောသည်။
DKBA နှင့် BGF တို့အကြား ပစ်ခတ်မှု စတင် ဖြစ်ပွား လာခဲ့ရခြင်းမှာလည်း BGF တပ်ရင်း (၆၄) တပ်ရင်းမှူး ထံတွင် သစ်လုပ်ငန်း စီးပွားရေး ပူးပေါင်းလုပ်ခဲ့သည့် အရပ်သား တဦးက လုပ်ငန်း အရှုံးပေါ်ကာ BGF ကို မကျေနပ်ချက် ရှိခဲ့ရာမှ မြိုင်ကြီးငူ ဒေသရှိ DKBA ဆက်ဆံရေး ရုံး၌ အဖွဲ့ဝင် ပုံသဏ္ဍာန် နေထိုင်နေစဉ် လှေဖြင့် ခွင့်ပြန်လာသည့် BGF ၏ ၁၀၁၂ တပ်ရင်းမှ ရဲဘော်အား လှေရပ်တန့်ရန် တားမြစ်ခဲ့ရာမှ ပစ်ခတ်ခဲ့၍ အဆိုပါ ရဲဘော် သေဆုံး သွားခဲ့သည်။
ထို့နောက် တင်းမာမှု ဖြစ်ပွားခဲ့ကာ ဥပဒေကြောင်းအရ အရေးယူနိုင်ရန် ၎င်းအရပ်သားနှင့် ပစ်ခတ်ခဲ့သည့် လက်နက်ကို အပ်နှံရန် BGF တပ်ဖွဲ့မှ တောင်းဆိုခဲ့သည့်အလျောက် အပ်နှံပေးခဲ့ပြီး ဖြစ်ကြောင်း ဗိုလ်မှူး မောင်လေး က ပြောသည်။
ထို့ကြောင့် မြိုင်ကြီးငူ ဒေသ၌ လက်နက်ကိုင်ဆောင်ကာ နေထိုင်နေကြခြင်းသည် မလိုလားအပ်သည့် ပဋိပက္ခ ဖြစ်ပွားရ၍ ထိုဒေသမှ တပ်များ ခွာရန် အမိန့်ပေးခဲသည်။ အချို့ တပ်များ ခွာပေးခဲ့သော်လည်း အင်အား ၃၀ ဝန်းကျင်ခန့် ရှိသည့် တပ်က ထွက်ခွာရန် ငြင်းဆိုနေခဲ့၍ စစ်ဦးချုပ် ဗိုလ်ချုပ် စောလားဘွယ်ထံ အမိန့် တောင်းခံခဲ့ပြီး ၎င်း အင်အား ၃၀ ခန့်ပါ အစုကို အဖွဲ့ဝင် မဟုတ်တော့သည့် အကြောင်းလည်း တရားဝင် ကြေညာခဲ့ပြီး ဖြစ်သည်ဟု ဗိုလ်မှူး မောင်လေး က ဆိုသည်။
ထို ဧပြီလ ၂၇ ရက်နေ့မှ စတင်၍ သုံးရက်ကြာ ပစ်ခတ်မှု ဖြစ်ပွားခဲ့ကာ နှစ်ဖက်တပ် တာဝန်ရှိသူများ နားလည်မှု ရယူ၍ အပစ်အခတ် ရပ်စဲခဲ့သည်။ ပစ်ခတ်မှုကြောင့် နှစ်ဖက် ထိခိုက် ကျဆုံးမှု ရှိကြသော်လည်း နှစ်ဖက် စလုံးကပင် ထုတ်ဖော် ပြောဆိုခြင်း မရှိကြောင်း DKBA အရာရှိ တဦးဖြစ်သူ ဦးထွန်း က ဆိုသည်။
ထိုပစ်ခတ် မှုကြောင့် ကရင်ပြည်နယ် လှိုင်းဘွဲ့ မြို့နယ် မြိုင်ကြီးငူ ဒေသ များမှ လောပူ၊ မဲဆိပ်၊ မီးဆိုင်း၊ ထီးကနဲ ကျေးရွာများမှ ဒေသခံ ၁,၀၀၀ ကျော် ပစ်ခတ်မှု လွတ်ရာသို့ ထွက်ပြေး တိမ်းရှောင်လျက် ရှိခဲ့သည်။
မေလ ၄ ရက်နေ့က ဗိုလ်မှူး မောင်လေး ဦးဆောင်၍ ဘားအံမြို့ရှိ ပြည်နယ် အစိုးရရုံးတွင် ပြည်နယ် လုံခြုံရေးနှင့် နယ်စပ်ရေးရာ ဝန်ကြီး ဦးအောင်လွင် အား သွားရောက် ဆွေးနွေး၍ ဖြေရှင်းခဲ့ကြသော်လည်း ပြေလည်မှု မရရှိခဲ့ဘဲ နေပြည်တော်သို့ သွားရောက်ရခြင်း ဖြစ်သည်။
Ref: မဇ္ဈိမ
Read More...
Collapse...
ယဉ်စနိုင်း
အင်္ဂါနေ့၊ မေလ ၀၇ ရက် ၂၀၁၃
မော်လမြိုင် (မဇ္ဈိမ)။ ။ မွန်ပြည်နယ်၊ မော်လမြိုင်မြို့နယ်၊ ရိုးဂိုးကျေးရွာတွင် သင်္ကြန် ကာလက ဖြစ်ပွားခဲ့သည့် မွန်လူငယ် များနှင့် ရဲဝန်ထမ်း ရိုက်နှက်မှုကြောင့် ဖမ်းဆီးထားသည့် လူငယ်များကို ခြွင်းချက် မရှိ ပြန်လွှတ်ပေးရန် မွန်လူငယ် ဖိုရမ်က တောင်းဆို လိုက်သည်။
ပြဿနာ ဖြစ်ရခြင်းအကြောင်းမှန်ကို ဖော်ထုတ်ခြင်း မရှိဘဲ လူငယ်များကို မတရား ပုဒ်မ တပ်ကာ ဖမ်းဆီးထား ကာ ညှင်းပန်းနှိပ်စက်မှုများ ပြုလုပ်နေသည်ဟု မွန်လူငယ် ဖိုရမ် တာဝန်ခံ မင်းဉာဏ်သိုက်ရာမာန် က
ပြောသည်။
“စွပ်စွဲထားတာ သတင်းတွေ ထုတ်ထားတွေတာက အမှန်တွေ မဟုတ်ဘူး။ အစိုးရ ဝန်ထမ်းကို ကိုယ်ထိလက်ရောက် စော်ကားတယ် ဆိုပြီး စွပ်စွဲထားတာ အမှန်ကို မထုတ်ဖော်ဘူး။ ပြဿနာ စတာက ရဲက အလံကို ဆုတ်တာက စတာ။ ဒါကို မပြောဘဲနဲ့ လူငယ်တွေ ရဲကို ဝင်ရိုက်တယ်ဆိုပြီး ပြောတယ်။ စစ်ဆေးတဲ့ အခါမှာလည်း ညှင်းပန်းနှိပ်စက်မှု တွေ ရှိတယ်” ဟု မဇ္ဈိမကို က ပြောသည်။
ဖမ်းဆီးခံထားရသည့် လူငယ် ၁၁ ယောက်ထဲတွင် အသက်ပြည့်သူ ၃ ဦးသာ ပါဝင်ပြီး အများစုမှာ အသက် ၁၅ နှစ်နှင့် ၁၇ ကြား ကျောင်းနေရွယ် လူငယ်များ ဖြစ်သည်ဟုလည်း သူက ပြောသည်။
လူမျိုး ဂုဏ်သိက္ခာကျဆင်းစေသည့်အပြင် တိုင်းရင်းသား စည်းလုံးညီညွတ်မှုကို ထိခိုက်စေနိုင်သည့် အပြော အဆို အပြုအမူများနှင့် အလံသိမ်းဆည်းဆုတ်ဖြဲမှု ပြုလုပ်သူ၊ ပဋိပက္ခဖန်တီးသူ ရဲအုပ်မြင့်နိုင် ကိုလည်း တရား ဥပဒေအရ ထိရောက်သည့် အပြစ်ဒဏ်ဖြင့် အရေးယူပေးရန်လည်း မွန်လူငယ်ဖိုရမ်က ကြေညာချက် ထုတ်ပြီး တောင်းဆိုထားသည်။
သို့သော် အလံကို စုတ်ဖြဲခြင်း၊ လူငယ်များကို မတရား ဖမ်းဆီးခြင်း မဟုတ်ဘဲ ဗီဒီယိုမှတ်တမ်းအရ ဖမ်းဆီး အရေးယူရခြင်းဖြစ်ကြောင်း ဒုပြည်နယ်ရဲတပ်ဖွဲ့မှူး ဝင်းဗိုလ် က ပြောသည်။
“လောလောဆယ် ဗီဒီယိုမှတ်တမ်းအရ ပါတဲ့လူတွေကို စစ်ဆေးတယ်။ မပါတဲ့ လူတွေကို ပြန်လွှတ်ပေးတယ်။ ပါတဲ့လူကိုတော့ သက်ဆိုင်ရာကနေ ဥပဒေအရ အရေးယူဆောင်ရွက်မှာပေါ့။ အလံဆုတ်ဖြဲတာ၊ ရဲက စရိုက်တယ် ဆိုတာက မဟုတ်ပါဘူး။ ကျနော်တို့မှာ မှတ်တမ်းတွေ ရှိပါတယ်” ဟု ပြောသည်။
ထိုလူငယ်များကို လက်နက်လုယက်မှုနှင့် တာဝန်ယူနေသည့် ရဲတပ်ဖွဲ့ကို လုပ်ငန်း အနှောင့်အယှက် ပေးပြီး ပြင်းထန်စွာ နာကျင်စေအောင် ဟန့်တားစေမှုနှင့် အရေးယူထားသည် ဟုလည်း သူက ပြောသည်။
သင်္ကြန် ရေကစားရန်အတွက် မွန်အမျိုးသားအလံကို ကိုင်ဆောင် လာသည့် လူငယ်တစုကို လုံခြုံရေးယူ ပေးနေတဲ့ ရဲဝန်ထမ်းက အလံ ကိုင်ဆောင်ပြီး မသွားရန် တားမြစ်ကာ အလံကို ဆုတ်ဖြဲရာမှ လူငယ်များ မကျေနပ်ဖြစ်ရာ ရဲဝန်ထမ်းနှင့် ထိုးကြိတ် ခဲ့ကြသည်ဟုလည်း မျက်မြင်သက်သေ တဦးက ပြောသည်။
Ref: မဇ္ဈိမ
Read More...
Collapse...
