ကြာသပတေး, 15 စက်တင်ဘာ 2011
မြန်မာအစိုးရသစ်အဖွဲ့ဟာ ကာလကြာမြင့်စွာ တားမြစ် ပိတ်ပင်ထားတဲ့ ဗွီအိုအေ အမေရိကန် အသံ၊ ရိုက်တာစ်နဲ့ ဘီဘီစီ သတင်း ဌာနတွေရဲ့ ၀က်ဘ်ဆိုဒ် စာမျက်နှာတွေကို ဖွင့်ပေးလိုက်ပြီ ဖြစ်ပါတယ်။
ပြည်ပအခြေစိုက် ဒီမိုကရက်တစ် မြန်မာ့အသံ (ဒီဗွီဘီ) အပါအ၀င် ဒေသတွင်း သတင်းဌာနကြီး အတော်များများရဲ့ ၀က်ဘ်ဆိုဒ် စာမျက်နှာ တွေကိုပါ ဖွင့်ပေးခဲ့သလို ကွန်ပျူတာ အွန်လိုင်းမှာ တင်တဲ့ YouTube ဗွီဒီယို တွေကိုပါ ပြည်တွင်းမှာ ကြည့်လို့ရပြီ ဖြစ်ပါတယ်။
အခုလို ဖွင့်ပေးလိုက်တဲ့အတွက် လွန်ခဲ့တဲ့ ၁၀ နှစ်လောက်ကစပြီး တင်ခဲ့တဲ့ ဗွီအိုအေ မြန်မာပိုင်းရဲ့ ၀က်ဘ်ဆိုဒ် စာမျက်နှာ တွေကိုလည်း ပထမဆုံး အကြိမ်အဖြစ် မြန်မာပြည်ထဲက ကြည့်ရှုလို့ ရတော့မှာ ဖြစ်ပါတယ်။
ရိုက်တာစ် အပါအ၀င် တခြား သတင်းဌာနကြီးတွေရဲ့ ၀က်ဘ်ဆိုဒ် စာမျက်နှာတွေဟာ ၂၀၀၇ ခုနှစ် သံဃာတော်တွေ ဦးဆောင်တဲ့ ဆန္ဒပြမှုကို ဒီနှစ် အစောပိုင်း ကတည်းက နှုတ်ထွက် ပေးခဲ့တဲ့ စစ်အာဏာရှင်တွေက အပြင်းအထန် ချေမှုန်း နေချိန်မှာပဲ ပိတ်ပင်ပစ်တာ ခံခဲ့ရတာပါ။
အခုလို ကွန်ပျူတာ ၀က်ဘ်ဆိုဒ် စာမျက်နှာတွေကို ဖွင့်ပေးခဲ့ပေမဲ့ ရုပ်မြင်သံကြား ထုတ်လွှင့်ချက်တွေကို တင်းတင်း ကျပ်ကျပ် ထိန်းချုပ်ထားဆဲ ဖြစ်တဲ့အပြင် ပြည်တွင်းမှာ နိုင်ငံခြား သတင်းထောက်တွေ သတင်းယူခွင့်ကိုလည်း ပြင်းပြင်း ထန်ထန် တားမြစ် ထားဆဲ ဖြစ်ပါတယ်။
ကုလသမဂ္ဂက ချမှတ်ထားတဲ့ နိုင်ငံတကာ ဒီမိုကရေစီနေ့ဖြစ်တဲ့ စက်တင်ဘာ ၁၅ ရက်နေ့မှာ လူထု တရပ်လုံး ကျင်းပခွင့်ကို မြန်မာ အစိုးရသစ်က ပထမဆုံး အကြိမ်အဖြစ် ခွင့်ပြုလိုက်တဲ့ နေ့မှာပဲ အခုလို သတင်း စာမျက်နှာတွေ ကိုပါ တင်းကျပ်မှု လျှော့ချပေးလိုက်တာ ဖြစ်ပါတယ်။
နေအိမ်အကျယ်ချုပ် ၇ နှစ်ဆက်တိုက် ချထားတာကို ခံခဲ့ရပြီး မနှစ်ကမှ ပြန်လည် လွတ်မြောက် လာခဲ့တဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကလည်း အမျိုးသား ဒီမိုကရေစီ အဖွဲ့ချုပ် ဌာနချုပ်မှာ ကုလသမဂ္ဂရဲ့ နိုင်ငံတကာ ဒီမိုကရေစီနေ့ အတွက် မိန့်ခွန်း ပြောကြားခဲ့ပါတယ်။
Ref: VOA News
Friday, September 16, 2011
ပိတ်ထားတဲ့ ၀က်ဘ်ဆိုဒ်များ ပြန်ပွင့်
ပုသိမ်လယ်သမားများ ၀န်ကြီးရုံးသို့ ချီတက်
ဇာနည်မာန်
Thursday, 15 September 2011
ပုသိမ်ခရိုင် ငွေဆောင်မြို့နယ် ပတ်ဝန်းကျင် ရွာများမှ လယ်သမား ၁၅၀ ကျော်သည် အသိမ်း ခံထားရသော မြေဧက ၂၀၀၀ ကျော် အရေး ညှိနှိုင်းမှုရရန် အတွက် ယနေ့နံနက်က ဧရာဝတီတိုင်း အစိုးရအဖွဲ့ ၀န်ကြီးရုံးသို့ စီတန်း လမ်းလျှောက် တောင်းဆိုခဲ့ကြောင်း သတင်းရရှိသည်။
လုပ်ငန်းရှင်များနှင့် စစ်တပ်က သဇင်ရွာမ၊ ဂျိုင်လယ်၊ မျှင်တိုး၊ သဇင်မှော်၊ ဖုန်းမောင်ကြိုင် စသည့် ကျေးရွာ အုပ်စုတို့မှ လယ်၊ ယာ၊ ဥယျာဉ် ခြံမြေများကို သိမ်းဆည်းပြီး နောက်ပိုင်း အလုပ်လက်မဲ့ ဖြစ်သွားသည့် ၎င်းတို့၏ အခက်အခဲများ ဖြေရှင်းပေးရန် ရေးသား တောင်းဆို ထားသောစာကို ၀န်ကြီးရုံးသို့ ပေးအပ်ခဲ့သည်ဟု ဆိုသည်။
“တိုင်းဝန်ကြီးချုပ် ဦးသိန်းအောင်က ကောင်းကောင်းမွန်မွန်ပါပဲ။ လူချင်း ခေါ်တွေ့ပြီး ၃ ရက်အတွင်း ကွင်းဆင်း စစ်ပေးပါ့မယ်၊ ပြေလည်အောင်၊ အကောင်းဆုံး ဖြစ်အောင် ညှိနှိုင်း ဖြေရှင်းပေးပါ့မယ်ပဲလို့ ပြောတယ်။ ပြန်ရမလား၊ လျော်ကြေး ပေးမလားကတော့ သူတို့ ဘယ်လို လုပ်ပေးမလဲဆိုတာ စောင့်ကြည့်ရမှာပေါ့” ဟု ဖုန်းမော်ကြိုင်ရွာမှ လယ်ပိုင်ရှင် တဦးက ပြောသည်။
၂၀၀၀ ပြည့်နှစ်နှောင်းပိုင်းတွင် ယုဇနကုမဏီက ထိုဒေသမှ လယ်မြေများ သိမ်းဆည်းခဲ့ပြီး၊ ကာလ ပေါက်ဈေးထက် လွန်စွာ နည်းပါးသော ငွေကိုသာ လျော်ကြေးအဖြစ် ပေးခဲ့သည်ဟု ဆိုသည်။
“အဲ့ဒီတုန်းက စက်နဲ့ထိုးပစ်မယ် ဘာညာနဲ့ ခြိမ်းခြောက် မောင်းထုတ်တော့ ကြောက်တာရော၊ နားမလည်တာရောနဲ့ သူတို့ ပေးသလိုပဲ ယူခဲ့တာ။ လယ်တွေတော့ ပြန်လိုချင်တာပေါ့။ ဒါပေမယ့် သူတို့က ငါးကန်၊ ပုစွန်ကန်ကြီးတွေ တူးထားတော့ ဘယ်လိုလုပ်ရမလဲ မသိဘူး” ဟု လယ်ပိုင်ရှင်က ပြောသည်။
၂၀၀၆ ခုနှစ်တွင် အမှတ် (၁) လေကြောင်းရန်ကာကွယ်ရေးတပ်က သဇင်မှော်ရွာမှ ဒေသခံ ၂၅ ဦးတို၏ ခြံမြေဧက ၁၀၀ ကျော်ကို သိမ်းလိုက်သည်ဟု ခြံပိုင်ရှင်များက ဆိုသည်။
“သူတို့ ကားတွေနဲ့ ၀င်လာ၊ အဆောက်အအုံတွေ လာဆောက်တယ်။ စသိမ်းကတည်းက ခြံထဲကို ၀င်ခွင့် လုံးဝ မရတော့ဘူး။ အခုဆို တနေ့ ၁၅၀၀ နဲ့ နေ့စားအလုပ် လုပ်ပြီး မိသားစု စားဝတ် နေရေးအတွက် ဖြေရှင်းနေရတာ။ ခြံတွေ ဆိုတာလည်း ပေါင်းသင်တာ မလုပ်နိုင်ဘဲ ပစ်ထားရတော့၊ ပြန်ရလည်း ကျနော်တို့ဘာမှ လုပ်စားလို့ မရတော့ဘူးဗျ။ ကျနော်တို့ကတော့ ထိုက်တန်တဲ့ လျော်ကြေးငွေ လိုချင်ပါတယ်” ဟု ထိုရွာမှ သီဟိုဠ်ခြံပိုင်ရှင် တဦးက ပြောသည်။
ဒေသခံများ အစဉ်အဆက် လုပ်ကိုင် စားသောက်လာသော လယ်ယာမြေများ ဆုံးရှုံးသွားရပြီး စားဝတ်နေရေး ခက်ခဲ နေကြကြောင်း လယ်သမား တို့ကို ကူညီပေးနေသည့် လူ့အခွင့်အရေး စောင့်ကြည့် ကာကွယ်ရေး ကွန်ရက်အဖွဲ့ (HRWDN) က ဆိုသည်။
“ဆယ်စုနှစ် တနှစ်လောက် ရှိနေပြီဗျာ။ မတရား သိမ်းခံထားရတာ။ သူတို့မှာ လယ်ပိုင်ရှင်ဘ၀ကနေ လယ်မဲ့ယာမဲ့နဲ့ လယ်ကူလီ ဘ၀ ပြန်ရောက် နေကြပြီး ဆင်းရဲ ကျပ်တည်းစွာနဲ့ လုပ်ကိုင် စားသောက် နေကြရတာ အရမ်း သနားဖို့ ကောင်းတယ်။ ဒါမျိုးတွေက မဖြစ်သင့်ဘူး” HRWDN မှ ကိုမြင့်နိုင်က ပြောသည်။
လယ်ယာမြေ သိမ်းဆည်းမှု၊ လယ်မြေ ပြန်ရလိုဖြင့် တရားစွဲဆိုသူတို့ကို အကျဉ်းချမှု၊ မြေအသိမ်း ခံရမှု ကူညီသူတို့အား အရေး ယူမှုများ နိုင်ငံအနှံ့ ဖြစ်ပေါ်နေသည်ဟု သူက ဆိုသည်။
HRWDN မှ ကိုထွန်းထွန်းဦးကလည်း “တောင်သူလယ်သမားတွေက ကျနော်တို့နိုင်ငံအတွက် ကျေးဇူးရှင် ဦးကြီးများဗျ။ ဒီတောင်သူ လယ်သမားတွေရဲ့ ဘ၀ကို တနိုင်ငံလုံးက ပြည်သူတွေက စာနာရမယ်။
ထောက်ထားရမယ်။ အစိုးရအနေနဲ့ကလည်း မြန်မာနိုင်ငံက စိုက်ပျိုးရေးနိုင်ငံ ဖြစ်တဲ့ အတွက် သူတို့ရဲ့ ဘ၀ မြှင့်တင် ပေးရေးကို စိတ်ဝင် စားရမယ်။ ဒီလိုမျိုးတွေ လုပ်နေတာကတော့ လယ်သမားတွေ အပေါ် တရားမျှတမှု မရှိတာပဲဗျ” ဟု ပြောဆိုသွားသည်။
Ref: ဧရာဝတီ
မြန်မာပြည် အပြောင်းအလဲ အမေရိကန်နဲ့ သြစတြေးလျ မျှော်လင့်
ကြာသပတေး, 15 စက်တင်ဘာ 2011
ဒီမိုကရေစီရေး ပြုပြင်ပြောင်းလဲမှုတွေ လုပ်မယ်လို့ ကတိပေးထားတဲ့ မြန်မာအစိုးရသစ် လက်အောက်မှာ မြန်မာနိုင်ငံရဲ့ နိုင်ငံရေး အခြေအနေ တင်းမာမှု လျော့ပါးတဲ့ လက္ခဏာတွေ တွေ့ရဖို့အတွက် မျှော်လင့် ထားတယ်လို့ အမေရိကန်နဲ့ သြစတြေးလျ ၂ နိုင်ငံက ကြာသပတေးနေ့မှာ ပြောကြား လိုက်ပါတယ်။
အမေရိကန်နိုင်ငံ ဆန်ဖရန်စစ္စကိုမြို့မှာ ကျင်းပတဲ့ အမေရိကန်၊ သြစတြေးလျ နိုင်ငံခြားရေးဝန်ကြီးနဲ့ ကာကွယ်ရေး ၀န်ကြီးတွေရဲ့ အစည်းအဝေးမှာ အခုလို ပြောကြား လိုက်တာပါ။
အမေရိကန်နိုင်ငံရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ဒဲရက်ခ် မစ်ချဲလ် (Mr. Derek Mitchell) ရဲ့ မြန်မာနိုင်ငံ ခရီးစဉ်ဟာ ဗုဒ္ဓဟူးနေ့က ပြီးဆုံးခဲ့ပြီး သူ့ရဲ့ မြန်မာအ စိုးရ တာဝန်ရှိသူတွေနဲ့ရော ဒေါ်အောင်ဆန်းစုကြည်နဲ့ပါ တွေ့ဆုံမှုတွေဟာ အကျိုးရှိတဲ့ တွေ့ဆုံမှုတွေ ဖြစ်တယ်လို့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန် (Hillary Clinton) က ပြောပါတယ်။
မြန်မာအစိုးရရဲ့ လုပ်ဆောင်မှုတွေမှာ ကြိုဆိုရမယ့် အနေအထားတွေ တွေ့နေရပေမဲ့ မြန်မာနိုင်ငံ တွင်းက တိုင်းရင်းသား လူနည်းစု တွေအပေါ် အစိုးရရဲ့ ဖိနှိပ်မှုတွေနဲ့ အခုထိ နိုင်ငံရေး အကျဉ်းသား ၂,၀၀၀ ကျော် လွှတ်မပေး သေးတာကအစ မြောက်ကိုရီးယားနဲ့ ဆက်ဆံမှုတွေ အဆုံး ကျယ်ပြန့်တဲ့ ပြဿနာတွေ အတွက် မေးခွန်း ထုတ်စရာတွေ ရှိနေသလို စိုးရိမ်ရတဲ့ အနေအထား မှာလည်း ရှိနေ သေးတယ်လို့ ဆိုပါတယ်။
သြစတြေးလျ နိုင်ငံခြားရေးဝန်ကြီး ကယ်ဗင် ရပ်ဒ် (Kevin Rudd) ကလည်း မြန်မာအစိုးရသစ် ဘက်က ဆွေးနွေး ပြောဆိုမှုတွေ တချို့ လုပ်လာတာမျိုးကို ကြိုဆိုပေမဲ့ အမေရိကန် ဘက်က ပြောသလိုပဲ သတိထားရမယ့် အနေအထားတွေ ရှိနေသေးတာမို့ မြန်မာနိုင်ငံ ဒီမိုကရေစီ ထွန်းကားတဲ့နိုင်ငံ တနိုင်ငံ ဖြစ်လာအောင် အစိုးရ ဆန့်ကျင်သူတွေကို ဖမ်းချုပ်တဲ့ ခြိမ်းခြောက်မှုမျိုးတွေ မလုပ်ဘဲ တကယ့် စစ်မှန်တဲ့ ပြောင်းလဲမှုတွေ လုပ်ပြဖို့ တောင်းဆို လိုက်ပါတယ်။
မစ်စ် ကလင်တန်က မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ လူ့အခွင့်အရေး လေးစားတဲ့ ပြောင်းလဲမှုတွေ လုပ်ဖို့ ထပ်လောင်း တောင်းဆို လိုက်သလို မြန်မာနိုင်ငံ ဆိုင်ရာ အမေရိကန် အထူးသံတမန် မစ္စတာ မစ်ချဲလ်ဟာ နယူးယောက် ကုလသမဂ္ဂ အထွေထွေ ညီလာခံ တက်ရောက်နေတဲ့ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်နဲ့ နောက်ဆက်တွဲ ဆွေးနွေးဖို့ ရှိသေးကြောင်း ဗုဒ္ဓဟူးနေ့က အမေရိကန် နိုင်ငံခြားရေး ၀န်ကြီးဌာနက အကြီးတန်း အရာရှိတဦးက ပြောကြားခဲ့ပါတယ်။
Ref: VOA News
ဒီမိုကရေစီ ဘက်တော်သားပါဟု ဦးရွှေမန်းပြော
မျိုးသန့်
ကြာသပတေးနေ့၊ စက်တင်ဘာလ ၁၅ ရက် ၂၀၁၁
ချင်းမိုင် (မဇ္ဈိမ) ။ ။ တပ်မတော်တွင် နှစ်ပေါင်း ၄ဝ ကျော်ကြာ တာဝန်ထမ်းဆောင် ခဲ့ပြီး ဗိုလ်ချုပ်ကြီး ရာထူးမှ အနား ယူသွားသူ အောက်လွှတ်တော် ဥက္ကဋ္ဌ သူရဦးရွှေမန်းက မိမိကိုယ်ကို ဒီမိုကရေစီ ဘက်တော်သား တယောက် ဖြစ်ကြောင်း နေပြည်တော်တွင် ပြုလုပ်သည့် ဒီမိုကရေစီ နေ့တွင် ပြောသွားသည်ဟု လွှတ်တော်အမတ်များ အပြောအရ သိရသည်။
"သူက စ,စ ချင်းပဲ၊ ကျန်းမာ ချမ်းသာကြပါစေ နှုတ်ဆက်ပြီးတော့ ကျနော် ဒီမိုကရေစီ ဘက်တော်သား တယောက် အနေနဲ့ ဆိုပြီးတော့ ပထမဆုံး အပိုဒ်မှာ စပြောသွားတယ်။ နောက်အပိုဒ်တွေက စပြီးတော့ ဒီမိုကရေစီ ဘက်တော်သားများ ခင်ဗျာဆိုပြီး အဲဒါမျိုး သုံးသွားတယ်။" ဟု အမတ်တဦးက ပြောသည်။
၁၉၆၉ ခုနှစ်တွင် စစ်တက္ကသိုလ် (Defence Services Academy) အမှတ်စဉ် ၁၁ ကျောင်းဆင်း သူရဦးရွှေမန်းက ကြာသပတေးနေ့ ပြည်ထောင်စု လွှတ်တော်နှင့် ကပ်လျက်ရှိသော သဘင်အဆောက်အအုံ သဘင်ခန်းမတွင် နံနက် ၁ဝနာရီမှ မွန်းလွဲ သုံးနာရီထိ ပြုလုပ်သည့် အပြည်ပြည်ဆိုင်ရာ ဒီမိုကရေစီနေ့ အခမ်းအနားတွင် ပြောသွားခြင်း ဖြစ်သည်။
"ဒီမိုကရေစီ ဘက်တော်သားဆိုရင် အစိုးရကို ဆန့်ကျင်တဲ့သူတွေလို့ အဓိပ္ပါယ်ရသွားတယ်၊ ဒီမိုကရေစီ ဆိုတဲ့ အသုံးအနှုန်း သုံးမိရင် နိုင်ငံရေးသမား ဒီမိုကရေစီ အကြောင်းကို ပြောရင် ဒီနိုင်ငံမှာ ပြောလို့မရဘူး၊ နောက်ပြီးတော့ ဒီမိုကရေစီ ပြောရင် နိုင်ငံရေးသမား ဆိုတော့ ဝန်ထမ်းတွေ၊ ကျောင်းသားတွေက ပါတီနိုင်ငံရေး ကင်းရှင်းရမယ် ဆိုတဲ့အခါမှာ ဝန်ထမ်းတွေ ကျောင်းသားတွေက ဒီမိုကရေစီ ဆိုတဲ့ စကားကို မသုံးရဲဘူး" အမတ်တဦးက ပြောသည်။
အမျိုးသားဒီမိုကရေစီအင်အားစုပါတီမှ အောက်လွှတ်တော် အမတ်ဖြစ်သူ ဦးခိုင်မောင်ရည်က မိမိတို့ သုံးနှုန်းသည့် ဒီမိုရေစီ ဘက်တော်သား ဆိုသည့် ဝေါဟာရသည်၊ ထောင်တွင်းရောက် နိုင်ငံရေး လှုပ်ရှားသူများ၊ တောခိုပြီး စစ်အစိုးရကို ဆန့်ကျင် နေသူများနှင့် ပြည်တွင်း၊ ပြည်ပ ဒီမိုကရေစီအရေး လှုပ်ရှားနေသူများကို ရည်ညွှန်းသည်ဟု ဆိုသည်။
သို့သော် လွှတ်တော် ဥက္ကဋ္ဌ တဦးအနေဖြင့် ယခုလိုပြောခြင်းကို မိမိအနေဖြင့် ကြိုဆိုပြီး၊ ဦးရွှေမန်း၏ ဒီမိုကရေစီ အရေး လုပ်ရှားမှု များကို စောင့်ကြည့် ရဦးမည်ဟုလည်း ဦးခိုင်မောင်ရည်က ဆိုသည်။
"လွှတ်တော် ဥက္ကဋ္ဌတယောက် နိုင်ငံ့ Player တယောက်က အဲဒီလိုပြောရဲတာ ဘယ်သူမှ ဒီစကားလုံး တခါမှ မသုံးဘူးဖူး၊ သူက ဒီစကားလုံးကို ဒိုင်းကနဲ့ သုံးချလိုက်တယ်။ အဲဒီတော့ ဒါဟာ ရိုးသားမှုလား သို့မဟုတ် တခုခုကို အလျော့ပေး ခြင်းလား ဆိုတာတော့ မသိသေးပေမယ့် ဦးရွှေမန်းသည် ဒီမိုကရေစီ ဘက်တော်သား ဆိုတာ စကားလုံး အရတော့ ဖြစ်သွားပြီ" ဟု ဦးခိုင်မောင်ရည်က မဇ္ဈိမကိုပြောသည်။
လွှတ်တော် ဥက္ကဋ္ဌ သူရဦးရွှေမန်းက လွှတ်တော်တွင်း ဆွေးနွေးမှုများကို ဒီမိုကရေစီ နည်းလမ်းတကျ လုပ်ဆောင် နေပြီး အစိုးရ ဌာနများနှင့် အစိုးရမှလည်း ဒီမိုကရေစီ စနစ်ကို ကျင့်သုံး သွားမည်ဖြစ်ကြောင်း သူ၏ မိန့်ခွန်းတွင် ထည့်ပြော သွားသည်။
နေပြည်တော် ပြည်ထောင်စုလွှတ်တော်အနီး သဘင်ဆောင်တွင် ပထမဆုံး ကျင်းပသည့် အပြည်ပြည် ဆိုင်ရာ ဒီမိုကရေစီ နေ့တွင် လွှတ်တော်ရောက် နိုင်ငံရေး ပါတီများမှ ဒီမိုကရေစီ စနစ်အပေါ် ယူဆပုံ အသီးသီးကို စာတမ်း အဖြစ် ပြုစုကာ ဖတ်ကြားကြသည်။
အပြည်ပြည်ဆိုင်ရာ ဒီမိုကရေစီနေ့ကို ဗဟန်းမြို့နယ် အမျိုးသားဒီမိုကရေစီအဖွဲ့ချုပ် တွင်လည်း ကျင်းပရာ၊ အတိုက်အခံ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံတွင် အပြောင်းအလဲများ ဖြစ်နိုင်ခြေရှိသည့် အနေအနေကို ရောက်ရှိနေပြီ ဖြစ်ကြောင်း သူ၏ ၁ဝ မိနစ်ကြာ မိန့်ခွန်းတွင် ထည့်သွင်း ပြောသွားသည်။
အသက် ၆၄ နှစ်ရှိ သူရဦးရွှေမန်းသည် တပ်မတော်တွင် ၁၉၆၉ ခုနှစ်က စတင်တာဝန် ထမ်းဆောင်ခဲ့ပြီး ၁၉၉၈ ခုနှစ်တွင် ဗိုလ်ချုပ်ရာထူး၊ ၂ဝဝ၃ ခုနှစ်တွင် ဒုတိယ ဗိုလ်ချုပ်ကြီး၊ ၂ဝဝ၅ ခုနှစ်တွင် ဗိုလ်ချုပ်ကြီး တာဝန်များကို ထမ်းဆောင်ခဲ့ပြီး ၂ဝ၁ဝ တွင် တပ်မှ အနားယူကာ ကြံ့ဖွံ့ပါတီဝင်အဖြစ် နေပြည်တော် ဥတ္တရသီရိမြို့နယ်မှ အောက်လွှတ်တော် အမတ်အဖြစ် ဝင်ရောက် အရွေးခံခဲ့သည်။
ဦးရွှေမန်းသည် ၂ဝ၁ဝ ဖေဖေါ်ဝါရီလ နေပြည်တော်တွင် ကျင်းပသည့် ပထမအကြိမ် အောက်လွှတ်တော် အစည်း အဝေးတွင် လွှတ်တော် ဥက္ကဋ္ဌအဖြစ် ရွေးချယ် ခံခဲ့ရပြီး အမျိုးသား လုံခြုံရေးနှင့် ကာကွယ်ရေး ကောင်စီ အဖွဲ့ဝင်လည်း ဖြစ်သည်။
Ref: မဇ္ဈိမ
အပြောင်းအလဲဖြစ်နိုင်ဟု ဒေါ်အောင်ဆန်းစုကြည် ပြော
လင်းသန့်
Thursday, 15 September 2011
မြန်မာနိုင်ငံသည် အပြောင်းအလဲ ဖြစ်နိုင်သည့် အခြေအနေတွင် ရောက်နေပြီဟု ယုံကြည်ကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြား လိုက်သည်။
အမျိုးသားဒီမိုကရေစီ အဖွဲ့ချုပ် (NLD) ရုံးချုပ်တွင် ကျင်းပသည့် ယနေ့ကျရောက်သော အပြည်ပြည် ဆိုင်ရာ ဒီမိုကရေစီနေ့ အခမ်း အနားတွင် ဒေါ်အောင်ဆန်းစုကြည်က “အခုဆိုလို့ ရှိရင် ကျမတို့ နိုင်ငံဟာ အပြောင်းအလဲ ဖြစ်နိုင်တဲ့ အခြေအနေမှာ ရောက်နေပါတယ်။ အပြောင်းအလဲ ဖြစ်ပြီလို့လည်း ကျမ မပြောချင်ပါဘူး။ ဒါပေမယ့် ဒါ ကျမကလည်း လူသိရှင်ကြား ပြောပြီးသားလည်း ဖြစ်နေပါတယ်။ အပြောင်းအလဲ ဖြစ်နိုင်တဲ့ အခြေအနေ ရောက်နေပြီလို့ ကျမ ယုံကြည်တယ်” ဟု ပြောသည်။
NLD ရုံးချုပ်တွင် ကျင်းပသည့် အပြည်ပြည်ဆိုင်ရာ ဒီမိုကရေစီနေ့ အခမ်းအနားသို့ နိုင်ငံရေး ပါတီများမှ ကိုယ်စားလှယ်များ၊ ၈၈ မျိုးဆက် ကျောင်းသားများ၊ တခြား စိတ်ဝင်စားသူများ စုစုပေါင်း ၂၀၀ ကျော် တက်ရောက်သည်ဟု NLD ပါတီ ခေါင်းဆောင်တဦး ဖြစ်သူ ဦးဝင်းထိန်က ဧရာဝတီသို့ ပြောသည်။
ဒေါ်အောင်ဆန်းစုကြည်က မိန့်ခွန်းတွင် “အစိုးရများဆိုတာ သူ့အချိန်နဲ့သူ ပြောင်းလဲ ကြရမယ်။ ဘာဖြစ်လို့လဲ ဆိုတော့ ဒီလူတွေ ဒီလူတွေပဲ အုပ်စိုး နေတယ်ဆိုတော့ ဒီမိုကရေစီ မဟုတ်တော့ဘူး။ ဒီမိုကရေစီ စနစ်ကို လက်ခံတယ် ဆိုလို့ရှိရင် အစိုးရ အပြောင်း အလဲတွေကိုလည်း လက်ခံတာပဲ။ ဘာဖြစ်လို့လဲ ဆိုတော့ ဒီအပြောင်းအလဲတွေ ဆိုတာ ညင်သာရမယ်။ ငြိမ်းချမ်းရမယ်။ သိက္ခာရှိရမယ်။ ပြည်သူကို မထိရဘူး။ နိုင်ငံကို မထိရဘူး။ ဆင်းသွားတဲ့ အစိုးရကိုလည်း မထိရဘူး။ တက်သွားတဲ့ အစိုးရကိုလည်း မလိုလားအပ်တဲ့ အခွင့်အရေးတွေ မပေးရဘူး။ အားလုံးဟာ မျှတတဲ့ အခြေခံပေါ်မှာ တည်ရှိရမယ်” ဟု ထည့်သွင်း ပြောဆိုသွားသည်။
ဒေါ်အောင်ဆန်းစုကြည်က ဆက်လက်၍ အပြောင်းအလဲ ဖြစ်နိုင်သည့် အခြေအနေတွင် ရောက်နေပြီဟု ဆိုလျှင် အပြောင်းအလဲ များသည် ပြည်သူအတွက် အကောင်းဆုံး၊ တိုင်းပြည်အတွက် အကောင်းဆုံး ဖြစ်ရန် မည်သို့မည်ပုံ လုပ်မည် ဆိုသည်ကို လူတိုင်းက တာဝန် သိသိနှင့် လေးလေးနက်နက် စဉ်းစားရမည်ဖြစ်ကြောင်း၊ တချို့က ပုံစံ မပြောင်းနိုင်သေးကြောင်း၊ အခြေအနေပေါ် မူတည်ပြီး ပုံစံပြောင်းရန် လိုအပ်ကြောင်း၊ ပုံစံ မပြောင်းလဲနိုင်လျှင် အခြေအနေကို ဆင်ခြင် သုံးသပ်နိုင်သည့် အရည်အချင်း အားနည်းသည်ဟု ပြောလိုကြောင်း ဆိုသည်။
“ကျမက စဉ်းစားကြည့်တယ်။ ကျမတို့အတွက် တကယ်တော့ တနှစ်မှတခါ ကျင်းပတဲ့ ကမ္ဘာ့ဒီမိုကရေစီ နေ့မျိုးဟာ တကယ်တော့ လိုတာ မဟုတ်ဘူး။ ကျမတို့ဟာ နေ့တိုင်း နေ့တိုင်းကို ဒီမိုကရေစီနေ့ အဖြစ်နဲ့ သတ်မှတ်ပြီး အလုပ် လုပ်ရမယ့် အဖွဲ့အစည်း ဖြစ်ပါတယ်” ဟု ဒေါ်အောင်ဆန်းစုကြည်က ပြောသည်။
ဒေါ်အောင်ဆန်းစုကြည်သည် ယမန်နှစ်က နေအိမ်အကျယ်ချုပ်မှ ပြန်လည်လွတ်မြောက်လာပြီး နောက်ပိုင်း မြန်မာ အစိုးရ ကိုယ်စားလှယ် ၀န်ကြီး ဦးအောင်ကြည်နှင့် ၂ ကြိမ် တွေ့ဆုံဆွေးနွေးပြီး ပူးတွဲ ကြေညာချက်များ ထုတ်ပြန်ခဲ့သည်။
အဆိုပါ ကြေညာချက်များတွင် မြန်မာနိုင်ငံသားများ အကျိုးအတွက် အစိုးရနှင့် ပူးပေါင်း ဆောင်ရွက်သွားမည် ဖြစ်ကြောင်း၊ မတူသည်များကို ရှောင်ရှားပြီး တူညီမှုများမှ အစပြုကာ ပူးပေါင်း လုပ်ဆောင် သွားကြမည်ဖြစ်ကြောင်း ဖော်ပြထားသည်။
မကြာသေးမီကလည်း ဒေါ်အောင်ဆန်းစုကြည်သည် နေပြည်တော်တွင် ကျင်းပသည့် စီးပွားရေး ဆိုင်ရာ အလုပ်ရုံ ဆွေးနွေးပွဲသို့ တက်ရောက်ခဲ့ပြီး သမ္မတ ဦးသိန်းစိန်နှင့်လည်း သမ္မတ အိမ်တော်တွင် တွေ့ဆုံ ဆွေးနွေးခဲ့ကြသည်။ အဆိုပါ ဆွေးနွေးမှုနှင့် ပတ်သက်၍ နှစ်ဦးနှစ်ဖက် စလုံးက အားရ ကျေနပ်ကြောင်း ပြောဆိုကြသည်။
