ဗုဒ္ဓဟူးနေ့၊ ဧပြီလ ၂၄ ရက် ၂၀၁၃
နယူးဒေလီ (မဇ္ဈိ)။ ။ နှစ်နိုင်ငံ ပူးပေါင်း အကောင်အထည်ဖော်နေသည့် ထားဝယ် ရေနက် ဆိပ်ကမ်းနှင့် အထူး စီးပွားရေးဇုန် တည်ဆောက်ရေး ကိစ္စကို ထိုင်းဝန်ကြီးချုပ် ယင်လက် ရှီနာဝပ်ထရာ (Yingluck Shinawatra) က သမ္မတ ဦးသိန်းစိန်နှင့် ကြာသပတေးနေ့တွင် တွေ့ဆုံဆွေးနွေးဦးမည် ဖြစ်သည်။
ဘရူနိုင်းနိုင်ငံတွင် ကျင်းပနေသည့် အာဆီယံ ခေါင်းဆောင်များ ထိပ်သီး အစည်းအဝေး တက်ရောက်စဉ် ၎င်းတို့ သီးသန့်တွေ့ဆုံ၍ စီမံကိန်း အကောင်အထည်ဖော်မှု နောက်ဆုံးဖြစ်ပေါ် တိုးတက်မှုများကို ဆွေးနွေးကြမည်ဟု ထိုင်းနိုင်ငံခြားရေး ဝန်ကြီးဌာန အမြဲတမ်း အတွင်းဝန်အား ကိုးကား၍ The Nation သတင်းတရပ်တွင် ဖော်ပြပါရှိသည်။
၂၀၁၂ ခုနှစ်၊ ဒီဇင်္ဘာလလယ်က နှစ်နိုင်ငံခေါင်းဆောင်များ ကိုယ်တိုင် အတူသွားရောက် လေ့လာခဲ့သည့် ထားဝယ် ရေနက် ဆိပ်ကမ်း စီမံကိန်းမှာ ဒေါ်လာ ၉ ဘီလီယံ တန်ဖိုးရှိပြီး ထိုင်းက ၃၅ ရာခိုင်နှုန်း ထည့်ဝင် ရင်းနှီးမြှုပ်နှံထားသည်။
စီမံကိန်းတွင် ရေနက် ဆိပ်ကမ်း တခု၊ လျှပ်စစ် ဓါတ်အားပေး စက်ရုံများနှင့် အခြား စက်ရုံများ ပါဝင်မည် ဖြစ်သည်။ စီမံကိန်း အတွက် ထိုင်းနိုင်ငံ၏ ရင်းနှီးမြှုပ်နှံမှုများထဲတွင် ထားဝယ်မှ နေ၍ ထိုင်းနိုင်ငံ နယ်စပ်ကို ဖြတ်ကာ ဘန်ကောက်မြို့အထိ ဆက်သွယ်နိုင်မည့် အဝေးပြေးလမ်းမကြီး တခု ဆောက်လုပ်ရေးအတွက် ရင်းနှီးမြှုပ်နှံထားခြင်းလည်း ပါဝင်သည်။
ထိုင်းဝန်ကြီးချုပ်မှာ မြန်မာသမ္မတနှင့် တွေ့ဆုံခွင့်ရတိုင်း ထိုင်းနိုင်ငံ၏ အနောက်ဖက် သမုဒ္ဒရာ ထွက်ပေါက် ရနိုင်မည့် ထိုစီမံကိန်း ကိစ္စကို အလေးပေး ဆွေးနွေးလေ့ရှိပြီး မကြာမီကပင် စီမံကိန်း ကြီးကြပ်ကွပ်ကွဲရန် နည်းပညာ
ကော်မတီ တရပ်ကိုလည်း ထိုင်းအစိုးရက အတည်ပြုခဲ့ပြီး ဖြစ်သည်။
ဦးသိန်းစိန်ကလည်း အိန္ဒိယနိုင်ငံသို့ သွားရောက်စဉ် ထားဝယ်စီမံကိန်းတွင် အိန္ဒိယမှလည်း ရင်းနှီးမြှုပ်နှံရန် ဖိတ်ခေါ်ခဲ့သည်။
Ref: မဇ္ဈိမ
Thursday, April 25, 2013
ဦးသိန်းစိန်နှင့် ယင်လက် ထားဝယ်စီမံကိန်း ထပ်မံဆွေးနွေးမည်
ပိတ်ဆို့မှုတွေ ဖျက်သိမ်းရေး ဒေါ်အောင်ဆန်း စုကြည်နဲ့ ဥရောပ တိုင်ပင်ခဲ့
2013-04-25
ဒေါ်အောင်ဆန်းစုကြည်က ဥရောပသမဂ္ဂ EU အဖွဲ့ဝင် နိုင်ငံတွေ အနေနဲ့ မြန်မာနိုင်ငံ အပေါ် ပိတ်ဆိုိ့မှုတွေ ဖျက်သိမ်းရေးနဲ့ ပတ်သက်ပြီး မိမိနဲ့ တိုင်ပင်ရာမှာ ထောက်ခံပြောဆိုခဲ့ကြောင်း RFA ကို မနေ့က ပြောကြား လိုက်ပါတယ်။
ဗြိတိန်နိုင်ငံခြားရေးဝန်ကြီး William Hague က ပြီးခဲ့တဲ့ရက်ပိုင်းအတွင်း ဒေါ်အောင်ဆန်းစုကြည်နဲ့ ဒီကိစ္စအတွက် တိုင်ပင်ဆွေးနွေး ခဲ့တယ်ဆိုတဲ့ သတင်းနဲ့ ပတ်သက်ပြီး မေးမြန်းခဲ့ရာမှာ ဒေါ်အောင်ဆန်းစုကြည် က အခုလိုဖြေကြား ခဲ့တာဖြစ်ပါတယ်။
"ဗြိတိသျှနိုင်ငံနဲ့ကော တစ်ခြားဥရောပနိုင်ငံတစ်ချို့နဲ့ကော အမနဲ့အမြဲ ဒီဟာကိုဆွေးနွေး ပါတယ်၊ စီးပွားရေး ပိတ်ဆို့မှုကို ရုတ်သိမ်းသင့်ပြီ၊ တစ်ချို့ကကော စီးပွားရေး ပိတ်ဆို့မှု မရှိရင် ဒီမိုကရေစီ ရရှိရေးအတွက် ဘာလက်နက်မှ မရှိတော့ဘူးလို့ မြင်ကြတယ်၊ အမတော့ အဲလိုမမြင်ပါဘူး၊ တကယ်တော့ အဓိကလက်နက်က ပြည်သူတွေရဲ့ ဆန္ဒဖြစ်ရမယ်၊ ဒီမိုကရေစီကို ရယူလိုတဲ့ ဆန္ဒနဲ့ဇွဲ၊ အဲတော့ ဒီဟာတွေကို ပိုပိုပြီး အားကောင်းအောင် လုပ်ဖို့က ဒီမိုကရေစီ အတွက် လှုပ်ရှားသူတွေရဲ့ တာဝန်ပါ။
ပြီးခဲ့တဲ့ရက်ပိုင်းတွေအတွင်း ဂျပန်နိုင်ငံကိုသွားရောက်ခဲ့တဲ့ ခရီးစဉ်နဲ့ ပတ်သက်ပြီး ဂျပန်နိုင်ငံ အနေနဲ့ ဘာကြောင့် ဒီလောက် တိုးတက်နေတယ် ထင်ပါသလဲ လို့လည်း RFA က မေးမြန်းခဲ့တာကို ဒေါ်အောင်ဆန်းစုကြည်က
" နှစ်ခုပေါ့နော်၊ တစ်ခုက အင်မတန်မှ စည်းကမ်းရှိတယ်။ နောက်တစ်ခုကတော့ အင်မတန်မှ အလုပ် ကြိုးစားတယ်၊ ဒီနှစ်ခုကြောင့် ဒုက္ခတွေ အမျိုးမျိုးကို ကျော်လွှားနိုင်တယ်၊ နောက်ပြီးတော့ အခုလို တိုးတက်နိုင်တယ်လို့ ဒီလိုပဲ အမတော့မြင်တယ်"
ဒါ့အပြင် ဖွဲ့စည်းပုံပြင်ဆင်ရေး၊ ဝေဖန်ရေးသမားနဲ့ ဆန့်ကျင်ရေး သမား၊ သစ္စာစောင့်သိမှုရဲ့ အရေးပါမှု စတာတွေနဲ့ ပတ်သက်လို့လည်း ဒေါ်အောင်ဆန်းစုကြည်က သူ့ရဲ့သဘောထားတွေကို ဖြေကြားခဲ့ပါတယ်။
Ref: RFA News
ရှေးဟောင်း သုတေသနဇုန်တွင် စေတီသစ် တည်ခြင်းအား တရားစွဲထား
သိန်းလှိုင်
ဗုဒ္ဓဟူးနေ့၊ ဧပြီလ ၂၄ ရက် ၂၀၁၃ ခုနှစ် ၂၂
စစ်တွေ(မဇ္ဈိမ)။ ။ ရခိုင်ပြည်နယ်၊ ကျောက်တော် ရှေးဟောင်း သုတေသနဇုန် နယ်မြေအတွင်းရှိ မဟာမုနိ ပရိဝုဏ်ဝင်းထဲ စေတီ တည်ထားမှုနှင့် ပတ်သက်၍ သက်ဆိုင်ရာ ရှေးဟောင်း သုတေသန ဌာနမှ စေတီတည်သူများ ကို တရားစွဲထားကြောင်း သိရသည်။
အမြင့် ကိုးတောင် (၁၃.၅ ပေ) ရှိပြီး “ကိုးနဝင်း စေတီ” ဟု အမည်ပေးထားသည့် အဆိုပါ စေတီငယ်ကို အမည်မသိ လူတစုက ဧပြီလ ၈ ရက်နေ့မှ ဧပြီ ၁၉ ရက်နေ့အတွင်း ညအချိန်များတွင် တည်ထားခဲ့ကြခြင်း ဖြစ်သည်။
“ရှေးဟောင်း သုတေသန နယ်မြေထဲမှာ ဧပြီ ၈ ရက်နေ့က ပန်းရန်ဆရာ ၂၀ လောက်နဲ့ ပန္နက်ချတယ်။ ကျနော်တို့ ဌာနက တာဝန်အရ သွားပြီး ဟန့်တားပါတယ်။ ဒါပေမယ့် မြို့နယ် သံဃနာယက ဥက္ကဋ္ဌ ဆရာတော် ခွင့်ပြုချက်နဲ့ တည်ဆောက်တာဆိုပြီး တားမြစ်မှုကို မလေးမခန့် လုပ်ခဲ့တယ်။ ဒါကြောင့် ဧပြီလ ၉ ရက်နေ့မှာ ဌာနက ဥပဒေနဲ့ အညီ ကျောက်တော်မြို့နယ် ရဲစခန်းမှာ အမှုဖွင့် တိုင်ကြားခဲ့သလို မြို့နယ် သာသနာရေး ဦးစီး ဌာနကိုလည်း အကြောင်းကြားထားတယ်။ အမှုမှာ မြို့နယ်သံဃနာယက ဥက္ကဋ္ဌ ဆက်စပ်ပါဝင်နေလို့ ပြည်နယ်ကို လွှဲထားတယ်။ ခုအချိန်ထိ ဘာမှအကြောင်း မပြန်သေးဘူး” ဟု မြောက်ဦး ရှေးဟောင်းသုတေသန ဦးစီးဌာနမှ ဝန်ထမ်း တဦးက ဆိုသည်။
ကျောက်တော် မဟာမုနိရှေးဟောင်းနယ်မြေကို မြောက်ဦးရှေးဟောင်းသုတေ သနဦးစီးဌာန အောက်တွင် ထားရှိသည်။
ယင်းသို့ တရားမဝင် စေတီတည်သူများအား ဥပဒေအရ အမှုဖွင့်ရာတွင် အလှူရှင်များကို မသိရသေး သဖြင့် ကာယကံမြောက် ကျူးလွန်ခဲ့သူ ပန်းရန်ဆရာ ဦးအောင်စိုးမိုး ကိုသာ တရားစွဲဆိုထားရသည်ဟု အဆိုပါဝန်ထမ်းက
ပြောသည်။
ထို စေတီငယ် တည်ထားခြင်းအပေါ် ရခိုင်သမိုင်းသုတေသီများ အပါအဝင် ပညာရှင်များ၊ ဒေသခံများကလည်း ကန့်ကွက်လျက်ရှိသည်။
“ရှေးဟောင်းသမိုင်းဝင်ဒေသကို မူလအတိုင်းပဲ ထားသင့်တယ်။ ဘယ်လို အဆောက်အဦ သစ်တွေကိုမှ မဆောက်လုပ်သင့်သလို သက်ဆိုင်ရာကလည်း ခွင့်မပြုသင့်ဘူး။ တကယ်လို့ စေတီဘုရား တည်ထားချင်ရင်လည်း ပရိဝုဏ် ပြင်ပမှာ တည်လို့ရတာပဲလေ” ဟု စစ်တွေမြို့မှ ရခိုင်သမိုင်း သုတေသီ အရှင်ပညာစာရ က မိန့်ကြားသည်။
မဟာမုနိရုပ်ပွားတော်မှာ ကျောက်တော်မြို့ အရှေ့ဘက် ၇ မိုင်အကွာရှိ ပေ ၃၀ မြင့်သည့် မဟာမုနိကုန်းတော် ပေါ်ဝယ် ကိန်းဝပ်စံပ္ပါယ်နေခြင်း ဖြစ်သည်။ ဘုရား ကုန်းတော်တွင် ပစ္စယာ ၃ ခု ရှိပြီး ပထမ ပစ္စယာတွင် မဟာမုနိ ရုပ်ပွားတော်၊ ဒုတိယ ပစ္စယာတွင် နတ်များနှင့် တတိယ ပစ္စယာတွင် ပြတိုက်၊ သိမ်တော်၊ လက်ဆေးကန်တို့ ရှိသည်။ ထိုစေတီငယ်ကို တတိယ ပစ္စယာ အတွင်း တည်ထားခြင်း ဖြစ်သည်။ ရှေးဟောင်းဌာန ဥပဒေအရ ပရိဝုဏ်၏ ပြင်ပ ကိုက် ၅၀ အပြင်ဘက်၌သာ တည်ဆောက်ခွင့် ရှိသည်ဟု သိရသည်။
တာဝန်ရှိသူက ဟန့်တားစဉ် ဆက်တည်ခြင်း၊ လူခြေတိတ်ချိန် ညများတွင်သာ ဆောက်လုပ်ခြင်းနှင့် အမြန်လုပ်ကိုင် နေခြင်းတို့ကြောင့် တစုံတရာ ယတြာချေခြင်း ဖြစ်နိုင်သည် ဟုလည်း ယူဆနေကြသည်။
“ဘယ်သူပဲဖြစ်ဖြစ် ဒါဟာ လုံးဝ မလုပ်သင့်တဲ့ကိစ္စ ဖြစ်တယ်။ ယဉ်ကျေးမှုနယ်မြေမှာ လောဘ၊ ဒေါသ၊ မောဟတွေနဲ့ ယတြာချေတာလိုမျိုးဟာ အတော့်ကို အရုပ်ဆိုးတယ်။ ဦးဇင်းကတော့ လုံးဝ ကန့်ကွက်ရှုတ်ချတယ်။ အားလုံး ဝိုင်းကန့်ကွက်ဖို့လည်း တိုက်တွန်းသွားမယ်” ဟု သံတွဲမြို့မှ ရခိုင်သမိုင်းသုတေသီ အရှင်ကုသလ(ငွေသဇင်)က အမိန့်ရှိသည်။
၎င်းစေတီမှာ ကျမ်းစာများနှင့် ရခိုင်ဓလေ့ထုံးတမ်းအရ ပူဇော်အပ်သည့် စေတီတဆူအဖြစ် အသိအမှတ်ပြုရန် ခက်ခဲသည်ဟု ရှေးဟောင်း သုတေသနညွှန်ကြားရေးမှူးဟောင်း ဦးကျော်ထွန်းအောင် က မှတ်ချက်ပြုသည်။
“စေတီဘုရားတွေ တည်မယ်ဆိုရင် သတ္တုရူပ ဗိသုကာကျမ်း အညီ တည်ဆောက် သွန်းလုပ်ကြရတယ်။ သတ္တုရူပဗိသုကာကျမ်း အလိုအရဆိုရင် စေတီတည်မယ့် မြေဟာ သန့်စင်ပြီးသား ဖြစ်နေ ရမယ်။ စေတီမှာ ဌာပနာမယ့် အခန်းအရံတွေ ရွေးချယ် ထည့်သွင်းရမယ်။ သူတို့မှာက ရှေးဟောင်း သုတေသနဌာနက ဥပဒေနဲ့အညီ ထိန်းချုပ်ထားတဲ့ မြေဖြစ်နေတယ်။ ပိုင်ရှင်ရဲ့ ခွင့်ပြုချက်မရဘဲ ဆောက်လုပ်ထားသလို အခန်းအရံ ရွေးချယ် ထည့်သွင်းခြင်း မရှိတာကိုလည်း တွေ့ရတယ်” ဟု ထောက်ပြသည်။
အခန်းအရံ ထည့်သွင်းခြင်းဆိုသည်မှာ ကျမ်းစာနှင့်အညီ ဌာပနာထည့်သွင်းခြင်းကို ဆိုလိုသည်။
“စေတီတည်သူတွေ နောက်ထပ် သိရမှာက ရခိုင်စေတီဌာပနာ ၃ ရပ် ရှိတယ်။ မြေအောက် ဌာပနာမှာ ဗုဒ္ဓမြတ်စွာ ဘုရားမဖြစ်မီ ဖွားတော်မူခန်း၊ တောထွက်ခန်းစတဲ့ ဗုဒ္ဓဝင်လာ ဆင်းတုတွေကို ဌာပနာရတယ်။ သပိတ်မှောက် ဌာပနာမှာက ဘုရားဖြစ်ပြီး ဗောဓိပင်နဲ့ ရွှေပလ္လင် အောင်တော်မူခန်းလို ဆင်းတုတွေကို ဌာပနာရတယ်။ ငှက်ပျောဖူး ဌာပနာကျတော့ ဘုရားက စကုပတိမင်းကို ချွတ်ခန်းစတာတွေနဲ့ ဌာပနာရပါတယ်။ မဟာမုနိကုန်းပေါ်မှာ ဥပဒေမဲ့ တည်ထားရာမှတော့ ဘီလူးရုပ်တွေ၊ ဇော်ဂျီရုပ်တွေနဲ့ လုပ်ထားတယ်။ ကျမ်းဂန်နဲ့ မညီသလို ရခိုင်ရိုးရာ ဓလေ့ထုံးစံတွေနဲ့လည်း ဆန့်ကျင်နေတယ်။ စေတီတခုရဲ့ အင်္ဂါရပ်တွေ မပါဘူးလို့ပဲ ပြောရမယ်” ဟု ရှင်းပြသည်။
မြောက်ဦးမြို့မှ ရခိုင်သမိုင်းသုတေသီ ဝေဒပညာရှင်တဦးကလည်း ပွင့်လင်းမြင်သာမှုလည်း မရှိဘဲ ဥပဒေကို ဆန့်ကျင်၍ သင်္ကြန်အတွင်း ညအချိန်များတွင် စေတီတည်ခြင်းအား ဝေဖန်လိုက်ပြီး ယတြာလုပ်ရန် ကြိုးပမ်းချက် တခုဟု စွပ်စွဲလိုက်သည်။
