မောင်ထက်မွန်
စက်တင်ဘာ၊ ၁၄ ရက် ၂၀၁၂
၂၀၁၂ ခုနှစ်၊ စက်တင်ဘာလ (၇) ရက်နေ့ မှာ နိုင်ငံတော်သမတ ရုံးက အမိန့်အမှတ် - ၃၁/၂၀၁၂ ကို ထုတ်ပြန်ပြီး၊ နိုင်ငံတော် သမတရုံး ၀န်ကြီးဌာန ၀န်ကြီး (၆) ဦး ခန့်အပ် ခဲ့ပါတယ်။ ယခင် ရထား ပို့ဆောင်ရေး ၀န်ကြီး ဖြစ်တဲ့ ဦးအောင်မင်း ကိုလည်း သမတရုံး ၀န်ကြီးဌာန ၀န်ကြီး အဖြစ် တာဝန် ပေးအပ်ခဲ့ပါတယ်။
သူ့ရဲ့တာဝန်တွေကတော့ တိုင်းရင်းသားရေးရာကိစ္စတွေ အဓိက ဆောင်ရွက်ဖို့ ဖြစ်ပြီး ငြိမ်းချမ်းရေး လုပ်ငန်းစဉ်တွေ ဆောင်ရွက်ဖို့နဲ့ အဲန်ဂျီအို ကိစ္စတွေ၊ သဘာဝ ဘေးအန္တရာယ် ဆိုင်ရာ ကိစ္စတွေကိုပါ ဆောင်ရွက်ပေးရမှာ ဖြစ်တယ်လို့ ပြည်ပ သတင်းမီဒီယာ တခုနဲ့ တွေ့ဆုံမေးမြန်းခန်းမှာ ၀န်ကြီး ဦးအောင်မင်း က ဖြေကြား သွားခဲ့ပါတယ်။
ကချင်က လွဲလို့ တခြား တိုင်းရင်းသားလက်နက်ကိုင် အဖွဲ့အစည်းတွေနဲ့ အပစ်အခတ် ရပ်စဲရေး အဆင့် ဆောင်ရွက်ပြီး သဘော တူညီချက် လက်မှတ်ရေးထိုးပြီး ဖြစ်ကြောင်း၊ ဒုတိယ အဆင့် အနေနဲ့ (political dialogue) နိုင်ငံရေးအရ တွေ့ဆုံရေး၊ (development) ဖွံ့ဖြိုးမှု၊ (settlement) ပြေငြိမ်းခြင်း၊ (rehabilitation) ပြန်လည် တည်ဆောက်မှု စတာတွေကို ဆက်ပြီး ဆောင်ရွက်နေ ကြောင်း၊ တတိယ အဆင့်အနေနဲ့က ပြည်သူ့လွှတ်တော်မှာ တိုင်းရင်းသားတွေ အားလုံးပါဝင်တဲ့ အစည်းအဝေးကြီး တခုလုပ်မယ်၊ ဘုံသဘောတူညီချက် တခုရယူမှာ ဖြစ်ကြောင်း၊ ထာဝရ ငြိမ်းချမ်းရေး၊ စစ်မှန်တဲ့ ငြိမ်းချမ်းရေး ရရှိမှာ ဖြစ်ပါတယ်။ ဒီလို အဆင့် ၃ ဆင့်နဲ့ ဆောင်ရွက်မှာ ဖြစ်တယ် လို့ ဦးအောင်မင်း က ပြောကြား သွားခဲ့ပါတယ်။
ကချင်နဲ့ ၁ နှစ်ကျော် တိုက်ပွဲတွေ ဆက်တိုက် ဖြစ်နေပြီး၊ အခုထက်ထိ အောင်မြင်အောင် စေ့စပ်ဆွေးနွေးနိုင်တဲ့ အဆင့်ကို မရောက်သေးတာနဲ့ ပတ်သက်လို့ ဦးအောင်မင်းက - ကချင်ကိစ္စဟာ လက်ရှိ အစိုးရ မတင်ခင်ကတည်းက စတဲ့ကိစ္စ ဖြစ်ပြီး။ အခုမှ ကျနော်တို့က ဖြည်နေရတာ၊ ကျနော့်ကို တာဝန်ပေးတဲ့အခါမှာ ၃ ကြိမ်တိတိ တွေ့ဆုံဆွေးနွေးရာမှာ တပ်တွေ သူ့နေရာသူ ပြန်ကြဖို့ ဆွေးနွေးဖြစ်ခဲ့ကြောင်း။ ၄ ကြိမ်မြောက်ဆွေးနွေးပွဲမှာ ဒုတိယ ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်း ကိုယ်တိုင် လိုက်ပါပြီး တပ်မတော်မှ တပ်တွေ ပြန်ရွှေ့ရေး ကိစ္စကို ဆွေးနွေးဖို့ လူကြီးတွေက လက်ခံ ခဲ့ကြောင်း။
တွေ့ဆုံဆွေးနွေးပွဲ လုပ်မယ့် နေရာသတ်မှတ်ရေးမှာ သဘောကွဲလွဲနေပြီး KIA ဖက်က သူ့နယ်မြေ အတွင်းရှိ လွယ်ဂျယ် သို့မဟုတ် တရုပ်ပြည် ရွှေလီ မှာ တွေ့ဖို့ ကမ်းလှမ်းထားရာမှာ အစိုးရ ဖက်က ဗန်းမော် သို့မဟုတ် မူဆယ်မှာ တွေ့ဖို့ ဆန္ဒပြုခဲ့ကြောင်း။ တွေ့ဖို့ နေရာ ညှိနှိုင်းလို့ အဆင်မပြေ သေးကြောင်း။
နိုင်ငံတော် သမတ က နေပြည်တော်မှာ လာလုပ်ဖို့၊ သွားလာရေး လုံခြုံရေး ကိစ္စတို့ကို တာဝန် ယူကြောင်း၊ သမတ မျက်စေ့အောက်မှာ ဆွေးနွေးပွဲလုပ်ဖို့ ကမ်းလှမ်းထားပြီးကြောင်း - နဲ့ ၂ ဘက် တပ်တွေ ရွှေ့ပြီးနောက်၊ အပစ်အခတ် ရပ်စဲရေးလုပ်၊ နိုင်ငံရေးဆွေးနွေးပွဲတွေ ဆက်လုပ် ဆိုရင် တဆင့်ပြီး၊ တဆင့် အောင်မြင်တဲ့ ငြိမ်းချမ်းရေး ကိစ္စတွေ ဖြစ်သွားမယ်၊ တွေ့ဆုံဖို့ နေရာရွေးတဲ့ကိစ္စ နားလည်မှု ရပြီးတဲ့နောက်မှာ ဆက်တိုက် အဆင်ပြေသွားမှာ ဖြစ်ကြောင်း ဦးအောင်မင်း က ပြောပါတယ်။
ကချင်တိုင်းရင်းသား လက်နက်ကိုင်များနဲ့ တပ်မတော် အကြား ဖြစ်ပွားနေတဲ့ စစ်ပွဲများနဲ့ ပတ်သက်ပြီး - သမ္မတ ဦးသိန်းစိန်က ၂၀၁၁ ခုနှစ် ဒီဇင်ဘာလ ၁၀ ရက်မှာ တပ်မတော်အနေနဲ့ မိမိကိုယ်ကို ခုခံကာကွယ်ခြင်းမှ လွဲလို့ ထိုးစစ်ဆင်ခြင်းမပြုဖို့ ညွှန်ကြားချက် ထုတ်ခဲ့ပေမဲ့လည်း ကချင်ဒေသတွင်းမှ စစ်ပွဲတွေဟာ ရပ်တန့်မသွားဘဲ ပိုမို ပြင်းထန်လာခဲ့ပါတယ်။
၂၀၁၁ ခုနှစ် ဂျွန်လ ၉ ရက်နေ့က စတင်ခဲ့တဲ့ ကချင်ဒေသက တိုက်ပွဲတွေဟာ ဒီကနေ့ ၂၀၁၂ စက်တင်ဘာလ (၁၄) ရက်နေ့ အထိ ၄၆၅ ရက် တိုင်ခဲ့ပြီ ဖြစ်ပြီး၊ စစ်ပွဲအတွင်း နှစ်ဖက် အကျအဆုံးများစွာ ရှိခဲ့ပါတယ်။ စစ်ပွဲ ကျရောက်ရာ အရပ်က ဒေသခံ တိုင်းရင်းသားပြည်သူ လူ ၉ သောင်းခန့် စစ်ဘေး ဒုက္ခသည် အဖြစ်နဲ့ အတိဒုက္ခ ကျရောက်နေပါတယ်။
ဒါဟာ လွှတ်တော်ထဲမှာ ကာကွယ်ရေးဝန်ကြီးဌာနမှ ဒုဝန်ကြီး ဖြေကြား သွားခဲ့သလို - သမတ ဦးသိန်းစိန်ရဲ့ ညွှန်ကြား ချက်ကို လိုက်နာကာ တပ်မတော်အနေနဲ့ ထိုးစစ်မဆင်သော်လည်း ၂ ဘက်တပ်တွေ နေရာယူမှုက ၂ဘက်စလုံး ရှေ့ရောက်နေပြီး၊ ရောယှက် ရှုပ်ထွေးနေတာကြောင့် လူနာပို့၊ ရိက္ခာသယ်၊ သင်တန်းသွား စတဲ့ အုပ်ချုပ်ရေးဆိုင်ရာ ကိစ္စတွေ အတွက် သွားလာတဲ့ အခါမှာ ထိတွေ့မှုတွေဖြစ်ရာမှ တိုက်ပွဲတွေ ဖြစ်နေရတာ ဖြစ်တယ် လို့ ရှင်းလင်းတင်ပြမှုဟာ နားထောင်ကောင်းအောင် ပြောတဲ့ မုသား စကားတွေသာ ဖြစ်ပြီး။ တကယ်တော့ ကချင်နဲ့ ငြိမ်းချမ်းရေးကိစ္စဟာ လက်တွေ့မှာ ဦးအောင်မင်း ပြောသလောက် လွယ်ကူတဲ့ ကိစ္စ မဟုတ်ဘူးလို့ မြန်မာ့နိုင်ငံရေး လေ့လာစောင့်ကြည့်သူ တဦးက ပြောပါတယ်။ ကချင်ဒေသမှာ KIA နဲ့ တပ်မတော်ကြား ဖြစ်ပွားနေတဲ့ စစ်ပွဲ ဟာ သာမန်ထက် ရှုပ်ထွေး နက်နဲတဲ့ အခြေခံအကြောင်းတရားတွေ ရှိနေတယ်လို့ သူက ဆိုပါတယ်။
အိမ်နီးချင်း ဆွေမျိုးပေါက်ဖေါ်တွေရဲ့ ရင်းနှီးမြှုပ်နှံမှု ကိစ္စတွေနဲ့ ဗိုလ်ချုပ်မှူးကြီးသန်းရွှေ မိသားစုရဲ့ အကျိုး စီးပွားတွေ ပါ ရောယှက်နေတာကြောင့် ကာကွယ်ရေး ဦးစီးချုပ် ခမျာ၊ သမတရဲ့ အမိန့်ကို လိုက်နာဖို့ ပျက်ကွက် နေရတာ ဖြစ်ကြောင်း သူက ပြောဆိုပါတယ်။
စနစ်ဟောင်းရဲ့ဆိုးမွေတွေ ဖြစ်တဲ့ လောဘသား စစ်ဗိုလ်ချုပ်တစုနဲ့ အကျိုးတူ စီးပွားဖက် ခေတ်ပျက် စီးပွားရေး သမား ခရိုနီ တစုရဲ့ အကျိုးစီးပွား၊ အိမ်နီးချင်း ဆွေမျိုးပေါက်ဖေါ်တွေရဲ့ ရင်းနှီးမြှုပ်နှံမှုတွေ လုံခြုံမှု အာမခံချက်အတွက်နဲ့ အောက်ခြေ တပ်မတော်သားတွေ အသက်နဲ့ စတေးပြီး၊ ငြိမ်းချမ်းရေး ရသင့် ရထိုက်ပြီ ဖြစ်တဲ့ ဒီ ကချင်ဒေသမှာ တပ်မတော်က စစ်ပွဲတွေ ဆက်လက် ရင်ဆိုင်နေရတဲ့ အတွက် ရင်နာမိတယ် လို့လည်း သူက ပြောပါတယ်။
တကယ်တော့ ပြည်တွင်းစစ် ရပ်ဆဲပြီး ပြည်တွင်း ငြိမ်းချမ်းရေး တည်ဆောက်နိုင်မှသာ၊ နိုင်ငံရေး အရ ဆွေးနွေး အဖြေ ရှာနိုင်မှသာ တိုင်းပြည် တည်ငြိမ်အေးချမ်းပြီး၊ ဖွံ့ဖြိုးရေး လုပ်ငန်းတွေကို အောင်မြင်အောင် ဆောင်ရွက်နိုင်မှာ ဖြစ်သလို၊ ၂၀၁၄ မှာ အာဆီယံ ဥက္ကဌ တာဝန်ကို လက်ခံဆောင်ရွက်မယ့် မြန်မာနိုင်ငံ အဖို့ စည်းလုံး ညီညွတ်တဲ့ အမျိုးသား ဂုဏ်သိက္ခာ အတွက် အမျိုးသားပြန်လည် သင့်မြတ်ရေးကို မဖြစ်မနေ ဖေါ်ဆောင်ဖို့ လိုပြီ ဖြစ်ကြောင်း တင်ပြလိုက်ပါတယ်။
Read More...
Collapse...
13.09.2012
ထိုင်းနိုင်ငံရဲ့ အစိုးရရဲ့ တဖက်သက် ဆုံးဖြတ်ချက်ချခဲ့တဲ့ မူဝါဒတွေကြောင့် ထိုင်းနိုင်ငံ ထဲက မြန်မာနိုင်ငံသား ဒုက္ခသည် ထောင်ပေါင်း များစွာဟာ ဖမ်းဆီးခံကြရတာနဲ့ နေရင်းနိုင်ငံကို ပြန်ပို့ခံရတဲ့ ဒုက္ခတွေကို ရင်ဆိုင်နေကြ ရတယ်လို့ နယူးယောက် အခြေစိုက် လူ့အခွင့်အရေးစောင့်ကြည့်လေ့လာရေး Human Rights Watch အဖွဲ့ကပြောဆို လိုက်ပါတယ်။
စက်တင်ဘာ ၁၃ရက်နေ့ နေ့စွဲနဲ့ ထုတ်ပြန်လိုက်တဲ့ HRW အဖွဲ့ရဲ့ ဒီအစီရင်ခံစာမှာ ထိုင်းမြန်မာ နယ်စပ် တလျောက် ဒုက္ခသည် စခန်းတွေက ဒုက္ခသည်ပေါင်း တစ်သိန်းလေးသောင်း အပေါ်မှာ ထိုင်း အစိုးရရဲ့ ပြုမူဆောင်ရွက်ချက်တွေကို မှတ်တမ်း တင်ထားပါတယ်။
လူသူအရောက်အပေါက်နည်းတဲ့နေရာတွေမှာ ဒီဒုက္ခသည် စခန်းတွေမှာ ကျပ်ကျပ် သိပ်သိပ်နေထိုင်နေ ကြရတဲ့ ဒုက္ခ သည်တွေ လွတ်လပ်စွာ ရွှေ့ပြောင်း သွားလာခွင့် ဝင်ငွေရတဲ့ အလုပ် လုပ်ကိုင်ခွင့်နဲ့ သူတို့ရဲ့ ကလေးတွေ တန်းတူ ပညာသင်ကြားခွင့်တွေ မရရှိကြဘူးလို့ ဒီအစီရင် ခံစာက ဆိုပါတယ်။
ဒုက္ခသည်တွေဟာ ငွေကြေးများစွာပေးရတဲ့ လာဘ်ပေးမူတွေ လုပ်ပြီးတော့ ရွှေ့ပြောင်း အလုပ်သမား အဖြစ် မခံယူနိုင်ကြဘူး ဆိုရင် သူတို့ဟာ ဒုက္ခသည် စခန်းတွေမှာ ဖမ်းဆီး ခံကြရတာ နေရင်းနိုင်ငံကို ပြန်ပို့ ခံကြရတာတွေနဲ့ မကြာခဏ ကြုံနေ ရတယ်လို့လည်း ဒီအစီရင် ခံစာမှာ ဖော်ပြထားပါတယ်။
ဒုက္ခသည်အားလုံးရဲ့ လေးဆယ် ရာခိုင်နှုန်းလောက်ဟာ ဒုက္ခသည်အဖြစ် တရားဝင် မှတ်ပုံတင်ခွင့် မရရှိသေးတာကြောင့် တရား မျှတပြီးတော့ ထင်သာမြင်သာ ရှိစေမယ့် မြန်မာနိုင်ငံက ရောက်ရှိလာသူ ဒုက္ခသည်တွေကို စောင့်ကြည့်ရေး စနစ်တရပ်ကို ထူထောင်ဖို့ ထိုင်းအစိုးရ အနေနဲ့ ကုလသမဂ္ဂနဲ့ ပူးပေါင်းဆောင်ရွက်ဖို့ ကိုလည်း HRW က တိုက်တွန်း ထားပါတယ်။
Ref: VOA News
Read More...
Collapse...
2012-09-13
စစ်ကိုင်းတိုင်းဒေသကြီး မုံရွာမြို့မှာ ဖြစ်ပွားနေတဲ့ လက်ပံတောင်းတောင် ကြေးနီစီမံကိန်း အရေးကိစ္စနဲ့ ပတ်သက်လို့ ၈၈ မျိုးဆက် ကျောင်းသားခေါင်းဆောင် ကိုဂျင်မီနဲ့ စစ်ကိုင်းတိုင်း ၀န်ကြီးချုပ် ဦးသာအေးတို့ မနေ့ ညက တွေ့ဆုံဆွေးနွေး ခဲ့ပြီးနောက် ဒီကနေ့ မနက်ပိုင်းက စလို့ အဲဒီဒေသမှာ တပ်ဖြန့်ချထားတဲ့ လုံခြုံရေး တပ်တွေကို ဖယ်ရှားပေးလိုက်ပြီလို့ သိရပါတယ်။
၈၈ မျိုးဆက် ကျောင်းသားခေါင်းဆောင် ကိုဂျင်မီဟာ ဖမ်းဆီးခံထားရသူတွေ ပြန်လွှတ်ပေးဖို့ ကိစ္စကိုလည်း ၀န်ကြီးချုပ် ဦးသာအေး ခေါင်းဆောင်တဲ့ စစ်ကိုင်းတိုင်း အစိုးရအဖွဲ့နဲ့ အလေးထား ဆွေးနွေးခဲ့တယ်လို့ RFA ကို ဒီကနေ့ ပြောပါတယ်။
"စစ်ကိုင်းတိုင်း ဝန်ကြီးချုပ် ဦးသာအေး အပါအဝင် အစိုးရအဖွဲ့နဲ့ ကျွန်တော်တွေ့တယ်။ စစ်ကိုင်းတိုင်း အစိုးရ အဖွဲ့က ကျွန်တော့်ကို အကြောင်းပြန်တာကတော့ လူတွေ ပြန်လွှတ်ရေး ကိစ္စက တရားရုံး လုပ်ထုံး၊ လုပ်နည်းနဲ့ အညီ ထိန်းသိမ်းထားတာ ဖြစ်တဲ့အတွက် တရားရုံးလုပ်ထုံး၊ လုပ်နည်းနဲ့ အညီပဲ ပြန်လွှတ်လို့ရမယ်လို့ ဆိုတယ်။ အဲတော့ ကျွန်တော်တို့ အချိန်တစ်ခု စောင့်ရမယ်လို့ ပြောတယ်။ ဆန္ဒပြပွဲမှာ ပါဝင်တဲ့သူတွေကို နောက်ဆက်တွဲ အရေးယူတာတွေကို မလုပ်ပါဘူး။ ကျောင်းသားတွေ ကိုလည်း ကျောင်းထုတ် ပစ်တာမျိုးတွေ မလုပ်ပါဘူး ဆိုပြီး အဲဒီ ကတိပြုချက် ရတယ်။ သူက ဒေသအတွင်းမှာ ရှိနေတဲ့အတွက် လုံခြုံရေးနဲ့ အုပ်ချုပ်ရေးပဲ တာဝန်ယူထားရတာကိုး။ အဲတော့ ပြည်ထောင်စု အစိုးရအဆင့်မှာ ဆောင်ရွက်ရမဲ့ ကိစ္စတွေ အများကြီးပဲ ရှိနေသေးတဲ့အတွက် သူတို့နဲ့ မပြီးနိုင်ဘူးလို့ ဆိုတယ်"
ကိုဂျင်မီဟာ လက်ပံတောင်းတောင် အရေးကို အကူအညီပေးဖို့ ၈၈ မျိုးဆက် ကျောင်းသားတွေရဲ့ ကိုယ်စားလှယ်အဖြစ် မနေ့က မုံရွာမြို့ကို သွားရောက်ခဲ့တာဖြစ်ပြီး သူနဲ့ ၀န်ကြီးချုပ် ဆွေးနွေးခဲ့တာတွေ အကောင်အထည် ပေါ်လာမှုရှိ၊ မရှိဆိုတာ စောင့်ကြည့်ဖို့ မုံရွာမြို့ မဂ္ဂင် ဘုန်းကြီးကျောင်းမှာ ဒီကနေ့ ဒေသခံတွေနဲ့ တွေ့ဆုံ ပြောကြားခဲ့ပါတယ်။
တပ်ဖြန့်ထားတဲ့ လုံခြုံရေးတပ်တွေ ရုပ်သိမ်းသွားပြီ ဆိုပေမယ့် ရဲကားတွေကတော့ မြို့ပေါ်မှာ ကင်းလှည့်တာ တွေ့နေရဆဲပဲလို့ ၀က်မှေး ရွာသားတွေက ပြောပါတယ်။
ဒါ့အပြင် လက်ပံတောင်းတောင် အရေးနဲ့ ပက်သက်ပြီး မကွေး၊ ပခုက္ကူ၊ ရေနံချောင်း၊ မိထ္ထီလာ စတဲ့မြို့တွေက ကျောင်းသားတွေနဲ့ ဖွဲ့စည်းထားတဲ့ မြေလတ်ဒေသ ဗကသများ အဖွဲ့ချုပ်က အချက် (၄) ချက်ပါ ကြေညာချက် တစ်စောင်ကို ဒီကနေ့ ထုတ်ပြန်လိုက်ပါတယ်။
လက်ပံတောင်းတောင် အရေးအတွက် လှုပ်ရှားဆောင်ရွက် သူတွေကို လိုက်လံ ဖမ်းဆီးနေတာကို ဆန့်ကျင် ကန့်ကွက်တဲ့အနေနဲ့ အခုလို ကြေညာချက် ထုတ်ပြန်ရတာ ဖြစ်တယ်လို့ မြေလတ်ဒေသ ဗကသများအဖွဲ့ချုပ် အတွင်းရေးမှူး ကိုမင်းသော်ဇင်က ပြောပါတယ်။
"လက်ပံတောင်းတောင်မှာ ကြေးနီ စီမံကိန်းကို နိုင်ငံခြား ကုမ္ပဏီတွေ ဝင်ရောက်လုပ်နေတဲ့အပေါ်မှာ ဒေသခံ တောင်သူ လယ်သမားတွေရဲ့ လယ်ယာမြေတွေကို ထိခိုက်တယ်။ နောက် ကျေးရွာတွေကို ရွှေ့ပြောင်းရတယ်။ ပြည်သူလူထုဟာ ထိခိုက် ဆုံးရှုံးနေရတယ်။ ထိခိုက်နစ်နာ ဆုံးရှုံးနေရတာကို ကျောင်းသားတွေက ပြည်သူ လူထုရှေ့မှာ မားမားမတ်မတ်ရပ် ဝင်ရောက်ဖြေရှင်းတယ်။ အဲဒီလိုဖြေရှင်းတဲ့ အပေါ်မှာ မိဘပြည်သူ ဖြစ်တဲ့ တောင်သူလယ်သမားတွေကို ဖမ်းဆီးတယ်။ ကျောင်းသားတွေ ကို ဖမ်းဆီးဖို့အတွက် ညဥ့်နက်သန်းခေါင်မှာ ရဲတွေက ဝင်ရောက်စီးနင်း ရှာဖွေမှုတွေလုပ်တယ်။ ဒီဟာကို ကျွန်တော်တို့က ပြင်းထန်စွာ ကန့်ကွက်တယ်ဆိုတာကို ပြောတာပါ"
မြေလတ်ဒေသ ဗကသများ အဖွဲ့ချုပ်အနေနဲ့ လက်ပတောင်းတောင် ကြေးနီ စီမံကိန်းကြောင့် အခွင့်အရေး ချိုးဖောက်ခံရတဲ့ ပြည်သူတွေအရေး ကိစ္စတွေမှာ ကူညီပါဝင် ဆောင်ရွက်ပေးသွားဖို့ ရှိတယ်လို့လည်း သိရပါတယ်။ အဲဒီစီမံကိန်းကို တရုတ်ဝမ်ပေါင်ကုမ္ပဏီနဲ့ မြန်မာစစ်တပ်ပိုင် ဦးပိုင်ကုမ္ပဏီတို့ ပူးတွဲ အကောင်အထည်ဖော်နေတာ ဖြစ်ပါတယ်။
Ref: RFA News
Read More...
Collapse...
2012-09-13
မြန်မာနိုင်ငံကို ချစ်ကြည်ရေးခရီး ရောက်ရှိခဲ့တဲ့ တရုတ် အမျိုးသား ပြည်သူ့ကွန်ဂရက် ဥက္ကဋ္ဌ ၀ူဘန်းကို ဟာ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းနဲ့ နေပြည်တော်မှာ မနေ့က တွေ့ဆုံ ခဲ့ပါတယ်။
တွေ့ဆုံရာမှာ တရုတ် အမျိုးသား ပြည်သူ့ကွန်ဂရက် ဥက္ကဋ္ဌ ၀ူဘန်းကို က တရုတ် မြန်မာနှစ်နိုင်ငံကြား စီးပွားရေး ရင်းနှီးမြှုပ်နှံမှုတွေ အဆင်ပြေချောမွေ့ ဖို့နဲ့ နယ်စပ်ဒေသ တည်ငြိမ်အေးချမ်းရေး ကိစ္စတွေကို အလေးပေး ပြောဆိုခဲ့ကြောင်း ချိုင်းနားဒေလီ သတင်းစာက ဖော်ပြပါတယ်။
တရုတ်ရင်းနှီးမြှုပ်နှံမှုနဲ့ ပူးတွဲဆောင်ရွက်နေတဲ့ ဒေသဆိုင်ရာ အဓိကစီမံကိန်းတွေ ချောချောမွေ့မွေ့ တိုးတက်မှု ရရှိအောင် အထူးဆောင်ရွက်ဖို့ ရေနံနဲ့ သဘာဝ ဓာတ်ငွေ့ ပိုက်လိုင်းလို စီမံကိန်းကြီးတချို့အဆင်ပြေပြေ ဆောင်ရွက်နိုင်အောင် အသေအချာ စီမံဖို့ ၀ူဘန်းကို က တိုက်တွန်းသွားခဲ့တယ်လို့ ဆိုပါတယ်။
လတ်တလောနှစ်တွေအတွင်း တရုတ်နဲ့ မြန်မာ နှစ်နိုင်ငံကုန်သွယ်မှု ပမာဏဟာ မှန်မှန် တိုးတက် ခဲ့ပါတယ်။ ဒါပေမဲ့ တရုတ် ရင်းနှီးမြှုပ်နှံတဲ့ စီမံကိန်းတချို့မှာ ပြဿနာတွေ ရှိခဲ့ပါတယ်။
မနှစ်က ကချင်ပြည်နယ် ဧရာဝတီမြစ်ဆုံ ရေအားလျှပ်စစ် ထုတ်ယူရေးစီမံကိန်းကို သမ္မတ ဦးသိန်းစိန်က ရပ်ဆိုင်း ခဲ့ပါတယ်။ အလားတူ တရုတ်နဲ့ ဖက်စပ် လုပ်ကိုင်နေတဲ့ မုံရွာခရိုင် ဆားလင်းကြီးမြို့နယ် လက်ပံတောင်းတောင် ကြေးနီ စီမံကိန်းမှာလည်း ဒေသခံတွေရဲ့ ဆန့်ကျင်ဆန္ဒပြ ခံနေရပါတယ်။
Ref: RFA News
Read More...
Collapse...
