03 April 2009
မကြာသေးခင်က ကျင်းပပြီးစီးသွားတဲ့ G-20 ထိပ်သီးအစည်းဝေး ပွဲက ကမ္ဘာ့ စီးပွားရေး ပြန်လည် ရှင်သန်လာရေး၊ ဆင်းရဲ နိုင်ငံများသို့ ကူညီမှု တိုးမြှင့်ရေး၊ ငွေကြေးစနစ် စည်းမျဉ်းများ တင်းကျပ်ရေး အပေါ် သဘောတူညီကြလို့ အပြောင်းအလဲ မှတ်တိုင် တရပ်ပဲလို့ အမေရိကန် သမ္မတ ဘရက်ခ် အိုဘားမား (Barack Obama) က ခေါ်ဆိုလိုက်ပါတယ်။
ကမ္ဘာ့အချမ်းသာဆုံး နိုင်ငံကြီးများနဲ့ ဖွံ့ဖြိုးဆဲနိုင်ငံများက ခေါင်းဆောင်တွေဟာ ရိုးရိုးသားသား သဘောကွဲလွဲ မှုများကို ကျော်လွှားကြပြီး စီးပွားရေး ရှင်သန်ကြီးထွားလာရေး၊ အလုပ်အကိုင် ဖန်တီးရေး၊ အခက်အခဲ ကြုံနေတဲ့ နိုင်ငံများသို့ ငွေချေးရေး သဘောတူညီ ခဲ့ကြပါတယ်။
နိုင်ငံတကာ ငွေချေးမှုအတွက် ဒေါ်လာ ဘီယီလံ ၁,၁၀၀ တိုးဖို့၊ ကမ္ဘာ့ ကုန်သွယ်ရေး တိုးမြှင့်ဖို့လည်း သဘောတူခဲ့ကြကြောင်း ဗြိတိသျှဝန်ကြီးချုပ် ဂေါ်ဒွန် ဘရောင်း (Gordon Brown) က ထုတ်ဖော်ပြောဆိုပါတယ်။
စုပေါင်းရင်းနှီးမြှုပ်နှံမှု သီးသန့်ရန်ပုံငွေ၊ ဘဏ်အရာရှိကြီးများရဲ့ လစာ၊ ချေးငွေနှုန်းထား လုပ်ငန်းများ၊ လက်လွတ်စပယ် လုပ်နေကြတဲ့ ဘဏ်များ စတာတွေအပေါ် အတိအကျ ကန့်သတ်ရေး အစီအစဉ် တရပ်လည်း စည်းဝေးပွဲက ချမှတ်လိုက်ပြီး ချမ်းသာကြွယ်ဝသူများ အခွန်မဆောင်ဘဲ ရှောင်နေမှု၊ ကမ္ဘာ့ငွေကြေး စနစ်တို့ကို စောင့်ကြည့်မယ့် အဖွဲ့များ ထားရှိဖို့လည်း G-20 ထိပ်သီးစည်းဝေးပွဲက သဘောတူလိုက် ကြပါတယ်။
Ref: VOA News
....
Friday, April 3, 2009
G-20 ညီလာခံ ပြီးဆုံး၊ ဆင်းရဲနိုင်ငံများ အကူအညီပိုရမည်
ဗိုလ်သန်းရွှေမိန့်ခွန်းနဲ့ အပြောင်းအလဲ
ရဲဘော်ဖိုးသံချောင်း
ဧပြီလ(၁) ရက်၊ ၂၀၀၉
ဗိုလ်သန်းရွှေရဲ့ မိန့်ခွန်းတခုကို ရှားရှားပါးပါး ကြားလိုက်ရပါတယ်။ ဖက်ဆစ် တော်လှန်ရေး နေ့က။
အမျိုးသားဒီမိုကရေစီအဖွဲ့ချုပ်ရဲ့ တောင်းဆိုချက်ကို တုံ့ပြန်တာပါ။ မြန်လိုက်ပါဘိ။ အဖြေ အသင့် ရှိနေတဲ့ သဘောပါပဲ။ သူတို့ရဲ့ လမ်းပြ မြေပုံအတိုင်း ငါ့မြင်း ငါစိုင်းတော့မယ့် အကြောင်း ကမ္ဘာကိုပါ ကြေညာလိုက်တာလို့ ပြောရင် မမှားပါဘူး။
တပါတည်းမှာ စဉ်းစားစရာပေါ်လာတာက နအဖ စစ်ဗိုလ်ချုပ်များ ဟာ အမေရိကန်နဲ့ စကားပြောခွင့်ရတဲ့ အတွက် ပိုပြီး မာနတက်လာ၊ ဘဝင် လေခိုက်နေတာလား၊ ဒါ့သာမက တရုတ်ခေါင်းဆောင် တဦးလည်း လာဆိုတော့ ဗိုလ်သန်းရွှေတို့ နိုင်ငံတကာရေးရာမှာ အောင်မြင်မှုတွေ ရနေလေပလား စတဲ့မေးခွန်းတွေပါ။
ဒါမှမဟုတ်လည်း ဗိုလ်သန်းရွှေရဲ့ ဒီမိန့်ခွန်းဟာ သူတို့ရဲ့ရွေးကောက်ပွဲ ဥပဒေကို စောင်းပါးရိပ်ခြေ ကြေညာနေတာ များလား။
အမေရိကန်နိုင်ငံခြားရေးဝန်ကြီးဌာနက မစ္စတာ စတီဖင်ဘလိပ် လာလိုက်တဲ့ အတွက် ဗမာပြည် နိုင်ငံရေးမှာ အပြောင်း အလဲတွေ ဖြစ်တော့မှာလား ဆိုပြီး တွေးတောသူတွေ အတော်ရှိပါတယ်။ ဗမာပြည် အရေးအပေါ် ဘယ် အတိုင်းအတာ အထိ ထိခိုက်နိုင်မလဲ ဆိုပြီး ဆွေးနွေးကြတာ တွေလည်း ကြားရပါတယ်။ မီဒီယာ အတွက်တော့ စကားဝိုင်း ဖန်တီးလို့ ကောင်းပေသပေါ့။ ဒါပေမယ့် ဆွေးနွေးသူ တချို့မှာ တကယ်ကိုစိုးရိမ်တဲ့ လေသံတွေ ပါနေသလား ထင်မှတ်မိပါတယ်။ နောက်ပြီး အမေရိကန်ဟာ လှည့်ရင် တင့်ကားလို (၁၈ဝ) ဒီဂရီ မလှည့်ပါဘူး။ မီးရထားလို တဖြည်းဖြည်းချင်း လှည့်မှာပါလို့ ချွေးသိပ် သံတွေလည်း ကြားရပါတယ်။ တချို့ လောကမှာ ဂယက်မသေးတာ သေချာပါတယ်။
ဒီနေရာမှာ ဗမာပြည်နိုင်ငံရေးရဲ့ အပြောင်းအလဲဆိုတာ ဘာလဲဆိုတာကို ပြန်မေးရပါလိမ့်မယ်။
နအဖစစ်ဗိုလ်ချုပ်တွေက ပုံစံပြောင်းပြီး တိုင်းပြည်အာဏာကို ချုပ်ကိုင် လိုက်တာကို အပြောင်း အလဲလို့ ခေါ်မှာလား။ ဒေါ်အောင်ဆန်းစုကြည်ကို အိမ်ချုပ်က လွှတ်ပေးပြီး ဒီပဲယင်း အခြေအနေ မတိုင်မီက လှုပ်ရှားခွင့် ပေးတာလောက်ကို အပြောင်းအလဲ ခေါ်မှာလား။ နိုင်ငံရေး သမားတွေကို ဖမ်းလိုက် လွှတ်လိုက် လုပ်နေတာကို အကြိမ်ကြိမ် ပြောင်းလဲနေတယ်လို့ ခေါ်မှာလား။
လက်ရှိ ဗမာပြည်နိုင်ငံရေးရဲ့ အဓိကဝင်ရိုးဟာ နအဖစစ်အစိုးရနဲ့ ဒီမိုကရေစီ အတွက် တိုက်ပွဲ ဝင်နေကြတဲ့ ပြည်သူလူထု အကြားက ပဋိပက္ခ ဖြစ်ပါတယ်။ နအဖစစ်အစိုးရနဲ့ အမေရိကန် အစိုးရအကြားက ပဋိပက္ခ မဟုတ်ပါဘူး။ ဒါကြောင့်မို့ သဘောတရားအရ ပြောရရင် ဗမာပြည် နိုင်ငံရေးရဲ့ အရေးပါတဲ့ အပြောင်းအလဲဟာ နအဖနဲ့ ပြည်သူလူထု အကြားက ပဋိပက္ခကနေ ပေါ်ထွက်လာမှာ ဖြစ်ပါတယ်။ နအဖနဲ့ အမေရိကန် ဆက်ဆံမှုအကြားက ပေါ်ထွက်လာမှာ မဟုတ်ပါဘူး။
တချို့သော နိုင်ငံရေးဆောင်ရွက်ချက်တွေကိုလည်းပဲ အလားတူပဲ စံထားချက်၊ တိုင်းတာမှုနဲ့ တွက်ရမှာ ဖြစ်ပါတယ်။ တချို့က အမေရိကန်က နအဖအစိုးရကို အသိအမှတ် ပြုလိုက်ရင် ဘယ်လို ဖြစ်မလဲလို့ စဉ်းစားကြပါတယ်။ အမေရိကန်က နအဖအစိုးရကို အသိအမှတ်ပြု မပြု ဆိုတဲ့ပြဿနာဟာ ဘယ်တုန်းကမှ မတည်ရှိခဲ့ပါဘူး။ တဖက်ကပြောရင် နအဖတည်ရှိမှု၊ မတည်ရှိမှုဟာ အမေရိကန်က အသိအမှတ်ပြု၊ မပြုဆိုတာ အပေါ်မှာ မတည်ပါဘူး။ အိမ်ဖြူတော်က အသိအမှတ် မပြုလည်း နအဖဟာ တည်ရှိနေမှာပါပဲ။
အမေရိကန်ရဲ့ ပိတ်ဆို့မှု (sanction) ကို ကြည့်မြင်ရင်လည်း အလားတူပဲ ကြည့်မြင်ရမယ် ထင်ပါတယ်။
ပိတ်ဆို့မှုဟာ နအဖ စစ်အစိုးရအတွက် အခက်အခဲ ဖြစ်စေတာတော့ အမှန်ပါ။ ဒါပေမယ့် နအဖ ဗိုလ်ချုပ်တွေကို အခြေခံကျတဲ့ အပြောင်းအလဲတွေ မလုပ်စေနိုင်ပါဘူး။ ပြည်သူတွေဘက်က ကြည့်ရင်တော့ အဲဒီ ပိတ်ဆို့မှုတွေ ရှိသည်ဖြစ်စေ၊ မရှိသည်ဖြစ်စေ ဘာမှ သိပ်မထူးခြားပါဘူး။ ဆိုလိုတာ နိုင်ငံရေး အားဖြင့်ပြောတာပါ။
ရှစ်လေးလုံးအရေးတော်ပုံကြီးပေါ်ပေါက်တာဟာ မဆလအစိုးရကို နိုင်ငံတကာက အသိ အမှတ် ပြုထားရုံမက အကူအညီတွေ အမျိုးမျိုး ပေးနေကြချိန် ဖြစ်ပါတယ်။ အဲဒီတုန်းက တိုက်ပွဲဝင်ကြတဲ့ ပြည်သူတွေရော၊ ခေါင်းဆောင် တွေပါ မဆလအစိုးရကို အမေရိကန်က ထောက်ခံထားသလား၊ မထောက်ခံဘူးလားလို့ တွေးတောခဲ့ကြ ပါသလား။ ဘယ်သူက ထောက်ခံ ထားတာဖြစ်လို့ မဆလ အစိုးရကို မဆန့်ကျင်ဘူးလို့ ဘယ်သူ့ ခေါင်းထဲမှာများ ပေါ်ခဲ့ဖူးပါသလဲ။
ဗမာပြည်ရဲ့ ဒီမိုကရေစီအရေးတော်ပုံမှာ ဒီအရေးတော်ပုံကို တခြား နိုင်ငံအစိုးရတခု ဒါမှမဟုတ် အစိုးရတွေနဲ့ ဆက်ချိတ် စဉ်းစားတဲ့ တွေးခေါ်နည်းဟာ အကျိုးမပေးပါဘူး။ နအဖအစိုးရရဲ့ ပြည်ပဆက်ဆံရေး အခြေအနေကို ကြည့်ပြီး ကိုယ်က စိတ်ဓာတ်ကျလိုက်၊ တက်လိုက် ဖြစ်နေလို့လည်း မဖြစ်ပါဘူး။ တကယ်တော့ ဒီလှုပ်ရှားမှုကြီးထဲမှာ ဒီအတွေးအခေါ် ပေါ်နေတာကြာပါပြီ။ ဒါဟာ ကိုယ့်ကိုယ်ကို ယုံကြည်အားကိုးစိတ်ကို လျော့ပါးစေပါတယ်။
