ဦးစံမိုးဝေ
ကြာသပတေး, 17 နိုဝင်ဘာ 2011
၂၀၁၄ ခုနှစ်မှာ အရှေ့တောင်အာရှနိုင်ငံများအသင်း အာဆီယံ အဖွဲ့ကြီးရဲ့ ဥက္ကဋ္ဌ တာဝန်ယူဖို့ အတွက် မြန်မာနိုင်ငံ အစိုးရရဲ့ အဆိုပြု ကမ်းလှမ်းထားချက် အပေါ် အာဆီယံနိုင်ငံ ခေါင်းဆောင်တွေက တရားဝင် အတည်ပြုလိုက်ပြီ ဖြစ်ပါတယ်။
အဲဒီလို ထောက်ခံအတည်ပြုလိုက်ကြတာဟာ ဒီနှစ်ပိုင်းအတွင်း မြန်မာနိုင်ငံမှာ နိုင်ငံရေးပြုပြင် ပြောင်းလဲမှုတွေ ဖြစ်ထွန်းခဲ့တဲ့ အချက်နဲ့ ရှေ့ဆက်ပြီး ဒီမိုကရေစီရေး ဖြစ်ပေါ် တိုးတက်မှုတွေကို ပေါ်ထွက် လာလိမ့်မယ်ဆိုတဲ့ မျှော်လင့်ချက်နဲ့ ပြုလုပ်လိုက်တာ ဖြစ်ကြောင်း အာဆီယံညီလာခံ ကျင်းပနေတဲ့ အင်ဒိုနီးရှားနိုင်ငံ ဘာလီကျွန်းကနေ VOA သတင်းထောက် Brian Padden သတင်းပေးပို့ ထားတာကို နောက်ခံပြုပြီးတော့ တုံ့ပြန်မှုတချို့ကို ဦးစံမိုးဝေက စုစည်း တင်ပြ ပေးပါလိမ့်မယ်။
အာဆီယံအဖွဲ့ရဲ့အလှည့်ကျဥက္ကဋ္ဌ အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါက မြန်မာနိုင်ငံကို၂၀၁၄ ခုနှစ် အတွက် အာဆီယံ ဥက္ကဋ္ဌ တာဝန် အပ်နှင်းဖို့ အာဆီယံ ခေါင်းဆောင်တွေ တွေ့ဆုံခဲ့ကြတဲ့ နေရာမှာ ဆန့်ကျင် ကန့်ကွက်သူ တဦးတယောက်မှ မရှိပါဘူးလို့ ပြောဆိုပါတယ်။
“သိသာထင်ရှားတဲ့ပြောင်းလဲမှုတွေ၊ သိသာထင်ရှားတဲ့ဖြစ်ပေါ် တိုးတက်မှုတွေကို အခြေခံပြီး ခေါင်းဆောင်တွေက သဘော တူခဲ့ကြတာ ဖြစ်တယ်လို့ ကျနော်ထင်ပါတယ်။ ဒီလို ပြုပြင်ပြောင်းလဲမှုတွေက မြန်မာနိုင်ငံကို အခုလို တာဝန်ယူဖို့ အကျိုး သက်ရောက် စေခဲ့တာဖြစ်ပါတယ်”
ဒီမိုကရေစီရေး ဦးထိပ်ထားပြီးတော့ လူ့အခွင့်အရေးကိစ္စတွေကို အကာအကွယ်ပေးနိုင်ဖို့ အားပေးတဲ့ အာဆီယံ အဖွဲ့ကြီးရဲ့ ဥက္ကဋ္ဌ တာဝန်ယူနိုင်ဖို့ မြန်မာနိုင်ငံ ဘက်က ကြိုးပမ်းမှုဟာ အငြင်းပွားစရာ ဖြစ်ခဲ့ပါတယ်။ မြန်မာ အစိုးရမှာ နိုင်ငံရေး အကျဉ်းသားတွေ ဖမ်းဆီး ထိန်းသိမ်းထားမှု၊ အတိုက်အခံတွေ အပေါ် ဒုက္ခပေးမှု စတာတွေ လုပ်ခဲ့တဲ့ ရာဇဝင်တွေက ရှိနေပါတယ်။ ၂၀၁၀ ခုနှစ်၊ နိုဝင်ဘာလ အတွင်းမှာတော့ ရွေးကောက်ပွဲ ကျင်းပပြီးတော့ စစ်တပ် ဦးဆောင်တဲ့ အစိုးရကနေ အရပ်သား အစိုးရကို အစားထိုး ခဲ့ပါတယ်။
အမေရိကန်ပြည်ထောင်စုကတော့ အတုအယောင်ရွေးကောက်ပွဲဆိုပြီးတော့ အပြစ်တင် ရှုတ်ချခဲ့ပါတယ်။ ဒါပေမယ့် လအနည်းငယ် အကြာ မှာတော့ နိုင်ငံရေးအကျဉ်းသား တချို့ကို လွှတ်ပေးခဲ့ပါတယ်။ မီဒီယာအပေါ် ထိန်းချုပ်ထားမှုကို လျှော့ပေါ့ ပေးခဲ့သလို ဒီမိုကရေစီရေး ပြုပြင်ပြောင်းလဲမှုတချို့ကို ပြုလုပ်ခဲ့ပါတယ်။ ပြုပြင်ပြောင်းလဲမှုတွေဟာ လုံလောက်တဲ့ အဆင့်ကို မရောက်သေးဘူးလို့ လူ့အခွင့်အရေး အဖွဲ့တွေက ပြောဆိုနေကြပေမယ့် နိုင်ငံတချို့ကတော့ သတိထားပြီး ချီးကျူးခဲ့ကြပါတယ်။
အနောက်နိုင်ငံတွေကတော့ အရေးယူထားတဲ့ စီးပွားရေး ပိတ်ဆို့မှုတွေ ပြန်ဖွင့်ပေးနိုင်အောင် စဉ်းစား ဆုံးဖြတ်နိုင်ဖို့ နိုင်ငံရေး ပြုပြင် ပြောင်းလဲမှုတွေ လုပ်ဆောင်ဖို့ တိုက်တွန်းပါတယ်။ အာဆီယံအဖွဲ့ရဲ့ ဥက္ကဋ္ဌက မြန်မာနိုင်ငံမှာ ဒီမိုကရေစီရေး ပြုပြင် ပြောင်းလဲမှုတွေ ဖြစ်ပေါ်အောင် မြန်မာအစိုးရကို ၂၀၁၄ ခုနှစ်၊ အဖွဲ့ရဲ့ ဥက္ကဋ္ဌအဖြစ် တာဝန်ပေးတဲ့ ဖြစ်ရပ်က မီးမောင်း ထိုးပြလိုက်တာ ဖြစ်တယ်လို့ ပြောပါတယ်။
“’ဒါပေမယ့် ဒါဟာ ပြီးခဲ့တဲ့ ကိစ္စတွေနဲ့ မဆိုင်ပါဘူး။ ဒါက အနာဂတ်ကိစ္စပါ။ မြန်မာနိုင်ငံကို ၂၀၁၄ ခုနှစ်၊ အာဆီယံ အလှည့်ကျ ဥက္ကဋ္ဌ တာဝန် အပ်နှင်းဖို့ အာဆီယံ ခေါင်းဆောင်တွေ အတည်ပြု ဆုံးဖြတ်လိုက် တာဟာ မြန်မာနိုင်ငံအတွင်း နိုင်ငံရေး ဖြစ်ပေါ် တိုးတက်မှုတွေ ဆက်လက် ပေါ်ပေါက်စေဖို့ တိုက်တွန်းတဲ့ ကြိုးစားမှုတခု ဖြစ်ပါတယ်”
မြန်မာအစိုးရဘက်က မျှော်လင့်ထားချက်နဲ့ ပတ်သက်ပြီးတော့လည်း ဘာလီကျွန်းကို ရောက်ရှိနေတဲ့ မြန်မာ ကိုယ်စားလှယ် အဖွဲ့၊ အဖွဲ့ဝင် ပြန်ကြားရေးနဲ့ ယဉ်ကျေးမှုဝန်ကြီး ဦးကျော်ဆန်းက သတင်းထောက်တွေကို အခုလို ပြောပါတယ်။
“ပိုမိုပြီးပွင့်လင်းလာမှာပဲ။ စောစောက ပြောတဲ့စကားထဲမှာပါပြီးပြီလေ။ ဘာကိုမျှော်မှန်းထားသလဲ ပိုမိုပွင့်လင်းသော၊ ဒီမိုကရေစီ ထွန်းကားသော၊ ဒေသနဲ့ နိုင်ငံတကာ နယ်ပယ်မှာ ပိုမို ပူးပေါင်းဆောင်ရွက်သော နိုင်ငံအဖြစ် မျှော်မှန်းပါတယ်လို့ ပြောပြီးပြီပဲ”
အမေရိကန်နိုင်ငံခြားရေးဝန်ကြီးဌာန ပြောခွင့်ရသူ မာခ့်တိုနာက ကြာသာပတေးနေ့ရှင်းလင်းပွဲမှာ အခုလို ပြောပါတယ်။
“ကျနော်တို့ အမြဲတမ်းပြောခဲ့တဲ့အတိုင်းပါပဲ။ အာဆီယံအလှည့်ကျ ဥက္ကဋ္ဌရာထူးအတွက် အာဆီယံ အဖွဲ့ဝင် နိုင်ငံတွေက ဆုံးဖြတ် ကြရမှာဖြစ်ပါတယ်။ ကျနော်အနေနဲ့ တိုက်တွန်းလိုတာက အာဆီယံ အဖွဲ့ဝင် နိုင်ငံတွေ အနေနဲ့ ဥက္ကဋ္ဌရာထူး အတွက် စဉ်းစားတဲ့ နေရာမှာ ဒီမိုကရေစီ၊ လူ့အခွင့်အရေး၊ ဒေသတွင်း ငြိမ်းချမ်းရေးနဲ့ တည်ငြိမ်ရေး အပါအ၀င် အဖွဲ့အစည်းကြီးရဲ့ စံထား ဆောင်ရွက်မှုတွေကို ထိရောက်စွာ ရှေ့ဆက်ဖော်ဆောင်နိုင်မယ့် အချက်တွေကို ထည့်သွင်း စဉ်းစားဖို့ပါ။ မြန်မာနိုင်ငံနဲ့ ပတ်သက် လို့ကတော့ ကျနော်တို့ လူသိရှင်ကြား ပြောကြားခဲ့ပြီး ဖြစ်တဲ့အတိုင်းပဲ-အစကနဦး ကတည်းက အားတက်စရာ အရိပ်လက္ခဏာ တွေကို တွေ့ခဲ့ရပေမယ့် ဒီထက်ပို လုပ်ဆောင်စရာတွေကို မြင်လိုပါတယ်”
အလားတူ အမေရိကန်သမ္မတ မစ္စတာအိုဘားမားကလည်း ဗုဒ္ဓဟူးနေ့က သြစတြေးလျနိုင်ငံ ပူးတွဲ လွှတ်တော် ၂ ရပ် မှာ ပြောကြားခဲ့တဲ့ မိန့်ခွန့်မှာလည်း မြန်မာနိုင်ငံမှာ တိုးတက်မှုတွေကို မြင်တွေ့နေရပေမယ့် လူ့အခွင့်အရေး ချိုးဖောက်မှုတွေ ဆက်ပြီး မြင်တွေ့နေဆဲဖြစ်ပြီး အမေရိကန်နဲ့ ဆက်ဆံရေး ကောင်းမွန်ဖို့ အတွက် မြန်မာ အစိုးရဘက်က ခြေလှမ်းတွေ ဆက်ပြီးတော့ လှမ်းနေဖို့ လိုတယ်လို့ ပြောဆိုခဲ့ပါတယ်။
စောစောပိုင်း အာဆီယံနိုင်ငံခြားရေးဝန်ကြီးတွေက မြန်မာနိုင်ငံကို ၂၀၁၄ ခုနှစ် အာဆီယံဥက္ကဋ္ဌ တာဝန်ပေးရေး အတွက် မူအားဖြင့် သဘောတူညီမှု ရရှိခဲ့ပြီးတဲ့နောက် ဒီသတင်းနဲ့ ပတ်သက်ပြီးတော့ အဓိက အတိုက်အခံ ပါတီဖြစ်တဲ့ အမျိုးသား ဒီမိုကရေစီ အဖွဲ့ချုပ်ရဲ့ ပြောခွင့်ရသူ ဦးဥာဏ်ဝင်းက ဗီအိုအေကို အခုလို မှတ်ချက် ပေးခဲ့ပါတယ်။
“ကျနော်တို့ နိုင်ငံဂုဏ်မြင့်တာပေါ့ဗျာ။ ဒီလို ခွင့်ပြုလိုက်တယ် ဆိုတာကလည်း အာဆီယံနိုင်ငံတွေ အနေနဲ့က လက်ရှိ မြန်မာနိုင်ငံ အစိုးရက ပြုပြင်ပြောင်းလဲမှု တကယ်လုပ်မယ်လို့ ယူကြည်တဲ့ အတွက်ပေါ့။ ဒါ ကျနော်တို့ ပြောချင်တာကတော့ သတင်းကောင်းပါပဲ”
အမျိုးသားဒီမိုကရေစီအဖွဲ့ချုပ် ပြောခွင့်ရသူ ဦးဥာဏ်ဝင်းပြောဆိုသွားတာဖြစ်ပါတယ်။
Ref: VOA News
Friday, November 18, 2011
မြန်မာအာဆီယံ အလှည့်ကျဥက္ကဋ္ဌရာထူးအပေါ် တုံ့ပြန်မှု
CRPP ဆက်လက် ရပ်တည်ရေး မရေမရာ
ကိုဝိုင်း
ကြာသပတေးနေ့၊ နိုဝင်ဘာလ ၁၇ ရက် ၂၀၁၁
ချင်းမိုင် (မဇ္ဈိမ) ။ ။ ကြားဖြတ်ရွေးကောက်ပွဲ နီးလာချိန်တွင် အမျိုးသား ဒီမိုကရေစီ အဖွဲ့ချုပ်နှင့် တိုင်းရင်းသား များအကြား ပူးပေါင်း ဆောင်ရွက်ရန် ၁၉၉၀ ရွေးကောက်ပွဲ ရလဒ်အပေါ် အခြေခံ ဖွဲ့စည်းထားသည့် လွှတ်တော် ကိုယ်စားပြု ကော်မတီ-CRPP ဆက်လက် ရပ်တည်ရေးမှာ မရေမရာ ဖြစ်နေကြောင်း အဖွဲ့ဝင် တိုင်းရင်းသားပါတီ ခေါင်းဆောင်များက ပြောသည်။
CRPP ကို နိုင်ငံရေးအရ ဦးဆောင်နေသည့် NLD ပါတီက နိုဝင်ဘာ ၁၈ ရက်နေ့တွင် ပါတီမှတ်ပုံ ပြန်တင်မည်ဟု ဆုံးဖြတ်ပါက “CRPP ရဲ့ အနေအထားကလည်း ပုံစံပြောင်းရမယ့် သဘောရှိတယ်။” ဟု CRPP အဖွဲ့ဝင်တခု ဖြစ်သော မွန်အမျိုးသား ဒီမိုကရေစီ အဖွဲ့မှ ဦးနိုင်ငွေသိန်းက ပြောသည်။
၁၉၉၀ ပြည့်နှစ် ရွေးကောက်ပွဲအနိုင်ရ အမတ်များဖြင့် လွှတ်တော် ခေါ်ယူနိုင်ရေး ဟူသော ရည်ရွယ် ချက်နှင့် NLD နှင့် ရှမ်း၊ မွန်၊ ရခိုင်၊ ဇိုမီး၊ ကိုးကန့် တိုင်းရင်းသား ပါတီများ၊ တသီးပုဂ္ဂလ အမတ်များဖြင့် CRPP ကို ၁၉၉၈ ခု စက်တင်ဘာတွင် ဖွဲ့စည်း ခဲ့သည်။
ဇိုမီး အမျိုးသား ကွန်ကရက်ပါတီ ဥက္ကဋ္ဌ ဦးပူကျင့်ရှင်းထန်က CRPP ကို “တခြား သင့်တော်တဲ့ နာမည် ယူပြီးတော့ ပြောင်းရင် ပြောင်းမယ်။ ဒီမဟာမိတ် အဖွဲ့တွေတော့ ဆက်ပြီးတော့ သွားမှာပါ။” ဟု ဆိုသည်။
နိုဝင်ဘာ ၁၅ ရက်နေ့က NLD အထွေထွေ အတွင်းရေးမှူး ဒေါ်အောင်ဆန်းစုကြည်နှင့် ဦးနိုင်ငွေသိန်း၊ ဦးပူကျင့်ရှင်းထန်၊ ရှမ်း SNLD မှ ဦးစိုင်းရွှေကြူး၊ ရခိုင်ပါတီမှ ဦးအေးသာအောင်၊ CRPP အဖွဲ့ဝင် တသီးပုဂ္ဂလ ဦးသိန်းဖေနှင့် အမျိုးသား ဒီမိုကရေစီ ပါတီမှ ဦးစိုးဝင်းတို့ တွေ့ဆုံကြစဉ် ကလည်း CRPP သက်တမ်း ၁၃ နှစ် ကျော် အတွင်း မပြီးသေးသည့် လုပ်ငန်းများကို ဆက်လက် လက်တွဲ ကြိုးစားသွားရန် သဘောထား ပေးကြသည်။
“မှတ်ပုံတင်တဲ့ပါတီ ရှိကောင်းရှိမယ်၊ နောက်ကျမှတင်တဲ့ ပါတီလည်းရှိမယ်။ မတင်တဲ့ ပါတီတွေလည်း ရှိမယ်။ နိုင်ငံရေး ရည်မှန်းချက်က အတူတူပဲလေ။ ပြည်တွင်းစစ်ရပ်ဖို့၊ ပြည်တွင်း ငြိမ်းချမ်းရေး တည်ဆောက်ဖို့၊ စစ်မှန်တဲ့ ပြည်ထောင်စု ဖော်ဆောင်ဖို့၊ ၂၀၀၈ ဖွဲ့စည်းပုံ ပြင်ရေးဆိုတာ တူတယ်။” ဟု ဦးအေးသာအောင်က ပြောသည်။
CRPP ကို အမည်အသစ်ဖြင့် ပြန်လည်စုဖွဲ့မှုတခု လုပ်ရတော့မည်ကို တိုင်းရင်းသား ခေါင်းဆောင်များက တညီတည်း သဘော တူကြသော်လည်း တိကျသည့် အဖြေကိုမူ ပြောဆိုနိုင်ခြင်း မရှိသေးဘဲ ဖြစ်နေကြသည်။
ကိုးကန့်ပါတီက မပါတော့သဖြင့် တိုင်းရင်းသားသီးသန့် ပါတီ ၁၁ ဖွဲ့သာ ကျန်တော့သည့် စည်းလုံး ညီညွှတ်သော တိုင်းရင်းသား လူမျိုးစု နိုင်ငံရေး ပါတီများ မဟာမိတ်အဖွဲ့ United Nationalities Alliance (UNA) နှင့် NLD ပူးပေါင်း လူပ်ရှားနိုင်မည့် နည်းလမ်းကို ရှာဖွေရန် ဦးနိုင်ငွေသိန်းက စိတ်ကူးရှိနေသည်။ UNA ၌ CRPP အဖွဲ့ဝင်ပါတီ လေးခု ပါဝင်သည်။
“UNA နဲ့ NLD ပူးပေါင်းဆောင်ရွက်ဖို့ ဘယ်လိုပုံစံနဲ့ သွားမလဲဆိုတာ ကျနော်တို့ ပြန်ကြည့်ရမယ်လို့။ CRPP ကလည်း အခြေအနေ မပေးတော့ဘူး ဖြစ်သွားရင် အဲဒါ ပြန်ပူးပေါင်း ဖွဲ့စည်းရေးပေါ့။ စဉ်းစားထားတာ။” ဟု ဦးနိုင်ငွေသိန်းက ပြောသည်။
UNA ကို ၁၉၉ဝ ခုတွင် ဒုတိယ မဲအများဆုံးရသည့် ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က ဦးဆောင် ခဲ့သည်။ သို့သော် ပါတီ ဥက္ကဋ္ဌ ခွန်ထွန်းဦးနှင့် အတွင်းရေးမှူး စိုင်းညွန့်လွင်တို့ အကျဉ်းကျနေရာမှ ပြန်လွတ်လာမှသာ SNLD က မှတ်ပုံပြန်တင်၊ မတင် ဆွေးနွေးမှာ ဖြစ်သည်။
ဦးပူကျင့်ရှင်းထန်ကမူ “UNA က ဒီခေါင်းဆောင်တွေ မရှိဘဲနဲ့၊ သူတို့ လိုအင်ဆန္ဒကို မသိဘဲနဲ့ ကျန်တဲ့ လူတွေကို ပြောဖို့က မသင့်တော်သေးဘူး ထင်လို့။ အစိုးရ တာဝန်ရှိ လူတွေရဲ့ စကားအရဆို နှစ်မကုန်ခင် လွတ်မယ့် သဘော ရှိနေတယ်။” ဟု ပြောသည်။
UNA ပါတီဝင်များမှာ ကျန်ပါတီများမှာ ၁၉၉၂ ခုနှစ်တွင် မှတ်ပုံတင် ပြန်ရုပ်သိမ်းခြင်း၊ ၂ဝ၁ဝ ပြည့်နှစ် ရွေးကောက် ပွဲ အတွက် ပါတီမှတ်ပုံ ပြန်မတင်ခြင်း တို့ကြောင့် တရားမဝင်ဘဲ ဖြစ်နေသည်။
တိုင်းရင်းသားပါတီ အားလုံးသည် ပါတီမှတ်ပုံမတင်ထားသဖြင့် နိုင်ငံရေး လုပ်ငန်းများကို တရားဝင် လှုပ်ရှားနိုင်ရေး အတွက် အခက်အခဲ ဖြစ်နေသဖြင့် ပါတီကြီးများ ဖြစ်သည့် NLD နှင့် SNLD တို့၏ အခြေအနေကို စောင့်ကြည့်နေကြကြောင်း ဦးပူကျင့်ရှင်းထန်က ပြောသည်။
ထို့ပြင် ရွေးကောက်ပွဲ ဥပဒေအရ မှတ်ပုံတင်ပါက အနည်းဆုံး သုံး နေရာဝင်ပြိုင်ရမည် ဖြစ်သော်လည်း လစ်လပ် နေရာ ၄၈ နေရာတွင် ချင်းပြည်နယ်နှင့် ရခိုင်ပြည်နယ်များ မပါဝင်သဖြင့် ဇိုမီးပါတီနှင့် ရခိုင်ပါတီတို့ အခက်တွေ့ နေကြောင်း သူက ဆိုသည်။
Ref: မဇ္ဈိမ
၂၀၁၄ ခုနှစ် အာဆီယံဥက္ကဋ္ဌ မြန်မာ
ခရစ်စတင်း
ကြာသပတေးနေ့၊ နိုဝင်ဘာလ ၁၇ ရက် ၂၀၁၁
ဘာလီ (မဇ္ဈိမ) ။ ။ လာမည့် ၂ဝ၁၄ခုနှစ်အတွက် မြန်မာနိုင်ငံကို အာဆီယံ အလှည့်ကျ ဥက္ကဋ္ဌ အဖြစ် ခန့်အပ်ရန် နိုဝင်ဘာ ၁၇ ရက် နေ့တွင် အာဆီယံ ခေါင်းဆောင်များက သဘောတူကြောင်း အတည်ပြုလိုက်ပြီ ဖြစ်သည်ဟု နိုင်ငံတော် သမ္မတ အကြံပေး (နိုင်ငံရေး)မှ ဦးကိုကိုလှိုင်က သတင်းထောက်များကို ပြောကြား လိုက်သည်။
ကြာသပတေးနေ့က ကျင်းပနေသည့် အာဆီယံ ခေါင်းဆောင်များ ထိပ်သီး အစည်းအဝေးတွင် ထိုကဲ့သို့ အတည်ပြု ပေးလိုက်ခြင်း ဖြစ်ပြီး မြန်မာနိုင်ငံ အလှည့်ကျ ဥက္ကဋ္ဌ ဖြစ်ရေးအတွက် ကန့်ကွက်သူ မရှိကြောင်း သိရသည်။
"ဒီလို ဥက္ကဌရာထူး ခန့်အပ်ခံရတာဟာ မြန်မာအစိုးရတင် မကဘူး။ မြန်မာပြည်သူပြည်သားတွေရဲ့ အောင်ပွဲ ဖြစ်ပါတယ်" ဟု ဦးကိုကိုလှိုင်က ပြောသည်။
ထိုအတွက် ခေါင်းဆောင်များ အတည်ပြုကာ လက်မှတ်ရေးထိုးကြမည် ဖြစ်ကြောင်း ယင်းက ဆက်လက် ပြောသည်။
သတင်းထောက်များကို ဆက်လက်ပြောဆိုခဲ့သည်မှာ မြန်မာနိုင်ငံသည် အာဆီယံ အဖွဲ့ဝင် နိုင်ငံ ဖြစ်ခြင်းကြောင့် အလှည့်ကျ ဥက္ကဋ္ဌ အဖြစ် တာဝန် ထမ်းဆောင်ရန် အခွင့်အရေး ရှိကြောင်းနှင့် ဆောင်ရွက်ရန် အရည်အချင်း ရှိနေပြီဖြစ်သောကြောင့် ခေါင်းဆောင်များက အတည်ပြုခဲ့ခြင်း ဖြစ်ကြောင်း ပြောဆိုသည်။
နိုဝင်ဘာ ၁၅ ရက်နေ့က အာဆီယံ နိုင်ငံခြားရေး ဝန်ကြီးများက ထိုအလှည့်ကျ ဥက္ကဋ္ဌ ရာထူးကို ပေးရန် သဘော တူညီ ခဲ့ကြပြီးနောက် ယခု ခေါင်းဆောင်များ၏ အတည်ပြုချက်အရ ၂ဝ၁၄ ဥက္ကဋ္ဌ တာဝန်ကို ထမ်းဆောင် ရတော့မည် ဖြစ်သည်။
အင်ဒိုနီးရှား နိုင်ငံခြားရေး ဝန်ကြီး Marty Natalegawaသည် မြန်မာနိုင်ငံကို အလှည့်ကျ အာဆီယံ ဥက္ကဋ္ဌရာထူး ပေးရေး မပေးရေး ဆုံးဖြတ်ရန် အတွက် အချက်အလက် စုဆောင်းသောအားဖြင့် အစိုးရ အရာရှိများ၊ အတိုက်အခံ နိုင်ငံရေး ပါတီများ အပါအဝင် အခြား အဖွဲ့အစည်းများ၊ ပုဂ္ဂိုလ်များနှင့် တွေ့ဆုံရန် အောက်တိုဘာလက မြန်မာ နိုင်ငံသို့ လာရောက်ခဲ့သေးသည်။
မဇ္ဈိမသတင်းဌာန၏ ဇူလိုင်လက သတင်းတပုဒ်တွင်လည်း မြန်မာအစိုးရအနေဖြင့် အာဆီယံ ဥက္ကဋ္ဌရာထူး လက်ခံရေး အတွက် ပြင်ဆင်သည့် အနေဖြင့် အဆောက်အအုံများ၊ အားကစားကွင်း များနှင့် အခြား လိုအပ်သည် များကို စီစဉ်ဆောင်ရွက်ရန် အစိုးရက ကော်မတီတရပ် ဖွဲ့စည်းခဲ့ကြောင်း ဖော်ပြခဲ့သည်။
ကော်မတီ ဥက္ကဋ္ဌမှာ နိုင်ငံခြားရေးဝန်ကြီး ဦးဝဏ္ဏမောင်လွင်ဖြစ်ပြီး ပြည်ထောင်စုအဆင့် ဒုတိယဝန်ကြီးများ အပါအဝင် အဖွဲ့ဝင် ၂၀ ခန့် ပါရှိသည်။
မြန်မာနိုင်ငံသည် ၂ဝဝ၆ ခုနှစ်က အာဆီယံ အလှည့်ကျ ဥက္ကဋ္ဌနေရာကို ရယူရန် အခွင့်အရေး ရှိခဲ့သော်လည်း မြန်မာ နိုင်ငံတွင်း လူ့အခွင့်အရေး ချိုးဖောက်မှုများကြောင့် အဝေဖန်ခံရကာ ဥက္ကဋ္ဌနေရာ မရဘဲဖြစ်ခဲ့သည်။
အာဆီယံ အလှည့်ကျ ဥက္ကဋ္ဌနေရာကို သာမန်အားဖြင့်၂ဝ၁၆ ခုနှစ်မှသာ ရရှိမည်ဖြစ်သော်လည်း လာအိုနိုင်ငံက အလှည့်ကျော် ပေးခဲ့ခြင်းကြောင့် ၂ဝ၁၄ ခုနှစ်တွင် ဥက္ကဋ္ဌ နေရာရယူနိုင်သည့် အခွင့်အရေး ရှိခဲ့ရခြင်း ဖြစ်သည်။
Ref: မဇ္ဈိမ
ကချင်ပြည်မှာ စစ်ရေးနည်းနဲ့ဖိအားပေးလို့ အဖြေမရနိုင်
မသင်းသီရိ
ကြာသပတေး, 17 နိုဝင်ဘာ 2011
မြန်မာအစိုးရအနေနဲ့ စစ်ရေးနည်းအရ ကချင်လက်နှက်ကိုင် အဖွဲ့တွေကို ဖိအားပေးပြီး အပစ်အခတ် ရပ်စဲဖို့ ကြိုးစား နေတယ်ဆိုရင် မှားလိမ့်မယ်လို့ ကချင် လွတ်မြောက်ရေး တပ်မတော် KIA ထိပ်တန်း တာဝန်ရှိသူ တဦးက ဗွီအိုအေကို ပြောပါတယ်။ KIA နဲ့ မြန်မာအစိုးရ စစ်တပ်တွေကြား ဒီရက်ပိုင်းတွေ အတွင်း အနီးကပ် ရင်ဆိုင်တိုက်ပွဲတွေ ပိုများလာနေသလို ဒီတိုက်ပွဲတွေကြောင့် ဒုက္ခသည် အရေအတွက်တွေလည်း ပိုတိုး လာနေပါတယ်။
အဲဒီ တိုက်ပွဲ အခြေအနေတွေနဲ့ KIA နဲ့ မြန်မာအစိုးရအကြား အပစ်အခတ်ရပ်စဲရေး ဆွေးနွေးပွဲ အခြေအနေတွေ ဘယ်လို ရှိနေတယ် ဆိုတာကို ဆယ်သွယ် မေးမြန်းထားတဲ့ မသင်းသီရိက တင်ပြထားပါတယ်။
ဒီရက်ပိုင်းတွေအတွင်းမှာ ကချင် KIA အဖွဲနဲ့ မြန်မာအစိုးရစစ်တပ်တွေကြား တိုက်ပွဲတွေ ပိုပြီး ပြင်းထန် လာနေတာ တိုက်ပွဲ အရေအတွက်တွေ ပိုများ လာနေတာဟာ မြန်မာအစိုးရက အပစ်အခတ် ရပ်စဲရေး ကိစ္စကို စစ်ရေးနဲ့ ဖိအားပေးနေတာ ဖြစ်တယ်လို့ ကချင် KIA ရဲ့ ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်ကပြောပါတယ်။
၂ ဘက်အကြား မအောင်မမြင်ဖြစ်နေတဲ့ အပစ်အခတ်ရပ်စဲရေးကိစ္စကို အခုလို စစ်ရေးနည်းပုံစံနဲ့ ဖိအားပေးမယ် ဆိုရင်တော့ ကချင် လက်နှက်ကိုင် အဖွဲ့တွေက အလျှော့ပေးမှာ မဟုတ်ဘူးလို့ ဗိုလ်မှူးချုပ် ဂွမ်မော်ကပြောပါတယ်။