အပြုသဘောဆောင်သည့် နိုင်ငံရေးအကျဉ်းသား လွတ်မြောက်ရေး၊ အဓိပ္ပာယ်ရှိသည့် တွေ့ဆုံဆွေးနွေး အဖြေရှာရေးများ ဆက်လက် ဖြစ်ထွန်းလာစေရန် မျှော်လင့်နေကြောင်း နိုင်ငံရေး လေ့လာသူတချို့က ဆိုသည်။
“အခုလို ဒေါ်အောင်ဆန်းစုကြည်က အပြောင်းအလဲ ဖြစ်နိုင်တဲ့ အခြေအနေရှိတာကို ယုံကြည်တယ်လို့ ဒီနေ့ ထုတ်ပြော လိုက်တော့ အကောင်းဘက်ကို ကျနော်တို့ မျှော်လင့်ချက် ပိုလာတာပေါ့ဗျာ” ဟု ယနေ့အခမ်းအနား တက်ရောက်ခဲ့သူ နိုင်ငံရေး အကျဉ်းသားဟောင်း တဦးက ပြောသည်။
အပြည်ပြည်ဆိုင်ရာ ဒီမိုကရေစီနေ့ အခမ်းအနားကို နေပြည်တော်တွင် ပြည်သူ့ လွှတ်တော်နှင့် အမျိုးသား လွှတ်တော်တို့ ပူးပေါင်းလျက် လွှတ်တော် အဆောက်အအုံ သဘင်ဆောင်၌ ယနေ့ နံနက်တွင် ကျင်းပသည်။ အစိုးရ အဖွဲ့ဝင်များ၊ လွှတ်တော် ကိုယ်စားလှယ်များ၊ ကုလသမဂ္ဂ လက်အောက်ခံ အဖွဲ့များ ဖိတ်ကြားထားပြီး ပြည်တွင်း အခြေစိုက် ပြည်ပ သတင်းထောက်များ၊ ပြည်တွင်း သတင်းထောက်များ အပြင် ပြည်ပအခြေစိုက် သတင်းဌာန တချို့မှ သတင်းထောက်များ သတင်း ယူခွင့် ပြုကြောင်း အစိုးရ၏ ကြိုတင် သတင်း ထုတ်ပြန်ချက်တွင် ဖော်ပြထားသည်။
Ref: ဧရာဝတီ
ပိတ်ဆို့မှုရုပ်သိမ်းရန် ဦးရွှေမန်း တောင်းဆို
ခင်ဦးသာ
Thursday, 15 September 2011
ပြည်သူ့လွှတ်တော် ဥက္ကဋ္ဌ သူရဦးရွှေမန်းက အမေရိကန် အစိုးရ၏ မြန်မာနိုင်ငံဆိုင်ရာ အထူး ကိုယ်စားလှယ် မစ္စတာ ဒဲရက် မစ်ချယ် နှင့် မကြာသေးမီက တွေ့ဆုံစဉ် ဒဏ်ခတ် ပိတ်ဆို့များ ရုပ်သိမ်းပေးရန် တောင်းဆိုခဲ့ကြောင်း ယနေ့ထုတ် အစိုးရ သတင်းစာတွင် ဖော်ပြထားသည်။
“ပြည်သူများ ဒုက္ခရောက်စေသော အမေရိကန်၏ မူဝါဒကို ပြန်လည် စဉ်းစားသုံးသပ်စေလိုကြောင်း” ဦးရွှေမန်းက မစ္စတာ ဒဲရက် မစ်ချယ် နှင့် စက်တင်ဘာ ၉ ရက်နေ့တွင် တွေ့ဆုံစဉ် ပြောလိုက်သည်ဟု ဆိုသည်။
မစ္စတာ ဒဲရက်မစ်ချယ်က အမေရိကန်အစိုးရ၏ မူဝါဒပိုင်းနှင့် ပတ်သက်၍ အကူအညီအထောက်အပံ့များ လိုအပ်ပါက သိလိုကြောင်း ပြောဆိုချက်ကို ဦးရွှေမန်းက တုံ့ပြန်လိုက်ခြင်း ဖြစ်သည်။
ပြည်ထောင်စုလွှတ်တော် နာယက ဦးခင်အောင်မြင့်ကလည်း အမေရိကန် အထူးကိုယ်စားလှယ် ပြောဆိုသော မြန်မာနိုင်ငံ အပေါ် ကူညီမှု ဟူသည်မှာ လွန်ခဲ့သော နှစ် ၂၀ ကတည်းက ဖြစ်သင့်သော ကိစ္စဟု ဆိုသည်။
သတင်းကောင်း တရပ်မှာ အပစ်ရပ်သူပုန်အဖွဲ့. ၂ ခုနှင့် ပဏာမ ငြိမ်းချမ်းရေး သဘောတူညီချက် ရရှိသွားပြီ ဖြစ်၍ အမျိုးသား စည်းလုံး ညီညွတ်ရေး အတွက် ဆက်လက် ဆွေးနွေး သွားမည့် အစီအစဉ် ဖြစ်သည်ဟု ဦးရွှေမန်းက မစ္စတာ ဒဲရက် မစ်ချယ်ကို ပြောဆိုခဲ့သည်။
မစ္စတာ ဒဲရက်မစ်ချယ်က သူ၏ ၅ ရက်ကြာ မြန်မာပြည် ခရီးစဉ် နောက်ဆုံးနေ့ဖြစ်သော စက်တင်ဘာ ၁၄ ရက်နေ့က ရန်ကုန် လေဆိပ်တွင် သတင်းစာ ရှင်းလင်းပွဲ ပြုလုပ်ပြီး ကြေညာချက် တစောင် ထုတ်ပြန်ခဲ့သည်။
အစိုးရနှင့် တွေ့ဆုံစဉ် ပြည်တွင်းငြိမ်းချမ်းရေး၊ အမျိုးသားပြန်လည်သင့်မြတ်ရေးတို့ အတွက် နိုင်ငံရေး အကျဉ်းသား ၂၀၀၀ ကျော် လွှတ်ပေးရေး၊ လက်နက်ကိုင် ပဋိပက္ခများ ဖြေရှင်းရေး၊ တိုင်းရင်းသားဒေသ အမျိုးသမီးများ၊ ကလေးများ အပေါ် လူ့အခွင့်အရေး ချိုးဖောက် နေမှု ကိစ္စများကို စုံစမ်း ဖော်ထုတ်၍ စနစ်တကျ အရေးယူ ဆောင်ရွက်ရေး တို့ကို ပြောဆိုခဲ့ကြောင်း ထုတ်ပြန်ချက်တွင် ရေးထားသည်။
မြန်မာနှင့်မြောက်ကိုးရီးယား နှစ်နိုင်ငံ စစ်ဘက်ဆိုင်ရာ ဆက်ဆံရေး အပိုင်းတွင် ပွင့်လင်းမြင်သာမှု နည်းပါး နေခြင်း အပေါ် စိုးရိမ်မကင်း ဖြစ်မိကြောင်း၊ ကုလသမဂ္ဂ လုံခြုံရေး ကောင်စီ၏ နျူကလီးယား မပြန့်ပွားရေး ဆိုင်ရာ သဘောတူညီချက် နှင့် အပြည်ပြည်ဆိုင်ရာ ၀တ္တရားများကို လေးစား လိုက်နာရန် တိုက်တွန်းကြောင်း အထူး ကိုယ်စားလှယ်က ပြောသည်။
အမျိုးသားပြန်လည် သင့်မြတ်ရေး ဆောင်ရွက်ရာ၌ ဒေါ်အောင်ဆန်းစုကြည်၏ အခန်းကဏ္ဍက မရှိမဖြစ် လိုအပ် သည်ဟုလည်း အထူး ကိုယ်စားလှယ်က ပြောသည်။
အမေရိကန် အထူးကိုယ်စားလှယ်သည် ခရီးစဉ်အတွင်း ရန်ကုန်အခြေစိုက် နိုင်ငံရေးသမား အများအပြား နှင့်လည်း တွေ့ခဲ့သည်။
အမေရိကန်က မြန်မာအစိုးရနှင့် ထိတွေ့ဆက်ဆံမှု တိုးမြှင့်လာသကဲ့သို့ စီးပွားရေးပိတ်ဆို့မှုကို ဆက်လက် ကျင့်သုံး သွားမည် ဖြစ်ကြောင်း အထူး ကိုယ်စားလှယ်က ရှင်းပြသွားသည်ဟု အတိုက်အခံ နိုင်ငံရေးသမား တဦးက ပြောသည်။
“စီးပွားရေးပိတ်ဆို့မှု ရုပ်သိမ်းရေးကိစ္စက မြန်မာအစိုးရရဲ့ လက်တွေ့ကျတဲ့ လုပ်ရပ်၊ အပြောင်းအလဲတွေ ပေါ်မှာ မူတည်ပါတယ်၊ အစိုးရရဲ့ အပြောင်းအလဲ ပေါ်မှာ မူတည်ပြီးတော့မှ ဆောင်ရွက် သွားဖို့ အမေရိကန်ရဲ့ သဘောကို ပြောခဲ့ပါတယ်” ဟု ပြည်သူ့လွှတ်တော် ကိုယ်စားပြုကော်မတီ (CRPP) ၏ အတွင်းရေးမှူး ဦးအေးသာအောင်က ဆိုသည်။
“အဓိကတော့ နိုင်ငံရေး လွတ်လပ်ခွင့်ကို ဘယ်အတိုင်းအတာထိ လုပ်ခွင့်ရမလဲ၊ ဘယ်လောက်ထိ ဒီမိုကရေစီ ကျမလဲ ဆိုတာတွေကို စောင့်ကြည့် သွားမယ်လို့ မစ္စတာဒဲရက်မစ်ချယ်က ဆိုသွားတယ်” ဟု ဦးအေးသာအောင်က ပြောပြသည်။
မြန်မာအာဏာပိုင်တို့က လူ့အခွင့်အရေး ချိုးဖောက်မှုများ ကျူးလွန်နေခြင်းကြောင့် အမေရိကန် နှင့် အနောက် နိုင်ငံများ၏ အရေးယူ ပိတ်ဆို့မှုများ ၁၉၉၇ ခုနှစ်တွင် စတင် ပေါ်ပေါက်လာသည်။
Ref: ဧရာဝတီ
Thursday, September 15, 2011
၂၀၀၃ ဒဏ်ခတ်ပိတ်ဆို့မှု သက်တမ်းတိုးဖို့ အထက်လွှတ်တော်ဆုံးဖြတ်
သားညွန့်ဦး
ဗုဒ္ဓဟူး, 14 စက်တင်ဘာ 2011ပုံနှိပ်ရန်
မြန်မာနိုင်ငံက ပို့ကုန်တွေကို ပိတ်ပင်ပြီး မြန်မာ့ဒီမိုကရေစီရေး လှုပ်ရှားမှုကို ထောက်ခံ ကူညီဖို့ အမေရိကန် ပြည်ထောင်စုရဲ့ ၂၀၀၃ ခုနှစ် မြန်မာနိုင်ငံ ဆိုင်ရာ အရေးယူပိတ်ဆို့မှု ဥပဒေကို အထက် လွှတ်တော်က နောက်ထပ် သက်တမ်းတိုးဖို့ ဆုံးဖြတ်လိုက်ပါပြီ။
၂၀၀၃ ခုနှစ် Burmese Freedom and Democracy Act မြန်မာနိုင်ငံ လွတ်မြောက်ရေးနဲ့ ဒီမိုကရေစီ ဥပဒေကို နောက်ထပ် သက်တမ်း တိုးဖို့ အထက်လွှတ်တော်က မကြာခင်သေးခင် ကပဲ အတည်ပြု လိုက်တာပါ။
ဒီ ဥပဒေကို သက်တမ်းတိုးဖို့ အောက်လွှတ်တော် ကလည်း ဆုံးဖြတ်ခဲ့ပြီး ဖြစ်တာမို့ မကြာခင်မှာ အမေရိကန် သမ္မတက အတည်ပြု လက်မှတ် ထိုးမယ်လို့ မျှော်လင့်ရပါတယ်။
ဒေါ်အောင်ဆန်းစုကြည်နဲ့ သူ့ကို ထောက်ခံသူတွေကို မြန်မာနိုင်ငံအလယ်ပိုင်း ဒီပဲယင်း အနီးမှာ အစိုးရ လိုလား သူတွေက အကြမ်းဖက် တိုက်ခိုက်ခဲ့တဲ့ နောက်ပိုင်း၊ ဒီ ဥပဒေကို အမေရိကန် ပြည်ထောင်စု ထုတ်ပြန်ပြီး မြန်မာ စစ်အစိုးရ ထိပ်ပိုင်း ဗိုလ်ချုပ်တွေနဲ့ သူတို့နီးစပ်တဲ့ အသိုင်းအ၀ိုင်းတွေကို ဒဏ်ခတ် အရေးယူ ပိတ်ဆိုမှု တွေလုပ်ခဲ့တာပါ။ ဒီဥပဒေ ရည်ရွယ်ချက်ဟာ မြန်မာ စစ်အစိုးရကို အရေးယူ ဒဏ်ခတ်ဖို့၊ မြန်မာ့ ဒီမိုကရေစီ အင်အားစုတွေကို အားဖြစ်စေဖိုနဲ့ အမျိုးသား ဒီမိုကရေစီ အဖွဲ့ချုပ်ကို မြန်မာလူထုရဲ့ ကိုယ်စားလှယ် အဖြစ် တရားဝင် အသိအမှတ်ပြုဖို့ ဖြစ်တယ်လို့ ဥပဒေမှာ ဖော်ပြပါတယ်။
ဒါကြောင့်လည်း မြန်မာနိုင်ငံတွင်း ပို့ကုန်တွေကို အမေရိကန်ပြည်ထောင်စုကနေ ပိတ်ပင် တားဆီးဖို့ အပါအ၀င် မြန်မာ စစ်ဗိုလ်ချုပ်တွေနဲ့ သူတို့ နီးစပ်တဲ့ အသိုင်းအ၀ိုင်းတွေရဲ့ ပိုင်ဆိုင်မှုတွေကို ထိန်းချုပ်ဖို့ ဆိုတာ ဒီ ဥပဒေမှာ ပါဝင်ပါတယ်။ တဘက်မှာလည်း ဒီမိုကရေစီရေး အတွက် အကြမ်းမဖက် လှုပ်ရှားနေကြတဲ့ မြန်မာ့ ဒီမိုကရေစီ အင်အားစုတွေကို ဖြစ်နိုင်သမျှ ကူညီ ထောက်ပံ့ဖို့ သမ္မတကိုလည်း လုပ်ပိုင်ခွင့် ပေးထားပါတယ်။
အခုလို အထက်လွှတ်တော်ဆုံးဖြတ်ချက်မတိုင်ခင်မှာတော့ မြန်မာနိုင်ငံ မူဝါဒနဲ့ ပတ်သက်ပြီး အမေရိကန် အနေနဲ့ ဖြစ်လာမယ့် အခြေ အနေနဲ့ ကိုက်အောင် ညှိယူနိုင်ဖို့ ပြင်ဆင် ထားသင့်တယ်လို့ အထက်လွှတ်တော် အရှေ့အာရှနဲ့ ပစိဖိတ်ရေးရာ ဆပ်ကော်မတီ ဥက္ကဋ္ဌ ဂျင်မ်ဝက်ဘ် (Jim Webb) က ကြေညာချက် ထုတ်ပြန်ပြီး စက်တင်ဘာ ၁၂ ရက်နေ့က ပြောခဲ့ပါတယ်။
Ref: VOA News
ဒီမိုကရေစီရေး လူငယ် လှုပ်ရှားမှုတွေကို ပိုမိုထောက်ခံအားပေးဖို့ ဘန်ကီမွန်း တိုက်တွန်း
သားညွန့်ဦး
ဗုဒ္ဓဟူး, 14 စက်တင်ဘာ 2011
အရှေ့အလယ်ပိုင်းနဲ့ မြောက်အာဖရိကမှာဖြစ်တဲ့ ဒီမိုကရေစီရေး တောင်းဆိုအုံကြွမှုတွေကို ထောက်ပြပြီး အခုနှစ်ဟာ ဒီမိုကရေစီရေးနဲ့ ပတ်သက်လို့ သမိုင်းမှာ တွင်ကျန်ရစ်မယ့်နှစ် ဖြစ်တယ်လို့ အတွင်းရေးမှုးချုပ် ဘန်ကီမွန်းက ပြောပါတယ်။
စက်တင်ဘာ ၁၅ ရက်နေ့ဟာ နိုင်ငံတကာဒီမိုကရေစီနေ့ ဖြစ်ပါတယ်။ နိုင်ငံ အစိုးရတွေ အနေနဲ့ ဒီမိုကရေစီ စနစ် ထွန်းကား လာရေးအတွက် အစီအစဉ်တွေ ချမှတ် ဆောင်ရွက်နိုင်ဖို့ ဆိုပြီး ကုလသမဂ္ဂ အထွေထွေ ညီလာခံကနေ စက်တင်ဘာ ၁၅ ရက်နေ့ကို နိုင်ငံတကာ ဒီမိုကရေစီနေ့ အဖြစ် ၂၀၀၇ ခုနှစ်မှာ သတ်မှတ် ဆုံးဖြတ်ခဲ့တာပါ။ ကမ္ဘာအနှံက ဒီမိုကရေစီရေး အတွက် ကြိုးပမ်း အားထုတ်နေတဲ့ လူငယ်တွေကို ပိုပြီး ထောက်ခံ အားပေးကူညီကြဖို့ ကုလသမဂ္ဂ အတွင်းရေးမှုးချုပ် ဘန်ကီမွန်း က အခု နိုင်ငံတကာ ဒီမိုကရေစီနေ့မှာ တိုက်တွန်း သွားပါတယ်။
ဒီမိုကရေစီဆိုတာဟာ လူထုရဲ့ ဆန္ဒဖြစ်ပြီး၊ ခိုင်မာအားကောင်းတဲ့ လူ့အဖွဲ့အစည်း တရပ်ကနေ ပေါ်ပေါက် လာတယ် ဆိုတာကို အခုနှစ် အတွင်း မြင်တွေ့ ရတယ်လို့ ကုလသမဂ္ဂ အတွင်းရေးမှုးချုပ်ရဲ့ အခုနှစ် နိုင်ငံတကာ ဒီမိုကရေစီနေ့ သ၀ဏ်လွှာမှာ ဖော်ပြပါတယ်။ အရှေ့ အလယ်ပိုင်းနဲ့ မြောက်အာဖရိကမှာ ဖြစ်တဲ့ ဒီမိုကရေစီရေး တောင်းဆို အုံကြွမှုတွေကို ထောက်ပြပြီး၊ အခုနှစ်ဟာ ဒီမိုကရေစီရေးနဲ့ ပတ်သက်လို့ သမိုင်းမှာ တွင်ကျန်ရစ်မယ့်နှစ် ဖြစ်တယ်လို့ အတွင်းရေးမှုးချုပ် ဘန်ကီမွန်းက ပြောပါတယ်။
ဒီလှုပ်ရှားမှုတွေကို ကြည့်မယ်ဆိုရင် ဒီမိုကရေစီဆိုတာဟာ လူသားအားလုံး လိုလားတဲ့ နိုင်ငံတကာ စံနှုန်း ဖြစ်ပြီး၊ အခြား မတူတဲ့ ယဉ်ကျေးမှု ပြည်ပလာတဲ့ ယဉ်ကျေးမှု မဟုတ်ဘူးဆိုတာ ပြနေတယ်လို့ ဆိုပါတယ်။ နိုင်ငံတနိုင်ငံဟာ ဒီမိုကရေစီနဲ့ ထိုက်တန်တယ် ဆိုတာထက် ဒီမိုကရေစီ စနစ်ကနေ နိုင်ငံကို ထိုက်တန်တဲ့ နိုင်ငံဖြစ်စေတယ် ဆိုတဲ့ သတင်းစကားကို အဲဒီ လှုပ်ရှားမှုတွေမှာ ပါဝင်တဲ့ လူငယ်တွေက သယ်ဆောင် ပေးခဲ့ကြတယ်လို့ အတွင်းရေးမှုးချုပ် ဘန်ကီမွန်းက ပြောသွားပါတယ်။
“ဒီမိုကရေစီစနစ်မှာ လွတ်လပ်တဲ့ သတင်းမီဒီယာ ရှိဖို့လိုပါတယ်။”
“ဒီမိုကရေစီဆိုတာ လွတ်လပ်မှုရှိဖို့ ပါပဲ။”
“ဒီမိုကရေစီဆိုတာ ကိုယ်ပြောချင်ရာကို ပြောခွင့်ရဖို့လိုသလို၊ ပြောတာကိုလည်း လူတွေက လေးစားဖိြု့ ဖစ်ပါတယ်။”
“ဒီမိုကရေစီဆိုတာ နိုင်ငံအစိုးရက ကိုယ့်နိုင်ငံရဲ့ နိုင်ငံသားတွေအတွက် အလုပ်လုပ်တဲ့ နိုင်ငံသား ဖြစ်ဖို့ လိုပါတယ်။ အစိုးရက သူတို့ ကိုယ်ကျိုးအတွက် အုပ်ချုပ်တဲ့ အစိုးရ မဖြစ်သင့်ပါဘူး။”
“ဒီမိုကရေစီဆိုတာ ကိုယ့်အမြင်ကို လွတ်လွတ်လပ်လပ်ထုတ်ဖော်ပြောဆိုခွင့်ရှိပြီး အချုပ်အခြယ် ကန့်သတ်မှု ကင်းဖို့ လိုပါတယ်။”
“ဒီမိုကရေစီလို့ဆိုရာမှာ ကလေးတွေဟာ ငြိမ်းချမ်းတဲ့လူ့အဖွဲ့အစည်းမှာ ကြီးပြင်းခွင့် ရကြဖို့ပါပဲ။”
“ဒီမိုကရေစီဆိုတာ မြင်တဲ့အခါ ပထမဆုံးအချက်က လွတ်လပ်စွာပြောဆိုပိုင်ခွင့်ရဖို့ပါ၊ ကျမတို့ မြန်မာ ပြည်မှာ လွတ်လပ်စွာ ပြောဆိုခွင့် ဆိုတာ မရှိပါဘူး။ ကျမတို့ ငယ်ငယ် မွေးလာကတည်းက နိုင်ငံရေးနဲ့ ပတ်သက်လို့ ဘာမှ ပြောဆိုပိုင်ခွင့် ဆိုတာ မရှိပါဘူး။ တယောက်နဲ့ တယောက်ဟာလည်း ယုံကြည်ရလား မယုံကြည်ရသလား မသိပဲနဲ့ ကိုယ့်အမြင် သူ့အမြင် လဲလှယ်နိုင်ခွင့် မရှိပါဘူး။ စီးပွားရေးနဲ့ ပတ်သက်လို့ ပြောဆို ပိုင်ခွင့်လည်း မရှိပါဘူး။ အခြေခံကျတဲ့ လွတ်လပ်စွာ ပြောဆိုပိုင်ခွင့် ဆိုတာ ပိတ်ထားတဲ့ အနေအထားမှာ ရှိပါတယ်။ ကျမအနေနဲ့ မြင်တာကတော့ လူအချင်းချင်းဟာ တယောက်နဲ့ တယောက် ကိုယ့်ရဲ့ ထင်မြင် ယူဆချက်တွေကို ပြောဆို ဆွေးနွေးပိုင်ခွင့် ရှိတော့မှ ပိုပြီး အသိဥာဏ်တွေ ကြွယ်ဝလာပြီး နိုင်ငံအတွက် ဘယ်လိုတွေ လုပ်မလဲဆိုတာ အကြံဥာဏ်တွေ ထွက်လာမယ်လို့ ထင်ပါတယ်။”
ဒီမိုကရေစီနဲ့ပတ်သက်လို့ နားလည်ပုံ ယူဆပုံတွေ မြန်မာအပါအ၀င် နိုင်ငံတကာက လူငယ်အသီးသီးရဲ့ အမြင်တွေကို ကြားရတာပါ။
ဒီမိုကရေစီအတွေးအမြင်တွေဟာ ကမ္ဘာနေရာအားလုံး နိုင်ငံအသီးသီး လူ့အဖွဲ့အစည်းအသီးသီးရဲ့ အတွေးအခေါ် ယဉ်ကျေးမှု တွေမှာ ရှိနေပြီးသား ဖြစ်ပြီးတော့၊ ဒီမိုကရေစီနည်းကျ အုပ်ချုပ်ရေးဟာ အမျိုးသား အမျိုးသမီး လူသားအားလုံးရဲ့ နေထိုင် စားသောက်မှုဘ၀ကို မြှင့်တင် ပေးနိုင်တယ်လို့ ယုံကြည်တဲ့ အကြောင်းလည်း အတွင်းရေးမှုးချုပ် ဘန်ကီမွန်းက ပြောဆို ထားပါတယ်။
Ref: VOA News
ပြုပြင်ပြောင်းလဲမှု လက်တွေ့ပြဖို့ အမေရိကန်သံ တောင်းဆို
ကျော်ကျော်သိန်း
ဗုဒ္ဓဟူး, 14 စက်တင်ဘာ 2011
မြန်မာအစိုးရအနေနဲ့ စစ်မှန်တဲ့ ပြုပြင်ပြောင်းလဲရေးနဲ့ အမျိုးသားပြန်လည် သင့်မြတ်ရေး အတွက် တကယ်တမ်း အခိုင်အမာ သန္နိဋ္ဌာန် ချထားတယ်ဆိုရင် နိုင်ငံရေး အကျဉ်းသားတွေ အားလုံးကို လွှတ်ပေးပြီး လူမျိုးစုဒေသတွေက လူ့အခွင့်အရေး ချိုးဖောက်မှုတွေကို စုံစမ်း စစ်ဆေးဖို့ မြန်မာနိုင်ငံ ဆိုင်ရာ အမေရိကန် အထူး သံတမန် ဒဲရက်က် မစ်ချဲလ်က မြန်မာ အစိုးရကို တိုက်တွန်း လိုက်ပါတယ်။ ပြုပြင် ပြောင်းလဲရေးဆိုင်ရာ လုပ်ဆောင်ချက်တွေ အပေါ် ယုံကြည် ကိုးစားမှု ရဖို့ဆိုရင် ဒေါ်အောင်ဆန်းစု ကြည် ပါဝင် ရမယ်လို့လည်း ဆိုပါတယ်။ သူ့ရဲ့ ပထမဆုံး မြန်မာနိုင်ငံ ခရီးစဉ်အတွင်း အရပ်သား အစိုးရ ဆိုတာရဲ့ တာဝန် ရှိသူတွေနဲ့ ဆွေးနွေး ခဲ့သလို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့လည်း တွေ့ဆုံခဲ့ပါတယ်။ ဒီအကြောင်း ဗွီအိုအေ သတင်းထောက် Daniel Schearf ဘန်ကောက်ကနေ ပေးပို့ထားတဲ့ သတင်းဆောင်းပါးကို ကိုကျော်ကျော်သိန်းက ဆက်ပြောပြ ပါမယ်။
မြန်မာအစိုးရဘက်ကနေ မကြာသေးခင်က ပြသခဲ့တဲ့ ပြုပြင်ပြောင်းလဲရေးနဲ့ အမျိုးသားပြန်လည် သင့်မြတ်ရေး အရိပ် လက္ခဏာ တွေကို အမေရိကန်က ကြိုဆိုပါတယ်လို့ မြန်မာနိုင်ငံ ဆိုင်ရာ အမေရိကန် အထူး သံတမန်နဲ့ မူဝါဒရေးရာ ညှိနှိုင်းရေးမှူး ဒဲရက်က် မစ်ချဲလ်က ပြောပါတယ်။
သမ္မတဦးသိန်းစိန်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သြဂုတ်လ အတွင်း တွေ့ဆုံခဲ့တာ၊ လူ့အခွင့်အရေး ကော်မရှင် ထူထောင်တာ၊ လူနည်းစု လူမျိုးစုတွေနဲ့ တွေ့ဆုံ ဆွေးနွေးရေး ကိစ္စ အလေးထား ပြောဆိုတာ၊ သတင်း မီဒီယာတွေ အပေါ် တင်းကျပ် ထားတာတွေ အတန်အသင့် လျှော့ပေါ့ ပေးခဲ့တာတွေကို ဥပမာတွေအဖြစ် သူက ထောက်ပြခဲ့ပါတယ်။
အပြောင်းအလဲအတွက် မျှော်လင့်ချက်တွေ မြင့်မားလာအောင် မြန်မာအစိုးရကလုပ်ခဲ့တယ်လို့ မစ်ချဲလ်က ပြောပေမဲ့ အမေရိကန်နဲ့ နိုင်ငံတကာ အသိုက်အ၀န်းက သံသယ ရှိနေဆဲပဲလို့ ဆိုပါတယ်။
အဲဒီလို သံသယ၀င်နေတာတွေ မှားတယ်ဆိုတာကိုပြဖို့က မြန်မာတာဝန်ရှိသူတွေအပေါ်မှာ မူတည် ပါတယ်လို့ ခရီးစဉ် အဆုံး မြန်မာ နိုင်ငံကနေ ပြန်မထွက်ခွာခင် ရန်ကုန်မြို့သတင်းစာ ရှင်းလင်းပွဲမှာ မစ်ချဲလ်က ပြောခဲ့ပါတယ်။
““နိုင်ငံရေး အကျဉ်းသား ၂၀၀၀ လောက်ကို ဆက်ပြီး ထိန်းသိမ်းထားတာ၊ အမျိုးသမီးနဲ့ ကလေးငယ်တွေ အပါအ၀င် ဆိုးရွားတဲ့ လူ့အခွင့်အရေး ချိုးဖောက်မှုတွေ လူနည်းစု တိုင်းရင်းသား ဒေသတွေမှာ ဆက်ဖြစ်နေတာ၊ မြောက်ကိုရီးယား နိုင်ငံနဲ့ မြန်မာ အစိုးရရဲ့ စစ်ဘက် ဆက်ဆံရေးမှာ ပွင့်လင်း မြင်သာမှု အားနည်းတာတွေ အပေါ် စိုးရိမ်ချက်တွေကို ကျနော် ပြောခဲ့ပါတယ်။”
မြောက်ကိုရီးယားဟာ ပိတ်ပင်ကန့်သတ်ထားတဲ့ လက်နက်တွေနဲ့ နျူကလီးယားဆိုင်ရာ ပစ္စည်းတွေ မြန်မာ အစိုးရကို ထောက်ပံ့နေ တယ်ဆိုပြီး စွပ်စွဲ ခံထားရပါတယ်။ မြန်မာ အာဏာပိုင်တွေကတော့ အဲဒီ စွပ်စွဲချက်တွေကို ငြင်းဆိုထားပြီး မြောက်ကိုရီးယားနဲ့ ဆက်ဆံရေး အပေါ် စိုးရိမ်မှုတွေကိုလည်း ပယ်ချပါတယ်။
နျူကလီးယားလက်နက် မပြန့်ပွားရေးဆိုင်ရာ ကုလသမဂ္ဂဆုံးဖြတ်ချက်တွေကို လိုက်နာဖို့ မြန်မာ အစိုးရကို သူ တိုက်တွန်းခဲ့တယ် လို့ မစ်ချဲလ်ကပြောပါတယ်။
ပြုပြင်ပြောင်းလဲရေးအပေါ် ရိုးရိုးသားသားနဲ့ စစ်မှန်တဲ့ သန္နိဋ္ဌာန်ရှိပါတယ် ဆိုတာကို နိုင်ငံရေး အကျဉ်းသား အားလုံးကို ခြွင်းချက်မရှိ လွှတ်ပေးတာ၊ လူနည်းစု လူမျိုးစုဒေသတွေမှာ လူ့အခွင့်အရေး ချိုးဖောက်တာတွေ ရှိနေတယ် ဆိုတာကို စုံစမ်း စစ်ဆေးဖို့အတွက် ဥပဒေနဲ့အညီ ယုံကြည် ရလောက်တဲ့ စနစ်တရပ် ထူထောင်တာ မျိုးတွေနဲ့ မြန်မာ အစိုးရက သက်သေ ပြသင့်တယ် လို့လည်း သူက ပြောပါတယ်။
လူမျိုးစုလက်နက်ကိုင်တွေနဲ့ ဆယ်စုနှစ်ပေါင်းများစွာဖြစ်နေခဲ့တဲ့ တိုက်ပွဲတွေအတွင်း မြန်မာ အစိုးရ စစ်တပ်ဟာ အတင်းအဓမ္မ အလုပ်ခိုင်းတာ၊ လူသတ်တာနဲ့ မုဒိန်းကျင့်တာတွေ အပါအ၀င် လူ့အခွင့်အရေး ချိုးဖောက်တာတွေ ကျူးလွန် ထားတယ်လို့ လူ့အခွင့်အရေး အဖွဲ့တွေက ပြောပါတယ်။
လူနည်းစုလူမျိုးစုအဖွဲ့တွေနဲ့ ဒေါ်အောင်ဆန်းစုကြည်အပါအ၀င် အတိုက်အခံ အဖွဲ့အစည်း တွေနဲ့ အဓိပ္ပါယ်ရှိတဲ့ တွေ့ဆုံ ဆွေးနွေး တာတွေလုပ်ဖို့ သူအကြံပြုခဲ့တယ်လို့ မစ်ချဲလ်က ပြောပါတယ်။
“ဒေါ်စုဟာ ဒီနိုင်ငံက လူနည်းစု လူမျိုးစုတွေအပါ အ၀င် နိုင်ငံသားတွေအားလုံးအတွက် အင်မတန့်ကို အရေး ပါနေတုန်းပါပဲ ဆိုတာနဲ့ ယုံကြည်ရလောက်တဲ့ ပြုပြင် ပြောင်းလဲရေး ဆိုင်ရာ ဘယ်လို ကြိုးပမ်း အားထုတ်မှု မျိုးမှာမဆို သူပါဝင်ရမယ် ဆိုတာကို ခရီးစဉ်တလျှောက် ကျနော့်ကို မပြတ် သတိပေး ခဲ့ကြပါတယ်။”
