လင်းသန့်
May 31, 2012
ရန်ကုန်တိုင်း စက်မှုဇုန်များတွင် အလုပ်သမားများ အခြေခံ လစာနည်းသဖြင့် တောင်းဆို ဆန္ဒပြမှု ၂၅ ရာခိုင်နှုန်းခန့်သာ ပြေလည်သေးကြောင်း သိရသည်။
ပြေလည်သွားသည့် စက်ရုံများမှာ မှော်ဘီ မြောင်းတကာရှိ Yangon Crown သံရည်ကြို စက်ရုံ၊ တိုက်ကြီးမှ MGE အထည်ချုပ် စက်ရုံ၊ ပုလဲ အထည်ချုပ် စက်ရုံ၊ စပယ်ပွင့် အထည်ချုပ် စက်ရုံ၊ နေမင်း အထည်ချုပ် စက်ရုံများ ဖြစ်ပြီး ဆန္ဒပြ စက်ရုံ ၂၀ ကျော် ရှိသည့် အနက် ၅ ရုံသာ ပြေလည်မှုရရှိသေးသည်ဟု အလုပ်သမားများကို အားပေးစကား လိုက်လံပြောကြားသူ တဦးဖြစ်သည့် ၈၈ မျိုးဆက် ကျောင်းသားများ အဖွဲ့မှ မမာမာဦးက ဧရာဝတီကို ပြောသည်။
အခြေခံလစာ ကိစ္စ ပြေလည်သွားသည့် မှော်ဘီ မြောင်းတကာ သံမဏိစက်ရုံတွင် အစာငတ်ခံ ဆန္ဒပြမှုကြောင့် ကျန်းမာရေး ချို့တဲ့လာသူ ၉ ဦးအနက် ၅ ဦးကို ဆေးရုံ တင်လိုက်ရကြောင်း၊ ၃ ဦး၏ အခြေအနေမှာ ဆိုးရွားနေကြောင်း သူက ဆိုသည်။
“လက်ရှိ ၃ ယောက်ကတော့ အခြေအနေ နည်းနည်း မကောင်းသေးလို့ သူဌေး ကိုယ်တိုင်ပဲ အာရှတော်ဝင် ဆေးရုံကို ပိုိ့လိုက်တယ်။ ၁ ယောက်ကတော့ သွေးဝမ်းတွေသွားတာပေါ့။ ကျန်တဲ့ ၂ ယောက်ကတော့ အကြောတွေ ဆိုင်းပြီး ကပ်သွားတယ်” ဟု သူက ပြောသည်။
မပြေလည်သည့် စက်ရုံများအနက် မေလ ၉ ရက်နေ့က စတင် ဆန္ဒပြနေသည့် လှိုင်သာယာ စက်မှုဇုန်ရှိ ဟိုင်မို ဆံပင်တု စက်ရုံ အလုပ်ရှင်က အလုပ်သမားများ၏ လိုင်းခန်းများအတွက်ပေးနေသည့် ရေနှင့် ရိက္ခာကို ယနေ့ စတင်ဖြတ်တောက် လိုက်သည်ဟုလည်း သိရသည်။
“လကုန်ပြီး ၂ ရက်နေ့လောက်မှပဲ အစာဖြတ်၊ ရေဖြတ်မယ် ထင်ထားတာ၊ အခု ဒီနေ့ပဲ ဗြုန်းကနဲ အစာရော၊ ရေရော၊ မီးရော အကုန်လုံးကို ဖြတ်ချပစ်လိုက်တာ” ဟု ဟိုင်မို ဆံပင်တု စက်ရုံ အလုပ်သမား ခေါင်းဆောင် မလင်းလက်ခင်က ဧရာဝတီကို ပြောသည်။
စက်ရုံအလုပ်သမားများ၏ အခြေခံ လစာ ၈ ထောင်ကျပ်သာ ရရှိသဖြင့် မေ ၁၀ ရက်နေ့က အလုပ်သမားရေးရာ ညွှန်ကြားရေးမှူးချုပ် ဦးဝင်းရှိန်က ကြားဝင် စေ့စပ်ညှိနှိုင်းပေးပြီး အလုပ်ရှင်၊ အလုပ်သမား အလုပ်ခန့်ထားရေး သဘာတူ စာချုပ်သစ်ကို အခြေခံ လစာ ၃ သောင်းကျပ်ဖြင့် ချုပ်ဆိုခဲ့ကြောင်း၊ သို့ရာတွင် စက်ရုံဘက်က ကတိ ချိုးဖောက်ပြီး ယနေ့အထိ စာချုပ်သစ်ကို ခံစားခွင့် မရသေးကြောင်း သူက ရှင်းပြသည်။
“ကျပ် ၃ သောင်းကို ကျေကျေနပ်နပ်နဲ့ ပေးပြီးတော့မှ သူတို့ဘက်က စာချုပ်ကို ဖောက်ဖျက်တယ်။ နောက်တခါ ပြန်ရှင်းပေးတဲ့အချိန်မှာ ဒီစက်ရုံက ကိုရီးယားပိုင်စက်ရုံဖြစ်သွားပြီ၊ အဲဒီတော့ လူသစ်၊ စိတ်သစ်၊ မန်နေဂျာအသစ်နဲ့ အစစအရာရာ အသစ်လို့ သဘောထားပြီးတော့ ၁ သောင်းခွဲပဲ ယူဖို့ ဦးဝင်းရှိန်ကိုယ်တိုင်က စာချုပ်ကို ပြန်ချုပ် ခိုင်းတယ်” ဟု မလင်းလက်ခင်က ဆိုသည်။
ယခုကဲ့သို့ လာရောက်ဖြေရှင်း ပေးသော်လည်း မပြေမလည် ဖြစ်နေရခြင်းသည် အလုပ်သမား ၀န်ကြီးဌာနအနေဖြင့် မြန်မာနိုင်ငံသား အလုပ်သမားများဘက်က ရပ်တည်မှု အားနည်းခြင်းကြောင့် ဖြစ်သည်ဟု အလုပ်သမားများက ပြောဆိုနေကြသည်။
လွန်ခဲ့သည့် ၁ လကျော်က စတင်ပြီး လုပ်အားခ အခြေခံလစာအပေါ် အကြောင်းပြု၍ စက်မှုဇုန်များ၌ အလုပ်သမား ဆန္ဒပြမှုများ ဆက်တိုက်ဖြစ်လာရာ ဆန္ဒပြ အလုပ်သမား စုစုပေါင်း ၁ သိန်းနီးပါးအထိ ရှိနိုင်ကြောင်း၊ မပြေလည်မှုများ နောက်ကွယ်တွင် ဆန္ဒပြ အလုပ်သမားများ၏ စားသောက်ရေး အခက်အခဲများ ရင်ဆိုင်နေရကြောင်း မမာမာဦးက ဆိုသည်။
“စက်ရုံတရုံ၊ တရုံကို အလုပ်သမားက အနည်းဆုံး ၁ ထောင်၊ ၂ ထောင်ရှိတာ။ ဆန္ဒပြတာလည်း အကုန်နီးပါး စက်ရုံ အပြင်ထွက် ဆန္ဒပြကြတာ” ဟု သူက ပြောသည်။
ယမန့်နေ့ကလည်း ကိုမင်းကိုနိုင်နှင့် ၈၈ မျိုးဆက်ကျောင်းသားများ အပါအ၀င်၊ မြန်မာလူငယ်များ အစည်းအရုံးတို့က ဟိုင်မို စက်ရုံ၊ တော်ဝင်မြန်မာ၊ ဆန်နီ၊ မြန်မာဆန်နီ စက်ရုံတို့ရှိ အလုပ်သမားများကို အားပေးစကား သွားရောက် ပြောကြားခဲ့ပြီး အစားအစာ၊ ရေ စသည်များအား အလှူခံရသမျှ ဝေမျှ ပေးခဲ့ကြောင်း ၎င်းက ဆိုသည်။
“အခု ဆန္ဒပြ အလုပ်သမားတွေမှာ ကျမတို့ စားရေးသောက်ရေး အတွက် အလှူခံပြီး ကျွေးမွေးနေတာ ဆိုတော့ ကျမတို့လည်း မနိုင်မနင်း လုပ်နေရတယ်။ လှူချင်တဲ့လူတွေလည်း ကူညီစေချင်ပါတယ်” ဟု မမာမာဦးက ပြောသည်။
Ref: ဧရာဝတီ
Friday, June 1, 2012
အလုပ်သမား အခြေခံလစာကိစ္စ ဆန္ဒပြမှု ၂၅ ရာခိုင်နှုန်းခန့်သာ ပြေလည်
ချင်းပြည်နယ် ဖွံ့ဖြိုးရေးဆွေးနွေးပွဲ မီဇိုရဲများ ဝင်ရောက်ဖမ်းဆီး
နေမျိုး
ကြာသပတေးနေ့၊ မေလ ၃၁ ရက် ၂၀၁၂
နယူးဒေလီ (မဇ္ဈိမ) ။ ။ ချင်းပြည်နယ် ငြိမ်းချမ်းရေးနှင့် ဖွံ့ဖြိုးရေး လုပ်ငန်းစဉ်တွင် လူမှု အဖွဲ့အစည်းများ ပါဝင်သင့် သည့် အခန်း ကဏ္ဍများနှင့် ပတ်သက်၍ ဆွေးနွေးပွဲတခုကို အိန္ဒိယနိုင်ငံ၊ မီဇိုရမ်ပြည်နယ်၊ အိုက်ဇောမြို့တွင် ကြာသပတေးနေ့က ကျင်းပနေစဉ် ဒေသခံ မီဇိုရဲများက ဝင်ရောက် ဖမ်းဆီးကြောင်း သိရသည်။
Peace Process and Mega Development ခေါင်းစဉ်ဖြင့် ဆွေးနွေးပွဲသို့ တက်ရောက်လာသည့် ချင်းပြည်နယ် ၉ မြို့နယ်မှ လူမှု အဖွဲ့အစည်းများနှင့် ဘာသာရေးခေါင်းဆောင် ၁၆ ဦးအား ဖမ်းဆီးကာ ပြည်နယ် ရဲဌာနချုပ်တွင် ချုပ်နှောင်ထားသည်။ ၎င်းတို့အား မြန်မာပြည်သို့ ပြန်ပို့ဖွယ်ရှိကြောင်း သိရသည်။
မြန်မာအစိုးရနှင့် ချင်းအမျိုးသားတပ်ဦး CNF တို့အကြား ထာဝရငြိမ်းချမ်းရေး ဆောင်ရွက်နေစဉ် အတွင်း ယခုလို ဖမ်းဆီးခြင်းသည် မဖြစ်သင့်ကြောင်း ဆွေးနွေးပွဲကို စီစဉ်ကျင်းပသည့် Chin public affairs committee မှ Co-ordinator ပူးထက်နီ က မဇ္စျိမကို ပြောသည်။
“အခု မီဇိုရမ်ရဲဌာနချုပ်ကို ကျနော်တို့ ရောက်နေတယ်။ ပို့တော့ ပို့မှာ။ ပြည်တွင်း ပြန်ပို့ရင်တော့ ခေါင်းဆောင်တွေ အတွက် အခက်အခဲ အများကြီးရှိတာပေါ့။ အခုလက်ရှိ ပြည်ထောင်စု အစိုးရ လုပ်နေတဲ့ကိစ္စဟာ ယုံကြည်ရတဲ့ အဆင့် မရောက်သေးဘူး။ ဖမ်းချုပ်ပြီး အမှုဖွင့်ထောင်ချမလား အဲလိုပုံစံနဲ့ ဖြစ်လာနိုင်တဲ့ အကြောင်းအချက်တွေ ရှိနေတယ်။ ဒီလိုဖမ်းဆီးတာဟာ အိန္ဒိယ အစိုးရသော်လည်းကောင်း၊ မီဇိုရမ် အစိုးရသော်လည်းကောင်း မလုပ်သင့်ဘူးလို့ ကျနော်ယူဆပါတယ်” ဟု ပြောသည်။
အဖမ်းခံရသည့် ခေါင်းဆောင်များတွင် ၁၅ ရက်တာ နယ်စပ်ဖြတ်သန်း သွားလာခွင့် လက်မှတ် ကိုင်ဆောင် ထားသူများ ရှိသလို လက်မှတ်မရှိသူများလည်း ပါဝင်ကြောင်း သိရသည်။
လူဦးရေ ၅ဝ ခန့် တက်ရောက်သည့် သုံးရက်တာ ဆွေးနွေးပွဲ နောက်ဆုံးနေ့တွင် ယခုကဲ့သို့ ဖမ်းဆီးခံရခြင်းဖြစ်။
ဆွေးနွေးပွဲတွင် ချင်းပြည်နယ်အတွင်းရှိ မဏိပူ ရေကာတာ၊ လေးမြို့မြစ် ရေကာတာ၊ မြေအောက် သံယံဇာတ ကိစ္စရပ်များ အပါအဝင် လက်ရှိ အိန္ဒိယနှင့် မြန်မာ လုပ်ဆောင်နေသည့် ကုလားတန် ဘက်စုံစီမံကိန်း ကိစ္စရပ်များကို ဆွေးနွေးခဲ့ကြသည်။
ပုံမှန်မဟုတ်သော်လည်း တခါတခါတွင် မြန်မာ အတိုက်အခံများနှင့် CNF တို့ ကျင်းပပြုလုပ်လေ့ ရှိသည့် သင်တန်းများ ဆွေးနွေးပွဲ များအား မီဇိုရမ်ပြည်နယ် အာဏာပိုင်များမှ ဖမ်းဆီးမှုများ ရှိခဲ့ဖူးသည်။
ချင်းပြည်နယ်နှင့် မီဇိုရမ်ပြည်နယ်မှာ ကီလိုမီတာ ၄ဝဝ ကျော် နယ်နိမိတ် ဆက်စပ်နေသည့်။
Ref: မဇ္ဈိမ
မြန်မာနိုင်ငံသားများ အရေး ထိုင်းအာဏာပိုင်တွေနဲ့ ဒေါ်အောင်ဆန်းစုကြည် ဆွေးနွေး
2012-05-31
ထိုင်းနိုင်ငံကို ရောက်နေတဲ့ ဒေါ်အောင်ဆန်းစုကြည်ဟာ ဒီကနေ့ ညနေခင်းက ထိုင်းနိုင်ငံ ဒုတိယ ဝန်ကြီးချုပ် Chalerm Yoobamroong နဲ့ ထိုင်းအစိုးရ အိမ်တော်မှာ ၄၅ မိနစ်ကြာ တွေ့ဆုံ ဆွေးနွေးခဲ့ပါတယ်။
အဲဒီလို တွေ့ဆုံရာမှာ ထိုင်းနိုင်ငံရောက် မြန်မာ ရွှေ့ပြောင်း အလုပ်သမားတွေ အရေးနဲ့ ထိုင်းနိုင်ငံရောက် မြန်မာ ဒုက္ခသည်တွေ အရေးကို အဓိကထား ဆွေးနွေး ခဲ့ကြပါတယ်။
ထိုင်း ဒုတိယ ၀န်ကြီးချုပ်က မြန်မာ အလုပ်သမားတွေ အနေနဲ့ တရားဝင် စာရွက်စာတမ်း ရှိမယ်ဆိုရင် ထိုင်း အလုပ်သမားတွေနဲ့ တန်းတူ တနေ့ကို ဘတ်ငွေ ၃၀၀ ရရှိမှာ ဖြစ်ပြီး ထိုင်းအလုပ်သမားတွေ အတွက် ဆောင်ရွက်ပေးနေတဲ့ ဘတ် ၃၀ ကျန်းမာရေး အစီအစဉ်ကိုပါ ရရှိမှာ ဖြစ်တယ်လို့ ပြောပါတယ်။
ဒုက္ခသည်တွေနဲ့ ပတ်သက်လို့ ထိုင်း ဝန်ကြီးချုပ်က ပြောရာမှာ-ထိုင်းနိုင်ငံ အနေနဲ့ ဒုက္ခသည်တွေကို နေရပ် အတင်းအကြပ် ပြန်ပို့တဲ့ မူဝါဒ မရှိတဲ့ အကြောင်း၊ မြန်မာနိုင်ငံအတွင်း အန္တရာယ် မရှိတော့ဘူးဆိုရင်တော့ ဒုက္ခသည်တွေ နေရပ်ပြန်ရေး ကုလသမဂ္ဂ ဒုက္ခသည်ဆိုင်ရာ မဟာမင်းကြီးရုံးနဲ့ ညှိနှိုင်းဆောင်ရွက်ဖို့ ရှိတယ်လို့ ဆိုပါတယ်။
ဒေါ်အောင်ဆန်းစုကြည်ဟာ ဒီကနေ့ညပိုင်း ကမ္ဘာ့စီးပွားရေး ညီလာခံက တည်ခင်းမယ့် ညစာစားပွဲမှာ ထိုင်းဝန်ကြီးချုပ် ယင်လပ် ရှင်နာဝပ် နဲ့ တွေ့ဆုံဖို့ ရှိပြီး မနက်ဖြန်မှာ ထိုင်း-မြန်မာ နယ်စပ်က မယ်လ ဒုက္ခသည်စခန်းကို သွားရောက်မယ်လို့ သိရပါတယ်။
ဒေါ်အောင်ဆန်းစုကြည်ဟာ ဒီကနေ့ ညနေပိုင်းကလည်း မြန်မာအလုပ်သမားများကို ယာယီနိုင်ငံကူးလက်မှတ် ပြုလုပ်ပေးတဲ့ ရုံးကို သွားရောက်လေ့လာခဲ့ပါတယ်။ အဲဒီမှာ အလုပ်သမား ၂၀၀၀ ကျော်ကို စကားပြောဆိုခဲ့ပါသေးတယ်။
Ref: RFA News
KIO နဲ့ ပြည်ထောင်စု ငြိမ်းချမ်းရေး လုပ်ငန်းကော်မတီ အလွတ်သဘော တွေ့ဆုံ
2012-05-31
အသစ်ဖွဲ့စည်းလိုက်တဲ့ အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ ဦးအောင်မင်း ဦးဆောင်တဲ့ ကိုယ်စားလှယ် အဖွဲ့နဲ့ ကချင် လွတ်မြောက်ရေး အဖွဲ့ KIO ကိုယ်စားလှယ် အဖွဲ့တို့ဟာ ဒီကနေ့ ဇွန်လ (၁) ရက်နေ့ ကချင်ပြည်နယ် လွယ်ဂျယ်ဒေသမှာ အလွတ်သဘော တွေ့ဆုံဆွေးနွေးမှာ ဖြစ်ပါတယ်။
အပစ်အခတ် ရပ်စဲရေး လုပ်ငန်းစဉ်တွေ သဘောတူညီချက် ရဖို့ အတွက် ဒီတွေ့ဆုံပွဲမှာ ကြိုတင်ညှိနှိုင်း ဆွေးနွေးကြမှာ ဖြစ်တယ်လို့ KIO အရာရှိတစ်ဦးက RFA ကို ပြောပါတယ်။
ပြီးခဲ့တဲ့ မေလ (၂၁) ရက်နေ့ကလည်း KIO အထွေထွေ အတွင်းရေးမှူး ဒေါက်တာလဂျာ ဦးဆောင်တဲ့ အဖွဲ့နဲ့ ဦးအောင်မင်း ဦးဆောင်တဲ့ အစိုးရ ကိုယ်စား လှယ်အဖွဲ့တို့ဟာ ထိုင်းနိုင်ငံမြောက်ပိုင်း ချင်းရိုင်မြို့မှာ အလွတ်သဘော တွေ့ဆုံခဲ့ကြပါတယ်။
ဒီအတောအတွင်း ကချင်ပြည်နယ် ဖားကန့်ဒေသမှာ ကေအိုင်အေနဲ့ မြန်မာ စစ်တပ် အကြား တိုက်ပွဲတွေ ဖြစ်ပွားနေတာကြောင့် ကျောက်စိမ်းတူးဖော်ရေး ကုမ္ပဏီတွေနဲ့ အလုပ်သမားတွေကို နမ္မတီးဘက်ကို ပြောင်းရွှေ့ကြဖို့ အာဏာပိုင်တွေက ညွှန်ကြားထားကြောင်း သိရပါတယ်။
Ref: RFA News
ရွှေ့ပြောင်းအလုပ်သမား ယာယီပတ်စ်ပို့နှင့် မှတ်ပုံတင်အရေး ဒေါ်စုဆွေးနွေးခဲ့
ဖနိဒါ
ကြာသပတေးနေ့၊ မေလ ၃၁ ရက် ၂၀၁၂
ချင်းမိုင်(မဇ္စျိမ) ။ ။ ထိုင်းနိုင်ငံရှိ မြန်မာ ရွှေ့ပြောင်းအလုပ်သမားများ၏ ယာယီပတ်စ်ပို့ ဈေးနှုန်း မှန်ရေးနှင့် အလုပ်သမား မှတ်ပုံတင် မရသေးသူများကို လုပ်ပေးရန် ဒေါ်အောင်ဆန်းစုကြည်က မဟာချိုင်ရှိ ယာယီ ပတ်စ်ပို့ရုံး၌ ပြောဆိုလိုက်သည်။
ကြာသပတေးနေ့ ညနေ ၄ နာရီကျော်တွင် မြန်မာ ရွှေ့ပြောင်း အလုပ်သမား အများစု နေထိုင်နေသော ဆမွတ်ဆာခွန် ခရိုင် မဟာချိုင်ရှိ မြန်မာ အလုပ်သမား များအား ဒုတိယနေ့ မိန့်ခွန်းတွင် ထည့်သွင်း ပြောကြားခဲ့ခြင်း ဖြစ်သည်။
ဒေါ်အောင်ဆန်းစုကြည်သည် ထိုင်းအလုပ်သမား ဒုဝန်ကြီး ဖဒွန်ချိုင် စစုမ်စပ်၊ မဟာချိုင်ရှိ ယာယီပတ်စပို့ရုံးမှ ဒုရဲမင်းနှင့် ထိုင်းခရိုင်မှူး တို့နှင့်လည်း ထပ်မံတွေ့ဆုံ ဆွေးနွေးခဲ့ပြီး မြန်မာရွှေ့ပြောင်း အလုပ်သမားနှင့် ပြန်လည်
တွေ့ဆုံခဲ့သည်ဟု မြန်မာရွှေ့ပြောင်း အလုပ်သမား အခွင့်အရေး ကွန်ယက်မှ ကိုဇေက ပြောသည်။
“မနေ့က ကျနော်တို့ ပြောပြတဲ့ အချက်လက်ရှိ မှတ်ပုံမတင်ရသေးတဲ့ အလုပ် သမားတွေကို မှတ်ပုံတင်ပေးဖို့၊ တင်ပြီးတဲ့ လူတွေကိုလည်း ပတ်စပို့ လုပ်ပေးဖို့၊ နောက်တချက်က ပတ်စ်ပို့ဈေးနှုန်းမှန် ဖြစ်ပေါ်ရေးကို ပြုပြင်ပေးဖို့ အလုပ်သမား ဒုဝန်ကြီးနဲ့ ဆွေးနွေးတာတွေ ပြန်ပြောပြတယ်”ဟု သူက မဇ္စျိမကို ပြောသည်။
ရွှေ့ပြောင်း အလုပ်သမားများသည် ယာယီပတ်စ်ပို့ အတွက် ပုံမှန်အားဖြင့် ဘတ် ၄,ဝဝဝ ခန့်သာ ကုန်ကျမည်ဖြစ်သော် လည်း ပွဲစားခများ ပေးနေရသဖြင့် ဘတ် ၆,ဝဝဝ ထိ ကုန်ကျနေရသည်ဟု ကိုဇေက ပြောသည်။
ထို့ပြင် ရွှေ့ပြောင်းအလုပ်သမားများ မြန်မာပြည်သို့ ပြန်လာနိုင်ရန် ကြိုးစားနေကြောင်းနှင့် ပြန်လာလျှင် အလုပ်အကိုင် ရှိရေးအတွက် ဆောင်ရွက်နေကြောင်း ဒေါ်အောင်ဆန်းစုကြည်က လေးမိနစ်ခန့်ကြာ မိန့်ခွန်းပြောကြား ခဲ့သည်။
ဒေါ်အောင်ဆန်းစုကြည်အား အလုပ်သမား ၃,ဝဝဝ ခန့်က အိုးစည် ဗုံမောင်းများဖြင့် ကြိုဆိုကာ “ဒေါ်အေင်ဆန်းစုကြည် ကျန်းမာပါစေ”၊ “အလုပ်သမား တန်းတူအခွင့်အရေး ရရှိရေး”များကို စာတမ်းများ ကိုင်ဆောင်ကြသည်ဟု သိရသည်။
“ဒေါ်အောင်ဆန်းစုကြည်က ရသင့်ရထိုက်တဲ့ အလုပ်သမား အခွင့်အရေးတွေကို ပြောတယ်။ ဘတ်မရှိတဲ့လူ ဘတ်ရှိအောင် ရရှိရေး၊ ပတ်စပို့ရှိပြီးသား လူတွေကို ဈေးနှုန်းသက်သာဖို့ အဆင်ပြေဖို့အရေးတွေ ပြောသွားတယ်။ ပွဲစားခ၊ ကားခဆိုပြီး ပိုပေးနေရတယ်။ ဒါကြောင့် ခုလိုဒေါ်အောင်ဆန်းစုကြည် လာ ပြောတော့ အများကြီး အားရ ကျေနပ်ပါတယ်” မဟာချိုင်မှ ရွှေ့ပြောင်းအလုပ်သမား ကိုအောင်လင်းက ပြောသည်။
ထို့ပြင် ယမန်နေ့က ဒေါ်အောင်ဆန်းစုကြည်၏ မဟာချိုင်ခရီးစဉ်အတွက် ထိုင်းလုံခြုံရေးရဲ ၁ဝဝ ကျော်သာ ရှိသော်လည်း ယနေ့တွင် ထိုင်းလုံခြုံရေး ရဲ အယောက် ၅ဝဝ ခန့် ချထားပေးသည်ဟု ကိုဇေက ပြောသည်။
ထိုင်းနိုင်ငံတွင် မြန်မာရွှေ့ပြောင်းအလုပ်သမား နှစ်သန်းခန့်ရှိသည့်အနက် တရားဝင်မှာ ရှစ်သိန်းကျော် ဖြစ်ကြောင်း နိုင်ငံတကာ ရွှေ့ပြောင်းအလုပ်သမားအဖွဲ့ MOI နှင့် အလုပ်သမားရေးရာ အဖွဲ့ချုပ်များက ခန့်မှန်း ထားသည်။
ညနေ ၅ နာရီဝန်းကျင်တွင် မဟာချိုင်မှ ဘန်ကောက်မြို့သို့ ပြန်လည် ထွက်ခွာသွားသည်ဟု သိရသည်။
ဗုဒ္ဓဟူးနေ့ကလည်း မြန်မာရွှေ့ပြောင်းအလုပ်သမား အခွင့်အရေး ကွန်ယက်ရုံး ဝရန်တာပေါ်မှ အလုပ်သမားများ အတွက် ဥပဒေဘောင်အတွင်းမှ ကူညီပေးသွားမည်ဟု မိန့်ခွန်းပြောကြားခဲ့သည်။
ထို့ပြင် လိင်ပိုင်းဆိုင်ရာ နှိပ်စက်ခြင်း ခံရသည့် အမျိုးသမီးများ၊ လုပ်အားခ ခေါင်းပုံဖြတ်မှု ခံရသည့် အလုပ်သမားများ၊ ရောင်းစားခံရသည့် အလုပ်သမားများ၊ လုပ်ငန်းခွင် အတွင်း၌ ကိုယ်လက်အင်္ဂါ ဆုံးရှူံးသွားသည့် အလုပ်သမားများ ဖြစ်ပြီး စုစုပေါင်း အယောက် ၃ဝ ခန့်နှင့် ဒေါ်အောင်ဆန်းစုကြည် တွေ့ဆုံကာ အားပေးစကား ပြောခဲ့သေးသည်။
ဒေါ်အောင်ဆန်းစုကြည်သည် ဇွန်လ ၁ ရက်နေ့ သောကြာနေ့ နံနက်ပိုင်း ၈ နာရီခွဲမှ ၉ နာရီထိ ၂ဝ၁၂ ခုနှစ် ကမ္ဘာ့ စီးပွားရေး ညီလာခံတွင် အာရှ အမျိုးသမီးများနှင့် ပတ်သက်၍ မိန့်ခွန်း ပြောကြားရန်ရှိကြောင်း သိရသည်။
ဇွန် ၂ ရက်နေ့တွင် ထိုင်း-မြန်မာနယ်စပ်ရှိ မယ်လ ဒုက္ခသည် စခန်းသို့ သွားရောက်မည် ဖြစ်ပြီး ထိုခရီးစဉ် အတွင်း မဲဆောက်မြို့ရှိ ဒေါက်တာ စင်သီယာမောင်၏ မယ်ထော် ဆေးခန်းသို့ သွားရောက်မည်ဟု သတင်းများ ထွက်ပေါ်နေ သည်။