“KIA တပ်ကို ရင်ဆိုင်ပြီးမှ စစ်ရေးနည်းအရ ဖိအားပေးပြီးမှပဲ KIA က၊ KIO က စကားပြောမယ်လို့ တွက်လို့ရှိရင် ဒီအယူအဆ မှားမှာ ဖြစ်ပါတယ်။ ဘာဖြစ်လို့လဲ ဆိုတော့ ကျနော်တို့ လိုချင်တာက နိုင်ငံရေးအရ ဆွေးနွေးတာပဲ ဖြစ်တယ်။ ဒီလို စစ်တပ်နဲ့ ဖိအား ပေးပြီးတော့ စကားပြော လာလိမ့်မယ်လို့ စဉ်စားလို့ ရှိရင်တော့ ဒါဟာမှားယွင်းတဲ့ အယူအဆလို့ ဒီလိုပဲ ပြောချင်ပါတယ်။
နိုင်ငံတော်အစိုးရအနေနဲ့ရော မြန်မာ့ တပ်မတော်အနေနဲ့ရော တိုင်းရင်းသားလက်နက်ကိုင် အင်အားစုတွေကို တိုင်းရင်းသား အဖွဲ့အစည်း တရပ် အနေနဲ့ အသိအမှတ် မပြုဘဲ သောင်းကျန်းနေတဲ့ သူတွေလို့ အသိအမှတ် ပြုနေတဲ့ သဘောလို့ ဦးစွာပြောရမယ်။ နောက်တခုကတော့ နိုင်ငံရေးကြောင့် ဖြစ်နေတဲ့ ပြည်တွင်းစစ်ကို နိုင်ငံရေးအရ ဖြေရှင်းချင်တဲ့ဆန္ဒ အခုချိန်ထိ မချရ သေးဘူးဆိုတဲ့ အဓိပ္ပာယ် သက်ရောက်တယ်လို့ပဲ ဒီလိုပဲ မြင်ပါတယ်”
ကချင်ပြည်နယ်ထဲက KIA ဌာနချုပ်စခန်းကိုသွားမယ့် မြစ်ကြီးနား၊ ဗန်းမော်လမ်းကြောတလျှောက်နဲ့ တပ်မဟာ (၃) ရှိရာ ဗန်းမော်ကနေ တရုတ်ပြည်ဘက်ကို ထွက်မယ့် လမ်းကြောတွေမှာ ဒီရက်ပိုင်းတွေ အတွင်း ကချင်လွတ်လပ်ရေး တပ်မတော် KIA နဲ့ မြန်မာ အစိုးရ စစ်တပ်တွေကြား ရင်ဆိုင်တိုက်ပွဲတွေ ဖြစ်နေတယ်လို့ ဗိုလ်မှူးချုပ် ဂွမ်မော်ကပြောပါတယ်။
“အပြင်းအထန်ဖြစ်တာတော့ လိုင်ဇာနဲ့မြစ်ကြီးနားသွားတဲ့ လမ်းကြောင်းပေါ်မှာ တနေရာ ၊ နောက် တပ်မဟာ (၃) နဲ့ ဗန်းမော်၊ စိန်လုံလို့ ခေါ်တဲ့ တရုတ်ပြည်ဘက်ကို သွားတဲ့ ကားလမ်း တလမ်းရှိပါတယ်။ အဲဒီအပေါ်မှာ တနေရာ၊ အပြင်းထန်ဆုံးက အဲဒီ၂ နေရာတွေ ဖြစ်ပါတယ်။ အခုကတော့ ကျနော်တို့ အနီးကပ် ရင်ဆိုင်တိုက်ပွဲတွေ ဖြစ်နေတာပါ။ KIA တပ်ကလည်း ကချင်ပြည်နယ် တခုလုံးနဲ့ ရှမ်းပြည်နယ် မြောက်ပိုင်း၊ ကျနော်တို့ တပ်မဟာ (၄) ဒေသတခုလုံးမှာ ရှိတဲ့အခါကျတော့ ၀ိုင်းနေတယ်လို့တော့ ပြောလို့မရပါဘူး၊ အနီးကပ် တိုက်ပွဲတွေကတော့ အမြဲတမ်း ဖြစ်နေလျက်ပါပဲ”
အခုနိုဝင်ဘာလဆန်းပိုင်းမှာကိုပဲ မြန်မာအစိုးရစစ်တပ်က သူတို့ရဲ့စစ်အင်အားတွေကို ပိုပြီး တိုးချဲ့ချထားတာတွေ လုပ်ခဲ့ ပြီးတဲ့နောက် တိုက်ပွဲတွေဟာ ပိုပြီး ပြင်းထန်လာနေတယ်လို့ ရှင်းပြပါတယ်။
“နိုဝင်ဘာထဲမှာ အင်အားတွေတိုးလာတာက ပိုအဓိက ကျပါတယ်။ ကျနော်တို့ မြောက်ပိုင်းတိုင်း စစ်ဌာနချုပ်နဲ့ အရှေ့မြောက်တိုင်း စစ်ဌာနချုပ် ပေါ့နော်၊ ရမခ နဲ့ မပခမှာ ကျနော်တို့ KIA က ရင်ဆိုင်တိုက်ပွဲ ဖြစ်နေချိန်မှာပဲ နောက်ထပ် ပဲခူးဘက်ကနေ တပ်မ (၂) ခု ထပ်ပြီး တက်လာပါတယ်”
ဒါကတော့ ကချင် KIA စစ်ဦးစီးချုပ် ဗိုလ်မှူးချုပ် ဂွမ်မော်ပါရှင်။ နယ်ခြားစောင့်တပ် အသွင်ကူးပြောင်းဖို့ လက်မခံတဲ့ ကချင် KIO နဲ့ မြန်မာ အစိုးရစစ်တပ်တို့ကြား ပြီးခဲ့တဲ့ ဇွန်လလောက် ကတည်းက တိုက်ပွဲတွေ ဖြစ်နေတာပါ၊ ဒီတိုက်ပွဲတွေ အတွက် အပစ်အခတ် ရပ်စဲရေး သဘော တူညီချက် ရဖို့ နှစ်ဖက် ညှိနှိုင်းမှုတွေ လုပ်နေပေမယ့် မအောင်မြင်သေးဘဲ တိုက်ပွဲတွေ ဖြစ်နေတာပါ။ ၆ လနီးပါး ကြာရှိနေပြီဖြစ်တဲ့ ကချင်ပြည်နယ်က တိုက်ပွဲတွေကြောင့် ဒေသခံ ကချင်တိုင်းရင်းသား တွေဟာလည်း တိုက်ပွဲတွေရဲ့ လွတ်ရာကို ထွက်ပြေး နေရပြီးတော့ ဒီတိုက်ပွဲတွေကြောင့် ကချင် ဒုက္ခသည် အရေအတွက်ဟာလည်း ၂၀,၀၀၀ မက ရှိနေပြီလို့ ကချင်ဒုက္ခသည် ကူညီရေး အဖွဲ့တွေက ပြောပါတယ်။
Ref: VOA News
မိဘမဲ့ကလေး ၁၀ ဦး သေဆုံးသည့် ဗုံးကွဲမှု အိမ်ရှင်ကို ဖမ်းဆီး
သန်းထိုက်ဦး
November 17, 2011
မိဘမဲ့ ကလေးငယ် ၁၀ ဦး သေဆုံးခဲ့သည့် ဗုံးပေါက်ကွဲမှုနှင့် ပတ်သက်၍ မိုးညှင်းမြို့နယ်သို့ ခရီးလွန်နေသော အိမ်ရှင် ဦးဒယောင် တန်ဂွန်းကို အစိုးရ အာဏာပိုင်များက ဖမ်းဆီးထားကြောင်း သိရသည်။
ထိုပေါက်ကွဲမှုသည် ကချင်ပြည်နယ် မြစ်ကြီးနားမြို့သီတာရပ်ကွက်ရှိ မိဘမဲ့ကလေးများ နေထိုင်သည့် နေအိမ် တအိမ်တွင် ဖြစ်ပွားခဲ့ခြင်း ဖြစ်သည်။
ယင်း ပေါက်ကွဲမှုကြောင့် ကလေး၂၀ ကျော် ဒဏ်ရာရရှိသွားပြီး အနီးရှိ နေအိမ် ၃ လုံးခန့်လည်း မီးလောင် ပျက်စီးသွားသည်။
ယခု ရက်ပိုင်းအတွင်း အဖမ်းခံထားရသော ဦးဒယောင် တန်ဂွန်းကို မြစ်ကြီးနားမြို့ပေါ်သို့ခေါ်ဆောင်လာပြီ ဖြစ်ကြောင်း ကချင် ပြည် လွတ်မြောက်ရေး အဖွဲ့ (KIO) ဒုတိယ ဥက္ကဋ္ဌဟောင်း ဒေါက်တာ တူးဂျာက ဧရာဝတီသို့ ပြောသည်။
“ခရီးထွက်နေတုန်း မိုးညှင်းမြို့နယ်မှာ အဖမ်းခံရတယ်၊ အခု မြစ်ကြီးနားကို ခေါ်လာပြီ”ဟု ၎င်းက ဆိုသည်။ သို့သော် အဖမ်း ခံရသူကို မြစ်ကြီးနားမြို့နယ် ရဲစခန်းတွင် လတ်တလော ထိန်းသိမ်း ထားနိုင်သည်ဟု ဒေါက်တာ တူးဂျာက ဆက်ပြောသည်။
ထိုသို့ အဖမ်းခံရမှုနှင့် ပတ်သက်၍ မြစ်ကြီးနားမြို့အမှတ် (၁) ရဲစခန်းသို့ ဧရာဝတီက ဆက်သွယ် မေးမြန်းခဲ့သော်လည်း ပြန်လည် ဖြေကြားခြင်း မရှိပေ။
ယခုလ ၁၅ ရက်နေ့ထုတ် အစိုးရ သတင်းစာတွင် ဗုံးကွဲမှုကြောင့် သေဆုံးသွားသော အိမ်ရှင်၏ သားဖြစ်သည့် ဒယောင်ဆိုင်ခွန် က ဖောက်ခွဲမှု ပြုလုပ်ပုံကို လက်တွေ့ ပြသနေစဉ် ပေါက်ကွဲခဲ့သည်ဟု ယူဆရကြောင်း ဖော်ပြခဲ့သည်။
သတင်းစာတွင် ဖော်ပြခဲ့ပြီးနောက်ပိုင်း အိမ်ရှင် ဦးဒယောင်တန်ဂွန်း အဖမ်းခံရကြောင်း သတင်းများ ထွက်ပေါ်လာခြင်းဖြစ် သည်။
ဒဏ်ရာရ ရှိသူများသည် မြစ်ကြီးနားမြို့ ပြည်သူ့ ဆေးရုံကြီး၌ သီးသန့် နေရာတွင် ဆေးကုသမှု ခံယူနေရပြီး ဒေသခံ ရဲဝန်ထမ်း များက လုံခြုံရေး ယူထားပေးကြောင်း ဆေးရုံဝန်ထမ်း အမျိုးသမီးတဦးက ပြောသည်။
ထို နိုဝင်ဘာ ၁၃ ရက်က ပေါက်ကွဲမှုနှင့်ပတ်သက်ပြီး မည်သည့် လက်နက်ကိုင်အဖွဲ့မှ ဖြစ်ကြောင်း မသိရ သေးသော်လည်း အစိုးရ တပ်ဖွဲ့နှင့် ကချင် လွတ်လပ်ရေး တပ်မတော် (KIA)တို့က ထိုဒေသတွင် လှုပ်ရှားနေကြသည်။
ကချင် လွတ်လပ်ရေးအဖွဲ့(KIO)ကမူ ယင်းပေါက်ကွဲမှုသည် ၎င်းတို့၏ လက်ချက် မဟုတ်ကြောင်း ငြင်းဆိုသည်။
KIO တွဲဖက် အထွေထွေအတွင်းရေးမှူး ဦးလနန်က“မြို့ပေါ်ကိုဝင်ပြီးတော့ ဖောက်ခွဲတာမျိုး၊ ပြည်သူလူထုကို ကြောက်လန့် စေမယ့် ကိစ္စမျိုးကို ကျနော်တို့ မလုပ်ဘူးဆိုတာ အစောကတည်းက ပြောထားပြီးသားပါ၊ ဒါပေမယ့် အစိုးရကတော့ ပေါက်ကွဲမှု တခု ဖြစ်လိုက်တိုင်း KIO ကိုပဲ ညွန်းဆို နေတာပါ”ဟု ၎င်းက ဆိုသည်။
မြန်မာပြည် အတွင်း၌ ဗုံးပေါက်ကွဲမှုနှင့် ပစ်ခတ်မှုများ ဖြစ်ပွားခဲ့သည့် အခါတိုင်း တိုင်းရင်းသား လက်နက်ကိုင် တပ်ဖွဲ့ ၀င်များ၏ လက်ချက်ဖြစ်ကြောင်း အစိုးရက စွပ်စွဲလေ့ရှိသည်။
ဤအတောအတွင်း ကချင်ပြည်နယ် မိုးကောင်းမြို့နယ်နှင့် ရှမ်းပြည်နယ် မြောက်ပိုင်း နမ့်ခမ်းမြို့တို့တွင်လည်း ဗုံပေါက်ကွဲ မှုများ ဖြစ်ပွားကြောင်း သိရသည်။
Ref: ဧရာဝတီ
ငြိမ်းချမ်းရေးအတွက် KNU နှင့် အစိုးရကိုယ်စားလှယ် ထပ်တွေ့မည်
November 17, 2011
ငြိမ်းချမ်းရေး ဆွေးနွေးနိုင်ရေးအတွက် ကရင် အမျိုးသား အစည်းအရုံး (KNU) နှင့် အစိုးရ ကိုယ်စားလှယ်များ ပဏာမ ထပ်မံ တွေ့ဆုံမှုကို လာမည့် ၁၉ ရက်တွင် ထိုင်းနိုင်ငံ ချင်းရိုင်ခရိုင် မယ်ဆိုင်မြို့တွင် ပြုလုပ်မည်ဖြစ်သည်။
ထို တွေ့ဆုံပွဲတွင် အစိုးရကိုယ်စားလှယ်အဖွဲ့ကို မီးရထားဝန်ကြီး ဦးအောင်မင်း ဦးဆောင်မည်ဖြစ်ပြီး KNU ကိုယ်စားလှယ် အဖွဲ့တွင် ဗိုလ်ချုပ်ကြီး မူတူးစေးဖိုး၊ ပဒိုဒေးဗစ်ထောနှင့် ပဒိုစောအားတိုး တို့ ပါဝင်မည်ဖြစ်ကြောင်း KNU က ပြောသည်။
KNU သည် မြန်မာအစိုးရနှင့် ငြိမ်းချမ်းရေး ဆွေးနွေးရန်အတွက် နိုဝင်ဘာ ၁၀ ရက်က အဖွဲ့ဝင် ၇ ဦးပါရှိသည့် ပြည်တွင်း
ငြိမ်းချမ်းရေး ဖော်ဆောင်ရေး ကော်မတီ ကို ဖွဲ့စည်းခဲ့သည်။
ယင်းအဖွဲ့သည် အစိုးရနှင့်တွေ့ဆုံမည့် KNU ကိုယ်စားလှယ်များကို ကြီးကြပ်မည်ဖြစ်ပြီး ဆွေးနွေးမည့် ကိုယ်စားလှယ် များကိုလည်း ရွေးချယ် တာဝန် ပေးအပ်မည့် အဖွဲ့ဖြစ်သည်ဟု KNU ဒု ဥက္ကဌ ပဒို ဒေးဗစ် သာကဘော က ပြောပြသည်။
၎င်းက“အခုထပ်တွေ့တာ အလွတ်သဘော တွေ့တာပဲဖြစ်တယ်၊ တကယ် ဆွေးနွေးကြတဲ့အခါကျရင် KNU အနေနဲ့ တပြည်လုံး အပစ်အခတ် ရပ်စဲရေး၊ တိုင်းရင်သား ဒေသတွေမှာ ထိုးစစ် ရပ်ဆိုင်းရေးနဲ့၊ အပစ်အခတ် ရပ်စဲပြီးရင် နိုင်ငံရေး ဆွေးနွေးပွဲကို သွားမယ့် တောင်းဆိုချက် တွေကို တောင်းဆို သွားမှာ ဖြစ်တယ်”ဟု ဧရာဝတီသို့ ပြောသည်။
နိုင်ငံရေး ဆွေးနွေးမှုများကိုလည်း KNU အပါအ၀င် အမာခံ တိုင်းရင်းသား လက်နက်ကိုင်အဖွဲ့ ၆ ဖွဲ့ အပါအ၀င် ဆက်စပ် တိုင်းရင်းသား အဖွဲ့ ၆ ဖွဲ့နှင့် ယခုနှစ်ဆန်း ပိုင်းက ဖွဲ့စည်း ထားသည့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အဖွဲ့ အနေနှင့်သာ ဆွေးနွေးနိုင်မည် ဟုလည်း ပဒို ဒေးဗစ် သာကဘော က ဖြည့်စွက် ပြောကြားသည်။
ငြိမ်းချမ်းရေး ဆွေးနွေးရန် မြန်မာအစိုးရက စေလွှတ်သည့် မီးရထားဝန်ကြီး ဦးအောင်မင်း ဦးဆောင်သည့် အဖွဲ့သည် ယခင်လ ၉ ရက်နေ့က ထိုင်း-မြန်မာနယ်စပ် မဲဆောက်မြို့တွင် KNU ကိုယ်စားလှယ် အဖွဲ့နှင့် ပဏာမ အလွတ် ဆွေနွေးပွဲ တရပ်ကို ဆွေးနွေး ခဲ့ကြသေးသည်။
KNUအဖွဲ့သည် အမျိုးသားတန်းတူရေးနှင့် ကိုယ်ပိုင် ပြဌာန်းခွင့်ရရှိရေးအတွက် ၁၉၄၉ ခုနှစ် ဇန်န၀ါရီလ ၃၁ ရက်နေ့မှစတင် ကာ အစိုးရ အဆက်ဆက်ကို ဆန့်ကျင် တော်လှန်ခဲ့သည်မှာ (၆၂) နှစ်ရှိပြီ ဖြစ်သည်။
Ref: ဧရာဝတီ
Thursday, November 17, 2011
လိုအပ်လာတဲ့အချိန် ဟုတ် – မဟုတ်
လာမယ့် နိုဝင်ဘာ (၁၈) ရက်နေ့မှာ NLD ပါတီက ဗဟိုဦးစီးအဖွဲ့အစည်းအဝေး ခေါ်ယူပြီး မှတ်ပုံတင်/မတင်၊ ရွေးကောက် ပွဲ ဝင်/မဝင် ဆုံးဖြတ်မယ်လို့ ဆိုပါတယ်။
တိုက်တိုက်ဆိုင်ဆိုင်ပဲ ပြည်တွင်း ဂျာနယ်တစောင်မှာ ဇင်ဘာဘွေ အမျိုးသား ညီညွတ်ရေး အစိုးရ (National Unity Gove- rnment) ရဲ့ ဝန်ကြီချုပ် ချန်ဂီရိုင်းက သူ့ရဲ့နိုင်ငံရေး ပြိုင်ဘက် သမတ ရောဘတ် မူဂါဘီဟာ အသက်အရွယ်နဲ့ ကျန်းမာရေး ကြောင့် အနားယူ သင့်ပြီလို့ ပြောတာ ဖတ်လိုက်ရပါတယ်။ ဆီးကျိတ်ကင်ဆာ ရောဂါဖြစ်နေတဲ့ သမတ ရောဘတ်မူဂါဘီကို အခုလိုအနားယူ ဖို့ပြောရတာ နိုင်ငံအတွက် သူ့ဂုဏ်သိက္ခာနဲ့ ကလေးများအတွက် ပြောတာဖြစ်ကြောင်း ဝန်ကြီးချုပ်က ရှင်းပြတဲ့အပြင် နိုင်ငံခြားသွားပြီး ဆေးကုရလို့ မူဂါဘီအတွက် ဆေးကုသ စားရိတ်တွေ အကုန်အကျ များတဲ့ အပေါ် ဝေဖန်မှု တွေကိုလည်း ဝန်ကြီးချုပ်က ကာကွယ် ပြောကြားတယ်လို့ ဆိုပါတယ်။
တကယ်တော့ သမတမူဂါဘီနဲ့ ဝန်ကြီးချုပ်ချန်ဂီရိုင်းတို့ဟာ ဆယ်စုနှစ်တခုကျော်ကြာ မဟာ ရန်သူတော်တွေ ဖြစ်ကြပါတယ်။ သည်အကြောင်းကို အကြမ်းဖျင်း မိတ်ဆက်ပေးရမယ် ဆိုရင် ၂၀၀၀ ခုနှစ်မှာ မူဂါဘီ ခေါင်းဆောင်တဲ့ အာဏာရ ဇာနု-ပီအက်ဖ် (ZANU-PF) က ကမကထလုပ် ကျင်းပခဲ့တဲ့ သမိုင်းဝင် အခြေခံ ဥပဒေ ဆန္ဒခံယူပွဲဟာ အတိုက်အခံ ခေါင်းဆောင် ချန်ဂီရိုင်း ခေါင်းဆောင်တဲ့ ဒီမိုကရေစီ ပြောင်းလဲရေး အတွက် လှုပ်ရှားမှုပါတီ (MDC) ရဲ့ စည်းရုံး လှုံ့ဆော်မှုကြောင့် ပြည်သူလူထုက အခြေခံ ဥပဒေမူကြမ်းကို ပယ်ချခဲ့တယ်။ (၁၉၉၀ ပြည့်ရွေးကောက်ပွဲမှာ ဒေါ်အောင်ဆန်းစုကြည် ခေါင်း ဆောင်တဲ့ NLD က ရာနှုန်း ၉၄.၃% နှုန်းနဲ့ အနိုင်ရတာနဲ့ နှိုင်းယှဉ် ကြည့်နိုင်ပါတယ်။)
လူထုကြီးရဲ့ တခဲနက် ထောက်ခံမှုကြောင့် ချန်ဂီရိုင်း ခေါင်းဆောင်တဲ့ (MDC) ပါတီဟာ အခြေခံ ဥပဒေကို ပယ်ချ နိုင်ခဲ့ပေမယ့် အစိုးရနဲ့ သူ့အေးဂျင့်တွေက ချန်ဂီရိုင်းကို လုပ်ကြံ သတ်ဖြတ်ဖို့ ကြိုးစား လာကြတယ်။ နိုင်ငံပိုင် သတင်းစာတွေကလည်း (ဗမာပြည်မှာလို) ချန်ဂီရိုင်းကို အပုတ်ချ စွဲဆို တိုက်ခိုက်တဲ့ သတင်းတွေကို ခေါင်းကြီးပိုင်း ဖော်ပြခဲ့တယ်။ တခါကဆိုရင် အာဏာရှင် အစိုးရရဲ့လူတစုက ချန်ဂီရိုင်းကို အထပ် ဆယ်ထပ်မှာရှိတဲ့ သူ့ရုံးခန်းရဲ့ ပြတင်းပေါက်က အောက်ကို ပစ်ချပြီး သတ်ဖို့အထိ ကြိုးပမ်း ခဲ့ကြတယ်လို့ ဆိုပါတယ်။
၂၀၀၀ ခုနှစ် ရွေးကောက်ပွဲအပြီးမှာ ချန်ဂီရိုင်းဟာ သစ္စာဖောက်မှုနဲ့ စွဲချက်တင် ဖမ်းဆီး တရားစွဲ ခံခဲ့ရတယ်။ ဒါပေမယ့် သြဇာ ကြီးတဲ့ အိမ်နီးနားချင်း နိုင်ငံတွေနဲ့ နိုင်ငံတကာက ဝိုင်းဝန်း ကြိုးပမ်းတာကြောင့် ၂၀၀၄ ခုနှစ်မှာ လွတ်လာတယ်။
တခါထပ်ပြီး ၂၀၀၇ ခုနှစ်မှာ ဟာရီရီမြို့တော်မှာကျင်းပတဲ့ ဝတ်ပြု ဆုတောင်းပွဲအပြီးမှာ ချန်ဂီရိုင်းဟာ ထပ်ပြီး ဖမ်းဆီးခံရတယ်။ အဖမ်း ခံနေရတဲ့ အတောအတွင်းမှာ မျက်နှာတခုလုံး ဖူးယောင်ပြီး ဦးခေါင်းခွံ အက်ကွဲ သွားတဲ့အထိ အနှိပ်စက် ခံခဲ့ရတယ်။
၂၀၀၅ ခုနှစ်မှာတော့ ဆီးနိတ်ရွေးကောက်ပွဲတွေကို ဝင်သင့်၊ မဝင်သင့် အငြင်းပွားမှုမျိုးတွေ ရှိပေမယ့် ချန်ဂီရိုင်း ကတော့ ဆီးနိတ် ရွေးကောက်ပွဲကို ဆန့်ကျင်ပြီး ဇင်ဘာဘွေနိုင်ငံကို အာဏာရှင် စနစ်နဲ့ ဖိနှိပ်မှုအောက်က လွတ်မြောက်ဖို့ ရေဆန် လမ်းကို ရွေးခဲ့တယ်။
၂၀၀၈ မတ်လမှာ ကျင်းပခဲ့တဲ့ သမတရွေးကောက်ပွဲမှာ ချန်ဂီရိုင်းဟာ မူဂါဘီကို အနိုင်ရတယ်။ မဲအပြတ် အနိုင် မရတာမို့ ရွေးကောက်ပွဲ ကော်မရှင် ဥပဒေအရ နောက်တကြော့ သမတ ရွေးကောက်ပွဲမှာတော့ အစိုးရရဲ့ မဲလိမ်ညာမှု၊ မဲခိုးမှုတွေကို ဖော်ထုတ်ပြီး အတိုက်အခံ ပါတီအပေါ် အကြမ်းဖက် နှိပ်ကွပ်မှုတွေကို ဆန့်ကျင်တဲ့ အနေနဲ့ ပါဝင် ယှဉ်ပြိုင်ဖို့ ငြင်းပယ် ခဲ့ပါတယ်။
၂၀၀၈ ဇွန်လမှာ ကျင်းပတဲ့ နောက်တကြော့ ရွေးကောက်ပွဲမှာ မူဂါဘီ တဦးတည်း ပြိုင်ဘက်မရှိ ဝင်ရောက် ယှဉ်ပြိုင်ခဲ့ပြီး အနိုင်ရကြောင်း ကြေညာခဲ့ပေမယ့် တိုင်းပြည် အခြေအနေဟာ ထိန်းမရလောက်အောင် ဆိုးသထက် ဆိုးလာတာကြောင့် နိုင်ငံတကာ အစိုးရများ၊ အဖွဲ့အစည်းများ အကူအညီနဲ့ အစိုးရနဲ့ အတိုက်အခံများ တွေ့ဆုံ ဆွေးနွေးခဲ့ပြီး ၂၀၀၈ ခုနှစ်၊ စက် တင်ဘာလ (၁၂) ရက်နေ့မှာ အာဏာခွဲဝေရေး သဘောတူချက်ကို လက်မှတ်ရေးထိုး ခဲ့တာမို့ မူဂါဘီက အမျိုးသား သင့်မြတ်ရေး အစိုးရ (National Unity Government – NUG) မှာ ချန်ဂီရိုင်းက ဝန်ကြီးချုပ်အဖြစ် တာဝန်ခွဲယူခဲ့တယ်။ ၂၀၀၉ အခုနှစ် ဖေဖော်ဝါ ရီလ (၁၁) ရက်နေ့မှာ အမျိုးသား သင့်မြတ်ရေး အစိုးရ ကျမ်းသစ္စာ ကျိန်ဆိုပြီး (၃) ပတ် မပြည့်ခင်မှာ ကားအက်စီးဒင့် ဖြစ်ပြီး ချန်ဂီရိုင်းရဲ့ဇနီး သေဆုံး သွားပါတော့တယ်။ ဒီ ကားအက်စီးဒင့်ဟာ အစိုးရ သူလျှိုတွေရဲ့ လက်ချက် ဖြစ်တယ်လို့ ကောလဟလတွေ ထွက်ပေါ် လာတဲ့ အပေါ်မှာတော့ ချန်ဂီရိုင်းက ငြင်းဆိုခဲ့တယ်။ တဖက်ကလည်း မူဂါဘီ ဟာ သူ့ရဲ့ နိုင်ငံရေးရန်သူ ချန်ဂီရိုင်ရဲ့ ဇနီး သေဆုံးချိန်မှာ အလွန် စိတ်ထိခိုက်တဲ့ အသွင်နဲ့ ချန်ဂီရိုင်းအပေါ် စာနာမှုရှိကြောင်း ပြသခဲ့တယ်လို့ ဆိုပါတယ်။
၁၉၈၀ ခုနှစ်ကမှ လွတ်လပ်ရေးရလာတဲ့ ဇင်ဘာဘွေနိုင်ငံရဲ့ နိုင်ငံရေး ဖြစ်စဉ်တွေကို လေ့လာကြည့်ရင် အုပ်စိုးသူနဲ့ အုပ်ချုပ်သူ အကြား ဖြစ်ပွားခဲ့တဲ့ ပဋိပက္ခဟာ မလိုမုန်းတီးမှု၊ အာဃာတနဲ့ ဂိုဏ်းဂနတွေကြောင့် စေ့စပ်လို့ မရအောင်ကို ပြင်းထန် ခဲ့ပါတယ်။ ထာဝရ ရန်သူတွေလို သဘောထားပြီး အတိုက်အခံတွေကို အပြတ်ရှင်း လုပ်ကြံ သတ်ဖြတ်မှုတွေတောင် ဖြစ်ခဲ့တာမို့ မြန်မာပြည်ရဲ့ အနှစ် (၆၀) ကျော် ခေတ်သစ်သမိုင်းနဲ့ ထပ်တူပြုတာမျိုး မဟုတ်ပေမယ့် နှိုင်းယှဉ် လေ့လာဖို့လည်း လိုမယ်လို့လည်း ထင်ပါတယ်။ NUG အမျိုးသား ညီညွတ်ရေး အစိုးရရဲ့ ဝန်ကြီးချုပ် တာဝန်ကိုယူပြီး အာဏာရှင် ရောဘတ်မူဂါဘီနဲ့ လက်တွဲ လုပ်ဆောင်တဲ့ အခါမှာ ချန်ဂီရိုင်းဟာ လုပ်ဖော်ကိုင်ဖက် တချို့ရဲ့ အကြီးအကျယ် ဝေဖန်တာကို ခံရပါတယ်။ ဒါပေမယ့် အတိတ်ကာလက အာဏာရှင် စနစ်ကို အပြင်းအထန် ခုခံ တော်လှန်ခဲ့တဲ့ သမိုင်းအစဉ်အလာ ရှိသူမို့ လူထုကြီးကတော့ သူ့ကို ယုံယုံကြည်ကြည်နဲ့ ဆက်လက် ထောက်ခံနေဆဲ ဖြစ်ပါတယ်။
မှန်ပါတယ်။ ချန်ဂီရိုင်းဟာ အပြောင်းအလဲများအပေါ် ဖြစ်ထွန်းလာတဲ့ စိန်ခေါ်မှုတွေကို ရင်ဆိုင် ဖြေရှင်း နိုင်စွမ်း ရှိပြီး အခွင့် အလမ်းများ ကိုလည်း ဆွတ်ယူ စားသုံးနိုင်တဲ့ ဥာဏ် အမျှော်အမြင်နဲ့ ပြည့်စုံသူတဦး ဖြစ်ပါတယ်။ သူ့ကို ရိုက်နှက်ညှဉ်းပန်း ခဲ့သူ၊ ထောင်သွင်း အကျဉ်းချခဲ့သူ၊ လုပ်ကြံ သတ်ဖြတ်ခဲ့သူများ အပေါ်လဲ အာဃာတ မထားခဲ့ပါ။ ယုတ်စွအဆုံး ၂၀၀၈ မတ်လ သမတ ရွေးကောက်ပွဲမှာ အနိုင်ရပေမယ့် သမတ မဖြစ်ခဲ့ရတာ ကိုတောင် ကျေအေးနိုင်ခဲ့သူ ဖြစ်ပါတယ်။ ဘာ ကြောင့်ပါလဲ။ တခွန်းတည်း ပြောရရင် ချန်ဂီရိုင်း အတွက် သူဖြစ်ချင်တဲ့ နိုင်ငံရေးဆန္ဒ ရာထူး၊ အာဏာနဲ့ ပုဂ္ဂိုလ်ရေး အရှိန် အဝါဟာ အရေးမပါဘဲ အမျိုးသား အကျိုးစီးပွားဟာ ပထမ၊ အမျိုးသား အကျိုးစီးပွားဟာ ဒုတိယ၊ အမျိုးသား အကျိုးစီးပွား ဟာ တတိယ … ဖြစ် နေလို့ပါပဲ။