မသိင်္ဂီထိုက်
13.09.2012
နှစ်ပေါင်း ၂၀ကျော် မြန်မာအစိုးရနဲ့ စင်ပြိုင်အစိုးရ အဖြစ် ရပ်တည်လာတဲ့ NCGUB ပြည်ထောင်စု မြန်မာနိုင်ငံ အမျိုးသား ညွှန့်ပေါင်း အစိုးရ NCGUB ကို ဖျက်သိမ်း လိုက်ကြောင်း ကြေညာလိုက်ပါပြီ။ အခုလို ဖျက်သိမ်းလိုက်ပြီး နောက်ပိုင်း NCGUB ရဲ့ အစိုးရ အဖွဲ့ဝင် တဦးချင်း အနေနဲ့ ကိုယ့်စိတ်ကြိုက် လုပ်ဆောင် သွားဖို့ ရှိတယ်လို့ ၀န်ကြီးချုပ် ဒေါက်တာစိန်ဝင်းက ပြောပါတယ်။ နှစ်ပေါင်း ၂၀ ကျော် အတွင်း စင်ပြိုင် အစိုးရ အဖြစ် ရပ်တည် လာခဲ့တဲ့ ကာလဖြတ်သန်းမူ တလျောက် မှာ NCGUB ရဲ့ ဆောင်ရွက်နိုင်ခဲ့သမျ အကျိုးဖြစ်ထွန်း ခဲ့မူတွေနဲ့ အားနည်းချက်တွေကိုတော့ ဆက်သွယ် စုံစမ်းထားတဲ့ မသိင်္ဂီထိုက်က တင်ပြပေးထားပါတယ်။
ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ NCGUB ကို ဒီကနေ့ စက်တင်ဘာလ ၁၄ ရက်နေ့မှာ တရားဝင် ဖျက်သိမ်း လိုက်ပါပြီ။ မြန်မာနိုင်ငံတွင်းက လတ်တလော နိုင်ငံရေး ပြုပြင်ပြောင်းလဲမှု ဖြစ်ထွန်းမှုတွေဟာ မျှော်လင့် ထားသလောက် ဖြစ်ထွန်းမှု မရှိသေးပေမယ့် နိုင်ငံအတွက် အမျိုးသားပြန်လည် ရင်ကြားစေ့ရေး ကြိုးပမ်းမှုမှာ အထောက်အကူ ဖြစ်ဖို့ ယုံကြည်ချက်နဲ့ အမျိုးသား ညွန့်ပေါင်း အစိုးရ ကို ဖျက်သိမ်းလိုက်တာ ဖြစ်တယ်လို့ ၀န်ကြီးချုပ် ဒေါက်တာ စိန်ဝင်းက ပြောပါတယ်။
“အခြေအနေအရလည်းဘဲ နိုင်ငံရေးအရ ပြည်တွင်းမှာလည်းပဲ ပြောင်းလဲမှုတွေဖြစ်နေတယ်။ ဆက်ပြီးတော့ ထားဖို့ အတွက် သဟဇာတ မဖြစ်ဘူးပေါ့။ ဒီလိုပြောင်းလဲနေတဲ့ အပြောင်းအလဲတွေနဲ့ အဲ့တာကြောင့်ပါပဲ။”
၁၉၉၀ ရွေးကောက်ပွဲ ရလာဒ်ကို အကောင်အထည်ဖော်တဲ့ အနေနဲ့ ပြည်ပမှာ အခြေစိုက်ပြီး စင်ပြိုင် အစိုးရ အဖြစ် ရပ်တည်လာပြီး ဒီနေ့ ဒီအချိန် အစိုးရကို ဖျက်သိမ်း လိုက်တဲ့ အချိန် ရှေ့ဆက်ဘာတွေ လုပ်ဆောင်သွားဖို့ ရှိပါသလဲ ဆိုတာကိုတော့ စင်ပြိုင် အစိုးရ အဖွဲ့ဝင်တွေ တဦးချင်းစီ အနေနဲ့ ကိုယ့်ပန်းတိုင်နဲ့ကိုယ် လုပ်ဆောင်သွားဖို့ ရှိတယ်ဆိုပြီး ၀န်ကြီးချုပ် ဒေါက်တာ စိန်ဝင်းက အခုလို ပြောပါတယ်။
“ တဦးချင်းပေါ့နော် တဦးချင်းကနေပြီးတော့ သူတို့လုပ်နိုင်တာ၊ သူတို့ လုပ်ချင်တာ ဆက်လုပ်ဖို့ပေါ့။ တချို့ ဟာတွေ ကတော့ မရှိတော့ ဘူးပေါ့ဗျာ။ ဘာကြောင့်လဲ ဆိုတော့ ဟိုးအရင်တုန်းက ပြည်တွင်းမှာ ဖိနှိပ်မှုတွေ ရှိတယ်။ ဒေါ်အောင်ဆန်းစုကြည်က ပြည်ပကိုလည်း ထွက်လို့မရ ပြည်တွင်းမှာလည်း အကျယ်ချုပ် ခံနေရ အဲ့လို အခြေအနေနဲ့ တော့ မတူတော့ဘူးပေါ့နော်။ မတူတော့တဲ့ အတွက် ကျနော်တို့ရဲ့ လုပ်ငန်း အချို့က လုပ်ဖို့ မလိုဘူးပေါ့ဗျာ။”
အသိအမှတ်ပြု မခံရတဲ့ ၁၉၉၀ ရွေးကောက်ပွဲ ရလာဒ်ကို အခြေခံပြီး ဖွဲ့ခဲ့တဲ့ NCGUB ဟာ စစ်အာဏာရှင် စနစ် ချုပ်ငြိမ်းရေး၊ ၁၉၉၀ ပြည့်နှစ် ရွေးကောက်ပွဲ ရလာဒ်ကို အကောင်အထည်ဖော်ရေး၊ ပြည်တွင်း ငြိမ်းချမ်းရေး ၊ မြန်မာ ပြည်သူ အားလုံး ဒီမိုကရေစီ အခွင့်အရေးနဲ့ လူ့အခွင့်အရေး အပြည့်အ၀ ရစေမယ့် ဒီမိုကရေစီ ဖယ်ဒရယ် ပြည်ထောင်စု ပေါ်ထွန်းရေး အတွက် ရည်မှန်း လုပ်ဆောင်ခဲ့တဲ့ နှစ်ပေါင်း ၂၀ ကျော် အတွင်း အကောင်အထည်ဖော် လုပ်ဆောင်နိုင်ခဲ့ တာတွေကိုလည်း ဒေါက်တာစိန်ဝင်းက အခုလို ပြောပြပါတယ်။
“အခြေခံအားဖြင့် ကျနော်တို့ လုပ်ရမယ့် အလုပ်တွေကို လုပ်တယ်။ မြန်မာပြည်ရဲ့ အခြေခံ အခြေအနေ on the ground အဖြစ်အပျက်တွေ၊ တကယ်ဖြစ်နေတဲ့ အဖြစ်အပျက်တွေ၊ Human Rights လူ့အခွင့်အရေး ချိုးဖောက်နေတဲ့ ကိစ္စတွေ အဲ့တာမျိူးတွေ နောက်မြန်မာပြည်ရဲ့ အကြောင်းကို သိအောင်ပေါ့ ဒါတွေ ကျနော်တို့လုပ်တယ်။ နောက်ပြီး ကုလသမဂ္ဂမှာ ကျနော်တို့ အရေးဆိုတယ်။
ဒီနော်ဝေကနေပြီးတော့ စတင်ပြီးတော့ Democratic Voice of Burma စထုတ်တဲ့ အခါမှာ ကျနော်တို့ အများကြီး ပါဝင် ပတ်သက် ခဲ့ပါတယ်။ ကျနော်တို့ ထောင်ခဲ့တယ်လို့ပဲ ပြောလို့ရပါတယ်။ ကျနော်တို့ နော်ဝေ အစိုးရ ဆီကနေပြီးတော့ တောင်းဆိုခဲ့တယ်။ နော်ဝေ အသံလွှင့်တာကို Distribution ပေါ့ အသံလွှင့်တာကို အသုံးချပြီးတော့ မြန်မာပြည်တွင်းကို အသံလွှင့်ခဲ့တယ်။ ဒါတွေကိုလည်း ကျနော်တို့ လုပ်ခဲ့ပါတယ်။
နောက် အများနဲ့အတူတူပဲ။ Sanctions ပေါ့နော်။ ဒဏ်ခတ်ပိတ်ဆို့မှု အလုပ်ကို ကျနော်တို့ တိုက်တွန်း ခဲ့ပါတယ်။”
ဒါပေမယ့် စစ်အာဏာရှင် စနစ် ချုပ်ငြိမ်းရေး အတွက် တော်လှန်ရေး လုပ်တဲ့ နေရာမှာ အားမရတဲ့ မလုပ်ဆောင်နိုင်ခဲ့ တာတွေလည်း ရှိပါတယ်လို့ သူကဆိုပါတယ်။
“အားမရတာတော့ ရှိတာပေါ့ဗျာ။ တော်လှန်ရေး ဆိုတာကတော့ ဘယ်တော့မှ ပြည့်စုံတာ မဟုတ်ဘူးဗျ။ အားမရ တာတွေကတော့ ရှိတာပေါ့။ မလုပ်ဆောင်နိုင်တာတွေလည်း ရှိမှာပေါ့။ ဒါပေမယ့် ကျနော်တို့ စထွက် ကတည်းက ကျနော်တို့ တက်နိုင်သမျ လုပ်မယ်။ ဖြစ်နိုင်သမျှ လုပ်မယ်။
အထူးသဖြင့်တော့ ဒီတော်လှန်ရေးကို ဝန်လေးတဲ့ တော်လှန်ရေးကို ပျက်သွားမယ့် ဝန်လေးမယ့် ကိစ္စ မျိုးတွေကို ကျနော်တို့ ရှောင်ပါတယ်။ အများကြီး ရှောင်ပါတယ်။ အထူးသဖြင့်တော့ ပြည်တွင်းမှာ အနိုင်ရပါတီ ရှိတယ်။ အဲ့တာ NLD ပဲ။ ၁၉၉၀ အနိုင်ရပါတီ။ ပြည်တွင်းမှာ လွှတ်တော် ကိုယ်စားလှယ် အများစုရှိတယ်။ အဲ့တော့ အဲ့တာတွေနဲ့ ကျနော်တို့က ဆန့်ကျင်ဖက် မဖြစ်ဖို့ပေါ့နော်။ အဲ့တာကို ကျနော်တို့ အများကြီး ဂရုစိုက်ပါတယ်။”
အမျိုးသား ညွန့်ပေါင်း အစိုးရ NCGUB ကို ၁၉၉၀ ပြည့်နှစ်မှာ စတင်ဖွဲ့စည်းခဲ့တာပါ။ ၁၉၉၀ ရွေးကောက်ပွဲ အနိုင်ရ အမျိုးသား ဒီမိုကရေစီ အဖွဲ့ချုပ်ကို မြန်မာပြည်သူတွေ အပ်နှင်းထားတဲ့ တရားဝင် လုပ်ပိုင်ခွင့်နဲ့ အဖွဲ့ချုပ်ရဲ့ နိုင်ငံရေး ဦးဆောင်မှု အခန်း ကဏ္ဍကို လေးလေးနက်နက် အသိအမှတ်ပြု လုပ်ဆောင်ခဲ့တယ် လို့လည်း ဆိုပါတယ်။
ဒါပေမယ့် အခုအချိ်န်မှာ အမျိုးသား ဒီမိုကရေစီ အဖွဲ့ချုပ် အန်အယ်လ်ဒီ အနေနဲ့ တရားဝင် ပါတီ အနေနဲ့ပြန်လည် ရပ်တည် လာပြီး ဒေါ်အောင်ဆန်းစုကြည် အပါအ၀င် ၁၉၉၀ ရွေးကောက်ပွဲ အနိုင်ရ လွှတ်တော် အမတ်တွေ ဧပြီလ ကြားဖြတ်ရွေးကောက်ပွဲ မှာ အနိုင်ရပြီး နိုင်ငံရေး အပြောင်းအလဲတွေလည်း ပေါ်ပေါက်လာပါတယ်တဲ့။
ဒီဖြစ်ထွန်းပေါ်ပေါက်မှုတွေကို အခြေခံပြီး NCGUB ရဲ့ (၄) နှစ် တကြိမ် ကျင်းပတဲ့ ညီလာခံမှာ စင်ပြိုင် အစိုးရကို ဖျက်သိမ်းဖို့ ဆုံးဖြတ် လိုက်တာလို့လည်း ကြေညာချက်မှာ ဖော်ပြ ထားပါတယ်။
Ref: VOA News
Read More...
Collapse...
သန်းထိုက်ဦး
September 13, 2012
သမ္မတ ဦးသိန်းစိန်က ကချင် လွတ်လပ်ရေး အဖွဲ့ (KIO) မှ ကိုယ်စားလှယ်များကို အပစ်အခတ် ရပ်စဲရေး အတွက် နေပြည်တော်၌ တွေ့ဆုံဆွေးနွေးရန် ကမ်းလှမ်း ထားကြောင်း ပြည်ထောင်စု အဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ သမ္မတရုံးဝန်ကြီး ဦးအောင်မင်းက ပြောသည်။
အဆိုပါ သမ္မတ ဦးသိန်းစိန်၏ ကမ်းလှမ်းမူကို KIO အဖွဲ့ ကိုယ်စားလှယ်များက အကြောင်းပြန်ကြားခြင်း မရှိသေးကြောင်း ယခု ရက်ပိုင်းအတွင်း နေပြည်တော်၌ ဧရာဝတီ မဂ္ဂဇင်း အယ်ဒီတာ ကိုအောင်ဇော်နှင့် သီးသန့် တွေ့ဆုံမေးမြန်းရာတွင် ဦးအောင်မင်းက ပြောကြားသည်။
“နိုင်ငံတော် သမ္မတကြီးက ဒီလောက်တောင် ဖြစ်လှတာ၊ နေပြည်တော်မှာ လာလုပ်၊ သူ့မျက်စိရှေ့မှာ လာလုပ် ဆိုပြီးတော့ ဒီလောက် အထိကို အခွင့်အရေး ပေးထားတယ်။ သွားရေး၊ လာရေး၊ လုံခြုံရေး ကိစ္စအားလုံး တာဝန်ယူတယ်။ ဒီမှာ လာလုပ်ပါ။ အဲဒါ အဖြေ မရသေးဘူး” ဟု ဦးအောင်မင်းက ဆိုသည်။
အစိုးရအနေနှင့် ကချင်ပြည်နယ် မြစ်ကြီးနားမြို့ အပါအ၀င် ဗန်းမော်မြို့နယ်နှင့် မူဆယ်မြို့ များတွင် တွေ့ဆုံ ဆွေးနွေးရန် KIO အဖွဲ့မှ တာဝန်ရှိသူ တို့ကိုလည်း ကမ်းလှမ်း ခဲ့သေးကြောင်း သိရသည်။
“ဗန်းမော်မှာ တွေ့ရအောင်လို့ ပြောတယ်၊ မဟုတ်ဘူး၊ သူတို့က လွယ်ဂျယ်နားက ပရန်ငေါန်ကျေးရွာမှာ တွေ့မယ် ဆိုပြီးတော့ ပြောသွားတယ်၊ သူတို့ နယ်မြေ ထဲမှာပေါ့။ ကဲ … ဒီနေရာ မကြိုက်ရင် နောက်တနေရာ မူဆယ်မှာ တွေ့ရအောင် ပြောတယ်၊ သူတို့က မဟုတ်ဘူး၊ တဖက်နိုင်ငံ တနေရာ၊ ရွှေလီမှာ တွေ့ရအောင် ပြောတယ်။ ဒီလိုနေရာ ညှိတဲ့အခါမှာ အဆင်မပြေတာလေးတွေ ရှိတယ်” ဟု ဦးအောင်မင်းက ပြောသည်။
KIO ခေါင်းဆောင်များနှင့် အစိုးရ ဒု တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်း ဦးဆောင်သော နှစ်ဘက် ကိုယ်စားလှယ်များ အနေဖြင့် တင်းမာနေသည့် စစ်ရေး ကိစ္စများ ပြေလည်ရေး အတွက် တွေ့ဆုံဆွေးနွေးရန် စီစဉ်ခဲ့ခြင်း ဖြစ်သည်။
“နိုင်ငံရေးနဲ့ စီးပွားရေး ကိစ္စအားလုံးကို ရှင်းပေးလို့ ရတယ်။ မူဝါဒ၊ မူဘောင်နဲ့ ကိုက်ညီတဲ့ ဥစ္စာတွေ ဥပဒေက ခွင့်ပြုထားတဲ့ ဥစ္စာတွေကို အကုန် ရှင်းပေးလို့ရတယ်။ သို့သော်လည်းပဲ ဒီစစ်ရေး စွမ်းအားကိုတော့ ကျနော် ရှင်းပေးလို့ မရဘူး။ ဒါတွေ အားလုံးက နှစ်ဘက် တပ်တွေက ဒီဘက်က တပ်ခေါင်းဆောင်တွေနဲ့ ဟိုဘက်က တပ်ခေါင်းဆောင်တွေ ရှင်းရမယ့် ကိစ္စဖြစ်တယ်” ဟု ဦးအောင်မင်းက ဆိုသည်။
ကချင် လွတ်လပ်ရေး တပ်မတော် (KIA) ဒု စစ်ဦးစီးချုပ် ဗိုလ်မှူးချုပ် ဂွမ်မော်ကမူ အစိုးရထံသို့ တရားဝင် အစည်းအဝေး ပြုလုပ်ရန် ကမ်းလှမ်း ခဲ့သော်လည်း ဖြစ်မလာကြောင်း ကချင်ငြိမ်းချမ်းရေး ကွန်ရက်သို့ ပြောသည်ဟု ဘားမား ဗီဂျေ မီဒီယာ၏ ရုပ်သံ သတင်းတွင် ဖော်ပြထားသည်။
“တရားဝင် အစည်းအဝေးလုပ်ရအောင် ကျနော်တို့ တောင်းဆိုတယ်၊ ရွှေလီမှာပဲ တကြိမ် တရားဝင် အစည်းအဝေး လုပ်မယ်၊ မူတခု ချမယ်၊ မူချပြီးလို့ရှိရင် ကျနော်တို့ မြစ်ကြီးနားမှာ လုပ်ရအောင်လို့ ပြောထားပြီးသား။ မြစ်ကြီးနား ဘယ်မှာလုပ်မယ်၊ ဘယ်သူက တာဝန်ယူမှာက အစ အဆိုပြု ထားတယ်။ ဒါပေမယ့် တရားဝင် အစည်းအဝေးက ဖြစ်မလားဘူး” ဟု ဗိုလ်မှူးချုပ် ဂွန်မော်က ပြောကြောင်း အဆိုပါ ရုပ်သံသတင်းအရ သိရသည်။
ပြီးခဲ့သည့် ဇွန်လ ၂၀ ရက်နေ့က ဦးအောင်မင်းနှင့် KIO ခေါင်းဆောင်များ မိုင်ဂျာယန် ဒေသတွင် နောက်ဆုံး တွေ့ဆုံခဲ့ပြီး စစ်ဘက် ဆိုင်ရာ နှစ်ဘက် ကိုယ်စားလှယ်များကို ကမ်းလှမ်းထားခြင်း ဖြစ်ကြောင်း သိရှိရသည်။
ကချင်တွင် တိုက်ပွဲများ ဆက်လက်ဖြစ်ပွားခြင်းနှင့် ပတ်သက်၍ အစိုးရ တပ်မတော်က သမ္မတ၏ အမိန့်ကို နာခံခြင်း ရှိမရှိ ဧရာဝတီက မေးမြန်းခဲ့ရာ ဦးအောင်မင်းက “တပ်မတော်က အမိန့် မနာခံဘူး ဆိုတာကတော့ မဟုတ်ပါဘူး။ ကျနော် ကိုယ်တိုင်လည်း တပ်မတော်သားပဲ။ အထက်က အမိန့်ပေးရင် ဖြစ်အောင် လုပ်ရမှာပေါ့။ တိတိကျကျ လိုက်နာရမှာပေါ့။ ပေးလည်းပေးပြီး သားပဲ။ စာရွက်စာတမ်းက အစ ကျနော်တို့က ရှိပြီးသားပဲ။ ဒီစာရွက် စာတမ်းတွေကိုလည်း တိုင်းရင်းသား အကုန်လုံးကို လိုက်ဖြန့်ဝေ ထားတာပဲ။ အဲဒီတော့ ဘာပဲဖြစ်ဖြစ် ရှုပ်ထွေးနေလို့ ဖြစ်တဲ့ အခြေအနေလို့ပဲ ကျနော်ယူဆပါတယ်။ တပ်မတော်က အမိန့်မနာခံတာ မဟုတ်ပါဘူး” ဟု ဖြေကြားသည်။
ကချင်ဒေသတွင် ယမန်နှစ် ဇွန်လမှ စတင်ဖြစ်ပွားခဲ့သည့် တိုက်ပွဲများကြောင့် အိုးအိမ် စွန့်ခွာ ထွက်ပြေးရသော ဒေသခံ ဒုက္ခသည် များမှာ ကချင်ပြည်နယ်နှင့် ရှမ်းပြည်နယ် အတွင်း စုစုပေါင်း ၉၀၀၀၀ ခန့် ရှိကြောင်း သိရသည်။
Ref: ဧရာဝတီ
Read More...
Collapse...
ကွန်းချမ်း
ကြာသပတေးနေ့၊ စက်တင်ဘာလ ၁၃ ရက် ၂၀၁၂
စံခလပူရီ (မဇ္ဈိမ) ။ ။ ဒေသခံ ရွာသားများကို အစိုးရတပ်က ဖမ်းဆီးမှုကြောင့် အစိုးရ တပ်သားများကို ရှမ်းပြည် တပ်မတော် (မြောက်ပိုင်း) ဟု လူသိများသည့် SSPP/SSA က အပြန်အလှန် ဖမ်းဆီးခဲ့ပြီး တနင်္လာနေ့တွင် ပြန်လွှတ်ပေးလိုက်သော်လည်း ရွာသားများကို ပြန်လွှတ်ပေးခြင်း မရှိသေးကြောင်း SSA ဘက်က ပြောသည်။
“ရမခ တိုင်းရုံးကနေ ပြန်လွှတ်ပေးဖို့ ကျနော်တို့ကို တောင်းလာတယ်။ ရွာသားတွေကို လွှတ်ပေးရင် မြန်မာ စစ်ဗိုလ် ကိုလည်း ပြန်လွှတ်ပေးမယ်။ သူတို့ လူကို ကျနော်တို့ လူကြီးတွေ ကိုယ်တိုင် လားရှိုးကို ပြန်ပို့ပေးလိုက်ပြီ။ အဲတာက တနင်္လာနေ့ဗျ။ ဒါပေမယ့် လူထုကိုတော့ ပြန်မလွှတ်သေးဘူး” ဟု အမည် မဖော်လိုသည့် SSPP/SSA အရာရှိ တဦးက ပြောသည်။
သြဂုတ်လ နှောင်းပိုင်းမှ စ၍ ရှမ်းပြည်နယ် မြောက်ပိုင်း၊ နမ္မတူမြို့နယ် မန်စံ ကျေးရွာအုပ်စုနှင့် နမ့်တောင်ကုန်း ကျေးရွာ အုပ်စုမှ ဒေသခံကျေးရွာ ရွာသား ၁ဝ ယောက်ကျော်ကို SSA ၏ အမာခံများဟု စွပ်စွဲကာ အစိုးရတပ်က ရိုက်နှက်ဖမ်းဆီး ခဲ့ပြီး ၎င်းတို့ အနက် လေးဦးကို ဆက်လက် ထိန်းသိမ်း ထားဆဲ ဖြစ်သည်ဟု ဆိုသည်။
ထိုရွာသားများကို ပြန်လွှတ်ပေးရန်အတွက် သြဂုတ်လ ၃၁ ရက်နေ့တွင် အစိုးရတပ် ခမရ (၃၂၂) မှ ဗိုလ်ကြီး သက်စိုးနှင့် တပ်သား တဦးကို SSA က ဖမ်းဆီးခဲ့ပြီး အစိုးရ တပ်ဘက်ကလည်း လားရှိုးရှိ SSA ဆက်ဆံရေး ရုံးမှ ကိုယ်စားလှယ် နှစ်ဦးကို ရမခ တိုင်းရုံးသို့ ခေါ်ယူ ထိန်းသိမ်း ထားခဲ့သည်။ ထိုကဲ့သို့ နှစ်ဖက်တပ်ဆိုင်ရာ အပြန်အလှန် ဖမ်းဆီး ထားမှုများကို နှစ်ဖက် ပြန်လည် လဲလှယ် လွှတ်ပေး ခဲ့ကြသော်လည်း ရွာသား လေးဦးမှာမူ လွတ်မြောက်လာခြင်း မရှိသေးပေ။
လွတ်မြောက်ခြင်း မရှိသည့် ရွာသား လေးဦးအနက် မန်စံကျေးရွာ အုပ်စုမှ ပိန်းလုံရွာသား စိုင်းလနှင့် နာကေး ရွာသား စိုင်းအိုက်တင်း တို့ နှစ်ဦးမှာ သတင်းများ ပျောက်ဆုံးနေပြီး နောင်အော့်ရွာသား စိုင်းကမ်နှင့် ပိန်းထွန်ရွာသား စိုးကျော်အေး ကို လားရှိုးမြို့ အမှတ် (၁) ရဲစခန်းတွင် ဖမ်းဆီး ထားကြောင်း SSA နှင့် နီးစပ်သည့် နမ္မတူ ဒေသခံ တဦးက ပြောသည်။
“စိုင်းကျော်အေး လက်ကိုင်ဖုန်းမှာ SSA အရာရှိတချို့ရဲ့ နာမည်တွေ သိမ်းထားတဲ့ အတွက် သူပုန်နဲ့ ဆက်သွယ်တယ် ဆိုပြီး ၁၇/၁ နဲ့ စွဲထားတယ်။ စိုင်းလ နဲ့ စိုင်းအိုက်တင်း နှစ်ယောက်က သေလား ရှင်လား မသိဘူး။ ပျောက်နေတာ ဘာသတင်းမှ မကြားရတော့ဘူး” ဟု သူက ပြောသည်။
ဒေသခံများမှာ ဘာသာစကား အခက်အခဲနှင့် လက်နက်ကိုင် တပ်ဖွဲ့များကို ကြောက်လန့်ခြင်း တို့ကြောင့် မျက်နှာ အမူအယာ ပျက်ရာမှ သူပုန်နှင့် ဆက်သွယ်သည်ဟု မဟုတ်မမှန် စွပ်စွဲ ခံရခြင်းများလည်း ရှိသည်ဟု ဒေသခံများက ပြောသည်။
အစိုးရနှင့် SSPP/SSA တို့ အပစ်အခတ် ရပ်စဲထားသော်လည်း ဒေသခံများကို ပုဒ်မ ၁၇/၁ မတရား အသင်းနှင့် ဆက်သွယ် သည်ဟု စွပ်စွဲခြင်းမှာ ငြိမ်းချမ်းရေး အတွက် တိုးတက်သည့် အလားအလာ မဟုတ်ကြောင်း နမ္မတူမြို့နယ်၊ မန်စံ ကျေးရွာအုပ်စု အုပ်ချုပ်ရေး အဖွဲ့ဝင် စိုင်းလိတ်က ပြောသည်။
“ကျနော်တို့ ရွာသားတွေက လက်နက်ကိုင် တပ်ဖွဲ့ဆိုရင် ဘယ်ကလာလာ အကုန် ကြောက်နေရ တုန်းပဲ။ အစိုးရတပ် ဆို ပိုကြောက် ရတယ်။ ပြည်သူလူထု အပေါ် ဆက်ဆံတဲ့ ပုံစံကတော့ အရင်က ကျနော်တို့ တောသူတောင်သားတွေ ကြုံတွေ့ရတဲ့ ပုံစံ အတိုင်းပဲ သိပ်ပြီးတော့ ထူးထူးခြားခြား ပြောင်းလဲလာတာ မမြင်ဘူး” ဟု သူက ဆက်ပြောသည်။
ဇန်နဝါရီလ ၁၇ ရက်နေ့ အပစ်အခတ် ရပ်စဲပြီးချိန်မှ စ၍ သဘောတူ လက်မှတ် ရေးထိုးထားသည့် အတိုင်း အစိုးရ ဘက်မှ မလိုက်နာသည့် အတွက် နှစ်ဘက်တပ်ဖွဲ့ အကြား တိုက်ပွဲပေါင်း ၃ဝ ခန့် ဖြစ်ပွားခဲ့သည်ဟု SSA ဘက်က ပြောသည်။
SSPP/SSA အနေနှင့် အစိုးရနှင့် ရယူထားသည့် အပစ်အခတ် ရပ်စဲရေး သဘော တူညီချက်များ မပျက်ပြားစေလို သည့် အတွက် လွန်ခဲ့သော နှစ်ပေါင်း ၂ဝ ကျော်က ၎င်းတို့ အခြေချခဲ့သည့် ရှေ့တန်း တပ်စခန်း အချို့ကိုလည်း အစိုးရ၏ တောင်းဆိုမှုကြောင့် နှစ်ကြိမ်တိုင် ဆုတ်ခွာပေးခဲ့သည်ဟု ဆိုသည်။
Ref: မဇ္ဈိမ
Read More...
Collapse...
12.09.2012
အမေရိကန် သံအမတ်ကြီး J. Christopher Stevens နဲ့ ၀န်ထမ်းသုံးဦး သေဆုံးခဲ့တဲ့ လစ်ဗျားနိုင်ငံ အရှေ့ဘက် Benghazi မြို့က တိုက်ခိုက်မှုဟာ အမေရိကန် ဆန့်ကျင်သူတွေရဲ့ ဒေါသထွက် တိုက်ခိုက်မှုထက် ကြိုတင် စီစဉ် တိုက်ခိုက်မှု ဖြစ်နိုင်တယ်လို့ အစိုးရ တာဝန် ရှိသူတွေက ပြောပါတယ်။
အမေရိကန်ကောင်စစ်ဝန် ရုံးကို အင်္ဂါနေ့နှောင်းပိုင်းက လူစု လူဝေးနဲ့ ၀င်ရောက် စီးနင်းမှုတွေမှာ ဒုံးကျည် ရော့ကက်တွေ ကိုင်ဆောင် ထားသူတွေနဲ့အတူ လက်နက်ကိုင်တွေနဲ့ ပူးပေါင်း စီစဉ် ထားပုံရတယ်လို့ ပြောဆို ခဲ့ကြတာပါ။ ဒါပေမဲ့လည်း အမေရိကန်မှာ စက်တင်ဘာ ၁၁ ရက် အကြမ်းဖက် တိုက်ခိုက်မှုတွေ ဖြစ်ပွားခဲ့တဲ့ ၁၁ နှစ်ပြည့်အချိန်နဲ့ တိုက်ဆိုင်ပြီး တိုက်ခိုက်ခဲ့တာ ဟုတ်မဟုတ် ဆိုတာကို ပြောဖို့ကတော့ စောသေးတယ် လို့လည်း ပြောခဲ့ကြတာပါ။
လစ်ဗျား အစိုးရ တာဝန်ရှိသူတွေကတော့ အမေရိကန်သံအမတ်ကြီးနဲ့ ၀န်ထမ်း သုံးဦးသေဆုံး ခဲ့တဲ့ တိုက်ခိုက်မှု ဖြစ်စဉ်အတွင်း လူအုပ်က ကောင်စစ်ဝန် ရုံးကို စီးနင်း မီးတင်ရှို့ခဲ့ရာက အနီးအနား က ဘေးလွတ်ရာ အိမ်တအိမ်ကို တိမ်းရှောင် ခဲ့ပြီး နောက်ပိုင်းမှာ ရော့ကက်လောင်ချာတွေနဲ့ ပစ်ခတ် ခံခဲ့ရတာလို့ ဆိုပါတယ်။ အမေရိကန် တာဝန်ရှိ သူတွေကတော့ ဒီဖြစ်စဉ်ကို အတည် မပြုသေးပါဘူး။
အစ္စလာမ် ဘာသာဝင်တွေ အထွတ်အမြတ်ထားတဲ့ တမန်တော် မိုဟာမက်ကို စော်ကားတယ်လို့ ဆိုတဲ့ အပျော်တမ်း ဗွီဒီယို ဇာတ်လမ်းတခုကို အမေရိကန်က ထုတ်လုပ်ခဲ့တယ်လို့ စွပ်စွဲပြီး ဒေါသထွက်နေကြ တဲ့ ဆန္ဒပြသူတွေ ကောင်စစ်ဝန် ရုံးကို ပစ်ခတ်၊ မီးရှို့တိုက်ခိုက်ခဲ့ကြတာပါ။ သေဆုံးသွားတဲ့ သံ အမတ်ကြီး Stevens ဟာ အမေရိကန် ၀ါရင့်သံတမန် တဦးလည်းဖြစ်၊ ဒေသတွင်းမှာ အတွေ့အကြုံ ကြီးမားသူတဦးလည်း ဖြစ်ပြီး မေလကစလို့ ထရီပိုလီမြို့တော်မှာ စတင် တာဝန်ယူခဲ့တာပါ။
သူအပါအ၀င် အမေရိကန် နိုင်ငံသားလေးယောက် သတ်ဖြတ်ခံရတဲ့အပေါ်မှာ သမ္မတ Barak Obama က အပြင်းအထန် ရှုတ်ချခဲ့ပြီး တိုက်ခိုက်သူတွေကို လိုက်လံရှာဖွေပြီး တရားဥပဒေ ရှေ့မှောက်မှာ စီရင်မယ်လို့လည်း ပြောခဲ့တာပါ။ အိမ်ဖြူတော်မှာ နိုင်ငံခြားရေးဝန်ကြီး ဟီလာရီ ကလင်တန်နဲ့အတူ ဗုဒ္ဓဟူးနေ့က ပြောဆိုရာမှာတော့ ကမ္ဘာတ၀ှန်းက အမေရိကန်သံရုံးတွေမှာ လုံခြုံရေး တိုးမြှင့်ဖို့ ညွှန်ကြားထားကြောင်းလည်း သမ္မတက ပြောသွားပါတယ်။
လစ်ဗျားနိုင်ငံမှာရှိတဲ့ အမေရိကန် သံတမန်ဆိုင်ရာ အဆောက်အဦးတွေမှာ လုံခြုံရေး တိုးမြှင့်ဖို့ ကမ်းတပ် မရိန်းစစ်သည် ၅၀ စေလွှတ်ခဲ့ကြောင်းလည်း အမေရိကန် တာဝန်ရှိသူတွေက ပြော ပါတယ်။ ၀န်ကြီး ကလင်တန်ကတော့ သေဆုံး သွားသူ သံအမတ်ကြီး ဟာ လစ်ဗျားလူထုအတွက် လွတ်လပ်တဲ့ တိုင်းပြည်တခု ထူထောင်ဖို့ အကူအညီပေးရင်း သူ့အသက်အန္တရာယ်ကို အထိခိုက်ခံ ခဲ့သူလို့ ရည်ညွန်း ပြောဆိုခဲ့တာပါ။
ဒီတိုက်ခိုက်မှုကြောင့် အမေရိကန်နဲ့လစ်ဗျား ဆက်ဆံရေးကို ထိခိုက်ခံမှာမဟုတ်သလို ဒီမိုကရေစီ တိုင်းပြည်အဖြစ် အသွင်ကူးပြောင်းရေးလုပ်ငန်းစဉ်ကို မျက်နှာလွှဲသွားမှာ မဟုတ်ဘူးလို့လည်း ပြောဆို သွားပါတယ်။
Tunisia မြို့တော်မှာရှိတဲ့ အမေရိကန်သံရုံး မှာ ဗုဒ္ဓဟူးနေ့က ဆန္ဒပြသူ ရာပေါင်း များစွာကို ရဲတွေက မျက်ရည်ယိုဗုံးတွေနဲ့ ပစ်ခတ် လူစုခွဲခဲ့တာပါ။ အင်္ဂါနေ့က အီဂျစ်နိုင်ငံ၊ ကိုင်ရိုမြို့မှာလည်း ဆန္ဒပြ သူတွေက သံရုံးကို ၀င်ရောက် စီးနင်းပြီး အမေရိကန် အလံကိုဖြုတ်ချခဲ့ကြပါတယ်။
Ref: VOA News
Read More...
