2012-10-11
အမျိူးသားဒီမိုကရေစီအဖွဲ့ချုပ် ဥက္ကဌ ၊ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်း စုကြည်ဟာ ဒီကနေ့ မနက်ပိုင်းမှာ ရန်ကုန်တိုင်းဒေသကြီး ၊ သုံးခွမြို့နယ်ကို သွားရောက်ခဲ့ပြီး မြို့နယ်တွင်းက ပါတီဝင်တွေကြား သဘောထား ကွဲလွဲမှုတွေ အတွက် သူ့အနေနဲ့ ပြည်သူတွေကို တောင်းပန်ပါတယ်လို့ သုံးခွမြို့နယ် ဒေသခံပြည်သူတွေကို ပြောကြား ခဲ့ပါတယ်။
သုံးခွမြို့နယ် အမျိုးသားဒီမိုကရေစီ အဖွဲ့ချုပ်ရုံးမှာ စောင့်ဆိုင်းနေကြတဲ့ သုံးခွမြို့နယ် ဒေသခံပြည်သူတွေ ကို မိန့်ခွန်းပြောရာမှာ အဲဒီလို ထည့်သွင်းပြောဆို ခဲ့တာပါ။
"အခု သုံးခွမြို့နယ်က အမျိုးသားဒီမိုကရေစီ အဖွဲ့ချုပ်ထဲမှာ ကွိကျိကွိကျိနဲ့ စကားများနေကြတယ် ဆိုတာ ကြားကြလား ၊ (ကြားပါတယ်) ၊ အဲဒါအတွက် တောင်းပန်ပါတယ်၊ ကျွန်မတို့ရဲ့ အဖွဲ့ချုပ်က ဒီလိုပဲ ပြည်သူလူထုတွေ စိတ်မချမ်းသာအောင်လို့ အချင်းချင်း စကားများတာတွေ ၊ အချင်းချင်း မတည့်တာတွေ ဖြစ်တာတွေ အတွက်ကို တောင်းပန်ပါတယ်၊ ဒါပေမယ့်လည်း ဒါအတွက်လည်း သိပ်ပြီးတော့ မစိုးရိမ်ပါနဲ့လို့ ကျွန်မပြောချင်ပါတယ်၊ ဒါဟာ ဖြစ်ရိုးဖြစ်စဉ်ပါပဲ ၊ ကျွန်မတို့ အမျိုးသား ဒီမိုကရေစီ အဖွဲ့ချုပ်က အဖွဲ့အတွင်း မှာတော့ တစ်ယောက်နဲ့ တစ်ယောက် စကားများကြတယ် ဘာတယ်ဆိုတာ ပြည်သူတွေက ကြားတယ်ဆိုတော့ ဒါ ကျွန်မတို့ အတွက် အင်မတန်မှ ဝမ်းနည်းစရာဖြစ်တယ်၊ ဒါပေမယ့်လည်း အဲဒီ့ဟာဟာ စိုးရိမ်စရာ မဟုတ်ပါဘူးဆိုတာ ကျွန်မပြောချင်ပါတယ်၊ ထိန်းသွားပါ၊ ကျွန်မတို့ အဖွဲ့ချုပ်ကိုရော ဘယ်အဖွဲ့အစည်းကိုရော မဆို ပြည်သူတွေက ထိန်းသွားရမယ်၊"
သုံးခွမြို့နယ်ဟာ သောက်သုံးရေး ရှားပါးတဲ့ ပြဿနာကို နှစ်စဉ် ကြုံတွေ့ရတဲ့ မြို့နယ် တစ်ခုလည်းဖြစ်ပါတယ်။ ဒေါ်အောင်ဆန်းစုကြည်က ရေကိစ္စကို အရေးကြီး ကိစ္စလို့ သတ်မှတ်ပြီး စတင်ဆောင်ရွက်တော့မယ်လို့ ပြောပါတယ်။
"ရေကတော့ ကျွန်မကတော့ အရေးအကြီးဆုံးလို့ သတ်မှတ်ပါတယ်၊ သဘော တူရဲ့လား ၊ (တူပါတယ်) အဲဒီ့တော့ ရေနဲ့ ပတ်သတ်လို့တော့ ကျွန်မတို့ အဓိက ထားပြီးတော့ စပြီးတော့ ကူညီဖို့ ကြိုးစားပါမယ်၊ နောက် တတ်နိုင်သမျှ တဖြည်းတဖြည်းပေါ့နော် ၊ ကျွန်မတို့ ဒီဟာတွေကို လုပ်နိုင်ဖို့ ကြိုးစား သွားပါမယ်၊ အခု ခြောက်သွေ့ ရာသီလည်းရောက်တော့မယ် ဆိုတော့ ကျွန်မတို့ မြန်မြန်ဆန်ဆန် လုပ်နိုင်မယ်လို့ မျှော်လင့်ပါတယ်"
ဒေါ်အောင်ဆန်းစုကြည်ဟာ သုံးခွမြို့ အမှတ်(၄)ရပ်ကွက်မှာ ရှိတဲ့ အမျိုးသား ဒီမိုကရေစီ အဖွဲ့ချုပ် ပါတီ ရုံးခန်းကနေ သုံးခွမြို့ ၊ မြို့နယ် အထွေထွေ အုပ်ချုပ်ရေး ဦးစီးဌာန အုပ်ချုပ်ရေးမှူးရုံးကို သွားရောက်ခဲ့ပြီး တာဝန်ရှိသူတွေနဲ့ တွေ့ဆုံဆွေးနွေး ခဲ့ပါတယ်။
Ref: RFA News
Friday, October 12, 2012
သုံးခွမြို့နယ် အန်အယ်လ်ဒီ အဖွဲ့တွင်း ကိစ္စတွေ အတွက် ပြည်သူတွေကို တောင်းပန်ကြောင်းပြော
ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော် ဇော ဈာပန အကျဉ်းချုံး ပြုလုပ်
မခွာညို
11.10.2012
မြန်မာလွတ်လပ်ရေးလှုပ်ရှားမှု နဲ့ ဖက်ဆစ်ဆန့် ကျင်ရေးမှာ ဦးဆောင်ပါဝင်ခဲ့သူ ရဲဘော် သုံးကျိပ်ဝင် ဗိုလ်မှူးချုပ်ဟောင်း ကျော်ဇော ရဲ့ ဈာပနကို ဒီကနေ့ မနက်ပိုင်း တရုတ်နိုင်ငံ ယူနန်ပြည်နယ် ကူမင်းမြို့မှာ အကျဉ်းရုံး ကျင်းပခဲ့ပြီးတော့ မီးသဂြိုလ် ခဲ့ပါတယ်။ ကြွင်းကျန်တဲ့ အရိုးပြာကိုတော့ တစ်ချိန်ချိန်မှာ မြန်မာပြည်ကို ပြန်ပို့ပေးမှာဖြစ်ကြောင်း သားဖြစ်သူ ဦးအောင်ကျော်ဇောက အခုလို ပြောပါတယ်။
"မနက်ပိုင်းမှာပဲ ဒီနေ့ မနက်ပိုင်းလောက် ကျနော်တို့ တခုမှမပါဘဲ မီးသဂြိုလ်တာကတော့။ ဖေဖေ့ရဲ့ စိတ်ဆန္ဒ အတိုင်းပဲ အရိုးအရှင်း ဆုံးနဲ့ ကျနော်တို့ အရိုးပြာကို ဇာတ်သိမ်း ခဲ့တယ်ပေါ့ဗျာ။ အရိုးပြာကတော့ ကျနော်တို့ တစ်ရက်ရက်မှာ ကျနော်တို့ ပြန်နိုင်ရင်ပြန်ပေါ့ မပြန်နိုင်တဲ့ အခါမှာတော့ အရိုးပြာကို ဗမာပြည်ကိုရောက်အောင်ပို့မယ်။"
ဗိုလ်မှူးချုပ်ဟောင်း ကျော်ဇောဟာ အောက်တိုဘာလ ၁၀ရက်နေ့ မနက် ၃နာရီခွဲမှာ ကူမင်းမြို့ဆေးရုံကြီးမှာ ကွယ်လွန် သွားခဲ့တာပါ။ အသက် ၉၃နှစ်အရွယ် ရှိပြီဖြစ်တဲ့ ဗိုလ်မှုးချုပ်ဟောင်း ကျော်ဇောဟာ ပြီးခဲ့တဲ့ ၂လလောက်ကတည်းက အဆုတ်ရောင်ရောဂါကြောင့် အရေးပေါ်ခန်းမှာ ဆေးကုသမှု ခံယူနေခဲ့တာဖြစ်ပါတယ်။ ပြီးခဲ့တဲ့လ အတွင်းကတော့ ဗိုလ်မှူးချုပ်ဟောင်း ကျော်ဇောဟာ ဆေးရုံတက် ကုသနေစဉ် သူမသေခင် မှာ ရွှေတိဂုံ စေတီတော် ကို ဖူးချင်ကြောင်း ထုတ်ဖော်ပြောဆိုခဲ့ ပါတယ်။ မြန်မာအစိုးရ က်ကလည်း ရဲဘော်သုံးကျိပ် အဖွဲ့ဝင် တစ်ဦးအနေနဲ့ပြန်လာဖို့ ကမ်းလှမ်း ထားပြီးတဲ့နောက်မှာ ကွယ်လွန် သွားခဲ့တာပါ။
ဗမာပြည်ကွန်မြူနစ်ပါတီ ကတော့ ဗိုလ်မှူးချုပ်ဟောင်း ကျော်ဇောရဲ့ အရိုးပြာအိုးကို ရန်ကုန်မြို့ ရွှေတိဂုံဘုရား တောင်ဖက် မုဒ်က သခင် ကိုယ်တော်မှိုင်းရဲ့ အုပ်ဂူခြေရင်းမှာ မြှုတ်နှံဖို့ ဆန္ဒရှိတယ်လို့ ဖော်ပြထားပါတယ်။ ဒါပေမယ့်လည်း ကျန်နေတဲ့ အရိုးပြာကို
ဘယ်လို စီမံမလဲဆိုတာ မိသားစုအပေါ်မှာပဲ မူတည်တယ် လို့လည်းပြောပါတယ်။
ဗိုလ်မှုးချုပ်ဟောင်း ကျော်ဇော ကွယ်လွန်ချိန်မှာတော့ သားသမီးများဖြစ်ကြတဲ့ ဒေါက်တာ ဒေါ်လှကျော်ဇော၊ ဒေါ်စန်းကျော်ဇော နဲ့
ဦးအောင်ကျော်ဇော တို့ ကျန်ရစ်ခဲ့ပါတယ်။ ဒီလကုန်ပိုင်း မှာတော့ ဗိုလ်မှုးချုပ်ဟောင်း ကျော်ဇောရဲ့ ကိုယ်တိုင်ရေး အတ္ထုပတ္တိပေါင်းချုပ် ဖြစ်တဲ့ "ဆိုင်းစုမှသည် မန်ဟိုင်းဆီသို့" ဆိုတဲ့ စာအုပ်ကို မြန်မာပြည်တွင်းမှာ ထုတ်ဝေမှာဖြစ်ပါတယ်။
Ref: VOA News
မြန်မာရဲ့ နိုင်ငံခြားကြွေးမြီ အချို့ ဂျပန် ယာယီ စိုက်ထုတ် ပေးမည်
မခင်ဖြူထွေး
11.10.2012
လာမယ့် ၂၀၁၃ ခုနှစ်မှာ မြန်မာနိုင်ငံကို ငွေ ပြန်ချေးနိုင်ဖို့ ဂျပန်နိုင်ငံက ပြင်ဆင် နေတဲ့ အကြောင်း ဂျပန် ဘဏ္ဍာရေး ၀န်ကြီး က ပြောပါတယ်။ မြန်မာနိုင်ငံ ဘက်က နိုင်ငံတကာကို ပြန်မဆပ်နိုင်ဘဲ ကျန်နေတဲ့ ကြွေးမြီိကိစ္စနဲ့ ပတ်သက်ပြီးတော့ ဆွေးနွေးခဲ့ကြတဲ့ တိုကျိုညီလာခံ အတွင်းမှာ ဂျပန်ဘဏ္ဍာရေးဝန်ကြီး Koriki Jojima က ခုလို ပြောသွားတာပါ။ အပြည့်အစုံကို မခင်ဖြူထွေးက ပြောပြပေးထားပါတယ်။
မြန်မာနိုင်ငံရဲ့ အခြေခံ အဆောက်အအုံ ဖွံ့ဖြိုးတိုးတက်ရေး လုပ်ငန်းတွေမှာ ကူညီပေးနိုင်ဖို့ အတွက် မြန်မာနိုင်ငံကို ငွေ ပြန်ချေးဖို့ ဂျပန်နိုင်ငံက ပြင်ဆင်နေတာပါ။ ဒီလို ငွေပြန်ချေးနိုင်ဖို့မှာ အရင်က ပြန်မဆပ်နိုင်ဘဲ ကျန်နေတဲ့ လက်ကျန်ကြွေးတွေကို အရင် ရှင်းဖို့ လိုအပ်တာ မို့ မြန်မာနိုင်ငံတင်နေတဲ့ အကြွေး ၆၀ ရာခိုင်နှုန်းကို ရှေ့နှစ် ၂၀၁၃ ခုနှစ်ကျရင် လျှော်ပေးပြီးတော့ အဲဒီရှေ့နှစ် ထဲမှာပဲ မြန်နိုင်သမျှ အမြန်ဆုံး နှုန်း နဲ့ မြန်မာနိုင်ငံကို ငွေပြန်ချေးတာတွေ လုပ်ပေးဖို့ ဂျပန်နိုင်ငံက စီစဉ်နေတဲ့ အကြောင်း ဂျပန်ဘဏ္ဍာရေးဝန်ကြီး Koriki Jojima က ဒီကနေ့ပဲ တိုကျိုညီလာခံ အစမှာ ပြောသွားခဲ့တာပါ။
မြန်မာနိုင်ငံအနေနဲ့ ကမ္ဘာ့ဘဏ်ကို ပြန်ဆပ်ရမယ့် ဒေါ်လာ သန်း ၄၀၀ နီးပါးနဲ့ အာရှဖွံ့ဖြိုးရေး ဘဏ်ကို ပေးရမယ့် ဒေါ်လာ သန်း ၅၀၀ နီးပါးကိုလည်း ပြန်ဆပ်နိုင်ဖို့လည်း ဂျပန်အစိုးရနဲ့ ဆက်စပ်နေတဲ့ နိုင်ငံတကာ ပူပေါင်းဆောင်ရွက်ရေး ဂျပန်ဘဏ် က မြန်မာကို ယာယီ ငွေထုတ်ချေးပေးမယ့် အကြောင်းလည်း မစ္စတာ ဂျိုဂျီမာ က ပြောပါတယ်။
“မြန်မာနိုင်ငံရဲ့ အကြွေးလက်ကျန်တွေကို ရှင်းတဲ့ လုပ်ငန်းစဉ်တရပ်ကို ရှေ့နှစ်ဇန်န၀ါရီလထဲမှာ အကောင် အထည်ဖော်ဖို့ ဂျပန်နိုင်ငံက ဆုံးဖြတ် ထားတယ် ဆိုတာကို ၀မ်းသာစရာ ကျနော် အသိပေးပါတယ်။ ၁၉၈၇ ခုနှစ် ကတည်းက စလို့ မြန်မာနိုင်ငံဘက်က အရင်း အတိုးပါ ပြန်ဆပ်ရမယ့် အကြွေးတွေကို ဂျပန်အစိုးရက ပြန်ဆပ်နိုင်အောင် လုပ်ပေးတာ၊ လျှော်ပစ်တာတွေ လုပ်ပေးသွားပါမယ်။”
ပြီးခဲ့တဲ့ ဧပြီလကပဲ မြန်မာနိုင်ငံရဲ့ အကြွေး ဒေါ်လာသန်းပေါင်း ၃ ထောင့် ၇ ရာကို ဂျပန်အစိုးရ က လျှော်ပစ်ပေးခဲ့တာပါ။ ခုတခါ ဒေါ်လာ သန်းပေါင်း ၆ ထောင်ကျော် ဇန်န၀ါရီလထဲမှာ ထပ်ပြီး လျှော်ပေးမှာ ဖြစ်သလို ပြုပြင် ပြောင်းလဲရေးတွေ မြန်မြန်ဆန်ဆန် လုပ်လာနေတဲ့ မြန်မာနိုင်ငံ ကို ရှေ့နှစ်ထဲမှာပဲ ငွေ ပြန်ချေးပေးသွားမှာလို့လည်း ဂျပန်က ဆိုလိုက်တာပါ။ မြန်မာနိုင်ငံတွင်း ဂျပန်ကုမ္ပဏီတွေ ရင်းနှီးမြှုပ်နှံတဲ့နေရာမှာ လွယ်လွယ် ကူကူ ဆောင်ရွက်နိုင်တဲ့ အခြေအနေတွေ ဖန်တီးဖို့နဲ့ အရေးပေါ် လိုအပ်နေတဲ့ အခြေခံ အဆောက်အအုံ တည်ဆောက်ရေး အပိုင်းတွေမှာ ရင်းနှီးမတည်ပေးတဲ့ အနေနဲ့ ခုလို အကြွေးတွေကို ဂျပန်က လျှော်ပေးခဲ့တာပါ။
ခုလို ဂျပန်အစိုးရက အကြွေး အတော် များများကို လျှော် ပေးလိုက်တဲ့ အပေါ်မှာ မြန်မာပြည်သူတွေ ရဲ့ အစား ကျေးဇူးတင်တဲ့ အကြောင်း မြန်မာ ဘဏ္ဍာရေးဝန်ကြီး ဦးဝင်းရှိန်က ပြောခဲ့ပါတယ်။
“မြန်မာနိုင်ငံရဲ့ လက်ကျန်ကြွေးတွေ ရှင်းနိုင်အောင် ဂျပန်အစိုးရက ကူညီဆောင်ရွက်ပေးတဲ့ အတွက် မြန်မာနိုင်ငံသူ နိုင်ငံသားတွေရဲ့ ကိုယ်စား ဂျပန်အစိုးရကို ထပ်ပြီးတော့ လှိုက်လှိုက်လဲလဲ ကျေးဇူးတင်ပါတယ်။” - လို့ ဦးဝင်းရှိန်က ပြောသွားတာပါ။ မြန်မာနိုင်ငံ အနေနဲ့ ပြုပြင် ပြောင်းလဲမှုတွေ ဆက်ပြီး လုပ်သွားမယ့် အကြောင်းလည်း ၀န်ကြီး ဦးဝင်းရှိန်က ပြောခဲ့ပါတယ်။
“ဒီမိုကရေစီနည်းကျတဲ့၊ အစုအဖွဲ့အားလုံး ပါဝင်တဲ့၊ ငြိမ်းချမ်းပြီး ရေရှည်ခံတဲ့ စီးပွားရေး ဖွံ့ဖြိုးတိုးတက်တဲ့ မြန်မာနိုင်ငံတော်သစ်ကို တည်ဆောက်ပြီးတော့ ဒေသတွင်းမှာလည်း အင်အား ရှိရှိနဲ့ အားလုံး အတူတကွ လက်တွဲ လုပ်ဆောင်နိုင်တဲ့ အာရှဒေသ
တည်ဆောက်ရေး ဆိုတဲ့ တပြေးညီ ရည်မှန်းချက်ကို ပေါက်မြောက် အောင်မြင်အောင် ဆောင်ရွက် တဲ့နေရာမှာ လည်း တတတ်တအား ပါဝင် ဆောင်ရွက်သွားမှာ ဖြစ်တယ်" လို့ မြန်မာဘဏ္ဍာရေး ၀န်ကြီးက ပြောသွားတာပါ။
ဂျပန်နိုင်ငံဟာ မြန်မာကို အကြွေးအများဆုံး ပေးထားတဲ့ နိုင်ငံတွေထဲက တခုဖြစ်ပါတယ်။ ကမ္ဘာ့ အဆင်းရဲဆုံး နိုင်ငံ တခုဖြစ်တဲ့ မြန်မာနိုင်ငံ အနေနဲ့ စီးပွားရေးနဲ့ နိုင်ငံရေး ပြုပြင် ပြောင်းလဲမှုတွေ လုပ်လာခဲ့ပြီးတဲ့နောက် အနောက်နိုင်ငံတွေက မြန်မာအပေါ်
ချမှတ်ထားတဲ့ ပိတ်ဆို့ ဒဏ်ခတ် မှုတွေကို ပြန်လည် ရုပ်သိမ်းအောင် ဆောင်ရွက်နိုင်ခဲ့ သလို ခုလို ဂျပန်အစိုးရ ဘက်ကလည်း ငွေကြေး ဆိုင်ရာ အထောက်အကူပေးတာတွေလည်း ပြန်ရလာတာ ဖြစ်ပါတယ်။
အခုလို ဂျပန်နိုင်ငံက မြန်မာနိုင်ငံရဲ့ အကြွေးတွေ ပြန်လျှော်ပြီး အကူအညီတွေ ပေးမှာဖြစ်တဲ့ အတွက် စွမ်းအင်နဲ့ မိုင်းလုပ်ငန်းက စလို့ စိုက်ပျိုးမွေးမြူရေး၊ ဘဏ္ဍာရေးနဲ့ ခရီးသွားလာရေး လုပ်ငန်း ပြန်လည် တည်ဆောက်ရေးတွေမှာ ပါဝင်ဆောင်ရွက်နေတဲ့ နိုင်ငံခြား ကုမ္ပဏီတွေ အတွက် အခွင့်အလမ်းကောင်းတွေ ပိုပြီး ရှိလာနိုင်တယ်လို့ လေ့လာ အကဲခတ်သူတွေက သုံးသပ် ပြောဆိုနေကြပါတယ်။
Ref: VOA News
ငြိမ်းချမ်းရေး ကိုယ်စားလှယ်အဖွဲ့နဲ့ SSA မြောက်ပိုင်းအဖွဲ့ ဆွေးနွေး
2012-10-10
မြန်မာအစိုးရ နဲ့ SSA မြောက်ပိုင်း တပ်မတော်ကြား ဖြစ်ပွားနေတဲ့ ပဋိပက္ခတွေကို ဖြေရှင်းနိုင်ဖို့ အတွက် အစိုးရ ငြိမ်းချမ်းရေး ကိုယ်စားလှယ် အဖွဲ့ ခေါင်းဆောင် ၀န်ကြီး ဦးအောင်မင်း ဦးဆောင်တဲ့ အဖွဲ့ နဲ့ ရှမ်းပြည်တပ်မတော် (မြောက်ပိုင်း) တပ်ဖွဲ့ ခေါင်းဆောင်တွေ ဒီကနေ့ လားရှိုးမြို့မှာ တွေ့ဆုံ ဆွေးနွေးကြကြောင်း သိရပါတယ်။
ဒီကနေ့ ဆွေးနွေးပွဲဟာ ၄ နာရီလောက် ကြာမြင့်ပြီး နှစ်ဘက် ဆွေးနွေးမှုတွေဟာ အပြုသဘောဆောင်ပြီး တိုးတက် မှုတွေ ရှိခဲ့တယ်လို့ ငြိမ်းချမ်းရေး အကျိုးဆောင်အဖွဲ့က ဦးလှမောင်ရွှေက အာရ်အက်ဖ်အေကို ပြောပါတယ်။
မြန်မာအစိုးရဘက်က ၀န်ကြီးဦးအောင်မင်း နဲ့ အတူ လုပ်ငန်းကော်မတီ ဥက္ကဋ္ဌ ဦးသိန်းဇော်၊ ရှမ်းပြည်နယ် ၀န်ကြီးချုပ်၊ အရှေ့အလယ်ပိုင်း တိုင်းမှူး နဲ့ ပြည်ထောင်စု ဒုဝန်ကြီးတွေ၊ တိုင်းဒေသကြီး ၀န်ကြီးတွေ တက်ရောက်ခဲ့ကြကြောင်း သိရပါတယ်။
ဒီကနေ့ ဆွေးနွေးပွဲမှာ သဘောတူညီမှုတွေ တစ်စုံတစ်ရာ ရခဲ့ပေမယ့် နှစ်ဘက် သဘောတူ လက်မှတ်ရေးထိုးခြင်း မရှိသေးဘူးလို့ ဆိုပါတယ်။ မနက်ဖြန်မှာလည်း မြန်မာအစိုးရ ငြိမ်းချမ်းရေး အဖွဲ့ နဲ့ SSA ရှမ်းပြည် တပ်မတော် (မြောက်ပိုင်း) ခေါင်းဆောင်တွေ ဆက်လက်ပြီး ဆွေးနွေးဖို့ ရှိကြောင်း သိရပါတယ်။
Ref: RFA News
ငြိမ်းချမ်းရေးနေ့ လမ်းလျှောက်သူများ တရားရုံး ၁၀ ခုတွင် အမှုဖွင့် ခံထားရ
ဖနိဒါ
ကြာသပတေးနေ့၊ အောက်တိုဘာလ ၁၁ ရက် ၂၀၁၂
ချင်းမိုင်(မဇ္စျိမ) ။ ။ ပြည်တွင်းစစ် ရပ်စဲရန် ငြိမ်းချမ်းစွာ ချီတက်လမ်းလျှောက်ပွဲအား ဦးဆောင်ခဲ့သူ လေးဦးကို ရန်ကုန်တိုင်း အတွင်းရှိ ၁ဝ မြို့နယ် တရားရုံးများက တရားစွဲဆိုခြင်းသည် သမ္မတ၏ ငြိမ်းချမ်းရေး ဖော်ဆောင်မှုနှင့် မကိုက်ညီကြောင်း တရား စွဲဆိုခြင်း ခံထားရသူ ကိုမိုဃ်းသွေး က ပြောသည်။
၎င်းမှာ အပြောနှင့် အလုပ် မညီသကဲ့သို့ နိုင်ငံတကာတွင် မြန်မာနိုင်ငံကို သိက္ခာကျစေကြောင်း ပြောဆိုလိုက်ခြင်း ဖြစ်သည်။
“တရားစွဲတယ်ဆိုတာပဲ တရားလွန်နေပြီ။ ဒီငြိမ်းချမ်းရေးနေ့မှာ မြန်မာတနိုင်ငံတည်း ကျင်းပတာ မဟုတ်ဘူး။ အနီးစပ် ဆုံး တရုတ်နိုင်ငံမှာ ဆိုရင်လည်း အခမ်းအနားတွေ လုပ်ပြီးတော့ ကျင်းပကြတယ်။ အဲဒီမှာဆို မြန်မာပြည်က ပြည်ထောင်စု လွှတ်တော် နာယက ဦးခင်မောင်မြင့် ကိုယ်တိုင် သွားပြီး တလေးတစားနဲ့ သွားတက်ခဲ့တဲ့ အခမ်းအနား မျိုး ဖြစ်တယ်။ ကျနော်တို့ ပြည်သူတွေ အနေနဲ့လည်း လွတ်လွတ်လပ်လပ် ကျင်းပခွင့် ပေးသင့်တယ်” ဟု ငြိမ်းချမ်းရေး ကွန်ယက်မှ တာဝန်ခံ ကိုမိုဃ်းသွေး က မဇ္ဈိမကို ပြောသည်။
ကိုမိုဃ်းသွေး အပါအဝင် ကိုကျော်ကျော်ဗိုလ်၊ မခင်စန္ဒာညွန့်နှင့် မဖွေးယုမွန်တို့ လေးဦးကို ငြိမ်းချမ်းစွာ စီတန်း လှည့်လည်ခွင့် ဆိုင်ရာ ဥပဒေ ပုဒ်မ ၁၈ ဖြင့်လှိုင်မြို့နယ် တရားရုံးက အောက်တိုဘာလ ၅ ရက်နေ့က ပထမဆုံး အကြိမ် ရုံးချိန်းဆိုခဲ့ပြီး သတ်မှတ်ထားသော ရုံးချိန်းရက်များ တက်ရောက်ခြင်း မရှိပါက ကျပ်ငွေ သုံးသိန်း ပေးလျှော်ရမည် ဆိုသည့် ခံဝန် လက်မှတ် ရေးထိုးခဲ့သည်ဟု သူက မဇ္စျိမကို ပြောသည်။
ဆူးလေမှ အင်းလျားကန်ဘောင်လမ်းထိ ငြိမ်းချမ်းရေးဆန္ဒဖော်ထုတ်ခဲ့သဖြင့် ကျောက်တံတား၊ ပုဇွန်တောင်၊ ဗိုလ်တထောင်၊ မင်္ဂလာတောင်ညွန်၊ တာမွေ၊ ဗဟန်း၊ စမ်းချောင်း၊ ကြည့်မြင်တိုင်၊ ကမာရွတ်နှင့် လှိုင်မြို့နယ် တရားရုံး များမှ စွဲဆိုခဲ့သဖြင့် “ကျနော်တို့ အနေနဲ့ နေ့တိုင်းလို တရားရုံးတွေ သွားနေရတော့ အချိန်လည်း ကုန်တယ်။ စိတ်လည်း ပင်ပန်းတယ် သွားရေးလာရေး ခက်တယ်။ ကိုယ့်အလုပ်တွေ ပျက်တယ်။ ပြီးတော့ ကျောင်းသားတွေလည်း ပါတယ် ဆိုတော့ ခုဆို အနီးကပ် သင်တန်း တက်ရမယ်” ဟု အခက်အခဲ များကို ကိုမိုးသွေးက ပြောပြသည်။
ထိုအမှုအတွက် ရှေ့နေများ ကွန်ယက်မှ တရားရုံးချုပ် ရှေ့နေ ဦးကိုကိုကြီး၊ ဦးအောင်သိန်းတို့အပြင် တခြား တရား လွှတ်တော် ရှေ့နေများနှင့် တိုင်ပင်နေသည်ဟု သိရသည်။
“အကြောင်းချင်းရာ တခုတည်းပေါ်မှာ နယ်မြေပေါ်မှာ ဖြတ်သန်းလျှောက်သွားရုံနဲ့ အဲဒီနယ်မြေ တခုချင်းအလိုက် မြို့နယ် အလိုက် စွဲမယ်ဆိုရင် ဒါက အမှုသည်တွေ အပေါ်မှာ ပင်ပန်း ဆင်းရဲအောင် တမင်ပြုလုပ်တယ် ဆိုတဲ့ ရည်ရွယ် ချက် ပေါ်နေတယ်။ ဒါ မဖြစ်သင့်ဘူး ဆိုတဲ့ဟာ ပေါင်းပေးဖို့ လျှောက်မှာပါ။ မပေါင်းပေးဘူးဆိုရင် အဆင့်မြင့်ရုံး တက်ပြီးတော့ လျှောက်မှာပဲ” ဟု တရားရုံးချုပ် ရှေ့နေကြီး ဦးအောင်သိန်း က မဇ္စျိမကို ပြောသည်။
ကြာသပတေးနေ့ ကမာရွတ်မြို့နယ် တရားရုံးကလည်း အောက်တိုဘာလ ၁၈ ရက်နေ့သို့ ထပ်မံ ရုံးချိန်းပေးလိုက် သည်။
သောကြာနေ့မှာ ဗဟန်းမြို့နယ် တရားရုံးက ဆင့်ခေါ်ထားပြီး လာမည့်အပတ် တနင်္လာနေ့တွင် လှိုင်မြို့နယ် တရားရုံး၊ အောက်တိုဘာလ ၁၆ ရက်နေ့တွင် ဗိုလ်တထောင် တရားရုံးတို့က အသီးသီး ဆင့်ခေါ်ထားသည်။
ဗုဒ္ဓဟူးနေ့ကလည်း ကချင်ငြိမ်းချမ်းရေးကွန်ယက် မှ ကိုဂျော်ဂွန်းနှင့် မမေစံပယ်ဖြူတို့ကို ဒဂုံမြို့နယ်နှင့် စမ်းချောင်း မြို့နယ်တွင် ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေ ပုဒ်မ ၁၈ ဖြင့် စွဲဆို စစ်ဆေးခဲ့သည်။