ဇင်ဘာဘွေဗဟိုဘဏ်ဥက္ကဋ္ဌ ဂတ်ဒီယွန်ဂိုယိုက “လိုအပ်လာတဲ့ အချိန်မှာ လမ်းကြောင်း မပြောင်းနိုင်တဲ့သူ ဆိုလို့ အရူး တွေပဲ ရှိပါတယ်”လို့ နယူးဝိစ်ခ် မဂ္ဂဇင်းနဲ့ အင်တာဗျူးတခုမှာ ပြောခဲ့ဖူးတာလည်း မှတ်သားဖူးပါတယ်။
မဝေးတော့တဲ့ ရက်သတ္တပတ်အတွင်းမှာ NLD ဗဟိုဦးစီး အဖွဲ့ဝင်များဟာ NLD နဲ့ တိုင်းပြည် အတွက် သာမက အနာဂတ် မျိုးဆက် လူငယ်များ အတွက်ပါ အကျိုး သက်ရောက်မှု ရှိစေမယ့် သမိုင်းဝင် ဆုံးဖြတ်ချက်ကို ချမှတ်ရတော့မှာ ဖြစ်ပါတယ်။ (၁၂၀) ဦးသော NLD ဗဟိုဦးစီး အဖွဲ့ဝင်များရဲ့ အမျှော်အမြင်၊ အတွေ့အကြုံ၊ လုပ်ရည်ကိုင်ရည်၊ ပါးနပ် ကျွမ်းကျင်မှုများကို စိုးစဉ်းမျှ သံသယရှိဘွယ် မရှိပါ။ လမ်းကြောင်း ပြောင်းဖို့အတွက် အခုအချိန်ဟာ လိုအပ်လာတဲ့ အချိန်ဟုတ်- မဟုတ်ကို မှန်ကန် တည့်မတ်စွာ စဉ်းစားနိုင်မယ့် တိုင်းပြုပြည်ပြု ခေါင်းဆောင်များ ဖြစ်တာမို့ တိုင်းပြည် အနာဂတ်ရေး အတွက် NLD ရဲ့ အခန်းကဏ္ဍ အပေါ်မှာဖြင့် ပူပင်စရာ စိုးစဉ်းမျှ မရှိကြောင်းပါ။
ကိုးကား …
နိုင်ငံရေး၊ စီးပွားရေး လှိုင်းတံပိုးတွေကြားမှ ဇင်ဘာဘွေနိုင်ငံ (ဝင်းထွဋ်ဇော်) – ရနံ့သစ် – အမှတ် (၅)၊ ၂၀၀၉။
ဇင်ဘာဘွေဗဟိုဘဏ်ဥက္ကဋ္ဌနှင့် တွေ့ဆုံမေးမြန်းခြင်း (ခိုင်မင်း)၊ ရနံ့သစ် အမှတ် (၅)၊ ၂၀၀၉။
Weekly Eleven – Nov. (7). 2011
Ref: နေ့သစ်
ဒေါ်အောင်ဆန်းစုကြည် ပြောဆိုချက်တချို့ စိစစ်ရေးက ဖြတ်
2011-11-16
နိုဝင်ဘာလ ၁၄ ရက်က ဒေါ်အောင်ဆန်းစုကြည် နေအိမ် အကျယ်ချုပ်က လွတ်မြောက်ခြင်း တစ်နှစ်ပြည့် ကျင်းပခဲ့တဲ့ သတင်းစာ ရှင်းလင်းပွဲ အကြောင်း အပတ်စဉ်ထုတ် ဂျာနယ်တွေက ဖေါ်ပြခဲ့ကြရာမှာ ဒေါ်အောင်ဆန်းစုကြည် ပြောဆိုခဲ့တဲ့ စကားရပ် တချို့ကို စာပေ စိစစ်ရေးက ဖြတ်တောက် ခဲ့တယ်လို့ သိရပါတယ်။
အဓိကအနေနဲ့ တရားရေး မဏ္ဍိုင် ကျေနပ်လောက်အောင် မရှိသေးဘူးဆိုတဲ့ အကြောင်း အပါအ၀င် စကားရပ် တချို့ ဖြုတ်ပယ် ခံရတယ်လို့ ကြားသိရကြောင်း ပြည်သူ့ခေတ် ဂျာနယ် အတိုင်ပင်ခံ အယ်ဒီတာ မောင်ဝံသက ပြောပါတယ်။
ဒေါ်အောင်ဆန်းစုကြည်ရဲ့ ဆောင်းပါး တစ်စောင်ကိုလည်း စာပေ စိစစ်ရေးက ခွင့်မပြုသေးတဲ့ အတွက် မဖေါ်ပြနိုင်ဘဲ ဖြစ်နေပါတယ်။ ဒေါ်အောင်ဆန်းစုကြည်က ပြည်သူ့ခေတ် ဂျာနယ်မှာ ပုဂံဘုရားဖူး ခရီးသွား ဆောင်းပါးတွေ ရေးသားနေရာမှာ ဆောင်းပါး အမှတ်စဉ် ၁ နဲ့ ၂ ဖေါ်ပြခဲ့ပြီး အမှတ်စဉ် ၃ ကို စာပေ စိစစ်ရေးက တချို့ နေရာတွေကို ဖြုတ်ပယ်ခိုင်းခဲ့ ပါတယ်။
ပညာရှင်တွေကို မတိုင်ပင်ဘဲ ရှေးဟောင်း ဘုရားတွေကို ပြင်ချင်သလို ပြင်ထားတာနဲ့ ပတ်သက်ပြီး ရေးတာကို စိစစ်ရေးက ဖြုတ်ပေး စေချင်ကြောင်း၊ အလားတူ အကြောင်းမျိုး ကွယ်လွန်သူ ဒေါက်တာ သန်းထွန်းက စာအုပ် ရေးသား ထုတ်ဝေဖူးကြောင်း ဆရာ မောင်ဝံသက ပြောပြပါတယ်။
ဒေါ်အောင်ဆန်းစုကြည်ရဲ့ ပုဂံခရီးသွား ဆောင်းပါး အမှတ် ၁ ဟာလည်း အချိန် အတော်ကြာ စောင့်ဆိုင်းပြီးမှ ဖေါ်ပြခွင့် ရခဲ့ပါတယ်။ လက်ရှိ စာပေ စိစစ်ရေးဌာန အကြီးအကဲ ဦးတင့်ဆွေကတော့ ဒီမိုကရေစီ နိုင်ငံမှာ စာပေ စိစစ်ရေး ဆိုတာ မရှိသင့်တော့ကြောင်း အာရ်အက်ဖ်အေကို မကြာခင်က ပြောဆိုခဲ့ပါတယ်။
Ref: RFA News
အမေရိကန်နဲ့ ဆက်ဆံရေး ကောင်းအောင်လုပ်ဖို့ မြန်မာကို အိုဘားမားတိုက်တွန်း
ဦးသိန်းထိုက်ဦး
ဗုဒ္ဓဟူး, 16 နိုဝင်ဘာ 2011
မြန်မာနိုင်ငံမှာ လူ့အခွင့်အရေးချိုးဖောက်မှုတွေ ဆက်ရှိနေဆဲဖြစ်ပြီး မြန်မာအစိုးရအနေနဲ့ အမေရိကန် ပြည်ထောင်စုနဲ့ ဆက်ဆံရေးပိုပြီး ကောင်းမွန်အောင် မြန်မာနိုင်ငံဘက်က ရှေ့ဆက်လုပ်ဆောင်ရမှာတွေကို ရှင်းရှင်းလင်းလင်း ဆက်ပြောမှာ ဖြစ်တဲ့ အကြောင်း အမေရိကန် သမ္မတ ဘရက်ခ်အိုဘားမားက ပြောဆိုသွားပါတယ်။ နိုဝင်ဘာလ ၁၆ ရက်နေ့ ပြီးခဲ့တဲ့ မိနစ်ပိုင်းက သြစတေးလျနိုင်ငံ လွှတ်တော်မှာ ပြောကြားတဲ့ မိန့်ခွန်းထဲ မြန်မာနိုင်ငံအရေးကို ထည့်သွင်း ပြောဆိုသွားတာပါ။ ဦးသိန်းထိုက်ဦးက ဆက်ပြီး တင်ပြပါလိမ့်မယ်။
ဒီလို ဒီမိုကရေစီပေါ်ထွန်းစနိုင်ငံတွေမှာ လူထုအဓိက လူ့အဖွဲ့အစည်းတွေ၊ လူထုအကျိုးပြု အဖွဲ့အစည်း တွေကနေ နိုင်ငံသားတွေကို တာဝန် ပေးနိုင်အောင်၊ ကောင်းမွန်တဲ့ အစိုးရတွေ ပေါ်လာအောင် စွမ်းဆောင်ဖို့ အရေးကြီးတယ် ဆိုတာကိုလည်း အခုလို ထည့်သွင်းပြီးတော့ ပြောဆိုသွားပါတယ်။
“လွတ်လပ်ခွင့်ိကို ခြိမ်းခြောက်ခံရတဲ့ အခြေအနေတွေမှာ ကျနော်တို့က လွတ်လပ်ခွင့်အတွက် ရဲရဲဝံ့ဝံ့ ပြောဆို ခဲ့ကြပါတယ်။ အင်ဒိုနီးရှားလို ထွန်းသစ်စ ဒီမိုကရေစီ နိုင်ငံတွေနဲ့ ကောင်းမွန်တဲ့အစိုးရ အုပ်ချုပ်ရေးတွေ ပေါ်လာအောင်၊ အစိုးရ အုပ်ချုပ်ရေးယန္တယားတွေ ခိုင်မာအောင် ကျနော်တို့ လက်တွဲ ကူညီခဲ့ကြတယ်။
လွတ်လပ်ပွင့်လင်းတဲ့ အစိုးရတွေ ပေါ်လာရေးကို ကျနော်တို့က အားပေးတာက ဒီမိုကရေစီ ဆိုတာ သတင်း အချက် အလက်တွေကို နားလည်ပြီး တက်ကြွ လှုပ်ရှားနေတဲ့ နိုင်ငံသားတွေ အပေါ်မှာ မှီတည်နေလို့ပါ။ လူမှုအဓိက လူ့အဖွဲ့အစည်းတွေ ပိုပြီး ခိုင်မာအောင် ကျနော်တို့ က ကူညီပေးပါတယ်။ ဘာလိုလဲဆိုတော့ လူထု အဓိက လူ့အဖွဲ့အစည်း တွေဟာ သူတို့အစိုးရတွေ တာဝန်ယူမှု ရှိလာအောင် ပြည်သူတွေကို တာဝန်အပ်နှင်းပေး၊ ကူညီပေးတဲ့ အဖွဲ့အစည်းတွေမို့ပါ။
ပြည်သူတွေရဲ့ အခွင့်အရေး၊ အမျိုးသမီးတွေရဲ့ အခွင့်အရေး၊ လူမျိုးစုတွေနဲ့ ဌာနေတိုင်းရင်းသားတွေ အရေးကို ကျနော်တို့က တိုးမြှင့် ဆောင်ရွက်နေပါတယ်။ ဒီလို လူထုအကျိုးပြု အဖွဲ့အစည်းတွေကပဲ ပြည်သူတွေ အားလုံး သူတို့ရဲ အခွင့်အလမ်းတွေ ပိုင်ဆိုင်နိုင်အောင် ထောက်ပံ့ကူညီပြီ ပိုပြီး အောင်မြင်တဲ့ ပိုပြီး ချမ်းသာကြွယ်ဝတဲ့ တရားမျှတမှုရှိတဲ့ လူ့အဖွဲ့အစည်းတွေ ပေါ်ပေါက်လာအောင် ကူညီ ဆောင်ရွက်ပေးနေတာပါ”
-ဆိုပြီး သမ္မတ အိုဘားမားက ပြောသွားတာပါ။ မြန်မာနိုင်ငံအခြေအနေနဲ့ပတ်သက်လို့ သမ္မတအိုဘားမား တိတိ ကျကျ ပြောသွားတာက-
“မြန်မာနိုင်ငံကို ချဉ်းကပ်မှု မူဝါဒတွေနဲ့ပတ်သက်လို့ မြန်မာနိုင်ငံအပေါ်မှာ အရေးယူ ပိတ်ဆို့မှုနဲ့ ထိတွေ့ ဆက်ဆံရေးမှုကို ပူးတွဲ ကျင့်သုံး နေပါတယ်။ ဒီနေ့ဆိုရင် ဒေါ်အောင်ဆန်းစုကြည်ဟာ နေအိမ် အကျယ်ချုပ်က လွတ်မြောက်ခဲ့ပါပြီ။ နိုင်ငံရေး အကျဉ်းသား တချို့လည်း လွတ်မြောက်ခဲ့ပါပြီ။ အစိုးရ ဘက်ကလည်း တွေ့ဆုံ ဆွေးနွေး စကားပြောလာတာတွေ ရှိပါတယ်။ ဒါပေမယ့်လည်း လူ့အခွင့်အရေး ချိုးဖေါက်မှုတွေကတော့ မြန်မာနိုင်ငံမှာ ဆက်ရှိနေဆဲ ဖြစ်ပါတယ်။
မြန်မာအစိုးရအနေနဲ့ အမေရိကန်ပြည်ထောင်စုနဲ့ ဆက်ဆံရေး ပိုပြီးတော့ ကောင်းမွန်အောင် ရှေ့ဆက် လုပ်ရမှာတွေကို ကျနော်တို့ ရှင်းရှင်း လင်းလင်း ဆက်ပြောရပါလိမ့်မယ် - ဆိုပြီး ပြောဆိုသွားခဲ့တာပါ ခင်ဗျာ။
Ref: VOA News
ပါတီသစ်များလည်း ကြားဖြတ်ရွေးကောက်ပွဲ ဝင်ပြိုင်ရန်ပြင်
ထွန်းထွန်း
ဗုဒ္ဓဟူးနေ့၊ နိုဝင်ဘာလ ၁၆ ရက် ၂၀၁၁
နယူးဒေလီ (မဇ္ဈိမ) ။ ။ လွှတ်တော်သုံးရပ်အတွင်း လစ်လပ်နေသည့် အမတ်နေရာ ၄၈ နေရာအတွက် ဒီဇင်ဘာလ အတွင်း ကျင်းပနိုင်သည့် ကြားဖြတ် ရွေးကောက်ပွဲ၌ ၂၀၁၀ ခုနှစ် ရွေးကောက်ပွဲတွင် ဝင်ပြိုင်ခဲ့သည့် ပါတီများ သာမက ပါတီသစ်များလည်း ဝင်ရောက် ယှဉ်ပြိုင်ကြမည် ဖြစ်သည်။
ဝင်ရောက်အရွေးချယ်ခံမည့် ပါတီများအနက် အမျိုးသားဒီမိုကရေစီအင်အားစုပါတီနှင့် တိုင်းရင်းသား စည်းလုံး ညီညွတ်ရေး ပါတီများမှာ နေရာ ၂ဝ စီဖြင့် အများဆုံးဖြစ်သည်။ ပါတီသစ် တခုဖြစ်သည့် အမျိုးသား ဒီမိုကရေစီ ပါတီသစ်မှာမူ သုံးနေရာ ဝင်ပြိုင်မည်ဖြစ်ပြီး ရက်ပ် အဆိုတော်ရသမှာ မရမ်းကုန်းမြို့နယ် ပြည်သူ့ လွှတ်တော် အတွက် ရွေးချယ်ခံမည် ဖြစ်သည်။
လစ်လပ်နေရာ ၄၈ နေရာအနက် ပြည်သူ့လွှတ်တော်တွင် ၄၀၊ အမျိုးသား လွှတ်တော်တွင် ခြောက်နေရာနှင့် တိုင်းဒေသကြီး/ ပြည်နယ် လွှတ်တော်တို့တွင် နှစ်နေရာစီ ရှိသည်။ ယင်းတို့အနက် လစ်လပ်နေရာ အများဆုံး ဒေသမှာ မန္တလေးဖြစ်ပြီး ၁၀ နေရာအထိ ရှိသည်။
လက်ရှိအာဏာရ ကြံ့ခိုင်ရေးပါတီမှာ နေရာအားလုံးတွင် ဝင်ရောက် ရွေးချယ်ခံနိုင်ဖွယ် ရှိသည်ဟု ပါတီများက ခန့်မှန်းထားကြပြီး ဒေသအခြေစိုက် တိုင်းရင်းသားပါတီ အများစုမှာမူ တနေရာစီခန့်သာ ဝင်ရောက်ယှဉ်ပြိုင် ကြမည်ဖြစ်ပြီး ၂ဝ၁၅ ရွေးကောက်ပွဲ အတွက်ကိုသာ အာရုံထားကြသည်။
ရခိုင်အခြေစိုက် ရခိုင်တိုင်းရင်းသားများ တိုးတက်ရေးပါတီ RNDP နှင့် ချင်းအမျိုးသား CNP ပါတီတို့မှာ ဝင်ရောက် ယှဉ်ပြိုင်ကြမည် မဟုတ်ပေ။
လစ်လပ်မဲဆန္ဒနယ်များ ကြားဖြတ် ရွေးကောက်ပွဲ ကျင်းပရေး အတွက် ကြိုတင် ပြင်ဆင်ထားရန် ပြည်ထောင်စု ရွေးကောက်ပွဲ ကော်မရှင်က တိုင်းဒေသကြီးနှင့် ပြည်နယ် ကော်မရှင် အဖွဲ့ခွဲများသို့ နိုဝင်ဘာလလယ်ပိုင်း ကတည်းက အကြောင်း ကြားထားပြီး ဖြစ်ကြောင်းလည်း ပြည်တွင်းအခြေစိုက် Eleven မီဒီယာ၏ အင်တာနက် စာမျက်နှာ၌ ဖော်ပြထားသည်။
ယင်းအပြင် မဲရုံနေရာများ လျာထားသတ်မှတ်ခြင်း၊ မဲပုံးနှင့် ဆန္ဒပြုခန်းများ ပြည့်စုံကောင်းမွန်မှု ရှိ၊ မရှိ စိစစ်ခြင်း တို့ကို ကြိုတင် ဆောင်ရွက်ထားရန် အကြောင်းကြားထားပြီး ဖြစ်သည်။
၂၀၁၀ ရွေးကောက်ပွဲတွင်မူ လက်ရှိအာဏာရ ကြံ့ခိုင်ရေးပါတီမှာ မဲဆန္ဒနယ် ၁,၁၅၄ အနက် ၈၈၂ နေရာ (၇၆.၅ ရာခိုင်နှုန်း) ဖြင့် အနိုင် ရရှိခဲ့သည်။
တစညကမူ ၆၃ နေရာဖြင့် ဒုတိယလိုက်ပြီး ရှမ်းတိုင်းရင်းသားများ ဒီမိုကရက်တစ်ပါတီ SNDP က ၅၇ နေရာ၊ RNDP က ၃၅ နေရာ၊ NDF နှင့် မွန်ဒေသလုံး ဆိုင်ရာ ဒီမိုကရေစီ ပါတီ AMRDP တို့က ၁၆ နေရာစီရရှိခဲ့သည်။
ယင်းအပြင် အမျိုးသားဒီမိုကရေစီ အဖွဲ့ချုပ်မှာလည်း ပါတီမှတ်ပုံပြန်တင်ရေးအတွက် လာမယ့် နိုဝင်ဘာလ ၁၈ ရက် နေ့တွင် ဆုံးဖြတ်ဖွယ်ရှိပြီး၊ မှတ်ပုံတင်မည်ဆိုပါက ရွေးကောက်ပွဲတွင် အနည်းဆုံး သုံးနေရာ ဝင်ရောက် ယှဉ်ပြိုင် ရမည် ဖြစ်သည်။
Ref: မဇ္ဈိမ
မြန်မာနိုင်ငံကို ဥက္ကဋ္ဌရာထူးပေးရန် ခေါင်းဆောင်များ၏ အတည်ပြုမှုစောင့်
ခရစ်စတင်း
ဗုဒ္ဓဟူးနေ့၊ နိုဝင်ဘာလ ၁၆ ရက် ၂၀၁၁
ဘာလီ (မဇ္ဈိမ) ။ ။ မြန်မာနိုင်ငံကို ၂ဝ၁၄ ခုနှစ်တွင် အာဆီယံ ဥက္ကဋ္ဌ ရာထူးပေးရေးနှင့် ပတ်သက်၍ အာဆီယံ ခေါင်းဆောင် များ၏ ဆုံးဖြတ်ချက်ကို ကြာသပတေးနေ့မှ စနေနေ့အထိ ကျင်းပမည့် အာဆီယံ ထိပ်သီး ညီလာခံ အတွင်း ကြေညာမည် ဖြစ်ကြောင်း အင်ဒိုနီးရှားနိုင်ငံ နိုင်ငံခြားရေး ဝန်ကြီး ဒေါက်တာ မာတီနာတာလီဂါဝါက သတင်းထောက်များကို အင်္ဂါနေ့တွင် ပြောသည်။
အင်ဒိုနီးရှားနိုင်ငံ ဘာလီမြို့တွင် အင်္ဂါနေ့က ကျင်းပပြီးစီးခဲ့သည့် အာဆီယံ နိုင်ငံခြားရေးဝန်ကြီးများ အစည်းအဝေးမှ မြန်မာ နိုင်ငံကို ဥက္ကဋ္ဌ ရာထူးပေးရေး အတည် ပြုလိုက်ပြီးနောက် အာဆီယံ ခေါင်းဆောင်များ၏ အတည်ပြုချက်ကို ထုတ်ပြန် ရရှိကြောင်း အင်ဒိုနီးရှား နိုင်ငံခြားရေး ဝန်ကြီးက ပြောခြင်းဖြစ်သည်။
အာဆီယံ နိုင်ငံခြားရေးဝန်ကြီးများအနေဖြင့် မြန်မာနိုင်ငံ၏ ဒီမိုကရေစီလမ်းကြောင်းပေါ်သို့ သွားနေသည့် ပြုပြင် ပြောင်းလဲမှု များကိုလည်း အသိအမှတ်ပြုကြောင်း ဝန်ကြီးက ထည့်သွင်း ပြောသွားသည်။
အဆိုပါ ပြုပြင်ပြောင်းလဲမှုများတွင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားအချို့ကို လွှတ်ပေးခဲ့ မှုများကြောင့် မှန်ကန်သည့် လမ်းကြောင်းပေါ်သို့ ရောက်နေပြီဖြစ်ပြီး အမေရိကန် အပါအဝင် အနောက်နိုင်ငံများ ကလည်း မြန်မာနိုင်ငံတွင် မြန်ဆန်သော အပြောင်းအလဲများကို လိုလားကြောင်း အင်ဒိုနီးရှား ဝန်ကြီးက ထည့်သွင်း ပြောသွားသေးသည်။
မြန်မာနိုင်ငံကို အာဆီယံ ဥက္ကဋ္ဌရာထူးပေးရေး ဆုံးဖြတ်ချက် ချခြင်းကို ကန့်ကွက်ပြောဆိုမှုများ ရှိနေသော်လည်း အာဆီယံ နိုင်ငံခြားရေး ဝန်ကြီးများ၏ အတည်ပြုချက် ရရှိပြီးနောက် အာဆီယံ ပူးပေါင်း ဆောင်ရွက်ရေး ဆိုင်ရာ ကောင်စီတွင် ဆက်လက် ဆွေးနွေးကာ အတည်ပြုချက် ရယူသွားမည် ဖြစ်သည်။
Ref: မဇ္ဈိမ
အာဆီယံဥက္ကဋ္ဌ မြန်မာဖြစ်ရေး အသေအချာစဉ်းစားဖို့ အမေရိကန်တိုက်တွန်း
ကိုသားညွန့်ဦး
ဗုဒ္ဓဟူး, 16 နိုဝင်ဘာ 2011
မြန်မာနိုင်ငံကို အာဆီယံအလှည့်ကျဥက္ကဋ္ဌနေရာ ပေးရေး မပေးရေးဟာ အာဆီယံ အသင်းဝင် နိုင်ငံတွေကပဲ ဆုံးဖြတ်ရမှာ ဖြစ်တယ်လို့ အမေရိကန် ပြည်ထောင်စုက ပြောလိုက်ပါတယ်။ ဒါပေမယ့်လည်း မြန်မာကို အာဆီယံ ဥက္ကဋ္ဌနေရာ ထားခြင်းအားဖြင့် အာဆီယံ အသင်းကြီးရဲ့ မျှော်မှန်းချက်တွေ ထိထိ ရောက်ရောက် အကောင်အထည် ဖော်နိုင်ပါ့မလားဆိုတာကိုတော့ အာဆီယံ နိုင်ငံတွေ အလေးထား စဉ်းစားဖို့ အမေရိကန် ပြည်ထောင်စုက အာဆီယံကို တိုက်တွန်း လိုက်ပါတယ်။ ဒီအကြောင်း ကိုသားညွန့်ဦးက တင်ပြပေးပါမယ်။
မြန်မာနိုင်ငံကို လာမယ့် ၂၀၁၄ ခုနှစ် အာဆီယံအလှည့်ကျ ဥက္ကဋ္ဌ တာဝန်ပေးရေးကို မကြာခင် အာဆီယံ ထိပ်သီး အစည်းအဝေး ကနေ ဆုံးဖြတ်တော့မှာ ဖြစ်ပါတယ်။ အာဆီယံ အစည်းအဝေးတွေနဲ့ နောက်ဆက်တွဲ အစည်းအဝေး တွေကို တက်ရောက်ဖို့ အတွက် အမေရိကန် သမ္မတ အိုဘားမား အပါအ၀င် အမေရိကန် ထိပ်တန်း အရာရှိတွေလည်း အင်ဒိုနီးရှား ဘာလီ အစည်းအဝေးကို မကြာခင် ရောက်မှာဖြစ်ပါတယ်။
ဒါကြောင့်လည်း မြန်မာနိုင်ငံကို အာဆီယံအလှည့်ကျဥက္ကဋ္ဌ ရရေးအတွက် အမေရိကန်ပြည်ထောင်စု အနေနဲ့ အဲဒီမှာ ထောက်ခံမှု ပေးခြင်းအားဖြင့် မြန်မာ အမေရိကန် သံတမန်ရေးဆက်ဆံရေးကို တည်ဆောက်ဖို့ လိုမယ်ဆိုပြီး မြန်မာ အစိုးရ သမ္မတရုံး ညွှန်ကြားရေးမှူး ဦးဇော်ဌေးက မနေ့ထုတ် ဝါရှင်တန်ပို့စ် သတင်းစာမှာ ဆောင်းပါးရေးပြီး တိုက်တွန်း ထားပါတယ်။ ဒါပေမယ့်လည်း အာဆီယံ အလှည့်ကျဥက္ကဋ္ဌ မြန်မာကို ပေးရေး မပေးရေးဟာ အာဆီယံ အသင်းဝင်နိုင်ငံတွေကပဲ ဆုံးဖြတ်ရမှာ ဖြစ်ပြီး ဒီဆုံးဖြတ်တဲ့ နေရာမှာ အာဆီယံ အသင်းကြီးရဲ့မျှော်မှန်းချက်တွေကို ထည့်တွက် စဉ်းစားဖို့ လိုလိမ့်မယ်လို့ အမေရိကန် ပြည်ထောင်စုက သဘောထားတဲ့အကြောင်း အမေရိကန် နိုင်ငံခြားရေးဌာန တာဝန်ရှိ အရာရှိတဦးက ဗွီအိုအေကို ပြောပါတယ်။
“အာဆီယံဥက္ကဋ္ဌနေရာကိစ္စကတော့ အာဆီယံအဖွဲ့ဝင်နိုင်ငံတွေ ဆုံးဖြတ်ရမှာပါ။ ဒီမိုကရေစီနဲ့ လူ့အခွင့်အရေး အခြေအနေတွေ တိုးတက် ကောင်းမွန်လာဖို့နဲ့ ဒေသတွင်း ငြိမ်းချမ်းမှုနဲ့ တည်ငြိမ်မှုရှိဖို့ အပါအ၀င် အာဆီယံ အသင်းကြီးရဲ့ မျှော်မှန်းချက်တွေ ထိထိရောက်ရောက် ဆောင်ရွက်နိုင်ဖို့ အတွက် အာဆီယံ ဥက္ကဋ္ဌနေရာကိစ္စကို အာဆီယံ အသင်းဝင် နိုင်ငံတွေ အသေအချာ စဉ်းစား ကိုင်တွယ်ဖို့ အမေရိကန် ပြည်ထောင်စုကတော့ တိုက်တွန်းပါတယ်”
မြန်မာအစိုးရသမတရုံး ညွှန်ကြားရေးမှူး ဦးဇော်ဌေးရဲ့ ဝါရှင်တန်ပို့စ်ဆောင်းပါးမှာတော့ မြန်မာအတွက် အရေးကြီးတဲ့ အပြောင်းအလဲတွေ ဖြစ်လာစေရေး အတွက် ၂၀၁၄ အာဆီယံ အလှည့်ကျ တာဝန် ယူနိုင်ရေးဟာ အရေးပါတယ်လို့ ရေးသား ထားပါတယ်။ သမ္မတဦးသိန်းစိန်ဟာ ပြုပြင်ပြောင်းလဲမှု အတွက် လိုလားသူဖြစ်ပြီး မြန်မာ တနိုင်ငံလုံး အတွက်လည်း မျှော်လင့်ချက် ဖြစ်တယ်လို့လည်း ညွှန်းဆို ရေးသားထားပါတယ်။ ဒါကြောင့် အမေရိကန် ပြည်ထောင်စု အပါအ၀င် အနောက်နိုင်ငံတွေ အနေနဲ့ သမ္မတဦးသိန်းစိန်ကို ထောက်ခံ အားပေးကြဖို့နဲ့ အကျဉ်းအကျပ်ဖြစ်စေမယ့် ဖိအားမျိုးတွေ မပေးဖို့လည်း အဲဒီဆောင်းပါးမှာ တိုက်တွန်း ထားပါတယ်။ ဒါကြောင့် အမေရိကန်ပြည်ထောင်စုနဲ့ အနောက်နိုင်ငံတွေရဲ့ နှစ်လမ်းသွား မူဝါဒကို ပြောင်းလဲဖို့ လိုမယ်လို့ ဆိုပါတယ်။
နှစ်လမ်းသွားမူဝါဒဆိုတာကတော့ လက်ရှိ အမေရိကန်ပြည်ထောင်စုက မြန်မာအပေါ်ထားတဲ့ ထိစပ် ဆက်ဆံရေးနဲ့ ဖိအားပေး အရေးယူ ဒဏ်ခတ်မှု မူဝါဒနှစ်ရပ်ကို ရည်ညွှန်းပုံ ရပါတယ်။ ဒါပေမယ့် အမေရိကန် ပြည်ထောင်စု အနေနဲ့ကတော့ လက်ရှိ မြန်မာနိုင်ငံက ပြုပြင်ပြောင်းလဲမှု အချို့ကို အသိအမှတ် ပြုပေမယ့် လုပ်ဆောင်စရာတွေ အတော် ကျန်သေးတယ်လို့ မြင်ပါတယ်။ မြန်မာ အစိုးရအနေနဲ့ ဒီထက် ခိုင်မာတဲ့ အပြောင်းအလဲတွေ လုပ်ပြဖို့ လိုမယ်လို့ အမေရိကန် နိုင်ငံခြားရေးဌာန ပြောခွင့်ရသူ မာ့ခ် တိုနာကပဲ တနေ့က သတင်းစာရှင်းလင်းပွဲမှာ ပြောခဲ့ပါတယ်။
