March 22, 2013
ရှမ်းပြည်နယ် မြောက်ပိုင်းလားရှိုးမြို့တွင် ကျင်းပသည့် ရှမ်းပြည်နယ်နှင့် ကယားပြည်နယ် ငြိမ်းချမ်းရေး အတွက် ယုံကြည်မှု တည်ဆောက်ခြင်း ဆွေးနွေးပွဲသို့ လာရောက်လေ့လာသည့် မြန်မာနိုင်ငံ အထူးဒေသ ၂ “၀” ပြည် သွေးစည်း ညီညွတ်ရေး တပ်မတော် (UWSA) မှ ပြည်ပ ဆက်ဆံရေး ဒု – ဌာနကြီးမှူး ဦးဆမ်ခွန်းအား ၎င်းတို့ UWSA ၏ လက်ရှိ လုပ်ဆောင်ချက်၊ အစိုးရအပေါ် အမြင်နှင့် ၎င်းတို့၏ ရှေ့လုပ်ငန်း စဉ်များနှင့် ပတ်သက်၍ ဧရာဝတီ သတင်းထောက် နန်းဆိုင်နွမ်က တွေ့ဆုံမေးမြန်းခဲ့ပါသည်။
မေး။ ။ လက်ရှိ UWSA အနေနဲ့ လုပ်ဆောင်ချက်တွေကို ပြောပြပေးပါ။
ဖြေ။ ။ လုပ်ဆောင်ချက်ဆိုရင် ဘာမှမရှိဘူး။ ကျနော်တို့ဆီက မိမိဒေသ ဖွံ့ဖြိုးရေး လုပ်ငန်းတွေ၊ အဓိက ကျန်းမာရေး ၀န်ထမ်း၊ ပညာရေး ၀န်ထမ်းတွေကိုပဲ တောင်းဆိုပါတယ်။ ဒါတွေကို လုပ်ဆောင်ပေးထား ပါတယ်။ ကျန်တဲ့ စစ်တပ်တို့၊ အုပ်ချုပ်ရေး ၀န်ထမ်းတို့ကိုတော့ ကျနော်တို့ဆီမှာ အ၀င်မခံဘူး။
မေး။ ။ ငြိမ်းချမ်းရေး အတွက် ဘယ်လောက်အထိ မျှော်လင့်ချက် ထားပါသလဲ။
ဖြေ။ ။ ကျနော်တို့ကို “၀” ဗဟိုက မှာထားတယ်။ ဒီအစည်းအဝေးက ကျနော်တို့ကို ဖိတ်တဲ့ အတွက်ကြောင့် သွားသင့်တယ်၊ လာရောက်လေ့လာတဲ့ အဆင့်ပါပဲ။ တိုင်းရင်းသား ညီအစ်ကို လက်နက်ကိုင် အဖွဲ့အစည်းတွေရဲ့ သဘောထားကို လာလေ့လာတဲ့ အဆင့်ပဲ။ ဒီကနေ အစည်းအဝေးတက်ပြီးတော့ “၀” ပြည်ကိုရောက်ရင် ကျနော် မှတ်ထားတဲ့ မှတ်တမ်းတွေ ဟိုမှာ ပြန်ပြီးရှင်းပြမယ်၊ ချပြမယ်။ ကျနော်တို့ “၀” ဗဟိုက ပြန်သုံးသပ်မယ်။ ဒါပါပဲ။ ကျနော်တို့ စာတမ်းလည်း မပြုစုပါဘူး။
မေး။ ။ တရုတ်အစိုးရနဲ့ “၀” ပြည် စည်လုံးညီညွတ်ရေး ပါတီတို့ရဲ့ ဆက်ဆံရေး အပိုင်း ဘယ်လိုရှိပါသလဲ။
ဖြေ။ ။ ဒါကတော့တရုတ်နဲ့ “၀” က နယ်နိမိတ်ချင်း ဆက်နေတော့ ဟိုအရင်ကတည်းက နှစ်ဘက်ပြည်သူတွေပါ။ ဟိုဘက် နိုင်ငံကလည်း ကျနော်တို့ “၀” တိုင်းရင်းသားတွေပါပဲ၊ ဒီဘက်ကလည်း ကျနော်တို့ “၀” တိုင်းရင်းသားတွေပါ။ အဲဒီတော့ လူမှုရေးရော၊ စီးပွားရေးပါ နေ့စဉ်နဲ့အမျှ သွားလာဆ က်သွယ်မှုတော့ ရှိတယ်။ တရုတ်ပြည်နဲ့ ကျနော်တို့က ကုန်သွယ်ရေး ဆက်သွယ်မှု၊ ဆက်ဆံရေးပဲ ရှိပါတယ်။ “၀” ပြည် တခုလုံးက စီးပွားရေးနဲ့ ပတ်သတ်ပြီးတော့ တရုတ်ပြည်မှာပဲ ဈေးကွက်ရှိတယ်။ တရုတ်ပြည်နဲ့တော့ ပိုပြီး ဆက်ဆံရေး၊ ဆက်သွယ်ရေး ရှိပါတယ်။ စီးပွားရေးနဲ့ ပတ်သက်လို ဆက်ဆံတာ နေ့စဉ်နဲ့အမျှ ရှိပါတယ်။
မေး။ ။ လက်ရှိ “၀” ပြည်နယ်မှာ မူးယစ်ဆေးဝါး တိုက်ဖျက်ရေးကိစ္စနဲ့ ပတ်သက်ပြီး ဘာတွေလုပ်ဆောင် နေပါသလဲ။
ဖြေ။ ။ ကျနော်တို့က ၂၀၀၅ ခုနှစ် ကတည်းက “၀” ပြည်မှာ ဘိန်းစိုက်ပျိုးမှု လုံးဝ ပပျောက် သွားတယ်လေ။ ပြီးတော့ အရေးယူတယ်။ အသက် ၆၀ အောက် မူးယစ်သုံးစွဲသူ အားလုံးကို ဖမ်းတယ်။ ပထမ အနေနဲ့ ဘိန်းချက် စခန်းတွေကို ကျနော်တို့ သုံးနှစ်လောက် ဖျက်ခိုင်းတယ်။ ကျနော်တို့က ဘိန်းလည်း မစိုက်တော့ဘူးဗျာ၊ မထုတ်လုပ်တော့ဘူးဗျာ။ မဖြန့်ဖြူးတော့ဘူး၊ ရောင်းဝယ်ဖောက်ကားမှု မရှိတော့ဘူး။ တချို့က ဟိုပြည်ပက လာတဲ့ ဘိန်းတွေ ရှင်းရှင်းပြောမယ်ဗျာ၊ ကုန်သည်တွေက သံလွင်မြစ်ကြီးကနေ ခိုးလာရောင်းကြတာတော့ အနည်းအကျဉ်း ရှိတာပေါ့။ တွေ့ရင်တော့ ဖမ်းတယ်။ ထောင်ချတယ်။ မူးယစ်နဲ့ ပတ်သတ်ရင်တော့ ပြင်းပြင်းထန်ထန် အရေးယူတယ်။
မေး။ ။ ၂၀၁၅ ခုနှစ်မှာ ရွေးကောက်ပွဲဝင်ဖို့အတွက် တရားဝင် ပါတီထောင်ဖို့ကိစ္စရော စဉ်းစားနေပြီလား။
ဖြေ။ ။ မလျှောက်သေးဘူး။ အခုကျနော်တို့ “၀” အဖွဲ့က တရားဝင်ပါတီ မထောင်သေးဘူး၊ မလျှောက်သေးဘူး။ ကျနော်တို့ ပါတီက ရှိပြီးသား “၀” ပြည် သွေးစည်းညီညွတ်ရေးပါတီ။ အဲဒါကြောင့် ကျနော်တို့က အသစ် ထပ်ထောင်စရာ မလိုဘူး။ နောင်တော့ မသိဘူးပေါ့။ ကျနော်တို့ ဥက္ကဋ္ဌ ပြောဖူးတယ်။ ၂၀၀၈ ခုနှစ် ကတည်းက ဗိုလ်ချုပ်ရဲမြင့် ကျနော်တို့ကို ဒီ ရွေးကောက်ပွဲ ပါဝင်နိုင်ဖို့ ခင်ဗျားတို့ “၀” တရားဝင် ပါတီတခု လျှောက်ပါလား ဆိုတာ ကျနော်တို့ ဥက္ကဋ္ဌ ဖြေဖူးပါတယ်။ ကျနော်တို့ အခုလက်ရှိ ပါတီကိုပဲ အသိအမှတ်ပြုပါမယ်။ ကျနော်တို့ ဒီပါတီရော၊ နောက်ပါတီပါ ထပ်ထောင်ရင် ကမ္ဘာရော၊ မြန်မာပါ မျက်စိလည် သွားမယ်လေ။ အခုအထိ ကျနော်တို့က “၀” ပြည် သွေးစည်းညီညွတ်ရေး ပါတီကိုပဲ ဆက်လက် လုပ်ဆောင်သွားမယ်။ ကျနော်တို့ “၀” က ပါတီရှိတယ်ဗျာ။ “၀” ပြည် သွေးစည်းရေး ပါတီ၊ “၀” ပြည် သွေးစည်းရေး တပ်မတော်၊ “ ၀ ” ပြည်သူ့ အစိုးရဆိုပြီး ရှိပြီးပါပြီ။
မေး။ ။ ဒီပွဲကနေ အစိုးရကို ဘာတွေ တောင်းဆိုသွားမှာလဲ။
ဖြေ။ ။ ၁၉၉၃ ခုနှစ်က စတင်ကျင်းပခဲ့တဲ့ နိုင်ငံတော် ဖွဲ့စည်းပုံ အခြေခံဥပဒေ ရေးဆွဲရေး အမျိုးသားညီလာခံသို့ “၀” ပြည် သွေးစည်း ညီညွတ်ရေး တပ်မတော်က “၀” ကိုယ်စားလှယ်တွေ စေလွှတ်တော့ “၀” ပြည်နယ် ကိုယ်ပိုင် အုပ်ချုပ်ရေး ရရှိဖို့ စာနဲ့ အကြိမ်ကြိမ် တင်ပြတောင်းဆိုခဲ့ပါတယ်။ အခု ဒုတိယအကြိမ် ငြိမ်းချမ်းရေးကာလမှာ ငြိမ်းချမ်းရေး ဖော်ဆောင်မှု ဒုတိယဥက္ကဋ္ဌ ဦးအောင်မင်းတို့အဖွဲ့ကိုလည်း “၀” ပြည်နယ်ကို ကိုယ်ပိုင်အုပ်ချုပ်ရေး ပေးဖို့ ထပ်မံတင်ပြ တောင်းဆိုခဲ့ပါတယ်။ ယနေ့အထိ နိုင်ငံတော် အစိုးရ အနေနဲ့ “ ၀ ”ကိုယ်ပိုင် အုပ်ချုပ်ရေးရ တိုင်းအဆင့်ကိုပဲ သတ်မှတ် ပေးတဲ့အတွက် မိမိတို့ အနေနဲ့ “၀” ကိုယ်ပိုင် အုပ်ချုပ်ခွင့်ရပြည်နယ် ရရှိဖို့ ဆက်လက်ကြိုးပမ်း ဆောင်ရွက် သွားမှာပါ။ ကျနော်တို့ နောက်ဆုံး အချက်အနေနဲ့ မျှော်လင့်ချက်၊ ရည်မှန်းချက်က ကိုယ်ပိုင် အုပ်ချုပ်ရေး ပြည်နယ် ပေးဖို့ပါပဲ။ ဘာမှမတောင်းဘူး။
မေး။ ။ အခုကရော “၀” က ကိုယ်ပိုင်အုပ်ချုပ်ရေး နယ်မြေအဖြစ် သတ်မှတ်ထားပြီးတဲ့ အပေါ် ဘယ်လိုမြင်ပါသလဲ။
ဖြေ။ ။ အဲဒါကို ပြောရမယ်ဆိုရင်တော့ ဟိုတုန်းက ထုတ်ပြန် ကြေညာပြီးပါပြီ။ “၀” ကိုယ်ပိုင်အုပ်ချုပ်ရေးလို့ အစိုးရက အသိအမှတ် ပြုထားတာပေါ့နော်။ ကျနော်တို့ “၀” အနေနဲ့တော့ မည်သည့် ပါတီမဆို၊ မည်သည့် ပုဂ္ဂိုလ်မဆို “၀” ကိုယ်ပိုင်အုပ်ချုပ်ရေး ဆိုတာကိုတော့ အသိအမှတ်မပြုဘူး။ အစိုးရတော့ပေးပြီ။ ကျနော်တို့ တောင်းတာ “၀” ကိုယ်ပိုင် အုပ်ချုပ်ရေး ပြည်နယ်။ အစိုးရ ပေးတာက “၀” ကိုယ်ပိုင်အုပ်ချုပ်ရေး အတိုင်း ပေါ့နော်။ အဲဒီတော့ ကျနော်တို့လည်း ကိုယ်ပိုင် အုပ်ချုပ်ရေးပြည်နယ် ရဖို့အထိ ဆက်လက်ပြီးတော့ တောင်းဆိုသွားမှာပဲ။
မေး။ ။ အဲဒီ ကိုယ်ပိုင် အုပ်ချုပ်ရေးရဖို့အတွက် ဘယ်အရာက အဓိက ကျမယ်လို့ ထင်ပါသလဲ။
ဖြေ။ ။ အဓိကကတော့ သွေးစည်း ညီညွတ်ရေးပါပဲ။ တိုင်းရင်းသား ညီအစ်ကို မောင်နှမတွေ အားလုံးအတွက်ပေါ့။ အကြမ်းအားဖြင့်တော့ ဒီဆွေးနွေးပွဲက နားထောင်ဖို့ ကောင်းတာပါပဲ။ နိုင်ငံတော် အတွက်ရော၊ ကျနော်တို့ ဒီကချင်ပြည်နယ် တိုင်းရင်းသားတွေ၊ တိုင်းရင်းသားပါတီတွေ အားလုံးအတွက်တော့ ကျနော် နားထောင်တာ အားလုံးကောင်းတာပေါ့။ အလားအလာ ကောင်းတယ်။ ။
Ref: ဧရာဝတီ
Friday, March 22, 2013
“ရည်မှန်းချက်က ကိုယ်ပိုင် အုပ်ချုပ်ရေး ပြည်နယ် ပေးဖို့ပါပဲ”
ထိုင်းရှိ မြန်မာ အကျဉ်းသားများ လွတ်ငြိမ်းခွင့်ရရေး ကြိုးပမ်း
သန်းထိုက်ဦး
March 21, 2013
ထိုိင်းနိုင်ငံတွင် အကြောင်း အမျုိုးမျိုးကြောင့် ထောင်ဒဏ်ချမှတ် ခံထားရသည့် မြန်မာနိုင်ငံသား ၃၀၀၀ ခန့်ကို လွတ်ငြိမ်းချမ်းသာခွင့် ရရှိရေး အတွက် မြန်မာ အစိုးရက ကြိုးပမ်းနေကြောင်း သိရသည်။
မြန်မာနိုင်ငံသားများ လွတ်ငြိမ်းချမ်းသာခွင့်ရရှိရေးနှင့် ပြစ်ဒဏ်လျော့ပေါ့ခွင့် ရရှိရေး အတွက် ထိုင်းနိုင်ငံခြားရေး ၀န်ကြီးဌာန၊ တရား ရေးဝန်ကြီးဌာနနှင့် ပြည်ထဲရေး ၀န်ကြီးဌာများမှ တဆင့် ထိုင်းနိုင်ငံ ဘုရင့်တော်ဝင် နန်းတော်ကို တင်ပြနိုင်ရန် စီစဉ်နေကြောင်း ပြည် ထဲရေး ဝန်ကြီးဌာန ဒုတိယ ဝန်ကြီး ရဲချုပ် ကျော်ကျော်ထွန်းက ပြောသည်။
“ဘုရင့်တော်ဝင် နန်းတော်ရဲ့ အတည်ပြုချက် ကိုရယူပြီး လွတ်ငြိမ်းချမ်းသာခွင့်နှင့် ပြစ်ဒဏ်လျှော့ပေါ့ခွင့် တရားဝင် အမိန့်များ ထုတ် ပြန်နိုင်ရေးကို စီစဉ်ဆောင်ရွက်နေတယ်”ဟု ၎င်းက ဆိုသည်။
ယမန်နေ့က ကျင်းပခဲ့သည့် ပြည်သူ့လွတ်တော်အစည်းအဝေး၌ ထိုင်းနိုင်ငံတွင် အကျဉ်းကျ ခံနေရသည့် မြန်မာနိုင်ငံသားများ ကိစ္စ နှင့် ရန်ကုန်တိုင်း သင်္ဃန်းကျွန်းမြို့နယ် ပြည်သူ့ လွတ်တော် ကိုယ်စားလှယ် ဦးသိန်းညွန့်က မေးမြန်းခဲ့ရာ ရဲချုပ် ကျော်ကျော်ထွန်းက ပြန်လည်ဖြေကြားခဲ့ခြင်း ဖြစ်သည်။
မြန်မာနိုင်ငံ အစိုးရအနေနှင့် ထိုင်းနိုင်ငံတွင် အကျဉ်းကျနေသည့် မြန်မာနိုင်ငံသားများကို လွတ်ငြိမ်းချမ်းသာခွင့် ရရှိရေး အပါအ၀င် ကျန်းမာရေး၊ လူမှုရေး ဆိုင်ရာ ကူညီစောင့်ရှောက်ခွင့်များ ရရှိရေးတို့ကို ထိုင်းဥပဒေအရ သံတမန် နည်းလမ်းအတိုင်း ကူညီဆောင် ရွက်လျက်ရှိကြောင်း ရဲချုပ် ကျော်ကျော်ထွန်းက ဆက်ပြောသည်။
ထိုင်း ဘုရင်နှင့် မိဖုရားတို့၏ ပြစ်ဒဏ်လျှော့ပေါ့ခွင့် ရရှိရေးအတွက် ထောက်ခံစာပြုလုပ်ပေးခြင်း၊ ထောင်ပြောင်းရွှေ့လိုသည့် အကျဉ်းသားများအား ထောက်ခံချက် ပြုလုပ်ပေးခြင်း၊ မြန်မာနိုင်ငံသား မှန်ကန်ကြောင်း ထောက်ခံစာများပြုလုပ်ပေးခြင်း တို့ကို ထိုင်းနိုင်ငံ ဆိုင်ရာ မြန်မာသံရုံးမှ တာဝန်ရှိသူများက စီစဉ်ဆောင်ရွက်ပေးကြောင်း သိရသည်။
ထိုင်းနိုင်ငံ ဆိုင်ရာ မြန်မာသံရုံးမှ ပထမအတွင်းဝန် ဦးအောင်ကျော်လင်းက ထိုင်းနိုင်ငံတွင် ထောင်ကျနေသည့် မြန်မာနိုင်ငံသားများ ထဲတွင် မူးယစ်ဆေးဝါးနှင့် ပတ်သက်သည့် အမှုအများဆုံး ဖြစ်ကြောင်း ဧရာဝတီသို့ ပြောသည်။
ထိုင်း အာဏာပိုင်များထံမှ စုံစမ်းသိရှိချက်အရ ထိုင်းနိုင်ငံတွင် အကျဉ်းကျခံနေရသူ မြန်မာနိုင်ငံသား အမျိုးသမီး၊ အမျိုးသား ၃၄၀၀ ခန့်ရှိကြောင်း၊ လူဦးရေ စာရင်း အတိအကျ ရရှိရန် ထိုင်းအာဏာပိုင်း များထံ တောင်းဆိုထားရာ အကြောင်းပြန်ကြားခြင်း မရှိသေးကြောင်း ၎င်းက ဆိုသည်။
“လူဦးရေ စာရင်းတောင်းထားတယ်၊ နောက် ထောင်တွေကိုလည်း စာပို့တယ်၊ ဖက်စ်တွေနဲ့လည်း ပို့တယ်၊ ကျနော်တို့ အုပ်ချုပ်ရေး ပိုင်းမှာ အမှား တခုတော့ ရှိမယ်ထင်တယ်”ဟု ဦးအောင်ကျော်လင်းက ဆက်ပြောသည်။
ထိုင်းနိုင်ငံ အနေနှင့် ထိုင်းဘုရင်နှင့်မိဖုရား တို့၏ မွေးနေ့များတွင် ထိုင်းနိုင်ငံတ၀န်းရှိ အကျဉ်းထောင်များမှ ပြစ်ဒဏ် ကျခံနေရ သူများကို ပြစ်ဒဏ်များလျှော့ပေါ့ပေးခြင်းနှင့် လွတ်ငြိမ်း ချမ်းသာခွင့် တို့ကို ပေးခြင်း ရှိသကဲ့သို့ မြန်မာ အစိုးရကလည်း ပစ်ဒဏ် ကျခံ ထားရ သည့် ထိုင်းနိုင်ငံသားများကို လွတ်ငြိမ်းချမ်းသာခွင့် ပေးကြောင်း သိရသည်။
ထိုင်း ဘုရင်နှင့် မိဖုရားများ၏ မွေးနေ့များသည် ဒီဇင်ဘာ ၅ ရက်နှင့် သြဂုတ်လ ၁၂ ရက်နေ့တို့ဖြစ်သည်။ မြန်မာနိုင်ငံ သမ္မတရုံး၏ လွတ်ငြိမ်း ချမ်းသာခွင့် အမိန့်များ အရ ပြန်လွှတ်ပေးခဲ့သော ထိုင်းနိုင်ငံသား အကျဉ်းသား အမျိုးသမီးနှင့် အမျိုးသား ၁၀၂ ဦးတို့ကို လွှတ်ပေးပြီး ဖြစ်သည်။
၂၀၁၂ ခုနှစ် ဇူလိုင်လကလည်း တနင်္သာရီတိုင်း ကော့သောင်းမြို့နယ်တွင် နယ်မြေ ကျူးကျော်မှုဖြင့် ထိုင်းနိုင်ငံသား ၉၂ ဦးကို ဖမ်း ဆီး၍ ထောင်ဒဏ် ချမှတ်ခဲ့ရာ အားလုံးနီးပါးကို မြန်မာ အစိုးရက ပြန်လွှတ်ပေးခဲ့ကြောင်း သိရသည်။
ပြန်လွှတ်ပေးခဲ့သည့် ထိုင်းနိုင်ငံသားများသည် ထိုင်းနိုင်ငံ တောင်ပိုင်း ရနောင်းခရိုင် ကလပ်ဘူရီ မြို့နယ်နှင့် မျက်နှာချင်းဆိုင် မြန်မာနိုင်ငံ နယ်နိမိတ် အတွင်း ကျူးကျော်၍ စီးပွားဖြစ် ရာဘာပင် စိုက်ပျိုးရန် လုပ်ကိုင်မှုနှင့် ပတ်သက်ပြီး မြန်မာ စစ်တပ် က ဖမ်းဆီး၍ ပစ်ဒဏ်များ ချမှတ်ခဲ့ခြင်း ဖြစ်သည်။
Ref: ဧရာဝတီ
ထိုင်းနယ်စပ် သောင်ရင်းမြစ် ရေလယ်ကျွန်း ကရင်လူငယ်အဖွဲ့ ထိန်းချုပ်
ပြည်တော်မြင့်
March 22, 2013
ထိုင်း-မြန်မာ နယ်စပ် သောင်ရင်းမြစ် အတွင်းရှိ မြန်မာပိုင် ရေလယ်ကျွန်းကို ကရင်လူငယ် လက်နက်ကိုင် အဖွဲ့တဖွဲ့က ယနေ့နံနက်ပိုင်းတွင် ၀င်ရောက် ထိန်းချုပ် လိုက်သည်။
ကော့မူးရာ ကရင်လူငယ် အစည်းအရုံး(KYO)က မဲဆောက်-မြ၀တီ ချစ်ကြည်ရေး တံတားအောက်ရှိ ရေလယ်ကျွန်းကို မူးယစ် ဆေးဝါး ဖြန့်ချိသည်ဟု ဆိုကာ လက်နက်ကိုင် အင်အား ၂၅ ဦးနှင့်အတူ ယနေ့နံနက် ၆ နာရီက စတင်ကာ ၀င်ရောက် ထိန်းချုပ် လိုက်ခြင်း ဖြစ်သည်။ KYO သည် ကရင်အမျိုးသား အစည်းအရုံး (KNU) ဘားအံခရိုင် လက်အောက်ခံ အဖွဲ့ ဖြစ်သည်။
၎င်းအဖွဲ့ကိုဦးဆောင်သည့် KYO ဥက္ကဌ စောမိုရှေးက“ဒီကျွန်းကနေ ထွက်တဲ့ မူးယစ်ဆေးဝါးတွေ ကရင်လူငယ်ထု အပါအ၀င် လူ သား အားလုံးကို လူညွန့်တုံးစေတဲ့ အတွက် အခုလို ၀င်ရောက် ထိန်းသိမ်း ရှင်းလင်း ရတာဖြစ်တယ်၊ အခု ဒီကျွန်းက ဒုစရိုက်ခေါင်းဆောင် တချို့ရယ် လက်နက် ခဲယမ်းတွေနဲ့ မူးယစ်ဆေးဝါးတွေကို ဖမ်းထားတယ်”ဟု ဧရာဝတီကို ပြောသည်။
ဆယ်စုနှစ် ၂ ခုနီးပါး မူးယစ်ဆေးဝါး ရောင်းဝယ်ဖြန့်ချိနေသည့် ရေလယ်ကျွန်းကို လူငယ်များ၏ အနာဂတ်ကောင်းမွန်ရန် အတွက် ယခုကဲ့သို့ ၀င်ရောက် ထိန်းသိမ်းရခြင်းဖြစ်သည် ဟုလည်း စောမိုရှေး က ပြောကြားသည်။ ရေလယ်ကျွန်းကို ထိန်းချုပ်လိုက်သည့် ကော့မူးရာ KYO အဖွဲ့တွင် အင်အား ၂၅ ဦးခန့်နှင့် လက်နက်များ ပါရှိသည်။
KYO အဖွဲ့သည် ရေလယ်ကျွန်းကို ဆက်လက် ထိန်းချုပ်ထားပြီး ဒု စရိုက်သမားများ ကျွန်းအတွင်း ၀ှက်ထားသည့် မူးယစ်ဆေးဝါး များနှင့် လက်နက်ခဲယမ်းများကို လိုက်လံ ရှာဖွေလျက် ရှိသည်ဟုလည်း သိရသည်။
မြန်မာဘက်က မြ၀တီခရိုင် အာဏာပိုင်များနှင့် ထိုင်းနိုင်ငံဘက်မှ အာဏာပိုင်များနှင့် လုံခြုံရေး တပ်ဖွဲ့ဝင်များက ၀ိုင်းရံထားပြီး ရေ လယ်ကျွန်း အခြေအနေကို အနီးကပ် စောင့်ကြည့်လျက် ရှိသည်။
KYO အဖွဲ့သည် ရေလယ်ကျွန်းမှ ပြန်လည်ထွက်ခွာရေး အတွက် မြ၀တီ ခရိုင်အာဏာပိုင်များနှင့် KNU မှ တာဝန်ရှိသူများကို ဆွေးနွေးညှိနှိုင်းမှုများ ပြုလုပ်နေသော်လည်း အခြေအနေ တိုးတက်လာခြင်း မရှိသေးကြောင်းလည်း သိရသည်။
၂ ဧက ခန့် ရှိသည့် ရေလယ်ကျွန်းတွင် ယခင်ကလည်း ဒုစရိုက်သမားများ၊ မူးယစ်ဆေးဝါးများနှင့် လက်နက်ခဲယမ်းများကို ထိုင်း နှင့် မြန်မာ နှစ်နိုင်ငံအာဏာပိုင်များက မကြာခဏ ဖမ်းဆီးရမိမှုများ ရှိခဲ့သည်။
ယနေ့တွင် ရေလယ်ကျွန်းမှ ဆေးခြောက် ထုပ်ကြီး တထုပ်၊ စိတ်ကြွဆေးပြား(ရာဘ) ၁ သောင်း၊ M ၁၆ အပါအ၀င် လက်နက်ငယ် ၃ လက်နှင့် ဆက်စပ် လက်နက် ခဲယမ်းများကို ဖမ်းဆီး ရမိထားသည်ဟု စောမိုရှေးကပြောသည်။
Ref: ဧရာဝတီ
မိတ္တီလာအရေး နိုင်ငံတကာစိုးရိမ်
ကိုသားညွန့်ဦး
21.03.2013
မြန်မာနိုင်ငံတွင်း မိတ္တီလာမြို့မှာ ဖြစ်တဲ့ အကြမ်းဖက်မှုတွေကြောင့် နိုင်ငံတကာမှာ လည်း မြန်မာနိုင်ငံ အခြေအနေ အပေါ် စိုးရိမ်မှုတွေ တိုးလာပါတယ်။ နောက်ကွယ်က လှုံဆော် မှုတွေ ရှိခဲ့တယ် လို့လည်း ယူဆမှုတွေ ရှိပါတယ်။ နားလည်မှုလွဲနေတဲ့ လူမှုအသိုင်း အ၀ိုင်းကြား ပြန်လည် သင့်မြတ် လာအောင် အစိုးရနဲ့ လူမှုအဖွဲ့အစည်းခေါင်းဆောင်တွေ ကြိုးပမ်းနေတာတွေကိုလည်း အသိအမှတ်ပြု ကြိုဆိုကြပါတယ်။ အပြည့်အစုံကို ကိုသားညွန့်ဦးက တင်ဆက်ပေးမှာပါ။
မိတ္တီလာမြို့မှာ ဗုဒ္ဓဟူးနေ့က လူမျိုးရေးဆန်တဲ့ အကြမ်းဖက်မှုတွေကြောင့် အာဏာပိုင်တွေက ပုဒ်မ ၁၄၄ ထုတ်ပြန် ထားရပေမယ့်၊ အခြေအနေတွေက လုံးဝ ငြိမ်သက် သွားသေးတာတော့ မဟုတ်ပါဘူး။ မနေ့က အထိ မီးရှို့မှုတွေ လူထိ ခိုက်သေဆုံးမှုတွေ ရှိနေခဲ့ပါတယ်။ လုံခြုံရေး တာဝန်ရှိသူတွေက လုံခြုံရေးဆောင်ရွက်ပေးနေသလို၊ ၈၈ မျိုးဆက်ခေါင်းဆောင် မင်းကိုနိုင် မိတ္တီလာ NLD အမတ် ဦးဝင်းထိန် စတဲ့ နိုင်ငံရေးခေါင်းဆောင်တွေ ဘာသာရေးခေါင်းဆောင်တွေကလည်း သွေးဆူနေတဲ့ လူအုပ်တွေကို ဖြောင့်ဖျနေရပါတယ်။ ဒီ အခြေအနေကနေ ပိုဆိုးလာမှာကို နိုင်ငံတကာမှာလည်း စိုးရိမ်မှုတွေ တိုးလာပါတယ်။ ၀ါရှင်တန် ဒီစီမှာရှိတဲ့ အမေရိကန် နိုင်ငံခြားရေး ဌာန ပြောခွင့်ရသူ ကတော့ လူမှု အသိုင်းအ၀ိုင်း အကြား ပြန်လည်သင့်မြတ်ရေး အတွက် အခုလို ကြိုးပမ်းဆောင်ရွက် သူတွေကို ကြိုဆို အားပေးတဲ့ အကြောင်း ဗွီအိုအေ မြန်မာပိုင်းကို ပြောပါတယ်။
