မောင်လူလေး
ဇူလိုင်လ ၆ ရက် ၂၀၁၂
အာရှလူ့အဖွဲ့အစည်းတွေရဲ့ ဒီမိုကရေစီ အပြောင်း အလဲတွေကို ကြည့်မယ် ဆိုရင် စစ်တပ်တွေရဲ့ အခန်း ကဏ္ဍကို မတူ တဲ့ အတိုင်း အတာတွေ အရ နည်းလမ်း အမျိုးမျိုးနဲ့ ပြန်လည် ပုံသွင်း ပြောင်းလဲ ခဲ့ရတာကို လေ့လာ သိရှိရပါတယ်။ ဒီဖြစ်စဉ် အပြောင်း အလဲတွေမှာ ကမ္ဘာလုံး ဆိုင်ရာ မဟာဗျူဟာ ပတ်ဝန်းကျင် အပြောင်းအလဲနဲ့ ဒေသတွင်း မဟာဗျူဟာ အပြောင်းအလဲတွေက စစ်တပ်ရဲ့ အခန်းကဏ္ဍကို ပြန်လည် အဓိပ္ပါယ်ဖွင့်ဆိုဖို့ သက်ဆိုင်ရာအစိုးရတွေအပေါ် ထဲထဲ ၀င်ဝင် တွန်းအားပေး သက်ရောက်မှုတွေ ရှိနေခဲ့တာကို အထင်အရှား တွေ့မြင်ရပါတယ်။
ဥပမာ၊ ဒုတိယကမ္ဘာစစ်အပြီးကစလို့ ဆိုဗီယက်ယူနီယံပြိုကွဲချိန်ထိ ကြာမြင့်ခဲ့တဲ့ စစ်အေးခတ် ကာလ အတွင်း ကမ္ဘာ့ အင်အား ကြီး ၂နိုင်ငံဖြစ်တဲ့ ဆိုဗီယက် ရုရှနဲ့ အမေရိကန် တို့အပေါ် အခြေပြုပြီး ဆန့်ကျင်ဖက် ပင်မ အုပ်စုကြီး ၂ခုနဲ့ အဲဒီ အုပ်စုကြီး၂ခုရဲ့ သြဇာ အာဏာ လွှမ်းမိုးမှုကို မခံလိုတဲ့ ကြားနေ ဘက်မလိုက် အင်အားစု ဆိုတဲ့ အုပ်စုကြီး ၃ စု ပေါ် ခဲ့ဖူးပါတယ်။ မြန်မာပြည်ကတော့ ဒီအုပ်စု ၃ စု ထဲက ဘက်မလိုက် အုပ်စုထဲမှာ ပါခဲ့ပါတယ်။ ဒီလို ပါဝင်ခဲ့တဲ့ အတွက် ဒီ အခြေအနေတွေ အောက်မှာ ကျနော်တို့ ဗမာ့ တပ်မတော်ဟာ ဒေသတွင်းက အိမ်နီးခြင်းနိုင်ငံတွေဖြစ်တဲ့ ဗီယက်နမ်၊ လာအို၊ ကမ္ဗောဒီးယား၊ ထိုင်းနိုင်ငံ တို့လို စစ်အေး တိုက်ပွဲရဲ့ ရလဒ်ဖြစ်တဲ့ ဒေသတွင်း စစ်ပွဲတွေရဲ့ အန္တရာယ်ကနေ ကင်းဝေးခဲ့ပြီး ခေတ်မီနိုင်ငံကြီးတွေရဲ့ စွက်ဖက်မှု ကနေ ရှောင်ရှားနိုင်ခဲ့ပါတယ်။ ဒါက အကောင်းဖက်က ရလဒ်တွေပါ။ ဒါနဲ့အတူ တခြား တဖက်ဖြစ်တဲ့ ဆိုးကျိုးတွေလည်း ရှိခဲ့ပါတယ်။
ဒီကမ္ဘာ့အခင်းအကျင်းအခြေအနေတွေ ရိုက်ခတ် ချက်ကြောင့် တိုင်းပြည်ကို နိုင်ငံကြီးတွေရဲ့ သြဇာ အာဏာ အောက် မကျရောက်ရေး ဆိုတဲ့ စဉ်းစားမှုတွေနဲ့ တိုင်းပြည်ကို တံခါးပိတ်ဝါဒ ကျင့်သုံးနေခဲ့တာကြောင့် ခေတ်မီ နိုင်ငံကြီးတွေနဲ့ အဆက်အစပ် မရှိတော့ဘဲ အပြင် ကမ္ဘာနဲ့ ကင်းကွာကာ စီးပွားရေး၊ လူမှုရေး၊ ပညာရေး၊ ကျန်းမာရေး၊ စက်မှု နည်းပညာ၊ စတဲ့ နယ်ပယ် အသီးသီးမှာ ခေတ်နောက်ကျ ကျန်နေ ခဲ့ပါတော့တယ်။ အကျိုးဆက်က လူအများရဲ့အတွေးတွေ၊ အထူး သဖြင့် အာဏာ ကိုင်စွဲထား သူတွေရဲ့ စဉ်းစားတွေးခေါ်မှုတွေဟာ ကျဉ်းမြောင်းသထက် ကျဉ်းမြောင်းလာပြီး ဒီမိုကရေစီ လမ်းကြောင်းကနေ နောက်ပြန် ဆုတ်သွားတဲ့၊ စစ်တပ်က အကြွင်းမဲ့ အာဏာ သိမ်းတဲ့ စစ်အာဏာရှင်စနစ် လမ်း ကြောင်းပေါ်ထိ ဆိုက်ရောက် သွားပါတော့တယ်။ ဒီတော့ မူလကတည်းက ရှိနေခဲ့တဲ့ ပြည်တွင်း ပဋိပက္ခတွေကို နိုင်ငံ ရေး နည်းလမ်းနဲ့ ဖြေရှင်ရမယ့် အစား တပ်မတော်က ပြည်တွင်းစစ်ကို ပုံအော တိုက်ရတဲ့ ဘ၀ အခြေအနေတွေထိ ရောက်ရှိ သွားပါတော့တယ်။ ဒီလိုနဲ့ တိုင်းပြည်လည်း စီးပွားရေး၊ လူမှုရေး၊ ပညာရေး ဘက်ပေါင်းစုံတွင် ချွတ်ချုံကျကာ ကမ္ဘာ့ အဆင်းရဲဆုံး နိုင်ငံဘ၀ ရောက်ရှိ သွားခဲ့ရပါတယ်။
အဲဒီကနေ အခုအခါ ၂၀၁၀ ခုနှစ် နိုဝင်ဘာလက စပြီး ရွေးကောက်ပွဲနဲ့ တက်လာတဲ့ စစ်တပ်တပိုင်း၊ အရပ်သားအစိုး ရတပိုင်း အစိုးရအဖွဲ့တခု ပေါ်ပေါက်လာပြီး စစ်အာဏာရှင်စနစ်ကနေ ဒီမိုကရေစီနိုင်ငံကို ပြောင်းလဲလိုက်ကြောင်း ကမ္ဘာသိ ကြေညာလုပ်ဆောင်လာတဲ့ အခြေအနေတခုကို ပြန်လည်ရောက်ရှိလာနေပါတယ်။ ဒီအခြေအနေတွေ အောက်မှာ မြန်မာနိုင်ငံဟာ ကမ္ဘာ့နိုင်ငံတွေနဲ့ သံခင်း တမန်ခင်း အခြေအနေတွေ ပြန်လည်ဆက်စပ်မှု ရှိလာပြီး ကမ္ဘာ့မိ သားစုအ၀န်းအ၀ိုင်းထဲ ပြန်ရောက်လာတော့၊ တပ်မတော်ကလည်း ဒီအခြေအနေတွေနဲ့ လိုက်လျော ညီထွေဖြစ်မယ့် ပြည်တွင်း၊ ပြည်ပ အခင်းအကျင်းတွေမှာ မုချ ပြောင်းလဲရပါတော့မယ်။
တပ်မတော်က ဘာကို ပြောင်းလဲရမလဲ ဆိုရာမှာ သေချာတာက ပြည်တွင်းရေးမှာ တပ်မတော်က ပြည်တွင်း စစ် တိုက်နေတာကို မုချ ရပ်ပစ်ရမှာ ဖြစ်ပြီး တိုင်းရင်းသားပေါင်းစုံပါဝင်တဲ့ ငြိမ်းချမ်းတဲ့ ပတ်ဝန်းကျင်တခု တည်ဆောက် ရမှာ ဖြစ်သလို၊ တပ်ဖွဲ့တွေအတွင်း အရာရှိ၊ အကြပ်စစ်သည်အားလုံးရဲ့ စိတ်နေစိတ်ထား၊ အပြုအမူ တွေကို ဒီမိုကရေစီ စနစ်နဲ့ အညီ၊ ပြန်လည် ဖွဲ့စည်းမှုတွေ လေ့ကျင့်မှုတွေ လုပ်ဖို့ အရေးတကြီး လိုအပ် လာနေပါတယ်။ ဒါ့ပြင် ဒေသ တွင်း မှာလည်း မဟာဗျူဟာ ပတ်ဝန်းကျင်သစ်အရ စစ်ဘက်ဆိုင်ရာ ခေတ်မီရေး အပါအ၀င် စစ်သည်တွေရဲ့ စွမ်းရည်မြင့် မားရေးတွေကို လုပ်ဆောင် ရပါတော့မယ်။
ဒီမှာ ဒီအပြောင်းအလဲ ဖော်ဆောင်မှုတွေမှာ တပ်မတော် အတွက် အရေးအကြီးဆုံး ပြောင်းလဲရမယ့် အရာတခုကတော့ “တပ်မတော်သာ အမိ၊ တပ်မတော်သာအဖ” ဆိုတဲ့အစား “ပြည်သူသာအမိ၊ ပြည်သူသာ အဖ” ဆိုတဲ့ စိတ်ဓါတ် ဆောင်ပုဒ် ကို ပြောင်းလဲ ကျင့်သုံးရေးဟာ ပထမဦးဆုံးနဲ့ အလိုအပ်ဆုံး အရာပဲ ဖြစ်ပါတယ်။ ဒီအရင်းခံ စိတ်ဓါတ် အခြေခံ အပြောင်းအပေါ် မူတည်ပြီး တိုင်းရင်းသား လူမျိုးစုံပြည်သူ လူထုရဲ့ အသက်အိုးအိမ် စည်းစိမ်တွေကို အကာ အကွယ်ပေးရေး ဆိုတဲ့ စိတ်ဓါတ် ကျင့်ဝတ်တွေ ရရှိလာအောင် တစတစ လေ့ကျင့်ပြုစု ပျိုးထောင်ပေးရေးဟာ မရှိမဖြစ် အရေးကြီးလှ ပါတယ်။ ဒီကမှတဆင့် ဒီမိုကရေစီနဲ့ လူ့အခွင့်အရေးကို ကာကွယ်စောင့်ရှောက်တဲ့ ကမ္ဘာ့ စံချိန် စံညွှန်း မီတဲ့ တပ်မတော် တရပ် ဖြစ်ပေါ်လာရေး အထိ ပြုစု ပျိုးထောင် သွားရမှာ ဖြစ်ပါတယ်။
တဖက်မှာလည်း ကမ္ဘာ့အခြေအနေနဲ့ဒေသတွင်း အခြေအနေ အပြောင်း အလဲတွေ အရ ဒေသတွင်း ဆိုင်ရာ မဟာဗျူ ဟာ ရည်မှန်းချက်တွေချမှတ်ကာ တပ်မတော်ခေတ်မီရေး လုပ်ငန်းတွေကို ဆထက်ထမ်းပိုး လုပ်ဆောင် သွားဖို့လည်း ရှိ နေပါသေးတယ်။ ဒေသတွင်း မဟာဗျူဟာ ရည်မှန်းချက် ဆိုတာကတော့ အနီးဆုံး ဥပမာ ပြရမယ်ဆိုလျှင် ထိုင်းနိုင်ငံဟာ စစ်အေးတိုက်ပွဲ ပြီးဆုံးချိန်မှာ အရင်က ဗီယက်နမ်နဲ့ ထိပ်တိုက်ရင်ဆိုင်ရေး ဆိုတဲ့ မဟာဗျူဟာ ရည်ရွယ်ချက် ရပ်တည်မှုကို စွန့်လွှတ်လိုက်ပြီး နဂိုမူလက ကွန်မြူနစ် ၀ါဒကို ဆန့်ကျင်တဲ့ စစ်ပွဲတွေရဲ့ ရှေ့တန်း စစ်မျက်နှာမှာ တည်ရှိနေတဲ့ နိုင်ငံတခု အနေအထား ကနေ အိမ်နီးခြင်းကောင်း ဆက်ဆံမှု မဟာဗျူဟာ အခင်းအကျင်း ဦးတည်ချက် တခုဆီ ချမှတ် ပြောင်းလဲ လုပ်ဆောင် လာခြင်းမျိုး ဖြစ်ပါတယ်။
ဒီဖြစ်စဉ် အခြေအနေတွေကို ရှုမြင်ဆင်ခြင်ပြီး အနာဂတ် ဒီမိုကရေစီ အပြောင်း အလဲမှာ တပ်မတော် အနေနဲ့ အသိ ရှိရှိ ပါဝင် ပြောင်းလဲနိုင်ကြဖို့ နိုးနိုးကြားကြား ရှိကြဖို့သာ လိုပါတော့တယ်။
မောင်လူလေး
Read More...
Collapse...
မျိုးသန့်
ကြာသပတေးနေ့၊ ဇူလိုင်လ ၀၅ ရက် ၂၀၁၂
ရန်ကုန် (မဇ္ဈိမ) ။ ။ သမ္မတ နှစ်ဦး ဦးဆောင်ပါဝင်ဖွဲ့စည်းထားသည့် ပြည်ထောင်စု ငြိမ်းချမ်းရေး ဖေါ်ဆောင်ရေး ဗဟိုကော်မတီ၏ ပထမဆုံး အစည်း အဝေးတွင် တိုင်းရင်းသားတို့ တန်းတူ အခွင့်အရေး ရရှိရန် လွှတ်တော်မှ ဥပဒေ ပြဋ္ဌာန်း ဆောင်ရွက်ပေးသင့်ကြောင်း သမ္မတ ဦးသိန်းစိန်မှ မှာကြားသည်ကို နိုင်ငံတော် သမ္မတရုံး အင်တာနက် စာမျက်နှာတွင် ဖေါ်ပြထားသည်။
နေပြည်တော် သမ္မတ အိမ်တော်တွင် ဇွန်လ ၃ ရက်နေ့က ပြုလုပ်သည့် ပြည်ထောင်စု ငြိမ်းချမ်းရေး ဖေါ်ဆောင်ရေး ဗဟိုကော်မတီ
နှစ်လပြည့်သည့်နေ့ ပထမဆုံး စည်းဝေးမှုတွင် တိုင်းရင်းသားများ အခွင့်အရေး အတွက် ဥပဒေ တရပ် ပြဋ္ဌာန်းမှသာ ငြိမ်းချမ်းရေး လုပ်ငန်းစဉ်များ ပိုမိုအောင်မြင်မည် ဟုလည်း သမ္မတ ဦးသိန်းစိန်က ပြောသွားသည်။
"တိုင်းရင်းသားများအတွက် အသက်တမျှ အရေးကြီးတဲ့ ဥပဒေ တရပ်ပြဋ္ဌာန်း ထားသော တန်းတူရည်တူ အခွင့်အရေးများနဲ့ အခြား
သော တိုင်းရင်းသားများ အခွင့်အရေးများကို လွှတ်တော်မှ လေ့လာသုံးသပ်ပြီး ဥပဒေ ပြဋ္ဌာန်းပေးမယ် ဆိုရင် မိမိတို့ တာဝန်ယူ ဆောင်ရွက်နေတဲ့ ပြည်တွင်း ငြိမ်းချမ်းရေး ဗဟိုကော်မတီရဲ့ လုပ်ငန်းများ အလျင်အမြန် အောင်မြင်နိုင်မှာ ဖြစ်ပါတယ်။" ဟု သမ္မတက ပြောသွား သည်။
သမ္မတက "ပြည်ထောင်စု မြန်မာနိုင်ငံကို တိုင်းရင်းသား အားလုံး ပိုင်ဆိုင်ကြသည့် အတွက် တန်းတူရည်တူ ဆက်ဆံမှုနဲ့ တန်းတူရည်တူ အခွင့်အရေး ရသင့်သူများ ဖြစ်ကြပါတယ်။ တိုင်းရင်းသားတို့ရဲ့ တူညီတဲ့ အဓိက ဆန္ဒဟာ ပြည်ထောင်စု အတွင်း တိုင်းရင်းသား လူမျိုးစု အားလုံး တန်းတူရည်တူ ဆက်ဆံမှုနဲ့ တန်းတူရည်တူ ညီမျှစွာ အခွင့်အရေး ရရှိရေးပင်ဖြစ်ပါတယ်။" ဟုလည်း ပြောသွားသည်။
ယင်းအပြင် ဖွဲ့စည်းပုံအခြေခံဥပဒေ အပိုဒ် ၃၆၅ တွင်ပါရှိသည့် "နိုင်ငံသားတိုင်းသည် ဥပဒေနှင့် အညီ မိမိတို့ အမြတ်တနိုး ထားရှိသော စာပေ၊ ယဉ်ကျေးမှု အနုပညာနှင့် ဓလေ့ထုံးတမ်းတို့ကို လွတ်လပ်စွာ ပြုစုပျိုးထောင် ဆောင်ရွက်ပိုင်ခွင့် ရှိသည်။" ဟူသည့် အပိုဒ်ကို ကိုးကား ထည့်သွင်း ပြောကြားသွားသည်။
ထို့ကြောင့် တိုင်းရင်းသား စည်းလုံးညီညွတ်မှု မထိခိုက်အောင် လွှတ်တော်မှ ဥပဒေများ ပြဋ္ဌာန်းပေးပါက တိုင်းရင်းသား တို့၏ လိုအင် ဆန္ဒ ပြည့်ဝမည်ဖြစ်ပြီး အမျိုးသား ပြန်လည်ပေါင်းစည်းညီညွတ်ရေးနှင့် တိုင်းရင်းသား ပဋိပက္ခများပြေလည် သွားနိုင်သည်ဟုလည်း ပြောသွားသည်။
စစ်အစိုးရထံမှ ၂၀၁၁ ခုနှစ် မတ်လအတွင် အာဏာလွှဲပြောင်း ရယူခဲ့သည့် ဗိုလ်ချုပ်ကြီးဟောင်း သမ္မတ ဦးသိန်းစိန်က ပြုပြင်ပြောင်းလဲ မှုများနှင့် ပတ်သက်၍ "စနစ်ဟောင်းမှ စနစ်သစ်သို့ ကူးပြောင်းရာမှာ ပြည်သူတွေဟာ စာရွက်ပေါ် တွင်သာ ကူးပြောင်းခြင်းမျိုး မဟုတ်ဘဲ လက်တွေ့ကျတဲ့ အပြောင်းအလဲကို လိုလားနေခြင်းဖြစ်ပါတယ်။ " ဟုလည်း သမ္မတက ဖြည့်စွက်ပြောကြားသည်။
သမ္မတ ဦးသိန်းစိန် ဥက္ကဋ္ဌအဖြစ် တာဝန်ယူဆောင်ရွက်နေသည့် မေလ ၃ ရက်နေ့တွင် ဖွဲ့စည်း ခဲ့သော ပြည်ထောင်စု ငြိမ်းချမ်းရေး ဖေါ်ဆောင်ရေး ဗဟိုကော်မတီတွင် ဒုသမ္မတ ရာထူးမှ အနားယူသွားပြီ ဖြစ်သည့် သီဟသူရ ဦးတင်အောင်မြင့်ဦး၊ ဒုတိယသမ္မတ ဒေါက်တာ စိုင်းမောက်ခမ်း၊ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်း၊ အမျိုးသား လွှတ်တော် ဥက္ကဋ္ဌ ဦးခင်အောင်မြင့်၊ တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင် ဒုတိယ ဗိုလ်ချုပ်ကြီးများ ဖြစ်ကြသည့် ဗိုလ်ချုပ်ကြီးလှမင်း၊ ဗိုလ်ချုပ်ကြီး သိန်းဋ္ဌေးနှင့် ပြည်ထောင်စု ရှေ့နေချုပ် ဒေါက်တာ ထွန်းရှင်တို့က အဖွဲ့ဝင်များ အဖြစ် ပါဝင် ဖွဲ့စည်းထားသည်။
Ref: မဇ္ဈိမ
Read More...
Collapse...
ကြာသပတေး, 05 ဇူလိုင် 2012
မြန်မာအစိုးရက နိုင်ငံရေးအကျဉ်းသားတချို့ကို ပြန်လွှတ်ပေးခဲ့တဲ့ အပေါ် ကုလသမဂ္ဂ လူ့အခွင့်အရေးဆိုင်ရာ ကျွမ်းကျင်သူ တဦးက ကြိုဆို လိုက်ပြီး ကျန်နေသေးတဲ့ နိုင်ငံရေး အကျဉ်းသားတွေကို အားလုံးကိုလည်း လွှတ်ပေးဖို့ ထပ်ပြီး တောင်းဆို လိုက်ပါတယ်။
“အမျိုးသားပြန်လည် သင့်မြတ်ရေးဆီ ရှေ့ရှုပြီး အစိုးရက လုပ်ဆောင်နေတဲ့ ပြုပြင်ပြောင်းလဲရေး အရှိန် အဟုန်နဲ့ တဆင့်ချင်း လုပ်ဆောင်မှုတွေ ကြောင့် အားတက် မိပါတယ်” - လို့ ကုလသမဂ္ဂရဲ့ မြန်မာနိုင်ငံ လူ့အခွင့်အရေး အခြေအနေ ဆိုင်ရာ အထူး စုံစမ်း စစ်ဆေးရေးမှူး တောမတ်စ် အိုဟေး ကင်တားနား (Tomas Ojea Quintana) ရဲ့ ဇူလိုင်လ ၅ ရက်နေ့စွဲနဲ့ ထုတ်ပြန်ချက် ထဲမှာ ဖော်ပြထားပါတယ်။
“ဒါပေမဲ့လည်း နိုင်ငံရေးအကျဉ်းသားအားလုံးကို ချက်ခြင်းနဲ့ စနစ်တကျ ခြွင်းချက်မရှိ ပြန်လွှတ်ပေးဖို့ ထပ်ပြီး တောင်းဆိုပါတယ်”- လို့ မစ္စတာ ကင်တားနားက ပြောပါတယ်။
မြန်မာအစိုးရက ပြီးခဲ့တဲ့အင်္ဂါနေ့မှာ အကျဉ်းသား ၄၆ ဦးကို လွှတ်ပေးခဲ့တဲ့ အထဲ နိုင်ငံရေး အကျဉ်းသား ၂၀ ကျော် ပါဝင်ခဲ့ တာပါ။
ကျန်နေသေးတဲ့ နိုင်ငံရေးအကျဉ်းသားတွေရဲ့မှတ်တမ်းကို ရှင်းရှင်း လင်းလင်းဖြစ်ဖို့ အတွက် ပြည့်စုံတဲ့ စုံစမ်း စစ်ဆေးမှုတခု လုပ်ဖို့ လိုအပ်ကြောင်း ကိုလည်း မစ္စတာ ကင်တားနားက အလေးအနက်ပြောထား ပါတယ်။ လိုအပ်တဲ့ အချက် အလက်တွေ စုဆောင်းတဲ့နေရာမှာ သက်ဆိုင်သူ အားလုံးနဲ့ အကြံယူ ညှိနှိုင်းဆောင်ရွက် ဖို့လည်း မစ္စတာ ကင်တားနား က မြန်မာ အစိုးရကို တောင်းဆို ထားပါတယ်။
Ref: VOA News
Read More...
Collapse...
2012-07-05
အမျိုးသားဒီမိုကရေစီ ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့ သူ့ရဲ့ မဲဆန္ဒ နယ်မြေဖြစ်တဲ့ ကော့မှူး မြို့နယ်ကို သွားရောက်ပြီး ဒေသခံပြည်သူတွေရဲ့ လိုအပ်ချက်တွေကို တွေ့ဆုံမေးမြန်း ခဲ့ကြောင်း သိရပါတယ်။
ကောမှူးမြို့က အောင်ဇမ္ဗူ ပရဟိတကျောင်းတိုက်မှာ ဒေသခံတွေနဲ့ ဒေါ်အောင်ဆန်းစုကြည်တို့ တွေ့ဆုံပြီး ဒေသခံတွေ တင်ပြလာတဲ့ အခက် အခဲတွေကို ဆွေးနွေးမေးမြန်း ခဲ့တယ်လို့ NLD ဗဟို အလုပ်အမှုဆောင် အဖွဲ့က ဦးသိန်းဦးက ပြောပါတယ်။
"၁၁ နာရီမှာ ကော့မှူး အောင်ဇမ္ဗူ ဘုန်းကြီးကျောင်းကို ရောက်လာတယ်။ ဘုန်းကြီးကျောင်းကို ငွေလှူပြီးတော့ အဲဒီက နယ်ခံတွေနဲ့ တွေ့တယ်။ တွေ့ပြီးတော့ သူတို့လိုအပ်တာတွေ အဲတာအကုန် တင်ပြကြတယ်ပေါ့။ အစ်မလည်း လုပ်နိုင်သလောက် လုပ်ပေးမယ်။ အထူးသဖြင့်တော့ ဒီလမ်းပန်း ဆက်သွယ်ရေး ကိစ္စတွေပေါ့။ နောက်ပညာရေး၊ ကျန်းမာရေး နောက်ကျောင်းထဲမှာ ရှိတဲ့ စာသင်ခန်းတွေ လိုက်ပြီးတော့ လေ့လာတယ်"
ဒေါ်အောင်ဆန်းစုကြည်ဟာ အောင်ဇမ္ဗူ ပရိယတ္တိ စာသင်တိုက် ဆရာတော်ကို ပရဟိတကျောင်းအတွက် ပညာရေး အလှူငွေအဖြစ် ၁၈ သိန်း လှုဒါန်းခဲ့ပါတယ်။ ကော့မှူးမြို့နယ် NLD အဖွဲ့ဝင်တွေနဲ့ တွေ့ဆုံ ဆွေးနွေးပြီး ဒေါ်အောင်ဆန်းစုကြည်ဟာ ညနေပိုင်းမှာ ရန်ကုန်မြို့ကို ပြန်လည် ထွက်ခွာလာကြောင်း သိရပါတယ်။
Ref: RFA News
Read More...
Collapse...
ခင်ဦးသာ
July 5, 2012
ရခိုင်ပြည်နယ် စစ်တွေမြို့ အမှတ် ၁ ရဲစခန်း၌ တိုက်ခိုက်မှု ဖြစ်ပွားခြင်းနှင့် ပတ်သက်ပြီး သင်္ကာ မကင်း၍ ဖမ်းဆီး ထားသူ ၁၈ ဦး ကို တရား စွဲဆိုရန် ယနေ့ စတင် ရုံးထုတ်ကြောင်း သိရသည်။
၎င်းတို့အား ပုဒ်မ ၆(၁) ပြည်သူပိုင်ပစ္စည်း ဖျက်ဆီးမှုဖြင့် တရား စွဲဆိုရန် ယမန်ယူထားပြီး ဖြစ်ကြောင်း၊ ထိုသူများကို ဇွန်လ ၁၆ ရက်နေ့က ဖမ်းဆီး ထားခြင်းဖြစ်ပြီး ယနေ့တွင် စစ်တွေမြို့နယ် တရားရုံး၌ ရုံးထုတ်ကြောင်း အမှုကို ကူညီဆောင်ရွက်ပေးနေ သည့် ရှေ့နေက ဧရာဝတီ ကို ပြောသည်။
ဖမ်းဆီးခံထားရသူများတွင် ရခိုင် တိုင်းရင်းသားများ တိုးတက်ရေးပါတီ (RNDP) မှ ၄ ဦး ပါဝင်၍ ထို ၄ ဦးနှင့် တခြား အကူအညီ တောင်းခံ ထားသူများအတွက် ကူညီဆောင်ရွက်ပေးသွားမည် ဖြစ်ကြောင်းလည်း ရှေ့နေ ဒေါ်အေးနုစိန် က ပြောဆိုသည်။
ရဲစခန်း တိုက်ခိုက်မှု နှင့်ပတ်သက်သည်ဟု ဆိုပြီး စစ်တွေဒေသခံ ၁၈ ဦးကို ဖမ်းဆီး အရေး ယူထားခြင်း ဖြစ်သည်။
စစ်တွေမြို့ နာဇီဈေး၌ ဈေးခွန် မတရားကောက်ခံခြင်းအား ဦးဆောင် ကန့်ကွက်ခဲ့သူ RNDP ပါတီမှ ဦးအောင်သန်းဝေ ဆိုသူ ကို လူတစုက ဖမ်းဆီး ထားကြောင်း၊ ထိုကိစ္စအား ရဲစခန်းမှ ဖြေရှင်းပေးရန် ဒေသခံများ စုပေါင်း တောင်းဆိုကြရာမှ ရဲစခန်း တိုက်ခိုက်မှု တခု ဇွန်လ ၃ ရက်နေ့တွင် ဖြစ်ပေါ်ခဲ့သည်။
ယခု ဖမ်းဆီးခံထားရသည့် RNDP ပါတီဝင်များသည် ရဲစခန်း တိုက်ခိုက်မှုကို အဓိက လုပ်ဆောင်ခဲ့သူများ မဟုတ်ကြောင်း၊ အမှုအခင်း ဖြစ်ပွားစေရန် လှုံ့ဆော်သူများ၊ အကြမ်းဖက် တိုက်ခိုက်မှု အဓိက လုပ်ဆောင်ခဲ့သူများကို အာဏာပိုင်များ က ဖော်ထုတ် ဖမ်းဆီးနိုင်ခြင်း မရှိသေးကြောင်း RNDP ၏ ပြောခွင့်ရသူ ဦးခိုင်ပြည်စိုး က ပြောသည်။
“ဒေသခံတချို့ အပစ်ခံရတယ်၊ အဲဒီလို ပစ်ခတ်တဲ့သူတွေ အရေးမယူဘူး၊ အဲဒီလို ဘာကြောင့် ပစ်ခတ်ရတယ် ဆိုတာလည်း မဖော်ထုတ်ဘဲ ကျနော်တို့ ပါတီဝင် တချို့ကိုပဲ အရောင်ပြ ဖမ်းဆီး ထားတယ်လို့ မြင်တယ်၊ ကျနော်တို့ ပါတီဝင်တွေ ပြန်လည် လွတ်မြောက်ဖို့ အတွက် ဥပဒေကြောင်း အရ ဆောင်ရွက်သွားမှာပါ”ဟု ၎င်းက ဆိုသည်။
ရဲစခန်းကို ခဲဖြင့်ပေါက်ခြင်း၊ ခြံစည်းရိုးများ ဖျက်ဆီးခြင်း စသည့် တိုက်ခိုက် သူများနှင့် ၀ိုင်းအုံ ကြည့်နေကြသည့် လူအုပ်ကြီးကို ရဲတပ်ဖွဲ့က ပစ်ခတ်မှုကြောင့် ၁၀ ဦးကျော် ဒဏ်ရာရခဲ့ပြီး ဒဏ်ရာ ပြင်းထန်သည့် လူနာ ၄ ဦး ဆေးကုသရန် ရန်ကုန်မြို့သို့ ပို့ဆောင် ခဲ့ရကြောင်း သိရသည်။
အထက်ပါ ဖြစ်ရပ်များနှင့်ပတ်သက်၍ စစ်တွေမြို့ အမှတ် ၁ ရဲစခန်းအား ဧရာဝတီမှ ဆက်သွယ် ခဲ့သော်လည်း ပြန်လည်ဖြေဆိုခြင်း မရှိပေ။
Ref: ဧရာဝတီ
Read More...