“အပြုသဘောတိုးတက်မှုအချို့ လက္ခဏာတွေကိုတော့ တွေ့နေရပါပြီ။ မြန်မာအစိုးရနဲ့လည်း တွေ့ဆုံ ဆွေးနွေးရတာ အဆင်ပြေမှုတွေ ရှိနေပါတယ်။ ဒါပေမယ့် ကျနော်တို့ အရင်ပြောခဲ့သလို နိုင်ငံရေး အကျဉ်းသားတွေအားလုံးလွတ်မြောက်ရေးအပါအ၀င် အပြုသဘောဆောင်တဲ့ ခိုင်မာတဲ့ ခြေလှမ်းတွေကို မြင်လိုပါတယ်။ မြန်မာနိုင်ငံရေးစနစ် ပွင့်လင်းလာတာကို မြင်တွေ့လိုပါတယ်။”
မြန်မာသမ္မတရုံး ညွန်ကြားရေးမှူး ဦးဇော်ဌေးရဲ့ ဝါရှင်တန်ပို့စ်ဆောင်းပါးထဲမှာတော့ အမေရိကန် ပြည်ထောင်စု အပါအဝင် နိုင်ငံတကာက လိုလားတောင်းဆိုနေတဲ့ နိုင်ငံရေးအကျဉ်းသားကိစ္စကိုတော့ တလုံးတပါဒမှ ထည့်သွင်းဖော်ပြတာမျိုး မရှိပါဘူး။ ပြည်တွင်းက နိုင်ငံရေးအစုအဖွဲ့တွေ တိုင်းရင်းသားတွေနဲ့ နိုင်ငံရေးအရ တွေ့ဆုံညှိနှိုင်းအဖြေရှာဖို့ အလားအလာတွေကိုလည်း ထည့်ရေးတာ မရှိပါဘူး။ ဒါပေမယ့်တော့ မြန်မာသမ္မတဦးသိန်းစိန်ဟာ ဒီမိုကရေစီဖြစ်ထွန်းရေးအတွက် တကယ့်ကို ဆန္ဒရှိသူဖြစ်တယ်လို့ ဒေါ်အောင်ဆန်းစုကြည်က ပြောဆိုခဲ့တာကိုတော့ ကိုးကားဖော်ပြပါတယ်။
Ref: VOA News
မြန်မာပြုပြင်ပြောင်းလဲမှု နိုင်ငံရေးအကျဉ်းသားများလွှတ်ပေးရေးနဲ့ တိုင်းတာ
ဒေါ်ခင်မျိုးသက်
ဗုဒ္ဓဟူး, 16 နိုဝင်ဘာ 2011
မြန်မာနိုင်ငံကို နိုဝင်ဘာလဆန်းမှာ ပထမဆုံးအကြိမ် သွားရောက်ခဲ့တဲ့ အမေရိကန် လက်ထောက် နိုင်ငံခြားရေး ၀န်ကြီး မိုက်ကယ် ပို့စနာက မြန်မာနိုင်ငံမှာ အပြောင်းအလဲတွေ စတင်ဖြစ်ပေါ်နေတယ် ဆိုတာ သိသာတယ်လို့ ပြောကြား ခဲ့ပေမယ့် မြန်မာ အစိုးရသစ် ဘက်က တကယ့်ပြောင်းလဲမှုတွေ ဆက်လုပ်ဖို့ သံဓိဌာန် ခိုင်မာမှု ရှိ မရှိ စမ်းသပ်မှု အဖြေဟာ ကျန်ရှိနေသေးတဲ့ နိုင်ငံရေး အကျဉ်းသား အားလုံး လွှတ်ပေးမှုပေါ် မူတည်နေတယ်လို့ VOA ကို ပြောပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဒီမိုကရေစီ၊ လူ့အခွင့်အရေးနဲ့ အမေရိကန်အလုပ်သမားရေးရာ လက်ထောက်နိုင်ငံခြားရေး ၀န်ကြီး မိုက်ကယ် ပို့စနာဟာ နိုဝင်ဘာလ ၁ ရက်နေ့ကနေ ၄ ရက်နေ့အထိ မြန်မာနိုင်ငံကို သွားရောက်ခဲ့ပြီး အစိုးရအဖွဲ့ တာဝန်ရှိသူတွေနဲ့ တွေ့ဆုံခဲ့သလို ဒေါ်အောင်ဆန်းစုကြည်နဲ့ အတိုက်အခံ နိုင်ငံရေး အဖွဲ့အစည်းတွေ၊ လူမှုလူ့အဖွဲ့အစည်း အသီးသီးက ပုဂ္ဂိုလ်တွေနဲ့ တွေ့ဆုံခဲ့ပါတယ်။
မစ္စတာပို့စနာဟာ မြန်မာနိုင်ငံကို ပထမဆုံးရောက်ခဲ့တာမို့ အရင်က အနေအထားနဲ့ ယှဉ်မပြနိုင်ပေမယ့် ပြောင်းလဲမှုတွေ စဖြစ် နေတယ်ဆိုတာ သိသာ နေတယ်လို့ ဆိုပါတယ်။ ဒါပေမယ့် အစိုးရက ပြီးခဲ့တဲ့ လထဲမှာ အကျဉ်းသား ၆,၀၀၀ ကျော် လွတ်ငြိမ်း ချမ်းသာခွင့်နဲ့ လွှတ်ပေးတဲ့ထဲမှာ နိုင်ငံရေး အကျဉ်းသားက ၂၀၀ ကျော်ပဲ ရှိတာမို့ ဒီနိုင်ငံရေး အကျဉ်းသားတွေ လွှတ်ပေးမှု ကိစ္စဟာ မြန်မာ အစိုးရသစ်ရဲ့ ပြုပြင် ပြောင်းလဲမှုခြေလှမ်း စစ်မှန်မှုကို မှတ်ကျောက်တင် စမ်းသပ်ရာမှာ အဓိက အချက် ဖြစ်နေတယ်လို့ အခုလို ပြောပါတယ်။
“မြန်မာနိုင်ငံမှာ နိုင်ငံရေးအကျဉ်းသားတွေက အတော်များများ ရှိနေပါသေးတယ်။ တကယ်လို့ မြန်မာနိုင်ငံမှာ တကယ့် အပြောင်း အလဲတွေ ဖြစ်လာဖို့ အတွက် အစိုးရပိုင်းက အာမခံပြီး လုပ်မယ် မလုပ်ဘူးဆိုတာ စမ်းသပ်နိုင်တဲ့ အဓိက အချက်က ဒီနိုင်ငံရေး အကျဉ်းသားတွေကို ဆက်ပြီး လွှတ်ပေးတဲ့အပေါ် မူတည်နေတယ်လို့ အစိုးရ တာဝန်ရှိသူတွေကို ကျွန်တော်တို့ ပြောခဲ့ပါတယ်”
မြန်မာအစိုးရရဲ့ သံဓိဌာန်ခိုင်မာမှုအပေါ်ဒုတိယ စမ်းသပ်နိုင်မှုကတော့ အနာဂတ် မြန်မာနိုင်ငံရဲ့ နိုင်ငံရေး လမ်းကြောင်း ဖွင့်ပေးတဲ့ ပုံစံလို့ မစ္စတာပို့စနာက ပြောပါတယ်။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ အမျိုးသား ဒီမိုကရေစီ အဖွဲ့ချုပ် ပါတီ တရားဝင်ဖြစ်ရေး အတွက် ပါတီမှတ်ပုံတင်ဥပဒေ ပြင်ဆင်ပေးတာမျိုး သူကိုယ်တိုင် မြန်မာနိုင်ငံမှာ ရှိနေတုန်း လုပ်ဆောင်လာတာ တွေ့ရတာမို့ အခုဆိုရင် ပါတီတွင်း ဆန္ဒခံယူပြီး လာမယ့် ရွေးကောက်ပွဲတွေမှာ ပါဝင်ဖို့ ရှိမရှိ သူတို့ ကိုယ်တိုင် ဆုံးဖြတ်တော့မှာ ဖြစ်တယ်လို့ ဆိုပါတယ်။
ဒါပေမယ့် လာမယ့် လအနည်းငယ်အတွင်း ကျင်းပမယ်လို့ မျှော်လင့်ရတဲ့ ကြားဖြတ်ရွေးကောက်ပွဲမှာ လွှတ်တော် အမတ်နေရာက ၄၇ နေရာပဲ လစ်လပ်တာမို့ သူတို့ ဆွေးနွေးကြတဲ့ ထဲမှာ ကြားဖြတ် ရွေးကောက်ပွဲ လုပ်မယ့် ဒီအမတ်နေရာ အားလုံး သူတို့ ရနိုင် မရနိုင်ဆိုတဲ့ အချက်တွေ၊ နောင်လာမယ့် ၂၀၁၅ ခုနှစ် ရွေးကောက်ပွဲအတွက် ဘယ်လို ပြင်ဆင်ကြမယ် ဆိုတာတွေ ဖြစ်နိုင်တယ်လို့လည်း သုံးသပ်ပါတယ်။
တတိယ အချက်အနေနဲ့ အစိုးရသစ်အဖွဲ့ရဲ့ ဒီမိုကရေစီရေး ပြုပြင်ပြောင်းလဲမှု လုပ်ဆောင်ဖို့ တကယ့် ဆန္ဒ ရှိမရှိ စစ်ဆေးနိုင်တဲ့ ကိစ္စက တိုင်းရင်းသား တွေနဲ့ ဖြစ်ပွားနေတဲ့ တိုက်ပွဲတွေ လျော့ပါးအောင် လုပ်ဆောင်မှုကို ကြည့်နိုင်တယ်လို့ မစ္စတာ ပို့စနာက မြင်ပါတယ်။
တကယ်လို့ မြန်မာအစိုးရဘက်က ဒီအချက်တွေကို တိုးတက်ကောင်းမွန်အောင် လုပ်ဆောင်လာခဲ့ရင် မြန်မာနိုင်ငံ အပေါ် ထားရှိတဲ့ အရေးယူ ဒဏ်ခတ်မှုတွေ အတွက် ပြန်လှန် သုံးသပ်ဖို့ လုပ်မှာလားလို့ မေးတဲ့အခါမှာတော့-
“ကျွန်တော်တို့ဘက်က တဆင့်စီချင်း လုပ်ဆောင်ပါတယ်။ အရေးယူဒဏ်ခတ်မှု ကိုတော့ ဆက်ပြီး ထားမှာပါ။ ဒါပေမယ့် အခု တွေ့နေရတဲ့ အပြောင်းအလဲ စဖြစ်နေတာ အတွက်တော့ တကယ် အသိ အမှတ် ပြုမှာဖြစ်ပြီး ဒီအပြောင်းအလဲတွေ အတွက် အားပေးပါတယ်။ တကယ်လို့ အပြောင်းအလဲတွေ ဆက်ပြီး ဖြစ်လာနေမယ် ဆိုရင် အခုထက်ပိုပြီး ထိတွေ့ ဆက်ဆံမှုတွေ လုပ်ဖို့ ရှိတဲ့အပြင် နောင် အတွက်လည်း ဘာတွေ လုပ်ဆောင်မယ် ဆိုတဲ့ လမ်းတွေကို စဉ်းစားမှာပါ”
“အမေရိကန် အစိုးရက ပြီးခဲ့တဲ့ နှစ်ထဲမှာ မြန်မာ စစ်အစိုးရခေါင်းဆောင်တွေ ကျူးလွန်ခဲ့တဲ့ စစ်ရာဇ၀တ်မှုနဲ့ လူသား မျိုးနွယ်တွေ အပေါ် ကျူးလွန်ခဲ့တဲ့ ရာဇ၀တ်မှုတွေ အတွက် ကုလသမဂ္ဂ ဦးဆောင်တဲ့ စုံစမ်း စစ်ဆေးမှုတွေ လုပ်ဖို့ ထောက်ခံခဲ့တာမို့ အခုလို မြန်မာနိုင်ငံက အပြောင်းအလဲတွေ စတွေ့လာချိန်မှာ အမေရိကန်ရဲ့ သဘောထားကရော ဘယ်လိုရှိပါသလဲ”
“မြန်မာနိုင်ငံမှာ အရင်တုန်းက ဖြစ်ပွားခဲ့တဲ့ အကြမ်းဖက်မှုတွေ အတွက် တာဝန်ခံမှုနဲ့ ပတ်သက်လို့ အကောင်းဆုံး ဘယ်လို လုပ်ဆောင်ရမယ် ဆိုတာ ကျွန်တော်တို့မှာ နည်းမျိုးမျိုး စဉ်းစားထားပြီး ဖြစ်ပါတယ်။ ဒါက ပြဿနာတခုပါ။ အခု လောလောဆယ် မှာတော့ မြန်မာနိုင်ငံမှာ နိုင်ငံရေး အကျဉ်းသားတွေ အမြန်ဆုံး လွှတ်ပေးဖို့ အဓိက အာရုံစိုက် လုပ်ဆောင်နေပါတယ်။ နိုင်ငံရေး အကျဉ်းသား အားလုံးကို လွှတ်ပေးဖို့ကိစ္စ၊ တိုင်းရင်းသား လူမျိုးစုဒေသတွေမှာ အပစ်အခတ် ရပ်စဲဖို့နဲ့ အမျိုးသား ပြန်လည် သင့်မြတ်ရေး ကိစ္စအပြင် နိုင်ငံရေး လုပ်ငန်းစဉ်တွေ အားလုံး အတွက် ပွင့်လင်းလာဖို့ ဖြစ်ပါတယ်။
ဒီကိစ္စတွေ အားလုံးပြောင်းလဲ ဖြစ်ထွန်းလာရင်တော့ အရင်တုန်းက ဆယ်စုနှစ်နဲ့ချီ ကြာခဲ့ပြီဖြစ်တဲ့ အကြမ်းဖက်မှု ကျူးလွန်ခဲ့တာတွေ အတွက် ဘယ်လို လုပ်ဆောင်မယ်ဆိုတာတွေ ကိုပြောကြားမှာ ဖြစ်ပြီး စုံစမ်း စစ်ဆေးရေး ကော်မရှင် လိုမလို ဆွေးနွေးရတဲ့ အပိုင်းကို ရောက်လာမှာပါ”
ဒီမိုကရေစီ လူ့အခွင့်အရေးနဲ့ အလုပ်သမားရေးဆိုင်ရာ အမေရိကန် လက်ထောက်နိုင်ငံခြားရေးဝန်ကြီး မိုက်ကယ် ပို့စနာဟာ မြန်မာနိုင်ငံ ဆိုင်ရာ အမေရိကန် အထူး သံတမန် ဒဲရစ်မစ်ချဲလ်နဲ့ အတူ မြန်မာ အစိုးရ ခေါင်းဆောင်တွေနဲ့ တွေ့ဆုံ ခဲ့သလို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ပါ တွေ့ဆုံ ဆွေးနွေး ခဲ့ပါတယ်။
မြန်မာနိုင်ငံခရီးစဉ်အပြီးမှာတော့ မြန်မာနိုင်ငံမှာ ဒီမိုကရေစီဖော်ဆောင်နိုင်ဖို့အတွက် အစိုးရပိုင်းက ထင်သာမြင်သာ ရှိတဲ့ လုပ်ဆောင်မှုတွေနဲ့ အတူ တရားဥပဒေကို လေးစား လိုက်နာဖို့နဲ့ သတင်း လွတ်လပ်ခွင့်၊ လူထုစုဝေးခွင့်၊ လွတ်လပ်စွာ ပြောဆိုခွင့် ပေးရေးတွေဟာ အရေး ပါတယ်လို့ ထောက်ပြ ပြောဆိုခဲ့ပါတယ်။
Ref: VOA News
မြစ်ကြီးနား ဗလမင်းထင်တံတား အနီး ပေါက်ကွဲမှုဖြစ်ပြန်
ဖနိဒါ
ဗုဒ္ဓဟူးနေ့၊ နိုဝင်ဘာလ ၁၆ ရက် ၂၀၁၁
ချင်းမိုင်(မဇ္စျိမ) ။ ။ ဗုံးပေါက်ကွဲမှုများ ဆက်တိုက်ဖြစ်ပွားနေသော မြစ်ကြီးနားမြို့တွင် အင်္ဂါနေ့ညနေ ခြောက်နာရီ ကျော်က စီတာပူရပ်ကွက်ရှိ ဧရာဝတီမြစ်ကူး ဗလမင်းထင် တံတားအနီး ပေါက်ကွဲမှုတခု ထပ်မံဖြစ်ပွား ခဲ့ပြန်သည်။
အစိုးရ၏ ပို့ဆောင်ဆက်သွယ်ရေးဌာန လက်အောက်ခံ ဘီးခွန်ကောက်ခံသည့် အဆောက်အအုံ အနီးတွင် ပေါက်ကွဲ ခဲ့ပြီး လူရှင်းသည့် နေရာ ဖြစ်ခြင်းကြောင့် လူအသေအပျောက် မရှိပါ။
“ရှုးဆိုတဲ့ အသံကြားပြီးနောက်မှာ ပေါက်ကွဲသံ ထွက်လာတာပဲ။ ပေါက်တာက ခြောက်နာရီ မိနစ် ၂၀ မှာ ပေါက် တာပဲ။”ဟု စီတာပူရပ်ကွက် ဒေသခံတဦးက ပြောသည်။ ဒေသခံများက အဝေးမှ မော်တာကျည်ဖြင့် ပစ်ခတ် လိုက်ခြင်း ဖြစ်သည်ဟု ထင်ကြေး ပေးနေကြသည်။
လွန်ခဲ့သည့်စနေနေ့က စတင်သော ပေါက်ကွဲမှုများကြောင့် ယခင်လူထူထပ်စွာ သွားလာနေသော မြစ်ကြီးနား မြို့ပေါ်နှင့် တက္ကသိုလ် ပတ်ဝန်းကျင် များတွင်လည်း သွားလာသူ ပြတ်လျက် ရှိသည်ဟု ဒေသခံများက ပြောသည်။
“ဒီမှာက တော်တော်ကြောက်နေကြတယ်။ တမင်သက်သက် အိမ်လာထည့်ထားပေးပြီးတော့ ဟိုလိုပြောခိုင်း၊ ဒီလိုပြောခိုင်း လုပ်လာမလား။ ဘယ်အချိန်မှာ ဘာတွေပြောလာမလဲ ဆိုပြီးတော့ ကြောက်နေကြတယ်။ လူစုဖို့တောင် ကြောက်နေကြပြီ၊ ဒီမနက် မင်္ဂလာဆောင်ပွဲ ရှိတာတောင် လူက နည်းနည်းလေးပဲ။”ဟု မြစ်ကြီးနားမြို့ခံ တဦးက ပြောသည်။
အခြားဒေသခံတဦးကလည်း “အခုတော့ ကျနော်တို့က ညမိုးချုပ်ပြီဆိုရင် ဘယ်တော့ ဗုံးပေါက်မလဲ ဆိုတာပဲ နားထောင် တော့တယ်။”ဟု ပြောသည်။
တနင်္ဂနွေနေ့ညက သီတာရပ်ကွက်တွင် ဗုံးပေါက်ကွဲမှုဖြစ်ခဲ့သော ဦးဒယောင်တန်ဂွန်း၏ နေအိမ်တွင် ဗုံးပေါက်ကွဲ ခဲ့မှုကြောင့် ပျံ့နှံ့နေသည့် ကျည်ဆံ အပိုင်းအစများလည်း တွေ့ရှိရသည်ဟု မျက်မြင်တဦးက ပြောသည်။
ထို့ပြင် ယင်းနေအိမ်၏ အောက်ထပ်တွင် တမံတလင်း ခင်းထားပြီး ပေါက်ကွဲမှု ဖြစ်ပွားပြီးနောက် မြေအောက်ဘက် တပေခန့် နှိမ့်ကျ သွားခဲ့သည်။
မြစ်ကြီးနားရဲစခန်းတွင် ဖမ်းဆီးစစ်ဆေးခံနေရသော ဦးဒယောင်တန်ဂွန်းကို ရဲကရိုက်နှက် စစ်ဆေးနေသည် ဆိုသော စွပ်စွဲချက်များ ဒေသတွင်း ပြန့်နှံနေသည်။
Ref: မဇ္ဈိမ
၈၈ မျိုးဆက် ကျောင်းသား ခေါင်းဆောင် တချို့ ထောင်ပြောင်း
ရန်ပိုင်
November 16, 2011
၈၈ မျိုးဆက် ကျောင်းသား ခေါင်းဆောင်များ ဖြစ်သည့် ကိုမင်းကိုနိုင်၊ မနီလာသိန်းနှင့် ရွှေဝါရောင် တော်လှန်ရေး ဦးဆောင် သံဃာ တပါးဖြစ်သည့် အရှင်ဂမ္ဘီရ အပါအ၀င် နိုင်ငံရေးအကျဉ်းသား တချို့ကို ယနေ့တွင် ထောင်ပြောင်းရွှေ့မှုများ ပြုလုပ်ကြောင်း သတင်း ရသည်။
မကွေးတိုင်း သရက်ထောင်တွင် ထောင်ဒဏ် ၆၅ နှစ် ချမှတ်ခံထားရသည့် ၈၈ မျိုးဆက်ကျောင်းသူ မနီလာသိန်းသည် ယနေ့နံနက် ပိုင်းက သာယာဝတီထောင်သို့ ရောက်ရှိလာကြောင်း ထောင်အသိုင်းအ၀န်းနှင့် နီးစပ်သူ တဦးက ဧရာဝတီသို့ ပြောပြသည်။
“မနီလာသိန်း ရောက်လာပါပြီ၊ ကိုမင်းကိုနိုင်ကိုတော့ သရက်ရွှေ့မယ်ကြားတယ်၊ ဒီည သာယာဝတီမှာ ညအိပ်ဖို့ ပြင်ဆင် ထားတယ် လို့လည်း ပြောတယ်” ဟု ၎င်းက ဆက်ပြောသည်။
မနီလာသိန်းမှာ၂၀၀၇ ခုနှစ် လောင်စာဆီနှင့် ကုန်ဈေးနှုန်းကျဆင်းရေးအတွက် လမ်းလျှောက် ဆန္ဒပြခဲ့သောကြောင့် ဖမ်းဆီး၍ ထောင်ဒဏ် ချမှတ် ခံရခြင်းဖြစ်ပြီး ခင်ပွန်းဖြစ်သူ ၈၈ မျိုးဆက် ကျောင်းသား ခေါင်းဆောင် တဦးဖြစ်သည့် ကိုဂျင်မီမှာလည်း တောင်ကြီး ထောင်တွင် ထောင်ဒဏ် ၆၅ နှစ် ကျခံနေရ၍ သမီးငယ်နှင့်လည်း ခွဲခွာနေရသည်။
အလားတူ ၂၀၀၇ ရွှေဝါရောင်တော်လှန်ရေး၌ ဦးဆောင်ပါဝင်ခဲ့သည့် အတွက် စစ်ကိုင်းတိုင်း ကလေးမြို့ အကျဉ်းထောင်၌ ထောင်ဒဏ် ၆၃ နှစ် ကျခံနေရသော အရှင်ဂမ္ဘီရ အပါအ၀င် ရခိုင်ပြည်နယ် ဂွမြို့နယ် ပြည်သူ့လွှတ်တော် ကိုယ်စားလှယ် ဦးညီပုတို့ နှစ်ဦးလည်း ထောင်ရွှေ့ပြောင်းရာတွင် ပါဝင်ကြောင်း အရှင်ဂမ္ဘီရ ၏ မိခင် ဒေါ်ရေးက ပြောသည်။
“ကလေး လေဆိပ်မှာ သူတို့ကား ၀င်လာတာတွေ့တယ်၊ လူချင်းမတွေ့ရဘူး၊ ခရီးသည် စာရင်းမှာ အရှင်ဘုရားရဲ့ လူနာမည် ပါတယ်” ဟု ၎င်းက ဆိုသည်။
အရှင် ဂမ္ဘီရနှင့် ဦးညီပုကိုမူ မည်သည့် အကျဉ်းထောင်သို့ ပြောင်းရွှေ့မည် မသိရကြောင်း၊ သို့သော်လည်း အင်းစိန်ထောင်ဟု ပြောဆိုမှု များလည်း ရှိနေကြောင်း ဒေါ်ရေးက ဆက်လက်ပြောသည်။
ရှမ်းပြည်အရှေ့ပိုင်း ကျိုင်းတုံထောင်တွင် ထောင်ဒဏ် ၆၅နှစ် ချမှတ် ခံထားရသည့် ၈၈ ကျောင်းသားခေါင်းဆောင် ကိုမင်းကိုနိုင် လည်း ယခု ထောင်ပြောင်းရွှေ့မှုတွင် ပါဝင်သည်ဟု သတင်းများ ထွက်ပေါ်နေသည့်အတွက် ယနေ့ညနေ ရန်ကုန် လေဆိပ်တွင် ပြည်တွင်းရှိ စာနယ်ဇင်း သမားများနှင့် ၈၈ မျိုးဆက် ကျောင်းသားများ သွားရောက် စောင့်မျှော်နေကြသည်။
ကိုမင်းကိုနိုင်၏ အစ်မဖြစ်သူ ဒေါ်ကြည်ကြည်ညွန့်က“သတင်းတွေကတော့ ထွက်နေတယ်၊ အိမ်ကိုတော့ တရားဝင်အကြောင်း မကြား သေးဘူး၊ ကိုပေါ်ကို သရက်ကိုရွှေ့မယ်လည်း ပြောတယ်”ဟု ဆိုသည်။
မကြာမီရက်ပိုင်းအတွင်း ကိုကိုကြီး၊ ကိုဌေးကြွယ်၊ ကိုပြုံးချို စသည့် ကျန် ၈၈ မျိုးဆက် ကျောင်းသားခေါင်းဆောင် များကိုလည်း ထောင်ပြောင်းရွှေ့မှု ဆက်လက် လုပ်နိုင်ကြောင်း ၈၈ ကျောင်းသား ခေါင်းဆောင် တဦး ဖြစ်သည့် ကိုဖြိုးမင်းသိန်းက ပြောသည်။
ပြီးခဲ့သည့် စနေနေ့က မြန်မာနိုင်ငံ အမျိုးသားလူ့အခွင့်အရေး ကော်မရှင်က သမ္မတ ဦးသိန်းစိန်ထံသို့ ယုံကြည်ချက်ကြောင့် အကျဉ်းကျ ခံနေရသည့် နိုင်ငံရေး အကျဉ်းသားများကို ထပ်မံ လွှတ်ပေးရန်၊ ထိန်းသိမ်းရန် လိုအပ် သေးသည့်သူများကို မိသားစုနှင့် တွေ့ဆုံနိုင် ရန် သွားလာရ လွယ်ကူသည့် အကျဉ်းထောင်များကို ပြောင်းရွှေ့ပေးရန် တင်ပြထားသည်။
အမျိုးသားလူ့အခွင့်အရေး ကော်မရှင်၏ ဒုတိယအကြိမ် အိတ်ဖွင့်ပေးစာထွက်ပေါ်ခဲ့ပြီးနောက် နိုင်ငံရေး အကျဉ်းသားများ လွတ်မြောက် မည်ဟု အများက မျှော်လင့် နေကြသော်လည်း ယခုအချိန်အထိ လွတ်မြောက်ခြင်း မရှိသေးပေ။
၂၀၁၀ ပြည့်နှစ် ရန်ကုန်မြို့ ကန်တော်ကြီးပတ်လမ်းရှိ X2O ရေကစားမဏ္ဍပ် ဗုံးပေါက်ကွဲမှုကို သွားရောက် ဓာတ်ပုံရိုက် သတင်းယူခဲ့သည့် အတွက် ထောင်ဒဏ် ၁၀ နှစ် ချမှတ်ခံခဲ့ရသည့် ကိုစည်သူဇေယျ ကိုလည်း ယနေ့နံနက် ၇ နာရီခွဲခန့် က အင်းစိန်ထောင်မှ ဟင်္သာတ ထောင်သို့ ပြောင်းရွှေ့လိုက်ကြောင်း အင်းစိန်ထောင်နှင့် နီးစပ်သည့် အသိုင်းအ၀န်းက ပြောသည်။
အင်းစိန်ထောင်တွင် ထောင်ဒဏ် ၁၀ နှစ် ကျခံနေရသည့် ဗိုလ်ကြီးဟောင်း နေမျိုးဇင်မှာ ကျန်းမာရေး အခြေအနေ ဆိုးရွားလာ နေသည့် အတွက် မိသားစုက စိုးရိမ်ပူပန်နေကြောင်း မိခင်ဖြစ်သူ ဒေါ်ခင်သီက ဧရာဝတီသို့ ပြောသည်။
“ခါးဒဏ်ရာက အခြေအနေကတော်တော်ဆိုးတယ်၊ ထောင်ဆရာဝန်ကိုယ်တိုင်က အပြင်မှာကုမှ ကောင်းမှာလို့ပြောတာ၊ ဒါပေမယ့် ခွင့်မပေးဘူး”ဟု ၎င်းကဆိုသည်။
ဗိုလ်ကြီးဟောင်း နေမျိုးဇင်၏ လက်ရှိအခြေအနေမှာ မိခင်ဖြစ်သူ ထောင်ဝင်စာတွေ့လျှင်ပင် ပက်လက် အနေအထားဖြင့် စကားပြော ဆိုရကြောင်း၊ ဆေးကုသခွင့်ရရန် ဆက်လက် ကြိုးစားမည်ဖြစ်ကြောင်း ဒေါ်ခင်သီက ဆက်လက်ပြောသည်။
ရန်ကုန်တိုင်း တောင်ဒဂုံမြို့နယ်တွင် ဖွင့်လှစ်ထားသည့် BG သွေးလှူဘဏ် တာဝန်ခံ ဗိုလ်ကြီးဟောင်း နေမျိုးဇင်သည် ရန်ကုန်မြောက် ပိုင်း ခရိုင် အင်းစိန်ထောင်တွင်း တရားရုံးမှ ပြီးခဲ့သည့် သြဂုတ်လက အီလက်ထရွန်နစ် ပုဒ်မ ဖြင့် ထောင်ဒဏ် ၁၀ နှစ် ချမှတ် ခံခဲ့ရခြင်း ဖြစ်သည်။
စစ်ကြောရေးကာလက ရိုက်နှက်စစ်ဆေးမှုများ ရှိခဲ့သည့်အတွက် ဗိုလ်ကြီးဟောင်းနေမျိုးဇင်မှာ ခါးရိုး၌ ဒဏ်ရာရရှိပြီး အိပ်ရာထက် တွင် လှဲလျောင်း နေရကြောင်း သိရသည်။
ပြီးခဲ့သည့် ရက်ပိုင်းကလည်း ဗိုလ်ကြီးဟောင်း နေမျိုးဇင်ထံမှ ဗိုလ်ချုပ်အောင်ဆန်းပုံပါ တီရှပ်နှင့် သော့ချိတ်ကို ရှာဖွေ တွေ့ရှိသည်ဟု ဆိုကာ ထောင်စည်းကမ်း ဖောက်ဖျက်မှုဖြင့် ထောင်အာဏာပိုင်များက ထပ်မံ တရားစွဲရန် စီစဉ်နေသည်ဟု ရှေ့နေဖြစ်သူ ဦးလှမျိုးမြင့် က ပြောသည်။