Ref: မဇ္ဈိမ
ပြည်လုံးညီလာခံအတွက် NLD ပြင်ဆင်
သင်းသီရိ
ကြာသပတေး, 31 မေ 2012
NLD အမျိူးသား ဒီမိုကရေစီအဖွဲ့ချုပ်က ဗဟိုစုံညီ ညီလာခံတခု ကျင်းပနိုင်ဖို့ အတွက် ပြည်နယ်နဲ့တိုင်း ကော်မရှင် အဖွဲ့တွေကို စတင် ဖွဲ့စည်းနေပါပြီ။ ရပ်ကွက် ကျေးရွာတွေက အစတိုင်းနဲ့ ပြည်နယ်တွေ အထိ အဆင့်ဆင့် အစည်းဝေးတွေ ကျင်းပကာ ပါတီရဲ့ အလုပ်အမှုဆောင် အဖွဲ့ဝင်တွေကိုလည်း ဒီမိုကရေစီ နည်းလမ်းတကျ ရွေးချယ် တင်မြှောက် သူတွေနဲ့ ပြန်လည် ဖွဲ့စည်းသွားမယ်လို့ NLD ပါတီက ပြောပါတယ်။ ဘယ်တော့လောက် NLD ပါတီ ဗဟိုညီလာခံ ကျင်းပမလဲ ဆိုတာကိုတော့ NLD ပါတီက အတွင်းရေးမှူးအဖွဲ့ဝင် ဦးဥာဏ်ဝင်းကို ဆက်သွယ် မေးမြန်းထားတဲ့ မသင်းသီရိက တင်ပြပေးထားပါတယ်။
NLD အမျိူးသား ဒ်ီမိုကရေစီအဖွဲချုပ်ဟာ၂၀၁၂ ဇန်န၀ါရီလ (၅) ရက်နေ့က နိုင်ငံရေးပါတီ အဖြစ် ခွင့်ပြုချက် ရထားအပြီး အခု NLD ပါတီအတွက် တနိုင်ငံလုံး အတိုင်းအတာနဲ့ ဗဟိုစုံညီ ညီလာခံကြီး တခုကို ဒီနှစ် ကုန်ပိုင်းတွင်း ကျင်းပနိုင်ဖို့ စီစဉ်နေကြတာ ဖြစ်ပါတယ်။ ဒါ့ကြောင့် ဒီကနေ့မေလ ၃၁ ရက် ကြာသာပတေးနေ့မှာ NLD ဗဟိုညီလာခံ ကျင်းပနိုင်ဖို့ အတွက် တိုင်းနဲ့ပြည်နယ် ၃ ခုရဲ့ ကော်မရှင်ကို စဖွဲလိုက်ပြီလို့ NLD ပါတီရဲ့ အတွင်းရေးမှူးအဖွဲ့ဝင် ဦးဥာဏ်ဝင်းက ပြောပါတယ်။
"ဒီနေ့ကတော့ ကျနော်တို့ အမျိူးသား ဒီမိုကရေစီ အဖွဲ့ချုပ်ရဲ့ ပြည်နယ်နဲ့တိုင်း ပါတီကော်မရှင်တွေ ဖွဲ့တယ်။ ဒီအထဲမှာ မန္တလေး၊ ရန်ကုန်၊ ကချင်ပြည်နယ်ရယ် ပါပါတယ်။ ကျနော်တို့ ဒီညနေပဲ ထွက်ပါတယ်။ ပြည်နယ်တိုင်း ကော်မရှင်က လက်အောက်ခံ နောက်ဖြစ်လာမယ့် ခရိုင်ရယ်၊ မြို့နယ်ရယ်၊ ရက်ကွက် ကော်မရှင်တွေကို သူတို့က ထပ်ဆင့်ဖွဲ့ရမယ်။ အဲဒါတွေ ဖွဲ့ပြီးသွားလို့ရှိရင် ကျနော်တို့ ရပ်ကွက်ကျေးရွာက စပြီးတော့ ညီလာခံတွေ ကျင်းပလာမယ်။ ရက်ကွက်ပြီးရင် မြို့နယ် ၊ မြို့နယ်ပြီးရင် ခရိုင်ပေါ့။ အဲဒီလို အဆင့်ဆင့် နောက်ဆုံး ဗဟိုညီလာခံပေါ့၊ အဲဒီအထိ လုပ်ဖို့ ဆိုင်းပြင်းနေတာပါ။ မနက်ဖြန်ခါကိုလည်း တချို့ ထွက်နိုင်ပါတယ်။ စာရင်းတွေ ပြုစုတယ်လေ၊ ပြည့်စုံတဲ့ဟာတွေကို ဖွဲ့ပြီးတော့ ထုတ်ပေးတယ်။ မနက်ဖြန်ကျရင်လည်း ကျန်နေတာက တနင်္သာရီရယ်၊ ကရင်၊ မွန်ရယ် နောက် ကယားရယ် ဒီ ၄ ခု ကျန်တယ်။"
တနိုင်ငံလုံးမှာလည်း NLD ပါတီဝင်သစ် လျှောက်လွာတွေ ခေါ်ယူတာတွေလည်း လုပ်ထားပါတယ်။ မြို့နယ် ကျေးရွာတွေကနေ တဆင့် ပြည်နယ်နဲ့ တိုင်းတွေထိ အဆင့်ဆင့် ညီလာခံတွေ ကျင်းပကာ ပါတီဝင်တွေ၊ ရွေးချယ် တင်မြှောက်သူတွေနဲ့ အလုပ်အမှုဆောင် အဖွဲ့ဝင်သစ်တွေလည်း ပြန်လည် ဖွဲ့စည်းတာတွေ ဖြစ်လာမယ်လို့လည်း ဦးဥာဏ်ဝင်းက ရှင်းပြပါတယ်။
"ညီလာခံ ကိုယ်စားလှယ်တွေ ရွေးချယ်တဲ့အတိုင်း သွားရမှာဆိုတော့ ဒီအတိုင်းဆို ပြုပြင်တာတွေ ရှိသွားမှာပေါ့။ ဗဟိုအလုပ်အမှုဆောင် ဖွဲ့နိုင်တဲ့အထိ လုပ်သွားမှာ။ ရွေးကောက် တင်မြှောက်ခြင်း နည်းလမ်းနဲ့ပေါ့။ ကျနော်တို့ လုပ်ငန်းစဖို့ကတော့ နောက် ၂ လ လောက်ဆို စနိုင်မယ် မှန်းတယ်။ ပြီးဖို့အချိန်ကတော့ ဒီနှစ်အတွင်း ပြီးအောင် ကြိုးစားမယ်။"
ပြည်နယ်နဲ့ တိုင်းတွေမှာ ညီလာခံတွေ အဆင့်ဆင့် ကျင်းပပြီးရင် ကိုယ်စားလှယ်တွေ အားလုံးစုံညီတဲ့ ဗဟို ညီလာခံကြီးကိုတော့ ရန်ကုန်မှာ ပြူလုပ်ဖို့ စီစဉ်ထားပြီး အခုလို ကျင်းပနိုင်ဖို့အတွက် အာဏာပိုင်တွေနဲ့ ညှိနှိုင်း ရတာမျိူးတွေလည်း မရှိပါဘူးလို့လည်း ပြောပါတယ်။ ဒါဟာNLD ပါတီအတွက် ပထမဆုံးအကြိမ် ပြုလုပ်မယ့် စုံညီ ညီလာခံတော့ မဟုတ်ပါဘူး။ NLD ဟာ ၁၉၈၈ မှာ နိုင်ငံရေး ပါတီကြီးတခု ဖြစ်လာပြီးတဲ့ နောက်ပိုင်း ၁၉၈၉ မှာ ပထမဆုံးအကြိမ် လုပ်ဖို့ စီစဉ်ခဲ့ပေမယ့် အဲဒီတုန်းက စစ်အစိုးရရဲ့ ကန့်သတ်မှုတွေကြောင့် အောင်အောင်မြင်မြင် ညီလာခံကို မကျင်းပနိုင်ခဲ့ပါဘူး။
"ပထမ အကြိမ်က ၁၉၈၉ တုန်းလောက်က လုပ်ပါတယ်။ ဒါပေမယ့် အပြည့်အစုံ မလုပ်နိုင်ပါဘူး။ ၀တက်တပျက်နဲ့ အားလုံး ပြီးစီးအောင် မလုပ်နိုင်ပါဘူး။ ဒီတခါတော့ ပြီးစီးအောင် လုပ်နိုင်မယ်လို့ မျှော်လင့်ထားတယ်။"
NLD ပါတီရဲ့ အတွင်းရေးမှူး အဖွဲ့ဝင် ဦးဥာဏ်ဝင်း ပြောပြခဲ့တာပါ။ အခု NLD ပါတီက စုံညီ ညီလာခံ ကျင်းပနိုင်ဖို့ စီစဉ်နေတာနဲ့ တချိန်တည်းမှာပဲ ပြည်နယ်နဲ့ တိုင်းတွေမှာ NLD ပါတီရဲ့ ဆိုင်းဘုတ်တွေနဲ့ ရုံးခန်းတွေကို သတ်မှတ်ထားတဲ့ စည်းကမ်းတွေနဲ့အညီ ဆောင်ရွက်ဖို့ ရုံးခန်းဆိုရင်လည်း တခုပဲ ဖွင့်ဖို့ဆိုပြီးတော့ သတိပေးတဲ့ ကြေငြာချက်တွေကို ဗဟိုအလုပ်အမှုဆောင်က ပါတီဝင်တွေကို ထုတ်ပြန် အသိပေးထားတာလည်း ရှိပါတယ်။
အခုညီလာခံ ကျင်းပနိုင်ဖို့အတွက် ဗဟိုကော်မရှင်တခု ဖွဲ့ထားပြီး အဲဒီအထဲမှာ သဘာပတိအဖွဲ့ဝင် ဦးတင်ဦးက ဥက္ကဌ၊ ဦးဥာဏ်ဝင်းက အတွင်းရေးမှုး အဖြစ် တာဝန်ယူထားပြီး ဒီကော်မရှင် အဖွဲ့ဝင် အားလုံးပေါင်း ၉ ဦး ပါရှိပါတယ်။ NLD ပါတီဟာ ၁၉၉၀ ရွေးကောက်ပွဲမှာ မဲအပြတ်အသတ်နဲ့ အနိုင်ရခဲ့တဲ့ ပါတီဖြစ်ပေမယ့် စစ်အစိုးရ အာဏာ လွဲပေးချင်းမရှိခဲ့သလို အဲဒီအချိန်က NLD ပါတီရဲ့ အထွေထွေ အတွင်းရေးမှူးအဖြစ် တာဝန်ယူထားတဲ့ ဒေါ်အောင်ဆန်းစုကြည်ရော၊ တခြား ထိပ်တန်း ခေါင်းဆောင်တွေအပြင် NLD ပါတီဝင် အများအပြား ထောင်ချ အပြစ်ပေးတာတွေ လုပ်ခဲ့ပါတယ်။
နိုင်ငံမှာ စစ်အစိုးရက ဦးဆောင်ပြီး၂၀၁၀ ရွေးကောက်ပွဲ လုပ်ခဲ့စဉ်တုန်းကလည်း NLD ပါတီဟာ ရွေးကောက်ပွဲ မ၀င်ပဲ သပိတ်မှောက်ခဲ့သလို ပါတီအဖြစ်လည်း မှတ်ပုံ မတင်ခဲ့ပါဘူး။ ဒါပေမယ့် ၂၀၁၀ ရွေးကောက်ပွဲ အပြီး သိပ်မကြာခင်မှာ ဒေါ်အောင်ဆန်းစုကြည် နေအိမ် အကျယ်ချုပ်ကနေ လွတ်မြောက်လာအပြီး အရပ်သားအစိုးရ ကျင်းပတဲ့ ၂၀၁၂ ကြားဖြတ် ရွေးကောက်ပွဲကို ၀င်ဖို့အတွက်၂၀၁၁ နိုဝင်ဘာလမှာ NLD ပါတီဟာ နိုင်ငံရေးပါတီ အဖြစ် ပြန်လည် မှတ်ပုံတင်ခဲ့တာ ဖြစ်ပါတယ်။
Ref: VOA News
Thursday, May 31, 2012
ဒေါ်စုနှင့်ခေါင်းဆောင်တချို့ WTO ညီလာခံမှာ သီးခြားတွေ့ဆုံမည်
ကိုသားညွန့်ဦး
ဗုဒ္ဓဟူး, 30 မေ 2012
ထိုင်းနိုင်ငံကို ရောက်ရှိနေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့မှာတော့ ဘန်ကောက်မြို့မှာ ကျင်းပနေတဲ့ အရှေ့ အာရှ ကမ္ဘာ့စီးပွားရေး ညီလာခံကို တတ်ရောက်မှာဖြစ်ပါတယ်။ ညနေပိုင်းမှာ အရှေ့အာရှ စီးပွားရေး ညီလာခံ ကျင်းပရာနေရာကို ဒေါ်အောင်ဆန်းစုကြည် ရောက်ရှိလာ တာဖြစ်ပါတယ်။ ဒီမတိုင်ခင် ကတော့ မြန်မာ အလုပ်သမားတွေ အများအပြား ရှိနေတဲ့ မဟာချိုင်ကို သွားရောက်ပြီး မြန်မာ အလုပ်သမားတွေကို တွေ့ဆုံနှုတ်ဆက် ခဲ့ပါတယ်။ ဒေါ်အောင်ဆန်းစုကြည်ရဲ့ ထိုင်းခရီးစဉ်နဲ့ နောက်ဆုံး အခြေအနေနဲ့ ပတ်သက်လို့တော့ ကိုသားညွန့်ဦးက စုစည်း တင်ဆက်ပေးထား ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့မှာ အရှေ့အာရှဆိုင်ရာ ကမ္ဘာ့ စီးပွားရေး ညီလာခံအတွင်းမှာပဲ သက်ဆိုင်ရာ တာဝန်ရှိသူတွေ ခေါင်းဆောင်တွေနဲ့ သီးခြားစီ တွေ့ဆုံ ဖွယ်ရှိပါတယ်။ ဒီနေ့ မွန်းလွဲပိုင်း မှာတော့ ကမ္ဘာ့ စီးပွားရေး ညီလာခံ တရားဝင်ဖွင့်ပွဲ အခမ်းအနား ပြုလုပ် မှာဖြစ်ပြီး ထိုင်းဝန်ကြီးချုပ် အပါအ၀င် ခေါင်းဆောင် အတော်များများက အရှေ့အာရှ အနာဂတ် အပေါ် အမြင်တွေကို မိန့်ခွန်း ပြောဆိုကြဖို့ ရှိပါတယ်။ မနက်ဖြန် ဇွန်လ တစ်ရက်နေ့ မနက်ပိုင်း ကမ္ဘာ့စီးပွားရေး ညီလာခံမှာတော့ ဒေါ်အောင်ဆန်းစုကြည် မိန့်ခွန်း ပြောဖို့ရှိပြီး မွန်းလွဲပိုင်းမှာတော့ မြန်မာနိုင်ငံ အတွင်း ပြုပြင်ပြောင်းလဲ မှုတွေဟာ ဒေသနဲ့ ကမ္ဘာကြီးအတွက် ဘယ်လို သက်ရောက်နိုင်သလဲ ဆိုတဲ့ အပေါ် မြန်မာနိုင်ငံရေး အနာဂတ်ဆိုတဲ့ ခေါင်းစဉ်နဲ့ ဆွေးနွေးပွဲ ရှိပါတယ်။
မနေ့ကတော့ ကမ္ဘာ့စီးပွားရေးညီလာခံကို မရောက်ခင် ဒေါ်အောင်ဆန်းစုကြည်ဟာ မြန်မာ အလုပ်သမားတွေ အများ အပြားရှိတဲ့ ဘန်ကောက်မြို့အနီး မဟာချိုင် အရပ်ကို သွားရောက်ရာမှာ ထောင်နဲ့ ချီတဲ့ မြန်မာ တိုင်းရင်းသား လူမျိုးတွေရော ဒေါ်အောင်ဆန်းစုကြည်ကို လေးစားတဲ့ ထိုင်းလူမျိုးတွေပါ စုဝေးရောက်ခဲ့ကြပါတယ်။
“ဒေါ်အောင်ဆန်းစုကြည်ကို တွေ့ချင်လို့ ကျနော်တို့မှာ အလုပ်နားလို့ရှိရင် ၁၀ ရက်၊ ၁၅ ရက် ဖိုင်း (fine) တပ်ပါတယ်။ ဒါပေမယ့် ကျနော်တို့ ဂရု မစိုက်ပါဘူး။ အမေစုဆိုတာ တွေ့ရဖို့ ခဲယဉ်းပါတယ်။ တသက်မှာ တခါပဲ တွေ့ရပါတယ်။ သူများတွေ တွေ့ချင်လို့တောင် မတွေ့ရပါဘူး။ ကျနော်ဆိုရင် မနက် ၆ နာရီ ကတည်းက လာပါတယ်။ ထမင်းလည်းမစား-ဘာမှ မစားဘူး။ အမေစုကိုတွေ့ချင်တဲ့ စိတ်နဲ့။ အခု တွေ့ လိုက်ရတော့ စိတ်ထဲမှာ အရမ်းကို ပီတိဖြစ်ပါတယ်။”
“အရမ်းကိုချစ်တဲ့အတွက်ကြောင့် လာကြိုတာ- ဘာမှ မျှော်လင့်ချက်ထားပြီး လာကြိုတာတော့ မဟုတ်ပါ ဘူး။ အရမ်းကို ချစ်လွန်းလို့၊ အရမ်းကို တွေ့ချင်လွန်းလို့ အပင်ပန်း ခံပြီး လာကြိုတာပါ။ ဒီနေ့က အလုပ်မပိတ် ဘူး။ ဒါပေမယ့် သဌေးဆီမှာ ခွင့်တောင်းပြီးတော့ ကြိုးစားပမ်းစားနဲ့ လာကြိုရတာ၊ သူတို့လည်း အကုန်လုံး ကို ခွင့်မပေးနိုင်ဘူး။”
“မေမေ ဒေါ်အောင်ဆန်းစုကြည် အချုပ်ထဲမှာနေတာ ကြာပြီ။ ဘာမှ မသိဘဲနဲ့ - တိုင်းသူပြည်သား အားလုံး က ဒုက္ခရောက်နေတယ်။ ဘာဖြစ်လို့လဲ ဆိုတော့ - ထိုင်းနိုင်ငံမှာ အလုပ် လာလုပ်နေတယ်။ မေမေဘာမှ မသိဘူး။ ဒါကြောင့်မို့လို့ မေမေသိအောင် ဒီထိုင်းနိုင်ငံမှာ လာလို့ရှိရင် သမီး မေမေ့ကို ကြိုနေမှာပါ။”
ဒေါ်အောင်ဆန်းစုကြည်ကလည်း မြန်မာရွှေ့ပြောင်းအလုပ်သမားတွေကို အားပေးစကားပြောပြီး တိုင်းပြည် အခြေအနေ မြင့်တက်လာတာနဲ့ အမျှ မြန်မာနိုင်ငံသားတွေရဲ့ အခြေအနေ တန်ဖိုး မြင့်တက်လာစေရမယ် လို့ ပြောဆိုသွားပါတယ်။
“ကျမတို့ဟာ မျက်နှာငယ်စရာ၊ အားငယ်စရာ ဘာမှ မလိုဘူး။ အမြဲတမ်းပြောင်းလဲနေမှာပဲ။ အဲဒီတော့ ဒီတကြိမ်တခါမှာ ကျမတို့နိုင်ငံသားတွေက ဒီမှာလာပြီး လုပ်နေရတယ် ဆိုပေမယ့် ကျမတို့နိုင်ငံရဲ့ အခြေအနေတွေ ပြောင်းလာတာနဲ့အမျှ ကျမတို့နိုင်ငံသားတွေရဲ့ အခြေအနေနဲ့တန်ဖိုးကလည်း တက်လာမှာပဲဆိုတာကို သိကြပါ။”
ထိုင်းနိုင်ငံအတွင်း ဒေါ်အောင်ဆန်းစုကြည် သွားရောက်တဲ့ ခရီးစဉ်တွေမှာ ထိုင်းအာဏာပိုင်တွေက လုံခြုံရေး အပြည့် ယူထားပေးပါတယ်။ ဒေါ်အောင်ဆန်းစုကြည်ဟာ ဇွန်လ ၂ ရက်နေ့မှာတော့ မြန်မာ တိုင်းရင်းသား ဒုက္ခသည်တွေ ရှိနေတဲ့ မယ်လ ဒုက္ခသည်စခန်းကို သွားရောက်ဖို့ ရှိပါတယ်။ နယ်စပ်မှာရှိတဲ့ တိုင်းရင်းသားခေါင်းဆောင် အချို့ကိုလည်း တွေ့ဆုံဖို့ရှိသလို မဲဆောက်က ဒေါက်တာ စင်သီယာမောင်ရဲ့ မယ်တော်ဆေးခန်း ကိုလည်း သွားရောက် လေ့လာဖွယ် ရှိပါတယ်။
Ref: VOA News
ဒေါ်စုအတွက် AI အမြင့်ဆုံးလူ့အခွင့်အရေးဆုကို Bono ကိုယ်တိုင် ချီးမြှင့်မည်
ဗုဒ္ဓဟူး, 30 မေ 2012
Amnesty International လူ့အခွင့်အရေး အဖွဲ့ရဲ့ အမြင့်ဆုံး ဂုဏ်ပြုဆုကို နံမည်ကျော် အိုင်ယာလန် ရော့ခ် အဆိုတော် Bono ကိုယ်တိုင် ဒေါ်အောင်ဆန်းစုကြည်ကို ချီးမြှင့်ဖို့ ရှိနေပါတယ်။
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို AI ရဲ့ အမြင့်ဆုံး လူ့အခွင့်အရေး ဆုဖြစ်တဲ့ Ambassador of Conscience Award ယုံကြည်ချက် ဆိုင်ရာ ဂုဏ်ထူးဆောင် သံတမန်ဆုကို ၂၀၀၉ ခုနှစ် ကတည်းက ချီးမြှင့် ခဲ့တာပါ။ လာမယ့် ဇွန် ၁၈ ရက်နေ့ အိုင်ယာလန်နိုင်ငံ Dublin မြို့ကို ဒေါ်အောင် ဆန်းစုကြည် လာရောက်တဲ့ အခါမှာ ဒီဆုကို Bono ကနေ ချီးမြှင့်ပေးဖို့ ရှိပါတယ်။
Electric Burma လို့ အမည်ပေးထားတဲ့ အဲဒီ ဆုပေးပွဲ အခမ်းအနား မှာတော့ Bono ပါတဲ့ U2 တေးဂီတ အဖွဲ့အပြင် အခြား အနုပညာ ရှင်တွေရဲ့ ဖျော်ဖြေမှုတွေလည်း ပြုလုပ်မှာဖြစ်ပါတယ်။ ရော့ခ် အဆိုတော် Bono နဲ့ U2 တေးဂီတ အဖွဲ့ဟာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေး အတွက် ကမ္ဘာအနှံ့ သူတို့ပွဲစဉ်မှာ လှုံ့ဆော် စည်းရုံးခဲ့သူဖြစ်ပါတယ်။
အခုလာမယ့် ဇွန်လ ၁၈ ရက်နေ့ဟာ သူ့အတွက်တော့ ပထမဆုံး အကြိမ် ဒေါ်အောင်ဆန်းစုကြည်ကို တွေ့ ဆုံခွင့် ရမယ့် အရေးဖြစ်တယ်လို့ အဆိုတော် Bono က ပြောပါတယ်။
၂၄နှစ်တာ ကာလအတွင်း ပထမဆုံး အကြိမ် ဒေါ်အောင်ဆန်းစုကြည်ရဲ့ ဥရောပ ခရီးစဉ်အတွင်း မှာ နိုဗယ်ငြိမ်းချမ်းရေးဆု ချီးမြင့်ခဲ့တဲ့ နော်ဝေး၊ အင်္ဂလန် နဲ့အတူ အိုင်ယာလန်နိုင်ငံကိုပါ သွားရောက်မှာဖြစ်ပါတယ်။ အခု အိုင်ယာလန်မှာ လုပ်မယ့် Electric Burma ဂုဏ်ပြုဖျော်ဖြေပွဲ ကိုတော့ Amnesty International က ဦးဆောင် စီစဉ်ပြုလုပ်တာဖြစ်ပါတယ်။
Ref: VOA News
ထိုင်းရောက် မြန်မာအလုပ်သမားတွေနဲ့ ဒေါ်စု တွေ့ဆုံ အားပေး
ကိုကျော်ကျော်သိန်း
ဗုဒ္ဓဟူး, 30 မေ 2012
ထိုင်းနိုင်ငံမှာ အလုပ်လုပ်ကိုင်နေကြတဲ့ မြန်မာအလုပ်သမားတွေ ရင်ဆိုင်နေရတဲ့ အခက်အခဲနဲ့ ဘေး ဒုက္ခတွေကို ကူညီ ဖြေရှင်းပေးနိုင်ရေး တတ်နိုင်သမျှ ကြိုးစား သွားပါမယ်လို့ ဒေါ်အောင်ဆန်းစုကြည်က ကတိပေး ပြောဆို လိုက်ပါတယ်။ အလုပ်သမားတွေ အနေနဲ့ကလည်း ကိုယ့်ရဲ့ ဥပဒေကြောင်း အရ ရပိုင် ခွင့်တွေကို သိအောင် လုပ်ကြဖို့နဲ့ အခွင့်အရေးတွေကို ဘယ်လို ရအောင် ယူနိုင်တယ် ဆိုတာ သိအောင် လုပ်ကြဖို့လည်း တိုက်တွန်း အားပေးခဲ့ပါတယ်။ ထိုင်းနိုင်ငံဆီရောက်ပြီး နောက်တရက် မှာပဲ မြန်မာရွှေ့ပြောင်း အလုပ်သမား အရေးနဲ့ ပတ်သက်ပြီး ဒေါ်အောင်ဆန်းစုကြည်က အဲဒီလိုပြောခဲ့တာပါ။ အပြည့်အစုံ ကို ဒေါ်အောင်ဆန်းစုကြည် သွားရောက်ခဲ့တဲ့ မဟာချိုင်မြို့မှာ ကိုယ်တိုင် သတင်းသွားယူခဲ့တဲ့ ကိုကျော်ကျော်သိန်းက သတင်း ပေးပို့ထားပါတယ်။
အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်ဟာ ဘန်ကောက် မြို့တော်နဲ့ သိပ်မဝေးလှတဲ့ စမွတ် စခွန်ပြည်နယ်၊ မဟာချိုင်မြို့ဆီ မေလ ၃၀ ရက်၊ ဗုဒ္ဓဟူးနေ့ မနက်ပိုင်းက သွားရောက်ပြီး မြန်မာရွှေ့ပြောင်း အလုပ်သမားတွေရဲ့ အခြေအနေကို ကိုယ်တိုင်ကိုယ်ကျ သွားကြည့်ခဲ့၊ သူတို့ရဲ့ ပြဿနာ အခက်အခဲတွေကို နားထောင်ခဲ့တာပါ။
“ကျမတို့အနေနဲ့ ရောက်တုန်းပေါ့နော်- တတ်နိုင်သမျှ ရွှေ့ပြောင်း အလုပ်သမားတွေရဲ့ ရပိုင်ခွင့်တွေ၊ အခွင့် အရေးတွေကို ကာကွယ်စောင့်ရှောက်ဖို့ ဘယ်လို လုပ်ရမလဲ ဆိုတာလေ့လာပြီးတော့ ဒါတွေကို ဖြစ်မြောက်အောင်လို့ ကြိုးစားပါ့မယ်။”
အလုပ်သမားတွေ စုဝေးစောင့်ဆိုင်းနေတဲ့နေရာမှာ ဒေါ်အောင်ဆန်းစုကြည်က ပြောဆို ခဲ့တာပါ။
ဒေါ်အောင်ဆန်းစုကြည်ကို ထောင်နဲ့ချီတဲ့အလုပ်သမားတွေက အလုပ်အကိုင်တွေ ဖျက်ပြီးတော့ကို စိတ်လှုပ်ရှား တက်ကြွစွာနဲ့ စောင့်ဆိုင်း ကြိုဆို ခဲ့ကြပါတယ်။
ကိုယ့်နိုင်ငံမဟုတ်တဲ့ သူများနိုင်ငံမှာ လာပြီး အလုပ်လုပ်နေရတဲ့ အခါ ကိုယ့်ရဲ့ အလုပ်ကို ကျွမ်းကျင်ဖို့၊ ကိုယ့်ရဲ့ တာဝန်ကို သိဖို့ အရေးကြီးတယ်လို့ ဒေါ်အောင်ဆန်းစုကြည်က အလုပ်သမားတွေကို ပြောခဲ့ပါတယ်။
