ကျော်ခ
ကြာသပတေးနေ့၊ နိုဝင်ဘာလ 12 ရက် 2009
ချင်းမိုင် (မဇ္ဈိမ) ။ ။ အငြိုးကြီးလှသော ကရင်အဖွဲ့ကွဲ နှစ်ခုအကြား ပြန်လည် ပြောင်းစည်းရေး ကြိုးပမ်း မှုများမှာ အောင်မြင်မှု မရဘဲ ဖြစ်နေသည်ဟု ကရင်အမျိုးသား အစည်းအရုံး (KNU) ဗဟို သတင်းရပ်ကွက် တခုက ပြောသည်။
ကေအန်ယူ၏ တပ်ဖြစ်သော ကရင်အမျိုးသား လွတ်မြောက်ရေး တပ်မတော် (KNLA) မှ စစ်ဦးစီးချုပ် မူးတူးဆေးဖိုးနှင့် ဒီမိုကရက်တစ် တိုးတက်သော ဗုဒ္ဓဘာသာ ကရင် တပ်မတော် (DKBA) မှ ကိုယ်စားလှယ် မြိုင်ကြီးငူ ဆရာတော် ဦးသုဇနတို့ ထိုင်း-မြန်မာနယ်စပ်တွင် အောက်တိုဘာလ ၁၉ ရက်နေ့က လျှို့ဝှက် ဆွေးနွေးကြသော်လည်း တစုံတရာ သဘောတူညီမှု မရဘဲ ပြီးဆုံးသွားခဲ့ခြင်း ဖြစ်သည်။
“တွေ့ဆုံဆွေးနွေးပွဲကလည်း ဘယ်မှ ခရီးမရောက်ဘူးပေါ့လေ။ ဘုန်းကြီး အနေနဲ့ကလည်း ကြိုးစားတာပဲ။ ဒါပေမဲ့ သူတပ်တွေကလည်း သူစကားကို နားထောင်တာရှိတယ်။ နားမထောင်တာ ရှိတယ်။ ဘာဖြစ်လို့လဲ ဆိုတော့ သူ့တပ်တွေက နအဖ နောက်ကို လိုက်သွားပြီလေ။ တချို့ တပ်ခွဲတွေကလည်း သူ့စကား နား မထောင်တော့ဘူးဗျ။ အဲဒါက သူ ဒီဆွေးနွေးပွဲအတွက် အခက်အခဲ ဖြစ်တာပေါ့” ဟု သတင်း ရပ်ကွက်က မဇ္ဈိမကို ပြောသည်။
ကိုယ်ပိုင်ပြဋ္ဌာန်းခွင့်အတွက် ၁၉၄၈ ခုနှစ်ကတည်းက လက်နက်ကိုင် တော်လှန်သည့် KNU အတွင်း ၁၉၉၄ ခုနှစ်တွင် ကွဲထွက် သွားခဲ့ပြီးနောက် အသေအပျောက် များလှသော တိုက်ပွဲများ ဖြစ်ပေါ်ခဲ့သည်။
KNU ၏ အမာခံ စခန်းတခုဖြစ်သော မာနယ်ပလော အပါအဝင် နယ်မြေစိုးမိုးရေး တိုက်ပွဲများတွင် စစ်အစိုးရက ငြိမ်းချမ်းရေး ရယူထားသော DKBA ကို မဟာမိတ်ပြု၍ KNU အပေါ် တိုက်ခိုက်ခဲ့သည်။
သြဇာရှိ ခေါင်းဆောင်တဦးဖြစ်သော KNU အထွေထွေ အတွင်းရေးမှူး ပဒိုမန်းရှာကို ထိုင်းနယ်စပ် မဲဆောက်ရှိ နေအိမ်တွင် ၂၀၀၈ ခုနှစ် ဖေဖော်ဝါရီလ ၁၄ ရက်နေ့တွင် သေနတ်သမား ၂ ဦးက လုပ်ကြံ သတ်ဖြတ်ခဲ့သည်။ လေ့လာ သုံးသပ်သူများက DKBA က လုပ်ဆောင်ခဲ့သည်ဟု လက်ညှိုးထိုးခဲ့သည်။ DKBA ဘက်တွင်လည်း ချောင်းမြောင်း သတ်ဖြတ်ခံရမှုများ ရှိခဲ့သည်။
ယခုနှစ် စက်တင်ဘာလ ၂၉ ရက်နေ့တွင် မြိုင်ကြီးငူ ဆရာတော်က တိုက်ခိုက် သတ်ဖြတ်မှုများကို ရပ်စဲ၍ သွေးစည်း စေလိုကြောင်း ကြေညာချက် စာတစောင်ကို KNU သို့ ပို့ပေးခဲ့သည်။
KNU တပ်မဟာ ၆ နယ်မြေ ဒူပလာယာခရိုင် ဥက္ကဋ္ဌ စောရွှေမောင်းက ဆရာတော် ဦးသုဇနထံသို့ တပတ်အတွင်း စာပြန် လျှောက်ထားခဲ့အပြီး ဆွေးနွေးမှုများ ပြုလုပ်ခဲ့ကြခြင်း ဖြစ်သည်။
“ဆွေးနွေးမှုက မပြတ်သေးဘူးလို့ ပြောလို့ရတာပေါ့။ သူတို့ ဆွေးနွေးကြတာက နှစ်ဖက်စလုံး အပစ်အခတ် ရပ်မယ် ဆိုလို့ရှိရင် သူ့ဘက် ကိုယ့်ဘက်ကို ထိန်းနိုင်တဲ့ အနေအထားရောက်မှ အပစ်အခတ်က ရပ်မှာကိုး။ မထိန်း နိုင်ဘဲနဲ့တော့ အပစ်အခတ် ရပ်မယ်ဆိုရင် ရပ်တဲ့ အဖွဲ့က ရပ်၊ ပစ်တဲ့ အဖွဲ့က ပစ်ဆိုရင် အလကားပဲ။ ပြန်ပြီးတော့ ထပ်ရှုပ်လာဦးမယ်” ဟု ကရင်ခေါင်းဆောင်တဦးက ပြောသည်။
DKBA ၉၉၉ တပ်အရာရှိတဦးကမူ တပ်အတွင်း ညီညွတ်မှု ရှိနေပြီး မြိုင်ကြီးငူ ဆရာတော်စကား လိုက်နာပါသည်ဟု ပြောသည်။
"ဆရာတော်ကတော့ ကျနော်တို့ကို အမြဲတမ်း မှာပါတယ်။ အမြဲတမ်း နားထောင်ပါတယ်။ အချင်းချင်း ညီညီညွတ်ညွတ် နေဖို့ဟာကို။ ဆရာတော်ကတော့ သွားဆွေးနွေးတာက ကျနော်တို့ နှစ်ဘက် ညီညီညွတ်ညွတ် နေဖို့၊ ဒါပဲ။ ပြေလည်၊ မပြေလည် ဆိုတာကတော့ ဆရာတော် လမ်းညွှန်မှုအတိုင်းပဲ” ဟု ၎င်းအရာရှိက ပြောသည်။
"ကျနော်တို့ DKBA ကတော့ ဆရာတော် ပြီးတယ်ဆိုရင် ပြီးတာပဲ။ ဆရာတော်စကား နားမထောင်တဲ့လူ တယောက်မှ မရှိပါဘူး။ ဆရာတော်က ညီညီညွတ်ညွတ် နေဆိုရင် ကျနော်တို့ အားလုံးက ညီညီညွတ်ညွတ် နေမှာပဲ။ DKBA နဲ့ KNU နဲ့ အားလုံး ညီညီညွတ်ညွတ် နေရင် ကျနော်တို့ အားလုံး ဝမ်းသာတာပေါ့” ဟု သူက ဆက်ပြောသည်။
Ref: မဇ္ဈိမ
Friday, November 13, 2009
ကရင့်ပေါင်းစည်းရေး အလှမ်းဝေး
Thursday, November 12, 2009
ဝ တပ်ဖွဲ့နည်းတူ မြန်မာစစ်ခေါင်းဆောင်တို့ ခြေတလှမ်း ဆုတ်ရန် လိုဟု ၀ တပ်ဖွဲ့ပြော
ဗုဒ္ဓဟူးနေ့၊ 11 နိုဝင်ဘာလ 2009
ကိုးကန့်အရေးအခင်းကာလ ၀ နှင့်စစ်အစိုးရတို့ ဆက်ဆံရေး တင်းမာမှု အထွဋ် အထိပ် ရောက်ပြီး နောက်ပိုင်း အလျှော့ အတင်း ပြုလုပ်ရန် ၀ ဘက်မှ ခြေတလှမ်း နောက်ဆုတ် ပေးဖို့ သဘောတူ လိုက်ပြီး နအဖ ကိုလည်း ၀ တပ်ဖွဲ့နည်းတူ လုပ်ရန် လိုအပ်ကြောင်း ၀ ထိပ်ပိုင်း ခေါင်းဆောင် အချို့နှင့် ၀င်ဆန့်သည့် သတင်းရပ်ကွက်က ပြောပါသည်။
နိုဝင်ဘာ ၇ ရက် က UWSA ၀ ပြည်သွေးစည်းရေး တပ်မတော် ပန်ဆန်း ဌာနချုပ်၌ နယ်ခြားစောင့်တပ် အသွင်ပြောင်းရေး ဆိုင်ရာ အစည်းဝေး တရပ် ကျင်းပကြောင်း၊ အစည်းအဝေး၌ ၀ ဘက်ကမှ ခြေတလှမ်းဆုတ် အလျှော့အတင်း ပြုလုပ်ရန် သဘောတူကြောင်း၊ နှစ်ဦးနှစ်ဘက် ပြေလည်ရန် နှစ်ဘက်စလုံး လျော့ပေါ့ ဆက်ဆံဖို့ တရုတ်အစိုးရ တိုက်တွန်း ချက်ကြောင့် ဖြစ်ကြောင်း - ဆို၏။
“၀ ဘက်က စပြီးအလျှော့ပေးတဲ့သဘော၊ နယ်ခြားစောင့်တပ် ဆိုတဲ့ အမည်ကို လက်ခံမယ်၊ ဒါကလွဲယင် အရင်ကပုံစံပဲ ရှိစေချင်တယ်” - ဟု ၀ အရာရှိတဦးက ပြောကြောင်း အဆိုပါ ဆိုစ့်က ပြောပြပါသည်။
အသွင်ကူးပြောင်းရေးကော်မတီ ဥက္ကဌ ဒုဗိုလ်ချုပ်ကြီးရဲမြင့် နှင့် ယခုလ ၃ ရက်နေ့က တွေ့ဆုံရန် ချိန်းဆို ထားသော်လည်း မတွေ့ဆုံ ဖြစ်ကြောင်းလည်းပြော၏။
“တရုတ်တွန်းအားကြောင့် ၀ ခြေတလှမ်း ဆုတ်ပေးလိုက်ပြီ၊ ဒါကို ဗမာ စစ်ခေါင်းဆောင် တွေက ၀ လုပ်သလို မလုပ်ဘဲ အခွင့်ကောင်း ယူပြီး ခြေလှမ်း ထပ်တိုးလာရင်တော့ သင့်တော်မယ် မဟုတ်ပါဘူး” - ဟု ၀ အရာရှိ တဦး ပြောကြောင်း ထိုဆိုစ့်က ဆို၏။
အောက်တိုဘာ ၂၈ ရက် မိုင်းလားတပ်ဖွဲ့နှင့် ဒုဗိုလ်ချုပ်ကြီး ရဲမြင့် ကျိုင်းတုံ၌ တွေ့ဆုံစဉ် နယ်ခြားစောင့်တပ် အသွင်ပြောင်းရန်၊ သတ်မှတ် ထားသည့် သင်တန်းနေရာ နှင့် အသက် အကန့်အသတ် အတိုင်း လုံးဝ အကောင်အထည် ဖေါ်ရန် ဗိုလ်ချုပ် ရဲမြင့်က တဘက်သတ် ပြောခဲ့သော်လည်း မိုင်းလားတပ်ဖွဲ့က အဖွဲ့အစည်း/ တပ်နာမည် တခုတည်းသာ ပြောင်းရန် အားသန်နေ၏။
ဝ ပြည်သွေးစည်းရေးတပ်မတော် UWSA နှင့် အမျိုးသား ဒီမိုကရက်တစ် မဟာမိတ် တပ်မတော် NDAA မိုင်းလား တပ်ဖွဲ့ နည်းတူ မြောက်ပိုင်း အပစ်ရပ် SSA လည်း ဗမာ တပ်မတော် အရာရှိ ၃၀ ၀င်ရောက် ရောနှော နေရာယူခြင်း၊ ဌာနဆိုင်ရာများ ရုံးစိုက်ခြင်း စသည့် အချက်များ လက်မခံဘဲ Border Guard Force BGF / HGF Home Guard Force ဆိုသည့် အမည် တခု တည်းသာ ပြောင်းလဲရန် တပ်ဖွဲ့အတွင်း သဘော တူထားကြောင်း သိရပါသည်။
Ref: သျှမ်းသံတော်ဆင့်
အပစ်ရပ် နှင့် နယ်ခြားစောင့်တပ် ဗိုလ်မှူးကြီးယွက်စစ် သုံးသပ် ပြောဆို
ဗုဒ္ဓဟူးနေ့၊ 11 နိုဝင်ဘာလ 2009
တိုင်းရင်းသားလက်နက်ကိုင်တပ်ဖွဲ့များ - “အပစ်ရပ်ခဲ့တာ အပျော်အပါး လိုက်ဖို့ မဟုတ်ဘူး - နိုင်ငံရေး ပြဿနာကို စစ်ရေး နည်းနဲ့ မဖြေရှင်းဘဲ နိုင်ငံရေး စားပွဲဝိုင်းမှာ ဆွေးနွေးဖို့” - ဟု ဗိုလ်မှူးကြီး ယွက်စစ်က ပြောပါသည်။
အမျိုးသားညီလာခံ NC ၌ တိုင်းရင်းသားလက်နက်ကိုင် အဖွဲ့အစည်းတို့ တင်ပြချက်ကို စစ်အစိုးရက လက်မခံသောကြောင့် တိုင်းရင်းသား တန်းတူ အခွင့်အရေး အတွက် ဆက်လက် ငြင်းဆန် နေခြင်းဖြစ်ကြောင်း သျှမ်းပြည် ပြန်လည် ထူထောင်ရေး ကောင်စီ RCSS ဥက္ကဌ/ သျှမ်းပြည် တပ်မတော် SSA တောင်ပိုင်း တပ်ဖွဲ့ခေါင်းဆောင် ဗိုလ်မှူးကြီး ယွက်စစ်က ---
၁။ စစ်အစိုးရက နိုင်ငံရေးပြဿနာကို နိုင်ငံရေးနည်းလမ်းဖြင့် မဖြေရှင်းဘဲ အချိန်ဆွဲထားခြင်း၊
၂။ အမျိုးသားညီလာခံ၌ အပစ်ရပ်တို့ တင်ပြခဲ့သည့် အကြောင်းအရာ အချက်လက် များကိုလက်မခံ /ဖွဲ့စည်းပုံ အခြေခံဥပဒေ၌ မထည့်သွင်း ထားခြင်း၊