“ကိုနေမျိုးဇင်က ထိုင်လို့မရဘူး၊ ကပ်ပေါ်မှာပဲနေရမှာ၊ ရုံးထုတ်ရင် အင်းစိန်တရားရုံး ထုတ်ရမှာ ဆိုတော့ သူတို့ ဘယ်လို လုပ်မယ် မသိဘူး”ဟု ၎င်းက ဆိုသည်။
ပြီးခဲ့သည့် နိုဝင်ဘာ၂ရက်နေ့ ဗိုလ်ကြီးဟောင်းနေမျိုးဇင်၏ အယူခံကို ရန်ကုန်တိုင်းတရားရုံးချုပ်က ပယ်ချခဲ့သည့် အတွက် နေပြည်တော်ရှိ တရားရုံးချုပ်သို့ ဆက်လက် အယူခံဝင်ရန် ရှိကြောင်း ဦးလှမျိုးမြင့်က ဆက်လက်ပြောသည်။
မကြာသေးမီကလည်း အင်းစိန်ထောင်မှ နိုင်ငံရေးအကျဉ်းသားများဖြစ်သည့် ကိုညီညီထွန်း၊ ကိုစိုးမိုးထွန်း၊ ကိုကောင်းမြတ်လှိုင်နှင့် ရဟန်း နှစ်ပါးဖြစ်သည့် ဦးစန္ဒိမာ၊ ဦးဝိသုဒ္ဓိ စသည့် နိုင်ငံရေး အကျဉ်းသား ၁၅ ဦး က သီးသန့်နှင့် သာမန် သီးသန့် အကျဉ်းသားများ လျှော့ရက် ခံစားခွင့် ရရှိရေးအတွက် အစာငတ်ခံ ဆန္ဒပြခဲ့ကြသည်။
နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) ၏ လက်ရှိ စာရင်းအရ မြန်မာနိုင်ငံ အကျဉ်းထောင်များ အတွင်း နိုင်ငံရေး အကျဉ်းသား ၁၆၆၈ ဦး ရှိနေသေးကြောင်း သိရှိရသည်။
Ref: ဧရာဝတီ
ပြန်ပေးဆွဲခံရသူ ထိုင်းအမျိုးသမီး နှစ်ဦး လွတ်မြောက်
ကွန်းချမ်း | ဗုဒ္ဓဟူးနေ့၊ နိုဝင်ဘာလ ၁၆ ရက် ၂၀၁၁
ချင်းမိုင် (မဇ္ဈိမ) ။ ။ ထိုင်းမြန်မာနယ်စပ် ဘုရားသုံးဆူမြို့ အခြေစိုက် ကရင်ငြိမ်းချမ်းရေး ကောင်စီ တပ်ရင်း (၇၇၇)မှ ပြန်ပေးဆွဲ ထားသော ထိုင်းအမျိုးသမီး သုံးဦးအနက် နှစ်ဦးမှာ အင်္ဂါနေ့ ညနေပိုင်းတွင် ပြန်လည် လွတ်မြောက်လာကြောင်း ဒေသတွင်း လုံခြုံရေး တပ်ဖွဲ့ အရာရှိများက ပြောသည်။
အသက် ၃၀ ဝန်းကျင် အသီးသီးရှိ အမျိုးသမီး သုံး ဦးကို နိုဝင်ဘာလ နှစ်ရက်နေ့တွင် သုံးဆူမြို့ပြင်ရှိ နယ်စပ် တနေရာတွင် ကရင် ငြိမ်းချမ်းရေး ကောင်စီ တပ်ရင်း (၇၇၇) က ဖမ်းဆီးခဲ့ခြင်း ဖြစ်ပြီး သုံးဆူမြို့မှ စစ်ဘက်ရေးရာ လုံခြုံရေး တပ်ဖွဲ့ဝင်များ ကြားဝင် ညှိနှိုင်းပေးခဲ့သည်။
ဖမ်းထားသူများကို ထိုင်းဘတ်ငွေ ငါးသိန်းဖြင့် ပြန်လွှတ်ပေးခြင်း ဖြစ်ပြီး၊ ကျန်တဦးကို ထိုင်းဘတ်ငွေ ၁၅ သိန်း ပေး မှသာ ပြန်လွှတ် ပေးလိမ့်မည်ဟု ဆိုသည်။ အဖမ်းခံရသူ အမျိုးသမီးများမှာ အကြွေးဖြင့် ဝယ်ယူထားသည့် ရာဘ စိတ်ကြွဆေး ဖိုးကို မပေးဆပ်နိုင်သည့် အတွက် ဖမ်းဆီးခြင်း ဖြစ်သည်ဟုလည်း သိရသည်။
ဘုရားသုံးဆူဒေသတွင် လှုပ်ရှားနေသည့် ကရင်ငြိမ်းချမ်းရေး ကောင်စီတပ်ရင်း (၇၇၇) အမည်ခံ အဖွဲ့မှာ အင်အား ၂ဝ ခန့် ရှိသည်။ အဆိုပါ အဖွဲ့သည် ၂ဝ၁ဝ ခု ကုန်ပိုင်းတွင် ကရင်ငြိမ်းချမ်းရေး ကောင်စီမှ ခွဲထွက်ကာ အစိုးရထံ လက်နက်အပ်ပြီး ဒေသတွင်း စီးပွားရေး လုပ်ငန်းကို လုပ်ကိုင်နေသည့် အဖွဲ့ ဖြစ်သည်။
ကရင်ငြိမ်းချမ်းရေးကောင်စီသည် ၂ဝဝ၇ ခုနှစ် ဖေဖေါ်ဝါရီလ ၁၁ ရက်နေ့တွင် ကရင်အမျိုးသား အစည်းအရုံး KNU မှ ခွဲထွက်ကာ ဒေါနတောင်တန်း အနောက်ဘက် ထို့ကော်ကိုးရွာတွင် မြို့တခုကို တည်ထောင်ခဲ့သည်။ အဖွဲ့ကို ဗိုလ်ချုပ် ဋ္ဌေးမောင် ဦးစီးသည်။
Ref: မဇ္ဈိမ
မန္တလေး သံဃာများ ဆန္ဒပြပွဲ ပြီးဆုံး
ကိုဝိုင်း
ဗုဒ္ဓဟူးနေ့၊ နိုဝင်ဘာလ ၁၆ ရက် ၂၀၁၁
ချင်းမိုင် (မဇ္ဈိမ) ။ ။ မန္တလေးမြို့ မဟာမြတ်မုနိ ဘုရားကြီးဝင်းအတွင်း အင်္ဂါနေ့က စတင်ခဲ့သည့် သံဃာ ငါးပါး ၏ ဆန္ဒပြမှုသည် မန္တလေးတိုင်း သံဃာ့နာယက ဥက္ကဋ္ဌအပါဝင် ဆရာတော်ကြီး ၁၀ ပါး၏ သြဝါဒအရ ဆန္ဒပြပွဲ အဆုံးသတ်သွားပြီ ဖြစ်ကြောင်း မြို့ခံများက ပြောသည်။
ဆန္ဒပြ သံဃာတော်များသည် မန္တလေးမြို့ မစိုးရိမ်ကျောင်းတိုက် ဟောင်း၌ ဗုဒ္ဓဟူးနေ့ နေ့လည်တွင် လိုလားချက်များ ကို တနာရီကြာ ဆန္ဒထုတ်ဖေါ် ဟောပြောခဲ့ပြီး ဆန္ဒပြခြင်းကို ရုပ်သိမ်းလိုက်ခြင်း ဖြစ်သည်။
အဆိုပါ သံဃာတော်များသည် မဟာမြတ်မုနိ ဘုရားကြီးမှ မစိုးရိမ်ကျောင်းတိုက်ဟောင်းသို့ အင်္ဂါနေ့ ညနေတွင် ပြောင်းရွှေ့ သတင်းသုံးကာ တနေ့ တနာရီနှုန်းဖြင့် သုံးရက်ကြာ ဆန္ဒ ထုတ်ဖေါ် ဟောပြောရန် သဘောတူညီချက် ရရှိထားသော်လည်း ဗုဒ္ဓဟူး မနက်တွင် ဆရာတော်ကြီးများက သြဝါဒ ထပ်မံ မိန့်ကြားပြီးနောက် တရက်သာ ဟောပြောခဲ့ကြခြင်း ဖြစ်သည်ဟုလည်း သိရသည်။
မစိုးရိမ်တိုက်ဟောင်းတွင် နေ့လယ်ဆွမ်း ဘုန်းပေးအပြီး ဆွမ်းစားဆောင်၌ပင် ဆရာတော်ကြီးများ၏ သြဝါဒကို ဒါယကာ၊ ဒါယိကာမ အယောက် ၂ဝ ကျော်နှင့် အရပ်ဝတ် ထောက်လှမ်းရေးများ ရှေ့တွင် ၁၅ မိနစ်အကြာ ခံယူခဲ့ကြသည်။
မူလက တောင်းဆိုထားသည့် အချက် သုံးချက်မှ ဘာသာရေးတရား ဟောလျှင် မည်သည့် အုပ်ချုပ် ရေးမှူးထံမှ တင်ပြရန် မလိုဘဲ လွတ်လွတ်လပ်လပ် ဟောပြောနိုင်ရေး အတွက်သာ တောင်းဆို သွားရန်လည်း ဆရာတော်ကြီး များက မိန့်ကြား ခဲ့သေးသည်ဟု သိရသည်။
မွန်းလွဲပိုင်း၌ ပထမမြောက် ဟောပြောသူ သံဃာက တောင်းဆိုချက် သုံးချက်ကို သမ္မတထံ လိပ်မူပို့ထားပြီး၊ မိတ္တူ ကို ရန်ကုန် ကမ္ဘာအေး ကုန်းမြေ နိုင်ငံတော် သံဃာ့ မဟာနာယကထံ ပေးပို့ထားကြောင်း ပရိသတ်ကို အသိပေးခဲ့ သည်။
“အဲဒီအပေါ်မှာ သံဃာတော်တွေ ဒါယကာ၊ ဒါယိကာမတွေ သဘောတူညီခြင်း ရှိ၊ မရှိ မေးခွန်း မေးပါတယ်။ အားလုံး က သဘော တူပါတယ်ဆိုပြီး ထောက်ခံမှု သုံးကြိမ်ပေးပါတယ်။” ဟု ဟောပြောပွဲသွား ပရိသတ်တဦးက ပြောသည်။
ဟောပြောပွဲကို မေတ္တသုတ်ရွတ်ဆိုပြီးနောက် ရွှေဝါရောင် တော်လှန်ရေးကာလ သံဃာတော်များ ရွတ်ဆိုခဲ့သည့် “လူအချင်းချင်း နှိပ်စက်ခြင်း ကင်းရှင်းကြပါစေ” “တို့မေတ္တာစွမ်း ကမ္ဘာလွှမ်း အေးချမ်းကြပါစေ” ဆိုသည့် မေတ္တာပို့ ဆုတောင်းကို ပရိတ်သတ်များနှင့် သံဃာ ငါးပါး စုပေါင်းရွတ်ဆိုကြပြီး ဟောပြောပွဲကို ရုပ်သိမ်းလိုက်ကြောင်း သိရသည်။
ဟောပြောပွဲကို သံဃာအများစုအပါဝင် ပရိသတ် ၁,၂ဝဝ ကျော် တက်ရောက်ခဲ့ပြီး မွန်းလွဲ ၁၂ နာရီ ခန့်မှ စတင်ခဲ့ သည်။ ဆန္ဒထုတ်ဖေါ် ဟောပြောပွဲကို မူလ စီစဉ်ထားသည့်အတိုင်း မပြုလုပ်ခြင်းမှာ မစိုးရိမ်ကျောင်း စာသင်သံဃာ များ စာသင်ကြားမှုတွင် အနှောက်အယှက် ဖြစ်မည် စိုးသောကြောင့်ဟု အကြောင်းပြခဲ့ကြောင်း ဟောပြောပွဲသွား ပရိသတ် တဦးကပြောသည်။
တရားပွဲပြီးနောက် သံဃာ ငါးပါးလုံး မစိုးရိမ်ကျောင်းတိုက်ဟောင်းမှ သီတင်းသုံးမည့် ပြည်ကြီးတံခွန်မြို့နယ်ရှိ အခြား ကျောင်းတိုက် တခုသို့ ပြောင်းရွှေ့ သွားကြပြီးဖြစ်သည်ဟုလည်း သိရသည်။ ဟောပြောပွဲသည် ပြဿနာ တစုံတရာ မရှိဘဲ ငြိမ်းချမ်းစွာ အပြီးသတ်ခဲ့ကာ၊ ဟောပြောပွဲအပြီး သံဃာများ မကြွမီ သတင်းထောက် တချို့နှင့် မိနစ် ၃ဝ ခန့် တွေ့ဆုံ ခဲ့သေးသည်ဟုလည်း ဟောပြောပွဲသွားသူ တဦးက မဇ္ဈိမကို ပြောသည်။
ဆန္ဒပြသံဃာများအနက် အရှင်သောပါကမှာ ၂ဝဝ၁ ခုမှစ၍ ပြည်ပသို့ ထွက်လာပြီးနောက် ထိုင်း၊ စင်ကာပူ၊ မလေးရှား၊ လာအို၊ ဂျပန်တို့တွင် လှည့်လည် သတင်းသုံးပြီး၂ဝဝ၃ တွင် ဂျာမနီနိုင်ငံသို့ ကြွရောက်ကာ ဗုဒ္ဓဘာသာ စင်တာတခု ထူထောင်ခဲ့သည်။
၂ဝဝ၉ ခုတွင် ထိုင်း-မြန်မာ နယ်စပ်သို့ပြန်လာပြီး The Best Friend Internationl အဖွဲ့အစည်းကို ထူထောင်သည်။ ယင်းအဖွဲ့သည် နယ်စပ် ဒုက္ခသည်နှင့် ရွှေ့ပြောင်း အလုပ်သမားများကို အင်္ဂလိပ်စာနှင့် ကွန်ပြူတာသင်တန်းများ အခမဲ့ ပို့ချပေးနေသည်။
Ref: မဇ္ဈိမ
Wednesday, November 16, 2011
မန္တလေးဆန္ဒပြမှု သံဃာတပ်ပေါင်းစုထောက်ခံ
ကိုသားညွန့်ဦး
အင်္ဂါ, 15 နိုဝင်ဘာ 2011
မြန်မာနိုင်ငံမှာအပြောင်းအလဲတွေကို မြန်မြန်ဆန်ဆန် ပြောင်းလဲသင့်သလောက် မပြောင်းလဲ တာကြောင့် မန္တလေးက သံဃာတွေ မကျေမနပ် ဆန္ဒထုတ်ဖော် ခဲ့ရတာဖြစ်တယ်လို့ မြန်မာနိုင်ငံလုံး ဆိုင်ရာ သံဃာ့တပ်ပေါင်းစု ပြည်ပ တာဝန်ခံက ပြောပါတယ်။ အထူးသဖြင့် နိုင်ငံရေး အကျဉ်းသားတွေကို လွှတ်မယ်ဆိုပြီး ပြောသလို ဖြစ်မလာတဲ့ အပေါ်မှာ သံဃာတွေဘက်က စိတ်ပျက်ရတာ ဖြစ်တယ်လို့ ပြောပါတယ်။ ကိုသားညွန့်ဦးက ဆက်သွယ် မေးမြန်း ထားပါတယ်။
နိုင်ငံရေးအကျဉ်းသားတွေ လွတ်ရေး၊ ပြည်တွင်းငြိမ်းချမ်းရေးနဲ့ လွတ်လပ်စွာ ထုတ်ဖော်ပြောဆိုခွင့် ရရေး အချက် သုံးချက်အတွက် မန္တလေး ဘုရားကြီး မဟာဗုဒ္ဓ၀င်ပြတိုက်မှာ ဆန္ဒပြခဲ့ကြတဲ့ သံဃာတော်တွေဟာ ပြုပြင်ပြောင်းလဲမှုတွေ ဖြစ်သင့်သလောက် မြန်မြန်ဆန်ဆန် ဖြစ်မလာတဲ့ အပေါ် အာဏာပိုင်တွေကို ဖိအားပေး ဆောင်ရွက်ရတာ ဖြစ်တယ်လို့ ဆန္ဒပြ သံဃာတွေ ကိုယ်တိုင်ကရော၊ ဒါကို ထောက်ခံတဲ့ သံဃာ အဖွဲ့အစည်းတွေကပါ ပြောပါတယ်။ အထူးသဖြင့် အစိုးရဘက်က အပြောနဲ့ အလုပ်မညီလို့ ဆန္ဒပြတာ ဖြစ်တယ်လို့ သံဃာ တပ်ပေါင်းစုရဲ့  ပြည်ပ တာဝန်ခံ အရှင်ပညာဇောတက ဗွီအိုအေကို ပြောပါတယ်။
“ထောင်တွေထဲမှာ သံဃာတော်တွေ အများကြီးရှိနေသေးတယ်။ ဒီလို ရှိနေတဲ့ သံဃာတော်တွေကို နအဖအစိုးရက နေပြီးတော့ လွှတ်ပေးမယ် ဆိုပြီးတော့ ပြောတယ်။ ဒါတွေ သူပြောထားပြီးတော့ အပြောနဲ့အလုပ် မညီတဲ့ အတွက်ကြောင့် သံဃာတော်တွေ ကတော့ သံဃာတော်တွေ အချင်းချင်း လွှတ်ပေးဖို့ အတွက် အားလုံးမှာ တာဝန်ရှိတယ်၊ ၀တ္တရား ရှိတယ်လေ။ ဒါကြောင့် သံဃာတော်တွေက ပြောတာပါ”
ကိုယ်တိုင်ဆန္ဒပြခဲ့သူ ဦးသောပါက ကိုယ်တိုင်ကလည်း ပြုပြင်ပြောင်းလဲမှုတွေ မျှော်လင့်သလို ဖြစ်မလာတဲ့ အတွက် သံဃာတော်တွေ အနေနဲ့ လုပ်သင့်တယ်လို့ ယူဆတာကို ဆောင်ရွက်ရတာ ဖြစ်တယ်လို့ ဗွီအိုအေကို ပြောခဲ့ပါတယ်။
“သံဃာတွေကိုရော နိုင်ငံရေးအကျဉ်းသားတွေ အားလုံးကိုရော အမြန်ဆုံး လွတ်မြောက် လိမ့်မယ်လို့ ဦးဇင်းတို့က အစောကြီးက တွက်ထားတာ။ ဒါပေမဲ့ ဦးဇင်းတို့ ထင်ထားသလို၊ တွက်ထားသလို မဖြစ်လာတဲ့ အခါကျတော့ ငါတို့ရဲ့ ညီတော်၊ နောင်တော်၊ သံဃာတော် တွေရော၊ ကျောင်းသား ခေါင်းဆောင် မင်းကိုနိုင်တို့ စသည်အားဖြင့် အားလုံး လွတ်မြောက်ဖို့တော့ ငါတို့ လုပ်ဖို့ အချိန်တန်ပြီ- ဆိုပြီးတော့ အဲဒီလို ဆုံးဖြတ်ချက်နဲ့ ဦးဇင်းတို့ သံဃာတွေက နေပြီးတော့ လုပ်လိုက်တာပါ။ ဒီနိုင်ငံရေး အကျဉ်းသားတွေ လွတ်မြောက်မှ သာလျှင် ဦးဇင်းတို့ တိုင်းပြည်ဟာ စီးပွားရေးရော၊ ဘာရော ဘက်ပေါင်းစုံက တိုးတက်လာမှာကိုး။ အဲဒါကြောင့် သူတို့ လွတ်ရင်တော့ တိုင်းပြည်က အများကြီး တိုးတက်လာစရာ အကြောင်းရှိတယ် ဆိုတဲ့ ရည်ရွယ်ချက်နဲ့ ဦးဇင်းတို့ လုပ်တာ။ နောက်တချက် ကတော့ ပြည်တွင်းစစ်ပေါ့။ အထူးသဖြင့် ကချင်ပြည်နယ်မှာ ဖြစ်နေတဲ့ စစ်ပွဲတွေကို အမြန်ဆုံး ရပ်စေချင်တာပေါ့။ အဲဒါကြောင့်မို့လို့ ဦးဇင်းတို့က Peace movement ငြိမ်းချမ်းရေး လှုပ်ရှားမှု၊ ပြည်တွင်းစစ် ရပ်စဲရေး ဆိုတဲ့ ပုံစံမျိုးနဲ့ ဦးဇင်းတို့က လုပ်ထားတာပါ။”
ဆန္ဒပြကိုယ်တော် ၅ ပါးဟာ မန္တလေးမဟာမြတ်မုနိ ဘုရားကြီးဝင်းအတွင်းက မဟာဗုဒ္ဓ၀င်ပြတိုက် အပေါ်ကနေ သူတို့ လိုလားချက်တွေကို အင်္ဂလိပ်၊ မြန်မာ နှစ်ဘာသာနဲ့ ပိတ်စတွေပေါ်မှာ ရေးဆွဲထားသလို အဲဒီကနေ လာရောက် ကြည့်ရှု အားပေးတဲ့ လူထုနဲ့ သံဃာကိုလည်း အသံချဲ့စက်နဲ့ သူတို့ လိုလားချက်တွေကို ဟောပြောခဲ့ပါတယ်။ သံဃာ့ မဟာနာယက အဖွဲ့ ဆရာတော်တွေ လာရောက် ညှိနှိုင်းပြီးနောက် မစိုးရိမ်တိုက်ဟောင်း ဘက်ကို သူတို့ ရွှေ့သွားခဲ့ပါတယ်။ အဲဒီမှာ လိုလားချက်တွေကို ဆက်ပြီး ဟောပြော သွားလိမ့်မယ်လို့ သိရပါတယ်။
နိုင်ငံရေးအကျဉ်းသားလွတ်ရေးအပါအ၀င် နိုင်ငံရေးလိုလားချက်တွေအတွက် အမျိုးသား ဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ အာဏာပို်င်တွေ ညှိနှိုင်း ဆွေးနွေးမှုတွေ လတ်တလော ရှိနေသလို အပြောင်းအလဲ အချို့လည်း မြင်နေ ရချိန်မို့လို့ အခုလို ဆန္ဒပြမှုမျိုးကြောင့် ပြုပြင်ပြောင်းလဲရေးတွေ နှောင့်နှေးသွားမလား စိုးရိမ် သူတွေလည်းရှိပါတယ်။
သံဃာ့တပ်ပေါင်းစု ပြည်ပတာဝန်ခံ အရှင်ပညာဇောတကတော့ သံဃာတွေ တောင်းဆိုတဲ့ ဒီ အချက် (၃) ချက်ဟာ အခြား ပြည်တွင်းပြည်ပ လိုလားချက်တွေနဲ့ တညီတည်း ဖြစ်တာမို့ လက်ရှိ ဆွေးနွေးမှုတွေ အပြောင်းအလဲတွေ အပေါ်မှာ ထိခိုက်စရာ မရှိဘူးလို့ မြင်ပါတယ်။
“နှောင့်နှေးစရာ မဖြစ်ပါဘူး။ ဘာကြောင့်လဲလို့ ဆိုလို့ရှိရင် ဒေါ်အောင်ဆန်းစုကြည်က ပြောနေတာက လည်းပဲ အမျိုးသား ပြန်လည် သင့်မြတ်ရေးကိစ္စတွေ ပြောတယ်၊ နိုင်ငံရေး အကျဉ်းသားတွေ လွှတ်ပေးရေး ကိစ္စတွေ ပြောတယ်။ နအဖကလည်း အမျိုးသား ပြန်လည် သင့်မြတ်ရေး အတွက် လုပ်ပါမယ်၊ နိုင်ငံရေး အကျဉ်းသားတွေလည်း လွှတ်ပေးပါမယ် ဆိုပြီးတော့ မြန်မာ ပြည်သူပြည်သားတွေ ကိုလည်းပဲ ပြောတာရှိသလို နိုင်ငံပေါင်းစုံကို-ကုလသမဂ္ဂ အဖွဲ့အစည်းကြီး အပါအ၀င် အမေရိကန်၊ ဥရောပစတဲ့ နိုင်ငံတွေ ကိုလည်းပဲ ပြောနေတာတွေ ရှိပါတယ်။
ဆိုတော့-ရဟန်း၊ သံဃာတွေ အခုတောင်းတာကလည်းပဲ ဒါပဲ ဖြစ်တဲ့အတွက်ကြောင့် ဒီအပေါ်မှာ ကြန့်ကြာမှုတွေ ဘာမှ ဖြစ်စရာ အကြောင်း မရှိပါဘူး။ ပြောတဲ့ အဓိပ္ပာယ်ချင်းဟာ အတူတူပဲ ဖြစ်ပါတယ်။ ကွဲလွဲချက် မရှိပါဘူး”
အမေရိကန်နိုင်ငံခြားရေးဌာနကတော့ အခု အဖြစ်အပျက်နဲ့ပတ်သက်လို့ အသေးစိတ် သိရှိနိုင်အောင် ကြိုးပမ်းနေဆဲ ဖြစ်ပြီး နိုင်ငံရေး အကျဉ်းသားအားလုံး လွတ်မြောက်နိုင်ရေးကို အမေရိကန် ပြည်ထောင်စု အနေနဲ့ ဆက်ကြိုးပမ်း သွားမယ်လို့ နိုင်ငံခြားရေး ဌာန အရာရှိ တဦးက ဗွီအိုအေကို ပြောပါတယ်။
“မြန်မာလူထုအနေနဲ့ မြန်မာပြည်ရဲ့ နိုင်ငံရေးလုပ်ငန်းစဉ်တွေမှာ အပြည့်အ၀ ပါဝင်ခွင့်ရတာကို မြင်လိုပါတယ်။ ဒါကြောင့် မြန်မာနိုင်ငံမှာ ဒီထက် ပိုလုပ်စရာတွေ ကျန်နေ သေးပါတယ်။ နိုင်ငံရေး အကျဉ်းသားတွေ ရှိနေတဲ့ကိစ္စ အပါအ၀င် လူ့အခွင့်အရေး အခြေအနေတွေအတွက် စိုးရိမ်မိပါတယ်။ ထောင်ထဲမှာ ရှိနေသေးတဲ့ နိုင်ငံရေး အကျဉ်းသားတွေ အတွက် စိုးရိမ်ပါတယ်။ ဒီ နိုင်ငံရေး အကျဉ်းသား အားလုံးကို ခြွင်းချက်မရှိ ပြန်လွှတ်ပေးဖို့ မြန်မာအစိုးရကို ဆက်လက် တောင်းဆိုနေပါတယ်။”
နိုင်ငံရေးအကျဉ်းသားတွေ တနည်းအားဖြင့် ယုံကြည်ချက်ကြောင့် အကျဉ်းကျနေသူအချို့ ဒီရက်ပိုင်း အတွင်း ပြန်လွတ် လာနိုင်တယ်လို့ မြန်မာနိုင်ငံ ထဲမှာတော့ သတင်းတွေ ကျယ်ကျယ်ပြန့်ပြန့် ဖြစ်နေပါတယ်။ ဒါပေမယ့် အစိုးရသစ် ဖြစ်ပြီးကတည်းက သတင်းတွေ ထွက်သလို မြန်မြန်ဆန်ဆန် လွတ်မလာကြတာ၊ ပြီးခဲ့တဲ့အခေါက် အစိုးရက လွတ်ငြိမ်း ချမ်းသာခွင့်ပေးတော့လည်း နိုင်ငံရေး အကျဉ်းသားတွေ မျှော်လင့်သလောက် မပါတာ၊ မြန်မာနိုင်ငံမှာ နိုင်ငံရေး အကျဉ်းသားတွေ မရှိဘူးဆိုပြီး အာဏာပိုင်တွေ ဘက်က ငြင်းဆန် ပြောတာတွေကြောင့် အတိုက်အခံ လှုပ်ရှားသူတွေဘက်က လက်ရှိ အပြောင်း အလဲတွေ အပေါ် သံသယ ရှိနေတုန်းပဲလို့ ပြောရမှာပါ။
Ref: VOA News
မြန်မာနိုင်ငံ ဥက္ကဋ္ဌဖြစ်ရေး အာဆီယံဝန်ကြီးများ ထောက်ခံ
အင်္ဂါ, 15 နိုဝင်ဘာ 2011
မြန်မာအစိုးရက ၂၀၁၄ ခုနှစ် အာဆီယံ အလှည့်ကျဥက္ကဋ္ဌအဖြစ် တာဝန်ယူဖို့ ကမ်းလှမ်းထားတဲ့ ကိစ္စကို အာဆီယံ အဖွဲ့ဝင် နိုင်ငံတွေရဲ့ နိုင်ငံခြားရေး ၀န်ကြီးတွေက သဘောတူ ထောက်ခံ လိုက်ကြပါတယ်။
အာဆီယံအဖွဲ့ဝင်နိုင်ငံတွေရဲ့ နိုင်ငံခြားရေးဝန်ကြီးတွေဟာ လေးရက်ကြာပြုလုပ်မယ့် အစည်းအဝေး အဖွင့်အဖြစ် အင်ဒိုနီးရှားနိုင်ငံ အပန်းဖြေ အနားယူစခန်း ဖြစ်တဲ့ ဘာလီကျွန်းမှာ ဒီကနေ့ အင်္ဂါနေ့ စတင် ဆွေးနွေးခဲ့ကြတာပါ။
အခုသီတင်းပတ်အကုန်ပိုင်းမှာ ၁၈ နိုင်ငံ ခေါင်းဆောင်တွေပါဝင်တဲ့ ထိပ်သီး အစည်းအဝေးကိုလည်း ဆက်လက်ကျင်းပဖို့ ရှိနေပါတယ်။
အခုနှစ်အတွင်း မြန်မာနိုင်ငံမှာ ပြုပြင်ပြောင်းလဲမှုတွေ ပြုလုပ်ခဲ့တဲ့အချက်က အာဆီယံ အလှည့်ကျဥက္ကဋ္ဌ တာဝန်ယူဖို့ အတွက် ကြိုးပမ်းမှုအပေါ် အထောက်အကူ ဖြစ်စေခဲ့ပါတယ်။
အစည်းအဝေးမစတင်ခင် အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါက မြန်မာ အစိုးရအနေနဲ့ အခုသီတင်းပတ် အတွင်း အစောဆုံး ထားပြီး အကျဉ်းကျနေဆဲ နိုင်ငံရေး အကျဉ်းသားတွေထဲက အကျဉ်းသားတချို့ကို ပြန်လွှတ်ပေးဖို့ စီစဉ်နေတယ် ဆိုတဲ့ သတင်းအပေါ် ကြိုဆိုတဲ့ အကြောင်း ပြောဆိုခဲ့တယ်လို့ သိရပါတယ်။
မြန်မာနိုင်ငံဟာ အာဆီယံဥက္ကဋ္ဌတာဝန်ယူဖို့ ၂၀၀၆ ခုနှစ်မှာ အလှည့်ကျခဲ့ပေမဲ့ နိုင်ငံတကာဖိအားကြောင့် အဲဒီအချိန်က တာဝန် မယူဘဲ အလှည့်ကျော် ပေးခဲ့ပါတယ်။