“ဒါဟာ နောက်ကွယ်က ဘယ်အဖွဲ့အစည်းက ကြိုးကိုင်နေမှန်းမသိပေမယ့် ရခိုင်ယဉ်ကျေးမှုကို ဖျက်ဆီးဖို့ ကြိုးစားတဲ့လုပ်ရပ်လို့ မြင်တယ်။ သူတို့က မဟာမုနိဟာ ရခိုင်တို့ရဲ့ အသက် ဆိုတာ သိတယ်။ ရခိုင်ကို တခုခု လုပ်ချင်ရင် ရခိုင်တို့ရဲ့ ဦးခေါင်းနဲ့ တူတဲ့ မဟာမုနိကို အဓိက ပစ်မှတ်ထားတယ်။ သူတို့က စေတီငယ်ကို ရှစ်သောင်း ပုထိုးပုံစံယူ တည်ထားတယ်။ ၁၅၃၅ ခုနှစ်၊ ရခိုင်ဘုရင် မင်းဗာကြီးက ရှစ်သောင်းကို တည်တဲ့အခါ ဗေဒင် ယတြာအရ တိုင်းပြည်ရဲ့ အာယုအရပ်ဖြစ်တဲ့ နန်းတော်ကုန်းရဲ့ မြောက်ဘက်မှာ တည်တယ်။ အခုဟာက ရှစ်သောင်း ပုံတူ စေတီကို မဟာမုနိရဲ့ အနောက်ဘက်အရပ်ဆိုတော့ ပရိဝါရ လို့ခေါ်တဲ့ မတည်သင့်တဲ့ အရပ်မှာ တည်လိုက်တာ ဖြစ်တယ်။ ဒါဟာ ဗေဒင်ကိန်းခန်းအရ ကောင်းတဲ့ ရည်ရွယ်ချက် လုံးဝ မဟုတ်ဘူး” ဟု ဆိုသည်။
ယခု စေတီငယ်မှာ ရှစ်သောင်းပုထိုးတော်နှင့် ပုံစံတူဟု ဆိုသော်လည်း ကွဲပြားမှုများရှိသည်။ ရှစ်သောင်း တည်ပုံမှာ ခေါင်းလောင်းမှောက် ပုံစံ ဖြစ်ကာ ဤစေတီငယ်မှာမူ အောက်ခြေမှစ၍ ၈ မျက်နှာယူထားပြီး အပေါ်ပိုင်း သပိက်မှောက်တွင် ဆောင့်ကြောင့်ထိုင်နေသော ဘီလူးရုပ်များကို ထည့်ထားသည်။
ရခိုင်ရှေးဟောင်းသုတေသနဌာန မြောက်ဦးဌာနကို ၁၉၂၀ ခုနှစ်က စတင်ဖွင့်လှစ်ပြီး ကျောက်တော် ရှေးဟောင်း နယ်မြေကို ပူးတွဲသတ်မှတ်ကာ၊ ၁၉၅၅ ခုနှစ်တွင် မဟာမုနိ ကုန်းတော်၌ ပြတိုက်တခုကို ကုန်းတော်၏ အောက်ဆုံး ပစ္စယာတွင် ထားရှိခဲ့ကြောင်း အဆိုပါဌာနမှ သိရသည်။
၂၀၁၂ ခုနှစ်၊ မေလ ၃ ရက်နေ့ထုတ် ကမ္ဘာ့အမွေအနှစ်များ ရန်ပုံငွေအဖွဲ့(Global Heritage Fund)မှ ထုတ်ပြန်သော အစီရင်ခံစာ၌ အဆိုပါ ကျောက်တော် မဟာမုနိ ရှေးဟောင်းဒေသအနီးရှိ မြောက်ဦးမြို့ဒေသကို အာရှတိုက်၏ စိုးရိမ်ဖွယ်ရာ အခြေအနေနှင့် ရင်ဆိုင်နေရသော ယဉ်ကျေးမူ အမွေအနှစ် ၁၀ ခု စာရင်းတွင် ထည့်သွင်းထားခဲ့သည်။
Ref: မဇ္ဈိမ
မြန်မာနိုင်ငံ ဖွံ့ဖြိုးတိုးတက်ရေး USAID တိုးမြှင့်ကူညီ
မခင်ဖြူထွေး
24.04.2013
ကမ္ဘာတ၀ှမ်း ဖွံ့ဖြိုးတိုးတက်ရေး အကူအညီတွေ ပေးနေတဲ့ အမေရိကန် နိုင်ငံတကာ ဖွံ့ဖြိုးရေးအေဂျင်စီ USAID ရဲ့ ၂၀၁၄ ခုနှစ် ဘတ်ဂျက် အသုံးစရိတ် လျော့နည်းသွားဖို့ ရှိပေမဲ့ မြန်မာ အပါအ၀င် အာရှဒေသ ဖွံ့ဖြိုးရေး လုပ်ငန်းတွေအတွက် USAID ရဲ့ အသုံးစရိတ်ကတော့ ၇ ရာခိုင်နှုန်း တိုးလာမှာ ဖြစ်ပါတယ်။
USAID အနေနဲ့ မြန်မာနိုင်ငံတွင်း ငြိမ်းချမ်းရေးနဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေ အတွက် အကူအညီတွေ ပေးနေသလို ပညာရေး၊ ကျန်းမာရေးနဲ့ လယ်ယာ စိုက်ပျိုးရေး ကဏ္ဍ ဖွံ့ဖြိုး တိုးတက်ရေး ကိစ္စတွေမှာ အကူအညီတွေ တိုးမြှင့်ပေးသွားမယ့် အကြောင်း ဗုဒ္ဓဟူးနေ့က အထက်လွှတ်တော်မှာ ကျင်းပတဲ့ နိုင်ငံတကာ ဖွံ့ဖြိုးတိုးတက်ရေး ဦးစားပေး လုပ်ငန်းတွေအတွက် ၂၀၁၄ ဘတ်ဂျက် အသုံးစရိတ်ဆိုင်ရာ ကြားနာပွဲမှာ USAID အကြီးအကဲ ရာဂျစ် ရှား (Rajiv Shah) က ပြောသွားပါတယ်။ အပြည့်အစုံကို မခင်ဖြူထွေး က တင်ပြထားပါတယ်။
ဒီနှစ်အစောပိုင်း အမေရိကန် ပြည်ထောင်စုမှာ အစိုးရဘတ်ဂျက် အသုံးစရိတ်တွေ ဖြတ်တောက် ခံရတာကြောင့် လာမယ့်နှစ်အတွက် အမေရိကန် အစိုးရရဲ့ နိုင်ငံတကာ ဖွံ့ဖြိုးရေး အကူအညီတွေမှာလည်း ထိခိုက်မှုတွေ ရှိခဲ့ပါတယ်။
နိုင်ငံတကာ ဖွံ့ဖြိုးရေး အကူအညီတွေအတွက် အသုံးစရိတ် ၆ ရာခိုင်နှုန်းလောက် ရှေ့နှစ်မှာ လျော့ကျသွားမှာ ဖြစ်ပေမဲ့လို့ မြန်မာအပါအ၀င် အာရှနိုင်ငံတွေမှာရှိတဲ့ ဖွံ့ဖြိုးတိုးတက်ရေး အကူအညီတွေကတော့ ရှေ့နှစ်မှာ ပိုပြီးတော့တောင် တိုးလာဖို့ ရှိတယ်လို့ အမေရိကန် နိုင်ငံတကာ ဖွံ့ဖြိုးရေးအေဂျင်စီ USAID အကြီးအကဲ ရာဂျစ် ရှား (Rajiv Shah) က မနေ့က အထက်လွှတ်တော်မှာ ကျင်းပတဲ့ အမေရိကန်ရဲ့ နိုင်ငံတကာ ဖွံ့ဖြိုးရေး အကူအညီ ဦးစားပေး လုပ်ငန်းများဆိုင်ရာ ကြားနာပွဲအတွင်းမှာ ပြောသွားခဲ့ပါတယ်။
“ယေဘုယျအားဖြင့် ကျနော်တို့ရဲ့ ဘတ်ဂျက် အသုံးစရိတ် ၆ ရာခိုင်နှုန်းလောက် လျော့ကျသွားတာ ရှိပေမဲ့၊ ၂၀၁၄ ခုနှစ်အတွက် အဆိုပြုထားတဲ့ ဘတ်ဂျက် အသုံးစရိတ်မှာတော့ အာရှဒေသအတွက် အသုံးစရိတ်ဟာ ၇ ရာခိုင်နှုန်း တိုးလာတာ တွေ့ရပါမယ်။ ဒါဟာ အာရှဒေသနဲ့ ပူးပေါင်းဆောင်ရွက်ရေး ဦးစားပေး ဆောင်ရွက်ဖို့ဆိုတဲ့ သမ္မတရဲ့ ဦးစားပေး လုပ်ငန်းစဉ်ကြောင့် ဖြစ်ပါတယ်။”
အခုလို အာရှဒေသအတွက် အမေရိကန်ရဲ့ ဖွံ့ဖြိုးရေး အကူအညီတွေ တိုးမြှင့်သွားမယ့်အထဲမှာ မြန်မာနိုင်ငံကလည်း ဦးစားပေးနိုင်ငံတခု အဖြစ်နဲ့ ရှိနေတာပါ။ ပြီးခဲ့တဲ့ နိုဝင်ဘာလက အမေရိကန် သမ္မတ ဘရက်ခ် အိုဘားမား (Barack Obama) မြန်မာနိုင်ငံကို လာရောက်ခဲ့စဉ်အတွင်းမှာလည်း လာမယ့် ၂ နှစ်အတွင်း အမေရိကန်က ဒေါ်လာ သန်း ၁၇၀ မြန်မာနိုင်ငံကို အကူအညီပေးမယ်လို့ ကြေညာခဲ့ပါတယ်။
မြန်မာနိုင်ငံရဲ့ ဒီမိုကရေစီ၊ လူ့အခွင့်အရေး၊ တရားဥပဒေ စိုးမိုးရေးနဲ့ ငြိမ်းချမ်းရေး လုပ်ငန်းစဉ်တွေအတွက် USAID က အကူအညီတွေ ပေးနေတာမှာ ငြိမ်းချမ်းရေး လုပ်ငန်းစဉ်တွေ အကောင်အထည် ဖော်မှုအပိုင်းမှာတော့ မျှော်မှန်းသလောက် တိုးတက်မှု ရှိမလာသေးဘူးလို့ USAID အကြီးအကဲ ရာဂျစ် ရှား (Rajiv Shah) က ပြောသွားပါတယ်။
“မြန်မာနိုင်ငံနဲ့ ပတ်သက်လို့ကတော့ မနှစ်က သမ္မတ အိုဘားမား မြန်မာနိုင်ငံ ရောက်စဉ်မှာ USAID လုပ်ငန်းရုံးကို ဖွင့်ပေးခဲ့သလို၊ သတ်မှတ်ချက်တချို့ထားပြီး မြန်မာအစိုးရနဲ့ ပူးပေါင်းဆောင်ရွက်သွားဖို့ ကိစ္စတွေကို အစပျိုးပေးခဲ့တာပါ။ သတ်မှတ်ချက် ဆိုပေမဲ့လည်း တကယ်တော့ ကျနော်တို့ရဲ့လုပ်ငန်းတွေ တိုးချဲ့လုပ်ကိုင်မယ့်အပေါ်မှာ ဘယ်လို အခြေအနေတွေတော့ ရှိရမယ်ဆိုတဲ့ သတ်မှတ်ချက် အသေးစိတ်ကို ပြောခဲ့တာပါ။ ဒီအထဲမှာတော့ အစိုးရအနေနဲ့ ပွင့်လင်း မြင်သာမှု ရှိရမယ်၊ ပြုပြင်ပြောင်းလဲရေး လုပ်ငန်းတွေကို ဆက်လုပ်သွားရမယ်ဆိုတာ ပါသလို၊ တချို့ နယ်စပ်တွေမှာ တိုင်းရင်းသား လူမျိုးစုတွေနဲ့ ငြိမ်းချမ်းရေးရအောင် ဆောင်ရွက်သွားရမယ် ဆိုတာတွေ ပါပါတယ်။"
"ပထမအချက်မှာတော့ ထိရောက်ပြီး သိသာ ထင်ရှားတဲ့ တိုးတက်မှုတွေ ကျနော်တို့ တွေ့ရပါတယ်။ ဒုတိယအချက်ဖြစ်တဲ့ လူနည်းစု တိုင်းရင်းသားအဖွဲ့တွေနဲ့ ငြိမ်းချမ်းရေး ရယူဖို့ ကိစ္စမှာတော့ မြန်မာအစိုးရက လုပ်ငန်းစဉ် ချမှတ်ဆောင်ရွက်နေတာ ရှိပေမဲ့ မကြာသေးခင်က ကျနော်တို့ တွေ့ရသလောက်ကတော့ ဒီကိစ္စမှာ ကျနော်တို့ မျှော်မှန်းတဲ့အတိုင်း မဖြစ်သေးဘူးဆိုတာ တွေ့နိုင်ပါတယ်။”
USAID ရဲ့ လတ်တလော မြန်မာနိုင်ငံတွင်း ဦးစားပေးလုပ်ငန်းတွေနဲ့ ပတ်သက်လို့လည်း မစ္စတာ ရာဂျစ် ရှား (Rajiv Shah) က အခုလို ပြောသွားပါတယ်။
“မြန်မာနိုင်ငံတွင်း ကျနော်တို့ လုပ်ငန်းတွေမှာတော့ ကျနော်တို့ အာရုံထား လုပ်ကိုင်တဲ့ ကိစ္စတချို့ ရှိပါတယ်။ ပထမတခုကတော့ ဈေးကွက်ဖွင့်ပြီး စီးပွားရေး အခြေအနေ တိုးတက် ကောင်းမွန်အောင်လုပ်ဖို့၊ နောက် ပြည်သူပိုင်နဲ့ ပုဂ္ဂလိကပိုင် ပူးပေါင်း ဆောင်ရွက်မှု လုပ်ငန်းတွေကို အားပေးကူညီဖို့၊ သိပ်မကြာခင်က ကျနော် မြန်မာပြည်ကို သွားခဲ့တုန်းကလည်း ကျနော်နဲ့အတူ အမေရိကန်က နည်းပညာဆိုင်ရာ ကုမ္ပဏီကြီးတွေ လိုက်ပါပြီး အဆင့်မြင့် ပညာရေး လုပ်ငန်းတွေမှာ ပူးပေါင်း ဆောင်ရွက်ဖို့နဲ့ မြန်မာနိုင်ငံမှာ စီးပွားရေး အခွင့်အလမ်းတွေ ရှာဖွေဖို့ ကိစ္စတွေကို ဆောင်ရွက်ခဲ့ပါတယ်။"
"ဒုတိယအချက် ကျနော်တို့ရဲ့ အာရုံစိုက် လုပ်ကိုင်မှုကတော့ ကျန်းမာရေး၊ ပညာရေးနဲ့ လယ်ယာ စိုက်ပျိုးရေး လုပ်ငန်းတွေမှာ ကူညီဖို့ပါ။ တတိယအချက်ကတော့ ကျနော်တို့ဟာ မြန်မာနိုင်ငံရဲ့ ငြိမ်းချမ်းရေး လုပ်ငန်းစဉ်တွေမှာ တက်တက်ကြွကြွ ပါဝင်နေသလို တိုင်းရင်းသား ပဋိပက္ခတွေမှာ ဖြစ်ပွားနေတဲ့ ဒေသတွေမှာ လူသားချင်း စာနာမှု အကူအညီပေးရေး လုပ်ငန်းတွေမှာလည်း ကျနော်တို့ USAID က အတတ်ကြွဆုံး ဆောင်ရွက်နေပါတယ်။”
မစ္စတာ ရာဂျစ် ရှား (Rajiv Shah) ဟာ ပြီးခဲ့တဲ့ မတ်လအတွင်း မြန်မာနိုင်ငံကို နှစ်ရက်ကြာခရီး (မတ်လ ၇၊ ၈ ) သွားရောက်ခဲ့သလို၊ USAID အနေနဲ့ လာမယ့် ၂၀၁၅ ခုနှစ် ကျင်းပမယ့် အထွေထွေ ရွေးကောက်ပွဲ မတိုင်ခင် ကာလအတွင်း ရွေးကောက်ပွဲအတွက် ကြိုတင် ပြင်ဆင်မှုတွေနဲ့ မြန်မာနိုင်ငံရဲ့ နိုင်ငံရေး လုပ်ငန်းစဉ်တွေအတွက်လည်း ဒေါ်လာ ၁၁ သန်း သုံးစွဲ ကူညီသွားမယ့် အကြောင်းလည်း USAID က ထုတ်ပြန်ပြောဆိုထားတာ ဖြစ်ပါတယ်။
မူရင်း ဗွီဒီယိုကြည့်ချင်ရင် - http://video.state.gov/en/top-stories/video/2324929200001/fy2014-usaid-budget-request/s~creationDate/p~1/?p
Ref: VOA News
တန်ဖိုးနည်း မိုဘိုင်းဖုန်းဆင်းကဒ် ဝယ်ချင်တိုင်းမရ
2013-04-25
မြန်မာနိုင်ငံက နေရာဒေသတော်တော် များများမှာ တန်ဖိုးနည်း ၁၅၀၀ ကျပ်တန် CDMA 800Mhz မိုဘိုင်းဖုန်း ဆင်းကဒ်တွေကို မနေ့က မနက်ပိုင်းက စတင်ပြီး ရောင်းချပေးခဲ့ပေမယ့် ဝယ်ယူတဲ့ပြည်သူတွေမှာ အခက်အခဲတွေနဲ့ ကြုံတွေ့ခဲ့ကြပါတယ်။
အစိုးရကချမှတ်ထားတဲ့ ရပ်ကွက်အုပ်ချုပ်ရေးမှူးရုံးမှာ မဲစနစ်နဲ့ မိုဘိုင်းဖုန်း ဆင်းကဒ်တွေ တစ်အိမ် တစ်ယောက်နှုန်း လျှောက်ထားခွင့် အတိုင်း မပြုလုပ်ပဲ မနေ့ကရောင်းချတဲ့ အခါမှာ အဲ့ဒီ စနစ်အတိုင်း အာဏာပိုင်တွေဘက်က မပြုလုပ်ခဲ့ဘူးလို့ ရန်ကုန်မြို့၊ ကျောက်တံတားမြို့နယ်မှာနေထိုင်တဲ့ အိမ်ရှင်မတစ်ဦးက RFA ကို ပြောပါတယ်။
"ကြေညာထားတဲ့ စည်းကမ်းအတိုင်း မဟုတ်ပဲနဲ့ ဘယ်နှစ်ယောက်လျှောက်လျှောက် ကိုယ်တိုင်နှိုက်စရာ မလိုဘူး၊ ကိုယ်စားနှိုက်ရမယ် ဆိုတဲ့အတွက် တစ်ဦးတည်းလျှောက်မိတဲ့ ကျွန်မတို့အ တွက် အခွင့်အရေး လျော့နည်း သွားပါတယ်။"
အလားတူ မန္တလေးမြို့၊ ပုသိမ်ကြီးမြို့နယ်မှာလည်း ပြည်သူတွေကို အစိုးရ ချမှတ်ထားတဲ့ မဲစနစ်နဲ့ ရောင်းချပေးတာမျိုး မရှိပဲ ဦးရာလူစနစ်နဲ့သာ ရောင်းချပေးခဲ့တယ်လို့ မြို့ခံတစ်ဦးက အခုလို ပြောပါတယ်။
"ပုသိမ်ကြီးမှာတော့ မဲနှိုက်ခွင့်မရဘူး၊ အရင်ရောက်တဲ့သူကို ရောင်းပေးတယ်။နေ့ခင်းမှာ အလုပ်သွားကြတာဆိုတော့ လျှောက်တဲ့သူမရှိဘူး ခင်ဗျ၊ SB၊စရဖတို့က သူတို့နဲ့ ရင်းနှီးသူတွေကို ဖုန်းကဒ်တွေ ပေးတယ်"