၃။ အပစ်ရပ်တို့အား လက်နက်ချရန်သာ အတင်းအကြပ် ဖိအားပေးခြင်း၊
၎။ လက်နက်အတင်းအကြပ်ချခိုင်း၍ မရသည်တွင် နယ်ခြားစောင့်တပ် / ဒေသ ကာကွယ်ရေးတပ် (ပြည်သူ့စစ်) အဖြစ် ပြောင်းခိုင်းခြင်း - စသဖြင့် တဆင့်ပြီးတဆင့် ခြေလှမ်းတိုး ဖိအား ပေးလာခဲ့ခြင်း ဖြစ်သည်ဟု ပြော၏။
“သူတို့အပစ်ရပ်ခဲ့တာ ဆယ်စုနှစ်ချီရှိပြီ။ နိုင်ငံရေး ပြဿနာကို နိုင်ငံရေးနည်းနဲ့ မဖြေရှင်းနိုင်ဘူး၊ တဖွဲ့ပြီးတဖွဲ့ လက်နက်ဖြုတ် ခံရတာ ဘဲရှိတယ်” - ဟု သျှမ်းသံတော်ဆင့်သို့ ပြောပြ၏။
ဝ တပ်ဖွဲ့အား နယ်ခြားစောင့်တပ် အသွင် ပြောင်းရန် နအဖ ဖိအားပေးရာမှာ - “အပစ်ရပ် လာတာ အနှစ် ၂၀ တောင်ရှိပြီ အပြောင်းအလဲ အတွက် ဘယ်လောက် အထိ စောင့်ရမလဲ” - ဟု စစ်အစိုးရက မကြာခဏ ပြောကြောင်း၊ ၀ တပ်ဖွဲ့ကလည်း “ကျနော်တို့ အပစ်ရပ် လာတာ အနှစ် ၂၀ ရှိပြီ၊ ကျနော်တို့ တောင်းထားတဲ့ဟာ ဘာတခုမှ မရဘူး၊ အဲဒါကြောင့် အနှစ် ၁၀၀ အထိလဲ စောင့်သင့်ယင် စောင့်ရမှာဘဲ” -ဟု အချင်းချင်း ပြောဆိုကြောင်း နယ်စပ်ဘက် ခရီးသွားလာသူ တဦးက ပြန်လည် ပြောပြ၏။
ထို့အတူ ကချင်လွတ်လပ်ရေး တပ်မတော်ကလည်း - နအဖတို့ ပင်လုံ စာချုပ်အတိုင်း ပြန်လည် အကောင်အထည် ဖေါ်လျှင် နယ်ခြားစောင့်တပ် အသွင် ပြောင်းရေး မဆိုထားနှင့် လက်နက် အပြီးအပိုင် စွန့်ခိုင်းလည်း စွန့်မည်ဖြစ်ကြောင်း - ကချင် သတင်းဌာန KNG က ရေးသား၏။
သျှမ်းပြည်မြောက်ပိုင်းမှ နိုင်ငံရေး စောင့်ကြည့်လေ့လာသူ တဦးက - ၀ တို့ မိုင်းလားတို့ သျှမ်းပြည် တပ်မတော် (မြောက်ပိုင်း) တို့ နယ်ခြားစောင့်တပ် BGF ဒေသ ကာကွယ်ရေး တပ် HGF အား နာမည်ဖြင့်သာ လက်ခံပြီး နောက်ဆက်တွဲပါ အချက်များ တခုမှ လက်မခံခြင်းသည် ၀ိုင်အရက်ဟောင်းအား ပုလင်းသစ်/တံဆိပ်သစ် ပြောင်းတပ်ခြင်းနှင့်သာ တူကြောင်း သုံးသပ်ပြ ပါသည်။
Ref: သျှမ်းသံတော်ဆင့်
အမျိုးသားပြန်လည်သင့်မြတ်ရေးမူ ကိုင်စွဲထားကြောင်း အန်အယ်လ်ဒီ ကြေညာချက်ထုတ်
မင်းနိုင်သူ
၁၁ နိုဝင်ဘာ ၂၀၀၉
အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အနေဖြင့် အမျိုးသားပြန် လည်သင့်မြတ်ရေး မူဝါဒကို ကိုင်စွဲထားဆဲ ဖြစ်ကြောင်း ကြေညာချက် တစောင် ထုတ်ပြန်သည်။
ပါတီရုံးချုပ်၌ ယနေ့ကျင်းပသည့် (၈၉) နှစ်မြောက် အမျိုးသားအောင်ပွဲနေ့ အခမ်းအနားတွင် ကြေညာချက် ထုတ်ပြန်ခြင်း ဖြစ်ပြီး ဒေါ်အောင်ဆန်းစုကြည် နှင့်နိုင်ငံရေး အကျဉ်းသားများ လွှတ်ပေးရေး၊ ပါတီရုံးခွဲများ ပြန်လည် ဖွင့်လှစ်ခွင့်ရရေး၊ ဖျက်သိမ်း ခံထားရသော တိုင်းရင်းသား ပါတီများအား ပြန်လည် မှတ်ပုံတင်ခွင့် ပေးရေးနှင့် လွတ်လပ်စွာ စည်းရုံး လှုပ်ရှားခွင့် ရရှိရေး တို့ကို ကြေညာချက်တွင် ထည့်သွင်း တောင်းဆို ထားသည်။
ဝါရင့်နိုင်ငံရေးသမားကြီးများ၏ အခမ်းအနားအပြီး နေ့လယ် (၁၁) နာရီခန့် တွင် စတင်သော အန်အယ်လ်ဒီ ပါတီ၏ အမျိုးသား အောင်ပွဲနေ့ အခမ်းအနားသို့ ဒေါ်အောင်ဆန်း စုကြည်ကလည်း အမှာစကား ပါးလိုက်ကြောင်း သိရသည်။
“ဒီနေ့ ဦးဉာဏ်ဝင်း နေအိမ်ပြင်ဖို့ ကိစ္စနဲ့ ဒေါ်စုအိမ်ကို သွားပါတယ်။ ဒေါ်စုက အဖွဲ့ချုပ်က ကျင်းပတဲ့ အမျိုးသား အောင်ပွဲနေ့ အခမ်းအနားကို တက်ရောက်လာတဲ့ ၀ါရင့် နိုင်ငံရေးသမား ကြီးတွေ၊ တိုင်းရင်းသား ခေါင်းဆောင်တွေနဲ့ ပါတီဝင်တွေကို ကျေးဇူး တင်ကြောင်း အမှာစကား ပါးလိုက်တာပါ။ အဲဒါကို ဦးခင်မောင်ဆွေက အခမ်းအနားမှာ ပြန်ပြော သွားပါတယ်”ဟု အန်အယ်လ်ဒီ ပါတီ ပြန်ကြားရေးမှ ဦးအုံးကြိုင်က ပြောသည်။
အမျိုးသားအောင်ပွဲနေ့အခမ်းအနားတွင် ဒေါ်အောင်ဆန်းစုကြည်၏ အမြင် သဘောထား တခုခု ပေါ်ထွက် လာလိမ့်မည် ဟူသော သတင်းများ ပေါ်ထွက်ခဲ့သောကြောင့် ပြည်တွင်း မီဒီယာများကလည်း ယနေ့ပွဲကို အထူး အာရုံ စိုက်ခဲ့ကြကြောင်း ပြည်တွင်း သတင်းထောက် တဦးက ပြောသည်။
“အန်တီစု တခုခုပြောမယ်လို့ သတင်းတွေကြားထားတာ။ ဟိုနေ့က တွေ့ခွင့် ရထားတဲ့ ဦးဉာဏ်ဝင်း ကလည်း သူ့ကို အထူး ကိစ္စတခု ခိုင်းထားတယ် ဆိုပြီး သတင်းဌာနတွေကို ပြောထား၊ ပဟေဠိ လုပ်ထားတော့ ဒီနေ့များ အဲဒါဖြစ်လာမလား ဆိုပြီး စောင့်ကြရတာပေါ့။ အခုတော့ သိပ်မထူးပါဘူး။ ကျေးဇူးတင်ကြောင်း ပြောသွားတာပါပဲ” ဟု ၎င်းက ပြောသည်။
ယနေ့ရန်ကုန်တွင် လုံခြုံရေးကားများလှည့်လည်မှုရှိပြီး ၀ါရင့် နိုင်ငံရေးသမား ကြီးများ၏ အခမ်း အနားနှင့် အဖွဲ့ချုပ်၏ အခမ်းအနား များကိုလည်း သတင်း တပ်ဖွဲ့ဝင်များ၊ လုံခြုံရေး တပ်ဖွဲ့ဝင်များက အနီးကပ် စောင့်ကြည့်နေကြောင်း ၎င်းက ဆက်လက် ပြောဆိုသည်။
(၈၉) နှစ်မြောက် အမျိုးသားနေ့အောင်ပွဲအခမ်းအနားကို ရန်ကုန်မြို့ မရမ်းကုန်း မြို့နယ်ရှိ ၀ါရင့် နိုင်ငံရေးသမားကြီး သခင်သိန်းဖေ အိမ်၌လည်း ယနေ့ နံနက်ပိုင်းတွင် ကျင်းပခဲ့ပြီး ၀ါရင့် နိုင်ငံရေးသမား ကြီးများ၊ အမျိုးသား ဒီမိုကရေစီ အဖွဲ့ချုပ်ဝင်များ၊ တိုင်းရင်းသား ပါတီ ခေါင်းဆောင်များ တက်ရောက်ခဲ့ကြသည်။
အခမ်းအနားတွင် ၀ါရင့်နိုင်ငံရေးသမားကြီးသခင်သိန်းဖေက ၎င်းတို့ အဖွဲ့သည် နိုင်ငံရေး ပါတီ တရပ် မဟုတ်ကြောင်း၊ ၁၉၃၉ ခုနှစ် ခန့်မှစတင်ကာ လွတ်လပ်ရေး အတွက် တိုက်ပွဲ ၀င်ခဲ့ကြသူများ ဖြစ်ကြောင်း၊ ကြွေးကြော်သံမှာ လွတ်လပ်ရေး၊ ဒီမိုကရေစီ အရေးနှင့် ငြိမ်းချမ်းရေး ဖြစ်ကြောင်း၊ ထိုကြွေးကြော်သံနှင့် အတူ ဗိုလ်ချုပ်အောင်ဆန်းနှင့် အာဇာနည်များက လွတ်လပ်ရေးကို အရ ယူပေးနိုင်ခဲ့ကြောင်း၊ သို့ရာတွင် ဗိုလ်ချုပ်အောင်ဆန်းတို့ တည်ဆောက်ခဲ့သည့် ညီညွတ်ရေးသည် ပြိုကွဲခဲ့ပြီ ဖြစ်ကြောင်း၊ ထို့ကြောင့်လည်း ယခင်က မြန်မာ့နောက်တွင် ကျန်ရစ်ခဲ့သည် စင်ကာပူ၊ ထိုင်း၊ မလေးရှားတို့ကို ယခု မိမိတို့က ပြန်မော့ကြည့်နေရပြီ ဖြစ်ကြောင်းများကို ထောက်ပြ ပြောဆိုသွားသည်။
မြန်မာနိုင်ငံတွင် လွတ်လပ်ရေးရပြီးနောက် ဒီမိုကရေစီကို ပြပြလေးသာ မြင်လိုက် ကြရသည် ဖြစ်ရာ ယခု အသက် (၅၀) ရှိနေသူများ ပင် ဒီမိုကရေစီ ဆိုသည်ကို စမ်းတ၀ါးဝါး ဖြစ်နေရကြောင်း၊ ထိုကြားထဲ ပရော်ဖက်ဆာ ကြီးများက ရင့်ကျက်သည့် ဒီမိုကရေစီ တည်ဆောက် လိုပါက သည်းခံပြီး စောင့်ရမည်ဟု ပြောနေကြသေးကြောင်း၊ မိမိအနေဖြင့် အသက် (၉၄) နှစ်ရှိနေပြီး ဒီမိုကရေစီကို ပြန်မြင်ရနိုး စောင့်စား လာသည်မှာ (၆၂) နှစ်ရှိနေပြီ ဖြစ်ကြောင်း၊ မိမိတို့ ကြိုးပမ်း ခဲ့မှုများကို မသေမီ တွေ့ရပါမည်လားဟု စဉ်းစားမိကြောင်း များကိုလည်း သခင်သိန်းဖေက ထည့်သွင်း ပြောဆိုသွားသည်။
ဝါရင့်နိုင်ငံရေးသမားကြီးများ၏ ယနေ့ထုတ်ပြန်ချက်တွင်လည်း ညီညွတ်ရေး ပြိုကွဲမှုကို အဓိက ထောက်ပြထားပြီး အနာဂတ် မြန်မာနိုင်ငံ တည်ဆောက်ရန် အတွက် နအဖ အစိုးရအနေဖြင့် တိုင်းရင်းသားများ အပါအ၀င် နိုင်ငံရေး အင်အားစုများ၊ ၁၉၉၀ ရွေးကောက်ပွဲ အနိုင်ရ ပါတီများနှင့် သူမနာကိုယ်မနာ နည်းဖြင့် တွေ့ဆုံညှိနှိုင်း အဖြေရှာရန်ကိုလည်း ထပ်မံ တိုက်တွန်းထားသည်။
အမျိုးသားအောင်ပွဲနေ့တွင် သံဃာ့ တပ်ပေါင်းစု အဖွဲ့ကြီးကလည်း စစ်အာဏာရှင်စနစ် ဆက်လက် ရှင်သန်စေမည့် ၂၀၁၀ ရွေးကောက်ပွဲကို လက်ခံမည် မဟုတ်ကြောင်း ကြေညာချက် ထုတ်ပြန်ပြီး လူထု အနေဖြင့် မဲဆန္ဒ လုံးဝ မပေးကြရန် တိုက်တွန်းထားသည်။
Ref: ခေတ်ပြိုင်
တခြားသော အမျိုးသားကို မုန်းတီးခြင်းသည် အမျိုးသားရေး မဟုတ်ဟု ဒေါ်စုပြောကြား
ဖနိဒါ
ဗုဒ္ဓဟူးနေ့၊ နိုဝင်ဘာလ 11 ရက် 2009
မဇ္ဈိမ (ချင်းမိုင်) ။ ။ တခြားသော အမျိုးသားများကို မုန်းတီးခြင်းသည် အမျိုးသားရေး မဟုတ်ဟု အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။