“မန္တလေးတိုင်း မိတ္တီလာမြို့နယ်အတွင်း အကြမ်းဖက်မှုတွေကြောင့် အသက်ဆုံးရှုံးမှုတွေ၊ အိုးအိမ် စည်းစိမ် ပျက်စီး ဆုံးရှုံးမှုတွေဖြစ်တယ် ဆိုတဲ့ သတင်းတွေကြောင့် အလွန်တရာ စိုးရိမ်မကင်းဖြစ်ရ ပါတယ်။ အကြမ်းဖက်မှုကြောင့် နစ်နာဆုံးရှုံးသူ အသက် ဆုံးရှုံးသူတွေ သူတို့ မိသားစုဝင်တွေနဲ့ ထပ်တူ ၀မ်းနည်းကြေကွဲကြောင်း ပြောလို ပါတယ်။ ပြန်လည် တည်ငြိမ်မှုရအောင်၊ အပြန်အလှန်လေးစားသမှုနဲ့ စိတ်ရှည် သည်းခံမှုတွေ ရှိအောင်၊ ဆွေးနွေး ညှိုနှိုင်းမှုဖြစ်အောင် ကြိုးပမ်း အားထုတ်နေကြတဲ့ လူမှုအဖွဲ့အစည်းက ခေါင်းဆောင်တွေ၊ အစိုးရခေါင်းဆောင်တွေကိုလည်း အားပေး ကြိုဆိုပါတယ်။ အခြေအနေတွေကို အမေရိကန်ပြည်ထောင်စု အနေနဲ့ အနီးကပ် စောင့်ကြည့်နေပါတယ်။”
ရန်ကုန် အမေရိကန်သံရုံးက သံအမတ်ကြီး Derek Mitchell မြန်မာနိုင်ငံ ဆိုင်ရာ ကုလသမဂ္ဂ ဌာနေ ကိုယ်စားလှယ် တို့ကလည်း ဒီအဖြစ်အပျက်အပေါ် စိုးရိမ် မကင်းဖြစ်ကြောင်း ကြေညာချက် ထုတ်ခဲ့ကြပြီး၊ ဒီပြဿနာကို ဦးစားပေး အလေးထားဖြေရှင်းဖို့ အာဏာပိုင်တွေကို တိုက်တွန်းတောင်းဆို ပါတယ်။ ဖြစ်စ အချိန်တွေမှာ လုံခြုံရေးပိုင်းက ကိုိင်တွယ်မှု အားနည်းခဲ့တာတွေကြောင့်ဆိုပြီး၊ အာဏာပိုင်တွေကို အပြစ်တင်မှုတွေ ရှိသလို၊ နောက်ကွယ်မှာ လှုံဆော်မှုတွေ ရှိနေတယ် ဆိုတဲ့ သတင်းတွေ ကျယ်ကျယ်ပြန့်ပြန့် ထွက်နေပါတယ်။ အထူးသဖြင့်တော့ ဒီ မတိုင်ခင်ကတည်းက ဘာသာရေး လှုံဆော်စာတွေ ထွက်လာတာကို ထောက်ပြကြပါတယ်။ ဒီအခြေအနေတွေကြောင့် မြန်မာနိုင်ငံတွင်း ဘာသာရေး တင်းမာမှုတွေ ရှိလာနေတယ်လို့ Burma Campaign UK အဖွဲ့က Mark Farmaner က ဗွီအိုအေကို ပြောပါတယ်။
“ဒီအကြမ်းဖက်မှုတွေဖြစ်လာအောင် တမင်သက်သက်နောက်ကွယ်ကနေ လှုံဆော်နေတယ် ဆိုတဲ့ အချက်ကို ကျနော်တို့ အတော်လေး စိုးရိမ်သလို၊ ဗြိတိသျှ အစိုးရ ကိုယ်တိုင်ကလည်း ဒီအချက်ကို ထောက်ပြပြောထား ပါတယ်။ မြန်မာနိုင်ငံထဲမှာ ဘာသာရေး တင်းမာမှုတွေက ကြီးထွား လာပါတယ်။ စာရွက် စာတမ်းတွေ အထူးသဖြင့် မွတ်ဆလင် ဆန့်ကျင်ရေးစာတွေ ပြန့်နေပါတယ်။”
ဗြိတိသျှနိုင်ငံခြားရေးရုံး ၀န်ကြီး Alistair Burt ကလည်း အကြမ်းဖက်မှုတွေကို ရပ်တန့် သွားစေဖို့ ဆိုင်ရာ သက်ဆိုင်ရာ အဖွဲ့အစည်း အားလုံးကို တိုက်တွန်းတောင်းဆိုနေပါတယ်။ အရပ်သားတွေကို အကာအကွယ်ပေးဖို့၊ အဖြစ်အပျက်နောက်ကွယ်မှာ ရှိတဲ့ ရန်လို မုန်တီးမှုတွေ အတွက် ပြေလျှော့အောင်ဆောင်ရွက်ပေးဖို့ အစိုးရ အာဏာပိုင်တွေကို တိုက်တွန်းပါတယ်။ တချိန်တည်းမှာပဲ ဗြိတိသျှ သံအမတ်ကြီးကလည်း ဒီကိစ္စနဲ့ ပတ်သက်လို့ အစိုးရပိုင်းက တာဝန်ရှိသူတွေ ဘာသာရေးခေါင်းဆောင်တွေကို ဆွေးနွေး တိုက်တွန်းနေတယ်လို့ သိရပါတယ်။ Mark Farmaner ကလည်း နိုင်ငံတကာ လက်ခံနိုင်မယ့် တည်ငြိမ်မှုဖြစ် လာရေး နိုင်ငံရေးခေါင်းဆောင်တွေဆောင်ရွက် သွားဖို့ အရေးကြီးတယ်လို့ ပြောပါတယ်။
“လူမှုအသိုင်းအ၀ိုင်းအချင်းချင်း အပြန်အလှန် နားလည်မှုလွဲမှားနေတာတွေ၊ တင်းမာနေတာတွေ၊ ရန်လိုနေတာတွေ လျှော့ကျသွားပြီး အချင်းချင်း ပြန်လည် နီးစပ် လာစေဖို့ နိုင်ငံရေးခေါင်းဆောင်တွေ အနေနဲ့ နိုင်ငံတကာ အသိုင်းအ၀ိုင်းရဲ့ထောက်ခံမှုနဲ့ အတူ လုပ်ကိုင်ဆောင်ရွက် သွားဖို့ အရေးကြီးပါတယ်။ မြန်မာနိုင်ငံမှာက ယုံကြည်သက်ဝင်မှု ဘာသာစုံရှိပါတယ်။ တဦးနဲ့တဦး အပြန်အလှန်လေးစားမှု ရှိပြီး ငြိမ်းချမ်းစွာ အတူနေထိုင် သွားနိုင်ကြဖို့ အရေးကြီးပါတယ်။”
Amnesty International နိုင်ငံတကာလူ့အခွင့်အရေးအဖွဲ့ကြီး ကလည်း ဒီဖြစ်ရပ်အပေါ်မှာ စိုးရိမ် ပူပင်ကြောင်းနဲ့၊ တာဝန်ရှိသူတွေကို ဖော်ထုတ် အရေးယူဖို့ အတွက် လွတ်လပ်တဲ့ စုံစမ်း စစ်ဆေးရေး အမြန်ဆုံးဆောင်ရွက်ဖို့ အာဏာပိုင်တွေကို တိုက်တွန်း ပါတယ်။ အခုလက်ရှိ အခြေအနေကို ရပ်တန့် မကိုင်တွယ်နိုင်ဘူး ဆိုရင်တော့ အကြမ်းဖက်မှုတွေဟာ ကူးစက် ပျံပွားလာမယ့် အန္တရယ် ရှိနေတယ်လို့လည်း သတိပေး ထားပါတယ်။
Ref: VOA News
မိတ္ထီလာမြို့တွင် လူ ၁၀၀ ကျော် ပိတ်မိနေသဖြင့် ကယ်တင်ရန် လိုအပ်နေဟု ဆို
စနေလင်း
March 22, 2013
လက်ရှိအချိန်တွင် မိတ္ထီလာမြို့ ပြည်သာယာ ရပ်ကွက်တွင် အစ္စလမ် ဘာသာဝင် ၁၀၀ ကျော်ကို လူအုပ်စုဖြင့် ၀ိုင်းနေသည့် အတွက် ၎င်းတို့ကို ကယ်တင်ရန် လိုအပ်နေကြောင်း မိတ္ထီလာမြို့နယ် အမျိုးသား ဒီမိုကရေစီ အဖွဲ့ချုပ် (NLD) ပြည်သူ့လွှတ်တော် ကိုယ်စားလှယ် ဦးဝင်းထိန်က ပြောသည်။
ထို့အပြင် မိတ္ထီလာ အမှတ် ၁ ရဲစခန်းတွင် အစ္စလမ်ဘာသာဝင် ၄၀၀ ကျော်နှင့် ခရိုင် အားကစားကွင်း အတွင်း ၈၀၀ ကျော်ကို လုံးခြုံရေး တပ်ဖွဲ့များက ကယ်တင် စောင့်ရှောက် ထားရကြောင်း သိရသည်။
“အခုမနက် အခြေအနေ တကယ် ရုတ်ရုတ်သဲသဲ ဖြစ်တဲ့နေရာတွေမှာ ရဲတပ်ဖွဲ့တွေ လှုပ်ရှားတာကို မတွေ့ရဘူး။ သူတို့က ဘာမှ မလုပ်တတ် မကိုင်တတ်တဲ့ ပုံစံဖြစ်နေတယ်။ ဒီလို အတွေ့အကြုံမျိုး မရှိတဲ့အတွက် သူတို့ မလုပ်ရဲ မကိုင်ရဲ ဖြစ်နေတာ” ဟု သူက ဧရာဝတီသို့ ပြောသည်။
ယခုကဲ့သို့သော အခြေအနေသည် မိတ္ထီလာမြို့တွင် မဖြစ်ခဲ့ဘူးသောကြောင့် အလွန် စိတ်မချမ်းမသာ ဖြစ်ရကြောင်း၊ လူမျိုးရေး အသွင် ဆောင်လာပြီဖြစ်ကြောင်း ဦးဝင်းထိန်က ဆိုသည်။
ယနေ့ မနက် နောက်ဆုံးအခြေအနေအရ ပေါက်ချောင်း ရပ်ကွက်တွင် နေအိမ်များ မီးရှို့ခံနေရကြောင်း၊ ဘုန်းတော်ကြီး တချို့နှင့် လူတစ်စုတို့က မီးလိုက်လံ ရှို့လျက်ရှိကြောင်း မိတ္ထီလာမြို့ခံတဦးက ပြောသည်။
ထို့အပြင် မီးလောင်ခံရသော နေအိမ်များတွင် အစ္စလမ်ဘာသာဝင် နေအိမ်များ အပြင် ဗုဒ္ဓဘာသာဝင်များ၏ နေအိမ်များလည်း ပါဝင်ကြောင်း၊ မြို့အနေဖြင့် ပျက်စီးသွားပြီဖြစ်ကြောင်း မိတ္ထီလာမြို့ခံများက ဆိုသည်။
“ရဲတွေအနေနဲ့က မီးလောင်နေတာကို လိုက်ပြီး ငြှိမ်းသတ်နေရတဲ့ အနေအထားမျိုး ဖြစ်နေတယ်။ တကယ် အကြမ်းဖက်တဲ့ သူတွေကို အရေးယူဖို့ လုပ်နိုင်တာမျိုး မတွေ့ရဘူး။ နောက်ပြီး အစ္စလမ် ဘာသာဝင်တွေကို ကယ်တင်ထားတဲ့ နေရာကိုပဲ လုံခြုံရေးရအောင် ထိန်းနေရတယ်” ဟု မြို့ထဲသို့ ရောက်ရှိနေသော မိတ္ထီလာမြို့ခံ တဦးက ဧရာဝတီသို့ ပြောသည်။
မီးလောင်မှုများကို မီးသတ်ကား ၁၀ စီးဖြင့် လိုက်လံ ငြှိမ်းသက်နေကြောင်း၊ မီးလောင်မှု တခုကို လိုက်လံ ထိန်းသိမ်း နေလျှင် ၎င်းနေရာနှင့် ဆန့်ကျင်ဘက် နေရာတခု၌ နောက်ထပ် ထပ်မံ ဖြစ်ပွားလာကြောင်း မိတ္ထီလာခရိုင် ရဲတပ်ဖွဲ့ရုံးမှ တာဝန်ကျ အရာရှိတဦးက ဆိုသည်။
ယခုအချိန်တွင် မန္တလေးတိုင်းဒေသကြီး ၀န်ကြီးချုပ်အပါအ၀င်၊ သာသနာရေး ၀န်ကြီး၊ ပြည်ထဲရေး ၀န်ကြီးများလည်း ရောက်ရှိနေပြီ ဖြစ်ကြောင်း ၎င်းက ဆက်ပြောသည်။
“အခုချိန်မှာ အားလုံး ရှုပ်ရှက်ခက်နေတယ်ဗျ။ မီးကလည်း ၂ နေရာတောင် လောင်နေတာ။ လုံထိန်းတွေ အင်အားသုံးနေ ပါတယ်။ ဒါပေမယ့် အကြမ်းဖက်တဲ့ လူအုပ်စုကိုတော့ အခုချိန်အထိ ပစ်ခတ်ဖြိုခွဲတာမျိုး မလုပ်သေးပါဘူး။ နောက်တော့မှ ပြန်ဆက်ပါ” ဟု မန္တလေးတိုင်းဒေသကြီး လုံခြုံရေးနှင့် နယ်စပ်ရေးရာ ၀န်ကြီး၏ ကိုယ်ရေး အရာရှိက ဧရာဝတီသို့ ပြောသည်။
Ref: ဧရာဝတီ
မိတ္ထီလာအခြေအနေ အာဏာပိုင်များပိုမို ထိန်းသိမ်းဖို့လို
ကြာသပတေးနေ့၊ မတ်လ ၂၁ ရက် ၂၀၁၃
ရန်ကုန်(မဇ္ဈိမ)။ ။ မိတ္ထီလာရွှေဆိုင်ကတဆင့် ဖြစ်ပွားခဲ့သည့် ပဋိပက္ခတွင် အာဏာပိုင်များဘက်မှ ထိထိရောက်ရောက် အရေးယူ ထိန်းသိမ်းဖို့ လိုအပ်နေကြောင်း မိတ္ထီလာသို့ ရောက်ရှိနေသော ၈၈ မျိုးဆက်
ကျောင်းသား အဖွဲ့မှ ကိုဉာဏ်လင်း က မဇ္ဈိမသို့ ပြောခဲ့သည်။
၎င်းက “ အာဏာပိုင်တွေကတော့ လုံခြုံရေးအင်အား တွေကိုထပ်ဖြည့်ပေမယ့် သူတို့မျက်စိရှေ့မှာ မြင်နေရဲ့သားနဲ့ အကြမ်းဖက် တာတွေကို ကြည့်နေတာကတော့ အတော် ဆိုးတယ်ဗျ။ ဒီကိစ္စကို နိုင်ငံတော် အစိုးရနဲ့ တာဝန်ရှိသူတွေ အားလုံးကို ဆက်သွယ်ပြီးတော့ နောက်ထပ်နေရာတွေကို မကူးစက်အောင် မပြန့်နှံ့အောင် ထိန်းသိမ်းဖို့ ကျွန်တော်တို့ ဆက်ပြီး လုပ်သွားမှာပါ ” ဟုပြောသည်။
မိတ္ထီလာမြို့တွင် မတ်လ ၂၀ရက်နေ့မှ စတင်ကာ ရွှေရောင်းစဉ် စကားများရန်ဖြစ်ရာမှ တဆင့်တဖက်နှင့် တဖက် အပြန်အလှန် ပဋိပက္ခဖြစ်ပွားခဲ့ပြီး မတ်လ ၂၀ ရက်နေ့ ညမှ စတင်ကာ ပုဒ်မ ၁၄၄ ထုတ်ပြန် ထားသည်ဟု မိတ္ထီလာမြို့ အထွေထွေ အုပ်ချုပ်ရေးမှူးရုံးမှ ပြောဆိုသည်။
ယနေ့ မနက်ပိုင်းတွင် မေးမြန်းချက်အရ မိတ္ထီလာ အမှတ် (၂) ရဲစခန်းက တာဝန်ရှိသူ တဦးက “ပထမဆုံးစရိုက်တဲ့ နေရာက လူသုံးယောက်ကိုတော့ ဖမ်းဆီး ထိန်းသိမ်း ထားပါတယ်။ အဓိက ရိုက်တဲ့ လူကိုတော့ ခုထက်ထိ မဖမ်းမိသေး ပါဘူး” ဟု မဇ္ဈိမသို့ ဖြေကြားခဲ့သည်။
လက်ရှိ မိတ္ထီလာမြို့ အခြေအနေနှင့် ပတ်သတ်ပြီး မိတ္ထီလာ အမှတ် (၂) ရဲစခန်းမှ တာဝန်မှူး ဒုရဲအုပ် မျိုးမင်းဦးက “အားလုံး လူကြီးတွေနဲ့ အတူဖြေရှင်းနေပါတယ်။ ခုချိန်မှာ အားလုံးကတော့ ထိန်းထိန်း သိမ်းသိမ်း တော့ဖြစ်နေပါပြီ။ အခြေအနေကတော့ ထိန်းထိန်း သိမ်းသိမ်း ပါပဲခင်ဗျ။ အဲဒီထက်ပိုပြီး ကျွန်တော်တို့က ပြောလို့ မရပါဘူး” ဟု မဇ္ဈိမ၏ ဆက်သွယ်မေးမြန်းချက်ကို ဖြေကြားခဲ့သည်။
မိတ္ထီလာသို့ ၈၈ မျိုးဆက်ကျောင်းသားအဖွဲ့မှ ကိုမင်းကိုနိုင် အပါအဝင် ၁၁ ဦးတို့ သည်မတ်လ ၂၀ ရက်နေ့ည တွင် သွားရောက်ခဲ့ပြီး ရောက်ရှိ သွားချိန်တွင် အိမ်ခြေနှစ်ဆယ် အစိတ်ခန့် မီးလောင်နေပြီး လူဆယ့်လေးငါးယောက်ခန့် ထိခိုက်ဒဏ်ရာ ရထားတာကို တွေ့ရှိရကြောင်း ၈၈ မျိုးဆက်ကျောင်းသားအဖွဲ့မှ ကိုဉာဏ်လင်းက ရှင်းပြခဲ့သည်။
ထို့အပြင် မိတ္ထီလာမြို့ အခြေအနေမှာ လုံခြုံရေး အားနည်းချက်များ တွေ့ရှိရပြီး ပုဒ်မ ၁၄၄ ထုတ်ပြန်ချိန်တွင် အချိန် ရှိသော်လည်း ကြိုတင် လက်ဦးမှု ရယူထားကာ ကာရံ ပိတ်ဆို့မှုများ မလုပ်ထားကြောင်းနှင့် လူမျိုးတမျိုးနှင့် တမျိုး မုန်းတီးရေးဖြစ်နိုင်ကြောင်း ၈၈ ကျောင်းသားအဖွဲ့မှ ကိုဇော်မင်း က မှတ်ချက်ပြု ပြောဆိုသည်။
ယခုအချိန်တွင် အခြေအနေကို ဆက်လက် ကိုင်တွယ်ဖြေရှင်းဖို့ အာဏာပိုင်များနှင့် ညှိနှိုင်းမှုများ ကို ၈၈ မျိုးဆက် ကျောင်းသားများ အဖွဲ့၊ ရွှေညဝါ ဆရာတော်နှင့် ဆရာတော် ဦးဝီရသူတို့မှ ပြုလုပ်ခဲ့ကြောင်း ၈၈ မျိုးဆက်ကျောင်းသား အဖွဲ့မှ သိရှိရသည်။
“ဒီနေ့ သဘောတူညီချက် ရတယ်ဆိုတာ အခုဖြစ်နေတဲ့ ပဋိပက္ခတွေကို ဆက်မဖြစ်အောင် ထိန်းသိမ်းဖို့ပဲ။ အစိုးရ ဖက်ကလည်း ကျွန်တော်တို့ လာပြီးတော့ ကူညီတာကို ကျေးဇူးတင်တယ်။ သူတို့ဖက်ကလည်း သူတို့ တတ်နိုင်တာ ကို လုပ်ပေးပါမယ် ပြောပါတယ်” ဟု ၈၈ မျိုးဆက်ကျောင်းသား တဦးဖြစ်သူ (စမ်းချောင်း) ကိုကိုကြီး က ပြောခဲ့သည်။
ဒေသခံများ အနေနှင့် လူမျိုးရေး အဓိကရုဏ်းကို မဖြစ်စေချင်ကြောင်း မိတ္ထီလာ ဒေသခံတဦးဖြစ်သူ ကိုမောင်မောင် က မဇ္ဈိမသို့ပြောသည်။
၎င်းက “ဒေသခံ အများစုကတော့ မဖြစ်ချင်ကြဘူး။ ဒါပေမယ့် ဖျက်ဆီးမှုတွေ လုပ်ကိုင်နေကြတာ နှစ်ဖက်စလုံးပဲ။ ဟိုဖက်ကလည်း လေးငါးဆယ်၊ ဒီဖက်ကလည်း လေးငါးဆယ် လုပ်နေကြပေမယ့်။ အများဆုံးကတော့ ပရိတ်သတ်ပဲ။ အဓိကတော့ လူတွေက ဘာကို ယုံရမလဲ ဆိုတာ မသိတော့ဘူး” ဟုဆိုသည်။
မိတ္ထီလာမြို့တွင် ယခုလိုပြဿနာမျိူး တခါမှ မဖြစ်ဖူးကြောင်း ရခိုင်တွင် ဖြစ်သည့် ကိစ္စနှင့် ပတ်သတ်ပြီး မကြေလည်မှု များကြောင့် ယခုလို ပြဿနာဖြစ်သွားသည် ဟုမြင်ကြောင်း ပြည်သူ့လွှတ်တော် ကိုယ်စားလှယ် ဦးဝင်းထိန် ကပြောသည်။
၎င်းက “ဝင်နှောက်တဲ့ သူတွေတော့ ရှိပါတယ်။ တကယ်ပြဿနာဖြစ်တော့ သူတို့ ထွက်ပြေး သွားကြတယ်။ နောက်က အဖွဲ့အစည်းတော့ မရှိဘူး ထင်ပါတယ်” ဟု သူ့အမြင်ကို ပြောသည်။
ယခုအခါ တောင်ကြီးနှင့် သာစည်မြို့သို့ ဒုက္ခသည် အချို့တိမ်းရှောင် ထွက်ပြေးမှုများ ရှိနေပြီး မိတ္ထီလာ ဘော်လုံးကွင်းနှင့် ဘုန်းကြီးကျောင်း တချို့တွင် ဒုက္ခသည်များ ရောက်ရှိနေကြောင်း မိတ္ထီလာ ဒေသခံတချို့က မဇ္ဈိမသို့ ပြောဆိုသည်။
ယခုလို အဖြစ်အပျက်များနှင့် ပတ်သတ်ပြီး တရားဥပဒေ စိုးမိုးမှု အားနည်းတယ်လို့ မြင်ကြောင်း အစ္စလာမ် သာသနာရေးကောင်စီ အတွင်းရေးမှူးချုပ် ဦးဝဏ္ဏရွှေမှ မှတ်ချက်ပြုပြောဆိုသည်။
၎င်းက “တရားဥပဒေ စိုးမိုးမှု အားနည်းလို့ဘဲ မြင်ပါတယ်။ နိုင်ငံရေးနဲ့လည်း တိုက်ရိုက် ဆက်နွယ်နေတယ်။ ဘာလို့လည်း ဆိုတော့ နိုင်ငံမှာရှိတဲ့ နိုင်ငံသားတွေရဲ့ အရေးမို့လို့ပါ” ဟု ပြောသည်။
ပုဒ်မ ၁၄၄ ထုတ်ပြန်ထားသော်လည်း အာဏာပိုင်များဘက်မှ ဝင်ရောက်ဖြန်ဖြေမှု မရှိပဲ ရပ်ကြည့်နေခြင်းကြောင့် ယခုလို ပြဿနာများ တိုးပွား လာရသည် ဟု ဒေသခံအချို့က ပြောသည်။ စားနပ်ရိက္ခာများ ပြတ်လပ်နေပြီး
နေထိုင်ရန် အခက်အခဲများ ရှိကြောင်း၊ ယခုဖြစ်သော ပြဿနာမှာ နိုင်ငံရေးနှင့် တိုက်ရိုက် ဆက်နွယ်သည့် ပြဿနာ ဖြစ်ကြောင်း ဒေသခံအချို့က ပြောဆိုခဲ့ကြသည်။
ယခုလို အခြေအနေတွင် လူမျိုးရေးကစားကွက်ဖြင့် နောက်ပြန်လှည့်လိုသူများ ရှိနိုင်သဖြင့် ပေါက်ကွဲမှု မြန်သည့် ဘာသာရေး အဓိကရုဏ်းဖြစ်ရန် ဖန်တီးနေသည်ဟု ယူဆကြောင်း အဆိုပါ အဓိကရုဏ်းကို ဖြေရှင်းရန် မိတ္ထီလာသို့ ကြွရောက်ခဲ့သော ရွှေညဝါ ဆရာတော်မှ မဇ္ဈိမသို့ မိန့်ကြားသည်။
ဆရာတော်က “ဒါတွေကို ရှေးရှုပြီး သက်ဆိုင်ရာ၊ အာဏာပိုင်တွေ၊ သက်ဆိုင်ရာ လူထုတွေ ဘုန်းကြီးတွေက ဒီလို ကိစ္စတွေ မဖြစ်ဖို့ ထိမ်းထိမ်း သိမ်းသိမ်းနဲ့ ဆောင်ရွက်ဖို့ လိုအပ်တယ်။ သတိမမူဘဲ မဆိုင်သလို နေလို့ မရတော့ဘူးလေ။ လက်လှမ်းမှီသလောက် လှမ်းပြောတယ်” ဟု မိန့်ကြားခဲ့သည်။
ယခုအခါ ၈၈ မျိုးဆက်ကျောင်းသားများ အဖွဲ့နှင့် ရွှေညဝါ ဆရာတော်တို့သည် ရန်ကုန်မြို့သို့ ပြန်လည် ထွက်ခွာ လာပြီဖြစ်ကြောင်း သိရှိရသည်။
Ref: မဇ္ဈိမ
မိတ္ထီလာမြို့ မူဆလင်တွေကို ခရိုင် အားကစားကွင်းမှာ နေရာချထား
2013-03-22
မိတ္ထီလာမြို့က အဓိကရုဏ်းမှာ အကြမ်းဖက် တိုက်ခိုက် ခံရမှာစိုးရိမ်ပြီး မိသားစုလိုက် အိုးအိမ် စွန့်ခွာ ထွက်လာကြတဲ့ မူစလင်တွေကို ကျောင်းသား၊ ပြည်သူနဲ့ လုံခြုံရေး တပ်ဖွဲ့ဝင်တွေက မနေ့က စောင့်ရှောက် ကူညီပြီး ခရိုင် အားကစားကွင်းမှာ ယာယီနေရာချပေးထားတယ်လို့ စုံစမ်းသိ ရှိရပါတယ်။
ဒီကိစ္စနဲ့ပတ်သက်လို့ မိတ္ထီလာခရိုင် ဗကသများအဖွဲ့ချုပ် ဥက္ကဌ ကိုအောင်နေပိုင်က အခုလိုပြောပါတယ်။
"ကြောက်လွန်းလို့ ဒီလိုမျိုးလက်မြှောက်ပြီးတော့ လာရတာပေါ့၊ သူတို့မှာ မိသားစုလဲ ပါတယ်ပေါ့နော် အဲ့လိုပြောပြီး မနည်းခေါ်လာရတယ်၊ ကျွန်တော်တို့ မိတ္ထီလာမြို့မှာ ရှိတဲ့ မူဆလင် ရပ်ကွက်မှာ ရှိတဲ့လူတွေ တော်တော်များများ ၃ မိုင်၊ ၄ မိုင်လောက်ရှိတဲ့ ခရီးကနေ မြို့ထဲကို ပတ်ပြီးတော့ ၄၀၀ လောက် ရှိတဲ့လူတွေ ပထမ တစ်သုတ် အနေနဲ့ သွားပါတယ်၊ အဲ့ဒါကတော့ လူထုရယ်၊ ၈၈ မျိုးဆက်ကျောင်းသားတွေရယ်၊ မျိုးဆက်ကျောင်းသား မိတ္ထီလာ ခရိုင်ရယ် ခြံရံပြီးတော့ သွားပါတယ်၊ နောက်တစ်သုတ်ကိုတော့ ရဲတပ်ဖွဲ့က ခြံရံပြီးတော့ သွားပါတယ်"
နည်းပညာတက္ကသိုလ်နဲ့  မိတ္ထီလာ တက္ကသိုလ်ကိုလဲ ပိတ်လိုက်တယ်လို့ သိရပါတယ်။
အကြမ်းဖက် မီးရှို့ဖျက်ဆီးမှုတွေဟာ မနေ့က ညနေပိုင်းမှာမှ ရပ်တန့်သွားပြီး အသေအပျောက်ဦးရေ တိုးလာနိုင်တယ်လို့  မြို့ခံတွေက ပြောနေကြပါတယ်။
အာဏာပိုင်တွေက လုံခြုံရေးတိုးပြီး ကင်းလှည့်နေကြပေမယ့် မြို့ခံတွေဟာ ကိုယ့်အိမ်၊ ကိုယ့်လမ်း၊ ကိုယ်လုံခြုံရေး ယူနေကြတယ်လို့ ဆိုပါတယ်။
စိုးရိမ်ထိတ်လန့်နေတဲ့ ခရိုင် အားကစားကွင်းက မူစလင် ဒုက္ခသည်တွေ အတွက်လဲ စားနပ်ရိက္ခာ လိုလာမယ်လို့  သိရပါတယ်။
Ref: RFA News
ဖွဲ့စည်းအုပ်ချုပ်ပုံ အသစ်ရေးဆွဲရန် တိုင်းရင်းသားတွေဆွေးနွေး
2013-03-22
တိုင်းရင်းသားပေါင်းစုံပါဝင်တဲ့ ပင်လုံကဲ့သို ညီလာခံကြီးတရပ် ကျင်းပပြီး ဖွဲ့စည်း အုပ်ချုပ်ပုံ အခြေခံ ဥပဒေ အသစ် တခု ရေးဆွဲ သင့်ကြောင်း မနေ့က လာရှိုးမြို့မှာ ဆက်လက် ကျင်းပတဲ့ အဖွဲ့အစည်း ပေါင်းစုံ တက်ရောက်နေတဲ့ ရှမ်းပြည်နယ် ကယားပြည်နယ်အတွင်း ငြိမ်းချမ်းရေး အတွက် ယုံကြည်မူ တည်ဆောက်ရေး ဆွေးနွေးပွဲမှာ ဆွေးနွေး သွားပါတယ်။
မနေ့က ဆက်လက်ကျင်းပတဲ့ ညီလာခံဒုတိယနေ့မှာ ၂၀၀၈ ဖွဲ့စည်းပုံ အခြေခံဥပဒေမှာ ပြင်ဆင်ရမယ့် အချက်တွေ များပြားတာကြောင့် အသစ်တခု ရေးဆွဲ သင့်တယ်လို့ တက်ရောက်လာတဲ့ ကိုယ်စားလှယ်တွေက ဆွေးနွေးတာဖြစ်ပါတယ်။