နန်းဆိုင်နွမ်
May 7, 2013
ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အကြံပြုချက်အရ ပဋိပက္ခများ ပိုမို ဆိုးရွား မလာစေရန် တရားမ၀င် ဆက်လက် ၀င်ရောက် လာသူများကို ဟန့်တားရေးနှင့် ထိရောက်စွာ အရေးယူရန်တို့ အတွက် လိုအပ်သည့် လုံခြုံရေး ဆိုင်ရာ အစီအမံများ ချမှတ်သွားမည်ဟု သမ္မတ ဦးသိန်းစိန်က ပြောသည်။
ယမန်နေ့ည ၈ နာရီတွင် ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အစီရင် ခံစာနှင့် စပ်လျဉ်း၍ ရုပ်သံမှတဆင့် ပြောကြားသော မိန့်ခွန်းတွင် “အစိုးရအနေနဲ့ ရခိုင်ပြည်နယ် အတွင်မှာ မူလက ရောက်ရှိနေကြတဲ့ အစ္စလမ် ဘာသာ ကိုးကွယ်သူများအား လူသားချင်း စာနာထောက်ထားသည့် အနေဖြင့် သူတို့ရဲ့ အခြေခံ ရပိုင်ခွင့်များနဲ့ အခွင့်အရေးများကို လက်တွေ့ အကျဆုံး နည်းလမ်းများနဲ့ အရေးယူ ဆောင်ရွက်သွားမှာ ဖြစ်သလို ရခိုင် တိုင်းရင်းသားများရဲ့ ခံစားမှုနှင့် လိုလားချက် များကိုလည်း လုံးဝလျစ်လျူရှုမှာ မဟုတ်ကြောင်း” ဟုလည်း သမ္မတ ဦးသိန်းစိန်က ထည့်သွင်း ပြောကြားသွားသည်။
ထို့အပြင် နိုင်ငံသား ဖြစ်ခွင့်ရှိသူများ နိုင်ငံသားဖြစ်ရေး ကိစ္စရပ်များကိုလည်း ရေတို ရေရှည် စီမံချက်များ ချမှတ် ဆောင်ရွက်သွားမည်ဟု ဆိုသည်။
ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အကြံပြုချက်များ အနက် အဓိက အချက်များတွင် ပထမဆုံး ဆောင်ရွက်ရမည့် အချက်မှာ နယ်မြေဒေသ တည်ငြိမ်အေးချမ်းရေးနှင့် ပဋိပက္ခများ ထပ်မံ မဖြစ်ပွားရေးအတွက် တရားဥပဒေ စိုးမိုးရေး အစီအမံများ ချမှတ်ဆောင်ရွက်ရေး ဖြစ်ကြောင်း သမ္မတ ဦးသိန်းစိန်က ပြောသည်။
ပဋိပက္ခကြောင့် အိုးအိမ် မီးရှို့ခံရသူများ၊ အိုးအိမ်စွန့်ခွာ နေရသူများသည် ပဋိပက္ခ ဆက်လက် ဖြစ်ပွား လာမည်ကို စိုးရိမ်နေကြကြောင်း၊ ဘူးသီးတောင် မောင်တောဒေသများတွင် လုံခြုံရေးကို ယခင်ကထက် ရခိုင်အမျိုးသား ဒီမိုကရေစီ အဖွဲ့ချုပ် ဥက္ကဌ ဦးအေးသာအောင်က ဆိုသည်။
ဦးအေးသောအောင်က ဆက်လက်၍ “တရားမ၀င် ၀င်ရောက်မလာဖို့အတွက် နယ်စပ်လုံခြုံရေးကို ပိုချပေးဖို့၊ နယ်စပ်လုံခြုံရေး ယူထားတာ မလုံလောက်မှု၊ နယ်စပ်မှာ သံစည်းရိုးနဲ့သာ ခံထားတဲ့အတွက် ကျူးကျော်တဲ့သူတွေက နည်းမျိုးစုံ ကျော်တက်လာလို့ရတယ်။ လုံခြုံရေးကို တင်းတင်းကျပ်ကျပ် လုပ်သင့်တယ်” ဟု ဦးအေးသာအောင်က ပြောသည်။
မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ် အထွေထွေအတွင်းရေးမှူး ဦးရဲနောင်သိန်းက “ကျနော်တို့ နယ်စပ်ကတော့ ကျနော်တို့ ထိန်းသိမ်းရမယ်လေ။ တရားမ၀င် ခိုးဝင်လာတဲ့သူကို တင်းကျပ်စွာတားမြစ်ရမယ်။ ထိရောက်တဲ့ ဥပဒေနဲ့အညီ အရေးယူရမှာပေါ့” ဟု ပြောသည်။
ဒီမိုကရေစီ ပြုပြင်ပြောင်းလဲရာတွင် နိုင်ငံသားတိုင်း မိမိတို့ ယုံကြည်ရာ ဘာသာတရားကို လွတ်လပ်စွာ ရွေးချယ်ကိုးကွယ်ပိုင်ခွင့်နှင့် လွတ်လပ်စွာ ထုတ်ဖော်ပြောဆိုခွင့် ရရှိစေရန်လည်း ကြိုးပမ်းဖော်ဆောင်ကြောင်း သမ္မတ ဦးသိန်းစိန်က မိန့်ခွန်းတွင် ထည့်သွင်းပြောကြားသည်။
ထို့အပြင် ပဋိပက္ခများအတွင်း ဖြစ်ပွားခဲ့သော ဥပဒေ ချိုးဖောက်မှုများကိုလည်း ဘက်လိုက်မှု မရှိစေဘဲ ထိရောက်စွာ အရေးယူသွားမည်ဟုလည်း ပြောဆိုခဲ့သည်။
သို့သော် ပြီးခဲ့သည့် လပိုင်းက မြန်မာနိုင်ငံ အလယ်ပိုင်းတွင် ဖြစ်ပွားခဲ့သည့် ပဋိပက္ခများတွင် လုံခြုံရေးတပ်ဖွဲ့များ၏ ထိရောက်စွာ မကိုင်တွယ်နိုင်ခဲ့မှုအပေါ် ဝေဖန်မှုများလည်း ထွက်ပေါ်နေသည်။
သမ္မတ ဦးသိန်းစိန်က ရခိုင်ပြည်နယ် ပဋိပက္ခများနှင့် ပတ်သက်၍ အစိုးရအနေဖြင့် လက်တွေ့ကျသော နည်းလမ်းများနှင့် ကိုင်တွယ် ဖြေရှင်းပြီး အနာဂတ်တွင် ငြိမ်းချမ်းစွာ အတူယှဉ်တွဲ နေထိုင်နိုင်သည့် လူ့အဖွဲ့အစည်း ပေါ်ပေါက်ရေးကို ရှေးရှုကြောင်း ပြောကြားသွားသည်။ ထို့အပြင် စိတ်ခံစားမှုများကို ရှေ့တန်းတင်ခြင်းနှင့် လွဲမှားသော အယူသီး အစွန်းရောက် လုပ်ရပ်များကြောင့် ဆုံရှုံးမှုနှင့် အန္တရာယ်များ ကြုံတွေ့နိုင်ကြောင်း၊ အလားတူ ပဋိပက္ခများ မဖြစ်ပွားစေရန် တဦးချင်းစီတွင် တာဝန်ရှိကြောင်းလည်း ထည့်သွင်းပြောကြားသည်။
မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ် အထွေထွေအတွင်းရေးမှူး ဦးရဲနောင်သိန်းက ဘာသာတချို့၏ အယူသီးမှု၊ အစွန်းရောက်မှုကြောင့် ဘာသာတခုနှင့်တခု ပေါင်းစည်းမှု ခက်ခဲကြောင်း၊ မြန်မာ နိုင်ငံထဲတွင် အတူတကွနေထိုင်ပြီး တဦးကိုတဦး အသားအရေ၊ လူမျိုးဘာသာ မခွဲခြားဘဲ ငါ့တိုင်းငါ့ပြည်ဟု သဘောထား နေထိုင်ကြမည်ဆိုပါက ဘာသာရေး ပဋိပက္ခဖြစ်လာမည် မဟုတ်ကြောင်း ဆိုသည်။
ပဋိပက္ခများ ဖြစ်ပွားခဲ့ရခြင်းနှင့် ပတ်သက်၍ သမ္မတ ဦးသိန်းစိန်က သမိုင်းကြောင်းနှင့် ချီ၍ ဒီမိုကရေစီရေချိန် နိမ့်ပါးခြင်း၊ ပွင့်လင်းလွတ်လပ်သည့် လူ့အဖွဲ့အစည်းကို မတည်ဆောက်နိုင်ခြင်း စသည့်အချက်များကို ထောက်ပြပြောဆိုသွားသည်။
ရခိုင်ပြည်နယ် ပဋိပက္ခ ဒုက္ခသည် ၁ သိန်းကျော်နှင့် စပ်လျဉ်း၍ မိုးမကျမီ အမိုးအကာအောက် ရောက်ရှိရေး၊ ကလေးသူငယ်များ အဟာရပြည့်ရေး၊ စိတ်ပိုင်းဆိုင်ရာ နာကျင်မှုများနှင့် မလုံခြုံမှုများ ကုစားရေး၊ ကူးစက်ရောဂါများ ဟန့်တားရေးတို့ကို သမ္မတ ဦးသိန်းစိန်က ပြောဆိုသွားသည်။ ထို့အပြင် ယင်းသို့ ပြန်လည် ထူထောင်မှုများတွက် နိုင်ငံတကာ အကူအညီများကို ရယူသွားမည်ဟု ပြောကြားသည်။
ရခိုင်ပြည်နယ် ပဋိပက္ခများ ဖြစ်ပွားပြီးနောက် NGO များ၊ နိုင်ငံတကာ NGO များကို ယင်းဒေသများသို့ ဝင်ရောက်ခွင့် မပေးမှုနှင့် ပတ်သက်၍ မြန်မာအစိုးရသည် ဝေဖန်မှုများ ခံခဲ့ရသည်။ သမ္မတ ဦးသိန်းစိန်၏ မိန့်ခွန်းတွင်မူ လူသားချင်း စာနာထောက်ထားမှု အကူအညီပေးရေးဆိုင်ရာ ခေါင်းစဉ်နှင့် ရခိုင်ဒေသသို့ ဝင်ရောက်လုပ်ကိုင်ခဲ့သည့် နိုင်ငံတကာ အဖွဲ့အစည်းအချို့၏ လုပ်နည်းကိုင်နည်း အမှားများကြောင့် ပြဿနာများ ပိုမိုရှုပ်ထွေး နက်ရှိုင်းခဲ့သည်ဟု ဝေဖန်ထားသည်။
ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများနှင့် ပတ်သက်၍ လူပေါင်း ၂ ထောင်ကျော်အား ကွင်းဆင်း မေးမြန်းချက်များအပေါ် အခြေခံသည့် အစီရင်ခံစာကို ရခိုင်ပြည်နယ် ပဋိပက္ခများ စုံစမ်းရေးကော်မရှင်က အများပြည်သူသို့ ဧပြီ ၂၉ ရက်နေ့တွင် ထုတ်ပြန်ခဲ့သည်။
အစီရင်ခံစာတွင် ဖော်ပြချက်အရ ၂၀၁၂ ခုနှစ် ပဋိပက္ခများအတွင်း လူပေါင်း ၁၉၂ ဦး သေဆုံးပြီး ၂၆၅ ဦး ဒဏ်ရာရရှိခဲ့ကာ နေအိမ်ပေါင်း ၈၆၁၄ လုံး ပျက်စီးခဲ့ကြောင်း သိရသည်။
Ref: ဧရာဝတီ
Read More...