Collapse...
ကိုဇော်ဝင်းလှိုင်
12.09.2012
မြန်မာသမ္မတ ဦးသိန်းစိန်ဟာ တရုတ်နိုင်ငံနဲ့ အမေရိကန်နိုင်ငံတွေကို မကြာခင်သွားရောက်ဖို့ ရှိပါ တယ်။ တရုတ် နိုင်ငံမှာ ကျင်းပမယ့် အာဆီယံ-တရုတ် နန်နင်း ကုန်စည်ပြပွဲကို တက်ရောက်ဖို့ ရှိသလို အမေရိကန်နိုင်ငံ နယူးယောက်မြို့မှာ ကျင်းပမယ့် ကုလသမဂ္ဂ အထွေထွေ ညီလာခံမှာလည်း တက်ရောက် မိန့်ခွန်းပြောကြားဖို့ ရှိနေပါတယ်။ အသေးစိတ်ကိုတော့ ဘန်ကောက် ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
သမ္မတဦးသိန်းစိန်ဟာ စက်တင်ဘာလအတွင်း ပြည်ပခရီးစဉ်နှစ်ခု သွားရောက်ဖို့ ရှိနေတာမှာ ပထမ ခရီးစဉ် ဖြစ်တဲ့ တရုတ်နိုင်ငံကို အခုလ ၁၈ ရက်နေ့မှာ ရောက်ဖို့ရှိတဲ့အကြောင်း သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။
“အကြမ်းဖျင်းကတော့ နန်နင်းကုန်စည်ပြပွဲကို သွားမယ်။ ASEAN-China ကို သွားရင်းနဲ့ တချို့ နေရာတွေ သွားမယ်။ ၁၈ ရက် နေ့လောက် ထွက်မယ်။”
သမ္မတ ဦးသိန်းစိန်ဟာ တရုတ်နိုင်ငံ နန်နင်းမြို့မှာ ကျင်းပမယ့် ကိုးကြိမ်မြောက် အာဆီယံ-တရုတ် ကုန်စည်ပြပွဲ ကို တက်ရောက်မှာဖြစ်ပြီး တရုတ်နိုင်ငံမှာ သုံးရက်လောက်ကြာမယ်လို့ သိရပါတယ်။ သမ္မတ ဦးသိန်းစိန်ဟာ သူသမ္မတဖြစ်လာပြီးနောက်ပိုင်း တရုတ်နိုင်ငံကို ပြီးခဲ့တဲ့နှစ် မေလတုန်းက တကြိမ် သွားရောက် လည်ပတ်ပြီး ဖြစ်တာကြောင့် ဒါဟာ သမ္မတ အနေနဲ့ တရုတ်နိုင်ငံကို ဒုတိယ အကြိမ်မြောက် သွားရောက်ခြင်းဖြစ်ပါတယ်။
အဲဒီနောက် မြန်မာနိုင်ငံကို ခဏပြန်လာပြီး အမေရိကန်နိုင်ငံ နယူးယောက်မြို့မှာ ကျင်းပမယ့် ၆၇ ကြိမ်မြောက် ကုလသမဂ္ဂ အထွေထွေ ညီလာခံမှာ တက်ရောက် မိန့်ခွန်းပြောကြားမှာ ဖြစ်ပါတယ်။
“အကြမ်းဖျင်းကတော့ ၂၇ ကျရင် UN မှာ မိန့်ခွန်းပြောမယ်ဆိုတာလောက်ပဲ သိသေးတယ်။ မနက်ဖြန်ကျမှ UN ကိုယ်စားလှယ် မစ္စတာ နမ်ဘီယားနဲ့ တွေ့မှာ။ အဲဒီကျမှ final schedule လုပ်မှာ။ မနက်ဖြန်မှာ တွေ့မယ်။”
သမ္မတအနေနဲ့ မြန်မာနိုင်ငံကနေ စက်တင်ဘာလ ၂၃ ရက်နေ့လောက်မှာ အမေရိကန်ခရီးစဉ်ကို စတင်မယ် လို့ သိရပြီး ဒီခရီးစဉ် ဟာလည်း ပျမ်းမျှအားဖြင့် သုံးရက်လောက်ကြာမယ်လို့ သိရပါတယ်။ သမ္မတရဲ့ခရီးစဉ် အသေးစိတ် ကတော့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းရဲ့ မြန် မာနိုင်ငံဆိုင်ရာ အထူးအကြံပေး Vijay Nambiar နဲ့ မနက်ဖြန် နေပြည်တော်မှာ တွေ့ဆုံပြီးတော့မှပဲ သိရမှာဖြစ်တဲ့ အတွက် မစ္စတာ နမ်ဘီယားနဲ့ တွေ့ဆုံပြီးမှပဲ သမ္မတရုံးက အသေးစိတ်ကို ထုတ်ပြန် မယ်လို့ ဦးဇော်ဌေးက ပြောပါတယ်။
မြန်မာအစိုးရက အမည်မည်းစာရင်းထဲပါနေသူ ခြောက်ထောင်ကျော် ထဲက နှစ်ထောင်ကျော်ရဲ့ အမည် စာရင်းကို သြဂုတ်လ ၂၈ ရက်နေ့က ပယ်ဖျက်ပေးပြီး မရှေးမနှောင်းမှာပဲ အမေရိကန် ပြည်ထောင်စု ကလည်း သမ္မတ ဦးသိန်းစိန် အပါအ၀င် မြန်မာ အစိုးရအဖွဲ့ ထိပ်တန်းခေါင်းဆောင် တချို့အပေါ် တဦး ချင်းစီ အလိုက် ပိတ်ဆို့ အရေးယူထားတာနဲ့ ပြည်ဝင်ခွင့်ဗီဇာ ကန့်သတ်ချက် တချို့ကို လျှော့ချပေး လိုက်တဲ့အကြောင်း ကြေညာခဲ့ပါတယ်။
အခုလို ပြုပြင်ပြောင်းလဲရေး ဖော်ဆောင်နေတဲ့ကာလမှာ အမေရိကန် ပြည်ထောင်စု အနေနဲ့ မြန်မာနိုင်ငံနဲ့ ပိုမိုရင်းနှီးစွာ ဆက်ဆံလိုတဲ့ ဆန္ဒရှိတယ် ဆိုတာကို ပြသလိုတဲ့ အတွက်ကြောင့် သမ္မတဦးသိန်းစိန် အပေါ် ဗီဇာကန့်သတ်ချက်ကို လျှော့ချပေးခဲ့တာ ဖြစ်ပါတယ်။
သမ္မတဦးသိန်းစိန်နည်းတူပဲ မြန်မာ့ဒီမိုကရေစီအရေးခေါင်းဆောင် ဒေါ်အောင်ဆန်းစုကြည်လည်း အမေရိကန် နိုင်ငံကို စက်တင်ဘာလ ၁၆ ရက်နေ့မှာ မြန်မာနိုင်ငံကနေ စတင်ထွက်ခွာဖို့ ရှိနေတာ ပါ။ ဒေါ်အောင်ဆန်းစု ကြည်ဟာ အမေရိကန်နိုင်ငံ ကွန်ဂရက် လွှတ်တော်က ချီးမြှင့်ထားတဲ့ Congressional Gold Medal Award ခေါ် ကွန်ဂရက်လွှတ်တော်ရဲ့ ရွှေတံဆိပ်ဆုကို ကိုယ်တိုင် လက်ခံ ရယူမှာဖြစ်သလို လွှတ်တော်မှာလည်း စကားပြော မှာ ဖြစ်ပါတယ်။ ဒေါ်အောင်ဆန်းစုကြည် ဟာ အမေရိကန်နိုင်ငံမှာ ရှိနေစဉ်အတွင်း နယူးယောက်၊ ၀ါရှင်တန်၊ ကယ်လီဖိုးနီးယားနဲ့ အင်ဒီယားနားပြည်နယ်တွေမှာ ရှိနေကြတဲ့ မြန်မာမိသားစုတွေနဲ့လည်း တွေ့ဆုံမှာ ဖြစ်ပါတယ်။
ဒါကြောင့် မြန်မာနိုင်ငံက ခေါင်းဆောင် နှစ်ယောက်ဖြစ်ကြတဲ့ သမ္မတဦးသိန်းစိန်နဲ့ ဒေါ်အောင်ဆန်း စုကြည်တို့ အမေရိကန်နိုင်ငံကို တပြိုင်တည်း ရောက်နေတဲ့ အချိန်မှာ အမေရိကန်သမ္မတ Barak Obama အနေနဲ့ ဒီ ခေါင်းဆောင် နှစ်ယောက် စလုံးနဲ့ တွေ့ဆုံသင့်တဲ့ အကြောင်း CSIS လို့ခေါ်တဲ့ မဟာဗျူဟာနဲ့ နိုင်ငံတကာရေးရာ လေ့လာရေးဌာနက အကြံပြုချက် ထုတ်ပြန် ထားပါတယ်။
ဒီ CSIS အဖွဲ့ဟာ မြန်မာအစိုးရက လက်ရှိပြုလုပ်နေတဲ့ နိုင်ငံရေး၊ စီးပွားရေးနဲ့ လူမှုရေး ဆိုင်ရာ ပြုပြင်ပြောင်းလဲမှုတွေကို ပြီးခဲ့တဲ့ သြဂုတ်လ အတွင်း သွားရောက်လေ့လာ ခဲ့ကြပြီး အမေရိကန် အစိုးရကို မူဝါဒဆိုင်ရာ အကြံပြုချက်တွေ တင်ပြခဲ့ကြတာ ဖြစ်ပါတယ်ခင်ဗျား။
Ref: VOA News
Read More...
Collapse...
2012-09-12
စစ်ကိုင်းတိုင်းဒေသကြီး မုံရွာမြို့မှာဖြစ်ပွားနေတဲ့ လက်ပန်းတောင်းတောင် ကိစ္စနဲ့ ပတ်သက်ပြီး စစ်ကိုင်းတိုင်း ဒေသကြီး ၀န်ကြီးချုပ် ဦးသာအေးကို အမျိုးသားဒီမိုကရေစီ အဖွဲ့ချုပ် စစ်ကိုင်းတိုင်း ဒေသကြီး ပုလဲမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်နဲ့ လူမှုရေး အဖွဲ့အစည်း တချို့က ကိုယ်စားလှယ်တွေ ဒီကနေ့ ညနေမှာ တွေ့ဆုံဆွေးနွေးခဲ့ကြပါတယ်။
ဝန်ကြီးချုပ်နဲ့ တွေ့ဆုံရာမှာ ပါဝင်တဲ့ မုံရွာဦးအောင်ရှင်က ဒီကနေ့ တွေ့ဆုံ ညှိနှိုင်းချက်တွေကို အခုလို ပြောပါတယ်။
"ကျွန်တော်တို့က ဒီဖမ်းထားတဲ့ ကျန်တဲ့ ၃ ယောက်ပေါ့နော်။ နောက်ပြီးတော့ ဖမ်းထားတဲ့ ကိုဝေဠုကို လွှတ်ပေးဖို့တောင်းတယ်။ နောက်ပြီးတော့ ဖမ်းထားတဲ့ ကလေးမလေးတွေကို တွေ့ချင်တယ်လို့ ပြောတယ်လေ။ ၁ ရက် ၂ ရက်အတွင်းမှာ စဉ်းစားပေးပါ့မယ်တဲ့။ သူ့အဖွဲ့နဲ့ တိုင်ပင်ပြီးတော့ စဉ်းစားပေးပါ့မယ်လို့ ပြောတယ်။ သူက ဒီဖြစ်စဉ်သမိုင်းကို အကုန်ရှင်းပြတာပေါ့ဗျာ"
အမျိုးသားဒီမိုကရေစီ အဖွဲ့ချုပ် ကိုယ်စားလှယ်တွေက လက်ပန်းတောင်းတောင် ကြေးနီစီမံကိန်း ရပ်ဆိုင်းဖို့၊ ဖမ်းဆီးထားသူတွေကို ပြန်လွှတ်ပေးဖို့၊ လယ်မြေ မတရားသိမ်းဆည်းမှုတွေ သီးနှံလျော်ကြေး ကိစ္စရပ်တွေအပြင် ဖမ်းဆီးမိန့် ထုတ်ပြန်ထားတဲ့ ပုဂ္ဂိုလ်တွေအတွက် ဖမ်းဝရမ်းအမိန့် ပြန်ရုပ်သိမ်းပေးဖို့ စတဲ့ ဒေသခံတွေရဲ့ တောင်းဆိုချက်ကို ၀န်ကြီးချုပ်နဲ့ ဆွေးနွေးခဲ့တယ်လို့ သိရပါတယ်။
Ref: RFA News
Read More...
Collapse...
2012-09-12
ကချင်ပြည်နယ် အတွင်းမှာ ထိုးစစ်ဆင် တိုက်ခိုက်နေတာတွေကို သမ္မတ ဦးသိန်းစိန် အနေနဲ့ ရပ်တန့်ဖို့ အမိန့် ထုတ်ပြန် ထားတဲ့ ကြားက မြန်မာ စစ်တပ်က ဆက်လက် ထိုးစစ်ဆင် တိုက်ခိုက်နေတာကို ရပ်ဆိုင်းဖို့ တိုင်းရင်းသား လူမျိုးများကောင်စီ (ပြည်တောင်စု မြန်မာနိုင်ငံ) ENC အဖွဲ့က တောင်းဆို လိုက်ပါတယ်။
ထိုင်း-မြန်မာနယ်စပ်မှာ စက်တင်ဘာလ ၁၂ ရက်နေ့မှာ နှစ်ရက်ကြာ ကျင်းပခဲ့တဲ့ တတိယ အကြိမ် ညီလာခံ ကျင်းပ အပြီးမှာ အခုလို တောင်းဆို လိုက်တာဖြစ်ပြီး ကချင်ပြည်နယ်မှာ ထိုးစစ်ဆင် တိုက်ခိုက်မှုတွေ ဆက်လုပ်နေမယ်ဆိုရင် အပစ်အခတ် ရပ်စဲရေး သဘောတူထားတဲ့ တိုင်းရင်းသား လက်နက်ကိုင် အဖွဲ့တွေ အနေနဲ့ ပြည်တောင်စု အစိုးရနဲ့ ထိတွေ့ဆက်ဆံမှုတွေကို ဆိုင်းငံ့ ဖို့ကိုပါ ENC အဖွဲ့က တိုက်တွန်း လိုက်ပါတယ်။
ဒါနဲ့ ပတ်သက်ပြီး ENC အဖွဲ့က ပြောရေး ဆိုခွင့်ရှိသူ ဒေါက်တာ ရွှေခါးက -
"ပြည်တောင်စု အစိုးရနဲ့ တိုင်းရင်းသား အားလုံးနဲ့ နိုင်ငံရေး တွေ့ဆုံ ဆွေးနွေးပွဲတွေ ဖြစ်မှပဲ တကယ့် စစ်မှန်တဲ့ တကယ့်ပြေလည်နိုင်မယ့် ငြိမ်းချမ်းရေးကို ရရှိမယ်လို့ ကျွန်တော်တို့ သုံးသပ်တယ်၊ အဲ့ဒါကြောင့် အားလုံး ပါဝင်နိုင်ဖို့ ဆိုလို့ရှိရင် ကချင်ပြည်ဖက်မှာ ဖြစ်နေတဲ့ ပဋိပက္ခတွေက ဖြေရှင်းမှသာ ကချင်လူမျိုးတွေလည်း ပါလာနိုင်မှာ ဖြစ်တယ်။ အဲဒါကြောင့် ဒီလိုမျိုး ဆက်လုပ်နေလို့ကတော့ ကျွန်တော်တို့ကလည်း ရှေ့ဆက်သွားလို့ မရဘူး။ အဲဒါကြောင့် ကျွန်တော်တို့က ကျန်တဲ့ အပစ်အခတ်ရပ် အဖွဲ့အစည်းတွေကိုလည်း တကယ်လို့ ဒီလိုပဲ ဆက်လက် ထိုးစစ်ဆင်နေမယ် ဆိုလို့ရှိရင် ကျွန်တော်တို့က အခု ပြည်တောင်စု အစိုးရနဲ့ engagement လုပ်နေတဲ့ဟာတွေကို ဆိုင်းငံ့ထားဖို့ပေါ့၊ suspend လုပ်ဖို့ တောင်းဆိုလိုက်တာ ဖြစ်တယ်"
ဒါ့အပြင် ရခိုင်ပြည်နယ်အတွင်း ဖြစ်ပွားခဲ့တဲ့ အဓိကရုဏ်းတွေကြောင့် အသက်ဆုံးရှုံး သွားတာ၊ အနာတရ ရတာ၊ အိုးအိမ် ဥစ္စာဓန ဖျက်ဆီးခံရတာ၊ ဆုံးရှုံးတာ၊ ဒုက္ခသည် အဖြစ် ရောက်ရှိနေတာတွေ အပေါ် ၀မ်းနည်း မိကြောင်းနဲ့ ဒီကိစ္စကို ပြည်တောင်စု အစိုးရ အနေနဲ့ တရားမျှတစွာ အမြန်ဆုံး ဖြေရှင်းဖို့ ကိုလည်း ENC အဖွဲ့က ကြေညာချက် တစ်စောင် ထုတ်ပြန်ပြီး တိုက်တွန်း လိုက်ပါတယ်။
တစ်ဆက်တည်းမှာပဲ ပင်လုံကဲ့သို့သော ညီလာခံ အပါအ၀င် နိုင်ငံရေး တွေ့ဆုံဆွေးနွေးမှု ဖြစ်စဉ် မူဘောင်တွေကို ပြည်တောင်စု အစိုးရနဲ့ တိုင်းရင်းသား လူမျိုးတွေအကြား နှစ်ဖက်ညှိနှိုင်း သဘောတူညီပြီးမှသာ ချမှတ် အကောင်အထည်ဖော် ဆောင်ရွက်ဖို့ လိုကြောင်း သဘောထား ရှိတယ်လို့ ဒေါက်တာ ရွှေခါးက ဆက်ပြောပါတယ်။
"ပင်လုံကဲ့သို့ ညီလာခံ လုပ်မယ်ဆိုရင် ကျင်းပရေး ကော်မတီ ဘယ်လိုဖွဲ့မလဲ၊ ဘယ်သူတွေက ပါဝင်မည့် ပုဂ္ဂိုလ်တွေကို အိုက်ဒင်ဒီဖိုင်း လုပ်မလဲ၊ ပြီးတော့ အာဂျင်ဒါတွေ ဘယ်လိုဆွဲမလဲ၊ ပြီးတော့ ကျွန်တော်တို့ အဲလိုမျိုး ညီလာခံ လုပ်လို့ရှိရင် ဘယ်လို ဆုံးဖြတ်ချက်ချမလဲ၊ အဲဆုံးဖြတ်ချက် ချတယ် ထားဦး။ ဘယ်လို အကောင်အထည် ဖော်မလဲဆိုတဲ့ Framework ပြီးတော့ အခုလောလောဆယ်မှာ ဖြစ်နေတဲ့ဟာကလည်း တစ်ခုလုံး ပါလာဖို့အတွက် လက်ရှိ ဥပဒေတွေမှာ နည်းနည်း ပြင်ဆင်စရာတွေ ရှိတာတို့ ဥပမာ အခုထက်ထိ တိုင်းရင်းသားတွေ လက်နက်ကိုင် အဖွဲ့အစည်းတွေက တရားမ၀င်မှာပဲ ရှိသေးတယ် ဆိုတော့ ကျွန်တော်တို့နဲ့ စကားပြောတဲ့လူ၊ ကျွန်တော်တို့နဲ့ တွေ့တဲ့လူက ၁၇/၁ နဲ့ ဖမ်းလို့ ရသေးတာကိုး။ ဖမ်းနေဆဲ ဖြစ်နေတာကိုး။ အဲဒါတွေကိုလည်း ကျွန်တော်တို့ အကုန်လုံး ညှိရမယ်"
တိုင်းရင်းသား လူမျိုးများကောင်စီ (ပြည်တောင်စု မြန်မာနိုင်ငံ) အဖွဲ့ကို ပြည်နယ် ၇ ပြည်နယ်မှာ ရှိတဲ့ တိုင်းရင်းသား ကိုယ်စားလှယ်တွေနဲ့ စုပေါင်း ဖွဲ့စည်း ထားတဲ့ အဖွဲ့တစ်ဖွဲ့ဖြစ်ပြီး ဒီတတိယ အကြိမ် ညီလာခံကနေ အလှည့်ကျ ဥက္ကဋ္ဌ အဖြစ် ဒေါက်တာ ဆလိုင်း လျန်မှုန်းဆာခေါင်ကို ရွေးချယ် လိုက်ကြတယ်လို့လည်း သိရပါတယ်။
Ref: RFA News
Read More...
Collapse...
ဖနိဒါ
ဗုဒ္ဓဟူးနေ့၊ စက်တင်ဘာလ ၁၂ ရက် ၂၀၁၂
ချင်းမိုင် (မဇ္ဈိမ) ။ ။ အစိုးရမှ တိုင်းရင်းသားများအပေါ် မတရားဖိနှိပ်မှုများ မပြုလုပ်နိုင်ရန်နှင့် တိုင်းရင်းသားများ ဘက်မှလည်း မဖြစ်နိုင်သည့် မတရားတောင်းဆို ချက်များ ပြုလုပ်နိုင်ရန် ပင်လုံ ညီလာခံ ကဲ့သို့သော ဒုတိယပင်လုံ ညီလာခံ တခု ကျင်းပ၍ ဘုံ သဘောတူညီချက် ချမှတ်နိုင်ရေး ဆွေးနွေး သင့်နေပြီဟု ကချင်လွတ်လပ်ရေးအဖွဲ့ KIO ဒု-စစ်ဦးစီးချုပ် ဗိုလ်ချုပ်ဂွမ်မော်က ပြောသည်။
“အားလုံးပါဝင်နိုင်တဲ့ ညီလာခံကြီးတခုကို ခေါ်ပေးရမယ်။ ကျနော်တို့ပြောတာကတော့ အရင်ပင်လုံတွေ ကျင်းခဲ့ကြ သကဲ့သို့ ညီလာခံကြီး တခုကို ကျင်းပရမယ်။ အဲဒီမှာတော့ အကုန်လုံး ပါဝင်ရမယ်။ ပါဝင်သင့်တဲ့ လူတွေ အကုန်လုံး ပါဝင်ရမယ်။ အဲဒီမှာ ဘုံ သဘောတူညီချက် တခုကို ရအောင် ကျနော်တို့က ဝိုင်းပြီးမှ ဆွေးနွေးရမယ်။ လူထုရဲ့ရှေ့မှာ အစည်းအဝေး လုပ်ရမယ်။ အဲဒီလို လုပ်လိုက်ခြင်းအားဖြင့် အစိုးရကလည်း မတရားလုပ်လို့ မရတော့ဘူး။ ကျနော်တို့ ဘက်ကလည်း မတရားတောင်းဆိုလို့ မရတော့ဘူး။ အဲတော့ အားလုံးက ဝိုင်းပြီးကြည့်နေရမယ်” ဟု ဗိုလ်ချုပ်ဂွမ်မော် က ဆိုသည်။
သြဂုတ်လ ၁၂ ရက်မှ ၂၂ ရက်နေ့ထိ ကချင်ငြိမ်းချမ်းရေးကွန်ယက် အဖွဲ့ဝင်များက တရုတ် နယ်စပ် KIO ၏ ဌာနချုပ် လိုင်ဇာမြို့သို့ သွားရောက်၍ KIO ၏ ဒု-စစ်ဦးစီးချုပ် ဗိုလ်ချုပ် ဂွမ်မော်နှင့် သီးသန့်တွေ့ဆုံ မေးမြန်းမှုကို ဘားမား ဗီဂျေ မီဒီယာက ပြန်လည်ဖေါ်ပြ ထားခြင်းဖြစ်သည်။
ယင်းအပြင် ဖွဲ့စည်းပုံ အခြေခံဥပဒေ ပြင်ဆင်နိုင်ရန်မှာ ဒုတိယ ပင်လုံ ညီလာခံ၏ ဘုံသဘော တူညီ ချက်များဖြင့်သာ
ပြင်ဆင်နိုင်မည်ဟု ဗိုလ်ချုပ်ဂွမ်မော်က ယူဆသည်။ သူက လွှတ်တော်အတွင်းမှ ဖွဲ့စည်းပုံ အခြေခံဥပဒေ ပြင်ဆင်ရေး သည် လွှတ်တော်အတွင်း တပ်မတော်အရာရှိများ ပါဝင်နေခြင်းကြောင့် ပြင်ဆင်၍ မရနိုင်ဟုလည်း ယူဆနေသည်။
"လွှတ်တော်ထဲမှာ ပြင်လို့ မရသလို၊ ပြည်သူ့ဆန္ဒခံ ဖြစ်လာဖို့လည်း ဘယ်လိုမှ မဖြစ်လာနိုင်ဘူး။ အဲတော့ ကျနော်တို့ ကတော့ အပြင်မှာ ညီလာခံ ကြီးတခုမှာ ဘုံသဘောတူညီချက်တခုကို မရဘူးဆိုရင် ဒီဥပဒေကို ဘယ်လိုမှ ပြင်လို့မရ ဘူး။ ဒါကြောင့် လွတ်တော်ပြင်ပမှာ ဒါကို လုပ်ချင်တယ်လို့ ဦးအောင်မင်းကိုပြောတယ်။ ပထမပိုင်းတော့ ဟုတ်တယ်တဲ့ ဒါပေမဲ့ ဒီက ဆွေးနွေးချက်ကို လွှတ်တော်ပြန်ယူသွားဖို့ လိုအပ်တယ်လို့ ဒါကြောင့်မလို့ ဒီဟာကို ဦးသိန်းဇော်ကို တာဝန်ပေးရမယ်။ ဒါပေမဲ့ ခုကျတော့ ဒီလေသံကတော့ ပျောက်သွားပြန်ရော”ဟု ပြောသည်။
KIO နှင့် အစိုးရအကြား တနှစ်ကျော်ကြား တိုက်ပွဲ ဖြစ်ပွားခဲ့မှုအပေါ် လွှတ်တော်အနေဖြင့် မည်သို့ သဘောထားရှိမှု၊ တိုက်ပွဲနှင့် ပတ်သက်၍ ဆွေးနွေးခြင်း ရှိ၊ မရှိကို KIO အနေဖြင့် အမှန်တကယ် သိရှိလိုကြောင်းနှင့် လွှတ်တော်က တိုက်ပွဲရပ်ရန် ဆုံးဖြတ်ချက်ကို တပ်မတော်က နာခံမှုမရှိခြင်းလား ဟူသည့် မေးခွန်းကိုလည်း မေးမြန်းထားသည်။
တိုက်ပွဲများ မဖြစ်ပွားစေရန် KIO နယ်မြေအတွင်း နီးကပ်နေသော အစိုးရ၏ စစ်တပ်များအား ဆုတ်ခွာရေးဆွေးနွေး ရန် ပြင်ဆင်လိုက်တိုင်း အစိုးရဘက်မှ ဆွေးနွေးမှုကို ရပ်ဆိုင်းထားမှု ဖြစ်နေသည်ဟု သူက ပြောဆိုထားသည်။
ပြီးခဲ့သည့် ဇွန်လ ၂ဝ ရက်နေ့က တရုတ်နယ်စပ် မိုင်ဂျာယန်မြို့တွင် သမ္မတရုံးဝန်ကြီး ဦးအောင်မင်းနှင့် အလွှတ် သဘောတွေ့စဉ် အစိုးရဘက်မှ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ၏ ဒု-ဥက္ကဋ္ဌ တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး စိုးဝင်းနှင့် KIO ဘက်မှ ဒု-စစ်ဦးစီးချုပ် ဗိုလ်မှူးချုပ် ဂွပ်မော်တို့ စစ်တပ်ပိုင်းဆိုင်ရာများ ဆွေးနွေးရန် သဘောတူခဲ့ပြီးနောက် ယနေ့ထိ နှစ်လကျော်ကြာ ပြန်လည် တွေ့ဆုံခြင်း မရှိခဲ့ပေ။
KIO က ယခင်ဆွေးနွေးပွဲများကို တရုတ်နိုင်ငံ ရွှေလီမြို့တွင် ပြုလပ်ခဲ့ပြီး ယခုတကြိမ်တွင် ကချင်ပြည်နယ် မြစ်ကြီးနား မြို့မည်သည့် ဘယ်နေရာ၌၊ မည်သူက တာဝန်ယူမည်ဟူ၍ ဆက်လက် ဆွေး နွေးကြမည်ကို စာတင်ထားသော်လည်း အစိုးရဘက်မှ တုံ့ပြန်ခြင်းမရှိခဲ့ကြောင်း သူက ဆိုသည်။
ထို့နောက် အစိုးရငြိမ်းချမ်းရေးဖော်ဆောင်ရေးအဖွဲ့က လာအိုနိုင်ငံတွင် သွားရောက်တွေ့ဆုံရန် ထပ်မံ ကမ်းလှမ်းလာ မှုကို KIO ဘက်မှ ငြင်းဆိုခဲ့ပြီးနောက် ထိုင်းနိုင်ငံတွင် ထပ်မံတွေ့ဆုံ၍ နေပြည်တော်သို့ သွားရောက်ရန် ထပ်မံ ကမ်းလှမ်းခဲ့မှု ကိုလည်း KIO ဘက်မှ ပယ်ချခဲ့သည်။
KIO ၏ တောင်းဆိုချက်များအား ပြီးခဲ့သည့် ၂ဝဝ၉ ခုနှစ်တိုက်ပွဲစတင်ဖြစ်ပွားပြီးနောက် ကချင်ပြည်နယ်ဝန်ကြီးချုပ် ဖွဲ့စည်းခဲ့သော ကချင်ပြည်နယ်စပ်ရေးရာ ဝန်ကြီး ဦးသန်းအောင်နှင့် သုံးကြိမ်၊ ကြံ့ခိုင်ရေးနှင့် ဖွံ့ဖြိုးရေးပါတီ
သောင်သာအမတ် ဦးအောင်သောင်း ဦးဆောင်သောအဖွဲ့နှင့် သုံးကြိမ်နှင့် လက်ရှိ သမ္မတရုံးဝန်ကြီး ဦးအောင်မင်းတို့ သုံးကြိမ် စုစုပေါင်း အနည်းဆုံး ၉ ကြိမ်တိုင်တိုင် ဆွေးနွေးခဲ့ပြီး ဖြစ်သည်။
လာမည့် ၂ဝ၁၅ ခုနှ ရွေးကောက်သည် အရေးကြီးသည့် ရွေးကောက်ပွဲဖြစ်ပြီး ၂ဝ၁၆ ခုနှစ် နောက်ပိုင်းမှ မြန်မာ့ ဒီမိုကရေစီအရေး အမှန်တကယ် ပြောင်းလဲနိုင်မည်ဟုလည်း ဗိုလ်မှူးချုပ် ဂွမ်မော်က ထည့်သွင်း ပြောဆိုထားသည်။
ပြီးခဲ့သည့် ဧပြီလ ၁၉ ရက်နေ့က ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ UNFC ကလည်း “တမျိုးသားလုံးဆိုင်ရာ ညီလာခံကြီး” ကျင်းပ၍ ထိုမှ တမျိုးသားလုံး ဆိုင်ရာ သဘောတူညီချက် ရရှိရန် အင်အားစုများ အားလုံး ပါဝင် လက်မှတ် ရေးထိုးကြရန်နှင့် တမျိုးသားလုံးဆိုင်ရာ သဘောညီချက်ပါ ပြဋ္ဌာန်းချက်များအတိုင်း ဆက်လက် ဆောင်ရွက်ရန် ထုတ်ပြန်ထားသည်။
UNFC တွင် ကရင်အမျိုးသားအစည်းအရုံး၊ ချင်းအမျိုးသားတပ်ဦး၊ မွန်ပြည်တစ်ပါတီ၊ ရှမ်းပြည်မြောက်ပိုင်း တပ်မတော်၊ ရှမ်းပြည်တောင်ပိုင်း တပ်မတော်၊ ကရင်ငြိမ်းချမ်းရေးကောင်စီ အပါအဝင် ၁၂ ဖွဲ့ ပါဝင်ပြီး ယင်းအဖွဲ့များသည် ပြည်ထောင်စုအဆင့် အစိုးရနှင့် အပစ်အခတ် ရပ်စဲရေး သဘောတူ လက်မှတ်ရေးထူးပြီး ဖြစ်သည်။
Ref: မဇ္ဈိမ
Read More...