”သူ (ဒေါ်အောင်ဆန်းစုကြည်) တခုပဲ ပြောပါတယ်။ အမျိုးသားရေးဆိုတာ အင်မတန် ကောင်းတယ်။ အမျိုးသားရေး ဆိုတာ ကိုယ့်အမျိုးသားကို ကောင်းစားစေချင်တဲ့ စေတနာ မေတ္တာတွေ ကောင်းတယ်။ ဒါပေမယ်လို့ တခြားအမျိုးသားကို ထိခိုက်စေတဲ့ဟာ၊ တခြားအမျိုးသားကို မုန်းတီးတာဟာ အမျိုးသားရေး မဟုတ်ဘူးဆိုတာပဲ ပြောလိုက်တယ်”ဟု အမျိုးသား ဒီမိုကရေစီ အဖွဲ့ချုပ် ပြောရေးဆိုခွင့် ရှိသူ ဦးဥာဏ်ဝင်းက ဒေါ်အောင်ဆန်းစုကြည် ပြောစကားကို ကိုးကား၍ မဇ္ဈိမကို ပြောသည်။
ရှေ့နေလည်းဖြစ်သော ဦးဥာဏ်ဝင်းနှင့် နေအိမ်ချုပ်ကျခံနေရသော ပါတီ ခေါင်းဆောင်တို့ ယနေ့ နံနက်တွင် ရန်ကုန်မြို့ တက္ကသိုလ် ရိပ်သာလမ်းရှိ သူမ၏ နေအိမ်တွင် တွေ့ဆုံခဲ့ကြရာ ပြောကြားလိုက်ခြင်း ဖြစ်သည်။
ယနေ့သည် မြန်မာ့ရိုးရာ ပြက္ခဒိန်အားဖြင့် တန်ဆောင်မုန်း လပြည့်ကျော် ၁၀ ရက်နေ့ဖြစ်ပြီး ၈၉ နှစ်မြောက် အမျိုးသားနေ့ ဖြစ်သည်။ အင်္ဂလိပ် ကိုလိုနီ အစိုးရလက်အောက် ၁၉၂၀ ခုနှစ်တွင် ဖြစ်ပွားခဲ့သော ပညာရေးအဆင့် မြှင့်တင် စေလိုသော ကောလိပ် ကျောင်းသားများ၏ သပိတ် စတင်သောနေ့ကို အမျိုးသားနေ့ဟု သတ်မှတ်ခဲ့ကြသည်။
စစ်အစိုးအကြီးအကဲ ဗိုလ်ချုပ်မှူးကြီး သန်းရွှေကလည်း အမျိုးသားနေ့ မိန်းခွန်း ပြောကြားသည်ကို ယနေ့ထုတ် စစ်အစိုးရ အာဘော် မြန်မာ့အလင်း သတင်းစာတွင် ဖော်ပြထားသည်။
မျက်မှောက်ကာလတွင် ခေတ်သစ်ကိုလိုနီနယ်ချဲ့ နိုင်ငံကြီးများက အခြား နိုင်ငံများ၏ ပြည်တွင်းရေးကို ဝင်ရောက်စွက်ဖက်ပြီး နယ်ပယ် အသီးသီး ကို လွှမ်းမိုးခြယ်လှယ်ရန် ကြိုးပမ်း ဆောင်ရွက်လျက် ရှိသည်ဟု ဗိုလ်ချုပ်မှူးကြီး၏ ပြောဆိုသည့် စကားကို ဖော်ပြထားသည်။
ထို့အပြင် ၂၀၁၀ ခုနှစ်တွင် ရွေးကောက်ပွဲ ကျင်းပနိုင်ရေး ပြင်ဆင်နေသည့် အတွက် ပြည်သူများက ပူးပေါင်း ဆောင်ရွက်ရန်လည်း တောင်းဆို လိုက်သေးသည်။
မြန်မာနိုင်ငံအပေါ် အမေရိကန်၊ ဥရောပသမဂ္ဂအဖွဲ့ဝင် နိုင်ငံများ၊ သြစတြေးလျား အပါအဝင် စီးပွားရေးနှင့် သံတမန်ရေးရာ ပိတ်ဆို့ အရေးယူမှုများ ရုတ်သိမ်းရေးတွင် ပါဝင် ကူညီပေးမည်ဆိုသော ငြိမ်းချမ်းရေး နိုဘယ်လ်ဆုရှင်က စစ်ခေါင်းဆောင်ထံ စာရေးသား ပေးပို့ပြီးနောက် နောက်ဆက်တွဲ အဖြစ် ဒေါ်အောင်ဆန်း စုကြည်သည် အများပြည်သူ မြင်ကွင်းတွင် ပြန်လည် ပေါ်ထွက်လာခဲ့ကာ သူမ၏ ပြောစကားများလည်း တဆင့်စကား အဖြစ် ပုံမှန် ထွက်ပေါ်လာ နေခဲ့သည်။
ရန်ကုန်ရှိ အန်အယ်ဒီ ရုံးချုပ်တွင် ကျင်းပသော အမျိုးသားနေ့ အခမ်းအနား အတွက် ဒေါ်အောင်ဆန်းစုကြည်က ဦးဥာဏ်ဝင်းမှ တဆင့် နှုတ်ဖြင့် သဝဏ်လွှာပါး ကျေးဇူးတင်စကား ဆိုလိုက်သည်။ ပြည်နယ်နှင့် တိုင်း အသီးသီးမှ ခေါင်းဆောင်များ မအားလပ်သည့် ကြားမှ အခမ်းအနား တက်ရောက်ခြင်းအပေါ် ကျေးဇူးတင်သည်ဟု သူမက ပြောကြားသည်။
အမျိုးသားဒီမိုကရေစီအဖွဲ့ချုပ်က စစ်အစိုးရအနေဖြင့် တွေ့ဆုံဆွေးနွေး အဖြေရှာရန် ထပ်မံ တောင်းဆို လိုက်ပြန်ပြီး ဒေါ်အောင်ဆန်းစုကြည်၊ ဦးတင်ဦး၊ ရှမ်းအမျိုးသားများ ဒီမိုကရေစီ အဖွဲ့ချုပ် ဥက္ကဋ္ဌ ဦးခွန်ထွန်းဦး၊ အတွင်းရေးမှူး စိုင်းညွန့်လွင်နှင့် အခြား တိုင်းရင်းသား ခေါင်းဆောင် များအား အမြန်ဆုံး လွှတ်ပေးရန် လိုအပ်သည်ဟု ဆိုသည်။
ထို့အပြင် အဖွဲ့ချုပ် ရုံးများကို ကာလရှည်ကြာ ပိတ်ထားခြင်းမှ ပြန်လည် ဖွင့်ခွင့် ပြုရန်နှင့် လွတ်လပ်စွာ စည်းရုံးခွင့်၊ တရားဝင် စည်းရုံးခွင့် ပေးရန်၊ ၁၉၉၀ ပြည့်နှစ် ပါတီစုံ ရွေးကောက်ပွဲတွင် အနိုင်ရပြီးမှ ဖျက်သိမ်းခံပါတီများ အပါအဝင် နိုင်ငံရေး ပါတီများကို နိုင်ငံရေး မှတ်ပုံတင်ခွင့် ပေး၍ စည်းရုံးခွင့် ပြုရန်တို့ကို စစ်အစိုးရ အနေဖြင့် အမြန်ဆုံး ဆောင်ရွက်ပေးရန် လိုအပ်ကြောင်း ကြေညာချက်တွင် ဖော်ပြထားသည်။
အန်အယ်ဒီ ပြန်ကြားရေးအဖွဲ့ဝင် ဦးအုန်းကြိုင်က အမျိုးသားနေ့ အထိန်းအမှတ်အဖြစ် “ဒီအမျိုးသားနေ့မှာ ဒေါ်အောင်ဆန်းစုကြည်က အခုလို နှုတ်နဲ့ သဝဏ်လွှာပါးခွင့် ရတာဟာ ထူးခြားတယ်လို့ ပြောချင်ပါတယ်။ မြန်မာ့နိုင်ငံအရေး ပြေလည်မှု အလားလာ တိုးတက်လာ သလားလို့ မျှော်လင့်နိုင်တယ် ဆိုရင်တော့ အားတက်စရာ ဖြစ်တယ်လို့ ပြောချင်ပါတယ်” ဟု ပြောသည်။
အခမ်းအနားသို့ အမျိုးသား ဒီမိုကရေစီအဖွဲ့ချုပ် ပြည်နယ်နှင့် တိုင်းအသီးသီးမှ ကိုယ်စားလှယ်များ၊ ဝါရင့် နိုင်ငံရေးသမားများ အဖွဲ့ဝင်များ၊ ပြည်သူ့လွှတ်တော် ကိုယ်စားပြုကော်မတီ - CRPP နှင့် ရခိုင် အမျိုးသား ဒီမိုကရေစီ အဖွဲ့ချုပ်တို့ အပါအဝင် လူဦးရေ ၁၀၀၀ ခန့် တက်ရောက် ခဲ့သည်။
မြန်မာ့နိုင်ငံရေး ဖြတ်သန်းမှုတွင် ကာလရှည်စွာ ပါဝင်လာခဲ့သည့် ဝါရင့်နိုင်ငံရေးသမား အစု ကလည်း တွေ့ဆုံ ဆွေးနွေးရေး ပြုလုပ်ပါဟု ပြောဆို လိုက်သည်။
Ref: မဇ္ဈိမ
Wednesday, November 11, 2009
အုပ်စုတခု ပြည်သူ့စစ် တစ်တပ်ရင်း ဖွဲ့စည်းရေး စီမံကိန်း နအဖ စတင် အကောင်ထည်ဖေါ်
အင်္ဂါနေ့၊ 10 နိုဝင်ဘာလ 2009
ကျေးရွာအုပ်စုတခုလျှင် ပြည်သူ့စစ် တပ်ရင်းတစ်ရင်း စီမံကိန်းအား အကောင်အထည် စတင်ရာတွင် မြို့နယ် တခု၌ အနည်းဆုံး ပြည်သူ့စစ် တပ်ရင်း တခုဖြင့် စတင် ဖွဲ့စည်းသွားမည် ဖြစ်ကြောင်း - SPDC အရာရှိနှင့် နီးစပ်သည့် အသိုင်းအ၀ိုင်းက ဆိုသည်။
“ပြည်သူ့စစ် တပ်ရင်း/အမှတ် အသေးစိတ်တော့ မသိသေးဘူး၊ ပြီးခဲ့တဲ့ ၃ ရက်နေ့ တြိဂံတိုင်း ဒု-တိုင်းမှူး ဗိုလ်မှူးချုပ် ဝေလင်း မိုင်းတုံ ဘက် ရောက်လာတာတော့ ပြည်သူ့စစ် တပ်ရင်းဖွဲ့ဖို့ အဓိကဘဲ”- ဟု မိုင်းတုံ ဒေသခံ တဦးကပြော ပါသည်။
မိုင်းတုံမြို့နယ်အတွင်း ပြည်သူ့စစ် တပ်ရင်း နှစ်ရင်း ထားနိုင်ဖွယ် ရှိကြောင်း၊ ထို့အတူ မိုင်းဆတ် မြို့နယ် တွင်လည်း ထို့ထက် မက ရှိနိုင်ကြောင်း သျှမ်းသံတော်ဆင့်အား ဤကဲ့သို့ ဆက်ပြော၏။
“မိုင်းတုံမြို့နယ်ထဲမှာ ပြည်သူ့စစ် တပ်ရင်းမှူး တင်ဝင်း၊ လက်ထောက်က နှစ်ယောက် ဂျပီးကွယ် နဲ့ ဂျကော် ဖြစ်မယ်လို့ ပြောတယ်။ တပ်ရင်း နှစ်ရင်းထားရင်တော့ ဂျပီးကွယ် နဲ့ ဂျကော်က တပ်ရင်းမှူး၊ တင်ဝင်းက ထိပ်ဆုံးက ကိုင်မှာပေါ့။ မိုင်းဆတ် ဘက်မှာတော့ လားဟူပြည်သူ့စစ် တပ်ဖွဲ့ အရမ်းများတော့ မိုင်းတုံထက် တပ်ရင်း ပိုများနိုင်တယ်” - ဟု ပြော၏။
နအဖ တပ်ရင်းတစ်ရင်း၌ လက်ရှိ အင်အား ၂၀၀ - ၃၀၀ ကြားသာ ရှိသောကြောင့် ပြည်သူ့စစ် တပ်ရင်းလည်း ထို့ထက် မနည်း ဖွဲ့စည်းနိုင်ဖွယ် ရှိကြောင်း၊ ထို့အတူ ပြည်သူ့စစ် လစာကိုလည်း ယခုနှစ်ကုန် စတင် ထုတ်ပေးသွားမည် ဖြစ်ကြောင်း၊ သာမန် ပြည်သူ့စစ် တပ်သားတဦး လစာငွေ မည်မျှ ထုတ်ပေးမည် မသိရသော်လည်း ပြည်သူ့စစ် တပ်ရင်းမှူး အတွက် တလ အနည်းဆုံး ၃ သိန်း ထုတ်ပေးမည် သတင်း ကြားထားကြောင်း အဆိုပါ ပုဂ္ဂိုလ်က ဆက်ပြောပါသည်။
“တပ်ရင်းမှူးအဆင့်က ဗမာ့တပ်မတော်မှာ ဒု - ဗိုလ်မှူးကြီး အဆင့်လောက် ထားတယ်။ ဒု - ဗိုလ်မှူးကြီး တယောက်ရဲ့ လစာ က ၁ သိန်း ၈ သောင်းလောက် ရတယ်လေ။ ရာထူးလစာ နဲ့ အလုပ်တာဝန် လစာ ပေါင်းရင် ပြည်သူ့စစ် တပ်ရင်းမှူး တယောက် လစာကျပ် ၃ သိန်းလောက် ဖြစ်နိုင်ပါတယ်” - ဟု ဗမာ တပ်မတော် အရာရှိ အသိုင်းအ၀ိုင်းနှင့် နီးစပ်သူ တဦးက ပြောပါသည်။
ပြည်ပရန် ကာကွယ်ရန်အတွက် ကျေးရွာအုပ်စုတခု ပြည်သူ့စစ် တပ်ရင်း တစ်ရင်း ဖွဲ့စည်း ထူထောင်သွားမည့် စစ်အစိုးရ၏ ပေါ်လစီသည် ၂၀၀၀ ပြည့်နှစ် ၀န်းကျင် ကတည်းက ဖြစ်ကြောင်း၊ စင်စစ်မှာ တိုင်းရင်းသား လက်နက်ကိုင် တပ်ဖွဲ့များအား ချေမှုန်းရန် အတွက်သာ ဖြစ်ကြောင်း NDD သတင်း သုတေသနဌာန မှတ်တမ်း၌ ဖေါ်ပြခဲ့ဖူးသည်။
မိုင်းတုံ၊ မိုင်းဆတ်အပိုင်း၌ ပြည်သူ့စစ် တပ်ရင်း ထူထောင် ဖွဲ့စည်း ရသည့် အကြောင်းရင်းမှာ တောင်ပိုင်း ၀တပ်ဖွဲ့နှင့် တောင်ပိုင်း SSA တို့အား စစ်အစိုးရက ထိုးစစ်ဆင် တိုက်ခိုက်လျှင် ရှေ့ပြေးတပ် အဖြစ် အသုံးပြုမည်မှာ မလွဲဖြစ်ကြောင်း သျှမ်းပြည် တပ်မတော် အသိုင်းအ၀ိုင်းကလည်း ပြောပါသည်။
