..............................

Friday, May 25, 2012

ပြည်သူလူထုကို စော်ကားခဲ့တဲ့ သမ္မတ အကြံပေးခေါင်းဆောင် ကိုကိုလှိုင်

Thursday, May 24, 2012
နစ်နေမန်း

သမတရဲ့  နိုင်ငံရေးအကြံပေးအဖွဲ့  ခေါင်းဆောင် ကိုကိုလှိုင် အကြောင်း စပြီးပြောပြဖို့  ဖေါ်ပြဖို့  လိုပါပြီ။ ဒီ နိုင်ငံရေး အကြံပေးအဖွဲ့  ခေါင်းဆောင် ကိုကိုလှိုင်ကို မြန်မာ့ ရုပ်မြင်သံကြား MRTV 4 ကြည့်ဖူး သူတွေကတော့ မြင်တွေ့ မှာပါ။ နိုင်ငံတကာရေးရာတွေကို မစားရ ၀ခမန်း လျှာအရိုး မရှိတဲ့အတိုင်း ပြောနေသူ တစ်ဦးဖြစ်ပါတယ်။

တကယ်တော့ ကိုကိုလှိုင်ဟာ ဒီ နအဖလက်ပါးစေ အကြီးစား တစ်ဦးပါ။ စာရေးဆရာ လိုလို နိုင်ငံတကာရေးရာ သုတေသီ လိုလိုနဲ့  နအဖပြန်ကြားရေး ၀န်ကြီး ကျော်ဆန်းရဲ့  သတင်းနဲ့ စာနယ်ဇင်း လုပ်ငန်းမှာ အကြံပေး အရာရှိအဖြစ် လုပ်နေခဲ့သူပါ။ ၁၉၇၆ ခုနှစ်က ပြင်ဦးလွင် DSA စစ်တက္ကသိုလ်ဆင်းဖြစ်ပြီး ကကကြည်းမှာ တာဝန်ယူခဲ့ကာ ၂၀၀၄ ခုနှစ်အထိ စစ်ဦးစီး (ပထမတန်း) သုတေသန အဆင့်နဲ့  နအဖသန်းရွှေတို့ အတွက် အကြီးစား လက်ပါးစေဖြစ်ခဲ့သူပါ။ ဒီလို နအဖပြန်ကြားရေးဝန်ကြီး ကျော်ဆန်း လက်အောက်မှာ သတင်းနဲ့ စာနယ်ဇင်းလုပ်ငန်း အကြံပေး အရာရှိ ဖြစ်နေခဲ့ ချိန်မှာ နအဖတို့ ရဲ့  ၀ါဒဖြန့် ချီရေးခြေလှမ်း တစ်ခုဖြစ်တဲ့ နိုင်ငံရေး သတင်းဂျာနယ် ဆိုပြီး Northern Star Journal ကို စတင် ထုတ်ခဲ့တဲ့သူတွေ ထဲက တစ်ဦးပါ။ ကိုကိုလှိုင်တို့ ဟာ ဒီ Northern Star ဂျာနယ်ကနေ ကလောင် အမည်ခွဲတွေ အမျိုးမျိုးနဲ့  သူရဲဘောကြောင်စွာ ဆောင်းပါးတွေကို အမည်ရင်းတွေ မဖေါ်ရဲဘဲ ရေးသား ခဲ့ကြပါတယ်။

ကိုကိုလှိုင်ဟာ ဖော်လံဖားလုပ်ပြီး နအဖ သန်းရွှေရဲ့  အတုအယောင် အမျိုးသား ညီလာခံအောင်မြင်ရေး အတွက် ကလောင်နာမည် အမျိုးမျိုးနဲ့  ဆောင်းပါးတွေ ရေးခဲ့တယ်။ အာဏာရှင် သန်းရွှေ အလိုကျ ဆောင်းပါးတွေရေးသားဖေါ်ပြ ခဲ့တယ်။

သိန်းစိန် အခု သမတဖြစ်လာတဲ့ နောက်ခံပါတီ ကြံ့ ဖွတ်က စိမ်းလဲ့ရွှေပြည်နဲ့  နွယ်သာကီ ဂျာနယ် စာစောင်တွေကို ထုတ်နေချိန်မှာ တစ်ဘက်ကလည်း ကိုကိုလှိုင်တို့ က ဒီ Northen Star ဂျာနယ်ကို ထုတ်ခဲ့ကြပါတယ်။ နအဖ လက်ပါးစေအကြီးစား ကိုကိုလှိုင်တို့ ဟာ မြန်မာပြည်သူ လူထုခေါင်းဆောင် ဒေါ်အောင်ဆန်းစုကြည်ကို တိုက်ခိုက်ဝေဖန်တဲ့ ဆောင်းပါးတွေကို ရေးသားခဲ့ကြတယ်။

နအဖလက်ပါးစေအကြီးစား ကိုကိုလှိုင်ရဲ့  ကလောင်အမည်ခွဲတွေ ထဲမှာတော့ စည်သူအောင်၊ ကိုကိုလှိုင် (မြင်းမူ) နဲ့  လှိုင်အောင် ဆိုတဲ့ အမည်တွေက အများဆုံး အမည်ခံ ရေးသားပါတယ်။

မြန်မာပြည်မှာ နာဂစ်မုန်တိုင်းဝင်တိုက်ပြီး မုန်တိုင်းဒဏ်သင့်ဒေသတွေက မြန်မာပြည်သူ ပြည်သားတွေ သေလုမြောပါး ဘေးဒုက္ခ ကြုံနေစဉ် အတွင်းမှာ နအဖရဲ့  ၀ါဒဖြန့်ချီရေး သတင်းစာ ထဲမှာ ပါလာတဲ့ ဆောင်းပါး တစ်ပုဒ်ကြောင့် ဖတ်ရသူ သိရသူတိုင်း ဒေါသအမျက် ထွက်ခဲ့ရတဲ့ အဖြစ်အပျက် တစ်ခုကို ပြန်လည်ဖေါ်ပြ လိုက်ရပါတယ်။

၂၀၀၈ ခုနှစ်၊ မေလ (၂၉) ရက်နေ့ ထုတ် နအဖရဲ့  ကြေးမုံသတင်းစာ စာမျက်နှာ (၈) မှာ “နှစ်အကူးမှာတော့ ပုရစ်ဖူးတို့  ဝေကြပေလိမ့်မည်” ဆိုတဲ့ ဆောင်းပါးပါ။ ဒီဆောင်းပါးထဲမှာ နာဂစ် မုန်တိုင်းကြောင့် သစ်ပင်တွေပြိုလဲ ရှင်းသွားတာကြောင့် ရွှေတိဂုံ ဘုရားကြီး အထက်ပစ္စယံ အနားထိကို အိမ်ဝရံတာကနေ လှမ်းဖူးမြော်ခွင့် ရတာမို့  နာဂစ် မုန်တိုင်းကြီးကို ကျေးဇူး တင်ရတယ် ဆိုပြီး အစချီကာ ရေးသားခဲ့ပါတယ်။ ကြောက်မက်ဖွယ် နာဂစ် မုန်တိုင်း တိုက်ခိုက်မှုကို သိန်းပေါင်းမြောက်မြားစွာသော မြန်မာပြည်သူတွေ သေကြေပျက်စီး ဒုက္ခရောက်နေချိန်မှာ ဒီလိုရေးသားမှုဟာ အင်မတန် မသင့်လျော် လွန်းလှတာကို အားမရသေးဘဲ၊ နအဖ သန်းရွှေတို့ ရဲ့  နာဂစ်မုန်တိုင်း ခုတုံးလုပ် ဒေါ်လာငွေ တောင်းရမ်းကောင်းဖို့ အတွက် အလိမ်အညာ ဟန်ပြ လုပ်ရပ်တွေကို ချီးမွန်းရေးသားပြထားပြီး၊ ဆောင်းပါးနောက်ဆုံးမှာ နိုင်ငံတကာက နာဂစ်မုန်တိုင်း အလှူပစ္စည်းတွေ အစားအသောက်တွေထက် ချောင်းမြောင်းထဲမှာ ငါးရှာစား ဖားရှာစားဖို့ ကို ပြောဆိုရေးသား ထားတာကတော့ အလွန့်ကို မိုက်ရိုင်းစော်ကား လိုက်ခြင်းဘဲ ဖြစ်ပါတယ်။

မြန်မာပြည်သူပြည်သား မုန်တိုင်းဘေးဒုက္ခသည်တွေကို နိုင်ငံတကာ ပြည်သူများက ကိုယ်ချင်းစာပြီး စေတနာ ထက်သန်စွာနဲ့  ပေးပို့ လှူဒါန်းကြတာကို ကိုယ်ကိုတိုင်လည်း မကူညီ သူများ ကူညီတာလည်း နှောင့်ယှက်ကြတဲ့ သန်းရွှေတို့ အာဏာရူးတွေ ဘက်ကို ဖော်လံဖားပြီး ရေးသားတာထက် ပိုပြီး ဒုက္ခရောက်နေကြသူ မြန်မာပြည်သူပြည်သားတွေကို ကိုယ်ချင်းစာတရား ခေါင်းပါးစွာနဲ့  ဒီဆောင်းပါး ရေးသားသူ “လှိုင်အောင်” ဆိုသူကတော့ အခု သိန်းစိန်ရဲ့  နိုင်ငံရေး အကြံပေး အဖွဲ့ ခေါင်းဆောင် “ကိုကိုလှိုင်” ဘဲ ဖြစ်ပါတယ်ဆိုတာ အများပြည်သူ သိရအောင် ဖေါ်ပြ လိုက်ရပါတယ်။

ဒီလို ဆောင်းပါးရေးသားပြီး မြန်မာပြည်သူပြည်သားတွေကို စော်ကားခဲ့သူ လှိုင်အောင် အမည်ခံ လူယုတ်မာ ကိုကိုလှိုင်ရဲ့ ဆောင်းပါးကို အပြည့်အစုံ ပြန်လည်ဖေါ်ပြလိုက်ပါတယ်။

ဆောင်းပါးရှင် လှိုင်အောင် က “ လူပေါင်းသန်းနှင့် ချီတဲ့ မြစ်ဝကျွန်းပေါ်မှာရှိတဲ့ နာဂစ်လေဘေး ဒုက္ခသည်တွေဟာ " နိုင်ငံတကာ အကူအညီ မလိုဘူး၊ ဖားရိုက် စားပြီးနေလို့ ရတယ်" .... ဒါ့ အပြင် .... "ရွှေတိဂုံဘုရား စိန်ဖူးတော်ကို မြင်ရလို့ ၊ လူ ၁သိန်း ခွဲကျော်သေဆုံး၊ (၂.၅) သန်း အိုးမဲ့အိမ်မဲ့ ဖြစ်စေ ခဲ့တဲ့ လူသတ် နာဂစ် မုန်တိုင်းကို ကျေးဇူး တင်ပါတယ် ဆိုတဲ့ အကြောင်း" ဦးနှောက်မရှိ၊ လူသား မဆန်တဲ့ အောက်တန်းကျကျ ရေးသား ထားတာကို ဖတ်ရသူတိုင်း သိရသူတိုင်းက ဒီဆောင်းပါးရှင်ကို ဘယ်သူဘယ်ဝါ ဆိုတာ မသိခဲ့ကြပါဖူး။ ဆောင်းပါးရှင်ကို ကြိုးနဲ့ တုတ်ပြီး မုန်တိုင်းဒဏ် ခံခဲ့ရတဲ့ ဧရာဝတီမြစ်ဝကျွန်းပေါ်ဒေသက ချောင်းမြောင်းတွေထဲ သွားပစ်ချပြီး သေဆုံး သွားရတဲ့ ပြည်သူတွေ အလောင်းတွေကြားထဲ နှစ်သတ်ပြီး အဲ့ဒီက ငါးတွေ ဖားတွေကို ပေးစားအောင်ကို ဒေါသ ထွက်ကြရတယ် ဆိုတာ အများပြည်သူတွေ ခံစားကြရပါတယ်။

ငါးရှာစား ဖားရှာစားဆိုပြီး ပြောခဲ့တဲ့ လှိုင်အောင်ကတော့ အာဏာရူး သန်းရွှေတို့ ရဲ့  လက်ပါးစေ အကြီးစား ယခု သိန်းစိန်ရဲ့  နိုင်ငံရေး အကြံပေးခေါင်းဆောင် လုပ်နေတဲ့ ကိုကိုလှိုင်ဘဲ ဖြစ်တယ်ဆိုတာ ပြည်သူအများ သိကြပြီမို့  ဒီ လူယုတ်မာ ကိုကိုလှိုင်ကို ငါးစား ဖားစာကျွေးဖို့  ဆောင်ရွက်ကြဖို့ ဘဲ လိုပါတော့တယ်။

ယခုလည်း မြန်မာပြည်သူပြည်သားတွေ မီးမလာလို့ အမှောင်ထဲမှာ နေ့စဉ် နေထိုင်နေရတဲ့ ဘ၀၊ ရေမရှိလို့  ရေငတ်ဒဏ်ကို ခံစားနေကြရတဲ့ ဘ၀တွေကို ကိုယ်ချင်း မစာသူတွေထဲမှာ ကိုကိုလှိုင်လည်း ထိပ်ဆုံးထဲက တစ်ယောက်ဖြစ်နေပြန်ပါပြီမို့ ကိုကိုလှိုင်ကို ပြည်သူပေးတဲ့ အပြစ်ဒါဏ် ခံစေဖို့သာ ရှိပါတော့တယ်။

ဒီ လူယုတ်မာ ကိုကိုလှိုင်က သမတ အကြံပေး တက်လုပ်နေပြီး လျှပ်စစ်မီး မလာလို့ ဆန္ဒပြကြတဲ့ ပြည်သူတွေကို အကြံပေးတဲ့ စကားတဲ့ - "ဂျပန်မှာ Nuclear Facility တွေ ပြတ်သွားတယ်။ အဲ့ဒါနဲ့ ကြောက်လန့်ပြီး Nuclear Plant တွေ အကုန် ပိတ်တယ်။ အခု စက်ရုံ ၄၀ မှာ နှစ်ခုပဲ ကျန်တယ်။ ဒါပေမယ့် ဂျပန်မှာ မီးမပျက်ဘူး။ ဘာကြောင့်လဲ ဆိုတော့ ပြည်သူက ခြိုးခြံချွေတာတယ်။ အဲ့ဒီတော့ စေတနာနဲ့ ပြောချင်တာက
ကျွန်တော်တို့ ကလည်း ဖယောင်းတိုင်တွေကို ကိုယ့်အိမ်မှာ ကိုယ်ထွန်းပြီး မီးလေး ပိတ်ထား လိုက်ကြပါ။ အားလုံး အဆင်ပြေသွား ပါလိမ့်မယ်။" …… လို့  ပြောသွားပါတယ်။ ဒီနေ့ နိုင်ငံတော် သမ္မတ အကြံပေးအဖွဲ့ ရုံးခန်းတွင် ပြုလုပ်တဲ့ သတင်းစာ ရှင်းလင်းပွဲမှာ ပြောသွားတာပါ။

လျှပ်စစ်မီးထုတ်လုပ်တယ်ဆိုတာ ရေလာမှ ဖြစ်တာလား ဆိုတာနဲ့၊ အခုမှ လျှပ်စစ်မီးက မလာတာလား၊ အခုမလာတဲ့ ရေကြောင့် မြန်မာပြည်ကြီး လျှပ်စစ်မီး မရတာလား ဆိုတာတွေကို မေးမြန်းလိုပါတယ်။

ပြည်သူအပေါ်မှာ စာနာတရား လုံးဝ မရှိတဲ့ ကိုကိုလှိုင်ရဲ့  ဖြုတ်ဦးနှောက်က ထွက်လာတဲ့ အကြံ၊ ပြည်သူ့ မျက်နှာကို ငဲ့ညှာကြည့်ဖေါ် မရတဲ့ ကိုကိုလှိုင်ရဲ့  ပါးစပ်က ထွက်ဆိုရဲတဲ့ စကားတွေကို လက်ခံကြတဲ့သူတွေ အကြံပေးတဲ့ သူရော အကြံယူတဲ့သူရော အတူတူနဲ့ အနူနူကြီးဘဲလို့  ယဉ်ယဉ်ကျေးကျေးလေးဘဲ ပြောလိုက် ရပါတယ်။

Ref: နစ်နေမန်းဘလော့

Read More...

ဒေါ်စု ကို Johns Hopkins တက္ကသိုလ် ဂုဏ်ထူးဆောင်ဘွဲ့ ချီးမြှင့်

ဦးရော်နီညိမ်း
ကြာသပတေး, 24 မေ 2012

မေလ (၂၄) ရက် မနေ့က အမေရိကန်ပြည်ထောင်စု Maryland ပြည်နယ်၊ Johns Hopkins တက္ကသိုလ်မှာ ကျင်းပတဲ့ ဘွဲ့နှင်းသဘင် အခမ်းအနားမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဂုဏ်ထူးဆောင် ပါရဂူဘွဲ့ (Doctor of Humane Letters) ချီးမြှင့်ခဲ့ပါတယ်။ မြန်မာနိုင်ငံမှာ AIDS ရောဂါ ကာကွယ် ကုသစောင့်ရှေက်မှုတွေ မကြာခဏ သွားရောက် လုပ်ဆောင်ခဲ့သူ Johns Hopkins တက္ကသိုလ် လူထု ပညာရေးဌာနက ပါမောက္ခ ဒေါက်တာ ခရစ်(စ်) ဘိုင်ယာ (Dr. Chris Beyrer) က ဒေါ်အောင်ဆန်းစုကြည် ကိုယ်စား လက်ခံ ရယူခဲ့ပါတယ်။ ဒေါ်အောင်ဆန်းစုကြည် ကလည်း ဒီအခမ်းအနား အတွက် ဗီဒီယို မိန့်ခွန်းပေးပို့ ခဲ့တာမှာ မြန်မာနိုင်ငံက လူငယ်တွေရဲ့ တောက်ပတဲ့ အနာဂတ်အတွက် Johns Hopkins တက္ကသိုလ်က ပူးပေါင်း ပါဝင်လိမ့်မယ်လို့ သူမျှော်လင့် ကြောင်း ထည့်သွင်းပြောဆို သွားခဲ့ပါတယ်။ ဒေါ်အောင်ဆန်းစုကြည်ကို Johns Hopkins တက္ကသိုလ်က ဂုဏ်ထူးဆောင် ပါရဂူဘွဲ့ ချီးမြှင့်တာနဲ့ ပတ်သက်ပြီး ကိုရော်နီညိမ်းက တင်ပြပေးပါထားပါတယ်။

မေလ ၂၄ ရက်နေ့က မေရီလဲန်းပြည်နယ်၊ ဘော်လတီမိုးမြို့က Johns Hopkins တက္ကသိုလ် ဟုမ်းဝုဒ် နယ်မြေ (Hpme Wood Campus)မှာ ကျင်းပခဲ့တဲ့ ဒီဘွဲ့နှင်းသဘင် အခမ်းအနားမှာ ဒေါ်အောင်ဆန်းစုကြည်ကို ဂုဏ်ထူးဆောင် ပါရဂူဘွဲ့ ချီးမြှင့်ခဲ့တာပါ။ ဒီအခမ်းအနား အတွက် ဒေါ်အောင်ဆန်းစုကြည်ပေးပို့တဲ့ ဗီဒီယို မိန့်ခွန်း အမှာစကားကိုလည်း ပြသခဲ့ပါ တယ်။ ဒေါ်အောင်ဆန်းစုကြည်က မြန်မာနိုင်ငံမှာ တက္ကသိုလ် ဘွဲ့ရ လူငယ်တွေ ရင်ဆိုင်နေကြရတဲ့ လက်တွေ့ ပကတိ အခြေအနေကို အခုလို ပြောပြခဲ့ပါတယ်။

ဒေါ်အောင်ဆန်းစုကြည်။ ။ ကျမတို့နိုင်ငံက လူငယ်ထုရဲ့ အများစုကြီးဟာ အခြေခံကျတဲ့ ပညာရေး လိုအပ်နေ ကြပါတယ်။ ကျမက မူလတန်းကျောင်း အဆင့် ကလေးတွေရဲ့ အခြေခံ ပညာရေးကို ပြောနေတာ မဟုတ်ပါဘူး။ ကျမက တက္ကသိုလ်ဘွဲ့ရ လူငယ်တွေမှာ အခြေခံကျတဲ့ ပညာရေး လိုအပ်နေကြတာကို ပြောနေတာ ပါ။ မြန်မာနိုင်ငံ မှာ မြောက်များလှတဲ့ တက္ကသိုလ်ဘွဲ့ရ လူငယ်တွေဟာ အလုပ် လက်မဲ့တွေ ဖြစ်နေကြပါတယ်။ ဘာဖြစ်လို့လဲ ဆိုတော့ တက္ကသိုလ်တွေက သူတို့တွေ အလုပ်အကိုင်တွေ ရရှိကြဖို့ လုံလောက်စွာ လိုအပ်တဲ့ အခြေခံ ကျကျ ပညာရေးကို သင်ကြား မပေးနိုင်ကြလို့ပါပဲ။ ဒါကြောင့် ကျမတို့နိုင်ငံနဲ့ ကျမတို့ရဲ့ လူငယ်တွေမှာ အခုလို ပညာရေးအရ အကြီးအကျယ် လိုအပ်နေမှုကို Johns Hopkins တက္ကသိုလ်နဲ့တကွ တခြားသော အမေရိ ကန်ပြည်ထောင်စုက ပညာရေး အဖွဲ့အစည်းတွေကို၊ ကျမက သိရှိကြစေချင် ပါတယ်။ ကျမတို့နိုင်ငံရဲ့ တက္ကသိုလ် ဘွဲ့ရ လူငယ်တွေဟာ တကယ့် ပညာတွေကို တတ်မြောက်ကြပြီးသား လူငယ်တွေ ဖြစ်လာ ကြရမှာပါ။ ဒါပေမဲ့ အဲဒီလို ဖြစ်မလာ ကြတာကြောင့် သူတုိ့အတွက် ဘ၀ရဲ့ စိန်ခေါ်မှုတွေကို တကယ်တမ်း ရင်ဆိုင်နိုင်တဲ့ ပညာရေးကို အကြီးအကျယ် လိုအပ်နေကြတယ် ဆိုတာကို သိစေချင်ပါတယ်။

ဒေါ်အောင်ဆန်းစုကြည်က သူ့ကို အခုလို ဂုဏ်ထူးဆောင်ပါရဂူဘွဲ့ ချီးမြှင့်ခဲ့တဲ့ Johns Hopkins တက္ကသိုလ် အနေနဲ့ မြန်မာ လူငယ်ထုရဲ့ ပညာရေးကို ကူညီစောင့်ရှောက်ပေးဖို့ ဗီဒီယို မိန့်ခွန်းထဲမှာ ထည့်သွင်းပြောကြား ခဲ့ပါတယ်။

ဒေါ်အောင်ဆန်းစုကြည်။ ။ ကျမတို့နိုင်ငံရဲ့ လူငယ်ထုနဲ့ သူတို့ရဲ့ပညာရေးဟာ၊ ကျမတို့နိုင်ငံရဲ့ အနာဂတ် အတွက် အလွန့်ကို အရေး ပါနေပါတယ်။ သူတို့တွေနဲ့ ကျမတို့ နိုင်ငံရဲ့ အနာဂတ် တွေ တောက်ပ လာနိုင်ဖို့ အတွက် Johns Hopkins တက္ကသိုလ်က ပူးပေါင်း ပါဝင်လိမ့်မယ်လို့၊ ကျမက မျှော်လင့်ပါတယ်။ မြန်မာနိုင်ငံက လူငယ်တွေဟာ Johns Hopkins တက္ကသိုလ်ကပေးတဲ့ ပညာရေးကို ရယူနိုင်ပြီး ကျမ အခုရရှိတဲ့ ဂုဏ်ထူးဆောင် ပါရဂူဘွဲ့မျိုးတွေ သူတို့လည်း ရရှိလာကြတဲ့ အထိ၊ သူတို့ရဲ့ ပညာရေးကို Johns Hopkins က မြှင့်တင်ပေးနိုင်မယ့် အချိန်ကို ကျမက စောင့်မျှော်နေပါတယ်။”

ပြီးခဲ့တဲ့ ဇန်နဝါရီလက Johns Hopkins တက္ကသိုလ်ရဲ့ ဥက္ကဋ္ဌ ရွန်ဒဲန်နီရယ်လ် (Ron Daniel) နဲ့အတူ မြန်မာနိုင်ငံကို သွားရောက်ခဲ့သူ ဒေါ်အောင်ဆန်းစုကြည် ကိုယ်စား ဂုဏ်ထူးဆောင် ပါရဂူဘွဲ့ကို လက်ခံယူခဲ့တဲ့ ဒေါက်တာ ခရစ္စ်ဘိုင်ယာက ဒေါ်အောင်ဆန်းစုကြည်ကို ဒီဘွဲ့ချီးမြှင့်တာနဲ့ ပတ်သက်ပြီး အခုလို ပြောပါတယ်။

ဒေါက်တာ ခရစ္စ်ဘိုင်ယာ။ ။ ပြီးခဲ့တဲ့ဇန်န၀ါရီလက မြန်မာပြည်မှာ Johns Hopkins တက္ကသိုလ်ရဲ့ ဥက္ကဋ္ဌ ရွန် ဒဲန်နီရယ်လ်နဲ့ ကျနော်နဲ့ဟာ၊ အမျိုးသား ဒီမိုကရေစီ အဖွဲ့ချုပ် ခေါင်းဆောင်တွေနဲ့ အကျဉ်းထောင်က လွတ်မြောက်ခါစ (၈၈) မျိုးဆက် ကျောင်း သားတွေ အပါအ၀င် မြန်မာ့နိုင်ငံရေးမှာ အရေးပါသူတွေ၊ လူမှုရေး လုပ်ငန်းတွေ ကို ဆောင်ရွက်နေကြ သူတွေ၊ မြန်မာ အစိုးရရဲ့ သမ္မတကြီး ဦးသိန်းစိန်နဲ့ ၀န်ကြီး တချို့နဲ့ပါ တွေ့ဆုံ ခဲ့ကြပါတယ်။ တွေ့ခဲ့သမျှ ပုဂ္ဂိုလ်တွေနဲ့ ကျနော်တို့ ကျယ်ကျယ်ပြန့်ပြန့် ဆွေးနွေးခဲ့ကြတာက မြန်မာနိုင်ငံက ပညာရေးနဲ့ လူထုကျန်း မာရေးကဏ္ဍတွေမှာ အထူးသဖြင့် တက္ကသိုလ်ကောလိပ်ကျောင်းတွေမှာ ပညာရေး ကို ပြန်ပြီးမြှင့်တင်ဖို့ ကျနော်တို့ Johns Hopkins တက္ကသိုလ်က ဘယ်လို အခန်းကဏ္ဍကနေ ပါဝင်ဆောင် ရွက်နိုင်မလဲ ဆိုတာ ပါ။ တော်တော်များများ အစီအစဉ်တွေ စဉ်းစားကြံဆ ချမှတ်နိုင်ခဲ့ကြပါတယ်။ ဒါကြောင့် လည်း မြန်မာနိုင်ငံမှာ ဒီလိုအခြေအနေတွေ ရောက်ရှိလာအောင် အကြမ်းမဖက် ငြိမ်းချမ်းတဲ့ နည်းလမ်း အမျိုး မျိုးနဲ့ ကြိုးပမ်း ခဲ့တဲ့ ဒေါ်အောင်ဆန်းစုကြည်ကို ကျနော်တို့ Johns Hopkins တက္ကသိုလ်က ဂုဏ်ထူးဆောင် ပါရဂူဘွဲ့ ချီးမြှင့်ရတာဖြစ်ပြီးတော့ ကျနော်တို့ တက္ကသိုလ်က ဒီ့အတွက် ပိုပြီး ဂုဏ်တက်ပါတယ် ခင်ဗျာ။

ဒေါက်တာ ခရစ္စ်ဘိုင်ယာက အခုအခါ မြန်မာနိုင်ငံမှာ Johns Hopkins တက္ကသိုလ်က စတင်ဆောင်ရွက်နေ မှုနဲ့ ပတ်သက်လို့ အခုလိုပြောပါတယ်။

ဒေါက်တာ ခရစ္စ်ဘိုင်ယာ။ ။ ပြီးခဲ့တဲ့ဇန်န၀ါရီလက စလို့၊ ကျနော်တို့ တက္ကသိုလ်ရဲ့ လူထု ပညာရေးဌာနက သင်တန်းပေးတဲ့ သူတွေ၊ မြန်မာနိုင်ငံကို သွားပြီးတော့ အရေးပေါ် ကျန်းမာရေး ပြုစုစောင့်ရှောက်မှု ပညာရပ် အခြေခံ သင်တန်းနဲ့ အဆင့်မြင့် သင်တန်း တချို့ကို စပြီး သင်ကြားပေးနေ ကြပါပြီ။ ကျနော်တို့က အပြန်အလှန် ပညာရေး ဖလှယ်မှု အစီအစဉ် အဖြစ် ကျနော်တို့ တက္ကသိုလ်ရဲ့ လူထု ပညာရေး ဌာနက ကျောင်းသားတွေ မြန်မာနိုင်ငံမှာ သွားရောက်ပညာ သင်ကြားကြဖို့နဲ့၊ မြန်မာကျောင်းသားတွေ Johns Hopkins တက္ကသိုလ်ကို လာရောက် ပညာ သင်ကြားကြဖို့တွေကို၊ မကြာခင် အကောင်အထည်ပေါ်လာအောင် လုပ်ကိုင်ဆောင် ရွက်နေပါတယ်။"

လူ့အခွင့်အရေးအတွက် ငြိမ်းချမ်းစွာ တိုက်ပွဲဝင်ခဲ့သူအနေနဲ့ အခုလို ဒေါ်အောင်ဆန်းစုကြည်ကို Johns Hopkins တက္ကသိုလ်က ဂုဏ်ထူးဆောင် ပါရဂူဘွဲ့ ချီးမြှင့် ခဲ့တာကြောင့်၊ ဒေါ်အောင်ဆန်းစုကြည်က ဗီဒီယို မိန့်ခွန်း သတင်းစကား ထဲမှာ ဒီ့အတွက် တုံ့ပြန်စကားပြောခဲ့ပါတယ်။

ဒေါ်အောင်ဆန်းစုကြည်။ ။ မြန်မာနိုင်ငံက လူ့အခွင့်အရေးအကြောင်းကို ကျမက ပြောတယ်ဆိုရင်၊ တကယ်က ကျမက တကမ္ဘာလုံးက လူ့အခွင့်အရေး အကြောင်းကို ပြောတာပဲ ဖြစ်ပါတယ်။ ဘာဖြစ်လို့လဲ ဆိုတော့ လူသား အနေနဲ့ ဖြစ်တည်နေမှုက ဘ၀အခြေ အနိမ့်အမြင့်နဲ့ မဆိုင်ပါဘူး။ လူသား တစ်ဦးဟာ ကမ္ဘာပေါ်က တနေရာမှာ မပြည့်မစုံ ဘ၀နဲ့ နေနေရတာကြောင့်၊ သူဟာ တင့်တောင့် တင့်တယ် နေထိုင်နေကြရတဲ့နေရာက လူသားထက် နိမ့်ကျတယ်လို့ အဓိပ္ပာယ်ဖွင့်လို့ မရပါဘူး။ ဒါကြောင့် ကျမတို့က မြန်မာနိုင်ငံမှာ လူ့အခွင့်အရေး အတွက် ရုန်းကန် လှုပ်ရှားနေကြတယ် ဆိုရင်၊ ဒါက ကျမတို့က လူသားအားလုံးရဲ့ လူ့အခွင့်အရေး အတွက် ရုန်းကန် လှုပ်ရှားနေတာပါပဲ။

Johns Hopkins တက္ကသိုလ်ရဲ့ အမေရိကန်ပြည်ထောင်စုနဲ့ နိုင်ငံတကာမှာရှိတဲ့ တက္ကသိုလ်ခွဲတွေ အားလုံး မှာ ဘွဲ့နှင်းသဘင် အခမ်းအနားတွေကို မေလ ၂၄ ရက်နေ့က ကျင်းပ ခဲ့တာဖြစ်ပြီး ဒီအခမ်းအနား အားလုံးမှာ ဂုဏ်ထူးဆောင် ပါရဂူဘွဲ့ ချီးမြှင့်ခံခဲ့ရတဲ့ ဒေါ်အောင်ဆန်းစုကြည်ရဲ့ ဗွီဒီယို မိန့်ခွန်း အမှာစကားကို ပြသခဲ့ပါ တယ် ခင်ဗျာ။

Ref: VOA News

Read More...

