..............................

Friday, January 13, 2012

လွတ်ငြိမ်း ချမ်းသာခွင့်ဖြင့် ယနေ့ ပြန်လည် လွတ်မြောက်လာသူများ၏ နောက်ဆုံးရ သတင်းများ

Friday, 13 January 2012


8:00 Am

သရက်အကျဉ်းထောင်မှ ဝန်ထမ်းများ၏ ပြောကြားချက်အရ လွတ်မြောက်မည့်သူ များထဲတွင် ကိုမင်းကိုနိုင် ပါဝင်နိုင်သည်ဟု သိရှိရသည်။ သတင်းရယူရန် စောင့်စားနေသည့် သတင်းထောက်များ ၁၂ ယောက် ဝန်းကျင်ခန့်ရှိပြီး အတည်မပြု နိုင်သေးသည့် သတင်းများအရ ကိုမင်းကိုနိုင်အား နံနက် ၈နာရီခွဲတွင် လွှတ်ပေးမည်ဟု သိရှိရသည်။


8:10 Am

သရက်အကျဉ်းထောင်မှ အကျဉ်းသားစုစုပေါင်း ၂၇ ယောက် လွတ်မြောက်မည်ဟု သတင်း ရရှိပါသည်။

8:40 Am

စစ်တွေအကျဉ်းထောင်မှ ယုံကြည်ချက်ကြောင့် အကျဉ်းကျခံရသူ ၁၀ ဦး အနက် ၉ ဦး နှင့် ဘူးသီးတောင် အကျဉ်းထောင်မှ ယုံကြည်ချက်ကြောင့် အကျဉ်းကျခံရသူ ၁၀ ဦးအနက် ၉ ဦး လွတ်မြောက်မည်ဖြစ်ပြီး ဘူးသီးတောင် အကျဉ်းထောင်မှ ကိုဌေးကြွယ်၊ ဦးထွန်းညို၊ ဦးပြည်ကျော် တို့ပါဝင်ကြောင်း သတင်းရရှိသည်။ ထို့အတူ စစ်တွေထောင်မှ ဒေါက်တာသက်လွင်၊ ကိုသန်းတင်(ခ) ကိုကြီးသန်း၊ ပြည့်ဖြိုးလှိုင်၊ အောင်အောင်ကျော်(ဧရာဝတီ)၊ ဇေယျာဦး(ဧရာဝတီ)၊ ဦးပုရစ် တို့လည်း လွတ်မြောက်မည်ဟု သိရှိရသည်။

9:30 Am

စစ်တွေ အကျဉ်းထောင်မှ နံနက် ၉ နာရီ ၂၀ မိနစ်တွင် အကျဉ်သား စုစုပေါင်း (၁၇) ဦးလွတ်မြောက်ပြီး ထိုအထဲတွင် ယုံကြည်ချက်ကြောင့် အကျဉ်းကျခံရသူ (၈) ဦးပါဝင်ကြောင်း သိရပါသည်။ အဆိုပါ (၈) ဦးမှာ ဒေါက်တာသက်လွင်၊ ကိုသန်းတင်(ခ)ကိုကြီးသန်း၊ ပြည့်ဖြိုးလှိုင်၊ အောင်အောင်ကျော်(ဧရာဝတီ)၊ ဇေယျာဦး(ဧရာဝတီ)၊ ဦးပုရစ်၊ ကျော်ဇင်ဝင်း၊ ဒေါပုံနေနေ တို့ဖြစ်ကြောင်း သိရပါသည်။

9:35 Am

ဘူးသီတောင် အကျဉ်းထောင်မှ ယုံကြည်ချက်ကြောင့် အကျဉ်းကျခံနေရသူများ ဖြစ်ကြသည့် ကိုစည်သူမောင်၊ ကိုသန့်ဇင်မျိုး၊ ကိုကျော်မင်း၊ ကိုထွန်းညို၊ ကိုဌေးကြွယ်၊ ကိုအောင်ဇော်ဦး၊ ကိုပြေကျော်၊ ကိုဝဏ္ဏပံသ၊ ကိုကျော်ဝင်းဆန်း၊ ကိုမောင်မောင်လတ် တို့သည် ယနေ့နံနက် ၇ နာရီတွင် ပြန်လည် လွတ်မြောက်လာခဲ့သည်။

9:40 Am

အရှင်ဂမ္ဘီရ မြောင်းမြထောင်မှ လွတ်မြောက်လာပြီးပါက ရန်ကုန်မြို့ သင်္ဃန်းကျွန်းမြို့နယ်ရှိ မဂ္ဂင်ကျောင်းတွင် ရဟန်းခံမည်ဖြစ်ကြောင်း အရှင်ဂမ္ဘီရ၏မိခင် ဒေါ်ရေးက ပြောကြားခဲ့ပါသည်။ အရှင်ဂမ္ဘီရ ၂၀၀၇ နိုဝင်ဘာ (၄) တွင် အဖမ်းခံရပြီး ပုဒ်မ (၁၇)ခုဖြင့် ထောင်ဒဏ် (၆၈)နှစ် ကျခံထားရသူဖြစ်သည်။

"ယခုလို သတင်းကြားရတာ အများကြီး ၀မ်းသာပါတယ်။ အဖွားအသက်က (၆၂)နှစ် ပြည့်တာ့မယ်။ ထောင်ဝင်စာ တွေ့ခဲ့ရတဲ့ အကြိမ်တွေက အသက်ထက် မကတော့ပါဘူး။ အခု အဖွားရဲ့ သားနှစ်ယောက် တင်မက နိုင်ငံရေး အကျဉ်းသားတွေ အားလုံး လွှတ်ပေးလိုက်ပြီ ဆိုလို့ လှိုက်လှိုက်လှဲလှဲ ၀မ်းသာပါတယ်။ အခုလို လွှတ်ပေးတာ တစ်ကယ့် ဒီမိုကရေစီ ခြေလှမ်းကို စလှမ်းလိုက်ပြီလို့ ယုံကြည်ပါတယ်။" ဟု အရှင်ဂမ္ဘီရ၏ မိခင် ဒေါ်ရေးမှ ပြောကြားခဲ့ပါသည်။

အရှင်ဂမ္ဘီရ၏ အကို ဖြစ်သူ ဦးကျော်အောင်သည်လည်း တောင်ကြီးထောင်မှ လွတ်မြောက်မည်ဟု သိရသည်။

9:43 Am

မြင်းခြံထောင်မှ ယုံကြည်ချက်ကြောင့် အကျဉ်းကျခံနေရသူ မထက်ထက်အောင် အပါအ၀င် ၁၂ ဦး လွတ်မြောက်လာသည်ဟု သိရသည်။

9:52 Am

ဦးခွန်ထွန်းဦးနှင့် ဦးဝင်းကိုတို့ တောင်ငူအကျဉ်းထောင်မှ လွတ်မြောက်လာပြီဟု သတင်းရရှိပါသည်။

9:59 Am

ယခုအကြိမ်ပေးသည့် လွတ်ငြိမ်းချမ်းသာခွင့်သည် နိုင်ငံတော်သမ္မတက အမျိုးသားကာကွယ်ရေးနှင့် လုံခြုံရေးကောင်စီ၏ ထောက်ခံချက်နှင့်ပေးသည့် လွတ်ငြိမ်းချမ်းသာခွင့် မဟုတ်ဘဲ နိုင်ငံတော်သမ္မတ၏ သဘောဆန္ဒနှင့် ပေးခြင်းဖြစ်သည်ကို လွတ်ငြိမ်းချမ်းသာခွင့်ပေးသည့် အမိန့်ကြေငြာစာပါ ပြစ်မှုဆိုင်ရာကျင့် ထုံးဥပဒေပုဒ်မ ၄၀၁(၁)အရ သိရသည်။ ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁(၁) တွင် ဆိုထားသည်မှာ ' ပြစ်မှုတစ်စုံတစ်ရာအတွက် တစ်ဦးတစ်ယောက်အား ပြစ်ဒဏ်ချမှတ်ပြီးသည့်အခါ နိုင်ငံတော်သမ္မတသည် မည်သည့်အခါမဆို စည်းကမ်းချက် မထားဘဲဖြစ်စေ ပြစ်ဒဏ်စီရင်ခြင်းခံရသူ သဘောတူသည့် စည်းကမ်းချက် တစ်ခုခုထား၍ဖြစ်စေ ၄င်းအပေါ်ချမှတ်သည့် ပြစ်ဒဏ်အတည်ပြုလုပ်ခြင်းကို ဆိုင်းငံ့ထားနိုင်သည် (သို့) ၄င်းကို စီရင်သည့် ပြစ်ဒဏ်အားလုံး (သို့) အစိတ် အပိုင်းတစ်စုံတစ်ရာကို လွတ်ငြိမ်းချမ်းသာခွင့် ပေးနိုင်သည်' ဟု ဖြစ်ပါသည်။ အကယ်၍ အမျိုးသားကာကွယ်ရေးနှင့် လုံခြုံရေးကောင်စီ၏ ထောက်ခံချက်နှင့်အညီ လွတ်ငြိမ်းချမ်းသာခွင့်ပေးခြင်းဖြစ်ပါက ဖွဲ့စည်းပုံအခြေခံဥပဒေပုဒ်မ ၂၀၄ (ခ) အရ ပေးရမည်ဖြစ်ပြီး ယင်းပုဒ်မ မပါရှိသောကြောင့် သမ္မတကြီး၏ သဘောဆန္ဒဖြင့် ပေးခြင်းဖြစ်သည်ကို တွေ့ရပါသည်။ ဖွဲ့စည်းပုံအခြေခံပုဒ်မ ၂၀၄ (ခ)မှာ ဆိုထားသည်မှာ '' အမျိုးသား ကာကွယ်ရေးနှင့် လုံခြုံရေးကောင်စီ၏ ထောက်ခံချက်နှင့်အညီ လွတ်ငြိမ်းချမ်းသာခွင့် ပေးပိုင်ခွင့်ရှိသည်'' ဟူ၍ဖြစ်ပါသည်။

10:10 Am

သရက်ထောင်မှ ကိုမင်းကိုနိုင် အပါအ၀င် (၇)ဦး လွတ်မြောက်လာသည်ဟု သိရှိရသည်။

10:20 Am

မုံရွာအကျဉ်းထောင်မှ ယုံကြည်ချက်ကြောင့် အကျဉ်းကျခံရသူ ၅ ဦးအား နံနက် ၁၁ နာရီတွင် လွှတ်ခဲ့ကြောင်း သိရသည်။ ၎င်းတို့မှာ ဦးလှထွေး(ခ) ဦးဝိလာသက္က၊ လာရန်းကျွရ်၊ ကိုကိုနိုင်(ခ) စူးရှ၊ ဒီငြိမ်းလင်းနှင့် နိုဘယ်လ်အေးတို့ ဖြစ်ကြောင်း သိရသည်။

10:30 Am

လာရှိုးအကျဉ်းထောင်မှ ကိုမင်းဇေယျ၊ ကိုဇာနည်အောင်၊ ကိုနိုင်ဦး(ခ) ဦးနန္ဒ၀ံသ(မြင်းခြံစွန်းလွန်း)၊ ဦးမြင့်နိုင်၊ ကိုအောင်သန်းမြင့်(ခ) မဂ္ဂင်ဆရာတော် ဥူးက္ကန္ဒက၊ ကိုငွေစိုးလင်း၊ ကိုမင်းထွန်း၊ ကိုမြတ်လင်းထွဋ် နှင့် မဟန်နီဦးတို့ ယနေ့ ပြန်လည် လွတ်မြောက်လာကြောင်း သိရသည်။

10:30 Am

ဦးခင်ညွန့် (ဗိုလ်ချုပ်ကြီးဟောင်း) လွတ်မြောက်ကြောင်း သိရှိပါသည်။ ၄င်းနှင့်အတူ ဦးမြင့်ဇော် (ဗိုလ်မှုးချုပ်ဟောင်း) လည်း လွတ်မြောက်ကြောင်း သိရှိရပါသည်။

10:37 Am

ဟင်္သာတ အကျဉ်းထောင်မှ ကိုစည်သူဇေယျနှင့် ဦးကိုကိုလေး အပါအ၀င် ၄ ဦး လွတ်မြောက်လာကြောင်း သိရသည်။

10:53 Am

ဦးခင်ညွန့် (ဗိုလ်ချုပ်ကြီးဟောင်း) ၏ သားဖြစ်သူ ဦးဇော်နိုင်ဦး(ဗိုလ်မှုးဟောင်း) လွတ်မြောက်ကြောင်း သိရသည်။

11:07Am

ဟင်္သာတ အကျဉ်းထောင်မှ ဦးဟန်ဇော် နှင့် ဦးသက်ဟန်စိုး (ဗိုလ်မှုးဟောင်း) လည်း လွတ်မြောက်လာကြောင်း သိရှိရပါသည်။

11:11 Am

တောင်ငူ အကျဉ်းထောင်မှ ၂၄ ဦး လွတ်မြောက်ခဲ့ပြီး လွတ်မြောက်သူများထဲတွင် ယုံကြည်ချက်ကြောင့် အကျဉ်းကျ ခံနေရသူများဖြစ်သည့် ဦးခွန်ထွန်းဦး (SNLD)၊ ဦးဝင်းကို (NKD)၊ ဇော်ဇော်မင်း (၈၈)၊ ဦးဝတုတ်၊ ဘီဘီဇီငြိမ်း၊ ဦးသန်းထိုက်အောင်၊ ကိုရဲကျော်သူ၊ ကိုမျိုးအောင်၊ ဖြိုးဇော်လတ်၊ ဒေါ်နော်လှ၊ ဒေါ်နော်ဆေး တို့ ပါဝင်ကြောင်း သိရသည်။

ဦးခွန်ထွန်းဦးမှ "နိုင်ငံတော် အစိုးရအနေနဲ့ ပြောင်းလဲချင်စိတ်ရှိလို့ ပြောင်းလဲလာတာ။ ကမ္ဘာမှာ ဒီမိုကရေစီစနစ်က စက်ဝိုင်းလို လည်နေတယ်။ အဲဒီ အပြောင်းအလဲ မြန်မာနိုင်ငံကို ရောက်လာတဲ့အတွက် ပြောင်းလဲလာတယ်လို့ မြင်တယ်။ နိုင်ငံအနေနဲ့ အရမ်းကြီး ကံဆိုးမှသာ ရှေ့ဆက်ဆိုးသွားနိုင်တယ်။ အခုလို အနေအထား အတိုင်းဆိုရင်တော့ ကောင်းလာမှာပါ။ ကျွန်တော့် အနေနဲ့ကတော့ ကျွန်တော့်ပါတီက ဗဟိုကော်မတီနဲ့ တွေ့ပြီးတော့ ဆွေးနွေးပြီးတော့မှ ရှေ့ဆက် ဘာတွေ ဆက်လုပ်မယ်ဆိုတာ ပြောပါမယ်။ နိုင်ငံရေးကတော့ မပြီးသေးတဲ့အတွက် ဆက်လုပ်ရမှာပါပဲ။ နိုင်ငံရေးအကျဉ်းသား နည်းနည်းတော့ ကျန်နေသေးတယ်။ ဒါကိုအစိုးရအနေနဲ့ ဘယ်လိုဆက်လုပ်မယ်ဆိုတာတော့ မသိသေးဘူး" ဟုပြောကြားခဲ့သည်။

11:33 Am

ဒေါ်အောင်ဆန်းစုကြည် အား ထောက်ခံကြောင်း ဦးခင်ညွန့် (ဗိုလ်ချုပ်ကြီးဟောင်း) က ပြောကြားခဲ့သည်။

11:10 AM

" ဒေါ်အောင်ဆန်းစုကြည်နဲ့ တွေ့မှာပါ။ တွေ့ဖြစ်အောင် တွေ့မှာပါ။ သူရဲ့ အလုပ်တွေကိုလည်း ကျွန်တော် ၀ိုင်းကူလုပ်မှာပါ။ ရှေ့ဆက်လုပ်ကြမယ့် အလုပ်တွေကို လက်တွဲဆောင်ရွက်ကြဖို့ပါပဲ။ ကျွန်တော်တို့ သမိုင်းကိုတော့ အတတ်နိုင်ဆုံး အလှဆုံးဖြစ်အောင် နောက်ပြီး ကျွန်တော်တို့ မျိုးဆက်ရဲ့ ဂုဏ်သိက္ခာလည်း ရှိအောင် ကျွန်တော်တို့ အတတ်နိုင်ဆုံး ရေးခဲ့ပြီ ကျွန်တော်တို့ ကိုယ်ကောင်းစိတ်ဓါတ် အကျင့်ကောင်း တွေကို နောက်လူငယ်တွေကို ပြန်ပြီးတော့ မျှဝေခဲ့မယ်။ အခုပြန်လာတာဟာ ဒေါင်းတွေက အိုးဝေသံပေးပြီး ပြန်လာတာပါ။ ရှေ့ဆက်ပြီး ဒီမိ်ုကရေစီ အရေးတွေကို အားနဲ့ ခွန်နဲ့ ဆက်လုပ်သွားမှာပါ။ အခု ကျွန်တော် ဘုရာဖူးဦးမှာပါ။ ပါတီအနေနဲ့တော့ ကျွန်တော် မစဉ်စားထားပါဘူး၊ သို့သော်လည်း ပါတီလုပ်မှ နိုင်ငံရေး လုပ်တာ မဟုတ်ပါဘူး။ ဘယ်ကပဲ လုပ်လုပ်ပါ၊ အပြင်က လုပ်လို့လည်း ရပါတယ်။ ကျွန်တော်တို့ အရင် ကတည်းက ပါတီအနေနဲ့ လုပ်တာ မဟုတ်ဘူး။ အဲဒီအတွက်တော့ အစီအစဉ် မရှိဘူး။ သို့သော် ဒီမိုကရေစီ အရေးအတွက်တော့ ရှိသမျှအားနဲ့ ကျွန်တော် အလုပ်လုပ်သွားမှာ ဖြစ်ပါတယ်။ NLDနဲ့ကတော့ အရင်လိုပါပဲ။ လက်တွဲတော့မပျက်ပါဘူး။ ဒါပေမယ့် ကျွန်တော် ၀င်ဖို့ မ၀င်ဖို့သာ ရှိပါတယ်။ ဂျာနယ်တွေ အနေနဲ့ လူကြီးတွေကို ပြန်ပြောပေးကြပါ။ ကျွန်တော်တို့ ဂျာနယ်တွေ ဖတ်ပါတယ်လို့။ Eleven ကရော ပါလား မသိဘူး။ ဒေါက်တာ သန်းထွဋ်အောင်ကို ပြောပေးပါဗျာ ကျွန်တော်တို့် ၁ ခြောက်လုံး အခွေ ကြည့်ရတယ်လို့ Congratulation လုပ်လိုက်ပါနော်။ Appreciate လုပ်ပါတယ်လို့ " ဟု သရက်ထောင်မှ လွတ်မြောက် လာသော ကိုမင်းကိုနိုင်မှ သတင်းထောက်များနှင့် တွေ့ဆုံစဉ် ပြောကြားခဲ့ပါသည်။

11:41 AM
တောင်ကြီးထောင်မှ ကိုဂျင်မီ၊ ကိုမြအေး၊ ကိုဇော်သက်ထွေး၊ ကိုကျော်ကိုကို၊ ကိုမောင်ကံ၊ ကိုဇော်မင်းဦး၊ ကိုဇော်ဝင်းလေး၊ ကိုအောင်ကျော်ကျော်၊ ကိုသူရစိုး၊ ကိုမန်းဇော်ထွေးတို့ ပြန်လည် လွတ်မြောက် လာကြောင်း သိရှိရပါသည်။

11:59 AM




12:13 PM

" နေကောင်းပါတယ်။ ကျန်းမာရေးလည်းကောင်းပါတယ်။ ပျော်တော့ပျော်တာပေါ့။ မိသားစုလည်း ပျော်တယ်၊ လွတ်ပေမယ့်လည်း ကျန်တဲ့ တပည့်တွေ ရှိနေသေးတယ်။ ဟိုမှာ မလွတ်သေးတာပေါ့ကွယ်။ ကျန်တဲ့ တချို့လွတ်သင့် လွတ်ထိုက်တဲ့လူတွေလည်း ရှိနေသေးတယ်။ အားလုံး လွတ်ရင်တော့ ပိုကောင်းတာပေါ့။ အားလုံး မိသားစုတွေနဲ့ ဆုံကြတဲ့အချိန်မှာ ပိုကောင်းတာပေါ့။ သူတို့ကြီးပဲ ဒီလို လွတ်မြောက်လာတာ တစ်ကိုယ်ကောင်း ဆန်တယ်လို့တော့ စိတ်ထဲမှာ ဖြစ်မိတယ်။ အားလုံး လွတ်ရင်ကောင်းမယ်။ လွတ်ပါစေလို့ပဲ ဆုတောင်းတယ်။ အချိန်ကာလ တစ်ခုမှာ လွတ်လိမ့်မယ်လို့ ထင်ပါတယ်။ လက်ရှိ အစိုးရကလည်း တစ်ဆင့်ပြီး တစ်ဆင့် ဆောင်ရွက်နေမှာ ဆိုတော့ လွတ်လိမ့်မယ်လို့ ထင်ပါတယ်" ဟု ဦးခင်ညွန့်(ဗိုလ်ချုပ်ကြီးဟောင်း) က မီဒီယာများသို့ ပြောကြားခဲ့သည်။

12:14 PM
"လက်ရှိအစိုးရကကောင်းတယ်လေ။ ကောင်းတယ်ဆိုတာက ဒေါ်အောင်ဆန်းစုကြည်နဲ့ တွေ့ပြီးပြီ။ ဒေါ်အောင်ဆန်းစုကြည်ရဲ့ ကြိုးပမ်းဆောင်ရွက်မှုတွေ၊ လက်ရှိသမ္မကြီးရဲ့ ကြိုးပမ်း ဆောင်ရွက်မှုတွေ ၊ နှစ်ဦးစလုံးရဲ့ ဆောင်ရွက်မှုတွေဟာ တိုင်းပြည် အနာဂတ်အတွက် ကောင်းမယ်လို့ မြင်ပါတယ်" ဟု ဦးခင်ညွန့် (ဗိုလ်ချုပ်ကြီးဟောင်း) က မီဒီယာများသို့ ဆက်လက်ပြောကြားခဲ့သည်။

12: 15 PM
ပုသိမ်အကျဉ်းထောင်မှ အကျဉ်းသာ (၁၆)ဦး လွတ်မြောက်ပြီး ယုံကြည်ချက်ကြောင့် အကျဉ်းကျခံရသူ (၄)ဦး ပါဝင်ကြောင်း သိရသည်။ ၄င်းတိုမှာ ကိုဇော်လတ် (ဘီလူးကျွန်း)၊ ကိုသန်းထွဋ်အေး (တောင်ဥက္ကလာ)၊ ကမ်ခန့်ခွာ (ရန်ကုန်)၊ မခိုင်မာစိုး (ဖြူးမြို့)တို့ ဖြစ်ကြောင်း သိရပါသည်။

12:26 PM
နိုင်ငံရေးသို့ ၀င်ရောက်ဖွယ် ရှိ၊ မရှိနှင့် ပတ်သက်၍ "အခုထိတော့မစဥ်းစားရသေးဘူး။ အသက်လည်း ကြီးပြီကွယ့်"ဟု ဦးခင်ညွန့်(ဗိုလ်ချုပ်ကြီးဟောင်း) က ပြောကြားခဲ့သည်။ အနာဂတ် အစီအစဉ်များနှင့် ပတ်သက်၍ ၄င်းက "အဘက အိမ်မှာပဲ မိသားစုတွေနဲ့ အေးအေးဆေးဆေး နေချင်သေးတယ်။ မိသားစုတွေနဲ့ မနေရတာ (၇) နှစ်ကျော်ပြီ။ သားတွေနဲ့လည်း အခုမှ တွေ့ရတာ။ သားက အခုမှ ရောက်တာ။"ဟု ပြောကြားခဲ့ပါသည်။

Ref: EMG News

Read More...

လွှတ်တော်ကိုယ်စားလှယ်လောင်းများစရင်း NLD ထုတ်ပြန်






Read More...

လွတ်ငြိမ်း ၆၅၁ ဦးထဲမှာ နိုင်/ကျဉ်း အများစု ပါမယ်လို့ မျှော်လင့်ကြ

ကိုပေါက်
ကြာသပတေးနေ့၊ ဇန်နဝါရီလ ၁၂ ရက် ၂၀၁၂

နယူးဒေလီ (မဇ္ဈိမ) ။ ။ သမ္မတ၏ “လွတ်ငြိမ်းချမ်းသာခွင့်” ကြေညာချက်အရ သောကြာနေ့တွင် လွတ်မြောက် လာမည့် အကျဉ်းသား/ အကျဉ်းသူ ၆၅၁ ဦးထဲတွင် နိုင်ငံရေး အကျဉ်းသား အများစု လွတ်မြောက်လာမည်ဟု မျှော်လင့် ရကြောင်း အမျိုးသား ဒီမိုကရေစီအဖွဲ့ချုပ် NLD နှင့် ၈၈ မျိုးဆက် ကျောင်းသားများက ယူဆကြသည်။

“ကျနော့်ထင်မြင်ချက်ပြောရရင် အခုလွှတ်တာ နိုင်ငံရေးအကျဉ်းသား တော်တော်အများစုပါမယ်လို့ မျှော်လင့် ထားတယ်။ ပြစ်မှုဆိုင်ရာ ကျင့်ထုံးဥပဒေ ၄၀၁ ဆိုတာကတော့ ပုဒ်မခွဲ ၁ နဲ့ ၂ ရှိတယ်။ ၁ ကတော့ အပြီးအပိုင် လွတ်ငြိမ်းခွင့် ပေးလိုက်တာ။ အဲလို ပြောတဲ့အတိုင်းဆို အဲလိုပဲ ယူဆတယ်။ (NLD ပြုစုစာရင်းနဲ့) တရာလောက်တော့ ကွာတာပေါ့။ နီးစပ်တယ်လို့ ပြောရရင် ရပါတယ်” ဟု ပြောခွင့်ရ ဦးဉာဏ်ဝင်း က မဇ္ဈိမကို ပြောသည်။

ကြာသပတေး ညနေပိုင်းက အစိုးရပိုင် ရုပ်မြင်သံကြားဌာနမှ ထုတ်လွှင့်ကြေညာသွားသော “လွတ်ငြိမ်းချမ်းသာခွင့်” တွင် “အကျဉ်းသား အကျဉ်းသူ ၆၅၁ဦးအား ပြစ်မှုဆိုင်ရာ ကျင့်ထုံးဥပဒေ ၄၀၁ ပုဒ်မခွဲ ၁ အရ လွတ်ငြိမ်း ချမ်းသာခွင့် ပြုခြင်း”ဟု ဖော်ပြ ပါရှိသည်။

သမ္မတ အနေဖြင့် အဆိုပါ အကျဉ်းသားများအနေဖြင့် “နိုင်ငံတော် တည်ငြိမ်ရေးနှင့် ထာဝရ ငြိမ်းချမ်းမှု ဖော်ဆောင်ရေး အတွက် လည်းကောင်း၊ အမျိုးသား ပြန်လည်စည်းလုံး ညီညွတ်ရေးအတွက် လည်းကောင်း၊ နိုင်ငံရေး လုပ်ငန်းစဉ်များတွင် အားလုံး ပါဝင်နိုင်ခွင့် ရရှိစေရေးအတွက် လည်းကောင်း” စသည့် ရည်ရွယ်ချက်ဖြင့် လွတ်ငြိမ်း ချမ်းသာခွင့် ပြုလိုက်ကြောင်းလည်း ဖော်ပြပါရှိသည်။

ထို့ကြောင့် ဤလွတ်ငြိမ်းချမ်းသာခွင့်ဖြင့် ၈၈ မျိုးဆက်ကျောင်းသားများလည်း ပြန်လည် လွတ်မြောက်လာနိုင်ဖွယ် ရှိကြောင်း ၈၈ မျိုးဆက် တဦးဖြစ်သည့် မနု က ယူဆသည်။ “ကျမတို့ သူငယ်ချင်းတွေ တော်တော်များများ ပါမယ် လို့တော့ ထင်တယ်။ စာရင်းက သေချာ မထွက်လာသေးဘူး။ နိုင်ငံရေးအကျဉ်းသား အများစု လွတ်လာမယ်လို့ ထင်တယ်” ဟု မဇ္ဈိမကို ပြောသည်။

လွတ်မြောက်လာမည့် နိုင်ငံရေး အကျဉ်းသားများထဲတွင် ထောင်ဒဏ် အသက် ၃၂ နှစ်ရှိ ဘလော့ဂါ နေဘုန်းလတ်နှင့် ၈၈ ကျောင်းသားခေါင်းဆောင် မင်းကိုနိုင်တို့လည်း ပါဝင်သည်ဟု သတင်းများ ထွက်ပေါ်နေသည်။

ထို့အတူ နှစ်ရှည်ထောင်ဒဏ်များ အသီးသီးကျခံနေရသော ၈၈ မျိုးဆက် ကျောင်းသားများ လွတ်မြောက်လာသည့် အထဲတွင် ပါဝင်သည် ဟုလည်း အစိုးရပိုင်းနှင့် နီးစပ်သော ဦးလှမောင်ရွှေ က “ဒီနေ့ လွတ်တဲ့အထဲမှာ ကိုကိုကြီး၊ မင်းကိုနိုင်၊ ကိုဂျင်မီ၊ ဦးခွန်ထွန်းဦး အပါအဝင် နိုင်ငံရေး အကျဉ်းသားတွေ အများကြီး ပါပါတယ်ဗျ” ဟု မဇ္ဈိမကို ပြောသည်။

သမ္မတ အနေဖြင့် “လွတ်ငြိမ်းချမ်းသာခွင့် ပေးခြင်း” ကို အမျိုးသား ကာကွယ်ရေးနှင့် လုံခြုံရေးကောင်စီ (အကလ) ၏ သဘော တူညီချက်ဖြင့်သာ ပေးနိုင်သည်။ ယခု လွတ်ငြိမ်းချမ်းသာခွင့် ကြေညာစဉ်တွင် အကလ အဖွဲ့ဝင် ၁၁ ဦး အနက် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် ထိုင်းနိုင်ငံသို့ ရောက်ရှိနေသည်။

ဇန်နဝါရီ ၂ ရက်နေ့က ထုတ်ပြန်ခဲ့သော ပြစ်ဒဏ်လျှော့ပေါ့ခြင်းကြောင့် လွတ်မြောက်လာသော အကျဉ်းသား ၁၄၀၀ ကျော်ထဲတွင် နိုင်ငံရေး အကျဉ်းသား ၃၄ ဦး ပါဝင်ခဲ့သည်။

Ref: မဇ္ဈိမ

Read More...