မြန်မာအာဏာပိုင်တွေအနေနဲ့ သူတို့အပေါ် ချမှတ်ထားတဲ့ ဒဏ်ခတ် အရေးယူမှုတွေကို ရုပ်သိမ်း စေချင်ပြီး ဒါဟာ ပြုပြင် ပြောင်းလဲရေး ဆိုင်ရာ အရိပ်လက္ခဏာ တွေကိုပြတဲ့ ရည်ရွယ်ချက်တခု ဖြစ်တယ်လို့ လေ့လာ သူတွေက ပြောပါတယ်။
ဒဏ်ခတ် အရေးယူမှုတွေကို ဘယ်လိုအခြေအနေမျိုးတွေမှာ ရုပ်သိမ်းနိုင်မယ်ဆိုတာကို မြန်မာ အစိုးရနဲ့ သူ ဆွေးနွေး ခဲ့ပါတယ်လို့ မစ်ချဲလ်က ဗွီအိုအေကို ပြောထားပေမဲ့ အသေးစိတ်ကိုတော့ မပြောပါဘူး။ ဒါပေမဲ့လည်း မြန်မာ အစိုးရ ဘက်ကသာ စစ်မှန်ပြီး ခိုင်မာတဲ့ လုပ်ဆောင်မှုတွေ ရှိလာရင် အမေရိကန် ပြည်ထောင်စု ဘက်ကလည်း အလားတူ တုံ့ပြန်ပါ့မယ်လို့ ပြောခဲ့ကြောင်းပါ။
Ref: VOA News
ဒေါ်စု အိုင်ဒီယာဟောင်းတွေပဲ စွဲနေဟု ဗိုလ်ချုပ်မှူးကြီးသန်းရွှေတိုင်
ကိုဝိုင်း
ဗုဒ္ဓဟူးနေ့၊ စက်တင်ဘာလ ၁၄ ရက် ၂၀၁၁
ချင်းမိုင် (မဇ္ဈိမ) ။ ။ စင်္ကာပူဝန်ကြီးချုပ်ဟောင်း ဂိုချုပ်တောင်နှင့် တွေ့ဆုံရာတွင် ယခင် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက ဒေါ်အောင်ဆန်းစုကြည်သည် "အိုင်ဒီယာအဟောင်းတွေ" ဆုပ်ကိုင် ထားကြောင်း ပြောဆို လိုက်ရင်း ပိတ်ဆို့ အရေး ယူမှုတွေ ရုပ်သိမ်းပြီး ထိပ်တိုက် ရင်ဆိုင်ရေး လမ်းကို စွန့်မှသာလျှင် တွေ့ဆုံ ဆွေးနွေးရေး လုပ်မည်ဟု ပြောဆိုကြောင်း ဝီကီလိခ်မှ ပေါက်ကြားလာသည့် အမေရိကန် ကြေးနန်း တစောင်တွင် ပါရှိသည်။
ဒေါ်အောင်ဆန်းစုကြည်ဟာ "အိုင်ဒီယာဟောင်းတွေနဲ့ တကြောင်းစွဲပဲလို့ တိုင်တယ်။ တကယ်လို့ ပိတ်ဆို့ အရေးယူမှုတွေ ရုပ်သိမ်းဖို့ သူ (ဒေါ်အောင်ဆန်းစုကြည်) က တောင်းဆိုပြီး ထိပ်တိုက် ရင်ဆိုင်တွေ့တာနဲ့ အဖျက် လုပ်ရပ်တွေ စွန့်လွှတ်ရင်တော့ တွေ့ဆုံ ဆွေးနွေးဖို့ သူ့အနေနဲ့ ပြင်ထားတယ်လို့ ပြောပါတယ်" ဟု သြဂုတ် ၃ဝ ရက်နေ့က ထပ်မံ ထွက်ရှိလာသော ရန်ကုန်မြို့ အမေရိကန် သံရုံးမှ ဝါရှင်တန်ရှိ နိုင်ငံခြားဌာနသို့ ပေးပို့သော ကြေးနန်းစာတွင် ဖော်ပြ ထားသည်။
အမျိုးသား တည်ငြိမ်ရေးနှင့် ဒေါ်အောင်ဆန်းစုကြည်၏ တောင်းဆိုမှုများအကြား ရွေးချယ်မှု ပြုနေရကြောင်း ဗိုလ်ချုပ်မှူးကြီး သန်းရွှေက ပြောသွားသည်ဟုလည်း ပါရှိသည်။
ထို့အပြင် ဗိုလ်ချုပ်မှူးကြီးသန်းရွှေက တနာရီကြာ ဆွေးနွေးမှုအတွင်း မြန်မာနိုင်ငံ၏ ၂ဝ၁ဝ ခုနှစ် ရွေးကောက်ပွဲမှာ "လွတ်လပ်ပြီး တရား မျှတပါမည်" ဟု ရင်းနှီးသော "မိတ်ဆွေဟောင်း" စင်္ကာပူအကြီးတန်း ဝန်ကြီး ဂိုချုပ်တောင်ကို ကတိပြုခဲ့သည်ဟု ဆိုသည်။
ဂိုချုပ်တောင်၏ ဇွန် ၈-၁၁ ရက်၊ ၂ဝဝ၉ ခုနှစ် ခရီးစဉ်အတွင်း ထိုစဉ်က ဝန်ကြီးချုပ် ဗိုလ်ချုပ်ကြီး သိန်းစိန် နှင့်လည်း နေပြည်တော်တွင် တနာရီခန့်ကြာ ဆွေးနွေးခဲ့ကြသည်ဟု ရန်ကုန်ရှိ စင်္ကာပူ သံအမတ်က သံတမန် အသိုင်း အဝိုင်းကို အစီရင်ခံ ခဲ့ကြောင်း ဖော်ပြထားသည်။
ခရီးစဉ်အတွင် ဂိုချုပ်တောင်သည် ရန်ကုန်၊ မန္တလေး၊ တောင်ကြီးမြို့များသို့လည်း သွားရောက်ခဲ့သလို သက်ဆိုင်ရာ စစ်တိုင်းမှူး များနှင့်လည်း တွေ့ဆုံခဲ့သည်။
တချိန်တည်းမှာပင် ဒေါ်အောင်ဆန်းစုကြည် ခြံအတွင်း မဖိတ်ခေါ်ဘဲ ခြံဝင်းတွင်းသို့ ရေကူးဝင်ရောက် လာသည့် အမေရိကန် နိုင်ငံသား ဂျွန်ယက်တောအား လက်ခံမှုဖြင့် နေအိမ်အကျယ်ချုပ် ဥပဒေချိုး ဖောက်သည်ဟု အင်းစိန်ထောင် အတွင်း တရား ရင်ဆိုင်နေရချိန် ဖြစ်သည်။
ဂိုချုပ်တောင်က "ဒေါ်အောင်ဆန်းစုကြည်ကို ဖမ်းပြီး စစ်ဆေးနေတာဟာ (အမေရိကန်) သမ္မတသစ် အိုဘားမားက မြန်မာနဲ့ အပြုသဘော ဆက်ဆံဖို့ စဉ်းစား သုံးသပ်နေတာကို ထိခိုက် စေလိမ့်မယ်" ဟု ဗိုလ်ချုပ်မှူးကြီး သန်းရွှေကို ထောက်ပြ ခဲ့သော်လည်း အရေးတယူ တုန့်ပြန်မှု မရှိတာကို တွေ့ရကြောင်း သံအမတ် ရောဘတ် ချူဝှာက သံတမန်များကို ပြန်လည် ရှင်းပြရာတွင် ထည့်သွင်း ပြောကြား သွားသည်။
အဖွဲ့ဝင်နိုင်ငံများ၏ ပြည်တွင်းရေး ဝင်မစွက်ရဟု မူဝါဒရှိသော အရှေ့တောင်အာရှ နိုင်ငံများအသင်း အဖွဲ့ဝင် စင်ကာပူနိုင်ငံ၏ ဝန်ကြီးချုပ် ဟောင်းက ဒေါ်အောင်ဆန်းစုကြည်၏ အမှုသည် ပြည်တွင်းရေး ဖြစ်သော်လည်း နိုင်ငံတကာက စောင့်ကြည့်နေသည်ကို မမေ့သင့်ကြောင်း သတိပေးခဲ့သည်ဟု ဆိုသည် ။
ဂိုချုပ်တောင် ပြန်သွားပြီးနောက် သြဂုတ်လ ၁၁ ရက်နေ့တွင် ဒေါ်အောင်ဆန်းစုကြည်ကို အင်းစိန်ထောင် တွင်း အထူး တရားရုံးက နိုင်ငံတော်အား နှောင့်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ် စောင့်ရှောက်သည့် ဥပဒေပုဒ်မ ၂၂ အရ ထောင်ဒဏ် သုံးနှစ် ချမှတ် လိုက်သော်လည်း ဗိုလ်ချုပ်မှူး ကြီးသန်းရွှေက ၁၈ လသို့ လျော့ချ ပေးခဲ့သည်။
သူ၏ အမျိုးသား ဒီမိုကရေစီ အဖွဲ့ချုပ်ပါတီက ပါဝင်ယှဉ်ပြိုင်ခြင်း မပြုရန် ဆုံးဖြတ်ခဲ့သော ရွေးကောက်ပွဲ အပြီး သုံးရက် အကြာ ၂ဝ၁ဝ ခုနှစ် နိုဝင်ဘာ ၁၃ ရက်တွင်မှ ပြန်လွတ်လာသည်။
ဒေါ်အောင်ဆန်းစုကြည်အား စီရင်ချက်ချပြီး ရက်ပိုင်းအတွင် ဆီးနိတ်နိုင်ငံခြားရေးရာ ကော်မတီ အရှေ့ အာရှနှင့် ပစိဖိတ် ရေးရာ ဆပ်ကော်မတီ၏ ဥက္ကဋ္ဌ ဖြစ်သူ မစ္စတာ ဂျင် ဝက်ဘ် Jim Webb သည် နေပြည်တော်၌ ဗိုလ်ချုပ်မှူးကြီး သန်းရွှေနှင့် တွေ့ပြီးနောက် ထောင်ဒဏ် ခုနှစ်နှစ် ချမှတ်ထားသည့် ဂျွန်ယက်တောအား အမေရိကန် နိုင်ငံသို့ ပြန်လည် ခေါ်ဆောင်ခွင့် ရခဲ့သည်။
ဒေါ်အောင်ဆန်းစုကြည်ကို ပြန်လွှတ်ပေးရေး ဂျင်ဝက်ဘ်က တောင်းဆိုသည်ကိုမူ ဗိုလ်ချုပ်မှူးကြီး သန်းရွှေက သဘော မတူခဲ့ကြောင်း ဝီကီလိခ်က ဖောက်ချခဲ့သည့် ၂ဝဝ၉ ခု သြဂုတ် ၁၇ ရက်စွဲပါ အမေရိကန် နိုင်ငံခြားရေးဌာန လျှို့ဝှက်ကြေးနန်း၌ ဖော်ပြထားသည်။
လူ့အခွင့်အရေး ချိုးဖောက်သော စစ်အစိုးရကို စီးပွားရေးအရ ထောက်ကူပေးနေသည်ဟု စွပ်စွဲပြီး အနောက် နိုင်ငံများမှ စီးပွားရေး ပိတ်ဆို့ ထားသော မက်စ်မြန်မာ စီးပွားရေးအုပ်စု ပိုင်ရှင် ဦးဇော်ဇော်၊ ထူးထရေးဒင်း ကုမ္ပဏီပိုင်ရှင် ဦးတေဇ ကဲ့သို့သော အစိုးရ လက်ရင်း စီးပွားရေး သမားကြီးများသည် ယခင်က စင်ကာပူရှိ ဘဏ်တချို့မှ တဆင့် နိုင်ငံခြားငွေ လွှဲပြောင်းကြပြီး နိုင်ငံခြား ကုမ္ပဏီများနှင့် စီးပွားရေး ဆက်ဆံခဲ့ကြသည်ဟု အမေရိကန် ကြေးနန်းများတွင် ပါရှိသည်။
နောက်ပိုင်းတွင် "ခရိုနီ" များ အသုံးပြုသော စင်ကာပူဘဏ် တချို့ကလည်း ငွေသွင်းငွေလွှဲ စည်းကမ်းများ တင်းကျပ် လိုက်သဖြင့် အခက် အခဲများ ကြုံနေရသည်ဟု ဝီကီလိခ်မှ ပေါက်ကြားလာသည့် အမေရိကန် နိုင်ငံခြားရေး ဝန်ကြီး ဌာန ကြေးနန်း တစောင်၌ ပါရှိသည်။
မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌလည်းဖြစ်သော ဦးဇော်ဇော်မှာ ဗုဒ္ဓဟူးနေ့က ရန်ကုန်မြို့ သုဝဏ္ဏ အားကစားတွင် ကျင်းပသော အသက် ၁၉ နှစ်အောက် အာဆီယံ ဘောလုံးပြိုင်ပွဲ၏ မြန်မာနှင့် လာအို အသင်းတို့ ယှဉ်ပြိုင်ပွဲကို ဒေါ်အောင်ဆန်းစုကြည်နှင့် အတူ ကြည့်ရှု့ အားပေးခဲ့သည်။
Ref: မဇ္ဈိမ
အာဆီယံအမတ်များ ညီလာခံ မြန်မာအမတ် ၁၄ ဦး တက်မည်
သဲသဲ
ဗုဒ္ဓဟူးနေ့၊ စက်တင်ဘာလ ၁၄ ရက် ၂၀၁၁
နယူးဒေလီ(မဇ္ဈိမ) ။ ။ ကမ္ဘောဒီးယားနိုင်ငံ ဖနွမ်းပင်မြို့တွင် ကျင်းပမည့် အာဆီယံ ပါလီမန် အမတ်များ ညီလာခံ (APIA)သို့ မြန်မာက ပြည်သူ့ လွှတ်တော်နှင့် အမျိုးသား လွှတ်တော်အမတ် ၁၄ ဦး တက်ရောက်မှာ ဖြစ်ကြောင်း လွှတ်တော် အမတ်များက ပြောသည်။
ပြည်ထောင်စု လွှတ်တော် နာယက ဦးခင်အောင်မြင့် ဦးဆောင်သော အာဏာရ ကြံ့ခိုင်ရေးပါတီ အမတ် ထက်ဝက် ပါဝင်ပြီး တိုင်းရင်းသား စည်းလုံးညီညွတ်ရေး ပါတီ (တစည)၊ ရခိုင်တိုင်းရင်းသားများ တိုးတက်ရေး ပါတီ(RNDP)၊ ချင်းတိုးတက်ရေး ပါတီ (CPP)၊ ပအိုဝ့် အမျိုးသား အဖွဲ့ချုပ်၊ ဖလုံ-စဝေါ် ဒီမိုကရက်တစ် ပါတီ၊ အမျိုးသား ဒီမိုကရေစီ ပါတီသစ်တို့မှ အမတ် တဦးစီနှင့် တသီးပုဂ္ဂလ အမတ်တဦး ပါဝင် တက်ရောက်မှာ ဖြစ်သည်။
စက်တင်ဘာလ ၁၈ ရက်နေ့မှစတင်၍ တပတ်ကြာမြင့်မည့် ညီလာခံတွင် ပထမဆုံးအကြိမ် တက်ခွင့် ရသော မြန်မာ အမတ်များက နိုင်ငံရေး၊ စီးပွားရေး၊ လူမှုရေး၊ အသင်းအဖွဲ့များ ဖွဲ့စည်းရေး ကိစ္စရပ်များနှင့် အမျိုးသမီးရေးရာ တို့တွင် ဝင်ရောက် ဆွေးနွေးကာ စာတမ်းများ တင်သွင်းမည်ဟု သိရသည်။
“နိုင်ငံရေးပါတီအလိုက် သွားတဲ့ သဘောမရှိဘူး၊ လူမျိုးအလိုက်ကိုပဲ ရွေးတဲ့ သဘောဖြစ်နေတာပေါ့၊ ချင်း၊ ရခိုင်၊ ရှမ်း စသဖြင့် ကိုယ့်သက်ဆိုင်ရာ Region အလိုက် တာဝန်ခံရတာ” ဟု AIPA သို့ တက်ရောက်မည့် RNDP ပါတီမှ စစ်တွေမြို့နယ် ပြည်သူ့လွှတ်တော် အမတ် ဒေါက်တာအေးမောင်က ပြောသည်။
CPP ပါတီ ဥက္ကဌ ဦးနိုထန်ကပ်က“ ပြည်ထောင်စု လွှတ်တော်က နောက်ခံ ပညာ အရည်အချင်းတွေ ဘာတွေ လေ့လာပြီး သင့်တော်တဲ့ ပုဂ္ဂိုလ်ကို ဆုံးဖြတ်တယ် ထင်တယ်”ဟု ပြောသည်။ CPP မှ ဖလမ်းမြို့နယ် ပြည်သူ့ လွှတ်တော် အမတ် ဦးခွန်လိန်းက ချင်းပြည်နယ် ကိုယ်စားပြု တက်မှာ ဖြစ်သည်။
အမျိုးသမီး အခွင့်ရေးဆိုင်ရာ ကိစ္စရပ်များကို ကယားပြည်နယ်၊ မွန်ပြည်နယ်နှင့် မကွေးတိုင်းတို့မှ ကြံ့ခိုင်ရေး ပါတီ၏ အမျိုးသမီး အမတ် သုံးဦးက ဆွေးနွေး သွားမည်ဟု ဆိုသည်။
လွှတ်တော် အမတ်များနှင့် အတူ ခရီးသွားလုပ်ငန်းနှင့် ငါးလုပ်ငန်းတို့မှ စီးပွားရေး လုပ်ငန်းရှင် ၁၄ ဦးကလည်း ၎င်းတို့ ကိုယ်ပိုင် အစီအစဉ်ဖြင့် လိုက်ပါမည်ပြီး အာဆီယံ ဒေသတွင်း စီးပွားရေးနှင့် ခရီးသွားလုပ်ငန်း မြှင့်တင်ရေးတို့ ပြုလုပ်ရန်လည်း အစီအစဉ် ရှိသည်။
ယခုညီလာခံက အာဆီယံ ၁၀ နိုင်ငံတွင် AIPA ၏ အမြဲတမ်း အဖွဲ့ဝင်ဖြစ်လာရန် ကျန်ရှိနေသေးသော မြန်မာနိုင်ငံ ကို လေ့လာသူ အဆင့်မှ အဆင့် တိုးပေးလိမ့်မည်ဟုမျှော်လင့် ထားကြသည်။ မြန်မာက အာဆီယံသို့ ဝင်ရောက်ခဲ့သည့် ၁၉၉၇ ခုနှစ်ကပင် AIPA တွင်လည်း အထူး လေ့လာသူနိုင်ငံ အဖြစ် ပါဝင်ခဲ့ခြင်း ဖြစ်သလို ရုရှား၊ တရုတ်၊ အိန္ဒိယ၊ တောင်ကိုရီးယား၊ ဂျပန်၊ သြစတေးလျ၊ ကနေဒါ၊ ဥရောပ ပါလီမန်နှင့် ပူပါလ် နယူးဂျီနီးယား နိုင်ငံများက နှစ်စဉ် လေ့လာသူအဖြစ် တက်ရောက်လေ့ ရှိသည်။
AIPA အား ဒေသတွင်းနှင့် ပြင်ပရှိ လွှတ်တော်အမတ်များ အကြား နီးကပ်စွာ ပူးပေါင်း ဆောင်ရွက်ရေး အတွက် ၁၉၇၇ ခုနှစ်တွင် အာဆီယံ လွှတ်တော် အမတ်များက ဖွဲ့စည်းခဲ့ခြင်း ဖြစ်သည်။ တနှစ်တကြိမ် အထွေထွေ ညီလာခံကို အဖွဲ့ဝင် နိုင်ငံများက အလှည့်ကျ ကျင်းပလေ့ရှိပြီး အိမ်ရှင်အဖြစ် လက်ခံကျင်းပသည့် နိုင်ငံက ဥက္ကဋ္ဌအဖြစ် တာဝန်ယူရသည်။
Ref: မဇ္ဈိမ
စည်သူဇေယျကို ထောင်ဒဏ် ၁၀ နှစ် ထပ်တိုး
ဇာနည်မာန်
Wednesday, 14 September 2011
ရန်ကုန်မြို့တွင် ၂၀၁၀ ပြည့်နှစ် သင်္ကြန် ကာလအတွင်း X2O ရေကစား မဏ္ဍပ် ဗုံးပေါက်ကွဲမှု၌ ဓာတ်ပုံရိုက်ကူး မှုကြောင့် ထိန်းသိမ်း ခံရသူ ကိုစည်သူဇေယျကို ရန်ကုန် အရှေ့ပိုင်းခရိုင် တရားရုံးက ထပ်တိုးပြစ်ဒဏ် ၁၀ နှစ် ယနေ့ ချမှတ်လိုက်သည်။
ကိုစည်သူဇေယျသည် ပြီးခဲ့သည့် ဖေဖော်ဝါရီလက မတရားအသင်း ဆက်သွယ်မှု၊ တရားမ၀င် နယ်စပ် ဖြတ်ကျော်မှု တို့ဖြင့် ထောင်ဒဏ် ၈ နှစ် ချမှတ် ခံရပြီးဖြစ်ရာ ယခုထပ်မံ ချမှတ်လိုက်သည့် အီလက်ထရောနစ် ပုဒ်မ ပြစ်ဒဏ် အပါအ၀င် စုစုပေါင်း ထောင်ဒဏ် ၁၈ နှစ် ကျခံရမည်ဖြစ်သည်။
“စုစုပေါင်း ၁၈ နှစ် ကျသွားတယ်ဗျာ။ လောလောဆယ်တော့ အင်းစိန်ထောင်မှာပဲ။ ကျနော်တို့ ကတော့ ဥပဒေကြောင်း အရ အယူခံ ထပ်တက်ဖို့ လုပ်နေတယ်” ဟု ကိုစည်သူဇေယျ၏ ဦးလေးဖြစ်သူက ဧရာဝတီသို့ ပြောသည်။
X2O ရေကစားမဏ္ဍပ် ဗုံးပေါက်ကွဲမှုနှင့် ပတ်သက်၍ သံသယဖြင့် ကိုစည်သူဇေယျနှင့် ဖခင်ဖြစ်သူ ဦးဇေယျ (စာရေးဆရာ သားကြီးမောင်ဇေယျ) တို့ ထိန်းသိမ်း ခံခဲ့ရပြီး ၂၀၁၁ ဖေဖော်ဝါရီ လတွင် ဦးဇေယျကို မတရားအသင်း ဆက်သွယ်မှု၊ တရားမ၀င် နယ်စပ် ဖြတ်ကျော်မှု၊ အီလက်ထရောနစ် ပုဒ်မများဖြင့် ထောင်ဒဏ် ၁၃ နှစ် ချမှတ်ခဲ့သည်။ ဦးဇေယျသည် ယခုအခါ ရှမ်းပြည်နယ်ရှိ သီပေါထောင်တွင် အကျဉ်းကျ ခံနေရသည်။
၁၀ ဦးသေဆုံး၍ ၁၇၀ ကျော် ဒဏ်ရာရရှိကြောင်း အစိုးရက ထုတ်ပြန်ခဲ့သည့် အဆိုပါ သင်္ကြန် အတက်နေ့ ဗုံးကွဲမှုကြောင့် ဖမ်းဆီး ခံရသူများတွင် ကိုစည်သူဇေယျ၊ ဦးဇေယျတို့ အပြင် ကိုဘိုဘိုသိန်းနှင့် အင်ဂျင်နီယာ တဦးဖြစ်သူ ကိုဖြိုးဝေအောင် စသူတို့လည်း ပါဝင်သည်။
ကိုဘိုဘိုသိန်း အပါအ၀င် ၅ ဦးကို ပြီးခဲ့သည့် ဖေဖော်ဝါရီလအတွင်း ကမာရွတ်မြို့နယ်နှင့် အလုံမြို့နယ် တရားရုံး တို့က ထောင်ဒဏ် ၂ နှစ်မှ ၁၁ နှစ်အထိ ချမှတ်ခဲ့သည်။
အာဏာပိုင်များက ကိုဖြိုးဝေအောင်ကို ဗုံးပေါက်ကွဲမှုတွင် ပါဝင် ပတ်သက်သည်ဟု စွဲချက်တင် စစ်ဆေး နေဆဲ ဖြစ်သည်။
Ref: ဧရာဝတီ
ဒေါ်အောင်ဆန်းစုကြည် ဘောလုံးပွဲသွားကြည့်
ရန်ပိုင်
Wednesday, 14 September 2011 16:58
E-mail Print
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် ယနေ့ညနေပိုင်းက ရန်ကုန်မြို့ သုဝဏ္ဏကွင်းတွင် ပြုလုပ်သော အာဆီယံ ယူ ၁၉ မြန်မာ-လာအို ပွဲစဉ်ကို သွားရောက် ကြည့်ရှုသည်။
ဒေါ်အောင်ဆန်းစုကြည်သည် ရန်ကုန်မြို့တွင် ၂၃ နှစ်ဆက်တိုက် နေထိုင်ခဲ့သည့်ကာလ အတွင်း ပထမဆုံး အကြိမ် ဘောလုံးကွင်းသို့ သွားရောက်ပြီး ဘောလုံးပွဲ ကြည့်ခြင်းဖြစ်သည်။
“အခု ပွဲစလို့ ၃ မိနစ် ရှိနေပါပြီ၊ ဒေါ်အောင်ဆန်စုကြည် အနားမှာ ဦးဇော်ဇော်၊ ဒေါက်တာ စိုင်းဆမ်ထွန်း၊ ဦးအောင်ကျော်မိုး တို့လည်း ထိုင်နေပါတယ်” ဟု ဒေါ်အောင်ဆန်းစုကြည်၏ အနီးကပ်လုံခြုံရေး တာဝန် ယူထားသည့် ကိုကျော်စိုးနိုင်က ဧရာဝတီသို့ ပြောသည်။
ဒေါ်အောင်ဆန်းစုကြည်၏ လုံခြုံရေးကိုလည်း အာဏာပိုင်များက တာဝန်ယူကြောင်း ဘောလုံးပွဲကို အေးချမ်းစွာ အားပေး နေသည့် ပရိသတ်များ ကလည်း ဒေါ်အောင်ဆန်းစုကြည်ကို နှုတ်ဆက်ကြောင်း ကိုကျော်စိုးနိုင်က ပြောသည်။
ပြီးခဲ့သည့် သြဂုတ်လက နေပြည်တော်၌ ကျင်းပသည့် စီးပွားရေးဆိုင်ရာ ဆွေးနွေးပွဲသို့ ဒေါ်အောင်ဆန်းစုကြည် တက်ရောက်စဉ် ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်က ဘောလုံးပွဲ ကြည့်ရှုရန် ဖိတ်ကြားခဲ့ခြင်း ဖြစ်သည်ဟု သိရသည်။
ဘောလုံးပွဲကို မြန်မာ့ရုပ်မြင်သံကြားကလည်း တိုက်ရိုက် ထုတ်လွှင့်ခဲ့သည်။
အာဆီယံ ဘောလုံးအဖွဲ့ချုပ် (AFF)၏ ၂၀၁၁ ခုနှစ် အာဆီယံ အသက် ၁၉ နှစ်အောက် ဘောလုံး ပြိုင်ပွဲကို စက်တင်ဘာ ၈ ရက်နေ့က စတင် ကျင်းပခြင်းဖြစ်ပြီး မြန်မာအသင်းသည် အင်ဒိုနီးရှား၊ လာအို၊ ဘရူနိုင်း၊ ဗီယက်နမ်တို့နှင့် အုပ်စု (ခ)တွင် ပတ်လည် ယှဉ်ပြိုင် ကစားရမည် ဖြစ်သည်။
မြန်မာအသင်း၏ လက်ရှိ အခြေအနေမှာ ဗီယက်နမ်ကို သရေ၊ ဘရူနိုင်းကို ၆ ဂိုးပြတ် အနိုင်ရရှိထားသည်။ လာအိုအသင်းမှာ အင်ဒိုနီးရှား အသင်းကို သရေ ကစားထားသည်။
ဇူလိုင် ၂၈ ရက်နေ့က သုဝဏ္ဏကွင်း ကမ္ဘာဖလားခြေစစ်ပွဲတွင် မြန်မာအသင်းနှင့် အိုမန် အသင်းတို့ ကစားရာ၊ အိုမန် အသင်းက ၂ဂိုး အနိုင် ရရှိနေချိန်တွင် မြန်မာပရိသတ် တချို့က ရမ်းကားသည့် အတွက် ပွဲပျက်သွားသည်။
Ref: ဧရာဝတီ
Wednesday, September 14, 2011
'Save The Irrawaddy' ဟောပြောပွဲ ရန်ကုန်မြို့၌ ကျင်းပ
Saturday, 10 September 2011
ဧရာဝတီမြစ်ကို ကယ်တင်ထိန်းသိမ်းရန် ရည်ရွယ်ပြုလုပ်ခဲ့သည့် 'Save the Irrawaddy' ဟေ ပြောပွဲကို ရန်ကုန်မြို့၌ ၂၀၁၁ ခုနှစ် စက်တင်ဘာလ ၁၀ ရက်နေ့က ကျင်းပခဲ့ပါသည်။
အဆိုပါဟောပြောပွဲကို မင်္ဂလာဒုံမြို့နယ် မင်္ဂလာဒုံ ဥယျာဉ်အိမ်ရာ မဟာဂန္ဓာရုံ ကျောင်းတိုက် အောင်မင်္ဂလာ မဟာ သိမ်တော်ကြီး တွင် ဇမ္ဗူသိရီ (Safety Net) ပရဟိတ လူငယ်အဖွဲ့က ဦးစီး ကျင်းပခဲ့ကာ စာရေးဆရာ မောင်စိန်ဝင်း (ပုတီးကုန်း)၊ ကိုတာ၊ ဒေါက်တာထွန်းလွင်၊ ကိုမြင့်ဇော်တို့က ဟောပြော ဆွေးနွေး ခဲ့ကြသည်။
ဟောပြောပွဲသို့ ဧရာဝတီမြစ်နှင့် ပတ်သက်၍ စိတ်ဝင်စားလေ့လာ လိုသူများ လူဦးရေ ၅၀၀ ၀န်းကျင် လာရောက်ခဲ့ပြီး အထူးသဖြင့် လူငယ်ဦးရေမှာ ပိုမို များပြားခဲ့သည်။ အခြေခံ ပညာကျောင်း အချို့မှ ကလေးငယ်များလည်း တက်ရောက် ခဲ့ကြသည်။
Save the Irrawaddy ဟောပြောပွဲကို စာရေးဆရာမ သန်းမြင့်အောင်က အဖွင့် မိတ်ဆက် စကား ပြောကြား၍ ညနေ ၃ နာရီ ၀န်းကျင်တွင် စတင် ဖွင့်လှစ်ခဲ့ပါသည်။
သဘာဝပတ်ဝန်းကျင် ထိန်းသိမ်းရေးလုပ်ငန်းများတွင် ပါဝင်ဆောင်ရွက်နေသူ ကိုမြင့်ဇော်က ဧရာဝတီ မြစ်ပေါ်တွင် ဆည် တည်ဆောက်ခြင်းနှင့် ပတ်သက်၍ EIA ထဲတွင်ပင် ပါရှိသော ဆည် တည်ဆောက်ရန် မလိုသည့် ဖော်ပြချက် အပေါ် သုံးသပ်မှု၊ မြစ်ဝကျွန်းပေါ်တွင် ပိုမို ဖွံ့ဖြိုးလာမည်၊ မိုးရေချိန် များပြားသည့် အတွက် မြစ်ရေ၊ ဆည်ရေ ရှိနေမည်ဆိုသည့် ထုတ်ပြန်ချက်ကို လေ့လာမှုများနှင့် ချိန်ထိုးပြမှု၊ ဒေသခံများ အပေါ် ပြောင်းရွှေ့မှု၏ သက်ရောက် နိုင်ခြေများ၊ မြစ်ရေကို မှီခိုနေသည့် စိုက်ပျိုးရေး လုပ်ငန်းများအပေါ် သက်ရောက် နိုင်မှုများ စသည်တို့ကို စတင် ဆွေးနွေးခဲ့သည်။
ထို့နောက် စာရေးဆရာမောင်စိန်ဝင်း(ပုတီးကုန်း)က 'ကျွန်တော်နှင့်မြစ်များ' အမည်ဖြင့် ဟောပြောမှုတွင် ဧရာဝတီ မြစ်ဆုံကို ယခင်က ရောက်ရှိခဲ့သည့် မြင်ကွင်းနှင့် ယခု မြင်ကွင်း ကွာခြားပုံများ၊ ပြည်ပ နိုင်ငံများရှိ မြစ်ကောမှုများကို သုံးသပ်မှုများ၊ ဧရာဝတီမြစ်၊ ချင်းတွင်းမြစ်တို့ အကြောင်း ရေးသားဖြစ်ခဲ့သော ကဗျာ၊ စာများကို တင်ပြမှုများ ပါဝင်ခဲ့သည်။