တချို့မြို့နယ်တွေမှာကတော့ တန်ဖိုးနည်း ၁၅၀၀ မိုဘိုင်းဖုန်းဆင်းကဒ်ကို တစ်အိမ်တစ်ယောက်နှုန်း မဲစနစ်အတိုင်း ရောင်းချပေးခဲ့ပြီး နောက်နေ့တွေလည်း ဒေသအနှံ့မှာ ဆက်လက်ရောင်းချသွားဖို့ ရှိပါသေးတယ်လို့ သိရပါတယ်။
Ref: RFA News
ဒေါ်အောင်ဆန်းစုကြည် တောင်သူ လယ်သမားများနဲ့ ဆွေးနွေး
2013-04-24
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ မကြာခင်ပြဌာန်းတော့မယ့် တောင်သူ လယ်သမား အရေးဆိုင်ရာ ဥပဒေနဲ့ ပတ်သက်ပြီး တောင်သူ လယ်သမား ကိုယ်စားလှယ် ၂၂ ဦးနဲ့ ဒီနေ့ တက္ကသိုလ် ရိပ်သာလမ်းနေအိမ်မှာ တွေ့ဆုံဆွေးနွေးခဲ့ပါတယ်။
ဆွေးနွေးပွဲတက်ရောက်ခဲ့တဲ့ ဧရာဝတီတိုင်း၊ လေးမျက်နှာမြို့နယ် တောင်သူ လယ်သမားအသင်း အတွင်းရေးမှူး တောင်သူ ဦးစိုးခိုင်က အခုလို ပြောပါတယ်။
“မကြာမီမှာ ရေးဆွဲပြုလုပ်မယ့် တောင်သူလယ်သမား အကျိုး ကာကွယ်ရေး ဥပဒေ စိုးမိုးဖို့ ရေးဆွဲတဲ့ ဥပဒေထဲမှာလည်း တောင်သူတွေ အကျိုးခံစားခွင့်တွေ တကယ်ရရှိလာနိုင်ဖို့ ခေတ်အဆက်ဆက် ညှိုးမှိန်ခဲ့တဲ့ တောင်သူ လယ်သမားတွေရဲ့ဘဝကို မြှင့်တင်ပေးနိုင်ဖို့ ဒီအချက်အလက်တွေ ပြည့်စုံစွာပါဖို့ လိုအပ်သလို ဒီဥပဒေဟာလည်း တကယ်စိုးမိုးဖို့ လိုအပ်တယ်ဆိုတာ တင်ပြခဲ့တဲ့အတွက် ဒီဥပဒေသာ တကယ်ပေါ်ပေါက်ခဲ့မယ် ဆိုရင် တောင်သူတွေ အားရမှာပါ၊ လက်ရှိနိုင်ငံအတွင်းမှာ လယ်ယာမြေမှတ်ပုံတင်တာနဲ့ ပတ်သက်လို့ ပြီးစီးတဲ့မြို့နယ် မရှိသေးပါဘူး၊ လယ်ယာမြေ မှတ်ပုံတင်ရေးကိုလည်း ကျနော်တို့ ဆွေးနွေးခဲ့ပါတယ်”
ဒီနေ့ဆွေးနွေးပွဲဟာ တောင်သူလယ်သမားတွေနဲ့ ဒေါ်အောင်ဆန်းစုကြည်တို့ ပထမဆုံးအကြိမ် တွေ့ဆုံမှုဖြစ်ပါတယ်။
ဆွေးနွေးပွဲမှာ နိုင်ငံတကာအဆင့်မီ အရည်အသွေးပြည့်ဝတဲ့ လယ်ယာ စက်ပစ္စည်းတွေကို အကြွေးစနစ်နဲ့ ၀ယ်ယူ ရရှိနိုင်အောင် စီစဉ်ပေးဖို့၊ လယ်ယာစိုက်ပျိုးမြေတွေနဲ့ ဆက်စပ်နေတဲ့ တာတမံတွေပြုပြင်ပေးဖို့နဲ့ ရာသီအလိုက် စိုက်ပျိူးနေတဲ့ ဥယျာဉ်ခြံမြေ စိုက်ပျိုးရေးသမားတွေကို စိုက်ပျိုးရေးစရိတ်တွေ ကူညီထောက်ပံပေးဖို့ စတဲ့အချက်တွေကို အဓိကထားဆွေးနွေးခဲ့ကြတယ်လို့ သိရပါတယ်။
ဒေါ်အောင်ဆန်းစုကြည်နဲ့ တွေ့ဆုံဆွေးနွေးခဲ့သူ တောင်သူ ဦးစိုးခိုင်ကို RFA သတင်းထောက် မရတနာဦး ဆက်သွယ်မေးမြန်းထားပါတယ်။
Ref: RFA News
မူဆလင်အရေး အင်ဒိုနီးရှားစိုးရိမ်
2013-04-25
အင်ဒိုနီးရှားသမ္မတ ဆူဆီလိုဘန်ဘန်းက မြန်မာနိုင်ငံက မူဆလင် ဆန့်ကျင်ရေး အဓိကရုဏ်းတွေနဲ့ ပတ်သက်လို့ စိုးရိမ်တဲ့ အကြောင်း သမ္မတ ဦးသိန်းစိန်ကို ထုတ်ဖော်ပြောဆို ခဲ့တယ်လို့ အင်ဒိုနီးရှား နိုင်ငံခြားရေးဝန်ကြီး မာတီ နာတာလေဂါဝါက ပြောဆိုကြောင်း AP သတင်းတစ်ပုဒ်မှာ ဖော်ပြထားပါတယ်။
ဘရူနိုင်းနိုင်ငံမှာကျင်းပနေတဲ့ အာဆီယံ နိုင်ငံခြားရေးဝန်ကြီးများ ညီလာခံပြင်ပမှာ အင်ဒိုနီးရှား နိုင်ငံခြားရေး ဝန်ကြီး မာတီ နာတာလေဂါဝါက သတင်းထောက်တွေကို ပြောလိုက်တာပါ။
ဒါ့အပြင် သမ္မတနှစ်ဦးဟာ မြန်မာ့ဒီမိုကရေစီ အသွင်ကူးပြောင်းရေး ဆောင်ရွက်မှုတွေ ကိုလည်း ဆွေးနွေး ခဲ့တယ်လို့ သူကပြောပါတယ်။ ဦးသိန်းစိန် အစိုးရဟာ အဓိကရုဏ်းတွေကို အကောင်းဆုံး နည်းလမ်းတွေနဲ့ ကြိုးစား ကိုင်တွယ်ဖြေရှင်းနေတယ်လို့ အင်ဒိုနီးရှား အနေနဲ့ ယုံကြည်ကြောင်းလည်း အင်ဒိုနီးရှား နိုင်ငံခြားရေး ဝန်ကြီး မာတီ နာတာလေဂါဝါက ဆက်လက်ပြောပါတယ်။
သမ္မတနှစ်ဦး မြန်မာနိုင်ငံမှာ တွေ့ဆုံခဲ့စဉ်က နှစ်နိုင်ငံကုန်သွယ်ရေးကိစ္စတွေ ဆွေးနွေးခဲ့သလို နားလည်မှု စာချွန်လွှာတွေ ရေးထိုး ခဲ့တယ်လို့သိရပါတယ်။ ဒီစာချုပ်အရ မြန်မာ့ ဆန်တွေကို အင်ဒိုနီးရှားက ဝယ်ယူမှာဖြစ်ပြီး၊ အင်ဒိုနီးရှားက ဓါတ်မြေသြဇာကို မြန်မာက ပြန်ဝယ်မှာဖြစ်ပါတယ်။ ဒါကြောင့် ဆန်တန်ချိန် ၃ သိန်း အင်ဒိုနီးရှားကို ရောင်းမယ်လို့ သိရပြီး၊ လာမယ့်နှစ်မှာ နှစ်နိုင်ငံ ကုန်သွယ်မှုပမာဏကို အမေရိကန်ဒေါ်လာ သန်း ၁ ထောင်ထိရောက်အောင် ဆောင်ရွက်သွားမယ်လို့သိရပါတယ်။
ဒီအတောအတွင်းမှာပဲ ထိုင်းဝန်ကြီးချုပ် မစ္စစ်ယင်းလပ်က မြန်မာသမ္မတ ဦးသိန်းစိန်ကို ဘရူနိုင်းနိုင်ငံမှာ ကျင်းပနေတဲ့ အာဆီယံညီလာခံပြင်ပမှာ ဒီကနေ့ သီးခြားတွေ့ဆုံမယ်လို့သိရပါတယ်။ အဲဒီတွေ့ဆုံပွဲမှာ ထိုင်းနိုင်ငံက တည်ဆောက်နေတဲ့ ထားဝယ်ရေနက်စီမံကိန်းကိစ္စနဲ့ ပတ်သက်ပြီး ဆွေးနွေးဖို့ရှိတယ်လို့ ထိုင်းနိုင်ငံခြားရေးဝန်ကြီးဌာန အမြဲတမ်းအတွင်းဝန် ဆီဟာဆက်ခ် ဖူဝမ်းကက်ခီယို (Sihasak Phuangketkeow)က ပြောပါတယ်။ ထားဝယ်ရေနက်စီမံကိန်းကို ထိုင်းနိုင်ငံအနောက်ဖက်ဒေသရဲ့ ပင်လယ်ထွက်ပေါက်အဖြစ် အသုံးပြုချင်နေတာဖြစ်ပါတယ်။ ဒီစီမံကိန်းအတွက် နည်းပညာကော်မတီတစ်ခုကိုလည်း ထိုင်းအစိုးရအဖွဲ့က မကြာသေးခင်က ဖွဲ့စည်းခွင့်ပြုခဲ့ပါတယ်။
Ref: RFA News
Wednesday, April 24, 2013
ပြည်မြို့ လူသတ်မှု မသင်္ကာသူ ၂ ဦး ဖမ်းမိ၊ တဦး လွတ်နေ
ကောင်းမြတ်မင်း
April 24, 2013
ယမန်နေ့ည ၉ နာရီခန့်က ပြည်မြို့ ဆင်စုရပ်ကွက်အနီး ဧရာဝတီ မြစ်သောင်ပြင်ပေါ် (နဝဒေးတံတားအောက်) တွင် ချိန်းတွေ့နေသည့် သမီးရည်းစား စုံတွဲအား လူ ၃ ဦးမှ ပစ္စည်းယူ လူသတ်မှုဖြစ်ခဲ့ရာ မသင်္ကာသူ ၂ ဦးကို ဖမ်းဆီးမိရာ တပ်မတော်သားများဖြစ်နေကြောင်း သိရသည်။
ဧရာဝတီမှ စုံစမ်းသိရှိရသလောက် ချိန်းတွေ့နေသည့် သမီးရည်းစားစုံတွဲမှ အသက် ၂၁ နှစ်အရွယ် အမျိုးသား သေဆုံးခဲ့ရပြီး အသတ် ခံရသော်လည်း မသေဘဲ လွတ်မြောက်လာသူ အမျိုးသမီး၏ အကူအညီ တောင်းခံရမှုကြောင့် အရပ်သားများက ကျူးလွန်သူများကို ဝိုင်းဝန်း ဖမ်းဆီးခဲ့ရာ ကျူးလွန်သူ ၂ ဦးကို လက်ရဖမ်းဆီးမိခဲ့ကြောင်း သိရသည်။
“အင်္ကျီချွတ်နဲ့ လူသုံးယောက် ပထမတခါ မီးခြစ် လာငှားတယ်။ နောက်တခါ ကျတော့ ဘာမှမပြောဘဲ ကျမကို နောက်ကျော ကနေ သိုင်းဖက်၊ လည်းပင်းညှစ်ပြီး အနိုင် ကျင့်တော့တာပဲ။ မျက်နှာနဲ့ ခေါင်းကို လက်သီးနဲ့ ထိုးတယ်။ ပြီးတော့ ကျမပေါင်ကို ဖိထိုင်ပြီး လည်ပင်းညှစ်တော့ ကျမလည်း အသတ်ရှုကျပ်လို့ အသက်မရှုတော့ဘဲ သေချင်ယောင်ဆောင် လိုက်တယ်။ သေပြီထင်လို့ ကျမ ပိုက်ဆံအိတ်နဲ့ လက်စွပ်ကို ဖြုတ်ယူ သွားတယ်။ အခြေအနေကြည့်ပြီး View Point က ဆိုင်ကယ်အပ် လက်ခံတဲ့ အန်တီကြီးကို အရင်ဆုံး အကူအညီတောင်းခဲ့ ရတာပါ” ဟု ပြည်မြို့ ပြည်သူ့ဆေးရုံကြီးတွင် ဆေးကုသမှု ခံယူနေရသော အမျိုးသမီးဖြစ်သူက ဧရာဝတီသို့ပြောသည်။
ဆင်စုရပ်ကွက်တွင် နေထိုင်သူများက သွေးသန်ရဲရဲဖြင့် ရောက်လာသည့် မိန်းခလေး၏ ငိုယို အကူအညီတောင်းမှုကြောင့် ဆေးရုံပို့ခဲ့ပြီး ကျူးလွန် သူများအား ၀ိုင်းဝန်း ရှာဖွေစဉ် ကိုင်းတောထဲမှ တက်လာသူ ၂ ဦးကို တွေ့ရှိခဲ့ကြောင်း၊ ထို့နောက် ဧရာဝတီမြစ်ကမ်းစပ်တွင် လည်ပင်းနှင့် မျက်နှာတွင် အညိုအမည်း ဒဏ်ရာများနှင့် သေဆုံးနေသည့် အမျိုးသားဖြစ်သူကို တွေ့ရှိရပြီး ဆေးရုံသို့ ထပ်မံ ပို့ဆောင်ခဲ့ကြောင်း လိုက်လံ ကူညီသူ တဦးဖြစ်သည့် ကိုထိုက်က ရှင်းပြသည်။
လက်ရဖမ်းဆီးမိသူ နှစ်ဦးသည် ပြည်မြို့ အခြေစိုက် ခရလ ၇၅ မှ တပ်သားများ ဖြစ်ကြောင်း၊ အခင်းဖြစ်ပွားရာ နေရာနှင့် မနီးမဝေး ရန်ကုန် – ပြည် ကားလမ်းပေါ်တွင် ဒုရဲအုပ် စန်းဦးထံ အရပ်သားများမှ အပ်နှံခဲ့ပြီး ၎င်းမှ ထပ်မံ၍ ခရလ ၇၅ မှ ဗိုလ်ကြီး မင်းသူအောင်ထံ လွှဲပြောင်းပေးခဲ့ကြောင်းနှင့် ပ/ ၂၉၄ ပြစ်မှုဆိုင်ရာ ဥပဒေပုဒ်မ ၃၀၂ နှင့် ၃၂၅ အရ အမှုဖွှင့်ထားကာ ကျူးလွန်သူ ၃ ဦးအနက် ထွက်ပြေး လွတ်မြောက်သွားသူ မည်သူမည်ဝါ ဖြစ်သည်ကို စစ်ဆေးလျှက်ရှိကြောင်း ပြည်မြို့နယ် ရဲမှူး ဦးမြင့်ဦးကပြောသည်။
“ကောင်လေးက သေသွားတော့ ပုဒ်မ ၃၀၂ လူသတ်မှုပေါ့၊ နောက်တခုက ၃၂၅၊ လောလောဆယ် အမှု နှစ်ခုနဲ့ ဖွင့်ထားတယ်။ တခြား ပုဒ်မတွေလည်း ထပ်တိုးလာစရာ ရှိနိုင်ပါသေးတယ်။ တရားခံတွေ လက်ရဖမ်းဆီးမိခဲ့တာ ဆိုတော့ ထိထိရောက်ရောက် အရေးယူသွားမှာပါ” ဟု ရဲမှူးက ဆက်လက်ပြောကြားသည်။
ကျူးလွန်သူများအား ဒုရဲအုပ် စန်းဦးလက်သို့ အရပ်သားများ လွှဲပြောင်းပေးစဉ် လူစုခွဲကြရန်နှင့် ၎င်းက “မဖြစ်စလောက် ပြဿနာကို ဘာလို့ ဒီလောက် လူစုနေကြတာလဲ” ဟုပြောဆိုခဲ့ခြင်းနှင့် ဗိုလ်ကြီးမင်းသူအောင်ထံ ထပ်ဆင့် လွှဲပြောင်း ပေးခဲ့သည်အပေါ် မကျေနပ်ကြသော အရပ်သား ၅၀ ခန့်တို့သည် ပြည်မြို့အမှတ် ၂ ရဲစခန်းကို သွားရောက် စုံစမ်း မေးမြန်းမှုများ ပြုလုပ်ခဲ့ကြကြောင်း သိရသည်။
ကျူးလွန်သူများသည် တပ်မတော်သားများ ဖြစ်သောကြောင့် တပ်ဥပဒေနှင့်အညီ ဗိုလ်ကြီး မင်းသူအောင်ကို လွှဲပြောင်း ပေးအပ်ရခြင်းဖြစ်ပြီး ၎င်းကျူးလွန်သူများသည် လက်ရှိ တပ်အချုပ်ထဲတွင် ရှိကြောင်း၊ ဒုရဲအုပ် စန်းဦးအနေဖြင့် ကျူးလွန်သူ တပ်သားများကို တပ်ကို လွှဲပြောင်း ပေးပိုင်ခွင့် ရှိကြောင်း၊ ရဲအရေးပိုင်၍ အမှုဖွင့်ထားကာ ထိုသူများကို အရပ်ဘက်သို့ လွှဲပြောင်းစေပြီး တရားစွဲသွားမည်ဖြစ်ကြောင်း၊ ဒုရဲအုပ် စန်းဦး၏ ပြောစကားအပေါ် စိတ်မခုကြစေရန်နှင့် ၎င်း၏ ပြောဆိုမှုအပေါ် သင်ခန်းစာအဖြစ် မှတ်ယူသွားမည်ဖြစ်ကြောင်း ပြည်မြို့နယ် ရဲတပ်ဖွဲ့မှူး ဦးမြင့်ဦးက အရပ်သားများအား ပြန်လည် ပြောဆိုခဲ့သည်။
Ref: ဧရာဝတီ
မြန်မာဒဏ်ခတ်ပိတ်ဆို့မှု EUရုပ်သိမ်းမှုအပေါ် နိုင်ငံတကာတုံ့ပြန်
ကိုအောင်လွင်ဦး
23.04.2013
မြန်မာနိုင်ငံအပေါ် အရေးယူ ဒဏ်ခတ်မှုတွေကို အပြီးသတ် ဖယ်ရှားဖို့ ဥရောပသမဂ္ဂ (EU) က ဆုံးဖြတ်လိုက်တဲ့ အပေါ်မှာတော့ သတင်းကောင်း အဖြစ် အစိုးရ တာဝန်ရှိသူတွေ၊ စီးပွားရေး လုပ်ငန်းရှင်တွေ ကြိုဆို လိုက်ကြပါတယ်။ အပြောင်းအလဲတွေ တွေ့မြင်နေရပေမဲ့ လူ့အခွင့်အရေး အခြေအနေတွေ တိုးတက်မှု မရှိသေးတာကြောင့် သတိထား စောင့်ကြည့်သင့်တယ်လို့ တက်ကြွသူတွေနဲ့ လူ့အခွင့်အရေး လှုပ်ရှားသူတွေ ဝေဖန်နေချိန်မှာပဲ EU ရဲ့ ဆုံးဖြတ်ချက် ထွက်ပေါ်လာတာပါ။ ဒဏ်ခတ်မှုတွေ ဖယ်ရှားလိုက်တဲ့ အပေါ် တုံ့ပြန်မှုတွေကိုတော့ ကိုအောင်လွင်ဦး က တင်ပြထားပါတယ်။
