ဒီဇင်ဘာ ၂၊ ၂ဝ၁၁
”ဟီလာရီအနေနဲ့ နေပြည်တော်မှာ နိုင်ငံတော် သမ္မတ၊ ၀န်ကြီးတွေ ၊ လွှတ်တော် ဥက္ကဋ္ဌတွေနဲ့ တွေ့ဆုံတဲ့ အခါမှာ ကောင်းမွန်တဲ့ တွေ့ဆုံမှုရှိခဲ့တယ်။
မြန်မာနိုင်ငံနဲ့ ပြန်လည် ထိတွေ့ဆက်ဆံရာမှာ အမေရိကန်ရဲ့ ခြေလှမ်းအစတွေဖြစ်သလို နှစ်နိုင်ငံကြားမှာ နားလည်မှု၊ ဆွေးနွေးမှုတွေနဲ့ ဆက်သွားကြမှာ ဖြစ်ပါတယ်။
အခုအချိန်က အမေရိကန်က ကျွန်မတို့အတွက် ကောင်းမွန်တဲ့ ဂိတ်ပေါက် တစ်ခုပဲ။ ဒီမိုကရေစီလမ်းကြောင်း ဖော်ဆောင်ရာမှာ လိုအပ်တဲ့ လူ့အခွင့်အရေး လှုပ်ရှားသူတွေ၊ လူမှုအဖွဲ့အစည်းတွေကြားမှာ ဂုဏ်သိက္ခာရှိရှိ ထိတွေ့ ဆက်ဆံသွားဖို့ မျှော်လင့် တယ်။
ကျွန်မတို့ အကူအညီတွေ လိုပါတယ်။ အမေရိကန်နိုင်ငံမှ မဟုတ်ပါဘူး။ နိုင်ငံတကာမှာရှိတဲ့ လူမှု အဖွဲ့အစည်းတွေ အပါအ၀င်ပါ။ နိုင်ငံမှာ လိုအပ်မယ့် နည်းပညာတွေအတွက် ပံ့ပိုးမှုတွေမှာ ကမ္ဘာ့ ဘဏ်တွေလိုမျိုး နိုင်ငံတကာအဖွဲ့အစည်းတွေနဲ့ ထိတွေ့ ဆက်ဆံဖို့ လိုတယ်။
ယုံ ကြည်ချက်ကြောင့် အကျဉ်းကျခံနေရတဲ့ နိုင်ငံရေးသမားတွေ ပြန်လည်လွတ်မြောက်လာဖို့ အဲလိုပြောတဲ့ အခါမှာ တိုင်းပြည်ရဲ့အခြေခံကျလှတဲ့ တရားဥပဒေ စိုးမိုးရေးပိုင်း အရ နောင်မှာ နိုင်ငံရေး အကျဉ်းသားတွေ လွတ်မြောက်နိုင်အောင် လုပ်ဖို့ လိုအပ်ပါတယ်။ ဒါ့ကြောင့် တရား ဥပဒေစိုး မိုးရေးပိုင်းကို အထူးဂရုပြုဖို့ လိုအပ်ပါတယ်။
ပြီးတော့ ကျွန်မတို့ ပြည်ထောင်စုသမ္မတ မြန်မာနိုင်ငံတော်မှာ တိုင်းရင်းသား လူမျိုးစုတွေ အများကြီးပါ ။ တိုင်းရင်းသား လူမျိုးစုတွေရဲ့ သာတူညီမျှ ရှိစေမယ့် ခံစားခွင့်တွေ တိုင်းရင်းသားအရေးတွေကိုလည်း အလေးထား စဉ်းစားကြဖို့ မျှော် လင့်တယ်။
အဲဒီအတွက် ကျွန်မ အခိုင်မာ ယုံကြည်တာကတော့ မြန်မာနိုင်ငံရဲ့ တရားဥပဒေ စိုးမိုးရေးပိုင်းမှာ လိုအပ်ချက်တွေကို အစိုးရသစ်၊ အမေရိကန် သာမက နိုင်ငံတကာအဖွဲ့ အစည်း၊ အတိုက်အခံ ၊တစ်ကမ္ဘာလုံးက တူညီတဲ့ လုပ်ဆောင်ချက်၊ တန်ဖိုးတွေ သာရှိမယ်ဆို အားလုံး လက်တွဲ ပါဝင် ကူညီကြဖို့ လိုတယ်။
ကျွန်မယုံကြည်ပါတယ် ဒီမိုကရေစီစနစ်ကို ဘယ်တော့မှ နောက်ပြန်မကွေ့ဘူးဆိုတာ။ ပြီးတော့ တရုတ်နိုင်ငံ အရေးကိစ္စပါ။ တရုတ်က ကျွန်မတို့ရဲ့ အိမ်နီးချင်းနိုင်ငံ ဖြစ်သလို ကောင်းမွန်တဲ့ ဆက်ဆံ ရေးတွေ ဆက် ရှိနေဖို့လည်း ကျွန်မ မျှော်လင့်တယ်”
Ref: မိုးမခ
Friday, December 2, 2011
ကလင်တန်နှင့် တွေ့ဆုံ အပြီး သတင်းထောက်များသို့ ဒေါ်အောင်ဆန်းစုကြည် ၏ ပြောကြားချက်
မြန်မာအစိုးရလုပ်ရပ်ပေါ် မူတည်ပြီး အမေရိကန်တုံ့ပြန်မည်
ကိုကျော်အောင်လွင်
ကြာသပတေး, 01 ဒီဇင်ဘာ 2011
မြန်မာအစိုးရရဲ့ပြုပြင်ပြောင်းလဲရေး လုပ်ဆောင်မှုတွေ ခိုင်ခိုင်မာမာရှိလာတာကို မြင်ရရင် အမေရိကန် ပြည်ထောင်စု ဘက်ကလည်း မြန်မာပြည်ကို အရေးယူ ပိတ်ဆို့ထားတာတွေကို လျှော့ပေါ့ဖို့ စဉ်းစားမယ်လို့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ပြောလိုက်ပါတယ်။ ၂ ရက်ကြာ ခရီးစဉ်နဲ့ မြန်မာပြည်မှာ ရောက်နေတဲ့ ၀န်ကြီးကလင်တန်က မနေ့ကပဲ နေပြည်တော်မှာ ကျင်းပတဲ့ သတင်းစာ ရှင်းလင်းပွဲမှာ ပြောဆိုခဲ့တာပါ။ ၀န်ကြီးကလင်တန်ဟာ သမ္မတ ဦးသိန်းစိန်နဲ့ မနေ့ကတွေ့ ဆုံခဲ့ပါတယ်။ ဒီတွေ့ဆုံပွဲ အခြေအနေတွေအကြောင်း ကိုကျော်အောင်လွင်က တင်ပြထားပါတယ်။
မနေ့က နေပြည်တော်မှာတွေ့ဆုံခဲ့တဲ့ ၀န်ကြီးကလင်တန်နဲ့ သမ္မတဦးသိန်းစိန်တို့ရဲ့ တွေ့ဆုံမှုက ၂ ဘက်လုံး အပြုသဘော ဆောင်တဲ့ ပြောဆိုမှုတွေ ရှိခဲ့တာပါ။ သမ္မတဦးသိန်းစိန်ရဲ့ ဆွေးနွေးတင်ပြမှုက အချိန်၄၅ မိနစ်လောက်ကြာပြီး တော်တော် အပြုသဘော ဆောင်ပြီး မဟာဗျူဟာလည်းကျတဲ့ တင်ပြမှုပဲလို့ အမေရိကန် နိုင်ငံခြားရေးဝန်ကြီးဌာနက ပြောပါတယ်။ ၀န်ကြီး ကလင်တန် ဘက်ကလည်း အချိန်တော်တော်ယူပြီး ဆွေးနွေးခဲ့ပါတယ်။
သမ္မတဦးသိန်းစိန်ရဲ့ ပြောဆိုမှုတွေထဲမှာ အမေရိကန်နဲ့ မြန်မာဆက်ဆံရေးကို ခိုင်မာပြီး တိုးတက်လိုတဲ့ ဆန္ဒ ရှိတဲ့ အကြောင်း၊ မြန်မာ အစိုးရရဲ့ပြုပြင်ပြောင်းလဲရေး အစီအစဉ်တွေ အကြောင်း၊ ဒီပြုပြင်ပြောင်းလဲရေး လုပ်ငန်းတွေအတွက် ပြင်ပက အကူအညီတွေကိုလည်း လိုလိုလားလားနဲ့ လက်ခံချင်တဲ့အကြောင်း၊ နိုင်ငံရေး လုပ်ငန်းစဉ်တွေထဲမှာ သက်ဆိုင်တဲ့ အဖွဲ့အစည်းတွေ ပါဝင်နိုင်တဲ့ အခြေအနေမျိုး ရောက်အောင် တဆင့်ပြီးတဆင့် လုပ်သွားမယ်ဆိုတဲ့ အကြောင်းတွေ ပြောခဲ့ပါတယ်။
အမျိုးသားပြန်လည်သင့်မြတ်ရေး အတွက်လည်း တိုင်းရင်းသားအဖွဲ့အစည်း ၁၀ ခုနဲ့ ပြောဆိုမှုတွေ ရှိနေတဲ့ အကြောင်း၊ သူတို့တွေနဲ့ အပစ်အခတ် ရပ်စဲဖို့ ရည်ရွယ်ထားတဲ့ အကြောင်း၊ တိုင်းရင်းသား ဒေသတွေမှာ စီးပွားရေး အားကောင်း လာစေဖို့နဲ့ သူတို့တွေကို နိုင်ငံရေး လုပ်ငန်းစဉ်ထဲ ပါဝင်လာနိုင်အောင် အားပေး သွားမယ့်အကြောင်းလည်း ပြောဆိုခဲ့ပါတယ်။
နိုင်ငံတကာရဲ့ကူညီမှုတွေကိုလည်း ကျယ်ကျယ်ပြန့်ပြန့်ရနိုင်အောင် လိုလားတဲ့အကြောင်း၊ သတင်း မီဒီယာ လွတ်လပ်ခွင့် တွေကိုလည်း သေသေချာချာ လုပ်ဆောင်မယ့် အကြောင်းတွေလည်း သမ္မတ ဦးသိန်းစိန်ကပြောခဲ့ပါတယ်။
ဝန်ကြီးကလင်တန်ကတော့ မြန်မာအစိုးရရဲ့ပြုပြင်ပြောင်း လဲရေးလုပ်ငန်းတွေက ခိုင်ခိုင်မာမာ ဖြစ်လာတယ် ဆိုတာကို မြင်ရရင် အမေရိကန် ဘက်ကလည်း မြန်မာကို အရေးယူပိတ်ဆို့ ထားတာတွေကို လျှော့ပေါ့ပေးဖို့ စဉ်းစားမယ်လို့ ပြောဆိုခဲ့ပါတယ်။ မြန်မာဘက်က တိုးတက် ကောင်းမွန်တာတွေ လုပ်ရင် လုပ်သလောက် အမေရိကန် ဘက်ကလည်း လိုက်ပြီး လုပ်မယ်လို့ ဆိုပါတယ်။
“မြန်မာအစိုးရအတွင်းကရော အပြင်ကပါ ကျမတို့ရဲ့အားပေးကူညီမှုတွေကိုရယူသွားမယ်။ သူတို့ကလည်း တိုးတက်မှုတွေကို ဆက်ပြီး လုပ်သွားမယ်လို့ သမ္မတ ဦးသိန်းစိန်ပြောခဲ့သလိုပဲ ကျမ ဘက်ကလည်း ရှင်းရှင်းလင်းလင်း ပြောခဲ့တာက အမေရိကန် ပြည်ထောင်စုကလည်း မြန်မာ အစိုးရက တိုးတက်မှုတွေ လုပ်သလောက် ထောက်ခံ အားပေးမှုတွေကို လုပ်သွားမယ်လို့ ပြောခဲ့ပါတယ်”
ဝန်ကြီးကလင်တန်ရဲ့ ပြောဆိုခဲ့တဲ့အထဲမှာ အချက်ငါးချက် ပါဝင်ပါတယ်။ မြန်မာနဲ့မြောက်ကိုရီးယား စစ်ရေး ဆက်ဆံမှုတွေကို အမေရိကန် ဘက်က စိုးရိမ်တဲ့အကြောင်း၊ ဒီဆက်ဆံရေးကို ဖျက်သိမ်းဖို့ တိုက်တွန်း ပါတယ်။
မြန်မာအစိုးရက ပြုပြင်ပြောင်းလဲမှုတွေနဲ့ ဒီမိုကရေစီထွန်းကားရေး လုပ်ငန်းစဉ်တွေကို ဆက်ပြီး လုပ်ဆောင် နေတာကို မြင်လိုတဲ့ အကြောင်း၊ လူနည်းစု တိုင်းရင်းသား အုပ်စုတွေနဲ့ အမျိုးသား ပြန်လည် သင့်မြတ်ရေး လုပ်ငန်း တွေကိုလည်း ပီပီပြင်ပြင်ဖြစ်စေချင်တဲ့အကြောင်း၊ နိုင်ငံရေးအကျဉ်းသား တယောက်ကို ဖမ်းဆီးထားတယ်ဆိုတာတောင် အရေအတွက် အားဖြင့် တော်တော် များတယ်လို့ အမေရိကန်ဘက်က ရှုမြင်တာကြောင့် နိုင်ငံရေး အကျဉ်းသားတွေ အားလုံးကို ပြန်လွှတ်ပေးဖို့ တောင်းဆိုတဲ့ အကြောင်း၊ ဥပဒေစိုးမိုးရေးနဲ့ ပတ်သက်ပြီးတော့လည်း တရား ဥပဒေ ဆိုင်ရာ ပြုပြင် ပြောင်းလဲမှုတွေကို တိုးတက် လာအောင် ဆက်ပြီး လုပ်ဆောင်သွားဖို့၊ သတင်းမီဒီယာ လွတ်လပ်ခွင့်၊ အင်တာနက် လွတ်လပ်ခွင့်၊ အလုပ်သမား လွတ်လပ်ခွင့်နဲ့ လွတ်လပ်စွာ စုဝေးခွင့် တွေကိုလည်း တိုးတက်အောင် လုပ်ဆောင်ဖို့ ၀န်ကြီးကလင်တန်က တိုက်တွန်းခဲ့ပါတယ်။
Ref: VOA News
ဝန်ကြီးကလင်တန် ဒေါ်စုနဲ့တွေ့ဆုံ
ကြာသပတေး, 01 ဒီဇင်ဘာ 2011
ဒီဇင်ဘာလ ၁ ရက်နေ့ ညဘက်မှာ ဝန်ကြီးကလင်တန်နဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်တို့ ညစာ အတူ စားခဲ့ကြပါတယ်။ ဒီနေ့ ဒီဇင်ဘာလ ၂ ရက်နေ့မှာတော့ ညဘက်မှာ ဝန်ကြီးကလင်တန်ဟာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံပြီးတော့ တိုင်းရင်းသား ခေါင်းဆောင် တွေနဲ့လည်း တွေ့ဆုံမှာ ဖြစ်ပါတယ်။
ဒီနေ့မှာပဲ ဝန်ကြီးကလင်တန်ဟာ မြန်မာ့ဒီမိုကရေစီခေါင်းဆောင်ရဲ့ နေအိမ်ခြံဝန်ထဲမှာရော အမေရိကန် သံရုံးမှာပါ သတင်း မီဒီယာတွေနဲ့ တွေ့ဆုံဖို့ ရှိတယ်လို့ သိရပါတယ်။
အမေရိကန်နိုင်ငံခြားရေးဝန်ကြီး ဟီလာရီကလင်တန်ဟာ နိုဝင်ဘာလ ၃၀ ရက်နေ့က မြန်မာအစိုးရ ရုံးစိုက်ရာ နေပြည်တော်ကို ရောက်လာပြီးတော့ ဒီဇင်ဘာလ ၁ ရက်နေ့တုန်းက မြန်မာသမ္မတ ဦးသိန်းစိန် ဦးဆောင်တဲ့ အစိုးရတာဝန်ရှိ ပုဂ္ဂိုလ်တွေနဲ့ ပြည်ထောင်စု လွှတ်တော်နာယက၊ ပြည်သူ့ လွှတ်တော် ဥက္ကဋ္ဌတွေအပြင် လွှတ်တော်ကိုယ်စားလှယ် တချို့နဲ့ပါ တွေ့ဆုံခဲ့ပါတယ်။
အဲဒီနေ့ ညနေပိုင်းမှာတော့ ရန်ကုန်မြို့က ရွှေတိဂုံစေတီတော်မြတ်ကြီးကို သွားရောက်ခဲ့ပါတယ်။
နိုင်ငံခြားရေးဝန်ကြီး ကလင်တန်ရဲ့ခရီးစဉ်ကို နိုင်ငံတကာ သတင်းမီဒီယာတွေက အကျယ်တဝင့် ဖော်ပြကြပေမယ့် မြန်မာ အစိုးရပိုင် ရုပ်မြင် သံကြားနဲ့ သတင်း မီဒီယာတွေကတော့ နောက်ပိုင်း သတင်းနဲ့ အတွင်း သတင်းစာ မျက်နှာတွေမှာ မထင်မရှား ဖော်ပြကြတာမျိုး ရှိပါတယ်။
ပုဂ္ဂလိကပိုင်ဂျာနယ်တွေက ဒီသတင်းကို အကျယ်တဝင့် ရေးသားဖော်ပြခဲ့ပြီး အစိုးရပိုင် သတင်းတွေက မထင်မရှား ရေးသား ဖော်ပြတာကိုလည်း ဝေဖန် ထောက်ပြကြပါတယ်။
အမေရိကန်နိုင်ငံခြားရေးဝန်ကြီး မစ္စ် ဟီလာရီကလင်တန်ဟာ မြန်မာနိုင်ငံအနေနဲ့ လက်ရှိ ပြုပြင် ပြောင်းလဲရေး လုပ်ငန်းတွေကို ပိုပြီးတော့ ကျယ်ကျယ်ပြန့်ပြန့် ဆောင်ရွက်ဖို့၊ အမေရိကန် ပြည်ထောင်စုက ပိတ်ဆို့အရေးယူမှု sacintion ကို ရုပ်သိမ်းဖို့ဆိုရင် လက်ရှိ ပြုပြင်ပြောင်းလဲရေး လုပ်ငန်းတွေကို ပိုပြီးတော့ တိုးပြီး ဆောင်ရွက်ဖို့ တိုက်တွန်းပါတယ်။
အမေရိကန် နိုင်ငံခြားရေးဝန်ကြီးရဲ့ ခရီးစဉ်မှာ တိုင်းရင်းသားတွေအပေါ် အကြမ်းဖက် ပဋိပက္ခ အဆုံးသတ်ဖို့နဲ့ ကျန်နေတဲ့ နိုင်ငံရေး အကျဉ်းသားတွေကို လွှတ်ပေးဖို့ တောင်းဆိုပါတယ်။ မြောက် ကိုရီးယားနိုင်ငံနဲ့ စစ်ရေးအရ ဆက်သွယ်မှုတွေ အဆုံးသတ်ဖို့ နျူကလီယား လက်နက် ပြန့်ပွားမှုနဲ့ ပတ်သက်ပြီး နိုင်ငံတကာ သဘော တူညီချက်တွေကို မြန်မာနိုင်ငံက လေးစား လိုက်နာဖို့ကိုလည်း နေပြည်တော်မှာ ကျင်းပတဲ့ သတင်းစာရှင်းလင်းပွဲမှာ နိုင်ငံခြားရေး ဝန်ကြီးက တိုက်တွန်း ပြောဆိုပါ တယ်။
မြန်မာသမ္မတ ဦးသိန်းစိန်ကလည်း ဝန်ကြီးကလင်တန်ရဲ့ သမိုင်းဝင်ခရီးစဉ်ဟာ ၂ နိုင်ငံဆက်ဆံရေးမှာ အခန်းကဏ္ဍသစ် ဖွင့်လှစ်မှုကို ကိုယ်စားပြုတယ်လို့ ပြောဆိုပါတယ်။
Ref: VOA News
သမ္မတအိုဘားမား ဒေါ်စုထံစာပါး
ကြာသပတေး, 01 ဒီဇင်ဘာ 2011
အမေရိကန်သမ္မတ ဘာရက်အိုဘားမားက မြန်မာ့ဒီမိုကရေစီခေါင်းဆောင်ကို ၀န်ကြီး ကလင်တန်ကနေ တဆင့် စာတစောင် ပေးပို့ ခဲ့ပါတယ်။
အဲဒီစာထဲမှာ မကြာခင်က ဒေါ်အောင်ဆန်းစုကြည်နဲ့ တယ်လီဖုန်းကနေတဆင့် စကားပြောခဲ့တာကို ဂုဏ်ယူ ၀မ်းမြောက်ကြောင်း၊ မြန်မာ့ဒီမိုကရေစီရေးအတွက် ရုန်းကန်လှုပ်ရှားမှုတွေကြောင့် အချိန်တော်တော်ကြာကတည်းက ဒေါ်အောင်ဆန်းစုကြည်ကို လေးစားနေခဲ့တာ ဖြစ်တဲ့အကြောင်း၊ ၀န်ကြီးကလင်တန်ရဲ့ မြန်မာပြည် ခရီးစဉ်မှာ မြန်မာပြည်ကို အမေရိကန် ပြည်ထောင်စုက ဘယ်လို အကူအညီတွေ ပေးသွားနိုင်မလဲ ဆိုတာကို လေ့လာ စူးစမ်းသွားမှာ ဖြစ်လို့ ဒီခရီးစဉ်ကို ကြိုဆိုမယ်လို့ မျှော်လင့်တဲ့ အကြောင်း၊ ဒေါ်အောင်ဆန်းစုကြည်နဲ့အတူ အမြဲရပ်တည်သွားမှာ ဖြစ်တဲ့အကြောင်း သမ္မတ အိုဘားမားရဲ့ စာထဲမှာ ဖော်ပြထားပါတယ်။
သမ္မတအိုဘားမားက သမ္မတဦးသိန်းစိန်ဆီကိုအကြောင်း ကြားလိုက်တဲ့အထဲမှာလည်း မြန်မာနိုင်ငံရဲ့ နိုင်ငံရေး ပြုပြင် ပြောင်းလဲမှုတွေနဲ့ ပတ်သက်လို့ အမေရိကန်ပြည်ထောင်စုက လေ့လာ အကဲဖြတ်နေတဲ့ ကာလမှာ ခိုင်မာတဲ့ ရလာဒ်တွေ ထွက်လာအောင် လုပ်ဆောင်ဖို့ ပါဝင်ပါတယ်။
Ref: VOA News
ဆန္ဒပြခွင့် ဥပဒေမူကြမ်း ပဟေဋ္ဌိ
ကိုဝိုင်း
ကြာသပတေးနေ့၊ ဒီဇင်ဘာလ ၀၁ ရက် ၂၀၁၁
ချင်းမိုင် (မဇ္ဈိမ) ။ ။ စီတန်းလှည့်လည် ဆန္ဒပြနိုင်မည့် ဥပဒေကြမ်းကို လွှတ်တော်နှစ်ရပ်လုံးက သဘောတူ ထားပြီ ဖြစ်ပြီး သမ္မတ ဦးသိန်းစိန်က လက်မှတ်ရေးထိုး ထုတ်ပြန်ရန်သာ ကျန်တော့သော်လည်း သမ္မတထံ ပေးပို့ပြီးခြင်း ရှိ၊ မရှိမှာ ပဟေဋ္ဌိ ဖြစ်နေသည်။
ပြည်ထောင်စုလွှတ်တော် နည်းဥပဒေ အခန်း ၁၂ နှင့် ဖွဲ့စည်းပုံ ဥပဒေ အခန်း ၄ ပုဒ်မ ၁ဝ၅ (က) တို့အရ ပြည်ထောင်စု လွှတ်တော် နယကက သမ္မတထံပို့သည့် စာကို “လက်ခံရရှိသည့်နေ့၏ နောက်တနေ့မှ ၁၄ ရက် အတွင်း” လက်မှတ်ရေးထိုး၍ ဥပဒေအဖြစ် ထုတ်ပြန် ကြေညာရမည်။
သို့သော် ဥပဒေ၏ အားနည်းချက်တခုဟု လေ့လာသူများ ဝေဖန်ကြသည်မှာ ပြည်ထောင်စု လွှတ်တော် နာယက က မည်သည့် နေ့ရက်တွင် သမ္မတထံ ပို့ရမည်ဆိုသည်ကို ဥပဒေများတွင် တိတိကျကျ ဖော်ပြ မထားခြင်းဖြစ်သည်။
ယခုအခါ နိုဝင်ဘာ ၂၂ ရက်နေ့က ပြည်ထောင်စုလွှတ်တော်တွင် အတည်ပြုခဲ့သော "ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့်" ဥပဒေမူကြမ်းသည် မည်သည့်အဆင့်ရောက်နေသည်ကို လွှတ်တော် အမတ်များ ပင် မသိဘဲဖြစ်နေသည်။ ထိုဥပဒေ မူကြမ်းကို စက်တင်ဘာ ၂၆ ရက်နေ့တွင် ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကိုက ပြည်သူ့လွှတ်တော်သို့ တင်သွင်းခဲ့ခြင်း ဖြစ်သည်။
ဆန္ဒပြ ဥပဒေမူကြမ်း၏ အခန်း ၈ ခန်း၊ ပုဒ်မ ၂၄ ခုပါ ဥပဒေကို ကန့်သတ်မှုများရှိသည်ဟု ပြောဆိုသူများ ရှိသကဲ့သို့ ဒီမိုကရေစီ ကာလ အစပိုင်းတွင် လက်ခံနိုင်သည့် အနေအထားဖြစ်သည်ဟု ယူဆသူများလည်း ရှိနေသည်။
ဆန္ဒပြလိုသူသည် မြို့နယ်ရဲမှူးထံသို့ အနည်းဆုံး ငါး ရက်ကြိုတင် တင်ပြရမည့် အချက်နှင့် ဆန္ဒပြရန် လျှောက်ထားသူ၊ ဆန္ဒပြ ခေါင်းဆောင်နှင့် ဟောပြောမည့် သူတို့၏ ကိုယ်ရေး အချက်အလက်များ ပေးရမည်ဟု အခန်း (၃) တွင် ပါရှိသည် ကို ကန့်သတ်ချက် အဖြစ် မြင်နေကြသည်။
“နှုတ်မိန့်ပေါင်း မြောက်များစွာနဲ့ ကန့်သတ်နိုင်ရေးအလို့ငှာလို့ ယူဆပါတယ်။ ထိန်းချုပ်ရေး၊ ကန့်သတ်ရေးဆိုတဲ့ သဘောတရား တွေပဲ ဥပဒေမှာ ထွန်းကား နေတုန်းပဲလို့ ကျနော် မြင်ပါတယ်။” ဟု ရှေ့နေဦးဖိုးဖြူက ပြောသည်။
ဦးဖိုးဖြူသည် လယ်ယာမြေ နိုင်ငံပိုင်ပြုလုပ်ရေး ဥပဒေကို ပယ်ဖျက်ပေးရန် လယ်သမားများနှင့် အတူ ဆန္ဒပြခဲ့ရာ ဗိုလ်တထောင် ရဲစခန်းတွင် တည ထိန်းသိမ်း ခံခဲ့ရပြီး ကျပ်သိန်း ၅ဝ အာမခံဖြင့် အောက်တိုဘာ ၂၈တွင် ပြန်လွတ် လာသည်။
အလုံမြို့နယ် အမျိုးသားဒီမိုကရေစီအင်အားစု NDF ပြည်သူ့လွှတ်တော်အမတ် ဦးခိုင်မောင်ရည်ကမူ ကိုယ်ရေး အချက်အလက် ဆိုသည့်အစား အမည်နှင့် နေရပ်လိပ်စာဟု ပြောင်းလဲပေးရန် တင်သွင်းပြီး ရခိုင် RNDP မှ ဦးအောင်ထွန်းသာက ထောက်ခံသော်လည်း ရှုံးနိမ့်ခဲ့သည်။
“ကျနော်က မလိုလားအပ်ဘဲနဲ့ ရဲကတောင်းရင် အချက်တွေအများကြီး တောင်းတယ်ပေါ့။ ကျနော် ရှုံးသွားတယ်။ ထောက်ခံမဲ ၂၆ မဲရတယ်။ ကြားနေ ၉ မဲ။ ကန့်ကွက်မဲ ၃၄၉ မဲ။” ဟု ပြောသည်။
မတူကွဲပြားခြင်းနှင့် ငြိမ်းချမ်းရေးပါတီဥက္ကဋ္ဌ ဦးနေမျိုးဝေ ပါဝင်သည့် ခုနှစ်ဦးအဖွဲ့ကမူ ဥပဒေအသစ်နှင့် အညီ ဒီဇင်ဘာ ၁၂ ရက်နေ့တွင် ဆန္ဒပြရန် စီစဉ်နေကြသည်။ ဥပဒေအဖြစ် သမ္မတ လက်မှတ်ထိုး၍ ဒီဇင်ဘာ ခြောက် ရက်နေ့တွင် ထွက်လာမည် ဟုလည်း ယူဆထားသည်။
သက်ဆိုင်ရာ မြို့နယ်ရဲမှူးက မြို့နယ် အထွေထွေ အုပ်ချုပ်ရေးမှူး၏ အတည်ပြုချက်ဖြင့် ခွင့်ပြု၊ မပြုကို ဆန္ဒပြမည့် နေ့ရက် အချိန် မတိုင်မီ ၄၈ နာရီကြိုတင် အကြောင်းပြန်ရမည်။ ငြင်းပယ်ကြောင်း အကြောင်းကြားစာ ရရှိသည့်နေ့မှ ၇ ရက်အတွင်း သက်ဆိုင်ရာ တိုင်းဒေသကြီး/ပြည်နယ် ရဲတပ်ဖွဲ့မှူးထံ အယူခံ ဝင်နိုင်သည်ဟု ဥပဒေက ပြဋ္ဌာန်းထား သည်။
ပြည်ထဲရေးဝန်ကြီး၏ မူကြမ်းတွင် ပုဒ်မ-၁ဝ၊ ခွဲ-က တွင် “အစိုးရဌာန၊ အစိုးရအဖွဲ့ အစည်းရုံး၊ စက်ရုံအလုပ်ရုံ၊ ဈေး၊ ဘာသာရေး နေရာ၊ စာသင်ကျောင်း၊ ဘူတာရုံ၊ လေဆိပ်၊ သင်္ဘောဆိပ်၊ ကားဂိတ်၊ ဆေးရုံတို့နှင့် အဆိုပါနေရာတို့ကို အနှောင့်အယှက် ဖြစ်စေနိုင်သည့် နေရာများတွင် ဆောင်ရွက်ခွင့် မပြု။” ဆိုသည်ကိုမူ ခွင့်ပြုချက် ရထားသည့် နေရာ၊ လမ်းကြောင်းအတိုင်းသာ စုဝေး၊ စီတန်း လှည့်လည်ရမည်ဟု ပြောင်းလဲခဲ့ကြသည်။