မိုးလေ၀သပညာရှင် ဒေါက်တာထွန်းလွင်က နာဂစ်မုန်တိုင်းကြောင့် သေကြေ ပျက်စီးမှုများ အပါအ၀င် ရာသီဥတု အပြောင်းအလဲကို ကြုံလာရမှုများ၊ ရေကာတာ တည်ဆောက်မှုနှင့် ပတ်သက်၍ တရုတ်နိုင်ငံက နိုင်ငံတွင်း တည်ဆောက်ရန် မဖြစ်နိုင်သည့် အခါ မြန်မာနိုင်ငံကို ရွေးချယ်လာပုံ၊ မြန်မာနိုင်ငံ မြောက်ပိုင်းသည် နောင်တွင် မိုးနည်းနိုင်ခြေ ရှိသည့်အတွက် ဆည် တည်ဆောက်ပါက မြစ်ရေအပေါ် သက်ရောက်နိုင်မှုများကို ဟောပြော တင်ပြခဲ့သည်။
အစီအစဉ်၏ နောက်ဆုံးတွင် ဟောပြောသူ စာရေးဆရာ ကိုတာက တရုတ်နိုင်ငံက မြန်မာနိုင်ငံ အပေါ် သယံဇာတ နှင့် ပတ်သက်၍ ထားရှိသည့် အမြင်များ၊ စီးပွားရေး အခွင့်အလမ်း ဆိုင်ရာ လုပ်ဆောင်နေမှုများ အစရှိသည် တို့ကို စာအုပ် စာတမ်းများ၊ လေ့လာမှု များပေါ် အခြေခံလျက် ဆွေးနွေးပြခဲ့သည်။
ဧရာဝတီမြစ်ဆုံဆည်နှင့် ဆက်စပ်သော သဘာဝပတ်ဝန်းကျင် ထိန်းသိမ်းရေး ဆိုင်ရာ အသိပညာပေး ဟောပြောပွဲကို ည ၈ နာရီ ခန့်တွင် ရုပ်သိမ်းခဲ့သည်။
“Save the Irrawaddy” ဟောပြောပွဲမှ ပြောကြားချက်အချို့
ကိုမြင့်ဇော်
အခုတလော ကြားနေရတာ စေတနာဆိုတဲ့ စကားပေါ့။ ဧရာဝတီမြစ်နဲ့ ပတ်သက်တာ၊ မြစ်ဆုံမှာ ဆည်ဆောက်တဲ့ ကိစ္စတွေမှာ လျှပ်စစ်မီး တွေရဖို့၊ နိုင်ငံ ဖွံ့ဖြိုး တိုးတက်ဖို့ စေတနာနဲ့ လုပ်တာပါ ဆိုတဲ့ စကားတွေ ကြားနေရတယ်။ ဒါပေမယ့် ကျွန်တော်တို့ရဲ့ သမိုင်း အတွေ့အကြုံ၊ ကမ္ဘာ့သမိုင်း အတွေ့အကြုံအရ စေတနာရဲ့နောက်မှာ အတတ်ပညာ၊ အသိပညာ၊ ဆင်ခြင် တုံတရား၊ တခြားသော နည်းစနစ်မှန်တွေ မရှိရင် အလကားပဲ ဆိုတာ ဒီနေရာမှာ ထပ်ပြောချင်ပါတယ်။ ဆည်ဆောက်တာ နဲ့ပတ်သက်ပြီး ကောင်းသည်၊ ဆိုးသည်ကို ဒီအထဲမှာ တစ်စုံတစ်ရာေ၀၀ါးနေတဲ့ သူတွေ ရှိရင် ကျွန်တော်အခု ဖတ်ပြချင်ပါတယ်။ အဲဒါကတော့ ဧရာဝတီဆည်နဲ့ ပတ်သက်တဲ့ သဘာဝ ပတ်ဝန်းကျင် အကျိုးဆက်တွေ ကို လေ့လာထားတဲ့၊ ဧရာဝတီမြစ် အထက်ပိုင်းမှာ ဆည်တွေ ဆောက်လိုက်တဲ့ အခါ ဘာအကျိုးဆက်တွေ ဖြစ်လာမလဲ ဆိုတာကို မြန်မာနိုင်ငံ အစိုးရရဲ့ ခွင့်ပြုချက်နဲ့ မြန်မာပညာရှင်၊ တရုတ် ပညာရှင်တွေလည်း ပါတယ်။ စာမျက်နှာ ၉၀၀ ကျော်ရှိတဲ့ လေ့လာချက် စာတမ်း ၁ စောင် ထွက်ခဲ့ပါ တယ်။ ၂၀၀၉ အောက်တိုဘာ လမှာ ထွက်ခဲ့ပါတယ်။ အဲဒီက စာလေး တစ်ပိုဒ်ကို ဖတ်ပြချင်တယ်။ ‘မြန်မာ နှင့် တရုတ်နိုင်ငံတို့မှ သဘာဝ ပတ်ဝန်းကျင် ဆိုင်ရာများကို အမှန်တကယ် ပူပန်၍ ရေရှည် တည်တံ့သော ဖွံ့ဖြိုးမှုများကို ရည်ရွယ်ပါလျှင် ဧရာဝတီမြစ်ဆုံတွင် သည်မျှ ပမာဏ ကြီးသော ရေလှောင်ကန်ကို တည်ဆောက်ရန် မလိုချေ’ တဲ့။ ဒါသည် ပညာရှင်တွေရဲ့ ထုတ်ဖော်ချက်ပါ။ တခြားတခြားသော ပညာရှင်တွေရဲ့ အဆိုအရလည်း ဒီဆည် မရှိသင့်ဘူး ဆိုပါတယ်။ ဒါတွေ ကျွန်တော်တို့ ချပြဖို့ လိုပါတယ်။ ဒါတွေ မရှိသင့်ဘူး ဆိုတဲ့ ရဲရဲရင့်ရင့် လှုပ်ရှားမှု၊ ပြောဆိုမှုတွေ ကျွန်တော်တို့ လုပ်ကြဖို့ လိုပါတယ်။ ဒါ EIA ထဲက တစ်ချက်ကို အခြေခံပြီး ပြောတာပါ။
အခြေအနေမှန်တွေကိုတော့ လိမ်ညာခွင့် မရှိဘူး။ ပုံဖျက်ခွင့် မရှိဘူး။ အခြေအနေမှန်ကို လစ်လျူရှုပြီး ပြောတယ်လို့ ယူဆလို့ ရတဲ့ ထုတ်ပြန်ချက်တွေ တွေ့နေရပါတယ်။ တစ်ခုက မြစ်ကြီးငါးသွယ်၊ မြစ်ငယ်ငါးရာ၊ ချောင်းတွေ မြောင်းတွေကနေ စီးဆင်းလာတဲ့ နုန်းတွေ၊ အနည် အနှစ်တွေကြောင့် ဧရာဝတီ မြစ်ဝကျွန်း ပေါ်ဟာ တိုးတက်တဲ့၊ မြေသြဇာ ကြွယ်ဝပြီး စိုက်ပျိုးရေး ဖြစ်ထွန်း လာမယ်ပြောတာ ရှိပါတယ်။ ၂၀၀၈ ခုနှစ်က ထုတ်ခဲ့တဲ့ သိပ္ပံပညာရှင်တွေ ရဲ့ လေ့လာချက်စာတမ်း ’နစ်မြုပ်လာ နေသော မြစ်ဝကျွန်းပေါ်များ’ အရ ရာသီဥတု ပြောင်းလဲခြင်းကြောင့် ပင်လယ် ရေမျက်နှာပြင်တွေ မြင့်တက်လာမယ်။ ကမ္ဘာ တစ်ဝှမ်းလုံးမှာ ရှိတဲ့ မြစ်ဝကျွန်းပေါ် တွေသည် အခြေခံ အားဖြင့် နိမ့်လာမယ်လို့ ပြောလို့ရပါတယ်။ နိမ့်ကျတဲ့အခါ ဘာတွေ ဖြစ်သလဲဆိုတော့ မြေအောက်ရေကြော ထိခိုက်တယ်။ အခုလိုမျိုး သိပ္ပံပညာရှင်တွေ ဖော်ထုတ် ထားပြီးသားကို လစ်လျူရှုပြီးတော့ မြစ်ဝကျွန်းပေါ်သည် ဘာမှ မဖြစ်ပါဘူးဆိုတာ လိုရာ ဆွဲတာဖြစ်တယ်လို့ ပြောချင်ပါတယ်။
နောက်တစ်ခု မိုးရေချိန်နဲ့ ပတ်သက်လို့ ပြောတာ။ မိုးရေချိန် သိပ်များတဲ့ အတွက် မြစ်ရေ ပမာဏသည်လည်း ကျမသွား ဘူးလို့ ပြောပါတယ်။ တကယ့် လေ့လာချက်တွေ အရ ၁၉၇၈ နောက်ပိုင်းမှာ မြန်မာ နိုင်ငံဟာ မိုးခေါင်မှုတွေ ပိုမိုကြုံတွေ့လာ ရတယ်လို့ သိရပါတယ်။
ကော်လိုရာဒိုမြစ်ကို စပြီးတော့ ပိတ်ဆို့တုန်းက မိုးရေချိန်အရ ဒီ ဆည်ထဲမှာ ရေဘယ်လောက်၊ မြစ်ထဲမှာ ဘယ်လောက် ဆိုတာ တွက်ခဲ့တာ။ သို့သော် ကမ္ဘာ့ ရာသီဥတု ပြောင်းလဲမှုကြောင့် မိုးရေချိန်တွေ လျော့ကျတဲ့ အခါမှာ ကော်လိုရာဒို မြစ်ကြီးထဲမှာ ရှိသင့်တဲ့ ရေမရှိတော့ဘူး။ ဆည်ထဲမှာလည်း ရောက်သင့် ရောက်ထိုက်တဲ့ ရေမရောက်တော့ဘူး။
နောက်တစ်ခုပြောကြတယ်။ ဆည်ဆောက်တဲ့အတွက် ရပ်သူရွာသွားတွေ အတွက် လမ်းတွေ၊ တံတားတွေ အများကြီး တိုးတက် လာမယ် ပြောပါတယ်။ ဒီလို ဆည်လုပ်တဲ့ အခါမှာ ရပ်ရွာတွေ ရွှေ့ပြောင်း ရတယ်၊ လူတွေသည် ဆင်းရဲတာ၊ ချမ်းသာတာ ခဏထားလိုက်၊ ကိုယ့်ရပ်ရွာ၊ ကိုယ့်ဒေသကိုတော့ ခင်တွယ် ကြတာပဲ။ မပြောင်းချင်ကြဘူး။ မဖြစ်မနေ ပြောင်းပေးရမယ် ပြောတဲ့ အခါ သူတို့ နေရာသစ် ပြောင်းရတဲ့အခါ ကျွန်တော်တို့တွေဆို ဘယ်လို ခံစားရမလဲ။ နောက်တစ်ခုက စီမံကိန်းတွေ လုပ်တဲ့အခါ လူသစ်တွေ အများကြီး ၀င်လာတယ်။ သူတို့တွေ က ၀ယ်နိုင်တော့ ၀ယ်ကြတော့ စီမံကိန်း လုပ်တဲ့နေရာတွေမှာ ကုန်ဈေး နှုန်းတွေ မြင့်တက် သွားပြီးတော့ ဒေသခံတွေမှာ ထိခိုက်တယ်။ ရွှေ့ပြောင်းလာသူတွေမှာ ရောဂါဘယ တွေ ပါလာတတ်တယ်။ ဟိုတုန်းက စိုက်ပျိုးစားပြီး နေခဲ့တဲ့သူတွေမှာ သူများလက်ဝေခံ ရောက်ကြရတယ်။ ဒေသခံတွေ အတွက် ရွှေ့ပြောင်းမှုနဲ့ ပတ်သက်လို့ စိတ်ပူပန်ရမှုတွေ၊ နစ်နာရမှုတွေ၊ နောက် စားဝတ်နေရေး ရွှေ့ပြောင်းရတဲ့အတွက် ပြဿနာတွေ ကြုံတွေ့ ရတတ်ပါတယ်။
လမ်းတွေ၊ တံတားတွေ ဆောက်ပေးလိုက်လို့ ရွာသူရွာသားတွေ အတွက် ပိုကောင်းတာပေါ့ ဆိုတာနဲ့ ပတ်သက်လို့ နီဂရိုး တွေရဲ့ ကဗျာလေး တစ်ပုဒ် အပြည့်အစုံတော့ မမှတ်မိပါဘူး။ ကားလမ်းလေး ဖောက်ပေးတယ်၊ ကားလမ်း ပြီးသွားရင်တော့ ငါတို့တော့ ကားအသစ် လေးတွေ မြင်ဖူးမှာပေါ့တဲ့။ သူ့ကဗျာလေးက ဒါလေးရေးထားတယ်။
အခု ငွေကြေးနဲ့ပဲ ပြောနေကြတယ်။ ဆည်ပြီးရင် တစ်နှစ်ကို သန်း ၅၀၀ ရမယ်ပေါ့။ ကျောက်စိမ်း ရောင်းရင် ဘယ်နှစ်သန်း ရမယ်၊ ရေနံရောင်းရင် ဘယ်နှစ်သန်း ရမယ်၊ သို့ သော် အဲဒါတွေသည် ဈေးနှုန်းပဲ။ သဘာဝ တန်ဖိုးကို ကြည့်လိုက်ရင်တော့ ဆုံးရှုံးမှုတွေ အများကြီးပါပဲ။
ဒေါက်တာ ထွန်းလွင်
ဒီဟောပြောပွဲဟာ 'Save the Irrawaddy' ဟောပြောပွဲ ဖြစ်တဲ့အတွက် ဧရာဝတီ အကြောင်း ပြောရမယ်။ ကျွန်တော့်ရှေ့ လူတွေက ပွင့်ပွင့်လင်းလင်း ပြောသွားကြတယ်။ ကျွန်တော်ကတော့ အသက်ကြီးတော့ ကြောက်တတ်တယ်။ ဒါကြောင့် တစ်ခွန်းတည်း ပြောပါမယ်။ ဧရာဝတီမြစ်ဆုံမှာ ရေကာတာ ဆောက်မယ့်ကိစ္စကို ကျွန်တော်လုံးဝ ကန့်ကွက်ပါတယ်။
အခု လူပရိသတ်ထဲကို ချပြတဲ့ အဆင့်အထိ ကျွန်တော်တို့ ပြောရေး ဆိုခွင့်ရလာပြီ။ ဒီမိုကရေစီရဲ့ အနှစ်သာရ ဖြစ်တဲ့ လွတ်လပ်စွာ ပြောဆို ပိုင်ခွင့်၊ ကန့်ကွက်ပိုင်ခွင့် စသည်ဖြင့် ဒါကို ကျွန်တော်တို့ လက်ကိုင် ထားပြီး စိတ်သဘောချင်း ကိုက်ညီတဲ့ မိတ်ဆွေတွေ၊ ပညာရှင်တွေ၊ ပြည်သူ ပြည်သားတွေ တတ်စွမ်းသမျှ နောက်ဆုံး ရည်မှန်းချက် အောင်တဲ့ အထိ ဆက်လက်ပြီးတော့ လုပ်သွားဖို့လည်း ပြောချင်ပါတယ်။
အားလုံးသိကြတဲ့အတိုင်း နာဂစ်မုန်တိုင်း ၂၀၀၈ ခုနှစ် မေလ ၂ ရက်နဲ့ ၃ ရက်မှာဖြစ်ခဲ့တယ်။ လူပေါင်း ၁၃၈၀၀၀ သေတယ်လို့ နိုင်ငံတော် အစိုးရက ထုတ်ပြန်တယ်။ အသားတင် အရပ်ရပ် ပျက်စီးမှု တန်ဖိုး ၁၁ ဒသမ ၈ ထရီ လီယံရှိတယ်လို့ ဆိုပါတယ်။ ကမ္ဘာမှာ အသေအပျောက် အများဆုံး မုန်တိုင်းတွေ စာရင်း တင်ထားတဲ့ အထဲမှာ နာဂစ်မုန်တိုင်း မတိုင်ခင်တုန်းက ကျွန်တော်တို့ အဲဒီစာရင်းနား ကပ်တောင် မကပ်နိုင်ခဲ့ပါဘူး။ ဒါပေမယ့် ၂၀၀၈ နာဂစ်ဖြစ်တဲ့ အခါ၊ လူ ၁၃၈၀၀၀ သေတဲ့အခါ နာဂစ်ဟာ နံပါတ် ၈ နေရာက ၀င်သွားပါ တယ်။
မုန်တိုင်းကြောင့် လူသေတာများတာတွေ အိန္ဒိယနိုင်ငံမှာလည်း ဖြစ်ခဲ့တယ်။ ဘင်္ဂလားဒေ့ရှ် နိုင်ငံမှာလည်း ဖြစ်ခဲ့ပါတယ်။
မြန်မာနိုင်ငံကို ၀င်တဲ့မုန်တိုင်းမှာ မုန်တိုင်းဒီရေတက်နိုင်တယ်ဆိုတာ ဒေသခံတွေက သိကြပေမယ့် မုန်တိုင်း ဒီရေက အန္တရာယ် ပေးနိုင်တယ် ဆိုတာ မသိခဲ့ကြပါဘူး။ အိမ်နီးချင်း နိုင်ငံတွေမှာ ဖြစ်ခဲ့ပေမယ့် ကျွန်တော်တို့ မလိမ္မာ ခဲ့ကြပါဘူး။
ဒီနေ့ နောက်ထပ် ပြဿနာ တစ်ရပ် တွေ့ပြန်ပြီ။ ဒါကတော့ ဧရာဝတီမြစ်။ မြစ်ကို ရေကာတာ ဆောက်မယ်။ ရေအား လျှပ်စစ်တွေ ထုတ်လုပ်ဖို့၊ ဖွံ့ဖြိုး တိုးတက်ဖို့၊ ၀င်ငွေရဖို့ လုပ်မယ်။ ဒါတွေရဖို့ အတွက် ဘယ်လို ပေးဆပ်နေရသလဲ ဆိုတာ ကျွန်တော် ပြောပြ ချင်ပါတယ်။
တရုတ်နိုင်ငံမှာ ကန့်ကွက်မှုတွေရှိတော့ ရေအားလျှပ်စစ်အတွက် နေရာသစ်ရှာတဲ့ အခါမှာ မြန်မာနိုင်ငံကို တွေ့သွားတာပါ။
လွန်ခဲ့တဲ့ ရှစ်လက ဧရာဝတီမြစ်ဆုံကို ကျွန်တော် ပထမဆုံး ရောက်ဖူး သွားပါတယ်။ ကျွန်တော် ကြားဖူး ထားသလို ရေက မကြည် တော့ပါဘူး။
တရုတ်နိုင်ငံမှာ ယန်စီမြစ်ဟာ အရှည်ဆုံးမြစ်ပါ။ ကမ္ဘာ့အံ့သြဖွယ် ယဉ်ကျေးမှု တည်ဆောက် ခဲ့တဲ့မြစ် ဖြစ်ပါတယ်။ အခုဆို ယန်စီ မြစ်ဟာ ကမ္ဘာမှာ ပျောက်ကွယ် သွားတော့မယ့် အမွေအနှစ် ၁၀ ခုထဲမှာ ပါနေ ပါတယ်။ နောက်ဆိုရင် ၁၀ ခုကနေ ၁၁ ခု ဖြစ်လာနိုင်ပါတယ်။ အဲဒီတစ် ခုကတော့ ဧရာဝတီမြစ်ပါ။
မြန်မာနိုင်ငံမြောက်ပိုင်းဟာ လာမယ့် ဆယ်စုနှစ်တွေမှာ မိုးနည်း နိုင်ပါတယ်။ အဲဒီအချိန်မှာ ဧရာဝတီ မြစ်ကို ရေပိတ်ထားရင် ဆည်မှာလည်း သတ်မှတ်ထားတဲ့ ရေမရရင် ရေကို ယူထားမှာပဲ။ မြစ်မှာ ရေစီး နည်းသွားမယ်။ မြစ်ကျဉ်းလာမယ်။ မြစ်တိမ်လာမယ်။ ကမ်းပါးတွေ ကလည်း ကြာတော့ မာခဲ သွားနိုင်ပါတယ်။
မောင်စိန်ဝင်း(ပုတီးကုန်း)
ကျွန်တော့်ကိုမေးပါတယ်။ ဆရာတဲ့ မြစ်ဆုံမှာ ဆည်ဆောက်ပြီးရင် တစ်နိုင်ငံလုံး မီးလင်းမယ်တဲ့၊ ဆရာ့ သဘော ဘယ်လို ရှိလဲလို့ မေးလာပါတယ်။ ကျွန်တော်ကလည်း ရိုးရိုးပဲ ဖြေလိုက်ပါတယ်။ ကျွန်တော်တို့ နိုင်ငံက သစ်တောတွေနဲ့ ဧရာဝတီကို ဒီအတိုင်း စီးခိုင်းပြီးတော့ပဲ ကျွန်တော် အမှောင်ထဲမှာပဲ နေချင်ပါတယ်လို့ ဖြေလိုက်ပါတယ်။
ရွာတော်တော်များများမှာ မီးမှန်တယ်။ ညနေ ၆ နာရီကနေ ၁၀ နာရီ အထိကို မီးမှန်တယ်။ ဖွဲမီးဖိုတွေ နဲ့ ကျေးလက် မီးလင်းအောင် လုပ်ထားကြတာ။
မလေးရှားကို ရောက်ခဲ့တယ်။ သူတို့တွေက ကျွန်တော်တို့ကို မြစ်ဆုံကို ခေါ်သွားမယ် ပြောတယ်။ မင်းတို့ ဆီမှာရော မြစ်ဆုံ ရှိလား ဆိုတော့ ရှိတယ်တဲ့။ သွားကြည့်တော့ သူတို့ လက်ညှိုး ထိုးပြတာ ကြည့်လိုက်တော့ တူးမြောင်းနှစ်ခု ဖြစ်နေတယ်။ တူးမြောင်း နှစ်ခုကနေ ပေါင်းဆုံပြီး မြောင်းကြီးတစ်ခု အဖြစ် ရှိနေတယ်။ ပုံစံ မြောင်းပေါ့ဗျာ။ ကျွန်တော်က အဲဒါမြစ်ဆုံမှ မဟုတ်ဘဲ မြောင်းဆုံကြီးဟာကိုလို့ ပြောတော့ လွန်ခဲ့တဲ့နှစ် ၂၀၀ က အဲဒီနေရာမှာ အင်မတန်ကြီးတဲ့ ဂွန်ဂမြစ်နဲ့ ဂနိုင်းမြစ် ဆိုတာ ရှိတယ်တဲ့။ နောက်ပြီး အဲဒီနေရာမှာ အင်မတန်ကြီးတဲ့ သင်္ဘောဆိပ်ကြီး တစ်ခု ရှိတယ်တဲ့။ သူတို့နိုင်ငံက သံဖြူ ထွက်တယ်။ ဘယ်လောက်ထိ ကြီးလဲ ဆိုရင် အဲဒီသံဖြူတွေကို ဆိပ်ကမ်းကနေ နိုင်ငံခြားကို တင်ပို့နိုင်တယ်တဲ့။ ၁၈၉၆ မှာ ကွာ လာလမ်ပူကို တည်လိုက်တယ်။ ကွာလာလမ်ပူ ဆိုတာကိုက ရွှံ့နွံ ထူထပ်သောလို့ အဓိပ္ပာယ်ရတယ်။ မြို့ပြထူ ထောင်လိုက်တယ် ဆိုရင်ပဲ အဲဒီမြစ်ဆုံဟာ မြောင်းဆုံ ဖြစ်သွားတော့တာ ပါပဲ။
ကျွန်တော်တို့ မြစ်ဆုံလည်း ဘယ်နှနှစ်ကြာရင် မြောင်းဆုံ၊ ချောင်းဆုံဖြစ်သွားမလဲ။
ကိုတာ
တရုတ်နိုင်ငံက မြန်မာနိုင်ငံကို ဘယ်လိုမြင်သလဲဆိုတော့ အိန္ဒိယ သမုဒ္ဒရာဘက်ကို ထွက်ပေါက် ဖြစ်နေတယ်။ နိုင်ငံ လူဦးရေနည်းပြီး သယံဇာတ များတယ်။
မြန်မာနိုင်ငံက တရုတ်ပြည်နဲ့ အိန္ဒိယပြည်ရဲ့ကြားမှာ ရှိနေတဲ့ ကျွန်တော်တို့ တိုင်းပြည်မှာ တရုတ်ကြီး အပြင် ကုလားကြီးရဲ့ အန္တရာယ် ကပါ သတိပြုရမှာပါ။ ရင်းနှီး မြှုပ်နှံမှုများတာ ကောင်းပါတယ်။ အဲဒီရင်းနှီးမြှုပ် နှံမှုတွေက ထိထိရောက်ရောက် ဖြစ်ဖို့ ကောင်းတယ်။ ထိရောက်တဲ့၊ တာဝန်သိတဲ့ ရင်းနှီးမြှုပ်နှံမှု ဆိုတာ ဘာလဲဆိုတော့ သဘာဝ ပတ်ဝန်းကျင်ကို ထိခိုက်မှု မရှိရဘူး။ စားသုံးသူကို မထိခိုက်ရဘူး။ သဘာဝ ပတ်ဝန်းကျင် မပျက်စီးရဘူး။ လူ့အခွင့်အရေးကို မချိုးဖောက်ရဘူး။
Ref: EMG News
ဦးဇော်မင်းအားအရေးယူပေးပါရန် တိုင်ကြား
Tue, Sep 13th, 2011
အမှတ်(၁)လျှပ်စစ်စွမ်းအားဝန်ကြီးဌာန၏ ၀န်ကြီးဖြစ်သူ ဦးဇော်မင်းသည် နိုင်ငံတော်၏ အခြေခံမူများ အခန်းပါ ပုဒ်မ (၄၅) ကို ကျူးလွန် ဖေါက်ဖျက် ခဲ့ပါသည်။“အဲဒီတော့ ပတ်ဝန်းကျင် ထိန်းသိမ်းရေး အဖွဲ့တွေက ကန့်ကွက်နေလို့ နောက်ဆုတ် မှာလားလို့ မေးခွန်း တခုမေးပါတယ်။ နောက်မဆုတ်ပါဘူး။ ဆက်လုပ်မှာ ဖြစ်ပါတယ်”ဟုပြော ဆိုခဲ့ခြင်းသည် သက်သေ ထင်ရှား အများရှေ့ မှောက်တွင် ပြောဆိုခဲ့ခြင်း ဖြစ်ပါသည်။
ဖွဲ့စည်းပုံအခြေခံဥပဒေ အခန်း(၈)ပုဒ်မ(၃၉၀)
နိုင်ငံသားတိုင်းသည် အောက်ဖေါ်ပြပါ ကိစ္စရပ်များတွင် နိုင်ငံတော်အား ကူညီရန် တာဝန်ရှိသည်။
(က) အမျိုးသားယဉ်ကျေးမှု အမွေအနှစ်ကို ထိန်းသိမ်းစောင့်ရှောက်ခြင်း။
(ခ) သဘာဝ ပတ်ဝန်းကျင်ကို ထိန်းသိမ်းစောင့်ရှောက်ခြင်း။
(ဂ) လူ့စွမ်းအားအရင်းအမြစ် ဖွံ့ဖြိုးတိုးတက်ရေး မြင့်မားလာစေရန် ကြိုးပမ်းခြင်း။
(ဃ) အများပြည်သူပိုင် ပစ္စည်းများကို ထိန်းသိမ်း စောင့်ရှောက်ခြင်း။
390. Every citizen has the duty to assist the union in carrying out the following matters:
(a) preservation and safeguarding of cultural heritage:
(b) environmental conservation:
(c) striving for development of human resources:
(d) protection and preservation of public property:
ကျွန်ူပ်တို့သည် ပြည်ထောင်စု သမ္မတ မြန်မာနိုင်ငံသားများ ဖြစ်သည့် အတွက်ဖွဲ့စည်းပုံ အခြေခံ ဥပဒေပါ နိုင်ငံသားတို့၏ တာဝန်ကို ထမ်းဆောင်ရန် ကြိုးစားခြင်းကိုလည်း၊ ပြက်ရယ်ပြုခြင်း။ တားဆီးရန် ကြိုးစားခြင်းများ ပြုလုပ်ခဲ့သည်ကိုလည်း ထင်ရှား တွေ့ရှိရပါသည်။
အထက်ပါ အချက်များအရ လျှပ်စစ်စွမ်းအားဝန်ကြီးဌာန၏ ၀န်ကြီး ဦးဇော်မင်း သည် ဖွဲ့စည်းပုံ အခြေခံဥပဒေ၏ ပြဌာန်းချက်များအား
(၁) ကိုယ်တိုင်ကျူးလွန်၊ ဖေါက်ဖျက်ခြင်း။
(၂) နိုင်ငံသားတို့၏ တာဝန်ကို ကျေပြွန်စွာ ထမ်းဆောင်လိုသူများအား ခြိမ်းခြောက်ခြင်း။
ပြစ်မှုများကို ကျူးလွန်ကြောင်း တွေ့ရှိရပါသဖြင့် စည်းကမ်း ပြည့်ဝသော ဒီမိုကရေစီ စံနစ်သို့ ဦးတည်နေသော နိုင်ငံတော် အစိုးရ၏ ဥပဒေများကို ချိုးဖေါက်သူ ဦးဇော်မင်းအား ဥပဒေအရ အရေး ယူပေးနိုင်ပါရန် လေးစားစွာ တင်ပြ တိုင်ကြားအပ်ပါသည်။
ဦးဝင်းချို နိုင်ငံသား မှတ်ပုံတင်အမှတ် ၁၂/ရကန(နိုင်) ၀၄၅၁၅၉
တိုက် (B) 6 D ကံ့ကော် အိမ်ယာ အမှတ် (၆၀) ဘိုရာညွန့်လမ်း။ ယောမင်းကြီး ရပ်ကွက်။ ဒဂုံမြို့နယ်။
ရန်ကုန်တိုင်း ဒေသကြီး။
ဆက်သွယ်ရန်ဖုံး။ ၀၁-၃၉၃၁၅၅ လိုင်းခွဲ ၂၆၄။ ၀၉-၈၀၃၃၅၅၄
Ref: ဧရာဝတီမိတ်ဆွေများ
နိုင်ငံရေးအကျဉ်းသားတွေ အိမ်ပြန်မရောက်ခင် ပြည်ပကလူတွေ အရင် ပြန်ကြမှတဲ့လား
လွန်ခဲ့တဲ့ စနေနေ့က ဆရာဦးဝင်းတင်နဲ့ စကားပြောခဲ့စဉ်မှာ မေးမြန်းခဲ့တဲ့ မေးခွန်း အစိတ်အပိုင်း တခုကတော့ ပြည်ပက မြန်မာတွေ လုံခြုံ အေးချမ်း စိတ်ချစွာ အိမ်ပြန်လာခွင့် ရှိပြီလား၊ မိသားစုတွေ၊ မိဘတွေ၊ သားသမီးတွေ စောင့်မျှော်နေရာ နေအိမ်တွေဆီ နိုင်ငံရေး အကျဉ်းသားတွေ ကိုယ်တိုင်က ပြန်ရောက် မလာသေးခင်မှာ ပြည်ပက မြန်မာတွေက အိမ်ပြန်ကြဖို့ အဆင်သင့်နေပြီလား ဆိုတဲ့ မေးခွန်း ဖြစ်ပါတယ်။
- ဆရာရေ … အကျဉ်းထောင်ထဲက နိုင်ငံရေး အကျဉ်းသားတွေ အိမ်ပြန်ခွင့် မရှိသေးခင်မှာ ပြည်ပက မိသားစုနဲ့ ခွဲခွာနေရ သူတွေက အိမ်ပြန်ကြဖို့ အတွက် အခြေအနေတွေ ပေးနေပြီလို့ ဆိုနိုင်မလား ခင်ဗျာ။
- နိုင်ငံရေးအကျဉ်းသား ၂၀၀၀ ရဲ့ လွတ်မြောက်ခွင့်နဲ့ ပြည်ပမှာရှိနေတဲ့ မြောက်များ စွာသော မြန်မာပြည်သား တွေရဲ့ အိမ်ပြန်လာခွင့်နဲ့က တပိုင်းဆီလို သတ်မှတ်မလားလို့ မေးစရာ ပေါ်လာတယ်။ ဒါကြောင့် ဒီလို မေးလာတယ်လို့ မြင်တယ်။ တနည်းအားဖြင့် ကတော့ ဆက်စပ်မှု ရှိနေတယ်လို့တော့ ပြောလို့ရတယ်။ မြန်မာပြည်ပကို ရောက်ရှိနေတဲ့ မြန်မာ နိုင်ငံသားတိုင်းဟာ နိုင်ငံရေး သမားတွေ မဟုတ်ဘူးပေါ့ကွာ။ တချို့က မိမိတို့ နိုင်ငံရေး ယုံကြည်ချက်တွေ၊ နိုင်ငံရေး လှုပ်ရှားမှုတွေကြောင့် တိုင်းပြည်ကို စွန့်ခွာရသူတွေ၊ ထွက်ခဲ့ရသူတွေ၊ ပြည်ပြေးတွေလို့ ဆိုနိုင်ပေမယ့်၊ တချို့တွေကတော့ ရေကြည်ရာ မြက်နုရာ ထွက်ခွာ သွားသူတွေ ရှိတယ်။ တချို့တွေကတော့ ဒုက္ခသည်တွေ အဖြစ်နဲ့ အသက်ဘေးကြောင့် ထွက်ပြေး တိမ်းရှောင်ရင်း ပြည်ပ နိုင်ငံတွေကို ရောက်ရှိ သွားသူတွေလည်း ရှိတယ်။ ခုဆိုရင် ကမ္ဘာအနှံ့မှာ မြန်မာတွေ ရောက်ရှိ နေပြီဖြစ်တယ်။ အယင်က မကြားဖူးခဲ့တဲ့ ဥရောပ နိုင်ငံတွေမှာ အာဖရိက နိုင်ငံတွေမှာ ရောက်နေကြတာကို တွေ့နေရတယ်။ အဲသည်လို လူတွေအားလုံးဟာ နိုင်ငံရေး အကျဉ်းသားတွေ နဲ့တော့ တတန်းတည်း မတူဘူးပေါ့။ အဲသလိုမျိူး အတူတူပဲလို့တော့ သဘောထားလို့တော့ မရဘူးပေါ့။