နိုင်ငံရေး အပြောင်းအလဲတွေ သိသိသာသာ တွေ့မြင်လာရတဲ့အတွက် ဒဏ်ခတ်မှုတွေ ဆိုင်းငံ့ ထားရာက အပြီးတိုင် ဖယ်ရှားဖို့ ဥရောပသမဂ္ဂ (EU) က ကြေညာလိုက် အပြီး နောက်တနေ့မှာပဲ ဆုံးဖြတ်ချက်ကို ကြိုဆိုတဲ့ အကြောင်း မြန်မာအစိုးရ နိုင်ငံခြားရေး ၀န်ကြီးဌာနက ကြေညာချက် ထုတ်ပြန်လိုက်တာ ဖြစ်ပါတယ်။
EU ရဲ့ ဆုံးဖြတ်ချက်ဟာ မြန်မာအစိုးရရဲ့ ၂ နှစ်အတွင်း ပြုပြင်ပြောင်းလဲမှုတွေကို အသိအမှတ်ပြုရာ ရောက်သလို၊ ရှေ့ဆက်ဆောင်ရွက်ဖို့ အားပေးရာ ရောက်တဲ့အကြောင်း ကြေညာချက်က ဖော်ပြခဲ့တာပါ။ မြန်မာနိုင်ငံလည်း အသင်းဝင်ဖြစ်တဲ့ အရှေ့တောင်အာရှ နိုင်ငံများအသင်း (ASEAN) ရဲ့ အစည်းအဝေးပွဲအတွက် ဘရူနိုင်းနိုင်ငံကို ရောက်ရှိနေတဲ့ အာဆီယံရေးရာဌာန ညွှန်ကြားရေးမှူးချုပ် ဦးအောင်လင်း ကတော့ EU ရဲ့ ရပ်တည်ချက်ဟာ မြန်မာနိုင်ငံက အခြေအနေတွေကို ထင်ဟပ်နေတယ်လို့ ပြောပါတယ်။
“EU ရဲ့ ဆုံးဖြတ်ချက်က ကြိုဆိုရမယ့် ဖြစ်ထွန်းမှု တခုပါ။ ကျနော်တို့ ပြုပြင်ပြောင်းလဲရေး လုပ်ငန်းစဉ် စကတည်းက ဒါကိုလည်း မျှော်လင့် ထားပါတယ်။ ကျနော်တို့ တိုင်းပြည်က ဖြစ်ထွန်းမှုတွေကို အသိအမှတ်ပြုတဲ့ တခြား အလားတူ ဆောင်ရွက်မှုတွေကိုလည်း EU က လုပ်လာမယ်လို့ ကျနော်တို့ ယုံကြည်ထားပါတယ်”
EU က လူ့အခွင့်အရေးနဲ့ နိုင်ငံရေး တိုးတက်မှုတွေ မရှိဘူးဆိုပြီး ဒဏ်ခတ်မှုတွေ ချမှတ်ထားပေမဲ့ ပြီးခဲ့တဲ့နှစ်ကစလို့ အရေးယူ ထားတာတွေကို ဆိုင်းငံ့ထားခဲ့တာပါ။ အခုနောက်ဆုံး ဘယ်လ်ဂျီယံနိုင်ငံက နိုင်ငံခြားရေး ၀န်ကြီးတွေရဲ့ အစည်းအဝေးမှာတော့ လက်နက် အရောင်းအ၀ယ်က လွဲလို့ ဒဏ်ခတ် ထားတာတွေကို ဖယ်ရှားဖို့ ဆုံးဖြတ်လိုက်တဲ့ အတွက် အဖွဲ့ဝင် ၂၇ နိုင်ငံပါဝင်တဲ့ EU နဲ့ မြန်မာနိုင်ငံကြား ဆက်ဆံရေးတွေ တိုးတက်လာဖို့ မျှော်လင့်ကြောင်းလည်း မြန်မာနိုင်ငံခြားရေး ၀န်ကြီးဌာနက ပြောပါတယ်။
ဒါပေမဲ့လည်း မကြာသေးခင်တုန်းက လူမျိုးရေး၊ ဘာသာရေး အခြေခံတဲ့ သွေးထွက်သံယို ပဋိပက္ခတွေ ဖြစ်ပွားခဲ့တာ၊ တိုင်းရင်းသား လက်နက်ကိုင်တွေနဲ့ ပြေလည်မှု မရသေးတာတွေလို လူ့အခွင့်အရေး ပြဿနာတွေ ရှိနေဆဲ ဖြစ်တဲ့အတွက် လျှော့ပေါ့မှုတွေ လုပ်ဖို့ အချိန်မတန်သေးဘူးလို့ တက်ကြွသူတွေ၊ လူ့အခွင့်အရေး လှုပ်ရှားသူတွေက သတိပေးနေတာပါ။
အာဆီယံရေးရာ မြန်မာအရာရှိ ဦးအောင်လင်း ကတော့ ပြုပြင်ပြောင်းလဲမှုတွေ အတွက် ရှေ့ဆက် ဆောင်ရွက်ရမှာတွေ အများအပြား ရှိနေတယ် ဆိုတာကို အသိအမှတ်ပြု ပြောသွားပါတယ်။
“ကျနော်တို့အနေနဲ့ EU နဲ့ လက်တွဲပြီး ကြိုးစားလုပ်ရမှာတွေ အများအပြား ရှိပါတယ်။ အခုကတော့ အင်မတန်မှ ကောင်းတဲ့ အစတခုပါ။”
EU အနေနဲ့ အရင်က ပိတ်ပင် တားမြစ်ချက်တွေကို ဖယ်ရှားပေးလိုက်တဲ့အတွက် စီးပွားရေး အလားအလာတွေ ထွက်ပေါ်လာမယ်လို့လည်း ပြည်တွင်းပြည်ပက စီးပွားရေးသမားတွေ မျှော်လင့်နေကြတာပါ။
ဂျာမဏီနိုင်ငံက ဘဏ္ဍာရေး ၀န်ဆောင်မှု လုပ်ငန်းတခုဖြစ်တဲ့ Kanz Financial Holding က စီးပွာရေး အကြံပေးပုဂ္ဂိုလ် မားကတ်စ် ကန့်ဇ် (Markus Kanz) ကတော့ EU ရဲ့ ဆုံးဖြတ်ချက်ကြောင့် စီးပွားရေးအတွက် သာမက တခြား အခွင့်အလန်းတွေပါ ပေါ်ပေါက်လာနိုင်တယ်လို့ မြင်ပါတယ်။
“အလုပ်သမားတွေအတွက် အခြေအနေကောင်းတွေ ပေါ်ပေါက်လာပြီး၊ ကလေး အလုပ်သမား မရှိတော့တာမျိုး၊ ဒါမှမဟုတ် ကလေးတွေ ကျောင်းတက်ရင်း အလုပ်လုပ်နိုင်အောင် လေ့ကျင့်ပေးတာမျိုးတွေ လုပ်နိုင်ပါတယ်။ ဂျာမဏီမှာလို ကျောင်းနဲ့အလုပ် ပေါင်းစပ်ထားတဲ့ စနစ်မျိုး ရှိဖို့ ကောင်းပါတယ်။ နောက်ဆုံးအနေနဲ့ကတော့ အားလုံးအတွက် ကောင်းပါတယ်။ ဒါက လုပ်ငန်းရှင်တွေ အတွက်ရော၊ ဒီမှာရှိတဲ့ လူထုအတွက်ပါ ၂ ဘက်စလုံး အကျိုးရှိတဲ့ကိစ္စပါ။”
ဥရောပသမဂ္ဂ (EU) နဲ့ အမေရိကန် ပြည်ထောင်စု အပါအ၀င် အနောက်နိုင်ငံတွေ မြန်မာအစိုးရအပေါ် အရေးယူ ဒဏ်ခတ်မှုတွေ ချမှတ်ထားတဲ့အတွက် မြန်မာအစိုးရရဲ့ စီးပွားရေးနဲ့ ကုန်သွယ်မှုတွေမှာ ထိခိုက်မှုတွေ ဖြစ်ရတယ်လို့ ဝေဖန်တာတွေလည်း ရှိခဲ့တာပါ။
ဒီအထဲမှာ အထိနာခဲ့တဲ့ ကုန်ထုတ်လုပ်ငန်းတခုဖြစ်တဲ့ မြန်မာနိုင်ငံက အထည်ချုပ် လုပ်ငန်းမှာ ဆိုရင်လည်း ဒဏ်ခတ်မှုတွေ ဖယ်ရှားပေးလိုက်တဲ့အတွက် လုပ်ငန်းတွေ ပြန်လည် ဦးမော့လာမယ်လို့ မျှော်လင့်နေကြပါတယ်။ မြန်မာနိုင်ငံ အထည်ချုပ် လုပ်ငန်းရှင်များအသင်း ဥက္ကဋ္ဌ ဦးမြင့်စိုး ကတော့ အထည်ချုပ်စက်ရုံတွေကို ရာဂဏန်းနဲ့ချီ တိုးချဲ့ပြီး အလုပ်အကိုင်ပေါင်း ၂ သိန်းလောက်အထိ ဖန်တီးနိုင်မယ်လို့ ခန့်မှန်းထားတဲ့အကြောင်း ပြောပါတယ်။
“European ကော်မရှင်ကနေပြီးတော့ ပိတ်ဆို့မှုတွေ ဖွင့်ပေးလိုက်တဲ့အခါမှာ ကျနော်တို့ရဲ့ အထည်ချုပ်လုပ်ငန်းတွေမှာ ဥရောပဈေးကွက်တွေကို ပိုပြီးတော့ ကျနော်တို့ ပို့နိုင်တော့မယ်။ ပိုပြီးတော့ ဥရောပနိုင်ငံတွေက ရင်းနှီးမြှုပ်နှံမှုတွေကလည်း ကျနော်တို့ဆီကို ပိုဝင်လာမယ်။”
EU ရဲ့ အခုနောက်ဆုံး ဆုံးဖြတ်ချက်ကြောင့် အလားတူ ဒဏ်ခတ်မှုတွေကို ဆိုင်းငံ့ ဖယ်ရှားပေးထားတဲ့ အမေရိကန် ပြည်ထောင်စုအနေနဲ့လည်း နောက်ထပ်
လျှော့ပေါ့ပေးဖို့ ဖိအားပေးတဲ့ အခြေအနေမျိုး ပေါ်ပေါက်လာနိုင်တယ်လို့ ဆန်းစစ်သူတွေက မြင်နေကြတာပါ။
ဒါပေမဲ့လည်း အမေရိကန်ရဲ့ ဒဏ်ခတ်မှုတွေမှာ ဥပဒေအဖြစ် ပြဋ္ဌာန်း တားမြစ်ထားတာတွေလည်း ပါဝင်နေတဲ့အတွက် လျှော့ပေါ့မှုတွေ လုပ်ဆောင်ဖို့ အတွက်ကတော့ ချက်ခြင်းလက်ငင်း ဖြစ်လာဦးမှာ မဟုတ်သေးဘူးလို့လည်း တွက်ဆနေကြတာ ဖြစ်ပါတယ်။
Ref: VOA News
EU ပိတ်ဆို့မှုတွေ ရုတ်သိမ်းပေးတဲ့ အပေါ် မြန်မာအစိုးရ ကြိုဆို
2013-04-24
မြန်မာနိုင်ငံအပေါ် လက်နက်အရောင်းအ၀ယ်ကလွဲပြီး ကျန်တဲ့ပိတ်ဆို့ အရေးယူ ထားတာတွေ အားလုံးကို EU ဥရောပ သမဂ္ဂက လုံးဝ ရုတ်သိမ်းပေးလိုက်တဲ့ အတွက် မြန်မာ အစိုးရက ကြိုဆို ဂုဏ်ပြုလိုက်ပြီး၊ ပြုပြင်ပြောင်းလဲမှုတွေနဲ့ အတူ ဒီမိုကရေစီ လမ်းကြောင်းကို ဆက်လက်လျှောက်လှမ်း သွားမယ်လို့ ကတိပြုပြောဆို လိုက်ပါတယ်။
ဘရူနိုင်းနိုင်ငံမြို့တော် ဘန်ဒါဆရီဘီဂါဝမ်မှာ ကျင်းပနေတဲ့ အာဆီယံညီလာခံပြင်ပမှာ မြန်မာ သံအမတ်ကြီး ဦးအောင်လင်းက
"EU က ပိတ်ဆို့မှုတွေ ရုတ်သိမ်းလိုက်တာဟာ မြန်မာအတွက် အင်မတန် အစကောင်းပါတယ်၊ မြန်မာနိုင်ငံမှာ ဆက်လက်ဆောင်ရွက်စရာတွေ အများကြီး ရှိနေပါသေးတယ်၊ ရှေ့နှစ်မှာ အာဆီယံ ဥက္ကဌ တာဝန် ယူရတော့မယ့် မြန်မာနိုင်ငံဟာ ပြုပြင်ပြောင်းလဲရေးတွေနဲ့ ပတ်သက်ပြီး ဘယ်လောက် အလေးအနက် ရှိသလဲဆိုတာ နိုင်ငံတကာကို ပြသမှာပါ၊ အထူးသဖြင့် လူမှုစီးပွား ကဏ္ဍတွေမှာ ပြုပြင်ပြောင်းလဲမှုတွေ တပုံတပင်ဖြစ်လာတာကို တွေ့ကြရမှာပါ" လို့ သတင်းထောက်တွေကို ပြောကြားခဲ့ပါတယ်။
EU ဟာ မြန်မာအပေါ် ပိတ်ဆို့မှုတွေ ရုတ်သိမ်းပေးဖို့ အချိန် မတန်သေးဘူးလို့ HRW လူ့အခွင့်အရေး အဖွဲ့က ဝေဖန်ခဲ့ပါတယ်။ EU နိုင်ငံခြားရေး မူဝါဒဆိုင်ရာ အကြီးအကဲ ကက်သရင်း အက်ရှတန် ကတော့
"မြန်မာနိုင်ငံမှာ လူ့အခွင့်အရေး၊ ဒီမိုကရေစီ၊ ဆင်းရဲမွဲတေမှုတိုက်ဖျက်ရေး၊ ငြိမ်းချမ်းရေးစတဲ့ ပြီးမြောက်အောင်မြင်အောင် ဆောင်ရွက်ရမှာတွေ ရှိနေသေးတာကိုသိပါတယ်၊ ဒီပြဿနာတွေကို မိမိတို့လျော့တွက်မထားပါဘူး"
လို့ ပြောဆိုခဲ့ပါတယ်။
အမေရိကန်ပြည်ထောင်စုဟာလည်း ပြီးခဲ့တဲ့နှစ်ကစလို့ မြန်မာအပေါ် ပိတ်ဆို့မှုတွေ ဆိုင်းငံထားတာပါ။ ဒါပေမဲ့ အမေရိကန်ဟာ ပိတ်ဆို့မှုတွေကို ချက်ခြင်းပြန်ရုပ်ဦးမယ့် အရိပ်လက္ခဏာ မပြသေးပါဘူး။ ဒီကိစ္စနဲ့ ပတ်သက်ပြီး မနေ့ကကျင်းပခဲ့တဲ့ အမေရိကန် နိုင်ငံခြားရေးဝန်ကြီးဌာန ပုံမှန်သတင်းစာရှင်းလင်းပွဲမှာ ယာယီလက်ထောက်ပြောခွင့်ရပုဂ္ဂိုလ် Patrick Ventrell က
"အမေရိကန်ပြည်ထောင်စုမှာ စံချိန်စံညွှန်း တိုင်းတာချိန်ကိုက်ရေး မူဝါဒရှိပါတယ်၊ ဒီမူဝါဒအရ ပိတ်ဆို့အရေးယူထားတာတွေဟာ အသက်ဝင်မြဲဝင်နေပြီး၊ မြန်မာနိုင်ငံတွင်း ပြုပြင်ပြောင်းလဲမှုတွေ ဆက်လက်တိုးတက်နေအောင် တွန်းအားပေးနေမှာ ဖြစ်ပါတယ်" လို့ ပြောကြားခဲ့ပါတယ်။
ဒါ့ပြင် လတ်တလော နိုင်ငံရေးအကျဉ်းသားတွေ ပြန်လွတ်လာတဲ့အပေါ် ကြိုဆိုလိုက်ပြီး၊ ကျန်ရှိသမျှအားလုံး ခြွင်းချက်မရှိ ပြန်လွှတ်ပေးဖို့လည်း တိုက်တွန်းလိုက်ပါတယ်။
Ref: RFA News
ကော်မရှင် စုံစမ်းထားတဲ့ “ဒေါက်တာဆိတ်ဖွား” ကို လွှတ်တော်က ဆုံးဖြတ်မည်ဟု ခန့်မှန်း
မင်းမင်း
အင်္ဂါနေ့၊ ဧပြီလ ၂၃ ရက် ၂၀၁၃
ရန်ကုန်(မဇ္ဈိမ)။ ။ လွှတ်တော်ကို ဝေဖန်ထားသည့် ကလောင်ပိုင်ရှင် ဒေါက်တာ ဆိတ်ဖွား ဆိုသူမှာ မည်သူမည်ဝါ ဖြစ်သည်ကို စုံစမ်း စစ်ဆေးရေး ကော်မရှင်က သိရှိပြီးဖြစ်ပြီး ထိုသူကို လွှတ်တော်ပြန်စသည့် ဇွန်လကုန်တွင် ဆုံးဖြတ်မည်ဟု ခန့်မှန်းကြောင်း အဆိုပါ ကော်မရှင်အဖွဲ့ဝင် ဦးဖုန်းမြင့်အောင်က မဇ္ဈိမကို ပြောသည်။
သူက “အစီရင်ခံစာကို လွှတ်တော်ကို တင်ပြထားပါတယ်။ ဘယ်သူဆိုတာကို ပြည်ထောင်စု လွှတ်တော် နာယကနဲ့ လွှတ်တော်က ဆုံးဖြတ်မှာပေါ့။ ဇွန်လကုန်လောက်မှာ ထုတ်ပြန်မယ်ထင်တယ်” ဟု ပြောသည်။
ဒေါက်တာဆိတ်ဖွား မည်သူမည်ဝါဖြစ်သည်ကို အတိအကျမပြောသော်လည်း “ကိုယ်ပိုင်ဥာဏ်နဲ့ ဆုံးဖြတ်လို့ ရနေပါပြီ” ဟု ဦးဖုန်းမြင့်အောင်က ဆိုသည်။ “ဥပဒေ အထက်တွင် လွှတ်တော်ရှိသလား” ဆိုသည့် ဆောင်းပါးတိုကို Voice of Myanmar ဟုအမည်ရသည့် အင်တာနက် ဘလော့ဂ်တွင် ဒေါက်တာဆိတ်ဖွား ကလောင်ဖြင့် ရေးသားသူကို ဖေါ်ထုတ်ပေးရန် ဇန်နဝါရီလ ၁၇ ရက်က ပြည်ထောင်စု လွှတ်တော်တွင် လွှတ်တော် အမတ် ဒေါက်တာစိုးရင်က အရေးကြီး အဆို တင်သွင်းခဲ့ပြီးနောက် ကော်မရှင်ဖွဲ့၍ စစ်ဆေးခဲ့ခြင်းဖြစ် သည်။
ဒေါက်တာဆိတ်ဖွားသည် သူ၏ဆောင်းပါးတွင် “လွှတ်တောင်ဥက္ကဌနှင့် အပေါင်းအပါများ” ဟူသည့် စကားလုံးကို သုံးနှုန်း ရေးသားခဲ့ခြင်းက အမတ်များကို တရားခံ အဖြစ် သုံးသည့် အသုံးအနှုန်းဖြင့် ရေးသားဝေဖန်သည်ဟု လွှတ်တော် အမတ်များ က ဆိုသည်။