နအဖ ပြည်ထဲရေးဝန်ကြီးဌာန၏ ၂၀၀၄ ခုနှစ် စစ်တမ်းတွင် ရှမ်းပြည် အတွင်း ခရိုင်ပေါင်း ၁၂ ခု မြို့နယ်ပေါင်း ၅၅ မြို့နယ်၊ မြို့ နယ်ခွဲ ၂၀ ခု၊ မြို့ ၇၄ မြို့၊ ရပ်ကွက် ၄၁၅ ခု၊ ကျေးရွာ အုပ်စုပေါင်း ၁၆၃၃ စု၊ ကျေးရွာပေါင်း ၁၅၄၂၁ ရွာ ရှိသည်ဟု ဆို၏။ ကျေးရွာ အုပ်စုတိုင်း ပြည်သူ့စစ် တပ်ရင်းတခု ထားမည်ဆိုပါက ရှမ်းပြည်တခုထဲ ပြည်သူ့စစ် တပ်ရင်း ၁၅၀၀ ရင်းထက် မနည်း ရှိမည်ဟု သုံးသပ် သူများက ပြောဆိုနေကြ၏။
Ref: သျှမ်းသံတော်ဆင့်
Tuesday, November 10, 2009
ဝါရှင်တန်နဲ့ ကြပ်ပြေး ဘာအပေးအယူတွေ လုပ်နေကြ တာလဲ ကမ်ဘဲလ်ပြန်ပြီ၊ လက်ဗလာနဲ့
ရဲဘော်ဖိုးသံချောင်း
၁၀ နိုဝင်ဘာ ၂၀၀၉
မီဒီယာသမားတွေ ရလိုက်တာက ဒေါ်အောင်ဆန်း စုကြည်ရဲ့ နောက်ဆုံး ဓာတ်ပုံ တပုံ။ အမျိုးသား ဒီမိုကရေစီ အဖွဲ့ချုပ် ရလိုက်တာက ဗိုလ်ချုပ်တင်ဦး အပေါ် နအဖက အခုအထိ ဘယ်လို သဘောထားတယ် ဆိုတဲ့ သဘောထား။ နအဖရ လိုက်တာက ပြည်တွင်းပြည်ပကို လိမ်ညာခွင့်။ ဗမာပြည် ပြည်သူလူထု ကတော့ တံလျှပ်လေးတောင် မမြင်လိုက်ရ။ လာကတည်းက အခြေအနေကို စနည်းနာဖို့ လာတာလို့ ပြောခဲ့တဲ့ အမေရိကန် အစိုးရအဖို့ ကတော့ အရင်းဟာ အရင်းပဲလို့ ပြောနိုင်ပါတယ်။ သူတို့ အတွက်က ရသမျှ အမြတ်ချည်းလို့ တွက်ထားတာ ဖြစ်ပါတယ်။
ဒီလို သဲထိတ်ရင်ဖို ရုပ်ရှင်ကားလိုလို၊ သံတမန် သူလျှို ရုပ်ရှင်ကား လိုလို ဗမာ့ နိုင်ငံရေး ဇာတ်လမ်း တခုကို အားလုံးက အလေးထား အာရုံ စိုက်ကြည့် နေကြလို့ အဆုံးပိုင်းလည်း ရောက်ရော မထင်မှတ်ဘဲ လူပြက် တယေက် ခုန်ထွက်လာတယ်။ တခြားလူ ဟုတ်ပါရိုးလား။ ဗိုလ်ချုပ်မှူးကြီး သန်းရွှေပေါ့။ ကမ်ဘဲလ် ပြန်သွားတာ သေချာပြီ ဆိုတော့မှ ပုန်းအောင်းနေရာက ထွက်လာ၊ ပြီးတော့ ကြပ်ပြေးကို ပြန်ရောက်ရောက်ချင်း အိပ်မှုန်စုံမွှားနဲ့ “စက်မှုနိုင်ငံ ထူထောင်ရမယ်” လို့ လက်သီး လက်မောင်းတန်း အော်လိုက်ပါတယ်။ ဦးပုညရေးသလို “ကမ္ဘာကြီး ပျက်ကာမှ ယောင်တိယောင်နနဲ့ လူ့ဘဝကို ရတဲ့” လူဆိုတာမျိုးပါပဲ။ သူဟာ သွားပုန်းနေတာ မဟုတ်ပါဘူးလို့ လျှောက်လဲချက် တင်နေတာပါ။ ဒါပေမယ့် ဒီအပြောဟာ ဒီနိုင်ငံ့ အကြီးအကဲ ကြီးရဲ့ အရည်အချင်းကို ဖော်ပြလိုက်သလို ဖြစ်သွားတာမို့ ပရိသတ်ကို ပွဲအကျကြီး ကျသွား စေပါတော့တယ်။ ထားတော့။ ဗမာပြည် နိုင်ငံရေးဟာ ဒါနဲ့ပဲ သံသရာ လည်နေရတော့မှာလား။
အမေရိကန်က ကမ်ဘဲလ်ကိုလွှတ်တာဟာ အဓိကအားဖြင့် အာရှတိုက် ဒီဘက်ပိုင်းက တရုတ်၊ အိန္ဒိယ၊ အာဆီယံတို့ရဲ့ နိုင်ငံရေး ကျားဝိုင်းမှာ သူတို့ ကျန်မနေခဲ့ဖို့ ရည်ရွယ်တာ ဖြစ်ပါတယ်။ ဗမာပြည် အရေးဟာ အမေရိကန် နိုင်ငံအတွက် အရေးပါသလောက် ပါပေမယ့် ဘယ်တုန်းကမှ ထိပ်တန်း ထားရတဲ့ ကိစ္စ မဖြစ်ခဲ့ပါဘူး။ အခုလည်း မဖြစ်သေးပါဘူး။ ဒီတော့ အိမ်ဖြူတော်ဟာ ဗမာပြည် အရေးကို တလျှောက်လုံး သူတို့ နိုင်ငံခြားရေး ပေါ်လစီရဲ့ ဒုတိယတန်း၊ ဒါမှမဟုတ် တတိယတန်း ပြဿနာ အဖြစ်ပဲ ကိုင်တွယ်နေမှာပါ။ “ဗမာပြည်ကို တခေါက် သွားလိုက်တာ နဲ့ပဲ ပြဿနာ အားလုံးကို ဖြေရှင်းနိုင် လိမ့်မယ်လို့ မမျှော်လင့်သင့်ဘူး” ဆိုတဲ့ အပြောမျိုးတွေပဲ ကြားနေရဦး မှာသေချာပါတယ်။ ဒါကို လည်တံ တမော့မော့ လုပ်နေကြလို့ မဖြစ်ပါဘူး။
ဒီလိုအခါမှာ နအဖစစ်ဗိုလ်ချုပ်တွေ အနေနဲ့ နိုင်ငံကြီးတွေ အကြားမှာ ဟိုပင် ဒီပင် ကူးပါလို့ ကစားနိုင်တော့မယ်လို့ တွေးပြီး အူမြူးနေမှာ သေချာပါတယ်။ အရင်ကတော့ အတိုက်အခံတွေက ဗမာပြည် အရေးကို ပြည်ပ နိုင်ငံရေး ဝိုင်းထဲကို တွန်းပို့၊ ဆွဲပို့တာတွေ လုပ်နေခဲ့ပါတယ်။ မကြာမီ ကာလမှာတော့ နအဖ စစ်အစိုးရက ပြဿနာတွေကို ပြည်ပ လွှဲချပြီး အချိန်ဆွဲတာ၊ အငှားဗိုက်နဲ့ ဓားထိုးခံတာ၊ ပြည်ပနဲ့ ရန်တိုက်ပေးတာတွေ လုပ်လာနိုင်ပါတယ်။ အမေရိကန်ကို ပုဏ္ဏားတိုင် ထားပြီး ပြောတာကို အတိုက်အခံတွေထက် နအဖက ပိုလုပ်လာတာမျိုးတောင် တွေ့ကောင်း တွေ့လာရနိုင်ပါတယ်။
နောက်ဖြစ်နိုင်ခြေတခုကတော့ အင်တာနက်ရယ်၊ ဗိုလ်စာနဲ့ ရေးထားတဲ့ စာအုပ်ကြီးတွေ ရယ်ကို ကိုးကားပြီး မီဒီယာတွေကနေ ဖိန်းတာ၊ ဟိန်းတာတွေလည်း ပိုများကောင်း များလာနိုင်ပါတယ်။ တဆက်တည်းမှာ မရှက်မကြောက် ဟိုဘက်-ဒီဘက် ခြံကူးတာတွေလည်း တွေ့လာရ ပါလိမ့်မယ်။ ဟိုပုဂ္ဂိုလ်များပြောတဲ့ “စပေ့စ်” တွေ များလာနိုင်တယ် ဆိုတဲ့ သဘောမျိုးလား။ အင်း- နအဖ ထိုးပေးထားတဲ့ မီးမောင်းအောက်မှာ ကကြပေတော့ပေါ့။ နောက်ပြီး မောင်မောင် မခေါ်ခင် ကတည်းက ဗျာထူးနေတဲ့ လူတွေလည်း အခုထက် ပိုများကောင်း များလာနိုင်ပါတယ်။ ရွေးကောက်ပွဲ ဥပဒေထဲမှာ ဘာတွေပဲ ရေးထားထား ဒို့ကတော့ အမတ်တနေရာ ရဖို့အတွက် အသက်ပဲ ပေးရ-ပေးရ၊ အရှက်ပဲပေးရ-ပေးရ ဝင်မှာပဲ ဆိုတဲ့လူတွေလည်း အားတက်ကောင်း တက်ပါလိမ့်မယ်။
သေချာတာကတော့ ဗမာပြည်ရဲ့ နိုင်ငံရေး ပိုရှုပ်ထွေးလာမယ် ဆိုတာပါပဲ။ တိုင်းပြည် တပြည်ရဲ့ အရေးမှာ နိုင်ငံကြီးတွေ ပါလာရင် ပိုရှင်းရ လွယ်မယ်လို့ အသေတွက်ရင် မှားတယ်ဆိုတာ မြင်ရတော့မှာပါ။ အိုဘားမား အစိုးရ အနေနဲ့က ဗမာပြည် အရေးဟာ ဘုရ်ှရဲ့ နည်းလည်း မစွံဘူး၊ အာဆီယံ နည်းလည်း မစွံဘူး၊ ဒါကြောင့် ဘယ်နည်း ကောင်းမလဲလို့ ရှာဖွေ စမ်းသပ်နေတာပါ။ ထပ်ပြောပါ့မယ်။ အိုဘားမား အစိုးရဟာ ဗမာပြည် အရေးကို ဘယ်နည်းနဲ့ ချဉ်းကပ် ဖြေရှင်းတာ အကောင်းဆုံးလဲလို့ ရှာဖွေ စမ်းသပ်နေတာ ဖြစ်ပါတယ်။ သူတို့က နိုင်ငံကြီးဆိုတော့ အချိန်စောင့်နိုင်ပါတယ်။ လောစရာမလိုပါ။ သူတို့အဖို့က အရှေ့တောင်အာရှက ဒီအရေးမှာ ငါ့ကိုချန်ထားလို့ မရဘူးနော်လို့ ပြောလိုက် ရရင်ပဲ ရည်ရွယ်ချက် တဝက်ကျော် ပြည့်မြောက်နေပါပြီ။ သူတို့ ဦးတည် လှုပ်ရှားနေတာက ဗမာပြည် ပြည်သူတွေ မဟုတ်ပါဘူး။ တရုတ်၊ အိန္ဒိယနဲ့ အာဆီယံ အပါ ဒီဒေသက နိုင်ငံတွေကို ဦးတည်တာပါ။
ကမ်ဘဲလ်လာသွားတာဟာလည်း သူတို့သဘောထားကို ကျယ်ကျယ် ပြန့်ပြန့် ရှင်းပြဖို့ပဲ ဖြစ်ပါတယ်။ ဒီက လူတွေနဲ့ အဖွဲ့ အစည်း တွေရဲ့သဘောထားကို အကျယ်အပြန့် နားထောင်ဖို့က အဓိက မဟုတ်ပါဘူး။ (ဗမာပြည်အကြောင်း၊ ဗမာပြည်ကလူ-အဖွဲ့ အစည်းတွေရဲ့ သဘောထားတွေကို သူတို့ မသိတာလည်း မဟုတ်ပါဘူး)။ သူတို့ လုပ်ချင်တာကို ဒီကလူတွေ နားလည် သဘောပေါက်ဖို့၊ ဒါမှမဟုတ် နောင်အတွက် လမ်းဖွင့်ထားနိုင်ဖို့ ရည်ရွယ်တာ ဖြစ်ပါတယ်။
အခုတော့ အိုဘားမားနဲ့ သိန်းစိန် တွေ့မယ်ဆိုတဲ့ အခြေအနေတောင် ရောက်လာ နေပါတယ်။ ဒီအခါမှာ မီဒီယာတွေက ၁၉၆ဝ ခုနှစ် များတုန်းက ဗိုလ်နေဝင်းနဲ့ အမေရိကန် သမ္မတ ဂျွန်ဆင်တို့ တွေ့ကြတာကို ပြန်ညွှန်း နေကြတာကိုလည်း တွေ့လာရပါတယ်။ ကွန်မြူနစ် ဆန့်ကျင်ရေး အတွက် အမေရိကန်က ဗိုလ်နေဝင်းကို ကျောသပ်ခဲ့တာ၊ အကူအညီ ပေးခဲ့တာတွေကို ထောက်ပြ ကြပါတယ်။ ဒါပေမယ့် သူတို့ လိုသွားတဲ့ အချက်တချက် ကျန်နေတယ်လို့ ထင်ပါတယ်။ အဲဒါက အဲဒီတုန်းက ဝါရှင်တန်နဲ့ မဆလ စစ်အစိုးရ အဆင်ပြေခဲ့တာဟာ အကျိုးစီးပွားချင်း သွားတိုက်ဆိုင် နေလို့ ဖြစ်ပါတယ်။ အမေရိကန် ကလည်း ဗီယက်နမ်စစ်ပွဲ တိုက်နေရတာမို့ ဒီဒေသမှာ ကွန်မြူနစ် ဆန့်ကျင်သူကို ရှာဖွေနေတာဖြစ်ပြီး ဗိုလ်နေဝင်းကလည်း ဗကပ အမြစ်ဖြတ်ရေးကို ဖြတ်လေးဖြတ်နဲ့ အပြတ်အသတ် လုံးပန်းနေချိန် ဖြစ်ပါတယ်။ ဗိုလ်နေဝင်းက ကွန်မြူနစ် ဆန့်ကျင်တာဟာ သူ့အကျိုးစီးပွား ကြောင့်မို့ ဖြစ်ပါတယ်။ အမေရိကန်က နားချလို့ လုံးဝ မဟုတ်ပါဘူး။ ဗမာပြည်က စစ်အုပ်စုတွေ၊ စစ်အာဏာရှင် တွေဟာ တောင်ဗီယက်နမ်က ငိုဒင်ဇင်၊ အင်ဒိုနီးရှားက ဆူဟာတို၊ ဖိလိပိုင်က မားကို့စ်တို့လို အမေရိကန် အကူအညီနဲ့ အာဏာရခဲ့တာ မဟုတ်သလို အမေရိကန်ရဲ့စီးပွားရေး သံသရာကြီးထဲမှာ ကိုယ့်အကျိုး စီးပွားတွေကို ပုံထားရ သူတွေလည်း မဟုတ်ပါဘူး။ အမေရိကန်က ပြောတိုင်းရတဲ့ လူတွေ မဟုတ်ဘူးဆိုတာ မမေ့ဖို့ လိုပါတယ်။ ဒါဟာ ဗိုလ်နေဝင်း လက်ထက် ကတည်းက ချမှတ်ခဲ့တဲ့ လမ်းကြောင်းဖြစ်ပြီး ဗိုလ်သန်းရွှေတို့ ဖဝါးခြေထပ် လိုက်နေတာလည်း ဖြစ်ပါတယ်။ ဒီလို လျှောက်ဖို့ဟာ သူတို့အတွက် ဘယ်လောက် အရေးကြီးတယ် ဆိုတာကို ဗိုလ်ချုပ်တွေ အသိဆုံးပါ။ ဒီလို စစ်ဗိုလ်ချုပ်တွေ မျက်စိ မလည်တဲ့ ကိစ္စကို အတိုက်အခံတွေက မျက်စိမလည်ဖို့ အရေးကြီးပါတယ်။ နိုင်ငံတကာအသိုင်း အဝိုင်းမှာ ဒါမျိုးတွေဟာ ဖြစ်ရိုးဖြစ်စဉ်၊ ဘာမှ မဆန်းတာလို့ မြင်ဖို့လိုပါတယ်။ ဒီလို အပြောင်းအလဲ တွေက ကိုယ်လုပ်စရာ ရှိတာတွေကို မထိခိုက်ဖို့ လိုပါတယ်။ နိုင်ငံတခုနဲ့ တခု ဆက်ဆံမှုကို လိုက်ပြီး ကိုယ့်လုပ်ငန်းစဉ်ကို မပြောင်းဖို့ လိုပါတယ်။