မြန်မာ့ အပြောင်းအလဲ ဖူးငုံစအဆင့်မှာ ရှိသေးကြောင်း ဒေါ်အောင်ဆန်းစုကြည် ပြောဆို

2012-05-24

တစ်နှစ်တာကာလအတွင်း မြန်မာနိုင်ငံရဲ့ပြုပြင်ပြောင်းလဲရေး အခြေအနေတွေဟာ ကနဦးအစ အနေ အထားမှာသာ ရှိသေးကြောင်း အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောလိုက်ပါတယ်။

အမေရိကန်ပြည်ထောင်စု Johns Hopkins တက္ကသိုလ်က ဒေါ်အောင်ဆန်းစုကြည်ကို ဂုဏ်ထူးဆောင် ပါရဂူဘွဲ့ ချီးမြှင့်တဲ့ ဘွဲ့နှင်းသဘင် အခမ်းအနားမှာ ဗီဒီယို ကတဆင့် ထောင်နဲ့ချီတဲ့ ပရိတ်သတ်ကို ပြောကြားခဲ့တဲ့ မိန့်ခွန်းထဲမှာ ထည့်သွင်းပြောဆိုခဲ့တာပါ။

"ဒီဂုဏ်ထူးဆောင် ပါရဂူဘွဲ့ကို ချီးမြင့်လိုက်တာဟာ မြန်မာနိုင်ငံမှာ လူ့အခွင့်အရေး ထွန်းကားဖို့ မိမိရဲ့ ကြိုးပမ်း လုပ်ဆောင်ချက်တွေကို အသိအမှတ်ပြုတဲ့ အနေနဲ့ ပေးအပ်တဲ့ ဘွဲ့လို့လည်း ခံယူပါတယ်။ လက်ရှိ မြန်မာနိုင်ငံက လူ့အခွင့်အရေး ကြိုးပမ်းမှု အခြေအနေတွေဟာ သီးတဲ့ ပွင့်တဲ့ အဆင့်လို့ မပြောနိုင်သေးပေမဲ့၊ ဖူးစ ငုံစ အဆင့်လို့ ပြောနိုင်ပါတယ် ” လို့ ပြောကြား ခဲ့ပါတယ်။

ကြာသပတေးနေ့က ကျင်းပခဲ့တဲ့ အဲဒီအခမ်းအနားမှာ ဒေါ်အောင်ဆန်းစုကြည် အပါအ၀င် စီးပွားရေးနိုဘဲလ် ဆုရှင် Amartyr Sen နဲ့ စုစုပေါင်း ပုဂ္ဂိုလ် (၅) ဦးကို ဂုဏ်ထူးဆောင် ပါရဂူဘွဲ့တွေ ချီးမြှင့်ခဲ့တာပါ။

Johns Hopkins တက္ကသိုလ် Bloomberg ပြည်သူ့ ကျန်းမာရေး စောင့်ရှောက်မှုကျောင်း၊ နိုင်ငံတကာ အေအိုင်ဒီအက်စ် ရောဂါဆိုင်ရာ သုတေသန ဌာန အကြီးအကဲ ပါမောက္ခ ဒေါက်တာ Chris Beyrer က ဒေါ်အောင်ဆန်းစုကြည် ကိုယ်စား ပါရဂူဘွဲ့ကို လက်ခံခဲ့ ပါတယ်။

ဒေါက်တာ Chris Beyrer ဟာ အမျိုးသားဒီမိုကရေစီ အဖွဲ့ချုပ် ရုံးချုပ်မှာ HIV/AIDS ပညာပေးရေး အလုပ်ရုံ ဆွေးနွေးပွဲ တစ်ရပ် ကျင်းပပေးခဲ့ ပါတယ်။ ဒီလို လုပ်ငန်းတွေကြောင့် လူငယ် အတော်များများ HIV/ AIDS ပညာပေးရေးနဲ့ စောင့်ရှောက်ရေးမှာ အားတက်သရော ပါဝင်လာကြတယ်လို့လည်း ဒေါ်အောင်ဆန်းစုကြည်က ပြောကြားခဲ့ပါတယ်။

ဒါ့အပြင် မြန်မာနိုင်ငံမှာ ဘွဲ့ရ အလုပ်လက်မဲ့တွေ များပြားနေကြောင်း၊ မြန်မာ့ တက္ကသိုလ် ပညာရေးဟာ လူငယ်တွေ အလုပ်ရအောင် အာမခံချက်ပေးနိုင်တဲ့ ပညာရေးစနစ် အဆင့် မဟုတ်သေးကြောင်းလည်း ပြောဆိုပါတယ်။

လူငယ်နဲ့ ပညာရေးဟာ မြန်မာနိုင်ငံရဲ့ အနာဂတ် ဖြစ်တာကြောင့် Johns Hopkins လို နာမည်ကြီး ကျောင်းတွေမှာ မြန်မာလူငယ်တွေ အတော်များများ ပညာသင်ကြားနိုင်တဲ့ အနာဂတ်ကို မျှော်လင့်မိပါတယ်လို့ လည်း ဒေါ်အောင်ဆန်းစုကြည်က တိုက်တွန်းခဲ့ပါတယ်။

Ref: RFA News

Read More...

လူထုတောင်းဆိုမှုကို အကြမ်းမဖက်ဖို့ အာဆီယံအကြီးအကဲ သတိပေး

2012-05-24

မြန်မာနိုင်ငံမှာ လတ်တလောပေါ်ပေါက်နေတဲ့ လျှပ်စစ်စွမ်းအင်ရရှိရေး ဆန္ဒထုတ်ဖော်မှုတွေကို အကြမ်း မဖက်ဘဲ အေးဆေးညင်သာ ဖြေရှင်းပြီး၊ ဒါတွေဟာ စစ်အုပ်ချုပ်ရေး ကနေ ဒီမိုကရေစီ စနစ်ဆီ ကူးပြောင်းရာမှာ ဖြစ်မြဲဓမ္မတာ ကိစ္စတွေ အဖြစ် ရှုမြင်ဖို့ လိုအပ်ကြောင်း အာဆီယံ အတွင်းရေးမှူးချုပ် ဆူရင် ပစ်စူဝမ်က မြန်မာ အစိုးရကို ကြာသပတေးနေ့က တိုက်တွန်း သတိပေး လိုက်ပါတယ်။

မြန်မာနိုင်ငံဟာ လက်ရှိသွားနေတဲ့ လမ်းကြောင်းကနေ သွေဖည် မသွားဖို့ အတိုက်အခံတွေ အပေါ် ဖိနှိပ်မှုတွေ မလုပ်မိဖို့ အရေးကြီးကြောင်းလည်း ပြောဆိုပါတယ်။

နိုင်ငံတစ်နိုင်ငံ၊ လူ့အဖွဲ့အစည်းတစ်ရပ်ဟာ ပွင့်လင်းတဲ့ ဒီမိုကရေစီ လူ့ဘောင် ဖြစ်လိုတယ် ဆိုရင် လူထု လှုပ်ရှားမှုတွေ၊ ဖိအားတွေ၊ တောင်းဆိုချက်တွေ၊ ပဋိပက္ခတွေ၊ တင်းမာမှုတွေ၊ တစ်ခါတလေ အကြမ်းပတမ်းတွေနဲ့ ညှိနှိုင်းဖြေရှင်းဖို့ အသင့်ပြင် ထားရပါမယ်လို့ ဆူရင်ပစ်ဆူဝမ်က ရိုက်တာသတင်းဌာနက တွေ့ဆုံ မေးမြန်းရာမှာ ပြောဆိုခဲ့ပါတယ်။

အာဆီယံအနေနဲ့ မိမိတို့ အတွေ့အကြုံတွေကို အသုံးပြုပြီး မြန်မာနိုင်ငံရဲ့ အခက်အခဲတွေကို ကူညီဖြေရှင်းဖို့ အသင့်ရှိကြောင်း၊ လူထုတောင်းဆိုမှုတွေကို စီမံဖြေရှင်းရာမှာ ဘယ်လို အကြမ်းဖက်တာမျိုး ကိုမှ မမြင်တွေ့လိုကြောင်းလည်း ပြောဆိုပါတယ်။

Ref: RFA News

Read More...

အင်အားသုံးဖြေရှင်းမှု ဆန္ဒထုတ်ဖော်သူများ မကျေနပ်

လင်းသန့်
May 24, 2012

ရန်ကုန်အပါအဝင် မြန်မာနိုင်ငံ မြို့ကြီးတချို့တွင် ငြိမ်းချမ်းစွာ ဆန္ဒဖော်ထုတ်မှုများကို လုံခြုံရေးများက တားဆီးခြင်း၊ အင်းအားသုံး ရိုက်နှက် ဖမ်းဆီးခြင်းများ ရှိနေသောကြောင့် မကျေနပ်မှုများ ကျယ်ပြန့် လာကာ နိုင်ငံရေး အရ ပြဿနာ ကြီးထွားလာမည်ကို ဆန္ဒထုတ်ဖော်သူ ပြည်သူများက စိုးရိမ်နေကြသည်။

ယနေ့နံနက်ပိုင်းက ပဲခူးတိုင်း အနောက်ခြမ်း ပြည်မြို့တွင် လျှပ်စစ်မီး ၂၄ နာရီ ရရှိရေးအတွက် လမ်းမတော် လမ်းမတလျှောက် လမ်းလျှောက် ဆန္ဒ ထုတ်ဖော်သူများကို ၀တ်စုံပြည့် ရဲတပ်ဖွဲ့ဝင်များက ရိုက်နှက်၍ လူ ၆ ဦးကို ဖမ်းဆီးခေါ်ဆောင် သွားရာ ဒေသခံများ မကျေမနပ်ဖြစ်နေပြီး ဖမ်းဆီး ခံလိုက်ရသောသူများ ပြန်လွှတ်ပေးရေး အတွက် ပြည်အကျဉ်းထောင်ရှေ့တွင် လူအင်အား ၃၀၀၀ ကျော်ခန့် စုဝေးနေကြောင်း သိရသည်။

“ရဲတွေက ရှေ့ကနေ ဒိုင်းတွေနဲ့ ၀င်ပြီး တားတယ်။ အဲဒီ အချိန်မှာ ဘေးက လူငယ်လေး တယောက်က ဒါဟာ ကျနော်တို့ လူ့အခွင့်အရေး ကြေညာစာတမ်း အပိုဒ် ၂၁ အပိုဒ် ခွဲ (ဃ) အရ လုပ်တာ၊ ခင်ဗျားတို့ တားဆီးပိုင်ခွင့် မရှိဘူးဆိုပြီး ပြောနေတုန်းပဲ ချက်ချင်း ဖမ်းကွာဆိုပြီး ရိုက်ပြီး ဖမ်းကြတယ်” ဟု ပြည်မြို့ခံ ကိုရဲထင်က ဧရာဝတီကို ပြောသည်။

ပြည်မြို့ ဒေသခံများက “၂၄ နာရီ လျှပ်စစ်မီး ရရှိရေး ဒို့အရေး” ဟူ၍ ကြွေးကြော်ကြကြောင်း၊ စတင် ဆန္ဒ ထုတ်ဖော်စဉ်က လူ ၃၀၀ ခန့် ရှိပြီး ရိုက်နှက်ဖမ်းဆီး ခံရသူများ ထဲတွင် ပြည်မြို့၌ လူ့အခွင့်အရေး ပညာပေးရေး လုပ်ဆောင်နေသော ကိုကျော်ဆွေနှင့် ရှေ့နေ ဦးမြင့်အေးတို့ ပါဝင်ကြောင်း သိရသည်။

“ဒီမိုကရေစီ အသွင်ကူးပြောင်းခါစမှာ ဒီလို ပြည်သူကို အကြမ်းဖက်တယ်ဆိုတာမျိုးက လက်ရှိ အပြောင်းအလဲ တခုလုံးကို အယုံအကြည် မရှိ ဖြစ်သွားနိုင်တယ်။ အပြောင်းအလဲကို အေးအေးချမ်းချမ်းပဲ သွားချင်ကြတာပါ။ ဒီအတိုင်းဆို အသွင် ကူးပြောင်းနေတဲ့ ကိစ္စ နောက်ပြန်လည် သွားနိုင်တယ်၊ လူထု တိုက်ပွဲတွေလည်း ဖြစ်သွားနိုင်တယ်” ဟု ကိုရဲထင်က ဆိုသည်။

ယခုကဲ့သို့ ငြိမ်းချမ်းစွာ ဆန္ဒပြသူများကို ရဲတပ်ဖွဲ့က အင်အားသုံး၍ ရိုက်နှက် ဖမ်းဆီးခြင်းမှာ ယနေ့ ပြည်မြို့ဖြစ်ရပ်သည် ပထမဆုံးဖြစ်ကြောင်း သူက ဆက်ပြောသည်။

ယမန်နေ့ ညကလည်း ရန်ကုန်မြို့ မြို့တော်ခန်းမနှင့် ဆူးလေ စေတီအနီးသို့ ဖယောင်းတိုင် မီးများ ထွန်းညှိကာ ငြိမ်းချမ်းစွာ ဆန္ဒပြရန် လုပ်ဆောင်နေစဉ် ဆန္ဒဖော်ထုတ်သူ တဦးဖြစ်သည့် ကိုဟန်ဝင်းအောင်နှင့် ဆန္ဒပြသူများကို ရဲတပ်ဖွဲ့က တားဆီးခဲ့ပြီး ရန်ကုန် အနောက်ပိုင်းခရိုင် ရဲမှူးကြီး မျိုးအောင်၏ လက်မှတ်ဖြင့် သတိပေးစာကို ပေးခဲ့ကြောင်း၊ အခြေအနေ တင်းမာမည်ကို စိုးရိမ်၍ အေးချမ်းစွာ ဆန္ဒဖော်ထုတ်ကာ လူစု ခွဲခဲ့ကြကြောင်း ရန်ကုန်မြို့ခံ ဆန္ဒဖော်ထုတ်သူ တဦးထံမှ သိရသည်။

ရဲမှူးကြီး လက်မှတ်ဖြင့် သတိပေးစာတွင် ယခင် န၀တ စစ်အစိုးရ အမိန့်အမှတ် ၂/ ၈၈ သည် ယခုအချိန် အထိ အသက် ၀င်နေသဖြင့် လူ ၅ ဦးအထက် စုဝေးလျှင် ဖမ်းဆီး အရေးယူနိုင်ကြောင်း ပါရှိသည်။ ထို့အပြင် ဆန္ဒပြခွင့်ကို အခြေခံ ဥပဒေက ပြဌာန်း ထားသော်လည်း လုပ်ထုံးလုပ်နည်း ရေးဆွဲမှု မပြီးစီးသေး၍ ဆန္ဒပြခွင့် မရှိကြောင်း၊ ဆက်လက် ဆန္ဒပြပါက တည်ဆဲ ဥပဒေအရ ဖမ်းဆီး အရေးယူနိုင်ကြောင်း သတိပေးထားသည်။

ယမန်နေ့ညက ရန်ကုန်တိုင်း တောင်ဒဂုံမြို့သစ်တွင်လည်း ဗိုလ်ကြီးဟောင်း နေမျိုးဇင်နှင့် လူ ၁၀၀ ခန့်တို့ ဖယောင်းတိုင် မီးထွန်း၍ လမ်းလျှောက်ခြင်းကို ရဲမှူးများ၊ ခရိုင်မှူးများက ဟန့်တားခဲ့ကြောင်း၊ သို့သော် အေးချမ်းစွာ ပြောဆို၍ လျှပ်စစ်ရုံးရှေ့သို့ သွားကာ လျှပ်စစ် ၀န်ကြီးစကားအရ လျှပ်စစ်မီး ပိုလျှံနေသည်များကို ယခုပြည်သူများ လျှပ်စစ်မီး မလုံလောက်၍ ပြန်ပေးစေလိုသည်ဟု ပြောဆိုပြီး ဆက်လက် ထွက်ခွာ လာခဲ့ကြောင်း၊ လမ်းတွင် ရဲကားများနှင့် ရဲများက လက်နက် အပြည့်အစုံဖြင့် ထပ်မံ တားဆီးခဲ့ကြောင်း ကိုနေမျိုးဇင်က ဧရာဝတီကို ပြောသည်။

“ဒီနေ့ ထူးခြားတာကတော့ တညလုံး မီးပျက်ထားရာက နေ့လယ် ၁၁ နာရီ မိနစ် ၂၀ မှာ မီးလာတယ်။ ပုံမှန်အတိုင်း ပါပဲ။ ခဏလည်းကြာရော မီး အားက ၃၀၀ ကျော်ထိ ဆောင့်တက်တယ်။ လျှပ်စစ်ပစ္စည်းတွေ အကုန်လောင်ကုန် တယ်၊ ပြီးတော့ မီးပြန်ပျက်သွားတယ်” ဟု သူက ဆိုသည်။

သို့အတွက် မနက်ဖြန်ညနေ မေလ ၂၅ ရက်နေ့တွင် ပျက်ဆီးသွားသည့် လျှပ်စစ်ပစ္စည်းများကို မြို့နယ် လျှပ်စစ်ရုံးရှေ့ တွင် စုပုံ၍ ထိုင်ကာ လျှပ်စစ်ဌာန၏ တာဝန်မဲ့ လုပ်ရပ်အတွက် မေးမြန်းသွားမည်ဟု သူက ဆက်ပြောသည်။

ဖယောင်းတိုင်မီးထွန်းညှိ၍ လျှပ်စစ်မီး ရရှိရေး ပထမဆုံး စတင်ခဲ့သည့် မန္တလေးမြို့တွင်လည်း လွန်ခဲ့သည့်ရက်ပိုင်းက ပါဝင်သူ တချို့ကို ခေါ်ယူ စစ်ဆေးပြီးနောက်ပိုင်း ဆီဒိုးနား ဟိုတယ် အနီးနှင့် တိုင်းလျှပ်စစ် ဌာနရုံး၊ ၂၆၊ ၂၇၊ ၂၈ လမ်း တို့တွင် လုံခြုံရေးများ ထူထပ်စွာ ချထားကြောင်း၊ သို့သော် ယမန်နေ့ ညက ဖယောင်းတိုင် မီးများသာမက မီးတုတ်များပါ ကိုင်ဆောင်ပြီး ငြိမ်းချမ်းစွာ ဆက်လက် ဆန္ဒပြမှု လုပ်ခဲ့ပြီး လုံခြုံရေးများ ထူထပ်စွာ ချထားသည့် အတွက် အချိန်ပိုင်းနှင့် လူစုခွဲခဲ့ကြောင်း မြို့ခံတဦးက ဆိုသည်။

မန္တလေးမြို့တွင် ယမန်နေ့က စ၍ ရပ်ကွက်များအတွင်း ကားများဖြင့် လိုက်လံ၍ ၁၅၀ ကီလိုဝပ် မီးစက်ကြီးများဖြင့် အလှည့်ကျ လျှပ်စစ်မီး ဖြန့်ဝေပေးလျှက် ရှိကြောင်း၊ ထမင်းဟင်း ချက်ပြုတ်ခြင်းနှင့် ရေတင် ခြင်းများ အတွက်သာ လုံလောက်ပြီး ၆ နာရီကြာ လျှပ်စစ်မီး ရရှိကြောင်း စီးပွားရေး လုပ်ငန်းများ အတွက်မှု မည်သို့မျှ မလုံလောက်ကြောင်း ကြားသိရသည်။

မုံရွာ၊ ပဲခူး စသည့်မြို့များတွင်လည်း လျှပ်စစ်မီး ၂၄ နာရီ ရရှိရေး ဆန္ဒဖော်ထုတ်မှုများ လုပ်မည်ကို အာဏာပိုင်များ ဘက်က စိုးရိမ်ပြီး လက်နက် အပြည့်အစုံဖြင့် လုံခြုံရေး ထူထပ်စွာချထားကြောင်း ဒေသခံများက ပြောသည်။

လျှပ်စစ်မီး လုံလောက်စွာ မရရှိသည့်အတွက် ဆန္ဒဖော်ထုတ်မှုများ လုပ်ဆောင်နေသည်ကို အင်တာနက် လူမှုကွန်ရက် များတွင်လည်း အကျယ်တ၀င့် ရေးသားဖော်ပြနေကြသည်ကို တွေ့ရသည်။

အများပြည်သူ လျှပ်စစ်မီးရရှိရေးအတွက် အမှတ် ၂ လျှပ်စစ် ၀န်ကြီးဌာနက ရန်ကုန်မြို့တွင် မီးစက် စုစုပေါင်း ၁၁ လုံးဖြင့် လျှပ်စစ်ဓာတ်အား ၃၈၉၅ ကေဗီအေ ကိုလည်းကောင်း၊ မန္တလေးမြ်ို့တွင် မီးစက် အလုံး ၂၀ ဖြင့် ၆၃၁၅ ကေဗီအေကို လည်းကောင်း၊ ပြည်မြို့တွင် မီးစက် ၅ လုံးဖြင့် ၇၃၅ ကေဗီအေကို လည်းကောင်း တိုးမြှင့် ဖြန့်ချိ ပေးနေကြောင်း၊ နောက်ထပ်လည်း အမေရိကန်၊ စင်ကာပူ စသည့် နိုင်ငံတုိ့မှ မီးစက်များ မှာယူထားရာ တပတ်အတွင်း ရောက်မည်ဖြစ်ကြောင်း ယနေ့ထုတ် နိုင်ငံပိုင် သတင်းစာများတွင် ဖော်ပြထားသည်။

Ref: ဧရာဝတီ

Read More...

စက်ရုံအလုပ်သမားပြဿနာ မပြေလည်သေး

ကိုကျော်ကျော်သိန်း
ကြာသပတေး, 24 မေ 2012

လှိုင်သာယာစက်မှုဇုံက ဆက်တိုက်ဆန္ဒပြနေတဲ့ အလုပ်သမားတွေ အနေနဲ့ တောင်းဆိုချက်တွေ မရသေးသလို နောက်ထပ် ဆန္ဒပြ အလုပ် သမားတွေလည်း တိုးလာနေပါတယ်။ အလုပ်သမားရေးရုံးက ကြားဝင် စေ့စပ်ပြီး ညှိနှိုင်းတာတချို့ ရှိခဲ့ပေမဲ့လည်း နှစ်ဘက်စလုံးက မလိုက်လျောနိုင်ကြသေးပါဘူး။ တချို့စက်ရုံတွေမှာတော့ ညှိနှိုင်းတာတွေ ဆက်လုပ်နေကြဆဲပါ။ အလုပ်သမားတွေရဲ့ ဆန္ဒပြပွဲ ဒီကနေ့ နောက်ဆုံး အခြေအနေတွေကို ဘန်ကောက်ကနေ စုံစမ်း မေးမြန်းထားတဲု ကိုကျော်ကျော်သိန်းက သတင်းပေးပို့ထားပါတယ်။

လွန်ခဲ့တဲ့ ဆယ်ရက်ကျော်ကတည်းကစပြီး ဆန္ဒပြခဲ့ကြတဲ့ စက်ရုံတွေအပါအ၀င် ပြီးခဲ့တဲ့ ရက်ပိုင်းတွေက ဆန္ဒပြခဲ့တဲ့ စက်ရုံ ၆ ရုံစလုံးမှာ ဒီကနေ့ အချိန်ထိ အလုပ်သမားတွေရဲ့ တောင်းဆိုချက်တွေ မရသေးပါဘူး။ အဲဒီကြားထဲမှာပဲ နောက်ထပ် ဆန္ဒပြ အလုပ်သမားတွေလည်း တိုးလာနေဆဲပါ။ ဗွီအိုအေက စုံစမ်း သိရှိရသလောက် လှိုင်သာယာ စက်မှုဇုံတွေမှာ ထပ်တိုးလာတဲ့ ဆန္ဒပြစက်ရုံက အနည်းဆုံး နှစ်ရုံရှိပါတယ်။ အဲဒီထဲမှာ တခုကတော့ မစ်စ်စတိုင် (Miss Style) ဆိုတဲ့ ဖိနပ်စက်ရုံဖြစ်ပါတယ်။ အဲဒီက ဆန္ဒပြ အလုပ်သမားတဦး ပြောပြတာက -

"ကျနော်တို့က တောင်းဆိုတာ ၁၄ ချက် ရှိတယ်။ ၁၄ ချက်မှာ ကျန်တဲ့ အချက်တွေက အဆင်ပြေပြီ။ ပိုက်ဆံမှာ အဆင်မပြေဘူး ဖြစ်နေတယ်။ ပိုက်ဆံ လစာတိုးဖို့မှာ အဆင်မပြေဘူး ဖြစ်နေတယ်။ ကျနော်တို့က လစာကို သုံးသောင်းအထိ တောင်းပါတယ်။ အခြေခံ လစာကြေးပဲ။ စက်ရုံဖက်က တပတ်လုံး အိုတီဆင်းမှ ၈,၁၀၀ ပဲ တိုးပေးသေးပါတယ်။ အခု ကျနော်တို့ကတော့ လောလောဆယ် ကတော့ ဒီမှာပဲ ခေါင်းဆောင်တွေနဲ့ ညှိပြီးတော့၊ ဒိပြင် စက်ရုံတွေနဲ့ ညှိနေတယ်ပေါ့နော်။ ဘာမှတော့ မလုပ်သေးဘူး။ ဒီမှာ အေးအေးဆေးဆေး ငြိမ်းချမ်းစွာနဲ့ပဲ ဆန္ဒပြနေတယ်။ ကျနော်တို့ရဲ့ တောင်းဆိုချက်ကို ရတဲ့အထိ ကျနော်တို့ ကတော့ တောင်းဆိုသွားမှာပဲ။"

စက်မှုဇုံ ၅ က ငွေကံ့ကော် အထည်ချုပ် စက်ရုံမှာလည်း အလုပ်သမား ၅၀၀ ကျော် စက်ရုံအပြင် ထွက်ပြီး ဆန္ဒပြခဲ့ကြပေမဲ့ နောက်ပိုင်းမှာ အခြေအနေက ပြောင်းလဲ သွားခဲ့ပြီး စက်ရုံဝင်း ထဲမှာပဲ ဆက်ပြီး ဆန္ဒပြနေကြတယ်လို့ အဲဒီကိုရောက်သွားတဲ့ ၈၈ မျိုးဆက်ကျောင်းသားများ အဖွဲ့က မသက်သက်အောင်က ပြောပြပါတယ်။

"မနက်ပိုင်းမှာ ဖြစ်သွားတာ။ ရဲတွေအများကြီး ရောက်လာတာဖြစ်တဲ့အတွက် ကလေးတွေက ကြောက်လန့်ပြီးတော့ စက်ရုံ အတွင်းထဲ ပြန်ဝင်သွားတာ။ ကျမလာတဲ့ အချိန်မှာတော့ မတွေ့ဘူး တယောက်မှ။ အဓိကကလေ စက်ရုံမှူးက မလိမ့်တပတ်နဲ့ ပြန်ခေါ်သွားတာ။ အပြင်မှာနေပူတယ်၊ အထဲဝင်ပါပေါ့နော်။ နောက်ပြီးတော့ အဲဒီမှာ ရဲတွေရှိနေတာ ဖြစ်တဲ့ အတွက်လည်း ကလေးတွေက အဲဒီမှာ ကြောက်လန့်ပြီး ပြန်ဝင်သွားကြတာ။ ဒါပေမယ့် အလုပ်တော့ မလုပ်ကြဘူး၊ စက်ရုံဝင်းရဲ့ စက်ရုံထဲမဟုတ်တဲ့ အပြင်မှာ။"

ဆန္ဒပြလာတာ ၁၁ ရက်ကြာလာပြီဖြစ်တဲ့ စံပယ်ပွင့် စက်ရုံဘက်မှာတော့ အလုပ်ရှင်နဲ့ အလုပ်သမား ကိုယ်စားလှယ်တွေ အကြား အလုပ်သမားရေး ရုံးက တာဝန်ရှိသူ တချို့ ကြားခံပြီး ဆွေးနွေးခဲ့ကြပေမဲ့ ပြေလည်မှု မရသေးပါဘူး။

"အလုပ်သမားရုံးက ဦးခင်မောင်ကောင်းဆိုတာ ပါပါတယ်၊ သူနဲ့အတူ နောက်တယောက်လည်း ပါပါတယ်။ သူတို့လာပါတယ် ညီမတို့ဆီကို။ ညီမတို့ ဖုန်းဆက်လိုက်လို့ သူ့အထက်ကနေ ညွှန်ချုပ်က လွှတ်လိုက်လို့တဲ့၊ ဆင်းလာ တာပါတဲ့။ သူတို့ညှိပေးတာလည်း ဒီအတိုင်းပဲ။ ညီမတို့ ဒီနေ့ဆို ၁၁ ရက် ရှိသွားပြီ။ ဘယ်သူတွေ ဘယ်လိုပဲလာလာ၊ ဘယ်လိုပဲ ညှိညှိ သူဌေးမက ညီမတို့ကို တသောင်းခွဲ တိုးပေးထားတယ်၊ အဲဒါပါပဲ။ အဲဒီထက် ဘာမှ အခွင့်အရေး မရပါဘူး။ ညီမတို့ဖက်ကလည်း ညီမတို့ လိုချင်တာကို တောင်းဆိုပါတယ်။ သူတို့က ဒီမှာပြောထားတာ အခြေခံလစာက ၅၆,၈၀၀ ပေါ့။ အဲဒါကို အခြေခံအဖြစ် ဆိုပြီးတော့ ညီမတို့ကို သတ်မှတ် ထားတယ်။ ဒါပေမယ့် အဲဒီအထဲမှာ ညီမတို့ကို ချုပ်ပေးမယ့် အထည်ကြေးက ၃၂,၀၀၀ ကျော် ပါပါတယ်။ ၃၂,၀၀၀ က သူတို့ပေးထားတဲ့ သူတို့ပေးထားတဲ့ ရာခိုင်နှုန်း ၄,၈၀၀ ကိုပါ ရောပေါင်းထားတယ်။ အဲဒါကို သူတို့က ၅၆,၈၀၀ ကို အခြေခံလို့ သတ်မှတ်ပြီးတော့ လူကြီးတွေကို ပြောပါတယ်။"

စံပယ်ပွင့်စက်ရုံ ဆန္ဒပြအလုပ်သမားတွေရဲ့ ကိုယ်စားလှယ်တဦးပါ။

အလုပ်သမားတွေ အနေနဲ့ ဒီကနေ့မှာ အချိန်မရွေး အလုပ်ပြန်ဝင်လာနိုင်ပြီး မနက်ဖြန် ဆိုရင်တော့ အလုပ်သမားတွေက မိမိသဘော ဆန္ဒ အလျောက် အလုပ်ကနေ ထွက်သွားပြီလို့ သတ်မှတ်မယ်ဆိုပြီး ညှိနှိုင်းကြချိန်မှာ အလုပ်ရှင် ဘက်က ပြောခဲ့ပါတယ်။ အလုပ်သမားရေးရာရုံး တာဝန်ရှိသူတွေ ကတောင်မှ အဲဒီစကားဟာ သူတို့နဲ့ မဆိုင်ဘူးဆိုပြီး ပြောကြပါတယ်။ တချိန်ထဲမှာပဲ စက်ရုံက အလုပ်သမား အသစ်ခေါ်တဲ့ ကြေညာချက်ကို ကပ်ထားတယ်လို့ အလုပ်သမားတွေကပြောပါတယ်။

ဆန္ဒပြအလုပ်သမားတွေ ကြားထဲမှာတော့ ရက်ကြာလာတာနဲ့အမျှ မိသားစု စားဝတ်နေရေး အခက်တွေ့လာကြတဲ့ အတွက် အတန်ငယ် စိတ်ပျက် အားလျော့တဲ့ လက္ခဏာမျိုးတွေ တွေ့လာနေရပြီ လို့လည်း အလုပ်သမား ကိုယ်စားလှယ်က ပြောပါတယ်။

ကိုရီးယားလူမျိုးပိုင် Hi-mo High Art ဆံပင်တု စက်ရုံမှာလည်း မနေ့ကတည်းက နှစ်ဘက် ညှိနှိုင်းနေကြပြီး ဒီကနေ့မှာလည်း ဆက်ပြီး ညှိနှိုင်းဆဲပါ။

မေလ ၂၃ ရက် ဗုဒ္ဓဟူးနေ့မှာ စက်ရုံပိုင်ရှင် တိုင်ဝမ် တရုတ်အမျိုးသားက အလုပ်သမလေးတွေကို ကားပေါ်မှာ ရိုက်နှက်တာတွေ ဖြစ်ခဲ့တယ် ဆိုတဲ့ တိုးမြတ်အောင် စက်ရုံမှာတော့ ဒီကနေ့မနက်ပိုင်းမှာ အဲဒီပိုင်ရှင်ကို ရဲက လာခေါ်သွားပြီလို့ စက်ရုံ အုပ်ချုပ်ရေးပိုင်းက ပြောပေမဲ့ အလုပ်သမားတွေက ကိုယ်တိုင် မမြင်လိုက်ရတဲ့ အတွက် မယုံကြပါဘူး။

"အခု မေးကြည့်တာကတော့ပေါ့နော်၊ သူတို့ မနေ့က ရဲစခန်းကနေပြီးတော့ မနက် ၈ နာရီမှာ ၀ရမ်းနဲ့ လာဖမ်းမယ် ဆိုတဲ့ ကိစ္စကို ဒီကနေ့ ဘာမှ မထူးဘူး။ ဒါပေမယ့် သူတို့ စကားပြန်တွေ လာပြောပုံအရ ဆိုရင်တော့ ဒီလူကို ဖမ်းသွားပြီလို့ ကြားတယ်။ ဒါပေမယ့် မမြင်ရဘူး၊ လုံးဝ မမြင်ရဘူး။ ပြောပုံအရ ဆိုရင်တော့ လာခေါ်သွားတယ်လို့ ကြားတယ်တဲ့။ ဒါပေမယ့် မမြင်ရတာ ဖြစ်တဲ့အတွက် သူတို့ကတော့ ဒါကို မယုံကြည်ဘူးတဲ့။"

တိုးမြတ်အောင်စက်ရုံက အခြေအနေကို မသက်သက်အောင် ပြောပြသွားတာပါ။

အရိုက်ခံရတဲ့အလုပ်သမလေးတွေ အမှုဖွင့်တာကို စခန်းမှူးက နည်းလမ်းနှစ်ခု ရွေးခိုင်းထားတာ ဘယ်အခြေအနေ ရောက်သွားပြီ ဆိုတာကိုလည်း အတိအကျ မသိရသေးပါဘူး။ တရားစွဲတဲ့ နည်းလမ်းနဲ့ လျော်ကြေး ယူတဲ့ နည်းလမ်းမှာ လျော်ကြေးယူရင် ပိုက်ဆံတွေ အများကြီး ရမှာဆိုပြီး အလုပ်သမလေးတွေကို ရဲစခန်းမှူးက မနေ့ကပြောထားတာပါ။

အလုပ်သမားဆန္ဒပြပွဲတွေ ဆက်ပြီးပဲ ကြီးထွားလာမလား၊ ရက်ကြာလာတာနဲ့ အမျှ စိတ်ပျက် အားလျော့သူတွေ ပိုများလာပြီး မအောင်မမြင်နဲ့ အဆုံးသတ် သွားမှာလား ဆိုတာကတော့ ကာယကံရှင် အလုပ်သမားတွေပေါ်မှာပဲ အဓိက မူတည်နေကြောင်းပါ။

Ref: VOA News

Read More...