နိုင်ငံအက္ခရာစဉ်အရဆိုရင် ၂၀၁၄ ခုနှစ် အလှည့်ကျဥက္ကဋ္ဌအဖြစ် လာအိုနိုင်ငံက တာဝန်ယူရမှာ ဖြစ်ပေမဲ့ မြန်မာနိုင်ငံက ဥက္ကဋ္ဌ တာဝန်ယူဖို့ အဆင်သင့်ဖြစ်ပြီဆိုပြီး တင်ပြခဲ့ပြီးတဲ့နောက် အာဆီယံ နိုင်ငံတွေအကြား ပြောဆို ဆွေးနွေးတာတွေ၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် မြန်မာနိုင်ငံတွင်းက လူပုဂ္ဂိုလ် အဖွဲ့အစည်းတွေရဲ့ သဘောထားတွေကို လက်ရှိ အလှည့်ကျဥက္ကဋ္ဌ အင်ဒိုနီးရှားနိုင်ငံက ရယူခဲ့တာ ဖြစ်ပါတယ်။
အာဆီယံဥက္ကဋ္ဌတာဝန်ထမ်းဆောင်တဲ့ နိုင်ငံအနေနဲ့ အာဆီယံထိပ်သီး အစည်းအဝေး၊ မိတ်ဘက် နိုင်ငံတွေနဲ့ အစည်းအဝေး စတာတွေကို အိမ်ရှင်အဖြစ် လက်ခံ ကျင်းပရမှာ ဖြစ်ပါတယ်။
Ref: VOA News
အပြောင်းအလဲတွေလေ့လာဖို့ ဗြိတိန်ဝန်ကြီး မြန်မာနိုင်ငံရောက်
ဒေါ်ခင်မျိုးသက်
အင်္ဂါ, 15 နိုဝင်ဘာ 2011
မြန်မာအစိုးရသစ်လက်ထက်မှာ ဖေါ်ဆောင်နေတဲ့ ပြုပြင်ပြောင်းလဲမှုတွေကို ဆန်းစစ်လေ့လာဖို့ အတွက် ဗြိတိန်နိုင်ငံ၊ အပြည်ပြည် ဆိုင်ရာ ဖွံ့ဖြိုး တိုးတက်ရေးဝန်ကြီး Andrew Mitchell ဟာ မြန်မာနိုင်ငံကို အင်္ဂါနေ့မှာ စတင် ရောက်ရှိနေပါတယ်။
တချိန်ထဲမှာပဲ သူရဲ့ မြန်မာနိုင်ငံ ၃ ရက်ကြာခရီးစဉ် အတွင်း မြန်မာနိုင်ငံ၊ ဖွံ့ဖြိုးတိုးတက်ရေး ဆိုင်ရာ ဆွေးနွေးမှုတွေ ပြုလုပ်ဖို့ရှိတဲ့ အတွက် မြန်မာနိုင်ငံထဲက တကယ် လိုအပ်နေတဲ့ ဒုက္ခသည်တွေဆီ အကူညီတွေရောက်ဖို့ပါ သေချာအောင် လုပ်ဆောင်သင့်တယ်လို့ ဗြိတိန်နိုင်ငံ အခြေစိုက် မြန်မာ့အရေး လှုပ်ရှားနေတဲ့ Burma Campaign UK အဖွဲ့ကြီးက တောင်းဆို လိုက်ပါတယ်။ အပြည့်အစုံကို ဒေါ်ခင်မျိုးသက်က တင်ပြထားပါတယ်။
ဝန်ကြီး အန်ဒရူးမစ်ချဲလ်ဟာ အင်္ဂါနေ့မှာ မြန်မာနိုင်ငံကိုရောက်ရှိလာပြီး နေပြည်တော်မှာ သမ္မတ ဦးသိန်းစိန်နဲ့ ပြည်ထောင်စု လွှတ်တော် ဥက္ကဋ္ဌ သူရ ဦးရွှေမန်း အပါအ၀င် အစိုးရ ထိပ်တန်း တာဝန်ရှိသူတွေနဲ့ တွေ့ဆုံခဲ့ပါတယ်။
တကယ်လို့ မြန်မာနိုင်ငံမှာ နိုင်ငံရေး အကျဉ်းသားအားလုံးပြန်လွှတ်ပေးတာနဲ့ ဒီမိုကရေစီလမ်းကြောင်းပေါ် ဦးတည်တဲ့ နိုင်ငံရေး လမ်းကြောင်းမှာ ဒေါ်အောင်ဆန်းစုကြည် ပါဝင်စေတာမျိုး မြန်မာ အစိုးရ အဖွဲ့ဘက်က လုပ်ဆောင်လာမယ် ဆိုရင် ဗြိတိန်နိုင်ငံက စီးပွားရေး ပိတ်ဆို့ အရေးယူထားမှုတွေ ဖြေလျှော့ပေးဖို့နဲ့ မြန်မာနိုင်ငံ တိုးတက် ဖွံ့ဖြိုးရေး အတွက် ကူညီ ထောက်ပံ့မှုတွေ တိုးပေးဖို့ ဗြိတိန်နိုင်ငံက အသင့်ပဲလို့ ၀န်ကြီး မစ်ချဲလ်က သမ္မတ ဦးသိန်းစိန်ကို ပြောကြားခဲ့ကြောင်း ဗြိတိန်နိုင်ငံထုတ် The Telegraph တယ်လီဂရပ်ဖ် သတင်းမှာ ဖော်ပြထားပါတယ်။
ဗြိတိန်နိုင်ငံအခြေစိုက် မြန်မာ့အရေးလှုပ်ရှားတဲ့ Burma Campaign UK အဖွဲ့ ဒါရိုက်တာ Mark Farmaner ကတော့ ၀န်ကြီး မစ်ချဲလ် မြန်မာနိုင်ငံကို မသွားခင် မြန်မာ အစိုးရသစ် အဖွဲ့ရဲ့လုပ်ဆောင်မှုတွေကို လက်တွေ့ လေ့လာ ဆန်းစစ်ပြီးမှ အပြောင်းအလဲတွေ တကယ်ရှိမရှိ ဆုံးဖြတ်မယ်လို့ ပြောဆိုခဲ့တယ်လို့ ဆိုပါတယ်။
“ သူပြောခဲ့တဲ့ စကားတွေထဲက အရေးကြီးတဲ့စကားတခွန်းက မြန်မာအစိုးရနဲ့ အရင်ဆက်ဆံခဲ့တဲ့ အတွေ့အကြုံတွေ အရ ဆိုရင် သူတို့ ပြောစကားတွေကို မယုံသင့်တဲ့ အတွက် သူတို့ရဲ့အပြောထက် လက်တွေ့ လုပ်ဆောင်ပြတာကို ကြည့်ပြီးမှ ကိုယ်တိုင် ဆုံးဖြတ်မှာပါလို့ ပြောခဲ့တာပါ။ ဒါ့ပြင် အခုထိ သူတို့ လုပ်ဆောင်မှုတွေ အရဆိုရင် sanction နဲ့ အရေးယူမှုတွေ ရုပ်သိမ်း ပေးရလောက်အောင် တကယ်စစ်မှန်တဲ့ ပြောင်းလဲမှုတွေ ဖြစ်လာဖို့က သိပ်ကို လိုနေ ပါသေးတယ်လို့လည်း ပြောပါတယ်”
မြန်မာနိုင်ငံမှာ ဒေါ်အောင်ဆန်းစုကြည်ကို နေအိမ်အကျယ်ချုပ်ကနေ လွှတ်ပေးတာနဲ့ နိုင်ငံရေး အကျဉ်းသား တချို့ကို လွှတ်ပေးတာ အပြင် လွတ်လပ်စွာ ထုတ်ဖော်ပြောဆိုမှုတချို့ကို ခွင့်ပြုခဲ့တာတွေ ရှိခဲ့ပေမယ့် တကယ်စစ်မှန်တဲ့ ပြောင်းလဲမှုတွေ လုပ်ဖို့ လိုနေ သေးတယ်လို့ ဆိုပါတယ်။
“ မြန်မာနိုင်ငံမှာ နိုင်ငံရေးအကျဉ်းသားအားလုံးကို လွှတ်ပေးတာ မြင်ချင်တယ်လို့လည်း သူကပြောပါတယ်။ နောက် တိုင်းရင်းသား ဒေသတွေမှာ ဖြစ်ပွားနေတဲ့ တိုက်ပွဲတွေ ရပ်ဆိုင်းဖို့နဲ့ မြန်မာနိုင်ငံမှာ ဒီမိုကရေစီရေး ပြုပြင် ပြောင်းလဲမှုတွေ အခုလောက်နဲ့ မလုံလောက် သေးဘူးဆိုတဲ့ အကြောင်း မြန်မာ အာဏာပိုင်တွေ သိအောင် ပြင်းပြင်းထန်ထန် ပြောကြားမှာဖြစ်ပြီး တကယ်လို့ အရေးယူ ဒဏ်ခတ်မှုတွေ ဖယ်ရှားပေးစေချင်ရင် တကယ်စစ်မှန်တဲ့ ပြောင်းလဲမှုတွေ လုပ်ဖို့ တိုက်တွန်းမယ် လို့လည်း မစ္စတာ မစ်ချဲလ်ကပြောပါတယ်”
လက်ရှိမှာ မြန်မာနိုင်ငံတွင်း တိုင်းရင်းသားဒေသတွေမှာ တိုက်ပွဲတွေ ဖြစ်ပွားနေတာမို့ ဒုက္ခသည်အရေအတွက်ဟာ အရင်ကထက် ၂ ဆ များလာတာ တွေ့ရပေမယ့် ဗြိတိန်နိုင်ငံက အကူအညီထပ် တိုးပေးတာမျိုး မရှိသေးဘူးလို့ ဆိုပါတယ်။ အကယ်လို့ ထောက်ပံ့ ကူညီမှုတွေ ပေးမယ်ဆိုရင်လည်း တကယ့် ဒုက္ခသည်တွေဆီ ရောက်အောင် လုပ်ပေးဖို့လည်း တောင်းဆို လိုက်ပါတယ်။
“ Andrew Mitchell ဟာ မြန်မာနိုင်ငံအတွက် ကူညီထောက်ပံ့မှုတွေပေးရာမှာ တာဝန်ရှိသူ ၀န်ကြီးတဦးပါ။ သူဟာ ဗြိတိန်နိုင်ငံရဲ့ နိုင်ငံတကာ ဖွံ့ဖြိုး တိုးတက်ရေး ဆိုင်ရာကူညီမှုတွေကို ကိုင်တွယ်သူမို့ အခု မြန်မာနိုင်ငံကို ကူညီထောက်ပံ့မှုတွေ ပေးမယ်ဆိုရင် တကယ် လိုအပ်နေတဲ့ သူတွေဆီရောက်မရောက် သေချာအောင် လုပ်ဖို့ လိုပါတယ်”
ပြီးခဲ့တဲ့နှစ်ထဲမှာ ကရင်ပြည်နယ်၊ ရှမ်းပြည်နယ်နဲ့ ကချင်ပြည်နယ်တွေမှာ တိုင်းရင်းသားတွေနဲ့ အပစ်အခတ် ရပ်စဲ ထားတာကို ချိုးဖောက်ပြီး မြန်မာ အစိုးရဘက်က စစ်ရေး တိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးခဲ့ကြရတဲ့ ဒုက္ခသည်ပေါင်း ၁ သိန်းခွဲလောက် ရှိလာခဲ့တာမို့ ဒီဒုက္ခသည်တွေ အတွက် ဗြိတိန်နိုင်ငံရဲ့ အကူညီ တိုက်ရိုက်ပေးခွင့် မရခဲ့ရင် နယ်စပ် ကျော်ဖြတ်ပြီး အိမ်နီးချင်း နိုင်ငံတွေကနေ တဆင့် ကုလသမဂ္ဂ အကူအညီနဲ့ ပေးအပ်ဖို့လည်း တောင်းဆိုခဲ့တာပါ။
ဝန်ကြီးမစ်ချဲလ်ဟာ မြန်မာ့အရေးကို တစိုက်မတ်မတ် လုပ်ဆောင်ခဲ့သူမို့ အခုလည်း မြန်မာနိုင်ငံက ဒုက္ခသည်တွေကို ထဲထဲဝင်ဝင် ကူညီနိုင်မယ်လို့ မျှော်လင့် ထားကြောင်းလည်း ပြောပါတယ်။
“Andrew Mitchell ဟာ မြန်မာ့အရေးကို အရင်နှစ်ပေါင်းများစွာကတည်းက စိတ်ဝင်စားခဲ့သူပါ။ လွန်ခဲ့တဲ့နှစ် သိပ်မကြာခင်ကပဲ သူ မြန်မာနိုင်ငံကို သွားခဲ့ ပါသေးတယ်။ အဲဒီတုန်းက ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်နဲ့ တွေ့ဆုံခဲ့သူပါ။ သူဟာ မြန်မာနိုင်ငံ၊ ကရင်ပြည်နယ်ထဲက တိုက်ပွဲတွေ ဖြစ်နေတဲ့ နေရာကိုလည်း ကိုယ်တိုင် လေ့လာဖို့ သွားရောက် ခဲ့သူမို့ပါ”
မစ္စတာ မစ်ချဲလ်ဟာ နိုဝင်ဘာလ ၁၇ ရက်နေ့မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ ဒေါ်အောင်ဆန်းစုကြည်ရဲ့ လက်ထောက် တဦးဖြစ်သူ ဦးခွန်သာမြင့်က VOA ကိုအတည်ပြုပြောဆိုပါတယ်။
Ref: VOA News
မြန်မာ့ ရေနံ၊ သဘာဝဓာတ်ငွေ့ ကဏ္ဍတွင် ပြန်လည်ရင်းနှီးရန် Shell စဉ်းစား
သောမတ်စ်မောင်ရွှေ
အင်္ဂါနေ့၊ နိုဝင်ဘာလ ၁၅ ရက် ၂၀၁၁
ချင်းမိုင် (မဇ္ဈိမ) ။ ။ မြန်မာနိုင်ငံတွင် ရေနံနှင့် သဘာဝဓာတ်ငွေ့ ရှာဖွေမှုကို ၁၈ နှစ်ကျော် ရပ်ဆိုင်း ထားခဲ့သည့် အင်္ဂလန်-ဒတ်(ခ်ျ) နိုင်ငံတကာ ရေနံ ကုမ္ပဏီကြီး ဖြစ်သည့် Shell က ပြန်လည် ရင်းနှီးမြှပ်နှံရန် စဉ်းစားနေသည်ဟု ဘန်ကောက် အခြေစိုက် နေးရှင်း သတင်းစာတွင် လွန်ခဲ့သည့် တပတ်က ဖေါ်ပြခဲ့သည်။
Shell က ထိုင်းနိုင်ငံပိုင် ရေနံရှာဖွေရေးနှင့် ထုတ်လုပ်ရေး ကုမ္ပဏီဖြစ်သည့် PTTEP နှင့် အကျိုးတူပူးပေါင်းရန် စဉ်းစားလျက် ရှိနေပြီး မြန်မာနိုင်ငံ၏ ဖွံ့ဖြိုးလာသော ရေနံနှင့် သဘာဝ ဓာတ်ငွေ့ လုပ်ငန်းတွင် ပြန်လည်ဝင်ရောက် လုပ်ကိုင်ရန် ရည်ရွယ်ခြင်း ဖြစ်သည်ဟု သတင်းစာက ရေးသားသည်။
PTTEP အနေဖြင့် ယင်းတို့ပိုင်ဆိုင်သည့် မြန်မာနိုင်ငံအတွင်းရှိ ရေနက်ကမ်းလွန်လုပ်ကွက် M11 တွင် Shell ကုမ္ပဏီမှ ပူးပေါင်း ဆောင်ရွက်ရန်လည်း ကြိုးစားနေသည်။
သြဂုတ်လက PTTEP ဥက္ကဋ္ဌနှင့် အမှုဆောင် အရာရှိချုပ်ဖြစ်သူ Anon Sirisaengtaksin က ဘန်ကောက်ပို့စ် သတင်းစာသို့ ပြောကြား ရာတွင် M11 လုပ်ကွက် အနေအထား အရ ရှာဖွေရန်ခက်ခဲသည့် နေရာတွင် ရှိနေသဖြင့် အကျိုးတူ ပူးပေါင်း ဆောင်ရွက်ရန် ကုမ္ပဏီ တခု အလိုရှိနေသည်ဟု ဆိုခဲ့သည်။ “လုပ်ကွက်က ပင်လယ်ရေအောက် (၁) ကီလိုမီတာ အကွာမှာ ရှိနေပါတယ်။ ဒါကြောင့် ကျနော်တို့ အနေနဲ့ မိတ်ဖက် လိုအပ်ပါတယ်။” ဟု ပြောခဲ့သည်။
M11 လုပ်ကွက်သည် ၇,၂၇၈ စတုရန်း ကီလိုမီတာ ရှိပြီး ဧရာဝတီ မြစ်ဝကျွန်းပေါ် တောင်ဘက် မုတ္တမကွေ့တွင် တည်ရှိသည်။
Shell သည် ကမ်းလွန်ရေနံနှင့် သဘာဝဓာတ်ငွေ့ ရှာဖွေတူးဖော်ရေး ထိပ်တန်း ကုမ္ပဏီတခုဖြစ်ပြီး ယခုနှစ် အစောပိုင်းက PTTEP နှင့် အခြား နိုင်ငံတကာ ကုမ္ပဏီနှစ်ခုတို့ နယူးဇီလန်နိုင်ငံ၏ ရေနက် ကမ်းခြေရှိ ရေနံနှင့် သဘာဝဓာတ်ငွေ့ ထုတ်လုပ်ရေးတွင် ပါဝင် လုပ်ကိုင်ခဲ့သည်။
Shell ကုမ္ပဏီသည် ၁၉၈၉ ခုနှစ် အောက်တိုဘာလတွင် မြန်မာနိုင်ငံတွင် လုပ်ကိုင်ရန် လာရောက်ခဲ့ကာ ရေနံနှင့် သဘာဝ ဓာတ်ငွေ့ ရှာဖွေရေး အတွက် နဝတ အစိုးရနှင့် စာချုပ် ချုပ်ဆိုခဲ့သည်။
ထိုသို့ လုပ်ကိုင်ခဲ့သော်လည်း လေးနှစ် မပြည့်မီ ၁၉၉၃ ခုနှစ် မတ်လ၌ Shell ၏ မြန်မာပြည် ကုမ္ပဏီခွဲဖြစ်သည့် Myanmar Shell B.V ကုမ္ပဏီ တို့သည် ပဲခူးရိုးမ ဒေသရှိ ကုန်းတွင်း ရေနံရှာဖွေရေး လုပ်ငန်းမှ “ရလဒ် မကောင်းသည့် တူးဖော်တွေ့ရှိမှုများ” ကြောင့် ရှာဖွေ တူးဖော်ခြင်းများ ရပ်ဆိုင်းခဲ့သည်။
Shell ကုမ္ပဏီ ၁၉၉၃ ခုနှစ် မြန်မာနိုင်ငံမှ ထွက်ခွာသွားချိန်၌ Shell ကုမ္ပဏီနှင့် အခြား နိုင်ငံခြား ရေနံကုမ္ပဏီ ကိုး ခု တို့သည် မြန်မာ နိုင်ငံတွင် ရှာဖွေတူးဖော်မှုများ ပြုလုပ်ရန် စာချုပ်ချုပ်ရေး အတွက် နဝတ စစ်အစိုးရအား အမေရိကန် ဒေါ်လာ ငါးသန်း အပိုကြေး အဖြစ် ပေးခဲ့ရသည်ဟု Wall Street ဂျာနယ်တွင် ဖော်ပြခဲ့သည်။
Ref: မဇ္ဈိမ
မွန်ပြည်သစ် ခေါင်းဆောင်ဟောင်းများဖြင့် မွန်ပါတီကို အားဖြည့်မည်
ကွန်းချမ်း
အင်္ဂါနေ့၊ နိုဝင်ဘာလ ၁၅ ရက် ၂၀၁၁
ချင်းမိုင် (မဇ္ဈိမ) ။ ။ ဖျက်သိမ်းခံထားရသည့် နိုင်ငံရေးပါတီတခုဖြစ်သော မွန်အမျိုးသား ဒီမိုကရေစီ အဖွဲ့ (MNDF) သည် မွန်ပြည်သစ် ပါတီမှ ခေါင်းဆောင်ဟောင်း ရှစ် ဦးနှင့် အင်အားဖြည့်တင်းပြီး ပါတီ တောင့်တင်းအောင် လုပ်ဆောင်သွားမည်ဟု ပြောကြား လိုက်သည်။
“သူတို့က ကျနော်တို့ ပါတီရဲ့ အလံအောက်မှာလာပြီး ပူးပေါင်းဖို့ ကမ်းလှမ်းလာတာရှိတယ်။ ဒီလာမယ့် အစည်းအဝေး ကို တက်ရောက်ဖို့ သူတို့ကို ဖိတ်ထားပြီးပြီ။” ဟု MNDF အထွေထွေ အတွင်းရေးမှူး ဒေါက်တာမင်းစိုးလင်းက ပြော သည်။
လွန်ခဲ့သည့် လပိုင်းမှစ၍ မွန်ပြည်သစ်မှ အနားယူခဲ့သည့် ဗဟိုကော်မတီဟောင်းများ အစည်းအဝေးကို မွန်ပြည်နယ် တွင် ပုံမှန် ပြုလုပ် ခဲ့ပြီးနောက် နိုင်ငံရေး အခန်းကဏ္ဍတွင် ပါဝင် လှုပ်ရှားနိုင်ရန် အတွက် MNDF နှင့် ပူးပေါင်းရန် ဆုံးဖြတ်ခြင်း ဖြစ်ကြောင်း နီးစပ် သူများက ပြောသည်။
အဆိုပါ ရှစ် ဦး၏ အမည်များကို MNDF က ထုတ်ဖော်ပြောကြားခြင်း မရှိသေးသော်လည်း ယမန်နှစ်က မွန်ပြည်သစ် ပါတီမှ အနား ယူခဲ့သည့် တွဲဖက်အတွင်းရေးမှူးဟောင်း နိုင်ချမ်းတွဲ့ အပါအဝင် နိုင်လဝီမွန်၊ နိုင်ထောအိန်၊ နိုင်ဉာဏ်ထွန်း၊ နိုင်ကောတားနှင့် ၂ဝဝဝ ပြည့်နှစ်တွင် အနားယူခဲ့သည့် ဗဟိုအလုပ်အမှုဆောင် ကော်မတီဝင် နိုင်တင်အောင် စသည်တို့ ပါဝင်ကြောင်း MNDF နှင့် နီးစပ်သူများက ပြောသည်။
နိုဝင်ဘာလ ၂ဝ ရက်နေ့တွင် MNDF အစည်းတရပ်ကို မော်လမြိုင်မြို့တနေရာတွင် ကျင်းပမည် ဖြစ်ပြီး၊ မွန်ပြည်သစ် ပါတီ ခေါင်းဆောင် ဟောင်းများ၊ တတ်သိ ပညာရှင်များနှင့် အမျိုးသားရေး အခန်းကဏ္ဍတွင် လှုပ်ရှား နေသူများ စုစုပေါင်း ၅ဝ ကျော်ကို ဖိတ်ကြား ထားကာ အဖွဲ့ဝင်သစ်များကို လက်ခံခြင်းနှင့် ပါတီမှတ်ပုံတင်ခြင်း ကိစ္စကို ဆွေးနွေး သွားဖွယ် ရှိသည်ဟု ဒေါက်တာ မင်းစိုးလင်းက ပြောသည်။
“အဓိကက ပါတီ ခိုင်မာအောင် တည်ဆောက်ဖို့ပဲ အရင်ဆွေးနွေးမယ်။ အခုရန်ကုန်မှာ ရှိတဲ့ ကျနော်တို့ ခေါင်းဆောင် တွေလည်း တိုင်းရင်းသား ပါတီ၊ NLD (အမျိုးသား ဒီမိုကရေစီ အဖွဲ့ချုပ်) နဲ့ ဆွေးနွေးနေတယ်။ သူတို့ရဲ့ ဆုံးဖြတ်ချက်ကို သုံးသပ်ပြီး ကျနော်တို့ မှတ်ပုံတင် ကိစ္စကို ဆုံးဖြတ်သွားမှာပါ။” ဟု သူက ပြောသည်။
ဒေါ်အောင်ဆန်းစုကြည်ဦးဆောင်သော NLD တွင်လည်း ဗဟိုအစည်းအဝေးကို ၁၈ ရက်နေ့တွင် ကျင်းပကာ လာမည့် ကြားဖြတ် ရွေးကောက်ပွဲ မတိုင်မီ နိုင်ငံရေးပါတီ အဖြစ် မှတ်ပုံတင်၊ မတင် ဆုံးဖြတ်မည်ဖြစ်သည်။
စစ်တပ်ကို တိုင်းပြည်အုပ်ချုပ်ရေးတွင် ပါဝင်အောင် ပေးအပ်ထားသော အခြေခံဥပဒေအရ မှတ်ပုံ တင်ထားသည့် နိုင်ငံရေး ပါတီတခုသည် အနည်းဆုံး မဲဆန္ဒနယ် သုံးခုတွင် ဝင်ရောက် ယှဉ်ပြိုင်ရမည်ဖြစ်သည်။
လက်ရှိတွင် MNDF က NLD အပါအဝင် ပါတီတချို့နှင့် ပူးပေါင်းပြီး ပြည်သူ့လွှတ်တော် ကိုယ်စားပြုကော်မတီ CRPP တွင် လည်းကောင်း၊ စည်းလုံးညီညွတ်သော တိုင်းရင်းသား လူမျိုးစုများ မဟာမိတ်အဖွဲ့ UNA တွင်လည်းကောင်း လှုပ်ရှားလျက် ရှိသည်။
MNDF ကို ၁၉၈၈ ခုနှစ် အောက်တိုဘာလ ၁၁ ရက်နေ့၌ စတင်ဖွဲ့စည်းကာ ၁၉၉ဝ ရွေးကောက်ပွဲတွင် ကိုယ်စားလှယ် ၁၉ ဦး ဝင်ရောက် ယှဉ်ပြိုင်ခဲ့ပြီး ငါးနေရာ အနိုင်ရခဲ့သည်။ ထိုစဉ်က စစ်အစိုးရက ရွေးကောက်ပွဲရလဒ်ကို အသိအမှတ် ပြုရန် ငြင်းပယ် ခဲ့ပြီးနောက် ၁၉၉၁ ခုနှစ်တွင် ပါတီခေါင်းဆောင်များ ဖမ်းဆီးခံရကာ မွန်ပြည်နယ်နေ့ ဖြစ်သည့် ၁၉၉၂ မတ်လ ၁၉ ရက်နေ့တွင် ပါတီ ဖျက်သိမ်း ခံရသည်။
Ref: မဇ္ဈိမ
ကာချုပ်ရဲ့ ပထမဆုံးပြည်ပခရီးစဉ် ဗီယက်နမ်ကို ဘာလို့သွားတာလဲ
ရန်ပိုင်
November 15, 2011
တပ်မတော် ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်၏ ချစ်ကြည်ရေးခရီးစဉ်အဖြစ် ဗီယက်နမ် နိုင်ငံသို့ ယမန်နေ့ နံနက်က ထွက်ခွာသွားကြောင်း ယနေ့ထုတ် အစိုးရ သတင်းစာများတွင် ဖော်ပြထားသည်။
ဗိုလ်ချုပ်ကြီးမင်းအောင်လှိုင် ကာကွယ်ရေး ဦးစီးချုပ်တာဝန်ယူပြီးနောက်ပိုင်း ပထမဆုံးသွားရောက်သည့် ပြည်ပ ခရီးစဉ် ဖြစ်ပြီး ကာကွယ်ရေး ဦးစီးချုပ်ရုံး (ကြည်း) မှ ဒု ဗိုလ်ချုပ်ကြီး သောင်းအေး၊ ဒု ဗိုလ်ချုပ်ကြီး စိန်ဝင်း၊ အရှေ့အလယ်ပိုင်း စစ်ဌာနချုပ် တိုင်းမှူး ဗိုလ်မှူးချုပ် မြထွန်းဦး၊ အလယ်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ရဲအောင်နှင့် ကာကွယ်ရေး ဦးစီးချုပ်ရုံးမှ အရာရှိကြီးများ လိုက်ပါ သွားသည်ဟုလည်း သိရသည်။
လေ့လာသူများက စစ်အစိုးရ လက်ထက်တွင် ကာကွယ်ရေး ဦးစီးချုပ်များ အနေဖြင့် အိမ်နီးချင်း တရုတ်နိုင်ငံ သို့သာ အရင်ဆုံး သွားရောက်သော်လည်း ဗိုလ်ချုပ်ကြီးမင်းအောင်လှိုင် လက်ထက်တွင်မူ အာဆီယံ နိုင်ငံများထဲမှ ဗီယက်နမ်သို့ သွားရောက်ခြင်းသည် ထူးခြားသော ဖြစ်စဉ် တရပ်ဖြစ်ပြီး စစ်ရေးအရ ပူးပေါင်းဆောင်ရွက်မှု တရပ် ဖြစ်နိုင်သည်ဟု ပြောဆိုနေကြသည်။
မြန်မာ့ တပ်မတော်တွင် ကာကွယ်ရေး ဦးစီးချုပ်တာဝန်ယူခဲ့ဖူးသည့် ဗိုလ်ချုပ်ကြီဟောင်း ဦးတင်ဦးက ကချင်ပြည်နယ်၌ တည်ဆောက်နေသည့် မြစ်ဆုံ ရေအားလျှပ်စစ် စီမံကိန်းကို ရပ်ဆိုင်းပြီးနောက် တရုတ်- မြန်မာ ဆက်ဆံရေး အနည်းငယ် ယိုယွင်းသွား သည်ဟု ထင်မြင်ကြောင်း၊ ထိုကြောင့် ဗီယက်နမ် အပါအ၀င် အမေရိကန် စသည့်နိုင်ငံများနှင့် ဆက်ဆံရေး ပိုမို ကောင်းမွန်အောင် ကြိုးစားလာခြင်း ဖြစ်နိုင်ကြောင်း ပြောသည်။
“အရင်ကတော့ တရုတ်ကို သွားကြတယ်၊ အခုတော့ ဗီယက်နမ် စစ်တပ်က နယ်စပ်တလျောက်မှာ တရုတ်နဲ့ ဘယ်လို ဆက်ဆံ သလဲ ဆိုတာကို ချိန်ထိုးကြည်ဖို့ သွားလေ့လာတာလို့ ထင်တယ်” ဟု ၎င်းက ဆိုသည်။
ကွန်မြူနစ် ဗီယက်နမ်နိုင်ငံသည် တောင်တရုတ် ပင်လယ်အတွင်းရှိ စပါတလီကျွန်းစုများ ပိုင်ဆိုင်မှုနှင့် ပတ်သက်၍ တရုတ် နိုင်ငံနှင့် တင်းမာမှုများ ဖြစ်ခဲ့ပြီးနောက် အမေရိကန် နိုင်ငံနှင့် ပိုမိုနီးကပ်စွာ ဆက်ဆံခဲ့ပြီး အမေရိကန် လေယာဉ်တင် သင်္ဘောကြီးများနှင့် စစ်သင်္ဘောများမှာ ဗီယက်နမ် ဆိပ်ကမ်းများတွင် လာရောက်လည်ပတ် ဆိုက်ကပ်သည် အထိ တိုးတက်လာသည်။