ညီလာခံပြောခွင့်ရ ဦးစိုင်းလိတ်က ခုလိုပြောပါတယ်။
"ပြန်ပြင်မယ်ဆိုတာထက်ကို အသစ်ရေးဆွဲတာကို အားလုံးကပိုပြီးတော့ ဆန္ဒရှိကြပါတယ်၊ ပထမ အချက် အနေနဲ့တော့ ယေဘူယျ သဘောပြောရရင် ဖက်ဒရယ် စနစ်ကိုအခြေခံတဲ့ တိုင်းရင်းသားတွေ တန်းတူညီမျှခွင့်နဲ့ ကိုယ်ပိုင်ပြဌာန်းခွင့်ကို အာမခံချက်ပေးနိုင်တဲ့ စနစ်မျိုးကို အခြေခံတဲ့ ဖွဲ့စည်းပုံ အခြေခံ ဥပဒေ တစ်ရပ်ကိုရေးဆွဲဖို့ အားလုံးက ဆန္ဒရှိပါတယ်"
သုံးရက်ကြာကျင်းပတဲ့ ညီလာခံမှာ ရှမ်း၊ ပအိုဝ်း၊ ပလောင်၊ ဝ၊ အင်းသား၊ ဓနု၊ ကိုးကန့်၊ ကယန်း၊ ကယားစတဲ့ လက်နက်ကိုင်နဲ့ လက်နက်ကိုင်ဆောင်ခြင်း မရှိတဲ့ အဖွဲ့ပေါင်း ၂၂ ဖွဲ့ တက်ရောက်နေတာဖြစ်ပါတယ်။
ညီလာခံရဲ့ နောက်ဆုံးနေ့အဖြစ် ဒီကနေ့ ဆက်လက်ဆွေးနွေးမှာဖြစ်ပြီး၊ ဆွေးနွေးပွဲ အပြီးမှာ ညီလာခံ သုံးရက်အတွင်း ရရှိခဲ့တဲ့ သဘောတူညီချက်များကို ထုတ်ပြန်သွားဖို့ ရှိတယ်လို့ သိရပါတယ်။
Ref: RFA News
ဖိုးလပြည့် လက်သီးနှင့်အထိုးခံရသည့်ရဲကို နေပြည်တော်တွင် ခေါ်ထား သည်ဟုဆို
ထက်နိုင်ဇော်
March 21, 2013
အငြိမ်းစား ဗိုလ်ချုပ်မှူးကြီး သန်းရွှေ၏ မြေး နေရွှေသွေးအောင် (ခေါ်) ဖိုးလပြည့် နှင့် ပြဿနာ တက်ခဲ့သော ယဉ်ထိန်းရဲ တပ်သား စံသိန်းထွေးကို နေပြည်တော်ရှိ အကြီးအကဲ တဦးက ခေါ်ယူထားကြောင်း ကမာရွတ်မြို့နယ် ယာဉ်ထိန်း တပ်ဖွဲ့စုရုံး အမှတ် ၂၅ မှ တာဝန်ကျ အရာရှိက ဧရာဝတီသို့ ပြောသည်။
“အကြီးအကဲက ခေါ်လို့ နေပြည်တော်ကို ပို့လိုက်ပြီ။ ဟို Case ဖြစ်ကတည်းက ပို့လိုက်တာ” ဟု သူက ဆိုသည်။
နေပြည်တော်မှ အကြီးအကဲဟု ဆိုသော်လည်း ၎င်းတို့အနေဖြင့် သေချာမသိရှိဘဲ နေပြည်တော် ယဉ်ထိန်းတပ်ဖွဲ့မှူးမှ တဆင့် ခေါ်ယူထားခြင်း ဖြစ်ကြောင်း၊ ရန်ကုန်ရုံးတွင် ခွင့်ယူထားကြောင်း၊ နေပြည်တော်မှ ခေါ်ဆိုရခြင်း အကြောင်းကို ၎င်းတို့ အဆင့်ဖြင့် မသိရှိနိုင်ကြောင်း ယင်း ယာဉ်ထိန်းရုံးမှ တခြား အရာရှိတဦးကလည်း ပြောသည်။
ယခုလ ၁၄ ရက်နေ့ မွန်းလွဲ ၂ နာရီခန့်တွင် ဖိုးလပြည့်သည် ၉ ဂ/ ၉၉၁၄ ကို မောင်းနှင်လာပြီး တက္ကသိုလ်ရိပ်သာလမ်းနှင့် အင်းလျားလမ်း မီးပွိုင့်တွင် ကားလမ်းရှင်းပေးရန် တောင်းဆိုသောကြောင့် ယဉ်ထိန်းရဲက လမ်းရှင်းပေးရာ မီးနီနေစဉ် မီးစိမ်းပေးခဲ့သော်လည်း ပွိုင့်ဖြတ်စဉ် မီးဝါသွားသဖြင့် ကားပြန်လှည့်လာပြီး တာဝန်ကျရဲကို လက်သီးဖြင့် ဆင်းထိုးခဲ့ကြောင်း၊ ညနေ ၃ နာရီခန့်တွင် ဗိုလ်မှူးဆိုသူတဦး ထပ်မံရောက်ရှိလာပြီး ယဉ်ထိန်းရဲ တပ်သား စံထွေးအောင်ကို ခေါ်ယူကာ ၎င်း၏ အိမ်တွင် ရေခဲရေဖြင့်ပက်ခြင်း၊ ပါးရိုက်ခြင်းတို့ ပြုလုပ်ခဲ့သေးကြောင်း လူမှုကွန်ရက် အင်တာနက် စာမျက်နှာများတွင် ဖော်ပြထားသည်။
၎င်းဖြစ်စဉ်ကို မှန်ကန်ကြောင်း ယဉ်ထိန်းရဲတပ်သား စံသိန်းထွေးက ပြည်တွင်း အပတ်စဉ်ထုတ် လူထုပုံရိပ်ဂျာနယ်သို့ အတည်ပြုခဲ့ပြီး ၎င်းအန္တရာယ် ကင်းရန် အတွက် အထက်တာဝန်ရှိသူများကို တိုင်ကြားမှု ပြုလုပ်တော့မည် မဟုတ်ကြောင်း ထုတ်ဖော်ပြောဆိုထားသည်။
အစိုးရ ယူနီဖောင်းဝတ် ၀န်ထမ်းတဦးကို တာဝန်ချိန်တွင် လက်ရောက်မှုပြုပါက ပြစ်မှုဆိုင်ရာ ဥပဒေ ပုဒ်မ ၃၂၃ အရ အရေး ယူနိုင်ပြီး ပြစ်မှုထင်ရှားပါက ထောင်ဒဏ် တနှစ် (သို့မဟုတ်) ငွေဒဏ် ကျပ် တထောင်ချမှတ်နိုင်ကြောင်း၊ တာဝန်ဝတ္ထရား နှောင့်ယှက်မှုတွင် နှစ်ပိုင်းရှိပြီး ပုဒ်မ ၁၈၆ အရ ပြည်သူ့ဝန်ထမ်းကို ဟန့်တားနှောက်ယှက်သည်ဟု ယူဆပါက ထောင်ဒဏ် ၃ လ (သို့မဟုတ်) ငွေဒဏ် ကျပ်ငါးရာ၊ ပုဒ်မ ၁၈၉ အရ ပြည်သူ့ ၀န်ထမ်းကို နစ်နာစေမည့် ခြိမ်းခြောက်မှုဟု ယူဆပါက ထောင်ဒဏ် နှင့်ငွေဒဏ်များ ပြစ်ဒဏ်ခံရနိုင်ကြောင်း ရန်ကုန်ရှေ့နေကွန်ရက်မှ ဦးကြီးမြင့်က ပြောသည်။
Ref: ဧရာဝတီ
Thursday, March 21, 2013
မိတ္ထီလာမှာ ပုဒ်မ ၁၄၄ ထုတ်ပြန်
20.03.2013
မိတ္ထီလာမြို့ဈေး အရှေ့ပြင်ရပ်မှာရှိတဲ့ ရွှေဆိုင်တဆိုင် မှာ ရွှေအရောင်းအ၀ယ်လုပ် အချင်းများရာကနေ စတင်ပြီး လူမျိုးရေးဆန်တဲ့ အဓိကရုဏ်း ဖြစ်ခဲ့တာကြောင့် မိတ္ထီလာမြို့မှာ ဗုဒ္ဓဟူးနေ့ ညပိုင်းကစပြီး ပုဒ်မ ၁၄၄ ထုတ်ပြန် ထားရပါတယ်။
ညပိုင်းရောက်တဲ့အထိ လုံခြုံရေးတပ်ဖွဲ့တွေနဲ့ အာဏာပိုင်တွေက အခြေအနေတွေကို တည်ငြိမ်အောင် ကြိုးပမ်းနေပါတယ်။ အဖြစ်အပျက်ကြောင့် သံဃာတပါးနဲ့ အမျိုးသား ၅ ယောက် စုစုပေါင်း ၆ ယောက် ဆေးကုသမှု ခံယူခဲ့ရတယ်လို့ မြန်မာနိုင်ငံ ရဲတပ်ဖွဲ့ရဲ့ အင်တာနက် စာမျက်နှာမှာ သတင်းထုတ်ပြန်ထားပါတယ်။
အဲ့ဒီနောက် သံဃာတပါးနဲ့ အသက် ၂၆ နှစ် အရွယ် အမျိုးသား တဦးတို့ဟာ မီးလောင် ဒဏ်ရာတွေနဲ့ ညပိုင်းမှာ ကွယ်လွန် သွားခဲ့ကြတယ်လို့ မြန်မာနိုင်ငံ ရဲတပ်ဖွဲ့က သတင်း ထုတ်ပြန်ပါတယ်။
အမျိုးသားဒီမိုကရေစီ အဖွဲ့ချုပ်က မိတ္ထီလာမြို့နယ် လွှတ်တော်ကိုယ်စားလှယ် ဦးဝင်းထိန်လည်း အဲ့ဒီကိုရောက်နေပြီး အခြေအနေတွေ တည်ငြိမ်လာအောင် မြို့ခံတွေနဲ့အတူ ကြိုးပမ်းနေတယ်လို့ သိရပါတယ်။ ၈၈ မျိုးဆက်အဖွဲ့ခေါင်းဆောင် ကိုမင်းကိုနိုင် ကတော့ ပြည်သူတွေရဲ့ အသက်အိုး အိမ်စည်းစိမ်တွေကို အကာအကွယ်ပေးရေးမှာ လုံခြုံရေးတပ်ဖွဲ့တွေက တာဝန်ယူပေးကြ ဖို့ အခုလို တိုက်တွန်းထားပါတယ်။
“ကျနော်တို့ဆီမှာလည်း ကွန်ရက်တွေ အပြည့်ရှိတယ်။ ကျနော်တို့ တနှစ်ပတ်လုံး ကျနော်တို့ဖွဲ့ထားတဲ့ ကွန်ရက်တွေက မိတ္ထီလာမှာ အခိုင်အမာရှိတယ်။ အဲ့ဒီက ရတဲ့သတင်းတွေ၊ မှတ်တမ်းမှတ်ရာတွေအရဆိုရင် လုံခြုံရေးတပ်ဖွဲ့တွေဟာ ရပ်ယုံတင် ရပ်နေပြီးတော့ အဲ့ဒီတပ်ဖွဲ့ကြားထဲက တိုးဝင်သွားပြီးတော့ ခုနက အကြမ်းဖက်မှုလုပ်တဲ့ လူတွေကို ခွင့်ပြုလိုက်တဲ့သဘောမျိုး ဖြစ်နေတယ်။ အဲ့တော့ ဒါဟာ ငြိမ်းချမ်းစွာ သဘောထားဆန္ဒ ထုတ်ဖော်နေတာ၊ အေးချမ်းစွာနဲ့ သဘောထားဆန္ဒ ထုတ်ဖော်နေတာ မဟုတ်ပါဘူး။ အဲ့ဒီအတွက်ကြောင့် အကြမ်းဖက်မယ့် အုပ်စုတွေကိုတော့ တားရပါလိမ့်မယ်။ အဲ့ဒီအတွက် ဘာမှ စိုးရိမ်ကြောင့်ကြ နေစရာလည်း မလိုဘူး။ ပြည်သူလူထုက နားလည်ပြီးသား လက်ခံပြီးသား၊ တကယ် အသက်အိုးအိမ် စည်းစိမ်တွေကို ဖျက်ဆီးမယ့် အကြမ်းဖက်မှုမျိုးကို လုံခြုံရေး တပ်ဖွဲ့ဝင်တွေက တာဝန်ယူရပါလိမ့်မယ်။”
ကိုမင်းကိုနိုင် ဦးဆောင်တဲ့ ၈၈ မျိုးဆက်အဖွဲ့ဟာလည်း ပြဿနာတွေကို ထိန်းထိန်းသိမ်း သိမ်း ညှိနှိုင်းနိုင်ဖို့ ဗုဒ္ဓဟူးနေ့ ညပိုင်းကတည်းက မိတ္ထီလာမြို့ကို ထွက်သွားကြပြီလို့ သိရပါတယ်။
Ref: VOA News
မိတ္ထီလာ အဓိကရုဏ်းကြောင့် သံဃာတစ်ပါးနဲ့ လူတစ်ဦးသေဆုံးပြီး မြို့ခံ ၂၀ ဆေးရုံရောက်
2013-03-20
မန္တလေးတိုင်းဒေသကြီး၊မိတ္ထီလာမြို့မှာ မနေနေ့လည် (မတ်လ ၂၀ )က စတင်ဖြစ်ပွားခဲ့တဲ့ ပဋိပက္ခဖြစ်စဉ်တွေ ကြောင့် ဗုဒ္ဓဘာသာ ရဟန်းတော်တစ်ပါးအဝင် မြို့ခံတစ်ဦးသေဆုံးခဲ့ပြီး၊မြို့ခံအယောက် ၂၀ ကျော်ကိုလည်း မိတ္ထီလာဆေးရုံကြီးကို ထိခိုက်ဒဏ်ရာနဲ့ တင်ပို့ထားရတယ်လို့ RFA ကစုံစမ်းသိရပါတယ်။
ယနေ့နေ့လည်က မိတ္ထီလာမြို့မဈေး ရွှေဆိုင်မှာ ရွှေလာရောင်းသူနဲ့ ရွှေဆိုင်ပိုင်ရှင်တို့ကြား စတင် ဖြစ်ပွားခဲ့တဲ့ ပဋိပက္ခကြောင့် မိတ္ထီလာမြို့မဈေးအတွင်းက ဈေးဆိုင်တစ်ချို့နဲ့ဆိုင်ခန်းတစ်ချို့အပြင် အစ္စလာမ်ဘာသာဝင်တို့ ဝတ်ပြုရာ ပလီတစ်ခု ဖျက်စီးခံခဲ့ရပါတယ်။
မိတ္ထီလာမြို့မှာ ဖြစ်ပွားခဲ့တဲ့ ဖြစ်စဉ်တွေကို ဖြေရှင်းဖို့အတွက် မန္တလေးတိုင်းဒေသကြီးဝန်ကြီးချုပ် ဦးရဲမြင့် ခေါင်းဆောင်တဲ့ တိုင်းဒေသကြီး အစိုးရအဖွဲ့ဟာ မိတ္ထီလာမြို့ကို ဒီကနေ့ ညနေကရောက်ရှိလာပြီး ခရိုင်အထွေထွေအုပ်ချုပ်ရေး ဦးစီးဌာနရုံးမှာ ရှေ့တန်းစခန်းဖွင့်လှစ်ထားတယ်လို့ မိတ္ထီလာ ခရိုင်ရဲတပ်ဖွဲ့က ရဲအရာရှိတစ်ဦးက ဒီကနေ့ မနက်ပိုင်းမှာ RFA ကိုအတည်ပြုပြောကြားပါတယ်။
မြန်မာနိုင်ငံရဲတပ်ဖွဲ့ရဲ့ သတင်းထုတ်ပြန်ရေး လူမှုကွန်ယက်ဖြစ်တဲ့ "ရဲဇာနည်"ဖေစ့်ဘုတ်စာမျက်နှာမှာလည်း ဒီကနေ့နေ့လယ်က ဖြစ်ပွားခဲ့တဲ့ ဖြစ်စဉ်ကြောင့် ည ၈ နာရီကျော်က မိတ္ထီလာဆေးရုံကြီးကို တက်ရောက်ဆေးကုသခံယူနေရတဲ့ ဗုဒ္ဓဘာသာရဟန်းတော်တစ်ပါးနဲ့ မိတ္ထီလာမြို့ခံ ဦးသန်းမြင့်နိုင်တို့ မီးလောင်ဒဏ်ရာဖြင့် သေဆုံးခဲ့တယ်လို့ သတင်းထုတ်ပြန်ခဲ့ပါတယ်။
ပဋိပက္ခဖြစ်စဉ်တွေ မိတ္ထီလာမြို့မှာ ဖြစ်ပွားခဲ့တဲ့အတွက် မတ်လ ၂၀ ရက်ည ၁၀ နာရီခန့်မှာတော့ ညမထွက်ရ အမိန့် ပုဒ်မ ၁၄၄ ထုတ်ပြန်ခဲ့ပါတယ်။
ဒီကနေ့ ကြာသပတေးနေ့ မနက် ၆ နာရီခွဲအချိန်ခန့်မှာ မိတ္တီလာမြို့၊ရန်မျိုးအောင် ရပ်ကွက်က အစ္စလာမ် ဘာသာရေးစာသင်ကျောင်းတစ်ကျောင်း မီးလောင်ကျွမ်းနေတယ်လို့ မိတ္ထီလာမြို့နယ် မီးသတ်ဦးစီးဌာနမှူးရုံးက RFA ကိုပြောပါတယ်။
မီးသတ်ကားတွေမှာ လုံခြုံရေး အစောင့်အရှောက် လိုက်ပါခြင်းမရှိတဲ့အတွက် မီးလောင်ကျွမ်းနေတဲ့နေရာကို ဝင်ရောက်ငြိမ်းသတ်ဖို့ အခက်အခဲတွေ့နေရတယ်လို့လည်း သိရပါတယ်။
Ref: RFA News
ဖွဲ့စည်းပုံပြင်ဆင်ရေး ကော်မရှင်ဖွဲ့မည်
ကိုအောင်လွင်ဦး
20.03.2013
မြန်မာနိုင်ငံမှာ ၂၀၀၈ ခုနှစ်တုန်းက ရေးဆွဲထားတဲ့ အခြေခံ ဥပဒေကို ပြင်ဆင်နိုင်မယ့် ခြေလှမ်းတရပ် အဖြစ်နဲ့ ပြန်လည် သုံးသပ်မှုတွေ လုပ်ဖို့ ဒီကနေ့ ပြည်ထောင်စု လွှတ်တော်က လက်ခံလိုက်ပါတယ်။ မကြာခင် ကော်မရှင် ကော်မတီတွေ ဖွဲ့စည်းပြီး အချေအတင် ဖြစ်စရာ အပိုင်းတွေကို ပြင်ဆင်မှုတွေ လုပ်နိုင်လိမ့် မယ်လို့လည်း လွှတ်တော် ကိုယ်စားလှယ်တွေ ကတော့ မျှော်လင့်နေကြတာပါ။ အခြေခံ ဥပဒေကို ပြင်ဆင်နိုင်ရေး အလားအလာတွေ ကိုတော့ ကိုအောင်လွင်ဦး ကတင်ပြထားပါတယ်။
ဒီမိုကရေစီ အခြေခံတွေ အားနည်းတယ်လို့ ပြည်တွင်းပြည်ပက ဝေဖန် ခံနေရတဲ့ ၂၀၀၈ ခုနှစ် အခြေခံဥပဒေကို ပြန်လည် လေ့လာ သုံးသပ်ဖို့ ပြည်ထောင်စု လွှတ်တော်က လက်ခံလိုက်တဲ့ အတွက် ပြင်ဆင် သွားနိုင်ဖို့ လမ်းစတခု ဖြစ်လာခဲ့တာပါ။ အခြေခံဥပဒေကို ခေတ်နဲ့ အညီ ပြန်လည်ပြင်ဆင်နိုင်ဖို့ အရေးပေါ် အဆိုတရပ်ကို ပြီးခဲ့တဲ့ သီတင်းပတ်ထဲ ပြည်သူ့လွှတ်တော်မှာ အတည်ပြုခဲ့ပြီးနောက် အခုနောက်ဆုံး ပြည်ထောင်စု လွှတ်တော် ကလည်း လက်ခံလိုက် တာ ဖြစ်ပါတယ်။
အာဏာရပါတီရဲ့ ကိုယ်စားလှယ်တွေ တင်သွင်းတဲ့ အဆိုကို ကျန်လွှတ်တော် အမတ်တွေကပါ ၀ိုင်းဝန်းထောက်ခံ ခဲ့ကြတာလို့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေး ပါတီရဲ့ အမျိုးသားလွှတ်တော် ကိုယ်စားလှယ် ဦးလှဆွေ ကပြောပါတယ်။
“အဆိုတင်တာက သူရဦးအေးမြင့် ကတင်ခြင်းဖြစ်ပါတယ်။ အဲဒါကို ဦးသိန်းဇော် က ထောက်ခံပြီးတော့ ပြောင်းလဲလာတဲ့ ခေတ်နဲ့အညီပေါ့လေ ပြင်ဆင်ဖို့ အဆိုတင်ပါတယ်။ အဲဒါကို ကျနော်တို့ ကန့်ကွက်ရန် ရှိမရှိပေါ့လေ အသံနဲ့ပဲ မဲခွဲဆုံးဖြတ်တဲ့ အခါမှာ အားလုံးကပဲ ကန့်ကွက်မယ့်သူ မရှိကြောင်း ဆုံးဖြတ်ပါတယ်ခင်ဗျ။ ကော်မတီ၊ ကော်မရှင်ဖွဲ့မယ်ပေါ့လေ၊ အဲဒီမှာ လူပေါင်းစုံ ပါမယ်ပေါ့၊ ပညာရှင်တွေလည်း ပါမယ်ပေ့ါ။ ဒီလိုမျိုး ပြောပါတယ်ခင်ဗျ။”
လွှတ်တော်ကော်မရှင်၊ ကော်မတီတွေမှာ ပါဝင်သင့်သူတွေ၊ လုပ်ပိုင်ခွင့်တွေအတွက် အကြံပြု တိုက်တွန်းချက်တွေကိုတော့ ဇွန်လ ၂၅ ရက်နေ့ နောက်ဆုံးထား တင်ပြဖို့လည်း လွှတ်တော် ဥက္ကဋ္ဌက ဆုံးဖြတ်ခဲ့တယ်လို့လည်း လွှတ်တော် ကိုယ်စားလှယ်တွေ က ပြောပါတယ်။ ဒါပေမဲ့လည်း အချေအတင် ဖြစ်စရာ အခြေအနေတွေအောက်မှာ ရေးဆွဲထားခဲ့တဲ့ ၂၀၀၈ ခုနှစ် အခြေခံဥပဒေဟာ မလွဲမသွေ ပြင်ဆင်ဖို့ လိုအပ်နေတာမို့ အချိန်မဆိုင်းသင့်ဘူးလို့ အမျိုးသားလွှတ်တော် ကိုယ်စားလှယ် ဒေါက်တာအေးမောင် ကမြင်ပါတယ်။
“လေ့လာစူးစမ်းတယ်ဆိုတဲ့ နောက်မှာ လေ့လာစူးစမ်း ပြုပြင်ရန်၊ ပြင်ဆင်ရန် သို့မဟုတ် ဖြည့်စွက်ရန် အဲဒါမျိုးလေးတွေပေါ့နော် နောက်တလုံး ဝေါဟာရ ထပ်ပါသေးရင်တော့ ပိုပြီး အဓိပ္ပါယ်ရှိ တဲ့ ကော်မတီ၊ ကော်မရှင် ဖြစ်သွားနိုင်တာပေါ့လေ။ ၂၀၀၈ နဲ့ ကျနော်တို့သွားတာ ၂ နှစ် လောက်တောင်ရှိပြီပဲ။ အဲဒီတော့ ၂၀၀၈ နဲ့ ပတ်သက်လို့ ပြင်ဆင်သင့်တဲ့ ပုဒ်မတခုချင်း ကိုလည်း လွှတ်တော်အမတ် တဦးချင်းကလည်း သိလောက်ပါပြီ။ တပါတီချင်းကလည်း သိလောက်ပါပြီ။”
၂၀၀၈ ခုနှစ် အခြေခံဥပဒေကိုတော့ အရင်စစ်အစိုးရလက်ထက်မှာ ရေးဆွဲပြီး၊ အတည်ပြုနိုင်ဖို့ လူထုဆန္ဒခံယူပွဲ ကျင်းပချိန်ဟာ ဆိုရင်လည်း မြန်မာနိုင်ငံမှာ နာဂစ်ဆိုင်ကလုန်း မုန်တိုင်းဒဏ် အပြင်းအထန် ခံခဲ့ရအပြီး လူတွေ အတိဒုက္ခ ရောက်နေကြတဲ့အချိန် ဖြစ်ခဲ့သလို စစ်တပ် က ကျောထောက်နောက်ခံ ပေးထားတဲ့ နိုင်ငံရေး ပါတီကသာ ရွေးကောက်ပွဲမှာ အနိုင်ရခဲ့တဲ့ အတွက်လည်း ဝေဖန်သံတွေ အကြီးအကျယ် ထွက်ပေါ်ခဲ့တာပါ။ အခုအခါမှာတော့ အခြေခံဥပဒေမှာ ပြင်ဆင်ဖို့ လိုအပ်နေပြီ ဆိုတာကို အာဏာရပါတီနဲ့ စစ်တပ်က ကိုယ်စားလှယ်တွေ ကိုယ်တိုင် လက်ခံလာနေတဲ့အတွက် ရှေ့ လာမယ့် ရွေးကောက်ပွဲမတိုင်မီ ပြင်ဆင်မှုတွေ အပြီးသတ်နိုင်လိမ့်မယ်လို့ မျှော်လင့်ရတဲ့ အကြောင်း ပြည်ထောင်စုကြံ့ခိုင်ရေးနဲ့ ဖွံ့ဖြိုးရေး ပါတီရဲ့ အမျိုးသားလွှတ်တော် ကိုယ်စားလှယ် ဦးလှဆွေ ကပြောပါတယ်။
“တပ်မတော်သား ကိုယ်စားလှယ်တွေကလည်း မကန့်ကွက်ဘူးလေ။ အကုန်လုံးက တညီတညွတ်တည်း လုပ်တယ်ဆိုတော့ ဒီကိစ္စဟာ အကောင်အထည် ပေါ်လာလိမ့်မယ်လို့ ကျနော့်အနေနဲ့ ထင်မြင်ယူဆပါတယ်ခင်ဗျ။ ၂၀၁၅ မတိုင်ခင်မှာ ပြင်ဖြစ်လိမ့်မယ်လို့ ကျနော်ထင်ပါတယ်ခင်ဗျ။”
၂၀၀၈ ခုနှစ် ဖွဲ့စည်းပုံအခြေခံ ဥပဒေအရ ဆိုရင်တော့ အဓိကနိုင်ငံရေးပါတီဖြစ်တဲ့ အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ခေါင်းဆောင် ဒေါ်အောင်ဆန်းစုကြည် ဟာလည်း နိုင်ငံခြားသားနဲ့ ဆွေမျိုးတော်စပ်သူ တဦးအဖြစ် အစိုးရထိပ်တန်း ရာထူးတွေဖြစ်တဲ့ သမ္မတနဲ့ ဒုသမ္မတ တာဝန်တွေကို ထမ်းဆောင်ခွင့် ကန့်သတ်ထားတာ ဖြစ်သလို လွှတ်တော်ရဲ့ နေရာ ၄ ပုံ ၁ ပုံကိုလည်း စစ်တပ်ကိုယ်စားလှယ်တွေကို ပေးအပ်ထားတာပါ။
ရခိုင်တိုင်းရင်းသားများ တိုးတက်ရေးပါတီရဲ့ အမျိုးသားလွှတ်တော် ကိုယ်စားလှယ်
ဒေါက်တာအေးမောင် ကတော့ ဒီလို ဒီမိုကရေစီ မဆန်တဲ့ အခြေခံကျကျ အပိုင်းတွေကို အဓိကထား ပြင်ဆင်သွားဖို့ လိုမယ်လို့ပြောပါတယ်။
“အဓိကကတော့ အုပ်ချုပ်ရေး မဏ္ဍိုင်ပေါ့လေ။ ခေါင်ကတော့ သမ္မတကြီးပေါ့နော်။ သမ္မတနဲ့ ပတ်သက်တဲ့ အများလက်ခံနိုင်တဲ့ အရည်အချင်းပေါ့နော်၊ ဖွဲ့စည်းပုံ အခြေခံဥပဒေမှာ လက်ရှိထည့်ထားတာတချို့ လက်ခံနိုင်တဲ့အပိုင်း ရှိချင်မှရှိမယ်။ ဥပမာ စစ်ရေးအမြင်တို့၊ ဘာတို့ ဆိုတာတွေရှိမယ်။ သားသမီးကအစ နိုင်ငံခြားသြဇာခံဆိုတဲ့ အသုံးအနှုန်းလေးတွေရှိမယ်။”
“ဒုတိယ အရေးကြီးတာက ကျနော်ထင်တာက ၂၅ ရာခိုင်နှုန်းသော ဒီမိုကရေစီ မဆန်ခြင်းကို ဆွေးနွေးဖို့ လိုပါလိမ့်မယ်။ ၂၅ ရာခိုင်နှုန်းသော တပ်မတော်သားတွေနဲ့ ပတ်သက်တဲ့ ခန့်အပ်လွှာကို ကာကွယ်ရေး ဦးစီးချုပ်က ပေးတာပေါ့။ ဆိုတော့ သူ့အနေနဲ့ ၅ နှစ်သက်တမ်း အတွင်းမှာ အကြိမ်ကြိမ် လူချင်းလဲနိုင်တဲ့ အနေအထားလေးတွေကို ကျနော်တို့ ပြီးခဲ့တဲ့ ကာလကိုကြည့်ရင် တွေ့ရှိရတယ်။ ဒါပေမဲ့ လွှတ်တော်အမတ်ကြတော့ လဲလို့မရဘူး။ သူကကိုယ်စားပြုမှုအရ လူထုကရွေးထားတာကိုး။ ဆိုတော့ ဒီ ၅ နှစ် ကာလတခုမှာ တနှစ်ချင်းကို ဘယ်လောက်ရာခိုင်နှုန်း လျှော့မလဲဆိုတာလေးကို ဖွဲ့စည်းပုံမှာ ပါရင်ကောင်းတာပေါ့။ ဥပမာ ပထမတနှစ်မှာ ၅ ရာခိုင်နှုန်းလျှော့မယ်၊ ဒုတိယနှစ်မှာ နောက်ထပ် ၅ ရာခိုင်နှုန်း၊ စသဖြင့်ပေါ့ဗျာ။ ၅ နှစ်ပြည့်တဲ့အခါမှာ ဇီးရိုးကို ရောက်သွားမှာပေါ့လေ။”
အခြေခံဥပဒေမှာ လတ်တလော တိုင်းရင်းသား ဒေသတွေမှာ ကြုံနေရတဲ့ လက်နက်ကိုင် ပဋိပက္ခတွေကို ဖြေရှင်းသွားနိုင်မယ့် ပြင်ဆင်ချက်မျိုးကိုလည်း ထည့်သွင်းသင့်တယ်လို့
ဒေါက်တာအေးမောင် ကပြောခဲ့တာပါ။ ဒီလိုပဲ တိုင်းရင်းသား ကိုယ်စားလှယ်တွေ ကတော့ လူမျိုးစုဒေသတွေမှာ ကိုယ်ပိုင်ပြဋ္ဌာန်းခွင့်တွေ၊ အရင်းအမြစ်တွေကို ခံစားခွင့်တွေ ပိုမိုထည့်သွင်းပြီး လက်ရှိ အခြေခံဥပဒေကို ပြင်ဆင်သွားမှသာ ရေရှည်ပြဿနာတွေ ပြေလည်နိုင်လိမ့်မယ် လို့လည်း သတိပေးနေကြတာ ဖြစ်ပါတယ်။
Ref: VOA News
ရဲမှူးတဦး အဓမ္မပြုကျင့်မှုဖြင့် တရားစွဲခံရ