လျှပ်စစ်မီးရရှိရေး ဆန္ဒပြသူတချို့ကို ဖမ်းဆီး

ကိုကျော်ကျော်သိန်း
ကြာသပတေး, 24 မေ 2012

ဒီကနေ့မနက်ပိုင်းက ပြည်မြိ့မှာ လျှပ်စစ်မီးရရှိရေး ဆန္ဒပြတောင်းဆိုသူတွေကို အဓိကရုဏ်း နှိမ်နင်းရေး ရဲတပ်ဖွဲ့က အတင်းဝင်ရောက် ရိုက်နှက်ပြီးတော့ တချို့ကို ဖမ်းဆီး သွားခဲ့ပါတယ်။ အဲဒီ လူတွေကို နေ့လည်ပိုင်းမှာမှ အာမခံနဲ့ ပြန်လွှတ်ပေးခဲ့ ပါတယ်။ မန္တလေးမြို့မှာတော့ မီးပေးတဲ့အချိန် ပုံမှန်လို ပြန်ဖြစ်လာနေပြီလို့ မြို့ခံတဦးကပြောပါတယ်။ ဒါပေမဲ့လည်း ရန်ကုန်မှာ တော့ ပုံမှန်မီးမရသေးဘဲ ပြီးခဲ့တဲ့ရက်ပိုင်းက ဆန္ဒပြပွဲကို ဦးဆောင်စီစဉ်သူတချို့ စစ်ဆေး မေးမြန်းခံရမှာကို စိုးရိမ်ပြီး တိမ်းရှောင် နေကြပါတယ်။ ဒီအခြေအနေတွေ အားလုံးကို ဘန်ကောက်ကနေ ဆက်သွယ် မေးမြန်းထားတဲ့ ကိုကျော်ကျော်သိန်းက သတင်း ပေးပို့ထားပါတယ်။

ပြည်မြို့မှာ ဒီကနေ့မနက်ပိုင်းက သုံးရက်မြောက်ဆန္ဒပြခဲ့တာကို အဓိကရုဏ်း နှိမ်နင်းရေးရဲတွေက ကြိုတင် ပြင်ဆင် စီစဉ်ပြီး တော့ကို အတင်း ၀င်ရောက် ရိုက်နှက်ပြီး ဖမ်းဆီးတာတွေ လုပ်ခဲ့တာပါ။ အမျိုးသား ၅ ဦးနဲ့ အမျိုးသမီး တဦး စုစုပေါင်း ၆ ဦးကို ဖမ်းဆီးခေါ်ဆောင်ပြီး ပြည်ထောင်ထဲမှာ ချုပ်ထားခဲ့ပါတယ်။ ဆန္ဒပြသူတွေက ထောင်ရှေ့ကို လိုက်သွားကြပြီး စုဝေး စောင့်ဆိုင်း နေခဲ့ကြတာ လူ ၂,၀၀၀ လောက်ထိ ရှိခဲ့တယ်လို့ အဲဒီမှာ ရှိနေသူတဦးက ဗွီအိုအေကို ပြောပြခဲ့ပါတယ်။ နေ့လည် ၂ နာရီကျော် မှာတော့ အဲဒီလူ ၆ ယောက်ကို အာမခံနဲ့ပြန်လွှတ်ပေးခဲ့တာပါ။ ပြန်လွတ်လာသူ တဦးဖြစ်တဲ့ ကိုကျော်ဆွေက -

"လွှတ်တော်ကိုယ်စားလှယ် ၅ ဦးကနေပြီးတော့ ကျနော်တို့ကို အာမခံလိုက်တယ်ပေါ့။ ခံဝန်လုပ်ပေးတော့ ကျနော်တို့ကို ပြန်လွှတ်ပေးလိုက်တယ်။ ဆန္ဒပြမှုကို သူတို့က ခွင့်မပြုပဲနဲ့ ပြတယ်၊ အဲဒီအတွက် ဒီဥစ္စာကို သူတို့က အပြစ်ရှိတယ်၊ ပုဒ်မ (၁၈) အရ အရေးယူပါ့မယ်ဆိုပြီးတော့ ကျနော်တို့ကို အမှုဖွင့်တာပေါ့။ အမှုမပေးသေးတဲ့ သဘောပါပဲ။ တရားရုံးက တရားစွဲမယ် ထင်ပါတယ်။ ကျနော်တို့က အဲဒါကို မသိသေးပါဘူး။ တရားစွဲလည်း ကျနော်တို့က အများအတွက် လုပ်တဲ့အတွက် တရားစွဲတာ ကျနော်တို့ ခံမှာပါပဲ။"

အတင်း ၀င်ပြီး ရိုက်နှက်တာကို အပြင်းထန်ဆုံး ခံခဲ့ရသူကတော့ ကိုဝင်းနိုင် ဆိုသူပါ။ သူ အရိုက် ခံရပုံနဲ့ နောက်ပိုင်း ဖြစ်ရပ်တွေကို သူက အခုလို အသေးစိတ် ပြန်ပြောပြပါတယ်။

"ကျနော့် ကျောကုန်းကို ၂ ချက်၊ ခါးကို ၁ ချက်၊ နောက်ပြီး ဘေးတစောင်းကို ၁ ချက်၊ နောက် ခေါင်းကို ၁ ချက်ရိုက်တဲ့အချိန်မှာ ကျနော် လက်ကို ကာလိုက်တယ်။ အဲ . . ဗိုက်ကို စောင့်ကန်တော့ရင်ဗျာ၊ ကျနော့်ကို ကတ္တရာနဲ့ ခေါင်းနဲ့ ကျမှာစိုးလို့ ရဲတွေက အင်္ကျီကိုပိတ်ပြီးတော့ အားရပါးရ ပိတ်စွဲထဲ့လိုက်တာ ကျနော် ကြယ်သီး ပြုတ်သွားတယ်။ အင်္ကျီကလည်း ပြဲသွားတယ်။ ကျနော့်ကိုဗျာ အဲဒီလို သူတို့က ၀ိုင်းချုပ်တယ်၊ ပြီးလည်ပြီးရော ခြေထောက်က လူ ၄ ယောက်စွဲတယ်၊ လက်က ၄ ယောက် စွဲပြီးတော့ရင် ကျနော့်ကို အချုပ်ကားပေါ်ကိုဗျာ၊ ခွေးကိုတင်နည်း ပစ်တင်လိုက်တာ ဗုံးဆိုပဲ။ အဲဒီမှာ ကျနော်က ခေါင်းနဲ့ အချုပ်ကားနံရံနဲ့ ကျတယ်။ ဒါပေမယ့် ကျနော့် လွယ်အိတ်ခံနေတော့ ခေါင်းက နဲနဲပဲ ထူပူသွားယုံပဲ ရှိတာ။ အဲဒါပြီးတော့ ကျနော်တို့ကို မြို့ထဲပတ်ပြီးတော့ အချုပ်ကားကြီးနဲ့ ခေါ်သွားတယ်ဗျ။ ကျနော်တို့ ၆ ယောက်ပေါ့။ ထောင်ထဲ တန်းထဲ့တယ်ဗျ၊ ထောင်ထဲကို။ ထောင်ထဲကျတော့ ကျနော်တို့က ထောင်ပိုင်ကြီးရုံးခန်းအောက်မှာ နေရတယ်။"

ပြည်မြို့ဘက်မှာ အဲဒီလို အကြမ်းဖက် နှိမ်နင်းတာတွေရှိခဲ့တာကြောင့် ရန်ကုန်မြို့က ပြီးခဲ့တဲ့ရက်ပိုင်း ဆန္ဒပြပွဲတွေကို စီစဉ်ခဲ့သူ တွေကြားမှာ စိုးရိမ်မှုတွေဖြစ်လာပြီး တချို့ဆိုရင် အာဏာပိုင်တွေ ခေါ်ယူစစ်ဆေးမှာကို မလိုလားတဲ့အတွက် တိမ်းရှောင် နေကြပါတယ်။ အကြမ်းဖက် နှိမ်နင်းတဲ့ လုပ်ရပ်မျိုးတွေ တခြားနေရာတွေမှာပါ ဖြစ်လာမှာကို စိုးရိမ်မိတယ်လို့ ရန်ကုန်မြို့က ဆန္ဒပြပွဲတွေမှာ ပါဝင်ခဲ့သူ ကိုညီထွေးလေးက ဗွီအိုအေကို ပြောပါတယ်။

"အခု ပြည်မှာဖြစ်သွားတဲ့ကိစ္စဆိုရင် ဒါဟာ ခနတဖြုတ် ထိန်းတယ်ဆိုတာ ဒါဟာ အခုလောလောဆယ်မှာ ရှိသင့် ရှိထိုက်တဲ့ဟာလို့ ပြောနိုင်ပေမယ့် ဒီလူတွေကို ထပ်မံပြီး တစုံတရာ ဒုက္ခ မပေးစေချင်ဘူး၊ ဒါဟာ လူထုတွေ လိုအပ်ချက်ကို တောင်းဆိုနေကြတာ။ ပြီးတော့ ကိုယ်ထိလက်ရောက် သူတို့ အရင်တုန်းကအတိုင်း နှိမ်နင်းခဲ့တာကို ကျနော်တို့ မကြိုက်ဘူးဗျ။ ဒီလိုဟာတွေက ပြည်မှာ စဖြစ်ပြီး ဒိပြင်နေရာတွေမှာလည်း ဖြစ်လာနိုင်တယ်လေ။ အဲဒါကြောင့်မို့ ကျနော်တို့ စိုးရိမ်မှုတော့ ရှိပါတယ်ဗျ။"

နှစ်ရက်ဆက်တိုက် ဆန္ဒပြပွဲဖြစ်ခဲ့ပြီးတဲ့နောက် တတိယမြောက်ရက်မှာ လူ ၁၅ ယောက်ထက်မနည်းကို ရဲအထူး သတင်းတပ်ဖွဲ့က ခေါ်ယူ မေးမြန်းတာတွေ ဖြစ်ခဲ့တဲ့ မန္တလေးမြို့မှာတော့ ဆန္ဒပြပွဲကြီးတွေ ထပ်မဖြစ်တော့ဘဲ ဒီကနေ့မနက်ပိုင်းမှာ အသေးလေးတခု ပဲရှိခဲ့ပါတယ်။ အဲဒီအခြေအနေကို သိထားတဲ့ ပြီးခဲ့တဲ့ ဆန္ဒပြပွဲတွေမှာ ပါဝင်ခဲ့သူ ဒေါ်အမာနီက -

Ref: VOA News

Read More...

ဆွေးနွေးပြီး ရက်ပိုင်းအတွင်း ဖြစ်သည့်တိုက်ပွဲကိစ္စ SSA-S ဦးအောင်မင်းထံ စာပို့


ကွန်းချမ်း
ကြာသပတေးနေ့၊ မေလ ၂၄ ရက် ၂၀၁၂

စံခလပူရီ (မဇ္ဈိမ) ။ ။ မေလ ၁၉ ရက်နေ့တွင် အစိုးရနှင့် ဒုတိယအကြိမ် ပြည်ထောင်စု အဆင့် ငြိမ်းချမ်းရေး ဆွေးနွေးပြီး ရက်ပိုင်းအတွင်း တိုက်ပွဲဖြစ်ပွားခြင်းနှင့် ပတ်သက်၍ ဖြေရှင်းချက်ပေးရန် ရှမ်းပြည် တပ်မတော် တောင်ပိုင်း (SSA-S) ဟု ထင်ရှားသည့် ရှမ်းပြည် ပြန်လည် ထူထောင်ရေး ကောင်စီ (RCSS-SSA) က ကြာသပတေးနေ့တွင် ရထား ပို့ဆောင်ရေး ဝန်ကြီး ဦးအောင်မင်းထံ စာရေးသား ပေးပို့ခဲ့သည်။

ကြာသပတေးနေ့က ပေးပို့လိုက်သည့် စာတွင် တိုက်ပွဲ ဖြစ်စဉ်များကို ရှင်းပြထားပြီး ယခုဖြစ်ရပ် ကဲ့သို့ နောက်နောင် ဆက်လက် မဖြစ်ပေါ်ရန် တောင်းဆို ထားသည်ဟု SSA-S ပြောခွင့်ရ စိုင်းဆိုင်မိန်းက ပြောသည်။

“အပြန်အလှန် ယုံကြည်မှု တည်ဆောက်တဲ့အချိန်မှာ အောက်ခြေက မလိုလားအပ်တဲ့ ပြဿနာတွေ ဖြစ်နေတာနဲ့ ရည်မှန်း ထားတဲ့ ငြိမ်းချမ်းရေး ဖော်ဆောင်ဖို့ အတွက် အခက်အခဲတွေ ကြုံရတယ်” ဟု မဇ္ဈိမကို ပြောသည်။

ဗုဒ္ဓဟူးနေ့ နေ့လည်ပိုင်းတွင် ရှမ်းပြည်နယ် အရှေ့ပိုင်း မိုင်းတုံမြို့ အခြေစိုက် ခလရ ၆၅ တပ်ဖွဲ့ဝင်များ SSA-S တပ်တည်ဧရိယာ ဖြစ်သည့် မိုင်းတုံမြို့နယ် ပုံပါကျင်မြို့နယ်ခွဲ အတွင်းရှိ လွယ်ကောင်းမူးသို့ ဝင်ရောက်လာခြင်း
ကြောင့် နှစ်ဖက် တိုက်ပွဲ ဖြစ်ပွားခဲ့ကြောင်း စိုင်းဆိုင်မိန်းက ပြောသည်။

တိုက်ပွဲကြောင့် ထိခိုက်ဒဏ်ရာ ရရှိခြင်း မရှိသော်လည်း ထိုတိုက်ပွဲသည် ပြည်ထောင်စု အဆင့်နှင့် ငြိမ်းချမ်းရေး သဘောတူချက် လက်မှတ်ရေးထိုးပြီး နောက်ပိုင်းတွင် ပထမဆုံး အကြိမ် ဖြစ်ပွားသည့် တိုက်ပွဲ ဖြစ်သည်။ ၎င်းပြင် ပြည်နယ် အဆင့်နှင့် အပစ်အခတ် ရပ်စဲရေး သဘောတူစာချုပ် လက်မှတ် ရေးထိုးခဲ့သည့် ၂ဝ၁၁ ခုနှစ် ဒီဇင်္ဘာမှ စ၍လည်း ၁၇ ကြိမ်ထက်မနည်း တိုက်ပွဲ ဖြစ်ပွားခဲ့သေးသည်။

ပြည်ထောင်စုအဆင့်နှင့် ဆွေးနွေးစဉ်က အပစ်အခတ် ရပ်စဲပြီးနောက်ပိုင်းတွင် တိုက်ပွဲများ ဆက်လက် ဖြစ်ပွား ခဲ့သည့်ကိစ္စကို SSA-S က တင်ပြခဲ့ကြောင်း၊ အစိုးရ ကိုယ်စားလှယ်များ ဘက်ကလည်း နောက်နောင် တိုက်ပွဲများ မဖြစ်ပွားအောင် ကတိပေးခဲ့ကြောင်း ဆွေးနွေးပွဲသို့ တက်ရောက်ခဲ့သူလည်း ဖြစ်သည့် ဒုဗိုလ်မှူးကြီး စိုင်းဆိုင်မိန်း က ပြောသည်။

“ဒုတိယ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်း ကိုယ်တိုင်ကလည်း ဒီအချိန်က စပြီး ကျည်ဆံ တတောင့်မှ မပေါက်စေရဘူး။ ဝန်ကြီး ဦးအောင်မင်း ကလည်း ဒီလိုပဲ ကတိကဝတ်တွေ ပြုခဲ့တယ်ပေါ့နော်။ ဒါပေမယ့် အထက်က လက်နဲ့ လုပ်ခဲ့တာတွေကို အောက်က ခြေနဲ့ ဖျက်နေသလို ကျနော်တို့ ခံစားရတယ်” ဟု သူက ပြောသည်။

SSA-S သည် သမ္မတကြီး၏ စစ်မှန်သည့် ငြိမ်းချမ်းရေးအပေါ်ထားရှိသည့် စေတနာကို ယုံကြည်သော်လည်း အစိုးရ စစ်တပ်ပိုင်းမှ မိမိတို့၏ ငြိမ်းချမ်းရေး ဖော်ဆောင်သည့် လုပ်ရပ်ကို ဖျက်လိုဖျက်ဆီး လုပ်ဆောင်နေခြင်း ဖြစ်ကြောင်း သူက စွပ်စွဲသည်။

ယခုဖြစ်ရပ်ကို ဒေသတွင်းရှိ ၎င်းတို့၏ မိုင်းဆတ် ဆက်ဆံရေးရုံးမှ တဆင့် သက်ဆိုင်ရာ အစိုးရ စစ်ဘက် အရာရှိများနှင့် ဆွေးနွေး ဖြေရှင်းသွားမည်ဟုလည်း သူက ပြောသည်။

အစိုးရနှင့် အပစ်အခတ် ရပ်စဲရေး သဘောတူချက်အရ မိုင်းဆတ်နှင့် အခြားမြို့နယ် များတွင် ဆက်ဆံရေးရုံ ၅ ရုံးနှင့် စီးပွားရေးရုံး ၁ ရုံးကို ဖေဖော်ဝါရီလအတွင်းတွင် SSA-S က ဖွင့်လှစ်နိုင်ခဲ့သည်။

မေလ ၁၉ ရက်နေ့က ကျိုင်းတုံမြို့တွင် ဒုတိယအကြိမ် ပြည်ထောင်စုအဆင့် ငြိမ်းချမ်းရေး ဆွေးနွေးစဉ်က မူးယစ်ဆေးဝါး ပူးတွဲနှိမ်နင်းရေး၊ ငြိမ်းချမ်းရေး ကြီးကြပ် စောင့်ရှောက်ရေးအဖွဲ့ ဖွဲ့စည်းရေး၊ စီးပွားရေး လုပ်ငန်းများ
ဖေါ်ဆောင်ရေးနှင့် အကျဉ်းကျနေသော RCSS-SSA အဖွဲ့ဝင်များကိစ္စ စသည်တို့ ပါဝင်သည့် အချက် ၁၂ ချက်ပါ သဘောတူညီချက်ကို နှစ်ဖက် လက်မှတ်ရေးထိုးနိုင်ခဲ့ကြသည်။

Ref: မဇ္ဈိမ

Read More...

ပြည်သူတွေ လျှပ်စစ်ခြွေတာဖို့ သမ္မတ အကြံပေး တိုက်တွန်း

သင်းသီရိ
ကြာသပတေး, 24 မေ 2012

မြန်မာနိုင်ငံမှာ အိမ်တွေ ဖယောင်းတိုင်ထွန်းပြီး လျှပ်စစ်မီး ပိတ်ထားရင် ပြဿနာ အဆင်ပြေသွားမယ်လို့ နိုင်ငံတော် သမ္မတ အကြံပေး တဦးက ပြောပါတယ်။ အခုရက်ပိုင်းတွေ ထဲမှာ မြန်မာနိုင်ငံမှာ အလုပ်သမား လစာ တိုးရေးနဲ့ လျပ်စစ်မီး အချိန် အပြည့်အ၀ ရရှိရေးတွေ အတွက် ဆန္ဒပြ တောင်းဆိုတာတွေနဲ့ ပတ်သက်တဲ့ သတင်းထောက်တွေရဲ့ မေးခွန်းထဲ အခုလို ဖြေခဲ့တာဖြစ်ပြီး ဆန္ဒပြတာတွေ မလုပ်ပဲ သက်ဆိုင်ရာ အဖွဲ့အစည်းတွေနဲ့ အချင်းချင်း ပြေလည်အောင် ညှိနှိုင်းတာဟာ အကောင်းဆုံးပဲလို့ သမ္မတ အကြံပေး ဦးကိုကိုလှိုင်က ပြောခဲ့ပါတယ်။ ရန်ကုန်က သမ္မတ အကြံပေးရုံးမှာ ဒီကနေ့ လုပ်ခဲ့တဲ့ သတင်းစာရှင်းလင်းပွဲ အကြောင်းကိုတော့ မသင်းသီရိက တင်ပြပေးထားပါတယ်။

မေလ ၂၄ ရက် ကြာသာပတေးနေ့က ရန်ကုန်မှာရှိတဲ့ သမ္မတအကြံပေးရုံးမှာ နိုင်ငံတော်သမ္မတရုံးရဲ့ ညွှန်ကြားချက်အရ ဆိုပြီး ဦးကိုကိုလှိုင်နဲ့အတူ နောက်ထပ် သမ္မတ အကြံပေးအဖွဲ့ဝင် တချို့နဲ့ သတင်းစာရှင်းလင်းပွဲ တခု လုပ်ခဲ့တာပါ။

အဲဒီမှာ လတ်တလော မြန်မာနိုင်ငံတ၀ှမ်း လျပ်စစ်မီး အချိန်ပြည့်ရရေး ဆန္ဒဖော်ထုတ် ပွဲတွေ ဖြစ်နေတာမို့ နိုင်ငံတော် အနေနဲ့ ဒီပြဿနာကို ဘယ်လို ဖြေရှင်းပေးဖို့ စီစဉ်ထားပါသလဲ ဆိုတဲ့ သတင်းထောက်တွေရဲ့ အမေးကို ဦးကိုကိုလှိုင်ကတော့ လျပ်စစ်မီးတွေပိတ်ကာ ဖယောင်းတိုင် ထွန်းပြီး လျပ်စစ်မီးခြွေတာရင် ပြဿနာ အားလုံး ပြေလည် သွားမယ်လို့ အခုလိုဖြေခဲ့ပါတယ်။

"တချို့နေရာတွေကျတော့ အခက်အခဲ ရှိတာတွေ ရှိတယ်။ ဥပမာဆိုပါတော့ - အခု လျှပ်စစ်မီး ကိစ္စပဲ ဆိုပါစို့။ ကျနော် ဥပမာလေး တခု ပြောပြမယ်။ ဂျပန်မှာ နြူကလီးယား Facility တွေ ပျက်သွားတယ်။ အဲဒါနဲ့ ကြောက်လန့်ပြီးတော့ နြူကလီးယား Plant တွေ အကုန်လုံး ပိတ်လိုက်ရတယ်။ အခု ၄၀ ကျော်မှာ ၂ ခုပဲ လည်ပတ်နေတယ်။ ဒါပေမယ့် ဂျပန်နိုင်ငံမှာ မီးမပြတ်ဘူး။ ဘာကြောင့်လည်း ဆိုတော့ ပြည်သူလူထုက အကုန်လုံး ခြိုးခြံ ခြွေတာတယ်။ အိမ်သာမှာ ဖင်ထိုင်တဲ့နေရာမှာ အပူပေးတဲ့ စံနစ်ကအစ သူတို့ မသုံးဘူး။ အအေးခံပြီးတော့ အိမ်သာ သွားတယ်။ မလိုအပ်တဲ့နေရာက မီးတွေ အကုန်ဖြတ်တယ်။ အကုန်လုံး ခြွေတာတယ်။ အဲဒီအခါကျတော့ Plant ၄၀ မှာ ၂ ခုပဲ လည်ပတ်နေတာတောင်မှ မီးမပြတ်ဘူး။ အဲဒီတော့ ကျနော်တို့ကလည်း၊ ကျနော်ပြောချင်တာက - တကယ့် စေတနာနဲ့ ပြောချင်တာ၊ ဖရောင်းတိုင်တွေကို ကိုယ့်အိမ်မှာ ကိုယ်ထွန်းပြီး မီးလေး ပိတ်ထား လိုက်ကြပါ။ အားလုံး အဆင်ပြေ သွားပါမယ်။"

ဒါ့အပြင်လည်း အလုပ်သမားဆန္ဒပြမှုတွေနဲ့ ပတ်သက်လို့ သူအမြင်ကို ရှင်းပြရာမှာတော့ ဆန္ဒပြ တောင်းဆိုတာတွေ မလုပ်ပဲ သက်ဆိုင်ရာနဲ့ ညှိနှိုင်းရင် ပိုကောင်းမယ်လို့ မြင်ကြောင်းကိုလည်း
ပြောပါတယ်။

"ဘာမှ ဆန္ဒမပြပဲနဲ့ အေးအေးချမ်းချမ်း ပြဿနာတွေဟာ အချင်းချင်း၊ သက်ဆိုင်တဲ့ အဖွဲ့အချင်းချင်း ထဲမှာ ညှိနှိုင်းပြီးတော့ ပြေလည်သွားရင် အကောင်းဆုံးပေါ့။ ဥပမာ ဆိုရင် အလုပ်ရှင်နဲ့ အလုပ်သမားကြား၊ အချင်းချင်း ညှိပြီးတော့ ဘာမှ မဖြစ်တဲ့အချိန်မှာ ပြေလည်သွားရင် အလုပ်လည်း မပိတ်ရဘူး၊ သူတို့ လစာလည်း မထိခိုက်ဘူးပေါ့။ အဓိက ကတော့ ဘာလဲဆိုတော့ တဖက်နဲ့ တဖက်က အပေးအယူ မျှဖို့၊ နားလည်မှုရှိဖို့က အရေးကြီးဆုံးပဲ။"

နောက်တခါ ဒုတိယ သမ္မတ သီဟသူရ ဦးတင်အောင်မြင့်ဦး ရာထူးကနေ နှုတ်ဖို့ စာတင်ထားတဲ့ သတင်းနဲ့ ပတ်သက်လို့ သမ္မတ အကြံပေး တယောက်အနေနဲ့ ဒီသတင်းကို အတည်ပြု နိုင်ပါသလား ဆိုတဲ့ အမေးကိုတော့ ဦးကိုကိုလှိုင်က -

"ကျနော်လည်း အမှန် ပြောရလို့ရှိရင် ရန်ကုန်နဲ့ ဗမာပြည်မှာနေတာထက်၊ အပြင်မှာ ရောက်နေတာက များတယ်။ ဒီတလော အတွင်းမှာ။ ဒီကိစ္စတွေတောင်မှ ကျနော်လည်းပဲ အွန်လိုင်းမှာပဲ သိတဲ့ဘ၀ ဖြစ်နေတယ်။ တမြန်မနေ့က ကျနော် ပြန်ရောက်လာတယ်၊ ဒီကနေ့ ခနနေရင် ကျနော် လေယာဉ်ပျံကွင်း ပြန်ဆင်းရမယ်။ ရေရေရာရာ ကျနော် ဘာမှ မသိပါဘူး။ ဒါပေမယ့် ပြောရရင်တော့ ၃ ရက်နေ့က ထွက်လာတဲ့ အမိန့်အရ ဒုသမ္မတကြီးက ငြိမ်းချမ်းရေး အဖွဲ့ထဲမှာ ပါနေတယ် ဆိုလို့ရှိရင် ဒါ တရားဝင် Position အရတော့ ရှိနေဦးမယ် ဆိုတာ ရှင်းပါတယ်။ ဆိုတော့ ဒုသမ္မတ တယောက် နှုတ်ထွက်တယ် ဆိုတာ ပေါ့ပေါ့ သေးသေးကိစ္စ မဟုတ်ပါဘူး။ ဖြစ်လာတာနဲ့ သူ့ဟာသူ တရားဝင် ပေါ်ပေါက်လာမယ့် ကိစ္စဖြစ်မယ်လို့ပဲ ကျနော် ထင်ပါတယ်။ ဒါမျိုးက ပုန်းလျှိုး ကွယ်လျှိုးလည်း လုပ်လို့ရတဲ့ ကိစ္စမျိုးမှ မဟုတ်ပဲ။ ဖြစ်လာတဲ့ အခါကျရင် တရားဝင် လုပ်ထုံး လုပ်နည်းနဲ့ ဖြစ်မှာပေါ့။ မဖြစ်သေးလို့ရှိရင်လည်း မဖြစ်ဘူးပေါ့။"

ဒီကနေ့ သတင်းထောက်တွေကို ခေါ်ယူပြီး ရှင်းပြရတဲ့ အဓိက အကြောင်းအရင်းကတော့ မေလ ၁၉ ရက်နေ့ မှာ သမ္မတရဲ့ စီးပွာရေး အကြံပေး တဦးဖြစ်တဲ့ ဒေါက်တာဦးမြင့်ရဲ့ "ရန်ကုန် တက္ကသိုလ်ရဲ့ အစဉ်အလာ ဂုဏ်သိက္ခာကို ပြန်လည် တည်ဆောက်ရေး အတွက် ပြည်သူသို့ အိတ်ဖွင့်ပေးစာ" ဆိုတာနဲ့ ပတ်သက်ပြီးတော့ သတင်းထောက်တွေကို ရှင်းပြကြတာ ဖြစ်ပါတယ်။

ဒေါက်တာ ဦးမြင့်ဟာ သမ္မတရဲ့ အကြံပေးအဖွဲဝင်တဦး ဖြစ်ပေမယ့် ဒီစာဟာ ပုဂ္ဂိုလ်ရေး ခံစားမှုနဲ့ ဆန္ဒ အရသာဖြစ်ပြီး သမ္မတ အကြံပေး အဖွဲ့နဲ့ရော နိုင်ငံတော် သမ္မရုံးနဲ့ပါ မပတ်သက်ဘူး ဆိုပြီးတော့ ဦးကိုကိုလှိုင်က ရှင်းပြခဲ့တာ ဖြစ်ပါတယ်။

ဒါ့အပြင် ရန်ကုန်တက္ကသိုလ်ပိုင် တင်းနစ်ကွင်းတွေဟာလည်း ၂၀၁၃ ခုနှစ် မြန်မာနိုင်ငံမှာ ကျင်းပမယ့် အရှေ့တောင်အာရှ အားကစားပြိုင်ပွဲများ အတွက် ပုဂ္ဂလိက စီးပွားရေး လုပ်ငန်းရှင်များနဲ့ ပူးတွဲပြီးတော့ အဆင့်မြင့် ကွင်းတွေ အဖြစ်ပြုပြင်ဖို့သာ ဖြစ်ပြီးတော့ ပုဂ္ဂလိက လုပ်ငန်းရှင်တွေကို လွဲပေးလိုက်တာ မဟုတ်ဘူး ဆိုတာကိုလည်း သူ့ရဲ့ သတင်း စာရှင်းလင်းပွဲ အတွင်းမှာ ထည့်သွင်း ပြောကြား သွားခဲ့ပါတယ်။

တခါ မြန်မာနိုင်ငံမှာ ပညာရေးနဲ့ ကျန်းမာရေး ကဏ္ဍတွေ မြင့်မားလာဖိူ့အတွက် နည်းပညာ တက္ကသိုလ်တွေ အဆင့်အတန်း တိုးတက်လာဖို့ အိန္ဒိယနိုင်ငံနဲ့ ပူးပေါင်း ဆောင်ရွက်ဖို့ စီစဉ် ထားသလို တောင်ကိုရီးယား နိုင်ငံကလည်း ပညာရေးနဲ့ ကျန်းမာရေး ကဏ္ဍတွေမှာ ကူအညီပေးမယ် ဆိုတာတွေကို ပြောထားတယ်လို့လည်း ရှင်းပြသွားပါတယ်။

တခါ နိုင်ငံမှာ တိုင်းရင်းသား ပြဿနာတွေကို အမျိုးသား အဆင့်နဲ့ ဆောင်ရွက်နိုင်ဖို့ အတွက် သမ္မတကြီး ကိုယ်တိုင် ဦးဆောင်ကာ နောက်ထပ် အဖွဲ့ဝင်တွေနဲ့ ဖွဲ့စည်း ဆောင်ရွက်နေတယ် ဆိုတာကိုလည်း သတင်းစာ ရှင်းလင်းပွဲအတွင်းမှာ ပြောသွားပါတယ်။

Ref: VOA News

Read More...

