..............................

Saturday, March 5, 2011

ထားဝယ် ရေနက်ဆိပ်ကမ်း၊ အထူးစီးပွားရေးဇုန် စီမံကိန်းနှင့် စိန်ခေါ်မှုများ

နိုင်ကျော်
Wednesday, 02 March 2011

၂၀၁၁ ခုနှစ်သို့ ဝင်ရောက်လာသည်နှင့် ပြည်တွင်းပြည်ပ လုပ်ငန်းရှင်များ၊ ကုန်သည်ပွဲစားများ၊ အသိ ပညာရှင်များ၊ အတတ် ပညာရှင်များ၊ မီဒီယာများ သာမက သာမန် ပြည်သူများပါ စိတ်ဝင်စား နေသည်မှာ ထားဝယ် ရေနက်ဆိပ်ကမ်း စီမံကိန်း ကိစ္စဖြစ်သည်။ တဆက်တည်းတွင် အထူး စီပွားရေးဇုန် စီမံကိန်းလည်း အပါအဝင်ဖြစ်သည်။

ထိုစီမံကိန်းကို အမေရိကန်ဒေါ်လာ သန်းပေါင်း ၈၆၀၀ ကျော် အကုန်အကျ ခံကာ တည်ဆောက်မည် ဖြစ်သည်။ မြန်မာ နိုင်ငံအတွက် အကြီးမားဆုံး ရင်းနှီး မြုပ်နှံမှုဖြစ်လာမည့် စီမံကိန်း ဖြစ်သော်လည်း နအဖ စစ်အစိုးရသည် ပြည်သူအား အသိပေးခြင်း လုံးဝ မပြုလုပ်ခဲ့ပေ။ ၎င်းတို့ ထိန်းချုပ်ထားသည့် သတင်းဌာန၊ မီဒီယာများမှလည်း ထုတ်ပြန်ခဲ့ခြင်း မရှိပေ။

မည်သူမဆို ကိုယ့်ဒေသ အမှန်တကယ် ဖွံ့ဖြိုး တိုးတက်လာမည်ဆိုလျှင် ဝမ်းမြောက် ဝမ်းသာ ကြိုဆိုကြ ပေလိမ့်မည်။ ဂုဏ်ယူ ကြပေလိမ့်မည်။ ထားဝယ်ဒေသရှိ ပြည်သူများသည်လည်း ဝမ်းမြောက် ဂုဏ်ယူချင်ကြသူများ ဖြစ်မည်သာ။

သို့သော် ထို ဖွံ့ဖြိုးတိုးတက်မှုကို မည်သူတွေက မည်သည့် ရည်ရွယ်ချက်ဖြင့် ပြုလုပ်ကြသည်၊ မည်သို့သော အကျိုး အမြတ်များကို မျှော်ကိုး၍ လုပ်ကိုင်ကြသည်၊ ရင်းနှီး မြုပ်နှံကြသည်ကိုမူ အထူး သတိပြုရန် လိုပါသည်။

သေချာသည်မှာ ထိုဒေသရှိ ရေမြေ သယံဇာတများ အမြောက်အများ ပေးဆပ် လိုက်ရပေတော့မည်။ ထို့ အတွက်ကြောင့် မြန်မာ နိုင်ငံအတွက်၊ ထိုဒေသရှိ ပြည်သူများအတွက် အကျိုးကျေးဇူး မည်မျှ ရရှိမည်ကိုမူ အသေအချာ ဆန်းစစ်ရန် လိုအပ်ပေလိမ့်မည်။

ရေမြေ သယံဇာတများအပြင် ဘာသာစကား၊ ယဉ်ကျေးမှု၊ ရိုးရာဓလေ့ ထုံးစံများကိုပါ ပေးဆပ်ရမည် ကိုမူ မည်သူမျှ သဘော တူနိုင်မည် မဟုတ်ပေ။ ထားဝယ်ဒေသရှိ ပြည်သူများသည်လည်း သဘောတူနိုင်ကြမည် မဟုတ်ပေ။

ရေမြေသယံဇာတများနဲ့ ထားဝယ်ဒေသ

ထားဝယ်ဒေသဆိုသည်မှာ ဟိုးယခင် နှစ်ပေါင်းများစွာကတည်းက ရေမြေသယံဇာတ များစွာပိုင်ဆိုင်သည့် ဒေသတခု ဖြစ်ပေသည်။

ထားဝယ်ဒေသရှိ ဟိန္ဒား၊ ကံပေါက်၊ ဟာမြင်းကြီး သတ္တုတွင်းများသည် ခဲမဖြူ၊ အဖြိုက်နက် အများဆုံး ထွက်ရှိသော နယ်မြေများဖြစ်သည်။ ထို့အပြင် ရွှေကြောများလည်း တွေ့ရှိထားသောဒေသ ဖြစ်သည်။ ရာဘာခြံ၊ ကွမ်းခြံ အမြောက်အများရှိသည်။ သဘာဝပုလဲ အကောင်းဆုံးထွက်ရှိသော ဒေသဖြစ်ပြီး ရေလုပ်ငန်းတွင်လည်း မွေးမြူရေးစီမံကိန်း အများအပြားရှိသော ဒေသလည်း ဖြစ်သည်။ ကျောက်နီမော် ပုစွန်မွေးမြူရေး လုပ်ငန်းသည်လည်း တနင်္သာရီတိုင်းတွင် အကြီးဆုံးမွေးမြူရေးစခန်းတခု ဖြစ်သည်။

၁၉၈၇ ခုနှစ်တွင် တနင်္သာရီကမ်းရိုးတန်း ရေလုပ်ငန်းအားလုံး၏ ဝင်ငွေ ၁၀ ရာခိုင်နှုန်း ရှာပေးမည့် ရေငန် ပုစွန်မွေးမြူရေး စီမံကိန်းကြီးတခုကို လောင်းလုံမြို့နယ်၊ ပြင်ကြီးကျွန်းတွင် စတင်အကောင်အထည် ဖော်ခဲ့ဖူးသည်။ တကန်လျှင် ၁၂၅ ဧကရှိသော ကန် ၆ ကန် တည်ဆောက်မည်ဖြစ်ပြီး ဒီရေအတက်အကျပေါ် မူတည်၍ သဘာဝဖြင့် အလိုအလျောက် ရေလဲလှယ်သောစနစ်ကို အသုံးပြုမည့် စီမံကိန်းဖြစ်သည်။ သို့သော်လည်း နိုင်ငံရေး မတည်ငြိမ်မှုကြောင့် အာရှဖွံ့ဖြိုးရေးဘဏ် (ADB) မှ ချေးငွေရပ်ဆိုင်းလိုက်သည့်အတွက် စီမံကိန်းပျက်သွားခဲ့ရသည်။

မြန်မာနိုင်ငံတွင် အကောင်းဆုံး ပင်လယ်ကမ်းခြေဖြစ်သည့် မောင်းမကန် ကမ်းခြေ ရှိသည့် ဒေသလည်း ဖြစ်သည်။ သဲသောင်ပြင် ကျယ်ပြောခြင်း၊ သဲဖြူခြင်း၊ ကြည်လင်သော ရေဖြစ်ခြင်း၊ ပြေပြစ်သော ကမ်းခြေဖြစ်ခြင်း၊ ရေချိုတွင်းများရှိခြင်း၊ ရေပူစမ်း ရှိခြင်းတို့ကြောင့် အနားယူရန် အကောင်းဆုံး ကမ်းခြေအခု၏ သွင်ပြင် လက္ခဏာနှင့် ပြည့်စုံသည့် နေရာပင်ဖြစ်သည်။

သို့သော်လည်း နိုင်ငံခြားသားများ သွားလာခွင့် မပြုခြင်း၊ ခေတ်မီသော အပန်းဖြေ စခန်း တခု အဖြစ် တည်ဆောက်မှု မပြုခြင်း၊ ပြုပြင်ထိန်းသိမ်းမှု မရှိခြင်း၊ အာဏာပိုင်များက ဘန်ဂလိုပိုင်ရှင်များအား ပြန်လည် မွမ်းမံခွင့် မပြုခဲ့ခြင်းတို့ကြောင့် မောင်းမကန်ကမ်းခြေမှာ ထင်ရှားခြင်း မရှိခဲ့ချေ။

ထားဝယ်ဒေသသည် မိမိဘာသာစကား သီးသန့်ဖြင့် ပြောဆိုသော ဒေသတခု ဖြစ်သည်။ ထားဝယ် တိုင်းရင်းသား များတွင် ရိုးရာ အ၀တ်အစား၊ အစားအသောက်၊ ယဉ်ကျေးမှု၊ ဓလေ့ထုံးစံများ သီးခြားရှိပြီး အေးချမ်းစွာ နေထိုင်သော လူမျိုးဖြစ်သည်။ အများစုက ဗုဒ္ဓဘာသာ ကိုးကွယ်ပြီး တခြားဘာသာ ကိုးကွယ်သူလည်း အနည်းငယ်ရှိသည်။ ကရင်၊ မွန်၊ ဗမာလူမျိုးများလည်း ရှိပြီး တတူတကွ ပူးပေါင်းနေထိုင်ကြသည်။

စီးပွားရေးအရ ရေလုပ်ငန်း၊ စိုက်ပျိုးရေးလုပ်ငန်း၊ ရာဘာခြံ၊ ကွမ်းခြံ၊ ဒူးရင်းခြံများတွင် လုပ်ကိုင်ခြင်း၊ သတ္တုတွင်း များတွင် လုပ်ကိုင်ခြင်းအပြင် ထိုင်းနိုင်ငံနှင့် ကူသန်းရောင်းဝယ်ရေး လုပ်ငန်းများလည်း လုပ်ကိုင်ကြသည်။

ထားဝယ်ဒေသသည် သဘာဝက ပေးထားသော အမွေအနှစ်များ ကြွယ်ဝသည့် ဒေသ တခု ဖြစ်သောကြောင့် ဉာဏ်အမျှော်အမြင် ကြီးစွာဖြင့် စီမံ ဆောင်ရွက်မည် ဆိုလျှင် ထားဝယ်ဒေသ တခုတည်း အတွက်သာမက မြန်မာ တနိုင်ငံလုံး ဖွံ့ဖြိုး တိုးတက်ရေး အတွက်ပါ အရေးပါသည့် အခန်းကဏ္ဍတွင် ရှိနေမည့် ဒေသတခု ဖြစ်ပေသည်။

ထားဝယ်ရေနက်ဆိပ်ကမ်း စီမံကိန်း
၂၀၀၅ ခုနှစ်တွင် ထိုင်းနိုင်ငံမှ ကျွမ်းကျင်သည့် ပညာရှင်များက ထားဝယ် ရေနက် ဆိပ်ကမ်း စီမံကိန်းကို အကောင်အထည်ဖော်နိုင်ရန် ကနဦးလေ့လာမှု ပြုလုပ်ခဲ့ပြီး ၂၀၀၈ ခုနှစ် ဇွန်လ ၁၂ ရက်နေ့တွင် ထိုင်းနိုင်ငံ Italian-Thai Development ကုမ္ပဏီနှင့် မြန်မာအစိုးရတို့ နားလည်မှုစာချွန်လွှာ လက်မှတ်ရေးထိုးခဲ့ကြသည်။

၂၀၀၈ ခုနှစ်မှ စ၍ ကနဦးလေ့လာမှုအဆင့် (Initial phase)၊ စမ်းသပ်ကွင်းဆင်း အဆင့် (Preparation Phase)နှင့် တည်ဆောက်မှု အဆင့် ၁ (Construction Phase 1)၊ အဆင့်၂ (Construction Phase 2)၊ အဆင့်၃ (Construction Phase 3) ဟူ၍ အဆင့် ၅ ဆင့်ခွဲ၍ စီမံကိန်း ရေးဆွဲခဲ့သည်။

စမ်းသပ်ကွင်းဆင်းအဆင့်သည် ၂၀၀၈ ဇွန်လ မှ ၂၀၀၉ နှစ်ကုန်အထိ တနှစ်ခွဲ စီမံကိန်းဖြင့် ပြုလုပ် ခဲ့သည်။ ထို့နောက် မြန်မာနိုင်ငံနှင့် ထိုင်းနိုင်ငံ တာဝန်ရှိသူများ အကြား မူဘောင် သဘောတူညီမှု စာချုပ် (Concession signing) ကို ၂၀၀၉ နိုဝင်ဘာလ ၂ ရက်နေ့တွင် လက်မှတ် ရေးထိုးခဲ့ကြသည်။

တည်ဆောက်ရေးလုပ်ငန်း အဆင့် ၁ ကို ၂၀၁၀ မှ ၂၀၁၄ အထိ ၅ နှစ်စီမံကိန်း ဖြင့်လည်းကောင်း၊ အဆင့် ၂ ကို ၂၀၁၃ မှ ၂၀၁၇ အထိလည်းကောင်း၊ အဆင့် ၃ ကို ၂၀၁၅ မှ ၂၀၁၉ အထိ လည်းကောင်း အသီးသီး စီမံကိန်းချ အကောင်အထည် ဖော်သွားမည်ဖြစ်သည်။ ထို့ကြောင့် စီမံကိန်းမှာ ၂၀၁၀ မှ ၂၀၁၉ အထိ ၁၀ နှစ်အတွင်း ပြီးစီးအောင် တည်ဆောက်မည့် စီမံကိန်း ဖြစ်သည်။