စုံစမ်းစစ်ဆေးရေး ကော်မရှင်အနေဖြင့် ဆက်သွယ်ရေးဝန်ကြီးဌာန၊ သမ္မတရုံး၊ ပြန်ကြားရေး ဝန်ကြီး ဌာနမှ ဒုတိယ ဝန်ကြီးများ၊ တပ်မတော် ဆက်သွယ်ရေးတပ်မှ အရာရှိများနှင့် သတင်းမီဒီယာ အချို့တို့နှင့် ပူးပေါင်း စစ်ဆေးခဲ့ပြီးနောက် ဒေါက်တာဆိတ်ဖွားကို သိရှိခဲ့ခြင်းဖြစ်သည် ဟု ဦးဖုန်းမြင့်အောင်၏ ပြောဆိုချက်အရ သိရသည်။
“ဆက်ပြီးတော့ ဘယ်လိုအရေးယူမလဲ ဆိုတာကိုလည်း လွှတ်တော်ကပဲ ဆုံးဖြတ်လိမ့်မယ်။ တရားရုံးမှာတော့ ဥပဒေအရ ပြန်ပြီးတော့ ရင်ဆိုင်ရင် ရင်ဆိုင်မှာပေါ့” ဟုလည်း ဦးဖုန်းမြင့်အောင်ကပြောသည်။
အဆိုပါ ဒေါက်တာဆိတ်ဖွား စုံစမ်းစစ်ဆေးရေးကော်မရှင်တွင် အဖွဲ့ဝင် ၁၇ ဦးဖြင့် ဖေဖေါ်ဝါရီလ ၈ ရက်က စတင် ဖွဲ့စည်းခဲ့သည်။ ထိုကဲ့သို့ ဒေါက်တာဆိတ်ဖွား ကိစ္စကို စုံစမ်းဖေါ်ထုတ်ရန် လွှတ်တော်၏ ဆုံးဖြတ်ချက်နှင့် ပတ်သက်၍ အင်တာနက်တွင် ဝေဖန်မှုများရှိသလို နိုင်ငံရေးနယ်ပယ်တွင်လည်း လက်မခံမှုများ ရှိနေသည်။
Ref: မဇ္ဈိမ
သမ္မတအမိန့်နဲ့ အကျဉ်းသား ၉၀ ကျော်လွှတ်
2013-04-23
သမ္မတ ဦးသိန်းစိန်အမိန့်နဲ့ ပြစ်မှုဆိုင်ရာကျင့်ထုံး ဥပဒေအမှတ် ၄၀၁ အရ အကျဉ်းထောင် အသီးသီးမှာ ပြစ်ဒဏ် ကျခံနေရတဲ့ အကျဉ်းသား ၉၀ ကျော်ကို ဒီကနေ့ ညနေပိုင်းက ပြန်လွှတ်ပေး လိုက်တယ်လို့ သိရပါတယ်။
ရန်ကုန်တိုင်းဒေသကြီး၊ အင်းစိန် အကျဉ်းထောင်ကနေ အကျဉ်းသား ၈ ဦး လွှတ်မြောက် လာတယ်လို့ သိရပါတယ်။
အဲဒီအကျဉ်းသားတွေထဲမှာ လက်နက်သယ်ဆောင်မှုနဲ့ အဖမ်း ခံထားရတဲ့ ဝ လူမျိုး ၂ ဦး၊ ABSDF အဖွဲ့နဲ့ KNU ကို ဆက်သွယ်မှု ဗုံးဖောက်ခွဲရန် ကြံစည်မှုနဲ့ အဖမ်း ခံထားရတဲ့ ကိုရဲထက်စိုး၊ ဗုံးဖောက်ခွဲရန် ကြံစည်မှုနဲ့ အဖမ်း ခံထားရတဲ့ စွမ်းအားမြှင့် ကျောင်းသားများ တပ်ဖွဲ့မှ ကိုနေမျိုးသူရအောင် အပါအဝင် နိုင်ငံရေး အကျဉ်းသား ၆ ဦး ပါဝင်တယ်လို့ သိရပါတယ်။
အလားတူ သာယာဝတီ အကျဉ်းထောင်ကနေလည်း လက်ရှိအချိန်ထိ အကျဉ်းသား ၄၀ ကျော် လွတ်မြောက် လာပေမယ့် နိုင်ငံရေး အကျဉ်းသား ၂ ဦးပဲ ပါတယ်လို့ နိုင်ငံရေး အကျဉ်းသားများ ကူညီစောင့်ရှောက်ရေး အသင်းက ကိုထွန်းကြည်က အခုလို ပြောပါတယ်။
"သာယာဝတီထောင်က အခုချိန်ထိ သိရသလောက်ကတော့ ၄၃ ယောက်မှာ နိုင်ငံရေး အကျဉ်းသား ၂ ယောက်ပဲ လောလောဆယ် ပါသေးတယ်"
ဆက်လက်ပြီး မန္တလေးမြို့၊ အိုးဘို အကျဉ်းထောင်ကနေ ပုဒ်မ ၁၇/၁ နဲ့ ထောင်ဒဏ် ၁၃ နှစ် ကျခံ ထားရတဲ့ မိုင်းရယ်မြို့နေ စိုင်းလဟန်၊ ပုဒ်မ လန ၁၂၅ နဲ့ ထောင်ဒဏ် အနှစ် ၂၀ ကျခံနေရသူ တမူးမြို့နေ မပါးလ်ထွေး (ခ) မအေးထွေးတို့ ၂ ဦး ပြန်လည် လွတ်မြောက် လာတယ်လို့ သိရှိရပါတယ်။
မြစ်ကြီးနား အကျဉ်းထောင်ကနေလည်း မတရားအသင်း ဆက်သွယ်မှု ပုဒ်မ ၁၇/၁ နဲ့ အကျဉ်းကျ ခံနေရတဲ့ ကိုဆင်ရောင်၊ ကိုဘောက်လွန်၊ ကိုရွှေဝင်း၊ ကိုနော်ဒွဲ၊ ကိုရဲမင်းတို့လည်း ပြန်လည် လွတ်မြောက်လာတယ်လို့ သိရပါတယ်။
လက်ရှိ သတင်းထုတ်လွင့်နေဆဲ အချိန်ထိ အကျဉ်းသားများ လွတ်မြောက်မှု ရှိနေဆဲ ဖြစ်တဲ့အတွက် စာရင်း အတိအကျ မသိရှိရသေးကြောင်း၊ RFA သတင်းဌာနအနေနဲ့ ဆက်လက် စုံစမ်းနေဆဲ ဖြစ်ပါတယ်။
Ref: RFA News
စေတီပုံပါ အထည်စများ ရောင်းချခဲ့သော အထည်ဆိုင် ပိတ်သိမ်းထားရ
ဖိုးစိုးသူ
အင်္ဂါနေ့၊ ဧပြီလ ၂၃ ရက် ၂၀၁၃
ရန်ကုန် (မဇ္ဈိမ)။ ။ ဗုဒ္ဓဘာသာ စေတီပုံပါ ပိတ်ထည်စများ ရောင်းချမိ၍ ရန်ကုန်မြို့၊ မင်္ဂလာဈေး အတွင်းရှိ မေခလာသိန်း အထည်ဆိုင်ကို ဆက်လက်ရောင်းချခြင်း မပြုရဲတော့ဘဲ ပိတ်ထားရကြောင်း အထည်ဆိုင် ပိုင်ရှင် ဦးကျော်လှိုင်သိန်း က ယနေ့ပြုလုပ်သော သတင်းစာ ရှင်းလင်းပွဲတွင် ပြောကြား သွားသည်။
“ဆိုင်ပိတ်ထားရတယ် အခု အန္တရာယ်ရှိလာပြီ။ ဂျာနယ် တချို့မှာက ထမီစတွေ ထုတ်လုပ် ရောင်းချတဲ့ ပုံစံမျိုးတွေ ရေးလာတဲ့ အတွက် ကျနော်တို့ ငယ်ငယ် ကတည်းက ရောင်းလာခဲ့တဲ့ အထည်ဆိုင်ကို ပိတ်ရတဲ့ အဆင့်
ရောက်နေပြီ။ ဘာသာရေး စော်ကားတဲ့ အလုပ်မျိုး ဘယ်တော့မှ မလုပ်ပါဘူး။ ဒါကြောင့် ဒီပိတ်စတွေဟာ ကျနော်တို့ ထုတ်လုပ်တယ် ဆိုတဲ့ ပုံစံမျိုးတွေဟာ မဟုတ်ပါဘူး” ဟု ဦးကျော်လှိုင်ဦး က ငြင်းဆို။
ဧပြီလ ၁၁ ရက်နေ့က စေတီပုံပါ အထည်စများ ထိုဆိုင်မှ ဝယ်ယူမိသည့် ဇနီးမောင်နှံက တိုင်ကြား၍ အထည်ဆိုင်၊ ဂိုထောင်နှင့် ဆိုင်ရှင်၏ နေအိမ်သို့ မင်္ဂလာတောင်ညွှန့် ရဲစခန်းမှ လာရောက် ရှာဖွေ၍ အထည်များကို သိမ်းဆည်း သွားခဲ့သည်။
ပြည်တွင်းထုတ် သတင်းဂျာနယ်အချို့တွင် စေတီပုံ ရိုက်နှိပ်ထားသော အထည်စများ ရောင်းချနေသည်ဟု မျက်နှာဖုံး သတင်း အဖြစ် ပါရှိလာပြီးနောက် ဗဟန်းမြို့နယ်ရှိ တော်ဝင်နှင်းဆီ စားသောက်ဆိုင်တွင် မေခလာသိန်း အထည်ဆိုင်မှ သတင်း မီဒီယာများအား ခေါ်ယူရှင်းလင်း ပြောကြားခြင်း ဖြစ်သည်။
ထိုသို့ ဈေးကွက်များတွင် စေတီပုံပါသော အထည်စများ ရောင်းချမိခြင်းကြောင့် ရှိပြီး ပဋိပက္ခ အခြေအနေ များကို ပိုပြီး ကြီးထွားစေနိုင်ကြောင်း နိုင်ငံတော် သံဃာမဟာနာယက၊ ထေရဝါဒ ဓမ္မကွန်ယက် အကြံပေး ရှေ့နေ ဦးအေးပိုင် က ဆိုသည်။
“ဂျာနယ်တွေမှာ ဖော်ပြထားတဲ့ စေတီပုံ ပါတဲ့ အထည်စတွေက ယောက်ျားလေး ဝတ်တွေလည်း မဟုတ်ဘူး။ မိန်းကလေးတွေ ဝတ်လေ့ရှိတဲ့ ထမီ ပုံစံမျိုးတွေပဲဖြစ်တယ်။ ဒီဟာတွေကို ရောင်းရမယ် ဆိုပြီး နောက်ကနေ ကြိုးကိုင်တဲ့ အဖွဲ့စည်းတွေ ဘာတွေတော့ မရှိနိုင်ပါဘူး” ဟု ဦးအေးပိုင် က ခန့်မှန်းသည်။
ယင်းဖြစ်စဉ်များနှင့် ပါတ်သက်၍ ရွှေဝါရောင် သံဃာတော်များ ကွန်ယက် ဥက္ကဋ္ဌ ဆရာတော် ဦးပဏ္ဍဝံသ ကလည်း “အချိန်မီလည်း ထိန်းသိမ်းနိုင်ခဲ့တဲ့ အတွက် ဘာမှလည်း ပြဿနာ မဖြစ်ခဲ့ဘူး။ နောက်ပြီး ၂၀၀၇ ခုနှစ်၊ ရွှေဝါရောင် သံဃာ့အရေးအခင်း တုန်းကလည်း ဒီလိုပဲ စေတီပုံတွေ ပါတဲ့ အထည်စတွေ ပေါ်လာ ခဲ့ဖူးတယ်။ ဗုဒ္ဓနဲ့ ပတ်သက်တဲ့ ပုံတော်တွေ ရိုက်နှိပ် ထုတ်ဝေတာတွေနဲ့ ပါတ်သက်ပြီး ဥပဒေနဲ့ မကိုက်ညီရင် နိုင်ငံတော် သံဃာ့ မဟာ နာယက ကနေ အရေးယူဆောင်ရွက်ပါတယ်။ အခုကိစ္စမှာလည်း ဒီလိုပဲ ဆောင်ရွက် လိမ့်မယ်လို့ ဘုန်းကြီး ထင်တယ်” ဟု ယင်းစာနယ်ဇင်းရှင်းလင်းပွဲတွင် မိန့်ကြားသွားသည်။
လက်ရှိတွင် ဆိုင်ပိုင်ရှင် ဦးကျော်လှိုင်သိန်း အား သာသနာတော် ညှိုးနွမ်းစေမှုအဖြစ် ပုဒ်မ ၂၉၅ ဖြင့် မင်္ဂလာတောင်ညွှန့် ရဲစခန်းမှ အရေးယူထားပြီး အာမခံ ရရှိထားသည်။
Ref: မဇ္ဈိမ
မိတ္ထီလာမှာ လူသတ်မှုဖြင့် လူ ၇ ဦးကို တရားရုံးထုတ်
စနေလင်း
April 23, 2013
မိတ္ထီလာ အရေးအခင်းတွင် လူသတ်မှုအပါအဝင် ကြီးလေးသော ပြစ်ဒဏ်များ ကျခံနိုင်သည့် စွဲချက်များဖြင့် လူ ၇ ဦးကို စတင် ရုံးထုတ် စစ်ဆေးရာ လုံခြုံရေး တင်းကြပ်ထားပြီး သတင်း မီဒီယာများကို ကန့်သတ် ထားခဲ့သည်။
ထိုသူများကို လူသတ်မှု ပုဒ်မ ၃၀၂၊ တုတ်၊ ဓါး စသည်တို့ဖြင့် ထိခိုက် နာကျင်စေမှု ပုဒ်မ ၃၂၄၊ လူတစ်ဦးကို သေစေနိုင်သည် အထိ ထိခိုက် နာကျင်စေမှု ပုဒ်မ ၃၂၆၊ အဆောက်အဦးကို မီးလောင် ပျက်စီးနိုင်စေမှု ပုဒ်မ ၄၃၆၊ ပြစ်မှု ကျူးလွန်ရာ တွင် ၀ိုင်းဝန်းကူညီမှု ပုဒ်မ ၁၁၄ တို့ဖြင့် မိတ္ထီလာ အမှတ် ၂ ရဲစခန်းမှူးက တရားလိုပြုလုပ်ကာ တရားစွဲခဲ့ကြောင်း မိတ္ထီလာ အမှတ် ၂ ရဲစခန်းမှ တာဝန်ရှိသူ တစ်ဦးက ဧရာဝတီသို့ ပြောသည်။
အဆိုပါ အမှုတွင် သံသယရှိသူ ၇ ဦးကို ယနေ့တွင် ဆက်လက် တရားရုံးတင် စစ်ဆေးလျှက်ရှိပြီး တရားခံပြေး အဖြစ် သတ် မှတ်ထားသောသူ ၄ ဦးလည်း ပါဝင်ကြောင်း သိရသည်။
“ ဒီနေ့ညနေမှာလည်း ရုံးချိန်းထားတယ်။ သူတို့ကို အခုမှ စစ်ဆေးနေဆဲကာလဖြစ်တာကြောင့် အမှုသွား အမှုလာကိုတော့ အသေးစိတ် ပြောလို့ မရသေးပါဘူး။ သူတုိ့ အတွက်လည်း ရှေ့နေတွေ လိုက်ပေးနေပါတယ် ” ဟု ၎င်းက ဆိုသည်။
အဆိုပါ တရားစွဲဆိုခံထားရသူများမှာ မျိုးထွန်းထွန်း၊ ဖိုးချို၊ မျိုးညွန့်ဦး၊ ဇော်ထက်နိုင်၊ ညီညီနိုင်၊ မျိုးဝင်း(ခ)ဒါဂျိဂန်း၊ မြတ်ကို ကို(ခ)အဏ္ဏ၀ါတို့ဖြစ်ကြောင်း၊ လတ်ကျော်နိုင်၊ စည်သူ၊ မျိုးဝင်း(ခ)အဒူလမန်၊ ကိုဝင်း(ခ)ကျော်သူဝင်းတို့ကို တရားခံပြေးအ ဖြစ် သတ်မှတ်ထားကြောင်း မိတ္ထီလာခရိုင်ရဲတပ်ဖွဲ့မှ သိရသည်။
အထက်ဖော်ပြပါ တရားစွဲဆိုခံရသူများမှာ အစ္စလမ် ဘာသာဝင်များဖြစ်ပြီး မိတ္ထီလာ အဓိကရုဏ်းတွင် ဗုဒ္ဓဘာသာ ဘုန်းတော်ကြီး ဦးသောဘိတကို သတ်ဖြတ်သည်ဟု သင်္ကာမကင်း ခံရသူများ ဖြစ်ခြင်းကြောင့် တရားခွင် လုံခြုံရေး အထူး တင်းကြပ် ထားကြောင်းလည်း သိရသည်။
တရားခွင်သို့ စွပ်စွဲခံရသူများ၏ မိသားစုများပင် တက်ရောက်ခွင့် မရကြပေ။
အမှုနှင့်ပက်သက်ပြီး တရားရုံး၏ သုံးသပ်ချက်က အရေးကြီးကြောင်း၊ လူသတ်မှု ဆိုရာတွင် အရေးအခင်းတွင် လူသတ်မှုမျိုးလား၊ တမင် ရည်ရွယ်ချက် ရှိရှိဖြင့် လူသတ်မှုမျိုးလားကို တရားရုံး၏ သုံးသပ်ချက်ပေါ် မူတည်ပြီး ပြစ်ဒဏ်များ၏ ပမာဏ ကွာခြားနိုင်မည်ဖြစ်ကြောင်း ရှေ့နေများကွန်ယက်မှ ဦးအောင်သိန်းက ဧရာဝတီသို့ ပြောသည်။
“ လက်ရှိ တရားရုံးတင်တယ်ဆိုတော့ တရားဥပဒေကြောင်း အရ သွားတယ်လို့ပဲမြင်ပါတယ်။ ဘယ်လိုပြစ်ဒဏ်တွေပေးနိုင် မလဲက အမှုသွား အမှုလာကို သေချာ မသိတော့ မပြောနိုင်ဘူး။ တရားတယ်၊ မတရားဘူး ဆိုတာကတော့ တရားရုံးရဲ့ဆောင် ရွက်ချက်တွေကို စောင့်ကြည့်ရဦးမှာပေါ့ ” ဟု ၎င်းက ဆိုသည်။
ယမန်နေ့ တရားစတင်စွဲဆိုစဉ်ကလည်း ပြည်တွင်းဂျာနယ် ၂ ခုဖြစ်သည့် Eleven မီဒီယာ၊ The Voice သတင်းဌာနနှင့် အစိုးရ ပိုင်သတင်းဌာန တို့သာ ၀င်ခွင့်ပေးခဲ့သောကြောင့် တရားခွင် လွတ်လပ်မှု မရှိဟု ဝေဖန်ပြောဆိုနေကြသည်။
အစိုးရအနေဖြင့် လုံခြုံရေးအခြေအနေအရ တရားခွင်ကို ယခုလို စီစဉ်ခြင်းဖြစ်နိုင်ကြောင်း၊ အစိုးရမှ သတင်း ထုတ်ပြန်လိုက် လျှင်လည်း ပြီးမည်ဟု ယူဆသဖြင့် စတိသဘောမျိုးဖြင့် ပြည်တွင်းဂျာနယ် ၂ ခုကိုသာ တရားခွင်သို့ ၀င်ရောက်ခွင့်ပြုခဲ့သည့် သဘောရှိမည်ဟု မိမိထင်ကြောင်း Open ဂျာနယ် အယ်ဒီတာချုပ် ဦးသီဟစောက ပြောသည်။