Collapse...
နေမျိုး
ဗုဒ္ဓဟူးနေ့၊ စက်တင်ဘာလ ၁၂ ရက် ၂၀၁၂
နယူးဒေလီ (မဇ္ဈိမ) ။ ။ ဆားလင်းကြီးမြို့နယ်၊ လက်ပန်တောင်းတောင် ကြေးနီစီမံကိန်း ရပ်ဆိုင်းရေး အတွက် ဝတ်ပြု ဆုတောင်းနေစဉ် ဖမ်းဆီး ထိန်းသိမ်းခြင်း ခံရပြီးနောက် မုံရွာမြို့ အမှတ် ၁ ရဲစခန်းမှ ပြန်လည် လွတ်မြောက်လာ သည့် အမျိုးသမီးများ ထဲမှ နှစ်ဦးမှာ ရိုက်နှက်ခံရမှုကြောင့် အိပ်ယာ ထဲတွင်သာ လဲလျောင်းနေရကြောင်း သိရှိရသည်။
၎င်းတို့အား လွှတ်ပေးချိန်အထိ မည်သည့်အတွက်ကြောင့် ဖမ်းဆီးခဲ့သည်ကို တိတိကျကျ မပြောပြကြောင်းနှင့် ထိန်းသိမ်း ထားချိန်တွင် ရိုက်နှက်ခဲ့ကြောင်း လွတ်လာသူ တဦးနှင့် တွေ့ဆုံခဲ့သူ ကျောင်းသားခေါင်းဆောင် ကိုနွေဦးကို က ပြောသည်။
“တချို့တဝက်ကို ရိုက်တယ်။ နှိပ်စက်တယ်။ ခါးတွေ ကန်တယ်၊ ခြေထောက်တွေကို ကန်တယ်တယ်ဗျ။ မနက်က လွတ်လာတဲ့ အဖွဲ့၊ အထဲမှာ သုံးယောက် ကျန်တယ်။ မသွဲ့သွဲ့ဝင်း တို့လည်း ရိုက်နှက် ခံရတယ်လို့ ပြောတယ်ဗျ” ဟု မဇ္ဈိမကို ပြောသည်။
ဖမ်းဆီးထားစဉ် ရိုက်နှက်ခံရမှုကြောင့် အိပ်ယာထဲတွင် ဝေဒနာဖြင့် လဲလျောင်းနေရသူ အမျိုးသမီးနှစ်ဦးမှာ ဝက်မှေး ရွာမှ မစန်းစန်းလှ နှင့် မမိဆွေ တို့ဖြစ်ကြောင်း အနီးကပ် စောင့်ရှောက်နေသူ မုံရွာမြို့ခံ အမျိုးသမီး တဦးက ပြော သည်။
“ဆေးလည်း ထိုးပေးရပါတယ်။ ဆေးလည်း လိမ်းပေး ထားပါတယ်။ သူတို့ကို ရဲတွေက ဆံပင်တွေ ဆွဲတယ်။ ပွေ့ဖက်ပြီးတော့ ပါးစပ်တွေလည်း ပိတ်ပါတယ်။ ယောက်ျားရဲရော၊ ရဲမေတွေကရော လုပ်တယ်လို့ ပြောပါတယ်။ ဆံပင်တွေ ဆွဲပြီး ဂုတ်တွေ၊ ခါးတွေကို ရိုက်တယ်လို့ ပြောပါတယ်” ဟု ဒေါ်နု က မဇ္ဈိမကို ပြောသည်။
ဆေးကုသမှု ခံနေသူများအား လာရောက် ကူညီပေးနေသည့် မြို့ခံ အမျိုးသား တဦးကလည်း “ဒီမှာက အဲဒီလူနာ အိပ်နေတယ်။ သူ ထွက်လာတော့ သူနှိပ်စက် ခံရတဲ့ အကြောင်း ပြောပြ တယ်လေ။ ရဲကသူ့ကို ဆွဲသွားတဲ့ အကြောင်း၊ လူမဆန်တဲ့ အကြောင်း ပြောတယ်ဗျ။ မလိုက်ဘူးလို့ ပြောတဲ့ အချိန်မှာ အတင်း ဆွဲတင်တာ။ အိပ်ယာထဲမှာ လဲနေတယ်ဗျ။ လောလောဆယ် နှစ်ယောက်ကတော့ သေချာပေါက် တော်တော် ခံလိုက်ရတယ်ဗျ” ဟု မဇ္ဈိမကို ပြောသည်။
လူမမာများအား လာရောက်ကြည့်ရှုပေးသူ မြို့ခံဆရာဝန်တဦး ကမူ စိုးရိမ်ဖွယ်ရာ မရှိကြောင်းပြောသည်ဟု သိရသည်။
လက်ပန်တောင်းတောင် ကြေးနီစီမံကိန်း ရပ်စဲရန် ဆန္ဒပြရာတွင် ပါဝင်ခဲ့ပြီးနောက် စက်တင်္ဘာလ ၁ဝ ရက်နေ့က အဖမ်း ခံရသည့် အမျိုးသမီး ၁၂ ဦးအနက် ကိုးဦးအား ညသန်းခေါင်ကျော်တွင် ပြန်လည် လွှတ်ပေးခဲ့ခြင်း ဖြစ်သည်။
ဒဏ်ရာဖြင့် လဲလျောင်းနေသူ နှစ်ဦးမှလွဲ၍ အခြား လွတ်မြောက်လာသူ အမျိုးသမီးများနှင့်အတူ အခြား အင်အား ၃၀၀ ခန့်ကလည်း အမှတ် ၁ ရဲစခန်းရှေ့တွင် ဆက်လက် ဆန္ဒပြနေကြကြောင်း သိရသည်။
ဒဏ်ရာရသူအမျိုးသမီးများ မြို့မ ဘုန်းကြီးကျောင်းတွင် ကုသမှုခံယူလျက်ရှိစဉ် ဗုဒ္ဓဟူးနေ့ နံနက်ပိုင်းကမူ အာဏာပိုင် များက လာရောက်၍ ဆက်လက် နေထိုင်ခြင်းမပြုရန် ဖိအားပေးခြင်း ခံခဲ့ရသည်။
“ဒီကျေးရွာသူ၊ သားတွေ သူတို့ဘဝ အတိဒုက္ခရောက် ခံစားရတာတွေ၊ လုပ်ပိုင်ခွင့် ရှိလို့ ဖော်ထုတ်တာကို အခုလို ရိုက်တယ်၊ နှိပ်စက်တယ် ဆိုတာတွေကို မဖြစ်သင့်တဲ့ ကိစ္စလို့ ထင်ပါတယ်။ လက်ပန်တောင်း တောင်ကြီး ပျောက်သွား မှာကလည်း အစားထိုးလို့ မရပါဘူး။ အန်တီတို့က ယူကြုံးမရ ဖြစ်မိပါတယ်” ဟု မုံရွာမြို့ခံ ဒေါ်နုက ပြောကြားသွား သည်။
Ref: မဇ္ဈိမ
Read More...
Collapse...
နေလင်းအောင်
ဗုဒ္ဓဟူးနေ့၊ စက်တင်ဘာလ ၁၂ ရက် ၂၀၁၂
ရမည်းသင်း (မဇ္ဈိမ) ။ ။ မန္တလေးတိုင်းဒေသကြီး ရမည်းသင်း မြို့နယ်တွင် ဆောင်ရွက်နေသော မိုးထိမိုးမိ ဒေသ ရွှေ တူးဖေါ်ရေး လုပ်ငန်း အတွင်း အလုပ်လုပ်နေသူများ တစုတဝေးတည်း နေထိုင်နိုင်ရန်အတွက် မြို့သစ် မိုင်းမြို့ငယ် သို့ ယခုနှစ် ကုန်တွင် ပြောင်းရွှေ့ပေးသွားမည် ဖြစ်ကြောင်း ရွှေတူးဖေါ်ရေးကို ဦးဆောင် လုပ်ကိုင်နေသည့် အမျိုးသား ကြီးပွား တိုးတက်ရေး ကုမ္ပဏီက ကဆိုသည်။
လက်ရှိမှာ အမျိုးသားကြီးပွား တိုးတက်ရေး ကုမ္ပဏီနှင့် အကျိူးတူ ဆောင်ရွက်လျှက်ရှိသည့် ကုမ္ပဏီ ၂၃ ခု မှ အလုပ် သမားများနှင့် ဈေးရောင်းသူများ အပါအဝင် စုစုပေါင်း ၈၈၀၀ ကျော် သည် လုပ်ကွက် အလိုက် နီးစပ် ဧရိယာ အတွင်း ပြန့်ကျဲစွာနေထိုင်လျက် ရှိသည်။
ယင်းမိုင်းတွင်းသည် တပ်ကုန်း-ရမည်းသင်း ကားလမ်းဘေးရှိ သာယာအေး ကျေးရွာမှ တောင်ပေါ် ၈ ဒဿမ ၅ မိုင် အကွာတွင် ရှိပြီး အလုပ်သမားများ တစု တဝေးတည်း နေနိုင်ရန်အတွက် ကုမ္ပဏီမှ ကျပ် သိန်းပေါင်း ၅၀၀၀ ခန့် အကုန်ကျခံ တည်ဆောက်သွားမည် ဖြစ်သည်။
တည်ဆောက်လျှက်ရှိသော မိုင်းမြို့ငယ်သည် အကျယ်အ၀န်း ၁၂၂ ဧက ရှိပြီး ရဲစခန်း၊ ဆေးရုံ၊ စာသင်ကျောင်းများ၊ အပန်းဖြေ စခန်းငယ်များ ပါဝင်သည်။
“ဒီ စီမံကိန်းကို သြဂုတ်လမှာ စတင် တည်ဆောက်နေတာပါ။ ဒီဇင်ဘာလ တစ်ရက်နေ့မှာ စတင်ပြောင်းရွှေ့နိုင်အောင် တည်ဆောက်နေပါတယ်။ အခုလောလောဆယ် လူနေထိုင်ဖို့ အဆောက်အဦး ငါးလုံးကို စတင် ဆောက်နေတယ်” ဟုအဆိုပါ ကုမ္ပဏီ စီမံကိန်း ညွှန်ကြားရေးမှူး ဦးထွန်းအောင်စိုးက ပြောသည်။
မိုင်းလုပ်သားများ လုပ်ငန်းခွင် ဝင်ရောက်သည့် ဧရိယာနှင့် နေထိုင်သည့် ဧရိယာသီးခြားဖြစ်စေရန် ရည်ရွယ်ကြောင်း ၎င်းက ဆိုသည်။
“ဒီမိုင်းမြို့ငယ်မှာ ကျွန်တော်တို့ ပင်မ ကုမ္ပဏီက ဝန်ထမ်းတွေရော အကျိုးတူ ကုမ္ပဏီတွေက လုပ်သားတွေနဲ့ ဈေးရောင်းချ သူတွေ နေထိုင်မယ်။ လုပ်သားတွေအတွက် အိမ်ခြေ သုံးထောင်ပါမယ်။ လူပျို၊ လူလွတ်တွေ အတွက် ဘားတိုက်တွေလည်း တည်ဆောက် သွားမယ်။ နိုင်ငံတာက မိုင်းတွေ လုပ်ငန်းတွေလိုပဲ နေထိုင်ရေးကို စီစဉ်ပေးတာပါ။ နမ္မတူ ဘော်တွင်းမှာလည်း ဒီလိုပါပဲ” ဟု ဦးထွန်းအောင်စိုးက ပြောသည်။
ကုမ္ပဏီမှ ဆောင်ရွက်နေသော မိုးထိ မိုးမိဒေသ ရွှေတူးဖေါ်ရေး လုပ်ငန်းသည် ၅,၁၀၅ ဧက အကျယ် အ၀န်း ရှိသည်။
အဆိုပါ ဧရိယာအတွင်းတွင် အခြားနေထိုင်လိုသူများ၊ ဈေးရောင်းချသူများနှင့် မိုင်းနယ်မြေအတွင်း ဆိုင်ကယ် ကယ်ရီ ဆွဲလိုသူများပါ နေထိုင်နိုင်ပြီး လာရောက်၍ နေထိုင်သူများ သင့်တော်သော ဈေးနှုန်းဖြင့် ငှားရမ်းသွားမည် ဖြစ်ကြောင်းလည်း ဦးထွန်းအောင်စိုး က ပြောသည်။
မန္တလေးတိုင်းဒေသကြီး အစိုးရနှင့် သစ်တောဌာနတို့၏ ခွင့်ပြုချက်ဖြင့် တည်ဆောက်ခြင်းဖြစ်ပြီး ကြိုးပြင်သစ်တော အတွင်း တည်ဆောက်ခြင်း ဖြစ်ကြောင်းလည်း ၎င်းက ပြောသည်။
ယင်းမိုင်းလုပ်ငန်းအတွင်း လုပ်ငန်း လုပ်ကိုင်နေကြသူများတွင် အမျိုးသားကြီးပွား တိုးတက်ရေး ကုမ္ပဏီမှ ဝန်ထမ်း အင်အား ၂၀၀၀ ခန့်၊ မိတ်ဖက် ကုမ္ပဏီများမှာ အင်းပိုင်ရှင်များ၊ အင်းသားများ ၈၀၀၀ ကျော်နှင့် ဈေးရောင်းချသူ ၂၈၀ ကျော်ရှိပြီး ရှမ်း၊ ပအိုဝ့်၊ ကချင်၊ ဝ၊ ရခိုင်နှင့် ဗမာ တိုင်းရင်းသားများ ဖြစ်ကြောင်းနှင့် ယင်းတို့တွင် ရမည်းသင်း ဒေသခံ တစ်ထောင်ကျော်ပါဝင် လုပ်ကိုင်နေကြောင်း ယင်းကုမ္ပဏီမှ သိရသည်။
အဆိုပါ အမျိုးသား ကြီးပွားတိုးတက်ရေး ရွှေတူးဖေါ်ထုတ်လုပ်မှုအုပ်စု လီမိတက်မှ ဆောင်ရွက်နေသော ရွှေတူးဖေါ်မှု လုပ်ငန်းသည် ၂၀၁၁ ခုနှစ် အောင်တိုဘာတွင် စတင်ခဲ့သည့် ငါးနှစ် စီမံကိန်း ဖြစ်သည်။
Ref: မဇ္ဈိမ
Read More...
Collapse...
မင်းဝဏ်
စက်တင်ဘာလ ၁၁ ရက်၊ ၂၀၁၂ ခုနှစ်
၂၀၁၂ ခုနှစ် ဇူလိုင်လ ၄ ရက်က စတင်ကျင်းပခဲ့တဲ့ ပထမ အကြိမ် လွှတ်တော် စတုတ္ထ ပုံမှန် အစည်းအဝေးတွေ အားလုံး စက်တင်ဘာလ ၇ ရက်နေ့မှာ ရပ်နားခဲ့ပြီး အောက်တိုဘာလ ၁၅ ရက် နောက်ပိုင်းမှ ပဉ္စမ ပုံမှန် အစည်းအဝေးတွေ ကျင်းပ သွားမယ်လို့ ကြားသိရပါတယ်။ ပြည်သူ့ လွှတ်တော်နဲ့ အမျိုးသားလွှတ်တော် နှစ်ရပ်ပေါင်းဖြစ်တဲ့ ပြည်ထောင်စု လွှတ်တော် စတုတ္ထ ပုံမှန် အစည်းအဝေးကို စက်တင်ဘာလ ၇ ရက်က ၁၃ ရက်မြောက် အစီအစဉ် အဖြစ် ကျင်းပခဲ့ပြီး လွှတ်တော် ရပ်စဲလိုက် တာပါ။
ပြည်ထောင်စုလွှတ်တော် ၁၃ ရက်ခရီးမှာ ဆောင်ရွက်ပြီးစီး ခဲ့တဲ့ ကိစ္စရပ်တွေ အဖြစ် “ လွှတ်တော်က အတည်ပြုပြီး သမ္မတ လက်မှတ်ရေးထိုး ထုတ်ပြန်ပြီးဖြစ်တဲ့ ဥပဒေကြမ်း ၅ ခု၊ သမ္မတ လက်မှတ် ထိုးဖို့ ပေးပို့ ထားတဲ့ ပို့ကုန် သွင်းကုန် ဥပဒေကြမ်း၊ နိုင်ငံခြား ရင်းနှီးမြှုပ်နှံမှု ဥပဒေကြမ်းကို သမ္မတ လက်မှတ်ထိုးဖို့ ဆက်လက် ဆောင်ရွက်ရမယ့် ကိစ္စ၊ ဒု-သမ္မတသစ် အဖြစ် ကာကွယ်ရေး ဦးစီးချုပ် (ရေ) ဗိုလ်ချုပ်ကြီး ဥာဏ်ထွန်းကို ရွေးချယ် တင်မြှောက်တဲ့ကိစ္စ၊ ပြည်ထောင်စု ဝန်ကြီး ၁၁ ဦး၊ ပြည်ထောင်စု စာရင်းစစ်ချုပ် တဦးနဲ့ ပြည်ထောင်စု ရွေးကောက်ပွဲ ကော်မရှင် အဖွဲ့ဝင်တဦး စုစုပေါင်း ပြည်ထောင်စု အဆင့် ပုဂိုလ် ၁၃ ဦး ခန့်အပ် တာဝန်ပေးရန် သဘောတူ ဆုံးဖြတ်တဲ့ကိစ္စ ” တွေကို တွေ့ရှိ ရပါတယ်။ ပြည်သူ့လွှတ်တော် ပထမ အကြိမ် စတုတ္ထပုံမှန် အစည်း အဝေးက စက်တင်ဘာလ ၆ ရက်မှာ ပြီးဆုံး ခဲ့ပါတယ်။
လွှတ်တော်ကာလ နှစ်လ ကြာချိန် အတွင်းမှာ စည်းဝေး ကျင်းပရက်ပေါင်း လေးဆယ်ကျော် ရှိခဲ့ပြီး လက်ခံ ရရှိတဲ့ မေးခွန်းအရေ အတွက် ၈၈၈ ခု၊ အဆိုအရေ အတွက် ၉၆ ခု၊ ဥပဒေကြမ်းများ ဆွေးနွေးမှု ၃၂ ခု ရှိခဲ့ကြောင်း သိရပါတယ်။ အမျိုးသား လွှတ်တော်မှာတော့ မေးခွန်း အရေအတွက် ၁၇၃ ခုနဲ့ ဥပဒေကြမ်းများ ဆွေးနွေးမှု ၁၄ ခု ရှိခဲ့ပါတယ်။
နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးက မတ်လ ၂၈ ရက်မှာ ဆုံးဖြတ် ခဲ့တဲ့ လွှတ်တော် အသီးသီးက ဖွဲ့စည်းခဲ့တဲ့ ကော်မတီ၊ ကော်မရှင်များဟာ ပြည်ထောင်စု အဆင့် မဟုတ်ဘူး- ဆိုတဲ့ ကိစ္စရပ်အပေါ် ခုံရုံးကို စွပ်စွဲ ပြစ်တင်မှု အတွက် အမျိုးသား လွှတ်တော်က စတင် ဆောင်ရွက်ခဲ့ပြီး ကိုယ်စားလှယ် ၁၆၃ ဦးက ထောက်ခံ ခဲ့တဲ့အတွက် ပြည်သူ့ လွှတ်တော်မှာ သြဂုတ်လ ၂၉ ရက်နေ့က စုံစမ်း စစ်ဆေးရေး အဖွဲ့ကို ဖွဲ့စည်း ခဲ့ပါတယ်။ စုံစမ်း စစ်ဆေးရေး အဖွဲ့ကို ခုံရုံးဘက်က ပြန်လည် ကန့်ကွက်မှုတွေ စက်တင်ဘာလ ၃ ရက်နေ့အထိ ပြုလုပ်ခဲ့ တာကိုလည်း တွေ့ရပါတယ်။ စုံစမ်း စစ်ဆေးရေး အဖွဲ့ဝင် တဦးဖြစ်တဲ့ (နအဖ စစ်အစိုးရ လက်ထက်က တရားရေး အဖွဲ့ဝင်ဟောင်း) ကြံ့ဖွံ့ အမတ် သူရ ဦးအောင်ကိုက တရား လွှတ်တော်ချုပ် အနေနဲ့ ပြည်ထောင်စု လွှတ်တော်ကို တားမြစ် စာချွန်တော် ထုတ်နိုင်တဲ့ အခွင့်အာဏာ မရှိတဲ့ အကြောင်း၊ ပြည်သူသန်း ၆၀ ရဲ့ ကိုယ်စား လှယ် ၆၀၀ ကျော်နဲ့ ဖွဲ့စည်း ထားတဲ့ ပြည်ထောင်စု လွှတ်တော်ကြီးရဲ့ အထက်မှာ သူ့ကို အမိန့်ပေးနိုင်တဲ့ အဖွဲ့ အစည်း ဆိုတာ မရှိဘူးလို့ ပြောဆို ခဲ့တာ တွေ့ရပြီး အခြား ကြံ့ဖွံ့ အမတ်တဦး ဖြစ်တဲ့ ဦးသူရိန်ဇော် ကတော့ ဖွဲ့စည်းပုံခုံရုံး အနေနဲ့ တောင်းပန်ဖို့ ပြည်ထောင်စု လွှတ်တော်က ဆုံးဖြတ် ထားတာရှိပြီး သူတို့ တောင်းပန်ရင် ဒီကိစ္စကို ရပ်မယ်၊ တရား လွှတ်တော်ချုပ် မကလို့ ဘယ်ပဲတင်တင်၊ လွှတ်တော်ကို တားမြစ်မိန့် ထုတ်လို့ ရတယ်လို့ ဥပဒေထဲမှာ တွေ့ဖူးလို့လား - စသဖြင့် ကျူပင်ခုတ် ကျူငုတ် မကျန် ရှင်းမယ့် ဟန်နဲ့ ပြောဆို သွားတာကလည်း ဒီ တခေါက် လွှတ်တော် အစည်းအဝေးတွေရဲ့ ထူးခြားချက် တွေလို့ ပြောရမှာပါ။
- ဖွဲ့စည်းပုံခုံရုံးဥက္ကဌ ဗိုလ်ချုပ်ဟောင်း၊ စစ်ဥပဒေချုပ်ဟောင်း၊ ၂၀၁၀ ပြည့်နှစ် နိုဝင်ဘာလ ၇ ရက် ရွေး ကောက်ပွဲရဲ့ ပြည်ထောင်စု ရွေးကောက်ပွဲ ကော်မရှင် ဥက္ကဌဟောင်း ဦးသိန်းစိုး အပါအဝင် ခုံရုံး အဖွဲ့ဝင် ၉ ဦးက တော့ အစိုးရသစ် သက်တမ်း ၁၈ လအတွင်း နိဂုံး ချုပ်သွားရှာပြီ ဖြစ်ပါတယ်။ လွှတ်တော်တွေက ဖွဲ့စည်းတဲ့ ကော်မတီ၊ ကော်မရှင်တွေဟာ ပြည်ထောင်စု အဆင့် ဟုတ်၊ မဟုတ် အဓိပ္ပါယ် ဖွင့်ဆိုချက် အငြင်းပွားမှုရဲ့ နောက်ဆုံး အဖြေ အတိအကျ ထွက်မလာပဲ သမ္မတ ဦးသိန်းစိန် ရွေးခဲ့တဲ့ ၃ ဦး၊ ပြည်သူ့ လွှတ်တော်ဥက္ကဌ သူရ ဦးရွှေမန်း ရွေးခဲ့တဲ့ ၃ ဦးနဲ့ အမျိုးသား လွှတ်တော် ဥက္ကဌ ဦးခင်အောင်မြင့် ရွေးခဲ့တဲ့ ၃ ဦး - စုစုပေါင်း ၉ ဦးပါတဲ့ ပြည်ထောင်စု အဆင့် တရားစီရင်ရေး အာဏာပိုင် အဖွဲ့အစည်း တခုကတော့ မလှမပ နိဂုံး အဆုံးသတ်သွားပြီ ဖြစ်ပါတယ်။ ဗိုလ်ချုပ်ဟောင်းတွေက ရွေးချယ်ခဲ့ပြီး ဗိုလ်ချုပ်ဟောင်း တဦး ခေါင်းဆောင်ခဲ့တဲ့ နိုင်ငံတော် ဖွဲ့စည်းပုံ အခြေခံဥပဒေ ဆိုင်ရာ ခုံရုံးထဲမှာ အရပ်သား ဥပဒေ ပညာရှင်တွေလည်း ပါဝင်ခဲ့တာပါ။ ကြံ့ဖွံ့ အစိုးရ သက်တမ်း ၁၈ လအတွင်း နိုင်ငံတော် အချုပ်အခြာ အာဏာရဲ့ ခက်မ ၃ ဖြာထဲက ဥပဒေပြုရေး၊ အုပ်ချုပ်ရေး၊ တရား စီရင်ရေးတို့ အကြား ပွတ်တိုက် ထိခိုက်မှုနဲ့ စစ်တပ် ဗိုလ်ချုပ် ဟောင်းတွေကြား အာဏာ ပြိုင်ဆိုင်မှု အတွေ့အကြုံသစ် တခုကို မြန်မာပြည်သား တွေနဲ့ နိုင်ငံတကာကပါ မျက်ဝါး ထင်ထင် တွေ့လိုက် ကြရတာပဲ ဖြစ်ပါတယ်။ လွှတ်တော်နဲ့ ဖွဲ့စည်းပုံ ခုံရုံးကြားက အငြင်းပွားမှု အဆုံးသတ် ပုံစံဟာ နောင်လာမယ့် တရားစီရင်ရေး ဆိုင်ရာ ကိစ္စရပ်တွေ အပေါ်မှာလည်း စီရင်ထုံး (ဖြတ်ထုံး) သဖွယ် လွှမ်းမိုး သက်ရောက်မှု ရှိသွားတော့မှာ ဖြစ်ပါတယ်။
ပထမ အကြိမ်လွှတ်တော် စတုတ္ထပုံမှန် အစည်းအဝေး ကာလ အတွင်း ဒု-သမ္မတ ရွေးချယ် တင်မြှောက်တဲ့ ကိစ္စ ကလည်း လွှတ်တော် ကျင်းပနေတဲ့ ၂၁ ရက် လွန်တဲ့ ကာလအထိ အောင်မြင်စွာ မဆောင်ရွက် နိုင်ခဲ့တာ တွေ့ရ ပါတယ်။ ဒါဟာ ၂၀၀၈ ဖွဲ့စည်းပုံကို အာဏာပိုင်တွေ ကုိုယ်တိုင် မသိလိုက် ဖာသာ ချိုးဖေါက် လုပ်ကိုင်ခဲ့တာ ဖြစ်ပါတယ်။ သီဟ သူရ ဦးတင်အောင်မြင့်ဦး နေရာမှာ နဂိုရ်မူလ လျာထားခြင်း ခံရတဲ့ ရန်ကုန်တိုင်း ဒေသကြီး ဝန်ကြီးချုပ်ဦးမြင့်ဆွေဟာ သူ့ရဲ့ ချွေးမနဲ့ သားအရင်းက သြစတြေးလျ နိုင်ငံသားတွေ ဖြစ်နေလို့ နောက်ဆုံးမှာ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး ဥာဏ်ထွန်းကို ဒု-သမ္မတ ဖြစ်စေသတည်းလို့ လုပ်ခဲ့ရတဲ့ ဖြစ်စဉ် တခုပါပဲ။ ဗိုလ်ချုပ်ဟောင်း တွေနဲ့ လက်ရှိ ဗိုလ်ချုပ်တွေ အတွက် အာဏာနေရာ၊ ရာထူး အရွှေ့အပြောင်းမှာ ထိုး ကျွေး ခံခဲ့ရတာက ရန်ကုန်တိုင်း ဒေသကြီး လွှတ်တော်က စစ်ဗိုလ်အမတ် ဗိုလ်ကြီး လင်းလင်းကျော်ပါ။ သူ့နေရာမှာ အစားထိုးဖို့ နေပြည်တော်က ပို့လာတဲ့ စစ်ဗိုလ် အမတ်အသစ် ဒု-ဗိုလ်ချုပ်ကြီး ဝေလွင်ကတော့ ဦးမြင့်ဆွေ တစ်ယောက် ဒု-သမ္မတ ဖြစ်မလာတဲ့ အတွက် ဇော်ကန့်လန့် ဖြစ်နေရာကနေ လွှတ်တော် စဲကာနီးမှ သမ္မတက အသစ် ခန့်အပ်တဲ့ ကာကွယ်ရေး ဝန်ကြီးဌာန ပြည်ထောင်စု ဝန်ကြီး ဖြစ်သွား ခဲ့ပါတယ်။ ဒု-ဗိုလ်ချုပ်ကြီး လှမင်းကတော့ တပ်မတော် ကာကွယ်ရေး ဦးစီးချုပ် ဒု-ဗိုလ်ချုပ်မှုးကြီး မင်းအောင်လှိုင်ရဲ့ အမိန့်နဲ့ စစ်ဖက် မူလတာဝန်ကို ပြန်ရောက်သွားပြီ ဖြစ်ပါတယ်။ ဒီဖြစ်စဉ်တွေကို ကြည့်ရင် စစ်ဗိုလ်တွေဟာ တပ်မတော် ကာကွယ်ရေး ဦးစီးချုပ်က လွှတ်တော်တွေ ဆီကို ပို့ချင်တဲ့ အချိန်မှာပို့၊ မလိုအပ်ဘူး ထင်ရင် ပြန်ရုပ်သိမ်း၊ အစိုးရ အဖွဲ့ထဲ ထည့်ချင်သူကိုထည့်၊ အလဲအလှယ် လုပ်ချင်ရင် စစ်တပ်ထဲကို ပြန်ခေါ်သွင်း လုပ်နေတာကို မြင်တွေ့ရမှာပါ။
ဖွဲ့စည်းပုံခုံရုံးကို စွပ်စွဲပြစ်တင်တဲ့ အဆိုနဲ့ ပတ်သက်ပြီး ပြည်သူ့ လွှတ်တော်မှာ မဲခွဲ ဆုံးဖြတ်တော့ သုံးပုံနှစ်ပုံ ကျော်တဲ့ ထောက်ခံ ဆန္ဒမဲ ၃၀၇ မဲရရှိပြီး ဖြစ်တာကို သူရ ဦးရွှေမန်းကလည်း သူပါ ထောက်ခံတဲ့ အကြောင်းနဲ့ သူ့ရဲ့ ဆန္ဒမဲပါ ထည့်သွင်း ရေတွက်ပြီး ၃၀၈ မဲလို့ ကြေညာတဲ့ အတွက် ပုဒ်မ ၁၂၉ (ခ) ကို ဖေါက်ဖျက်ရာ ရောက်ကြောင်းလည်း သတိပြုမိပါတယ်။ ပြည်သူ့လွှတ်တော် အစည်းအဝေး တွေမှာ မဲခွဲဆုံးဖြတ်ရင် ဥက္ကဌ ဒါမှမဟုတ် လွှတ်တော် ဥက္ကဌ တာဝန် ထမ်းဆောင်နေတဲ့ ဒု-ဥက္ကဌဟာ ဆန္ဒမဲ မပေးရပဲ ထောက်ခံ/ ကန့်ကွက် ဆန္ဒမဲ တူညီနေတဲ့ ကိစ္စမျိုးကိုသာ အနိုင်မဲ ပေးရမယ် - လို့ ပြဌာန်းတာကို သတိ မမူမိတာလား၊ သိပ်ကို တိကျပြတ် သားပြီး ပြည်သူ့ ကိုယ်စားလှယ်တွေနဲ့ တသားတည်း ရှိကြောင်းပြချင်တဲ့ ဆန္ဒဇော ကပ်သွားလို့လား မသိပါဘူး၊ လွှတ်တော် ဥက္ကဌကိုယ်တိုင် သူတို့ရဲ့ ၂၀၀၈ ဖွဲ့စည်းပုံကို ဖေါက်ဖျက်ခဲ့တာ တွေ့ရပါတယ်။
နဝတ/ နအဖ စစ်အစိုးရခေတ်နဲ့ ဇတ်ဆရာကြီး ဗိုလ်သန်းရွှေ အလွန်ကာလမှာ ကြံ့ဖွံ့ အစိုးရ သက်တမ်း ၁၈ လ အတွင်း လွှတ်တော် အစည်းအဝေးတွေ ကျင်းပခဲ့တာ လေးကြိမ် ရှိသွားပြီ ဖြစ်ပါတယ်။ လူထုခေါင်းဆောင် ဒေါ်အောင်ဆန်းစုကြည်နဲ့ NLD ပါတီ အမတ်တွေ လွှတ်တော်တွင်း နိုင်ငံရေးထဲ ရောက်သွားကြတဲ့ ဖြစ်စဉ်နဲ့ ဦးသိန်းစိန် အစိုးရ အတွင်း ဝန်ကြီးဌာန အတိုးအလျော့၊ ဝန်ကြီးရာထူး အပြောင်းအလဲတွေ - စသဖြင့် တွေ့ရှိခဲ့ရပေမယ့် တပ်မတော်သားတွေ အပါအဝင် မြန်မာပြည်က အခြေခံ လူတန်းစားတွေရဲ့ နေ့စဉ်ဘဝတွေကတော့ ထူးခြားပြောင်းလဲ တိုးတက်မှု မရှိသေးတာ တွေ့ရတဲ့ အကြောင်း တင်ပြလိုက်ပါတယ်။
မင်းဝဏ်
Read More...