လမ်းပန်းဆက်သွယ်ရေးအနေဖြင့် ထားဝယ် ရေနက်ဆိပ်ကမ်း၊ စက်မှုဇုန် နယ်မြေနှင့် ထိုင်းနိုင်ငံ ကန်ချန ပူရီသို့ သွယ်တန်း ဖောက်လုပ်မည့် ၁၀၅ မိုင် အရှည်ရှိ ၈ လမ်းသွား စူပါ ဟိုင်းဝေးကားလမ်း၊ ရထားလမ်း၊ ဓာတ်အားလိုင်းများ၊ ရေနံ၊ သဘာဝ ပိုက်လိုင်းများ ပါဝင်ပြီး နယ်ခြား ဝင်ထွက် ဇုန်တို့ ပါဝင်သည်။ ထို ဆက်သွယ် တည်ဆောက်ရေး ဆိုင်ရာ စီမံကိန်းများကို နှစ် ၆၀ သက်တမ်းရှိ BOT (တည်ဆောက်၊ လုပ်ကိုင်၊ လွှဲပြောင်း) စနစ်ဖြင့် အကောင်အထည် ဖော်မည် ဖြစ်သည်။

အထူးစီးပွားရေးဇုန်စီမံကိန်း
တည်ဆောက်ရေးလုပ်ငန်းများ အနေဖြင့် ၂၀၀၈ ခုနှစ် ဇွန်လမှ ၂၀၀၉ မေလ အထိ ၂၅၀ စတုရန်း ကီလို မီတာကို လွှမ်းခြုံနိုင်သည့် ကွင်းဆင်း စမ်းသပ်မှု (land site survey) များ ပြုလုပ်ခဲ့သည်။

စက်မှုဇုန် ဇုန် အေ (Zone A) မှ ဇုန် အက်ဖ် (Zone F) အထိ ဇုန် ၆ ခု သတ်မှတ်ပြီး တည်ဆောက်သွားမည် ဖြစ်သည်။

ဇုန် အေ တွင် ရေနက်ဆိပ်ကမ်း ၂ ခု နှင့် အကြီးစား စက်မှုလုပ်ငန်းဇုန်တို့ ပါဝင်သည်။ ထို ရေနက် ဆိပ်ကမ်း ၂ ခုတွင် တန်ချိန် ၂ သောင်းမှ ၅ သောင်းအထိ တင်နိုင်မည့် သင်္ဘော ၂၅ စီး တပြိုင်နက်တည်း ကုန်တင် ကုန်ချ လုပ်နိုင်မည့် ဆိပ်ခံတံတား ၂၂ ခု တည် ဆောက်မည်ဖြစ်သည်။ အကြီးစား စက်မှု လုပ်ငန်းတွင် သင်္ဘောကျင်း၊ ကုန်လှောင်ရုံ၊ သံမဏိစက်ရုံ၊ ဓာတ်မြေသြဇာ စက်ရုံ၊ ကျောက်မီးသွေး စက်ရုံများ ပါရှိမည်ဖြစ်သည်။

ဇုန် ဘီ တွင် လောင်စာစွမ်းအင် ထုတ်လုပ်ရေး စက်ရုံများမှာ ရေနံနှင့် သဘာဝ ဓာတ်ငွေ့ သိုလှောင်ရုံ၊ ရေနံချက် စက်ရုံ၊ သဘာဝဓာတ်ငွေ့ သန့်စင်စက်ရုံ၊ ပြုပြင် ထိန်းသိမ်းရေး စက်ရုံ (combined cycle power plant) တို့ ပါဝင်သည်။

ဇုန် စီ တွင် ရေနံဓာတု ဆိုင်ရာ စက်မှုလုပ်ငန်းများ ပါဝင်သည်။ ဇုန် ဒီ တွင် အလတ်စား စက်မှု လုပ်ငန်းများ ဖြစ်သည့် အထည်အလိပ်စက်ရုံများ၊ ဆောက်လုပ်ရေး ပစ္စည်း စက်ရုံများ၊ ကားတာယာ စက်ရုံများ စသည်ဖြင့် ပါဝင်မည်ဖြစ်သည်။

ဇုန် အီး တွင် အပေါ့စား စက်မှုလုပ်ငန်းများဖြစ်သည့် အဝတ်အစား စက်ရုံများ၊ အစား အသောက် ထုတ်လုပ်ရေး စက်ရုံ၊ လျှပ်စစ်ပစ္စည်း ထုတ်စက်ရုံ၊ လျှပ်စစ် ဓာတ်အားပေး စက်ရုံ စသည်ဖြင့် ပါဝင်သည်။ ဇုန် အက်ဖ်တွင် ကုန်တိုက်များ၊ ကုန်သွယ်ရေး အဆောက်အဦများ၊ အုပ်ချုပ်ရေး အဆောက်အဦများ၊ ကျောင်းများ၊ ဆေးရုံများ၊ လူနေအိမ်ရာများ ပါဝင်သည်။

စီမံကိန်း၏ အကောင်း၊ အဆိုး သက်ရောက်မှုများ
ထားဝယ် ရေနက်ဆိပ်ကမ်း စီမံကိန်းကြောင့် ထိုဒေသအတွင်း ဖြစ်ပေါ်လာမည့် အကောင်း အဆိုး အကျိုး သက်ရောက်မှုများကို ကဏ္ဍများခွဲ၍ ဓမ္မဓိဋ္ဌာန်ကျကျ လေ့လာ ဆန်းစစ်ကြည့်နိုင်သည်။

(က) ဒေသတွင်းဖွံ့ဖြိုးတိုးတက်မှုဆိုင်ရာ
ထားဝယ်ဒေသမှ ထိုင်းနိုင်ငံ ကန်ချနပူရီသို့ သွယ်တန်းဖောက်လုပ်မည့် စူပါ ဟိုင်းဝေး ကားလမ်း၊ ရထားလမ်းများ ပေါ်ပေါက်လာသည့် အတွက် ဒေသထွက် ကုန်စည်များ စီဆင်းမှု တိုးတက် လာမည်ဖြစ်သည်။ ယခင်က ကုန်ကြမ်းပစ္စည်းများ ထွက်ရှိသော်လည်း လမ်းပန်းဆက်သွယ်ရေး အခက်အခဲကြောင့် ဈေးကွက်သို့ မရောက်နိုင်ဘဲ ဖြစ်ခဲ့ရာမှ ယခုအခါ ကုန်ကြမ်း ပစ္စည်းများ ဈေးကွက်သို့ လျှင်မြန်စွာ ရောက်ရှိနိုင်မည်ဖြစ်သည်။ ဥပမာ (ရာဘာ၊ ရေလုပ်ငန်းနှင့် မွေးမြူရေးထွက်ကုန်များ၊ စိုက်ပျိုးရေးထွက်ကုန်များ)

နောက် အကျိုးဆက်တခုအနေနှင့် စီးပွားရေးဇုန် အနီးတဝိုက်ရှိ မြေကွက်များ အဆမတန် ဈေးမြင့် တက်လာမည် ဖြစ်သည်။ လျှော်ကြေးငွေများ ရရှိနိုင်မည်။

သို့သော်လည်း မြေယာသိမ်းဆည်းမှုများ၊ ဒေသခံများ မောင်းထုတ်ခြင်း ခံရခြင်းများ ဖြစ်လာဖွယ် ရှိသည်။ ထိုသို့သော သာဓကများလည်း မြန်မာနိုင်ငံတွင် များစွာရှိခဲ့သည်။ သဘာဝ ဓာတ်ငွေ့၊ ရေနံ ပိုက်လိုင်းသွားရာ လမ်းတလျှောက် ဒေသခံများ ပိုင်ဆိုင်သည့် မြေယာများ၊ ခြံမြေများ၊ လူနေ အိမ်များကို လျှော်ကြေးမပေးဘဲ အတင်းအကျပ် ဖယ်ခိုင်းခြင်း၊ ရေကာတာ တည်ဆောက် ရာတွင်လည်း ဒေသခံများအား မောင်းထုတ်ခြင်း၊ စက်မှုဇုန်များ၊ ကမ်းခြေများ တည်ဆောက်ရာတွင်လည်း ထိုသို့ သိမ်းဆည်းမှု၊ မောင်းထုတ်မှုများ အမြောက်အများ ရှိခဲ့သည်ကို တွေ့ရှိရပြီး ဖြစ်သည်။

ထို့အပြင် နအဖ ကျင့်သုံးနေသည့် နောက်တနည်းမှာ လက်နက်ကိုင်တော်လှန်ရေး ဆင်နွှဲ နေသည့် တိုင်းရင်းသားဒေသများကို ထိုးစစ်ဆင်ပြီး ရွာသားများ ထွက်ပြေးစေသည့်နည်း ဖြစ်သည်။ ယခု စီမံကိန်း တွင်လည်း စီမံကိန်းဝင် ဒေသတလျှောက် ရွာအမြောက် အများကို ထိုးစစ်ဆင်ပြီး ရွာများကို ဖျက်ဆီးခြင်း၊ မီးရှို့ခြင်းများ ပြုလုပ်နေသည်ကို တွေ့ရပေမည်။ ထို ထိုးစစ်ကြောင့် ကရင် လူမျိုးများနှင့် ဒေသခံများ ထိုင်းနိုင်ငံ ဘက်သို့ ထွက်ပြေးပြီး ဒုက္ခသည်စခန်းများနှင့် နယ်စပ် ဒေသတွင် ခိုလှုံ၊ ပုန်းအောင် နေထိုင် ရသည်မှာ သောင်းချီရှိခဲ့သည်။

ဤသည်မှာ စီမံကိန်း မဖြစ်မြောက်မီ ကနဦး ခံစားရသော ဆိုးကျိုးသက်ရောက်မှုပင် ဖြစ်သည်။ တနည်းအားဖြင့် ကနဦးပေးဆပ် စတေး လိုက်ရသော အရင်းအမြစ်များပင် ဖြစ်ပေ တော့သည်။ ထိုဒေသ တလျှောက်ရှိ ပြည်သူများအနေဖြင့် ဆိုးကျိုး များကိုသာ ခံစား လိုက်ကြရသည်။

စီးပွားရေးဇုန်များ သတ်မှတ်လိုက်သည့်အတွက် ရုပ်ဝတ္ထုအကောင်အထည်များ သိသာစွာ မြင်တွေ့ လာရမည် ဖြစ်သည်။ ဒေသခံများ မမြင်ဖူးသည့် သင်္ဘောကျင်းများ၊ အဆောက် အအုံများ၊ စက်ရုံ၊ အလုပ်ရုံများ၊ ကုန်တိုက်များ၊ ဆေးရုံများ၊ စာသင်ကျောင်းများ၊ အသက်မွေးဝမ်းကျောင်း သိပ္ပံများ၊ ခေတ်မီသော စက်မှုမြို့တော်ကြီးတခု ရုတ်တရက် လျှင်မြန်စွာ ပေါ်ပေါက်လာသည်ကို တွေ့မြင်လာကြရမည်ဖြစ်သည်။

ဒေသခံများအနေဖြင့် ထိုသို့ပေါ်ပေါက်လာသော စက်မှုမြို့တော်ကြီးသို့ မည်သို့ချည်း ကပ်ရမည် ဆိုသည်မှာ ပထမဆုံး ကြုံတွေ့ရမည့် စိန်ခေါ်မှု တရပ်ပင် ဖြစ်သည်။

ဒေသဖွံ့ဖြိုးတိုးတက်လာသည်နှင့်အမျှ လူနေမှုစရိတ်လည်း မြင့်မားလာမည်ဖြစ်သည်။

ထိုဒေသအတွင်းနေထိုင်သူများ အလုပ်အကိုင်ရရှိဖို့ အခွင့်အလမ်း ကောင်းများ ရရှိလာမည် ဖြစ်သော်လည်း ဒေသခံများအများစုသည် အသိပညာ၊ အတတ်ပညာရှင်များ မဟုတ်သောကြောင့် လစာနည်း အောက်ခြေသိမ်းအလုပ်၊ အခြေခံအလုပ်များကိုသာ ရရှိကြပေမည်။

မြန်မာနိုင်ငံသားတဦး၏ အခြေခံလုပ်အားခမှာ မြန်မာကျပ်ငွေ ၃၅၀၀ ရရှိ နေကြသည်။ ယနေ့ ကုန်ဈေးနှုန်း အရဆိုလျှင် လူတယောက်၏ နေထိုင် စားသောက်စရိတ် လောက်ငှရုံသာ ဖြစ်သည်။ လတ်တလော ကာလတွင် အလုပ် လုပ်နေရသော မြန်မာပြည်များအား လုပ်ငန်းခွင် အတွင်း အနားယူရန် နေရာ ထိုင်ခင်းများ စီစဉ်ပေးခြင်း၊ ညအိပ်ညနေ အတွက် စီစဉ်ပေးရှိခြင်း၊ သက်သောင့်သက်သာ ဝယ်ယူ စားသောက်နိုင်ရန် စီစဉ်ပေးခြင်း စသည့် အလုပ်သမားများအတွက် လူမှုဖူလုံရေး အစီအစဉ်များလည်း မရှိခဲ့ပေ။