- အဲသည်လို အခြေအနေမျိူးနဲ့ဆိုရင် ပြည်ပကသူတွေကို ပြည်တွင်းက နိုင်ငံရေး အကျဉ်းသားတွေ လိုမျိူး လွတ်ငြိမ်း ချမ်းသာခွင့် ပေးစရာအထိ မလိုဘူးပေါ့ ဆရာ။
- အာဏာပိုင်တွေရဲ့ အမိန့်တွေ၊ ပြစ်ဒဏ်တွေကြောင့် ထောင်ထဲမှာ အကျဉ်းကျနေသူတွေဟာ လွတ်ငြိမ်း ချမ်းသာခွင့် ရရှိမှသာ ထောင်တွင်းက လွတ်မြောက်ခွင့်ရမှာ ဖြစ်တယ်။ သူတို့ဖာသာ သူတို့ ထောင်ထဲက လမ်းလျောက်ပြီး ထွက်လာလို့မှ မရတာပဲ။ ဒါပေမယ့် ပြည်ပမှာ ရောက်နေသူတွေ ကတော့ အဲသည်လို လွတ်ငြိမ်းချမ်းသာခွင့် အထိ မလိုဘူးလို့ ပြောချင် ပြောလို့ရတာပေါ့။ ဒါကို ဥပဒေ ပညာရှင်တွေက အသေးစိတ် ပြောနိုင်မှာ ဖြစ်ပါတယ်။ အဲသည်မှာ ကျနော်ပြောနိုင်တာ တခုကတော့ ပြည်ပကို ရောက်ရှိ နေသူတွေမှာ ၂ ပိုင်းတော့ ခွဲခြားလို့ ရနိုင်မယ်။ တပိုင်းကတော့ သူတို့ဟာ နိုင်ငံရေး အကျဉ်းသားတွေနဲ့ တန်းတူပဲ၊ နိုင်ငံရေးလုပ်ရင်း ပြည်ပကို ရောက်သွားကြတယ်။ သူတို့ရဲ့ နိုင်ငံရေး ယုံကြည်ချက်တွေကြောင့်၊ လှုပ်ရှားမှုတွေ ပြောဆို ရေးသားမှုတွေကြောင့် ဖမ်းဆီး ထောင်ချ ချုပ်နှောင်ခြင်း မခံရပေမယ့် မြန်မာပြည်ပကို စွန့်လွှတ်ရသူ၊ ထွက်ခွာ ရောက်ရှိ သွားသူတွေက တပိုင်းဖြစ်တယ်။ နောက်တပိုင်း ကတော့ သူတို့ဘ၀ ရှေ့ရေးအတွက်၊ စီးပွားရေး၊ ပညာရေးအတွက် ရေကြည်ရာ မြက်နုရာကို ထွက်ခွာ သွားသူတွေက တပုိုင်းရှိတယ်။ အဲသည်ထဲမှာ နိုင်ငံရေးခံယူချက်တွေ လှုပ်ရှားမှုတွေကြောင့် မဟုတ်ပေမယ့် အသက်ဘေးကြောင့် ထွက်ပြေးစွန့်ခွာရသူ မြန်မာ တိုင်းရင်းသား မိသားစုတွေဟာ နယ်စပ် ဒေသတွေကနေ ဒုက္ခသည် စခန်းထဲကို ရောက်သွားသူတွေ၊ အဲသည်ကနေ ပြည်ပကို ရောက်ရှိ သွားသူတွေ ရှိတယ်။ အဲဒါကြောင့် ပြည်ပမှာ ရှိတဲ့ မြန်မာ လူထုတွေထဲက အချို့ အစိတ်အပိုင်း ကိုတော့ နိုင်ငံရေး အကျဉ်းသားတွေလိုမျိုး amnesty တစုံတရာ ပေးမှသာလျင် အဲသည်လို ကမ်းလှမ်းမှ လက်ခံမှသာလျင် ဖြစ်နိုင်မယ်လို့တော့ ပြောလို့ ရမယ် ထင်တယ်။
- အဲသည်တော့ ခေတ်အဆက်ဆက်မှာ စစ်အစိုးရရဲ့ လိုက်လံ ဖမ်းဆီး နှိပ်စက်မှုတွေ၊ နှိမ်နှင်းမှုတွေကြောင့် ပြည်ပကို ထွက်ပြေး ရောက်ရှိသွားသူတွေ၊ တိုင်းပြည်ကို စွန့်ခွာ သွားရသူတွေကို ဆရာက သတ်မှတ်ပြီး ပြောလိုက်တဲ့ သဘောပေါ့နော် ဆရာ။
- ဟုတ်တယ်။ လက်ရှိအစိုးရနဲ့ ယခင် စစ်အစိုးရ အဆက်ဆက်က နံမယ်တပ် သလိုမျိူး ပြည်ပြေးတွေလို့ ခေါ်မလား၊ နိုင်ငံရေး ၀ရမ်းပြေးများလို့ ခေါ်မလား၊ နိုင်ငံရေး တိမ်းရှောင် နေသူများလို့ ခေါ်မလား၊ ခေါ်ချင်တာ ခေါ်ပေါ့လေ၊ ဒီလူတွေကို စဉ်းစားတဲ့ အခါမှာ ပြည်တွင်းက နိုင်ငံရေး အကျဉ်းသားတွေကို စဉ်းစားသလိုမျိုး အထွေထွေ လွတ်ငြိမ်း ချမ်းသာခွင့်ကို သတ်မှတ်ပြီး ထုတ်ပြန်ရမယ်၊ သူတို့ကို အဲသည်လို လုပ်ပေးရမယ်လို့ ထင်တယ်။
- ဒါဆိုရင် ပြည်ပရောက်နေတဲ့ အခြားသော အစိတ်အပိုင်း မြန်မာပြည်သူ ပြည်သားတွေကို ကျတော့ကော ဆရာ။ သူတို့ အတွက် ဘယ်လို အာမခံချက်၊ လုံခြုံစိတ်ချရမှုတွေ ပေးဖို့ လိုအပ်မလဲ။
- အဲသည်လို အပိုင်းတွေကိုတော့ တရုတ်ပြည်ရဲ့ ပြည်ပရောက်တွေကို ဖိတ်ခေါ်တဲ့ ပုံသဏ္ဍန်မျိုးနဲ့ နှိုင်းယှဉ်ပြီး စဉ်းစား ရမယ်လို့ ပြောချင်တယ်။ တရုတ်ပြည်ပ ရောက်တွေထဲမှာ စီးပွားရေး၊ ပညာရေး၊ စားဝတ်နေရေး၊ မိသားစု အရေးတွေ အတွက် ထွက်ခွာ သွားသူတွေကို တရုတ်အစိုးရ ကိုယ်တိုင်ကလည်း တိုင်းပြည်ကို ပြန်လာကြဖို့၊ ရင်းနှီးမြုပ်နှံကြဖို့၊ ထူထောင်ကြဖို့ ဖိတ်ခေါ် ခဲ့တာတွေ ရှိတယ်။ တရုတ်က လူတွေကို ကြော်ငြာတွေ၊ ၀ါဒဖြန့်ချိတာတွေ အစီအစဉ်တွေ ကြေညာပြီး ထုတ်ပြန်ပြီး ပြန်ခေါ်တာတွေ လုပ်တယ်။ မျိုးချစ်တွေဆိုတာ တိုင်းပြည်ထူထောင်ဖို့ ပြန်လာကြတယ် ဆိုတာမျိုး ထုတ်ပြန်တာ ကြော်ငြာတာတွေ လုပ်တယ်။
- ဒါဆိုရင် မြန်မာပြည်မှာက တရုတ်ပြည်ကြီးလိုမျိုး ပြန်လည် ထူထောင်ရေး အတွက် အခြေအနေတွေ ပေးနေပြီ၊ အဆင်သင့် ဖြစ်နေပြီ ဆိုတာမျိုးတွေ ရှိနေပြီလား၊ ထုတ်ပြန်ထားတွေကော ရှိလို့လား ဆရာ။
- တရုတ်ပြည်မှာက အဲသည်ပြည်တွင်းမှာ လုပ်ငန်း ကိုင်ငန်း အခွင့်အရေးတွေ၊ အလုပ်တွေ၊ အစိုးရ ကိုယ်တိုင်က ရေးဆွဲထားတဲ့ စီမံကိန်းတွေ အဆင်သင့် ရှိနေတယ်၊ ရင်းနှီး မြုပ်နှံစရာတွေ ကလည်း ရှိနေတယ်။ အဲသည် နေရာတွေမှာ သူတို့ အမျိုးသားတွေကို ကြိုဆိုဖို့၊ တရုတ် စကားလည်း တတ်မယ်၊ နိုင်ငံတကာ အတွေ့အကြုံလည်း ရှိတဲ့သူတို့ လူမျိုးတွေကို အစိုးရ အဆင့်သာမက ပုဂ္ဂလိက လုပ်ငန်း နယ်ပယ်တွေမှာပါ ကြိုဆိုနေကြတာမျိုး ဖြစ်တယ်။ မြန်မာပြည်တွင်း မှာက စစ်တပ်က အာဏာသိမ်းပြီး မကြာခင် လွန်ခဲ့တဲ့ အနှစ် ၂၀ တုန်းကလည်း ဗိုလ်ချုပ်ခင်ညွန့် တို့တွေက ပြည်ပရောက် မြန်မာ လုပ်ငန်းရှင်တွေ၊ ပညာသည်တွေကို ဖိတ်ခေါ်ပြီး မြန်မာ ပြည်တွင်းမှာ လိုက်ပြ၊ ခေါ်ပြီး စကားပြောတာတွေ လုပ်ခဲ့ဖူးတာတွေ ရှိတယ်။ အဲသည်နောက်ပိုင်း ဘယ်လိုတွေ ဆက်ဖြစ် သွားခဲ့တယ် ဆိုတာကို ပြန်ကြည့်ဖို့လိုတယ်၊ ပြန်လေ့လာ သုံးသပ်ကြည့်ဖို့ လိုတယ်။
- ဟုတ်ကဲ့။ အဲသည်တုန်းကကော၊ အခုချိန်မှာပါ မြန်မာပြည်မှာက လူ့အခွင့်အရေး ချိုးဖောက်မှုတွေ ရှိနေတယ်။ နိုင်ငံရေး အကျဉ်းသားတွေ ရှိနေတယ်။ တရားမျှတတဲ့ ဥပဒေနဲ့ လွတ်လပ်မှု အာမခံချက်တွေ မရှိဘူး၊ ခုချိန်ထိမှာလည်း မြန်မာပြည် မှာက အထွေထွေ ချွတ်ခြုံ ကျနေတဲ့ အချိန်ဖြစ်တယ်။ တရုတ်ပြည်ရဲ့ ဥပမာလိုမျိုး စီးပွားရေး အခွင့်အလမ်းတွေ အာမခံချက်တွေ ပေးနိုင်တဲ့ အခြေအနေမျိုး မရှိဘူးလို့ ကျနော်တို့က ပြောမယ် ဆိုရင်ကော ဆရာ။
- တိုင်းပြည်မှာက လက်ရှိအခြေအနေမှာ ဆင်းရဲ ကြပ်တည်း မှုတွေ ရှိနေတယ်။ တိုင်းရင်းသား ဒေသတွေ မှာလည်း ပြည်တွင်းစစ် မီးတွေ တောက်လောင်နေတယ်။ အဲသည်လို အခြေအနေမျိုးမှာ မြန်မာပြည်ကို ပြန်လာဖို့ ဖိတ်ခေါ်တယ်၊ ကြိုဆိုတယ် ဆိုရင် သူတို့တတွေက ပြန်လာပြီးတော့ သူတို့တွေမှာ သူတို့ရဲ့ စီးပွားရေး၊ လူမှုရေး၊ ပညာရေးနဲ့ နေမှု ထိုင်မှု ဘ၀တွေ အဆင်မပြေဘူး၊ အာမခံချက်တွေ အခွင့်အလမ်းတွေ မရဘူးဆိုရင် မကောင်းပေဘူး လို့တော့ ပြောချင်ပါတယ်။ ကျနော်တို့ကလည်း ပြည်ပက သာမန် မြန်မာ မိသားစုတွေ ပြန်လာချင်တာကို ကြိုဆိုချင်ပါတယ်။ သို့သော်လည်း မြန်မာပြည်နဲ့ ပြည်သူ ပြည်သားတွေ အတွက် မှန်ကန်တဲ့ အနေအထား၊ ကောင်းမွန်တဲ့ အနေအထားတွေ ရှိသလဲဆိုတာကို ကာယကံရှင်ဖြစ်တဲ့ ပြည်ပက မြန်မာ မိသားစုတွေ ကိုယ်တိုင်က စဉ်းစား၊ ဆွေးနွေး၊ သုံးသပ်ကြဖို့လည်း လိုအပ်လိမ့်မယ်လို့ ကျနော်က ပြောချင်ပါတယ်။
Ref: မိုးမခ
ဧရာဝတီ ကာကွယ်ဖို့ ကျောင်းသားတွေစာကပ်
2011-09-13
ဧရာဝတီမြစ်ကို ကာကွယ်ကြ Save the Irrawaddy ဆိုတဲ့ စာတမ်းတွေကို ဗကသများ ကျောင်းသား အဖွဲ့ချုပ်က ပြီးခဲ့တဲ့ (၄) ရက် အတွင်း ရန်ကုန် လူစည်ကားတဲ့ နေရာတွေမှာ လိုက်လံ ကပ်ခဲ့တယ်လို့ သိရပါတယ်။
ဒီ အတောတွင်း မြန်မာအစိုးရရဲ့ လျှပ်စစ်ဝန်ကြီး ဦးဇော်မင်းက ဒီ စီမံကိန်းကို မဖြစ်မနေ ဆက်ပြီး အကောင်အထည် ဖော်သွားမယ်လို့ ပြောဆိုတာဟာ အစိုးရရဲ့ ဂုဏ်သိက္ခာကို ထိခိုက် စေတယ်လို့ ဗကသ ကျောင်းသား အဖွဲ့ချုပ် ပြောခွင့်ရသူ ကိုမင်းသွေးသစ်က ဝေဖန် လိုက်ပါတယ်။
“ကျနော်တို့ ကျောင်းသားတွေရဲ့ အမြင်ကတော့ အစိုးရ တဖွဲ့ထဲမှာတင် ပြန်ကြားရေး ဝန်ကြီးက ခဏရပ်ပြီး စောင့်ကြည့်မယ်လို့ ပြောတယ်။ လပိုင်းပဲ ရှိသေးတယ် စက်မှု (၁) ၀န်ကြီးက ဒီလိုမျိုး စကား ထပ်ပြောတယ် ဆိုတာက အစိုးရ တရပ်ရဲ့ ဂုဏ်သိက္ခာ ပျောက်နေတယ်။ နောက်တချက်က ဘယ်သူပဲ ဘာပဲ ပြောပြော ဆက်လုပ်မယ် ဆိုတာက ပြည်သူက တာဝန်ပေးလို့ အုပ်ချုပ်နေတယ် ဆိုတာနဲ့ လုံးဝကို ဆန့်ကျင်ဘက် ဖြစ်နေတယ်”
ဒီကနေ့ ထုတ်ပြန်တဲ့ ဗကသအဖွဲ့ချုပ်ရဲ့ ကြေညာချက်ထဲမှာ ဧရာဝတီ မြစ်ဆုံ ရေကာတာ စီမံကိန်း ရပ်တန့်ရေး လှုပ်ရှားမှုကို ကျောင်းသားတွေ အနေနဲ့ ကျယ်ကျယ်ပြန့်ပြန့် ဆက်လုပ် သွားမယ်လို့ ဖော်ပြ ထားပါတယ်။
တချိန်ထဲမှာပဲ ဧရာဝတီမြစ်ဆုံ ရေကာတာ စီမံကိန်းနဲ့ ပတ်သက်တဲ့ အသိပညာပေး ဆောင်းပါးတွေ၊ ရေကာတာရဲ့ ဆိုးကျိုးနဲ့ ပတ်သက်လို့ အစိုးရ လုပ်ဆောင်ချက်တွေ အပေါ် ဝေဖန် ပြောကြား ချက်တွေကို ပြည်တွင်းထုတ် ဂျာနယ်တွေမှာ အပြည့်အစုံ ဖော်ပြခွင့် မပေးဘဲ စာပေ စိစစ်ရေးက ဖြတ်တောက် နေတယ်လို့ သိရပါတယ်။
Ref: RFA News
ဘာသာရေးလွတ်လပ်ခွင့် အဆိုးဝါးဆုံးချိုးဖောက်တဲ့ ၈ နိုင်ငံထဲမှာ မြန်မာပါဝင်
ဒေါ်ခင်မျိုးသက်
အင်္ဂါ, 13 စက်တင်ဘာ 2011
ဒီနှစ်အတွက် အမေရိကန် နိုင်ငံခြားရေး ၀န်ကြီးဌာနက ထုတ်ပြန်တဲ့ ဘာသာရေး လွတ်လပ်ခွင့်ဆိုင်ရာ နှစ်ပတ်လည် အစီရင်ခံစာ ထဲမှာ မြန်မာနိုင်ငံဟာ ကမ္ဘာပေါ်မှာ ဘာသာရေး လွတ်လပ်ခွင့် အဆိုးဝါးဆုံး ချိုးဖေါက်တဲ့ နိုင်ငံစာရင်းမှာ မနှစ်ကလိုပဲ ပါဝင် နေပြန်ပါတယ်။ မြန်မာနိုင်ငံမှာ ၂၀၀၇ခုနှစ် သံဃာ့ အရေးအခင်းနောက်ပိုင်း ဗုဒ္ဓဘာသာ ဘုန်းတော်ကြီးတွေကို ပိုမို ဖိနှိပ်လာပြီး ရာနဲ့ချီတဲ့ သံဃာတွေ အကျဉ်းကျ ခံနေရဆဲ ဖြစ်သလို မူစလင်တွေဖြစ်တဲ့ ရိုဟင်ဂျာ တွေကိုလည်း အခုထိ အသိမှတ် မပြုသေးပဲ ခရစ်ယန် ဘာသာဝင် တိုင်းရင်းသားတွေ အတွက်ဆိုလည်း အခွင့်အရေး ရပိုင်ခွင့် တွေ ဆုံးရှုံးမှု ရှိနေတယ်လို့ အစီရင်ခံစာ ထဲမှာ ဖေါ်ပြထားပါတယ်။ အပြည့်အစုံကို ဒေါ်ခင်မျိုးသက်က တင်ပြထားပါတယ်။
မြန်မာနိုင်ငံကို CPC လို့ခေါ်တဲ့ ဘာသာရေး လွတ်လပ်ခွင့် အပြင်းအထန်ချိုးဖေါက်နေတဲ့ နိုင်ငံထဲမှာ ဆက်လက် ထည့်သွင်း ထားပြီး ဒီနှစ်အတွက် မြန်မာနိုင်ငံ အပါအ၀င် စီပီစီ ရှစ်နိုင်ငံရဲ့ ဘာသာရေး လွတ်လပ်ခွင့် ချိုးဖေါက်နေမှု အပြည့်အစုံကို အင်္ဂါနေ့ ထုတ်ပြန်တဲ့ အစီရင်ခံစာမှာ ဖေါ်ပြထားတယ်လို့ အမေရိကန် နိုင်ငံခြားရေး ၀န်ကြီးဌာန ဒီမိုကရေစီ၊ လူ့အခွင့်အရေးနဲ့ အလုပ်သမား ဆိုင်ရာ လက်ထောက် နိုင်ငံခြားရေး ၀န်ကြီး မိုက်ကယ် ပေါ့စ်စနာ (Michael Posner) ကပြောပါတယ်။
“နိုင်ငံခြားရေးဝန်ကြီး ကလင်တန်က အထူးစိတ်ပူဖို့ကောင်းတဲ့ နိုင်ငံအဖြစ် ၈ နိုင်ငံကို သတ်မှတ် ခဲ့ပါတယ်။ ဒီနိုင်ငံတွေ ကတော့ မြန်မာ၊ တရုတ်၊ အီရစ်ထရီးယား၊ အီရန်၊ မြောက်ကိုရီးယား၊ ဆူဒန်နဲ့ အူဇဘက်ကစ်စတန် နိုင်ငံတွေပါ။ ဒီနိုင်ငံတွေ အားလုံးမှာ ဘာသာရေး လွတ်လပ်ခွင့် မရှိတာ နှစ်ကာလ ကြာမြင့်နေပြီ ဖြစ်သလို ဆိုးဆိုးဝါးဝါးလည်း ချိုးဖေါက်နေတာ တွေ့ရပါတယ်။ ဒီချိုးဖေါက်မှုတွေကို အစီရင်ခံစာမှာ အပြည့်အစုံ ဖေါ်ပြထားပါတယ်။”
အစီရင်ခံစာမှာ မြန်မာနိုင်ငံနဲ့ ပတ်သက်ပြီး အပိုင်းလေးပိုင်းခွဲ တင်ပြ ထားပါတယ်။ နိုင်ငံတွင်း ဒေသအလိုက် ဘာသာရေး ကိုးကွယ်မှုကို ဆန်းစစ်ထားသလို ဗုဒ္ဓဘာသာဝင် ၉၀ ရာခိုင်နှုံးရှိပြီး ခရစ်ယန်နဲ့ မူစလင် ၄ ရာခိုင်နှုန်း စီလောက်ရှိတဲ့ မြန်မာနိုင်ငံမှာ အစိုးရရဲ့ ဘာသာရေး ဆိုင်ရာ လေးစားလိုက်နာမှုနဲ့ လူ့အဖွဲ့အစည်း အတွင်း ဘာသာရေး ဆိုင်ရာ လေးစား လိုက်နာမှု အခြေနေတွေကိုပါ ခွဲခြား ဖေါ်ပြထားပါတယ်။
“မြန်မာနိုင်ငံမှာ ကြည့်မယ်ဆိုရင် အခုထိ ဗုဒ္ဓဘာသာ ဘုန်းတော်ကြီးတွေ ထောင်အကျခံနေရတာ တွေ့ရသလို မြန်မာနိုင်ငံက မူစလင် ရိုဟင်ဂျာတွေ ကိုလည်း အခုထိ အသိမှတ်ပြုတာမျိုး မတွေ့ရသေးပါဘူး။”
မစ္စတာ ပေါ့စ်နာပြောသွားတာပါ။ မြန်မာအစိုးရအနေနဲ့ ဗုဒ္ဓဘာသာကို အထူးဦးစား ပေးပြီး အလေးအမြတ် ထားကြောင်း ပြသ နေပေမယ့် ၂၀၀၇ခုနှစ် သံဃာ အများအပြားကို နှစ်ရှည်ထောင်ဒဏ်တွေ ချမှတ်ပြီး နယ်ဝေး အကျဉ်းထောင်တွေ ပို့တာရှိသလို အစီရင်ခံစာ ရေးသားတဲ့ ၂၀၁၀ ဇူလိုင်လ ၁ ရက်ကနေ ဒီဇင်ဘာလကုန် အတွင်း သံဃာအပါး ၂၅၆ ပါး အကျဉ်း ထောင်ထဲမှာ ကျန်နေ သေးတယ်လို့ ဆိုပါတယ်။ သံဃာ့ ဥသျှောင်မြန်မာ ရဟန်းတော်များ အဖွဲ့ အတွင်းရေးမှုး အရှင်ဂုဏိဿရ ကတော့ လွတ်လပ်စွာ ကိုးကွယ်မှုကို သင်ပေးတဲ့ ဗုဒ္ဓဘာသာ ရဟန်းတော်တွေကို အကျဉ်းချထားတာ မသင့်လျှော်ဘူးလို့ မိန့်ပါတယ်။
“မြန်မာစစ်အစိုးရ ဖမ်းထားတာကတော့ ရာဂဏန်း ရှိတယ်ပေါ့ ဘယ်သူ့မှ အဆက်အသွယ် မမှီတဲ့ အတွက် စာရင်း မပြုနိုင် တာတွေလည်း အများကြီးရှိတယ်။ တချို့ ဖမ်းထားရင်းနဲ့ ပျံလွန်တော် မူသွားတာတွေလည်း ရှိပါတယ်။ ၂၀၀၇ခုနှစ်က သံဃာတော် တွေက ဦးဆောင်ပြီး မေတ္တာပို့တယ်၊ လမ်းလျှောက်တယ်။ ဒီကိစ္စတွေနဲ့ပတ်သက်ပြီး သံဃာတော်တွေ နေတဲ့ ဘုန်းတော်ကြီး ကျောင်းတွေကို ပိတ်တာ၊ ၀ါတွင်း ကာလတောင် ကိုယ့်ကျောင်းကိုယ် မပြန်နိုင်ဘူး။ တောက သံဃာ မြို့မတက်နိုင်အောင် မြို့ကသံဃာ တောမပြန်နိုင်အောင် အမျိုးမျိုး ဒုက္ခပေးတာ ရှိတယ်။
ဘာမှ အပစ်မရှိတဲ့ ဆရာတော်တွေ ဦးဂမ္ဘီယအပါအ၀င် တခြားဆရာတော် သံဃာတွေကို ဖမ်းထားတာဟာ ဘာသာရေးကို အမျိုးမျိုး ပိတ်ပင် တားဆီးနေတာ ဖြစ်ပါတယ်။ ငြိမ်းချမ်းတဲ့ ဘာသာ သာသနာ ထွန်းကားတဲ့ တိုင်းပြည်မှာ ဒီလို ဖြစ်တယ်ဆိုတာ ရှက်ဖို့လည်း ကောင်းပါတယ်။ ဒါတွေကိုရပ်တန်းက ရပ်ဖို့ တိုက်တွန်းပါတယ်။”
ရခိုင်ပြည်နယ်မှာ အများဆုံးနေထိုင်တဲ့ ရိုဟင်ဂျာ အပါအ၀င် မူစလင်တွေ အပြင် ခရစ်ယန်ရော၊ ဗုဒ္ဓဘာသာ သံဃာတွေ ကိုပါ ဖိနှိပ် ချုပ်ချယ်နေတဲ့ မြန်မာအစိုးရ အနေနဲ့ အမေရိကန် အစိုးရရဲ့ အခု အစီရင်ခံစာဟာ ဒီမိုကရေစီလမ်းကို လျှောက်လှမ်း နေတယ် ဆိုတဲ့ ပြောကြားချက် တွေကို စိန်ခေါ်နေတယ်လို့ မြန်မာ မူစလင် အစည်းအရုံး အထွေထွေ အတွင်းရေးမှူး ဦးအောင်တင်က ပြောပါတယ်။
“မြန်မာပြည်မှာက မူစလင်ဖြစ်ခြင်းကိုက အစ္စလာမ်ဘာသာ ကိုးကွယ်တယ် ဆိုတာနဲ့ ဒီလူဟာ တိုင်းရင်းသား မဟုတ်တော့ဘူး။ နိုင်ငံသား မဟုတ်တော့ဘူး ဆိုတဲ့ ပုံစံမျိုး ဖြစ်နေတယ်။ အထူးသဖြင့် ဒီ ရိုဟင်ဂျာ လူမျိုးတွေဆိုရင် နိုင်ငံသား ဟုတ်တယ် မဟုတ်ဘူး ဆိုတဲ့ အဆင့်ထက်တောင် မကတော့ဘဲနဲ့ ဒီလူသားရဲ့ ဖြစ်တည်ခွင့် တွေမှာပါ အဖိနှိပ် ခံရတယ်။ ဥပမာ အရွယ်ရောက်လို့ အိမ်ထောင် ပြုချင်ရင် တောင်မှ အိမ်ထောင်ပြုလို့ မရတာ၊ သိန်းနဲ့ ချီတဲ့ ရိုဟင်ဂျာတွေဟာ ကျန်းမာရေး အတွက် ဆေးကုမယ် ဆိုရင် ဆေးကုလို့မရ တနေရာက တနေရာသွား လို့မရ၊ ပညာသင်လို့ မရ၊ အလုပ်အကိုင် ရှာဖွေလို့မရ၊ သူတို့ကို ဆယ်စုနှစ်ပေါင်း များစွာ စီစစ်လို့ မပြီးနိုင် သေးဘူးလား။ ဒီကနေ့ ယူနိုက်တက် စတိတ်က ထုတ်ပြန်တဲ့ ဒီ ဘာသာရေးဆိုင်ရာ အဖိနှိပ်ဆုံး နိုင်ငံမှာ မြန်မာ နိုင်ငံ ဆက်လက် ပါရှိနေခြင်း သည်ပင်လျှင် ဒီကနေ့ ဒီမိုကရေစီ နိုင်ငံ တည်ဆောက်နေပါတယ် ဆိုတဲ့ သမ္မတကြီး ဦးသိန်းစိန် အစိုးရကို မေးခွန်း ထုတ်လိုက်တယ် လို့တောင် ထင်မိပါတယ်။”
မြန်မာနိုင်ငံမှာ ဘာသာရေးလွတ်လပ်ခွင့်ရှိပြီး လူ့အခွင့်အရေးနဲ့ ဒီမိုကရေစီရေး တိုးတက်လာစေဖို့ အမေရိကန် အစိုးရ ကိုယ်စားလှယ် တွေဟာ မြန်မာအစိုးရ တာဝန်ရှိသူတွေ၊ ဘာသာရေး ခေါင်းဆောင်တွေ။ NGO အဖွဲ့အစည်းတွေနဲ့ အခါသင့်တိုင်း တွေ့ဆုံ ဆွေးနွေး နေသလို ၂၀၀၈ခုနှစ် ကစပြီး အမေရိကန် လွှတ်တော်အမတ် တွန်လန်းတို့စ် (Tom Lantos Block Burmese Junta Anti- Democratic Efforts Act) ရဲ့ JADE အက်ဥပဒေနဲ့ ချမှတ် အရေးယူ ဆောင်ရွက် နေတယ်လုိ့လည်း အစီရင်ခံစာမှာ ဖေါ်ပြ ထားပါတယ်။
Ref: VOA News
ပြုပြင်ပြောင်းလဲရေး နိုင်ငံတကာက အသိအမှတ်ပြုဖို့ မြန်မာနိုင်ငံခြားရေးဝန်ကြီးတိုက်တွန်း
ဦးသားညွန့်ဦး
အင်္ဂါ, 13 စက်တင်ဘာ 2011
မြန်မာနိုင်ငံဟာ အမှန်တကယ်တိုးတက်မှုတွေနဲ့ အပြောင်းအလဲတွေ စတင် လုပ်နေတာမို့ ဒီ လုပ်ငန်းစဉ် တွေကို နိုင်ငံတကာ အနေနဲ့ အားပေး ထောက်ခံခြင်း အားဖြင့် အကူအညီပေးဖို့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က မနေ့က ဂျီနီဖာ ကုလသမဂ္ဂ လူ့အခွင့်အရေး ကောင်စီမှာ ပြောသွားပါတယ်။ လူ့အခွင့်အရေး လှုပ်ရှားသူတွေ ကတော့ နိုင်ငံတွင်းက နိုင်ငံရေး အင်အားစုတွေ အားလုံး ပါဝင်နိုင်တဲ့ အပြောင်း အလဲတွေကသာ မှန်ကန်တဲ့ တိုးတက်မှုဖြစ်ပြီး အခုအချိန်တော့ အစိုးရသစ် အနေနဲ့ လက်တွေ့ထက် အပြော ပိုများနေတယ်လို့ ယူဆကြပါတယ်။ ကိုသားညွန့်ဦးက စုံစမ်း မေးမြန်း ထားပါတယ်။
မြန်မာအစိုးရသစ်အနေနဲ့ စီးပွားရေး လူမှုရေး အပြောင်းအလဲတွေ အစီအစဉ်ချမှတ် စတင် လုပ်နေသလို တဘက်မှာ အမျိုးသား ညီညွတ်ရေး အတွက်လည်း ငြိမ်းချမ်းရေး ကမ်းလှမ်းမှုတွေ ဒေါ်အောင်ဆန်းစုကြည်နဲ့ တွေ့ဆုံမှုတွေ လုပ်ခဲ့တယ်လို့ နိုင်ငံခြားရေး ၀န်ကြီး ဦးဝဏ္ဏမောင်လွင်က မနေ့ကလုပ်တဲ့ ကုလသမဂ္ဂ လူ့အခွင့်အရေး ကောင်စီ ၁၈ ကြိမ်မြောက် အစည်းအဝေး တတိယ စုံညီ ဆွေးနွေးပွဲမှာ ပြောဆို သွားတာပါ။ ဒီအတွက် ရင်ဆိုင်ရမယ့် အခက်အခဲတွေကို ကျော်လွှားနိုင်ဖို့ အစိုးရသစ်ကို အားပေး ထောက်ခံကြဖို့ နိုင်ငံခြားရေး ၀န်ကြီးက နိုင်ငံတကာကို တိုက်တွန်း သွားပါတယ်။
“မြန်မာနိုင်ငံဟာ ပြောင်းလဲနေပါပြီ။ တကယ့်အမှန် တိုးတက်မှုတွေနဲ့ ပြောင်းလဲနေတာပါ။ အခုလို အသွင် ပြောင်းရေး လုပ်ငန်းစဉ်မှာ အခက်အခဲ စိန်ခေါ်မှုတွေကိုတော့ ရှောင်လို့ရမှာ မဟုတ်ပါဘူး။ ဒါကြောင့် အခုလို အရေးတကြီး အခြေအနေမျိုးမှာ နိုင်ငံတကာ အသိုင်းအ၀ိုင်း အနေနဲ့ လိုအပ်တဲ့ အားပေး ထောက်ခံမှုတွေ ပေးတာဟာ အကောင်းဆုံး အကူအညီ ပေးမှု ဖြစ်ပါလိမ့်မယ်။”
နိုင်ငံတကာနဲ့ လူ့အခွင့်အရေး လှုပ်ရှားသူတွေ ကတော့ မြန်မာနိုင်ငံမှာ နှစ်ထောင်ကျော်တဲ့ နိုင်ငံရေး အကျဉ်းသားတွေကို လွှတ်ပေးခြင်းကသာ ပြောင်းလဲမှုတွေ အတွက် ကနဦးအစ ဖြစ်မယ်လို့ ယူဆ ပြောနေကြပါတယ်။ နိုင်ငံခြားရေး ၀န်ကြီး ဦးဝဏ္ဏမောင်လွင် ကတော့ အစိုးရသစ်ရဲ့ ပထမဆုံး ခြေလှမ်းဟာ အကျဉ်းသားတွေကို လွတ်ငြိမ်း ချမ်းသာခွင့် ပေးခဲ့တာလို့ ပြောသွားပါတယ်။