KNU နှင့် အစိုးရ အပစ်ရပ်၍ ကရင်ပါတီ ဝမ်းမြောက်ကြိုဆို

ဖနိဒါ
ကြာသပတေးနေ့၊ ဇန်နဝါရီလ ၁၂ ရက် ၂၀၁၂

ချင်းမိုင်(မဇ္ဈိမ) ။ ။ မြန်မာအစိုးရအား ၆၃ နှစ်ကြာ လက်နက်တော်လှန်ခဲ့သော ကရင်အမျိုးသား အစည်းအရုံး KNU က ပထမဆုံးအကြိမ် အပစ်အခတ်ရပ်စဲရေး သဘောတူ လက်မှတ်ရေးထိုး လိုက်သည့် အပေါ် ပြည်တွင်း ကရင်နိုင်ငံရေး သမားများက ကြိုဆို လိုက်ကြသည်။


အပစ်အခတ်ရပ်စဲရေး စာချုပ်ချုပ်တွင် လက်မှတ်ရေးထိုးပြီးနောက် အစိုးရကိုယ်စားလှယ်များနှင့် KNU ကိုယ်စားလှယ်အဖွဲ့ဝင်များ အပြန်အလှန် လက်ဆွဲနှုတ်ဆက်နေကြသည်ကို ဇန်နဝါရီလ ၁၂ ရက် ၂ဝ၁၂ ခုနှစ် မွန်းလွဲပိုင်းက တွေ့မြင်ရစဉ်။ (ဓါတ်ပုံ မဇ္ဈိမ)
နှစ်ဘက်အပစ်အခတ် ရပ်စဲလိုက်သည့်အပေါ် ဝမ်းသာကြောင်းနှင့် ကရင်ပြည်နယ် အေးချမ်းစေရန် အတွက် ဆက်လက် ဆွေးနွေးမှုများ အဆင်ပြေပါစေလိုကြောင်း NLD ပါတီမှ ဘားအံ့မြို့နယ် ၁၉၉ဝ ပြည်သူ့ လွတ်တော် အမတ် ဒေါ်နန်းခင်ထွေးမြင့်က ပြောသည်။

“အန်တီတို့က ဝမ်းသာတာပေါ့။ ရင်တောင်တုန်တယ်။ အခုက အစဘဲရှိသေးတော့ နောက်ပိုင်း တွေလည်း အဆင်ပြေပါစေ။ ရင်ထဲမှာ ကရင်ပြည်နယ်ကို အေးအေးချမ်းချမ်း မြင်ချင်ပါတယ်။ သူတို့လည်း မြင်ချင်မှာပဲ။ ၆၃ နှစ် တိုက်နေတာ ခုလိုဆွေးနွေးလိုက်တော့ နာရီပိုင်းနဲ့ ပြီးတာပဲ။ အကုန်လုံးက ဒီထက် ပိုပြီးတော့ ဝမ်းမြောက် ဝမ်းသာ စွာနဲ့ပဲ မျော်လင့်နေကြတယ်။ ပျော်လည်း ပျော်ပါတယ်”ဟု သူက မဇ္စျိမကို ပြောသည်။

အစိုးရကိုယ်စားလှယ်များနှင့် KNU ကိုယ်စားလှယ်များ နှစ်ဘက်အကြား အပစ်အခတ် ရပ်စဲရေး၊ ဆက်ဆံရေး ရုံးများ ဖွင့်လှစ်ခွင့်ပေးရေး၊ လက်နက်မပါဘဲ နှစ်ဖက် သွားလာခွင့် ပေးရေးများ အပါအဝင် ပြည်နယ်အဆင့် အချက် ၄ ချက် ကို ကြာသာပတေးနေ့က သဘောတူ လက်မှတ် ရေးထိုးခြင်း ဖြစ်သည်။

ပြည်ထောင်စုအဆင့် ၁၁ ချက်ကိုလည်း မူအရ သဘောတူကြကြောင်း သိရသဖြင့် စစ်မှန်သည့် အပစ်အခတ် ရပ်စဲရေး ဖြစ်ရန် လိုအပ်သည်ဟု ဖလုံစဝေါ် ဒီမိုကရက်တစ် ပါတီမှ ဘားအံ့မြို့နယ် ၂ဝ၁ဝ ပြည်သူ့လွတ်တော် အမတ် ဒေါ်စောဆေးဝါးက ပြောသည်။

“ကရင်ပြည်နယ်အေးချမ်းဖို့ အဆင်ပြေသွားပြီလို့ပဲ ယူဆရမှာပေါ့နော်။ အားလုံးက ဝမ်းသာတာပေါ့။ အဲဒီ ငြိမ်းချမ်းရေးဟာ တကယ့် လက်တွေ့မှာ အမှန်တကယ် ငြိမ်းချမ်းရေးဖြစ်ဖို့ လိုတယ်။ အပစ်အခတ် ရပ်ဆိုင်းရေး လုပ်တယ်ဆိုရင် စာထဲမှာပဲ ရှိပြီး အပြင်မှာ တကယ်မလုပ်ဘူးဆိုရင် မကောင်းဘူး ပေါ့နော်။ ပြည်သူတွေက နှစ်ပေါင်းများစွာ မျှော်လင့် လာခဲ့တာလေ။ ကျမတို့ ပြည်သူတွေ အားလုံး အတိုင်းမသိ ဝမ်းသာတာပေါ့”ဟု သူက မဇ္စျိမကို ပြောသည်။

နဝတ၊ နဖအ အစိုးရခေတ် အဆက်ဆက်တွင် KNU က တရားဝင် အပစ်အခတ် ရပ်စဲရေး မလုပ်ခဲ့သဖြင့် ယနေ့ အပစ်အခတ် ရပ်စဲရေး သဘောတူညီလိုက်မှုကို အစိုးရအနေဖြင့် လက်တွေ့ အသေးစိတ် အကောင် အထည်ဖော်ရန် လိုအပ်သည်ဟု တရုတ်-မြန်မာနယ်စပ်မှ မြန်မာ့အရေးလေ့လာသူ ဦးအောင်ကျော်ဇော်က ပြောသည်။

“ဒီနေ့ဖြစ်တဲ့ ကရင်စေ့စပ် ဆွေးနွေးရေးဟာ တဖက်က ဝမ်းသာစရာ ဆိုသော်ငြားလည်း နောက်ဆက်ပြီး လုပ်လာမယ့် အခြေအနေပေါ်မှာ အများကြီး မူတည်တယ်။ ဒီလောက်နဲ့ ရပ်နေမယ် ဆိုရင်တော့ မခိုင်လောက်ဘူး။ အပစ်အခတ် ရပ်ဆိုင်းရုံတော့ ဝမ်းသာစရာ မဟုတ်ဘူး။ အစ ပြုချက်ကတော့ မှန်တာပေါ့။ ဒါပေမယ့် နှစ်ဖက်စလုံးမှာ ရှင်းလင်းတဲ့ သဘောထား၊ နှစ်ဖက် စလုံးမှာ ယုံကြည်မှု တည်ဆောက်ဖို့ လိုတယ်။ အပစ်အခတ် ရပ်စဲရုံနဲ့ မပြီးပါဘူး။ ကရင်ပြည်နယ်အတွက် ဝမ်းသာ ဝမ်းနည်းဖြစ်ခဲ့တဲ့ အချိန်ပေါင်းလည်း မနည်းတော့ဘူး”ဟု သူက မဇ္စျိမကို ပြောသည်။

KNU ဘက်မှ တနိုင်ငံလုံး အတိုင်းအတာ အပစ်အခတ် ရပ်ဆိုင်းရေးနှင့် တိုင်းရင်းသား နယ်မြေများတွင် ဖြစ်ပွားနေသော စစ်ပွဲများ အမြန်ဆုံး ရပ်ဆိုင်းရန်တို့ အပါအဝင် တောင်းဆိုသည့် အချက် ၁၁ ချက်ကို အစိုးရ ကိုယ်စားလှယ် ရထားဝန်ကြီး ဦးအောင်မင်းတို့က မူအားဖြင့် သဘောတူခဲ့သည်ဟု သိရသည်။

KNU မှ ဗိုလ်ချုပ် စောမူတူးဆေးဖိုး ဦးဆောင်သော ကိုယ်စားလှယ် ၁၉ ဦးနှင့် ရထားဝန်ကြီး ဦးအောင်မင်း ဦးဆောင်သော လူဝန်မှုဝန်ကြီး ဝန်ကြီး ဦးခင်ရီ၊ စက်မှုဝန်ကြီး ဦးစိုးသိန်းတို့ ပါဝင်သည့် အစိုးရ ကိုယ်စားလှယ်များ ဘားအံ့မြို့ ဇွဲကပင် ဟိုတယ်တွင် ဆွေးနွေးကြရာ စေ့စပ်အကျိုးဆောင် ကိုယ်စားလှယ်များ အဖြစ် ဦးတင်မောင်သန်း၊ ဦးလှမောင်ရွှေ၊ ဒေါက်တာ ကျော်ရင်လှိုင်တို့က ဆောင်ရွက်ခဲ့ကြသည်။

Ref: မဇ္ဈိမ

Read More...

ကရင်ဒေသ အပစ်ရပ်ရန် သဘောတူ

သန်းထိုက်ဦး
January 12, 2012

အစိုးရ နှင့် ကရင်အမျိုးသား အစည်းအရုံး (KNU) တို့၏ ငြိမ်းချမ်းရေး ကိုယ်စားလှယ် အဖွဲ့များ ဘားအံမြို့တွင် ယနေ့ တွေ့ဆုံ ဆွေးနွေးပြီး အပစ်အခတ် ရပ်စဲရန် အတွက်သဘောတူ လိုက်ကြသည်။


ယမန်နေ့က ဘားအံမြို့တွင် တွေ့ရသော အစိုးရ၏ ကရင်ပြည်နယ် ငြိမ်းချမ်းရေး ဖော်ဆောင်မှု ကော်မတီဝင်များ နှင့် KNU ငြိမ်းချမ်းရေး ဖော်ဆောင်ရေးအဖွဲ့ဝင်များ၏ ညစာစားပွဲ မြင်ကွင်းတခု 
(ဓာတ်ပုံ - ဧရာဝတီ)

သဘောတူညီချက်များတွင် ဆက်ဆံရေးရုံးများ ဖွင့်ရန်၊ ထိန်းချုပ်နယ်မြေတွင် ဖြတ်သန်းသွားလာသည့် အခါ လက်နက် ကိုင်ဆောင်ခြင်း မပြုရန်တို့လည်း ပါဝင်ကြောင်း ဆွေးနွေးပွဲ တက်ရောက်ခဲ့သည့် ငြိမ်းချမ်းရေး အကျိုးဆောင် ဦးငွေစိုးက ဧရာဝတီသို့ ပြောသည်။

မြန်မာပြည်အနှံ့ အမြန်ဆုံး အပစ်အခတ် ရပ်စဲရေး၊ အကျဉ်းသားများ လွှတ်ပေးရေး၊ လုပ်အားပေး စေခိုင်းခြင်း မပြုလုပ်ရန် စသဖြင့် အချက် ၁၁ ချက်ကိုလည်း KNU က တောင်းဆိုထားသည်။

“ဆက်လက် ဆွေးနွေးဖို့ ရှိသေးတယ်၊ အဲဒီ ၁၁ ချက်မှာ ပါတဲ့ မူဝါဒတွေ၊ ဒါတွေ အကုန်လုံးကို ပြည်ထောင်စု အဆင့်မှာ တခုစီ ဖြေရှင်းသွားမယ်” ဟု Dawei Princess ကုမ္ပဏီမှ မန်နေးဂျင်းဒါရိုက်တာ ဦးငွေစိုးက ဆိုသည်။

ပြည်ထောင်စု အဆင့် ဆွေးနွေးပွဲကို ၄၅ ရက် အတွင်း ပြုလုပ်ရန် စီစဉ်ထားကြောင်း သိရသည်။

KNU မှ စစ်ဦးစီးချုပ် ဗိုလ်ချုပ်ကြီး မူတူးဆေးဖိုး ဦးဆောင်သော ကိုယ်စားလှယ် တချို့နှင့် ပြည်ထောင်စု ၀န်ကြီး အဆင့် ရထား ၀န်ကြီး ဦးအောင်မင်း၊ ဦးစိုးသိန်းနှင့် ဦးခင်ရီတို့က လက်မှတ်ရေးထိုးကြကြောင်း ဦးငွေစိုးက ပြောသည်။

ယမန်နေ့ညက ဘားအံမြို့ ဇွဲကပင်ဟိုတယ်တွင် နှစ်ဘက်ကိုယ်စားလှယ်တို့ တွေ့ဆုံပြီး ညစာ စားခဲ့ကြသည်။

နိုဝင်ဘာလ ၁၅ ရက်နေ့တွင် ၀န်ကြီး ဦးအောင်မင်းက KNU တပ်ဖွဲ့မှ ကိုယ်စားလှယ်များကို ငြိမ်းချမ်းရေး တွေ့ဆုံ ဆွေးနွေးရန် တရားဝင် ကမ်းလှမ်းခဲ့သည်။ ထိုကမ်းလှမ်းမှု ပေါ်ပေါက်လာပြီး နောက်ပိုင်း KNU ကလည်း တွေ့ဆုံရန် ပြင်ဆင်ထားခဲ့သည်။

နိုဝင်ဘာ ၁၉ နှင့် ၂၀ ရက်နေ့ကလည်း ထိုင်း-မြန်မာနယ်စပ် တနေရာ၌ ရထားပို့ဆောင်ရေး ၀န်ကြီး ဦးအောင်မင်း ဦးဆောင်သည့် ကိုယ်စားလှယ်များနှင့် KNU ခေါင်းဆောင်တချို့ အလွတ်သဘော ညှိနှိုင်းခဲ့ကြောင်း သိရသည်။

KNU သည် အမျိုးသား တန်းတူရေး၊ ကိုယ်ပိုင် ပြဌာန်းခွင့် ရရှိရေးတို့ အတွက် အစိုးရ အဆက်ဆက်ကို ဆန့်ကျင် တော်လှန်ခဲ့သည်မှာ ၆၂ နှစ် ရှိပြီ ဖြစ်သည်။

KNU လှုပ်ရှားသည့် ထိုင်းမြန်မာနယ်စပ်တွင် တိုက်ပွဲများ ငြိမ်သက်နေသော်လည်း မြန်မာပြည်မြောက်ပိုင်း ကချင် လွတ်မြောက်ရေး တပ်မတော် ထိန်းချုပ်သည့် နေရာများတွင် တိုက်ခိုက်မှုများ အဆက်မပြတ် ဖြစ်ပွားနေသည်မှာ ၇ လ ကြာပြီ ဖြစ်သည်။

Ref: ဧရာဝတီ

Read More...

Thursday, January 12, 2012

လူကုန်ကူးမှုပြဿနာ မြန်မာနိုင်ငံ ရင်ဆိုင်နေရဆဲ

မစုမြတ်မွန်
ဗုဒ္ဓဟူး, 11 ဇန်နဝါရီ 2012

မြန်မာနိုင်ငံမှာ အဓမ္မလုပ်အားပေးပြဿနာတွေ၊ လူကုန်ကူးမှု ပြဿနာတွေ ရှိနေဆဲပဲလို့ မြန်မာနိုင်ငံ အခြေအနေကို လာကြည့်တဲ့ လူကုန်ကူးမှု ဆိုင်ရာ အမေရိကန် သံအမတ်ကြီး Luis CdeBaca က ပြောလိုက်ပါတယ်။ အစိုးရ အနေနဲ့ ဒီပြဿနာတွေ ရှိနေတယ် ဆိုတာကို အသိအမှတ်ပြုပြီး ကိုင်တွယ် ဖြေရှင်းဖို့ အတွက်ကို ပွင့်ပွင့်လင်းလင်း ဆွေးနွေး ခဲ့ကြတယ်လို့ Mr. Cde Baca က ရန်ကုန်မှာ သတင်းထောက် တွေကို ပြောကြား သွားခဲ့ပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြ ပေးထားပါတယ်။

မြန်မာနိုင်ငံမှာ တနင်္လာနေ့ ဇန်နဝါရီလ ၉ ရက်နေ့ကတည်းက ရောက်နေတဲ့ လူကုန်ကူးမှုဆိုင်ရာ အမေရိကန် သံအမတ်ကြီး Luis CdeBaca က အမေရိကန်နိုင်ငံ အပါအဝင် ကမ္ဘာ့နိုင်ငံတိုင်းမှာ လူကုန်ကူးမှု ပြဿနာတွေ ရှိနေပြီးတော့ မြန်မာ နိုင်ငံမှာတော့ အဓမ္မ လုပ်အားပေး ခိုင်းစေမှုတွေပါ ရှိနေဆဲ ဖြစ်တယ်လို့ သတင်းစာ ရှင်းလင်းပွဲမှာ ပြောသွားပါတယ်။

မြန်မာနိုင်ငံမှာ အစိုးရတာဝန်ရှိသူတွေ၊ ခေါင်းပုံဖြတ်အလုပ်ရှင်တွေရဲ့ အဓမ္မလုပ်အားပေး ခိုင်းစေမှု ပြဿနာတွေ ရှိနေဆဲ ဖြစ်သလို လိင်ဖျော်ဖြေရေး အတွက် လူမှောင်ခိုကူးမှုတွေ၊ ကလေးစစ်သား စုဆောင်းတဲ့ ပြဿနာတွေ၊ စစ်တပ် အာဏာပိုင်တွေ၊ ရပ်ကွက် ကျေးရွာ အာဏာပိုင်တွေက ရွာသားတွေကို အဓမ္မ အလုပ်ကြမ်း ခိုင်းတဲ့ ပြဿနာတွေ ရှိနေဆဲ ဖြစ်ပါတယ်လို့ - ပြောသွားတာ ဖြစ်ပါတယ်။

ဒီပြဿနာတွေကို ပြီးခဲ့တဲ့ ၂ ရက် နေပြည်တော်နဲ့ ရန်ကုန်မြို့တွေမှာ အစိုးရတာဝန် ရှိသူတွေ၊ လူကုန်ကူးမှု တိုက်ဖျက်ရေးမှာ သက်ဆိုင်သူ တွေနဲ့ ပွင်းပွင်းလင်းလင်း ဆွေးနွေး ဖြစ်ခဲ့ပါတယ်- လို့ ပြောပါတယ်။

မြန်မာနိုင်ငံက လူကုန်ကူးမှု ပြဿနာမှတ်တမ်းတွေအရ ဒီပြဿနာဖြေရှင်းရေးမှာ စိန်ခေါ်မှုတွေ ရှိနေပါတယ်။ ဒါပေမယ့် ဆွေးနွေးမှု တွေမှာ ဘာတွေ့ခဲ့ရလဲ ဆိုတော့ ပြဿနာ ရှိနေတယ် ဆိုတာကို အသိအမှတ်ပြု လက်ခံတယ်။ နောက် ပြဿနာ ဖြေရှင်းရေးအတွက် ပွင့်ပွင့်လင်းလင်း ရှိတယ် ဆိုတာကို တွေ့ခဲ့ရတယ် - လို့ အစိုးရ တာဝန်ရှိသူတွေနဲ့ တွေ့ဆုံဆွေးနွေးခဲ့တဲ့ လူကုန်ကူးမှု ဆိုင်ရာ အမေရိကန် သံအမတ်ကြီးက ပြောပါတယ်။ မြန်မာနိုင်ငံမှာ ရှိနေဆဲဖြစ်တဲ့ အဓ္ဓမလုပ်အားပေး ခိုင်းစေမှုတွေ တိုက်ဖျက်ရေး အတွက် အဓိက ဖြစ်နေတဲ့ အဟန့်အတားနဲ့ ပတ်သက်လို့လည်း

အခြေအနေတိုးတက်လာဖို့ အဓိက အတားအဆီးဖြစ်နေတဲ့ ကိစ္စတခုက သိပ်ကိုခေတ်နောက်ကျနေတဲ့ တရားရေး စနစ်ကြောင့်လို့ မြင်ရပါတယ်။ အထူးသဖြင့် မြို့တွေ ကျေးရွာတွေမှာ သုံးနေတဲ့ အုပ်ချုပ်ရေး ပုံစံအရ အရပ်ဘက် အာဏာပိုင်တွေက အလုပ် ခိုင်းစေခွင့်တွေ ရှိနေပါတယ်။ ဒီခေတ်နောက်ပြန်ဆွဲတဲ့ စနစ်ကြောင့် စစ်တပ်ကရော ရပ်ကွက်ကျေးရွာ အာဏာပိုင်တွေ ကပါ ရွာသားတွေကို အလုပ်ကြမ်း ခိုင်းတာက တရားဝင်လို ဖြစ်နေပါတယ် - လို့ သူ့ရဲ့ လေ့လာတွေ့ရှိချက်ကိုလည်း လူကုန်ကူးမှု ဆိုင်ရာ အမေရိကန် သံအမတ်ကြီးက ပြောခဲ့ပါတယ်။

အမေရိကန်အစိုးရရဲ့ လူကုန်ကူးမှုဆိုင်ရာ အစီရင်ခံစာထဲမှာ မြန်မာနိုင်ငံဟာ လူကုန်ကူးမှု ပြဿနာ တိုက်ဖျက်ရေးကို အစိုးရတွေ ကိုယ်တိုင်က အားထုတ်မှု မရှိတဲ့ အဆိုးဆုံး အဆင့်မှာ ပါဝင်နေပါတယ်။ ဒီအဆင့်ကနေ လွတ်မြောက်နိုင်ဖို့ အတွက်ကတော့ လုပ်သင့်တယ်လို့ အကြံပြုထားတဲ့ အချက်တွေကို မြန်မာနိုင်ငံက လိုက်နာဆောင်ရွက်ဖို့ လိုအပ်ပါတယ်။

အဲဒါတွေကတော့ အဓမ္မအလုပ်ကြမ်းခိုင်းနေတာတွေကို အရပ်ဘက်အာဏာပိုင်တွေရော စစ်ဘက် အာဏာပိုင်တွေ ကပါ ရပ်တန်းက ရပ်ဖို့၊ ကလေးစစ်သား စုဆောင်းမှုတွေကို အစိုးရ တပ်တွေရော လက်နက်ကိုင် တိုင်းရင်းသား အဖွဲ့တွေပါရပ်ဖို့ လူကုန်ကူးမှုမှာ ပါဝင် ပတ်သက်နေတဲ့ သူတွေကို ထိထိရောက်ရောက် အရေးယူဖို့နဲ့ အစိုးရအနေနဲ့ လူကုန်ကူးမှု တိုက်ဖျက်ရေးကို သိသိသာသာ အားထုတ် ဆောင်ရွက်ဖို့ စတဲ့ အကြံပြုချက်တွေ ဖြစ်ပါတယ်။

ပြီးခဲ့တဲ့ လပိုင်းတွေအတွင်း အစိုးရက အားတက်စရာ ဆောင်ရွက်မှုတချို့ လုပ်ခဲ့တာကလည်း နောက် ထုတ်ပြန်မယ့် အစီရင်ခံစာ အတွက် ထည့်သွင်း စဉ်းစားစရာ ဖြစ်ပါတယ်လို့ ပြောသွားပါတယ်။

လူကုန်ကူးခံရလို့ မြန်မာနိုင်ငံ ပြန်ပို့ခံရတဲ့သူတွေကို သူတို့ ဆန္ဒမပါလည်း လူမှုဖူလုံရေးဌာနရဲ့ စောင့်ရှောက်ရေး စခန်းတွေမှာ အနည်းဆုံး ၂ ပတ် ယာယီ ခေါ်ထားတာကို အစိုးရက ပယ်ဖျက် ပေးခဲ့ပါတယ်တဲ့။ အပြောအရ ဒီစောင့်ရှောက်ရေး စခန်းတွေဟာ အကျဉ်းထောင် လိုပဲလို့ လူကုန်ကူး ခံကြရသူတွေက ပြောကြတာမို့ ဒီလို ဆောင်ရွက်ချက် အပေါ်မှာ ကြိုဆိုပါတယ်။

မြန်မာနိုင်ငံရဲ့ လူကုန်ကူးမှု ပြဿနာတိုက်ဖျက်ရေးအဆင့် သတ်မှတ်တဲ့အခါ ဒီဆောင်ရွက်ချက်ကို ထည့်စဉ်းစားရမှာ ဖြစ်ပါတယ်- လို့ ပြောတာဖြစ်ပါတယ်။

အခု လူကုန်ကူးမှုဆိုင်ရာ အမေရိကန် သံအမတ်ကြီး Luis Cde Baca ကသူ့ရဲ့ ခရီးစဉ်ဟာ မြန်မာနိုင်ငံက အခြေအနေကို လာရောက် ကြည့်ရှုတာအပြင် လူကုန်ကူးမှု တိုက်ဖျက်ရေး အတွက် မြန်မာအစိုးရနဲ့ ဘယ်လို လက်တွဲ လုပ်နိုင်မယ့် အခွင့်အလမ်းတွေ ရှိသလဲ ဆိုတာကို လာကြည့်တာ ဖြစ်တယ်လို့ သတင်းစာ ရှင်းလင်းပွဲမှာ ပြောသွား ပါတယ်ရှင်။

Ref: VOA News

Read More...

ဗဟန်းမြို့နယ် အန်အယ်လ်ဒီ စည်းရုံးရေး ကော်မတီရုံး ဖွင့်

2012-01-11

ပြည်သူတွေရဲ့ အနာဂတ်ဘဝ သာယာဝပြောရေးကို လက်တွေ့ ပုံဖော်နိုင်ရေး အတွက် မိမိတို့ နိုင်ငံရေး လုပ်ငန်းတွေ ဆောင်ရွက် နေတာလို့ အန်အယ်လ်ဒီ ပါတီ ဥက္ကဋ္ဌ ဒေါ်အောင်ဆန်းစုကြည်က ဒီကနေ့ ရန်ကုန်တိုင်း ဗဟန်းမြို့နယ် အန်အယ်လ်ဒီ စည်းရုံးရေး ကော်မတီရုံးဖွင့်ပွဲ အခမ်းအနားမှာ ပြောသွားပါတယ်။

ဒီရုံးခန်းဟာ အန်အယ်လ်ဒီ ပါတီက ရန်ကုန်တိုင်း အတွင်း ပထမဆုံး ပြန်လည်ဖွင့်လှစ်တဲ့ မြို့နယ် အဆင့်ရုံးပါ။ ရုံးခန်းကို ဒေါ်အောင်ဆန်းစုကြည်က ဖဲကြိုးဖြတ် ဖွင့်လှစ်ပေးပြီး မြန်မာနိုင်ငံရဲ့အနာဂတ် အတွက် ပြည်သူတွေနဲ့ လက်တွဲ လုပ်ဆောင်မယ်လို့ အဖွင့် မိန့်ခွန်းမှာ ပြောကြားလိုက်ပါတယ်။

"အနာဂတ်ကို ကိုယ်လိုချင်တဲ့ ပုံစံဖြစ်အောင်လို့  ပုံသွင်းဖို့ အတွက် နိုင်ငံရေးလုပ်နေတာ၊ အဲဒီလိုလုပ်နေတဲ့ အခါမှာ ပြည်သူတွေပါဖို့ လိုပါတယ်။ ပြည်သူတွေပါမှ ကိုယ်လိုချင်တဲ့ ပုံစံကို ကိုယ်ပုံသွန်းပြီးတော့ ပုံသွင်းတဲ့ နေရာမှာ ပါဝင်နိုင်မှာပါ။"

ဒီအခမ်းအနားမှာ အန်အယ်လ်ဒီပါတီ သဘာပတိ အဖွဲ့ ဥက္ကဋ္ဌ ဦးတင်ဦးကလည်း မြန်မာနိုင်ငံ ဒီမိုကရေစီရေး ဆောင်ရွက်ရင်း အကျဉ်းကျခံနေရတဲ့ နိုင်ငံရေးသမားတွေကို ဂုဏ်ပြုရင်း ပါတီဝင်တွေ အနေနဲ့ တက်တက်ကြွကြွ ဆောင်ရွက်ကြဖို့ တိုက်တွန်း ပြောဆိုသွားခဲ့ပါတယ်။

ဦးတင်ဦးက ဆက်လက်ပြီး အခုဖွင့်လှစ်တဲ့ ဗဟန်းမြို့နယ်ဟာ မကြာမီ ကျင်းပဖို့ရှိတဲ့ ကြားဖြတ် ရွေးကောက်ပွဲမှာ ပါဝင် ယှဉ်ပြိုင်ဖို့ နေရာလပ် မရှိပေမယ့် နောင်လာမယ့် ရွေးကောက်ပွဲတွေမှာ အောင်ပွဲခံနိုင်ရေး အတွက် ကြိုးပမ်းဆောင်ရွက်ဖို့ ပြောဆိုသွားပါတယ်။ ဒီအခမ်းအနားကို ဧည့်ပရိသတ် တစ်ထောင်ကျော် တက်ရောက်ခဲ့ပါတယ်။

Ref: RFA News

Read More...