ပြစ်မှုဆိုင်ရာ ကျင့်ထုံးဥပဒေ ပုဒ်မ ၁၃၄ အရ ပြစ်မှုများကို သုံးမှုအထိ ပေါင်း၍ တပေါင်းတည်း စစ်ဆေးရန် အတွက် ရန်ကုန်တိုင်း၊ အနောက်ပိုင်း ခရိုင် တရားရုံးတွင် လျှောက်ထားချက်အား တရားသူကြီး ဒေါ်ခင်သန့်စင် က ပယ်ချခဲ့ သည်။
ထို့ကြောင့် ၎င်းတို့ နှစ်ဦးသည်လည်း အခြား ဗိုလ်တထောင်၊ ပုဇွန်တောင်၊ မင်္ဂလာတောင်ညွန့်နှင့် တာမွေ စသည့် မြို့နယ်များတွင် တရား ရင်ဆိုင်ရမည် ဖြစ်သည်။
စက်တင်ဘာလ ၂၁ ရက်နေ့က ကျရောက်သော အပြည်ပြည်ဆိုင်ရာ ငြိမ်းချမ်းရေးနေ့တွင် ပြည်တွင်းစစ် ရပ်စဲရေး အတွက် ရန်ကုန်တိုင်း အတွင်း ချီတက် လမ်းလျှောက်သူများအား အာဏာပိုင်များ ဘက်က ဟန့်တားမှုများ ရှိခဲ့ပြီး နေပြည်တော်သို့ ငြိမ်းချမ်းစွာ စီတန်း လှည့်လည်ခွင့်ကိုလည်း ဟန့်တားခဲ့သည်။
Ref: မဇ္ဈိမ
လယ်သမားသမဂ္ဂတွေ ဖွဲ့နေပြီ
လင်းသန့်
October 12, 2012
မြန်မာနိုင်ငံတွင် လယ်ယာမြေ သိမ်းဆည်းမှုများ ကျယ်ကျယ်ပြန့်ပြန့် ဖြစ်လာမှု အပါအ၀င် လယ်သမားများ၏ အခက် အခဲများကို ကူညီဖြေရှင်းပေးသွားရန် လယ်သမား သမဂ္ဂများ စတင် ပေါ်ပေါက်လာနေကြောင်း သတင်းရရှိသည်။
“တောင်သူလယ်သမား သမဂ္ဂတွေ ဖွဲ့စည်းရေး လုပ်နေတာ အခု တိုင်းအားဖြင့် ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ အခု စစ်ကိုင်းတိုင်း၊ နောက်မွန်ပြည်နယ်ပေါ့။ ပြည်နယ်တခုနဲ့ တိုင်း ၄ တိုင်းမှာ ဖွဲ့စည်းပြီးပါပြီ။ ကျေးရွာ အုပ်စုအဆင့် ၁၂ မြို့နယ်မှာ ဖွဲ့စည်းပြီးပါပြီ”ဟု လယ်သမား အရေး၊ လူ့အခွင့်အရေး လှုပ်ရှားသူ မစုစုနွေးက ဧရာဝတီကို ပြောသည်။
ယခုအခါ ရပ်ကွက်၊ ကျေးရွာ အဆင့် လယ်သမား သမဂ္ဂများ ဖွဲ့စည်းနိုင်ခဲ့ပြီး တချို့မြို့နယ်များမှာ မြို့နယ် အဆင့်သို့ ဆက်လက် ဖွဲ့စည်းရန် လုပ်ဆောင်နေပြီဖြစ်ကြောင်း၊ တရားဝင် အသင်း မှတ်ပုံတင်နိုင်သည်ထိ ဥပဒေ ပညာရှင်များနှင့် လက်တွဲကာ လုပ်ဆောင်နေကြကြောင်း၊ ယခုလည်း မုံရွာဒေသရှိ ကျေးရွာ လယ်သမား သမဂ္ဂများ ဖွဲ့စည်းနေကြောင်း သူက ဆက်ပြောသည်။
လယ်သမား သမဂ္ဂများ ပေါ်ပေါက်ရေးအတွက် မစုစုနွေးအပြင် အခြားသောသူများကလည်း ဦးဆောင် ကူညီပေး နေ ကြကြောင်းလည်း သိရသည်။
ယခုအခါ လယ်သမားများမှာ လယ်သိမ်းခံနေရသည့် အခက်အခဲများစွာ ကြုံနေရကြောင်း၊ ခေတ်အဆက်ဆက် ဖိနှိပ်ခံ ဘ၀ဖြစ်နေရပြီး ရုန်းမထွက်နိုင်ကြောင်း သို့အတွက် သမဂ္ဂများ ပေါ်ပေါက်ရေး ၀ိုင်းဝန်း ကူညီပေးနေခြင်းဖြစ်ကြောင်း လယ်သမား သမဂ္ဂများ ဖွဲ့စည်းရေး အကူအညီပေးသူ တဦးဖြစ်သော မုံရွာမြို့နယ် ပွင့်လင်း လူ့အဖွဲ့အစည်းမှ ကိုသက် ဆွေအေးက ဧရာဝတီကို ပြောသည်။
“တောင်သူ လယ်သမားတွေနဲ့ပတ်သက်တဲ့ ကိစ္စတော်တော်များများမှာ ပွင့်လင်းမြင်သာမှုလည်း မရှိဘူး။ အသိပညာ အရလည်း နည်းပါးကြတဲ့ အခါကြတော့ သူတို့ကို အတတ်နိုင်ဆုံး ပညာပေး လုပ်ငန်းတွေနဲ့ အဆင့်ဆင့် အကူအညီ တွေ ပေးသွားနိုင်ဖို့ သူတို့မှာ ကြုံနေတဲ့ အခက်အခဲတွေကို ကူညီဖြေရှင်းပေးဖို့ သူတို့ဘက်ကနေပြီး မားမားမတ်မတ်ရပ် တည် ကူညီနိုင်ဖို့ ကျနော်တို့က ရည်ရွယ်ပါတယ်” ဟု သူက ဆိုသည်။
ယမန်နေ့ နံနက်က မုံရွာအနောက်ဘက် ချင်းတွင်းမြစ်အနောက်ဖက်၊ နဗူးတော ကျေးရွာမှာ လယ်သမား သမဂ္ဂ ဖွဲ့စည်း ရေးလုပ်နေကြောင်း၊ လူ ၁၀၀ ၀န်းကျင်လောက် တက်ကြောင်း၊ ဗုဒ္ဓဟူးနေ့ကလည်း ၀က်မှေးရွာနှင့် ဆည်တဲ ကျေးရွာ မှာဖွဲ့စည်းရာ မသွဲ့သွဲ့ဝင်းကို ၀က်မှေးရွာ လယ်သမားသမဂ္ဂ ဥက္ကဌ အဖြစ်၎င်း၊ ကိုမြင့်တင်ကို ဆည်တဲကျေးရွာ ဥက္ကဌ အဖြစ်၎င်း၊ တင်မြှောက်ခဲ့ကြောင်း၊ မနက်ဖြန်မှာ မုံရွာမှာ တောင်သူလယ်သမား ၁၀ ဦး ကော်မတီဖွဲ့ဖြစ်မည်ဖြစ်ကြောင်း သူက ဆက်ပြောသည်။
ဝက်မှေးရွာမှ လယ်သမား သမဂ္ဂ ဥက္ကဌအဖြစ် ကျေးရွာမှ ရွေးချယ် တင်မြောက်ခံရသူ မသွဲ့သွဲ့ဝင်းသည် မကြာသေးမီ က လက်ပံတောင်းတောင် ကြေးနီစီမံကိန်းကြောင့် ၄င်းတို့၏ လယ်ယာမြေများသိမ်းဆည်းခံရသည့်အတွက် ဆန္ဒပြ ဦးဆောင်မှုဖြင့် ဖမ်းဆီးထိမ်းသိမ်းခံခဲ့ရပြီး ပြန်လည် လွတ်မြောက်လာသူလည်း ဖြစ်သည်။
လူ့အခွင့်အရေးလှုပ်ရှားသူ မစုစုနွေးသည် ဒေသဆိုင်ရာ အဖွဲ့အစည်းများ၊ ကွန်ယက်များနှင့် လက်တွဲကာ တိုင်းနှင့် ပြည် နယ်များတွင် လယ်သမားသမဂ္ဂများ ဖွဲ့စည်းနိုင်ရေး ကူညီပေးနေလျှက် လယ်သမားများနှင့်ပတ်သက်သည့် ဥပဒေရေးရာ အကြောင်း ဥပဒေပညာရှင်များဖြင့် သင်တန်းများလည်းပေးနေကြောင်း၊ သမဂ္ဂ ပေါ်ပေါက်ရေး ကူညီပေးရာတွင် လည်း တချို့အခက်အခဲ အနည်းငယ် ရှိကြောင်းလည်း သိရသည်။
“အခုလို ဖွဲ့စည်းရာမှာ တချို့နေရာတွေမှာ အဆင်ပြေပါတယ်။ ဒါပေမယ့် တချို့နေရာတွေမှာ ကျမတို့ကို တိုက်ရိုက် ဖိ အား မပေးပေမယ့် သွယ်ဝိုက်တဲ့အနေနဲ့ တောင်သူလယ်သမားတွေကို ဒီသမဂ္ဂအဖွဲ့ထဲ မ၀င်ကြဖို့ တဖက်လှည့်နဲ့ ရပ် ကွက်၊ ကျေးရွာ အုပ်ချုပ်ရေးမှူးတွေက ပြောတာဆိုတာမျိုးတော့ ရှိပါတယ်” ဟု မစုစုနွေးက ဆိုသည်။
ထိုကဲ့သို့ ရပ်ကွက်၊ ကျေးရွာ အဆင့် ဒေသအာဏာပိုင်များ၏ အဟန့်အတားများ ရှိလာသည့်အခါ ထမင်းရှင်အတွက် ကျေးဇူးတုံ့ပြန်သည့်အနေဖြင့် လုပ်ဆောင်နေခြင်းဖြစ်ပြီး ၄င်းတို့အားလည်း ပူးပေါင်းကူညီရန် တိုက်တွန်းကြောင်း သူ က ဆက်ပြောသည်။
“လယ်သမား အရေးဆိုတာ ထမင်းစားတဲ့ ပြည်သူလူထုတရပ်လုံးနဲ့ ဆိုင်တယ်လို့။ ဒါကြောင့် ကျမ တို့ရဲ့ ထမင်းရှင် တွေကို ကျေးဇူးဆပ်ရမှာ ကျမတို့ရဲ့ တာဝန်လို့၊ အဲဒီတာဝန်နဲ့ ကျမတို့က လယ်သမားသမဂ္ဂတွေဖွဲ့၊ လယ်သမားတွေ အကျိုး လုပ်နေတာ ဘယ်သူကမှ ခိုင်းလို့မှ မဟုတ်ပါဘူးလို့ အဟန့်အတားလုပ်တဲ့ အာဏာပိုင်တချို့ကို ကျမ ဒီလိုပဲ ပြောပြပါတယ်” ဟု သူက ဆိုသည်။
သမ္မတ ဦးသိန်းစိန်၏ အတည်ပြုချက်ဖြင့် ပြည်ထောင်စု လွှတ်တော်က လယ်ယာမြေဆိုင်ရာ ဥပဒေ ကို ၂၀၁၂ ခု မတ် လ ၃၀ ရက် နေ့ ရက်စွဲဖြင့် ပြဌာန်းခဲ့သည်။ ယင်း ဥပဒေတွင် လယ်ယာမြေ လုပ်ပိုင်ခွင့်၊ အခွင့်အရေး၊ လိုက်နာရမည့် စည်းကမ်းချက်များ၊ အငြင်းပွားမှု ဖြေရှင်းခြင်းနှင့် အယူခံခြင်း၊ နစ်နာကြေးနှင့် လျော်ကြေးများ၊ ပြစ်မှုနှင့် ပြစ်ဒဏ်များ စသည့် အခန်း ၁၃ ခန်း ပါဝင်ကြောင်း သိရသည်။
၂၀၀၈ ခုနှစ် ဖွဲ့စည်းပုံ အခြေခံ ဥပဒေ ပုဒ်မ ၃၅၄ (ဂ) တွင် “ ပြည်သူ့ အခွင့်အရေး တစ်ရပ်ဖြစ်သည့် အသင်း အဖွဲ့ သို့မဟုတ် အစည်းအရုံးများ လွတ်လပ်စွာ ဖွဲ့စည်း ဆောင်ရွက်ခွင့်” ဆိုသည်ကို ပြဌာန်းထားပြီးဖြစ်သည်နှင့် အညီ ယခုအခါ မြန်မာနိုင်ငံတွင် လယ်သမား သမဂ္ဂများပေါ်ပေါက်ရေး၊ အလုပ်သမား သမဂ္ဂများ ပေါ်ပေါက်ရေး ကြိုးစားနေ ကြခြင်းဖြစ်သည်။
Ref: ဧရာဝတီ
KNU စစ်ဦးစီးချုပ် သတင်းစာရှင်းလင်းပွဲ အစီအစဉ် ဖျက်သိမ်း
ဟင်္သာနီ (မွန်မြေ)
ကြာသပတေးနေ့၊ အောက်တိုဘာလ ၁၁ ရက် ၂၀၁၂
စံခလပူရီ (မဇ္ဈိမ) ။ ။ ကရင် အမျိုးသား အစည်းအရုံး KNU မှ ထိပ်တန်းခေါင်းဆောင် သုံးဦး ထုတ်ပယ်ခြင်း၊ ဘားအံမြို့တွင် ဗဟိုအဆင့် ဆက်ဆံရေးရုံး ဖွင့်လှစ်ခြင်း ကိစ္စတို့နှင့် ပတ်သက်၍ ကရင်အမျိုးသား လွတ်မြောက်ရေး တပ်မတော် KNLA စစ်ဦးစီးချုပ် ဗိုလ်ချုပ်ကြီး မူတူးဆေးဖိုး ဦးဆောင်၍ အောက်တိုဘာလ ၁၃ ရက်နေ့၌ မြဝတီမြို့၌ သတင်းစာ ရှင်းလင်းပွဲ တရပ် ပြုလုပ်ရန် ကနဦး စီစဉ် ထားသော်လည်း ပြန်လည် ဖျက်သိမ်း လိုက်ကြောင်း KNU ၏ ဘားအံခရိုင် ဥက္ကဋ္ဌ ပဒို အော်မော်အေး ပြောသည်။
“ကျနော်တို့ ဗဟိုကော်မတီတွေ ပြန်လည်ညှိနှိုင်းကြတော့ ပြေလည်မှု ပြန်လည် ရရှိပြီး သတင်းစာ ရှင်းလင်းပွဲ လုပ်ဖို့ အစီအစဉ်ကို ဖျက်လိုက်တယ်” ဟု မဇ္ဈိမကို ပြောသည်။
ပထမ၌ KNU ဗဟိုအလုပ်မှုဆောင် ကော်မီတီ အချင်းချင်း ညှိနှိုင်းခဲ့ကြစဉ် သဘောတူညီမှု မရသဖြင့် ဗဟိုကော်မီတီ သို့ လွှဲအပ် ခဲ့ခြင်းဖြစ်သည်။
လက်ရှိ KNU အဖွဲ့အတွင်း ဖြစ်ပေါ်နေသည့် လိပ်ခဲတည်းတည်း ပြဿနာရပ်များအား ယခုလအတွင်း အရေးပေါ် ဗဟိုကော်မီတီ အစည်းအဝေး တရပ် ခေါ်ယူကာ ဆုံးဖြတ် လုပ်ဆောင်ကြရန် ရှိကြောင်းနှင့် ၎င်းမှ တဆင့် ကွန်ဂရက် အထိ ၎င်း ကိစ္စရပ်အား ပြန်လည် ဆွေးနွေးကြမည် ဖြစ်ပြီး သည့်နောက်မှ သတင်းစာ ရှင်းလင်းပွဲ ထပ်မံ ပြုလုပ်ရန် လျာထားကြောင်း သိရှိရသည်။
စစ်ဦးစီးချုပ် ဗိုလ်ချုပ်ကြီး မူတူးစေးဖိုး၊ လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင်၊ တွဲဖက် အတွင်းရေးမှူး (၂) လည်းဖြစ် ဗဟို တရားရေးဌာန တာဝန်ခံ ဗဒိုဒေးဗစ်ထော တို့အား ထုတ်ပယ်လိုက်သည့် ကိစ္စနှင့် စပ်လျဉ်း၍ ဆက်တိုက် ဖြစ်ပေါ် လာသည့် ပြဿနာများကို သင်ပုန်းချေကြကာ ပြန်လည် ညီညွတ်ရေးအပေါ် ဦးတည် လုပ်ဆောင်ကြရန်လည်း အောက်တိုဘာလ ၉ ရက်နေ့က မဲဆောက် နေအိမ်၌ ဆွေးနွေးပွဲ တခု ပြုလုပ်ခဲ့စဉ် မူတူးစေးဖိုး က ပြောကြားခဲ့သည်။
အဆိုပါ အင်္ဂါနေ့ ဆွေးနွေးပွဲသို့ တပ်မဟာ ၁၊ ၄၊ ၃၊ ၆၊ ၇ မှ တပ်မဟာမှူးများနှင့် သထုံခရိုင်၊ ဘိတ်/ထားဝယ်ခရိုင်၊ မော်လမြိုင် ခရိုင် (ဒူးပလာယာ)၊ ဘားအံခရိုင်မှ ဥက္ကဋ္ဌ၊ အတွင်းရေးမှူးများ စုစုပေါင်း ၃ဝ နီးပါးခန့် တက်ရောက်ခဲ့ကြ ကြောင်း သိရှိရသည်။
ထို့ပြင် ပြည်တွင်း ပြည်ပမှ ကရင်အဖွဲ့အစည်းများ၊ ကရင်လူမျိုးများနှင့် တိုင်းရင်းသား အဖွဲ့အစည်းများ၊ မဟာမိတ် အဖွဲ့အစည်း များကလည်း KNU အတွင်း သွေးကွဲမှု မရှိဘဲ ပြန်လည် ညီညွတ်ကြရန် စာဖြင့် လည်းကောင်း တယ်လီဖုန်း
ဖြင့် လည်းကောင်း ဆက်သွယ်၍ အားပေး ခဲ့မှုများ ရှိခဲ့သည်။
“ကွဲစေချင်လားလို့ မေးလာရင် ဘယ်သူမှ မကွဲ စေချင်ဘူး။ ညီညွှတ် စေချင်လားလို့ မေးရင် ညီညွတ်စေချင်တယ် လို့ပဲ ပြောရမယ်လေ။ ကျနော်တို့ KNU ကြီးကို မကွဲစေချင်ဘူး။ တောင်ကလေး ဆရာတော် ဦးပညာသာမိတို့၊ ကျမ်းစာ ကျောင်းအုပ် ဒေါက်တာ ဆိုင်းမွန်တို့၊ ကိုထွန်းအောင်ကျော်တို့၊ ALP ဥက္ကဋ္ဌ ခိုင်စိုးနိုင်အောင်တို့ ကျနော်နဲ့ တွေ့ပြီး ပြည်လည်ပေါင်းစည်းဖို့ ညီညွတ်ကြဖို့ ပြောတယ်။ အဲဒီ ဖိအားတွေလည်း ကျနော်တို့ ဗဟိုကော်မီတီတွေပေါ်မှာ အများကြီး ရှိတယ်” ဟု ဗဒို အောင်မော်အေး က ပြောသည်။
အဖွဲ့အတွင်း ဖြစ်ပေါ်ခဲ့သော ပြဿနာရပ်သည်လည်း ဗဟိုဦးစီးအဖွဲ့၏ နိုင်ငံရေး ဦးဆောင်မှု အားနည်း၍ ဖြစ်သည်ဟု အခြားနိုင်ငံရေး အဖွဲ့အစည်း များမှ သုံးသပ် ရှုမြင်ကြောင်း ဗဒို အော်မော်အေး က ဆိုသည်။
ဘားအံမြို့၌ KNU ၏ ဗဟိုအဆင့် ဆက်ဆံရေးရုံးကို စစ်ဦးစီးချုပ်နှင့်အဖွဲ့ သွားရောက် ဖွင့်လှစ်ခဲ့စဉ် စက်တင်ဘာလ ၂၆ ရက်နေ့ ကလည်း ဗိုလ်မှူးကြီး ဂျော်နီကိုယ်တိုင် တွဲဘက် အတွင်းရေးမှူး (၁) ဖဒိုလှငွေ ထံ ကိုယ်တိုင် သွားရောက် ၌ ပြဿနာအား အဖွဲ့အစည်း အတွင်း ရှင်းရန်နှင့် ထုတ်ပြန်ချက် တစုံတရာ ထုတ်ပြန်ခြင်း မပြုသေးရန် တောင်းပန် ပြောဆိုခဲ့ပြီး ဗဒို အော်မော်အေး ကလည်း ဗဟိုရုံးချုပ်အား ထိုကိုယ်စားလှယ် အဖွဲ့များ ပြန်ရောက်လာသည့် အထိ စောင့်ဆိုင်း၍ ပြန်လည်ညှိနှိုင်း လုပ်ဆောင်ကြရန် ပန်ကြား ထားသော်လည်း ခေါင်းဆောင် သုံးဦးအား တာဝန်မှ ရပ်ဆိုင်း လိုက်ကြောင်း ဖဒိုစောလှငွေ လက်မှတ်ဖြင့် ကြေညာချက် ထုတ်ပြန်ခဲ့သည်။
စက်တင်ဘာလ ၂၇ ရက်နေ့ ဗဟို အလုပ်မှုဆောင် ကော်မီတီ အစည်းအဝေး ဆုံးဖြတ်ချက်ဖြင့် ထုတ်ပယ်ခဲ့ခြင်း ဖြစ်သည်။
အောက်တိုဘာလ ၁ဝ ရက်နေ့ကလည်း အထွေထွေ အတွင်းရေးမှူး နော်စီ ဖိုးရာစိန် လက်မှတ်ဖြင့် KNU ခေါင်းဆောင် များ၊ ကရင် အမျိုးသား အားလုံးနှင့် ပြည်တွင်း ပြည်ပ ကရင် အဖွဲ့အစည်း အားလုံးသို့ လိပ်မူ၍ ကြေညာချက်တစောင် ထုတ်ဝေခဲ့သည်။ KNU အတွင်း လက်ရှိ တာဝန်ယူနေသူ အားလုံးမှာလည်း ငြိမ်းချမ်းရေးကို အမှန်တကယ် လိုလား ကြောင်းနှင့် အစိုးရနှင့် ဆက်လက်တွေ့ဆုံကာ ခိုင်မာသည့် ငြိမ်းချမ်းရေး တည်ဆောက်နိုင်ရန် အတွက် ဆက်လက် ကြိုးပမ်း သွားမည်ဟု ကရင်ဘာသာဖြင့် ရေးသား ထုတ်ပြန် ထားသည်။
ထို့ပြင် KNLA တပ်မတော် အနေနှင့်လည်း KNU မှ ချမှတ်ထားသည့် အုပ်ချုပ်ရေးပိုင်းဆိုင်ရာ စည်းမျဉ်း စည်းကမ်းများနှင့် လမ်းစဉ်များကို လိုက်နာရမည် ဟူလည်း ဖော်ပြပါရှိသည်။
ထိုစာနှင့် စပ်လျဉ်း၍ နော်စီ ဖိုးရာစိန်အား မဇ္ဈိမမှ ဆက်သွယ်ရန် ကြိုးစားခဲ့သော်လည်း အဆက်အသွယ် မရခဲ့ပေ။
လက်ရှိ တာဝန်ယူထားသည့် ဗဟို ကော်မီတီ၊ ဗဟို အလုပ်အမှုဆောင် ကော်မီတီ များကိုလည်း လာမည့် ကွန်ဂရက်၌ ပြန်လည် ရွေးချယ်ရန် ရှိပြီး အများစုဆန္ဒ ဒီမိုကရေစီ နည်းလမ်းဖြင့်သာ ကွန်ဂရက် ရလဒ်အတိုင်း ပြန်လည် ရွေးချယ် သွားမည် ဖြစ်သည်။
Ref: မဇ္ဈိမ
Thursday, October 11, 2012
ရာသက်ပန် ပြည်သူ့ဘက်သား ဗိုလ်ကျော်ဇော အပေါ် ဗကပ၏ အကဲဖြတ်ချက်
ကိုပေါက်၊ ဖနိဒါ
ဗုဒ္ဓဟူးနေ့၊ အောက်တိုဘာလ ၁၀ ရက် ၂၀၁၂
ကိုယ်တိုင်ရေး အထ္ထုပ္ပတ္တိကို ပြည်တွင်း စာပေတိုက်တခုမှ ထုတ်ဝေ ဖြန့်ချိနိုင်တော့မည့် ဆဲဆဲတွင် သက်ရှိ ရာဇဝင်ကြီး ဖြစ်သည့် ဗိုလ်မှူးချုပ်ဟောင်း ကျော်ဇော သည် တရုတ်နိုင်ငံ၊ ယူနန်ပြည်နယ်၊ ကူမင်းမြို့ ဆေးရုံကြီးတွင် အောက်တိုဘာလ ၁ဝ ရက်နေ့ နံနက် ၃ နာရီခွဲက ကွယ်လွန် သွားခဲ့သည်။
၁၃ဝဝ ပြည့် အရေးတော်ပုံမျိုးဆက် လက်ကျန်တဦး၊ မြန်မာ့ တပ်မတော်၏ အမြုတေ ရဲဘော် သုံးကျိပ်ထဲမှ နောက်ဆုံး ကျန်ရှိသည့် နှစ်ဦးထဲမှ တဦး သဘာဝ မိခင် ခေါ်ဆောင်ရာသို့ လိုက်ပါသွားရခြင်း ဖြစ်သည်။
အသက် ၉၃ နှစ်တာအတွင်း တိုင်းပြည်အတွက် ယုံကြည်သည့်အတိုင်း အသက် ရှင်သွားခဲ့သည့် ဗိုလ်ကျော်ဇော (ခေါ်) ဗိုလ်မှူးချုပ်ဟောင်း ကျော်ဇော မှာ လွတ်လပ်ရေးခေတ်မှ စ၍ ကွယ်လွန်သည့်တိုင် အုပ်ချုပ်သူ အဆက်ဆက်၏ ရန်ငြိုးထားခြင်း ခံခဲ့ရသည့် ကွန်မြူနစ်ပါတီ ခေါင်းဆောင် တဦးလည်း ဖြစ်ခဲ့သည်။
ရဲဘော်ဦးတင် (သို့မဟုတ်) ဗိုလ်ကျော်ဇော ကွယ်လွန်ခြင်းအပေါ် ဗကပ ၏ ထုတ်ပြန်ကြေညာချက်တွင် “သူ့လို တိုင်းပြည်က ချစ်သူ ‘ပြည်ချစ်ပုဂ္ဂိုလ်-တိုင်းပြည် ငြိမ်းချမ်းစေလိုသူ’ လို့ သတ်မှတ် ခံထားရသူ တယောက် သူ့နိုင်ငံတွင်း မှာပဲ ခေါင်းချ သင့်ပါသည်။ ကွယ်လွန် သွားတော့လည်း ပြည်တွင်းငြိမ်းချမ်းရေး၊ ကမ္ဘာ့ ငြိမ်းချမ်းရေး အတွက် စွမ်းစွမ်း တမံ လုပ်ခဲ့သူ တဦးအနေနှင့် သူ့ အရိုးပြာဟာ ရွှေတိဂုံခြေရင်းက ဆရာကြီး သခင်ကိုယ်တော်မှိုင်းရဲ့ အုတ်ဂူဘေးမှာ ရှိနေ သင့်ပါသည်” ဟု ရေးသားထားသည်။
ကိုလိုနီနယ်ချဲ့ဆန့်ကျင်ရေး၊ လွတ်လပ်ရေးတိုက်ပွဲနှင့် ဖက်ဆစ်တော်လှန်ရေး တို့တွင် ထင်ရှားသော တပ်မှူးတဦး ဖြစ်ခဲ့ပြီး ၁၉၅ဝ စုနှစ်များ အတွင်းက ရှမ်းပြည်နယ်သို့ ကျူးကျော်လာသော ကူမင်တန် တရုတ်ဖြူများအား တိုက်ထုတ် ရာတွင် ထင်ရှားခဲ့သည့် ဗိုလ်မှူးချုပ်ကျော်ဇော အား ၎င်း၏ မိခင်ပါတီဖြစ်သည့် ဗမာပြည် ကွန်မြူနစ်ပါတီက မည်သို့ အကဲဖြတ် တန်ဖိုး ထားသည်ကို သိရှိနိုင်ရန် အတွက် ပြောရေးဆိုခွင့်ရှိသူ ရဲဘော်ဖိုးသံချောင်း အား မဇ္ဈိမက ဆက်သွယ်မေးမြန်း ထားသည်။
-------
ပါတီအခမ်းအနားနဲ့ ဈာပနကျင်းပဖို့ ရှိပါသလားခင်ဗျ။
အဲလိုတော့ မရှိပါဘူး။ ကျနော်တို့ နေရထိုင်ရတာကလည်း လွတ်လွတ် လပ်လပ် မဟုတ်တော့ အဲလိုမျိုး မလုပ်နိုင်ပါ ဘူး။ အဲဒီကိစ္စတွေကို သူ့မိသားစုကိုပဲ အကုန် လွှဲထားပါတယ်။ မိသားစု အတွင်းကိစ္စ ဖြေရှင်း လုပ်ကိုင်တာမျိုး လိုလား ပါတယ်။ မိသားစု ဘယ်လို ဆုံးဖြတ်လဲဆိုတာ မသိရသေးပါဘူး။
ဗိုလ်မှူးချုပ် မကွယ်လွန်မီအထိ ဗကပ မှာ ဘယ်လိုတာဝန်တွေ ထမ်းဆောင် သွားခဲ့ပါသလဲ။
ပါတီရဲ့ ဒုတိယအကြိမ် ကွန်ဂရက် (၁၉၄၅)နဲ့ တတိယ အကြိမ် ကွန်ဂရက် (၁၉၈၅)ရဲ့ ဗဟိုကော်မတီပါ။ သူ့လို ကွန်ဂရက်
နှစ်ခုရဲ့ ဗဟိုကော်မတီဖြစ်တဲ့လူ ပါတီသမိုင်းမှာ ရှားပါတယ်။ နောက်ဆုံး ကျနော်တို့ပါတီက မြေအောက် ပုံသဏ္ဍာန်နဲ့ လှုပ်ရှားတော့မယ် ဆိုတော့ သူတို့ (လူကြီးတွေ) အနေနဲ့ မြေအောက် လှုပ်ရှားလို့ မသင့်တော်တာနဲ့ အနားယူဖို့ တိုက်တွန်းခဲ့တာပါ။ သူတို့ကို ကျနော်တို့က နာယက နေရာမှာ ထားပြီး ဆိုးတိုင်ပင်၊ ကောင်းတိုင်ပင် သူတို့ဆီက အကြံဉာဏ်တွေ တောင်းပြီး လုပ်ကြရတာပါ။
ဗိုလ်ချုပ်ကျော်ဇောရဲ့ ကိုယ်တိုင်ရေး အထ္ထုပ္ပတ္တိမှာ ဗကပ ဟာ သူ့ရဲ့ မိခင်ပါတီလို့ ရေးထားပါတယ်။
ဟုတ်ပါတယ်ခင်ဗျ။ ဗိုလ်ချုပ်ကျော်ဇောဟာ သူ နိုင်ငံရေး လုပ်တဲ့အထဲမှာ ဒို့ဗမာ အစည်းအရုံးနဲ့ ဗမာပြည် ကွန်မြူနစ် ပါတီ၊ ဒီနှစ်ခုတည်းပဲ ပါတာပါ။ ကျနော်တို့ကလည်း သူ့ကို ပါတီရဲ့ ဘယ်လိုမှ ဖျက်ပစ်လို့ မရနိုင်တဲ့ သမိုင်းဝင် ခေါင်းဆောင် တယောက်လို့ သဘောထား ပါတယ်။ သူကလည်း အဲလိုပဲ ပါတီကို မိခင်ပါတီလို့ သဘောထားတာ၊ ဒါ သဘာဝ ကျပါတယ်။