သူဟာ ရွှေ့ပြောင်းအလုပ်သမားကိုယ်စားပြု လူပုဂ္ဂိုလ်တွေ၊ ရွှေ့ပြောင်း အလုပ်သမား အရေး လုပ်ဆောင်နေ တဲ့ အဖွဲ့အစည်း တွေက လူပုဂ္ဂိုလ်တွေ၊ ထိုင်းနိုင်ငံ အလုပ်သမား အရေး တာဝန် ရှိသူတွေနဲ့ တွေ့ဆုံပြီး အလုပ်သမားတွေရဲ့ ပြဿနာတွေ၊ ရင်ဆိုင်နေရတဲ့ ဒုက္ခတွေကို ဆွေးနွေးခဲ့ပါတယ်။
ဆွေးနွေးပြီးတဲ့အခါမှာ ရွှေ့ပြောင်းအလုပ်သမားတွေရဲ့ပြဿနာ အားလုံးကို မသိနိုင်ပေမဲ့ တော်တော်များများ ကို သဘောပေါက် ပါတယ်လို့ ပြောပါတယ်။ အလုပ်သမားတွေ အနေနဲ့ ဥပဒေဘောင်ထဲက ကိုယ့်ရဲ့ ရပိုင်ခွင့်တွေကို သိအောင်ကြိုးစားကြဖို့နဲ့ ရပိုင်ခွင့်တွေ မရဘူးဆိုရင် ဥပဒေဘောင် အတွင်းကနေ ဘယ်လိုနည်းနဲ့ ဆောင်ရွက်ရမလဲ ဆိုတာကိုလည်း သိအောင်လုပ်ဖို့ လိုတယ်လို့ ဒေါ်အောင်ဆန်းစုကြည်က တိုက်တွန်းပြောဆိုခဲ့ပါတယ်။
သူ့အနေနဲ့လည်း အလုပ်သမားတွေရဲ့ အခက်အခဲတွေကို ကူညီဖြေရှင်းပေးနိုင်ရေး ကတိပေး ပြောဆိုခဲ့ ပါတယ်။
“ကျမအနေနဲ့ ကတိတွေ မပေးချင်ဘူး၊ ကတိတွေပေးပြီး မတည်ရင် မကောင်းဘူး။ အဲဒီတော့ ကျမ ကတိတခုပဲ ပေးနိုင်ပါတယ်။ ကျမ အတတ်နိုင်ဆုံး ကြိုးစားပေးပါ့မယ် လို့တော့ ကတိပေးပါတယ်။ ကျမတို့မြန်မာနိုင်ငံက ရွှေ့ပြောင်း အလုပ်သမားတွေ ကျန်းမာ၊ ချမ်းသာကြပါစေ၊ ဘေးအန္တရာယ်မှ ကင်းဝေးပါစေ၊ မြန်မာပြည်ကို အမြန်ဆုံးပြန်လာနိုင်ကြပါစေ။”
ဒေါ်အောင်ဆန်းစုကြည်ဟာ ဇွန်လအတွင်းမှာ အပြည်ပြည်ဆိုင်ရာ အလုပ်သမားအဖွဲ့ ILO မှာ မိန့်ခွန်း တခုပြောဖို့ရှိပြီး အဲဒီထဲမှာ မြန်မာရွှေ့ပြောင်း အလုပ်သမားတွေရဲ့ အရေး ကိစ္စကိုလည်း ထည့်သွင်းပြော ဆိုမယ်လို့ ခန့်မှန်းရပါတယ်။
အလုပ်ဆင်းရက်ဖြစ်ပေမဲ့ အလုပ်ဖျက်ပြီး ဒေါ်အောင်ဆန်းစုကြည်ကို လာကြိုဆိုပြီးတော့ သူ့ပြောစကားကို လာနားထောင်ကြတဲ့ မြန်မာရွှေ့ပြောင်း အလုပ်သမားနှစ်ဦး ကလည်း သူတို့ရဲ့ ခံစားချက်တွေ၊ မျှော်လင့်ချက်တွေနဲ့ အတွေးတွေကို ဗွီအိုအေကို အခုလို အသီးသီး ပြောပြခဲ့ကြပါတယ်။
“သမီးက အမေ့ကို လာကြိုတာ၊ ဘာဖြစ်လို့ရယ်လို့လည်း မဟုတ်ဘူး။ အရမ်းကို ချစ်တဲ့ အတွက်ကြောင့် လာကြိုတာ- ဘာမှ မျှော်လင့်ချက် ထားပြီး လာကြိုတာတော့ မဟုတ်ပါဘူး။ အရမ်းကို ချစ်လွန်းလို့၊ အရမ်းကို တွေ့ချင် လွန်းလို့ အပင်ပန်းခံပြီး လာကြိုတာပါ။ သမီးက အလုပ်မပိတ်ဘူး။ ဒါပေမယ့် သဌေးဆီမှာ ခွင့်တောင်းပြီးတော့ ကြိုးစား ပမ်းစားနဲ့ လာကြိုရတာ၊ သူတို့လည်း အကုန်လုံးကို ခွင့်မပေးနိုင်ဘူး။ အရမ်းကို ဝမ်းသာပါတယ်။ သူ ဘာလုပ်ပေးမယ်လို့ မျှော်လင့်ပြီး ဝမ်းသာတာတော့ မဟုတ်ပါဘူး။ သူ့ကိုတွေ့ရလို့ သူ့ကို ချစ်လွန်းလို့ကို ဝမ်းသာ မိတာပါ။ ငယ်ငယ်ကတည်းက သူ့ကို ချစ်ခဲ့တယ် ဆိုတော့-”
“အမေစုဆိုတာ တွေ့ရဖို့ ခဲယဉ်းပါတယ်။ တသက်မှာတခါပဲ တွေ့ရပါတယ်။ သူများတွေ တွေ့ချင်လို့တောင် မတွေ့ရပါဘူး။ အဲဒါကြောင့်- ကျနော်ဆိုရင် မနက် ၆ နာရီကတည်းက လာပါတယ်။ ထမင်းလည်းမစား၊ ဘာမှ မစားဘူး။ အမေစုကို တွေ့ချင်တဲ့ စိတ်နဲ့။ အခုတွေ့လိုက်ရတော့ အရမ်းကို ပီတိဖြစ်ပါတယ်။ ကမ္ဘာကတောင် အသိအမှတ်ပြုထားတဲ့ အမေစုကို ကျနော်တို့ အနေအထားနဲ့ ဒေါ်အောင်ဆန်းစုကြည်ကို ကျနော်တို့ အခက်အခဲတွေ သိအောင် ပြောပြဖို့ဆိုတာ ခဲယဉ်းပါတယ်။ အကိုတွေကနေတဆင့် သိအောင် ပြောပေးဖို့ ကျနော်တို့ကလည်း တိုက်တွန်း ချင်ပါတယ်။”
ဒေါ်အောင်ဆန်းစုကြည်ဟာ ရွှေ့ပြောင်းအလုပ်သမားအရေး ဆွေးနွေးဖို့ဆိုပြီး ထိုင်းအစိုးရ အဖွဲ့ ဒုတိယ ၀န်ကြီးချုပ် ချာလမ်မ် ယူဘမ်ရုန်န်းနဲ့ တွေ့ဆုံဖို့ ပန်ကြား ထားပြီးတော့ ထိုင်းနိုင်ငံခြားရေး ဌာနက တွေ့ဆုံပွဲအတွက် စီစဉ်နေပါတယ်။
မေလ ၂၉ ရက်ညပိုင်းက ဘန်ကောက်မြို့တော်ဆီ ရောက်လာခဲ့တဲ့ ဒေါ်အောင်ဆန်းစုကြည် ဟာ ရောက်ပြီးပြီးချင်း နောက်တနေ့ မှာပဲ မြန်မာရွှေ့ပြောင်း အလုပ်သမားတွေနဲ့ သွားရောက်တွေ့ဆုံ ခဲ့တာပါ။ ဒါဟာဖြင့် ၂၄ နှစ်အတွင်း သူ့ရဲ့ ပထမဆုံး ပြည်ပခရီးစဉ် အဖြစ် ထိုင်းနိုင်ငံဆီ လာရောက်ခဲ့တဲ့ အဓိက အကြောင်းရင်းတွေ ထဲက တခုဖြစ်မယ်လို့ ခန့်မှန်းရပါတယ်။ နောက် အဓိကဖြစ်ဖွယ် ရှိတဲ့ အကြောင်းရင်း တခုကတော့ မြန်မာ ဒုက္ခသည်တွေရဲ့ အရေးကိစ္စပါ။ သူဟာ ဇွန်လ ၂ ရက်၊ စနေနေ့မှာ ထိုင်း-မြန်မာ နယ်စပ်က မယ်လ ဒုက္ခသည် စခန်းဆီ သွားရောက်ဖို့ စီစဉ်ထားတယ်လို့ သိရပါတယ်ခင်ဗျား။
Ref: VOA News
အလုပ်သမားအရေး ငြိမ်းချမ်းစွာ ဖြေရှင်းဖို့ ၈၈-ခေါင်းဆောင်များ တိုက်တွန်း
2012-05-30
အခြေခံအလုပ်သမား အခွင့်အရေးတွေအတွက် ဆန္ဒပြတောင်းဆိုနေမှုတွေ အပေါ် အလုပ်ရှင်နဲ့ အလုပ်သမားတွေ အားလုံး အနေနဲ့ ငြိမ်းငြိမ်း ချမ်းချမ်းနဲ့ တိုင်ပင်ညှိနှိုင်း ဖြေရှင်းကြဖို့ ၈၈ မျိုးဆက် ကျောင်းသားခေါင်းဆောင်တွေက တိုက်တွန်း လိုက်ပါတယ်။
လှိုင်သာယာစက်မှုဇုန်က အလုပ်သမားဆန္ဒပြရာ နေရာတွေကို ဒီကနေ့ ၈၈ မျိုးဆက် ကျောင်းသားခေါင်းဆောင်တွေ သွားရောက်ပြီး တိုက်တွန်းခဲ့တဲ့ အကြောင်း ၈၈ မျိုးဆက်ကျောင်းသူ မမာမာဦးက အခုလိုပြောပါတယ်။
“ဒီနေ့ ကိုမင်းကိုနိုင် ကိုယ်တိုင် လှိုင်သာယာ စက်မှုဇုန်ကို ဆင်းလာတယ်။ ကိုယ်လိုချင်တဲ့ ဆန္ဒလေးကို ရအောင်လို့ ငြိမ်းငြိမ်းချမ်းချမ်း လုပ်ဖို့ရာအတွက် ပြောပါတယ်။ တဘက်က သူဌေးတွေ အနေနဲ့လည်း ဖိနှိပ်မှု မရှိအောင် နောက်ပြီးတော့ နှစ်ဦးနှစ်ဘက် ပြေလည်အောင် တိုင်ပင် ညှိနှိုင်းပြီး အဖြေရှာဖို့ရာအတွက် သူက အဓိကထားပြီး ပြောသွားတယ်။ အခုဟာက အလုပ်ရှင်တွေက ကလေးမလေးတွေကို ဆဲတာတို့၊ ကိုယ်ထိ လက်ရောက် လုပ်တာတို့ ရှိလာခဲ့ပြီလေ။ တနေ့က ဆိုလို့ရှိရင် ကျွန်မတို့ ဒီအထည်ချုပ် စက်ရုံ တစ်ရုံက ကလေးမလေးတွေကို ပါးရိုက်၊ နားရိုက်ဆိုတဲ့ ကိစ္စတွေ ရှိလာတယ်လေ။ အဲဒီဟာတွေ ဖြစ်လာတဲ့ အတွက် ကိုမင်းကိုနိုင်က အဲဒီ အကြောင်းမျိုးတွေ မဖြစ်စေချင်ဘူးပေါ့နော်။ အကြမ်းဖက်တဲ့ နည်းတွေကို မသုံးဖို့အတွက် လာပြီး ကလေးမလေးတွေကို မေတ္တာရပ်ခံတာ။ တကယ်လို့ အလုပ်ရှင် ဘက်က လုပ်ခဲ့သည် ရှိသော် ကိုယ့်ဘက်ကလည်း သည်းခံနိုင်ဖို့၊ ဇွဲရှိဖို့၊ စိတ်ရှည်ဖို့ ကိုယ်လိုချင်တဲ့ အဖြေကို အေးအေးဆေးဆေးနဲ့ ရနိုင်ဖို့ရာ အတွက်ပေါ့နော်၊ ပြောသွားတာပါ”
အခြေခံလုပ်ခလစာ တိုးမြင့်ရေး ဆန္ဒပြနေတဲ့ Hi-Mo Hi-Art ဆံပင်တု စက်ရုံမှာ ဆန္ဒပြသူတွေနဲ့ အလုပ်ရုံ တာဝန် ရှိသူတွေကြား ဒီကနေ့ ရုံးရင်း ဆန်ခတ်မှုတွေ ဖြစ်ပွားခဲ့တာနဲ့ ပတ်သက်ပြီး အခုလို တိုက်တွန်းခဲ့တာ ဖြစ်တယ်လို့ ဆိုပါတယ်။
လှိုင်သာယာ စက်မှုဇုန်က S-Square ဖိနပ်စက်ရုံ၊ မြန်မာဆန်နီ အထည်ချုပ်စက်ရုံနဲ့ Sunny အထည်ချုပ် စက်ရုံ တို့မှာလည်း အခြေခံအလုပ်သမား အခွင့်အရေးတွေ အတွက် ဒီကနေ့စပြီး ဆန္ဒပြနေကြတယ်လို့ သိရပါတယ်။
လှိုင်သာယာ စက်မှုဇုန်မှာ အခြေခံရပိုင်ခွင့်တွေအတွက် အလုပ်သမားတွေ ဆန္ဒပြတဲ့ စက်ရုံပေါင်း ၁၂ ရုံရှိနေပြီလို့ သိရပါတယ်။
Ref: RFA News
ဓာတ်ဆီလောင်း မီးရှို့ခံရသည့် အမျိုးသမီး သေဆုံး
ဇော်ဝင်း
May 30, 2012
ရန်ကုန်မြို့ကမာရွတ်မြို့နယ် တိုက်ခန်းတခန်းတွင် မေလ ၂၇ ရက်က ဓာတ်ဆီလောင်း မီးရှို့ခံရသူ အမျိုးသမီး တဦး ရန်ကုန်ဆေးရုံ ကြီး ၌ အတွင်းလူနာ အဖြစ် ကုသမှုခံယူစဉ် ယမန်နေ့က သေဆုံး သွားသည်။
“မီးလောင် ဒဏ်ရာက တော်တော်များတာ၊ ကျောက်ကပ်အထိ ထိသွားတယ်လို့ ပြောတယ်၊ ဒီနေ့ ၃ နာရီကျော်ကပဲ ဆုံးသွားပါတယ်”ဟု အိမ်နီးချင်း အမျိုးသား တဦးက မေလ ၂၉ ရက်နေ့ ညနေပိုင်းတွင် ပြောပြသည်။
၎င်းက“ဒဏ်ရာက တော်တော်များတယ်၊ မြင်မကောင်းအောင် ပါပဲ၊ အဲဒီနေ့ ည ၈ နာရီလောက်မှာ သတိ လစ်သွားသေးလို့ အဲဒီနေ့ကတည်းက သေပြီလို့တောင် ဆေးရုံ လိုက်ပို့ပေးကြတဲ့ လူတွေက ထင်ခဲ့သေးတယ်”ဟုလည်း ဆက်လက် ပြောဆိုသည်။
မေလ ၂၇ ရက်နေ့ ကမာရွတ်မြို့နယ် ၃ ရပ်ကွက် လှည်းတန်း ၇ လမ်း အမှတ် ၂၈၊ ဒုတိယထပ် (သုံးလွှာ) တွင် ညီမဖြစ်သူနှင့် အတူ နေထိုင်သော မအေးမြတ်မွန် အသက် ၂၆ နှစ်သည် နေအိမ် တိုက်ခန်း အတွင်းတွင် အမျိုးသား တဦးနှင့် စကားများ ရန်ဖြစ်ပြီး နောက် ဓာတ်ဆီ လောင်းမီးရှို့ခံရမှု ညနေ ၆ နာရီ ခန့်တွင် ဖြစ်ပွားခဲ့ခြင်း ဖြစ်သည်။
“မီးရှို့တဲ့ အမျိုးသားက သူ့ ရည်းစားလို့ ထင်တာပဲ၊ မကြာခဏ ဒီတိုက်ခန်းကို လာလည်တာ တွေ့ရတယ်၊ ညဘက်ဆို ပြန်ပြန်သွားတယ်၊ အခု သမီးရည်းစားချင်း ရန်ဖြစ်ရာကနေ လက်လွန်ခြေလွန် လုပ်တာပါ”ဟု သေဆုံးသူ၏ အိမ်နီးချင်း အမျိုးသမီး တဦးကပြောသည်။
အခင်း ဖြစ်ပွားသည့် နေ့တွင် အမျိုးသား ဖြစ်သူက တံခါးဖွင့်ခိုင်းခဲ့ပြီး မဖွင့်ပေးပါက အခန်းအား ဓာတ်ဆီလောင်း မီးရှို့မည်ဟု ခြိမ်း ခြောက်ပြောဆို ခဲ့သဖြင့် မအေးမြတ်မွန်က တံခါး ဖွင့်ပေးခဲ့ကြောင်း၊ အခန်းတွင်းတွင် ထပ်မံ စကားများ ရန်ဖြစ်ရာမှ အမျိုးသားဖြစ်သူ က ရေသန့်ဘူးနှင့် ယူဆောင်လာသည့် ဓာတ်ဆီဖြင့် ပက်ကာ မီးရှို့ခြင်း ဖြစ်သည်ဟု အသက် ၂၄ နှစ်ခန့်ရှိ ညီမဖြစ်သူကပြောပြ ကြောင်း လည်း အထက်ပါ အိမ်နီးချင်း အမျိုးသမီးက ဆိုသည်။
“သူ့ ညီမလည်း ခြေထောက်မှာ မီးလောင်ဒဏ်ရာ ရသွားတယ်၊ တံခါးမှာလည်း မီးတွေလောင်နေတော့ သူ့ညီမက ၀ရန်တာ ကနေ တဘက်ခန်းကိုကျော် ထွက်ပြေး လာပြီး ပတ်ဝန်းကျင်ကို အကူအညီတောင်းမှ လမ်းထဲက လူတွေက သိရတာပါ”ဟု ၎င်းကပြော သည်။
ထို့နောက် အခန်းမှ မီးခိုးများ ထွက်လာသည်ကို အိမ်နီးချင်းများက တွေ့ရှိပြီးနောက် အခန်းတံခါးကို ဖျက်ဝင်၍ မီးငြိမ်းသတ်ပြီး အမျိုးသမီးကို ကယ်ထုတ်ခဲ့ရသည်ဟု ဆိုသည်။
“မိန်းကလေးက ရေချိုးခန်းထဲဝင်ပြီး ကိုယ်ပေါ်မှာလောင်နေတဲ့မီးကို ငြှိမ်းဖို့ ကြိုးစား ခဲ့ပါသေးတယ်၊ ဒါပေမယ့် ရသွားတဲ့ ဒဏ်ရာတွေက မနည်းပါဘူး၊ တစ်ကိုယ်လုံးပါပဲ၊ လမ်းသူ လမ်းသားတွေက သူ့ကို စောင်နဲ့ ပတ်ပြီး ခေါ်ထုတ် လာရတယ်”ဟု အိမ်နီးချင်းရှိ မုန့်အရောင်းဆိုင်မှ အမျိုးသမီးတဦးက ပြောပြသည်။
သေဆုံးသူ အမျိုးသမီးသည် ပဲခူးတိုင်း မင်းလမြိှု့ ဇာတိဖြစ်ပြီး ရန်ကုန်မြို့ ပါရမီ ဆေးခန်းတွင် အလုပ် လုပ်နေသော ဆရာဝန် တဦး ဖြစ်ကြောင်းလည်း မုန့်အရောင်းဆိုင်မှ အမျိုးသမီးက ဆိုသည်။
“လမ်းသူလမ်းသားတွေ တက်ပြီး မီးငြှိမ်းတော့ မီးရှီု့တဲ့သူကို ၀ရန်တာမှာ တွေ့လို့ ၀ိုင်းဖမ်းပြီး ရဲ လက် အပ်လိုက်ပါတယ်၊ ရဲတွေကော မီးသတ်ကားတွေကော မီးငြှိမ်းပြီးမှ ရောက်လာတာပါ”ဟု ၎င်းက ပြောသည်။
မီးရှို့၍ဖမ်းဆီးခံရသော အမျိုးသားမှာ ရန်ကုန်မြို့ စမ်းချောင်းမြို့နယ် လင်းလွန်းတောင် ရပ်ကွက် သရ၀ဏ်၂ လမ်း အမှတ်၂၄ တွင် နေထိုင်သူ အသက် ၂၅ နှစ်ခန့်ရှိ ကိုလွင်ဦး ဆိုသူ နိုင်ငံခြား သင်္ဘောသား တဦးဖြစ်ပြီး မကြာသေးခင်က နိုင်ငံခြားမှ ပြန်ရောက် လာ သူ ဖြစ်သည်။
ထို ကိုလွင်ဦး ဆိုသူအား နေအိမ်မီးရှို့မှု၊ အပြင်းအထန် ထိခိုက် နာကျင်စေမှု တို့ဖြင့် ကမာရွတ် ရဲစခန်းက (ပ)၂၃၀/၂၀၁၂ ပုဒ်မ ၄၃၀/၃၂၀ ဖြင့် အမှုဖွင့် စစ်ဆေးလျက်ရှိကြောင်း သိရသည်။
Ref: ဧရာဝတီ
Wednesday, May 30, 2012
ဒေါ်စု အာရှအမျိုးသမီးများ အကြောင်း ဟောပြောမည်
ဟင်္သာနီ (မွန်မြေ)
အင်္ဂါနေ့၊ မေလ ၂၉ ရက် ၂၀၁၂
စံခလပူရီ (မဇ္ဈိမ) ။ ။ ထိုင်းနိုင်ငံက အိမ်ရှင်အဖြစ် လက်ခံကျင်းပသည့် ကမ္ဘာ့ စီးပွားရေး ဖိုရမ် WEF သို့ မြန်မာ့ အတိုက်အခံ ပါတီခေါင်းဆောင် ဒေါ်အောင်ဆန်းစုကြည်မှ "Asian Women as the Way Forward” ဟူသည့်
ခေါင်းစဉ်ဖြင့် သောကြာနေ့တွင် မိန့်ခွန်း ပြောကြားရန် ရှိကြောင်း WEF ကျင်းပရေး၏ Senior Director နှင့် Head of Asia ဖြစ်သူ Mr.Sushant Palakurthi Rao ၏ အဆိုအား ကိုးကား၍ ထိုင်းနိုင်ငံထုတ် Bangkok Post သတင်းစာ၌ ဖော်ပြ ပါရှိပါသည်။
အဆိုပါ အစည်းအဝေးသို့ တက်ရောက်လာမည့် မြန်မာ့ အတိုက်အခံ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အား Women’s Network Reshaping Thailand (WREST) မှ ဂုဏ်ပြုတွေ့ဆုံရန် ရှိကြောင်း အဆိုပါ အဖွဲ့၏ Coordinator တဦးဖြစ်သူ Dr. Suthada Mekrungruangkul က တနင်္လာနေ့က အတည်ပြု ပြောကြားသွားသည်။
“ကြားဖြတ် ရွေးကောက်ပွဲတုန်းက မဲအပြတ်အသတ်နဲ့ အနိုင်ရရှိခဲ့တဲ့ NLD ပါတီ ခေါင်းဆောင်၊ မြန်မာ့ ဒီမိုကရေစီ ဗီးနပ်ဗ် ဒေါ်အောင်ဆန်းစုကြည်ကို ဂုဏ်ပြုတွေ့ဆုံဖို့ မျှော်လင့်ပါတယ်” ဟု Dr. Suthada Mekrungruangkul က ပြောကြားသွားသည်။
WEF အစည်းအဝေးကို မေလ ၃၀ ရက်နေ့မှ စတင်၍ ဇွန်လ ၁ ရက်နေ့ အထိ ထိုင်းနိုင်ငံရှိ Shangri-La ဟိုတယ်၌ ပြုလုပ်မည် ဖြစ်သည်။
အဆိုပါ အစည်းအဝေး ကျင်းပရက် မေလ ၃ဝ ဗုဒ္ဓဟူးနေ့ စတင်၍ ဇွန်လ ၁ဝ ရက်နေ့ အထိ People’s Alliance for Democracy ပါတီ (ရှပ်ဝါ) အဖွဲ့မှ လွှတ်တော် အဆောက်အဦး ဆီသို့ ချီတက် ဆန္ဒပြရန် ရှိသော်လည်း ထိုင်း အာဏာပိုင်များမှ ဖိုရမ် အစည်းအဝေးအား ချောမွေ့စွာ ကျင်းပနိုင်လိမ့်မည်ဟု မျှော်လင့်ထားကြသည်။
Shangri-La ဟိုတယ် လမ်းမတလျှောက်ရှိ ရုံးများနှင့် ကျောင်းများလည်း WEF အစည်းအဝေး ကျင်းပနေစဉ် အတွင်း ပုံမှန် ဖွင့်လှစ်မည် ဖြစ်သည်။
Ref: မဇ္ဈိမ
ဒေါ်စုကို မြန်မာရွှေ့ပြောင်းအလုပ်သမားတွေ ဝမ်းပမ်းတသာ ကြိုဆို
ကိုသားညွန့်ဦး
အင်္ဂါ, 29 မေ 2012
ထိုင်းနို်င်ငံကိုရောက်နေတဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်ဟာ အခု မနက်ပိုင်း မြန်မာ အလုပ်သမားတွေ အများစု အလုပ် လုပ်ကိုင်နေတဲ့ မဟာချိုင်ဒေသကို သွားရောက် မှာဖြစ်ပါတယ်။ မြန်မာ့ စီးပွားရေးကိုပါ အထောက်အပံ့ဖြစ်စေတဲ့ ဒီ အလုပ်သမားတွေရဲ့ အတွေ့အကြုံ၊ နေ ထိုင်မှု ဘ၀ တွေကို မျက်မြင်တွေ့လိုတာကြောင့် သူတို့ရဲ့ အလုပ်ခွင်ထဲ အထိ ဒေါ်အောင်ဆန်းစုကြည် သွားရောက် ကြည့်ရှုမှာဖြစ်တယ်လို့ အလုပ်သမားရေး လှုပ်ရှားသူတွေက ပြောပါတယ်။ ကိုသားညွန့်ဦးက ဒီအကြောင်း ဆက်ပြီး တင်ပြပေးထားပါတယ်။
မနေ့ညပိုင်း ဒေါ်အောင်ဆန်းစုကြည် ထိုင်းနိုင်ငံ၊ ဘန်ကောက်မြို့က သုဝဏ္ဏဘုမိ နိုင်ငံတကာလေဆိပ်ကို ဆိုက်ရောက် ချိန်မှာတော့ ထိုင်းအထူး ရဲတပ်ဖွဲ့နဲ့ ထိုင်းအာဏာပိုင်တွေက တင်းတင်းကြပ်ကြပ် လုံခြုံရေး ယူပေး ထားပါတယ်။ လေဆိပ် အထွက်မှာတော့ ဒေါ်အောင်ဆန်းစုကြည်ကို ထိုင်းရောက် မြန်မာ တွေရော ထိုင်းလူမျိုးတွေရော စိတ်လှုပ်ရှားတကြီး ကြိုဆိုခဲ့ကြပါတယ်။
အလုပ်သမတဦး။ ။ “အရမ်းလည်းဝမ်းသာမိတယ်၊ ဂုဏ်ယူတယ်၊ ကျေနပ်တယ်၊ စိတ်ထဲ အရမ်း လှုပ်ရှားတယ်။ ဘယ်အချိန် လာမလဲ၊ နာရီကို ခဏခဏလည်း ကြည့်တယ်။ ထိုင်းနိုင်ငံမှာရောက်ရှိလာ တဲ့ မြန်မာ အလုပ်သမားတွေ အတွက် မြန်မာနိုင်ငံက အလုပ်သမားတွေပေါ့နော်- တရားမျှတမှု ရှိအောင်- ထိုင်းအစိုးရတွေကို ပြေပြေလည်လည်ဖြစ်အောင် လုပ်ပေးပါလို့ ပြောချင်တယ်။”
အလုပ်သမားတဦး။ ။ “ကျနော့်ရင်ထဲမှာ အတိုင်းအဆမရှိအောင် ပျော်ပါတယ်ခင်ဗျ။ ဒီနေ့ က ဒေါ်အောင်ဆန်းစုကြည်နဲ့တွေ့ဖို့ ဆိုပြီး ကျနော်လာတာ။ ၈ နာရီလောက် ကတည်းက ဒီကိုရောက်နေ တာ။ ဒီနေ့ကတော့ ကျနော့်ဘဝမှာ အပျော်ဆုံးနေ့လို့ ပြောလို့ရပါတယ်။”