ကြားဖြတ်ရွေးကောက်ပွဲမှာ လူထုဆန္ဒဖော်ထုတ်ဖို့ ဒေါ်စုတိုက်တွန်း

မသင်းသီရိ
ဗုဒ္ဓဟူး, 11 ဇန်နဝါရီ 2012

ပြည်သူ့အသံနဲ့ဆန္ဒကို ကိုယ်စားပြုတဲ့ရွေးကောက်ပွဲဖြစ်လာဖို့နဲ့ ပြည်သုလူထု လိုချင်တဲ့အစိုးရတရပ် ပေါ်ပေါက် လာဖို့အတွက် အားလုံး ပူးပေါင်းပါဝင်ကြဖို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က တိုက်တွန်း လိုက်ပါတယ်။ ရန်ကုန်က ဗဟန်းမြို့နယ်ထဲ NLD ရုံးခန်း ဖွင့်ပွဲအတွင်း ဒေါ်အောင်ဆန်းစုကြည်က လူထုကို ပြောခဲ့တဲ့မိန့်ခွန်းထဲ အခုလို ပြောခဲ့တာလည်း ဖြစ်ပါတယ်။ ဒီအကြောင်း အပြည့်အစုံကိုတော့ မသင်းသီရိက တင်ပြပေးထားပါတယ်။

လာမယ့် ဧပြီလ ၁ ရက်နေ့မှာကျင်းပမယ့် ကြားဖြတ်ရွေးကောက်ပွဲတွင်း လစ်လပ်နေရာအားလုံးမှာ ယှဉ်ပြိုင်မယ့် NLD ပါတီဟာ ဒီကနေ့ ဇန်န၀ါရီလ ၁၁ ရက် ဗုဒ္ဓဟူးနေ့ မနက်က ရန်ကုန်တိုင်း၊ ဗဟန်းမြို့နယ်ထဲက ဦးချစ်မောင်လမ်းမှာ NLD ရုံးခန်း တခု ဖွင့်လှစ်ပါတယ်။ လက်ရှိအချိန်မှာ မြန်မာ့နိုင်ငံရေး အတွက် ဖြစ်သင့်ဖြစ်ထိုက်တာ လုပ်သင့် လုပ်ထိုက်တာတွေကို အစိုးရ ကြားအောင် ပြည်သူလူထုက ပြောရမယ့် အချိန်ဖြစ်တယ်လို့ ဒီရုံးခန်းဖွင့်ပွဲမှာ NLD ပါတီ ခေါင်းဆောင် ဒေါ်အောင်ဆန်းစုကြည်က လူထူကို ပြောခဲ့ပါတယ်၊ အထူးသဖြင့် ဧပြီလ ၁ ရက်နေ့မှာ ပြုလုပ်မယ့် ကြားဖြတ် ရွေးကောက်ပွဲမှာ လူထုရဲ့ ဆန္ဒနဲ့အသံ အစစ်အမှန် ဖော်ထုတ်ကြဖို့ ကိုလည်း ဒေါ်အောင်ဆန်းစုကြည်က အခုလို တိုက်တွန်း ခဲ့ပါတယ်။

“နိုင်ငံတနိုင်ငံမှာ ဒီမိုကရေစီလမ်းကို သွားနိုင်ဖို့အတွက် ရွေးကောက်ပွဲလုပ်တယ်ဆိုတာ အဓိက ကတော့ ပြည်သူတွေရဲ့ အသံကို ကျယ်ကျယ်နဲ့ ရှင်းရှင်း ကြားနိုင်အောင်လို့ လုပ်တဲ့ကိစ္စပါ။ ကျမတို့ နိုင်ငံမှာဆိုလို့ရှိရင် သန်း ၆၀ ရှိတယ်ပေါ့- သန်း ၆၀ စလုံးကတော့ ရွေးကောက်ပွဲမှာ မဲထည့်နိုင်တဲ့ အနေအထားမှာ မရှိပါဘူး။ ဒါပေမယ့်လည်း ရွေးကောက်ပွဲမှာ မဲထည့်နိုင်တဲ့ လူတွေက မိမိတို့ရဲ့ လုပ်ပိုင်ခွင့်ကို သုံးစေချင်ပါတယ်။ မဲပြားတွေနဲ့ ကိုယ်လိုချင်တဲ့ အစိုးရတခု ဖြစ်အောင်လို့ လုပ်ရပါလိမ့်မယ်။ မဲပြားတွေနဲ့ ကိုယ်လိုချင်တဲ့ ကိစ္စတွေကို ပြောင်းလဲဖို့ ကြိုးစား ရပါလိမ့်မယ်။

မဲပေးလိုက်တယ်ဆိုတာဟာ ကိုယ့်ရဲ့ကိုယ်စားလှယ်ကို ကိုယ်လုပ်ချင်တဲ့ကိစ္စတွေလုပ်ပေး- ဆိုပြီး တာဝန် အပ်နှင်း ပေးလိုက်တာလည်း ဖြစ်ပါတယ်။ မဲရတဲ့သူဟာ နေရာရတာ မဟုတ်ဘူး၊ အာဏာရတာ မဟုတ်ဘူး၊ တာဝန်တခု ရသွားတာလို့ စိတ်ထဲမှာထားရမှာ ဖြစ်ပါတယ် ”

လွန်ခဲ့တဲ့ အနှစ် ၂၀ ကျော်ကာလတွင်း NLD ပါတီဟာ လူထုရဲ့ထောက်ခံမှုနဲ့ ရပ်တည်ခဲ့တာမို့ အခုရော နောင်ပါ လူထုက အားပေး ကူညီမှုတွေပေးဖို့ တောင်းဆို ခဲ့ပါတယ်။ NLD ဟာ လစ်လပ်နေတဲ့ မဲဆန္ဒနယ်တွေ အတွက်သာ အလုပ်လုပ်ဖို့ မဟုတ်ဘဲ နိုင်ငံတဝန်းက ပြည်သူ အားလုံးအတွက် အလုပ်လုပ်ဖို့ ဖြစ်တယ်လို့ ဒေါ်အောင်ဆန်းစုကြည်က ပြောသလို မြန်မာ့ နိုင်ငံရေးမှာ အားလုံး ပါဝင်ကြဖို့ကိုလည်း တိုက်တွန်း ခဲ့ပါတယ်။

“နိုင်ငံရေးပါတီတခုဆိုတာ ပြည်သူတွေရဲ့ထောက်ခံမှုမရှိဘဲနဲ့ ဆက်လက်ပြီးတည်တံ့ ခိုင်မြဲဖို့ဆိုတာ ဘယ်လိုမှ မဖြစ်နိုင်ပါဘူး။ ဒါကြောင့်မို့လို့ ကျမတို့ဟာ ပြည်သူတွေရဲ့ ထောက်ခံမှုကို အစဉ်အမြဲပဲ လိုလားတယ်။ အစဉ်အမြဲပဲ တောင်းခံနေတာ ဖြစ်ပါတယ်။ နိုင်ငံတနိုင်ငံရဲ့အဓိက အင်အားဟာ ပြည်သူပဲဆိုတာ ကျမတို့က လက်ခံထားပြီးသား ဖြစ်ပါတယ်။ ဒါကြောင့် ကျမတို့ ပြည်သူတွေ အနေနဲ့ အားမငယ်ပါနဲ့၊ တချို့တွေကဆိုရင် ပြောတာ ကျမတို့ကြားပါတယ်။ အရင်ကလည်း ဆင်းရဲတာပဲ၊ အခုလည်း ဆင်းရဲတာပဲ၊ နောင်လည်း ဆင်းရဲမှာပဲပေါ့နော်- ဒါကိုတော့ ကျမက လက်မခံပါဘူး။ အရင်က ဆင်းရဲတာတော့ ဟုတ်ပြီ။ ပြီးခဲ့ပြီ။ အခုလည်း ဆင်းရဲတယ် ဆိုတာဖြစ်နိုင်တယ်။ ဒါတွေကို ပြောင်းဖို့အတွက် ကျမတို့ နိုင်ငံရေး လုပ်နေတာပါ။ အဲဒီလိုလုပ်နေတဲ့ အခါမှာ ပြည်သူတွေပါဖို့ လိုပါတယ်။ ဒါကြောင့် ကျမတို့ပြည်သူတွေကို တတ်နိုင်သမျှပါဝင်ပြီးတော့ ကိုယ်လိုချင်တဲ့ နိုင်ငံတခု ဖြစ်အောင်လို့ ကူညီ ပေးကြပါလို့ ကျမတို့က မေတ္တာ ရပ်ခံချင်ပါတယ်”

ဒါကတော့ ဗဟန်းမြို့နယ် NLD ရုံးခန်းဖွင့်ပွဲအတွင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ပြောခဲ့တဲ့ မိန့်ခွန်းထဲ တချို့ကို ကောက်နှုတ် တင်ပြပေးခဲ့တာပါရှင်။ ဒါ့အပြင် NLD ပါတီ သဘာပတိ အဖွဲ့ရဲ့နာယက တဦးဖြစ်တဲ့ ဦးတင်ဦးကလည်း NLD ပါတီရဲ့ ရပ်တည်ချက် ကြားဖြတ်ရွေးကောက်ပွဲ နဲ့ NLD ပါတီအောင်နိုင်ရေး အတွက် အားပေးကြဖိုိ့ တွေကိုလည်း လူထုကို ပြောခဲ့ပါတယ်၊

2010 ရွေးကောက်ပွဲကို လက်မခံလို့ မှတ်ပုံတင်ဖို့ ငြင်းဆန်ခဲ့တဲ့NLD ပါတီဟာ အခုတော့ တရားဝင်နိုင်ငံရေး ပါတီလည်း ဖြစ်ခဲ့ပြီ ဖြစ်သလို မကြာခင် လပိုင်းတွေ အတွင်း ပြုလုပ်မယ့် ကြားဖြတ် ရွေးကောက်ပွဲတွေမှာလည်း လစ်လပ်နေရာ ၄၈ နေရာ အပြည့် ဝင်ပြိုင်မှာ ဖြစ်ပါတယ်။

အခုဆိုရင် NLD တိုင်းနဲ့ပြည်နယ်တွေက ဝင်ပြိုင်ကြမယ့် ကိုယ်စားလှယ်လောင်း စာရင်းတွေ ဒီကနေ့ ဇန်န၀ါရီလ ၁၁ ရက်နေ့မှာ နောက်ဆုံး တင်ကြပြီ ဖြစ်ပြီး မနက်ဖြန် ၁၂ ရက်နေ့ကစလို့ NLD ဗဟို အလုပ်အမှုဆောင် အဖွဲ့က စဉ်းစား ဆုံးဖြတ်တော့မှာ ဖြစ်ပါတယ်။ ဒီနေရာမှာ တိုင်းနဲ့ ပြည်နယ်တွေက တင်လာကြတဲ့ ကိုယ်စားလှယ်လောင်းတွေ အပြင် ကိုယ်စားလှယ်လောင်း မလျှောက်ထား ပေမယ့် လက်ရှိ NLD ပါတီဝင်ထဲက ဝင်ပြိုင်သင့်တယ်လို့ ထင်တဲ့ သူတွေကိုလည်း ထည့်သွင်းစဉ်းစာဖို့ ရှိမယ်လို့ NLD ပါတီ ဗဟိုအလုပ်အမှုဆောင် ဦးဉာဏ်ဝင်းက ပြောပါတယ်။

“အတော်များများတော့ ရောက်နေပါပြီ။ ဒီနေ့အထိ ရောက်ရှိတဲ့စာရင်းတွေကို မနက်ဖြန်ကျရင် ကျနော်တို့ အစည်းဝေး တင်ပါ့မယ်။ အရေအတွက် တွေက နည်းနည်းများတော့ ဘယ်မဲဆန္ဒနယ်မှာ ဘယ်သူရွေးမယ် ဆိုတာမျိုး သိသလောက်ကို ထုတ်ပေးနိုင်ဖို့ ကြိုးစားပါမယ်။ ဒါပေမယ့် ကျနော်တို့အဖွဲ့ကို လာရောက်ဝင်တဲ့ ပုဂ္ဂိုလ်တွေရှိတယ်။ ကျနော်တို့ ဝင်လာတဲ့ အဖွဲ့ဝင်တွေ ထဲမှာ သင့်လျော်တဲ့သူကို ကျနော်တို့ စဉ်းစားမယ်”

NLD ပါတီ၊ ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းပါ။ ဒေါ်အောင်ဆန်းစုကြည်ကတော့ ရန်ကုန်တိုင်းတွင်း လစ်လပ် နေရာထဲက ကော့မှူးမြို့နယ်ကနေ ဝင်ပြိုင်မှာ ဖြစ်ပါတယ်။ ကြားဖြတ် ရွေးကောက်ပွဲမှာ ဝင်ကြမယ့် နိုင်ငံရေး ပါတီတွေရဲ့ ကိုယ်စားလှယ်လောင်း အမည်စာရင်းတွေကို သက်ဆိုင်ရာ မြို့နယ် ကော်မရှင် ရုံးတွေမှာ ဇန်န၀ါရီ ၁၆ ရက်နဲ့ ၃၀ ရက်နေ့ နောက်ဆုံး တင်ကြရမှာ ဖြစ်ပါတယ်။

Ref: VOA News

Read More...

၂၀၁၀ အမတ်များလည်း NLD သို့ လျှောက်လွှာတင်

မျိုးသန့်
ဗုဒ္ဓဟူးနေ့၊ ဇန်နဝါရီလ ၁၁ ရက် ၂၀၁၂

ချင်းမိုင် (မဇ္ဈိမ) ။ ။ ၂၀၁၀ လွှတ်တော်အမတ်များ ဖြစ်သည့် လသာမြို့နယ် အောက်လွှတ်တော် အမတ် ဦးကြည်မြင့်နှင့် ရန်ကုန်တိုင်း အထက် လွှတ်တော်အမတ် ဒေါက်တာမြတ်ဉာဏစိုးတို့က အမျိုးသား ဒီမိုကရေစီ အဖွဲ့ချုပ် NLD သို့ ပါတီဝင် လျှောက်လွှာ တင်လိုက်ကြပြီ ဖြစ်သည်။

အမျိုးသားဒီမိုကရေစီပါတီသစ်မှ ဦးကြည်မြင့်မှာ NLD လသာမြို့နယ်ရုံးသို့ အင်္ဂါနေ့တွင် လျှောက်လွှာ တင်သွင်း ခဲ့ခြင်းဖြစ်ပြီး အမျိုးသားဒီမိုကရေစီ အင်အားစုပါတီ NDF ၏ ရန်ကုန်တိုင်း ဗဟိုဦးစီး အဖွဲ့ဝင်ဟောင်း ဒေါက်တာ မြတ်ဉာဏစိုး မှာ တာမွေမြို့နယ် NLD ရုံးသို့ လျှောက်လွှာ တင်သွင်းခဲ့ကြသည်။

ဦးကြည်မြင့်မှာ ၁၉၉ဝ ရွေးကောက်ပွဲတွင် NLD ပါတီ၏ လသာ လွှတ်တော်အမတ်အဖြစ် အနိုင် ရခဲ့သူ ဖြစ်သည်။ ၂ဝ၁ဝ ရွေးကောက်ပွဲတွင်လည်း NDF ပါတီမှ လသာမဲဆန္ဒနယ်တွင် ဝင်ရောက် ယှဉ်ပြိုင်ခဲ့ရာ ထပ်မံ အနိုင်ရခဲ့ ပြီးနောက် အမျိုးသား လွှတ်တော်အမတ် ဦးသိန်းညွန့်ဦးဆောင်သည့် အမျိုးသားဒီမိုကရေစီ ပါတီသစ်သို့ ကူးပြောင်း ခဲ့သည်။ ယင်းနောက် လက်ရှိပါတီမှ နုတ်ထွက်ပြီး NLD သို့ ပြန်လည် ဝင်ရောက်ရန် လျှောက်လွှာ တင်သွင်းခဲ့ခြင်း ဖြစ်သည်။

ဒေါက်တာမြတ်ဉာဏစိုးမှာလည်း NDF မှ နုတ်ထွက်ကာ NLD ပါတီ၏ ဦးဆောင်မှုကို ခံယူလိုခြင်းကြောင့် NLD သို့ လျှောက်လွှာ တင်ခဲ့ခြင်းဟု မဇ္ဈိမကို ပြောသည်။

"အကယ်၍ အမျိုးသားဒီမိုကရေစီ အဖွဲ့ချုပ်က အကြောင်းအမျိုးမျိုးကြောင့် ကျနော့်ကို လက်မခံခဲ့ဘူး ဆိုရင်လည်း ကျနော် တသီးပုဂ္ဂလ ကိုယ်စားလှယ် တယောက်အဖြစ် အမျိုးသား ဒီမိုကရေစီ အဖွဲ့ချုပ်နဲ့ အစဉ်တစိုက် ပူးပေါင်းပြီးတော့ လုပ်ဆောင်သွားမှာ ဖြစ်ပါတယ်" ဟု ပြောသည်။

NLD မှ ခွဲထွက်ကာ ပါတီထောင်၍ ၂ဝ၁ဝ ရွေးကောက်ပွဲ ဝင်ခဲ့သူများနှင့် ပါတီမှ အရေးယူခံထားရဖူးခြင်း ရှိသူများအတွက် NLD ပါတီ၏ သဘာပတိ အဖွဲ့ နာယက ဦးတင်ဦး ဦးဆောင်သည့် စိစစ်ရေးကော်မတီမှ စိစစ် လက်ခံသွားမည် ဖြစ်သော်လည်း အခြား ပါတီဝင် အသစ်များ လက်ခံမှုနှင့် ပတ်သက်၍ ကန့်သတ်ချက် မရှိဟုလည်း ဗဟိုအလုပ် အမှုဆောင် အဖွဲ့ဝင် ဦးအုန်းကြိုင်က မဇ္ဈိမကို ပြောသည်။

"သီးခြားမှတ်ချက် ရှိတဲ့လူတွေကို ကျနော်တို့ စိစစ်မယ်။ ဥပမာ ကိုကြည်မြင့်တို့ ပေါ့ဗျာ။ သူတို့က အဖွဲ့ချုပ်က ထွက်သွားတယ် သီးခြား ပါတီ ထောင်တယ်ပေါ့။ ရွေးကောက်ပွဲ ဝင်တယ်ပေါ့။ နောက် တခုက ပါတီရဲ့ စည်းကမ်းချက်တွေနဲ့ မညီလို့ ထုတ်ထားတဲ့လူတွေ ရှိတယ်။ အဲဒီလို လူမျိုးတွေကိုတော့ စိစစ်ပြီးတော့မှ ဆက်လက် ဆောင်ရွက် သွားမယ်လို့ သိရပါတယ်" ဟု ပြောသည်။

ပြည်ထောင်စု ရွေးကောက်ပွဲကော်မရှင်မှ ယခုလ ၅ ရက်နေ့တွင် NLD ကို တရားဝင်ပါတီအဖြစ် မှတ်ပုံတင်ခွင့် ပြုခဲ့ပြီးနောက် ပါတီဝင် လျှောက်လွှာ တသိန်းကို ပြည်နယ်နှင့် တိုင်း အသီးသီးသို့ ဖြန့်ဝေပေးပြီး ဖြစ်သည်ဟုလည်း ဦးအုန်းကြိုင်က မဇ္ဈိမကို ပြောသည်။

NLD ပါတီသည် ၁၉၈၉ ခုနှစ်အတွင်း ပါတီဝင် တသန်းနီးပါးခန့် ရှိမည်ဟု ဦးအုန်းကြိုင်က ခန့်မှန်းပြီး၊ ယခုလည်း ထိုအရေအတွက် အတိုင်း ပါတီဝင်များ လက်ခံနိုင်ရန် စီစဉ်နေသည်ဟု သိရသည်။

တရားဝင်မှတ်ပုံတင်ပြီးသည့် NLD ပါတီသည် ပါတီစာစောင် "ဒီလှိုင်း" ကို ထုတ်ဝေရန် ပြင်ဆင်နေပြီး စာစောင် အတွင်း ပါတီမူဝါဒ၊ ပါတီ ဖွဲ့စည်းပုံများ ထည့်သွင်း ဖေါ်ပြမည်ဟု သိရသည်။

NLD ပါတီ၏ မူဝါဒများ တရားဝင်ကြေညာခြင်း မရှိသေးသော်လည်း ပါတီ၏ ဥက္ကဋ္ဌဖြစ်သူ ဒေါ်အောင်ဆန်းစုကြည် က ဒီမိုကကရက်တစ် မြန်မာ့အသံ DVB နှင့် မေးမြန်းခန်းတခုတွင် ၂၀၁၂ ခုနှစ်အတွင်း NLD မှ အလေးထား ဆောင်ရွက်မည့် ကိစ္စရပ်များမှာ ပြည်တွင်း ငြိမ်းချမ်းရေး၊ တရားဥပဒေ စိုးမိုးရေး၊ ဖွဲ့စည်းပုံ အခြေခံဥပဒေ ပြင်ဆင်နိုင်ရေး ကိစ္စများကို ဦးစားပေး ဆောင်ရွက်သွားမည်ဟု ပြောဆိုခဲ့သည်။

ကြားဖြတ်ရွေးကောက်ပွဲကို လာမည့် ဧပြီလ ၁ ရက်နေ့တွင် ကျင်းပမည်ဖြစ်ပြီး လစ်လပ်နေရာ ၄၈ နေရာရှိသည် ဟု ရွေးကောက်ပွဲ ကော်မရှင်မှ ထုတ်ပြန် ကြေညာထားသည်။ NLD ပါတီမှ ဝင်ရောက် အရွေးခံမည့် ကိုယ်စားလှယ်လောင်းများ၏ အမည်များကို ဗဟို အလုပ် အမှုဆောင်အဖွဲ့သို့ ဗုဒ္ဓဟူးနေ့တွင် တင်သွင်းခဲ့ပြီး စိစစ်နေသည်ဟု ဗဟိုအလုပ်အမှုဆောင် တဦး ဖြစ်သူ ဒေါ်မေဝင်းမြင့်က ပြောသည်။

NLD ၏ ဗဟိုအလုပ်အမှုဆောင် ဥက္ကဋ္ဌဖြစ်လာသူ ဒေါ်အောင်ဆန်းစုကြည်မှာ ရန်ကုန်တိုင်း ကော့မှူးမြို့နယ်မှ ဝင်ရောက် အရွေး ခံမည်ဖြစ်ပြီး ဗုဒ္ဓဟူးနေ့တွင် ဗဟန်းမြို့နယ် ပါတီဆိုင်းဘုတ်တင်ပွဲ အခမ်းအနားသို့ သဘာပတိအဖွဲ့ နာယက ဦးတင်ဦးနှင့်တူ တက်ရောက် ဖွင့်လှစ်ပေးခဲ့သည်။

Ref: မဇ္ဈိမ

Read More...

နိုင်ငံရေးတွင် ပြည်သူများ ပူးပေါင်းပါဝင်စေလို

January 11, 2012

မိမိတို့၏ ဆန္ဒမဲဖြင့် ကိုယ်လိုချင်သော အစိုးရဖြစ်အောင် ဖန်တီးကြရန်နှင့် နိုင်ငံရေးတွင် ပြည်သူများ ပူးပေါင်း ပါဝင်ကြရန် ဒေါ်အောင်ဆန်းစုကြည်က တိုက်တွန်းလိုက်သည်။

ယနေ့နံနက် ရန်ကုန်မြို့ ဗဟန်းမြို့နယ် အမျိုးသားဒီမိုကရေစီအဖွဲ့ချုပ်ရုံး ဖွင့်ပွဲအခမ်းအနားတွင် ဒေါ်အောင်ဆန်းစုကြည်က “နိုင်ငံတစ်နိုင်ငံမှာ ဒီမိုကရေစီလမ်းကို သွားနိုင်ဖို့အတွက် ရွေးကောက်ပွဲ လုပ်တယ်ဆိုတာက အဓိကတော့ ပြည်သူတွေရဲ့အသံ ကျယ်ကျယ်ရှင်းရှင်း ကြားနိုင်အောင် လုပ်တဲ့ကိစ္စ။ သန်း ၆၀ စလုံးက မဲထည့်နိုင်တဲ့ အနေအထားမရှိဘူး။

ရွေးကောက်ပွဲမှာ မဲထည့်နိုင်တဲ့ သူတွေက မိမိတို့ရဲ့ လုပ်ပိုင်ခွင့်ကို သုံးစေချင်တယ်။ ဘာဖြစ်လို့လဲဆိုတော့ ကိုယ့်လုပ်ပိုင် ခွင့်ကို ကိုယ်သုံးမှ ထိန်းသိမ်း ထားနိုင်မှာပါ။ ကျမတို့ ပြည်သူတွေက မဲပြားတွေနဲ့ ကိုယ်လိုချင်တဲ့ အစိုးရဖြစ်အောင် လုပ်ရမယ်” ဟု ပြောသည်။

မဲပေးခြင်းသည် မိမိရွေးချယ်လိုက်သော ကိုယ်စားလှယ်ကို မိမိလုပ်စေချင်သည့် ကိစ္စများအတွက် တာဝန် အပ်နှင်းခြင်း ဖြစ်ကြောင်း၊ မဲရသူကလည်း အာဏာရခြင်း မဟုတ်ဘဲ တာဝန်တခုရသည်ဟု စိတ်ထဲတွင် ထားရန်လိုကြောင်း အမျိုးသားဒီမိုကရေစီ အဖွဲ့ချုပ် (NLD) ဗဟိုအလုပ်အမှုဆောင် ဥက္ကဋ္ဌ ဒေါ်အောင်ဆန်းစုကြည်က ပြောသည်။

ယခုအချိန်တွင် ဒီမိုကရေစီအရေး လှုပ်ရှားသူများနှင့် ပြည်သူများအကြား နားလည်မှုနှင့် ညီညွတ်ရေး ရှိရန် လိုအပ်ကြောင်း၊ မိမိဒေသ၊ မြို့နယ်ဆိုသော အမြင်ဖြင့် မကြည့်ဘဲ မြန်မာနိုင်ငံတနိုင်ငံလုံး အတိုင်း အတာအတွက် စဉ်းစား အလုပ်လုပ်ရမည် ဖြစ်ကြောင်းလည်း ဒေါ်အောင်ဆန်းစုကြည်က ဆိုသည်။

“ကျမပြောချင်တာက သွားရမယ့် ခရီးက အရှည်ကြီးပဲ ရှိသေးတယ်။ နောက် လုပ်စရာကိစ္စတွေ အများကြီးရှိ သေးတယ်။ ပြီးတော့ ဒီမနက်နဲ့ မပြီးဘူး။ တရက်နဲ့ ပြီးမှာ မဟုတ်ပါဘူး။ တလနဲ့ပြီးမှာလည်း မဟုတ်ပါဘူး။ နှစ်ပေါင်းများစွာ ကျမတို့ လိုချင်တဲ့ နိုင်ငံတခုကို တည်ဆောက်ဖို့ လိုမှာဖြစ်ပါတယ်။ နှစ်ပေါင်းများစွာ အလုပ်လုပ်ဖို့ အားတွေကို စုဆောင်းထားကြပါ” ဟု ဒေါ်အောင်ဆန်းစုကြည်က တက်ရောက်လာသော ပရိသတ်များကို ပြောသည်။

ဇန်နဝါရီလ ၉ ရက်နေ့က NLD ၏ ဦးဆောင်မှုပုံစံ အပြောင်းအလဲလုပ်ခဲ့ရာ ဦးတင်ဦး၊ ဦးဝင်းတင် အပါအဝင် ၅ ဦးက သဘာပတိအဖွဲ့ ဖြစ်လာပြီး ဒေါ်အောင်ဆန်းစုကြည်က ဗဟိုအလုပ်အမှုဆောင် အဖွဲ့ ဥက္ကဋ္ဌနှင့် ဦးဉာဏ်ဝင်း၊ ဒေါက်တာ မေဝင်းမြင့် အပါအဝင် ကျန် ၆ ဦးက ဗဟိုအလုပ်အမှုဆောင် အဖွဲ့ဝင်များ ဖြစ်လာသည်။

ဧပြီလ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲများတွင် မဲဆန္ဒနယ် ၄၈ နေရာစလုံး၌ NLD က ၀င်ပြိုင်မည်ဟု သိရသည်။

Ref: ဧရာဝတီ

Read More...