ဗိုလ်မှူးချုပ် ကွယ်လွန်ခြင်းဟာ တိုင်းပြည်နဲ့ တပ်မတော် အတွက် ဘယ်လောက်ထိ နစ်နာ ဆုံးရှုံးမှု ဖြစ်သွား စေနိုင်မလဲ ခင်ဗျ။
တပ်မတော် တရပ်ပဲဖြစ်ဖြစ်၊ အဲဒီတိုင်းပြည် ဂုဏ်ပြောင်တဲ့ ဟာတွေမှာ တခြား အကြောင်းတွေ အများကြီး ရှိသလို သမိုင်းစဉ်မှာ အဲဒီတိုင်းပြည် လွတ်လပ်ရေး အတွက်၊ တည်တံ့ရေး အတွက် ပါဝင် လှုပ်ရှားခဲ့တဲ့ ပုဂ္ဂိုလ်တွေ၊ အဲဒီပုဂ္ဂိုလ် တွေရဲ့ တည်ရှိမှု၊ ပေါ်ပေါက် ခဲ့မှုဟာလည်း အဲဒီတိုင်းပြည်ရဲ့ ဂုဏ် သိက္ခာကို မြင့်တက်စေပါတယ်။ အဲလို မြင့်တက်စေ ခဲ့တဲ့ ပုဂ္ဂိုလ်တွေထဲမှာ ဗိုလ်ချုပ်အောင်ဆန်းတို့၊ ဗိုလ်ချုပ်ကျော်ဇော တို့လို လူတွေရဲ့ အခန်းဟာ ပယ်ဖျက်လို့ မရပါဘူး။
ဗိုလ်ချုပ်ကျော်ဇောကျတော့ သူများနဲ့မတူတာက သူ့တသက်လုံး၊ သူများတွေထက် အများကြီး ရှည်တဲ့ အသက်၊ အနှစ် ၉ဝ ကျော် ရှိတဲ့ အသက်၊ အဲဒီ သက်တမ်းတလျှောက်မှာ ပြည်သူလူထုနဲ့ တိုင်းပြည်အတွက် လုပ်ခဲ့တာပါ။ အခန်းကြီးပေါင်း များစွာကနေ ပါဝင်ကပြခဲ့တာက ကျနော်တို့ တိုင်းပြည်ကြီး ဂုဏ်ပြောင်ဖို့ အတွက်၊ ကြီးမြတ်ဖို့အတွက် သူ လုပ်သွားခဲ့တာ ဖြစ်ပါတယ်။ အဲဒါကြောင့်ပဲ ကျနော်တို့က သူ့ကိုလည်း ဂုဏ်ပြောင်တဲ့၊ ကြီးမြတ်တဲ့ ပုဂ္ဂိုလ်အဖြစ် သဘောထားပါတယ်။
ဂျပန်၊ တရုတ်ဖြူ ဆန့်ကျင်ရေး၊ အဲဒီနောက် သူ့ကို တပ်ကနေ ဖီဆန်မှုနဲ့ ထုတ်ပစ်တဲ့ နောက်မှာလည်း ပြည်တွင်း ငြိမ်းချမ်းရေး လှုပ်ရှားမှုမှာ ပါဝင်တယ်။ ဗိုလ်နေဝင်း အာဏာ သိမ်းတဲ့နောက်မှာ ကျတော့ လှုပ်ရှားလို့ မရတဲ့ အခါမှာ လက်နက်ကိုင် တော်လှန်ရေးကို ပစ်ဝင်လာခဲ့တဲ့ ပုဂ္ဂိုလ်ပါ။
တပ်မတော်သို့ ပန်ကြားချက်တွေလည်း လိုအပ်သလို ထုတ်ပြန်လေ့ရှိပါတယ်။ ဒီပန်ကြားချက်တွေရဲ့ အနှစ်ချုပ် ဆိုလိုရင်းနဲ့၊ ဗိုလ်မှူးချုပ်ကျော်ဇောရဲ့ တပ်မတော် အပေါ်မှာ ထားခဲ့တဲ့ စေတနာဟာ ဘာဖြစ်ခဲ့တယ်လို့ ပြောနိုင် မလဲ။
သူ့စေတနာကတော့ တပ်မတော်ကို အာဏာရှင် တစုရဲ့ ခါးပိုက်ဆောင် တပ်မတော် ဘဝ အဖြစ်ကနေ ပြည်သူ လူထုရဲ့ တပ်မတော် အဖြစ် ပြောင်းလဲစေချင် တာပါပဲ။ အဲဒီအတွက် သူ ပြောခဲ့ ဆိုခဲ့တယ်။ ဒါပေမယ့် သူသာ ကွယ်လွန်သွားရော အဲဒီဟာက မအောင်မြင်သေးဘူးလို့ ပြောရမှာပါ။ ဘာကြောင့်လဲ ဆိုတော့ ဒီနေ့ တပ်မတော်ကို ချုပ်ကိုင်ထားတဲ့ သူတွေက အရင်တုန်းက ပုံစံအတိုင်းပဲ တလက်ကိုင် ခါးပိုက်ဆောင် တပ်လို ထားပြီးတော့ တခုခုဖြစ်ရင် အာဏာသိမ်း ဖို့အတွက် ပြင်ဆင်ထားတဲ့ တပ်ကြီးအဖြစ် ရပ်တည်နေပါတယ်။
ဗိုလ်မှူးချုပ် ကွယ်လွန်ခြင်းနဲ့ပတ်သက်ပြီး ဘာများ ဖြည့်စွက်ပြောကြားလိုပါသေးလဲ။
သူ့လိုပုဂ္ဂိုလ် အလုပ်များများ မလုပ်နိုင်တော့ဦးတောင်မှ တိုင်းပြည် အတွက် အင်မတန်မှ ကျက်သရေ ရှိပါတယ်။ သူ့လို သမိုင်း အခန်း ကဏ္ဍရှိတဲ့ ပုဂ္ဂိုလ်များများ စားစား မရှိပါဘူး။ ဘဝ တလျှောက်မှာ ကဏ္ဍတခု၊ ကာလတခု လုပ်ခဲ့တာ ရှိပါတယ်။ ဒါပေမယ့် သူ့လို သက်တဆုံး လုပ်ခဲ့တဲ့ ပုဂ္ဂိုလ်ကတော့ မများလှပါဘူး။ ဗမာ့ တပ်မတော် ဂုဏ်ပြောင်အောင် တရုတ်ဖြူကို နှိပ်နင်းရာမှာ ပါခဲ့တယ်။ သူထူထောင်တဲ့ တပ်ကို သူပြန်တိုက်ရတဲ့ ဘဝကို ပြန်ဖြစ်ခဲ့ ရတယ်။ အကုန်လုံး ထင်ဟပ်နေပါတယ်။
သူကွယ်လွန်သွားပေမယ့် သူလုပ်ခဲ့တဲ့ အစဉ်အလာ၊ ဖက်ဆစ်ကို ဆန့်ကျင်တဲ့၊ နယ်ချဲ့ကို ဆန့်ကျင်တဲ့ စိတ်ဓာတ်၊ လွတ်လပ်ရေး အတွက် အသက်ကိုပေးပြီး ဆောင်ရွက်ရမယ် ဆိုတဲ့ စိတ်ဓာတ်၊ ဗမာပြည်ကြီး စည်းလုံး ညီညွတ်ရေးနဲ့ ငြိမ်းချမ်းရေး အတွက် လုံးပမ်းမယ် ဆိုတဲ့ စိတ်ဓာတ်၊ ဗမာပြည်ကနေ စစ်အာဏာရှင် စနစ်ကို ဖယ်ရှားမယ် ဆိုတဲ့ စိတ်ဓာတ် အဲဒါတွေကို ဆက်လက် တည်ရှိအောင် ကျနော်တို့ လုပ်ကြရမယ်။ သူမရှိတော့ပေမယ့် သူ့စိတ်ဓာတ်တွေ ကို ဆက်လက် ရှင်သန်အောင် လုပ်ပြီး သယ်ဆောင် သွားရမယ်လို့ ပြောချင်ပါတယ်။
Ref: မဇ္ဈိမ
ဒေါ်အောင်ဆန်းစုကြည် သမ္မတ ဖြစ်ရေး ဥပဒေပြင်ရန် ခက်မည်
လင်းသန့်
October 10, 2012
အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည် သမ္မတဖြစ်ရေး ဖွဲ့စည်းပုံ အခြေခံ ဥပဒေ ပြင် ဆင်ရန် ခက်ခဲကြောင်း ဥပဒေရေးရာ ကျွမ်းကျင်သူများက ပြောဆိုကြသည်။
လက်ရှိ ၂၀၀၈ ခုနှစ် ဖွဲ့စည်းပုံ အခြေခံ ဥပဒေ အခန်း ၃ ပါ သမ္မတ အရည်အချင်းပြဌာန်းချက်ကို ပြင်ဆင်ရန် အတွက် ဖွဲ့စည်းပုံ အခြေခံ ဥပဒေ ပြင်ဆင်ရေး အခန်း ၁၂ ကို ဦးစွာ ပြင်ဆင်ရန် လိုအပ်ကြောင်း၊ လက်ရှိအခြေအနေအရ ပြင် ဆင်ရန် အခက်အခဲများ ရှိနေကြောင်း ရန်ကုန်တိုင်း သင်္ကန်းကျွန်း မြို့နယ် ပြည်သူ့လွှတ်တော် ကိုယ်စားလှယ် တဦး လည်းဖြစ် ရှေ့နေတဦးလည်းဖြစ်သူ ဒီမိုကရေစီသစ် ပါတီခေါင်းဆောင် ဦးသိန်းညွှန့်က ဧရာဝတီကို ပြောသည်။
၂၀၀၈ ခုနှစ် ဖွဲ့စည်းပုံအခြေခံ ဥပဒေ အခန်း ၃ ၊ ပုဒ်မ ၅၉၊ ၆၀ ဆိုသည်မှာ သမ္မတ အရည်အချင်း ဆိုင်ရာ ပြဌာန်းချက် ဖြစ်သည်။ လက်ရှိ ဖွဲ့စည်းပုံအရ ဒေါ်အောင်ဆန်းစုကြည် အနေဖြင့် ငြိစွန်းနေသည်မှာ နိုင်ငံခြား တိုင်းပြည်တခုခုတွင် နေထိုင်၊ လုပ် ကိုင်၊ နိုင်ငံခြားသား အဖြစ် ခံယူထားသည့် သား၊ သမီး ရှိပါက သမ္မတဖြစ်ခွင့် မရှိဆိုသည့် အချက်ဖြစ်နေပြီး အခြား ပြဿနာမှာ သမ္မတတွင် စစ်ရေး အမြင်ရှိရမည် ဆိုသည့် အချက်ဖြစ်ကြောင်း ရန်ကုန် မြို့က ရှေ့နေကြီး ဦးအောင်သိန်းကလည်း ပြောသည်။
သမ္မတဆိုင်ရာ ဖွဲ့စည်းပုံ အခြေခံ ဥပဒေ အခန်း ၃ ပါ ပုဒ်မ ၅၉၊ ၆၀ တို့ကိုပြင်ဆင်လိုပါက အခန်း ၁၂၊ ပုဒ်မ ၄၃၆ တွင် ပြဌာန်း ထားသည့်အတိုင်း လွှတ်တော် ကိုယ်စားလှယ် အားလုံးရဲ့ ၇၅ ရာခိုင်နှုန်း ကျော်က ပြင်ဆင်ရန် သဘော တူရမည်ဖြစ်ပြီး ပြည်လုံးကျွတ် ဆန္ဒခံယူပွဲ ကျင်းပကာ ဆန္ဒမဲပေးပိုင်ခွင့် ရှိသူ အားလုံး၏ ထက်ဝက်ကျော် ဆန္ဒမဲရရမည်ဖြစ်သည်။
အဆိုပါ ဖွဲ့စည်းပုံအခြေခံ ဥပဒေ ပြင်ဆင်ရေးဆိုင်ရာ အခန်း ၁၂ ကို ဦးစွာ ပြင်ဆင်ရေးသည်လည်း လွှတ်တော်တွင်း ၇၅ ရာခိုင်နှုန်းကျော် သာမက ပြည်လုံးကျွတ် ဆန္ဒခံယူပွဲမှ မဲပေးနိုင်သူများ၊ မဲပေးသူ များ၏ ထက်ဝက်ကျော် ထောက်ခံ မှု ရရန်လိုအပ်သည်။
“ဖွဲ့စည်းပုံ ပြင်ရေးကို သူတို့က တမင်ကို ခက်ခဲအောင် လုပ်ထားတာ” ဟု ရှေ့နေကြီး ဦးအောင်သိန်းက ဆိုသည်။
ဦးသိန်းညွှန့်ကလည်း “အခန်း ၃ ၊ ပုဒ်မ ၅၉ မှာ ပြဌာန်းထားတဲ့ နိုင်ငံတော် သမ္မတ အရည်အချင်းများနဲ့ ကိုက်ညီမှ သာလျှင် သမ္မတဖြစ်မှာကိုး၊ အခုပဲ ကျနော်တို့ ဒုတိယ သမ္မတ အဖြစ်တင်တဲ့ အခါမှာ အတင်ခံရတဲ့ ပုဂ္ဂိုလ်ရဲ့ သားမက်ဟာ မြန်မာနိုင်ငံမှာမွေးတာပဲ၊ ဒါပေမယ့် သြစတြေးလျ နိုင်ငံသားဖြစ်နေတော့ ဒု သမ္မတလောင်းကို အစားထိုး ရတယ်လေ” ဟု ဆိုသည်။
ဖွဲ့စည်းပုံ အခြေခံ ဥပဒေ ပြင်ဆင်နိုင်ရေး ဒေါ်အောင်ဆန်းစုကြည်တို့အနေဖြင့် လွှတ်တော်တွင် ကြိုးစား စည်းရုံး သွားရန် နှင့် ပြည်သူလူထု ထောက်ခံမှုရှိရန် လိုအပ်ကြောင်း ပြည်ခိုင်ဖြိုး ပါတီ အထွေထွေ အတွင်းရေးမှူး ဦးဌေးဦးက ပြောသည်။
“လက်ရှိဖွဲ့စည်းပုံအခြေခံ ဥပဒေအရတော့ ဒါ ငြိနေ တာပေါ့။ ဒါပြင်ဖို့ဆိုတာကတော့ အကျိုးသင့် အကြောင်းသင့်နဲ့ ဒါ သူတို့ ကြိုးစား ရမှာပေါ့။ လွှတ်တော်ထဲမှာ ကြိုးစားမယ်ဆိုရင် ပြင်မယ် ဆိုရင်တော့ ဖြစ်နိုင်တာပေါ့။ လူထုရဲ့ ထောက် ခံမှု ရတယ်။ ထောက်ခံမှု ရတဲ့အပေါ် မူတည်ပြီးတော့မှ ဖွဲ့စည်းပုံအခြေခံ ဥပဒေကို ပြင်နိုင်တဲ့ ပုဂ္ဂိုလ်တွေကလည်းပဲ လွှတ်တော် ကိုယ်စားလှယ်တွေပေါ့။ သူတို့ကလည်း ဒီ ဥစ္စာကို ပြင်သင့်တယ်လို့ သူတို့ ဒီလို ယူဆလို့ တင်ပြတယ် ဆို ရင် မဲခွဲလို့လည်း ပြင်လို့ ရတယ်ဆိုရင် ဒါ ဖြစ်ချင်ဖြစ်မှာပေါ့” ဟု ဦးဌေးဦးက ဧရာဝတီကိုပြောသည်။
ဖွဲ့စည်းပုံအခြေခံ ဥပဒေ ပြင်ဆင်ရေး ပြည်သူလူထု ထောက်ခံမှုသည် အရေးအကြီးဆုံးဖြစ်ကြောင်း၊ တဦး တယောက် တည်း ဖွဲ့စည်းပုံကို ပြင်ဆင်၍ မရနိုင်ကြောင်း၊ ပြည်သူလူထုက လိုလားလျှင် ဒေါ်အောင်ဆန်းစုကြည် အနေဖြင့် သမ္မတ ဖြစ်နိုင်ကြောင်း၊ သမ္မတ ဦးသိန်းစိန်ကလည်း အမေရိကား ခရီးစဉ်တွင် ပြောဆိုထားသည်။
အောက်တိုဘာလ ၈ ရက်နေ့က သတင်းစာရှင်းလင်းပွဲတွင် ဒေါ်အောင်ဆန်းစုကြည်က နိုင်ငံရေးပါတီ တခု၏ ခေါင်းဆောင် တဦး အနေဖြင့် ပြည်သူလူထု လိုလားလျှင် သမ္မတအဖြစ် တာဝန်ယူမည်ဖြစ်ပြီး ဖွဲ့စည်းပုံ ဥပဒေ ပြင်ဆင်ရေးကို ဆက်လက် ကြိုးပမ်း လုပ်ဆောင် သွားမည် ဖြစ်ကြောင်း ပြောဆိုသည်။
“ကျမက နိုင်ငံရေး ပါတီတခုရဲ့ ခေါင်းဆောင်ပဲ။ နိုင်ငံရေးပါတီ တခုရဲ့ ခေါင်းဆောင် ဆိုမှတော့ သမ္မတလည်း လုပ်ရဲ တဲ့ သတ္တိ ရှိရမယ်။ ပြည်သူလူထု လိုလားရင် လုပ်မှာပဲ” ဟု ဒေါ်အောင်ဆန်းစုကြည်က ထပ်လောင်း ပြောကြားခဲ့ခြင်း ဖြစ်ပြီး “ကျမ သမ္မတဖြစ်ရေး ကိစ္စတင် မဟုတ်ပါဘူး၊ တခြားဟာတွေလည်း ပြင်စရာ လိုပါတယ်” ဟုလည်း ဆိုသည်။
လက်ရှိ နိုင်ငံရေး အပြောင်းအ လဲတွင် တပ်မတော်၏ အနေ အထားမှာ ဒီမိုကရေစီ အနည်းငယ် ဆန်လာပြီဟု ပြောဆို ခဲ့ပြီး မကြာသေးမီ ကလည်း လွှတ်တော်တွင်း လူများစု ပြည်ခိုင်ဖြိုး ပါတီနှင့် တပ်မတော်တို့နှင့် လက်တွဲကာ ဒီမိုကရေစီပြုပြင်ပြောင်းလဲရေးနှင့် ဖွဲ့ စည်းပုံပြင်ဆင်ရေး ဆက်လက်ကြိုး ပမ်းသွားမည်ဖြစ်ကြောင်း ပြောခဲ့ပြီးဖြစ်သည်။
လက်ရှိ ၂၀၀၈ ဖွဲ့စည်းပုံအခြေခံ ဥပဒေအရ သမ္မတတဦးအဖြစ်ရွေးချယ်မှုမှာ သမ္မတလောင်း ၃ ဦးကို ပြည်သူ့လွှတ် တော်မှ တဦး၊ အမျိုးသား လွှတ်တော်မှ တဦး နှင့် တပ်မတော်သား ကိုယ်စားလှယ် တဦး၊ အသီးသီး ရွေးချယ်ရမည် ဖြစ်သည်။ ထို့နောက် အဆိုပါ ၃ ဦးထဲမှ တဦးကို ပြည်သူ့လွှတ်တော်နှင့် အမျိုးသား လွှတ်တော် ပူးပေါင်းထားသည့် ပြည်ထောင်စု လွှတ်တော်တို့မှ သမ္မတအဖြစ် အတည်ပြု ရွေးချယ်ခန့်ထားပြီး ကျန် ၂ ဦးသည် ဒုသမ္မတများအဖြစ် ခန့် ထားသော စနစ်ကိုပြဌာန်းထားသည်။
Ref: ဧရာဝတီ
ဒေါ်အောင်ဆန်းစုကြည် ကော့မှူးပညာရေးဆိုင်ရာ ဆွေးနွေး
2012-10-10
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်း စုကြည်ဟာ ဒီကနေ့ မနက်ပိုင်းက သူ့ရဲ့ မဲဆန္ဒနယ် ကော့မှူးမြို့နယ်က ဆရာ ဆရာမ ၁၀၀ လောက်နဲ့ တွေ့ဆုံဆွေးနွေးပြီး ကျောင်းတွေမှာ ဘယ်လို အထောက်အပံ့ မျိုးတွေ လိုအပ်နေသလဲ ဆိုတာ လေ့လာခဲ့ပါတယ်။
ဒီကနေ့ တွေ့ဆုံပွဲမှာ ဆရာ ဆရာမတွေရဲ့ လစာဖူလုံရေး နဲ့ ကျူရှင်စနစ် ပပျောက်ရေး အတွက် ဘာတွေ လိုအပ်သလဲ ဆိုတာကို ဒေါ်အောင်ဆန်းစုကြည်က အခုလို မေးမြန်း ဆွေးနွေးခဲ့ ပါတယ်။
"ကျွန်မတို့မြို့နယ်မှာ လုပ်ချင်တာက ကျွန်မတို့ ဆရာ၊ ဆရာမတွေရဲ့ လခတွေနဲ့ ပတ်သက်လို့တော့ ပွင့်ပွင့် လင်းလင်း ဆွေးနွေးပြီးတော့ တိုင်ပင်ပြီးတော့ ပြုပြင်ပြောင်းလဲရမယ့် အချိန်ကတော့ ရောက်လာပြီလို့ ကျွန်မထင်တယ်။ ဘာဖြစ်ဆို ဒီကျူရှင်ဆိုတဲ့ ကိစ္စကြီးပေါ့နော်။ ကျူရှင်ဆိုတာ ကျွန်မတို့နိုင်ငံမှာ နာမည်ဆိုး ရှိတဲ့ဟာ၊ ဒီကျောင်း အတန်းထဲမှာ ဘာဖြစ်လို့ ကလေးတွေကို ပညာ ပြည့်ပြည့်ဝဝ မသင်ပေးနိုင်တာလဲ ဆိုတာတော့ ကျွန်မတို့ စဉ်းစားရမယ်။ ဒါကိုလည်း လက်တွေ့ကျကျ ကြည့်ရမယ်။ ကျောင်းဆရာ ဆရာမတွေရဲ့ လခတွေကို ပံ့ပိုးဖို့လိုလို့ အပြင်မှာ ကျူရှင်ပေးတဲ့ ကိစ္စပဲ တစ်ခုပဲလား။ တခြားဘာတွေရှိသေးလဲ။ ကျောင်းစာသင်ခန်း ထဲမှာ ကလေးတွေကို ပြည့်ပြည့်ဝဝ သင်ပေးနိုင်လောက်အောင် အခြေအနေတွေ မပေးလို့လား။ အဲဒါ ဘာအခြေအနေတွေလဲ ဆိုတာ အဲဒါတွေကို ကျွန်မတို့ ကြည့်ပြီးတော့ ပြုပြင်ဖို့ လိုပါလိမ့်မယ်။ ဆရာ ဆရာမတွေရဲ့ လခတွေဟာ ဒီလိုပုံစံနဲ့ ဆိုရင်တော့ လုံလုံလောက်လောက် မရှိဘူး ဆိုတာတော့ ကျွန်မတို့ သဘောပေါက်ပါတယ်၊ "
ဒါ့အပြင် ပညာရေး စနစ်ကို ရေရှည်မှာ အသက်မွေးဝမ်းကျောင်း ပညာလိုင်း နဲ့ တက္ကသိုလ် ပညာလိုင်းကို ခွဲပြီး လုပ်ချင် တယ်လို့ ဒေါ်အောင်ဆန်းစုကြည်က ပြောပါတယ်။
ကျောင်း ပြဋ္ဌာန်း စာအုပ်ပါ သင်ခန်းစာတွေ တင်မက ကျောင်းသားကျောင်းသူ တစ်ဦးချင်း ဝါသနာ အလိုက် ဂီတ၊ အနပညာ၊ အားကစား စတဲ့ စိတ်ပါဝင်စားရာ ဘာသာရပ်တွေကိုပါ အခြေခံပညာမှာ ကတည်းက လေ့လာသင်ကြား နိုင်အောင် ပြောင်းလဲဖို့ လိုအပ်ကြောင်းလည်း ပြောကြားပါတယ်။
ဒေါ်အောင်ဆန်းစုကြည်ဟာ ကျောင်းသူ ကျောင်းသားတွေရဲ့ အင်္ဂလိပ်စာ တတ်မြောက်မှုကိုလည်း မေးမြန်းခဲ့ပြီး ဆရာ၊ ဆရာမတွေ ကိုလည်း အင်္ဂလိပ်စာ မွမ်းမံ သင်တန်းပေးဖို့ စီစဉ်မယ်လို့ သိရပါတယ်။
Ref: RFA News
ကြေးနီကုမ္ပဏီ သိမ်းဆည်းမြေပေါ် ရွာသားများ ထန်းပင် ပြန်စိုက်
2012-10-10
စစ်ကိုင်းတိုင်း၊ မုံရွာခရိုင်၊ လက်ပံတောင်းတောင် ဒေသခံ ကျေးရွာ (၂၆) ရွာက ရွာသူရွာသား (၂၀၀၀) ကျော်ဟာ လက်ပံတောင်းတောင် ကြေးနီ စီမံကိန်း အတွက် ကုမ္ပဏီက ခုတ်လှဲပစ်ခဲ့တဲ့ ထန်းပင်တွေနေရာမှာ ထန်းပင်ပေါက်တွေ ထောင်နဲ့ချီပြီး ပြန်လည် အစားထိုး စိုက်ပျိုးမှုကို ဒီကနေ့ ညနေ လေးနာရီ အချိန်က စတင်ပြီး စုပေါင်း လုပ်ဆောင်နေကြပါတယ်။
အဲဒီ စုပေါင်း ထန်းပင်စိုက်ပွဲ လှုပ်ရှားမှုမှာ ပါဝင်နေတဲ့ ဒေသခံ ဆည်တဲကျေးရွာသား ကိုကျော်နိုင်က RFA ကို အခုလို ပြောပါတယ်။
"ဒီသဘာဝ ပတ်ဝန်းကျင်ကို ယိုယွင်းပျက်စီးအောင်လုပ်တဲ့ ဝမ်ပေါင်ကုမ္ပဏီက ကြေးနီစီမံကိန်းကို လုံးဝ ကန့်ကွက်တဲ့ အနေနဲ့ ဒီမှာ သူတို့ လှဲလိုက်တဲ့ ထန်းပင်တွေနေရာမှာ ကျွန်တော်တို့ အစားပြန်လာ စိုက်တာပါ။ သူတို့ ခုတ်လှဲထားတဲ့ အပင်က အားလုံး ပေါင်းလိုက်ရင် တစ်ထောင်လောက် ရှိတယ်။ သူတို့ တစ်ထောင်လှဲတယ်။ ကျွန်တော်တို့ နှစ်ထောင် ပြန်စိုက်ပါတယ်။ အပင်ပေါင်း နှစ်ထောင်ကျော် ပြန်စိုက်မှာပါ။ လူတစ်ယောက်ကို တစ်ပင်နှုန်း ပြန်စိုက်မှာပါ။ သူတို့ စီမံကိန်းကြီးနဲ့ ပတ်သက်တဲ့ ဘေးနားတွေမှာ ဆောက်လုပ်ရေး လုပ်နေတဲ့ တောင်ပတ်ဝန်းကျင် မှာတော့ လုံခြုံရေးတွေ အပြည့် ယူထားတယ်။ ကျွန်တော်တို့ကို မှန်ဘီလူးတွေနဲ့ အဝေးကနေ လှမ်းကြည့်နေတယ်။ တောင်အောက်မှာလည်း သူတို့ လုံခြုံရေးတွေ အပြည့် ယူထားတယ်ခင်ဗျ။ ကျွန်တော်တို့က တောင်ခြေမှာ သစ်ပင်တွေ စိုက်နေပြီ အခု။"
ဒေသခံတွေဟာ လက်ပံတောင်းတောင် အကျိုးစီးပွား ကာကွယ်ရေး ကော်မတီရဲ့ စုပေါင်း သစ်ပင်စိုက်ပွဲ ဆိုတဲ့ ခေါင်းစဉ်အောက်မှာ "တို့ပြည်၊ တို့ရွာ ၊ တို့ခွန်အားဖြင့် စိမ်းလန်းစေရမည်" ဆိုတဲ့ ဆိုင်းဘုတ်တွေကို ကိုင်ဆောင်ပြီး စိုက်ပျိုးနေကြတယ်လို့ သိရပါတယ်။ ကြေးနီ စီမံကိန်း လုံးဝ ရပ်ဆိုင်းရေး ဆိုတဲ့ ကြွေးကြော်သံတွေလည်း ဒေသခံတွေက ရွတ်ဆိုနေကြတယ်လို့ ဆိုပါတယ်။
လက်ပံတောင်းတောင် ပတ်ဝန်းကျင်မှာ လုံခြုံရေးတွေ အပြည့်ယူထားပြီး ထန်းပင် စိုက်နေတဲ့ ဒေသ ခံတွေကို စောင့်ကြည့်နေကြကြောင်းလည်း သိရပါတယ်။
အဲဒီအခန်းအနား ပြုလုပ်တဲ့ ဒေသဟာ အာဏာပိုင်တွေက ပုဒ်မ ၁၄၄ ထုတ်ပြန်ထားတဲ့ နယ်မြေ ဖြစ်ပေမဲ့ ဘာမှ အရေးယူခြင်း မရှိဘူးလို့ သိရပါတယ်။
Ref: RFA News
တနှစ် ကား နှစ်သောင်းကျော် ထုတ်မည့် ဆူဇူကီး စက်ရုံကြီး မြန်မာပြည်မှာ ဆောက်ရန်ရှိ
ဗုဒ္ဓဟူးနေ့၊ အောက်တိုဘာလ ၁၀ ရက် ၂၀၁၂
နယူးဒေလီ (မဇ္ဈိမ)။ ။ ဂျပန်နိုင်ငံမှ ဆူဇူကီး ကော်ပိုရေးရှင်းက မော်တော်ကား တပ်ဆင် ထုတ်လုပ်သည့် စက်ရုံကြီး တခုကို မြန်မာနိုင်ငံတွင် ၂၀၁၅ ခုနှစ်တွင် အပြီး တည်ထောင်ရန် စီစဉ်လျက်ရှိသည်။
တနှစ်လျှင် မော်တော်ကားစီးရေ ၂၀,၀၀၀ မှ ၃၀,၀၀၀ ထိ ထုတ်လုပ်သွားကာ ကမ္ဘာ့အကြီးဆုံး စက်မှုရုံကြီးများ ထဲမှ တခုအဖြစ် ဖွံ့ဖြိုး လာရန် ရည်ရွယ်ထားကြောင်း The Asahi Shimbun သတင်း တရပ်တွင် ဖော်ပြပါရှိသည်။
ထိုအတွက် ဆူဇူကီး အနေနှင့် ယန်းငွေ သန်းထောင်ပေါင်းများစွာ ရင်းနှီးမြှုပ်နှံရမည် ဖြစ်ပြီး ရန်ကုန်တိုင်း၊ သီလဝါရှိ မြေအကျယ် ၄၀ ဟက်တာတွင် တည်ဆောက်မည်ဟု လျာထားသည်။
၁၉၉၉ ခုနှစ်မှစ၍ ဆူဇူကီးကုမ္ပဏီသည် ခရီးသည်တင်ကားများနှင့် မော်တော်ဆိုင်ကယ် များကို တင်သွင်း လာခဲ့သည်။ ဤသည်မှာ ကား ထုတ်လုပ်သူများနှင့် မြန်မာစက်မှုဝန်ကြီးဌာနတို့ ပူးပေါင်းထားသည့် ကုမ္ပဏီတခုမှတဆင့် တင်သွင်း
ခဲ့ရခြင်းဖြစ်ကာ ၂၀၁၀ ခုနှစ်တွင် ခွင့်ပြုချက် ကုန်ဆုံးပြီး ပူးပေါင်းကုမ္ပဏီလည်း ဖျက်သိမ်းခံရပြီး စီမံကိန်းများ ရပ်တန့်
သွားခဲ့ရသည်။