Collapse...
မျိုးသန့်
ဗုဒ္ဓဟူးနေ့၊ ဇူလိုင်လ ၀၄ ရက် ၂၀၁၂
ရန်ကုန် (မဇ္ဈိမ) ။ ။ ကျန်းမာရေးအကြောင်းပြချက်ဖြင့် ရာထူးမှ အနားယူ သွားသူ ဒုသမ္မတ ဦးတင်အောင်မြင့်ဦး ၏ ရာထူးနေရာကို တပ်မတော်သား လွှတ်တော် အမတ်များက ရွေးချယ်ကာ ဇူလိုင်လ ၁ဝ ရက်နေ့နောက်ဆုံး ထား၍ လွှတ်တော်သို့ တင်ပြပေးရန် သမ္မတ ဦးသိန်းစိန်က ပြည်ထောင်စု လွှတ်တော်သို့ ဗုဒ္ဓဟူးနေ့တွင် သဝဏ်လွှာပေးပို့ အကြောင်း ကြားသည်ဟု လွှတ်တော်တက် အမတ်များက မဇ္ဈိမကို ပြောသည်။
သမ္မတ ဦးသိန်းစိန်၏ သဝဏ်လွှာအတွင်း ဦးတင်အောင်မြင့်ဦး ရာထူးမှ အနားယူ သွားခြင်းနှင့် ပတ်သက်၍ ဒုသမ္မတ သည် ဧပြီလ ၁၈ ရက်နေ့တွင် စင်္ကာပူသို့ သွားရောက်ဆေးကုသမှု ခံယူခဲ့ပြီး ဇွန်လ ၃ဝ ရက်နေ့ အထိ ဆေးကုသခွင့် တောင်းခံ ခဲ့သည်ဟု ပါရှိသည်ကို အမျိုးသား လွှတ်တော်အမတ် ဦးဖုန်းမြင့်အောင်က မဇ္ဈိမကို ပြောသည်။
ယင်းနောက် ဇူလိုင်လ ၂ ရက်နေ့တွင် ရာထူးမှ နုတ်ထွက်စာကို သမ္မတရုံးသို့ တရားဝင် တင်ခဲ့သည် ဟုလည်း သဝဏ်လွှာ အတွင်း ပါဝင်သည်ဟု ဦးဖုန်းမြင့်အောင်က ပြောသည်။
သမ္မတ ဦးသိန်းစိန်၏ သဝဏ်လွှာတွင် လစ်လပ် သွားသည့် ဒုသမ္မတကို ရွေးချယ်ပေးခဲ့သည့် အစု အဖွဲ့မှာ တပ်မတော် သား လွှတ်တော် အမတ်များ ဖြစ်ခြင်းကြောင့် ယခု အကြိမ်တွင်လည်း တပ်မတော်သား လွှတ်တော် အမတ်များမှ ပြန်လည်ရွေးချယ်ပေးရန် ဖြစ်သည်ဟု ပါဝင်ကြောင်းလည်း သိရသည်။
ဦးဖုန်းမြင့်အောင်က တပ်မတော်သား လွှတ်တော် အမတ်များ သမ္မတ ရွေးချယ်မှုနှင့် ပတ်သက်၍ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် အပေါ်တွင်သာ မူတည်သည်ဟု လွှတ်တော်အတွင်း တပ်မတော်သား လွှတ်တော် အမတ်များ၏ အခြေအနေကို သူ၏ အတွေ့အကြုံပေါ် မူတည်၍ မဇ္ဈိမကို ပြောသည်။
"သူတို့က လွှတ်တော်ထဲမှာ ဆွေးနွေးစရာ ရှိရင်တောင် အထက်က အမိန့်အတိုင်းဆွေးနွေး ရတာဗျ။ ဒီ သမ္မတ ရွေးချယ် မှုမှာလည်း ကာချုပ် မင်းအောင်လှိုင် အပေါ်မှာပဲ မူတည်မယ် ထင်တယ်။" ဟု မဇ္ဈိမကိုပြောသည်။
တပ်မတော်သား လွှတ်တော်အမတ်များမှ ရွေးချယ်ပြီးသည့် ဒုသမ္မတကို ပြည်သူ့ လွှတ်တော်မှ လွှတ်တော် အမတ် ၃ ဦး၊ အမျိုးသား လွှတ်တော်မှ အမတ် ၃ ဦး၊ တပ်မတော်သား လွှတ်တော် အမတ် ၃ ဦးတို့ဖြင့် ဖွဲ့စည်း ထားသည့် သမ္မတ အရည်အချင်းစစ် ကော်မတီမှ စိစစ်ကာ လွှတ်တော်သို့ ပြန်လည်တင်ပြ၍ အတည်ပြုရွေးချယ်ကြမည် ဖြစ်သည်။
၂ဝဝ၈ ဖွဲ့စည်းပုံအခြေခံဥပဒေ အပိုဒ် ၅၇ တွင်ပါရှိသည့် သမ္မတများ၏ အရည်အချင်း သတ်မှတ်ချက် ၆ ချက်ရှိသည်။ ထိုအထဲတွင် နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေး စသည့်အမြင်များရှိရမည့်အပြင် "မိမိကိုယ်တိုင် သော် လည်းကောင်း၊ မိမိ၏မိဘ တပါးပါး သော်လည်းကောင်း၊ မိမိ၏ဇနီး သို့မဟုတ် ခင်ပွန်းသော်လည်းကောင်း၊ မိမိ၏ တရားဝင်၊ သားသမီးတဦးဦးသော်လည်းကောင်း၊ ထိုတရားဝင်သားသမီးတဦးဦး၏ ဇနီး သို့မဟုတ် ခင်ပွန်းသော် လည်းကောင်း နိုင်ငံခြားအစိုးရ၏ ကျေးဇူး သစ္စာတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြား အစိုးရ၏ လက်အောက်ခံဖြစ်သူ သို့မဟုတ် တိုင်းတစ်ပါး၏ နိုင်ငံသားဖြစ်သူများ မဖြစ်စေရ" ဟု ပြဋ္ဌာန်းပါရှိသည်။
ဗုဒ္ဓဟူးနေ့ နေ့လည်ပိုင်းတွင်ကျင်းပသည့် ပထမအကြိမ် ပြည်ထောင်စု လွှတ်တော် စတုတ္ထ ပုံမှန် အစည်းအဝေး တွင်းသို့ တက်ရောက်ခွင့် ရှိသူ ၆၅၄ ဦး အနက် ခွင့်ဖြင့်ပျက်ကွက်သူ ၁၅ ဦးခန့်ရှိပြီး ၉၅ ရာခိုင်နှုန်း တက်ရောက်သည် ဟုလည်း သိရသည်။
လွှတ်တော်အစည်းအဝေးသို့ ခွင့်ယူထားသူ များတွင် အမျိုးသား ဒီမိုကရေစီ အဖွဲ့ချုပ် (NLD) မှ ဥက္ကဋ္ဌ ဒေါ်အောင်ဆန်း စုကြည်နှင့် စစ်ကိုင်းတိုင်း ပြည်သူ့ လွှတ်တော် ကိုယ်စားလှယ် ဦးမောင်မောင်သိန်း တို့လည်း ပါဝင်သည်။
ဒေါ်အောင်ဆန်းစုကြည်မှာ ပြည်ပခရီးစဉ်များအတွင်း ပင်ပန်းခြင်းကြောင့် ယခုလ ၆ ရက်နေ့အထိ လွှတ်တော် တက်ရန် ခွင့်ယူ ထားသည်ဟုလည်း NLD လွှတ်တော် အမတ်နှင် ပြောခွင့်ရပုဂ္ဂိုလ် ဦးအုန်းကြိုင်က မဇ္ဈိမကိုပြောသည်။ ဗုဒ္ဓဟူးနေ့ နံနက်ပိုင်းတွင် ကျင်းပသည့် ပြည်သူ့လွှတ်တော် အစည်းအဝေးတွင် တက္ကသိုလ်ပညာရေး ဥပဒေမူကြမ်းကို ဆွေးနွေး ခဲ့သည်ဟုလည်း ဦးအုန်းကြိုင်က ပြောသည်။
ဗုဒ္ဓဟူးနေ့တွင် စတင်ခေါ်ယူကျင်းပနေသည့် လွှတ်တော် အစည်းအဝေးများ အတွင်း နိုင်ငံခြား ရင်းနှီးမြှုပ်နှံမှု ဥပဒေ၊ ပြည်သူ့ လွှတ်တော် ကိုယ်စားလှယ် ဥပဒေ၊ အမျိုးသား လွှတ်တော် ကိုယ်စားလှယ် ဥပဒေနှင့် မီဒီယာ ဥပဒေ တို့ကို ဆွေးနွေးရန် ရှိမည်ဟု လွှတ်တော်အမတ်များက ခန့်မှန်းကြသည်။
Ref: မဇ္ဈိမ
Read More...
Collapse...
ရန်ပိုင်
July 5, 2012
ဗမာနိုင်ငံလုံးဆိုင်ရာ ကျောင်းသားများ သမဂ္ဂ (ဗကသ) အဆောက်အဦး ဖြိုဖျက် ခံရသည့် နှစ် ၅၀ ပြည့် ဆဲဗင်းဇူလိုင် ရွှေရတု အထိမ်း အမှတ် အစီအစဉ်ကို မန္တလေးမြို့တွင် မပြုလုပ်ရန် တိုင်းဒေသကြီး ရဲသတင်း အထူးတပ်ဖွဲ့က အခမ်းအနား ဖြစ်မြောက်ရေး ကော်မတီဝင် များကို ယမန်နေ့ညက ခေါ်ယူ သတိပေးသည်။
ရွှေရတု အခမ်းအနား ဖြစ်မြောက်ရေး ဆောင်ရွက်နေသည့် ကိုရဲရင့်ကျော်၊ ကိုအောင်မှိုင်းဆန်း၊ ကိုသန်းထိုက်၊ ကိုမိုးထက်နေ အပါအ၀င် ၇ ဦးသည် ဗကသ အဖွဲ့ချုပ် ဖွဲ့စည်းရေး အထက် မြန်မာပြည် တာဝန်ခံများ ဖြစ်ကြပြီး ၎င်းတို့ကို ရဲမှူးကြီး သန်းဝင်းက မန္တလေး တောင်ခြေရှိ သတင်းတပ်ဖွဲ့ ရုံးတွင် ယမန်နေ့ည ၇ နာရီက ခေါ်ယူပြောဆိုခြင်း ဖြစ်သည်။
“သမိုင်း အနာဟောင်းတွေကို ပြန်ဆွရင် မလိုလား အပ်တဲ့ ပြဿနာတွေ ဖြစ်လာမှာ စိုးလို့ အထက်လူကြီးတွေက တားမြစ်တာ၊ ဥပဒေအရ လုပ်ပါ ပြောလို့ မလုပ်ရင် အပြစ်ရှိသလို၊ မလုပ်ပါနဲ့ ဆိုတဲ့ ကိစ္စတွေ လုပ်ရင်လည်း အပြစ်ရှိတယ်” ဟု ရဲမှူးကြီး သန်းဝင်းက ဆိုကြောင်း ကိုရဲရင့်ကျော်က ဧရာဝတီကို ပြောသည်။
ရဲမှူးကြီး သန်းဝင်းက ဆဲဗင်းဇူလိုင် ဆိုသည်မှာ နိုင်ငံတော်က တရားဝင် သတ်မှတ်ပေးထားသည့် နေ့ရက် မဟုတ်သည့် အတွက် မလုပ်သင့်ကြောင်း၊ ဗကသ ဆိုသည်မှာလည်း တရားဝင် မှတ်ပုံ တင်ထားသည့် အဖွဲ့အစည်း မဟုတ်ကြောင်း ထောက်ပြ ပြောဆိုသည်ဟု ၎င်းက ဆိုသည်။
အခမ်းအနား ဖြစ်မြောက်ရေး ဆောင်ရွက်နေသူများကလည်း ယခုနှစ် ဆဲဗင်းဇူလိုင် အခမ်း အနားသည် နှစ် ၅၀ ပြည့် ရွှေရတုဖြစ် သည့် အတွက် သမိုင်းတာဝန် အရ လုပ်ဆောင်ရမည်ဖြစ်ကြောင်း ပြန်လည်ပြောဆို ခဲ့သည်ဟု သိရသည်။
ရန်ကုန် တက္ကသိုလ်ဝန်းအတွင်း တည်ဆောက်ထားသည့် ကျောင်းသားသမဂ္ဂ အဆောက် အဦးသည် ၁၉၆၂ ခုနှစ် ဇူလိုင် ၇ ရက်နေ့က ဖြိုဖျက် ခံခဲ့ရသောကြောင့် ယခုနှစ် ဆိုလျှင် နှစ် ၅၀ ရှိပြီဖြစ်ရာ အထိမ်းအမှတ် ရွှေရတု အခမ်းအနားကို ရန်ကုန်၊ မန္တလေး အပါအ၀င် မြို့ကြီး တချို့တွင် ကျင်းပနိုင်ရေး အတွက် ကျောင်းသားများက စီစဉ်နေသော်လည်း အစိုးရ အာဏာပိုင်များက ခွင့်မပြုပေ။
ရန်ကုန်မြို့တွင်လည်း ဆဲဗင်းဇူလိုင် အခမ်းအနားကို သင်္ကန်းကျွန်းမြို့နယ် ဝေဇယန္တာ လမ်းရှိ ၈၈ မျိုးဆက် ကျောင်းသားများ၏ ရုံးတွင် ကျင်းပမည်ဟု ဗကသ အဖွဲ့ချုပ် ပြန်လည်ဖြစ်မြောက်ရေး အဖွဲ့ဝင် ကိုကျော်ကိုကိုက ပြောသည်။
“အရင်ကတော့ တော်ဝင်နှင်းဆီမှာ လုပ်ဖို့ စီစဉ်ထားပေမယ့် ရန်ကုန်တိုင်း ဒေသကြီး ထွေအုပ်က ဖိအားပေးတော့ ဆိုင်ပိုင်ရှင်က မငှားရဲတော့ဘူး၊ အာဏာပိုင်တွေ ကြားထဲမှာ ကျောင်းသားတွေက ဆန္ဒပြဖို့လား၊ အတိတ်ကို ပြန်ဆွပြီး ဆူပူအောင် လှုံဆော် မှာလား ဆိုတဲ့ အမြင်တွေရှိတယ်” ဟု ၎င်းက ဆိုသည်။
နှစ် ၅၀ မြောက် ရွှေရတု ကျင်းပရခြင်း၏ ရည်ရွယ်ချက်မှာ ဆူပူစေရန် သွေးထိုးခြင်း မဟုတ်ဘဲ ကျဆုံးသွားသည့် ကျောင်းသား ရဲဘော်များကို ဂုဏ်ပြုခြင်း၊ သတိရ အောင့်မေ့ဖွယ် အခမ်းအနား ပြုလုပ်ခြင်းနှင့် နောင်မျိုးဆက်များ အနေဖြင့် သမိုင်း အဖြစ်အပျက်များ အပေါ် သင်္ခန်းစာ ယူစေရန် အတွက်သာ ရည်ရွယ်ကြောင်း ကိုကျော်ကိုကိုက ဆက်ပြောသည်။
မကြာသေးမီကလည်း ရန်ကုန်တက္ကသိုလ်ဝန်း အတွင်းရှိ သမိုင်းဝင် ကျောင်းသား သမဂ္ဂ အဆောက် အဦးကို ပြန်လည် တည်ဆောက် ရန် သမ္မတ ဦးသိန်းစိန်၏ စီးပွားရေး အကြံပေး ဒေါက်တာဦးမြင့်က တိုက်တွန်းပြောကြားသည့် စာတမ်းတစောင် ထွက်ပေါ် လာခဲ့သည်။
ကျောင်းသားသမဂ္ဂ အဆောက်အဦး ပြန်လည် တည်ဆောက်ရေးနှင့် ပတ်သက်၍ ကိုကျော်ကိုကိုက “ကျောင်းသား သမဂ္ဂ ပြန်ဆောက်ရေး ဆိုတာ ကျနော်တို့ မျှော်လင့်ချက်ပါ၊ ဒါပေမယ့် အဆောက်အဦး ပြန်ဆောက်ရုံနဲ့ မပြီးဘူး၊ ကျောင်းသားသမဂ္ဂ လွတ်လပ်စွာ ရပ်တည်ပြီး လှုပ်ရှားခွင့်ကိုလည်း အသိအမှတ်ပြုမှ အင်္ဂါစုံမယ်လို့ ပြောနိုင်မယ်” ဟု ဆိုသည်။
၁၉၆၂ ခုနှစ် မတ်လတွင် ဗိုလ်ချုပ်ကြီးနေ၀င်း ဦးဆောင်သည့် တော်လှန်ရေးကောင်စီက အာဏာ သိမ်းယူခဲ့ခြင်းကို ဗကသ က ဦးဆောင် ဆန့်ကျင်ခဲ့ပြီးနောက် ဇူလိုင်လ ၇ ရက်နေ့တွင် ဒု ဗိုလ်မှူးကြီးစိန်လွင် (နိုင်ငံတော် သမ္မတဟောင်း) ဦးဆောင်သည့် တပ်များက ဆန္ဒပြ ကျောင်းသားများကို သတ်ဖြတ်ခဲ့သည့် အပြင် ကျောင်းသားသမဂ္ဂ အဆောက်အဦး ကိုပါ ဗုံးခွဲ ဖျက်ဆီးခဲ့သည်။
သို့သော် ထိုစဉ်က တာဝန်ရှိသည့် တော်လှန်ရေးကောင်စီ ဥက္ကဋ္ဌ ဦးနေ၀င်းနှင့် ဒု ဥက္ကဋ္ဌ ဦးအောင်ကြီးတို့ ကမူ အဆိုပါ ကိစ္စနှင့် ပတ်သက်၍ ၀န်မခံကြပေ။
Ref: ဧရာဝတီ
Read More...
Collapse...
မစုမြတ်မွန်
ကြာသပတေး, 05 ဇူလိုင် 2012
ဒီကနေ့ မြန်မာနိုင်ငံကို ရောက်လာတဲ့ ကမ္ဘာကျော် ရုပ်ရှင်မင်းသား Jakie Chan ဟာ မန္တလေးမြို့က မိဘမဲ့ ကလေးတွေကို စောင့်ရှောက် ထားတဲ့ ၅ စုတိုက် ဘုန်းတော်ကြီးသင် ပညာရေးကျောင်းကို သွားခဲ့ပါတယ်။ သူ့ကို ဧည့်ခံကြိုဆိုဖို့ ၅ စုတိုက်ကျောင်းမှာ အစီအစဉ် လုပ်ထားခဲ့ပေမဲ့ ခဏလေးပဲ လာသွား ခဲ့တာမို့ သူ့ကို တွေ့ဖို့ နာရီနဲ့ချီစောင့်ခဲ့ကြသူတွေက အားမရဘူးလို့ ပြောကြ ပါတယ်။ ကလေးငယ်တွေကို ရောင်းချမှု တိုက်ဖျက်ရေး အတွက် မြန်မာနိုင်ငံမှာ ရောက်နေတဲ့ Jakie Chan ရဲ့ ခရီးစဉ် အကြောင်း စုံစမ်းထားတဲ့ မစုမြတ်မွန်က တင်ပြပေးထားပါတယ်။
ကုလကမဂ္ဂရဲ့ ကလေးများအရေးပေါ် ရန်ပုံငွေ အဖွဲ့ UNICEF ရဲ့ အစီအစဉ်နဲ့ ၃ ရက်ခရီးနဲ့ ဒီကနေ့ ညနေ ပိုင်းမှာ မန္တလေးကို Jakie Chan ရောက်လာခဲ့တာဖြစ်ပါတယ်။ UNICEF အကျိုးဆောင် သံအမတ်ကြီး အဖြစ် Jakie Chan မန္တလေးမြို့ကို ရောက်ရောက်ချင်းမှာပဲ ချမ်းအေး သာဇံမြို့နယ်မှာ ရှိတဲ့ ၅ စုတိုက် ဘုန်းတော်ကြီးသင် ပညာရေးကျောင်းကို အရင်ဆုံး သွားခဲ့ပါတယ်။ အဲဒီမှာ သူ့ကို တွေ့ဆုံ နှုတ်ဆက်နိုင်ဖို့ ပရိတ်သတ်တွေ နာရီနဲ့ ချီအောင် ဘုန်ကြီးကျောင်းရှေ့မှာ စောင့်နေခဲ့ကြပေမဲ့ ခဏလေးပဲတွေ့လိုက်ကြ ရတယ်လို့ မန္တလေးမြို့ခံ ကို ငြိမ်းချမ်းက ပြောပြပါတယ်။
“ယာဉ်တန်းက ၁၀ စီးလောက်ပါမယ်။ UNICEF အပြာရောင် တီရှပ်တွေနဲ့ ဗမာ ဝန်ထမ်းတွေရော၊ နိုင်ငံခြား သား ဝန်ထမ်းတွေရော ပါတယ်။ အဖွဲ့ ၁၊ ၂၊ ၃၊ ဆိုပြီး UN အဖြူရောင် ကားတွေနဲ့ ရောက်လာပါတယ်။ မီဒီယာတွေနဲ့ တရုတ် အမျိုးသားတွေကို အများဆုံးတွေ့ရတယ်။ ဝင်လာမယ် ဆိုကတည်းက တစောင့်စောင့်နဲ့ စောင့်နေကြတဲ့ ပရိတ်သတ်ကတော့ ရာကြီးပိုင်းလောက် ရှိတယ်။
ယာဉ်တန်းလည်း ဝင်လာရော နောက်ဆုံး ကားမှာပါတဲ့ ဂျက်ကီချဲန်းကိုလည်းတွေ့ရော အကုန်လုံး ပြုံပြီးတော့ လိုက် သွားကြတယ်။ ကျောင်းဝန်းထဲ အရှေ့ဘက် ထိပ်စည်းကို ရောက်သွားပြီးတော့ ဆရာတော်ကြီးလည်း ရှိပါတယ်။ ဆရာတော်ကြီးနဲ့ ကြိုပြီးတော့မှ အတွင်းပိုင်း ထဲဝင်မယ့် အချိန်မှာ ဘေး နားမှာ ပရိတ်သတ်ကတော့ များနေတာပေါ့။ အုံနေတယ် ဆိုပေမယ့် မန္တလေး ပရိတ်သတ် အနေနဲ့ ဆိုရင်တော့ အဲဒီလောက် အုံနေတာ များလှတယ် လို့တော့ မယူဆပါဘူး။
ဂျက်ကီချဲန်းဆိုတာက ကမ္ဘာကျော် အနုပညာရှင်လည်းဖြစ်တယ်၊ နောက်ပြီးတော့ ဗမာ ပရိတ်သတ် အများဆုံး ထိ တွေ့ခဲ့ရတဲ့ မင်းသားလည်းဖြစ်တယ်၊ အခုလို ကုလသမဂ္ဂ အစီအစဉ်နဲ့ လာတယ်၊ နောက်ပြီးတော့ ဂျက်ကီချဲန်း ကိုယ်တိုင်ကလည်း ကလေး ပရိတ်သတ်က ချစ်ကြတယ်လေ၊ အဲဒါမျိုးဆိုတော့ အုံကြမှာပေါ့ဗျာ။ သို့သော် UNICEF တာဝန်ရှိတဲ့ သူတွေက ဘာများ စိုးရိမ်ကြီးတယ် မသိဘူး၊ ဒါမှမဟုတ် ကာယကံရှင် ကိုယ်တိုင် စိုးရိမ်လို့လားတော့ မသိဘူး။ မဆင်းနိုင်ဘူးဖြစ်နေတယ်။ ကလေးတွေက တန်းစီပြီးကြို နေပါတယ်။ ဒါပေမဲ့ ကလေးတွေနဲ့ကို ကောင်းကောင်း နှုတ်မဆက် လိုက်ရ ပါဘူး။ သူက ထမင်းစားဆောင် အတွင်းထဲ မှာပဲ ကလေးတွေနဲ့ နှုတ်ဆက်ဖို့ အစီအစဉ်က လောလောဆယ် ယာယီ ရပ်ဆိုင်းသွားပြီးတော့ ကားပေါ်ကနေဆင်း၊ ဆင်းပြီး လက်ပြနှုတ်ဆက်ရင်းနဲ့ သူနဲ့ ဆန့်ကျင်ဘက် ကားတစီးပေါ် အမြန်ပြေးတက်ပြီးတော့ အဲဒီကားက အသင့်ပြင်ထား တာပေါ့ဗျာ။ အဲဒီကားက အမြန်ပြန် ထွက်သွားတယ်။ အားလုံးနဲ့တွေ့လိုက်ရတာ ဝမ်းသာအားရ၊ အထူးသဖြင့်တော့ တရုတ်အမျိုးသားတွေပဲ။ တရုတ်လိုတွေ အော်ကြ၊ နှုတ်ဆက်ကြတာ ဆိုတော့ ကျနော်တို့လည်း သိပ်မသိရဘူး။ ”
၅ စုတိုက်ဘုန်းကြီးကျောင်းမှာ စောင့်ရောက် ပညာသင်ပေးနေတဲ့ မိဘမဲ့ ကလေးပေါင်းက ၂၇၀ လောက် ရှိပါတယ်။ အဲဒီထဲက ကိုခင်မောင်လုံး က သူမျှော်လင့်သလို တရုတ်သိုင်းကား ဟာသ Action ကားတွေ ရိုက်တဲ့ မင်းသား Jakie Chan ကို အားရပါးရ မတွေ့ခဲ့ရလို့ စိတ်မကောင်း ပါဘူးတဲ့။
“တွေ့ချင်လွန်းလို့ ဒီမှာ မျက်ရည်တောင် ၀ဲနေတာဗျ။ မြင်ဖူးချင်ကြတာပေါ့။ တချို့ ကလေးတွေ က ကောင်းကောင်းလည်း မမြင်ရဘူး။ လူကြီးတွေတောင် ကောင်းကောင်းမှ မမြင်ရတာဗျာ။ သူလာမယ့် အချိန်ကို ကျနော်တို့ နာရီကြည့်ပြီး စောင့်ပြီး မျှော်လင့်နေကြတာ။ ဂျက်ကီချမ်းကို တော်တော် ကြိုက်ကြ တယ်။ တအားကြိုက်တာ၊ ဂျက်ကီချဲန်း ကားတွေကို။ သူ့ဇာတ်ကားဆို အလွတ် မရှိဘူးပေါ့ဗျာ။ အကုန်လုံး ကြည့်တာပေါ့။ မကြည့်ဖူးတဲ့ကား မရှိဘူး။ အကုန်ကြည့်ဖူးတယ်။ အဲဒီလိုပေါ့။ သူ့ကိုတွေ့ရင် ဒီလို သူ့ဇာတ်လမ်းတွေ ကောင်းတဲ့ အကြောင်းတွေပေါ့၊ ဖိုက်တင်ခန်း ကောင်းတဲ့ အကြောင်းလေးတွေ၊ သိုင်း ကျွမ်းကျင်တဲ့ အကြောင်းလေးတွေ ပြောမှာပေါ့ဗျာ။”
ရုပ်ရှင်မင်းသား Jakie Chan ရဲ့ ၃ ရက် မြန်မာနိုင်ငံ ခရီးစဉ်အတွင်းမှာ ကုန်ကူးရောင်းချ ခံခဲ့ရတဲ့ ကလေးတွေကို စောင့်ရှောက်ထားတဲ့ UNICEF အထောက်အပံ့ပေးထားတဲ့ နေရာတွေဆီ ကိုလည်း သွားရောက်ကြည့်ရှုဖို့ အစီအစဉ် ရှိပါတယ်။ ကလေးတွေ ရောင်းချခံရမှုကို အထိရောက်ဆုံး ဘယ်လို ကာကွယ်နိုင်မလဲ ဆိုတာကိုလည်း မန္တလေးမြို့လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာ ချထားရေး ဝန်ကြီးဌာနက တာဝန်ရှိသူတွေ၊ လူကုန်ကူးမှု တိုက်ဖျက်ရေး အထူး တပ်ဖွဲ့ဝင်တွေနဲ့လဲ Jakie Chan တွေ့ ဆုံဆွေးနွေးမှာဖြစ်ပါတယ်။ ကလေးငယ်တွေဟာ ရောင်းကုန်ပစ္စည်း မဟုတ်ပါဘူး၊ ရာသက်ပန် ထိခိုက် မှုတွေ ရသွားစေတဲ့ ရာဇဝတ်မှုကြီးကို အမြစ်ဖြတ်နိုင်ဖို့ ကမ္ဘာပေါ်က ကလေးတွေ အတွက် ကျွန်တော်တို့ ကြိုးစားဆောင်ရွက်ရမယ်လို့ မြန်မာနိုင်ငံကို မလာခင်မှာ Jakie Chan ကပြောခဲ့ပါတယ်။ မြန်မာနိုင်ငံက ကလေးတွေအနေနဲ့ ကိုယ့်ကိုကိုယ် ဘယ်လို ခုခံကာကွယ်လို့ ရနိုင်တယ်ဆိုတဲ့ အကြောင်းတွေကို လည်း မြန်မာနိုင်ငံ ခရီးစဉ်အတွင်းမှာ သင်ကြား ပြောပြမှာဖြစ်ပါတယ်။ သူဟာ မြန်မာနိုင်ငံက မပြန်ခင် July ၇ ရက် စနေနေ့မှာ ခရီးစဉ်အကြောင်း သတင်းစာ ရှင်းလင်းပွဲ လုပ်ဖို့ အစီအစဉ် ရှိတယ်လို့ UNICEF တာဝန် ရှိသူက ပြောပါတယ်ရှင်။
Ref: VOA News
Read More...
Collapse...