Thursday, May 24, 2012

ရှက်တတ်ရင် လဲသေဖို့သာ ကောင်းပါတယ်


မောင်ထက်မွန်
မေလ ၂၄ ရက် ၂၀၁၂

၂၀၁၂ ခုနှစ်၊ မေလ ၁၁ ရက်နေ့က နေပြည်တော်မှာ “နိုင်ငံတော် ဖွံ့ဖြိုးတိုးတက်ရေး၊ ဒေသဖွံ့ဖြိုး တိုးတက်ရေး များကို ပိုမို ထိရောက်စွာ ပြုပြင်ပြောင်းလဲ ကြိုးပမ်းဆောင်ရွက်ရေး ဆိုင်ရာ လုပ်ငန်း ညှိနှိုင်း အစည်းအဝေး” ဆိုတဲ့ ခေါင်းစဉ်နဲ့ အစိုးရအဖွဲ့ အစည်း အဝေးကို ပြုလုပ်ခဲ့ပါတယ်။

ဒီအစည်းအဝေးမှာ အစိုးရရဲ့ နိုင်ငံတော် ဖွံ့ဖြိုးတိုးတက်မှု အတွက် ပြုပြင်ပြောင်းလဲရေး မဟာဗျူ ဟာ ပထမအဆင့် ကို အတိုင်းအတာ တခုအထိ ဆောင်ရွက်ခဲ့ပြီး ဖြစ်တယ်။ အခု ပြုပြင်ပြောင်းလဲ ရေး မဟာဗျူဟာ ဒုတိယအဆင့်ကို တဆင့်တက်ပြီး ဆောင်ရွက်ရမှာ ဖြစ်တယ်။ ပြုပြင်ပြောင်းလဲ ရေးကို ထိထိရောက်ရောက် လုပ်ရမယ် ဆိုပြီး သမတ က ပြောဆိုသွားပါတယ်။

ဒါ့ပြင် “ နေထိုင်စရာ နေအိမ် အဆောက်အအုံနဲ့ ရေလိုအပ်ချက်၊ မီး လိုအပ်ချက်၊ သွားလာစရာ ဘတ်စ်ကား ကြပ် တည်းမှု၊ အဆင်မပြေမှု လိုအပ်ချက်တွေ၊ အလုပ်အကိုင် အခွင့်အလမ်းတွေ စီမံ ဖန်တီးပေးဖို့၊ သိသိသာသာ ပြောင်းလဲ တိုးတက်အောင် ဆောင်ရွက်ပေးဖို့ လိုအပ်မှာ ဖြစ်ပါတယ်” လို့ လည်း သမတ က ပြောကြားသွားခဲ့ပါသေးတယ်။

တကယ်တော့ ပြည်သူလူထုတွေဟာ စစ်အာဏာရှင် စနစ်အောက် နှစ် (၂၀) ကျော်ကာလအတွင်း အစားဆင်းရဲ အနေ ဆင်းရဲ ဘ၀မှာနေခဲ့ရပြီး၊ ကောင်းကောင်းမွန်မွန် ပညာသင်ခွင့် မရခဲ့တာ၊ ကျန်း မာရေး စောင့်ရှောက်မှု မရှိတာ၊ အလုပ်အကိုင် ရှားပါးနေပြီး၊ လစာမလုံလောက်တာ၊ သွားရေး လာရေးယာဉ်ရထား အဆင်မပြေမှုတွေ၊ မီးရေ လုံလုံ လောက်လောက် သုံးခွင့်မရတာ၊ ဥပဒေမဲ့ အနိုင်ကျင့်ခံနေရပြီး ဘ၀ မလုံခြုံတာ၊ စတာတွေကြောင့် တပ်မတော်အစိုး ရလို့ ပြောပြောနေတဲ့ စစ်အာဏာရှင် စနစ်အောက်က ဘ၀မျိုးကို စိတ်ကုန်နေကြပါပြီ။

နအဖ စစ်အစိုးရဆီက အာဏာလွှဲပြောင်းယူခဲ့တဲ့ သမတဦးသိန်းစိန် အစိုးရလက်ထက်မှာ သမတ ကိုယ်တိုင် စပြော ခဲ့တဲ့ ဆင်းရဲနွမ်းပါးမှုလျှော့ချရေး ဆိုတာကလည်း စကားအဖြစ်သာ ကြားလိုက်ရ ပြီး၊ လက်တွေ့ ဘာမှ ထူးမလာတာ ကြောင့် တနှစ်သား ကြံ့ဖွတ် ပါတီအစိုးရကို ပြည်သူက သဘော မကျ မနှစ်မြို့ကြဘူးဆိုတာ - အမတ်နေရာ ၄၄ နေရာ မှာ တနေရာမှာသာ အရွေးခံခဲ့ရတဲ့ ကြံ့ဖွတ် ပါတီရဲ့ ၂၀၁၂ ကြားဖြတ် ရွေးကောက်ပွဲ ရလဒ်ကို ကြည့်ရင်ပဲ ထူးထူးကဲ ကဲကို ထင်ဟပ် ပေါ်လွင် နေပါတယ်။

အခုလို သမတ ဦးသိန်းစိန်ရဲ့ နိုင်ငံတော် အဆင့်နဲ့ ဒေသအလိုက် ဖွံ့ဖြိုးတိုးတက်ရေးတွေ ပိုမိုပြီး ထိ ထိရောက်ရောက် လက်တွေ့ အောင်မြင်နိုင်အောင် ကြိုးပမ်းဆောင်ရွက်ကြဖို့ လမ်းညွှန်တဲ့ အစိုးရ အဖွဲ့ လုပ်ငန်း ညှိနှိုင်း အစည်းအဝေး ပြီးတဲ့နောက်မှာတော့ အခု မေလ (၂၀) ရက်နေ့နဲ့ (၂၁) ရက် နေ့တွေမှာ သောင်းချီတဲ့ မန္တလေးလူထုတွေ ဟာ လျှပ် စစ်မီး ပုံမှန်ရရှိဖို့အတွက် ဖယောင်းတိုင်မီးတွေ ကိုယ်စီကိုင်ပြီး မန္တလေးမြို့က လျှပ်စစ်အင်ဂျင်နီယာရုံးနဲ့ တရုတ် ကောင်စစ်ဝန်ရုံး ရှေ့သွားပြီး ငြိမ်းချမ်းစွာ ဆန္ဒပြခဲ့ကြပါတယ်။ ဒီလိုနဲ့ ရန်ကုန်၊ ပုသိမ်၊ ကျောက်ဖြူ၊ တောင်ကုတ်နယ်၊ မုံရွာ၊ ပြည်၊ ဗဂိုး၊ ပေါင်းတည်၊ သုံးခွ စတဲ့ဒေသတွေမှာလည်း တစတစ ပြန့်နှံ့လာပြီး လျှပ်စစ်မီးပုံမှန် ရရှိဖို့ မြို့ခံပြည် သူတွေက ဆက်တိုက် ဆန္ဒထုတ်ဖော်ပွဲတွေ လုပ်လာကြပါတော့တယ်။

စစ်အစိုးရလက်ထက် ၂၀၁၀ ခုနှစ် ဇန်နဝါရီလထုတ် အစိုးရသတင်းစာမှာ အမှတ် (၂) လျှပ်စစ် ၀န် ကြီးဌာန ထုတ်ပြန် ချက်တွေအရဆို လျှပ်စစ် ထုတ်လုပ်ရေး ရေအားလျှပ်စစ် စီမံကိန်း ၁၆ ခုကို ၂၀၁၀ ခုနှစ်မှ စတင် အကောင်အထည် ဖော် နေပြီ ဖြစ်ကြောင်း၊ ၂၀၁၀/၂၀၁၁ ခုနှစ်အတွင်း စီမံ ကိန်း ၉ ခုပြီးတဲ့အခါ တနိုင်ငံလုံး လျှပ်စစ်ဓာတ်အား လုံလောက်မှာ ဖြစ်ပြီး ၂၀၁၅ ခုနှစ်မှာ ပိုလျှံတဲ့ အထိ ဖြစ်လာနိုင်ကြောင်း မရှက်မကြောက် ရေးသားထားတာတွေ အထင်အရှား ရှိနေပါတယ်။

ဒါ့အပြင် ၂၀၁၁ ဇန်န၀ါရီလ ၂ ရက်နေ့ထုတ် အစိုးရသတင်းစာမှာ လည်း “၁၉၈၈ ခုနှစ်မတိုင်မီက လျှပ်စစ် ဓာတ်အား ထုတ်လုပ်နိုင်မှုဟာ ၅၂၉.၁ မဂ္ဂါဝပ် ရှိခဲ့ကြောင်း၊ ယခု ၃၀၄၅.၄ မဂ္ဂါဝပ်အထိ တိုးတက်ခဲ့ပြီး၊ တည်ဆောက်ဆဲ ဓာတ် အားပေးစက်ရုံ ၆၀ ကျော်မှ ၄၁၂၀၆.၅ မဂ္ဂါဝပ် နဲ့ နောက် ထပ် တည်ဆောက်မယ့် ဓာတ်အားပေး စက်ရုံ ၁ ရုံက ၂၆ မဂ္ဂါဝပ် ရရှိမှာ ဖြစ်ပြီး စီမံကိန်းအားလုံး ပြီးစီးပါက ၄၄၂၇၆.၉ မဂ္ဂါဝပ်အထိ တိုးတက်လာမယ်” လို့လည်း ဖော်ပြခဲ့ပါ သေးတယ်။

“ကျနော်တို့နိုင်ငံမှာ အခု မဂ္ဂါဝပ် ၁၅၀၀ ပေးတာတောင် ကုန်အောင်မသုံးနိုင်ဘူး၊ ဒီတော့ ပိုနေတာ တွေကို ဈေးကွက် သဘောအရ ရောင်းစားရတယ်၊ လျှပ်စစ်ဆိုတာ ထုတ်ပြီးရင် သိမ်းထားလို့ မရဘူး” လို့လည်း အမှတ် ၁ လျှပ်စစ်ဝန် ကြီး ဦးဇော်မင်း က ဧရာဝတီမြစ်ဆုံ စီမံကိန်းနဲ့ ပတ်သက်ပြီး မီဒီယာတွေနဲ့ တွေ့တုန်းက မျက်နှာပြောင်တိုက်ပြီး လိမ် ညာ ပြောဆိုခဲ့ဖူးပါတယ်။ ဒါပေမဲ့ တကယ့် လက်တွေ့မှာတော့ တနိုင်ငံလုံး ဒေသအနှံ့ကို လျှပ်စစ်မီး ပုံမှန် ပြည့်ပြည့်၀၀ မပေးနိုင်တာကြောင့် အခုလို ပြည်သူတွေ သည်းမခံနိုင်တော့ပဲ၊ ၂၄ နာရီ ပုံမှန်လျှပ်စစ်မီး ရရှိရေး တောင်းဆို ဆန္ဒပြမှုတွေ ဖြစ်ပေါ်လာခဲ့တာ တကမ္ဘာလုံးအသိပါပဲ။

တကယ်တော့ ဒီမိုကရေစီအစိုးရ တရပ်မှာ အရေးပါဆုံးက ပွင့်လင်းမြင်သာမှု ရှိခြင်းပါပဲ၊ စွမ်းအင် ဘယ်လောက် ထွက် တယ်၊ ပိုက်ဆံ ဘယ်လောက်ရတယ်၊ ဘယ်လိုသုံးနေတယ် ဆိုတာကို ပြည် သူကို အသိပေးရပါမယ်၊ သိအောင် တောင်းဆိုခွင့်ရှိသလို သိခွင့်လည်း ရှိပါတယ်။

“ သဘာဝ အရင်းအမြစ်ပေါများတဲ့ မြန်မာနိုင်ငံမှာ လျှပ်စစ်မီးမှန်မှန် မရတာ ဟာ စနစ်မမှန်လို့ ဖြစ် တဲ့အကြောင်းနဲ့ ပြည်သူလူထုတွေအတွက် ရေ၊ မီး၊ လမ်းပန်း ဆက်သွယ်ရေးနဲ့ အလုပ်အကိုင်တွေ ဖန်တီးပေးဖို့ဟာ အစိုးရရဲ့ တာဝန် ဖြစ်တယ်” လို့ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က မကြာသေးခင်လေးကပဲ ပြောခဲ့ပါ သေးတယ်။

အထက်က အခြေအနေတွေ သုံးသပ်ကြည့်မယ်ဆိုရင်တော့ ဒီမိုကရေစီကျင့်စဉ်တွေအရဆို လက်ရှိ အစိုးရသစ်ကို ဦး ဆောင်နေတဲ့ သမတသစ်အနေနဲ့ အပြောသာရှိပြီး လက်တွေ့မှာ ပြည်သူလူထု အတွက် ဘာမှ လုပ်ကိုင်ပေးနိုင် တာ တွေ မရှိခဲ့လို့ ရှက်တတ်ရင် အစိုးရ တဖွဲ့လုံး နှုတ်ထွက်ပေးလိုက်ဖို့သာ ရှိကြောင်း တင်ပြ လိုက်ရပါတယ်။


Read More...

အရည်အချင်းပြည့် ကိုယ်စားလှယ်ဖြစ်ရေး ဒေါ်အောင်ဆန်းစုကြည် တိုက်တွန်း

2012-05-23

ဒီကနေ့ နေ့လည်ပိုင်းက NLD ပါတီ ဥက္ကဋ္ဌ ဒေါ်အောင်ဆန်းစုကြည်နဲ့ NLD ပြည်သူ့ လွှတ်တော် ကိုယ်စားလှယ်တွေ သီးသန့် တွေ့ဆုံပွဲမှာ NLD ကိုယ်စားလှယ်တွေ အနေနဲ့ အရည်အချင်း ပြည့်ဝပြီး ပြည်သူတွေ အားကိုး ရလောက်တဲ့ ကိုယ်စားလှယ်တွေ ဖြစ်အောင် ပြင်ဆင် ကြိုးစားကြဖို့ ဒေါ်အောင်ဆန်းစုကြည်က တိုက်တွန်းကြောင်း သိရပါတယ်။

ဒေါ်အောင်ဆန်းစုကြည်ဟာ ဒီကနေ့ ညနေ (၄) နာရီလောက်မှာ သာကေတမြို့နယ် NLD ပါတီရုံး ဖွင့်ပွဲကို တက်ရောက် ဟောပြောခဲ့ပါတယ်။

ဒီအတွင်း NLD ပါတီတွင်း ရပ်ကွက်၊ ကျေးရွာအဆင့်ကနေ ဗဟိုအဆင့်ထိ ခေါင်းဆောင်ရွေးချယ် ပွဲတွေကို လာမယ့် ဇွန်လလယ်လောက်မှာ စတင်နိုင်ရေး အမြန် လုပ်ဆောင်ဖို့ ဒီကနေ့ ကျင်းပတဲ့ NLD ပါတီ ဗဟို အလုပ်အမှုဆောင် အစည်းဝေးက ဆုံးဖြတ် လိုက်ပါတယ်။

NLD ပါတီညီလာခံ ကျင်းပရေးအတွက် ဗဟိုကနေ ကျေးရွာအထိ ကော်မရှင်အဆင့်ဆင့် အမြန်ဆုံး ဖွဲ့စည်းရေးကို ဒီကနေ့က စပြီး လုပ်ဆောင် သွားမှာ ဖြစ်ကြောင်း NLD ပါတီ ပြန်ကြားရေး တာဝန်ခံ ဦးအုန်းကြိုင်က RFA ကို ပြောပါတယ်။

NLD ပါတီ ဗဟိုအလုပ်အမှုဆောင် ရွေးချယ်ပွဲကိုတော့ လာမယ့် ၂၀၁၃ ခု နှစ်ဆန်းပိုင်းမှာ ကျင်းပနိုင်ဖို့ ကြိုးပမ်းနေကြောင်းလည်း ပြောပါတယ်။

Ref: RFA News

Read More...

ထားဝယ်စီမံကိန်းအတွက် ထိုင်းအစိုးရ ဒေါ်လာ ၁ ဘီလီယံ ခွင့်ပြု

May 23, 2012

ထားဝယ်ရေနက်ဆိပ်ကမ်းနှင့် စက်မှုဇုန် တည်ဆောက်ရေး အထောက်အကူဖြစ်စေမည့် စီမံကိန်း ၂၀၃ ခု အတွက် အမေရိကန် ဒေါ်လာ ၁ ဘီလီယံကျော် ထိုင်း အစိုးရက ခွင့်ပြုလိုက်ကြောင်း ဘန်ကောက်ပို့စ် သတင်းစာ ဖော်ပြချက်အရ သိရသည်။

ထားဝယ်ရေနက်ဆိပ်ကမ်းနှင့် နီးသည့် ထိုင်းဘက်အခြမ်းရှိ ခရိုင် ၈ ခုတွင် စီမံကိန်းများ အပြီး တည်ဆောက်ရေး အတွက် ထိုင်းကက်ဘိနက်က ထိုင်းဘတ် ၃၃.၁ ဘီလီယံ (အမေရိကန် ဒေါ်လာ ၁ ဘီလီယံကျော်) ကို မေလ ၂၀ ရက်နေ့က ခွင့်ပြုလိုက်ခြင်း ဖြစ်ကြောင်း၊ ဘတ်ငွေ ၁ ဘီလီယံ ကုန်ကျမည့် စီမံကိန်း ၆၀ ခုမှာ အကောင်အထည်ဖော်ရန် အသင့်ဖြစ်ကြောင်း အစိုးရ ပြောခွင့်ရပုဂ္ဂိုလ် Anusorn Lamsa-ard ဘန်ကောက်ပို့စ် သတင်းစာသို့ ပြောထားသည်။

ထိုင်းဝန်ကြီးချုပ် ယင်းလတ် ရှင်နာဝပ် ဥက္ကဋ္ဌအဖြစ် ဆောင်ရွက်သော ကက်ဘိနက် အစည်းအဝေးက ဤစီမံကိန်းများအတွက် သတော တူညီလိုက်ခြင်း ဖြစ်သည်။

“ထားဝယ်က အာဆီယံ အနောက်ဘက်ခြမ်း ကုန်သွယ်ရေးအတွက် တံခါးပေါက် ဖြစ်လာနိုင်ပြီး ဒေသတွင်း နိုင်ငံတွေနဲ့ အရှေ့တောင် အာရှကို ပေါင်းကူးပေးမယ့် တံတား ဖြစ်လာနိုင်ပါတယ်” ဟု Anusorn က ဆိုသည်။

ထားဝယ်ရေနက်ဆိပ်ကမ်းနှင့် စက်မှုဇုန် တည်ဆောက်ရေးတွင် ထိုင်းနိုင်ငံက ဆောက်ရွက်ခြင်းမှာ ယင်းစီမံကိန်းများက မြန်မာ့ စီးပွားရေး ဖွံ့ဖြိုးမှုကို အထောက်အကူ ပေးမည်ဖြစ်ပြီး ထိုင်းနိုင်ငံ အနောက်ဘက်ပိုင်းတွင် ကုန်သွယ်ရေး ဗဟိုချက်အသစ် အဖြစ် ချဲ့ထွင်နိုင်ရေး အတွက် ဖြစ်သည်ဟု ထိုင်းအစိုးရ ပြည်သူ့ဆက်ဆံရေး ဌာန၏ အဆိုအရ သိရသည်။

ထိုင်းဘက်အခြမ်း ကန်ချနဘူရီမှ မြန်မာဘက် ထားဝယ်သို့ အဝေးပြေးကားလမ်း ဖောက်လုပ်ရေးအတွက် ကန်ချနဘူရီ ခရိုင်အတွင်းရှိ ဘန်ဖူနမ်ရွန်ရွာ အနီး နယ်စပ်ကို ဖွင့်ပေးခြင်းအားဖြင့် မြန်မာဘက်က အထောက်အကူ ပေးစေလိုကြောင်း ထိုင်းအစိုးရက မြန်မာကို တိုက်တွန်း ထားသည်ဟု ထိုင်းအစိုးရ ဝက်ဘ်ဆိုဒ်တွင် ဖော်ပြထားသည်။

ထိုင်း ဒု ဝန်ကြီးချုပ်နှင့် ထိုင်းဘဏ္ဍရေးဝန်ကြီးတို့၏ ဦးဆောင်မှုအောက်တွင် စီမံကိန်း ထောက်ပံ့ရေး အတွက် အဆင့်သုံးဆင့် ရှိသည်ဟု ဘန်ကောက်ပို့စ် သတင်းစာတွင် ဖော်ပြထားသည်။

အကောင်အထည်ဖော်မည့် စီမံကိန်းများတွင် ပထမအဆင့်၌ ထားဝယ်မြို့နှင့် ထိုင်း-မြန်မာ နယ်စပ်အား ဆက်သွယ်ပေးမည့် လေးလမ်းသွား အဝေးပြေး လမ်းမကြီး၊ ရေလှောင် တမံတခု၊ ကျောက်မီးသွေးသုံး ဓာတ်အားပေး စက်ရုံတရုံ၊ စက်မှုဇုံများသို့ ချိတ်ဆက်ပေးမည့် လမ်းများ၊ အိမ်ယာသစ်များ၊ အစိုးရ ရုံးအဆောက် အအုံသစ်များ၊ ရေနှင့် ရေပိုက်လိုင်းများ၊ ရေဆိုးထုတ် စနစ်များ ပါဝင်မည်ဟု သိရသည်။

၂၀၁၈ ခုနှစ်တွင် ဒုတိယ အဆင့်အနေဖြင့် ၄င်းနယ်မြေအတွင်း ဈေးဝယ်စင်တာများ တည်ဆောက်ခြင်း၊ ထားဝယ်နှင့် ထိုင်း-မြန်မာနယ်စပ် လမ်းမကြီးအား ရှစ်လမ်းသွား အဖြစ် တိုးချဲ့မည့် စီမံကိန်းများ ပါရှိသည်။

ရထားလမ်း၊ လျှပ်စစ်ဓာတ်အားပေးလိုင်း၊ သဘာဝဓာတ်ငွေ့နှင့် ရေနံပိုက်လိုင်းများ ထိုင်းနိုင်ငံ အထိ တိုးချဲ့ သွယ်တန်းခြင်းကို နောက်ဆုံး အဆင့်အဖြစ် ၂၀၂၀ တွင် လုပ်ဆောင် သွားမည်ဟု သိရသည်။

ထားဝယ် ရေနက်ဆိပ်ကမ်းနှင့် အထူးစီးပွားရေးဇုန်ကို ထိုင်းနိုင်ငံ၏ အကြီးဆုံး ဆောက်လုပ်ရေး ကုမ္ပဏီဖြစ်သည့် အီတလီ-ထိုင်း ဖွံ့ဖြိုးရေး ကုမ္ပဏီမှ တာဝန်ယူ တည်ဆောက်မည် ဖြစ်သည်။

ထိုင်းက ထားဝယ်ဒေသအတွင်း စီးပွားရေးတိုးချဲ့မှုကို အရှိန်မြှင့်နေစဉ် မတရား မြေယာသိမ်းဆည်းမှုနှင့် အဓမ္မ ရွှေ့ပြောင်းခိုင်းမှုများ၊ လမ်းပမ်း ဆက်သွယ်ရေး အတွက် ဖယ်ပေး လိုက်ရသော အိမ်ယာများ၊ ပြန်လည် နေရာချထားရေးများ အတွက် လျှော်ကြေး ထိုက်တန်စွာ မရခြင်းများကြောင့် ဒေသခံများ၏ ကန့်ကွက်မှုများလည်း ထွက်ပေါ်နေသည်။ ဒေသခံပြည်သူ အများအပြားက အဆိုပါ စီမံကိန်းကြောင့် ၎င်းတို့၏ နယ်မြေများနှင့် နေ့စဉ်ဘ၀ ထိခိုက်ဆုံးရှုံးမည်ကို စိုးရိမ်နေကြသည်။

၂၀၁၅ တွင် အပြီးသတ်ဖွယ်ရှိသည့် ယင်းစီမံကိန်းအတွက် ၂၀၁၃ ခုနှစ်အကုန်တွင် ဒေသခံပေါင်း ၃ သောင်းခန့် နေရာရွှေ့ပြောင်းရဖွယ်ရှိကြောင်း သိရှိရသည်။

Thai Govt Approves $1Bn for Dawei by The Irrawaddy ကို ဆီလျော်အောင် ဘာသာပြန်ဆိုသည်။

Ref: ဧရာဝတီ

Read More...

မြန်မာစစ်တပ် လူ့အခွင့်အရေးချိုးဖောက်မှုများ ကျူးလွန်ဆဲ၊ AI ဝေဖန်

ဗုဒ္ဓဟူး, 23 မေ 2012

လန်ဒန်အခြေစိုက် Amnesty International လူ့အခွင့်အရေး အဖွဲ့ကြီးရဲ့ ၂၀၁၂ ခုနှစ် နှစ်ပတ်လည် လူ့အခွင့်အရေး အစီရင်ခံစာ ထဲမှာတော့ မြန်မာနိုင်ငံ အတွင်း မြန်မာ စစ်တပ်ဟာ တိုင်းရင်းသားဒေသတွေမှာ လူသားမျိုးနွယ် အပေါ် ဆန့်ကျင်တဲ့ ရာဇ၀တ်မှုတွေ ကျူးလွန်နေတယ်လို့ ဝေဖန် လိုက်ပါတယ်။

စစ်ပွဲတွေဖြစ်နေတဲ့ဒေသက ထောင်နဲ့ချီတဲ့ဒုက္ခသည်တွေကို လူသားချင်း စာနာမှု အကူအညီတွေပေးဖို့ လည်း အာဏာပိုင်တွေ ဘက်က ပိတ်ပင်ထားပြီး မြန်မာ စစ်တပ်က စစ်သားတွေဟာ အရပ်သားတွေပေါ် လိင်ပိုင်းဆိုင်ရာ စော်ကားမှုတွေလည်း ကျူးလွန်ကြတယ်လို့ ဆိုပါတယ်။ မြန်မာ အစိုးရဟာ နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေ အကန့်အသတ်နဲ့ လုပ်ဆောင်နေပေမဲ့ အခုနှစ် အတွင်းမှာပဲ တိုင်းရင်းသား လူနည်းစုဒေသတွေမှာ နိုင်ငံတကာဥပဒေတွေနဲ့ လူ့အခွင့်အရေးတွေကို ချိုးဖောက်မှုတွေ ရှိနေတယ်လို့ Amnesty International လူ့အခွင့်အရေးအဖွဲ့က ဝေဖန်ထားပါတယ်။

အဲဒီအထဲ အချို့အမှုတွေဟာ စစ်ရာဇ၀တ်မှုတွေနဲ့ လူသားမျိုးနွယ်အပေါ် ဆန့်ကျင်တဲ့ ရာဇ၀တ် မှုတွေ ဖြစ်တယ်လို့ ဆိုပါတယ်။ အထူးသဖြင့် ကချင်ပြည်နယ် အတွင်းက အခြေအနေတွေ ကို ထောက်ပြဝေဖန်ထားရာမှာ ဖြစ်ရပ်တွေကိုပါ အသေးစိတ်ရေးသားထားပါတယ်။ ရှမ်းပြည်နယ်အတွင်း မှာ အရပ်သားတွေကို ညှင်းပမ်းနှိပ်စက်မှု မတရားဖမ်းဆီး ချုပ်နှောင်မှုတွေရှိတဲအ့ပြင် ကျေးရွာတွေကို အတင်းအကျပ် ရွှေ့ပြောင်းမှုတွေပါ ရှိခဲ့တယ်လို့ ဆိုပါတယ်။

ခိုင်မာတဲ့ အထောက်အထားတွေအရ စစ်တပ်ဟာ အကျဉ်းသားတွေကို ပေါ်တာအဖြစ် အသုံးပြုတာ၊ မိုင်းရှင်းတဲ့နေရာ လူသားဒိုင်းလို အသုံးပြုတာမျိုးတွေ ရှိတယ်လို့လည်း ဝေဖန်ပါတယ်။ ပြီးခဲ့တဲ့နှစ် အတွင်း နိုင်ငံရေးအကျဉ်းသားတွေ လွတ်မြောက်လာတာရှိပေမယ့်လည်း နိုင်ငံရေးအရလှုပ်ရှားသူတွေကို အပြစ်ပေးထောင်ချတာတွေ ဆက်ရှိနေသလို နိုင်ငံရေးအကျဉ်းသားတွေ လူမဆန်စွာ ညှင်းပမ်းနှိပ်စက် မှုတွေလည်း ရှိနေတယ်လို့ ဆိုပါတယ်။ အကျဉ်းထောင်တွင်း အခြေအနေဟာလည်း အတော်လေး ဆိုးဝါးနေဆဲပဲလို့ ထောက်ပြပါတယ်။

မြန်မာနိုင်ငံဟာ လက်ရှိမှာ နိုင်ငံရေးအရ ပြုပြင်ပြောင်းလဲမှုတွေရှိပေမဲ့ လူ့အခွင့်အရေးအရ တိုးတက်ဖို့ လုပ်ဆောင်စရာတွေ ကျန်နေသေးတယ်လို့ နိုင်ငံတကာက ဝေဖန်တာခံနေရဆဲပါ။ ဒီနေ့ဆိုရင်တော့ အမေရိကန်နိုင်ငံခြားရေးဌာနရဲ့ နှစ်စဉ် လူ့အခွင့်အရေး အစီရင်ခံစာ ထုတ်ပြန်ဖို့ရှိပါတယ်။ အဲဒီအထဲ မြန်မာနိုင်ငံအခြေအနေကိုလည်း ထည့်သွင်းဖော်ပြမယ်လို့ မျှော်လင့်ရပါတယ်။

Ref: VOA News

Read More...