နအဖစစ်အုပ်စုရဲ့အဘိဓာန်ထဲမှာ အမျိုးသားရင်ကြားစေ့ရေး ဆိုတဲ့ ဝေါဟာရဟာ မရှိဘူး ဆိုတာ အိမ်ဖြူတော်က ပုဂ္ဂိုလ်တွေ သိ မသိ မပြောတတ်ပါ။ ငါပြောရင် ရပါတယ်လို့ ကိုယ့်ကိုယ်ကိုယ် အထင်ကြီးလို့ မရတာတော့ သေချာပါတယ်။ နိုင်ငံငယ်တွေက နိုင်ငံကြီးတွေကို နှပ်ကစားတာ၊ နိုင်ငံကြီးတွေက မသိချင်ဟန် ဆောင်ပြီး တမင် အနှပ်ခံတာ ဆိုတာတွေဟာ နိုင်ငံချင်း ဆက်ဆံရေးမှာ မဆန်းတဲ့ ကိစ္စတွေ ဖြစ်ပါတယ်။ ခက်တာက ဒီကိစ္စတွေ ဗမာပြည်မှာ လာပေါ်ပေါက်နေတာလားလို့ စဉ်းစားစရာ ဖြစ်နေတာပါပဲ။
Ref: ခေတ်ပြိုင်
အမေရိကန် အစိုးရ အရာရှိတွေနဲ့ တွေ့ဆုံခွင့် ပြုခဲ့တဲ့ အတွက် မြန်မာ စစ်အစိုးရကို ဒေါ်စု ကျေးဇူးတင်
10 November 2009
ပြီးခဲ့တဲ့ သီတင်းပတ်က အမေရိကန်က လာရောက်တဲ့ သံတမန်တွေနဲ့ တွေဆုံခွင့် ပေးခဲ့တဲ့အတွက် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မြန်မာ စစ်အစိုးရကို ကျေးဇူး တင်ရှိတယ်လို့ ပြောကြားလိုက်ကြောင်း မနေ့က ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ဒေါ်အောင်ဆန်းစုကြည်ရဲ့ ရှေ့နေကြီး ဦးဉာဏ်ဝင်းက ဗွီအိုအေကို အခုလို ပြောကြားခဲ့ပါတယ်။
“အဓိကကတော့ အကြောင်းအရာ မစ္စတာကမ်းဘဲလ်နဲ့ စကော့ မာဆီယယ် (Scot Marciel) တို့နဲ့ တွေ့ခဲ့တဲ့ အသေးစိတ် ဆွေးနွေးချက် တွေကိုတော့ သူ မပြောပါဘူး။ ဒါပေမဲ့ သူပြောတာက ဒီပုဂ္ဂိုလ်တွေဟာ မြန်မာ နိုင်ငံအရေးနဲ့ ပတ်သက်ပြီး စေတနာလည်း ရှိတယ်၊ အလေး အနက်လည်း ထားတယ်။ ဒါကြောင့် သူတို့ကိုလည်း ကျေးဇူးတင်တယ်။ ပြီးတော့ ဒီလိုတွေ့နိုင်အောင် စီစဉ်ပေးတဲ့ နအဖကိုလည်း ကျေးဇူးတင်တယ်။ ဒီ့ထက်ထိ ပိုပြီး တိုးတက်မှုတွေ ရှိမယ်လို့လည်း ယုံကြည်တယ်။ အဲဒါ ပြောလိုက်ပါတယ်။”
ပြီးခဲ့တဲ့ နှစ်ပေါင်း ၂၀ အတွင်း ၁၄ နှစ်လောက် အကျယ်ချုပ်၊ အကျဉ်းချုပ်တွေနဲ့ နေထိုင် နေခဲ့ရတဲ့ ဒေါ်အောင်ဆန်းစုကြည်ဟာ စစ်အစိုးရနဲ့ ပတ်သက်ပြီး အခုလို အကောင်း ပြောဆိုတာမျိုးက ထူးခြားနေပါတယ်။ ဒေါ်အောင်ဆန်းစုကြည်ဟာ လွန်ခဲ့တဲ့ သြဂုတ်လ တုန်းက သူ့ကို စစ်အစိုးရက ထောင်ဒဏ် ၃ နှစ် ချမှတ်ပြီးတော့မှ တနှစ်ခွဲ ဆိုင်းငံ့ပြစ်ဒဏ်နဲ့ လျှော့ပေါ့ သတ်မှတ်ပေးထားတဲ့ စီရင်ချက်ကို တရားရုံးချုပ်အထိ အယူခံ ထပ်ဝင်ဖို့ ဆုံးဖြတ် ထားတယ်လို့လည်း ရှေ့နေကြီး ဦးဉာဏ်ဝင်းက ပြောပါတယ်။ မနေ့က ဒေါ်အောင်ဆန်းစုကြည်ဟာ ဦးဉာဏ်ဝင်း အပါအ၀င် သူ့ရဲ့ အကျိုးဆောင် ရှေ့နေကြီး ၄ ယောက်နဲ့ သုံးနာရီနီးပါး တွေ့ဆုံခဲ့ပါတယ်။
မြန်မာနိုင်ငံက အပြန်မှာ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ အမေရိကန် ဒု - လက်ထောက် နိုင်ငံခြားရေး ၀န်ကြီး စကော့ မာဆီယယ် (Scot Marciel) က ဘန်ကောက် လေဆိပ်မှာ ပြောဆိုရာမှာတော့ သူ့ခရီးစဉ်ရဲ့ အဓိက ရည်ရွယ်ချက်ဟာ မြန်မာနိုင်ငံမှာ စစ်အစိုးရနဲ့ တိုင်းရင်းသား အဖွဲ့အစည်းတွေ၊ နိုင်ငံရေး ပါတီတွေ ကြားမှာ တွေ့ဆုံ ဆွေးနွေးမှု ဖြစ်ပေါ်လာစေရေး စစ်အစိုးရကို တိုက်တွန်းဖို့ ဖြစ်တယ်လို့ ပြောဆိုခဲ့ပါတယ်။
Ref: VOA News
NDAK နယ်ခြားစောင့်တပ် ရာထူးအပ်ပွဲ ကျင်းပ
ဖနိဒါ
တနင်္လာနေ့၊ နိုဝင်ဘာလ 09 ရက် 2009
မဇ္ဈိမ(ချင်းမိုင်)။ ။ ငြိမ်းအဖွဲ့တခုဖြစ်သော ကချင်ဒီမိုကရေစီသစ် တပ်မတော် (NDAK) မှ စစ်ဖက် အရာရှိများအား နယ်ခြားစောင့်တပ် အဖြစ် ပြောင်းလဲ ရာထူး ပေးအပ်ပွဲကို ယမန်နေ့က ကျင်းပခဲ့သည်။
ကချင်ပြည်နယ် မြောက်ပိုင်းတိုင်းမှူး ဗိုလ်ချုပ်စိုးဝင်းနှင့် ကာကွယ်ရေး ဌာနမှ နယ်ခြားစောင့်တပ် ညွန်ကြားရေးမှူးချုပ် ဗိုလ်ချုပ် မောင်မောင်အုန်းတို့ တက်ရောက်သည့် အစိုးရ အသိအမှတ်ပြု ရာထူးအပ်နှံပွဲကို NDAK ၏ ပန်ဝါမြို့ ဌာနချုပ်တွင် ကျင်းပခဲ့ခြင်း ဖြစ်သည်။
“နိုင်ငံဝန်တော်ဝန်ထမ်းဖြစ်သွားတော့ နိုင်ငံတော် လစာတို့ လုပ်ပိုင်ခွင့်တို့ ရသွားပြီ။ အဝတ်အစားလည်း ရပြီ။ ဆေးဝါးလည်း ရပြီ။ တပ်ရင်း၊ တပ်ရင်းမှူး ဆိုတာတွေ ပေးအပ်တာပေါ့နော်။ ကိုယ့်ဒေသမှာ ကိုယ်လုပ်ပိုင်ခွင့် ရတာပေါ့” NDAK ဥက္ကဌ ဇခုန်တိန်ယိမ်းက မဇ္ဈိမကို ပြောသည်။
ကာကွယ်ရေး ဝန်ကြီးဌာနမှ တိုက်ရိုက် အုပ်ချုပ်မည့် နယ်ခြားစောင့်တပ်၌ တာဝန် ထမ်းဆောင်သူ NDAK တပ်ဖွဲ့ဝင်များအား လစာ အများဆုံး ၂ သိန်းခွဲမှ အနည်းဆုံး ၅ သောင်းကျော်ထိ စစ်အစိုးရက ယခုလမှ စတင်ကာ ရာထူး အလိုက် ထုတ်ပေးသွားမည်ဟု သူက ဆက်ပြောသည်။
NDAK သည် ကချင်လွတ်လပ်ရေး တပ်မတော် KIA မှ ခွဲထွက်ခဲ့ပြီးနောက် ၁၉၉၃ ခုနှစ်တွင် စစ်အစိုး ရနှင့် အပစ်အခတ် ရပ်စဲခဲ့သည်။ စစ်အစိုးရက နယ်ခြားစောင့်တပ် အဖြစ် အသွင်ပြောင်းရန် အပစ်ရပ် တိုင်းရင်းသား အဖွဲ့များအား ဖိအားပေးမှုများ ရှိလာပြီးနောက် ယခုနှစ် ဇွန်လ ၂၄ ရက်နေ့က နယ်ခြား စောင့်တပ်အဖြစ် လက်ခံခဲ့သည်။
နယ်ခြားစောင့်တပ်တွင် အသက် ၁၈ နှစ်မှ ၅၀ အကြားသာ ထမ်းဆောင်ခွင့် ရှိမည်ဟု သတ်မှတ်ထားသဖြင့် NDAK ဥက္ကဌ ဇခုန်တိန်ယိမ်းသည် တပ်တွင်း၌ တာဝန် ယူနိုင်တော့မည် မဟုတ်သဖြင့် ပန်ဝါဒေသ ကျန်းမာရေး၊ ပညာရေး အပါအဝင် ဖွံ့ဖြိုးရေး လုပ်ငန်းများကိုသာ ဆက်လက် ဦးဆောင် သွားမည်ဟု သိရသည်။
NDAK နယ်ခြားစောင့်တပ်ကို ချီဗွေမြို့အရှေ့ဘက် ဝေါ်ချုံးဒေသ ဖီမော် ကျေးရွာ အနီးတွင် တပ်ရင်း ၁၀၀၁၊ ပန်ဝါဒေသ လုပြည် ကျေးရွာ အနီးတွင် ၁၀၀၂၊ ချီဖွေမြို့နယ် ကန်ပိုင်တီးမြို့အနီး ဂမ်ခွန်းကျေးရွာ အနီးတွင် ၁၀၀၃ စသည်ဖြင့် တပ်ရင်း ၃ ရင်း ဖွဲ့စည်း နေရာချထားပြီး ဖြစ်သည်။
အရာရှိ အဆင့် ၁၈ ဦး၊ အခြားအဆင့် ၃၀၈ ဦးပါဝင်သော နယ်ခြား စောင့်တပ်တွင် တပ်မှူးမှာ အပစ်ရပ် အဖွဲ့မှ ဖြစ်သော်လည်း မြန်မာ့ တပ်မတော်မှ ဗိုလ်မှူးအဆင့်ရှိ အရာရှိ တဦး၊ ဗိုလ်ကြီး အဆင့်ရှိသူ ၂ ဦးနှင့် အခြားအဆင့်ရှိ ၂၇ ဦးတို့ကိုလည်း ထည့်သွင်းရမည် ဖြစ်သည်။
Ref: မဇ္ဈိမ
KPF အတွင်း ရာထူးပဋိပက္ခကြောင့် တပ်ရင်းမှူး တစ်ဦးကို မြန်မာ တပ်ရင်းမှ ခေတ္တခေါ်ထား
Mon 09 Nov 2009,
ကရင်ငြိမ်းချမ်းရေး (KPF) အဖွဲ့မှ ဒုတိယဗိုလ်မှူးကြီး စောလေးဝါး၏ နေရာ၌ ဗဟို ကော်မတီဝင် စောဝါးချဲ့ ရယူခြင်းနှင့် ပတ်သတ်၍ ပဋိပက္ခ ဖြစ်ပွားရာမှ ဘုရားသုံးဆူရှိ မြန်မာ စစ်တပ်ရင်းတို့က ဒုတိယ ဗိုလ်မှူးကြီး စောလေးဝါးကို ယနေ့တွင် ခေတ္တခဏ ခေါ်ယူ ထားသည်ဟု သိရသည်။
ယနေ့နံနက်တွင် ဘုရားသုံးဆူဒေသ ကေပီအက်ဖ် တပ်ရင်းအမှတ် ၃ မှ တပ်ရင်းမှူး ရာထူး တာဝန် အလွှဲအပြောင်းရေး ကိစ္စနှင့် ပတ်သက်၍ သုံးဆူ အခြေစိုက် မြန်မာ စစ်တပ်မှ တပ်ရင်းမှူးနှင့် ဒု-တပ်ရင်းမှူးတို့က စောလေးဝါးအား ၄င်းတို့ တပ်ရင်း အခြေစိုက်တွင် ခေတ္တ ခေါ်ယူထားသည်ဟု KPF အသိုင်းအဝန်းမှ သိရသည်။