စီမံကိန်း ပြီးစီးပါက လူနေမှုအဆင့်အတန်း (living standard) မြင့်တက်လာသည် နှင့် အမျှ လူနေမှု စရိတ်လည်း မြင့်မား လာမည်သာဖြစ်သည်။ သို့အတွက် အခြေခံ အလုပ်သမားများ အနေဖြင့် ရရှိသော လုပ်အားခနှင့် ထိုမြင့်မားလာသော လူနေမှု စရိတ်များကို အမီ လိုက်နိုင်ရန် အတွက်မှာ ကြီးစွာသော စိန်ခေါ်မှု တခုပင် ဖြစ်သည်။

ယခင်က ထိုမျှဝင်ငွေမရကြသော်လည်း မိရိုးဖလာလုပ်ငန်းများ၊ အသား ကျနေပြီ ဖြစ်သော ပုံမှန်လုပ်ငန်းများဖြင့် မိသားစု စားဝတ်နေရေးကို ဖြေရှင်း ခဲ့ကြသည်။ တချို့ တံငါ လုပ်ငန်းများဖြင့် အသက်မွေးမြူကြရာ အစား အသောက်အတွက် ပူပင်ကြောင့်ကြရန် မလိုပေ။ စက်မှုမြို့တော်ကြီး ဖြစ်လာသောအခါ ရေလုပ်ငန်းနှင့် မွေးမြူရေုးလုပ်ငန်းများကို ငွေရှင်၊ ကြေးရှင်များက လက်ဝါးကြီး အုပ်လာမည်သာ ဖြစ်သည်။ ထိုအခါ ကိုယ့်လှေ၊ ကိုယ်ကျားဖြင့် ငါးဖမ်း၊ ကျားထောင်ရာမှ သူတပါး၏ အလုပ်သမားဖြစ်ကြရတော့မည်။ ထိုသို့ဆိုလျှင် ဖွံ့ဖြိုးလာသည့် အသီး အပွင့်တို့ကို ဒေသခံများ မည်မျှ ခံစားရမည်နည်း ဆိုသည်မှာ မေးခွန်းထုတ်စရာ ဖြစ်လာတော့သည်။

(ခ) ပညာရေးကဏ္ဍ
ပညာရေးကဏ္ဍကို ကြည့်လျှင်လည်း ပေါ်ပေါက်လာမည့် မစ်ရှင်ကျောင်းများ၊ ခေတ်မီသော သက်မွေး ပညာရပ် သင်တန်း ကျောင်းများကို ဒေသခံများ၏ မည်မျှသော ရာခိုင်နှုန်းက သင်ယူခွင့် ရရှိကြည်မည်နည်း။ ယခင်နှင့် မတူသည့် မြင့်မားလှသည့် ကျောင်းစရိတ်များ ကာမိအောင် မိဘများက စွမ်းဆောင် နိုင်ကြမည်လော။

ခေတ်နှင့်အမီ လိုက်နိုင်လောက်သည့် ဝင်ငွေရရှိမှသာ ထိုပညာရပ်များကို သင်ကြား နိုင်ခွင့် ရရှိကြမည် ဖြစ်သည်။

ထိုသို့မဟုတ်ပါက ယခင်ကဲ့သို့ ဘုန်းတော်ကြီး ပညာသင်ကျောင်းများ၊ အစိုးရ ကျောင်းများ တွင်ပင် ဆက်လက် ပညာ သင်ကြားရမည်သာ ဖြစ်သည်။ ထိုကျောင်းများ ဆက်ရှိလိမ့်မည် ဟုတ် မဟုတ်ကိုလည်း မည်သူမျှ မမှန်းဆ နိုင်သေးပေ။ ထိုအခါ ကွာဟလှသော ပညာရေးစနစ် ၂ ခုအကြားတွင် နိမ့်ကျသည့် ပညာရေးကိုပင် ဆက်လက် သင်ကြားရပေမည်။ အကျိုးဆက် အနေဖြင့် ဝင်ငွေ ကောင်းသော အလုပ်ရနိုင်ရန် အလှမ်း ဝေးနေလိမ့်ဦးမည်။ လတ်တလော စားဝတ် နေရေး ဖြေရှင်းရန် အတွက် အောက်ခြေ အလုပ်များကိုပင် မဖြစ်မနေ လုပ်ကြရ ပေတော့မည်။

ထားဝယ် ရေနက်ဆိပ်ကမ်းစီမံကိန်းက ထိုဒေသခံများ၏ ပညာရေးမြင့်မား လာအောင် နောင်နှစ်ပေါင်း အတော်ကြာအောင် စောင့်ခိုင်း ပေတော့မည်။

(ဂ) သဘာဝပတ်ဝန်းကျင်နှင့် ကျန်းမာရေးကဏ္ဍ
သဘာဝ ပတ်ဝန်းကျင်နှင့် ကျန်းမာရေးကဏ္ဍအနေဖြင့် စက်ရုံကြီးများမှ ထွက်ရှိ လာမည့် မီးခိုးများ၊ စွန့်ပစ် ပစ္စည်းများကြောင့် ထိုဒေသတွင် သဘာဝပတ်ဝန်းကျင် အကြီးအကျယ် ထိခိုက်မည်မှာ အသေအချာ ဖြစ်သည်။

ဤအချက်မှာ အစိုးရအနေဖြင့် အလေးအနက်ထားရမည့် ကိစ္စတခုဖြစ်သော်လည်း သက်ဆိုင်ရာ အစိုးရနှင့် လုပ်ငန်းရှင်များ အကြား မည်သို့သော စီမံကိန်းချ ဆောင်ရွက်ထားသည်၊ မည်သို့ သဘောတူညီချက်များ ရှိထားသည်ကိုမူ မည်သည့်နေရာတွင်မှ မတွေ့ရပေ။ သဘာဝပတ်ဝန်းကျင် ထိန်းသိမ်းကာကွယ်ရေး စီမံကိန်းများချမှတ်ထားခြင်းလည်း အသေအချာ မရှိသေးပေ။

ဆိုးကျိုးများအနေဖြင့် ထိုဒေသရှိ သစ်တောများပြုန်းတီးခြင်းနှင့် ဖြစ်ပေါ်လာမည့် အကျိုး ဆက်များ၊ မြစ်ချောင်းများ တိမ်ကောမှု၊ ရာသီဥတုမမျှတမှုစသည့် သဘာဝပတ်ဝန်းကျင် ပျက်စီးခြင်းများ ဖြစ်ပေါ်လာနိုင်ပေသည်။

ထိုမှတဆင့် ဒေသခံများ၏ ကျန်းမာရေးအတွက် အလွန်စိုးရိမ်စရာ ကောင်းသော အန္တရာယ်နှင့် ရင်ဆိုင်ရဖွယ် ရှိသည်။ အထက်တွင် ဖော်ပြခဲ့သကဲ့သို့ စက်မှုမြို့တော်ကြီး၏ အင်္ဂါရပ်နှင့် အညီ ကျန်းမာရေး စရိတ်စကလည်း အလွန်အမင်း တက်လာမည် ဖြစ်သောကြောင့် ဒေသခံများ ဆေးကုသခွင့် ရရှိရေးသည်လည်း ကြီးစွာသော စိန်ခေါ်မှု တရပ်ပင်ဖြစ်တော့မည်။

(ဃ) လူမှုရေးကဏ္ဍ
လူမှုရေးကဏ္ဍမှာ အဆိုးရွားဆုံး ရင်ဆိုင်ရမည့် စိန်ခေါ်မှုပင်ဖြစ်သည်။

ကိုယ့်ဘာသာစကား၊ ယဉ်ကျေးမှု၊ ဓလေ့ထုံးတမ်း အစဉ်အလာနှင့် နှစ်ပေါင်းများစွာ အသားကျ နေပြီ ဖြစ်သော ထိုဒေသခံများသည် လူမှုရေး စိန်ခေါ်မှု အသစ်နှင့် ရင်ဆိုင် ကြရပေမည်။ စီမံကိန်း စတင် အခြေချသည့် နဘုလယ်ထိန်ကြီး ရွာသည် ထားဝယ် ဒေသ၏ ဘာသာစကား၊ ယဉ်ကျေးမှု အနက်ဆုံး နေရာဖြစ်သည်။ ယခုတော့ ထိုဒေသကို ဝါးမြိုခြင်း ခံရပေတော့မည်။ မြန်မာနိုင်ငံ အနယ်နယ် အရပ်ရပ်မှ လာရောက်မည့်၊ နိုင်ငံတကာမှ အမျိုးမျိုးသော မတူကွဲပြားသည့် လူမျိုးများ လာရောက် အခြေချမည့် ဒေသ ဖြစ်လာတော့မည်။

ထိုအခါ မည်သည့်ဘာသာစကားဖြင့် ပြောဆိုဆက်ဆံကြမည်နည်း။

ဖြစ်လာမည်မှာ အဓိကအားဖြင့် မြန်မာဘာသာစကားနှင့် အင်္ဂလိပ်ဘာသာ စကားသည် လူမျိုး တမျိုးနှင့်တမျိုး ဆက်ဆံရာတွင် လွယ်ကူသော ဘာသာစကားများ ဖြစ်၍ အသုံး အများဆုံး ဘာသာစကားများ ဖြစ်လာပေမည်။ နောင်နှစ်ပေါင်း ကြာလာသည်နှင့် အမျှ ဒေသခံ စကားဖြစ်သည့် ထားဝယ်စကား တစတစ မှိန်းမှိန် လာမည်ကိုတော့ စိုးကြောက်ရပေသည်။ ရှေးသာဓကများ အနေနှင့် ထားဝယ် ဒေသသို့ ပြောင်းရွှေ့ အခြေချလာသော အစိုးရ အမှုထမ်းများ၊ ဌာနဆိုင်ရာ အကြီးအကဲ များသည် မြန်မာ ဘာသာဖြင့်သာ ပြောဆိုသည့် အတွက် ထားဝယ်သားများ အနေဖြင့် သူတို့အား မြန်မာ ဘာသာဖြင့်သာ ပြောဆို ဆက်ဆံခဲ့ရသည်။

သို့သော်လည်း ရုံးများ၊ မိုင်းတွင်းများတွင် အများစုမှာ ဒေသခံများဖြစ်သည့်အတွက် ပြောင်းရွှေ့ လာသော ဌာနဆိုင်ရာ အကြီး အကဲများနှင့် ဆက်ဆံမှုမှ လွဲ၍ မိမိ ထားဝယ် ဘာသာ စကားဖြင့်သာ ပြောဆို ဆက်ဆံကြသည်။ ယခုအခါ ထိုသို့ မဆို စလောက်သော လူနည်းစု ပြောင်းရွှေ့လာမည် မဟုတ်ဘဲ၊ အစုလိုက် အပြုံလိုက် ပြောင်းရွှေ့ နေထိုင် အခြေချလာမည် ဖြစ်သည်။ ထိုအခါ မိမိဘာသာစကား သုံးစွဲမှုမှာ မသိမသာ တဖြည်းဖြည်းနှင့် တိမ်ကော ပျောက်ကွယ်မှာကို စိုးရိမ်စရာဖြစ်လာသည်။ ထိုနည်းတူစွာ ယဉ်ကျေးမှု ဓလေ့ထုံးတမ်းများတွင်လည်း အခြားယဉ်ကျေးမှုများ အနည်းနှင့် အများဆိုသလို ထိုးဖောက် ဝင်ရောက်လာမည်သာဖြစ်သည်။

“မြေမြို၍ လူမျိုးမပြုတ်၊ လူမြိုမှ လူမျိုးပြုတ်မည်” ဟု ဆိုင်းဘုတ်များ ရေးထားသည့် မြန်မာနိုင်ငံ လူဝင်မှု ကြီးကြပ်ရေး ဌာနကို သတိရမိသည်။ ထားဝယ်လူမျိုးများ အမြိုခံရတော့မည့် အရေး ကိစ္စကို ထိုလူဝင်မှု ကြီးကြပ်ရေး ဌာနက မည်သို့မျှ အရေးတယူ ဆောင်ရွက်လာတာ မတွေ့ရပေ။

တခြားလူမှုရေး ကဏ္ဍအနေဖြင့် မြန်မာနိုင်ငံတွင် ခေတ်အမီဆုံး မြို့ပြကြီး ဖြစ်ပေါ် လာသည်နှင့် အမျှ တပါတည်း ဖြစ်ပေါ်လာမည့် လူမှုဝန်းကျင်အသစ်လည်း ထပ်တူ ပေါ်ပေါက် လာမည်ဖြစ်သည်။ ဟိုတယ်များ၊ မိုတယ်များ၊ အပန်းဖြေစခန်များ၊ အနှိပ်ခန်းများ၊ ပျော်ပွဲစားရုံများ၊ ဗျစ်ရည်ဆိုင်များ၊ ပချုပ်ဆိုင်များ၊ ကာရာအိုကေဆိုင်များ၊ ညကလပ်များ စသဖြင့် ဇိမ်ခံလူတန်းစားများအတွက် အသုံးအဆောင်အင်္ဂါရပ်များ ပေါ်ပေါက်လာမည်ဖြစ်သည်။ ထိုစားသုံးသူများ၏ လိုအင်ကို ဖြည့်ဆည်းပေးရန် အလို့ငှာ ထိုနေရာများတွင် ထားဝယ်၊ မြန်မာ အမျိုးသမီးများစွာ ပျော်တော်ဆက်အဖြစ် ဝင်ရောက် အလုပ် လုပ်ကိုင်ကြရ ပေလိမ့်မည်။