Collapse...
ညိမ်းပြည့်စုံ
May 8, 2013
မြန်မာနိုင်ငံအပေါ် ချမှတ်ထားသော စီးပွားရေးပိတ်ဆို့မှုများ ရုပ်သိမ်းပြီး နိုင်ငံခြား ရင်းနှီးမြုပ်နှံမှုများ ၀င်ရောက် လာမှုနှင့်အတူ ပြည်တွင်း အလုပ်အကိုင်များ တိုးပွား လာသော်လည်း နိုင်ငံရပ်ခြားသို့ သွားရောက် အလုပ် လုပ်ကိုင်လိုသော မြန်မာ အလုပ်သမား အရေအတွက် ဆက်လက် များပြားနေဆဲဖြစ်ကြောင်း သတင်း ရရှိသည်။
ဥရောပသမဂ္ဂက စီးပွားရေးပိတ်ဆို့မှုများ ရုတ်သိမ်းလိုက်ပြီး အမေရိကန်ပြည်ထောင်စုက ပိတ်ဆို့မှု အချို့ ဖြေလျော့ ထားချိန် ပြည်တွင်းသို့ နိုင်ငံခြား ရင်းနှီးမြုပ်နှံမှုများ ၀င်ရောက် လာကာ အလုပ်အကိုင် အခွင့်အလမ်း များစွာ ပေါ်ထွန်းလာကြောင်း၊ ပြည်တွင်းတွင် အလုပ်အကိုင် အခွင့်အလမ်းများစွာ ပေါ်ပေါက်လာချိန် ပြည်ပရောက် မြန်မာ အလုပ်သမားများ လုပ်ငန်းခွင် အဆင်မပြေမှုများ ကြုံတွေ့ရသည် ဆိုသော ဖြစ်စဉ်များလည်း မကြာခဏ ဆိုသလို ဖြစ်ပွားနေကြောင်း၊ သို့ရာတွင် နိုင်ငံရပ်ခြား သွားရောက် အလုပ်လုပ်လိုသော မြန်မာ အလုပ်သမား အရေအတွက် လျော့ကျသွားခြင်း မရှိဘဲ များပြားနေဆဲဖြစ်ပြီး ပြည်ပ အလုပ်အကိုင် ရှာဖွေရေးအေဂျင်စီများ အလုပ်ဖြစ်နေဆဲဖြစ်ကြောင်း သိရှိရသည်။
ပြည်တွင်း၌ အလုပ်အကိုင်အခွင့်အလမ်းများ တိုးပွားလာရာတွင် အထူးသဖြင့် အထည်ချုပ်စက်ရုံအမြောက်အမြား အပြိုင်အဆိုင် ပေါ်ထွက်နေပြီး အထည်ချုပ်အလုပ်ရုံများတွင် အလုပ်သမား ထောင်ချီ ခေါ်ယူမှုရှိနေကြောင်း ပြည်တွင်း အလုပ်အကိုင်ရှာဖွေရေးအေဂျင်စီများထံမှ သိရှိရသည်။
အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန၏ အသိအမှတ်ပြုလိုင်စင်ရရှိထားသော Royal Four Sea ပြည်ပအလုပ် အကိုင်ရှာဖွေရေး အေဂျင်စီ ၏ ဥက္ကဋ္ဌ ဦးစိန်လှက-“ဒီမှာ အလုပ်အကိုင်အခွင့်အလမ်းတွေ ပိုများ လာတဲ့အတွက် ပြည်ပထွက်ပြီး အလုပ်လုပ်တာတွေ နည်းသွားတယ်ဆိုတော့ မြန်မာနိုင်ငံမှာက ရွေးစရာအလုပ်က ဘာရှိလို့လဲ ဟုတ်တယ်မဟုတ်လား၊ အပြင်မှာ သတင်းထွက်နေသလိုမျိုးမဟုတ်ဘူး။ အားလုံးက အရင်လို ပုံမှန်ပါပဲ”ဟု ပြောသည်။
ပြည်တွင်း အလုပ်အကိုင်အခွင့်အလမ်းများ တိုးတက်များပြားလားသော်လည်း ပြည်ပအလုပ်အကိုင်များကဲ့သို့ လစာမရ နိုင်ကြောင်း၊ ထို့ကြောင့် လစာများပြားသော ပြည်ပအလုပ်အကိုင်ကို စိတ်ဝင်စားမှုမြင့်မားနေခြင်းဖြစ်ပြီး အထူးသဖြင့် နယ်ဒေသများမှ မြန်မာ အလုပ်သမားများမှာ ပြည်ပနိုင်ငံများသို့ သွားရောက်အလုပ်လုပ်ကြကြောင်း ရန်ကုန်အခြေစိုက် ပြည်ပအလုပ်အကိုင် ရှာဖွေရေး အေဂျင်စီ တာဝန်ရှိသူများက ဆိုကြသည်။
“များသောအားဖြင့်ကတော့ နယ်ကလူတွေက ပြည်ပမှာ အလုပ်သွားလုပ်တာ ပိုများတယ်။ မြို့ကလူတွေလည်း သွားပြီး အလုပ် လုပ်ကြပါတယ်။ ဒါပေမယ့် နယ်က လူတွေက ပိုများတယ်၊ အခုနောက်ပိုင်းမှာကတော့ ဈေးကွက် ပိုပြီး ကျယ်ပြန့် လာတယ်လို့ ပြောလို့ရတဲ့ အခြေအနေဖြစ်နေတဲ့အပြင် ကျနော်တို့လို ပြည်ပ အလုပ်အကိုင်အေဂျင်စီတွေကလည်း ပိုများ လာတဲ့အတွက် အရင်ကလောက် လူသိပ်မရတော့ဘူးပေါ့”ဟု ပြည်ပအလုပ်အကိုင်အေဂျင်စီတခုဖြစ်သော United General ကုမ္ပဏီမှ ဥက္ကဋ္ဌ ဦးအောင်ဆန်းလှက ပြောသည်။
ပြည်ပအလုပ်အကိုင်ဈေးကွက်တွင် မလေးရှား၊ ထိုင်း၊ စင်ကာပူနှင့် အရှေ့အလယ်ပိုင်းနိုင်ငံများမှ အလုပ်သမားများ ခေါ်ယူနေပြီး အထူးသဖြင့် လတ်တလောအခြေအနေတွင် ထိုင်းနိုင်ငံသို့ အလုပ် သွားရောက်လုပ်ကိုင်မှု မြင့်မားလျက်ရှိကြောင်း၊ အလုပ်အကိုင်များမှာ စက်ရုံအလုပ်ရုံများနှင့် ဆောက်လုပ်ရေး လုပ်ငန်းတွင် လုပ် ကိုင်ရခြင်း ဖြစ်ပြီး ငွေကြေးအနည်းငယ် တတ်နိုင်သူများက စင်ကာပူနိုင်ငံနှင့် မလေးရှားနိုင်ငံသို့ သွားရောက် အလုပ်လုပ်ကိုင်ကြပြီး ငွေကြေး မတတ်နိုင်သူများက ထိုင်းနိုင်ငံသို့ သွားရောက်လုပ်ကိုင်ကြကြောင်း သိရှိရသည်။
ပြည်ပအလုပ်အကိုင်ရှာဖွေရေးအေဂျင်စီများသည် မြန်မာလုပ်သားများကို ပြည်ပနိုင်ငံများသို့ ပို့ဆောင်ပေးရာတွင် အေဂျင်စီဝန်ဆောင်ခကို အစိုးရသတ်မှတ်ထားသည့်နှုန်းထားအတိုင်းသာ တောင်းခံရကြောင်း သိရှိရသည်။
“အလုပ်သမားဝန်ကြီးဌာနက ချမှတ်ထားတဲ့ ပေါ်လစီတွေ၊ ဈေးကွက်တွေက ရှင်းရှင်းပြောရရင် များလာတော့ အရင်လို တခါစား ပုံစံမျိုးနဲ့ အေဂျင်စီဝန်ဆောင်ခတွေ တောင်းလို့မရဘူး။ ဝန်ဆောင်ခကို အလုပ်သမားရဲ့ လုပ်ခ ၄ လစာထက် မပိုဖို့ ချမှတ်ပေး ထားတယ်။ ဒီတော့ အေဂျင်စီဝန်ဆောင်ခကတော့ ပုံမှန်ပါပဲ။ လေယာဉ်စရိတ်နဲ့ ခရီးစရိတ်ကတော့ သူတို့သွားတဲ့ နိုင်ငံ ပေါ်ကိုလိုက်ပြီး အနည်းနဲ့ အများ ရှိတယ်”ဟု ဦးအောင်ဆန်းလှက ရှင်းပြသည်။
ပြည်ပအလုပ်အကိုင် အေဂျင်စီဝန်ဆောင်ခများအနေဖြင့် စင်ကာပူနိုင်ငံသို့သွားရောက်မည်ဆိုပါက အလုပ်သမားတဦးအတွက် အေဂျင်စီ ဝန်ဆောင်ခသည် စင်ကာပူဒေါ်လာ ၃၅၀၀ နှင့် ၄၀၀၀ ကြားတွင် ရှိပြီး မလေးရှားနိုင်ငံ သို့သွားမည်ဆိုပါက လေယာဉ်လက်မှတ်အပါအ၀င် အေဂျင်စီဝန်ဆောင်ခ ၈ သိန်းခွဲခန့်ရှိကြောင်း၊ ထိုင်းနိုင်ငံသို့ သွားရောက်အလုပ်လုပ်ကိုင်မည်ဆိုပါက အေဂျင်စီဝန်ဆောင်ခ ငွေကျပ် ၃ သိန်းဝန်းကျင်သာ ကျသင့် ကြောင်း သိရှိရသည်။
ကာတာ၊ ဒူဘိုင်း အပါအ၀င် အရှေ့အလယ်ပိုင်းဒေသနိုင်ငံများမှ အလုပ်အကိုင်ခေါ်ယူရာတွင်မူ အရည်အချင်း သတ်မှတ်ချက်များရှိပြီး မြန်မာအလုပ်သမားအများစုမှာ အင်္ဂလိပ်စာ ကျွမ်းကျင်မှုမရှိသည့်အတွက် အလုပ်အကိုင် ရရှိမှုနည်းပါးသည်ဟု ပြည်ပအလုပ်အကိုင်ဈေးကွက်အတွင်းမှ သိရှိရသည်။
“ဒူဘိုင်းကနေ အလုပ်ခေါ် တဲ့ကုမ္ပဏီတွေ အများကြီးရှိတယ်။ အရည်အချင်း မမှီလို့ ပို့လို့မရတဲ့ သူတွေများနေတာ။ ဒူဘိုင်း သွားချင်တယ်ဆိုရင် အင်္ဂလိပ်စာ ကျွမ်းကျင်ရမယ်။ အတွေ့အကြုံ ရှိရမယ်။ မြန်မာနိုင်ငံက ဒူဘိုင်းကို သွားချင်သူတွေ ကြတော့ ဟိုဘက်ကလိုချင် အရည်အချင်းကို မမှီတဲ့သူတွေ များတယ်”ဟု Royal Four Sea ကုမ္ပဏီမှ ဦးစိန်လှက ဆိုသည်။
လတ်တလော မလေးရှားနိုင်ငံက နိုင်ငံခြားသားအလုပ်သမားခေါ်ယူမှုကို ဆိုင်းငံ့ထားသဖြင့် မလေးရှားမှ အလုပ်ခေါ်ယူမှု ရပ်တန့်နေကြောင်း ပြည်ပအလုပ်အကိုင်ရှာဖွေရေးအေဂျင်စီများက ဆိုသည်။
အစိုးရ၏ ထုတ်ပြန်ချက်များအရ မြန်မာအလုပ်သမား အများဆုံးသွားရောက်အလုပ်လုပ်ကိုင်နေသည့် နိုင်ငံများတွင် မလေးရှား နှင့် ထိုင်းနိုင်ငံတို့ဖြစ်ပြီး ထိုင်းနိုင်ငံတွင် တရားဝင် အလုပ်သမားအရေအတွက် တသန်းကျော်ရှိကြောင်း၊ အစိုးရခွင့်ပြုထားသော လိုင်စင်ရ ပြည်ပအလုပ်အကိုင်အေဂျင်စီ စုစုပေါင်း ၁၆၀ ရှိကြောင်းသိရှိရသည်။
Ref: ဧရာဝတီ
Read More...