မာန်လက်
ဇူလိုင်လ ၅ ရက် ၂၀၁၂
နေပြည်တော်မှာ ဇူလိုင်လ ၁-ရက်နေ့က ပြုလုပ်တဲ့ သတင်းစာ ရှင်းလင်းပွဲမှာ အစိုးရရဲ့ ပြည်ထောင်စု ငြိမ်းချမ်းရေးဖော် ဆောင်ရေး လုပ်ငန်းကော်မတီ ဒု-ဥက္ကဋ္ဌ မီးရထားဝန်ကြီး ဦးအောင်မင်းက ဗမာနိုင်ငံမှာ ထာဝရ ငြိမ်းချမ်းရေး ရဖို့အတွက် အပစ်အခတ် ရပ်စဲဖို့၊ နိုင်ငံရေးအရ တွေ့ဆုံဆွေးနွေးဖို့နဲ့ ၂၀၁၅ ခုနှစ်မတိုင်ခင် တိုင်းရင်းသားပေါင်းစုံ ပါဝင်တဲ့ ညီလာခံတခု ကျင်းပဖို့ ဆိုပြီး အဆင့် သုံးဆင့်ရှိတဲ့ လမ်းပြမြေပုံ အတိုင်း အကောင်အထည်ဖော် ဆောင်ရွက်နေတဲ့ အကြောင်းနဲ့ ဒီလို ငြိမ်း ချမ်းရေးရအောင် ကြိုးပမ်းတဲ့နေရာမှာလည်း ပိုမို အဆင်ပြေစေဖို့ ဒီလထဲ ရန်ကုန်မှာ ငြိမ်းချမ်းရေး စင်တာ တခုကို ဖွင့်လှစ်သွားမှာ ဖြစ်တယ် လို့လည်း ပြောဆိုခဲ့ပါတယ်။ ဒီလိုပြောဆိုမှုတွေက တိုင်းရင်းသားပြည်သူ လူထု အတွက်တော့ အပ်ကြောင်း ထပ်နေတာမို့ သိပ်မထူးဆန်း လှတော့ပါဘူး။
အစိုးရတာဝန်ရှိသူတွေဘက်က ဒီလိုမျိုး အမြဲလိုလို ပြောနေပေမဲ့ ပဋိပက္ခတွေ ဆက်လက်ဖြစ်ပွားနေတာက ပိုလို့ သံသယ ဖြစ်စရာ ရှိနေပါတယ်။ အထူး သဖြင့်တော့ ဒုက္ခသည်တွေ ထောင်သောင်းချီ ဆက်လက်ထွက်ပြေး တိမ်းရှောင်နေရဆဲ ဖြစ်နေတဲ့ ဗမာပြည်မြောက်ပိုင်း ကချင်ပြည်နယ်ထဲမှာ တိုက်ပွဲတွေ ဆက်လက်ဖြစ်ပွားနေတာမို့ အစိုးရအာဏာပိုင်တွေဟာ အပြောနဲ့အလုပ် မညီဘူး ဖြစ်နေခဲ့တာလည်း ကြာလှပါပြီ။
ဦးအောင်မင်းရဲ့ ပြောကြားချက်တွေဟာ တွေ့ဆုံဆွေးနွေးတဲ့အခါကျတော့ တမျိုး၊ သတင်းစာရှင်းလင်းပွဲကျတော့ တမျိုး ဖြစ်နေတာက ရှေ့နောက်မညီညွတ်ဘဲ ကွဲလွဲမှုရှိနေပါတယ်။ သမ္မတပြောဆိုသွားတဲ့ Road Map အဆင့်သုံးဆင့်ကို တိုင်းရင်းသားဘက်က ဘယ်လိုမှ လက်ခံနိုင်စရာ မရှိတဲ့အကြောင်းကို တွေ့ဆုံမှုတိုင်းမှာ ကချင်လွတ်မြောက်ရေးအဖွဲ့က အစဉ်တစိုက် ပြောဆိုပြီးသားဖြစ်သလို အဲဒီကိစ္စတွေကို အခြားတိုင်းရင်းသားတွေကကော လက်ခံနိုင်လား၊ မလက်ခံနိုင် ဘူးလားဆိုတာကိုတော့ အစိုးရဘက်က ထည့်သွင်းစဉ်းစားတာမျိုးမရှိဘဲ သူတို့လိုချင်တဲ့ ပုံစံခွက်ထဲ နည်းမျိုးစုံသုံး တဖက် သတ် ဇွတ်ဆွဲသွင်းနေတာသာ ဖြစ်ပါတယ်။
ဆိုလိုတာက တိုင်းရင်းသားတွေနဲ့ ဒီအဆင့်သုံးဆင့်စလုံးကို သေချာထိတွေ့ ဆွေးနွေးတာမျိုးမဟုတ်ဘဲ လက်ခံသဘောတူ ညီချက် မရယူဘဲ အပေါ်ကချပေးလိုက်တဲ့ မူအပေါ်မှာ လိုက်ဆွေးနွေးနေရတာမျိုး ဖြစ်နေတာဆိုတော့ ဒီမိုကရေစီအသွင် ကူးပြောင်းနေပါတယ်ဆိုတဲ့ ဦးသိန်းစိန် ကြံ့ဖွတ်အစိုးရရဲ့လုပ်ရပ်က ဒီမိုကရေစီစံနှုန်းနဲ့ ဆန့်ကျင်ဘက်ပြောင်းပြန် ဖြစ်နေပါ တယ်။
နောက်တခု အရေးကြီးတဲ့အပိုင်းကလည်း ၂၀၀၈ ဖွဲ့စည်းပုံအခြေခံဥပဒေထဲက လက်ခံနိုင်တဲ့အကြောင်းအရာ၊ ပေးနိုင်တဲ့ အကြောင်းအရာ ရှိရင်တော့ ခွင့်ပြုချက်ပေးမယ်။ ၂၀၀၈ ဖွဲ့စည်းပုံအခြေခံဥပဒေမှာ မပါတဲ့အချက်ကိုတော့ ဘယ်လိုမှ မပေးနိုင်ဘူးဆိုတဲ့ကိစ္စကို ဦးအောင်မင်းတို့ဘက်က ပြောထားပြီးသားပါ၊ အဓိက ကတော့ ၂၀၀၈ဖွဲ့စည်းပုံအခြေခံဥပဒေ အတိုင်း သွားကိုသွားရမယ်ဆိုတာပါပဲ၊ မေ(၃)ရက် ထုတ်ပြန်တဲ့ ၁၂/၂၀၁၂အမိန့်ကြေညာချက် အပိုင်း(ခ)မှာ အတိ အလင်းကို ဖော်ပြထားပြီးဖြစ်တာမို့ တိုင်းရင်းသားအဖွဲ့တွေ ဆွေးနွေးတင်ပြ ပြောဆိုထားတဲ့ အချက်တွေနဲ့ အများကြီး ကွဲလွဲ နေပါတယ်။
အဲဒါကြောင့် အရင်အပတ်တွေက တင်ပြခဲ့သလို အဆက်ဆက် ထိပ်ပိုင်းစစ်ဗိုလ်ချုပ်ကြီးတွေရဲ့ တရားလက်လွှတ် ဥပဒေမဲ့ လူ့အခွင့်အရေးချိုးဖောက်မှုတွေ၊ မူးယစ်ဆေးဝါးနဲ့ ရာဇ၀တ်မှုကျူးလွန်ထားမှုတွေကတဆင့် ရရှိပိုင်ဆိုင်လာတဲ့ အကျိုးစီးပွား ချမ်းသာကြွယ်ဝမှုတွေကို အကာအကွယ်ပေးထားတဲ့ ဒီ၂၀၀၈ဖွဲ့စည်းပုံအခြေခံဥပဒေ တနည်း သူ့လည်ပင်း ကြိုးကွင်းစွပ်မဲ့ ဒီဥပဒေကိုတော့ ဘယ်လိုနည်းနဲ့မှ အထိခံ အလျှော့ပေးလိမ့်မှာ မဟုတ်ဘူး ဆိုတာပါပဲ။ ကျားကုတ်ကျားခဲ ကာကွယ်သွား မှာသာ ဖြစ်ပါတယ်။
လက်ရှိ ကချင်ပြည်နယ်တွင်းမှာကို တိုက်ပွဲတွေဟာ တနေ့ကို အနည်းဆုံး ၃ ကြိမ်ဖြစ်ပွားနေပြီး ဇွန်လ တလတည်းမှာတင် တိုက်ပွဲပေါင်း အကြိမ် ၁၀၀-ကျော်ရှိခဲ့ပြီး အခုရက်ပိုင်းအတွင်းမှာ KIA ထိန်းချုပ်တဲ့ တပ်မဟာ-၁နဲ့ တပ်မဟာ-၅ ဒေသတွေမှာ တိုက်ပွဲတွေ ပြင်းထန်နေသလို အစိုးရတပ်ဘက်က ထွက်ပြေးလာတဲ့ စစ်သားတွေလည်း KIA လက်ထဲမှာ ရှိနေတယ်၊ အတော်များများက ကလေးစစ်သားလေးတွေ ဖြစ်နေတယ်လို့ KIA ပြောခွင့်ရ ဦးလာနန်က ပြောပါတယ်။
ဒါ့ပြင် ထွက်ပြေးကြရတဲ့ စစ်ပြေးဒုက္ခသည် ဦးရေဟာလည်း တနေ့တခြား တိုးလာနေပြီး အခုဆိုရင် ဒုက္ခသည်ဦးရေ တစ်သိန်းနီးပါး ရှိသွားပြီလို့ ဒုက္ခသည်အရေး ဆောင်ရွက်ပေးနေသူတွေက ပြောပါတယ်။ KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ တနှစ်ကျော်ကာလ အတွင်း အကြိမ်ကြိမ် တွေ့ဆုံခဲ့ပေမဲ့လို့ အခုထိတော့ ပြေလည်မှုရတဲ့အဆင့်မှာ မရှိသေးပါဘူး။
ဒီဇူလိုင်လထဲမှာတော့ နှစ်ဘက်တပ်တွေ နေရာချထားရေးနဲ့ တပ်အင်အားလျှော့ချရေး ကိစ္စတွေကို ဆွေးနွေးဖို့အတွက် ပထမဆုံးအကြိမ်အနေနဲ့ ဒု-ကာကွယ်ရေးဦးစီးချုပ် ဗိုလ်ချုပ်ကြီးစိုးဝင်း ကိုယ်တိုင် လာရောက်မှာဖြစ်ပြီး မီးရထားဝန်ကြီး ဦးအောင်မင်းဦးဆောင်တဲ့ ကိုယ်စားလှယ်အဖွဲ့နဲ့ KIO တို့ ထပ်မံတွေ့ဆုံဖို့ ရှိပေမဲ့ နေရာသတ်မှတ်ချက် အဆင်မပြေသေး တာကြောင့် ဘယ်နေ့ တွေ့ဖြစ်မယ်ဆိုတာ မရေမရာ ဖြစ်နေဆဲပါပဲ။
အခြားတဘက်မှာလည်း တိုက်ပွဲသံတွေက မရပ်စဲသွားပါဘူး၊ ကရင်နီအမျိုးသားတိုးတက်ရေးပါတီKNPP၊ ရှမ်းပြည်မြောက် ပိုင်းတပ် SSPP/SSAနဲ့ ရှမ်းပြည်ပြန်လည်ထူထောင်ရေးကောင်စီ-ရှမ်းပြည်တောင်ပိုင်း RCSS/SSAတပ်တွေနဲ့လည်း နေ့စဉ် ရက်ဆက် တိုက်ပွဲတွေဖြစ်နေတာကို ကြည့်ရင်လည်း ဦးသိန်းစိန်အစိုးရတပ်တွေက သဘောတူညီထားတဲ့အချက်တွေကို တမင်ကလာ ချိုးဖောက်တာကြောင့် အစိုးရဘက်က သဘောထားမရိုးသားဘူးဆိုတာ အထင်းသားပါပဲ။ မွန်ပြည်သစ်ပါတီ NMSPကလည်း အစိုးရဟာ တိုင်းရင်းသားတွေနဲ့ စစ်မှန်တဲ့ နိုင်ငံရေး တွေ့ဆုံဆွေးနွေးဖို့ သဘောထားဆန္ဒ မရှိဘူးလို့ ပြော ဆိုထားပါတယ်။
ပါးစပ်ကတော့ သကာပုံးထဲနှစ်ထားတဲ့ ကောင်းပေ့ ညွန့်ပေ့ဆိုတဲ့ စကားလုံးတွေကို တွင်တွင်ပြောနေပြီး တဘက်မှာတော့ စစ်ဦးဘီလူးဆိုသလို တိုင်းရင်းသားတွေကို အမှည့်ချွေဖို့ လုပ်နေမယ်ဆိုရင်တော့ ပြည်တွင်းစစ်ရပ်စဲဖို့ဆိုတာ မဖြစ်နိုင်သလို အရှည်တည်တန့်မယ့် ထာဝရငြိမ်းချမ်းရေးဆိုတာဟာလည်း အာဏာဆုပ်ကိုင်အစိုးရအဆက်ဆက်ကနေ ဦးသိန်းစိန်အစိုးရ အထိ သူတို့ စစ်ရေပေါ်ဆီတအုပ်စု ဆက်လက်သက်ဆိုးရှည်နိုင်ဖို့အတွက် နိုင်ငံရေးလိုအပ်ချက်အရ အဖန်တရာတေနေတဲ့ နည်းဗျူဟာဟောင်းအတိုင်း နိုင်ငံရေးကျားကွက်ရွှေ့ ကစားနေတာသာဖြစ်ကြောင်း တင်ပြလိုက်ပါတယ်။
မာန်လက်
Read More...
Collapse...
2012-07-04
ကျောင်းသားသမဂ္ဂ အဆောက်အဦး ဖြိုခွဲခံခဲ့ရတဲ့ ဇူလိုင်လ ၇ ရက်နေ့ နှစ် ၅၀ ပြည့် အခမ်းအနားကို လုံးဝ ခွင့်ပြုမှာ မဟုတ်ဘူးလို့ ရန်ကုန်တိုင်း အစိုးရအဖွဲ့ဝင် လုံခြုံရေးနဲ့ နယ်စပ်ရေးရာ ဝန်ကြီး ဗိုလ်မှူးကြီး တင်ဝင်းက ပြောဆို လိုက်တယ်လို့ သိရပါတယ်။
ဇူလိုင် ၇ ရက်နေ့ကို နိုင်ငံတော် ရုံးပိတ်ရက် အဖြစ် သတ်မှတ်ထားတာ မဟုတ်တဲ့ အတွက် ခွင့်မပြုနိုင်ဘူးလို့ ဗိုလ်မှူးကြီး တင်ဝင်းက ပြောတဲ့အကြောင်း ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် ဥက္ကဋ္ဌ ကိုကျော်ကိုကို က RFA ကို ပြောပါတယ်။
"RFA မှာ ကျွန်တော်ပြောတဲ့အချိန်မှာ ပြတ်သားတဲ့ အဖြေသူက မပေးထားတဲ့ အတွက်ကြောင့် ကျွန်တော်တို့မှာ ဒီအခမ်းအနားကို အမိုးအကာအောက်က ကျင်းပမယ် ဆိုရင် ကျင်းပနိုင်တဲ့ အလားအလာ ရှိတယ်လို့ ကျွန်တော်တို့ကို ပြောခဲ့တယ်။ အဲတာကို ဒီနေ့မနက်ကျတော့ အခါမှာ သူက အဲဒီသဘောထား မရှိကြောင်းကို ထင်ရှားအောင်လို့ ကျွန်တော်ကို တယ်လီဖုန်းဆက်ပြီး ထပ်ပြောပါတယ်။ သူလုံးဝလုပ်ခွင့်ပြုမှာ မဟုတ်ဘူး။ သူ့မှာ အဲဒီသဘောထား မရှိဘူး။ လုံးဝပိတ်ပင်တားမြစ် တယ်ဆိုတဲ့ သဘောမျိုးကို သူကတိတိကျကျ ထပ်ပြောပါတယ်"
ဘယ်လို အခြေအနေပဲ ဖြစ်ဖြစ် ဇူလိုင် ၇ ရက် နှစ် ၅၀ ပြည့် အထိမ်းအမှတ်ကို ဆက်လက်ဆောင်ရွက် သွားဖို့ ရှိတယ်လို့လည်း ကိုကျော်ကိုကို ကပြောပါတယ်။
"ကျွန်တော်တို့ အနေနဲ့ကတော့ အမှတ်တရ အနေနဲ့တော့ တစ်ခုခုဖြစ်အောင် ကျွန်တော်တို့ ကြိုးစားမှာပါ။ ထိပ်တိုက် ရင်ဆိုင်တာ မဟုတ်ပါဘူး။ ကျွန်တော်တို့ အနေနဲ့က ဒီဟာက အထင်ကရနေ့ တစ်ခုဖြစ်တဲ့ အတွက် အခမ်းအနားတစ်ခု သို့မဟုတ် အမှတ်တရ တစ်ခုကို ကျင်းပပိုင်ခွင့် ရှိတယ်လို့ ကျွန်တော်တို့က ယူဆပါတယ်။ ဒါ ကျွန်တော်တို့ရဲ့ သဘောထားပါ"
အင်္ဂလိပ် ကိုလိုနီခေတ်မှာ စတင်ပေါ်ပေါက်လာပြီး မြန်မာ့ လွတ်လပ်ရေး ဗိသုကာ ဗိုလ်ချုပ်အောင်ဆန်းနဲ့ ကျောင်းသားခေါင်းဆောင်တွေ ဦးဆောင်ခဲ့တဲ့ ကျောင်းသားသမဂ္ဂနဲ့ သမိုင်းဝင် တက္ကသိုလ် ကျောင်းသား သမဂ္ဂ အဆောက်အဦးကို ဗိုလ်ချုပ်နေဝင်း ဦးဆောင်ပြီး အာဏာသိမ်းလိုက်တဲ့ အစိုးရက ဖြိုခွဲဖျက်ဆီးလိုက်တဲ့ 7 July အဖြစ်အပျက်ဟာ ဒီနှစ်မှာ နှစ် ၅၀ ပြည့်မှာ ဖြစ်ပါတယ်။
Ref: RFA News
Read More...
Collapse...
မအေးအေးမာ
ဗုဒ္ဓဟူး, 04 ဇူလိုင် 2012
မကြာသေးခင်လတွေအတွင်းက မြန်မာနိုင်ငံ ရန်ကုန်၊ စက်မှုဇုန် သီးသီးမှာ အလုပ်သမား ဆန္ဒပြမှုတွေ ဖြစ်ပွားပြီး တဲ့နောက် အလုပ် အထုတ်ခံရသူတွေ များလာတဲ့ အတွက် အလုပ်သမားရေးကို ဖြေရှင်းတဲ့ အခါမှာ အလုပ်သမား ၀န်ကြီးဌာနရဲ့ ဖြေရှင်းမှု နည်းလမ်းဟာ အားနည်းချက်တွေ ရှိနေတယ်လို့ အလုပ်သမား အရေး ဆောင်ရွက် သူတွေက ထောက်ပြကြပါတယ်။ အခုနောက်ဆုံး အလုပ်သမားတွေ ကြုံတွေ့နေရတဲ့ အခြေအနေတွေကိုတော့ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ ထားပါတယ်။
မေလနဲ့ဇွန်လအတွင်း မြန်မာနိုင်ငံစက်မှုဇုန် အလုပ်သမား ဆန္ဒပြမှုတွေ ဖြစ်ပြီးတဲ့နောက် မှာတော့ ဆန္ဒပြမှုမှာ ပါဝင် ဦးဆောင်တဲ့ အလုပ် သမားတွေကို အလုပ်က ထုတ်ပယ်မှုတွေ လှိုင်သာယာ စက်မှုဇုန် ၄ မှာဖြစ်ခဲ့ပါ တယ်။
အလုပ်သမားအရေး ဦးဆောင်နေသူ ဦးဌေးက လှိုင်သာယာ စက်မှုဇုန် ထဲမှာတင် စက်ရုံ ၃ ရုံက အလုပ် သမားတွေ အကြောင်း အမျိုးမျိုးနဲ့ ထုတ်ပယ် ခံနေရတယ်လို့ ဆိုပါတယ်။
“အလုပ်သမားတွေကတော့ အခု စက်ရုံအလုပ်ရုံ ကိစ္စတွေ ဖြေရှင်းမှုနောက်ပိုင်းမှာ ပိုင်ရှင်ဘက်က အလုပ် ထုတ်တာတချို့ ရှိတယ်ပေါ့ဗျာ။ အဲဒါတွေတော့ မြို့နယ် ညှိနှိုင်းဖြေရှင်းရေး အဖွဲ့ကို ကျနော်တို့ တင်ခိုင်းထား တယ်ပေါ့။ ပထမဆုံး အစောပိုင်းက ထုတ်တာကတော့ ဦးမြအောင်ပေ့ါဗျာ။ သူက ခွင့်မဲ့ ပျက်ကွက်တယ် ဆိုပြီးတော့ နေမကောင်းတာကို ခွင့်မပေးဘဲနဲ့ ထုတ်ပစ် လိုက်တာ။ နောက် ထပ်ကတော့ ထွန်းပိုင် ဘလောက်တုံး စက်ရုံ။ ထွန်းပိုင် ဘလောက်တုံး စက်ရုံက ပြီးခဲ့တဲ့ သပိတ်မှောက်တုန်းက ခေါင်းဆောင်ကို သူက အလုပ်ခန့် ထားရေး သဘောတူစာချုပ်ကို လက်မှတ် မထိုးလို့ ဆိုပြီးတော့ အလုပ် ထုတ်လိုက်တယ်။ အဲဒါကတော့ ၅ ရက်နေ့ ချိန်းထားပါတယ်။ နောက်တခုကတော့ အအေးခန်းစက်ရုံပေါ့။ အအေးခန်းမှာ လည်း ပြီးခဲ့တဲ့ သပိတ်မှောက်တုန်းက အလုပ်သမားပဲ။ အဲလိုပဲ အလုပ်ထုတ်ပစ်လိုက်တာ။”
လှိုင်သာယာ စက်မှုဇုန် (၁)၊ တော်ဝင်မြန်မာ အထည်ချုပ် စက်ရုံ အလုပ်သမား ၄၀ ကျော်ကိုတော့ အသက် မပြည့်လို့ ထုတ်ပစ် လိုက်ရကြောင်း အလုပ်ရှင်နဲ့ အလုပ်သမား ဖြန်ဖြေရေး ကိစ္စတွေ ဆောင်ရွက်ပေးနေတဲ့ အလုပ်သမား ဥပဒေ စိစစ်ရေး ညွှန်ကြားမှုဦးစီး ဌာနက ညွှန်ကြားရေး မှူးချုပ် ဦးဝင်းရှိန်က ဆိုပါတယ်။ ဒါပေမဲ့လည်း အလုပ်ထုတ်ပစ်မှုဟာ အလုပ်သမားဥပဒေပါ အချက်အလက်တွေအတိုင်း မဟုတ်တဲ့ အကြောင်း ဦးဌေးက ဆိုပါတယ်။
“ဥပဒေအရတော့ အလုပ်ရုံဥပဒေမှာပါတယ်။ ၁၃ နှစ်အောက်ကတော့ လုပ်ပိုင်ခွင့်မရှိဘူးပေါ့။ ၁၃ နှစ် အထက်နဲ့ ၁၈ နှစ်ကြားကဟာတွေ တာဝန်ခံဆရာဝန်က လက်မှတ်ထုတ်ပေးထားရင် ခန့်ပိုင်ခွင့်ရှိတယ်။ သတ်မှတ်ထားတဲ့ ဥပဒေနဲ့အညီ။ အကယ်၍ ကလေးတွေကို အလုပ်ထုတ်ဖို့ ဥပဒေမှာ မပါဘူးဗျ။ ဥပဒေမှာတော့ တာဝန်ခံ ဆရာဝန်က လက်မှတ်ထုတ်ပေးရတယ်။ လက်မှတ်ထုတ်ပေးရင် သက်ဆိုင်ရာ အလုပ်သမားကလည်း ကိုင် ထားရတယ်။ စက်ရုံမှာလည်း ကလေးအလုပ်သမားတွေခိုင်းမယ်ဆိုရင် အများမြင်သာတဲ့နေရာမှာ ဘယ်နှစ်ယောက်ခိုင်းတယ်၊ ဘယ်လိုအလုပ်မျိုး၊ ဘယ်လိုအခြေအနေမှာ အလုပ်ချိန်တွေကအစ အများမြင် သာအောင် ကပ်ထားပေးရတယ်။ ဒါ အလုပ်ရုံ ဥပဒေမှာပါတယ်။
အကယ်၍ အဲဒါကို မလိုက်နာရင် အရေးယူရမှာက အလုပ်ရုံပိုင်ရှင် ဒါမှမဟုတ် သူတို့လူကို အရေးယူရမှာ။ အခုကျတော့ အဲဒီလိုမဟုတ်ဘဲနဲ့ ပြီးခဲ့တဲ့ သပိတ်မှာပါတဲ့သူတွေကို အသက်မပြည့်လို့ဆိုတဲ့ အကြောင်းပြ ချက်နဲ့ ထုတ်ပစ်တယ်လို့ ပြောတယ်။ အဲဒါနဲ့ပတ်သက်လို့ ဥပဒေအယူအဆအရ ကျနော်တို့က ရှင်းပြတာပါ။ အဲဒီလို ထုတ်ပိုင်ခွင့်မရှိဘူး။ ကျနော်တို့ မျက်မြင်အရ ဗမာပြည်မှာက အလုပ်ရှင်နဲ့ အလုပ်သမားရုံးတွေက ဝန်ထမ်းတွေရဲ့ဆက်ဆံရေးက ကောင်းမွန်ပြီးတော့ အလုပ်ရှင်နဲ့အလုပ်သမား ဆက်ဆံရေးက မကောင်းမွန် ဘူး။ အလုပ်သမားနဲ့ အလုပ်သမားရုံးက ဝန်ထမ်းတွေရဲ့ဆက်ဆံရေးက မကောင်းမွန်ဘူး ဖြစ်နေတယ်။ အထူးသဖြင့် ပြောရမယ်ဆိုရင် အဂတိလိုက်စားမှုတွေများတယ်ဆိုရင် အလုပ်သမားတွေက အခွင့် အရေးတွေ ဆုံးရှုံးကြရတယ်။”
တကယ်တော့ အလုပ်သမားတွေအနေနဲ့ ဆန္ဒပြပြီး တောင်းဆိုချက်အတော်များများကို တောင်းခဲ့ကြရာမှာ လုပ်အားခပြဿနာအပြင် တနေ့ ၁၂ နာရီကျော် ခိုင်းစေမှုတွေ၊ အလုပ်သမားတွေရသင့်တဲ့ လူမှုဖူလုံရေး ဥပဒေခံစားခွင့်အတိုင်း မရရှိတာတွေ၊ အလုပ်ရှင်တွေက လိုက်နာ ဆောင်ရွက်ပေးမှု မရှိတာတွေကြောင့်လို့ ဆိုပါတယ်။
“ဆိုလိုတာက စက်ရုံ၊ အလုပ်ရုံ ပိုင်ရှင်တွေဘက်ကနေပြီးတော့ ဥပဒေနဲ့မညီညွတ်တာတွေ ဆောင်ရွက်နေ တာကို သိလျက်နဲ့ သက်ဆိုင်ရာ အလုပ်သမားရုံးက အရာရှိတွေက အချိန်မီ မဆောင်ရွက်ကြတာပေါ့။ အထူးသဖြင့် အလုပ်ရုံဥပဒေရှိတယ်။ အလုပ်တက်ရက်နဲ့ ခွင့်ရက် ဥပဒေတွေရှိတယ်။ နောက် လူမှုဖူလုံရေး ဥပဒေတွေရှိတယ်။ အဲဒီ ဥပဒေတွေက ကြာလှပြီပေ့ါဗျာ။ ၅၁ ခုနှစ်ကတည်းက ပြဌာန်းထားတာ။ လူမှု ဖူလုံရေး ဥပဒေဆိုရင် ၅၄ ခုနှစ်ကတည်းက ပြဌာန်းထားတာ။ အဲဒီဥပဒေတွေကို စက်ရုံတွေက မလိုက်နာ တာကို အလုပ်သမားရုံးက အရာရှိတွေက အရေးယူလို့ရတာပဲ။ အရေးမယူခဲ့ဘူး။ အထူးသဖြင့် ဒီကာလ မှာပေါ့ဗျာ။ အရေးယူတာမျိုးမရှိဘူး။ အရေးယူတာမရှိတဲ့အတွက် အလုပ်သမားတွေက အခွင့်အရေးတွေ အများကြီး ဆုံးရှုံးကြရတာ။”
အလားတူပဲ မန္တလေးတိုင်းက အောင်စိန် အထည်ဆိုးဆေးစက်ရုံမှာလည်း အလုပ်သမားခေါင်းဆောင် ၁၀ ဦး ဟာ အကြောင်းပြချက်မပေးဘဲ အလုပ်ရှင်က အလုပ်ထုတ်ပစ်တာခံခဲ့ရပါတယ်။
အလုပ်သမား ဆန္ဒပြမှုတွေဖြစ်လာနေတာနဲ့ပတ်သက်လို့ လှုံ့ဆော်သူတွေကို အညှိုးထားပြီး အလုပ်ကနေ အကြောင်းအမျိုးမျိုးနဲ့ ထုတ်ပယ်တာဟာ အလုပ်ရှင်နဲ့အလုပ်သမားတွေကြား အမြဲလိုလို ကြုံနေရတာ လည်း ဖြစ်ပါတယ်ရှင်။
Ref: VOA News
Read More...
Collapse...