“စောဝါးချဲ့က တာဝန်လွှဲပြောင်းဖို့အတွက် လာပြောတဲ့ အချိန်မှာ စောလေးဝါးက ရတခ (အရှေ့တောင်တိုင်း စစ်ဌာနချုပ်) ရဲ့ ညွှန်ကြားစာ ပါလားလို့ ပြောတယ်။ ပါးစပ်နဲ့ ညွန်းကြားရင် လက်မခံနိုင်ဘူးလို့ ပြောတယ်၊ အဲဒီအချိန်မှာ စောဝါးချဲ့က သေနတ်နဲ့ ချိန်တယ်” ဟု KPF အဖွဲ့မှ အဖွဲ့ဝင် တစ်ဦးက ဆိုသည်။ ထို့ကြောင့် မြန်မာတပ်ရင်းက စောလေးဝါးကို ခေတ္တ ခေါ်ထားလိုက်သည့် အတွက် စောလေးဝါးကို ထိန်းသိမ်း လိုက်မှာကို ကေပီအက်ဖ်တို့က စိုးရိမ်နေသည်ဟု KPF အဖွဲ့ဝင် တစ်ဦးက ဆိုသည်။
၎င်းကိစ္စနှင့်ပတ်သက်၍ ဗဟိုကော်မတီဝင် စောဝါးချဲ့ လာရောက် ပြောဆိုမှုကို ဒုတိယ ဗိုလ်မှူးကြီး စောလေးဝါးက လက်မခံနိုင်သဖြင့် ပဋိပက္ခ ဖြစ်ပွား ခဲ့သည်ဟု KPF အသိုင်းအဝန်းမှ ပြောပါသည်။ ၄င်း ရာထူးနေရာ ပြောင်းရွေ့ရေးမှာ ဌာနချုပ်မှ လာခြင်းဖြစ်ပြီး ၄င်းအမိန့်အရ စောလေးဝါးမှာ ရာထူး မရှိဟု စောဝါးချဲ့ ပြောဆိုမှုကို ကိုးကား၍ KPF အဖွဲ့ဝင် တစ်ဦးက ဆိုပါသည်။
“ဒီအမိန့်က တိုင်းစစ်ဌာနချုပ်က လာတာ ဖြစ်နိုင်တယ်။ ကျွန်တော်တို့ ကြားတာကတော့ စောလေးဝါးက နယ်ခြားစောင့် တပ်ကို လက်မခံနိုင်ဘူး၊ ဒါကြောင့် ဖြုတ်ချ လိုက်တာ နေမှာ” ဟု ၄င်းက ဆက်ပြောသည်။
ကရင်ငြိမ်းချမ်းရေးတပ်ဖွဲ့ (KPF) သည် ၁၉၉၇ ခုနှစ်တွင် ကေအန်ယူ တပ်မဟာ (၆) မှ တပ်ရင်း (၁၆) မှူးဟောင်း စောသူမူဟဲက နအဖထံမှ လက်နက်ချ ငြိမ်းချမ်းရေး ယူခဲ့ပြီး ၄င်းအချိန်တွင် အင်းအား ၃၀၀ ခန့် ရှိသည်ဟု ကရင် သတင်းစဉ်က ဆိုပါသည်။
စောလေးဝါးသည် ဘုရားသုံးဆူဒေသ ဝါကနိုင်းမှ သုံးဆူနယ်မြေရှိ ကေပီအက်ဖ် တပ်ရင်း အမှတ် ၃ မှ တပ်ရင်းမှူး ဖြစ်ပြီး ဗဟို ကော်မတီဝင် စောဝါးချဲ့မှာ သံဖြူဇရပ်မြို့ အရှေ့ တောင်ဘက် (၉) မိုင်ဝန်းကျင်ရှိ ရဲတံခွန် ကျေးရွာ အနီးတွင် တာဝန် ယူထားသည်။
လွန်ခဲ့သည့် ဇူလိုင်လတွင် ကရင်းအမျိုးသားအစည်း အရုံး ကေအန်ယူမှ စောလေးဝါးအား ခေတ္တ ဖမ်းဆီးထားပြီ KPF သို့ ပြန်ရောက် လာချိန်တွင် စောလေးဝါး အပေါ်တွင် KPF မှ ယုံကြည်မှု လျော့နည်း သွားသည်ဟု သုံးဆူရှိ KPF အရာရှိ တစ်ဦးက ပြောသည်။
ကေပီအက်ဖ်မှ အိုင်အိုအရာရှိတစ်ဦး၏ အဆိုအရ အချို့ သူများမှာ စောလေးဝါးအား ဆန့်ကျင် သူများလည်း ရှိသည်။
လွန်ခဲ့သည့် မတ်လ (၃၀) ရက်နေ့တွင် နေပြည်တော်မှ ထိပ်တန်း မြန်မာ အရာရှိအချို့ အပါအဝင် အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် သက်နိုင်ဝင်း တို့နှင့် KPF ခေါင်းဆောင် စောသမူဟဲ (ဥက္ကဌ)၊ စောဒေါဒေါ (ဒု-ဥက္ကဌ)၊ မန်းအောင်တင်မြင့် (အတွင်းရေးမှူး)၊ စောဝါးချဲ့ (ဗဟိုကော်မတီဝင်) တပ်ရင်းမှူးများ ဖြစ်ကြသည့် ဒုတိယ ဗိုလ်မှူးကြီး စောသြဘာ၊ ဒုတိယ ဗိုလ်မှူးကြီး စောအယ်ဆေး၊ ဒုတိယ ဗိုလ်မှူးကြီး စောလေးဝါး၊ တို့အား ရတခတွင် ခေါ်ယူ တွေ့ဆုံစဉ် မြန်မာ နယ်ခြားစောင့် တပ်ဖွဲ့ BGF သို့ ပြောင်းလဲရန် ညွှန်ကြားခဲ့သည် ကောင်းဝါ သတင်းဌာနက ဆိုပါသည်။
Ref: လွတ်လပ်သောမွန်သတင်းအေဂျင်စီ်
NDC နဲ့ ခွဲတမ်းပြဿနာ အပိုင်း - ၂
ဗိုလ်ထက်မင်း
တနင်္လာနေ့၊ နိုဝင်ဘာလ 09 ရက် 2009
တပ်မတော်ရဲ့ တတိယမျိုးဆက်သစ် (Third Generation) ဖြစ်လာမယ့်၊ ထိပ်ပိုင်း ရာထူးတက်ဖို့ လှေကားထစ်ဟာ ၁၉၉၃ ခုနှစ် ကာလပိုင်း ခန့်ထိကတော့ စစ်ဦးစီး တက္ကသိုလ်ကို တက်ရောက်ကြဖို့ လိုပါတယ်။ အဲဒါကြောင့် တပ်ရင်းမှူး များဟာ ကလောမြို့ရှိ စစ်ဦးစီး တက္ကသိုလ်ကို တက်ရောက်နိုင်ရန် အလုအယက် ကြိုးစားကြရပါတယ်။ ကျောင်းဆင်းပြီးရင်တော့ G-1 လို့ ခေါ်တဲ့ စစ်ဦးစီးမှူး (ပထမတန်း) ဖြစ်ကြပါတယ်။ စစ်ဦးစီးမှူး (ပထမတန်း) ရာထူးဟာ ထိပ်ပိုင်းရာထူး မပေးခင် လက်တွေ့ စမ်းသပ် ကာလမှာပေးတဲ့ ရာထူးဆိုရင်လည်း မမှားပေဘူး။
စစ်ဦးစီးမှူး (ပထမတန်း) ဟာ စစ်ဆင်ရေးကို အဓိကထားပြီး ကိုင်တွယ်ရသလို တိုင်းမှူး/တပ်မမှူး ကိုယ်စား လုပ်ပိုင်ခွင့် အပြည့်အဝ ရှိကာ ဦးစီးအရာရှိ (ပထမတန်း) (စစ်ရေး) နဲ့ ဦးစီးအရာရှိ (ပထမတန်း) (စစ်ထောက်) တို့ထက် ပိုလည်း အာဏာထက်ပြီး ရာထူး တက်လမ်းလည်း ပိုပါတယ်။ နဝတ တက်လာပြီးတဲ့ နောက် တိုင်းစစ်ဦးစီး ဗိုလ်မှူးကြီး (Col.Gs) ဆိုတဲ့ ရာထူး တီထွင် ပေါ်ပေါက် လာခဲ့ပေမယ့် စစ်ဦးစီးမှူး (ပထမတန်း) G-1 ရာထူးဟာ အဲဒီ (Col.Gs) ရာထူးထက် ပိုမို ထက်မြက် နေသေးကြောင်း ဖြစ်စဉ်တခု အရ ပေါ်လွင်ပါတယ်။
အဲဒါကတော့ ရပခ တိုင်းမှူးဖြစ်ခဲ့တဲ့ ဗိုလ်ချုပ်မောင်ဘိုက ရပခ (Col.Gs) ဖြစ်ခဲ့တဲ့ ယခု ပညာရေး ဒုဝန်ကြီး ဗိုလ်မှူးချုပ် အောင်မျိုးမင်းကို G-1 အလုပ်ကို ဝင်ရှုပ်လို့ ဆိုပြီး ဆူပူ ကြိမ်းမောင်း ခဲ့ဖူးကြောင်း သိရပါတယ်။ G-1 တနှစ်လောက် လုပ်ပြီးရင်တော့၊ တိုင်းမှူးက ထောက်ခံချက် ပေးရင် ဗိုလ်မှူးကြီး အဆင့်နဲ့ ဗျူဟာမှူး ရာထူးသို့ တက်လှမ်းကာ အဆင့်ဆင့် ထိပ်ပိုင်းကို ရောက်ရှိကြတာ များပါတယ်။
နဝတ ခေတ်က နိုင်ငံတော် ကာကွယ်ရေး တက္ကသိုလ် ကျောင်းဆင်းဆင်းချင်း ဗိုလ်မှူးကြီးများ အနေနဲ့ အမှတ်ကောင်းကောင်း ရရှိကြတဲ့ အခါ ဗိုလ်မှူးချုပ် အဆင့်ဖြင့် စမ်းသပ်ကာလ ရာထူးများလို့ ခေါ်ဆို ရမလိုဖြစ်တဲ့ တပ်မမှူး၊ စကခမှူး၊ ဒကစမှူး ရာထူးများကို တိုးမြှင့် ရရှိကြပါတယ်။ နအဖ ခေတ်ကျတော့ တပ်မမှူး ဗိုလ်မှူးချုပ် ရာထူး ဆိုရင်တောင် ထိုင်ခုံ မငြိမ်သေးဘဲ တနည်းအားဖြင့် တတိယ မျိုးဆက်သစ် ထိပ်ပိုင်း ရာထူးထိ တက်ရန် မသေချာတော့ဘဲ အချိန်မရွေး ဒုဝန်ကြီး (သို့) သံအမတ်ကြီး အဖြစ်သို့ လွင့်သွား နိုင်ပါသေးတယ်။
ဥပမာ - တပ်မ ၅၅ တပ်မမှူး ဗိုလ်မှူးချုပ် သန်းထွန်းနဲ့ စကခ ၄ စကခမှူး ဗိုလ်မှူးချုပ် စောလှမင်းတို့ဟာ သံအမတ်ကြီးများ ဖြစ်သွားတာ တရုတ် သွေးစပ်လို့ ဆိုပြီး သတင်းစကား ထွက်ပါတယ်။ အဖားတော်လို့၊ အမျိုးတော်လို့ ရှိရင်တော့ ခြွင်းချက် အနေနဲ့ တပ်မမှူးမှ ဝန်ကြီး အဖြစ် စံမြန်းသွားတဲ့ သာဓက အချို့တော့ ရှိပါတယ်။
မွေးမြူရေးနှင့် ရေလုပ်ငန်းဝန်ကြီးဌာန ဝန်ကြီး ဗိုလ်မှူးချုပ် မောင်မောင်သိန်းနဲ့ သတ္တုတွင်း ဝန်ကြီး ဗိုလ်မှူးချုပ် အုန်းမြင့်၊ ဗိုလ်မှူးကြီး ဇော်မင်း၊ ဗိုလ်မှူးကြီး သိန်းညွှန့်၊ ဗိုလ်မှူးချုပ် သိန်းဇော်နှင့် ဗိုလ်မှူးကြီး အောင်သောင်းဟာ တချို့ NDC ကိုတောင် မတက်လိုက်ရဘဲ “တော် သုံးတော်” ထဲမှာ ပါရှိနေလို့ ထူးခြားတယ်လို့ပဲ ခေါ်ဆိုရပါမယ်။ NDC တက်ရောက်ရတဲ့ ဗိုလ်မှူးကြီးများဟာ အများအားဖြင့် ဗျူဟာမှူး ဘဝမှ တက်ရောက်ရတာ ဖြစ်လို့ တပ်မဲ့ ဗိုလ်ဘဝနဲ့သာ ဖြစ်တာမို့ အခြား ထောက်ပံ့မှု မရှိဘဲ ရှိသမျှ စည်းစိမ် ဥစ္စာများကို ရောင်းချရကာ သင်တန်းမှာ အကုန်အကျခံ တက်ရောက် ကြရပါတယ်။
ဗျူဟာမှူးဘဝဟာ သူတို့ရဲ့ လုပ်ပိုင်ခွင့်၊ အကျိုးခံစားခွင့် စည်းစိမ်ဥစ္စာ အခွင့် အရေးများကို အထက်က တပ်မမှူး၊ တိုင်းမှူးများက ချုပ်ကိုင် ထားကြတာ ဖြစ်ပြီး ပေးကမ်း စွန့်ကြဲ သမျှကိုသာ လက်ခံကြရ ပါတယ်။ တချို့ ဗျူဟာမှူး ဆိုရင် စက်သုံးဆီ ခွဲတမ်းကိုသာ ရကြတယ်။ ဗျူဟာမှူး ဆိုရာမှာ စစ်ဗျူဟာမှူးနဲ့ နည်းဗျူဟာမှူး အဆင့် တူချင်းတောင် အခွင့်အရေး ရပုံချင်းက မတူညီကြပြန်ပါဘူး။ တိုင်း အဆင့်ဆိုရင် စစ်ဗျူဟာမှူးလို့ ခေါ်ပြီး နယ်ဘက် အုပ်ချုပ်ရေးကို ဝင်ရောက် ကိုင်တွယ်ရတာမို့ တိုင်းမှူး ကြည်ဖြူရင် အရိုးအရင်းလေး ရတာမျိုးတော့ ရှိပါတယ်။
တပ်မအဆင့်ဆိုရင်တော့ နည်းဗျူဟာမှူးလို့ခေါ်ပြီး နည်းဗျူဟာမှူးမှာ တပ်မမှူးမှ လစဉ် ခွဲတမ်း ချပေးတဲ့ ဆီပေပါ ခွဲတမ်း လေးကိုသာ ရောင်းစားရပြီး ခြိုးခြံချွေတာ နေကြရပါတယ်။ အဲဒီ နည်းဗျူဟာမှူးတွေ ကတော့ စစ်ဆင်ရေး ရှိမှာသာ တပ်ရင်းတွေကို ဟောက်စားလုပ်ကာ ကြပ်မတ် ရတာမို့ အဲဒီအခါကျရင် တပ်ရင်းမှူးတွေက လာဘ်ထိုး ကြတာကြောင့် စိုပြေကြပါတယ်။ စစ်ဦးစီး တက္ကသိုလ်ကို တက်ရောက်ကြရတဲ့ တပ်ရင်းမှူး ဘဝနဲ့ နှိုင်းယှဉ်ရင်တော့ ဆီနဲ့ရေလို ကွာခြားပြီး တပ်ရင်းမှူး ဘဝမှာ သူ့ရဲ့နောက်က တပ်ရင်း တရင်းလုံးရဲ့ အဆီအနှစ်တွေ အားလုံးကို ဝါးမျိုလို့ ရနေတာကြောင့် အိုကေမှာ စိုပြေလှပါတယ်။