၂၀၁၁ ခုနှစ်တွင် မြန်မာအစိုးရ၏ စီးပွားရေး ပြုပြင်ပြောင်းလဲမှုများ ဖြစ်ပေါ်လာပြီး ယ္ခင်ကဲ့သို့ ပြန်လည် တင်သွင်းခွင့်ရရန် ဆူဇူကီး က မြန်မာ အစိုးရအား လျှောက်ထား ခဲ့သော်လည်း ငြင်းပယ် ခံခဲ့ရသည်။ သို့သော် ထိုအစား ထုတ်လုပ်မှု စက်ရုံကြီး တခု တည်ထောင်ရန် မြန်မာ အစိုးရက ကမ်းလှမ်းလာ၍ ယ္ခုကဲ့သို့ သီလဝါ အထူးစီးပွားရေးဇုန်တွင် ဆူဇူကီး မော်တော်ကား စက်ရုံကြီး စီမံကိန်း ပေါ်ပေါက် လာခဲ့ရသည်။
မြန်မာနိုင်ငံတွင် မော်တော်ကားစင်းရေ နှစ်သန်း သုံးသိန်းကျော် လိုင်စင်ဖြင့် မှတ်ပုံ တင်ထားပြီးဖြစ်ရာ အများစုမှ ဂျပန်နိုင်ငံမှ တင်သွင်း ခဲ့ခြင်းဖြစ်သည်။ ဂျပန် မော်တော်ကား ကုမ္ပဏီများအနက် ဆူဇူကီးသာလျှင် မြန်မာနိုင်ငံတွင် ထုတ်လုပ်မှု အမာခံနယ်မြေ ရရှိထားသည်။
ကြာသပတေးနေ့တွင် တိုကျိုမြို့၌ ကျင်းပမည့် မြန်မာနိုင်ငံအား ကူညီရန် ရည်ရွယ်သည့် အပြည်ပြည်ဆိုင်ရာ ကွန်ဖရင့် တရပ်တွင်လည်း ဂျပန် အစိုးရနှင့် ကမ္ဘာ့ဘဏ် အပါအဝင် မြီရှင်များက ကြွေးထူလှသည့် မြန်မာ အစိုးရအား ချေးငွေများ ထပ်မံချပေးရန် ရှိနေသည်။
ဂျပန်အစိုးရအနေနှင့် ၎င်းတို့ အဓိက ပါဝင်နေသည့် သီလဝါ အထူးစီးပွားရေးဇုန် ဖွံ့ဖြိုး လာစေရေး အတွက် မြန်မာ အစိုးရအား ချေးငွေများ အမြန်ဆုံးချပေးလိုသည့် ဆန္ဒရှိနေသည်။
လူဦးရေ သန်း ၆၀ ကျော်မျှရှိသော မြန်မာနိုင်ငံတွင် အလုပ်လက်မဲ့ပြဿနာမှာ အစိုးရရော၊ အတိုက် အခံပါ ပြောဆို လာရသည့် ကိစ္စ တခုဖြစ်နေပြီး လုပ်အား ခမှာလည်း ထိုင်းနိုင်ငံ၏ လေးပုံ တပုံမျှသာ ရှိ၍ နိုင်ငံခြား ကုမ္ပဏီကြီးများ လာရောက် ရင်းနှီးမြှုပ်နှံရန် အထူး စိတ်ဝင်စားခြင်း ခံရသည့် အကြောင်းအချက်တခု ဖြစ်နေသည်။
Ref: မဇ္ဈိမ
SSA-N နှင့် အစိုးရ ငြိမ်းအဖွဲ့တို့ တပ်မိသားစု နေရာချရေး သဘောတူ
ဖနိဒါ
ဗုဒ္ဓဟူးနေ့၊ အောက်တိုဘာလ ၁၀ ရက် ၂၀၁၂
ချင်းမိုင်(မဇ္စျိမ) ။ ။ မိုင်းရှူးနှင့် တန့်ယန်းမြို့နယ် အကြားရှိ ဟိုနမ်းဒေသတွင် တပ်မိသားစု ဝင်များနှင့် စစ်ဘေးရှောင် ရွာသားများ အတွက် ရွာသစ်တည်ရန် ရှမ်းပြည် တပ်မတော်(မြောက်ပိုင်း) SSPP/SSA-N နှင့် ပြည်ထောင်စု အစိုးရ ငြိမ်းချမ်းရေး ဖော်ဆောင်ရေး လုပ်ငန်းကော်မတီ တို့ ဗုဒ္ဓဟူးနေ့က သဘော တူညီခဲ့ကြသည်။
ဒုတိယအကြိမ်မြောက် ငြိမ်းချမ်းရေး ဆွေးနွေးမှုအဖြစ် သမ္မတရုံး ဝန်ကြီး ဦးအောင်မင်းနှင့် လွှတ်တော် ကိုယ်စား လှယ် ဦးသိန်းဇော်တို့ ဦးဆောင်သော ပြည်ထောင်စု အစိုးရ ငြိမ်းချမ်းရေး ဖော်ဆောင်ရေး လုပ်ငန်းကော်မတီမှ ကိုယ်စားလှယ်များနှင့် အထွေထွေ အတွင်းရေးမှူး ဦးခွန်ဆိုင်း ခေါင်းဆောင်သော SSPP/SSA-N မှ ကိုယ်စားလှယ်များ လာရှိုးမြို့တွင် ဆွေးနွေး၍ အဆိုပါ အိမ်ခြေ ၃၅ဝ ရှိ ရွာသစ်တည်ရန် သဘောတူခဲ့ကြခြင်း ဖြစ်သည်။
“ဆွေးနွေးတာက တပ်နေရာချထားရေး၊ (SSA-N)တပ်မိသားစုဝင်တွေ၊ စစ်ဘေးရှောင် ကျေးရွာသားတွေ နေရာ ချထားဖို့ မိုင်းရှူးနဲ့ တန့်ယန်းကြားမှာ အခြေချဖို့ သဘောတူတယ်။ လူထု မထိခိုက်တဲ့နေရာ၊ နှစ်ရှည်ပင်၊ နှစ်တိုပင် စိုက်နိုင်တဲ့နေရာ ဖြစ်ဖို့ တဆင့်ပြီးတဆင့် ရွာတည်ဖို့ စီမံချက်ချမယ်။ လိုအပ်တဲ့ ပံ့ပိုးမှုကို အစိုးရက ကူညီမယ်” ဟု SSA-N ပြောခွင့်ရ ဗိုလ်မှူး စိုင်းလ က ပြောသည်။
သွပ်မိုး ပျဉ်ထောင် အိမ်အလုံးပေါင်း ၃၅ဝ တည်ဆောက်ရန်အတွက် ပထမအဆင့်အဖြင့် ကော်မတီဖွဲ့စည်း၍ ရေရရှိမှု အခြေအနေ၊ လမ်းဖောက်လုပ်မည့် အခြေအနေများအား ကွင်းဆင်းလေ့လာမည် ဖြစ်ကြောင်း မဇ္စျိမကို ပြောသည်။
တပ်များ သွားလာရေးကိစ္စတွင် ကြိုတင်ညှိနိုင်းရန်အတွက် အထက်သို့ တင်ပြရန် မလိုဘဲ သက်ဆိုင်ရာ တိုင်းဌာနချုပ် တွင်သာ ဖြေရှင်း သွားရန်လည်း ဆွေးနွေးခဲ့ကြသည်ဟု ဆိုသည်။
ဆွေးနွေးပွဲကို မွန်းလွဲ ၁ နာရီမှ စတင်ခဲ့ပြီး ညနေ ၄ နာရီထိ ကြာမြင့်ခဲ့သည်ဟု ဗိုလ်မှူးစိုင်းလှ က ပြောသည်။
ဆွေးနွေးပွဲတွင် မိုင်းရှူးမြို့နယ် ကူးတိုးဆိပ်(တာဆမ်းဖူး)မှ SSA-N တပ်စခန်းတခုကို အောက်တိုဘာလ ၅ ရက်နေ့ နောက်ဆုံးထား ပြောင်းရွှေ့ ရမည်ဟု ရှမ်းပြည်နယ်စပ် ရေးရာနှင့် လုံခြုံရေးဝန်ကြီး ဗိုလ်မှူးကြီးအောင်သူ က စာပေးပို့ ထားမှုနှင့် ပတ်သက်၍ ထည့်သွင်း ဆွေးနွေးခြင်း မရှိသော်လည်း တပ်ဆုတ်ပေးမည် မဟုတ်ကြောင်း သူက ဆိုသည်။
ဇန်နဝါရီလက SSA-N နှင့် အစိုးရ ငြိမ်းချမ်းရေးဖော်ဆောင်ရေးလုပ်ငန်းကော်မတီတို့ အပစ် အခတ် ရပ်စဲရေး သဘော တူညီ ခဲ့ကြပြီးနောက် တိုက်ပွဲအကြိမ်ပေါင်း ၄ဝ ခန့် ဖြစ်ပွားခဲ့သည်ဟု ဗိုလ်မှူး စိုင်းလှ က ပြောသည်။
Ref: မဇ္ဈိမ
OIC ဆန့်ကျင်ရေး ရခိုင်အမျိုးသမီးများ ဆန္ဒပြ
ခင်ဦးသာ
October 10, 2012
ရခိုင်ပြည်နယ်နှင့် မြန်မာပြည်တွင် OIC ရုံးဖွင့်ခြင်းကို မလိုလားသည့် အတွက် စစ်တွေ ဒေသခံ အမျိုးသမီးများ ထောင်ချီ၍ ယနေ့ ဆန္ဒ ထုတ်ဖော်ခဲ့ကြောင်း သိရသည်။
စစ်တွေဒေသခံ ရခိုင်အမျိုးသမီးများဦးဆောင်ပြီး လူဦးရေထောင်ချီ၍ စစ်တွေမြို့ ဦးဥတ္တမ ပန်းခြံမှ မြို့တွင်း လှည့်လည်ကာ ဘင်္ဂလားဒေ့ရှ် ကောင်စစ်ဝန် ရုံးသို့ ချီတက်ပြီး OIC အလိုမရှိ၊ အမျိုးသမီး တို့၏ ဘ၀လုံခြုံရေး၊ ၁၉၈၂ ခုနှစ် နိုင်ငံသားဖြစ်မှု ဥပဒေကိုလေးစား လိုက်နာရေး စသည့်အချက် ၆ ချက်ကို ဆန္ဒထုတ် ဖော် ခဲ့ကြောင်း ဦးဆောင်သူ ဒေါ်ညိုအေး က ပြောသည်။
“Get Out OIC” ဆိုသည့် အချက်နှင့် တချို့သော အချက်များကို ထုတ်ပြန်ကြေညာချက်တွင် အာဏာပိုင် တို့က ပယ်ဖျက် လိုက်ကြောင်း၊ သို့သော် ထိုစာတမ်းပါ တီရှပ် အကျီများကို ၀တ်ဆင်၍ မိုးရေထဲ၌ လမ်းလျှောက်ခဲ့ကြကြောင်း၊ အမျိုးသမီးများ အပြင် မြို့ခံ အများအပြား ပါဝင်ပူးပေါင်းကြောင်း ၎င်း က ဆိုသည်။
ဆန္ဒထုတ်ဖော်ရခြင်း ရည်ရွယ်ချက်၌ ရခိုင်ပြည်တွင်းရှိ ရခိုင်နှင့်တခြား တိုင်းရင်းသား လူမျိုးများနှင့် မွတ် စလင်များ အကြား အတူတကွ နေထိုင်ရန် လက်ရှိ အခြေအနေအရ လုံးဝ မဖြစ်နိုင်ကြောင်း၊ ၎င်းတို့ ရှိနေသမျှ ကာလတွင် ရခိုင်ပြည် တွင်းနေ ထိုင်သော မြန်မာ အမျိုးသမီးတို့၏ ဘ၀ လုံခြုံမှုအတွက် စိတ်မချရသည့်အတွက် ဆန္ဒ ထုတ်ဖော်ရခြင်းဟု ဆိုသည်။
“ရခိုင်ဒေသမှာ ဖြစ်သွားတဲ့ ကိစ္စတွေကြောင့် အဓိက ခံစားရသူတွေက အမျိုးသမီးတွေပါ၊ သူတို့တွေရဲ့ ဦးတည်ချက်တွေက လည်းပဲ အမျိုးသမီးတွေကိုပဲ ပစ်မှတ်ထားတယ်၊ ပြီးရင် အမျိုးဘာသာ၊ သာသနာကို ပစ်မှတ်ထားတဲ့ အတွက် အခုလို ဆန္ဒဖော် ထုတ်ရတာပါ”ဟု ဆန္ဒထုတ်ဖော်ရာတွင် ဦးဆောင်ပါဝင်သူ မမာမာကျော်ဇော က ပြောသည်။
ရခိုင်ပြည်နယ်၊ အစိုးရအဖွဲ့၏ သတင်းပြန်ကြားရေးအဖွဲ့တာဝန်ခံ ဦးဝင်းမြိုင်က ပြောဆိုရာတွင် ၎င်းတို့အနေဖြင့် ကန့်သတ်မှု မ ရှိကြောင်း၊ သို့သော် မသင့်တော်ဟု ယူဆရသော စာသားတချို့ကို ပယ်ဖျက်လိုက်ကြောင်း ဧရာဝတီ ကိုပြော သည်။
“စစ်တွေမှာ OIC ရုံးဖွင့်မယ်ဆိုတာနဲ့ ပတ်သက်ပြီး ပြည်နယ်အစိုးရက ဘာမှမသိသေးပါဘူး၊ ဒီကိစ္စကလည်းပဲ ပြည်သူတွေရဲ့ ဆန္ဒမပါရင်လုပ်လို့မရပါဘူး၊ အားလုံးနဲ့ညှိနှိုင်းပြီးမှ လုပ်လို့ရမယ့်ကိစ္စပါ”ဟု ၎င်း က ဆိုသည်။
မြန်မာနိုင်ငံတွင်း OIC ၀င်ရောက် ရုံးဖွင့်မည်ဟု သတင်းများထွက်ပေါ်နေခြင်းသည် ပြည်ထောင်စု အစိုးရ၏ နယ်စပ်ဝန်ကြီးနှင့် OIC တို့အကြား သဘောတူညီမှုသာ ဖြစ်ကြောင်း၊ ရခိုင်ပြည်နယ် အစိုးရအဖွဲ့ အနေဖြင့် မည်သည့် အကြောင်းအရာကိုမှ မ သိရှိသေးဟု လည်း ဦးဝင်းမြိုင် ကဆိုသည်။
အစ္စလာမ်မစ် ပူးပေါင်း ဆောင်ရွက်ရေးအသင်း OIC အဖွဲ့သည် အစ္စလာမ်နိုင်ငံ ၅၇ ခုအား ကိုယ်စားပြုဖွဲ့သည့် အဖွဲ့တခုဖြစ် သည်။
ဆော်ဒီအာရေဗျ နိုင်ငံအခြေစိုက် OIC အတွင်းရေးမှူးချုပ်သည် ရခိုင်ဒေသတွင်း ပဋိပက္ခများ ဖြစ်ပွားပြီး နောက် ရခိုင်ပြည်သို့ သွားရောက် ခဲ့ပြီး မြန်မာ-OIC ပူးပေါင်းရေး ကိစ္စအား နယ်စပ် ၀န်ကြီး ဒု ဗိုလ်ချုပ်ကြီး သိန်းဌေးနှင့်နားလည်မှု စာချွန် လွှာကို စက်တင်ဘာလ ၁၁ ရက်နေ့တွင် လက်မှတ်ရေးထိုးထားကြောင်း ဘီဘီစီ မြန်မာပိုင်းတွင် ရေးသားထားသည်။
OIC ရုံးချုပ်ကို ရန်ကုန်တွင် ထားရှိမည်ဖြစ်ပြီး၊ ကူညီထောက်ပံ့ရေးနှင့်တခြား ကိစ္စများအတွက် ရုံးခွဲတခုကို စစ်တွေမြို့တွင် ထားရှိမည်ဖြစ်ကြောင်း၊ ထိုရုံးများကို မကြာမီ ဖွင့်လှစ်သွားရန် ရှိကြောင်း OIC အဖွဲ့ဝင် တဦးကို ကိုးကား၍ ဘီဘီစီ က ရေး သားထားသည်။
ထိုကိစ္စနှင့်ပတ်သက်၍ နိုင်ငံတော်သမ္မတ ရုံးသို့ ဧရာဝတီ က ဆက်သွယ်မေးမြန်းခဲ့သော်လည်း ဖြေဆိုခြင်း မရှိပေ။
OIC ရုံးဖွင့်လှစ်ရေး ကိစ္စအပြင် ဘင်္ဂလားဒေ့ရှ် နိုင်ငံအတွင်းနေထိုင်ကြသည့် ဗုဒ္ဓဘာသာဝင်များအား ကာကွယ်ပေးရေး၊ ငြိမ်းချမ်းစွာ ယှဉ်တွဲနေထိုင်နိုင်ရေးအတွက် စစ်တွေမြို့မှ မွတ်စလင်အများစု နေထိုင်သည့် အင်ဘာလာ (အောင်မင်္ဂလာ) ရပ်ကွက်အား မြို့ပြင် ပြောင်းရွှေ့ပေးရေး၊ ရခိုင်ဒေသရှိ ဘင်္ဂါလီများနှင့် ပတ်သက်၍ သမ္မတ ပြောဆိုချက်အား ထောက်ခံကြောင်း စသည့် အချက် ၅ ချက်ကို သံဃာတော်များက စစ်တွေမြို့၌ ယမန်နေ့က တောင်းဆိုခဲ့ကြသည်။
ဆရာတော်၊ သံဃာတော်များနှင့်အတူ ထောင်ချီသည့် စစ်တွေဒေသခံများ ကလည်း ပါဝင်ပူးပေါင်း၍ ဘင်္ဂလားဒေ့ရှ် ကောင်စစ် ၀န်ရုံးသို့ ချီတက်လမ်းလျှောက်ကာ တောင်းဆိုချက်များကို ဆန္ဒထုတ်ဖော်ခဲ့ကြသည်။ လုံခြုံရေးများ ထူထပ်စွာ ချထားခဲ့သော် လည်း တစုံတရာ နှောင့်ယှက် ဟန့်တားမှု မရှိဟု သိရသည်။
Ref: ဧရာဝတီ
မြေမခတဲ့ ကြယ်ကြွေည
ပုခုံးပေါ်က ခေတ်တာဝန်
ဘယ်လောက်ကျေပွန်လဲ
ဆု တွေတွဲလဲနဲ့တိုင်းတာ
အဲ့ဒါမှ……
ပြည့်စုံနုိုင်ကြသလား။
သူ့ကို
ရွာငယ်ငယ်လေးမှာမွေး
လယ်သမားရဲ့ ကလေးပါပဲ။
ဘုန်းကြီးကျောင်းမှာစာသင်
တက္ကသိုလ်ကြီးတွေလဲမဝင်ဘူးပါဘူး။
နံပါတ်တုတ်အောက်မှာ
မီးဟုန်းဟုန်းတောက်ခဲ့တယ်
အတောင်ပေါက်စ ခွပ်ဒေါင်းဘဝက။
ကျွန်စိတ်မဝင်အောင်
သခင်လည်း ဖြစ်ခဲ့ဘူးတယ်။
ပန်းလို မီးလိုကျင့်
စစ်သားကောင်းလည်းဖြစ်တယ်။
အင်္ဂလိပ်ကိုအာခံ
ဂျပန်ကိုတော်လှန်
ဆင်းရဲသားတွေအတွက် အမြဲမှန်ခဲ့တယ်။
ငြိမ်းချမ်းရေးကိုမြတ်နိုး
စစ်သူခိုးတွေနဲ့လမ်းခွဲခဲ့တယ်။
သူပျိုးတဲ့ပန်း
သူမနမ်းသွားရရှာဘူး။
သူ့ရွာငယ်လေး ရေးရေးတောင်
မြင်မသွားရရှာဘူး။
ရွှေတိဂုံကို ဖူးခွင့်မရပေမယ့်
ယုံကြည်ရာကို အမြစ်တွယ်
ခန့်ခန့်ထယ်ထယ် သေဆုံးခဲ့တယ်။
မျိုးဆက်ရှင်သန်ဖို့
မြောက်ဘက်ကိုပျံခဲ့တယ်။
တောင်ဘက်ပျံသူတွေကိုအားနာလို့
ကြားအလည်မှာ ရပ်မနေပါ
အဲ့ဒါမှ ရဲရင့်တဲ့ကြိုးကြာ။
ခြင်္သေ့နဲ့ယုန်ပြသာနာကို
နေသာသလိုမနေခဲ့ဘူး။
တဘဝလုံးရင်း
အားကြီးသူတွေကို
စစ်ခင်းခဲ့တယ်။
ဒါပေမယ့်….
သူ့ဧည့်ခန်းမှာ
တူနဲ့တံဇဉ် တလက်စီကလွဲ
ဆုဆိုတဲ့ တို့လို့တွဲလဲတွေ
နဲနဲမှမရှိခဲ့ဘူး။
လူထုအတွက်………
တော်လှန်ရေးနဲ့ကြီးပြင်း
တော်လှန်ရေးကိုရှုရှိုက်
တော်လှန်ရေးကိုထွေးချီ
ဆွေးဆွေးနီတဲ့ ခွပ်ဒေါင်း
အတောင်ဘယ်တုန်းကမှ မညောင်းခဲ့။
ခုတော့
သူရဲကောင်းတို့ရွာ
ဆိုင်းစု ကောင်းကင်မှာ
မြူတွေရစ်သိုင်းတဲ့
အောက်တိုဘာရဲ့ ညလည်ခင်း
အနီရောင် ကြယ်တစင်းကြွေ
သေချာတာက…………….
သူဘယ်တော့မှ မြေမခဘူး ။ ။
(သူရဲကောင်း ဗိုလ်မှုးချုပ်ဟောင်းကျော်ဇော အတွက်ဂုဏ်ပြုရေးစပ်ပါသည်။)
ကမာပုလဲ
Wednesday, October 10, 2012
ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇော တရုတ်ပြည်၌ ကွယ်လွန်
ရန်ပိုင်
October 10, 2012
တရုတ်နိုင်ငံ၌ နိုင်ငံရေးခိုလှုံနေရသော ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇော (အသက် ၉၃ နှစ်) သည် ကူမင်းမြို့ ဆေးရုံကြီး တွင် ယနေ့ နံနက် ၃ နာရီခွဲခန့်က ကွယ်လွန်သွားကြောင်း သမီးဖြစ်သူ ဒေါက်တာ လှကျော်ဇော က ဧရာဝတီသို့ ပြောသည်။
“ကျမတို့ကတော့ ဘာမှပြောစရာ မရှိပါဘူး၊ နာရေးကို ပါတီက ဆက်ပြီး ကြေညာချက် ထုတ်ပါလိမ့်မယ်”ဟု ၎င်းက ဆိုသည်။
ဗိုလ်မှူးချုပ်ဟောင်း ကျော်ဇော ၏ ဈာပန အခမ်းအနားကိုလည်း ဗမာပြည် ကွန်မြူနစ်ပါတီ ၏ အစီ အစဉ်ဖြင့် ဆောင်ရွက်မည် ဖြစ် ကြောင်း သိရသည်။ အသေးစိတ် အစီအစဉ်ကိုမူ မသိရှိရသေးပေ။။
ဗိုလ်မှူးချုပ်ကျော်ဇောသည် မကြာသေးခင်က အအေးဒဏ်ကြောင့် အဆုတ်ကိုပါ ထိခိုက်သည့် အပြင် ကျောက်ကပ် လည်း မကောင်းတော့ကြောင်း၊ ကွယ်လွန်ချိန် အထိ အောက်ဆီဂျင်ဖြင့် အသက်ရှုရကြောင်း သားဖြစ်သူ ဦးအောင်ကျော်ဇော က လည်း ပြောပြသည်။
ကွယ်လွန်ချိန်တွင် သမီး ဒေါက်တာ လှကျော်ဇော၊ ဒေါ်စန်းကျော်ဇော နှင့် သား ဦးအောင်ကျော်ဇော အပါအ၀င် မြေး ၇ ယောက် ကျန်ရစ် ခဲ့ကြောင်း သိရသည်။
တိုင်းပြည် လွတ်လပ်ရေးကြိုးပမ်းရာတွင် ပါဝင်ခဲ့သည့် ရဲဘော်သုံးကျိပ် ၀င်များ အနက် ဗိုလ်မှူးချုပ် ကျော်ဇောသည် ပြည်ပရှိ နောက်ဆုံး လက်ကျန် တဦး ဖြစ်သည်။
ဗိုလ်မှူးချုပ် ကျော်ဇောသည် ပဲခူးတိုင်း သာယာဝတီ ခရိုင် ဆိုင်းစုရွာ ဇာတိ ဖြစ်ပြီး နယ်ချဲ့ ဆန်ကျင်ရေး လှုပ်ရှားမှု များတွင် ပါဝင် ခဲ့သည်။
ကိုလိုနီခေတ်က ဟိုင်နန်ကျွန်းသို့ သွားရောက်၍ ဗိုလ်ချုပ်အောင်ဆန်းနှင့် အတူ စစ်ပညာ သင်ယူခဲ့ပြီးနောက် မြန်မာ့ သမိုင်းတွင် ထင်ရှားသည့် ရဲဘော် သုံးကျိပ်ဝင် တဦး ဖြစ်လာသည်။
ဂျပန်တော်လှန်ရေး ကာလအတွင်း စစ်တောင်းမြစ် အရှေ့ဘက်ခြမ်း တိုင်း အမှတ် ၄ စစ်ရေး ခေါင်းဆောင် တဦး အဖြစ် တာဝန် ယူ ရသည်။
လွတ်လပ်ရေးရပြီး ပြည်တွင်းစစ် အစပိုင်း တောင်ပိုင်းတိုင်း စစ်ဌာနချုပ် တိုင်းမှူး တာဝန်ယူ၍ ကရင် ကာကွယ်ရေး တပ် (KNDO)များ ၀ိုင်းထားသည့် ရန်ကုန်မြို့ကို ကာကွယ်နိုင်ခဲ့ပြီး ပဲခူး၊ ဖြူး၊ တောင်ငူမြို့များကို ဆက်လက် သိမ်းယူနိုင်ခဲ့သည်။
၁၉၄၉ ခုနှစ် KNDO တပ်များနှင့် သုံးလကြာ တိုက်ခိုက်ခဲ့ရသည့် အင်းစိန် တိုက်ပွဲသည် သူ၏ ဘ၀တွင် မမေ့နိုင်သော တိုက်ပွဲဖြစ် သည် ဟု ၎င်း၏ အတ္ထုပ္ပတ္တိ တွင် ရေးသားထားသည်။
၁၉၅၄ ခုနှစ်တွင် ကျူးကျော်သူ ကူမင်တန် တရုတ်ဖြူ တပ်များကို မြန်မာပြည်မှ မောင်းထုတ်နိုင်ခဲ့သည့် ဘုရင့်နောင် စစ်ဆင် ရေး ကို ဦးဆောင်ခဲ့သည်။
စစ်တိုက်ရာတွင် ရဲဘော် ရဲဘက်များနှင့် အတူ ယှဉ်ပေါင်တန်း တိုက်ပွဲဝင်တတ်သူ သတ္တိပြောင်မြောက်သူ တဦးအဖြစ် အများ က အသိအမှတ် ပြုပြောဆိုရသူ ဖြစ်သည်။
၁၉၅၇ ခုနှစ်တွင် စစ်ရေးဆိုင်ရာ လျှို့ဝှက်ချက်များ ပေါက်ကြားသည်ဟု စွပ်စွဲခံရပြီး တပ်မတော်မှ ထုတ်ပယ်ခြင်း ခံခဲ့ရသည်။
ထို့နောက် ဆရာကြီး သခင်ကိုယ်တော်မှိုင်း ၏ ဦးဆောင်မှုဖြင့် ပြည်တွင်း ငြိမ်းချမ်းရေး လုပ်ငန်းများကို ဆက်လက် လုပ်ကိုင်ခဲ့ပြီး ၁၉၇၆ ခုနှစ်တွင် ဗမာပြည် ကွန်မြူနစ်ပါတီ အခြေစိုက်ရာ တရုတ်-မြန်မာ နယ်စပ်သို့ ထွက်ခွာခဲ့ခြင်း ဖြစ်သည်။
မကြာသေးခင် က သမ္မတ ဦးသိန်းစိန်က ရဲဘော် သုံးကျိပ်ဝင် ဗိုလ်မှူးချုပ် ကျော်ဇော ကို မြန်မာပြည်သို့ ပြန်လာရန် ဖိတ်ခေါ်ခဲ့သေးသည်။
Ref: ဧရာဝတီ
မြန်မာနဲ့ တောင်ကိုရီးယားသမ္မတတို့ ၂ နိုင်ငံဆက်ဆံရေးတိုးမြှင့်ဖို့ ဆွေးနွေး
ကိုဇော်ဝင်းလှိုင်
09.10.2012
မြန်မာသမ္မတ ဦးသိန်းစိန်ဟာ သူ့ရဲ့ တောင်ကိုရီးယားခရီးစဉ် ဒုတိယနေ့ ဒီကနေ့ ညနေစောင်းက သမ္မတ အီမြောင်ဘတ်နဲ့ တွေ့ဆုံပြီး ရင်းနှီးမြှုပ်နှံမှုတွေကို အာမခံမယ့် သဘောတူညီမှု ရ ရှိအောင် နှစ်နိုင်ငံအကြား ဆွေးနွေး ညှိနှိုင်း သွားကြမယ်လို့ တောင်ကိုရီးယား သမ္မတရုံးက သတင်း ထုတ်ပြန်ခဲ့ပါတယ်။ ဒီကနေ့ အစောပိုင်းတုန်းကတော့ သမ္မတ ဦးသိန်းစိန်ဟာ တောင်ကိုရီးယားနိုင်ငံ က အလတ်စားနဲ့ အသေးစား စီးပွားရေးလုပ်ငန်းရှင်တွေနဲ့ တွေ့ဆုံခဲ့တာပါ။ အပြည့်အစုံကိုတော့ ဘန်ကောက်ရုံးကနေ ၀ိုင်းတော်သား ကိုဇော်ဝင်းလှိုင်က တင်ပြပေးထားပါတယ်။
တောင်ကိုရီးယားနိုင်ငံကို သုံးရက်ကြာ တရားဝင် အလည်အပတ် ရောက်ရှိနေတဲ့ သမ္မတ ဦးသိန်းစိန် ကို တောင်ကိုရီးယားနိုင်ငံ ဂုဏ်ပြု တပ်ဖွဲ့က နိုင်ငံတော် အခမ်းအနားနဲ့ ကြိုဆိုတဲ့ အသံတွေကို ကြားခဲ့ရတာပါ။
သမ္မတဦးသိန်းစိန်ကို ဒီကနေ့ ညနေစောင်းမှာ တောင်ကိုရီးယားသမ္မတ အီမြောင်ဘတ်နဲ့ ဆိုးလ်မြို့တော်မှာရှိတဲ့ Cheong Wa Dae သမ္မတ အိမ်တော်မှာ လက်ခံတွေ့ဆုံခဲ့တာပါ။
သမ္မတနှစ်ဦးရဲ့ ထိပ်သီး စည်းဝေးပွဲအတွင်း ရင်းနှီးမြှုပ်နှံမှုတွေကို အာမခံမယ့် သဘောတူညီချက် ရရှိအောင် နှစ်နိုင်ငံအကြား ဆွေးနွေး ညှိနှိုင်းသွားကြမယ့် အကြောင်း တောင်ကိုရီးယား သမ္မတရုံးက သတင်း ထုတ်ပြန်ခဲ့ပါတယ်။