ဒီထက်ပိုဆိုးတာကတော့ နိုင်ငံရေးပါတီ ဒါမှမဟုတ် အင်အားစု တရပ်အနေနဲ့ ပြည်ပနိုင်ငံတခုနဲ့ နအဖအစိုးရတို့ရဲ့ ဆက်ဆံမှုအပေါ် အခြေခံပြီး ကိုယ့်လုပ်ငန်းစဉ်၊ လမ်းစဉ်ကို ချမှတ်တာပါပဲ။ ဒါဆိုရင်တော့ ငါးပါးတောင် မှောက်တတ် ပါတယ်။ တဖက်က ပြန်စဉ်းစား လိုက်ရင်လည်း အမေရိကန်နိုင်ငံ ဒါမှမဟုတ် တခြားနိုင်ငံတခုမှာ သမ္မတပြောင်းလဲလို့ ဒါမှမဟုတ် ပေါ်လစီ ပြောင်းလဲလို့ ဗမာပြည်ထဲက အရေးတော်ပုံကြီးတခုကို ထိခိုက်တယ်ဆိုရင် ဒီအရေးတော်ပုံဟာ ရာဇဝင်ရိုင်းရော မဟုတ်ပါလား။
တကယ်လို့ ဝါရှင်တန်က နအဖဗိုလ်ချုပ်တွေကို အလျှော့အတင်း လုပ်နိုင်အောင် တိုက်တွန်း နိုင်တယ်ဆိုရင်တော့ မစ္စတာ စတီဖင်ဘလိပ်ရဲ့ ခရီးစဉ်ဟာ ဗမာနိုင်ငံရဲ့ အပြောင်းအလဲတွေကို တစုံတရာ ထိရောက်မှု ရှိတယ်လို့ ဆိုနိုင်ပါ တယ်။ ဒါတောင်မှ ဒီလို ပြောင်းလဲတာရဲ့ အဓိက အကြောင်းရင်းက ပြည်သူလူထုတွေ က နောက်မဆုတ်ဘဲ ရပ်ခံနေကြတာဟာ အဓိက အကြောင်းရင်း ဖြစ်တယ်ဆိုတာကို မေ့လို့ မဖြစ်ပါဘူး။ ရှိစေတော့။ အခုတော့ ဗိုလ်သန်းရွှေက ပြတ်ပြတ်သားသားပဲ အဖြေပေးလိုက်ပါပြီ။ သူအဖြေပေးတာဟာ အမျိုးသား ဒီမိုကရေစီ အဖွဲ့ချုပ်ကို သာမက မစ္စတာ စတီဖင်ဘလိပ်ရဲ့ ခရီးစဉ်အပေါ် စဉ်းစား တွက်ဆနေကြတဲ့ ပြည်တွင်းပြည်ပ ကိုပါ တပါတည်း အဖြေပေးလိုက်တာ ဖြစ်ပါတယ်။ စိတ်ကူး မယဉ်ကြပါနဲ့တဲ့။
စီးပွားရေးကပ်ဆိုက်နေတဲ့ အမေရိကန်ဟာ “ဦး” သန်းရွှေအစိုးရနဲ့ လည်း “ဦး” နေဝင်းအစိုးရနဲ့ ဆက်ဆံမှုမျိုး ပြန်ထား ရှိကောင်း ထားရှိ လာနိုင်ပါတယ်။ အင်ဒိုနီးရှားက တဆင့် လုပ်နေတာတွေရော၊ မစ္စတာ စတီဖင်ဘလိပ် လာတာပါ။ ဒါတွေ အားလုံးဟာ ဆက်ဆံမှု အပြောင်းအလဲတွေ လုပ်နိုင်ဖို့ အပေးအယူ လုပ်နေကြတာ ဖြစ်ဖို့များပါတယ်။ တချို့ လူတွေအတွက်တော့ ဒါဟာ “အပြောင်းအလဲကြီးတရပ်” ဖြစ်သွားနိုင်ပါတယ်။ ဒါမှမဟုတ်လည်း သူတို့လုပ်ချင်တာ တွေလုပ်ဖို့ အကြောင်းပြစရာ ရသွားနိုင်ပါတယ်။
ဒီလိုဖြစ်သွားရင် ဗမာပြည် ဒီမိုကရေစီအရေးတော်ပုံကို ပြည်သူတွေ အနေနဲ့ ဘယ်လို ဆက်လုပ်ကြမလဲ။
ရောက်မလာသေးတဲ့ အနေအထားတခုကို ကြိုပြောရတာ ခက်ပါတယ်။ ဒါပေမယ့် အကြမ်းဖျင်း ပြောရရင်တော့ အထက်မှာ ပြောခဲ့တဲ့ အတိုင်း ဦးနေဝင်းအစိုးရ လက်ထက်တုန်းက လိုပဲ ပြန်လုပ်ကြရမှာပါပဲ။
ရာစုနှစ် တဝက်နီးပါး ပြည်သူတွေအသက်သွေးချွေးတွေ ပေးပြီး တောင်းဆို တိုက်ပွဲ ဝင်နေခဲ့ကြတာဟာ အနှစ်သာရ အရကိုပဲ စစ်အာဏာရှင် လက္ခဏာ စိုးစဉ်းမှ မရှိတဲ့ အစိုးရတရပ် ပေါ်ထွက်ရေး ဖြစ်တယ်ဆိုတာ မေ့လို့မဖြစ်ပါဘူး။
Ref: ခေတ်ပြိုင်
....
မြန်မာ့အရေးအတွက် အာရှနိုင်ငံများနှင့်ပူးပေါင်းချဉ်းကပ် မည်ဟု အမေရိကန် ပြော
Celeste Chenard
ကြာသပတေးနေ့၊ ဧပြီလ 02 2009
ချင်းမိုင်။ ။ မြန်မာ့အရေးကို ဖြေရှင်းရာတွင် ပူးပေါင်းဆောင်ရွက်မှုနှင် အပြု သဘော ဆောင်သော ချဉ်းကပ်မှုကို လိုလားပြီး ဩဇာရှိ နိုင်ငံတစု၏ ကစားပွဲလေး တခု အဖြစ် ပြန်လည် မဖန်တီးမိအောင် ရှောင်လွှဲစေလိုကြောင်း အမေရိကန် လက်ထောက် နိုင်ငံခြားရေး ဝန်ကြီးက ပြောဆိုလိုက်သည်။
ဝါရှင်တန်ရှိ အမျိုးသား အာရှရေးရာ သုတေသနဌာနတွင် ပညာရှင်များ ဦးစီး ကျင်းပသည့် ညနေပိုင်း အစီအစဉ် အာရှနှင့် ဆက်ဆံခြင်း ၂ဝဝ၉ : အောင်မြင်စွာ လုပ်ဆောင်နိုင်ရန် နည်းဗျူဟာများ ခေါင်းစဉ်အောက် ဆွေးနွေးပွဲတွင် မစ္စတာ ဂျိမ်းစ် ဘီ စတိန်းဘာ့ဂ်က ပြောဆိုကြောင်း အေအက်ဖ်ပီ သတင်းအရ သိရခြင်း ဖြစ်သည်။
မစ္စတာ စတိန်းဘာ့ဂ်က “မြန်မာပြည်ကဲ့သို့ နာမည်ဆိုးဖြင့် ကျော်ကြားသော အာဏာရှင်နိုင်ငံနှင့် ဆက်ဆံရာတွင် အကြွင်းမဲ့ရလဒ် ထွက်ပေါ်စေခြင်းသည် မည်သည့် နိုင်ငံအတွက်မှ အကျိုးမရှိဟု သုံးသပ်ကြောင်း” ပြောသည်။
ဆွေးနွေးပွဲ တက်သူ မူဝါဒရေးရာ အကြီးတန်း ခေါင်းဆောင်များနှင့် ကျွမ်းကျင်သူများအား အမေရိကန် အစိုးရ၏ အာရှ စီးပွားရေးနှင့် နည်းဗျူဟာများကို ထိရောက်စွာ အကောင်အထည် ဖော်စေနိုင်သည့် နည်းလမ်းများကို အဓိကထား ဆွေးနွေးရန် သူက တိုက်တွန်းခဲ့သည်။
သူက “မြန်မာ့နေထိုင်မှု ဘဝ တိုးတက် ကောင်းမွန်လာရေးနှင့် အဓိကကျသည့် ဒေသတွင်း၌ တည်ငြိမ်မှု မြှင့်တင်ရေးအတွက် တရုတ်၊ အိန္ဒိယ၊ ဂျပန်၊ အရှေ့တောင်အာရှ နိုင်ငံများနှင့် ဘုံသဘောတူညီချက်တခု ရရှိရန် ဆွေးနွေးသွားသည်” ဟု ဆိုသည်။
မြန်မာပြည်အပေါ် ထားရှိသည့် အမေရိကန် မူဝါဒကို ပြန်လှန်သုံးသပ်ပြီးသည့်အခါ “အဓိက ရည်မှန်းချက်များ” မှာ တူညီနေကြောင်းနှင့် မြန်မာလူထု၏ အခွင့်အရေးများကို လေးစားလိုက်နာကာ၊ ကမ္ဘာ့စီးပွားရေး လောကထဲသို့ ဝင်ရောက်လာရေးအတွက် ပိုမိုပွင့်လင်းသော နိုင်ငံဖြစ်လာရန် နည်းလမ်းများ ရှာဖွေသွားရမည်ဟု သူက ပြောသည်။
မြန်မာနိုင်ငံနှင့် စီးပွားရေး၊ နိုင်ငံရေး ဆက်ဆံမှုကို ကြိုးပမ်း အားထုတ်ရာတွင် အာဆီယံနိုင်ငံများက အပြုသဘော ဆက်ဆံရေး မူကို သုံးခဲ့သည်။ အမေရိကန်ကမူ နိုင်ငံရေးအရ ဝိုင်းပယ်ခြင်းနှင့် စီးပွားရေး ပိတ်ဆို့ခြင်းဖြင့် နိုင်ငံရေး အပြောင်းအလဲလုပ်ရန် ဖိအားပေးခဲ့သည်။
အမေရိကန် ကွန်ဂရက်နှင့် အစိုးရ အဆက်ဆက်သည် စစ်အစိုးရကို စီးပွားရေး ဒဏ်ခတ် ပိတ်ဆို့ခြင်းနှင့် ကူညီထောက်ပံ့မှုများ ထိန်းချုပ်ကန့်သတ်ခြင်း နည်းလမ်းဖြင့် နှစ်ပေါင်းများစွာ တင်းကျပ်ခဲ့သည်။ အဆိုပါ ဖယ်ကြဉ်ထားမှုနှင့် ပိတ်ဆို့မှုများသည် စစ်အစိုးရ၏ တိုင်းပြည်အပေါ် ဖိနှိပ်ညှဉ်းပန်းမှုများကို လျော့နည်း ကျဆင်းလာပါစေသလား ဟူသော မေးခွန်းအချို့ ထွက်ပေါ်နေခဲ့သည်။
မစ္စတာ စတိန်းဘာ့ဂ်က “စစ်အစိုးရကို စည်းရုံးတဲ့အခါ အပြုသဘောဆောင်တဲ့ အဖြေတခု ရလာဖို့ ကျနော်တို့ အားလုံး အတူလုပ်ရမယ်ဆိုတဲ့ တူညီတဲ့ ရည်မှန်းချက် ရှိကြပါတယ်။ ကျနော်တို့ စည်းရုံးနေတဲ့ လမ်းကြောင်းဟာ ကျနော်တို့ အကျိုးစီးပွားအတွက် မဟုတ်ဘူးဆိုတာ ရှင်းပြသွားမယ်” ဟု ပြောသည်။
မြောက်ကိုရီးယား နျူကလီးယား အစီအစဉ် အဆုံးသတ်ရေး ၆ ပွင့်ဆိုင် ဆွေးနွေးပွဲနှင့် အလားသဏ္ဍာန် တူသော ပျော့ပြောင်းမှုဘောင်အတွင်း မြန်မာ့အရေး ဆွေးနွေးရန် အမေရိကန် အစိုးရက လုပ်ဆောင်မည်ဖြစ်ကြောင်းနှင့် “ကမ္ဘာ့ပြဿနာများစွာကို ဖြေရှင်းတဲ့အခါမှာ တရားဝင် ပုံသဏ္ဍာန်အသစ်တွေ၊ ဒါမှမဟုတ် ဗျူရိုကရေစီ ယန္တရားအသစ်တွေကို အမြဲတမ်း ဖန်တီးသွားမှာ မဟုတ်ပါဘူး” ဟု သူက ပြောသည်။
မစ္စတာ အိုဘားမား အစိုးရက မြန်မာပြည်ဆိုင်ရာ မူဝါဒများကို ပြန်သုံးသပ်နေကြောင်း နိုင်ငံခြားရေး ဝန်ကြီး ဟီလာရီ ကလင်တန်က ပြီးခဲ့သည့်လ အာရှခရီးစဉ်တွင် အရိပ်အမြွက် ပြောခဲ့သည်။ ဒဏ်ခတ်ပိတ်ဆို့မှုမှာ သူတို့ လိုချင်သည့်အတိုင်း အသီးအပွင့်များ မဖြစ်ထွန်းခဲ့ကြောင်း ပြသနေခြင်းဖြစ်သည်။
အဆိုပါ မူဝါဒ ပြန်လည်သုံးသပ်မှုနှင့် ပတ်သက်၍ ထူးခြားထင်ရှားသော အချက်မှာ၊ ပြီးခဲ့သည့်တပတ်က သမ္မတ အိုဘားမား၏ အကြီးတန်း သံအရာရှိတဦး ရန်ကုန်သို့ သွားရောက်ခဲ့ပြီး၊ မြန်မာစစ်အစိုးရနှင့် တွေ့ဆုံခဲ့ခြင်းပင်ဖြစ်သည်။
Ref: မဇ္ဈိမ
....