“ သတင်းသမားတွေကတော့ ပွင့်လင်းမြင်သာမှု ရှိစေချင်တာပေါ့။ သူတို့ ဘက်ကလည်း လုံခြုံရေး အမြင်နဲ့ ကြည့်နေဦးမှာပဲ။ ဒီမိုကရေစီ ပီပီပြင်ပြင် မရသေးတဲ့ကာလမှာ အစိုးရဘက်က ဒီအမြင်တွေတော့ရှိနေဦးမှာပဲ ” ဟု ဦးသီဟစောက ဆိုသည်။
ယနေ့ နောက်ဆုံးအခြေအနေအရ မိတ္ထီလာအရေးအခင်းနှင့် ပတ်သက်ပြီး ဖမ်းဆီး ထားသော သူ ၇၀ မှ အမှုဖွင့် တရား စွဲဆို ထားသောသူ ၂၀ ကျော်ရှိပြီ ဖြစ်ကြောင်း သိရသည်။
မိတ္ထီလာမြို့တွင်းရှိ ဗုဒ္ဓဘာသာဝင်များကတော့ မူလအတိုင်း ရောင်းဝယ်ဖောက် ကားပြီး တည်ငြိမ်နေပြီဖြစ်သော်လည်း အစ္စလမ် ဘာသာဝင်များ၏ ဆိုင်များကတော့ ဖွင့်လှစ်နိုင်ခြင်း မရှိသေးကြောင်း မိတ္ထီလာဒေသခံများ ထံမှ သိရသည်။
ထို့အပြင် အစ္စလမ်ဘာသာဝင်များမှာ မိမိတို့နေရပ်သို့ပြန်ချင်နေပြီဖြစ်သော်လည်း လုံခြုံရေး အခြေအနေ အရ ပြန်လည် အခြေချခွင့်ကို သက်ဆိုင်ရာမှ ခွင့်မပြုသေးကြောင်း အစ္စလမ် သာသနာရေးကောင်စီ တွဲဘက် အတွင်းရေးမှူးချုပ် ဦးဝဏ္ဏရွှေက ပြောသည်။
“ကျနော့်အနေနဲ့တော့ အခု တရားစွဲတဲ့ အပေါ် ကျယ်ကျယ်လောင်လောင် မပြောချင်ဘူး။ အားလုံး ပြဿနာ မဖြစ်တာဘဲ လိုချင်တယ်။ ငြိမ်းငြိမ်းချမ်းချမ်းပဲ ဖြစ်စေချင်တယ်။ အခုချိန်ထိက ကျနော်တို့တွေ စိုးရိမ်မကင်းဖြစ်နေရတုန်းပဲ။ အစ္စလမ် ဘာသာနဲ့ ပက်သက်ပြီး ဆန့်ကျင်တာတွေကို ပြောနေကြတုန်း၊ ဆန့်ကျင်ဖို့ စည်းရုံးနေကြတုန်းမို့ စိုးရိမ်နေရပါတယ် ” ဟု ဆိုသည်။
Ref: ဧရာဝတီ
Monday, April 22, 2013
မစ္စတာ ရော့စ် ဒန်ကလေ ပြည်ပထွက်ခွာခွင့် အကြောင်းမဲ့ ပိတ်ပင်ခံရ
မန်းသားလေး
April 22, 2013
ရန်ကုန် အပြည်ပြည်ဆိုင်ရာ လေဆိပ်တွင် ပြီးခဲ့သည့် ဧပြီလ ၁၁ ရက်နေ့က The Myanmar Times ဂျာနယ်၏ မန်နေဂျင်း ဒါရိုက်တာ မစ္စတာ ရော့စ် ဒန်ကလေကို လေဆိပ်ရှိ လူဝင်မှု ကြီးကြပ်ရေးဌာနက တာဝန် ရှိသူများက ပြည်ပ ထွက်ခွာခွင့် တားမြစ်ခဲ့ကြောင်း သိရသည်။
ပြည်ပထွက်ခွာခွင့် တားမြစ်ရသည့် အကြောင်းရင်းကို ခိုင်လုံစွာ မသိရှိရဘဲ တားမြစ် ခံရခြင်း ဖြစ်ကြောင်း မစ္စတာရော့စ် ဒန်ကလေ၏ ပြောရေးဆိုခွင့်ရှိသူ တရားလွှတ်တော် ရှေ့နေ ဦးဝင်းဌေးက ဧရာဝတီသို့ ပြောသည်။
“ဗီဇာ ရရှိထားပြီးသားပါ။ လေဆိပ်ရောက်မှ လေဆိပ် လ၀က အရာရှိတွေက ပြည်ပ ထွက်ခွာခွင့် မပေးတာပါ။ သူ့ကို တရားရုံးက ပြည်ပ ခေတ္တ ထွက်ခွာဖို့ ခွင့်ပြုချက် ပေးထားပြီးသား။ သူ့ကို ပြည်ပ ထွက်ခွာခွင့်ပြုဖို့ အမှုစစ် တရားရုံးမှာ တင်ပြလျှောက်ထားခဲ့ပြီး ပါပြီ။ တရားရုံးကလည်း ခွင့်ပြုထားပြီး ဖြစ်ပါတယ်။ ပထမနေ့မှာ အထောက်ထား မပါလို့ ခွင့်ပြုထားတဲ့စာ ယူခဲ့ဖို့ ပြောလို့ နောက်တနေ့မှာ ဒန်ကလေ ကိုယ်တိုင် တရားရုံးက ခွင့်ပြုထားကြောင်း အထောက်အထား စာကို လေဆိပ် တာဝန်ရှိသူများ ထံမှာ သွားရောက် တင်ပြခဲ့ပေမယ့် အခုအချိန်အထိ တစုံတရာ အကြောင်းမပြန်ဘဲ ပြည်ပ ထွက်ခွာခွင့်ကို ပိတ်ပင်ထားဆဲပါ” ဟု ၎င်းက ဆိုသည်။
မစ္စတာ ရော့စ် ဒန်ကလေသည် မြန်မာနိုင်ငံတွင် Myanmar Times အပတ်စဉ် ဂျာနယ် အပါဝင် စာစောင်လေးမျိုးကို ထုတ်ဝေနေသော မြန်မာကွန်ဆိုလီဒိတ်တက် မီဒီယာ လီမိတက်၏ မန်နေဂျင်း ဒါရိုက်တာအဖြစ် လက်ရှိတွင် တာဝန် ထမ်းဆောင်နေသူ ဖြစ်သည်။ ကမ္ဘောဒီယားနိုင်ငံ ဖနွမ်းပင် ပို့စ် နေ့စဉ်သတင်းစာ ထုတ်ဝေနေသူလည်း ဖြစ်သည်။
The Myanmar Times ကို ၂၀၀၀ ပြည့်နှစ်တွင် စတင်တည်ထောင်ခဲ့ပြီး ရော့စ် ဒန်ကလေသည် အမှုဆောင် အရာရှိချုပ် တာဝန် ထမ်းဆောင်ခဲ့ကာ ပြီးခဲ့သည့် ၂၀၁၁ ခုနှစ်က ရုံးတွင်း ပိုင်ဆိုင်မှု ပြသနာတချို့ကြောင့် ရာထူး အပြောင်းအလဲ ဖြစ်ပေါ် ခဲ့သည်။ ယင်းနောက် မစ္စတာ ရော့စ် ဒန်ကလေသည် ဇန်န၀ါရီလ ၂၈ ရက်နေ့က ပုဂ္ဂိုလ်ရေး မကျေနပ်မှုများနှင့် ပတ်သက်ပြီး Myanmar Times ၏ ရှယ်ယာရှင်တဦးဖြစ်သူ ဒေါက်တာ တင်ထွန်းဦး၏ ဇနီး ဒေါ်ခင်မိုးမိုးနှင့် ရန်ကုန်တိုင်းဒေသကြီး ကျောက်တံတားမြို့နယ် တရားရုံးတွင် အမှုရင်ဆိုင်နေရသူ ဖြစ်သည်။ ယင်းအမှု ရင်ဆိုင်နေချိန်အတွင်း ပြည်ပသို့ ထွက်ခွာခွင့်ကို တရားရုံးတွင် တရားဝင် လျှောက်ထားပြီး ခွင့်ပြုချက်ဖြင့် သွားခဲ့ခြင်း ဖြစ်ကြောင်း သိရသည်။
“ကျနော်က ကျောက်တံတားမြို့နယ် တရားရုံးရဲ့ ခေတ္တ ပြည်ပထွက်ခွာခွင့်ကို တရားဝင် ခွင့်ပြုပေးထား ခံရတဲ့သူပါ။ ဒီလို ခရီးသွားတာကို တဘက်ရှေ့နေကလည်း မကန့်ကွက်ခဲ့ပါဘူး။ ဒါကြောင့် ကျနော့်စီးပွားရေး လုပ်ငန်းတွေရှိတဲ့ ကမ္ဘောဒီးယား နိုင်ငံကို ထိုင်းနိုင်ငံကနေ တဆင့် သွားဖို့ ၁၁ ရက်နေ့က ကျနော်လေဆိပ်ကို ဆင်းခဲ့ပါတယ်။ ရန်ကုန် လေဆိပ်ရောက်တော့ လူဝင်မှုကြီးကြပ်ရေး အရာရှိတွေက ကျနော့်ကို တားဆီးခဲ့ပါတယ်။ သူတို့ရဲ့ အကြောင်းပြချက် ကတော့ အထက်ဝန်ကြီးရုံးရဲ့ စာအရ အခုလို တားဆီးရတာဖြစ်တယ်လို့ ပြောပါတယ်” ဟု ရော့စ်ဒန်ကလေက Myanmar Times ဂျာနယ်တွင် ပြောကြားထားသည်။
ခရီးသွားလာခွင့်နှင့် ပတ်သက်သည့် တရားရုံး၏ ခွင့်ပြုချက်ကို အထောက်ထားနှင့် တင်ပြရန် ရန်ကုန်လေဆိပ် လ၀က မှ တာဝန်ရှိသူများက တောင်းဆိုခဲ့ကြောင်း၊ ထိုသို့ ခရီးသွားလာခွင့်ကို မည်သည့် ဥပဒေ၊ မည်သည့် အကြောင်းပြချက်နှင့် တားဆီးခဲ့သည်ကို ၎င်းအနေဖြင့် သေချာ မသိရကြောင်း၊ အကျိုး အကြောင်းကို မေးမြန်းသော်လည်း မည်သည့် အကြောင်း ပြန်ချက်မှ မရရှိကြောင်း၊ လူဝင်မှုကြီးကြပ်ရေး ၀န်ကြီးဌာန၏ ခရီးသွားလာခွင့်ကို တားဆီးခဲ့သည့် အတွက် ၎င်းအနေဖြင့် တစ်ဘက်နိုင်ငံရှိ စီးပွားရေးကိစ္စများအတွက် များစွာ နစ်နာမှုများ ရှိခဲ့ကြောင်း ယင်းဂျာနယ်တွင် ပြောကြားခဲ့သေးသည်။
ရော့စ် ဒန်ကလေကို ဧရာဝတီမှ ဆက်သွယ် မေးမြန်းသည့်အခါ ၎င်း၏ ရှေ့နေများဖြစ်သော ဦးဝင်းဌေးနှင့် ဦးမင်းစိန်ကို လွှဲထားသည်ဟု ပြောကြားခဲ့သည်။
ပြည်ပထွက်ခွာခွင့် အထောက်ထားဖြစ်သည့် စာရွက်စာတမ်းမူရင်းများကို နေပြည်တော်ရှိ လူဝင်မှုကြီးကြပ်ရေးနှင့် ပြည်သူ့ အင်အား ၀န်ကြီးဌာန ၀န်ကြီးရုံးသို့ ဧပြီလ ၁၆ ရက်နေ့က ပေးပို့ခဲ့ပြီး ဖြစ်ကြောင်းလည်း သိရသည်။
“ရော့စ် ဒန်ကလေက ဒီကိစ္စနဲ့ ပတ်သက်ပြီး တော်တော် စိတ်ခံစားချက် ပြင်းထန်နေတယ်။ တရားဥပဒေရဲ့ အထက်မှာ ဘယ်သူမှ မရှိဘူးဆိုတဲ့ နိုင်ငံတော် ခေါင်းဆောင်ကြီးများ ချမှတ်ထားတဲ့ လမ်းစဉ်နဲ့ လွဲမှားနေပြီလို့ သူက ကျနော့်ကို ပြောတယ်” ဟု မစ္စတာ ရော့စ် ဒန်ကလေ၏ ပြောရေးဆိုခွင့်ရှိသူ တရားလွှတ်တော် ရှေ့နေ ဦးဝင်းဌေးက ဧရာဝတီသို့ ပြောပြခဲ့သည်။
အဆိုပါဖြစ်စဉ်နှင့် ပတ်သက်ပြီး နေပြည်တော် လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနရုံးသို့ ဧရာဝတီမှ ဖုန်းဆက် မေးမြန်းသော်လည်း တစုံတရာ ပြန်လည် ဖြေကြားခြင်း မရှိခဲ့ပေ။
မစ္စတာ ရော့စ် ဒန်ကလေသည် လက်ရှိတွင် ဒေါ်ခင်မိုးမိုးနှင့် ရန်ကုန်တိုင်းဒေသကြီး ကျောက်တံတားမြို့နယ် တရားရုံးတွင် ပြစ်မှုကြီးအမှတ် ၉၁/၂၀၁၃ နှင့် ၉၂/ ၂၀၁၃ အရ ပုဂ္ဂိုလ်ရေးအရ ဖြစ်သော မကျေနပ်မှုများအတွက် ပြစ်မှုဆိုင်ရာ ဥပဒေပုဒ်မ ၃၅၄/ ၃၂၃ နှင့် ၄၄၇/ ၂၉၄/ ၅၀၆ တို့ဖြင့် အပြန်အလှန် တရားစွဲဆိုထားကြောင်း သိရသည်။
ကျောက်တံတားမြို့နယ် တရားရုံး၏ ရုံးချိန်းမှာ ဧပြီ ၂၉ ရက်နေ့ ဖြစ်ပြီး ၎င်းအနေဖြင့် ၁၁ ရက်နေ့တွင် ပြည်ပထွက်ခွာကာ ၂၂ ရက်နေ့ အရောက်ပြန်လာရန် စီစဉ်ထားကြောင်း၊ ထိုသို့ တရားရုံးတွင် လျှောက်ထားခဲ့သည့် အတွက် ခွင့်ပြုချက်ရထားခြင်း ဖြစ်ကြောင်း သူ၏ ရှေ့နေများက ဆိုသည်။
မစ္စတာ ရော့စ် ဒန်ကလေသည် ဧပြီ ၁၁ ရက်နေ့တွင် ရန်ကုန် လဝကမှ ပြည်ပထွက်ခွာခွင့် တားမြစ်ခံရပြီးနောက် ယခုအချိန်အထိ ထွက်ခွာခွင့် မရသေးပေ။
Ref: ဧရာဝတီ
တန်ဖိုးနည်း မိုဘိုင်းဖုန်းဆင်းကဒ် မဲဖောက်ပြီ
အောင်ရဲ မောင်မောင်
21.04.2013
ရန်ကုန်တိုင်းဒေသကြီးအတွင်းက မြို့နယ်အတော်များများမှာ ဒီကနေ့ ကျပ် ၁,၅၀၀ တန် မိုဘိုင်းဖုန်း ဆင်းကဒ်တွေကို မဲဖောက်ပေးတာမှာ အိမ်ထောင်စု ၁၀ စုမှာ တစုလောက် မဲပေါက် တယ်လို့ မဲနှိုက် သူတွေက ပြောကြပါတယ်။ လူထု စိတ်ဝင်စားတဲ့ ၁,၅၀၀ တန် မိုဘိုင်းဖုန်း ကဒ်တွေကို မနေ့က ရန်ကုန်မြို့လယ် တော်တော်များများက ရပ်ကွက် အုပ်ချုပ်ရေးမှူး ရုံးတွေမှာ မဲဖောက်ကြေညာ ခဲ့တာပါ။ ဒီလိုရောင်းချတဲ့ ပုံစံက ရပ်ကွက် တခုကို ဆင်းကဒ် ရာဂဏန်းသာ ရတာကြောင့် ရပ်ကွက်ထဲမှာရှိတဲ့ လူဦးရေနဲ့ မမျှတဲ့အတွက် မဲဖောက် ရတာလို့ မင်္ဂလာတောင်ညွှန့်မြို့နယ် ဖို့မြေ ရပ်ကွက် အုပ်ချုပ်ရေးမှူးက ပြောပါတယ်။ ဒီအကြောင်း အပြည့်အစုံကို ဆက်သွယ်မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင်က တင်ပြထားပါတယ်။
နိုင်ငံတော်သမ္မတက ပြည်သူတွေ သင့်တင့်တဲ့ဈေးနှုန်းနဲ့ မိုဘိုင်းဖုန်းတွေ သုံးနိုင်အောင် ဆိုပြီး ညွှန်ကြားထားတဲ့ အတွက် ရန်ကုန်တိုင်းဒေသကြီး အတွင်းက မြို့နယ် အတော်များများမှာ ဒီကနေ့ ကျပ် ၁,၅၀၀ တန်ဖုန်းတွေကို ရပ်ကွက် အုပ်ချုပ်ရေးမှူးတွေရဲ့ ရုံးမှာပဲ မဲဖောက်ပေးခဲ့တာပါ။ ရန်ကုန်တိုင်း ဒေသကြီး အပါအ၀င် အခြားပြည်နယ်နဲ့ တိုင်းတွေအားလုံးပေါင်းမှ တလကို ဆင်းကဒ် အလုံးရေ သုံးသိန်းခွဲသာ ချပေးနိုင်တဲ့ အခြေအနေမှာ ရှိနေတဲ့ အတွက် အခုလို မဲဖောက်တဲ့ စနစ်ကို ကျင့်သုံးပြီး တိုင်းဒေသကြီး အစိုးရတွေရဲ့ ကွတ်ကဲမှုနဲ့ ရောင်းချပေးတာဖြစ်တယ်လို့ မြန်မာ့ ဆက်သွယ်ရေးဌာနရဲ့ ပြောခွင့်ရှိသူ ပြန်ကြားရေး အရာရှိ ဦးကျော်စိုးက ပြောပါတယ်။
“မြို့နယ်တခုချင်းစီကို ဘယ်မြို့နယ် ဘယ်နှစ်ယောက်ဆိုတာ တိုင်းဒေသကြီးအစိုးရရဲ့ စီမံခန့်ခွဲနိုင်ခွင့် ဖြစ်ပါတယ်။ တနိုင်ငံလုံးမှ သုံးသိန်းခွဲပဲ ပေးတာကိုး။ နောက်လမှာလည်း မေမှာလည်း ရောင်းဦးမှာပေါ့လေ။ ဆက်တိုက် ဒါလုပ်သွားဖို့ အစီအစဉ် ရှိပါတယ်။”