ဖွဲ့စည်းပုံဥပဒေ အခန်း ၈၊ နိုင်ငံသားများ၏ မူလအခွင့်အရေး၊ ပုဒ်မ ၃၅၄ (ခ)ပါ နိုင်ငံသားများသည် “ဥပဒေများနှင့် မဆန့်ကျင်လျှင် လက်နက် မပါဘဲ ငြိမ်းချမ်းစွာ စုဝေးခွင့်၊ စီတန်းလှည့်လည်ခွင့်ကို လွတ်လပ်စွာ သုံးစွဲ ဆောင်ရွက် ခွင့်ရှိသည်။” ဟုဖော်ပြချက်ကို အခြေခံ ထားသဖြင့် လက်နက်ကိုင် တပ်ဖွဲ့ဝင်များလည်း အကျုံးဝင်သည်ဟု အမည် မဖော်လိုသူ ပြည်သူ့လွှတ်တော် အမတ် တဦးက ယူဆသည်။
“ဥပဒေမှာတော့ တပ်မတော်သားတွေကို မတားဆီးထားဘူး။ နိုင်ငံသားတိုင်းလို့ရေးထားတယ်။ အမှန်ဆိုရင် ဒီဥပဒေ က ဖွဲ့စည်းပုံအရ ဖြစ်တဲ့အတွက် ဒီဥပဒေကိုသာ အတည်ယူရမှာ။” ဟု ဆိုသည်။
ပြည်ထဲရေးဝန်ကြီးဌာန မူကြမ်းပါ ပုဒ်မ ၁၂ (က)ပါ ဆန္ဒပြရာတွင် “အများပြည်သူကို အနှောင့်အယှက် အဟန့်အတား ဖြစ်တန် ရာသည်ဟု စိုးရိမ် ထိန့်လန့်စေခြင်းကို မပြုလုပ်ရ။” ဟုဖော်ပြချက်မှ ဖြစ်တန်ရာသည် ဆိုသည့် စကားလုံးကို ဖြုတ်ရန် ကြိုးစား ခဲ့သော်လည်း ရှုံးနိမ့်ခဲ့သည်ဟု ဦးခိုင်မောင်ရည် ပြောသည်။
“မဖြစ်သေးဘဲနဲ့ ဖြစ်တန်ရာသည်လို့ ယူဆရင် အမျိုးမျိုး ဒုက္ခပေးလို့ရတယ်။ ဖြစ်တန်ရာသည်ကို ဘာနဲ့ တိုင်းတာမလဲပေါ့။ ပြည်ထဲရေးဝန်ကြီးက လက်မခံပါဘူးတဲ့။ ဖြုတ်မပေးနိုင်ရင် ရုပ်သိမ်းပါတယ်လို့ ပြောလိုက်တယ်။ မဲခွဲရင်လည်း ရှုံးမှာလေ။” ဟု သူက ပြောသည်။
ပြည်ထဲရေးဝန်ကြီးဌာန မူကြမ်းပါ အခန်း ၅၊ စည်းကမ်းသတ်မှတ်ချက်များ၊ ပုဒ်မ ၁၂ ခွဲ (င) တွင် “ကြွေးကြော်ခြင်းနှင့် အော်ဟစ်ခြင်းများ မပြုလုပ်ရ။” မှ ကြွေးကြော်ခြင်း ဆိုသည့် စကားလုံးကို ဖြုတ်ရန် ကျားဖြူပါတီ SNDP မှ ပြည်သူ့ လွှတ်တော် အမတ် ဦးထွန်းမြင့်ဦးက တင်ပြရာ အနိုင်ရခဲ့သဖြင့် ဆန္ဒပြရာတွင် ကြွေးကြော်ခွင့် ရကြမည် ဖြစ်သည်။
“ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်” ဥပဒေတွင် ၁၈၆၁ ခုနှစ် ပြစ်မှုဆိုင်ရာ ဥပဒေ၊ ၁၈၉၉ ခုနှစ် ရန်ကုန် ရဲအက်ဥပဒေ၊ ၁၉၄၅ ခုနှစ် ရဲ အက်ဥပဒေ၊ နဝတ အမိန့်အမှတ် ၃/၉ဝ၊ ပြည်ထောင်စု ရွေးကောက်ပွဲ ကော်မရှင်၏ ညွှန်ကြားချက် အမှတ် ၂/၂ဝ၁ဝ စသည့် တည်ဆဲ ဥပဒေများလည်း ပါဝင် ထည့်သွင်းထားကြောင်း သိရသည်။
Ref: မဇ္ဈိမ
နိုင်ငံရေး အကျဉ်းသားများ လွှတ်ပေးမည်ဟု ကလင်တန်ကို ကတိပေး
ကျော်ခ
ကြာသပတေးနေ့၊ ဒီဇင်ဘာလ ၀၁ ရက် ၂၀၁၁
ချင်းမိုင် (မဇ္ဈိမ) ။ ။ အမေရိကန် နိုင်ငံခြားရေးဝန်ကြီး ဟီလာရီကလင်တန်နှင့် တွေ့ဆုံ ဆွေးနွေးရာတွင် မြန်မာနိုင်ငံ အကျဉ်းထောင် များတွင် ကျန်ရှိနေသေးသော နိုင်ငံရေး အကျဉ်းသားများ လွှတ်ပေးမည်ဟု ကတိပြုခဲ့ကြောင်း ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းက ပြောသည်။
“နိုင်ငံရေးအကျဉ်းသားများ စေလွှတ်ပေးဖို့ ကိစ္စ ဒီလိုတိုက်တွန်းပါတယ်။ တိုက်တွန်းတဲ့အခါမှာ မိမိဘက်က ဖြေတာ ကတော့ တိုင်းရင်းသားများ ပြန်လည် စည်းလုံးညီညွှတ်ရေးနဲ့ နိုင်ငံသားများ အားလုံး ပါဝင် ဆောင်ရွက်နိုင်ရေး အတွက် နိုင်ငံတော် တည်ဆောက်တဲ့ နေရာမှာ ပါဝင်နိုင်ရေးအတွက် သူတိုက်တွန်းသွားတဲ့ ကိစ္စ မိမိတို့ဘက်က အစွမ်းကုန် ဆောင်ရွက်ပေးမယ် ဆိုပြီးတော့ ကတိ ပြုလိုက်ပါတယ်” ဟု သူရ ဦးရွှေမန်းက ကြာသပတေးနေ့က မစ္စစ်ကလင်တန်နှင့် တွေ့ဆုံမှုအပြီး နေပြည်တော်တွင် ပြုလုပ်သည့် သတင်းစာ ရှင်းလင်းပွဲ၌ ပြောကြား သွားခြင်း ဖြစ်သည်။
မစ္စစ်ကလင်တန်မှာ မနက်ပိုင်းတွင် နေပြည်တော်ရှိ သမ္မတရုံးတွင် မြန်မာသမ္မတ ဦးသိန်းစိန်နှင့် တွေ့ဆုံဆွေးနွေးပြီး နေ့လည်စာ အတူ စားခဲ့ပြီးနောက် ပြည်သူ့လွှတ်တော်ရုံးတွင် သူရဦးရွှေမန်းနှင့် ဆက်လက် ဆွေးနွေးခဲ့သည်။
အမေရိကန်နှင့် ဆက်ဆံရေးကောင်းမွန်လာသည့်အတွက် မြန်မာနိုင်ငံအနေဖြင့် စီးပွားရေးပိတ်ဆို့မှု ရုပ်သိမ်းခြင်းထက် ပိုမိုလွန်ကဲသာ အကျိုးအမြတ်များ ရလာလိမ့်မည်ဟု မျှော်လင့်ကြောင်း မြန်မာ အစိုးရသစ် အတွင်း ပြုပြင် ပြောင်းလဲရေးလိုလားသော ခေါင်းဆောင်တဦးဟု ထင်ရှားသော ယခင် စစ်အစိုးရ နံပါတ်သုံး ခေါင်းဆောင်ဟောင်းက ပြောသည်။
ဆွေးနွေးမှုတွင် အမေရိကန်နိုင်ငံအနေဖြင့် မြန်မာအစိုးရ၏ တိုးတက်ပြောင်းလဲမှု ခြေလှမ်းတိုင်းကို စောင့်ကြည့်ကာ စီးပွားရေး၊ ပညာရေး၊ ကျန်းမာရေးနှင့် လူမှုရေးကိစ္စတွေမှာ အကူအညီတွေ ပေးမည် ဆိုသည့် ကတိစကား အမေရိကန် ဝန်ကြီးဆီက ရလိုက်သည်ဟု အောက်လွှတ်တော်ဥက္ကဋ္ဌက ပြောသည်။
မြန်မာအနေဖြင့် မြောက်ကိုရီးယားထံမှ နျူကလီးယားနည်းပညာ အကူအညီရရှိရေး ကြိုးပမ်း ဆောင်ရွက်ခဲ့သည် ဆိုသော စွပ်စွဲချက်များကို အောက်လွှတ်တော်ဥက္ကဋ္ဌ သူရ ဦးရွှေမန်းက သတင်းစာ ရှင်းလင်းပွဲတွင် ယတိပြတ် ငြင်းဆိုလိုက်သည်။
“ ဒီနေ့ ဒီဟာနဲ့ ပတ်သက်လို့ ရဲရဲဝံ့ဝံ့ မှန်မှန်ကန်ကန် ပြောတဲ့အနေအထား ရှိပါတယ်။ အဲဒီမှာ တချို့ စွပ်စွဲတာကတော့ နျူကလီးယား ကိစ္စ အပါအဝင် မိမိသွားပြီးတော့ လက်မှတ် ထိုးခဲ့တယ်လို့ ပြောတယ်။ မဟုတ်ပါဘူး။ နျူကလီးယား ကိစ္စဆိုတာ အင်မတန်မှ ကြီးမားတဲ့ ကိစ္စပါ။ ဒီကိစ္စ မိမိ လတ်မှတ်ထိုးလို့လည်း ရနိုင်တဲ့ အနေအထား မဟုတ်ပါဘူး။ အဲဒါအပြင် ဒါဖြင့် မြောက်ကိုးရီးယားမှာ ဘာတွေလုပ်ခဲ့သလဲ ဆိုတဲ့အခါမှာ မိမိသူတို့ဆီက လေကြောင်းရန် ကာကွယ်ရေး လက်နက်စက်ရုံတွေ လေ့လာတယ်။ ကြည့်တဲ့ အခါမှာ လေယာဉ်ကိစ္စ သင်္ဘောကိစ္စ အခြားကိစ္စ လေ့လာသင့်တဲ့ ကိစ္စ လေ့လာတယ်။” ဟု သူရဦးရွှေမန်းက ပြောသည်။
ယခင်စစ်အစိုးရလက်ထက်က ဗိုလ်ချုပ်ကြီးအဆင့်ဖြင့် မြောက်ကိုရီးယားသို့ သွားရောက်ခဲ့ရကြောင်း ပြောကာ “မိမိ သည် တပ်မှာ တာဝန်ရှိတဲ့ အတွက် မြောက်ကိုးရီးယားမှာ ရှိတဲ့ မိမိတပ်မတော် နားလည်မှု စာချွန်လွှာထိုးခဲ့ပါတယ်။ အဲဒီထိုးခဲ့တဲ့ အချိန်မှာ မိမိဘေးမှာ ဒီနေ့ တချို့လည်း ဝန်ကြီးတွေဖြစ်နေပြီ တချို့လည်း တခြားတာဝန်တွေ ထမ်းဆောင်နေတဲ့ ပုဂ္ဂိုလ်တွေလည်း လက်မှတ် ထိုးတဲ့ပုံမှာ တွေ့ပါလိမ့်မယ်။” ဟု ဆိုသည်။
မစ္စကလင်တန်က အဆိုပါကိစ္စကိုမေးမြန်းခြင်းမရှိကြောင်းနှင့် “အမေရိကန်နိုင်ငံခြားရေးဝန်ကြီးက မမေးပါဘူး။ မမေး တာထက် အမေရိကန် နိုင်ငံမှာ မိမိတို့သိထားတာထက် လွန်ကဲသော ထောက်လှမ်းရေး စနစ် ရှိပါတယ်။ လူပုဂ္ဂိုလ် တင် မကဘူး။ နည်းပညာ ထောက်လှမ်းရေးတွေ ရှိပါတယ်။ နည်းပညာ ထောက်လှမ်းရေး ဆိုတဲ့ အခါမှာ မိမိတို့ မသိတာတွေအပြင် မိမိတို့ သိတယ်ဆိုတဲ့ ဂြိုလ်တု ထောက်လှမ်းရေးလို ဟာမျိုးက သူလိုချင်တဲ့ နေရာမှာ ဂြိုလ်တုကို တင်ထားပြီးတဲ့ အခါမှာ လိုချင်တဲ့ သတင်း အချက်အလက်တွေ အားလုံး ရယူနိုင်တဲ့ အနေအထား ရှိပါတယ်။” ဟုဆိုသည်။
အမေရိကန် နိုင်ငံခြားရေးဝန်ကြီးက ရန်ကုန်သို့မသွားခင် နေပြည်တော်တွင် ပြုလုပ်သော သတင်းစာ ရှင်းလင်းပွဲ တွင် ပြောကြားသွားရာ အမေရိကန် အနေဖြင့် မြန်မာအပေါ် ချမှတ်ထားသော ပိတ်ဆို့ အရေးယူမှုများကို ရုပ်သိမ်းရန် အဆင်သင့် မဖြစ်သေးဟု ပြောကြား သွားခဲ့သည်။ နိုင်ငံရေး အကျဉ်းသားများ မကြာမီတွင် လွှတ်လိမ့်မည်ဟု မျှော်လင့်ကြောင်းနှင့် မြောက်ကိုရီးယားနှင့် စစ်ဘက် ဆက်ဆံရေး ဖြတ်တောက်မည် ဆိုသော မြန်မာဘက်က ကတိစကား ပေးအပ်မှုအပေါ် ကြိုဆိုကြောင်း ပါရှိသည်။
အုပ်ချုပ်ရေး၊ စီးပွားရေး၊ လူမှုရေးများ များစွာလုပ်ရန် လိုနေသေးသည့် မြန်မာအစိုးရ အနေဖြင့် ယခု လုပ်နေသည့် ပြုပြင် ပြောင်းလဲရေး ကိစ္စများကို နောက်ပြန်မလှည့်ဖို့ အမေရိကန် ဝန်ကြီးက တိုက်တွန်း ဆွေးနွေးသွားခဲ့သည်ဟု သူရ ဦးရွှေမန်းက ပြောသည်။
အမေရိကန်နှင့် ဆက်ဆံရေးကောင်းမွန်အောင်လုပ်ကိုင်ခြင်းကြောင့် တရုတ်၊ အိန္ဒိယအပါအဝင် အခြားသော မိတ်ဆွေ နိုင်ငံများနှင့်လည်း ဆက်ဆံရေးနှင့် ပူးပေါင်း ဆောင်ရွက်ရေးကို ထိခိုက်စေမှာ မဟုတ်ဟု သူက ဆက်ပြော သည်။ ဒီမိုကရေစီ လိုလားသော မြန်မာပြည်တွင်း ပြည်ပအတိုက်အခံများနှင့် ပူးပေါင်း ဆောင်ရွက်မှုများ ပြုလုပ် ခဲ့သည်။
မစ္စစ်ကလင်တန်က ပြည်တွင်းငြိမ်းချမ်းရေး ဆက်လက်ဖေါ်ဆောင်ပေးဖို့နှင့် တိုင်းရင်းသားဒေသများရှိ စစ်ပွဲ ပဋိပက္ခ နယ်မြေတွင်း ကျရောက် နေသူတွေကို လူသားချင်းဆိုင်ရာ အထောက်အကူများ တိုးမြင့်ပေးရန်နှင့် ကြားဖြတ် ရွေးကောက် တင်မြှောက်ပွဲ ပြီးသည့် အခါတွင် နိုင်ငံ့ သမိုင်းကြောင်း ရွေးချယ်နိုင်ဖို့အတွက် လွှတ်တော် အမတ်များ တွင်သာ တာဝန်ရှိကြောင်း တိုက်တွန်းခဲ့သည့် အတွက် ကြိုးစား ဆောင်ရွက်ပေးပါမည်ဟုလည်း သူရ ဦးရွှေမန်းက ကတိပေးခဲ့သည်။
တနေ့တည်းမှာပင် မြန်မာ့အိမ်နီးချင်း ထိုင်းနိုင်ငံမြောက်ပိုင်း ချင်းမိုင်မြို့ပေါ်ရှိ အမေရိကန် ကောင်စစ်ဝန် ရုံးရှေ့တွင် မြန်မာ တက်ကြွ လှုပ်ရှားသူများနှင့် မြန်မာ့ဒီမိုကရေစီအရေး စိတ်ဝင်စားသူ အဖွဲ့ ၁၆ ဖွဲ့နှင့် မြန်မာနိုင်ငံ ဒီမိုကရေစီ လိုလားသူ နိုင်ငံခြားသားများ လူဦးရေ ၇၀ ကျော်က မြန်မာနိုင်ငံတွင်း စစ်မှန်သည့် ပြောင်းလဲမှုတွေ ဖြစ်ပေါ်လာရေး၊ တိုင်းရင်းသား ပြဿနာများ ဖြေရှင်းပေးရေး၊ နိုင်ငံရေး အကျဉ်းသားများ လွှတ်ပေးရေး ပိုစတာများကိုင်ဆောင်ကာ ဆန္ဒပြ တောင်းဆိုမှုများ ပြုလုပ်ခဲ့ကြသည်။
“ဝန်ကြီး ကလင်တန်အနေနဲ့ လက်ရှိ ဦးသိန်းစိန်အစိုးရနဲ့ တွေ့ဆုံဆွေးနွေးဖို့သွားတဲ့နေရာမှာ တိုင်းရင်းသား ပေါင်းစုံ ပါဝင်တဲ့ တွေ့ဆုံ ဆွေးနွေးရေးတို့၊ အပစ်ခတ် ရပ်စဲရေးတို့၊ နိုင်ငံရေးအကျဉ်းသား လွှတ်မြောက်ရေးတို့၊ တခုချင်းစီ လက်တွေ့ကျကျ အကောင်အထည် ဖေါ်လာအောင် ဦးသိန်းစိန် အစိုးရအနေနဲ့ အဲဒါတွေကို လစ်လျူမရှုအောင် အဓိက တိုက်တွန်းလိုတဲ့ အချက်တွေကို ကျနော်တို့အနေနဲ့ လာရောက် တောင်းဆိုရခြင်း ဖြစ်တယ်” ဟု ဆန္ဒပြပွဲတွင် ပါဝင်သည့် ကိုဝင်းအောင်က မဇ္ဈိမကို ပြောသည်။
ဆန္ဒပြ တောင်းဆိုသူများ၏ ထုတ်ပြန်ချက်နှင့် တောင်းဆိုချက်များကို အမေရိကန် သံအမတ်ကိုယ်စား တာဝန်ခံ တဦးက လာရောက် လက်ခံ ယူပေးသွားသည်။
မြန်မာနိုင်ငံမြောက်ပိုင်း ကချင်ပြည်နယ်တွင် ဇွန်လပိုင်းကစတင်ကာ ကချင်လွှတ်မြောက်ရေးတပ်မတော် KIA နှင့် မြန်မာ အစိုးရ စစ်တပ်တို့ အကြား တိုက်ပွဲများ ပြင်းပြင်းထန်ထန် ဖြစ်ပွားခဲ့မှုတွင် အစိုးရ စစ်တပ်က ဒေသခံ လူထု အပေါ် ကျူးလွန်မှုများ ရှိနေကြောင်း ပြောဆိုပြီး “ဦးသိန်းစိန်အစိုးရက ဒေါ်အောင်ဆန်းစုကြည်လို ပုဂ္ဂိုလ်မျိုးနဲ့ တွေ့ဆုံမှုတွေ လုပ်ပြပေမယ့်လည်း ခု ကျမတို့ ကချင်ပြည်နယ်ထဲမှာ ထိုးစစ်ဆင်နေတာ၊ ဒေသခံတွေကို အနိုင်ကျင့် နေတာတွေက မရပ်ဘူး။ ဒါတွေကို မြန်မာပြည် ရောက်နေတဲ့ ဝန်ကြီး ကလင်တန် အနေနဲ့ တိုက်တွန်းပေးဖို့ ကျမတို့ ကတောင်းဆိုတာပါ” ဟု ဆန္ဒပြရာတွင် ပါဝင်သူ မဆိုင်းပန်က ဆိုသည်။
ဝန်ကြီး ကလင်တန်အနေဖြင့် သမ္မတ ဦးသိန်းစိန် အပါအဝင် အစိုးရ ခေါင်းဆောင်များနှင့် တွေ့ဆုံပြီး မြန်မာ့ အတိုက်အခံ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံ ဆွေးနွေးကြမည်ဖြစ်ပြီး ယင်းတွေ့ဆုံ ဆွေးနွေးမှုအပေါ် ပြည်ပ အခြေစိုက် အမျိုးသမီးများ အဖွဲ့ချုပ်မြန်မာနိုင်ငံ WLB က ကြိုဆိုလိုက်သည်။
Ref: မဇ္ဈိမ
ပိတ်ဆို့မှုများ ရုပ်သိမ်းရန် မစဉ်းစားသေးကြောင်း မစ္စ ကလင်တန် ပြောပြီ
December 1, 2011
အမေရိကန်အနေဖြင့် မြန်မာအစိုးရအပေါ် စီးပွားရေးပိတ်ဆို့မှုများ ရုပ်သိမ်းရန် လတ်တလော စဉ်းစားဦးမည် မဟုတ်ကြောင်း အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန်က နေပြည်တော် သင်္ဂဟ ဟိုတယ်တွင် ယနေ့ ကျင်းပပြုလုပ်သော သတင်းစာ ရှင်းလင်းပွဲ၌ ပြောလိုက်သည်။
“အမေရိကန်အနေနဲ့ အားလုံး အကျိုးဖြစ်ထွန်းတာ မြင်ချင်တယ်။ ပြုပြင်ပြောင်းလဲမှုတွေ အများကြီး လုပ်ဆောင်ဖို့ လိုတယ်။
ဒီ ပြုပြင်ပြောင်းလဲမှုတွေက အမှန်တကယ် ဖြစ်ဖို့လိုပါတယ်။ ကျမတို့အနေနဲ့ အစိုးရ အပါအ၀င် တိုင်းရင်းသားတွေ၊ လူမှုရေး အဖွဲ့စည်းတွေ၊ အတိုက်အခံ နိုင်ငံရေး အင်အားစုတွေ အားလုံးနဲ့ ဆွေးနွေးနေပါတယ်။ အခုအချိန်မှာတော့ စီးပွားရေး ပိတ်ဆို့မှုတွေ ရုပ်သိမ်းပေးဖို့ စဉ်းစားတဲ့အထိ မရောက်သေးပါဘူး။ အစိုးရက နိုင်ငံရေး ပြုပြင်ပြောင်းလဲမှုတွေ ဆက်လုပ်မယ် ဆိုရင် ကျမတို့အနေနဲ့ စီးပွားရေး ပိတ်ဆို့မှုတွေကို ရုပ်သိမ်းဖို့ ချက်ချင်း စဉ်းစားပါ့မယ်။ နောက်ပြန် မသွားဖို့လိုတယ်။ ပြုပြင်ပြောင်းလဲမှုက အစစ်အမှန် ဖြစ်ဖို့လိုတယ်” ဟု ၎င်းက ဆိုသည်။
သမ္မတ ဦးသိန်းစိန်၏ ပြုပြင်ပြောင်းလဲမှု အစ ခြေလှမ်းများကို ကြိုဆိုကြောင်း၊ ပြုပြင်ပြောင်းလဲမှု များစွာ ပြုလုပ်ရန် လိုအပ် နေသေးကြောင်း၊ ပြုပြင်ပြောင်းလဲမှုများ စစ်မှန်စွာ လုပ်ဆောင်ပါက စီးပွားရေး ပိတ်ဆို့မှု ရုပ်သိမ်းရေးကို ချက်ချင်း စဉ်းစားမည် ဖြစ်ကြောင်း မစ္စ ကလင်တန်က ပြောဆိုသည်။
မြန်မာပြည်တွင်း၌ တိုင်းရင်းသားဒေသများတွင် ငြိမ်းချမ်းရေး အပြည့်အဝ မရနိုင်သေးခြင်း၊ နိုင်ငံရေး အကျဉ်းသား များအား ဆက်လက် ဖမ်းဆီးထားခြင်း အပါအဝင် လူ့အခွင့်အရေးချိုးဖောက်မှု များမှာ စိုးရိမ်စရာ အခြေအနေတွင် ရှိနေသေး သောကြောင့် မြန်မာအစိုးရ၏ နိုင်ငံရေး ပြုပြင်ပြောင်းလဲမှုများကို ဆက်လက် စောင့်ကြည့်သွားမည်ဖြစ်ကြောင်း ၎င်းက ပြောသည်။
မြန်မာအစိုးရသစ်က နိုင်ငံရေးအကျဉ်းသား မရှိဟု စဉ်ဆက်မပြတ် ငြင်းဆိုခဲ့သော်လည်း မစ္စ ကလင်တန်ကမူ နိုင်ငံရေး အကျဉ်းသားများကို မဝေးတော့သော အနာဂတ်တွင် လွှတ်ပေးလိမ့်မည်ဟု မျှော်လင့်သည်ဟု သတင်းထောက် များအား ပြောသည်။
“နိုင်ငံရေးအကျဉ်းသား အားလုံး လွှတ်ပေးရမယ်။ နိုင်ငံရေးအကျဉ်းသား အားလုံးလွှတ်ပေးရေးဟာ လူ့အခွင့်အရေး၊ ဒီမိုကရေစီ အရေးနဲ့ တိုင်းရင်းသား စည်းလုံးညီညွတ်ရေး လုပ်မယ်လို့ ပြောထားတဲ့ အစိုးရတရပ် ချက်ချင်း လုပ်ဆောင်ရမယ့် အရေးကြီးတဲ့ လုပ်ငန်းစဉ်တရပ် ဖြစ်ပါတယ်။ မဝေးတော့တဲ့ အနာဂတ်မှာ နိုင်ငံရေးအကျဉ်းသား အားလုံး လွှတ်ပေးလိမ့်မယ်လို့ မျှော်လင့်တယ်” ဟု မစ္စ ကလင်တန်က ဆိုသည်။
ဟီလာရီ ကလင်တန်က ၎င်း၏ ခရီးစဉ်သည် ၂၀၀၉ ခုနှစ်တွင် အမေရိကန်ပြည်ထောင်စု၏ စတင် ပြောင်းလဲ လာသော ထိတွေ့ ဆက်ဆံမှု မူဝါဒသစ်အရ လာရောက်ခြင်း ဖြစ်ကြောင်း၊ ၂ နှစ်အတွင်း အမေရိကန် အစိုးရ ထိပ်တန်း တာဝန်ရှိသူများ၊ အထူး ကိုယ်စားလှယ်များ အကြိမ် ၂၀ နီးပါး မြန်မာပြည်သို့ လာရောက် ခဲ့ကြကြောင်း၊ ယနေ့ လာရောက်မှုသည် အမေရိကန် နှင့် မြန်မာ ဆက်ဆံရေးအတွက် ကောင်းမွန်သော အခွင့်အလမ်း ဖြစ်ကြောင်း ရှင်းပြသည်။
မြန်မာအစိုးရသည် တရုတ်နိုင်ငံအပါအဝင် အိမ်နီးချင်းနိုင်ငံများနှင့် ကောင်းမွန်သော ဆက်ဆံရေး ရှိသည်ကို ကြိုဆိုကြောင်း၊ နိုင်ငံ တနိုင်ငံတည်း နှင့်သာမကဘဲ တခြားနိုင်ငံများနှင့်လည်း မိတ်ဆွေအဖြစ် ဆက်ဆံနိုင်ကြောင်း ၎င်းက ပြောသည်။
အမေရိကန်ပြည်ထောင်စုက မြန်မာနှင့် မြောက်ကိုရီးယား ဆက်ဆံရေးအပေါ် စိုးရိမ်ပူပန်ကြောင်း ပြောဆိုခဲ့သည်ကို မြန်မာ အစိုးရသစ်က ကုလသမဂ္ဂ ချမှတ်ထားသော မြောက်ကိုရီးယား ဆိုင်ရာ ဆုံးဖြတ်ချက်များအား လိုက်နာမည်ဟု ပြောဆိုကြောင်း ဟီလာရီ ကလင်တန်က သတင်းထောက်များအား ပြန်လည် ပြောပြသည်။
ဆက်လက်၍ ၎င်းက အစိုးရအဖွဲ့အတွင်း၌ ပြုပြင်ပြောင်းလဲမှု လုပ်လိုသူ၊ ပြုပြင်ပြောင်းလဲမှုများအား ဆန့်ကျင်သူ၊ ကြားနေသူများ ဟူ၍ ၃ စု တွေ့ရကြောင်း၊ အမေရိကန်ပြည်ထောင်စုသည် ပြုပြင်ပြောင်းလဲမှု လုပ်လိုသော အစိုးရ အဖွဲ့အတွင်းမှ လူများ၊ အစိုးရအဖွဲ့ ပြင်ပမှ လူများအားလုံးကို ထောက်ခံသွားမည် ဖြစ်ကြောင်း ပြောသည်။
ဟီလာရီကလင်တန်သည် နေပြည်တော်မှ ရန်ကုန်သို့ ယနေ့ညနေ ၃ နာရီခွဲတွင် ထွက်ခွာသွားပြီး ညနေ ၄ နာရီကျော်၌ ရန်ကုန်မြို့သို့ ရောက်ရှိကာ ရွှေတိဂုံ စေတီကို ဖူးမျှော်မည် ဖြစ်သည်။ ဒီဇင်ဘာလ ၂ ရက်နေ့တွင် ဒေါ်အောင်ဆန်းစုကြည် အပါအ၀င် တိုင်းရင်းသားများ၊ နိုင်ငံရေး အဖွဲ့အစည်းများနှင့် တွေ့ဆုံမည်ဖြစ်သည်။