ဒါပေမဲ့ စစ်ဆင်ရေးတွေ ပြန်နားပြီဆိုရင်တော့ နည်းဗျူဟာမှူး တွေဟာ တပ်မမှူး ကိုယ်စား အမှုတွေ၊ မှုခင်း ပြဿနာတွေကို ရှင်းလင်းပေးရတဲ့ လူမိုက် တာဝန်ကိုသာ ယူကြရပါတော့တယ်။
စစ်ဗျူဟာမှူး၊ နည်းဗျူဟာမှူးတွေဟာ ပခုံးပေါ်ကို ဗိုလ်မှူးကြီး အပွင့် တင်ရလို့ လှပတယ် ဆိုတဲ့ အများအမြင်မှာ ရှိပေမယ့် သူ့အဆင့်နဲ့ လျော်ညီစွာ နေထိုင် ဝတ်ဆင်ရတာမျိုးနဲ့ အပေါ်ကို ဖားရတာ မျိုးတွေကြောင့် ကျားကြီးတော့ ခြေရာကြီးကာ စားဝတ်နေရေး ကျပ်တည်းမှုတွေ ဖြစ်ပေါ်နေတာကိုလည်း တွေ့ရပါတယ်။
ဗိုလ်မှူးကြီးတွေရဲ့ နေ့စဉ် ကြုံတွေ့ရတဲ့ နောက်ရောဂါ တမျိုးကတော့ ဆက်သွယ်ရေး စက်ပေါ်မှာ တိုင်းမှူး၊ တပ်မမှူးတွေရဲ့ အရှိန်အဝါကို သုံးပြီး စစ်ဦးစီးမှူး (ပထမတန်း)၊ ဦးစီးအရာရှိ (ပထမတန်း) တွေက “ကြပ်” ခြင်းကို ခံနေကြရတာပဲ ဖြစ်ပါတယ်။ တက်လမ်းဝေးပြီး လုပ်သက်ရင့် စီနီယာ အရာရှိကြီးတွေ ဖြစ်တဲ့ ဦးစီး အရာရှိ (ပထမတန်း) (စစ်ရေး/စစ်ထောက်၊ စစ်ဥပဒေ) တွေရဲ့ လေသံက ဗျူဟာမှူးတွေ အပေါ် အစာမကျေမှုတွေ အမြဲလိုလို ရှိနေတာကို တွေ့ရပါတယ်။ ဗျူဟာမှူးတွေမှာ လုပ်သက်နုပြီး ရာထူး အဆင့်ကြီး နေပေမယ့် ဂျူနီယာ အရာရှိတွေဖြစ်လို့ “မင်း … ငါ့လောက် တပ်ထဲမှာ အတွေ့အကြုံ မရှိသေးပါဘူး၊ လူပါးမဝနဲ့” ဆိုတဲ့ လုပ်သက်ရင့် စီနီယာ အရာရှိကြီးတွေရဲ့ မကျေနပ်မှု များစွာနဲ့ ထိပ်တိုက် တွေ့ရတတ်ပါတယ်။
ပိုဆိုးတာက သားအရွယ်လောက်ရှိတဲ့ တိုင်းမှူး၊ တပ်မမှူးတွေရဲ့ ကိုယ်ရေး အရာရှိတွေ၊ စစ်ဦးစီးမှူး (ဒုတိယတန်း) နဲ့ (တတိယတန်း) အရာရှိတွေရဲ့ မောက်မာ မှုတွေကြောင့် “ရင်ခံ” နေကြရတဲ့ ဗျူဟာမှူးတွေလည်း တပုံ တပင်ကြီး ရှိနေပါတယ်။
ဗျူဟာမှူးတွေအနေနဲ့ NDC သင်တန်းတက်ဖို့ ရွေးချယ် ခံရပြီ ဆိုရင်ပဲ မုန့်ဖိုးပေးဖို့ ကလေးသဖွယ် တိုင်းမှူး၊ တပ်မမှူးထံမှာ လက်ဖြန့် တောင်းရတဲ့ ဘဝတွေလည်း ရှိပါတယ်။
ဗျူဟာမှူးတယောက်အနေနဲ့ တနှစ်ပတ်လုံးနီးပါး သင်တန်း တက်ရောက် ရတဲ့ ကုန်ကျ စရိတ်ဟာ ကြီးမားလွန်းလို့ ၁၉၉၈ ခုနှစ်က အပတ်စဉ် (၃) တက်ရောက်ခဲ့တဲ့ ဗျူဟာမှူးတဦးရဲ့ ပြောပြချက်အရ ကျပ် (၁ဝဝ) သိန်းကျော် ကုန်ခဲ့တယ်လို့ ဆိုပါတယ်။ သင်တန်းမှာ လိုအပ်ချက်တွေ ဖြစ်တဲ့ မိတ္တူစက်၊ ကွန်ပျူတာ စတဲ့ အထောက်အကူပြု ပစ္စည်းတွေလည်း ဝယ်ရတာ တကြောင်း၊ အပြိုင်အဆိုင် ရှယ်တကာ့ရှယ် ဖြစ်အောင် လုပ်ရတာ တကြောင်း။ NDC ကျောင်းအုပ်ကြီးနဲ့ နည်းပြ အရာရှိကြီးတွေကိုလည်း အမှတ်ကောင်းကောင်း၊ အဆင့်ကောင်းကောင်း ရရှိရေးအတွက် အစဉ်အလာကြီး သဖွယ် လာဘ်ထိုး ရတာတကြောင်းပေါ့။
လာဘ်ပေးပုံကတော့ ဂေါက်ရိုက်ပွဲတွေကို စပွန်ဆာ စီစဉ်ပေးရတာ၊ ဈေးဝယ်တဲ့ အသေးအဖွဲ ကိစ္စမှ အစ ဝန်ကြီး ဌာနတွေက ဖုန်းပါမစ်၊ ပါဝါ မီတာပါမစ်၊ ဂက်စ်အိုး ပါမစ်၊ စားအုန်းဆီ ပါမစ်၊ အရက်လိုင်စင် စတာတွေအဆုံး ကျောင်းအုပ်ကြီးကနေ နည်းပြ အရာရှိကြီးများ အထိကို သူတို့နာမည်နဲ့ ပါမစ်တွေ ရအောင် ဗျူဟာမှူးတို့က ဆရာသမား ဝန်ကြီးများထံကို ချဉ်းကပ်ပြီး ပေးကမ်း ဆောင်ရွက် ကြရပါတယ်။
ဒါပေမဲ့ ဗိုလ်မှူးကြီးတွေဟာ ဗျူဟာမှူးရာထူးကို ရောက်တယ် ဆိုရင်ပဲ “ညောင်ညိုပင် လမ်းခွဲ” ကို ရောက်ရှိ သလို ခံစားကြရပြီး ထိပ်ပိုင်း ရာထူးသို့ တက်သွားတဲ့ လမ်းကောင်းနဲ့ အဝီစိ ရာထူးကို ဆင်းသွားတဲ့ လမ်းဆိုးတွေကို တွေ့မြင် နေကြရကာ ဘေးကျပ် နံကျပ်နှင့် မရှုမလှ ကြုံတွေ့ နေကြရကြောင်းပါ ခင်ဗျား။
Ref: မဇ္ဈိမ
Monday, November 9, 2009
နအဖ၏ ဖိအားကို ဝိုင်းဝန်းဆန့်ကျင်သွားရန် မွန်လူငယ် အစည်း အရုံးက ဆုံးဖြတ်
ဝီရ / ၆ နိုဝင်ဘာ ၂၀၀၉
၂၀၁၀ ရွေးကောက်ပွဲနှင့် နယ်ခြားစောင့်တပ်ဖွဲ့စည်းမှုကို လက်မခံသည့် မွန်ပြည်သစ် ပါတီ၏ သဘောထားကို အပြည့်အဝ ထောက်ခံပြီး နအဖ စစ်အစိုးရ၏ ဖိအားများကို လူထုအခြေပြု လူ့အဖွဲ့အစည်း များနှင့် ပူးပေါင်းပြီး ဝိုင်းဝန်း ဆန့်ကျင်သွားမည်ဟု တိုးတက်သော မွန်လူငယ်များ အစည်းအရုံးက ဆုံးဖြတ်လိုက်သည်။
“ကျနော်တို့ဆုံးဖြတ်တာက မြန်မာ့ဒီမိုကရေစီအရေးနဲ့ မွန်လူမျိုးတို့ရဲ့ တန်းတူ အခွင့်အရေး တိုက်ပွဲကာလမှာ ကျနော်တို့ လူငယ် အစည်းအရုံးက ဖိအားပေး အင်အားစု ကဏ္ဍကနေ နိုင်ငံရေး ပါတီတွေကို ဝန်းရံပြီး ရပ်တည်သွားမယ်။ နိုင်ငံရေး ပါတီတွေအပေါ် နအဖရဲ့ ဖိအားတွေကို မွန်လူငယ်ထု၊ လူထုအခြေပြု Civil Society အဖွဲ့အစည်းနဲ့ အတူ ဆန့်ကျင်သွားမယ်” ဟု တိုးတက်သော မွန်လူငယ်များ အစည်းအရုံး (MYPO) ၏ ဒု-ဥက္ကဋ္ဌ နိုင်ဉာဏ်စိုက်ရာမာန်က ပြောကြားသည်။
MYPO ၏ ဒုတိယအကြိမ် ညီလာခံကို ၂၀၀၉ ခုနှစ် နိုဝင်ဘာ (၃-၄) ရက်နေ့တွင် ထိုင်း-မြန်မာနယ်စပ် တနေရာတွင် ကျင်းပခဲ့ပြီး မွန်ပြည်နယ် အတွင်း လက်ရှိ ဖြစ်ပေါ်နေသည့် အခြေ အနေများကို သုံးသပ်ကာ ရှေ့လုပ်ငန်းစဉ်များကို ချမှတ်ခဲ့သည်။
ဖွဲ့စည်းပုံအခြေခံဥပဒေကို ပြန်လည်ပြင်ဆင်သုံးသပ်ခြင်း မပြုဘဲ ၂၀၁၀ ရွေးကောက်ပွဲကို ကျင်းပပါက ရရှိသောရလဒ်သည် တိုင်းပြည်၏ ဒီမိုကရေစီ အသွင်ကူးပြောင်းရေးနှင့် တိုင်းရင်းသားတို့၏ တန်းတူအခွင့်အရေးကို ဖော်ဆောင်ပေးနိုင်မည် မဟုတ်ကြောင်း ၎င်းတို့၏ ကြေညာချက်တွင် ဖော်ပြထားသည်။
နိုင်ဉာဏ်စိုက်ရာမာန်က “ဒီ ၂၀၁၀ ရွေးကောက်ပွဲကို တတ်နိုင်တဲ့ဘက်ကနေ နည်းလမ်း ပေါင်းစုံကနေ ကျနော်တို့ လူငယ် အစည်းအရုံးက ဆန့်ကျင်သွားမယ်။ အသေးစိတ်ကိုတော့ ကျနော်တို့ ဆက်လက် ချမှတ်သွားမယ်။ မွန်ပြည်သစ်နဲ့ မွန်အမျိုးသား ဒီမိုကရေစီ အဖွဲ့တိုရဲ့ ဦးဆောင်မှုအတိုင်း ကျနော်တို့ ခံယူသွားမယ်။ ဝိုင်းရံသွားမယ်” ဟု ခေတ်ပြိုင်သို့ ပြောကြားသည်။
ယခင်လက ကျင်းပခဲ့သည့် မွန်လူငယ်များ နှီးနှယ်ဖလှယ်ပွဲတွင် ရွေးကောက်ပွဲ အပေါ် အမြင်သဘောထား၊ အပစ်ရပ် အဖွဲ့တို့၏ အလားအလာတို့နှင့် လူငယ်ထု အတွင်း ညီညွတ်ရေး သေနင်္ဂဗျူဟာဆိုင်ရာ ပူးပေါင်း ဆောင်ရွက်ရေး ကိစ္စရပ်များကို ဆွေးနွေးခဲ့ကြောင်း သိရသည်။
၂၀၀၁ ခုနှစ်တွင် ဖွဲ့စည်းခဲ့သည့် တိုးတက်သော မွန်လူငယ်များ အစည်းအရုံးကို ယခု ကျင်းပခဲ့သည့် ဒုတိယအကြိမ် ညီလာခံတွင် ခေါင်းဆောင်ပိုင်းကို လူငယ်များနှင့် ပြန်လည် အစားထိုး ခန့်အပ်ခဲ့သည်။
Ref: ခေတ်ပြိုင်
မိုင်းလားတပ်ဖွဲ့ ဖိအားပေးခံရမှုအပေါ် အောက်ခြေ အဆင့်နှင့် ပြည်သူထံသို့ ရှင်းလင်း ဆွေးနွေး
သောကြာနေ့၊ 06 နိုဝင်ဘာလ 2009
ဒု-ဗိုလ်ချုပ်ကြီးရဲမြင့် နှင့်တွေ့ဆုံပြီး နယ်ခြားအသွင်ပြောင်းရေး ကိစ္စ ဖိအား ပေးခံရမှု အပေါ် မိုင်းလား ခေါင်းဆောင်များက အောက်ခြေ အဆင့်တပ်မှူး တပ်သားများနှင့် လူထုအား နိုဝင်ဘာ ၅ ရက်နေ့ အထိ ပြန်လည်ရှင်းပြကာ သဘောထား ကောက်ယူ ခဲ့သည်ဟု သျှမ်း-ထိုင်း နယ်စပ် သတင်းရပ်ကွက်က ပြောပါသည်။
“၂၈ ရက်နေ့ မိုင်းလားခေါင်းဆောင်အဖွဲ့ ကျိုင်းတုံသွားပြီး ဗိုလ်ချုပ်ရဲမြင့်နဲ့ တွေ့ဆုံတဲ့ အပေါ် ပြည်သူတွေ ကို မနေ့က ပြန်လည် ရှင်းပြတယ်။ ပြည်သူနဲ့ - ကေဒါတို့ရဲ့ သဘောထားကို မေးမြန်းတယ်။ မနက်ဖြန် ဗိုလ်ချုပ် မင်းအောင်လှိုင် မိုင်းလား ရောက်ရင် အကြောင်း အရာ (၆) ချက် ပြန်လည် တင်ပြ တောင်းဆိုဖို့ လူထုက တိုက်တွန်းထားတယ် ပြောတယ်” - ဟု တရုတ် - သျှမ်း - ထိုင်း နယ်စပ် သွားလာသူ ကုန်သည် တဦးကပြောသည်။
သျှမ်းပြည်စစ်တိုင်း သုံးတိုင်းအား ကြီးကြပ်သူ တိုင်းချုပ် ဗိုလ်ချုပ် မင်းအောင်လှိုင်ထံ တင်ပြ တောင်းဆိုမည့် အဓိက အကြောင်းရင်းမှာ -
နယ်ခြားစောင့်တပ် အဖြစ် အသွင်ပြောင်းလျှင်......