Collapse...
2012-09-10
အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့ ရန်ကုန် ရွှေဂုံတိုင်လမ်း အဖွဲ့ချုပ် ရုံးမှာ ဗဟို အလုပ် အမှုဆောင် အဖွဲ့ဝင်တွေနဲ့ တွေ့ဆုံ ဆွေးနွေး ခဲ့ပါတယ်။
ဒီကနေ့ အစည်းအဝေးမှာ ၂ လကျော် ကြာမြင့်ခဲ့တဲ့ ပထမအကြိမ် စတုတ္ထပုံမှန် လွှတ်တော် အစည်းအဝေးတွေ အတွင်း အမျိုးသား ဒီမိုကရေစီ အဖွဲ့ချုပ် ကိုယ်စားလှယ်တွေရဲ့ ဆောင်ရွက်ချက်တွေ၊ အတွေ့ အကြုံတွေကို ရှင်းလင်း ဆွေးနွေးခဲ့ကြောင်း ဗဟို အလုပ်အမှုဆောင် အဖွဲ့ဝင် ဦးဥာဏ်ဝင်းက ပြောပါတယ်။
"နေပြည်တော်က လွှတ်တော် အတွေ့အကြုံတွေ၊ အဲဒီလွှတ်တော်ထဲမှာ ဆွေးနွေးကြတာတွေ၊ အဲတာတွေ သူရှင်းပြ ပါတယ်။ နောက်တစ်ခု ခရီးစဉ်နဲ့ ပတ်သက်ပြီးတော့ သူပြင်ဆင်ရမှာ ဖြစ်တဲ့ အတွက် သူနောက်ထပ် စာတမ်းပြုစုဖို့ အချိန်ပေးပါလို့ သူခွင့်တောင်းတယ်။ တစ်ပြည်လုံး အတိုင်းအတာနဲ့ ညီလာခံ ကိစ္စတွေ၊ ညီလာခံတွေမှာ ဖြစ်ပေါ်နေတဲ့ ပြဿနာတွေနဲ့ ပတ်သက်ပြီးတော့ တချို့ ကိစ္စတွေနဲ့ ပတ်သက်ပြီး သူသဘောထားတွေ ပေးပါတယ်"
NLD ကိုယ်စားလှယ်တွေအနေနဲ့ တိုင်းရင်းသား နိုင်ငံရေးပါတီ အသီးသီးနဲ့ ဆက်ဆံရေး ပိုမိုကောင်းမွန်အောင် ထူထောင်နိုင်ခဲ့ကြောင်း၊ တပ်မတော်သား လွှတ်တော် ကိုယ်စားလှယ်တွေနဲ့ လွှတ်တော်နှစ်ရပ်လုံးမှာ ညှိနှိုင်းဆောင်ရွက်မှုတွေ လုပ်နိုင် ခဲ့ကြောင်းနဲ့ ကြံ့ခိုင် ဖွံ့ဖြိုးရေးပါတီ ကိုယ်စားလှယ်တွေ နဲ့လည်း နားလည်မှု ရှိစွာ ပူးပေါင်း ဆောင်ရွက်မှုတွေ ရှိခဲ့တဲ့ အကြောင်းတွေကို ဒေါ်အောင်ဆန်း စုကြည်က ရှင်းလင်း ဆွေးနွေး ခဲ့တယ်လို့ သိရပါတယ်။
ဒါ့အပြင် လက်ရှိကျင်းပနေတဲ့ အမျိုးသားဒီမိုကရေစီ အဖွဲ့ချုပ် ညီလာခံကျင်းပရေး ကော်မရှင်ရဲ့ လုပ်ငန်းဆောင်ရွက်မှု အခြေ အနေတွေနဲ့ ရင်ဆိုင်ရတဲ့ အခက်အခဲ အခြေအနေအပြင် လူငယ်တွေအတွက် ပညာပေးရေး အခြေအနေတွေနဲ့ ပတ်သက်ပြီး တော့လည်း ဆွေးနွေး ခဲ့ပါတယ်။
ဒေါ်အောင်ဆန်းစုကြည်ဟာ လာမယ့် စက်တင်ဘာလ ၁၆ ရက်နေ့မှာ အမေရိကန် ပြည်ထောင်စုကို ထွက်ခွာမှာဖြစ်ပြီး အောက်တိုဘာ ၅ ရက်နေ့မှာ မြန်မာနိုင်ငံကို ပြန်လည်ရောက်ရှိမှာ ဖြစ်ပါတယ်။ ခရီးစဉ်အတွင်း အမေရိကန်နိုင်ငံရဲ့ အဆင့်မြင့်ဆုံး အရပ်သား ဂုဏ်ထူးဆောင်ဘွဲ့ဖြစ်တဲ့ Congressional Gold Medal လွှတ်တော် ရွှေတံဆိပ်ဆုကို ဒီလ ၁၉ ရက်နေ့မှာ လက်ခံရယူမှာ ဖြစ်ပါတယ်။
Ref: RFA News
Read More...
Collapse...
ကွန်းချမ်း
တနင်္လာနေ့၊ စက်တင်ဘာလ ၁၀ ရက် ၂၀၁၂
ချင်းမိုင် (မဇ္ဈိမ) ။ ။ တနင်္သာရီတိုင်း၊ ကော့သောင်းမြို့ လူနေရပ်ကွက်အတွင်းရှိ ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံကို ကန့်ကွက်သွားမည် ဖြစ်ကြောင်း ကော့သောင်းရှိ နိုင်ငံရေး ပါတီ သုံးခု၏ ပူးပေါင်း အစည်းအဝေးမှ ဆုံးဖြတ် ခဲ့သည်ဟု ဒေသခံ ပါတီ တာဝန် ရှိသူများက ပြောသည်။
စက်ရုံလည်ပတ်မှု ဖြစ်မလာစေရန် ကန့်ကွက်သွားမည်ဟု သြဂုတ်လ ၂၆ ရက်နေ့တွင် ကော့သောင်းမြို့ရှိ အမျိုးသား ဒီမိုကရေစီ အဖွဲ့ချုပ် (NLD)၊ ဒီမိုကရက်တစ် ပါတီ (မြန်မာ) နှင့် မွန်ဒေသလုံး ဆိုင်ရာ ဒီမိုကရေစီပါတီတို့ အကြိုညှိနှိုင်း အစည်းအဝေးတခု ပြုလုပ် ခဲ့ပြီးနောက် စက်တင်ဘာလ ၇ ရက်နေ့တွင် အတည်ပြု ဆုံးဖြတ်ခဲ့ခြင်း ဖြစ်သည်။
“စက်မှုဝန်ကြီးဌာနကို တိုက်ရိုက် စာတင်မယ်။ တိုင်းဝန်ကြီးချုပ်ကို ကျနော်တို့ မိတ္တူပေးမယ်။ ပြည်သူ လူထုကြားမှာ ဟောပြောပွဲ လုပ်သွားမယ်လို့ ကျနော်တို့ သုံးပါတီ အစည်းအဝေးမှာ ဆုံးဖြတ်ပါတယ်” ဟု ဒီမိုကရက်တစ် ပါတီ (မြန်မာ) မှ တနင်္သာရီတိုင်း စည်းရုံးရေးမှူး ဦးသန်းထွန်း က ပြောသည်။
ဒီမိုကရက်တစ်ပါတီ (မြန်မာ) ရုံးတွင် ပြုလုပ်သည့် ယင်းပူးပေါင်းအစည်းအဝေးသို့ ၃ ပါတီမှ တာဝန်ရှိသူများ အပြင် ကော့သောင်း သဘာဝ ဘေးအန္တရာယ် ထိန်းသိမ်း စောင့်ရှောက်ရေး အဖွဲ့နှင့် အမေ့အိမ် ပညာဒါနကျောင်း စသည်တို့မှ တာဝန်ရှိသူ စုစုပေါင်း ၂၅ ဦး တက်ရောက်ခဲ့ကြသည်။
ကော့သောင်း အမေ့အိမ် ပညာဒါနကျောင်းမှ ပညာရေး တာဝန်ခံ ဆရာဦးမျိုးလွင် က “ကောင်းကျိုးတွေ အနေနဲ့ ကြည့်မယ် ဆိုရင်တော့ မီးလင်းနိုင်တယ်ပေါ့နော်။ အဲဒီလင်းလာမယ့် မီးဟာ ကလေးတွေရဲ့ အသက်သွေးကြောတွေကို ဝါးမြိုတဲ့ မီးတွေ ဖြစ်နေတဲ့ အခါကျတော့ ဆရာတယောက် အနေနဲ့ ဒါကို ခွင့်ပြုလို့ မဖြစ်နိုင်ပါဘူး” ဟု ပြောသည်။
လက်ရှိ ကော့သောင်းမြို့ ရွှေပြည်သာနှင့် အေးရိပ်ငြိမ် ရပ်ကွက်ကြားရှိ လျှပ်စစ်ဓါတ်အား ရှစ် မဂ္ဂါဝပ် ထုတ်လွှတ်မည့် သန်းဖြိုးသူ ကုမ္ပဏီ လိမိတက်ပိုင် ၎င်းစက်ရုံ လည်ပတ်နိုင်ရန် အတွက် စက်ရုံ တာဝန်ရှိသူများက မြို့နေပြည်သူများ ကြား စည်းရုံးရေး ဆင်းကာ ထောက်ခံချက် လက်မှတ်များ စုဆောင်းနေကြောင်းလည်း မြို့ခံများက ပြောသည်။
“သူတို့ ရပ်ကွက်ထဲ ဆင်းပြီး ယူနစ် ၁၅၀ အလကား ပေးမယ်။ ငါတို့ စက်ရုံကို လက်ခံပါ ဆိုပြီးတော့ လက်မှတ် လိုက်ထိုး ခိုင်းတယ်။ ရပ်ကွက် အုပ်ချုပ်ရေးမှူး နဲ့ ဆယ်အိမ်မှူး၊ ရာအိမ်မှူးတွေလည်း ပါတယ်” ဟု စက်ရုံအနီး ရွှေပြည်သာ ရပ်ကွက်တွင် နေထိုင်သည့် ကိုမောင်ဝင်း က ပြောသည်။
မြို့ခံပြည်သူအချို့မှာ ဈေးနှုန်းသက်သာမည့် ယခု စက်ရုံမှ လျှပ်စစ်ဓါတ်အားကို လိုလားသည့် အတွက် စက်ရုံ လည်ပတ်
ခြင်းကို ထောက်ခံကြသော်လည်း အချို့ကမူ မထောက်ခံကြကြောင်း ကော့သောင်း NLD လူမှု အထောက်အကူပြု အဖွဲ့ ခေါင်းဆောင် ဦးမြင့်မောင် က ပြောသည်။
စက်ရုံ လည်ပတ်ခြင်းကို ကန့်ကွက်သူများ အနေနှင့် စက်ရုံသည် လူနေအိမ်နှင့် ပေ အနည်းငယ်သာ ကွာဝေးပြီး မီးခိုးခေါင်းတိုင် မှာလည်း ပေ ၄၀ ခန့်သာ မြင့်ကာ ကော့သောင်းမြို့နေ ပြည်သူများ သောက်သုံးရေ အဖြစ် အားထား နေရသည့် ယင်းဝါ ရေလှောင် တမံနှင့် မိုင်ဝက်ခန့်သာ ကွာဝေးသည့်အတွက် ဆိုးကျိုးများ ဖြစ်ပေါ်လာနိုင်သည် ဟု ဆိုပြီး ကန့်ကွက်ကြခြင်း ဖြစ်သည်။
စက်ရုံ တာဝန်ရှိသူများဘက်ကမူ စက်ရုံကို ကောင်းမွန်သည့် တရုတ် နည်းပညာဖြင့် လည်ပတ်မည် ဖြစ်သည့် အတွက် ပတ်ဝန်းကျင် ထိခိုက်မှု မရှိနိုင်ကြောင်း ပြောသည်။
“ဆိုးကျိုး သိပ်မရှိနိုင်ဘူး၊ ဘာဖြစ်လို့လဲ ဆိုတော့ လူတွေနဲ့ မနီးဘူးလေ။ ပင်လယ် ကမ်းစပ်မှာ သွားလုပ် ထားတယ်။ တရုတ်က နည်းပညာက တော်တော်ကောင်းတယ်။ စစ်တဲ့ ကတော့ကြီး သုံးခု ရှိတယ်။ အဲဒီတော့ ပြင်ပကို အနှောက် အယှက် မရှိနိုင်တော့ဘူး” ဟု စက်ရုံ တာဝန်ရှိသူ တဦးက ပြောသည်။
စက်ရုံ လည်ပတ်ခြင်းကို ကန့်ကွက်ရန်အတွက် သြဂုတ်လ ၆ ရက်နေ့တွင် ငြိမ်းချမ်းစွာ စီတန်း လှည့်လည်ခွင့် ပြုရန် ဒေသ အာဏာပိုင်ထံသို့ တင်ပြခဲ့သော်လည်း ခန့်မှန်း လူဦးရေများသည့် အတွက် လုံခြုံရေး မပေးနိုင်ဟု ဆိုပြီး ပယ်ချခံရရာမှ တိုင်းအဆင့်သို့ ထပ်မံ တင်ပြရာတွင်လည်း ပယ်ချ ခံရပြန်သည်။
NLD ဗဟိုဌာနချုပ် အနေနှင့် ကော့သောင်း ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ကိစ္စကို သိရှိကြောင်းနှင့် ကျွမ်းကျင်သူ ပညာရှင်များ၏ သဘောထားကို စုဆောင်းနေကြောင်း၊ ပြည်သူလူထု အန္တရာယ် ရှိနိုင်မည် ဆိုပါက ပါတီ၏ သဘောထားကို ထုတ်ပြန်ကာ တရားဝင် ကန့်ကွက်သွားမည် ဖြစ်ကြောင်း ဦးဥာဏ်ဝင်း က ပြောသည်။
မြန်မာနိုင်ငံတွင် ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံ ခုနှစ်ရုံ ရှိသည့် အနက် မဂ္ဂါဝပ် ၁၂၀ ထုတ် တီကျစ်နှင့် မဂ္ဂါဝပ် ၃၆၉ ထုတ် မိုင်းခုတ် ကျောက်မီးသွေး လျှပ်စစ် ဓါတ်အားပေး စက်ရုံများမှာ လည်ပတ်လျက် ရှိပြီး ကျန် ငါးရုံမှာ လျာထား အဆင့်တွင် ရှိကြောင်းကို ပအိုးဝ် လူငယ်များ အစည်းအရုံးမှ ၂၀၁၁ ခုနှစ်က ထုတ်ဝေ သည့် “အဆိပ်သင့် တိမ်များ” အစီရင်ခံစာတွင် ဖေါ်ပြထားသည်။
ကျောက်မီးသွေး လောင်စာသုံး ဓာတ်အားပေး စက်ရုံမှ ကာဗွန်ဒိုင်အောက်ဆိုဒ် ဓာတ်ငွေ့၊ အက်ဆစ် မိုးကို ရွာသွန်းစေ နိုင်သည့် ဆာလဖာဒိုင် အောက်ဆိုဒ် ဓါတ်ငွေ့၊ အသက်ရှူ လမ်းကြောင်းတွင် ကင်ဆာရောဂါ ဖြစ်စေနိုင်သည့် အမှုန်အမွှား အများအပြား ထွက်လာနိုင်သည့် အပြင် ကာဗွန်မိုနောက်ဆိုဒ်၊ သောက်သုံးရေနှင့် ပင်လယ်ရေထုကို ညစ်ညမ်းစေနိုင်သည့် ပြဒါး၊ စိန် ဆိုသည့် အာစင်းနစ်ဓါတ် စသည့် လေထု၊ ရေထုနှင့် မြေထုကို ညစ်ညမ်းစေနိုင်သည့် ဓာတ်ငွေ့ပေါင်းများစွာ ထွက်ရှိ လာနိုင်ကြောင်း သဘာဝ ပတ်ဝန်းကျင် ထိန်းသိမ်းရေး ပညာရှင်များက ပြောသည်။
Ref: မဇ္ဈိမ
Read More...
Collapse...
ခင်ဦးသာ
September 10, 2012
ရခိုင်ပြည်နယ်အတွင်း ဖြစ်ပွားခဲ့သော ပဋိပက္ခများနှင့်ပတ်သက်၍ ဖွဲ့စည်းထားသော စုံစမ်း စစ်ဆေးရေး ကော်မရှင် အဖွဲ့ဝင် များသည် ပဋိပက္ခ ဖြစ်ပွားရခြင်း အကြောင်းရင်းကို စတင် စစ်ဆေးမှု ပြုလုပ်နေပြီ ဖြစ်ကြောင်း သိရသည်။
ကျောက်တော်မြို့နယ် အတွင်းမှ မီးလောင် ကျွမ်းသွားသည့် ကျေးရွာများသို့ ကွင်းဆင်းကာ ဒုက္ခသည်များကို တွေ့ဆုံ မေးမြန်းကြောင်း၊ စုံစမ်းတွေ့ရှိ ချက်များကို အသေးစိတ် သုံးသပ်၍ ၃ လ အတွင်း သမ္မတထံ တင်ပြရမည် ဖြစ်ကြောင်း၊ ၃ လအတွင်း စစ်ဆေးမှု မပြီးပါက အချိန် ထပ်ယူကာ ဆက်လက် စစ်ဆေးမည်ဖြစ်ကြောင်း ကော်မရှင် အဖွဲ့က ပြောသည်။
ကော်မရှင်အဖွဲ့သည် ရခိုင်ပြည်နယ်၊ စစ်တွေမြို့သို့ စက်တင်ဘာလ ၇ ရက်နေ့က ရောက်ရှိနေပြီး ထိုမှ တဆင့် ကျောက်တော်၊ မြောက်ဦး ဒေသများသို့ သွားရောက် စစ်ဆေးမှုများ ပြုလုပ်ခဲ့ကြကာ မောင်တောမြို့သို့ ယနေ့ရောက်ရှိ၍ စစ်ဆေးမှု လုပ် ဆောင်နေကြောင်း ကော်မရှင်အဖွဲ့ဝင် ရခိုင်ဒီမိုကရေစီ အဖွဲ့ချုပ် (ALD) ပါတီ ဥက္ကဋ္ဌ ဦးအေးသာအောင် က ပြောသည်။
“မီးလောင်သွားတဲ့ ရွာသားတွေနဲ့ တွေ့ပြီး စစ်ဆေး မေးမြန်းမှုတွေ လုပ်တယ်၊ မြောက်ဦးမှာ လည်းပဲ မရမာ လူမျိုးနေအိမ် တချို့
မီးလောင် တာကို စစ်ဆေးတယ်၊ အဓိက စစ်ဆေးတာက ပဋိပက္ခ စတင်ဖြစ်ပွားရတဲ့ အကြောင်းရင်းပါ” ဟု ၎င်းက ဆိုသည်။
စုံစမ်းရေး ကော်မရှင်သည် ရခိုင်ဒေသတွင်း ပဋိပက္ခဖြစ်ရသည့် အကြောင်းရင်းကို အဓိက စစ်ဆေး၍ ထိုစစ်ဆေးမှု အပေါ် အခြေခံ သုံးသပ်ကာ ရေရှည် တည်ငြိမ်ရေး၊ ရခိုင်ပြည်နယ် အတွက်သာမက နိုင်ငံ တည်ငြိမ်ရေး၊ တရားဥပဒေ စိုးမိုးရေး၊ ဒေသတွင်း ဖွံ့ဖြိုး တိုးတက်ရေး အစီအစဉ်များ၊ ပြည်တွင်း လုံခြုံရေး အစီအစဉ်များ အတွက် ဆောင်ရွက်သွားမည်ဟု သိရသည်။
“လွတ်လပ်တဲ့ စုံစမ်းစစ်ဆေး မေးမြန်းမှုတွေ လုပ်နိုင်ပါတယ်၊ အာဏာပိုင်တွေ က လုံခြုံရေး ကိစ္စ စီစဉ်ပေးတာ လောက်ပါပဲ”ဟု ဦးအေးသာအောင် က ပြောသည်။
စုံစမ်းစစ်ဆေးရေး ကော်မရှင်သည် မောင်တောမြို့နယ်ရှိ မီးလောင် ကျွမ်းသွားသည့် မောရ၀တီ၊ သရေကုန်ဘောင် ကျေးရွာ များသို့ သွားရောက်၍ ဒုက္ခသည် များနှင့်တွေ့ဆုံ မေးမြန်း စစ်ဆေးမှုများ လုပ်ဆောင်ကြောင်း၊ မြို့ပေါ်ရှိ ဒုက္ခသည် စခန်းများသို့ လာရောက်ခြင်း မရှိသေးကြောင်း မောင်တော မြို့ခံ တချို့က ပြောဆိုသည်။
ဒေသခံ ရခိုင် တိုင်းရင်းသားများ၊ ရခိုင်မျိုးနွယ်စုများနှင့် ဘင်္ဂါလီ ဒုက္ခသည် အားလုံးနှင့် သီးခြားစီ မေးမြန်းမှု လုပ်ဆောင်ကြောင်း၊ ကျောက်တော်၊ မြောက်ဦးဒေသ တို့၌ မြို့မိ မြို့ဘများ နှင့်လည်း တွေ့ဆုံဆွေးနွေး၍ ရေရှည် တည်ငြိမ်ရေး ကိစ္စများကို ကော် မရှင် အဖွဲ့က ဆွေးနွေးသွားကြောင်း မြောက်ဦး ဒေသခံများကလည်း ပြောသည်။
ကော်မရှင်အဖွဲ့ က စစ်တွေမြို့နယ်ရှိ ဒုက္ခသည် စခန်းများသို့လည်း ယခုရက်ပိုင်းအတွင်း ထပ်မံ သွားရောက်၍ စုံစမ်း စစ်ဆေးမှု ပြုလုပ်မည် ဖြစ် ကြောင်း၊ ထိုမှတဆင့် ကျောက်ဖြူ၊ ရမ်းဗြဲ၊ ကျောက်နီမော်၊ တောင်ကုတ် စသည့်ဒေသ များသို့ သွားရောက် စစ်ဆေးမည်ဖြစ်ကြောင်း ပြောဆိုသည်။
စစ်တွေမြို့နယ်၌ ဘင်္ဂါလီဒုက္ခသည် စခန်း ၇ ခုရှိပြီး လူဦးရေ ၆ သောင်းဝန်းကျင် ရှိကြောင်း၊ ၎င်းတို့ နေထိုင် စားသောက်ရေး ကိစ္စကို ပြည်နယ် အစိုးရက ဆောင်ရွက်ပေးနေကြောင်း၊ ကမ္ဘာ့ စားနပ်ရိက္ခာ အစီအစဉ်(WFP) အဖွဲ့က ဆန်ပေးနေသည့် အတွက် စားစရာ ပြည့်စုံမှုရှိကြောင်း ရခိုင်ပြည်နယ် အစိုးရ၏ သတင်းပြန်ကြားရေး ဆပ်ကော်မတီ ဥက္ကဋ္ဌနှင့်ပြည်နယ် ဥပဒေချုပ် ဦးလှသိန်း က ဧရာဝတီ ကို ပြောသည်။
စစ်တွေ မြို့ရှိ ဘုန်းကြီးကျောင်းများ၌ ရခိုင်တိုင်းရင်းသား ဒုက္ခသည် စခန်း ၅ ခုရှိကြောင်း၊ ထိုစခန်း ၅ ခုကို တနေရာ တည်းတွင် စုပေါင်း ထားနိုင်ရန် နေအိမ်များ တည်ဆောက်နေကြောင်း ၎င်း က ဆက်ပြောသည်။
ယခုခရီးစဉ်သည် ပထမဆုံးဖြစ်ပြီး ကော်မရှင်တခုလုံးအနေဖြင့် စုံစမ်းစစ်ဆေးကြမည်ဖြစ်၍ လာမည့် ခရီးစဉ်များတွင် ဆပ်ကော် မတီ ၈ ရပ်က မိမိတို့ တာဝန် ယူထားရာ ကဏ္ဍအလိုက် အသေးစိတ် ထပ်မံစစ်ဆေးမှု ပြုလုပ်ကြမည် ဖြစ်ကြောင်း အဖွဲ့ဝင်များ က ပြောသည်။ ၎င်းတို့၏ စစ်ဆေးတွေ့ရှိချက် များကို နိုဝင်ဘာလ ၁၇ ရက်နေ့တွင် သမ္မတထံ အစီရင်ခံစာ တင်ပြရမည် ဖြစ် သည်။
စုံစမ်းရေး ကော်မရှင်အဖွဲအား သာသနာရေး ဦးစီးဌာန ညွန်ချုပ် အငြိမ်းစား ဒေါက်တာ မျိုးညွန့် ဦးဆောင်ပြီး ခရစ်ယာန် ဘာသာရေး ခေါင်းဆောင်များ၊ အစ္စလမ် ဘာသာရေး ခေါင်းဆောင်များနှင့် နိုင်ငံရေး ပါတီများမှ ခေါင်းဆောင်များ၊ ပညာရှင်များ စသည့် ၂၇ ဦးဖြင့် သြဂုတ်လ ၁၇ ရက်နေ့တွင် သမ္မတ က တာဝန်ပေး ဖွဲ့စည်းထားခြင်းဖြစ်သည်။
သတင်းစာ ဆရာ မောင်ဝံသ၊ အနုပညာရှင် ဇာဂနာ၊ ၈၈ မျိုးဆက် ကျောင်းသား ခေါင်းဆောင် ဦးကိုကိုကြီး ၊ ရခိုင် တိုင်းရင်း သားများ တိုးတက်ရေး ပါတီ (RNDP) ဥက္ကဋ္ဌ ဒေါက်တာ အေးမောင်၊ ဒေါက်တာ ကျော်ရင်လှိုင်(Myanmar Egress)၊ ဗဟု ဖွံ့ဖြိုး ရေး အဖွဲ့မှ ဦးအောင်နိုင်ဦး တို့လည်း ပါဝင်သည်။
ဇွန်လဆန်းမှ စတင်ခဲ့သော ရခိုင်ဒေသတွင်း ပဋိပက္ခများကြောင့် သေဆုံးသူ ၈၀ ၀န်းကျင်၊ ဒဏ်ရာရသူ ၁၁၂ ဦး၊ လူနေအိမ် ၅၀၀၀ ၀န်းကျင်၊ ဘုန်းကြီးကျောင်း ၁၄ ကျောင်း၊ စာသင်ကျောင်း ၃ ကျောင်း၊ ဗလီ ၁၇ ခု ပျက်စီးခဲ့ကြောင်း နယ်စပ်ရေးရာ ၀န်ကြီး ဒု ဗိုလ်ချုပ်ကြီး သိန်းဌေး က ဇူလိုင်လ ၃၀ ရက်နေ့ သတင်းစာ ရှင်းလင်းပွဲ၌ ပြောဆိုခဲ့သည်။
ရမ်းဗြဲမြို့နယ်၊ ကျောက်နီမော် ဒေသမှ မသီတာထွေး အသတ်ခံရမှု နှင့်ဆက်စပ်၍ တောင်ကုတ် မြို့၌ လူ ၁၀ ဦး အသတ်ခံ ရ သည့် ကိစ္စအား စုံစမ်း စစ်ဆေးရန် အတွက် အာဏာပိုင်များ ပါဝင်သည့် စုံစမ်း စစ်ဆေးရေး အဖွဲ တခုကိုလည်း ဇွန်လ တွင် ဖွဲ့စည်း ခဲ့သေးသည်။
ထိုအဖွဲ့ ၌ ပြည်ထဲရေး ဒု ၀န်ကြီ ဗိုလ်မှူးချုပ် ကျော်ဇံမြင့် ဦးဆောင်ပြီး မြန်မာနိုင်ငံ ရဲတပ်ဖွဲ့ ဒု ရဲချုပ်၊ ရခိုင်ပြည်နယ် ဥပဒေ အရာ ရှိ၊ ပြည်နယ် ရဲတပ်ဖွဲ့မှူး၊ ပြည်နယ် အထူးစုံစမ်းရေး အဖွဲ့ အကြီးအကဲ စသည့် ဌာနဆိုင်ရာ အကြီးအကဲ ၁၆ ဦး ပါဝင်သည်။ ထိုအ ဖွဲ့ သည် ၎င်းတို့၏ စစ်ဆေးတွေ့ရှိမှု များကို ဇွန်လ ၃၀ ရက်နေ့တွင် နိုင်ငံတော် သမ္မတ ထံ အစီရင်ခံ တင်ပြရမည်ဟု အစိုးရက သတင်း ထုတ်ပြန်ခဲ့သည်။
Ref: ဧရာဝတီ
Read More...