လန်ဒန်ရောက် အမေရိကန်သမ္မတကြီးအတွက် လုံခြုံရေး အထူး အစီအစဉ် တင်းကြပ်
NEJ /ဧပြီလ(၂) ရက်၊ ၂၀၀၉
အမေရိကန်သမ္မတ အိုဘားမား ဂျီ-၂၀ ထိပ်သီးဆွေးနွေးပွဲ တက်ရန် လန်ဒန် ရောက်နေစဉ် မည်သည့် အကြမ်းဖက်မှု မျိုးမျှ မဖြစ်ပွား စေရန်နှင့် သမ္မတကြီးအား မှဲ့တပေါက် မစွန်းစေရန် အိမ်ရှင် ဗြိတိသျှ အစိုးရက တာဝန်ယူထားသည်။
အိုဘားမားနှင့်အတူ အရာရှိ (၅၀၀) ၊ အထူးထောက်လှမ်းရေး (၂၀၀) နှင့် ဆရာဝန် သူနာပြုအဖွဲ့ စသည်တို့ လိုက်ပါလာပြီး အိုဘားမားနှင့် အဖွဲ့ လန်ဒန်တွင် အသုံးပြုမည့် ယာဉ်မျိုးစုံ (၃၅) စီးကိုလည်း အမေရိကန် လေတပ် စီ-၁၇ လေယာဉ်ကြီးဖြင့် တပါတည်း သယ်လာသည်။
လုံခြုံရေး အထူးအစီအစဉ်
သမ္မတအိုဘားမားစီးနင်းသည့် Air Force One အထူးလေယာဉ် အင်္ဂလန် လေကြောင်းပိုင်နက် ၀င်လာသည်နှင့် RAF အင်္ဂလန် ဘုရင့်လေတပ် တိုက်လေယာဉ် အုပ်စုက အိုဘားမားလေယာဉ် စတင်းစတက် လေဆိပ်ဆင်းသည်ထိ ကာကွယ် စောင့်ရှောက်မည်။
အိုဘားမား၏ Air Force One သမ္မတသုံး အထူးလေယာဉ်မှာ ဘိုးရင်း (၇၄၇) အမျိုးအစား ဖြစ်ပြီး လေယာဉ် ပျံသန်းနေစဉ် သမ္မတ အလုပ်လုပ်နိုင်အောင် လေယာဉ်အတွင်း စီမံထားသည်။ အားကစား လေ့ကျင့်ခန်း ၀ါသနာပါသူ အိုဘားမားအတွက် လေယာဉ်ထဲတွင် အားကစား လုပ်နိုင်ရန်လည်း စီစဉ်ထားသည်။ Air Force One အထူးလေယာဉ်ကို အီလက်ထရို မက်နက်တစ်လှိုင်း ကာကွယ်သည့် လုံခြုံရေး ပစ္စည်းများ တပ်ထားသည့်ပြင် လေယာဉ်တွင်း ဆက်သွယ်ရေး ပစ္စည်းများမှာလည်း နျူကလီးယား လက်နက် တိုက်ခိုက်မှုမှ ထွက်လာသည့် ဓာတ်ရောင်ခြည် ဖြာထွက်မှုကိုပါ ကာကွယ်နိုင်သည်ဆို၏။
လေဆိပ်မှ လန်ဒန်လုံခြုံရေး
အိုဘားမား စတင်းစတက် လေဆိပ်ရောက်ပြီး မိနစ်ပိုင်းအတွင်း အိုဘားမား၏ Marine One ခေါ် သမ္မတသုံး အထူးရဟတ်ယာဉ် (VH-3D) ဖြင့် လန်ဒန်မြို့လယ်သို့ သွားရောက်ခဲ့သည်။
မရင်းဝမ်း ရဟတ်ယာဉ်သည် အပူဓာတ်ကိုရှာပြီး ပစ်ခတ်သည့် ဒုံးကျည်များကို လမ်းလွှဲပေးနိုင်သည့် ရောင်ခြည်များ ပစ်လွှတ်နိုင်သည်။ အမေရိကန် သမ္မတ လိုက်ပါသည့် မရင်းဝမ်း ရဟတ်ယာဉ်ကို သူ့ချည်းတစီးတည်း မပျံစေဘဲ တိုက်ခိုက်မှုများ ဖြစ်လာပါက မျက်စိလည်စေရန် အမျိုးအစားတူ အခြား ရဟတ်ယာဉ်များနှင့် ရောနှော ပျံသန်းလေ့ ရှိသည်။ ပျံသန်းသည့် အခါတွင်လည်း မြေပြင်မှ ဝေဟင်ပစ် ဒုံးကျည်များ ပစ်ခတ်မှု ခက်ခဲစေရန် အမြင့်ပေ (၃၀၀) မှ (၅၀၀) ကြားပျံသန်းလေ့ ရှိပြီး သမ္မတ အိုဘားမားစီးသည့် မရင်းဝမ်း ရဟတ်ယာဉ် မြေပြင်မှ ထွက်သည်နှင့် မရင်းဝမ်းနှင့် အတူ ပုံတူ အခြားတည်ကြက် ရဟတ်ယာဉ် (၃-၄) စီးက လမ်းတလျှောက် အထက်တက်လိုက် အောက်ဆင်းလိုက်လုပ် ပျံနေခြင်းဖြင့် မည်သည့် ရဟတ်ယာဉ်မှာ သမ္မတ ပါလာမှန်း မသိအောင် ပရိယာယ်ဆင်ခြင်း ဖြစ်သည်။ ထိုနည်းကို Shell Game ဟု ခေါ်သည်။ စတင်းစတက် လေဆိပ်မှ လန်ဒန်မြို့လယ်ကောင်ရှိ အမေရိကန် သံအမတ်ကြီး အိမ်သို့ အိုဘားမားအား ပို့ဆောင်ပေးရန် ခရီးအတွက် ထိုမရင်းဝမ်း ရဟတ်ယာဉ်ကို အမေရိကန်မှ သယ်လာခြင်းဖြစ်သည်။
အိုဘားမား၏ The Beast စီးတော်ယာဉ်
အမေရိကန်မှ လန်ဒန်သို့ တကူးတက သယ်လာသည့် အိုဘားမား စီးမည့် သမ္မတသုံး ကားမှာ The Beast ဟု အမည် ပေးထားသည့် ဇိမ်ခံကား ဒီးလက် အမျိုးအစား ကားကြီးဖြစ်ပြီး ဂျိ်န်းစဘွန်း စီးသည့် ကားကဲ့သို့ Pump action ဖြင့် ပစ်နိုင်သည့် သေနတ်များ တပ်ဆင်ထားပြီး ယာဉ်မောင်းကို အမေရိကန် စီအိုင်အေ ထောက်လှမ်းရေး အဖွဲ့က လေ့ကျင့် ပေးထားသည်။
အမေရိကန်သမ္မတစီးမည့် The Beast ကားကြီးသည် ယခုနှစ်ဆန်း ကမှ ထုတ်လုပ် ပြီးစီးခဲ့သည့် ကားသစ်ကြီး ဖြစ်ပြီး အိုဘားမား ပထမဆုံး စတင်သုံးမည့် သမ္မတသုံး ကားဖြစ်သည်။ ဒေါ်လာ (၃၀၀,၀၀၀) တန်သည် ဆို၏။ အဆိုပါကားကို အိုဘားမား လန်ဒန်မှာ ခေတ္တရှိနေစဉ် စီးနင်းရန် အသုံးပြုမည် ဖြစ်သည်။
အမေရိကန်သမ္မတစီးသည့် The Beast ကားဘော်ဒီကို (၅) လက်မထူသည့် တိုက်တေနီယမ်နှင့် ကြွေထည်ရော ထားသည့် သတ္တုစပ်ဖြင့် ဆောက်လုပ် ထားပြီး မှန်များကိုလည်း ကျည်ကာမှန်များ တပ်ဆင်ထားသည်။ ဓာတုလက်နက်ဖြင့် တိုက်ခိုက်ခြင်း၊ ဒုံးကျည်နှင့် တိုက်ခိုက်ခြင်း တို့ကိုပင် ကာကွယ်နိုင်သည် ဟု ဆိုသည်။ ကားတာယာ များကလည်း မပေါက်နိုင်သည့် တာယာများဖြစ်ပြီး ကားထဲတွင် မျက်ရည်ယိုဗုံး၊ ညကြည့်ကင်မရာ အပြင် ဓာတုလက်နက်ဖြင့် တိုက်လာလျှင် လေသန့်အမြန် ထုတ်ပေးနိုင်မည့် အောက်ဆီဂျင် ဓာတ်အိုး စသည့် ပစ္စည်းများလည်း တပ်ဆင်ထားသည်။
အမေရိကန်သမ္မတ အခြံအရံများ
လန်ဒန်၌ အိုဘားမားသွားလေရာ အထူးအမေရိကန် ထောက်လှမ်းရေး (၂၀၀) က လိုက်ပါ စောင့်ကြပ် နေမည်ဖြစ်ပြီး အိုဘားမား ကျန်းမာရေး ရုတ်တရက် ဖောက်လာလျှင် အရေးပေါ် သွေးသွင်းရန် သမ္မတ၏ အေဘီသွေးကို အသင့် ဆောင်ထားသည့် အမေရိကန် ဆရာဝန်များ၊ ခွဲစိတ်ကု ဆရာဝန်များနှင့် သူနာပြု ဆရာမများပါသည့် ဆေးအဖွဲ့လည်း ပါဝင်သည်။
အိုဘားမားစီးနင်းသည့် The Beast စီးတော်ယာဉ်ကို ကာကွယ်ရန် အတွက် အင်္ဂလန်မှ Specialist Protection Group နှင့် Diplomatic Protection Group မှ လုံခြုံရေး အရာရှိများက ကျည်ကာလင့်ရိုဘာ ကားများစီးပြီး စောင့်ရှောက်မည်။ အဆိုပါ လုံခြုံရေး အရာရှိများသည် (၉) မီလီမီတာ Glock ပစ္စတို သေနတ်များ၊ MP5 ကာဘိုင် သေနတ်များ၊ G9 ရိုင်ဖယ်များ စသည်တို့ကို ကိုင်ဆောင် ထားမည်ဖြစ်သည်။
လန်ဒန်ရဲတပ်ဖွဲ့ ဗဟိုစစ်ဆင်ရေးဌာနခွဲ CO19 မှ လက်ဖြောင့် သေနတ်သမားများက အကြမ်းဖက်မည့် အလား အလာများကို ရှာဖွေနိုင်ရန် အိုဘားမားလာမည့် လမ်းတလျှာက် အဆောက်အဦး ခေါင်မိုးများပေါ်မှာ နေရာယူထားမည်။ အဆိုပါဌာနခွဲမှ ရဟတ်ယာဉ် များကလည်း အိုဘားမား၏ ကားတန်းကို ကောင်းကင်မှ ထက်ကြပ်မကွာ စောင့်ကြည့်နေပြီး အမေရိကန် သမ္မတ ကားတန်း လှုပ်ရှား သွားလာနေသည့် ဓာတ်ပုံများကို လန်ဒန် စကော့တလန်ယာဒ် အဖွဲ့ကြီး ထိန်းချုပ်ရေး ဌာနသို့ ပို့ပေးမည်ဖြစ်သည်။
Ref: ခေတ်ပြိုင်
....