Ref: ဧရာဝတီ
ကျန်ခဲ့သည့် သီးလေးသီးအဖွဲ့ဝင်များလည်း ပြည်တော်ပြန်ပြီ
December 1, 2011
ထိုင်းနိုင်ငံတွင် ကျန်နေခဲ့သော သီးလေးသီး ဆေးရောင်စုံ အငြိမ့်အဖွဲ့ဝင် လူရွှင်တော် ပန်းသီး၊ ကြယ်သီးနှင့် မင်းသမီး မြစံပယ်ငုံ တို့သည် ထိုင်းနိုင်ငံမြောက်ပိုင်း ချင်းမိုင် လေဆိပ်မှ အဲပုဂံ လေကြောင်းလိုင်းဖြင့် ယနေ့ ညနေ ထိုင်းစံတော်ချိန် ၅ နာရီတွင် ရန်ကုန်သို့ ပြန်သွားပြီဖြစ်သည်။
ပြည်တွင်း၌ အနုပညာ လုပ်ငန်းများ ဆက်လုပ်ရန်အတွက် ပြန်ရခြင်း ဖြစ်ကြောင်း လူရွှင်တော် ပန်းသီးက ယနေ့ ဧရာဝတီသို့ ပြောသည်။
“ကိုဇာဂနာလည်း လွတ်မြောက်လာပြီ။ အဲဒီအခါကျတော့ ကျနော်တို့ အနုပညာ အလုပ်တွေ ပြည်တွင်းမှာ ဆက်ပြီးတော့ လှုပ်ရှား ဖို့အတွက် ပြန်တာပါ” ဟု ၎င်းက ဆိုသည်။
မင်းသမီး မြစံပယ်ငုံကလည်း ပြည်ပတွင် နေထိုင်ကြသည့် မြန်မာ ပရိသတ်များနှင့် ပြန်ဆုံစည်းနိုင်ရန် ကြိုးစားသွားမည် ဖြစ်ကြောင်း ပြောသည်။
မြစံပယ်ငုံ၏ အဆိုအရ ၎င်းတို့ အဖွဲ့သားများကို ရန်ကုန်လေဆိပ်တွင် ပရိသတ်များနှင့်အတူ ဦးဇာဂနာ ခေါင်းဆောင်သော လူရွှင်တော်များ၊ အနုပညာ သမားများက လာရောက် ကြိုဆိုမည်ဟု သိရသည်။
သီးလေးသီး ဆေးရောင်စုံ အဖွဲ့ဝင်များအားလုံး ပြန်လည် ပူးပေါင်းပြီး ပထမဆုံး အနေဖြင့် တောင်ငူမြို့တွင် အငြိမ့်ပွဲ ကျင်းပရန် စီစဉ်ထားကြောင်း လူရွှင်တော် ဇာဂနာက ပြောသည်။
“သူတို့ ပြန်ရောက်ရောက်ခြင်း တောင်ငူမှာ အရင်ကမယ်၊ ပြီးရင် ရန်ကုန်မှာကမယ်။ ဒေါ်အောင်ဆန်းစုကြည် ကလည်း သူတို့ကို ကြည့်ချင်တယ်လို့ ပြောထားတယ်” ဟု ၎င်းက ဆိုသည်။
ပြည်ပရောက်နေသူများ ပြည်တော်ပြန်နိုင်ကြောင်း သမ္မတ ဦးသိန်းစိန်၏ ဖိတ်ခေါ်စကားကြောင့် စက်တင်ဘာလ ၁၁ ရက်နေ့က သီးလေးသီး ဆေးရောင်စုံ အဖွဲ့ဝင်များ ဖြစ်သော မင်းသမီး ချောစုမျိုး၊ လူရွှင်တော် ဂေါ်ဇီလာ၊ စိန်သီး၊ ဇီးသီး တို့ ရန်ကုန်သို့ ပြန်သွား ခဲ့ကြသော်လည်း ကျန်အဖွဲ့ဝင်များ ဖြစ်သည့် လူရွှင်တော် ပန်းသီး၊ ကြယ်သီးနှင့် မင်းသမီး မြစံပယ်ငုံတို့က အကျဉ်းချ ခံထားရသော ကိုဇာဂနာ ပြန်လည်လွတ်မြောက်မှ ပြည်တွင်းပြန်မည်ဟု ဆုံးဖြတ်ခဲ့ကြကြောင်း သိရသည်။
မင်းသမီး ချောစုမျိုး၊ လူရွှင်တော် စိန်သီး၊ ဂေါ်ဇီလာ၊ ဇီးသီးတို့မှာ ထင်ရှားသည့် ပြည်ပရောက် မြန်မာပြည်သားများ အနက် သမ္မတ၏ ဖိတ်ခေါ်ချက် တလပြည့်ခါနီးအချိန်တွင် ပထမဆုံး ပြည်တော်ပြန်ကြ သူများလည်း ဖြစ်သည်။
သီးလေးသီး ဆေးရောင်စုံအဖွဲ့သည် ၂၀၀၇ ခု နှစ်ဒီဇင်ဘာလတွင် ပြည်ပသို့ ထွက်ကာ ထိုင်း၊ မလေးရှား၊ စင်ကာပူ၊ ကိုးရီးယား၊ ဂျပန်၊ အမေရိကန် စသည့် နိုင်ငံများတွင်သွားရောက် ဖျော်ဖြေခဲ့ပြီးနောက် ထိုင်းနိုင်ငံ ချင်းမိုင်မြို့၌ နေထိုင်ခဲ့ကြသည်။
ပြည်ပတွင် အငြိမ့်ကစဉ် အစိုးကို ဝေဖန်သည့်ပြက်လုံး အများအပြား ထုတ်ခဲ့ပြီး မြန်မာပြည်ပြန်လျှင် အရေးယူခံရမည် ဆိုသည့် သတင်းများ ထွက်ပေါ်ခဲ့သောကြောင့် ထိုင်းနိုင်ငံတွင် ၄ နှစ်ခန့် နေထိုင်ခဲ့ကြခြင်း ဖြစ်သည်။ အစိုးရ၏ အရေးယူခြင်း ခံရမည်ကို စိုးရိမ်သဖြင့် ပြည်ပနိုင်ငံများတွင် ခိုလှုံနေသော မြန်မာပြည်သား အများအပြား ရှိသည်။
“ပြစ်မှု တစုံတရာ ကျူးလွန်ထားတာ မရှိဘူး ဆိုရင် အချိန်မရွေး ပြန်လာနိုင်ဖို့ ကျနော်တို့ စဉ်းစားပေးမှာ ဖြစ်ပါတယ်။ ပြစ်မှု ကျူးလွန် ထားသည့်တိုင် ထိုက်သင့်တဲ့ ပြစ်ဒဏ်ကျခံဖို့ ပြန်လာမယ် ဆိုရင်တောင် ကျနော်တို့က သဘောထားကြီးစွာ စဉ်းစားပေး မှာ ဖြစ်ပါတယ်” ဟု သမ္မတ ဦးသိန်းစိန်က ပြီးခဲ့သည့် သြဂုတ်လအတွင်း လူသိရှင်ကြား ပြောကြား ခဲ့သည်။
အစိုးရအနေဖြင့် ထိုသို့ထုတ်ပြန်ရုံသာမက နိုင်ငံရေး အကျဉ်းသားအားလုံး လွတ်မြောက်ရေး၊ ပြည်ပတွင် တိမ်းရှောင် နေသူများ ပြည်တော် ပြန်နိုင်ရေးတို့ အတွက် အထွေထွေ လွတ်ငြိမ်းချမ်းသာခွင့် ထုတ်ပြန် သင့်သည်ဟု ပြည်ပရောက် အတိုက်အခံ အများအပြားက ဝေဖန်ခဲ့ကြသည်။
Ref: ဧရာဝတီ
Thursday, December 1, 2011
သမိုင်းထဲက ကန် – မြန်မာ ဆက်ဆံရေး
အောင်ဇော်
November 30, 2011
မြန်မာနဲ့ အမေရိကန် ဆက်ဆံရေး သမိုင်းကို ပြန်ကြည့်တော့ အမြော်အမြင်ကြီးပြီး အနောက်နိုင်ငံတွေနဲ့ အဆင်ပြေချင်တဲ့ မင်းတုန်းမင်းက စပြီး သံတမန် ဆက်ဆံရေး တံခါးကို ဖွင့်ခဲ့တာလို့ သမိုင်း အထောက်အထားတွေ အရ သိရပါတယ်။
၁၈၅၆ မှာ မင်းတုန်းမင်းဟာ အမေရိကန် သမ္မတ ဂျွန် ဗြူကန်နန် (John Buchanan) ဆီကို နှစ်နိုင်ငံ ဆက်ဆံရေး မျက်နှာစာ ဖွင့်တဲ့အနေနဲ့ သဝဏ်လွှာ ပို့ခဲ့တယ်လို့ သိရပါတယ်။
၁၈၅၃ မှာ မင်းဖြစ်တဲ့ မင်းတုန်းမင်းဟာ ၃ နှစ်အကြာမှာ အမေရိကန် သမ္မတ ဆီကို စာချွန်လွှာ ပို့ခဲ့တာပါ။
ဒီအချိန်ဟာ ဒုတိယ အင်္ဂလိပ်မြန်မာ စစ်ပွဲပြီးစ ဖြစ်ပါတယ်။ မြန်မာနိုင်ငံ အောက်ပိုင်းဟာ ဗြိတိသျှ ကိုလိုနီ နယ်ချဲ့ရဲ့ လက်ထဲ ကျရောက်သွားခဲ့တဲ့ အချိန် မင်းတုန်းမင်းကလည်း မြန်မာဘက်က ပေးခဲ့ရတဲ့ နယ်တွေကို ပြန်ပြီး တောင်းဆိုဖို့ ကြိုးစားနေတဲ့ ကာလလို့ ဆိုရမှာ ဖြစ်ပါတယ်။
အမေရိကန်သမ္မတ ဂျွန် ဗြူ ကန်နန်ဟာ အဲဒီအချိန်မှာ ကိုလိုနီ တပိုင်း မြန်မာနိုင်ငံကို ဘယ်လောက် အာရုံ စိုက်နိုင်တယ် ဆိုတာ တွေးစရာပါ။ သူကိုယ်တိုင်လည်း ပြည်တွင်းစစ်နဲ့ ကျေးကျွန်စနစ် တိုက်ဖျက်မှုတွေနဲ့ စိန်ခေါ်ခံနေရတဲ့ အချိန်ကာလ ဖြစ်ပါတယ်။ ၁၈၅၇ မှာတော့ သမ္မတဆီက မင်းတုန်းမင်းတြားကြီး ဆီကို စာချွန်လွှာ ပြန်ပို့ပါတယ်။
သူ့ရဲ့ စာထဲမှာတော့ ငြိမ်းချမ်းရေးနဲ့ ချစ်ကြည်ရေးကို လိုချင်ကြောင်း၊ မြန်မာရဲ့ အချုပ်အခြာ လွတ်လပ်ခွင့်ကို ထိပါး စော်ကားတာ မမြင်ချင်တဲ့ အကြောင်းလည်း ပါတယ်လို့ သိရပါတယ်။ စာအုပ်လက်ဆောင် အပြင် မီးသင်္ဘောပုံစံငယ် လက်ဆောင်လေးပါ ပါးလိုက်တယ်လို့ သမိုင်း အထောက်အထားတွေ အရ သိရပါတယ်။
မြန်မာ – အမေရိကန် ဆက်ဆံရေးဟာ ဒီမှာပဲ ခဏ တန့်သွားပါတယ်။
၁၈၈၅ မှာ မြန်မာဟာ ဗြိတိသျှ ကိုလိုနီ နယ်ချဲ့လက်အောက်ကို ရောက်ခဲ့တယ်။ ၁၉၄၈ ခုနှစ်မှာ လွတ်လပ်ရေး ပြန်ရခဲ့ပါတယ်။ အဲဒီမှာ အမေရိကန်က မြန်မာပြည် ရခဲ့တဲ့ လွတ်လပ်ရေးကို အသိအမှတ် ပြုပါတယ်။ သံရုံးကိုလည်း စတင် ဖွင့်လှစ်ခဲ့ ပါတယ်။ စီးပွားရေး အထောက်အကူပြုတဲ့ စာချုပ်ကိုလည်း နှစ်နိုင်ငံ ချုပ်ဆို နိုင်ခဲ့ပါတယ်။ အမေရိကန် သမ္မတ ထရူးမင်း ကိုယ်တိုင် သဝဏ်လွှာပို့ပြီး လွတ်လပ်ရေးနေ့ကို ဂုဏ်ပြုခဲ့ပါတယ်။ နှစ်နိုင်ငံ ဆက်ဆံရေးကို ဆက်လက် တည်ဆောက်ဖို့ ပြောဆိုခဲ့တာလည်း တွေ့ရပါတယ်။
ဒါပေမယ့် မြန်မာ – အမေရိကန် ဆက်ဆံရေးမှာ အဖုအထစ်တွေ ဖြစ်ပေါ်ခဲ့တာ တွေ့ရပါတယ်။ အဲဒါကတော့ စီအိုင်အေ အဖွဲ့ကြီးကနေ မြန်မာ့မြေပေါ် ကျူးကျော် ရောက်ရှိနေတဲ့ ကူမင်တန် တရုတ်တွေကို ထောက်ပံ့ ကူညီခဲ့တဲ့ ကိစ္စကြောင့်ပဲ ဖြစ်ပါတယ်။
အမေရိကန်ရဲ့ Covert Operation ကတော့ မော်စီတုန်းရဲ့ ကွန်မြူနစ် တပ်နီတွေ လက်ထဲကနေ တရုတ် ကူမင်တန်တွေက ပြန်ပြီး သိမ်းဖို့ အစီအစဉ်ပဲ ဖြစ်ပါတယ်။ ဒီစီမံကိန်းဟာ လေထဲ တိုက်အိမ် ဆောက်ရသလိုပါပဲ။ အရာ မရောက်ခဲ့ပါဘူး။ အဲဒီအချိန်မှာ မြန်မာပြည်မှာ ဝန်ကြီးချုပ်ဦးနု အစိုးရ ဦးဆောင်နေတဲ့ အချိန်ဖြစ်ပြီး အင်အားချိနဲ့ဆဲ မြန်မာ့ တပ်မတော်ကလည်း ရောင်စုံ သူပုန်တွေကို တဘက်က ရင်ဆိုင်၊ တဘက်ကလည်း ကျူးကျော်နေတဲ့ ကူမင်တန်တွေကို တိုက်ထုတ်နေရတဲ့ ကာလလို့ ဆိုရမှာပါ။
တချိန်တည်းမှာ အမေရိကန်က မြန်မာအစိုးရကို ထောက်ပံ့မှုတွေ လုပ်ခဲ့တဲ့အပြင် ၁၉၅၀ မှာ ၂ နိုင်ငံ ချစ်ကြည်ရေး စာချုပ် ချုပ်ဆိုခဲ့တယ်။ အဲဒီနှစ် အောက်တိုဘာလမှာ အမေရိကန် ဘက်က ဒေါ်လာ ၂၁ သန်းဖိုး ရှိတဲ့ စစ်ရေး အထောက်အကူတွေကို ပေးခဲ့ပါတယ်။
၁၉၅၁ မှာဆိုရင် မြန်မာ့ တပ်မတော်က “Operation Frost” ဆိုတဲ့ နာမည်နဲ့ ကျူးကျော် ကူမင်တန်တွေကို တိုက်ထုတ်ဖို့ လုပ်ခဲ့တာ တွေ့ရပါတယ်။
ရှမ်းပြည်နယ် မိုင်းဆတ်နယ်မှာ လေယာဉ်ကွင်း အကျအန ဆောက်ပြီး စီအိုင်အေက သယ်ပို့ လေယာဉ်တွေက ကူမင်တန် တွေကို ရိက္ခာတွေ ချပေးနေတဲ့ သတင်း ဓာတ်ပုံတွေကလည်း သတင်းစာတွေမှာ ဘူးပေါ်သလို ပေါ်ခဲ့တာ တွေ့ရပါတယ်။
အဲဒီမှာ မြန်မာပြည်က သတင်းစာဆရာကြီးတွေ အားပါးတရ လိုက်ခဲ့ရတဲ့ သတင်းတွေကတော့ ကူမင်တန် သတင်းတွေ အပြင် မြန်မာနိုင်ငံ ဆိုင်ရာ အမေရိကန် သံအမတ်ကြီး ဒေးဗစ် ကီး (David. M. Key) အကြောင်းပဲ ဖြစ်ပါတယ်။ သူဟာ စီအိုင်အေရဲ့ Covert Operation ကို လုံးဝ မသိတဲ့အတွက် ဝါရှင်တန်ကို စာပို့ခဲ့တာပဲ ဖြစ်ပါတယ်။ သမိုင်း အထောက်အထားတွေ အရတော့ ၁၉၅၁ ခုနှစ် သြဂုတ်လ အတွင်းမှာလို့ သိရပါတယ်။ ၁၉၅၂ ဧပြီလ အတွင်းမှာတော့ သူဟာ သံအမတ်အဖြစ်က နုတ်ထွက်ခဲ့ပါတယ်။ စီအိုင်အေရဲ့ မြန်မာပြည်တွင်းက ကူမင်တန် လျှို့ဝှက် စစ်ဆင်ရေးကို သူမသိတဲ့ အတွက်ကြောင့် ဖြစ်ပါတယ်။
မြန်မာဘက်ကတော့ ကူမင်တန်ကျူးကျော်တဲ့ ကိစ္စကို ကုလသမဂ္ဂ အထွေထွေ ညီလာခံကနေ ကူမင်တန်တွေ ရုပ်သိမ်းဖို့ကို ဆုံးဖြတ်ချက်ချ တောင်းဆို ခဲ့ပါတယ်။ အဲဒီအချိန်တုန်းက UN မှာ ကိုယ်တိုင် လျှောက်လဲခဲ့သူ ကတော့ တရားရေး ဝန်ကြီးချုပ် Justice ဦးမြင့်သိန်း (Uncle Monty လို့လည်းခေါ်ကြပါတယ်) ပဲ ဖြစ်ပါတယ်။ ဒီနောက်ပိုင်းမှာတော့ မြန်မာ၊ ထိုင်းနဲ့ ထိုင်ဝမ်က တရုတ် အရာရှိတွေနဲ့ အမေရိကန်တွေ ဘန်ကောက်မှာ တွေ့ဆုံပြီး မြန်မာ့မြေပေါ်က ကူမင်တန်တွေ ဆုတ်ခွာရေးကို ဆွေးနွေးခဲ့ကြတဲ့ သမိုင်းတွေ ရှိခဲ့ပါတယ်။
မြန်မာနဲ့ အမေရိကန် ဆက်ဆံရေးကတော့ ချစ်ကြည်ရေး ပျက်ပြားတဲ့ အခြေအနေကို မရောက်ခဲ့ပါဘူး။ ၁၉၅၃ မှာဆိုရင် ဒုသမ္မတ ရစ်ချတ် နစ်ဆင် က မြန်မာပြည်ကို လာရောက် လည်ပတ်ခဲ့ပါတယ်။ ဒါပေမယ့် အမေရိကန် ဆန့်ကျင်ရေး အသံတွေကိုတော့ သူကြားသွား ခဲ့ရပါတယ်။ သူ့ရဲ့ ၂ ရက်ခရီးစဉ်အတွင်း မြန်မာပြည်ဟာ စစ်လိုလားတဲ့ ယန်းကီးတွေအတွက် မဟုတ်ဘူးဆိုပြီး ဆန္ဒပြုခဲ့ သူတွေ ရှိခဲ့တယ်လို့ သိရပါတယ်။ နစ်ဆင်ရဲ့ ခရီးစဉ်အပြီး ဝန်ကြီးချုပ် ဦးနုက ဝါရှင်တန်ကို သွားရောက်လည်ပတ် ခဲ့ပါတယ်။
ဦးနုက အမေရိကန် လွှတ်တော် ၂ ရပ်စလုံးမှာ မိန့်ခွန်းချွေခဲ့ရသလို သမ္မတကြီး အိုက်စင်ဟောင်ဝါနဲ့ မြန်မာပြည် ဝန်ကြီးချုပ် တို့ ဟာလည်း ကိုရီးယား စစ်ပွဲတုန်းက တရုတ်ပြည်မှာ အထိန်းသိမ်း ခံထားခဲ့ရတဲ့ အမေရိကန် လေတပ်က လေယာဉ်မှူးတွေရဲ့ ကိစ္စကိုလည်း ဆွေးနွေးခဲ့ပါတယ်။
ဒီကိစ္စနဲ့ ပတ်သက်ပြီး တရုတ်ပြည်နဲ့လည်း ဆွေမျိုးပေါက်ဖော် ချစ်ကြည်ရေးကို ပြုလုပ်ခဲ့တဲ့ ဝန်ကြီးချုပ် ဦးနုက ဒီလေယာဉ်မှူး တွေ လွတ်မြောက်ရေး အတွက် ဝင်ရောက် စေ့စပ်ပေးခဲ့တာတွေ ရှိခဲ့ပါတယ်။
၁၉၆၀ ကာလနောက်ပိုင်း အမေရိကန်နဲ့ မြန်မာပြည်အကြား ဆက်ဆံရေးမှာ အချိုးအကွေ့ တချို့ ရှိတယ်လို့ ဆိုရမှာပါ။ ၁၉၆၂ မှာ ဗိုလ်ချုပ်ကြီး နေဝင်း ဦးဆောင်တဲ့ တော်လှန်ရေး ကောင်စီက နိုင်ငံတော် အာဏာကို သိမ်းယူခဲ့ပါတယ်။
ဗိုလ်ချုပ်ကြီးနေဝင်း အာဏာသိမ်းခဲ့တာကို အမေရိကန်က ဘာမှ မပြောခဲ့ပါဘူး။ ဇူလိုင် ၇ ရက်နေ့မှာ သမိုင်းဝင် ကျောင်းသားသမဂ္ဂ အဆောက်အအုံကို မိုင်းနဲ့ခွဲ ဖျက်ဆီးပြီး ဆန္ဒပြ ကျောင်းသားတွေကို သတ်ခဲ့တဲ့ အချိန်မှာလည်း ဝါရှင်တန်က ရေငုံနှုတ်ပိတ် နေခဲ့တာ တွေ့ရပါတယ်။ ဒီနေရာမှာ ကွန်မြူနစ် တရုတ်နိုင်ငံက ဗိုလ်ချုပ်ကြီးနေဝင်း အစိုးရကို မထောက်ခံဘဲ နောက်ပိုင်းမှာ ဖက်ဆစ် နေဝင်းအစိုးရ လို့ ပီကင်းရေဒီယိုက အော်ခဲ့သလို ဗမာပြည်ကွန်မြူနစ် ပါတီကိုလည်း ပြောင်ပြောင်တင်းတင်းဘဲ သူ့မြေပေါ်ကနေ တရားဝင် ကြေညာချက် ထုတ်ပြန်ခွင့် ပေးပြီး ဗိုလ်ချုပ်ကြီးနေဝင်း အစိုးရကို ပြစ်တင်ရှုတ်ချ စေခဲ့ပါတယ်။
ဒီအချိန်ဟာ အင်ဒိုချိုင်းနားက တောင်နဲ့ မြောက်ဗီယက်နမ် စစ်ပွဲ အရှိန်ပြင်းထန်နေဆဲ ကာလလည်း ဖြစ်ပါတယ်။
တရုတ်က ဗကပ ကို လက်နက်ထောက်ပံ့ပြီး နိုင်ငံရေးအရ အကူအညီ အထောက်အပံ့တွေ ပေးခဲ့ပါတယ်။ နေဝင်းအစိုးရ ဖြုတ်ချရေးပါ။ အမေရိကန်ကလည်း အဲဒီအချိန်မှာ လောနိုင်ငံက ကွန်မြူနစ် အစိုးရကို ဖြုတ်ချဖို့အတွက် စီအိုင်အေကပဲ တိုင်းရင်းသားတွေ ဖြစ်တဲ့ မြန်မာပြည်က ရှမ်း၊ လားဟူ၊ ဝ စတဲ့သူတွေကို ထောက်ပံ့ပြီး ထိုင်း – မြန်မာ – လော နယ်စပ်မှာ လှုပ်ရှားနေတဲ့ ကာလလို့ ဆိုရမှာပါ။
အမေရိကန်က သူ့ရဲ့ အင်ဒိုချိုင်းနား စစ်ပွဲမှာ မြန်မာဟာ သူ့ရဲ့ မဟာမိတ် မဟုတ်ဘူး၊ ဒါပေမယ့် ကြားနေနိုင်ငံလို့ မြင်ပုံ ရပါတယ်။ ဦးနေဝင်းရဲ့ အစိုးရကလည်း ဘက်မလိုက် အဖွဲ့ကြီးထဲ ဝင်ပြီး သူ့ရဲ့ နိုင်ငံခြားရေး ဝါဒဟာ ဘက်မလိုက် နိုင်ငံခြားရေး ဝါဒလို့ အတိအလင်း ကြေညာခဲ့တာ ဖြစ်တဲ့အတွက် မြန်မာ – အမေရိကန် ဆက်ဆံရေးဟာ ပုံမှန် အနေအထားလို့ ဆိုရင် မမှားပါဘူး။ စစ်ပွဲထဲကို မြန်မာက မဝင်ခဲ့ပေမယ့် မြန်မာဟာ ကွန်မြူနစ် ဘလော့ခ် (Bloc)နဲ့ရော အနောက်ဘက် အုပ်စုနဲ့ပါ အဆင်ပြေအောင် ပေါင်းခဲ့ရတယ်လို့ ဆိုရမှာပါ။
ဗိုလ်ချုပ်ကြီးနေဝင်းဟာ စစ်ဦးစီးချုပ် ဘဝနဲ့တုန်းကလည်း အမေရိကားကို မကြာခဏ သွားခဲ့တာဖြစ်ပြီး ၁၉၆၂ အာဏာသိမ်းပြီး ၄ နှစ်အကြာမှာ တရားဝင် ခရီးစဉ်အဖြစ် အိမ်ဖြူတော်ကို သွားရောက်လည်ပတ် ခဲ့ပါတယ်။ အဲဒီမှာပဲ အမေရိကန် သမ္မတ လင်ဒန် ဂျွန်ဆင်နဲ့ တွေ့ဆုံခဲ့ပါတယ်။
အမေရိကန်တွေက မြန်မာခေါင်းဆောင်ရဲ့ အရိပ်အကဲကို စောင့်ကြည့်နေပုံ ရပါတယ်။ သူ့ကို ဧည့်ခံတဲ့ပွဲမှာ ဦးနေဝင်းက စကား သိပ်မပြောဘဲ ၂ နိုင်ငံချစ်ကြည်ရေး အဓွန့်ရှည်ဖို့ သဘောပဲပြောပြီး ရှမ်ပိန်ခွက်ကို မြှောက်ခဲ့ တာဟာလည်း အမေရိကန်နဲ့ သိပ်ပြီး ဖက်လှဲတကင်း အရောတဝင် မရှိဘူးဆိုတာကို ပြတာလား၊ ဘက်မလိုက် မူဝါဒကို ကျင့်သုံးတာလား ဆိုတာ ကတော့ မေးခွန်း ထုတ်စရာပါပဲ။ ဒါပေမယ့် ဦးနေ၀င်းအစိုးရ ဟာ အဲဒီအချိန်တုန်းက အမေရိကန်ဆီက အကူအညီတချို့ကို ဆက်ပြီး ယူနေတုန်းပါပဲ။
အဲဒီအထဲမှာ စစ်ရေးအကူအညီ ပါလာလို့ အမေရိကန် စစ်ဦးစီးတက္ကသိုလ်ကို မြန်မာအရာရှိ ၂ ဦး နှစ်စဉ် ပို့ခွင့် ရှိပါတယ်။ ဗိုလ်ချုပ်ကြီးနေဝင်းရဲ့ တပည့် သားမြေးတွေထဲက ကာကွယ်ရေး ဦးစီးချုပ်ရာထူးကို တော်တော်ကြာကြာ ထမ်းဆောင် သွားခဲ့တဲ့ ဗိုလ်ချုပ်ကြီး သူရကျော်ထင် ကလည်း အမေရိကန် စစ်တက္ကသိုလ်မှာ တနှစ်သွားပြီး ပညာ သင်ယူခဲ့ရတာပါ။
ဦးနေဝင်းရဲ့ခေတ်မှာ MI ဆိုပြီး အားလုံးကြောက်ရတဲ့ MI တင်ဦး (မျက်မှန်တင်ဦး) ဟာဆိုရင်လည်း ဦးနေဝင်းရဲ့ ခိုင်းစေမှုကြောင့် ဆိုင်ပန်ကျွန်းမှာ စီအိုင်အေရဲ့ သင်တန်း ပေးတာကို ခံယူခဲ့ရသူ တဦးပါ။ အဲဒီခေတ်က ထောက်လှမ်းရေး အရာရှိတွေက အမေရိကန်မှာ ထောက်လှမ်းရေး မွမ်းမံ သင်တန်းတွေလည်း တက်ခွင့် ရခဲ့တာဖြစ်ပါတယ်။
ဒါ့အပြင် မူးယစ်ဆေးဝါးနှိမ်နင်းရေး ဆိုတဲ့ ခေါင်းစဉ်အောက်မှာ အမေရိကန်က မြန်မာကို Bell 205 ဟယ်လီ ကော်ပတာတွေ ပေးခဲ့ တာတွေလည်း ရှိခဲ့ပါတယ်။ မြန်မာ့ တပ်မတော်ကတော့ မူးယစ်ဆေး ကိစ္စမှာကော၊ ပြည်တွင်းစစ်မှာပါ သုံးခဲ့တယ်လို့ နိုင်ငံခြား သတင်းထောက် တွေက ရေးသားခဲ့ကြတာ ဖတ်ဖူးပါတယ်။
အာဏာသိမ်းပြီး ၂ နှစ်အကြာမှာ တော်လှန်ရေးကောင်စီက အမေရိကန်ဆီက ယူနေတဲ့ အကူအညီကို ရပ်ဆိုင်းခဲ့တာပါ။ ၁၉၆၄ မှာပေါ့။ ၁၉၇၁ မှာ ကျင်းပတဲ့ မြန်မာ့ဆိုရှယ်လစ် လမ်းစဉ်ပါတီရဲ့ ညီလာခံမှာ နိုင်ငံခြား အကူအညီ ပြန်ယူရေး ပေါ်လစီက ပြန်ကျ ခဲ့ပါတယ်။
အဲဒီအချိန်ဟာ မြန်မာရဲ့ စီးပွားရေးဟာ အခြေအနေ မကောင်းတော့တဲ့ လက္ခဏာတွေ အထင်အရှား တွေ့နေရပြီ ဖြစ်ပါတယ်။ ဦးနေဝင်းကတော့ ကျားမြီး ဆက်ဆွဲထားရမှာပဲ၊ လွှတ်လို့မရဘူးလို့ ပြောခဲ့တဲ့ ဝန်းကျင်ကာလ အပိုင်းအခြားတခုလို့ ထင်ပါတယ်။
ဗီယက်နမ်မှာလည်း စစ်ပွဲဟာ ပြီးဆုံးတော့မှာ ဖြစ်ပါတယ်။ ၁၉၇၅ မှာ ဦးနေဝင်း အစိုးရက အမေရိကန်ဆီက အကူအညီတွေ ပြန်တောင်း၊ ပြန်ယူရတာကို တွေ့ရပါတယ်။ ဗီယက်နမ် စစ်ပွဲက ပြီးတော့မှာကိုး။