“သမတကြီးအနေနဲ့ သူ့ရဲ့လုပ်ပိုင်ခွင့်အရ ပထမဆုံး အကြိမ် အဖြစ်နဲ့ မေလ ၁၆ရက်နေ့မှာ သေဒဏ်ကျ အကျဉ်းသားတွေကို ထောင်ဒဏ် တသက်ပြောင်းတာ၊ အခြား ထောင်သားတွေကို ပြစ်ဒဏ် တနှစ် လျော့ပေါ့ ပေးခဲ့ပါတယ်။ ဒါကြောင့် ခန့်မှန်းချေ အကျဉ်းသား နှစ်သောင်းနီးပါးဟာ အကျဉ်းထောင်တွေနဲ့ ရဲဘတ်စခန်း အသီးသီးကနေ ဇူလှိုင်လ အကုန်ပိုင်းမှာ ပြန်လွတ် လာခဲ့ပါတယ်။
ဒါပေမယ့်လည်း ပြည်တွင်းပြည်ပက လိုလားတောင်းဆိုနေတဲ့ နိုင်ငံရေးအကျဉ်းသား နှစ်ထောင်ကျော် ကတော့ အကျဉ်းထောင်တွေ အတွင်းမှာပဲ ရှိနေဆဲပါ။ ဒါကြောင်လည်းပဲ အပြောင်းအလဲတွေကို စကားလုံးတွေနဲ့ ပြောနေမယ့် အစား၊ အနှစ်သာရ ရှိရှိ လုပ်ဖို့ လိုအပ်မယ်လို့ နယူးယောက်အခြေစိုက် Burma Fund အဖွဲ့ ညွန်ကြားရေးမှုး ဒေါက်တာသောင်းထွန်းက ပြောပါတယ်။
အသံ
ဦးဝဏမောင်လွင်ပြောသွားတဲ့အထဲမှာတော့ အစိုးသစ် တက်လာပြီးနောက် လူ့အခွင့်အရေးနဲ့ ပတ်သက်လို့ အရေးယူ စဉ်းစားချက်တွေ ဆောင်ရွက် ချက်တွေကို ထည့်သွင်း ပြောသွားတဲ့ အထဲမှာ၊ မကြာခင်က လွတ်လပ်တဲ့ အမျိုးသား လူ့အခွင့်အရေး ကော်မရှင် ဖွဲ့စည်းတာကိုလည်း ထည့်သွင်း ပြောသွားပါတယ်။ ဒါပေမယ့်လည်း ဒီကော်မရှင်မှာ ပါဝင် ဦးဆောင်သူတွေဟာ အရင် သံတမန်ဟောင်းတွေ ဖြစ်ပြီး လူ့အခွင့်အရေးနဲ့ ပတ်သက်လို့ မြန်မာနိုင်ငံအပေါ် နိုင်ငံတကာရဲ့ ဝေဖန်မှုတွေကို တချိန်က ကုလသမဂ္ဂထဲ ခုခံ ပြောဆိုခဲ့သူတွေ ဖြစ်ကြပါတယ်။
Ref: VOA News
ပူးပေါင်းဆောင်ရွက်ရေး နဲ့ နိုင်ငံရေးအကျဉ်းသား လွတ်မြောက်ရေး ဆက်နွယ်
ဒေါ်ခင်စိုးဝင်း
အင်္ဂါ, 13 စက်တင်ဘာ 2011
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က လက်ရှိ မြန်မာနိုင်ငံ အခြေအနေတွေနဲ့ ပတ်သက်ပြီးတော့ အစိုးရနဲ့ တိုက်ရိုက် ဆွေးနွေး လာနိုင်တာဟာ နိုင်ငံရေးအရ တိုးတက်မှု ဖြစ်စဉ်တခု အဖြစ် သူယုံကြည်ကြောင်း ပြောဆိုခဲ့ပါတယ်။ ဗွီအိုအေ ၀ိုင်းတော်သူ ဒေါ်ခင်စိုးဝင်းကနေ မြန်မာနိုင်ငံကို ရောက်ရှိခိုက် ဒေါ်အောင်ဆန်းစုကြည်နဲ့ သီးသန့် တွေ့ဆုံ မေးမြန်းခွင့် ရခဲ့တဲ့ အချိန်မှာ ဒေါ်အောင်ဆန်းစုကြည်က အခုလို ပြောဆိုခဲ့တာပါ။ ဒေါ်ခင်စိုးဝင်းက တိုက်ရိုက် ပြောပြချက် အပြည့်အစုံကို တင်ပြ ထားပါတယ်။
ရတောင့်ရခဲ မြန်မာပြည်ဝင်ခွင့်ရတဲ့ အချိန်လေးမှာ တွေ့ဆုံမေးမြန်းခွင့် ရလိုရငြား ဗွီအိုအေက မေတ္တာ ရပ်ခံခဲ့တာကို NLD က စီစဉ် ပေးနိုင်ခဲ့လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံ မေးမြန်းခွင့် ရခဲ့တာပါ။ ဒေါ်အောင်ဆန်းစုကြည်က ပြည်သူလူထု အကျိုးအတွက် ဆိုရင် မတူကွဲပြားတဲ့ အမြင်တွေကို ဘေးဖယ်ထားပြီး မြန်မာ အစိုးရနဲ့ ပူးပေါင်း ဆောင်ရွက်ကြမယ်လို့ လူသိရှင်ကြား ကြေညာ ထားပြီး ဖြစ်ပါတယ်။ ဒါပေမဲ့လည်း ယုံကြည်ချက်ကြောင့် အကျဉ်းကျ နေတဲ့သူတွေကို လွှတ်ပေးတာ မတွေ့ရ သေးတော့ နှစ်ဘက် ပူးပေါင်း ဆောင်ရွက်ကြမယ့် အလားအလာကို ထိခိုက်နိုင်ပါသလားလို့ မေးကြည့်တဲ့ အခါမှာ ဒေါ်အောင်ဆန်းစုကြည်က အခုလို ဖြေပါတယ်ရှင်။
“ဒါ မဖြစ်အောင် လုပ်ရမှာပေါ့။ ဘာဖြစ်လို့လဲ ဆိုတော့ အစကတည်းက ပြောထား ပြီးသားလေ၊ တွေ့ဆုံ ဆွေးနွေးပွဲတွေ အတွက် ဘယ်လိုမှ ကန့်သတ်ချက်တွေ မထားပါဘူးလို့ ပြောထားခဲ့တယ်။ အဲဒီတော့ အစ ကတည်းကလည်း ဒီဟာလုပ်မှ - ဟိုဟာလုပ်မှ ပြောမယ်လို့ ပြောထားတာမှ မဟုတ်ဘဲ။ နောက်ပြီးတော့ အစ်မ အမြင်မှာတော့ ဒီလို ပူးပေါင်း ဆောင်ရွက်တယ် ဆိုတာဟာ အကျဉ်းသားတွေ လွတ်မြောက်ရေး နဲ့လည်း တကယ်တော့ ကင်းကွာနေလို့ မဖြစ်ဘူး။ အစ်မတို့ လုပ်တဲ့ အလုပ်တွေဟာ အားလုံး တခုနဲ့တခု ဆက်နွယ်နေတာပဲ။ ဒီလို ပူးပေါင်း ဆောင်ရွက်ခြင်း အားဖြင့်ကိုလည်း နိုင်ငံရေး အကျဉ်းသားတွေ လွတ်မြောက်ရေး အတွက် ပိုပြီးတော့ အထောက်အကူ ဖြစ်နိုင်တယ်။ ဒီလိုပဲ ယူဆပါတယ်။”
မြန်မာအစိုးရဘက်ကနေ NLD အမျိုးသားဒီမိုကရေစီအဖွဲ့ချုပ်ကို နိုင်ငံရေးပါတီအဖြစ် မှတ်ပုံတင်ဖို့ တိုက်တွန်း ထားပါတယ်။ ၂၀၀၈ ခုနှစ် ဖွဲ့စည်းပုံကို လက်ခံ လာအောင်လည်း သမ္မတ ဦးသိန်းစိန် ကိုယ်တိုင် စည်းရုံးနေပါပြီ။ ၂၀၀၈ ခုနှစ်ဖွဲ့စည်းပုံကို လက်ခံပြီးတော့ နိုင်ငံရေး ပါတီတခု အဖြစ် လှုပ်ရှားဖို့ တိုက်တွန်း တာတွေကို NLD အနေနဲ့ လက်ခံမှာလား၊ တကယ်လို့ ၂၀၀၈ ခုနှစ် ဖွဲ့စည်းပုံမှာ ပါတဲ့ အချက်တွေကို ပြင်ဆင်လိုချင်တယ် ဆိုရင် ဘယ်အချက်တွေကို အဓိကထား ပြင်ဆင်ရမယ်လို့ မြင်ပါသလဲလို့ မေးတဲ့အခါမှာတော့ -
“ဒီဟာတွေကတော့ အခြေအနေပေါ်မှာ တည်ပါတယ်။ ဘာဖြစ်လို့လဲ ဆိုတော့ ကမ်းလှမ်းတယ် ဆိုတာကလည်း လူတွေက သူတို့ဟာ သူတို့ ထင်ကြေးနဲ့ ပြောတာပေါ့နော်။ အခုချိန်မှာ ဆိုလို့ရှိရင် အစ်မတို့က တယောက်နဲ့ တယောက် စပြီးတော့ စကားပြောတယ်။ တကယ့်ကို ထိထိ ရောက်ရောက် စကားပြောတဲ့ အဆင့်ကို စနိုင်ပြီဆိုတာ ဒါကိုပဲ တိုးတက်မှုတခုလို့ အစ်မတော့ ယုံပါတယ်။ အဲဒီတော့ ဒီအချိန်မှာတော့ အသေးစိတ် ဘာတွေ ဘာတွေ ဆွေးနွေးနေလဲ ဆိုတာကို မပြောတာဟာ သိပ်ပြီးတော့ သိမ်မွေ့နေတဲ့ အချိန်မှာ ဒီလို ထုတ်ဖော် ပြောလိုက်ခြင်း အားဖြင့် ကိုယ်လိုချင်တဲ့ ခရီးကို ချောချောမောမော မရောက်မှာစိုးလို့ မပြောတာပါ။ ဒါပေမဲ့ နိုင်ငံအပေါ်မှာ အမတို့မှာ တာဝန်ရှိတယ်။ တချိန်တခါမှာတော့ ပြည်သူကို အသိပေးရမယ် ဆိုတာ သိပါတယ်။ အသိပေးတဲ့ အခါ အသိပေးစရာ ရှိတဲ့ အခါကျ အသိပေးမှာပါ။ အသိပေးစရာ မရှိသေးတဲ့ အချိန်မှာ အသိပေးလိုက်ခြင်း အားဖြင့် နောက်တခါ ဘာမှ အသိပေးစရာ မဖြစ်လာမှာလည်း စိုးရိမ် ရတယ်လေ”
ဆက်ပြီးတော့ ပြီးခဲ့တဲ့ သြဂတ်စ်လ ၁၇ ရက်နေ့တုန်းက မြန်မာနိုင်ငံတော် သမ္မတဦးသိန်းစိန်က မိန့်ခွန်း ပြောတဲ့ နေရာမှာ ပြည်ပမှာ ရောက်ရှိနေတဲ့ မြန်မာနိုင်ငံ သားတွေကို ဖိတ်ခေါ် လိုက်ပါတယ်။ ဒီတော့ ပြည်ပရောက် မြန်မာနိုင်ငံ သားတွေ ပြန်လာ သင့်ပြီလို့ ယူဆ ပါသလား။ ပြန်လာဖို့ အတွက် ဘယ်လို အခြေအနေမျိုး အနေအထားမျိုး ရှိသင့်တယ်လို့ ရှုမြင်ပါသလဲလို့ မေးတဲ့ အခါမှာတော့ ဒေါ်အောင်ဆန်းစုကြည်က အခုလို ပြောပါတယ်။
“ဒါ နှစ်ပိုင်းပေါ့နော်၊ တပိုင်းကတော့ လူတိုင်း လူတိုင်းဟာ ကိုယ့်ဘ၀ အတွက် ကိုယ့်ဆုံးဖြတ်ချက်ကို ချရမယ်။ ဒါကတော့ တာဝန်သိပေါ့။ အခု တချို့က ပြောနေတယ်။ အစ်မကိုလည်း ဗွီအိုအေ မေးခွန်းက တဆင့်ရော၊ အာရ်၊အက်ဖ်အေ မေးခွန်းက တဆင့်ရော မေးနေကြတယ် ပေါ့နော်။ ပြန်လာ သင့်သလား။ အစ်မ အမြဲပြောတယ်။ ဒါ ကိုယ့်ဘာသာကိုယ် ဆုံးဖြတ်ရမယ်။ ဒါ ကိုယ့်ရဲ့ ဘ၀၊ ကိုယ့်ဘာသာကိုယ် သမ္မတကြီး ပြောတဲ့ မိန့်ခွန်းကို လေ့လာပြီးတော့ သက်ဆိုင်ရာ သံရုံးတွေမှာ မေးမြန်း စုံစမ်းပြီးတော့ ကိုယ်ပြန်လာချင်ရင် ကိုယ့်ဘာသာကိုယ် ဆုံးဖြတ်ရမယ်။ ပြန်မလာချင်လို့ ရှိရင်လည်း ကိုယ့်ဘာသာကိုယ် ဆုံးဖြတ်ရမယ်။ ဒီဟာကို နိုင်ငံရေး အရ ဘယ်လိုမြင်ရမလဲ ဆိုလို့ရှိရင်တော့ အဲဒါတော့ နည်းနည်း စောင့်ကြည့်ရမှာပေါ့။ ပြန်လာတဲ့သူတွေ အခြေအနေ ဘယ်လိုရှိသလဲ။ တချို့က ပြောတာပေါ့နော်။ ပြန်လာပြီးလို့ ရှိလို့ရှိရင် ပြဿနာရှာမှာတို့ ဘာတို့ - ဒါကတော့လည်း အမလည်း မပြောနိုင်ဘူး။ ဖြစ်မယ်၊ မဖြစ်ဘူးဆိုတာ။ တချို့ကျတော့လည်း ဒီအချိန်မှာ ပြန်လာသင့်သလား ပေါ့နော်။ နိုင်ငံရေး အမြင်နဲ့ ပြောတာပေါ့။ ပြန်လာသင့်သလား။ အဲဒီတော့ နိုင်ငံရေးအမြင်နဲ့ ပြန်လာ သင့်သလား ဆိုတာ ဘယ်မှာ တည်သလဲ ဆိုတော့ မြန်မာနိုင်ငံ ဒီမိုကရေစီ ရရှိရေးအတွက် ဘယ်လိုနည်းနဲ့ လှုပ်ရှားချင်သလဲ ဆိုတာပေါ်မှာ တည်တာပေါ့။ အခုချိန်မှာတော့ ဗမာပြည်မှာ နိုင်ငံခြားမှာ လှုပ်ရှားချင်တဲ့ ပုံစံနဲ့တော့ လှုပ်ရှားလို့ မရသေးဘူး ဆိုတာတော့ ဒါကတော့ ရှင်းပါတယ်။ နိုင်ငံခြားမှာ လှုပ်ရှားတဲ့ ပုံစံနဲ့ပဲ ဆက်ပြီး လှုပ်ရှားချင်တယ် ဆိုလို့ရှိရင်တော့ ဒါကို ရွေးရမှာပေါ့။ ဒါပေမဲ့ NLD နဲ့ ဒီမှာလာပြီး လှုပ်ရှားလို့ ရမယ်ထင်လို့ လှုပ်ရှားချင်တယ် ဆိုရင်လည်း လာပြီး လှုပ်ရှားနိုင် ပါတယ်”
ဆက်လက်ပြီး သူက အမေရိကန်အထက်လွှတ်တော်အမတ် ဂျဲင်(မ်) ၀က်ဘ်၊ ပေါ့နော်။ အရှေ့အာရှနဲ့ ပစိဖိတ်ရေးရာ ဆပ်ကော်မတီ ဥက္ကဋ္ဌက နေပြီးတော့ အမေရိကန်ရဲ့ မြန်မာနိုင်ငံ အပေါ် ရပ်တည်တဲ့ မူဝါဒကို ပြောင်းဖို့ သင့်မသင့်ပေါ့နော်။ ပြန်ပြင်ဆင်ဖို့ ရှိသင့် မရှိသင့်ဆိုတဲ့ ကြေညာချက်တခု ထုတ်ပါတယ်လို့ အဲဒီ ကြေညာချက်ကတော့ ၂၀၀၄ ခုနှစ်က ချမှတ်ထားတဲ့ မြန်မာနိုင်ငံ အပေါ် ပိတ်ဆို့မှုနဲ့ အရေးယူဖို့ အတွက် ပြဋ္ဌာန်းခဲ့တဲ့ Burmese Freedom and Democracy Act ဥပဒေကို သက်တမ်းတိုးဖို့ မဲခွဲကြတာနဲ့ ပတ်သက်ပြီးတော့ သူက ဒီ Statement လေးကို ထုတ်တာပါ။ ဒီပိတ်ဆို့မှုနဲ့ ပတ်သက်ပြီးတော့ ဒေါ်အောင်ဆန်းစုကြည်ရဲ့ အမြင်ကတော့ ဒီလိုပါ။
“ပြောင်းသင့်တဲ့အခါ ပြောင်းရမယ်ဆိုတာတော့ သဘောတူတာပေါ့။ သူက should be ready ဆိုတာ အစ်မကနေ ဒီဟာကို အဓိပ္ပာယ် တမျိုး ဖော်လိုက်မယ်။ သူကတော့ ဘယ်လို အဓိပ္ပာယ်နဲ့ ပြောလဲ မသိဘူး။ should be ready ဆိုတာဟာ အသင့်ဖြစ်နေရမယ် ပေါ့နော်။ ပြောင်းဖို့။ ပြောင်းဖို့ လိုတဲ့အချိန်မှာ ပြောင်းဖို့ ဆိုတာကတော့ အသင့် ဖြစ်နေရမှာပေါ့။ ဒါပေမဲ့ ပြောင်းဖို့ လိုတဲ့အချိန် ရောက်ပြီလား၊ မရောက်သေးဘူးလား ဆိုတာ- ဒါကလည်း သေသေချာချာ လေ့လာရမှာပေါ့။ စီးပွားရေး အမြင်နဲ့ ဆိုရင်တော့ ဒါ- အမတို့ အမြင်နဲ့ နည်းနည်း မတူဘူးပေါ့နော်။ ဘာဖြစ်လို့လဲ ဆိုတော့ အမတို့က စီးပွားရေးကို နိုင်ငံရေးနဲ့ ခွဲခြားလို့ မရဘူး ဆိုပြီးတော့ ယုံကြည်တယ်။ စီးပွားရေးက နိုင်ငံရေးအပေါ်မှာ လွှမ်းမိုးတယ် ဆိုရင်လည်း မဖြစ်သင့်ဘူး။ ဒီနှစ်ခုကို ညီညီမျှမျှ ကြည့်ပြီးတော့ လုပ်သွားရမှာပေါ့။”
နေုာက်ပြီးတော့ အနောက်နိုင်ငံတချို့က မြန်မာနိုင်ငံအပေါ် ဖွံ့ဖြိုး တိုးတက်ရေး အကူအညီတွေ ပေးဖို့ ချဉ်းကပ် တာတွေ ရှိတယ်။ သတင်းတွေ ထွက်နေတယ်။ အကူအညီတွေ ရမယ်ဆိုရင် ဘယ်လို အကူအညီမျိုး အဓိက လိုအပ်နေသလဲလို့ မေးတဲ့ အခါမှာတော့ ဒေါ်အောင်ဆန်းစုကြည်က မြန်မာပြည်မှာ အလိုအပ်ဆုံးကတော့ ပညာရေးနဲ့ ကျန်းမာရေး ကဏ္ဍ အတွက်ပဲလို့ ဖြေပါတယ်ရှင်။
Ref: VOA News
မြန်မာဗိုလ်ချုပ်များ လာဘ်စားပုံ ဝီကီလိခ်တွင်ပါရှိ
ကိုဝိုင်း
အင်္ဂါနေ့၊ စက်တင်ဘာလ ၁၃ ရက် ၂၀၁၁
ချင်းမိုင် (မဇ္ဈိမ) ။ ။ အာဏာသိမ်း နဝတ စစ်အစိုးရ လက်ထက် ထိပ်တန်း ဗိုလ်ချုပ်တချို့ လာဘ်စား ခဲ့ပုံများကို ရန်ကုန်မြို့ အမေရိကန် သံရုံးမှ ဝါရှင်တန် နိုင်ငံခြားရေး ဝန်ကြီးထံ ပေးပို့သည့် လျို့ဝှက်ကြေးနန်း တစောင် ဝီကီလိခ် စာမျက်နှာမှ ပေါက်ကြား လာသည်။
ငါးဖမ်းသင်္ဘော အစင်း ၁ဝဝ ကျော်ဖြင့် မြန်မာ့ ရေပိုင်နက်တွင် လုပ်ကိုင်ခွင့် ရနေသည့် ထိုင်း လုပ်ငန်းရှင်ကြီး တဦးကမြန်မာ နိုင်ငံကို အပတ်စဉ် သွားတိုင်း မွေးမြူရေးနှင့် ရေလုပ်ငန်း ဝန်ကြီးဟောင်း ဗိုလ်ချုပ် ချစ်ဆွေအား လာဘ်ထိုးရပုံကို ရန်ကုန် အမေရိကန် သံရုံးသို့ ပြောပြခဲ့သည်။
ထို့အပြင် လာဘ်စားသူများထဲတွင် နဝတ အတွင်းရေးမှူး ၂ ဗိုလ်ချုပ်တင်ဦး၊ စစ်ထောက်လှမ်းရေး အကြီးအကဲ ဗိုလ်ချုပ် ခင်ညွန့်၏ ဇနီးတို့လည်း ပါခဲ့သော်လည်း နောင်တွင် အာဏာရှင် ဖြစ်လာသော ဗိုလ်ချုပ်ကြီး သန်းရွှေမှာ အနေအထိုင် ရိုးအေးကြောင်း ၂ဝ၁၁ ခု သြဂုတ်လ ၃ဝ ရက်စွဲဖြင့် ပေါက်ကြားလာသည့် ကြေးနန်းစာက ဖော်ပြနေသည်။
"မြန်မာပြည်ကို အပတ်စဉ်သွားတိုင်း ငွေသားနဲ့ချည်း အမေရိကန် ဒေါ်လာ ၅၀,၀၀၀ လောက် ကုန်တယ်။ အဲဒီထဲ က ၁၅ ရာခိုင်နှုန်း လောက် (ဒေါ်လာ ၇,၅၀၀) က ဗိုလ်ချုပ်ကြီးတွေကို ချန်ထားရတာ (ကျန်တဲ့ငွေတွေ ကတော့ ငါးဖမ်းခွင့် ရဖို့အတွက် မြန်မာ အစိုးရဆီ ရောက်ကုန်တယ်)" ဟု သံရုံးက သိရှိရသည်ကို ၁၉၉၂ ခု မေလ ၄ ရက်စွဲဖြင့် ဝါရှင်တန် အမေရိကန် နိုင်ငံခြားရေး ရုံးသို့ ပေးပို့သည့် ကြေးနန်း၌ ပါရှိသည်။
၁၉၈၈ ခုနှစ် နဝတ ကောင်စီတွင် ကာကွယ်ရေး ဝန်ကြီးဌာန စစ်ဆင်ရေးအထူး အဖွဲ့ (၂) ကစထမှူး ရာထူးဖြင့် အဖွဲ့ဝင် အဖြစ် ပါခဲ့ပြီး နောက်ပိုင်း မွေး/ရေနှင့် သစ်တောဝန်ကြီး ဗိုလ်ချုပ် ချစ်ဆွေဖြစ်သည်ဟု ထိုင်းလုပ်ငန်းရှင်က ဆိုသည်။ ဗိုလ်ချုပ် ချစ်ဆွေသည် ၁၉၉၀ ခုနှစ်တွင် ဒုတိယ ဗိုလ်ချုပ်ကြီး အဖြစ် ရာထူးတိုးမြှင့်ခြင်း ခံရပြီး ၁၉၉၇ တွင် အနား ယူခဲ့ရသည်။
"ထိုင်းတွေကပဲ သင်ပေးလို့" (မွေး/ရေ) ဝန်ကြီးသည် အတိုင်းအတာ တခုအထိ ငြင်းသာအောင် လာဘ်ဘယ်လို ယူရသည် ဆိုသည်ကို ကောင်းစွာ တတ်မြောက်ခဲ့သည်ဟု ဆိုသည်။ "ချစ်ဆွေဟာ ထိုင်းစီးပွားရေး သမားတွေနဲ့ တယောက်ချင်း တွေ့ဖို့ ငြင်းလေ့ရှိပြီး သူ့သားနဲ့ သာ အလုပ်လုပ်စေတယ်" ဟုဆိုသည်။
ဗိုလ်ချုပ်ချစ်ဆွေ၏ သားက ထိုင်းလုပ်ငန်းရှင်တွေပြန်ရင် လိုက်ပို့လေ့ရှိပြီး အကောက်ခွန် ဌာနက သူပါလို့ စစ်ဆေးမှု မလုပ်ဘူးဟု ဆိုသည်။
"မကြာခင်ကပဲ ချစ်ဆွေရဲ့သားဟာ လေဆိပ်ကို ထိုင်းလုပ်ငန်းရှင် ၆၀ လောက်နဲ့ အတူ မိနစ် ၂၀ လောက်ပဲ ကြိုတင် အသိပေးပြီး အကောက်ခွန် ဂိတ်တွေကို ဖြတ်သွား ခဲ့သေးတယ်" ဟု သံရုံးက သီးးသန့် မှတ်ချက်ပြုထားသည်။
တခြားသော နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ဝင်များနှင့်လည်း ဆက်ဆံရသည့် အကြောင်း ထိုင်းစီးပွားရေး သမားက ပြောဆိုခြင်းကို မှတ်တမ်း တင်ထားရာတွင် စစ်ဦးစီး ဗိုလ်ချုပ်တင်ဦး၏ လာဘ်စားမှုလည်း ပါသည်။
ဗိုလ်ချုပ်တင်ဦးကား "အထပ်ထပ်ညှိရတယ်"ဟု နာမည်ကြီးပုံကို ဆိုသည်။ ဗိုလ်ချုပ်တင်ဦး၏ သားက လာဘ်ရထားသော မာစီဒီးဘင့်ဇ်ကား တစီအား မြို့ထဲတွင် လှည့်ပတ် မောင်းရာက စစ်ထောက်လှမ်းရေးက ဗိုလ်ချုပ်တင်ဦးကို မျက်လုံး ဒေါက်ထောက် ကြည့်လာပြီး ဗိုလ်ချုပ်တင်ဦး နေအိမ်ကို စစ်ဆေးတာ လုပ်သည်ဟု ဆိုသည်။
"စစ်ထောက်လှမ်းရေးချုပ် ခင်ညွန့်က အဲဒီကားကို အစိုးရထံ အပ်နှံဖို့ တင်ဦးကို ဖိအား ပေးခဲ့တယ်" ဟု သံရုံးက မှတ်ချက်ပြု ဖော်ပြ ထားသေးသည်။
၁၉၉၇ ခု၌ ပါဆယ်ဗုံး လုပ်ကြံမှုမှ လွတ်မြောက်ခဲ့သော ဒုဗိုလ်ချုပ်ကြီး တင်ဦးသည် ၂၀၀၁ ခု ဖေဖော်ဝါရီလက ကရင်ပြည်နယ် ဘားအံမြို့အနီး ရဟတ်ယာဉ် ပျက်ကျသဖြင့် သေဆုံး သွားခဲ့သည်။
"ထိုင်းစီးပွားရေးသမားကြီးများထဲတွင် တန်ဖိုးကြီး ကျောက်မျက်များကို မက်မောသည့် ခင်ညွန့်၏ ဇနီး၊ နဝတ ဥက္ကဋ္ဌ အသစ် သန်းရွှေ၏ သားတို့နှင့် ညှိနှိုင်း ဆောင်ရွက်ဖူးကြသူများ ရှိသည်"ဟု ရန်ကုန်မြို့ အမေရိကန် သံရုံးက သိရှိရချက်ကို ကြေးနန်းစာ အတွင်း ရေးသားထားသည်။
၂ဝဝ၃ ခုတွင် နအဖ ဝန်ကြီးချုပ် ဖြစ်လာသည့် စစ်ထောက်လှမ်းရေး အကြီးအကဲ ဗိုလ်ချုပ်ကြီး ခင်ညွန့်မှာ ၂ဝဝ၄ အောက်တိုဘာတွင် လာဘ်စားမှု၊ အမိန့်မနာခံမှု စွဲချက်များဖြင့် ရာထူးမှ ဖယ်ရှားကာ ဆိုင်းငံ့ပြစ်ဒဏ် ထောင်ဒဏ် ၄၄ နှစ်ဖြင့် နေအိမ် အကျယ်ချုပ် ချခံရသည်။
၁၉၉၂ ခု ဧပြီ ၂၃ တွင် ဒုတိယ ဗိုလ်ချုပ်ကြီး သန်းရွှေ နဝတ ဒုဥက္ကဋ္ဌ မှ ဥက္ကဋ္ဌ ရာထူး တက်သွားခြင်းကိုလည်း "ဒီတာဝန်ကို သူဘာသာသူ တခြား မတရားတဲ့နည်းနဲ့ ယူလိုက်တာလား" သို့မဟုတ် "အခြား ဗိုလ်ချုပ်တွေကို လာဘ်စားခွင့် ပြုထားပြီး သူက ဒီရာထူးကို ရယူတာလား" ဟု ထိုင်းငှား လုပ်ငန်းရှင်က သံသယ ရှိခဲ့သည်။
ထိုစဉ်က "ဗိုလ်ချုပ်ကြီးသန်းရွှေမှာ မြန်မာ အဆင့်အတန်း အရပင် ရိုးရိုးစင်းစင်း နေတတ်သူဖြစ်ပြီး လေအေး ပေးစက်လို အနောက်တိုင်း ဇိမ်ခံ အသုံးအဆောင်တွေ အသုံးနည်းတယ်" ဟု ရန်ကုန်မြို့ အမေရိကန် သံအရာရှိက တဆင့် သိရှိရချက်ကို ကြေးနန်းအတွင်း ပြန်လည် ရေးသားထားသည်။
စစ်ခေါင်းဆောင်အဖြစ် ၁၉ နှစ် ကျော် အာဏာကို ဆုပ်ကိုင်ပြီးနောက် အသက် ၇၈ နှစ်အရွယ်တွင် ဗိုလ်ချုပ်မှူးကြီး သန်းရွှေသည် ရာထူးမှ နှုတ်ထွက်ကာ လက်ရှိ နေပြည်တော် ဇမ္ဗူသီရီမြို့နယ်တွင် နေထိုင်လျက် ရှိသည်။ သို့သော်လည်း စစ်ဘက် အရေးအရာ များကိုမူ ဆက်လက် စွက်ဖက် ကြိုးကိုင်လျက် ရှိသည်ဟု လေ့လာသူအများက ယုံကြည်ကြသည်။
၂ဝဝ၆ ခုနှစ်အတွင်း ဗိုလ်ချုပ်မှူးကြီးသန်းရွှေ၏ သမီးတဦးဖြစ်သော မသန္တာရွှေ၏ လက်ထပ် မင်္ဂလာဆောင် အခမ်းအနားတွင် အမေရိကန် ဒေါ်လာ သန်း ၅ဝ ခန့် အကုန်အကျခံ အသုံးပြုခဲ့သည်ဟု သတင်း ထွက်ပေါ်ခဲ့သည်။
Ref: မဇ္ဈိမ
ကားဟောင်းအတွက် ပါမစ်ကြောင့် ကားဈေး ရုတ်ချည်းလှုပ်
ညီသစ်
အင်္ဂါနေ့၊ စက်တင်ဘာလ ၁၃ ရက် ၂၀၁၁
ရန်ကုန် (မဇ္ဈိမ) ။ ။ အစိုးရက မကြာမီ သက်တမ်းရင့် ကားဟောင်းများကို ဖျက်စီးရန် ပြန်လည် အပ်နှံပါက အမေရိကန် ဒေါ်လာ ၃,၅ဝဝ ထက် မများသည့် ၁၉၉၅ ခုနှစ်နှင့် အထက်ထုတ် မော်ဒယ်လ်ကားများ သွင်းခွင့်ပါမစ် ပေးမည်ဆိုသော သတင်းနှင့် အတူ ကားဟောင်း ဈေးနှုန်းများ ရုတ်ချည်း မြင့်တက်သွားသည်။
သံရည်ကြိုစက်တွင် ဖျက်ဆီးပစ်ရန်အွက် မော်တော်ယာဉ် မှတ်ပုံတင်သက်တမ်း နှစ် ၄ဝ နှင့် အထက် ကားများကို မော်တော်ယာဉ် မှတ်ပုံတင် စာအုပ်နှင့်အတူ ကုန်းလမ်းပို့ဆောင်ရေး ညွှန်ကြားမှု ဦးစီးဌာနသို့ မောင်းနှင်ပို့ဆောင် အပ်နှံရမှာဖြစ်သည်။ ထိုသို့ အပ်နှံလျှင် ကားဝယ်ခွင့်ပါမစ် တစောင် ထုတ်ပေးမှာ ဖြစ်သည်။ ယာဉ်ပိုင်ရှင်မှ မပယ်ဖျက် လိုသေးပါက ဆက်လက် အသုံးပြုခြင်းကိုမူ ခွင့်ပြုထားသည်။
ကားဟောင်းများကို ပယ်ဖျက်ခြင်း၊ ကားသစ်များ တင်သွင်းခြင်းနှင့် ပတ်သတ်ပြီး သတင်းစာ ရှင်းလင်းပွဲကို စက်တင်ဘာ ၁၁ရက်က နေပြည်တော်တွင် ကျင်းပခဲ့ရာ ရထား ပို့ဆောင်ရေး ဝန်ကြီးဌာနမှ ဝန်ကြီးများအပြင်၊ ပို့ဆောင်ရေး ဝန်ကြီးဌာန၊ စက်မှု ၂ ဝန်ကြီးဌာနမှ ဝန်ကြီးများက ရှင်းလင်း တင်ပြကြသည်။