ဒေါ်အောင်ဆန်းစုကြည် နေအိမ်အကျယ်ချုပ်မှု မေတ္တာရပ်ခံချက် ထပ်တင်မည်
မင်းနိုင်သူ /ဧပြီလ(၂) ရက်၊ ၂၀၀၉
နအဖဘက်က တစုံတရာအကြောင်းပြန်ကြားမှုမရှိသေးသော်လည်း ၀န်ကြီးချုပ်ထံ နှစ်ကူးနှုတ်ခွန်းဆက်စာနှင့်အတူ ဒေါ်အောင်ဆန်းစုကြည် နေအိမ်အကျယ်ချုပ်ချထားမှုကို ထပ်မံမေတ္တာရပ်ခံစာပေးပို့သွားမည်ဟု ရှေ့နေကြီး ဦးကြည်ဝင်းက ပြောသည်။
“သင်္ကြန်မတိုင်မီ နှစ်သစ်ကူးနှုတ်ခွန်းဆက်လွှာလည်း ဆက်ရင်းနဲ့ပေါ့။ ၀န်ကြီးအဖွဲ့ကိုထပ်ပြီး မေတ္တာရပ်ခံမယ်လို့ စဉ်းစားထားတယ်။ ကျနော်တို့မှာ တာဝန်ကလည်း ရှိတာကိုး။ ဒီတိုင်းထိုင်နေလို့မရဘူးလေ။ ကျနော်တို့ တာဝန် ကျနော်တို့ ကျေအောင်ပေါ့ဗျာ။ စာတော့ ရေးလိုက်ဦးမယ်” ဟု ဦးကြည်ဝင်းက ပြောသည်။
အဆိုပါစာကို ဧပြီ (၈) ရက်တွင် ၀န်ကြီးချုပ်ရုံးထံလိပ်မူ၍ စာတိုက်မှတဆင့် ပေးပို့သွားမည်ဖြစ်ကြောင်း သိရသည်။ ၀န်ကြီးချုပ်ထံ မေတ္တာရပ်ခံမှုကို မတ်လ (၁၃) ရက်နေ့က ပြုလုပ်ခဲ့သော်လည်း နအဖအစိုးရထံမှ အကြောင်း ပြန်ကြားမှု တစုံတရာမရှိခဲ့ပေ။
“အရင်အတိုင်းပဲ ၀န်ကြီးချုပ်ဆီပို့ပြီး အများကြားနာပေးပါ။ ရုံးဖွဲ့ပေးပါ။ သို့မဟုတ်ရင်လည်း ပုဒ်မ ၉ (ဃ)/၁၆ အရ ပြန်လည်သုံးသပ်ပေးဖို့တင်ပြပါမယ်။ ရက်အားဖြင့် တွက်မယ်ဆိုရင်တောင် သိပ်မကျန်တော့ပါဘူးလေ။ ဒါလေးတွေကို ထောက်ပြပြီးတော့လည်း ကျနော်တို့ မေတ္တာရပ်ခံမယ်” ဟု ဦးကြည်ဝင်းက ပြောသည်။
နအဖစစ်အစိုးရက ဒေါ်အောင်ဆန်းစုကြည်ကို ၂၀၀၃ ခုနှစ် မေလအတွင်း ဖြစ်ပွားခဲ့သော ဒီပဲယင်းအရေးအခင်း အပြီး နေအိမ်အကျယ်ချုပ်ချထားခဲ့ရာ (၅) နှစ်ကျော်ပြီဖြစ်သည်။
ဒေါ်အောင်ဆန်းစုကြည်အား နေအိမ်အကျယ်ချုပ်ချထားမှုကို အစိုးရအဖွဲ့က (၅) နှစ်ထက်ကျော်လွန်၍ တနှစ်ထပ် တိုးခွင့် ရှိသည်ဆိုကာ တနှစ်ထပ်တိုးလိုက်ပြီးနောက် ဥပဒေကြောင်းအရ ညီညွတ်မှုမရှိသဖြင့် ရှေ့နေကြီး ဦးကြည်ဝင်းက ၂၀၀၈ ခုနှစ် အောက်တိုဘာလ (၉) ရက်တွင် အယူခံလွှာတင်သွင်းခဲ့သည်။
သို့ရာတွင် နအဖစစ်အစိုးရဘက်မှ ယခုအချိန်အထိ တစုံတရာအကြောင်းပြန်ကြားမှုများ မပြုခဲ့ပေ။
ဒေါ်အောင်ဆန်းစုကြည်သည် ၁၉၈၉ ခုနှစ်မှ ယခုအချိန်ထိ နေအိမ်အကျယ်ချုပ်ဖြင့် နေရသည်မှာ စုစုပေါင်း (၁၃) နှစ် ရှိခဲ့ပြီဖြစ်သည်။
လာမည့်မေလ (၂၄) ရက်တွင် ဒေါ်အောင်ဆန်းစုကြည်အား နေအိမ်အကျယ်ချုပ်ချထားနိုင်ခွင့်ရှိသည်ဆိုသော နအဖစစ်အစိုးရ၏ သတ်မှတ်ချက် (၆) နှစ်ပြည့်မည်ဖြစ်သည်။
Ref: ခေတ်ပြိုင်
....
Wednesday, April 1, 2009
မြန်မာ့ ဒီမိုကရေစီရေးသည် ကြောက်စရာကောင်းဟု အဖိဆစ် ပြောဆို
မုံပီး
အင်္ဂါနေ့၊ မတ်လ 31 2009
ချင်းမိုင် (မဇ္ဈိမ)။ ။ တိုးတက် ကြီးထွားလာနေသော လွတ်လပ်မှုနှင့် တိုးပွားလာနေသော စီးပွားရေးတို့ ရှိနေသည့် အာရှတိုက်၏ မြေပုံတွင် မြန်မာနိုင်ငံမှာ အရုပ်အဆိုး အကျည်းတန်သော ဒုက္ခတရပ် ဖြစ်မြဲ ဖြစ်နေသည်ဟု ထိုင်း ဝန်ကြီးချုပ် အဖိဆစ် ဝေ့ခ်ျချာချီဝ က ပြောသည်။
အာရှတိုက်၌ ဒီမိုကရေစီနှင့် လွတ်လပ်မှု ကျယ်ပြန့်ကြီးထွားလာချိန်၌ မြန်မာ အပါအဝင် အချို့ နိုင်ငံများတွင် ရုန်းကန် တိုက်ပွဲ ဝင်နေရခြင်း များမှာမူ ကြောက်မက်ဖွယ် ကောင်းဆဲဖြစ်ကြောင်း ဘန်ကောက်တွင် ယခုလ ၂၇ ရက်မှ ၃ဝ ရက်အထိ ကျင်းပသော ၁၅ ကြိမ်မြောက် အာရှ လစ်ဘရယ်များနှင့် ဒီမိုကရက်များကောင်စီ (CALD) ၏ အစည်းအဝေးတွင် မိန့်ခွန်း ပြောကြားရာ၌ အဖိဆစ် က ထည့်သွင်း ပြောကြားခြင်း ဖြစ်သည်။
အထိန်းသိမ်းခံ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ မြန်မာ့ ဒီမိုကရေစီ ရေးအတွက် မယိမ်းမယိုင် ဆက်လက် တိုက်ပွဲ ဝင်နေမှုသည် ကမ္ဘာတဝှမ်းလုံးမှ လွတ်မြောက်ရေးအတွက် တိုက်ပွဲဝင်နေသူများနှင့် CALD အဖွဲ့ဝင်တို့အတွက် ကြီးမားသော မျှော်လင့်ချက်နှင့် စေ့ဆော်မှုတရပ် ဖြစ်သော်လည်း မြန်မာ့ဒီမိုကရေစီရေး တိုက်ပွဲမှာမူ ဒေသတွင်း ဒီမိုကရေစီ တိုးချဲ့ ရေးတွင် အကြီးမားဆုံး အတားအဆီး ဖြစ်မြဲဖြစ်နေကြောင်း အဖိဆစ်က ဆိုသည်။
“ကျနော်တို့ တိုက်ပွဲတချို့ဟာ တခြား တိုက်ပွဲတွေနဲ့စာရင် ပိုကြောက်စရာ ကောင်းပါတယ်။ မြန်မာနိုင်ငံရဲ့ ဖိနှိပ်တဲ့ စစ် အစိုးရကတော့ ကျယ်ပြန့် ကြီးထွား လာနေတဲ့ လွတ်လပ်မှုနဲ့ တိုးတက် ကြီးပွားလာနေတဲ့ စီးပွားရေးတို့ ရှိတဲ့ အာရှတိုက်မြေပုံမှာ အရုပ်ဆိုး အကျည်းတန်တဲ့ ဒုက္ခကြီး ဖြစ်မြဲဖြစ်နေပါတယ်” ဟု အဖိဆစ်က တုံ့ပြန် ပြောဆိုခဲ့သည်။
အာရှတိုက်ရှိ နိုင်ငံအများအပြားတွင် စီးပွားရေးနှင့် အစိုးရ စနစ်တို့၌ အသွင်ကူးပြောင်းရေး အဆင့်တွင် ရှိနေကြသည်။
ဤသို့ ပြိုင်ဆိုင်မှုများသည် တရားဥပဒေ စိုးမိုးမှု၊ တာဝန်ခံမှုနှင့် ပွင့်လင်းမြင်သာမှု ရှိသော အစိုးရစနစ်၊ ယုံကြည် အားကိုးထိုက်၍ လွတ်လပ်သော ရွေးကောက်ပွဲများ အစရှိသည့် မူဘောင်များ အတွင်းတွင်သာ ရှိနေစေရန် လုပ်ဆောင်ရန်မှာ လစ်ဘရယ် ဒီမိုကရက် ပါတီများအတွက် စိန်ခေါ်မှုတရပ် ဖြစ်သည်ဟု ထိုင်းဝန်ကြီးချုပ်က ထပ်လောင်း ပြောကြားလိုက်သည်။
“လစ်ဘရယ်များအနေနဲ့ ကျနော်တို့ဟာ ကွဲပြားခြားနားလွန်းတဲ့ အကျိုးစီးပွားတွေ၊ အတိုက်အခံ ဖြစ်နေတဲ့ အနေ အထားတွေ ကြားမှာ ဝင်ရောက် ဖျန်ဖျေပေးရာမှာ ဘုံတူညီတဲ့ အကြောင်းတရားကို ရှာဖွေပြီး တွေ့ဆုံဆွေးနွေးမှုကို အားပေးမြှင့်တင်တဲ့ အလုပ်ကို မဆုတ်မနစ် ဆက်လုပ်ဖို့ လိုတယ်” ဟု ထိုင်းဝန်ကြီးချုပ်က ပြောဆိုခဲ့သည်။
Ref: မဇ္ဈိမ
....