Collapse...
လင်းသန့်
May 8, 2013
ဧရာဝတီတိုင်း၊ မအူပင် အကျဉ်းထောင်တွင် ထောင်ဒဏ် ၃ လ ကျခံနေရသော မြန်မာ့လူမှု ဘဝ ဖွံ့ဖြိုး တိုးတက်ရေး ကွန်ရက်မှ ဦးနေမျိုးဇင်ကို ပြည်ထဲရေး ၀န်ကြီးဌာန အမိန့်ဖြင့် ထောင်ဒဏ် ကြွေးကျန် ၆ နှစ် ထပ်မံ ချမှတ်လိုက်သည်။
“သူက ဒဏ်ငွေမဆောင်ဘဲနဲ့ ထောင်ကျခံလိုက်တာကို လယ်သမားတွေက လက်မခံဘူး။ ဒဏ်ငွေ ၂ သောင်းကို လယ်သမားတွေက ဆောင်ပေး လိုက်ပြီး သူကို့ ပြန်ထုတ်ဖို့ စောင့်နေတာ။ ညနေ ၄ နာရီလည်းရောက်ရော မအူပင်ခရိုင် အုပ်ချုပ်ရေးမှူး ဦးအေးသောင်းက ပြည်ထဲရေးဝန်ကြီး ဦးကိုကိုရဲ့ အမိန့်အရ ဆိုပြီး အရင်အမှုဟောင်း ဖြစ်တဲ့ ထောင် ၆ နှစ်ချလိုက်တယ်။ အမိန့်စာ ဖတ်သွားတာပေ့ါ” ဗိုလ်ကြီးဟောင်း ဦးနေမျိုးဇင်၏ ဇနီး ဒေါ်ဇင်မျိုးမော်က ဧရာဝတီသို့ ပြောသည်။
ဒေါ်ဇင်မျိုးမော်က ဆက်လက်၍ “သူ လွတ်တုန်းက ပုဒ်မ ၄၀၁ လက်မှတ်လည်း မထိုးခဲ့ ဘူးတဲ့။ အဲဒီတုန်းက သူ့ကို ဘာမှလည်း မဖတ်ပြခဲ့ဘူးတဲ့” ဟု ဆိုသည်။
ဦးနေမျိုးဇင်သည် ၂၀၀၁ ခုနှစ်က အီလက်ထရွန်းနစ်ပုဒ်မဖြင့် ထောင်ဒဏ် ၁၀ ချမှတ်ခဲ့ပြီး ၂၀၁၂ ခုနှစ် ဇန်န၀ါရီလ ၁၃ ရက်နေ့တွင် သမ္မတ၏ လွတ်ငြိမ်းချမ်းသာခွင့် အမိန့်ဖြင့် လွတ်မြောက်လာခဲ့သည်။ ထို့နောက် မြန်မာ့လူမှုဘ၀ ဖွံ့ဖြိုးတုိုးတက်ရေး ကွန်ရက်ဖွဲ့ကာ လူမှုရေး လုပ်ငန်းများကို လုပ်ကိုင်ဆောင်ရွက်နေသူ ဖြစ်သည်။
ဧရာဝတီတိုင်း ပန်းတနော်မြို့နယ်ရှိ လယ်သမားများကို အကူအညီပေးနေစဉ် သက်ဆိုင်ရာ ရဲဝန်ထမ်းများအား လာဘ်စားသည်ဟု ဦးနေမျိုးဇင်က ပြောဆိုမှုကြောင့် အကြည်ညိုပျက်စေမှု ပုဒ်မ ၅၀၀ ဖြင့် ပန်းတနော် ရဲမှူးက တရားလိုလုပ်၍ တရားစွဲခံခဲ့ရသည်။
မေလ ၂ ရက်နေ့က ပန်းတနော်မြို့နယ် တရားရုံးက ၄င်းကိစ္စအတွက် ပြစ်ဒဏ်အဖြစ် ဒဏ်ငွေ ၂ သောင်းကျပ် သို့မဟုတ် ထောင်ဒဏ် ၃ လ ကျခံစေရန် အမိန့်ချမှတ်ခဲ့သည်။
“ကျနော့် အစ်ကိုက တရားရေးမဏ္ဍိုင် တည့်မတ်ဖို့အတွက် မဖြစ်သင့်တဲ့ကိစ္စမို့ ငွေဒဏ်မဆောင်ဘဲ ထောင်ဒဏ် ၃ လကိုပဲ လက်ခံလိုက်တယ်” ဟု ဦးနေမျိုးဇင်၏ ညီဖြစ်သူ ဦးခင်မောင်ဌေးက ဧရာဝတီသို့ ပြောသည်။
ပန်းတနော် လယ်သမားများအရေး ကူညီဆောင်ရွက်ပေးစဉ် တရားစွဲ အဖမ်းခံလိုက်ရ၍ လယ်သမား စုစုပေါင်း ၁၀၀ ၀န်းကျင်က ဦးနေမျိုးဇင်အား ထောင်ဒဏ် ၃ လ ကျခံမှုမှ ပြန်လည်လွတ်မြောက်ရေးအတွက် ယမန်နေ့က ဒဏ်ငွေ ၂ သောင်းကို ပေးချေပြီး စောင့်ဆိုင်းနေစဉ် နောက်ထပ် ကြွေးကျန် ထောင်ဒဏ် ၆ နှစ် ကျခံခဲ့ရသည်ကို သိခဲ့ရခြင်းဖြစ်သည်ဟု ဇနီးသည် ဒေါ်ဇင်မျိုးမော်က ဆိုသည်။
“သူတို့ ဟိုမှာရှိတဲ့ လယ်သမားတွေက ကိုနေမျိုးဇင်အတွက် ဒဏ်ငွေ ၂ သောင်းကို စုပြီး ပေးထားတယ်။ အဲဒါကို နေမျိုးဇင် အမေနဲ့ ညီက မနေ့ကသွားတယ်။ အဲဒီ ဒဏ်ငွေ ဆောင်ပြီးသွားတဲ့အတွက် သူတို့ ပြန်လွတ်မယ်ဆိုပြီး ပြောတယ်။ အခုတော့ ကျမတို့ ဥပဒေကြောင်းအရ အားလုံး လုပ်နိုင်တာ အကုန်လုပ်သွားမှာပါ” ဟု သူက ဆက်ပြောသည်။
ဦးနေမျိုးဇင်၏ ရှေ့နေ ဦးရောဘတ်စန်းအောင်နှင့် တိုင်ပင်ကာ အယူခံဝင်နိုင်ရန် ကြိုးစားသွားမည်ဟု သိရသည်။
ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) အတွင်းရေးမှူး ဦးတိတ်နိုင်က ယခု ဖြစ်ရပ်သည် ပြန်လည်လွတ်မြောက်လာသည့် နိုင်ငံရေးအကျဉ်းသားအားလုံးကို မလိုလျှင် နောက်ကြောင်းပြန် သက်ရောက် ခံစားရမည်ဟု ခြိမ်းခြောက်၊ အသိပေးလိုက်သည့် စိုးရိမ်စရာ အခြေအနေတခုဖြစ်ကြောင်း ပြောသည်။
ဦးတိတ်နိုင်က “ဒီကိစ္စဟာ အင်မတန် ကြောက်စရာ ကောင်းတဲ့၊ စိုးရိမ်စရာ ကောင်းတဲ့ လုပ်ရပ်လို့ ကျနော်တို့က မြင်ပါတယ်” ဟု ပြောသည်။
နိုင်ငံရေးအကျဉ်းသားများ လွတ်ရက်မစေ့ခင် ပြန်လွှတ်ပေးရာတွင် အစိုးရက လုပ်ပိုင်ခွင့် ပုဒ်မ ၄၀၁ ဖြင့် လွတ်ငြိမ်းချမ်းသာခွင့် ပေးကြောင်း၊ အဆိုပါ ပုဒ်မ သဘောအရ နောက်တကြိမ် ပြစ်မှု ကျူးလွန်လျှင် ကြွေးကျန် နှစ်များ ပြန်လည်ကျခံစေရမည့် သဘောဖြစ်ပြီး လွတ်ငြိမ်းခွင့်ဖြင့် ပြန်လွတ်လာသူ နိုင်ငံရေးအကျဉ်းသားတိုင်းအတွက် ယခုလုပ်ရပ်ကြောင့် စိုးရိမ်ရပြီဖြစ်ကြောင်း သူက ဆက်ပြောသည်။
“သေချာတဲ့ တခုကတော့ ဒါဟာ နောက်ကြောင်းပြန် သက်ရောက်စေတာကို ပြန်အသက်သွင်းလိုက်တာပါပဲ” ဟု ဦးတိတ်နိုင်က ဆိုသည်။
လွတ်ငြိမ်းချမ်းသာခွင့်ဖြင့် လွတ်မြောက်လာသော နိုင်ငံရေး အကျဉ်းသားဟောင်းတဦးကို ထောင်ကြွေးကျန်ဖြင့် ယခုကဲ့သို့ ပြန်လည်ချမှတ်ခြင်းမှာ သမ္မတ ဦးသိန်းစိန် အစိုးရလက်ထက်တွင် ပထမဆုံးအကြိမ်ဖြစ်သည်။
ဖွဲ့စည်းပုံ အခြေခံဥပဒေ ပုဒ်မ ၂၀၄ အရ နိုင်ငံတော်သမ္မတသည် ပြစ်ဒဏ်လွတ်ငြိမ်းခွင့် ပေးပိုင်ခွင့်ရှိသော်လည်း အမျိုးသားကာကွယ်ရေးနှင့် လုံခြုံရေးကောင်စီက ခွင့်ပြုမှသာလျှင် လွတ်ငြိမ်းချမ်းသာခွင့် ပေးပိုင်ခွင့်ရှိသည်။
ရန်ကုန်အခြေစိုက် ဧရာဝတီ သတင်းထောက် ထက်နိုင်ဇော် ပူးပေါင်းရေးသားသည်။
Ref: ဧရာဝတီ
Read More...