ပြုပြင်ပြောင်းလဲမှုတွေ စတင်လုပ်ဆောင်ပြီး တံခါးဖွင့်ဝါဒကို စတင် ကျင့်သုံးနေတဲ့ မြန်မာနိုင်ငံ နဲ့ တောင်ကိုရီးယားနိုင်ငံ အကြား ကုန်သွယ်ရေးနဲ့ ရင်းနှီးမြှုပ်နှံမှုတွေ တိုးချဲ့ လုပ်ဆောင်နိုင်ရေး အတွက် နီးနီးကပ်ကပ် ပူးပေါင်း ဆောင်ရွက်ကြဖို့လည်း ထိပ်သီး စည်းဝေးပွဲအတွင်း သဘောတူညီမှု ရရှိခဲ့တယ်လို့ ဆိုပါတယ်။
တောင်ကိုရီးယားနိုင်ငံက ကုမ္ပဏီပေါင်း ၅၂ ခုက မြန်မာနိုင်ငံမှာ အမေရိကန်ဒေါ်လာ သန်း သုံးထောင်နီးပါး ရင်းနှီးမြှုပ်နှံ ထားတာကြောင့် တောင်ကိုရီးယားဟာ မြန်မာနိုင်ငံ အတွက် အရေးပါတဲ့ ကုန်သွယ်ဘက် နိုင်ငံတခု ဖြစ်နေတာပါ။
ဒီကနေ့အစောပိုင်း သမ္မတ အီမြောင်ဘတ်နဲ့ မတွေ့ဆုံခင်တုန်းကတော့ သမ္မတဦးသိန်းစိန် ဟာ တောင်ကိုရီးယားနိုင်ငံက အလတ်စားနဲ့ အသေးစား စီးပွားရေး လုပ်ငန်းရှင်တွေ နဲ့ တွေ့ဆုံပြီး မြန်မာနိုင်ငံမှာ ရင်းနှီးမြှုပ်နှံမှုတွေ လုပ်ဆောင်ကြဖို့ တိုက်တွန်း ပြောဆိုခဲ့ပါတယ်။
“မြန်မာနိုင်ငံရဲ့ နိုင်ငံရေးနဲ့ စီးပွားရေး ဖွံ့ဖြိုးတိုးတက်မှုတွေကြောင့် ဝင်ရောက်လာမယ့် နိုင်ငံတကာ ရင်းနှီးမြှုပ်နှံမှုများမှာ ဖော်ဆောင်ပေးမယ့် အခွင့် အလမ်းတွေကို ထိရောက်စွာ အသုံးချနိုင်အောင် ကြုံတွေ့ရမယ့် စိန်ခေါ်မှုတွေကို ရင်ဆိုင်နိုင်ဖို့ အတွက် ကျနော်တို့ရဲ့ အသေးစားနဲ့ အလတ်စား စီးပွားရေး လုပ်ငန်းများ အဆင်သင့်ဖြစ်နေအောင် လိုအပ်တဲ့ အကူအညီတွေကို ကိုရီးယားနိုင်ငံ၊ အသေးစားနဲ့အလတ်စား စီးပွားရေးလုပ်ငန်း အဖွဲ့ချုပ်ဖြစ်တဲ့ ကေဗစ်က လည်း ဖော်ဆောင်ပေးနိုင် မယ်လို့ ကျနော့်အနေနဲ့ မျှော်လင့်မိပါတယ်။”
ဒီ တွေ့ဆုံပွဲအတွင်း တောင်ကိုရီးယားနိုင်ငံက အလတ်စားနဲ့ အသေးစား ရင်းနှီးမြှုပ်နှံ မှုတွေ မြန်မာနိုင်ငံမှာ တိုးချဲ့ လုပ်ဆောင်ရေး အတွက် မြန်မာရင်းနှီးမြှုပ်နှံမှု ကော်မရှင်နဲ့ ကိုရီးယား စီးပွားရေးလုပ်ငန်းရှင် အဖွဲ့တို့အကြား သဘောတူညီမှု စာချွန်လွှာကို လက်မှတ် ရေးထိုး ခဲ့ကြတာပါ။
အောက်တိုဘာလ ၈ ရက်နေ့ တနင်္လာနေ့တုန်းကတော့ သမ္မတဦးသိန်းစိန်ဟာ တောင် ကိုရီးယားနိုင်ငံက ပြည်ပ ပို့ကုန်တွေ အတွက် အဓိက ဌာနကြီး ဖြစ်တဲ့ Kotra က တာဝန်ရှိသူတွေနဲ့ သွားရောက် တွေ့ဆုံပြီး မြန်မာနိုင်ငံမှာ တောင်ကိုရီးယားက ရင်းနှီးမြုပ်နှံမှုတွေ လာရောက် လုပ်ကိုင်ကြဖို့ ဆွေးနွေးခဲ့တာပါ။
သက်တမ်းအားဖြင့် နှစ်ပေါင်း ၅၀ လောက်ရှိလာပြီတဲ့ ဒီ Kotra အဖွဲ့ဟာ တောင်ကိုရီယားနိုင်ငံ စက်မှုလုပ်ငန်းတွေ စတင် လုပ်ဆောင်ချိန် ခေတ်ဦးကာလကတည်းက ကိုရီးယားထုတ် ကုန်ပစ္စည်းတွေ ပြည်ပနိုင်ငံတွေကို တင်ပို့နိုင်ရေး အတွက် အဓိက အခန်း ကဏ္ဍကနေ ဦးဆောင် လုပ်ကိုင်ပေးခဲ့တဲ့ အဖွဲ့ဖြစ်တာကြောင့် တောင်ကိုရီးယားနိုင်ငံ စီးပွား ဖွံ့ဖြိုး တိုးတက်ဖို့ အတွက် လုပ်ဆောင်တဲ့နေရာမှာ အရေးပါတဲ့ အဖွဲ့လည်း ဖြစ်ပါတယ်။
အောက်တိုဘာလ ၈ ရက်နေ့ ညနေပိုင်းမှာတော့ တောင်ကိုရီးယားရောက် မြန်မာ ပညာတော် သင်တွေနဲ့ တွေ့ဆုံပြီး လက်ရှိ သူ့အစိုးရက ပြုလုပ်နေတဲ့ ပြုပြင်ပြောင်းလဲရေး လုပ်ငန်းတွေ အကြောင်း သမ္မတက ရှင်းလင်း ပြောကြားခဲ့တယ်လို့ ဆိုပါတယ်။
ဒီကနေ့ သမ္မတဦးတွေ့ဆုံကြတဲ့ ထိပ်သီးစည်းဝေးပွဲမှာ ဘာတွေ ဆွေးနွေးကြတယ်ဆိုတဲ့ အသေးစိတ် ကိုတော့ နှစ်ဖက် စလုံးက ထုတ်ပြန်ကြေညာခြင်း မရှိသေးပေမယ့် သမ္မတ ဦးသိန်းစိန်ဟာ တောင် ကိုရီးယားနိုင်ငံမှာ ရှိနေစဉ် အတွင်း စစ်လက်နက် ပစ္စည်း ထုတ်လုပ်တဲ့ ကုမ္ပဏီတွေကိုလည်း သွားရောက် လေ့လာဖို့ ရှိတယ်လို့ သိရပါတယ်။
စောစောပိုင်းကတော့ သမ္မတဦးသိန်းစိန်က ၁၉၅၀-နဲ့ ၅၃ ခုနှစ်၊ ကိုရီးယားစစ် အတွင်း ကျဆုံး ခဲ့ကြတဲ့ မြန်မာ စစ်သားတွေကို တောင်ကိုရီးယား အမျိုးသား စစ်သင်္ချိုင်းမှာ သွားရောက် ဂါရဝပြုခဲ့ပါတယ်။
တောင်ကိုရီးယားသမ္မတအီမြောင်ဘတ်ဟာ အခုနှစ် မေလတုန်းက မြန်မာနိုင်ငံကို နိုင်ငံတော် ခရီးစဉ် အဖြစ် သွားရောက် ခဲ့စဉ်တုန်းကလည်း စီးပွားရေး၊ ကုန်သွယ်ရေး၊ စွမ်းအင်နဲ့ အရင်းအမြစ် ကိစ္စတွေကို ဆွေးနွေးခဲ့ကြတဲ့ အပြင်၊ လူသားရင်းမြစ် ဖွံ့ဖြိုး တိုးတက်ရေး အတွက် ပညာတော်သင် အစီအစဉ်တွေ လုပ်ဖို့ Korea Development Institute ကို နမူနာယူပြီး နိုင်ငံတော်ပိုင် စီးပွားရေး သုတေသန သိပ္ပံတခု တည်ထောင်ဖို့အတွက် ပူးပေါင်း လုပ်ကြဖို့ သဘောတူခဲ့ကြတဲ့ အပြင် မြန်မာနိုင်ငံ အနေနဲ့ မြောက်ကိုရီးယားက လက်နက်တွေကို နောက်ထပ် မ၀ယ်ဖို့ သမ္မတ ဦးသိန်းစိန်က တောင်ကိုရီးယား သမ္မတကို အာမခံချက်ပေးခဲ့တာ ဖြစ်ပါတယ် ခင်ဗျား။
Ref: VOA News
ဖက်ဒရယ် ပြည်ထောင်စု စနစ် ဒီမို ၁၀ ပါတီ ကြိုးပမ်းမည်
ခင်ဦးသာ
October 9, 2012
မန်မာနိုင်ငံရှိ ပြည်နယ်နှင့်တိုင်း ၁၄ ခုကို တပြေးညီ ဖြစ်ရန် အတွက် ၁၄ ပြည်နယ် စနစ်ဖြင့် တည်ဆောက်နိုင်ရေး ဒီမိုကရေစီ မိတ်ဆွေ ၁၀ ပါတီ က ကြိုးပမ်း သွားမည်ဟု သိရသည်။
စစ်မှန်သည့် ဖက်ဒရယ်ပြည်ထောင်စု စနစ်ပေါ်ထွန်းရေး အတွက် ပြည်နယ်(သို့) တိုင်းဒေသ ကိုယ်စားပြုသော စာတမ်း တစောင် ရေးဆွဲနေပြီ ဖြစ်ကြောင်း၊၊ ထိုစာတမ်းအား နိုင်ငံတော် သမ္မတနှင့် လွှတ်တော်သို့ တင်ပြသွားရန် ဒီမိုကရေစီ မိတ်ဆွေ ၁၀ ပါတီ က ယမန်နေ့တွင် ပြုလုပ်သည့် အစည်းအဝေး၌ သဘောတူညီခဲ့ကြကြောင်း ဒီမိုကရက်တစ်ပါတီ(မြန်မာ) ၏ ဥက္ကဋ္ဌ ဦးသုဝေ က ဧရာဝတီ ကို ပြောသည်။
“ပြည်နယ်နဲ့ဆိုရင် ၁၄ ပြည်နယ်ပေါ့၊ တိုင်း ဆိုရင်လည်းပဲ ၁၄ တိုင်းပေါ့၊ အားလုံးကို ဖက်ဒရယ်ပြည်ထောင်စု စနစ်အရ အာဏာကို တတန်းတည်း ခွဲဝေလိုက်တဲ့ သဘောပါပဲ၊ အမေရိကန် ပြည်ထောင်စုလို ပုံစံနဲ့ သွားကြဖို့ပါ”ဟု ၎င်းက ဆိုသည်။
ဖက်ဒရယ်ပြည်ထောင်စုသည် ခွဲထွက်ရေးမူဝါဒသာ ဖြစ်ကြောင်း ဦးနေ၀င်းအစိုးရ လက်ထက်မှစတင် ၀ါဒဖြန့်ထားသည့် အတွက် ပြည်မရှိ လူများစု ဗမာ တိုင်းရင်းသားများက လက်မခံကြကြောင်း၊ ယခုအခါ ဖက်ဒရယ် စနစ်သည် စစ်မှန်သည့် ဒီမိုကရေစီ စနစ်သာ ဖြစ်သည်ဟု ဗမာတိုင်းရင်းသားအများစုက လက်ခံလာပြီ ဖြစ်၍ အားတက်မိကြောင်း ရှမ်းတိုင်းရင်းသားများ ဒီမိုကရက်တစ် ပါတီ (SNDP) ခေါ် ကျားဖြူ ပါတီ၏ ပြောခွင့်ရသူ ဦးစောသန်းမြင့် ကလည်း ပြောဆိုသည်။
“ဖက်ဒရယ်ဆိုတာနဲ့ တိုင်းရင်းသားတွေ ခွဲထွက်ဖို့ကြိုးစားနေပြီလို့ အစိုးရ အဆက်ဆက်က ၀ါဒဖြန့်ထားတယ်၊ ဒီတော့ ဗမာ ပြည် သူတွေကလည်း ဖက်ဒရယ်ကို ခွဲထွက်ရေးမူလို့ပဲ ထင်နေကြတာ၊ အခုလို ပြည်မက ဗမာနိုင်ငံရေးပါတီတွေကလည်း ဖက် ဒရယ် ကိစ္စ ထောက်ခံလာတော့ ပိုအားရှိတာပေါ့”ဟု ၎င်း က ဧရာဝတီ ကို ပြောသည်။
မြန်မာနိုင်ငံအား ပြည်ထောင်စု မြန်မာနိုင်ငံဟု ၂၀၀၈ ဖွဲ့စည်းပုံ အခြေခံ ဥပဒေတွင် ရေးဆွဲထားသကဲ့သို့ ဦးသိန်းစိန် အစိုးရက လည်း နိုင်ငံတကာ၌ ကြွေးကြော် ပြောဆိုနေကြောင်း၊ သို့သော် လက်တွေ့တွင် ဗဟိုမှ ချုပ်ကိုင်သည့် တပြည်ထောင် စနစ်ကို သာ ကျင့်သုံးနေကြောင်းလည်း ဦးစောသန်းမြင့် က ဆက်ပြောသည်။
ဖက်ဒရယ် စနစ်သည် ကိုယ့်ဒေသ ကိုယ်အုပ်ချုပ်ရေး၊ ကိုယ်ပိုင်ပြဌာန်းခွင့်၊ စီမံပိုင်ခွင့် စသည်တို့ကို မိမိဒေသအလိုက် ဗဟိုအ ဆင့်မှ အောက်ခြေအဆင့်အထိ လုပ်ပိုင်ခွင့် ရရေးသာဖြစ်ကြောင်း၊ ထိုကိစ္စသည် တနိုင်ငံလုံးရှိ တိုင်းရင်းသား အားလုံးနှင့်သက်
ဆိုင်ကြောင်း၊ ၂၀၀၈ ဖွဲ့စည်းပုံ၌ ပြည်နယ်၊ တိုင်းဒေသများ အတွက် လုပ်ပိုင်ခွင့် တချို့ရေးဆွဲထားသော်လည်း လုပ်ပိုင်ခွင့် လုံးဝ မရှိကြဟု ပါတီခေါင်းဆောင်များက ပြောဆိုကြသည်။
“လာမယ့် ၂၀၁၅ နဲ့ ၂၀၂၀ အတွင်းမှာ ဖက်ဒရယ်စနစ် လုံးဝဖြစ်အောင် ကြိုးစားဖို့ ကျနော်တို့ ဆုံးဖြတ်ထားတယ်”ဟု SNDP ပါတီ ပြောခွင့်ရသူက ဆိုသည်။
မြန်မာနိုင်ငံ၌ စစ်မှန်သည့် ဖက်ဒရယ်ပြည်ထောင်စု ပေါ်ပေါက်ရေးအတွက် တိုင်းရင်းသားများက မြန်မာ အစိုးရ အဖွဲ့များနှင့် ဆယ်စုနှစ်ချီ၍ ဆွေးနွေးညှိနှိုင်းခဲ့သော်လည်း ယနေ့အထိ အောင်မြင်မှု မရရှိသေးပေ။ စစ်မှန်သည့် ဖက်ဒရယ်ပြည်ထောင်စု ဖော်ဆောင်မည် ဆိုပါက ၂၀၀၈ ဖွဲ့စည်းပုံ ဥပဒေကို ပြင်ဆင်ဖြည့်စွက်ရမည် ဖြစ်သည်။
၂၀၀၈ ဖွဲ့စည်းပုံ ပြင်ဆင်ရေး အတွက် ကြိုးပမ်းသွားမည် ဖြစ်ကြောင်း၊ အမျိုးသား ဒီမိုကရေစီ အဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည် ကလည်း ဖွဲ့စည်းပုံ ပြင်ဆင်ရေးကိစ္စပြောဆိုထား၍ အားလုံးပူးပေါင်းလျှင် အောင်မြင်နိုင်မည်ဟု ပါတီ ခေါင်း ဆောင်များ က ဆိုသည်။
၂၀၀၈ ဖွဲ့စည်းပုံ ပြင်ဆင်မည်ဆိုပါက ပြည်ထောင်စု လွှတ်တော် ကိုယ်စားလှယ်အားလုံး၏ ၇၅ ရာခိုင်နှုန်းကျော်က သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲ လုပ်ဆောင်ပြီးမှသာ ပြင်ဆင်ခွင့်ရမည်ဟု ဖွဲ့စည်းပုံ၏ ပုဒ်မ ၄၃၆ တွင် ပြဌာန်း ထား သည်။
မြန်မာနိုင်ငံသည် လွတ်လပ်ရေး ရရှိထားသည်မှာ နှစ်ပေါင်း ၆၀ ကျော်ပြီ ဖြစ်သော်လည်း ပြည်တွင်း ငြိမ်းချမ်းရေး မရရှိခြင်းမှာ စစ်မှန်သည့် ပြည်ထောင်စု စနစ် မရှိသေး၍ ဖြစ်ကြောင်း၊ ထို့ကြောင့် တိုင်းရင်းသားအားလုံး တန်းတူရေး၊ ကိုယ်ပိုင်ပြဌာန်းခွင့် ရရှိရေးတို့ အတွက် စစ်မှန်သည့် ပြည်ထောင်စုကြီး ပေါ်ပေါက်ရေးကို ရခိုင်တိုင်းရင်းသားများ တိုးတက်ရေး ပါတီ(RNDP) က လည်း မေလတွင် ကျင်းပခဲ့သော ပါတီညီလာခံ က တောင်းဆိုထားသည်။
ပြည်ထောင်စုကြီးအား မြန်မာနိုင်ငံ၏ လက်ရှိတိုင်းရင်းသား ပြည်နယ် ၇ ခု အပြင်၊ ဗမာတိုင်းရင်းသား အများစုနေထိုင်သည့် တိုင်းဒေသကြီးများကို ပြည်နယ်ကြီး တခု ပုံစံဖြင့်တည်ဆောက်၍ ထိုပြည်နယ် အစိုးရ၏ အုပ်ချုပ်မှု အောက်တွင် ထားရှိရန်နှင့်
ပြည်နယ်များဖြင့် ဖွဲ့စည်းထားသည့် ပြည်ထောင်စု နိုင်ငံဖြစ်စေလိုကြောင်း ကိုလည်း RNDP ပါတီ ဥက္ကဋ္ဌ ဒေါက်တာ အေးမောင် က ပါတီလာခံ၌ တင်သွင်းသည့် အစီရင်ခံစာတွင် ထည့်သွင်းထားသည်။
စစ်မှန်သည့် ဖက်ဒရယ် ပြည်ထောင်စု ပေါ်ထွန်းရေး၊ ၂၀၁၅ ရွေးကောက်ပွဲ ပုံစံပြောင်းလဲရေး၊ ဒီမိုကရေစီ စနစ်ပီပြင်ရေး စ သည့် ကိစ္စများကို သမ္မတနှင့်မကြာမီ တွေ့ဆုံ ဆွေးနွေးနိုင်ရန် မိတ်ဆွေ ၁၀ ပါတီက စီစဉ်နေကြောင်း သိရသည်။ ထိုပါတီ များသည် သမ္မတနှင့် ဇူလိုင်လ ကလည်း တွေ့ဆုံခဲ့ကြသေးသည်။
မဟာမိတ် ၁၀ ပါတီမှာ မွန်ဒေသလုံး ဆိုင်ရာ ဒီမိုကရေစီ ပါတီ(AMDP)၊ အမျိုးသား ဒီမိုကရေစီ အင်အားစု(NDF)၊ ရခိုင် တိုင်း ရင်းသားများ တိုးတက်ရေး ပါတီ(RNDP)၊ ရှမ်း တိုင်းရင်းသားများ ဒီမိုကရေစီ ပါတီ(SNDP)၊ ချင်း အမျိုးသား ပါတီ၊ ဒီမိုကရေစီ နှင့် ငြိ်မ်းချမ်းရေး ပါတီ၊ ဒီမိုကရက်တစ် ပါတီ(မြန်မာ)၊ ဖလုံ-စဝေါ် ကရင် ပါတီ၊ ပြည်ထောင်စု ဒီမိုကရေစီ ပါတီ၊ ညီညွတ်ရေးနှင့်ငြိမ်းချမ်းရေး ပါတီ တို့ဖြစ်သည်။
၁၀ ပါတီမဟာမိတ် အဖွဲ့ကို ၂၀၁၀ ရွေးကောက်ပွဲ မတိုင်ခင် ဖွဲ့စည်းခဲ့ပြီး ထိုအဖွဲ့ မှ တိုင်းရင်းသား ပါတီ ၆ ခု ကလည်း ညီနောင် ပါတီများအဖွဲ့ အဖြစ် ဖွဲ့စည်းထားကြသည်။
Ref: ဧရာဝတီ
မြေလွတ်မြေရိုင်း နည်းဥပဒေ အမြန်ဆုံး ပြဋ္ဌာန်းရေးတောင်းဆို
2012-10-09
ညီညွတ်သော တိုင်းရင်းသားများ မဟာမိတ်အဖွဲ့ (UNA) အပါအ၀င် တောင်သူလယ်သမား အရေး နဲ့ လယ်ယာမြေ အရေး ဆောင်ရွက်နေတဲ့ အဖွဲ့အစည်းတွေက အစိုးရ အနေနဲ့ မြေလွတ်မြေရိုင်း နည်းဥပဒေတွေ အမြန်ဆုံး ပြဋ္ဌာန်းပေးဖို့ ဒီကနေ့ တောင်းဆို လိုက်ကြပါတယ်။
ရန်ကုန်မြို့ ဗဟန်းမြို့နယ်မှာ ရှိတဲ့ တော်ဝင်နှင်းဆီခန်းမမှာ မြေလွတ် မြေလပ် မြေရိုင်း စီမံခန့်ခွဲမှု ဆွေးနွေးပွဲ ကျင်းပခဲ့တာဖြစ်ပြီး အဲဒီကနေ သဘောထားအမြင် ၁၀ ချက် ထုတ်ပြန်ပြီး တောင်းဆို လိုက်ကြတာပါ။ ဆွေးနွေးပွဲ တက်ရောက်ခဲ့တဲ့ UNA အဖွဲ့ဝင် ရှမ်းတိုင်းရင်းသားများ ဒီမိုကရေစီ အဖွဲ့ချုပ်က အတွင်းရေးမှူး ဦးစိုင်းညွန့်လွင်က RFA ကို အခုလိုပြောပါတယ်။
"စာရင်းထဲမှာ နာမည်မပေါက်တဲ့ တောင်ယာတွေက အများစု ဖြစ်နေတယ်။ ဆိုတော့ မြေလွတ်မြေလပ် မြေရိုင်းတွေကို နိုင်ငံခြားသားတွေကို မြေပုံပေါ်မှာ ကြည့်ပြီး ငှားရမ်း လိုက်မယ် ဆိုရင် တောင်သူလယ်သမားတွေ အတွက် တော်တော်လေး ပြဿနာတခု ထပ်ပြီးတော့ ရင်ဆိုင်ရမယ်ဆိုပြီး ကျွန်တော်တို့ စိတ်ပူတယ်ဗျ။"
ဒီကနေ့ ထုတ်ပြန်ခဲ့တဲ့ သဘောထား မှတ်ချက်တွေမှာ မြေလွတ်မြေလပ်မြေရိုင်း ဥပဒေ နဲ့ပတ်သက်တဲ့ နည်းဥပေဒေတွေကို အများပြည်သူ သိရှိအောင် နိုင်ငံတော် အနေနဲ့ ထုတ်ပြန်ပေးဖို့၊ သက်ဆိုင်ရာ တိုင်းနှင့်ပြည်နယ်တွေ အလိုက် မြေလွတ်မြေလပ်မြေရိုင်း ပမာဏတွေကို အများပြည်သူတွေ သိရှိအောင် ထုတ်ပြန်ကြေငြာပေးဖို့၊ ရင်းနှီးမြှပ်နှံမှု လုပ်ကိုင်ခွင့်ပေးရာမှာ သဘာဝ ပတ်ဝန်းကျင် ထိခိုက်မှု မရှိစေရန် ထိမ်းညှိဆောင်ရွက်ပေးဖို့ စတဲ့အချက်တွေ ပါဝင်ပါတယ်။
ဒီကနေ့ ဆွေးနွေးပွဲကို ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဋ္ဌ ဦးခွန်ထွန်းဦး အပါဝင် တခြား တိုင်းရင်းသား ပါတီတွေက တာဝန်ရှိ ပုဂ္ဂိုလ်တွေ၊ ၈၈ မျိုးဆက်ကျောင်းသားတွေ၊ လယ်သမား အလုပ်သမား အရေး ဆောင်ရွက်သူတွေ၊ နိုင်ငံရေးပါတီတွေနဲ့ လူမှုရေး အဖွဲ့အစည်းတွေ ကိုယ်စားလှယ်တွေ တက်ရောက်ခဲ့ပါတယ်။
လာမယ့် ၁၁ ကနေ ၁၃ ရက်နေ့ အထိ ကျင်းပဖို့ ရှိတဲ့ နိုင်ငံခြား ရင်းနှီးမြှပ်နှံမှု ဆိုင်ရာ ညီလာခံမှာ နိုင်ငံခြားသားတွေ အနေနဲ့ ရင်းနှီးမြှပ်နှံမှုတွေ လုပ်ပိုင်ခွင့်ရှိဖို့ အဓိကထား ဆွေးနွေးကြမှာလို့ သိရပါတယ်။
Ref: RFA News
ကြေးနီစီမံကိန်း ဆန့်ကျင်ရေး ၀ိညာဉ် ကြွေးကြော်သံ လှုပ်ရှားမှု
2012-10-09
စစ်ကိုင်းတိုင်း၊ မုံရွာခရိုင် လက်ပံတောင်းတောင် ကြေးနီစီမံကိန်း အကောင်အထည်ဖော်တာကို သေဆုံး သွားတဲ့ ဒေသခံ ဘိုးဘွားတွေတောင် ၀ိညာဉ်ဘ၀နဲ့ လက်မခံပါဘူးဆိုပြီး ၀ိညာဉ် ကြွေးကြော်သံ ခေါင်းစဉ်နဲ့ ကျေးရွာ(၂၆) ရွာက ဒေသခံ (၁၀၀၀) ကျော်ပါဝင်တဲ့ ငိုကြွေးပွဲ လှုပ်ရှားမှုတစ်ခု ဆည်တဲကျေးရွာရဲ့ သင်္ချိုင်းကုန်းမှာ ဒီကနေ့ ညနေပိုင်းက ပြုလုပ်ခဲ့ကြပါတယ်။
ဒီကနေ့ လှုပ်ရှားမှုဟာ ကြေးနီစီမံကိန်းကြောင့် လယ်ယာမြေတွေ အသိမ်းခံရတဲ့ အခြေအနေကို တိုင်တည် ငိုကြွေးကြတာ ဖြစ်တယ်လို့ လှုပ်ရှားမှုမှာ ပါဝင်ခဲ့သူ ဒေသခံ မဖြူဖြူဝင်းက RFA ကို အခုလို ပြောပြပါတယ်။
"ကျွန်မတို့ ဒီနေ့ ၀ိညာဉ်ကြွေးကြော်သံဆိုပြီးတော့ ဆည်တဲရွာရဲ့ မြောက်ဘက် သင်္ချိုင်းကုန်းမှာ သွားပြီးတော့ ငိုကြွေးတယ်။ ကျွန်မတို့ရဲ့ လယ်ယာမြေတွေ အသိမ်းခံရတဲ့ အပေါ်မှာ၊ လက်ပံတောင်းတောင်ကြီး အဖြိုခံရတဲ့ အပေါ်မှာပေါ့နော်။ ကျွန်မတို့ ရင်ထဲက ခံစားရတယ် ဆိုတဲ့ အကြောင်းကို ဆည်တဲသုသာန်မှာ သွားပြီးတော့ ငိုကြွေးတဲ့ အခါမှာ ၀ိညာဉ်၊ တစ္ဆေ၊ သရဲတွေတောင်မှ မခံနိုင်ဘူးပေါ့။ သူတို့တောင်မှ မခံနိုင်ဘဲနဲ့ ဒို့ပြည် ဒို့မြေကို ကွာကွယ်ဖို့ ဆိုတာမျိုးတွေ၊ အဲဒါမျိုးတွေ သွားလုပ်တာပါပဲ။"
မကြာသေးတဲ့ ရက်ပိုင်းက လက်ပံတောင်းတောင် ကြေးနီစီမံကိန်း ဆန့်ကျင်တဲ့ အနေနဲ့ အခေါင်းပုံစံလုပ်ပြီး မီးရှို့ ဆန္ဒပြခဲ့တဲ့ ကိစ္စအပေါ် ဒေသခံတွေနဲ့ ဒေသခံတွေကို ကူညီသူတွေ၊ ကျောင်းသားခေါင်းဆောင်တွေ စုစုပေါင်း ၁၆ ယောက်ကို တရားစွဲဖို့ စီမံကိန်း တာဝန်ရှိသူတွေဘက်က အမှုဖွင့်ခဲ့သလို၊ ဒေသခံ တောင်သူတွေဘက်ကလည်း ၀မ်ပေါင်နဲ့ ယမ်စီ တရုတ်နိုင်ငံသားပိုင် ကုမ္ပဏီနှစ်ခုနဲ့ စစ်တပ်ပိုင် ဦးပိုင်ကုမ္ပဏီတို့ကို မနေ့က ပြန်လည် အမှုဖွင့်လိုက်တယ်လို့ သိရပါတယ်။
Ref: RFA News
ဖားကန့်မြို့နယ်တွင် တိုက်ပွဲ ပြန်လည် ဖြစ်ပွားနေ
ဖနိဒါ
အင်္ဂါနေ့၊ အောက်တိုဘာလ ၀၉ ရက် ၂၀၁၂
ချင်းမိုင်(မဇ္စျိမ)။ ။ တလခန့်ကြာ ငြိမ်သက်နေခဲ့ရာမှ ဖားကန့်မြို့နယ်အတွင်း ကချင် လွတ်လပ်ရေး အဖွဲ့ KIO တပ်နှင့် အစိုးရ တပ်များအကြား အင်္ဂါနေ့ နံနက်ပိုင်းက တနာရီကျော်ကြာ တိုက်ပွဲဖြစ်ပွားခဲ့သည်။
ကားမိုင်းဘက်မှ တက်လာသော အင်အား ၂၀၀ ကျော်ရှိ အစိုးရ စစ်ကြောင်းအား လုံးခင်း ကျေးရွာအုပ်စု၊ လယ်ပြင် ကျေးရွာ အနီး ဖားကန့်လမ်း၊ ပဇောက်ကွေ့တွင် KIO ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့နှင့် တိုက်ပွဲ ဖြစ်ပွား ခဲ့ကြောင်း KIA ရှေ့တန်းမှ ဗိုလ်ကြီး လဒွဲ က ပြောသည်။
“သူတို့ အင်အားဖြည့်လာလို့ ပစ်ခတ်ကြတယ်။ သူတို့ တပ်ဖွဲ့က အရပ်သားတွေနဲ့ ရောပြီး တက်လာလို့ ကျနော်တို့ ဒေသခံတွေ ထိမှာစိုးလို့ ပြန်ဆုတ်ပေးလိုက်တယ်”ဟု မဇ္စျိမကို ပြောသည်။