ဝါရှင်တန် အခြေစိုက် ထောက်လှမ်းရေး ဗိုလ်မှူးဟောင်း ဦးအောင်လင်းထွဋ်ကမူ ဗိုလ်ချုပ်ကြီး မင်းအောင်လှိုင်သည် ဗီယက်နမ် ကာကွယ်ရေး ၀န်ကြီး၏ ဖိတ်ကြားချက် အရ တရားဝင် ခရီးစဉ် အဖြစ် သွားရောက်ခြင်း ဖြစ်သည်ဟု ဆိုသော်လည်း စစ်လက်နက် ပစ္စည်းနှင့် နည်းပညာပိုင်းတွင် အပြန်အလှန် ဖလှယ်ရန် သွားရောက်ခြင်းလည်း ဖြစ်နိုင်ကြောင်း ဧရာဝတီသို့ ပြောသည်။
“လိုက်သွားတဲ့သူတွေကို ကြည့်ရင် စစ်ရေးကိစ္စ၊ လက်နက်ကိစ္စ ဖြစ်ဖို့များတယ်။ တရုတ်ဒေသတွင်း အားကြီး လာတာကို တန်ပြန် ဖို့လည်း ဖြစ်နိုင်ပါတယ်။ စစ်ရေး မဟာမိတ် မဟုတ်တောင် အကြံဉာဏ်ယူတဲ့ သဘောပဲ” ဟု ၎င်းက ဆိုသည်။
မြန်မာနှင့် ဗီယက်နမ်နှစ်နိုင်ငံ တပ်မတော်များသည် အင်ဒိုချိုင်းနား စစ်ပွဲကာလ နယ်ချဲ့ဆန့်ကျင်ရေး၌ သဘောထားခြင်း တူညီခဲ့ပြီး ယခင် ကတည်းကပင် အပြန်အလှန် လေးစားစွာ ဆက်ဆံမှု ရှိခဲ့ကြောင်းလည်း ၎င်းက ဆက်ပြောသည်။
တရုတ် – မြန်မာနယ်စပ် စစ်ရေးလေ့လာသူ ဦးအောင်ကျော်ဇောကလည်း “အာဆီယံထဲမှာ ဗီယက်နမ်က တရုတ်နဲ့ နယ်စပ်ခြင်း ကပ်နေပေမယ့် အဲဒီနှစ်နိုင်ငံက အဆင်မပြေဘူးလေ။ ဒါကြောင့် နိုင်ငံခြားရေး ပေါ်လစီအရ တရုတ်ကို ကစားဖို့ ဗီယက်နမ်ကို သွားတာပါ” ဟု သုံးသပ်သည်။
ဗီယက်နမ်နှင့် မြန်မာသည် စီးပွားရေးအရ ပူးပေါင်းဆောင်ရွက်မှုများကို ပိုမို လုပ်ဆောင်လာပြီး လေကြောင်းလိုင်း ပြေးဆွဲခြင်း၊ အထည်ချုပ် စက်ရုံများနှင့် ဘဏ်ခွဲများကို ရန်ကုန်မြို့၌ လာရောက် ရင်းနှီးမြုပ်နှံခြင်းများ ပိုမို တိုးမြင့် လုပ်ဆောင်လာသည်။
၁၉၄၈ ခုနှစ် လွတ်လပ်ရေးရပြီးနောက် ဖဆပလ အစိုးရက ဦးချစ်လှိုင် (စာရေးဆရာ ကိုကိုမောင်ကြီး)၊ ကိုသန်း (ကြည်မြင်တိုင်)၊ ဗိုလ်ဘုန်းအောင်၊ ဦးဘသိန်းဇံတို့ကို ဗီယက်နမ်သို့ စေလွှတ်ကာ နယ်ချဲ့ တော်လှန်ရေးကို ကူညီခဲ့ဖူးသည်။
ဗိုလ်ချုပ်ကြီးမင်းအောင်လှိုင်က ဗီယက်နမ်နိုင်ငံသို့ ယမန်နေ့က သွားရောက်ခဲ့ပြီး တိုက်ဆိုင်စွာပင် ယနေ့၌ မြန်မာနိုင်ငံအား ၂၀၁၄ ခုနှစ် အာဆီယံ ဥက္ကဋ္ဌရာထူး ပေးအပ်ရန် အာဆီယံ နိုင်ငံခြားရေး ဝန်ကြီးများက ထောက်ခံလိုက်ကြောင်း ကြားသိရသည်။
အလားတူ မြန်မာနိုင်ငံတွင်လည်း စစ်အစိုးရလက်ထက် အမေရိကန်နိုင်ငံနှင့် ဆက်ဆံရေး မပြေလည် ကြသော်လည်း သမ္မတ ဦးသိန်းစိန် လက်ထက်တွင် ဆက်ဆံရေး ကောင်းမွန်အောင် ကြိုးစားလာရာ အမေရိကန် အစိုးရ၏ ကိုယ်စားလှယ်များ မကြာခဏ လာရောက် သကဲ့သို့ မြန်မာအစိုးရ အဖွဲဝင်များလည်း အမေရိကန်သို့ သွားရောက် လည်ပတ်နေသည်။
ပြီးခဲ့သည် အောက်တိုဘာလက မြန်မာနိုင်ငံသို့ ရောက်ရှိလာသည့် အမေရိကန်အစိုးရ၏ အထူး ကိုယ်စားလှယ်နှင့် မူဝါဒရေးရာ ညှိနှိုင်းရေးမှူး ဒဲရက်မစ်ချယ်နှင့် ဗိုလ်ချုပ်ကြီး မင်းအောင်လှိုင်တို့ တွေ့ဆုံကာ နှစ်နိုင်ငံ တပ်မတော်များ ပူးပေါင်းဆောင်ရွက်ရန် ကိစ္စရပ်များကို ဆွေးနွေးခဲကြောင်း အစိုးရသတင်း စာများ၏ ဖော်ပြချက်များ အရ သိရသည်။
Ref: ဧရာဝတီ
မန္တလေးဆန္ဒပြ သံဃာတော်များ နေရာပြောင်း၊ ဟောပြောမှု ဆက်လုပ်မည်ဆို
ကိုဝိုင်း
အင်္ဂါနေ့၊ နိုဝင်ဘာလ ၁၅ ရက် ၂၀၁၁
ချင်းမိုင် (မဇ္ဈိမ) ။ ။ မစိုးရိမ်တိုက်ဟောင်း အတွင်းသို့ ညနေပိုင်းတွင် ပြောင်းရွှေ့သွားခဲ့သော နိုင်ငံရေး အကျဉ်းသားများ လွှတ်ပေးရေးနှင့် ပြည်တွင်းစစ် ရပ်စဲရေး ဆန္ဒပြ တောင်းဆိုသော သံဃာတော် ငါးပါးက ဗုဒ္ဓဟူးနေ့ တွင် ဟောပြောမှု ဆက်လက် လုပ်ဆောင်မည်ဟု ပရိတ်သတ်ကို ကြေညာသွားခဲ့သည်။
ဆန္ဒပြသံဃာများဖြစ်သည့် ဦးသောပါက၊ ဦးမာဃ၊ ဦးစန္ဒိမာ၊ ဦးဘိန္ဓောလ၊ ဦးဇောတိပါလ တို့နှင့် မန္တလေးတိုင်း သံဃာ့ မဟာနာယက ဥက္ကဋ္ဌ ဆရာတော်ကြီး၊ မြို့နယ်/တိုင်း အာဏာပိုင်များ အကြား ညှိနှိုင်းပြီးနောက် မန္တလေးမြို့ မဟာမြတ်မုနိ ဘုရားဝင်း အတွင်းရှိ မဟာဗုဒ္ဓဝင် ဗိမ္မာန်မှ မစိုးရိမ် ကျောင်းတိုက်ဟောင်းသို့ ပြောင်းရွှေ့ ဟောပြောခွင့် ရသွားသည်။
တောင်းဆိုချက်များကို နိုင်ငံတော်သံဃာ့ မဟာနာယက အထိ အဆင့်ဆင့် တင်ပြသွားမည်ဟု ဥက္ကဋ္ဌ ဆရာတော် ထံမှ ကတိရ ခဲ့သည်ဟု ဒေသခံများက ပြောသည်။
“မနက်ဖြန်ကို တနာရီကိုစမယ်လို့ ချိန်းထားတယ်။ ကျောင်းထဲ မှာပဲ ပြောစရာရှိတာကို ပြည်သူကိုပြောပါ။ ငြိမ်းငြိမ်းချမ်းချမ်း ဖြစ်ဖို့ကိုတော့ ဆရာတော်ကြီးတွေက အထူး မေတ္တာရပ်ခံတယ်။” ဟု မြို့ခံတဦးက ပြောသည်။
ဆန္ဒပြသံဃာများက မဟာအောင်မြေမြို့နယ်ထဲတွင်ပင် ရှိသော နေရာသစ်တွင် ရွှေ့ပြောင်း ဟောကြားမည် ဆိုသဖြင့် လူပရိသတ် ၃၀၀ ကျော်က ကား၊ ဆိုင်ကယ်များဖြင့် လိုက်ပါ သွားခဲ့သေးသည်။ သို့သော် အာဏာပိုင်များနှင့် ဆက်လက် ညှိနှိုင်းကြပြီးနောက် ဟောပြောမှုကို မနက်ဖြန်တွင် ပြုလုပ်ရန် ရွှေ့ဆိုင်းလိုက်ခြင်း ဖြစ်သည်။
အင်္ဂါနေ့နံနက် ငါးနာရီကျော်က စတင်ပြီး မဟာဗုဒ္ဓဝင်ဗိမာန်တော် အပြင်ဘက်နံရံတွင် “နိုင်ငံရေး အကျဉ်းသားများ ချက်ချင်းလွှတ်”၊ “ပြည်တွင်းစစ် ချက်ချင်းရပ်”၊ “လွတ်လပ်မှုကို ပေးပါ” ဆိုသော စာတမ်းများ ချိတ်ဆွဲကာ ဗိမာန်တော်အတွင်း ဝင်ရောက် ဆန္ဒပြခဲ့သည်။ လက်ကိုင် အသံချဲ့စက်မှလည်း ဆန္ဒပြရခြင်းနှင့် တောင်းဆိုချက်များ ကို ဟောပြောမှုပြုလုပ်ရာ လာရောက် နားထောင်သူ ငါးရာနီးပါးပင် ရှိခဲ့သည်ဟု ဒေသခံများက ပြောသည်။
ဆန္ဒပြသံဃာတော်တို့က ရန်ကုန်ရှိ အတိုက်အခံခေါင်းဆောင် ဒေါ်အောင်ဆန်းစုကြည်နှင့် တယ်လီဖုန်းမှတဆင့် စကား ပြောလိုသည်ဟု တောင်းခံ ခဲ့သော်လည်း ယခု သတင်းပေးပို့ချိန် အထိ အဆက်အသွယ် မရကြောင်း သိရသည်။
မန္တလေးရှိ သံဃာတော်များ အဆိုအရ ဦးသောပါကမှာ ဂျာမဏီနိုင်ငံတွင် နိုင်ငံရေး ခိုလှုံခွင့်ဖြင့် သီတင်းသုံးခဲ့သော ရဟန်းတပါး ဖြစ်ပြီး ၂၀၀၇ ခုနှစ် မတ်လအတွင်း ထိုင်းနိုင်ငံ ဘန်ကောက်မြို့မှ နယ်စပ်မြို့ မဲဆောက်အထိ မြန်မာနိုင်ငံ ငြိမ်းချမ်းရေး အတွက် လမ်းလျှောက် ဆန္ဒပြခဲ့သူ ဖြစ်သည်။ ထိုင်းနိုင်ငံရှိ မြန်မာ သံရုံးရှေ့တွင်လည်း အစာငတ်ခံ ဆန္ဒပြရာ ထိုင်းရဲများက တားဆီးခြင်း ခံရဖူးသည့် ဆရာတော်ဖြစ်သည်။
သမ္မတ ဦးသိန်းစိန်က မေလအတွင်း ထောင်ဒဏ် လျှော့ပေးရာတွင် သံဃာသုံးပါး၊ အောက်တိုဘာလ လွတ်ငြိမ်း ချမ်းသာခွင့်တွင် ၂၉ ပါး လွတ်မြောက် လာသော်လည်း မြန်မာနိုင်ငံ အနှံ့ ထောင်များတွင် သံဃာတော် ၁၇၆ ပါး ဆက်လျက် အကျဉ်းကျ နေသေးသည်ဟု နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) က ပြောသည်။
Ref: မဇ္ဈိမ
မြစ်ကြီးနား ဗုံးပေါက်ကွဲမှု ဖြစ်သည့် နေအိမ်ပိုင်ရှင်ကို ရဲစစ်ဆေး
ဖနိဒါ
အင်္ဂါနေ့၊ နိုဝင်ဘာလ ၁၅ ရက် ၂၀၁၁
ချင်းမိုင်(မဇ္စျိမ) ။ ။ မြစ်ကြီးနားမြို့ရှိ မိဘမဲ့ကလေးများကို စောင့်ရှောက်ထားသည့် နေအိမ်တွင် ဗုံးပေါက်ကွဲမှု ဖြစ်ပွား ပြီးနောက် အိမ်ရှင်ဖြစ်သူ ဦးဒယောင်တန်ဂွန်းကို မြစ်ကြီးနား အမှတ် (၁) ရဲစခန်းတွင် ထိန်းသိမ်းကာ စစ်ဆေး လျက် ရှိသည်ဟု သူ၏ မိတ်ဆွေများက ပြောသည်။
အသက် ၄၈ နှစ် ဝန်းကျင်အရွယ် ဦးဒယောင်တန်ဂွန်းကို စစ်ကိုင်းတိုင်း ကသာမြို့ ရဲတပ်ဖွဲ့က ဖမ်းဆီးခဲ့ပြီး မိုးညှင်း မြို့နယ် ရဲစခန်းမှ တဆင့် မြစ်ကြီးနား ရဲတပ်ဖွဲ့ထံ ပြန်လည် လွဲပြောင်းပေးရာက အင်္ဂါနေ့ နံနက် ၅ နာရီခန့်တွင် မြစ်ကြီးနားမြို့သို့ ကားဖြင့် ရောက်ရှိလာခဲ့သည်။
လူ ၁၀ ဦးသေဆုံးပြီး ၂၇ ဦးဒဏ်ရာရသော ဗုံးပေါက်ကွဲမှုနှင့် မီးလောင်ကျွမ်းမှု ဖြစ်ပွားခဲ့စဉ်က ဦးဒယောင်တန်ဂွန်းမှာ လွတ်လပ်သော ခရစ်ယာန် အသင်းတော်မှ သင်းအုပ် ဆရာများနှင့်အတူ သာသနာပြု ခရီး ထွက်လျက်ရှိသည်ဟု ဆိုသည်။
“သူကို ခြေချင်းခတ်ပြီးတော့ ခေါ်လာတယ်။” ဟု သူ၏ မိတ်ဆွေက မဇ္ဈိမသို့ ပြောသည်။
“သူတို့က (အစိုးရက) သူ့အိမ်မှာ အဲဒီလိုဖြစ်တော့ သူက ဗုံးနဲ့ ပတ်သက်ပြီး သင်ပေးနေလား ဆိုတဲ့ပုံစံနဲ့ မသင်္ကာလို့ ဖမ်းထားတာပဲ။”ဟု ဆက်ပြောသည်။
တနင်္ဂနွေနေ့ညက မြစ်ကြီးနားမြို့ သီတာရပ်ကွက်ရှိ နေအိမ်တွင် ဗုံးပေါက်ကွဲမှုကြောင့် ဦးဒယောင်တန်ဂွန်း ၏ သားနှစ်ယောက်၊ မြေးတယောက်နှင့် မိဘမဲ့ကလေး လေးယောက်၊ စစ်ပြေးဒုက္ခသည် သုံးယောက် ကွယ်လွန်ခဲ့ရာ အင်္ဂါနေ့တွင် တပ်ကုန်းရပ်ကွက် ရာဒါကောင်း (Rada Kawng) သင်္ချိုင်းတွင် မြေမြှုပ်သဂြုင်္ိဟ် ခဲ့သည်။
ပြင်းထန်သော ဗုံးပေါက်ကွဲမှုကြောင့် ခန္ဓာကိုယ် အစိတ်အပိုင်းများ လွှင့်စင် ထွက်လာခဲ့သည်ဟု အိမ်နီးချင်း များက ပြောသည်။ နေအိမ်အနောက်ဘက် လမ်းကြားမှ မော်တော်ဆိုင်ကယ်နှင့် လူနှစ်ဦး ရောက်ရှိလာပြီး ခြံဝင်းထဲသို့ အထုပ်တထုပ် ပစ်ချခဲ့ရာက ပေါက်ကွဲမှု ဖြစ်ခဲ့ခြင်းဟု ဒေသခံများ ယုံကြည်နေခဲ့ကြသည်။
ဒယောင်ဆိုင်းခွန် (၂၈ နှစ်)၊ ဒယောင် လှဆိုင်းလ (၂၂ နှစ်)၊ မဆိုင်းမိုင် (လေးနှစ်)၊ ဆန်လီအောင် (၁၉နှစ်)၊ ဂွမ်ဂျတ် (၁၈ နှစ်)၊ ဘရန်မိုင် (ခုနှနှစ်) ၊နော်နော် (ငါးနှစ်)၊ ဝိုင်းမော်မြို့နယ် ဂါးရားယန်ရွာမှ စစ်ပြေးဒုက္ခသည် ဒေါ်ခေါန်လွမ်း (၃၂ နှစ်)၊ မလုမိုင် (ငါးလသား)၊ မလုနန် (ငါးနှစ်)တို့ သေဆုံး ခဲ့ကြသည်။
ဒဏ်ရာရသူ ၂၇ ဦးတွင်လည်း ဦးဒယောင်တန်ဂွန်း၏ ဇနီးပါဝင်ပြီး မြစ်ကြီးနားဆေးရုံတွင် ဆေးကုသမှု ခံယူနေသည်။
မြန်မာနိုင်ငံ သိုင်းအဖွဲ့ချုပ်တွင် ဒိုင်လူကြီး တဦးလည်းဖြစ်သူ ဦးတန်ဂွန်းသည် လွန်ခဲ့သည့် ငါးနှစ်က ကချင်ရိုးရာ ယဉ်ကျေးမှု အဖွဲ့တွင် သိုင်းပညာနှင့် ဘင်ခရာ သင်တန်းနည်းပြ ဆရာ လုပ်ခဲ့ရာ "Jade Land Company" ပိုင်ရှင် ဦးရွပ်ဇော်ခေါင်က အထောက်အပံ့ ပေးထားသည်။ သို့သော် ၂၀၁၀ ခုနှစ်မှစတင်၍ မိဘမဲ့ကလေးများကို စောင့်ရှောက်၍ သီးသန့်နေထိုင်ခဲ့သည်ဟု သူ၏ မိတ်ဆွေတဦးက ပြောသည်။
သူ၏ ဘင်ခရာအဖွဲ့သည် မြစ်ကြီးနားမြို့ ပွဲလမ်းသဘင် အခမ်းအနားများတွင် အခကြေးငွေယူကာ တီးခတ်ပေးလေ့ ရှိသည်။
အစိုးရအာဘော် မြန်မာ့အလင်း သတင်းစာကတော့ နေအိမ်တွင်း မိုင်းကို ဖောက်ခွဲမှု ပြုလုပ်ရေး အတွက် ပြင်ဆင် ပြသနေစဉ် ပေါက်ကွဲမှု ဖြစ်ပွားခြင်းဟု စွပ်စွဲထားကာ ယခင်ရက်ပိုင်းက ပေါက်ကွဲမှုများနှင့် ဆက်စပ် နိုင်သည်ဟု ဆိုသည်။
အင်္ဂါနေ့ထုတ် မြန်မာ့အလင်း သတင်းစာက “ကချင်ပြည်နယ်အတွင်း ၂၀၁၀ ခုနှစ် ဇွန်လမှ နိုဝင်ဘာလ ၁၃ ရက်နေ့ ထိ ကချင် အမျိုးသား လွတ်မြောက်ရေး အဖွဲ့၏တပ် KIA မှ လုပ်ဆောင်ခဲ့သည်ဆိုသော တံတားဖျက်၊ မီးရှို့ဖျက်ဆီးမှု အကြိမ်များကိုလည်း ရေးသားထားသည်။
ထိုစာရင်းများအရ တံတားမိုင်းခွဲ ၁ဝ၅ ကြိမ်၊ ကားလမ်းမိုင်းခွဲ ကိုးကြိမ်၊ ရထားလမ်း မိုင်းခွဲ ၁၈ ကြိမ်၊ ယာဉ်/ယန္တယား မိုင်းခွဲ သုံးကြိမ်၊ အဆောက်အအုံ မိုင်းခွဲ ၁၃ အကြိမ်၊ ပစ်ခတ်/ဓါးဖြင့်ခုတ် ၃၁ ကြိမ်၊ မီးရှို့ဖျက်ဆီး ခြောက်ကြိမ်၊ ဖမ်းဆီးလူသစ်စု ၂၉၂ ဦး၊ KIA တိုက်ခိုက် ခံရ၍ အရပ်သား ထိခိုက်ဒဏ်ရာရ ၇၅ ဦး၊ သေဆုံးသူ ၃၃ ဦးနှင့် အဓမ္မ ဆက်ကြေးကောက်ခံမှု ခြောက်ကြိမ်ရှိသည်ဟု ပါရှိသည်။
သုံးကြိမ်တိုင် ဆွေးနွေးပြီး သဘောတူညီမှု မရဘဲ ဖြစ်နေသော KIO နှင့် အစိုးရတပ်များ တိုက်ပွဲများ ဖြစ်ပွားနေစဉ် မြစ်ကြီးနား မြို့တွင် ဗုံးပေါက်ကွဲမှုများ ဆက်တိုက် ဖြစ်ပွားနေခဲ့ပြီး ည ခုနှစ်နာရီ လောက်တွင်ပင် လူခြေ တိတ်လျက် ရှိသည်။
Ref: မဇ္ဈိမ
ရပ်/ကျေး ရွေးချယ်တင်မြှောက်ရေး ဥပဒေ မူကြမ်း အတည်ပြုတော့မည်
2011-11-15
လာမဲ့ သီတင်းပတ်အတွင်း အတည်ပြုတော့မဲ့ ရပ်/ကျေး ရွေးချယ်တင်မြှောက်ရေး ဥပဒေမူကြမ်းဟာ အောက်ခြေ ပြည်သူလူထုက တိုက်ရိုက် ရွေးကောက် တင်မြှောက်တဲ့စနစ် မဟုတ်ဘဲ အထက်ကနေ ခန့်အပ်တဲ့ စနစ်သာ ဖြစ်နေ သေးတယ်လို့ သိရပါတယ်။
နိုဝင်ဘာ ၂၄ ရက်မှာ ကျင်းပမဲ့ ပြည်ထောင်စုလွှတ်တော် အစည်းအဝေးကနေ ရပ်ကွက် ကျေးရွာ အုပ်ချုပ်ရေးမှူး ရွေးချယ်တဲ့ ဥပဒေမူ ကြမ်းကို အတည်ပြုဖို့ ရှိတယ်လို့ သိရပါတယ်။
အခု ပြဋ္ဌာန်းမဲ့ ရပ်/ကျေး ဥပဒေဟာ ကျေးရွာနဲ့ ရပ်ကွက် အုပ်ချုပ်ရေးမှူးတွေကို လုပ်ပိုင်ခွင့် အာဏာ ပေးအပ် ထားတာ များလွန်းတယ်လို့ အမျိုးသား ဒီမိုကရေစီ အင်အားစု ပါတီ NDF လွှတ်တော် အမတ် ဦးခိုင်မောင်ရီက ပြောပါတယ်။
မူကြမ်းမှာ ပါတာက ရပ်ကွက် ကျေးရွာ အုပ်ချုပ်ရေးမှူးကို ဆယ်အိမ်မှူးတွေက ရွေးချယ်ပေးရမှာ ဖြစ်ပြီး ဆယ်အိမ်မှူးတွေ ကိုတော့ ကျေးရွာ ရပ်ကွက် ရပ်မိရပ်ဖတွေက ရွေးချယ်ပေးရမှာ ဖြစ်ပါတယ်။ လွှတ်တော်တွေမှာ အရင်က ဆွေးနွေးခဲ့တဲ့ ဥပဒေမူကြမ်းမှာ ရပ်ကွက် ကျေးရွာ အုပ်ချုပ်ရေးမှူးဟာ မည်သည့်ပါတီဝင်မှ မဖြစ်စေရလို့ ပါပေမဲ့ အခုပြဋ္ဌာန်းမဲ့ မူကြမ်းမှာတော့ ပါတီဝင် ဖြစ်ခွင့်ရှိတယ် ဆိုတဲ့သဘော သက်ရောက်နေတယ်လို့ လွှတ်တော်အမတ် ဦးခိုင်မောင်ရီက ပြောပါတယ်။
ရပ်ကွက် ကျေးရွာ အုပ်ချုပ်ရေးမှူးတွေဟာ နိစ္စဓူဝ အုပ်ချုပ်ရေးကိစ္စ ဧည့်စာရင်းစစ်တဲ့ အလုပ်ကနေ လယ်ယာမြေ ပြဿနာမျိုး အထိ ပါဝင် ဆုံးဖြတ်ခွင့် ရှိသလို ရွေးကောက်ပွဲဆိုင်ရာ ကိစ္စတွေမှာလည်း အရေး ပါတယ်လို့ ပြောပါတယ်။
Ref: RFA News
Tuesday, November 15, 2011
မြန်မာ အလှည့်ကျဥက္ကဋ္ဌဖြစ်ရေး အာဆီယံတွင်း ထောက်ခံမှုတိုး
ဒေါ်ခင်မျိုးသက်
တနင်္လာ, 14 နိုဝင်ဘာ 2011
အင်ဒိုနီးရှားနိုင်ငံ ဘာလီကျွန်းမှာကျင်းပနေတဲ့ (၁၉) ကြိမ်မြောက် အာဆီယံထိပ်သီး ညီလာခံမှာ လာမယ့် ၂၀၁၄ ခုနှစ်မှာ မြန်မာ နိုင်ငံဟာ အာဆီယံ အလှည့်ကျ သဘာပတိ တာဝန်ယူခွင့် ရမလား မရဘူးလားဆိုတဲ့ အဖြေထွက်လာဖို့ ရှိနေပါတယ်။ မြန်မာနိုင်ငံ အာဆီယံ အလှည့်ကျ သဘာပတိ တာဝန်ယူဖို့ ကိစ္စနဲ့ ပတ်သက်ပြီးတော့ အာဆီယံ အတွင်းရေးမှူးချုပ် ဆူရင်းပစ်ဆူဝမ် အပါအ၀င် ဒေသတွင်း ခေါင်းဆောင်တချို့ရဲ့ အမြင် သဘောထားတွေကို ဒေါ်ခင်မျိုးသက် စုစည်း တင်ပြထားပါတယ်။
နိုဝင်ဘာလ ၁၇ ရက်ကနေ ၁၉ ရက်အတွင်းကျင်းပမယ့် (၁၉) ကြိမ်မြောက် အာဆီယံ ထိပ်သီး အစည်းအဝေးမှာ အာဆီယံ ခေါင်းဆောင်တွေဟာ သမ္မတ ဦးသိန်းစိန် တက်ရောက်ခဲ့တဲ့ (၁၈) ကြိမ်မြောက် အာဆီယံ အစည်းအဝေး တုန်းက မြန်မာနိုင်ငံက အဆိုပြုခဲ့တဲ့ ၂၀၁၄ ခုနှစ် အာဆီယံ အလှည့်ကျ သဘာပတိ နေရာယူရေးကိစ္စကို ဆွေးနွေးကြမှာ ဖြစ်ပါတယ်။ အာဆီယံ အလှည့်ကျ သဘာပတိ လုပ်ဖို့ အဆိုပြုခဲ့ပြီးတဲ့ နောက်ပိုင်း မြန်မာအစိုးရသစ် အဖွဲ့ဟာ ဒီမိုကရေစီရေး ပြောင်းလဲမှုတွေ လုပ်ပြလာခဲ့တာမို့ မြန်မာနိုင်ငံ အတွက် အခုလို ဆုပေးစနစ်မျိုးနဲ့ လုပ်ဆောင်နေတဲ့ အာဆီယံရဲ့ ချဉ်းကပ်မှုဟာ မှန်ကန်တယ်လို့ ထင်ပါသလား။ အာဆီယံအ တွင်းရေးမှူးချုပ် မစ္စတာ ဆူရင်း ပစ်ဆူဝမ်ရဲ့ အမြင်ကို ကြည့်ရအောင်ပါ။
“မြန်မာနိုင်ငံမှာ အပြုသဘောဆောင်တဲ့ အဆင့်ဆင့် ပြောင်းလဲမှုတွေဟာ အာဆီယံ အဖွဲ့ကြီးရဲ့ တိုက်တွန်း မှုကြောင့် ဖြစ်လာတာလို့ အတိုင်းအတာ တစ်ခု အနေနဲ့ အာဆီယံက ပြောနိုင်အား ရှိတယ်လို့ ကျနော် ထင်ပါတယ်။ မြန်မာနိုင်ငံ အတွက် အာဆီယံက ပံ့ပိုးမှုနဲ့ အားပေးခဲ့သလို တချို့နေရာတွေမှာ ပြောင်းလဲဖို့ လိုနေတယ်လို့ ဖိအားတွေလည်း ပေးခဲ့ပါတယ်။ အာဆီယံဟာ မြန်မာအတွက် အရေးပါသလို မြန်မာနိုင်ငံကလည်း အာဆီယံအတွက် သိပ်ကို အရေးပါတာကို မြန်မာနိုင်ငံ အာဆီယံ အလှည့်ကျ သဘာပတိ တာဝန်ယူရေးနဲ့ ပတ်သက်တဲ့ ဆွေးနွေးမှုတွေကနေ သိနိုင်ပါတယ်။ ဒါ့ကြောင့်လည်း မြန်မာနိုင်ငံ ကိုယ်တိုင်ကလည်း ပြုပြင် ပြောင်းလဲမှုတွေ အဆင့်ဆင့် လုပ်မယ်လို့ ကတိတွေ ပေးခဲ့တာပါ။ မြန်မာ အာဆီယံ အလှည့်ကျ သဘာပတိ လုပ်ဖို့အတွက် အာဆီယံ အဖွဲ့ဝင်တွေရဲ့အမြင် သဘောထားနဲ့ ဘယ်လို စဉ်းစားကြတယ် ဆိုတာကိုလည်း ကြည့်ရဦးမှာဖြစ်ပြီး အပြောင်းအလဲ ဖြစ်လာတာတွေ အတွက်ကတော့ အာဆီယံအဖွဲ့ကြီးရဲ့ တိုက်တွန်းမှုကြောင့် ဖြစ်လာတာလို့ ပြောနိုင်ပါတယ်။”
မြန်မာနိုင်ငံ အာဆီယံ အလှည့်ကျ သဘာပတိနေရာ ယူရေးအတွက် အသင့်ဖြစ်မဖြစ် သိရအောင် အောက်တိုဘာ လကုန်မှာ မြန်မာနိုင်ငံကို ကိုယ်တိုင် သွားရောက် စုံစမ်းလေ့လာခဲ့တဲ့ အာဆီယံ အလှည့်ကျ ဥက္ကဋ္ဌ အင်ဒိုနီးရှားနိုင်ငံ ခြားရေးဝန်ကြီး မာတီ နာတာလီဂါဝါ ကတော့ မြန်မာကို ၂၀၁၄ ခုနှစ် အာဆီယံ အလှည့်ကျ သဘာပတိရာထူး ပေးလိုက်ရင် ဒီမိုကရေစီရေး ပြုပြင် ပြောင်းလဲမှုတွေ ဒီထက်ပို တွေ့လာနိုင်တယ်လို့ ထင်မြင်ကြောင်း ပြောကြားခဲ့ပါတယ်။