မျိုးသန့်
ဗုဒ္ဓဟူးနေ့၊ ဇူလိုင်လ ၀၄ ရက် ၂၀၁၂
ရန်ကုန် (မဇ္ဈိမ) ။ ။ ကျန်းမာရေးအကြောင်းပြချက်ဖြင့် ရာထူးမှ အနား ယူသွားသူ ဒုသမ္မတ ဦးတင်အောင်မြင့်ဦး၏ ရာထူးနေရာကို တပ်မတော်သား လွှတ်တော် အမတ်များက ရွေးချယ်ကာ ဇူလိုင်လ ၁ဝ ရက်နေ့နောက်ဆုံး ထား၍ လွှတ်တော်သို့ တင်ပြပေးရန် သမ္မတ ဦးသိန်းစိန်က ပြည်ထောင်စု လွှတ်တော်သို့ ဗုဒ္ဓဟူးနေ့တွင် သဝဏ်လွှာပေးပို့ အကြောင်း ကြားသည်ဟု လွှတ်တော်တက် အမတ်များက မဇ္ဈိမကို ပြောသည်။
သမ္မတ ဦးသိန်းစိန်၏ သဝဏ်လွှာအတွင်း ဦးတင်အောင်မြင့်ဦး ရာထူးမှ အနားယူ သွားခြင်းနှင့် ပတ်သက်၍ ဒုသမ္မတ သည် ဧပြီလ ၁၈ ရက်နေ့တွင် စင်္ကာပူသို့ သွားရောက်ဆေး ကုသမှု ခံယူခဲ့ပြီး ဇွန်လ ၃ဝ ရက်နေ့အထိ ဆေးကုသခွင့် တောင်းခံ ခဲ့သည်ဟု ပါရှိသည်ကို အမျိုးသား လွှတ်တော် အမတ် ဦးဖုန်းမြင့်အောင်က မဇ္ဈိမကို ပြောသည်။
ယင်းနောက် ဇူလိုင်လ ၂ ရက်နေ့တွင် ရာထူးမှ နုတ်ထွက်စာကို သမ္မတ ရုံးသို့ တရားဝင် တင်ခဲ့သည်ဟုလည်း သဝဏ်လွှာ အတွင်း ပါဝင်သည်ဟု ဦးဖုန်းမြင့်အောင်က ပြောသည်။
သမ္မတ ဦးသိန်းစိန်၏ သဝဏ်လွှာတွင် လစ်လပ်သွားသည့် ဒုသမ္မတကို ရွေးချယ်ပေးခဲ့သည့် အစု အဖွဲ့မှာ တပ်မတော် သား လွှတ်တော် အမတ်များ ဖြစ်ခြင်းကြောင့် ယခုအကြိမ်တွင်လည်း တပ်မတော်သား လွှတ်တော် အမတ်များမှ ပြန်လည်ရွေးချယ်ပေးရန် ဖြစ်သည်ဟု ပါဝင်ကြောင်းလည်း သိရသည်။
ဦးဖုန်းမြင့်အောင်က တပ်မတော်သား လွှတ်တော်အမတ်များ သမ္မတ ရွေးချယ်မှုနှင့် ပတ်သက်၍ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် အပေါ်တွင်သာ မူတည်သည်ဟု လွှတ်တော်အတွင်း တပ်မတော်သား လွှတ်တော် အမတ်များ၏ အခြေအနေကို သူ၏ အတွေ့အကြုံပေါ်မူတည်၍ မဇ္ဈိမကို ပြောသည်။
"သူတို့က လွှတ်တော်ထဲမှာ ဆွေးနွေးစရာ ရှိရင်တောင် အထက်က အမိန့်အတိုင်းဆွေးနွေး ရတာဗျ။ ဒီ သမ္မတ ရွေးချယ် မှုမှာလည်း ကာချုပ် မင်းအောင်လှိုင် အပေါ်မှာပဲ မူတည်မယ်ထင်တယ်။" ဟု မဇ္ဈိမကိုပြောသည်။
တပ်မတော်သား လွှတ်တော်အမတ်များမှ ရွေးချယ်ပြီးသည့် ဒုသမ္မတကို ပြည်သူ့ လွှတ်တော်မှ လွှတ်တော် အမတ် ၃ ဦး၊ အမျိုးသား လွှတ်တော်မှ အမတ် ၃ ဦး၊ တပ်မတော်သား လွှတ်တော်အမတ် ၃ ဦးတို့ဖြင့် ဖွဲ့စည်းထားသည့် သမ္မတ အရည်အချင်း စစ်ကော်မတီမှ စိစစ်ကာ လွှတ်တော်သို့ ပြန်လည်တင်ပြ၍ အတည်ပြုရွေးချယ်ကြမည် ဖြစ်သည်။
၂ဝဝ၈ ဖွဲ့စည်းပုံအခြေခံဥပဒေ အပိုဒ် ၅၇ တွင်ပါရှိသည့် သမ္မတများ၏ အရည်အချင်း သတ်မှတ်ချက် ၆ ချက်ရှိသည်။ ထိုအထဲတွင် နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေး စသည့် အမြင်များ ရှိရမည့်အပြင် "မိမိကိုယ်တိုင် သော် လည်းကောင်း၊ မိမိ၏မိဘ တပါးပါး သော်လည်းကောင်း၊ မိမိ၏ဇနီး သို့မဟုတ် ခင်ပွန်းသော်လည်းကောင်း၊ မိမိ၏ တရားဝင်၊ သားသမီး တဦးဦးသော်လည်းကောင်း၊ ထိုတရားဝင် သားသမီး တဦးဦး၏ ဇနီး သို့မဟုတ် ခင်ပွန်းသော် လည်းကောင်း နိုင်ငံခြား အစိုးရ၏ ကျေးဇူး သစ္စာတော်ကို ခံယူစောင့်ရှောက်ရိုသေသူ သို့မဟုတ် နိုင်ငံခြား အစိုးရ၏ လက်အောက်ခံဖြစ်သူ သို့မဟုတ် တိုင်းတစ်ပါး၏ နိုင်ငံသားဖြစ်သူများ မဖြစ်စေရ" ဟု ပြဋ္ဌာန်းပါရှိသည်။
ဗုဒ္ဓဟူးနေ့ နေ့လည်ပိုင်းတွင်ကျင်းပသည့် ပထမအကြိမ် ပြည်ထောင်စု လွှတ်တော် စတုတ္ထ ပုံမှန် အစည်းအဝေး တွင်သို့ တက်ရောက်ခွင့် ရှိသူ ၆၅၄ ဦးအနက် ခွင့်ဖြင့် ပျက်ကွက်သူ ၁၅ ဦးခန့်ရှိပြီး ၉၅ ရာခိုင်နှုန်း တက်ရောက် သည်ဟုလည်း သိရသည်။
လွှတ်တော်အစည်းအဝေးသို့ ခွင့်ယူထားသူများတွင် အမျိုးသား ဒီမိုကရေစီ အဖွဲ့ချုပ် (NLD) မှ ဥက္ကဋ္ဌ ဒေါ်အောင်ဆန်း စုကြည်နှင့် စစ်ကိုင်းတိုင်း ပြည်သူ့ လွှတ်တော် ကိုယ်စားလှယ် ဦးမောင်မောင်သိန်း တို့လည်း ပါဝင်သည်။
ဒေါ်အောင်ဆန်းစုကြည်မှာ ပြည်ပခရီးစဉ်များအတွင်း ပင်ပန်းခြင်းကြောင့် ယခုလ ၆ ရက်နေ့အထိ လွှတ်တော် တက်ရန် ခွင့်ယူ ထားသည် ဟုလည်း NLD လွှတ်တော်အမတ်နှင် ပြောခွင့်ရပုဂ္ဂိုလ် ဦးအုန်းကြိုင်က မဇ္ဈိမကိုပြောသည်။ ဗုဒ္ဓဟူးနေ့ နံနက်ပိုင်းတွင် ကျင်းပသည့် ပြည်သူ့လွှတ်တော် အစည်းအဝေးတွင် တက္ကသိုလ် ပညာရေး ဥပဒေ မူကြမ်းကို ဆွေးနွေး ခဲ့သည်ဟုလည်း ဦးအုန်းကြိုင်က ပြောသည်။
ဗုဒ္ဓဟူးနေ့တွင် စတင်ခေါ်ယူကျင်းပနေသည့် လွှတ်တော် အစည်း အဝေးများ အတွင်း နိုင်ငံခြား ရင်းနှီးမြှုပ်နှံမှု ဥပဒေ၊ ပြည်သူ့ လွှတ်တော် ကိုယ်စားလှယ် ဥပဒေ၊ အမျိုးသားလွှတ်တော် ကိုယ်စားလှယ် ဥပဒေနှင့် မီဒီယာ ဥပဒေ တို့ကို ဆွေးနွေးရန် ရှိမည်ဟု လွှတ်တော် အမတ်များက ခန့်မှန်းကြသည်။
Ref: မဇ္ဈိမ
Read More...
Collapse...
ဖနိဒါ
ဗုဒ္ဓဟူးနေ့၊ ဇူလိုင်လ ၀၄ ရက် ၂၀၁၂
ချင်းမိုင်(မဇ္စျိမ) ။ ။ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ပြည်သူ့ လွှတ်တော် ကိုယ်စားလှယ် ဦးသိန်းဇော်၏ တောင်းဆိုချက်အရ ရှမ်းပြည် ဖွံ့ဖြိုးရေးကောင်စီ ခေါ် ရှမ်းပြည် တပ်မတော် (မြောက်) SSPP/SSA က ယင်းတို့၏ တပ်စခန်းနှစ်ခုမှ ဆုတ်ခွာပေးမည်ဟု SSA မှ ဗိုလ်မှူး စိုင်းလှက ပြောသည်။
ယမန်နေ့က ပြည်သူ့လွှတ်တော် ကိုယ်စားလှယ် ဦးသိန်းဇော်က SSPP/SSA အား ယင်းတို့၏ တပ်စခန်းမှ ဆုတ်ခွာ
ပေးရန် တယ်လီဖုန်းဖြင့် အကြောင်းကြား လာသဖြင့် တန့်ယန်းမြို့နယ် ၇ မိုင်စခန်းနှင့် မိုင်းရှူးမြို့နယ် လွိုင်ဖာဖိန့်ရှိ တပ်စခန်း တို့မှ နှစ်မိုင်ခန့် အကွာသို့ ဆုတ်ခွာပေးရန် ယနေ့ ဗဟိုကော်မတီစည်းဝေး ကျင်းပ၍ ဆုံးဖြတ်လိုက်ခြင်း
ဖြစ်သည်။
“မနေ့က ဦးသိန်းဇော်က ကျနော်တို့တပ်တွေ ဆုတ်ပေးဖို့ မေတ္တာ ရပ်ခံတာကို ကျနော်တို့လည်း တဆင့်ပြန်ဆုတ်ပေးဖို့ ဆုံးဖြတ် လိုက်တယ်။ သူတို့ တောင်းဆိုထားတဲ့ အရှေ့မြောက်ပိုင်းတိုင်း စစ်ဌာန ချုပ်နှင့် အရှေ့အလယ်ပိုင်း စစ်ဌာနချုပ် ဆက်သွယ်တဲ့ လမ်းမကနေ နည်းနည်းဝေးတဲ့ နေရာကို ဆုတ်ပေးဖို့ ကျနော်တို့ ဒီနေ့ ဆုံးဖြတ်လိုက်ပါပြီ”ဟု ဗိုလ်မှူး စိုင်းလှက ပြောသည်။
ထို့ပြင် ဦးသိန်းဇော်၏ မေတ္တာရပ်ခံချက်အတိုင်း တပ်ဆုတ်ပေး လိုက်သော်လည်း SSPP/SSA တပ်များ ဆုတ်ခွာပေး သည့် အချိန်တွင် အစိုးရ တပ်များ တပ်စွဲခြင်း မပြုရန်နှင့် ဆုတ်ခွာချိန်တွင် ပစ်ခတ်ခြင်း မပြုလုပ်ရန် ဆုံးဖြတ်ခဲ့သည်ဟု သူက ပြောသည်။
အစိုးရတပ်ဖွဲ့များ လားရှိုး၊ တန့်ယန်းနှင့် မိုင်းရှူး ကားလမ်းတလျှောက် လမ်းကြောင်း ရှင်းလင်း လိုကြောင်းနှင့် ယခု တိုက်ပွဲဖြစ်ပွားမှုမှာ အစိုးရ တပ်ဘက်မှ ထိခိုက်မှု များပြားသဖြင့် ပြန်လည် တိုက်ခိုက်သည့် အနေအထားဖြစ်သည်ဟု ဦးသိန်းဇော်က ပြောဆိုခဲ့သည်ဟု သူက မဇ္စျိမကို ပြောသည်။
“သူတို့တောင်းဆိုတာက လားရှိုး၊ တန့်ယန်းနှင့် မိုင်းရှူး ကားလမ်းပေါ် တမိုင်လောက် ဆုတ်ပေးဖို့ ပြောတယ်။ ကျနော် တို့က နှစ်မိုင်လောက် ဆုတ်ပေးမှာပါ။ ခုက မိုင်းအွန်မှာ လွိုင်ဖာဖိန့် တဝိုက်မှာရှိတဲ့ ကျနော်တို့ တပ်စခန်းငယ်နဲ့ ၇ မိုင် မှာရှိတဲ့ တပ်စခန်းတွေကနေ ခွာပေးလိုက်မယ်”ဟု သူက ဆက် ပြောသည်။
ပြီးခဲ့သည့် ဇွန်လ ၁၇ ရက်နေ့မှစတင်၍ တိုက်ပွဲများ ဆက်တိုက် ဖြစ်ပွားခဲ့သဖြင့် ငြိမ်းချမ်းရေးနှင့် အပစ်အခတ် ရပ်စဲရေး သဘော တူညီချက်များ ပျက်ပယ်စေမည့် တိုက်ပွဲများ မဖြစ်ပွားလိုသဖြင့် ယင်းတို့ ဆုတ်ခွာပေးရန် ဆုံးဖြတ်လိုက်ခြင်း
ဖြစ်သည်ဟု ဆက်ပြောသည်။
ယခု ဆုတ်ခွာပေးမည့် တပ်စခန်းများသည် လွန်ခဲ့သော နှစ်ပေါင်း ၂၀ ကျော်က ငြိမ်းချမ်းရေး စတင် ယူခဲ့စဉ် ကတည်းက SSPP/SSA အဖွဲ့များ အခြေချခဲ့သည့် နေရာဖြစ်သည်ဟု ဆိုသည်။
ပြီးခဲ့သည့် ဇွန်လ ၂၂ ရက်နေ့က ဦးသိန်းဇော် နှင့် SSPP/SSA ကိုယ်စားလှယ်များ မန္တလေးမြို့တွင် တွေ့ဆုံပြီး SSPP/ SSA ရှေ့တန်းတပ်ဖွဲ့များ တိုက်ပွဲဖြစ်ပွားသည့် နေရာမှ ဆုတ်ခွာပေးခဲ့ပြီး ယခုတကြိမ်မှာ ဒုတိယအကြိမ် ရှေ့တန်း စခန်းမှ ထပ်မံ ဆုတ်ခွာပေးလိုက်ခြင်း ဖြစ်သည်။
SSPP/SSA ဗဟိုကော်မတီဝင် ၁၁ ဦးပါဝင်သော ဗဟိုကော်မတီ အစည်းအဝေးကို ဝမ်ဟိုင်း ဌာနချုပ် ၉ နာရီမှ မွန်လွဲပိုင်း ၁ နာရီထိ ပြုလုပ်ခဲ့ပြီး အတွင်းရေးမှူး (၃) စဝ်ကျော်လှ လက်မှတ်ဖြင့် ၎င်းဆုံးဖြတ်ချက်များကို သမ္မတ ဦးသိန်းစိန်ထံ ပို့ရန် စီစဉ်နေသည်ဟု သိရသည်။
တိုက်ပွဲစတင်ဖြစ်ပွားခဲ့သော မိုင်းရှူးမြို့နယ် မိုင်းအော့ကျေးရွာ အနီးတွင် အစိုးရဘက်မှ လက်နက်ကြီးများဖြင့်ဆက်လက် ပစ်ခတ်နေပြီး တိုက်ပွဲဖြစ်ပွားသည့် သုံးရက် အတွင်း ၁၂၀ မမ လက်နက်ကြီး ကျည် အလုံးပေါင်း ၁၀၀ ကျော် ရှိသွားပြီ ဖြစ်ကြောင်း ဗိုလ်မှူး စိုင်းလှက ပြောသည်။
ယမန်နေ့ကလည်း တန်ယန်းမြို့နယ် မိုင်းကောင်းကျေးရွာ အနီး SSPP/SSA ၏ ခုနှစ်မိုင် တပ်စခန်းသို့ အစိုးရ၏ အရှေ့
မြောက်တိုင်း စစ်ဌာနချုပ် လက်အောက်ခံ တပ်ဖွဲ့များ အနီးကပ် ဝင်ရောက်လာ၍ ပြင်းပြင်းထန်ထန် တိုက်ခိုက်ခဲ့ သဖြင့်
နှစ်ဖက် ထိခိုက် ကျဆုံးမှုများ ရှိခဲ့သည်ဟု ဆိုသည်။
မြန်မာအစိုးရ တပ်ဘက်မှ ၂၀ ကျော်ခန့် ထိခိုက်ဒဏ်ရာ ရရှိမှု ရှိနေသည်ဟု ခန့်မှန်းရပြီး SSPP/SSA ဘက်မှ ၆ ဦး ဒဏ်ရာရသည်ဟု ဗိုလ်မှူးစိုင်းလှက ပြောသည်။
Ref: မဇ္ဈိမ
Read More...
Collapse...
July 4, 2012
ကချင်ပြည် လွတ်လပ်ရေး တပ်မတော် (KIA) ဒု စစ်ဦးစီးချုပ် ဗိုလ်မှူးချုပ် ဂွမ်မော်နှင့် အစိုးရ ဒု တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်း ဦးဆောင်သော နှစ်ဘက် ကိုယ်စားလှယ် များသည် တင်းမာနေသော စစ်ရေး ကိစ္စများ ပြေလည်ရေး အတွက် ပထမဆုံး အကြိမ် တွေ့ဆုံ ဆွေးနွေးရန် စီစဉ်ထားကြောင်း သိရသည်။
ကချင်ပြည်နယ် လွယ်ဂျယ်မြို့နယ် သို့မဟုတ် ရှမ်းပြည်နယ် မြောက်ပိုင်း မူဆယ် မြို့နယ်တို့ကို အဆိုပြုထားပြီး ယခုလ ၉ ရက်နေ့ နောက်ပိုင်း တွေ့ဆုံရန် စီစဉ်ထားသည်ဟု ငြိမ်းချမ်းရေး အကျိုးဆောင် ဦးဆန်းအောင်က ဧရာဝတီ သို့ ပြောသည်။
အစိုးရဘက်က ဗန်းမော်မြို့နယ်တွင် တွေ့ဆုံဆွေးနွေးရန် ယခုလဆန်းပိုင်းက ကမ်းလှမ်း ခဲ့သော်လည်း စစ်ရေး တင်းမာနေချိန် အတွင်း ထိုနေရာများ၌ တွေ့ဆုံဆွေးနွေးရန် အဆင် မပြေနိုင်ကြောင်း ကချင်ပြည် လွတ်လပ်ရေး အဖွဲ့ (KIO) ဘက်က ပြန်လည် အကြောင်းကြား ခဲ့သည်ဟုလည်း ၎င်းက ဆိုသည်။
နှစ်ဘက် တွေ့ဆုံဆွေးနွေးအတွက် ငြိမ်းချမ်းရေး အကျိုးဆောင်များနှင့် အစိုးရဘက်က ဦးအောင်မင်း ဦးဆောင်သော အဖွဲ့တို့ ကြိုတင် ညှိနှိုင်း၍ ယမန်နေ့က စစ်ဘက်ဆိုင်ရာ နှစ်ဘက် ကိုယ်စားလှယ်များကို ကမ်းလှမ်းထားခြင်း ဖြစ်ကြောင်း သိရသည်။
“နှစ်ဘက်တပ်တွေ ဖယ်ရှားပေးရမယ့် ကဏ္ဍတွေ၊ နှစ်ဘက် တပ်တွေ နီးနီး ကပ်ကပ်ဖြစ်နေတဲ့ အတွက်ကြောင့်မို့ အစိုးရဘက်က တိုးချဲ့ထားတဲ့ တပ်မတွေ ပြန်ရုပ်ဖို့ အဲဒီ ကိစ္စတွေကို အသေးစိတ် ဆွေးနွေးကြမယ်”ဟု ဦးဆန်းအောင်က ဆက်ပြောသည်။
ပြီးခဲ့သည့် ဇွန်လ ၂၀ ရက်နေ့က ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒု ဥက္ကဌ ဦးအောင်မင်းနှင့် KIA ခေါင်းဆောင်များ မိုင်ဂျာယန် ဒေသတွင် နောက်ဆုံး တွေ့ဆုံခဲ့သည်။
နှစ်ဘက်တိုက်ပွဲများကြောင့် အိုးအိမ် စွန့်ခွာ တိမ်းရှောင်နေကြရသော စစ်ဘေး ဒုက္ခသည် စခန်းများတွင် ဇွန်လ နှောင်းပိုင်းမှစ၍ ၀မ်းပျက်ဝမ်းလျှော ရောဂါများ ဖြစ်ပွားနေကြောင်း သိရသည်။ ယင်း ဒုက္ခသည် စခန်းများသည် KIO ၏ ထိန်းချုပ်မှု အောက်ရှိ စခန်း များ ဖြစ်သည်။
ဝမ်းပျက် ၀မ်းလျှော ဖြစ်ပွားမှုမှာ မိုင်ဂျာယန်၊ ပါကထောင်၊ ဖလူရန့် နှင့် ဂျေယန့် စခန်းများတွင် အဓိက ဖြစ်ပွားနေပြီး ဒုက္ခသည် ၇၀၀၀ ကျော်ရှိသော ဂျေယန့် စခန်းတွင် ၆၀ ရာခိုင်နှုန်းကျော် ဖြစ်နေကြောင်း၊ အများစုမှာ အသက် ၅ နှစ်အောက်နှင့် သက်ကြီး ရွယ် အိုများ ဖြစ်ကြောင်း၊ တချို့ ဒုက္ခသည် စခန်းတွင်လည်း ဖြစ်ပွားကြောင်း ကြားသိရသည်ဟု ဒုက္ခသည်စခန်း ကော်မတီဝင်များက ဆိုသည်။
တရုတ်နိုင်ငံ ယူနန်ပြည်နယ်ရှိ စစ်ပြေး ဒုက္ခသည် ၁၀၀၀၀ ခန့် အပါအ၀င် နယ်စပ် ဒုက္ခသည် စခန်း ၄၀ ကျော်မှ စုစုပေါင်း ဒုက္ခ သည် ၅၃၀၀၀ ကျော်အတွက် ထောက်ပံ့ရေး အကူအညီများ လိုအပ်နေကြောင်းလည်း သိရသည်။
KIO သည် ၁၉၉၄ ခုနှစ်တွင် အစိုးရနှင့် အပစ်အခတ်ရပ်စဲရေး လက်မှတ်ထိုးထားသည့် တိုင်းရင်းသား လက်နက်ကိုင်အဖွဲ့ဖြစ်ပြီး ၂၀၁၁ ခုနှစ် ဇွန်လတွင် တိုက်ပွဲများ ပြန်လည် ဖြစ်ပွားခဲ့ပြီးနောက် အပစ်အခတ် ရပ်စဲရေးလည်း ပျက်ပြားခဲ့သည်။
ယင်း တိုက်ပွဲများကြောင့် အစိုးရနှင့် KIO ကြား ငြိမ်းချမ်းရေး ပြန်လည် တည်ဆောက်ရန် ၂၀၁၁ ခုနှစ် နိုဝင်ဘာလမှစတင်၍ ၂၀၁၂ ခုနှစ် အတွင်း အကြိမ်ကြိမ် တွေ့ဆုံခဲ့ကြသော်လည်း ယနေ့အထိ ရေရာသည့် သဘောတူညီချက် တစုံတရာ မရရှိသေးပေ။
Ref: ဧရာဝတီ
Read More...
Collapse...
မင်းဝဏ်
ဇူလိုင်လ ၄ ရက် ၂၀၁၂
ပထမအကြိမ်လွှတ်တော် စတုတ္ထပုံမှန်အစည်းအဝေးတွေကို ဇူလိုင်လ ၄ ရက်မှာ စတင်ကျင်းပ သွားမှာဖြစ်ပြီး အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ကော့မှူး မြို့နယ်ပြည်သူ့ လွှတ်တော် အမတ် ဒေါ်အောင်ဆန်းစုကြည် ကတော့ လွှတ်တော် အစပိုင်း ၃ ရက်လောက် တက်ရောက်နိုင်မှာ မဟုတ်ဘူးလို့ ကြားသိရပါတယ်။ NLD ဥက္ကဋ္ဌ မပါသေးပေမဲ့ ကျန်တဲ့ NLD အမတ်တွေ အားလုံးကတော့ လွှတ်တော် တက်ရောက်မှာဖြစ်ပြီး ပြီးခဲ့ တဲ့ ကြားဖြတ်ရွေးကောက်ပွဲ အပြီးမှာ အသစ် လဲလိုက်တဲ့ စစ်ဗိုလ် အမတ် ၅၉ ဦးနဲ့ ဆိုရင် လွှတ်တော်တွေ ထဲမှာ မျက်နှာသစ် အမတ် ၁၀၄ ဦး ပါဝင်ဆွေးနွေးလာ ကြဖို့ ရှိတယ်လို့ ယူဆရမှာပါ။
လွှတ်တော်တတိယပုံမှန် အစည်းအဝေးနဲ့ စတုတ္ထ အကြိမ် ပုံမှန် အစည်းအဝေး တွေ ကြားကာလဖြစ်တဲ့ မေလနဲ့ ဇွန်လတွေ အတွင်း နိုင်ငံတော် အာဏာကို ရယူထားတဲ့ သမ္မတ ဦးသိန်းစိန် အစိုးရ၊ သူရ ဦးရွှေမန်းနဲ့ ဦးခင်အောင် မြင့် တို့ရဲ့ ပြည်သူ့ လွှတ်တော်နဲ့ အမျိုးသား လွှတ်တော်၊ ဥက္ကဋ္ဌ ပြန်မရွေးရသေးဘဲ အတွင်းရေးမှူးတွေ ဖြစ်တဲ့ ဦးဌေးဦး၊ ဦးအောင်သောင်းတို့ အသံတွေသာ ကြားနေရတဲ့ ကြံ့ဖွံ့ပါတီ၊ ဒုတိယ ဗိုလ်ချုပ်မှူးကြီး မင်းအောင်လှိုင် ကွပ်ကဲနေတဲ့ တပ်မတော် - စတဲ့ ဒေါက်ကြီး ၄ ဒေါက်က သူတို့ရဲ့ အာဏာ သက်ဆိုးရှည်စေဖို့ ကျားကုတ် ကျားခဲ အားထုတ်မှုတွေ လုပ်နေကြပေမဲ့ ဦးနင်းပဲ့ထောင်၊ ပဲ့နင်းဦးထောင် ကမောက်ကမ အခြေအနေတွေ ဖြစ်နေတာကို သတိပြုမိ ကြမှာပါ။
အစိုးရအဖွဲ့ထဲမှာ တခါလာမဲပြာမုဆိုး ၊ ခေါက်ရိုးကျိုး မိန့်ခွန်းတွေကို အချိန် အခါလိုက်ပြောဆို တတ်သူက သမ္မတ ဦးသိန်းစိန်ဖြစ်ပြီး “ ဆင်းရဲ မွဲတေမှုလျှော့ချရေး၊ ကျေးလက် ဖွံ့ဖြိုးရေး၊ အဂတိ လိုက်စားမှု တားမြစ်ရေး၊ ပြည်သူလူထု အခြေပြု ဖွံ့ဖြိုး တိုးတက်ရေး မဟာဗျူဟာ ” စသဖြင့် နိုင်ငံတကာကြိုက် ခေတ်နဲ့ ညီတဲ့ စကားလုံး တွေကို ဖေါဖေါသီသီ ပြောနိုင်သူ ဖြစ်လာနေပါတယ်။ နအဖ စစ်အစိုးရ လက်ထက် ဝန်ကြီးချုပ်နဲ့ စစ်ကောင်စီမှာ အတွင်းရေးမှူး ၁ အထိ တာဝန်ယူခဲ့ဖူးတဲ့ ဦးသိန်းစိန်ဟာ အာဆီယံ အစည်းအဝေး အတွေ့အကြုံ တချို့နဲ့ နိုင်ငံ တကာက ဘာကို ကြိုက်တတ်သလဲ ဆိုတာ သိသူဖြစ်တဲ့အလျှောက် သမ္မတ တစ်ယောက် အနေနဲ့ တိုင်းပြည် ကို ဒီမိုကရေစီ လမ်းကြောင်းမှန်ပေါ် ရောက်အောင် ပို့နေတဲ့ ပြုပြင်ပြောင်းလဲရေး သမား Reformist အဖြစ် ပုံ ဖမ်းနေပေမဲ့ အစိုးရ အဖွဲ့ဝင် ဝန်ကြီး တစ်ယောက်ချင်းစီရဲ့ ဗီဇ၊ စရိုက်၊ အကျင့်တွေ မတူလို့ လုပ်ပုံ လုပ်နည်း ကွဲ ပြားတာ ဆိုပြီး အစိုးရ အဖွဲ့ လုပ်ရပ်တွေကို တာဝန်ယူ၊ တာဝန်ခံလိုစိတ် မရှိတဲ့ စကားမျိုးလည်း ပြောတတ်သူ ဖြစ်နေတာ တွေ့ရပါတယ်။
အရင် နအဖစစ်အစိုးရ လက်ထက် ဗိုလ်သိန်းစိန် ဝန်ကြီးချုပ် တာဝန်ယူတဲ့ အခါ သူ့နေရာဟောင်း အတွင်း ရေးမှူး (၁)နေရာကို ဝင်လာသူက ဗိုလ်တင်အောင်မြင့်ဦး ဖြစ်ပြီး လုပ်ပိုင်ခွင့်တွေ ခွင်ထပ်ကုန်ကြလို့ ဗိုလ် သန်းရွှေ ဆင်ထားတဲ့ အုပ်ချုပ်ရေး၊ စီမံခန့်ခွဲရေး အာဏာ ခွဲဝေယူမှု ဇတ်ကွက်ထဲမှာ သူတို့နှစ်ဦးကြား တင်းမာ ခဲ့ဖူးကြပါတယ်။ ခုလည်း ကျန်းမာရေး အကြောင်းပြချက်နဲ့ နှုတ်ထွက်ခွင့် တင်ထားတယ်လို့ သတင်းထွက်နေ တဲ့ ဒု-သမ္မတ သီဟသူရ ဦးတင်အောင်မြင့်ဦး ကိစ္စကို ရှင်းကြရမှာပါ။ သမ္မတ ဦးသိန်းစိန် ကိုယ်တိုင် သူတို့ စစ်အုပ်စု စိတ်ကြိုက်ရေးခဲ့တဲ့ ၂၀၀၈ ဖွဲ့စည်းပုံ ပုဒ်မ ၇၃ (စ) (ဆ) တို့ကို ဘောင်ကျော်ပြီး ဒု-သမ္မတ နှုတ် ထွက်ခွင့် တင်ထားတာကို ဥပဒေနဲ့ အညီမဟုတ်ဘဲ မလိမ့်တပတ် လျှောချနေတာတွေ့ရ ပါတယ်။ ဒု-သမ္မတ တယောက် အနေနဲ့ နှုတ်ထွက်ခွင့် တင်ရင် လွှတ်တော် ကျင်းပနေတဲ့ အချိန်ဆိုရင် တပတ်အတွင်း၊ လွှတ်တော် ကျင်းပချိန် မဟုတ်ရင် ၂၁ ရက်အတွင်း အရေးပေါ် အစည်းဝေး ခေါ်ယူ ဆုံးဖြတ်ရမှာဖြစ်ပေမဲ့ ဦးတင်အောင် မြင့်ဦးကို ဆေးခွင့်ပေးထားတယ်လို့ လုပ်ထားပြီး ဒီကိစ္စကိုခေါက်ထားတာ သတိပြုမိ ပါတယ်။
ဝန်ထမ်းတွေလစာ တိုးပေးရေးအဆိုတင်ပြီး သူ့ရဲ့ ပုံရိပ်ကောင်းအောင် ကြိုးစားခဲ့တဲ့ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းကလည်း အစိုးရ ဝန်ထမ်းတွေနဲ့ ပြည်သူ့မေတ္တာ ရအောင် အားထုတ်နေပေမဲ့ ရှစ်လေးလုံး မျိုးဆက် ကျောင်းသားခေါင်းဆောင်တွေပြောတဲ့ ပြည်သူ လူထုတွေ အတွက် ဝန်ထုတ် ဝန်ပိုးဖြစ်စေတဲ့ ဥပဒေ တွေ ပြင်ဖို့၊ နိုင်ငံရေး သမားတွေ လှုပ်ရှား တက်ကြွသူတွေနဲ့ အစိုးရ အာဏာပိုင်တွေအကြား နားလည်မှု ပိုရ အောင် လုပ်ဆောင်နိုင်ဖို့ - ဆိုတဲ့ လက်တွေ့ပြုပြင်ပြောင်းလဲ ရမယ့် ကိစ္စတွေ အတွက်တော့ တက်တက်ကြွကြွ ပြောတာ တခါမှ မကြားရသေးပါဘူး။ ဇူလိုင်လ ၁ ရက်ကလည်း “ နိုင်ငံစီးပွားရေးက မကောင်းဘူး ဆိုတဲ့ သဘော ရှိကြောင်း၊ စီးပွားရေးမကောင်းတာ ဘယ်မှာအထိခိုက်ဆုံးဖြစ်သလဲဆိုတော့ အခြေခံလူတန်းစားတွေ ဖြစ်တဲ့ တောင်သူလယ်သမား၊ အလုပ်သမား၊ မွေးမြူရေးသမားတွေဖြစ်ကြောင်း ” အောက်ခြေလူထုအရေး အင်မတန် အလေးအနက်ထားသယောင် ပြောသွားပါတယ်။
ဗိုလ်ရွှေမန်းရဲ့ထုံးစံအတိုင်း အဖျားရှုးသွားတာ ကတော့ “ ကျွန်တော်တို့ ယခင် အစိုးရ လက်ထက်က ပါတီစုံ ဒီမို ကရေစီ နဲ့ ဈေးကွက် စီးပွားရေး စံနစ် တည်ဆောက်ဖို့ ပြည်သူများရဲ့ ဆန္ဒကို ဆောင်ရွက် ခဲ့တာဖြစ်ကြောင်း၊ ၂၀၀၈ ဖွဲ့စည်းပုံ အခြေခံ ဥပဒေမှာ ဒီပြဋ္ဌာန်းချက် ပါကြောင်း၊ ဒီမူဝါဒနဲ့အညီ နိုင်ငံသားများရဲ့ ရပိုင်ခွင့်၊ လုပ်ပိုင်ခွင့်တွေကို အဓိကထား ကာကွယ်နိုင်တဲ့ ဥပဒေမျိုးကို ဖေါ်ဆောင်ပေးမယ် ” ဆိုပြီးပြောတဲ့ အတွက် ဒီမိုကရေစီနဲ့ လူ့အခွင့် အရေး၊ တိုင်းရင်းသားတန်းတူရေး၊ နိုင်ငံရေး၊ စီးပွားရေး အခွင့်အရေးတွေ အတွက် ဘာအာမခံချက်မှ မရှိတဲ့ ၂၀၀၈ ဖွဲ့စည်းပုံကို ပြန်ကိုးကားနေတာပဲ ဖြစ်နေတာကို တွေ့ရပါတယ်။
ပြည်တွင်းငြိမ်းချမ်းရေးဖေါ်ဆောင်မှု လုပ်ငန်းကော်မတီ ဒု-ဥက္ကဋ္ဌ တာဝန် ယူတဲ့ ရထား ပို့ဆောင်ရေး ဝန်ကြီး ဦးအောင်မင်းကလည်း ၂၀၁၅ ခုနှစ် မတိုင်ခင် တိုင်းရင်းသားပေါင်းစုံ ပါဝင်တဲ့၊ နိုင်ငံရေး ပါတီများ၊ NGO များ ပါတဲ့ ညီလာခံကြီးခေါ်မယ့် အကြောင်း ပြောနေပေမဲ့ သမ္မတရဲ့- အပစ်အခတ်ရပ်၊ လက်နက်အပ်၊ ပါတီထောင်၊ ရွေးကောက်ပွဲဝင်၊ လွှတ်တော်ထဲရောက်ရင် နိုင်ငံရေးဆွေးနွေး ဆိုတဲ့ အဆင့်တွေကို သိထားကြတဲ့ နိုင်ငံရေး အင်အားစုတွေ၊ တိုင်းရင်းသား လက်နက်ကိုင် အင်အားစုတွေ အတွက် အစိုးရ တာဝန်ရှိသူတွေက ဘာကို ကိုယ် စားပြုပြီး တာဝန်ခံမှုရှိရှိ ပြောနေတာလဲ ဆိုတာကို မေးခွန်းထုတ်စရာတွေ ရှိလာပါတယ်။ ဗိုလ်ချုပ် ဟောင်း များ စစ်ရာထူးစွန့်ပြီး နိုင်ငံရေးအာဏာ ဆက်ယူထားကြပေမဲ့ နိုင်ငံရေး၊ စီးပွားရေး၊ ငြိမ်းချမ်းရေးနဲ့ ဖွံ့ဖြိုးရေး ကဏ္ဍ အသီးသီးမှာ ဖရိုဖရဲ စီမံခန့်ခွဲမှုတွေနဲ့သာ လုံးချာ လိုက်နေပြီး ဦးနင်းပဲ့ထောင်၊ ပဲ့နင်းဦးထောင် ကမောက် ကမ အခြေအနေတွေသာ ဖြစ်လို့နေပါတော့တယ်။
တကယ့်တကယ်တော့ ခေါက်ရိုးကျိုးနေတဲ့ မုသာဝါဒတွေနဲ့ နပမ်းလုံးနေဆဲ ရှိနေတုန်းပါ။
မင်းဝဏ်
Read More...