Collapse...
2013-05-07
ပြီးခဲ့တဲ့ မတ်လက မိတ္ထီလာမြို့တွင်းမှာ ပဋိပက္ခ ဖြစ်ပွားနေချိန် သံဃာတော်တစ်ပါး အသတ် ခံရမှုမှာ ပါဝင်သူတွေလို့ သံသယရှိသူ ၇ ဦးကို မနေ့က ဒုတိယ အကြိမ် ရုံးထုတ် စစ်ဆေးပြီး စွဲချက်တင် ခဲ့ပါတယ်။
တရားခံ ၇ ဦးထဲက ၁ ဦးဟာ အသက် ၁၆ နှစ် မပြည့်သေးတဲ့အတွက် သူ့ကို ကလေးသူငယ်တ ရားရုံး ကို လွှဲပြောင်းလိုက်ပြီး ကျန်တဲ့ သူတွေကိုတော့ တရားရုံးမှာ စွဲချက် တင်လိုက်တယ်လို့ အဲဒီအမှုမှာ စွဲချက် တင်ခံထားရသူ တချို့ရဲ့အမှုကို လိုက်ပါဆောင် ရွက်ပေးနေတဲ့ ရှေ့နေ ဦးသိန်းသန်းဦးက အခုလိုပြော ပါတယ်။
"တရားခံ ၇ ယောက်မှာ တစ်ယောက်က အသက် ၁၆ နှစ်မပြည့်ဘူး ဆိုတော့ စွဲချက် မတင်ခင်မှာ အမှုကိုပြန်လည် ရုပ်သိမ်းပြီးတော့ ကလေးသူငယ် တရားရုံးကို လွဲပြောင်းပေးခဲ့တယ်၊ ကျန်တဲ့ ၆ ယောက်ထဲမှာ ၁ ဦးကို ပုဒ်မ ၁၄၄ လူစုလူဝေးမှာ ပါဝင်မှု၊ ၂၉၅ (က) သာသနာ ညိုးနွမ်းစေမှု စတဲ့ ပြစ်မှု ၃ ခုနဲ့ တရား စွဲထားပြီးတော့ ကျန်တဲ့ ၅ ယောက်ကိုတော့ ခုနကလို ၁၄၄၊ ၂၉၅ (က)တွေနဲ့ စွဲချက် တင်လိုက်တယ်၊ ကျွန်တော်တို့က သက်သေ ထွက်ချက် အရပေါ့နော်၊ သက်သေ တစ်ယောက်ပဲ အဲ့မှာရှိနေတယ်၊ အဲ့ဒီ ထွက်ချက်အရ တရားရုံးက စွဲမှာပဲ၊ ကိုယ်က အခိုင်အမာ ရှင်းပြနိုင်ရင် လွတ်မှာပဲလေ"
အဲဒီအမှုမှာ အပြစ်မရှိပဲ အရေးယူ ခံထားရသူတွေလည်း ပါတယ်လို့ ဆွေမျိုး သားချင်းတွေက ပြောပေမယ့် ရှေ့နေ ဦးသိန်းသန်းဦး ကတော့ မိတ္ထီလာခရိုင် တရားရုံးရဲ့ စစ်ဆေးချက်တွေဟာ တရားမျှတမှု ရှိပြီး တရားခံ အခွင့်အရေးတွေ အပြည့်အဝ ရရှိနေတယ်လို့ ပြောပါတယ်။
အခုစွဲချက်တင်ခံထားရသူ ၆ ဦးစလုံးဟာ ပြစ်မှုထင်ရှားရင် သေဒဏ်အထိ ကျခံရနိုင်ပြီး၊ အသက် မပြည့်သေးတဲ့ မောင်ညီညီနိုင် ကတော့ အမြင့်ဆုံး ထောင်ဒဏ် ၇ နှစ် ကျခံ ရနိုင်တယ်လို့ သိရပါတယ်။
Ref: RFA News
Read More...
Collapse...
ဖနိဒါ
အင်္ဂါနေ့၊ မေလ ၀၇ ရက် ၂၀၁၃
ချင်းမိုင်(မဇ္စျိမ)။ ။ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ကချင်လွတ်လပ်ရေး အဖွဲ့ KIO တို့ မြစ်ကြီးနားမြို့တွင် တွေ့ဆုံရန် နှစ်ဖက် ညှိနှိုင်းနေသဖြင့် ယခုရက်ပိုင်း အတွင်း တွေ့ဆုံရန် မဖြစ်နိုင်သေးကြောင်း ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။
ဧပြီလကုန်ပိုင်းတွင် ဝန်ကြီး ဦးအောင်မင်း က မေလ ပထမပတ်တွင် တွေ့ဆုံရန် ကမ်းလှမ်းခဲ့ပြီးနောက် အပြန်အလှန် စာများ ပေးပို့ခဲ့၍ ညှိနှိုင်းနေသည်ဟု ဆိုသည်။
“စာနဲ့တော့ ညှိနှိုင်းနေကြတုန်းပါပဲ။ ကျနော်တို့ဘက်က ဒီဆွေးနွေးပွဲကို မြစ်ကြီးနားမှာ လုပ်ချင်တယ်။ KIO ဘက်က သူတို့ရဲ့ အဖွဲ့အစည်းနဲ့ လုပ်ရတာ ဖြစ်တော့ ဆွေးနွေးပွဲကို လာဖို့အတွက် လိုအပ်ချက်တွေ ဝန်ကြီးဘက်ကို သဘောထား တောင်းတာတို့ ရှိပါတယ်။ လိုအပ်ချက်တွေကို ဟိုဘက် ဒီဘက် ညှိနှိုင်းနေ တယ်” ဟု ဦးလှမောင်ရွှေ က မဇ္စျိမကို ပြောသည်။
မည်သည့် အချက်များ ညှိနှိုင်းနေမှု အသေးစိတ်အား ပြောဆိုရန် သူက ငြင်းဆိုသည်။ သို့သော် KIO ဘက်မှ တင်ပြသော နိုင်ငံတကာ လေ့လာသူများကို အစိုးရဘက်မှ မူအားဖြင့် လက်ခံထားကြောင်း ဦးလှမောင်ရွှေ က ပြောသည်။
တွေ့ဆုံ ဆွေးနွေးပွဲတွင် နိုင်ငံတကာ လေ့လာသူများအဖြစ် ကုလသမဂ္ဂ၊ အမေရိကန်၊ ဗြိတိန်၊ တရုတ် နိုင်ငံများနှင့် ညီညွတ်သော တိုင်းရင်းသား လူမျိုးများကောင်စီ UNFC ကိုယ်စားလှယ်များ တက်ရောက် ပါဝင်ရန် KIO က တင်ပြ ထားသည်ဟု ကချင်ငြိမ်းချမ်ရေး အကျိုးဆောင် ဦးဆန့်အောင် က ပြောသည်။
“ညှိနေတုန်း။ KIO ဘက်က ဒီရက်ပိုင်းမှာပဲ လေ့လာသူတွေကို အစိုးရ ဘက်ကလည်း ဖိတ်ထားမှု ရှိမရှိ၊ တရုတ်နိုင်ငံက လေ့လာသူကို အစိုးရ ဘက်ကလည်း ဖိတ်မဖိတ် မေးထားတယ်။ အမြန်ဆုံး တွေ့ဆုံ ဆွေးနွေးကြရအောင် ဆိုတဲ့စာ ပို့ထားတယ်” ဟု မဇ္စျိမကို ပြောသည်။
နိုင်ငံတကာ လေ့လာသူများ ပါဝင်ရေးနှင့် ပတ်သက်၍ တရုတ်အစိုးရက ကန့်ကွက်ခဲ့သည့်အပေါ် KIO က ဝန်ကြီး ဦးအောင်မင်းထံ မေးမြန်းထားသည်ဟု သူက ပြောသည်။
ကချင်ပြည်နယ်အတွင်းရှိ အစိုးရ စစ်တပ်အင်အား လျော့နည်းသွားခြင်း မရှိသလို၊ ရှမ်းပြည်နယ် မြောက်ပိုင်း လည်း လှုပ်ရှားမှုများ ရှိနေသည်ဟု သိရသဖြင့် အစိုးရအနေဖြင့် ယုံကြည်မှု တည်ဆောက်ရန်အတွက် အပြုသဘောဆောင်ရန် လိုအပ်နေသည်ဟု ဦးဆန့်အောင်က ပြောသည်။
“တဖက်က အပြုသဘောဆောင်နေရင် တဖက်ကလည်း အပြုသဘောဆောင်တာတွေ ပြသင့်တယ်။ ဒီလို ထိုးစစ်ဆင်တာတွေ ရပ်တာ မကလို့ နောက်ဆုတ်ထားသင့်တယ်။ KIO က နောက်ဆုတ်၊ အစိုးရက ထပ်တိုးလာ တဖက်သတ်ဖြစ်ရင် တရက်တော့ ပေါက်ကွဲလာရင် အရမ်းခက်မယ်။ ဒါကြောင့် နှစ်ဖက်လုံး အပြုသဘောဆောင်တာ အကောင်းဆုံးပဲ” ဟု သူက ပြောသည်။
မတ်လ ၁၁ ရက်နေ့က တရုတ်နိုင်ငံ ရွှေလီမြို့တွင် နှစ်ဖက် နောက်ဆုံးတွေ့ဆုံဖြစ်ခဲ့သည်။
Ref: မဇ္ဈိမ
Read More...
Collapse...