ဒေါ်အောင်ဆန်းစုကြည်ကိုတွေ့ဖို့ စိတ်လှုပ်ရှားတကြီး စောင့်နေတဲ့ထဲမှာ ထိုင်းလူမျိုးတွေလည်း အတော်များများ ပါဝင်ပါတယ်။ ဒေါ်အောင်ဆန်းစုကြည်ရဲ့ ပြည်ပ ခရီးစဉ်ဟာ ထိုင်းနိုင်ငံကို အရင်ဆုံးရောက်လာတဲ့ အပေါ် သူတို့က အင်မတန်ကို ၀မ်းသာ ခဲ့ကြပါတယ်။
“ကျမ အရမ်းကို စိတ်လှုပ်ရှားရပါတယ်။ ပြီးခဲ့တဲ့ သတင်းကြားရတုန်းက သူ နော်ဝေး သွားမယ်လို့ သိရ တာပါ။ ပထမဆုံး ပြည်ပ ခရီးစဉ်က နော်ဝေး သွားမယ်လို့ ဟိုတုန်း ကတည်းက သူမကလည်း ပြောခဲ့တာပါ။ အခုတော့ မဟုတ်ဘူး. ဒီကို ပထမဆုံးရောက်လာပြီလေ။ အခုဆို မြန်မာပြည်ပ ခရီးစဉ်က ပထမဆုံး ထိုင်းနိုင်ငံဖြစ်တယ်လေ- ၀မ်းသာလွန်းလို့ ကျမ ပြောစရာ စကားတောင် မရှိပါဘူး။”
ဒေါ်အောင်ဆန်းစုကြည်ဟာ မြန်မာပြည်အတွက်တင်မက အခြားကမ္ဘာ အသီးအသီးက အမျိုးသမီးတွေ အတွက်ပါ စိတ်ခွန်အားဖြစ်စေတယ်လို့ အဲဒီ ထိုင်း အမျိုးသမီးက ပြောပါတယ်။
ဒေါ်အောင်ဆန်းစုကြည်ဟာ ဒီကနေ မနက်ပိုင်း ၈ နာရီခွဲမှာတော့ ဘန်ကောက်အနီးက မြန်မာအလုပ် သမားတွေ အများဆုံး အလုပ်လုပ်ကိုင်နေတဲ့ မဟာချိုင် ဒေသကို သွားမှာပါ။ ရေလုပ်ငန်းတွေ ရှိတဲ့ မဟာ ချိုင်ဒေသမှာတော့ ဒေါ်အောင်ဆန်းစုကြည် လာရောက်မယ်ဆိုတဲ့ အတွက် မြန်မာ အလုပ်သမားတွေလည်း စိတ်လှုပ်ရှားတကြီး ပြင်ဆင် စောင့်ဆိုင်းနေပါတယ်။
“သူနဲ့တွေ့ချင်တာက - အခု ကျနော်တို့အလုပ်သမားတွေ ခံစားနေရတဲ့ ပြဿနာ၊ ဖြစ်ပျက်နေရတဲ့ အတွေ့ အကြုံတွေကို အကုန်လုံး သိသွားအောင် - ထိုင်းအစိုးရရော၊ ဗမာ အစိုးရရော အကုန်လုံး သိသွားအောင် ပြောပြစေချင်တယ်။”
အလုပ်သမားရေးလှုပ်ရှားသူ Andy Hall ကတော့ ဒေါ်အောင်ဆန်းစုကြည်ဟာ ဒီအလုပ်သမားတွေရဲ့ တန်ဘိုးကို သဘောပေါက် နားလည်တာကြောင့် အခုလို အရေးတယူ လာရောက်တာဖြစ်တယ် လို့ ပြောပါတယ်။
“ဒီ ရွှေ့ပြောင်းအလုပ်သမားတွေဟာ မြန်မာစီးပွားရေးအတွက် အတော်လေး အထောက်ကူဖြစ်စေတယ် လို့ ဒေါ်အောင်ဆန်းစုကြည်က ယူဆမယ်လို့ ထင် တာ။ ရွှေ့ပြောင်းအလုပ်သမားအရေအတွက်က လူဦးရေ ရဲ့ ၁၀ % ရှိပါတယ်။ စီးပွားရေးကြောင့်ဖြစ်စေ၊ ပဋိ့ပက္ခတွေကြောင့်ဖြစ်စေ အကြောင်းအမျိုးမျှိုးနဲ့ ပြည်ပ ရောက်နေတဲ့ ရွှေ့ပြောင်းအလုပ်သမားဦးရေ ၅ သန်း - ၆ သန်းလောက်ဟာ အရေးပါတဲ့ အင်အားစုဖြစ်ပါတယ်။ သူတို့ဟာ သူတို့ မိသားစုတွေကို ထောက်ပံ့နိုင်ဖို့ ပြည်ပထွက်ပြီး အလုပ် လုပ်ကိုင်နေကြရတာပါ။ ဒီလူတွေ တိုင်းပြည်အတွက် ဆောင်ရွက်နေတာတွေကို အသိအမှတ်ပြုလိုတယ်၊ သူတို့နဲ့ တွေ့ချင်တယ်လို့ ဒေါ်အောင်ဆန်းစုကြည်က ပြောပါတယ်။ ဒါကြောင့် လည်း ဒေါ်အောင်ဆန်းစုကြည်ဟာ ဒီခရီးစဉ်ရဲ့ အဓိက ရည်မှန်းချက်အနေနဲ့ ထိုင်းနိုင်ငံတွင်း က ရွှေ့ပြောင်း အလုပ်သမားတွေနဲ့ တွေ့ဆုံပြီး၊ သူတို့ရဲ့ အတွေ့အကြုံတွေ သူတို့ဘ၀တွေကို မြင်တွေ သိရှိလိုတာပါ။”
ဒေါ်အောင်ဆန်းစုကြည်ဟာ မနက်ပိုင်း ၉ နာရီကျော်မှာ မဟာချိုင်မှာရှိတဲ့ ပုစွန်ဈေးကို ရောက်မယ်လို့ သိရပါတယ်။ အဲဒီကနေ မြန်မာ အလုပ်သမားတွေနဲ့ တွေ့ဆုံဖို့ ရှိသလို စက်ရုံတခုမှာ နေ့လည်စာ စားမယ်လို့ သိရပါတယ်။ မွန်းလွဲပိုင်းမှာတော့ ထိုင်းနိုင်ငံခြားရေး ၀န်ကြီးနဲ့ တွေ့ဆုံမယ်လို့ မျှော်လင့်ရပါတယ်။ ဒေါ်အောင်ဆန်းစုကြည်ဟာ ဘန်ကောက်မှာပြုလုပ်တဲ့ ၂၀၁၂ ခုနှစ်၊ World Economic Forum on East Asia အရှေ့အာရှ ကမ္ဘာ့စီးပွားရေး ညီလာခံကို တတ်ရောက်ဖို့ ထိုင်းနိုင်ငံကို ရောက်ရှိလာတာဖြစ်ပြီး ဇွန်လ တစ်ရက်နေ့မှာ အဲဒီ ညီလာခံမှာ မိန့်ခွန်းပေးဖို့ ရှိပါတယ်။ ဒီနောက်ပိုင်းမှာ ထိုင်းမြန်မာ နယ်စပ်ရှိ ဒုက္ခသည် စခန်း တခုကိုလည်း သွားရောက်ဖို့ စီစဉ် ထားပါတယ်။
Ref: VOA News
ပါဖောမန့်ပြသူ အနုပညာရှင်များ တရားစွဲခံရ
မန်းသားလေး
May 29, 2012
မန္တလေးကျုံး မြောက်ဘက်ထောင့်တွင် ပါဖောမန့်စ် (Performance) ပြခဲ့သည့် အနုပညာရှင် ၇ ဦးအား ယနေ့ တရားစွဲကာ ၃၁ ရက်နေ့တွင် ရုံးတင် စစ်ဆေးမည် ဖြစ်ကြောင်း သိရသည်။
မေ ၂၄ ရက်နေ့က မြန်မာအနုပညာရှင် ၇ ဦးနှင့် နိုင်ငံခြား အနုပညာရှင် ၅ ဦးတို့ ပူးပေါင်း၍ “ခံစားချက် ကိုယ်စီ” အမည်ရှိ ပါဖောမန့်ကို မန္တလေးကျုံး မြောက်ဘက်ထောင့်တွင် ပြသခဲ့သဖြင့် မြန်မာ ၇ ဦးအား အထူးနှင့် အထွေထွေ ဥပဒေ ပုဒ်မ ၁၁၊ ၁၉၆၄ ခုနှစ် စာကြည့်တိုက်၊ ပြတိုက်နှင့် ပြပွဲများ ကြီးကြပ်အုပ်ချုပ်ရေး ဥပဒေ ပုဒ်မ ၁၁ တို့ဖြင့် မန္တလေး အမှတ် ၂ ရဲစခန်းက တရားစွဲဆိုလိုက်ခြင်း ဖြစ်သည်။
ယင်းဥပဒေမှာ ပြစ်ဒဏ်ထင်ရှားလျှင် ထောင်ဒဏ် ၃ နှစ်သော်လည်ကောင်း၊ ငွေဒဏ် ကျပ် ၂ ထောင်သော် လည်ကောင်း၊ ဒဏ်နှစ်ရပ်စလုံး ကိုသော်လည်ကောင်း ကျခံရမည် ဖြစ်သည်။
ပြပွဲတွင် ပါဝင်သည့် မလေးရှားနိုင်ငံသား ၄ ဦးနှင့် ဂျာမနီ နိုင်ငံသား ၁ ဦး တို့ကိုလည်း မေ ၂၅ ရက်နေ့က ပြည်နှင်ဒဏ် ပေးခဲ့ကြောင်း၊ တရားစွဲဆို ခံရသည့် မြန်မာနိုင်ငံ အနုပညာရှင်များမှာ စူးမြင့်သိန်း၊ မောင်နီဦး၊ မိုးစက်၊ အောင်မြတ်ဌေး၊ လွင်ဦးမောင်၊ မအိနှင့် မငယ်လေးတို့ ဖြစ်ကြကြောင်း သိရသည်။
နှစ်နိုင်ငံ အနုပညာဖလှယ်ပြပွဲအဖြစ် ပထမဆုံး မလေးရှားနိုင်ငံ ကွာလမ်လပူမြို့ရှိ စူတန်လမ်းမကြီး ပလက်ဖောင်းတွင် ပါဖောင့်မန့် ၅ ရက်ပြသ ခဲ့ပြီးမှ မန္တလေးမြို့ ကျုံးမြောက်ဘက်ထောင့်တွင် ပြသခဲ့ခြင်းဖြစ်ကာ တာဝန်ရှိသူများ၏ ရပ်ဆိုင်းခြင်းကို ခံခဲ့ရကြောင်း မန္တလေး အနုပညာ အသိုင်းအဝန်းက ဆိုသည်။
အနုပညာရှင် ၁၁ ဦး ပါဖောမန့် ပြသည့်အချိန်သည် မန္တလေးမြို့တွင် လျှပ်စစ်မီး မရရှိသဖြင့် ဖယောင်းတိုင် မီးကိုင် ဆန္ဒပြသည့် အချိန်နှင့် တိုက်ဆိုင်လျှက် ရှိသော်လည်း အနုပညာရှင်များမှာ အနုပညာ သက်သက်ကိုသာ ပြသခဲ့ခြင်း ဖြစ်ကြောင်း၊ ပြပွဲပြသချိန် ၄၅ မိနစ် အကြာတွင် ပြသနေမှုကို ရဲစခန်းက လာရောက် ဟန့်တားကာ ရပ်ခိုင်းခဲ့ပြီး ပါဝင်သူများကို ရဲစခန်းသို့ ခေါ်ဆောင် သွားခဲ့ကြောင်း၊ လက်ရှိတွင် မြန်မာ အနုပညာရှင် ၇ ဦးမှာ အာမခံနှင့် နေထိုင်ခွင့် ရထားကြောင်း ပြပွဲတွင် ပါဝင်သူ အနုပညာရှင် စူးမြင့်သိန်းက ဧရာဝတီကို ပြောသည်။
“ကျနော်တို့က အနုပညာဘဲ ပြတာပါ။ ဆန္ဒပြတာ တခုမှမလုပ်ပါဘူး။ ပါဖောမန့် ဆိုကတည်းက ပြည်သူတွေနဲ့ နီးစပ်တဲ့ လမ်းဘေး ပလက်ဖောင်းတွေ၊ ဈေးတွေနဲ့ မီးပွိုင့်တွေမှာ ပြရတာ၊ အဲဒါမှ အရသာရှိတာ။ အခုဟာက အနုပညာပြကွက်ပဲ၊ ကျနော်တို့မှာ ဘာအပြစ်မှ မရှိဘူးလို့ ထင်ပါတယ်” ဟု သူက ရှင်းပြသည်။
ပြပွဲ ပြသသည့်နေ့က အနုပညာရှင်များအား ရဲစခန်းသို့ ခေါ်ဆောင် သွားခဲ့သော်လည်း ခရိုင်လူကြီးများက ခံဝန်ကတိ လက်မှတ် ထိုးခိုင်းကာ ပြန်လွှတ် ပေးခဲ့ကြောင်း၊ သို့သော် ယနေ့တွင် မြို့နယ်က တရားစွဲသည်ဟု ဆိုကြောင်း၊ နေပြည်တော်မှ ညွှန်ကြားသဖြင့် တရားစွဲသည်ဟု သိရကြောင်း အနုပညာရှင် တဦးဖြစ်သည့် မောင်နီဦးက ပြောသည်။
“အခု ဥပဒေပုဒ်မက နှစ် ၃၀ အတွင်း တခါမှ မကြားဖူးဘူး။ ညွှန်ကြားချက်ကြောင့် တရားစွဲဖို့ ဥပဒေကို ညတွင်းချင်း စာအုပ်လှန် ရှာရတယ်လို့ ဒုရဲအုပ်တစ်ယောက်က ပြောပြတယ်။ အဲဒီဥပဒေ ရှာရတဲ့ ဒုရဲအုပ်ဆို တညလုံး မအိပ်ရဘူးတဲ့” ဟု သူက ဆိုသည်။
ဒီမိုကရေစီခေတ်တွင် အနုပညာပြသမှုကြောင့် နိုင်ငံခြားသားများအား ပြည်နှင်ဒဏ် ပေးသည်မှာ မြန်မာနိုင်ငံ တနိုင်ငံသာ ရှိသည်ဟု နိုင်ငံခြားသား အနုပညာရှင် တဦးက ပြောဆိုသွားကြောင်း သိရသည်။
နအဖ စစ်အစိုး ရလက်ထက်က ပါဖောင့်မန့် ပြသခဲ့ကြသော်လည်း ယခုကဲ့သို့ တရားစွဲဆို ခံရခြင်းမျိုး မရှိကြောင်း၊ လက်ရှိ သမ္မတ ဦးသိန်းစိန် အစိုးရ လက်ထက် ရောက်မှ ပထမဆုံး ပြသသည့် ပါဖောမန့် အနုပညာပွဲတွင် ယခုကဲ့သို့ အရေးယူ ခံရသည်ကို များစွာ အံ့သြမိကြောင်း မန္တလေး အနုပညာရှင် အသိုင်းအဝန်းက ဝေဖန် နေကြသည်။
“အစိုးရက အနုပညာရှင်တွေကို ထိန်းချုပ်တည့်မတ်တာမဟုတ်ဘဲ အရေးယူဖို့ပဲ စဉ်းစားနေလားလို့ တွေးမိတယ်။ ပါဖောမန့် လုပ်တဲ့ သူတွေကို အရေးယူမယ် ဆိုရင် ကျုံးဘေးမှာ အုပ်စုလိုက် ကိုယ်ကာယ အလှ လေ့ကျင့်နေတဲ့ တရုတ်မတွေ ကိုကော ဘာလို့ တရား မစွဲတာလဲ၊ ဒါပဲ ပါဖောမန့် တမျိုးပဲလေ” ဟု ပါဖောမန့် ပြသရာတွင် ပါဝင်ခဲ့သူ အနုပညာရှင် မိုးစက်က ပြောသည်။
Ref: ဧရာဝတီ
စီးပွါးရေး ဆိုက်ရောက်ဗီဇာစနစ် သောကြာနေ့တွင် စတင်မည်
အင်္ဂါနေ့၊ မေလ ၂၉ ရက် ၂၀၁၂
မဇ္ဈိမသတင်းဌာန ။ ။ မြန်မာနိုင်ငံသို့ လာရောက်လိုကြသော စီးပွါးရေးသမားများ လွယ်ကူ ချောမွေ့စေရေး အတွက် ကန့်သတ်ချက်များ ရှိသော ဆိုက်ရောက်ဗီဇာ စနစ်ကို သောကြာနေ့တွင် စတင်တော့မည်ဟု လူဝင်မှု ကြီးကြပ်ရေး ဌာနမှ အရာရှိများက ပြောသည်။
မူလက ထိုဆိုက်ရောက်ဗီဇာ အစီအစဉ်၌ သာမန် ကမ္ဘာလှည့် ခရီးသွားများပါ အကျုံး ဝင်လိမ့်မည်ဟု ထင်မြင် ခဲ့ကြသော် လည်း အကျုံး မဝင်ကြောင်း လူဝင်မှု ကြီးကြပ်ရေးဌာန ညွှန်ကြားရေးမှူးချုပ် ဦးမောင်မောင်သန်းက အေပီ သတင်းဌာန သို့ တနင်္လာနေ့က ပြောကြားခဲ့သည်။
ရက်ပေါင်း ၇၀ ခွင့်ပြုမည့် ဆိုက်ရောက်ဗီဇာကြေးမှာ ဒေါ်လာ ၅၀ ခန့် ဖြစ်ပြီး အာဆီယံ အဖွဲ့ဝင်နိုင်ငံများ၊ သြစတြေးလျ၊ ဗြိတိန်၊ တရုတ်၊ ဂျပန်၊ အမေရိကန် စသည့် ၂၇ နိုင်ငံမှ စီးပွါးရေးသမားများ အကျုံးဝင် လိမ့်မည်ဟု ဦးမောင်မောင်သန်းက ပြောသည်။
ယခင်က ဆိုက်ရောက်ဗီဇာ စနစ်ကို ၂၀၁၀ ခုနှစ်တွင် စတင် ကျင့်သုံးခဲ့ ဖူးသော်လည်း ထိုနှစ် အထွေထွေရွေးကောက်ပွဲ မတိုင်မီတွင် ရပ်ဆိုင်း ခဲ့သည်။
ဆိုက်ရောက်ဗီဇာများအား ရန်ကုန် အပြည်ပြည်ဆိုင်ရာ လေဆိပ်တွင် ထုတ်ပေးမည် ဖြစ်ပြီး နောက်ပိုင်းတွင်မူ မန္တလေး နှင့် နေပြည်တော် တို့တွင်လည်း ထုတ်ပေးသွားမည်ဟု သိရသည်။
ယခုအပတ်အတွင်း မြန်မာနိုင်ငံ၏ အပြည်ပြည်ဆိုင်ရာ လေဆိပ် လေးခုသို့ နေ့စဉ် နိုင်ငံတကာ ခရီးသည်ပေါင်း ၁,၅၀၀ ခန့် ဝင်ရောက်လျက် ရှိပြီး ဖြစ်ကာ ထိုပမာဏမှာ ယခင်နှစ် နိုင်ငံတကာ ခရီးသည် ဝင်ရောက်မှုနှုန်းထက် သုံးပုံတပုံခန့် ပိုမိုလာခြင်း ဖြစ်သည်။ နိုင်ငံခြားသားများ မြန်မာနိုင်ငံသို့ ဝင်ရောက်ရာ လေဆိပ်လေးခုမှာ ရန်ကုန်၊ နေပြည်တော်၊ မန္တလေးနှင့် ညောင်ဦး အပြည်ပြည်ဆိုင်ရာ လေဆိပ်များ ဖြစ်ကြသည်။
၂၀၁၁ ခုနှစ်တွင် ရန်ကုန် အပြည်ပြည်ဆိုင်ရာ လေဆိပ်သို့ ဝင်ရောက်လာသည့် နိုင်ငံတကာ ခရီးသည် အရေအတွက် မှာ ၃၅၉,၃၅၉ ဦးရှိပြီး ၂၀၁၂ ခုနှစ်တွင်မူ ခရီးသည်ဦးရေ ၁.၅ သန်းအထိ ရှိလာလိမ့်မည်ဟု မျှော်လင့်ထားကြောင်း တရားဝင် စာရင်းဇယားများအရ သိရသည်။
ပိုမိုပွင့်လင်းလာသည့် ၂ဝ၁၁ နောက်ပိုင်းတွင် မြန်မာနိုင်ငံသို့ အလုံးအရင်းဖြင့် လာရောက် လည်ပတ်ကြမည့် နိုင်ငံတကာ ခရီးသွားများနှင့် စီးပွါးရေးသမားများ တည်းခိုရန်အတွက် ဟိုတည်လုပ်ငန်း ကဏ္ဍတွင်လည်း အားသွန်ခွန်စိုက် ပြင်ဆင်နေကြသည်။
၂ဝ၁၂ ခုနှစ် ဇန်နဝါရီနှင့် ဖေဖေါ်ဝါရီလများတွင် မြောက်အမေရိက၊ အနောက်ဥရောပ၊ အရှေ့ ဥရောပ၊ အာဖရိက၊ အရှေ့အလယ်ပိုင်း၊ အာရှ၊ သြစတြေးလျနှင့် နယူးဇီလန် နိုင်ငံများမှ ခရီးသည်ပေါင်း ၉၈,၄၈၆ ဦး လာရောက်ခဲ့ကြ သည်ဟု မြန်မာ့ ခရီးသွား မြှင့်တင်ရေးဘုတ်အဖွဲ့၏ စာရင်းဇယားများအရ သိရှိရသည်။
မြန်မာနိုင်ငံတွင် နိုင်ငံခြားမှ လာရောက် ရင်းနှီးမြှုပ်နှံထားသည့် ဟိုတယ် ၂၂ လုံး၊ ဖက်စပ်ဟိုတယ် ၄ လုံး၊ အစိုးရပိုင် ဟိုတယ် ၆ လုံးနှင့် ပုဂ္ဂလိကပိုင် ဟိုတယ် ၇ဝ၇ လုံး ရှိသဖြင့် မြန်မာနိုင်ငံရှိ စုစုပေါင်း ဟိုတယ် အရေအတွက်မှာ ၇၃၉ လုံး ဖြစ်သည်။
မြန်မာနိုင်ငံအနေဖြင့် ဟိုတယ်နှင့် ခရီးသွားလုပ်ငန်းမှ ၂ဝ၁၁ ခုနှစ်တွင် အမေရိကန် ဒေါ်လာ ၃၁၉ သန်း ရရှိခဲ့ပြီး ၂ဝ၁ဝ ခုနှစ်မှ အမေရိကန် ဒေါ်လာ ၂၅၄ သန်းနှင့် နှိုင်းယှဉ်လျှင် ၂၆ ရာခိုင်နှုန်း တိုးတက်လာခြင်း ဖြစ်သည်။
Ref: မဇ္ဈိမ
ငြိမ်းချမ်းရေးအတွက် အခြေခံဥပဒေပြင်ဖို့ ငြိမ်းကော်မတီအား လူထုပြော
ဝေစန္ဒာ
အင်္ဂါနေ့၊ မေလ ၂၉ ရက် ၂၀၁၂
ရန်ကုန် (မဇ္ဈိမ) ။ ။ အဓိက လိုလားချက်ဖြစ်သော ငြိမ်းချမ်းရေးအတွက် အခြေခံဥပဒေပါ အချက် အချို့အား ပြင်ဆင်ပေးရန် တိုင်းရင်းသားရေးရာနှင့် ပြည်တွင်း ငြိမ်းချမ်းရေး ဖော်ဆောင်မှုကော်မတီအား ကချင်ပြည်သူ လူထုမှ တင်ပြဆွေးနွေးကြကြောင်း သိရသည်။
ပြည်သူ့လွှတ်တော် ကိုယ်စားလှယ် ဦးသိန်းဇော်ဦးဆောင်သည့် တိုင်းရင်းသား ရေးရာနှင့် ပြည်တွင်း ငြိမ်းချမ်းရေး ဖော်ဆောင်မှု ကော်မတီသည် ရခိုင်ပြည်နယ်၊ ကချင်ပြည်နယ်နှင့် စစ်ကိုင်းတိုင်းသို့ သွားရောက်ခဲ့ပြီး ပြည်သူများ၏ အခက်အခဲများ၊ အစိုးရအဖွဲ့၏ အခက်အခဲများကို လေ့လာခဲ့ခြင်းဖြစ်သည်။
“လူထုကတော့ အဓိက ငြိမ်းချမ်းရေးအကြောင်း ပြောကြတယ်။ ငြိမ်းချမ်းရေးနဲ့ ပတ်သက်ပြီး constitution ထဲက အချက်တွေ ပြင်သင့်တဲ့ ကိစ္စတွေ ဆွေးနွေးဖြစ်ကြတယ်။ အစိုးရ အဖွဲ့ အနေနဲ့လည်း သူ့ဒေသက လူထု အတွက် လုပ်ကိုင် ပေးချင်ပေမယ့် သူတို့အတွက် ခက်ခဲနေတဲ့ အခြေအနေ တချို့ကိုလည်း တင်ပြကြတယ်” ဟု ကော်မတီ အတွင်းရေးမှူး ဒေါ်ဒွဲဘူ က ဆွေးနွေး ခဲ့သည်များကို ပြန်လည် ပြောပြသည်။
သို့သော် ဆွေးနွေးချက် အသေးစိတ်ကိုမူ မသိရှိရပေ။
ဦးသိန်းဇော် ဦးဆောင်သည့် ကော်မတီတွင် အဖွဲ့ဝင် ၇ ဦး ရှိသော်လည်း မေလ ၂၅ ရက်နေ့တွင် ကချင်ပြည်နယ်သို့ ကော်မတီဥက္ကဋ္ဌ ဦးသိန်းဇော်၊ အတွင်းရေးမှူး ဒေါ်ဒွဲဘူနှင့် ကော်မတီဝင် တဦးတို့သာ သွားရောက်ခဲ့ပြီး ပြည်နယ် အစိုးရ အဖွဲ့နှင့် သီးသန့် တွေ့ဆုံခဲ့သည်။
မေလ ၂၆ ရက်နေ့တွင် ပြည်နယ်လွှတ်တော်အဖွဲ့များ၊ ဘာသာရေးခေါင်းဆောင်များ၊ မြို့မိမြို့ဖများ၊ တိုင်းရင်းသား စာပေနှင့် ယဉ်ကျေးမှု အဖွဲ့များနှင့် တွေ့ဆုံခဲ့သည်။
“၂၉ ရက်နေ့မှာ မန္တလေးတိုင်းဒေသကြီးကို သွားမယ်။ အဲဒီမှာလည်း အရင် ခရီးစဉ်တွေလိုပဲ အစိုးရအဖွဲ့ရယ် လွှတ်တော် အဖွဲ့ရယ် မြို့မိမြို့ဖတွေရယ် တွေ့ကြမှာပေါ့” ဟု အင်ဂျန်းယန်မြို့နယ် ပြည်သူ့လွှတ်တော် ကိုယ်စားလှယ် ဒေါ်ဒွဲဘူ က မဇ္ဈိမကို ပြောသည်။
အဆိုပါ ကော်မတီသည် မန္တလေးတိုင်းမှ ချင်းပြည်နယ် ဟားခါးမြို့သို့ ဆက်လက် သွားရောက် လေ့လာမည်ဖြစ်ပြီး ထိုမှတဆင့် နေပြည်တော်တွင် ခရီးစဉ် ပြီးဆုံးမှာ ဖြစ်ကြောင်း သိရသည်။
အမျိုးသားလွှတ်တော်မှ ဖွဲ့စည်းထားသည့် ဦးစိုင်းပေါင်းနပ် ဦးဆောင်သည့် ငြိမ်းချမ်းရေး ဖော်ဆောင်မှု ကော်မတီ သည်လည်း ရှမ်းပြည်နယ်၊ တောင်ကြီးမြို့သို့ လေ့လာရေး ခရီး သွားရောက်နေပြီး ကယားပြည်နယ်၊ လွိုင်ကော်မြို့မှ တဆင့် နေပြည်တော်တွင် ခရီးစဉ် ပြီးဆုံးမည် ဖြစ်သည်။
ပြည်သူ့လွှတ်တော်နှင့် အမျိုးသားလွှတ်တော် နှစ်ရပ်ပေါင်း ဖွဲ့စည်းထားသည့် တိုင်းရင်းသားရေးရာနှင့် ပြည်တွင်း ငြိမ်းချမ်းရေး ဖော်ဆောင်မှု ပူးပေါင်းကော်မတီသည် မေလ ၂၂ ရက်မှ စတင်၍ ပြည်နယ်နှင့် တိုင်းများသို့ လေ့လာရေး ခရီးများ စတင် ထွက်ခွာ လာခဲ့ကြခြင်း ဖြစ်သည်။
Ref: မဇ္ဈိမ
အစာငတ်ခံ ဆန္ဒပြရင်း လဲကျသူ ၁၀ ဦးအထိ ရှိလာ
ကျော်ခ
May 29, 2012