Wednesday, January 11, 2012

အမျိုးသားဒီမိုကရေစီအဖွဲ့ချုပ် ကြေညာချက်



Read More...

ဘာလဲ “အမိန့်အမှတ် ၁/၂၀၁၂”

တူမောင်ညို
၂၀၁၂ ခုနှစ်၊ ဇန်နဝါရီ ၄ ရက်

သမ္မတ ဦးသိန်းစိန်ရဲ့ “အမိန့်အမှတ် ၁/၂၀၁၂” က အကောင်းမြင်လွန်းသူများရဲ့ မျှော်လင့်ချက်ကြေးမုံပြင်ကို အစိတ်စိတ် အမွှာမွှာ ကွဲအက် ကျေမွသွားစေခဲ့ပြီ။ သမ္မတ ဦးသိန်းစိန်ရဲ့ “အမိန့်အမှတ် ၁/၂၀၁၂” ဟာ နိုင်ငံရေး အကျဉ်းသား မိသားစုများ အပေါ် ရိုင်းပြ စော်ကား လိုက်တာလည်း ဖြစ်ပါတယ်။

ဦးသိန်းစိန် စစ်တစ်ပိုင်းအစိုးရရဲ့ “တုံး” တဲ့၊ “ဖျင်း” တဲ့ သဘောထားဖြစ်တယ်။ “ကမ္ဘာ့အလယ်မှာ ကိုယ့်အရှက် ကိုယ်ခွဲတာ ဖြစ်တယ်”၊ “နားလှည့်ပြီး ပါးရိုက်လိုက်တာ ဖြစ်တယ်” လို့ ဦးဝင်းတင် ထောက်ပြ ပြောဆိုလိုက်တာ သိပ်ကို မှန်ပါတယ်။ ဒီလို ကိစ္စမျိုးဟာ ကိုယ်တိုင် ကြုံတွေ့ ခံစားဖူးသူမှသာ သိရှိခံစားနိုင်တဲ့ အဖြစ်မျိုးဖြစ်ပါတယ်။ ဦးဝင်းတင်ရဲ့ပြောဆိုချက်ဟာ နာကျည်း ခံပြင်းချက်များနဲ့ ပြည့်နှက်နေပါတယ်။ “နားလှည့်ပြီး ပါးရိုက်လိုက်တာ ဖြစ်တယ်” လို့ ဦးဝင်းတင်က ပြောထားလေတော့ မေးစရာ တစ်ခုတော့ ရှိလာပါတယ်။

ရိုက်တဲ့သူ ဘယ်သူလဲဆိုတာ သိပါတယ်။ သိချင်တာက “ပါးရိုက်ခံလိုက်ရသူ ဘယ်သူလဲ”။

ဒီနေရာမှာ အလှည့်စားခံလိုက်ရသူတွေကို အပြစ်မပြောလိုပေမယ့်။ အလှည့်စားခံရအောင်၊ ထင်ယောင် ထင်မှား ဖြစ်အောင်၊ မျှော်လင့်ချက်တွေကို ပုံစံအမျိုးမျိုးနဲ့ ပေးခဲ့/ရေးခဲ့/ပြောခဲ့ကြသူတွေနဲ့ အဲဒီ “မျှော်လင့်ချက်မှား” တွေကို အမြှီးတပ် ခေါင်းတပ်ပြီး ဖြန့်ချိခဲ့ကြတဲ့ (ပုံနှိပ်/အသံလွှင့်) မီဒီယာတွေမှာ လည်း “မျှော်လင့်ချက်မှားတွေကို လေပင့်ပေးခဲ့မိတဲ့ အပြစ်” ရှိပါတယ်။ တာဝန်ရှိပါတယ်။ ယင်းပြစ်မှုအတွက် သူတို့ တာဝန် ယူကြရပါမယ်။

“ဆောင်းတွင်း အိပ်မက် ဂရောက်ဂယက်တွေပါဗျာ” လို့ ရူးချင်ယောင်ဆောင်လို့ မရပါဘူး။
နိုင်ငံရေးအကျဉ်းသားကိစ္စဟာ အရေအတွက်ပြဿနာ မဟုတ်ပါဘူး။
နိုင်ငံရေးအကျဉ်းသားကိစ္စဟာ နိုင်ငံရေးပြဿနာ၊ နိုင်ငံရေးသဘောထားဆိုင်ရာ ပြဿနာဖြစ်ပါတယ်။
နိုင်ငံရေးအကျဉ်းသားအဖြစ် အသိအမှတ်မပြုတာဟာ နိုင်ငံရေးပြဿနာအဖြစ် အသိအမှတ်မပြုတာပဲ ဖြစ်ပါတယ်။

နိုင်ငံရေးပြဿနာအဖြစ် အသိအမှတ်မပြုတဲ့၊ နိုင်ငံရေးပြဿနာကို နိုင်ငံရေးနည်းနဲ့ မဖြေရှင်းလိုတဲ့ သဘောထားဟာ (၁၉၅၈- ၁၉၆၂) ကတည်းက စတင်ခဲ့တဲ့ “စစ်အုပ်စု အဆက်ဆက်ရဲ့ မပြောင်းလဲတဲ့ သဘောထား” ဖြစ်တယ်။

ဦးသိန်းစိန် စစ်တစ်ပိုင်းအစိုးရမှာ နိုင်ငံရေးသဘောထားမရှိဘူးဆိုတာကို “အမိန့်အမှတ် ၁/၂၀၁၂” က ထပ်မံ သတိပေး ဖော်ပြ လိုက်တာ ဖြစ်တယ်။ ဒါဟာ “စစ်အုပ်စု အဆက်ဆက်ရဲ့မပြောင်းလဲတဲ့ သဘောထား အမွေ” ကို ဆက်ခံထားဆဲ ဖြစ်တယ်ဆိုတဲ့ အချက်ကို ထပ်မံ အသိပေး ဖေါ်ပြတာလည်း ဖြစ်တယ်။

“၁၉၈၈ ဒီမိုကရေစီအရေးတော်ပုံနဲ့ ၈၈ အရေးတော်ပုံတပ်သားများ၊ ၈၈ အရေးတော် ပုံရလဒ်များ” အပေါ် ဦးသိန်းစိန် စစ်တစ်ပိုင်း အစိုးရဲ့ မပြေငြိမ်းနိုင်တဲ့ သဘောထား၊ အလျော့မပေးနိုင်တဲ့ သဘောထား ဖြစ်ပါတယ်။
“၁၉၈၈ ဒီမိုကရေစီအရေးတော်ပုံနဲ့ ၈၈ အရေးတော်ပုံတပ်သားများ” အပေါ် အငြှိုးအတေးနဲ့ ဂလဲ့စား ချေမှုလည်း ဖြစ်ပါတယ်။

“ဖွဲ့စည်းပုံ အခြေခံဥပဒေပုဒ်မ ၂၀၄ (ခ)” အရလို့ ဆိုထားတဲ့အတွက် ဒီသဘောထားဟာ သမ္မတ ဦးသိန်းစိန် တစ်ဦးထဲ သဘောထား တင်မကဘဲ၊ အမျိုးသား ကာကွယ်ရေးနှင့် လုံခြုံရေး ကောင်စီ (အကလ) ဝင် အားလုံးရဲ့သဘောထားလည်း ဖြစ်ပါတယ်။

အမျိုးသားကာကွယ်ရေးနှင့် လုံခြုံရေးကောင်စီ(အကလ) ထဲမှာ သမ္မတ (၃) ဦး။ ပြည်သူ့လွှတ်တော် ဥက္ကဋ္ဌ (၁) ဦး၊ အမျိုးသား လွှတ်တော် ဥက္ကဋ္ဌ (၁) ဦး၊ ကာကွယ်ရေး ဦးစီးချုပ် (၂) ဦး၊ ကာကွယ်ရေး ဝန်ကြီး၊ ပြည်ထဲရေး ဝန်ကြီး၊ နယ်စပ်ရေးရာ ဝန်ကြီး၊ နိုင်ငံခြားရေး ဝန်ကြီးတို့ ပါဝင်တယ်။ ဒါကြောင့် သူတို့အားလုံးဟာ တစ်ကျိတ်ထဲ တစ်ဉာဏ်ထဲ ဖြစ်တယ်ဆိုတာကို ဖေါ်ပြ လိုက်တာပဲ ဖြစ်တယ်။

ဒီလိုဖြစ်ရပ်မျိုးဟာ “၂၀၁၁ ခုနှစ်၊ နိုဝင်ဘာလ ၁၈ ရက်နေ့မတိုင်မီ” က ဆိုလျှင် (NLD) ပါတီက ပြောရေး ဆိုခွင့်ရှိသူ တစ်ဦး ဦး ထံက ဝေဖန် ပြောကြားချက် သို့မဟုတ် သဘောထား ကြေညာချက် တစ်ခုခုတော့ ပေါ်ထွက်လာစမြဲ ဖြစ်ပါတယ်။ အခုတော့ ဘာပြောသံမှ မကြားရပါဘူး။ “နိုင်ငံရေးပါတီအဖြစ် မှတ်ပုံတင်ခွင့်လျှောက်ထားဆဲ ပါတီဘဝ” ဖြစ်နေလို့လား။ ဒါမှမဟုတ် “ကြားဖြတ် ရွေးကောက်ပွဲ” အတွက် အလုပ်တွေ များနေကြသလား မသိပါဘူး။

ပြည်တွင်းပြည်ပက အလေးထားစောင့်ကြည့်နေကြတဲ့ “နိုင်ငံရေးအကျဉ်းသားများခြွင်းချက် မရှိ အမြန်ဆုံး ပြန်လွှတ်ရေးနဲ့ ကြားဖြတ် ရွေးကောက်ပွဲ” ပြဿနာ ၂ ခုအနက် “နိုင်ငံရေး အကျဉ်းသား ပြဿနာ” နဲ့ပတ်သက်ပြီး ဦးသိန်းစိန် စစ်တစ်ပိုင်း အစိုးရရဲ့ သဘောထား အမှန်ကို နာနာကျည်းကျည်း၊ ပြက်ပြက် ထင်ထင် သိလိုက်ကြရပြီ။


Ref: ရိုးမ ၃

Read More...

ဒေါ်စု ကော့မှူးမြို့နယ်က ဝင်ပြိုင်မည်

မသင်းသီရိ
အင်္ဂါ, 10 ဇန်နဝါရီ 2012

လစ်လပ်နေတဲ့ လွှတ်တော်နေရာတွေအတွက် ဧပြီလကျရင် ကျင်းပမယ့် ကြားဖြတ်ရွေးကောက်ပွဲမှာ NLD ပါတီက ဝင်ပြိုင်ဖို့ ပါတီ မှတ်ပုံတင်ခွင့် ရရှိပြီးတဲ့နောက်မှာ NLD အမျိုးသား ဒီမိုကရေစီ အဖွဲချုပ်ဟာ ပါတီကို အသစ်ပြန်လည် ဖွဲ့စည်းလိုက်ပြီ ဖြစ်ပါတယ်။ သဘာပတိ အဖွဲ့နဲ့ ဗဟို အလုပ်အမှုဆောင် အဖွဲ့ဝင်တွေအဖြစ် ဦးဆောင်အဖွဲ့တွေရဲ့ အမည်စာရင်းကို NLD ပါတီက ဒီကနေ့ ထုတ်ပြန် လိုက်တာပြီး ကြားဖြတ် ရွေးကောက်ပွဲ အောင်နိုင်ရေးနဲ့ အဖွဲ့ဝင်သစ်တွေ စည်းရုံးရေး တွေကိုလည်း နိုင်ငံတဝန်းမှာ လုပ်ဆောင်နေပြီး ဒေါ်အောင်ဆန်းစုကြည် ကလည်း ကော့မှူးမြို့နယ်က ဝင်ယှဉ်ပြိုင်မယ်လို့ NLD ပါတီက ပြောပါတယ်။ ဒီအကြောင်း အပြည့်အစုံကိုတော့ မသင်းသီရိက တင်ပြပေးထားပါတယ်။

NLD အမျိုးသားဒီမိုကရေစီအဖွဲ့ချုပ်ကို အသစ်ပြန်လည် ဖွဲ့စည်းရာမှာ သဘာပတိအဖွဲ့နဲ့ ဗဟိုအလုပ်အမှုဆောင် အဖွဲ့ဝင်တွေ အဖြစ် ဦးဆောင်အဖွဲ့ ၂ ဖွဲ့ ရှိမှာဖြစ်ပြီး အဖွဲ့ဝင်တွေရဲ့အမည်စာရင်းကို ဒီကနေ့ ဇန်န၀ါရီ ၁၀ ရက်၊ အင်္ဂါနေ့မှာ NLD ပါတီက တရားဝင် ကြေညာချက် ထုန်ပြန်ခဲ့ပါတယ်။

သဘာပတိအဖွဲ့ဝင် ၅ ဦးနဲ့ ဗဟိုအလုပ်အမှုဆောင်အဖွဲ့ဝင် ၇ ဦးတို့ကို ပါတီရဲ့ ဖွဲ့စည်းပုံစည်းမျဉ်းတွေနဲ့ အညီ ရွေးချယ်ခဲ့တာ ဖြစ်ပြီး ဒေါ်အောင်ဆန်းစုကြည်ကတော့ ဗဟို အလုပ်အမှုဆောင် ဥက္ကဋ္ဌအဖြစ် တာဝန် ယူထားတယ်လို့ NLD ပါတီရဲ့ ဗဟို အလုပ်အမှုဆောင် အဖွဲ့ဝင်လည်းဖြစ်၊ ပြောခွင့်ရသူလည်း ဖြစ်တဲ့ ဦးအုန်းကြိုင်က ပြောပါတယ်။

“သဘာပတိအဖွဲ့မှာက-

၁။ ဦးတင်ဦး (နာယက)၊
၂။ ဦးဝင်းတင်၊
၃။ ဦးသန်းထွန်း၊
၎။ ဦးလှဖေ၊
၅။ ဦးညွန့်ဝေ။

နောက် - ဗဟိုအလုပ်အမှုဆောင်အဖွဲ့မှာက-

၁။ ဒေါ်အောင်ဆန်းစုကြည် (ဥက္ကဋ္ဌ)၊
၂။ ဦးဉာဏ်ဝင်း၊
၃။ ဦးဝင်းမြင့်၊
၎။ ဦးအုန်းကြိုင်၊
၅။ ဦးဟန်သာမြင့်၊
၆။ ဦးထွန်းထွန်းဟိန်၊
၇။ ဒေါက်တာမေဝင်းမြင့်- အဲလို ဖော်ပြထားပါတယ်။ နောင်တွင် သဘာပတိ အဖွဲ့နဲ့ ဗဟိုအလုပ်အမှုဆောင် အဖွဲ့ကို သင့်လျော်သလို ပြင်ဆင် ဖြည့်စွက်မည် ဖြစ်ပါသည်။ အဲဒီလိုလည်း ဖော်ပြထားပါတယ်။”

နိုင်ငံရေးပါတီအဖြစ် တရားဝင်ရပ်တည်ခွင့်ရထားပြီဖြစ်တဲ့ NLD ဟာ အခုလို ပါတီကို အသစ်ပြန်လည် ဖွဲ့စည်း လိုက်သလို တချိန်တည်း မှာပဲ ဧပြီလ ၁ ရက်နေ့ကျရင် ပြုလုပ်မယ့် ကြားဖြတ်ရွေးကောက်ပွဲအတွက်လည်း အောင်နိုင်ရေး ကော်မတီတွေနဲ့ နိုင်ငံ တဝန်းမှာ စတင် လှုပ်ရှားနေပြီ ဖြစ်ပါတယ်။ နို်င်ငံတဝန်း လစ်လပ်နေရာ ၄၈ နေရာစလုံးကို NLD ပါတီက ဝင်ရောက် ယှဉ်ပြိုင်မှာ ဖြစ်သလို ယှဉ်ပြိုင်မယ့် ကိုယ်စားလှယ်လောင်း စာရင်းကို ၁၁ ရက်နေ့မှာ နောက်ဆုံး တင်ကြရမှာဖြစ်ပြီး ဇန်နဝါရီ ၁၆ မတိုင်ခင် ကိုယ်စားလှယ်လောင်း အမည်စာရင်းတွေကို ကြေညာမှာ ဖြစ်ပါတယ်။

ဒေါ်အောင်ဆန်းစုကြည်ကတော့ ရန်ကုန်တိုင်းအတွင်း လစ်လပ်နေတဲ့နေရာတွေထဲက ကော့မှူးမြို့နယ်ကနေ ယှဉ်ပြိုင်မယ် လို့လည်း ပြောပါတယ်။

“တခြားပြောင်းလဲစဉ်းစားထားတာ မရှိပါဘူး။ ကော့မှူးမြို့နယ်၊ ရန်ကုန်တိုင်းအတွင်းမှာပဲ ဝင်မယ်လို့ ပြောပါတယ်။ ရန်ကုန်တိုင်းမှာ ဝင်ရင်လည်းပဲ ပြည်သူလူထု၊ လူမှုအဆင့်အတန်း နည်းနည်း ဆင်းရဲတော့ပေါ့ဗျာ- အားပေးထောက်ကူရာ လည်းရောက်အောင် ဝင်မယ်လို့ စဉ်းစားပြီးတော့ သူ ကော့မှူးမြို့နယ်ကို ရွေးချယ်ထားပါတယ်။ အခုထက်ထိ တခြားပြင်ဆင်တာမျိုး ကျနော်တို့ မကြားပါဘူးခင်ဗျ။ သွားပြီး တင်မှာကတော့ ၁၆ ပေါ့ဗျာ။ ဒါပေမယ့် ဒီကာလ အတွင်းမှာလည်းပဲ ဆုံးဖြတ်ပြီးတာနဲ့ ထုတ်ပြီးတော့ ပြောမှာပါ။”

ဒါ့အပြင်ရန်ကုန် NLD ရုံးချုပ်နဲ့ တိုင်းနဲ့ပြည်နယ်တွေက NLD ရုံးတွေမှာ အဖွဲ့ဝင်သစ်တွေကိုလည်း စတင် လက်ခံနေပြီ ဖြစ်ပါတယ်။ ဒါ့အပြင် ရွေးကောက်ပွဲ အောင်နိုင်ရေးနဲ့ ပတ်သက်လို့လည်း လစ်လပ်တဲ့တိုင်း သို့မဟုတ် ပြည်နယ်တွေမှာ ၂၀၁၀ ဇွန်လ ၁၄ ရက်နေ့စွဲနဲ့ ရွေးကောက်ပွဲ ကော်မရှင်က ထုတ်ထားတဲ့ စည်းကမ်းနဲ့ အညီ NLD ပါတီက စည်းရုံးမှုတွေ လုပ်ဖို့ကိုလည်း NLD ပါတီ ဗဟိုအလုပ်အမှုဆောင် အဖွဲ့က ဒီကနေ့ ထုတ်ပြန်ထားပါတယ်။

အဲဒီစည်းကမ်းချက်တွေထဲမှာ အစိုးရပိုင်အဆောက်အအုံတွေ၊ သာသနာပိုင် အဆောက်အအုံတွေ ထဲမှာ ပါတီ စည်းရုံးရေး ဆိုင်ရာ မလုပ်ဖို့တွေ ပါဝင်ပါတယ်။ NLD အမျိုးသား ဒီမိုကရေစီအဖွဲ့ချုပ်ဟာ ပြီးခဲ့တဲ့ ၂၀၁၁ ဒီဇင်ဘာ ၁၂ ရက်နေမှာ နိုင်ငံရေး ပါတီအဖြစ် ထူထောင်ခွင့် ကျခဲ့ပြီးနောက် ဇန်န၀ါရီလ ၅ ၇က်နေ့က တရားဝင် နိုင်ငံရေးပါတီ အဖြစ် မှတ်ပုံတင် ကျခဲ့တာလည်း ဖြစ်ပါတယ်။

Ref: VOA News

Read More...

တောင်ဒဂုံ တကိုယ်တော်ဆန္ဒပြသူဖမ်းဆီးခံရ

မအေးအေးမာ
အင်္ဂါ, 10 ဇန်နဝါရီ 2012

ဒီကနေ့ ရန်ကုန်၊ တောင်ဒဂုံမြို့နယ်မှာ တကိုယ်တော်ဆန္ဒပြခဲ့သူ အသက် ၆၇ နှစ်အရွယ် NLD ပါတီဝင် ဦးစိုးကြွယ်ကို အာဏာပိုင် တွေက ဖမ်းဆီး သွားခဲ့ပါတယ်။ ဦးစိုးကြွယ်ဟာ လူအခွင့်အရေးနဲ့ တရားဥပဒေ စိုးမိုးရေးကို ရည်ရွယ်ပြီး ပြည်သူတွေရဲ့အခြေခံ လိုအပ်ချက်တွေကို ဖြည့်ဆည်းပေးဖို့ တောင်းဆိုတဲ့ အနေနဲ့ ဒီကနေ့မှာ တကိုယ်တော် ဆန္ဒပြခဲ့တာ ဖြစ်ပါတယ်။ လောလောဆယ် သူ့ကို ဘယ်မှာ ထိန်းသိမ်းထားသလဲ၊ နောက်ဆုံး အခြေအနေတွေကို သိရအောင်လို့ ဆက်သွယ် စုံစမ်းထားတဲ့ ထိုင်းအခြေစိုက် ဗွီအိုအေ သတင်းထောက် မအေးအေးမာက တင်ပြထားပါတယ်။

တောင်ဒဂုံမြို့နယ် ကျန်စစ်သားလမ်းမကြီးပေါ်မှာ လူအခွင့်ရေးနဲ့တရားဥပဒေ စိုးမိုးရေးအတွက်ဆိုတဲ့ ရည်ရွယ်ချက်နဲ့ အခြေခံ လိုအပ်ချက်တွေကို တောင်းဆိုဆန္ဒပြတဲ့ NLD ပါတီဝင် ဦးစိုးကြွယ်ဟာ မနက် ၉ နာရီကျော်မှာပဲ အဖမ်းဆီးခံရကြောင်း မိသားစုဝင် တဦးက ပြောပြပါတယ်။

“ခေါင်းစဉ်ကတော့ မိမိအခွင့်အရေးကို မိမိတောင်းဆိုခွင့်ရှိသည်။ တောင်းဆိုချက်ထဲမှာ ပါတီအမည် သုံးပြီး လမ်းသူ လမ်းသားများ ထံမှ ငွေကြေး ကောက်ခံထားခြင်းကို အရေးယူ ပေးပါ၊ နံပါတ် (၁) က၊ နံပါတ် (၂) က အကျင့်ပျက် ဝန်ထမ်းများအား တိုင်ကြား ထားခြင်းကို အရေးယူပေးပါ။ နံပါတ် (၃) က ရပ်ကွက်အတွင်း ကျန်ရှိနေသည့် လမ်းများအား တပြေးညီ ကွန်ကရစ် ခင်းပေးပါ။ နံပါတ် (၄) အချက်က မြို့နယ်အတွင်း ယာဉ်လမ်း ပြေးဆွဲနေသည့် အဓိက မိန်းလမ်းမကြီးများအား ပြုပြင်ပေးပါ။ နံပါတ် (၅) က လျှပ်စစ် မီတာခ၊ မီတာထိန်းသိမ်းခနှင့် မီတာခများပြင်ဆင်ပြီး ၂၄ နာရီ မီးရရှိရေး ဆောင်ရွက်ပေးပါ။ နံပါတ် (၆) က မြို့နယ်အတွင်းရှိ ရေမီတာသုံးစွဲသူများ ရေအပြည့်အဝ ရရှိရေး ဆောင်ရွက်ပေးပါ။

ရည်ရွယ်ချက်-လူ့အခွင့်အရေးနှင့် တရားဥပဒေစိုးမိုးရေးအတွက် - တကိုယ်တော် ဆန္ဒပြတာပေါ့။ ဆိုင်းဘုတ်ကိုင်ပြီး ဒီတိုင်း လျှောက်သွား တာပေါ့။ ကားမှတ်တိုင် ၂ မှတ်တိုင်လောက် လျှောက်ပြီးတော့ ခေါ်တင်သွားရော”

ဆန္ဒပြပြီးတဲ့နောက် သူနောက်ကနေ လူအင်အား ၅၀ လောက်က လိုက်ပါတောင်းဆိုဖို့ လူစုဝေး ခဲ့ကြပါတယ်။ ဒီနောက်မှာတော့ ရဲတွေ က သူကိုခေါ်သွာပြီးနောက် တောင်ဒဂုံရဲစခန်းမှာ ထားကြောင်း မိသားစုက အာမခံပေးဖို့ တောင်းဆိုနေဆဲ ဖြစ်ကြောင်းတွေ ကိုလည်း ပြောပြပါတယ်။

“အခုချိန်က စခန်းမှာ၊ စခန်းကတော့ စခန်းမှူး၊ မြို့နယ်မှူးကတော့ အာမခံရမယ်လို့တော့ ပြောလိုက် တယ်။ လောလောဆယ် အာမခံ လုပ်ဖို့ သွားတဲ့အခါကျတော့ သူတို့ အကြောင်းကြားပါ့မယ်တဲ့။ ခဏ ပြန်လိုက်ပါအုံးတဲ့။ ပြန်ပြီးတော့ နားပြီးတော့မှ ကျနော်တို့ အကြောင်းကြားမယ် ပေါ့လေ၊ အာမခံ အတွက်။ မေးတော့ မေးသွားတယ်။ သေချာ မသေချာတော့ မသိသေးဘူး။ အခုကတော့ မြို့နယ်မှူးနဲ့ စခန်းမှူးနဲ့ကတော့ သဘောချိုပါတယ်။ အာမခံပေးမယ် ပြောထားတယ်။ ကျနော်တို့လည်း ဒါ မိသားစု စဘော်လေးတွေ၊ ဘာတွေ၊ ညာတွေနဲ့ အာမခံဖို့ တင်ထားပြီးသွားပြီ။”

တောင်ဒဂုံက လမ်းတွေဟာအရင် ၂၀၁၀ ရွေကောက်ပွဲမတိုင်ခင်က ပြည်ခိုင်ဖြိုးပါတီက စည်းရုံးရေး ဆင်းပြီး လမ်းတွေ ခင်းပေးမယ် ဆိုတာမျိုးတွေကို လုပ်ဆောင်ခဲ့သလို လမ်းကြေး ကောက်ခံပြီး စံနစ်တကျ ခင်းပေးတာတွေလည်း မရှိတာမျိုး တွေရှိတယ်လို့ ရပ်ကွက် လူထုက ပြောပါတယ်။

ဦးစိုးကြွယ်ဟာ တောင်ဒဂုံမြို့နယ်ထဲက လူထုခံစားနေရတာတွေကို အရေးယူ ဆောင်ရွက်ပေးဖို့ အတွက် ဆန္ဒပြခဲ့တာ ဖြစ်ကြောင်း သူတောင်းဆိုချက် တွေဟာ သူတိုမြို့နယ်တွင်းက ပြည်သူတွေ ရသင့်ရထိုက်တဲ့ အချက်အလက် တွေသာ ဖြစ်ကြောင်း သူရဲ့ လုပ်ဖော်ကိုင်ဘက် တွေက ဆိုပါတယ်။

မကြာသေးခင်ကပဲ နိုင်ငံရေးအကျဉ်းသားတွေ လွတ်မြောက်ရေးအတွက် နိုင်ငံရေး အကျဉ်းသား ဟောင်း ဦးအောင်မြင့်ဟာ ဘိုကလေးမြို့မှာ သံခြေကျင်း ခတ်ပြီး ဆန္ဒပြခဲ့သလို တွံတေးမြို့မှာလည်း နိုင်ငံရေး အကျဉ်းသားဟောင်း ဦးအောင်ဖေဟာ ထောင်ဝတ်စုံ ဝတ်ပြီး တကိုယ်တော် ဆန္ဒပြခဲ့ပါတယ်။ အဲဒီဆန္ဒပြမှုတွေ ကိုတော့ ဖမ်းဆီးတာမျိုးတွေ မရှိပေမယ့် စောင့်ကြည့် မှတ်တမ်း တင်တာတွေကို လုပ်ခဲ့ပါတယ်။ အစိုးရသစ် လက်ထက်မှာပဲ အရင်တုန်းကလို စောင့်ကြည့် သတင်းယူတာ အပြင် ဖမ်းဆီး စစ်ဆေးတာတွေကို လုပ်နေဆဲပဲ ဖြစ်ပါတယ်ရှင်။

Ref: VOA News

Read More...