လင်းသန့်
May 4, 2013
စစ်ကိုင်းတိုင်း ၀န်ကြီးချုပ်က သူ့နယ်မြေအတွင်းမှာ ရေနံရှာဖွေရေး အကြောင်းပြပြီး ရွှေဖြူတူးဖော်ရေး လျှို့ဝှက် စီမံချက် လုပ်ကိုင် ခဲ့တယ်ဆိုတဲ့ လူသူ အသိနည်းပါးတဲ့ သတင်းတခု ထွက်ပေါ် လာပါတယ်။
ဒီ လုပ်ငန်းကို နိုင်ငံတော် ခွင့်ပြုချက် မရှိဘဲ သူ့သဘောနဲ့သူ လုပ်တာဆိုတဲ့ အချက်ကြောင့် လာမယ့် လွှတ်တော် အစည်းအဝေး မှာ တင်ပြ ဆွေးနွေးဖို့ ရှိတယ်လို့လည်း လွှတ်တော် အသိုင်းအ၀ိုင်းက ကြားရပါတယ်။
စစ်ကိုင်းတိုင်း ၀န်ကြီးချုပ် ဦးသာအေး တယောက် တရုတ်ကုမ္ပဏီတခုနဲ့ ပေါင်းပြီး ရွှေဖြူတူးဖော်ရေး စီမံချက် အကောင် အထည် ဖော်ခဲ့တယ် ဆိုတာ ဟုတ်၊ မဟုတ် တင်ပြနိုင်ဖို့ စစ်ကိုင်းတိုင်း အမတ် ဒေါက်တာ မြင့်နိုင်ကလည်း အချက်အလက်တွေ စုဆောင်း နေတယ်လို့ သိရပါတယ်။
“လွှတ်တော်မှာ မေးခွန်းမေးဖို့ ကိစ္စက အခု ရေဦးမှာ အချက်အလက် စုဆောင်းနေတုန်း ရှိသေးတယ်။ အချက်အလက် ပြည့်စုံ ရင်တော့ လက်မှတ်ထိုးပြီး တင်မှာပါ”လို့ စစ်ကိုင်းတိုင်း အမှတ် ၃ နယ်မြေက အမျိုးသားလွှတ်တော် အမတ် ဒေါက်တာ မြင့်နိုင် က ဧရာဝတီကို ပြောပြပါတယ်။
လွန်ခဲ့တဲ့ ၃ နှစ်ကျော်လောက်က အဲဒီ တရုတ် ရေနံကုမ္ပဏီက ကားကြီးတွေနဲ့ ရေနံရှာဖွေရေး လုပ်ရင်း ၂၀၁၂ ခုနှစ် နှစ်ဆန်း ပိုင်းလောက်မှာတော့ ရွှေဖြူတွေ တွေ့ခဲ့တယ်လို့ သတင်းတွေ ထွက်ပေါ်ခဲ့တယ်၊ ကွန်တိန်နာ ကားကြီးတွေ နဲ့ တရုတ် နိုင်ငံ ဘက်ကို သယ်ထုတ်သွားတယ် လို့ ဒေသခံ တဦးကလည်း ပြောပါတယ်။
“သစ်ရာအိုင့်ရွာနဲ့ ၂ မိုင်လောက် ဝေးတဲ့နေရာမှာ အစကတော့ သူတို့က ရေနံရှာတယ်ဆိုပြီး ကွန်တိန်နာကားတွေနဲ့ တရက် ၁၅ စီး အစီး၂၀ လောက် သွားနေကြတာ။ နောက်မှ ရွှေဖြူထွက်လို့ ဆိုပြီး အသံထွက်လာတယ်”လို့လည်း သူက ဆိုပါတယ်။
ရွှေဖြူထွက်တယ်ဆိုတဲ့ နေရာကတော့ စစ်ကိုင်းတိုင်း ရေဦးမြို့နယ် ညောင်လယ် ကျေးရွာအုပ်စု သစ်ရာအိုင့် ရွာရဲ့ အနောက် တောင်ဘက် ၂ မိုင်လောက် အကွာမှာဖြစ်ပြီးတော့ အဆောက်အအုံ ကြီးကြီးတွေနဲ့ စီမံကိန်းတခုလို လုပ်ခဲ့တာလို့လည်း သူက ဆက်ပြောပါသေးတယ်။
ဒါပေမယ့် ရွှေဖြူတူးတဲ့ လုပ်ငန်းဟာ ၁ လ လောက်အကြာမှာပဲ လက်စ လက်န မကျန်အောင် ရွှေဖြူ လုပ်ကွက်တွင်းတွေကို ပိတ်ပင်ပြီး အဆုံးသတ်သွားခဲ့တယ်လို့ ဆိုပါတယ်။
ဒေါက်တာ မြင့်နိုင်က“အဲဒီမှာက ရွှေဖြူတွေ့ သလိုလို၊ နောက် အဲဒီမှာ အဆောက်အအုံတွေလည်း ကြီးကြီးမားမားတွေ ဆောက် ထားပြီးတော့ သေချာ လုပ်ထားတာ။ နောက်ပြီး မြေတွေ ပြန်ဖို့ပြီးတော့ အားလုံး အစအန ဖျောက်သွားတာ”လို့ ဧရာဝတီကို ပြော ပါတယ်။
အခုလို လုပ်ငန်းစီမံကိန်းကြီးတခု လုပ်ခဲ့ပြီး အစအနတွေ ဖျောက်သွားတယ်ဆိုတော့ ဒါဟာ နိုင်ငံတော်ကမသိဘဲ ကိုယ်ကျိုးစီးပွား အတွက် လုပ်ဆောင်ခဲ့တယ်ဆိုတာ ပိုပြီး ပေါ်လွင်တယ်လို့ ဒေသခံတွေက ပြောကြပါတယ်။
ဒီလို ရွှေဖြူတူးဖော်ရေး လုပ်ကွက်မှာ တွင်းတွေကို လျှို့ဝှက်လုပ်ထားပြီး လုံခြုံရေး အစောင့် အကျပ်တွေ ချထားခဲ့ပြီးမှ နောက် ပိုင်း တိတ်တဆိတ် လုပ်ငန်း ရပ်ဆိုင်း သွားခဲ့တာပါတဲ့။
“သူတို့ လုပ်ကွက်နားကို မ၀င်ရဘူးတဲ့၊ အစောင့်တွေ ချထားတာ၊ ရဲ အစောင့်ချထားတာ၊ ဒေသခံတွေကိုလည်း အလုပ်တွေ ဘာတွေ မပေးဘူး။ တွင်းတွေကို လာပိတ်တော့လည်း သူ(ဦးသာအေး) ကိုယ်တိုင် လာပိတ်သွားတယ်”လို့ ရေဦးမြို့ခံ တဦးက ဆိုပါတယ်။
အဲဒီ စီမံကိန်းနဲ့ပတ်သက်ပြီး စီမံကိန်းရဲ့ ကောင်းကျိုးဆိုးပြစ်တွေကို စီမံကိန်း မလုပ်ခင်တုန်းကလည်း လာပြီး ရှင်းလင်းပြောပြတာ မရှိသလို၊ အဲဒီ စီမံကိန်းအလုပ်ခွင်မှာ ဒေသခံတွေကို အလုပ်အကိုင် ခန့်အပ်တာမျိုးလည်း မရှိဘဲ လျှို့ဝှက် လုပ်ငန်းကြီး တခုကို လုပ်သလို လုပ်ကိုင်ခဲ့တယ်လို့ ဒေသခံတွေက ပြောဆိုနေကြပါတယ်။
ဦးသာအေးဟာ စစ်ဗိုလ်ချုပ်ဟောင်း တဦးလည်းဖြစ်ပြီး စစ်ကိုင်းတိုင်းအတွင်းက ရွှေတူးဖော်ရေး လုပ်ငန်းလုပ်ကွက်တွေကို သူ နဲ့ နီးစပ်တဲ့ တပ်ရင်း၊ တပ်ဖွဲ့ တချို့က လုပ်ကိုင်နေတာတွေလည်း ရှိနေတယ်လို့ ဒေသခံတွေက စွပ်စွဲ ပြောဆိုနေကြပြီး အရပ်ထဲမှာ သူ့ကို “ရွှေ သာအေး”လို့ အမည်ပေးထားတယ်လို့လည်း ဒေသခံတွေက ပြောကြပါတယ်။
“နိုင်ငံတော်က အဲဒီကိစ္စ မသိဘူး ထင်တယ်၊ ကျနော်တို့ အဲဒီတုန်းက ကြားတာတော့ နိုင်ငံတော်က မသိဘူးလို့ ကြားရပြီး အရပ် သတင်းမှာ သူ (ဦးသာအေး) ပြုတ် မလိုလိုတောင် ဖြစ်သေးတယ်”လို့ ရေဦး ဒေသခံက ဆိုတယ်။
ဒီစီမံကိန်းနဲ့ပတ်သက်ပြီး ဧရာဝတီက သတ္တုတွင်း ၀န်ကြီးဌာနကို ဆက်သွယ်မေးမြန်းတဲ့အခါ စွမ်းအင် ၀န်ကြီးဌာန နဲ့သာ သက်ဆိုင်တဲ့အတွက် သက်ဆိုင်ရာ ၀န်ကြီးဌာနကို ဆက်သွယ်ဖို့ ပြောလာပါတယ်။
စွမ်းအင်ဝန်ကြီးဌာနကို ဧရာဝတီက တယ်လီဖုန်းနဲ့ ဆက်သွယ်မေးမြန်းခဲ့ရာမှာတော့ တယ်လီဖုန်းနဲ့ လက်ခံဖြေကြားဖို့ ငြင်းဆိုခဲ့ပြီး တရားဝင် ဖြေကြားချက်ရလိုရင် ၀န်ကြီးဌာနကို ဖက်စ်နဲ့ မေးမြန်းဖို့ပြောလို့ ဧပြီလ ၂၅ ရက်နေ့က ဖက်စ်ပို့ပြီး မေးမြန်းခဲ့ပါတယ်။
မေလ ၃ ရက်နေ့မှာတော့ စွမ်းအင် ၀န်ကြီးဌာန ပြောရေးဆိုခွင့်နဲ့ သတင်းထုတ်ပြန်ရေးအဖွဲ့က အတွင်းရေးမှူး ဦးဌေးအောင် က လွန်ခဲ့တဲ့ ၂၀၁၀ ပြည့်နှစ်က စစ်ကိုင်တိုင်း အဆိုပါ ဒေသမှာ တရုတ်ကုမ္ပဏီ(CNOOC) ဟာ ဆိုက်စမစ် ရေနံရှာဖွေတိုင်းတာခြင်း လုပ်ငန်းတွေကို လုပ်ဆောင်ခဲ့တယ်လို့ တရားဝင် အကြောင်းပြန်ကြားလာပါတယ်။
ဒါပေမယ့် ရေနံတူးဖော်တဲ့ လုပ်ငန်းတွေကို ဆောင်ရွက်ခဲ့ခြင်း မရှိပါဘူးလို့ အကြောင်းပြန်ကြားစာမှာ ဖော်ပြပါတယ်။