ကျန်းမာရေး အထူးစိုးရိမ်ရတဲ့ နိုင်ငံရေးအကျဉ်းသား အမြန်ဆုံးလွှတ်ပေးဖို့ AAPP တောင်းဆို

2012-05-23

ကျန်းမာရေး အထူးစိုးရိမ်စရာ ဖြစ်နေတဲ့ နိုင်ငံရေးအကျဉ်းသား ၃ ယောက်ကို အမြန်ဆုံးလွှတ်ပေးဖို့ ထိုင်း မြန်မာနယ်စပ်အခြေစိုက် AAPP ခေါ် နိုင်ငံရေး အကျဉ်းသားများ ကူညီစောင့်ရှောက်ရေး အသင်းက တောင်းဆို လိုက်ပါတယ်။

အဲဒီ ၃ ယောက်ကတော့ အင်းစိန်ထောင်မှာ သေဒဏ်ချမှတ်ခံထားရတဲ့ ကိုဖြိုးဝေအောင်၊ တသက်တကျွန်း ချမှတ်ခံထားရတဲ့ ကိုဆန်နီ ခေါ် ကိုစံရှားနဲ့ ဘူးသီးတောင်ထောင်မှာ ထောင်ဒဏ် ၃ နှစ် ချမှတ်ခံထားရတဲ့ ဦးမရ (ဦးမြ) တို့ ဖြစ်ပါတယ်။

အကျဉ်းထောင်ထဲ ကျန်းမာရေးချို့တဲ့နေသူကို အချိန်မီ ပြန်မလွှတ်ပေးတဲ့အတွက် ထောင်တွင်း အသက်ဆုံးရှုံးရတဲ့သူတွေ ရှိခဲ့သလို၊ ထောင်ကလွတ်ပြီး မကြာခင် သေဆုံးရသူတွေလည်း ရှိခဲ့တဲ့အတွက် အခုလိုတောင်းဆိုရတာ ဖြစ်တယ်လို့ AAPP တွဲဘက်အတွင်းရေးမှူး ကိုဘိုကြည်က ပြောပါတယ်။

" သူ့မိသားစုရဲ့ပြောပြချက်တွေအရ ကိုဖြိုးဝေအောင်ရဲ့ ကျန်းမာရေး အခြေအနေ အရ အတော် ဆိုးဝါးတယ်။ လပိုင်းအတွင်း အသက် ဆုံးရှူံး သွားနိုင်တယ်။ နောက်အဲဒီလိုပဲ ကျွန်တော်တို့ တချက်တွေ့ရတာ ဆန်နီ ခေါ် စံရှားတို့၊ တခြားရခိုင်က အသက် ၆၉ နှစ်ရှိပြီဖြစ်တဲ့ ဦးမရတို့ ဒီနှစ်ယောက်ကလည်း ကျန်းမာရေး အခြေအနေ တော်တော် ဆိုးနေတာကို တွေ့ရတယ်။ အရင်တုန်းကလည်း ထောင်ထဲမှာ အဲဒီလိုပဲ ကင်ဆာဝေဒနာ ခံစားရတာတွေ ရှိတယ်။ ရှိပြီးတော့ခါကျတော့ ထောင်က ထွက်ပြီး တော့ ၁ လလောက် အတွင်းမှာ၊ ဒါမှမဟုတ် ၂ ပတ်လောက် အတွင်းမှာ၊ ၂ လလောက် အတွင်းမှာ သေသွားရတဲ့ နိုင်ငံရေး အကျဉ်းသားတွေလည်း ရှိပါတယ်။ ဒါကြောင့်မို့လို့ ကျွန်တော်တို့ကလည်း ဒီလူတွေရဲ့ ကျန်းမာရေး အခြေအနေတွေကို အတော်လေးတော့ စိုးရိမ်တယ်။ အဲဒီလိုမျိုးကြောင့် ဒီလူတွေကို အမြန်ဆုံး လွှတ်ပေးဖို့ မေတ္တာရပ်ခံ တောင်းဆိုတာ ဖြစ်ပါတယ်"

ဒီစာကို မြန်မာနိုင်ငံ လူ့အခွင့်အရေး ကော်မရှင်အပါအဝင်၊ ကုလသမဂ္ဂ လူ့အခွင့်အရေးကော်မရှင်၊ အမေရိကန်နဲ့ ဥရောပသမဂ္ဂ အဖွဲ့ဝင် အစိုးရတွေဆီကို ပေးပို့လိုက်တယ်လို့ ပြောပါတယ်။

ထောင်ထဲမှာ အသည်းကင်ဆာ ရောဂါခံစားနေရတဲ့ ကိုဖြိုးဝေအောင်ကို အမြန်ဆုံး ပြန်လွှတ်ပေးဖို့ကို AHRC ခေါ် အာရှ လူ့အခွင့်အရေး ကော်မရှင်ကလည်း ဒီနေ့ တိုက်တွန်းတောင်းဆို လိုက်ပါတယ်။

မြန်မာနိုင်ငံမှာ နိုင်ငံရေးနဲ့ ဆက်နွယ်ပြီး အကျဉ်းချခံထားရတဲ့ နိုင်ငံရေး အကျဉ်းသား အနည်းဆုံး ၄၀၀ ကျော် ကျန်နေသေးတယ်လို့ ပြည်တွင်း၊ ပြည်ပနိုင်ငံရေး အကျဉ်းသား ဆိုင်ရာ အဖွဲ့တွေက ပြောဆိုကြပါတယ်။

၂၀၁၀ သင်္ကြန်တွင်းမှာ X2O မဏ္ဍပ်ဗုံးခွဲမှုနဲ့ စွပ်စွဲခံရပြီး သေဒဏ်ချမှတ် ခံလိုက်ရတဲ့ ကိုဖြိုးဝေအောင်ဟာ အသည်း ကင်ဆာရောဂါနဲ့ နောက်ဆုံး အဆင့် ရောက်နေပြီလို့ မိသားစုကနေ တဆင့်သိရပါတယ်။

Ref: RFA News

Read More...

ရန်ကုန်၊ မန္တလေး လူစုလူဝေး ဟန့်တားခံရ

မနန္ဒာချမ်း
ဗုဒ္ဓဟူး, 23 မေ 2012

၂၄ နာရီ လျှပ်စစ်မီးရရှိရေး ဆန္ဒပြ တောင်းဆိုလှုပ်ရှားမှုတွေကို ဒီကနေ့ သက်ဆိုင်ရာရဲ့ တားမြစ် မှုတွေကြားက ရန်ကုန်မြို့မှာ ဒုတိယမြောက်နေ့ အဖြစ် ဆက်ပြီး ဆန္ဒ ထုတ်ဖော်ခဲ့ကြပါတယ်။ မန္တလေးမြို့ မှာလည်း လုံခြုံရေးတွေ တင်းတင်း ကျပ်ကျပ် ချထားတယ်လို့ မြို့ခံတွေက ပြောပါတယ်။ အခုလို အခြေအနေတွေကိုတော့ ဆက်သွယ် စုံစမ်းထားတဲ့ မနန္ဒာချမ်း က တင်ပြပေးထားပါတယ်။

၂၄ နာရီ လျှပ်စစ်မီး ရရှိရေး ဒုတိယမြောက်နေ့မှာ ဆက်လက် ဆန္ဒထုတ်ဖော်ဖို့အတွက် ထောင်နဲ့ချီတဲ့ ရန်ကုန်မြို့ခံတွေဟာ မြို့လယ်မှာရှိတဲ့ ဆူးလေဘုရားအနီးမှာ ညနေ ၆ နာရီဝန်းကျင်က စုဝေးခဲ့ကြတာပါ။ ဒါပေမဲ့ အာဏာပိုင်တွေ ရောက်ရှိလာပြီး - ဦးဆောင်သူတချို့နဲ့တွေ့ဆုံပြီး - ဆန္ဒပြတောင်းဆိုမှုတွေ ဆက် မလုပ်ဖို့နဲ့ ရဲချုပ်ရဲ့ စာကို ပေးအပ်ခဲ့တယ်လို့ ဆန္ဒပြပွဲမှာ ပါဝင်သူ နိုင်ငံရေးအကျဉ်းသား ဟောင်းများအဖွဲ့မှ ကိုခင်ဇော် က ပြောပြပါတယ်။

“ဖယောင်းတိုင်မီးထွန်းပြီး ချီတက်ပွဲလုပ်မယ့်အချိန်မှာပဲ အနောက်ပိုင်းခရိုင်၊ ဒု-ရဲမှူးကြီး ဦးမျိုးအောင် ကနေပြီးတော့ စာတစောင်ထုတ်ပြတယ်ဗျ။ စာတစောင်လာပေးတယ်ပေါ့နော်၊ ဒီ ဆန္ဒပြအဖွဲ့ခေါင်းဆောင် ကိုဟန်ဝင်းအောင်ကိုလေ- လျှပ်စစ်မီးပြတ်တဲ့ ကိစ္စနဲ့ပတ်သက်ပြီးတော့ သူတို့ကနေပြီးတော့ သတင်းစာမှာ အတိ အလင်း ကြေညာထားပြီးတော့ ပြည်သူလူထုကို မေတ္တာရပ်ခံ ထားပြီးလည်း ဖြစ်တယ်ဆိုတဲ့ အကြောင်း၊ နောက်ပြီးတော့ တည်ဆဲဥပဒေတွေအရ ၅ ယောက်ထက်ပိုပြီးတော့ စီတန်း လမ်းလျှောက်မယ် ဆိုလို့ရှိရင် ဥပဒေ အရ ဆောင်ရွက်ရမယ် ဆိုတဲ့အကြောင်းကို ပြောတယ်ခင်ဗျ။ အဲဒီစာကို လာပေးသွားတဲ့ အချိန်မှာ ကိုဟန်ဝင်းအောင်က အဲဒီစာကို ဖတ်ပြလိုက်တယ်။ ဖတ်ပြပြီးသွားတော့ လုပ်မယ်ဆိုတဲ့ အတိုင်းပဲ ဆက်ပြီးတော့ ကျနော်တို့ လုပ်တယ်ခင်ဗျ။ အဲလိုလုပ်တဲ့အခါမှာ ကျနော်တို့ ဘယ်ကနေ စသွားသလဲ ဆိုတော့- လက်ရွေးစင်ရှေ့ကနေပြီး ဖရေဇာလမ်းဘက်ကို ပြန်ထွက်လာပြီးတော့ ဖရေဇာ လမ်းဘက်မှာ ဂုံးကျော်တံတားရှိတယ်။ အဲဒီ ဂုံးကျော်တံတားကနေ ပတ်ပြီးတော့ ဆူးလေးဘုရားပေါ်ကို တက်လာတယ်။ ဆူးလေဘုရားကို သုံးပတ်ပတ်ပြီးတော့ ကျနော်တို့ အခု အဆုံးသတ်ပွဲကို လုပ်နေတယ်ခင်ဗျ။”

အရင်က သတ်မှတ်ထားတဲ့ ဗန္ဓုလပန်းခြံရှေ့ စုဝေးပြီး ဖယောင်းတိုင် ထွန်းညှိ ဆန္ဒပြမယ့် အစီအစဉ်တော့ ပျက်သွားခဲ့ရတယ်လို့ ကိုခင်ဇော်က ပြောပါတယ်။ လုံခြုံရေးတွေ ကတော့ အနှောင့်အယှက်ပေးတာမျိုး မရှိဘဲ - ဆန္ဒပြသူ အရေအတွက်ဟာ အင်္ဂါနေ့ကထက် ပိုများခဲ့တာကြောင့် ယာဉ်ကျောပိတ်ဆို့မှု အခြေအနေကို ရှင်းပေးတာမျိုး၊ အဝေးကနေ စောင့်ကြည့်တာမျိုးလောက်သာ လုပ်ခဲ့တယ်လို့လည်း ဆိုပါတယ်။ ပြည်သူ တွေဘက်ကလည်း အော်ဟစ်တောင်းဆိုမှု မလုပ်ဘဲ တိတ်တိတ် ဆိတ်ဆိတ်နဲ့ ဖယောင်းတိုင်မီး ကိုင်ဆောင်ပြီး စီတန်း လမ်းလျှောက်ကြသလို တချို့ကလည်း ပိုစတာတွေကို ကိုင်ဆောင် ထားကြတယ် လို့လည်း ကိုခင်ဇော် က ဆက်ပြောပြပါတယ်။

“ ‘ဘက်ထရီလည်းမဝယ်နိုင်၊ အင်ဗာတာလည်း ငါမပိုင်၊ ဖယောင်းတိုင်မီးနဲ့မှိုင်’ - ဆိုတာလည်း ပါတယ်ဗျာ- နောက်တခုက ‘ရန်ကုန်မြို့ကြီး နေပြည်တော်လို မီးလင်းပါစေ၊ မြန်မာပြည်တဝှမ်း မီးလင်းပါစေ’ တရုတ်နဲ့ ပတ်သက်တဲ့ဟာလည်း ပါတယ်ဗျ။ တရုတ်ပြည်ကြီးကျတော့ ဗမာပြည်က gas တွေနဲ့ မီးလင်းနေတယ်ဗျာ။ ဗမာပြည်မှာကတော မီးမှောင်နေတယ်ဆိုတဲ့ အကြောင်းကို ရေးထားတာ ဗျ။ နောက်တခု ကျနော် ဖတ်ပြမယ်ဗျ။ ‘ဘယ်ဝန်ကြီးအိမ် မီးပျက်နေပါသနည်း’- တဲ့။”

အလားတူပဲ ရန်ကုန် - တောင်ဒဂုံမြို့နယ်ဘက်မှာလည်း လျှပ်စစ်မီးရရှိရေး ဆန္ဒထုတ်ဖော်တောင်းဆို မှုတွေ ဖြစ်ခဲ့တယ်လို့ ရန်ကုန်မြို့ခံတွေက ပြောပြပါတယ်။ မန္တလေးမှာတော့ ပြီးခဲ့တဲ့ ရက်ပိုင်းက လုပ်ခဲ့တဲ့ လျှပ်စစ်မီး ရရှိရေး ဆန္ဒ ထုတ်ဖော်သူတွေထဲက တချို့ ခေါ်ယူမေးမြန်းခံခဲ့ရပြီး နောက် ဗုဒ္ဓဟူးနေ့မှာတော့ ဒီလို ဆန္ဒထုတ်ဖော်မှုတွေကို ဆက်လုပ်မယ် မလုပ်ဘူးဆိုတာ မသိရသေးပါဘူး။ အင်္ဂါနေ့ည ၁၀ နာရီလောက်ကတော့ ဆိုင်ကယ်လ်တွေနဲ့ ဖယောင်းတိုင်မီးအစား မီးဒုတ်တွေကို ကိုင်ဆောင်ပြီး လှည့် လည်ခဲ့ကြတယ်လို့ မန္တလေးမြို့ခံတဦးက ပြောပြခဲ့ပါတယ်။ ဒီလို ဆန္ဒထုတ်ဖော်မှုတွေဖြစ်ခဲ့တဲ့ အခုရက်ပိုင်း အတွင်း မန္တလေးမြို့က လုံခြုံရေးအခြေအနေနဲ့ပတ်သက်ပြီးတော့ - သတင်းထောက်တဦးက အခုလို ပြောပြပါတယ်။

“လျှပ်စစ်မီးကိစ္စနဲ့ပတ်သက်ပြီးတော့ အဲဒီ ကျုံးဘေးမှာ ဆန္ဒဖော်ထုတ်တဲ့နေ့တွေတုန်းကတော့ ရဲတွေ၊ အချုပ်ကားတွေ အများကြီး သိသိသာသာ ချထားတယ်။ ဒီနေ့အခြေအနေမှာတော့ သိပ်ပြီးတော့ အဲဒီလို မမြင်မတွေ့ရပါဘူးဗျ။ သိသိသာသာ အချုပ်ကားတွေနဲ့ မတွေ့ရတော့ပါဘူး။ ဒါပေမဲ့ ကျုံးဘေးမှာ ရဲတွေ ကိုတော့ တယောက်စ၊ နှစ်ယောက်စတော့ မြင်တွေ့နေရပါတယ်။ ဒါပေမဲ့ လူတွေလည်း ဆန္ဒဖော်ထုတ်ဖို့ သိပ်ပြီး များများစားစား လာကြတာ မရှိတော့ အရင်ရက်တွေလောက် ရဲတွေကို ကျုံးဘေးမှာ ချထားတာ မတွေ့ရတော့ပါဘူး။”

မြန်မာအစိုးရက လျှပ်စစ်မီး အလုံအလောက် မရှိတဲ့အတွက် ဖြန့်ဝေမှုတွေကို ဖြတ်တောက်မယ် လို့ ကြေညာခဲ့ရာက မန္တလေးမြို့ကစလို့ ဆန္ဒပြပွဲတွေ ပေါ်ပေါက်ခဲ့တာပါ။ ရေနံ၊ သဘာဝဓာတ်ငွေ့ သာမက ရေအားလျှပ်စစ် ထုတ်လုပ်မှုတွေ အကြီးအကျယ် ရှိနေပေမဲ့လည်း အများစုကိုတော့ အိမ်နီးချင်း ထိုင်း၊ တရုတ် စတဲ့ နိုင်ငံတွေကို တင်ပို့ရောင်းချနေတာလည်း ဖြစ်ပါတယ်။

လူဦးရေ သန်း ၆၀ ရှိတဲ့ မြန်မာနိုင်ငံမှာ လူ ၄ ယောက်မှာ ၁ ယောက်နှုန်းသာ လျှပ်စစ်မီးကို သုံးစွဲနိုင်တဲ့ အဆင့်မှာသာ ရှိနေတာလည်း ဖြစ်ပါတယ်။ ဒီအတွက်လည်း ၂၄ နာရီ မီးရရှိရေး မန္တလေးမြို့မှာ ဆန္ဒပြ ပွဲတွေ ၂ ရက်ဆက်တိုက်ဆိုသလို ဖြစ်ပွားခဲ့တာမို့ လူတချို့ကို ခေါ်ယူစစ်ဆေး မေးမြန်း ခံရတာတွေလည်း ရှိခဲ့တာပါ။ မြန်မာနိုင်ငံမှာ အစိုးရသစ် တက်လာပြီးနောက်မှာတော့ အစိုးရက လွတ်လပ်စွာ စုဝေး ဆန္ဒပြ ခွင့်တွေ ပြုခဲ့တာ ဖြစ်ပေမဲ့ ကြိုတင်ခွင့်ပြုချက် ရယူဖို့လည်း သတ်မှတ်ထားတာ ဖြစ်ပါတယ်။ လိုက်နာဖို့ ပျက်ကွက်တယ်ဆိုရင် ဖမ်းဆီး ခွင့်လည်း ရှိနေတာဖြစ်ပါတယ်ရှင်။

Ref: VOA News

Read More...

ရန်ကုန် မန္တလေး လျှပ်စစ်မီး မပြတ်တောက်ရေး လှုပ်ရှားမှု

2012-05-23

ရန်ကုန်မြို့မှာ ဒီကနေ့ ညပိုင်းမှာလည်း လျှပ်စစ်မီး ၂၄ နာရီရရှိရေး ပြည်သူ့ဆန္ဒ ထုတ်ဖော်မှုကို ဆက်လက် လုပ်ဆောင် သွားမယ်လို့ စီစဉ်သူတွေက RFA ကို ပြောပါတယ်။

မနေ့က ရန်ကုန်မြို့ ဆူးလေဘုရားမှာ ဖယောင်းတိုင် ထွန်းညှိ ဆုတောင်းတဲ့ ပုံစံအတိုင်း ဒီကနေ့ ညပိုင်းမှာလည်း ဆက်လက်ဆောင်ရွက်မှာ ဖြစ်တယ်လို့ သိရပါတယ်။

အလားတူ ဒဂုံမြို့သစ်တောင်ပိုင်း မြို့နယ်လျှပ်စစ်ရုံးရှေ့မှာ ဒီကနေ့ည ဖယောင်းတိုင်ထွန်းညှိ ဆုတောင်းပွဲ အစီအစဉ် ရှိတယ်လို့ သိရပါတယ်။ အဲဒီပွဲကို သွားရောက်နေတဲ့ ဗိုလ်ကြီးဟောင်း နေမျိုးဇင်က မြန်မာနိုင်ငံသားတွေအနေနဲ့ ကိုယ်နိုင်ငံက ထွက်ရှိတဲ့ သဘာဝ သယံဇာတတွေကို အသုံးပြုခွင့် မရရှိတာကြောင့် စိတ်မကောင်းစွာနဲ့ ဆန္ဒပြပွဲကို သွားရောက်နေတာဖြစ်တယ်လို့ RFA ကို ပြောပါတယ်။

ရန်ကုန်တိုင်းအတွင်း လျှပ်စစ်မီးဖြန့်ဝေပေးတဲ့ အခြေအနေနဲ့ ပတ်သက်ပြီး မီးရရှိအောင်ဆောင်ရွက်နေတဲ့ အခြေအနေတွေကို ရန်ကုန်တိုင်း လျှပ်စစ်မီး ခွဲဝေရေး ဥက္ကဋ္ဌ ဦးအောင်ခိုင်ကို ဆက်သွယ်မေးမြန်းကြည့်တဲ့ အခါ-

" ကျွန်တော် ဘာမှကို မပြောပါရစေနဲ့တော့၊ ကျွန်တော်တို့ ဘာမှလုပ်လို့ ကိုင်လို့မရလို့နော်။ ဒီနေ့ညလည်း ဆန္ဒပြပွဲတွေ ရှိနေတယ်။ အဲတာတွေအတွက် ကျွန်တော်တို့ ဒီမှာ စီစဉ်စရာ၊ ပြုစရာတွေလုပ်နေလို့" လို့ပြောပါတယ်။

မနေ့က ဆူးလေဘုရားအနီးမှာ ဖယောင်းတိုင်ထွန်းညှိ ဆန္ဒထုတ်ဖော်သူ ရာဂဏန်းရှိတယ်လို့ မျက်မြင်သက်သေတွေက ပြောဆိုပါတယ်။

မန္တလေးတိုင်း ကျောက်ဆည်မြို့မှာတော့ လျှပ်စစ်မီး ပုံမှန်မရတဲ့ကိစ္စအပေါ် ဆန္ဒထုတ်ဖော် ပြသမယ်လို့ မြို့လူထုက သက်ဆိုင်ရာကို အကြောင်းကြားစာ ပေးပို့ခဲ့တာကြောင့် အာဏာပိုင်တွေက ဒီကနေ့ မနက်ပိုင်းမှာ အရေးပေါ် သတင်းစာရှင်းလင်းပွဲ ကျင်းပခဲ့ကြောင်း သတင်းရရှိပါတယ်။

လျှပ်စစ်မီးရရှိရေးအတွက် မေလ (၂၇) ရက် တနင်္ဂနွေနေ့မှာ ဆန္ဒထုတ်ဖော် ပြသမယ်လို့ ကျောက်ဆည်မြို့ခံတွေက သက်ဆိုင်ရာ မြို့နယ်အုပ်ချုပ်ရေးမှူးရုံး ၊ ရဲတပ်ဖွဲ့နဲ့ လျှပ်စစ်ရုံးတွေကို မနေ့က စာရေးအကြောင်းကြားခဲ့တာပါ။ အဲဒီနောက် ဆန္ဒပြမယ့်သူတွေထဲက စာရေးဆရာ ဒိုးလေး (ကျောက်ဆည်) ကို စ-သုံးလုံး၊ SB တို့က ခေါ်ယူစစ်ဆေး မေးမြန်းခဲ့ပါတယ်။

ဒီကနေ့ မနက်ပိုင်းမှာတော့ မန္တလေးတိုင်း ဝန်ကြီးချုပ်နဲ့ အမှတ် (၂) လျှပ်စစ်ဝန်ကြီးဌာနက တာဝန်ရှိသူတွေ ကျောက်ဆည်မြို့ကို လာရောက်ပြီး သတင်းစာ ရှင်းလင်းပွဲ လုပ်ခဲ့ကြောင်း အဲဒီပွဲကို တက်ရောက်ခဲ့တဲ့ ပန်းချီ ကိုမိုးမခက RFA ကိုပြောပါတယ်။

" အရေးပေါ်အစည်းအဝေး မနက်က အလောတကြီးဖိတ်လိုက်တယ်။ မန္တလေးတိုင်းဒေသ ဝန်ကြီးကိုယ်တိုင်ပါတယ်။ ပြီးတော့ အမှတ် ၂ လျှပ်စစ်ဝန်ကြီးဌာန ဝန်ကြီးပါတယ်။ ဒီလေး-ငါးရက် အတွင်းကို ပြန်ကောင်းအောင်တော့ သူတို့ကြိုးစားပါ့မယ်တဲ့။ ကျွန်တော်တို့လည်း လိုအပ်တဲ့ လိုအပ်ချက်လေးတွေ တင်ပြတယ်။ ကျောက်ဆည်မှာ လျှပ်စစ်မီးက ၅ မိနစ်လောက်လာ၊ နာရီဝက်လောက်က ပြန်ပြီးတော့ ပြန်သွားရော၊ ပြန်သွားပြီးတော့ နောက်ထပ် ၁၀ မိနစ် ၁၅ မိနစ်လောက် ပြန်လာ၊ ပြန်ပြတ် အဲဒီလိုမျိုးတွေ ဖြစ်နေရော။ ထမင်းအိုးတည်ထားတဲ့ ထမင်းပေါင်းအိုးတွေ ဝက်စာဖြစ်သွားတာတို့၊ ကျွန်တော်အိမ်က တီဗီဆိုရင် မီးလုံးကြွသွားတာတို့ အဲဒီလို အခက်အခဲလေးတွေရှိတယ်။ မီးအားကလည်း အဝင်က ၅၀-၆၀ လောက်နဲ့ ဘာအလုပ်မှ လုပ်လို့မရဘူးခင်ဗျ။ မီးမလာတာကတကြောင်း ရေကည ၂ နာရီလောက်မှ ပေးလိုက်တော့ ကျွန်တော်တို့ အိပ်မောကျနေတဲ့ အချိန်၊ မသိဘူး သူက အသိပေး အကြောင်းကြားခြင်းလည်းမရှိဘူး"

မန္တလေးတိုင်း ဝန်ကြီးချုပ်နဲ့ တာဝန်ရှိသူတွေက ကတိပေးသွားပေမဲ့ လက်တွေ့ ဘယ်လိုဖြစ်လာမလဲ ဆိုတာကို ဆက်လက်စောင့်ကြည့်မှာ ဖြစ်ကြောင်း၊ လျှပ်စစ်မီး ပုံမှန်ပြန်မရဘူး ဆိုရင်တော့ လာမယ့်ဇွန်လ (၁) ရက်နေ့ နောက်ပိုင်းမှာ ဆန္ဒထုတ်ဖော်သွားကြမှာ ဖြစ်ကြောင်း ကျောက်ဆည်မြို့ခံတွေက ပြောပါတယ်။

Ref: RFA News

Read More...