ဒီစစ်အေးတိုက်ပွဲကာလမှာ ရန်ကုန်ဟာ အမေရိကန်အတွက် စိတ်ဝင်စားစရာ ကောင်းတဲ့ မြို့တော်တခုလို့ ဆိုရင် မမှားပါဘူး။ အဲဒီတုန်းက ဆိုဗီယက် ရုရှားနိုင်ငံနဲ့ တရုတ်နိုင်ငံရဲ့ ဆက်ဆံရေးတွေ၊ ကွန်မြူနစ် ဘလော့ခ် တွေရဲ့ အကွဲအပြဲ တွေကိုလည်း စနည်းနာ ထောက်လှမ်းလို့ ရတဲ့ နေရာဖြစ်ပါတယ်။ ဘာကြောင့်လဲဆိုတော့ ဆိုဗီယက်နဲ့ တရုတ် သံရုံးကြီးတွေဟာ ရန်ကုန်မှာ အတော်ကို ခြေရှုပ် အလုပ်များကြတဲ့ ကာလဖြစ်တဲ့ အတွက် အမေရိကန်တွေလည်း သူတို့ကို စောင့်ကြည့်လို့ ကောင်းတဲ့ နေရာဆိုရင် မမှားပါဘူး။
အမေရိကန်အပါအဝင် အနောက်နိုင်ငံခေါင်းဆောင် တချို့ကလည်း အဲဒီကာလတွေမှာ မော်စီတုန်းရဲ့ တရုတ်နီ နိုင်ငံတော်ကြီးကို အနီးကပ် လေ့လာချင်ရင် ရန်ကုန်ကိုလာပြီး ဦးနေဝင်းဆီမှာ တီးခေါက် ကြတာတွေလည်း မကြာခဏ ဆိုသလို ရှိကြတာ ဖြစ်ပါတယ်။
အဲဒီနိုင်ငံတကာ ဆက်ဆံရေးတွေမှာ မြန်မာ – အမေရိကန် ဆက်ဆံရေးဟာ ပုံမှန်အနေအထားမှာ ရှိတယ်လို့ ပြောရမှာ ဖြစ်ပါတယ်။ ထိုင်း – မြန်မာနယ်စပ်က ကရင် လက်နက်ကိုင်တွေက Bell 205 ရဟတ်ယာဉ်ကြီး တစင်းကို ပစ်ချခဲ့တာတွေ ရှိခဲ့ပါတယ်။ မူးယစ်ဆေးဝါး တိုက်ဖျက်ရေးမှာတင် မကဘဲ တိုင်းရင်းသားတွေကို တိုက်ခိုက်နှိမ်နင်းတဲ့ နေရာမှာ သုံးနေတယ် ဆိုတာ ပေါ်သွားတဲ့ အဖြစ်တခုပါပဲ။
ဝါရှင်တန်က ဒီကိစ္စကို ဘာမှ တရားဝင် ထုတ်ဖော်ပြောကြားခြင်း မရှိခဲ့ပါဘူး။ အဲဒီအချိန်မှာ အမေရိကန်ရဲ့ မူဝါဒက မြန်မာကနေ ထွက်ပြီး အမေရိကန်ပြည်ကို လှိမ့်ပြီးဝင်ရောက်နေတဲ့ ဟီးရိုးအင်း ဘိန်းဖြူကိစ္စကို တားဆီးရေးပဲ ဖြစ်ပါတယ်။
ဒါကြောင့် မူးယစ်ဆေးဝါး တိုက်ဖျက်နှိမ်နင်းရေးတွေမှာ ၂ နိုင်ငံ ပူးပေါင်းဆောင်ရွက်မှုတွေ အတော်ရှိခဲ့တယ်လို့ ဆိုရမှာ ဖြစ်ပါတယ်။ ဒါပေမယ့် ရွှေတြိဂံက ဘိန်းဖြူတွေကတော့ အမေရိကန်ဆီကို ရောက်ဆဲ ရောက်မြဲပါပဲ။
၁၉၈၈ မှာတော့ မြန်မာ – အမေရိကန် ဆက်ဆံရေးရဲ့ အပြောင်းအလဲ အချိုးအကွေ့ကို တွေ့ရမှာဖြစ်ပါတယ်။ ဒီမိုကရေစီ အရေးတော်ပုံကြီး အထွဋ်အထိပ်ကို ရောက်နေတဲ့ ကာလမှာ အထက်လွှတ်တော်အမတ် စတီဗင် ဂျေ ဆိုလာ့စ် ရန်ကုန်ကို လာခဲ့ပါတယ်
အဲဒီတုန်းက တာဝန်ထမ်းဆောင်နေတဲ့ သမ္မတ ဒေါက်တာမောင်မောင်တို့နဲ့ တွေ့ခဲ့သလို ဒီမိုကရေစီ အရေးအခင်း စတင်ပြီး နောက်ပိုင်း ပါဝင်လာတဲ့ အတိုက်အခံ ခေါင်းဆောင် ဖြစ်လာမယ့် ဒေါ်အောင်ဆန်းစုကြည်၊ ဦးတင်ဦးနဲ့ တခြား နိုင်ငံရေးသမား တွေနဲ့လည်း တွေ့ဆုံခဲ့ပါတယ်။ အဲဒီအချိန်တုန်းက အမေရိကန် သံရုံးရဲ့ သံအမတ်ကြီးက ဘာတွန် လီဗင်ပါ။ အမေရိကန်သံရုံးရဲ့ ရှေ့မှာ ဆန္ဒပြရင် လုံခြုံတယ်လို့ ယူဆပြီး ဆန္ဒပြခဲ့တဲ့ ကျောင်းသား၊ ကျောင်းသူတွေလည်း ရှိပါတယ်။ ဒီမိုကရေစီရေးနဲ့ လူ့အခွင့်အရေး ကြွေးကြော်သံတွေ လှိုင်လှိုင်ညံခဲ့တဲ့ ကာလတွေပါ။ ဒီလူတွေက အနောက်ကို လိုလားသူတွေ၊ အမေရိကန် လက်သပ်မွေးတဲ့ သူတွေလို့ နောက်ပိုင်းမှာ တက်လာတဲ့ စစ်အစိုးရက ပြောခဲ့ပါတယ်။
အဲဒီလိုနဲ့ မကြာခင် သံရုံးရှေ့ဆန္ဒပြသူ တွေကို ပြောင်ပြောင်တင်းတင်း ပစ်ခတ်ခဲ့တဲ့ ကိစ္စတွေ ဖြစ်ပွားခဲ့ပြီး အထောက်အထား ဓာတ်ပုံတွေကော၊ အစီရင်ခံစာတွေကိုပါ သံအမတ်ကြီး ဘာတွန် လီဗင်က ဝါရှင်တန်ကိုပို့ပြီး အစီအရင်ခဲ့တာ ဖြစ်ပါတယ်။
ဒါ့အပြင် ထူးခြားတာက အမေရိကန် ရေတပ်သင်္ဘော အုပ်စုတစုက မြန်မာပြည်ရေပိုင်နက် အနားကို ရောက်လာတဲ့ ကိစ္စပဲ ဖြစ်ပါတယ်။ ဒီသင်္ဘောတွေကို စတွေ့တာက စက်တင်ဘာ ၁၂ ရက်နေ့လို့ မြန်မာဘက်က ပြောပါတယ်။ တစီးကတော့ လေယာဉ်တင် သင်္ဘော Coral Sea ပဲ ဖြစ်ပါတယ်။ အာဏာသိမ်းဖို့က ၆ ရက်ပဲ လိုပါတော့တယ်။ အမေရိကန် ဘက်က အကြောင်းပြတာကတော့ သူ့ရဲ့ သံရုံး ဝန်ထမ်းတွေကို အရေးပေါ် ရွှေ့ပြောင်းဖို့ ဖြစ်တယ်လို့ ဆိုပါတယ်။
မြန်မာဘက်ကတော့ ဒါဟာ အမေရိကန်ရဲ့ ကျူးကျော်မှု ခြေလှမ်းတခုပဲလို့ မြင်ခဲ့ပုံ ရပါတယ်။
အမေရိကန် လွှမ်းမိုးမှုကို သမိုင်းတလျှောက်မှာ ဆန့်ကျင်ခဲ့တာ တပ်မတော်နဲ့ တပ်မတော် အစိုးရပဲလို့ နဝတ/ နအဖ စစ်အစိုးရ လက်ထက်မှာ သိက္ခာတင် ပြောလေ့၊ ရေးလေ့ ရှိတာဖြစ်ပါတယ်။
စက်တင်ဘာ ၁၈ ရက်နေ့မှာ တပ်မတော်က အာဏာ သိမ်းခဲ့ပါတယ်။ ဗိုလ်ချုပ်ကြီးဟောင်း ဦးနေဝင်းရဲ့ ညွှန်ကြားမှု ပါတယ် ဆိုတာ ဘယ်သူမှ ငြင်းမယ့်ကိစ္စ မဟုတ်ပါဘူး။
ဒီမှာ ပြောင်းခဲ့တာကတော့ မြန်မာနဲ့ အိမ်နီးချင်းနိုင်ငံတွေရဲ့ ဆက်ဆံရေး၊ နိုင်ငံတကာနဲ့ အနောက်နိုင်ငံ တွေရဲ့ ဆက်ဆံရေးပဲ ဖြစ်ပါတယ်။ အမေရိကန်က သံတမန် ဆက်ဆံရေးကို လျှော့ချခဲ့ပါတယ်။ သံအမတ်အဆင့် မထားတော့ဘဲ သံရုံးတာဝန်ခံ အဆင့်ပဲ ထားခဲ့ပါတယ်။
အနောက်နဲ့ အမေရိကန် ဆန့်ကျင်ရေးကိုလည်း မြန်မာသတင်းစာတွေမှာ နေ့စဉ်နီးပါး စဖတ်ခဲ့ရပါတယ်။
တဘက်မှာတော့ အရင်က ဦးနေဝင်းအစိုးရကို ဖြုတ်ချဖို့ အလုံးအရင်းနဲ့ ကြိုးစားခဲ့တဲ့ တရုတ်က မြန်မာနဲ့ ဆက်ဆံရေး ပြန်ပြီး အလွမ်းသင့်လာတဲ့ ကိစ္စပါပဲ။
၁၉၆၇ မှာ တရုတ် – ဗမာ အဓိကရုဏ်း ဖြစ်ခဲ့ပြီး တရုတ်အစိုးရက ဖက်ဆစ်လို့တောင် ခေါ်ခဲ့တဲ့ ဦးနေဝင်းနဲ့ တရုတ်အစိုးရ အကြားမှာ ဆက်ဆံရေးတွေ ပြန်ကောင်း လာခဲ့သလို ၁၉၈၀ အစောပိုင်းကစပြီး တရုတ်ရဲ့ သံတမန်မူဝါဒ ပြောင်းပြီး ဗကပ အပေါ် ထောက်ပံ့မှုတွေကို ဖြည်းဖြည်းချင်း ဖြတ်တောက်ခဲ့တာ တွေ့ရပါတယ်။
၁၉၇၆ မှာတော့ တရုတ်ပြည်မှာ မော်စီတုံးရော ချူအင်လိုင်းပါ ကွယ်လွန် သွားခဲ့ပါတယ်။ နောက်တက်လာတဲ့ တိန့်ရှောင်ဖိန်က Pragmatic ကျတဲ့ ခေါင်းဆောင် တဦးပါ။ သူ့ရဲ့ လက်ထက်မှာပဲ ဗကပ အပေါ်ထားတဲ့ ပေါ်လစီက စပြီး ပြောင်းလဲခဲ့ပါတယ်။ ဒါကို ဦးနေဝင်းက မြင်ခဲ့ပါတယ်။
အဲဒီအချိန်မှာ ကမ္ဘောဒီးယားက ခမာနီ ပြောက်ကျားတွေကို ထောက်ခံအားပေး နေတာက တရုတ်အစိုးရ ဖြစ်ပါတယ်။ ဖနွမ်းပင်ကို သိမ်းထားပြီး အထီးကျန်နေတဲ့ ခမာနီ ခေါင်းဆောင်တွေဆီကို ပထမဆုံး သွားရောက် လည်ပတ်တဲ့ နိုင်ငံခြား ခေါင်းဆောင်ကတော့ ဘယ်သူမှ မဟုတ်ပါဘူး။ ဦးနေဝင်းကိုယ်တိုင် ဖြစ်ပါတယ်။ ၁၉၇၇ နိုဝင်ဘာလမှာ ဦးနေဝင်း ဖနွမ်းပင်ကို သွားခဲ့တာပါ။
၁၉၇၈ မှာတော့ တရုတ်မြန်မာ ဆက်ဆံရေး အပြောင်းအလဲတွေ တွေ့နေရပါပြီ။ ဗကပ တွေကို တရုတ် နယ်ထဲကနေ ပန်ဆိုင်းကို ပြန်ရွှေ့ခိုင်းတယ်။ “ပြည်သူ့အသံ” လည်း ပါသွားပါတယ်။ တရုတ်က ပေးထားတဲ့ “Volunteer” ဆိုသူတွေကိုလည်း တရုတ်က ရသလောက် ပြန်ခေါ်သွားပါတယ်။
အဲဒီနှစ်မှာပဲ တိန့်ရှောင်ဖိန်ဟာ မြန်မာပြည်ကို ၆ ရက်ကြာ ခရီး သွားရောက်ခဲ့ပါတယ်။ ဦးနေဝင်းရဲ့ အထူး ဧည့်သည်တော် အဖြစ် လာခဲ့တာ ဖြစ်ပါတယ်။
ဗကပ ဘက်က မျက်ဖြူစိုက်ခဲ့ရတဲ့ အချိန်ဖြစ်ခဲ့သလို မြန်မာနဲ့ တရုတ်နိုင်ငံ အကြားမှာ သံတမန် ဆက်ဆံရေး လမ်းတွေ ပိုကောင်းလာပြီး တရုတ်က အကူအညီတွေ စပြီး ပြန်ပေးခဲ့ပါတယ်။ နယ်စပ် ကုန်သွယ်ရေး လမ်းကြောင်းတွေ ပြန်ဖွင့်ခဲ့တဲ့ ကာလပါ။
၁၉၈၈ အာဏာသိမ်းပြီးနောက်ပိုင်းမှာတော့ မြန်မာရဲ့ အဓိက မဟာမိတ်ဟာ တရုတ်နိုင်ငံ ဖြစ်သွားခဲ့ပါတယ်။ အဲဒီအချိန်က စပြီး ရွှေလမ်း ငွေလမ်း ဖောက်ကြတဲ့ ကာလကို ရောက်ခဲ့ပါတယ်။ ဆွေမျိုးပေါက်ဖော် ချစ်ကြည်ရေး အသံတွေ ညံနေအောင် ကြားရတဲ့ အချိန်ကာလပါပဲ။
ဒီမိုကရေစီ အရေးအခင်းကို စစ်တပ်က ရက်ရက်စက်စက် ဖြိုခွင်းပြီးနောက်ပိုင်း မြန်မာကို လူ့အခွင့်အရေး ချိုးဖောက်မှု၊ ဒီမိုကရေစီ ဆိတ်သုဉ်းမှု စတာတွေနဲ့ ပတ်သက်ပြီး အပြစ်တင် ဖိအားပေး အရေးယူ ပိတ်ဆို့မှုတွေ ဆောင်ရွက် ခဲ့တာကတော့ အမေရိကန် နိုင်ငံပဲ ဖြစ်ပါတယ်။ မြန်မာနိုင်ငံ က ဒီမိုကရေစီ လှုပ်ရှားမှုနဲ့ အတိုက်အခံတွေကို ကူညီထောက်ခံခဲ့တာ ကလည်း အမေရိကန်ပဲ ဖြစ်ပါတယ်။
Ref: ဧရာဝတီ
မြန်မာနိုင်ငံခရီး တရုတ်နိုင်ငံနဲ့ မသက်ဆိုင်ဟု အမေရိကန် အစိုးရ ပြော
2011-11-30
အမေရိကန် နိုင်ငံခြားရေး ၀န်ကြီး မစ္စစ် ကလင်တန်ရဲ့ မြန်မာနိုင်ငံ ခရီးစဉ်ဟာ တရုတ်နိုင်ငံနဲ့ ပတ်သက်မှု မရှိဘူးလို့ အမေရိကန် အစိုးရက ပြောကြားလိုက်ပါတယ်။
အမေရိကန် နိုင်ငံခြားရေးဌာန သတင်းစာ ရှင်းလင်းပွဲမှာ မြန်မာနိုင်ငံကို အမေရိကန် ချဉ်းကပ်မှုဟာ တရုတ်နိုင်ငံနဲ့ သြဇာချဲ့ထွင်ဖို့ ပြိုင်ဆိုင်နေတဲ့ သဘောလားလို့ သတင်းထောက် တစ်ဦးက မေးမြန်းရာမှာ အမေရိကန် နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ် Mark Toner က “အခု မြန်မာနိုင်ငံ ခရီးစဉ်ဟာ သမ္မတ အိုဘားမား ပြောခဲ့သလို မြန်မာ ခေါင်းဆောင်ပိုင်းမှာ တိုးတက်မှု အများအပြား တွေ့လာရတဲ့ အတွက် ဒီအခွင့်အရေးကို အရယူပြီး အပြောင်းအလဲတွေ ပိုတိုး လုပ်ဆောင်နိုင်အောင် အားပေး တိုက်တွန်းဖို့ပါ။ တရုတ်နိုင်ငံနဲ့ မသက်ဆိုင်ပါဘူး”လို့ ပြောသွားပါတယ်။
မြန်မာနိုင်ငံနဲ့ ပတ်သက်လို့ သက်ဆိုင်ရာ နိုင်ငံရေး အစုအဖွဲ့တွေ အားလုံး ပါဝင်လာနိုင်အောင် နောက်ထပ် ဒီမိုကရေစီ ပြုပြင် ပြောင်းလဲရေး လုပ်ငန်းတွေ ဆက်လုပ်ဆောင်ဖို့နဲ့ နိုင်ငံရေး အကျဉ်းသားတွေ လွှတ်ပေးဖို့ ကိစ္စတွေကို လောလောဆယ် အလေးထားပါတယ် လို့လည်း Mr. Toner က ပြောကြားသွားပါတယ်။
Ref: RFA News
ကလင်တန်ရဲ့ နေ့လည်စာ
ကျော်ခ
ဗုဒ္ဓဟူးနေ့၊ နိုဝင်ဘာလ ၃၀ ရက် ၂၀၁၁
ချင်းမိုင် (မဇ္ဈိမ) ။ ။ နေပြည်တော်သို့ ဗုဒ္ဓဟူးနေ့ ညနေပိုင်းက ရောက်ရှိလာသည့် အမေရိကန် နိုင်ငံခြားရေး ဝန်ကြီး ဟီလာရီ ကလင်တန်၏ ခရီးစဉ်၏ ဒုတိယမြောက်နေ့ သမ္မတ အိမ်တော်တွင် တည်ခင်း ဧည့်ခံမည့် နေ့လည်စာ အစားအသောက်များကို ဖေါ်ပြလိုက်သည်။
တရုတ်အစားအစာ အများစုဖြစ်သော “ဂဏန်းကြွပ်ကြော်၊ ကြက်တောင်ပံ အစာသွပ်ကြော်၊ ငါးရှဥ့်ကြော်၊ ပြောင်းဖူး ဟင်းချို၊ ထိုင်ဝမ် မုန့်ညှင်းခရုဆီ၊ ကျောက်ငါးပေါင်းနှင့် ပဲငံပြာရည်၊ ပင်လယ်ခရုနှင့် ခရုဆီ၊ ဂျပန်တို့ဟူး ကညွတ်နှင့် မဟူရာမှိုနက်၊ ပင်လယ်စာနှင့် ခေါက်ဆွဲကြော်၊ ကြက်ဥ ပဲသီးထမင်းကြော်၊ ရာသီပေါ်သီးစုံ၊ လက်ဖက်ရည်နှင့် ကော်ဖီ” တို့ ဖြစ်သည်။
အထူးလေယာဉ်ဖြင့် ရောက်လာသော ဝန်ကြီးကလင်တန်အတွက် အစားအသောက်များကို ဧဒင်စီးပွားရေး အုပ်စု ပိုင်ရှင် ဦးချစ်ခိုင် ပိုင်ဆိုင်သော သင်္ဂဟ ဟိုတယ်မှ ချက်ပြုတ်ခြင်းဖြစ်ပြီး သမ္မတ အိမ်တော်တွင် တည်ခင်း ဧည့်ခံမှာ ဖြစ်သည်ဟု သတင်းရပ်ကွက်များက ပြောသည်။ သင်္ဂဟ ဟိုတည်သည် နေပြည်တော် ဟိုတည်ဇုန်အတွင်း တည်ရှိ သည်။
အဆိုပါ အစားအသာက်များကို စီစဉ်ရန်အတွက် သင်္ဂဟ ဟိုတယ် စားသောက် စီမံရာဌာနသို့ နေပြည်တော် အစားအသောက်နှင့် ဆေးဝါး ကွပ်ကဲရေးဌာန FDA ကကြိုတင် စစ်ဆေးမှုများ ပြုလုပ်ခဲ့သည်။
United States of America စာတန်းကပ်ထားသော အထူးလေယာဉ်ဖြင့် လိုက်ပါလာသည့် မစ္စ ကလင်တန်နှင့် အတူ လက်ထောက် နိုင်ငံခြားရေး ဝန်ကြီး ကာ့တ်ကင်းဘဲလ်နှင့် မိုက်ကယ်ပေါ့စနာ တို့လည်း လိုက်ပါလာရာ မြန်မာ ဒုတိယ နိုင်ငံခြားရေးဝန်ကြီး ဒေါက်တာမျိုးမြင့်က ကြိုဆို နှုတ်ဆက်ခဲ့သည်။
မစ္စကလင်တန်သည် ကြာသပတေးနေ့မှာ မြန်မာ သမတဦးသိန်းစိန်နှင့် တွေ့ဆုံမှာဖြစ်သလို အထက် အောက် လွှတ်တော်များက ဥက္ကဋ္ဌများ ဖြစ်သော ဦးသူရရွှေမန်းနှင့် ဦးခင်အောင်မြင့်တို့နှင့် တွေ့ဆုံမှာဖြစ်သည်။
Ref: မဇ္ဈိမ
မြန်မာအသွင်ကူးပြောင်းရေး အမေရိကန်ဆန်းစစ်မည်
ကိုသားညွန့်ဦး
ဗုဒ္ဓဟူး, 30 နိုဝင်ဘာ 2011
အမေရိကန်နိုင်ငံခြားရေးဝန်ကြီး ဟီလာရီကလင်တန်ရဲ့ မြန်မာနိုင်ငံ ခရီးစဉ်ဟာ မြန်မာနိုင်ငံတွင်းမှာ တကယ် စစ်မှန်တဲ့ အပြောင်းအလဲတွေ၊ အသွင်ကူးပြောင်းမှုတွေ ရှိနေပြီလား ဆိုတာကို လေ့လာ ဆန်းစစ်ဖို့ ဖြစ်တယ်လို့ အမေရိကန် နိုင်ငံခြားရေးဌာနက ပြောပါတယ်။ နိုင်ငံခြားရေးဝန်ကြီး ကလင်တန်ဟာ ဒီကနေ့ နေပြည်တော်မှာ မြန်မာ အာဏာပိုင်တွေနဲ့ တွေ့ဆုံဖို့ရှိသလို မနက်ဖြန် ရန်ကုန် မှာတော့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအဝင် ဒီမိုကရေစီ ခေါင်းဆောင်တွေ၊ တိုင်းရင်းသား ခေါင်းဆောင်တွေနဲ့ လူမှုအဖွဲ့အစည်း အသီသီးက ပုဂ္ဂိုလ်တွေနဲ့ တွေ့ဆုံမယ်လို့ မျှော်လင့်ရပါတယ်။ မနေ့က အမေရိကန် နိုင်ငံခြားရေးဌာန သတင်းစာ ရှင်းလင်းပွဲမှာ ဒီခရီးစဉ်နဲ့ပတ်သက်လို့ ပြောဆို သွားတာတွေကိုတော့ ကိုသားညွန့်ဦးက တင်ပြ ထားပါတယ်။
နှစ် ၅၀ ကျော်အတွင်း အမေရိကန်ပြည်ထောင်စုဘက်က အဆင့်မြင့်ခေါင်းဆောင်တဦး မြန်မာနိုင်ငံကို လာရောက်တာဟာ မြန်မာနိုင်ငံတွင်း နိုင်ငံရေး အပြောင်းအလဲအချို့ရှိလာတာကို အသိအမှတ်ပြုတာ ဖြစ်သလို တဘက်မှာ ဒီ အပြောင်းအလဲ တွေရဲ့ အတိမ်အနက်ကို ဆန်းစစ် လေ့လာသွားဖို့လည်း ဖြစ်တယ်လို့ နိုင်ငံခြားရေးဌာနက ပြောပါတယ်။ ဒီ အပြောင်းအလဲတွေ အပေါ်မှာ အမေရိကန် ဘက်က ဘယ်လို အားဖြည့် ကူညီနိုင်မလဲ ဆိုတာကို သုံးသပ် သွားမှာဖြစ်တယ်လို့ နိုင်ငံခြားရေးဌာန ပြောခွင့်ရသူ Mark Toner က ပြောပါတယ်။
“ပြောင်းလဲမှုတွေတော့ မြင်နေရပါပြီ။ ဒီပြောင်းလဲမှုတွေဟာ ဘယ်လောက်အထိ အတိမ်အနက် ရှိသလဲ၊ ဒီလို ပြောင်းလဲမှုတွေဟာ ဘယ်အကြောင်းအချက် တွေကြောင့်လဲ၊ ဒီလို ပြောင်းလဲမှုတွေ အပေါ်မှာ အမေရိကန် ပြည်ထောင်စု ဘက်က ဘယ်လို ကူညီ ဆောင်ရွက်နိုင်မလဲ ဆိုတာတွေကို လေ့လာ သုံးသပ်မှာဖြစ်ပါတယ်”
ခရီးစဉ်အတွင်း နေပြည်တော်မှာ မြန်မာသမ္မတဦးသိန်းစိန်အပါအ၀င် မြန်မာအစိုးရပိုင်း ထိပ်တန်း ခေါင်းဆောင်တွေ မြန်မာ လွှတ်တော်က အကြီးအကဲတွေနဲ့ တွေ့ဆုံဖို့ မျှော်လင့်ရသလို၊ ရန်ကုန်မှာတော့ ဒေါ်အောင်ဆန်းစုကြည် အပါအ၀င် အခြား နိုင်ငံရေး ပါတီတွေ လူမှုအဖွဲ့အစည်းက ပုဂ္ဂိုလ်တွေနဲ့လည်း တွေ့ဆုံဖို့ ရှိပါတယ်။ ဒေါ်အောင်ဆန်းစုကြည်ကတော့ အလေးအနက်ထား တွေ့ဆုံ ဆွေးနွေးရမယ့် ပုဂ္ဂိုလ်ဖြစ်တယ်လို့ နိုင်ငံခြားရေးဌာန ပြောခွင့်ရသူက ပြောပါတယ်။
“ဒေါ်အောင်ဆန်းစုကြည်ဟာ မြန်မာနိုင်ငံ လွတ်မြောက်ရေးအတွက် နှစ်ရှည်လများ ရုန်းကန်လှုပ်ရှား ရပ်တည်ခဲ့သူ ဖြစ်ပါတယ်။ ဒီလို သြဇာကြီးမားတဲ့ ဒေါ်အောင်ဆန်းစုကြည်ဟာ မဖြစ်မနေကို ထိစပ် ဆောင်ရွက်ရမယ့် ပုဂ္ဂိုလ်တဦး ဖြစ်ပါတယ်။ ဒါကြောင့်လည်း နိုင်ငံခြားရေးဝန်ကြီး အခုခရီးစဉ်နဲ့ ပတ်သက်လို့ သမ္မတ ကိုယ်တိုင်က သူမကို ကြိုတင် အသိပေး ပြောခဲ့တာဖြစ်ပါတယ်”
နိုင်ငံခြားရေးဝန်ကြီး ကလင်တန်အနေနဲ့ မြန်မာနိုင်ငံတွင်း အဖြစ်အပျက်တွေကို ပြည့်ပြည့်စုံစုံ သိရှိ နားလည်နိုင်အောင် ကြိုးပမ်းမှာ ဖြစ်သလို မြန်မာ အစိုးရပိုင်းနဲ့ တွေ့ဆုံပြီး လက်ရှိလုပ်နေတဲ့ အသွင် ကူးပြောင်းမှုတွေဟာ ခိုင်ခိုင်မာမာရှိရဲ့လား ဆိုတာကိုလည်း သိရှိနိုင်အောင် ကြိုးပမ်းမှာ ဖြစ်တယ်လို့ အမေရိကန် နိုင်ငံခြားရေးဌာနက ပြောပါတယ်။
ဒီ ခရီးစဉ်ဟာ သုံးသပ်သူအချို့ တွက်ဆသလို မြန်မာ့အိမ်နီးချင်း အင်အားကြီးနိုင်ငံတခုဖြစ်တဲ့ တရုတ်နိုင်ငံ အခြေအနေနဲ့ မပတ်သက် ပေမယ့်လို့ မြန်မာနဲ့ ပတ်သက်လာရင် အမေရိကန် ပြည်ထောင်စုဟာ တရုတ်နဲ့ ညှိနှိုင်း ဆွေးနွေးလေ့ ရှိတယ်လို့လည်း ပြောပါတယ်။ အမေရိကန် ပြည်ထောင်စုဘက်က လိုလားချက်တွေကိုလည်း ရှင်းရှင်းလင်းလင်း ဖော်ပြပြီးသား ဖြစ်တယ်လို့လည်း Mark Toner က ပြောပါတယ်။
“နိုင်ငံရေးအကျဉ်းသားတွေအားလုံးလွတ်မြောက်လာဖို့၊ နိုင်ငံရေးအခင်းအကျင်းတွေ ပွင့်လင်းလာဖို့၊ မြန်မာ ပြည်သူတွေ အနေနဲ့ သူတို့ရဲ့ အခြေခံ လူ့အခွင့်အရေးတွေ ရရှိခံစားခွင့်ရဖို့ လိုလားတယ်ဆိုတာ ရှင်းရှင်းလင်းလင်း ပြောပြီးသားပါ။ ဒါကြောင့် ဒီခရီးစဉ် ပြီးရင် အခြေအနေတွေ ဘယ်လိုရှိနေလဲဆိုတာ စောင့်ကြည်ရမှာဖြစ်ပါတယ်”
အမေရိကန်လွှတ်တော်အမတ်အချို့နဲ့ လူ့အခွင့်အရေးအဖွဲ့အစည်းတွေကတော့ အခု နိုင်ငံခြားရေး ဝန်ကြီး ကလင်တန် ခရီးစဉ် အတွင်း မြန်မာနိုင်ငံတွင်း လူ့အခွင့်အရေး အခြေအနေတွေ အမှန်တကယ် တိုးတက်လာစေအောင် ဆွေးနွေးဖို့ တိုက်တွန်း ဖိအား ပေးနေကြပါတယ်။ အမေရိကန် ပြည်ထောင်စု အနေနဲ့ကတော့ လက်ရှိ အခြေအနေအထိ မြန်မာနိုင်ငံအပေါ် ထားရှိတဲ့ အရေးယူ ဒဏ်ခတ်မှုတွေကို ဆက်ထားရှိဦးမှာ ဖြစ်တယ်လို့ အခု နိုင်ငံခြားရေးဝန်ကြီး ခရီးစဉ် မတိုင်ခင်ကတည်း ပြောပါတယ်။ ဒါပေမယ့်လည်း ခရီးစဉ်အပြီး အမေရိကန်ဖက်က လေ့လာဆန်းစစ်ရှိတွေ အပေါ်မှာ တည်မယ်လို့ ပြောရမှာပါ။