မြန်မာနိုင်ငံတွင် ထိုအခြေအနေကို လိုက်လျောညီထွေစွာ လိုက်ပါနိုင်ရန် လူမှုရေး စောင့်ရှောက်မှု စနစ် (Social welfare system) အဆင်သင့် မဖြစ်သေးပေ။ ဇိမ်မယ်များကို တွေ့ရှိပါက ဖမ်းဆီး အရေး ယူခြင်းများကို ပြုလုပ် နေသော်လည်း ကူညီ စောင့်ရှောက်မှု ပေးရမည်ကိုမူ လျစ်လျူရှု ထားခဲ့သည်။ ညကလပ်များ၊ အနှိပ်ခန်းများ၊ ကာရာအိုကေ ဆိုင်များကိုလည်း တရားဝင် မှတ်ပုံတင်ခြင်း မဟုတ်ဘဲ နားလည်မှု များဖြင့်သာ ဖွင့်ခွင့် ပေးထားခဲ့သည်။

ထိုအခြင်းအရာများသည် အမျိုးသမီးများအား အလွယ်အကူ ပျက်စီးအောင်၊ ကူးစက် ရောဂါများ ပိုမိုပြန့်ပွားအောင် အထောက်အကူပေးသလို ဖြစ်နေပေသည်။ ဖွံ့ဖြိုးပြီးနိုင်ငံများတွင် ထိုအခြေအနေများကို လိုက်ပါနိုင်အောင် လူမှုရေးစောင့်ရှောက်မှုစနစ် မြှင့်တင် ပေးခဲ့သည်။ မြှင့်တင်ပေးရန်လည်း လိုအပ်သည့် ဓနအင်အားရှိကြသည်။ မြန်မာနိုင်ငံသည် ဖွံ့ဖြိုးဆဲနိုင်ငံဟုဆိုသော်လည်း ကမ္ဘာ့အဆင်းရဲဆုံး နိုင်ငံအဆင့်မှ တက်ရောက်နိုင်ခဲ့ခြင်း မရှိသေးချေ။ သို့အတွက် မည်သို့သော ကာကွယ်စောင့်ရှောက်မှုစနစ်များ ထားရှိမည်ကိုလည်း မေးခွန်းထုတ်စရာ ဖြစ်လာရသည်။ မြန်မာအမျိုးကောင်း သားသမီးများအတွက် ရင်လေးစရာ စီမံကိန်းပင်။

(င) အကျိုးအမြတ်များကို ခံစားရာတွင်
ထိုဒေသမှ ရရှိသော အကျိုးအမြတ်အများစုကို နိုင်ငံတော်မှ ရရှိမည်ဖြစ်သည်။ နိုင်ငံတော် ဆိုသည်မှာ နိုင်ငံတော် ဘဏ္ဍာထဲသို့ ရာခိုင်နှုန်းမည်မျှ ရောက်ရှိသွားမည်ကိုမူ မည်သူမျှ ခန့်မှန်း နိုင်မည် မဟုတ်ပေ။ အဘယ်ကြောင့် ဆိုသော် စစ်အစိုးရနှင့် စာချုပ်ချုပ်ဆိုထားသည်ဖြစ်ရာ ထိုစီမံကိန်းဆိုင်ရာ ကိစ္စ အဝဝကို စစ်တပ်မှသာ ကိုင်တွယ် လိမ့်မည်ဟု သိရှိနေကြပေသည်။

ထားဝယ်ရေနက်ဆိပ်ကမ်း စီမံကိန်းမှနေ၍ စစ်ဗိုလ်ချုပ်ကြီးများ၏ အိပ်ကပ်ထဲရောက် သွားမည့် ငွေကြေး ပမာဏမှာ များစွာရှိပေလိမ့်မည်။

ဖြစ်ပေါ်လာသည့် အစိုးရသစ်ဆိုသည်မှာလည်း စစ်ဗိုလ်ချုပ်များ ဆက်လက်လွမ်းမိုး နေဦးမည်သာ ဖြစ်သောကြောင့် ထူးခြားသော ပြောင်းလဲ ကိုင်တွယ်မှုများ ဖြစ်ပေါ်လာ မဟုတ်ပေ။

ထားဝယ်ရေနက်ဆိပ်ကမ်း စီမံကိန်းနှင့် အထူးစီးပွားရေးဇုန် စီမံကိန်းများပြီးစီး သွားပါက ရရှိ လာမည့် အကျိုးအမြတ်များသည် နိုင်ငံတော်နှင့် တိုင်းသူပြည်သားများအတွက် မည်သို့သော အကျိုး ကျေးဇူးများ ခံစားရမည်နည်း။ နှစ်ပေါင်း မည်မျှ ခံစားရမည်နည်း ဆိုသည့် မေးခွန်းများ၏ အဖြေကို နိုင်ငံတော် အစိုးရမှ ပြန်ကြားရန် တာဝန်ရှိပေသည်။ သို့သော် ယနေ့အထိ ပျက်ကွက်နေသည်သာ။

လေ့လာသူများအနေဖြင့် နီးစပ်ရာ အချက်အလက်များ ရှာဖွေ၍ ဆောင်းပါးများ၊ စစ်တမ်းများ၊ အစီရင် ခံစာများ ရေးသား နေခဲ့ကြရသည်။ ဤသည်မှာ တာဝန်ရှိသူ အစိုးရအနေဖြင့် အလွန် ရှက်စရာ ကောင်းသော လုပ်ရပ်ဖြစ်သလို တာဝန်မဲ့ရာလည်း ကျနေပါသည်။ ပြန်ကြားရန် မဖြစ်နိုင်သည့် လာဘ်စားမှုများ၊ ကိုယ်ကျိုးစီးပွားများ ရှိနေ၍သာ ထိုသို့ ပြန်ကြားရန် ပျက်ကွက်ခြင်း ဖြစ်သည်ဟု ယူဆနိုင်ပေသည်။

မည်သို့ပင်ဖြစ်စေ ထားဝယ်ရေနက်ဆိပ်ကမ်း စီမံကိန်းနှင့် အထူးစီးပွားရေးဇုန် စီမံကိန်းများ ပြီးစီး သွား၍ ပေါ်ပေါက်လာမည့် စက်မှုမြို့တော်ကြီး ဆိုသည်မှာ စစ်ဗိုလ်ချုပ် မိသားစု ဆွေမျိုးများသာ ပိုမို ခေတ်မီ ဖွံ့ဖြိုးတိုးတက် သွားပြီး၊ ဒေသခံများကမူ ပညာရေး၊ လူမှုရေး၊ ကျန်းမာရေး၊ ပတ်ဝန်းကျင်ရေးရာ စသည့် ကဏ္ဍအသီးသီးတွင် ဘက်ပေါင်းစုံ ဆုတ်ယုတ်ကျဆင်းစေမည့် စိန်ခေါ်မှုများစွာနှင့်အတိ ဖြစ်နေပါပြီ။

ဖွံ့ဖြိုးတိုးတက်ရေးစီမံကိန်းများကို အကောင်အထည်ဖေါ်မည်ဆိုလျှင် ယေဘုယျ အားဖြင့် ပြောရလျှင် နိုင်ငံ တနိုင်ငံကို ဖွံ့ဖြိုးတိုးတက်ရေး စီမံကိန်းများဖြင့် အကောင်အထည် ဖော်သည်မှာ ကောင်းပါသည်။ သို့သော် မိမိ တိုင်းပြည် အခြေအနေနှင့် ကိုက်ညီစွာ အဆင့်ဆင့် အကောင်အထည် ဖော်ရပေမည်။

ထိုသို့ အဆင့်ဆင့် အကောင်အထည် ဖော်နိုင်ရန်အတွက် တိုင်းပြည် တပြည်တွင် တနိုင်ငံလုံး အတိုင်း အတာနှင့် စီးပွားရေး အခြေခံ အဆောက်အအုံ (Infrastructure) များ ဦးစွာ တည်ဆောက် ထားရမည်ဖြစ်သည်။

ထိုစီးပွားရေးအခြေခံ အဆောက်အအုံများတွင် ခိုင်မာသည့် ငွေကြေး စနစ်နှင့် ဘဏ်စနစ်၊ နိုင်ငံရေး တည်ငြိမ်မှု၊ ဥပဒေပြု စနစ်၊ တရားစီရင်ရေး စနစ်၊ အစိုးရ ယန္တရား စသည်တို့ ပါဝင်သည့် အဖွဲ့ အစည်းဆိုင်ရာ အခြေခံ အဆောက်အအုံ (Institutional Infrastructure) များ၊ ဆေးရုံနှင့် ကျန်းမာရေး ဝန်ဆောင်မှု၊ အခြေခံပညာကျောင်းများ၊ တက္ကသိုလ် ကောလိပ်များ၊ လူမှု ဖူလုံရေးစနစ်များ စသည့် လူမှုရေးအခြေခံ အဆောက်အအုံ (Social Infrastructure) များ၊ ပြတိုက်များ၊ စာကြည့်တိုက်များ ပါဝင်သည့် ယဉ်ကျေးမှုအခြေခံ အဆောက်အအုံ (Cultural Infrastructure) များ ပါဝင်ပေသည်။

မြန်မာနိုင်ငံသည် ကမ္ဘာ့အဆင်းရဲဆုံးနိုင်ငံများ စာရင်းတွင် ပါဝင်နေရုံသာမက စီးပွားရေး ဖွံ့ဖြိုး တိုးတက်ရန် အတွက် ကနဦးလိုအပ်ချက်ဖြစ်သည့် နိုင်ငံရေး တည်ငြိမ်မှု ရှိသည့် နိုင်ငံလည်း မဟုတ်သည့် အပြင် ဖော်ပြခဲ့သည့် အခြေခံ အဆောက်အအုံများလည်း မရှိသေးပေ။

ထိုသို့ဆိုလျှင် “အလှမ်းကျယ် အလယ်လတ်”၊ “ဝမရှိဘဲ ဝိ လုပ်”၊ “(ဟိုဟာ) မနိုင်ဘဲ ပဲကြီးဟင်းစား” ဆိုသည့် ဆိုရိုး စကားများအတိုင်း တိုင်းပြည်ဖွံ့ဖြိုးရေး တိုးတက်ရေး မဖြစ်ဘဲ ဒေသတခုတွင် စီးပွားရေးဇုန် စီမံကိန်း ပြုလုပ်ခြင်းသည် ဒေသခံ ပြည်သူများရော၊ နိုင်ငံတနိုင်ငံလုံးပါ ဆိုးကျိုး ဆုတ်ယုတ်မှုများကို ရိုက်ခတ် ခံစား ကြရပေတော့မည်။

Ref: ဧရာဝတီ်

Read More...