ရပ်ကွက်တခုက အိမ်ထောင်စုတစုကို မိုဘိုင်းဖုန်းတစ်လုံးချပေးနိုင်ဖို့ အစိုးရက စီမံထားတာဖြစ်ပေမဲ့ လက်ရှိအချိန်မှာ ချထားပေးနိုင်တဲ့ မိုဘိုင်းဖုန်း အရေ အတွက်ဟာ အရမ်းနည်းနေတဲ့ အတွက် မဲဖောက်ရောင်းချရဖြစ်ပြီးတော့ နောက်ပိုင်းမှာ ရပ်ကွက်အတွင်းမှာရှိနေတဲ့ ဖုန်းလိုအပ်သူတွေအားလုံးကို ဖုန်းရရှိနိုင်အောင် ချထားပေးနိုင်မှာဖြစ်တယ်လို့ မင်္ဂလာတောင်ညွှန့်မြို့နယ် ဖို့မြေ ရပ်ကွက်အုပ်ချုပ်ရေးမှူး ဦးရဲဝင်းက ပြောပါတယ်။
“ကျနော်တို့ နောက်လမှာ ကျန်တဲ့သူတွေကို ဆက် နှိုက်ပေးရင်း၊ နှိုက်ပေးရင်းနဲ့ တရပ်ကွက်လုံးစာ တအိမ်ထောင်ကို ဖုန်းတလုံးစီရသွားတဲ့အချိန်မှာ ပြန်ပြီးတော့ ပထမ ပေါက်ပြီးသား အိမ်ထောင်စုတွေကနေ နောက်ထပ် လိုချင်တဲ့သူတွေရှိရင် ထပ်ပြီးတော့ ကျနော်တို့ ဖောက်ပေးပါမယ်။ အခုလ ကျနော်တို့ ၁၁၅ ခုကျပေမဲ့ ရှေ့လကျရင် ကျနော်တို့ ပိုတိုးပြီးတော့ ရမှာပါ။ ၁၅၀ ဖြစ်မလား၊ ၁၆၀ ဖြစ်မလား ကျနော်တို့လည်း မသိသေးဘူးပေါ့။”
ရပ်ကွက်အုပ်ချုပ်ရေးမှူး ရုံးတွေမှာ ဖုန်းအသုံးပြုခွင့် မဲပေါက်ခဲ့တဲ့သူတွေကတော့ သူတို့ရရှိမယ့် ဆင်းကဒ်တွေရဲ့နံပါတ်ကို မြို့နယ်အုပ်ချုပ်ရေးမှူး ရုံးတွေမှာသွားပြီး မဲနှိုက်ရဦးမှာဖြစ်တယ်လို့လည်း ဦးရဲဝင်းက ပြောပါတယ်။
“မနက်ပိုင်း ကျနော်တို့ဆီမှာ နှိုက်ပြီးတာနဲ့ မြို့နယ်ရုံးမှာသွားပြီးတော့ ဒီမဲပေါက်တဲ့သူတွေက ဆင်းကဒ်နံပါတ်ကို သူတို့က မဲနှိုက်ရမှာ။”
လက်ရှိအစိုးရက ရောင်းချပေးမဲ့ မိုဘိုင်းဖုန်း ဆင်းကဒ် အမျိုးအစားတွေကတော့ CDMA 800 အမျိုးအစားဖုန်းတွေကို အရင်ချပေးမှာဖြစ်ပြီးတော့ ဆင်းကတ် အလုံးရေ သုံးသိန်းခွဲကို ပြည်နယ်နဲ့တိုင်း ၁၁ ခုမှာ ဧပြီလ ၂၄ ရက်နေ့ စတင် ချပေးမှာဖြစ်ပါတယ်။ ဒီကနေ့ ဖုန်းအသုံးပြုခွင့် ရရှိဖို့အတွက် ရန်ကွက်အုပ်ချုပ်ရေးမှူးရုံးတွေမှာ မဲနှိုက်ပြီး ဦးဆုံးမဲပေါက်ခဲ့တဲ့လူတွေက ဒီလ ၂၄ ရက်ကစပြီး တန်ဖိုးနည်း ၁,၅၀၀ တန်ဖုန်းတွေကို အသုံးပြုခွင့်ရမှာဖြစ်သလို မြို့နယ်တွေအတော်များများမှာ ရရှိတဲ့ခွဲတမ်းဟာ အတော်နည်းတဲ့အတွက် ကံကောင်းတဲ့လူအချို့သာ ဖုန်းမဲပေါက်ခဲ့တယ်လို့ ပုဇွန်တောင်မြို့နယ်အတွင်း နေထိုင်ပြီး ဒီကနေ့ ဖုန်းမဲပေါက်ခဲ့တဲ့ မညိုက အခုလိုပြောပါတယ်။
“ဒီနေ့ ကျမတို့ရပ်ကွက်မှာ မိုဘိုင်းဖုန်းဆင်းကဒ်တွေ အသုံးပြုခွင့်ရဖို့အတွက် မဲဖောက်တယ်လေ။ လူဦးရေကတော့ ၈၀၀ ကျော်လောက်တော့ ရှိတာပေါ့။ ပုဇွန်တောင် (၂) ရပ်ကွက်အတွက်က အလုံး ၈၀ လောက်ပဲရှိတယ်ထင်တယ်။ မနက်ပိုင်းကစပြီးတော့ ရပ်ကွက်အုပ်ချုပ်ရေးမှူးရုံးမှာ မဲဖောက်ခဲ့တယ်လေ။ မပေါက်တဲ့သူတွေကတော့ ဒီတခါဖုန်း အသုံးပြုခွင့်ရမှာမဟုတ်ဘူးပေါ့။ ကျမတို့ကတော့ ဒီနေ့ မဲပေါက်တယ်။ မြို့နယ်ရုံးမှာ နံပါတ်ရဖို့သွားပြီးတော့ မဲနှိုက်ရတယ်လေ။ ကျမတို့လို တကယ်အသုံးပြုဖို့ လိုအပ်နေတဲ့သူတွေအတွက်တော့ ကောင်းပါတယ်။ ရှေ့လမှာတော့ အခုရပြီးသားသူတွေရဲ့ စာရင်းကတော့ မပါတော့ဘူးပေါ့။ အခုစာရင်းပေးထားပြီးတော့ မပေါက်တဲ့သူတွေအတွက်တော့ ရမှာပေါ့နော်။”
အခုလို ဆင်းကတ်တွေ ဈေးနှုန်းသက်သက်သာသာနဲ့ ရောင်းချနိုင်လာမယ့်အချိန်မှာ မိုဘိုင်းဖုန်း ဟန်းဆက်တွေ ဈေးမကစားနိုင်အောင်လည်း အစိုးရကဆောင်ရွက်မယ်လို့ နိုင်ငံတော်သမ္မတက ပြောခဲ့ဖူးပါတယ်။
လက်ရှိအချိန်မှာ ပြည်သူတွေလိုအပ်သလောက် ဖုန်းအလုံးအရေအတွက်ကို ရောင်းချပေးနိုင်ဦးမှာမဟုတ်တဲ့အတွက် ဖုန်းရရှိတဲ့ လူတွေကနေ ဈေးကွက်အတွင်းမှာ လက်ရှိချပေးလိုက်တဲ့ ဖုန်းတွေက် ဈေးကြီးကြီးနဲ့ မှောင်ခို ပြန်ရောင်းချတာတွေ ရှိလာနိုင်တယ်လို့လည်း နိုင်ငံရေးအကျဉ်းသားဟောင်းများအဖွဲ့က ကိုထွန်းကြည်က အခုလို သုံးသပ်ပါတယ်။
“မြန်မာ့ဆိုရှယ်လစ်လမ်းစဉ်ခေတ်မှာတုန်းက လုပ်တဲ့ပုံစံမျိုးပဲ မှောင်ခိုကိုမွေးဖွားပေးတဲ့ ပုံစံမျိုးလို့ပဲ သုံးသပ်တယ်။ မြင်လည်းမြင်တယ်။”
အစိုးရကတော့ တန်ဖိုးနည်းဆင်းကဒ်တွေ မှောင်ခိုဖြစ်မလာဖို့အတွက် တိုင်းဒေသကြီး အစိုးရတွေကနေ ကြပ်မတ်တာတွေလုပ်မှာဖြစ်သလို ၀ယ်ယူထားတဲ့ ဆင်းကဒ်တွေကို ဖုန်းဝယ်ယူပြီး ၁၅ ရက်အတွင်းမှာ ဖုန်းခေါ်ဆိုခအနေနဲ့ ငွေကျပ် ၅,၀၀၀ ကို ထည့်သွင်းရမှာဖြစ်တယ်လို့ တိုက်တွန်းနှိုးဆော်ထားတာပါ။
လက်ရှိအချိန်မှာ မြန်မာနိုင်ငံရဲ့ တယ်လီဖုန်း သိပ်သည်းစဟာ ၇ ရာခိုင်နှုန်းပဲရှိပြီး ရှေ့လာမယ့်နှစ်တွေမှာ တယ်လီဖုန်း သိပ်သည်းဆကို တိုးမြင့်အောင်လုပ်ပြီး ၂၀၁၄ -၂၀၁၅ အရောက်မှာ လက်ရှိထက် ၅၀ ရာခိုင်နှုန်း တိုးတက်အောင်လုပ်ဖို့ ရှိတယ်လို့လည်း သမ္မတက ပြောခဲ့ပါဖူးတယ်။
Ref: VOA News
ကမ္ဘာ့ရွှေဈေး ပြိုကျမှုမှ ပြည်တွင်းရွှေဈေးကွက် ဝယ်လိုအားလိုက်
ခင်မျိုးသွယ်
တနင်္လာနေ့၊ ဧပြီလ ၂၂ ရက် ၂၀၁၃ ခုနှစ် ၁၃
ရန်ကုန် (မဇ္ဈိမ)။ ။ နှစ်ပေါင်း ၂၀ အတွင်း ကမ္ဘာ့ရွှေဈေးများ အရှိန်အဟုန်ဖြင့် အကြီးမားဆုံး ကျဆင်းလာခြင်း မှာ ပြည်တွင်း အခေါက်ရွှေဈေး များကိုလည်း ရိုက်ခတ်မှု ရှိခဲ့သည်။
ဧပြီလ ၂၀ ရက်တွင် ပြည်တွင်းရွှေ ၁ ကျပ်သားလျှင် ကျပ် ၇၀၂,၀၀၀ ဖြင့် ဈေးဖွင့်ခဲ့ပြီး နာရီနှင့်အမျှ ပြောင်းလဲခဲ့ကြောင်း ရန်ကုန် ရွှေကုန်သည်များက ဆိုသည်။
“၁၀ နာရီမှာ ပြည်တွင်းရွှေ ၇၀၅,၀၀၀ ရှိနေပါတယ်။ ၁၁ နာရီမှာ ကျပ် ၇၀၁,၀၀၀ ဖြစ်ပေါ်ပြီး နေ့လည် ၁၂နာရီမှာ ကျပ် ၇၀၂,၀၀၀ ဖြစ်ခဲ့တယ်။ ညနေ ၃နာရီမှာ ကျပ် ၇၀၆,၀၅၀ ဈေးမှာ ရှိနေတယ်” ဟု ရန်ကုန်တိုင်း ရွှေလုပ်ငန်းရှင်များအသင်း အတွင်းရေးမှူး ဦးဝင်းမြင့် က ပြောသည်။
သင်္ကြန် မတိုင်မီ ရက်များက ကမ္ဘာ့ရွှေဈေးမှာ ၁ အောင်စလျှင် ၁,၅၅၅ ဒေါ်လာတွင် ရှိခဲ့ပြီး ပြည်တွင်း ရွှေဈေးမှာ ၁ ကျပ်သားလျှင် ၇၃၉,၅၀၀ ကျပ်တွင် ရှိခဲ့သည်။
ထိုသို့ လက်ရှိ ရွှေပေါက်ဈေးကြောင့် ပြည်တွင်း ရွှေဝယ်လိုသူ များနေကြောင်းလည်း “ဒီရက်တွေက ဘဏ်ပိတ် ရက်တွေ ဖြစ်နေတယ်။ ရွှေဈေး ကြိုက်လို့ ဝယ်ချင်တာနဲ့ နယ်က မိသားစုတွေဆီ ငွေလျမ်းမှာပြီး ဝယ်နေရတယ်။ သိရသလောက် တနင်္လာနေ့မှာ ရွှေဈေး ဆက်ကျနေဦးမယ် ဆိုရင် ဘဏ်က ငွေထုတ်ပြီး ဝယ်ဖို့ ပြင်နေသူ တွေတောင် ရ်ှိနေတယ်” ဟု ကုမ္ပဏီတခုမှ မန်နေဂျာ ကိုရဲသွေး က ဆိုသည်။
ဧပြီ ၂၀ ရက်မှာ စနေနေ့ ဖြစ်ပြီး ကမ္ဘာ့ရွှေဈေးမှာ ၁ အောင်စလျှင် ၁,၄၀၄ ဒေါ်လာဖြင့် ဈေးပိတ်ခဲ့ကြောင်း သိရသည်။
သင်္ကြန်ကာလ၌ နှစ်ပေါင်း ၂၀ အတွင်း ကမ္ဘာ့ရွှေဈေး ပြောင်းလဲမှု အကြီးဆုံး ဖြစ်ပေါ်ခဲ့ကာ မြန်မာ့ ရွှေဈေးကွက် တွင်လည်း ဝယ်လိုအား လိုက်ခဲ့ကြောင်း ရွှေကုန်သည်များ ထံမှ သိရသည်။
“၁၅ နှစ်၊ နှစ် ၂၀ အတွင်းမှာ ကမ္ဘာ့ရွှေဈေး ထိုးကျတာ ဒီတခါ အရှိန်အပြင်းဆုံး ပြောင်းလဲမှုကြီး တခု ဖြစ်ပါတယ်” ဟု ရန်ကုန်တိုင်း ရွှေလုပ်ငန်းရှင်များအသင်းမှ ဦးသိန်းဆောင် က ပြောသည်။
“ရန်ကုန် ရွှေဈေးကွက် စအလုပ်လုပ်တဲ့ ဧပြီ ၁၈ ရက်မှာ ကမ္ဘာ့ရွှေဈေးက ၁ အောင်စကို ၁,၃၆၁ ဒေါ်လာ ဖြစ်ခဲ့ပြီး မြန်မာရွှေဈေးက ၁ ကျပ်သား ၆၆၈,၅၀၀ ကျပ် နဲ့ စခဲ့ရပါတယ်။ ရေရှည် အနေအထားမှာ
ဖြစ်တောင့်ဖြစ်ခဲ ကိစ္စတခုပါ” ဟု ရွှေကုန်သည် ဦးအေး က ဆိုသည်။
ဆိုက်ပရက်စ်ရဲ့ ရိုက်ချက်
ငွေကြေး အကြပ်အတည်းကြောင့် ဆိုက်ပရပ်စ်နိုင်ငံ ဗဟိုဘဏ်မှ IMF-EU ၏ Bailout အစီအစဉ်အရ အပေါင် တင်ထားသည့် ရွှေ ၁၄ တန်အား ထုတ်ရောင်းမည့် သတင်း ထွက်ပေါ်မှုနှင့်အတူ ကမ္ဘာ့ရွှေဈေးမှာ သင်္ကြန် ရက်များမှ စတင်၍ ဈေးနှုန်းများ ထိုးကျခဲ့ခြင်း ဖြစ်သည်။ ယင်းနှင့် ဆက်စပ်၍ ပြည်တွင်း အခေါက်ရွှေဈေး မှာလည်း ကျသင့်သလောက် ကျဆင်းခဲ့သည်ဟု ရွှေကုန်သည်များက ဆိုသည်။
“ဧပြီ ၁၈ ရက်မှာ မြန်မာရွှေဈေးက ညနေပိုင်းမှာ ကျပ် ၆၉၂,၀၀၀ နဲ့ ဈေးပိတ်ခဲ့ပါတယ်။ ဒီနေ့မှာ အရပ်ဝယ်လက် တွေ အများဆုံး ဦးဆောင် ဝယ်ယူခဲ့ပါတယ်” ဟု ရန်ကုန်တိုင်း ရွှေလုပ်ငန်းရှင်များ အသင်း၊ ရုံးအဖွဲ့မှ တာဝန်ရှိသူတဦးက ပြောသည်။
ထိုသို့ ဖြစ်ပေါ်ခဲ့သည့် ဈေးနှုန်းကြောင့် ရွှေဝယ်ယူလိုသူ အရပ်ဝယ်လက်များ ရွှေဈေး အဖွင့်ကို စိတ်ဝင်စားစွာ စောင့်ဆိုင်း ဝယ်ယူခဲ့ကြသည်။
“ဧပြီ ၁၉ ရက်မှာ ပြည်တွင်း အဖွင့်ဈေးက ၁ ကျပ်သားကို ကျပ် ၆၉၅,၀၀၀ ရှိခဲ့တယ်။ ဝယ်လိုအားကြောင့် တနေ့လုံး ဈေးအတက်အကျ မြန်နေတဲ့ အနေအထား ဖြစ်ခဲ့တယ်။ ၁ ကျပ်သားကို ကျပ် ၇၂၀,၀၀၀ အထိ အမြင့်ဆုံး တက်ခဲ့ပြီး ကျပ် ၇၁၀,၀၀၀ အထိ ပြန်ကျခဲ့တယ်။ ညနေ အပိတ်ဈေးက ကျပ် ၇၀၅,၀၀၀ နဲ့ ပိတ်ခဲ့ပါတယ်” ဟု ရွှေကုန်သည် ဦးစံမြင့် က ပြောသည်။
ထိုနေ့ ကမ္ဘာ့ရွှေဈေးမှာ ၁ အောင်စလျှင် ၁,၃၉၇ ဒေါ်လာဖြင့် ဈေးဖွင့်ခဲ့ပြီး ညနေပိုင်းတွင် ၁,၄၀၄ ဒေါ်လာဖြင့် ရှိနေခဲ့သည်။
သီးခြား ဖြစ်ပေါ်ခဲ့ပုံ
ပုံမှန်အားဖြင့် မြန်မာ့ရွှေဈေးမှာ ကမ္ဘာ့ရွှေဈေးပေါ် မှီတည် ပြောင်းလဲနေသော်လည်း ဧပြီလ ၁၈ ရက်နှင့် ၁၉ ရက်တို့တွင် မြန်မာ့ရွှေဈေးမှာ သီးခြားဖြစ်ပေါ်ပြောင်းလဲ ခဲ့သည်ကို တွေ့ရကြောင်း ရွှေဈေးကွက် လေ့လာသူများ က ဆိုသည်။
“ပြည်တွင်း ရွှေဈေးမှာ ကမ္ဘာ့ရွှေဈေး၊ ဒေါ်လာပေါက်ဈေး တို့အပေါ် တည်မှီဖြစ်ပေါ်တာ များတယ်။ တခါတလေ မှာ ပြည်တွင်း ဝယ်လိုအား၊ ရွှေသား ပေါမှု၊ ရွှေသား ပြတ်လပ်မှုတွေ ပေါ်မှာလည်း မူတည်ပြန်တယ်။ ဒီရက်တွေမှာ ပြည်တွင်း ရွှေဈေးက ကမ္ဘာ့ဈေးကျသလောက် မကျဘဲ သီးခြား ဖြစ်ပေါ် ပြောင်းလဲနေတာမျိုး တွေ့ရတယ်။ အဓိက ကတော့ အရပ်ဝယ်လက်တွေရဲ့ ဝယ်လိုအားကြောင့် ဈေးကွက်ထဲမှာ ပစ္စည်းပြတ်ပြီး ရွှေဈေးက အကျကို ဆင်းနေတာကနေ အမြင့်ကို ပြန်တက်လာတာ တွေ့ရတယ်” ဟု ရွှေကုန်သည် ဦးအေး က ပြောသည်။
နယ်စပ်ဘက်က ရွှေ ဆက်တိုက် အဝင်ရှိနေ
ပြည်တွင်း ရွှေဈေး ဖြစ်ပေါ်မှုမှာ ကမ္ဘာ့ရွှေဈေး ကျသလောက် မကျခဲ့ခြင်း၊ ပြည်တွင်း ပေါက်ဈေးမှာ ကမ္ဘာ့ဈေးထက် မြင့်နေခြင်းတို့ကြောင့် နယ်စပ်ဘက်က အခေါက်ရွှေများ ဆက်တိုက် ဝင်လာနေသည်။
“ကမ္ဘာ့ရွှေဈေးက သင်္ကြန်တွင်းမှာ အမေရိကန်ဒေါ်လာ ၁,၃၅၀ ကနေ ၁,၃၂၀ လောက်အထိ ထိုးဆင်းခဲ့တဲ့ အတွက် သင်္ကြန်ရက်တွေက စပြီး နယ်စပ်ဘက်က ရွှေတွေ ဆက်တိုက် အဝင်ရှိနေခဲ့တယ်” ဟု ဦးစံမြင့် က ဆက်ပြောဆိုသည်။
Ref: မဇ္ဈိမ