ထို့နောက် လုံးခင်းအခြေစိုက် အစိုးရတပ်ရင်း ၈၉ တပ်ဖွဲ့များနှင့် ကားမိုင်းမှ တက်လာသည့် အစိုးရစစ်ကြောင်းတို့ အချင်းချင်း ပစ်ခတ်မှုများ ဖြစ်ပွားခဲ့သည်ဟု သူက ဆိုသည်။
တိုက်ပွဲမှာ လုံးခင်း အထက်တန်းကျောင်း အနီးတွင် ထပ်မံ ဖြစ်ပွားခဲ့သဖြင့် တတိယတန်း ကျောင်းသားလေးတဦး နှာခါင်းတွင် ကျည်ဆံ ထိမှန်ခဲ့ပြီး အဖွားအို တဦးလည်း ဒဏ်ရာရရှိခဲ့သည်ဟု ကြားသိရကြောင်း ကက်သလစ် အသင်းတော်မှ တရားဟောဆရာ နော်ဂျာ က ဆိုသည်။
“ဒီမနက် ၆ နာရီလောက်ကနေ တိုက်ပွဲဖြစ်တာ ၉ နာရီခွဲဆို ငြိမ်သွားပြီ။ လက်နက်ကြီးသံလည်း ကြားရတယ်။ လောင်ချာလား ဘာလားမသိဘူး။ (မြို့အစွန်)အေဝမ်း ရပ်ကွက်က ထရံကာသွပ်မိုး အိမ်တလုံး ခေါင်မိုးပေါက်သွားတယ်။ သွပ်နဲ့ ကာထားတဲ့ ခြံက ၈ ချက် ၇ ချက်လောက် ပေါက်သွားတယ်။ ခုနကပဲ ကျနော် သွားကြည့်ပြီးပါပြီ” ဟု ဆရာနော်ဂျာ က ပြောသည်။
တလခန့်ကြာ အစိုးရတပ်နှင့် KIO တပ်ဖွဲ့များအကြား ပြင်းထန်သည့် တိုက်ပွဲ ဖြစ်ပွားခြင်း မရှိတော့၍ ဖားကန့်မြို့ ပေါ်ရှိ ဒုက္ခသည် စခန်းအတွင်း ခိုလှုံနေသူတချို့ ယခု လဆန်းပိုင်းမှ စတင်၍ နေရပ်သို့ ပြန်နေကြပြီ ဖြစ်သည်။ ယနေ့ ဖြစ်ပွားသော တိုက်ပွဲကြောင့် စစ်ပြေး ဒုက္ခသည်များ ထပ်မံ ရောက်ရှိလာခြင်း မရှိသေးကြောင်း ဆရာနော်ဂျာ က ဆိုသည်။
သို့သော် စစ်ပြေးဒုက္ခသည် အများစုမှာ စားသောက်ရေး အခက်အခဲများရှိနေပြီး နေရပ်ပြန်ရန် လုံခြုံစိတ်ချရမှု မရှိ သေးပေ။ နေရပ်ပြန်သူများမှာလည်း လုပ်ကိုင် စားသောက်ရန် ခက်ခဲနေသည်ဟု ဗလခ ကျေးရွာမှ အမျိုးသား ဒီမိုကရေစီ အဖွဲ့ချုပ်ဝင် ဒေါ်ဂျာရှန် က ပြောသည်။
“သုံးပုံ တပုံလောက်တော့ ပြန်နေပြီ။ ပြန်ရင်လည်း ဘာမှ လုပ်ကိုင်စားသောက်လို့ မရဘူး။ ရေမဆေး ကောက်ဖို့ကလည်း ကုမ္ပဏီတွေ မရှိတော့ဘူး။ ကျောက်တူးမယ်ဆိုရင်လည်း မိုင်းထိမှာ စိုးရိမ်နေကြတယ်။ တက်သွားဖို့လည်း ခက်၊ နေနေရင်လည်း ခက်ခဲ ဖြစ်နေတယ်။ တယောက်နဲ့တယောက် တောင်းစားနေကြတာ” ဟု မဇ္စျိမကို ပြောသည်။
ထိခိုက်မှုများ ဖြစ်ပွားလာပါက ဒေသခံများ၏ လုံခြုံရေးအတွက် နှစ်ဖက်တပ်များက အာမခံချက် မပေးနိုင်သဖြင့် အထိတ်တလန့်ဖြင့်သာ စာသင်ကျောင်းများ ဖွင့်လှစ်နေရသည်ဟုလည်း သူက ဆိုသည်။
အစိုးရတပ်များက အရပ်သားများနှင့်အတူ တက်လာ၍ အင်အားဖြည့်တင်းမှုများ ရှိသဖြင့် ယခုရက်ပိုင်း အတွင်း မြစ်ကြီးနား-ဖားကန့် လမ်းကို အမျိုးသားများအား KIO က ပိတ်ပင်ထားသည်ဟု ဗိုလ်ကြီး လဒွဲက ပြောသည်။
ထိုသို့ တိုက်ပွဲများ ဆက်လက် ဖြစ်ပွားလာသဖြင့် ဖားကန့်မြို့နယ်၊ ဂင်စီ ဒေသခံ ပြည်သူများအား သတိနှင့် နိုးကြား နေရန် KIO တပ်ရင်း ၆ တပ်ဖွဲ့များက သတိပေးလာကြောင်း “လုံးခင်း ငါးမိုင် ခြောက်မိုင်ဘက်မှာ တိုက်နေတယ်။ မနေ့ကလည်း ဖြစ်တယ်။ ဒီမနက်လည်း ထပ်ဖြစ်နေတယ်။ သတိနဲ့နေဖို့၊ ပစ္စည်းတွေလည်း အဆင်သင့် ပြင်ထားဖို့ ပြောလာတယ်။ ခုနပဲ ဖုန်းဆက်လာတယ်” ဟု ဂင်စီကျေးရွာမှ ဒေသခံတဦးက ပြောသည်။
Ref: မဇ္ဈိမ
လက်ပံတောင်း စီမံကိန်း ရပ်ရန် ရွာသင်္ချိုင်းတွင် သရုပ်ဖော် ဆန္ဒပြ
နေမျိုး
အင်္ဂါနေ့၊ အောက်တိုဘာလ ၀၉ ရက် ၂၀၁၂
နယူးဒေလီ (မဇ္ဈိမ) ။ ။ လက်ပံတောင်း ကြေးနီစီမံကိန်း ကန့်ကွက်သည့်အနေဖြင့် ဘိုးဘွားများ၏ အုတ်ဂူသို့ သွားရောက် တိုင်တည်သည့် သရုပ်ဖော် ဆန္ဒပြပွဲ (Performance Art)တရပ် အင်္ဂါနေ့ နေ့လည်က ပြုလုပ်ခဲ့ကြောင်း သိရှိရသည်။
မုံရွာခရိုင်၊ ဆားလင်းကြီးမြို့နယ်၊ ဆည်တဲကျေးရွာ၏ အနောက်ဖက် သင်္ချိုင်းမြေတွင် လယ်မြေအသိမ်းခံ ၂၆ ရွာမှ လယ်သမား အင်အား ၁,၅ဝဝ ကျော်ဖြင့် စုပေါင်း ကျင်းပခဲ့ကြောင်း ကိုယ်တိုင်ပါဝင်ခဲ့သူ ပြည်သူ့ အကျိုးဆောင် ကွန်ယက်မှ ကိုအောင်စိုး က ပြောသည်။
“လယ်သမားတွေက သူတို့ရဲ့ ဘိုးဘွားအုတ်ဂူတွေဆီ သွားပြီးတော့ လယ်ယာမြေတွေ အဓမ္မ သိမ်းခံနေရပြီ ဆိုတဲ့ အကြောင်း တိုင်တည်ကြတဲ့ အချိန်မှာ ဘိုးဘွားတွေရဲ့ ဝိဉာဉ်တွေက ထွက်လာပြီးတော့ သူတို့တွေကလည်း ကြေးနီ စီမံကိန်းကို လက်မခံနိုင်တဲ့ အကြောင်းတွေကို ဆန္ဒ ထုတ်ဖော်တာပါ။ အုတ်ဂူတွေကနေ၊ တမလွန်ကနေ ဘိုးဘွားတွေ ထလာကြပြီးတော့ ဆန့်ကျင်တဲ့ အကြောင်း ပြောတယ်။ လက်ပံတောင်းတောင် စီမံကိန်း ရပ်ဆိုင်းပစ်၊ ရပ်ဆိုင်ပစ် ဆိုပြီး ဟစ်ကြွေးကြတယ်ဗျ။ ပြီးတော့ တောင်သူ လယ်သမားတွေက ဒါဒို့မြေ ဒါဒို့မြေ ဒို့ပိုင်တဲ့မြေ ဆိုပြီး နိုင်ငံတော် သီချင်းကို အားလုံး အော်ဆိုပြီး အဆုံးသတ်ကြတယ်ဗျ” ဟု သရုပ်ဖော် ဆန္ဒပြပုံကို ရှင်းလင်း ပြောပြသည်။
အဆိုပါ နာရီဝက်ခန့်ကြာ ဆန္ဒထုတ်ဖော်ပွဲကို ရွာသူရွာသားများနှင့် အတူ ပြည်သူ့ အကျိုးဆောင် ကွန်ယက်နှင့် မြန်မာနိုင်ငံ ဝိဇ္ဇာ/သိပ္ပံကျောင်းသားများ ကွန်ယက်တို့လည်း ပါဝင်ခဲ့ကြသည်။
ရွာသားများ ကိုယ်တိုင် သရုပ်ဖော် တင်ဆက်ကြကာ ၎င်းတို့အစီအစဉ်ဖြင့် ၎င်းတို့ ကျင်းပ ပြုလုပ်ခဲ့တာဖြစ်ကြောင်း ကိုအောင်စိုး က ဆက်ပြောသည်။
“လုံခြုံရေးနဲ့ ကျနော်တို့ ထိပ်တိုက်မတွေ့ပါဘူး။ ကျနော်တို့ လုံခြုံရေးနဲ့ ထိပ်တိုက် တွေ့တာကို ရှောင်ထားတာ ခင်ဗျ။ ဘယ်သူ့ကိုမှ ခွင့်မတောင်းပါဘူး” ဟု ဆိုသည်။
ဆည်တဲရွာမှ ဦးပဉ္ဇင်းတပါးကလည်း “ရွာ ၂၆ ရွာက ဒေသခံ တောင်သူလယ်သမားတွေ ချည်းပဲ။ ရွာ့အနောက်ဖက် သင်္ချိုင်းဖက်ကို ထွက်သွားကြတာ။ လက်ပံတောင်းတောင်ကြီး ပျက်စီး ပျောက်ဆုံးသွားမယ့် အရေးကို ဆန့်ကျင်ကြဖို့၊ ဘိုးဘွား ဝိဉာဉ်တွေကို တိုင်တည်တဲ့ ပွဲပါ။ လူများကြတယ်” ဟု မဇ္စျိမကို မိန့်ကြားသည်။
ကြေးနီစီမံက်ိန်း ရပ်ဆိုင်းသွားသည်အထိ အစီအစဉ်များ ချမှတ်လုပ်ဆောင်သွားမည် ဖြစ်ကြောင်း သိရသည်။
အစီအစဉ်များတွင် ဆည်တဲရွာရှိ ထန်းပင်များမှာ စီမံကိန်း ကုမ္ပဏီမှ ဘူဒိုဇာဖြင့် ကော်ယူထိုးလှဲ ခံထားရ၍ ထန်းပင်ပေါက်များ အသစ် တဖန်ပြန်လည် စိုက်ပျိုးသွားမည့် ထန်းပင်စိုက်ပွဲများလည်း ပါဝင်သည်။
“ရွာသူရွာသားတွေကလည်း လက်ခံတဲ့အတွက် ထန်းပင်ပေါက်တွေကို ပြန်စိုက်မယ်။ နောက်ဆုံး အဆင့်က အစာငတ်ခံ ဆန္ဒပြဖို့ အထိ ဆုံးဖြတ် ထားပါတယ်” ဟု ကိုအောင်စိုး က ဆိုသည်။
မြန်မာ့စီးပွားရေး ဦးပိုင်လိမိတက်၊ တရုတ်နိုင်ငံမှ ဝမ်ပေါင် ကုမ္ပဏီနှင့် ဆားလင်းကြီး မြို့နယ် အုပ်ချုပ်ရေးမှူး ဦးဇော်မိုးအောင် တို့အား မလျော်ကန်သည့် သြဇာအာဏာ သုံးစွဲမှု ရွာသူ၊ ရွာသားများအပေါ် မဖွယ်မရာ ပြုလုပ်မှု၊ သိမ်းပိုက်ခံ လယ်ယာမြေ ဧရိယာအတွင်း ပုဒ်မ ၁၄၄ ထုတ်ပြန်ထားရှိမှုတို့ဖြင့် စက်တင်ဘာ ၈ ရက်နေ့က ဆားလင်းကြီးမြို့နယ် ရဲစခန်းတွင် ရွာသားများက တိုင်ချက် ဖွင့်ထားသည်။ အဆိုပါ တိုင်ချက်ကို ရဲစခန်းမှ အမှုလက်ခံထားလိုက်သည်။
လက်ပံတောင်းတောင် စီမံကိန်းသည် မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်းတို့ ဖက်စပ် လုပ်ဆောင်သည့် ကြေးနီ တူးဖော်ထုတ်လုပ်ရေး စီမံကိန်းကြီးတခု ဖြစ်ပြီး အဆိုပါ စီမံကိန်းကြောင့် အသိမ်းခံလိုက်ရ သည့် လယ်ယာ ဧကပေါင်း ၇,၈ဝဝ ကျော် အတွက် တောင်သူများက မကျေနပ်၍ ဇွန်လမှ စတင်ကာ ပြီးခဲ့သည့် စက်တင်ဘာလ အထိ ဆန္ဒပြပွဲများ ဖြစ်ပွားခဲ့သည်။
ထိုစီမံကိန်းကြောင့် ပတ်ဝန်းကျင်ရှိ စံပယ်တောင်နှင့် ကြေးစင်တောင် နှစ်ခုမှာ ယခုအခါ တွင်းကျယ်ကြီးများ အဖြစ် ကျန်ရှိပြီး လက်ရှိ စီမံကိန်း လုပ်ကိုင်လျက်ရှိသည့် လက်ပံတောင်းတောင်ကိုလည်း ယင်းတောင်များကဲ့သို့ ကွယ်ပျောက် သွားမည်ကို ပတ်ဝန်းကျင်ရှိ ကျေးရွာသူ/သားများက စိုးရိမ်ကာ သဏ္ဍာန် အမျိုးမျိုးဖြင့် ဆန္ဒဖော်ထုတ်နေ ကြခြင်း ဖြစ်သည်။
ထိုစီမံကိန်းရပ်တန့်ရန် တောင်းဆိုမှုသည် တိုင်းဒေသကြီး အစိုးရ အနေဖြင့် လုပ်ဆောင်၍ မရနိုင်ဘဲ ရေရှည်စဉ်းစား ဆောင်ရွက်ရမည့် ကိစ္စဖြစ်သည်ဟု စစ်ကိုင်းတိုင်း ဝန်ကြီးချုပ် ဦးသာအေး က ပြောဆိုထားပြီး တူးဖော်နေသည့် ကုမ္ပဏီများကလည်း မရပ်ဆိုင်းဘဲ ဆက်လက် လုပ်ကိုင်သွားမည်ဟု ပြောဆိုထားသည်။
Ref: မဇ္ဈိမ
ကမ္ဘာ့မွတ်စလင် အဖွဲ့ချုပ် ရုံးခန်း ဖွင့်လှစ်မှု စစ်တွေ သံဃာနဲ့လူထု ကန့်ကွက် ဆန္ဒပြ
2012-10-09
ရခိုင်ပြည်နယ်၊ စစ်တွေမြို့မှာ OIC ခေါ် ကမ္ဘာ့မွတ်စလင် ဘာသာဝင်နိုင်ငံများ အဖွဲ့ချုပ်က ရုံးခန်း ဖွင့်လှစ်မှာကို ကန့်ကွက်တဲ့ အနေနဲ့ သံဃာတော် အပါး ၅၀၀ ခန့်ဟာ ဒီကနေ့ စစ်တွေမြို့က ဘင်္ဂလားဒေ့ရှ် ကောင်စစ်ဝန် ရုံးရှေ့မှာ ဆန္ဒပြခဲ့ကြပါတယ်။
ရခိုင်မှာ ပဋိပက္ခ ဖြစ်တဲ့နေရာမှာ နိုင်ငံတကာက အကူအညီပေးတဲ့ NGO တွေ၊ အဖွဲ့ရဲ့ ထောက်ပံ့မှုတွေ များစွာ ပါရှိတယ်လို့ တွေ့ရတဲ့ အတွက် သူတို့ကို လက်မခံနိုင်ကြောင်း ဒီဆန္ဒပြပွဲနဲ့ ပတ်သက်ပြီး လှုပ်ရှားမှုမှာ ပါဝင်တဲ့ သံဃာတော် တစ်ပါးက RFA ကို မိန့်ကြားပါတယ်။
ဆန္ဒပြသံဃာတော်တွေဟာ ဒေသခံတွေ အားလုံး ငြိမ်းချမ်းစွာနေနိုင်ရေး အတွက် အင်ပါလာ ခေါ် အောင်မင်္ဂလာ ရပ်ကွက်ကို မြို့အပြင်သို့ ထုတ်ပေးဖို့၊ ဘင်္ဂလားဒေ့ရှ် နိုင်ငံက အကြမ်းဖက်မှုကြောင့် အတိဒုက္ခ ရောက်နေကြတဲ့ ဗုဒ္ဓဘာသာ ရဟန်းရှင် ပြည်သူတွေကို ဘင်္ဂလားဒေ့ရှ် အစိုးရက အပြည့်အ၀ တာဝန်ယူ ကာကွယ်ပေးဖို့၊ ရခိုင်ပြည်အရေးနဲ့ ပတ်သက်ပြီး နိုင်ငံတော် သမ္မတကြီးရဲ့ ဆုံးဖြတ်ချက်ကို အပြည့်အဝ ထောက်ခံကြောင်း စတာတွေ အပါအ၀င် အချက် ၅ ချက် တောင်းဆိုပြီး စစ်တွေမြို့အနှံ့ လှည့်လည်ဆန္ဒ ထုတ်ဖော် ခဲ့ကြပါတယ်။
ဆန္ဒပြပွဲကို ထောင်နဲ့ချီတဲ့ မြို့မိမြို့ဖ တွေလည်း ပူးပေါင်း ပါဝင်ခဲ့ကြတယ်လို့ သိရပါတယ်။
Ref: RFA News
KNU ခေါင်းဆောင်များ ပြန်လည်စည်းလုံးရန် ကြိုးပမ်းနေ
သန်းထိုက်ဦး
October 10, 2012
ကရင် အမျိုးသား အစည်း အရုံး (KNU) အဖွဲ့မှ ခေါင်းဆောင်များ အချင်းချင်း ပြန်လည်စည်းလုံး ညီညွတ်မှု ရရှိရန် ယခုရက်ပိုင်း တွင် ကြိုးပမ်း နေကြသည်။
ပြီးခဲ့သည့် လကုန်ပိုင်းက ကရင်ပြည်နယ် ဘားအံမြို့တွင် ဗဟိုအဆင့် ဆက်ဆံရေးရုံး ဖွင့်လှစ်သည့် ကိစ္စနှင့် ပတ်သက်ပြီး KNU ခေါင်းဆောင်များကြား သဘောထား အမြင် ကွဲလွဲမှုများ ပေါ်ပေါက်ခဲ့ခြင်း ဖြစ်သည်။
“အဲဒီ အပေါ်မှာ ဗိုလ်ချုပ် မူတူးစေးဖိုးကတော့ ပြီးခဲ့တာတွေကို သင်ပုန်းချေကြပြီးတော့ ညီညီ ညာညာ ဆက်လက် ချီတက် သွားကြစို့ ဆိုတဲ့ ခံယူချက် ရှိတယ်”ဟု KNU ဘားအံ ခရိုင် ဥက္ကဋ္ဌ ဖဒို စောအောင်မော်အေး က ဧရာဝတီသို့ ပြောသည်။
ကရင်အမျိုးသား လွတ်မြောက်ရေး တပ်မတော်(KNLA) စစ်ဦးစီးချုပ် ဗိုလ်ချုပ်ကြီး မူတူးစေးဖိုးနှင့် KNU ဗဟို အဖွဲ့တို့ ပြန်လည် စည်းလုံး ညီညွတ်မှု ရရှိရန် ကြိုးပမ်းနေခြင်း ဖြစ်ကြောင်းလည်း ၎င်းက ဆိုသည်။
KNLA တပ်မဟာ ၅ နယ်စပ်တနေရာတွင် မကြာခင်ရက်ပိုင်း၌ KNUအဖွဲ့ ခေါင်းဆောင်များ တွေ့ဆုံရန် စီစဉ်ထားပြီး တပ်မဟာ ၅ ၊ တပ်မဟာ ၃ ခေါင်းဆောင်များ အပါအ၀င် ထားဝယ်ခရိုင် ဥက္ကဌ ဖဒို ကွယ်ထူးဝင်း နှင့် ဗိုလ်မှူး တူးတူးလေး တို့လည်း သွားရောက်မည် ဖြစ်ကြောင်း သိရသည်။
“ဘယ်လို မှားသလဲ၊ တဘက်က အမြင်ကတော့ လာဘ်စားမှုတို့၊ ခြစားမှုတို့ စွပ်စွဲထားတယ်”ဟု ဖဒို စောအောင်မော်အေးက ပြော ဆိုသည်။ ထိုစွပ်စွဲချက်များအပေါ် ဗိုလ်ချုပ်ကြီး မူတူးစေးဖိုးတို့ ဘက်က ပြန်လည်ဖြေရှင်းရန် အဆင်သင့်ရှိကြောင်း ပြောဆိုသည် ဟု လည်း သိရသည်။
ကရင်လူထု အခြေပြု အဖွဲ့အစည်း များကလည်း အချင်းချင်း ပြန်လည်စုစည်း ညီညွတ်စေလို သည်ဟု KNU ခေါင်းဆောင်များ ထံ သွား ရောက် အသိပေးခဲ့ကြောင်း ယမန်နေ့က ကရင်သတင်းစဉ်(KIC) အင်တာနက် စာမျက်နှာတွင် ဖော်ပြထားသည်။
ဘားအံမြို့တွင် ဗဟိုအဆင့် ဆက်ဆံရေးရုံး ဖွင့်လှစ်မည့် ကိစ္စနှင့် ပတ်သက်ပြီး KNU အနေ နှင့် ဆောက်ရွက်ခြင်း မဟုတ်သည့် အပြင် KNLA ဗဟို စစ်ဌာနချုပ်၏ အစီအစဉ်လည်း မဟုတ်၍ KNU ဗဟိုမှ တစုံတရာ မသိရကြောင်း KNU ဗဟို က ထုတ်ပြန်ခဲ့သည်။
ထိုကဲ့သို့ ထုတ်ပြန်ပြီး နောက်ပိုင်း ဗိုလ်ချုပ်ကြီး မူတူးစေးဖိုး အပါအ၀င် ဗဟို တရားရေး ဌာန ဖဒို ဒေးဗစ်ထောနှင့် လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင် တို့ကို KNU ဗဟိုက တာဝန်မှ ရပ်စဲခဲ့သည်။
တာဝန်မှ ရပ်စဲလိုက်ကြောင်း ထုတ်ပြန်ခဲ့သည့် အမိန့်စာကိုလည်း KNU ဗဟို အလုပ်အမှုဆောင် ၁၁ ဦးထံ ပေးပို့ထားကြောင်း သိရ သည်။
ဘားအံ KNU ဆက်ဆံရေးရုံး ဖွင့်ပွဲသို့ ပြည်ထောင်စု အဆင့်ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဌ ဦးအောင်မင်း လည်း တက်ရောက်ခဲ့သည်။
ထို ဆက်ဆံရေးရုံး ဖွင့်လှစ်ရန် အတွက် စစ်ဦးစီးချုပ် ဗိုလ်ချုပ်ကြီး မူတူးစေးဖိုးက တပ်မဟာ ခေါင်းဆောင်တချို့ကို ဦးဆောင်၍ KNU ဗဟိုကော်မတီ ၀င်များနှင့် တိုင်ပင် ဆွေးနွေးခြင်း မရှိဘဲ သွားရောက်ခဲ့ကြောင်း KNU ဗဟိုက ပြောဆိုသည်။
KNLA တပ်ဖွဲ့ သည် KNU ၏ ဌာန ၁၄ ခုရှိသည့်အနက် ကရင်အမျိုးသား ကာကွယ်ရေး ဌာန အုပ်ချုပ်မှုနှင့် ဦးဆောင်မှုအောက်တွင် ရှိသော အဖွဲ့တခု ဖြစ်သည်။
KNU ခေါင်းဆောင်များအကြား ယင်းသို့ သဘောထား ကွဲလွဲမှုနှင့် ပတ်သက်ပြီး မကြာမီ ရက်ပိုင်းအတွင်း သတင်းစာ ရှင်းလင်းပွဲ တရပ် ကျင်းပရန် ရှိကြောင်း သိရသည်။
Ref: ဧရာဝတီ
Tuesday, October 9, 2012
ပြည်သူ့ အကျိုးစီးပွား ပျက်စီးစေမယ့် ဥပဒေတွေကို ပြင်ဆင်ကြ
သမ္မတဦးသိန်းစိန်က ၆၇ ကြိမ်မြောက် ကမ္ဘာ့ကုလ သမဂ္ဂ အထွေထွေ ညီလာခံမှာ မြန်မာနိုင်ငံက ပြုပြင် ပြောင်းလဲရေး လုပ်ငန်းစဉ်တွေနဲ့ ပတ်သက်ပြီး ကမ္ဘာ့နိုင်ငံ အသီးသီးက ခေါင်းဆောင်တွေကို အစီရင်ခံ တင်ပြခဲ့ပြီး မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း မြန်မာနိုင်ငံဟာ ဒီမိုကရေစီရေးခရီး အစမှာ ရောက်ရှိနေပြီ ဖြစ်ကြောင်း ပြောကြား နေတာတွေကို ကြားသိ နေရပါတယ်။ သမ္မတရုံးက ညွှန်ကြားရေးမှူး ဗိုလ်မှူးဟောင်း ဦးဇော်ဌေး ကလည်း သမ္မတ ဦးသိန်းစိန်နဲ့ ဒေါ်အောင်ဆန်းစုကြည် တို့ဟာ တိုင်းပြည်ကို ဖွံ့ဖြိုးတိုးတက်အောင် ရည်ရွယ်ချက်တူညီ လုပ်ဆောင်လိုတဲ့၊ ဘုံရည်မှန်းချက်ထားရှိမှု တူသူနှစ်ဦး ဖြစ်တယ်လို့ ပြောကြားနေပါတယ်။
- ဒါပေမယ့် နဝတ၊ နအဖ စစ်အုပ်စုလက်ကျန် ဗိုလ်ချုပ်ဟောင်းတွေ ဦးစီးတဲ့ လွှတ်တော်များ၊ သမ္မတ ဦးသိန်းစိန် အစိုးရ၊ ကြံ့ဖွံ့ပါတီနဲ့ ဒု-ဗိုလ်ချုပ်မှူးကြီး မင်းအောင်လှိုင် ကွပ်ကဲနေတဲ့ စစ်တပ်- အစရှိတဲ့ လေးချောင်းထောက် အာဏာ ယန္တယားကြီး ခိုင်မြဲဖို့နဲ့ ၂၀၀၈ ဖွဲ့စည်းပုံ အခြေခံ ဥပဒေနဲ့ တရားဝင်မှု ရယူထားတဲ့ စစ်အာဏာ ရှင်စံနစ် Constitutional Military Dictatorship သက်ဆိုး ရှည်စေဖို့ လုပ်ဆောင်နေတဲ့ ဇာတ်လမ်းမှာ လိုအပ် တဲ့ဇာတ်ကွက်ကို သင့်လျော်တဲ့ သရုပ်ဆောင်တွေနဲ့ ပွဲထွက်ပြသ၊ သရုပ်ဆောင် ကပြနေကြရတာမျှသာ ဖြစ်ကြောင်း နိုင်ငံတကာ အသိုင်းအဝန်း ကလည်း သိရှိ နားလည်ထားတဲ့ အတွက် မြန်မာ့ အရေးကို စဉ်ဆက်မပြတ် အကဲခတ် နေကြတာပါ။
- သမ္မတဦးသိန်းစိန်ရဲ့ကြံ့ဖွံ့အစိုးရက နိုင်ငံတကာ မျက်နှာစာမှာ သူတို့ရဲ့ တရားဝင်မှုကို ပိုမို ခိုင်မာစေဖို့ ကြိုးပမ်း နေတဲ့ ကာလမှာပဲ ငြိမ်းချမ်းစွာ ဆန္ဒပြကြသူတွေကို တရားစွဲဆိုတဲ့ သတင်းတွေ ကလည်း ဒီရက်ပိုင်းတွေ အတွင်းမှာ ဆက်တိုက် ထွက်ပေါ်လာတာမို့ မြန်မာနိုင်ငံရဲ့ ဒီမိုကရေစီရေး ခရီးဟာ မရေမရာ အနေအထားသာဖြစ် နေသေးကြောင်း သက်သေပြသလို ဖြစ်နေပါတယ်။
- စက်တင်ဘာလ ၂၁ ရက်ကကျရောက်ခဲ့တဲ့ အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ် လှုပ်ရှားမှု တွေမှာ ပါဝင်ခဲ့တဲ့သူ တချို့ကို ငြိမ်းချမ်းစွာ စီတန်း လှည့်လည်ခွင့် ဆိုင်ရာ ဥပဒေပုဒ်မ ၁၈ အရ သက်ဆိုင်ရာ ရဲစခန်းတွေက အမှုဖွင့် ထားပါတယ်။ ရန်ကုန်မှာ ငြိမ်းချမ်းရေး ကွန်ယက်က တာဝန်ခံ ၄ ဦး၊ ကချင်ငြိမ်းချမ်းရေး ကွန်ယက်၊ ပြည်သူ့ အကျိုးဆောင် ကွန်ယက်က လှုပ်ရှား တက်ကြွသူများနဲ့ လယ်သမား အခွင့်အရေး လှုပ်ရှား နေသူများ၊ အောင်ပန်းမြို့မှ ၁ ဦး၊ တောင်ကြီးမြို့မှ ၂ ဦး၊ ပြည်မြို့မှ ဆရာတော် တပါးတို့ကို ရဲစခန်းတွေက အမှုဖွင့် ထားတာပါ။ ပုဒ်မ ၁၈ နဲ့ အမှုရင်ဆိုင် တရားစွဲဆိုတာ ဖြစ်လို့ တရားရုံးက ဆင့်ခေါ်တဲ့ရက်မှာ လာရောက် ရင်ဆိုင်ပါမယ်- ဆိုတဲ့ ခံဝန် ကတိတွေ ထိုးပေးခဲ့ကြရတယ်လို့ သိရပါတယ်။ တနှစ်မှာ တရက်တည်း ကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့မှာ နည်းလမ်းတကျ ကြိုတင် ခွင့်ပြုချက် တောင်းခံခဲ့ပေမယ့် အကြောင်း ပြချက်အမျိုးမျိုးနဲ့ ခွင့်ပြုချက် မပေးခဲ့တာဖြစ်လို့ လူထု ထောင်ဂဏန်းချီပြီး အကြမ်းဖက်ခြင်း မရှိတဲ့ ဆန္ဒထုတ် ဖေါ်ပွဲတွေ ငြိမ်းချမ်းစွာ လုပ်ဆောင် နိုင်ခဲ့တာကို အမှုဖွင့် တရားစွဲဆို အရေးယူဖို့ လုပ်မယ်ဆိုရင် လွှတ်တော်တွေ ကပြဌာန်းခဲ့တဲ့ ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့်ဆိုင်ရာ ဥပဒေနဲ့ ပြည်ထဲရေး ဝန်ကြီး ဌာနက ထုတ်ပြန်ခဲ့တဲ့ နည်းဥပဒေတွေဟာ မျှတမှုရှိရဲ့လား ဆိုတာကို ပြန်သုံးသပ် ကြရမယ့်သဘော ဖြစ်လာပါတယ်။