Friday, March 4, 2011

ကဒါဖီ သင်ခန်းစာနှင့် ဗိုလ်ချုပ်မှူးကြီး သန်းရွှေ

Thursday, 03 March 2011

အောင်လင်းထွဋ် 

လစ်ဗျားခေါင်းဆောင် ကဒါဖီနဲ့တူသော ဗိုလ်ချုပ်မှူးကြီး သန်းရွှေက အမျိုးသား ညီလာခံမှာ ထည့်သွင်း ဆွေးနွေးခြင်း မရှိဘဲ ကိုယ့်ကိုယ်ကိုယ် လွတ်ငြိမ်း ချမ်းသာခွင့် ပေးထားတဲ့ ဥပဒေကို ၂၀၀၈ အခြေခံ ဥပဒေမှာ ဘာကြောင့် ထည့်သွင်း ခဲ့ရပါသလဲ။ ဘယ်သူကိုမှ မတိုင်မပင်ဘဲနဲ့ ကော်မရှင် အဖွဲ့ဝင် ဦးသောင်းညွန့် (ဥပဒေပညာရှင်နှင့် အငြိမ်းစား ညွှန်ကြားရေးမှူးချုပ်) ကို သူ့အခန်းထဲ ခေါ်ပြီး ဘာဖြစ်လို့ ရေးခိုင်း ရပါသလဲ။

ဘုရားတရား ကြည်ညိုတဲ့ ဦးသောင်းညွန့် ငါးပါးသီလကံကို ချိုးဖောက်ခဲ့ရလို့ စိတ်မကောင်း ဖြစ်ခဲ့ရတဲ့ အကြောင်း နေပြည်တော် အတွင်းစည်းထဲက သတင်းတွေ ကျနော့်ထံ ရောက်လာခဲ့ပါတယ်။

(၂၀၀၈ ဖွဲ့စည်းပုံ အခြေခံဥပဒေ အခန်း ၁၄၊ ကူးပြောင်းရေးကာလ ပြဋ္ဌာန်းချက်များ၊ အပိုဒ် ၄၄၅ မှာ ပြည်ထောင်စု သမ္မတ မြန်မာ နိုင်ငံတော်သည် နဝတနှင့် နအဖတို့၏ ဆောင်ရွက်ချက်များ၊ တာဝန်များနှင့် ရပိုင်ခွင့်များကို ဆက်ခံသည်။ ယင်းအဖွဲ့၊ သို့မဟုတ် အဖွဲ့ဝင် တဦးဦး သို့မဟုတ် အစိုးရအဖွဲ့ဝင် တဦးဦး၏ တာဝန်အရ ဆောင်ရွက်ချက်များ အပေါ် အကြောင်းပြုလျက် ယင်းတို့အား တရားစွဲဆိုခြင်း၊ အရေးယူခြင်း မရှိစေရလို့ ဖော်ပြထားပါတယ်။)

ဒီသတင်းတွေနဲ့ ပတ်သက်ပြီး ကျနော် အမေရိကန်နိုင်ငံ ဝါရှင်တန်မြို့ မြန်မာသံရုံးမှာ တာဝန် ထမ်းဆောင်နေစဉ် ကာလက အဖြစ် အပျက်လေး တခုကို သွားပြီး သတိရမိပါတယ်။ ၂၀၀၁ ခုနှစ်တွင်းက သံရုံးအမှုထမ်း တဦး မြန်မာနိုင်ငံကနေ အမေရိကန် နိုင်ငံသို့ ပြောင်းရွှေ့ တာဝန်ထမ်းဆောင် ခဲ့ပါတယ်။

ဒီသံတမန်က ကျနော့်အတွက်၊ အထက်က ဗိုလ်မှူးအတွက် အရေးတကြီး သတင်း စုံစမ်းဖို့ ညွှန်ကြားချက် ပေးလိုက်တယ်လို့ ပြောတော့ ဘာလဲလို့ ကျနော်က မေးမိတယ်။

အမေရိကန် အစိုးရအနေနဲ့ မြန်မာ စစ်ခေါင်းဆောင်တွေကို နိုင်ငံတကာ တရားရုံးတင်ဖို့ အထိ စဉ်းစား နေတာ ရှိမရှိ သိချင်တယ်၊ အမြန်စုံစမ်းပြီး အကြောင်း ပြန်ပေးပါလို့ ညွှန်ကြား လိုက်ကြောင်း ပြောပါတယ်။ ကျနော် ပြုံးမိလိုက်တယ်။

သြော် … ကိုယ်ခံရမှာကျတော့ ကြောက်တတ် လိုက်တာ၊ သူတပါးတွေကျတော့ “အပြတ် ရှင်းပစ်လိုက်၊ အစိတ်သားတောင် မချန်နဲ့၊ ကုလား၊ လူမှမဟုတ်တာ၊ အမြင့်ဆုံး ထောင်ဒဏ် ချလိုက်” ဆိုပြီး အမိန့်တွေ ပေးနေတဲ့ ဗိုလ်ချုပ်မှူးကြီးရယ်။

အဲဒီအချိန်က ကမ္ဘာမှာ ယူဂိုဆလားဗီးယား သမ္မတဟောင်း မီလိုဆီဗစ်၊ လိုက်ဗေးရီးယား သမ္မတဟောင်း ချားလ် တေလာ၊ ကမ္ဘောဒီးယား အာဏာရှင်ဟောင်း ပိုပေါ့၊ ဆူဒန်သမ္မတ ဘတ်ရှီးယားတို့ နိုင်ငံတကာ တရားရုံးမှာ အမှု ရင်ဆိုင်နေချိန် ဖြစ်လို့ သူ့အလှည့်များ ဘယ်တော့ ရောက်မလဲ ဆိုတာကို စိုးရိမ်လို့ စုံးစမ်း ခိုင်းလိုက်တယ် ဆိုတာ ကျနော် နားလည် လိုက်ပါတယ်။

ကျနော်လည်း ဝတ်ကျေတန်းကျေပဲ လောလောဆယ် အခြေ အနေမှာတော့ အမေရိကန် နိုင်ငံမှာ ၂၀၀၁ ခုနှစ် စက်တင်ဘာလ ၁၁ ရက်နေ့မှာ ဝါရှင်တန်ဒီစီက ပင်တဂွန် စစ်ဌာနချုပ်နဲ့ နယူးယောက်က World Trade Center အတိုက် ခံနေရလို့ မြန်မာနိုင်ငံကို စိတ်မဝင်စား နိုင်သေးဘူးလို့ သတင်း ပြန်ပို့ ပေးခဲ့ရတယ်။

စက်တင်ဘာ ၁၁ အရေးခင်းဟာ ဗိုလ်ချုပ်မှူးကြီးအတွက် ဝမ်းသာစရာ ဖြစ်ခဲ့ရတယ်။ ဘယ်လောက် ဝမ်းသာသလဲ ဆိုရင် တခြား နိုင်ငံတွေက ခေါင်းဆောင် အသီးသီး အမေရိကန် သမ္မတ ဂျော့ ဘုရ်ှထံ ဝမ်းနည်းကြောင်း သဝဏ်လွှာတွေ အသီးသီး ပို့နေကြတဲ့ အချိန်၊ ကျနော်တို့က ပို့ဖို့တင်ပြတော့ ဟိုလိုလို ဒီလိုလို လုပ်ပြီး အချိန် အတော်ကြာသည် အထိ မပို့ဘူး။ နောက်ဆုံး အမေရိကန် နိုင်ငံခြားရေး ဝန်ကြီးဌာန Burma Desk က သံရုံးကို မေးလို့ မြန်မာနိုင်ငံကို ပြန်ပြောတော့မှ မပို့ချင်ပို့ချင်နဲ့ ဗိုလ်ချုပ်မှူးကြီးက ပို့လိုက်တယ်။

ဗိုလ်ချုပ်မှူးကြီး ဘာဖြစ်လို့ လွတ်ငြိမ်းချမ်းသာခွင့် တောင်းခံရသလဲ ဆိုရင် ပြည်သူ လူထု အပေါ်မှာ ရက်ရက် စက်စက် လုပ်ခိုင်းခဲ့တဲ့ အပေါ် သူကိုယ်တိုင် တာဝန် မယူရဲလို့ပဲ။ သူ တိုက်ရိုက်၊ သွယ်ဝိုက် အမိန့် ပေးခဲ့တာတွေကို ပြောရရင်တော့ ၁၉၉၃ ခုနှစ် ဧပြီလမှာ ရခိုင်ပြည်နယ် ဘူးသီးတောင် မောင်းတော နယ်မြေမှာ ရိုဟင်ဂျာ ၄၀၀ ကျော်ကို ရှင်းပစ်ဖို့ အဲဒီအချိန်က အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် ဝင်းမြင့် (နောင် အတွင်းရေးမှူး ၃၊ စစ်ရေးချုပ် ဒု ဗိုလ်ချုပ်ကြီး ဝင်းမြင့်) ကို ကာကွယ်ရေး ဦးစီးချုပ် ဗိုလ်ချုပ်မှူးကြီး သန်းရွှေက အမိန့် ပေးခဲ့တယ်။

အဲဒီတုန်းက ရိုဟင်ဂျာ သောင်းကျန်းသူတွေက ဘူးသီးတောင် မောင်းတော နယ်မြေမှာ တနေ့တည်းမှာ မိုင်း ၁၈ လုံးခွဲပြီး ဝင်ရောက် ပစ်ခတ်ခဲ့လို့ စစ်တပ်က ပြန်ပြီး စစ်ဆင်ရေး လုပ်တဲ့ အခါ သူပုန်ရော အရပ်သားပါ စုစုပေါင်း လူ ၄၀၀ ကျော် အရှင် ဖမ်းဆီးရမိတယ်။ စစ်ရုံးချုပ်ကို သတင်းပို့တော့ “ကုလား၊ လူမှမဟုတ်တာ ရှင်းပစ်” လို့ အမိန့်ပေးခဲ့တယ်။

၁၉၉၆ ခုနှစ်မှာ အမျိုးသားဒီမိုကရေစီ အဖွဲ့ချုပ် (NLD) အမျိုးသား ညီလာခံက ထွက်တော့ ဗိုလ်ချုပ်မှူးကြီး သန်းရွှေက NLD ကို အကြီးအကျယ် ဒေါသထွက်ပြီး NLD ဆိုရင် ဆွေမျိုး အစဉ်အဆက် ကြောက်သွားအောင် နည်းမျိုးစုံနဲ့ အကျပ် အတည်းဖြစ်အောင် လုပ်ဖို့ ထောက်လှမ်းရေးကို ခိုင်းစေခဲ့တယ်။

၁၉၉၆ ခုနှစ်ထဲမှာပဲ တိုင်းရင်းသားလက်နက်ကိုင် နယ်မြေတွေဖြစ်တဲ့ ရှမ်းပြည်နယ်၊ ကယားပြည်နယ်၊ ပဲခူးတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း တွေမှာရှိတဲ့ စစ်တပ် အင်အားတွေကို သုံးပြီး ရွာတွေရွှေ့ခိုင်းတာမှာ မလိုက်နာရင် အစိတ်သား (၂၅ ကျပ်သား) ဝမ်းဗိုက်ထဲက ကလေးတောင် မချန်နဲ့လို့ အပြတ်ရှင်းဖို့ အမိန့်ပေးခဲ့တယ်။

၁၉၉၈ ခုနှစ် မေလမှာ ဗိုလ်ချုပ်မှူးကြီး သန်းရွှေက ဗိုလ်ချုပ် ကြည်မင်း (ရေတပ် ဦးစီးချုပ်ဟောင်း)၊ ဗိုလ်ချုပ် မြင့်ဆွေ (လေတပ် ဦးစီးချုပ်ဟောင်း)၊ ဗိုလ်ချုပ် သူရမြင့်အောင် (စစ်ရေးချုပ်ဟောင်း)၊ ဗိုလ်မှူးကြီး ဇော်မင်း (အမှတ် ၁ လျှပ်စစ် ဝန်ကြီး) တို့ကို ခရစ္စတီးကျွန်းမှာ အပြစ်မဲ့အရပ်သား အမျိုးသား၊ အမျိုးသမီး၊ ကလေး ၈၁ ယောက်တို့ကို သတ်ပစ်ဖို့ အမိန့်ပေးခဲ့တယ်။ အဲဒီခရစ္စတီးကျွန်းမှာ ကျနော်ကိုယ်တိုင် ရှိနေတာကြောင့် သက်သေ ထွက်ဆိုနိုင်ပါတယ်။

၂၀၀၃ ခုနှစ် ဒီပဲရင်းကိစ္စမှာ ဗိုလ်ချုပ်မှူးကြီး သန်းရွှေ ကိုယ်တိုင် ဒေါ်အောင်ဆန်း စုကြည်ကို လုပ်ကြံဖို့ ဗိုလ်ချုပ် စိုးဝင်း (ဝန်ကြီးချုပ်ဟောင်း)၊ ဦးအောင်သောင်း (စက်မှု ၁ ဝန်ကြီး) တို့ကို ခိုင်းခဲ့ပါတယ်။ ဒီကိစ္စနဲ့ ပတ်သက်လို့ ထောက်လှမ်းရေး ဟောင်းများ၊ တပ်မတော် အရာရှိများ၊ ရဲ အရာရှိများက သက်သေ ထွက်ဆိုနိုင်ပါတယ်။ ဒါတွေက ကျနော် သိတာတွေပါ။ တခြား လူ့အခွင့်အရေး ချိုးဖောက်တာတွေနဲ့ ပတ်သက်လို့ ပြည်သူ လူထုတွေ သိတာ အများကြီး ရှိပါလိမ့်ဦးမယ်။

၂၀၀၇ ခုနှစ် စက်တင်ဘာလမှာ ဘုရားသားတော်တွေကို သတ်ဖြတ်ညှင်းဆဲ တဲ့ ကိစ္စ ကတော့ ကမ္ဘာကျော် ကိစ္စတခုပါ။ ဒီလို မတရားပြစ်မှုတွေ အများကြီး ကျူးလွန်ထားတဲ့ အတွက်ကြောင့်လည်း နိုင်ငံတကာ တရားရုံးကို အရမ်း ကြောက်ခဲ့တာ။ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ ကင်တားနား တင်ပြတဲ့ စုံးစမ်း စစ်ဆေးရေး အဖွဲ့သာ မြန်မာ နိုင်ငံအတွင်း ဝင်ရောက် စစ်ဆေးခွင့် ရမယ်ဆိုရင် ဒီထက်ပိုပြီး အကြောင်းစုံကို သိနိုင်မှာပါ။

ဒါကြောင့် ကာကွယ်ရေးဦးစီးချုပ် ဗိုလ်ချုပ်မှူးကြီး သန်းရွှေ ခိုးကြောင် ခိုးဝှက်နဲ့ ကိုယ့်ကိုယ်ကိုယ် လွတ်ငြိမ်း ချမ်းသာခွင့် ပေးထားတဲ့ ဥပဒေအား ၂၀၀၈ အခြေခံဥပဒေမှာ ထည့်ခဲ့တယ် ဆိုတာကို အသိ ပေးလိုက်ပါတယ်။