ယုဇနလက်ဖက်မှာ အ၀ါရောင်ဆိုးဆေးပါဆိုပြီး စင်္ကာပူ တားမြစ်
မင်းနိုင်သူ / မတ်လ(၃၁) ရက်၊ ၂၀၀၉
မြန်မာကျန်းမာရေးဝန်ကြီးဌာနက ဖေဖော်ဝါရီလ (၂၉) ရက်တွင် လက်ဖက် (၅၇) မျိုးအား Auramine O ဆိုးဆေးပါရှိသည့်အတွက် ထပ်မံ တားမြစ်လိုက်ပြီးနောက် စင်ကာပူ နိုင်ငံကလည်း စင်ကာပူသို့ တင်သွင်းနေသည့် မြန်မာလက်ဖက် အမျိုးအစား (၂၀) ကို Auramine O ပါဝင်မှုကြောင့် တားမြစ် ပိတ်ပင်လိုက်ပြီ ဖြစ်ကြောင်း အေပီ သတင်းဌာနက ဖော်ပြသည်။
Auramine O အ၀ါရောင်ဆိုးဆေးသည် ပိုးချည်ထည်၊ သားရေ စသည်တို့အား အရောင်ဆိုးသည့် စက်မှုသုံး ဆိုးဆေး ဖြစ်သည့်အတွက် အစား အသောက်များတွင် အသုံးမပြုရန် တားမြစ်ထားကြောင်း စင်ကာပူလယ်ယာ သီးနှံနှင့် တိရစ္ဆာန်ဌာန (AVA) ၏ ကြေညာချက်တွင် ဖော်ပြထားသည်။ ထို့ကြောင့် မြန်မာနိုင်ငံမှ တင်သွင်းလာသည့် လက်ဖက်များကို အ၀ါရောင်ဆိုးဆေး ပါမပါ စမ်းသပ်ပြီးမှ ရောင်းချခွင့် ပြုမည် ဖြစ်သည်။
အ၀ါရောင် ဆိုးဆေးသုံးသည်ဟု စင်ကာပူအစိုးရက သတ်မှတ်ထားသည့် လက်ဖက်အမျိုး (၂၀) တွင် အရီးတောင်း၊ ယုဇန၊ ဇရမ်း၊ ရွှေတုတ်၊ ဦးကာကာ၊ စိုးဝင်း၊ M&N စသည့် လက်ဖက်တံဆိပ်များ ပါဝင်သည်။ ထူးခြားသည့်အချက် မှာ စင်ကာပူက ပိတ်ပင်လိုက်သည့် မြန်မာလက်ဖက် အမျိုးအစား (၂၀) တွင် မြန်မာ ကျန်းမာရေး ၀န်ကြီးဌာနမှ တားမြစ်မှု မရှိခဲ့သည့် ယုဇနလက်ဖက် (၈) မျိုး ပါဝင်နေခြင်း ဖြစ်သည်။
အဆိုပါကိစ္စနှင့် ပတ်သက်၍ မြန်မာနိုင်ငံ ကျန်းမာရေးဝန်ကြီးဌာန လက်အောက်ရှိ ဗဟို အစားအသောက်နှင့် ဆေးဝါး ကွပ်ကဲရေးဌာန (FDA) မှ ဒေါက်တာကျော်လင်းကို ခေတ်ပြိုင်မှ မေးမြန်းရာ “အဲဒါတော့ စင်ကာပူက ကိစ္စက သူတို့ ကိစ္စပဲလေ။ သူတို့ ဘယ်လိုစစ်သလဲ။ ဘာကိုတွေ့လို့လဲ။ တွေ့လို့ပိတ်တာလား။ မတွေ့ဘဲနဲ့ ပိတ်တာလား သူတို့ကိစ္စ။ ကျနော်တို့ မသိဘူးပေါ့နော်။ ကျနော် အစည်းအဝေးရှိလို့ ဒီလောက်ပဲ ပြောနိုင်မယ်နော်” ဟု ပြောသည်။
မြန်မာကျန်းမာရေးဝန်ကြီးဌာနမှ ယခုလ (၁၂) ရက်တွင် လက်ဖက်အမျိုးအစား (၄၃) မျိုးကို တားမြစ်ပိတ်ပင် ခဲ့ပြီး ပြီးခဲ့သည့် တနင်္ဂနွေနေ့တွင် (၅၇) မျိုး ထပ်မံ တားမြစ်ခဲ့ရာ ယခုတားမြစ်ခံရသည့် လက်ဖက်အမျိုးအစား (၁၀၀) ရှိသွားပြီဖြစ်သည်။
ပြည်တွင်းသတင်းထောက်တဦးကလည်း “မြန်မာတွေရဲ့ နေ့စဉ်စားသုံးမှုမှာ ပါတဲ့ လက်ဖက်ကို ဆိုးဆေးတွေ ပါတယ် ဆိုပြီး အခုမှ FDA ထကြေညာတယ် ဆိုတော့ အရင်က မစစ်ခဲ့လို့လား။ ဒါမှမဟုတ် နောက်ပိုင်းမှ ဆေးဆိုးလာ ကြတာလား။ ဘာမှ သဲသဲကွဲကွဲ မသိရဘူး။ ဘာဖြစ်လို့လဲ ဆိုတော့ FDA ဌာနရှိခဲ့တာလည်း ကြာပြီလေ။ လက်ဖက်ဆိုတာ လည်း ကျနော်တို့ ရိုးရာ အစားအသောက် ကြာလှပြီ။ အခုမှ တွေ့တယ်ပြောတယ်။ ဘာ့ကြောင့်လဲ။ ဆက်သွယ် မေးမြန်းတော့လည်း အတွေ့မခံဘဲ ရှောင်နေတယ်။ သတင်းစာပါကြေညာ သာသာပဲ သတင်းရေးလို့ရတယ်။ ပြည့်ပြည့်စုံစုံ မလုပ်နိုင် ကြဘူးဖြစ်နေတယ်” ဟု လက်ဖက်တွင် ယခုမှ Auramine O ဆိုးဆေး တွေ့ရှိလာမှု အပေါ် ရှင်းလင်းစွာ မသိရကြောင်း ပြောသည်။
FDA မှ လက်ဖက်တွင် ဆိုးဆေးပါရှိမှုကို တွေ့ရသည့်အကြောင်းများ ဆောင်းပါးများ ရေးသား ဖော်ပြသွားမည်ဟု ဒေါက်တာ ကျော်လင်းက ပြောသော်လည်း မည်သည့် စာစောင်တွင် ဖော်ပြသွားမည်ကို ပြောဆိုသွားခြင်း မရှိပေ။
“ကျနော်တို့ကြားတာတော့ နမ့်ဆမ် လက်ဖက်ခြောက်စက်ရုံကို လက်ဖက်တောင်သူ တွေက လက်ဖက် ပေးသွင်းမှု မရှိဘူး ဆိုတာကြားတယ်။ နောက် အဲဒီလက်ဖက်ခြောက် စက်ရုံက စစ်တပ်ပိုင်ဖြစ်ပြီး လက်ဖက်ကို အပြင်ပေါက်ဈေး ထက် အများကြီး ခွာကောက်နေတယ် ဆိုတာတွေတော့ ကြားတယ်။ ဘာ့ကြောင့်ဆိုတာတော့ ကျနော်တို့လည်း မပြောတတ်ဘူး” ဟု အမည် မဖော်လိုသည့် လက်ဖက်ပွဲရုံပိုင်ရှင် တဦးက ဆိုသည်။
မြန်မာကျန်းမာရေးဝန်ကြီးဌာနက လက်ဖက်အမျိုးအစား (၁၀၀) ကို တားမြစ် လိုက်ခြင်းကြောင့် လက်ဖက်ရောင်း အား (၈၀) ရာခိုင်နှုန်းခန့် အထိ ကျဆင်းသွားကြောင်း ဘုရင့်နောင် အခြေစိုက် လက်ဖက်ပွဲရုံများက ပြောသည်။
“အခုတော့ တစ ၀င်ရင်တစ လာစစ်ပါတဲ့။ FDA က အဲလိုညွှန်ကြား ထားတယ်။ တစ ဆိုတာက ပွဲရုံကို ရောက်လာတဲ့ နယ်ဝင်အစ တစ ပေါ့နော်။ လက်ဖက်သား တစကို ယူသွားပြီးစစ်ရတယ်။ သူတို့က ကင်းလွတ်တယ်ဆို ရောင်းလို့ရတယ်။ ဥပမာ ဒီနေ့ သီပေါနယ်က လက်ဖက် အိတ်နှစ်ဆယ်ဝင်ရင် အဲဒီထဲက တချို့ကိုယူပြီး တခါ သွားစစ်ရတယ်။ တခါ စစ်ခ (၂,၀၀၀) ပေးရတယ်။ နမ့်ဆမ်ဘက်က ထပ်ဝင်ရင် ထပ်သွားစစ်။ အဲလိုလုပ်နေရတယ်။ ဘယ်အချိန်မှာ ကိုယ့်တံဆိပ်ကို ကင်းလွတ်ခွင့်ပြုမယ်ဆိုတာ ဘာမှမသိရသေးဘူး” ဟု တားမြစ်မှု စာရင်းထဲတွင် ပါဝင်ခဲ့သည့် ဘုရင့်နောင် လက်ဖက်ပွဲရုံတခုမှ အမျိုးသမီးတဦးက ပြောသည်။
၎င်းတို့အနေဖြင့် ဈေးကွက်အတွင်း ဖြန့်ဖြူးထားသည့် လက်ဖက်များကိုလည်း ပြန်လည် သိမ်းဆည်း ခဲ့ကြရသဖြင့် ဆုံးရှုံးမှု များစွာ ရှိခဲ့သည်ဟု ဆိုသည်။
မန္တလေးမြို့ခံတဦးက “ကျမတို့လို လက်ဖက်ကြိုက်တဲ့ သူတွေအဖို့ ကတော့ နာမည်ကြီး တံဆိပ် အတော်များများ ပါသွားတော့ ၀ယ်ရတာ ခက်တာပေါ့။ တားမြစ်တံဆိပ်တွေ အကုန်လုံးလည်း မှတ်မထားနိုင်ဘူး။ မပါနိုင်ဘူးထင်ရတဲ့ တံဆိပ်တွေ ၀ယ်စားကြတာပဲ။ အဲဒီထဲမှာ ပါရင်တော့လည်း မတတ်နိုင်ဘူးပေါ့။ လက်ဖက်မှာ ဆိုးဆေး ပါတယ်ဆိုတာကို ပွင့်ပွင့်လင်းလင်း ကြေညာပေးတာ ကောင်းပါတယ်။ မသိရင် ဘယ်အချိန်ထိ ခံနေရဦးမလဲ မသိနိုင်ဘူးလေ။ အဲဒီလိုပဲ ဘယ်အချိန် ကတည်းက ခံခဲ့ကြရတာလဲ ဆိုတာလည်း မသိကြရဘူး” ဟု ဆိုသည်။
အော်ရာမင်းအို အ၀ါရောင်ဆိုးဆေးသည် diarylmethane ဆိုးဆေးဖြစ်ပြီး Basic yellow 2, Pyocatanium aureum, aizen auramine, Pyoktanin Yellow, Canary Yellow, Pyoktanin, C.I. 41000 ဟုလည်း ခေါ်သည်။ အော်ရာမင်းအို နှင့် ထိတွေ့မိလျှင် အသားအရေ မျက်စိ ယားယံခြင်း၊ အသားလောင်ခြင်း၊ ပျို့အန်ခြင်း စသည်တို့ဖြစ်စေသည်။
Ref: ခေတ်ပြိုင်
....