ခေါင်းဆောင် ၁၀ ဦးကိုတရားစွဲဆိုပြီးနောက် နောက်ထပ် ဆန္ဒမပြရန် ရဲမှူးကြီးက မဒေးကျွန်း ဒေသခံများကို ပြောကြား
April 19, 2013
ကျောက်ဖြူ ခရိုင်ရဲမှူးကြီးမှ မဒေးကျွန်းတွင် ဆက်လက် ဆန္ဒပြမူများ မပြုလုပ်ကြရန် ဒေသခံ လူကြီးများကို မေတ္တာရပ်ခံ လိုက်သည်ဟု သတင်း ရရှိသည်။
ဆန္ဒပြရာတွင် ခေါင်းဆောင်သည်ဟု ယူဆသူ ၁၀ ဦးအား မဒေးကျွန်းရဲစခန်းမှူးမှ အမူဖွင့် တရားစွဲဆိုပြီးနောက် ထိုသို့ ရဲမှူးကြီးက ပြောဆိုခဲ့သည်ဟု ဦးဆောင်ရာတွင် ပါဝင်သူ ဦးထွန်းကြည်က ပြောသည်။
“ ဆန္ဒပြပြီး နောက်တစ်နေ့မှာ ရဲမှူးကြီးနဲ့ ကျောက်ဖြူရဲမင်းကြီးမှာ ရုံးမှာ တွေ့တဲ့ အချိန်မှာ ကျွန်တော်ကို ပြောတာပါ။ အခု တရား စွဲဆိုတာက ဘာမှ မဖြစ်လောက်ဘူး။ ခင်ဗျားတို့ အနေနဲ့ နောက်တပ် ဆန္ဒပြမူတွေ မလုပ်ဖို့ဘဲ လိုတယ်ဆိုပြီး ပြောပါတယ်” ဟု ဆိုသည်။
ဧပြီ လ ၁၈ ရက်နေ့ နေ့လည်က ဒေသခံ ၅၀၀ ကျော်သည် သက်ဆိုင်ရာမှ ခွင့်ပြုချက်မရဘဲ သူတို့၏ လိုလားချက်များကို ဖြည့်ပေးရန် မဒေးကျွန်းရှိ တရုတ် ကုမ္ပဏီ CNPC ရုံးရှေ့ထိ ချီတက် ဆန္ဒပြခဲ့ကြသည်။
ဆန္ဒပြပြီးနောက် မဒေးကျွန်း ရဲစခန်းမှူး ဦးစောဝင်းမှ ဆန္ဒပြရာတွင် ဦးဆောင်သူများဟု သံသယ ဖြစ်ခံရသူ ကျောက်တန်းရွာမှ ၃ ယောက်၊ ပြင်ရွာက ၃ ယောက်၊ ရွာမရွာမှ ၄ ယောက်တို့အား ပုဒ်မ ၁၈ ဖြင့် တရားစွဲဆို ခဲ့သည်။
“ တရားစွဲခံရတာက ကျောက်တန်းရွာက ဦးမောင်မောင်မြင့်၊ မောင်မျိုးနိုင်၊ မောင်ယဉ်လှ၊ ပြင်ရွာက ဦးမောင်မောင်စော၊ ဦးမောင်သန်းအေး နဲ့ နောက်တစ်ဦး ရွာမရွာက ဦးအောင်သိန်းထွန်း၊ ထွန်းခင်နု၊ ဦးမောင်ဖြူသီးနှင့် ကျွန်တော် ထွန်းကြည်တို့ ဖြစ်ကြပါတယ်”ဟု ကိုထွန်းကြည်က ပြောသည်။
တရားစွဲခံရသူ ၁၀ ဦးထဲမှ ၆ ဦးသာ ဧပြီလ ၁၉ ရက်နေ့က ရဲစန်းသို့ သွားရောက်ခဲ့ပြီး နောက်ပိုင်းတွင် သူတို့အား အာမခံ (ခံဝန်) ဖြင့် လွှတ်ပေးခဲ့သည် ဟု ဆိုသည်။ သိုိ့သော်လည်း သူတို့အား ရဲစခန်းမှူးက စစ်ဆေး မေးမြန်းမူ တချို့ ရှိခဲ့သည်ဟု ဆိုသည်။
Ref: နိရဉ္စရာ
လက်ပံတောင်းတောင်ဒေသမှာ ထွန်ယက်စိုက်ပျိုးခွင့် တားမြစ်ခံရ
2013-04-20
စစ်ကိုင်းတိုင်း၊ မုံရွာခရိုင် လက်ပံတောင်းတောင် ကြေးနီစီမံကိန်းဒေသမှာ လျော်ကြေးမယူတဲ့ လယ်သမား တချို့က သူတို့ လယ်ယာမြေမှာ ထွန်ယက်တာကို ဒေသခံ အာဏာပိုင်တွေက တားမြစ်ခဲ့တယ်လို့ RFA ကို ပြောပါတယ်။
လျော်ကြေးငွေ မယူတဲ့ လယ်သမား တစ်ချို့ဟာ သူတို့ပိုင်မြေကွက်တွေ ထဲမှာ မနေ့က ဧပြီလ ၁၉ ရက်နေ့မှာ လယ်ထွန်ယက် တာကို အာဏာပိုင်တွေ ဖက်က သက်ဆိုင်ရာကို စာတင်ပြီးမှသာ ထွန်ယက်ဖို့ပြောဆို တားမြစ်ခဲ့တာပါ။
သူတို့ဟာ လျော်ကြေးမယူထားသူတွေ ဖြစ်တာကြောင့် ထွန်ယက်စိုက်ပျိုးခွင့် ရှိတယ်လို့ မိုးကြိုးပြင် အလယ်ရွာက ကိုဇော်မင်းက ခုလိုပြောပါတယ်။
“မိုးကြိုးပြင်အလယ်ရွာက ကျနော့်ရဲ့ဦးလေးက သူ့ယာခင်းကို ထွန်တဲ့ အချိန်မှာ မြို့နယ်မှူးက အုပ်ချုပ်ရေးမှူး ဆီမှာ စာတင်ပြီးမှ သာလျှင် အလုပ် လုပ်ပါလို့ လာတားပါတယ်၊ ကျနော့်ရဲ့ ဦးလေးကတော့ ဒီယာမြေဟာ လျော်ကြေးငွေ ယူထားတာ မဟုတ်တဲ့ အတွက် သူ့ယာမြေကို ထွန်မယ် ဆိုပြီးထွန်တာ၊ ကျနော်တို့မြေတွေဟာ လျော်ကြေးငွေ ယူထားတာလည်း မဟုတ်ဘူး၊ ရောင်းတာလည်း မဟုတ်ဘူး၊ ကျနော်တို့ ဘိုးစဉ်ဘောင်ဆက် လုပ်ခဲ့တဲ့ ယာမြေတွေဟာ ဘယ်အာဏာပိုင်ကို မှလည်း စာတင်ပြီးမလုပ်ခဲ့ရပါဘူး၊ အဲဒါဆိုတော့ ကျနော်တို့မြေယာတွေက ရောင်းထားတာ မဟုတ်တဲ့ အတွက် ကျနော်တို့က ဘယ်သူတွေပဲ လာတားတား ကျနော်တို့ လယ်ယာမြေကို ဆက်ပြီးတော့ လုပ်သွားမှာဖြစ်ပါတယ်”
ဒေသခံတွေဟာ ကဆုန်လမှာဆိုရင် ပဲစဉ်းငုံ၊ နှမ်း၊ ဂျုံ၊ နေကြာ၊ ခရမ်းချဉ်သီး၊ ကုလားပဲစတဲ့ သီးနှံတွေကို စိုက်ပျိုးကြပြီး တပေါင်းလမှာ ပြန်လည် ရိတ်သိမ်း ကြတယ်လို့ ဆိုပါတယ်။
အဲဒီလို ဒေသခံအာဏာပိုင်တွေ တားမြစ်နေပေမယ့် လျော်ကြေးငွေမယူတဲ့ တောင်သူတွေကတော့ တားမြစ်နေတဲ့ကြားကပဲ ထွန်ယက်စိုက်ပျိုးဖို့ ပြင်ဆင်နေကြပြီလို့လည်း ကိုဇော်မင်းက ပြောပါတယ်။
Ref: RFA News
အစိုးရနဲ့ SSA တိုက်ပွဲ ဒေသခံတွေဒုက္ခရောက်
မဆုမွန်
20.04.2013
ရှမ်းပြည်နယ်မြောက်ပိုင်း တန့်ယန်းမြို့အနီးမှာ တရားဝင် အပစ်အခတ်ရပ် စဲထားတဲ့ ရှမ်းပြည်မြောက်ပိုင်း တပ်နဲ့ မြန်မာအစိုးရ တပ်ဖွဲ့တွေကြား တိုက်ပွဲတွေပြင်းထန်နေတဲ့ အတွက် အိုးအိမ်စွန့်ခွာ ထွက်ပြေးနေရတဲ့ စစ်ပြေး ဒုက္ခသည်ဦးရေဟာ အခုဆိုရင် နှစ်ထောင်နီးပါး ရှိသွားပြီလို့ ဒုက္ခသည်အရေး အကူအညီပေးနေသူတွေက ပြောပါတယ်။ ရာချီတဲ့ စစ်ပြေး ဒုက္ခသည်တွေအတွက် သောက်သုံးရေပြတ်လပ်ပြီး စားနပ်ရိက္ခာတွေလည်း အရေးပေါ် လိုအပ်နေတယ်လို့ ရှမ်းလူထု အခြေပြု လူမှု အဖွဲ့အစည်းတွေက ဆိုပါတယ်။ အသေးစိတ်ကို မဆုမွန်က တင်ပြထားပါတယ်။
အပစ်ရပ်ဖို့ နှစ်ဘက်သဘောတူထားတဲ့ကြားကပဲ SSA ရှမ်းပြည်မြောက်ပိုင်း တပ်မတော်နဲ့ မြန်မာ စစ်တပ်ကြား အခုဆိုရင် ရင်ဆိုင် တိုက်ပွဲတွေ ဆက်တိုက်ဖြစ်ပွားနေပြီး တိုက်ပွဲတွေက ပြင်းထန် လာနေတဲ့ အတွက် ရာနဲ့ချီတဲ့ ဒုက္ခသည်တွေဟာ ထိုင်းနယ်စပ်၊ တရုတ်နယ်စပ်နဲ့ မြို့ပေါ်တွေကို ထွက်ပြေး တိမ်းရှောင်နေကြရတယ်လို့ ရှမ်းလူထု အခြေပြုအဖွဲ့ ပြောခွင့်ရ စိုင်းခေးစိုင်က ပြောပါတယ်။
“လောလောဆယ်မှာ လူဦးရေ ၂,၀၀၀ နီးပါး ရှိပြီခင်ဗျ။ အခုလတ်တလောကတော့ ပစ်ခတ်နေတဲ့နေရာတွေက ရွာသားတွေကတော့ တချို့မြို့ထဲမှာတော့ ခဏရှောင်နေတယ်။ တချို့ကတော့ ဘုန်းကြီးကျောင်းတွေဆီမှာ ရှောင်နေတယ်။ တချို့ကတော့ တရုတ်နယ်စပ်၊ တချို့ကတော့ ထိုင်းဘက်ခြမ်း အဲဒီလိုတော့ သူ့ဟာနဲ့သူ သူ့လမ်းနဲ့သူ ပုန်းရှောင်နေတာရှိပါတယ်။”
အခုဆိုရင် ရှမ်းပြည်မြောက်ပိုင်းမှာ ထွက်ပြေးတိမ်းရှောင်နေရတဲ့ စစ်ပြေးဒုက္ခသည်ဦးရေဟာ ၂,၀၀၀ လောက်ရှိသွားပြီဖြစ်ပြီး၊ ဒုက္ခသည်တွေအတွက် အရေးပေါ် စားနပ်ရိက္ခာနဲ့ သောက်သုံးရေတွေ အရေးတကြီး လိုအပ်နေတယ်လို့ စိုင်းခေးစိုင်က ပြောပါတယ်။
“အရေးကြီးဆုးကတော့ လတ်တလော ကျနော်တို့ အစားအစာရယ်၊ နောက်ပြီးတော့ သောက်သုံးရေ ရယ်ပေါ့။ နောက် တခြား အိပ်ယာ၊ ခြင်ထောင် အဲဒါတွေကတော့ ဒုတိယပေါ့နော်။ ပထမဆုံးကျတော့ သူတို့ နေ့စဉ်စားသောက်ဖို့ အစားအစာတွေကလည်း အရေးကြီးနေပါတယ်ခင်ဗျ။ အဲဒါကို ကျနော်တို့ ကူညီဖို့လည်း တခြားနေရာတွေကိုလည်း တိုက်တွန်းနေတယ်။”
တကယ်တော့ ရှမ်းပြည်တိုးတက်ရေးပါတီ SSPP ရဲ့ လက်အောက်ခံ ရှမ်းပြည်တပ်မတော် SSA မြောက်ပိုင်းတပ်ဖွဲ့နဲ့ မြန်မာအစိုးရငြိမ်းချမ်းရေး ကိုယ်စားလှယ်အဖွဲ့ကြား ၂၀၁၂ ခုနှစ်၊ ဇန်နဝါရီလတုန်းက အပစ်အခတ်ရပ်စဲရေး သဘောတူထားပြီးဖြစ်ပါတယ်။ နှစ်ဘက်တပ်ကြား ဒီလိုမျိုးတိုက်ပွဲတွေ ပြန်ဖြစ်နေတဲ့အပေါ်မှာလည်း နှစ်ဘက်တာဝန်ရှိသူတွေ ရှမ်းပြည်နယ် လားရှိုးမြို့မှာ တွေ့ဆုံဆွေးနွေးထားပြီးလည်းဖြစ်ပါတယ်။ ဒါပေမဲ့ ရှမ်းပြည်နယ်မြောက်ပိုင်း ဘက်မှာတော့ တိုက်ပွဲတွေ ဆက်ဖြစ်နေတုန်းပဲလို့ စိုင်းခေးစိုင်က ပြောပါတယ်။
“အပစ်အခတ်ရပ်စဲတာက နှစ်ကြိမ်တောင်ရှိပါပြီ။ အခု လတ်တလော အသစ်ပြန်ပြီးတော့ လက်မှတ်ရေးထိုးတာလည်း ရှိတယ်ခင်ဗျ။ နောက်ပြီးတော့ ဆွေးနွေးနေတာလည်း ရှိတယ်ခင်ဗျ။ အဲဒီလိုမျိုးလုပ်ရင်းတန်းလန်းနဲ့လည်း ပစ်နေတာတွေ ပိုဖြစ်လာတာကတော့ အဲဒါတော့ဘာကြောင့်လဲ ပြောလို့မတတ်ဘူး။”
မြန်မာစစ်တပ်နဲ့ SSPP/ SSA မြောက်ပိုင်းတပ်တွေကြား ပြီးခဲ့တဲ့ မတ်လကတည်း တိုက်ပွဲတွေဖြစ်ပွားခဲ့တာမှာ သင်္ကြန်တွင်းတုန်းကလည်း တိုက်ပွဲတွေဖြစ်ခဲ့ပါသေးတယ်။ ရှမ်းပြည်နယ် တန့်ယန်းမြို့နဲ့ မိုင်းရှူးမြို့ကြားမှာ အခုထက်ထိ တိုက်ပွဲတွေ ဖြစ်ပွားနေတဲ့အကြောင်းလည်း ဆက်ပြောပြပါတယ်။
“တန့်ယန်းနဲ့ မိုင်းရှူးပေါ့။ တန့််ယန်းရယ်၊ မိုင်းရှူးရယ်ကြားထဲမှာ ဖြစ်နေတယ်ခင်ဗျ။ အဲဒီလိုမျိုး လက်နက်ကြီးနဲ့ပစ်တာတွေ၊ ထိခိုက်မှုတွေ ရှိတယ်။ နောက်ပြီးတော့ ၀င်ပြီးတော့ လမ်းဖြတ်ရင်းနဲ့တိုက်တာတွေ။ တချို့ကတော့ အစီအစဉ်ရှိရှိနဲ့ တက်ပြီးတော့ တွေ့ဆုံတိုက်တာတွေ အဲဒါတော့ ခဏခဏဖြစ်နေတယ်။”
အခုအချိန်အထိ ရှမ်းပြည်မြောက်ပိုင်းတပ်နဲ့ အစိုးရတပ်ကြား စစ်ရေး တင်းမာမှုတွေ ရှိနေဆဲဖြစ်ပြီး နယ်မြေမတည်ငြိမ် မအေးချမ်းတဲ့ အတွက် ဒေသခံပြည်သူတွေ အခုလို ဒုက္ခတွေတွေ့နေရတဲ့ အပေါ် နှစ်ဘက်အပစ်အခတ်ရပ်စဲထားတဲ့ အဖွဲ့တွေအနေနဲ့ အပစ်ရပ်သဘောတူမှုကို လေးစားသင့်ပြီး ဒေသခံပြည်သူတွေကလည်း စစ်အမြန်ငြိမ်းဖို့ လိုလားနေကြတယ်လို့ ပြောပါတယ်။
“ကျနော်တို့ အပစ်အခတ်လည်း ရပ်စဲထားပြီးပြီ။ သိပ်မကြာသေးဘူး။ လက်မှတ် ထိုးတာလည်း သိပ်မကြာသေးဘူး။ အကောင်အထည်ဖော်ဖို့လည်း စကားပြောပြီးသားဖြစ်နေတဲ့ အတွက်ကြောင့် ဒီစစ်ကတော့ တတ်နိုင်လို့ရှိရင် ရပ်ပြီးတော့ နှစ်ဦးနှစ်ဘက် ကောင်းကောင်းဆွေးနွေး သဘောတူဖို့ပေါ့။ နောက်ပြီးတော့ ကျနော်တို့ အစိုးရဘက်ကလည်း ကျနော်တို့ သဘောတူထားတဲ့အတိုင်း အဲဒီနယ်မြေတွေကိုလည်း ပေးထားပြီဖြစ်တဲ့အတွက်ကြောင့် အဲဒီနယ်မြေကို ဘယ်လိုလုပ်ရင်ကောင်းမလဲ ဆိုတဲ့ဟာမျိုး နှစ်ဦးနှစ်ဘက်ပေါ့။ အဲဒီမှာ နိုင်ငံရေးအရရော၊ စစ်ရေးအရရော နှစ်ဘက်စလုံး သဘောတူညီချက်အတိုင်း လိုက်နာကြဖို့ရယ်၊ နောက်ပြီးတော့ ပြည်သူလူထု၊ အဲဒီဒေသခံတွေပဲဖြစ်ဖြစ် အဲဒီနေရာမှာရှိနေတဲ့ ထောင်သောင်းမက ပြည်သူလူထုရဲ့ အသက်အိုးအိမ်စည်းစိမ်တွေကိုလည်း ထည့်သွင်းစဉ်းစားပေးဖို့ မေတ္တာရပ်ခံချင်ပါတယ်ခင်ဗျ။”
မြန်မာအစိုးရရဲ့ ငြိမ်းချမ်းရေး ဖော်ဆောင်ရေးအဖွဲ့ဟာ ရှမ်းပြည်တိုးတက်ရေး ပါတီ SSPP/SSA မြောက်ပိုင်းနဲ့ ၂၀၁၂ ခုနှစ် ဇန်န၀ါရီလ မှာ အပစ်ရပ်ဖို့ သဘော တူခဲ့ပေမဲ့ တနှစ်ကျော်ကာလ အတွင်းမှာ အနည်းဆုံး တိုက်ပွဲပေါင်း အကြိမ် ၁၀၀ ကျော် ဖြစ်ခဲ့သလို တနှစ်ကျော်ကြာ အပစ်ရပ်ထားတဲ့ ရှမ်းပြည်ပြန်လည် ထူထောင်ရေးကောင်စီ ခေါ် RCSS/SSA တောင်ပိုင်းနဲ့လည်း အပစ်ရပ်ဖို့ သဘောတူပြီးတဲ့နောက် တိုက်ပွဲပေါင်းအကြိမ် ၆၀ ကျော်လောက် ဖြစ်ပွားခဲ့ပါသေးတယ်။
Ref: VOA News
Posts