ဒါပေမယ့် “စစ်တပ်က ကျူးလွန်ခဲ့တဲ့ ပြစ်မှုအားလုံးဟာ အထက်ကပေးတဲ့ အမိန့်နဲ့ တာဝန်ဖြစ်တဲ့ အတွက် ဗိုလ်ချုပ်မှူးကြီး သန်းရွှေ တာဝန် အရှိဆုံးပါ၊ ရှောင်လို့ မရဘူးဆိုတာကို သတိ ပေးလိုက်ပါတယ်”။

ယနေ့ကမ္ဘာမှာ ဖြစ်ပျက်နေတဲ့ အာဏာရှင် တိုင်းပြည်တွေနဲ့ မြန်မာပြည်ရဲ့ အခြေအနေကို နှိုင်းယှဉ် ကြည့်မယ် ဆိုရင် ဗိုလ်ချုပ်မှူးကြီး သန်းရွှေဟာ လစ်ဗျားခေါင်းဆောင် ကဒါဖီလို ရက်စက် ယုတ်မာတဲ့ လူစားမျိုးပါ။ ဒီလို လူမျိုးကိုလည်း မြန်မာ့ တပ်မတော်အနေနဲ့ လစ်ဗျား တပ်မတော်ကဲ့သို့ ဆက်လက် သစ္စာ မခံသင့်တော့ပါဘူး။

မြန်မာ့တပ်မတော်အတွင်းက လူစွမ်းကောင်းများ ထွက်ဖို့ လိုနေပါပြီ။ မြန်မာ ပြည်သူတွေ ဘက်က ရပ်တည်ရမယ့် အချိန်ကို ရောက်နေပါပြီ။ ပြည်သူ လူထုနဲ့ ပူးပေါင်းပြီး အာဏာရှင် ဗိုလ်ချုပ်မှူးကြီး သန်းရွှေနဲ့ မိသားစုကို လစ်ဗျားခေါင်းဆောင် ကဒါဖီနဲ့ မိသားစုလို နိုင်ငံတကာ စစ်ခုံရုံး ပို့ပြီး အရေးယူနိုင်ရေး ဝိုင်းဝန်း ကြိုးစားကြပါ စို့လို့ တိုက်တွန်း လိုက်ပါတယ်။

ဗိုလ်ချုပ်မှူးကြီး သန်းရွှေနဲ့မိသားစုကို ဥပဒေအရ လုံးဝ (လုံးဝ) လွတ်ငြိမ်းချမ်းသာခွင့် မပေးသင့်ပါ။ ။

ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။

Ref: ဧရာဝတီ်

Read More...

မြန်မာနိုင်ငံအပေါ် ကုလစုံစမ်းရေးကော်မရှင် ဖွဲ့ရေး အိမ်ဖြူတော်မှာ ဆွေးနွေး

2011-03-03

မြန်မာနိုင်ငံနဲ့ ပတ်သက်ပြီး ကုလသမဂ္ဂ စုံစမ်းရေး ကော်မရှင်တရပ် ဖွဲ့စည်းနိုင်ဖို့ အမေရိကန် နိုင်ငံက ဘယ်လို ကူညီ ဆောင်ရွက် နိုင်သလဲဆိုတဲ့ ဆွေးနွေးပွဲတရပ်ကို မတ်လ ၂ ရက်က အမေရိကန် သမတ အိမ်ဖြူတော်မှာ ပြုလုပ်ခဲ့ကြောင်း သတင်း ရရှိပါတယ်။

အဲဒီဆွေးနွေးပွဲမှာ အမေရိကန် သမတ အိမ်ဖြူတော်ရဲ့ လူ့အခွင့်အရေးနဲ့ အမျိုးသား လုံခြုံရေး ကောင်စီ အကြီးတန်း ညွှန်ကြားမှူး တဦးဖြစ်သူ Ms. Samantha Power က US Campaign for Burma အဖွဲ့အပါအဝင် A.I အပြည်ပြည် ဆိုင်ရာ လွတ်ငြိမ်း ချမ်းသာခွင့် အဖွဲ့၊ HRW လူ့အခွင့်အရေး စောင့်ကြည့် အဖွဲ့ စတဲ့ အဖွဲ့အစည်းပေါင်း ၁၄ ဖွဲ့ကို ဖိတ်ကြားပြီး ဆွေးနွေး ခဲ့ကြောင်း US Campaign for Burma အဖွဲ့ရဲ့ အမှုဆောင် ညွှန်ကြားရေးမှူး ဦးအောင်ဒင်က ပြောပါတယ်။

“ကုလသမဂ္ဂ လူ့အခွင့်အရေး ဆိုင်ရာ စုံစမ်းရေးမှူး မစ္စတာ ကင်တားနား ကလည်း မတ်လ ၁၄ ရက်နေ့မှာ မြန်မာနိုင်ငံ ဆိုင်ရာ အစီရင်ခံစာကို တင်သွင်း လိမ့်မယ်။ အဲဒီလို တင်သွင်းပြီးတဲ့ အခါမှာ အမေရိကန် ပြည်ထောင်စုနဲ့ ဥရောပ သမဂ္ဂ နိုင်ငံများက ပူးတွဲပြီးတော့ မြန်မာနိုင်ငံ ဆိုင်ရာ ဆုံးဖြတ်ချက် မူကြမ်းတရပ်ကို တင်သွင်းဖို့လည်း ရှိတယ်။ အဲဒါတွေကို ကျွန်တော်တို့ကို ရှင်းပြတယ်၊ ကျွန်တော်တို့ ကလည်း ကျွန်တော်တို့ သိချင်တာတွေ၊ ကျွန်တော်တို့ ဖြစ်စေ ချင်တာတွေကို ပြန်ပြီးတော့ ဆွေးနွေးတယ်ပေါ့။”

အာဖရိကမြောက်ပိုင်း နိုင်ငံတခုဖြစ်တဲ့ လစ်ဗျားနိုင်ငံ ပြည်သူတွေရဲ့ အုံကြွမှုကို သမတ ကဒါဖီက သွေးထွက် သံယို နှိမ်နင်း ခဲ့ပြီးနောက်ပိုင်း ကုလသမဂ္ဂက ပိတ်ဆို့ အရေးယူမှုတွေ လုပ်လာသလို ၊ ကုလသမဂ္ဂ စုံစမ်းရေး ကော်မရှင်တရပ် လစ်ဗျား နိုင်ငံကို စေလွှတ်ဖို့ ဖြစ်လာတာကြောင့် မြန်မာ နိုင်ငံကိုလည်း အလားတူ အရေးယူမှုမျိုး ဖြစ်လာနိုင်မဲ့ နည်းလမ်းတွေကို သမတ အိမ်ဖြူတော်မှာ အပြန်အလှန် ဆွေးနွေးခဲ့ကြတယ်လို့ သိရပါတယ်။

ဆွစ်ဇာလန်နိုင်ငံ ဂျီနီဗာမြို့မှာ ပြီးခဲ့တဲ့ ဖေဖော်ဝါရီ ၂၈ ရက်ကနေ လာမဲ့ မတ်လ ၂၄ ရက်နေ့ထိ ကျင်းပနေတဲ့ ကုလသမဂ္ဂ လူ့အခွင့်အရေး ကောင်စီအတွင်း မြန်မာနိုင်ငံ ဆိုင်ရာ လူ့အခွင့်အရေး အထူး ကိုယ်စားလှယ် မစ္စတာ ကင်တားနားက မြန်မာနိုင်ငံ ဆိုင်ရာ လူ့အခွင့်အရေး အစီရင်ခံစာကို မတ်လ ၁၄ ရက်နေ့မှာ တင်သွင်းဖို့ ရှိပြီး အဲဒီနောက်မှာတော့ အမေရိကန် အစိုးရကလည်း မြန်မာနိုင်ငံကို ကုလသမဂ္ဂ စုံစမ်းရေး ကော်မရှင် တရပ် စေလွှတ်သင့်တဲ့ အကြောင်း အစီရင်ခံစာ တရပ် တင်သွင်းဖို့ ရှိတယ်လို့ သိရပါတယ်။

Ref: RFA News

Read More...

မူးယစ်ဆေး ထိန်းချုပ်မှု မြန်မာအစိုးရ အားနည်းမှုလွန်ကဲ

ကြာသပတေး, 03 မတ် 2011

မြန်မာနိုင်ငံဟာ ၂၀၁၀ ထဲမှာ မူးယစ်ဆေးဝါး မှောင်ခိုရောင်းဝယ်မှုကို ထိထိရောက်ရောက် တိုက်ဖျက်ဖို့ ပျက်ကွက်တဲ့ နိုင်ငံ ၃ နိုင်ငံထဲမှာ ပါဝင်နေတယ်လို့ အမေရိကန် သမ္မတ ဘရက်ခ် အိုဘားမား (Barack Obama) က သတ်မှတ်လိုက်ပါတယ်။

ကြာသပတေးနေ့မှာ ထုတ်ပြန်တဲ့ အမေရိကန် နိုင်ငံခြားရေး ၀န်ကြီးဌာနရဲ့ မူးယစ်ဆေးဝါး ဆိုင်ရာ INCSR နှစ်ပတ်လည် အစီရင်ခံစာ ထဲမှာ မြန်မာနိုင်ငံနဲ့ အတူ ဘိုလီးဗီးယားနဲ့ ဗင်နီဇွဲလား နိုင်ငံတွေကိုပါ ထည့်သွင်း သတ်မှတ်လိုက်တာ ဖြစ်ပါတယ်။

မြန်မာနိုင်ငံ မူးယစ်ဆေးဝါး ထိန်းချုပ်ရေး အဖွဲ့က မူးယစ်ဆေးဝါး ရောင်းဝယ် ဖောက်ကားသူတွေကို အရေးယူဖို့ ဆန္ဒရှိနေတာ တွေ့ရပေမဲ့ ဒီအဖွဲ့ရဲ့ လုပ်ငန်းတွေကို မြန်မာ စစ်အာဏာရှင်တွေက ပံ့ပိုး ဆောင်ရွက် ပေးတာမျိုး မတွေ့ရဘူးလို့ ဆိုပါတယ်။

အလယ်အလတ်ပိုင်း အဆင့် နိုင်ငံရေး သမားတွေ အကြား မူးယစ်ဆေးဝါးနဲ့ ဆက်နွယ်နေတဲ့ အဂတိ လိုက်စားမှုတွေ ရှိနေတာ ထင်ထင်ရှားရှား တွေ့ရတဲ့အပြင် မြန်မာ စစ်အစိုးရဟာ တိုင်းရင်းသား လက်နက်ကိုင် အဖွဲ့အစည်းတွေ ဆီက ထောက်ခံ ပံ့ပိုးမှုတွေ ရရှိအောင် မူးယစ်ဆေးဝါး ရောင်းဝယ် ဖောက်ကားခွင့်တွေ ပေးထားတယ် လို့လည်း ဖော်ပြ ထားပါတယ်။

မြန်မာနိုင်ငံဟာ အဓိက ဘိန်းစိမ်းထွက်တဲ့ နိုင်ငံတနိုင်ငံ ဖြစ်တဲ့အပြင် ဘိန်းဖြူ အဓိက ထုတ်လုပ်တဲ့နိုင်ငံ ဖြစ်ကြောင်း အမေရိကန် နိုင်ငံခြားရေး ၀န်ကြီးဌာနက သတ်မှတ် လိုက်ပါတယ်။

မြန်မာနိုင်ငံ အနေနဲ့ ၂၀၁၄ ခုနှစ်ထဲမှာ မူးယစ်ဆေးဝါး ထုတ်လုပ် ရောင်းဝယ်မှု လုံးဝ ပပျောက်စေမယ့် ရည်ရွယ်ချက်ကို အောင်မြင်စေဖို့ ဆိုရင် အစိုးရ ၀န်ထမ်းတွေ အဂတိ လိုက်စားမှုကို အရေးယူရမယ့် အပြင် တိုင်းရင်းသား အဖွဲ့အစည်း တွေနဲ့ နိုင်ငံရေးအရ မူးယစ်ဆေးဝါး ကုန်သွယ်ခွင့် ပြုနေတာတွေကို ရပ်ဆိုင်းပစ်ပြီး ထိထိရောက်ရောက် အရေးယူ ဆောင်ရွက်ဖို့ လိုအပ်တယ်လို့လည်း အစီရင်ခံစာမှာ ဖော်ပြ ထားပါတယ်။

ဒါ့အပြင် မြန်မာနိုင်ငံသားတွေရဲ့ ကြိုးပမ်းမှု အောင်မြင်အောင် နိုင်ငံတကာက ကူညီ ထောက်ပံ့မှုတွေ ပိုပြီး ပေးကြဖို့ လိုအပ်တယ်လို့ ဆိုပါတယ်။ ဒါပေမဲ့ မြန်မာနိုင်ငံက နိုင်ငံရေး ပြောင်းလဲမှုတွေဟာ အဓိပ္ပာယ်ရှိမှ အကူအညီ ပေးချင် သူတွေကြောင့် ဒီအကူအညီတွေ အတွက် အဟန့် အတားတွေ ဖြစ်နေ စေတယ်လို့လည်း ပြောကြား ခဲ့ပါတယ်။

Ref: VOA News

Read More...