ရန်ကုန်တိုင်း မှော်ဘီမြို့နယ် မြောင်းတကာ စက်မှုဇုန်ရှိ Yangon Crown သံမဏိ စက်ရုံတွင် အစာငတ်ခံ ဆန္ဒပြနေကြသော အလုပ်သမား ၄၁ ဦးအနက်မှ အားပြတ် လဲကျခဲ့သူ ၁၀ ဦး အထိ ရှိသွားပြီဖြစ်ကြောင်း အလုပ်သမား ကူညီရေး အဖွဲ့များက ပြောသည်။ အခြေခံလစာ တိုးမြှင့်ပေးရေးနှင့် အလုပ်သမား အခွင့်အရေးများ ပေးရေးတို့ကို ယခုလ ၂၅ ရက်နေ့က စ၍ အစာ ငတ်ခံတောင်းဆို ခဲ့ကြရာ တတိယမြောက်နေ့တွင် ကိုဇော်မင်းလတ် ဆိုသူမှာ လဲကျခဲ့ပြီး မှော်ဘီဆေးရုံကြီးသို့ ဆေးကုသရန် တင်ပို့ခဲ့ရသည်။ ယမန် နေ့ ညနေပိုင်းအ ထိ ယင်းသို့ ဖြစ်ပွားသူ စုစုပေါင်း ၁၀ ဦး ရှိပြီး ဆေးကုသမှု ခံယူနေကြောင်း သိရသည်။
“မနေ့ကအထိတော့ သွေးဝမ်းကိုက်တဲ့ တယောက်ကို မှော်ဘီဆေးရုံကြီးမှာ တင်ထားပါတယ်။ ကျန်တဲ့ ကိုးယောက်ကိုတော့ ဆန္ဒပြ နေတဲ့ တဲနားမှာ အနားယူ ကုသပေးထား ပါတယ်။ သူတို့က အနားမယူဘဲ ဆန္ဒပြတဲ့ နေရာကိုပဲ တွဲတွဲပြီး ပို့ခိုင်းနေတာပဲ၊ အဲဒီလိုပဲ သွားပြလိုက် လဲသွားလိုက်နဲ့”ဟု အလုပ်သမားများ ဆန္ဒပြမှုကို ကူညီဆောင်ရွက်ပေးနေသူ ကိုမျိုးမင်းသွင်က ဧရာဝတီသို့ ပြော သည်။
Yangon Crown သံမဏိ စက်ရုံတွင် အစာငတ်ခံဆန္ဒပြ အဖွဲ့အပြင် လူ ၁၅၀ ပါဝင်သော ထိုင်သပိတ် ဆင်နွှဲနေသည့် အဖွဲ့ တဖွဲ့လည်း ရှိနေပြီး နှစ်ဖွဲ့လုံးက အခြေခံလစာ တိုးပေးရန်နှင့် လုပ်သက်ခွင့်၊ ရှောင်တခင်ခွင့်၊ ဆေးခွင့်နှင့် လုပ်ငန်းခွင် အကာအကွယ် ပစ္စည်းများ လုံလောက်စွာ ထားရှိပေးရန်တို့ကို တညီတညွှတ်တည်း တောင်းဆိုနေကြခြင်းဖြစ်သည်။
မှော်ဘီဆေးရုံကြီးသို့ တင်ပို့ကုသနေရသော ကိုဇော်မင်းလတ်မှာ သွေးဝမ်းများပါ သွားနေပြီး စိုးရိမ်နေရကြောင်း၊ နောက်ထပ် အားပြတ် လဲကျခဲ့သူ ကိုတင်ဦး၊ ကိုတင်မိုးဝင်း၊ ကိုသန်းလှစိုး၊ ကိုရဲကိုဦးနှင့် အခြား ၅ ဦးမှာ အစာအိမ်အောင့်ခြင်း ဖျားနာခြင်းနှင့် ကြွက် တက် ဝေဒနာများ ခံစားနေရပြီး စောင့်လျှောက်ပေးနေလျက် ရှိကြောင်း ဆန္ဒပြသူများကို ကူညီပေးနေသော ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသ) အဖွဲ့ဝင်များကလည်း ပြောဆိုသည်။
မူလက အစာငတ်ခံ ဆန္ဒပြသူ ၂၅ ဦးသာ ရှိခဲ့သော်လည်း နောက်ထပ် ၁၆ ဦး ထပ်မံ ဝင်ရောက် လာသဖြင့် ၄၁ ဦးထိ ရှိလာခဲ့ပြီး ဆန္ဒပြသူများက တောင်းဆိုချက်များ လိုက်လျောမှု ရသည်ထိ ထိုနေရာမှ ရွှေ့ပြောင်းခြင်း မပြုတော့ဟု ဆုံးဖြတ်ခဲ့ကြကြောင်း ဆန္ဒပြ အလုပ်သမားများနှင့် အလုပ်သမား အရေး ဆောင်ရွက်သူများ ထံမှ သိရသည်။
“သူတို့ရဲ့ ရည်မှန်းချက်က သေသွားပစေ၊ အလောင်းကို မသင်္ဂြိုဟ်နဲ့ ဒီမှာပဲ ပုံထား။ တယောက်တည်းကျန် ပစေ တောင်းဆိုမှုများ ပြေလည်သည် အထိ တိုက်ပွဲ ဝင်သွားမယ် ဆိုပြီး ဆုံးဖြတ်ထားတာ”ဟု အလုပ်သမားများကို ကူညီပေးနေသည့် လူ့အခွင့်အရေး ကာကွယ်မြှင့်တင်သူများ ကွန်ရက်(HRDP) အဖွဲ့မှ ကိုကျော်ဝဏ္ဏ က ပြောသည်။
ယင်းသို့တောင်းဆိုနေမှုများနှင့် ပတ်သက်၍ အလုပ်ရှင် ကိုယ်စားလှယ်၊ ဆန္ဒပြ အလုပ်သမား ခေါင်းဆောင်များ၊ အလုပ်ရုံနှင့် အလုပ်သမား ဥပဒေ စစ်ဆေးရေး ဦးစီးဌာနမှ ညွှန်ကြားရေးမှူးချုပ် ဦးဝင်းရှိန်တို့ ယမန်နေ့က ဆွေးနွေး ခဲ့ကြသော်လည်း အလုပ် သမားများ အဓိက တောင်းဆိုသော အခြေခံလစာ တိုးပေးရေးကို ဖြေရှင်းပေးနိုင်ခြင်း မရှိသေးပေ။
အလားတူ အခြေခံလစာ တိုးပေးရေးနှင့် အလုပ်သမား ခံစားခွင့်များ အတည်ပြုပေးရေး တို့ကို ယခုလ ၉ ရက်နေ့မှ စတင် တောင်း ဆိုမှုများ ပြုလုပ်ခဲ့သော Hi-Mo နှင့် Hi Art ဆံပင်တု စက်ရုံ နှစ်ရုံမှ အလုပ်သမား ၂၀၀၀ ခန့်ကိုလည်း ၂၄ ရက်နေ့မှ စတင်ကာ အစားအသောက်များကို စက်ရုံမှ ချက်မကျွေးတော့ဘဲ ရပ်ဆိုင်း ခံလိုက်ရသည်။
ထိုအလုပ်သမားများကို အစိုးရမဟုတ်သော အဖွဲ့များက ကူညီပံ့ပိုးမှုများ ရှိသော်လည်း လုံလောက်မှု မရှိသဖြင့် အလုပ်သမား ၂၅၀ ကျော်မှာ အာဟာရ ချို့တဲ့မှုနှင့် ရင်ဆိုင်နေရကြောင်း အလုပ်သမားခေါင်းဆောင် မသီတာထွန်း က ဧရာဝတီသို့ ပြောသည်။
“ကလေးတွေ နေမကောင်းဖြစ်တာက အစာမစားရလို့ အာဟာရချို့တဲ့တာလည်း ပါတယ်။ အရင် ဆန္ဒပြတုန်း သူတို့ ထမင်းကျွေး တုန်းက ဝမ်းနှုတ်ဆေးတွေ၊ စိတ်ပျော့ဆေးတွေ ခတ်ထည့်တာလည်း ပါတယ်။ ဟင်းချက်တဲ့ လူတွေက သူတို့ ကိုယ်တိုင်ကလည်း ဒီဆေးတွေထည့်တဲ့ အကြောင်း ပြောတယ်”ဟု မသီတာထွန်း က ပြောသည်။
အလုပ်သမားများ၏ တောင်းဆိုချက်များအားလုံးကို ယခုလ ၁၀ ရက်နေ့က လှိုင်သာယာ စက်မှုဇုန် ရှေ့တန်း ကြီးကြပ်ရေး ရုံးတွင် အလုပ်သမား ခေါင်းဆောင်များ၊ အလုပ်ရှင် ကိုယ်စားလှယ် ဒေါ်နန်းသောင်းရင်နှင့် အလုပ်ရုံနှင့် အလုပ်သမား ဥပဒေ စစ်ဆေးရေး ဦးစီးဌာနမှ ညွှန်ကြားရေးမှူးချုပ် ဦးဝင်းရှိန်တို့ သုံးပွင့်ဆိုင် တွေ့ဆုံဆွေး နွေးခဲ့ပြီး သဘောတူ လက်မှတ် ထိုးခဲ့သော်လည်း ထို သဘောတူ စာချုပ်ကို ကိုရီးယား လုပ်ငန်းရှင် က သဘောမတူဟု ဆိုကာ တဖက်သတ်ဖျက်သိမ်းခဲ့သည်။
ရန်ကုန်တိုင်း လှိုင်သာယာ စက်မှုဇုန်တွင် Hi-Mo နှင့် Hi Art စက်ရုံနှစ်ခု အပါအဝင် ဆန္ဒပြနေသည့် စက်ရုံပေါင်း ၁၁ ရုံရှိပြီး တိုးမြင့်အောင်၊ YJ ၊ နေမင်းအောင်၊ အာရှနှင်းဆီ၊ ပုလဲ၊ စပယ်ပွင့် နှင့် Miss Style စက်ရုံ ၇ ရုံမှာ ဝင်ငွေ၊ ကျန်းမာရေးနှင့် အာဟာရ ချို့တဲ့မှု များကြောင့် တောင်းဆိုမှုများ အပြည့်အဝ ရရှိသည်အထိ စောင့်ဆိုင်းနိုင်ခြင်း မရှိဘဲ အလုပ်ရှင်နှင့် ညှိနှိုင်းလစာကို သဘော တူကာ အလုပ်ပြန်ဆင်းနေကြပြီဖြစ်ကြောင်း သိရသည်။
အလုပ်သမားမျာဘက်မှ ဥပဒေအရ ဆောင်ရွက်ပေးနေသူ ရှေ့နေ ဦးဌေး က “ဆန္ဒပြ အလုပ်သမားတွေမှာ အကူအညီတွေ လိုပါ တယ်။ ဝင်ငွေမရတဲ့ အပြင် အိမ်ကနေ ပိုက်ဆံတောင်းပြီး ဒီကိုလာကြရ၊ ထမင်းဖိုး၊ ရေဖိုးကအစ ကုန်နေတယ်၊ ရက်ရှည်လများ ဆန္ဒပြနေကြရတဲ့ အတွက် စိတ်ဓာတ်ရေးရာ အထောက်ပံ့တွေ လိုနေသလို ရုပ်ဝတ္ထု အရလည်း ငွေကြေး အပါအဝင် အစား အသောက် အထောက်ပံ့တွေ လိုပါတယ်။ ဒါမှသာ အလုပ်သမားတွေက ကြံ့ကြံ့ ခံနိုင်မှာ ဖြစ်ပါတယ်”ဟု ဧရာဝတီသို့ ပြောသည်။
သူကဆက်ပြီး“အစောပိုင်းက၊ ၇ ရုံလက်မှတ်ထိုးကြတာလည်း ကြံ့ကြံ့ မခံနိုင်ကြတော့လို့ဖြစ်ပါတယ်။ သူတို့မှာ သောက်စရာက မရှိ၊ အမိုးအကာက မရှိ၊ မိုးရေထဲမှာ တောင်းဆိုနေကြတယ်၊ ဖျားတဲ့လူကဖျား၊ နာတဲ့လူကနာနဲ့ အဲဒါကြောင့်မို့ သူတို့လည်း ရတဲ့ အဖြေ တခုအပေါ်မှာ ကျေနပ်လက်ခံ လိုက်ရတဲ့အခြေအနေတွေဖြစ်သွားတာ၊ ဒါပေမယ့် တောင်းဆိုမှုတွေ အပြည့်အဝ မရရှိသွားပေမယ့် တချို့တဝက်ထိတော့ ရသွားတယ်” ဟု သူက ပြောသည်။
Hi-Mo နှင့် Hi Art ဆံပင်တု စက်ရုံးများအပါအဝင် ငွေကံ့ကော်နှင့် Lucky Shoe တို့မှာ ဇွဲမလျှော့သေးဘဲ တောင်းဆိုမှုများ အပြည့်ဝ ရရှိသည် အထိ ဆက်လက် တောင်းဆို သွားမည်ဟု အလုပ်သမား များကပြောဆိုနေကြသည်။ အခြေခံ လစာတိုးပေးရေးနှင့် အလုပ်သမား ခံစားခွင့် တောင်းဆိုမှုများ ထပ်မံ တိုးပွားလျက်ရှိပြီး ယနေ့တွင်ပင် ကမ္ဘာ အထည်ချုပ် စက်ရုံနှင့် Star tet စက်ရုံ တို့က ဆန္ဒပြမှုများ ပြုလုပ်လျက်ရှိသည်။
ထို့အတူ မြန်မာနိုင်ငံတွင် လူသုံးအများဆုံး အရက်များကို ထုတ်လုပ်နေသော IBTC ကုမ္ပဏီ လက်အောက်ရှိ M.W.D.C စက်ရုံခွဲ ၄ ခုအနက် အမှတ် (၁) နှင့် အမှတ် (၂) စက်ရုံတို့မှ အလုပ်သမား ၂၀၀ ကျော်က ဧပြီလ ၂၈ ရက်နေ့ ကတည်းကပင် အခြေခံ လစာ တိုးမြှင့်ပေးရေးနှင့် လုပ်ငန်းခွင်အတွင်း လိုအပ်ချက်များပြုပြင်ပေးရေး တို့ကို အလုပ်မဆင်းဘဲ ဆန္ဒပြခဲ့ကြပြီး အလုပ်ရှင်က ယခုချိန် အထိ လိုက်လျောပေးမှု မရှိသေးသဖြင့် ဝင်ငွေ ထိခိုက်နစ်နာမှုများနှင့် ကြုံနေရသည်။
Ref: ဧရာဝတီ
အလုံမြို့နယ် လျှပ်စစ်မီးအရေး သုံးရက်ဆက်တိုက် ဆန္ဒပြမည်
ဝေစန္ဒာ
ဗုဒ္ဓဟူးနေ့၊ မေလ ၃၀ ရက် ၂၀၁၂
ရန်ကုန် (မဇ္ဈိမ)။ ။ ရန်ကုန်တိုင်း၊ အလုံမြို့နယ်တွင် လျှပ်စစ်မီးရရှိရေး ဆန္ဒပြမှုတရပ် မေလ ၂၉ ရက်နေ့ ည ၇ နာရီတွင် ဖြစ်ပွားခဲ့ပြီး လျှပ်စစ်မီး အပြည့်အ၀ မရမချင်း သုံးရက်ဆက်တိုက် ဆက်လက်ပြုလုပ်သွား
ကြမည်ဟု သိရသည်။
“အခုလို လာဆန္ဒပြရတာ လျှပ်စစ်မီး မရလို့ပါ။ လျှပ်စစ်မီး မြန်မြန်ပြန်ရစေချင်ပါပြီ။ ဒါပေမယ့် အခုထိ မီးက မမှန်သေးဘူး။ မီး မမှန်သေးဘူး ဆိုရင် ကျနော်တို့က ဆန္ဒ ဆက်ပြရဦးမှာပါ။ ဒီနေ့ကနေ ၃ ရက် ဆက်လက် ဆန္ဒပြမယ်။ အဲဒါမှ မရသေးဘူး ဆိုရင် ဇွန်လ ၆ ရက်နေ့မှာ ဆက်လက်စုရုံးပြီး ဆန္ဒထုတ်ဖော်မှုတွေ ပြုလုပ်သွားမှာပါ” ဟု အလုံမြို့နယ်နေ ဆန္ဒပြ လူငယ်တဦးက ပြောသည်။
ဆန္ဒပြသူ တရာကျော်သည် အလုံမြို့နယ်၊ အောက်ကြည့်မြင်တိုင် လမ်းရှိ ရန်ကုန်မြို့တော် လျှပ်စစ် ဓာတ်အားပေး အဖွဲ့ ရုံးရှေ့တွင် စတင် စုဝေးခဲ့ကြပြီး ထိုမှတဆင့် ဖယောင်းတိုင် မီးများ ကိုင်ဆောင်လျက် စီတန်း လှည့်လည်ကာ စောရန်ပိုင် အရှေ့ရပ်ကွက် သစ်တောလမ်းရှိ ပြည်တော်အေး စေတီသို့ သွားရောက်ကာ ၀တ်ပြု ဆုတောင်းခဲ့ကြသည်။
“ဒီမိုကရေစီခေတ်မှာ အမှောင်ထဲမှာ ထိုင်ပြီး မနေနိုင်တော့ပါဘူး” ဟု ပြည်တော်အေး စေတီ ထိပ်တွင် အလုံမြို့နယ်နေပြည်သူ တဦးက မဇ္ဈိမကို ပြောသည်။
အလုံရဲစခန်း၊ အလုံ လျှပ်စစ်ဓာတ်အားပေးရုံး ရှေ့တို့တွင် စုရုံး ဆန္ဒထုတ်ဖော်မှုများ ပြုလုပ် ခဲ့ကြသည်။
၁ နာရီခန့် ကြာမြင့်ခဲ့သော ဆန္ဒပြမှုတွင် သက်ဆိုင်ရာ အာဏာပိုင်နှင့် ရဲတပ်ဖွဲ့များမှ ဆန္ဒပြ ပြည်သူ များအား တစုံတရာ အနှောင့် အယှက်ပေးမှု မရှိခဲ့သည်ကို တွေ့ရသည်။
ရန်ကုန်မြိုကတွင် မေလ ၂၁ ရက်နေ့မှ စတင်ကာ ရန်ကုန်မြို့တွင် လျှပ်စစ်မီး အလုံအလောက် ရရှိရေးအတွက် ဆန္ဒပြမှု ၆ ကြိမ်ခန့် ဖြစ်ပွားခဲ့သည်။
ရန်ကုန်မြို့တွင် ဧပြီလဆန်းမှ စတင်ကာ အုပ်စုခွဲ၍ လျှပ်စစ်မီးများကို အလှည့်ကျ ဖြန့်ဖြူးပေးနေခဲ့သည်။
Ref: မဇ္ဈိမ
Tuesday, May 29, 2012
ရေကြည်အိုင်မှာ ရေတိမ်နစ်ခဲ့ရတဲ့ ဖက်ဆစ်တော်လှန်ရေး အထက်မြန်မာပြည်တိုင်း စစ်ရေး တာဝန်ခံ ဗိုလ်မှူးကြီး ဗထူးရဲ့သား ဗိုလ်ကြီးမြင့်ထူး - အပိုင်း(၁)
ရော်နီညိမ်း
စနေ, 05 မေ 2012
ဗီအိုအေ ။ ။ ၂၀၁၂ မေ (၅)
အခုအခါမှာ ပြည်ပမှာ အခြေစိုက်တဲ့ “မြန်မာနိုင်ငံမျိုးချစ် စစ်သည်ဟောင်းများ အစည်းအရုံး” ရဲ့ ဥက္ကဌ အဖြစ် တာဝန် ယူနေတဲ့ ဗိုလ်ကြီးဟောင်း ဦးခင်မောင်ညွှန့်ဟာ မေမြို့ စစ်တက္ကသိုလ် ဗိုလ်သင်တန်း အပတ်စဉ် (၁) ကနေ ကျောင်းဆင်းပြီးတော့ တပ်မတော်(ကြည်း) ရဲ့အရာရှိငယ် တစ်ယောက်ဖြစ်လာ ခဲ့ပါတယ်။ ဗိုလ်ကြီးဟောင်း ဦးခင်မောင်ညွှန့်က ဗီအိုအေ မြန်မာပိုင်းရဲ့ တပ်မှူးတပ်သား ပြောစကား ကဏ္ဍမှာ သူပြောပြ ချင်တဲ့ အကြောင်းကတော့ သူ့ရဲ့ဘ၀မှာ အချစ်ခင် အရင်း နှီးဆုံး မိတ်ဆွေ သူငယ်ချင်းဖြစ်ခဲ့တဲ့ ဗိုလ်ကြီးမြင့်ထူး အကြောင်းလို့ ဆိုပါတယ်။ OTS ဗိုလ်သင်တန်း အပတ်စဉ်(၂၆)က နေဆင်းတဲ့ ဗိုလ်ကြီးမြင့်ထူးဟာ ဖက်စစ်ဂျပန်တော်လှန်ရေး ကာလမှာ ဗမာ့ ကာကွယ်ရေး တပ်မတော် စစ်သေနာပတိ ဗိုလ်ချုပ်အောင်ဆန်း အလွန် အားထားခဲ့ရတဲ့ အထက် ဗမာပြည်တိုင်း စစ်ရေး တာဝန်ခံ ဗိုလ်မှူးကြီး ဗထူးရဲ့သား ဖြစ်ပါတယ်။
အခုအခါ ခေတ်သစ်မြန်မာ့ တပ်မတော်ရဲ့ စစ်သင်တန်းကျောင်းတွေ ရှိရာ ဗထူးတပ်မြို့ဟာ ဗိုလ်မှူးကြီး ဗထူးကို ဂုဏ်ပြုပြီး မှည့်ခေါ်ခဲ့တာဖြစ်ပါတယ်။ ဒါပေမယ့် ဗိုလ်ကြီးမြင့်ထူး ကတော့ ၁၉၆၀ ခုနှစ်တွေရဲ့ အလယ်လောက်မှာ တပ် မတော်ခေါင်းဆောင်ဟောင်းတွေ ဖြစ်ကြတဲ့ ဗိုလ်မှူးချုပ်ဟောင်း အောင်ကြီးနဲ့  ဗိုလ်မှူးကြီးဟောင်း ကြည်မောင်တို့ ကြံစည် ခဲ့ကြတဲ့ တပ်တွင်း ပုန်ကန်မှုမှာ ပါဝင်ခဲ့တယ် ဆိုပြီးတော့ စစ်ထောက်လှမ်းရေး ရဲ့ ဖမ်းဆီးခြင်းကို ခံခဲ့ရပါတယ်။ နောင်အခါမှာ မျက်မှန်တင်ဦး၊ လန်ဘားတင်ဦး ဆိုတဲ့ နာမည်ဆိုးတွေနဲ့ကျော်ကြားခဲ့သူ အဲဒီအချိန်က ဗဟိုထောက်လှမ်းရေး တပ်ရဲ့ တပ်မှူး ဒုတိယ ဗိုလ်မှူးကြီးတင်ဦးရဲ့ ရေကြည်အိုင်က အကျဉ်းထောင်မှာ ဗိုလ်ကြီးမြင့်ထူးဟာ လူမသိ သူမသိ အပြင်းအထန် နှိပ်စက်ညှင်း ပန်း ခံရပြီးတော့ ရေတိမ် နစ်သွား ခဲ့ရပါတယ်။ အဲဒီ အချိန်မှာပဲ ရေကြည်အိုင် အကျဉ်း ထောင်ထဲက နောက် တစ်နေရာမှာ ညှင်းပန်းနှိပ်စက်ခြင်း ခံနေရတဲ့ ဗိုလ်ကြီးဟောင်း ဦးခင်မောင်ညွှန့်ဟာ ဗိုလ်ကြီးမြင့်ထူး တစ်ယောက် ရေကြည်အိုင်မှာပဲ ကျဆုံး သွားခဲ့ရတယ် ဆိုတာကို နောက်ပိုင်းမှ သိရှိ ခဲ့ရပါတယ်။ ဦးခင်မောင် ညွှန့်နဲ့ အပြန်အလှန် မေးမြန်းပြောဆိုထားတဲ့ ဒီသီတင်းပတ်ရဲ့ တပ်မှူးတပ်သားပြောစကား အစီအစဉ်ကို တင်ဆက်လိုက်ပါ တယ် ခင်ဗျာ။
ဦးခင်မောင်ညွှန့် ။ ။ အန်ကယ်တို့ ပထမအပတ်ဗိုလ်လောင်း သင်တန်းပေါ့လေ စစ်တက္ကသိုလ်က ဆင်း တဲ့နေ့ကတော့ ၁၉၅၉ ခုနှစ် ဇွန်လ(၁)ရက်နေ့ ဖြစ်ပါတယ်။ ၁၉၅၉ ပေါ့နော် ဒီဇင်ဘာလ တတိယ ပတ်လောက်မှာ အမှတ် (၆) ဗမာ့သေနတ်ကိုင် တပ်ရင်းကို ရောက်သွားပြီးတော့ ၁၉၆၃ …မေမြို့မှာ ဗဟို အချက်ပြ ဆက်သွယ်ရေး သင်တန်း ကျောင်း ဆိုတာ ရှိတယ်။ အဲဒီမှာ ခြေလျင်တပ်ရင်း ဆက်သွယ်ရေး အရာရှိ သင်တန်းကို ကျနော်တို့ တက်ရပါတယ်။
ဦးရော်နီညိမ်း ။ ။ ဟုတ်ကဲ့၊ အဲဒီမှာ ဗိုလ်ကြီးမြင့်ထူးနဲ့ တွေ့တာလား ခင်ဗျ။
ဦးခင်မောင်ညွှန့် ။ ။ ဟုတ်ပါတယ်ခင်ဗျ၊ ဟုတ်ပါတယ်။ အဲဒီသင်တန်းမှာ ကျနော်တို့ ခြေလျင်တပ် ရင်းတွေကနေ ပေါ့၊ သူတို့ ပို့ပေးတဲ့ စီနီယာ တပ်စုမှူးတွေပေါ့ခင်ဗျား။ အဲဒီတုန်း ကတော့ Lieutenant / Senior Lieutenant ပေါ့နော်။
ဦးရော်နီညိမ်း ။ ။ ဟုတ်ကဲ့၊ အဲဒီတော့ ဗိုလ်ကြီးမြင့်ထူးက အဲဒီအချိန်မှာ ဗိုလ်အဆင့်လား၊ ဗိုလ်ကြီး အဆင့်လား ခင်ဗျ။
ဦးခင်မောင်ညွှန့် ။ ။ ဗိုလ်အဆင့်မှာပါပဲ ခင်ဗျ။ အဲဒီမှာ ကျနော်တို့ အရာရှိက (၂၀)ကနေ (၂၃) ယောက်လောက် ရှိမယ် ထင်တယ်။
ဦးရော်နီညိမ်း ။ ။ ဟုတ်ကဲ့၊ ဗိုလ်ကြီးမြင့်ထူးက ဘယ်တပ်ရင်းကနေ လာတက်တာလဲ ခင်ဗျ။