ဆန္ဒပြမှုတွေ ပြေလည်အောင်ဖြေရှင်းပေးဖို့ အာဏာပိုင်တွေကို ၈၈ မျိုးဆက်တောင်းဆို

ကိုဇော်ဝင်းလှိုင်
ဗုဒ္ဓဟူး, 23 မေ 2012

ရန်ကုန်မြို့တဝိုက်မှာဖြစ်ပေါ်နေတဲ့ အလုပ်သမားဆန္ဒပြမှုတွေ ပြေလည်ဖို့ အတွက် သက်ဆိုင်ရာ အာဏာပိုင်တွေ အနေနဲ့ ဖြန်ဖြေရေး ကော်မတီတွေ ဖွဲ့ပြီးတော့ အမြန်ဆုံး ဖြေရှင်းပေးဖို့လိုတယ်လို့ ၈၈ မျိုးဆက် ကျောင်းသားများ အဖွဲ့က တိုက်တွန်း လိုက်ပါတယ်။ အလုပ်သမားဆန္ဒပြမှုတွေ အရှိန်မြင့်လာနေပြီး အကြမ်းဖက်မှုတွေ ဖြစ်ပွားတဲ့ အထိပါ အခြေအနေတွေ ပိုပြီးတော့ ဆိုးလာနေတယ် ဆိုတဲ့သတင်းတွေ ထွက်ပေါ်လာတဲ့ အချိန်မှာပဲ ၈၈ မျိုးဆက် ကျောင်းသားတွေက အခုလိုမျိုး တိုက်တွန်း လိုက်တာ ဖြစ်ပါတယ်။ ဒီအကြောင်း အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ရန်ကုန်မြို့တဝိုက်က စက်ရုံအလုပ်သမားတွေ လုပ်အားခတိုးမြှင့်ပေးရေးနဲ့ အလုပ်သမား ခံစားခွင့်တွေ ပိုမို ရရှိရေးတို့ အတွက် ဆန္ဒပြတောင်းဆိုမှုတွေ အရှိမြင့် လာနေချိန်မှာပဲ မနေ့က ၈၈ မျိုးဆက်ကျောင်းသားများ အဖွဲ့က ကြေညာချက် ထုတ်ပြန်ပြီးတော့ အခုလို တောင်းဆို လိုက်တာပါ။ မနေ့က ဆန္ဒပြမှုတွေ အရှိန်မြင့်လာပြီး အကြမ်းဖက်မှုတွေပါ ဖြစ်ပေါ်လာနေတယ် ဆိုတဲ့ သတင်းတွေ ထွက်ပေါ် လာနေတာကြောင့် ဒီကိစ္စပြေလည်နိုင်အောင် သက်ဆိုင်ရာ အာဏာပိုင်တွေ အနေနဲ့ ဖြန်ဖြေရေး ကော်မတီလိုမျိုး ဥပဒေအရ လုပ်ပိုင်ခွင့်ရှိတဲ့ ကော်မတီတရပ် ဖွဲ့စည်းပြီး ဒီကိစ္စကို အမြန်ဆုံးဖြေရှင်းပေးဖို့ လိုအပ်တယ်လို့ ၈၈ မျိုးဆက် ကျောင်းသားများ အဖွဲ့က ဦးကိုကိုကြီးက ပြောပါတယ်။

"ဥပဒေအရဆိုရင်တော့ ဖြန်ဖြေရေးကော်မတီပေါ့- ကော်မရှင်ပေါ့။ ခုံသမာဓိအဖွဲ့ ဖွဲ့ဖို့ အဲဒါကို ဖွဲ့ပြီးတော့ ဖြေရှင်းပေးဖို့၊ အမြန်ဆုံးပေါ့လေ၊ အရေးယူဆောင်ရွက်ပေးဖို့ ကျနော်တို့ တိုက်တွန်းတာပါ။"

အလုပ်ရှင်၊ အလုပ်သမားဆိုတာဟာ မိသားစုလို ဆက်ဆံကြရမှာဖြစ်တာကြောင့် တဦးနဲ့တဦး ဆက်ဆံရေးမှာ ပြေလည်ဖို့ လိုအပ်တယ် လို့လည်း ဦးကိုကိုကြီးက ပြောပါတယ်။ နိုင်ငံခြားကရောက်လာတဲ့ ရင်းနှီးမြှုပ်နှံမှုတွေကို ကြိုဆို ကြရမှာဖြစ်ပေမယ့်လည်း တိုင်းပြည် အတွင်းက အလုပ်သမားတွေရဲ့ အခွင့်အရေးကို မထိခိုက်စေဖို့တော့ သတိထား သင့်တယ်လို့လည်း ကိုကိုကြီးက ထောက်ပြပြောဆိုပါတယ်။

"ကျနော်တို့က ၁၉၈၈ မှာကတည်းက နိုင်ငံက ဖွံ့ဖြိုးမှုအနိမ့်ဆုံးနိုင်ငံဖြစ်သွားတဲ့ အပေါ်မှာ၊ တိုင်းပြည် ဆင်းရဲ မွဲတေတဲ့ အပေါ်မှာ နိုင်ငံရေး၊ စီးပွားရေးစံနစ်တွေကို ကျနော်တို့ မကျေနပ်လို့ ဆန္ဒပြလာခဲ့တာ၊ အဲဒီတော့ ဖွံ့ဖြိုးရေးနဲ့ ပတ်သက်လို့ နိုင်ငံခြား ရင်းနှီးမြှုပ်နှံမှုတွေ၊ ပုဂ္ဂလိက လုပ်ငန်းတွေကို ကျနော်တို့က လာလည်း လာစေချင်တယ်။ ရင်းနှီးမြှုပ်နှံမှုတွေလည်း ဖြစ်စေချင်တယ်။ အဲသလို လာတဲ့အချိန်မှာ ကျနော်တို့ နိုင်ငံ သားတွေရဲ့ အခွင့်အရေး ကိုလည်း အာမခံချက်ရှိတဲ့- အနိမ့်ဆုံးအဆင့် အိမ်နီးချင်းနိုင်ငံတွေမှာ ရှိတဲ့ လုပ်ခ လစာတွေနဲ့ နှိုင်းယှဉ်နိုင်တဲ့ အခြေအနေမျိုးပေါ့။ အဲဒါမျိုးတော့ ဖြစ်စေချင်တယ်။"

မနေ့က ဆန္ဒပြမှုတွေမှာ အကြမ်းဖက်မှုတွေ ပါလာတယ် ဆိုတဲ့သတင်းတွေ ထွက်လာနေတာကြောင့် အဲလိုမျိုး အကြမ်း ဖက်မှုတွေဖြစ်မလာအောင်နှစ်ဘက် စလုံးက သတိထားကြဖို့ လိုအပ်တယ် ဆိုတာကိုလည်း ဦးကိုကိုကြီးက ပြောပါတယ်။

"ကျနော်တို့ကတော့ အကြမ်းဖက်တာကို ဘယ်လို အကြမ်းဖက်တာမျိုးကိုမှ လက်မခံဘူး။ အဲဒီတော့ အလုပ်သမားတွေ ဘက်ကလည်း သူတို့ သပိတ်မှောက်တယ်၊ ဆန္ဒပြတယ် ဆိုတာဟာ သူတို့ရဲ့နေ့စဉ် လုပ်ခ လစာတွေကို စွန့်လွှတ်ပြီးတော့ ပြကြတာ။ နေ့စဉ် စားရေးသောက်ရေးကအစ တော်တော် အခက်အခဲရှိပါတယ်။ သပိတ်ရက် ရှည်လာတာနဲ့အမျှ အလုပ်သမားတွေရဲ့ အခက်အခဲတွေကလည်း ပိုပိုပြီး ကြီးကြီးလာပါတယ်။ ဒါကြောင့်မို့လို့ လည်း ကျနော်တို့က နိုင်ငံတော်အဆင့်ကပါ တာဝန်ရှိတဲ့သူတွေ အနေနဲ့ အလေးအနက် ထားပြီးတော့ ကိုယ့်နိုင်ငံသားတွေ ဘက်ကနေ ခိုင်ခိုင်မာမာ ရပ်တည်ပေးဖို့၊ တချိန်တည်းမှာပဲ အလုပ်ရှင်တွေ အနေနဲ့လည်း ဒီမှာ ရင်းနှီးမြှုပ်နှံတဲ့ အခွင့်အလမ်းကို မထိခိုက်အောင် နှစ်ဘက် မျှမျှတတနဲ့ဆောင်ရွက်ပေးဖို့ - အဲဒါကို ကျနော်တို့ အဓိက လိုလားတာပါ။"

မြန်မာနိုင်ငံဟာ လက်ရှိအနေအထားမှာ ဒီမိုကရေစီအသွင်ကူးပြောင်းရေးကာလကို ဖြတ်သန်းနေတဲ့ အချိန်ဖြစ်တာကြောင့် ဆန္ဒဖော်ထုတ်ကြတဲ့ အလုပ်သမားတွေရဲ့အခွင့်အရေးကို အသိအမှတ်ပြုသင့်တဲ့ တချိန်တည်းမှာပဲ လက်ရှိ လုပ်ဆောင်နေတဲ့ ပြုပြင်ပြောင်းလဲရေး လုပ်ငန်းတွေ ထိခိုက်မသွားအောင်လည်း ထိန်းသိမ်းဖေးမ ပေးသင့်တယ်လို့ ဆိုပါတယ်။

"ကျနော်တို့ကိုယ်တိုင်လည်း လူထုဆန္ဒ ထုတ်ဖော်ပြောကြားခွင့်တွေနဲ့ ပတ်သက်လို့ အလေးအနက် ထားတယ်။ ကျနော်တို့ လူထုက တလျှောက်လုံး ငြိမ်ခံနေခဲ့ကြရာက ကိုယ့်ရဲ့ နစ်နာမှုတွေလည်း မပြောရဲ၊ ပြောခွင့်မရ၊ ကိုယ့်လိုအပ်ချက်တွေကိုလည်း ထုတ်ဖော်ခွင့်မရဆိုတဲ့ အခြေအနေမျိုးကနေ ဒီမိုကရေစီ လူ့အဖွဲ့အစည်းကို ပြောင်းတော့မယ်ဆိုရင်တော့ လူထုရဲ့ငြိမ်းချမ်းစွာဆန္ဒထုတ်ဖော်ခွင့်တွေကို အသိအမှတ်ပြုရမယ်။ ဒါက အရေးကြီးပါတယ်။ တချိန်တည်းမှာပဲ အခုဖြစ်နေတဲ့ အသွင်ကူးပြောင်းရေးကာလ ဖြစ်စဉ်တွေကို လမ်းကြောင်းပြောင်းမသွားအောင်လည်း ဝိုင်းပြီးတော့ ဂရုစိုက်သင့်တယ်၊ ထိန်းသိမ်းသင့်တယ်လို့ မြင်ပါတယ်။"

၈၈ မျိုးဆက်ကျောင်းသားတွေအနေနဲ့ ဆန္ဒပြသူတွေကို ကိုယ်တိုင်သွားရောက်တွေ့ဆုံပြီး အခြေအနေတွေ ကို လက်တွေ့လေ့လာ ခဲ့ကြတာ ဖြစ်ပါတယ်။ အခုအချိန် အထိတော့ အလုပ်ရှင်တွေ ဘက်ကရော အလုပ် သမားတွေ ဘက်ကပါ သူတို့ရဲ့ မူလ ရည်ရွယ်ချက်တွေ အတိုင်း ဆက်လက် ရပ်တည်နေကြပြီး အလုပ်သမားတွေရဲ့ တောင်းဆိုချက်တွေကိုလည်း အလုပ်ရှင်တွေ ဘက်က လိုက်လျောပေးတာမျိုး မရှိသေးပါဘူး။ ဆန္ဒပြပွဲတွေ ငြိမ်းငြိမ်းချမ်းချမ်းနဲ့ စည်းကမ်းတကျ ဖြစ်စေဖို့ အတွက်လည်း ၈၈ မျိုးဆက် ကျောင်းသားခေါင်းဆောင် တချို့က ဖေးမဆောင်ရွက်ပေးနေကြတာဖြစ်ပါတယ် ခင်ဗျာ။

Ref: VOA News

Read More...

မန္တလေးတွင် ပုံမှန်ထက် လုံခြုံရေးတိုးမြှင့်ချထား

နေမျိုး
ဗုဒ္ဓဟူးနေ့၊ မေလ ၂၃ ရက် ၂၀၁၂

နယူးဒေလီ (မဇ္ဈိမ) ။ ။ ဗုဒ္ဓဟူးနေ့ မနက်ပိုင်းမှ စတင်ကာ မန္တလေးမြို့တွင် ယူနီဖောင်းအပြည့် လုံထိန်းနှင့် ရဲ အထူး တပ်ဖွဲ့ဝင်များ တိုးမြှင့် ချထားကြောင်း သိရသည်။

မေလ ၂ဝ ရက်နေ့မှ စတင်ကာ သုံးညဆက်တိုက် လျှပ်စစ်မီးရရှိရေး ဖယောင်းတိုင်မီးထွန်း ဆန္ဒပြပွဲများ မန္တလေးမြို့တွင် ဖြစ်ပွား ခဲ့ပြီးနောက်ပိုင်း ယခုကဲ့သို့ သာမန်ထက် ထူးခြားစွာ လုံခြုံရေး တပ်ဖွဲ့ဝင်များကို တိုးမြှင့် ချထားခြင်း ဖြစ်နိုင်ကြောင်း မန္တလေးမြို့ခံ ဦးမျိုးနိုင်က ပြောသည်။

“စစ်တပ်ယူနီဖောင်း မတွေ့ဘူး။ ရဲယူနီဖောင်းတွေပဲ၊ အပေါ်ကတော့ ကွန်မန်ဒိုကုတ် ဝတ်ထားတာ တွေ့တယ်။ ဆီဒိုးနား ဝန်းကျင်မှာ အရပ်ဝတ်နဲ့ သူတို့ အိတ်ထောင်တွေမှာ သတ်မှတ်ထားတဲ့ သင်္ကေတလေးတွေ တွေ့တယ်” ဟု မဇ္ဈိမကို ပြောသည်။

မည်သည့်အတွက်ကြောင့် လုံခြုံရေး တိုးချထားသည်ကို သက်ဆိုင်ရာမှ ပြောဆိုခြင်း မရှိသလို အချက်အချာ ကျသည့် နေရာများ အပြင် မန္တလေးတောင်ပေါ် အထိ ရဲတပ်ဖွဲ့ဝင်များ တိုးမြှင့် ချထားသည့် အတွက် ထူးခြားကြောင်း ဦးမျိုးနိုင် က ဆက်ပြောသည်။

“လျှပ်စစ်မီးကိစ္စနဲ့ပါတ်သက်ပြီး မန္တလေးတောင်တို့ ဘာတို့မှာ ချစရာ အကြောင်း မရှိဘူးလေ။ လူကြီး ခရီးစဉ်တို့ ဘာတို့မှာပဲ မန္တလေးတောင်မှာ လုံခြုံရေး ကြို ချတတ် တာဗျ။ နိုင်ငံခြားသားလည်း ဖြစ်နိုင်တယ်။ နိုင်ငံခြား ဧည့်သည်တို့ ဘာတို့ဆို ဆီဒိုးနားမှာ တည်းတယ်။ ၆၆ ကနေ ၇၈၊ ၂၆ ဘီလမ်းကြီး လမ်းဒေါင့်၊ ၆၆ ရှေ့ကနေပြီးတော့ ၁၂ လမ်းအထိ ကျုံးမြောက်ဖက်ခြမ်း အထိပေါ့။ ၇၊ ၈ ပေါ်မှာလည်း အဲလိုချထားတာ တွေ့ရတယ်။ မြို့အဝင် လမ်းမ ဒေါင့်တွေမှာပေါ့။ လမ်းဆုံလမ်းမတွေပေါ် ချထားတယ်”

ဆီဒိုးနားဟိုတယ်ဝန်းကျင်တွင် ယူနီဖောင်းဝတ်ရဲများ၊ အရပ်ဝတ်အာဏာပိုင်များပါ စောင့်ကြပ်မှုများ ရှိနေ၍ မြို့ခံများက အစိုးရအဖွဲ့ဝင် အကြီးအကဲ တဦးဦး သို့မဟုတ် နိုင်ငံရပ်ခြားမှ အရေးကြီး ပုဂ္ဂိုလ်တဦးဦး လာနိုင်သည်ဟု မြို့ခံ အမျိုးသားတဦးက မဇ္စျိမကို ပြောသည်။

လူအသွားအလာ၊ မော်တော်ယာဉ်အသွားအလာများ ပုံမှန်အတိုင်းရှိနေသည်။ လုံခြုံရေး တိုးမြှင့် ချထားသည့် အတွက် ပြီးခဲ့သည့် ရက်များက ဆန္ဒပြမှုများတွင် ပါဝင်ခဲ့သည့် ကျောင်းသား လူငယ်များနှင့် ပြည်သူများ အပေါ် ဆန္ဒပြမှုများ ထပ်မံဖြစ်ပေါ်ရန် နှိုးဆွသလို ဖြစ်နေကြောင်း ဦးမျိုးနိုင်က သုံးသပ်သည်။

“မန္တလေးရဲ့ ရာသီဥတု အနေအထားက အခုတော်တော်ပူတယ်။ မနေ့ကတော့ ပေးချိန်မှန်တယ်။ လူတွေ လိုချင်တဲ့ အရာကို ဖြည့်ဆည်းပေးလိုက်တယ် ဆိုရင်တော့ ဆန္ဒပြတာ လုပ်ချင်မှ လုပ်မယ်ပေါ့။ အဓိက ပုံမှန် မီးမလာတဲ့ ပြဿနာရယ်၊ ဆန္ဒပြတဲ့ အရှိန်က ရှိထားတော့ လူငယ်တွေကတော့ ဟိုနားချရင် ဒီဘက်လုပ်မယ်။ ဒီနားချရင် ဟိုဘက် လုပ်မယ်ဆိုတဲ စိတ်မျိုး ဖြစ်ပေါ်စေတယ်” ဟု ပြောသည်။

ဆန္ဒပြပြီးနောက် လျှပ်စစ်မီးများမှာမူ ပုံမှန် သတ်မှတ်ခွဲတမ်းအတိုင်း ပြန်လည် ရရှိနေသည် ဟုလည်း ဦးမျိုးနိုင်က ဆိုသည်။

မုံရွာမြို့တွင်လည်း မေလ ၂၁၊ ၂၂ ရက်နေ့များက လျှပ်စစ်မီးရရှိရေး ဆန္ဒပြပွဲများ ဖြစ်ပေါ်ခဲ့တာကြောင့် ၂၃ ရက်နေ့တွင် မုံရွာမြို့၏ ဗိုလ်ချုပ်ကြေးရုပ်၊ နာရီစင်နှင့် ဘုရားကြီး စသည့် အထင်ကရနေရာတို့တွင် လုံခြုံရေးရဲတပ်ဖွဲ့ဝင်များ တိုးမြှင့်ချထားကြောင်း မုံရွာမြို့ခံတဦး၏ ပြောပြချက်အရ သိရှိရသည်။

Ref: မဇ္ဈိမ

Read More...

Wednesday, May 23, 2012

ILO ညီလာခံမှာ ဒေါ်အောင်ဆန်းစုကြည် မိန့်ခွန်းပြောမည်

2012-05-22

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ လာမယ့် ဇွန်လ (၁၄) ရက်နေ့မှာ ဆွစ်ဇာလန်နိုင်ငံ ဂျီနီဗာမြို့က နိုင်ငံတကာ အလုပ်သမား အဖွဲ့ချုပ် (ILO) ရုံးချုပ်မှာ မိန့်ခွန်းပြောကြားမယ်လို့ ILO ညွှန်ကြားရေးမှူးချုပ် Juan Somavia က ပြောပါတယ်။

ဒေါ်အောင်ဆန်းစုကြည်ဟာ နှစ် (၂၀) ကျော်အတွင်း ပထမဆုံး ပြည်ပခရီးအဖြစ် ဇွန်လမှာ ဥရောပကို ထွက်ခွာမှာ ဖြစ်ပါတယ်။

၁၉၉၃ ခုနှစ်က ချီးမြှင့်ခံခဲ့ရတဲ့ ငြိမ်းချမ်းရေး နိုဘဲလ်ဆုကို ကိုယ်တိုင်လက်ခံဖို့အတွက် နော်ဝေးနိုင်ငံကို အသွား ဂျီနီဗာမြို့က နိုင်ငံတကာ အလုပ်သမား အဖွဲ့ချုပ် ILO ညီလာခံကို တက်ရောက်မှာ ဖြစ်ပါတယ်။

ILO ညွှန်ကြားရေးမှူးချုပ်က - အခုကျင်းပမယ့် ILO ညီလာခံဟာ ဒေါ်အောင်ဆန်းစုကြည်ရဲ့ ပထမဦးဆုံး ပြည်ပမှာ မိန့်ခွန်းပြောကြားတဲ့နေရာ ဖြစ်သွားပါလိမ့်မယ်လို့ ဆိုပါတယ်။

ဒေါ်အောင်ဆန်းစုကြည်ဟာ နော်ဝေးနိုင်ငံကနေ ဗြိတိန်နဲ့ အိုင်ယာလန်နိုင်ငံတွေကို ဆက်လက်သွားရောက်မှာ ဖြစ်ပါတယ်။

Ref: RFA News

Read More...

ဒေါ်အောင်ဆန်းစုကြည် ဂုဏ်ထူးဆောင်ဘွဲ့ တခု ထပ်မံရရှိ

2012-05-21

အမေရိကန်ပြည်ထောင်စု မေရီလန်းပြည်နယ်၊ Johns Hopkins တက္ကသိုလ်က ဒေါ်အောင်ဆန်းစုကြည်ကို ဒီမိုကရေစီ ရရှိရေး ငြိမ်းချမ်းစွာ တိုက်ပွဲဝင်မှု အတွက် ဂုဏ်ထူးဆောင်ဘွဲ့ ချီးမြှင့် လိုက်ပါတယ်။

အခုလို ဂုဏ်ထူးဆောင်ဆု ချီးမြှင့်ရတာနဲ့ ပတ်သက်ပြီး Johns Hopkins တက္ကသိုလ်ရဲ့ထုတ်ပြန် ကြေညာချက်မှာ ဒေါ်အောင်ဆန်းစုကြည်ဟာ သူ့ဘ၀တာရဲ့အချိန်ကာလ အများစုကို စစ်အစိုးရ ဆန့်ကျင်ရေး အတွက် ပေးဆပ်ခဲ့ကြောင်းနဲ့ အရင်လအတွင်းက ကျင်းပခဲ့တဲ့ ကြားဖြတ်ရွေးကောက်ပွဲမှာ သူဦးဆောင်တဲ့ ပါတီဝင်တွေ အနိုင်ရရှိတာကို အစိုးရက အသိအမှတ်ပြုခဲ့ရကြောင်း ဖော်ပြထားပါတယ်။

အဲဒီ ဆုပေးပွဲ အခမ်းအနားကို မေလ ၂၄ ရက်နေ့မှာ ကျင်းပမှာဖြစ်ပြီး ဒေါ်အောင်ဆန်းစုကြည် ကတော့ တက်ရောက်နိုင်မှာ မဟုတ်ဘူးလို့ ဆိုပါတယ်။

တချိန်ထဲမှာပဲ နော်ဝေနိုင်ငံကရရှိတဲ့ သတင်းအရ ဒေါ်အောင်ဆန်းစုကြည်ဟာ လာမယ့်ဇွန်လ ၁၆ ရက်နေ့မှာ ၁၉၉၁ ခုနှစ်မှာ သူရရှိခဲ့တဲ့ နိုဘယ်လ် ငြိမ်းချမ်းရေးဆုကို ကိုယ်တိုင် လက်ခံရယူပြီး မိန့်ခွန်းပြောကြားမှာ ဖြစ်ကြောင်း နိုဘယ်လ်ဆု ရွေးချယ်ရေးကော်မတီက တနင်္လာနေ့မှာ တရားဝင် ပြောကြား လိုက်ပါတယ်။

ဆုပေးပွဲကို အော်စလိုမြို့တော်ခန်းမမှာ ကျင်းပမှာဖြစ်ပြီး နေ့လည် ၁ နာရီမှာ ဒေါ်အောင်ဆန်းစုကြည် မိန့်ခွန်းပြောကြားမှာ ဖြစ်တယ်လို့ နိုဘယ်လ်ဆု ရွေးချယ်ရေးကော်မတီက ထုတ်ပြန်ကြေညာ လိုက်ပါတယ်။

Ref: RFA News

Read More...

လျှပ်စစ်မီးကိစ္စ ဆန္ဒပြမှုနဲ့ ကိုကိုကြီးရဲ့ သဘောထား

ဦးသန်းလွင်ထွန်း
အင်္ဂါ, 22 မေ 2012

မြန်မာနိုင်ငံမှာ ကြုံတွေ့နေရတဲ့ လျှပ်စစ်ဓါတ်အား ပြတ်တောက်မှုပြဿနာဟာ အချိန်တို အတွင်း ပြေလည် သွားနိုင်မယ့် အရေး မဟုတ်ဘူးဆိုတာ သိနားလည်ပေမဲ့ လက်တွေ့ ခံစားနေရတဲ့ နစ်နာမှုနဲ့ လိုလားချက်တွေကို အစိုးရက ကူညီ ဖြေရှင်းပေးနိုင်လိမ့်မယ်လို့ မျှော်လင်ချက်နဲ့ ဆန္ဒပြနေသူတွေရဲ့ ယုံကြည်ချက်ကို ချိုးနှိမ် မပစ်ဘဲ ထိထိရောက်ရောက် စီမံဆောင်ရွက်ပေးသင့်တယ်လို့ ၈၈ မျိုးဆက်ကျောင်းသားခေါင်းဆောင် ကိုကိုကြီး က မြန်မာ အစိုးရကို တိုက်တွန်း လိုက်ပါတယ်။ ဦးသန်းလွင်ထွန်းက ဆက်သွယ်မေးမြန်းထား ပါတယ်။

++++

ကိုကိုကြီး။ အခု ဒီမီးပျက်တဲ့ကိစ္စတွေကတော့ အထူးသဖြင့်တော့မြို့ ကြီးတွေမှာပေါ့လေ။ ဒီဒုက္ခ ခံနေရ တာတော့ တော်တော် ကြာပြီပေါ့၊ အဲဒီတော့ တိုင်းပြည်က နည်းနည်း အထိုက် အလျောက်လေး ပွင့်လင်း လာတော့ လူထုကလည်း သူတို့ နစ်နာချက်တွေ သူတို့ လိုအပ်ချက်တွေကို တင်ပြတောင်းဆိုတာတွေ ဆန္ဒ ထုတ်ဖေါ်တာတွေ လုပ်လာတော့ ဒါဟာ ပွင့်လင်းတဲ့လူ့ အဖွဲ့ အစည်းမှာ ဒါ ကြိုဆိုရမယ့် ကိစ္စပေါ့။ နောက် တချိန်တည်းမှာပဲ သတင်းစာ ထဲမှာ ၀န်ကြီးက လျှပ်စစ်နဲ့  ပတ်သက်လို့ လူထုရဲ့ တင်ပြမှုတွေ ဆန္ဒပြမှုတွေ အပေါ်မှာ တုံ့ပြန်တဲ့ ကြေညာချက်လည်း ပေးတယ်ပေါ့ ။ ဘာပဲဖြစ်ဖြစ် ဒါ လူထုရဲ့ လိုအပ်ချက်ကို အလေး ထားလာတယ် ဂရုတစိုက်နဲ့ ပြန်ပြီး တုံ့ပြန်လာတယ်ဆိုတော့ ဒါလည်း ကြိုဆိုရမယ့် အချက် ပါ၊

ဦးသန်းလွင်ထွန်း။ ဟုတ်ကဲ့။ လွန်ခဲ့တဲ့ ငါးနှစ်ကျော်ကျော်လောက်ကပေါ့နော်၊ ၂၀၀၇ နှစ်လောက်က ဆိုရင် လည်း ကုန်ဈေးနှုန်းကြီးတဲ့ကိတ်စ ဓါတ်ဆီဈေးတက်တဲ့ကိစ္စနဲ့ ပတ်သက်ပြီးတော့ ကိုထင်ကျော်တို့ ဆန္ဒပြတဲ့ ကိစ္စတွေ အလားတူပဲ၊ ကိုကိုကြီးတို့  ခင်ဗျားတို့ပေါ့နော်၊ မင်းကိုနိုင်တို့ အပါအ၀င် ကျောင်သားထုလည်း ထွက်ပြီးတော့ စီတန်း ဆန္ဒပြတဲ့ ကိစ္စလေးတွေဖြစ်ခဲ့တယ်။ ဖြစ်တဲ့အချိန်တုန်းကတော့ အစိုးရအနေ နဲ့က အားလုံးကို ထိန်းသိမ်းခဲ့၊ ဖမ်းဆီးခဲ့တဲ့ ကိစ္စမျိုးတွေ ဖြစ်လာတယ်လေ။ အဲတော့ ဒီလိုဖြစ်လာနိုင်မယ့် အလားအလာတွေရော ရှိမယ်လို့ ယူဆပါသလား။

ကိုကိုကြီး။ အခြေအနေချင်း နည်းနည်းတော့ ကွာသွားတယ်၊ ကွာသွားတယ် ဆိုတာက ကျွန်တော်တို့ အဲဒီ ကာလတုန်းက စစ်အစိုးရပေါ့။ အခုကတော့ ဖွဲ့ စည်းပုံ အခြေခံဥပဒေ အရ လွှတ်တော်တွေ ပေါ်လာတယ်။ လွှတ်တော်ကနေ ရွေးကောက် တင်မြှောက်တဲ့ အစိုးရအဖွဲ့ ပေါ်လာတယ်ဆိုတော့၊ ဒီလို ပြဿနာတွေကို ကိုင်တွယ်တဲ့ ပုံစံလည်း ပြောင်းလာလိမ့်မယ်လို့ ကျွန်တော်တို့ မျှော်လင့်ပါတယ်။ တဘက်ကလည်းပဲ အခု သူက လူထုကို သည်းခံဖို့ပေါ့လေ။ မေတ္တာရပ်ခံတဲ့ ကြေညာ ချက်လည်း ထွက်လာတော့ သည်းခံဖို့ ဆိုတာ ကတော့ ကျွန်တော်တို့က သည်းခံလာခဲ့တာ တလျှောက်လုံးပဲ အဲတော့ အခုလည်းပဲ ညတွင်းချင်း နေ့ချင်း ညချင်း ဒီပြဿနာတွေကို မဖြေရှင်းနိုင်ဘူးဆိုတာတော့ ကျွန်တော်တို့လည်း ဒါ နားလည်ပါတယ်။ အဲ ဒါပေမဲ့ လို့ သာမန်လူထုရဲ့ အမြင်မှာကတော့ ကျွန်တော်တို့ နိုင်ငံမှာ သဘာဝဓါတ်ငွေ့တွေ အပြင် ထုတ်ရောင်းနေ တယ်။ ရေအားလျှပ်စစ်တွေ အရင်းအမြစ်တွေ အများကြီးရှိနေတယ်။ ပြည်ပကို ထုတ်ရောင်းနေတဲ့ အခြေ အနေမှာ ပြည်တွင်းမှာ မှောင်ထဲငုတ်တုတ်ထိုင်နေရမယ်ဆိုတာကတော့ မကျေနပ် တာအမှန်ပဲ၊ အဲတော့ နိုင်ငံတော် အနေနဲ့က ဒီ Good Governance ပေါ့၊ ကောင်းမွန်တဲ့ အုပ်ချုပ်ရေးစနစ် ဒါ သမ္မတ ကလည်း အကြိမ်ကြိမ် ပြောထားတော့ အဓိက နိုင်ငံသားတွေရဲ့ လိုအပ်ချက်ကို အထူးပြုပြီးတော့ ဆောင်ရွက် တဲ့ စီမံချက်တွေ၊ အဲဒါ ရှေ့ဆက် ပြီးတော့ ဒီလိုမျိုး လျှပ်စစ်မီးတင် မဟုတ်ဘဲ နေ့စဉ် ကြုံတွေ့နေရ တဲ့ ပြဿနာ တွေ ကို ဘယ်လို ဘယ်ပုံ ဖြေရှင်းမယ် ဆိုတာကို ဒါ လူထု နားလည် လက်ခံလာအောင် ရှင်းပြတာမျိုးတွေပါ။ ကောင်းမွန်တဲ့ စီမံအုပ်ချုပ်ရေးကို ကျင့်သုံးတာတွေပါ ဆက်ပြီးတော့ လုပ်သင့်တယ် လို့ ကျွန်တော်တော့မြင်ပါတယ်။

ဦးသန်းလွင်ထွန်း။ ဟုတ်ကဲ့ ခင်ဗျ။ ကျွန်တော်တို့ ကြားရသလောက်တော့ ဥပမာအားဖြင့် မန္တလေးမှာ ဆိုလို့ရှိရင် ဆန္ဒပြတဲ့ လူတချို့ ကို ရဲကနေပြီးတော့ စစ်ဆေး မေးမြန်းခဲ့တာလေးတွေ ရှိပါတယ်။ အဲဒီအခါမှာ သူတို့သိချင်တဲ့ ကိစ္စကတော့ ဒီ ကိစ္စတွေ၊ ဆန္ဒပြမှူတွေ၊ လှုပ်ရှားမှူတွေရဲ့ နောက်ကွယ်မှာ ဘယ်သူရှိသလဲ ဆိုတဲ့အချက်ကို မေးတယ်ဆိုတဲ့၊ စုံစမ်းတယ် ဆိုတဲ့ဟာလေးတွေ ကျွန်တော်တို့ ကြားရပါတယ်၊ သဘော ကတော့ ဒီသက်ဆိုင်ရာ အာဏာပိုင်တွေအနေနဲ့ အခုလို ကိစ္စတွေအပေါ်မှာ ဒီအာဏာပိုင်တွေရဲ့ အခု လက်ရှိ ဖြစ်နေတဲ့ အားနည်းချက်ပေါ့နော်။ ဒါကိုထောက်ပြီးတော့ နိုင်ငံရေး အမြတ် ထုတ်လိုတဲ့ သူအချို့  ရှိနေတယ်လို့များ အာဏာပိုင်တွေက ယူဆလာတာများ ဖြစ်လာနိုင်သလားခင်ဗျ။