လူထု နိုင်ငံရေး ခံစားချက် လေ့လာဖို့ ဒေါ်အောင်ဆန်းစုကြည် တိုက်တွန်း

မသင်းသီရိ
ကြာသပတေး, 03 မတ် 2011

မြန်မာပြည်သူလူထု လက်ရှိ ခံစားနေရတဲ့ နိုင်ငံရေး ခံစားချက်တွေကို NLD အမျိုးသား ဒီမိုကရေစီ အဖွဲ့ချုပ် အနေနဲ့ ပိုပြီးသိအောင် တိုးမြှင့် လုပ်ဆောင်ကြဖို့ NLD ပါတီခေါင်းဆောင် ဒေါ်အောင်ဆန်းစုကြည်က တိုက်တွန်း လိုက်ပါတယ်။ ဒီကနေ့ NLD ဗဟို အလုပ်အမှုဆောင် တွေနဲ့ ရန်ကုန်တိုင်း ထဲက မြို့နယ်နဲ့ တိုင်း စည်းရုံးရေး မှူးတွေ NLD ရုံးချုပ်မှာ တွေ့ဆုံ ဆွေးနွေး ခဲ့ကြတဲ့ ပွဲမှာ အခုလို ဒေါ်အောင်ဆန်းစုကြည်က တိုက်တွန်း ခဲ့တာလည်း ဖြစ်ပါတယ်။ အပြည့်အစုံကို မသင်းသီရိက တင်ပြ ပေးထားပါတယ်။

လက်ရှိ မြန်မာ့နိုင်ငံရေး အခြေအနေတွေပေါ်မှာ ပြည်သူလူထုတွေရဲ့ ခံစားနေရ မှုတွေကို NLD ပါတီက ပိုပြီး သိရအောင် လူထုဆီက အသံတွေ နားထောင်ဖို့၊ တုံ့ပြန်ချက်တွေ ပေးနေတဲ့ လူထုဆီကို NLD ပါတီဝင်တွေ အရောက်သွားဖို့ ကိစ္စတွေကို ဒီကနေ့ အဓိက ဆွေးနွေး ခဲ့ကြတယ်လို့ NLD ပါတီ ဗဟို အလုပ်အမှုဆောင် အဖွဲ့ဝင် ဦးဉာဏ်ဝင်းက ပြောပါတယ်။

“အဓိက ရည်ရွယ်ချက်ကတော့ ပါတီတရပ်မှာ အထက် အောက် အမြဲတမ်း ထိတွေ့ ဆက်ဆံဖို့ရယ်၊ ပြီးတော့ လက်ရှိ နိုင်ငံရေး အခြေအနေ ပေါ်မှာ ပြည်သူလူထု ဆီက တုံ့ပြန်မှု၊ ခံစားမှု ဒါတွေကို သိချင်တယ်။ နောက် ဒီအပေါ်မှာ ဆွေးနွေးတာပေါ့။ နိုင်ငံရေး ဆိုတာ ပြည်သူလူထု အတွက် လုပ်တာ။ အဲတော့ ပြည်သူလူထုဆီက ခံစားမှုကို သိနေရမယ်။ သူတို့က လာမပြောတောင် ကိုယ်က ဒီဟာကို သွားရောက် နားထောင်ဖို့၊ လေ့လာဖို့ တာဝန်ရှိတယ်။ ဒီတာဝန်တွေကို ကျေကျေပွန်ပွန် ဆောင်ရွက်ကြဖို့၊ ဒါကို ဆွေးနွေးကြတာ။”

NLD ပါတီဟာ လူထုကြား အရောက်သွားဖို့နဲ့ ပြည်သူတွေ အကျိုးအတွက် တောင်းဆိုနေတဲ့ အမျိုးသား ရင်ကြားစေ့ရေး ကိစ္စကိုလည်း ယုံကြည်ချက် အပြည့်နဲ့ ရှေ့ဆက်ဖို့ NLD ပါတီခေါင်းဆောင်၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က တိုက်တွန်း ခဲ့တယ်လို့လည်း ပြောပါတယ်။

“ပြည်သူတွေဆီက သတင်းမရရင်တောင် ကိုယ်က သတင်းကို၊ ပြည်သူတွေ ခံစားမှုကို သိအောင် လုပ်ရမယ် ဆိုတာ ဒေါ်အောင်ဆန်းစုကြည် ကိုယ်တိုင် တက်ရောက်လာတဲ့ ပုဂ္ဂိုလ်တွေကို ပြောကြားတဲ့ စကားပါ။ အမျိုးသား ရင်ကြားစေ့ရေး ဆိုတာ ပြည်သူတွေရဲ့ အကျိုးအတွက် တောင်းဆိုတာ၊ ပြည်သူတွေ ထိခိုက်မှု အနည်းဆုံး နည်းလမ်းနဲ့ အကောင်းဆုံး နည်းလမ်းကို ရွေးချယ်တာ။ ဒီဥစ္စာက မဖြစ်သေးဘူးလို့ အပြစ် ပြောနေမယ့်အစား ယုံယုံကြည်ကြည်နဲ့ ဆောင်ရွက်ဖို့ လိုအပ်တယ်လို့ ပြောပါတယ်။”

NLD ရုံးချုပ်မှာ ဗဟိုကော်မတီ အဖွဲ့ဝင်တွေနဲ့ NLD တိုင်းနဲ့ပြည်နယ် ၁၃ ခုက စည်းရုံးရေး အဖွဲ့ဝင်တွေဟာ ဒီကနေ့ မတ်လ ၃ ရက်နေ့က စလို့ မတ်လ ၁၈ ရက်နေ့ထိ အလှည့်ကျ တွေ့ဆုံ ဆွေးနွေးပွဲတွေ ပြုလုပ်မှာဖြစ်ပြီး ဒီကနေ့ ပထမဆုံး နေ့မှာ ရန်ကုန်တိုင်း တာဝန်ခံ စည်းရုံးရေးမှူးတွေ၊ ရန်ကုန်တိုင်း အတွင်းက မြို့နယ်တာဝန်ခံ စည်းရုံးရေးမှူး တွေနဲ့ ဆွေးနွေးပွဲ စခဲ့ပါတယ်။ အထူးသဖြင့် ကိုယ်ယူထားတဲ့ တာဝန်ကို ကျေပွန်ကြဖို့ ဒေါ်အောင်ဆန်းစုကြည်က တိုက်တွန်းပါတယ်။

ရန်ကုန်တိုင်းဟာ ဗဟိုအဖွဲ့ချုပ်နဲ့ အနီးဆုံးဖြစ်တာမို့ တခြားမြို့နယ်နဲ့ တိုင်း၊ ပြည်နယ်တွေထက် စာရင် စံပြ အဖွဲ့အစည်း တခု ဖြစ်သင့်တယ်လို့ ဒေါ်အောင်ဆန်းစုကြည်က တိုက်တွန်း သွားသလို ကိုယ်ယူထားတဲ့ တာဝန်ကို မကျေဘူး ဆိုရင်လည်း လူထုကို အားနာစရာ ကောင်းတယ်လို့လည်း ဒေါ်အောင်ဆန်းစုကြည်က ပြောသွားပါတယ်။ တခါ NLD ပါတီဟာ လှုပ်ရှား သင့်သလောက် မလှုပ်ရှား၊ လုပ်သင့်သလောက် မလုပ်သလို တက်ကြွ သင့်သလောက်လည်း တက်ကြွတာ မတွေ့ရဘူးလို့ ဒေါ်အောင်ဆန်း စုကြည်က ဝေဖန် သွားပါတယ်။

ကိုယ့်ကို ထောက်ခံတယ်ဆိုပြီး ထိုင်မနေကြဖို့နဲ့ ကိုယ့်ကို ထောက်ခံစေချင်ရင် ကိုယ့်ဘက်ကလည်း လူထု အတွက် ကြိုးစား အလုပ် လုပ်ကြရမှာ ဖြစ်တယ်လို့ ဒေါ်အောင်ဆန်းစုကြည်က ပြောပါတယ်။ နိုင်ငံမှာ အကြောက်တရား ကင်းဖို့အတွက် ကြောက်တဲ့ သူဘက်ကလည်း အဲဒီခံစားမှု ပျောက်အောင် ကြိုးစားရမှာ ဖြစ်သလို မကြောက်စေချင်သူ ဘက်လည်း ကြိုးစား ရမယ်လို့ ဒေါ်အောင်ဆန်း စုကြည်က တိုက်တွန်းပါတယ်။ လက်ရှိ နေပြည်တော်မှာ ကျင်းပနေတဲ့ လွှတ်တော်တွင်း ကနေ ထွက်လာတဲ့ ဥပဒေတွေနဲ့ လူထုကို အသိပေး တင်ပြဖို့ ဆက်လက် ဆွေးနွေးသွားမယ်လို့လည်း ဦးဉာဏ်ဝင်းက ပြောပါတယ်။

“ပြည်သူလူထု သိသင့်သိထိုက်တဲ့ ကိစ္စတွေ ကျနော်တို့ နောက်ထပ် စာတွေ ထုတ်ဖို့လည်း စီစဉ်ပါတယ်။ ဒါ ပြည်သူတွေကို အသိပေးမှာ။ လက်ရှိ လွှတ်တော်ကြီးလည်း ခေါ်နေတယ်၊ ဥပဒေတွေ ကလည်း ထုတ်နေတယ်၊ ဒါတွေနဲ့ ပတ်သက်ပြီး အသိပေးဖို့ အစီအစဉ် ရှိပါတယ်။ ပါတီတရပ်က အမြဲတမ်း သိရှိနေရမယ်၊ သိရှိအောင်လည်း လုပ်ဖို့ တာဝန်ရှိတယ်၊ ဒီတာဝန်ကို ကျေပွန်အောင် ဆောင်ရွက်ကြဖို့ ပြောတာပါ။”

NLD ပါတီ ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း ပြောပြသွားတာ ဖြစ်ပါတယ်။

မတ်လ ၁၈ ရက်နေ့ထိ ကျင်းပသွားမယ့် NLD ပါတီရဲ့ ဆွေးနွေးပွဲမှာ နိုင်ငံရေး အခြေအနေတွေ အပြင် လူမှုရေးနဲ့ စီးပွားရေး ကိစ္စတွေကိုပါ အပြန်အလှန် ဆွေးနွေးကြပြီး လူထုကို တင်ပြဖို့ စီစဉ် ထားတယ်လို့လည်း NLD ပါတီက ပြောပါတယ်။

Ref: VOA News

Read More...

ကဒါဖီ နှုတ်ထွက်ပေးဖို့ အိုဘားမား တောင်းဆို

ကြာသပတေး, 03 မတ် 2011


လစ်ဗျားနိုင်ငံက မိုမာ ကဒါဖီ (Moammar Gadhafi) ဟာ နိုင်ငံကို ခေါင်းဆောင်ဖို့ တရားဝင်မှု မရှိတော့တဲ့ အတွက် ရာထူးကနေ နှုတ်ထွက်ပေးဖို့ အမေရိကန် သမ္မတ ဘရက်ခ် အိုဘားမား (Barack Obama) က ပြောကြားလိုက်ပါတယ်။

ကြာသပတေးနေ့က မက္ကဆီကို သမ္မတ ဖိလစ်ပီ ကယ်လ်ဒီရွန် (Felipe Calderon) နဲ့ သမ္မတ အိမ်ဖြူတော်က ပူးတွဲ သတင်းစာ ရှင်းလင်းပွဲမှာ အခုလို ပြောကြား လိုက်တာဖြစ်ပြီး လစ်ဗျားနဲ့ ပတ်သက်လို့ ရွေးချယ်စရာ လမ်းကြောင်း အကုန်လုံးကို စုံစမ်းစစ်ဆေးဖို့ အမေရိကန် ဌာနပေါင်းစုံကို ညွှန်ကြားထားတယ်လို့ ဆိုပါတယ်။

ဒါ့အပြင် လစ်ဗျားနိုင်ငံထဲက အီဂျစ်နိုင်ငံသားတွေကို သယ်ထုတ်ရာမှာ ကူညီဖို့အတွက် အမေရိကန် လေယာဉ်တွေကို သုံးခွင့် ပေးထားတယ် လို့လည်း ပြောပါတယ်။

မက္ကဆီကို သမ္မတကလည်း လစ်ဗျား ပြည်သူတွေအပေါ် အကြမ်းဖက် နှိမ်နင်းတာကို ရှုတ်ချလိုက်ပါတယ်။

နိုင်ငံတကာ ရာဇ၀တ်မှု တရားရုံး (ICC) က လူးဝစ်စ် မိုရမ်းနိုး အိုကမ်ပို (Luis Moreno-Ocampo) က မစ္စတာ ကဒါဖီနဲ့ သူ့နောက်လိုက်တွေ အပြင် သူ့ရဲ့ သားကိုပါ ပြစ်မှု ကျူးလွန်မှု ရှိမရှိ စုံစမ်း စစ်ဆေးမယ်လို့ ကြေညာ လိုက်ပါတယ်။