ထိုသို့ တင်သွင်းရန်အတွက် ထိုင်း၊ ဂျပန်၊ တောင်ကိုးရီးယား၊ တရုတ်၊ အိန္ဒိယနှင့် မလေးရှားနိုင်ငံများမှ ကားများ တင်သွင်းလာရန် စီစဉ် နေသည်ဟုလည်း ဝန်ကြီများကဆိုသည်။ ထို့ပြင် စက်မှု ၂မှ ထုတ်သည့် ၅၅ သိန်းတန် မြန်မာ မီနီဆလွန်းကိုလည်း ပိုမို ထုတ်လုပ် ရောင်းချနိုင်ရန် စိစဉ်မည်ဟု ဆိုသည်။
သက်တမ်း၎ဝ များပြီးပါက သက်တမ်း ၃ဝမှ ၄ဝကြားကို ဒုတိယအဆင့်၊ သက်တမ်း ၂ဝ မှ ၃ဝကြားကို တတိယ အဆင့် အဖြစ် သတ်မှတ် လုပ်ဆောင်မည်ဖြစ်သည်။
ထိုသတင်းထွက်ရှိသည့် နေ့တွင်ပင် ဈေးကွက်အတွင်းရှိ သက်တမ်း ၄ဝနှင့် အထက် လူစီးကားငယ် (ဥပမာ-ဖယ်မလီယာများ၊ ဖီးယက်ကား) များ၏ ဈေးနှုန်းသည် ယခင်က ကျပ်သိန်း ၃ဝ ဝန်းကျင်ခန့်မှသည် သိန်း ၅ဝ ခန့် သို့ ရုတ်ချည်း မြင့်တက်ခဲ့သည်ဟု ကားပွဲစားများနှင့် နီးစပ်သူ ကားပိုင်ရှင် တဦးက ပြောသည်။
"ဖြစ်လာနိုင်တာက ကားဈေးကွက်ထဲမှာ ပါမစ်ရဖို့ ကားဟောင်းတွေ လိုက်ဝယ်ကြလိမ့်မယ်။ ဒီတော့ ကားပိုင်တဲ့ သူက ပါမစ် ထပ်များတဲ့ ဈေးမူရင်း ကားဈေးထက်များတဲ့ နှုန်းနဲ့ ရောင်းမယ်။ ပါမစ် များများ ရထားတဲ့သူကလည်း သွင်းလာတဲ့ ကားတွေကို ဈေးကောင်း ပေးရောင်းမယ်။ ဒီတော့ ကားဈေးကွက် ကမောက်ကမ ဖြစ်ဦးတော့မယ်" ဟုအဆိုပါ ကားပွဲစား တဦးက မှတ်ချက်ပြုသည်။
၂ဝဝဝ ခုနှစ်နောက်ပိုင်းမှစ၍ မော်တော်ယာဉ် တင်သွင်းခွင့် ပိတ်ပင်ထားခဲ့သောကြောင့် မြန်မာနိုင်ငံ၏ ကားဈေးကွက် သည် ပြည်ပ နိုင်ငံများနှင့် ယှဉ်ပါက ဈေးနှုန်းများ များစွာ မြင့်မားလျက် ရှိနေပြီး မော်တော်ကား သစ်များထက် ကားဟောင်း ဈေးကွက်သည်သာ ကြီးစိုးလျက် ရှိသည်။
ကားတင်သွင်းခွင့် ပါမစ်မှာလည်း တန်ဖိုးတက်လာခဲ့ပြီး ၂ဝဝ၈-၂ဝဝ၉ ခုနှစ်တွင် ထရပ်ကား တစီးတင်သွင်းရန် ကျပ်သိန်း ၂ဝဝ ခန့်၊ ဘတ်စ်ကား တစီး တင်သွင်းရန် ကျပ်သိန်း ၃ဝဝ နှင့် လင်ခရူဆာကဲ့သို့သော SUV တစီး တင်သွင်းလျှင် ကျပ်သိန်း ၁,၅ဝဝ ခန့် ဈေး ပေါက်ခဲ့သည်။
အစားထိုး လဲလှယ်ခွင့်ပေးရာတွင် သတ်မှတ်ချက်နှင့်ပြည့်စုံသော ကားဟောင်းများကို မော်တော်ယာဉ် မှတ်ပုံတင် စာအုပ်နှင့်အတူ သတ်မှတ်ထားသော ဌာနသို့ ပို့ဆောင်ပေးပြီး ယာဉ်အသစ်တစီး ဝယ်ယူခွင့် ပါမစ်နှင့် လဲလှယ်ရမည် ဖြစ်သည်။
နိုင်ငံခြားပို့ကုန်လုပ်ငန်း၊ ဟိုတယ်ခရီးသွားလုပ်ငန်း၊ ရင်းနှီးမြှုပ်နှံမှုလုပ်ငန်း၊ နိုင်ငံခြားတွင် တရားဝင် သွားရောက် အလုပ် လုပ်နေသူများနှင့် သင်္ဘောသား များသည်လည်း နိုင်ငံတော် ဘဏ်များတွင် တရားဝင် နိုင်ငံခြားငွေ စုဆောင်း ထားရှိပါက မော်တော်ယာဉ် ဝယ်ခွင့် ပါမစ်ကို စီးပွား ကူးသန်း ဝန်ကြီးဌာနက ခွင့်ပြု ပေးသွားမည်ဟုလည်း သိရသည်။
Ref: မဇ္ဈိမ
ထိုင်း-မြန်မာနယ်စပ် ရေကြီး၊ ကုန်သွယ်ရေး ရပ်ဆိုင်း
ဧရာဝတီ Tuesday, 13 September 2011 17:06
E-mail Print
ပြီးခဲ့သည့် စက်တင်ဘာလ ၁၁ ရက်နေ့မှစ၍ မိုးသည်းထန်စွာ အဆက်မပြတ် ရွာသွန်းမှုကြောင့် ထိုင်း-မြန်မာ နယ်ခြား သောင်ရင်းမြစ်ရေ မြင့်တက်လာပြီး မဲဆောက်နှင့် မြဝတီရှိ ရပ်ကွက်များ ရေမြုပ်ကာ နယ်စပ်ကုန်သွယ်ရေး ရပ်ဆိုင်းသွားသည်။
မြန်မာနိုင်ငံဘက်အခြမ်း မြဝတီမှ မြို့ခံတဦးက “ဒီနှစ်မိုးတွင်းမှာ ရေကြီးတာ လေးခါရှိပြီ။ အခုရေကြီးတာ အဆိုးဆုံးပဲ။ အနိမ့်ပိုင်း ရပ်ကွက်တွေ ဖြစ်တဲ့ အမှတ် ၁၊ ၂၊ ၅ ရပ်ကွက်တွေ ရေမြုပ်တာ အိမ်ခြေ ရာနဲ့ချီပြီး ရှိတယ်။ ၂ ရက်ရှိပြီ၊ ကိုယ့်ဖာသာပဲ ကိုယ်ထူ ကိုယ်ထ ပြောင်းရွှေ့နေရတယ်။ ဘယ်က အကူအညီမှ မလာသေးဘူး” ဟု ပြောသည်။
မြဝတီ မြို့လယ်တွင်လည်း ရေကြီးနေပြီး မီးသတ်ရုံးရှေ့တွင် ဆိုင်ကယ်၊ ကားများ သွားလာ၍ မရကြောင်း၊ မိုးထပ်ရွာလျှင် ဆက်လက် ဒုက္ခ ရောက်နိုင်ကြောင်း ၎င်းက ဆက်လက်ပြောသည်။
ထိုင်းဘက်အခြမ်း မဲဆောက်မြို့တွင် သောင်းရင်းမြစ်ရေ ကြီးမှုကြောင့် ကမ်းနားပိုင်း ရပ်ကွက်များ ရေမြုပ် နေကြောင်း၊ နယ်စပ် ကုန်သွယ်ရေးလည်း ရပ်ထားရကြောင်းနှင့် ချစ်ကြည်ရေး တံတားအနီးရှိ ဈေးရုံကြီးကိုလည်း ပိတ်ထား ရသည်မှာ ၂ ရက် ရှိပြီဖြစ်ကြောင်း ထိုင်းဆိုင်ပိုင်ရှင် တဦးက ပြောသည်။
မြန်မာအလုပ်သမား ခေါင်းဆောင် ကိုနိုင်က “နယ်စပ်ကုန်သွယ်ရေး ရပ်ဆိုင်းသွားတဲ့ အတွက် နှစ်ဖက် နယ်စပ်မှာ အလုပ် လုပ်ကိုင်နေကြတဲ့ မြန်မာ အလုပ်သမား ၁၀၀၀ ကျော်ဟာ အလုပ်တွေ ရပ်နား ထားရတယ်” ဟု ဆိုသည်။
ယခုနှစ် ဇွန်လကလည်း မိုးသည်းထန်စွာ အဆက်မပြတ် ရွာသွန်းမှုကြောင့် ကရင်ပြည်နယ် မြ၀တီ-ကော့ကရိတ်သွား ဒေါနတောင်ကျော် ကားလမ်းတွင် မြေပြိုမှုများ ဖြစ်ပြီး လမ်းပိတ်ဆို့ နေ၍ ထိုင်း-မြန်မာ နယ်စပ် ကုန်သွယ်ရေး ရပ်ဆိုင်း သွားခဲ့ဖူးသည်။
မဲဆောက်-မြဝတီ ချစ်ကြည်ရေးတံတားအောက်ရှိ ၂ ဧကခန့် ကျယ်ဝန်းသော မြန်မာပိုင် ရေလယ်ကျွန်းမှာ ရေနစ်မြုပ် သွားပြီး ကျွန်းကို မှီခို၍ ထိုင်းဘက်သို့ မြန်မာ ကုန်ပစ္စည်း ရောင်းချနေသည့် မြန်မာ ၂၀၀ ကျော် ရေဘေး လွတ်ရာသို့ ပြောင်းရွှေ့ သွားကြကြောင်း သိရသည်။
ချစ်ကြည်ရေးတံတားကို ၁၉၉၇ ခုနှစ် သြဂုတ်လ ၁၅ ရက်နေ့က စတင်ဖွင့်လှစ်ခဲ့ပြီး ယမန်နှစ် ဇူလိုင်လမှစ၍ နယ်စပ် လုံခြုံရေး အကြောင်းပြချက်ဖြင့် မြန်မာဘက်က ချစ်ကြည်ရေး တံတား အပါအ၀င် တံတားဘေး ၀ဲယာရှိ လှေဆိပ် ၂၀ ကျော်ကို ပိတ်လိုက် သဖြင့် နယ်စပ်ကုန်သွယ်ရေး ရပ်တန့်ခဲ့သည်။
သို့သော် နှစ်ဘက်ကုန်သည်များက ကိုယ့်နည်းကိုယ့်ဟန်ဖြင့် ကုန်သွယ်ကြရာ လစဉ် ထိုင်းဘက်မှ ကုန်ပစ္စည်း ဘတ်ငွေ သန်း ၇၀၀ ဖိုးခန့် မြ၀တီဘက်သို့ တင်ပို့ကြပြီး မြန်မာဘက်မှ မြန်မာ ကုန်ပစ္စည်း ဘတ် သန်း ၄၀၀ ဖို့ခန့်ကို မဲဆာက်ဘက်သို့ တင်သွင်းကြကြောင်း သိရသည်။
Ref: ဧရာဝတီ
ထားဝယ်ဆိပ်ကမ်းအရေး လွှတ်တော်တွင် ဆွေးနွေး
ခင်ဦးသာ
Tuesday, 13 September 2011
တနသာင်္ရီတိုင်း၊ ထားဝယ်ရေနက် ဆိပ်ကမ်း စီမံကိန်းကြောင့် ထိုဒေသရှိ ရှေးဟောင်း နယ်မြေများ မထိခိုက် စေရေးနှင့် ပတ်သက်သော အဆိုကို အမျိုးသား လွှတ်တော်က အတည်ပြုပေး လိုက်ကြောင်း ယနေ့ထုတ် အစိုးရ သတင်းစာတွင် ရေးထားသည်။
ထိုအဆိုကို ကိုယ်စားလှယ် ၆ ဦးက ထောက်ခံ ဆွေးနွေးခဲ့ကြကြောင်း၊ ယဉ်ကျေးမှု နယ်မြေများ မထိခိုက်စေရေး အတွက် သက်ဆိုင်ရာ ၀န်ကြီးဌာနက ဆောင်ရွက် ထားသည်ဟု အမျိုးသား စီမံကိန်းနှင့် ဖွံ့ဖြိုး တိုးတက်မှု ၀န်ကြီး ဦးတင်နိုင်သိန်းက ပြောဆိုကြောင်း သတင်းစာက ဆိုသည်။
ယဉ်ကျေးမှုအမွေအနှစ်များ ကာကွယ် ထိန်းသိမ်းရေး ဥပဒေအရ ၂၀၁၁ ခုနှစ်၊ သြဂုတ်လတွင် ရှေးဟောင်း သုတေသန အဖွဲ့က ဆောင်ရွက် ထားပြီး ဖြစ်သည်ဟု သတင်းစာက ဆိုသည်။
လွှတ်တော်တွင် အဆိုတင်သွင်းခဲ့သူမှာ ပြည်ထောင်စု ကြံ့ခိုင်ရေး နှင့် ဖွံ့ဖြိုးရေးပါတီ ၏ ထားဝယ်ဒေသ လွှတ်တော် ကိုယ်စားလှယ် ဦးသန်းဆွေဖြစ်ပြီး မောင်သန်းဆွေ (ထားဝယ်) အမည်ဖြင့် ဆောင်းပါးများ ရေးလေ့ရှိသူ ဖြစ်သည်။
လွှတ်တော်တွင် ဦးသန်းဆွေက ထိုသို့ အဆိုပြုခြင်းသည် သူ နှင့် အစိုးရတို့ နာမည်ကောင်း ရရေးအတွက် လုပ်ဆောင်ခြင်း ဖြစ်သည်ဟု ဒေသခံတချို့က ယူဆနေကြသည်။
“တကယ်တော့ စီမံကိန်းထဲမှာပါတဲ့ ရှေးဟောင်းဘုရားတွေ၊ ရှေးဟောင်း ယဉ်ကျေးမှု အမွေအနှစ်တွေ အများ အပြားဟာ ဖျက်ဆီး ခံထားရပြီးပြီ၊ ဒီနယ်မြေကို ယဉ်ကျေးမှုနယ်မြေ ဆိုပြီးတော့လည်း အစိုးရက ကြေညာထားပြီးသား ဖြစ်လို့ သူက မတင်ရင်လည်း ဘာမှ မဖြစ်ဘူး” ဟု ထားဝယ် ဒေသခံ သတင်းသမား တဦးက ပြောသည်။
ရှေးဟောင်းနယ်မြေ သာဂရမြို့ဟောင်း မပျက်စီးသော်လည်း စီမံကိန်း၏ ဗဟိုကျသည့် နဘုလယ်ကျေးရွာ အုပ်စု အတွင်းမှ ထားဝယ် သမိုင်းဝင် ယဉ်ကျေးမှု အမွေအနှစ်များ၊ သာသနိက အဆောက်အအုံများ ပျက်စီးပြီး၊ မုတ္တီးမြို့ဟောင်း၊ မြို့ရိုးတို့လည်း ပျက်စီး သွားကြောင်း ထားဝယ်ဒေသခံများက ဆိုသည်။
“နဘုလယ်ဒေသဟာ ဗုဒ္ဓမြတ်စွာဘုရားရဲ့ခြေတော်ရာရှိတဲ့ နေရာလို့ ယုံကြည် ကိုးကွယ်ထားတဲ့ သာသနာ့ အဆောက် အအုံတွေ ရှိပြီးတော့ သာသနာ့ နယ်မြေဒေသလည်း ဖြစ်တယ်” ဟု ထားဝယ်မြို့ခံ တဦးက ဆိုသည်။
ရေနက်ဆိပ်ကမ်း စီမံကိန်းကြောင့် လယ်မြေ သိမ်းယူခံရခြင်း၊ ကျေးရွာများပြောင်းရွှေ့ရခြင်း၊ သဘာဝ ပတ်ဝန်းကျင် ပျက်စီး ဆုံးရှုံးခြင်း စသည့် ဒေသခံများက လက်ရှိ ကြုံတွေ့ ခံစားနေရသည့် အခြေ အနေများကို စနစ်တကျ လေ့လာ၍ အစိုးရက မည်သို့ ဆောင်ရွက်ပေးမည် ဆိုသည်ကို ဦးသန်းဆွေက မေးခွန်း ထုတ်သင့်သည်ဟု ထားဝယ် ဒေသခံဖြစ်သူ ကိုတိတ်နိုင်က ပြောသည်။
“ထိုင်းနိုင်ငံက ကုမ္ပဏီတချို့ဆိုရင် သူ့နိုင်ငံရဲ့ သဘာဝပတ်ဝန်းကျင်၊ ပြည်သူတွေရဲ့ပညာရေး၊ စီးပွားရေးတွေ ထိခိုက်မှာ စိုးလို့ ဆိုပြီး ထားဝယ် ဒေသမှာ လာပြီးတော့ စက်ရုံ တည်ဆောက်နေတယ်၊ ဒီလို ကိစ္စမျိုးတွေကို ဒေသခံတွေ မထိခိုက်ရအောင် အစိုးရက ဘယ်လိုမျိုး ဆောင်ရွက်ပေးမလဲ ဆိုတဲ့ ကိစ္စတွေကို လွှတ်တော်မှာ တင်ပြ ဆွေးနွေး သင့်တယ်လို့ ထင်တယ်” ဟု ထိုင်းနိုင်ငံ အခြေစိုက်၊ နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (AAPP) ၏ အတွင်းရေးမှူး ကိုတိတ်နိုင်က ဆိုသည်။
ထားဝယ်ဒေသမှ လွှတ်တော်ကိုယ်စားလှယ် အများစုသည် ကြံ့ဖွံ့ပါတီမှဖြစ်ပြီး ဒေသအတွက် အရေးပါသော မေးခွန်းများ၊ အဆိုများကို လွှတ်တော် အစည်းအဝေးများ၌ တင်ပြ ဆွေးနွေးမှု မရှိဟု ထားဝယ်ဒေသခံများ ထုတ်ဝေသည့် ဗထူး စာစောင်တွင် ဝေဖန် ရေးသားလျက်ရှိသည်။
Ref: ဧရာဝတီ
ကိုရီးယားဒုက္ခသည်အရေး အစိုးရ တင်းကျပ်
ဇာနည်ဝင်း
Tuesday, 13 September 2011
မြန်မာပြည်ရောက် မြောက်ကိုရီးယား ဒုက္ခသည်များအရေးကို ကိုင်တွယ်ရာတွင် အစိုးရက သဘောထား တင်းမာ လာကြောင်း မကြာသေးမီက ၀ီကီလိက ဖွင့်ချသည့် အစီရင်ခံစာ တစောင်တွင် ဖော်ပြထားသည်။
ထိုအစီရင်ခံစာသည် ရန်ကုန်မြို့ အမေရိကန်သံရုံး၏ ဌာနတွင်းပေးစာ ဖြစ်ပြီး တောင်ကိုရီးယား သံတမန် တဦး၏ ၂၀၀၈ ခုနှစ် စက်တင်ဘာလ ပြောကြားချက်များကို အခြေခံ ရေးသား ထားခြင်းဖြစ်သည်။
"ဒုက္ခသည်များ အထိန်းသိမ်းခံနေရပြီး၊ မြန်မာအစိုးရ အရာရှိတို့ကလည်း တောင်ကိုရီးယား သံရုံးနှင့် ပူးပေါင်း ဆောင်ရွက်ရန် ငြင်းဆန် နေသည်၊ မြောက်ကိုရီးယား ထံမှ ခွင့်ပြုချက်ရမှ ထိုဒုက္ခသည်တို့ကို လွှတ်ပေးနိုင်မည်ဟု ပြောသည်" ဟု အစီရင်ခံစာတွင် ဖော်ပြထားသည်။
မြောက်ကိုရီးယားတို့သည် မြန်မာအရာရှိများနှင့် ဆက်ဆံရေး ကောင်းပုံရသည်ဟု သံရုံး အစီအရင်ခံစာတွင် သုံးသပ် ထားသည်။
မြန်မာအစိုးရက ၎င်းတို့ လိုလားသူ မည်သူဖြစ်ကြောင်းကို လူမြင်ကွင်း အခမ်းအနားများတွင် ရင်းနှီးစွာ နေပြခြင်းဖြင့် ပြသလေ့ ရှိသည်ဟုလည်း သုံးသပ်ထားသည်။
၁၉၈၃ ခုနှစ် ရန်ကုန်မြို့ အာဇာနည်ကုန်း ဗုံးခွဲမှုကို မြောက်ကိုရီးယားက ဖန်တီးခဲ့သောကြောင့် နှစ်နိုင်ငံ သံတမန် အဆက်အသွယ် ပြတ်သွားသော်လည်း ၂၀၀၇ တွင် မြန်မာနှင့် မြောက်ကိုရီးယားတို့ သံတမန် ဆက်သွယ်မှု ပြန်လည် စတင်ခဲ့သည်။
မြောက်ကိုရီးယား ဒုက္ခသည်များသည် တရုတ်နိုင်ငံကို ဖြတ်ပြီး နယ်စပ်မှတဆင့် မြန်မာနိုင်ငံအတွင်းသို့ ၀င်ရောက် လာခြင်း ဖြစ်သည်။
မြန်မာအစိုးရသည် ခိုလှုံခွင့်ရှာသူများအရေးနှင့် ပတ်သက်ပြီး တောင်ကိုရီးယား သံရုံးနှင့် ယခင်က ပူးပေါင်း ဆောင်ရွက်မှု အပြည့် ရှိခဲ့ပုံကို ၀ီကီလိ ပေါက်ကြားမှု အစီရင်ခံစာပါ တောင်ကိုရီးယား သံအဖွဲ့ ဒုတိယ အကြီးအကဲ၏ ပြောကြားချက်တွင် တွေ့ရသည်။
ရန်ကုန်မြို့ တောင်ကိုရီးယားသံရုံးသို့ ဆက်သွယ်ပြီး ခိုလှုံခွင့် ယူသူ အရေအတွက်မှာ နှစ်စဉ် ၅၀ ခန့် ရှိကြောင်း၊ သံရုံးက ထုတ်ပေးသည့် ခရီးသွား လက်မှတ်များဖြင့် မြန်မာပြည်မှ ထွက်ခွာ သွားကြကြောင်း ဖော်ပြ ထားသည်။
ခိုလှုံခွင့်ရှာသူများကို ဖမ်းဆီးအကျဉ်းချမှု ၂ ကြိမ်ရှိကြောင်း၊ အစိုးရက ပထမအမှုတွင် ဖမ်းဆီး ထားသူများကို တောင်ကိုရီးယား သံအရာရှိ များထံ အပ်နှံ လိုက်ကြောင်း ၂၀၀၈ ခုနှစ် စက်တင်ဘာ ၁၉ ရက်နေ့စွဲတပ် အစီရင်ခံစာတွင် ရေးသား ထားသည်။
ထိုနှစ် ဒီဇင်ဘာလတွင် ထိုင်းမြန်မာနယ်စပ် တာချီလိတ်မြို့သို့ မြောက်ကိုရီးယား ၁၉ ဦး ရောက်ရှိလာသည်။ မြန်မာ အာဏာပိုင်တို့က ၎င်းတို့ကို ဖမ်းဆီး စစ်ဆေးပြီး ရက်များ မကြာမီတွင် ထိုင်းနိုင်ငံဘက်သို့ ပို့ဆောင်လိုက်သည်။
တရုတ်ပြည်တွင် မြောက်ကိုရီးယားနိုင်ငံသား သုံးသောင်းမှ ငါးသောင်းအထိ ရှိမည်ဟု အမေရိကန် နိုင်ငံခြားရေး ဌာနက ၂၀၀၇ ခုနှစ်တွင် ခန့်မှန်းထားသည်။
ဆင်းရဲကျပ်တည်းခြင်း၊ ဖိနှိပ်ခံရခြင်းတို့ကြောင့် မြောက်ကိုရီးယားပြည်သူ အများအပြားသည် တရုတ် နိုင်ငံဘက်သို့ ရွှေ့ပြောင်း နေထိုင်လျက် ရှိသည်။ ၎င်းတို့ထဲမှ ရာခိုင်နှုန်း အနည်းငယ်သည် တရုတ်ပြည်ရှိ နိုင်ငံတကာ သံရုံးများအတွင်း ၀င်ရောက်ပြီး ခိုလှုံခွင့် တောင်းကြသကဲ့သို့ အရှေ့တောင်အာရှ ဒေသရှိ ကိုရီးယား သံရုံးများသို့လည်း ဆက်သွယ် ခိုလှုံခွင့် ယူကြသည်။
ခိုလှုံခွင့်ယူမည့်ရည်ရွယ်ချက်ဖြင့် နယ်စပ်ဖြတ်ကျော်သူသည် မြောက်ကိုရီးယား ပြန်လည်ပညာပေးရေး စခန်းတွင် အနည်းဆုံး ၅ နှစ်ကြာ ထိန်းသိမ်း ခံရနိုင်သည်ဟု ပြီးခဲ့သည့်နှစ်က ထုတ်ပြန်သည့် အမေရိကန် နိုင်ငံခြားရေး ဌာန၏ အစီရင်ခံစာ တစောင်တွင် ဖော်ပြထားသည်။
Ref: ဧရာဝတီ
Tuesday, September 13, 2011
ဧရာဝတီမြစ်ဆုံ စီမံကိန်း နောက်ကွယ်က ဖြစ်ရပ်တစ်ခု
Sunday, 11 September 2011
အမှတ် (၁) လျှပ်စစ်စွမ်းအား ၀န်ကြီးဌာန အရာရှိကြီးတစ်ဦး၏ ရင်ဖွင့်ပြောစကားကို တာဝန်သိ ပြည်သူ တစ်ဦး၏ သတင်း ပေးပို့ချက် အရ ယခုအကြောင်းအရာကို တင်ပြနိုင်ခြင်း ဖြစ်ပါသည်။
ဧရာဝတီမြစ်ဆုံ စီမံကိန်းအတွက် မူလက အကြိုလေ့လာရေး လုပ်ငန်းများ လုပ်ဆောင်စဉ်က မဂ္ဂါဝပ် ၄၀၀၀ ထုတ်လုပ် နိုင်ရန် အတွက် ရည်ရွယ်၍ လုပ်ဆောင်နေခြင်း ဖြစ်ကြောင်း သိရပါသည်။ ထိုသို့ လုပ်ဆောင် နေစဉ်ကာလ အတွင်း ၂၀၀၉ ခုနှစ် ဒီဇင်ဘာလ တရုတ် ဒုတိယ သမ္မတ ရှီကျင်ပင်း၏ မြန်မာနိုင်ငံသို့ လာရောက်မည့် ခရီးစဉ် ရှိသောကြောင့် မဂ္ဂါဝပ် ၄၀၀၀ အတွက် အကြို လေ့လာရေး လုပ်ငန်း မပြီးပြတ်သေးသော စာရွက် စာတမ်းများ ပြန်လည် တောင်းယူ ခဲ့ကြောင်း သိရသည်။ ထို့နောက် မတိကျသော အချက် အလက်များကို ထိုစဉ် က နိုင်ငံတော် အကြီးအကဲ ဗိုလ်ချုပ် မှူးကြီးသန်းရွှေထံ တင်ပြ၍ မူလက လုပ်ဆောင်ရန် ရည်ရွယ်ထားသော မဂ္ဂါဝပ် ၄၀၀၀ အစား မဂ္ဂါဝပ် ၆၀၀၀ သို့ တိုးမြှင့် ပြောင်းလဲကာ မြစ်ဆုံစီမံကိန်း လုပ်ဆောင်မည့် တရုတ်ကုမ္ပဏီနှင့် MOU ထိုးစေ ခဲ့ကြောင်း သိရှိရပါသည်။
အဆိုပါကိစ္စအား အမှတ် (၁) လျှပ်စစ်စွမ်းအား ၀န်ကြီးဌာန ၀န်ထမ်း အတော်များများမှ စ၍ ညွှန်ကြားရေးမှူးချုပ် အထိ သိရှိ ထားကြကြောင်းလည်း သိရှိရပါသည်။ မဂ္ဂါဝပ် ၄၀၀၀ ထုတ်လုပ်နိုင်ရန် တည်ဆောက်ရမည့် ဆည်၏ ထုထည် ပမာဏသည် မဂ္ဂါဝပ် ၆၀၀၀ ထုတ်လုပ်နိုင်ရန် တည်ဆောက်ရမည့် ဆည်၏ ထုထည်ပမာဏမှာ နှစ်ဆ ကွာနေကြောင်းနှင့် အကယ်၍ အကြောင်း ကြောင်းကြောင့် ဆည်ကျိုးပေါက်ပါ က မြစ်ကြီးနားမြို့ ရေကြီးသည့် အဆင့် မဟုတ်ဘဲ မြစ်ကြီးနား တစ်မြို့လုံး ရေမြှုပ်သွားမည့် အနေအထား ဖြစ်ကြောင်း သိရှိရပါသည်။
အဆိုပါ အနေအထားများနှင့် ပတ်သက်၍ သက်ဆိုင်ရာ ၀န်ထမ်းများမှ ယင်းအခြေ အနေများ ကို ၀န်ကြီးဌာနသို့ တင်ပြ ထားကြသလို MOU ထိုးပြီးစကလည်း သက်ဆိုင်ရာ တရုတ် ကုမ္ပဏီသို့ ပြန်စဉ်းစားနိုင်ရန် ပြောကြား ခဲ့ဖူးကြောင်း သိရပါသည်။ သို့သော် တရုတ် ကုမ္ပဏီဘက်မှ မြန်မာနိုင်ငံမှ တာဝန်အရှိဆုံး ပုဂ္ဂိုလ်များနှင့် လုပ်ဆောင်ထားခြင်း ဖြစ်ကြောင်း ပြန်စဉ်းစား ပြင်ဆင်ရန် ပြောသည့် ၀န်ထမ်းကို ပြန်ပြောခဲ့သည်ဟု သိရှိရပါသည်။
“ဒီအကြောင်းအရာတွေကတော့ တကယ့်ဖြစ်စဉ် အမှန်ကို ကိုယ်တွေ့ ကြုံပြီး ဘာမှ မတတ်နိုင်လို့ စိတ်မကောင်း ဖြစ်နေတဲ့ အမှတ် (၁) လျှပ်စစ် စွမ်းအားဝန်ကြီးဌာန အရာရှိကြီး တစ်ယောက်ရဲ့ ရင်ဖွင့် စကားတွေကို တာဝန်သိ ပြည်သူ တစ်ယောက်က သတင်းပေး လာတာ ဖြစ်ပါတယ်။ အခြား သိရှိသူတွေ အနေနဲ့လည်း နိုင်ငံအတွက် အရေးကြီးတဲ့ အချိန်မှာ သိထား သမျှတွေကို ဖော်ထုတ် သင့်ပါတယ်။ ဒီ ကိစ္စမှန်၊ မမှန်ကို သက်ဆိုင်ရာက အထူး စုံစမ်းစစ်ဆေးရေး ကော်မရှင် ဖွဲ့ပြီး စုံစမ်း စစ်ဆေး သင့်ပါတယ်”
ဝေဖြိုး (အယ်ဒီတာချုပ်)
Ref: EMG News
ဗိုလ်ကြီးဟောင်း နေမျိုးဇင် နမူနာ နှင့် အမျိုးသားပြန်လည်ရင်ကြားစေ့ရေး မျှော်လင့်ချက် - အပိုင်း (၂)
ရော်နီညိမ်း
စနေ, 10 စက်တင်ဘာ 2011
NLD လူငယ်တွေနဲ့ တွဲပြီး၊ သွေးလှူဒါန်းခြင်းလှုပ်ရှားသူ ဗိုလ်ကြီးဟောင်း နေမျိုးဇင်ကို၊ သြဂုတ်လ (၂၆) ရက် နေ့မှာ အင်းစိန် ထောင်တွင်း အထူး တရာရုံးကနေ အီလက်ထရောနစ် ပုဒ်မ ၃၃ (က) နဲ့၊ ထောင်ဒဏ်(၁၀)နှစ်၊ ချမှတ် လိုက်ပါတယ်။ အမျိုးသား ပြန်လည် ရင်ကြားစေ့ရေး ဖြစ်ပေါ်လာနိုင်တယ် ဆိုတဲ့ မျှော်လင့်ချက်တွေ ရှိ လာချိန်မှာပဲ၊ အခုလို ပေါ်ပေါက်လာတဲ့ ဗိုလ်ကြီးဟောင်း နေမျိုးဇင်ရဲ့ဖြစ်စဉ်ဟာ၊ ဒီမျှော်လင့်ချက်တွေကို ဘယ် လိုထိ ခိုက်စေနိုင်ပါသလဲ၊ နှစ်ရှည် နိုင်ငံရေး အကျဉ်းသားဟောင်း ဗိုလ်ကြီးဟောင်း ဦးဝင်းထိန်၊ ထောက်လှမ်းရေးနဲ့ သံတမန် အရာရှိဟောင်း ဗိုလ်မှူးဟောင်း ဦးအောင်လင်းထွဋ် တို့နဲ့ ဆက်သွယ် ဆွေးနွေးပြီး၊ ဦးရော်နီညိမ်း က ဒီသီတင်းပတ် တပ်မှူးတပ်သား ပြောစကားကဏ္ဍကို၊ စီစဉ် တင်ဆက် ထားပါတယ်