လင်းသန့်
March 21, 2013
မန္တလေးတိုင်း ကျောက်ဆည်ခရိုင် မြစ်သားမြို့နယ် ရခိုင်ကြီးကျေးရွာတွင် ရဲစခန်းမှူး တဦးက ရွာခံ အိမ်ထောင်ရှင် အမျိုးသမီး တဦးအား အဓမ္မ ပြုကျင့်မှုဖြင့် စွပ်စွဲ တိုင်ကြားမှုတခု ဖြစ်ပွားခဲ့ကြောင်း သတင်းရရှိသည်။
ခင်ပွန်းသည် မရှိခိုက် မြစ်သား ရဲစခန်းမှူး ဦးကြည်လှ ဆိုသူက အဓမ္မ ပြုကျင့်ခဲ့သည်ဟု တရားလို တိုင်ကြားသူ အသက် ၃၉ နှစ် အရွယ် ကလေး ၄ ယောက် မိခင် ဒေါ်သန်းခင်က ဧရာဝတီကို ပြောသည်။
လွန်ခဲ့သည့် ၂၀၁၂ ခုနှစ် ဒီဇင်ဘာလ ၃၀ ရက်နေ့ ညက အခင်းဖြစ်ပြီးနောက် မြစ်သား ရဲစခန်းသို့ သွားရောက် တိုင်ကြား ခဲ့သော် လည်း အမှုဖွင့်ပေးခြင်း မပြုခဲ့ကြောင်း၊ ကျောက်ဆည်ခရိုင် တရားရုံးအား တိုင်ကြားရာ ၇ ရက်ကြာ သွားခဲ့ကြောင်း၊ စခန်းမှူး ရဲအုပ် ဦးကြည်လှ (လ-၁၄၃၈၃၁)ကို တပတ်ကြာပြီးမှ ရှေ့နေကွန်ရက် အဖွဲ့ အကူအညီဖြင့် အမှုဖွင့်နိုင်ခဲ့ ခြင်းဖြစ်ကြောင်း ဒေါ်သန်းခင်က ဆိုသည်။
ဒေါ်သန်းခင်၏ အမှုလိုက် တရားလို ရှေ့နေ ဦးစန်းညွှန့်ဝေက ရဲစခန်းမှူး ဦးကြည်လှကို အဓမ္မ ပြုကျင့်မှု ပုဒ်မ ၃၇၆ ဖြင့် မြစ်သားမြို့နယ် တရားရုံးတွင် တရားစွဲဆို အမှုဖွင့်ခဲ့ကြောင်း၊ ကျောက်ဆည်နှင့် မြစ်သား တရားရုံးတို့ တွင် အမှုမှန်မပေါ်မည် စိုးရိမ်၍ မန္တလေး တိုင်းတရားရုံးသို့ ပြောင်းလဲ စစ်ဆေးရန် ရုံးပြောင်း လျှောက်ထား ခဲ့ကြောင်း ဧရာဝတီကို ပြောသည်။
“စခန်းမှူး ဦးကြည်လှကို ပုဒ်မ ၃၇၆ နဲ့ တရားစွဲဆိုခဲ့တယ်။ အခု တရားရုံးမှာဆို သူကလည်း ရဲ ဆိုတော့ အမှုမှန် မပေါ်မှာစိုးလို့ ရုံးပြောင်းလျှောက်ထားတာပါ”ဟု သူက ဆိုသည်။
ထို့ကြောင့် ဦးကြည်လှအား ယခုနှစ် မတ်လဆန်းက ဖမ်းဆီး ချုပ်နှောင်ထားခဲ့ကြောင်း ဦးစန်းညွှန့်ဝေ က ဆက်ပြောသည်။ ကျောက်ဆည်ခရိုင် ရဲစခန်းမှ ဒုရဲအုပ် ချမ်းငြိမ်းနိုင်ကလည်း ဦးကြည်လှကို ဖမ်းဆီးထိန်းသိမ်းထားသည်မှာ မှန်ကန်ကြောင်း၊ သို့သော် အမှုကိစ္စနှင့်ပတ်သက်၍ မသိကြောင်း၊ မိသားစုဝင်များ လာရောက် တွေ့ဆုံခွင့်ကိုလည်း စခန်းမှူးခွင့်ပြုချက် ဖြင့် တွေ့ဆုံခွင့် ပေးထားကြောင်း ဧရာဝတီကို ပြောသည်။
“ဖမ်းထားတာ ဆိုပေမယ့် ချုပ်ထားတာ။ ဒီမှာ အချုပ်ခန်းမှာ ချုပ်ထားတာ။ သူ့အမှုအခြေအနေက ကျနော်တို့ မသိဘူးလေ၊ သူ့ ကျန်းမာရေးကတော့ ကောင်းပါတယ်။ သူတို့ မိသားစု လာတွေ့တဲ့ဟာတော့ တွေ့ကြပါတယ်”ဟု ဒုရဲအုပ် ချမ်းငြိမ်းနိုင်က ဆိုသည်။
အမှုမဖွင့်နိုင်ခင်က ဦးကြည်လှသည် ရခိုင်ကြီးကျေးရွာ ရပ်မိရပ်ဘ တဦးဖြစ်သူ ဦးထွန်းထွန်းဝင်း နေအိမ်တွင် ကျပ် သိန်း ၁၀၀ ပေးမည် ကမ်းလှမ်း၍ ကျေအေးပေးရန် ဒေါ်သန်းခင်အား ညှိနှိုင်းဆွေးနွေးခဲ့ကြောင်း၊ ထိုစဉ်က ဒေါ်သန်းခင်က ကျပ် သိန်း ၅၀ ကို လက်ခံယူသွားခဲ့သည်ဟု ဦးထွန်းထွန်းဝင်းက တဖန် ဒေါ်သန်းခင် တို့ ဇနီးမောင်နှံအား လိမ်လည်မှုဖြင့် ကျောက်ဆည်မြို့နယ် တရားရုံးတွင် ပြန်လည် တရား စွဲဆိုခဲ့ကြောင်း ဦးစန်းညွှန့်ဝေက ပြောဆိုသည်။
ရဲစခန်းမှူး ရဲအုပ် ဦးကြည်လှသည် ဒေါ်သန်းခင်တို့ မိသားစုနှင့် ရင်းနှီးကြပြီး ရံဖန်ရံခါ အိမ်သို့ လာတတ်ပြီး အခင်းဖြစ်ချိန်တွင် ခင်ပွန်းဖြစ်သူ မရှိဟု သိရသည်။ ဒေါ်သန်းခင်၏ ခင်ပွန်း အသက် ၄၂ နှစ်ရှိ ဦးအောင်မင်းကြည်ကလည်း အမှန်တရားပေါ်ပေါက်ရေးအတွက် ကြိုးစားနေကြောင်း ပြောသည်။
ဒေါ်သန်းခင်တို့ ဇနီးမောင်နှံအား စွဲဆိုထားသည့် လိမ်လည်ငွေယူမှု ပုဒ်မ ၄၂၀ နှင့် ပတ်သက်သည့် ကျောက်ဆည်မြို့ ရုံးချိန်းကို မတ် ၁၉ ရက်တွင် ချိန်းဆိုခဲ့ကြောင်း၊ လာမည့် မတ်လ ၂၁ ရက်နေ့တွင် ဦးကြည်လှအား ဒေါ်သန်းခင်က တရားလိုဖြင့် စွဲဆို ထား သည့် ပုဒ်မ ၃၇၆ ဆိုင်ရာ အမှုကို မြစ်သားမြို့၌ ရုံးချိန်း ရှိကြောင်း သိရသည်။
ယင်းဖြစ်စဉ်သတင်းကို အချိန်နှင့် တပြေးညီ သတင်းများ ထုတ်ပြန်နေသော မြန်မာနိုင်ငံ ရဲ တပ်ဖွဲ့ အင်တာနက် စာမျက်နှာတွင်မူ ယနေ့အထိ ဖော်ပြထားခြင်း မရှိသေးပေ။
Ref: ဧရာဝတီ
ဦးအောင်မင်းနှင့် PNLO ရန်ကုန်မြို့မှာ ဆွေးနွေးမည်
ဖနိဒါ
ဗုဒ္ဓဟူးနေ့၊ မတ်လ ၂၀ ရက် ၂၀၁၃
ချင်းမိုင်(မဇ္စျိမ)။ ။ အပစ်အခတ် ရပ်စဲဖြစ်ပြီးသော ပအိုဝ်းအမျိုးသား လွတ်မြောက်ရေး အဖွဲ့ PNLO နှင့် အစိုးရ ငြိမ်းချမ်းရေး အဖွဲ့တို့ မတ်လ ၂၂ နှင့် ၂၃ ရက်နေ့များတွင် ပြည်ထောင်စု အဆင့် ငြိမ်းချမ်းရေး ဆွေးနွေးမည် ဖြစ်သည်။
ရန်ကုန်မြို့ရှိ ငြိမ်းချမ်းရေးစင်တာတွင် ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ဦးအောင်မင်း ဦးဆောင်သော ကိုယ်စားလှယ်များနှင့် PNLO ဥက္ကဋ္ဌ ဗိုလ်မှူးကြီး ခွန်ဥက္ကာ ပါဝင်သော ကိုယ်စားလှယ် အဖွဲ့တို့
ဆွေးနွေးမည်ဟု ဗိုလ်မှူးကြီး က ပြောသည်။
“ကျနော်တို့ ပြည်ထောင်စုအဆင့် တွေ့ဖို့ ရှိတယ်။ ဦးကြီး ဦးအောင်မင်း ဆီက ဖိတ်စာရောက်လာလို့ ကျနော်တို့ ထွက်လာတာ။ သူတို့ အစိုးရဘက်က လာကြိုတယ်။ ခု သထုံရောက်ပြီ။ မနက်ဖြန် ရန်ကုန်ဝင်မယ်။ ကိုယ်စားလှယ် ၁၅ ယောက် တက်မယ်။ ၅ ယောက်က ရန်ကုန်မှာ ရောက်နေပြီ” ဟု PNLO ဥက္ကဋ္ဌ က မဇ္ဈိမကို ပြောသည်။
ထိုဆွေးနွေးပွဲအတွက် ပြင်ဆင်မှုများ ပြုလုပ်နေရသဖြင့် ယနေ့ လားရှိူးမြို့တွင် စတင်ကျင်းပနေသော ရှမ်းနှင့်ကယား ပါတီ အဖွဲ့အစည်းများ ညီလာခံသို့ တက်ရောက်နိုင်ခြင်း မရှိကြောင်း သူက မဇ္စျိမကို ပြောသည်။
PNLO သည် အစိုးရ ငြိမ်းချမ်းရေးအဖွဲ့နှင့် ထိုင်းနိုင်ငံတွင် အလွတ်သဘော နှစ်ကြိမ် တွေ့ဆုံပြီးနောက် ၂၀၁၂ ခုနှစ်၊ သြဂုတ်လ ၂၅ ရက်နေ့က ပြည်နယ်အဆင့် ပထမဆုံး အကြိမ် အပစ်အခတ် ရပ်စဲရေး သဘောတူ လက်မှတ်ရေးထိုး ခဲ့သည်။
သဘောတူညီချက်အရ PNLO ၏ ဆက်ဆံရေးရုံးများကို ရှမ်းပြည်နယ်ရှိ တောင်ကြီး၊ မောက်မယ်နှင့် ဆီဆိုင်မြို့များတွင် ဖွင့်လှစ်ရန် သဘောတူခဲ့ပြီး မွန်ပြည်နယ်ရှိ သထုံမြို့တွင် ဆက်ဆံရေးရုံး ဖွင့်လှစ်ရန် ဆွေးနွေးပွဲတွင် ညှိနှိုင်းသွားရန် ရှိသည်။
ထို့ပြင် အပစ်အခတ် ရပ်စဲမှု ခိုင်မာရေး၊ နှစ်ဖက် တပ်ဖွဲ့ဝင်များ လိုက်နာရမည့် စည်းကမ်းချက်များ သတ်မှတ်နိုင်ရေး၊ ဆက်ဆံရေးရုံး လုပ်ငန်း လည်ပတ်နိုင်ရန် အတွက် ကူညီပံ့ပိုးရေး၊ PNLO/PNLA တပ်ဖွဲ့ဝင်များ၏ တပ်တည်နေရာ ညှိနှိုင်းရေး၊ မူးယစ်ဆေးဝါး တိုက်ဖျက်ရေးတွင် ပူးပေါင်းဆောင်ရွက်ရေး စသည်တို့ကို ဆွေးနွေးရန် သဘောတူ ထားကြပြီး ဖြစ်သည်။
PNLO ကို ၂၀၀၉ ခုနှစ်၊ ဒီဇင်ဘာလတွင် ပြုလုပ်သည့် ပအိုဝ်း အမျိုးသား ညီလာခံမှ စတင် ဖွဲ့စည်းခဲ့ပြီး ရှမ်းပြည်နယ်နှင့် ကယားပြည်နယ် နယ်စပ်တွင် လှုပ်ရှားလျက် ရှိကာ လက်နက်ကိုင် တပ်ဖွဲ့ဝင် အင်အား ၂၀၀ ကျော် ရှိကြောင်း သိရသည်။ ထို့အပြင် တိုင်းရင်းသား တန်းအခွင့်အရေး အတွက် ဖွဲ့စည်းထားသော လက်နက်ကိုင်အဖွဲ့ ၁၁ ဖွဲ့ပါ ညီညွတ်သော တိုင်းရင်းသားလူမျိုးများကောင်စီ UNFC တွင် အဖွဲ့ဝင် ဖြစ်သည်။
Ref: မဇ္ဈိမ
Wednesday, March 20, 2013
လက်ပံတောင်း အစီရင်ခံစာ အလွန် ဒေါ်စု အခြေအနေ
မြတ်သူပန်
အင်္ဂါနေ့၊ မတ်လ ၁၉ ရက် ၂၀၁၃
လက်ပံတောင်း ကြေးနီ စီမံကိန်း ကိစ္စရပ်များနှင့် ပတ်သတ်၍ ဒေါ်အောင်ဆန်းစုကြည် ၏ တာဝန်ယူ လုပ်ဆောင်မှုများ မှာ အစိုးရ တရပ် လုပ်ဆောင်ရမည့် တာဝန်များကို ဆောင်ရွက်နေသကဲ့သို့ ဖြစ်နေသဖြင့် တစုံတရာ မှားယွင်းနေပါ သည်။
တကယ်တမ်းတွင် ကြေးနီ စီမံကိန်းနှင့် ပတ်သတ်ပြီး ဒေါ်အောင်ဆန်းစုကြည် ဦးဆောင်သည့် စုံစမ်း စစ်ဆေးရေး ကော်မရှင်၏ တာဝန်မှာ အချက် အလက်များ ရှာဖွေရန်သာ ဖြစ်ကာ အစိုးရတရပ်ကဲ့သို့ ဆုံးဖြတ်ချက်များ ချမှတ်ရန် မဟုတ်ပေ။ အကြောင်းမှာ ဒေါ်အောင်ဆန်း စုကြည်သည် သမ္မတ ဦးသိန်းစိန်ကဲ့သို့ အစိုးရတရပ်ကို ဦးဆောင်နေသူ တဦး မဟုတ်သောကြောင့် ဖြစ်သည်။
ဒေါ်အောင်ဆန်းစုကြည် ဦးဆောင်သည့် ကော်မရှင် အနေဖြင့် အကြံပြုချက်များ ပြုလုပ်နိုင်သော်လည်း အစိုးရအနေဖြင့် အရာရာတွင် ကော်မရှင်၏ အကြံပြုချက်များ အတိုင်း လိုက်နာဆောင်ရွက်လိမ့် မည်ဟုတော့ တထစ်ချ ယူဆ၍ မရပေ။ သို့ရာတွင် ထိုကဲ့သို့ အကန့်အသတ် ရှိနေမှုကို စုံစမ်းစစ်ဆေးရေး လုပ်ငန်းများ စတင်သည့် အချိန်ကတည်းက ရွာသားများ သေသေချာချာ သဘောပေါက်စေရန် အတွက် ဒေါ်အောင်ဆန်းစုကြည်က လုပ်ဆောင်နိုင်ခဲ့ခြင်း မရှိခဲ့ပေ။
ကော်မရှင်၏ အပြီးသတ် အစီရင်ခံစာ ထွက်လာသည့်အခါ ထိုအစီရင်ခံစာနှင့် ပတ်သတ်၍ ဒေါ်အောင်ဆန်းစုကြည်၏ ချဉ်းကပ် ဆောင်ရွက်ပုံအပေါ် ရွာသားများ စိတ်ရှုပ်ထွေးသွားပုံ ရပါသည်။ ၎င်းတို့က ဒေါ်အောင်ဆန်းစုကြည်အား စီရင်ဆုံးဖြတ်သူ (decision maker) တယောက်ကဲ့သို့ သဘောထားလိုက်ကြသလို ဒေါ်အောင်ဆန်းစုကြည် ကလည်း မိမိကိုယ်ကို ဆုံးဖြတ်ချက် ချသူ တဦးသဖွယ် သဘောထား၍ ရွာသားများကို တုံ့ပြန်ပြောဆိုသကဲ့သို့ ဖြစ်သွားခဲ့သည်။ ထို့ကြောင့် အကျိုးဆက်အနေဖြင့် သမ္မတ ဦးသိန်းစိန် အစိုးရအား အသက်ရှူပေါက် ရသွားစေခဲ့ သည်။
မည်သို့ပင် ဖြစ်စေကာမူ ဒေါ်အောင်ဆန်းစုကြည်သည် ပျက်စီးသွားသည့် အခြေအနေများကို ကုစားရန်အတွက် သေချာစွာ တွေးတော ဆောင်ရွက်ရပေတော့မည်။ အများပြည်သူက ဒေါ်စုအပေါ် ထင်မြင်နေသည့် ပုံရိပ် ထိခိုက်သွားနိုင်သလို ဒေါ်စု အနေဖြင့်လည်း သူ၏ အေးဆေးတည်ငြိမ်စွာ ဖြေရှင်းနိုင်မှုကို ပြန်လည်ရရှိရန်မှာ ကြီးမားသော စိန်ခေါ်မှု တခု ဖြစ်ပေလိမ့်မည်။
ဒေါ်အောင်ဆန်းစုကြည် အနေဖြင့် ထိုကဲ့သို့ ဆက်လက် လုပ်ဆောင်နေပါက သူ့အတွက်လည်း အကျိုးရှိလိမ့်မည် မဟုတ်ပေ။ တောင်ကို မည်သည့်အတွက်ကြောင့် ဆက်လည် တည်ရှိနေစေချင်ရသည်လဲ ဟု မေးမြန်းလိုက်ခြင်း သည် ဒေါ်စုကိုယ်တိုင်၏ ပုံရိပ်ကို အထိခိုက်နိုင်ဆုံးသော စကားတရပ်ဖြစ်ကာ ထိုကဲ့သို့ မေးမြန်းလိုက်ခြင်း အားဖြင့် ဒေါ်စုနှင့် ရွာသူရွာသားများကြားတွင် များစွာ ကွာဟသွားစေခဲ့သည်။
ဒေါ်စုအနေဖြင့် နှလုံးသားထက် ဦးနှောက်ကို ဦးစားပေး၍ ပြောဆိုနေသည်မှာတော့ ထင်ရှားပါသည်။ ကြေးနီး စီမံကိန်း ကို ရှေ့ဆက်လုပ်ဆောင်ပါက မြန်မာနိုင်ငံ၏ စီးပွါးရေးကို အထောက်အကူ ပြုလိမ့်မည်ဟု ရှင်းလင်းပြောပြ ရုံဖြင့် စိတ်ထိခိုက်နေသော ရွာသူရွာသားများက သဘောတူ လက်ခံလာလိမ့်မည်ဟု ဒေါ်စုအနေဖြင့် မျှော်လင့်ခဲ့ပါ သလား။ တရုတ်-မြန်မာ ဆက်ဆံရေးနှင့် နိုင်ငံခြား ရင်းနှီးမြှုပ်နှံသူများကို ရွာသားများက ငဲ့ကွက်ပေးလိမ့်မည်ဟု မျှော်လင့်ခဲ့ပါသလား။
ဒေါ်အောင်ဆန်းစုကြည်က သူသည် လူအများ ထောက်ခံမှုကို ရှာဖွေနေခြင်း မဟုတ်ကြောင်း ထပ်တလဲလဲ ပြောကြားခဲ့သော်လည်း ရွာသားများ၏ အမျက်ဒေါသကတော့ ပြေပျောက်မသွားခဲ့ပေ။ ထို့ပြင် အားလုံးကို လက်လွှတ်ဆုံးရှုံးရမည့် သူများမှာလည်း ရွာသူ ရွာသားများသာ ဖြစ်ကြသဖြင့် ဒေါ်စုတွင် ပြောပိုင်ခွင့် ရှိသည့် ကိစ္စတော့ မဟုတ်ပေ။
ဒေါ်စုက သူသည် နိုင်ငံ၏ အနာဂတ်အတွက် ပြောခြင်းဖြစ်သည်ဟု ဆိုသော်လည်း အများပြည်သူများ ကိုယ်တိုင်သည် လည်း နိုင်ငံ၏ အနာဂတ်ပင်ဖြစ်၍ လျစ်လျူရှု၍ မရပေ။
ဒေါ်စု အနေဖြင့် ရွာသူရွာသား ၃၀၀ ခန့်ကိုသာ ပြောဆိုနေခြင်း ဖြစ်ကောင်းဖြစ်နိုင်သော်လည်း လက်တွေ့တွင်မူ နိုင်ငံအနှံ့မှ ရွာသူရွာသား သန်း ၄၀ ခန့်က ဒေါ်စု၏ အသံကို နားထောင်ကြပေမည်။
သဘာဝ ပတ်ဝန်းကျင် ရှုထောင့်မှာ ဆိုပါလျှင် တောင်တန်းများနှင့် သစ်တောများ မရှိပါက ကျွန်ုပ်တို့၏ လှပသော နိုင်ငံသည် ဆာဟာရ ကဲ့သို့ ကန္တာရ တခုအဖြစ် ပြောင်းလဲ သွားနိုင်သလို ထိုင်းနိုင်ငံ မြောက်ပိုင်းမှ Isarn ဒေသတွင် လည်း သစ်တောများကို ခုတ်ထွင် ရှင်းလင်းကာ လယ်ယာ စိုက်ပျိုးခဲ့ကြသောကြောင့် သဘာဝပတ်ဝန်းကျင်ကို ထိခိုက်ပြီး ရေရှည်တွင် ဒေသခံများ စီးပွါးပျက်ကြသောကြောင့် ဒေသတွင်းမှ ဆင်းရဲသားများ အနေဖြင့် ၎င်းတို့၏ သမီးများကို ပြည့်တန်ဆာ လုပ်ငန်းများတွင် ထိုးအပ်လိုက်ရသည်အထိ အခြေအနေ ဆိုးခဲ့ရသော ဥပမာကလည်း ရှိနေပြန်သည်။
ထို့ပြင် လက်ပံတောင်း ကိစ္စအား ငြိမ်းချမ်းစွာ ဖြေရှင်းနိုင်ခြင်း မရှိပါက တနိုင်ငံလုံးတွင် အခြေအနေများပေါက်ကွဲထွက်ကာ လယ်ယာမြေများ အသိမ်းခံရသည့် လယ်သမားများ ပါဝင်သည့် အုံကြွမှုမျိုးလည်း ဖြစ်လာ နိုင်ပေသည်။ ထို လယ်သမားများ အနေဖြင့် စိုးရိမ်ပူပန် နေကြမည် ဖြစ်သလို အချို့မှာ ဆောက်တည်ရာမရ ဖြစ်နေနိုင်ပေသည်။ ထိုသို့ စိုးရိမ်ပူပန်မှုများမှ တဆင့် ထိန်းမနိုင် သိမ်းမရ အခြေအနေမျိုး တခုပြီးတခု ဖြစ်ပေါ် လာမည်ဆိုလျှင် နောက်ဆက်တွဲ အကျိုးဆက်အနေဖြင့် မည်သည့်အဖြစ်အပျက် ဖြစ်ပေါ်လာနိုင်သည်ကို ခန့်မှန်းနိုင်ကြပေမည်။
ထို့ကြောင့် သက်ဆိုင်သူများ အနေဖြင့် နီးကပ်သော အနာဂတ်ကိုလည်း ထည့်တွက်သင့်သည့်အပြင် စီးပွါးရေး ရှုထောင့် မှသာမက နိုင်ငံရေး ရှုထောင့်မှလည်း စဉ်းစားသင့်ပေသည်။
မြန်မာနိုင်ငံအနေဖြင့် ခက်ခက်ခဲခဲ ကြိုးပမ်း ရယူထားရသည့် အရာများ အလွယ်တကူ ဆုံးရှုံးသွားရသည့် အဖြစ်မျိုး မဖြစ်သင့်ပေ။ ။
(မြတ်သူပန် သည် မြန်မာ့ မျက်မှောက်ခေတ် နိုင်ငံရေး၊ လူမှု စီးပွါးရေးနှင့် မြန်မာနိုင်ငံနှင့် ပတ်သတ်သော အရေးကြီးသည့် အကြောင်းအရာများကို လေ့လာနေသူ တဦးဖြစ်သည်။)
Ref: မဇ္ဈိမ
နိုင်ငံရေးမှာ တပ်မတော်ဦးတည်မှုကဏ္ဍ ဖွဲ့စည်းပုံမှာ ပြင်ဆင်သင့်
ကိုသားညွန့်ဦး
20.03.2013
၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအဆိုကို အာဏာရ ကြံ့ခိုင်ရေးပါတီက တင်သွင်းခဲ့တာဟာ အများ စိတ်ဝင်စား စရာ ဖြစ်လာပါတယ်။ ဒါပေမဲ့လည်း ဖွဲ့စည်းပုံပါ စစ်တပ်ရဲ့ လုပ်ပိုင်ခွင့်တွေကို တကယ်ပဲ လျှော့ချမလား။ လူ့အခွင့်အရေးနဲ့ ပတ်သက်လို့ အာမခံချက်တွေ တကယ်ပဲ တိုးလာမလား။ စိုးရိမ် သံသယတွေ ရှိနေတာ တွေ့ရပါတယ်။ AHRC အာရှ လူ့အခွင့်အရေးကော်မရှင်က လူ့အခွင့်အရေးရှေ့နေ ဦးမင်းလွင်ဦးရဲ့ အမြင်ကိုတော့ ကိုသားညွန့်ဦး က ဆက်သွယ်မေးမြန်း ထားပါတယ်။
မေး။ ။ ၂၀၀၈ ခုနှစ်တုန်းက စစ်အစိုးရ လက်ထက်မှာ ရေးဆွဲတာကို ခေတ်နဲ့ အညီ ပြန်ပြင်ဖို့ လိုအပ်တယ်လို့ ဆိုပါတယ်ခင်ဗျ။ အဲ့တော့ အခု ဒီမိုကရေစီ အရပ်သား အစိုးရ အနေနဲ့ ခေတ်နဲ့ ညီအောင်ဆိုရင် ဘယ်လို အချက်တွေကို ပြင်သင့်တယ်လို့ လူ့အခွင့်အရေးရှေ့နေတဦးဖြစ်တဲ့ ကိုမင်းလွင်ဦးရဲ့ အမြင်ပေါ့။
“ဒီ ၂၀၀၈ ဖွဲ့စည်းပုံ အခြေခံဥပဒေကို စပြောင်းမယ် ဆိုလို့ရှိရင် ပထမဆုံး အနေနဲ့ကတော့ ထိပ်ဆုံးမှာ ရှိတဲ့ အမျိုးသားနိုင်ငံရေး ဦးတည်မှု အခန်းကဏ္ဍတွင် တပ်မတော်က ပါဝင် ထမ်းဆောင်နိုင်ရေးကို အစဉ်တစိုက် ဦးတည်သည် ဆိုတဲ့ အချက်ကို စတင်ပြီးတော့ ပြောင်းရမှာဖြစ်ပါတယ်။ ဒီမိုကရေစီ နိုင်ငံတော်တွေကို တည်ထောင် တဲ့အခါမှာ တပ်မတော်က အစဉ်တစိုက် ဦးဆောင်တာ မဟုတ်ဘဲနဲ့ ပြည်သူတွေ ရဲ့ ရွေးချယ် တင်မြှောက်တဲ့ အစိုးရက အစဉ်တစိုက် ဦးဆောင် သွားတာဖြစ်တယ်။ မဖြစ်မနေ ပြောင်းလဲဖို့ လိုအပ်တဲ့ အချက်တွေ ၁၂ ချက်လောက်ရှိပါတယ်။”
“လွှတ်တော် ကိုယ်စားလှယ်တွေက ပြည်ထောင်စုဝန်ကြီး ဒါမှမဟုတ် ဒုတိယ၀န်ကြီး အဖြစ် ခန့်အပ်ထားခြင်းခံရ တယ်ဆိုရင် လွှတ်တော် ကိုယ်စားလှယ်အဖြစ်က နှုတ်ထွက်ပြီးသား ဖြစ် ရမယ်လို့ သတ်မှတ်ထားတယ်။ ဒါပေမဲ့လည်း ကာကွယ်ရေး၊ ပြည်ထဲရေးနဲ့ နယ်စပ်ရေးရာ ၀န်ကြီးဌာနအတွက် ခန့်အပ်ထားတဲ့ တပ်မတော်သား ကိုယ်စားလှယ်တွေကိုကျတော့ အငြိမ်းစားယူရန်၊ နှုတ်ထွက်ရန်မလို ဆိုပြီးတော့ သတ်မှတ်ထားပြန်တယ်။ အဲ့တော့ အဲ့ဒီတွေမှာ လွှတ်တော်ကိုယ်စားလှယ်တွေခြင်း တူလျက်သားနဲ့ အခွင့်အရေးတွေ မတူနေတာတွေကို ပြန်လည် ညှိနှိုင်းပေးဖို့ လိုပါတယ်။”
“နိုင်ငံတော်သမ္မတနဲ့ ဒုသမ္မတ က စစ်ရေးအမြင်ရှိရမယ်လို့ဆိုတယ်။ သို့သော်လည်း ကျနော်တို့ အခု လက်ရှိ ဖြစ်နေတဲ့အချိန်မှာ ပြန်ကြည့်လိုက်ပါ။ ဒုသမ္မတ ဦးစိုင်းမောက်ခမ်း က အရပ်သားအဖြစ်က တက်လာတဲ့သူ ဖြစ်တယ်။ ဒါတွေက အခြေခံဥပဒေနဲ့ကို အခု ကတည်းကကို မကိုက်ညီတဲ့ အချက်အလက်တွေ ဖြစ်တဲ့အတွက် အဲ့ဒီအချက်တွေပါ ကိုက်ညီအောင် ပြုပြင်ပြောင်းလဲဖို့ လိုအပ်တယ်လို့ ကျနော်မြင်ပါတယ်။”
မေး။ ။ ဟုတ်ကဲ့ လူ့အခွင့်အရေးထောင့်ကနေ ပြောလို့ရှိရင် လူ့အခွင့်အရေး တိုးတက်ကောင်းမွန် လာစေဖို့ဆိုရင်ပေါ့ ဖွဲ့စည်းပုံမှာ ဘယ်အချက်တွေက ပြင်ဖို့ လိုအပ်တယ်လို့ မြင်ပါသလဲ။