ရန်ကုန်စာပေစိစစ်ရေး တရားရုံးအထက်က ဆုံးဖြတ်ပေးနေ
NEJ / မတ်လ(၃၁) ရက်၊ ၂၀၀၉
လတ်တလောဖြစ်ပေါ်နေသည့် ဂျာနယ်ထုတ်ဝေရေးနှင့် ဗလာစာအုပ်ထုတ် လုပ်ငန်း လုပ်နေသည့် Eleven Media Group နှင့် ယမကာ ထုတ်လုပ်သည့် Lucky Eleven Whisky ကုမ္ပဏီ ကိစ္စတွင် သက်ဆိုင်ရာ တရားရုံးက ဖြေရှင်းရမည့် အစား စာပေ စိစစ်ရေးဌာနက ကြော်ငြာဖော်ပြခွင့် ပိတ်ပင်သည့် နည်းဖြင့် အဆုံးအဖြတ် ပေးနေကြောင်း Lucky Eleven Whisky ကုမ္ပဏီဘက်နှင့် ဂျာနယ် ထုတ်ဝေသူ အသိုင်းအဝိုင်းများက ပြောသည်။
Lucky Eleven Whisky ကုမ္ပဏီ ကြော်ငြာဆိုင်ရာ တာဝန်ရှိသူတဦးက “ကျနော်တို့ ဝီစကီ ကြော်ငြာတွေကို ဂျာနယ်တွေမှာ ထည့်တော့ Eleven Media Group က သတိပေး ကြေညာချက် ထုတ်တယ်။ ကျနော်တို့ ထုတ်လုပ်တဲ့ ဝီစကီ နာမည်နဲ့ သူတို့နာမည် ဆင်တူသလို ဖြစ်နေပြီး သူတို့ သိက္ခာ ကျပါတယ်ဆိုပြီး စွပ်စွဲတယ်။ နောက် ကျနော်တို့ ကြော်ငြာ ဆက်ထည့်ရင် ကျနော်တို့ ကုမ္ပဏီကိုရော၊ ကြော်ငြာ ထည့်ပေးတဲ့ ဂျာနယ်တွေကိုပါ တရားစွဲမယ်ဆိုပြီး ခြိမ်းခြောက်တယ်။ ကိစ္စမရှိပါဘူး။ ကျနော်တို့လည်း ကိုယ့်ကုန်ပစ္စည်း ကိုယ်သက်ဆိုင်ရာမှာ မှတ်ပုံတင်ပြီး တရားဝင် ထုတ်လုပ်ရောင်းချတာ။ ဒီတော့ ကြော်ငြာ ဆက်ထည့်တယ်။ ဂျာနယ်တိုက် တွေကလည်း ထည့်ပေးတယ်။ ဒါပေမယ့် ဒီကြော်ငြာတွေကို မထည့်ရဘူးလို့ စာပေစိစစ်ရေးက ပိတ်ပင်လိုက်တယ်။ တချို့ဂျာနယ်တွေဆို ကြော်ငြာ ထည့်ဖို့ စာချုပ် ချုပ်ထားတာ တကြိမ်မှတောင် မထည့်ရသေးဘူး။ တကယ်ဆို ဒီကိစ္စ တရားရုံးမှာ ဖြေရှင်းရမယ့် ကိစ္စ။ ဒါကို စာပေ စိစစ်ရေးက တရားရုံးအထက်ကနေ ဆုံးဖြတ် ပေးလိုက်တဲ့သဘော၊ ဥပဒေကို မလေးစားတဲ့သဘော သက်ရောက်နေတယ်” ဟု ပြောသည်။
ဂျာနယ်ထုတ်ဝေသူ တဦးကလည်း ၎င်းတို့ဂျာနယ်တွင် ကြော်ငြာထည့်ရန် စာချုပ် ချုပ်ထားပြီးသော်လည်း စာပေစိစစ်ရေးက ခွင့်မပြုခြင်းကြောင့် တကြိမ်မှ ထည့်ခွင့်မရတော့ဘဲ ငွေကြေးများစွာ နစ်နာဆုံးရှုံးကြောင်း၊ အမှန်တိုင်းဆိုပါက အဆိုပါ ကိစ္စသည် တရားရုံးတွင် ဖြေရှင်းရမည့် ကိစ္စသာ ဖြစ်ကြောင်း ပြောသည်။
ရန်ကုန်စာနယ်ဇင်း အသိုင်းအဝိုင်းကမူ စစ်အစိုးရ စာပေစိစစ်ရေးအဖွဲ့၏ ယခုလုပ်ရပ်သည် ပထမဦးဆုံး မဟုတ်ကြောင်း၊ အာဏာရ အသိုင်းအဝိုင်းမှ ကုမ္ပဏီ စီးပွားရေး လုပ်ငန်းများကိစ္စ၊ ကိုယ်ရေးကိုယ်တာ ကိစ္စ စသည့် အကြောင်းအရာ အမြောက်အမြား၌ ပုံနှိပ်ဖော်ပြခွင့် ပိတ်ပင်ခြင်းအားဖြင့် တရားရုံးအထက်က အဖွဲ့အစည်း သဖွယ် ပြုမူ ဆောင်ရွက်ခဲ့သည်မှာ ကြာပြီဖြစ်ကြောင်း ပြောသည်။
အမှန်အတိုင်းဆိုပါက အစိုးရကို မထိခိုက်သည့် စာပေစိစစ်ရေးမူများကို မထိခိုက်သည့် အကြောင်းအရာ တို့ကို ဖော်ပြခွင့်ပေးပြီး သက်ဆိုင်ရာ ကုမ္ပဏီ၊ အဖွဲ့အစည်း၊ ကာယကံရှင်များက မကျေနပ်ပါက တရားရုံးတွင် တရားစွဲဆို ရင်ဆိုင် ဖြေရှင်းကြရမည် ဖြစ်သော်လည်း ယခု စာပေစိစစ်ရေး၏ ပြုမူပုံများသည် စာနယ်ဇင်း လွတ်လပ်ခွင့် ချိုးဖောက်နေ ရုံမျှမက တရားဥပဒေ၏ အထက်ကပါ ရပ်တည် လုပ်ကိုင်နေသည့် သဘော သက်ရောက်ကြောင်း ရန်ကုန်စာနယ်ဇင်း အသိုင်းအ၀ိုင်းက ပြောသည်။
Ref: ခေတ်ပြိုင်
....
လုပ်ငန်းရှင်များ ရွေးကောက်ပွဲ ဝင်နိုင်ရန် ကုန်သည်စက်မှု အသင်း စည်းကမ်း ဖျက်သိမ်း
ဗုဒ္ဓဟူးနေ့၊ ဧပြီလ 01 2009
ချင်းမိုင် (မဇ္ဈိမ)။ ။ ၂ဝ၁ဝ ရွေးကောက်ပွဲတွင် စီးပွားရေး လုပ်ငန်းရှင်များ ဝင်ပြိုင်နိုင်ရေး အတွက် ပါတီ နိုင်ငံရေး ကင်းရှင်းရမည် ဆိုသည့် စည်းကမ်းကို မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များ အသင်းချုပ် - UMFCCI က ပယ်ဖျက်လိုက်သည်။
စည်းကမ်းချက်များတွင် ပါရှိသည့် အပိုဒ် ၂၈/ဇ နှင့် အပိုဒ် ၃ဝ/ဈ အရ ပါတီ နိုင်ငံရေး ကင်းရှင်းရမည်၊ အကယ်၍ နိုင်ငံရေးပါတီ တခုခုနှင့် ပတ်သက်ခဲ့လျှင် အသင်းဝင်အဖြစ်က အလိုအလျောက် နုတ်ထွက်ရမည် ဆိုသည့် အချက်များကို ဖျက်သိမ်းလိုက်ခြင်း ဖြစ်သည်။
''ဒီကနေ့မှာတော့ နိုင်ငံရဲ့ ဖြစ်ပေါ်ပြောင်းလဲလာတဲ့ အခြအနေ များအရ အထက်ဖော်ပြပါ အသင်းအဖွဲ့ စည်းမျဉ်း အပိုဒ် ၂၈/ဇ နဲ့ အပိုဒ် ၃ဝ/ဈ တွေဟာ ဆက်လက် ကျင့်သုံးရန် မလိုအပ် တော့တာကြောင့် ပယ်ဖျက်ရန် ညှိနှိုင်း ဆုံးဖြတ်ခဲ့ပါတယ်'' ဟု အသင်း၏ အထွေထွေ အတွင်းရေးမှူး ဦးစိန်ဝင်းလှိုင်က နှစ်ပတ်လည် အစည်းအဝေးတွင် ပြောကြားခဲ့သည်။
မြန်မာစစ်အစိုးရ အားထားရာ အသင်းတခုဖြစ်သော UMFCCI ၏ ၁၈ ကြိမ်မြောက် နှစ်ပတ်လည် အစည်းအဝေးသို့ ဝန်ကြီးချုပ် ဗိုလ်ချုပ်ကြီး သိန်းစိန်လည်း တက်ရောက်ခဲ့သည်။
UMFCCI သည် အထင်ကရ စီးပွားရေး လုပ်ငန်းရှင်များ ပါဝင် ဖွဲ့စည်းထားပြီး စစ်အစိုးရနှင့် နီးစပ်သူများ ဖြစ်ကြောင်း လူသိများသည်။
စစ်အစိုးရက ကိုယ်ပိုင်ဟန် ''ဒီမိုကရေစီ'' သို့ သွားရာ အဆင့် ၇ ဆင့်ပါ လမ်းပြမြေပုံအရ အဆင့် ၅ ဖြစ်သော အထွေထွေ ရွေးကောက်ပွဲ ကို ၂ဝ၁ဝ ခုနှစ်တွင် ကျင်းပမည်ဟု ဆိုထားပြီး၊ စီးပွားရေး လုပ်ငန်းရှင်ကြီး အချို့ကို ဝင်ရောက်အရွေးခံရန် တိုက်တွန်းမှုများ ပြုထားသည်။
UMFCCI လက်ရှိ ဥက္ကဋ္ဌ ဦးဝင်းမြင့်သည် သူ၏ ဇာတိမြို့ တန့်ဆည်မှနေ၍ ဝင်ပြိုင်ရန် ရှိသည်ဟု အသင်းချုပ် အလုပ်အမှုဆောင်အဖွဲ့ဝင် စီးပွားရေးလုပ်ငန်းရှင်တဦးက မဇ္ဈိမကို ပြောသည်။
ထို့အပြင် ရွေးကောက်ပွဲဝင်ရန် စိတ်ဝင်စားသူ လုပ်ငန်းရှင်များ ရှိနေသေးသဖြင့် ယခု စည်းကမ်းအပိုဒ်များကို ပြင်ပေးရခြင်း ဖြစ်သည်ဟု သူက ဆိုသည်။
၁၉၈၈ ခုနှစ် တွင် အာဏာသိမ်းခဲ့သော စစ်အစိုးရသည် နိုင်ငံဝန်ထမ်းများနှင့် အစိုးရအသိမှတ်ပြု အသင်းအဖွဲ့ အသင်းဝင်များသည် ပါတီနိုင်ငံရေး ကင်းရှင်းရမည်ဟု ပြဌာန်းခဲ့သည်။
Ref: မဇ္ဈိမ
....
Tuesday, March 31, 2009
မန္တလေး နန်းတွင်း မီးလောင်
Monday, 30 March 2009
ကြည်ဝေ
အလယ်ပိုင်းတိုင်း စစ်ဌာနချုပ် အခြေစိုက်ရာ မန္တလေးမြို့ နန်းတွင်း၌ ယမန်နေ့ ညနေ ၆ နာရီ ၀န်းကျင်ခန့်က မီးလောင်မှု ဖြစ်ပွားခဲ့ကြောင်း သိရှိရသည်။
အဆိုပါ နန်းတွင်း အတွင်း ထောက်ပို့တပ်၊ ဆက်သွယ်ရေးတပ် စသဖြင့် တပ်များ ရှိနေပြီး စက်မှုလက်မှု လုပ်ငန်း တချို့ကို မြေနေရာ ၊ အဆောက်အဦး စသည်တို့ကို အခကြေးငွေယူကာ ငှားရမ်း ထားကြကြောင်း၊ ယခုမီးလောင်မှု မှာလည်း ဆက်သွယ်ရေးတပ်မှ ငှားရမ်းထားသော စက်ရုံတရုံမှ စတင် လောင်ကျွမ်းခဲ့ခြင်း ဖြစ်ကြောင်း မန္တလေးမြို့ခံ တဦးက ပြောဆိုသည်။