ဦးခင်မောင်ညွှန့် ။ ။ သူက သာယာဝတီ အမှတ်(၂၅) ခြေလျင် တပ်ရင်းကပါ ခင်ဗျား။ သူ့ကို ဗိုလ်မှူးကြီး ဗထူးရဲ့ သား ဆိုတာလည်း ကျနော်တို့က မသိဘူး ခင်ဗျ။ သိချင်တော့ တစ်နေ့မှာ၊ ကျနော်တို့က နောင်ခန်း ကြီး ဘုရားပေါ် လမ်းလျှောက်ရအောင် ဆိုတော့ ကျနော်တို့တွေ လမ်းလျှောက်ရင်းနဲ့ သူပြောတာက ကျနော့် အဖေဟာတဲ့ ဖက်ဆစ်ဂျပန် တော်လှန်ရေးမှာ အထက်ဗမာပြည် တိုင်းရဲ့ တိုင်းမှူး ဗိုလ်မှူးကြီးဗထူး ဆိုတာ ခင်ဗျား ကြားဖူးမှာပေါ့တဲ့။ ငှက်ဖျားရောဂါနဲ့ပဲ အဲဒီတော်လှန်ရေး ကာလ အတော အတွင်းမှာ ကလော၊ အောင်ပန်း ဧရိယာ ဘက်မှာပေါ့ဗျာ နော်။ အဲဒီဘက်မှာ တာဝန် ယူနေရင်းနဲ့ ကျဆုံး သွားတယ်တဲ့။ သူ နောက်ဆုံး ကျနော့် အမေနဲ့ ကျနော် တို့ကို လာတွေတဲ့ အချိန်မှာ ကျနော် က (၅)နှစ်သား (၆)နှစ်သားလောက်ပဲ ရှိသေး တယ်တဲ့။ နောက် သူသွားမယ့်နေ့ကျတော့ အမေ့ကို ပြောတယ်ပေါ့လေ။ သူ ဘာပြောသလဲ၊ ကျနော် ဘယ် မှတ်မိမလဲဗျာ တဲ့။ (၅)နှစ်သား (၆)နှစ်သား ကိုးတဲ့။ အမေက ကျနော် (၈)တန်း လောက်ရောက်တဲ့ အချိန် ကျတော့၊ အဖေက ဘာမှာခဲ့တယ် ဆိုတာ သူက ပြောပြတာ။ အေး အဲဒီတော့ ငါ့သားတွေ သမီးတွေ ကိုတော့ ငါပေါ့လေ၊ ဘယ်တော့မှ ပြန်တွေ့နိုင်မလဲ၊ ဘာမှကို မရေရာဘူး။ သို့သော်လည်း ငါ့သား ကြီး မြင့်ထူး ကိုတော့ သူ လူလားမြောက်လာတဲ့ အချိန်မှာပေါ့လေ၊ ငါအကယ်၍ ပြန်မလာနိုင်ရင်ပေ့ါလေ။ သူ့အဖေကနေ မှာခဲ့ တယ် ဆိုတာ တစ်ခုကို ပြောပေးပါလို့ ၊ ကျနော့် အဖေက ကျနော့်အမေကို ပြောတယ် တဲ့၊ ငါ့သားကြီးကိုပေါ့လေ၊ လူလားမြောက်လာတဲ့ အချိန်မှာ ဘာပဲဖြစ်ဖြစ် အဖေ့ရဲ့ သမိုင်းကိုပေါ့လေ၊ အစဉ် အလာကို ထိန်းတဲ့ အနေနဲ့ တပ်ထဲကိုဝင်၊ ၀င်ပြီးတော့ နိုင်ငံနဲ့ပြည်သူကို အကျိုးပြုပါ၊ အဲဒါ အဖေမှာ တယ်ပေါ့ လေ။ သူ့ ကို မှာထားတဲ့ အကြောင်းကို သူ့အမေကနေ သူ(၈)တန်းရောက်တဲ့ အချိန်ကျမှ ဒီအကြောင်းကို ပြောပြတာ။ ဘာပဲဖြစ်ဖြစ် ကျနော် အခုတပ်ထဲကို ရောက်နေပြီ၊ တပ်မတော် အရာရှိ လည်း ဖြစ်နေပြီ ဆိုတော၊့ အဖေ့ဆန္ဒကို ကျနော် ဖြည့်ဆည်းနိုင်သရွေ့တော့ ဖြည့် ဆည်းနေပါပြီတဲ့၊ ဒါပေမယ့် ဆက်ပြီးတော့ ဖြည့်ဆည်း စရာတွေကိုတော့ ကျနော် ဖြည့်ဆည်း ဦးမှာပါပဲတဲ့၊ အဲဒီလိုသူ ပြော တယ် လေ။ အဲဒါနဲ့ပဲ ကျနော်နဲ့ သူ အဲဒီနေ့ကစပြီး တော်တော်ကို ခင်သွားကြတယ် ခင်ဗျ။ သူ့ရဲ့ ထူးခြား ချက်က ဘာလဲဆိုရင် သူက အေးအေးဆေးဆေး တည်တည်ငြိမ်ငြိမ် ရှိတယ် ခင်ဗျ၊ နောက်ပြီးတော့ တကယ့် officer တစ်ယောက်ရဲ့ အပြုအမူ အနေအထိုင် အတိုင်းပဲ သူနေတာပဲ ခင်ဗျ။ သာမန်ကာ ရှန် ကာ နေတာတော့ မဟုတ်ဘူးခင်ဗျ။
ဦးရော်နီညိမ်း ။ ။ ဟုတ်ကဲ့ ခင်ဗျ။ အဲဒီတော့၊ သူနဲ့ ဗိုလ်မှူးချုပ်အောင်ကြီးနဲ့ ပေါ့နော်၊ အဲဒီအချိန်က ဒီအငြိမ်းစား ဗိုလ်မှူးချုပ်အောင်ကြီးပေါ့၊ ကျနော်တို့  တော်လှန်ရေးကောင်စီဝင် အဖြစ်က ရပ်စဲ ခံရ ပြီးတော့ မေမြို့မှာ လာရောက် နေထိုင်နေတဲ့ အငြိမ်းစား ဗိုလ်မှူးချုပ်အောင်ကြီး နဲ့ ဗိုလ်ကြီးမြင့်ထူးနဲ့ ဘယ်လိုများ ဆက်နွယ်ပတ်သက်မှု ရှိလို့ပါလဲ ခင်ဗျ။
ဦးခင်မောင်ညွှန့် ။ ။ ဟုတ်ကဲ့၊ အတိုချုံး ပြောမယ်ဆိုရင်ဗျာ၊ သူက စစ်တပ်က အာဏာ သိမ်းထားတာကို လည်း မကြိုက်ဘူးခင်ဗျ။ နောက်ပြီးတော့ ဘာပဲဖြစ်ဖြစ် အရင်တုန်းက ရှိတဲ့ လွတ်လပ်ခွင့်တွေပေါ့၊ ပြည်သူတွေ ရထားတာတွေ အခု မရှိဘူး၊ နောက်ပြီးတော့ ကုန်ဈေးနှုန်းတွေ ကြီးလာတာတွေရယ်၊ မှောင်ခို စနစ်ကြီး ဖြစ်လာတာတွေ ရယ်၊ အဲဒါ ကျနော်တို့ကလည်း အချိန်လေး အားတုန်းပြုတုန်းမှာ ညနေပိုင်းတို့ ညပိုင်းတို့မှာ အချိန်လေးရရင် ရသလို ပြောကြပြု ကြ၊ တိုင်းပြည် အခြေအနေ ကိုလည်း သဘောမကျဘူး။ ကျနော်တို့လို ပေါ့ဗျာ၊ အဲဒီတုန်းက ကျနော်တို့ကတော့ professional soldier ဆိုတာ ကိုယ့်တိုင်းပြည်ကို ကိုယ့်လူမျိုးကို ကာကွယ်မယ်၊ ဒါပဲရှိတာပဲ။ အဲဒီလို အနေအထားကနေ အခုက တိုင်းပြည်ကို တပ်မတော် ကနေ အစစအရာရာ ချုပ်ကိုင် လိုက်တဲ့ အချိန်ကျတော့ ကျနော်တို့ကော သူ ကော၊ သူလည်း ခြေလျင်တပ် ရင်းပေါ့ infantry ကျနော်တို့ လည်း infantry ဆိုတော့ ကျနော်တို့က ကျေးရွာတွေ တောကြားတောင်ကြား ထဲမှာ ရောက်တယ်။ လူထုကို ဘယ်လို ခံစားနေရတယ် ဘယ်လောက် အခက်ခဲရှိနေတယ် ဆိုတာသိတော့ အခြေအနေတွေကို ကျနော်တို့ သိပ်မကြိုက်ကြဘူးဗျ။ အဲဒီကြား ထဲမှာလဲ ကျနော်တို့ ဟိုတုန်းကတော့ ဒုကာကွယ်ရေး ဦးစီးချုပ်ပေါ့၊ ဗိုလ်ချုပ်ကြီးနေ၀င်း ပြီးလို့ရှိရင် ဒုတိယ ပုဂ္ဂိုလ် ဗိုလ်မှူးချုပ်အောင်ကြီးက လည်း နှုတ်ထွက် သွားတယ်ဗျ။ နောက်ကျတော့ သူ့ကို မချမ်းဘောကို နှင်တဲ့ သဘောမျိုးပေါ့၊ အဲဒီမှာ မချမ်းဘောရောက်ပြီးတော့ နေနေတယ်။ နေနေပြီးတော့နောက် ကျနော်တို့မေမြို့ကိုရောက်ပြီး တစ်လလောက် အကြာမှာ ဒီလိုပဲ ဗိုလ်မှူးချုပ်အောင်ကြီး က အခု မေမြို့ကို ရောက်လာပြီ၊ မေမြို့ မာလာ လမ်းက (ခုတော့ ဆုံးသွားပါပြီ) စာရေးဆရာ တက်တိုး၊ ဒေါ်နုယဉ်တို့ရဲ့ တိုက်ကလေး အဲဒီမှာ ရောက်နေပြီ လို့ ကြားတာ။ ကိုမြင့်ထူး ပြောပြတာ။ ကျနော့် အဖေဗျာတဲ့ ဂျပန်တော်လှန်ရေးမှာ ကွယ်လွန်သွားပြီး တဲ့နောက်ပိုင်းက စပြီးတော့တဲ့ ကျနော့် အမေရယ် ကျနော့်နှမလေးရယ်ပေါ့နော်။ ကျနော့် ညီတစ်ယောက် ရယ် အဲဒါကို ဗိုလ်မှူးချုပ်အောင်ကြီးပဲ ထောက်ပံ့ပြီးတော့ ကျနော်တို့ ပညာသင်ကြားရေး စားရိတ်တွေ ဘာတွေ သူက ကူညီတာတဲ့။ ဒီလိုဆိုရင်တော့ ကျနော် သွားတွေ့ ရမယ်တဲ့။ ကျနော်တို့ ကတော့ဗျာ၊ ဗိုလ် ချုပ်အောင်ကြီး ဆိုတာ ဘယ် ကျနော်တို့က တပ်စုမှူး အဆင့်နဲ့ သူနဲ့ဆို အများကြီးကွာတာ ပေါ့။ ကျနော်တို့ ထဲက ကိုသောင်းဆိုတာ Best Cadet ကတော့၊ သူ က ADC (Aide-De-Camp ကိုယ်ရေး အရာရှိ) ပေါ့ဗျာ။ သူတစ်ယောက်ပဲ ဗိုလ်ချုပ်အောင်ကြီးနဲ့ နီးနီးကပ်ကပ် နေရတယ်။ တစ်နေ့ကျတော့ စနေတနင်္ဂနွေ ရောက် သွားတော့ ဗိုလ်မှူးချုပ်အောင်ကြီးဆီ ရောက်ရောက်ချင်း သူက ပြောတယ်ခင်ဗျ၊ ကျနော်တို့ကို သတိပေး တယ်။ မင်းတို့ အရမ်းအရမ်း ငါ့အိမ်ကို မလာနဲ့ကွတဲ့၊ ဘာလို့ ဆို မင်းတို့က တပ်ထဲမှာ ရှိတဲ့ကောင်တွေ မင်း တို့ကို အန္တရာယ်ဖြစ်လိမ့်မယ်။ ငါ့ဘေးပတ်ဝန်း ကျင်မှာတဲ့ ထောက်လှမ်းရေး က အမြဲတမ်း ချထားတယ်တဲ့။ ကိုမြင့်ထူးကလည်း၊ ကျနော့် ထောက်ပံ့ကြည့်ရှုထားတဲ့ ပုဂ္ဂိုလ်ပဲ ကျနော် လာတွေ့ရမှာ ပေါ့တဲ့၊ အေးတဲ့ မင်းတို့  တတ်နိုင်ရင်တော့ကွာ သိပ်သိပ် မလာကြနဲ့ ၊ မင်းတို့ ဒုက္ခဖြစ်မှာစိုးလို့ ပါတဲ့။ ဒါပေမယ့်လည်း ကျနော်တို့ က ဆက်ဆက်ပြီး စနေတနင်္ဂနွေ လာတာကိုး။ အဲဒီိလိုနဲ့ နေရင်းနေရင်းနဲ့ပေါ့နော်၊ နောက်(၂)လ (၃)လ လောက်နေတော့ (အခု တော့ ကွယ်လွန်သွားပါပြီ) NLD က ဒုတိယဥက္ကဋ္ဌ ဗိုလ်မှူးကြီးကြည်မောင် သူ ကလည်း ရောက် လာတယ်။ ဗိုလ်မှူးကြီးကြည်မောင်က ကျနော်တို့ရဲ့ ဧရာဝတီတိုင်းမှာ သူက တိုင်းမှူးပေါ့ ခင်ဗျာ။ အနောက်တောင်တိုင်း တိုင်းမှူး၊ ဒါပေမယ့် တိုင်းမှူးနဲ့ ကျနော်တို့ တပ်စုမှူး အဆင့်ဆိုတာ အင်မတန်မှ ကွာခြားတာပေါ့နော်။ သို့သော်လည်း သူကလည်း ပွင့်ပွင့်လင်းလင်း စကားပြောရင်းနဲ့မှ သူ့ အကြောင်းတွေ ပြောပြ၊ သူ့ခံစားချက်တွေ ပြောပြပေါ့နော်။ အဲဒီတော့မှ ကျနော်တို့က သူတို့ဆီကနေ အပြင်လောကက လူတွေ မသိနိုင်တဲ့ အချက်အလက်တွေ ကျနော်တို့ သိလာရ တာပေါ့။ ၆၂ ခုနှစ် အာဏာ သိမ်းတာတို့၊ တပ်ထဲမှာ တော်လှန်ရေးကောင်စီ အတွင်းမှာ ဖြစ်ပျက်တာတို့၊ စီးပွားရေး မူကိစ္စတွေနဲ့ ပတ် သက်ပြီးတော့ အချင်းများကြတာတို့၊ နောက် ငွေစက္ကူ ရာတန် ငါးဆယ်တန်တွေ သိမ်းတဲ့ ကိစ္စတွေ အမျိုး စုံပေါ့ ဗျာ။ နောက်ပြီး ဂျပန်စစ်လျော်ကြေး သွားပြီးတော့ တောင်းတဲ့ အခါမှာ ဖြစ်တဲ့ပြဿနာတွေ၊ အဲဒါတွေ ကျနော်တို့ သိခဲ့ရတယ်။ ဗိုလ်မှူးကြီးကြည်မောင်က ဘာပြောလဲ ဆိုတော့ သူက ဗိုလ်နေ၀င်းတို့ လုပ်တဲ့ ဆို ရှယ်လစ်လမ်းစဉ် ဆိုတာလည်း ကျုပ်က မယုံကြည်ဘူးတဲ့ အလကားပဲတဲ့၊ လုပ်နည်း လုပ်ဟန်တွေလည်း ကျုပ် မကျေနပ်ဘူးတဲ့၊ အဲဒီတော့ ကျုပ်က ဘာမှကို participate မလုပ်ဘူးတဲ့။ အဲဒီတော့ ကျုပ်ကိုလည်း ချဉ်တာပေါ့တဲ့၊ ချဉ်တော့ ကျုပ်က ဘာပဲဖြစ်ဖြစ် ထွက်လိုက်တယ်တဲ့၊ အဲဒီလို ပြောတယ်။ အဲဒီတော့ သင် တန်းတွေ ဘာတွေ ပြီးတော့ပေါ့ဗျာ၊ ကျနော်တို့ လည်း ကျနော်တို့မိခင် တပ်ရင်း ပြန်ရတာပေါ့။ ဗိုလ်မှူးကြီး ကြည်မောင်ကလည်း သူကလည်း ရန်ကုန်ပြန်ဖို့ အကြောင်း ဖန်လာတယ်။ သူက ရန်ကုန်မှာ သူ့ အိမ် (၄၉) လမ်း အိမ်နံပါတ် ဘယ်လောက်ဘယ်လောက် ရေကျော်မှာ၊ အဲဒါလာပါ ၀င်ပါ၊ ပြုပါ၊ ထွက်ပါ ပြောတော့ ကျနော်ကလည်း တပ်ရင်းက မအူပင်မှာဆိုတော့ ရန်ကုန်ကိုဖြတ်ဖြတ်ပြီး ပြန်ရတာကိုး။ ကိုမြင့်ထူးကလည်း သူ့တပ်က သာယာဝတီမှာ ဆိုတော့ ရန်ကုန်ကိုပဲ ဖြတ်ပြီးတော့ သာယာဝတီ သွားရတာကိုး၊ အဲဒီတော့ ရန်ကုန်မှာ ကျနော်တို့ ရပ်နားနေတုန်း တစ်ရက် နှစ်ရက်လောက် နေရတယ်ဆိုရင်၊ ဗိုလ်မှူးကြီးကြည်မောင် ကို ကျနော်တို့ သွားပြီးတွေ့၊ တိုင်းပြည် အခြေအနေတွေကို ကျနော်တို့ ပြောကြ ဆိုကြပေါ့လေ။
ဦးရော်နီညိမ်း ။ ။ ဟုတ်ကဲ့ အန်ကယ်၊ ကျနော်ဒီနေရာမှာ တစ်ခု ဖြတ်မေးချင်လို့။ အန်ကယ်တို့ အဲဒီတော့ ဗိုလ်မှူးချုပ်ဟောင်းအောင်ကြီးရယ် ဗိုလ်မှူးကြီးဟောင်း ကြည်မောင်ရယ်၊ အန်ကယ်တို့ ရယ်ပေါ့ နော်။ အန်ကယ်တို့က တပ်ထဲမှာ ဆက်ရှိနေပြီးတော့ သူတို့က အပြင်ရောက်သွားပြီ၊ သူတို့နဲ့ ပူးပေါင်းပြီးတော့၊ စနစ်တကျ လျှို့ ဝှက်တဲ့ အဖွဲ့အစည်းတစ်ခုမျိုး ဖွဲ့ ပြီးတော့၊ တိုင်းပြည် အတွက် တစ်ခုခု လုပ်မယ်ဆိုတဲ့ အနေအထား ရှိခဲ့ပါသလား ခင်ဗျ။
ဦးခင်မောင်ညွှန့် ။ ။ အဲဒါတော့ ဒီလိုရှိတယ်ခင်ဗျ၊ အဲဒီအချိန်မှာလည်း MI (Military Intelligence - စစ်ထောက်လှမ်းရေး) က တော်တော်ကို နေရာတကာမှာပေါ့ဗျာ၊ အင်မတန်မှ သြဇာအာဏာ ကြီးပြီးတော့ ရှိနေတယ် ဆိုတော့၊ တပ်ထဲက လူတွေက အထူး ဂရုစိုက်ရတော့တာပေါ့ဗျာ။ ကိုယ့်အမြင် ကိုယ့်အယူအဆ ကိုယ့်ယုံကြည်ချက်ကတော့ ရှိကြတာပဲ။ ဒါပေမယ့် လှုပ်ရှားမှုတွေမှာတော့ ကျနော်တို့နဲ့ အဲဒီတုန်းက အနီး ကပ်ဆုံး ရှိနေတဲ့ အထူးသဖြင့်ကတော့ ဗိုလ်မှူးကြီးကြည်မောင်ပေါ့ဗျာနော်၊ ၁၉၆၄ခုနှစ် ကုန်ခါနီးပိုင်း အခြေ အနေမှာတော့ တော်တော်ကို မြေအောက်လှုပ်ရှားမှုတွေက တော်တော်များများဖြစ်နေပြီပေါ့ဗျာ။
ဦးရော်နီညိမ်း ။ ။ ဗိုလ်ကြီးဟောင်း ဦးခင်မောင်ညွှန့်ရဲ့ ပြောစကားတွေကို တပ်မှူးတပ်သား ပြော စကား အစီအစဉ်မှာ ဆက်ပြီး တင်ဆက်သွားမှာ ဖြစ်ပါတယ်ခင်ဗျာ။ ကျနော် ရော်နီညိမ်းပါ။
Ref: VOA News
ဒေါ်စု အကျိုးသက်ရောက်မှုကို ကမ္ဘာက သိပြီ
ကာဝီချုံကစ်တာဝုန်
တနင်္လာနေ့၊ မေလ ၂၈ ရက် ၂၀၁၂
မြန်မာနိုင်ငံ အတိုက်အခံခေါင်းဆောင်နှင့် အမျိုးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည် ရှေ့လတွင် နိုဘယ်ငြိမ်းချမ်းရေးဆု လက်ခံ ရယူအပြီး အင်္ဂလန်နိုင်ငံ အောက်လွှတ်တော်တွင် မိန့်ခွန်းပြောလျှင် ယင်းသည် အရှေ့တောင် အာရှ ဒေသကြီး အတွက် သမိုင်းဝင် နေ့တနေ့ ဖြစ်လိမ့်မည်။
မည်သည့် အတိုက်အခံ ခေါင်းဆောင်မျှ ထိုသို့သော ဂုဏ်ပြုမှုမျိုးကို မရရှိခဲ့ဖူးသေး၍ ပင်ဖြစ်သည်။ လွန်ခဲ့သော လပေါင်း အတော် များများကပင် ထိုသို့သော ဒေါ်အောင်ဆန်းစုကြည်နှင့် ပတ်သက်သည့် သတင်းများ ပြည်တွင်းပြည်ပ မီဒီယာ များ၌ လွှမ်းမိုးနေခဲ့သည်။ ကမ္ဘာ့ခေါင်းဆောင်များ မြန်မာပြည်သို့ လာရောက် လည်ပတ်ကြရာတွင်လည်း နေပြည်တော် ရှိ အစိုးရ ခေါင်းဆောင်များနှင့် တွေ့ဆုံသည့် သတင်းထက် သူနှင့် တွေ့ဆုံသည့် သတင်းက ပိုအရေးပါကာ မီဒီယာများ တွင် အသားပေး ဖော်ပြခြင်း ခံခဲ့ရသည်။ အချို့သော ဥရောပနိုင်ငံ ခေါင်းဆောင်များဆိုလျှင် အစဉ်အလာ သံတမန် ထုံးတမ်းများကိုပင် ဘေးချိတ်ကာ အိမ်ရှင် အစိုးရ ခေါင်းဆောင်များထက် သူ၏ အင်းယားကန် နံဘေး အိမ်တွင် ပိုမို အချိန်ပေးကာ အသားပေး တွေ့ဆုံခဲ့ကြသည်။
သူ လျှောက်နေသော လမ်းမှာ နိုင်ငံရေးအရ တိုက်ပွဲဝင်မှုပုံစံ မတူသော်လည်း သူ့ရှေ့က နိုဘယ်ဆုရှင် နယ်လ်ဆင် မင်ဒဲလား လျှောက်လှမ်းခဲ့သည့် ပုံစံ အတိုင်းပင် ဖြစ်သည်။
သူကလည်း ဒီမိုကရေစီပန်းတိုင်ကို အကြမ်းမဖက် လမ်းကြောင်းဖြင့် သွားလိုသည်။ နယ်လ်ဆင် မင်ဒဲလားကလည်း လူဖြူလူမဲ ခွဲခြားမှု စနစ်ဆိုးကြီးကို ထိုသို့ပင် အကြမ်းမဖက် ပုံစံဖြင့် သွားလိုခဲ့သည်။ ယခုလို အချိန်မျိုးတွင် သူ့အနေဖြင့် နယ်လ်ဆင် မင်ဒဲလားလို သြဇာမျိုး၊ အောင်မြင်မှုမျိုး ရနိုင်ပါ့မလား ဆိုသည်မှာမူ ပြောဘို့ရန် စောပါသေးသည်။
ငြင်း၍ မရသည့် အချက်မှာ ကမ္ဘာနှင့် အာဖရိကတိုက်တွင် တောင်အာဖရိကနိုင်ငံ၏ အရေးပါမှုနှင့် သူ့နိုင်ငံရေးစန်း၊ စေ့စပ်ကြေအေး လိုသည့် စိတ်ဓါတ်တို့က နယ်လ်ဆင် မင်ဒဲလားကို ကမ္ဘာ့နိုင်ငံရေး ခေါင်းဆောင် အဆင့်အတန်းသို့ တွန်းတင်ပေးခဲ့သည်။ ပရီတိုးရီးယားရှိ အစိုးရကလည်း မင်ဒဲလား၏ စန်းနှင့် ကမ္ဘာ့ထောက်ခံမှုကို အမြော်အမြင်ရှိရှိ အသုံးချကာ နယ်ပယ်စုံတွင် ရင်းနှီးမြှုပ်နှံမှုများ ရရှိရေးနှင့် အမျိုးသား ဖွံ့ဖြိုး တိုးတက်မှုတို့အတွက် အသုံးချနိုင်ခဲ့သည်။ ၂ဝ၁ဝ ကမ္ဘာ့ဖလား ဘောလုံးပြိုင်ပွဲတွင် သာမက ဂျီ ၂ဝ အုပ်စု အစည်း အဝေးတွင်လည်း တောင်အာဖရိက နိုင်ငံ ထည်ထည်ဝါဝါ ရပ်တည်နိုင်ရေးနှင့် ဘရစ်(BRICS)ဟု ခေါ်သော ဘရာဇီး၊ ရုရှ၊ အိန္ဒိယ၊ တရုတ် နှင့် တောင်အာဖရိက နိုင်ငံတို့ ပါဝင်သည့် ကမ္ဘာ့ အင်အားစုကြီး တရပ် ပေါ်ထွက်လာရေး တို့တွင်လည်း မင်ဒဲလားက အောင်မြင်စွာ စွမ်းဆောင်နိုင်ခဲ့သည်။
အသားအရောင် ခွဲခြားမှု ဆန့်ကျင်ရေး တိုက်ပွဲများနှင့် ခွင့်လွှတ် ကြေအေးလိုသော သဘောထား တို့ကြောင့် ပထမဆုံး တောင်အာဖရိက လူမဲ သမ္မတကြီးသည် ကမ္ဘာ့ ရောက်လေရာ နေရာတိုင်း၌ ချီးကျူး ဂုဏ်ပြုမှုကို ခံယူခဲ့ရသည်။ တိုင်းပြည် အတွက် နိုင်ငံတကာ၏ စာနာထောက်ခံမှုကို အရယူ ပေးနိုင်ခဲ့သည်။
ထိုအတိုင်းပင် ဒေါ်အောင်ဆန်းစုကြည်၏ သြဇာအရှိန်အဝါသည်လည်း တက်လာနေပါသည်။ သူသည်လည်း ရွေးကောက်ခံ လွှတ်တော် ကိုယ်စားလှယ် တဦး အနေဖြင့် သူ၏ စန်း၊ သူ၏ ငြိမ်းငြိမ်း ချမ်းချမ်း ဒီမိုကရေစီ တိုက်ပွဲဝင်ရေး လမ်းစဉ်တို့ကို သယ်ဆောင်ကာ ၂၄ နှစ်အတွင်း ပထမဆုံး နိုင်ငံခြား ခရီးစဉ်အဖြစ် ထိုင်း၊ ဆွစ်ဇာလန်၊ နော်ဝေ၊ ယူကေ နှင့် အိုင်ယာလန်နိုင်ငံများသို့ ခရီး လှည့်လည် ပါလိမ့်မည်။
သူ၏ ထိုင်းခရီးစဉ်မှာ အလွန်နက်ရှိုင်းသော အဓိပ္ပါယ်များ ရှိနေပါသည်။ ထိုင်းနှင့်မြန်မာ နှစ်နိုင်ငံမှာ ကီလိုမီတာ ၂,၄ဝဝ ရှည်လျားသည့် နယ်နိမိတ်ချင်း ထိစပ်နေပြီး အတိုက်အခံ တိုင်းရင်းသား အဖွဲ့များ အခြေစိုက်ရာ နေရာလည်း ဖြစ်နေပါ သည်။ လူနည်းစု လူမျိုးစုများနှင့် အောင်မြင်သည့် ရင်ကြားစေ့ရေး အစီအစဉ်တရပ် ပေါ်ပေါက်ရေးတွင် ထိုင်းနိုင်ငံ၏ ထောက်ခံမှုကို လိုအပ်ပါလိမ့်မည်။
ထို့ပြင် ဂုဏ်သိက္ခာကြီးမားသော ကမ္ဘာ့စီးပွါးရေးဆွေးနွေးပွဲ၌ ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့ နှစ်ဦးလုံး တက်ရောက် လာခြင်းကလည်း မြန်မာနိုင်ငံရှိ ဆောင်ရွက်ဆဲ ပြုပြင် ပြောင်းလဲရေး လုပ်ငန်းများ အပေါ် နိုင်ငံတကာ အသိုင်းအဝိုင်း၏ ယုံကြည်မှုကို တိုး၍ ရရှိစေပါလိမ့်မည်။
သူတို့ နှစ်ဦးအကြား တဦးနှင့်တဦး ယုံကြည်မှု ရှိနေသမျှ တချိန်က အစွန့်ပယ်ခံနိုင်ငံအပေါ် စိတ်စေတနာကောင်း ထားမှုများကို မပျက်သွားရအောင် ထိန်းသိမ်း ထားနိုင်ပါလိမ့်မည်။ တိုင်းရင်းသား အဖွဲ့အစည်းများနှင့် လက်နက်ကိုင် တိုက်ခိုက်မှုများ၊ လူ့အခွင့်အရေး ချိုးဖောက်မှုများ ရှိနေဆဲ ဖြစ်သော်ငြားလည်း ထိုပုဂ္ဂိုလ်နှစ်ဦးက မြန်မာနိုင်ငံကို ဒေသတွင်းနှင့် ကမ္ဘာ့ အသိုင်းအဝိုင်း အကြား ဝင်ဆံ့အောင် လုပ်နိုင်ခဲ့ကြပါသည်။
ဘန်ကောက် ခရီးစဉ်အပြီးတွင် သူ ဥရောပခရီးစဉ် ဆက်လက်ထွက်ခွါ သွားပါလိမ့်မည်။ သူ့အတွက် နိုင်ငံတကာ အသိုင်းအဝိုင်းအကြား ထင်ရှားမှုကို ပိုမို ရရှိစေပါလိမ့်မည်။ ဂျီနီဗာရှိ ကမ္ဘာ့ အလုပ်သမား အဖွဲ့ချုပ်၌ မိန့်ခွန်းပြောခြင်း အပြင် ဇွန်လ ၁၆ ရက်နေ့၌ နိုဘယ်ငြိမ်းချမ်းရေး ဆုပေးရေး ကော်မတီက အော်စလိုတွင် ပြုလုပ်မည့် ဆုပေးပွဲ အခမ်းအနားသို့လည်း သူ တက်ရောက် ပါလိမ့်မည်။ ၁၉၉၁ နှစ်က ထိုဆုကို ရရှိအပြီး ၂၁ နှစ်ကြာမှ ထိုအခမ်းအနားသို့ တက်ရောက်နိုင်ခြင်းဖြစ်ပါလိမ့်မည်။