Collapse...
2012-09-10
ရန်ကုန်တိုင်း၊ တောင်ဒဂုံစက်မှုဇုန်မှာရှိတဲ့ တရုတ်နိုင်ငံသားပိုင် ဒဂုံဆိပ်ကမ်း အထည်ချုပ် စက်ရုံက အလုပ်သမား ၆၀၀ ကျော်ဟာ အလုပ်ရှင်ရဲ့ အလွန်အကျွံ ခိုင်းစေမှုတွေကို မကျေနပ်တဲ့ အတွက် တောင်းဆိုချက် ၁၀ ချက်နဲ့ စက်ရုံ အတွင်းရော အပြင်မှာပါ ဒီကနေ့ ဆန္ဒပြ တောင်းဆို ခဲ့ကြပါတယ်။
အစိုးရက အလုပ်ချိန် တစ်နေ့ (၈) နာရီ သတ်မှတ်လိုက်တဲ့နောက် အလုပ်ရှင်က တစ်နာရီ အတွင်း ပြီးစီးရမယ့် ချုပ်ထည် သတ်မှတ်ချက်ကို မလျှော့ချဘဲ အဆမတန် ခိုင်းစေ နေတာကြောင့် အလုပ်သမားတွေ ဘက်က မခံမရပ်နိုင်ဖြစ်ပြီး အခုလို ဆန္ဒပြရတာ ဖြစ်တယ်လို့ ဆန္ဒပြ အလုပ်သမား ခေါင်းဆောင် တစ်ဦးက RFA ကို အခုလို ပြောပြပါတယ်။
"မနက် ၇ နာရီခွဲကနေ စတာလေ။ ၉၅ ယောက်။ အထဲထဲမှာလည်း လူတွေ ရှိသေးတယ်။ သူတို့က အပြင်ကို ထွက်ချင်တယ်။ ထွက်လို့ မရဘူး။ ၄၅ မိနစ်ကို အထည် ၄၀-၄၅ ချုပ်ရတယ်။ အရင်တုန်းက မိနစ် ၆၀ ကိုမှ ၅၀-၄၅ ချုပ်ရတယ်။ ဒီအချက် တွေက အလုပ်သမားတွေ အတွက် အရမ်း နစ်နာနေလို့ တောင်းဆိုတာ။ အလုပ်ရှင်က လိုက်လျောတယ်လို့ ဘာတစ်ခုမှ မပြောသေးဘူး။ အလုပ်သမားတွေ ကလည်း သူတို့တောင်းဆိုချက်တွေ မရသေးလို့ မဝင်နိုင်ဘူးတဲ့။ ဒီတောင်းဆိုချက် ၁၀ ချက်လုံး ရမှ အထဲထဲကို အလုပ်ပြန်ဆင်းနိုင်မယ်။ မရရင် မဆင်းဘူး"
ဒီကနေ့ ဆန္ဒပြပွဲမှာ အလုပ်ရှင်၊ အလုပ်သမား သဘောတူ စာချုပ်ချုပ်ပေးဖို့၊ ရာထူးကြီးတဲ့ အလုပ်သမားတွေက ရာထူး ငယ်တဲ့ အလုပ်သမားတွေ အပေါ် ကြမ်းတမ်းမောက်မာစွာ မဆက်ဆံဖို့၊ အလုပ်သမား အချင်းချင်းကြား ခွဲခြားဆက်ဆံမှု မပြုလုပ်ဖို့၊ စက်ရုံတွင်းမှာ ဖိနပ် စီးခွင့်ပေးဖို့ စတဲ့ တောင်းဆိုချက်(၁၀) ကို အလုပ်သမားတွေ ဘက်က တောင်းဆို ခဲ့ကြတယ်လို့ သိရပါတယ်။
အဲဒီ (၁၀) ချက်ထဲက အလုပ်ရှင်၊ အလုပ်သမားကြား နှစ်ဦးနှစ်ဖက် ညှိနှိုင်းပြီး လုပ်ခလစာ တိုးမြှင့်ပေးဖို့ အချက်က လွဲပြီး ကျန်တောင်းဆိုချက် အားလုံးကို လိုက်လျောပေးဖို့ အလုပ်ရှင်ဘက်က ညနေပိုင်းမှာ သဘော တူညီ လိုက်တယ်လို့ သိရပါတယ်။
Ref: RFA News
Read More...
Collapse...
2012-09-10
စစ်ကိုင်းတိုင်း ဆားလင်းကြီးမြို့နယ် လက်ပန်တောင်းတောင် ကြေးနီ စီမံကိန်းကြောင့် လယ်သိမ်း ခံရတဲ့ ကျေးရွာတွေ ကနေ မုံရွာမြို့ပေါ်ကို အင်္ကျီဆင်တူ ၀တ်ပြီး ဘုရားဖူးလာတဲ့ အမျိုးသမီးတွေ အပါအ၀င် ဒေသခံ အမျိုးသမီး (၁၂) ဦးကို အာဏာပိုင်တွေက ဒီကနေ့ ဖမ်းဆီး ထိန်းသိမ်း ထားတယ်လို့ သိရပါတယ်။
မုံရွာမြို့ပေါ်က ဆုတောင်းပြည့်ဘုရားကို ၀တ်ပြုဆုတောင်းဖို့ သွားကြတဲ့ ၀က်မှေးကျေးရွာသူတွေကို ညောင်ပင်ကြီး ဆိပ်ကမ်း ကနေ တတ်လာချိန် ကတည်းက ရဲအင်အား (၃၀) လောက်က အနီးကပ် စောင့်ကြည့်နေခဲ့ပုံကို အဖမ်း မခံရခင် မိနစ်ပိုင်း အလိုက ၀က်မှေးကျေးရွာသူ တစ်ဦးက RFA ကို အခုလို ပြောပြပါတယ်။
" ၁၀ ယောက်တောင်မှ ကျွန်မတို့ ထိုးဖောက်ပြီးတော့ ဇက်ကြီးပေါ် ဆင်းသက်ပြီးတော့ အပြေး တက်ပြီးတော့ ဘုရားထဲမှာ လာဖူးရတယ်။ ဝက်မှေးက ၃ ယောက်၊ ရွှေလှေက ၇ ယောက်၊ ၁၀ ယောက်ထဲပဲ ပါတယ်။ အဲတာကို ဘုရားဖူးပြီးတော့လည်း ကျွန်မတို့နောက်ကို အာဏာပိုင်တွေ၊ ရဲတွေက အယောက် ၃၀ လောက် ပါတယ်။ အဲဒီမှာ ဆုတောင်းပြည့် ဘုရားကြီး ပတ်ပတ်လည်မှာ အကုန်လုံး အပေါက်တွေကို ပိတ်ထားပါတယ်။ ဘယ်နေရာမှ ဖွင့်ပြီး သွားပိုင်ခွင့် မရှိဘူး"
ဖမ်းဆီး ထိန်းသိမ်းထားသူတွေ ပြန်လွှတ်ပေးဖို့ အတွက် မုံရွာမြို့ပေါ်က ဒေသခံတွေ၊ ပွင့်လင်း လူ့အဖွဲ့ အစည်းက လှုပ်ရှားနေသူတွေနဲ့ မုံရွာခရိုင် ဗကသကျောင်းသား အဖွဲ့ဝင်တွေ ပါဝင်တဲ့ ပြည်သူလူထု ၃၀၀ နီးပါးလောက်က မုံရွာအမှတ် (၁) ရဲစခန်းကို ၀ိုင်းထားပြီး ဆန္ဒပြ တောင်းဆို ခဲ့ကြတယ်လို့ ဆန္ဒပြတဲ့ အထဲမှာ ပါဝင်သူ တစ်ဦးဖြစ်တဲ့ ပွင့်လင်း လူ့အဖွဲ့အစည်းက ကိုကံရွှေက RFA ကို အခုလို ပြောပြပါတယ်။
"မနက်က ဘုရားဖူးဆိုပြီး တက်လာတဲ့ အဖွဲ့ကိုလေ လုံခြုံရေး စိုးရိမ်လို့ ဆိုပြီး ဆွဲသွားတာ။ ဒီကနေ ရဲစခန်းကို ခေါ်သွားတယ်ပေါ့နော်။ ရဲစခန်းကိုခေါ်သွားတော့ ဗကသကျောင်းသားတွေနဲ့၊ ပွင့်လင်း လူ့အဖွဲ့အစည်း အကုန်လုံး ချိတ်ဆက်ပြီးတော့ ဒီလူတွေ လွှတ်ပေးဖို့ ဆန္ဒ ခံယူတယ်ပေါ့နော်။ အခုလောလောဆယ် လူပေါင်း ၃၀၀ လောက် ရှိတယ်။ သူတို့ဘက်က လောလောဆယ် ၁၀ ယောက် လွှတ်မယ်ပြောပေမဲ့ ကျွန်တော်တို့က ၁၂ ယောက်လုံး ပြန်လွှတ်ပေးဖို့ တောင်းဆိုတယ်"
ဖမ်းဆီး ထိန်းသိမ်းထားတဲ့သူ အားလုံးကို အာဏာပိုင်တွေက အခုညနေ (၆) နာရီ အထိ မလွှတ်ပေးသေးတဲ့ အတွက် မုံရွာခရိုင် ဗကသကျောင်းသားတွေ ဦးဆောင်တဲ့ ဒေသခံလူထု ၃၀၀၀ နီးပါးလောက်ဟာ ထိန်းသ်ိမ်း ခံထားတဲ့ သူတွေကို အမြန် လွှတ်ပေးရေး တောင်းဆိုပြီး မုံရွာမြို့တစ်ပတ် လှည့်လည် ဆန္ဒပြနေတယ်လို့ သိရပါတယ်။
မုံရွာ တစ်ဖက်ကမ်းကနေ မုံရွာမြို့ပေါ်ကို ပို့ဆောင်ပေးနေတဲ့ လှေ၊ သမ္မာန်စတဲ့ ပို့ဆောင်ရေး ရေယာဉ်တွေ ကိုလည်း တစ်ဖက်ကမ်းကျေးရွာတွေကနေ မြို့ပေါ် တက်လာလို့ မရအောင် အာဏာပိုင်တွေက မနေ့ ကတည်းက တားဆီး ပိတ်ပင်ထားတဲ့ အတွက် မုံရွာမြို့ပေါ်မှာ အလုပ် လုပ်နေရတဲ့ ဒေသခံ အလုပ်သမားတွေ အခက်အခဲကြုံ နေရတယ်လို့ သိရပါတယ်။
Ref: RFA News
Read More...
Collapse...
2012-09-10
ထိုင်းနိုင်ငံ လူကုန်ကူးမှု တိုက်ဖျက်ရေး အဖွဲ့နဲ့ ထိုင်းနိုင်ငံရောက် မြန်မာနိုင်ငံသားများ အသင်း (MAT) တို့ ပူးပေါင်းပြီး လူကုန် ကူးနေတဲ့ မြန်မာ အမျိုးသမီး တစ်ဦးကို သောကြာနေ့ ညက ဘန်ကောက်မြို့ တောင်ဘက် စမုတ်ဆောင်ခရမ် ခရိုင်၊ မဲခေါင် တံတား အနီးမှာ ဖမ်းဆီး မိခဲ့တယ်လို့ သိရပါတယ်၊
အဲဒီမနက်က ဧရာဝတီတိုင်း မြန်အောင်မြို့နယ်က အသက် ၃၀ အရွယ် ကိုဇော်နိုင်ဦးနဲ့ ကိုဦး ဆိုသူတို့က ဆက်သွယ် အကြောင်းကြား လာတာကြောင့် မြန်မာနိုင်ငံသား (၂) ဦးကို ငွေပေးပြီး ပြန်ရွေးမယ်လို့ ပြောဆို စီစဉ်ပြီး ဖမ်းဆီးနိုင်ခဲ့တာ ဖြစ်တယ်လို့ MAT အဖွဲ့ ဒါရိုက်တာ ဦးကျော်သောင်းက ပြောပါတယ်။
“မှောင်စပျိုးတော့ အဲဒီပွဲစားမကို မျောခေါ် ထုတ်ရတာပေါ့။ အလုပ်သမား၂ ယောက် အတွက် တစ်သောင်း ခွဲနဲ့ ရွေးမယ်။ ဘယ်နားမှာ လာပေးမယ် ဆိုတာ မနက်ကတည်းက ကျွန်တော်တို့က အဲဒီအတိုင်း မျှားထား တာလေ။ မျှားထားတော့ အဲဒီ အမျိုးသမီး က ကျွန်တော်တို့ကို အဲဒီ တံတားနားက ဓာတ်ဆီဆိုင်မှာ လာခေါ်တယ်။ ဆဲဗင်း အလဲဗင်း မှောင်ရိပ် တစ်ခုမှာ သူကပြတယ်။ ဟိုမှာနော် နင်တို့လူ ၂ ယောက်။ ကျွန်တော်က ကားနောက်ဘက်က လူခြေထောက် ချတဲ့ကြားမှာ ကျွန်တော်က ဘေးတိုက် စောင်းပြီးတော့ ကင်မရာ ကိုင်ပြီးတော့ ပုန်းလာတယ်။ အဲဒီနားရောက်တော့ အဲဒီ အမျိုးသမီးက ဆိုင်ကယ်နဲ့ လာပြီးတော့ အတွင်းထဲမှာ ကျွန်တော် အိပ်နေတာကို မြင်သွားတယ်။ ဟာ နင်တို့ ဘာလုပ်ကြတာလဲ၊ ဘာလုပ်ကြတာလဲ အော်တော့ ကားသမား ယောင်ဆောင်ထားတဲ့ အဲဒီ လူကုန်ကူးမှု တိုက်ဖျက်ရေး အဖွဲ့က ရဲကနေပြီးတော့ သူ့ကို နောက်က ပိတ်လိုက်တယ်။ ကျွန်တော်က ပွဲစားမကြီးကို အင်္ကျီကို ဆွဲထားလိုက်တော့ ကျွန်တော်တို့ ဖမ်းမိခဲ့တာပေါ့”
လူကုန်ကူးခံရသူ နှစ်ဦးဟာ ဘားအံမြို့က ပွဲစား တစ်ဦး ထံမှာ ကျပ်ငွေ ၅ သိန်းစီပေးပြီး စက်တင်ဘာ လလယ်က ဘန်ကောက် မြို့ကို ရောက်ရှိလာတာ ဖြစ်ပါတယ်။
အဖမ်းခံရသူကတော့ ထားဝယ်ဇာတိဖြစ်သူ အသက် (၃၀) အရွယ် မစန္ဒာဌေး(ခေါ်) မကုလားမလို့ သိရပြီး သူမက ရဲစခန်းမှာ ဝန်ခံချက် ပေးတယ်လို့ သိရပါတယ်။
မစန္ဒာဌေးဟာ စက်တင်ဘာလ (၆) ရက်နေ့ ကလည်း မြန်မာနိုင်ငံက လူ (၂၀) လောက်ကို ထိုင်းနိုင်ငံ စမုတ်ဆောင်ခရမ် ရှိ မဲခေါင်လှေဆိပ်နဲ့ ချွန်ဘူရီ ခရိုင်ရှိ အချောင်လှေဆိပ် တို့မှာ လှေလုပ်သား အဖြစ် ရောင်းချခဲ့ပြီး (၇) ရက်နေ့ မနက်မှာတော့ မြန်မာနိုင်ငံသား စုံတွဲတစ်တွဲကို အခြားနေရာ တစ်ခုကို ရောင်းချခဲ့ကြောင်း လွတ်မြောက် လာသူတွေက ထွက်ဆို ခဲ့တယ်လို့ သိရပါတယ်။
Ref: RFA News
Read More...
Collapse...
09.09.2012
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အခုလာမယ့် တနင်္ဂနွေနေ့ စက်တင်ဘာလ ၁၆ ရက်နေ့မှာ အမေရိကန်ပြည်ထောင်စုကို သွားရောက် မယ်လို့ အမျိုးသား ဒ်ီမိုကရေစီ အဖွဲ့ချုပ် ပြောခွင့်ရသူ ဦးဉာဏ်ဝင်းက အေအက်ပီ သတင်း ဌာနကို ပြောပါတယ်။ အမေရိကန်ပြည်ထောင်စုရဲ့ အရပ်ဘက် ဆိုင်ရာ အမြင့်ဆုံးဆု ဖြစ်တဲ့ ကွန်ဂရက်စ် ရဲ့ ၂၀၀၈ ခုနှစ် Gold Medal ဆုကို အခုခရီးစဉ် အတွင်း ဒေါ်အောင်ဆန်းစုကြည် လက်ခံရယူမှာ ဖြစ်ပါတယ်။ အခု ခရီးစဉ်ဟာ နေအိမ် အကျယ်ချုပ်ကနေ လွတ်မြောက်လာပြီး နောက်ပိုင်း အမေရိကန်ပြည်ထောင်စုကို ပထမဆုံး အကြိမ် လာရောက်မယ့် ခရီးစဉ်လည်း ဖြစ်ပါတယ်။
ဒေါ်စု အမေရိကန်ခရီးစဉ် စက်တင်ဘာ ၁၆ စမည်
အမေရိကန် နိုင်ငံခြားရေးဝန်ကြီး ဟီလာရီ ကလင်တန် ပြီးခဲ့တဲ့နှစ် ဒီဇင်ဘာ မြန်မာပြည် သွားရောက်စဉ် ကတည်းက ဒေါ်အောင်ဆန်း စုကြည်နဲ့ တွေ့ဆုံခဲ့ပြီး အမေရိကန်ပြည်ထောင်စုကို လာရောက်ဖို့ ဖိတ်ကြား ထားတာပါ။ အမေရိကန်ပြည်ထောင်စုမှာ ရှိစဉ်တော့ အမေရိကန် အစိုးရဘက်က ထိပ်တန်း တာဝန် ရှိသူတွေကိုရော၊ လွှတ်တော်က နိုင်ငံရေး ခေါင်းဆောင်တွေ ကိုပါ ဒေါ်အောင်ဆန်းစုကြည် အနေနဲ့ တွေ့ဆုံမယ်လို့ မျှော်လင့်ရပါတယ်။ နယူးယောက် ကုလသမဂ္ဂရုံး ကိုလည်း သွားရောက်ဖို့ ရှိတယ်လို့ သိရပါတယ်။
ဒေါ်အောင်ဆန်းစုကြည်နဲ့ အမေရိကန် အခြေစိုက် မြန်မာ့အရေး လှုပ်ရှားသူတွေ မြန်မာ မိသားစုတွေနဲ့လည်း တွေ့ဆုံဖို့ ဒေသခံတွေက မြို့အတော် များများမှာ ပြင်ဆင်နေကြပြီ ဖြစ်ပါတယ်။ တချိန်တည်းမှာပဲ မြန်မာ သမ္မတ ဦးသိန်းစိန် ဟာလည်း ကုလသမဂ္ဂ အထွေထွေ ညီလာခံ တတ်ရောက်ဖို့ အမေရိကန်ပြည်ထောင်စုကို အဲဒီ ရက်ပိုင်း ကာလမှာပဲ ရောက်ရှိမှာဖြစ်ပါတယ်။ ဒီမတိုင်ခင် ကတော့ သမ္မတ ဦးသိန်းစိန်ကို ပြည်ဝင်ခွင့်ဗီဇာ ပိတ်ပင်မှု အမေရိကန် သမ္မတ အမိန့်နဲ့ လျှော့ပေါ့ ပေးလိုက်တာကြောင့် သမ္မတ ဦးသ်ိန်းစိန် ဟာ အမေရိကန် အစိုးရ ရုံးစိုက်ရာ ၀ါရှင်တန်ဒီစီ ကိုလည်း လာရောက်မယ်လို့ မျှော်လင့်ရပါတယ်။
Ref: VOA News
Read More...
Collapse...