ကိုကိုကြီး။ ကျွန်တော့်အနေနဲ့ကတော့ နိုင်ငံတော်အကြီးအကဲတွေရဲ့ မိန့်ခွန်းမှာ ထပ်ခါတလဲလဲ ပြောနေတဲ့ အချက်က အမူအကျင့် အဟောင်းတွေ အတွေးအခေါ် အဟောင်းတွေကို ပြင်ဆင်ဖို့ဆိုတာက ကျွန်တော်လည်း သတိထားမိပါတယ်၊ အဲတော့ ဒီလိုမျိုးနိုင်ငံသားတွေ ပြည်သူတွေရဲ့ လိုအပ်ချက်ကို ထုတ်ဖော်တဲ့ နေရာမှာ တဘက်က တာဝန်ရှိသူတွေ ကိုယ်၌ကလည်း ရှုမြင်တဲ့ပုံစံတွေ ပြောင်းသင့်တယ်လို့ ကျွန်တော်တော့ မြင် တယ်။ သူက တခုခု ဖြစ်တိုင်းဖြစ်တိုင်း မှာ နောက်ကွယ်ကနေ ပြီးတော့ ဘယ်သူ လှုံ့ဆော် သလဲ၊ ဘယ်သူ ကနေပြီးတော့ စီမံ ဖန်တီး သလဲဆိုတာကို သဘောက အပြစ်ရှာတဲ့ ပုံစံ၊ တရားခံရှာတဲ့ ပုံစံ ချဉ်းကပ်တာ ထက်ကို ဒီပြဿနာတွေဟာ တိုင်းပြည်မှာ တကယ်ဖြစ်ပျက်နေတဲ့ ပြဿနာဆိုတာတွေကို အရှိအတိုင်း လက်ခံ ဖို့  လိုတယ်၊ အဲဒါကို ဖြေရှင်းမယ့် နည်းလမ်းတွေကို စနစ်တကျနဲ့ ထိထိ ရောက်ရောက် ကြိုးပမ်းသင့် တယ်၊ ပြင် ဆင် သင့်တယ်လို့ မြင်တယ်၊ အဲသလိုမှမဟုတ်ဘဲနဲ့ ဒါ လူထုဟာ တခါမှ ဆန္ဒ ထုတ်ဖော်ခွင့် မရခဲ့ဘူး။ အခု အစိုးရသစ်ပေါ်မှာ ယုံကြည်မျှော်လင့်ပြီးတော့ သူတို့ ဒီလိုမျိုး ဆန္ဒ ထုတ်ဖော် ပြသ လိုက် ရင်တော့ ထိထိရောက်ရောက် ကိုင်တွယ် ဖြေရှင်းပေးမှာပဲဆိုတဲ့ မျှော်လင့်ချက်ကို ချိုးနှိမ်ပစ်တဲ့ ချဉ်းကပ်မှု မျိုး ဖြေရှင်းမှု မျိုးတော့ မလုပ်သင့်ဘူးလို့လည်း ကျွန်တော် မြင်ပါတယ်။

ဦးသန်းလွင်ထွန်း။ ဟုတ်ကဲ့၊ ဒါဆိုလို့ ရှိရင် ဆန္ဒပြတဲ့ လူထုဘက်ကရော၊ ဒီဆန္ဒပြတဲ့ ကိစ္စတွေမှာ ငြိမ်းငြိမ်း ချမ်းချမ်းနဲ့ ဆန္ဒ ထုတ်ဖော်ဖို့ပဲ ပြင်ဆင်ထားကြသလား၊ တခြား ဘာတွေများ ထပ်ပိုပြီးတော့ နိုင်ငံရေး အရ တောင်းဆိုမှုတွေ တိုးတက်လာဖို့ ရှိလာနိုင်သလား ခင်ဗျ။

ကိုကိုကြီး။ အဲဒါကတော့ ဒီကျွန်တော်တို့ ဆန္ဒ ထုတ်ဖော်တဲ့ သူတွေ အပိုင်းကလည်း သတိထားရမှာက ကျွန်တော်တို့က ကျွန်တော်တို့ တကယ် လိုအပ်တဲ့ တကယ်နစ်နာတဲ့ ဟာကို အထက်အဖွဲ့အစည်း အဆင့်ဆင့် ကနေ အရေးတယူ ဆောင်ရွက်ပေးအောင် ဆန္ဒထုတ်ဖော်တာပဲ ဖြစ်သင့်တယ်၊ အဲဒီကနေပြီးတော့ မလိုလား အပ်တဲ့ အကြမ်းဖက်မှုတွေ ဒါက ကိုယ် ကိုယ်တိုင်က မလုပ်ရုံ တင်မကဘူး။ အဲလို အခြေအနေ ရောက်အောင် တွန်းပို့နိုင်တဲ့ ဖန်တီးမှုမျိုးတွေဟာ ဘက် အသီးသီးက ဖြစ်လာနိုင်တယ်၊ အဲဒါမျိုးတွေကိုလည်း သတိကြီးစွာ ထားပြီးတော့ ရှောင်ရှားသင့်တယ်လို့ ကျွန်တော်တော့ မြင်ပါတယ်။

Ref: VOA News

Read More...

လျှပ်စစ်မီး အချိန်ပြည့်ရရှိရေး ဆန္ဒထုတ်ဖော်ပွဲများ ပျံ့နှံ့လာ

2012-05-22

လျှပ်စစ်မီး (၂၄) နာရီ ရရှိရေးအတွက် ဒီကနေ့ ရန်ကုန်နဲ့ ပဲခူးမြို့တွေမှာလည်း ဆန္ဒထုတ်ဖော်ဖို့ ပြင်ဆင်နေကြ ပါတယ်။ ရန်ကုန်မြို့က ဆန္ဒထုတ်ဖော်ပွဲကို နိုင်ငံရေး အကျဉ်းသား မိသားစုတွေ၊ ကွန်ယက် အဖွဲ့ဝင်တွေ၊ လူ့အခွင့်အရေးနဲ့ အလုပ်သမား အခွင့်အရေး ကာကွယ်စောင့်ရှောက်သူ အဖွဲ့ဝင်တွေ ပါဝင်မှာဖြစ်သလို အဖွဲ့အစည်းဝင် မဟုတ်သူတွေလည်း ပါဝင်ဖွယ်ရှိတယ်လို့ ဆော်သြသူတွေက ပြောပါတယ်။

ဆန္ဒထုတ်ဖော်ပွဲကို ရန်ကုန်မြို့ ဆူလေဘုရားအနီး ညပိုင်း (၇) နာရီလောက်မှာ စတင်မယ်လို့ သိရပါတယ်။ နိုင်ငံရေး အကျဉ်းသား မိသားစု ကွန်ယက်အဖွဲ့ဝင် ကိုအောင်ဇော်ထွန်းက အစီအစဉ်ကို ပြောပြပါတယ်။

" ဆူးလေဘုရားလမ်းမကြီးမှာရှိတဲ့ ဆူးလေဘုရား မှတ်တိုင်ပေါ့နော်၊ အဲနားလေးမှာ ကျွန်တော်တို့ လူစုကြမယ်။ ညနေ ၆ နာရီခွဲလောက်မှာ။ ပြီးတဲ့အခါမှာ ၇ နာရီထိုးတဲ့ အခါမှာ ကျွန်တော်တို့ ဝေငှထားတဲ့ ဖယောင်းတိုင်တွေကို ထွန်းညှိပြီးတော့ ငြိမ်းငြိမ်းချမ်းချမ်းနဲ့ စီတန်းပြီး ပတ်မယ်။ ပတ်ပြီးတော့ ဘုရားပေါ်မှာ တက်မယ်။ ပြီးရင် ကျွန်တော်တို့ လူစုခွဲပါမယ်"

အလားတူ ပဲခူးမြို့ မြို့နယ်လျှပ်စစ်ရုံးရှေ့မှာလည်း ည ( ၇) နာရီခွဲမှာ လူစုကြမယ်လို့ ပဲခူးမြို့ခံတွေက ပြောပါတယ်။ မြန်မာ စံတော်ချိန် ညနေ (၅) နာရီလောက်ကတော့ ပဲခူးမြို့လူစည်ကားတဲ့နေရာ (၃) နေရာမှာ ရဲတပ်ဖွဲ့ တွေ နေရာယူထားတာ တွေ့ရတယ်လို့ မြို့ခံတွေက ပြောပါတယ်။ မြို့နယ်လျှပ်စစ်ရုံးရှေ့က အခြေအနေကိုတော့ မြို့ခံတစ်ယောက်က အခုလိုပြောပါတယ်။

" ကျွန်တော်မြင်နေရတာကတော့ အကုန်လုံး ယူနီဖောင်းတွေဝတ်တဲ့ ရဲတွေအကုန်လုံး အဆင်သင့် ရှိနေကြတယ်။ သုံးနေရာလုံးမှာလေ။ လူတွေကလည်း စောင့်ကြည့်နေတယ်ဗျ။ ဆန္ဒပြဖို့လို့ ထင်ရတဲ့ ပုဂ္ဂိုလ်များ ကလည်း အဲဒီမှာ အယောက် ၄၀၊ ၅၀ လောက် စောင့်နေကြတယ်။ ဈေးထဲပေါ့။ ကျွန်တော်တို့ ပဲခူးဈေးကြီး သွန်းဘုရား အနီးပေါ့ဗျာ။ မြို့နယ်လျှပ်စစ်ရုံး ဆိုတာရှိတယ်။ အဲဒီမှာ ဒေါ်ရီ စားသောက်ဆိုင် ဆိုတာ ရှိတယ်။ အဲဒီမှာ အယောက် ၂၀ လောက်ရှိတယ်။ ဒီဘက်မှာ သွန်းဘုရား ထဲမှာလည်း ရှိကြတယ်ဗျ။ အဲဒီမှာ သူတို့ ဖယောင်းတိုင်လေးတွေ ကိုင်ထားတာ ကျွန်တော်တွေ့နေရတယ်"

အလားတူ ဒီကနေ့ ညပိုင်းမှာ ပြည်မြို့မှာလည်း ဆန္ဒဖော်ထုတ်ပွဲကျင်းပကြဖို့ ပြင်ဆင်နေကြောင်း သိရပါတယ်။

လျှပ်စစ်မီး ပုံမှန်မရတာနဲ့ ပတ်သက်ပြီး ပြီးခဲ့တဲ့ အပတ်အတွင်းက ရခိုင်ပြည်နယ် ကျောက်တော်မြို့မှာ အိမ်ရှင်မတွေက ဆန္ဒ ထုတ်ဖော် ခဲ့ကြပြီးတဲ့နောက် မန္တလေးနဲ့ မုံရွာမြို့တွေမှာ ဆန္ဒထုတ်ဖော် ပြသခဲ့ကြသလို အောက်မြန်မာပြည်မြို့တွေမှာ ဆက်တိုက် လုပ်ဆောင်လာကြတာ ဖြစ်ပါတယ်။

နောက်ဆုံးရရှိတဲ့ သတင်းအရ ပဲခူးမြို့မှာ လုံခြုံရေး အထူးတင်းကြပ် ထားတာကြောင့် ဆန္ဒ ထုတ်ဖော်ပွဲ မကျင်းပဖြစ်ခဲ့ဘူးလို့ သိရပါတယ်။

Ref: RFA News

Read More...

လျှပ်စစ်မီး ရရှိရေး ရန်ကုန်မှာ ဆန္ဒပြ

သင်းသီရိ
အင်္ဂါ, 22 မေ 2012

ပြီးခဲ့တဲ့ ရက်ပိုင်းအတွင်း မန္တလေးမြို့မှာ ၂၄ နာရီ လျှပ်စစ်မီး ရရှိရေး ဆန္ဒပြ တောင်းဆိုမှုတွေဟာ အခုအခါ ရန်ကုန်မြို့ကို ကူးစက် လာပါပြီ။ လျှပ်စစ်မီး မရရှိတဲ့အတွက် ရန်ကုန်မြို့မှာ ရာနဲ့ချီတဲ့ လူတွေဟာ အခုဗွီအိုအေက အသံလွှင့်ကာနီး အချိန်မှာပဲ စုဝေး ဆန္ဒပြခဲ့ကြတာ ဖြစ်ပါတယ်။ မန္တလေးမြို့ လူထုက ၂ ရက်ဆက်တိုက် ဖယောင်းတိုင်မီး ကိုင်ဆောင်ပြီး ဆန္ဒထုတ်ဖော်ခဲ့ သလိုပဲ ရန်ကုန် လူထုတွေကလည်း ဒီကနေ့မှာ ဖယောင်းတိုင်မီး ကိုယ်စီ ထွန်းညှိပြီး မြို့တော်ခမ်းမ ရှေ့မှာ ဆန္ဒပြနေတဲ့ အခြေအနေနဲ့ ပတ်သက်လို့ ကိုယ်တိုင် သွားရောက် သတင်းယူနေတဲ့ သတင်းထောက် တဦးကို မသင်းသီရိ က ဆက်သွယ်မေးမြန်း တင်ပြထားပါတယ်။

မေလ ၂၂ ရက် အင်္ဂါနေ့ညက ရန်ကုန်မြို့တော် ခမ်းမနဲ့ ဆူးလေဘုရား အနီးတ၀ိုက်မှာတော့ ရန်ကုန်မြို့ အတွင်းမှာ ၂၄ နာရီ လျှပ်စစ်မီး အပြည့်အ၀ ရရှိရေးအတွက် ဖယောင်းတိုင်မီး ထွန်းညှိပြီး စီတန်း လမ်းလျှောက်တာတွေ ရှိခဲ့တဲ့ အကြောင်းကိုတော့ ပြည်ပ သတင်းဌာနအတွက် လုပ်ကိုင်ပေးနေတဲ့ မြန်မာသတင်းထောက် ကိုသီဟဆွေ ကပြောပြပါတယ်။

“အခုရန်ကုန်မြို့ မြို့တော်ခမ်းမကနေ စတာပေါ့နော်။ မြို့တော်ခမ်းမ ဘေးကနေ ၇ နာရီလောက်က စပြီးတော့ သူတို့ ဖယောင်းတိုင်တွေ ထွန်းပြီးတော့ လမ်းလျှောက်တဲ့ အချိန်မှာ လူက တဖြည်းဖြည်း တိုးလာတာပေါ့။ သူတို့က မြို့တော်ခမ်းမ ဘေးကနေစပြီး ထွက်လာတယ်၊ ဒါပေမဲ့ အဝေးကြီး မသွားဘူး။ ဆူးလေ ဘုရားကိုပဲ ပတ်ပြီးတော့၊ ဘုရားပေါ်တက်ပြီး ၀တ်ပြုတဲ့ သဘောမျိုးပေါ့နော် လုပ်တယ်။ ကြေညာချက် သဘောမျိုး သတင်းထောက်တွေကို ပြောပြီးတော့ ပြီးသွားပါတယ်။ အားလုံးပေါင်းတော့ ၁၀၀ နီးပါးလောက်တော့ ရှိမယ် ထင်ပါတယ်။”

ရန်ကုန်မြို့ခံ လူထုတွေဟာ သူတို့ရဲ့ ဆန္ဒတွေကို ဖော်ထုတ်ဖို့အတွက် မြို့တော်ခမ်းမဘေးကို လူစုဝေးချိန်မှာတော့ လုံခြုံရေး စောင့်ကြပ်မှုတွေ ရှိနေပေမဲ့ ဖမ်းဆီးတာမျိုး၊ အနှောက်အယှက် ပေးတာမျိုးတော့ မရှိခဲ့ဘူးလို့လည်း ပြောပါတယ်။

“အဓိကကတော့ ဒီသတင်းက နဂိုကတည်းက ရှိနေတဲ့အတွက် လုံခြုံရေးက ကြိုပြီးတော့ နေရာ ယူထားတာပေါ့။ တကယ်တမ်း စပြီး ထွက်လာတဲ့ အချိန်မှာတော့ မြို့နယ်မှူးကနေပြီးတော့ မေးတယ်၊ တားတယ်ပေါ့နော်။ မလုပ်ဖို့ တားတယ်ပေါ့နော်။ ကျနော်တို့ လုပ်ထုံး လုပ်နည်းတွေ ဘာတွေလည်း မရှိသေးတဲ့ အတွက် လုပ်လို့ မရဘူးလို့ တားတယ်။ ဒါပေမဲ့ ဒါဟာ ဆန္ဒပြတာ မဟုတ်ဘူး၊ ကျနော်တို့ ဆန္ဒကို ထုတ်ဖော်တာပေါ့နော်။ အဲဒီလို စကားလုံး ကိစ္စတွေ ပြောကြပြီး နောက်မှာတော့ သွားတဲ့ လမ်းကြောင်းလေးပဲ သိချင်ပါတယ်။ သွားတဲ့ လမ်းကြောင်းအတိုင်း သဘောတူပြီးတော့ အစောင့်အကြပ်နဲ့ပေါ့နော် လုံခြုံရေးတွေ ကလည်း ဘေးက လိုက်ပြီးတော့ ဘုရားအထိ လိုက်ရံပေးတာပေါ့။ အဲဒီလိုနဲ့ အခြေအနေက အေးအေးဆေးဆေးနဲ့ ပြီးသွားတဲ့ အနေအထားပါ။”

မြို့ခံလူထု ၁၀၀ ကျော်က စီတန်းလမ်းလျှောက်ပြီး လျှပ်စစ်မီး အချိန်ပြည့် ရရှိရေးအတွက် တောင်းဆိုကြသူတွေ အားလုံးရဲ့ ဆန္ဒကတော့ ပြည်တွင်းက စွမ်းအင် အရင်းအမြစ်ကို ပြည်သူတွေက ခံစားနိုင်ခွင့် ရရှိရေး ဖြစ်တယ်လို့လည်း ပြောပါတယ်။

"အဓိကကတော့ သူတို့က လျှပ်စစ်မီး အပြည့်အ၀ ရရှိရေးပါပဲ။ နောက်တခုကတော့ ဒီကနေ့ သတင်းစာမှာပါတဲ့ လျှပ်စစ် ၀န်ကြီးဌာနရဲ့ မေတ္တာ ရပ်ခံချက်ကလည်း ရှိနေတော့ သတင်းထောက် အများစုကတော့ ဒါနဲ့ ပတ်သက်ပြီးတော့ မေးတာပေါ့နော်။ မေးတော့ အဓိကက သူတို့ ၂ ချက်ပြောတယ်။ တချက်က ဘာလဲဆိုတော့ ဘယ်လိုပဲဖြစ်ဖြစ် ၂၄ နာရီ ရရမယ်ပေါ့နော်။ သူများကို ရောင်းနိုင်ရင် ဒီမှာလည်း ရရမယ် ဆိုတာကို သူတို့ ပြောပါတယ်။"

ဒါကတော့ မေလ ၂၂ ရက်နေ့ ညပိုင်းက ရန်ကုန်မြို့တော် ခမ်းမနဲ့ ဆူးလေဘုရား အနီးတ၀ိုက်မှာ လျှပ်စစ်မီး အချိန်ပြည့် ရဖို့အတွက် ရန်ကုန်မြို့ခံတွေ ဆန္ဒဖော်ထုတ် တောင်းဆိုတဲ့ အကြောင်းကို ကိုယ်တိုင် သတင်းသွားယူခဲ့တဲ့ သတင်းထောက် ကိုသီဟဆွေ ပြောပြခဲ့တာ ဖြစ်ပါတယ်။ ဒါဟာ ရန်ကုန်မှာ လျှပ်စစ်မီး အချိန်အပြည့်အ၀ ရဖို့အတွက် ပထမဆုံး ဆန္ဒဖော်ထုတ်မှု ဖြစ်ပြီးတော့ မန္တလေးမြို့မှာတော့ မေလ ၂၀ နဲ့ ၂၁ ရက် ၂ ရက်ကြာ အလားတူ ဆန္ဒဖော်ထုတ်မှုတွေလည်း ရှိခဲ့တာ ဖြစ်ပါတယ်။

Ref: VOA News

Read More...

မုံရွာလျှပ်စစ်မီးရရှိရေး ဒုတိယနေ့ ဖယောင်းတိုင်မီးထွန်း ဆန္ဒပြ

ဗုဒ္ဓဟူးနေ့၊ မေလ ၂၃ ရက် ၂၀၁၂

နယူးဒေလီ (မဇ္ဈိမ) ။ ။ မုံရွာမြို့ခံလူငယ်များက ဦးဆောင်ကာ လျှပ်စစ်မီး ပုံမှန်ရရှိရေး ဖယောင်းတိုင်မီး ထွန်းညှိ ဆန္ဒပြခြင်းကို မေလ (၂၂) ရက်နေ့ တွင် ဒုတိယနေ့ အဖြစ် ည (၈) နာရီခန့်မှ စတင်ကာ အသံတိတ် ငြိမ်းချမ်းစွာ ဆန္ဒပြ လမ်းလျှောက် ချီတက်ခဲ့ကြကြောင်း ဆန္ဒပြပွဲတွင် ပါဝင်သူ မုံရွာမြိုခံ ကိုရဲရင့်ကျော်က ပြောသည်။

“အားလုံးငြိမ်းချမ်းစွာ တောင်းဆိုကြတယ်၊ စကားမပြောဘဲနဲ့ မအော်ကြ၊ မဟစ်ကြဘဲနဲ့ ငြိမ်းချမ်းစွာ ချီတက်နေကြပါ တယ်ခင်ဗျ။ ပြည်သူတွေက ဆင်ဆင်ခြင်ခြင် ချီတက်နေတာပါ။ အားလုံးက အသိရှိပါတယ်။ ဖယောင်းတိုင် ထွန်းပြီး သွားမယ်။ လက်ထဲမှာ ကိုင်တဲ့ ပိုစတာတွေမှာတောင် ပြဿနာဖြစ်နိုင်တဲ့ ဆောင်ပုဒ်တွေ မရေးပါဘူးဗျ။ (၂၄) နာရီ မီးရရှိရေးဘဲ ရေးထားပါတယ်ဗျ။”

မုံရွာမြို့ခံလူထုက (၂၄) နာရီ လျှပ်စစ်မီးရရှိရေး လှုပ်ရှားမှုကို အားပေးထောက်ခံသည့် အနေဖြင့် အလိုအလျှောက် တက်တက်ကြွကြွ ပူးပေါင်း ပါဝင်လာကြောင်း သိရသည်။

မုံရွာမြို့အပူချိန်သည် (၄၄) ဒီဂရီစင်တီဂရိတ်ခန့်ရှိနေပြီး မီးမလာသည့်အတွက် လေအေးပေးစက်များ၊ ပန်ကာများ သုံးစွဲနိုင်ခြင်း မရှိသည့်အပြင် သက်ကြီးရွယ်အို တချို့ အပူဒဏ် မခံနိုင်တော့ပဲ သေဆုံးမှုများ ရှိသည်ဟု သိရသည်။

မုံရွာမြို့လျှပ်စစ်မီးရရှိမှုအခြေအနေမှာ အလှည့်ကျစနစ်ဖြစ်ပြီး ဆင်ခြေဖုံးရပ်ကွက်များတွင် မီးလုံးလုံး မလာကြောင်းနှင့် မုံရွာမြို့တရုတ်တန်းဈေးဘက်ရှိ ငွေကြေး တတ်နိုင်သည့်သူ တချို့သာ မီးစက် အသုံးပြုကြကြောင်း သိရသည်။

ဖယောင်းတိုင်၊ အင်ဗက်တာ၊ မီးစက်များ အသုံးပြုနေရပြီး လျှပ်စစ်မီးရရှိပုံနှင့် ပါတ်သက်သည့် အခြေအနေကို မုံရွာမြို့ခံ အလွတ် သတင်းထောက် တဦးက ယခုလိုပြောသည်။

“ဘယ်လောက်ထိ ဆိုးလဲဆိုတော့ အလှည့်ကျစနစ်နဲ့လည်း အလှည့်ကျ ပုံမှန်မဟုတ်ဘူးပေါ့၊ သဘောက မနက်ဖြန် (၆) နာရီ လာမယ့်ရက်ဆိုလည်း လာချင်မှ လာမယ်။ ပေးချင်တဲ့ အချိန်မှာ ပေးတယ်။ သူတို့ဖြတ်ချင်တဲ့ အချိန်ဖြတ်တယ်။ (၁) နာရီလောက် မီးပေးပြီး ဖြတ်ရင်လည်း ဖြတ်သွားတာပေါ့လေ။”

လျှပ်စစ်မီးမလာမှုကြောင့် ထမင်း၊ ဟင်းချက်ပြုတ်ကြရာတွင် ထင်း၊ မီးသွေးလောင်စာများကို အသုံးပြုရခြင်းကြောင့် မြို့နေ လူထုအတွက် မီးဘေး အန္တရာယ် စိုးရိမ်ရကြောင်း သိရသည်။

ပထမနေ့က ဆန္ဒဖော်ထုတ်မှုနှင့် ပါတ်သက်ပြီး မုံရွာမြို့လျှပ်စစ်ရုံးမှ တစုံတရာပြန်လည်ဖြေရှင်းခြင်း မရှိသလို ဖမ်းဆီးမှု များလည်း မရှိကြောင်းနှင့် ဒုတိယနေ့ ချီတက်ရာတွင် ပြည်သူများကလည်း ငြိမ်းချမ်းစွာပင် ဆန္ဒဖော်ထုတ် နေကြောင်း သိရသည်။

လျှပ်စစ်ရုံးရှေ့မှစတင်ချီတက်ကာ မုံရွာမြို့အလေ့အထအတိုင်း ဗိုလ်ချုပ်အောင်ဆန်း မြင်းစီးကြေးရုပ်ကို ဆန္ဒပြ ပြည်သူများ စီတန်းလှည့်လည် ခဲ့ကြသည်။ ည (၁ဝ)နာရီခန့်တွင် ဆန္ဒပြ ချီတက်ပွဲသို့ ပူးပေါင်း ပါဝင်လာသူ ပြည်သူ (၃ဝဝဝ) ခန့်ရှိလာပြီး ဆိုင်ကယ်စီးရေ တထောင်ခန့် ပါရှိလာကြောင်း သိရသည်။

မုံရွာမြို့လျှပ်စစ်ရုံးတွင် ဝန်ထမ်းအချို့ရှိသော်လည်း လျှပ်စစ်မီးရောင် မရှိသလို ပြည်သူများက လျှပ်စစ်ရုံးဘေး ပလက်ဖောင်း များပေါ်တွင် ဖယောင်းတိုင်များ ထွန်းထားသည်မှာ သီတင်းကျွတ်ပွဲ ကဲ့သို့ ထိန်လင်းနေကြောင်း သူက ဆက်ပြောသည်။

မေလ (၂၂)နေ့ထုတ် မြန်မာ့အလင်းသတင်းစာတွင် နွေရာသီဆည်ရေခန်းခြောက်မှုကြောင့် လျှပ်စစ်ဓါတ်အား ဖြန့်ဖြူးရာတွင် အုပ်စု (၃) ခွဲကာ အလှည့်ကျ စံနစ်ဖြင့် ဖြန့်ဖြူးလျှက် ရှိကြောင်း နှင့် လျှပ်စစ်ဓါတ်အား ချွေတာသုံးစွဲရန် အမှတ်(၂) လျှပ်စစ် စွမ်းအား ဝန်ကြီးဌာနက အထူးမေတ္တာ ရပ်ခံထားသည်။

တဆက်တည်းတွင် ရေတိုစီိမံချက်အဖြစ် ဓါတ်အားပေးစက်များ တည်ဆောက်နိုင်ရန် အမေရိကန်နိုင်ငံမှ General Electric ကုမ္ပဏီ၊ Caterpillar ကုမ္ပဏီတို့နှင့် ပူးပေါင်းဆောင်ရွက်နေပြီး ရေရှည် စီမံချက် အနေဖြင့် ရန်ကုန်မြို့အနီး ဂျပန်နိုင်ငံ J-Power ကုမ္ပဏီနှင့် ဖက်စပ်ပြုလုပ်၍ (၆ဝဝ) မဂ္ဂဝပ် ထုတ်လုပ်မည့် ကျောက်မီးသွေးသုံး ဓါတ်အားပေး စက်ရုံနှင့် ကိုးရီးယားသမ္မတ နိုင်ငံ BKB ကုမ္ပဏီနှင့် ပူးပေါင်း၍ (၅ဝဝ) မဂ္ဂဝပ် ဓါတ်အား ထုတ်လုပ်နိုင်မည့် သဘာဝ ဓါတ်ငွေ့သုံး ဓါတ်အားပေးစက်ရုံကို တည်ဆောက်ရန် စီစဉ်ဆောင်ရွက်နေသည်ဟု ဖော်ပြထားသည်။

Ref: မဇ္ဈိမ

Read More...

ဝတ္တရားနှောက်ယှက်မှုဖြင့် ဦးအေးလွင် ထောင်ဒဏ် ၂ လ အမိန့်ချခံရ

ဖနိဒါ
အင်္ဂါနေ့၊ မေလ ၂၂ ရက် ၂၀၁၂

ချင်းမိုင်(မဇ္စျိမ) ။ ။ ပြည်ထောင်စု မြန်မာနိုင်ငံ အမျိုးသား နိုင်ငံရေးအဖွဲ့ချုပ် ဥက္ကဋ္ဌ ဦးအေးလွင်သည် ဝန်ထမ်းအား ဝတ္တရားနှောက်ယှက် မှုဖြင့် လှည်းကူးမြို့နယ် တရားရုံးက ထောင်ဒဏ် ၂ လ ချမှတ် လိုက်သည်ဟု ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီမှ ဒုဥက္ကဋ္ဌ ဦသန်းဦးက ပြောသည်။

အစိုးရ ဆောက်လုပ်ရေးဝန်ကြီးဌာနမှ လမ်းတံတား အင်ဂျင်နီယာမှူး တရားလို ဦးဝဏ္ဏဇော်မှ ၁၀ လခန့်ကြာ တရား စွဲဆို ခဲ့ပြီးနောက် ယနေ့ အင်္ဂါနေ့မှာ အမိန့် ချလိုက်ခြင်း ဖြစ်သည်။

“ဒီနေ့ ပုဒ်မ ၁၈၆ နဲ့ နှစ်လ အမိန့်ချလိုက်တယ်။ တရားသူကြီးက တရားလိုဘက်က ဝတ္တရားနှောက်ယှက် မှုနဲ့ ပတ်သက် လို့ တိုင်ကြားချက်တွေ ဖတ်ပြတယ်။ ဒီဘက် တရားခံ ဘက်ကလည်း ဥပဒေအရ စောဒက တက်တယ် ဆိုပြီးတော့ တရားခံရှေ့နေဘက်က ပြောတယ်ပေါ့နော်။ အဲဒီအပေါ်မှာ အမိန့်ချလိုက်တယ်”ဟု သူက မဇ္စျိမကို ပြောသည်။

ယနေ့ လှည်းကူးမြို့နယ် တရားရုံးသို့ နှစ်ပါတီလုံးမှ အဖွဲ့ဝင်များ ၂၀၀ ကျော် တက်ရောက်ခဲ့သည်ဟု ပြောသည်။

ဦးအေးလွင်သည် လက်ရှိ အင်းစိန်အကျဉ်း ထောင်တွင် ချုပ်နှောင်ခံနေရသည်ဟု ဆိုသည်။

ပြီးခဲ့သည့်နှစ် ဇူလိုင်လ ၂၇ ရက်နေ့က ဆောက်လုပ်ရေး ဝန်ကြီးဌာနမှ ဆောင်ရွက်နေသော ရန်ကုန်-မန္တလေး ကားလမ်းပေါ်ရှိ အမှတ် ၃ လမ်းဆုံ တိုးဂိတ်တွင် ဂိတ်ကြေး ငါးထောင်ကျပ် ပေးဆောင်ရန် ငြင်းဆန်ပြီး ဝန်ထမ်းများနှင့် အချင်း များရာမှ ဦးအေးလွင်ကို ပြည်ထောင်စု ဆောက်လုပ်ရေး ဝန်ကြီး ဦးခင်မောင်မြင့် ကိုယ်တိုင် ဝန်ထမ်း ဝတ္တရား နှောက်ယှက်မှုဖြင့် ရန်ကုန်တိုင်း လှည်းကူးမြို့နယ် တရားရုံးတွင် တရား စွဲဆိုခဲ့ခြင်း ဖြစ်သည်။

ယခင်က မြန်မာအစိုးရနှင့် အလွမ်းသင့်သည်ဟု စွပ်စွဲခံထားရသော ညီနောင်နှစ်ပါတီသည် စစ်ကိုင်း၊ မကွေး၊ မန္တလေး၊ ရန်ကုန်၊ ပဲခူး၊ ဧရာဝတီတိုင်းနှင့် ချင်းပြည်နယ် တို့တွင် ၈၅ နေရာ ဝင်ပြိုင်ခဲ့သော်လည်း ဦးရဲထွန်း ဦးဆောင်သော ၈၈ မျိုးဆက် ကျောင်းသား လူငယ်များ (ပြည်ထောင်စု မြန်မာနိုင်ငံ) ပါတီတခုတည်းသာ ရန်ကုန်တိုင်းဒေသကြီး လှိုင်သာယာမြို့နယ် တနေရာတွင်သာ အနိုင်ရခဲ့သည်။

ဦးအေးလွင်သည် အမျိုးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်ကို လူသိရှင်ကြား ဝေဖန်လေ့ ရှိပြီး အနောက်နိုင်ငံများက မြန်မာနိုင်ငံ အပေါ် ချမှတ်ထားသော ပိတ်ဆို့ အရေးယူမှုများကို ကန့်ကွက်ခဲ့သူ ဖြစ်သည်။


Ref: မဇ္ဈိမ

Read More...