“နိုင်ငံသားတွေရဲ့ အခွင့်အရေး၊ တရားဥပဒေဆိုင်ရာ အခွင့်အရေး၊ ဥပဒေပိုင်း ဆိုင်ရာ အခွင့်အရေးတွေကို စာအုပ်မှာတင် ရေးထားတာမဟုတ်ဘဲနဲ့ အပြင်မှာ ထိထိရောက်ရောက် လိုက်နာ ကျင့်သုံးနိုင်တဲ့ အခြေအနေအထိရောက်အောင် ဆောင်ရွက်ပေးနိုင်တဲ့ အစိုးရတရပ် ပေါ်ပေါက်လာဖို့ လိုတယ်။ ဖွဲ့စည်းပုံ အခြေခံဥပဒေက နိုင်ငံတနိုင်ငံလုံးရဲ့ အမြင့်ဆုံး အထွတ်အထိပ် ဥပဒေဖြစ်တဲ့အတွက် ဖွဲ့စည်းပုံ အခြေခံဥပဒေပုံပါ စကားရပ် များနဲ့ ဆန့်ကျင်ကွဲလွဲခြင်း မရှိစေရဆိုတဲ့ အချက်အလက်မျိုးတွေ ထည့်သွင်းဖို့ လိုအပ် တယ်လို့ ကျနော်ကတော့ အကြံပြုချင်ပါတယ်။”
မေး။ ။ ၂၀၀၈ ခုနှစ် ဖွဲ့စည်းပုံဆိုတာကလည်း ဒီ ဗိုလ်ချုပ်တွေပဲ၊ နောက် ကြံ့ခိုင် ဖွံ့ဖြိုးရေး ပါတီကို ဦးဆောင်တဲ့ သူတွေ သူတို့ပဲ ကိုယ်တိုင် ရေးဆွဲခဲ့တာပါ။ အခုချိန်ကျတော့မှ ဘာကြောင့် ပြင်ဖို့ ကြိုးစားတယ်လို့ မြင်ပါသလဲ။
“နိုင်ငံတကာခရီးစဉ်တွေကို သွားတဲ့အခါမှာ နိုင်ငံတကာက နိုင်ငံတနိုင်ငံရဲ့ အုပ်ချုပ်တဲ့ အခါမှာ တရားဥပဒေ စိုးမိုးမှု ရှိ မရှိ၊ ဒီမိုကရေစီလမ်းကြောင်းကို တကယ် သွားနိုင်ခြင်း ရှိ မရှိ ဆိုတာတွေကို ဖွဲ့စည်းပုံ အခြေခံဥပဒေကို လေ့လာယုံနဲ့ သူတို့တွေ သိရှိသွားတယ်။ တပ်မတော်က ၂၅ ရာခိုင်နှုန်း ပါနေတာတွေရှိတယ်။ ဖွဲ့စည်းပုံ အခြေခံဥပဒေ ပြင်ဖို့ အတွက်ဆိုရင် ၇၅ ရာခိုင်နှုန်းကျော်က ထောက်ခံမှ ဒါ ပြင်ဆင်လို့ရမယ်ဆိုတဲ့ အချက် အလက်တွေက ဒီမိုကရေစီ နည်းလမ်းမကျဘူး ဆိုတာတွေကို သူတို့ကိုယ်တိုင်ကို နိုင်ငံခြား အစိုးရ ပညာရှင်တွေကလည်း ထောက်ပြလာတာတွေ တွေ့လာရတဲ့အချိန်မှာ ဒါ ပြင်ဖို့
ဖြစ်လာတယ်လို့ ကျနော်တို့ ထင်မြင်ယူဆပါတယ်။”
“နောက်တချက်က ၁ နှစ်ခွဲကာလအတွင်းမှာ အစိုးရသစ်အနေနဲ့ ပြင်ဆင်ထားတာတွေ အများကြီး တော်တော်များများရှိပါတယ်။ ဘာဖြစ်လို့လဲဆိုတော့ အရပ်ဘက်မှာရော၊ စစ်တပ်ဘက်မှာရော အုပ်ချုပ်ရေးပိုင်း အားလုံးကို သူတို့ဘက်က အခြေတကျ ပြင်ဆင် ထားပြီး ဖြစ်နေတဲ့အတွက် ဒါကြောင့်လည်း အခုလိုမျိုး ပြောတယ်လို့ ကျနော်တော့ ထင်မြင်ယူဆပါတယ်။”
မေး။ ။ ဟုတ်ကဲ့ တဘက်လှည့်တွေးမယ်ဆိုရင်တော့ အရင်ဖွဲ့စည်းပုံထဲမှာတော့ စစ်တပ်ရဲ့ ပါဝင်မှုက ကြီးပါတယ်။ အခု သူတို့ ဆန်းစစ်မယ် ပြင်မယ်ဆိုရင် စစ်တပ်ပါ ၀င်မှုက ခြေလှမ်း နောက်ဆုတ်သွားနိုင်တယ် ဆိုပြီးတော့ အကောင်းသဘော တွေးလို့ကော မရနိုင်ဘူးလား။ ဖြစ်လာနိုင်ချေပေါ့။
“တွေးလို့မရဘူးလားဆိုတာက ကာကွယ်ရေးနဲ့ လုံခြုံရေးကော်မတီမှာ ၁၁ ဦးရှိတဲ့ အထဲမှာ တကယ်တမ်း အဆုံးအဖြတ်ပေးနိုင်တဲ့ ၆ ဦးက စစ်တပ်က ဖြစ်နေတယ်။ ဒါတွေကို သူတို့ လျှော့ပေးမလား။ အဲ့ဒီလိုမျိုး လျှော့ပေးတယ်ဆိုရင်တော့ ဒါတကယ်ပဲ သဘောထား အစစ်အမှန်နဲ့ ပြောင်းလဲတယ်ဆိုတဲ့ အခြေအနေမျိုးလို့ ကျနော်တို့ တစိတ်တပိုင်း လက်ခံလို့ရတာပေါ့။”
ဖွဲ့စည်းပုံအခြေခံဥပဒေပြင်ဆင်မှုက စစ်တပ်ရဲ့ လုပ်ပိုင်ခွင့်ကို ဘယ်လိုများ ရိုက်ခတ်နိုင်မလဲ ဆိုတာ AHRC က ရှေ့နေ ဦးမင်းလွင်ဦး ကို ကိုသားညွန့်ဦး က ဆက်သွယ်မေးမြန်းခဲ့တာဖြစ်ပါတယ်။
Ref: VOA News
ပြည်ခိုင်ဖြိုးပါတီ ၂၀၁၅ ရွေးကောက်ပွဲအတွက် ကြိုပြင်
အောင်ရဲ မောင်မောင်
19.03.2013
အာဏာရ ကြံ့ခိုင်ရေးနဲ့ ဖွံ့ဖြိုးရေးပါတီဟာ လာမယ့် ၂၀၁၅ ရွေးကောက်ပွဲ အတွက် ပြင်ဆင်နေတာပါ။ ပြိုင်ဘက် အမျိုးသား ဒီမိုကရေစီအဖွဲ့ချုပ် အနေနဲ့ မကြာခင်ကပဲ ပါတီညီလာခံ ကျင်းပခဲ့ပေမဲ့ ကြံ့ခိုင်ရေး ပါတီကတော့ ပြည်လုံးကျွတ် ညီလာခံ ကျင်းပဖို့ အစီအစဉ် မရှိသေးပါဘူး။ ဒါပေမဲ့လည်း သူ့ပါတီတွင်း ကြံ့ခိုင် အားကောင်းရေး လာမယ့်ရွေးကောက်ပွဲ အတွက် ကိုယ်စားလှယ် စဉ်းစားပြင်ဆင်မှု တွေတော့ စတင် လုပ်ဆောင်နေပြီလို့ ပါတီခေါင်းဆောင်တွေက ပြောပါတယ်။ ဒီအကြောင်းနဲ့ ပတ်သက်ပြီး ဗွီအိုအေသတင်းထောက် ကိုအောင်ရဲမောင်မောင် က ရန်ကုန်မြို့ကနေ သတင်းပေးပို့ထားပါတယ်။
၂၀၁၅ အထွေထွေရွေးကောက်ပွဲအတွက် နိုင်ငံရေးအင်အားစုတွေ စတင်ပြင်ဆင်လာကြတာ ဖြစ်ပါတယ်။ အရင် စစ်အစိုးရ ကျော ထောက်နောက်ခံနဲ့ ဖွဲ့စည်းပြီး အစိုးရ အဖြစ် အာဏာ ရလာခဲ့တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီကတော့ ကိုယ်စားလှယ်တွေကိုပါ ရွေးချယ်ဖို့ ပြင်ဆင်နေပြီ ဖြစ်တဲ့အကြောင်း ပါတီရဲ့ ဗဟိုအလုပ်မှုဆောင် အဖွဲ့ဝင်တဦးဖြစ်တဲ့ ဦးအောင်သိန်းလင်း က ပြောပါတယ်။
“ကိုယ်စားလှယ်တွေ လျာထားတာတို့ ဘာတို့တော့ လုပ်နေတာတွေရှိပါတယ်။ လောလော ဆယ်တော့ သိတဲ့ အတိုင်းပဲ ကျနော်တို့က လွှတ်တော် တက်နေရတော့ ခုနကလို လျာထားတာတို့ ဘာတို့တော့ စတော့ လုပ်နေပြီပေါ့ဗျာ။”
အဓိက နိုင်ငံရေးပါတီ တခုဖြစ်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီကတော့ မကြာသေးခင်ကပဲ ပြည်လုံးကျွတ် ညီလာခံ ကျင်းပခဲ့ပြီးတဲ့နောက် ပါတီကိုလည်း ပြန်လည် ဖွဲ့စည်းခဲ့တာပါ။ အာဏာရ ပြည်ခိုင်ဖြိုး ပါတီကတော့ ဒီလို ညီလာခံမျိုး ကျင်းပဖို့ အစီအစဉ် မရှိပေမဲ့ ပါတီတွင်း အင်အားကောင်းလာစေဖို့ ဆွေးနွေးမှုတွေတော့ ရှိနေတယ်လို့လည်း ပါတီခေါင်းဆောင်တွေက ပြောပါတယ်။ အခု နောက်ဆုံးမှာတော့ လက်ရှိ လွှတ်တော် ကိုယ်စားလှယ်တွေထဲက လာမယ့် ရွေးကောက်ပွဲမှာ ပြန်ဝင်လိုသူတွေ စာရင်းပေးကြဖို့နဲ့ လိုအပ်ရင် ကိုယ်စားလှယ်သစ်တွေ ရွေးချယ်ဖို့ ပြင်ဆင်နေတယ်လို့ ပါတီ ဗဟိုဦးစီအဖွဲ့ဝင် တဦးဖြစ်တဲ့ ဦးအေးမောက် က ပြောပါတယ်။
“သူက နှစ်ပိုင်းရှိပါမယ်ခင်ဗျ။ တဘက်မှာ အခုလောလောဆယ် ဆန္ဒတွေတောင်းနေတာ ကတော့ ဒေသဆိုင်ရာ လွှတ်တော်ကိုယ်စားလှယ်တွေဖြစ်တဲ့လူတွေက မိမိရဲ့ဒေသမှာ မိမိ ဆက်လက်ပြီးတော့ ပါဝင်ယှဉ်ပြိုင်ဖို့ ရှိ မရှိပေါ့လေ နောက်ထပ် ပါဝင်ယှဉ်ပြိုင်ဖို့ မရှိရင်လည်း အသစ်ရွေးချယ်ဖို့ ဆောင်ရွက်မယ်လို့ အဲ့လိုမျိုး သိရပါတယ်ခင်ဗျ။”
လက်ရှိ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဥက္ကဌကနေ နိုင်ငံတော်သမ္မတ ဖြစ် လာခဲ့တဲ့ ဦးသိန်းစိန် အနေနဲ့ ၂၀၁၅ မှာ နိုင်ငံတော်သမ္မတအဖြစ် ဆက်ရှိဖို့ မကျိမ်းသေဘူးလို့လည်း ဦးအေးမောက်က ဆက်ပြောပါတယ်။
“သမ္မတကြီး ဦးသိန်းစိန်က ဆက်လက် ၀င်ရောက်ယှဉ်ပြိုင်မယ်လို့ မထင်ဘူးခင်ဗျ။ ပြောပြောနေတယ်။ သူ ကျန်းမာရေးအရ ကျနော်တို့တော့ အဲ့လို ယူဆပါတယ်ခင်ဗျ။ သမ္မတကြီး ဦးသိန်းစိန်အနေနဲ့ကတော့ အခုချိန်ထိ ကျနော်တို့ ကြားတာပေါ့လေနော် ဟို ဆုံးဖြတ်ချက်တော့ ဘာမှ မပေးသေးဘူးလို့ ပြောတယ်ခင်ဗျ။ မပေးသေးဘူးဆိုတဲ့အပေါ်မှာ ကျနော်တုိ့ ပြည်ခိုင်ဖြိုးအနေနဲ့ကတော့ အောက်က ကျနော်တို့ လုပ်စရာရှိတဲ့ စီအီးစီတွေ ကတော့ သူတို့ လုပ်စရာရှိတာလေးတွေ ဆက်လုပ်ဖို့ဆိုပြီးတော့ ဆောင်ရွက်နေကြပါ တယ်။”
နိုင်ငံတော်သမ္မတဟာ သမ္မတတာဝန် ယူနေတဲ့အချိန်မှာ ပါတီလုပ်ငန်းတွေကို မဆောင်ရွက်ရဘူးဆိုတဲ့အတွက် လက်ရှိအချိန်မှာ ဒုဥက္ကဌ ရာထူးတာဝန်ယူထားတဲ့ သူရ ဦးရွှေမန်းကပဲ ပြည်ခိုင်ဖြိုးပါတီ တာဝန်တွေကို ဦးစီးပြီး ဆောင်ရွက်နေတယ်လို့လည်း ဦးအောင်သိန်းလင်း ကပြောပါတယ်။
၂၀၁၅ မှာ ပုံပေါ်လာနိုင်တဲ့ မြန်မာ့နိုင်ငံရေး အခင်းအကျင်းမှာ အင်အားကြီးပါတီနဲ့ အတိုက်အခံပါတီတို့ရဲ့ ပြိုင်ဆိုင်မှုဆိုတဲ့ အခန်းကဏ္ဍတရပ်ကို ပုံပေါ်လာနိုင်ဖို့ ခက်ခဲနေဦးမှာ ဖြစ်တယ်လို့ မြန်မာ့နိုင်ငံရေး အကဲခတ် တဦးဖြစ်တဲ့ စာရေးဆရာ ဦးသန်းစိုးနိုင် က အခုလို သုံးသပ်ပါတယ်။
“၂၀၁၅ ခုနှစ် ရွေးကောက်ပွဲဟာ ဒီအခြေအနေအတိုင်း ပြောရလို့ရှိရင် ကြည့်ရလို့ရှိရင် အတိုက်အခံနဲ့ အာဏာရ အင်အားစုရဲ့ ပြိုင်ပွဲမဟုတ်ဘဲနဲ့ --- ပြိုင်ပွဲတွေဖြစ်နေတယ်။ ဘာကြောင့်လဲဆိုတော့ အခြေခံ သဘောထားတွေက အပေါ်ယံအားဖြင့်ကြည့်ရင် --- သဘောထားမျိုးရှိတာကိုး။ ဒီကြားထဲမှာ အတိုက်အခံ အင်အားစုတရပ်များ ပေါ်လာ ဦးမလားလို့ ကျနော်တို့ စောင့်ကြည့်ရမှာပေါ့ဗျာ။”
လက်ရှိအချိန်မှာ ပြည်သူ့လွှတ်တော်အတွင်းမှာ ပြည်ခိုင်ဖြိုးကိုယ်စားလှယ်၂၁၉ ဦး ရှိပြီးတော့၊ အမျိုးသားလွှတ်တော်အတွင်းမှာတော့ ပြည်ခိုင်ဖြိုးကိုယ်စားလှယ် ၁၂၄ ဦး ရှိပါတယ်။ ပြည်ခိုင်ဖြိုးပါတီရဲ့နောက်မှာ အမျိုးသားဒီမိုကရေစီအဖွဲ့ချုပ်နဲ့ ရှမ်းတိုင်းရင်း သားများ ဒီမိုကရက်ပါတီက ဒုတိယနဲ့ တတိယနေရာမှာ ရပ်တည်နေကြတာ ဖြစ်ပါတယ်။
Ref: VOA News
လက်ပံတောင်းတောင်ဆန္ဒပြခွင့် ဒေသခံတွေ တောင်းဆို
မအေးအေးမာ
19.03.2013
လက်ပံတောင်းတောင် ကြေးနီစီမံကိန်းကို ဆန့်ကျင်ဆန္ဒပြဖို့ စီတန်း လှည့်လည်ခွင့် ဒေသခံတွေ လျှောက်ထားခဲ့ပေမဲ့လည်း အခုထိ အာဏာပိုင်တွေ ဆီက အကြောင်းပြန်ကြားချက်ကို စောင့်ဆိုင်းနေ ရဆဲ ဖြစ်ပါတယ်။ အခြေခံ ဥပဒေပါ အခွင့်အရေးအရ ဆိုရင် ပြည်သူတွေ ရဲ့ ဆန္ဒ လွတ်လွတ်လပ်လပ် ထုတ်ဖော်နိုင်အောင်လို့ အခုလိုမျိုး ဆန္ဒပြခွင့်ကို လျှောက်ထား တယ်လို့ ဆိုပါတယ်။ အပြည့်အစုံကို မအေးအေးမာ က သတင်းပေးပို့ထား ပါတယ်။
ပြီးခဲ့တဲ့ မတ်လ ၁၆ ရက်နေ့ကစပြီး လက်ပံတောင်းတောင် ကြေးနီ စီမံကိန်း ရပ်ဆိုင်းရေး ဆန္ဒပြနေတဲ့ သပိတ်စခန်းတွေကို ရုပ်သိမ်း လိုက်ပြီးတဲ့နောက်မှာတော့ ဒေသခံတွေဟာ အာဏာပိုင်တွေ ထံမှာ စီတန်း လှည့်လည်ခွင့် အတွက် ခွင့်ပြုမိန့်ရဖို့ တောင်းဆိုမှုတွေ စတင် လုပ်ခဲ့တာပါ။ ၁၈ ရက်နေ့ကတော့ တုံရွာက ဒေါ်ဌေးဦးနဲ့ ဒေါ်ခင်ဌေးနွယ် ဦးဆောင်ပြီး စီတန်းလှည့်လည် ဆန္ဒပြခွင့်ကို တောင်းဆို ခဲ့သလို၊ ၁၉ ရက်နေ့မှာတော့ ဆည်တဲရွာက မ၀င်းမာနဲ့ မခင်စန်းတို့ နှစ်ဦးကနေ ဆားလင်းကြီးမြို့နယ် ရဲမှူးရုံးကို ခွင်ပြုမိန့်များ တောင်းခဲ့တာပါ။ ဆည်တဲရွာက မ၀င်းမာကတော့ သူတို့ တောင်းဆိုချက်တွေ ကို အခုလို ပြောပါတယ်။
“မီးလောင်းဗုံးတရားခံများကို အရေးယူ ဖော်ထုတ်ပေးရေးနဲ့ လက်ပံတောင်းတောင် ကြေးနီ စီမံကိန်း လုံးဝ ဖျက်သိမ်းရေးနဲ့ ၁၄၄ ပုဒ်မ ထုတ်ပြန်မှုကို ဖျက်သိမ်းပေးရေး ကျမ ဒီနေ့ စီတန်း လှည့်လည်ခွင့် သွားလျှောက် တာပါရှင့်။”
ပြီးခဲ့တဲ့နှစ်ကစပြီး ဒေသခံတွေဟာ ဆန္ဒပြခွင့်အတွက် ခွင့်ပြုမိန့်ရဖို့ ၁၁ ကြိမ်ခန့် တောင်းဆို ခဲ့ပြီးတဲ့နောက် ဒေသအတွင်းမှာ ပုဒ်မ ၁၄၄ ထုတ်ပြန်ခဲ့ပြီး ခွင့်ပြုမိန့်များ ပယ်ချ ခံခဲ့ရတာလို့ ဆိုပါတယ်။ ဒေသခံတွေကို အကူအညီပေးနေတဲ့ နိုင်ငံရေး အကျဉ်းသားဟောင်းလည်းဖြစ် တဲ့ ကျောင်းသားခေါင်းဆောင် ကိုဟန်ဝင်းအောင်က တော့ ဒေသခံတွေ သဘောထားကို အခုလို ပြောပြပါတယ်။
“၁၆ ရက်နေ့က ညနေ ၄ နာရီမှာ လိပ်ခွံတောင် သပိတ်စခန်း၊ အင်ကြင်းတောင် သပိတ် စခန်းနဲ့ တုံရွာ သပိတ်စခန်းတွေကို ဒေသခံပြည်သူ လူထုတွေက စည်းကမ်းရှိပြီး ယဉ်ကျေးတယ် ဆိုတာ ကို ဖော်ထုတ်တဲ့ အနေနဲ့ တဖက်သတ် ရုပ်သိမ်းပေးခဲ့ပါတယ်။ ဒါပေမဲ့ အာဏာပိုင်တွေ ဘက်က ပုဒ်မ ၁၄၄ ကို ထပ်ထုတ် ထားတယ်။ လုံထိန်းရဲတွေ၊ ရဲကားတွေ ကလည်း ပုံမှန်အတိုင်း သွားလာ လှုပ်ရှားမှုတွေ ရှိနေဆဲဖြစ်တယ်။ ပြည်သူ လူထုတွေဘက် က သပိတ်စခန်းတွေကို ရုပ်သိမ်းပေးလိုက်ခြင်းဟာ သူတို့ရဲ့ တောင်းဆိုမှု ရည်ရွယ်ချက်တွေ နောက်ဆုတ်ပေးလိုက်တာ မဟုတ်ဘူး။ စည်းကမ်းရှိမှုနဲ့ ညီညွတ်မှုကို ဖော်ထုတ်လိုက် တာဖြစ်တယ်။ တဘက်ကနေလည်း သူတို့ရဲ့ တောင်းဆိုချက်တွေကို ငြိမ်းငြိမ်း ချမ်းချမ်းနဲ့ ဆက်လက် ဖော်ထုတ်ဖို့ အတွက် အခု တောင်းဆိုတဲ့ စာတင်တဲ့ဟာကို လုပ်ထားတာပါ။”
ဆန္ဒပြခွင့်နဲ့ပတ်သက်လို့တော့ ခွင့်ပြုမိန့်ကို ၅ ရက်ကြိုပြီး ခွင့်တောင်းရတဲ့ အကြောင်းနဲ့ ၄၈ နာရီ အကြာမှာတော့ အာဏာပိုင်တွေ ဘက်က ခွင့်ပြုမိန့် ပေးမယ် မပေးဘူးဆိုတာ အကြောင်းပြန်လေ့ ရှိတယ်လို့ ဆိုပါတယ်။ မြန်မာနိုင်ငံ ရှေ့နေများကွန်ရက်က ရှေ့နေကြီး ဦးအောင်သိန်း ကတော့ ဥပဒေပါ အခွင့်အရေးအတိုင်း လုပ်ထုံးလုပ်နည်းတွေနဲ့ ပတ်သက်လို့ အခုလို ပြောပါတယ်။
“၅ ရက်ကြို လျှောက်ရမယ်။ အဲ့ဒီ ၅ ရက်ကြိုလျှောက်ရမယ့် ကိစ္စရပ်မှာ မြို့နယ် ရဲမှူးအနေနဲ့ လက်ခံရင် လက်ခံမယ်။ ပယ်ရင် ပယ်မယ်။ လက်ခံမယ် ဆိုရင်လည်း သူက အကြောင်းပြရမယ်။ လက်မခံဘူး ဆိုရင်လည်း သူက အကြောင်းပြရမယ်ပေါ့နော်။ နောက်ပြီးတော့ အင်အား ဘယ်လောက်ပြမယ်။ ဘယ်လို ကြွေးကြော်သံတွေ တိုင်မယ်။ ဘယ်လို ပိုစတာတွေ ကိုင်မယ် ဆိုတဲ့ဟာတွေပါ သူတို့က အကုန်လုံး အသေးစိတ် ဖော်ပြရတယ်။ အဲ့ဒီလို ဖော်ပြပြီးမှ သာလျင် သူတို့က ဒီဟာကို ခွင့်ပြုမယ် ဆိုပြန်တော့လည်း သူတို့က စောစော ကလို စာမေးပွဲတွေရှိတယ်။ ရဟန်းသံဃာတော်တွေ စာမေးပွဲ ဖြေနေရ တယ်။ မဟုတ်လို့ရှိရင် လမ်းကြောင်းတွေက ပိတ်သွားနိုင်တယ်။ အဲ့ဒီလို အကြောင်းပြချက်တွေ၊ အကြောင်း အမျိုးမျိုး ပြပြီးတော့ ငြင်းပယ်တဲ့ဟာ များတယ်ပေါ့နော်။"
"အဲ့ဒီလို တွေ့ရတယ်။ တချို့ဟာတွေမှာ ကြိုတင် လျှောက်ထားပေမဲ့ မရဘဲ ငြင်းပယ်တာ ဟာ သူတို့အတွက် ပြဿနာ မရှိဘူး။ ခွင့်ပြုလို့ ပြဿနာတက်ရင် သူတို့ဝန်ထမ်းတွေ မှာ ပြဿနာရှိတယ် ဆိုတဲ့ အစွဲတွေကလည်း ဒီလူတွေမှာ ရှိတယ်။ ခွင့်ပြုချက်ကို တော်ရုံ တန်ရုံ ချပေးလေ့ မရှိဘူး။ မကျေနပ်ရင် သူတို့က ပယ်လိုက်မယ်။ ခရိုင်ရဲမှူးဆီကို တင်မယ်။ ၇ ရက်အတွင်း တက်။ ခရိုင်ရဲမှူးကလည်း မြို့နယ်ရဲမှူး အတိုင်းပဲ ဆန္ဒပြဖို့ မသင့်လျော်ဘူး ဆိုတာကို လက်ခံ လိုက်လို့ရှိရင် ဒါ ဂိတ်ဆုံးသွားပြီ။ ဘာမှ လုပ်လို့ မရတော့ဘူး။ အဲ့ဒီသဘောမျိုးဖြစ်တယ်။ အဲ့တော့ အခြေခံဥပဒေက ပေးကာပေး၏။ ငြိမ်းချမ်းစွာ ဆန္ဒထုတ်ဖော်ခွင့်ဆိုတာ အင်မတန်မှ အရသာရှိတဲ့ စကားလုံးပဲ။ တကယ်တော့ အဲ့ဒါကို ပုံစံမျိုးစုံနဲ့ ဖမ်းဆီးမယ့် ရဲမှူးဆီမှာ မြို့နယ်ရဲမှူးဆီမှာ ခွင့်ပြုချက် တောင်းရတာဆိုတော့ ဘယ်လိုမှလဲ သဘာဝ မကျဘူး။ အဲ့ဒါကိုလည်း ငြင်းပယ်ပိုင်ခွင့် ရှိနိုင်တယ်လို့ ဆိုထားတဲ့ အတွက်ကြောင့် သူတို့က လွယ်လွယ်ကူကူ ဘယ်တော့မှ ခွင့်မပြုဘူးဆိုတာ အန်ကယ်လ်တို့ အတွေ့အကြုံအရ သိရပါတယ်။”
စုံစမ်းစစ်ဆေးရေးကော်မရှင်ကို ဦးဆောင်ခဲ့တဲ့ NLD ဥက္ကဌ ဒေါ်အောင်ဆန်းစုကြည် ကတော့ ဆန္ဒပြချင်ရင် ခွင့်ပြုမိန့် တောင်းရမယ် ဆိုပြီး ဒေသခံတွေနဲ့ တွေ့ဆုံချိန်မှာ ပြောဆို သွားခဲ့တာပါ။ ဒေသခံတွေ အနေနဲ့ ဆန္ဒပြခွင့် ခွင့်ပြုမိန့် လာရောက်တောင်းဆိုမှု အခြေ အနေနဲ့ ပတ်သက်လို့တော့ မေးမြန်းဖို့အတွက် ဆားလင်းကြီးမြို့နယ် အာဏာပိုင်တွေကို ဆက်သွယ်လို့ မရခဲ့ပါဘူး။
လက်ပံတောင်းတောင် ကြေးနီစီမံကိန်းကို မြန်မာ့စီပွားရေး ဦးပိုင် ကုမ္ပဏီလီမိတက်နဲ့ တရုတ်ဝမ်ဘောင် ကုမ္ပဏီတို့က ပူးပေါင်း လုပ်ဆောင်ခဲ့ပြီး ဒေသခံတွေရဲ့ လယ်မြေ ဧကပေါင်း ၇၈၀၀ ကျော် သိမ်းယူခဲ့တာလို့ ဒေသခံတွေက ဆိုပါတယ်။
လက်ပံတောင်းတောင် ကြေးနီစီမံကိန်းနဲ့ပတ်သက်လို့ စုံစမ်းစစ်ဆေးရေးကော်မရှင်က အစီရင်ခံစာ ထွက်လာပြီးတဲ့နောက်မှာတော့ ကုမ္ပဏီ ၂ ခုက အစီရင်ခံစာ အတိုင်း လိုက်နာဆောင်ရွက်မယ် ဆိုတာကို ကြေညာချက်တွေ ထုတ်ပြန်ခဲ့ပါတယ်။ မတ်လ ၁၅ ရက်နေ့စပြီး နစ်နာကြေးတွေ စပြီးပေးနေကြောင်း ၃ ရက်အတွင်းမှာ ရွာ ၉ ရွာက ဒေသခံတွေက နစ်နာကြေးကို ကာလပေါက်ဈေးနဲ့ လျော်ကြေး ရရှိခဲ့တယ်လို့ ဆိုပါတယ်။
ဒါပေမဲ့လည်း လယ်သမားတွေ အနေနဲ့ တဧကကို ၁၀ သိန်းကနေ ၁၅ သိန်းကြား ရရှိကြပေ မဲ့ မြေတွေကို ထာဝရ စွန့်လွှတ်ရေး အတွက် လက်မှတ်ထိုးပေးရတာကြောင့် တချို့ကလည်း နစ်နာကြေး ယူမယ့်ကိစ္စတွေအတွက် အဆုံးအဖြတ် မပေးနိုင်ကြသေးဘူးလို့ ဆိုပါတယ်။
Ref: VOA News
မြန်မာနိုင်ငံက တင်သွင်းတဲ့ ကုန်ပစ္စည်းတချို့ ပိတ်ပင်ခံရ
2013-03-19
အိန္ဒိယနိုင်ငံ မဏိပူရပြည်နယ်ကို မြန်မာပြည်က တရားမဝင်တင်သွင်းတဲ့ စားသောက်ကုန် တချို့ ရောင်းချခွင့်ကို မဏိပူရပြည်နယ် ကျန်းမာရေး ဝန်ကြီးဌာန အမိန့်နဲ့ မတ်လ ၁၈ ရက်နေ့က စပြီး ပိတ်ပင် လိုက်ပါတယ်။
ပိတ်ပင်ခံရတဲ့ စားသောက်ကုန်ပစ္စည်းတွေ ကတော့ Mikko ကော်ဖီ Calcium ကွေကာနဲ့ ငါးကြော် ထုပ်တွေဖြစ်ပြီး ထုတ်လုပ်မှု ဆိုင်ရာ အချက်အလက်နဲ့ သက်တမ်း ကုန်ဆုံးမယ့်ရက်တွေ အတိအကျ မပါဝင်တာ၊ ပါဝင်တဲ့ ပစ္စည်းတွေနဲ့ ပတ်သက်ပြီး စားသုံးသူတွေ အတွက် ဘေးအန္တရာယ်ဖြစ်မှာ စိုးတာကြောင့် အခုလို ပိတ်ပင်လိုက်တာလို့ မဏိပူရပြည်နယ် ကျန်းမာရေး ဝန်ကြီး Phugzathang Tonsing ကပြောဆိုကြောင်း မနေ့က ထုတ်ဝေတဲ့ အိန္ဒိယနေ့စဉ်ထုတ် သတင်းစာ The Hindu မှာ ဖော်ပြထားပါတယ်။