09.09.2012
ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ မြန်မာအစိုးရ ပယ်ဖျက်လိုက်တဲ့ အမည်မည်းစာရင်း နဲ့ ပြည်ပနိုင်ငံရေး သမား တချို့ ပြည်တော်ပြန်ကြတဲ့ ကိစ္စတွေနဲ့ ပတ်သက်ပြီး အမေရိကန်ပြည်ထောင်စု၊ ဝါရှင်တန်ဒီစီမြို့  အခြေစိုက် အဝေးရောက်ပြည်ထောင်စု မြန်မာနိုင်ငံ ညွှန့်ပေါင်း အစိုးရ ဝန်ကြီးချုပ် ဦးစိန်ဝင်း ကို ဗွီအိုအေမြန်မာ သတင်းဌာန ဌာနမှူး ဦးသန်းလွင်ထွန်း က တွေ့ဆုံမေးမြန်း ထားပါတယ်။
ဦးစိန်ဝင်း ။ ။ ကျနော်တို့ အယူအဆက နအဖအစိုးရလက်ထက်။ နအဖ အာဏာပိုင်တွေ လက်ထက်က ဒီအမည်မည်း စာရင်းကို ပြုစုခဲ့တာ။ အဲဒါကို ဖျက်တယ်။ National Reconciliation အမျိုးသားပြန်လည် သင့်မြတ်ရေး အတွက် ဒါလုပ်ပေးတယ် ဆိုရင်တော့ ကောင်းတဲ့ လုပ်ရပ် ကြိုဆိုကြရမှာပေါ့။ ဒါပေမဲ့ အခု ကျနော်တို့ တွေ့ရတာကတော့ ၂၀၀၀ ပဲ ရှိသေးတယ်။ ကျန်တဲ့ ၄၀၀၀ က ကျန်သေးတယ်။ ဒီ ၄၀၀၀ ကိုလည်း မြန်မြန် ဖျက်ပြစ်ပေးဖို့။
ဦးသန်းလွင်ထွန်း ။ ။ ပထမဆုံးအနေနဲ့ ဒီစာရင်းမှာ ပယ်ဖျက်ပေးတဲ့ ထဲမှာ ဦးစိန်ဝင်းရဲ့  နံမည်ပါ ပါလာပြီ ဆိုတော့ ဆရာ့ အနေနဲ့ ပြန်ဖို့ အစီအစဉ် ရှိပါသလား။
ဦးစိန်ဝင်း ။ ။ အခုတော့ အစီအစဉ် မရှိသေးဘူးပေါ့။
ဦးသန်းလွင်ထွန်း ။ ။ ဘယ်လိုအကြောင်းတွေကြောင့် အခုလက်တွေ့ အစီအစဉ် မရှိသေးတာလဲ။ အထူး သဖြင့် ဆရာတို့ အနေနဲ့က အခုလောလောဆယ် ပြည်ထောင်စုမြန်မာနိုင်ငံ ညွှန့်ပေါင်းအစိုးရ အဖွဲ့ရဲ့  ဝန်ကြီးချုပ် အနေနဲ့ မြန်မာပြည်ကို ပြန်လို့ ရပါ့မလား။
ဦးစိန်ဝင်း ။ ။ အဲဒါကတော့ အစောကြီးကတည်းက ပြောပါတယ်။ ဟိုအရင်ကတည်းက တော်တော်ကြာ ကတည်းက ဒီအဖွဲ့ကို ဖျက်မယ် ဆိုတာကို ပြောထားတယ်။ ဖျက်ဖို့ အတွက်ကလည်း ၁၉၉၀ ရွေးကောက်ပွဲ ကနေ အနိုင်ရခဲ့တဲ့ ပြည်သူ့လွှတ်တော် အဖွဲ့နဲ့ စေ့စပ်နေတယ်။ စကားပြောနေတယ်။ ဒါက ဖျက်မှာပဲ။ ဖျက်ဖို့ကတော့ သေချာသလောက် ဖြစ်ပါတယ်။ အဲဒီတော့ ဒါကြီးကို ကိုင်ပြီး ပြန်ဖို့ ဆိုတာကိုတော့ ကျနော်လည်း မမြင်ပါဘူး။
ဦးသန်းလွင်ထွန်း ။ ။ အခု ပြန်သွားတဲ့ အခု အသုံးစကားနဲ့ပြောရင်တော့ ပြည်တော်ပြန်တွေ။ အပြင် ဖက်မှာ နိုင်ငံရေးတွေ ထင်ထင် ရှားရှား လုပ်ခဲ့တဲ့သူ ရှိသလို တခြား လှုပ်ရှားမှု အသီးသီးမှာ နေရာယူပြီး လုပ်ကိုင်ခဲ့သူတွေ ပြန်သွားကြတာ ရှိပါတယ်။ ဒါပေမဲ့ ပြည်တွင်းမှာ ကြားနေရတဲ့ တချို့  သတင်း ပုံသဏ္ဍာန်တွေ အရ ဆိုရင် ပြီးခဲ့တဲ့ ၂၄ နှစ်တာ ကာလအတွင်း ဆုံးရှုံး ခဲ့ရတာတွေ၊ ရှည်ကြာ ခဲ့ရတာတွေဟာ ပြည်ပမှာ နိုင်ငံရေး လုပ်ဆောင်ခဲ့တဲ့ သူတွေရဲ့  ချို့ ယွင်းမှုကြောင့် သဘောမျိုး ပြစ်တင်တဲ့ ပုံစံမျိုးတွေ ကြားနေရပါတယ်။ ဒါနဲ့ ပတ်သက်လို့ ဆရာတို့ ဘယ်လို တုံ့ပြန်ချင်သလဲ။
ဦးစိန်ဝင်း ။ ။ အဲဒါကိုတော့ ကျနော်အနေနဲ့ လုံးဝ မှန်တယ်လို့တော့ ပြောလို့ မရပါဘူး။ ပြည်တွင်းမှာ ပြည်တွင်းပြဿနာတွေ ရှိပါတယ်။ ဖိနှိပ်မှုတွေ ဘာတွေ။ ပြည်ပထက် အများကြီး ဆိုးပါတယ်။ ဒါကို ကျနော်တို့ လက်ခံပါတယ်။ ဒါပေမဲ့ ပြည်ပမှာလည်း ပြည်ပပြဿနာတွေ အများကြီး ရှိပါတယ်။ တချို့ ဟာတွေက ပြင်လို့ရတယ်။ တချို့ ဟာတွေက ပြင်လို့မရတဲ့ ပြဿနာတွေ အများကြီးနဲ့ ကြုံရပါတယ်။ ဒီဖက်က အခက်အခဲတွေ ရှိတယ်။ ပြည်တွင်းက expectation မျှော်လင့်ချက်နဲ့ မကိုက်တာတွေလည်း ရှိချင်ရှိမှာပေါ့။ ဒါပေမဲ့ လုံးဝ မဟုတ်ဘူး ဆိုတာတော့ မဟုတ်ပါဘူး။ ပြင်ပက လုပ်တဲ့ဟာနဲ့ ပြည်တွင်း လုပ်တာနဲ့ ဆက်စပ်ပြီး သွားပေးကြရတာပေါ့။
ဦးသန်းလွင်ထွန်း ။ ။ အဲဒီတော့ ပြီးခဲ့တဲ့ နှစ် ၂၀ အတွင်း ပြည်ပလှုပ်ရှားမှုရဲ့  အဓိက အခန်းကဏ္ဍက ဘာလို့ ဆိုချင်သလဲ။
ဦးစိန်ဝင်း ။ ။ အဓိကအခန်းကဏ္ဍကတော့ ပြည်တွင်းနဲ့ပေါင်း ပြီးတော့ - ပေါင်းတယ် ဆိုတာက ပြည်တွင်းကို ကြည့်ပြီးတော့ ပြည်တွင်း အသံတွေကို ပြည်ပမှာဖြန့်ချီပေးကြတယ်။ နိုင်ငံတကာမှာ ဗမာပြည် အကြောင်းကို ပို၍ ပို၍ သိအောင် အခုတော့ အကုန်လုံး သိပြီပေါ့။ ဒေါ်အောင်ဆန်းစုကြည် နိုဘယ်လ်ဆု ရကတည်းက ပြန့်သွားပါပြီ။ သို့သော်လည်း ပိုပြီးတော့ တိတိကျကျ သိအောင် ဖြန့်ပေးတယ်။ နောက်တခုကတော့ sanction – sanction ဖြစ်ပေါ်လာတယ်။ ပြည်ပရဲ့  တွန်းအားပေးမှုတွေလည်း အများကြီး ပါပါတယ်။
ဦးသန်းလွင်ထွန်း ။ ။ ပြည်တွင်းမှာ မတရားအဖမ်းဆီး ချခံထားရတဲ့ လွတ်မြောက်ရေးနဲ့ ပြည်သူတွေရဲ့  ဂုဏ်သိက္ခာ တက်ရေး အပါအဝင် ပြည်ပက အော်ပေး ခဲ့တာတွေ ရှိတာပေါ့။
ဦးစိန်ဝင်း ။ ။ အများကြီး ရှိပါတယ်။
ဦးသန်းလွင်ထွန်း ။ ။ ဒါပေမဲ့ ဒီနေရာမှာ ကျနော်တို့ သတိထားမိတဲ့ အချက်လေး တခုက ဘာလဲ ဆိုတော့ ပြည်တွင်းကိုပြန်သွားတဲ့ ပြည်ပက နိုင်ငံရေး ပုဂ္ဂိုလ်တချို့ ကို လှိုက်လှိုက် လှဲလှဲ ကြိုဆိုရေး၊ မကြိုဆိုရေး ကိစ္စတွေနဲ့ ပတ်သက်ပြီးတော့ သဘောထား ကွဲတဲ့ အနေအထား မျိုးလေးတွေ မြင်ရပါတယ်။ ဒါက ပြည်တွင်းမှာ ရှိနေတဲ့ နိုင်ငံရေး အဖွဲ့အစည်းတွေ အနေနဲ့ ပြင်ပမှာ ရှိနေတဲ့ လူတွေကို နိုင်ငံရေး လုပ်ဖော်ကိုင်ဖက်တွေ၊ ရည်မှန်းချက် အတူတူ တခုခုကို ဆောင်ရွက်ခဲ့ သူတွေ အနေနဲ့ အသိအမှတ် မပြုဘူးဆိုတဲ့ သဘောလား။
ဦးစိန်ဝင်း ။ ။ အဲဒီလိုတော့ … ဒါကတော့ သူတို့ကို မေးမှပဲ သိမှာပေါ့။ တကယ်တမ်း ကြတော့။ ကျနော်တို့ အနေနဲ့ ဘာခေါ်မလဲ speculation ခန့်မှန်း ရတာပေါ့။ ခန့်မှန်း ရတာတော့ အဆက်အစပ် နည်းနေလို့ပဲ ဖြစ်မယ်။ ဒါက ကျနော်တို့ ခန့်မှန်းတာ။ တကယ်တော့ သူတို့ မေးကြည့်မှပဲ သိမှာပဲ။ ဒီ ပြည်တွင်းမှာ ရှိတဲ့ အဖွဲ့နဲ့ ပြည်ပမှာရှိတဲ့ အဖွဲ့ ဆက်စပ်မှု၊ နားလည်းမှု၊ တည်ဆောက်မှု အားနည်းလို့ပဲ ဖြစ်မှာပေါ့။
ဦးသန်းလွင်ထွန်း ။ ။ ထူးခြားတဲ့အချက်ကလေး တခုလည်း ကျနော် သတိထား မိတာ ရှိပါတယ်။ အထူး သဖြင့် ဒေါ်အောင်ဆန်းစုကြည်။ ဒေါ်အောင်ဆန်းစုကြည် ဆိုလို့ရှိရင် မကြာသေးခင်က ပြည်ပက ဝင်ရောက် သွားခဲ့တဲ့ ပြန်ဝင်ခွင့်ရတဲ့ အတိုက်အခံတွေ ထဲက အဖွဲ့အစည်း လူပုဂ္ဂိုလ်တွေနဲ့ ကျနော် သိသလောက်တော့ ထင်ထင်ရှားရှား တွေ့ဆုံ ခဲ့တယ်ဆိုတာ မမြင်ရဘူး။ အပြင်မှာတော့ အားလုံးက ဒေါ်အောင်ဆန်းစုကြည်ရဲ့  လမ်းစဉ်။ အန်အယ်လ်ဒီရဲ့  လမ်းညွှန့်မှုကို ခံတယ် ဆိုပြီးတော့ ပြီးခဲ့တဲ့ အနှစ် ၂၀ လုံးလုံး ကျနော်တို့ ကြားနေ ခဲ့ရပါတယ်။ ကြားခဲ့ရပြီး အခုနောက်ပိုင်း ပြန်ဝင် သွားတဲ့ အခါကြတော့ ဒီလို တွေ့ဆုံမှု၊ ကြိုဆိုမှု၊ ညှိနှိုင်းမှု ဆိုတာ မကြားရဘူး ဆိုတော့ ဘာတွေများ ချို့ ယွင်းနေလို့လဲ။
ဦးစိန်ဝင်း ။ ။ အဲဒါလည်း တိုက်ရိုက်မေးဖို့ ပိုလိုတာပေါ့။ ကျနော်ကတော့ ဘေးကနေ ထိုင်ပြီးတော့ ကြည့်တဲ့လူ အနေနဲ့ အမှားလည်း ရှိရင် ရှိမှာပေါ့။ ကျနော့်ရဲ့  opinion ပြောရုံပဲ ရှိတာပေါ့။ ဆိုတော့ ဒေါ်အောင်ဆန်းစုကြည် က ထိပ်ဆုံးကနေ သူလုပ်နေတယ်။ လုပ်နေတဲ့ အခါမှာ တိုင်းပြည်ရဲ့  မျက်နှာ၊ တိုင်းပြည်ကောင်းဖို့၊ ရေရှည်ရေတို သူက လုပ်နေတယ်။ ဒီအချိန်မှာ အမှားအယွင်း ဆိုတာ အတော်ကြောက်စရာကောင်းတယ်။ ဒါကြောင့် သူအမှား အယွင်းကို နည်းနည်းရှောင်တဲ့ အဆင့်လည်း ရှိမှာပေါ့။ တခါတလေကြတော့လည်း သူနဲ့တွေ့တဲ့ လူတွေက တချိန်က ရှင်းရှင်းပြောရရင်တော့ ပါးစပ်ကတော့ ဒေါ်အောင်ဆန်းစုကြည် လို့ ပြောတာပဲ။ လူတိုင်းပြောတာပဲ။ ဒါပေမဲ့လို့ အန်အယ်လ်ဒီ၊ ဒေါ်အောင်ဆန်းစုကြည် က ချမှတ်ခဲ့တဲ့ လမ်းစဉ်ကို ပြောင်းပြန် သွားကြတယ့်လူတွေ။ မှားတယ်လို့ မပြောဘူး။ ပြောင်းပြန် သွားတဲ့လူတွေ။ ကျနော်တို့က မင်းကလည်း ဒီပေါ်လစီပဲ၊ ငါက ဒီပေါ်လစီ။ တယောက်နဲ့ တယောက်တော့ မတူဘူး။ အဲဒီတော့ မင်းလည်း မင်းပေါ်လစီနဲ့ပြော၊ ငါလည်း ငါ့ပေါ်လစီနဲ့ ပြောမယ်ဆိုရင် ရှင်းတယ်။ မဟုတ်ဘဲ နှစ်ယောက်အတူ တွဲထွက်တယ် … ဘယ်လိုဖြစ်ကုန်ကြသလဲ ဆိုတဲ့ မေးခွန်းတွေက လာအုံးမယ်။ အဲဒီတော့ ရှင်းရှင်းလင်းလင်း ဖြစ်စေချင်တယ် အကြောင်းလည်း ရှိမယ်။ ကျန်တဲ့ အကြောင်းကတော့ တခါတလေမှာ သူက အကုန်လုံးနဲ့ တွေ့ဖို့ မလွယ်တဲ့ ကိစ္စတွေလည်း ရှိမယ် အမျိုးမျိုးပေါ့။ အဲဒီတော့ လူတွေက သူတို့ အဖွဲ့ထဲက လူတယောက်၊ ပုဂ္ဂိုလ် တယောက်နဲ့ တွေ့တော့လည်း ပြီးတာပေါ့။ ဒေါ်စုနဲ့ တွေ့မှ မဟုတ်ပါဘူး။
ဦးသန်းလွင်ထွန်း ။ ။ ဒါက ပြည်တွင်းဖြစ်တဲ့အချက်ပေါ့။ ပြည်ပကို ခရီးထွက်တဲ့ အချိန်မှာ ဆိုရင်လည်း အထူးသဖြင့် ကျနော်တို့ တွေ့ရတာက အော်စလို၊ အင်္ဂလန် ခရီးစဉ်တွေမှာ ဆိုလို့ ရှိရင်လည်း ဦးစိန်ဝင်း ကိုယ်တိုင်လည်း အဲဒီကို ရောက်တာကို ကျနော်တို့ ကြားသိ ရပါတယ်။ ဒါပေမဲ့ ဦးစိန်ဝင်းနဲ့လည်း ဒေါ်အောင်ဆန်းစုကြည်တို့ လူသိရှင်ကြား သိတယ် ဆိုတဲ့ သတင်းတော့ မတွေ့ရ ဘူးပါဘူး။ ဒါကရော ဘာအတွက်ကြောင့်ပါလဲ။ အထူးသဖြင့် ပြည်ပမှာရှိတဲ့ အမျိုးသား ညွှန့်ပေါင်း အစိုးရအဖွဲ့ - အဲဒီအဖွဲ့နဲ့ ပတ်သက်လို့ ဒေါ်အောင်ဆန်းစုကြည် အနေနဲ့ ထောက်ခံတယ်၊ မထောက်ခံဘူး ဆိုတာကို သေချာ မပြောခဲ့ပေမယ့် ပြည်ပရောက် အမျိုးသား ညွှန့်ပေါင်း အစိုးရက ပြည်တွင်းက အန်အယ်လ်ဒီရဲ့  လမ်းစဉ်ကို ထောက်ခံပြီး လုပ်ဆောင်ခဲ့တဲ့ အဖွဲ့အစည်း ဆိုတာကို အားလုံး သိပါတယ်။ ဒါပေမဲ့ ဒီလိုအဖွဲ့အစည်း ပြည်ပရောက် ညွှန့်ပေါင်း အစိုးရ အဖွဲ့မှာ ရှိနေတဲ့ ပါဝင်နေတဲ့ အဖွဲ့အစည်း အနေနဲ့ ဘာကြောင့်မို့ လူသိရှင်ကြား တွေ့ဆုံမှု မရှိခဲ့တာလဲ။
ဦးစိန်ဝင်း ။ ။ အဲဒါက ကျနော်တို့လည်း လူသိရှင်ကြား မတွေ့ချင်ဘူးဗျ။ ပွင့်ပွင့်လင်းလင်း ပြောရင်။ ဘာဖြစ်လို့လဲ ဆိုတော့ ကျနော်တို့က ဒေါ်စုရဲ့  အခက်အခဲတွေကို သိပါတယ်။ သူက တော်တော်ခက်တဲ့ အလုပ်ကို လုပ်နေရပါတယ်။ ဆိုတော့ ဥပမာဆိုရင် အမျိုးသား ညွှန့်ပေါင်း အစိုးရဟာ ဦးသိန်းစိန်က နောက်ဆက်တွဲ နအဖနဲ့က ထိပ်တိုက်ပါ။ ကျနော်တို့ တခါကြားဘူးတယ် အန်အယ်လ်ဒီနဲ့တော့ ပြောချင်ပြောမယ်။ အမျိုးသား ညွှန့်ပေါင်း အစိုးရနဲ့ ဘယ်တော့မှ မပြောဘူး ဆိုတဲ့ဟာမျိုး။ ဆိုတော့ ကျနော်တို့က နံပတ်တစ် ရန်သူလို မြင်လာတယ်။ သစ္စာဖောက်လို မြင်လာတယ်။ Treason ပေါ့။ အမျိုးမျိုးပေါ့။ ဒီဟာကို ဒီအရိပ်ကို ဒေါ်စုပေါ်မှာ မကျစေချင်ဘူး။ ကျနော်တို့ လုပ်တဲ့ အလုပ်က ဒါတလုပ်ပေါ့။ ဒါလည်း ပါပါတယ်။ ဒေါ်စုဖက်က တွေ့ခဲ့လို့ ရှိရင်လည်း တဖက်ကတော့ အခုမှ နိုင်ငံခြားထွက်တာ။ နောက်ပြီးတော့ ဦးသိန်းစိန်တို့လို့ embassy တို့ဘာတို့တောင် ရှိတာမဟုတ်ဘူး။ အမှားတွေတော့ ရှိမှာပေါ့။ နောက်တခုက ဘာလဲဆိုတော့ သူက တယောက်နဲ့တွေ့ရင် နောက်တယောက်နဲ့ ဘာလို့ မတွေ့သလဲ ဆိုတဲ့ မေးခွန်းတွေကလဲ အများကြီးရှိမှာ။ အဲဒါတွေ ဖြေဖို့အချိန်လည်း ရှိမှာမဟုတ်ဘူး။ ဘာကြောင့်လဲဆိုတော့ အပြင်ဖက်မှာရောက်နေတဲ့ အတွင်းက ဒေါ်စုနဲ့ ရင်းနှီးတဲ့ လူတွေကလည်း အများကြီး။ အဲဒီတော့ တခါတလေတော့လဲ လူမသိဘဲ တွေ့တာ ပိုကောင်းသလိုပေါ့။ ရှင်းရှင်းလင်းလင်းပြောရင်။
ဦးသန်းလွင်ထွန်း ။ ။ နောက်တချက်ကတော့ အခု မကြာသေးခင်က ပြည်တွင်းကို ဝင်သွားတဲ့ တချိန်က အမျိုးသား ညွှန့်ပေါင်း အစိုးရရဲ့ အဖွဲ့ဝင် ဒေါက်တာသောင်းထွန်း ဆိုရင် ဆရာတို့ လက်ခံထားတဲ့ ဆုတံဆိပ် တချို့ ကို ဒေါ်စုစုနွေး၊ ကိုမင်းကိုနိုင် တို့ဆီ လွှဲပြောင်းပေးအပ် ခဲ့တာ ကြားပါတယ်။ အလားတူပဲ ဒေါ်အောင်ဆန်းစုကြည် ကိုယ်စား ယူပေးထားတဲ့ ဆုတံဆိပ်တွေလည်း ရှိနေပါသေးတယ်။ အဲဒီ ဆုတံဆိပ်တွေကို ဆရာတို့ အနေနဲ့ သွားရောက်ပြီး လွှပြောင်းပေးအပ်ဖို့ အစီအစဉ်တွေ၊ ဘာတွေ ရှိပါသလား။
ဦးစိန်ဝင်း ။ ။ ပေးနိုင်ရင်တော့ အကောင်းဆုံးပဲ။ ကျနော်တို့လည်း သေချာ အကြာကြီး မထိန်းသိမ်း ချင်ဘူး။ ဒေါက်တာသောင်းထွန်း ပေးတာကတော့ ကျနော်တို့က ဝမ်းသာပါတယ်။ သို့သော်လည်းပဲ ဒေါက်တာသောင်းထွန်းက ကျနော်တို့ကို ပြောသင့်တယ်။ ကျနော် ဒါယူသွားမယ်၊ ကျနော် ဒါတွေပေးမယ်။ ဘာကြောင့်လဲ ဆိုတော့ ဒီပစ္စည်းတွေက သူ့ကိုယ်ပိုင် ပစ္စည်း မဟုတ်ဘူး။ အဖွဲ့အစည်းနဲ့ သွားယူတာ။ အဖွဲ့အစည်းကို ပြောဖို့။ သူက အဖွဲ့အစည်း အပြင် ရောက်သွားပေမယ့်လည်း အဲဒီ အချိန်တုန်းက လုပ်တဲ့အလုပ်က အဖွဲ့အစည်းနဲ့ သွားလုပ်တဲ့ အလုပ်။
ဦးသန်းလွင်ထွန်း ။ ။ ဒါက အဖွဲ့အစည်းက လွှဲလိုက်တာ မဟုတ်ဘူးလား။
ဦးစိန်ဝင်း ။ ။ မဟုတ်ပါဘူး။ လုံးဝ မဟုတ်ပါဘူး။ သိတောင် မသိဘူးပေါ့ဗျာ။ နောက်ဆုံးတော့ အဲဒီ သတင်းကို ကြားတော့မှ သိတာပါ။
ဦးသန်းလွင်ထွန်း ။ ။ အဲဒီတော့ နောက် ကျန်ရှိနေသေးတဲ့ ဆုတံဆိပ်တွေ ကိစ္စ။
ဦးစိန်ဝင်း ။ ။ အဲဒါတော့ တချို့ တွေ သူ့လက်ထဲမှာ ရှိမရှိတော့ ကျနော် မသိဘူး။ ကျနော် လက်ထဲမှာ ရှိတဲ့ ဟာကတော့ ရှိတာပေါ့။ ကျနော်ကိုယ်တိုင် သွားယူတယ်။ တချို့ ဟာတွေတော့ ရှိပါတယ်။
ဦးသန်းလွင်ထွန်း ။ ။ ဆရာအနေနဲ့ မကြာခင် အနာဂတ်မှာ တကယ်လို့များ မြန်မာပြည် ပြန်ခဲ့တဲ့ ဆိုရှိရင် လူထုရဲ့  တုံ့ပြန့်မှုက ဘယ်လိုရှိမယ်လို့ ထင်ပါသလဲ။
ဦးစိန်ဝင်း ။ ။ ကျနော်ကတော့ အခုအနေအထားကနေ ပြောဖို့တော့ မလွယ်ဘူးပေါ့။ ဒါပေမဲ့ ကျနော်ကတော့ ကျနော့် လိပ်ပြာ ကျနော် သန့်တယ်။ ကောင်းတဲ့ဟာ ကျနော်လုပ်တာ။ မှန်တဲ့ဟာ လုပ်တယ်။ မှန်တယ်ထင်တဲ့ဟာ လုပ်တယ်။ လူထုအတွက် ကျနော်တို့ လုပ်တယ်။ တိုင်းရင်းသား အကုန်လုံးအတွက် ကျနော်တို့ တတ်နိုင်သမျှ လုပ်တယ်။ အဲဒီအတွက် ကျနော်ကတော့ လိပ်ပြာ သန့်ပါတယ်။ နောက်ဆက် လုပ်သွားမယ် ဆိုရင်လည်း အဲဒီလိုပဲ တိုင်တိုင်ပင်ပင်နဲ့ လုပ်သွားနိုင်တဲ့ဟာ လုပ်သွား ရင်တော့ ကောင်းတာပေါ့ဗျာ။
ဦးသန်းလွင်ထွန်း ။ ။ ဝါရှင်တန်ဒီစီမြို့ တော်မှာ ရှိနေတဲ့ အဝေးရောက်ပြည်ထောင်စု မြန်မာနိုင်ငံ ညွှန့်ပေါင်းအစိုးရ ဝန်ကြီးချုပ် ဦးစိန်ဝင်း ကို တွေ့ဆုံမေးမြန်း ခဲ့တာပါ။
Ref: VOA News
Read More...
Collapse...
ကိုရန်နိုင်
08.09.2012
ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇောကို မြန်မာအစိုးရကနေ မြန်မာနိုင်ငံကို ပြန်လာဖို့ သူ့ရဲ့ မိသားစုကနေ တဆင့် ဖိတ်ခေါ် ထားပါတယ်။ မြန်မာ အစိုးရဘက်က ဒီလိုဖိတ်ခေါ်ချက် အပေါ်မှာ ဗိုလ်မှူးချုပ်ကျော်ဇော ဘက်က သဘောထား ဘယ်လို ရှိသလဲ ဆိုတာနဲ့ ပတ်သက်ပြီးတော့ သူ့ရဲ့ ကျန်းမာရေး အတွက် အနီးကပ် ပြုစုစောင့်ရှောက်နေတဲ့ သမီးဖြစ်သူ ဒေါက်တာ လှကျော်ဇောကို ဗွီအိုအေက ကိုရန်နိုင်က ဆက်သွယ် မေးမြန်ထားပါတယ်။
ဗိုလ်မှူးချုပ်ကျော်ဇော ဆန္ဒကို လိုက်လျောတဲ့အနေနဲ့ မြန်မာပြည်ကို ပြန်လာခွင့်ပြုလိုက်ပြီလို့ သိရပါတယ်။ အဲဒါနဲ့ ပတ်သက်ပြီးတော့ အစိုးရဘက်က တရားဝင် အကြောင်းကြားလာပါပြီလား ခင်ဗျာ။ -
“ဟုတ်ကဲ့ အကြောင်းကြား လာပါတယ်။ သမ္မတရုံးဝန်ကြီး ဖြစ်တဲ့ ဦးအောင်မင်းက ကျမကို တိုက်ရိုက် ဖုန်းဆက်ပြီးတော့ သမ္မတကြီးရဲ့ ခွင့်ပြုချက်အရ အဘ ဗိုလ်ကျော်ဇောကို ရဲဘော်သုံးကျိပ်ဝင် တဦး အဖြစ်နဲ့ ပြန်လာခွင့် ပြုပါတယ်လို့ ပြောပါတယ်။ ပြန်လာဖို့ ဖိတ်ပါတယ်လို့ ကျမကို တိုက်ရိုက် ပြောပါတယ်။”
အဲဒီကိစ္စကို ဘယ်လိုများ စီစဉ်ထားလဲ ခင်ဗျ။ -
“သူကပြောတာက ရဲဘော်သုံးကျိပ်အနေနဲ့ ဖိတ်တယ်လို့ ပြောတာပါ။ အဲတော့ ကျမ ပြောတာကတော့ ကျမတို့ ဒီမှာနေနေတဲ့ အဆင့်ဟာ ဆိုရင် ဗမာပြည် ကွန်မြူနစ်ပါတီ ခေါင်းဆောင်ဟောင်း တစ်ယောက်အနေနဲ့ နိုင်ငံရေး ခိုလှုံပြီးနေနေတာ ဖြစ်ပါတယ်။ ဒါကြောင့်မို့လို ကျမတို့မှာ ဗမာပြည် ကွန်မြူနစ်ပါတီ နဲ့ ညှိနှိုင်းဖို့ ဆွေးနွေးဖို့တွေ ရှိပါတယ်။ အဲဒါက တစ်ချက်ပေါ့။ နောက်တစ်ချက် ကတော့ ဖေဖေရဲ့ အခုလောလောဆယ် ကျန်းမာရေး အခြေအနေက ခရီးထွက်လို့လည်း မဖြစ်ပါဘူး။ ဒါကြောင့်မို့လို ကျန်းမာရေး တစုံတရာ တည်ငြိမ်လာတဲ့အထိ ကျမတို့ စောင့်ရပါလိမ့်အုံးမယ်၊ ကျန်းမာရေးကောင်းလာမှ ဆက်ပြီးတော့ ဆွေးနွေးတာပေါ့လို့ ပြောထားပါတယ်။”
အဲဒါဆိုရင် ရဲဘော်သုံးကျိပ်ဝင် တစ်ယောက်အနေနဲ့ ပြန်လာဖို့ သူတို့က ဖိတ်တာပေါ့။ ဗမာပြည် ကွန်မြူနစ်ပါတီ ခေါင်းဆောင်ဟောင်း တစ်ယောက် အနေနဲ့ မဟုတ်ဘူးပေါ့။ -
“ဟုတ်ပါတယ်။ ဗမာပြည်ကွန်မြူနစ်ပါတီ ခေါင်းဆောင် တစ်ယောက်အနေနဲ့ ဖိတ်တာ မဟုတ်ပါဘူး။ ဒါကို သူတို့က ရှင်းအောင် သေချာပြောတာပါ။ ရဲဘော် သုံးကျိပ်ဝင် အနေနဲ့ ဖိတ်တာပါလို့၊ သေချာအောင် ရှင်းရှင်းလင်းလင်းကို ပြောထားတာပါ။”
အဲဒါဆိုရင် ဒေါ်လှကျော်ဇော တို့က အခုလိုဖိတ်တဲ့အပေါ်မှာ ဘယ်လို လုပ်သွားဖို့ ရှိပါသလဲ။ တကယ်လို့ သူတို့က ဗမာပြည် ကွန်မြူနစ်ပါတီ ခေါင်းဆောင် အနေနဲ့ မဖိတ်ခဲ့ဘူး ဆိုရင်ရော ဘယ်လိုမျိုး ဆုံးဖြတ်ဖို့ရှိပါသလဲ။ -
“ဒီလိုလေ ကျမတို့က မြန်မာပြည်ကို ပြန်ချင်တယ်။ ကျမတို့ ပြန်ချင်တဲ့ ဆန္ဒ ရှိတယ် ဆိုတာက ဘယ် အချိန်မှာပဲဖြစ်ဖြစ် ကျမတို့ ဒီအတိုင်း ရှိတယ်။ ဒါကို ကျမတို့ ပြန်ချင်တဲ့ ဆန္ဒကိုလည်း အမြဲဖော်ပြနေတယ်။ သို့သော်လည်း ကျမတို့ ပြန်ချင်တယ် ဆိုတာ ကျမတို့ ယုံကြည်ချက်တွေ၊ ကျမတို့ နိုင်ငံရေးတွေကို ပစ်ခွာခဲ့ပြီး ၊ စွန့်ပစ်ခဲ့ပြီးတော့ ပြန်လာဖို့ မဟုတ်ဘူး။ ကျမတို့က မြန်မာပြည် တပြည်လုံးမှာ ရှိတဲ့ နိုင်ငံတကာကို ရောက်နေတဲ့ တခြားတနေရာကို ရောက်နေတဲ့ ဘယ်သူမဆို၊ ဘယ်ဝါဒကို ယုံကြည်သူ မဆို၊ လွတ်လွတ် လပ်လပ် ယုံကြည်ခွင့်တို့ လွတ်လွတ် လပ်လပ် ဆွေးနွေးခွင့်တို့၊ လွတ်လွတ်လပ်လပ် စည်းရုံးခွင့်တို့ အဲဒီလို ဟာမျိုးတွေပေါ့နော်။ ဘာဖြစ်လို့လဲဆိုတော့ ဦးသိန်းစိန်ပြောတာက ပါတီစုံ ဒီမိုကရေစီ စနစ်ကို ဖော်ဆောင်နေတယ် ဆိုရင် အဲဒီလို ဘက်စုံ ဒီမိုကရေစီ ကျတဲ့ ပတ်ဝန်းကျင် အခြေအနေအောက်မှာသာ ပြန်ချင်တာဖြစ်ပါတယ်။”
ဗိုလ်ချုပ်ကျော်ဇော ကလည်း မြန်မာပြည်ကို ပြန်ချင်တယ်လို့ ပြောထားတာဆိုတော့ တကယ်လို့များ ဗမာပြည် ကွန်မြူနစ် ပါတီ အနေနဲ့ ဖိတ်ကြားတာ မဟုတ်ဘဲနဲ့ ဆိုရင် ဘယ်လို လုပ်မလဲခင်ဗျ။ -
“အဲဒါဆိုရင်တော့ မပြန်ရုံပဲရှိတာပေါ့။”
ဗိုလ်ချုပ်ကျော်ဇော ရဲ့ သဘောထားကရော အဲဒီလိုပါပဲလား ခင်ဗျ။ -
“ဖေဖေ့သဘောထား ကိုကလည်း ဒီလိုပါပဲ။ ဖေဖေတို့ကတော့ ရွှေတိဂုံဘုရား ဖူးချင်တယ်ဆိုတာ ကျမတို့အားလုံးက မိရိုးဖလာ ဗုဒ္ဓဘာသာဝင်တွေ ဖြစ်နေတာကိုး။ အဲဒီတော့ ရွှေတိဂုံဘုရား ဆိုတာလည်း ကျမတို့ မြန်မာနိုင်ငံရဲ့ အမျိုးသားသင်္ကေတ တရပ်ပဲဖြစ်တယ်။ ဒါကြောင့်မို့လို့ ရွှေတိဂုံဘုရားဆိုတာ ကျမတို့ စိတ်အစဉ်မှာ အမြဲစွဲမြဲနေတဲ့ ယုံကြည်ချက်တခု၊ ပုံသဏ္ဍာန်ကြီးတခု ဖြစ်တာပေါ့။ အဲဒါကို ဖေဖေ့အနေနဲ့ အခုလို အသက်ကြီးလာတဲ့ အခါမှာ စွဲစွဲလန်းလန်းနဲ့ ရွှေတိဂုံဘုရား ဖူးချင်လိုက်တာ ဆိုတာ သူသဘာဝကျစွာ ပြောတာဖြစ်ပါတယ်။ ဒါပေမဲ့ ကိုယ့်ရဲ့ တသက်လုံး စောင့်ထိန်းပြီး လုပ်ကိုင်လာတဲ့ နိုင်ငံရေးတရပ်၊ ယုံကြည်ချက်တရပ်ကို စွန့်လွှတ်ပြီးတော့မှ ပြန်ရမယ်ဆိုရင် ပြန်မှာမဟုတ်ပါဘူး။”
ဒါဆိုရင်တော့ အခုချိန်ထိ ပြန်ဖို့၊ မပြန်ဖို့ ကိစ္စက မဆုံးဖြတ်ရသေးဘူးပေါ့။ -
“မဆုံးဖြတ်ရသေးပါဘူး။ မဆုံးဖြတ်ရသေးတယ် ဆိုတာထက် လောလောဆယ်က ဖြစ်ကိုမဖြစ်နိုင် သေးတာပါ။ ခုနက ပြောသလို နိုင်ငံရေးအကြောင်းတွေလည်း ရှိတယ်၊ လက်တွေ့ ကျန်းမာရေး အကြောင်းတွေလည်း ရှိတယ်။ ဒါကြောင့် လောလောဆယ် မဖြစ်နိုင်သေးပါဘူး။”
ဗိုလ်မှူးချုပ်ကျော်ဇောရဲ့ သမီးဖြစ်သူ ဒေါက်တာလှကျော်ဇောကို ဆက်သွယ်မေးမြန်းခဲ့တာဖြစ်ပါတယ်။
အသက် ၉၃ နှစ် ရှိပြီဖြစ်တဲ့ ဗိုလ်မှူးချုပ်ဟောင်း ကျော်ဇောဟာ အခုအခါမှာ ကျန်းမာရေး မကောင်းတဲ့အတွက် တရုတ်နိုင်ငံ ကူမင်းမြို့ အထွေထွေရောဂါကု ဆေးရုံကြီးမှာ တက်ရောက် ဆေးကုသမှု ခံယူနေတာ ဖြစ်ပါတယ်။
ဗမာ့လွတ်လပ်ရေးတပ်မတော်ကို စတင်ဖွဲ့စည်းခဲ့တဲ့ ရဲဘော်သုံးကျိပ်ဝင်တွေထဲက ဗိုလ်မှူးချုပ်ဟောင်း ကျော်ဇော နဲ့ ဗိုလ်ရဲထွဋ်တို့ ၂ ဦး သာ အခုချိန်အထိ သက်ရှိထင်ရှား ကျန်နေတော့တာ ဖြစ်ပါတယ်။ ဗိုလ်မှူးချုပ်ဟောင်း ကျော်ဇော ကို အဖဦးပန်း၊ အမိဒေါ်တင့်တို့က ၁၉၁၉ ခုနှစ် ဒီဇင်ဘာ ၃ ရက်နေ့မှာ သာယာဝတီခရိုင် သုံးဆယ်မြို့နယ် ဆိုင်းစုရွာမှာ မွေးဖွားခဲ့ပြီး မွေးချင်း ၆ ယောက် အနက် ဒုတိယမြောက်သား ဖြစ်ပါတယ်။
ဗမာ့တပ်မတော် အရာရှိဟောင်းတဦး ဖြစ်တဲ့ ဗိုလ်မှူးချုပ်ဟောင်း ကျော်ဇောဟာ မြန်မာနိုင်ငံ လွတ်လပ်ရေးရပြီးကာစ ကာလတွေအတွင်း ဖြစ်ခဲ့တဲ့ ပြည်တွင်းရောင်စုံ သူပုန်ထမှုတွေ နဲ့ ပြည်ပတရုတ်ဖြူတွေရဲ့ ကျူးကျော်မှုတွေကို တွန်းလှန် ကာကွယ်တိုက်ပွဲဝင်ခဲ့တဲ့သူ -*2ဖြစ်ပါတယ်။ ဒါပေမဲ့ ၁၉၅၇ ခုနှစ်မှာ သူ့ကို ဗမာ့တပ်မတော်ကနေ ထုတ်ပယ်ခဲ့ပြီး၊ ၁၉၇၆ ခုနှစ်မှာ ဗမာပြည်ကွန်မြူနစ်ပါတီ အခြေစိုက်တဲ့ တရုတ်နိုင်ငံ နယ်စပ်ကို မိသားစုနဲ့အတူ ထွက်ခွာလာခဲ့ပြီး၊ ၁၉၈၉ ခုနှစ်ကစပြီး တရုတ်နိုင်ငံ ကူမင်းမြို့မှာ နေထိုင်နေတာ ဖြစ်ပါတယ်။
Ref: VOA News
Read More...