အကောက်ခွန်တား ကားများအား ဒဏ်ဆောင်၍ ပြန်ထုတ်နိုင်

မင်းသက်
အင်္ဂါနေ့၊ ဇန်နဝါရီလ ၁၀ ရက် ၂၀၁၂

ရန်ကုန် (မဇ္ဈိမ) ။ ။ အထူးပါမစ်ဖြင့် မကိုက်ညီ၍ အကောက်ခွန်ဌာနမှ တားဆီးထားသော ပြည်ပမှ တင်သွင်းသည့် မော်တော်ယာဉ် များအား သတ်မှတ် ဒဏ်ကြေးဖြင့် ပြန်လည် ထုတ်ယူခွင့် ပြုလိုက်သည်။

သိမ်းဆည်းထားသော ကားများကို ဒဏ်ကြေးများ ပေးဆောင်ကာ ပြန်လည် ထုတ်ယူနိုင်ကြောင်း အင်္ဂါနေ့ ညနေ ၃ နာရီက ရန်ကုန်မြို့ ကမ်းနားလမ်းရှိ အကောက်ခွန်ရုံးတွင် ပြုလုပ်သော သတင်းစာ ရှင်းလင်းပွဲ၌ အကောက်ခွန် ဦးစီးဌာနမှ ညွှန်ကြားရေးမှူး ဦးမျိုးမြင့်သိန်းက ပြောဆိုလိုက်ခြင်း ဖြစ်သည်။

“အထူးပါမစ် အမှတ်အတိုင်း ရရှိတဲ့ ကားတင်သွင်းခွင့် (IL ခွင့်ပြုချက်) အတိုင်း မဟုတ်ဘဲ တင်သွင်းလာတဲ့ ကားတွေကို ကာစတန်က ထုတ်မပေးဘဲ ထားတာ ဖြစ်တယ်။ အဲဒီအခါမှာ ယာဉ်ပိုင်ရှင်တွေက နစ်နာတဲ့အတွက် အခုလို ဒဏ်ကြေးနဲ့ ပြန်ထုတ်ပေးဖို့ ဖြစ်လာတာ ဖြစ်တယ်။ မော်ဒယ် လုံးဝနိမ့်နေတဲ့ ကားတချို့ပါပါတယ်။ အဲလို ကားတွေကိုကျတော့ လုံးဝ နိုင်ငံပိုင်အဖြစ် သိမ်းလိုက်ပါတယ်” ဟု ညွှန်ကြားရေးမှူး ဦးမျိုးမြင့်သိန်းက ရှင်းပြသည်။

သို့သော် သတ်မှတ်ဒဏ်ကြေး မပေးဆောင်နိုင်ပါက Customs duty နဲ့ commercial tax တွေကို သွင်းပြီးသား ကားပိုင်ရှင်များ အနေဖြင့် ထိုပေးဆောင်ပြီးငွေများ ပြန်လည် ထုတ်ယူနိုင်သည်ဟု သိရသည်။

၂၅.၁၀.၂၀၁၁ ရက်နေ့မှ ၉.၁.၂၀၁၂ ရက်နေ့အတွင်း သတ်မှတ်စံချိန် စံညွှန်းနှင့် မကိုက်ညီသော ကားစီးရေ ၈၁ စီးကို အကောက်ခွန်မှ သိမ်းထားရာတွင် နိုင်ငံပိုင် သိမ်းထားသောကား ၂ စီးပါဝင်ပြီး ကျန် ၇၉ စီးရှိသည်။

ဒဏ်ကြေးများသတ်မှတ်ရာတွင် သတ်မှတ်မော်ဒယ် လွဲမှားသော ကားများကို စည်းကြပ်တန်ဖိုး CIF (ဆိပ်ကမ်း ရောက်ဈေး) ဖြစ်သော ဒေါ်လာ ၅၀၀၀ အပေါ်အခြေခံကာ ပေးဆောင်ရမည် ဖြစ်ကြောင်း မော်ဒယ်နံပါတ်ကို တင်သွင်းခွင့်ရ အထူးပါမစ် အမှတ်အရ IL ခွင့်ပြုချက် အတိုင်းမဟုတ်ခြင်းတို့ကို ဒဏ်ကြေး သတ်မှတ်ခြင်း ဖြစ်ကြောင်း သိရသည်။

Saloon Mitsubishi Air Treck အမျိုးအစားကား တင်သွင်းခွင့် ရသည်တွင် Mitsubishi Wagon Model 2002 အမျိုးအစား တင်သွင်း လာပါက ယင်းကားမှာ Mitsubishi Wagon Model အမြင့်ဆုံး သတ်မှတ်ချက် 2000 Model ထက်ကျော်သည့် အတွက် စည်းကြပ် တန်ဖိုး (AV) ကို နှစ်ဆ ဒဏ်ကြေး ပေးဆောင်ရခြင်း ဖြစ်ကြောင်း ဥပမာပြ၍ ဦးမျိုးမြင့်သိန်းက ဆက်လက် ရှင်းပြသည်။

“ဒဏ်ကြေးကို ဆောင်တဲ့အခါ ကားတန်ဖိုး ဒေါ်လာ ၅,ဝဝဝ ကို ငွေပေါက်ဈေးနဲ့ မြှောက်ရတယ်။ အထက်က ဥပမာ ပြောတဲ့ ကားဆိုရင် AV နှစ်ဆ ဖြစ်တဲ့အတွက် ဒေါ်လာ ၁၀,၀၀၀ ကို ငွေပေါက်ဈေးနဲ့ မြှောက်ပြီးတော့ ပေးရမယ်။ ပြီးတော့ အဲဒီကားဟာ ဆိပ်ကမ်းကို ရောက်လာ ကတည်းက Customs duty နဲ့ commercial tax ကို မပေးသွင်းရသေးဘူး ဆိုရင်လည်း အဲဒါတွေကို ပေးသွင်းသွားရမယ်”ဟု ဆိုသည်။

Van Toyota Caldina Model 2002 တင်သွင်းခွင့် ရထားသူအနေဖြင့် Toyota Caldina VAN Model 2006 ကို တင်သွင်း လာပါက စည်းကြပ် တန်ဖိုး(AV) ကို သုံးဆ ပေးသွင်းရမည် ဖြစ်ကြောင်းလည်း သိရသည်။

ထို့အတူ Nissan Mitsuokalysede Saloon Model 1996 ပါမစ်ရထားသူအနေဖြင့် Nissan Mitsuokalysede Saloon Model 1991 ကို တင်သွင်းလာပါက မော်ဒယ် အလွန် ကွာနေသည့်အတွက် (၄ နှစ်အောက် နိမ့်နေသည့် အတွက်) နိုင်ငံပိုင် သိမ်းဆည်းခြင်း ဖြစ်ကြောင်း သိရသည်။

“Nissan Saloon Model ကို တင်သွင်းလာတယ်။ တင်သွင်းမယ့်ကားဟာ 1995 Model ထက် ကျော်ရမယ်လို့ သတ်မှတ် ထားတာ ဖြစ်တယ်။ ဒါပေမယ့် အခုက အမြင့်ဆုံး သတ်မှတ်ချက်ထက် နိမ့်နေတယ်။ မြန်မာနိုင်ငံ ကားသင်္ချိုင်း ဖြစ်လာမှာပေါ့။ အဓိက မော်ဒယ်ကို မြှင့်တာ။ ဒါပေမယ့် အခု မော်ဒယ်မြင့်တာတွေကို ဒဏ်ငွေ ပေးဆောင်ပြီးတော့ ပြန်ထုတ်စေတယ် ဆိုတာကလည်း သတ်မှတ်တဲ့ အတိုင်း သွင်းစေချင်လို့သာ ဖြစ်တယ်။ ဒီနှစ်ခုလုံးဟာ စီးပွါးကူးသန်း ဝန်ကြီးဌါနက သတ်မှတ်တဲ့ အတိုင်း လုပ်စေချင်လို့သာ ဖြစ်တယ်”ဟု ညွှန်ကြားရေးမှူး ဦးမျိုးမြင့်သိန်းက ပြောသည်။

ပြီးခဲ့သည့် ၂ဝ၁၁ ခုနှစ် စက်တင်ဘာလ ၁၁ ရက်နေ့က ရထားပို့ဆောင်ရေးဝန်ကြီး ဦးအောင်မင်းက သက်တမ်းရင့် ကားအို ကားဟောင်း များအား ပယ်ဖျက်ကာ ကားသစ်များဖြင့် အစားထိုးခွင့် ပြုခဲ့ခြင်းဖြစ်သည်။

ယာဉ်မှတ်ပုံတင် သက်တမ်းအနှစ် ၄ဝ ကျော်။ အနှစ် ၃ဝ နဲ့ ၄ဝ ကြား။ အနှစ် ၂ဝ ကျော်မှ အနှစ် ၃ဝ ကြား စသည့် ယာဉ်များကို ပယ်ဖျက်ကာ အစားထိုးယာဉ် တင်သွင်းရန် ပါမစ်များကို စက်တင်ဘာ လကုန်ခန့်က စတင်ပြီး ထုတ်ပေးခဲ့ခြင်း ဖြစ်သည်။

တရားဝင်မှတ်ပုံတင် စာရင်းများအရ အနှစ် ၄ဝ ကျော် (စ၊ဆ၊ဇ)ယာဉ် ၁ဝ၂၁၁ စီး။ နှစ် ၃ဝ နှင့် ၄ဝ ကြားယာဉ် (ဈ၊ ည) အစီးရေ ၈၃၃၁ စီး။ နှစ် ၂ဝ နှင့် ၃ဝ ကြားယာဉ် (ဏ မှ ပ ထိ) စီးရေ ၃၆၈၇၅ စီး ရှိကြောင်း သိရသည်။

Ref: မဇ္ဈိမ

Read More...

NLD ၏ ဦးဆောင်မှုပုံစံ ပြောင်းလဲ

ရန်ပိုင်
January 10, 2012

အမျိုးသား ဒီမိုကရေစီ အဖွဲ့ချုပ် (NLD) က ဒေါ်အောင်ဆန်းစုကြည်အား ပါတီ၏ ဥက္ကဋ္ဌအဖြစ် ခန့်အပ်ခြင်း အပါအ၀င် ခေါင်းဆောင်မှု အပြောင်းအလဲ တချို့ကို ယမန်နေ့က ပြုလုပ်လိုက်သည်။

သက်ကြီးခေါင်းဆောင်များ ပါဝင်သည့် သဘာပတိအဖွဲ့ကို ဖွဲ့စည်းပြီး ထိုအဖွဲ့ကို ဦးတင်ဦးက နာယကအဖြစ် တာဝန်ယူမည်ဟု NLD ပြောခွင့်ရ ပုဂ္ဂိုလ် ဦးအုန်းကြိုင်က ဧရာဝတီကို ပြောသည်။

ဦးဝင်းတင်၊ ဦးညွန့်ဝေ၊ ဦးလှဖေ၊ ဦးသန်းထွန်း စသည့် ပါတီ၏ ၀ါရင့်ခေါင်းဆောင်များ သဘာပတိအဖွဲ့တွင် ပါဝင်ကြမည်ဟု သိရသည်။

“ဥက္ကဋ္ဌ စနစ်နဲ့ သွားမယ်၊ ဒု ဥက္ကဋ္ဌတော့ မထားတော့ဘူး၊ အတွင်းရေးမှူးအဖွဲ့ ဆိုတာပဲ ရှိမယ်” ဟု ဦးအုန်းကြိုင်က ပြောသည်။

ဥက္ကဋ္ဌဟောင်း ဦးအောင်ရွှေ၊ ပါတီခေါင်းဆောင်ပိုင်းတွင် နှစ်ပေါင်းများစွာ တာဝန်ယူခဲ့သူ ဦးလွန်းတင် တို့သည် ယခု အပြောင်း အလဲတွင် ပါဝင်ခြင်း မရှိတော့ဘဲ အသက်အရွယ် ကြီးရင့်ပြီ ဖြစ်သောကြောင့် လွန်ခဲ့သည့်နှစ် အနည်းငယ်ကပင် NLD လှုပ်ရှားမှုများနှင့် ကင်းကွာခဲ့ပြီး ဖြစ်သည်ကို တွေ့ရသည်။

ဦးဉာဏ်ဝင်း၊ ဦးအုန်းကြိုင် အပါအ၀င် ကျန်ရှိနေသော ဗဟိုအလုပ်အမှုဆောင်များက မူလတာဝန်များကို ဆက်လက် တာဝန်ယူမည်ဟု သိရသည်။

ယခုအခါ ပါတီဝင်အသစ်များကို စတင် လက်ခံနေပြီဖြစ်ပြီး မကြာမီ ပါတီညီလာခံတရပ်ကို ပါတီဝင် အသစ်များဖြင့် ခေါ်ယူခြင်း၊ ထိုညီလာခံ၏ ဆုံးဖြတ်ချက်ဖြင့် ဗဟိုအလုပ် အမှုဆောင်သစ်များ ထပ်မံ ရွေးချယ်ခြင်းတို့ကို ပြုလုပ်မည်ဟု ဦးအုန်းကြိုင်က ဆက်ပြောသည်။

ယမန်နေ့နံနက်က ရန်ကုန်မြို့ ဌာနချုပ်ရုံးတွင် ပါတီ ဆိုင်းဘုတ်သစ် တင်ပွဲ ကျင်းပပြီး ပါတီဝင် လျှောက်လွှာ တသိန်းကို ပြည်နယ် နှင့် တိုင်း အသီးသီးသို့ ဖြန့်ဝေခဲ့သည်။

NLD က ပါဝင်ယှဉ်ပြိုင်မည့် ကြားဖြတ်ရွေးကောက်ပွဲများကို လာမည် ဧပြီလ ၁ရက်နေ့တွင် ကျင်းပမည် ဖြစ်သည်။

မဲဆန္ဒနယ် ၄၈ နေရာရှိရာ NLD ကိုယ်စားလှယ်များက နေရာအားလုံးတွင် ၀င်ပြိုင်မည်ဟု သိရသည်။

ကိုယ်စားလှယ်လောင်းစာရင်းကို NLD က ထုတ်ပြန်ခြင်း မရှိသေးသော်လည်း ရန်ကုန်တိုင်း ကော့မှူးမြို့နယ် မဲဆန္ဒနယ်တွင် ဒေါ်အောင်ဆန်းစုကြည် ၀င်ရောက် ယှဉ်ပြိုင်မည်ဟု သတင်းထွက်နေသည်။

Ref: ဧရာဝတီ

Read More...

ပြည်သူ မျက်ရည်ကျချိန် မနောပွဲ မလုပ်လိုတဲ့ ကချင်ပြည်

ဖနိဒါ
အင်္ဂါနေ့၊ ဇန်နဝါရီလ ၁၀ ရက် ၂၀၁၂

ချင်းမိုင်(မဇ္စျိမ)။ ။ မြစ်ကြီးနားမြို့ စီတာပူရပ်ကွက်ရှိ မနောကွင်းတွင် ၆၄ ကြိမ်မြောက် “ကချင်ပြည်နယ်နေ့” အထိမ်းအမှတ် မနောပွဲတော်ကို မကျင်းပနိုင်ခဲ့ပေ။

ရိုးရာ ထုံးတမ်းစဉ်လာအရ မနောပွဲတော်ကို ပြည်တွင်းပြည်ပမှ ကချင်လူမျိုးများ ရောက်ရှိလာပြီး နှစ်စဉ် ဇန်နဝါရီ ၁ဝ ရက်နေ့တိုင်း စည်စည် ကားကား ကျင်းပခဲ့သော်လည်း ယခုနှစ်မှာမူ နိုင်ငံရေး မတည်ငြိမ်ခြင်းကြောင့် မကျင်းပနိုင်ခဲ့ကြောင်း မနောပွဲဖြစ် မြောက်ရေး ကော်မတီမှ တာဝန်ရှိသူတဦးက ပြောသည်။

“ဒီနှစ်က မနောပွဲက ပြည်သူတွေ မျက်ရည်ကျနေတဲ့အချိန်မှာ ဒုက္ခရောက်ချိန်မှာ မနောပွဲကို မလုပ်တော့ဘူး။ ဒါပေမယ့် ကချင် ပြည်နယ်နေ့ အထိမ်းအမှတ်ကို မလုပ်ရင်လည်း မဖြစ်တော့ လူထုအခမ်းအနား လုပ်တယ်။ ညနေပိုင်းမှာ ညစာ စားပွဲပဲ လုပ်မယ်”ဟု သူက မဇ္စျိမကို ပြောသည်။

ဘာသာရေး ခေါင်းဆောင်များ၊ ကချင်ရိုးရာယဉ်ကျေးမှု ခေါင်းဆောင်များ၊ အစိုးရ ဌာနဆိုင်ရာများ အပါအဝင် လူပေါင်း ၆ဝဝ ကျော်က ကချင်ပြည်နယ်နေ့ အထိမ်းအမှတ် ညစာစားပွဲကို ပြည်နယ် မြို့တော်ခန်းမတွင် ပြုလုပ်မည် ဖြစ်သည်။

မြန်မာအစိုးရစစ်တပ်နှင့် ကချင်လွတ်မြောက်ရေးအဖွဲ့ KIO အကြား တိုက်ပွဲများကြောင့် အိုးအိမ်စွန့်ခွာ၍ ထွက်ပြေး တိမ်းရှောင် နေရသော စစ်ပြေးဒုက္ခ ရောက်နေသူများ ရှိနေသဖြင့် ယခုနှစ် မနောပွဲကို မကျင်းပရခြင်း ဖြစ်ကြောင်း ယင်းတာဝန်ရှိသူက ပြောသည်။

ပြည်နယ်နေ့ အထိမ်းအမှတ်အဖြစ်မူ ပြည်နယ်အစိုးရ ရုံးရှေ့တွင်ပင် ဌာနဆိုင်ရာ ဝန်ထန်းများ၊ ကချင်ရိုးရာအဖွဲ့ လူကြီးများ၊ မြို့နေ ရပ်မိ ရပ်ဖများကို ခေါ်ယူ၍ ၁၅ မိနစ်ကြာ ဝန်ကြီးချုပ် ဦးလဂျွန်ငန်ဆိုင်းက မိန့်ခွန်းပြောဆိုခဲ့ခြင်းသာ ပြုလုပ်ခဲ့သည်။

ယခင်နှစ်များတွင် မြန်မာနိုင်ငံအရပ်ရပ်ရှိ ကချင်လူမျိုးများ၊ အိမ်နီးချင်း တရုတ်နှင့် အိန္ဒိယနိုင်ငံရှိ ကချင် မျိုးနွယ်များဖြင့် မနောပွဲတော်ကို စည်ကားစွာ ကျင်းပလေ့ ရှိခဲ့သည်။ တေးဂီတ ဖျော်ဖြေပွဲများ မနောအလှမယ် ရွေးပွဲများလည်း ကျင်းပခဲ့သည်။

ကချင်ပြည်နယ်နေ့ကို ဂုဏ်ပြုခြင်း၊ ကချင်ရိုးရာဓလေ့ထုံးတမ်းများကို ထိန်းသိမ်းသော အားဖြင့် ကချင် မနောပွဲကို နှစ်စဉ် ကျင်းပရခြင်း ဖြစ်သည်ဟု မြစ်ကြီးနားမြို့ခံ ကချင်ရိုးရာ ထိန်းသိမ်းရေးအဖွဲ့မှ အဖွဲ့ဝင်တဦးက ပြောသည်။

“အခု ဒီအခြေအနေဆိုရင် ကချင်ပြည်နယ်နေ့ ဆိုတာတောင် ဖျက်ချင်လာကြတယ်။ ကချင်ပြည်နယ်နေ့ သတ်မှတ်တဲ့ ရက်ကို ဂုဏ်ပြုတာ၊ ရိုးရာဓလေ့ကို မပျောက်ပျက်အောင် ထိန်းသိမ်းတဲ့ သဘော ကျင်းပတယ်။ အရှေ့အနောက်၊ တောင်မြောက် ကချင်လူမျိုးတွေ စုပြီးတော့ နိုင်ငံရေးအရ တိုင်ပင် ဆွေးနွေးနိုင်တယ်။ ဒါပေမယ့် ဒီနှစ် ကျင်းပမယ် ဆိုရင်တော့ အရှုံးဖြစ်သွားမယ်။ ခုတောင် တိုက်ပွဲဖြစ်နေတာကို တိုက်ပွဲမဖြစ်သလို ဖန်တီးချင်တဲ့ လူတွေရှိတယ်၊ ပြဿနာ အကြီးကြီး မဟုတ်ဘူးဆိုပြီး လုပ်ချင်တဲ့ လူတွေ ရှိတယ်”ဟု သူက မဇ္စျိမကို ပြောပြသည်။

မြစ်ကြီးနားမြို့တွင် ဗုံးပေါက်ကွဲမှုများ မကြာခဏဖြစ်ပွားခဲ့ပြီး လုံခြုံရေးအရ စိုးရိမ်မှုများ ရှိနေသဖြင့် ယခုကဲ့သို့ မနောပွဲ မကျင်းပခြင်းမှာ ပို၍ သင့်တော်သည်ဟု မြစ်ကြီးနားမြို့ခံတဦးက ပြောသည်။

မြန်မာနိုင်ငံ လွတ်လပ်ရေးရသည့် ၁၉၄၈ ခု ဇန်နဝါရီလ ၁ဝ ရက်နေ့တွင် ပထမဦးဆုံး သမ္မတ ဦးစပ်ရွှေသိုက် ကိုယ်တိုင် ကချင်ပြည်နယ် မြစ်ကြီးနားမြို့ စီတာပူရပ်ကွက်ရှိ မနောကွင်းသို့ တက်ရောက်၍ “ကချင်ပြည်နယ်နေ့” အဖြစ် သတ်မှတ်ခဲ့ရာမှ နှစ်စဉ် ကျင်းပခဲ့ကြခြင်း ဖြစ်သည်။

၁၉၉၄ ခုနှစ် နဝတ အစိုးရနှင့် KIO အကြား အပစ်အခတ်ရပ်စဲချိန် ၂ဝဝ၅ ခုနှစ်မှ ၂ဝ၁၁ ခုနှစ်ထိ နှစ်စဉ် ကချင် ပြည်နယ်နေ့ အထိမ်းအမှတ် မနောပွဲတော်ကို ခမ်းနားစွာ ကျင်းပနိုင်ခဲ့သည်။

သို့သော် KIO က နယ်ခြားစောင့်တပ်အသွင်ပြောင်းရေး ငြင်းဆိုလိုက်သည့် ၂ဝ၁၁ ခုနှစ်တွင် ကျရောက်သော ၆၃ ကြိမ်မြောက် ကချင် ပြည်နယ်နေ့ အထိန်းအမှတ်ကို မြောက်ပိုင်းတိုင်း စစ်ဌာနချုပ်မှ ဦးဆောင်၍ လေးရက်ကြာ ကျင်းပခဲ့သော်လည်း ယခင်နှစ်များကဲ့သို့ KIO ရဲဘော်များ မတက်ရောက်နိုင်ခဲ့ဘဲ ခေါင်းဆောင် တချို့သာ တက်ရောက်ခွင့် ရခဲ့သည်။

ပြည်ထောင်စု ဖြစ်ပေါ်လာရေးတွင် နှစ်ပေါင်း ၆၄ နှစ်ကြာ ကြိုးပမ်းခဲ့သော်လည်း ပြည်ထောင်စု၏ အနစ်သာရ ကချင်ပြည်နယ် နေ့၏ အနစ်သာရကို ယနေ့ထိ မခံစား နိုင်ခဲ့ရသေးကြောင်း KIO ၏ ပြောရေးဆိုခွင့်ရှိသူ ဦးလနန် က ပြောသည်။

“မြန်မာနိုင်ငံမှာ ပြည်ထောင်စုဆိုပြီး ဖြစ်ပေါ်လာတဲ့နောက် ပထမဆုံး ကချင်ပြည်နယ်နေ့ သတ်မှတ်ပေးတဲ့နေ့ပဲ။ ကချင် ပြည်နယ်နေ့ ဖြစ်ပေါ်လာတဲ့ အရင်း အမြစ်က ပြည်ထောင်စုမှာ ကချင်တွေ ဘယ်လောက်ထိ ကြိုးပမ်းခဲ့တယ် ဆိုတာ၊ ဘယ်လောက်ထိ ပြည်ထောင်စုကို လိုလားတယ်ဆိုတဲ့ လက္ခဏာပြထားတယ်။ ဒါပေမယ့် အစိုးရခေတ် အဆက်ဆက်က မျက်ကွယ်ပြုထားတယ်။ ပြည်ထောင်စု အနစ်သာရ ရဖို့ ဒီနေ့ထိ ကျနော်တို့ ပြောနေတာ ဒါတွေပဲ”ဟု သူက မဇ္စျိမကို ပြောသည်။

သမ္မတ ဦးသိန်းစိန်က ကာကွယ်ရေးဦးစီးချုပ်သို့ ကချင်ပြည်နယ်အတွင်း ထိုးစစ်မဆင်ရန် ၂ဝ၁၁ ဒီဇင်္ဘာ ၁ဝ ရက်နေ့က ညွန်ကြား ခဲ့ပြီးနောက် နှစ်ဘက် တိုက်ပွဲများ ၁ဝ၆ ကြိမ်ဖြစ်ပွားခဲ့သည်။


Ref: မဇ္ဈိမ

Read More...

တပ်များ အပစ်ရပ်ထားရန် KNU ညွှန်ကြား

သန်းထိုက်ဦး
January 10, 2012

အစိုးရနှင့် ငြိမ်းချမ်းရေး ဆွေးနွေးစဉ် ကာလအတွင်း တိုက်ခိုက်မှုများ မပြုလုပ်ရန် ကရင် အမျိုးသား အစည်းအရုံး (KNU) က ရှေ့တန်း တပ်များကို ယခုလဆန်းမှ စတင်၍ ညွန်ကြား ထားကြောင်း သိရသည်။

ယခုလ ၁၂ ရက်နေ့တွင် ကရင်ပြည်နယ် ဘားအံမြို့၌ ပြုလုပ်မည့် ငြိမ်းချမ်းရေး ဆွေးနွေးပွဲအတွက် ရည်ရွယ်ပြီး အပစ်ရပ်ရန် ညွှန်ကြားခြင်း ဖြစ်သည်ဟု သိရကြောင်း KNU တပ်မဟာ ၆ မှ ဗိုလ်ကြီး စောထဲနေက ဧရာဝတီသို့ ပြော သည်။

“အပစ်အခတ် ရပ်စဲရေး အတွက် ငြိမ်းချမ်းရေး စကားပြောမယ်၊ ဒါကြောင့်မို့ ပြည်တွင်းစစ်ရဲ့ နှစ် ၆၀ ကျော် ရှည်ကြာလာတဲ့ အပေါ် အစိုးရစစ်တပ် သွားရေး လာရေး လမ်းကြောင်း အနှောင့်အယှက် မပြုလုပ်ရန်နဲ့ တိုက်ပွဲ မဖော်ဆောင်ရေး ကြေးနန်းနဲ့ ထုတ်ပြန် ထားပါတယ်” ဟု ၎င်းက ဆိုသည်။

KNU တပ်ဖွဲ့ဝင်များကလည်း ပြည်တွင်း ငြိမ်းချမ်းရေးနှင့် အပစ်အခတ် ရပ်စဲရေး လိုလားသည်ဟု စောထဲနေက ဆက်ပြောသည်။

ဘားအံမြို့တွေ့ဆုံပွဲတွင် အစိုးရ ကိုယ်စားလှယ် အဖွဲ့အား မီးရထားဝန်ကြီး ဦးအောင်မင်းက ဦးဆောင်မည် ဖြစ်ပြီး KNU ကိုယ်စားလှယ် အဖွဲ့တွင် စစ်ဦးစီးချုပ် ဗိုလ်ချုပ်ကြီး မူတူးဆေးဖိုး၊ ဦးစောဒေးဗစ်ထော အပါအ၀င် ၁၉ ဦးခန့် ပါဝင်မည် ဖြစ်ကြောင်း သိရသည်။

ဦးစောဒေးဗစ်ထောက “လူ့အခွင့်အရေး ချိုးဖောက်မှု၊ လုပ်အားပေး ခိုင်းစေခြင်း၊ အခွန် ကောက်ခံတာတို့ကို ထည့်သွင်း ဆွေးနွေး သွားမှာ ဖြစ်ပါတယ်” ဟု ဆိုသည်။

အတည်မပြုနိုင်သော သတင်းများအရ KNU ထိန်းချုပ်ဒေသများ၌ မိုင်းရှင်းလင်းရေးနှင့် ပတ်သက်၍လည်း ဆွေးနွေး ကြမည်ဟု သိရသည်။

နိုဝင်ဘာလ ၁၅ ရက်နေ့တွင် အစိုးရ ကိုယ်စားလှယ် ဦးအောင်မင်းက KNUတပ်ဖွဲ့မှ ကိုယ်စားလှယ်များကို ငြိမ်းချမ်းရေး တွေ့ဆုံ ဆွေးနွေးရန် တရားဝင် ကမ်းလှမ်းခဲ့သည်။

နိုဝင်ဘာ ၁၉ နှင့် ၂၀ ရက်နေ့တို့တွင် အစိုးရ ရထားပို့ဆောင်ရေးဝန်ကြီး ဦးအောင်မင်း ဦးဆောင် သည့် ကိုယ်စားလှယ်များနှင့် KNU ခေါင်းဆောင်တချို့ ထိုင်း-မြန်မာ နယ်စပ် တနေရာတွင် အလွတ်သဘော တွေ့ဆုံ ဆွေးနွေးခဲ့ကြောင်း သိရသည်။

ထိုကဲ့သို့ တွေ့ဆုံ ဆွေးနွေးခဲ့ပြီး နောက်ပိုင်း တရားဝင် ထပ်မံ တွေ့ဆုံမည့် သတင်းများ ထွက်ပေါ်လာခြင်း ဖြစ်သည်။

KNU အဖွဲ့သည် အမျိုးသား တန်းတူရေး၊ ကိုယ်ပိုင် ပြဌာန်းခွင့် ရရှိရေးတို့ အတွက် အစိုးရ အဆက်ဆက်ကို ဆန့်ကျင် တော်လှန်ခဲ့သည်မှာ ၆၂ နှစ် ရှိပြီ ဖြစ်သည်။

မြန်မာပြည်မြောက်ပိုင်း ကချင်လွတ်မြောက်ရေးတပ်မတော် ထိန်းချုပ်သည့် နေရာများတွင် တိုက်ခိုက်မှုများ အဆက်မပြတ် ဖြစ်ပွား နေသည်မှာ ၇ လ ကြာပြီ ဖြစ်သော်လည်း KNU လှုပ်ရှားသည့် ထိုင်းမြန်မာနယ်စပ်တွင် တိုက်ပွဲများ ငြိမ်သက်နေသည်။

တိုက်ပွဲများ ငြိမ်သက်နေသော်လည်း ဘုရားသုံးဆူမြို့ ဘုရားပွဲတွင် စနေနေ့ညက ဗုံးပေါက်ကွဲမှုဖြစ်ပွားခဲ့ရာ ၄ ဦး သေဆုံးပြီး၊ ၄၀ ကျော် ဒဏ်ရာ ရသွားကြောင်း သိရသည်။

Ref: ဧရာဝတီ

Read More...