မစ္စတာ ဆူရင်းပစ်ဆူဝမ်ကလည်း မြန်မာနိုင်ငံ ဒီမိုကရေစီရေး ပြောင်းမပြောင်း အငြင်းပွားစရာ မလိုဘူးလို့ ထင်မြင် ယူဆတဲ့ အပြင် မြန်မာဘက်က ပြုပြင် ပြောင်းလဲလာတဲ့ ခြေလှမ်းတွေကြောင့် စစ်တပ် ဦးဆောင်တဲ့ မြန်မာ အစိုးရအပေါ် အရေးယူ ဒဏ်ခတ်မှုတွေ ချမှတ်ထားတဲ့ အနောက်နိုင်ငံတွေ အနေနဲ့ ဒဏ်ခတ်ပိတ်ဆို့ အရေးယူမှုတချို့ပါ လျှော့ချပေးဖို့ ဒီအစည်းအဝေးတွင်း ပြောဆိုမယ်လို့ မျှော်လင့်ထားကြောင်း မစ္စတာ ဆူရင်းကပြောပါတယ်။
“ကျနော် မြင်ရသလို သတိထားမိရသလောက်ကတော့ မြန်မာနိုင်ငံတွင်း လက်ဆုပ်လက်ကိုင် ပြနိုင်လောက်တဲ့ ပြောင်းလဲမှုနဲ့ ပတ်သက်လို့ နိုင်ငံတကာ အသိုင်းအ၀ိုင်းက အသိအမှတ်ပြု လာနေကြပါပြီ။ နိုင်ငံတကာ အသိုင်းအ၀ိုင်း၊ အထူးသဖြင့် တကယ့်ကို ထဲထဲဝင်ဝင် စောင့်ကြည့်နေတဲ့ နိုင်ငံကြီးတွေ ဖြစ်ကြတဲ့ ဂျပန်၊ အမေရိကန်နဲ့ ဥရောပ နိုင်ငံတွေဘက်ကလည်း မြန်မာ အစိုးရရဲ့ ပြောင်းလဲမှုနဲ့အညီ ပြန်လည် တုံ့ပြန်သွားကြဖို့ ကျနော် မျှော်လင့်ပါတယ်။”
မြန်မာနိုင်ငံမှာ နိုင်ငံရေးအကျဉ်းသားတချို့ လွှတ်ပေးခဲ့တာအပါအ၀င် ဒီမိုကရေစီရေး ပြုပြင်မှု ခြေလှမ်းတွေနဲ့ ပတ်သက်ပြီး အမေရိကန် နိုင်ငံဘက်က ကြိုဆိုခဲ့ပေမဲ့ မြန်မာနိုင်ငံအပေါ် အရေးယူ ဒဏ်ခတ်မှုတွေ ရုတ်သိမ်းပေးရေး အတွက် နိုင်ငံရေး အကျဉ်းသား အားလုံးကို လွှတ်ပေးဖို့၊ မြန်မာ့ ဒီမိုကရေစီရေး ခေါင်းဆောင် ဒေါ်အောင်ဆန်းစုကြည်နဲ့ ဒီထက်ပိုပြီး အဓိပ္ပါယ်ရှိတဲ့ ဆွေးနွေးမှုတွေ လုပ်ဆောင်ဖို့လိုမျိုး ထင်သာတဲ့ လုပ်ဆောင်မှုတွေ ဆက်ပြီးလုပ်ဖို့အတွက် တိုက်တွန်းခဲ့ပါတယ်။
မြန်မာနိုင်ငံ ၂၀၁၄ ခုနှစ်မှာ အာဆီယံသဘာပတိနေရာ ယူရေးနဲ့ပတ်သက်ပြီး ဒေါ်အောင်ဆန်းစုကြည်ရဲ့ အမြင်ကတော့ -
“ကျမ အမြဲပြောနေတဲ့စကား ရှိပါတယ်။ မြန်မာနိုင်ငံ အာဆီယံအလှည့်ကျ သဘာပတိဖြစ်လာရေးထက် ပိုပြီး အရေးကြီးတာက မြန်မာနိုင်ငံတွင်း နေထိုင်ကြတဲ့ သူတွေရဲ့ လူမှုဘ၀ ထင်သာမြင်သာတဲ့ တိုးတက် မြင့်မားမှုတွေ ရှိလာဖို့၊ ဒါကိုပဲ ကျမက စိုးရိမ်ပါတယ်။” - လို့ ဗွီအိုအေ သတင်းထောက်ရဲ့အမေးကို ဒေါ်အောင်ဆန်းစုကြည်က ဖြေကြား သွားခဲ့ပါတယ်။
Ref: VOA News
တရားရေးမဏ္ဍိုင် သန့်ရှင်းမှု မရှိဟု ဒေါ်အောင်ဆန်းစုကြည်ပြော
မျိုးသိဏ်း
တနင်္လာနေ့၊ နိုဝင်ဘာလ ၁၄ ရက် ၂၀၁၁
ရန်ကုန် (မဇ္ဈိမ) ။ ။ လက်ရှိ မြန်မာနိုင်ငံ၏ တရားစီရင်ရေး မဏ္ဍိုင်သည် လွတ်လပ်သန့်ရှင်းမှု မရှိသေးဟု ဆိုရမည် ဖြစ်ကြောင်း တနင်္လာနေ့ မွန်းလွဲပိုင်းက အမျိုးသား ဒီမိုကရေစီ အဖွဲ့ချုပ်ရုံးတွင် ပြုလုပ်သည့် သတင်းစာ ရှင်းလင်းပွဲတွင် အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောဆိုသည်။
နေအိမ်အကျယ်ချုပ်မှ လွတ်မြောက်မှု တနှစ်တာကာလအတွင်း ဖြစ်စဉ်များအပေါ် ရှင်းလင်းသည့် သတင်းစာ ရှင်းလင်းပွဲ၌ တရား စီရင်ရေး မဏ္ဍိုင် လွတ်လပ် သန့်ရှင်းမှု ရှိ၊ မရှိ သတင်းထောက်တဦးက မေးမြန်းခဲ့ရာ နိုင်ငံရေး အကျဉ်းသားများ ရှိနေခြင်းကြောင့် သန့်ရှင်းသည့် တရားရေးမဏ္ဍိုင် မရှိဟု ဆိုရမည်ကြောင်း အမျိုးသား ဒီမိုကရေစီ အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည်က ပြောဆိုခဲ့ခြင်း ဖြစ်သည်။
“ပွင့်ပွင့်လင်းလင်း ပြောရမယ်ဆိုရင် အခုအများသိနေတဲ့ ကိစ္စ၊ နိုင်ငံရေး အကျဉ်းသားတွေ အကျဉ်းထောင်ထဲ ရောက်သွားတာ လွတ်လပ်ပြီး၊ တရားမျှတပြီး၊ သန့်ရှင်းတဲ့ တရားရေးမဏ္ဍိုင် မရှိလို့ပါပဲ။” ဟု သူက ပြောသည်။
ဥပဒေစိုးမိုးရေးအတွက် လွတ်လပ်၊ သန့်ရှင်းသည့် တရားစီရင်ရေးမဏ္ဍိုင် ရှိရေးသည် တိုင်းပြည်အတွက် အရေးကြီးကြောင်း ဒေါ်အောင်ဆန်းစုကြည်က ပြောဆိုပြီး တရားဥပဒေ စိုးမိုးမှုရှိသည့် နိုင်ငံများတွင် နိုင်ငံရေးအကျဉ်းသား မရှိကြောင်း၊ စီးပွားရေးအရ ရင်းနှီး မြှုတ်နှံမှုများ ဖိတ်ခေါ်လိုပါက တရားဥပဒေ စိုးမိုးရေး ရှိအောင် ဦးစွာ လုပ်ဆောင် ရမည် ဖြစ်ကြောင်း ပြောဆိုသည်။
“ကျမတို့နိုင်ငံမှာ အခုနှစ်အတွင်း အဖြစ်အပျက်တွေပေါ်မှ အခြေခံပီး အင်မတန်မှ အရေးကြီးတယ်လို့ မြင်တာက ဥပဒေ စိုးမိုးရေး ကိစ္စ။ လူ့အခွင့်အရေး ပတ်သက်လို့ပဲ ဖြစ်ဖြစ်၊ နိုင်ငံရေးအကျဉ်းသား ကိစ္စပဲ ဖြစ်ဖြစ်၊ ပြည်တွင်း ငြိမ်းချမ်းရေးကိစ္စ၊ စီးပွားရေး၊ လူမှုရေး တိုးတက်မှုနဲ့ ပတ်သက်လို့ပဲ ဖြစ်ဖြစ် ဥပဒေ စိုးမိုးရေး မရှိရင် စိတ်ချနိုင်မှာ မဟုတ်ပါဘူး။ နိုင်ငံရေးအကျဉ်းသား ဆိုတာ ဥပဒေ စိုးမိုးမှု ရှိတဲ့ နိုင်ငံတွေမှာ မရှိပါဘူး။”
နိုင်ငံရေး အကျဉ်းသား အားလုံး လွတ်မြောက်အောင် ဆက်လက် ဆောင်ရွက်သွားမည် ဖြစ်ပြီး နိုင်ငံရေး အကျဉ်းသား အားလုံး လွတ်မြောက်ရေးသည် အမျိုးသား ဒီမိုကရေစီအဖွဲ့ချုပ် သာမက ဒီမိုကရေစီ လိုလားသူ အားလုံး၏ ရည်မှန်းချက် ဖြစ်ကြောင်း ဒေါ်အောင်ဆန်းစုကြည်က ပြောဆို၍ အမျိုးသား ဒီမိုကရေစီ အဖွဲ့ချုပ်က နောက်ဆုံး ကောက်ယူထားသည့် စာရင်းများအရ နိုင်ငံရေး အကျဉ်းသား ၅၉၁ ယောက် ရှိကြောင်း ပြောဆို သွားသည်။
“တချို့စာရင်းတွေမှာ ၂၀၀၀ လောက်ရှိတယ်။ အဲ့ဒီအပြင်က ရတဲ့ စာရင်းတွေကို ကျမတို့ တတ်နိုင်သလောက် လိုက်ပီး စုံစမ်းတော့ စာရင်းတွေ ထဲမှာပါတဲ့ အကျဉ်းသားတချို့ဟာ လွတ်သွားတာ ကြာပြီဆိုတာ တွေ့ရပါတယ်။ ကျမတို့ အားလုံးတော့ တိတိကျကျ မစုံစမ်း နိုင်သေးပါဘူး။ ကျမတို့ ၅၉၁ ယောက်လို့ သတ်မှတ်ထားတာ သေသေချာချာ အကျဉ်းထောင်တွေထဲမှာ ရှိသေးတယ်တဲ့ လူတွေ ဖြစ်ပါတယ်။” ဟု ဒေါ်အောင်ဆန်းစုကြည်က ဆိုသည်။
သမ္မတ ဦးသိန်းစိန်သည် နိုင်ငံတိုးတက်မှုကို လိုလားသူဟု သူမအနေဖြင့် ယုံကြည်ကြောင်း ဒေါ်အောင်ဆန်းစုကြည် က ပြောဆိုပြီး ၁၉၉ဝ ရွေးကောက်ပွဲ ရလာဒ်ကို အသိအမှတ် ပြုကြောင်း အမျိုးသား လွှတ်တော်ဥက္ကဌ ဦးခင်အောင်မြင့်၏ ပြောဆိုမှုအပေါ် အပြုသဘော ဆောင်သည့် ပြောဆိုမှုဟု သူမက ဆိုသည်။
“ကျမတို့ ၁၉၉ဝ ရွေးကောက်ပွဲရဲ့ တရားဝင်မှု တရားမဝင်မှုကို ဘားမား ဂေဇက်ထဲမှာ ထည့်ပြီးသား ဆိုတော့ မေးခွန်း ထုတ်စရာ မရှိပါဘူး။ အခု လွှတ်တော် ဥက္ကဌက ဒီလို ၁၉၉၀ ရွေးကောက်ပွဲမှာ NLD နိုင်ခဲ့တယ် ဆိုတာ အသိအမှတ်ပြုတယ် ဆိုတာ ကောင်းပါတယ်။ ဒါ နိုင်ငံရေး လှုပ်ရှားမှုမှာ အားလုံး ပိုပြီးတော့ ပါဝင်လာအောင် ဦးတည်ပြောတယ် ဆိုတာလဲ ထင်ရှားပါတယ်။ သမိုင်းမှာ ဝင်တာပဲ ရှိပါတယ် ထားခဲ့တယ်ဆိုတာ မရှိပါဘူး။ ကျမတို့ ၁၉၉၀ ရွေးကောက်ပွဲမှာ နိုင်ခဲ့တယ်ဆိုတာ သမိုင်း ဝင်ခဲ့တာပါပဲ။” ဟု သတင်းစာ ရှင်းလင်းပွဲတွင် ပြောဆိုခဲ့သည်။
တိုင်းရင်းသား အရေးကိစ္စများနှင့် ပတ်သက်၍ ကချင်ပြည်နယ်တွင်း ဖြစ်ပေါ်နေသည့် တိုက်ပွဲများအပေါ် လွန်စွာ စိုးရိမ်မိကြောင်း၊ တိုင်းရင်းသား အရေး ပြေလည်မှု ရရှိနိုင်ရန် ရိုးသားပွင့်လင်းပြီး အမြင်ချင်း ဖလှယ်နိုင်မည့် တွေ့ဆုံ ဆွေးနွေးမှုမျိုး လိုအပ်ကြောင်း ဒေါ်အောင်ဆန်းစုကြည်က ဆိုသည်။
“ကျမတို့ နိုင်ငံမှာ အခု အားလုံးအတွက် စိတ်ပူစရာ စိတ်မအေးစရာ ဖြစ်နေတာက ပြည်တွင်း ငြိမ်းချမ်းရေး ကိစ္စပါပဲ။ အထူးသဖြင့် ကချင်ပြည်နယ်မှာ ဆိုလို့ရှိရင် တိုက်ခိုက်မှုတွေ ဖြစ်နေတာဟာ ကျမတို့ နိုင်ငံအတွက် အင်မတန်မှ စိုးရိမ်ဖွယ်ရာ ဝမ်းနည်းစရာ ကိစ္စ ဖြစ်ပါတယ်။” ဟု သူက ပြောသည်။
တနှစ်တာအတွင်း တိုးတက်မှုများ ရှိသော်လည်း လုံလောက်ပြီ၊ ကျေနပ်ပြီဟု မဆိုနိုင်ကြောင်းနှင့် တိုးတက်မှု ရှိ မရှိ ဆိုသည်ကို ကဏ္ဍအလိုက် ခွဲခြား ကြည့်ရှုရန်လိုကြောင်း ပြောဆိုပြီး သတင်းမီဒီယာလောက ဖွံဖြိုးလာမှုနှင့် သတင်းထောက် အရေအတွက် များပြားလာမှု အပေါ် ဥပမာ ပေးသွားသေးသည်။
“တိုးတက်မှုတွေအကြောင်းပြောရင် အားလုံးခြုံပြောမယ့် အစား တခုချင်း တခုချင်း ကြည့်စေချင်တယ်။ ဥပမာ- တချို့က ပြောကြတယ် ဖန်ခွက်က တဝက်လိုနေလား၊ တဝက်တောင် ရှိတယ်ပြောမလား၊ တဝက်ပဲ ရှိတယ် ပြောမလားပေါ့။ ကျမတို့က တဝက်ရှိတာတွေ တဝက် မရှိတာတွေထက် တိတိကျကျ ဘာရှိတယ် ဘာမရှိဘူးပဲ ကြည့်စေချင်ပါတယ်။”
အမျိုးသား ဒီမိုကရေစီအဖွဲ့ချုပ်ရုံးတွင် အင်္ဂလိပ်၊ မြန်မာနှစ်ဘာသာဖြင့် ပြောကြား သွားခဲ့သော သတင်းစာ ရှင်းလင်းပွဲသို့ ပြည်တွင်း၊ ပြည်ပ သတင်းဌာနများ အပြင် နိုင်ငံခြား သတင်းဌာနများမှ နိုင်ငံခြားသား သတင်းထောက်များ ၁၀၀ ကျော် လာရောက် သတင်း ယူခဲ့သည်။
ထိုစဉ်တွင် ရန်ကုန်မြို့ ဆိပ်ကမ်းသာမြို့နယ်တွင် တက်ကြွလှုပ်ရှားသူ လူငယ် Togetherness Education Network က “ ဒေါ်အောင်ဆန်း စုကြည်နှင့် သူ၏ နိုင်ငံရေး” ဆိုသော စကားဝိုင်းတခု ပြုလုပ်ခဲ့ကြောင်း အဖွဲ့ဝင် တဦးဖြစ်သူ ကိုသားသားက ပြောသည်။
အသက် ၁၇ နှစ်နှင့် ၂၃ နှစ်ရှိ တက္ကသိုလ် ကျောင်းသား/ ကျောင်းသူများ အပါအဝင် လူငယ် ၃၀ ကျော် တက်ရောက်ခဲ့ပြီး ဆွေးနွေးမှုတွင် အန်အယ်ဒီကို နိုင်ငံရေးပါတီ အဖြစ် မှတ်ပုံတင်သင့်၊ မတင်သင့်နှင့် ရွေးကောက်ပွဲ ဝင်ရေး၊ မဝင်ရေးတို့လည်း ပါဝင်ခဲ့သည်။
အပြောင်းအလဲ တခုဖြစ်စေနိုင်သော အန်အယ်ဒီ မှတ်ပုံတင်သင့်၊ မတင်သင့်နှင့် ပတ်သက်ပြီး နိုဝင်ဘာ ၁၈ ရက် နေ့တွင် ပါတီ ဌာနချုပ်တွင် ဗဟိုအစည်းအဝေး ခေါ်ကာ ဆုံးဖြတ်မှာ ဖြစ်သည်။
Ref: မဇ္ဈိမ
အပြောင်းအလဲတွေရှိပေမဲ့ နိုင်ငံရေးတိုးတက်အောင်လုပ်ဖို့ ဒေါ်စုတိုက်တွန်း
တနင်္လာ, 14 နိုဝင်ဘာ 2011
မြန်မာအစိုးရဟာ ပြုပြင်ပြောင်းလဲရေးအတွက် အပြုသဘောဆောင်လုပ်ရပ်တွေ လုပ်ခဲ့ပြီဖြစ်ပေမဲ့ အများကြီး ထပ်လုပ်ဖို့ လိုသေးတယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ နေအိမ် အကျယ်ချုပ်က လွတ်မြောက်ခဲ့တဲ့ တစ်နှစ်ပြည့် နှစ်ပတ်လည် အဖြစ် ဒီကနေ့လုပ်ခဲ့တဲ့ သတင်းစာ ရှင်းလင်းပွဲအတွင်း ဒေါ်အောင်ဆန်းစုကြည်က အဲဒီလို ပြောခဲ့တာပါ။
လွန်ခဲ့တဲ့တစ်နှစ်တာ ကာလက အဖြစ်အပျက်တွေနဲ့ ပြည့်နှက်နေခဲ့တဲ့ အင်အားတွေ တိုးစေတဲ့၊ အတိုင်းအတာ တစ်ခုအထိ အားတက်ဖွယ်ရာ ဖြစ်ခဲ့တဲ့ ကာလပါပဲလို့ ဒေါ်အောင်ဆန်းစုကြည်က ပြောပါတယ်။ ဒါပေမဲ့လည်း နိုင်ငံရေး အကျဉ်းသားတွေ လွတ်မြောက်ရေး၊ လူမျိုးစု တိုင်းရင်းသားတွေ အရေး၊ တရားဥပဒေ စိုးမိုးရေးနဲ့ လွတ်လပ်တဲ့ တရားရေးစနစ် ဖြစ်ပေါ်ရေး ဆိုင်ရာတွေ အပါအ၀င် အဓိကကျတဲ့ ကိစ္စရပ်တွေကို ကိုင်တွယ်ဖြေရှင်းဖို့ ရှိနေသေးတယ်လို့ ဆိုပါတယ်။
ဒီကနေ့ တနင်္လာနေ့မှာ အကျဉ်းသားတွေ လွတ်လာမယ်ဆိုပြီး ကောလာဟလတွေ ကျယ်ကျယ်ပြန့်ပြန့် ထွက်နေတာနဲ့ ပတ်သက် လို့တော့ သူဘာသတင်းမှ မရသေးပါဘူးလို့ ဒေါ်အောင်ဆန်းစုကြည်က ပြောခဲ့ပါတယ်။
Ref: VOA News
ကုလ အထူးအကြံပေး မြန်မာ့အရေး လုံခြုံရေးကောင်စီမှာ တင်ပြ
ဒေါ်လှလှသန်း
တနင်္လာ, 14 နိုဝင်ဘာ 2011
ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးဖြစ်တဲ့ မစ္စတာ ဗီဂျေးနမ်ဘီးယား (Vijay Nambiar) ဟာ မကြာသေးခင်က သူ့ရဲ့ မြန်မာနိုင်ငံ ခရီးစဉ်အတွင်း တွေ့မြင်ခဲ့ရတဲ့ ဖြစ်ပေါ် တိုးတက်မှုတွေကို မနေ့က နိုဝင်ဘာလ ၁၄ ရက်နေ့က ကုလသမဂ္ဂ လုံခြုံရေးကောင်စီ တံခါးပိတ် အစည်းအဝေးမှာ တင်ပြ အစီရင်ခံခဲ့ပါတယ်။ မစ္စတာ နမ်ဘီးယားရဲ့ အာရှရေးရာ ပြောရေးဆိုခွင့် ရှိသူ မစ္စ ဆုမ်အား (Sohn Ah) ကို ဒေါ်လှလှသန်းက ဆက်သွယ် မေးမြန်းထားပါတယ်။
မြန်မာအစိုးရသစ်ရဲ့ ဖိတ်ကြားချက်အရ မြန်မာနိုင်ငံကို အောက်တိုဘာလ ၃၁ ရက်နေ့က စတင်ခဲ့တဲ့ ၅ ရက်ကြာ ခရီးစဉ်နဲ့ ပတ်သက်လို့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူး အကြံပေးဖြစ်တဲ့ မစ္စတာ ဗီဂျေး နမ်ဘီးယားဟာ သူ့ရဲ့ ခရီးစဉ်နဲ့ ပတ်သက်လို့ နိုဝင်ဘာလ ၁၄ ရက်ညနေက ကုလသမဂ္ဂ လုံခြုံရေးကောင်စီမှာ တံခါးပိတ် အစီရင်ခံ ခဲ့တယ်လို့ အတွင်းရေးမှူးချုပ်ရဲ့ အာရှရေးရာဌာန ပြောခွင့်ရသူ မစ် ဆုမ်အား က ဗွီအိုအေကို ခုလို အတည်ပြု ပြောကြားပါတယ်။
“ဒီနေ့ ညနေမှာ အတွင်းရေးမှူးချုပ်ရဲ့ ရုံးအရာရှိချုပ်လည်းဖြစ်၊ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် လည်းဖြစ်တဲ့ မစ္စတာ ဗီဂျေး နမ်ဘီးယားဟာ လုံခြုံရေးကောင်စီမှာ မြန်မာအစိုးရရဲ့ ဖိတ်ကြားချက်အရ သူ သွားရောက်ခဲ့တဲ့ ၅ ရက်ကြာ ခရီးစဉ် အကြောင်းနဲ့ ပတ်သက်လို့ အစီရင်ခံခဲ့ပါတယ်။ တံခါးပိတ် အစီရင်ခံခဲ့တဲ့ အတွက်ကြောင့်လည်း ကျမတို့အနေနဲ့ အသေးစိတ် အချက်အလက်တွေကို ထုတ်ဖော်ပြောကြားခွင့် မရှိပါဘူး။ ဒါပေမဲ့ အဓိက သူ့ရဲ့ခရီးစဉ်အပြီး နိုဝင်ဘာလ ၄ ရက်နေ့က ကုလသမဂ္ဂက ထုတ်ပြန်ခဲ့တဲ့ ကြေညာချက်မှာ ဖော်ပြထားတဲ့ အချက်အလက် အားလုံးအကြောင်း ပါဝင်ပါတယ်။ အဲဒီအချက်အလက်တွေနဲ့ ပတ်သက်လို့ သူ အသေးစိတ်ကို လုံခြုံရေးကောင်စီထံ အစီရင်ခံခဲ့တာ ဖြစ်ပါတယ်လို့ အတွင်းရေးမှူးချုပ်ရဲ့ အာရှရေးရာဌာန ပြောခွင့်ရ မစ် ဆုမ်အားက ပြောသွားခဲ့တာဖြစ်ပါတယ်။
မစ္စတာ နမ်ဘီးယားအနေနဲ့ မြန်မာနိုင်ငံကို တတိယအကြိမ်မြောက် သွားရောက်ခဲ့တဲ့ ခရီးစဉ်အတွင်း သမ္မတ ဦးသိန်းစိန်ရဲ့ အစိုးရသစ် သက်တမ်း ၇ လအတွင်း ပြုပြင် ပြောင်းလဲရေး ခြေလှမ်းတွေကို ကိုယ်တိုင် အကဲခတ်ဖို့ ဖြစ်တယ်လို့ ကုလသမဂ္ဂက ပြောခဲ့ပါတယ်။ မစ္စတာ နမ်ဘီးယားအနေနဲ့ သူ့ရဲ့ခရီးစဉ်အတွင်း နေပြည်တော်ကို သွားရောက်ခဲ့ပြီး မြန်မာ နိုင်ငံခြားရေး ၀န်ကြီး အပါအ၀င် ထိပ်တန်း မြန်မာ အစိုးရအရာရှိတွေ၊ လွှတ်တော်ခေါင်းဆောင်တွေနဲ့ လွှတ်တော် ကိုယ်စားလှယ်တွေ အပြင် မြန်မာ့ ဒီမိုကရေစီခေါင်းဆောင် အပါအ၀င် နိုင်ငံရေး အဖွဲ့အစည်းတွေ၊ လူမှုရေး အဖွဲ့အစည်းတွေနဲ့လည်း တွေ့ဆုံခွင့် ရရှိခဲ့ပါတယ်။ သူ့ရဲ့ခရီးစဉ်အပြီး သတင်းစာ ရှင်းလင်းပွဲမှာတော့ မစ္စတာ နမ်ဘီးယားက အခုလို အဓိက တိုက်တွန်း သွားပါတယ်။
“မြန်မာနိုင်ငံအနေနဲ့ ပြုပြင်ပြောင်းလဲရေး ခြေလှမ်းတွေကို ယူခဲ့ရာမှာ ဒေသတွင်းနဲ့ နိုင်ငံတကာမှာ ဒီလို အပြုသဘော ဆောင်တဲ့ အရှိန်အဟုန်ကို ဆက်လက် ထိန်းသိမ်း သွားနိုင်ဖို့က သိပ်ကို အရေးကြီးလှပါတယ်။ မကြာသေးခင်က ပြုလုပ်ခဲ့တဲ့ လွတ်ငြိမ်း ချမ်းသာခွင့်ရဲ့ တစိတ်တပိုင်းအဖြစ် ကျန်ရှိနေသေးတဲ့ နိုင်ငံရေး အကျဉ်းသား အားလုံး ပြန်လွှတ်ပေးဖို့နဲ့ နိုင်ငံရေးပါတီ မှတ်ပုံတင်ခွင့် ဥပဒေနဲ့ ပတ်သက်လို့ အဆိုပြုထားတဲ့ ပြင်ဆင်ချက်တွေကို အတည်ပြုပေးဖို့ စတဲ့ ခြေလှမ်းတွေက ဦးစားပေး လုပ်ဆောင်ရမယ့် အပြင် လုပ်လည်း လုပ်သင့်တဲ့ခြေလှမ်းတွေပါ။”
မြန်မာအစိုးရအနေနဲ့ လွတ်ငြိမ်းချမ်းသာခွင့်အရ အောက်တိုဘာလ သတင်းကျွတ်လပြည့်နေ့က အကျဉ်းသား နှစ်သောင်းကျော် လွှတ်ပေး ခဲ့ရာမှာ နိုင်ငံရေး အကျဉ်းသား ၂၀၀ ကျော်သာ ပါဝင်ခဲ့ပါတယ်။ ဒါကြောင့်လဲ ကျန်ရှိတဲ့ အကျဉ်းသားတွေကို လွှတ်ပေးဖို့ ကုလသမဂ္ဂ အပါအ၀င် နိုင်ငံတကာက တောင်းဆိုနေတာ ဖြစ်ပါတယ်။
မစ္စတာ နမ်ဘီးယား တိုက်တွန်းသွားတဲ့ နောက်တစ်ချက်ဖြစ်တဲ့ နိုင်ငံရေးပါတီတွေ မှတ်ပုံတင်ခြင်း ဥပဒေ ပြင်ဆင်ချက်မှာ အရင်က ထည့်သွင်းထားတဲ့ ထောင်ဒဏ် ကျခံနေရတဲ့ အကျဉ်းသား တွေကို နိုင်ငံရေးပါတီဝင် မဖြစ်ရ ဆိုတဲ့အချက်ကိုလည်း ဖျက်သိမ်းပေးဖို့ လွှတ်တော်က မကြာခင်ကပဲ အတည်ပြု ပေးနိုင်ခဲ့တာဖြစ်ပါတယ်။ ဒါကြောင့်လဲ NLD ပါတီအနေနဲ့ ပြန်လည် မှတ်ပုံတင်ရေး မတင်ရေးကို နိုဝင်ဘာလ ၁၈ ရက်နေ့မှာ ဆုံးဖြတ်မယ်လို့ မျှော်လင့်ရပါတယ်။
မစ္စတာ နမ်ဘီးယားရဲ့ မြန်မာနိုင်ငံခရီးစဉ်ဟာ ဒီမိုကရေစီ၊ လူ့အခွင့်အရေးနဲ့ အလုပ်သမား ရေးရာ အမေရိကန် လက်ထောက် နိုင်ငံခြားရေး ၀န်ကြီး မိုက်ကယ်ပို့စနာ အပြင် မြန်မာနိုင်ငံဆိုင်ရာ အထူး သံကိုယ်စားလှယ် ဒဲရက်မစ်ချဲလ်တို့ရဲ့ မြန်မာပြည် ခရီးစဉ်နဲ့လည်း တိုက်ဆိုင်နေတာ ဖြစ်ပြီး မြန်မာနိုင်ငံမှာ နိုင်ငံရေး အကျဉ်းသားများ လွှတ်ပေးရေး အပါအ၀င် လူ့အခွင့်အရေး အခြေအနေတွေ တိုးတက် ဖော်ဆောင်ဖို့လည်း မြန်မာနိုင်ငံဟာ ဖိအားပေးခြင်း ခံနေရတာဖြစ်ပါတယ်။
ဒါကြောင့်လဲ ၂၀၁၄ ခုနှစ် အာဆီယံ အလှည့်ကျဥက္ကဋ္ဌအဖြစ် လျှောက်ထားတဲ့ မြန်မာနိုင်ငံအနေနဲ့ လက်ရှိ အာဆီယံ ထိပ်သီး ညီလာခံ ကျင်းပနေစဉ် အတွင်း နိုင်ငံတကာက တောင်းဆို ထားတဲ့အတိုင်း နိုင်ငံရေး အကျဉ်းသား အားလုံး ပြန်လွှတ်ပေးရေးကို လုပ်ဆောင် ပေးနိုင်လိမ့်မယ်လို့လည်း နိုင်ငံတကာက မျှော်လင့်နေကြတာ ဖြစ်ပါတယ်။
Ref: VOA News
Posts