၁။ နအဖ စစ်အရာရှိများ မိုင်းလားတပ်ဖွဲ့အတွင်း ၀င်ရောက် တာဝန်ထမ်းခြင်း မပြုလုပ် သေးရန် ၊
၂။ မွမ်းမံ/စစ်သင်တန်းအားလည်း မိုင်းလား နယ်မြေ အတွင်း၌သာ ပြုလုပ်ရန်၊
၃။ တာဝန်ထမ်းဆောင်နိုင်သေးသည့်အသက် ၅၀ ကျော် မိုင်းလား အရာရှိများ ရာထူးမှ ရပ်နားခြင်း မပြုရန်၊
၎။ မိုင်းလားတပ်ဖွဲ့ ထိန်းချုပ်နယ်မြေ အားလုံး နဂိုအတိုင်း ထားရှိသွားရန်၊
၅။ စစ်အစိုးရ၏ဌာနဆိုင်ရာအုပ်ချုပ်ရေးယန္တရားများ မိုင်းလား ဒေသအတွင်း ၀င်ရောက် ထမ်းဆောင်ခြင်း မပြုသေးရန်၊
၆။ မိုင်းလားတပ်ဖွဲ့၏ စစ်တပ်ပိုင်းဆိုင်ရာ/အုပ်ချုပ်ရေးပိုင်း ဆိုင်ရာ ကော်မတီများအား နဂိုအတိုင်း ထားရှိရန် - စသဖြင့် တင်ပြ တောင်းဆို သွားမည်ဟု ဆိုပါသည်။
“မိုင်းလားကိုဦးဆောင်တဲ့သူတွေက ဗမာစစ်တပ် ပြောတဲ့ အတိုင်း တကယ် လိုက်လုပ်မယ် ဆိုရင် မိုင်းလားတပ်ဖွဲ့နဲ့ ပြည်သူ တွေကို အရှင်လတ်လတ် မြေမြှုပ်လိုက်တာနဲ့ အတူဘဲ” - ဟု မိုင်းလားမှ မျိုးချစ် တပ်မတော်သား တဦးက ၀မ်းပန်း တနည်း ကြေကြေ ကွဲကွဲနှင့် ပြောကြောင်း အမည်မဖေါ်လိုသည့် အဆိုပါကုန်သည်က သျှမ်းသံတော်ဆင့် အားပြောပါသည်။
“နယ်ခြင်းဆက်စပ်နေတဲ့ SSA မြောက်ပိုင်း၊ ၀ နဲ့ မိုင်းလားတို့တွေ လက်နှေးပြီး ဘုံဆုံးဖြတ်ချက်/ တစည်း တလုံးထဲ တောင်း ဆိုမှုတွေ မလုပ်နိုင်ရင်၊ သေအတူ ရှင်အတူ ဆုံးဖြတ်ချက် မချနိုင်ရင်၊ တဖွဲ့ပြီးတဖွဲ့ ကိုးကန့်လို သွားမှာဘဲ။ ၀ တပ်ဖွဲ့အတွက် မြောက်ပိုင်း SSA က တံတိုင်း ဖြစ်နေသလို မိုင်းလားဆိုလဲ သူ့ရဲ့ ထွက်သက် ၀င်သက်လိုဘဲ၊ အဲဒီ့နှစ်ဖွဲ့ ကိုးကန့်လို ထပ်ဖြစ် မယ်ဆိုရင်တော့ ၀ တစ်ဖွဲ့ထဲ တောင့်ခံနေလို့ ရမှာ မဟုတ်ဘူး” - ဟု သျှမ်းပြည်မြောက်ပိုင်းမှ သုံးသပ်သူတဦးက ပြောပါသည်။
Ref: သျှမ်းသံတော်ဆင့်
Sunday, November 8, 2009
မြန်မာစစ်တပ် ရာထူးအဆင့်အခေါ်အဝေါ်များ
စနေနေ့၊ နိုဝင်ဘာလ 07 ရက် 2009
(၁) တပ်မတော်ကာကွယ်ရေးဦးစီးချုပ်
Commander in Chief of Defense Services
(၂) ဒုတိယတပ်မတော်ကာကွယ်ရေးဦးစီးချုပ်
Deputy Commander in Chief of Defense Services
(၃) ကာကွယ်ရေး ဦးစီးချုပ်
Commander in Chief (Army)
(၄) ကာကွယ်ရေး ဦးစီးချုပ် (ရေ)
Commander in Chief (Navy)
(၅) ကာကွယ်ရေး ဦးစီးချုပ် (လေ)
Commander in Chief (Air)
(၆) စစ်ရေးချုပ်
Adjutant General
(၇) စစ်ထောက်ချုပ်
Quartermaster General
(၈) တပ်မတော်စစ်ဆေးရေး အရာရှိချုပ်
Defense Services Inspector General
(၉ ) တပ်မတော်လေ့ကျင့်ရေး အရာရှိချုပ်
Chief of Armed Forces Training
(၁ဝ) တပ်မတော် စစ်ဘက်ရေးရာ လုံခြုံရေး အရာရှိချုပ်
Military Affairs Security (Chief)
(၁၁) စစ်ဦးစီးအရာရှိချုပ် (ကြည်း)
Chief of Staff (Army)
(၁၂) စစ်ဦးစီး အရာရှိချုပ် (ရေ)
Chief of Staff (Navy)
(၁၃) စစ်ဦးစီး အရာရှိချုပ် (လေ)
Chief of Staff (Air)
(၁၄) စစ်ရာထူးခန့်ချုပ်
Military Appointments General
(၁၅) စစ်ဥပဒေချုပ်
Judge Advocate General
(၁၆) တွဲဖက်စစ်ရေးချုပ်
Vice Adjutent General
(၁၇) တွဲဖက် စစ်ထောက်ချုပ်
Vice Quartermaster General
(၁၈) တပ်မတော် တပ်ထိန်းချုပ်
Provost Marshal
(၁၉ ) စစ်လက်နက်ပစ္စည်းညွှန်ကြားရေးမှူး
Director of Ordinance
(၂ဝ) စစ်အင်ဂျင်နီယာ ညွှန်ကြားရေးမှူး
Director of Military Enginerring
(၂၁) ဆေးဝန်ထမ်း ညွှန်ကြားရေးမှူး
Director of Medical Services
(၂၂) ဆက်သွယ်ရေး ညွှန်ကြားရေးမှူး
Director of Signal
(၂၃) ပစ္စည်းဝယ်ယူမှု ညွှန်ကြားရေးမှူး
Director of Defense Services Procurment
(၂၄) ပြည်သူ့စစ်နှင့် နယ်ခြားစောင့်တပ်များ ညွှန်ကြားရေးမှူး
Director of People Militias and Frontier Forces
(၂၅) ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူး
Director of People Relation and Psychological Welfare
(၂၆) ပြန်လည်နေရာချထားရေး ညွှန်ကြားရေးမှူး
Director of Resettlement
(၂၇) လေ့ကျင့်ရေး ညွှန်ကြားရေးမှူး
Director of Military Training
(၂၈) သံချပ်ကာယန္တရားတပ်ဖွဲ့ ညွှန်ကြားရေးမှူး
Director of Armor
(၂၉ ) အမြောက်တပ်ဖွဲ့ ညွှန်ကြားရေးမှူး
Director of Artillery
(၃ဝ) တိုင်းမှူး
Command Commander
(၃၁) တပ်မမှူး
Division Commander
(၃၂) စစ်ဗျူဟာမှူး
Tectical Operation Command
(၃၃) လက်ထောက်စစ်ဥပဒေချုပ်
Assistant Judge Advocate General
(၃၄) တပ်ရင်းမှူး
Commanding Officer
(၃၅) ဒုတိယ တပ်ရင်းမှူး
Second in Command
(၃၆) စစ်ဦးစီးအရာရှိ (ပထမတန်း)
General Staff Officer Grade I
(၃၇) စစ်ဦးစီးအရာရှိ (ဒုတိယတန်း)
General Staff Officer Grade II
(၃၈) စစ်ဦးစီးအရာရှိ (တတိယတန်း)
General Staff Officer Grade III
(၃၉ ) တပ်ရေးဗိုလ်ကြီး
Adjutant
(၄ဝ) တပ်ထောက်ဗိုလ်ကြီး
Quarter Master
(၄၁)ထောက်လှမ်းရေးအရာရှိ
Intelligence Officer
(၄၂) ဆက်သွယ်ရေးအရာရှိ
Signal Officer
(၄၃) ဆေးမှူး
Medical Officer
(၄၄) ဆေးလက်ထောက် အရာခံဗိုလ်
Medical Assistant
(၄၅) တပ်ရင်းတပ်ထောက် အရာခံဗိုလ်
Regimental Quarter Master Sergeant
(၄၆) ရုံးအုပ်ကြီး
Head Clerk
(၄၇) တပ်ကြပ်ကြီးစာရေး
Sergeant Clerk
(၄၈) တပ်စာရင်းကိုင်
Unit Accountant
(၄၉ ) ဗိုလ်လောင်း
Cadet
(၅ဝ) အလုပ်သင်ဗိုလ်
Apprentice
###################################
(၁) ဗိုလ်ချုပ်မှူးကြီး
Senior General
(၂) ဒုတိယဗိုလ်ချုပ်မှူးကြီး
Vice Senior General
(၃) ဗိုလ်ချုပ်ကြီး
General
(၄) ဒုတိယ ဗိုလ်ချုပ်ကြီး
Lieutenant General
(၅) ဗိုလ်ချုပ်
Major General
(၆) ဗိုလ်မှူးချုပ်
Brigadier General
(၇) ဗိုလ်မှူးကြီး
Colonel
(၈) ဒုတိယ ဗိုလ်မှူးကြီး
Lieutenant Colonel
(၉ ) ဗိုလ်မှူး
Major
(၁ဝ) ဗိုလ်ကြီး
Captain
(၁၁) ဗိုလ်
Lieutenant
(၁၂) ဒုတိယ ဗိုလ်
Second Lieutenant
(၁၃) အရာခံ ဗိုလ်
Warrant Officer I
(၁၄) ဒုတိယအရာခံ ဗိုလ်
Warrant Officer II
(၁၅) တပ်ခွဲ တပ်ကြပ်ကြီး
Quarter Master Sergeant
(၁၆) တပ်ကြပ်ကြီး
Sergeant
(၁၇) တပ်ကြပ်
Corporal
(၁၈) ဒုတပ်ကြပ်
Lance Corporal
(၁၉ ) တပ်သား
Private
Ref: မဇ္ဈိမ
စစ်တက္ကသိုလ်များနှင့် သင်တန်းကျောင်းများ
စနေနေ့၊ နိုဝင်ဘာလ 07 ရက် 2009
(၁) နိုင်ငံတော် ကာကွယ်ရေးတက္ကသိုလ်- ဗိုလ်ချုပ်မြဝင်း (ကျောင်းအုပ်ကြီး)
(၂) စစ်ဦးစီးတက္ကသိုလ်
(၃) စစ်တက္ကသိုလ်
(၄) တပ်မတော် (ကြည်း) ဗိုလ်သင်တန်းကျောင်း- ဗိုလ်မှူးချုပ် ရဲအောင် (ကျောင်းအုပ်ကြီး)
(၅) တပ်မတော် (ကြည်း) တိုက်ခိုက်ရေးကျောင်း- ဗထူး
(၆) တပ်မတော် (ကြည်း) ဘုရင့်နောင်
(၇) တပ်မတော်အုပ်ချုပ်ရေးသင်တန်းကျောင်း
(၈) တပ်မတော် ဆေးတက္ကသိုလ်- ဗိုလ်မှူးချုပ် ထွန်းနေလင်း- ကျောင်းအုပ်ကြီး
(၉ ) တပ်မတော် နည်းပညာတက္ကသိုလ်- ဗိုလ်မှူးချုပ် ဆန်းဦး- ကျောင်းအုပ်ကြီး
(၁ဝ) တပ်မတော် သူနာပြုနှင့် ဆေးဘက်ပညာ တက္ကသိုလ်- ဗိုလ်မှူးချုပ် လှမြင့်ဆွေ၊ ပါမောက္ခချုပ်
Ref: မဇ္ဈိမ
Posts