“CNOOC ကုမ္ပဏီသည် မြန်မာ့ ရေနံနှင့် သဘာဝ ဓာတ်ငွေ့လုပ်ငန်းနှင့် အကျိုးတူ ပူးတွဲ ဆောင်ရွက်လုပ်ကိုင်ခဲ့သည့် ကုမ္ပဏီ ဖြစ်ပါသည်”လို့ စွမ်းအင်ဝန်ကြီးဌာန ပြောရေးဆိုခွင့်နှင့် သတင်းထုတ်ပြန်ရေးအဖွဲ့ရဲ့စာမှာ ပါရှိ ပါတယ်။
သူတို့အနေနဲ့ ဒေသခံတွေ ပြောဆို သံသယဖြစ်နေကြသလို ရွှေ သို့မဟုတ် ရွှေဖြူ ထွက်တယ်ဆိုတာကို တိုင်းတာနိုင်တာ မရှိဘူးလို့လည်း အကြောင်းပြန်စာက ဆိုပါတယ်။
“ရေနံရှာဖွေရေး လုပ်ငန်းများကိုသာ ဦးတည်ဆောင်ရွက်လုပ်ကိုင်ခြင်း ဖြစ်သဖြင့် ရွှေ(သို့) ရွှေဖြူထွက်ရှိမှုကို သိရှိတိုင်းတာ နိုင်ခြင်း မရှိပါကြောင်း သိသာနိုင်ပါရန် အကြောင်းပြန်ကြားအပ်ပါသည်”လို့ စွမ်းအင်ဝန်ကြီးဌာနက ပြောဆိုထားတာပါ။
စွမ်းအင် ၀န်ကြီးဌာန က စစ်ကိုင်းတိုင်း အတွင်း ရွှေဖြူ ထွက်ရှိမှုနဲ့ပတ်သက်ပြီး သိရှိတိုင်းတာနိုင်ခြင်း မရှိဘူးဆိုတာ အမှန် တကယ် ဟုတ်မဟုတ် ၀န်ကြီးဌာနကပဲ သိနိုင်မှာပါ။ တခု ရှိတာက လက်ရှိ စစ်ကိုင်းတိုင်း ၀န်ကြီးချုပ်က ဦးသာအေး ဖြစ်နေတာ ကလည်း စွမ်းအင် ၀န်ကြီးဌာနနဲ့ ဆက်စပ်မှု ရှိမရှိ စဉ်းစားစရာပါ။
မကြာသေးခင် ရက်ပိုင်းကလည်း ဦးသာအေးကို တာဝန်က အနားပေးလိုက်တယ် ဆိုတဲ့ သမ္မတရုံး စာအတုနဲ့ အင်တာနက် ပေါ် ပျံ့နှံ့ခဲ့လို့ မဟုတ်ကြောင်း ရှင်းခဲ့ လင်းခဲ့ကြတာကို သတိထားမိ ပါသေးတယ်။
အရင်နှစ် နိုဝင်ဘာ ၂၉ ရက်နေ့ နံနက်စောစောပိုင်း လက်ပံတောင်း ကြေးနီစီမံကိန်း ရပ်ဆိုင်းရေး သပိတ်စခန်းမှာ အင်အား သုံးဖြိုခွင်းခဲ့တုန်းက သံဃာတော်တွေ မီးလောင်ဒဏ်ရာတွေ ရခဲ့လို့ ဒီကိစ္စ တာဝန်အရှိဆုံး သူဟာ ဦးသာအေး ဖြစ်တယ်လို့ ပြောဆိုနေတာတွေလည်း ရှိပါတယ်။
ဒါပေမယ့် လက်ပံတောင်းအရေးနဲ့ ပတ်သက်ပြီး ဒေါ်အောင်ဆန်းစုကြည် ကော်မရှင် ဥက္ကဌ လုပ်တဲ့ အစီရင်ခံစာ ပေါ်ထွက် လာတဲ့ အခါမှာတော့ သမ္မတ ဦးသိန်းစိန်က ခန့်အပ် တာဝန်ပေးထားတဲ့ အဲဒီ လက်ပံတောင်း အစီရင်ခံစာ အကောင် အထည် ဖော်ရေး ကော်မတီ အဖွဲ့ဝင် တဦးအဖြစ်နဲ့ ဦးသာအေးဟာ အခုအထိ အေးအေး လူလူ ရှိနေပုံ ရပါတယ်။ ။
Ref: ဧရာဝတီ
Read More...
Collapse...
လင်းသန့်
May 4, 2013
မွန်ဂိုလီးယားနိုင်ငံမှာ ကျင်းပခဲ့ပြီး နိုင်ငံပေါင်း ၁၃၀ ကျော်က တာဝန်ရှိသူတွေ တက်ရောက်ခဲ့တဲ့ ဒီမိုကရေစီ အသိုက်အ၀န်း ညီလာခံကြီးမှာ မြန်မာနိုင်ငံက ဒေါ်အောင်ဆန်းစုကြည်နဲ့ ထိုင်း ၀န်ကြီးချုပ် မစ္စ ယင်းလတ် ရှင်နာဝပ်တို့ဟာ ဒီမိုကရေစီ နှုန်းစံတွေနဲ့ ပတ်သက်တာ၊ ဖွဲ့စည်းပုံ အခြေခံဥပဒေ ဆိုင်ရာတွေနဲ့ ပတ်သက်တာတွေ ပြောဆို ခဲ့ကြပါတယ်။
သူတို့ နှစ်ဦးပြောကြားခဲ့တဲ့ အကြောင်းအရာတွေဟာ ယေဘုယျအားဖြင့် ဒီမိုကရေစီ အခြေခံ သဘောတရားတွေ အပေါ် ပြောဆို သွားကြတာမှာ တူညီမှု ရှိပေမယ့် တုံ့ပြန်ခံရမှုခြင်း မတူကွဲပြားပါတယ်။
သူတို့တွေ ဘာတွေပြောခဲ့လို့ ဘယ်လိုတွေ တုံ့ပြန် ခံနေရလဲ။
ဧပြီလ ၂၇ ရက်ကနေ ၂၉ ရက်အထိ အူလန်ဘာတာမြို့မှာ ကျင်းပခဲ့တဲ့ ညီလာခံမှာ ထိုင်းဝန်ကြီးချုပ် မစ္စ ယင်းလတ် ရှင်နာဝပ် ကတော့ ထိုင်းနိုင်ငံမှာ ပြည်သူက ရွေးချယ် တင်မြှောက်ခဲ့လို့ ၀န်ကြီးချုပ် ဖြစ်ခဲ့တဲ့ အစ်ကိုဖြစ်သူ သက်ဆင် ရှင်နာဝပ်ကို ၂၀၀၆ ခုနှစ်မှာ စစ်တပ်က အာဏာ သိမ်းပြီးတဲ့နောက် ဒီမိုကရေစီ ဆုံးရှုံးခဲ့ပြီး ထိုင်းပြည်သူတွေဟာ ၁၀ နှစ်လောက် ဒီမိုကရက်တစ် လွတ်လပ်မှုတွေ ပြန်ရဖို့ အတော် အချိန်ယူ ခဲ့ရတယ်လို့ ညီလာခံမှာ ပြောဆိုခဲ့ပါတယ်။
ပြီးတော့ စစ်အာဏာသိမ်းမှုဟာ ထိုင်းနိုင်ငံမှာ တရားဥပဒေ စိုးမိုးရေးကို ပျက်စီး ခဲ့တယ်လို့ ဆိုပြီး နိုင်ငံတကာရဲ့ ထိုင်းနိုင်ငံ အပေါ် ယုံကြည်မှု ဆုံးရှုံးခဲ့ရတယ်လို့ မစ္စ ယင်းလတ်က ပြောခဲ့ပါတယ်။
ဒါကြောင့်ပဲ စစ်တပ် ကျောထောက်နောက်ခံနဲ့ ရေးဆွဲထားတဲ့ ၂၀၀၇ ခုနှစ် ဖွဲ့စည်းပုံဟာ ဒီမိုကရေစီစံနှုန်းတွေ ပိုမို ကောင်းမွန်ဖို့ ပြင်ဆင်မှုတွေ လုပ်သင့်တယ်လို့လည်း မစ္စယင်လတ်က ဆိုပါတယ်။
ဒီအပြင် သူ့အစ်ကိုဖြစ်သူ သက်ဆင် အစိုးရလက်ထက်က စီမံကိန်းတွေကို ဖယ်ရှားပစ်တာတွေ၊ ထိုင်းနိုင်ငံသားတွေလည်း သူတို့ လွတ်လပ်မှုနဲ့ အခွင့်အရေး ဆိုတာတွေကို လွဲမှားစွာ အသုံးချခံရတာတွေလည်း သူက ထည့်သွင်းပြော ဆိုသွားခဲ့ပါတယ်။
အဲဒီနောက်မှာ ထိုင်းအထက်လွှတ်တော် အမတ် ၅၈ ဦးက မွန်ဂိုလီးယား ညီလာခံမှာ ထိုင်းဝန်ကြီးချုပ် ပြောဆိုခဲ့တာတွေဟာ အငြင်းပွားဖွယ်ရာဖြစ်ပြီး လူသိရှင်ကြား တောင်းပန်ဖို့ တောင်းဆိုခဲ့ကြောင်း ဘန်ကောက်ပို့စ် သတင်းစာမှာ ဖော်ပြထားပါတယ်။
ဒါပေမယ့် ၀န်ကြီးချုပ် မစ္စ ယင်းလတ်က ၇ ကြိမ်မြောက် ၀န်ကြီးများအဆင့် ဒီမိုကရေစီ အသိုက်အ၀န်း ညီလာခံမှာ သူ ပြောခဲ့တာတွေဟာ ဒီမိုကရေစီ အတွေ့အကြုံတွေကို မျှဝေယုံသာဖြစ်ပြီး ညီလာခံအတွင်းမှာ မွန်ဂိုလီးယားနဲ့ ထိုင်း ၂ နိုင်ငံ ကုန်သွယ်ရေးနဲ့ အပြန်အလှန် ရင်းနှီးမြှုပ်နှံမှုကို တိုးမြှင့်ဆောင်ရွက်ဖို့ သဘောတူ လုပ်ဆောင်ခဲ့တယ်လို့ ဆိုပါတယ်။
ပြီးတော့ ၂၀၁၀ နိုင်ငံရေး အကြမ်းဖက်မှု ဖြစ်စဉ်ဟာ ခါးသီးတဲ့ သင်ခန်းစာတခုဖြစ်ပြီး နောက်ထပ်လည်း သွေးထွက် သံယိုဖြစ်မှုတွေ သံသရာ မလည်ချင်ဘူးလို့ ဆိုသလို ထိုင်းပြည်သူတွေအနေနဲ့ နောက်ထပ် ဒီမိုကရေစီ တောင်းဆိုမှုတွေကြောင့် ခံစားကြရမယ့် အဖြစ်တွေလည်း မရင်ဆိုင်စေလိုဘူးလို့ ယင်းလတ်က ပြောသွားပါတယ်။
မြန်မာနိုင်ငံက တရားဥပဒေ စိုးမိုးရေးနဲ့ တည်ငြိမ်ရေး ကော်မတီ ဥက္ကဌ ဒေါ်အောင်ဆန်းစုကြည်ကတော့ မွန်ဂိုလီးယား ခရီးစဉ်မှာ မြန်မာနိုင်ငံရဲ့ တရားဥပဒေ စိုးမိုးရေး မျှော်လင့်ချက်ကတော့ အလှမ်းဝေးဆဲဖြစ်တယ်လို့ ပြောဆိုသွားခဲ့ပါတယ်။