- မြန်မာ့ သဘာဝ သယံဇာတတွေကနေဖြစ်လာတဲ့ ရေအား လျှပ်စစ်နဲ့ သဘာဝ ဓါတ်ငွေ့တွေကို အိမ်နီးချင်း နိုင်ငံတွေဆီ ရောင်းချနေပေမယ့် ပြည်တွင်းလျှပ်စစ် မလုံလောက်မှု အပေါ် မြန်မာပြည် အနှံ့ ဆန္ဒပြပွဲတွေ ၂၀၁၂ ခုနှစ် မေလအတွင်းက ဖြစ်ပွားခဲ့ပါတယ်။ အထူးသဖြင့် ရန်ကုန်၊ မန္တလေး၊ ပြည်နဲ့ ရခိုင် ဒေသတွေမှာပါ။ မန္တလေးမှာ မေလ တတိယပတ်က လျှပ်စစ်ဓါတ်အား ပြည့်ဝစွာ ရရှိရေးအတွက် ဖယောင်းတိုင်မီး ထွန်းပြီး လူစု လူဝေးနဲ့ စီတန်း လှည့်လည် ဆန္ဒပြမှုကို ပြုလုပ်ခဲ့ရာမှာ ဦးဆောင် ပါဝင်တဲ့ သတင်းစာဆရာ တဦး အပါအဝင် မန္တ လေးမြို့ခံ ၃ ဦးကို ချမ်းအေးသာဇံမြို့နယ် အမှတ် ၈ ရဲစခန်းက အမှုဖွင့် ထားတယ်လုိ့သိရပါတယ်။
- မေလ ၂၂ ရက်နေ့က ထောက်လှမ်းရေးရုံးက ခေါ်စစ်လို့ စစ်ချက် ပေးခဲ့ပြီး ဖြစ်ပေမယ့် အမှုဖွင့် တရားစွဲဆို နိုင်ဖို့ ရဲစစ်ချက် မရှိသေးလို့ အောက်တိုဘာလ ၆ ရက်မှာ အကြောင်းကြား လာတယ်လို့ သိရပါတယ်။ ငြိမ်းချမ်းစွာ စုဝေးခွင့်နှင့် စီတန်း လှည့်လည်ခွင့် ဥပဒေ ပုဒ်မ ၁၈ နဲ့ မေလ ၂၇ ရက် ကတည်းက အမှုဖွင့် ထားကြောင်း သိရတဲ့အတွက် ဒီကိစ္စမှာလည်း ထူးခြားမှုနှစ်ခုကို တွေ့ရှိရပါတယ်။ လျှပ်စစ်မီး အပြည့်အဝ ရရှိဖို့ ဆန္ဒ ပြတာဟာ မန္တလေး တမြို့တည်းမှာ မဟုတ်ပဲ အခြားမြို့ကြီး တွေမှာလည်း မေလ အတွင်းက ဆက်တိုက်ဖြစ်ပွား ခဲ့ပေမယ့် ဆန္ဒ ထုတ်ဖေါ်သူတွေကို အမှုဖွင့် အရေးယူဖို့ ကြိုးစားတာဟာ မန္တလေး တမြို့တည်းမှာ ဖြစ်နေတာ၊ ဆန္ဒပြတဲ့ အချိန်ကာလဟာ ငြိမ်းချမ်းစွာ စုဝေးခွင့်နဲ့ ငြိမ်းချမ်းစွာ စီတန်း လှည့်လည်ခွင့် ဆိုင်ရာ ဥပဒေအတွက် ပြည်ထဲရေး ဝန်ကြီးဌာနက နည်းဥပဒေ ထုတ်ပြန်ခဲ့တဲ့ ဇူလိုင်လ ၉ ရက်ရဲ့ အရှေ့ပိုင်း ကာလဖြစ်လို့ နောက်ကြောင်းပြန် သက်ရောက်တဲ့ တရားစွဲဆိုမှုမျိုး ဖြစ်နေတာတွေပဲ ဖြစ်ပါတယ်။ ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့်ဆိုင်ရာ ဥပဒေ၊ နည်းဥပဒေ တွေဟာ တရားမျှတမှု ရှိရဲ့လား- ဆိုတာအပြင် သက်ဆိုင် ရာအာဏာပိုင် အဖွဲ့အစည်းများ အနေနဲ့ ဒီဥပဒေ၊ နည်းဥပဒေတွေကို သဘောပေါက် နားလည်မှု၊ အသုံးချနိုင်မှု၊ မည်သည့်အကျိုး စီးပွားအတွက် အသုံးပြုလိုမှု- တို့ကိုပါ သုံးသပ် ဆန်းစစ်ကြရဖို့ ရှိလာပြီဖြစ်ပါတယ်။
- မုံရွာခရိုင် လက်ပံတောင်းတောင် ကြေးနီစီမံကိန်းကြောင့် မြေယာသိမ်းဆည်းခံရမှု၊ သဘာဝ ပတ်ဝန်းကျင် ထိခိုက် ဆုံးရှုံးရမှုတွေနဲ့ ပတ်သက်လို့ ငြိမ်းချမ်းစွာ ဆန္ဒထုတ်ဖေါ်မှုတွေ ၂၀၁၂ ခုနှစ် ဇွန်လက စပြီး ဆက်တိုက် ဖြစ်ပွားခဲ့ပါတယ်။ လယ်ယာဧက ၇၈၀၀ ကျော် အသိမ်းခံခဲ့ရပြီး စီမံကိန်း စွန့်ပစ် မြေစာတွေကြောင့် ရေသယံဇာ တအပါအဝင် သဘာဝ ပတ်ဝန်းကျင် ထိခိုက်မှုတွေ၊ ဒေသခံ လူထု ကျန်းမာရေးအတွက် စိုးရိမ်စရာတွေ၊ မြေသိမ်းခံကျေးရွာ ၂၆ ရွာထဲက ကျေးရွာ ၄ ရွာ မဖြစ်မနေ ပြောင်းရွှေ့ပေးရမယ့် ကိစ္စတွေ- ရှိလာလို့ မြန်မာ့ စီးပွားရေး ဦးပိုင် လီမိတက်နဲ့ တရုတ်နိုင်ငံ ဝမ်ပေါင်း ကုမ္ပဏီတို့ကို နစ်နာသူတွေက ဆန္ဒပြခဲ့ကြတာပါ။
- စက်တင်ဘာလ ၅ ရက်မှာ ပုသိမ် - မုံရွာလမ်းနဲ့ ညောင်ပင်ကြီး - ပုလဲလမ်းဆုံ နားက မြန်မာ - ဝမ်ပေါင်း ကုမ္ပဏီ ရုံးခန်းရဲ့ အနီးပတ်ဝန်းကျင်မှာ ဦးပိုင်၊ မြန်မာဝမ်ပေါင်း၊ ပုဒ်မ ၁၄၄ လို့ ရေးသားထားတဲ့ အသုဘ အခေါင်းပုံ ၃ လုံးကို မီးရှို့ပြီး ဆန္ဒပြခဲ့တဲ့ အပေါ် ဒေသခံတချို့၊ ကူညီသူ တချို့နဲ့ ဒီဖြစ်ရပ်မှာ ပါဝင်ခဲ့တဲ့ ဗကသ ကျောင်းသား ခေါင်းဆောင်တွေ အပါအဝင် ၁၆ ဦးကို တရားစွဲဖို့ စီမံကိန်း တာဝန်ရှိသူတွေက ဆားလင်းကြီး ရဲစ ခန်းမှာ အောက်တိုဘာ ၄ ရက်က အမှုဖွင့် လိုက်တယ်လို့ ကြားသိရပါတယ်။ ပြစ်မှုဆိုင်ရာ ပုဒ်မ ၁၄၃၊ ၁၄၇ နဲ့ ၅၀၀ တို့အရ အမှုဖွင့်ခံရတဲ့ ထဲမှာ ဗကသများ အဖွဲ့ချုပ်၊ ပြည်သူ့ အကျိုးဆောင် ကွန်ယက်၊ နိုင်ငံရေး အကျဉ်းသား ဟောင်းများ ပါဝင်နေပါတယ်။
- သမ္မတဦးသိန်းစိန်က အမေရိကန်ခရီးစဉ်အတွင်း အရင်အစိုးရ လက်ထက်က လျော်ကြေး ပေးခဲ့ပြီးပြီလို့ ပြောတာ၊ မရွှေ့ပြောင်းချင်တဲ့ သူတွေကို ဧရိယာ သတ်မှတ်ပေးဖို့ ဒေသခံ အာဏာပိုင်တွေကို ပြောကြားခဲ့ပြီးပြီလို့ ပြောတာတွေဟာ လွဲမှားနေပြီး သိမ်းဆည်းခံ မြေယာများ အတွက် မြေယာ လျော်ကြေးမဟုတ်ပဲ ၃နှစ်စာ သီးနှံ ပျက်စီးမှု လျော်ကြေးသာဖြစ်ကြောင်း ၊ ဦးပိုင်ရဲ့ သြဂုတ်လ ၂၀ ရက်နေ့မှာ တရားဝင် ထုတ်ပြန်တဲ့ ကြေညာချက်မှာ စီမံကိန်းကို ဆက်လုပ်မယ်၊ ကျန်နေတဲ့ရွာ ၃ ရွာကို မဖြစ်မနေ ရွှေ့ပြောင်းမယ်၊ စက်တင်ဘာလ ၁ ရက်ကနေ အောက်တိုဘာလ ၃၀ ရက်နေ့ အတွင်း ရွာတွေကို ပြောင်းရွှေ့ဖို့ သတ်မှတ်ထားပြီး ပုဒ်မ ၁၄၄ ထုတ်ပြန် ခဲ့တာတွေက ဖြစ်ရပ်မှန်တွေ ဖြစ်ပါတယ်။ သမ္မတ ဦးသိန်းစိန် ဆီကို တင်ပြလာတဲ့ အောက်ခြေက သတင်း အချက်အလက်တွေ လွဲမှားတာလား၊ အစိုးရရဲ့ ပုံရိပ်ကောင်းအောင် တည်ဆောက်နေရတဲ့ အမေရိကန် ခရီးစဉ်မှာ ကြေးနီ စီမံကိန်းနဲ့ ပတ်သက်ပြီး ဖုံးဖုံးဖိဖိ ဖြစ်အောင် ပြောခဲ့တာလားကတော့ ဦးသိန်းစိန်ပဲ သိမှာပါ။
- လက်ပံတောင်းတောင် ကြေးနီစီမံကိန်းက ကြေးနီတန်ချိန် ၃၃၈ တန် ခိုးထုတ်လို့ ဒေါ်လာ နှစ်သန်းဖိုး လောက် ငွေစာရင်း ကွာနေတာကို ပြည်ထောင်စု စာရင်းစစ်ချုပ် ရုံးက ဖေါ်ပြခဲ့တာ၊ သတ္တုတွင်း ဝန်ကြီးဌာနက The Voice ဂျာနယ်ကို တရားစွဲတာ၊ စာရင်းစစ်ချုပ် ဦးလွန်းမောင်ကို နှုတ်ထွက်ခွင့် ပြုလိုက်တာ၊ သတ္တုတွင်း ဝန်ကြီး ဦးသိန်းထိုက်က ပြည်ထောင်စု စာရင်းစစ်ချုပ် အသစ် ဖြစ်သွားတာ တွေကို သိရှိ စီမံခဲ့ရတဲ့ ဦးသိန်းစိန်က စစ်တပ်ပိုင် ဦးပိုင်ကုမ္ပဏီနဲ့ တရုတ်နိုင်ငံက ဝမ်ပေါင်းကုမ္ပဏီတို့ ဘာတွေလုပ်ခဲ့၊ လုပ်နေကြသလဲ - ဆိုတာကို တော့ မျက်ခြေပြတ်မယ်လို့တော့ မထင်ပါဘူး။
- ဦးပိုင်ပစ္စည်းမို့ စစ်တပ်အကျိုးစီးပွားထိခိုက်မှာစိုးရိမ်တာရယ်၊ တရုတ်နဲ့လည်း မြစ်ဆုံဆည် ကိစ္စ မျက်နှာ ပျက်စရာ ဖြစ်ခဲ့ပြီး နောက်ဆက်တွဲ အစာမကျေစရာ ဇတ်ထုတ် အသစ်တွေ မစချင်သေးတာရယ်လည်း ဖြစ်နိုင် ပါတယ်။ ကြေးနီ စီမံကိန်းက တာဝန်ရှိသူ တစ်ဦးကတော့ “ First Information Report သတင်းအချက်အ လက် အစီရင်ခံစာ ပေးပို့တဲ့ အဆင့်ပဲဖြစ်ပြီး ရဲက ဒါကို စုံစမ်း စစ်ဆေးပြီး တရားစွဲဆို သင့်တယ်ဆိုမှ တရားစွဲမှာ ဖြစ်တယ် ” လို့ BBC သတင်းဌာနကို ပြောခဲ့တာမို့ ငြိမ်းချမ်းစွာ ဆန္ဒပြသူတွေကို တရားစွဲ၊ မစွဲ စောင့်ကြည့် ရမှာပါ။
- ၂၀၀၈ ဖွဲ့စည်းပုံအခြေခံဥပဒေ၊ အခန်း (၈) နိုင်ငံသား၊ နိုင်ငံသားများ၏ မူလ အခွင့်အရေးနှင့် တာဝန်များမှာ ပုဒ်မ ၃၄၅ ကနေ ၃၉၀ အထိ ပြဌာန်းချက် ပုဒ်မပေါင်း ၄၆ ခုရှိပြီး ပုဒ်မ ၃၅၄ မှာ အပြည်ပြည်ဆိုင်ရာ လူ့အခွင့်အရေး ကြေညာစာတမ်း အပိုဒ်ခွဲ ၁၉၊ ၂၀ ဖေါ်ပြချက်တွေဖြစ်တဲ့ လွတ်လပ်စွာ ထုတ်ဖေါ်ပြောဆိုခွင့်၊ ရေးသားဖြန့်ဝေခွင့်၊ ငြိမ်းချမ်းစွာ စုဝေးခွင့်၊ စီတန်း လှည့်လည်ခွင့်၊ လွတ်လပ်စွာ အသင်း အဖွဲ့ အစည်းအရုံးများ ဖွဲ့စည်း ဆောင်ရွက်ခွင့် တွေကို ဖေါ်ပြ ထားပါတယ်။ ဒါပေမယ့် “ နိုင်ငံတော် လုံခြုံရေး၊ တရားဥပဒေ စိုးမိုးရေး၊ ရပ်ရွာ အေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရား အကျိုးငှာ ပြဌာန်းထားသည့် ဥပဒေများနှင့် မဆန့်ကျင်လျှင် ” ဆိုတဲ့ ကြိုတင် တားမြစ် ကန့်သတ်ချက် ထားပြီး ပေးထားတဲ့ နိုင်ငံသား အခွင့်အရေးမျှသာ ဖြစ်ပါတယ်။
- နိုင်ငံရဲ့အထွဋ်အထိပ်ဖြစ်တဲ့ ဖွဲ့စည်းပုံ အခြေခံ ဥပဒေ ကိုယ်တိုင်က ကန့်သတ် တားမြစ်ချက်နဲ့ တကွ ပြဌာန်း ထားတယ်ဆိုရင် လွှတ်တော်တွေမှာ ဥပဒေပြုဖို့ ဆွေးနွေးရတဲ့ အခါ ဥပဒေကြမ်းတွေက မျှတမှု ရှိတော့မှာ မဟုတ်ပါဘူး။ ပြည်သူလူထု အကျိုးစီးပွားအတွက် ဥပဒေပြုခွင့် မရတော့ပဲ အုပ်ချုပ်သူ အစိုးရ အကျိုးစီးပွား အတွက် ဘက်လိုက်ပြဌာန်းရတဲ့ ဥပဒေတွေ ဖြစ်လာပါတယ်။ သက်ဆိုင်ရာ ဝန်ကြီးဌာနက နည်းဥပဒေတွေ ထုတ်ပြန်တဲ့ အခါမှာလည်း အသေးစိတ် ကန့်သတ် တားမြစ်ချက်တွေ ထပ်ပါလာတဲ့ အခါ ဒီမိုကရေစီနဲ့ လူ့အ ခွင့်အရေး အနှစ်သာရတွေ လုံးဝ ပျောက်ပျက် သွားပါတော့တယ်။
- ငြိမ်းချမ်းစွာစုဝေးခွင့်နှင့် ငြိမ်းချမ်းစွာစီတန်းလှည့်လည်ခွင့်ဆိုင်ရာ ဥပဒေဆိုရင် ပထမ အကြိမ် လွှတ်တော် ဒုတိယ ပုံမှန် အစည်းအဝေးမှာ ဆွေးနွေးပြီး သမ္မတ ဦးသိန်းစိန်က ၂၀၁၁ ခုနှစ် ဒီဇင်ဘာလ ၂ ရက်က လက်မှတ်ထိုး အတည်ပြုခဲ့တာ ဖြစ်ပါတယ်။ ဒီဥပဒေ အတွက် နည်းဥပဒေတွေကို ပြည်ထဲရေး ဝန်ကြီးဌာနက ၂၀၁၂ ခုနှစ် ဇူလိုင်လ ၉ ရက်ကျမှ ထုတ်ပြန်နိုင်ခဲ့တဲ့ အတွက် ဥပဒေတခု ထွက်ရှိလာဖို့၊ အဲဒီဥပဒေကို လက်တွေ့အသုံး ပြုနိုင်ဖို့အတွက် နည်းဥပဒေတွေ ထွက်ရှိ လာဖို့ အချိန်ကာလ ၆ လနဲ့ အထက် ကြာမြင့် နေတာကလည်း မြန်မာ့ နည်းမြန်မာ့ဟန် ဒီမိုကရေစီ လုပ်ထုံးလုပ်နည်းတွေ- လို့ပဲ ဆိုရတော့မှာပါပဲ။
- မြန်မာ့သဘာဝသယံဇာတတွေရောင်းစားပြီး တိုင်းပြည်မှာတော့ လျှပ်စစ် မလုံလောက်လို့ ပြည်သူတွေ ဘဝပျက် နေတာတွေကို ငြိမ်းချမ်းစွာ ဆန္ဒထုတ်ဖေါ်သူတွေ၊ ကမ္ဘာပေါ်မှာ အကြာရှည်ဆုံး ပြည်တွင်းစစ် ဖြစ်နေတဲ့ မြန်မာပြည် ငြိမ်းချမ်းရေး အတွက် အပြည်ပြည်ဆိုင်ရာ ငြိမ်းချမ်းရေးနေ့မှာ ဆန္ဒ ထုတ်ဖေါ်သူတွေ၊ လယ်ယာနဲ့ လုပ်ကိုင် စားသောက်ရသူတွေကို လိမ်လည် လှည့်ဖျားပြီး ၃ နှစ်စာ သီးနှံ လျော်ကြေးပေးရာကနေ မြေယာကို ထာဝရ သိမ်းဆည်းမှု လုပ်ခဲ့တဲ့ ဦးပိုင်နဲ့ ဝမ်ပေါင်းကုမ္ပဏီတို့ရဲ့ အနိုင်ကျင့်မှုတွေ အတွက် နစ်နာသူတွေက ဆန္ဒ ပြရတဲ့ ကိစ္စတွေမှာ ဦးဆောင်သူတွေကို ရာဇဝတ်မှုလို တရားစွဲမယ် ဆိုရင်တော့ လာမယ့် လွှတ်တော်တွေမှာ တရားမျှတမှု မရှိတဲ့ ဥပဒေ၊ နည်းဥပဒေတွေကို ပြန်လည်သုံးသပ် ဆန်းစစ်ဖို့ လိုနေပြီဖြစ်ပါတယ်။ “ ပြည်သူ့ အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ ” လို့ ကြွေးကြော်နေတာ၊ ကျနော်တို့ဟာ ပြည်သူလူ ထုက ရွေးချယ် တင်မြှောက်ထားတဲ့ ပြည်သူ့ အစိုးရဆိုပြီး ကြွေးကြော်နေကြတာတွေဟာ လက်တွေ့မှာမှန် ကန်ကြောင်း သက်သေ ပြချင်ရင်တော့ ပြည်သူလူထု အကျိုးစီးပွားကို ပျက်စီးစေမယ့် ဥပဒေတွေကို ရဲရဲဝံ့ဝံ့ပြင် ဆင်ကြရမှာ ဖြစ်ကြောင်း - တင်ပြ လိုက်ရပါတယ်။
လူထုလိုလားရင် ဒေါ်အောင်ဆန်းစုကြည် သမ္မတအဖြစ် တာဝန် ထမ်းဆောင်မည်
မခင်ဖြူထွေး
08.10.2012
ပြည်သူလူထု လိုလားရင် သူ့အနေနဲ့ သမ္မတ တာဝန်ကိုလည်း ယူနိုင်တယ် လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ပြောလိုက်ပါတယ်။ မကြာသေးခင်က အမေရိကန် ပြည်ထောင်စု ၁၇ ရက်ကြာ ခရီးစဉ် ကနေ ပြန်လည် ရောက်ရှိ လာခဲ့တဲ့ ဒေါ်အောင်ဆန်းစုကြည် က သူ့ရဲ့ ခရီးစဉ် နဲ့ ပတ်သက်လို့ ပထမဆုံး အကြိမ် ပြုလုပ်တဲ့ သတင်းစာ ရှင်းလင်းပွဲမှာ ခုလို ပြောသွားတာပါ။ ဒီကနေ့ မနက်ပိုင်းက ပြုလုပ်တဲ့ သတင်းစာရှင်းလင်းပွဲမှာ ဘယ် အကြောင်းအရာတွေကို အဓိက ရှင်းလင်း ပြောကြားခဲ့သလဲ ဆိုတာကိုတော့ မခင်ဖြူထွေးက ပြောပြပေးထား ပါတယ်။
စက်တင်ဘာလ ၁၇ ရက်နေ့ကနေ အောက်တိုဘာလ ၃ ရက်နေ့အထိ ၁၇ ရက်ကြာ သွားရောက်ခဲ့တဲ့ အမေရိကန် ခရီးစဉ်နဲ့ ပတ်သက်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ဒီကနေ့ မနက်ပိုင်း ၁၁ နာရီ ၄၅ မိနစ်လောက်က အမျိုးသား ဒီမိုကရေစီ အဖွဲ့ချုပ် NLD ဌာနချုပ်ရုံး မှာ သတင်းစာရှင်းလင်းပွဲ တရပ် ပြုလုပ်ခဲ့တာပါ။ သူ အမေရိကန်ပြည်ထောင်စုကို ဘာကြောင့် သွားခဲ့တယ် ဘယ်သူတွေနဲ့ တွေ့ခဲ့တယ် ဆိုတာကစလို့ လက်ရှိ မြန်မာနိုင်ငံရဲ့ ဒီမိုကရေစီ ပြုပြင် ပြောင်းလဲမှုတွေနဲ့ ပတ်သက်တဲ့ သူ့ရဲ့ သဘောထားတွေ အပါအ၀င် အကြောင်းအရာ အတော်များများနဲ့ ပတ်သက်လို့ ရှင်းလင်း ပြောဆိုသွားခဲ့ပါတယ်။
ပြည်သူလူထု လိုလားရင် သမ္မတ တာဝန်ယူဖို့လည်း ၀န်မလေးတဲ့ အကြောင်းလည်း ဒေါ်အောင်ဆန်းစုကြည်က ပြောသွားခဲ့ပါတယ်။
“ကျမ ပြောတယ်၊ ကျမက နိုင်ငံရေးပါတီ တခုရဲ့ ခေါင်းဆောင်ပဲ လို့။ နိုင်ငံရေးပါတီ တခု ခေါင်းဆောင်နေမှတော့ သမ္မတ လည်း လုပ်ရဲတဲ့ သတ္တိ ရှိရမယ်။ အဲဒီတော့ ပြည်သူလူထု လိုလားရင် လုပ်မှာပဲ။ အဲဒီတော့ ဒါနဲ့ ပတ်သက်ပြီးတော့ ဖွဲ့စည်းပုံ အခြေခံ ဥပဒေကို ပြင်ဖို့ ဆိုတာတော့ ဒါကတော့ လွှတ်တော် ကနေ ပြင်ရမှာပေါ့။ ဖွဲ့စည်းပုံ အခြေခံဥပဒေ ပြင်ဆင်ရေးကို ကျမတို့ လုပ်သွားမယ် ဆိုတာဟာ ကြားဖြတ်ရွေးကောက်ပွဲကို ၀င်ကတည်းက ကျမတို့ မူတခု အနေနဲ့ ချထားပြီးသားပါ။ အဲဒီတော့ ဒီဟာ ပြင်ဆင်ရေး ကိုတော့ ကျမတို့ တစိုက်မတ်မတ် ကြိုးစားသွားမှာ ဖြစ်ပါတယ်။ ကျမ သမ္မတဖြစ်ရေး ကိစ္စ တခုတည်းကို မဟုတ်ပါဘူး။ တခြားဟာတွေလည်း ပြင်စရာတွေ လိုပါတယ်။”
ဒါနဲ့ ပတ်သက်ပြီးတော့ပဲ သမ္မတ ဦးသိန်းစိန်ကလည်း ပြီးခဲ့တဲ့လ သူ့ရဲ့ အမေရိကန် ခရီးစဉ် အတွင်း - ပြည်သူလူထု ထောက်ခံမှုနဲ့ ဒေါ်အောင်ဆန်းစုကြည် သမ္မတ ဖြစ်လာမယ် ဆိုရင် သူ အနေနဲ့ လက်မခံနိုင်စရာ မရှိဘူး၊ လူထုရဲ့ သဘောထား ဆန္ဒသာ အဓိက ဖြစ်တယ်လို့ ဆိုပြီး ပြီးခဲ့တဲ့ လကုန်ပိုင်းက BBC သတင်း ဌာနနဲ့ တွေ့ဆုံ မေးမြန်းစဉ်မှာ ပြောသွားခဲ့တာ ဖြစ်ပါတယ်။ လက်ရှိ ဖွဲ့စည်းပုံ ဥပဒေ ဥပဒေအရ ဆိုတော့ မိသားစုဝင်တွေ ထဲမှာ နိုင်ငံခြားသား တိုင်းပြည်တခုရဲ့ နိုင်ငံသား ခံယူထားသူတွေ ရှိတဲ့အတွက် ဒေါ်အောင်ဆန်းစုကြည် အနေနဲ့ သမ္မတ အဖြစ် အရွေးခံခွင့် မရဘဲ ဖြစ်နေတာပါ။
မြန်မာနိုင်ငံဟာ ဒီမိုကရေစီ လမ်းကြောင်းပေါ်ကို ရောက်ခါစ အခြေအနေမှာပဲ ရှိသေးတယ် ဆိုတာကို သတိမူဖို့ ကိုလည်း ဒီသတင်းစာ ရှင်းလင်းပွဲ အတွင်း ဒေါ်အောင်ဆန်းစုကြည် သတိပေး ပြောသွား ခဲ့ပါတယ်။
“ကျမတို့နိုင်ငံရဲ့ စနစ်ဟာ ဒီမိုကရေစီ စနစ်လို့ ပြောလို့မရသေးပါဘူး။ ကျမတို့ရဲ့ အခုလက်ရှိ အခြေအနေဟာ ဒီမိုကရေစီ လမ်းကို လျှောက်နိုင်တဲ့ အခြေအနေ ရောက်နေတယ် ဆိုတာကို ရှင်းပြဖို့ ကျမသွားတာပါ။ ဒီတော့ ကျမတို့ အခု ဒီမိုကရေစီ လမ်းစကို ရောက်တယ် ဆိုတာဟာ ကျမ ခဏခဏ ပြောပါတယ်၊ ဒါ ဖြူးဖြောင့်နေတဲ့ လမ်း မဟုတ်ပါဘူး။ ကျမတို့ ကိုယ်တိုင် ဆောက်ယူရမယ့် လမ်းပါ။ ကျမတို့ ကိုယ်တိုင် ဆိုတာ ဘယ်သူတွေလဲ ဆိုတော့ အဓိက ကတော့ ပြည်သူလူထုပါ။ ပြည်သူလူထုနဲ့ ကျမတို့ အမြဲပဲ လက်တွဲပြီးတော့ လုပ်ခဲ့တဲ့ ဒီမိုကရေစီ အင်အားစုတွေက ဆောက်တည်ရမယ့်လမ်း ဖြစ်ပါတယ်။
ဒီတော့ အစိုးရကရောလို့ တချို့ မေးလိမ့်မယ်။ အစိုးရက ပြည်သူလူထုရဲ့ အင်အားအရ လိုက်လုပ်ရမှာ။ ဒါမှလည်း ဒီမိုကရေစီ ကျမှာ။ ဒါကို ကျမတို့ ဆောက်တဲ့နေရာမှာ အများကြီး သတိထားဖို့ လိုတယ်။ အများကြီးလည်း ကြိုးစားဖို့ လိုတယ် ဆိုတာကို ကျမ ပြောချင်ပါတယ်။ တချို့က ဆိုလို့ရှိရင် အခုအခြေအနေကို အားလုံး ကောင်းနေပြီ ဆိုပြီးတော့ အလွန်အကဲ အကောင်းမြင်တယ်လို့ ပြောရမှာပေါ့နော်။ ဒီလို အားလုံး ကောင်းနေတဲ့ အခြေအနေ မဟုတ်သေးပါဘူး ဆိုတာကိုလည်း ကျမတို့ သဘောပေါက်ဖို့ လိုပါတယ်။ အားလုံးကောင်းအောင် လုပ်ရမယ့် အခြေအနေပါ။ လုပ်နိုင်ဖို့လည်း အခွင့်အလမ်းတော့ ရှိလာပြီ။ ဒါပေမဲ့ ဒီအခွင့်အလမ်းကို ကျမတို့ မှန်မှန်ကန်ကန် သုံးနိုင်မှ ကျမတို့ လိုချင်တဲ့ နိုင်ငံမျိုး ဖြစ်ပေါ်လာမှာပါ။ လွယ်မှာလည်း မဟုတ်ပါဘူး။”
မြန်မာနိုင်ငံ လူ့အခွင့်အရေးနဲ့ ဒီမိုကရေစီရေး အတွက် အမေရိကန် ပြည်ထောင်စုက အစဉ်တစိုက် အားပေး ကူညီခဲ့တဲ့ အကြောင်းနဲ့၊ ခုချိန်မှာ ဒဏ်ခတ် ပိတ်ဆို့မှုတွေ ပြန်လည် ရုပ်သိမ်း ခဲ့တာမှာလည်း ဒီမိုကရေစီ အင်အားစုတွေနဲ့ နီးနီးကပ်ကပ် ဆွေးနွေး တိုင်ပင်ပြီးမှ ဆောင်ရွက်ခဲ့တာ ဖြစ်ပြီး ဒီလို ကူညီမှုတွေကြောင့်လည်း မြန်မာပြည်သူတွေ ကိုယ်စား ကျေးဇူး တင်စကားပြောဖို့ သူ အမေရိကန်ကို သွားရောက်ခဲ့တာ ဖြစ်တယ်လို့ ဒေါ်အောင်ဆန်းစုကြည်က ရှင်းလင်း သွားပါတယ်။ မြန်မာနိုင်ငံ တွင်း ရင်းနှီးမြှုပ်နှံမှုတွေနဲ့ ပတ်သက်လို့လည်း နိုင်ငံအတွက် ရေရှည် အကျိုးရှိတဲ့ ရင်းနှီးမြှုပ်နှံမှုတွေ ဖြစ်ရမယ်လို့ ဒေါ်အောင်ဆန်းစုကြည်က ပြောပါတယ်။