ထိုအချိန်က သူသည် နေအိမ်အကျယ်ချုပ် ကျခံနေရဆဲဖြစ်ပြီး နိုင်ငံခြားသို့ ခရီးထွက်ခွင့် မရှိခဲ့ပါ။ နော်ဝေပွဲ အပြီး၌ သူသည် ဗြိတိသျှ ပါလီမန်တွင် မိန့်ခွန်းပြောပြီး အိုင်ယာလန် နိုင်ငံသို့ ရက်တိုခရီးစဉ် ဆက်လက် ထွက်ခွါမည် ဖြစ်ပါသည်။ ပထမဆုံး အာဆီယံနိုင်ငံ တနိုင်ငံမှ ငြိမ်းချမ်းရေး နိုဘယ် ဆုရှင်တဦး အနေဖြင့် အာဆီယံအဖွဲ့ဝင် နိုင်ငံများ အထူးတလည် လိုအပ်နေသော ဒီမိုကရေစီ ဖွံ့ဖြိုးရေး လုပ်ငန်းများနှင့်မျှော်မှန်းချက် များကို ရရှိရေးအတွက် စွမ်းဆောင် ပေးနိုင်ပါလိမ့်မည်။ အဖွဲ့ဝင် အင်ဒိုနီးရှား နိုင်ငံလိုပင် တချိန်က ဒီမိုကရေစီရေး၌ အနိမ့်ကျဆုံး ဖြစ်ခဲ့ရာမှ အဖွဲ့ကြီး၏ အဓိက မောင်းနှင်အား ဖြစ်ခဲ့ သလိုပင် ဒေါ်အောင်ဆန်းစုကြည်သည်လည်း မြန်မာနိုင်ငံ၏ အနေအထားကို အာဆီယံအ ဖွဲ့ကြီး အတွင်းသာမက နိုင်ငံတကာ အသိုင်းအဝိုင်း ကြား၌လည်း ဂုဏ်သတင်း မွှေးပျံ့အောင် စွမ်းဆောင်ပေးနိုင် ပါလိမ့်မည်။
အကောင်းဆုံးရလဒ် ထွက်ပေါ်လာရေး အတွက်ဆိုလျှင် အာဆီယံ အဖွဲ့ကြီး၏ လက်သုံး စကားကို ငှါးရမ်း သုံးစွဲရမည် ဆိုပါက ဒေသတွင်းနိုင်ငံများနှင့် သန်းပေါင်း ၆ဝဝ မျှသော ထိုနိုင်ငံသားများနှင့် “ဆက်သွယ်မှု”ကို သူ ကြိုးစား တည်ဆောက် ရပါဦးမည်။ ယခု လောလောဆယ်တွင်တော့ သူသည် အနောက်နိုင်ငံများ၏ စံသတ်မှတ်ချက် ထုံးတမ်း စဉ်လာများနှင့်သာ အသားကျနေပါသေးသည်။ အချိန် ကြာလာသည်နှင့်အမျှ တချိန်က သူ့ကို စွန့်ပစ် ထားခဲ့သော ဒေသတွင်း နိုင်ငံများနှင့် ပိုမိုနီးစပ် လာပါလိမ့်မည်။
တဘက်တွင် ရီစရာကောင်းသည်မှာ အာဆီယံ အဖွဲ့ကြီးသည် တချိန်တွင် ဒေါ်အောင်ဆန်းစုကြည် ပုံသွင်း ပုံဖော်နိုင်မည့် အဖွဲ့အစည်း အမျိုးအစား တခု ဖြစ်နေခြင်းပင်ဖြစ်သည်။ မြန်မာနိုင်ငံ ၂ဝ၁၄ ခုနှစ်တွင် အာဆီယံ အလှည့်ကျ ဥက္ကဋ္ဌ တာဝန်ကို ယူရသည့်အခါ နေပြည်တော်ရှိ အစိုးရနှင့် ဒေါ်အောင်ဆန်းစုကြည် တို့ အနေဖြင့် သူတို့သာ ဆန္ဒရှိလျှင် အာဆီယံ၏ ပေါင်းစည်းမှုနှင့် ပွင့်လင်းမှု တို့အတွက် တာဝန်ကို ထမ်းဆောင်ပေးနိုင် ပါလိမ့်မည်။ သူ၏ နိုင်ငံရေး အနာဂါတ် ယခုအတိုင်း ဆက်လက် ပွင့်လန်းနေဦးမည် ဆိုလျှင် နိုင်ငံ၏ အနာဂါတ် ခေါင်းဆောင် တဦးလည်း ဖြစ်လာနိုင် ပါသေးသည်။ ထိုသို့ဆိုလျှင် အာဆီယံ အဖွဲ့ကြီး၏ ရှေ့လုပ်ငန်းစဉ်များကို သူကိုယ်တိုင် ချမှတ်လာနိုင် ပါလိမ့်မည်။
သူသည် တဖြေးဖြေးနှင့် အာဆီယံ၏ လူကြိုက်အများဆုံး အထင်ရှားဆုံး နိုင်ငံရေး သမားတဦး ဖြစ်လာနေပါသည်။
လွန်ခဲ့သောနှစ် သြဂုတ်လ သမ္မတ ဦးသိန်းစိန်နှင့် သူတွေ့ဆုံပွဲ အပြီးကတည်းက အာဆီယံ အဖွဲ့ကြီးသည် သူ၏ ဒီမိုကရေစီရေး တိုက်ပွဲကို ပိုမိုထောက်ခံ လာခဲ့ပါသည်။ ၁၉၉ဝ နှင့် ၂ဝ၁၁ အကြား ကာလတွင် သူနှင့် အာဆီယံ ခေါင်းဆောင်များ အကြား ဆက်ဆံရေးမှာ အတော် ဆိုးရွားခဲ့ပါသည်။ ရန်ကုန် အခြေစိုက် အာဆီယံနိုင်င်ငံများမှ သံတမန်များနှင့် သူ တွေ့ဆုံရန် စီစဉ်ထားခဲ့သော ၁၉၉၅ ဂျူလိုင်ပွဲ ပျက်သွားပြီး ကတည်းက နှစ်ဘက်လုံးက မတွေ့ဘဲ ရှောင်နေခဲ့ကြသည်။ ထိုအချိန်က အာဆီယံ အဖွဲ့ကြီးသည် မြန်မာအစိုးရ၏ ဖိအားကြောင့် အထီးကျန် အတိုက်အခံခေါင်းဆောင်နှင့် တွေ့မည့် အစီအစဉ်ကို အစိုးရ အလိုကျ ဖျက်သိမ်းခဲ့သည်။
ယခုနှစ် ဖေဖော်ဝါရီလကျမှ အာဆီယံ အတွင်းရေးမှူးချုပ် ဒေါက်တာဆူရင်ပစ်ဆူဝမ် နှင့် တွေ့ဆုံကာ နှစ်ဘက်အကြား အေးခဲနေခဲ့သော ဆက်ဆံရေးကို ပထမဆုံး အကြိမ်အဖြစ် ပြန်လည် နွေးထွေးလာအောင် လုပ်နိုင်ခဲ့သည်။ ဒေါ်စုနှင့် တွေ့ပြီးကတည်းက ဒေါက်တာ ဆူရင် တယောက်ကတော့ ဒေါ်စု၏ အခန်းကဏ္ဍအပေါ် ချီးကျူးခန်း ဖွင့်နေခဲ့သည်။
“သူသည် မြန်မာတနိုင်ငံလုံး လူထုကို နိုးကြွလာအောင် လုပ်နိုင်သည့်သူဖြစ်ပြီး အာဆီယံ အဖွဲ့ကြီး အတွင်းရှိ ပြည်သူ များ၊ အထူးသဖြင့် အပယ်ခံ အောက်ဆုံး အလွှာအတွက် မျှော်လင့်ချက်လည်း ဖြစ်ပါသည်။”
ထိုအချိန်ကတည်းက စ၍ ဒေါ်စုကလည်း အာဆီယံနှင့်စပ်လျဉ်းပြီး မိမိ၏အမြင်သဘောထားများကို ထုတ်ဖော် ပြောဆို နေခဲ့ပါသည်။ အာဆီယံ အခြေစိုက် ထိပ်တန်း စီးပွါးရေး သမားများနှင့် ဖေဖော်ဝါရီလ အတွင်း တွေ့ဆုံစဉ်က သူ၏ “ရိုးရှင်းသော ရည်မှန်းချက်” ဖြစ်သော မြန်မာနိုင်ငံ ထပ်မံဖွံ့ဖြိုး တိုးတက်လာပြီး နောက် ၁ဝ နှစ်အတွင်း အာဆီယံ နိုင်ငံအချို့ကို ကျော်တက် သွားသည်ကို မြင်လိုကြောင်း ပွင့်ပွင့်လင်းလင်းပင် ထုတ်ဖော် ပြောဆိုခဲ့ပါသည်။ လက်ရှိ ပြုပြင်ပြောင်းလဲရေး လုပ်ငန်းများ နောက်ပြန် မလှည့်ဘူး ဆိုလျှင်၊ လက်ရှိ ဒီမိုကရေစီ ပြုပြင်ပြောင်းလဲရေး လမ်းကြောင်း အတိုင်း ဆက်သွားနေမည်ဆိုလျှင် အနောက်နိုင်ငံက ချမှတ်ထားသော ပိတ်ဆို့ အရေးယူမှုများကို ထိထိရောက်ရောက် ပြန်လည် ရုပ်သိမ်း လိုက်မည်ဆှိုလျှင် ဒေါ်အောင်ဆန်း စုကြည်၏ အိပ်မက် အမှန်တကယ် အကောင်အထည် ပေါ်လာ ပါလိမ့်မည်။
နောက်ကြောင်းကို ပြန်လည် သုံးသပ်ရမည် ဆိုလျှင် အာဆီယံခေါင်းဆောင် အချို့ အနေဖြင့် ဒေါ်အောင်ဆန်းစုကြည်ကို ပြန်လည်တောင်းပန်ဘို့ လိုပါသည်။ ယခုလက်ရှိ သူ၏ အခန်း ကဏ္ဍနှင့် အဆင့်အတန်းကို ထောက်ထားလျှင် သူ အကျယ်ချုပ် ကျနေစဉ် သူ့အပေါ် တချိန်က ပြောဆိုခဲ့သော ခြိမ်းခြောက်သည့် သဘောဆောင်သည့် မှတ်ချက်များ အတွက် တောင်းပန်ရန် လိုအပ်ပါသည်။ သူ မလွတ်မီက ဆိုလျှင် အာဆီယံ ခေါင်းဆောင်များသည် သူနှင့်တွေ့ဆုံရန် ကိစ္စကို ရှောင်ရှားခဲ့ကြပါသည်။ ဝန်ကြီးချုပ် ချွမ်လိပိုင် တဦးတည်းသာလျှင် သူ၏ ဝန်ကြီးချုပ် သက်တမ်း ၁၉၉၇ မှ ၂ဝဝဝ ခုနှစ်အတွင်း သူ့ကို ဒေါ်စုနှင့် တွေ့ခွင့်မပြုသည့် အတွက် ဆိုကာ မြန်မာနိုင်ငံသို့ သွားရောက် လည်ပတ်ရန် ငြင်းဆန်ခဲ့သည့် တဦးတည်းသော ထိုင်းဝန်ကြီးချုပ် ဖြစ်ပါသည်။ ၁၂ နှစ် ကြာပြီးမှသာ ချွမ်လိပိုင်သည် ဒေါ်အောင်ဆန်းစုကြည်နှင့် ယခုနှစ်မှ ရန်ကုန်တွင် တွေ့ဆုံနိုင်ခဲ့ပါသည်။
အခက်အခဲနှင့် ပြဿနာများ ရှိနေခဲ့သော်လည်း ဒေါ်အောင်ဆန်းစုကြည်သည် ပင်ကိုယ် အားဖြင့် သူသည် အသွင် ပြောင်းလဲရေး အတွက် လုပ်ဆောင်နိုင်သော ခေါင်းဆောင် တဦး ဖြစ်ကြောင်း၊ ဥပဒေ စည်းကမ်း အတိုင်းသာ လုပ်တတ် သူတဦးဖြစ်ကြောင်း၊ ရန်ဘက်များ အပေါ် ရန်မလိုဘဲ စေ့စပ် ကြေအေးလို စိတ်သာ ရှိသူဖြစ်ကြောင်း ပြသနိုင်ခဲ့ပါသည်။ သူသည် အခြား အာဏာ ဆာလောင် မွတ်သိပ်နေသော အာဆီယံခေါင်းများနှင့် မတူ တမူခြားနားသူ ဖြစ်ပါသည်။ ထိုခေါင်းဆောင်များက မကြာခဏ လူ့အခွင့်အရေး ချိုးဖောက်မှုများ၊ ဒီမိုကရေစီ အခွင့်အလမ်း ပိတ်ပင်မှုများ ပြုလုပ်လေ့ ရှိကြပြီး မိမိတို့ တင်းတင်းကြပ်ကြပ် ချုပ်ကိုင် ထားသော အာဏာကို စီးပွါးရေး ဖွံ့ဖြိုးမှုဖြင့် ကာကွယ် ထိန်းသိမ်း ထားလိုသူများ ဖြစ်ကြပါသည်။
အာဆီယံ အဖွဲ့ကြီး၏ ဦးစီးပဲ့ကိုင် ခေါင်းဆောင်တဦးကို ဒေသတွင်းနိုင်ငံများ မြင်တွေ့ခွင့် ရမရ ဆိုသည်မှာမူ အခြေအနေ များကို သူဘယ်လောက် လေ့လာနိုင်စွမ်း ရှိသည် သူ၏ အခန်း ကဏ္ဍကို နိုင်ငံ နယ်နိမိတ်ကို ကျော်လွန်၍ တည်ဆောက်ထားနိုင် မနိုင်ဆိုသည့် အချက်များပေါ်တွင် မူတည်နေပါသည်။
မည်သို့ပင်ဖြစ်စေ အတိုက်အခံ ခေါင်းဆောင်တဦးအနေဖြင့် သူ့ အဓိက လုပ်ကိုင်ရမည်မှာ အမျိုးသား ရင်ကြားစေ့ရေး လုပ်ငန်းကို တကယ် လုပ်ဆောင်နိုင်စွမ်း ရှိသူ ဖြစ်ကြောင်း ပြသနိုင်ရမည်ဖြစ်ပြီး သူ၏ နိုင်ငံသားများ အတွက်လည်း စားဝတ်နေရေး ဖူလုံမှုကို ဆောင်ကြဉ်းပေးနိုင်ရမည် ဖြစ်ပါသည်။
ထိုမှတဆင့်တက်၍သာ ဒေသတွင်း နိုင်ငံများနှင့် ပြည်သူများအတွက် သူ စွမ်းဆောင်နိုင်လိမ့်မည် ဖြစ်ပါသည်။ ။
ကာဝီ ချုံကစ်တာဝုန် သည် အာရှရေးရာနှင့် အာဆီယံရေးရာ ကျွမ်းကျင်သူဖြစ်သည်။
Ref: မဇ္ဈိမ
လွှတ်တော်တွင်း တခြားပါတီတွေနဲ့ ပူးပေါင်းဆောင်ရွက် သွားမည်လို့ ဒေါ်အောင်ဆန်းစုကြည်ပြော
2012-05-28
အမျိုးသားဒီမိုကရေစီ အဖွဲ့ချုပ် အနေနဲ့ အတိုက်အခံ ပါတီကြီးတစ်ခု ဖြစ်တဲ့အလျောက် လွှတ်တော်တွင်းက တိုင်းရင်းသား ပါတီတွေ၊ အခြား အတိုက်အခံ ပါတီတွေနဲ့ ပူးပေါင်း လုပ်ဆောင် သွားမှာ ဖြစ်တယ်လို့ ဒေါ်အောင်ဆန်းစုကြည်က ပြောကြား လိုက်ပါတယ်။
မြန်မာနိုင်ငံကို ရောက်ရှိနေတဲ့ ဂျာမန်လွှတ်တော် ဥက္ကဋ္ဌအဖွဲ့နဲ့ ဒီကနေ့မနက် တွေ့ဆုံစဉ် ဒေါ်အောင်ဆန်းစုကြည် က အခုလို ပြောကြားတာ ဖြစ်တယ်လို့ NLD ဗဟို အလုပ်အမှုဆောင် အဖွဲ့ဝင် ဦးဟန်သာမြင့်က အခုလို ပြောပါတယ်။
" ဒေါ်အောင်ဆန်းစုကြည်က - ကျွန်မတို့ကတဲ့ မှန်ပါတယ်။ ရာခိုင်နှုန်း အနေနဲ့တော့ နည်းနည်းလေးပဲ။ ဒါပေမဲ့ ကျွန်မတို့က အဓိက အတိုက်အခံ ပါတီ ဖြစ်သွားပြီ။ အတိုက်အခံ ပါတီ တစ်ခု အနေနဲ့က အကြီးဆုံးပဲ။ အဲတော့ ၂၀၁၀ ခုနှစ်က ဘာကြောင့် မဝင်ခဲ့သလဲ ဆိုတဲ့ အကြောင်းပြောတယ်။ အဲဒီတုန်းက ဝင်ခဲ့တဲ့ ပါတီတွေရှိတယ်။ အဲဒီထဲက တိုင်းရင်းသား ပါတီတွေနဲ့ အင်မတန်ကောင်းတဲ့ ဆက်ဆံရေး ရှိနေတယ်။ တချို့သော တိုင်းရင်းသား ပါတီများက ၁၉၉၀ ခုနှစ်ကစပြီးတော့ အခုထက်ထိ NLD နဲ့ ဆိုလို့ရှိရင် အင်မတန်ကောင်းတဲ့ ဆက်ဆံရေး ရှိတယ်။ NLD အဖိနှိပ် ခံနေရ ကတည်းက သူတို့က ထောက်ခံခဲ့တာ ဖြစ်တဲ့ အတွက်ကြောင့် သူတို့နဲ့ မခွဲမခွာ ခုထက်ထိ ရှိနေတယ်ဆိုတဲ့ အကြောင်း၊ သူတိုနဲ့လည်း လုပ်ဆောင်သွားမယ်။ အခု လွှတ်တော်ထဲမှာ ရှိနေပြီးသား၊ ရောက်နေပြီးသား တိုင်းရင်းသား ပါတီများနဲ့လည်း ပူးပေါင်းပြီး လုပ်ဆောင်သွားမယ် ဒါကို ပြောသွားတာပါ"
ဂျာမန်လွှတ်တော်ဥက္ကဋ္ဌနဲ့ အဖွဲ့ဟာ ဒီကနေ့ မနက်က NLD ဥက္ကဋ္ဌ ဒေါ်အောင်ဆန်းစုကြည်၊ နာယက ဦးတင်ဦးနဲ့ ဗဟိုအလုပ် အမှုဆောင် အဖွဲ့ဝင်တွေ၊ NLD လွှတ်တော် ကိုယ်စားလှယ်တွေကို ရွှေဂုံတိုင်လမ်း အဖွဲ့ချုပ်ရုံးမှာ လာရောက် တွေ့ဆုံခဲ့ပါတယ်။
NLD ပါတီက လွှတ်တော်အတွင်း ဆောင်ရွက်မယ့် ကိစ္စရပ်တွေနဲ့ ပတ်သက်ပြီး ဒေါ်အောင်ဆန်းစုကြည်နဲ့ ဆွေးနွေးမေးမြန်း ခဲ့ကြောင်း သိရပါတယ်။
ပြီးခဲ့တဲ့ လဆန်းပိုင်းကပဲ ဒေါက်တာအေးမောင်၊ ဦးစိုင်းအိုက်ပေါင်း စတဲ့ တိုင်းရင်းသား လွှတ်တော် ကိုယ်စားလှယ်တွေနဲ့ NLD အမတ်တွေ ဖြစ်ကြတဲ့ ဦးမင်းဦး၊ ဒေါက်တာ လှမြတ်သွေးတို့ ပါဝင်တဲ့ လွှတ်တော်အမတ် တချို့ဟာ မေလ ၅ ရက်နေ့ကနေ ၁၃ ရက်နေ့အထိ ဂျာမဏီနိုင်ငံက လွှတ်တော်ကို သွားရောက်လေ့လာခဲ့ကြပါတယ်။
Ref: RFA News
အိန္ဒိယ-မြန်မာ နှစ်နိုင်ငံ လုံခြုံရေးပူးပေါင်းဆောင်ရွက်မည်။
ကိုသားညွန့်ဦး
တနင်္လာ, 28 မေ 2012
အိန္ဒိယ၀န်ကြီးချုပ် မန်းမိုဟန်ဆင်းဟာ မနေ့တုန်းက မြန်မာသမ္မတ ဦးသိန်းစိန်နဲ့ တွေ့ဆုံရာမှာ နှစ်နိုင်ငံ နယ်စပ် လုံခြုံရေးနဲ့ တည်ငြိမ်ရေး ကိစ္စတွေကို အလေးပေးဆွေးနွေး သွားပါတယ်။ ဒါ့အပြင် အိန္ဒိယ အနေနဲ့ မြန်မာနိုင်ငံတွင်း IT နည်းပညာပိုင်း ဆိုင်ရာ ဖွံ့ဖြိုး တိုးတက်မှုအတွက် ငွေကြေးရော နည်းပညာအရပါ ကူညီသွားဖို့ အိန္ဒိယ ၀န်ကြီးချုပ်က ကတိပြုခဲ့ပါတယ်။ ဒီအကြောင်း ကိုသားညွန့်ဦးက တင်ပြပေးထားပါ တယ်။
အိန္ဒိယနဲ့ မြန်မာနယ်ချင်းစပ်ဒေသတွေက လက်နက်ကိုင် လှုပ်ရှားမှုတွေကို တိုက်ဖျက်ဖို့ ကိစ္စမှာ အိန္ဒိယ အနေနဲ့ မြန်မာနိုင်ငံနဲ့ နီးနီး ကပ်ကပ် လက်တွဲဆောင်ရွက် သွားဖို့ လိုမယ်လို့ အိန္ဒိယနိုင်ငံခြားရေး ၀န်ကြီး Somannahalli Mallaiah Krishna က သတင်းထောက်တွေကို ပြောသွား ပါတယ်။ မြန်မာ-အိန္ဒိယနှစ်နိုင်ငံ လုံးဟာ နယ်စပ်မှာ သူပုန်ထမှု အခြေအနေတွေကို ရင်ဆိုင်နေရတာကြောင့် နယ်စပ် လုံခြုံရေးအတွက် ပူးတွဲ မဟာဗျူဟာ တရပ် ထားဖို့လိုမယ်လို့ သုံးရက်ကြာ မြန်မာခရီးစဉ် အတွင်း အိန္ဒိယ ၀န်ကြီးချုပ်နဲ့ အတူ ပါလာတဲ့ အိန္ဒိယနိုင်ငံခြားရေး ၀န်ကြီး Krishna က ပြောသွားပါတယ်။
“ နှစ်နိုင်ငံ ဆက်ဆံရေးပိုင်းမှာ သေချာတာတခုက လုံခြုံရေးနဲ ဆက်နွယ်နေတဲ့ ဆက်စပ် ဆောင်ရွက် ချက်တွေလည်း ပါဝင်ပါတယ်။ နှစ်နိုင်ငံ စလုံးဟာ အကြမ်းဖက်မှုလို၊ သူပုန်ထမှုလို ပြဿနာရပ်တွေလည်း ရင်ဆိုင်နေကြရတာပါ။ ဒါကြောင့် နှစ်ဘက်စလုံးက အကြမ်းဖက်မှုတွေနဲ့ သူပုန် ထမှုတွေကို ဘယ်လို ကိုင်တွယ် မလဲဆိုတဲ့ ပူးတွဲမဟာဗျူဟာ တရပ်ကို နှစ်နိုင်ငံ ပူးပေါင်းဆောင်ရွက်သွားဖို့ လိုပါတယ်။ ဒီကိစ္စတွေကို နားလည် သဘောပေါက် ထားရပါမယ်။ ဒါကြောင့် ဒီ ပူးပေါင်းဆောင်ရွက်မှုတွေ ပို နက်နက်ရှိုင်းရှိုင်း လုပ်ဆောင်နိုင်ဖို့ လိုအပ်သလိုပဲ ဒုတိယ ပိုင်းအားဖြင့်တော့ စီးပွားရေးအရ ဆက်ဆံမှုတွေမှာ ပူးပေါင်းဆောင်ရွက် သွားရပါမယ်။ အရေးကြီးမှုက အတူတူပါပဲ။”
အိန္ဒိယအစိုးရကို လက်နက်ကိုင်ပုန်ကန်နေတဲ့ နာဂသူပုန်အဖွဲ့အစည်းအချို့ဟာ မြန်မာ ပိုင်နက်ထဲမှာ ခိုအောင်းပြီး လှုပ်ရှားနေတယ်လို့ အိန္ဒိယဘက်က ယူဆထားတာပါ။ တချိန်တည်းမှာ မြန်မာ အစိုးရကို ပုန်ကန်တဲ့ တိုင်းရင်းသား သူပုန်အချို့ဟာ အိန္ဒိယ မြန်မာနယ်စပ် တလျှောက်မှာ လှုပ်ရှားနေတာပါ။ ဒီအပေါ်မှာ နှစ်ဖက် ပူးပေါင်းပြီး သူပုန်ထမှုတွေကို ကိုင်တွယ်သွားဖို့ အိန္ဒိယဘက်က လိုလားပုံ ရပါတယ်။ ဒါပေမယ့်လည်း မြန်မာဖက် ကတော့ မြန်မာ တိုင်းရင်းသား လက်နက်ကိုင်တွေနဲ့ ငြိမ်းချမ်းရေး သဘောတူညီချက် ယူပြီး၊ နယ်စပ် အခြေအနေ တွေကို ထိန်းချုပ်နိုင်အောင် ကြိုးပမ်းနေတယ်လို့ မြန်မာ သမ္မတက ပြောဆိုခဲ့တဲ့ အကြောင်း အိန္ဒိယနိုင်ငံခြားရေး အတွင်းဝန် Ranjan Mathai က သတင်းထောက်တွေကို နေပြည်တော်မှာပြောပါတယ်။
“နယ်စပ်ဒေသတွေမှာ အခြေအနေတွေကို ထိန်းချုပ်နိုင်အောင် ကြိုးပမ်းနေတယ်လို့ မြန်မာသမ္မတက ပြော ပါတယ်။ နယ်စပ်က မြန်မာ တိုင်းရင်းသား အုပ်စုတွေနဲ့ ငြိမ်းချမ်းရေး သဘောတူညီမှု ရအောင် ဆောင်ရွက်နေတာတွေကို ပြောပါတယ်။ ဒါ့အပြင် အိန္ဒိယအစိုးရကို ဆန့်ကျင်တဲ့ အင်အားစုတွေ အိန္ဒိယ သူပုန်တွေကိုလည်း မြန်မာပိုင်နက်ထဲမှာ မရှိစေရဘူးလို့ ထပ်လောင်း ကတိပြုပေးပါတယ်။ ငြိမ်းချမ်းရေး သဘော တူညီချက်တွေရအောင် ကြိုးပမ်းနေသလိုပဲ၊ လိုအပ်ရင် လိုအပ်သလို လုံခြုံရေး အရ ဆောင်ရွက်မှုတွေ ကိုလည်း လုပ်ဆောင်သွားမယ် လို့ မြန်မာ သမ္မတက ပြောပါတယ်။ နယ်စပ်ဒေသ ဖွံဖြိုးရေးနဲ့ လုံခြုံရေး အတွက်လိုအပ်ချက်တွေ ကျနော်တို့ဘက်က ရပ်တည်ချက်တွေကိုလည်း သူတို့ ကောင်းကောင်း သဘောပေါက်ပါတယ်။ အဲဒီအတွက်လည်း နှစ်ဘက် ပူးပေါင်းဆောင်ရွက် သွားရမယ် ဆိုတာလည်း နားလည် လက်ခံပါတယ်။ ဒါပမေယ့် ထိထိရောက်ရောက်နဲ့ ထောက်လှမ်းရေး သတင်း အချက်အလက် ဖလှယ်မှုတွေ လိုအပ်နေတယ်လို့တော့ ခံစားမိပါတယ်။”