Ref: VOA News
ရန်ကုန် ကုန်းကျော်တံတားတို့အတွက် အစိုးရ ငွေချေး
မျိုးသန့်၊ မင်းသက်
ဗုဒ္ဓဟူးနေ့၊ နိုဝင်ဘာလ ၃၀ ရက် ၂၀၁၁
ချင်းမိုင် (မဇ္ဈိမ) ။ ။ ရန်ကုန်မြို့တွင်း ယာဉ်အသွားအလာ ကျပ်သည့်ပြဿနာကို ဖြေရှင်းရန် ကုန်းကျော် တံတားလေးခုကို တည်ဆောက်ရန် လိုအပ်နေရာ အစိုးရ၏ ဘဏ္ဍာရေး အကျပ်အတည်းကြောင့် ကုန်ကျ စရိတ်များကို ဘဏ်များမှ ချေးယူ သုံးစွဲကာ တည်ဆောက် ရမည်ဟု စက်မှု (၁) နှင့် (၂) ဝန်ကြီး ဦးစိုးသိန်းကပြောသည်။
ရန်ကုန်မြို့ လှည်းတန်း၊ ရွှေဂုံတိုင်၊ ဘုရင့်နောင်နှင့် တာမွေ လမ်းဆုံများတွင် ကုန်းကျော်တံတား များကို လေးလ အတွင်း အပြီး တည်ဆောက်မည် ဖြစ်သည်။ ကုန်ကျ စရိတ်များကို ကမ္ဘောဇဘဏ်၊ စက်မှုဘဏ်နှင့် အခြား ဆောက်လုပ်ရေး ကုမ္ပဏီ တခုမှ ကုန်ကျစရိတ် ချေးယူ သုံးရမည်ဟု တနင်္လာနေ့က ပြုလုပ်သည့် နေပြည်တော် စက်မှုဝန်ကြီးဌာန အစည်းအဝေး ခန်းမ သတင်းစာ ရှင်းလင်းပွဲတွင် ဦးစိုးသိန်းက ပြောခြင်းဖြစ်သည်။ သို့သော် မည်သည့် ဆောက်လုပ်ရေး ကုမ္ပဏီဖြစ်သည်ကို ထည့်သွင်း ပြောဆိုသွားခြင်း မရှိပေ။
"ကုန်းကျော်တံတားဆောက်ဖို့ကိစ္စမှာ အစိုးရပိုက်ဆံနဲ့မဟုတ်ဘူး။ အစိုးရပိုက်ဆံကမရှိဘူး အစိုးရက ဒီနေရာတွေ အကုန် မခံနိုင်ဘူး။ ဒါကြောင့် ဘဏ်ချေးငွေနဲ့ လုပ်မယ်။ ရန်ကုန်ကို ဖြစ်စေချင်လွန်းလို့။" ဟု ဦးစိုးသိန်းက ပြောသည်။
သမ္မတ ဦးသိန်းစိန်သည် ရန်ကုန်မြို့ကို စင်္ကာပူမြို့ကဲ့သို့ တိုးတက်အောင် လုပ်စေချင်သည့် ဆန္ဒရှိသည်ဟု ဆိုကာ "နိုင်ငံတော် သမ္မတကြီးရဲ့ ဆန္ဒအရ ကျနော် ရန်ကုန်မြို့ကြီးကို တိုးတက်အောင် လုပ်ပေးပါ။ လက်ရှိ အခြေအနေအရ တော်တော်လေးကို အခက်အခဲ ရှိနေတယ်လို့ လမ်းညွှန် ပေးပါတယ်။ ဖြစ်ချင်တာကတော့ စင်္ကာပူလို ဖြစ်အောင် လုပ်စမ်းဗျာ၊ ကျနော့်ကို ဒီလိုပြောပါတယ်။" ဟု ဦးစိုးသိန်းက ပြောသည်။
လူဦးရေ ခြောက်သန်းကျော်ရှိသော ရန်ကုန်မြို့အတွင်း ရထားလမ်း၊ ကားလမ်းကွန်ယက်များ၊ ရေဆိုးထုတ် စနစ်၊ သောက်သုံးရေသန့် ရရှိရန် စသည့် ရန်ကုန်မြို့ ဖွံ့ဖြိုးရေး စီမံချက်များကိုလည်း ရန်ကုန်မြို့တော်နှင့် ရန်ကုန်တိုင်း အစိုးရအဖွဲ့တို့မှ ရေးဆွဲရန် ပြင်ဆင် နေကြောင်း ဝန်ကြီးက ပြောသည်။
"ငွေအရမ်းကုန်ဖို့ မဖြစ်အောင်လည်း လုပ်ရသေးတယ်။ ကိုယ့်အခြေအနေနဲ့ ကိုက်အောင်လုပ်ရတာ၊ နောက် ငါးနှစ်၊ ခြောက်နှစ် လောက်မှ လုပ်မယ်ဆိုရင်လည်း မဖြစ်သေးဘူး။ မြန်မြန်လည်း ဖြစ်ဖို့ကောင်းတာပေါ့။" ဟု ဆိုသည်။
အစိုးရ၏ ၂၀၁၁၊ ၂၀၁၂ ဘဏ္ဍာရေးနှစ်အတွက် ဗဟိုအစိုးရ၏ လိုငွေ ၂,၂၀၁.၄၅၀ ဘီလီယံကျပ် ရှိနေပြီး၊ တိုင်းဒေသကြီးနှင့် ပြည်နယ် အစိုးရများ၏ ဘဏ္ဍာရေး လိုငွေမှာ ၁၇ဝ.၄၉၅ ဘီလီယံကျပ် ရှိနေသည်ဟု အောက်လွှတ်တော် ဘဏ္ဍာရေးကော်မတီ အတွင်းရေးမှူး ဦးမောင်တိုးက မဇ္ဈိမကို ပြောဆိုဖူးသည်။
သမ္မတ ဦးသိန်းစိန် ဦးဆောင်သော အစိုးရသည် စက်မှုဝန်ကြီးဌာန (၁) နှင့် (၂) ကို ပြန်လည် ပေါင်းစည်းကာ စက်မှု ဝန်ကြီးဌာန တခုတည်းသာ ထားရှိတော့မည် ဖြစ်ကြောင်း နိုဝင်ဘာ ၂၅ ရက်နေ့က ပြုလုပ်သည့် ပြည်ထောင်စု လွှတ်တော်သို့ သဝဏ်လွှာ ပေးပို့ခဲ့သည်။
အစိုးရ၏ ထိုလုပ်ဆောင်ချက်နှင့်ပတ်သက်၍ "အစိုးရ ပါးသွားအောင်လုပ်လိုက်တာ၊ ပိုပြီးတော့ သပ်သပ်ရပ်ရပ် ဖြစ်သွားအောင်၊ အစိုးရ ဝန်ထုပ်ကြီး ကြီးမှာစိုးလို့ ကျနော်တို့က လုပ်လိုက်တဲ့ သဘောရှိပါတယ်။" ဟု သတင်းစာ ရှင်းလင်းပွဲတွင် ပြောသွားခဲ့သည်။
ရန်ကုန်တွင် မိုးပျံရထားလမ်းများ တည်ဆောက်နိုင်ရန်အတွက် ပြည်ပရင်းနှီး မြှုပ်နှံမည့်သူများကို မြန်မာ အစိုးရက ရှာဖွေလျှက် ရှိသလို ရေဆိုး စွန့်ထုတ်စနစ်၊ မိလ္လာ စနစ်များကိုလည်း ပြန်လည် ပြင်ဆင်သွားမည်ဟု ဆိုသည်။
Ref: မဇ္ဈိမ
ဟီလာရီ ကလင်တန် နေပြည်တော်သို့ ရောက်ရှိ
ရန်ပိုင
November 30, 2011
အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန်သည် ယနေ့ ညနေပိုင်းတွင် နေပြည်တော်သို့ ရောက်ရှိလာသည်။
မြန်မာနိုင်ငံသို့ အမေရိကန် နိုင်ငံခြားရေး ၀န်ကြီး တဦး နှစ်ပေါင်း ၅၆ နှစ် အတွင်း ပထမဆုံး အကြိမ် လာရောက်ခြင်း ဖြစ်သည်။
မစ္စကလင်တန်နှင့် အဖွဲ့သည် ကြာသပတေးနေ့တွင် သမ္မတဦးသိန်းစိန်၊ ပြည်သူ့ လွှတ်တော် ဥက္ကဋ္ဌ ဦးရွှေမန်း၊ အမျိုးသား လွှတ်တော် ဥက္ကဋ္ဌ ဦးခင်အောင်မြင့်၊ နိုင်ငံခြားရေး ၀န်ကြီး ဦးဝဏ္ဏမောင်လွင် တို့နှင့် တွေ့ဆုံမည်ဟု သိရသည်။
သမ္မတ၏ နိုင်ငံရေး အကြံပေး ဦးကိုကိုလှိုင်က “ဒီခရီးစဉ်က အမေရိကန်- မြန်မာဆက်ဆံရေးမှာ သမိုင်း တခုပဲ၊ ဘက်ပေါင်းစုံတိုး တက်မယ်လို့ မြင်တယ်” ဟု ဆိုသည်။
နိုင်ငံခြားရေး ၀န်ကြီးသည် ခရီးစဉ်အတွင်း မြန်မာ့ နိုင်ငံရေး အခြေအနေ၊ နယ်စပ်ဒေသတွင် ဖြစ်ပွားနေသည့် တိုက်ပွဲများ၊ လူအခွင့်အရေး ချိုးဖောက်မှု ကိစ္စရပ်များကို ဆွေးနွေးမည် ဖြစ်သည်။
သို့သော် မြန်မာနိုင်ငံအပေါ် ထားရှိသည့် အမေရိကန်နိုင်ငံ၏ စီးပွားရေး ပိတ်ဆို့မှု ရုတ်သိမ်းရေးနှင့် ပတ်သက်ပြီး ဆွေးနွေးမည် မဟုတ်ဟု မစ္စကလင်တန်က ယခု ခရီးစဉ် မတိုင်မီ ကတည်းက ပြောဆို ထားခဲ့သော်လည်း အနာဂတ် နှစ်နိုင်ငံ ကုန်သွယ်ရေး၊ သံတမန် ဆက်ဆံရေး တိုးမြှင့်ရန် ဆွေးနွေးနိုင်ကြောင်း လေ့လာသူများက သုံးသပ်နေကြသည်။
သမ္မတအိုဘားမားကလည်း မြန်မာနိုင်ငံတွင် လက်ရှိဖြစ်ပေါ်နေသော ပြောင်းလဲမှုများကို အသိ အမှတ် ပြုကြောင်း၊ သို့သော် နယ်စပ် တိုင်းရင်းသား ဒေသ တိုက်ပွဲများ၊ နိုင်ငံရေး အကျဉ်းသားများကိစ္စ၊ မြောက်ကိုရီးယားနှင့် မြန်မာ ဆက်စပ်မှု စသည်တို့မှာ စိုးရိမ်စရာ အခြေအနေ ဖြစ်ကြောင်း မကြာသေးမီက ကြေညာချက် ထုတ်ပြန်ခဲ့သည်။
မစ္စကလင်တန် လာရောက်ချိန်နှင့် တိုက်ဆိုင်စွာ မီးရထား ၀န်ကြီး ဦးအောင်မင်း ခေါင်းဆောင်သည့် အစိုးရ၏ ငြိမ်းချမ်းရေး ကိုယ်စားလှယ် အဖွဲ့သည့် ကချင် လွတ်လပ်ရေး တပ်မတော်(KIA)နှင့် တရုတ်နိုင်ငံ ရွှေလီမြို့တွင် ယမန်နေ့က တွေ့ဆုံပြီး ကချင်ဒေသတွင် ဖြစ်ပွားနေသော စစ်ပွဲများအရေးနှင့် ပတ်သက်ပြီး ဆွေးနွေးခဲ့သေးသည်။
KIA ဒု စစ်ဦးစီးချုပ် ဗိုလ်မှူးချုပ် ဂွမ်မော်က “မစ္စကလင်တန် အနေနဲ့ ဒီမိုကရေစီအရေးနဲ့ တိုင်းရင်းသား အရေးကို ဖြေရှင်းဖို့ လိုတယ် ဆိုတာကိုတော့ မြန်မာ အစိုးရကို ရှင်းရှင်းလင်းလင်း ပြောပြစေချင်တယ်” ဟု ဧရာဝတီသို့ ပြောသည်။
ခရီးစဉ်အတွင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ နိုင်ငံရေးပါတီများ၊ လူမှုအဖွဲ့အစည်းများ၊ နိုင်ငံရေး အကျဉ်းသား ဟောင်းများနှင့်လည်း တွေ့ဆုံမည် ဖြစ်သည်။
အမေရိကန် မြန်မာဆက်ဆံရေးသည် မင်းတုန်းမင်း လက်ထက်မှ စတင်သည်ဟု ပြောဆို နိုင်သော်လည်း ၁၉၄၈ ခုနှစ် လွတ်လပ်ရေး ရပြီး ဖဆပလ အစိုးရလက်ထက်တွင် ပိုမို နီးကပ်စွာ ဆက်ဆံခဲ့သည်ကို တွေ့ရသည်။
လွတ်လပ်ရေးရပြီးခေတ်တွင် အားကောင်းလာသည့် ဗမာပြည် ကွန်မြူနစ်ပါတီနှင့် တခြားသော လက်ဝဲ ပါတီများကို ဆန့်ကျင်နိုင်ရန် အတွက် ၀န်ကြီးချုပ် ဦးနု ခေါင်းဆောင်သည့် ဖဆပလအစိုးရနှင့် အမေရိကန် အစိုးရတို့ ပိုမိုနီးကပ်စွာ ဆက်ဆံခဲ့ပြီး အာရှ ဖောင်ဒေးရှင်း၊ ဖို့ဒ် ဖောင်ဒေးရှင်း စသည့် အမေရိကန် နိုင်ငံ၏ စီးပွားရေး လူမှုရေး အကူအညီများကို လက်ခံခဲ့သည်။
၁၉၅၂ ခုနှစ် အမေရိကန် ဒုသမ္မတ ရစ်ချတ်နစ်ဆင် မြန်မာနိုင်ငံသို့ လာရောက် လည်ပတ်ခဲ့ပြီး ၀န်ကြီးချုပ် ဦးနု အမေရိကန်သို့ အပြန်အလှန် သွားရောက် လည်ပတ်ခဲ့သည် အထိ ဆက်ဆံရေး တိုးတက်ခဲ့သည်။
သို့သော် ၁၉၅၀ ပြည့်နှစ်ခန့်တွင် ရှမ်းပြည်နယ်သို့ ကျူးကျော် ၀င်ရောက်လာသည့် တရုတ်ဖြူ ကူမင်တန် တပ်များကို အမေရိကန် အစိုးရက ကူညီသော အခါတွင် နှစ်နိုင်ငံ ဆက်ဆံရေး အနည်းငယ် ယိုယွင်းခဲ့သည်။ သို့သော်လည်း နှစ်နိုင်ငံ စစ်တပ်ချင်း ဆက်ဆံရေးမှာမူ ၁၉၈၈ ခုနှစ် မတိုင်မီအထိ ဆက်လက် ရှိနေခဲ့သည်။
တပ်မတော် စိတ်ဓာတ် စစ်ဆင်ရေး ဌာနကို ဦးဆောင် ဖွဲ့စည်းခဲ့သည့် ဗိုလ်မှူးချုပ် မောင်မောင် လက်ထက်တွင် အမေရိကန် စစ်တပ် နှင့် သာမက အမေရိကန် ထောက်လှမ်းရေးအဖွဲ့ CIA နှင့်ပါ အနီးကပ် ဆက်ဆံခဲ့သည်။
၁၉၆၀ ပြည့်နှစ် တ၀ိုက် ဗိုလ်မှူးချုပ်မောင်မောင် ရာထူးမှ အနားပေးခံခဲ့ရပြီး နောက်ပိုင်းတွင်လည်း မြန်မာ့ တပ်မတော် အရာရှိများကို အမေရိကန် စစ်တက္ကသိုလ်များနှင့် စစ်သင်တန်းများသို့ ဆက်လက် စေလွှတ်ခဲ့သည်။
ကာကွယ်ရေး ဦးစီးချုပ်ဟောင်း ဗိုလ်ချုပ်ကြီး သူရကျော်ထင် အပါအ၀င် ဒု ဗိုလ်ချုပ်ကြီး ထွန်းကြည်၊ ဗိုလ်ချုပ် ဉာဏ်လင်း၊ ထောက်လှမ်းရေး ညွန်ကြားရေးမှူး ချုပ်ဟောင်း ဗိုလ်မှူးကြီး အောင်ကိုး တို့သည် အမေရိကန် စစ်တက္ကသိုလ်များတွင် တက်ရောက်ခဲ့သည့် ထင်ရှားသည့် စစ်ဘက် အရာရှိကြီးများ ဖြစ်သည်။
၁၉၆၆ ခုနှစ် အာဏာသိမ်း ခေါင်းဆောင် ဗိုလ်ချုပ်ကြီးနေ၀င်း အမေရိကန်သို့ သွားရောက်ကာ သမ္မတ ဂျွန်ဆင် နှင့် တွေ့ဆုံ ခဲ့သော်လည်း နောက်ပိုင်း နှစ်နိုင်ငံ ဆက်ဆံရေး အေးစက်သွားခဲ့သည်။ သို့သော်လည်း မြန်မာနိုင်ငံက မူးယစ်ဆေးဝါး နှိမ်နင်းမှု အစီအစဉ်များအတွက် အမေရိကန်၏ အကူအညီများကို လက်ခံခဲ့သည်။
၁၉၈၈ ခုနှစ်တွင် စစ်တပ် အာဏာသိမ်းပြီး ဒီမိုကရေစီ လှုပ်ရှားမှုများကို အဆက်မပြတ် နှိမ်နင်းခဲ့ခြင်း၊ လူအခွင့် အရေးချိုး ဖောက်ခြင်းများကြောင့် သံတမန် ဆက်ဆံရေးမှာ အနိမ့်ဆုံး အဆင့်အထိ ကျဆင်းခဲ့သည်။
Ref: ဧရာဝတီ
တရုတ်-မြန်မာ စစ်ရေးစာချုပ် ချုပ်
ခင်ဦးသာ
November 30, 2011
အမေရိကန်နှင့် ဆက်ဆံရေး ကောင်းမွန်ရန် ကြိုးပမ်းနေသည့် မြန်မာအစိုးရက အင်အားကြီး တရုတ်နိုင်ငံနှင့် စစ်ရေး စာချုပ်တခုကို အင်္ဂါနေ့တွင် ချုပ်ဆိုလိုက်သည်။
မြန်မာ-တရုတ် စစ်ဘက်ဆိုင်ရာ ပူးပေါင်းရေး စာချုပ်ကို တရုတ်နိုင်ငံတွင် ရောက်ရှိနေသော ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်နှင့် တရုတ် ပြည်သူ့ လွတ်မြောက်ရေး တပ်မတော် စစ်ဦးစီးချုပ် General Chen Bingde တို့က လက် မှတ်ရေး ထိုးခဲ့ကြခြင်း ဖြစ်သည်။
ဗိုလ်ချုပ်ကြီး မင်းအောင်လှိုင်က ကမ္ဘာ့နိုင်ငံများ၏ အခြေအနေ မည်သို့ပင် ပြောင်းလဲနေစေကာမူ မြန်မာ-တရုတ် ဆက်ဆံရေး ပြောင်းလဲသွားမည် မဟုတ်ဟု တရုတ် ဦးစီးချုပ်အား ပြောဆိုခဲ့ကြောင်း တရုတ်အစိုးရ ဆင်ဟွာဌာနက ဆိုသည်။
ဗဟို စစ်ကော်မရှင် ဒု-ဥက္ကဋ္ဌ ဇူချိုင်းဟူကလည်း စာချုပ် ချုပ်ဆိုရခြင်းသည် နှစ်နိုင်ငံ နယ်စပ်ဒေသ တည်ငြိမ် အေးချမ်းစေရန်၊ စစ်ရေးကဏ္ဍ ပူးပေါင်း ဆောင်ရွက်ရန် ဖြစ်သည်ဟု ပြောဆိုကြောင်း ဆင်ဟွာသတင်းတွင် ယနေ့ ရေးသားထားသည်။
စစ်ကော်မရှင် ဒု-ဥက္ကဋ္ဌက ဗိုလ်ချုပ်ကြီး မင်းအောင်လှိုင်နှင့် ယမန်နေ့က တွေ့ဆုံရာတွင်လည်း နှစ်နိုင်ငံ စစ်ရေးကဏ္ဍ ပူးပေါင်း ဆောင်ရွက်ရန် အသင့် ရှိကြောင်း ထုတ်ဖော်ပြောဆိုခဲ့သည်။
စစ်ရေး စာချုပ် ချုပ်ဆိုချိန်သည် အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန် မြန်မာနိုင်ငံသို့ လာရောက် လည်ပတ်ချိန်နှင့် တိုက်ဆိုင်နေသည့် အတွက် တရုတ်-မြန်မာ ဆက်ဆံရေးနှင့် ပတ်သက်၍ အမြင် အမျိုးမျိုး ထွက်ပေါ်နေသည်။
မစ္စ ကလင်တန် မြန်မာနိုင်ငံသို့ ယနေ့ ရောက်ရှိလာခြင်းသည် အမေရိကန် အစိုးရ၏ နိုင်ငံခြားရေး ၀န်ကြီး တဦးအဖြစ် နှစ်ပေါင်း ၅၆ နှစ် အတွင်း ပထမဆုံး အကြိမ် လာရောက်ခြင်းဖြစ်သည်။
အမေရိကန်-မြန်မာ ဆက်ဆံရေး ကောင်းမွန်လာခြင်းကြောင့် တရုတ်-မြန်မာ ဆက်ဆံရေး ထိခိုက်နိုင်စရာ အကြောင်း မရှိကြောင်း တရုတ် နိုင်ငံခြားရေး ၀န်ကြီးက ပြောဆိုသကဲ့သို့၊ မြန်မာအစိုးရ သတင်းစာများကလည်း တရုတ်-မြန်မာ နှစ်နိုင်ငံ ကိစ္စများအား အကျယ်တ၀င့် ရေးသား ဖော်ပြနေသည်ကို တွေ့ရသည်။
မြန်မာအာဏာပိုင်တို့က ၁၉၈၈ လူထုအုံကြွမှုအား အကြမ်းဖက် နှိမ်နင်းခဲ့ခြင်းကြောင့် မြန်မာနိုင်ငံသည် ကမ္ဘာ့နိုင်ငံ အများအပြားနှင့် ဆက်ဆံရေး ပျက်ခဲ့ရသည်။ ထိုအချိန်မှ စတင်၍ မြန်မာ တရုတ် နှစ်နိုင်ငံ စီးပွားရေး၊ စစ်ရေး ကဏ္ဍ များ၌ ရင်းနှီးစွာ ပူးပေါင်း ဆောင်ရွက်လာကြသည်။
နှစ်ပေါင်း ၂၀ ကာလအတွင်း တရုတ်နိုင်ငံသည် မြန်မာနိုင်ငံအတွက် စစ်ဘက်ဆိုင်ရာ ထောက်ပံ့ရေး ပစ္စည်းများကို ဒေါ်လာ ဘီလီယံနှင့် ချီကာ ရောင်းချခဲ့ကြောင်း သိရသည်။
ဗိုလ်ချုပ်ကြီး မင်းအောင်လှိုင်သည် နိုဝင်ဘာ၂၇ ရက်က တရုတ်နိုင်ငံသို့ ချစ်ကြည်ရေး ခရီးစဉ်အဖြစ် ရောက်ရှိနေခြင်း ဖြစ်သည်။
ဗိုလ်ချုပ်ကြီး မင်းအောင်လှိုင်သည် ကာကွယ်ရေးဦးစီးချုပ်သစ်တဦး၏ ပထမဆုံး ပြည်ပခရီးစဉ်အဖြစ် ဗီယက်နမ်နိင်ငံသို့ ယခုလ လယ်ပိုင်းက သွားရောက်ခဲ့ပြီး ကာကွယ်ရေးကဏ္ဍ ပူးပေါင်းဆောင်ရွက်ရန် နားလည်မှု စာချွန်လွှာ လက်မှတ်ရေးထိုး ခဲ့သေးသည်။
ဒုတိယကာကွယ်ရေး ဦးစီးချုပ် ဒု ဗိုလ်ချုပ်ကြီး စိုးဝင်းသည်လည်း အိမ်နီးချင်း ဘင်္ဂလားဒေ့ရှ် နိုင်ငံသို့ ပြီးခဲ့သည့် ရက်ပိုင်းက သွားရောက်ကာ နှစ်နိုင်ငံ စစ်ရေးဆိုင်ရာ ကိစ္စများ ဆွေးနွေးခဲ့ကြောင်း အစိုးရ သတင်းစာများတွင် ရေးသားထားသည်။
Ref: ဧရာဝတီ
Wednesday, November 30, 2011
အင်ဒိုနီးရှား ဘာလီရောက် ဦးဝင်းထိန်၊ NLD လစ်ဘရယ်ဒီမိုကရေစီ နှင့် မြန်မာပြည် - အပိုင်း (၂)
ရော်နီညိမ်း
စနေ, 26 နိုဝင်ဘာ 2011
တပ်မှူးတပ်သား ပြောစကား (၀၈၈)
၂၀၁၁ နိုဝင်ဘာ(၄)ရက်နေ့ ကနေ (၇)ရက်နေ့ အထိ၊ အင်ဒိုနီးရှားနိုင်ငံ ဘာလီကျွန်းမှာ ကျင်းပခဲ့တဲ့၊ “တတိယ အကြိမ် အာရှ လစ်ဘရယ်နှင့် ဒီမိုကရက်များ နှစ်ပတ်လည် ညီလာခံ”(Third Conference of Asia Liberal & Democrats) မှာ၊ မြန်မာနိုင်ငံက အမျိုးသား ဒီမိုကရေစီ အဖွဲ့ချုပ်(NLD) ပါတီကို ကိုယ်စားပြုပြီး၊ ဗဟိုကော်မတီ ၀င် ဦးဝင်းထိန် တက်ရောက်ခဲ့ပါတယ်။ နှစ်ရှည်နိုင်ငံရေး အကျဉ်းသားဟောင်း တစ်ဦးလည်းဖြစ်တဲ့၊ ဗိုလ်ကြီးဟောင်း ဦးဝင်းထိန်ကို ဦးရော်နီညိမ်းက ဆက်သွယ်ပြီး၊ မြန်မာနိုင်ငံမှာ ကွယ်ပျောက်နေတဲ့ လစ်ဘရယ်ဒီမိုကရေစီ အခြေအနေကို ဒီသီတင်းပတ် တပ်မှူးတပ်သား ပြောစကားကဏ္ဍမှာ၊ ဒုတိယပိုင်း အဖြစ်၊ ဆွေးနွေး တင်ဆက်ထားပါတယ်။
ဦးရော်နီညိမ်း ။ ။ ဦးဝင်းထိန်တက်ရောက်လာခဲ့တဲ့ ဒီညီလာခံအကြောင်းကို ပြောပြပါဦး ခင်ဗျ။ ဒီညီလာခံ ကို ဘယ်လို အမည်မှည့်ခေါ်ထားတယ်၊ ခုနပြောခဲ့သလို စုစုပေါင်း ကိုယ်စားလှယ် ဘယ်နှစ်ယောက်တက်တယ်၊ ညီလာခံ လေးရက် အတွင်းမှာ workshop, seminar, symposium တွေက ဘယ်လိုရှိတယ် ဆိုတာတွေကို အကျဉ်းချုံး ပြီး ပြောပြပေးပါးလား ခင်ဗျ။