တခေတ်တခါက မြန်မာနိုင်ငံဟာ စည်ပင်ဝပြောခဲ့ပေမယ့် စစ်အာဏာရှင်တွေ အုပ်စိုးမှုဖြစ်ခဲ့ပြီး ဆယ်စုနှစ်များစွာ စစ်အုပ်ချုပ် ရေးစနစ်အောက် ရောက်ခဲ့လို့ တိုင်းပြည်ဟာ အဖက်ဖက်က ဆုတ်ယုတ်ခဲ့တယ်လို့ ဒေါ်အောင်ဆန်းစုကြည်က ဆိုပါတယ်။
အခုမှာတော့ လက်ရှိ မြန်မာနိုင်ငံကို ပြုပြင်ပြောင်းလဲမှုတွေ လုပ်လာတဲ့ နိုင်ငံတခုအဖြစ်ရှိလာပြီး လူအများ စိတ်ဝင်စားမှု ပိုလာခဲ့ပါတယ်။
ဒါပေမယ့် မြန်မာနိုင်ငံသူ နိုင်ငံသားတွေရဲ့ နေ့စဉ်ဘ၀တွေ တိုးတက်မှု ရှိမလာဘဲနဲ့တော့ ဒီမိုကရေစီ အသွင်ကူးပြောင်းရေးဟာ အောင်မြင်တယ်လို့ မဆိုနိုင်ကြောင်း ဒေါ်အောင်ဆန်းစုကြည်က အူလန်ဘာတာ ညီလာခံမှာ ပြောခဲ့ပါတယ်။
“ကျမတို့ ရထားတဲ့ အောင်မြင်မှုဆိုတာ ပြီးပြည့်စုံတဲ့ အဆင့်ရောက်ဖို့ အတော်ကို ဝေးပါသေးတယ်” လို့ သူက ပြော သွားတာပါ။
ပြည့်သူ့နေ့စဉ်ဘ၀ တိုးတက်မှုတွေ ရရှိဖို့ အများကြီး ကြိုးစားရဦးမယ် ဆိုတဲ့အကြောင်း၊ တဖက်မှာလည်း တိုင်းပြည်မှာ အမျိုးသားပြန်လည် သင့်မြတ်ရေးဆိုတာ အရေးကြီးတဲ့ ကိစ္စဖြစ်ပေမယ့် အခုထိ မြန်မာနိုင်ငံမှာ တိုင်းရင်းသား ပဋိပက္ခတွေက ရှိနေဆဲမို့ ဒါတွေကို ဖြေရှင်းကြရမှာလို့လည်း သူက ဆက်ပြောထားပါတယ်။
“ကျမတို့ နိုင်ငံမှာ တိုင်းရင်းသား ပဋိပက္ခတွေ အခုအထိ ရှိနေဆဲပဲ။ မကြာသေးခင်ကပဲ လူအဖွဲ့အစည်း တခုနဲ့တခု ပဋိပက္ခတွေ ဖြစ်ခဲ့ပါသေးတယ်။ ဒါတွေဟာ ကျမတို့ နိုင်ငံအတွက်၊ ကမ္ဘာကြီးအတွက် ဖြေရှင်းကြရမှာပါ။ မတူကွဲပြားမှုတွေကို ဖြေရှင်းကျော်လွှားနိုင်တာကို ကျမတို့ ပြသဖို့ လိုအပ်တယ်” လို့ ဒေါ်အောင်ဆန်းစုကြည်က ဆိုပါတယ်။
မွန်ဂိုလီးယားနိုင်ငံမှာက နိုင်ငံပေါင်း ၁၃၀ ကျော်က အစိုးရပိုင်း ၀န်ကြီးအဆင့်ရှိ ပုဂ္ဂိုလ်တွေ၊ လူထုအခြေပြု လူ့အဖွဲ့အစည်းများမှ တာဝန်ရှိသူတွေ တက်ရောက်လာခဲ့တဲ့ ညီလာခံမှာ ဒေါ်အောင်ဆန်းစုကြည်က အဂတိလိုက်စားမှု တိုက်ဖျက်ရေးဆိုင်ရာ စာတမ်းကိုလည်း ဖတ်ကြားခဲ့ပါတယ်။
ဒေါ်အောင်ဆန်းစုကြည်က အဂတိလိုက်စားမှုဆိုတာ ဒီမိုကရေစီနဲ့ နိုင်ငံရယ်၊ နိုင်ငံ့ စီးပွားရေးတွေကို ထိခိုက်ပျက်စီးစေတယ်လို့ စာတမ်းဖတ် ပြောဆိုခဲ့ပြီး မြန်မာနိုင်ငံရဲ့ အုပ်ချုပ်ရေး၊ တရားစီရင်ရေး၊ ဥပဒေ ပြုရေးဆိုတဲ့ မဏ္ဍိုင်ကြီး ၃ ခုမှာ တိုးတက်မှုတွေ ရှိလာပေမယ်လို့ ဒီ့ထက်ပိုပြီး ပွင့်လင်းမြင်သာမှုတွေ ရှိဖို့လိုကြောင်း၊ တရားဥပဒေ စိုးမိုးရေးနဲ့ ပတ်သက်တဲ့ မျှော်လင့်ချက်ပြည့်ဝဖို့တော့ အတော်အလှမ်း ဝေးနေပါကြောင်းလည်း ပြောသွားခဲ့ပါတယ်။
“နိုင်ငံတခုရဲ့ အကြီးမားဆုံး အစိတ်အပိုင်းဟာ အစိုးရ မဟုတ်ပါဘူး။ ပြည်သူသာပဲဖြစ်တယ်” လို့ ဒေါ်အောင်ဆန်းစုကြည်က ဆိုပါတယ်။
မြန်မာနိုင်ငံက ၂၀၀၈ ခုနှစ် နာဂစ်ဖွဲ့စည်းပုံလို့ အတိုက်အခံတွေ ခေါ်တွင်တဲ့ ဖွဲ့စည်းပုံအခြေခံ ဥပဒေဟာ တချိန်က မြန်မာစစ်အစိုးရက ဦးဆောင်ရေးဆွဲခဲ့တဲ့ ဖွဲ့စည်းပုံလည်း ဖြစ်တော့ ထိုင်းနိုင်ငံရဲ့ ၂၀၀၇ ခုနှစ် စစ်တပ် ကျောထောက်နော်ကခံ ဖွဲ့စည်းပုံနဲ့ နောက်ခံ အကြောင်းအားဖြင့် တူညီချက်ဖြစ်နေတာ တိုက်ဆိုက်မှုတခုလို့ ပြောရမယ်ထင်ပါတယ်။
ဒေါ်အောင်ဆန်းစုကြည်ကတော့ တချိန်က မြန်မာ့လွတ်လပ်ရေးကို ဦးဆောင်ရယူခဲ့သူ တိုင်းပြည်ရဲ့ အမျိုးသား ခေါင်းဆောင် ဗိုလ်ချုပ်အောင်ဆန်းရဲ့ သမီးလည်းဖြစ်ပြီး ၁၉၈၈ ခုနှစ်က စတင်ပြီး မြန်မာနိုင်ငံရေး လောကကို ရောက်လာခဲ့ သူဖြစ်ပါတယ်။
မစ္စ ယင်းလတ် ရှင်နာဝပ်ကတော့ အစ်ကိုဖြစ်သူ သက်ဆင် ရှင်နာဝပ်ကို ၂၀၀၆ ခုနှစ်က စစ်တပ်က အာဏာသိမ်းပြီး နောက်ပိုင်း အချိန်ကာလ ၆ လဆိုတဲ့ ကာလတခုကို ဖြတ်ကျော်ပြီး အစ်ကိုဖြစ်သူရဲ့ ဖွေ့ထိုင်းပါတီ ဦးဆောင်သူအဖြစ် ကနေ ၂၀၁၁ ခုနှစ် သြဂုတ်လက ထိုင်းဝန်ကြီးချုပ်ဖြစ်လာခဲ့သူပါ။
ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ် (NLD) ပါတီကို တရားဥပဒေ စိုးမိုးရေး၊ ပြည်တွင်း ငြိမ်းချမ်းရေး၊ ဖွဲ့စည်းပုံအခြေခံ ဥပဒေ ပြင်ဆင်ရေးဆိုတဲ့ ကြွေးကြော်သံတွေနဲ့ ပါတီကို ပြန်လည် မှတ်ပုံတင်ပြီး ပြီးခဲ့တဲ့ ကြားဖြတ်ရွေးကောက်ပွဲက တဆင့် ပြည်သူ့လွှတ်တော် အမတ်တဦးဖြစ်လာခဲ့ပြီး လက်ရှိ ပါတီ ဥက္ကဌ ရာထူးတာဝန်ကိုလည်း ထမ်းဆောင်နေပါတယ်။
လာမယ့် ၂၀၁၅ ရွေးကောက်ပွဲအတွက် ကြိုတင်ပြင်ဆင်မှုတွေလည်း တဖက်က လုပ်ရင်း သမ္မတတာဝန်ယူနိုင်တယ်လို့ ပြောခဲ့တာ မကြာခဏရှိပါပြီ။
မစ္စ ယင်းလတ်နဲ့ ပတ်သက်လို့ တချို့ဝေဖန်သူတွေ အဆိုအရ ၀န်ကြီးချုပ်ဟောင်း သက်ဆင်ကို ထောက်ခံတဲ့ ရှပ်နီအုပ်စုရဲ့ အားပေးမှုတွေကနေ သူ့ရဲ့ အစ်ကိုကြီးဖြစ်သူရဲ့ အကြံဉာဏ်တွေ၊ အကူအညီတွေယူပြီး ၀န်ကြီးချုပ် ဖြစ်လာခဲ့တယ်လို့ ဆိုကြပါတယ်။
မကြာသေးမီက ဒေါ်အောင်ဆန်းစုကြည်နဲ့ ယင်လတ်ရှင်နာဝပ်တို့ မြန်မာနဲ့ ထိုင်းနိုင်ငံတွေမှာ လူချင်း တွေ့ဆုံမှုတွေ နောက်ပိုင်း မွန်ဂိုလီးယား ညီလာခံအတွင်း ဆွေးနွေးပွဲမှာ သူတို့ နှစ်ဦးကို ၀န်ကြီးချုပ်နဲ့ တရားဥပဒေ စိုးမိုးရေးနဲ့ တည်ငြိမ်ရေး ကော်မတီဥက္ကဌတွေအဖြစ် အဓိက ဆွေးနွေးသူတွေနေရာမှာ မြင်တွေ့ရတာပါ။
သူတို့ ၂ ဦးမှာ တူညီမှုတွေထဲ လူပြောများတာကတော့ အာရှနိုင်ငံတွေရဲ့ ၀တ်စားဆင်ယင်မှုတွေနဲ့ ပတ်သက်လို့ နိုင်ငံတကာကို မိတ်ဆက်တဲ့နေရာမှာ သူတို့ရဲ့ ဖက်ရှင်တွေကို လူကြိုက်များနေကြတာလည်း ထည့်ပြောလိုက်ချင်ပါသေးတယ်။
Ref: ဧရာဝတီ
Read More...
Collapse...
Posts