Tuesday, January 10, 2012

အံ့သြစရာမရှိ

Read More...

အမျိုးသားဒီမိုကရေစီ အဖွဲ့ချုပ် တရားဝင် ဆိုင်းဘုတ် ပြန်တင်

2012-01-09

တရားဝင် နိုင်ငံရေးပါတီ အဖြစ် ပြန်လည် မှတ်ပုံတင်ခွင့် ရပြီးနောက် NLD ပါတီ ရွှေဂုံတိုင် ဌာနချုပ်မှာ ဒီကနေ့ ပါတီ ဆိုင်းဘုတ်တင်ပွဲ ကျင်းပ ခဲ့ပါတယ်။

၁၉၈၈ ခုနှစ်ကတည်းက ထူထောင်ခဲ့တဲ့ အန်အယ်လ်ဒီ အနေနဲ့ ဒီအခမ်းအနားကို ၂၁ ရာစု အားမာန်သစ် ခံယူချက်နဲ့ ဖွင့်လှစ်လိုက်တာ ဖြစ်တယ်လို့ ဗဟိုအောင်နိုင်ရေး အဖွဲ့ ခေါင်းဆောင် ဦးတင်ဦးက ပြောပါတယ်။

“၁၉၈၈ ခုနှစ် အောက်တိုဘာလ ၂၇ ရက်နေ့ ကတည်းက အမျိုးသား ဒီမိုကရေစီ အဖွဲ့ချုပ်သည် မှတ်ပုံတင်ပြီး ဖြစ်၍ နိုင်ငံရေး ပါတီကြီး တစ်ရပ် အနေနဲ့ ရပ်တည်လျက် ရှိတယ် ဆိုတာကို ကျွန်တော်တို့က အစဉ်ပဲ ယုံကြည်စွဲလမ်း သတ်မှတ် ထားပြီးသားပါ။ ခုဟာကတော့ အဖွဲ့ချုပ် အနေနဲ့ စိတ်သစ်လူသစ် အဖွဲ့အစည်းသစ် သဘော သက်ရောက်အောင်၊ နောင်သွားမယ့် အခင်းအကျင်းနဲ့ ညီအောင် အဖွဲ့ချုပ် အလံတင်တာနဲ့ ဆိုင်းဘုတ်တင်တာ လုပ်တာပါ”

ရွေးကောက်ပွဲ ကော်မရှင်က အမျိုးသား ဒီမိုကရေစီ အဖွဲ့ချုပ် အန်အယ်လ်ဒီကို ပြီးခဲ့တဲ့ သောကြာနေ့က တရားဝင် နိုင်ငံရေး ပါတီ မှတ်ပုံတင်ခွင့် ပြုခဲ့ပါတယ်။ ဒါကြောင့် ပါတီဝင်သစ်တွေ စတင် လက်ခံနေပြီး ပြည်နယ်နဲ့တိုင်း ဒေသကြီး တစ်ခုစီကို အဖွဲ့ဝင်သစ် လျှောက်လွှာ နှစ်သိန်းစီ ဖြန့်ဝေထားတယ်လို့ ဦးတင်ဦးက ပြောပါတယ်။

အန်အယ်လ်ဒီ ဖွဲ့စည်းပုံ အသစ်နဲ့ ပတ်သက်လို့ ပါတီပြောခွင့်ရ ပုဂ္ဂိုလ် ဦးဥာဏ်ဝင်းက အခုလို ရှင်းပြပါတယ်။

“ဖွဲ့စည်းပုံအသစ် အရ သဘာပတိ အဖွဲ့အစည်း ရှိပါတယ်။ ပြီးတော့ ဗဟို အလုပ်အမှုဆောင် အဖွဲ့အစည်း ရှိပါတယ်။ သဘာပတိ အဖွဲ့ကိုတော့ နာယက အဖြစ် ဦးတင်ဦးက ခေါင်းဆောင်ပါမယ်။ ဦးသန်းထွန်း၊ ဦးညွန့်ဝေ၊ ဦးလှဖေတို့ ပါဝင်ပါမယ်။ ဗဟို အလုပ်အမှုဆောင် အဖွဲ့ကတော့ ဥက္ကဋ္ဌ ဒေါ်အောင်ဆန်းစုကြည်ပါ။ အဖွဲ့ဝင် ဦးဉာဏ်ဝင်း၊ နောက်ပြီးတော့ ဦးဝင်းမြင့်၊ ဦးဟံသာမြင့်၊ ဦးအုံးကြိုင်၊ ဦးထွန်းထွန်းဖေ၊ ဒေါက်တာ ဒေါ်မေဝင်းမြင့်တို့ ပါဝင်ပါမယ်”

ဒီကနေ့ ညနေပိုင်းမှာတော့ ပြည်ထောင်စု တိုင်းရင်းသား ပညာရေး ရန်ပုံငွေ ဂီတဖျော်ဖြေရေးမှာ ပါဝင်ကူညီသူ အားလုံး အတွက် ဂုဏ်ပြုပွဲကို ဒေါ်အောင်ဆန်းစုကြည်ရဲ့ တက္ကသိုလ် ရိပ်သာလမ်း နေအိမ်မှာ ကျင်းပခဲ့ပါတယ်။

Ref: RFA News

Read More...

ကန့်ကွက်မှုရှိနေတဲ့ ကျောက်မီးသွေးသုံး ဓာတ်အားစက်ရုံ စီမံကိန်း ရပ်ဆိုင်း

2012-01-09

ထားဝယ် ကျောက်မီးသွေးစက်ရုံ စီမံကိန်းကို ရပ်ဆိုင်းလိုက်တယ်လို့ အမှတ် (၂) လျှပ်စစ်စွမ်းအား ပြည်ထောင်စု ၀န်ကြီး ဦးခင်မောင်စိုးက ရန်ကုန် အလုံမြို့နယ် လျှပ်စစ်စွမ်းအား ၀န်ကြီးဌာနရုံးမှာ ဒီနေ့မနက်ပိုင်းက လုပ်တဲ့ မီဒီယာတွေနဲ့ တွေ့ဆုံပွဲမှာ ပြောလိုက်ကြောင်း တက်ရောက်တဲ့ စာနယ်ဇင်း သမားတွေက ဆိုပါတယ်။

ဝန်ကြီးက သဘာဝပတ်ဝန်းကျင် ထိခိုက်မယ့် ကိစ္စမျိုးတွေကို ရှောင်ရှားသွားမှာ ဖြစ်တယ်လို့ ပြောသွားပါတယ်။ ထားဝယ် ရေနက် စီမံကိန်းမှာ ပါဝင်တဲ့ ကျောက်မီးသွေး ဓာတ်အားသုံး ဓာတ်အားပေး စီမံကိန်းဟာ ကျောက်မီးသွေးကနေ လျှပ်စစ် မီဂါဝပ် ၄၀၀၀ ထုတ်လုပ်မှာပါ။

အခုလို ကျောက်မီးသွေးသုံး ဓာတ်အားပေး စီမံကိန်းကို အစိုးရက ရပ်ဆိုင်းလိုက်တာကို ထားဝယ် ဒေသခံ ပြည်သူတွေနဲ့ ထားဝယ် ဖွံ့ဖြိုး တိုးတက်ရေး အဖွဲ့က ကြိုဆို လိုက်ပါတယ်။

ကျောက်မီးသွေး ဓာတ်အားထုတ်လုပ်တဲ့ စက်ရုံတွေကြောင့် လေနဲ့ ရေ ညစ်ညမ်းပြီး ရေရှည်မှာ ကျန်းမာရေး ထိခိုက်မှာကို စိုးရိမ် ရတာကြောင့် ကျောက်မီးသွေး ဓာတ်အားပေး စက်ရုံ ဆိုရင် ဘယ်လို ပုံစံမျိုးနဲ့မှ လက်ခံမှာ မဟုတ်ဘူးလို့ ထားဝယ် ဖွံ့ဖြိုး တိုးတက်ရေး အဖွဲ့ရဲ့ အလုပ်အမှုဆောင် တစ်ဦးဖြစ်သူ ဦးစိုးသိန်းက အာရ်အက်ဖ်အေကို ပြောပါတယ်။

ထိုင်းနိုင်ငံ Italian-Thai ကုမ္ပဏီက ထားဝယ်ရေနက် ဆိပ်ကမ်း အကောင်အထည်ဖေါ်ရေးမှာ အမေရိကန်ဒေါ်လာ သန်းငါးသောင်း နီးပါး အကုန်ခံပြီး တည်ဆောက်မယ့် ဖွံ့ဖြိုး တိုးတက်ရေး စီမံကိန်းမျိုးစုံထဲမှာ ကျောက်မီးသွေး ဓာတ်အားသုံး လျှပ်စစ် ထုတ်လုပ်ရေး စက်ရုံတွေ တည်ဆောက်ဖို့ လျာထားတာပါ။

ထိုင်းနိုင်ငံ တောင်ပိုင်းမှာ အရင်က အလားတူ ကျောက်မီးသွေး ဓာတ်အားပေး စက်ရုံတွေ တည်ဆောက်ဖို့ ကြိုးစား ခဲ့ပေမယ့် ထိုင်းဒေသခံ တွေက ကန့်ကွက်ခဲ့တဲ့ အတွက် အခုလို ထားဝယ်ရေနက် ဆိပ်ကမ်း စီမံကိန်းမှာ အကောင်အထည် ဖေါ်ဖို့ ကြိုးပမ်း ခဲ့တာလို့ ဦးစိုးသိန်းက ပြောပါတယ်။

Ref: RFA News

Read More...

မြန်မာနိုင်ငံအပေါ် သဘောထား အမေရိကန်နဲ့ဂျပန် တူညီ

တနင်္လာ, 09 ဇန်နဝါရီ 2012

အမေရိကန်ပြည်ထောင်စုရဲ့ မြန်မာနိုင်ငံအပေါ်ထားတဲ့ သဘောထားဟာ ဂျပန်နိုင်ငံနဲ့ ထပ်တူထပ်မျှ ဖြစ်ပါတယ်လို့ တရုတ်၊ တောင်ကိုရီးယား၊ ဂျပန် အာရှဒေသ မိတ်ဆွေ သုံးနိုင်ငံခရီး သွားရောက်ပြီး မြန်မာ့အရေး ဆွေးနွေးခဲ့တဲ့ အမေရိကန် နိုင်ငံခြားရေး ၀န်ကြီးဌာန အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ်ကမ့်ဘဲလ် (Kurt Campbell) က သူ့ရဲ့ခရီးစဉ်အပြီးမှာ ပြောကြား လိုက်ပါတယ်။ ဒီအကြောင်း အပြည့်စုံကို ဒေါ်ခင်မျိုးသက်က တင်ပြထားပါတယ်။

မြန်မာ့အရေး အပါအ၀င် ဒေသတွင်း အရေးကိစ္စတွေကို ဆွေးနွေးဖို့အတွက် ဇန်န၀ါရီလ ၃ ရက်နေ့ကနေ ၇ ရက်နေ့အထိ အာရှဒေသ အင်အားကြီးနိုင်ငံ သုံးနိုင်ငံကို သွားရောက်ခဲ့တဲ့ အမေရိကန် လက်ထောက် နိုင်ငံခြားရေး ၀န်ကြီး ကာ့တ်ကမ့်ဘဲလ်ရဲ့ ခရီးစဉ်ဟာ ဂျပန်နိုင်ငံမှာ အဆုံးသတ်ခဲ့ပါပြီ။ အမေရိကန် ပြည်ထောင်စုရဲ့ မြန်မာနိုင်ငံအပေါ် သဘောထားဟာ ဂျပန်နိုင်ငံနဲ့ ထပ်တူထပ်မျှ ဖြစ်ပါတယ်လို့ ဂျပန်နိုင်ငံက မပြန်ခင် တိုကျိုမှာ မစ္စတာ ကမ့်ဘဲလ်က ပြောကြားခဲ့တယ်လို့ အမေရိကန် နိုင်ငံခြားရေးဌာန ပြောခွင့်ရ ဗွီအိုအေကို ပြောပါတယ်။

“လက်ထောက် နိုင်ငံခြားရေးဝန်ကြီး ကမ့်ဘဲလ် ဟာ ဇန်န၀ါရီလ ၆ ရက်နဲ့ ၇ ရက် နေ့တွေမှာ ဂျပန်နိုင်ငံမှာ ဆွေးနွေးပွဲတွေ ပြုလုပ်ခဲ့ပါတယ်။ ဂျပန်အစိုးရက မြန်မာသမ္မတ ဦးသိန်းစိန်ကို ဧည့်သည်တော်အဖြစ် လက်ခံမယ်ဆိုတာ ဆွေးနွေးပွဲတွေမှာ သိခဲ့ရတဲ့အကြောင်းနဲ့ အမေရိကန်ပြည်ထောင်စုရဲ့ မြန်မာနိုင်ငံအပေါ် သဘောထားဟာ ဂျပန်နဲ့ ထပ်တူထပ်မျှဖြစ်ပြီး မြန်မာနဲ့ ထိတွေ့ဆက်ဆံရေး လုပ်ချင်တဲ့ဆန္ဒရှိသလို မြန်မာနိုင်ငံမှာ လုပ်နေတဲ့ ပြုပြင်ပြောင်းလဲရေးတွေ အတွက် ကူညီထောက်ပံ့မှုတွေ ပေးချင်တဲ့ ဆန္ဒရှိနေပါတယ် ဆိုတဲ့အကြောင်းတွေကို ဆွေးနွေးခဲ့တယ်လို့ တိုကျိုက မပြန်ခင်မှာ ပြောဆိုခဲ့ပါတယ်။”

ဂျပန်နိုင်ငံဟာ အမေရိကန်ပြည်ထောင်စုက မြန်မာအပေါ် စီးပွားရေး ပိတ်ဆို့ အရေးယူမှုတွေ လုပ်နေချိန်မှာပဲ သတိနဲ့ မြန်မာကို ထိတွေ့ဆက်ဆံခဲ့တဲ့ နိုင်ငံဖြစ်ပါတယ်။ မြန်မာနိုင်ငံမှာ အပြောင်းအလဲတွေ စပြီး တွေ့လာရတဲ့အချိန်မှာ လူသားချင်းစာနာမှုဆိုင်ရာမှာရော ဖွံ့ဖြိုးရေးဆိုင်ရာမှာပါ အကူအညီတွေကို ထပ်ပြီးတိုးပေးဖို့အတွက် ဆုံးဖြတ်ခဲ့ပါတယ်။ မကြာသေးခင်ကပဲ ဂျပန်နိုင်ငံခြားရေး ၀န်ကြီး ကိုအိချိရို ဂမ်ဘ (Koichiro Gamba) မြန်မာနိုင်ငံကို သွားရောက်ခဲ့သလို ဂျပန်နိုင်ငံမှာ ၂၀၁၂ ခုနှစ်ထဲကျင်းပမယ့် မဲခေါင်ဒေသတွင်း နိုင်ငံတွေနဲ့ ဂျပန်နိုင်ငံရဲ့ ထိပ်သီး အစည်းအဝေးကို တက်ရောက်ဖို့ပါ မြန်မာသမ္မတ ဦးသိန်းစိန်ကို ဖိတ်ကြားခဲ့တာပါ။

မြန်မာအပေါ် အရေးယူဒဏ်ခတ်မှု ဆက်ပြီးထားရှိပေမဲ့ ထိတွေ့ဆက်ဆံရေးမူကိုပါ ကျင့်သုံးနေတဲ့ အမေရိကန်နိုင်ငံကတော့ မြန်မာနိုင်ငံမှာ ပြောင်းလဲမှုတွေ ဆက်ပြီး လုပ်နေမယ်ဆိုရင် အမေရိကန်နိုင်ငံက အကူအညီတွေ ပေးသွားဖို့အတွက် ဆုံးဖြတ်ထားတယ်လို့ ပြောခဲ့ပါတယ်။ မြန်မာနိုင်ငံက ပြောင်းလဲမှုတွေ ထဲက အဓိက နိုင်ငံရေး အကျဉ်းသားတွေ လွှတ်ပေးဖို့ကို အမေရိကန်နိုင်ငံက မြင်ချင်ကြောင်း မစ္စတာ ကမ့်ဘဲလ်က ပြောကြားခဲ့တယ်လို့ ဆိုပါတယ်။

“ဆွေးနွေးးပွဲတွေမှာ အဓိကထား ပြောခဲ့တာကတော့ မြန်မာအစိုးရဘက်ကနေ တိုးတက်မှုတွေအတွက် ဆက်လုပ်နေပါတယ်ဆိုတာ အမေရိကန်က မြင်လာဖို့နဲ့ အထူးသဖြင့် နိုင်ငံရေး အကျဉ်းသားတွေ လွှတ်ပေးတာ၊ နိုင်ငံရေး ပြုပြင်ပြောင်းလဲမှုတွေ လုပ်တာတင်မကဘဲ မြောက်ကိုရီးယားနဲ့ မြန်မာအကြား နျူကလီယား လက်နက် မပြန့်ပွားရေးဆိုင်ရာ လုပ်ဆောင်ချက်တွေ ရှိလာဖို့ ကိစ္စတွေပါ ပါဝင်ပါတယ်။”

မြန်မာနိုင်ငံမှာ ဧပြီလထဲ ကျင်းပဖို့ရှိတဲ့ ကြားဖြတ်ရွေးကောက်ပွဲ ကျင်းပပေးမယ့်ရက် မတိုင်ခင် ထင်ရှားတဲ့ နိုင်ငံရေး အကျဉ်းသားတွေကို မြန်မာအစိုးရက လွှတ်ပေးပြီး မြန်မာ့နိုင်ငံရေးလမ်းစဉ်မှာ ပါဝင်ခွင့်ပြုဖို့အတွက် အများက မျှော်လင့်ထားပေမဲ့ ကိုမင်းကိုနိုင်တို့လို ၈၈ မျိုးဆက် ကျောင်းသားခေါင်းဆောင်တွေ၊ ဦးခွန်ထွန်းဦး တို့လို တိုင်းရင်းသား ခေါင်းဆောင်တွေနဲ့ ၂၀၀၇ ခုနှစ် ရွှေဝါရောင် အရေးအခင်းက ထင်ရှားတဲ့ ခေါင်းဆောင်တွေကို အခုထိ လွှတ်မပေးသေးပါဘူး။

မြန်မာနိုင်ငံဟာ မြောက်ကိုရီးယားဆီက နျူကလီယား လက်နက်ဆိုင်ရာ အကူအညီတွေ ရယူနေတယ်လို့ ၀န်ခံတာမျိုးမရှိသလို နျူကလီယား လက်နက် ထုတ်နိုင်လောက်အောင် ငွေကြေး မတတ်နိုင်သေးဘူးလို့လည်း မြန်မာ အာဏာပိုင်တွေက ပြောကြားခဲ့ပါတယ်။

Ref: VOA News

Read More...

မြန်မာနိုင်ငံ စီးပွားလွတ်လပ်မှု မရှိသေး

တနင်္လာ, 09 ဇန်နဝါရီ 2012

နိုင်ငံတကာရဲ့ စီးပွားရေးလွတ်လပ်မှုကို စောင့်ကြည့်အကဲဖြတ်နေပြီး နှစ်စဉ်တွေ့ရှိတဲ့ စစ်တမ်းတွေကို ထုတ်ပြန်လေ့ရှိတဲ့ Heritage Foundation အဖွဲ့အစည်းက ၂၀၁၁ ခုနှစ်အတွက် ထုတ်ပြန်လိုက်တဲ့ အညွှန်း ကိန်းဂဏန်းအရ မြန်မာနိုင်ငံရဲ့ စီးပွားရေး လွတ်လပ်မှုဟာ အရင်နှစ်ကထက် ၁ ဒဿမ ၁ မှတ် တိုးလာပြီး ၃၇.၈ မှတ်ရရှိတယ်လို့ ဆိုပါတယ်။

၂၀၁၁ ခုနှစ်အတွင်း စီးပွားရေးလွတ်လပ်မှု အခြေအနေကို စစ်တမ်းပြုစုထားတဲ့ နိုင်ငံပေါင်း ၁၇၉ နိုင်ငံရှိပြီး မြန်မာနိုင်ငံဟာ အဆင့် ၁၇၄ နေရာမှာရှိနေကြောင်း Heritage Foundation က ထုတ်ပြန်တဲ့ ဇယားမှာ ဖော်ပြထားပါတယ်။

အာရှပစိဖိတ်ဒေသတွင်း နိုင်ငံပေါင်း ၄၁ နိုင်ငံရှိတဲ့အနက် မြန်မာနိုင်ငံရဲ့ စီးပွားရေးလွတ်လပ်မှု အဆင့်ဟာ ၄၀ ဖြစ်ပြီး ဒေသတွင်း ပျမ်းမျှ အဆင့်ထက် အများကြီး နိမ့်နေသေးတယ်လို့ ဖော်ပြထားပါတယ်။

မြန်မာနိုင်ငံထက်ဆိုးတဲ့ အောက်ဆုံးမှာရောက်နေတဲ့ နိုင်ငံကတော့ မြောက်ကိုရီးယားနိုင်ငံ ဖြစ်ပါတယ်။

Ref: VOA News

Read More...

အမေရိကန် ကိုယ်စားလှယ်နှစ်ဦး ထပ်မံရောက်ရှိ

ကိုဝိုင်း
တနင်္လာနေ့၊ ဇန်နဝါရီလ ၀၉ ရက် ၂၀၁၂

ချင်းမိုင် (မဇ္ဈိမ) ။ ။ မြန်မာနိုင်ငံအတွက် အမေရိကန်မူဝါဒရေးရာ ညှိနှိုင်းရေးမှူး ဒဲရစ်မစ်ချဲနှင့် လူကုန်ကူးမှု တိုက်ဖျက်ရေး အမေရိကန် အထူးသံ လူးဝစ်ဆီဒါ ဘက်ကာတို့ နှစ်ဦး နေပြည်တော်သို့ တနင်္လာနေ့က ရောက်ရှိ လာကြောင်း AFP သတင်း တပုဒ်တွင် ဖော်ပြသည်။

အမေရိကန် နိုင်ငံခြားရေးဝန်ကြီးနှင့် အတူ ၂ဝ၁၁ ခု ဒီဇင်ဘာတွင် အတူပါလာခဲ့ဖူးသည့် ဒဲရစ်မစ်ချဲ အတွက် ခရီးစဉ် အပြီး တလ မပြည့်မီ ဒုတိယအကြိမ် ခရီးစဉ်ဖြစ်ပြီး လူးဝစ်ဆီဒါဘက်ကာ အတွက် မူ ပထမဆုံး အကြိမ် ဖြစ်သည်။

လူးဝစ်ဆီဒါဘက်ကာသည် သူ၏ သုံးရက်ကြာ ခရီးစဉ်အတွင်း အစိုးရက ဖွဲ့စည်းထားသည့် အမျိုးသား လူ့အခွင့်အရေး ကော်မရှင် နှင့်လည်း တွေ့ဆုံမည်ဟု ဆိုထား သော်လည်း ကော်မရှင် အတွင်းရေးမှူး ဦးစစ်မြိုင်ကမူ တရားဝင် အကြောင်းကြားချက် မရရှိသေးဟု မဇ္ဈိမကို ပြောသည်။

ဒေါ်အောင်ဆန်းစုကြည်၏ လုံခြုံရေးတာဝန်ခံ ဦးခွန်သာမြင့်ကလည်း လူးဝစ်ဆီဒါ ဘက်ကာနှင့် ဒေါ်အောင်ဆန်းစုကြည် တွေ့ရန် မရှိကြောင်း သိထားသော်လည်း ဒဲရစ်မစ်ချဲနှင့် တွေ့မတွေ့ကိုမူ အတိအကျ မပြောနိုင်သေးကြောင်း မဇ္ဈိမကို ပြောသည်။

ဒဲရစ်မစ်ချဲသည် မြန်မာနိုင်ငံတွင် ရှိနေစဉ် အမေရိကန်နိုင်ငံတကာဖွံဖြိုးရေးရန်ပုံငွေ USAID က ဆောင်ရွက် နေသည့် အထက် မြန်မာပြည် အပူပိုင်းဒေသ အသေးစားငွေချေးမှု လုပ်ငန်းများကို လည်း သွားရောက်လေ့လာမည်ဟု သိရသည်။

မစ္စတာမစ်ချဲသည် သူ၏ သုံးရက်ကြာ ခရီးစဉ်အတွင်း ထိုင်းနိုင်ငံမြောက်ပိုင်းသို့လည်း သွားရောက်မည်ဖြစ်ပြီး အလုပ်သမား အရေး ဆောင်ရွက်နေသည့် အဖွဲ့အစည်းများ၊ ထိုင်း အာဏာပိုင်များနှင့်လည်း တွေ့ဆုံမည် ဖြစ်ကြောင်း ဗီအိုအေ သတင်းတရပ်တွင် ဖော်ပြထားသည်။

အစိုးရအသစ် တက်ပြီးနောက်ပိုင်း ဥရောပနှင့် အနောက်နိုင်ငံမှ သံတမန်များ ဆက်တိုက် လာရောက်လျက် ရှိရာ ဒိန်းမတ်နိုင်ငံ ဖွံ့ဖြိုးမှုဝန်ကြီး ခရစ်စတီးယန်းဖရစ်ဘာ့လည်း ဇန်နဝါရီလ ၆ ရက်နေ့ ရောက်ရှိနေပြီး UNICEF ကုလသမဂ္ဂ ကလေးများ ရန်ပုံငွေ အဖွဲ့ကို မြန်မာနိုင်ငံ ပညာရေး လုပ်ငန်းများတွင် သုံးစွဲရန် အမေရိကန်ဒေါ်လာ ၄ သန်းခွဲ လှူဒါန်းခဲ့သည်။

သူသည် အတိုက်အခံခေါင်းဆောင် ဒေါ်အောင်ဆန်းစုကြည်နှင့်လည်း ဇန်နဝါရီ ၆ ရက်နေ့ ညနေက တွေ့ဆုံ ခဲ့ပြီးနောက် ပြည်တွင်း NGO လေးခုနှင့် တွေ့ဆုံစဉ် အကူအညီများ နှစ်ဆ ပိုပေးသွားမည်ဟု ပြောဆိုခဲ့ကြောင်း မင်္ဂလာမြန်မာ ဒါရိုက်တာ ဒေါက်တာဖုန်းဝင်းက ပြောသည်။

ဒိန်းမက် ဝန်ကြီးသည် ဦးမောင်မောင်စိုးတင် (နယ်စပ်ဒေသဖွံ့ဖြိုးရေးအဖွဲ့)၊ ဦးငွေသိန်း (လူ့စွမ်းအားဖွံ့ဖြိုးရေး အဖွဲ့)၊ ဦးဘော်ဘီ (နာဂစ်အက်ရှင်) နှင့် ဒေါက်တာဖုန်းဝင်း (မင်္ဂလာမြန်မာအဖွဲ့) တို့နှင့် တွေ့ခဲ့ပြီး တနင်္လာနေ့ ညနေတွင် ပြန်မည် ဖြစ်သည်။

Ref: မဇ္ဈိမ

Read More...