အိန္ဒိယနိုင်ငံအနေနဲ့ စီးပွားရေးအရ အရှေ့မျှော်မူဝါဒ ချမှတ်ကျင့်သုံးနေချိန်မှာ မြန်မာနယ်စပ်ဘက်က တည်ငြိမ်ရေးဟာ သူ့အတွက် နိုင်ငံရေး အရရော စီးပွားရေးအရပါ အရေးတကြီးဖြစ်နေတယ်လို့ လေ့လာသူတွေကတော့ သုံးသပ်ပါတယ်။ ၂၅ နှစ်တာကာလအတွင်း အိန္ဒိယ ၀န်ကြီးချုပ်တဦးရဲ့ အခု မြန်မာခရီးစဉ်အတွင်းမှာ နယ်စပ်တည်ငြိမ်ရေးကိစ္စအပြင် လမ်းပမ်းဆက်သွယ်ရေးနဲ့ ရေနက်ဆိပ်ကမ်းကိစ္စ ရထားလမ်းဖောက်လုပ်ရေး လေကြောင်းလိုင်းခရီးစဉ်ကိစ္စတွေကိုလည်း ဆွေးနွေးခဲ့တယ်လို့ အိန္ဒိယနိုင်ငံခြားရေးအတွင်းဝန်က ပြောပါတယ်။ မြန်မာနိုင်ငံ IT နည်းပညာဖွံ့ဖြိုးရေးအတွက်ပါ အကူအညီပေးသွားဖို့ ရှိတယ်လို့ နိုင်ငံခြားရေးအတွင်းဝန် Ranjan Mathai က သတင်းထောက်တွေကို ပြောပါတယ်။
“မြန်မာနဲ့ သဘောတူလက်မှတ်ထိုးခဲ့တဲ့အထဲမှာ မြန်မာသတင်း နည်းပညာဌာနတခု ဖွင့်လှစ်ဖို့ ဆိုတာလည်း ပါဝင်ပါတယ်။ ဒီအတွက် အိန္ဒိယ ဘက်က ငွေကြေးအရရော နည်းပညာပိုင်း အရပါ ကူညီ သွားဖို့ ရှိပါတယ်။ လာမယ့် ၅ နှစ်အတွင်းမှာ အိုင်တီ နည်းပညာပိုင်း ဖွံ့ဖြိုးတိုးတက် လာအောင် ငွေကြေးနဲ့ နည်းပညာပိုင်းမှာ ကူညီသွားမယ် လို့လည်း အိန္ဒိယ ၀န်ကြီးချုပ်က ကြေညာခဲ့ပါတယ်။ ဒါ့အပြင် အိန္ဒိယနိုင်ငံက သုတေသနကျောင်းတွေ၊ တက္ကသိုလ်တွေမှာ မြန်မာ သုတေသီတွေကို ပညာတော်သင် လေ့လာရေးအဖြစ် နှစ်စဉ် ခေါ်ယူ သွားမယ်ဆိုတာလည်း အိန္ဒိယ ၀န်ကြီးချုပ်က ပြောခဲ့ပါတယ်။”
မြန်မာသမ္မတနဲ့ အိန္ဒိယ၀န်ကြီးချုပ် ခေါင်းဆောင်နှစ်ဦးဟာ လက်ရှိ မြန်မာနိုင်ငံ အပြောင်းအလဲပေါ်မှာ လည်း ဆွေးနွေးခဲ့ကြပြီး လက်ရှိ နိုင်ငံရေး လုပ်ငန်းစဉ်တွေနဲ့ ဖွံဖြိုးရေး လုပ်ငန်းတွေကို အားပေးကူညိသွားဖို့ အိန္ဒိယဖက်က ပြင်ဆင်ထားတယ်လို့ အိန္ဒိယနိုင်ငံခြားရေးဝန်ကြီး Krishna က ပြောပါတယ်။
“မြန်မာနိုင်ငံဟာ အိန္ဒိယနိုင်ငံလိုပဲ ဖွံဖြိုးဆဲနိုင်ငံ တနိုင်ငံဖြစ်ပါတယ်။ ပြည်တွင်းပြဿနာတွေ ရှိခဲ့ပေမယ့် အခုတော့ ဒါတွေကို ဖြေရှင်းနိုင်ပုံ ရနေပါပြီ။ ဒါကြောင့် ဖွံ့ဖြိုးရေးအတွက် လူထုလိုအပ်ချက်တွေရှိတာကို အချိန်ပေးလုပ်ရမယ့် အချိန်အခါ ရောက်နေပါပြီ။ အိန္ဒိယနိုင်ငံ အနေနဲ့တော့ ဒီဖွံ့ဖြိုးရေးအစီအစဉ်တွေ ဘာမဆို ကူညီသွားဖို့ ဆန္ဒရှိပါတယ်။”
အခု အိန္ဒိယ၀န်ကြီးချုပ်ရဲ့ မနေ့က နေပြည်တော် ခရီးစဉ်မှာတော့ မြန်မာ-အိန္ဒိယ နှစ်နိုင်ငံ သဘောတူညီချက် စာချွန်လွှာ ၁၂ ခုကို လက်မှတ် ရေးထိုးခဲ့ပါတယ်။ မြန်မာနိုင်ငံ အနေနဲ့ အိန္ဒိယနိုင်ငံကနေ ဒေါ်လာသန်း ၅၀၀ အထိ ချေးငှားနိုင်ခွင့် သဘော တူညီလိုက်ပြီဖြစ်ပါတယ်။ နှစ်နိုင်ငံ နယ်စပ်ကုန်သွယ်ရေးဌာနတွေ ဖွင့်လှစ်ရေး ကိစ္စလည်း ပါဝင်ပါတယ်။ ဒါကြောင့် ဒီခရီးစဉ်အတွင်း နှစ်နိုင်ငံ နယ်စပ်တည်ငြိမ်ရေး၊ ကုန်သွယ်ရေး နဲ့ စီးပွားရေး ပူးပေါင်းဆောင်ရွက်မှု ကိစ္စအတော်များများ သဘောတူညီမှုတွေ ရလိုက်ပါတယ်။
အိန္ဒိယ၀န်ကြီးချုပ်မန်းမိုဟန်ဆင်းဟာ ဒီကနေ့မှာတော့ ရန်ကုန်မြို့မှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိနေပါတယ်။
Ref: VOA News
သမ္မတဦးသိန်းစိန် ထိုင်းခရီးစဉ်ဖျက်
ကိုကျော်ကျော်သိန်း
တနင်္လာ, 28 မေ 2012
ထိုင်းနိုင်ငံ၊ ဘန်ကောက်မြို့တော်မှာ ကျင်းပမယ့် ကမ္ဘာ့စီးပွားရေးဖိုရမ် WEF မှာ ပါဝင်တက်ရောက်မယ့် အစီအစဉ်ကို သမ္မတ ဦးသိန်းစိန်က ပယ်ဖျက် လိုက်ပါတယ်။ ဒါပေမဲ့ အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ကတော့ တက်ရောက်မယ်လို့ ထိုင်းနိုင်ငံခြားရေး ဌာနက အတည်ပြုပါတယ်။ ဒီအကြောင်းကို ဘန်ကောက်ကနေ စုံစမ်းထားတဲ့ ကိုကျော်ကျော်သိန်းက အပြည့်အစုံ တင်ပြပေးထားပါတယ်။
WEF ဖိုရမ်ကို သမ္မတဦးသိန်းစိန်၊ တက်မယ် မတက်ဘူး ဆိုတာနဲ့ ပတ်သက်လို့ အခုရက်ပိုင်း အတွင်း သတင်း အမျိုးမျိုး ထွက်နေတာကနေ ဒီကနေ့မှာတော့ သူ မတက်ဖြစ်ဘူး ဆိုတာကို ထိုင်းနိုင်ငံခြားရေး ဌာနက အတည်ပြုပြောဆို ခဲ့တာပါ။ ဒါပေမဲ့ လည်း ထိုင်းနိုင်ငံ လာရောက်မယ့် နိုင်ငံတော် ခရီးစဉ်ကိုတော့ ရက်ရွှေ့ဆိုင်း လိုက်တာပဲဖြစ်ပါတယ်။ ဒီကိစ္စနဲ့ပတ်သက်ပြီး ဗွီအိုအေ ကုို အတည်ပြုပြောဆို ခဲ့သူကတော့ ထိုင်းနိုင်ငံခြားရေး ဌာန ပြောရေး ဆိုခွင့်ရှိသူ မစ္စတာ ထာနီ သွန်ခ်ပက်ခ်ဒီ (Thani Thongpakdi) ဖြစ်ပါတယ်။ သမ္မတရဲ့ တရားဝင်နိုင်ငံတော် ခရီးစဉ် ရွှေ့ဆိုင်းလိုက်တာနဲ့ WEF ဖိုရမ် မတက်ဖြစ်တဲ့ အကြောင်း တွေကို မေလ ၂၇ ရက်နေ့မှာ မြန်မာအစိုးရဘက်က အကြောင်းကြား ခဲ့တယ်လို့ မစ္စတာထာနီကပြောပါတယ်။
“နိုင်ငံတွင်းမှာ သူ တက်ရောက်ရမယ့် အစီအစဉ်တွေ ရှိထားပြီးသားဖြစ်တဲ့အတွက် မြန်မာ သမ္မတရဲ့ တရားဝင် နိုင်ငံတော် ခရီးစဉ် ဟာ နှစ်နိုင်ငံ သဘောတူညီချက် အရ ဇွန်လ ၄ ရက်နဲ့ ၅ ရက်နေ့တွေမှာ ဖြစ်ပါလိမ့်မယ်။ တချိန်တည်းမှာပဲ WEF ဖိုရမ်ကို တက်မယ့် အစီအစဉ်နဲ့ ပတ်သက်လို့လည်း မတက်နိုင်တော့ဘူး ဆိုတဲ့အကြောင်း ကျနော်တို့ကိုပြောပါတယ်။ သူ့ကိုယ်စား ပြည်ထောင်စု စွမ်းအင်ဝန်ကြီးက တက်ရောက်မှာဖြစ်ပါတယ်။” - လို့ မစ္စတာထာနီကပြောပါတယ်။
ဒီကနေ့မနက်ပိုင်းအထိ WEF ဖိုရမ်ရဲ့ အစီအစဉ်တွေထဲမှာ အစီအစဉ်နှစ်ခုမှာ သမ္မတ ဦးသိန်းစိန် တက်ရောက်မယ် ဆိုပြီး ထည့်သွင်း ထားခဲ့တာပါ။ မေလ ၃၁ ရက်နေ့မှာလုပ်မယ့် ဖွင့်ပွဲ အခမ်းအနားမှာ ဘာရိန်း ၀န်ကြီးချုပ်၊ ဗီယက်နမ် ၀န်ကြီးချုပ်၊ လာအို ၀န်ကြီးချုပ်၊ အင်ဒိုနီးရှား သမ္မတ၊ အိမ်ရှင် ထိုင်းဝန်ကြီးချုပ်တို့နဲ့ အတူ မြန်မာ သမ္မတလည်း တက်ရောက်မယ်လို့ ကြေညာခဲ့ပါတယ်။ တခါ ဇွန်လ ၁ ရက်နေ့ ညနေပိုင်းမှာလည်း မြန်မာနိုင်ငံရဲ့ ကတိပြုမှုနဲ့ အနာဂတ်လို့ ဆိုရမယ့် The Promise and Future of Myanmar ဆိုတဲ့ခေါင်းစဉ်နဲ့ သမ္မတ ဦးသိန်းစိန်က စကားပြောဖို့ အစီအစဉ် တခုလည်း ကြေညာ ထားခဲ့ပါတယ်။ အခုတော့ အဲဒီအစီအစဉ်တွေ အားလုံးမှာ သူ့ရဲ့ အမည်ကြေညာ ထားတာကို ဖျက်လိုက်ပြီဖြစ်ပါတယ်။
WEF ဖိုရမ်ကို ဒေါ်အောင်ဆန်းစုကြည် တက်ဖြစ်မယ်ဆိုတာ ကိုလည်း မစ္စတာထာနီက အတည်ပြု ပြောဆိုပါတယ်။
“ဖိုရမ် အစည်းအဝေးကို ဒေါ်အောင်ဆန်းစုကြည် တက်မယ်ဆိုတဲ့ အကြောင်း World Economic Forum က ကျနော်တို့ကို အကြောင်းကြား ပါတယ်။” -လို့ မစ္စတာ ထာနီကပြောပါတယ်။ ထိုင်း-မြန်မာနယ်စပ်က ဒုက္ခသည် စခန်းတခုဆီ ဒေါ်အောင်ဆန်း စုကြည်သွားမယ် ဆိုတဲ့ သတင်းနဲ့ တခြား အစီအစဉ်တွေကိုတော့ သူတို့ဆီ အကြောင်း မကြားသေးလို့ မသိသေးဘူးလို့ ထိုင်းနိုင်ငံ ခြားရေးဌာန၊ ပြောရေးဆိုခွင့် ရှိသူ မစ္စတာထာနီက ပြောပါတယ်။
ဇွန်လ ၁ ရက်နေ့မနက်ပိုင်း WEF အစီအစဉ်တွေထဲက ခေါင်းဆောင် တယောက်နှင့် စကားပြောခြင်းဆိုတဲ့ ခေါင်းစဉ်အောက်မှာ WEF တည်ထောင်သူနဲ့ အမှုဆောင်ဥက္ကဋ္ဌ ကလော့စ် ရှဝတ်ဘ် (Klaus Schwab) က ဒေါ်အောင်ဆန်းစုကြည်ကို နာရီဝက်ကြာ တဦးချင်း တွေ့ဆုံမေးမြန်းမှာဖြစ်ပါတယ်။
ထိုင်းဝန်ကြီးချုပ် မစ္စ ယင်းလပ် ရှင်နာဝပ်နဲ့ ဒေါ်အောင်ဆန်းစုကြည်တို့ မေလ ၃၁ ရက်နေ့မှာ တွေ့ဆုံကြမယ်လို့ သတင်းတွေက ဖော်ပြကြပေမဲ့ သီးခြား အတည်ပြုချက်တော့ မရသေးပါဘူး။
မည်သို့ပင်ဖြစ်စေ ၂၄ နှစ်အတွင်း မြန်မာနိုင်ငံပြင်ပ ပထမဆုံး ထွက်လာမှာဖြစ်တဲ့ ဒေါ်အောင်ဆန်းစုကြည်ရဲ့ ပထမဆုံးခရီး တထောက်ဟာ သူတို့နိုင်ငံဖြစ်ဖို့ ကမ္ဘာ့နိုင်ငံ အတော်များများရဲ့ ခေါင်းဆောင်တွေ မျှော်လင့် တောင့်တ ဆန္ဒ ရှိနေကြချိန်မှာ ထိုင်း ၀န်ကြီးချုပ် မစ္စယင်းလပ်က ကြိုဆိုခွင့် ရတော့မှာဖြစ်ပါတယ်။ ဒါဟာ ဒေါ်အောင်ဆန်းစုကြည်က ဒေသတွင်း ဆက်ဆံရေးမှာ မဟာ ဗျူဟာမြောက် လုပ်ဆောင်လိုက်တာဖြစ်တယ်လို့ သုံးသပ်တာမျိုးလည်း ရှိပါတယ်ခင်ဗျား။
Ref: VOA News
အစာငတ်ခံ ဆန္ဒပြအလုပ်သမား ၂ ဦး ဆေးရုံတင်ရ
2012-05-28
အခြေခံလုပ်ခလစာ တိုးမြှင့်ပေးရေး တောင်းဆိုနေကြတဲ့ ရန်ကုန်တိုင်း မှော်ဘီမြို့နယ် မြောင်းတကာ စက်မှုဇုန်က ရန်ကုန် Crown ( ရန်ကုန် သရဖူ ) သံမဏိစက်ရုံက အစာငတ်ခံ ဆန္ဒပြ အလုပ်သမား ၂ ဦး ကျန်းမာရေး ဆိုးရွားလာတဲ့ အတွက် မနေ့က မှော်ဘီဆေးရုံကို ထပ်မံ တင်ပို့လိုက်ရပါတယ်။
အစာငတ်ခံ ဆန္ဒပြနေတဲ့ ၄ ရက်မြောက်နေ့ မှာ အလုပ်သမား ၁၀ ဦးခန့် ကျန်းမာရေး ဆိုးရွားလာနေပြီး ၂ ဦးကို အခုလို ဆေးရုံတင်ပို့ လိုက်ရတာဖြစ်တယ်လို့ အစာအငတ်ခံ ဆန္ဒပြနေသူ အလုပ်သမား တစ်ဦးဖြစ်တဲ့ ကိုနိုင်လင်းထွန်းက ပြောပါတယ်။
အစာငတ်ခံ ဆန္ဒပြ ဒုတိယနေ့ဖြစ်တဲ့ စနေနေ့ကလည်း ဆန္ဒပြနေသူ ၁ ဦးကို အစာအိမ်ရောဂါကြောင့် မှော်ဘီပြည်သူ့ဆေးရုံ ပို့ဆောင် ခဲ့ရပါတယ်။ နောက်ထပ် အလုပ်သမားတွေလည်း သတိလစ်မေ့မြောတာတွေ ဖြစ်လာတဲ့ အတွက် အစာငတ်ခံ ဆန္ဒပြမှုကို ဒီကနေ့ ခေတ္တရပ်နားကြောင်းလည်း ပြောပါတယ်။
အလုပ်သမားတွေရဲ့ တောင်းဆိုချက်တွေနဲ့ ပတ်သက်ပြီး အလုပ်သမားညွှန်ကြားမှု ဦးစီးဌာန အလုပ်သမားရေးရာ ညှိနှိုင်းရေးမှုး ညွန်ကြားရေးမှုးချုပ် ဦးဝင်းရှိန်က စက်ရုံတာဝန် ရှိသူတွေနဲ့ အလုပ်သမား ခေါင်းဆောင်တွေကြား ဒီကနေ့ သွားရောက် တွေ့ဆုံညှိနှိုင်းခဲ့ပါတယ်။
အလုပ်သမားတွေ တောင်းဆိုနေတဲ့ အခြေခံလစာကို တစ်နေ့ ၁၆၀၀ ကျပ် တိုးပေးဖို့အစား လစာနည်း အလုပ်သမားတွေကို ကျပ် ၃ သောင်းအထိ ဖြည့်ပေးပြီး အဆောင်နေခွင့်နဲ့ ထမင်းစားခွင့်ကို ရုပ်သိမ်းခြင်း၊ လစာ ၁ သိန်း ကနေ ၁ သိန်းခွဲအထိရတဲ့ အလုပ်သမားတွေကို အဆောင်နေခွင့်၊ ထမင်းစားခွင့်နဲ့ တလ ၅ သောင်းကျပ်သာ ပေးခြင်း စတာတွေပဲ လိုက်လျောနိုင်မယ် ဆိုတဲ့အတွက် ဆန္ဒပြ အလုပ်သမားတွေနဲ့ တာဝန်ရှိသူတွေကြား ရုန်းရင်းဆန်ခတ် ဖြစ်သွားခဲ့တယ်လို့ ဆိုပါတယ်။
အလုပ်သမားတွေရဲ့ အဓိက တောင်းဆိုချက်ကို အခုချိန်ထိ ထိုင်ဝမ်အလုပ်ရှင်က လိုက်လျောပေးခြင်း မရှိဘူးလို့ အလုပ်သမားတွေရဲ့ ဆန္ဒပြပွဲကို သွားရောက်ကူညီခဲ့တဲ့ ၈၈ မျိုးဆက် ကျောင်းသားများ ပွင့်လင်း လူ့အဖွဲ့အစည်းဝင် မမာမာဦးက ပြောပါတယ်။
အလုပ်သမားတွေကတော့ သူတို့တောင်းဆိုချက်တွေ မရမချင်း ဆက်လက် ဆန္ဒပြနေကြဦးမယ်လို့ RFA ကို ပြောပါတယ်။ ဒီအတောအတွင်းမှာပဲ ရွှေပြည်သာက စက်ရုံတစ်ရုံမှာ အလုပ်သမားတွေ တနင်္လာနေ့က စတင်ဆန္ဒပြနေတယ် လို့ သိရပါတယ်။
Ref: RFA News
ဦးခင်ရွှေကို လယ်သမားများ တရားစွဲပြီ
ခင်ဦးသာ
May 28, 2012
ရန်ကုန်တိုင်း မင်္ဂလာဒုံမြို့နယ် ရွှေနံ့သာ ကျေးရွာမှ လယ်သမားများက ဇေကမ္ဘာ ကုမ္ပဏီ ဥက္ကဋ္ဌ နှင့် အမျိုးသား လွှတ်တော် ကိုယ်စားလှယ် ဦးခင်ရွှေ အား လိမ်လည်ပြောဆိုမှုဖြင့် မင်္ဂလာဒုံမြို့နယ် တရားရုံး၌ ယနေ့ တရားစွဲဆို လိုက်ပြီ ဖြစ်သည်။
“ဦးခင်ရွှေက လယ်သမားတွေ လက်ငုပ် လုပ်ကိုင်နေတဲ့ လယ်တွေကို နိုင်ငံတော်က သိမ်းတယ် ဆိုပြီး လိမ်တယ်၊ နိုင်ငံတော် က သိမ်းတာ မဟုတ်ဘဲ လိမ်ပြောတဲ့ အတွက် လိမ်လည်မှုနဲ့ ပါ”ဟု လယ်သမားများ ၏ အကျိုးဆောင်ဖြစ်သူ ဦးနေမျိုးဝေ က ဧရာဝတီ ကို ပြောသည်။
ဇေကမ္ဘာ ကုမ္ပဏီပိုင်ရှင် ဦးခင်ရွှေ သည် မင်္ဂလာဒုံမြို့နယ်အတွင်းရှိ အပေါင် ၊ ရွှေနံ့သာ ၊ ပေါင်းကူ စသည့်ကျေးရွာများမှ လယ် သမား ၈၀ ကျော် ၏ လယ်မြေဧက ၈၅၀ ကျော် ကို ၂၀၁၀ ပြည့်နှစ် အတွင်း သိမ်းယူခဲ့ခြင်း ဖြစ်ကြောင်း သိရသည်။
ယင်းလယ်မြေများအား နိုင်ငံတော်ပိုင် စက်ရုံ၊ အလုပ်ရုံများ တည်ဆောက်ရန် နိုင်ငံတော်က သိမ်းယူခြင်းဖြစ်၍ လျော်ကြေး ပေးရန် မလိုအပ်ဟု ဦးခင်ရွှေက ပြောဆိုကြောင်း၊ သို့သော် ၎င်းက သဒ္ဓါကြေး အဖြစ် ကျပ် ၃ သိန်း ပေးခြင်းဖြစ်သည်ဟုလည်း ပြော ဆိုခဲ့ကြောင်း လယ်သမားများ က ပြောပြသည်။
လယ်ယာမြေ သိမ်းခံရသည့် လယ်သမားများ ကိုယ်စား လယ်သမားကြီး ဦးကျော်စိန်က တရားစွဲဆိုခြင်း ဖြစ်ကြောင်း၊ ထို ကိစ္စ ကို ဥပဒေ ပုပ်မ ၄၁၇ လိမ်လည်မှု၊ နိုင်ငံတော် အာဏာ အလွဲသုံးစားမှု တို့ဖြင့် စွဲဆိုမည်ဖြစ်ကြောင်း ကူညီဆောင် ရွက်ပေးသူ ရှေ့နေ ဦးဟန်ရှိန်ဝင်း က ဧရာဝတီ ကို ပြောသည်။
၎င်းက“လယ်သမားတွေရဲ့ သဘောတူညီမှု မရဘဲ နိုင်ငံတော်က သိမ်းတယ်လို့ ပြောတာက လိမ်လည်မှု မြောက်ပါတယ်၊ ဒီလို မပြောရင် သိန်းဆယ်ချီ တန်တဲ့ လယ်မြေတွေကို ကျပ် ၃ သိန်း လျော်ကြေးနဲ့ ဘယ်ရောင်းမလဲ”ဟု ဦးဟန်ရှိန်ဝင်း က ဆိုသည်။
လယ်သမားများသည် မိမိတို့လယ်မြေများ ပြန်လည် ရရှိရေးအတွက် ရန်ကုန်တိုင်း အစိုးရထံ တင်ပြခဲ့ရာ ထိုလယ်မြေသည် နိုင်ငံတော်က သိမ်းယူထားခြင်း မရှိဟု တုံ့ပြန်ခဲ့ကြောင်း သိရသည်။ ထို့ကြောင့် သီးစားစနစ်ဖြင့် လုပ်ကိုင်ခွင့်ပေးရန်အတွက် ရန်ကုန်တိုင်း အစိုးရထံ ဇေကမ္ဘာ ကုမ္ပဏီနှင့်လယ်သမားများက ပြီးခဲ့သည့် ဧပြီလ အတွင်း အပြိုင်လျှောက်ထားခဲ့ကြရာ ဦးခင်ရွှေ ကို အနိုင်ပေးလိုက်ကြောင်း လယ်သမားများ က ပြောပြကြသည်။
“အသိမ်းခံထားရတဲ့ လယ်တွေကို သီးစားစနစ်နဲ့ ပြန်လုပ်ခွင့်ရရေး လျှောက်ထားခဲ့ပေမယ့် မရခဲ့ပါဘူး၊ ကျနော်ပိုင်တဲ့ လယ်ဧက ၅၀ အကုန် ပါသွားတယ်၊ ဒီတော့ လယ်လုပ်စရာ မရှိတော့တဲ့ အတွက် တရားစွဲဖို့ ပြင်ဆင်ရတာပါ”ဟု ဦးကျော်စိန် က ဧရာဝတီ သို့ ပြောသည်။
လွှတ်တော်ကိုယ်စားလှယ် ဦးခင်ရွှေ က ထိုလယ်မြေများအား ၎င်းတို့ ကုမ္ပဏီက သိမ်းယူခြင်း မဟုတ်ကြောင်း၊ အိုးအိမ် ဦးစီး ဌာနက သိမ်းယူခြင်းဖြစ်၍ ၎င်းနှင့် မသက်ဆိုင်ကြောင်း၊ ၎င်းတို့အနေဖြင့် ထိုမြေပေါ်၌ ဖွံ့ဖြိုးရေး လုပ်ငန်းသာ လုပ်ဆောင်ခြင်း ဖြစ် ကြောင်း တုံ့ပြန် ပြောဆိုသည်။
“တရားစွဲချင်းစွဲရင် ကျနော်တို့ကပဲ စွဲရမှာလေ၊ ဒီမြေတွေက ပြီးခဲ့တဲ့ ၂ နှစ်လောက် ကတည်းက ကျနော်တို့ သီးစားရထားတဲ့ လယ်တွေပါ၊ အခုမှ သူများပိုင်တဲ့ မြေကို အတင်း လိုချင်လို့ ဘယ်လိုလုပ်ရတော့ မလဲ”ဟု ဦးခင်ရွှေ က ဆိုသည်။
ရန်ကုန်တိုင်း အစိုးရ အနေဖြင့် လယ်သမားများနှင့်ဇေကမ္ဘာ ကုမ္ပဏီ တို့အား မျက်နှာချင်းဆိုင် ဖြေရှင်းဆောင်ရွက်ပေးသင့် ကြောင်း၊ တဖက်သတ် ဆုံးဖြတ်ပေးခဲ့သည့် တိုင်းအုပ်ချုပ်ရေးအဖွဲ့ကို ယုံကြည်မှု နည်းသွားပြီဖြစ်ကြောင်း၊ ထိုကိစ္စအား အောင်မြင် သည် အထိ တိုက်ပွဲဝင်သွားမည်ဖြစ်ကြောင်း ဦးနေမျိုးဝေ က ပြောသည်။
“ဒီကိစ္စကို လယ်ယာမှုခင်း ဖွင့်ပြီးတော့ နှစ်ဦး နှစ်ဘက် ကြားနာဖို့လိုအပ်တယ်၊ အခုက ဦးခင်ရွှေကို တဖက်သတ် အနိုင်ပေး လိုက်တဲ့ တိုင်းအုပ်ချုပ်ရေး အဖွဲ့ကို ယုံကြည်မှု မရှိဘူးလို့ ပါတီအနေနဲ့ သုံးသပ်တယ်”ဟု မတူကွဲပြားခြင်းနှင့် ငြိမ်းချမ်းရေး ပါတီ ၏ ဥက္ကဋ္ဌ ဦးနေမျိုးဝေ က ပြောသည်။
ဦးခင်ရွှေ က“ဒီကိစ္စနှင့်ပတ်သက်ပြီးတော့ ဦးနေမျိုးဝေရဲ့လုပ်ဆောင်ချက်တွေဟာ လယ်သမားတွေအတွက် အကျိုးမရှိတဲ့အပြင် ပိုမိုနစ်နာမှု ဖြစ်စေတယ်၊ တရားစွဲလည်း မရပါဘူး”ဟု ဆိုသည်။
၂၀၁၁ ခုနှစ်အတွင်းကလည်း ဇေကမ္ဘာ ဦးခင်ရွှေသည် ဘိလပ်မြေစက်ရုံ စီမံကိန်း အတွက် မွန်ပြည်နယ် အတွင်းရှိ လယ်သမား များ၏ လယ်မြေများကို လျော်ကြေးငွေ အနည်းငယ်ပေး၍သိမ်းယူခဲ့ရာ အစိုးရထံ တိုင်ကြားသော်လည်း ထိရောက်မှု မရှိခဲ့ကြောင်း ဒေသခံများက ပြောဆိုသည်။
ဇေကမ္ဘာ ဦးခင်ရွှေသည် ယခင် န၀တ၊ နအဖ စစ်အစိုးရနှင့်နီးစပ်သည့် စီးပွားရေး လုပ်ငန်းရှင် တဦးဖြစ်ပြီး စစ်အစိုးရ ၏ တတိ ယ အဆင့် တာဝန်ယူခဲ့သူ ဗိုလ်ချုပ်ကြီးဟောင်း နှင့် လက်ရှိ ပြည်သူ့လွှတ်တော် ဥက္ကဋ္ဌ သူရ ဦးရွှေမန်း နှင့် ခမည်း ခမက် တော် စပ်သူလည်း ဖြစ်သည်။
Ref: ဧရာဝတီ
Posts