ဦးဝင်းထိန် ။ ။ တက်လာတဲ့ ကိုယ်စားလှယ်တွေ (၈၀) လောက်ရှိပါတယ်။ စင်္ကာပူ၊ မြန်မာ၊ ထိုင်း၊ ဖိလစ် ပိုင်၊ ထိုင်ဝမ်တို့ အပြင် ဥရောပ နိုင်ငံတွေက ဂျာမဏီ၊ ပြင်သစ်၊ ဟော်လန်၊ ဘယ်လ်ဂျီယံ၊ အဘီဆီးနီးယား၊ အဲဒီနိုင်ငံတွေ က ကိုယ်စားလှယ်တွေပါတယ်။ ထူးခြားတာကတော့ လာအိုနဲ့ ဗီယက်နမ် မပါဘူး။ သို့သော် ဗီ ယက်နမ်မှာ အဖွဲ့အ စည်းနာမည်ကိုက Council of Asia Liberals and Democrats (CALD) နဲ့ ရုံးတွေ၊ နောက်နှစ်မှာ စပြီး ဖွင့်တော့မယ်။ တောင်ကိုးရီးယား မှာလည်း ဒီရုံးရှိပေမယ့်၊ ဒီနှစ်တော့ တောင်ကိုးရီး ယားက ကိုယ်စားလှယ် လာပြီး မတက်ပါဘူး။ ဘာလီကျွန်းရဲ့ Governor အုပ်ချုပ်ရေးမှူးပေါ့ သူက ဗိုလ်ချုပ် ကြီးဟောင်း တစ်ယောက်ပါ။ သူက ညီလာခံ အဖွင့် အမှာစကား ပြောတယ်။ ဒီပုဂ္ဂိုလ်က တော်တော် အရည် အချင်းရှိပါတယ်။ သူ့မိန့်ခွန်း အစမှာကိုက CALD ရဲ့ theme (အနှစ်သာရ)ကိုက ပါပြီးသား။ ဒီtheme က ဘာလဲဆိုတော့ Pluralism and Development (ဗဟုဝါဒနှင့် ဖွံ့ဖြိုးတိုးတက်မှု)။ အဲဒါ အကျုံးဝင်နေတဲ့ သူ့ရဲ့ မိန့်ခွန်းထဲမှာ သူဘာပြောသွားလဲဆိုတော့၊ ခုန ကျနော် ပြောခဲ့သလို အများရဲ့ဆန္ဒကို လေးစား လိုက်နာသလို လူနည်းစုရဲ့အခွင့်အရေးကိုလည်း အကာအကွယ် ပေးရမယ် ဆိုတဲ့ theme လမ်းကြောင်းကို ဦးတည် ပြောသွားတယ်။ ပြောတဲ့အခါမှာလည်း၊ သူက အဓိက ပိုပြီး ချဲ့ထွင်ပြောတာ က၊ ကျနော်တို့ကို သူက မိတ်ဆွေတွေ လို့တောင် မခေါ်ချင်ဘူး၊ ညီအစ်ကို မောင်နှမတွေ လို့ပဲ ခေါ်ချင်တယ်လို့ ထပ်ခါတလဲလဲ ပြောသွားတဲ့ အခါကျတော့၊ လစ်ဘရယ် ဒီမိုကရေစီဆိုတာ ဒီလို ဘ၀မျိုးတွေအထိ ရောက်အောင် ရည်မှန်း ထားပါလားလို့၊ ကျနော် သဘောပေါက်သွားတယ်။ နောက်ပြီး ကိုယ်စားလှယ်တွေရဲ့ သုံးပုံတစ်ပုံဟာ အမျိုးသမီးတွေ။ အဲဒါက ထူးခြား ချက်ပဲ။ ဒီအမျိုးသမီးတွေက တက်တက်ကြွကြွ ကျွမ်းကျွမ်းကျင်ကျင်နဲ့ သက်ဆိုင်ရာ ဘာသာရပ်တွေ ကို ပြောနိုင်ခဲ့ကြတယ်။ ကျနော်ပြောဖို့ ကျန်သွားတာက၊ ဒီညီလာခံမှာ ဂျပန်ကလည်း ကိုယ်စားလှယ် တစ်ယောက် တက်ပါတယ်။ Governor က မိန့်ခွန်း ပြောသွားပြီးတဲ့ အခါမှာ၊ Frederick Norman Foundation က ကိုယ်စားလှယ်တွေက ကျနော်တို့တွေကို ကြိုဆိုတဲ့အကြောင်း ဆက်ပြောပြီးတော့၊ ညနေပိုင်းမှာတော့ ကျနော့်ကို ဦးစားပေးတဲ့ အနေနဲ့ မြန်မာနိုင်ငံမှာ ကျနော်ကြုံတွေ့ခဲ့ရတဲ့ အကြောင်းတွေကို၊ ဆယ်မိနစ်လောက် ကျနော် မိန့်ခွန်း ပြောကြား ခဲ့ရပါတယ်။ ပြီးတော့မှာ အဲဒီ CALD (Council of Asia Liberals and Democrats) မှာ၊ permanent secretariat (အမြဲတမ်းအတွင်းဝန်အဖွဲ့) ရှိတဲ့ အခါကျတော့၊ အဲဒီ permanent secretariat ရဲ့ ဥက္ကဋ္ဌက သီရိလင်္ကာက။ ညီလာခံမှာ သီရိလင်္ကာ ကလည်း တက်ပါတယ် ခင်ဗျ။ သီရိလင်္ကာက ၀ါရင့် အတိုက်အခံအမတ် Mr. Najiba ကနေ ဒီအစည်းအဝေးကို ကြီးကြပ်တာပဲပဲ ခင်ဗျ။ တနေကုန် အစီအစဉ်တွေက ညနေ လေးနာရီခွဲ ငါးနာရီလောက်မှ ပြီးတယ်။ ပထမဆုံးနေ့က ပြီးတာနဲ့ Governor အိမ်မှာ dinner ဖိတ်ထားလို့၊ ကိုယ်စားလှယ်တွေ ကားနဲ့ သွားကြတာ၊ (၄၅) မိနစ်လောက်ကြာတာမှာ ဒီကားစီးတဲ့ ခရီးတခုလုံး ဘာတွေ့ရလဲ ဆိုတော့၊ ဒီဘာလီကျွန်း ရဲ့ မူဆာဒူအာ (Musadua) ဒေသဟာ အိမ်တွေတိုက်တွေ ဆက်နေပြီး တော်တော်စည်ကားတာ တွေ့ရတယ်။ အိမ်တွေက အဆင့်အတန်း မြင့်သလို၊ ကားတွေကလည်း အကုန်လုံး လိုလို သစ်လွင် တောက်ပနေတာကို၊ သတိ ထားမိတယ် ခင်ဗျ။
ဦးရော်နီညိမ်း ။ ။ ဟုတ်ကဲ့ ဒီအစည်းအဝေးမှာ၊ ကိုယ်က ဖတ်တာရှိမယ်၊ တင်ပြတာရှိမယ်၊ သူတို့ကလည်း ဖတ်တာတွေ တင်ပြတာတွေ ရှိပြီးတော့ အပြန်အလှန် ဆွေးနွေးတာတွေ ရှိမယ်၊ work shop (အလုပ်ရုံဆွေးနွေးပွဲ) တွေ၊ symposium (အကြောင်းအရာ တစ်ခုတည်းကို စူးစိုက်ဆွေးနွေးပွဲ) တွေ၊ seminar (အကြောင်းအရာများကို ဖြန့်ပြီးဆွေးနွေးပွဲ) တွေ ရှိမယ်။ နောက်ဆုံးမှာ ဒီညီလာခံကနေ ဘယ်လို resolution (ဆုံးဖြတ်ချက်)တွေ ချခဲ့ပါလဲ ခင်ဗျ။
ဦးဝင်းထိန် ။ ။ ဒီညီလာခံရဲ့ resolution ကတော့၊ လာတက်ကြတဲ့ ကိုယ်စားလှယ်တွေရဲ့ နိုင်ငံ အသီး သီးတွေမှာ လစ်ဘရယ် ဒီမိုကရေစီ ထွန်းကားဖို့အတွက် အနုနည်းနဲ့ ရုန်းကန်လှုပ်ရှားရေးပါ။ အခက်အ ခဲတွေတွေ့တဲ့ အခါမှာလည်း၊ နောင်မှာ အခုလိုပဲ အခက်အခဲတွေကို ဆွေးနွေး ညှိနှိုင်းပြီးတော့မှ အဖြေရှာကြမယ်၊ အဲဒီလို အဖြေရှာတဲ့ အခါ အချင်းချင်းတွေ ဆက်သွယ်နိုင်အောင်၊ ပါတီ ရုံးလိပ်စာတွေ email account တွေ ဖလှယ်တာတို့တွေ၊ ပြုလုပ်ခဲ့ကြပါတယ်။ တစ်ခုပြောဖို့ ကျန်သွားတာက၊ မွန်ဂိုးလီးယားက အတိုက်အခံ ပါတီရဲ့ ကိုယ်စားလှယ် သုံးယောက်လည်း လာတက်ပါတယ်။ ထိုင်ဝမ်က ဆိုရင် အရင်က အာဏာရပါတီရဲ့ ကျန်းမာရေး ဒုဝန်ကြီး ဖြစ်ခဲ့တဲ့သူက အခု အတိုက်အခံ အဖြစ်နဲ့ ထိုင်ဝမ် အဖွဲ့ကို ဦးဆောင်ပြီး လာတက်တာ။ လာမယ့် ဇန်န၀ါရီလမှာ ထိုင်ဝမ် ရွေးကောက်ပွဲမှာ သူတို့က ပြန်နိုင်နိုင်တဲ့ အခြေအနေ အလားအလာကောင်းနေ တယ်လို့ ဆိုတယ်။ ကမ္ဘောဒီးယား ကျတော့ ထူးထူးခြားခြားက ၀န်ကြီးချုပ် ဟွန်ဆန်က နည်းမျိုးစုံနဲ့ ဖိနှိပ် ထားတော့ အတိုက်အခံတွေ မလူးသာ မလွန့်သာနဲ့ ခံနေရတဲ့ ကိစ္စတွေကို၊ သူတို့ရဲ့ constitution ဖွဲ့စည်းအုပ် ချုပ်ပုံအခြေခံ ဥပဒေမှာ ရေးထားတဲ့ clause တွေကိုသုံးပြီး၊ ဘယ်လိုနည်းနဲ့ တုန့်ပြန်မယ် ဆိုတဲ့ အကြောင်းတွေ ကို၊ ညီလာခံမှာ ၀ိုင်းဝန်း ဆွေးနွေးကြပါတယ်။
ဦးရော်နီညိမ်း ။ ။ ဦးဝင်းထိန်ဆီက ကြားသိရသမျှဆိုရင်၊ ဒါဟာ အင်ဒိုနီးရှားနိုင်ငံမှာ ကျင်းပတဲ့ ဒီညီလာခံ ဟာ အရင်နှစ်တွေ ကလည်း တခြားနိုင်ငံတွေမှာ ကျင်းပတယ် ဆိုတော့၊ လစ်ဘရယ် ဒီမိုကရက်တွေရဲ့ ညီလာခံ ကျင်းပတာမှာ၊ သက်ဆိုင်ရာ အိမ်ရှင်နိုင်ငံ အစိုးရတွေရဲ့ ကမကထလုပ်မှု မဟုတ်ပဲနဲ့၊ ခုနပြောတဲ့ ဂျာမန်ဖေါင်ဒေးရှင်းလိုမျိုး တစ်ခုနဲ့ လစ်ဘရယ် ဒီမိုကရက်တွေရဲ့ CALD က တာဝန်ရှိသူတွေ ပေါင်းပြီး လုပ်ကြ တဲ့သဘောလို့၊ မြင်ကြည့်လို့ ရပါ သလား ခင်ဗျ။ သက်ဆိုင်ရာ အိမ်ရှင် နိုင်ငံ အစိုးရတွေရဲ့ ပါဝင်ပတ်သက်မှု ရှိပါ သလား ခင်ဗျ။
ဦးဝင်းထိန် ။ ။ အခု ဒီညီလာခံမှ အဓိက ဧည့်ကြိုအနေနဲ့ လုပ်တာက၊ ခုနပြောတဲ့ ဂျာမဏီက Frederick Norman Foundation ၊ ပြီးတော့ အာရှတိုက်နဲ့ ပတ်သက်တဲ့ CALD (Council of Asia Liberals and Democrats) က၊ ကမကထ လုပ်တယ်၊ ကုန်ကျစားရိတ်တွေကို ခံတယ်၊ ဒါပေမယ့် အင်ဒိုနီးရှားက အတိုက်အ ခံ ပါတီ PDIT ကလည်း ပူးတွဲပြီး၊ ညီလာခံ ဧည့်ခံရေးကို ပူးတြွဲပီး လုပ်ပါတယ်။ သို့သော်လည်း အာဏာရပါတီ က ဖြစ်တဲ့ ဘာလီကျွန်းရဲ့ Governor က၊ ကြည်ကြည်ဖြူဖြူနဲ့ ခွင့်ပြုတယ်။ အာဏာရ ပါတီကလည်း ဘာလီမှာ ဘာတွေ လုပ်နေကြတယ် ဆိုတာ၊ သူတို့က သိပါတယ်။ အရင့် အရင်ကလည်း ဒီညီလာခံကို ဘန်ကောက်၊ မနီလာ၊ ကွာလာလမ်ပူတို့မှာ လုပ်ခဲ့တယ်။ အဲဒီညီလာခံတွေ ကိုလည်း သက်ဆိုင်ရာ အစိုးရတွေက ကြည်ကြည်ဖြူဖြူ ခွင့်ပြုခဲ့ ပါတယ်။ ကျနော် မှန်းကြည့်လို့ ရတာကတော့၊ အာရှမှာ လစ်ဘရယ် ဒီမိုကရေစီထွန်း ကားအောင်လုပ်တဲ့ နည်းမျိုးစုံနဲ့ လှုပ်ရှားတဲ့ ပုဂ္ဂိုလ်တွေကို၊ အာဏာရပါတီတွေက အထိုက်အလျောက် လေးစား ပြီးတော့ ခွင့်ပြုတယ်။ လွတ်လပ်ခွင့် အထိုက်အလျောက် ပေးတယ်ပေါ့ဗျာ။ လှုပ်ရှားခွင့် နယ်ပယ်ပေးပြီး ခွင့်ပြု ထားတယ်လို့၊ ကျနော် ယူဆတယ်။
ဦးရော်နီညိမ်း ။ ။ အဲဒါကိုပဲ ကျနော်သိချင်တာပါ။ အဲဒါကြောင့် ၂၀၁၄ ခုနှစ်မှာ၊ မြန်မာနိုင်ငံမှာ အာဆီယံ အစည်းအဝေးကြီး ကျင်းပပြီ ဆိုကြပါစို့။ အဲဒီအချိန်မှာ ဖြစ်ပေါ်နေမယ့် မြန်မာ အစိုးရထဲမှာ အမျိုးသားဒီမိုကရေစီ အဖွဲ့ချုပ် ပါရင်လည်း ပါနေမလားတော့ မပြောတတ်ဘူး။ ဘယ်လိုပဲဖြစ်ဖြစ် ၂၀၁၄ ခုနှစ်မှာ ရှိနေမယ့် မြန် မာနိုင်ငံအစိုးရက ခြိမ့်ခြိမ့်သဲသဲနဲ့ အာဆီယံ၊ အာဆီယံ + ၃၊ အာဆီယံ - အမေရိကန် စတဲ့ ညီလာခံတွေ အစည်းအဝေးကြီးတွေ လုပ် နေတဲ့အချိန်မှာ၊ တဘက်မှာလည်း ၂၀၁၄ မှာ၊ အခု ဦးဝင်းထိန် သွားတက်တဲ့ အာရှက လစ်ဘရယ် ဒီမိုကရက်တွေ ရဲ့ ညီလာခံမျိုးကို၊ အမျိုးသား ဒီမိုကရေစီ အဖွဲ့ချုပ်နဲ့ ခုန ဂျာမန်ဖေါင်ဒေး ရှင်းနဲ့ ပင်မအဖွဲ့အစည်း CALD နဲ့ သီရိ လင်္ကာက ပုဂ္ဂိုလ် ဦးဆောင်နေတဲ့ permanent secretariat အဖွဲ့၊ အဲဒါတွေ အကုန်ပေါင်းပြီး၊ မြန်မာနိုင်ငံမှာ ကော ဒီညီလာခံမျိုး လုပ်မယ်ဆိုရင် လုပ်လို့ရမယ့် အနေအထား မရှိဘူးလား ခင်ဗျ။ အကယ်၍ အမျိုးသား ဒီမိုကရေစီ အဖွဲ့ချုပ်က ဆန္ဒရှိခဲ့ရင်ပေါ့။ အဲဒီအချိန် အာဏာရ အစိုး ရထဲမှာ အမျိုးသားဒီမိုကရေစီ အဖွဲ့ချုပ်လည်း တစိပ်တပိုင်း ပါချင်လည်း ပါနေမယ်။ မပါပဲနဲ့ အခုလိုပဲ အတိုက် အခံပါတီပဲ ဖြစ်ချင်လည်း ဖြစ်နေမယ်။ ဦးဝင်းထိန်က ဒီညီလာခံ ကို ကိုယ်တိုင် သွားတက်တဲ့လူဆိုတော့၊ ဒီကိစ္စကို ဘယ်လို မြင်ကြည့်နိုင်ပါလဲ ခင်ဗျ။ hypothesis (မှန်းဆတွေး ကြည့်မှု) တစ်ခုပါ။
ဦးဝင်းထိန် ။ ။ အခု ကျနော်တက်ခဲ့တဲ့ ညီလာခံမှာ ဘယ်နိုင်ငံက အစိုးရက ဘယ်လိုလုပ်နေတယ် ဆိုတာ ကို၊ ပွင့်ပွင့်လင်းလင်း ဆွေးနွေးကြတယ်။ အဒီအခက်အခဲတွေကို ဘယ်လို ကျော်လွှားမလဲ ဆိုတကို၊ ပွင့်ပွင့်လင်း လင်း တိုင်ပင်ဆွေးနွေး အဖြေရှာကြတယ်။ ဒီညီလာခံ တစ်ခုလုံးမှာ အေးအေးချမ်းချမ်း ပျော်ပျော်ရွှင်ရွှင်နဲ့၊ ကိုယ့်နိုင်ငံက ပြဿနာတွေကို တင်ပြကြတယ်။ အေးအေးချမ်းချမ်းနဲ့ ညီလာခံ ပြီးသွားတယ်။ အဲဒီတော့ ကျနော်တို့ နိုင်ငံမှာလည်း အမျိုးသား ဒီမိုကရေစီ အဖွဲ့ချုပ်က အာဏာရထဲမှာ ပါသည်ဖြစ်စေ၊ မပါသည်ဖြစ်စေ၊ ဒီညီလာခံမျိုး မြန်မာနိုင်ငံမှာ နောက် နှစ်နှစ်သုံးနှစ်အတွင်း ဖြစ်လာနိုင်တယ်လို့၊ကျနော်ထင်တယ်။ ဖြစ်လာ နိုင်အောင်လည်း ကျနော်တို့ ကြိုးစား ကြည့်မယ်။ အဲဒီလို ညီလာခံမှာ၊ မြန်မာ အစိုးရကို မဟုတ်မတရား နည်းနဲ့ ပုတ်ခတ်တာမျိုး မဟုတ်ပဲနဲ့၊ ယဉ်ကျေးတဲ့နည်းနဲ့ ဝေဘန်တာမျိုးပဲ ဖြစ်ရမယ်။ ဒါ့ကြောင့်မို့လို့ မြန်မာနိုင်ငံမှာ နောက်နှစ်နှစ် သုံးနှစ်အတွင်း၊ ဒီညီလာခံမျိုး ဖြစ်မ လာနိုင်စရာ အကြောင်းမရှိဘူး၊ ဖြစ်လာနိုင်တယ်လို့ပဲ၊ ကျနော် ယူဆပါ တယ်။
ဦးရော်နီညိမ်း ။ ။ ဒါကြောင့် ၂၀၁၄ မှာ၊ အာဆီယံထိပ်သီးညီလာခံ မြန်မာနိုင်ငံမှာ ရှိလာမှာ ဖြစ်သလို၊ အာရှက လစ်ဘရယ် ဒီမိုကရက်တွေရဲ့ ညီလာခံလည်း NLD နဲ့ CALD နဲ့၊ သက်ဆိုင်ရာတွေနဲ့ ကမကထ လုပ်ပြီးတော့၊ မြန်မာအစိုးရရဲ့ အနှောက်အယှက် အဟန့်အတား မပေးပဲနဲ့၊ ဖြစ်ပေါ်လာနိုင်တယ်လို့၊ ဦးဝင်းထိန် ယုံကြည်တယ် ပေါ့။
ဦးဝင်းထိန် ။ ။ ဟုတ်ပါတယ် ခင်ဗျာ။ ၂၀၁၄ မှာ အခု အနေအထားအရ၊ အာဆီယံထိပ်သီးညီလာခံ မြန် မာနိုင်ငံမှာ လုပ်မယ်။ အလားတူပဲ လစ်ဘရယ် ဒီမိုကရက်တွေရဲ့ ညီလာခံလည်း မြန်မာနိုင်ငံမှာ လုပ်လို့ရနိုင် မယ့်၊ အနေအထား ရှိလာနိုင်ပါတယ်။
ဦးရော်နီညိမ်း ။ ။ ကျေးဇူးတင်ပါတယ် ဦးဝင်းထိန် ခင်ဗျား။ ဒီနှစ် ၂၀၁၁ နိုဝင်ဘာ(၄)ရက်နေ့ ကနေ (၇) ရက်နေ့ အထိ၊ အင်ဒိုနီးရှားနိုင်ငံ ဘာလီကျွန်းမှာ Musadua မြို့မှာ ကျင်းပခဲ့တဲ့၊ “တတိယအကြိမ် အာရှ လစ်ဘရယ်နှင့် ဒီမို ကရက်များ နှစ်ပတ်လည် ညီလာခံ”(Third Conference of Asia Liberal & Democrats) မှာ၊ မြန်မာနိုင်ငံက အမျိုးသား ဒီမိုကရေစီ အဖွဲ့ချုပ်(NLD) ပါတီကို ကိုယ်စားပြုပြီး၊ တက်ရောက်ခဲ့တဲ့ NLD ဗဟိုကော်မတီဝင်နဲ့ နှစ်ရှည် နိုင်ငံရေး အကျဉ်းသားဟောင်းလည်း ဖြစ်သူ ဗိုလ်ကြီးဟောင်း ဦးဝင်းထိန် ကို၊ မြန် မာနိုင်ငံမှာ ကွယ်ပျောက်နေတဲ့ လစ်ဘရယ်ဒီမိုကရေစီ အခြေအနေနဲ့၊ မြန်မာနိုင်ငံမှာကော အာရှ လစ်ဘရယ်နဲ့ ဒီမိုကရက်တွေရဲ့ ညီလာခံ ၂၀၁၄ ခုနှစ်မှာ ကျင်းပနိုင်ခြေ ရှိမရှိ အခြေအနေတွေကို ဒီသီတင်းပတ် တပ်မှူးတပ်သား ပြောစကားကဏ္ဍမှာ၊ “အင်ဒိုနီးရှား ဘာလီရောက် ဦးဝင်းထိန်၊ NLD လစ်ဘရယ်ဒီမိုကရေစီ နှင့် မြန်မာပြည် - အပိုင်း (၂)” ခေါင်းစဉ်နဲ့ ဆွေးနွေးတင် ပြခဲ့တာ ဖြစ်ပါတယ် ခင်ဗျာ။ ကျနော် ရော်နီညိမ်း ပါ။
Ref: VOA News
အမေရိကန် နိုင်ငံခြားရေး ဝန်ကြီး၏ သမိုင်းတွင် ခရီးစဉ်
ကိုဝိုင်း
အင်္ဂါနေ့၊ နိုဝင်ဘာလ ၂၉ ရက် ၂၀၁၁
ချင်းမိုင် (မဇ္ဈိမ) ။ ။ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်သည် ဗုဒ္ဓဟူးနေ့တွင် ရန်ကုန်မြို့သို့ ရောက်ရှိလာမှာ ဖြစ်ရာ နှစ်ငါးဆယ်ကျော် အတွင်း အမေရိကန် နိုင်ငံခြားရေး ဝန်ကြီးတဦး၏ မြန်မာနိုင်ငံသို့ လည်ပတ်မှု ဖြစ်လာ ပေလိမ့်မည်။
ရန်ကုန်ရှိ သတင်းရပ်ကွက်များ အဆိုအရ လက်ရှိ တောင်ကိုရီးယား နိုင်ငံတွင် အလည်အပတ် ရောက်ရှိနေသော မစ္စ ကလင်တန်သည် ရန်ကုန်မြို့ ကန်တော်ကြီး ပတ်လမ်းရှိ Chatrium ဟိုတယ်တွင် တည်းခိုမှာ ဖြစ်ပြီး ခရီးစဉ် အတွင်း မြန်မာသမ္မတ ဦးသိန်းစိန်၊ အတိုက်အခံ ခေါင်းဆောင် ဒေါ်အောင်ဆန်းစုကြည် တို့နှင့် တွေ့ဆုံ ဆွေးနွေးမှာ ဖြစ်သလို ရွှေတိဂုံ စေတီတော်သို့ သွားရောက်မှာ ဖြစ်သည်။
မစ္စ ကလင်တန်နှင့်အတူ အရှေ့အာရှနှင့် ပစိတ်ဖိတ်ဒေသဆိုင်ရာ အမေရိကန် ဒုတိယ လက်ထောက် နိုင်ငံခြားရေး ဝန်ကြီး မစ္စတာ ကတ်ကင်းဘဲလ် Kurt Campbell, ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေးဝန်ကြီး မိုက်ကယ် ပေါ့စ်နာ Michael Posner၊ ကောင်စစ်ဝန် Cheryl Mills, မြန်မာနိုင်ငံ ဆိုင်ရာမူဝါဒရေးရာ ညှိနှိုင်းရေးမှူး ဒဲရက် မစ်ချဲ Derek Mitchell, မူဝါဒရေးရာ စီမံချက် ရေးဆွဲရေး ဒါရိုက်တာ ဂျိတ် ဆာလီဗန် Jake Sullivan တို့လည်း ပါဝင်မည်ဖြစ်ကြောင်း အမေရိကန် နိုင်ငံခြားရေး ဝန်ကြီး ဌာနက ထုတ်ပြန်ထား သည်။
ကြာသပတေးနေ့တွင် နေပြည်တော်သို့ သွားရောက်မည် ဖြစ်ပြီး နံနက်ပိုင်းတွင် မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်နှင့် တွေ့ဆုံပြီးနောက် သမ္မတရုံးတွင် ဦးသိန်းစိန်နှင့် ဆွေးနွေးမည်ဖြစ်သည်။ ထိုနေ့တွင်ပင် လွှတ်တော် နှစ်ရပ်လုံးမှ ဥက္ကဋ္ဌများ ဖြစ်သော သူရဦးရွှေမန်းနှင့် ဦးခင်အောင်မြင့်တို့နှင့်လည်း ဆွေးနွေးရန်ရှိသည်ဟု သတင်း ရပ်ကွက်များက ပြောသည်။
သောကြာနေ့တွင် ရန်ကုန်မြို့သို့ ပြန်လာမည်ဖြစ်ကာ ဒေါ်အောင်ဆန်းစုကြည်၏ နေအ်ိမ်တွင် ဆွေးနွေးရန် စီစဉ် ထားကြသလို တိုင်းရင်းသား ခေါင်းဆောင်များ၊ လူမှု အဖွဲ့အစည်းများနှင့်လည်း တွေ့ဆုံမည်ဖြစ်သည်ဟု သိရသည်။
အရပ်ဝတ် အမေရိကန် လုံခြုံရေး အရာရှိများက မစ္စကလင်တန် တည်းခိုမည့် ဟိုတယ်နှင့် သွားရောက်မည့် နေရာများ အတွက် ကြိုတင်၍ လုံခြုံရေး စိစစ်မှု လုပ်ထားခဲ့ကြသည်။
၁၉၅၅ ခုနှစ်က လာရောက် လည်ပတ်ခဲ့သော မစ္စတာ ဂျွန်ဖော်စတာဒူးလက်စ် John Foster Dulles ပြီးလျှင် အမေရိကန် နိုင်ငံခြားရေး ဝန်ကြီး၏ ပထမဆုံး မြန်မာနိုင်ငံ ခရီးစဉ်မှာ တရုတ်၏ သြဇာကို ချိန်ခွင် ညှိနိုင်ရန် ရည်ရွယ် သည်ဟု လေ့လာသူများက သုံးသပ် ထားကြသည်။
“အမေရိကန်ရဲ့ သူ့ရဲ့သြဇာ အရှေ့တောင်အာရှိရော အာရှပိစိဖိတ်မှာရော ကျလာတဲ့ အတွက် အင်နဲ့ အားနဲ့ ပြန်လာဖို့ သူ စဉ်းစားတာကိုး။ မြန်မာပြည်ရဲ့ ပထဝီ နိုင်ငံရေးအရ တရုတ်ရဲ့ အင်အားကို ချိန်ခွင်လျှာ ညှိချင်ရင် မြန်မာပြည်ဟာ မုချစည်းရုံးရမယ့် Target (ပစ်မှတ်) ဖြစ်နေတာ။” ဟု တရုတ်နိုင်ငံ အခြေစိုက် ဗမာပြည် ကွန်မြူနစ် ပါတီမှ ဒေါက်တာ လှကျော်ဇောက ပြောသည်။
ဝါရှင့်နိုင်ငံရေးသမားကြီး တရုတ်နိုင်ငံဆိုင်ရာ မြန်မာသံအမတ်ဟောင်း သခင်ချန်ထွန်း ကလည်း အမေရိကန် အနေဖြင့် မြန်မာနိုင်ငံကို ပြိုင်ဘက် တရုတ်နိုင်ငံ၏ နောက်လိုက် မဖြစ်စေလိုသဖြင့် ရွေးကောက်ပွဲကို ဖြတ်သန်းပြီး ပေါ်ပေါက်လာသည့် အစိုးရအသစ် လက်ထက်တွင် ဆက်ဆံရေး ကောင်းစေရန် ပြန်လည် ကြိုးစားလာသည်ဟု သုံးသပ် ပြောဆိုသည်။
Ref: မဇ္ဈိမ
ထိပ်တန်း အတွေးအခေါ်ရှင် များတွင် ဒေါ်အောင်ဆန်းစုကြည် ပါဝင်
November 29, 2011
ဝါရှင်တန်အခြေစိုက် Foreign Policy မဂ္ဂဇင်းကြီးက ၂၀၁၁ ခုနှစ်အတွက် ကမ္ဘာ့ထိပ်တန်း အတွေးအခေါ်သမား ၁၀၀ ရွေးချယ်ရာတွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ထည့်သွင်း ဖော်ပြလိုက်သည်။
“အာဏာရှင်အုပ်ချုပ်မှုအောက်မှ မြန်မာပြည် ရုန်းထွက်နိုင်ပြီ ဆိုပါက ထိုဖြစ်ရပ်သည် ဒေါ်အောင်ဆန်းစုကြည်၏ နိုင်ငံရေးအရ ပါးနပ်လိမ္မာမှု နှင့် ကြံ့ကြံ့ခံ ရပ်တည် လှုပ်ရှားမှုကြောင့် ဖြစ်ပေလိမ့်မည်” ဟု ယခုလထုတ် Foreign Policy မဂ္ဂဇင်းတွင် ရေးသားထားသည်။
ဒေါ်အောင်ဆန်းစုကြည်၏ အမည်ကို မဂ္ဂဇင်း၏ ကမ္ဘာ့ထိပ်တန်း အတွေးအခေါ်သမားများ စာရင်း အမှတ်စဉ် ၃၁ တွင် တွေ့ရသည်။
အာရပ်နွေဦးတော်လှန်ရေး ခေါင်းဆောင်များဖြစ်သည့် အီဂျစ်နိုင်ငံမှ Mohamed ElBaradei and Wael Ghonim တို့ကို အမှတ်စဉ် ၁ တွင် ဖော်ပြထားသည်။ အမေရိကန် သမ္မတ အိုဘားမားက အမှတ်စဉ် ၁၁ တွင် ရှိနေသည်။