"အဲဒီထဲမှာ တပ်တွေကလည်း အများကြီးရှိတယ်၊ သူတို့ ငှားထားတဲ့ စက်ရုံ၊ အလုပ်ရုံ တွေလည်း အများကြီးပဲ၊ အခု လောင်တာက ဆက်သွယ်ရေး တပ်ထဲကလို့ ကြားတယ်"ဟု သူက ပြောသည်။ တခြားသော မန္တလေး ဒေသခံ တဦးကလည်း "မီး ဘယ်လောက် များလည်းဆိုတာတော့ ကျနော်တို့က နန်းတွင်းကို ၀င်လို့ မရလို့ မသိရဘူး၊ မီးခိုးလုံးထွက်တဲ့ အပေါ်မှာ ကြည့်ရတာကတော့ မိနစ် ၂၀ လောက်တော့ ကြာတယ်၊ ည နေ ၅ နာရီခွဲကျော်ကျော်လောက်က ဖြစ်တာ၊ မီးက သိပ်ကြီးကြီးမားမား လောင်တာတော့ မဟုတ်ဘူးထင်တယ်" ဟု ပြောပြသည်။ မီးလောင်မှု ဖြစ်ပွားနေစဉ် အချိန်မှစတင်ပြီး မန္တလေးမြို့ရှိ ဂျီအက်စ်အမ် ဖုန်းလိုင်းများနှင့် လိုင်းဖုန်း တချို့ကို ယနေ့ နံနက် ၆နာရီအထိ ဖြတ်တောက် ထားခဲ့ကြောင်း မန္တလေးမြို့မှ သတင်းထောက် တဦးက ပြောသည်။ "မီးလောင်ပြီး သိပ်မကြာခင်မှာပဲ ဂျီအက်စ်အမ်ဖုန်းတွေ ဘယ်လိုမှ ဆက်လို့ မရတော့ဘူး၊ လိုင်းဖုန်းတချို့ရောပဲ၊ ကျနော်တို့တိုက်က လူတွေကို လှမ်းခေါ်တာတောင် မရတော့ဘူး"ဟု ၎င်းက ပြောဆိုသည်။
ထို့ပြင် အဆိုပါ မီးလောင်သည့် သတင်းကို လူအများမသိရန် အာဏာပိုင်များက ကြိုးစား ခဲ့ဟန် တူကြောင်း ၊ မီးစတင် လောင်ကျွမ်းသည်ကို မသိရဘဲ မီးခိုးကြီးများ တက်လာသည့် အချိန်မှ သိရခြင်းဖြစ်ကြောင်း မန္တလေး မြို့ခံ များက ပြောသည်။ "အလိပ်လိပ် တက်လာတဲ့ မီးခိုးတွေကို မြင်တော့မှ နန်းတွင်းထဲမှာ မီးလောင်နေပြီ ဆိုတာကို သိရတယ်၊ ကျနော့် အသိမီးသတ်ဗိုလ် တယောက်ပြောတာတော့ သူတို့ကိုတောင် တော်တော်နဲ့ အကြောင်း မကြားဘူး၊ ၀င်ခွင့်လည်း မပေးလို့ စောင့်နေရတယ်လို့ ပြောတယ်"ဟု အထက်ပါ သတင်းထောက်က ဆိုသည်။
မီးလောင်မှုဖြစ်ပွားနေစဉ်အချိန်အတွင်း လာရောက်ကြည့်ရှု ကြသော လူပရိသတ်မှာ ကျုံးဘေး ပတ်ပတ် လည်တွင် ပြည့်လျက် ရှိသောကြောင့် ယာဉ်ထိန်းရဲများနှင့် ရဲ တပ်ဖွဲ့ဝင်များက လူစု ခွဲခိုင်း ခဲ့ကြောင်းလည်း သိရသည်။ "လာကြည့်တဲ့သူတွေက တော်တော်များတယ်၊ ကျုံးဘေး ပတ်ပတ်လည်မှာ အပြည့်ပဲ၊လူတွေကို ပထမတော့ မော်တော်ပီကယ်တွေက လူစုခွဲခိုင်းတယ် နောက်တော့ ရဲတွေပါ ရောက်လာပြီး လူစု ခွဲခိုင်းမှ တဖြည်းဖြည်းနဲ့လူစု ကွဲ သွားတယ်"ဟု မီးလောင်မှုကို ကိုယ်တိုင် သွားရောက် ကြည့်ရှုခဲ့သူ တဦးက ဆိုသည်။
Ref: ဧရာဝတီ
ထိုင်းနိုင်ငံ IC ဂီတဖျော်ဖြေပွဲ အဖမ်းအဆီးများ ရှိခဲ့
ကိုဝိုင်း
တနင်္လာနေ့၊ မတ်လ 30 2009
ချင်းမိုင် (မဇ္ဈိမ)။ ။ ဘန်ကောက်မြို့ပြင်၌ ကျင်းပသည့် Iron Cross – IC ၏ ယမန်နေ့ည ဂီတ ဖျော်ဖြေပွဲသို့ လာကြည့်သူ မြန်မာ ရွှေ့ပြောင်းလုပ်သား ၂ဝဝ ကျော် ထိုင်း အာဏာပိုင်များ၏ အဖမ်းအဆီး ခံခဲ့ရသည်။
အချုပ်ကားကြီး ၂ စီး ယူဆောင်လာသည့် ရဲ၊ လူဝင်မှုကြီးကြပ်ရေးနှင့် ထောက်လှမ်းရေး ပူးပေါင်းအဖွဲ့က ပွဲကျင်းပသည့် မြို့ပြင် ဘန်ဘော်မြို့နယ် ဘန်ဘော်ရပ်ကွက်ရှိ ငါးသေတ္တာရုံ လမ်းထိပ်တွင် ပွဲကြည့်လာသူများကို စစ်ဆေး ဖမ်းဆီးခဲ့ခြင်း ဖြစ်သည်။
အလုပ်လုပ်ပိုင်ခွင့် လက်မှတ်ရှိသူများ အပါအဝင် အဖမ်းခံရသည့် အလုပ်သမားဦးရေ ၂ဝဝ နှင့် ၃ဝဝ အကြားရှိမည်ဟု ပွဲကြည့်သွားခဲ့သူ ဘန်ကောက်မြို့မှ အလုပ်သမားအရေး ဆောင်ရွက်နေသူ ကိုကျော်သောင်းက ခန့်မှန်းသည်။
ထို့အပြင် ထိုင်းကုမ္ပဏီတခုတွင် အလုပ်လုပ်နေသူ ကိုသက်ကလည်း ပရိသတ်အများစုက ကခုန် အော်ဟစ်ကြသော်လည်း ကြမ်းတမ်းစွာ ကခုန်သူ ၅-၆ ဦး ခန့်ကို ပွဲခင်း လုံခြုံရေး ရဲများက ဝိုင်းချုပ်၍ ပွဲဝင်းအတွင်းမှ ဆွဲထုတ်သွားသည်ကို မြင်ခဲ့ရကြောင်း ပြောသည်။
ဖမ်းဆီးမှုများကြောင့် ပရိသတ်ဦးရေမှာ လက်မှတ် ဝယ်ယူထားသည့် အရေအတွက်ထက် လျော့ကျသွားပြီး တထောင်ခန့်သာ ရှိနိုင်ကြောင်း ပွဲကြည့်သူများက ဆိုသည်။
အဆိုပါ စစ်ဆေးဖမ်းဆီးမှုများကြောင့် ည ၇ နာရီတွင် ပွဲစတင်မည်ဟု ကြေညာ ထားသော်လည်း အစီအစဉ်ကို ည ၉ နာရီခန့်မှ စတင်နိုင်ခဲ့သည်။
ထို့အပြင် IC ဂီတပညာရှင်များနှင့် အဆိုတော်များဖြစ်သည့် လေးဖြူ၊ အငဲ၊ မျိုးကြီး၊ ဝိုင်ဝိုင်း၊ ဆုန်သင်းပါရ်၊ ကြိုးကြာတို့၏ နိုင်ငံကူးလက်မှတ်၊ ပြည်ဝင်ခွင့်ဗီဇာ စသည်တို့ကို စစ်ဆေး မေးမြန်းခံရသည်။
ဂီတပွဲ သွားခဲ့သူ ရမ်းခမ်းဟန် တက္ကသိုလ်မှ မြန်မာကျောင်းသား တဦးက “သူတို့လည်း စင်ပေါ်မှာ အဲဒီအကြောင်း ပြောတယ်လေ။ ကျနော်က စင်နောက် သွားမေးတော့ သူတို့ အစစ်ခံရတာ ဟုတ်တယ်။ နောက် ပွဲပါမစ်ကိုလည်း စနစ်တကျ လုပ်ထားတာ မဟုတ်ဘူးလေ။ ရပ်ကွက်နဲ့ အပိုင်ညှိပြီး လုပ်လိုက်တာ။ ဒါပေမဲ့ အထက် (ဗဟို) က ဆင်းလာစစ်တော့ ငြိတာပေါ့။ ဒါပေမဲ့ ပွဲစီစဉ်သူတွေနဲ့ ညှိလိုက်တော့ လွတ်သွားပါတယ်” ဟု မဇ္ဈိမကို ပြောသည်။
အဆိုတော်များက တဦးလျှင် ၃ ပုဒ်စီ အလှည့်ကျ ဆိုပြီးနောက် ည ၁ဝ နာရီခွဲ ခန့်တွင် ထိုင်း အာဏာပိုင်များက ပွဲရပ်နားရန် ပြောသဖြင့် ပွဲစီစဉ်သူများနှင့် အာဏာပိုင်များ ထပ်မံ ညှိနှိုင်းပြီးနောက် ဝိုင်ဝိုင်း၊ မျိုးကြီး၊ အငဲနှင့် လေးဖြူတို့ တယောက် တပုဒ်စီ ထပ်မံ ဆိုခွင့် ရခဲ့ကြောင်း ကိုသက်က ပြောသည်။
သူက “လေးဖြူဆိုနေတုန်း ပွဲသိမ်းဖို့ပြောတော့ လေးဖြူက ကျနော် နဲနဲလောက် ညှိကြည့်မယ်လို့ ပရိသတ်ကို ပြောတယ်။ အဲဒါနဲ့ ဝိုင်ဝိုင်း၊ မျိုးကြီး၊ အငဲနဲ့ လေးဖြူတို့ တယောက်တပုဒ် ဆက်ဆိုလို့ ရပြီး ပွဲသိမ်းလိုက်ရတာပဲ။ ပရိသတ်တွေက ထုံးစံအတိုင်း တောင်းနေကျ ‘အလင်းရောင်’ ကို တောင်းတယ်။ ‘အလင်းရောင်’ တော့ မရလိုက်ဘူး။ ‘စုန်းမ’ နဲ့ သိမ်းလိုက်ရတယ်” ဟု မဇ္ဈိမကို ပြောသည်။
ပွဲဝင်ကြေးမှာ တဦးလျှင် ၄၅ဝ ဘတ်၊ ဓာတ်ပုံ ကင်မရာအတွက် ဘတ် ၃ဝဝ သတ်မှတ်ထားသော်လည်း ဗီဒီယို ကင်မရာကိုမူ အတွင်းသို့ ယူဆောင်ခွင့် မပြုခဲ့ပါ။
ယခုပွဲအား မည်သူ စီစဉ်သည်ကို အတိအကျ မသိရသော်လည်း ပွဲကြော်ငြာ စာရွက်တွင်မူ “ထိုင်း-မြန်မာ ချစ်ကြည်ရေး ရန်ပုံငွေ ပွဲတော်” ဟု အမည် တပ်ထားသည်။
မြန်မာနိုင်ငံက အဆိုတော်များသည် ထိုင်းနိုင်ငံ မဲဆောက်၊ ချင်းမိုင်၊ ဘန်ကောက် မြို့ များသို့ မကြာခဏ လာရောက် ဖျော်ဖြေလေ့ ရှိသော်လည်း Iron Cross ဂီတဝိုင်းနှင့် အဆိုတော် အများစုမှာ ယခုတကြိမ်သည် ပထမဆုံးဖြစ်သည်။
Ref: မဇ္ဈိမ
Monday, March 30, 2009
စစ်အစိုးရကိုထောက်ခံဖို့ ကရင်ခွဲထွက် အဖွဲ့ပေါင်းစုံ တွင်း(၁)ကို ကတိပေး
NEJ / မတ်လ(၃၀) ရက်၊ ၂၀၀၉
နအဖပြုလုပ်မည့် ၂၀၁၀ ပြည့်နှစ်ရွေးကောက်ပွဲတွင် ကရင်ခွဲထွက်အဖွဲ့ များက လက်ရှိ တပ်မတော် အစိုးရကို အပြည့်အ၀ ထောက်ခံ အားပေးသွားမည်ဟု နအဖကို ကတိပေးလိုက်ကြောင်း တိုးတက်သော ဗုဒ္ဓဘာသာ ကရင် အမျိုးသား တပ်မတော် (ဒီကေဘီအေ) အဖွဲ့၏ အဆင့်မြင့် ခေါင်းဆောင်တဦးက ပြောသည်။
နအဖအတွင်းရေးမှူး (၁) ဒုတိယဗိုလ်ချုပ်ကြီး တင်အောင်မြင့်ဦးနှင့် အဖွဲ့ ယခုလ (၂၁) ရက်နေ့၌ ကရင်ခွဲထွက် အဖွဲ့များဖြစ်သည့် ဒီကေဘီအေ အဖွဲ့၊ ပဒိုအောင်ဆန်းအဖွဲ့၊ စောဌေးမောင် အဖွဲ့တို့၏ အခြေချရာ နေရာများသို့ လာရောက်စဉ် အဆိုပါ အဖွဲ့များက ကတိက၀တ်ပြု ပြောကြား လိုက်ခြင်းဖြစ်သည်။