အခုလို ပိတ်ပင်လိုက်တာနဲ့ ပတ်သက်ပြီး မြန်မာအများစုနေထိုင်တဲ့ မဏိပူရပြည်နယ် ချူရာချန်ပူရ်မြို့မှာ မြန်မာ အစားအသောက်တွေ လက်လီ လက်ကားရောင်းနေတဲ့ မမင်းသဲလ်က အခုလို ပြောပါတယ်။
“အဓိကက မြန်မာပြည်ကပစ္စည်းမှာ သက်တမ်းလွန် ရက်စွဲတွေ ဘာတွေ မရှိလို့ပေါ့နော်၊ အဲဒါပြီးတော့ နောက်တချက်ကကျတော့ Mikko ကတ်ပုံးတွေ ရှိတယ်မလား၊ အဲဒါကို သူတို့ထဲက တစ်ယောက်က လက်တွေ့ဆင်း စစ်ဆေးနေချိန်မှာ လူတစ်ယောက် ဆုံးရှုံးမှု ရှိသွားတယ်၊ အဲဒီလိုမျိုး သတင်းလည်း နည်းနည်းပါးပါး ထွက်တယ်ပေါ့၊ အဲဒါမျိုးနဲ့ သူကပိတ်ဖို့ ကြိုးစားတာ၊ Mikko ကော်ဖီရယ်၊ Calcium ကွေကွာရယ်၊ ပြီးတော့ ငါးကြော် ထုပ်လေးတွေ၊ အဲဒီသုံးမျိုးပါပဲ၊ အဓိက ပိတ်ထားတာပေါ့။”
ဒီပစ္စည်းတွေဟာ တရားဝင်တင်သွင်းတာ မဟုတ်တဲ့ အပြင် အဓိကရောင်းကောင်းတဲ့ စားသောက်ကုန်တွေ ဖြစ်နေတာကြောင့် အခုလို ပိတ်ပင်လိုက်တာဖြစ်ပြီး ပစ္စည်းရောင်းသူ အချို့နဲ့ ပစ္စည်းတွေကို မနေ့က ဖမ်းဆီး သိမ်းယူတာတွေ ရှိခဲ့တယ်လို့လည်း မမင်းသဲလ်က ပြောပါတယ်။
အခုပိတ်ပင်လိုက်တဲ့ စားသောက်ကုန်တွေဟာ နှစ်နိုင်ငံတရားဝင် ကုန်သွယ်ခွင့် တံဆိပ် မပါဝင်တာကြောင့်ဖြစ်ပြီး၊ မြန်မာနိုင်ငံက တင်သွင်းတဲ့ ကြက်သား၊ အမဲသားနဲ့ ငါးစတဲ့ စည်သွပ်ဘူးတွေကိုလည်း အိန္ဒိယနိုင်ငံမြောက်ပိုင်း နာဂလန်းဒေသက ပိတ်ပင် ထားတယ်လို့ The Hindu သတင်းစာမှာ ဖော်ပြထားပါတယ်။
အိန္ဒိယ-မြန်မာနှစ်နိုင်ငံ လွတ်လပ်စွာ ကုန်သွယ်မှုအရ ပဲအမျိုးမျိုး၊ သစ်၊ သံနဲ့ သံထည်၊ အသေးစား စက်ပစ္စည်းကိရိယာနဲ့ ဆေးဝါးစတဲ့ ကုန်အမျိုးအစားပေါင်း ၄၀ ကိုသာ အစိုးရတွေက ခွင့်ပြုထားတာဖြစ်ပါတယ်။
Ref: RFA News
နိုင်ငံကူးလက်မှတ် ၁၀ ရက်အတွင်း အပြီးထုတ်ပေးမည်
2013-03-19
ပြည်ပထွက်ခွာခွင့် နိုင်ငံကူး လက်မှတ်တွေကို ဒီကနေ့က စတင်ပြီး ၁၀ ရက်နဲ့အပြီး ဆောင် ရွက်ပေးနေတယ်လို့ နိုင်ငံကူးလက်မှတ် ထုတ်ပေးရေး ရုံးက အတည်ပြု ပြောပါတယ်။
ပြည်သူတွေ ငွေအကုန်အကျ သက်သာအောင်နဲ့ အရင်ကလို တင်းကြပ် တာတွေကို အဆင့်ဆင့်ဖြေလျှော့ပေးမှုဖြစ်တယ် လို့ နိုင်ငံကူးလက်မှတ် ထုတ်ပေးရေးရုံးက ဌာနခွဲမှူး ဦးကျော်ဇေယျက ပြောပါတယ်။
အရင်တုန်းကတော့ နိုင်ငံကူး လက်မှတ်လျှောက်ထားရင် ရက်ပေါင်း ၃၀ လောက် ကြာတတ် ပါတယ်။ အဲဒီလို အချိန်ကြန့်ကြာမှု ရှိနေရတာဟာ ပညာရေး ကင်းရှင်းချက်တွေ၊ အမြတ်ခွန်၊ ၀င်ငွေခွန်စတဲ့ အထောက်အထားတွေကို ပူးတွဲလျှောက်ရတာကြောင့် ဖြစ်တယ်လို့သိရပါတယ်။
အခုလို ၁၀ရက်နဲ့ အချိန်တိုအတွင်း ထုတ်ပေးမယ့် အစီအစဉ်မှာတော့ အရင်ကလို ကန့်သတ် ထားတာတွေ မရှိတော့ပဲ အထောက်အထားတွေလည်း တင်ပြဖို့ မလိုတော့ဘူးလို့ သိရပါတယ်။ ဒါ့အပြင် ကုန်ကျစရိတ် အနေနဲ့လည်း ကျပ် ၂၃၀၀၀ လောက်ပဲ ရှိတော့မယ်လို့ သိရပါတယ်။
Ref: RFA News
ယာလုပ်လို့ မရမယ့်အတူတူ လျော်ကြေးငွေယူ
ခိုင်ခိုင်
အင်္ဂါနေ့၊ မတ်လ ၁၉ ရက် ၂၀၁၃
ရန်ကုန် (မဇ္ဈိမ)။ ။ ယာမြေများတွင် ပုံထားသော မြေစာပုံများကြောင့် ယာလုပ်ရန် အခက်အခဲ ဖြစ်သဖြင့် လက်ပံတောင်းတောင် ကြေးနီ စီမံကိန်း နယ်မြေအတွင်း ပေးအပ်ခဲ့သော မြေယာလျော်ကြေးငွေများ ယူခဲ့ရသည်ဟု စီမံကိန်းနှင့် အနီးဆုံးကျေးရွာဖြစ်သည့် ကျော်ရွာမှ ဦးနိုင်က မဇ္ဈိမသို့ ပြောကြားခဲ့သည်။
၎င်းက “ကျွန်တော်တို့က လျော်ကြေးငွေကို ယူတာက ကျွန်တော်တို့ ယာမြေမှာ ကုန်းမြေမှာ မြေစာပုံတွေ လာပုံ ထားတဲ့အခါ ကျွန်တော်တို့က ယာလုပ်လို့ မရတော့ဘူး ဒါကြောင့် လုပ်လို့ မရမဲ့ အတူတူ မြေလျော်ကြေးငွေ ယူလိုက်တာပါ” ဟု ပြောသည်။
ကျော်ရွာ ဒေသခံများ ပိုင်ဆိုင်သော မြေအမျိူးအစားမှာ ယာမြေဖြစ်သဖြင့် ငွေကျပ် (၁၀) သိန်းရရှိကြောင်း ၊ မြေများမှာ စွန့်ပစ်မြေစာများ၊ ဘူဒိုဇာများ ထိုးထားသောကြောင့် အသုံးပြုရန် မရတော့သဖြင့် သီးနှံလျော်ကြေးကို ယခုလို လက်ခံရယူရကြောင်း ကျော်ရွာဒေသခံတဦး ဖြစ်သူ ဦးမြင့်နိုင်မှ ရှင်းပြခဲ့သည်။
“ ကျွန်တော်တို့ မြေတွေက နှစ်သီးစိုက် ခေါ်မှာပေါ့။ တနှစ်ကို တသီးစိုက်၊ နှစ်သီးစိုက် ဆိုတာမျိူးပေါ့။ (၅) သိန်းလို့ ပြောထားပေမဲ့ ကျွန်တော်တို့ဆီကို (၁၀) သိန်းပေးတယ်။ ကျွန်တော်တို့ ရွာကလူ (၅၀) ကျော်ကတော့ အကုန်လုံးက ကျေကျေနပ်နပ် ယူကြတယ်။ နောက်ထပ် ကျန်တဲ့ လူ (၂၀) ကတော့ ဘယ်လို လုပ်ကြမလဲ မသိဘူး” ဟု ဒေသခံ ဦးမြင့်နိုင်က ဆိုသည်။
မြေယာလျော်ကြေးငွေများကို ပေးချေမှု၊ လျော်ကြေးငွေများ လုံခြုံမှု ရှိစေရန် မြန်မာ့စီးပွားရေး ဘဏ်ခွဲ၊ မြ၀တီဘဏ်ခွဲ၊ ရိုးမဘဏ်ခွဲတို့ကို ဖွင့်လှစ်ပေးထားမှုနှင့် ပတ်သတ်၍ ယာမြေ လျော်ကြေးငွေ လက်ခံသူ ကျော်ရွာဒေသခံ တောင်သူ ဦးမြင့်နိုင်က ဘဏ်ခွဲများ ဖွင့်လှစ် ပေးထားခြင်းမှာ လျော်ကြေးငွေများ အပ်နိုင်ရန် လာဖွင့်ထားသည်ဟု သာသိကြောင်းနှင့် မမြင်တွေ့ရသေးကြောင်း ပြောပြသည်။
လျော်ကြေးငွေများကို ဖောင်းတောရွာ၊ဒုံးတောရွာ၊ဆည်တဲ ရွာသစ်၊ ကျော်ရွာ၊ တုံရွာနှင့် ဆည်တဲ ရွာဟောင်းမှ တောင်သူ လေးငါးဦးခန့် လာရောက် ထုတ်ယူကြကြောင်းနှင့် လာရောက် ထုတ်ယူသူများမှာ မနက်ပိုင်းမှ စတင် ထုတ်ယူကာ ညနေပိုင်းအထိ ထုတ်ပေးနေကြောင်း ကျော်ရွာ ဒေသခံများထံမှ သိရှိရသည်။
“ ၀က်မှေးရွာသစ်၊ ရွာဟောင်းထဲက လေးငါးဆယ်ယောက်လောက် ပါတယ်ဗျာ။ ဆည်တဲ ရွာဟောင်းထဲက လေးငါးယောက်လောက် လာထုတ်တာ မြင်လိုက်တယ်။ ကျွန်တော်တို့ သွားထုတ်ရတဲ့ နေရာက ဆားလင်းကြီးမြို့နယ်၊ အထွေထွေ အုပ်ချူပ်ရေး ဦးစီးဌာနရုံးမှာ မြေယာလျော်ကြေးငွေ ပေးတယ်။ ” ဟု အဆိုပါ ကျော်ရွာဒေသခံ ဦးမြင့်နိုင်က ဆိုသည်။
မိုးကြိုးပြင် မြောက်ရွာနေထိုင်သူ မမြင့်မြင့်အေးက ကြေးနီစီမံကိန်းမှာ မလွတ်ကင်းသော လယ်ယာမြေများကို လျော်ကြေးပေးမှုနှင့် ပတ်သတ်၍ စီမံကိန်း ဆက်လက် လုပ်ဆောင်မှုအား မနှစ်သက်သဖြင့် လျော်ကြေးငွေ လက်မခံကြောင်း ပြောသည်။
၎င်းက “ ကျွန်မတို့ ရွာကို မတ်လ(၁၇) ရက်နေ့က စပြီး လျော်ကြေး စပေးနေပြီ။ ဒါပေမဲ့ မယူကြဘူး။ ဘယ်လောက် ပေးသလဲ ဆိုတာကိုတော့ ကျွန်မပေးတဲ့ နေရာကို မသွားလို့ မသိဘူး။ ဒါပေမဲ့ ကြားရတာက အရင်တခေါက်ပေးတုန်း က ထက်တဆ ပိုပေးတယ်လို့ ပြောတယ်။” ဟုဆိုသည်။
ယခင်အခေါက် လျော်ကြေးပေးစဉ်က တဧကလျှင် ငါးသိန်းနှစ်သောင်း ပေးပြီး ယခုအခါ တဧကလျှင် ၁၀ သိန်းပေး သည်ဟု ကြားကြောင်း မဇ္ဈိမသို့ ၎င်းမှ ပြောဆိုခဲ့သည်။
တုံရွာသစ်တွင် နေထိုင်သူ မအေးအေးခိုင်ကမူ လျော်ကြေးငွေ ပေးမှု နည်းပါးနေသဖြင့် လက်မခံနိုင်ကြောင်း ယခုပေးသော ငွေပမာဏမှာ ကာလပေါက်ဈေး နှင့်သိန်းလေးဆယ် ကွာဟနေကြောင်း ပြောသည်။
၎င်းက “ ကျွန်မတို့က အဲဒီလျော်ကြေး ငွေကို မယူတာက ၀မ်ပေါင်နဲ့ စာချုပ် မချူပ်ရသေးတာရော၊ ပေးတဲ့ ပမာဏက လည်း အရမ်း နည်းနေလို့ပါ။ ကာလပေါက်ဈေးက သိန်း၅၀လောက် ရှိတယ် ” ဟုဆိုသည်။
ယခုပေးအပ်သော လျော်ကြေးများနှင့် ပတ်သတ်၍ ကျော်ရွာ ဒေသခံ ဦးနိုင်က "နည်းလား ဆိုတော့ နည်းလွန်းတယ် လို့လဲ ပြောလို့ မရသလို အဆင်ပြေတယ် လို့လည်း ပြောလို့မရတဲ့ငွေတွေပါ။ ကျွန်တော်တို့ ယာမြေ ပြန်ဝယ်တဲ့ အခါဈေးက မြင့်နေရင်တော့ ကျွန်တော်တို့ ဒီငွေတွေနဲ့ အဆင်ပြေမပြေ မသိတော့ဘူး" ဟု မဇ္ဈိမကို ပြောသည်။
လက်ပံတောင်းတောင် ကြေးနီစီမံကိန်း နယ်မြေအတွင်း ကျေးရွာများသို့ မြေယာလျော်ကြေးများ ပေးအပ်လျက် ရှိရာ မတ်လ ၁၇ရက်တွင် ဖောင်းကတာနှင့် ရွာရှည် ကျေးရွာအုပ်စုမှ တောင်သူ ၁၁၁ ဦး အားမြေယာ လျော်ကြေး သိန်း ၃၃၅၁ သိန်းကျော် ၊ မတ်လ ၁၆ ရက်နှင့် ၁၇ ရက် နှစ်ရက်အတွင်း စုစုပေါင်း တောင်သူ ၁၆၃ ဦးအား မြေယာ လျော်ကြေး ငွေကျပ် ၅၅၉၈ သိန်းကျပ် ပေးအပ်ခဲ့ပြီးဖြစ်သည် ဟု ယနေ့ထုတ် နိုင်ငံပိုင် သတင်းစာများတွင် ဖော်ပြ ပါရှိသည်။
Ref: မဇ္ဈိမ
လွှတ်တော် ပြန်စချိန်တွင် မီဒီယာဥပဒေအား လွှတ်တော် သို့တင်မည်
စောဇင်ညီ
အင်္ဂါနေ့၊ မတ်လ ၁၉ ရက် ၂၀၁၃ ခုနှစ် ၁၇
ရန်ကုန် (မဇ္ဈိမ)။ ။ မီဒီယာ ဥပဒေမူကြမ်း အပြီးသတ်အား သင်္ကြန်အပြီး လွှတ်တော် ပြန်စချိန်တွင် ပြည်သူ့ လွှတ်တော်သို့ တင်ပြ သွားမည်ဖြစ်ကြောင်း မြန်မာနိုင်ငံ စာနယ်ဇင်းကောင်စီ (ယာယီ) မှ အထွေထွေ အတွင်းရေးမှူး ဦးကျော်မင်းဆွေ က မဇ္ဈိမသို့ ပြောသည်။
အဆိုပါ မီဒီယာ ဥပဒေ မူကြမ်းအား သင်္ကြန်ကာလ မရောက်ခင် အချိန်လာမည့် မတ်လ ၂၄ ရက်နေ့တွင် အချောသတ် ရေးဆွဲမည် ဖြစ်ကြောင်း ဦးကျော်မင်းဆွေ က ဆိုသည်။
၎င်းက “သင်္ကြန်မတိုင်ခင် ပြီးမယ်။ သင်္ကြန်အပြီး လွတ်တော်ပြန်စတဲ့ အချိန်မှာ တင်နိုင်ဖို့  လုပ်နေတယ်။” ပာု ဦးကျော်မင်းဆွေ က ဆိုသည်။
အဆိုပါ အချောသတ် ထွက်ရှိလာမည့် မီဒီယာ ဥပဒေကြမ်းသည် မီဒီယာသမားများ၏ အခွင့်အရေးနှင့် တာဝန် သိမှုများအား ပါဝင်ရန် ထည့်သွင်းဖော်ပြ ထားကြောင်း ဦးကျော်မင်းဆွေက ဆက်လက်ပြောသည်။
ဦးကျော်မင်းဆွေ က “ဥပဒေဆို ကာကွယ်ပေးဖို့  တစ်ခုထဲ မပာုတ်ဘူး။ တာဝန်ရယ် အခွင့်အရေးရယ် နှစ်ခုတွဲ ပါတာပေါ့ ။ဒီသဘောတော့ နားလည်ဖို့  လိုပါတယ်။သတင်းသမားတွေအတွက် တာဝန်ပေးဖို့ လည်းပါတယ်။ တာဝန် ထမ်းဖို့ လည်း ပါတယ်။ချိုးဖောက်ရင်ပြစ်မှု ပြစ်ဒဏ်တွေလည်း ပါကောင်းပါမယ်” ဟု ပြောသည်။
အဆိုပါ ဥပဒေမူကြမ်းအား လွှတ်တော်ရေးရာ တာဝန်ရှိသူများ၊ ဥပဒေ အရာရှိများနှင့် တိုင်ပင်ပြီးမှသာ ယခုကဲ့သို့ အချောသတ် ဆောင်ရွက်ခြင်း ဖြစ်ကြောင်းနှင့် ဥပဒေ မူကြမ်း အခန်းတိုင်းတွင် ဝေါဟာရများ၊ စကားလုံးများအား ပြင်ဆင်မှု ပြုလုပ်ထားကြောင်း ဦးကျော်မင်းဆွေ၏ ပြောကြားချက်မှ သိရသည်။
မီဒီယာ ဥပဒေမူကြမ်း လွှတ်တော်သို့ တင်မည့် အချိန်နှင့် ပုဂ္ဂလိက သတင်းစာများ ထုတ်ဝေခြင်းမှာ နီးကပ်နေပြီး မီဒီယာ ဥပဒေ ဦးစွာထွက်ရှိပြီးမှ သတင်းစာ ထုတ်ဝေခြင်းမှာ ပိုမိုကောင်းမွန်မည် ထင်ကြောင်း မက်စင်ဂျာ (Messenger ) ဂျာနယ်မှ တာဝန်ခံ အယ်ဒီတာ ကိုအောင်ပေါ်ထွန်းက မဇ္ဈိမသို့ ပြောသည်။
ကိုအောင်ပေါ်ထွန်းက “သတင်းစာ ထုတ်မဲ့သူတွေအနေနဲ့လည်း မီဒီယာလောက သတင်းစာထုတ်ဝေခွင့်ကို ဘယ်လောက်အထိ အထောက်အကူ ဖြစ်နိုင်မလဲ။ ဘယ်လောက်အထိ ကာကွယ်ပေးနိုင်လည်း ဆိုတာကို
စောင့်ကြည့်ရမယ် ထင်တယ်” ဟု ဆိုသည်။
Ref: မဇ္ဈိမ
Tuesday, March 19, 2013
ရင်ကို ထိမှန်စေခဲ့သော မြားချက်များ
ဖေ့ဘွတ်၊ ဘလော့၊ တွစ်တာ စတဲ့ social media တွေရဲ့ လူအများအပေါ် အကျိုး သက်ရောက်မှုတွေနဲ့ ပတ်သက်ပြီး၊ ပညာရှင်အချို့က သုတေသန ပြုလုပ် ခဲ့ကြရာမှာ မှတ်ချက် (comment) တွေကြောင့် စိတ်ကျရောဂါ ဖြစ်တာတွေ၊ စိတ်ဆင်းရဲမှုဖြစ်တာတွေက အစပြုလို့ နောက်ဆုံး မိမိကိုယ်ကို အဆုံး စီရင်လိုက်တဲ့ အထိ ဖြစ်သွားတာတွေ ရှိခဲ့ကြောင်း လေ့လာတွေ့ရှိ ခဲ့ကြပါတယ်။ ဒီသုတေသန စာတမ်းကို ဖတ်ရတော့ ဒီလောက်တောင်ပဲ ဆိုးဝါးသလားလို့ သံသယ ၀င်ခဲ့မိပါတယ်။ အွန်လိုင်း စာမျက်နှာ အသာထားလို့၊ ပြင်ပကမ္ဘာမှာတင် လောကဓံ တရားမျိုးစုံရဲ့ ဒဏ်ကို အေးဆေးတည်ငြိမ်စွာ ကျော်ဖြတ် လာခဲ့ပြီးပြီမို့၊ social media က မှတ်ချက်လေးတွေက ကျွန်မရဲ့ စိတ်ကို တစုံတရာ ထိခိုက်စေမှာ မဟုတ်ဘူးလို့လဲ ကိုယ့်ကိုကိုယ် ယုံကြည် ထားခဲ့ပါတယ်။
ဒါပေမယ့် အခုတလော ပုဂ္ဂိုလ်ရေးနဲ့ လုံးဝ မဆိုင်တဲ့၊ ကျွန်မ ရဲ့ စာမျက်နှာပေါ်မှာ လာတင် ထားတာလဲ မဟုတ်ပဲ တိုက်တိုက် ဆိုင်ဆိုင် ဖတ်မိ သွားတဲ့ မှတ်ချက်လေးတွေကတော့ ကျွန်မရဲ့ ရင်ကို မြားချက်တွေလို ထိမှန်စေခဲ့ ပါတယ်။ ဒီမှတ်ချက်လေးတွေကြောင့် မေးခွန်းတွေလဲ အများကြီး ပေါ်ခဲ့သလို၊ တွေးစရာတွေလဲ အများအပြား ရှိသွား ခဲ့ပါသေးတယ်။ အဲဒီမှတ်ချက်လေးတွေရဲ့ မူလအစကတော့ လက်ပန်းတောင်းတောင်၊ ကြေးနီစီမံကိန်းမှာ ဆန္ဒပြကြတဲ့ ရွာသူ၊ ရွာသားတွေကို အွန်လိုင်းကနေ ပေးထားကြတဲ့ မှတ်ချက်တချို့ပါ။ ကြေးနီစီမံကိန်းနဲ့ ပတ်သက်ပြီး တရားခံတွေ၊ ဓားစာခံတွေ၊ သားကောင်တွေ၊ ဓားခုတ်ရာ လက်ဝင် လျှိုမိသူတွေ အများအပြား မြန်မာပြည်မှာ ရှိနေခဲ့ပါပြီ။ ဒါနဲ့ ပတ်သက်ပြီး သုံးသပ်မှုတွေကို ဒီစာစုလေးထဲမှာ ရေးသားတင်ပြမှာ မဟုတ်ပါဘူး။ မှတ်ချက်လေးတွေနဲ့ ပတ်သက်ပြီး ပေါ်ထွက်လာတဲ့ အတွေးစလေးတွေ ကိုသာ ရေးသားတင်ပြမှာ ဖြစ်ပါတယ်။
(၁) သွဲ့သွဲ့ဝင်းက ဥပဒေစကား ပြောရအောင် ဘယ်တက္ကသိုလ်က ဆင်းလာတာလဲ။ အောက်စဖိုဒ့်၊ ကင်းဘရစ် တက္ကသိုလ်က ဆင်းလာတာ မို့လား။
ဒီမှတ်ချက်ကို ဖတ်လိုက်မိချိန်မှာ ကိုယ့်မျက်စိကိုတောင် ကိုယ်မယုံနိုင်ဘူး ဖြစ်သွားပါတယ်။ ရေးထားတဲ့ စာသွား စာလာအရ တက္ကသိုလ်ဘွဲ့ရ တယောက်က ရေးထားတာ ဖြစ်လိမ့်မယ်လို့ ယူဆ ရပါတယ်။ ဥပဒေ စကားဆိုတာ တက္ကသိုလ်ကျောင်းထွက်မှ ပြောရတဲ့ စကားလို့ သူ့ကို ဘယ်တက္ကသိုလ်ကများ သင်ပေး လိုက်ပါလိမ့်လို့ သံသယဖြစ်မိပါတယ်။ လူတယောက်မှာ မွေးဖွား လာကတည်းက မွေးရာပါ လူ့အခွင့်အရေး ဆိုတာ ရှိပါတယ်။ ဒီလို လူ့အခွင့်အရေးတွေနဲ့ မွေးဖွား ရှင်သန်လာတဲ့ တိုင်းပြည်မှာရှိတဲ့ အစိုးရက ဥပဒေများပြဌာန်းပြီး ကာကွယ်စောင့်ရှောက်ပေးထား ပါတယ်။ ဒါကြောင့် တက္ကသိုလ် ကျောင်းထွက်မှ မဟုတ်ပါဘူး။ လူသားမှန်ရင် ဘယ်သူမဆို ဥပဒေစကား ပြောခွင့်ရှိပါတယ်။ ဥပဒေကို နားလည်အောင် လေ့လာရပါတယ်။ နားမလည်သူ ရှိရင်လဲ အခြားနိုင်ငံသားများက ရှင်းလင်း ပြောကြားပေးပါတယ်။ လူသား မဟုတ်တဲ့ တိရစ္ဆာန်တွေရဲ့ အခွင့်အရေးတွေကိုတောင် ဥပဒေအရ ကာကွယ်စောင့်ရှောက်ပေးနေကြတဲ့ ခေတ်မှာ တက္ကသိုလ်ကျောင်းထွက်မှပဲ ဥပဒေစကားပြောခွင့် ရှိရမယ် တဲ့လားရှင်။ မှတ်ချက်ပေးသူက အောက်စဖို့ဒ်၊ ကင်းဘရစ် တက္ကသိုလ်တွေကို အတော်လဲ အထင်ကြီးပုံ ရပါတယ်။ ဒါပေမယ့် ဒီမှတ်ချက်အကြောင်းကို အောက်စဖို့ဒ်၊ ကင်းဘရစ်တက္ကသိုလ်က ဥပဒေ ပါမောက္ခတွေများ သိသွားရင်တော့၊ ဂုဏ်ယူဖို့နေနေသာသာ၊ ဘုရားသခင်လို့ ထရေရွတ်ကြမှာ မလွဲမသွေပါပဲ။ ဘာကြောင့်လဲ ဆိုတော့ အောက်စဖို့ဒ်၊ ကင်းဘရစ် တက္ကသိုလ် အပါအ၀င် နိုင်ငံတကာ တက္ကသိုလ်များက ကျောင်းသားတွေကို ပညာတွေ၊ ဘွဲ့လက်မှတ်တွေကိုတင် ပေးတာ မဟုတ်ပါဘူး။ လူသား အချင်းချင်း တန်ဖိုးထားမှုတွေ၊ ခွဲခြား ဆက်ဆံမှုမရှိပဲ တန်းတူရည်တူ ဆက်ဆံမှုတွေ၊ စာနာ နားလည်မှုတွေကိုပါ ကျောင်းသားတွေရဲ့ ရင်ထဲမှာ ရှင်သန်လာစေတဲ့ ပတ်ဝန်းကျင်တွေကို ဖန်တီးပေးထား ကြတာပါ။ ဥပဒေ အဝေးသင် ဘွဲ့အတွက် ကင်းဘရစ် တက္ကသိုလ်က ဥပဒေရက်တို သင်တန်းတွေကို ကျွန်မ သွားတက်နေခဲ့တာ သုံးနှစ်ရှိပါပြီ။ ဥပဒေပညာကို လေ့လာ ဆည်းပူးဖြစ်ခဲ့တာလဲ လေးနှစ်နီးပါး ရှိနေပါပြီ။ ဘယ်သင်ရိုးမှာမှ၊ ဘယ်သင်တန်းပို့ချမှုမှာမှ၊ ဘယ်စာအုပ် ထဲမှာမှ တက္ကသိုလ်ကျောင်းထွက်ကသာ ဥပဒေစကားပြောရမယ်၊ အခြေခံ လူတန်းစားက ဥပဒေစကားပြောခွင့် မရှိဘူးလို့ မပြဌာန်းထားပါဘူး။
(၂) အောက်တန်းစား လယ်သမားတွေ။
ဒီမှတ်ချက်တွေ အများအပြား ဖတ်လိုက်ရပါတယ်။ ရေးသားသူတွေက မြန်မာမှ ဟုတ်ရဲ့လားလို့ သံသယ ဖြစ်မိပါတယ်။ မြန်မာပြည်မှာ ရှိတဲ့ လူဦးရေရဲ့ ဘယ်နှစ်ရာခိုင်နှုန်းက လယ်သမားတွေကို ကိုယ်စားပြုနေပါသလဲ။ တိုင်းပြည်ရဲ့ ၀င်ငွေကို ဘယ်သူတွေက ရှာပေးနေတာပါတဲ့လဲ။ မြန်မာနိုင်ငံမှာ တက္ကသိုလ် ဆိုတာတွေ၊ ကုမ္ပဏီဆိုတာတွေ၊ စီးပွားရေး လုပ်ငန်းဆိုတာတွေ၊ စက်ရုံ အလုပ်ရုံ ဆိုတာတွေ မရှိခင်တုန်းက မြန်မာတွေ ဘာလုပ်ပြီး စားဝတ်နေရေး ဖူလုံအောင် လုပ်ဆောင် ခဲ့ကြပါသလဲ။ ခုလို မှတ်ချက်ချသူတွေရဲ့ ဆွေခုနစ်ဆက်၊ မျိုးခုနစ်ဆက်မှာ လယ်သမား လုံးဝ မရှိခဲ့ပါဘူး ဆိုတာကို သေချာ အာမခံနိုင်ပါသတဲ့လား။ ကမ္ဘာပေါ်မှာကော စားနပ်ရိက္ခာ ထုတ်လုပ်ရေးကို ဘယ်သူတွေက လုပ်ဆောင်နေကြတာပါလဲ။ ဘွဲ့လက်မှတ်တွေ၊ ဂုဏ်ပကာသနတွေ၊ စည်းစိမ်ဥစ္စာ ရတနာတွေ၊ ရာထူးတွေကမှ အထက်တန်း ကျတယ်လို့ ယူဆပြီး၊ ကိုယ်ကိုကိုယ် အထက်တန်းစားလို့ သတ်မှတ်နေသူတွေဟာ အဲဒီ အောက်တန်းစား လယ်သမားဆိုသူတွေ ထုတ်လုပ်ပေးထားတဲ့ စားသောက်ကုန်တွေကို မစားပဲ ဘွဲ့လက်မှတ်တွေ၊ ကျောက်မျက်ရတနာတွေ၊ ဂုဏ်တွေ၊ ငွေစက္ကူတွေကို ၀ါးစားပြီး အသက်ရှင်သန် နိုင်ကြပါ့မလားလို့ တွေးတောမိပါတယ်။