မြန်မာအလုပ်သမားသမဂ္ဂ ဘုရားသုံးဆူတွင် ဖွဲ့စည်း

ကွန်းချမ်း
အင်္ဂါနေ့၊ မေလ ၂၂ ရက် ၂၀၁၂

စံခလပူရီ (မဇ္ဈိမ) ။ ။ ထိုင်းနိုင်ငံသား အလုပ်သမားများကဲ့သို့ တန်းတူ အခွင့်အရေး ရရှိရေး စသည့် ရည်ရွယ်ချက် များဖြင့် ထိုင်း-မြန်မာ နယ်စပ် ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူမြို့တွင် အင်္ဂါနေ့က အထည် အလိပ်နှင့် သားရေ အလုပ်သမား သမဂ္ဂကို ဖွဲ့စည်းလိုက်ပြီး၊ ယခုလအတွင်း မှတ်ပုံတင်သွားမည် ဖြစ်ကြောင်း သမဂ္ဂ ဥက္ကဋ္ဌ ထံမှ သိရသည်။

လွတ်လပ်သော အလုပ်သမား သမဂ္ဂများ ဖြစ်မြောက်ရေး ကော်မတီ၏ အကူအညီဖြင့် ဘုရားသုံးဆူမြို့ ဓမ္မဟေဝန် ဘုန်းတော်ကြီးကျောင်း၌ ယနေ့ နံနက်ပိုင်းက ဖွဲ့စည်းလိုက်သည့် သမဂ္ဂတွင် လုပ်အားနှင့် လုပ်အားခ မျှတစွာ ရရှိရေး၊ အလုပ်ခွင်အတွင်း ထိခိုက်ဒဏ်ရာ ရရှိပါက ထိုက်သင့်သည့် နစ်နာကြေး ရရှိရေး၊ အလုပ်သမားများ၏ ဘဝမြှင့်တင်ရေး စသည့် ရည်ရွယ်ချက်များလည်း ပါဝင်သည်။

သမဂ္ဂတွင် ဘုရားသုံးဆူမြို့ တဖက်ခြမ်း ထိုင်းပိုင်နက် စေတီစမ်အွန်း၌ အလုပ် လုပ်နေကြသည့် မြန်မာ အလုပ်သမား ၃၀ ဦး ပါဝင်ပြီး၊ မြန်မာဘက်ခြမ်းမှ နံနက် ညနေ အလုပ်တက်ဆင်း ကြသူများ ဖြစ်သည်။

“ထိုင်းအလုပ်သမားနဲ့ မြန်မာအလုပ်သမား တန်းတူအခွင့်အရေး မရှိဘူး၊ ကျနော်တို့မှာ နေမကောင်းလို့ ခွင့်တိုင်တာ လည်း ကြည်ကြည်ဖြူဖြူနဲ့ ခွင့်မပေးဘူး၊ လုပ်အားခ ဆိုလို့ရှိရင်လည်း ထိုင်းနဲ့ ကျနော်တို့နဲ့ မတူဘူး၊ ဒါတွေကို ဖြေရှင်းနိုင်ဖို့ ကျနော်တို့ ဒီသမဂ္ဂကို ဖွဲ့ရတာ ဖြစ်တယ်” ဟု သမဂ္ဂ ဥက္ကဋ္ဌ ကိုဝေဖြိုးက ပြောသည်။

၎င်း၏ အဆိုရ ထိုင်းအလုပ်သမား တဦးလျှင် တရက်လုပ်အားခ အနည်းဆုံး ထိုင်းဘတ်ငွေ ၂၀၀ ကျော် ရရှိပြီး၊ မြန်မာအလုပ်သမားများမှာ ၉ဝ ဘတ်သာ ရရှိသည်။

“ကျနော်တို့ဟာ မြန်မာပိုင်ထဲမှာ သမဂ္ဂကို ဖွင့်ထားတဲ့အတွက် ထိုင်းဘက်ခြမ်းကို သွားပြီးတော့ ဝင်စွက်ဖက်လို့တော့ မရဘူး။ ဒါပေမဲ့ မှတ်ပုံတင်ကျမယ် ဆိုရင်တော့ ထိုင်းအလုပ်သမား သမဂ္ဂနဲ့ ချိတ်ပြီး တန်းတူအခွင့်အရေး ရအောင် လုပ်သွားမယ်” ဟု ကိုဝေဖြိုးက ပြောသည်။

ထိုင်းနိုင်ငံ မဲဆောက်မြို့ အခြေစိုက် ရောင်ခြည်ဦး အလုပ်သမားအဖွဲ့ တာဝန်ခံ ကိုမိုးဆွေက မြန်မာရွှေ့ပြောင်း အလုပ်သမားများ အတွက် ထိုင်းနိုင်ငံတွင် အလုပ်သမား သမဂ္ဂ ဖွဲ့စည်းခွင့် မရှိသော်လည်း အလုပ်သမားတိုင်း အတွက် တန်းတူအခွင့်အရေး ရှိကြောင်း၊ ပြည်နယ်အလိုက် အနိမ့်ဆုံး လုပ်အားခကို အစိုးရက သတ်မှတ်ပေးထားကြောင်း ပြောသည်။

လွန်ခဲ့သည့် ဇူလိုင်လက လုပ်အားခ တရက် ၁၅ ဘတ် တိုးပေးရန်နှင့် တနေ့ အလုပ်ချိန် ၉ နာရီမှ ၈ နာရီသို့ ပြောင်းလဲ သတ်မှတ်ပေးရန် အတွက် စေတီစမ်အွန်းရှိ PTK Basani ဖိနပ်ချုပ် အလုပ်ရုံမှ မြန်မာ အလုပ်သမား ၄၀၀ ကျော် နှစ်ကြိမ်တိုင် ဆန္ဒပြ တောင်းဆိုခဲ့ပြီး နောက်တွင် ထိုင်း အလုပ်ရှင်များက အနိမ့်ဆုံး ၇၀ ဘတ်မှ အမြင့်ဆုံး ၁၁၅ ဘတ်သာ ရရှိသည့် အလုပ်သမားများကို ၈၅ ဘတ်မှ ၁၃ဝ ဘတ်ထိ တိုးပေးခဲ့ပြီး၊ အလုပ်ချိန်ကိုလည်း ၈ နာရီသို့ သတ်မှတ်ပေးခဲ့သည်။ သို့သော်လည်း မြန်မာ နှင့် ထိုင်း အလုပ်သမားများ၏ လုပ်အားခမှာ ကွာဟမှု ရှိနေသေးကြောင်း ကိုဝေဖြိုးက ပြောသည်။

စေတီစမ်အွန်းတွင် ဖိနပ်ချုပ်၊ အထည်ချုပ်နှင့် အခြားစက်ရုံများ၌ အလုပ်လုပ်သည့် မြန်မာ ၅၀၀၀ ကျော် ရှိပြီး၊ အလုပ်ရုံပေါင်း ၄၀ ကျော် ရှိသည်။

မြန်မာနိုင်ငံ အလုပ်သမား အဖွဲ့အစည်း နည်းဥပဒေ အာဏာတည်သည့် မတ်လ ၉ ရက်နေ့မှ စ၍ အဖွဲ့ဝင် ၃၀ ရှိပါက အလုပ်သမား သမဂ္ဂတခုကို တရားဝင် ဖွဲ့စည်းခွင့် ရရှိမည် ဖြစ်ပြီး၊ လက်ရှိတွင် မှတ်ပုံတင်ရန် လျှောက်ထားသည့် အလုပ်သမား အဖွဲ့အစည်း ၁၂ ခု ရှိပြီ ဖြစ်ကြောင်း သိရသည်။

Ref: မဇ္ဈိမ

Read More...

Tuesday, May 22, 2012

အခြေခံလစာရရေး လှိုင်သာယာ အလုပ်သမားများ သပိတ်ဆက်မှောက်

ခင်ဦးသာ
May 21, 2012

ရန်ကုန်တိုင်း လှိုင်သာယာ စက်မှုဇုန်ရှိ စက်ရုံ ၅ ရုံ မှ အလုပ်သမား ၅၀၀၀ ၀န်းကျင်သည် မိမိတို့ရပိုင် ခွင့်များရရှိရေးအတွက် ယနေ့ နံက်ပိုင်းက ဆန္ဒပြကြရာ စက်ရုံ လုံခြုံရေး ၀န်ထမ်းများ ၏ ရိုက်နှက်မှုကြောင့် အလုပ်သမား တချို့ထိခိုက် ဒဏ်ရာရသွား ကြောင်း သိရသည်။

ပုလဲ၊ ၀ိုင်ဂျေ၊ ဟိုင်းအပ်၊ စပယ်ပွင့်၊ နေမင်းအောင် စသည့် စက်ရုံ ၅ ရုံမှ အလုပ်သမားများသည် ၎င်းတို့တောင်းဆိုသည့် လုပ် အားခ မရသေး၍ ဆက်လက် ဆန္ဒပြကြရာ ပုလဲ စက်ရုံမှ ပိုင်ရှင်နှင့်အတူ ပါလာသော လုံခြုံရေး ၀န်ထမ်းများသည် ကားပေါ် ၌ အသင့်ပါလာသော သံတုတ်၊ သံဂွ၊ တူ စသည်တို့ဖြင့် ရိုက်နှက် လူစုခွဲရာမှ တချို့ ဒဏ်ရာ ရရှိသွားပြီး တချို့မှာ စက်ရုံ ၀င်းထဲ၌ ထိန်းသိမ်း ခံထားရကြောင်း အလုပ်သမား ခေါင်းဆောင်တချို့က ဧရာဝတီ ကို ပြောသည်။

“ပုလဲ စက်ရုံရှေ့မှာ ဆန္ဒပြနေတဲ့ အလုပ်သမားတွေကို လုံခြုံရေးတွေက ရိုက်တာတွေ၊ ကားပေါ် အတင်းဆွဲ တင်တာတွေ လုပ် ရာက တဆင့် ရုန်းရင်း ဆန်ခတ်မှုတွေ ဖြစ်ကြတယ်၊ တချို့ဒဏ်ရာ ရသွားကြတယ်၊ စိုးရိမ်ရတဲ့ အနေအထားတော့ မရှိဘူး”ဟု အလုပ်သမား အရေး ကူညီ ဆောင်ရွက်ပေးနေသူ ရှေ့နေ ဦးဌေး က ပြောသည်။

အစိုးရ ၀န်ထမ်းများအား ၎င်းတို့၏ လစာအပြင် ထောက်ပံ့ငွေ ကျပ် ၃၀၀၀၀ ကို ဧပြီလ မှ စတင်၍ ခံစားခွင့်ပေးကြောင်း တရား ၀င် ကြေညာ ခဲ့ပြီးနောက် ပုဂ္ဂလိက စက်ရုံ၊ အလုပ်ရုံ အလုပ်သမားများသည်လည်း ၎င်းတို့ ၏ လစာငွေ အပြင် ထောက်ပံ့ငွေ ကျပ် ၃၀၀၀၀ ရရှိရေးနှင့် အလုပ်သမား ရပိုင်ခွင့် ဆန္ဒပြ တောင်းဆိုမှုများကို ဆက်တိုက် လုပ်ဆောင် လာခဲ့ခြင်း ဖြစ်သည်။

အလုပ်သမား ခေါင်းဆောင် တဦးဖြစ်သူ မမေသူဝင်းက“ဆန္ဒပြတောင်းဆိုနေကြတဲ့ ကျပ် ၃ သောင်းကို ပေးမယ်လို့ စက်ရုံ တာဝန်ခံတွေက ညွှန်ချုပ် ရှေ့မှာ လက်မှတ်ရေးထိုးပြီးပြီ၊ ညွှန်ချုပ် ပြန်သွားတော့ စာချုပ်က တရားမ၀င်ဘူး၊ မပေးနိုင်ဘူး ပြော လို့ ဆန္ဒဆက်ပြနေကြတာပါ၊ မရမချင်း တောင်းဆိုသွားမှာပါ”ဟု ဧရာဝတီ ကို ပြောသည်။

အထက်ပါ စက်ရုံ ၅ ရုံ အပြင် ၎င်းတို့ အနီးရှိ ပလတ်စတစ် စက်ရုံ တခုမှ အလုပ်သမား ၁၀၀ ၀န်းကျင်ကလည်း ယနေ့ ဆန္ဒပြ ခဲ့ကြကြောင်း၊ ဆန္ဒပြမှုသည် စက်ရုံ တခုမှ တခုသို့ ကူးစက်ပြန့်ပွားလာနေပြီး ပိုမိုကြီးထွားလာနိုင်ကြောင်း၊ တာဝန်ရှိသူများ အနေဖြင့် အမြန်ဆုံး ဖြေရှင်း ဆောင်ရွက်ပေးသင့်ကြောင်း ဦးဌေး က ပြောသည်။

၎င်းက“အခြေခံလစာ သတ်မှတ်ပေးတဲ့ ဥပဒေတခု အမြန်ဆုံးပေါ်ပေါက်လာဖို့ သမ္မတနဲ့ ပြည်ထောင်စုလွှတ်တော်ကို လက်မှတ် ထိုးတောင်းဆိုဖို့အတွက် လှုပ်ရှားမှုတခု စတင်နေပါပြီ”ဟု ဆိုသည်။

နိုင်ငံတော် သမ္မတနှင့် လွှတ်တော်သို့ လက်မှတ်ရေး ထိုးတောင်းဆိုမည့် အချက်များ၌ အလုပ်သမားများအတွက် လုပ်ခ လစာ ၊ ထောက်ပံ့ကြေး ကျပ် ၃ သောင်း အပြင် ရပိုင်ခွင့်များ၊ ဆုကြေးများ အပြည့်အ၀ ရရှိရေး၊ အလုပ်ရှင်-အလုပ်သမား အငြင်းပွားမှုအား အမြန်ဆုံးဖြေရှင်းပေးရေး စသည်များ ပါဝင်သည်။

ပြည်ထောင်စု လွှတ်တော်မှ ဥပဒေ ပြဌာန်းပေးရေးနှင့် ပြည်တွင်း ပြည်ပ ရင်းနှီးမြှုပ်နှံမှု ကုမ္ပဏီများအနေဖြင့် အလုပ်သမားများ၏ ထိခိုက်နစ်နာမှုများ အပေါ် တာဝန်ယူပေးရေး စသည့် အချက် လေးချက်ကို တောင်းဆိုသွားမည်ဟု ရှေ့နေ ဦးဌေးက ရှင်းပြ သည်။

“ညွှန်ချုပ်နဲ့ ဌာန အရာရှိတွေ၊ လွှတ်တော် ကိုယ်စားလှယ်တွေကလာဖြေရှင်းပေးပေမယ့် တရားဝင် ဥပဒေ ပြဌာန်း မထားတော့ သူတို့လည်း ဘာမှ မတတ်နိုင်ဘူးလို့ ဆိုကြတယ်၊ ပိုင်ရှင်တွေကလည်းပဲ ဥပဒေ မရှိတဲ့အတွက် မပေးနိုင်ဘူးဆိုပြီး အခြေအနေ တွေ တင်းမာနေကြတာပါ”ဟု ၎င်းက ဆိုသည်။

လှိုင်သာယာစက်မှုဇုန်များ၌ ဆန္ဒပြမှုများ ဆက်တိုက်ဖြစ်ပွားလျက်ရှိရာ တချို့သော စက်ရုံများသည် အလုပ်သမားများ တောင်း ဆိုသည့် ထောက်ပံ့ငွေ ကျပ် ၃ သောင်း ပေးကြောင်း၊ အထက်ပါ စက်ရုံ ၅ ရုံကသာ မပေးဘဲ ခြိမ်းခြေက်မှုအမျိုးမျိုးလုပ်ဆောင် နေကြောင်း၊ စက်ရုံများ၌ ရေ၊ မီးများ ဖြတ်တောက်ထား၍ စက်ရုံဝင်းထဲနေထိုင်သူ အလုပ်သမားများမှာ အခက်အခဲများနှင့် ကြုံနေရကြောင်း ဟိုင်မို အထည်ချုပ် စက်ရုံ မှ အလုပ်သမားတဦး က ပြောသည်။

၎င်းက“ဆန္ဒပြမှုတွေ ဆက်တိုက်ဖြစ်နေတော့ စက်ရုံ တာဝန်ခံတွေ အကုန်ထွက်ပြေးနေကြတယ်၊ ရေ၊ မီးတွေ ဖြတ်ထားတယ်၊ စက်ရုံဝင်းထဲ နေတဲ့ မိန်းကလေးတွေကပဲ လုံခြုံရေး တာဝန်တွေ အလှည့်ကျ ယူနေကြရတယ်”ဟု ပြောသည်။

ယနေ့ ဆန္ဒပြပွဲသို့ ဌာနဆိုင်ရာ တာဝန်ရှိသူများ၊ အဖွဲ့အစည်းများ လာရောက်ခြင်း မရှိကြောင်း၊ ကိုမင်းကိုနိုင် ဦးဆောင်သော ၈၈ ကျောင်း သားအဖွဲ့ တချို့ လာရောက် အားပေးခဲ့ကြောင်း အလုပ်သမားအရေး လုပ်ဆောင်နေသူများက ပြောသည်။

ယခုနှစ်ဆန်းမှ စတင်၍ လှိုင်သာယာ စက်မှုဇုန်တွင် အလုပ်သမား ဆန္ဒပြမှုများ ဆက်တိုက် ဆိုသကဲ့သို့ ဖြစ်ပွားခဲ့သည်။

အလုပ်သမားများ ဆန္ဒပြမှုသည် လှိုင်သာယာအပြင် မှော်ဘီမြို့နယ်ရှိ Yangon Crow သံမဏိစက်ရုံမှ အလုပ်သမား ၅၀၀ ၀န်း ကျင်သည်လည်း လုပ်အားခ တိုးပေးရေး နှင့်အလုပ်သမားအခွင့်အရေး ရရှိရေးအတွက် ဆန္ဒပြတောင်းဆိုခဲ့ကြကြောင်း သိရ သည်။

လုပ်ငန်းခွင် အန္တရာယ် ကင်းရှင်းရေး၊ တရားဝင် အလုပ်ပိတ်ရက် သတ်မှတ်ပေးရေး၊ အလုပ်သမားများထံမှ သိမ်းယူထားသည့် နိုင်ငံသား စိစစ်ရေး ကတ်များ ပြန်ပေးရေး စသည့် အချက် ၁၃ ချက်ကို တောင်းဆိုကြကြောင်း ဆန္ဒပြပွဲ၌ ပါဝင်သူတဦး က
ဧရာဝတီ ကို ပြောသည်။

စက်ရုံ၏ တာဝန်ခံ တချို့သည် တရုတ်နိုင်ငံသားများ ဖြစ်၍ အလုပ်သမားများနှင့် ဆက်ဆံရာတွင် ပြေလည်မှုမရှိခြင်းတို့အား
ဆောင်ရွက်ပေးရေး၊ တန်းတူ အခွင့်အရေးရရှိရေး စသည့် အချက်တို့ကိုလည်း ရန်ကုန်အခြေစိုက် ကမ္ဘာ့အလုပ်သမားအဖွဲ့ချုပ် (ILO) သို့ တိုင်ကြား တောင်းဆိုသွားမည်ဟု ၎င်းက ဆက်ပြောသည်။

မှော်ဘီမြို့နယ်ရှိ Myanmar Golden Star(MGS) အချိုရည်စက်ရုံမှ အလုပ်သမား ၃၀၀ ကျော်ကလည်း လုပ်အားခ ကျပ် ၃၀၀၀၀ တိုးမြှင့် ရရှိရေးအတွက် ဆန္ဒပြတောင်းဆိုမှု တခုကို ယခုလဆန်းပိုင်းတွင် လုပ်ဆောင်ခဲ့ကြသည်။

Ref: ဧရာဝတီ

Read More...

ပိတ်ဆို့မှု ဆိုင်းငံ့ရေး ဆုံးဖြတ်ချက် ၀န်ကြီးကလင်တန် ဒေါ်စုနဲ့ဆွေးနွေး

ကိုသားညွှန့်ဦး
တနင်္လာ, 21 မေ 2012

အမေရိကန် နိုင်ငံခြားရေးဝန်ကြီး ကလင်တန် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဖုံးနဲ့ ဆက်သွယ်ပြီး မြန်မာနိုင်ငံတွင်း အပြောင်းအလဲတွေ စိတ်ချရအောင် အမေရိကန်ပြည်ထောင်စုရဲ့ အရေးယူ ဒဏ်ခတ်နိုင်တဲ့ လုပ်ပိုင်ခွင့်တွေကို ဆက်ပြီး ထားရှိ သွားမယ်ဆိုတာ ပြောဆိုခဲ့ပါတယ်။ မြန်မာနိုင်ငံရေး စိုးရိမ်ချက်တွေနဲ့ ပတ်သက်လို့လည်း နှစ်ဦး အပြန်အလှန် ဆွေးနွေး ခဲ့ကြတယ်လို့လည်း သိရပါတယ်။ ဒီအကြောင်း ကိုသားညွန့်ဦးက တင်ပြထားပါတယ်။

မြန်မာနိုင်ငံအပေါ် အမေရိကန်ပြည်ထောင်စုရဲ့ စီးပွားရေးဒဏ်ခတ်မှုတွေ လျှော့ပေး လိုက်ပြီးနောက် နိုင်ငံခြားရေး ၀န်ကြီး ကလင်တန်က မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဖုံးဆက်ပြီး အခြေအနေတွေကို နှစ်ဦးသား သုံးသပ်ဆွေးနွေးကြတာ ဖြစ်ပါတယ်။ အမေရိကန် အစိုးရ အနေနဲ့ ပြုပြင်ပြောင်းလဲရေးမှာ အဟန့်အတားဖြစ်စေမယ့် ပုဂ္ဂိုလ် အဖွဲ့အစည်းတွေကို ပစ်မှတ်ထား အရေးယူမှုတွေ ဆက်လုပ် သွားမှာဖြစ်လို့၊ အဲဒီအတွက် အမည်စာရင်းသစ် ပြုစုနေချိန်မှာပဲ သူတို့နှစ်ဦး အမေရိကန် စံချိန် တနင်္ဂနွေ ညပိုင်းက ဖုံးနဲ့ စကားပြောဖြစ်တာပါ။

“နိုင်ငံခြားရေးဝန်ကြီး ဟီလာရင် ကလင်တန်ဟာ ဒေါ်အောင်ဆန်းစုကြည်ကို မေလ ၂၀ ရက်နေ့ညက ဖုံးဆက် ခဲ့တာပါ။ မြန်မာနိုင်ငံတွင်း ဖြစ်ပေါ် တိုးတက်မှုတွေကို သုံးသပ်ပြီး မြန်မာအပေါ် အရေးယူ ဒဏ်ခတ်မှုနဲ့ ပတ်သက်လို့ အမေရိကန်ပြည်ထောင်စုရဲ့ မကြာခင်က ဆုံးဖြတ်ချက်တွေ အပေါ် ဆွေးနွေးခဲ့ပါတယ်။ တာဝန်သိပြီး ပွင့်လင်းမြင်သာတဲ့ ရင်းနှီးမြှုပ်နှံမှုတွေ လုပ်ဖို့၊ ပြုပြင်ပြောင်းလဲရေး လိုလားသူတွေကို အားပေးဖို့နဲ့ လူ့အခွင့်အရေး ချိုးဖောက်သူတွေကို ပစ်မှတ်ထား အရေးယူဖို့ ဆောင်ရွက်ဖို့ လိုအပ်ချက်တွေအကြောင်း ပြောခဲ့ကြပါတယ်။”

နိုင်ငံခြားရေးဌာန ပြောခွင့်ရ အရာရှိတစ်ဦး ပြောသွားတာပါ။ ပြီးခဲ့တဲ့အပတ်တုန်းက နိုင်ငံခြားရေးဝန်ကြီးကလင်တန်က မြန်မာနိုင်ငံမှာ ရင်းနှီးမြှုပ်နှံမှုတွေ လုပ်နိုင်ကြပြီလို့ ကြေညာ သွားချိန်မှာပဲ အဲဒီရင်းနှီးမြှုပ်နှံမှုတွေဟာ မြန်မာ လူ့အဖွဲ့အစည်းအတွက် လူမှုတာဝန်တွေပါ တပါတည်း တွဲယူလိုတဲ့ ကျင့်ဝတ်ကောင်းတွေ ထားရှိဖို့ တိုက်တွန်းခဲ့ပါတယ်။ အထူးသဖြင့် အမေရိကန်ဘက်က အခု လျှော့ပေးလိုက်တာဟာ မြန်မာနိုင်ငံထဲ ပုဂ္ဂလိကပိုင်း လုပ်ငန်းတွေနဲ့ အရပ်ဘက် လူမှုအဖွဲ့အစည်းတွေ အားကောင်းလာဖို့ ဖြစ်သလို လက်ရှိ ပြုပြင် ပြောင်းလဲမှုတွေကို အားပေးတဲ့လုပ်ရပ်လည်း ဖြစ်တယ်လို့ ပြောခဲ့ပါတယ်။ ဒါပေမဲ့လည်း ပြုပြင်ပြောင်းလဲမှုတွေ နောက်ကြောင်းပြန်မလှည့်သွားရအောင်လို့၊ ဥပဒေအရတော့ မြန်မာအပေါ် ဒဏ်ခတ်မှုတွေ ဆက်ထားသွားမယ်လို့ နိုင်ငံခြားရေးဝန်ကြီးကလင်တန်က ဒေါ်အောင်ဆန်းစုကြည်ကို ပြောခဲ့ပါတယ်။

“မကြာခင်လတွေအတွင်းဖြစ်ခဲ့တဲ့ တိုးတက်ပြောင်းလဲမှုတွေဟာ အတိမ်းအစောင်းမခံတဲ့ အခြေအနေမှာ ရှိနေဆဲဖြစ်ပြီး၊ ဒီ ပြောင်းလဲမှုတွေ နောက်ပြန်လှည့်မသွားအောင် နိုင်ငံတကာ အသိုင်းအ၀ိုင်းအနေနဲ့ တွန်းအားပေးဆောင်ရွက်သွားဖို့ လိုအပ်ချက်တွေကိုလည်း နှစ်ဦး သဘောတူခဲ့ကြပါတယ်။ ဒီအတွက်လည်း အခြေအနေတွေကို စိတ်ချရအောင် အရေးယူ ဒဏ်ခတ်နိုင်တဲ့ လုပ်ပိုင်ခွင့်တွေကို ဆက်ပြီးထားရှိသွားမှာ ဖြစ်တယ်လို့ နိုင်ငံခြားရေးဝန်ကြီး ကလင်တန်က ဒေါ်အောင်ဆန်းစုကြည်ကို ပြောခဲ့ပါတယ်။”

နှစ်ဦးသား ပြောဆိုကြတဲ့အထဲမှာ တိုင်းရင်းသား ပဋိပက္ခတွေအရေး ကိစ္စကိုလည်း ထည့်သွင်း ဆွေးနွေးခဲ့တယ်လို့ သိရပါတယ်။ အထူးသဖြင့်တော့ လူမျိုးစုဒေသတွေအတွင်း လူ့အခွင့်အရေး ချိုးဖောက်မှုတွေ အဆုံးသတ်နိုင်ရေး အတွက် အရေးတကြီး ဆောင်ရွက်ရမယ့် လိုအပ်ချက်တွေရှိတယ် ဆိုတာကို ဆွေးနွေးခဲ့တာပါ။ နိုင်ငံခြားရေးဝန်ကြီး ကလင်တန်ဟာ မြန်မာနိုင်ငံတွင်း ပြုပြင်ပြောင်းလဲမှုတွေ အစပျိုးခဲ့တဲ့ ပြီးခဲ့တဲ့ နှစ်အကုန်ပိုင်းက မြန်မာနိုင်ငံကို သွားရောက်ခဲ့ပါတယ်။ အဲဒီအချိန်ကတည်းက အမေရိကန်ပြည်ထောင်စု အနေနဲ့ မြန်မာဘက်က လုပ်ရပ်တချက်ချင်း အပေါ်မှာ အပြုသဘော တချက်ချင်း တုံ့ပြန်သွားမယ်ဆိုပြီး ဂတိက၀တ်ပြုခဲ့တာပါ။ ပြီးခဲ့တဲ့ သီတင်းပတ်တုန်းကတော့ ၀ါရှင်တန်ကို အစိုးရ တရားဝင်ခရီးအဖြစ် ပထမအကြိမ် လာရောက်တဲ့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်နဲ့ တွေ့ဆုံပြီး၊ အမေရိကန်ပြည်ထောင်စုရဲ့ မြန်မာအပေါ် အရေးယူမှုတွေကို အစိုးရလုပ်ပိုင်ခွင့်အနေနဲ့ လျှော့ပေါ့ပေးခဲ့တာ ဖြစ်ပါတယ်။ ဒါပေမဲ့လည်း မြန်မာနိုင်ငံ အခြေအနေမှာ စိုးရိမ်စရာ လုပ်ဆောင်စရာတွေ ကျန်နေသေးပြီး ဒီအတွက်လည်း ပြုပြင်ပြောင်းလဲမှုတွေ အရှိန်အဟုန်ကောင်းလာဖို့နဲ့ တိုင်းရင်းသားအရေးကိစ္စတွေ ဖြေရှင်းနိုင်ဖို့ အမေရိကန် ပြည်ထောင်စုဘက်က အားပေး ထောက်ခံသွားမယ်လိ်ု့ ပြောခဲ့ပါတယ်။

Ref: VOA News

Read More...

အပေါ်သို့