Collapse...
ကိုကျော်ကျော်သိန်း
အင်္ဂါ, 03 ဇူလိုင် 2012
မြန်မာအစိုးရက အကျဉ်းသား အယောက် ၈၀ ကို ပြန်လွှတ်ပေးလိုက်တဲ့ ထဲမှာ နိုင်ငံရေး အကျဉ်းသား ၂၀ ပါလာတဲ့ အပေါ် အများစုက ကြိုဆိုကြပါ တယ်။ တချိန်ထဲမှာပဲ ကျန်နေသေးတဲ့ နိုင်ငံရေး အကျဉ်းသားတွေ ကိုလည်း လွှတ်ပေးဖို့ တောင်းဆိုကြပါတယ်။ ဒီမိုကရေစီ ပြုပြင် ပြောင်းလဲရေး လုပ်နေတဲ့အချိန်ကာလမှာ အားလုံးရဲ့ အင်အားတွေကို ယူပြီး လုပ်ဆောင် သင့်တာမို့ နိုင်ငံရေး အကျဉ်းသားအားလုံးကို လွှတ်ပေး ဖို့ တောင်းဆိုနေကြတာလည်းဖြစ်ပါတယ်။ အပြည့်အစုံ ကိုတော့ ကိုကျော်ကျော်သိန်းက ဆက်ပြောပြပါမယ်။
နိုင်ငံတော်တည်ငြိမ်ရေးနဲ့ ထာဝရငြိမ်းချမ်းမှု ဖော်ဆောင်ဖို့ အတွက်၊ အမျိုးသားပြန်လည် စည်းလုံး ညီညွတ်ရေး အတွက်၊ နိုင်ငံရေး လုပ်ငန်းစဉ် တွေမှာ အားလုံး ပါဝင်နိုင်ခွင့် ရှိစေဖို့ အတွက်၊ လူသားချင်း စာနာထောက်ထားမှုကို အလေးပေးတဲ့ အနေနဲ့ ဆိုပြီး အခြေခံဥပဒေပါပုဒ်မ ၂၀၄ (က) နဲ့ အညီ နိုင်ငံသား အကျဉ်းသား ၃၇ ဦး၊ နိုင်ငံသားအကျဉ်းသူ ၉ ဦးတို့အပြင် နိုင်ငံခြားသားအကျဉ်းသား ၃၄ ဦးတို့ ကို နိုင်ငံတော် သမ္မတက ပြစ်ဒဏ် လွတ်ငြိမ်းခွင့်ပေးပြီး ပြန်လွှတ်ပေးခဲ့တာပါ။
လွှတ်ပေးလိုက်တဲ့ နိုင်ငံသား ၄၆ ဦးထဲမှာ နိုင်ငံရေး အကျဉ်းသား ၂၀ ပြန်ပါလာပြီး နှစ်ရှည်ထောင်ဒဏ် ကျခံနေရတဲ့ နိုင်ငံရေး အကျဉ်းသား တချို့လည်း ပြန်လွတ် လာပါတယ်။
နိုင်ငံတော်တည်ဆောက်ရေးမှာ တစ်ဖက်တစ်လမ်း ကနေ အထောက်အပံ့ဖြစ်စေဖို့ ဆိုတဲ့ အတွက် အားလုံးကို ပြန်လွှတ်ပေးသင့်ပြီလို့ ၈၈ မျိုးဆက် ကျောင်းသားများအဖွဲ့ခေါင်းဆောင် ကိုမင်းကိုနိုင်က ပြန်လွတ်လာသူတွေကို ကြိုဆိုတဲ့အချိန်မှာ ပြောခဲ့ပါတယ်။
“ဒီလူတွေဘယ်လိုအကြောင်းနဲ့မှ ထောင်ထဲမှာ မထားသင့်တော့ဘူး။ ကြာရင် လူတွေရဲ့စိတ်မှာ စိတ် အနာတရဖြစ်သွားရင် မကောင်းဘူး။ ကျနော်တို့က ဘယ်လောက်ပဲ ခံခဲ့ရပါစေ၊ အဲဒါတွေကိုမေ့ထားပြီး အနာဂတ်ကို ကြည့်မယ်လို့ ကျနော်တို့ ဆုံးဖြတ် ထားတယ်။ အဲဒီအပေါ်မှာ နောက် လူတွေကိုလည်း စိတ်အနာတရ မဖြစ်စေချင်ဘူး။ တိုင်းပြည် တည်ဆောက်ရေး အတွက် ဒီအင်အားတွေကို ချက်ခြင်း အပြင်ကို ထွက်စေချင်ပြီ။ သူတို့ ပြန်လည်ထူထောင်ရေးတွေလည်း လုပ်ရအုံးမယ်။ အထဲမှာ အားလုံးက ညောင်းပြီး ပင်ပန်းလာကြတာ။”
အမေရိကန်အခြေစိုက် အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ကတော့ အခုလိုလွှတ်ပေးတာကို ကြိုဆိုသလို အားလုံးကို ပြန်လွှတ်ပေးဖို့ တောင်းဆိုပါတယ်။
“မြန်မာနိုင်ငံမှာ အခုလို ပြန်လွှတ်ပေးလိုက်တာကို အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က ကြိုဆိုပါ တယ်။ ဒါပေမဲ့ တခြားကျန်နေသေးတဲ့ နိုင်ငံရေးအကျဉ်းသားတွေ အားလုံးကိုလည်း ပြန်လွှတ်ပေးဖို့ မြန်မာအာဏာပိုင်တွေကို ကျနော်တို့ တိုက်တွန်း ပါတယ်။”
အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က အာရှ-ပစိဖိတ်ဒေသ ဆိုင်ရာ စည်းရုံးလှုံ့ဆော်ရေးမှူး မစ္စတာ တီ ကူးမား (T Kumar) ပါ။
ထင်ရှားသူတွေအပါအ၀င် နိုင်ငံရေးအကျဉ်းသား အတော်များများကို ဒီနှစ် နှစ်ဆန်းပိုင်းမှာ ပြန်လွှတ်ပေးခဲ့ပြီးချိန်ကတည်းကဆိုရင် အခု လွှတ်ပေး တာဟာ ဒီနှစ်အတွင်း ဒုတိယအကြိမ်ဖြစ်ပါတယ်။ ပြီးခဲ့တဲ့ သီတင်းပတ်တွေတုန်းကတည်းက နိုင်ငံရေးအကျဉ်းသားတွေကို ပြန်လွှတ်ပေးတော့မယ် ဆိုတဲ့ သတင်းတွေက ထွက်နေခဲ့တာပါ။ ဒါပေမဲ့လည်း အားလုံး ပါမလာတဲ့ အတွက်တော့ ပြန်လွတ်လာသူတဦးကိုယ်တိုင်က မပျော်ရွှင်လှပါဘူး။
“လုံးဝ ၀မ်းသာစရာအကြောင်းမရှိဘူး၊ တကယ်ဆို အရပ်သားအစိုးရတက်လာကတည်းက ကျနော်တို့ နောက်နေ့မှာ ထောင်ပြင်ကို ရောက်နေရမယ့် လူဗျ။ ထောင်ထဲမှာ နေစရာအကြောင်းကို မရှိဘူး။ အခုကျန်နေတဲ့ လူတွေ အားလုံးကိုလည်း တကယ်ဆို အနာကျက်အောင် ကုတာလား၊ အနာရင်းအောင် လုပ်တာလား၊ အနာကျက်အောင်ကုတယ်ဆိုရင် ဒီပုံစံတွေ မကောင်းဘူး။ အကုန်လုံး လွှတ်ပေးရမှာ။ ဒီနေ့ကို ချက်ချင်း လွှတ်ပေးရမယ် အကုန်လုံးကို။”
ပြန်လွတ်လာတဲ့ထဲက တယောက်ဖြစ်တဲ့ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) အဖွဲ့ဝင်တဦးဖြစ်တဲ့ ကိုမြင့်ကြိုင်ပါ။
အကျဉ်းထောင်ထဲမှာ နိုင်ငံရေးအကျဉ်းသားတယောက်ပဲဖြစ်ဖြစ် ကျန်နေသေး သရွေ့ အမျိုးသားပြန်လည် သင့်မြတ်ရေး လုပ်ငန်းစဉ် မပြီးဆုံးနိုင်ဘူး လို့ ဆိုထားကြတာပါ။ ထင်ရှားသူတွေ အများအပြားကို ပြန်လွှတ်ပေးခဲ့ပီးတဲ့နောက်ပိုင်းမှာလည်း နိုင်ငံရေးအကျဉ်းသားလွတ်မြောက်ရေးအတွက် နိုင်ငံတကာရဲ့ ဖိအားပေးတောင်းဆိုချက်တွေက အားပျော့သွားခဲ့တယ်လို့ ဆိုရမှာပါ။
တချိန်တုန်းက လက်နက်ကိုင်ပြီး အစိုးရကို ဆန့်ကျင် တိုက်ခိုက်ခဲ့တဲ့ အဖွဲ့အစည်းတွေ၊ ဥပဒေပြင်ပက တရားမ၀င် အဖွဲ့အစည်းတွေလို့ဆိုတဲ့ အဖွဲ့အစည်းတွေနဲ့ အစိုးရကြားမှာ တွေ့ဆုံ ဆွေးနွေးတာတွေ၊ သဘောတူညီချက်ယူတာတွေတောင်မှ ရှိလာနေပြီဖြစ်တဲ့အတွက် အဲဒီအဖွဲ့တွေနဲ့ ဆက်စပ် ပတ်သက် လို့ ထောင်ချခံထားရသူတွေ၊ နိုင်ငံရေးနဲ့ဆက်စပ်ပေမဲ့ တခြားပုဒ်မ အမျိုးမျိုးနဲ့ ထောင်ချခံ ထားရသူတွေ အားလုံး ပြန်လွတ်လာဖို့ ဆက်လုပ်သွားပါမယ်လို့ ကိုမင်းကိုနိုင်ကပြောပါတယ်။
“အဓိက ကတော့ဗျာ၊ တိုင်းပြည်မှာ တကယ်တည်ဆောက်ရေးအတွက် လုပ်အားရှင်တွေ လိုပါတယ်။ နိုင်ငံရေး အတွက် ကိုယ့် ယုံကြည်ချက်အတွက် ကြိုးစားကြရင်းနဲ့ အမှုကတော့ မျိုးစုံ ခေါင်းစဉ်တပ်လို့ ရတာပေါ့။ လက်နက်မှုနဲ့ နောက်ဆုံးတပ်လို့ရတယ်။ မတရားသင်းနဲ့ဆက်သွယ်တယ် ဆိုပြီး တပ်လို့ ရတယ်။ ခုတချိန်က မတရားသင်းလို့ သူတို့ ကြေညာထားတဲ့သူတွေက အခုအစိုးရနဲ့ အဆင်ပြေပြီးတော့ တရားဝင်လည်း ဖြစ်နေပြီဗျာ။ အဲလိုအချိန်မျိုးမှာ သူတို့နဲ့ ပတ်သက်ထားတဲ့လူတွေက ဘယ်လိုနည်းနဲ့မှ မကျန်သင့်တော့ဘူးပေါ့နော်။ ကျနော်တို့ အဲဒါကို အားစိုက်ခွန်စိုက် ဆက်ပြီးတော့ ကြိုးစားပါ့မယ်။”
နိုင်ငံရေးအကျဉ်းသားဆိုတာကို အဓိပ္ပာယ်ဖွင့်ဆိုတဲ့နေရာမှာ ကွဲပြားချက်တွေ ရှိနေတာကြောင့်လည်း နိုင်ငံရေး အကျဉ်းသား အရေအတွက်ကို ပြောတဲ့နေရာမှာ ကွဲလွဲချက်တွေရှိနေတာဖြစ်ပါတယ်။ ထိုင်း-မြန်မာနယ်စပ်အခြေစိုက် နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) က နိုင်ငံရေးအကျဉ်းသား ၄၀၀ ကျော် ကျန်သေးတယ်လို့ ပြောထားပြီး အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ကတော့ ၃၅၀ လောက် ကျန်သေးတယ်လို့ ပြောထားပါတယ်ခင်ဗျား။
Ref: VOA News
Read More...
Collapse...
July 3, 2012
ကိုမင်းကိုနိုင် ဦးဆောင်တဲ့ ၈၈ မျိုးဆက်ကျောင်းသားများ အဖွဲ့ဟာ ပြည်သူ့ လွှတ်တော် ဥက္ကဌ ဦးရွှေမန်း အပါအ၀င် လွှတ် တော် ရေးရာ ဥက္ကဌ တွေနဲ့ ဇူလိုင်လ ၁ ရက်နေ့က ရန်ကုန်မြို့ ရွှေဂုံတိုင် တာဝါမှာ ရှိတဲ့ ပြည်သူ့ လွှတ်တော် ဥပဒေရေးရာနှင့် အထူး ကိစ္စရပ်များ လေ့လာ ဆန်းစစ် သုံးသပ်ရေး ကော်မရှင်(ရန်ကုန်- ရုံးခွဲ)မှာ မြန်မာ့အရေးနဲ့ ပတ်သက်လို့ ပထမဆုံး အကြိမ် တွေ့ဆုံ ဆွေးနွေး ခဲ့ကြပါတယ်။
အဲဒီ ဆွေးနွေးချက်တွေနဲ့ ပတ်သက်ပြီး ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် ကို ဧရာဝတီ သတင်းထောက် လင်းသန့်က ဆက်သွယ်မေးမြန်း ထားပါတယ်။
ကိုမင်းကိုနိုင်နဲ့ ၈၈ မျိုးဆက်ကျောင်းသား ခေါင်းဆောင် အများစုဟာ နှစ်ရှည်ထောင်ဒဏ် ချမှတ်ခံထားရာမှ သမ္မတ ဦးသိန်း စိန် ရဲ့ လွတ်ငြိမ်း ချမ်းသာခွင့်နဲ့ မကြာသေးခင်က လွတ်မြောက် လာခဲ့ကြပါတယ်။ အဲဒီနောက် ငြိမ်းချမ်းရေးနဲ့ ပွင့်လင်း လူ့အဖွဲ့အစည်းခေါင်းစဉ်နဲ့ မြန်မာနိုင်ငံမှာ လူထု အခြေပြု လူ့အဖွဲ့အစည်းတွေ အားကောင်းလာစေရေး ကြိုးပမ်း လှုပ်ရှားနေကြပါတယ်။
မေး။ ။ ကိုမင်းကိုနိုင်တို့ ၈၈ မျိုးဆက် ကျောင်းသားခေါင်းဆောင်တွေနဲ့ ပြည်သူ့ လွှတ်တော် ဥက္ကဌ အပါအ၀င် လွှတ် တော် ရေးရာ ဥက္ကဌ တွေ နဲ့ ဆွေးနွေး ခဲ့တယ်လို့ သိရပါတယ်။ ဘာတွေ အဓိကထား ဆွေးနွေးဖြစ်ခဲ့ကြပါလဲ။
ကိုမင်းကိုနိုင်။ ။ အဓိကကတော့ဗျာ သူတို့ လွှတ်တော် ဆိုတာက ဥပဒေပြုတဲ့ ကိစ္စက မူလ တာဝန်ခံပဲ။ တခုတော့ ရှိတယ်ဗျ။ နိုင်ငံမှာတော့ အာဏာ အမြင့်ဆုံးနေရာပဲ။ အုပ်ချုပ်ရေး ဆိုတဲ့ သမ္မတကိုတောင်မှ လွှတ်တော်ကနေ ရွေးရတာကိုးဗျ။ ဒီတော့ အစိုးရ အဖွဲ့ပြီးသွားရင် လွှတ်တော်ရဲ့ ကိစ္စက ပြည်သူတွေကို အကာအကွယ် အစောင့်အရှောက် ပေးနိုင်မယ့် ဥပဒေတွေ ပြ ဌာန်း ဖို့ရယ်၊ ပြည်သူတွေအတွက် မလိုဘဲ ၀န်ထုပ် ၀န်ပိုးဖြစ်နေတဲ့၊ ဖိနှိပ်ချုပ်ချယ်နေတဲ့ ဥပဒေ ဆိုးတွေကို အကုန်ဖျက်သိမ်းဖို့ရယ်၊ ဒီ ၂ ခုပါပဲ။ အဲဒီ ၂ ခုကိုပဲ ကျနော်တို့ဆွေးနွေးကြတာ။ ကျနော်တို့ ဆွေးနွေးမှုတွေက အဲဒီအထဲက ပြေး မလွတ်ပါဘူး။
မေး။ ။ ဘာကြောင့် ဆွေးနွေးခဲ့တယ်ဆိုတာနဲ့ ဆွေးနွေးမှု အပေါ် ၈၈ မျိုးဆက်ကျောင်းသားတွေရဲ့ အမြင်လည်း သိပါရစေ။
ဖြေ။ ။ ကျနော်တို့ လိုရင်းပြောရင်တော့ အပေါင်း လက္ခဏာတွေ အများကြီးတွေ့ပါတယ်။ သူတို့ အနေနဲ့ အရပ်ဘက်ကိုပြောင်း လဲ လာပြီးတော့ အရပ်သားများ အနေနဲ့ ကြိုးစားကြတယ် ဆိုတဲ့နေရာမှာ အရင်က ခေါက်ရိုး ကျိုးနေတဲ့ အမိန့် နာခံမှုနဲ့ ခိုင်းမှ လုပ်မယ် ဆိုတဲ့လူတွေ အဲဒီပုဂ္ဂိုလ်တွေ ယနေ့အထိ ရှိတယ်၊ ကျန်နေတယ် ဆိုတာလည်း နားလည်ကြပါတယ်။ အဓိကကတော့ ဦးဆောင် ဦးရွက်ပြုတဲ့ လွှတ်တော်ထဲမှာ တာဝန် ထမ်းဆောင်ကြတဲ့ လူတွေဟာ တကယ်ပြုပြင် ပြောင်းလဲချင်တဲ့ စိတ်ဆန္ဒရှိနေ ဖို့ပဲ။ ကျနော်မြင်တာကတော့ မနေ့က ကျနော်တို့တွေ့ခဲ့တဲ့ အပေါ်မှာတော့ သူတို့ပြုပြင်ပြောင်းလဲရေး လုပ်ချင်စိတ် တကယ်ရှိပြီး ကြိုးစားနေတယ် လို့တော့ ယူဆလို့ ရတယ်။ ကျနော်တို့ ကိုယ်တိုင် ကလည်း ပြောထားပြီးသား ရှိတယ်။ ပြုပြင်ပြောင်းလဲရေး လုပ်မယ့် ပုဂ္ဂိုလ်မှန်ရင် ဘယ်အင်အားစုနဲ့ မဆို ကျနော်တို့ လက်တွဲမယ် ဆိုတာ၊ အဲဒါကြောင့် ကျနော်တို့မနေ့က တွေ့ဆုံဖြစ်ကြတာပါ။
မေး။ ။ အခုလို ပြည်သူ့လွှတ်တော် ဥက္ကဌ အပါအ၀င် လွှတ်တော်ရေးရာ ဥက္ကဌ တွေနဲ့ ဆွေးနွေးတယ် ဆိုတော့ လာမယ့် ၂၀၁၅ ခုနှစ် ရွေးကောက်ပွဲကို ၀င်ဖို့ ၈၈ မျိုးဆက်ကျောင်းသားတွေမှာ အစီအစဉ် ရှိလား။
ဖြေ။ ။ ကျနော်တို့က ရွေးကောက်ပွဲတခုတည်းကိုပဲ အာရုံ စိုက်နေတဲ့ လူတွေတော့ မဟုတ်ဘူးဗျ။ တဘက်ကနေပြီးတော့ နိုင်ငံ တကာမှာ ပြန်ကြည့်တဲ့ အခါ ရွေးကောက်ပွဲ ၀င်ရင် ဘာလုပ်မလဲ။ ရွေးကောက်ပွဲ ၀င်ပြီးလို့ နိုင်မယ် ဆိုပါတော့၊ ပြီးတော့ ရော ရွေးကောက်ပွဲ နိုင်လို့ အလုပ်ဖြစ်ရဲ့လားဆိုတာ ဇင်ဘာဗွေ နိုင်ငံ လိုမျိုး ပြန်ကြည့် လိုက်ပါဗျာ။ အဲဒါဆိုရင် သုံးသပ်လို့ ရပါတယ်။ ကျနော်တို့ ၁၉၉၀ ကို ပြန်ကြည့်ဗျာ။ အဲဒီတော့ တကယ်တမ်းက Instituion ခေါ်တဲ့ အရပ်ဘက် အဖွဲ့အစည်းတွေ မခိုင်မာဘဲနဲ့ အားမကောင်းဘဲနဲ့ ဒီမိုကရေစီကို ရွေးကောက်ပွဲ နည်းလမ်းတခုတည်းနဲ့ ကူးပြောင်းတဲ့ အစဉ်အလာကို ကျနော် တို့က မစဉ်းစားဘူး။ ရွေးကောက်ပွဲဆိုတာက အတော်များများစဉ်းစားကြပြီး အဲဒါကို အာရုံစိုက်ကြတာများပါတယ်။ ကျနော် တို့ကတော့ ရွေးကောက်ပွဲက ရတဲ့ ရလဒ်ကို ပြန်ဖော်ဖို့အတွက် အရပ်ဘက် လူ့အဖွဲ့အစည်း အားကောင်းနေဖို့၊ အရပ်သား တွေ၊ ဒီမိုကရက်တစ်တွေ အားကောင်းနေဖို့ ကျနော်တို့ ပိုပြီး အာရုံ စိုက်တယ်။
မေး။ ။ ဒီတော့ ၈၈ မျိုးဆက် ကျောင်းသားတွေ အနေနဲ့ ဘာတွေကို ဘယ်လို ဆက်ပြီး ဆွေးနွေးပြောဆို ခဲ့ပါသေးလဲ။
ဖြေ။ ။ ကျနော်တို့ ခရီးစဉ်တလျှောက်လုံး တွေ့ခဲ့သမျှတွေမှာ ပြည်သူတွေရဲ့ နစ်နာတဲ့ ဆုံးရှုံးမှုတွေ၊ ပြည်သူတွေ ဖြစ်ချင်တာ အကုန်လုံးကို မနေ့က တွေ့ဆုံမှုမှာ ကျနော်တို့ ပြည်သူ့လွှတ်တော် ဥက္ကဌ အပါအ၀င် ရေးရာကော်မတီ ဥက္ကဌ တွေ အကုန်လုံး ကို ပြန်ပြီးတော့ သယ်ဆောင်ပြီး အရောက်ပို့နိုင်ခဲ့ပါတယ်။ အဲဒါတွေအကုန်လုံးကို ခြုံပြောလိုက်မယ်ဆိုရင် လွှတ်တော်ထဲမှာ အသစ်ရေးဆွဲမယ့် ဥပဒေတွေ၊ ဥပမာ တခုပြောပါ့မယ်၊ အများအတွက် အကျိုးရှိတဲ့ ဥပဒေတခုကို ပြဌာန်းလိုက်ပြီ၊ ပြဌာန်း လိုက်ပေမယ့် လက်တွေ့ကျတော့ အကောင်အထည်ဖော်ဖို့ နည်းဥပဒေ မထွက်သေးဘူး။ အဲဒီအခါကျတော့ အလုပ်လုပ်လို့ မရဘူး။ အုပ်ချုပ်ရေး ယန္တရားဘက်ကလူတွေက ဒါကို အကြောင်းပြပြီးတော့ အပြောင်းအလဲကို တကယ်မလုပ်ကြဘူး။ နဂိုကတည်းက မလုပ်ချင်တဲ့လူတွေ ပြောနေတဲ့ကြားထဲမှာ ခေါက်ရိုးကျိုးတွေကြားထဲမှာ ခုနကလို လုပ်ထုံးလုပ်နည်း မရှိလို့ဆိုတဲ့ ဆင်ခြေတွေ၊ နည်းဥပဒေ မရှိသေးလို့ဆိုတဲ့ဆင်ခြေတွေနဲ့ ပြည်သူတွေဟာ အကောင်းဘက်ပြောင်းလဲမှုကို မခံစားရဘူးပေါ့ဗျာ။ အဟောင်းအတိုင်းပဲ ဖြစ်နေတယ်။ အဲဒီ ပြဿနာတွေကို ကျနော်တို့ တင်ပြဆွေးနွေးနိုင်ခဲ့တယ်။ အဲဒီအပေါ်မှာလည်း ကျနော် တို့ ဖြစ်စေချင်တာ ဥပဒေ တခု ထုတ်ပြန်ပြီးရင် နောက်ထပ်ပြီး လိုက်လာပြီးတော့ နည်းဥပဒေကို ကာလ အကန့်အသတ် ဘယ်လောက်အတွင်းမှာ ဘယ်နှရက် အတွင်းမှာ အပြီးအပြတ် ရအောင်ထွက်ရမယ်ဆိုတာမျိုးကို အခုလာမယ့် လွှတ်တော်မှာ ဥပဒေ တရပ်အနေနဲ့ကို ပြဌာန်းပေးဖို့ ကျနော်တို့ ပြည်သူတွေကိုယ်စားပေါ့ဗျာ ကျနော်တို့ အဓိက အလေးထားပြီး ပြောပြခဲ့ တယ်။ ကျန်တဲ့ အချက်အလက်တွေလည်း တော်တော်များပါတယ်။
မေး။ ။ ၈၈ မျိုးဆက် ကျောင်းသားတွေဘက်က ဆွေးနွေးပြောဆိုမှုကိုရော သူရ ဦးရွှေမန်းအပါအ၀င် လွှတ်တော် တာဝန်ရှိသူတွေဘက်က ဘယ်လို တုံ့ပြန်ခဲ့လဲ။
ဖြေ။ ။ ကျနော်တို့ ပြောတာအကုန်လုံးကို သူတို့သဘောတူပါတယ်။ ပြုပြင်ပြောင်းလဲရေး တကယ်လုပ်တဲ့နေရာမှာ သူတို့ကြုံ တွေ့ရတဲ့ အခက်အခဲ အခြေအနေတွေကိုလည်း သူတို့ ရိုးရိုးသားသား ကျနော်တို့ကို ပြောပြပါတယ်။ အပြောင်းအလဲ ဆိုတဲ့ အတွက်ကြောင့် အရင်အဟောင်းထဲက ဟာတွေက မလိုက်ပါနိုင်မှုတွေရော ပြီးတော့ အခုမှ၊ သူတို့ ကိုယ်တိုင်လည်း တသက် လုံးမှာ စစ်တပ်ထဲမှာပဲ ကြီးပြင်းလာခဲ့ပြီး အမိန့်ပေးတဲ့စနစ်ကိုပဲ ကျင်လည်လာတာဆိုတော့ အသွင်ကူးပြောင်းရေးလုပ်တဲ့အခါ မှာ ကျင့်သားမရသေးတာတွေကို ရိုးရိုးသားသား ကျနော်တို့ကို ပြောပြပါတယ်။ နိုင်ငံတကာလှည့်လာပြီးတော့ အတွေ့အကြုံနဲ့ နှိုင်းယှဉ်ပြီးတော့ အများကြီး သူတို့ လွှတ်တော်ထဲမှာ အလုပ်လုပ်ဖို့ လိုနေသေးတယ်ဆိုတာကို ပြောပါတယ်။ တကယ်လည်း သိပါတယ်။
ကျနော်တို့ မြင်တာက အဲဒီလို ရိုးရိုးသားသား အမှန်အတိုင်းပြောတဲ့ ပွင့်လင်းမြင်သာမှုကို ကျနော်တို့ သဘောကျတယ်ဗျ။ ဘာကြောင့်လဲ ဆိုတော့ အနာ သိဖို့လည်း လိုတာကိုးဗျ။ အနာသိမှ ဆေး ကုလို့ ရမှာ။ သူတို့ ဖြစ်နေတဲ့ အခက်အခဲတွေကို ကျနော်တို့ သိခွင့်ရတယ်။ နောက်တခါ လူထုကြားထဲမှာ ဖြစ်နေတဲ့ အခက်အခဲ ကိုလည်း သူတို့ သိခွင့်ရခဲ့တယ်။ အဲဒီတော့ အနာတွေကို အမှန်အတိုင်းပြောကြတယ်။ ပြီးတော့ သဘာဝကျတဲ့ နည်းလမ်းကို တကယ်ပဲ ရွေးကြရမှာကိုး။ အနာကို၊ အားနည်းချက်ကို ဒီအတိုင်း၂ ဘက်လုံးပြောနိုင်ကြတာကတော့ အကျိုးရှိပါတယ်၊ ဆက်ပြီးတော့ ကုထုံးတွေလည်း ကျနော်တို့ စဉ်း စားကြပါတယ်။ ဥပမာ ဆိုပါတော့ဗျာ။ တကယ် တတ်ကျွမ်းတဲ့ ပညာသည်တွေကို အကူအညီတွေ ကျွမ်းကျင်သူတွေခေါ်ပြီးတော့ နောက်ထပ် ကော်မရှင်တရပ် ဖွဲ့စည်းတာမျိုးပေါ့ ဗျာ။ သူတို့မှာ ရှေ့ဆက်ပြီး တော့ အစီအစဉ်တွေ အများကြီး စဉ်းစားထားတာ ရှိတယ်။ အဲဒီ အကြောင်းတွေလည်း ကျနော်တို့ကို ပြန်ပြီးတော့ ရှင်းပြတယ်။
မေး။ ။ ပြည်သူ့လွှတ်တော် ဥက္ကဌ ဦးရွှေမန်းက ၈၈ မျိုးဆက်ကျောင်းသားတွေကို လွှတ်တော်နိုင်ငံရေး ဖြစ်စဉ်ထဲ ၀င်ရောက် ပူးပေါင်း လုပ်ဆောင်ဖို့ ဖိတ်ခေါ်တာမျိုးရော ရှိလား။
ဖြေ။ ။ အထူးတလည် တခုတ်တရ ကျနော်တို့ကို ဖိတ်တာမျိုးတော့ မရှိပါဘူး။ ဒါပေမယ့် အားလုံး နိုင်ငံသားတိုင်းဟာ လွှတ် တော်ထဲ ၀င်ပြီး လုပ်ဖို့ ရွေးချယ်ခွင့်ရှိတာပဲဗျာ။ ဒါကတော့ ကိုယ့်ရွေးချယ်ခွင့်ပဲပေါ့။ လောလောဆယ်ကတော့ ကျနော်တို့ လတ်တလော အရပ်ဘက် လူ့အဖွဲ့အစည်းတွေ အားကောင်းအောင် လုပ်နေတယ်။ အရပ်ဘက် လူ့ အဖွဲ့အစည်းတွေ အားကောင်းရမယ် ဆိုတဲ့အချက်ကိုလည်း လွှတ်တော် ဥက္ကဌ ကိုယ်တိုင်က သူယုံယုံကြည်ကြည်နဲ့ လက်ခံတယ်။ အဲဒါ ကျနော် တို့ ကောင်းမွန်တဲ့ အချက်တချက်လည်းဖြစ်တယ်။ အရပ်ဘက် လူ့အဖွဲ့အစည်းတွေ အားကောင်းအောင်၊ ဒီမိုကရေစီ လူ့အဖွဲ့အစည်း အရပ်သားတွေရဲ့ အခန်းကဏ္ဍက မြင့်မားအောင် ဒါပဲ ကျနော်တို့ အာရုံစိုက်မယ်ဗျာ။