ကရင်ခွဲထွက်အဖွဲ့တခုဖြစ်သည့် ဒီကေဘီအေအဖွဲ့မှ အရာရှိတဦးက “ကရင် ခွဲထွက်အဖွဲ့တွေ အနေနဲ့ ကေအန်ယူနဲ့ ပြန်ပေါင်းဖို့ ဆိုတာ ဘယ်လိုမှ ဖြစ်နိုင်စရာ အကြောင်း မရှိတော့ဘူး။ ခေတ်ကာလ အခြေအနေက ပြောင်းသွားပြီ။ ကေအန်ယူဘက်က လာတာပဲ ရှိရင် ရှိမယ်၊ ဒီဘက်ကတော့ ဟိုဘက်ကို သွားစရာ မရှိတော့ဘူး၊ လက်ရှိဘ၀ကနေ လက်မဲ့ဘ၀ကို ဘယ်သူမှ စွန့်မှာ မဟုတ်ဘူး” ဟု ပြောသည်။
နအဖအတွင်းရေးမှူး (၁) ၏ ခရီးစဉ်သည် ကရင်ခွဲထွက်အဖွဲ့ များ၏ ပညာရေး၊ လူမှုရေး၊ ကျန်းမာရေး၊ ရေရှည် အကျိုးစီးပွား ဖြစ်ထွန်းရေး၊ ဒေသ ဖွံ့ဖြိုးရေးများ အတွက် လာရောက် တွေ့ဆုံအားပေးသည့် ခရီးစဉ်ဟု ဆိုသော်လည်း အဓိက ရည်ရွယ်ချက်မှာ ၂၀၁၀ ရွေးကောက်ပွဲ ကိစ္စရပ်များ အတွက် တဖက်လှည့်ဖြင့် ချည်ပြီး တုပ်ပြီးဖြစ်အောင် လာရောက်သည့် ခရီးစဉ်သာ ဖြစ်သည်ဟု ကရင်ခွဲထွက် အဖွဲ့ဝင် အချို့က ပြောဆို သုံးသပ်ကြသည်။
နအဖအတွင်းရေးမှူး (၁) နှင့်အဖွဲ့သည် ထော့ကိုကိုးရွာတွင် ကေအန်ယူ/ကေအန်အယ်လ်အေ ငြိမ်းချမ်းရေး ကောင်စီ အဖွဲ့ တာဝန်ရှိသူများနှင့် တွေ့ဆုံရာတွင် ယခင်လက ကေအန်ယူမှ ငြိမ်းချမ်းရေး ကောင်စီအဖွဲ့သို့ ကူးပြောင်းသွားသည့် ဗိုလ်ချုပ်ကြီးမြ၏ သားငယ် စောနေစိုးမြကိုလည်း ငြိ်မ်းချမ်းရေး ကောင်စီအဖွဲ့၏ အဖွဲ့ဝင်တဦး အနေဖြင့် တွေ့ဆုံခဲ့သည့် သတင်းကို ယခုလ (၂၄) ရက်နေ့ညက မြန်မာ ရုပ်မြင်သံကြား လိုင်းများတွင် ထုတ်လွှင့်ပြသခဲ့သည်။
ကရင်ခွဲထွက် အဖွဲ့တခုမှ ယာဉ်မောင်းတဦးက “အခြေအနေမှန်ကို အားလုံး သိကြပါတယ်။ ဒါပေမယ့် လွန်သွားပြီ။ ကိုယ်လိုချင်တာကို ဥပဒေဘောင်ထဲက တောင်းမယ်ဆိုပြီး ဆင်ဖမ်းမယ်၊ ကျားဖမ်းမယ် ဆိုတဲ့လူတွေ သူတို့ဆီက ဘာမှ ဖမ်းလို့ မရဘူး။ ကိုယ့်ကို ပြန်မဖမ်းနိုင်အောင် ကိုဘဲ မီးစင်ကြည့်ပြီး လှုပ်ရှားနေရတယ်။ ကျနော်ဆိုရင် မာနယ်ပလော ဌာနချုပ်မှာ နေတုန်းက အကောင်၊ အခုတော့ အဖွဲ့က ထောင်ထားတဲ့ ခရီးသည်တင် ကားမောင်းတဲ့ ဒရိုင်ဘာလိုလို ကုန်သည် ပွဲစားလိုလို ဖြစ်သွားပြီး ကိုယ့် ရည်ရွယ်ချက်က တမျိုး၊ ဖြစ်လာတာက တမျိုး ကိုယ်ရွေးတဲ့ လမ်းဆိုတော့ ဘာမှ မတတ်နိုင်တော့ဘူး” ဟု ပြောသည်။
ကရင်အမျိုးသားအစည်းအရုံး (ကေအန်ယူ) မှ ခွဲထွက်သွားသည့် ဒီကေဘီအေ အဖွဲ့၊ ပဒိုအောင်ဆန်း ဘုရားကုန်းအဖွဲ့၊ စောဌေးမောင် ဦးဆောင်သည့် ကေအန်ယူ/ကေအန်အယ်လ်အေ ငြိမ်းချမ်းရေး ကောင်စီ အဖွဲ့များသည် နအဖ ပြုလုပ်မည့် ၂၀၁၀ ပြည့်နှစ် ရွေးကောက်ပွဲကို အပြည့်အ၀ ထောက်ခံကြသော်လည်း ကေအန်ယူ အဖွဲ့ကမူ လူထု ဆန္ဒနှင့်အညီ မဟုတ်ဘဲ ကျင်းပပြုလုပ်မည့် ၂၀၁၀ ရွေးကောက်ပွဲကို လုံးဝ လက်ခံမည် မဟုတ်ကြောင်း အဖွဲ့၏ ဒု-ဥက္ကဋ္ဌ ပဒို ဒေးဗစ် သာကဘောက ယခုရက်ပိုင်းအတွင်း ခေတ်ပြိုင်သို့ ပြောကြားခဲ့သည်။
ပဒိုအောင်ဆန်း ဦးဆောင်သည့် ငြိမ်းချမ်းရေးအဖွဲ့သည် ဘားအံမြို့နယ် ဘုရားကုန်းရွာတွင် အခြေချပြီး ဦးသာထူးကျော် ခေါင်းဆောင်သည့် ဒီကေဘီအေ အဖွဲ့သည် လှိုင်းဘွဲ့မြို့နယ် မြိုင်ကြီးငူရွာတွင် ဌာနချုပ် အခြေစိုက်ကာ စောဌေးမောင် ဦးဆောင်သည့် ကေအန်ယူ/ ကေအန်အယ်လ်အေ ငြိမ်းချမ်းရေး ကောင်စီအဖွဲ့သည် ကော့ကရိတ်မြို့နယ် ထော့ကိုကိုး ကျေးရွာတွင် အခြေစိုက်သည်။
Ref: ခေတ်ပြိုင်
အင်တာနက်မှ နိုင်ငံရေးဝေဖန်စာ သူရေးတာ မဟုတ်ဟု စာရေးဆရာ ကျော်ဝင်းငြင်းဆို
NEJ / မတ်လ(၃၀) ရက်၊ ၂၀၀၉
လတ်တလော ပြည်တွင်းပြည်ပတွင် အီးမေးလ်များမှတဆင့် ပျံ့နှံ့နေသည့် ကျော်ဝင်းရေးသားသည် ဆိုသော နိုင်ငံရေး စာတမ်းမှာ ၎င်းရေးခြင်း မဟုတ်သလို ၎င်းနှင့်လည်း မည်သို့မှ မသက်ဆိုင်ကြောင်း စာရေးဆရာ ကျော်ဝင်းက တရားဝင် ငြင်းဆိုလိုက်သည်။
ပြည်တွင်းထုတ် The Voice ဂျာနယ် မတ်လ (၂၉) ရက်နေ့ထုတ် စာမျက်နှာ (၉) တွင် ဆရာကျော်ဝင်းက “၎င်းရဲ့အမည်နဲ့ ဘလော့ခ် စာမျက်နှာပေါ်မှာ စာအချို့ တင်ထားတယ်လို့ ကြားသိရကြောင်း၊ သူဘာမှ မသိလိုက်ရဘဲ ယခုလို အဖြစ်မျိုးကြုံတာ ယခင်ကလည်း ရှိခဲ့ဖူးကြောင်း၊ သူ့အနေနဲ့ လိပ်ပြာသန့်၍ ဘာတခုမှ မဖြေရှင်းခဲ့ကြောင်း၊ ယခု တကြိမ်မက ဖြစ်လာ၍ စာဖတ်သူများအကြား ရှုပ်ထွေးမှုတွေ ရှိလာနိုင်လို့ တရားဝင် ပြန်ကြားရခြင်း ဖြစ်ကြောင်း၊ သူဟာ ပြည်တွင်းမှာ တရားဝင် ထုတ်ဝေဖြန့်ချီ နေတဲ့ မဂ္ဂဇင်း၊ ဂျာနယ် လုံးချင်းတွေမှာမှ လွဲပြီး အခြား မည်သည့် နေရာတွင်မှ စာရေးသူ မဟုတ်ကြောင်း၊ မရေးရုံမက ယခု ဘလော့ခ်မှာ တင်ထားတဲ့ စာတွေဟာ သူ့အနေနဲ့ လုံးဝ မဖတ်ဘူးတာမို့ သူ့အယူအဆနဲ့ တူညီမှုရှိမရှိ သူမပြောနိုင်ကြောင်း၊ သူရေးတဲ့ စာတွေအတွက် သူတာဝန်ယူပေမယ့် သူမရေးတဲ့ စာတွေအတွက် တာဝန်မယူနိုင်သလို ထင်မြင်ချက်လည်း မပေးလိုကြောင်း” စသဖြင့် ရေးသားထားသည်။
ယခုလက်ရှိ ပြည်တွင်းပြည်ပ အီးမေးလ်များမှတဆင့် ပျံ့နှံ့နေသည့် စာတမ်း (၂) စောင်တွင်မူ ဆရာကျော်ဝင်း အင်္ဂလိပ်ဘာသာဖြင့် ရေးသားသည် ဆိုသည့် What Matter Most in BURMA’s Politics အမည်ရ (၆) မျက်နှာပါ စာတမ်းနှင့် The World Is Flat by Thomas Friedman, The Argumentative Indian by Amartya Sen တို့ကို ကိုးကားပြီး ရေးထားသည့် Change: The Fall of The Berlin Wall အမည်ရ (၂) မျက်နှာပါ စာတမ်းတို့ ဖြစ်သည်။
ယခင် ပြည်တွင်းပြည်ပတွင် ပျံ့နှံ့ခဲ့သည့်စာတမ်းများမှာမူ မြန်မာဘာသာနှင့် စာတမ်း ဖြစ်သည်။
ဆရာကျော်ဝင်း၏ စာတမ်း၊ ၎င်း၏ ငြင်းဆိုမှုနှင့် ပတ်သက်၍ ဝါရင့် သတင်းစာဆရာကြီး တဦးက “ကျော်ဝင်းက မြန်မာပြည် အတွင်းမှာ နေနေတာ။ နောက် စစ်အစိုးရ စာပေ စိစစ်ရေးကို ဖြတ်သန်းပြီးမှ ဆောင်းပါးတွေ၊ စာအုပ်တွေ ရေးသား ထုတ်ဝေနေရတာ၊ သူ့အယူအဆ ဘယ်လိုရှိရှိ သူ့အနေနဲ့ ငြင်းခုံပိုင်ခွင့် မရှိဘူး။ သူငြင်းခုံရင် စစ်အစိုးရ ကြိုက်တာရော၊ မကြိုက်တာရော ပါလိမ့်မယ်။ စစ်အစိုးရ မကြိုက်တာ ဆိုရင် သူ့စာရေးခွင့်၊ စာအုပ်ထုတ်ဝေခွင့် ပိတ်ပင် ခံရလိမ့်မယ်။ ဒါဆို သူလည်း နစ်နာတယ်၊ စာဖတ်ပရိသတ် တိုင်းပြည်လည်း နစ်နာမယ်။ ဒါကြောင့် သူမရေးဘူး ဆို သူ့အာဘော် မဟုတ်ဘူးလို့ သဘောထား ပေးလိုက်ရုံပဲ” ဟု ပြောသည်။
ပြီးခဲ့တဲ့နှစ်၌ ပြည်တွင်း ဂျာနယ်စာမျက်နှာများတွင် ဦးချမ်းအေးခေါ် စာရေးဆရာကြီး မောင်စူးစမ်း၏ မြန်မာနိုင်ငံ နိုင်ငံရေးနှင့် ပတ်သက်သည့် သုံးသပ်ချက်စာတမ်း ထွက်ပေါ်လာပြီး စစ်အစိုးရက ၎င်းတို့ အကြိုက်ဖြစ်သောကြောင့် ပုံနှိပ်ဖော်ပြခွင့် ပေးခဲ့ခြင်းဖြစ်ကာ အဆိုပါ စာတမ်းကို ဝေဖန်သည့် မည်သည့် စာတမ်းကိုမျှ နောက်ထပ် ပုံနှိပ်ဖော်ပြခွင့် မပြုခဲ့ပေ။
Ref: ခေတ်ပြိုင်
Sunday, March 29, 2009
တော်လှန်ရေးနေ့အထူးအစီအစဉ်ဗိုလ်မှူးအောင်လင်းထွဋ် နှင့် အင်တာဗျူး
03.28.09
အမေရိကန် နိုင်ငံဆိုင်ရာ မြန်မာသံရုံး ယာယီတာဝန်ခံနဲ့ တပ်မတော်ထောက်လှမ်းရေးမှူး ချုပ်ရုံး လှမ်း(၁) မှ စစ်ဦးစီးမှူး ဒုတိယတန်း တာဝန်ထမ်းဆောင် ခဲ့သော ဗိုလ်မှူးအောင်လင်းထွဋ်နှင့် ဦးအောင်အောင် (ဒီဗွီဘီ) သတင်းဌာနနဲ့ အင်တာဗျူး
Posts