Collapse...
မအေးအေးမာ
09.09.2012
အခု သီတင်းကြေညာနေတဲ့ ညပိုင်းအတွင်းမှာပဲ မုံရွာ-ပုသိမ် ကားလမ်းမကြီးပေါ်မှာ လက်ပံတောင်းတောင် ကြေးနီ စီမံကိန်း ရပ်ဆိုင်းဖို့ တောင်းဆိုတဲ့ ဒေသခံ လူထုတွေဟာ အာဏာပိုင်တွေ ပိတ်ဆို့နေတဲ့ ကြားကပဲ လက်ပံတောင်း တောင်ခြေက ကြေးနီ စီမံကိန်း လုပ်နေတဲ့ စက်ယန္တရားတွေ ရှေ့တည့်တည့်မှာ မီးတုတ်တွေ ကိုင်ဆောင်ပြီး ဆန္ဒပြနေကြပါတယ်။ အကြောင်းစုံကို မအေးအေးမာ က တင်ပြထားပါတယ်။
ပြီးခဲ့တဲ့ ရက်ပိုင်းကပဲ မုံရွာ-ပုသိမ် ကားလမ်းမကြီးပေါ်မှာ လက်ပံတောင်းတောင် ကြေးနီ စီမံကိန်း ရပ်တန့်ရေး အတွက် တောင်းဆိုနေတဲ့ ဒေသခံလူထုတွေဟာ အာဏာပိုင်တွေ ပိတ်ဆို့နေတဲ့ ကြားကပဲ လက်ပံတောင်း တောင်ခြေက ကြေးနီစီမံကိန်း လုပ်နေတဲ့ စက်ယန္တရားတွေရဲ့ ရှေ့တည့်တည့်မှာ မီးတုတ်တွေ ကိုင်ဆောင်ပြီး ဆန္ဒပြနေကြတာပါ။ လက်ပံတောင်းတောင် ကြေးနီစီမံကိန်း ရပ်တန့်ဖို့ အတွက် ဆန္ဒပြဒေသခံတွေနဲ့ အတူ ရှိနေတဲ့ ကျောင်းသားခေါင်းဆောင် ကိုဟန်ဝင်းအောင်က အခုလို ပြောပါတယ်။
“အခု ကျနော်တို့ လက်ပံတောင်း တောင်ခြေကို ရောက်နေပါပြီ။ ပြည်သူတွေ မီးတုတ်တွေ ဆိုင်းဘုတ်တွေနဲ့ လက်ပံတောင်းတောင် ကြေးနီ စီမံကိန်းကို ဆန့်ကျင်ပြီး ရပ်ခိုင်းဖို့ အတွက် ဒီနေ့ အခု ဆန္ဒပြပွဲကို လက်ပံတောင်း တောင်ခြေမှာ ပြည်သူ ၁,၅၀၀ ကျော်လောက် ရောက်ရှိနေ ပါပြီ။ ပြည်သူတွေက နိုင်ငံသား အခွင့်အရေး၊ လူ့အခွင့်အရေး ချိုးဖောက်မှုတွေကို အလိုမရှိ၊ လက်ပံတောင်းတောင် ကြေးနီ စီမံကိန်းကို လုံးဝ ကန့်ကွက်ပါသည် ဆိုတဲ့ စာသားတွေ ကိုင်ဆောင် ထားတယ်။ မီးတုတ်တွေ ကိုင်ဆောင် ထားတယ်။ ပြည်သူအင်အား ၁,၅၀၀ လောက်ကတော့ ဖယောင်းတိုင်တွေ ကိုင်ပြီး စပြီးတော့ အခု လက်ပံတောင်းတောင် ကြေးနီ စီမံကိန်းကို ညပိုင်း ကန့်ကွက်တဲ့ လှုပ်ရှားမှုကို စတင်တယ်။”
ကြေးနီ စီမံကိန်း ရပ်ဖို့အတွက် ကိုကျော်ကိုကို ဦးဆောင်တဲ့ ဗကသများ အဖွဲ့ချုပ်နဲ့ အကျိုးဆောင် ကွန်ယက် ၄ ခုနဲ့ အတူ ဒေသခံတွေက ဦးဆောင်လုပ်ခဲ့တာ ဖြစ်ပါတယ်။ ၅ ရက်နေ့ ကတော့ မုံရွာ-ပုသိမ် ကားလမ်းမကို အာဏာပိုင်တွေက ပိတ်ဆို့ တားဆီး ထားတဲ့ အတွက် ဒီစီမံကိန်းရပ်ဖို့ အတွက် လမ်းမပေါ်မှာပဲ ဆန္ဒပြခဲ့ကြပါတယ်။ ဒီနောက်မှာတော့ အခုလို ညဘက် ဆန္ဒထုတ်ဖော်မှုကို လုပ်ဖို့ အတွက် ပိတ်ဆို့ထားတဲ့ လမ်းတွေက မသွားဘဲ တခြားလမ်းကနေ သွားခဲ့ရတာ ဖြစ်တယ်လို့လည်း ဆန္ဒပြသူတွေက ဆိုပါတယ်။
“အခု ကျနော်တို့ ရှိနေတဲ့နေရာကတော့ လက်ပံတောင်းတောင် စီမံကိန်းကြီး လုပ်နေတဲ့နေရာရဲ့ ရှေ့တည့်တည့် မှာပါ။ အခုလောလောဆယ် အာဏာပိုင်တွေ ဘက်က အခုရောက်ရှိနေတဲ့ နေရာတွေကို မသိသေးပါဘူး။ အဲဒီတော့ အခုချိန်ထိ သူတို့ သတင်းမရသေးတဲ့ အတွက် သူတို့ မရောက်သေးပါဘူး။ ဒါပေမဲ့ သူတို့လာနိုင်တဲ့ လမ်းကြောင်းတွေမှာလည်း ပြည်သူတွေက ရွာလိုက် ရွာလိုက်တွေ ငြိမ်းချမ်းစွာနဲ့ ဆန္ဒဖော်ထုတ်တဲ့ နေရာကို လာရောက်ပြီးတော့ နှောက်ယှက်လို့ မရအောင် တားဆီးထားတာတွေ ရှိပါတယ်။”
ဒီစီမံကိန်းရဲ့ ဘေးထွက်ဆိုးကျိုးတွေ ဖြစ်လာနိုင်မှု တွေကိုတော့ အသိပညာပေးမှုတွေကို အကျိုးဆောင် ကွန်ယက်တွေက လုပ်ဆောင်နေပြီး မုံရွာဒေသခံတွေ ကလည်း ဒီ စီမံကိန်း ရပ်တန့်ဖို့ အတွက် လှုပ်ရှားမှုတွေကို ပြီးခဲ့တဲ့ ရက်တွေက လုပ်ခဲ့ပါတယ်။ ဒီစီမံကိန်းကို မြန်မာ့စီးပွားရေး ဦးပိုင်း ကုမ္ပဏီလိမိတက်နဲ့ တရုက်ကုမ္ပဏီ မြန်မာဝမ်ပေါင် ကုမ္ပဏီတို့က ပူပေါင်း လုပ်ဆောင်ခဲ့တာ ဖြစ်ပြီး ဒေသခံတွေရဲ့ လယ်မြေဧက ၇,၈၀၀ ကျော်ကို သိမ်းယူခဲ့သလို ရွာ ၄ ရွာကိုလည်း ဖယ်ရှားခိုင်းခဲ့တဲ့ အတွက် ဒေသခံတွေက ဆန္ဒပြနေကြတာ ဖြစ်ပါတယ်။
Ref: VOA News
Read More...
Collapse...
Sunday, 09 September 2012
ကချင်ပြည်နယ် အတွင်း တပ်မတော်နှင့် ကချင်လွတ်မြောက်ရေး တပ်မတော် (ကေအိုင်အေ) အဖွဲ့တို့ အကြား တိုက်ပွဲများ ဆက်လက်ဖြစ်ပွားလျက် ရှိကြောင်း သတင်းရရှိသည်။
ကချင်ပြည်နယ်အတွင်းတွင် တပ်မတော်နှင့် ကေအိုင်အေအဖွဲ့တို့ အကြား တိုက်ပွဲများဖြစ်ပွား မှုသည် ၂၀၁၁ ခုနှစ် ဇွန်လ အတွင်းမှ စတင်ခဲ့ကာ လက်ရှိအချိန်၌ တစ်နှစ်ကျော် ကာလသို့ ရောက်ရှိခဲ့ပြီ ဖြစ်သော်လည်း တိုက်ပွဲဖြစ်ပွားမှုများ ရှိနေဆဲဖြစ်သည်ဟု သိရှိရသည်။
“ကချင်ပြည်နယ်ထဲမှာ တောင်ပိုင်းမှာ မဖြစ်ရင် မြောက်ပိုင်းမှာဖြစ်တယ်ပေါ့။ တိုက်ပွဲတွေ ဖြစ်တာကတော့ ရှိနေတာပဲ။ တပ်မတော် စစ်ကြောင်း ရွေ့လျားမှုနဲ့ ရင်ဆိုင်တွေ့ကြရင် ဖြစ်တာပဲ။ အခု ပိုပြီး လှုပ်နေတယ်။ ရှမ်းမြောက်ပိုင်းကတော့ နည်းနည်း ငြိမ်နေတယ်။ မကြာသေးခင် က ဖြစ်တာကတော့ ဖားကန့်ပေါ့”ဟု ကချင်ငြိမ်းချမ်းရေး ကွန်ရက်မှ တာဝန်ရှိသူ တစ်ဦးက ၂၀၁၂ ခုနှစ် စက်တင်ဘာလ ၈ ရက်နေ့က ပြောပြသည်။
၂၀၁၁ ခုနှစ်အတွင်း တိုက်ပွဲများ စတင်ဖြစ်ပွားရာ ဒေသသည် ကချင်ပြည်နယ် ဗန်းမော်ခရိုင် မိုးမောက် မြို့နယ်တွင် တည်ရှိသည်။ နောက်ပိုင်းတွင် တိုက်ပွဲဖြစ်ပွားမှုသည် မြစ်ကြီးနား မြို့နယ်၊ ၀ိုင်းမော် မြို့နယ်၊ မန်စီမြို့နယ် များသို့ သက်ရောက်မှုများ ရှိလာသည်ဟု သိရသည်။
၂၀၁၂ ခုနှစ် ဇန်န၀ါရီလ ပထမပတ်အတွင်းတွင် ဖားကန့်မြို့နယ်၌လည်း တိုက်ပွဲများ ဖြစ်ပွား ခဲ့သည်ဟု သိရှိ ရသည်။
ပြီးခဲ့သည့် သြဂုတ်လကုန်ပိုင်းကလည်း ဖားကန့်မြို့နယ်အတွင်း တိုက်ပွဲဖြစ်ပွား မှုများ၊ စက်တင်ဘာ လဆန်းတွင် မန္တလေး-မြစ်ကြီးနား ရထားလမ်း၌ တိုက်ပွဲဖြစ်ပွားမှု စသည်တို့ ရှိခဲ့သည်။
“စက်တင်ဘာလ ၆ ရက်နေ့ည ပိုင်းက မန္တလေး-မြစ်ကြီးနားရထား လမ်းဘက်မှာ တိုက်ပွဲဖြစ်တယ်။ ရထားလမ်း အသွား အလာ ရပ်သွား တာပေါ့။ ကုန်စည် အ၀င် အထွက်က ရထားကို အားထားနေရတော့ စိတ်ပူကြတယ်။ ဒါပေမယ့် ရထားက အခုတော့ ပုံမှန် ပြန်သွားနေပါပြီ”ဟု မြစ်ကြီးနားမြို့မှ စီးပွားရေး လုပ်ငန်း ရှင်တစ်ဦးက ၂၀၁၂ ခုနှစ် စက်တင်ဘာလ ၈ ရက်နေ့က ပြောပြသည်။
၂၀၁၁ ခုနှစ် ဇွန်၊ ဇူလိုင်လများ မှ စတင်ကာ ဒေသခံများသည် နေ ထိုင်ရာကျေးရွာများကို စွန့်ခွာမှုများ ရှိလာခဲ့သည်။ မြို့ပေါ် ကယ်ဆယ်ရေး စခန်းများ၊ ကျေးရွာများမှ သာသနိ က အဆောက်အအုံများတွင် ဖွင့် လှစ်သော ကယ်ဆယ်ရေး စခန်းများတွင် ခိုလှုံမှုများ အပြင် တောတွင်း ကယ်ဆယ်ရေး စခန်းများသို့ ရောက် ရှိ ခိုလှုံ သူများလည်း ရှိလာခဲ့သည်။
၁၉၄၈ ခုနှစ် လွတ်လပ်ရေးရရှိပြီး နောက်ပိုင်း မြန်မာနိုင်ငံတွင် တိုင်းရင်းသား လက်နက်ကိုင် မျိုးစုံ၊ အဖွဲ့အစည်း မျိုးစုံ ပေါ်ပေါက် လာပြီး ပြည်တွင်း လက်နက်ကိုင် ဆူပူမှုများဖြစ်ပွားရာတွင် ကချင်ပြည်နယ်လည်း ပါဝင် လာခဲ့သည်။
မြန်မာ့ဆိုရှယ်လစ်လမ်းစဉ်ပါ တီမှ ငြိမ်းချမ်းရေးဆွေးနွေးရန် ကမ်း လှမ်းချက်အရ ၁၉၆၃ ခုနှစ် ဇွန်လ ၁၁ ရက်နေ့တွင် ကချင် လွတ်မြောက်ရေးကောင်စီ ကိုယ်စားလှယ် အဖွဲ့ လာရောက် ဆွေးနွေးသော်လည်း သဘောတူညီမှု မရရှိခဲ့ဘဲ တိုက်ပွဲများသာ ဆက်လက်ဖြစ်ပွားခဲ့သည်။
၁၉၈၀ ပြည့်နှစ် သြဂုတ်လမှ ၁၉၈၁ ခုနှစ် မေလအထိ ၁၀ လကြာ နှစ်ဖက် အပြန်အလှန် အပစ်အခတ် ရပ်စဲခဲ့သည်။
ထို့နောက် ၁၉၉၀ ပြည့်နှစ် အောက်တိုဘာလ ၁၈ ရက်နေ့တွင် တပ်မတော် ထောက်လှမ်းရေး ကိုယ်စားလှယ် အဖွဲ့နှင့် ကချင်လွတ် မြောက်ရေး အဖွဲ့ (ကေအိုင်အို) ကိုယ်စားလှယ်အဖွဲ့ တို့ တွေ့ဆုံခဲ့သည်။၁၉၉၂ ခုနှစ် အောက်တိုဘာလ ၂၄ ရက်နေ့တွင် အစိုးရနှင့် ကေအိုင်အိုတို့ ပြန်လည်တွေ့ဆုံဆွေးနွေး ခဲ့ကြသည်ဟု မှတ်တမ်းများ အရ သိရသည်။
၁၉၉၄ ခုနှစ် ဖေဖော်ဝါရီလ ၂၄ ရက်နေ့တွင် အပစ်အခတ်ရပ်စဲရေး သဘော တူညီချက်ကို လက်မှတ်ရေး ထိုးခဲ့သည်။
အပစ်အခတ်ရပ်စဲပြီးနောက် ၁၇ နှစ်အကြာ ၂၀၁၁ ခုနှစ် ဇွန်လ ၉ ရက်နေ့တွင်မူ တပ်မတော်နှင့် ကချင် လွတ်မြောက်ရေး တပ်မတော် (ကေအိုင်အေ) တို့ အကြား တစ်ကျော့ပြန် တိုက်ပွဲများ ဖြစ်ပွားမှု ရှိလာကာ က ချင်ပြည်နယ် ဗန်းမော်ခရိုင် မိုးမောက် မြို့နယ် တာပိန်ရေအား လျှပ်စစ် တည်ရှိရာ ဒေသ တစ်ဝိုက်တွင် စတင် ဖြစ်ပွားခဲ့ခြင်းဖြစ်သည်။
၂၀၁၁ ခုနှစ် ဒီဇင်ဘာလ ၁၀ ရက်နေ့တွင် နိုင်ငံတော်သမ္မတ ဦး သိန်းစိန်သည် ကေအိုင်အေတပ်စ ခန်းများအား ထိုးစစ် မဆင်ရန် ညွှန် ကြားခဲ့ကြောင်း သိရှိရသည်။ တိုက်ပွဲများ တစ်ကျော့ပြန် ဖြစ်ပွားသည့် ၂၀၁၁ခုနှစ်ဇွန်လမှ လက်ရှိကာလ အထိ တိုက်ပွဲအကြိမ် အရေအတွက်မှာ ၂၀၀၀ ၀န်းကျင် ရှိပြီ ဖြစ်ကြောင်းလည်း လေ့လာ သိရှိသူတို့က ဆိုပါသည်။
ပြည်ထောင်စု ငြိမ်းချမ်းရေး ဖော်ဆောင်ရေးကော်မတီနှင့် ကချင် လွတ်မြောက်ရေးအဖွဲ့(ကေအိုင်အို) မှ တာဝန် ရှိသူများသည် ပြည်ထောင်စုအဆင့် သုံးကြိမ်တွေ့ဆုံခဲ့ပြီးဖြစ်ကြောင်း သိရှိရသည်။
လက်ရှိကာလသည် စစ်ဖြစ်ပွားသည့်ကာလ တစ်နှစ်ကျော်လွန်ခဲ့ပြီဖြစ်ပြီး ကချင်ပြည်နယ်တွင်း စီးပွားရေး၊ လူမှုရေးပိုင်း ဆိုင်ရာ သက်ရောက်မှုများစွာ ဖြစ်ပေါ်ခဲ့ကြောင်း ဒေသခံများက ဆိုပါသည်။
Ref: EMG News
Read More...
Collapse...
Sunday, 09 September 2012
သမ္မတ၏ ဖိတ်ကြားချက်ဟု အကြောင်းပြပြီး ပြည်တွင်းသို့ သွားရောက် ခဲ့သော ပြည်ပ အတိုက်အခံ အုပ်စုကို သမ္မတက တွေ့ဆုံရန် ငြင်းပယ် ခဲ့သည်ဟု ပြည်တော်ပြန် အဖွဲ့ဝင် တဦးက ဆိုပါသည်။
“ ကျနော်တို့ဗျာ သမ္မတနဲ့ တွေ့ဖို့ ဆိုပြီးတော့ မနေ့ကနေ ပြည်တော်မှာ သွားစောင့် ပါတယ်။ ဦးအောင်မင်း၊ ဦးစိုသိန်း၊ အလုပ် သမား ၀န်ကြီး ဦးမောင်မြင့် တို့နဲ့တော့ တွေ့ပါရဲ့ ။ ဒါပေမဲ့ သမ္မတက သူမအားတော့ပါဘူး ဆိုပြီး မတွေ့လိုက်ရဘဲ ရန်ကုန်ကို ပြန်ခဲ့ ရတယ်လေ” ဟု ဆိုပါသည်။
သမ္မတနှင့် တွေ့လိုသော ပြည်တော်ပြန် အဖွဲ့တွင် ၊ လူ့ဘောင်သစ် ပါတီဥက္ကဌ ကိုမိုးဇော်၊ ကျောင်းသား တပ်မတော် (ABSDF) ဥက္ကဌဟောင်း ကိုမိုးသီးဇွန် ကိုနိုင်အောင်နှင့် ကိုထွန်းအောင်ကျော်၊ အန်အယ်ဒီ(LA)မှ ကိုညိုအုန်းမြင့်၊ မြန်မာနိုင်ငံ အလုပ် သမား သမဂ္ဂများ အဖွဲ့ချုပ် အထွေထွေ အတွင်းရေးမှူး ကိုမောင်မောင် နှင့် တခြား အဖွဲ့ဝင်များက သွားရောက် ခဲ့ခြင်းဖြစ်ပါ သည်။
သမ္မတ၏ ဖိတ်ကြားချက်ဟု ဆိုသော်လည်း သမ္မတနှင့် တွေ့ခွင့် မရဘဲ သမ္မတရုံး၏ ၀န်ကြီး များနှင့်သာ တွေ့ခွင့် ရလိုက်ခြင်း ဖြစ်ပါသည်။ ပြည်တော်ပြန်ထဲမှ ကိုနိုင်အောင် အပါဝင် အဖွဲ့ဝင် (၇) ဦးကိုလည်း ကချင်ပြည်နယ်၌ ဖြစ်ပွားခဲ့သော ကျောင်းသား တပ်မတော် လူသတ်မှု ကိစ္စ၌ သေဆုံး သွားခဲ့သော ရဲဘော်များ၏ မိသားစုများက တရားစွဲရန် ဖြစ်လာ ခဲ့ပေသည်။
ထို့အပြင်၊ တော်လှန်ရေး ကာလ၌ ဆောင်ရွက်ခဲ့သော လိမ်လည်မှုများ၊ နစ်နာမှုများ၊ ကိုယ်ကျိုးရှာ မှုကြောင့် ထိခိုက် ခဲ့မှုများကို တရားစွဲရန် ပြင်ဆင်နေသူများလည်း ရှိသည်ဟု တရားစွဲရန် စောင့်စားနေသူ တဦးက ပြောပါသည်။
“ ဒီလိုပါဗျ၊ ၈၈ ကြောင့် တောခိုသွားတဲ့ ခေါင်းဆောင်တွေကို သိပ်လေးစား ခဲ့တယ်။ ယုံတယ်။ ပုံလည်း ပုံအပ်ခဲ့ဘူး ပါတယ်။ အဲဒီ ယုံကြည်ချက်ကို ခုတုံး လုပ်ပြီးတော့ လိမ်ကြတယ်ဗျ၊ နာမည် မပြောချင်သေးဘူး။ တရားစွဲဖို့ အခွင့်အလမ်း ကိုဘဲ စောင့် နေမယ်။ ဘ၀ ပျက်သွားတဲ့ သူတွေလဲ အများကြီးဘဲ လုပ်ဖေါ် ကိုင်ဖက်တွေ၊ ဒီတော့ ဘုရား မဟုတ်မှန်းတော့ ပြည်သူကိုဖွင့် ချဖို့ အချိန်တန် ပြီးလို့ ယူဆတယ်။ ကိုးကွယ်မှု မမှားအောင်လို့ပါ။ ဘုရားမဟုတ်ဘူး တောင်ပို့ပါဗျာ။ တခုတော့ပြောထား မယ် စစ်မှန်တဲ့ တော်လှန်ရေး သမား အားလုံးကို ပြောတာ မဟုတ်ဘူးနော်”ဟု ရန်ကုန်ကို ရောက်ရှိနေတဲ့ ၈၈ အရေးအခင်းမှ တောခို ကျောင်းသားဟောင်း တဦးက ဆိုပါသည်။
အစိုးရသည် ပြည်တော်ပြန် များကို ပုဂ္ဂိုလ်အရ တဦးချင်း ဖိတ်ကြား ခဲ့ခြင်းသာ ဖြစ်ပါသည်။ ၄င်းတို့ကိုလည်း နာမည်ပျက်စာ ရင်းမှ ပယ်ဖျက် ပေးခဲ့ပါသည်။ သို့သော် ၄င်းတို့ ပါဝင် ပတ်သက်နေသော အဖွဲ့အစည်းကို ဥပဒေအရ မတရား အသင်းကနေ လွတ်ငြိမ်းချမ်း သာခွင့် ပေးနေခြင်း မဟုတ်ပေ။ ဥပမာ မြန်မာနိုင်ငံ အလုပ်သမား သမဂ္ဂများ အဖွဲ့ချုပ် အထွေထွေ အတွင်းရေးမှူး ကိုမောင်မောင်ကို ပုဂ္ဂိုလ်အရ ဖိတ်ကြား ခဲ့သော်လည်း ၄င်း၏ အဖွဲ့ကိုမူ တရားမ၀င် အသင်းမှ ပယ်ဖျက်ပေးခဲ့ခြင်း မဟုတ်ပေ။
ဤသို့ကြောင့် ပြည်တော်ပြန်များနှင့် ပါဝင် ပါတ်သက်နေသော အဖွဲ့အစည်း ၀င်များက ဤအခြေ အနေကို သတိထား ကြရန် ဖြစ်သည်ဟု ၈၈ တောခိုကျောင်း သားဟောင်းများက သတိပေးနေပါသည်။
၁၉၆၃ ခုနှစ်တွင် အိမ်စောင့် အစိုးရ ဦးနေ၀င်းသည်၊ ပြည်တွင်း ငြိမ်းချမ်းရေး အတွက် တွေ့ဆုံ ဆွေးနွေးရေး လမ်းစဉ်ကို တော တွင်း အတိုက်အခံ အဖွဲ့ မှန် သမျှကို ဖိတ်ကြား ခဲ့ပါသည်။ တောမှ မြို့ပေါ် တက်လာသော ခေါင်းဆောင် များသည် မြို့ပေါ်ရှိ ၄င်းတို့၏ မြေအောက် အဖွဲ့အစည်း များနှင့်ပါ တွေ့ဆုံကြပါသည်။ အချိန် ကာလ တခုကို ပေးထားပြီးနောက် ဗိုလ်ချုပ်ကြီးနေ၀င်းသည် ၊ သဘော တူညီချက် မရပါဟု အကြောင်းပြကာ တွေ့ဆုံ ဆွေးနွေးရေးကို ဖျက်ပြီး လိုက်လံ တိုက်ခိုက် ခဲ့ပါသည်။
ဤအထဲတွင် တွေ့ဆုံ ဆွေးနွေးရေး ကာလ၌ မျက်နှာပြခဲ့ကြသော မြေအောက် အုပ်စုဝင် အားလုံး နီးပါးသည် ထောင်နန်း စံရ ခြင်း၊ သတ်ပစ် ခံရခြင်း၊ ဘ၀ပေါင်း များစွာ နှိပ်စက် ခံရပြီး ဘ၀ ပျက်ခဲ့ကြရသည်ဟု လက်တွေ့ဖြစ်ခဲ့ သူများက ဆိုပါသည်။ ဤအဖြစ် အပျက်ကို ယခုအချိန်ထိ သမိုင်းမှီသူများ ဒုနဲ့ဒေး ရှိနေဆဲဖြစ်ပါသည်။
ယခု၌လည်း ပြည်တော်ပြန်များသည်၊ မိမိတို့ ဆိုင်ရာဆိုင်ရာ အုပ်စုများနှင့် တွေ့ဆုံ ဆွေးနွေးနေကြ ပါသည်။ ဘယ်သူက ဘယ်သူ့ကို ဘာကိစ္စ ဆွေးနွေး ခဲ့သည်မှာ မိမိတို့အပြင် အပြင်လူလည်း သိရှိနိုင်ပါ လိမ့်မည်။ ဤကိစ္စအတွက် ပြည်တွင်း လှုပ်ရှား နေသူများ သတိထားကြရန် လိုအပ်ကြောင်း ၁၉၆၃ ငြိမ်းချမ်းရေး ဆွေးနွေး ခဲ့စဉ်က ပါဝင်ခဲ့သူများမှ သတိပေးနေပါသည်။
Ref: ရွှေဟင်္သာ
Read More...
Collapse...
Posts