မေး။ ။ နောက် ပြည်ပရောက် မြန်မာနိုင်ငံသားတွေ ဂုဏ်သိက္ခာရှိရှိ ပြန်လာနိုင်ရေးလည်း ဆွေးနွေးခဲ့သေးတယ်ဆို။
ဖြေ။ ။ ကျနော်တို့ အဲဒါ ပြောဖြစ်ပါတယ်။ ဘာဖြစ်လို့လဲ ဆိုတော့ လက်တွေ့မှာ သမ္မတက စကားစပ်ရင် စပ်သလို ပြန်လာလို့ရရင် ပြန်လာပါလို့ ပြောတယ်။ အဲဒါက ကျနော်တို့ဆိုလိုတာက အမိန့်ဒီဂရီ တရပ်ကို သပ်သပ်မှတ်မှတ် ကြေညာပေးတာမျိုးကို ကျနော်တို့ လိုချင်တာကိုး။ လက်တွေ့မှာကျတော့ တယောက်ချင်း သံရုံးသွားပြီး ခွင့်ပန်ရတယ်။ သံရုံးက ခွင့်ပြုတဲ့ လူက တော့ ပြန်လာလို့ရပြီး ခွင့်မပြုတဲ့လူက ပြန်မလာဘူး။ ဘယ်စံဘယ်နှုန်းတွေနဲ့ ခွင့်ပြုမယ်၊ ခွင့်မပြုဘူးဆိုတာ မသိရဘူး။ အဲဒါကြီး က အရင် အဟောင်းကြီးဗျ။ တယ်မနိပ်ဘူး။ လက်တွေ့မှာ အလုပ် မဖြစ်ဘူး။ အဲဒါကြောင့် အားလုံး ပြန်လာနိုင်ဖို့ကို အမိန့်ဒီဂရီတရပ် ထုတ်ပြန်နိုင်ဖို့ ကောင်းတယ်။
ကျနော်တို့က အဲဒီကိစ္စတင် မကဘူးဗျ။ လက်ကျန် နိုင်ငံရေးအကျဉ်းသားတွေ ကိစ္စ ကိုပါ အထူးအလေးထားပြီး ထိပ်ဆုံးကနေပြီး ပြောတာပါ။ ဘာကြောင့်လဲဆိုတော့ ဒီပုဂ္ဂိုလ်တွေဟာ တိုင်းပြည်တည်ဆောက်ရေးအတွက် အင်အားတွေ ဖြစ်တယ်။ ဒါကြောင့်မို့ နိုင်ငံရေး လုပ်ရင်းကိုင်ရင်းနဲ့ နိုင်ငံရေး ယုံကြည်မှုအပေါ်မှာ အလုပ်လုပ်ကြရင်းနဲ့ အမှုအမျိုးမျိုးတပ်ပြီးတော့ အဖမ်းဆီး ခံနေရတဲ့ ကျနော်တို့ရဲ့ ဒီမိုကရေစီသမားတွေပေါ့။ သူတို့ရဲ့ လွတ်မြောက်ရေးကို အလေးအနက်ထားပြီး ပြောခဲ့ပါတယ်။ သူတို့ကလည်း ဒီပုဂ္ဂိုလ်တွေဟာ နိုင်ငံတည်ဆောက်ရေးမှာ အင်အားတွေဖြစ်မယ်ဆိုလို့ရှိရင် ဒီ အင်အားတွေကို အသုံးချဖို့၊ ဒီ အင် အားတွေဟာ တိုင်းပြည်အတွက်ဖြစ်တယ် ဆိုတာမျိုး သူတို့ လိုလားပါတယ်။ အဲဒီတော့ ဆက်ပြီးတော့ သူတို့က ကျနော်တို့ ပြောဆိုခဲ့တာတွေကို အလေးအနက်ထားပြီး ဆောင်ရွက် ပါလိမ့်မယ်။
အလားအလာကောင်းတွေ ဖြစ်လာမှာပါ။ ကျနော်တို့ တတ်စွမ်းသမျှ၊ ကိုယ်စွမ်းဉာဏ်စွမ်းရှိသမျှ ကြိုးစားပြီး တင်ပြခဲ့တာပါ။ စာရင်းဇယားတွေလည်းပြုစုတဲ့သူက ပြုစုနေကြပါတယ်။ အဲဒီအထဲမှာတော့ ကျနော်တို့သိသလောက် လူမကျန်ရအောင် ကြိုး စားပြီးတော့ လုပ်နေပါတယ်။ ။
Ref: ဧရာဝတီ
Read More...
Collapse...
2012-07-03
မြန်မာနိုင်ငံအပေါ် နိုင်ငံတကာက ချမှတ်ထားတဲ့ ပိတ်ဆို့ အရေးယူမှုတွေ အားလုံး ဖယ်ရှားနိုင်ရေး အတွက် အခုလို ယာယီ ဆိုင်းငံ့ ထားချိန်မှာ သက်ဆိုင်သူတွေက အောင်မြင်အောင် ဆောင်ရွက်ပြသနိုင်ဖို့ လိုတယ်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ပြောကြား လိုက်ပါတယ်။
ရန်ကုန်မြို့ အန်အယ်ဒီပါတီ ရုံးချုပ်မှာ ဒီကနေ့ ပြုလုပ်တဲ့ ဥရောပ (၅) နိုင်ငံခရီးစဉ် အတွေ့အကြုံ သတင်းစာ ရှင်းလင်းပွဲမှာ RFA ရဲ့ မေးမြန်းချက်ကို ဒေါ်အောင်ဆန်းစုကြည်က အခုလို ဖြေကြားခဲ့ တာ ဖြစ်ပါတယ်။
ဒါ့အပြင် နိုင်ငံတကာက မိမိတို့ တိုင်းပြည်အပေါ် စေတနာရှိပါကြာင်း၊ အဲဒီစေတနာတွေ အကျိုး ရှိလာအောင် မြန်မာနိုင်ငံ ဘက်က လုပ်ဆောင်ရမှာ ဖြစ်ကြောင်း စသဖြင့်လည်း ဒေါ်အောင်ဆန်းစုကြည် က သတင်းစာ ရှင်းလင်းပွဲမှာ ပြောပါတယ်။
ဆက်လက်ပြီး ရခိုင်ပြည်နယ်က ပဋိပက္ခကို ရေတိုရေရှည် နည်းလမ်း နှစ်မျိုးနှင့် ဖြေရှင်း သွားရ လိမ့်မယ်လို့ ဒေါ်အောင်ဆန်းစုကြည်က ပြောပါတယ်။ မတူညီတဲ့ လူမျိုးစုတွေ အကြား ပြန်လည် သင့်မြတ်မှု ရရှိရေးအတွက် တရားဥပဒေ စိုးမိုးရေး နည်းလမ်းတွေနဲ့ ဖြေရှင်းသွားရမှာ ဖြစ်တယ်လို့ သူက ပြောဆိုလိုက်ပါတယ်။
"ဒီရခိုင်ကိစ္စနဲ့ ပတ်သက်လို့ ကျွန်မတို့ ခရီးစဉ်မှာလည်း ခဏ ခဏ မေးပါတယ်။ ကျွန်မကတော့ ဒီဟာနှစ်ပိုင်း စဉ်းစားရမယ်ပေါ့နော်။ တစ်ပိုင်းကတော့ ရေရှည်အတွက်ဆိုလို့ရှိရင် ဘာသာ မတူတဲ့၊ ယဉ်ကျေးမှုမတူတဲ့ အစုအဖွဲ့တွေကြားထဲမှာ အဆင်ပြေအောင် လုပ်ဖို့ဆိုတာ အချိန်ယူရတယ်ဆိုတာ ဒါကတော့ အားလုံး သိပြီးသား ကိစ္စပါ။ ဒါပေမဲ့ ရေတိုမှာတော့ ကျွန်မအမြင်မှာတော့ ကျွန်မတို့က ဒီဥပဒေ စိုးမိုရေးကို ရှေ့တန်းတင်တင်နေလို့ ပြောတာ မဟုတ်ပါဘူး။ ဒီလို ကိစ္စတွေကြောင့်မို့လို့ ဥပဒေစိုးမိုးရေးကို ရှေ့တန်းတင်ရမယ်လို့ ကျွန်မတို့ မြင်တာပါ"
အခုလို ရခိုင်ပြည်က ပြဿနာတွေ ဖြေရှင်းဖို့အတွက် ရခိုင်အဖွဲ့ အစည်းတွေနဲ့ လက်တွဲဆောင်ရွက် သွားမယ်လို့လည်း ဒေါ်အောင် ဆန်းစုကြည်က ပြောကြားခဲ့ပါတယ်။
ဒီကနေ့ ရှင်းလင်းပွဲမှာပဲ မြန်မာနိုင်ငံကို "Burma" လို့ အင်္ဂလိပ် ဘာသာစကားနဲ့ ပြောဆို သုံးစွဲတာဟာ လွတ်လပ်စွာ ပြောဆိုခွင့်နဲ့ ဒီမိုကရေစီ ကျင့်စဉ် သဘောအရ သုံးစွဲတာ ဖြစ်တယ်လို့ ဒေါ်အောင် ဆန်းစုကြည်က ပြောလိုက်ပါတယ်။
ဗိုလ်ချုပ်မှူးကြီး စောမောင်လက်ထက် န၀တ ခေတ်က ပြည်သူလူထုရဲ့ သဘောထား ဆန္ဒကို မလေ့လာပဲ Burma လို့ အရင်ကတည်းက သုံးစွဲခဲ့တာကို Myanmar လို့ ပြောင်းခဲ့တာ ဖြစ်တယ်လို့ ပြော ပါတယ်။
ဆန္ဒခံယူပွဲလို မဟုတ်တောင်မှ အနည်းဆုံး ပြည်သူတွေရဲ့ သဘောထားကို လေ့လာပြီး ပြောင်းမှသာ ဒီမိုကရေစီ သဘောထားကို လေးစားရာ ကျလိမ့်မယ်လို့ ဒေါ်အောင်ဆန်းစုကြည်က ပြောပါတယ်။
Ref: RFA News
Read More...
Collapse...
ဖနိဒါ
အင်္ဂါနေ့၊ ဇူလိုင်လ ၀၃ ရက် ၂၀၁၂
ချင်းမိုင်(မဇ္စျိမ) ။ ။ အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ ဒေါ်အောင်ဆန်း စုကြည်က ၁၆ ရက်ကြာ သွားရောက်ခဲ့သည့် ဥရောပ ခရီးစဉ်သည် ကောင်းမွန်သော ခရီးစဉ်ဖြစ်ကြောင်း ယနေ့ ရွှေဂုံတိုင် ရန်ကုန် ရုံးချုပ်တွင် တနာရီခွဲကျော်ကြာ သတင်းစာ ရှင်းလင်းပွဲ ပြုလုပ်၍ မီဒီယာများကို ရှင်းပြခဲ့သည်ဟု တက်ရောက်ခဲ့သည့် ပြည်တွင်း သတင်းထောက်တဦးက ပြောသည်။
“ဥပရောပခရီးစဉ်က ကောင်းမွန်တဲ့ ခရီးစဉ်တခု ဖြစ်တယ်။ ဒီခရီးစဉ်မှာ မြန်မာနိုင်ငံ ဒီမိုကရေစီ ခရီးစဉ် ပြုပြင်ပြောင်းလဲ
ရေးမှာ အများအားဖြင့် ကြိုဆိုကြတယ်၊ တတ်နိုင်သလောက် ကူညီမယ် ဆိုတာတွေ ပြောသွားတယ်”ဟု သူက မဇ္ဈိမကို
ပြောသည်။
ဒေါ်အောင်ဆန်းစုကြည်သည် ပြီးခဲ့သည့် ဇွန်လ ၁၄ ရက်နေ့မှ ဇွန် ၂၉ ရက်နေ့ထိ ဥရောပ ငါးနိုင်ငံ ဖြစ်သော ဆွစ်ဇာလန်၊ နော်ဝေ၊ အိုင်ယာလန်၊ ဗြိတိန်နှင့် ပြင်သစ်နိုင်ငံများသို့ သွားရောက်ခဲ့သည်ကို ရှင်းလင်းခဲ့ခြင်း ဖြစ်သည်။ သတင်းစာ ရှင်းလင်းပွဲသို့ ပြည်တွင်း ပြည်ပ သတင်းသမား ၆၀ ကျော်ခန့် တက်ရောက်ခဲ့သည်။
အသက် ၆၇ နှစ် နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည် ၏ ဥပရောပနိုင်ငံ ခရီးစဉ် အပေါ် မြန်မာပြည် ဒီမိုကရေစီပြောင်းလဲရေး အောင်မြင်ရေးကို နိုင်ငံတကာက စေတနာထားပြီး ကူညီ သွားမည် ဆိုခြင်းသည် ရလဒ်ကောင်း တခု ဖြစ်သည်ဟု ဗဟို အလုပ်အမှုဆောင် အဖွဲ့ဝင် ဦးဝင်းတင်က ပြောသည်။
“နိုင်ငံခြားက လူတွေက ကိုယ့်အပေါ်မှာ စေတနာထားတယ် ဆိုတာ ထင်ရှား သိသာတယ်။ ဒါပေမဲ့ ကိုယ့်ဘက်ကလည်း အလုပ်တွေ လုပ်ပြနိုင်မှ ရုပ်လုံးအနေနဲ့ ပေါ်လာမှာဆိုတာ ပြောတယ်။ အစိုးရဘက်ကလည်း ပြောင်းတာ၊ ပြင်တာတွေ လုပ်မယ်။ ကောင်းတဲ့ ရလဒ်လို့ မြင်ပါတယ်။ ရလဒ်ကောင်းက မြန်မာပြည်အပေါ် မေတ္တာထားကြတယ်။ ဝိုင်းကူကြမယ်။
မြန်မာပြည် ဒီမိုကရေစီအရေး အောင်မြင်အောင် ဝိုင်းကူကြမယ်ဆိုတဲ့ ရလဒ်ကောင်းတွေဘဲ” ဟု ဦးဝင်းတင်က ပြော သည်။
မနက်ဖြန်တွင် ကျင်းပမည့် ပထမအကြိမ် လွှတ်တော် စတုတ္ထ ပုံမှန် အစည်းအဝေးသို့ သုံးရက်ကြာ မတက်ရောက်နိုင်ခြင်း မှာ ခရီးပင်ပန်း လွန်း၍ အနား ယူလိုခြင်းဖြစ်ပြီး လာမည့်မည် ဇူလိုင်လ ၉ ရက်နေ့တွင်မူ လွှတ်တော် တက်ရောက်မည်ဟု ရှင်းပြခဲ့သည်ဟု သူက မဇ္စျိမကို ပြောသည်။
သမ္မတ ဦးသိန်းစိန်၏ လွှတ်ငြိမ်းချမ်းသာခွင့်တွင် NLD ပါတီမှာ ပြုစုထားသော နိုင်ငံရေး အကျဉ်းသား ၃၃၀ ကို လွတ်ပေးရန် ဆက်လက် တောင်းဆို သွားမည်ဟု ဒေါ်အောင်ဆန်းစုကြည်က သတင်းစာ ရှင်းလင်းပွဲတွင် ပြောဆို ခဲ့သည်။
ဒေါ်အောင်ဆန်းစုကြည်က ဥရောပခရီးစဉ်အတွင်း "မြန်မာ" အစား "ဗမာ" ဟု ခေါ်ဝေါ် သုံးနှုန်းခဲ့မှုနှင့် ပတ်သက်၍ ဖွဲ့စည်းပုံတွင် အင်္ဂလိပ်လို ဖွဲ့စည်းပုံ မရှိသဖြင့် မြန်မာနိုင်ငံ လွတ်လပ်ရေး ရပြီး အချိန်မှ စ၍ အင်္ဂလိပ် ဘာသာတွင် Burma ဟု သုံးစွဲ ခဲ့ပြီးနောက် ပြည်သူကို မလေ့လာဘဲ ပြောင်းလဲခဲ့သည်ဟု ရှင်းပြခဲ့ကြောင်း ဦးဝင်းတင်က ပြောသည်။
“ဗမာဆိုတဲ့ အသုံးအနှုန်းနဲ့ ပတ်သက်ပြီးတော့ လွတ်လွတ် လပ်လပ် ပြောမှာဘဲ။ အစိုးရ အဖွဲ့ ကိုယ်စားလှယ် အနေနဲ့ သွားမယ် ဆိုရင် မြန်မာသုံးမှာ။ ဒီအသုံး အနှုန်းက အင်္ဂလိပ်လိုမှာ ဖွဲ့စည်းပုံ မရှိဘူး။ ဗမာလို တခုတည်းဘဲ ရှိတယ်။ ဗမာလိုက မြန်မာနိုင်ငံ သူကတော့ စကားပြောရင် ကျမတို့ မြန်မာနိုင်ငံလို့ သုံးပါတယ်။ ဒါပေမဲ့ အင်္ဂလိပ်လို ပြောတဲ့အခါ union of Burma လို့ သုံးမှာဘဲ အဲဒီသဘောဘဲ ပြောတာဘဲ”ဟု ဦးဝင်းတင်က ပြောသည်။
ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေ အခန်း(၁) ပုဒ်မ ၂ တွင် နိုင်ငံတော်ကို ပြည်ထောင်စု သမ္မတ မြန်မာနိုင်ငံတော် ဟု ခေါ်တွင်စေရမည် (The state shall be known as The Republic of the Union of Myanmar) ဟု သုံးစွဲရန် ပြဋ္ဌာန်းထားသဖြင့် Burma ဟု သုံးနှုန်းပြောဆိုခွင့် မရှိကြောင်း ကော်မရှင်က သတိပေးခဲ့ သည်။
သတင်းစာရှင်းလင်းပွဲပြီးနောက် ပါတီ အလုပ်အမှုဆောင်ကော်မတီ CEC နှင့် ဒေါ်အောင်ဆန်း စုကြည်နှင့် တွေ့ဆုံ၍
ဒေါ်အောင်ဆန်းစုကြည်က အစီရင်ခံ ခဲ့ကြောင်းနှင့် ပါတီ ညီလာခံ ကျင်းပရေးနှင့် ပတ်သက်၍ ဆွေးနွေး ခဲ့သည်ဟု ဦးဝင်းတင်က ပြောသည်။
NLD ပါတီ ညီလာခံကို ယခုနှစ်အတွင်း အပြီး ကျင်းပနိုင်ရေး စီစဉ်နေပြီး အောက်ခြေ အဆင့်ဆင့်တွင် ရပ်ကျေး၊ မြို့နယ်၊ ပြည်နယ်၊ တိုင်း စသည့် ညီလာခံ ကျင်းပရေးကို လာမည့်လတွင် ရပ်ကျေး ညီလာခံများ ကျင်းပရန် ရည်မှန်းထားပြီး ဗဟို ညီလာခံကိုမူ ယခုနှစ်မကုန်မီ ကျင်းပနိုင်ရေး စီစဉ်နေသည်ဟု သူက မဇ္စျိမကို ပြောသည်။
ဇွန်လ ၂၉ ရက်နေ့တွင် ဥရောပခရီးစဉ် အဆုံးသတ်ပြီး ဇွန်လ ၃ဝ ရက်နေ့မှာ မြန်မာနိုင်ငံသို့ ရောက်ရှိလာပြီး သူ့ကို
မြန်မာပြည်သူလူထု သောင်းနှင့်ချီ ကြိုဆိုခဲ့သည်။
Ref: မဇ္ဈိမ
Read More...
Collapse...
ဒေါ်လှလှသန်း
အင်္ဂါ, 03 ဇူလိုင် 2012
မြန်မာနိုင်ငံ၊ ပြည်သူလူထုနဲ့ အထူး မိတ်ဆက်ပေးစရာ မလိုတဲ့ ကမ္ဘာကျော် ရုပ်ရှင်မင်းသား Jakie Chan ဟာ ကုလသမဂ္ဂ ကလေးများ ရန်ပုံငွေအဖွဲ့ UNICEF ရဲ့ ချစ်ကြည်ရေး သံတမန်အဖြစ် မြန်မာနိုင်ငံကို ဒီသီတင်းပတ်ထဲ ရောက်လာတော့မှာ ဖြစ်ပါတယ်။ သူ့ရဲ့ ၃ ရက်ကြာ ခရီးစဉ် အတွင်းမှာ မြန်မာနိုင်ငံက ကလေးငယ်တွေ လူကုန်ကူးမှု တိုက်ဖျက်ရေး အတွက် တာဝန်ရှိသူတွေနဲ့ ဝိုင်းဝန်း ကြိုးပမ်းဆောင်ရွက်ပေး သွားမှာဖြစ်တယ်လို့ မင်းသားကြီး ဂျက်ကီချဲန်းက ဆိုပါတယ်။ အကြောင်းစုံကိုတော့ UNICEF ကို ဆက်သွယ်မေးမြန်း ထားတဲ့ ဒေါ်လှလှသန်းက တင်ပြပေးထား ပါတယ်။
ကျနော်ရုပ်ရှင်ရိုက်တဲ့အခါ ကလေးသူငယ်တွေ အရေး၊ သဘာဝ ပတ်ဝန်းကျင် ထိန်းသိမ်းရေး စတဲ့ ကိစ္စရပ် အတော်များများကို အလေးပေး ရိုက်ကူးပါတယ်။ ဒါကြောင့် ဂျက်ကီချန်းရဲ့ ရုပ်ရှင်ကို ကြည့်တဲ့အခါ အဓိပ္ပာယ် အမျိုးမျိုး ဖော်ညွှန်းထားတာ တွေ့ရမှာပါ။ နှစ်ပေါင်းများစွာ ရိုက်ကူးခဲ့တဲ့ ရုပ်ရှင်တွေမှာ ယဉ်ကျေး မှု၊ ပညာရေး၊ ပတ်ဝန်းကျင် ထိန်းသိမ်းရေး စသဖြင့်တို့ကို အလေးပေးထား တာမို့ ရုပ်ရှင် ပရိတ်သတ် အားလုံး နားလည် သဘောပေါက် ကြလိမ့်မယ် - လို့ မျှော်လင့်တဲ့ အကြောင်း ကမ္ဘာကျော် ဟောင်ကောင် ရုပ်ရှင်မင်းသား ဂျက်ကီချန်းက သူ့ရဲ့ facebook မှာ အခုလို ပြောကြား ထားတာပါ။ အသက် ၅၈ နှစ်အရွယ် ရှိပြီဖြစ်တဲ့ တရုတ်သိုင်း ကမ္ဘာကျော် အနုပညာရှင် ဂျက်ကီချန်းဟာ ၂၀၀၄ ခုနှစ်က စလို့ ကုလသမဂ္ဂ UNICEF ချစ်ကြည်ရေး သံတမန် အဖြစ် ကလေးများ အခွင့်အရေး အတွက် ကြိုးပမ်းပေးခဲ့သူ ဖြစ်တဲ့အတိုင်း ဒီသီတင်းပတ် အတွင်း မြန်မာနိုင်ငံကို လာရောက်မှာ ဖြစ်ပါတယ်။
Peter Smerdon ဟာ UNICEF ပြောခွင့်ရ ပုဂ္ဂိုလ်ဖြစ်ပါတယ်။
“ကမ္ဘာကျော် အနုပညာရှင် ဂျက်ကီချန်းဟာ ကုလသမဂ္ဂ ချစ်ကြည်ရေး သံတမန် တဦး အဖြစ်နဲ့ မြန်မာနိုင်ငံ ကို ဇူလိုင်လ ၅ ရက်နေ့မှာ ရောက်ရှိမှာ ဖြစ်ပါတယ်။ သူ့ရဲ့ ၃ ရက်ကြာ ခရီးစဉ်အတွင်း လူကုန်ကူးမှုဒဏ် ခံရပြီးတော့ လက်ရှိမှာ ပြန်လည် နာလံ ထူလာဖို့ ကြိုးစားနေကြတဲ့ ကလေးတွေနဲ့ တွေ့ဆုံမှာ ဖြစ်ပါတယ်။ ကမ္ဘာတဝှမ်းမှာ နှစ်စဉ် ကလေးငယ်ပေါင်း ၁.၂ သန်းဟာ လူကုန်ကူးမှုဒဏ် ခံနေရပြီးတော့ အဲဒီဒဏ်ဟာ ကလေးတွေကို အတော်ကလေး စိတ်ဝေဒနာ ခံစားစေတာဖြစ်ပါတယ်။”
သူ့ရဲ့ခရီးစဉ်အတွင်း ဂျက်ကီချဲန်းဟာ ရောင်းစားခံခဲ့ရပြီး နေအိမ်ပြန်ရောက် လာတဲ့ ကလေးသူငယ်တွေ အသက်မွေးဝမ်းကျောင်း အတွက် တက်တဲ့ သင်တန်းတွေကိုလည်း သွားရောက်ကြည့်ရှုမယ့် အပြင် ရောင်းစားခံရဖွယ် အန္တရာယ်ရှိတဲ့ မိဘမဲ့ ကလေးငယ်တွေ၊ လေလွင့် ကလေးငယ်တွေကို UNICEF အကူအညီနဲ့ ထိန်းသိမ်းစောင့်ရှောက်ထားတဲ့ နေရာတချို့ကိုလည်း သွားရောက်ကြည့်ရှုမှာ ဖြစ်ပါတယ်။ ဒါ့အပြင် လူကုန်ကူးမှု တိုက်ဖျက်ရေးနဲ့ ပတ်သက်လို့ သက်ဆိုင်ရာ မြန်မာ အစိုးရ အရာရှိတွေ နဲ့လည်း တွေ့ဆုံဖို့ ရှိတယ်လို့ မစ္စတာ Peter Smerdon က ပြောပါတယ်။
“ဂျက်ကီချဲန်းဟာ လူကုန်ကူးမှုခံရတဲ့ ကလေးငယ်တွေနဲ့သာ မကပါဘူး။ လူကုန်ကူးမှုကို ထိရောက်အောင် ဘယ်လို တိုက်ဖျက်နိုင်မလဲ ဆိုတဲ့ နည်းလမ်းတွေနဲ့ ပတ်သက်ပြီးတော့လည်း လူမှုဖူလုံရေး၊ ကယ်ဆယ်ရေး နဲ့ ပြန်လည်နေရာ ချထားရေး ဝန်ကြီးဌာန အစိုးရ အရာရှိတွေအပြင် မန္တလေးမှာရှိတဲ့ လူကုန်ကူးမှု တိုက်ဖျက်ရေး အထူးရဲ တပ်ဖွဲ့နဲ့လည်း တွေ့ဆုံဖို့ ရှိပါတယ်။”
အရွယ်မရောက်သေးသူတွေရဲ့ လုပ်အားကို အသုံးပြုမှုအတွက် ကလေးသူငယ်တွေကို လူကုန် ကူးတာဟာ လူမဆန်တဲ့ ရာဇဝတ်ပြစ်မှုကြီးဖြစ်တယ် လို့လည်း ဂျက်ကီချဲန်းက ခံယူထားတဲ့ အတိုင်း သူ့ရဲ့ ခရီးစဉ်အတွင်း ကလေးသူငယ်တွေ လူကုန်ကူး မခံရလေအောင် နိုးကြားမှုရှိစေဖို့ ဆောင်ရွက်မှာဖြစ်တယ်လို့လည်း သိရပါတယ်။
UNICEF ပြောခွင့်ရ မစ္စတာ Peter Smerdon က-
“ကလေးတွေဟာ ရောင်းကုန်တွေ မဟုတ်ကြဘူးဆိုတဲ့ အချက်နဲ့ ဒီလို ဆိုးဝါးလှတဲ့ ရာဇဝတ်မှုကို ဝိုင်းဝန်း တိုက်ဖျက် ကြဖို့ နိုးကြားမှုရှိဖို့ လိုတယ်ဆိုတာ သူ့ခံယူချက်ဖြစ်ပါတယ်။ လူငယ်တွေဟာ သူတို့ကိုယ် သူတို့ ရောင်းစား ခံရတဲ့ဘဝ မရောက်အောင် အကာအကွယ် ယူတတ်ဖို့ လိုပါတယ်။ အထူးသဖြင့် လုတွေကို မယုံကြဖို့၊ တဘက်နိုင်ငံမှာ အလုပ်အကိုင်ကောင်း ရမယ် ဆိုတဲ့ မက်လုံးတွေကို အယုံမလွယ်ဖို့၊ ကိုယ်မသိတဲ့နေရာကို မသွားဖို့၊ ကိုယ့်နာမည်၊ ကိုယ့်အသက်၊ ကိုယ့်မိဘ၊ ကိုယ့်လိပ်စာကို သိဖို့၊ ဒါမှလည်း လူကုန်ကူးမှု မခံရအောင် ကာကွယ်နိုင်မှာဖြစ်ပါတယ်။”
မြန်မာနိုင်ငံဟာ လူကုန်ကူးမှုနဲ့ပတ်သက်လို့ အမေရိကန်နိုင်ငံခြားရေး ဌာနရဲ့ နှစ်ပတ်လည် အစီရင်ခံစာမှာ ၂၀၁၂ ခုအတွက် အဆင့် ၂ ဖြစ်တဲ့ Watch List စောင့်ကြည့်ခံနိုင်ငံ အဆင့်မှာ သတ်မှတ်ထားပြီး အမျိုးသား၊ အမျိုးသမီးနဲ့ ကလေးငယ်တွေဟာ အတင်းအဓမ္မ လုပ်အားပေး ခိုင်းစေမှုနဲ့ လိင်လုပ်ငန်းတွေမှာ အသုံးပြု ခံရဖို့ အိမ်နီးချင်းနိုင်ငံတွေမှာ ရောင်းစား ခံနေကြရတယ်လို့ ဖော်ပြထားပါတယ်။
ကလေးလုပ်အား အသုံးပြုမှုနဲ့ ပတ်သက်လို့ မြန်မာ စစ်တပ် အပါ အဝင် တိုင်းရင်းသားဒေသတွေမှာ ကလေး စစ်သားတွေ အသုံးပြုမှု၊ အိမ်တွင်း လုပ်ငန်းတွေ၊ စိုက်ပျိုးခင်းတွေမှာနဲ့ တောင်းစားတဲ့ဘဝမှာ အသုံးပြု ခံနေကြရတယ်လို့လည်း အမေရိကန်နိုင်ငံခြားရေးဌာနရဲ့ အစီရင်ခံစာမှာ ထောက်ပြထားပါတယ်။ UNICEF ချစ်ကြည်ရေးအထူးသံ ဂျက်ကီချဲန်းအနေနဲ့ သူ့ရဲ့ သတ္တိနဲ့ ဟာသနှောထားတဲ့ လူကြိုက်များလှတဲ့ သိုင်း ရုပ်ရှင်ကားတွေကတဆင့် သူ့အပေါ် လူငယ်တွေရဲ့အားကျမှုကို အခြေပြုပြီး အရွယ်မရောက်သေးသူတွေ လူကုန်ကူး မခံရလေအောင် မျိုးဆက်သစ်တွေကြား နိုးကြားမှုရရှိစေဖို့ ကြိုးပမ်းဆောင်ရွက်သွားမှာဖြစ် တယ် လို့လည်း သိရပါတယ်ရှင်။
Ref: VOA News
Read More...