NLD ခေါင်းဆောင်မှု ပုံသဏ္ဍာန် ပြောင်းလဲဖွဲ့စည်း

ဖနိဒါ
တနင်္လာနေ့၊ ဇန်နဝါရီလ ၀၉ ရက် ၂၀၁၂

ချင်းမိုင်(မဇ္စျိမ) ။ ။ ဒေါ်အောင်ဆန်းစုကြည် အား CEC ဥက္ကဋ္ဌအဖြစ် လည်းကောင်း၊ ဦးတင်ဦး အား သဘာပတိ အဖွဲ့၏ နာယက အဖြစ် လည်းကောင်း ပြောင်းလဲ တာဝန် ပေးလိုက်ကြောင်း အမျိုးသား ဒီမိုကရေစီ အဖွဲ့ချုပ် NLD ဗဟို အလုပ်အမှုဆောင် အဖွဲ့ CEC ပုံမှန် အစည်းအဝေးမှ ဆုံးဖြတ်လိုက်သည်။

တနင်္လာနေ့က ၂ နာရီခန့်ကြာ ပြုလုပ်သည့် CEC အစည်းအဝေးမှ ဆုံးဖြတ်ချက်အရ CEC အဖွဲ့ဝင်များအဖြစ် ဦးဉာဏ်ဝင်း၊ ဦးအုန်းကြိုင်၊ ဦးဟန်သာမြင့်၊ ဦးထွန်းထွန်းဟိန်း၊ ဦးဝင်းမြင့်နှင့် ဒေါ်မေဝင်းမြင့်တို့ ပါဝင်ပြီး သဘာပတိ အဖွဲ့တွင် အဖွဲ့ဝင်များ အဖြစ် ဦးဝင်းတင်၊ ဦးသန်းထွန်း၊ ဦးညွန့်ဝေနှင့် ဦးလှဖေတို့ ပါဝင်သည်။

“နိုင်ငံရေးပါတီများ မှတ်ပုံတင်ခြင်း ဥပဒေအရ ပါတီကို မှတ်ပုံတင်တဲ့အခါမှာ ပါတီရဲ့ ဖွဲ့စည်းပုံကို ကျနော်တို့ တင်ရတယ်။ သဘာပတိ ရှိမယ်။ CEC ဒေါ်အောင်ဆန်းစုကြည် ဥက္ကဋ္ဌအဖြစ် ပြန်လည် ဖွဲ့စည်းပါတယ်။ လက်ရှိ အခြေအနေအရ ပါတီရဲ့ အုပ်ချုပ်မှုအတွက် ပထပမဆုံး ပြန်လည် အတည်ပြု ဖွဲ့စည်းတဲ့ သဘောပါ”ဟု ဦးဉာဏ်ဝင်းက ပြောသည်။

ယခင် ဥက္ကဋ္ဌဟောင်း ဦးအောင်ရွှေမှာ ကျန်းမာရေးအရ အနားယူထားသည်မှာ ကြာပြီဖြစ်ကြောင်း ဦးဝင်းတင်က မဇ္ဈိမကို ပြောသည်။

“ကျနော်တို့ အသက် ၈၀ ကျော်အရွယ်တွေက ကျန်တဲ့လူတွေကို နေရာဖယ်ပေးလို့ ရအောင်၊ တခြား အခန်း ကဏ္ဍတွေ လုပ်နိုင်အောင် ပါတီရဲ့ သဘာသပတိ အဖွဲ့ လုပ်မယ်။ လူသစ်တွေတော့ မရွေးရသေးဘူး”ဟု ပြောသည်။

NLD ပါတီမှာ ၁၉၈၈ စက်တင်္ဘာလအတွင်း စတင်ဖွဲ့စည်းခဲ့ပြီး ယခုကာလအထိ ပါတီညီလာခံ ကျင်းပနိုင်ခဲ့ခြင်း မရှိသေးပေ။ ယခု ခေါင်းဆောင်မှု ပုံစံသစ်အားလည်း CEC အဖွဲ့ဝင်များကသာ ပြောင်းလဲ ပြင်ဆင်လိုက်ခြင်း ဖြစ်သည်။

CEC အဖွဲ့ဝင်များကို ထပ်မံ ရွေးချယ်သွားမည် ဖြစ်ပြီး ပါတီဝင် လျှောက်လွှာများကို တိုင်းနှင့် ပြည်နယ်အလိုက် ဖြန့်ဝေလိုက်ပြီ ဖြစ်သည်။

ဧပြီလ ၁ ရက်နေ့ ကြားဖြတ်ရွေးကောက်ပွဲတွင် လစ်လပ်သည့်နေရာ ၄၈ နေရာလုံးတွင် NLD က ဝင်ရောက် ယှဉ်ပြိုင်မည် ဖြစ်ရာ နေပြည်တော် လေးနေရာတွင်လည်း ဝင်ရောက် ယှဉ်ပြိုင်မည်ဖြစ်ပြီး တနင်္လာနေ့တွင်ပင် ရန်ကုန်မြို့ ဗဟိုအောင်နိုင်ရေးအဖွဲ့များနှင့် လုပ်ငန်းများနှင့် ပတ်သက်၍ ဆွေးနွေးခဲ့ကြသည်ဟု မန္တလေးတိုင်း အောင်နိုင်ရေး အဖွဲ့ဝင် ဒေါက်တာ ဇော်မြင့်မောင်က ပြောသည်။

ဝင်ရောက်ယှဉ်ပြိုင်မည့် ကိုယ်စားလှယ်လောင်းများကို ရွေးချယ်ရာတွင် ဒီမိုကရေစီရေးအပေါ် သစ္စာ စောင့်သိသူ၊ ပညာ အရည်အချင်းနှင့် အလုပ်အကိုင် အတွေ့အကြုံ ရှိသူ၊ တိုင်းရင်းသားများ၊ အမျိုးသမီးများနှင့် လူငယ်များကို ဦးစားပေးမည်ဟု ထုတ်ပြန်ထားသည်။

ကချင်ပြည်နယ်အတွင်းရှိ မဲဆန္ဒနယ် သုံးနေရာတွင် NLD ကိုယ်စားလှယ်လောင်းအဖြစ် ဖားကန့်မြို့နယ်တွင် ဦးဒါ့ရှီလဆိုင်း၊ မိုးကောင်းမြို့နယ် မဲဆန္ဒနယ်တွင် ၁၉၉၀ အနိုင်ရအမတ် ဦးထွန်းကြည်နှင့် ဗန်းမော်မြို့နယ်တွင် ပြည်နယ် စည်းရုံးရေး တာဝန်ခံ ဦးဘမြင့်ကို ရွေးချယ်ထားသည်ဟု သိရသည်။

မကွေးတိုင်း ပခုက္ကူမြို့နယ်တွင် ကိုယ်စားလှယ်လောင်းအဖြစ် စည်းကော်မတီ ဥက္ကဋ္ဌ ဦလှိုင်အေး၊ စစ်ကိုင်းတိုင်း ပုလဲ မြို့နယ်တွင် ဦးအောင်ရှင်၊ ဧရာဝတီတိုင်း မြန်အောင်မြို့နယ် ကိုယ်စားလှယ်လောင်း အဖြစ် ဗဟိုတရားရုံး ရှေ့နေ ဦးခင်မောင်လတ်၏ အမည်စာရင်းကို တင်သွင်းထားသည်ဟု သိရသည်။

နာယက အဖွဲ့ဝင် သတင်းစာဆရာကြီး ဦးဝင်းတင် ဦးစီး၍ “ဒီလှိုင်း” “D-Wave”စာစောင်ကို ဇန်နဝါရီလ ၁၆ ရက်နေ့တွင် ပထမဆုံး စာစောင်အဖြစ် ဖြန့်ဝေသွားရန် ပြင်ဆင်နေကြောင်းလည်း သိရသည်။

ဒေါ်အောင်ဆန်းစုကြည် အပါအဝင် ပြည်တွင်းပြည်ပ ဆောင်းပါးရှင်များ၏ ဆောင်းပါးများ၊ ပါတီမူဝါဒနှင့် လှုပ်ရှားမှု သတင်းများ ထည့်သွင်း ဖော်ပြသွားရန် စီစဉ်နေသည်ဟု ဦးဝင်းတင်က ပြောသည်။

Ref: မဇ္ဈိမ

Read More...

ရဟတ်ယာဉ်တစင်း KIA ပစ်ခတ်

သန်းထိုက်ဦး
January 9, 2012

အစိုးရတပ် ရဟတ်ယာဉ်တစင်းကို ကချင်ပြည်နယ် မိုးမောက်မြို့နယ်အတွင်း ဇန်န၀ါရီလ ၄ ရက်နေ့တွင် ပစ်ခတ် လိုက်သည်ဟု ကချင် လွတ်လပ်ရေး အဖွဲ့ (KIO)က ပြောသည်။

“ပစ်တာ လုံးဝ ကျသွားတဲ့ ပုံစံတော့ မဟုတ်ပါဘူး၊ ရဟတ်ယာဉ် ပျက်စီးသွားတယ်၊ ပျက်စီးသွားပြီးတော့ ခက်ခက်ခဲခဲနဲ့ ဗန်းမော်ကို ပြန်ဆင်းသွားနိုင်တယ်” ဟု KIO တွဲဖက် အတွင်းရေးမှူး ဦးလနန်က ဧရာဝတီသို့ ပြောသည်။

ကချင်လွတ်လပ်ရေးတပ်မတော် (KIA) တပ်မဟာ ၃ ဒေသရှိ တပ်ဖွဲ့ဝင်များက ထိုရဟတ်ယာဉ်အား ပစ်ခတ်ခဲ့ခြင်း ဖြစ်သည်ဟု ဦးလနန်က ပြောသည်။

အစိုးရတပ်က ရဟတ်ယာဉ်များကို ရိက္ခာ၊ လက်နက်၊ အရာရှိတချို့ကို သယ်ယူပို့ဆောင်ရာတွင် သုံးလေ့ရှိသည်။

ဤအတောအတွင်း ကချင်ဒေသတွင် တိုက်ပွဲများ ဖြစ်ပွားနေပြီး ရဟတ်ယာဉ် ထိခိုက်ခဲ့သည့် မိုးမောက်မြို့နယ်အတွင်း ယမန်နေ့က ပစ်ခတ်မှုများ ဖြစ်ပွားခဲ့သည်ဟု သိရသည်။

အစိုးရတပ်အင်အား တိုးချဲ့မှုကို ကချင်ပြည်နယ်ရှိ ၀ိုင်းမော်မြို့နယ် ရွှေညောင်ပင်ကျေးရွာ၊ ဒေါ့ဖုန်းယန်မြို့နယ် တို့တွင် တွေ့ရကြောင်း၊ တပ်အင်အား တိုးရခြင်းမှာ နယ်မြေစိုးမိုးရေး အတွက် ဖြစ်ဖွယ်ရှိကြောင်း ဦးလနန်က ပြောသည်။

“ဗန်းမော်နဲ့ လိုင်ဇာကတော့ ကုန်တင်ကားတွေ အမြဲ အ၀င်အထွက် ရှိတယ်၊ လမ်းမှာ KIA စခန်းတွေနဲ့ အစိုးရ စခန်းတွေ ရောပြီးတော့ နေကြတယ် ဆိုတော့ လွတ်လွတ်လပ်လပ် သွားလာ လှုပ်ရှားလို့ မရဘူး၊ ကုန်သည်တွေကတော့ ဖြတ်သွားဖြတ်လာ အမြဲ ရှိ တယ်၊ ဒါပေမယ့် လိုင်ဇာနဲ့ မြစ်ကြီးနား လမ်းကြောင်းက လုံးဝ ပျက်နေတုန်းပဲ။ ဒါကြောင့် ပျက်နေတဲ့ လမ်းကြောင်းကို အစိုးရက ရှင်း လင်းနိုင်အောင် လုပ်တာ ဖြစ်နိုင်တယ်” ဟု ၎င်းက ဆိုသည်။

၁၉၆၁ ခုနှစ်တွင် စတင် ဖွဲ့စည်းခဲ့သည့် KIA သည် ၁၉၉၄ ခုနှစ်တွင် အစိုးရနှင့် ငြိမ်းချမ်းရေး စာချုပ် ချုပ်ဆိုပြီး အပစ်အခတ် ရပ်စဲခဲ့ သည်။ အပစ် ရပ်ပြီးနောက်ပိုင်း ကချင်ပြည်နယ်နှင့် ရှမ်းပြည်နယ်ရှိ KIA ထိန်းချုပ် ဒေသများတွင် စစ်ရေးပဋိပက္ခတချို့ ဖြစ်ပွားခဲ့သော် လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်းထားနိုင်ခဲ့သည်။ ပြီးခဲ့သည့် ဇွန်လတွင် စတင်၍ တိုက်ပွဲများ ပြန် လည်ဖြစ်ပွားခဲ့ပြီး အပစ်အခတ် ရပ်စဲရေး ပျက်ပြားခဲ့ခြင်းဖြစ်သည်။

ကချင်ဒေသတွင် ထိုးစစ်ဆင်ခြင်း မပြုရန် သမ္မတ ဦးသိန်းစိန်၏ ညွှန်ကြားချက် ပြီးခဲ့သည့်လက ထွက်ပေါ်လာခဲ့သော်လည်း စစ်တပ်က လိုက်နာခြင်း မရှိကြောင်း တွေ့ရသည်။

Ref: ဧရာဝတီ

Read More...

Monday, January 9, 2012

NLD အမတ်လောင်းတွေ ရွေးနေပြီ

2012-01-08

ကြားဖြတ်ရွေးကောက်ပွဲအတွက် မန္တလေးတိုင်းမှာ နေပြည်တော် ၄ မြို့နယ် အပါအဝင် လစ်လပ် နေရာ ၁ဝ နေရာရှိပြီး နေရာ အားလုံးမှာ NLD အမျိုးသားဒီမိုကရေစီ အဖွဲ့ချုပ်က ဝင်ရောက် ယှဉ်ပြိုင်မယ်လို့ သိရပါတယ်။

နေပြည်တော် ၄ မြို့နယ်က လစ်လပ်နေရာတွေအတွက် ဗဟိုနဲ့ မနက်ဖြန် ညှိနှိုင်းမယ်လို့ NLD မန္တလေးတိုင်း အောင်နိုင်ရေး အဖွဲ့ဝင် ဒေါက်တာဇော်မြင့်မောင်က ပြောပါတယ်။

ဒီအတောအတွင်း ကချင်ပြည်နယ် ဖားကန့်မြို့နယ် မဲဆန္ဒနယ်မြေရဲ့ NLD ကိုယ်စားလှယ်လောင်းအဖြစ် ဦးတာချီလာဆိုင်းကို ရွေးချယ်ပြီး ဗဟို အောင်နိုင်ရေးအဖွဲ့ကို တင်ပြ လိုက်ပါတယ်။ လွှတ်တော် ကိုယ်စားလှယ်လောင်းအဖြစ် တိုင်းရင်းသားတွေ ထဲက ဦးစားပေး ရွေးချယ်ဖို့ NLD ဗဟိုက ညွှန်ကြားခဲ့တယ်လို့ သိရပါတယ်။

ကချင်ပြည်နယ် ဖားကန့်၊ မိုးကောင်းနဲ့ ဗန်းမော်မြို့နယ်တွေအတွက် ကိုယ်စားလှယ်လောင်းနေရာ ၃ နေရာ လစ်လပ် နေပါတယ်။ မိုးကောင်း မြို့နယ်အတွက် ၁၉၉ဝ ရွေးကောက်ပွဲမှာ အနိုင်ရခဲ့တဲ့ ဦးထွန်းကြည်ကို ရွေးချယ် တင်ပြထားပြီး၊ ဗန်းမော်မြို့နယ်အတွက် ပြည်နယ် စည်းရုံးရေး တာဝန်ခံ ဦးဘမြင့်ကို ရွေးချယ် တင်ပြထားပါတယ်။

ပခုက္ကူမြို့နယ်မှာ NLD အောင်နိုင်ရေးအဖွဲ့ အစည်းအဝေးကို ဇန်နဝါရီ ၆ ရက်၊ သောကြာနေ့က ကျင်းပရာမှာ ကြားဖြတ် ရွေးကောက်ပွဲ ဝင်မယ့် ကိုယ်စားလှယ်လောင်း အဖြစ် ဗဟို အောင်နိုင်ရေးအဖွဲ့ကို စာရင်း တင်သွင်းဖို့ ဦးလှိုင်အေးကို ရွေးချယ် လိုက်တယ်လို့ သိရပါတယ်။

ဦးလှိုင်အေးဟာ ပခုက္ကူမြို့နယ် စည်းကော်မီတီဥက္ကဋ္ဌ တာဝန် ထမ်းဆောင်ခဲ့သူ ဖြစ်ပြီး ၁၉၉ဝ ရွေးကောက်ပွဲမှာ ပခုက္ကူ အမှတ် (၂) မဲဆန္ဒနယ်ကနေ ရွေးချယ်ခံခဲ့ရသူ ဖြစ်ပါတယ်။

ဒီအတောအတွင်း ဧရာဝတီတိုင်း၊ မြန်အောင်မြို့ နယ်မှာ မနေ့က ကျင်းပတဲ့ NLD အောင်နိုင်ရေး အဖွဲ့ အစည်း အဝေးမှာ မြန်အောင် မြို့နယ် ကိုယ်စားလှယ်လောင်း အဖြစ် ဗဟိုတရားရုံးရှေ့နေ ဦခင်မောင်လတ်ကို မဲအများစုနဲ့ ရွေးချယ် လိုက်တယ်လို့ သိရပါတယ်။

Ref: RFA News

Read More...

နိုင်ငံရေးအကျဉ်းသား လွတ်မြောက်ရေး အရှိန်အဟုန်မြင့် ဆောင်ရွက်

2012-01-08

မြန်မာ့ဒီမိုကရေစီရေး လှုပ်ရှားနေတဲ့ ကျောင်းသားလူငယ်အဖွဲ့တွေ စုပေါင်းပြီး နိုင်ငံရေးအကျဉ်းသား လွတ်မြောက်ရေး လှုပ်ရှားမှုကို အရှိန်အဟုန်မြှင့် ဆောင်ရွက်နေပါတယ်။

၈၈ မျိုးဆက် ကျောင်းသားများအဖွဲ့၊ ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ နိုင်ငံရေး အကျဉ်းသားဟောင်းများ အဖွဲ့နဲ့ မျိုးဆက်သစ် လူငယ်များ (Generation Wave) အဖွဲ့တို့ ပူးပေါင်းပြီး ဒီကနေ့ တာမွေမြို့နယ်မှာရှိတဲ့ နိုင်ငံရေး အကျဉ်းသား ၁၅ ဦးရဲ့ မိသားစုဝင်တွေကို သွားရောက်တွေ့ဆုံ အားပေးခဲ့ပါတယ်။

ဒီ လှုပ်ရှားမှုကို အပတ်စဉ် တနင်္ဂနွေနေ့တိုင်း လုပ်ဆောင်သွားမှာ ဖြစ်တယ်လို့ အဖွဲ့ရဲ့ ပြောခွင့်ရ အမျိုးသမီး မမီမီလွင်က အာအက်ဖ်အေ ကို ပြောပါတယ်။

“တော်တော်ဝမ်းသာကြတာပေါ့။ သူတို့ စိတ်ထဲမှာ ဒီတခါ လွတ်ငြိမ်း ချမ်းသာခွင့်နဲ့ ပတ်သက်ပြီး တအား မျှော်လင့်ထားကြတာ။ မလွတ်လာတဲ့အခါ သူတို့ တအား ခံစားနေရတဲ့ အချိန်မှာ ကျမတို့ အဖွဲ့တွေ သွားပြီး နွေးထွေးမှု ပေးတဲ့အခါကျတော့ အရမ်းကို ဝမ်းသာကြပါတယ်။ ကျမတို့ ဒီလိုလုပ်တာဟာ မိသားစုကို နွေးထွေးရာလည်းကျတယ်၊ နိုင်ငံရေး အကျဉ်းသား မိသားစုတွေ ရှိနေတာကိုလည်း အစိုးရက အသိအမှတ်ပြုအောင်၊ နိုင်ငံရေး အကျဉ်းသားတွေ အားလုံး လွတ်မြောက်စေချင်တဲ့ ဆန္ဒနဲ့ ကျမတို့ လုပ်တာပါ”

ဒီ လှုပ်ရှားမှုမှာ နိုင်ငံရေးအကျဉ်းသား မိသားစုဝင်တွေ ကိုယ်တိုင်လည်း ပါဝင်ပြီး စုစုပေါင်း လိုက်ပါအားပေးသူ အယောက် ၆ဝ ကျော် ရှိပါတယ်။ အာဏာပိုင်တွေဘက်က စောင့်ကြည့်တာတွေ ရှိပေမယ့် တစုံတရာ အနှောင့်အယှက် မပေးဘူးလို့ မမီမီလွင်က ပြောပါတယ်။

ဒီအဖွဲ့ဟာ နယ်ဝေးထောင် အသီးသီးကို ရောက်နေတဲ့ ၈၈ မျိုးဆက် ကျောင်းသားခေါင်းဆောင်တွေဖြစ်တဲ့ ကိုပြုံးချို၊ မမီးမီး၊ ဗကသ မျိုးဆက်သစ် ခေါင်းဆောင် ကိုကျော်ကိုကိုနဲ့ မဟန်နီဦး တို့ရဲ့ မိသားစုဝင်တွေကိုလည်း ဒီကနေ့ တွေ့ဆုံ အားပေးခဲ့ကြပါတယ်။

နိုင်ငံရေးအကျဉ်းသား လွတ်မြောက်ရေးကို အများပြည်သူတွေ ပိုပြီး စိတ်ဝင်စားလာအောင် စည်းရုံးလှုပ်ရှားသွားမယ်လို့ မမီမီလွင်က ပြောပါတယ်။

Ref: RFA News

Read More...

ယူရေနီယံသန့်စင် စက်ရုံသစ် ဖွင့်လှစ်ဖို့ အီရန်ကြေညာ

တနင်္ဂနွေ, 08 ဇန်နဝါရီ 2012

အီရန်နိုင်ငံအနေနဲ့ ဒုတိယမြောက် ယူရေနီယံသန့်စင်တဲ့ စက်ရုံတစ်ခုကို အခုလကုန်ပိုင်းကစပြီး မြေအောက်မှာ စတင် လည်ပတ်ဖို့ ရှိတယ်လို့ ထိပ်တန်းအီရန် အရာရှိ တစ်ယောက်က ပြောဆိုပါတယ်။ ဒီလိုလုပ်ရတာဟာ အီရန်နိုင်ငံရဲ့ နျူကလီးယား အစီအစဉ်နဲ့ ပတ်သက်ပြီး ဆန့်ကျင်တဲ့ နိုင်ငံတွေအနေနဲ့ လေကြောင်းကနေ တိုက်ခိုက်နိုင်မှုကို အကာအကွယ် ပြုနိုင်အောင် ဖြစ်တယ်လို့ ပြောပါတယ်။

အီရန် နျူကလီးယား စွမ်းအင်အဖွဲ့ရဲ့ အကြီးအကဲဖြစ်တဲ့ ဖါရီဒွန် အဘာဆီ (Fereidoun Abbasi) က အဲဒီ ယူရေနီယံ သန့်စင်မှုကို ဖေဖေါ်ဝါရီလ ၁ ရက်နေ့မတိုင်ခင် စတင်ဖို့ရှိတယ်လို့ ပြောပါတယ်။ အီရန်အနေနဲ့ သူ့ရဲ့ နျူကလီးယား စက်ရုံနဲ့ ပတ်သက်ပြီး ကုလသမဂ္ဂ နျူကလီးယား အေဂျင်စီကို ၂၀၀၉ ခုနှစ်မှာ တင်ပြခဲ့ပါတယ်။ ဒါဟာ ရှီဟိုက် မူစလင် ဘာသာရေးမြို့ ဖြစ်တဲ့ ကုံမ် မြို့အနီးက တောင်တစ်လုံးရဲ့ အောက်မှာ တည်ရှိတာပါ။

အီရန်ရဲ့ နျူကလီးယား သန့်စင်တဲ့ လုပ်ဆောင်မှုဟာ နျူကလီးယားလက်နက် ထုတ်လုပ်ဖို့အတွက် ဦးတည် လုပ်ဆောင်နေတာ ဖြစ်တယ်လို့ အနောက်နိုင်ငံတွေက သံသယ ရှိနေကြပါတယ်။ အီရန်ကတော့ သူ့ရဲ့ အစီအစဉ်ဟာ လျှပ်စစ် ဓာတ်အားနဲ့ ဆေးဝါး သုတေသန လုပ်ငန်းတွေမှာ အသုံးပြုဖို့ဖြစ်တယ်လို့ ပြောဆိုပါတယ်။

အမေရိကန်ပြည်ထောင်စုနဲ့ သူ့ရဲ့မဟာမိတ်ဖြစ်တဲ့ အစ္စရေးနိုင်ငံတို့ဟာ အီရန်ရဲ့ နျူကလီးယား အစီအစဉ် ရပ်တန့် သွားအောင် လုပ်ဖို့အတွက် စစ်အင်အား အသုံးပြုကောင်း ပြုနိုင်ပါတယ်။ နျူကလီယား ပိုင်ဆိုင်တဲ့ အီရန်နိုင်ငံဟာ ဂျူးနိုင်ငံဖြစ်တဲ့ အစ္စရေး အတွက် ခြိမ်းခြောက်မှု တစ်ခု အဖြစ် အစ္စရေးက ရှုမြင်ထားတာလည်း ဖြစ်ပါတယ်။

အီရန်အနေနဲ့ နျူကလီးယားဗုံး ထုတ်လုပ်နိုင်တဲ့အဆင့် မရောက်သေးပါဘူးလို့ အမေရိကန် ကာကွယ်ရေး ၀န်ကြီး ပန်နက်တ (Panetta) က ပြောပါတယ်။ ဒါပေမဲ့ ၀န်ကြီး ပန်နက်တ က CBS ရုပ်သံဌာနနဲ့ တနင်္ဂနွေနေ့ တွေ့ဆုံမေးမြန်းခန်း မှာတော့ အီရန် အနေနဲ့ နောက်တဆင့် တိုးလာမယ် ဆိုရင်တော့ အမေရိကန် ပြည်ထောင်စုက ရပ်တန့်သွားအောင် လုပ်ပစ်မှာ ဖြစ်တယ်လို့ ပြောဆိုပါတယ်။

Ref: VOA News

Read More...

ပါကစ္စတန် သမ္မတဟောင်း ပြည်တော်ပြန်လာရင် ဖမ်းမည်

စနေ, 07 ဇန်နဝါရီ 2012

ပါကစ္စတန်သမ္မတဟောင်း ပါဗက်ဇ်မူရှာရက်ဖ် (Pervez Musharraf) အနေနဲ့ ပြောထားတဲ့အတိုင်း တိုင်းပြည်ကို ပြန်ဝင်လာရင် အဖမ်းခံရမှာ ဖြစ်ပါတယ်။ အစိုးရ အနေနဲ့ တည်ဆဲ ဥပဒေတွေနဲ့ အညီ သူ့အပေါ် ဖမ်းဝရမ်း ထုတ်ထားတဲ့ အတိုင်း တိုင်းပြည်ကို ပြန်ရောက်တာနဲ့ ဖမ်းဆီး ထိန်းသိမ်းမယ်လို့ အစိုးရ အကျိုးဆောင်ရှေ့နေ ချောင်ဒရီဇူလ်ဖီကာ အလီ (Chaudhry Zulfiqar Ali) က သတင်းထောက်တွေကို စနေနေ့မှာ ပြောပါတယ်။

သမ္မတဟောင်း မူရှာရက်ဖ် အပေါ် ဖမ်းဝရမ်းထုတ်ထားတဲ့အထဲ ၂၀၀၇ ခုနှစ်က ၀န်ကြီးချုပ်ဟောင်း ဘနာဇီယာ ဘူတို (Benazir Bhutto) ကို လုပ်ကြံ သတ်ဖြတ်မှုနဲ့ ဆက်နွယ်နေတဲ့ စွပ်စွဲချက်လည်း ပါဝင်ပါတယ်။ ၀န်ကြီးချုပ်ဟောင်း ဘူတို လုပ်ကြံ သတ်ဖြတ် ခံရမှုဟာ ပါကစ္စတန် တာလီဘန်တွေရဲ့ လက်ချက်ဖြစ်တယ်လို့ မစ္စတာ မူရှာရက်ဖ်က ပြစ်တင် ပြောဆို ထားပါတယ်။ ဒါပေမဲ့ အဲဒီ လုပ်ကြံသတ်ဖြတ်မှုမှာ သူကိုယ်တိုင် ပါဝင်နေတယ်လို့ အစိုးရ ရှေ့နေတွေက ပြောပါတယ်။

မစ္စတာ မူရှာရက်ဖ်ဟာ ပါကစ္စတန်က ထွက်သွားတဲ့ ၂၀၀၈ ခုနှစ်ကစလို့ လန်ဒန်မြို့နဲ့ ဒူဘိုင်းတို့မှာ နေထိုင်နေတာပါ။ သူ့အနေနဲ့ ပါကစ္စတန် နိုင်ငံကို မကြာခင် ပြန်လာလိုတဲ့ အကြောင်း သူကိုယ်တိုင်ကရော၊ သူနဲ့ နီးစပ်သူတချို့ကပါ အရိပ်အမွက် ပြောဆိုနေခဲ့တာပါ။

မစ္စတာ မူရှာရက်ဖ်အနေနဲ့ အခုလနှောင်းပိုင်းမှာ တိုင်းပြည်ကို ပြန်လာလိုတဲ့အကြောင်း ပါကစ္စတန် ရုပ်မြင်သံကြား သတင်းဌာန တစ်ခုကို ပြောခဲ့တယ်လို့ အေပီ သတင်းတစ်ခုမှာ ဖော်ပြထားပါတယ်။ သူပြန်လာမယ့် ရက်ကို မကြာခင် ကြေညာမယ့် အကြောင်း သူနဲ့ နီးစပ်သူတွေ ကလည်း ပြောပါတယ်။

သူ့အနေနဲ့ ပြည်ပမှာ နေထိုင်နေတယ်ဆိုပေမဲ့လည်း ပါကစ္စတန်နိုင်ငံအတွင်းမှာရှိတဲ့ ပါကစ္စတန် နိုင်ငံလုံးဆိုင်ရာ မူစလင် အဖွဲ့ချုပ် ပါတီကို ဦးဆောင်နေဆဲ ဖြစ်ပါတယ်။ သူ့အနေနဲ့ ပါတီကို ဦးဆောင်ပြီး ရွေးကောက်ပွဲမှာ ၀င်ရောက် ယှဉ်ပြိုင်လိုတဲ့ အကြောင်း ပြောဆိုနေခဲ့တာပါ။

Ref: VOA News

Read More...