Foreign Policy မဂ္ဂဇင်းက ဒေါ်အောင်ဆန်းစုကြည်သည် မြန်မာ့ဒီမိုကရေစီအရေးအတွက် အနှစ် ၂၀ ကျော် ဆောင်ရွက်ခဲ့သူ ဖြစ်ပြီး ထိုကာလအတွင်း ထိန်းသိမ်းခံရသည့် ကာလ ၁၅ နှစ် ရှိခဲ့သည်ဟု ရေးထားသည်။
ယမန်နှစ်က အချုပ်အနှောင်မှ ပြန်လွတ်လာသော်လည်း ဒီမိုကရေစီရေး ကြိုးပမ်းမှုများကို ဆက်လက် ဆောင်ရွက်ခဲ့ကြောင်း၊ နှစ် ၅၀ နီးပါး စစ်အုပ်ချုပ်မှုအောက် ရောက်ခဲ့သည့် မြန်မာနိုင်ငံသည် ဒေါ်အောင်ဆန်းစုကြည်နှင့် အတူ ရှေ့သို့ တက်လှမ်းနေပုံ ရှိကြောင်း ဖော်ပြထားသည်။
အစိုးရသစ်၏ သမ္မတ ဦးသိန်းစိန်သည် စာနယ်ဇင်းချုပ်ကိုင်မှုများ ဖြေလျှော့ပေးခဲ့ပြီး စီးပွားရေး ပြုပြင်ပြောင်းလဲ မှုနှင့် နိုင်ငံရေး အကျဉ်းသား ရာပေါင်းများစွာကို လွှတ်ပေး ခဲ့ကြောင်းလည်း Foreign Policy မဂ္ဂဇင်းက မှတ်ချက်ပြုထားသည်။
Ref: ဧရာဝတီ
အောက်လွှတ်တော်အမတ်တချို့ ကလင်တန်ခရီးစဉ်အပေါ် သတိပေး
မအေးသန္တာကျော်
အင်္ဂါ, 29 နိုဝင်ဘာ 2011
အမေရိကန်နိုင်ငံခြားရေးဝန်ကြီး ဟီလာရီကလင်တန်ရဲ့ မြန်မာနိုင်ငံခရီးစဉ်ဟာ မြန်မာအစိုးရရဲ့ ဟန်ပြ ပြုပြင်ပြောင်းလဲရေး လုပ်ဆောင်ချက်တွေကို ထောက်ခံသလို ဖြစ်သွားမှာ စိုးရိမ်တဲ့ အကြောင်း အမေရိကန် အောက်လွှတ်တော် ကော်မတီ ဥက္ကဋ္ဌက ပြောကြား သွားခဲ့ပါတယ်။ ပြုပြင်ပြောင်းလဲမှုတွေ လုပ်လာပြီဆိုတဲ့ မြန်မာအစိုးရက လူ့အခွင့်အရေး ချိုးဖောက်မှုတွေကို စနစ်တကျ ကျူးလွန်နေတာတွေ၊ အန္တရာယ်ကြီးလှတဲ့ လက်နက်တွေ ပြန့်ပွားအောင် ဆက်ပြီး လုပ်နေတာတွေ တွေ့နေရတယ်လို့ အမေရိကန် လွှတ်တော် အမတ်တွေက ပြောနေကြတာပါ။ အပြည့်အစုံကို မအေးသန္တာကျော်က တင်ပြပေးထားပါတယ်။
နှစ်ပေါင်း ၅၀ ကျော် ကာလအတွင်းမှာ အမေရိကန်နိုင်ငံခြားရေးဝန်ကြီးတဦးရဲ့ မြန်မာနိုင်ငံခရီးစဉ် ဖြစ်တဲ့ မစ္စစ် ကလင်တန်ရဲ့ မြန်မာနိုင်ငံ ၂ ရက်တာ ခရီးစဉ်နဲ့ ပတ်သက်ပြီးတော့ အမေရိကန် အောက်လွှတ်တော် နိုင်ငံခြားရေးရာ ကော်မတီဥက္ကဋ္ဌ အလီယာနာ ရော့စ် လစ်တီနန် Ileana Ros-Lehtinen က စိုးရိမ်ကြောင်း ထုတ်ဖော် ပြောကြားသွားပါတယ်။
နိုင်ငံရေးအကျဉ်းသားတချို့လွှတ်ပေးတာ၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နိုင်ငံရေး လမ်းကြောင်း ပေါ်မှာ ပြန်ပြီးတော့ ခြေချခွင့် ရတာတွေဟာ ပြည့်စုံပြီလို့ ပြောလို့ မရပေမယ့်လည်း ဒီတိုးတက် ဖြစ်ပေါ်မှုတွေကို ထောက်ခံ ပါတယ်လို့ မစ္စစ် ရော့စ် လစ်တီနန် Ileana Ros-Lehtinen က ဆိုပါတယ်။ နိုင်ငံခြားရေး ဝန်ကြီး ကလင်တန်ရဲ့ မြန်မာပြည်ခရီးစဉ်က သမ္မတ အိုဘားမား တလောကပဲ ပြောသွားသလို မြန်မာအစိုးရရဲ့ ပြုပြင်ပြောင်းလဲမှုတွေဟာ အမေရိကန်တို့ ဘက်က ထိတွေ့ ဆက်ဆံမှု လုပ်ဆောင်ဖို့ လုံလောက်တဲ့ သဘောမျိုး ဖြစ်သွားမှာကို စိုးရိမ်မိကြောင်း မစ္စစ် ရော့စ်လစ်တီနန်ကပဲ ပြောပါတယ်။
မြန်မာနိုင်ငံမှာ လိုအပ်တဲ့ နိုင်ငံရေးအပြောင်းအလဲတွေ ရရှိဖို့ကို ကွယ်လွန်သူ နိုင်ငံခြားရေးရာ ကော်မတီ ဥက္ကဋ္ဌဟောင်း တွမ်လန်းတို့စ် လုပ်ဆောင်ခဲ့တဲ့ တင်းကျပ်တဲ့ အရေးယူ ပိတ်ဆို့မှုမျိုးတွေ ဆက်ပြီးတော့ ဆောင်ရွက်ရပါမယ်လို့လည်း ဆိုပါတယ်။
တဆက်တည်းမှာပဲ အမေရိကန်အောက် လွှတ်တော် နိုင်ငံခြားရေးရာကော်မတီရဲ့အကြမ်းဖက်မှု၊ နျူကလီယား လက်နက် မပြန့်ပွားရေးနဲ့ ကုန်သွယ်ရေး အာရှကော်မတီခွဲရဲ့ဥက္ကဋ္ဌ အက်တ်၊ ရွိုက်စ် Ed Royce ကလည်း မြန်မာအစိုးရရဲ့ ပြုပြင် ပြောင်းလဲရေးတွေနဲ့ ပတ်သက်ပြီးတော့ တနင်္လာနေ့ကပဲ မေးခွန်း ထုတ်သွားတာပါ။
လွန်ခဲ့တဲ့ ၃ နှစ်က မုန်တိုင်းဒဏ်သင့် ပြည်သူတွေအတွက် နိုင်ငံတကာအကူအညီတွေ လက်မခံတဲ့ မြန်မာ အစိုးရဟာ ၃ နှစ် ကြာလာတဲ့ အခါမှာ ဘယ်လောက်တောင်မှ အပြောင်းအလဲတွေကို လုပ်ဆောင်နိုင်မလဲ၊ စဉ်းစားမိပါတယ်လို့ သူက ဆိုပါတယ်။
မြန်မာခေါင်းဆောင်တွေ တကယ့် လက်တွေ့ ပြုပြင်ပြောင်းလဲမှုတွေကို လုပ်ဆောင်တာ အသေအချာ တွေ့ရမှ ဖြစ်မှာပါ။ နိုင်ငံခြားရေး ဝန်ကြီး ကလင်တန်အနေနဲ့ မြန်မာဟာ တကယ်ပဲ ဒီမိုကရေစီနည်းကျ နိုင်ငံရေးစနစ်နဲ့ ပြောင်းလဲမလား ဆိုတာ သေချာ စုံစမ်းရပါမယ်။ နိုင်ငံရေး အကျဉ်းသားတွေ လွှတ်ပေးတာ၊ အခြေခံ လူ့အခွင့်အရေးကို အကာအကွယ် ပေးတာတွေ ဖြစ်မဖြစ်ဆိုတာ သေချာ စစ်ဆေးဖို့ တာဝန်ရှိပါတယ်လို့ အောက်လွှတ်တော် နိုင်ငံခြားရေးရာ ကော်မတီခွဲရဲ့ ဥက္ကဋ္ဌအက်တ် ရွိုက်စ် Ed Royce က ပြောသွားပါတယ်။
Ref: VOA News
နိုင်ငံရေးအကျဉ်းသားလွှတ်ရေး ပြောဖို့ ကလင်တန်ကို ဝိုင်းဝန်းတိုက်တွန်း
မနန္ဒာချမ်း
အင်္ဂါ, 29 နိုဝင်ဘာ 2011
မြန်မာနိုင်ငံမှာ သိသာတဲ့ အပြောင်းအလဲတချို့ အနည်းငယ်ရှိလာတဲ့အပေါ် တုံ့ပြန်တဲ့ အနေနဲ့ သွားရောက်မယ့် အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ ခရီးစဉ်အတွင်း - မြန်မာ အစိုးရဘက်က ဒိထက်ပိုပြီး တိုးတက်အောင် လုပ်ပြဖို့ လိုမယ်လို့ မြင်ကြပါတယ်။ အထူးသဖြင့် နိုင်ငံရေး အကျဉ်းသား လွတ်မြောက်ရေးလို - ခိုင်မာတဲ့ အပြောင်း အလဲတွေကို လုပ်ဖို့ လိုမယ်ဆိုပြီး မြန်မာ့နိုင်ငံရေး အသိုင်းအ၀ိုင်းနဲ့ သံတမန်တွေက ပြောဆိုနေကြတာပါ။ အပြည့်အစုံကိုတော့ ဆက်သွယ် မေးမြန်းထားတဲ့ မနန္ဒာချမ်း က တင်ပြပေးထားပါတယ်။
နှစ်ပေါင်း ၅၀ ကျော်အတွင်းမှာ ပထမဆုံးအကြိမ်အဖြစ်နဲ့ အမေရိကန်နိုင်ငံခြားရေးဝန်ကြီး ဟီလာရီ ကလင်တန် မြန်မာနိုင်ငံကို သွားရောက် တဲ့အထိ ဆက်ဆံရေး တိုးတက် လာပေမဲ့လည်း ဒီထက်ရှေ့ဆက်နိုင်ဖို့အတွက် - သမ္မတ ဦးသိန်းစိန် အစိုးရအနေနဲ့ နိုင်ငံရေး အကျဉ်းသား လွှတ်ပေးတာမျိုးလို အဓိကကျတဲ့ ကိစ္စကို လုပ်ပြဖို့ လိုတယ်ဆိုပြီး ပြောဆိုနေတာ ဖြစ်ပါတယ်။ ဒီလဆန်းပိုင်းကပဲ အစိုးရကနေ ရွေးကောက်ပွဲ ဆိုင်ရာ ဥပဒေတချို့ ပြင်ဆင်ခဲ့ပြီးတဲ့နောက် ပါတီမှတ်ပုံ ပြန်တင်ပြီး ရွေးကောက်ပွဲဝင်ဖို့ ဆုံးဖြတ်ခဲ့တဲ့ NLD အမျိုးသား ဒီမိုကရေစီ အဖွဲ့ချုပ် ကလည်း - ၀န်ကြီး ကလင်တန်နဲ့ တွေ့ဆုံတဲ့အခါ ဒီနိုင်ငံရေး အကျဉ်းသားတွေ လွတ်မြောက်ရေး ကိစ္စကို အဓိက ဆွေးနွေးပြောဆိုသွား ဖို့ရှိတယ်လို့ ပြောပါတယ်။
“ သူတို့အားလုံးက လွှတ်သင့်တယ်။ နိုင်ငံရေးအကျဉ်းသားတွေကို လွှတ်ခြင်းအားဖြင့် တိုင်းပြည်အတွက်ရော အစိုးရ အတွက်ရော အကျိုး ရှိနိုင်ပါတယ်ဆိုတာကို ကျနော်တို့ ပြောသွားမှာပါ”
ဒါပေမဲ့လည်း အခုအချိန်အထိ နိုင်ငံရေးအကျဉ်းသားအားလုံးကို ပြန်မလွှတ်ပေးသေးတာဟာ အစိုးရ အနေနဲ့ တဆင့်ပြီးတဆင့် အပြောင်းအလဲ လုပ်နေပေမဲ့ ဒီပြောင်းလဲမှုဖြစ်စဉ်ဟာ နှေးကွေး နေသေးတာ ဖြစ်နိုင်တယ်လို့လည်း NLD က သုံးသပ်ပါတယ်။ တခါ ရခိုင် အမျိုးသားဖွံ့ဖြိုး တိုးတက်ရေး ပါတီရဲ့ အမျိုးသား လွှတ်တော် ကိုယ်စားလှယ် ဒေါက်တာအေးမောင်ကလည်း ၀န်ကြီး ကလင်တန်နဲ့ တွေ့ဆုံဖို့ရှိပြီး - သူ့အနေနဲ့ ဆွေးနွေးခွင့် ရခဲ့မယ်ဆိုရင် - မြန်မာ့ နိုင်ငံရေးမှာ အဖုအထစ် ဖြစ်နေဆဲဖြစ်တဲ့ နိုင်ငံရေး အကျဉ်းသားကိစ္စနဲ့အတူ - အမေရိကန်ရဲ့ အရေးယူ ပိတ်ဆို့ ဒဏ်ခတ်မှုတွေကို ဆွေးနွေးသွားမှာ ဖြစ်တယ်လို့ အခုလို ပြောပါတယ်။
“တိုင်းရင်းသားရေးရာကိစ္စ၊ ငြိမ်းချမ်းရေးကိစ္စ၊ လက်နက်ကိုင်ပဋိပက္ခကိစ္စအပါအဝင် နိုင်ငံသား အခွင့်အရေး ဆုံးရှုံးတဲ့ ကိစ္စလေးတွေကို ကြုံရင်ကြုံသလို မိမိဒေသနဲ့ ယှဉ်ပြီး တင်ပြကြရမှာပေါ့။ တချက်လေးပါပဲ။ နိုင်ငံရေး အကျဉ်းသားတွေကို ဒီဘက်ကလည်း လွှတ်ပေး ရမယ်လေ။ လွှတ်ဖို့လည်း နိုင်ငံတော် အစိုးရကို ကျနော်တို့က တိုက်တွန်းမယ်။ အဲသလိုပဲ ဒီဟာနဲ့ ဆက်နွယ်နေတဲ့ အမေရိကန် အပါအဝင် အနောက်နိုင်ငံတွေရဲ့ စီးပွားရေး ပိတ်ဆို့ ထားမှုတွေကိုလည်း ကျနော်တို့က မေတ္တာရပ်ခံ ပေးရမှာပေါ့။ အမတ် တဦးအနေနဲ့လေ”
ဒါ့အပြင် ဒီလို အမေရိကန် နဲ့ မြန်မာနိုင်ငံအကြား ဆက်ဆံရေး တိုးတက်ကောင်းမွန်လာတဲ့ အခြေအနေကို ဆက်ပြီး ထိန်းထားနိုင်ဖို့ အတွက် - သမ္မတ ဦးသိန်းစိန် အစိုးရအနေနဲ့ နိုင်ငံသားအကျဉ်းသား လွှတ်ပေးတာမျိုးလို ဒီမိုကရေစီ နိုင်ငံအတွက် အဓိကကျတဲ့ ကိစ္စကို လုပ်ပြဖို့လိုတယ် ဆိုပြီးတော့ - ရန်ကုန် - အမေရိကန်သံရုံး ယာယီတာဝန်ခံ အဖြစ် အမှုထမ်းခဲ့သူ သံတမန်ဟောင်း ပရစ်စီလာ ကလပ် ကလည်း ပြောပါတယ်။
“ ရာထောင်ချီတဲ့ နိုင်ငံရေးအကျဉ်းသားတွေ ရှိနေတုန်းပဲ ဆိုတဲ့ အချက်ကလည်း ရှိနေပါတယ်။ နေပြည်တော်က လူတွေလည်း ဒါကို သတိထား မိပါလိမ့်မယ်။ ဒီကိစ္စကို မဖြေရှင်းနိုင်မချင်း ဆက်ဆံရေးမှာ နောက်ထပ် တိုးတက်မှုတွေ ရဖို့ အဟန့်အတား ဖြစ်နေလိမ့်ဦးမယ် ဆိုတာကိုလည်း သူတို့အနေနဲ့ ကောင်းကောင်း သိထားတယ်လို့ ကျမထင်ပါတယ်”
အမေရိကန်အစိုးရရဲ့ - မြန်မာအစိုးရနဲ့ တိုက်ရိုက်ထိတွေ့ဆက်ဆံရေး မူဝါဒအရ - မြန်မာနိုင်ငံရဲ့ လက်ရှိ အခြေအနေ တွေကို သွားရောက် လေ့လာ အကဲခတ်ဖို့ သွားရောက်မယ့် ၀န်ကြီး ကလင်တန်ရဲ့ ဒီခရီးစဉ်အတွင်းမှာ - မြန်မာ အစိုးရအနေနဲ့ နောက်ထပ် အဓိကကျတဲ့ ပြုပြင်ပြောင်းလဲမှုတွေကို ဆက်လက် လုပ်ဆောင်သွားဖို့ တိုက်တွန်း သွားမှာ ဖြစ်တယ်လို့လည်း - အမေရိကန် နိုင်ငံခြားရေး ဌာနက ထုတ်ပြန် ခဲ့တဲ့ ကြေညာချက်ထဲမှာ ဖော်ပြခဲ့ဖူးပါတယ်။ ဒါနဲ့ပတ်သက်လို့လည်း မစ္စစ် ပရစ်စီလာ ကလပ် က -
“ သူ့အနေနဲ့ ၂ နိုင်ငံ ဆက်ဆံရေးမှာ ကျန်နေသေးတဲ့ အဟန့်အတားတွေကို ဆွေးနွေးသွားမှာကတော့ သေချာပါတယ်။ မြန်မာနိုင်ငံက ပြုပြင်ပြောင်းလဲရေး လုပ်ငန်းစဉ်မှာ အမေရိကန် ပြည်ထောင်စုက ဘယ်လို အကူအညီတွေ ပေးနိုင်မလဲ ဆိုတာတွေကိုလည်း ဆွေးနွေးတာမျိုးတွေ ဖြစ်နိုင်ပါတယ်”
မြန်မာနိုင်ငံမှာ လူ့အခွင့်အရေးချိုးဖောက်မှုတွေကြောင့် - အမေရိကန်အပါအ၀င် အနောက်အင်အားကြီး နိုင်ငံတွေက မြန်မာ အစိုးရအပေါ် စီးပွားရေး၊ သံတမန်ရေးအရ ပိတ်ဆို့ ဒဏ်ခတ်မှုတွေ လုပ်ထားခဲ့တာ ဖြစ်ပါတယ်။ မြန်မာ အစိုးရ ဘက်ကလည်း အမေရိကန်နဲ့ ဆက်ဆံရေး တိုးတက်လာတာနဲ့အမျှ ဒီအရေးယူ ဒဏ်ခတ်မှုတွေကို အမေရိကန်ဘက်က ရုပ်သိမ်းပေးဖို့ကို မျှော်လင့်နေတာပါ။ ဒီအခြေအနေမှာ NDF အမျိုးသား ဒီမိုကရေစီ အင်အားစုကတော့ -
“အမေရိကန်နိုင်ငံအနေနဲ့ မြန်မာနိုင်ငံအပေါ်မှာ အပြုသဘောဆောင်တဲ့ဟာတွေ ဖြစ်ပေါ်လာပြီလို့ အပြောင်းအလဲတွေ ရှိလာပြီလို့ မြင်ရလို့ ကြိုဆိုတဲ့ အတွက်ကြောင့်မို့လို့ မြန်မာပြည်ဆိုင်ရာ အမေရိကန် သံတမန်ကိုလည်း ထားသင့်ပြီလို့ အယူအဆတွေကို ကျနော်တို့ ပြောပါတယ်။ နောက်ပြီးတော့ စီးပွားရေးပိတ်ဆို့မှုဟာ မြန်မာပြည်သူတွေကို အကျိုးမဖြစ်ဘူးလို့ ခင်ဗျားတို့ သိနေပြီး ဖြစ်တဲ့ အတွက်ကြောင့်မို့လို့ ဒီ့ထက်ပိုပြီး ပြောင်းလဲမှုတွေ လျှင်မြန် လာအောင် တွန်းအားပေးတဲ့ အနေနဲ့ စီးပွားရေး ပိတ်ဆို့မှုတွေထဲက တစချင်း တစချင်း ရုပ်သိမ်းသွားဖို့ကို စဉ်းစားသင့်ဖို့ အချိန်တန်ပါပြီလို့ ကျနော်တို့ စကားလက်ဆောင် ပါးလိုက်ပါတယ်”
နိုဝင်ဘာ ၃၀ ရက်နေ့ကနေ ဒီဇင်ဘာ ၂ ရက်နေ့အထိ မြန်မာနိုင်ငံကိုသွားရောက်မယ့် ၀န်ကြီး ကလင်တန်ရဲ့ ခရီးစဉ်မှာ - အမေရိကန် လက်ထောက် နိုင်ငံခြားရေး ၀န်ကြီး မိုက်ကယ် ပို့စနာ (Michael Posner)၊ မြန်မာနိုင်ငံ ဆိုင်ရာ အမေရိကန် အထူးသံ ဒဲရက်မစ်ချဲလ် (Derek Mitchell)၊ အမေရိကန် နိုင်ငံခြားရေး ၀န်ကြီးဌာန အရှေ့အာရှရေးရာ လက်ထောက် နိုင်ငံခြားရေးဝန်ကြီး ခဒ့် ကမ့်ဘဲ (Kurt Campbell) တို့လည်း သူမနဲ့အတူ လိုပါ သွားမှာဖြစ်ပါတယ်။ ဒီဇင်ဘာ ၁ ရက်နေ့ နေပြည်တော်မှာ အစိုးရ ၀န်ကြီးတွေအပြင် လွှတ်တော် ကိုယ်စားလှယ် တွေနဲ့လည်း တွေ့ဆုံဖို့ရှိပြီး - ၂ ရက်နေ့မှာတော့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ စီစဉ်ထားပါတယ်ရှင်။
Ref: VOA News
အီရန်က ဗြိတိသျှသံရုံးကို ဆန္ဒပြသူတွေစီးနင်း
အင်္ဂါ, 29 နိုဝင်ဘာ 2011
မသင်္ကာဖွယ်ရာ အီရန်ရဲ့ နျူကလီယားလက်နက်အစီအစဉ်ကြောင့် ဗြိတိန်နိုင်ငံက အီရန်နိုင်ငံအပေါ် အရေးယူ ပိတ်ဆို့ ဒဏ်ခတ်မှု အသစ်တွေ ချမှတ်လိုက် တာကို မကျေနပ်ကြတဲ့သူတွေက မနေ့ကအင်္ဂါနေ့မှာ တဟီရန်မြို့တော်က ဗြိတိသျှသံရုံးကို စီနင်း တိုက်ခိုက်ခဲ့ကြပါတယ်။
ဆန္ဒပြသူတွေက ဗြိတိသျှသံရုံးရဲ့ ပြူတင်းပေါက်တွေကို ချိုးဖဲ့ဝင်ရောက်ပြီး သံရုံးထဲက စာရွက် စာတမ်းတွေနဲ့ ယူနီယံဂျက် ဗြိတိသျှ အလံတို့ကို မီးရှို့ဖျက်ဆီး ခဲ့ကြပါတယ်။ သံရုံးထဲက အဲလစ္စဘက်ဘုရင်မကြီးရဲ့ ဓာတ်ပုံတစ်ပုံကိုလည်း ဖြုတ်ယူ သွားကြပါတယ်။ သံရုံး အပြင်ဘက်မှာလည်း ဗြိတိန်နိုင်ငံ ကျဆုံးပါစေဆိုတဲ့ ကြွေးကြော်သံတွေနဲ့ အတူ ဆန္ဒပြ လူအုပ်က ဗြိတိသျှသံရုံးရဲ့ ကားတစ်စီးကိုလည်း မီးရှို့ ခဲ့ကြပါတယ်။
တဟီရန်မြို့မြောက်ဘက်က ဗြိတိသျှသံရုံးဝန်ထမ်းတွေနဲ့ ဗြိတိသျှကျောင်းသားတွေ နေထိုင်ရာ အိမ်ခြံဝင်းကို စီးနင်းခဲ့တဲ့ ဆန္ဒပြသူတွေက သံရုံးဝန်ထမ်း ၆ ဦးကို ၀ိုင်းထား ခဲ့တာကိုတော့ အီရန် ရဲတပ်ဖွဲ့က အချိန်မီ ကယ်ထုတ် နိုင်ခဲ့ပါတယ်။ ဒီအိမ်ခြံဝင်းကို စီးနင်းထားတဲ့ သူတွေကို ရဲတပ်ဖွဲ့က မောင်းထုတ်ခဲ့ပေမယ့် ဆန္ဒပြသူတွေ ပြန်ရောက်လာပြီး ဗြိတိသျှသံရုံးကို ဆန္ဒပြလို့ ရဲတပ်ဖွဲ့က ဖမ်းထားသူတွေကို ပြန်လွှတ်ပေးမှ သူတို့က ဒီအိမ်ခြံဝင်းထဲက ပြန်ထွက်ပေးမယ်လို့ တောင်းဆို နေကြပါတယ်။
အီရန်အစိုးရ အခုဖြစ်ရပ်အတွက် ၀မ်းနည်းကြောင်း ပြောကြားခဲ့ပြီး ဗြိတိသျှဝန်ကြီးချုပ် David Cameron က လန်ဒန်မြို့က အီရန် သံအမတ်ကြီးကို ဖုံးဆက်ပြီး တဟီရန်က ဗြိတိသျှ နိုင်ငံသားတွေရဲ့လုံခြုံရေး ကို အီရန်အစိုးရက အပြည့်အဝ တာဝန် ယူရမယ်လို့ ပြောကြား ခဲ့ပါတယ်။ ဗြိတိသျှနိုင်ငံခြားရေး ၀န်ကြီးရုံးကလည်း အီရန်သံရုံး ယာယီတာဝန်ခံကို ဆင့်ခေါ်ပြီး ဒီဖြစ်ရပ်အတွက် ဗြိတိသျှအစိုးရရဲ့ မကျေနပ်မှုကို တရားဝင်ပြောကြားခဲ့တယ်လို့ နိုင်ငံခြားရေးဝန်ကြီး Willam Hague က ပြောပါတယ်။
နိုင်ငံတကာဥပဒေအရ အမြင့်ဆုံးအရေးပေါ် လုပ်ထုံးလုပ်နည်းတွေနဲ့ တဟီရန်မြို့က ဗြိတိသျှ သံဝန်ထမ်းတွေရဲ့ နေအိမ် ခြံဝင်းကို ကာကွယ် စောင့်ရှောက်ဖို့ အီရန် အာဏာပိုင်တွေကို ဗြိတိသျှ နိုင်ငံခြားရေး ၀န်ကြီးရုံးက တိုက်တွန်းခဲ့ပါတယ်။
Ref: VOA News
သင်္ကန်းကျွန်းဈေး ပြန်လည်နေရာချမှု အငြင်းပွားစရာ
မင်းသက်နှင့် သဲသဲ
အင်္ဂါနေ့၊ နိုဝင်ဘာလ ၂၉ ရက် ၂၀၁၁
မဇ္ဈိမသတင်းဌာန ။ ။ ရန်ကုန်မြို့ သင်္ကန်းကျွန်းဈေးသစ်ကြီးတွင် ဈေးဆိုင်အချို့အား ကားရပ်နားရန် ဆောက် လုပ်ထားသည့် မြေအောက်ထပ်၌ နေရာ ချထားပေးသည်ကို ဆိုင်ခန်းရှင် အချို့မှ မကျေနပ်ဖြစ်ကာ သင်္ကန်းကျွန်း မြို့နယ်ရှိ အမျိုးသား ဒီမိုကရေစီ ပါတီသစ်၏ ရုံးခန်းတွင် တနင်္ဂနွေနေ့က သတင်းစာ ရှင်းလင်းပွဲတရပ် ပြုလုပ်ခဲ့ သည်။
၂ဝ၁ဝ ဖေဖေါ်ဝါရီလအတွင်းက မီးသင့်ခဲ့သည့် သင်္ကန်းကျွန်းဈေးမှ ဈေးသည်များအား စည်ပင် သာယာရေးက ပြန်လည် နေရာ ချထားရာတွင် ရောင်းချသည့် ကုန်အမျိုးအစားပေါ် မူတည်၍ ကုန်မာဆိုင်၊ သားငါးဆိုင်၊ စားသောက်ဆိုင် အပါအဝင် ဆိုင်ခန်းပေါင်း ၂၀၀ ခန့်ကို မြေအောက်ထပ်၌ ရောင်းချစေခြင်းကြောင့် ဆိုင်ခန်းရှင် များက မကျေမနပ်ဖြစ်ကာ နိုဝင်ဘာလ ၂၇ ရက်နေ့တွင် သတင်း မီဒီယာများကို ဖိတ်ကြားကာ ထုတ်ဖော် ပြောဆို ခဲ့ကြခြင်းဖြစ်သည်။
“ရောင်းကုန်ပစ္စည်းနဲ့ ခွဲတယ်ဆိုပြီး အောက်ကိုချလို့ မကျေနပ်ကြတာ။ နဂိုက မော်တော်ကားထားဖို့ ဆောက်ထားတော့ အလုံ ပိတ်ကြီးထဲမှာ ဝင်ပေါက်ထွက်ပေါက် တခုတည်းပဲ ရှိတယ်။ ဘယ်လိုမှ ဈေးရောင်းလို့ အဆင်မပြေနိုင်ဘူး။” ဟု ဆိုင်ခန်းရှင် တဦးဖြစ်သည့် ဦးမြင့်သိန်းက မဇ္ဈိမကိုပြောသည်။
ရွှေဆိုင်ပိုင်ရှင် အများစု ပါဝင်သော ဈေးသာယာရေးအဖွဲ့နှင့် ဈေးစည်ပင်တို့ ပူးပေါင်းကာ အချက်အချာ ကျသော ဈေးမြေညီထပ် နေရာအား အပိုင်စီးသည်ဟု ဈေးသူဈေးသားများက စွပ်စွဲပြောဆိုသည်။
“ရွှေဆိုင်ခန်းနေရာတွေဆိုရင် သိန်း တရာလောက် ပေါက်ဈေးရှိတယ်၊ မြေအောက်ခန်းကို ၁၅ သိန်းပြောတာတောင် ဝယ်မယ့်သူ မရှိဘူး။” ဟု စားသောက်ဆိုင်ပိုင်ရှင် တဦးက ပြောသည်။