Collapse...
မျိုးသန့်
တနင်္လာနေ့၊ ဇူလိုင်လ ၀၂ ရက် ၂၀၁၂
ရန်ကုန် (မဇ္ဈိမ) ။ ။ အစိုးရဌာနအချို့၏ စီမံခန့်ခွဲမှု အားနည်းချက်၊ အစိုးရ၏ မှားယွင်းသည့် မူဝါဒများ ချမှတ်မှုနှင့် ပတ်သက်၍ စီးပွားရေး လုပ်ငန်းရှင်များက ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းနှင့် စနေနေ့က တွေ့ဆုံဆွေးနွေးရာ တွင် ထောက်ပြပြောဆို ဝေဖန် သွားကြသည်။
ရန်ကုန်မြို့၊ လှိုင်တက္ကသိုလ်ဝင်းအတွင်းရှိ MICT Park ခန်းမတွင် ကျင်းပသည့် ဆွေးနွေးပွဲတွင် စီးပွားရေး လုပ်ငန်းရှင် များနှင့် ပို့ကုန် သွင်းကုန် လုပ်ငန်းရှင်များမှ ထောက်ပြပြောဆိုသွားခြင်း ဖြစ်သည်။
မြန်မာနိုင်ငံ ဆန်လုပ်ငန်းရှင်များ အသင်း ဥက္ကဋ္ဌဖြစ်သူ ဦးချစ်ခိုင်က လယ်သမားများ လက်ရှိ ကြုံတွေ့နေရသည့် စိုက်ပျိုးစရိတ် ထုတ်လုပ် စရိတ် ကြီးမြင့်သည့် အခြေအနေကို တင်ပြခဲ့ပြီး လယ်သမားများကို အကူအညီပေးသည့် အစိုးရ၏ မူဝါဒမှာလည်း ထိရောက်မှု မရှိဟု ဝေဖန်ပြောဆိုသွားသည်။
"လယ်ယာကဏ္ဍ မူဝါဒတွေကို ကျနော် ပွင့်ပွင့် လင်းလင်းနဲ့ ရဲရဲ တင်းတင်း ပြောရရင်၊ နိုင်ငံတော်ရဲ့ လယ်ယာ ကဏ္ဍ မူဝါဒတွေဖြစ်တဲ့ ဒုတိယခြေလှမ်းနဲ့ ပထမ ခြေလှမ်းဟာ မှားနေပါတယ်။ လယ်ယာ ကဏ္ဍက အဓိကလို့ ပြောပေမယ့် လယ်ယာကဏ္ဍမှာ ထည့်သွင်းပေးတဲ့ ဘဏ္ဍာရေး အစီအစဉ်ဟာ ယနေ့အထိ ထိထိရောက်ရောက် မရှိသေးဘူး ဆိုတာ ကို ကျနော်တို့ လက်တွေ့ သုံးသပ်လို့ ရပါတယ်။" ဟု ဆွေးနွေးမှုအတွင်း ထည့်သွင်း ပြောသွားသည်။
ယင်းအပြင် မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) တွဲဖက်အထွေထွေ အတွင်းရေးမှူး ဦးအေးလွင်ကလည်း ကုန်သွယ်မှု လုပ်ငန်းလုပ်ဆောင်ရာတွင် စိစစ်မှုကြာမြင့်ခြင်း၊ လုပ်ထုံးလုပ်နည်းများ များလွန်းခြင်းတို့ကြောင့် ကုန်ပစ္စည်းလေလွင့်မှုများခြင်း၊ မလိုအပ်ဘဲ ကုန်သွယ်စရိတ် ပိုလာခြင်းတို့ ဖြစ်ပေါ်နေသည် ကို ထောက်ပြပြောဆိုသွားသည်။
ဦးအေးလွင်က ထိုအခြေအနေများကို ဌာန ဆိုင်ရာများသို့ တင်ပြခဲ့သော်လည်း ထိရောက်မှု မရှိသည်ကို "ကျနော်တို့ အကြိမ်ကြိမ် တင်ပြခဲ့ပါတယ်။ အနှစ် ၂၀ လုံးလုံး တာဝန်ရှိတဲ့လူလည်း ကျနော်တို့ တင်ပြနေတယ်။ တာဝန်မရှိတဲ့ လူလည်း ကျနော်တို့ တင်ပြနေတယ်။ ကျနော်တို့ တင်ပြခဲ့တာတွေဟာ ထပ်တလဲလဲ ဖြစ်ခဲ့ပါတယ်။ ဘာ့ကြောင့် Modify ဖြစ်မသွားတာလဲဆိုတာ ကျနော်တို့ တင်ပြတဲ့လူ အားနည်းတာလား။ တနေရာမှာ မှားနေသလားဆိုတာ ကျနော်တို့ စဉ်းစားဖို့လိုပါတယ်။" ဟု ဌာနဆိုင်ရာတို့၏ စီမံခန့်ခွဲမှု အားနည်းချက်များကို ပြောသွားသည်။
Ref: မဇ္ဈိမ
Read More...
Collapse...
လင်းသန့်
July 3, 2012
နိုင်ငံတော် သမ္မတရဲ့ လုပ်ပိုင်ခွင့်နဲ့ အကျဉ်းထောင် အသီးသီးမှာ ရှိနေတဲ့ နိုင်ငံသားနဲ့ နိုင်ငံခြားသား အကျဉ်းသား၊ အကျဉ်းသူ စုစုပေါင်း ၈၀ ကို ဒီနေ့ ဇူလိုင်လ ၃ ရက်နေ့မှာ ပြစ်ဒဏ်ကနေ လွတ်ငြိမ်းခွင့် ပေးလိုက်ရာမှာ နိုင်ငံရေး အကျဉ်းသား ၂၄ ဦး ပါတယ်လို့ သိရပါတယ်။
မြန်မာနိုင်ငံသား အကျဉ်းသား ၄၆ ဦးကို သမ္မတ အနေနဲ့ နိုင်ငံတော် တည်ငြိမ်ရေး၊ ငြိမ်းချမ်းရေး၊ အမျိုးသား ပြန်လည် စည်းလုံးရေး၊ နိုင်ငံရေးဖြစ်စဉ်တွေမှာ အားလုံး ပါဝင်နိုင်ရေးနဲ့ လူသားချင်း စာနာ ထောက်ထားတဲ့ အနေနဲ့ ပုဒ်မ ၄၀၁ (၁) အရ အခုလို ပြစ်ဒဏ်ကနေ ကင်းလွတ်ခွင့်ကို ပေးလိုက်တယ်လို့ ဒီနေ့ထုတ် အစိုးရ သတင်းစာတွေက ဆိုပါတယ်။
နိုင်ငံခြားသား အကျဉ်းသား ၃၄ ဦးကိုတော့ တွေကိုတော့ နိုင်ငံချင်း မိတ်ဖက် ဆက်ဆံနိုင်ရေး အတွက် ပြစ်ဒဏ် ကင်းလွတ်ခွင့် ပေးတာ ဖြစ်ပြီး ပြည်နှင်ဒဏ် ပေးလိုက်ကြောင်း သိရပါတယ်။
သမ္မတ ဦးသိန်းစိန် တက်လာပြီးနောက်ပိုင်း လွတ်ငြိမ်းချမ်းသာခွင့် အကြိမ်ကြိမ် ပေးခဲ့ပါတယ်။
လွတ်ငြိမ်းချမ်းသာခွင့်ပေးပြီး အကျဉ်းသားတွေ လွှတ်ပေး လိုက်တိုင်း မှာလည်း နိုင်ငံရေး အကျဉ်းသား ပါဝင်မှုဟာ ပျမ်းမျှ ၂ ရာခိုင်နှုန်းလောက်ပဲ ရှိပါတယ်။
အခု ပြန်လည် လွတ်မြောက်လာသူတွေ ထဲမှာ အခုအချိန် အထိ ရထားတဲ့ စာရင်းတွေအရ နိုင်ငံရေး အကျဉ်းသား ၂၄ ဦးထဲမှာ ရဟန်းတပါး အပါအ၀င် အမျိုးသား နိုင်ငံရေး အကျဉ်းသား ၁၉ ဦးနဲ့ အမျိုးသမီး နိုင်ငံရေး အကျဉ်းသား ၅ ဦး ပါဝင်တယ်လို့ ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) က ဆိုပါတယ်။
နိုင်ငံရေးအကျဉ်းသားတွေ အားလုံး မြန်မာနိုင်ငံသားတွေ ချည်းပဲ ဖြစ်တဲ့အတွက် မြန်မာနိုင်ငံသား အကျဉ်းသား အရေ အတွက်နဲ့ တွက်ချက်မယ် ဆိုရင် အခု လွတ်မြောက်မှုမှာ နိုင်ငံရေး အကျဉ်းသား ၅၀ ရာခိုင်နှုန်းလောက် ပါဝင်တယ်လို့ ပြောနိုင်ပါတယ်။
အခုလို နိုင်ငံရေး အကျဉ်းသားတွေ လွတ်မြောက်လာတာကို ကြိုဆိုပေမယ့် အရင် စစ်အစိုးရ အဆက်ဆက် ကလည်း နိုင်ငံရေး အကျဉ်းသား လွှတ်ပေးမှုတွေ ရှိခဲ့တယ် ဆိုတဲ့အကြောင်း၊ သမ္မတ ဦးသိန်းစိန် တက်လာပြီး နောက်ပိုင်းမှာ ဆိုရင် အခု လွတ်ငြိမ်းခွင့်ဟာ ပဉ္စမမြောက် လွတ်ငြိမ်းခွင့် ပေးတာဖြစ်ပြီး နည်းလမ်း မှန်ကန်တဲ့ လွှတ်ပေးခြင်း မဟုတ်ဘူးတဲ့ အကြောင်း AAPP ရဲ့ တွဲဘက် အထွေထွေ အတွင်းရေးမှူး ကိုဘိုကြည်က ပြောပါတယ်။
“ပထမ အဆင့်က နိုင်ငံရေးအကျဉ်းသား ဘယ်နှယောက် ရှိသလဲ၊ နိုင်ငံရေး အကျဉ်းသား ဆိုတာ ဘာလဲ၊ အစိုးရ အနေနဲ့ ထုတ်ပြန်ဖို့လိုတယ်။ နောက်ပြီးတော့ နိုင်ငံရေး အကျဉ်းသားတွေကို နိုင်ငံရေး အကျဉ်းသားအဖြစ် အသိအမှတ်ပြုပြီး ဂုဏ်သိက္ခာရှိရှိ ခြွင်းချက်မရှိ ပြန်လွှတ်ပေးဖို့ လိုတယ်” လို့ သူက ဆိုတယ်။
နိုင်ငံရေးအကျဉ်းသား လွတ်မြောက်ရေးနဲ့ အမျိုးသားပြန်လည် သင့်မြတ်ရေးတို့ဟာ ဆက်စပ်နေတဲ့ ကိစ္စဖြစ်တဲ့ အကြောင်း၊ AAPP စာရင်းအရ လက်ကျန်နိုင်ငံရေး အကျဉ်းသား ၄၀၀ ကျော် ကျန်နေသေးကြောင်း သူက ဆက်ပြောပါတယ်။
“အခုလည်း ပုဒ်မ ၄၀၁ (၁) နဲ့လွှတ်ပေးတော့ ပေးကားပေး၏ မရ ဖြစ်နေတယ်။ အစိုးရ အနေနဲ့ လွတ်မြောက် လာပြီးတဲ့ နိုင်ငံရေး အကျဉ်းသားတွေထဲက မတရား အဖမ်းခံထားရတာနဲ့ ပတ်သက်လို့ လျော်ကြေး တခုခုပေးဖို့၊ နိုင်ငံသားအခွင့် အရေး ပေးဖို့လိုတယ်။ ပြန်လည် ပြုစု ပျိုးထောင်ရေးနဲ့ ပတ်သက်လို့ လုပ်သင့်တယ်” ကိုဘိုကြည်က ဆိုပါတယ်။
ဒီနေ့ နံနက်ပိုင်းက ကျင်းပတဲ့ ဒေါ်အောင်ဆန်းစုကြည်ရဲ့ ဥရောပ ခရီးစဉ်နဲ့ ပတ်သက်တဲ့ သတင်းစာ ရှင်းလင်းပွဲ မှာတော့ မြန်မာနိုင်ငံ အကျဉ်းထောင် အသီးသီးမှာ အမျိုးသားဒီမိုကရေစီ အဖွဲ့ချုပ် (NLD) စာရင်းအရ နိုင်ငံရေး အကျဉ်းသား ၃၃၀ ကျန်ရှိနေသေးတဲ့အတွက် အားလုံးကို လွှတ်ပေးဖို့ ဒေါ်အောင်ဆန်းစုကြည်က တောင်းဆို လိုက်ပါတယ်။
နိုင်ငံရေး အကျဉ်းသား စာရင်း ကောက်ယူမှုတွေမှာ သတ်မှတ်ချက်၊ အဓိပ္ပာယ် ဖွင့်ဆိုချက်အပေါ် မူတည်ပြီး စာရင်း ကွာဟမှု ရှိပေမယ့် အခုတော့ ကွာဟချက် ကျဉ်းမြောင်းလာတယ်လို့ ကိုဘိုကြည်က ဆိုပါတယ်။
ဒီနေ့ လွတ်မြောက်လာတဲ့ နိုင်ငံရေး အကျဉ်းသားတွေ ထဲမှာ ကိုအေးအောင် (ကလေးထောင်)၊ ကိုအောင်အောင်ဦး(ကသာထောင်)၊ ကိုအောင်ကျော်မိုး (မြစ်ကြီးနားထောင်)၊ ကိုပြည့်ဖြိုးအောင်(ပြည်ထောင်)၊ ကိုသန်းဇော် (သရက်ထောင်)၊ NLD ရေတာရှည် လွှတ်တော်အမတ် ဒေါက်တာ ကျော်ကျော် (မြင်းခြံထောင်) နဲ့ ရန်ကုန် အင်းစိန်ထောင်က ဇော်ဝင်းအောင်၊ စောဝီလျံ (ခ) မြင့်ကြိုင်၊ အေးသိန်း (ခ) ရန်နိုင်၊ ထွန်းမြတ်သူ၊ အောင်မိုးဇော် (ခ) မိုးသီးနဲ့ စောဖရန်စစ်တို့ ပါဝင်ပါတယ်။
ကျန်ရှိနေတဲ့ နိုင်ငံရေးအကျဉ်းသားတွေ ဆက်လက် လွတ်မြောက်ရေး အတွက် ပြည်တွင်း ပြည်ပမှာ ရှိကြတဲ့ အဖွဲ့အစည်း အသီးသီးက နည်းလမ်း အသွယ်သွယ်နဲ့ ဆက်လက် လုပ်ဆောင် သွားကြမယ်လို့ သိရပါတယ်။
Ref: ဧရာဝတီ
Read More...
Collapse...
မနန္ဒာချမ်း
တနင်္လာ, 02 ဇူလိုင် 2012
မြန်မာနိုင်ငံမှာ တိုင်းရင်းသား လက်နက်ကိုင် အဖွဲတွေနဲ့ ပြေလည်မှု ရဖို့ ရည်ရွယ်ပြီး တိုင်းရင်းသားပေါင်းစုံ ပါဝင်တဲ့ ညီလာခံတခု ကျင်းပ ပေးမယ်လို့ အစိုးရ တာဝန်ရှိသူတွေ ဘက်က ပြောနေပေမဲ့လည်း ပဋိပက္ခတွေ ဆက်လက် ဖြစ်ပွားနေတာကြောင့် သံသယဖြစ်စရာတွေလည်း ရှိနေပါတယ်။ အထူးသဖြင့်တော့ ဒုက္ခသည်တွေ ထောင်သောင်းချီပြီး ဆက်လက် ထွက်ပြေး တိမ်းရှောင်နေရဆဲဖြစ်နေတဲ့ မြန်မာနိုင်ငံ မြောက် ပိုင်း ကချင်ပြည်နယ် ထဲမှာ တိုက်ပွဲတွေ ဆက်လက်ဖြစ်ပွားနေတာမို့ မြန်မာ အာဏာပိုင်တွေဟာ အပြောနဲ့အလုပ် မညီဘူးလို့ ကချင် လွတ်မြောက်ရေး အဖွဲ့ KIO က တုံ့ပြန်ခဲ့တာပါ။ အပြည့်အစုံကိုတော့ မနန္ဒာချမ်းက စုံစမ်း တင်ပြပေးထား ပါတယ်။
နေပြည်တော်မှာ ဇူလိုင်လ ၁ ရက်နေ့က ပြုလုပ်တဲ့ သတင်းစာ ရှင်းလင်းပွဲ အတွင်း အစိုးရရဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ မီးရထား ၀န်ကြီး ဦးအောင်မင်းက မြန်မာနိုင်ငံမှာ ထာဝရ ငြိမ်းချမ်းရေး ရဖို့အတွက် အဆင့် သုံးဆင့်ရှိတဲ့ အပစ်အခတ် ရပ်စဲဖို့၊ နိုင်ငံရေးအရ တွေ့ဆုံဆွေးနွေးဖို့နဲ့ ၂၀၁၅ ခုနှစ်မတိုင်ခင် တိုင်းရင်းသားပေါင်းစုံပါဝင်တဲ့ ညီလာခံတခု ကျင်းပဖို့ ဆိုတဲ့ လမ်းပြမြေပုံအတိုင်း အကောင်အထည်ဖော် ဆောင်ရွက်နေတဲ့အကြောင်းကို ပြောဆိုခဲ့ပါတယ်။
ဒီလို ငြိမ်းချမ်းရေးရအောင် ကြိုးပမ်းတဲ့နေရာမှာလည်း ပိုမိုအဆင်ပြေစေဖို့ ဒီလထဲ ရန်ကုန်မှာ ငြိမ်းချမ်းရေး စင်တာတခုကို ဖွင့်လှစ်သွားမှာ ဖြစ်တယ်လို့လည်း ၀န်ကြီးဦးအောင်မင်းက အခုလို ပြောဆိုခဲ့ပါတယ်။
“Peace Coordinator လုပ်မယ်၊ Coordinte လုပ်မယ်၊ ဘယ်သူနဲ့ လုပ်မလဲ၊ ဒီက တိုင်းရင်းသားအဖွဲ့တွေနဲ့ ဒီက နိုင်ငံတော် အစိုးရနဲ့- ဒီကြားထဲမှာ Peace Center ကနေ Coordinate မယ်။ ကျနော်တို့ အဲဒီ Peace Center ဖွဲ့ပြီးရင်လည်း ---အဲဒီမှာ အချိန်မရွေး ဝင်ထွက်လို့ ရတယ်။ အဲဒီ Peace Center မှာ ဘာပါမလဲဆိုရင် Peace Media Group ဆိုတာလည်းပါမယ်။ အဲဒီ မီဒီယာ ကနေပြီး ငြိမ်းချမ်းရေးနဲ့ပတ်သက်တဲ့သတင်းတွေကို အချိန်နဲ့အမျှ တခါတည်း ထုတ်ပြန်ကြေညာသွားမယ်။ ဂျာနယ် ထုတ်နိုင်အောင်ကြိုးစားမယ်။ နောက်ပြီးတဲ့ အခါမှာ Facebook ထုတ်နိုင်အောင် ကြိုးစားနေတယ်။ ဒီထဲမှာ သတင်းတွေကို ကျနော်တို့ တောက်လျှောက် တင်နေမယ်။ ခင်ဗျားတို့ အချိန်မရွေးဆက်သွယ်လို့ရတယ်ဆိုတာကို တင်ပြပါတယ်။”
အခုလို ၀န်ကြီး ဦးအောင်မင်း က ပြောဆိုခဲ့ပေမဲ့ - တိုင်းရင်းသား ဒေသတွေမှာ အထူးသဖြင့် ကချင်ဒေသ ဘက်မှာ တိုက်ပွဲတွေက ဆက်တိုက် ဖြစ်ပွားနေတာကြောင့် အစိုးရဟာ အပြောနဲ့အလုပ် မညီဘူး ဆိုပြီး KIO ကချင်လွတ်မြောက်ရေးအဖွဲ့က အခုလို တုံ့ပြန်ခဲ့ပါတယ်။
“ဦးအောင်မင်း ပြောတဲ့ကိစ္စကလည်း တွေ့ဆုံဆွေးနွေးမှုမှာ ပြောတဲ့အပိုင်းနဲ့ သတင်းစာရှင်းလင်းပွဲမှာ သူပြောတဲ့ ကိစ္စတွေဟာ နည်းနည်း ကွဲလွဲမှုရှိနေတယ်။ သမ္မတပြောဆိုသွားတဲ့ Road Map အဆင့်သုံးဆင့်ကို ကျနော်တို့ဘက်က၊ တိုင်းရင်းသားဘက်က ဒီအတိုင်းတော့ ဘယ်လိုမှ လက်ခံနိုင်စရာမရှိတဲ့ အကြောင်းကို တွေ့ဆုံမှုတိုင်းမှာလည်း ဒီကိစ္စ ပြောပြီးသားဖြစ်တယ်။ အဲဒီကိစ္စတွေကို ကျနော်တို့ တိုင်းရင်းသားတွေက လက်ခံနိုင်သလား၊ မလက်ခံနိုင်ဘူးလားဆိုတာကို အစိုးရဘက်က သိပ်ပြီး ထည့်သွင်း စဉ်းစားတာမရှိဘဲနဲ့ သူတို့လိုချင်တဲ့ ပုံစံအတိုင်းပဲ သူတို့ သွင်းသွားတဲ့၊ ဆွဲသွားတဲ့ ပုံစံလေးပါ။
၂၀၀၈ ဖွဲ့စည်းပုံအခြေခံဥပဒေထဲက လက်ခံနိုင်တဲ့အကြောင်းအရာ၊ ပေးနိုင်တဲ့အကြောင်းအရာ ရှိရင်တော့ ခွင့်ပြုချက်ပေးမယ်။ ၂၀၀၈ ဖွဲ့စည်းပုံ အခြေခံဥပဒေမှာ မပါတဲ့ အချက်ကိုတော့ ဘယ်လိုမှ မပေးနိုင်ဘူးဆိုတဲ့ ကိစ္စကို သူတို့က ပြောလာကြတယ်။ ဒီကိစ္စတွေဟာ ကျနော်တို့ရဲ့ တင်ပြ ပြောဆိုထားတဲ့ အချက်တွေနဲ့ အများကြီး ပြောဆိုကွဲလွဲမှုရှိနေတယ်လို့ ပြောလို့ ရတယ်ခင်ဗျ။”
လက်ရှိ ကချင်ပြည်နယ်တွင်းမှာ တိုက်ပွဲတွေဟာ တနေ့ကို အနည်းဆုံး ၃ ကြိမ်ဖြစ်ပွားနေပြီး ဇွန်လ တလတည်းမှာတင် တိုက်ပွဲပေါင်း အကြိမ် ၁၀၀ ကျော် ရှိခဲ့တယ်လို့လည်း ဦးလာနန်က ပြောပါတယ်။ အထူးသဖြင့် အခုရက်ပိုင်းအတွင်းမှာ KIA ထိန်းချုပ်တဲ့ တပ်မဟာ ၁ နဲ့ တပ်မဟာ ၅ ဒေသတွေမှာ တိုက်ပွဲတွေ ပြင်းထန်ပြီးတော့ မြန်မာစစ်တပ်ဘက်က ထွက်ပြေးလာတဲ့ စစ်သားတွေလည်း KIA လက်ထဲမှာ ရှိနေတယ်လို့ ဦးလာနန် က အခုလို ဆက်ပြောပြပါတယ်။
“လွန်ခဲ့တဲ့ ၄ ရက်လောက်ကလည်း လိုင်ဇာနဲ့အနီးဆုံးဖြစ်တဲ့ လဂျားယန်တပ်စခန်းဘက်မှာ တိုက်ပွဲက နှစ်ရက် အပြင်းအထန် ဖြစ်ခဲ့တာ ရှိတယ်။ ကျနော်တို့ဘက်ကလည်း ထိခိုက်မှုရှိတယ်ခင်ဗျ။ အစိုးရစစ်တပ်ဘက်မှာ လည်း ထိခိုက်မှုက အတော်များများရှိပါတယ်။ နောက်ပြီးတော့ ထိန်းသိမ်းတာပဲ ပြောပြောပေါ့ဗျာ။ ထွက်ပြေးလာတဲ့ရဲဘော် အယောက် ၃၀ ကျော်ရှိတယ်။ တော်တော်များများဟာ ကလေးစစ်သားတွေ ပါတယ်။ တချို့ဆိုရင် ၁၃ နှစ်၊ ၁၄ နှစ်အရွယ် ကလေးတွေလည်း ပါတယ်ခင်ဗျ။ ဒီကိစ္စကို ဦးအောင်မင်းကိုလည်း ကျနော်တို့ဘက်က ကိုယ်စားလှယ်တွေက အသိပေးပြီးသားဖြစ်တယ်။ ”
အခုလို KIA နဲ့ မြန်မာအစိုးရတပ်တွေအကြား ဖြစ်နေတဲ့တိုက်ပွဲတွေကြောင့် ထွက်ပြေးကြရတဲ့ စစ်ပြေး ဒုက္ခသည် ဦးရေဟာလည်း တနေ့တခြား တိုးလာနေပြီး အခုဆိုရင် ဒုက္ခသည်ဦးရေ တစ်သိန်းနီးပါး ရှိသွားပြီလို့ ဒုက္ခသည်အရေး ဆောင်ရွက်ပေးနေသူတွေကလည်း ပြောဆိုခဲ့ပါတယ်။ KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ တနှစ်ကျော် ကာလအတွင်း အကြိမ်ကြိမ် တွေ့ဆုံခဲ့ပေမဲ့လို့ အခုထိတော့ ပြေလည်မှုရတဲ့အဆင့်မှာ မရှိသေးပါဘူး။
ဒီဇူလိုင်လထဲမှာတော့ နှစ်ဘက်တပ်တွေ နေရာချထားရေးနဲ့ တပ်အင်အားလျှော့ချရေး ကိစ္စတွေကို ဆွေးနွေးဖို့ အတွက် ပထမဆုံးအကြိမ် အနေနဲ့ ဒုကာကွယ်ရေး ဦးစီးချုပ် ဗိုလ်ချုပ်ကြီးစိုးဝင်း ကိုယ်တိုင် လာရောက်မှာဖြစ်ပြီး မီးရထားဝန်ကြီး ဦးအောင်မင်း ဦးဆောင်တဲ့ ကိုယ်စားလှယ်အဖွဲ့နဲ့ KIO တို့ ထပ်မံတွေ့ဆုံကြမှာဖြစ်ပါတယ်။
ဒါပေမဲ့ နေရာသတ်မှတ်ချက် အဆင်မပြေသေးတာကြောင့် ဘယ်နေ့ တွေ့ဖြစ်မယ်ဆိုတာ မဆုံးဖြတ်ရသေးဘူး လို့လည်း ဦးလာနန်က ပြောပြခဲ့ပါတယ်ရှင်။
Ref: VOA News
Read More...