(၃) စာမတတ်၊ ပေမတတ်တွေ။
လူတွေရဲ့ ဘ၀ပေးအခြေအနေတွေက မတူညီကြပါဘူး။ တချို့က မွေးကတည်းက ရွှေလင်ပန်းနဲ့ အချင်းဆေးခွင့် ရကြပါတယ်။ ဒါပေမယ့် မြန်မာမှာ သာမက ကမ္ဘာပေါ်မှာ လူမှန်း သိတတ် စကတည်းက ဘ၀အတွက်၊ ထမင်းတနပ် အတွက်၊ ပေါင်မုန့် တဖဲ့အတွက် ရုန်းကန်နေကြရပြီး၊ ပညာသင်ကြားခွင့် မရကြတဲ့ ကလေးတွေ အများအပြားရှိနေခဲ့ပါတယ်။ ပြီးတော့ ဒါကလဲ ဘ၀ပေးအခြေအနေ တခုတည်းနဲ့တင် မဆိုင်ပါဘူး။ မွေးဖွားကြီးပြင်းရတဲ့ သက်ဆိုင်ရာ တိုင်းပြည်က နိုင်ငံတော်အစိုးရများရဲ့ တာဝန်ယူမှု အရည်အသွေးတွေနဲ့လဲ ဆိုင်ပါသေးတယ်။ အချို့သော နိုင်ငံတွေမှာ အခြေခံပညာရေးက အခမဲ့ဖြစ်ပေမယ့်၊ တချို့နိုင်ငံတွေမှာတော့ တိုးတက်ဖွံ့ဖြိုးမှုနှောင့်နှေးတာကြောင့် မူလတန်း ကျောင်းတက်ဖို့ အရေးကိုတောင် တနေ့ဆယ်မိုင်လောက်လမ်းလျှောက်ပြီး ကျောင်းတက်ရတဲ့ ကလေးတွေ ရှိခဲ့ပါတယ်။ ကျောင်းစရိတ်ကလဲ မတတ်နိုင်၊ မိဘမှာလဲ ကူဖော်လောင်ဖက်မရှိလို့ မိသားစုတံပိုးကို ငယ်ငယ်ရွယ်ရွယ်နဲ့ မနိုင့်တနိုင် ၀င်ရောက်ထမ်းခဲ့ကြရသူတွေလဲ အများအပြားပါ။ ဒီလိုလူတွေရဲ့ ဘ၀ကို စာနာမှုနဲ့ ဖေးကူဖို့ မစဉ်းစားရင်တောင် သူတို့ရဲ့ ဘ၀ပေးအခြေအနေကို နှိမ့်ချပြောဆိုဖို့ မသင့်ပါဘူး။ မြေနိမ့်ရာလှံစိုက်တာဟာ လှံကိုင်ထားသူရဲ့ အရည်အချင်းကိုလဲ ဖော်ပြရာကျပါတယ်။ လောကမှာ စာတွေ၊ ပေတွေ ဆိုတာက ပညာရေးအခွင်အလမ်းရှိတယ်ဆိုရင် သင်ယူလို့ရပါတယ်။ စာတွေပေတွေ တတ်လို့လဲ အထင်ကြီးစရာ မလိုသလို၊ စာတွေပေတွေ မတတ်လို့လဲ အထင်သေးနှိမ့်ချဆက်ဆံဖို့ မလိုအပ်ပါဘူး။ စာတွေပေတွေ ဆိုတာကလဲ လူသားတွေက အဆင့်ဆင့်တီထွင်ဆန်းသစ်လာကြပြီးမှ၊ အချင်းချင်းမျှဝေလာခဲ့ကြတာ ဖြစ်ပါတယ်။ စာတတ်မြောက်ရေး လှုပ်ရှားမှုဆိုတာ စာတတ်ပေတတ်တွေက ပြန်လည်အကောင်အထည် ဖော်လာခဲ့ကြတာပါ။ နိုင်ငံတကာမှာရှိတဲ့ ကမ္ဘာ့အသိအမှတ်ပြု စာတတ်ပေတတ် ပုဂ္ဂိုလ်ကြီးတွေကတောင် ကမ္ဘာ့ပြည်သူ တရပ်လုံး စာတတ်မြောက်ရေး၊ မူလတန်းပညာ သင်ကြားတတ်မြောက်ရေး၊ ပညာရေး အခွင့်အလမ်းများ တိုးမြှင့်ရေးတွေကို အားတက်သရော လုပ်ဆောင်နေကြချိန်မှာ ဘ၀ပေးအခြေအနေနဲ့ နိုင်ငံ အခြေအနေကြောင့် ပညာရေးအခွင့်အလမ်း ခံစားခွင့်မရခဲ့ရှာသူတွေကို စာမတတ်၊ ပေမတတ် တွေလို့ နှိမ့်ချသတ်မှတ်တဲ့ မြန်မာ့စာတတ်ပေတတ် ပုဂ္ဂိုလ်ကျော်ကြီးများ ပေါ်ထွက်လာတာဟာ အံ့သြဖွယ် ကောင်းလိုက်ပါဘိ။
(၄) သူများမြှောက်ပေးတိုင်း အိုဗာအိုက်တင်တွေ လုပ်ပြနေကြတယ်။ မြေလေးသိမ်းခံရတာများ လျော်ကြေးပြန်တောင်းလိုက်ရင် ပြီးတာပဲကိုး။
ဒီလို မှတ်ချက်မျိုး ပေးသူတွေဆီမှာ အိမ်ခြံမြေတွေ၊ ပိုင်ဆိုင်မှုတွေများ ရှိပါသလားလို့ ကျွန်မ ရိုးသားစွာ သိချင်မိပါတယ်။ သူတို့ အိမ်ခြံမြေတွေကို အစမ်းသဘောနဲ့ ခဏသွားသိမ်းကြည့်ထားလိုက်ရင် ဘယ်လိုမျက်နှာမျိုး ဖြစ်နေကြမလဲဆိုတာ မြင်ဖူးကြည့်ချင်လို့ပါ။ မြေဆိုတာကို အသာထားလို့ ကိုယ့်အိတ်ထဲက ပိုက်ဆံအိတ်လေးကို ခါးပိုက်နှိုက်သွားရင်တောင် ဘယ်လိုခံစားရပါသတဲ့လဲ။ ကုန်ကားတွေမှောက်၊ ပွဲရုံတွေ မီးလောင်လို့ နှလုံးရောဂါဖောက်ပြီး သေသွားတဲ့ သူဋ္ဌေးတွေ၊ စီးပွားပျက်သွားလို့ စိတ်ဓာတ်ကျဘ၀ပျက်သွားတဲ့ လူတွေ၊ သူခိုးဓားပြဒဏ်ကို ဖိန့်ဖိန့်တုန်အောင် ကြောက်နေတဲ့လူတွေ မြန်မာတနိုင်ငံလုံးမှာ ဒုနဲ့ဒေးပါ။ ဒီလိုလူတွေတောင် ကိုယ့်ပိုင်ဆိုင်မှုတွေ ဆုံးရှုံးသွားတဲ့အခါ ခံစားကြရသေးရင်၊ ဓါးမဦးချ လုပ်ကိုင်စားသောက်နေရတဲ့ လယ်ယာမြေတွေလဲ မတရားအသိမ်းခံရ၊ စားဝတ်နေရေးပြဿနာတွေလဲ ကြုံတွေ့ရ၊ အဆိပ်သင့်ရေတွေလဲ သောက်သုံးနေရတဲ့ လူတွေရဲ့ နှလုံးအိမ်ထဲကို ခဏလောက်ဝင်ပြီး ခံစားကြည့်ကြစမ်းပါ။ သူများမြှောက်ပေးလို့ မျက်ရည်ကျရအောင် ဒီလူတွေဟာ ဇာတ်ခုံပေါ်က ကျွမ်းကျင်သဘင်သည်တွေ မဟုတ်ဘူး။ နှလုံးအိမ်ထဲက ခံစားချက်ကြောင့် စီးဆင်းလာတဲ့ သူတို့ မျက်ရည်တွေက မျက်ရည်တုတွေ မဟုတ်ဘူး။
အထက်မှာဖော်ပြထားတဲ့ မှတ်ချက်တွေလို ကျွန်မရဲ့ ရင်ကို မြားချက်တွေလို တိုက်ရိုက်မထိမှန်ပေမယ့် တစုံတရာ ထိရှစေခဲ့တဲ့ တခြားမှတ်ချက်တွေလဲ အများအပြားရှိပါသေးတယ်။ မှတ်ချက်တွေကို တွေ့စမှာ ကျွန်မ အံ့သြသွားမိတယ်။ ပြီးတော့ စိတ်ထိခိုက်မိတယ်။ နောက်တော့မှပဲ မျက်ရည်တွေ အလိုအလျောက် ကျနေခဲ့တာကို ကိုယ့်ဘာသာကိုယ် သတိထားလိုက်မိတယ်။ ကျွန်မဟာ လွယ်လွယ်ကူကူနဲ့ မျက်ရည်ကျတတ်တဲ့ မိန်းမတယောက်မဟုတ်ပါဘူး။ ဒါပေမယ့်ရှင်၊ ကျွန်မကိုယ်ကျွန်မတောင် သတိမထားမိလောက်အောင် လက်သီးကို တင်းတင်းဆုပ်ရင်း မျက်ရည်ကျခဲ့မိတာကတော့ ဒီတကြိမ် ပထမဦးဆုံးပဲ ထင်ပါရဲ့။ အရှိန်ပြင်းတဲ့ မြားချက်တွေက ကျွန်မရဲ့ ရင်ထဲကို စူးဝင်သွားခဲ့တယ်။
ခင်မမမျိုး (၁၆၊ ၃၊ ၂၀၁၃)
Ref: မိုးမခ
တဆိတ်လေး နားထောင်ပေးကြပါ
ကျွန်တော့်ဘဝမှာ ဒီလောက်တိုတဲ့စာတစ်ပုဒ်ကို နှစ်ရက်ကြာအောင် ရေးလိုက်ဖျက်လိုက်၊ အကြိမ်ကြိမ်အဖန်ဖန် ချိန်ဆပြီးမှ ရေးဖြစ်တာ သည်တစ်ကြိမ်ပဲ ရှိပါသေးတယ်။
အကြောင်းကတော့ လက်ပံတောင်းတောင်ပြဿနာမှာ ယခုနောက်ပိုင်း ဆက်လက် ဆန္ဒပြနေတဲ့ တောသူတောင်သားတွေကို ပညာမဲ့ အသိဉာဏ်မဲ့ ဘာမှ မသိနားမလည်ဘဲ နိုင်ငံရေး ပယောဂတွေက ကြိုးဆွဲရာကို ကပြနေသူတွေလို့ ပြောကြ ဆိုကြတာတွေ ဖတ်ရပြီး စိတ်မကောင်းဖြစ်လွန်း လို့ပါ။
ကျွန်တော်က ကျေးလက်တောရွာမှာ မွေးဖွားကြီးပြင်းပြီး အသက် ၁၀ နှစ်ကျော်မှ မြို့ကို ရောက်ဖူးသူပါ။ ကျောမွဲနင်းပြား တောင်သူ လယ်သမားတွေရဲ့ ဘဝကို မျက်မြင်ကိုယ်တွေ့ သိရှိနားလည်ပြီး စာနာထောက်ထားစိတ် တစ်သက်လုံး ထားရှိခဲ့ပါတယ်။ ဖင်ထဲ ရွှံ့တစ်ပိသာလောက် ဝင်အောင်လုပ်မှ ထမင်းတစ်လုတ် စားရတဲ့ ဘဝဆိုတာ ကျွန်တော်က ကိုယ်တွေ့မျက်မြင် သိခဲ့တာပါ။
ဒီနေ့ခေတ်မှာ လယ်သမားတွေ အနိုင်ကျင့် မြေသိမ်းခံရတဲ့ သတင်းတွေ ကြားရတိုင်း ကျွန်တော် စိတ်မချမ်းသာဘူး။ အရင်လူတွေက ရေမြေ့ သခင် ရှင်ဘုရင်စိတ်ပေါက်ပြီး မြေဆိုလည်း တိုင်းပြည် အကျိုးပြု စီမံကိန်း အတွက် အကြောင်းပြပြီး သိမ်းချင်ရင် သိမ်းလိုက်မယ်၊ ချောင်းမြောင်း အင်းအိုင်တွေလည်း သိမ်းချင်ရင် အချိန်မရွေး သိမ်းလို့ ရတယ်ဆိုပြီး လုပ်ခဲ့ကြတာ၊ ကိုယ်တိုင် မခံစားဖူးရင် ဘယ်သူမှ စာနာတတ်မှာ မဟုတ်ဘူး။ လူဆိုတာ ကိုယ့်လက်ပေါ် မီးကျမှ ပူမှန်း သိကြတာကလား။
ကိုယ်ပိုင်တဲ့လယ်တွေကို အသိမ်းခံရတာ၊ ကိုယ်နေထိုင်တဲ့ ရွာကို မတရားရွှေ့ပြောင်း ခံရတာ၊ မတရား ဖမ်းဆီးထောင်ချ ခံရတာတွေကို ကိုယ်တိုင် ကြုံဖူးမှ ဘယ်လောက် ခံပြင်းရပြီး စိတ်ဒဏ်ရာ ဘယ်လောက်ရတယ် ဆိုတာ နားလည်ကြမှာပါ။
အခု လက်ပံတောင်းတောင်ဝန်းကျင်က ရွာတွေက တောသူတောင်သားတွေထဲမှာ ကြေးနီ စီမံကိန်း ဆက်လုပ်မယ် ဆိုတာကို မကျေနပ်လို့ အပြီးတိုင် ရပ်စဲရေး၊ ဝမ်ပေါင် ထွက်သွားရေး ဆက်လက် ဆန္ဒပြနေသူတွေ ရှိနေနိုင်ပါတယ်။ သူတို့ လိုလားချက်တွေကို တဆိတ် နားထောင်ပေးကြပါ။ ဒီတစ်ခါတော့ ဘယ်လိုပုံစံနဲ့မှ အကြမ်းဖက် နှိမ်နင်းတာမျိုးတွေ မလုပ်ကြပါနဲ့လို့ စာရေးဆရာ သတင်းစာ ဆရာ တစ်ယောက်အနေနဲ့ သာမက တိုင်းပြည်ရှေ့ရေး စိုးရိမ်ပူပန်သူ နိုင်ငံရေးစောင့်ကြည့်လေ့လာသူ တစ်ယောက် အနေနဲ့ပါ အထူးမေတ္တာရပ်ခံ ပန်ကြားပါတယ်။
စိုးရိမ်ရတဲ့အကြောင်းကတော့ ခုပဲ စ,လာနေတာတွေ တွေ့နေရလို့ပါ။ မသိ နားမလည်တဲ့ ကျေးရွာသားတွေကို နိုင်ငံရေး လုပ်စားသူတွေက ပယောဂ ဖက်ပြီး သွေးထိုးပေးနေတယ် ဆိုတဲ့ စွပ်စွဲချက်မျိုးတွေ စလာနေပါပြီ။
ကျွန်တော်တို့တွေ ဘဝတစ်လျှောက် အဲသလို စွဲချက်နဲ့ အစပျိုးပြီးရင် ဖြိုခွင်း ရှင်းလင်း ခံခဲ့ရတာပဲ မဟုတ်လား။
ဒီတစ်ခါတော့ တော်ကြပါတော့ဗျာ။ အရင်ခြေရာတွေကို ထပ်မနင်း ကြပါနဲ့တော့လို့ တောင်းပန်ပါရစေ။
(စကားချပ်။ ။ လက်ပံတောင်းတောင် ကော်မရှင်အစီရင်ခံစာကို ပညာရှင်ရှုထောင့်က ချဉ်းကပ်လေ့လာထားတဲ့ ဆရာ ဦးဝင်းမျိုးသူရဲ့ သုံးသပ်ချက်ကို မဖတ်ရသေးသူများ ရှာဖွေ ဖတ်ရှုကြပါရန်။)
Ref: မိုးမခ
“ကောင်းတဲ့ ပယောဂ”သမား (သို့မဟုတ်) ဟန်ဝင်းအောင်
မေစစ်ပိုင်
March 18, 2013
လက်ပံတောင်းတောင် ကြေးနီစီမံကိန်း ဆန္ဒပြ လှုပ်ရှားမှု များတွင် နောက်ကွယ်မှ ကြိုးကိုင်နေပြီး ဒေါ်အောင်ဆန်းစုကြည် အား ဆန့်ကျင်နေသော ခေတ်သစ် ဦးစောဟု ဆိုရှယ်မီဒီယာ ဖေ့ဘွတ် စာမျက်နှာများတွင် စွပ်စွဲပြောဆိုနေကြသည့် နိုင်ငံရေး အကျဉ်းသား မိသားစုများ ကူညီစောင့်ရှောက်ရေး ကော်မတီမှ တာဝန်ခံ ကိုဟန်ဝင်းအောင်ကို အစီရင်ခံစာ အပေါ် သဘောထား၊ စွပ်စွဲမှုများအပေါ် ထင်မြင်ချက်၊ ရှေ့ဆက်လုပ်မည့် အနေအထားတို့အား ရန်ကုန် အခြေစိုက် ဧရာဝတီ သတင်းဌာန သတင်းထောက် မေစစ်ပိုင်မှ မေးမြန်း ထားပါသည်။
မေး။ ။ ဖေ့ဘွတ်ခ် စာမျက်နှာတွေထက်မှာ တချို့ ဘလော့တွေမှာ ကိုဟန်ဝင်းအောင်ကို ခေတ်သစ် ဦးစော လို့ ပြောနေကြတယ်၊ ဘယ်လိုမြင်ပါသလဲ။
ဖြေ။ ဒါဟာ စစ်အာဏာရှင်စနစ် ထောက်ခံပြီး စစ်အကျိုးစီးပွားကို လိုလားတဲ့ ထောက်လှမ်းရေး သမားတွေနဲ့ ဦးပိုင် ကုမ္ပဏီဘက်ကို လိုက်ပြောတဲ့ သူတွေက ပြောတဲ့ အပြောတွေလို့ ပဲ သတ်မှတ်ပါတယ်။ ဘာကြောင့်လဲ ဆိုတော့ အကြောင်းအရင်း အားလုံး မှားယွင်းနေတဲ့ အတွက်ကြောင့်ပါ။ ပထမ တချက်က ဒေါ်အောင်ဆန်းစုကြည် က တုံရွာ၊ ဆည်တည်းရွာ၊ မိုးကြိုး ပြင်ရွာတွေမှာ ဖြစ်ခဲ့တဲ့ ပြဿနာတွေက ကျနော် နောက်ကနေ ရှိနေတယ်လို့ ပြောတာ စွပ်စွဲပြောဆိုချက်တွေပါ။ အဲဒါဟာ ထောက်လှမ်းရေးနဲ့ ဦးပိုင် အလိုတော်ရိတွေက ပြောတယ်လို့ ယူဆပါတယ်။
မေး။ ။ ဖြစ်ခဲ့တဲ့ပြဿနာတွေက ကိုဟန်ဝင်းအောင် ကြိုးကိုင်နေတာ ဆိုပြီး ပြောနေကြတယ်။
ဖြေ။ ။ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဒီမိုကရေစီ အရေးဆောင်ရွက်နေတဲ့ အင်အားစုတွေကို ထိခိုက်အောင် လုပ်ဆောင်ချင်တဲ့ စစ်ဘက် ထောက်လှမ်းရေးတွေရဲ့ ပြောဆိုချက်တွေပါ။ အသိပညာ နိမ့်ပါးတဲ့ သူတချို့ရဲ့ ဝေဖန်ချက်တွေပါ။ အဲ့အချိန်မှာ ကျနော် နိုင်ကျဉ်းက ကိုသက်ဦးနဲ့ ရွာတရွာမှာ ရှိနေခဲ့တာပါ။ ဒေါ်စုကို လမ်းဆင်းလျှောက်ပါ၊ ဓားမြှောင်နဲ့ ထိုးမယ်လို့ ကျနော်က ပြောတယ် ဆိုပြီး ပြောဆိုနေခဲ့ ကြပါတယ်။ တော်တော် အခြေအနေ ရှုပ်ထွေးပါတယ်။ ဒါဟာ ဝါဒဖြန့်တာ၊ ဒေါ်စုကိုလည်း သိက္ခာကျစေ၊ ကျနော့်ကိုလည်း သိက္ခာကျစေ ဆိုပြီး ကောလဟလ လွှင့်ခဲ့ကြတာပါ။ ဖြစ်နေနိုင်တာ တခုက စနစ်ကျသော အဖွဲ့အစည်းတွေနဲ့ နိုင်ငံရေး အဖွဲ့တချို့ ပါလာနေပြီ။ ဒီမိုကရေစီအရေးဆောင်ရွက်နေတဲ့ အင်အားစုတွေကို သွေးခွဲဖို့ အရေး လှုံ့ဆော်နေတဲ့ ကိစ္စတခုလို့ပဲ မြင်ပါတယ်။
မေး။ ။ ဆည်တည်းရွာမှာ ကိုဟန်ဝင်းအောင်တို့က ဒေါ်အောင်ဆန်းစုကြည်ကို ခြိမ်းခြောက်မှုတွေ လုပ်ခဲ့တယ် ဆိုတာကော ဟုတ်လား။။
ဖြေ။ ။ တကယ်တန်း ပြဿနာတွေ ဖြစ်တဲ့အချိန်မှာ ကျနော် နိုင်ငံရေး အကျဉ်းသားကော်မတီက ကိုသက်ဦး၊ ABSDF က ကိုရဲမြင့် အပါအဝင် တခြား နိုင်ငံရေးသမား အချို့နဲ့ ရွာလေး တရွာမှာ စကားပြောနေတာပါ။ ဒီလူတွေကို အချိန်မရွေး ဆက်သွယ်ပြီး မေးလို့လည်း ရတယ်။ ဆည်တည်းရွာမှာ ဖြစ်ပွားတဲ့ ကိစ္စက အဆိုတော် ကိုလင်းလင်းရဲ့ ဖေ့ဘုတ် စာမျက်နှာပေါ် တင်လိုက်တဲ့ အချက် အလက်ပေါ့ဗျာ။ ကျနော် အပါအဝင် ငါးယောက်က ဓားမြှောင်နဲ့ ထိုးဖို့ ဆိုပဲ။ အဲဒီအချိန်မှာ တခြား ရွာတရွာမှာ ရန်ကုန်က လာတဲ့ ဧည့်သည်တွေနဲ့ တွေ့နေတာပါ။ ဒေါ်အောင်ဆန်းစုကြည်က အင်မတန် ချစ်ခင်လေးစားစရာ ရေကာင်းပါတယ်။ တလှေတည်းစီး တခရီးတည်း သွားနေတဲ့ သူတွေပါ။ သဘောထား ကွဲလွဲစရာ ကန့်ကွက်စရာ မရှိဘူး။ ဒေသခံတွေကတော့ စိတ်ဒဏ်ရာတွေဖြစ်နေတော့ ထိထိရောက်ရောက် မဖြေရှင်းနိုင်တော့ စိတ်ကွက်မှုလေးတွေ ရှိတယ်။ ဒေါ်စုကို ကန့်ကွက်ခိုင်းတာ မဟုတ်ဘူး၊ ဦးပိုင် စီမံကိန်း ဖျက်သိမ်းရေး ကိုပဲ တောင်းဆိုကြတာပါ။ ဒေသခံတွေ ထဲက ဘယ်သူ့ကိုမဆို မေးနိုင်တယ်။ သူတို့ကို ကျနော်က ဓားနဲ့ထိုးမယ်ပြောတာ တကယ် သက်သေရှိသလား။
မေး။ ။ လက်ပန်းတောင်းတောင် ဆန္ဒပြမှု အစကတည်းက ဝင်ပါခဲ့တယ် မဟုတ်လား။
ဖြေ။ ။ ဟုတ်ပါတယ်၊ ဒီလို ပြောဆိုနေကြတဲ့အပေါ် ဝမ်းသာစွာ ကြိုဆိုပါတယ်။ နှစ် နှစ်ကျော် ကာလကြာ ပြည်သူတွေက ဘယ်သူမှ မသိဘဲ ဖိနှိပ် ခံခဲ့ရတာပါ။ မိုးကြိုး ဆာလဖျူလစ် အက်ဆစ် စက်ရုံ ဆိုတာလည်း နိုင်ငံတော် အဆင့်တွေက ဘယ်သူမှ ခွင့်ပြုချက် မရှိဘဲ ခိုးပြီး လုပ်နေကြတာတွေ ဖြစ်တယ်။ ပြည်သူတွေရဲ့ နစ်နာချက်ကို ကျနော် သိသိချင်း လက်ပံတောင်းကို သွားတယ်။ ဆန္ဒတွေ ထုတ်ဖော်မှုတွေ လုပ်ခဲ့တယ်။ ဟုတ်တယ်၊ အဲ့ဒါကို ကျနော်ဝန်ခံတယ်။ အပြစ်မဲ့ပြည်သူတွေဘက်က ဆန္ဒ ထုတ်ဖော်ရင်း ရပ်တည်မှာပါ။ ဖိနှိပ် ခံရတဲ့ပြည်သူဘက်က ရပ်တည်ခဲ့တာ ကျွန်တော် ဝန်ခံတယ်။
မေး။ ။ လက်ပံတောင်းတောင် အစီရင်ခံစာကို ဘယ်လိုမြင်ပါသလဲ။
ဖြေ။ ။ အစီရင်ခံစာက ဦးပိုင်ကို အပြီးအပိုင် ဖျက်သိမ်းအောင်တော့ မလုပ်နိုင်ပါဘူး။ ရက်ပေါင်းများစွာ ပြည်သူတွေရဲ့ လှုပ်ရှားမှုတွေကြောင့် နှစ်ပေါင်းများစွာ ဖိနှိပ် ခံခဲ့ရတာတွေကို ဖော်ထုတ်နိုင်ခဲ့တာကို ကြိုက်တယ်။ အနိုင်ကျင့် ခံနေရတဲ့အပေါ် သေချာ မဖြေရှင်းနိုင်သေးတာကိုတော့ ကျနော် အားမရသလို ဒီက ပြည်သူတွေလည်း အားမရဘူး။
မေး။ ။ ဆန္ဒပြမှုတွေက အရပ်ဘက်အဖွဲ့အစည်းတွေ ရောက်လာပြီးမှ စတင် ခဲ့ကြတယ်လို့ အစီရင်ခံစာမှာ ရေးသားထားတဲ့ အပေါ်ကိုရော ဘယ်လိုမြင်လဲ။
ဖြေ။ ။ အပြစ်တော့ သိပ်မပြောချင်ဘူး။ ဒေသကို သေချာ မရောက်ဘူးတဲ့ သူတွေကြောင့်လို့ပဲ ထင်ပါတယ်။ ဒေသခံတွေက သူတို့မြေတွေ စသိမ်းတယ် ဆိုကတည်းက ၁၂ ရက် ၁၂ လ ၂၀၁၀ ခုနှစ် ကတည်းက ဆန္ဒပြမှုတွေဖြစ်ခဲ့တာပါ။ ဘယ်နိုင်ငံရေး သမားမှ မရှိခင် ကတည်းကပါ။ ဘယ်သတင်းဌာန၊ ဘယ်နိုင်ငံရေး သမားမှ မပါဘူး။ ဦးပိုင်က ဖိနှိပ်တယ်၊ ဆားလင်းကြီး ရဲစခန်းက ဘာမှ မလုပ်ပေးဘူး။ ဒါကြောင့် ၈၈ ကျောင်းသား ကိုမျိုးသန့်က ဝက်မှေးရွာ က မသွဲ့သွဲ့ဝင်းတို့ နဲ့အတူ ကျနော့်ကို လာရောက် ကူညီပါဦးလို့ ဖိတ်ခေါ်တဲ့ အတွက်ကြောင့် လက်ပန်းတောင်း ကိုရောက်သွားခဲ့တာပါ။ ကျနော်ရောက်ခဲ့တဲ့ အချိန်မှာ ကိုမင်းကိုနိုင်တို့ ကိုဒီငြိမ်းလင်း တို့တွေ ရောက်ခဲ့ပြီးပြီ။ ဖိနှိပ်မှုတွေ ရှိခဲ့တဲ့အတွက် သူ့သဘာဝ အလျောက် ဆန္ဒ ထုတ်ဖော်မှုတွေဖြစ်တယ်။ ဒီမိုကရေစီ အင်အားစုတွေက ပြည်သူတွေဘက်က ရပ်တည် ခဲ့ကြတာဟာ ပယောဂ မဟုတ်ဘူး၊ ပယောဂ ဆိုရင်တောင် ကောင်းတဲ့ ပယောဂတခုပဲ ဖြစ်ခဲ့လိမ့်မယ်။ ကျနော်တို့ လှုပ်ရှားခဲ့ကြတယ် ဆိုတာ သံဃာတော်တွေကို မီးလောင်တိုက် သွင်းဖို့ မဟုတ်ဘူး။ ပြည်သူကို ဖိနှိပ်တဲ့ ဦးပိုင်စစ်ကုမ္ပဏီဘက်က မရပ်တည်ဘူး။ ဒီနေ့အချိန်ထိ တောက်လျှောက် ဒေသခံတွေနဲ့ အတူ တိုက်ပွဲ ဝင်နေကြတာပါ။ ဒါကို မကူညီသင့်ဘူးလား၊ မဆောင်ရွက်သင့်ဘူးလား။ ဒေသခံတွေက သိပ်နာကျင် လွန်းတာကြောင့် ဆန္ဒပြမှုတွေဖြစ်လာတာပါ။
မေး။ ။ ဆန္ဒပြမှုတွေကို ပြည်ပက နောက်ကွယ်က ထောက်ပံ့ပေးမှုတွေရှိနေတယ်လို့ သုံးသပ်ကြတဲ့ အပေါ်ကော။
ဖြေ။ ။ မိုးသီးဇွန်၊ ဒေါက်တာနိုင်အောင်၊ မခင်ဥမ္မာ၊ ဒေါက်တာကျော်သူ၊ ကိုဘိုကြည်တို့က ထောက်ပံ့တယ်လို့ ပြောနေကြတယ်။ ကျနော်ပြောမယ်၊ သူတို့နဲ့ ငါးပြားမှ မပတ်သက်ခဲ့ဘူး။ သူတို့ လုပ်ခိုင်းလို့ ဒီကိစ္စ ဖြစ်ရောလား။ မေးလို့ရတယ် ဖြေလို့ရတယ်။ စွပ်စွဲမှုတွေ ကြည့်လုပ်ကြဦး။
မေး။ ။ နောက်ထပ် လှုပ်ရှားမှုတွေရော ဆက်လုပ်သွားဖို့ ရှိလား။
ဖြေ။ ။ တိုက်ပွဲတွေမှာ တတ်နိုင်တဲ့ ဘက်က ကူညီဦးမှာပါ။ ဘယ်သူတွေ ကန့်ကွက် ဆန့်ကျင်ပါစေ၊ ဘယ်လိုပြောပြောပါ။ ကျနော် အဖိနှိပ်ခံ ပြည်သူဘက်က ဆက်ပြီး ရပ်တည်နေမှာပါ။ ။
Ref: ဧရာဝတီ
၈၈ မျိုးဆက်ကျောင်းသားများ နိုင်ငံရေးပါတီ ဖွဲ့မည်
စနေလင်း
March 18, 2013
၈၈ မျိုးဆက်ကျောင်းသားများအဖွဲ့အနေဖြင့် ဒီမိုကရေစီစနစ် အခြေကျရန်၊ အမျိုးသားပြန်လည်သင့်မြတ်ရေး နှင့် ငြိမ်းချမ်းရေး ဖြစ်ထွန်းစေရန် အတွက် နိုင်ငံရေး ပါတီတခု ထူထောင်ရန် မူဝါဒ ရှိနေပြီး ယခုနှစ်တွင် ပါတီဖွဲ့စည်းရန် မရှိသေးကြောင်း သိရသည်။