ထားဝယ်ဖွံ့ဖြိုးမှုအဖွဲ့ ပတ်ဝန်းကျင် ထိန်းသိမ်းရေး ထိုင်းဝန်ကြီးချုပ်ကို ပန်ကြား

မသင်းသီရိ
တနင်္ဂနွေ, 08 ဇန်နဝါရီ 2012

ထားဝယ်ရေနက်စီမံကိန်းတွင်း ထိုင်းနိုင်ငံဘက်ကနေ တည်ဆောက်မယ့် စက်ရုံတွေဟာ ဒေသခံတွေ အတွက် ကျန်းမာရေး ထိခိုက်မှုနဲ့အတူ သဘာဝပတ်ဝင်းကျင် ပျက်ဆီးမှုတွေပါ ဖြစ်စေတာမို့ ကန့်ကွက်ကြောင်း ထားဝယ် ဖွံ့ဖြိုး တိုးတက်ရေး အဖွဲ့က ထိုင်းဝန်ကြီးချုပ် ယင်းလပ် ရှင်နာဝပ် ဆီ လိပ်မူပြီး အိတ်ဖွင့်ပေးစာ တစ်စောင် ပေးပို့လိုက်ပါတယ်။ ထားဝယ်အထူး စီးပွားရေးဇုန် စီမံကိန်းကြောင့် ဒေသခံကျေးရွာတချို့ ရွေ့ပြောင်း ပေးနေရတာမျိုးတွေလည်း ရှိသလို နစ်နာမှုတွေလည်း ကြုံနေ ကြရတယ်လို့လည်း ဒေသခံတွေက ဆိုပါတယ်။ ဒီအခြေအနေ အပြည့်အစုံကို မသင်းသီရိက တင်ပြထားပါတယ်။

တနင်္သာရီတိုင်း၊ ထားဝယ်ခရိုင် ရေဖြူမြို့နယ်မှာ အကော်အထည်ဖော်နေတဲ့ ထားဝယ် အထူး စက်မှုဇုန် ရေနက် ဆိပ်ကမ်း စီမံကိန်းမှာ ကျောက်မီးသွေးသုံး ဓာတ်အားပေး စက်ရုံ၊ သံမဏိစက်ရုံနဲ့ ရေနံချက်စက်ရုံအပြင် ဓာတ်မြေသြဇာ စက်ရုံတွေကို ထိုင်းနိုင်ငံက Italian-Thai Development ကုမ္ပဏီက ဦးဆောင် တည်ဆောက်နေတာ ဖြစ်ပါတယ်။ ဒီစက်ရုံတွေဟာ ဒေသခံတွေရဲ့ကျန်းမာရေးကို ထိခိုက်စေမှာဖြစ်သလို သဘာဝ ပတ်ဝန်းကျင်ကို အကြီးအကျယ် ထိခိုက်မှုရှိနေတယ် ဆိုတာကို သိဖို့အတွက် အိပ်ဖွင့်ပေးစာ တစ်စောင်ကို ထားဝယ် ဖွံ့ဖြိုး တိုးတက်ရေး အဖွဲ့က ထိုင်းဝန်ကြီးချုပ် ယင်းလပ် ရှင်နာဝပ် ဆီကို ဇန်န၀ါရီလ ၇ ရက်နေ့က ပေးပို့ခဲ့တာပါ။

ဒီစီမံကိန်းအတွက် ဇန်န၀ါရီလ ၆ ရက်နေနဲ့ ၇ ရက်နေ့တွေမှာ ထားဝယ်ဒေသတွင်း ပြုလုပ်နေတဲ့ အစည်း အဝေးကို တက်ဖို့ ရောက်နေကြတဲ့ ထိုင်းနိုင်ငံက ဘဏ္ဍာရေးဝန်ကြီး၊ စွမ်းအင်နဲ့ ပို့ဆောင် ဆက်သွယ်ရေးဌာနက ၀န်ကြီးတွေက တဆင့် ထိုင်း ၀န်ကြီးချုပ်ဆီကို ပေးဖို့အတွက် သူတို့ရဲ့ သဘောထား တင်ပြချက်စာကို တဆင့်ပေးပို့ခဲ့တာ ဖြစ်သလို ရန်ကုန်က ထိုင်းသံရုံးကိုလည်း ပို့ခဲ့တယ်လို့ ထားဝယ် ဖွံ့ဖြိုး တိုးတက်ရေးအဖွဲ့က ကိုလေးလွင်က ပြောပါတယ်။

“ကျနော်တို့က ထိုင်းဝန်ကြီးချုပ်ကို အိပ်ဖွင့်ပေးစာ ပေးတာကတော့ ကျနော်တို့ဒေသမှာ စိမ်းလန်းစိုပြေ ပြီးတော့ အဓွန့်ရှည်တဲ့ တိုးတက်မှုမျိုးကို ကျနော်တို့ လုပ်ချင်တယ်။ ခုနကပြောတဲ့ ကျောက်မီးသွေးစက်ရုံတွေ၊ သံမဏိစက်ရုံတွေ၊ ရေနံချက်စက်ရုံတွေ ဆိုတာက chemical တွေဆိုတော့ အဲဒါမျိုးတွေကိုတော့ မကြိုက်ဘူးပေါ့။ အဲဒါတွေက သဘာဝပတ်ဝန်းကျင်ကို ထိခိုက်မယ်၊ ကျန်းမာရေး ထိခိုက်မယ်။ အဲဒီလိုမျိုးတွေကို မလုပ်ဖို့ ကျနော်တို့က ပြောတာပါ။ ရေနက်ဆိပ်ကမ်းက တာဝန်ခံကို ၀င်ပေးပါတယ်။ အဲဒီ အစည်းအဝေး လုပ်တဲ့နေ့မှာပဲ။ ကျနော်တို့က ကျန်တဲ့ဟာတွေကိုတော့ အီးမေးနဲ့ ပို့ပါတယ်။ သူတို့ အီးမေးလိပ်စာတွေကိုရော ပို့ပါတယ်။ စာကတော့ လက်ထဲပေးတာပါ။”

ဒါ့အပြင် ဒီစီမံကိန်းကြောင့် အိုးအိမ်နေရာ ရွေ့ပြောင်းမှုတွေလည်း ရှိနေပြီး ဒေသခံတွေမှာ နေအိမ်ခြံမြေတွေ အတွက် ထိုက်တန်တဲ့ လျော်ကြေးမရတာ အဆင်မပြေတာတွေလည်း ဖြစ်နေပါတယ်။ အခုဆိုရင်ပဲ ထားဝယ် လောင်းလုံမြို့နယ်ထဲက ညောင်ပင်ဆိပ်ရွာကို မကြာခင်ရက်ပိုင်းတွေတွင်းမှာ ရွာလုံးကျွတ် ရွေ့ပြောင်းဖို့ အာဏာပိုင်တွေက ထပ်ခါတလဲလဲ လာပြောနေပေမဲ့ ရွာသားတွေအတွက် ကြိုတင် နေရာစီစဉ်ပေးတာ မရှိသလို ဆုံးရှုံးကြရတောမယ့် သူတို့ရဲ့ လယ်ယာကိုင်းကျွန်းနဲ့ ခြံတွေအတွက်လည်း လျော်ကြေးကိစ္စ တိတိကျကျ ဘာမှပြောဆိုတာ မရှိဘူးလို့ ညောင်ပင်ဆိပ်ရွာက ဆရာတော်က မိန့်ပါတယ်။ ဒါကြောင့် ရွာသူရွာသားတွေဟာ စိုးရိမ်မှုတွေ ဖြစ်နေကြတယ်လို့ ဆရာတော်က အခုလို မိန့်ပါတယ်။

“အခုဆိုလို့ရှိရင် သူတို့လာပြောတာ တစ်ပတ်လောက် ရှိသွားပြီ။ မကြာမကြာ လာ လာပြောတယ်။ ဆင်းရမယ် ဆင်းရမယ်… ဆိုပြီး သူတို့က အာဏာနဲ့ လာ လာပြောတယ်။ အဲဒါ ရွာသူရွာသားတွေက ကြောက်တယ်။ နားလည်း နားမလည်ဘူးပေါ့။ တောသူ တောင်သားတွေ ဆိုတော့။ အဲဒါနဲ့ပဲ ကြောက်နေရတယ် ဒကာမကြီး။ နောက်တော့ နေရာ ပေးမယ်လို့ သူတို့က ပြောတယ်။ သူတို့ ပေးမယ်လို့တော့ ပြောတယ်။ သို့သော်ငြားလည်း မရေမရာစကားပေါ့။ ဥပဇ္ဇင်းတို့ ညောင်ပင်ဆိပ်ရွာမှာက တောသူ တောင်သားတွေ လယ်ယာကိုင်းကျွန်းပဲ လုပ်စားတယ်။ အဲဒီမှာ သီဟိုခြံရှိတယ်၊ ရာဘာခြံရှိတယ်။ အဲဒါ သူတို့စီးပွားရေးနဲ့ သူတို့ ဘိုးစဉ်ဘောင်ဆက် အစဉ်ထာဝရ နေလာခဲ့တာ။ အဲဒါကို ဘယ် ပြောင်းချင်မှာလဲ ဒကာမကြီး။”

ထားဝယ် ရေနက်စီမံကိန်းကြောင့် ပြောင်းရွေ့ဖို့ ဖိအားပေးခံနေရတဲ့ ညောင်ပိတ်ဆိပ်ရွာက အခြေအနေကို ညောင်ပင်ဆိပ်ရွာ ဆရာတော် မိန့်ခဲ့တာဖြစ်ပါတယ်။ ဒေသဆိုင်ရာ အာဏာပိုင်တွေ ဘက်ကတော့ နစ်နာထားသူတွေကို ဇန်န၀ါရီလထဲမှာ ထိုက်တန်တဲ့ လျော်ကြေးတွေ စပေးမယ်လို့ ပြောနေပေမဲ့ လက်ရှိမှာ သူတို့သတ်မှတ်ထားတဲ့ ကြေးဟာ တန်ရာတန်ကြေး မဖြစ်ဘဲ နစ်နာမှုတွေ ရှိနေတယ်လို့လည်း ဝေဖန်သံတွေ ထွက်နေပါတယ်။

ထားဝယ် စီးပွားရေး အထူးစက်မှုဇုန် စီမံကိန်းတွင်းမှာ အဓိက ဇုန် ၅ ခုပါဝင်ပြီး သံမဏိစက်ရုံ၊ ဓာတ်မြေသြဇာ စက်ရုံ၊ ကျောက်မီးသွေးသုံး ဓာတ်အားပေး စက်ရုံ အပြင် အကြီးစား စက်မှုလုပ်ငန်းတွေ ပါဝင်သလို ရေနံနှင့် သဘာဝဓာတ်ငွေ့ဆိုင်ရာ စက်မှုလုပ်ငန်း၊ ရာဘာစက်ရုံနဲ့ ရေနံဓာတုအခြေပြု စက်မှုလုပ်ငန်း၊ ဆေးဝါး ထုတ်လုပ်ရေး၊ ကွန်ပျူတာ ဆက်စပ်ပစ္စည်း ထုတ်လုပ်ရေး အပါအ၀င် အသေးစား စက်မှုလုပ်ငန်းတွေလည်း ပါဝင်မှာဖြစ်ပါတယ်။

Ref: VOA News

Read More...

အဖေတူသားများ

စောဝေ
ဇန်န၀ါရီ ၆၊ ၂၀၁၂

အနှစ်သာရတွေပြောပြီး
အကာတွေပဲ လုပ်ခဲ့တယ်။
အများအတွက် ကြွေးကြော်ပြီး
ကိုယ်ကျိူးစီးပွားပဲ လုပ်ခဲ့တယ်။
ဂလိုဘယ်(လ)လိုက်ဇေးရှင်း ပြောပြီး
ဆွေမျိူးပေါက်ဖော်ပဲ ဆက်ဆံခဲ့တယ်။
ဥပဒေအထက်မှာ ဘယ်သူမှမရှိဘူး ပြောပြီး
တမိန့်တအာဏာပဲ သုံးခဲ့တယ်။
နိုင်ငံရေးအကျဉ်းသား မရှိဘူး ပြောပြီး
နိုင်ငံရေးပါတီဖွဲ့ပြီး အနိုင်ယူ အုပ်ချုပ်တယ်။
ဖက်ဆစ်နဲ့ ကွန်မြူုနစ်ကို မုန်းတယ်ပြောပြီး
မြောက်ကိုရီးယားလို ဆက်ဆံကျင့်သုံးခဲ့တယ်။
ငြိမ်းချမ်းရေး လိုလားတယ် ဆိုပြီး
လက်နက်နဲ့ ကျည်ဆံတွေနဲ့ပဲ အဖြေရှာတယ်။
လွတ်ငြိမ်းချမ်းသာခွင့်ဆိုပြီး
ခိုး၊ ဆိုး၊ ဓားပြ၊ ဘိန်း၊ မဒိမ်းတွေပဲ လွှတ်ပေးတယ်။
ကြိုဆိုပါတယ်၊ ကြိုဆိုပါတယ် ဆိုပြီး
ဒေါ်စုကြည်လို့ပဲ သုံးစွဲနေတယ်။
ဒီမိုကရေစီဆိုပြီး
ကမ္ဘာကြီးကို မျက်လှည့်ပြဖို့ ကြိုးစားတယ်။ ။

------------

Read More...

ဒီမိုကရေစီအိပ်မက်များအတွက် ဗြိတိန်နှင့် ဒေါ်စု လက်တွဲလို

ကိုဝိုင်း
သောကြာနေ့၊ ဇန်နဝါရီလ ၀၆ ရက် ၂၀၁၂

ချင်းမိုင် (မဇ္ဈိမ)။ ။မြန်မာနိုင်ငံ ဒီမိုကရေစီပြုပြင်ပြောင်းလဲရေး စိတ်ကူးကို အကောင်အထည် ဖော်ရာတွင် ဗြိတိန်နိုင်ငံ အပါအဝင် နိုင်ငံတကာက အတူတကွ လက်တွဲသွားမည်ဟု ယုံကြည်ကြောင်း ဗြိတိန်နိုင်ငံခြားရေး ဝန်ကြီး ၀ီလျံဟိတ်နှင့် သောကြာနေ့က တွေ့ဆုံအပြီး ဒေါ်အောင်ဆန်းစုကြည်က သတင်းထောက်များကို ပြောဆိုလိုက်သည်။

“ဗြိတိန်အပါအဝင် နိုင်ငံတကာက ကျမတို့ရဲ့ မိတ်ဆွေများဟာ ကျမတို့ရဲ့ အိပ်မက်တွေကို အတူတကွ အကောင်အထည် ဖော်ကြမယ်လို့ ကျမ ယုံကြည်ပါတယ်။ အိပ်မက်တွေမှာ ပန်းတိုင်တွေ ရှိရပါမယ်။ ကျမတို့ အပြင်းအထန် ကြိုးစားရမှာ ဖြစ်သလို ကျမတို့ မိတ်ဆွေတွေကလည်း ကျမတို့ဘက်မှာ ရှိနေမယ်ဆိုရင် ပြည်သူတွေရဲ့ အိပ်မက်တွေကို အကောင်ထည် ပေါ်လာမှာ သေချာပါတယ်” ဟု ဒေါ်အောင်ဆန်းစုကြည်က ပြောသည်။

မစ္စတာ ဝီလျံဟိတ်၏ ခရီးစဉ် ဒုတိယနေ့တွင် ဒေါ်အောင်ဆန်းစုကြည်နှင့် NLD ခေါင်းဆောင်များ၊ တိုင်းရင်းသား ခေါင်းဆောင် များအား မနက်ပိုင်းတွင် တက္ကသိုလ် ရိပ်သာလမ်း သူမနေအိမ်တွင် ၄၅ မိနစ်ကြာ တွေ့ဆုံခဲ့သည်။

မစ္စတာဟိတ်က မြန်မာ့ဒီမိုကရေစီအရေးတွင် ဗြိတိန်နိုင်ငံက ဒေါ်အောင်ဆန်းစုကြည်၊ NLD တို့နှင့်အတူ ရပ်တည်သွားမည် ဖြစ်ကြောင်း၊ စီးပွားရေး ပိတ်ဆို့ထားမှုများ ပြန်ရုတ်သိမ်းရန် လက်ရှိ တိုးတက် ပြောင်းလဲမှုများကို ရှေ့ဆက် ပိုမို တိုးတက်ရေး ဆောင်ရွက်ရန် အရေးကြီးကြောင်း သတင်းထောက်များအား ဖြေကြားခဲ့သည်။

“ပိတ်ဆို့အရေးယူမှုကို ပြန်မစဉ်းစားခင်မှာ ကျနော်တို့ နောက်ထပ်တိုးတက်မှုတွေ တွေ့ချင် ပါသေးတယ်။ နိုင်ငံရေး အကျဉ်းသားတွေ ထိန်းသိမ်း ခံနေရဆဲ ဖြစ်ပါတယ်။ နိုင်ငံရေး ယုံကြည်ချက်ကြောင့် ဖမ်းတာတွေရှိနေတဲ့ အတွက် လွတ်လပ်တဲ့ ဒီမိုကရက်တစ် နိုင်ငံလို့ မခေါ်နိုင်ပါဘူး” ဟု မစ္စတာဟိတ်က ပြောသည်။

တွေ့ဆုံရာတွင် NLD မှ ဦးတင်ဦး၊ ဒေါ်အောင်ဆန်းစုကြည်၊ ဦးဝင်းတင်၊ ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးဉာဏ်ဝင်း၊ ဦးအုန်းကြိုင်၊ ဦးဝင်းမြင့်၊ ဦးဟံသာမြင့်၊ ဒေါက်တာဒေါ်မေဝင်းမြင့် တို့နှင့်အတူ ဦးအေးသာအောင်၊ ဦးပူကျင့်ရှင်းထန်၊ နိုင်ငွေသိန်း၊ ဦးစိုးဝင်း၊ ဦးသိန်းဖေ၊ ဦးစိုင်းစောအောင်တို့လည်း ပါဝင်သည်။

NLD ဘက်က ဥရောပသမဂ္ဂ EU က မြန်မာ့အရေးနှင့်ပတ်သက်ပြီး အကူ အညီပေးနိုင်ရေး တိုက်တွန်း မေးမြန်းခဲ့ပြီး တိုင်းရင်းသား ခေါင်းဆောင်များက ပြည်တွင်း ငြိမ်းချမ်းရေးနှင့် ဖွဲ့စည်းပုံ အတွင်း တိုင်းရင်းသား အခွင့်အရေးအား အာမခံမှု အားနည်းကြောင်းတို့ ပြောဆိုသည်။

EU ရုံးခွဲတခု မြန်မာနိုင်ငံတွင် မကြာမီ ဖွင့်တော့မည့်အကြောင်းလည်း မစ္စတာဟိတ်က အသိပေး ပြောဆိုသွားသည်ဟု ဦးတင်ဦးက မဇ္ဈိမကို ပြောသည်။

တိုင်းရင်းသားခေါင်းဆောင်များက ကချင်ပြည်နယ်အတွင်း တိုက်ပွဲများရပ်စဲရန်နှင့် ၂၀၀၈ ခု ဖွဲ့စည်းပုံတွင် တိုင်းရင်းသား အခွင့်အရေး အားနည်း နေမှုများကို တင်ပြပြောဆိုခဲ့ပြီး မစ္စတာ ဟိတ်က ဗြိတိန်အစိုးရက ယင်းကိစ္စများကို သိထားပြီး သဘောပေါက်ကြောင်း ပြန်လည် ပြောဆိုခဲ့သည်။

နေပြည်တော်၌ အစိုးရခေါင်းဆောင်များနှင့် တွေ့ဆုံရာတွင် နိုင်ငံရေးအကျဉ်းသားအားလုံးကို လွှတ်ပေးရန်၊ တိုက်ပွဲများ အမြန်ရပ်ဆဲပြီး ငြိမ်းချမ်းရေး တည်ဆောက်ရန် မစ္စတာဟိတ်က ပြင်းပြင်း ထန်ထန် တိုက်တွန်းခဲ့သည်ဟု သိရကြောင်း ဦးတင်ဦး ကပြောသည်။

နိုင်ငံပိုင်သတင်းစာများတွင်မူ “နှစ်နိုင်ငံနိုင်ငံရေးဖြစ်ပေါ်တိုး တက်မှုနှင့် အကျိုးတူပူးပေါင်း ဆောင်ရွက်ရေး” ကိစ္စများ ဆွေးနွေး ခဲ့သည်ဟုသာ ဖော်ပြသည်။

မစ္စတာဟိတ်သည် ဒေါ်အောင်ဆန်းစုကြည်ကိုမူ ကြာသာပတေးနေ့ ညနှင့် သောကြာမနက် ၁၀ နာရီတို့တွင် နှစ်ကြိမ် သီးသန့် တွေ့ဆုံ သေးသည်။ သို့သော် မည်သည့် အကြောင်းအရာများ ဆွေးနွေးသည်ကို ထုတ်ပြန်ခြင်း မရှိပေ။

Ref: မဇ္ဈိမ

Read More...

အကျဉ်းသားလွှတ်မှ ဒဏ်ခတ်မှု ရပ်မည်

January 6, 2012

နိုင်ငံရေးနှင့် ဆက်နွယ်သူများအား ဆက်လက် ထိန်းသိမ်းထားပါက မြန်မာနိုင်ငံအပေါ် ချမှတ်ထားသော ဥရောပ သမဂ္ဂ၏ စီးပွားရေး ပိတ်ဆို့မှုများ၊ ဒဏ်ခတ်မှု များကို ဖယ်ရှားပေးမည် မဟုတ်ဟု ရန်ကုန်တွင် ရောက်နေသော ဗြိတိန် နိုင်ငံခြားရေး ၀န်ကြီး ၀ီလျံဟိတ်က ယနေ့ ပြောကြားလိုက်သည်။

ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား နေအိမ်တွင် သွားရောက် တွေ့ဆုံ ဆွေးနွေးအပြီး သတင်းထောက် များနှင့် တွေ့ဆုံစဉ် ထိုသို့ ပြောလိုက်ခြင်း ဖြစ်သည်။

“နိုင်ငံရေး ယုံကြည်မှုကြောင့် အကျဉ်းကျနေတဲ့လူတွေ ရှိနေသမျှ ဒီနိုင်ငံက ဒီမိုကရေစီနိုင်ငံ ဖြစ်ပြီလို့ ပြောဖို့ ခက်ပါတယ်။ နိုင်ငံရေး အကျဉ်းသားတွေ အားလုံး လွှတ်ပေးမှု ဆိုတာ ဥရောပသမဂ္ဂရဲ့ ကန့်သတ်မှုတွေ ဖယ်ရှားဖို့ အရေးပါတဲ့ အချက် ဖြစ်ပါတယ်” ဟု ၀န်ကြီးက ပြောသည်။

လက်ရှိအစိုးရက ပြုလုပ်နေသည့် ပြုပြင် ပြောင်းလဲမှုများကို နိုင်ငံတကာ နည်းတူ ဗြိတိန်ကလည်း ထောက်ခံသည်ဟု ဆိုသည်။

ယမန်နေ့က နေပြည်တော်တွင် သမ္မတ ဦးသိန်းစိန် အပါအ၀င် အစိုးရ ခေါင်းဆောင် အများအပြားနှင့် တွေ့ဆုံခဲ့ပြီး ဦးသိန်းစိန်သည် ရိုးသားပြီး အပြောင်းအလဲ ပြုလုပ်လိုပုံ ရသည်ဟု ၀န်ကြီးက ပြောသည်။

သို့သော်လည်း စစ်ပွဲဖြစ်ပွားနေသော တိုင်းရင်းသားဒေသများသို့ လူသားချင်း စာနာမှုဆိုင်ရာ အကူအညီ ပိုမို ပေးပို့ ခွင့်ပြုရေး အပါအ၀င် အပြောင်းအလဲ များစွာ လုပ်ဆောင်ရန် လိုအပ်သေးကြောင်း ၀န်ကြီး ၀ီလျံဟိတ်က ဆိုသည်။

ယနေ့ သတင်းစာရှင်းလင်းပွဲအတွင်း ၀န်ကြီး နှင့် ဒေါ်အောင်ဆန်းစုကြည် နှစ်ယောက်လုံးက အစိုးရ၏ ဒီမိုကရေစီ ဖော်ဆောင်ရေး လုပ်ငန်းစဉ် အတွက် နိုင်ငံရေး အကျဉ်းသား အားလုံး လွှတ်ရန်၊ တိုင်းရင်းသားများနှင့် ငြိမ်းချမ်းရေး ဖော်ဆောင်ရန်၊ သန့်ရှင်း မျှတသော ကြားဖြတ် ရွေးကောက်ပွဲ ကျင်းပပေးရန် လိုအပ်သည် ဟု ပြောဆိုကြသည်။

ဒေါ်အောင်ဆန်းစုကြည်က ဦးသိန်းစိန်အစိုးရ၏ ပြုပြင်ပြောင်းလဲရေး လုပ်ငန်းစဉ်များကို ယုံကြည်နေမှုကြောင့် မေးခွန်း အထုတ် ခံနေရသည်ဟု ရှင်းပြသည်။

“ကျမကို (မကြာသေးမီက) ရှပ်ရှင်ပွဲတော်မှာ သတင်းထောက် တယောက်က လာမေးတယ်။ အိမ်မက်ထဲမှာ ပျော်မွေ့ နေသလားလို့ မေးတယ်။ မဟုတ်ပါဘူး။ ကျမတို့ ရည်မှန်းချက် ပန်းတိုင် ရှိတယ်။ ဘယ်လို လုပ်ရမယ် ဆိုတာ သိတယ်။ ရိုးရိုးလေး ပြောရင် အလုပ်လုပ်ဖို့ လိုအပ်တယ်။ ကျမတို့ အိမ်မက်တွေ တကယ် ဖြစ်လာအောင် အလုပ်လုပ်ဖို့ လိုအပ်ပါတယ်” ဟု ဒေါ်အောင်ဆန်းစုကြည်က သတင်းစာ ရှင်းလင်းပွဲတွင် ပြောသည်။

“ကျမတို့မိတ်ဆွေရဲ့ ကူညီအားပေးမှုနဲ့ ကျမတို့ ပြည်သူတွေရဲ့ အိမ်မက်တွေကို တကယ် ဖြည့်ဆည်း ပေးနိုင်မှာပါ” ဟုလည်း ဒေါ်အောင်ဆန်းစုကြည်က ၀န်ကြီး ၀ီလျံဟိတ်နှင့် ပူးတွဲ ပြုလုပ်သော သတင်းစာ ရှင်းလင်းပွဲတွင် ပြောလိုက်သည်။

ဝီလျံဟိတ်သည် ဒေါ်အောင်ဆန်းစုကြည်နှင့် ယမန်နေ့ကလည်း တကြိမ် တွေ့ဆုံပြီး ဖြစ်သည်။

သူ၏ ၂ ရက်ကြာ ခရီးသည် ရာစုနှစ်ဝက်ကျော်အတွင်း ဗြိတိန် နိုင်ငံခြားရေး ၀န်ကြီး တဦး၏ ပထမဆုံးမြန်မာပြည် ခရီးစဉ် ဖြစ်သည်။

မကြာသေးခင်က မြန်မာအစိုးရ ဖော်ဆောင်ခဲ့သည့် ပြုပြင်ပြောင်းလဲမှုများကြောင့် ခရီးစဉ် ပေါ်ပေါက်လာရခြင်း ဖြစ်ကြောင်း ဗြိတိန် နိုင်ငံခြားရေး ဌာန၏ တနင်္ဂနွေနေ့ ထုတ်ပြန်ချက် တစောင်တွင် ဖော်ပြထားသည်။

ဤအတောအတွင်း ဥရောပသမဂ္ဂက ရန်ကုန်မြို့တွင် ကိုယ်စားလှယ်ရုံး ဖွင့်ရန် နေပြည်တော်နှင့် သဘောတူချက် ရပြီး ဖြစ်ကြောင်း ကြေညာလိုက်သည်။ ရန်ကုန်ကိုယ်စားလှယ်ရုံးက အကူအညီပေးမှု အစီအစဉ်များ စီမံ ခန့်ခွဲရေး၊ နိုင်ငံရေး ဆွေးနွေးမှုများအား အားပေး မြှင့်တင်ရေး တို့ကို ဆောင်ရွက်သွားမည်ဟု ဥရောပသမဂ္ဂ အရာရှိတဦးက သတင်း ဌာနများကို ပြောသည်။

မြန်မာပြည်အား လူ့အခွင့်အရေး အခြေအနေများကြောင့် ဒဏ်ခတ်ပိတ်ဆို့မှုများ ချမှတ်ထားသည့် ဥရောပသမဂ္ဂသည် မကြာသေးမီက ဖြေလျော့မှု တချို့ကို ပြုလုပ်ခဲ့သည်။

ပြီးခဲ့သည့် ဧပြီလတွင် မြန်မာအစိုးရ ဝန်ကြီးတချို့ကို ဥရောပသို့ ၀င်ရောက်ခွင့်ပြုခဲ့ခြင်းဖြင့် ပြည်ဝင်ခွင့် ပိတ်ပင်မှုကို ယာယီ လျှော့ပေါ့ ပေးခဲ့သည်။

Ref: ဧရာဝတီ

Read More...

အပေါ်သို့