Collapse...
ဇန္နဝါရီလ ၂ ရက် ၂၀၁၂
မာန်လက်
ပြည်သူကို ဗဟိုပြုပါဆိုတဲ့ သမ္မတ စကားရဲ့ နောက်ကွယ်မှာ…
တိုင်းရင်းသားလက်နက်ကိုင် အဖွဲ့အစည်းတွေနဲ့ ငြိမ်းချမ်းရေး ဆွေးနွေးဆောင်ရွက်ဖို့ ပြည်ထောင်စု ငြိမ်းချမ်းရေး ဖော်ဆောင် ရေး ဗဟို ကော်မတီနဲ့ လုပ်ငန်းကော်မတီကို ကြံ့ဖွတ် အစိုးရသစ်က မေ(၃)ရက် နေ့မှာ ဖွဲ့စည်း လိုက်ပြီး မေ (၁၁) ရက် နိုင်ငံ တော် သမ္မတရုံး အစည်းအဝေးမှာ ဗဟိုကော်မတီ ဥက္ကဋ္ဌ သမ္မတကြီး ဦးသိန်းစိန်က ဒုတိယ အဆင့် မဟာ ဗျူဟာပြုပြင်ပြောင်း လဲမှု အဖြစ် ပြည်သူဗဟိုပြု ဖွံ့ဖြိုးရေး၊ လူမှုစီးပွားဘ၀ တိုးတက် မြင့်မားစေရေး တို့ကို သက်ဆိုင်ရာ တိုင်းဒေသ၊ ပြည်နယ် ဒေသ၊ နယ်မြေဒေသ အလိုက် အဆင့်ဆင့် အကောင်အထည်ဖော် ကြိုးပမ်း သွားကြဖို့ လမ်းညွှန် မှာကြား သွားခဲ့သလို ဒု-သမ္မတ ဒေါက်တာ စိုင်းမောက်ခမ်း ကလည်း ဒေသဖွံ့ဖြိုးရေး၊ ဆင်းရဲမှုလျှော့ချရေး၊ လူ့စွမ်းအား အရင်းအမြစ် ဖွံ့ဖြိုးရေးဆိုင် ရာတွေကို ရှင်းလင်းဆွေးနွေး ပြောကြား ခဲ့ပါတယ်။
ကြားသိရတာတွေကတော့ တကယ့်ကို အနှစ်သာရတွေချည်း ပါပဲ။ သမ္မတ ကြီးက ပြည်သူ ဗဟိုပြုရမယ်၊ ပြည်သူ အသံ၊ ပြည်သူ့ ဆန္ဒတွေကို မိဘသဖွယ် တလေးတစား နားထောင်ပြီး ပြည်သူတွေရဲ့ လူမှုစီးပွားဘ၀ တိုးတက်မြင့်မားဖို့ လုပ်ဆောင်ရ မယ်။ အပြောင်းအလဲ မလုပ်ချင်တဲ့သူတွေကို ချန်ထားရစ်ရမယ်။ တခါ ဒု-သမ္မတကြီး ဒေါက်တာစိုင်းမောက်ခမ်း ကလည်း ပြည်သူတွေရဲ့ ဆင်းရဲမွေတေမှု လျှော့ချရေးကို လုပ်ရမယ်၊ လူ့စွမ်းအားအရင်းအမြစ်တွေ ဖွံ့ဖြိုးတိုးတက်စေဖို့ လုပ်ငန်းကိုင် ငန်းတွေ ဖန်တီးပေးရမယ်၊ ဆိုတော့ သန်း ၆၀သော တိုင်းရင်းသားပြည်သူတွေကတော့ သမ္မတကြီးတို့ရဲ့ ပြောစကားတွေ ကို ကြားသိရရုံနဲ့ ၀မ်းမြောက်မျှော်လင့်ကြမှာပါ။
နိုင်ငံတော်သမ္မတကြီးတို့ ကျန်းမာပါစေ၊ အသက်ရှည်ပါစေလို့ ၀မ်းပမ်းတသာ ဆုတောင်းပေးရင်းနဲ့ သူတို့ဘ၀တွေတော့ ဒီတခါ တကယ်တိုးတက်တော့မယ်၊ မြင့်မားတော့မယ်၊ သားသမီးတွေရဲ့ ပညာရေးနဲ့ မိသားစု ကျန်းမာရေး စောင့်ရှောက်မှု တွေလည်း ကောင်းလာတော့မယ် ဆိုပြီး မယုံကြည်ရဲလောက်အောင် တအံ့တဩ ဖြစ်နေမိကြတာပေါ့။ ဟိုအရင်လို မဟုတ် တန်ကောင်းပါဘူး။ ဟိုတခါလိုမျိုး မဖြစ်တော့ပါဘူးပေါ့။ ဒီတခါတော့ တကယ်ဖြစ်မှာပါ ဆိုတာမျိုး…
ဒါပေမဲ့ ဒီလို အံ့ဩလို့မှ မဆုံးသေးခင် ပြည်သူပြည်သားတွေရဲ့ လယ်ယာ ဥယျာဉ် ခြံမြေတွေကို ကိုလိုနီခေတ် ချစ်တီး ကုလား တွေလုပ်သလို ဗမာတပြည်လုံး အနှံ့ အတင်းအကျပ် နသားပါရား လိုက်လံ သိမ်းပိုက်နေတာ သမ္မတကြီး ဦးသိန်းစိန် အစိုးရသစ် လက်ထက်မှာ ပိုလို့ တိုးပွား များပြား လာနေတာကြောင့် မိန့်ခွန်းပါပြောကြားချက်တွေနဲ့ လုံးလုံး ပြောင်းပြန်ဖြစ်နေ တာမို့ ပြည်သူလူထု တရပ်လုံးက မျက်ကလူး ဆန်ပြာ တောင်ကြည့်မြောက်ကြည့် ဖြစ်နေကြပါတယ်။
ဒါ့ပြင် သမ္မတကြီး ဦးသိန်းစိန် အစိုးရ တက်လာပြီးနောက်ပိုင်း အလုပ်သမား ရပိုင်ခွင့် အခွင့်အရေး လှုပ်ရှားမှု ဆန္ဒပြပွဲတွေ ကလည်း ခပ်စိပ်စိပ် ဖြစ်ပေါ် လာနေသလို ပြည်သူလူထုတွေရဲ့ အနိမ့်ဆုံး အခြေခံ လိုအပ်ချက်ဖြစ်တဲ့ မီး-ရေ မရရှိလို့ ငြိမ်း ငြိမ်းချမ်းချမ်း ဆန္ဒပြ ထုတ်ဖော်သံတွေ ဟာလည်း နေ့ရောညပါ ကျယ်လောင် ထွက်ပေါ် လာနေပါတယ်။
ဒီလိုအခြေအနေအောက်မှာကို အစိုးရလက်နက်ကိုင် ရဲဝန်ထမ်းတွေက တရား လက်လွှတ် ရပ်ကွက်ကျေးရွာတွေထိဝင်ပြီး မင်းမဲ့စရိုက်ဆန်ဆန် ပြည်သူလူထုကို အုပ်လိုက်သင်းလိုက် ရိုက်နှက်ထိုးကြိတ် အနိုင်ကျင့်နေတာတွေက ပြည်သူတွေရဲ့ နေ့တဓူဝ ခံစားနေရတဲ့ လက်တွေ့ပကတိ အခြေအနေတွေပါပဲ။
ဒါတင်မက တောင်ပေါ်ဒေသဘက်မှာလည်း သေနတ်သံတွေက အုန်းအုန်းဒိုင်းဒိုင်း ကြားနေရပြန်တော့ သမ္မတကြီး တို့ရဲ့ ပြည်တွင်းငြိမ်းချမ်းရေး၊ ထာဝရငြိမ်းချမ်းရေး ဆိုတဲ့အပေါ် နားလည်ယုံကြည်ဖို့ အတော်လေး ခဲယဉ်းနေသေး သလို ပြည် ထောင်စု ငြိမ်းချမ်းရေးဖော်ဆောင်ရေး အဖွဲ့က မီဒီယာတွေမှာ ပြောဟောနေတဲ့ တိုင်းရင်းသား လက်နက်ကိုင်အဖွဲ့ ၁၀-ဖွဲ့နဲ့ ပြည်ထောင်စုအဆင့် အပစ်ခတ်ရပ်စဲရေး ပဏာမ သဘောတူလက်မှတ် ရေးထိုးထားပြီးပါပြီ ဆိုတာကလည်း အပစ်အခတ် ရပ်စဲရုံဖြစ်နေပြီး ခိုင်မာရေရာတဲ့ ရလဒ်ရယ်လို့ မဆိုနိုင်သေးပါဘူး။
အသစ်ပြန်လည်ဖွဲ့စည်းလိုက်တဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌနဲ့ ဒု-ကာကွယ်ရေး ဦးစီးချုပ် ဗိုလ်ချုပ်ကြီးစိုးဝင်း ဦးဆောင်တဲ့ ပြည်ထောင်စု ငြိမ်းချမ်းရေးကိုယ်စားလှယ်အဖွဲ့ဟာ ပြီးခဲ့တဲ့ မေ(၁၉)ရက်နေ့က ရှမ်းပြည်တပ်မတော်-တောင်ပိုင်း ငြိမ်းချမ်းရေးကိုယ်စားလှယ် အဖွဲ့ခေါင်းဆောင်လည်းဖြစ် ရှမ်းပြည် ပြန်လည် ထူထောင်ရေး ကောင်စီ ဥက္ကဋ္ဌလည်းဖြစ်တဲ့ ဒု-ဗိုလ်ချုပ်ကြီးစ၀်ယွက်စစ် ဦးဆောင်တဲ့ ငြိမ်းချမ်းရေးကိုယ်စားလှယ်အဖွဲ့နဲ့ ရှမ်းပြည်တောင် ပိုင်း-ကျိုင်းတုံမြို့မှာ (၁၀)နာရီကျော်ကြာ တွေ့ဆုံဆွေးနွေးပြီးတဲ့နောက် အချက် ၁၂-ချက် သဘောတူလက်မှတ် ထိုးခဲ့ကြပြီး လာမယ့်ဂျူလိုင်လမှာ ထပ်မံတွေ့ဆုံကြမယ်လို့ မီဒီယာကတဆင့် ကြားရပေမဲ့ တဘက်မှာတော့ ကချင်လွတ်မြောက်ရေး တပ်မတော်နဲ့ တနေ့တခြား စစ်ရေးအရှိန်မြင့်လာနေတာက တိုင်းပြည်မှာ ပြည်တွင်းစစ် ဖြစ်နေတုန်းပဲဆိုတာ ဘယ်လိုမှ ဖုံးကွယ်လို့မရနိုင်ပါဘူး။ ကျွဲကူးရေပါဆိုသလို ဒုက္ခသည်ဝန်ထုပ်ဝန်ပိုးကလည်း အဆမတန် ကြီးလာနေပါတယ်။
စုစုပေါင်းလူဦးရေ သန်း ၆၀ရဲ့ သုံးပုံတပုံဟာ တိုင်းရင်းသားလူနည်းစုတွေဖြစ်ကြပြီး အများစုဖြစ်တဲ့ ဗမာတိုင်းရင်းသားက လူနည်းစုဖြစ်တဲ့ တိုင်းရင်းသားတွေအပေါ် လွှမ်းမိုးချုပ်ကိုင်ထားတာကိုလည်း မနှစ်မြို့ကြတဲ့အတွက် ခုခံကာကွယ်စစ်ကို ဆင်နွှဲရင်း ကိုယ်ပိုင်ပြဋ္ဌာန်းခွင့် ရရှိရေးအတွက်ပါ လက်နက်ကိုင်တိုက်ပွဲဝင်နေခဲ့တာ အခုဆိုရင် နှစ်ပေါင်း ၆၀ကျော် ပြည် တွင်းစစ်က သက်သေ ထူနေပါတယ်။ ပြည်တွင်းစစ် မရပ်စဲသရွေ့ ငြိမ်းချမ်းရေး မဖြစ်ပေါ်နိုင်သလို ထာဝရငြိမ်းချမ်းရေး ဆို တာလည်း မရှိနိုင်ပါဘူး၊ အပစ်အခတ် ရပ်စဲရုံသက်သက်မျှနဲ့ ငြိမ်းချမ်းရေးဆိုတာကို စိတ်ကူးယဉ်လို့ လက်တွေ့မကျပါဘူး။ တဖွဲ့နဲ့တော့ အပစ်အခတ်ရပ်စဲလိုက်ပြီ၊ သဘောတူလက်မှတ်ထိုးလိုက်ပြီ၊ အခြားတဖွဲ့နဲ့တော့ တိုက်ပွဲတွေရှိနေတုန်းပဲ ဆိုရင် တော့ ဘာမှအဓိပ္ပါယ်ရှိလိမ့်မယ် မဟုတ် ပါဘူး။
အမှန်တကယ် ပြည်တွင်းငြိမ်းချမ်းရေးကို ဖြစ်ပေါ်ချင်ရင် တတိုင်းပြည်လုံး အပစ်အခတ်ရပ်စဲဖို့နဲ့ နိုင်ငံရေးအကျဉ်းသား အားလုံးကို ချွင်းချက်မရှိ ချက်ချင်း လွှတ်ပေးဖို့က အလျင်စလို လုပ်ရမယ့်ကိစ္စ ဖြစ်ပါတယ်။ ဒီလိုမှမဟုတ်ဘဲ နိုင်ငံရေး အကျဉ်းသားတွေကို ဓါးစာခံသဘောမျိုး အပေးအယူလုပ် လွှတ်ပေးတာမျိုးဆိုရင်တော့ စစ်မှန်တဲ့ ငြိမ်းချမ်းရေးဖြစ်လာစရာ အကြောင်းမရှိပါဘူး။ ဒါ့ပြင် တိုင်းရင်းသား အားလုံးနဲ့လည်း စစ်မှန်တဲ့ နိုင်ငံရေးတွေ့ဆုံ ဆွေးနွေးပွဲတွေကို မဖြစ်မနေ ဦးသိန်း စိန်အစိုးရက လက်တွေ့ကျကျ အကောင် အထည်ဖော် ဆောင်ရွက် သွားရပါလိမ့်မယ်။
ဒါကြောင့် သဘာဝသယံဇာတ အရင်းအမြစ်တွေ ပေါများကြွယ်ဝလှတဲ့ တိုင်းပြည်၊ တိုင်းရင်းသားလူမျိုးပေါင်းစုံရဲ့ ရိုးရာယဉ် ကျေးမှု သဘာဝအလှအပတွေ ၀န်းရံပြည့်ဖြိုးတဲ့ ဗမာပြည်ကြီးအဖြစ် အရှေ့တောင် အာရှမှာ ပြန်လည် စန်းပွင့် လာဖို့ကတော့ ပြည်တွင်းစစ် ရပ်စဲဖို့နဲ့ တိုင်းရင်းသားသွေးစည်း ညီညွတ်ရေးကို တပ်မတော် တရပ်လုံးက လိုလိုလားလား ပူးပေါင်းလုပ် ဆောင်မှသာ နိုင်ငံတော် သမ္မတကြီးတို့ ပြည်ထောင်စု ငြိမ်းချမ်းရေးဖော်ဆောင်ရေး အဖွဲ့သစ်က ကြိုးပမ်းနေတဲ့ ထာဝရ ငြိမ်းချမ်းရေး ဆီကို တက်လှမ်းရောက်ရှိမှာဖြစ်ပါကြောင်း။
မာန်လက်
Read More...
Collapse...
Sunday, 01 July 2012
လက်ရှိ နိုင်ငံ့စီးပွားရေး အခြေအနေမှာ ခြုံငုံသုံးသပ် ပြောရမည် ဆိုပါက မကောင်းဘူး ဆိုသည့် သဘော ရှိကြောင်းနှင့် စီးပွားရေး မကောင်း သဖြင့် အထိခိုက်ဆုံးမှာ အခြေခံလူတန်းစား ဖြစ်သည့် လယ်သမား၊ အလုပ် သမားများဖြစ်ကြောင်း ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းက ဇွန်လ ၃၀ ရက်နေ့တွင် ပြုလုပ်သည့် အသင်း အဖွဲ့များ၊ စီးပွားရေး လုပ်ငန်းရှင်များ နှင့် တွေ့ဆုံ ဆွေးနွေးသည့် ပွဲတွင် ပြောကြားခဲ့သည်။
ယင်းနေ့တွင် ပြုလုပ်ခဲ့သည့် တွေ့ဆုံဆွေးနွေးပွဲတွင် စီးပွားရေး လုပ်ငန်းရှင်များ၊ အသင်းအဖွဲ့များမှ တာဝန် ရှိသူများက လက်ရှိကြုံတွေ့ နေရသည့် စီးပွားရေးအခြေအနေ အရပ်ရပ်နှင့် တွေ့ကြုံရသည့် အခက်အခဲ များကို တင်ပြခဲ့ကြပြီး ပြည်သူ့ လွှတ်တော်ဥက္ကဋ္ဌက ဆွေးနွေးတင်ပြချက်များ အပေါ် ပြန်လည်ဆွေးနွေးရာတွင် ယင်းသို့ပြောကြားခဲ့ခြင်း ဖြစ်သည်။
“ဒီနေ့ပြောသွားတာတွေကို ပြန်ချုပ်လိုက်တဲ့အခါ ကျွန်တော်တို့နိုင်ငံ ရဲ့စီးပွားရေးဟာ ချုပ်ပြောရမယ် ဆိုရင် မကောင်းဘူး ဆိုတဲ့ သဘော ရှိတယ်။ စီးပွားရေး မကောင်းတာ ဘယ်မှာ အထိခိုက်ဆုံးဖြစ်လဲ ဆိုတော့ တကယ့် အခြေခံ လူတန်းစားတွေမှာ ဖြစ်နေတယ်။ တောင်သူ လယ်သမားပြီးတဲ့ အခါမှာ အထည်ချုပ်မှာဆိုရင် အလုပ် သမားတွေဖြစ်ပါတယ်။ လုပ်ငန်းရှင်တွေ စီးပွားရေး မကောင်းဘူးဆိုတာ က စီးပွားရေး အတွက် အကျိုးဖြစ်ထွန်းမှု မရှိဘူး အရှုံးပေါ်နေတယ်ဆိုတဲ့ အဓိပ္ပာယ် ရှိသော်လည်း ခုနက လယ်သမားနဲ့ အလုပ်သမားများ မွေးမြူရေး သမားများ ပြောမယ်ဆိုရင် အခြေခံ Basic Production သို့မဟုတ် Producer နဲ့ဆက်စပ်တဲ့ အလုပ်သမား တွေမှာအများကြီးထိခိုက်တယ်။ အဲဒီ ထိခိုက်တာက အတိုင်းအတာတစ်ခု ထိတော့တောင့်ခံနိုင်ပြီးတော့ အတိုင်းအတာတစ်ခုကို ကျော်လွန်သွားလို့ရှိရင် တောင့်မခံနိုင်တဲ့အခါမှာ ကျွန်တော်တို့ မလိုချင်တဲ့ မဖြစ်ချင်တဲ့ကိစ္စတွေကို မဖြစ်စေချင်တဲ့အတွက် ဒီလို ဆွေးနွေးနေတယ်လို့ပဲ သဘောပေါက်ပါတယ်”ဟု ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြောကြားခဲ့သည်။
“ဒီနေ့ဆွေးနွေးတာ အားလုံးခြုံပြောရင် Sanction အကြောင်း ပြောသွားတာ ရှိတယ်။ နောက်တစ်ခုက Transactional Cost တွေ မြင့်နေတယ်။ နောက်တစ်ခုက တော်တော်များများ ပြောသွားတယ် ငွေလဲနှုန်း၊ ကျွန်တော်တို့က မြန်မာတွေ မြန်မာနိုင်ငံသားတွေ မြန်မာနိုင်ငံသားတွေ အတွက် အရေးကြီးတာက မြန်မာကျပ်ငွေပဲ။ အဲဒီအတိုင်းပဲ မြန်မာနိုင်ငံအတွက် မြန်မာနိုင်ငံရဲ့ ထုတ်ကုန်များကို ပြန်ကြည့်ရင် အခြေခံကတော့ လယ်ယာထွက် သီးနှံကုန်ပစ္စည်းများ ဖြစ်တယ်။ နောက်သားငါးပေါ့။ အဲဒီလို လယ်ယာ သားငါးပစ္စည်းတွေ ဟာ တင်ပို့တဲ့အခါမှာ ဈေးကောင်း ဒါမှမဟုတ်မှန်ကန်တဲ့ ဈေးရဖို့လိုပါတယ်။ အဲဒီနေရာမှာ ဒီကနေ့ လယ်ယာလုပ်သား၊ မွေးမြူသူတွေအနေနဲ့ သူတို့လိုချင်မှာကတော့ မြန်မာကျပ် ငွေပါပဲ၊ မြန်မာကျပ်ငွေ များများရဖို့ ဆိုရင် မြန်မာကျပ်ငွေရဲ့ လဲလှယ်နှုန်း တစ်ဒေါ်လာသို့မဟုတ် နိုင်ငံခြားငွေ တစ်ယူနစ် မြန်မာကျပ်ငွေ ဘယ်လောက်လဲ ဆိုတဲ့အပေါ် မူတည်နေပါတယ်” ဟု ပြည်သူ့လွှတ်တော် ဥက္ကဋ္ဌက ဆက်လက်ပြောကြားခဲ့သည်။
လက်ရှိကာလမှာ နိုင်ငံတစ်ဝန်းလုံးရှိ စီးပွားရေး လုပ်ငန်းများ အားလုံး အခက်အခဲ များဖြင့် ရင်ဆိုင်ကြုံတွေ့ နေရသည့် အချိန်ကာလဖြစ်ကြောင်း၊ နိုင်ငံ သဘာဝ သယံဇာတကို အခြေခံ ထုတ်လုပ်သည့် လုပ်ငန်းများနှင့် ရောင်းဝယ်ရေး လုပ်ငန်းများမှာ အနည်းငယ် သက်သာခွင့် ရှိသော်လည်း နိုင်ငံသား အများစုမှာ ကိုယ်တိုင်ဖန်တီး ထုတ်လုပ်ပေးနေသည့် လုပ်ငန်းများမှာ အခက်အခဲဆုံး အနေများဖြင့် ရင်ဆိုင်ကြုံတွေ့ နေရကြောင်းနှင့် အထူးသဖြင့် ကျေးလက်ဒေသ အခြေခံသည့် စိုက်ပျိုးမွေးမြူရေး လုပ်ငန်းများမှာ အခက်အခဲဆုံးနှင့် အဆိုးဝါးဆုံး အခြေအနေများဖြင့် ရင်ဆိုင်ကြုံတွေ့နေရကြောင်း မြန်မာနိုင်ငံ ငါးလုပ်ငန်း အဖွဲ့ချုပ်က ပြည်သူ့လွှတ်တော် ဥက္ကဋ္ဌ၊ ကော်မရှင် နှင့် ကော်မတီများသို့ တင်ပြခဲ့သည်။
မြန်မာနိုင်ငံ ဆန်စပါးအသင်း ဥက္ကဋ္ဌ ဦးချစ်ခိုင်ကလည်း လယ်သမား များ၏ စီးပွားရေး အခြေအနေမှာ ဆိုးရွားနေကြောင်း၊ ရာသီဥတုနှင့် ဈေးကွက် အခြေအနေကြောင့် လယ်သမား များ အခြေအနေ မကောင်းရခြင်းဖြစ်ကြောင်း၊ ထိုသို့ စီးပွားရေးမကောင်း ခြင်းကြောင့် ဆန်စပါး အထူးပြုကုမ္ပဏီ များမှ ထုတ်ချေးငွေများကိုအပြေ အလည်မဆပ်နိုင်ကြောင်း၊ ဆန်စပါး အထူးပြုကုမ္ပဏီ အတော်များများမှာ လုပ်ငန်းရပ်ရမည့် အခြေအနေရှိကြောင်း လယ်ယာကဏ္ဍ အခြေအနေမှာ ဆိုးရွားသည့် အခြေအနေရှိကြောင်း ဆွေးနွေးပြောကြားခဲ့သည်။
ပြည်ထောင်စု သမ္မတမြန်မာနိုင်ငံကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ်မှ တာဝန် ရှိသူ တစ်ဦးကလည်း ယခု အချိန်သည် Primary Producer များအတွက် အခက်အခဲဖြစ်နေကြောင်း၊ လယ်ယာသားငါး ကဏ္ဍများသည် ရပ်တည်ဖို့ မလွယ်ကူကြောင်း ၂၀၀၉၊ ၂၀၁၀ ခု နှစ်များမှစ၍ စီးပွားရေးမှ တုံ့ဆိုင်း လာကြောင်း Transaction Cost များ လျော့အောင် လျှော့ချနေသော်လည်း ထပ်မံလျှော့ရမည့် ဧရိယာများ ရှိနေသေးကြောင်း ပြောကြားခဲ့သည်။
ပြည်သူ့လွှတ်တော်ဥက္ကဋ္ဌ သူရဦးရွှေမန်းက “အချုပ်ပြောရရင်တော့ ဒီနေ့ဆွေးနွေး တင်ပြချက်တွေ အကုန်လုံးကိုရရမယ်လို့ ကျွန်တော် ကတိမပေးနိုင်ပါဘူး။ ကျွန်တော် ကတိပေးနိုင်တာက ကျွန်တော်တို့ နိုင်ငံသားများ၊ တိုင်းရင်းသား လုပ်ငန်းရှင်များအတွက် အကာအကွယ်ပေးမယ့် ဥပဒေပေါ်ထွက် လာရေးကို တော့ ကတိပေးနိုင်ပါတယ်။ ကျွန်တော်တို့ ယခင် အစိုးရ လက်ထက် က ပါတီစုံ ဒီမိုကရေစီနဲ့ ဈေးကွက် စီးပွားရေးစနစ် တည်ဆောက်ဖို့ ပြည်သူများရဲ့ဆန္ဒကို ဆောင်ရွက်ခဲ့တာ ဖြစ်ပါတယ်။ အတိအကျပြောမယ် ဆိုရင် ၂၀၀၈ ခုနှစ်ဖွဲ့စည်းပုံအခြေခံ ဥပဒေမှာ ကျွန်တော်ပြောတဲ့ ပြဋ္ဌာန်းချက် ပါပါတယ်။ အဲဒါက ပါတီစုံ ဒီမိုကရေစီ စနစ်နဲ့ ဈေးကွက်စီးပွားရေး စနစ်ဖြစ်ပါတယ်။ ပါတီစုံဒီမိုကရေ စီစနစ်၊ ဈေးကွက် စီးပွားရေးစနစ် ထူထောင်တဲ့နေရာမှာလည်း ကျွန်တော်တို့ အားလုံး ပါဝင်ပြီးတော့ ထူထောင် ဖို့လိုပါတယ်။
အစိုးရ၊ လွှတ်တော်နဲ့ တင်မရဘဲ ပြည်သူများ၊ ပြောမယ်ဆို လို့ရှိရင် မီဒီယာများပါ ပါဝင်ဆောင် ရွက်ဖို့ လိုပါတယ်။ တိုင်းရင်းသားများရဲ့ အလုပ်အကိုင် အခွင့်အလမ်း များပေးဖို့၊ ပြီးတဲ့အခါ တိုင်းရင်းသား လုပ်ငန်းရှင်များ၊ နိုင်ငံသားများကို အကာအကွယ်ပေးဖို့ ဥပဒေပြီးတဲ့အခါ တိုင်းရင်းသားများ လုပ်ငန်း ရှင်များနဲ့ နိုင်ငံသားများကို လုပ်နိုင်ဖို့အတွက် အကူအညီအထောက်အပံ့တွေ ပေးမယ်ဆိုတဲ့ မူဝါဒက ရှိနေဆဲပဲဖြစ်ပါ တယ်။ အဲလိုရှိနေတယ်ဆိုရင် ဒီလို စာရွက်ပေါ်မှာပဲ မထားဘဲ လက်တွေ့ ဆက်လက်ဆောင်ရွက်မှာ ဖြစ်ပါတယ်။ ဒါ့ကြောင့်ခုနက ကျွန်တော် ကတိပေးခြင်း ဖြစ်ပါတယ်။ ကျွန်တော်တို့ ဆီမှာ ဒီမူဝါဒရှိတယ်။ ဒီမူဝါဒနဲ့အညီ ကျွန်တော်တို့ နိုင်ငံသားများရဲ့ ရပိုင်ခွင့် လုပ်ပိုင်ခွင့်များကို အဓိကထား ကာကွယ်နိုင်တဲ့ ဥပဒေ မျိုးကျွန်တော် တို့ဖော်ဆောင်ပေးမယ်။ ကျွန်တော်တို့ လွှတ်တော် ကိုယ်စားလှယ်များ အနေနဲ့လည်း နိုင်ငံသားများရဲ့အကျိုး စီးပွားကို ဖြစ်ထွန်းစေသော ဥပဒေ များ၊ နိုင်ငံသား များရဲ့အကျိုးစီးပွား ကို ကာကွယ်စောင့်ရှောက်သော ဥပဒေများ ဖြစ်ထွန်းရေးက ကျွန်တော်တို့အတွက် အဓိကတာဝန် ဖြစ်ပါတယ်”ဟု ပြောကြားခဲ့သည်။
Ref: EMG News
Read More...
Collapse...
Posts