ဦးရော်နီညိမ်း ။ ။ အခု ဗိုလ်ကြီးဟောင်းနေမျိုးဇင်ရဲ့အဖြစ်ဟာ၊ ဗိုလ်ကြီးဟောင်း ဦးဝင်းထိန်ရဲ့ အဖြစ် နဲ့ တော်တော်လေး တူလာတော့၊ ဒါပေမဲ့ ကာလ ကွာခြားတာက၊ ဦးဝင်းထိန်ကို နှိပ်ကွပ်တဲ့ အချိန်တုန်းက၊ NLD ကော၊ တတိုင်းပြည်လုံးက နိုင်ငံရေး တက်ကြွ လှုပ်ရှားသူတွေကော၊ အပြင်းအထန် ဖိနှိပ်၊ နှိပ်ကွပ်ခံနေရတဲ့ အချိန်ဖြစ်တယ်။ အခုကတော့ သံလွင်ခက်ကို ကမ်းသယောင်ယောင် ပြထားတဲ့ အချိန်၊ (၂၀၁၄ မှာ အာဆီ ယံသဘာပတိ လုပ်ချင်တဲ) သူတို့ရဲ့ လိုလားချက် တွေကလည်း၊ ရှိနေသေးတဲ့ အချိန် ဖြစ်နေတယ်။ အဲဒီအချိန် မှာတောင်မှ၊ မအောင့်မအည်း နိုင်ပဲ ဗိုလ်ကြီးဟောင်း နေမျိုးဇင်ကို ထောင်ဒဏ် (၁၀)နှစ် ချဖြစ်အောင် ချလိုက် သေးတယ်။ အဲဒီအခါ ကျတော့၊(ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့၏ ကြေညာချက်အရ) ဦးသိန်းစိန် အစိုးရဟာ ရှေ့ဆက်ပြီးတော့ NLD နဲ့ လက်တွဲပြီးတော့၊ တူတာတွေ ပေါင်းလုပ်မယ်၊ မတူတာတွေ ဘေးဖယ် ထားမယ်၊ စသည်အားဖြင့် ကိစ္စတွေ၊ အဲဒါတွေကကော ဖြစ်နိုင်ခြေ ရှိပါ့မလား။ အခု ဗိုလ်ကြီးဟောင်း နေမျိုးဇင် ကို ဒီလို လုပ်တာက၊ နမူနာ ဖြစ်နေပြီ။ အရပ်သား အစိုးရအသစ် ဆိုတာ ဖြစ်လာချိန်မှာ၊ သူက ပထမဆုံး အဖမ်း ခံရပြီး၊ ပထမဆုံး ထောင်ချခံရတဲ့ နိုင်ငံရေး အကျဉ်းသား လာပြီး ဖြစ်နေသေးတယ်။
ဦးဝင်းထိန် ။ ။ ဒါကတော့ ကျယ်ကျယ်ပြန့်ပြန့်ပြောရမယ်ဆိုရင်၊ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ တွေ့ဆုံတဲ့ ပွဲဟာတော့၊ အင်မတန် လိုလားအပ်တဲ့ တွေ့ဆုံပွဲပေါ့လေ။ သို့သော်လည်း တိုင်းပြည်အ တွက်ကော၊ ဒီမိုကရေစီရေး အတွက်ကော၊ အထူးသဖြင့် နိုင်ငံရေး အကျဉ်းသားတွေ အတွက်ကော၊ ဘယ်လောက်အထိ၊ ထိရောက်တဲ့ ခြေလှမ်းတွေ ဖြစ်လာဦးမှာလဲ ဆိုတာ၊ စောင့်ကြည့်ရ ဦးမှာပေါ့။ ဒေါ်အောင်ဆန်းစု ကြည်အနေနဲ့လည်း၊ အခုဆိုရင် အင်မတန် ခက်ခဲပြီး သိမ်မွေ့တဲ့ လမ်းကြောင်းကို လျှောက်နေတယ်လို့၊ ကျနော် တို့က မြင်ပါတယ်။ သူလျှောက်နေတဲ့ လမ်းကိုလည်း အားလုံးက အင်တိုက် အားတိုက် ထောက်ခံကြပါတယ်။ အဲဒီလို ဖြစ်နေတဲ့ အချိန်မှာ၊ ဗိုလ်နေမျိုးဇင်ကို ထောင်ချတဲ့ ဖြစ်ရပ်မှာတော့၊ ကျနော်တို့ အင်္ဂလိပ်လို ပြောရင်တော့ mindset (စိတ်အယူအဆ) ပေါ့။ သူတို့ mindset က၊ မပြင်သေးဘူး။ ဒါကလည်း တချက်။ နောက်တချက် ကတော့ လက်လိုပေါ့။ လက်တချောင်းမှာတောင် အတိုအရှည်ရှိသေးတာပဲ။ အပေါ်က ဦးသိန်းစိန် ခေါင်းဆောင် တဲ့ governing body (အစိုးရအဖွဲ့) က၊ အနာဂတ် အတွက် ဆုံးဖြတ်ပြီးတော့မှ၊ သူတို့ လိုအပ်မဲ့ ခြေလှမ်းတွေ လှမ်းသော်လည်းပဲ၊ တဘက်က တခြား organ တခုပေါ့၊ အစိုးရရဲ့ တခြား အဖွဲ့အစည်း တခုက အရင်အတိုင်းပဲ နှိပ်ကွပ်မှ ဖြစ်မယ်ဆိုတဲ့ အယူအဆနဲ့ ဆက်လုပ်နေတဲ့ အဖွဲ့တွေ၊ ရှိဦးမယ်လို့ ကျနော် ယူဆတယ်။ အဲဒီတော့ တဘက်ကတော့ မီးစပေါ့၊ တဘက်ကတော့ ရေမှုတ်ပေါ့။ အဲဒီလိုပဲ ကျနော်မြင်ပါတယ်။
ဦးရော်နီညိမ်း ။ ။ အဲဒီတော့ ဗိုလ်ကြီးဟောင်းနေမျိုးဇင်ကို အရေးယူပြီးတော့ အပြစ်ပေးလိုက်တဲ့ ကိစ္စဟာ၊ ဒီအစိုးရ အပေါ် ယုံကြည် မျှော်လင့်ချက်တွေ ထားနေသူတွေ အဖို့၊ စိတ်ပျက်သွားစရာ (သို့မဟုတ်) ထိတ် လန့် ကြောက်ရွံ့ သွားစရာ ဖြစ်မသွား နိုင်ဘူးလား ခင်ဗျ။ အဲဒါကို ဘယ်လို မြင်ပါသလဲ။
ဦးဝင်းထိန် ။ ။ ဖြစ်တာပေါ့။ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ တွေ့ပြီးတာ၊ ရက်ပိုင်း ပဲ ရှိသေးတယ်။ လပိုင်းတောင် မကူးသေးဘူး၊ ဒေါ်အောင်ဆန်းစုကြည်နဲ့ နီးစပ်နေတဲ့ အသိုင်းအ၀ိုင်းကို ရောက် လာတဲ့၊ ကိုနေမျိုးဇင်ကို ထောင်ချတယ် ဆိုတာက၊ တော်တော် ရုပ်ပျက် ဆင်းပျက် နိုင်တဲ့ ကိစ္စပဲ။ ဒေါ်အောင်ဆန်း စုကြည်နဲ့ ပြေလည်အောင် ကြိုးစားမယ် ဆိုရင် ကိုနေမျိုးဇင်ရဲ့ ကိစ္စဟာ ဘာမှ၊ ဟုတ်တဲ့ ကိစ္စှမဟုတ်ဘူး။ အင်တာနက် သုံးတဲ့ လူတိုင်းဟာ၊ နိုင်ငံတကာနဲ့ တနည်း မဟုတ်တနည်း ဆက်ဆံ နေကြတာပဲ။ အဲဒါကို အကြောင်းပြု ပြီး ထောင်ဒဏ်(၁၀)နှစ် ချတယ်ဆိုတာ၊ ဘယ်လိုမှ ကောင်းတဲ့ဘက်က လှည့်တွေးလို့ မရဘူး။
ဦးရော်နီညိမ်း ။ ။ နောက်တခါ သူ့ကို ထောင်ချတဲ့နေ့ သြဂုတ်လ(၂၆) ရက်နေ့ကလည်း၊ ဘာသွားပြီး ထူးခြားတာ ရှိလဲ ဆိုတော့၊ လွှတ်တော်ထဲမှာ၊ ယုံကြည်ချက်ကြောင့် အကျဉ်းကျ သူတွေကို အထွေထွေလွတ် ငြိမ်းချမ်းသာခွင့်၊ သမ္မတမှ ထုတ်ပြန်ပေးရေး ဆိုတဲ့ အဆိုကို၊ အမတ်တဦးက တင်သွင်းပြီးတော့၊ တပ်မတော်သား လွှတ်တော်အမတ်တွေ ဗိုလ်မှူးကြီး ဌေးလှိုင်တို့ ဗိုလ်မှူးကြီး တင့်ဆန်းတို့ ဆိုတဲ့ အမတ်တွေကတောင် ထောက်ခံကြလို့၊ နောက်ဆုံးကျ ကန့်ကွက်သူတွေ နည်းပြီး၊ ထောက်ခံသူတွေ များလွန်းလို့၊ လွှတ်တော်ကြီး တခုလုံးက၊ ယုံကြည်ချက်ကြောင့် အကျဉ်းကျ သူတွေကို အထွေထွေ လွတ်ငြိမ်းချမ်းသာခွင့် ပေးဖို့ အမိန့်ကို၊ သမ္မတက ထုတ်ပေးဖို့ အတွက်၊ သမ္မတဆီကိုတောင် ဒီအဆိုကို တင်လိုက်ကြတယ် ဆိုတဲ့နေ့၊ အဲဒီနေ့မှာပဲ၊ ဗိုလ်ကြီးဟောင်း နေမျိုးဇင်ကို သူတို့က ထောင်ဒဏ် (၁၀)နှစ် ပြစ်ဒဏ်ချ လိုက်တာပေါ့။ အဲဒီတော့ ဒီဟာက တဦးတည်း တဖွဲ့တည်းက၊ တစည်း တလုံးထဲ ဆုံးဖြတ် လုပ်ကိုင်နေတဲ့ သဏ္ဍာန် မဆောင်ဘူးလား။ ခုနပြော သလို၊ organ အမျိုးမျိုးရှိသလို၊ ဟို organ က ဟိုအလုပ် လုပ်ပြီးတော့၊ ဒီ organ က ဒီအလုပ် လုပ်တဲ့ သဘောလား။
ဦးဝင်းထိန် ။ ။ ခုနပြောသလို၊ လွှတ်တော်မှာ အမတ်တဦး တင်တဲ့အဆိုကို၊ ဗိုလ်မှူးကြီးဌေးလှိုင် တို့ ဗိုလ်မှူးကြီး တင့်ဆန်းတို့က ထောက်ခံကြတယ် ဆိုတာ ကြားရတော့၊ ခုထက်ထိလည်း ဒါမျိုးတွေ လုပ်နေ တုန်းပဲလို့၊ စိတ်ထဲက ဖြစ်လာတယ်။ ဘာ့ကြောင့်လဲ ဆိုတော့၊ တပ်မတော်ရဲ့ လွှတ်တော် ကိုယ်စားလှယ်တွေက၊ အထက်က အမိန့်မပေးပဲနဲ့၊ လွှတ်တော်ထဲက အဆိုတခုကို ဒီနေ့ ထောက်ခံလိုက်ရင်၊ ဒီနေ့ပဲ အချုပ်ထဲ ၀င်ရမှာ။ synchronize (ဟန်ချက်ညီ သရုပ်ဆောင် လုပ်ဇာတ်ကခြင်း) ပေါ့။ ညှိပြီးတော့မှ လုပ်တဲ့ဟာ ဆိုတာ သိပ် ထင်ရှားလွန်း အားကြီးတယ်။ ဒါက တချက်။ နောက်တချက်က၊ အဲဒီနေ့နဲ့ တိုက်ဆိုင်ပြီး၊ ကိုနေမျိုးဇင်ကို ထောင်ချတယ် ဆိုတော့၊ အထက်က လုပ်နေတဲ့ နိုင်ငံရေး agenda (အစီအစဉ်) က သပ်သပ်။ နောက် administration (အုပ်ချုပ်ရေး) နဲ့ ပတ်သက်နေတဲ့ agenda က သပ်သပ်။ သူတို့ချင်း အံချော်နေကြတာ၊ ကျနော် သတိထား မိတယ်။
ဦးရော်နီညိမ်း ။ ။ အံချော်နေတာ ဖြစ်နိုင်သလို၊ ဇာတ်ဆရာ စီစဉ်နေတဲ့၊ “မင်းကတော့ ဒီလို က”၊ နောက်တယောက် ကျတော့ “မင်းကတော့ ဟိုလို က”၊ ဆိုပြီး၊ အဲဒီလို လူခွဲပြီးတော့ ကပြ အင်္သုးတော် ခံခိုင်းတဲ့ သဘောကော၊ မရှိဘူးလား ခင်ဗျ။
ဦးဝင်းထိန် ။ ။ (ရယ်လျှက်) ဒါလည်း ဖြစ်နိုင်တာပဲ။ ဒါမျိုးတွေက ဦးနေ၀င်း လက်ထက်ကတည်း က လုပ်လာတဲ့ ဟာတွေ။ ဗိုလ်ချုပ်ကြီး သန်းရွှေကလည်း ဒီလို ဇာတ်လမ်းတွေ အတွက် ဘယ်လို ကကွက်တွေ ချိုးရတယ်ဆိုတာ အကုန် သိခဲ့တာပဲ။ သမ္မတကြီး ဦးသိန်းစိန်က ဒါတွေကို အဲဒီလောက် ကျွမ်းချင်မှ ကျွမ်းမှာ။ ဒါပေမဲ့ သူ့အောက်က လူတွေထဲ၊ ဒါတွေ ကျွမ်းတဲ့လူတွေ ရှိနေတာ၊ ကျနော် သတိထားမိတယ်။
ဦးရော်နီညိမ်း ။ ။ အခု တခါတော့၊ စစ်ထောက်လှမ်းရေး အရာရှိဟောင်းနဲ့ အမေရိကန် နိုင်ငံက မြန်မာ သံရုံးမှာ သံမှူးကြီး တာဝန် ထမ်းဆောင်ခဲ့တဲ့ ဗိုလ်မှူးဟောင်း ဦးအောင်လင်းထွဋ်ရဲ့ အတွေ့အကြုံကို မေးမြန်း ထားပါတယ်။
ဦးရော်နီညိမ်း ။ ။ ဗိုလ်မှူးအောင်လင်းထွဋ် ခင်ဗျား၊ ဟိုးတုန်းက ဦးနေ၀င်း တိုင်းပြည်ကို အုပ်ချုပ်နေ တုန်းက၊ သူအားကိုး နေရတဲ့ လက်ထောက်တွေ ထဲမှာ၊ တိုင်းပြည်ကို ခပ်ကြမ်းကြမ်း ကိုင်မယ် ဆိုရင်၊ ဦးစိန်လွင် (ရှစ်လေးလုံး လူထုအုံကြွမှု အစပိုင်း ရက်များတွင်၊ ဆန္ဒပြလူထုကို ပစ်ခတ်ဖြိုခွဲဖို့ အမိန့်ပေးခဲ့သည့်၊ ထိုစဉ်က အာဏာရ မြန်မာ့ ဆိုရှယ်လစ် လမ်းစဉ်ပါတီ ဥက္ကဋ္ဌ နှင့် သမ္မတ၊ ကွယ်လွန်သူ အငြိမ်းစား ဗိုလ်မှူးချုပ် ဦးစိန်လွင်) လို ပုဂ္ဂိုလ်မျိုးနဲ့ ပွဲထုတ်ပြီးတော့ သူက ခိုင်းလိုက်တယ်။ ဒါမှမဟုတ် တခါ ကြမ်းတာ များသွားလို့၊ အသာလေး နောက်ဆုတ် လိုက်ပြီးတော့မှ၊ မျက်နှာပန်း လှအောင် ပြန်ပြီးတော့၊ လူကြည့် ကောင်းအောင် လုပ်မယ်ဆိုရင်၊ ဒေါက်တာ မောင်မောင်လို ပုဂ္ဂိုလ်မျိုးကို ရှေ့ထုတ် လိုက်တယ်။ အဲဒီလို သဘောမျိုးတွေ၊ ဗိုလ်ချုပ်မှူးကြီး သန်းရွှေနဲ့ တုန်းကကော၊ ဗိုလ်မှူးတို့ ဒီအတွေ့အကြုံမျိုးတွေ၊ ကြုံခဲ့ဖူးပါသလား ခင်ဗျ။
ဦးအောင်လင်းထွဋ် ။ ။ ကျနော်တို့ အများကြီး ကြုံခဲ့ပါတယ်။ ဗိုလ်ချုပ်ခင်ညွန့် ကိုတော့ တဘက်က နိုင်ငံရေးကို လုပ်ခိုင်းတယ်၊ တဘက်က ဗိုလ်ချုပ် မောင်အေးကိုတော့၊ စီးပွားရေးနဲ့ စစ်ရေးကို တာဝန်ယူ ဆိုပြီးတော့၊ သူ (ဗိုလ်ချုပ်မှူးကြီးသန်းရွှေ) က လုပ်ခဲ့ပါတယ်။ အဲဒီအချိန် အဲဒီအခါတုန်းက၊ အားလုံး သိကြတဲ့အတိုင်း၊ ဗိုလ်ချုပ်မောင်အေးနဲ့ ဗိုလ်ချုပ်ခင်ညွန့်ဟာ မတည့်ကြဘူး၊ ဆိုတဲ့ အနေအထားမျိုး ဖြစ်အောင်၊ ပုံဖေါ် ထားပါတယ်။ အဲဒီမှာလည်း၊ ဗိုလ်ချုပ်မောင်အေးက သဘောထား တင်းမာတဲ့ လူဆိုတဲ့ ပုံစံမျိုးကို၊ ဖေါ်ထားပြီးတော့မှ၊ သူတို့နှစ်ယောက်ရဲ့ နောက်ကွယ်မှာ၊ (ဗိုလ်ချုပ်မှူးကြီးသန်းရွှေ) က ရုပ်သေးရုပ်ကို ကြိုးဆွဲတဲ့ ဇါတ်ဆရာလို၊ အကွက်ချပြီးတော့မှ၊ စနစ်တကျ လုပ်သွားတဲ့ အနေအထားကို တွေ့ခဲ့ရပါတယ် ခင်ဗျ။
ဦးရော်နီညိမ်း ။ ။ ဗိုလ်ကြီးဟောင်းနေမျိုးဇင်ကို ဖမ်းပြီး ထောင်ချလိုက်တဲ့ ကိစ္စအပါအ၀င်၊ လတ်တ လော အခု ဖြစ်နေတဲ့ ကိစ္စတွေကို ကြည့်မယ်ဆိုရင်၊ မြန်မာနိုင်ငံ ကနေ ပေါ်ထွက်နေတဲ့ အသံတွေအရ၊ အစိုးရ ထဲမှာ တင်းမာတဲ့ အုပ်စု ရှိတယ်၊ ပျော့ပျောင်းတဲ့ အုပ်စု ရှိတယ်၊ စသည်ဖြင့် အသံတွေ ပေးနေတယ်။ တကယ် တမ်းကျတော့ ဒီအစိုးရဟာ စစ်ပုံစံနဲ့ပဲ သွားနေတယ်။ အရပ်သား အရေခွံ ဘယ်လိုပဲ ခြုံထားခြုံထား။ အဲဒီတော့ တင်းမာချင်တဲ့ လူလည်း၊ တင်းမာချင်တိုင်း တင်းမာလို့၊ မရဘူး။ အမိန့်ရမှ တင်းမာလို့ ရတာ။ ပျော့ပျောင်းချင် တဲ့လူတွေလည်း အမိန့်ရမှ၊ ပျော့ပျောင်းလို့ ရတာ။ ဒီအသံတွေက၊ ကြားထဲကနေ သတင်းတွေ လွှင့်ပြီး၊ အလံရှူး လုပ်နေတဲ့ သူတွေရဲ့၊ အသံတွေ မဖြစ်နိုင်ဘူးလား။
ဦးအောင်လင်းထွဋ် ။ ။ ကျနော် တင်ပြချင်တာက၊ အခုအခါမှာ ဗိုလ်ချုပ်မှူးကြီး သန်းရွှေရဲ့ အခန်း ကဏ္ဍက လုံးဝ ပျောက်ပျက် သွားခြင်း မရှိဘူး၊ ဆိုတာပါ။ အခု ဗိုလ်ချုပ်ကြီး သိန်းစိန်ကို တဘက်၊ ဗိုလ်ချုပ်ကြီး တင်အောင်မြင်ဦးကို တဘက်၊ နှစ်ဘက် ကိုင်တွယ် ထားပါတယ်။ အရေးပါတဲ့ အစိုးရ သတင်း ထုတ်ပြန်တဲ့ ပြန် ကြားရေး ၀န်ကြီးလို ပုဂ္ဂိုလ်မျိုးတွေကို သမ္မတ ဖြစ်နေတဲ့ ဗိုလ်ချုပ်ကြီး သိန်းစိန် တိုက်ရိုက် အမိန့်ပေးလို့ မရပါဘူး ဗိုလ်ချုပ်မှူးကြီး သန်းရွှေရဲ့ထိန်းချုပ်မှု အောက်မှာပဲ ရှိပါတယ်။ အားလုံး သိတဲ့အတိုင်း ဗိုလ်မှူးချုပ် စိုးရှိန်ကို၊ ထောက်လှမ်းရေး တွေရဲ့အကြီးအကဲ ထားလိုက်ပြီလို့ သတင်း ထွက်နေပါတယ်။ အမျိုးသား ထောက်လှမ်းရေး အဖွဲ့ရဲ့ ညွှန်ကြားရေးမှူးချုပ် ရာထူးမျိုး ဖြစ်နိုင်ပါတယ်။ အဲဒီတော့ အရပ်ဘက်ကော၊ စစ်ဘက်ကကော၊ ရတဲ့ သတင်းတွေ အားလုံးဟာ ဗိုလ်ချုပ် စိုးရှိန်ဆီမှာ ထိန်းထားပြီး၊ ဗိုလ်ချုပ်မှူးကြီး သန်းရွှေ အတွက်၊ အစစ အရာရာ အကာအကွယ် ရရှိရး၊ စနစ်တကျ အကွက်ချ စီစဉ်ထားတဲ့ အနေအထားမျိုး ဖြစ်ပါတယ်။
(ဗိုလ်မှူးချုပ်စိုးရှိန် = ဗိုလ်ချုပ်မှူးကြီးသန်းရွှေမှ၊ အမှတ်(၁) ခြေလျင်တပ်ရင်း (စိန်ကန့်လန့်) တွင်၊ တပ်ရင်းမှူးဖြစ် စဉ်က၊ တပ်သား အဆင့်နှင့် တပ်ရင်းမှူး၏ အကူ ရဲဘော် ဖြစ်ခဲ့ရာမှ၊ OTS ဗိုလ်သင်တန်း အမှတ်စဉ် (၆၆) ကို တက် ရောက်ခဲ့ပြီး၊ ခြေလျင် ခြေမြန် တပ်များသို့ မသွားရပဲ၊ နိုင်ငံတော် အကြီးအကဲ၏ စစ်ဘက် လက်ထောက် ရာထူးဖြင့်၊ ဗိုလ်ချုပ်မှူးကြီး သန်းရွှေနှင့် အနီးကပ် နေရသူ ဖြစ်လာကာ၊ အခုနောက်ဆုံး၊ အသစ်ပြန်ဖွဲ့သည့် အမျိုးသား ထောက်လှမ်းရေး အဖွဲ့၏ ညွှန်ကြားရေးမှူးချုပ် ဖြစ်လာသည်ဟု၊ သတင်းထွက်နေသူ)
ဦးအောင်လင်းထွဋ် ။ ။ ဗိုလ်ကြီးဟောင်း နေမျိုးဇင် ကိစ္စမှာလည်း၊ ဒီလို လုပ်လိုက်တယ် ဆိုတာက၊ တဘက်က ဗိုလ်ချုပ်ကြီး သိန်းစိန်က ဒေါ်အောင်ဆန်းစုကြည်နဲ့ တွေ့ပြီးတော့၊ အမျိုးသား ပြန်လည် သင့်မြတ်ရေး ကိစ္စတွေကို၊ တက်တက်ကြွကြွ လုပ်နေသလို၊ တခြား တဘက်က ဗိုလ်ချုပ်ကြီး တင်အောင်မြင်ဦး ဘက်က ဧရာဝ တီမြစ်ဆုံ စီမံကိန်းလိုဟာ မျိုးတွေ၊ ကျန်တဲ့ ကြမ်းကြမ်း တမ်းတမ်း ကိစ္စတွေ ဖြစ်တဲ့ ငြိမ်းချမ်းရေး အဖွဲ့တွေ၊ KIA KNU နဲ့ ရှမ်းအဖွဲ့ တွေကို၊ တိုက်နေ ခိုက်နေတာတွေကို ကြည့်ခြင်းအားဖြင့်၊ အားလုံးဟာ၊ အပေါ်ကနေ ဇာတ်ဆရာ ကြီး ဗိုလ်ချုပ်မှူးကြီး သန်းရွှေ ကစားနေတဲ့ အကွက်တွေပါပဲ။ ကျနော် အဓိက တင်ပြချင်တာက၊ တချိန်က၊ ကျနော်တို့ အချိန်အခါက၊ ငြိမ်းချမ်းရေး ယူထားတဲ့ အဖွဲ့တွေကို အဲဒီတုန်းက စစ်အစိုးရရဲ့လက်နက်လို သုံးပြီး တော့မှ၊ ဒေါ်အောင်ဆန်းစုကြည်နဲ့ NLD ကို၊ တိုက်ခိုက်ပါတယ်။ အခုတော့ ဒေါ်အောင်ဆန်းစုကြည်နဲ့ NLD ကို၊ ထိန်းထား မှေးထား ပြီးတော့မှ၊ တိုင်းရင်းသား လက်နက်ကိုင် အဖွဲ့တွေကို၊ သောင်းကျန်းသူတွေ အကြမ်းဘက် သမားတွေလို့ စွပ်စွဲနေတဲ့ အနေအထားမျိုးတွေ ဖြစ်တယ်လို့၊ ကျနော် မြင်ပါတယ်။ ဒါက ကစားကွက်ပါ။ သူ့မှာ၊ ဗိုလ်ချုပ်မှူးကြီး သန်းရွှေမှာ၊ Commission of Inquiry (COI) နဲ့ စုံစမ်းစစ် ဆေးခံရမှာကို၊ အထူး ထိတ်လန့်နေ ပါတယ်။ ဒါကြောင့် သူအတွက် အကာအကွယ် ရရှိရေးကို ဗိုလ်ချုပ်မှူးကြီး သန်းရွှေ အပြင်းအထန် လုံးပန်းနေ တာပါ။
(Commission of Inquiry (COI) - ကုလသမဂ္ဂ၏ မြန်မာနိုင်ငံလူ့အခွင့်အရေးဆိုင်ရာ အထူး ကိုယ်စားလှယ် ထော မတ်(စ်) အိုဟေး ကင်တာနား (Tomas Ojae Quintana) ကြိုးပမ်းနေသည့် မြန်မာနိုင်ငံ တွင်းက စစ် ရာဇ၀တ်မှုတွေနှင့် လူမဆန်သည့် ပြစ်မှု ကျူးလွန်ခဲ့မှု တွေကို ဖေါ်ထုတ်မည့် နိုင်ငံတကာ စုံစမ်းစစ်ဆေးရေး ကော်မရှင်)
ဦးရော်နီညိမ်း ။ ။ ဗိုလ်မှူးပြောတဲ့အတိုင်း ဆိုရင်၊ နိုင်ငံတကာမှာ မီလိုဆဲဗစ်(ရှ်) (ယူဂိုဆလားဗီးယား ခေါင်းဆောင်ဟောင်း Slobodan Milosevic) တို့က စပြီးတော့၊ လိုက်ဘေးရီးဟား (Liberia) က အာဏာရှင် ဟောင်း ချားလ်စ်တေလာ (Charles Taylor) တို့၊ အခုနောက်ဆုံး ဘော့စနီးယား (Bosnia) က၊ ဆာ့ဗ် ခေါင်း ဆောင်တွေ ကရားဒစ်(ရှ်) (နိုင်ငံရေး ခေါင်းဆောင် Radovan Karadzic) တို့၊ မလားဒစ်(ရှ်) (စစ်ရေးခေါင်း ဆောင် Ratko Mladic) တို့လည်း နိုင်ငံတကာ ပြစ်မှု ဆိုင်ရာ တရားခုံရုံး (International Criminal Court – ICC) ကို၊ ရုံးတင် ခံကြရတာ ဆိုတော့၊ ဗိုလ်ချုပ်မှူးကြီး သန်းရွှေက အသာလေး ကန့်လန့်ကာ နောက်ကွယ်ကို နောက်ဆုတ် ပြီးတော့မှ၊ အနောက်ကနေ အကုန်လုံး၊ သတင်း အားလုံး ထိန်းချုပ်နိုင်ရေးမှာ၊ (အမျိုးသားထောက် လှမ်းရေးမှာ) သူ့လူပဲ သူထားတယ်လို့၊ ဗိုလ်မှူးပြောတာကို၊ ကျနော် သဘောပေါက်ပါတယ်။ အရင်တုန်းက လည်း (နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့၊ နိုင်ငံတော် အေးချပ်း သာယာရေးနှင့် ဖွံ့ဖြိုးရေး ကောင်စီ ကာလများ) ကျနော်တို့ ကြားနေရ တာပဲ။ တင်းမာတဲ့ အုပ်စု ရှိတယ်၊ ပျော့ပျောင်းတဲ့ အုပ်စု ရှိတယ် ဆိုတာတွေ။ ဒါပေမဲ့ တင်းမာတဲ့ အုပ်စုပဲ ဖြစ်ဖြစ်၊ ပျော့ပျောင်းတဲ့ အုပ်စုပဲ ဖြစ်ဖြစ်၊ ရပ်တည် နေကြတဲ့ နေရာကတော့ တခုထဲပဲ။ ”ဟေ့၊ ဒို့ ဘယ်တော့မှ၊ NLD ကို အာဏာမလွှဲဘူး၊ အရပ်သားတွေ လက်ထဲကို အာဏာမလွှဲဘူး” ဆိုတာ၊ ပျော့တဲ့လူကော တင်းတဲ့လူကော၊ ဒီလိုင်း တခုထဲပေါ်မှာ ရပ်လာခဲ့ကြတာပဲ။ အဲဒီလိုမျိုး ဖြစ်နေတော့၊ ဖိနှိပ်တဲ့ ဘက်မှာ တာဝန်အရ နေခဲ့ရဖူးတဲ့ အတွေ့အကြုံ ရှိထားတဲ့ ဗိုလ်မှူးက၊ ဒီအခြေအနေတွေကို အတိုက်အခံတွေ က ဘယ်လို သဘောထား သုံးသပ်သင့်လဲ ဆိုတာ၊ နောက်ဆုံး အနေနဲ့ မှတ်ချက်ပေးပေးပါ။ အခုလို အနေအ ထားတွေကလည်း ဖြစ်နေ၊ ထင်ယောင်ထင်မှားတွေ ဖြစ်အောင် ကြားထဲကနေ အလံရှူးတွေကလည်း လုပ်နေ ကြတဲ့၊အခြေအနေ အချိန်အခါ မျိုးမှာ၊ လက်နက်ကိုင်ပဲ ဖြစ်ဖြစ် လက်နက်မဲ့ပဲ ဖြစ်ဖြစ်၊ မြန်မာပြည်တွင်း ကပဲ ဖြစ်စြဖ် ပြည်ပကပဲ ဖြစ် ဖြစ်၊ ဘယ်လို အတိုက်အခံ မျိုးတွေကို မဆို၊ ဘာလုပ်သင့်လဲ ဆိုတာပေါ့။
ဦးအောင်လင်းထွဋ် ။ ။ ကျနော် တင်ပြချင်တာက၊ အတိုက်အခံအဖွဲ့တွေကော၊ တိုင်းရင်းသားလက် နက်ကိုင် အဖွဲ့တွေကော၊ အားလုံးဟာ တစုတစည်းထဲ ညီညီ ညွတ်ညွတ်နဲ့ ရှိဖို့၊ လိုပါတယ်။ human rights (လူ့အခွင့်အရေး)၊ forced labor (အဓမ္မလုပ်အားပေး)၊ child soldier (ကလေးစစ်သား)၊ စတဲ့၊ ကုလသမဂ္ဂတို့ နိုင်ငံတကာတို့နဲ့ ပတ်သက်နေတဲ့ ကိစ္စတွေမှာ၊ သူတို့ လှည့်စားတိုင်း၊ လျော့မသွားပဲနဲ့၊ တစိုက်မတ်မတ်နဲ့ ဆက် ပြီး ဖိအားပေး ဆောင်ရွက်နေဖို့ လိုတယ်လို့၊၊ ကျနော် ပြောချင်ပါတယ် ခင်ဗျ။
ဦးရော်နီညိမ်း ။ ။ ဗိုလ်ကြီးဟောင်းနေမျိုးဇင်ကို ဖမ်းဆီးထိန်းသိမ်းပြီး ပြစ်ဒဏ် ချလိုက်တာကို ကြည့် ခြင်းအားဖြင့်၊ အမျိုးသား ပြန်လည် ရင်ကြားစေ့ရေးဟာ၊ အာဏာရ အဖွဲ့အစည်း တွေက ပေးမှ၊ ရယူနိုင်တဲ့ အနေ အထားမျိုး၊ မဟုတ်ဘူး ဆိုတာကို၊ ရှင်းရှင်း လင်းလင်း မြင်နိုင်တဲ့အကြောင်း၊ တင်ပြရင်းနဲ့ပဲ၊ ဒီသီတင်းပတ်ရဲ့ “တပ်မှူးတပ်သား ပြောစကား” အပတ်စဉ်ကဏ္ဍကို၊ ဒီမှာတင်ပဲ ရပ်နားခွင့်ပြုပါ ခငိဗျာ။ ကျနော် ရော်နီညိမ်း ပါ။
Ref: VOA News
Posts