“အခု မြန်မာပြည်မှာ ၀င်ပြီးတော့ ရင်းနှီးမြှုပ်နှံမှု လုပ်ချင်တဲ့သူတွေ အများကြီး ရှိပါတယ်။ ဒါပေမဲ့ ကျမတို့က ရသမျှ ယူမယ် ဆိုပြီးတော့ စိတ်ဓာတ်နဲ့ လုပ်မယ်ဆိုရင် အမှားတွေ လုပ်မိမှာပဲ။ စဉ်းစဉ်းစားစားနဲ့ ယူသင့်တာကိုပဲ ယူရပါမယ်။ ကျမတို့ရဲ့နိုင်ငံမှာ ရင်းနှီးမြှုပ်နှံတဲ့သူတွေ ကလည်း တကယ်ပဲ ကျမတို့နိုင်ငံရဲ့ ရေရှည် အကျိုးရော၊ မိမိတို့ရဲ့ အကျိုးရော ကြည့်ပြီးတော့ စဉ်းစဉ်းစားစား လုပ်သင့်တာပေါ့။ မပေါင်းသင့်တဲ့ သူတွေနဲ့ ပေါင်းပြီးတော့ ရင်းနှီးမြှုပ်နှံမယ်ဆိုရင် ရေရှည်မှာ ကျမတို့နိုင်ငံ အတွက်လည်း အကျိုးမဖြစ်ဘူး။ ရင်းနှီးမြှုပ်နှံတဲ့သူတွေ အတွက်လည်း အကျိုးမဖြစ်ဘူး။ မပေါင်းသင့်တဲ့ သူတွေနဲ့ ပေါင်းပြီးတော့ ရင်းနှီးမြှုပ်နှံရင် ကျမတို့ကတော့ သိရင်တော့ သိသလို သတင်းဖြန့်ရမှာပဲ။ ဒါကတော့ ကျမတို့ တာဝန်တခု အနေနဲ့ လုပ်ရမှာဖြစ်ပါတယ်။ ဒါဟာ သတင်းလောကရဲ့ တာဝန်တခုလည်း ဖြစ်တယ်လို့ ကျမ သတိပေးပါရစေ။”
မြန်မာနိုင်ငံမှာ ကျယ်ကျယ်ပြန့်ပြန့် ဖြစ်နေတဲ့ အဂတိလိုက်စားမှုတွေ ပပျောက်အောင် ဆောင်ရွက်ဖို့ အစိုးရမှာ အဓိက တာဝန်ရှိသလို ဒီလို လာဘ်ပေး လာဘ်ယူ ကိစ္စတွေ နဲ့ ပတ်သက်လို့ သတင်း မီဒီယာတွေအနေနဲ့ ဖော်ထုတ်ကြဖို့ကိုလည်း ဒေါ်အောင်ဆန်းစုကြည်က တိုက်တွန်း ပြောဆိုခဲ့ပါတယ်။
“လာဘ်ပေးလာဘ်ယူ ကိစ္စ ဆိုတာဟာ အစိုးရနဲ့ အများကြီး ဆိုင်ပါတယ်။ ဥပဒေနဲ့လည်း ဆိုင်ပါတယ်။ အဲဒီတော့ ဒါကိုလည်း ကျမတို့ အနေနဲ့ တတ်နိုင်သလောက် လုပ်သွားပါမယ်။ အဲဒီတော့ ကျမ ပြောပါရစေ၊ မီဒီယာကို ကျမ တခုတော့ မေတ္တာရပ်ခံ ချင်တယ်။ ဒီလာဘ်ပေး လာဘ်ယူ ကိစ္စနဲ့ ပတ်သက်ပြီးတော့ ကြားသမျှ သတင်းတွေတော့ ဖော်ထုတ်ပါ။ ဖော်ထုတ်တဲ့ အခါကျရင် ပုဂ္ဂိုလ်ရေး မဆန်ပါနဲ့။ ပုဂ္ဂိုလ် အဓိက မဟုတ်ဘဲနဲ့ တိတိကျကျလုပ်ပါ။ မသိဘဲနဲ့ မစွပ်စွဲပါနဲ့။ မသိဘဲနဲ့ စွပ်စွဲတဲ့ဟာ လူတယောက်အတွက် အင်မတန်မှ နာပါတယ်။ နောက်တော့မှ မဟုတ်ဘူး ဆိုပေမဲ့ ညှိသွားရော။ ဥပမာ - သူတို့တွေက ပြောတာ ရှိတယ်မလား။ မီးမရှိဘဲ မီးခိုး မထွက်ဘူး ဆိုတာ မီးမရှိဘဲနဲ့ မီးခိုးစက်တွေ ရှိတာ ရှိပါတယ်နော်။ အဲဒီတော့ မီးခိုးစက် ဖြစ်အောင်တော့ မလုပ်ပါနဲ့။ အဲဒါတော့ သတိထားပါ။”
တချိန်က ကမ္ဘာ့ အဆင့်အတန်းမီခဲ့တဲ့ မြန်မာနိုင်ငံရဲ့ ပညာရေး စနစ် နစ်ပေါင်းများစွာ ညံ့ဖျင်း သွားခဲ့ရတဲ့ အခြေအနေ အကျိုးဆက်ကို ဒီကနေ့ လူငယ်တွေ ခံစားနေရတဲ့ အကြောင်းနဲ့ ခုချိန်မှာ မြန်မာ့ ပညာရေးကို ကမ္ဘာ့အဆင့်အတန်း ပြန်ဝင်အောင် ကြိုးပမ်းကြရမယ့် အကြောင်းလည်း ဒေါ်အောင်ဆန်းစုကြည်က ပြောသွားခဲ့ပါတယ်။
မြန်မာနိုင်ငံရဲ့ အရေးပါတဲ့ အိမ်နီးချင်းနိုင်ငံ ဖြစ်တဲ့ တရုတ်နိုင်ငံနဲ့ ကောင်းမွန်တဲ့ ဆက်ဆံရေး ထားရှိဖို့ အရေးကြီးတာကြောင့် မိုလို့ နှစ်နိုင်ငံအကြား ပိုပြီးတော့ ရင်းနှီးတဲ့ ဆက်ဆံရေး ထားရှိချင်တဲ့ အကြောင်းနဲ့ ဖြစ်နိုင်ရင် တရုတ်နိုင်ငံကို သူ သွားချင် ပါတယ်လို့လည်း ဒီနေ့ အမေရိကန် ခရီးစဉ်နဲ့ ပတ်သက်ပြီး ပြုလုပ်တဲ့ သတင်းစာ ရှင်းလင်းပွဲ အတွင်း မှာ ဒေါ်အောင်ဆန်းစုကြည်က ပြောသွားခဲ့ပါတယ်။
Ref: VOA News
ဒေါ်အောင်ဆန်းစုကြည် အမေရိကန်ခရီးစဉ် သတင်းစာ ရှင်းလင်း
2012-10-08
ဒေါ်အောင်ဆန်းစုကြည်ဟာ သူ့ရဲ့ ၂ ပတ်ကျော်ကြာ အမေရိကန်ခရီးစဉ် သတင်းစာ ရှင်းလင်းပွဲကို ဒီကနေ့ နေ့လည်က ရန်ကုန်မြို့၊ ရွှေဂုံတိုင်မှာ ရှိတဲ့ အမျိုးသား ဒီမိုကရေစီ အဖွဲ့ချုပ် ပါတီရုံးချုပ်မှာ ပြုလုပ် ခဲ့ပါတယ်။
သမ္မတအဖြစ် တာဝန်ထမ်းဆောင်လိုစိတ် ရှိ မရှိ သတင်းထောက် တစ်ဦးက မေးမြန်းရာမှာ ဒေါ်အောင်ဆန်းစုကြည်က ပြည်သူလူထု လိုလားရင် သမ္မတ အဖြစ် တာဝန် ထမ်းဆောင်မှာ ဖြစ်ကြောင်း ပြောပါတယ်။
"ကျွန်မပြောတယ်။ ကျွန်မက နိုင်ငံရေးပါတီတစ်ခုရဲ့ ခေါင်းဆောင်ပဲလို့၊ နိုင်ငံရေးပါတီတစ်ခု ခေါင်းဆောင်နေမှတော့ သမ္မတလည်း လုပ်ရဲတဲ့ သတ္တိရှိရမှာပဲ။ အဲဒီတော့ ပြည်သူလူထု လိုလားရင် လုပ်မှာပဲ။"
သမ္မတ ဦးသိန်းစိန်ရဲ့ အမေရိကန်ခရီးစဉ် အတွင်းမှာလည်း သတင်းထောက်တစ်ဦးက ဒေါ်အောင်ဆန်းစုကြည်ကို သမ္မတအဖြစ် လက်ခံနိုင်ခြင်း ရှိ မရှိ မေးမြန်းခဲ့ပါတယ်။ အဲဒီအပေါ် သမ္မတဦးသိန်းစိန်က ပြည်သူက ဒေါ်အောင်ဆန်းစုကြည်ကို ရွေးချယ်တင်မြှောက်ရင် လက်ခံနိုင်ကြောင်း ဖြေကြားခဲ့ပါတယ်။
ကချင်ပြည်နယ် နဲ့ ရခိုင်ပြည်နယ်က ပဋိပက္ခအရေးတွေ နဲ့ ပတ်သက်ပြီး မေးမြန်းရာမှာတော့ ဒေါ်အောင်ဆန်းစုကြည်က အခုလို ဖြေကြားပါတယ်။
"အန်တီ ခရီးသွားတဲ့အခါ ကျတော့လည်း ကချင်ပြည်နယ်မှာ ဖြစ်နေတဲ့ ကိစ္စတွေနဲ့ ပတ်သက်လို့၊ ရခိုင်ပြည်နယ်မှာ ဖြစ်နေတဲ့ကိစ္စ... တစ်ဘက်က ဟိုတစ်ဘက်ကို မရှုံ့ချရကောင်းလား ဆိုပြီးတော့ အန်တီ့ကို ဝေဖန်ကြတယ်။ သဘောမတူကြဘူး။ ဒါပေမယ့် အန်တီက ပြောတယ်။ အန်တီက စေ့စပ်ပေးချင်တဲ့သူ တစ်ယောက်အနေနဲ့ ဟိုဘက်ဒီဘက် အပြစ်ဆိုလေ့မရှိဘူး။ အန်တီ့ကို အသုံးချလို့ ရတော့မှာ မဟုတ်ဘူး။ တစ်ဘက်အတွက်ပဲ အသုံးချလည်း ခံမှာမဟုတ်ဘူး။ နှစ်ဘက်အတွက် အဆင်ပြေဖို့ပဲ အန်တီ အသုံးချခံမှာ။ ပြည်တွင်း ငြိမ်းချမ်းရေးမှာတော့ အခုအချိန်မှာ အန်တီတို့ အနေနဲ့ တရားဝင် ပတ်သက်နိုင်တဲ့ အခြေအနေမှာ မရှိသေးပါဘူး။ တိုင်းရင်းသားတွေက လိုလားလို့ ရှိရင်တော့ ပါဝင်ဖို့ အဆင်သင့်ပါပဲ။ ဒါပေမဲ့ အခု တိုင်းရင်းသားတွေနဲ့ ဆွေးနွေးနေတာတော့ အန်တီတို့ မဟုတ်ဘူး။ အစိုးရက ဆွေးနွေးနေတာပါ။"
ဒေါ်အောင်ဆန်းစုကြည်က သူ့အနေနဲ့ တရုတ်နိုင်ငံကို သွားဖို့ အစီအစဉ် မရှိသေးပေမယ့် သွားချင်တဲ့ ဆန္ဒရှိပြီး ဒါဟာ အမေရိကန်နိုင်ငံကို သွားရောက်ခဲ့လို့ တရုတ်နိုင်ငံက စိုးရိမ်မှာ ပူပန်ပြီး သွားလိုတာမျိုး မဟုတ်ဘူးလို့လည်း ပြောခဲ့ပါတယ်။
Ref: RFA News
OIC ရုံးဖွင့်မည်ကို ရခိုင်လူထု မလိုလား
ခင်ဦးသာ
October 8, 2012
အစ္စလာမ်မစ် ပူးပေါင်း ဆောင်ရွက်ရေးအသင်း OIC ရုံးကို ရခိုင်ပြည်နယ်နှင့် မြန်မာနိုင်ငံတွင် ဖွင့်လှစ်ရန် ကြိုးပမ်းနေခြင်းအား ရခိုင်ပြည်သူ အများစု က ကန့်ကွက်ကြောင်း သိရသည်။
မောင်တောမြို့ အလိုတော်ပြည့်ကျောင်းတိုက်မှ ဆရာတော် ဦးမဏိစာရ က ဧရာဝတီကို “စစ်တွေနဲ့ ရခိုင်ပြည်တွင်းက ဘယ်နေရာမှာပဲ ဖြစ်ဖြစ် ဖွင့်ဖို့ ကိစ္စ ကန့်ကွက်တယ်၊ အလားတူပဲ မြန်မာနိုင်ငံရဲ့ တခြားဒေသတွေမှာ ဖွင့်ခွင့်ပေးမယ် ဆိုရင် လည်းပဲ သဘောမတူဘူး”ဟု မိန့်သည်။
OIC ရုံးအား ရခိုင်ပြည်၏ မည်သည့်နေရာတွင်မဆို ဖွင့်လှစ်ခွင့် ပေးမည်မဟုတ် သကဲ့သို့ မြန်မာနိုင်ငံ၏ တခြားဒေသများတွင် လည်း ဖွင့်လှစ်ရန် ကြိုးပမ်းပါက လည်း ကန့်ကွက်ကြောင်း မကြာသေးခင်က ပြုလုပ်ခဲ့သည့် ရသေ့တောင် ရခိုင်ဒေသ လူထု စည်းဝေးပွဲ ဆုံးဖြတ်ချက်၌ လည်း ပါရှိ သည်။
စစ်တွေဒေသမှ သံဃာတော် ၁၀၈ ပါးသည် OIC ဖွင့်ရေး ကိစ္စကန့်ကွက်သည့် အနေဖြင့် မနက်ဖြန် အောက်တိုဘာ ၉ ရက်တွင် လမ်းလျှောက် ချီတက် ကြမည်ဟု သံဃာတော်များ စည်းကမ်း ထိန်းသိမ်းရေး အဖွဲ့ (စစ်တွေ) မှ အရှင် ဦးဥတ္တမကလည်း မိန့်ကြားသည်။
ဘင်္ဂလားဒေ့ရှ် နိုင်ငံ၊ စစ်တကောင်း ဒေသရှိ ဗုဒ္ဓဘာသာဝင် ဘုန်းတော်ကြီးကျောင်းများ၊ လူနေအိမ်များ မီးရှို့ဖျက်ဆီး ခံရခြင်း နှင့် ပတ်သက်၍ ဗုဒ္ဓဘာသာ ၀င်များအား ကာကွယ်ပေးရန် သံဃာတော် အပါး ၁၀၀ ကျော်က တောင်းဆို ဆန္ဒပြမှု တခု ရန် ကုန်မြို့၌ ပြီးခဲ့သည့် ရက်ပိုင်းက ပြူလုပ်ရာတွင်လည်း မြန်မာနိုင်ငံတွင်း OIC ရုံးဖွင့်ခွင့်ကို ကန့်ကွက် ခဲ့ကြသေးသည်။
OIC အဖွဲ့သည် အစ္စလာမ်နိုင်ငံ ၅၇ ခုအား ကိုယ်စားပြုဖွဲ့သည့် အဖွဲ့တခုဖြစ်ပြီး ရခိုင်ပြည်နယ်မြောက်ပိုင်းရှိ မူဆလင် များကို ကူညီထောက်ပံ့နိုင်ရေး မြန်မာနိုင်ငံတွင် ရုံးဖွင့်နိုင်ရေး အတွက် မြန်မာ အစိုးရနှင့် သဘောတူညီမှု ရရှိထားပြီး ဖြစ်သည်။
OIC ရုံးဖွင့်ခွင့်ကို ရခိုင်နိုင်ငံရေး ပါတီများကလည်း လုံးဝ ကန့်ကွက်ကြောင်း ဧရာဝတီ ကို ပြော သည်။
“တကယ်လို့ အစိုးရက အမိန့်အာဏာနဲ့ ဖွင့်မယ်ဆိုရင်ဆို ရခိုင်ပြည်သူလူထုရဲ့ အားနဲ့ ကျနော်တို့က ကန့်ကွက်မှာပါ၊ ပြည်နယ် အစိုးရက ဖွင့်ခွင့်ပေးမယ် ဆိုရင်လည်း လွှတ်တော်မှာ ကန့်ကွက် ရပါလိမ့်မယ်”ဟု ရခိုင် တိုင်းရင်းသားများ တိုးတက်ရေး ပါတီ (RNDP) ၏ ဥက္ကဋ္ဌနှင့် အမျိုးသား လွှတ်တော် ကိုယ်စားလှယ် ဒေါက်တာ အေးမောင်က ပြောသည်။
ရခိုင်ဒေသတွင်း ပဋိပက္ခများကြောင့် ဒုက္ခရောက်နေသူများအား လူသားချင်းစာနာ ထောက်ပံ့မှုများကို OIC အပြင် မည်သည့်နိုင် ငံ၏ အဖွဲ့အစည်း များကို မဆို လက်ခံကြောင်း၊ ကူညီထောက်ပံ့ရေး ကိစ္စ ကို OIC အနေဖြင့် သီးသန့်ရုံး ဖွင့်ရန် မလိုဘဲ အစိုးရနှင့် ပူးပေါင်း ဆောင်ရွက်မှုများ လုပ်ဆောင်နိုင်ကြောင်း ၎င်းက ဆက်ပြောသည်။
“ရခိုင်ဒေသမှာ OIC ရုံးဖွင့်မယ်ဆိုရင် ပဋိပက္ခတွေကို ပိုပြီးတော့ ကြီးထွားလာစေနိုင်တယ်၊ နိုင်ငံတခုရဲ့ အချုပ်အချာ အာဏာကို ခြိမ်းခြောက် လာနိုင်တာမျိုး၊ နယ်မြေတခုရဲ့ ဘာသာရေး၊ နိုင်ငံရေးတွေ အပေါ်မှာ ၀င်ရောက်စွက်ဖက်မှု တွေ ဖြစ်လာမှာကို လည်းပဲ စိုးရိမ်ပါတယ်”ဟု ဒေါက်တာ အေးမောင်က ဆိုသည်။
အကယ်၍ နိုင်ငံတကာ ဖိအားများကြောင့် ရန်ကုန်မြို့၊ နေပြည်တော်တို့တွင် ဖွင့်ခွင့်ပေးမည်ဟု ဆိုလျှင် ၎င်းတို့ အနေဖြင့် ကန့်ကွက်ရန် မရှိကြောင်း ဆက်ပြောသည်။
ရခိုင်ပြည်နယ် အစိုးရ၏ သတင်းပြန်ကြားရေးနှင့်မှတ်တမ်း စုဆောင်ရေး ဆပ်ကော်မတီ ဥက္ကဋ္ဌနှင့်ပြည်နယ် ဥပဒေချုပ် ဦးလှ သိန်း က ပြောဆိုရာတွင် OIC ရုံးဖွင့်ရေး ကိစ္စနှင့် ပတ်သက်၍ ဗဟိုအစိုးရ အပါအ၀င် မည်သည့် အဖွဲ့အစည်းကမျှ ပြောဆိုခြင်း၊ ဆွေးနွေးခြင်း မရှိသေးကြောင်း ဧရာဝတီကို ပြောသည်။
OIC ရုံးဖွင့်မည့် ကိစ္စအား ကန့်ကွက်ခြင်းနှင့် ရခိုင်အမျိုးသမီးများ အပါအ၀င်မြန်မာ အမျိုးသမီးထု တရပ်လုံး၏ ဘ၀ လုံခြုံရေး၊ အခွင့်အရေး များ ရရှိရေးတို့ အတွက် စစ်တွေမြို့ခံ အမျိုးသမီးများ ဦးဆောင် လှုပ်ရှားမှု တခုကို စစ်တွေမြို့၌ လုပ်ဆောင် ရန် ခွင့်ပြုချက် ရထားပြီး ဖြစ်ကြောင်း ခေါင်းဆောင်ဖြစ်သူ ဒေါ်ညိုအေးက ပြောသည်။ ရခိုင် ဒီမိုကရေစီ အဖွဲ့ချုပ် (ALD) ပါတီ က လည်း ရခိုင်ဒေသတွင်း OIC ရုံးဖွင့်မည့် ကိစ္စကို ကန့်ကွက် ထားကြောင်း သိရသည်။
ရန်ကုန်အခြေစိုက် အစ္စလမ်သာသနာရေးရာ ကောင်စီဌာနချုပ် ၏ ပြောခွင့်ရသူ ဦးဝဏ္ဏရွှေကို ဆက်သွယ် စုံစမ်းရာ ၎င်းတို့အဖွဲ့ အနေဖြင့် OIC နှင့်တရားဝင် ပတ်သက်ဆက်သွယ်မှု မရှိကြောင်း၊ ရုံးဖွင့်ရေး ကိစ္စသည် အစိုးရနှင့်OIC တို့ အကြား ဆွေးနွေး မှုသာ ဖြစ်ကြောင်း၊ သို့သော် လူအများ၏ ကောင်းကျိုးအတွက် ပြုလုပ်သည့်အဖွဲ့ ဖြစ်ပါက မည်သည့် နိုင်ငံတကာ အဖွဲ့ကိုမဆို ကြိုဆိုကြောင်း ဧရာဝတီ ကိုပြောသည်။
OIC အဖွဲ့သည် အစ္စလာမ်နိုင်ငံများ ကိုယ်စားပြုသည့် အစိုးရများ စုပေါင်း ဖွဲ့စည်းထားကြောင်း၊ အကြမ်းဖက်မှု လုပ်ဆောင်သည့် အဖွဲ့ မဟုတ်ကြောင်း၊ သို့သော် OIC အဖွဲ့၏ လှုပ်ရှားဆောင်ရွက်မှု၊ ရည်ရွယ်ချက်များကို အတိအကျမသိရသေး ကြောင်း၊ သို့ဖြစ်၍ ရုံးဖွင့်ခွင့် ကိစ္စ ကန့်ကွက်သူ များနှင့် ပတ်သက်၍လည်း မှတ်ချက် မပေးလိုကြောင်း ဦးဝဏ္ဏရွှေ က ဆိုသည်။
OIC ၏ လူသားချင်း စာနာမှုဆိုင်ရာ ရုံးတစ်ရုံး မြန်မာပြည်တွင် ဖွင့်လှစ်ရန် မြန်မာအစိုးရနှင့် သဘော တူညီချက် လက်မှတ် ရေးထိုး လိုက်ပြီဖြစ်ကြောင်း ကူဝိတ်နိုင်ငံရှိ OIC အထွေထွေ အတွင်းရေးမှူးရုံးက ကြေညာချက် ထုတ်ပြန်ထားသည်။
ရခိုင်ပြည်နယ်ရှိ မူဆလင်များအရေး OIC အတွင်းရေးမှူးချုပ်က အချက်အလက် ရှာဖွေရေး အဖွဲ့တဖွဲ့ကို ရခိုင်ပြည်သို့ သွားရောက် ခဲ့ပြီးနောက် ယင်းသဘော တူညီချက်ကို စက်တင်ဘာလအတွင်း လက်မှတ်ရေးထိုးခြင်းဖြစ်သည်။
OIC အတွင်းရေးမှူးချုပ်လည်း မြန်မာနိုင်ငံ သွားရောက်ဖို့ အစီအစဉ်ရှိပြီး ခရီးစဉ်အတွက် မြန်မာ အစိုးရနှင့် ဆွေးနွေးနေသည်။
Ref: ဧရာဝတီ
“၀” ၊ မိုင်းလား အဖွဲ့များ နှင့် ကာချုပ် တွေ့ဆုံ
ရန်ပိုင်
October 8, 2012
ဒု ဗိုလ်ချုပ်မှူးကြီး မင်းအောင်လှိုင် ကာကွယ်ရေးဦးစီးချုပ် တာဝန်ယူပြီးနောက် ပထမဆုံး အကြိမ် အဖြစ် တရုတ်နယ်စပ် အခြေစိုက် အပစ်ရပ် အဖွဲ့များဖြစ်သည့် ၀ပြည်သွေးစည်ညီညွတ်ရေး အဖွဲ့ (UWSA)၊ မိုင်းလား အခြေစိုက် အမျိုးသား ဒီမိုကရေစီ မဟာမိတ် တပ်မတော် (NDAA) ခေါင်းဆောင်များနှင့် ရှမ်းပြည် အရှေ့ ပိုင်း ကျိုင်းတုံ အခြေစိုက် တြိဂံတိုင်း စစ်ဌာနချုပ်တွင် ပြီးခဲသည့် စနေနေ့က တွေ့ဆုံဆွေးနွေးသည်။
UWSA အဖွဲ့ ဒု ဥက္ကဋ္ဌ ရှောက်မီလျံ၊ NDAA အဖွဲ့ ဥက္ကဋ္ဌ ဦးစိုင်းလင်းတို့နှင့် တွေ့ဆုံဆွေးနွေးခြင်းဖြစ်ပြီး၊ မည်သည့် အကြောင်း အရာများ ဆွေးနွေးသည်ကိုမူ ထုတ်ပြန်ကြေညာခြင်း မရှိပေ။
“ပြဿာနာ ကြီးကြီးမားမားရှိလို့ တွေ့ဆုံတာမဟုတ်ပါဘူး၊ နယ်မြေ အတွင်းမှာဖြစ်ပေါ်နေတဲ့ လတ်တလော အခြေ အနေလေးတွေကို ပြောကြမှာပါ”ဟု UWSA အဖွဲ့၏ ဗဟိုကော်မတီဝင် တဦးဖြစ်သူ ဦးဘွမ်တိန်းက ဧရာဝတီကို ပြောဆိုသည်။
ယခင် စစ်အစိုးရလက်ထက် အပစ်ရပ် တိုင်းရင်းသားလက်နက်ကိုင်အဖွဲ့ များအား နယ်ခြားစောင့် တပ်ဖွဲ့များ အဖြစ် ပြောင်းလဲရန် ကြိုးစားရာ တဖက်နှင့် တဖက်တင်းမာမှုများ ဖြစ်ပွားခဲ့ပြီး အဆိုပါအဖွဲ့များနှင့် ဆက်ဆံရေး တန်းသွား ခဲ့သော်လည်း သမ္မတ ဦးသိန်းစိန် အစိုးရ လက်ထက် ပြီးခဲ့သည့်နှစ် စက်တင်ဘာလအတွင်း က ပဏာ မငြိမ်းချမ်းရေး သဘော တူညီချက်များ အောက်ခြေ တပ်မှူးများ အဆင့် ဆွေးနွေးပွဲများမှ တဆင့် ရယူနိုင်ခဲ့သည်။
ထိုသဘောတူညီချက်များတွင် ဆက်ဆံရေးရုံးများကို မြို့ကြီးများတွင် ပြန်လည်ဖွင့်လှစ်ရန်၊ နှစ်ဘက်တပ်ဖွဲ့များ လက်ရှိ အခြေ အနေအတိုင်း ဆက်ရှိနေရန်၊ လက်နက်ကိုင် တပ်ဖွဲ့များ အစိုးရနယ်မြေများသို့ လာရောက်လျှင် ကြိုတင်အကြောင်းကြားရန်နှင့် ငြိမ်းချမ်းရေး ဆွေးနွေးရာတွင် တူညီသည့် ဘုံအချက်များကိုသာ ဆွေးနွေးပြီး ပဋိပက္ခဖြစ်မည့် အငြင်းပွားဖွယ်အချက်များကို ရှောင် ရန်၊ နှစ်ဖက်တင်းမာမှု ဖြစ်ပွားစဉ်က ၀နယ်မြေမှ ထွက်ခွာသွားသည့် အစိုးရ၀န်ထမ်းများကို ပြန်လည်လက်ခံရန် စသည့်အချက် များ ပါဝင်သည်။
ဒု ဗိုလ်ချုပ်မှူးကြီး မင်းအောင်လှိုင်နှင့် ၀ လက်နက်ကိုင်တပ်ဖွဲ့ (UWSA)တို့ တွေ့ဆုံမှုသည် မြန်မာတပ်မ တော်နှင့် ကချင်လွတ်လပ် ရေး တပ်ဖွဲ့ (KIA)တို့ တိုက်ပွဲများ ဖြစ်ပွားချိန်နှင့်လည်း တိုက်ဆိုင်နေသည်။
တရုတ်မြန်မာနယ်စပ်ရှိ စစ်ရေး၊ နိုင်ငံရေး အကဲခတ် ဦးအောင်ကျော်ဇောက“တရုတ်နယ်စပ်က တိုင်းရင်းသားတွေက တရုတ်နဲ့ အရမ်း နီးစပ်သလို၊ လက်ရှိ ၀တပ်ဖွဲ့ အနေအထားအရလည်း မြန်မာတပ်က တိုက်ဖို့ မလွယ်သေးဘူး၊ ဒါကြောင့် သတိကြီးကြီးနဲ့ ကိုင်တွယ်နေတဲ့ ပုံပဲ”ဟု ဆိုသည်။
တရုတ်နယ်စပ်အခြေစိုက် တိုင်းရင်းသားများအရေးသည် တရုတ်အစိုးရအပေါ်တွင်လည်း မူတည်ပြီး၊ အစိုးရသစ် လက်ထက်တွင် အမေရိကန်နှင့် အနီးကပ် ဆက်ဆံလာ ခြင်း၊ မြစ်ဆုံရေကာတာ စီမံကိန်းကို ရုတ်သိမ်း ခဲ့ခြင်းတို့သည် တရုတ်- မြန်မာ ဆက်ဆံရေးကို ထိခိုက်နိုင် ကြောင်း၊ ထိုကြောင့် တရုတ် အစိုးရက တိုင်းရင်းသားများကို ကျောထောက်နောက်ခံပြန်လည် ပြုလာနိုင်ကြောင်း ဦးအောင် ကျော်ဇောက သုံးသပ်သည်။
ဒု ဗိုလ်ချုပ်မှူးကြီး မင်းအောင်လှိုင်သည် တိုင်းရင်းသားအရေးနှင့် ပတ်သက်လျှင် ပြတ်ပြတ်သားသား ကိုင်တွယ်သူ တဦးဟု အများက ပြောဆိုကြ သော်လည်း စစ်တပ်ပိုင် မြ၀တီ သတင်းဌာနမှ ဖော်ပြ သည့် ဓာတ်ပုံများ၌မူ ၀တိုင်းရင်းသားခေါင်းဆောင် ရှောက်မီလျံ နှင့် ရင်းနှီးစွာ ဖက်လှဲတကင်း နှုတ်ဆက်နေသည်ကို တွေ့ရသည်။
ကြိဂံတိုင်းစစ်ဌာနချုပ်တွင် တိုင်းမှူးအဖြစ် တာဝန်ယူခဲ့သူ ဒု ဗိုလ်ချုပ်မှူးကြီး မင်းအောင်လှိုင်သည် ဒေသတွင်းရှိ တပ်ရင်း တပ်ဖွဲ့များ ၏ အနေ အထား စစ်ရေးလေ့ကျင့်မှု များကိုလည်း သွားရောက်စစ်ဆေး ခဲ့သေးသည်။
Ref: ဧရာဝတီ
Posts