၈၈ မျိုးဆက်ကျောင်းသားများသည် ယခုနှစ်အတွင်းတွင် အရပ်ဘက် လူ့အဖွဲ့အစည်းများ အားကောင်းစေရေး အတွက်သာ ရည်ရွယ် လုပ်ဆောင်နေပြီး လာမည့်နှစ် အနည်းငယ် အတွင်းတွင် နိုင်ငံရေး ပါတီ တခုအဖြစ် ဖွဲ့စည်းရန် ရှိသကဲ့သို့ အခြား တဘက်တွင်လည်း အရပ်ဘက် အဖွဲ့အစည်းကို ဆက်လက် ထားရှိပြီး ဆက်လက် ရပ်တည် သွားမည်ဖြစ်ကြောင်း ၈၈ မျိုးဆက်ကျောင်းသား ခေါင်ဆောင် တစ်ဦးဖြစ်သည့် ကိုမင်းဇေယျက ပြောသည်။
“သေချာတာ ကတော့ ၂ လမ်းသွား မယ့် အခြေခံမူ ရှိတယ်။ လောလောဆယ်မှာက လျာထားချက်ပဲ ရှိသေးတယ်။ နိုင်ငံရေး ပါတီပုံစံ နဲ့ တစ်ဖက်၊ အရပ်ဘက် အဖွဲ့အစည်း NGO ပုံစံနဲ့ တဖက် လုပ်သွားမှာပါ။ အားလုံးက သဘောတူထား ပြီးသားပါ” ဟု ၎င်းက ဆိုသည်။
၈၈ မျိုးဆက် ကျောင်းသားများအဖွဲ့တွင် နိုင်ငံရေးပါတီထူထောင်ပြီး နိုင်ငံရေး လုပ်ဆောင် လိုသူများ ရှိနေပြီး ၂၀၁၃ ခုနှစ် ကျော်လွန်မှ သာ ပါတီ ထူထောင်ရေးအတွက် အစည်းအဝေးများ ပြုလုပ်ပြီး အနာဂတ် လုပ်ငန်းစဉ်များ ဆုံးဖြတ်မည် ဖြစ်ကြောင်း ကိုမင်းဇေယျ က ဆက်ပြောသည်။
၈၈ မျိုးဆက်ကျောင်းသားအဖွဲ့ကို ကိုယ်စားပြုပြီး နိုင်ငံရေးပါတီတစ်ခု ယခုနှစ် အတွင်း ပေါ်ထွက်ရန် ရှိကြောင်း၊ အမေရိကန်ပြည်ထောင်စုသို့ ခေတ္တ အလည်အပတ်ရောက်ရှိနေသော ၈၈ ကျောင်းသားခေါင်းဆောင် တဦးဖြစ်သူ ကိုဌေးကြွယ်က လန်ဒန် အခြေစိုက် ဘီဘီစီ အသံလွှင့်ဌာန နှင့် တွေ့ဆုံမေးမြန်းခန်းတွင် ပြောဆိုခဲ့သည်။
မြန်မာနိုင်ငံရေးတွင် ရွေးကောက်ပွဲ၊ လွှတ်တော်ရှိရုံမျှဖြင့် ဒီမိုကရေစီရရှိပြီဟု မပြောနိုင်ကြောင်း၊ နှစ်ပေါင်းများစွာ အခြေ တည်လာသော ပြည်တွင်းနိုင်ငံရေး အကျပ်အတည်းများ ကြောင့် လက်နက် ကိုင်နေကြသော တိုင်းရင်းသားများနှင့် မြန်မာနိုင်ငံသားများ၊ ဒုက္ခသည်များ အဖြစ် ပြည်ပတွင် ရောက်ရှိနေကြသည့် မြန်မာနိုင်ငံသားများ အားလုံး နိုင်ငံရေးပြုပြင်ပြောင်းလဲမှုများ တွင် ပါဝင်စေလိုသော ဆန္ဒ ၈၈ မျိုးဆက် ကျောင်းသား ခေါင်းဆောင်များ အားလုံးတွင် ရှိနေကြောင်း၊ ပြည်ပရောက် မြန်မာ့အင်အားစုများ နိုင်ငံရေးပြုပြင်ပြောင်းလဲမှုဖြစ်စဉ်တွင် ပါဝင် လာစေရန် အစိုးရအနေဖြင့် လုပ်ဆောင် ပေးရန် လိုအပ်ကြောင်း ကိုဌေးကြွယ်က ဆိုသည်။
၈၈ မျိုးဆက်ကျောင်းသားအဖွဲ့က နိုင်ငံရေးပါတီ ထူထောင်ရန် ဆန္ဒရှိနေသည့်အပေါ် နိုင်ငံရေး အင်အားစုများက ကြိုဆိုလိုက် ကြပြီး ကျောင်းသားခေါင်းဆောင်များ နိုင်ငံရေး သမားများ အဖြစ် ဒီမိုကရေစီပြုပြင်ပြောင်းလဲမှုဖြစ်စဉ်တွင် ပါဝင် လာမှုက မြန်မာ့နိုင်ငံရေး အတွက် ပိုမို တိုးတက်ကောင်းမွန်စေသော အလားအလာများဖြစ်ပေါ်စေမည် ဟု သုံးသပ်မှု များ ရှိနေသည်။
“ကျနော် ၂၀၁၁ ခုနှစ် နှစ်ကုန်ပိုင်းလောက် ကတည်းက ပြောဖူးပါတယ်။ သူတို့ကို နိုင်ငံရေးလောကထဲ ၀င်လာဖို့။ လူငယ်တွေ နိုင်ငံရေး ပါဝင်လာဖို့။ NLD ပါတီ ထဲကို ၀င်ချင်ဝင်၊ မ၀င်ချင်လည်း တလှေထဲ မစီးနိုင်တာ တောင် တစ်ခရီး ထဲသွားဖို့ ပြောဖူးတယ်။ အခုလို နိုင်ငံရေးလောကထဲကို ထဲထဲဝင် လာကြဖို့ရှိတာ ကြိုဆိုတယ်။ ကောင်းတယ်လို့ ယူဆတယ် ” ဟု အမျိုးသား ဒီမိုကရေစီ အဖွဲ့ချုပ် နာယက ဟံသာဝတီ ဦးဝင်းတင်က ပြောသည်။
၈၈ မျိုးဆက် ကျောင်းသားအဖွဲ့အနေဖြင့် အရပ်ဘက်အဖွဲ့အစည်းအနေဖြင့် မဟုတ်ဘဲ နိုင်ငံရေးပါတီအဖြစ် ရှင်းရှင်း လင်းလင်း ရပ်တည်မည် ဆိုပါက ပိုမို ကောင်းမွန်မည်ဖြစ်ကြောင်း ပြည်တွင်းတွင် လူ့ဘောင်သစ်ပါတီ ထူထောင်ရန် ကြိုးစားနေသူ ကိုဇေယျက ဆိုသည်။
“ကျနော် ထောင်က ထွက်လာတုန်း သူတို့နဲ့ အစည်းအဝေးတွေ လုပ်ခဲ့ဖူးတယ်။ ဒီနိုင်ငံရေးပါတီ ထူထောင်မယ့် မူဝါဒတော့ ရှိတယ်လို့ မသိခဲ့ရဘူး။ အခုလို ရှင်းရှင်းလင်းလင်း လုပ်တာ ပိုကောင်းတယ်။ ဒီမိုကရေစီနဲ့ လူ့အခွင့်အရေးကို တန်ဖိုးထား လေးစား လိုက်နာရင် ပြီးတာပဲ ” ဟု ၎င်းက ဆိုသည်။
၈၈ မျိုးဆက် ကျောင်းသားများအဖွဲ့တွင် ပါတီနိုင်ငံရေးဘက်သို့ ကူးပြောင်းမည့် သူများ ရှိသကဲ့သို့ နိုင်ငံရေး မလုပ်ဘဲ အနုပညာ၊ စာပေနှင့် လူမှုရေး လုပ်ငန်းများတွင် ဆက်လက် လုပ်ကိုင်ဆောင်ရွက် လိုသူများလည်း ရှိနေကြောင်း၊ ၈၈ မျိုးဆက် ကျောင်းသားခေါင်းဆောင် တစ်ဦး ဖြစ်သည့် ကိုမင်းကိုနိုင် အနေဖြင့် နိုင်ငံရေးထက် စာပေ အနုပညာနှင့် အရပ်ဘက် အဖွဲ့ အစည်းများ အား ကောင်းရေး အတွက် လူမှုရေး လုပ်ငန်းများကို လုပ်လိုသည်ဟု မကြာခဏ ပြောဆိုလေ့ရှိကြောင်း ၈၈ မျိုးဆက် ကျောင်းသား ခေါင်းဆောင် တစ်ဦး ဖြစ်သည့် ကိုစိုးထွန်းက ပြောသည်။
“တဦးချင်း သဘောထားကိုတော့ မပြောချင်ပါဘူး။ ကျနော် အနေနဲ့တော့ နိုင်ငံရေး ဘက်ကို လုံးဝ မကူးချင်သေးဘူး။ ခေတ်က တောင်းဆိုလာရင်တော့ တမျိုးပေါ့။ ကျနော်တို့က ကျောင်းသား ဘက်ကနေ တက်လာတဲ့ သူတွေဆိုတော့ သင်ယူစရာ၊ လေ့လာစရာတွေ ရှိနေသေးတယ် ” ဟု ကိုစိုးထွန်းက ဆိုသည်။
Ref: ဧရာဝတီ
လူ့အခွင့်အရေးလေးစားဖို့ မြန်မာကို သြစတြေးလျ တိုက်တွန်းသင့်
မသိင်္ဂီထိုက်
18.03.2013
သမ္မတ ဦးသိန်းစိန်ဟာ သြစတြေးလျနိုင်ငံကို ရောက်ရှိနေပြီး မတ်လ ၁၈ ရက်နေ့ တနင်္လာနေ့မှာ ကင်ဘာရာမြို့မှာ အစိုးရ အရာရှိတွေနဲ့ စပြီး တွေ့ဆုံပါတယ်။ ဒီခရီးစဉ်က မြန်မာခေါင်းဆောင် တဦးအနေနဲ့ နှစ်ပေါင်း ၄၀ နီးပါးအတွင်း ပထမဆုံး သြစတြေးလျနိုင်ငံ ခရီးစဉ်လည်း ဖြစ်ပါတယ်။ ခရီးစဉ်အတွင်း နိုင်ငံရေး ပြုပြင် ပြောင်း လဲမှု၊ လူမှု ဖွံ့ဖြိုးရေးနဲ့ ကုန်သွယ်ရေး လုပ်ငန်းစဉ်တွေကို နှစ်နိုင်ငံ ဆွေးနွေးကြဖို့ ရှိနေပါတယ်။ တဘက်မှာလည်း လူ့အခွင့်အရေး အဖွဲ့တွေက ရိုဟင်ဂျာ မူဆလင်တွေ၊ လူနည်းစု တိုင်းရင်းသား အရေးတွေမှာ မြန်မာခေါင်းဆောင်တွေ အရေးယူ ဆောင်ရွက် လာစေဖို့ သြစတြေးလျအစိုးရ က ဖိအားပေးရေး တောင်းဆိုနေကြပါတယ်။ Sydney မြို့တော်ကနေ ဗွီအိုအေ သတင်းထောက် Phil Mercer ရဲ့ သတင်းလွှာကို မသိင်္ဂီထိုက် က တင်ပြထားပါတယ်။
မြန်မာအစိုးရရဲ့ ပြုပြင်ပြောင်းလဲမှု လုပ်ငန်းစဉ်တွေကို သြစတြေးလျ အနေနဲ့ အသိအမှတ် ပြုတဲ့ အကြောင်းနဲ့ စစ်သံမှူးနဲ့ ကုန်သွယ်ရေး ကော်မရှင်နာ တယောက်ကို မြန်မာနိုင်ငံ စေလွှတ်မယ် လို့လည်း သြစတြေးလျက ပြောဆို လိုက်ပါတယ်။
ဒီဖြစ်ထွန်းမှုတွေဟာ မြန်မာနိုင်ငံရဲ့ ဒီမိုကရေစီရေး၊ လူ့အခွင့်အရေး အခြေအနေ ခိုင်မာလာအောင် ဆက်လက် လုပ်ဆောင်နေတာတွေကို သြစတြေးလျနိုင်ငံက ပိုပြီး ထောက်ပံ့မှု ပေးလာတာတွေရဲ့ တစိတ် တပိုင်းလည်း ဖြစ်ပါတယ်လို့ သြစတြေးလျ ၀န်ကြီးချုပ် ဂျူလီယာ ဂေးလဒ် (Julia Gillard) က ပြောဆိုပါတယ်။ ဒါပေမဲ့လည်း လက်နက်ရောင်းဝယ်မှု ကန့်သတ်ချက်ကိုတော့ ဆက်ပြီး ထားရှိဦးမှာပါ။
ဒီလုပ်ဆောင်ချက်က စစ်ရေး ဆက်ဆံရေး ပုံမှန်ဖြစ်စေရေးအတွက် ပထမအဆင့် ခြေလှမ်း ဖြစ်တယ်လို့ ၀န်ကြီးချုပ် ဂေးလဒ် က ပြောဆိုလိုက်ပြီး အထောက်အကူ ပေးတာတွေဟာ ဒီမိုကရေစီရေး လိုလားသူတွေအတွက် အထောက်အကူ ဖြစ်စေဖို့ ရည်ရွယ်တယ်လို့ လည်း ကြေညာလိုက်ပါတယ်။
“ဒီကနေ့ ကျမအနေနဲ့ ၀မ်းမြောက်ဝမ်းသာနဲ့ ကြေညာပေးချင်တာကတော့ အရေးကြီးတဲ့ ကျမတို့ရဲ့ အထောက်အပံ့ အစီအစဉ်သစ်တခုပါ။ ပြုပြင်ပြောင်းလဲရေးအတွက် နှစ်နိုင်ငံ ကြားအတူတကွ လုပ်ဆောင်ခြင်းလည်း ဖြစ်ပါတယ်။ ဒီမိုကရေစီ အဆောက်အအုံတွေ အားကောင်းလာဖို့ ၊ လူ့အခွင့်အရေးဆိုင်ရာ တိုးတက်လာအောင် သင်ကြားပေမယ့် သင်တန်းတွေ၊ စီးပွားရေး အုပ်ချုပ်မှု တိုးတက်လာစေဖို့နဲ့ ဥပဒေ စိုးမိုးရေးကို မြှင့်တင်ပေးဖို့အတွက် ဒေါ်လာ သန်း ၂၀ ပေးမှာ ဖြစ်ပါတယ်။”
သမ္မတ ဦးသိန်းစိန်ကလည်း သြစတြေးလျနိုင်ငံအနေနဲ့ မြန်မာ့ ဒီမိုကရေစီ အရေးကို အကူအညီ အထောက်အပံ့တွေ ပေးကြဖို့ ပြောဆိုခဲ့ပါတယ်။ နှစ်နိုင်ငံ မိတ်ဖက်နိုင်ငံတွေ ဖြစ်လာမယ်လို့ ယုံကြည် တဲ့အကြောင်းလည်း ၀န်ကြီးချုပ် ဂျူလီယာ ဂေးလဒ်နဲ့အတူ သတင်းစာ ရှင်းလင်းပွဲမှာ သမ္မတ ဦးသိန်းစိန်က ပြောပါတယ်။
“မြန်မာနိုင်ငံကိုလည်း သြစတြေးလျနိုင်ငံလိုပဲ ငြိမ်းချမ်းမှု ရှိရှိနဲ့ ဒီမိုကရေစီ ထွန်းကား ပြီးတော့ ချမ်းသာကြွယ်ဝတဲ့ နိုင်ငံတနိုင်ငံဖြစ်ဖို့အတွက် ကျနော့်အနေနဲ့ စိတ်ရင်းစေတနာ မှန်မှန်နဲ့ ယုံကြည်မျှော်လင့်မိပါတယ်။ ဒါကြောင့် ကျနော်တို့နိုင်ငံအနေနဲ့ သြစတြေးလျနိုင်ငံ ကို နမူနာယူပြီး လေ့လာစရာတွေ အများကြီးရှိပါတယ်။ သြစတြေးလျနိုင်ငံကလည်း ကျနော်တို့နိုင်ငံရဲ့ ဒီမိုကရေစီ လမ်းခရီးအတွက် လိုအပ်တာတွေ ကူညီထောက်ပြပေး စရာတွေကို ကူညီပေးနိုင်မယ်။ အတွေ့အကြုံတွေကို ဖလှယ်ပေးနိုင်မယ်လို့ ကျနော့်အနေနဲ့ ယုံကြည်မျှော်လင့်မိပါတယ်။ ဒီကနေ့အချိန်ဟာဆိုရင် သြစတြေးလျနိုင်ငံနဲ့ မြန်မာနိုင်ငံ တို့အကြား မိတ်ဖက်ဖြစ်မှု ရင်းနှီးချစ်ကြည်မှုတွေ အတွက် စာမျက်နှာသစ် ဖွင့်လှစ်နိုင်တဲ့ အချိန်တခုဖြစ်တယ်လို့ ဆိုရမှာဖြစ်ပါတယ်။”
လူ့အခွင့်အရေး လှုပ်ရှားသူတွေကတော့ သမ္မတ ဦးသိန်းစိန်ရဲ့ ခရီးစဉ် အစမှာဘဲ Canberra မှာရှိတဲ့ မြန်မာသံရုံးနဲ့ လွှတ်တော်အဆောက်အဦးရှေ့မှာ ဆန္ဒပြခဲ့ကြပါတယ်။ သြစတြေးလျ နဲ့ မြန်မာခေါင်းဆောင်တွေအကြား ကုန်သွယ်ရေးနဲ့ ရင်းနှီးမြှုပ်နှံမှုတွေ မဆွေးနွေးခင် လူ့အခွင့်အရေးကိစ္စကို အရင် ပြောကြရမယ်ဆိုပြီး တောင်းဆိုခဲ့ကြပါတယ်။
မြန်မာ့အကျဉ်းထောင်တွေထဲမှာ နိုင်ငံရေးအကျဉ်းသားတွေ ရာနဲ့ချီပြီး ရှိနေဆဲဖြစ်ပြီး ရိုဟင်ဂျာ မူဆလင်တွေ အပါအ၀င် လူနည်းစု တိုင်းရင်းသားတွေအပေါ်မှာ စစ်တပ်က အကြမ်းဖက်မှုတွေ ကျူးလွန်နေပါတယ်ဆိုပြီးလည်း ဆန္ဒပြသူတွေက စွပ်စွဲ ပြောဆိုကြ ပါတယ်။
Sydney မြို့တော် Macquarie တက္ကသိုလ်က မြန်မာ့အရေး ကျွမ်းကျင်သူ စီးပွားရေး ပညာရှင် ပါမောက္ခ ရှောင် တာနဲလ် (Sean Turnell) ကတော့ သြစတြေးလျအစိုးရ အနေနဲ့ ဒီစွပ်စွဲချက်တွေကို အရေးယူ လုပ်ဆောင်ရမယ်လို့ ပြောပါတယ်။
“ဒီကိစ္စက လူတိုင်း စိုးရိမ်ရမယ့် ကိစ္စပါ။ ဒါပေမဲ့လည်း သြစတြေးလျအတွက်ကတော့ သေချာပေါက် စိုးရိမ်ရမယ့် ကိစ္စ ဖြစ်ပါတယ်။ ဘာကြောင့်လဲဆိုတော့ နောက်ဆုံးတော့ ဒီလို လူတွေက ဒုက္ခသည်တွေအဖြစ်နဲ့ ဒီနိုင်ငံထဲကို ၀င်ရောက်လာကြလို့ပဲ ဖြစ်ပါတယ်။ ကျနော်ခန့်မှန်းလို့ ရသလောက်တော့ ဒီကိစ္စက သြစတြေးလျအနေနဲ့ မြန်မာသမ္မတ ကို ပြောဆိုနိုင်တဲ့ကိစ္စ ဖြစ်ပါတယ်။”
ဗိုလ်ချုပ်ဟောင်းတဦးဖြစ်တဲ့ ဦးသိန်းစိန်ဟာ နှစ်ပေါင်း ၂၀ အတွင်း ပထမဆုံး ရွေးကောက် ပွဲအပြီး ၂၀၁၁ ခုနှစ် မတ်လက သမ္မတ ဖြစ်လာခဲ့သူပါ။ သြစတြေးလျ ခရီးစဉ်အတွင်း Canberra မြို့မှာ ၀န်ကြီးချုပ် ဂျူလီယာ ဂေးလဒ်နဲ့အတူ တခြား အကြီးတန်း အရာရှိတွေ၊ စီးပွားရေး ခေါင်းဆောင်တွေ နဲ့လည်း တွေ့ဆုံပါတယ်။
မြန်မာနိုင်ငံတွင်းကို နိုင်ငံခြား ရင်းနှီးမြှုပ်နှံမှုတွေ ပိုဝင်ရောက်လာအောင် မြှင့်တင်တဲ့ ခရီးစဉ်အဖြစ် နယူးဇီးလန်နိုင်ငံကို သွားရောက်တာကနေ သြစတြေးလျနိုင်ငံကို ၀င်ရောက် တာလည်း ဖြစ်ပါတယ်။
မြန်မာအစိုးရဟာ လမ်းတွေ၊ ဟိုတယ်တွေနဲ့ လေဆိပ်တွေ အပါအ၀င် နိုင်ငံတွင်းက အခြေခံ အဆောက်အအုံတွေကို အလုံးစုံ ပြုပြင်ပြောင်းလဲရေး လုပ်ကိုင်ပြီး နိုင်ငံရဲ့ စီးပွားရေးကို
ပြန်လည် ဦးမော့လာစေဖို့အတွက် ဆောင်ရွက်လိုနေတာလည်း ဖြစ်ပါတယ်။
Ref: VOA News
ရန်ကုန်ငြိမ်းချမ်းရေး လမ်းလျှောက်အဖွဲ့ လိုင်ဇာရောက်
2013-03-18
ရန်ကုန်ကနေ လိုင်ဇာကို ခရီးရှည်လမ်းလျှောက်ချီတက် ခဲ့ကြတဲ့ ငြိမ်းချမ်းရေး လမ်းလျှောက် အဖွဲ့ဟာ ဒီနေ့မှာ ကေအိုင်အို (ကချင်လွတ်မြောက်ရေး အဖွဲ့) ဌာနချုပ် လိုင်ဇာကို ရောက်ခဲ့ပါတယ်။
ငြိမ်းချမ်းရေး လမ်းလျှောက် အဖွဲ့ဟာ လူဦးရေ ၁၅၀ လောက်ရှိပြီး ဒီနေ့ ညနေ ၄ နာရီခွဲ အချိန်မှာ လိုင်ဇာမြို့ကို ရောက်ရှိပြီး မြို့ခံ ပြည်သူလူထု အပြင် ကေအိုင်အို၊ အေဘီအက်စ်ဒီအက်ဖ်၊ ပလောင် အဖွဲ့နဲ့ ကိုးကန့်အဖွဲ့တွေက တာဝန် ရှိသူတွေကလည်း ပူးပေါင်း ကြိုဆိုခဲ့ကြပါတယ်။
ဒီလမ်းလျှောက်တဲ့အဖွဲ့မှာ သံဃာတွေ၊ အမျိုးသမီးတွေလည်း ပါဝင်ပြီး သူတို့လမ်းခရီး တစ်လကျော် အကြာမှာ ကျန်းမာရေး အခက်အခဲ၊ လမ်းလျှောက် အဖွဲ့အတွင်း သဘောထား မတူညီတာတွေ စတဲ့ အခက်အခဲတွေကို ကြုံတွေ့ ရတဲ့အကြောင်း အဖွဲ့ခေါင်းဆောင် အဖြစ် တာဝန်ယူထားသူ ကိုရန်နိုင်ထွန်းက ပြောပြပါတယ်။
ပြီးခဲ့တဲ့ သီတင်းပတ်အတွင်းကလည်း မြင်းခြံကနေ လိုင်ဇာအထိ ငြိမ်းချမ်းရေးအတွက် လမ်းလျှောက်တဲ့ အဖွဲ့ဟာ လိုင်ဇာမြို့ကို ရောက်ရှိ ခဲ့ပြီးဖြစ်ပါတယ်။
ကိုရန်နိုင်ထွန်း ဦးဆောင်တဲ့အဖွဲ့က ဇန်နဝါရီလ ၂၁ ရက်နေ့က ရန်ကုန်မြို့ကနေ စတင်ထွက်ခွာခဲ့တာ ဖြစ်ပါတယ်။
Ref: RFA News
အောက်စဖို့ဒ် တက္ကသိုလ် ဆွေးနွေးပွဲတွင် ဒေါ်စုအား ပြင်းထန်စွာဝေဖန် လိုက်ကြ
တနင်္လာနေ့၊ မတ်လ ၁၈ ရက် ၂၀၁၃
လက်ပံတောင်းအစီရင်ခံစာ ထွက်ပေါ်လာခဲ့ပြီးနောက်ပိုင်း ရက်အနည်းငယ်သည် အတိုက်အခံ ခေါင်းဆောင် ဒေါ်အောင်ဆန်းစုကြည် အတွက် ခက်ခဲ၍ အရေးကြီးသော သီတင်းပတ် ဖြစ်သည်ဟု အချို့က ဆိုကြသည်။
မီဒီယာများ၊ နိုင်ငံတကာ အသိုင်းအဝိုင်းများ၊ ယခင်က ဒေါ်အောင်ဆန်းစုကြည် အား ထောက်ခံခဲ့ သူများ သာမက အမျိုးသား ဒီမိုကရေစီ အဖွဲ့ချုပ် ပါတီဝင်များ သည်ပင်လျှင် လက်ပံတောင်း ကြေးနီ စီမံကိန်းနှင့် ပတ်သတ်၍
ဒေါ်အောင်ဆန်းစုကြည် ခေါင်းဆောင်ခဲ့သော စုံစမ်းစစ်ဆေးရေး ကော်မရှင်၏ ရပ်တည်ချက် အပေါ် ပြင်းထန်စွာ ဝေဖန်စရာများ ရှိခဲ့သည်။
ဒေါ်အောင်ဆန်းစုကြည်သည် သူ ငယ်ရွယ်စဉ်က ပညာ ဆည်းပူးခဲ့ဖူးသည့် အောက်စဖို့ဒ် တက္ကသိုလ်၌ ၂၀၁၂ ခုနှစ်၊ ဇွန်လ ၂၀ ရက်နေ့က မိန့်ခွန်းပြောကြားခဲ့ရာတွင် မြန်မာနိုင်ငံ အနေဖြင့် အနာဂတ် အောင်မြင်နိုင်ရေး လမ်းခရီးကို ဖြတ်သန်းရာတွင် လွယ်ကူလိမ့်မည် မဟုတ်ဟု ဆိုခဲ့ဖူးသည်။
ယခုအခါတွင်မူ ဒေါ်အောင်ဆန်းစုကြည် ပညာဆည်းပူးခဲ့သည့် ကျောင်းတော်ဟောင်း အောက်စဖို့ဒ် တက္ကသိုလ်မှ ပညာရှင် များကလည်း လက်ပံတောင်း ကြေးနီ စီမံကိန်းနှင့် ပတ်သတ်၍ ဒေါ်အောင်ဆန်းစုကြည် ဦးဆောင်သည့် ကော်မရှင်၏ ရပ်တည်ချက် အပေါ် ဝေဖန် လာကြသည်။
မတ်လ ၈ ရက်နေ့မှ ၁၀ ရက်နေ့ အထိ အောက်စဖို့ဒ် တက္ကသိုလ်တွင် ကျင်းပခဲ့သည့် ဒုတိယ အကြိမ်မြောက် အရှေ့တောင် အာရှ လေ့လာရေး ဆွေးနွေးပွဲတွင် မြန်မာနိုင်ငံနှင့် ပတ်သတ်သည့် အကြောင်း အရာများက လွှမ်းမိုး ခဲ့သည်ဟု Oxford Student အစီရင်ခံစာ တစောင်က ဆိုသည်။
မြန်မာနိုင်ငံ၏ ပြုပြင်ပြောင်းလဲရေး အပေါ် အပြုသဘောဆောင်သည့် မီဒီယာ ဖော်ပြမှုများ ရှိသော်လည်း မြန်မာနိုင်ငံအတွင်း ဖွံ့ဖြိုး တိုးတက် မှုများနှင့် ပတ်သတ်၍ သံသယဖြင့်သာ ရှုမြင်သင့်ကာ စစ်မှန်သော အပြောင်းအလဲ ပေါ်ပေါက်ရေး အတွက် အခွင့်အလမ်း လွဲချော်နေဆဲ ဖြစ်သည်ဟု အရှေ့တောင်အာရှ သမိုင်းဆိုင်ရာ ဂုဏ်ထူးဆောင် ပုဂ္ဂိုလ် Dr. Peter Carey က ပြောဆိုခဲ့သည်ဟု သတင်းများက ဆိုကြသည်။
အစိုးရက ကချင်လက်နက်ကိုင် အဖွဲ့ကို တိုက်ခိုက်နေခဲ့သည့် ကိစ္စတွင် ဒေါ်အောင်ဆန်းစုကြည်က တောက်လျှောက် နှုတ်ဆိတ်နေခဲ့ခြင်း အပေါ် အထူးဝေဖန် ခဲ့ကြသည်ဟု Oxford Student အစီရင်ခံစာက ဆိုသည်။ ထို့ပြင် လူ့အခွင့် အရေး ချိုးဖောက်မှု ကိစ္စရပ်များအပေါ် မဝေဖန်ခဲ့သောကြောင့် စိတ်ပိုင်းဆိုင်ရာ သြဇာညောင်းမှုကို ဆုံးရှုံးနေသည် ဟုလည်း ဆိုခဲ့သည်။
“မျှော်လင့်ချက်တွေဟာ နည်းပါးနေပါတယ်။ နောက်ပြီး ဒေါ်စုဟာလည်း ပြောသင့်တာတွေကို ပြောဖို့လိုအပ်ပါတယ်” ဟု Dr. Carey က ဆိုသည်။
မြန်မာနိုင်ငံ အတွင်း ပြုပြင်ပြောင်းလဲမှုများသည် အမှန်တကယ် သဘာဝကျကျ တိုးတက်နေခြင်း ရှိမရှိကိုလည်း ဆွေးနွေးပွဲ တက်ရောက် သူများကို Oxford Student အဖွဲ့က မေးခွန်း ထုတ်ခဲ့သေးသည်။ Burma Campaign (UK) မှ အလုပ်အမှုဆောင် ဒါရိုက်တာ Anna Robert က “ရည်ရွယ်ချက်တွေဟာ ဒီမိုကရေစီ နည်းကျ ဦးတည် မောင်းနှင် ထားတာ မဟုတ်ပါဘူး” ဟု ဆိုခဲ့သည်။
ဒေါ်အောင်ဆန်းစုကြည်၏ ကိုယ်တိုင် ဖိတ်ကြားချက် အရ ယခုလနှောင်းပိုင်းတွင် မြန်မာနိုင်ငံသို့ သီတင်း နှစ်ပတ်ကြာ သွားရောက် လည်ပတ်ရန် ရွေးချယ်ခြင်း ခံထားရသည့် အောက်စဖို့ဒ် ကျောင်းသား ကိုယ်စားလှယ် အဖွဲ့က ထိုဆွေးနွေးပွဲကို ကျင်းပခဲ့ခြင်း ဖြစ်သည်။
Ref: မဇ္ဈိမ
Posts