ဆိုင်ရှင်များက ဈေးဆိုင်ခန်းများကို မြေညီထပ်တွင် ပြန်လည်စီစဉ်ပေးရန် လိုလားကြပြီး ဆောင်ရွက်ပေးခြင်း မရှိပါက အမျိုးသား ဒီမိုကရေစီ ပါတီသစ်မှ လွှတ်တော် အမတ်များနှင့် ပူးပေါင်းကာ ဆန္ဒပြ တောင်းဆိုမည်ဟု ဆိုသည်။
ရန်ကုန်မြို့တော် စည်ပင်သာယာရေး ကော်မတီ ဈေးများဌာနက သတင်းစားရှင်းလင်းပွဲ လက်ခံ ကျင်းပ ပေးခဲ့သည့် အမျိုးသား ဒီမိုကရေစီ ပါတီသစ်မှ လွှတ်တော်အမတ် သုံးဦးထံ သင်္ကန်းကျွန်းဈေးအား လေ့လာကြည့်ရှု လိုပါက စီစဉ်ပေးမည်ဖြစ်ကြောင်း အင်္ဂါနေ့တွင် စာပေးပို့ခဲ့ကြောင်း သိရသည်။
“သတင်းစာ ရှင်းလင်းပွဲပြီးတော့ ကျနော်တို့ ဈေးကိုသွားကြည့်တော့၊ ဝင်ပေါက်တွေကို သွပ်ပြားတွေနဲ့ ပိတ်ပစ်လိုက် တယ်။ လုံခြုံရေး တွေကလည်း မပြေမလည် ဆက်ဆံလိုက်တယ်။” ဟု အမျိုးသား ဒီမိုကရေစီ ပါတီသစ်မှ သင်္ကန်းကျွန်း အမတ် ဦးကျော်က ပြောသည်။
ဧက ခြောက်သောင်းကျော် ကျယ်ဝန်းသည့်ဈေးကို ဧက လေးသောင်းကျော်သာ ပြန်လည် တည်ဆောက်ခဲ့ပြီး ဈေးပတ်လမ်းနှင့် နားနေခန်းများ ထည့်သွင်း ထားသဖြင့် ဆိုင်ခန်း မလုံလောက်ဟု စည်ပင်သာယာက သတင်း ထုတ်ပြန်ကြောင်း အင်္ဂါနေ့ထုတ် မြန်မာ့အလင်း သတင်းစာတွင် ရေးသားထားသည်။
မူလက ဆိုင်ခန်းများအားလုံးကို မြေညီထပ်တွင် နေရာချထားရန် စီစဉ်ခဲ့သော်လည်း နေရာ မလောက်ငှ သဖြင့် မြေအောက်ထပ်ကို အသုံးပြုကာ အထပ်နှစ်ထပ် ခွဲ၍ နေရာ ချထားရခြင်းဖြစ်ကြောင်း စည်ပင် အရာရှိတဦးက ပြောဆိုကြောင်း တုံ့ပြန်ထားသည်။
သို့သော် ဈေးသူဈေးသားများကမူ “မြေညီထပ်မှာ အကုန်လုံးဆံ့တယ်၊ ဒါကို သူတို့က ပတ်လမ်းလို့ ပြောပြီး ကျနော် တို့ကို မြေအောက်ပို့ပြီးတော့ ကော်မတီဝင်တွေ ယူကြမှာ။” ဟု ပြောသည်။ မူလဆိုင်ခန်း အရေအတွက် အပြင် ဆိုင်ခန်း ၈ဝ ခန့်ကို ဈေးသစ်တွင် ထည့်သွင်း ဆောက်လုပ်ထားသည်ဟု ဆိုသည်။
မူလက သင်္ကန်းကျွန်းဈေးမှာ တထပ်အဆောက်အဦးဖြစ်ပြီး ဆိုင်ခန်းပေါင်း ၇၈၆ ခန်းရှိပြီး ဆယ်ပေ ပတ်လည်နှင့် ငါးပေပတ်လည် ဆိုင်ခန်းများ ဖြစ်ကြသည်။ ၂ဝ၁ဝ ခုနှစ် ဖေဖော်ဝါရီလ ၁၂ ရက်နေ့တွင် မီးသင့်ခဲ့ပြီးနောက် ဈေးနေရာတွင် အထပ် ၅ ထပ်ပါဝင်သည့် အဆောက်အဦး ပြန်လည် တည်ဆောက်နေပြီး မြေညီထပ်နှင့် မြေအောက်ထပ်ကို ဈေးအဖြစ် အသုံးပြုမည် ဖြစ်သည်။
ရန်ကုန်မြို့တော် စည်ပင်သာယာရေး ကော်မတီ ဈေးများဌာနက ရောင်းကုန်အလိုက် နေရာချထားရာတွင် မြေညီ ထပ်၌ ရွှေဆိုင်၊ အလှကုန်၊ အထည်၊ ဆေးဆိုင်နှင့် ကုန်မျိုးစုံဆိုင်များ၊ မြေအောက်ထပ်တွင် သားငါး၊ ကုန်စိမ်း၊ ကုန်ခြောက်၊ ကုန်မာနှင့် စားသောက် ဆိုင်ခန်းများ ထားရှိမည်ဖြစ်သည်။ ဈေးသစ်ဆောက်လုပ်နေစဉ် ယာယီဈေးကို သင်္ဃန်းကျွန်းမြို့နယ်ရှိ ကျိုက္ကဆံ ဘုရားအနီး မြေကွပ်လပ်တွင် ဖွင့်လှစ်ပေးထားသည်။
သင်္ဃန်းကျွန်းမြို့နယ် လေးထောင့်ကန်လမ်းပေါ်ရှိ သင်္ဃန်းကျွန်းဈေးမှာ လုံခြုံရေးအတွက် ထားရှိသော လျှပ်စစ်မီး ဝါယာရှော့ခ်ကြောင့် ဆိုင်ခန်းပေါင်း ၆၅ဝ ကျော်မီးသင့်ခဲ့ပြီး ဆုံးရှုံးမှု တန်ဖိုး ကျပ် ၄၇ သိန်းရှိကြောင်း ရန်ကုန် မီးသတ် ဦးစီးဌာနက တရားဝင် သတင်း ထုတ်ပြန်ခဲ့သော်လည်း ဈေးသူ ဈေးသားများကမူ ကျပ်သိန်းပေါင်း ထောင်ချီ ၍ ဆုံးရှုံးခဲ့သည်ဟု ဆိုသည်။
Ref: မဇ္ဈိမ
အစိုးရနှင့် KIO အပစ်ရပ်ရေး တရုတ်တွင် ဆွေးနွေး
ဖနိဒါ
အင်္ဂါနေ့၊ နိုဝင်ဘာလ ၂၉ ရက် ၂၀၁၁
ချင်းမိုင်(မဇ္စျိမ) ။ ။ မြန်မာအစိုးရ၏ အထူးကိုယ်စားလှယ်အဖွဲ့နှင့် ကချင်လွတ်မြောက်ရေး အဖွဲ့ ခေါင်းဆောင်များ အင်္ဂါနေ့ ညနေပိုင်းက တရုတ်နိုင်ငံ အနောက်တောင်ဘက်ရှိ ရွှေလီမြို့တွင် အပစ်ခတ်ရပ်ရေး အတွက် ဆွေးနွေးကြ သည်။
ရထားပို့ဆောင်ရေး ဝန်ကြီး ဦးအောင်မင်း၊ တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှု ကော်မတီ ဥက္ကဋ္ဌ ဦးသိန်းဇော်၊ ဘဏ်များနှင့် ငွေကြေးဆိုင်ရာ ကော်မတီ ဥက္ကဋ္ဌ ဦအောင်သောင်းနှင့် KIO ဘက်မှ ဥက္ကဋ္ဌ ဦးဇောင်းဟရား ဦးဆောင်သော ခြောက်ဦးပါ ကိုယ်စားလှယ် အဖွဲ့တို့ ယူနန်ပြည်နယ် ရွှေလီမြို့ရှိ ကျင်းရှင့် ဟိုတယ် တွင် ညနေ ငါးနာရီခွဲခန့်မှ စတင်ကာ နှစ်နာရီခန့်ကြာ ဆွေးနွေးခဲ့ကြသည်။
ဗဟိုအစိုးရဘက်ကအဖွဲ့တွင် ကချင်ပြည်နယ် ငြိမ်းချမ်းတည်ငြိမ်ရေးအဖွဲ့ဝင် တဦးဖြစ်သော စည်းလုံး ညီညွတ်ရေးနှင့် ဒီမိုကရေစီပါတီ UDPKS မှ အထက် လွှတ်တော်အမတ် ဦးခက်ထိန်နန်လည်း လိုက်ပါသွားခဲ့သည်။
ထို့အပြင် ကချင်ပြည်သူ ကိုယ်စားလှယ်များအဖြစ် “Jade land Company” ပိုင်ရှင် ဦးယွပ်ဇော်ခေါင်၊ ဦးလမိုင်ဂွမ်ဂျာ၊ ဦးအင်စန်းဆန့်အောင်နှင့် အဆိုတော် ဦးခဗျာခွန်းအောင်တို့ လေးဦးတို့ပါ လိုက်ပါသွားခဲ့သည်။
ဆွေးနွေးသည့် အကြောင်းအရာနှင့်ပတ်သက်၍ မသိရှိရသေးသော်လည်း KIO ဘက်က ဥက္ကဋ္ဌ ကိုယ်တိုင် ပါဝင် ဆွေးနွေးခြင်းကြောင့် အလေးထားမှု ပေါ်လွင်သည်ဟု လေ့လာသူများက ပြောကြသည်။
KIO ပြောရေးဆိုခွင့်ရှိသူ ဦးထိန်နန်ကလည်း “ဥက္ကဋ္ဌကို သွားခိုင်းသလဲ ဆိုတော့ ကျနော်တို့က နိုင်ငံရေး တွေ့ဆုံ ဆွေးနွေးမှုကို လိုလားတယ် ဆိုတာကို ပြချင်လို့ပဲ။ နောက်နိုင်ငံရေး တွေ့ဆုံ ဆွေးနွေးမှုကို အမြဲတမ်း လုပ်ချင်တယ် ဆိုတာကို ပြသချင်တာပါ။”ဟု ပြောသည်။
ထိုစဉ်မှာပင် အင်္ဂါနေ့ နေ့လည်ပိုင်းက KIO တပ်ထိန်းချုပ်ထားရာ ကချင်ပြည်နယ် ဒေါ့ဖုန်းယန်မြို့နယ်ခွဲရှိ ရှမ်းရွာ နှစ်ရွာမှ အိမ်ခြေ ၆၀ နီးပါးကို အစိုးရစစ်တပ်က မီးရှို့ ဖျက်ဆီးလိုက်သည်ဟု KIO ပြောရေးဆိုခွင့်ရှိသူ ဦးလနန်က ပြောသည်။
ထို့ပြင် အစိုးရဘက်က စစ်အင်အားက ပိုမိုတိုးမြှင့်လာပြီး ကချင်ပြည်နယ် မန်စီမြို့နယ်၊ မိုးမောက်မြို့နယ်နှင့် ရှမ်းပြည်နယ် မြောက်ပိုင်း တပ်မဟာ ၄ ထိန်းချုပ် နယ်မြေထဲတွင် တိုက်ပွဲများ နေ့စဉ် ဖြစ်ပွားနေသည်ဟု ဆိုသည်။
ဇွန်လမှ စတင်၍ နှစ်ဘက်တိုက်ပွဲများ ယမန်နေ့ထိ တိုက်ပွဲဖြစ်ပွားမှုမှာ ၇ဝ၉ ကြိမ်ရှိသွားပြီ ဖြစ်ကြောင်း ဦးလနန်က ပြောသည်။
ဗုဒ္ဓဟူးနေ့တွင် ရောက်ရှိလာမည့် အမေရိကန်နိုင်ငံခြားရေးဝန်ကြီး ဟီလာရီ ကလင်တန်၏ မြန်မာပြည်ခရီးစဉ်မှ တိုးတက် ပြောင်းလဲမှု ရှိလာ လိမ့်မည်ဟု မျှော်လင့်နေပြီး သူမအနေဖြင့် တိုင်းရင်းသားဒေသများတွင် ဖြစ်ပွားနေသော အခြေအနေများကို စုံစမ်း သိရှိ နိုင်လိမ့်မည်ဟု KIO က မျှော်လင့်နေသည်။
“အမေရိကန်အစိုးရကနေ ကျနော်တို့ တိုင်းရင်းသားတွေကို အသိအမှတ်ပြုပေးသင့်တယ်၊ တိုင်းရင်းသားတွေ ခံစား နေတာတွေ၊ အခက်အခဲတွေ ကျနော်တို့ မူလအခွင့်ရေးတွေ ဆုံးရှုံးနေတာတွေကို အကာအကွယ် ပေးဖို့နဲ့ မြန်မာ နိုင်ငံမှာ နိုင်ငံရေး တွေ့ဆုံ ဆွေးနွေးရေး လုပ်နိုင်ဖို့ အမေရိကန်က အစိုးရကို တွန်းအားပေးဖို့ကို ကျနော် ပြောချင် တယ်။”ဟု ဦးလနန်က ပြောသည်။
ယခုလ ၁၉ ရက်နေ့က ထိုင်းနိုင်ငံ ချင်းရိုင်းခရိုင် မယ်ဆိုင်မြို့တွင် KIO ခေါင်းဆောင် သုံးဦးနှင့် ဝန်ကြီးဦးအောင်မင်း တို့ အလွှတ်သဘော တွေ့ဆုံခဲ့ချိန်တွင် ပြည်နယ်အစိုးရ ကိုယ်စားလှယ်များနှင့် သုံးကြိမ် တွေ့ဆုံခဲ့သော ဗီဒီယို မှတ်တမ်းများကို သမ္မတ ဦးသိန်းစိန်ထံ ပေးပို့ခဲ့သည်။
Ref: မဇ္ဈိမ
Tuesday, November 29, 2011
အမျိုးသားဒီမိုကရေစီ အဖွဲ့ချုပ်၏ နိုင်ငံရေးပါတီ တည်ထောင်လိုကြောင်း လျှောက်ထားခြင်းအား ပြည်ထောင်စု ရွေးကောက်ပွဲကော်မရှင် လက်ခံ
Sunday, 27 November 2011
အမျိုးသားဒီမိုကရေစီ အဖွဲ့ချုပ်၏ နိုင်ငံရေးပါတီ တည်ထောင်လိုကြောင်း လျှောက်ထားခြင်းအား ပြည်ထောင်စု ရွေးကောက်ပွဲ ကော်မရှင်က လက်ခံလိုက်ပြီ ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ဗဟိုအလုပ် အမှုဆောင်အဖွဲ့ဝင် ဦးအုန်းကြိုင်က Eleven Media Group သို့ ပြောကြားခဲ့သည်။
အမျိုးသားဒီမိုကရေစီအဖွဲ့ချုပ် မှ ကိုယ်စားလှယ် နှစ်ဦးတို့သည် ၂၀၁၁ ခုနှစ် နိုဝင်ဘာလ ၂၅ ရက် နေ့တွင် နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်သို့ သွားရောက်၍ နိုင်ငံရေးပါတီ တည်ထောင်လိုကြောင်း လျှောက်ထားခဲ့ပြီး ယင်းကဲ့သို့ လျှောက်ထားခြင်းအား ကော်မရှင်က လက်ခံလိုက်ခြင်း ဖြစ်ကြောင်း သိရသည်။
လျှောက်ထားရာတွင် ဦးတင်ဦး အပါအ၀င် ပုဂ္ဂိုလ် ၂၁ ဦးက အမျိုး သားဒီမိုကရေစီ အဖွဲ့ချုပ် ပါတီကို တည်ထောင်လိုကြောင်း လျှောက်ထားခဲ့ခြင်း ဖြစ်ပြီး ယင်းလျှောက်ထား ချက်နှင့်ပတ်သက်ပြီး ပါတီတည်ထောင်လိုသူ ပုဂ္ဂိုလ်များသည် နိုင်ငံရေးပါတီများ မှတ်ပုံတင်ခြင်း ဥပဒေ ပုဒ်မ ၄ နှင့် ပုဒ်မ ၆ ပါ ပြဋ္ဌာန်း ချက်များနှင့် ညီညွတ်မှု ရှိ၊ မရှိ စိစစ် ပေးနိုင်ရေးအတွက် ပြည်ထောင်စု ရွေးကောက်ပွဲ ကော်မရှင်က သက်ဆိုင်ရာ ၀န်ကြီးဌာနများထံ မေတ္တာရပ်ခံ ညှိနှိုင်းထားကြောင်း ထုတ်ပြန်ချက် အရ သိရသည်။
အမျိုးသားဒီမိုကရေစီ အဖွဲ့ချုပ်၏ ခမောက်တံဆိပ် ပြောင်းမည် ဖြစ်သော်လည်း မည်သည့်တံဆိပ် ပုံစံ ဖြစ်မည်ကိုမူ မဆုံးဖြတ်ရ သေးကြောင်း အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင် ဦးအုန်းကြိုင်က ပြောကြားခဲ့သည်။
နိုင်ငံရေးပါတီများ မှတ်ပုံတင်ခြင်းဥပဒေအရ ပါတီတစ်ရပ် တည်ထောင်၍ ပြည်ထောင်စု တစ်ဝန်းလုံး တွင်ဖြစ်စေ၊ တိုင်းဒေသကြီး သို့မဟုတ် ပြည်နယ်တစ်ခု အတွင်း၌သာ ဖြစ်စေ စည်းရုံး ဆောင်ရွက်လိုသည့် ပါတီတည်ထောင်လိုသူ အနည်းဆုံး ၁၅ ဦးသည် ယင်းတို့ တည်ထောင်လိုသော ပါတီ၏ အမည်ကို ဖော်ပြ၍ ပါတီဝင်များကို ဥပဒေနှင့်အညီ စည်းရုံး ခွင့်ပြုရန် ပြည်ထောင်စု ရွေးကောက်ပွဲ ကော်မရှင်သို့ လျှောက်ထားရမည် ဖြစ်ကြောင်း၊ လျှောက်ထားသော လျှောက်လွှာကို လက်ခံရရှိလျှင် ပြည်ထောင်စု ရွေးကောက်ပွဲ ကော်မရှင်သည် လျှောက်လွှာတွင် ဖော်ပြထားသော အချက်များကို စိစစ်၍ ဥပဒေ နှင့် ညီညွတ်ကြောင်း တွေ့ရှိပါက လျှောက်ထားချက်ကို ခွင့်ပြုရမည် ဖြစ်ကြောင်း၊ ဥပဒေနှင့် ညီညွတ်ခြင်း မရှိကြောင်း တွေ့ရှိပါက လျှောက်ထားချက်ကို ငြင်းပယ်ရမည် ဖြစ်ကြောင်းနှင့် ပါတီ တည်ထောင်လိုသူများသည် ခွင့်ပြုချက်ရရှိလျှင် မိမိတို့ အနက်မှ ခေါင်းဆောင်တစ်ဦးနှင့် ဒုတိယခေါင်းဆောင် တစ်ဦးတို့ကို ရွေးချယ်ရမည် ဖြစ်ကြောင်း သိရသည်။
ထို့နောက် ပါတီတည်ထောင်လိုသူများ၏ ခေါင်းဆောင်နှင့် ဒုတိယခေါင်းဆောင်တို့သည် သတ်မှတ်ထားသည့် မှတ်ပုံတင်ကြေး ပေးသွင်း၍ မိမိတို့ တည်ထောင်လိုသော ပါတီကို နိုင်ငံရေးပါတီ အဖြစ် မှတ်ပုံ တင်ပေးပါရန် တည်ထောင်လိုသော ပါတီ၏ အမည်၊ အလံနှင့် တံဆိပ်၊ တည်ထောင်လိုသော ပါတီ၏ နိုင်ငံရေးဝါဒ သဘောတရားနှင့် လုပ်ငန်းစဉ် စသည့် သတ်မှတ်ချက်များ ကိုတင်ပြပြီး ပြည်ထောင်စု ရွေးကောက်ပွဲ ကော်မရှင်သို့ လျှောက်ထားရမည် ဖြစ်ကြောင်း သိရသည်။
အမျိုးသားဒီမိုကရေစီအဖွဲ့ချုပ်ကို နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ မှတ်ပုံတင်၍ နောင်လာမည့် ရွေးကောက်ပွဲ များတွင် ၀င်ရောက်ယှဉ်ပြိုင် အရွေးခံမည်ဟု နိုဝင်ဘာလ ၁၈ ရက်နေ့က ပြုလုပ်သည့် အမျိုးသား ဒီမိုကရေစီ အဖွဲ့ချုပ် ဗဟိုဦးစီး အဖွဲ့ အစည်းအဝေးက ကန့်ကွက်သူမရှိ တညီတညွတ်တည်း ဆုံးဖြတ်ခဲ့သည်။
ယင်းကဲ့သို့ ဆုံးဖြတ်ခဲ့မှုနှင့် အတူ အမျိုးသားဒီမိုကရေစီ အဖွဲ့ချုပ်သည် လာမည့် ကြားဖြတ် ရွေးကောက်ပွဲ အတွက် ကျင်းပမည့် လစ်လပ်မဲ ဆန္ဒနယ် အားလုံးတွင် ၀င်ရောက်ယှဉ် ပြိုင်ရန်ရှိကြောင်း သိရသည်။
၁၉၉၀ ပြည့်နှစ် မေလ ၂၇ ရက်နေ့တွင် ပြုလုပ်ခဲ့သော ရွေးကောက်ပွဲ၌ မဲအပြတ်အသတ်ဖြင့် အနိုင်ရရှိခဲ့သော အမျိုးသား ဒီမိုကရေစီ အဖွဲ့ချုပ်သည် နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ ၁၉၈၈ ခုနှစ် စက်တင်ဘာလ ၂၇ ရက်နေ့တွင် မှတ်ပုံတင် တည်ထောင်ခဲ့သော ပါတီဖြစ်သည်။ သို့သော် ယခင်အစိုးရ လက်ထက် ၂၀၁၀ ပြည့်နှစ် မတ်လ ၈ ရက်နေ့က ထုတ် ပြန်ခဲ့သော နိုင်ငံရေး ပါတီများ မှတ်ပုံတင်ခြင်း ဥပဒေအရ ရက်ပေါင်း ၆၀ အတွင်း ပြည်ထောင်စု ရွေးကောက်ပွဲ ကော်မရှင်သို့ ထပ်မံ မှတ်ပုံတင်ရမည် ဖြစ်သော်လည်း ကန့်သတ်ချက်များကြောင့် ၂၀၁၀ ပြည့်နှစ် မတ်လ ၂၉ ရက်နေ့တွင် ပြုလုပ်ခဲ့သည့် အမျိုးသား ဒီမိုကရေစီအဖွဲ့ချုပ် ဗဟိုဦးစီး အဖွဲ့ အစည်းအဝေးက အမျိုးသား ဒီမိုကရေစီ အဖွဲ့ချုပ်ကို ထပ်မံ မှတ်ပုံမတင်ရန် ဆုံးဖြတ်ခဲ့ကြောင်း သိရသည်။
Ref: EMG News
မြန်မာနဲ့ ချစ်ကြည်မှု၊ စစ်ရေးပူးပေါင်းမှု ပိုမို ခိုင်မြဲရေး တရုတ် ပြောဆို
2011-11-28
အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ မြန်မာနိုင်ငံ ခရီး မစတင်ခင်မှာပဲ တရုတ် ဒု-သမ္မတ ရှီကျင့်ဖင်က တရုတ်နဲ့ မြန်မာ နှစ်နိုင်ငံကြား ပိုမိုခိုင်မာတဲ့ နည်းဗျူဟာမြောက် မဟာမိတ် ဆက်ဆံရေးကို ဆက်လက် တည်ဆောက်သွားမယ်လို့ ပြောလိုက်ပါတယ်။
တရုတ်နိုင်ငံ ဘေဂျင်းမြို့တော်ကို ရောက်နေတဲ့ မြန်မာ အစိုးရ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ကို ပြောလိုက်တာပါ။ ဒါ့အပြင် စစ်ရေးအရ ပူးပေါင်း ဆောင်ရွက်မှုတွေ တိုးမြှင့် လုပ်ဆောင်သွားဖို့လည်း ဒု-သမ္မတက အဆိုပြု တိုက်တွန်းခဲ့ကြောင်း တရုတ် အစိုးရပိုင် သတင်းဌာနက ဖေါ်ပြခဲ့ပါတယ်။
မြန်မာနိုင်ငံကို အမေရိကန် နိုင်ငံခြားရေး ၀န်ကြီး ဟီလာရီ ကလင်တန် မလာခင် ရက်ပိုင်း အလိုမှာ ဗိုလ်ချုပ်ကြီး မင်းအောင်လှိုင် တရုတ်နိုင်ငံကို ခရီးထွက်ခဲ့တာပါ။ ဒါဟာ မြန်မာနဲ့ အမေရိကန် ဆက်ဆံရေး အရှိန်အဟုန်နဲ့ တိုးတက်လာပေမယ့် တစ်ဘက်မှာလည်း တရုတ် အပေါ်ထားတဲ့ သဘောထား မပြောင်းလဲဘူးဆိုတာ ဦးသိန်းစိန် အစိုးရက ရည်ရွယ်ပြသလိုက်တာ ဖြစ်တယ်လို့ တရုတ်ရေးရာ လေ့လာ ကျွမ်းကျင်သူ အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ) နိုင်ငံခြားရေးရာ တာဝန်ခံ ဦးညိုအုန်းမြင့်က ပြောပါတယ်။
တစ်ဘက်မှာလည်း တရုတ် အနေနဲ့ မြန်မာ နိုင်ငံကို စီးပွားရေး အရ လွှမ်းမိုး ခြေကုပ်ယူထားတာကြောင့် အမေရိကန်က အခုလို မြန်မာနဲ့ နိုင်ငံရေး အရ ဆက်ဆံရေး တိုးမြင့်လာတာကို သိပ်တုန်လှုပ်ပုံ မရဘူးလို့ တရုတ်ပြည် အခြေစိုက် ဗမာပြည် ကွန်မြူနစ် ပါတီ ပြောခွင့်ရ ပုဂ္ဂိုလ် ဦးဖိုးသံချောင်းက ဆိုပါတယ်။
တရုတ်ရဲ့ စစ်ရေးအရ မဟာဗျူဟာကျပြီး ကုန်းတွင်းပိတ် နယ်မြေတွေရဲ့ ပင်လယ်ထွက် တံခါးပေါက် ဖြစ်တဲ့ မြန်မာနိုင်ငံကို လာရောက်မယ့် အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ခရီးစဉ်ဟာ နှစ်ပေါင်း ၅၀ အတွင်း အမေရိကန်နဲ့ မြန်မာ ဆက်ဆံရေးမှာ အဆင့် အမြင့်ဆုံး ဖြစ်တာကြောင့် တရုတ် အစိုးရ အပေါ် ရိုက်ခတ်မှုတွေ ရှိနိုင်တယ်လို့လည်း နိုင်ငံတကာ ရေးရာ ကျွမ်းကျင်သူတွေက သုံးသပ်ကြပါတယ်။
Ref: RFA News
မှတ်ပုံတင်အပြီး ဆောင်ရွက်စရာ ဒီချုပ် ဆွေးနွေး
2011-11-28
အမျိုးသားဒီမိုကရေစီ အဖွဲ့ချုပ် ဗဟို အလုပ်အမှုဆောင် ကော်မတီဝင် ဦးဥာဏ်ဝင်းက မှတ်ပုံတင်ရေး ကိစ္စနဲ့ ပတ်သက်တဲ့ ဆောင်ရွက်ချက်တွေကို ဒီကနေ့ ကျင်းပတဲ့ အစည်းအဝေးမှာ ဆွေးနွေး တင်ပြခဲ့ကြောင်း အဖွဲ့ချုပ် ပြန်ကြားရေး တာဝန်ခံ ဦးအုံးကြိုင်က ပြောပါတယ်။
မှတ်ပုံတင်တဲ့အခါ လုပ်ဆောင်ဖို့ လိုအပ်မယ့် ကိစ္စတွေကို ကြိုတင် ဆောင်ရွက် ထားကြဖို့လည်း ဆွေးနွေးကြတယ်လို့ ဆိုပါတယ်။
ပါတီ မှတ်ပုံတင်ပြီး အသစ် ပြန်လည် တည်ထောင်တဲ့ အခါ ပါတီဝင် အသစ်တွေ လက်ခံရေး ကိစ္စနဲ့ ပတ်သက်ပြီးတော့လည်း ပထမအရစ် အနေနဲ့ လျှောက်လွှာ ပုံစံ တစ်သန်း ရိုက်နှိပ်ဖို့ ဆုံးဖြတ်ထားကြောင်း၊ ဘယ်ဒေသ ဘယ်တိုင်းရင်းသား အကန့်အသတ် မရှိဘဲ မြန်မာနိုင်ငံသား အားလုံးကို လက်ခံဖို့ရှိကြောင်း ပြောပါတယ်။
ပြည်ပရောက် မြန်မာနိုင်ငံသားတွေ အနေနဲ့လည်း အမျိုးသား ဒီမိုကရေစီ အဖွဲ့ချုပ် ပါတီဝင် အဖြစ် ဝင်ရောက်လိုတယ် ဆိုရင် လျှောက်ထားနိုင်ကြကြောင်း သိရပါတယ်။
Ref: RFA News
Posts