EU ဥရောပသမဂ္ဂ နိုင်ငံခြားရေး မူဝါဒဆိုင်ရာ အကြီးအကဲ ကက်သရင်း အက်ရ်ှတန် (Catherine Ashton) ကလည်း မတ်လ ၁၀ ရက်နေ့မှာ လစ်ဗျားနိုင်ငံ ဆိုင်ရာ ဆွေးနွေးပွဲတွေ စတင်ဖို့အတွက် ဘရပ်ဆဲလ်မှာ လာရောက် စုဝေးကြဖို့ EU နိုင်ငံခြားရေး ၀န်ကြီးတွေကို ဖိတ်ခေါ် လိုက်ပါတယ်။

နေတိုးအကြီးအကဲ အန်းဒါးစ် ရပ်စ်မူဆန် (Anders Rasmussen) ကတော့ နေတိုးနဲ့ မဟာမိတ် တပ်တွေဟာ လစ်ဗျား အရေးကို ၀င်ရောက် မစွက်ဖက်ချင်ပေမဲ့ ဖြစ်နိုင်ချေ အားလုံးအတွက် အစီအစဉ်တွေ လုပ်နေတယ်လို့ ကြာသပတေးနေ့မှာ ပြောကြား လိုက်ပါတယ်။

လစ်ဗျားခေါင်းဆောင် မိုမာ ကဒါဖီကတော့ ကြာသပတေးနေ့မှာပဲ တိုက်လေယာဉ်တွေ လွှတ်ပြီး အရှေ့ဘက်ခြမ်းက အဓိက ရေနံတင်ပို့တဲ့ ဘရီဂါ ဆိပ်ကမ်း တ၀ိုက်မှာ ဗုံးကျဲ တိုက်ခိုက်မှုတွေ လုပ်ခဲ့ပါတယ်။

သားဖြစ်သူ ဆာအိဖ် အယ်လ်-အစ္စလာမ် ကဒါဖီ (Saif al-Islam Gadhafi) ကတော့ ဒီဗုံးတွေဟာ သူပုန်တွေ ကျဖို့အတွက် ရည်ရွယ်ပြီး ကျဲခဲ့တာလို့ ဆိုပါတယ်။

Ref: VOA News

Read More...

လွှတ်တော်ဥက္ကဋ္ဌခုံများ ၅ နှစ် ခံပါ့မလား

ကိုဝိုင်း
ကြာသပတေးနေ့၊ မတ်လ ၀၃ ရက် ၂၀၁၁

ချင်းမိုင် (မဇ္ဈိမ) ။ ။ လွှတ်တော်ဥက္ကဋ္ဌများ၏ ခုံများသည် တူဖြင့် နေ့စဉ် အထုခံ နေရသဖြင့် လွှတ်တော် သက်တမ်း ၅ နှစ်ပြည့်သည် အထိ ခံနိုင်ပါ့မလားဟု အမတ်အချို့ စိုးရိမ်နေကြသည်။

လွှတ်တော်အတွင်း အမတ်များ၏ “သဘောတူညီချက်” ကို တောင်းခံပြီးပါက လွှတ်တော် ဥက္ကဋ္ဌများက ခုံအား တူဖြင့်ထု၍ အဆုံးသတ်လေ့ ရှိသည်ကို ရည်ညွှန်း ပြောဆိုကြခြင်း ဖြစ်သည်။

“ကြားထဲမှာ ခဏနားတယ်။ ပြည်သူ့ ငွေစာရင်း ကော်မတီ ၁၅ ယောက်ကို ခေါ်ပြီးတော့ လွှတ်တော် ဥက္ကဋ္ဌက ပြောတယ်။ ၁၁ နာရီမှာ ပြန်စတယ်။ အဲဒီ နာမည် စာရင်းတွေ ဖတ်ပြပြီးတော့ အတည်ပြုတယ် ဆိုတာ သုံးကြိမ်အော်၊ ပြီးတော့မှ ခုံကို တူနဲ့ ရိုက်ပြီးတော့ ပြီးသွားတာပေါ့” ဟု အမတ်တဦးက မဇ္ဈိမကို ပြောသည်။

“အဲဒီခုံတော့ မသက်သာဘူးဗျ။ တနေ့ကို ၄ ကြိမ်လောက် အရိုက်ခံနေရတယ်။ ၅ နှစ်တောင် ခံပါ့မလား မသိဘူး” ဟု အမတ် တဦးကလည်း ပြောသည်။

ကြာသပတေး မနက် ၁ဝ နာရီ၌ စတင်ကျင်းပပြီး ၁၁ နာရီ ၅ မိနစ်တွင် ပြီးသည့် အမျိုးသား လွှတ်တော် ၃ ရက်မြောက် အစည်း အဝေးမှ ပြည်သူ့ ငွေစာရင်း ကော်မတီကို အဖွဲ့ဝင် ၁၅ ဦးဖြင့် ဖွဲ့စည်းခဲ့သည်။

ပြည်သူ့ငွေစာရင်းကော်မတီ ဥက္ကဋ္ဌနှင့် အတွင်းရေးမှူးများအဖြစ် ကြံ့ခိုင်ရေး အမတ်များ ဖြစ်ကြသော ဦးအောင်ထွန်း (မကွေး-၁၁) နှင့် ဦးခင်မောင်အေး (စစ်ကိုင်း-၇) တို့ ဖြစ်သွားသည်။ ဦးအောင်ထွန်းသည် စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန ဒု-ဝန်ကြီးဖြစ်ပြီး ဗိုလ်မှူးချုပ်ဟောင်း ဖြစ်သည်။

အဖွဲ့ဝင်များအဖြစ် ဦးဘရန်ရှောင် (ကချင်-၃) တစည၊ ဦးဆားရယ် (ကယား-၆) ကြံ့ခိုင်ရေး၊ ဦးစောထွန်းမြအောင် (ကရင်-၅) ကြံ့ခိုင်ရေး၊ ဦးဇုန်လှယ်ထန်း (ချင်း-၂) CPP၊ ဦးစတီဗင်သာဘိတ် (ချင်း-၄) CNP၊ ဒေါ်ရီရီမြင့် (မွန်-၁) ကြံ့ခိုင်ရေး၊ ဦးသိန်းဝင်း (စစ်ကိုင်း-၉) ကြံ့ခိုင်ရေး၊ ဦးမိုးမြင့် (တနင်္သာရီ-၇) ကြံ့ခိုင်ရေး၊ ဒေါ်ချိုနွယ်ဦး (ပဲခူး-၇) ကြံ့ခိုင်ရေး၊ ဒေါ်ခင်ဝိုင်းကြည် (ရန်ကုန်-၁) NDF၊ ဦးခင်မောင်ရီ (ဧရာဝတီ-၆) ကြံ့ခိုင်ရေး၊ ဦးခင်မောင် (ခ) ဦးအောင်ကျော်ဦး (ရခိုင်-၃) RNDP နှင့် ဦးရှုမောင် (ရှမ်း-၈) ကြံ့ခိုင်ရေး ဖြစ်သည်။

အမျိုးသားလွှတ်တော်တွင် ကြံ့ခိုင်ရေးက ၁၂၉ ဦး၊ တပ်မတော်ခန့် အမတ် ၅၆ ဦး၊ အခြား ပါတီများမှ ၃၉ ဦး စုစုပေါင်း ၂၂၄ ဦး ရှိရာမှ ယနေ့ တဦးသာ ခွင့်တိုင် ပျက်ကွက်သည်။ ၄ ရက်နေ့ အစည်းအဝေးကို မနက်ဖြန် ၁ဝ နာရီတွင် ဆက်လက် ကျင်းပမည်။

ဦးအောင်ထွန်း ခေါ် ခင်မောင်ထွန်း

အသက် = ၅၈ နှစ်
ဇာတိ = ပေါက်မြို့နယ်၊
ပညာနှင့် စစ်ဘက်ရာထူးများ = မဟာဝိဇ္ဇာဘွဲ့ (ကာကွယ်ရေး)၊ ဗိုလ်မှူးချုပ် (ငြိမ်း)၊ စစ်တက္ကသိုလ် အမှန်စဉ်-၁၆ ဗိုလ်လောင်း သင်တန်း၊ ခလရ-၅၆ (မြင်းခြံ)၊ ခလရ-၃၆ (ကျုံပျော်)၊ ခလရ-၉ဝ (မှော်ဘီ)၊ ခလရ-၅ဝ (ဂန့်ဂေါ)၊ ခမရ-၁ဝ၄ (မော်လမြိုင်)၊ နတခ၊ တမခ (၅၅)၊ တမခ (၆၆)၊ ဥစသ တို့တွင် ထမ်းဆောင်ခဲ့ပြီး ဒုဝန်ကြီး အဖြစ် စီးပွားရေးနှင့် ကူးသန်း ရောင်းဝယ်ရေး ဌာန၌ တာဝန် ထမ်းဆောင်။ (သင်္ဂဟတံဆိပ်၊ တိုက်ပွဲဝင်တံဆိပ်၊ နအဖ တံဆိပ်၊ မိုင်းယန်း/မယ်သဝေါ တိုက်ပွဲတံဆိပ်၊ စစ်မှုထမ်း သက်တမ်း တံဆိပ်၊ စစ်ဦးစီး တက္ကသိုလ် သင်တန်းဝင် တံဆိပ် ရရှိထားသည်။)
လိပ်စာ = တောင်ဥက္ကလာပ၊ ရန်ကုန်။

ဦးခင်မောင်အေး

အသက် = ၆၃ နှစ်
ဇာတိ = ပင်လယ်ဘူးမြို့၊
ပညာ = သိပ္ပံဘွဲ့ (သတ္တဗေဒ) (OHIO University USA)၊ ညွှန်ကြားရေးမှူးချုပ် (ငြိမ်း) ငါးလုပ်ငန်း ဦးစီးဌာန၊
လိပ်စာ = သာကေတမြို့နယ်၊ ရန်ကုန်တိုင်း။
ခလရ-၈၂ (ဒုဗိုလ်)၊ ခမရ-၁၇ (တပ်ခွဲမှူး)၊ ခမရ-၁၁၂ (ဒု-ရင်းမှူး)၊ ခမရ-၃၃၉ (ဒု-ဗိုလ်မှူးကြီး)၊ သင်တန်း အမှတ်စဉ်-၄၃ ဗိုလ်သင်တန်းကျောင်း (မှော်ဘီ)၊

Ref: မဇ္ဈိမ

Read More...

အင်းတိုင် စစ်လက်နက်ပစ္စည်း သိုလှောင်ရေးတပ်မှာ မီးလောင်

မသိင်္ဂီထိုက်
ကြာသပတေး, 03 မတ် 2011

မြန်မာစစ်အစိုးရရဲ့ လက်နက် သိုလှောင်တဲ့ တပ်စခန်းတခုမှာ မနေ့ ညနေပိုင်းက မီးလောင်မှု ဖြစ်ပွား ခဲ့ပါတယ်။ ပဲခူးမြို့နဲ့ ၁၀ မိုင်လောက် အကွာမှာ ရှိတဲ့ ပင်မ လက်နက်ခဲယမ်း သိုလှောင်ရေး တပ်မှာ မီးလောင်မှု ဖြစ်ပွားခဲ့တာ ဖြစ်ပါတယ်။ အပြည့်အစုံကို မသိင်္ဂီထိုက်က တင်ပြ ပေးထားပါတယ်။

ပဲခူးတိုင်း အင်းတိုင်မြို့နယ်မှာရှိတဲ့ အင်းတိုင် ပင်မ လက်နက်ခဲယမ်း သိုလှောင်ရေး တပ်မှာ ကြာသပတေးနေ့ ညနေပိုင်းက မီးလောင်မှု ဖြစ်ပွား ခဲ့တာလို့ ပဲခူးမြို့ခံ တဦးက ပြောပါတယ်။

“အင်းတိုင် COD ဆိုတာ ပဲခူးနဲ့ ၁၀ မိုင်ကွာတယ်၊ စစ်လက်နက်ပစ္စည်း သိုလှောင်ရေး တပ်ပဲ။ အဲဒီမှာ တပ်က အကျယ်ကြီး၊ တောင်သုံးလုံး နားမှာ။ ညနေ ၅ နာရီခွဲ၊ ၆ နာရီလောက်က လောင်တယ်လို့ ကျနော်တို့ သိရတယ်။ အခု ကျနော်တို့ သိတဲ့ အချိန်အထိတော့ မီးသတ်ကားတွေ ပြန်မရောက်သေးဘူး။ ဝေါ၊ သနပ္ပင်၊ ပဲခူး မီးသတ်တွေလည်း သွားတယ်။ ပြန်မရောက်သေးဘူး။

“ရဲတွေကလည်း လောင်တာမှန်ကြောင်း ပြောပြတာပဲ သိသေးတယ်။ စစ်တပ်က လက်နက် သိုလှောင်တဲ့ စက်ရုံ မီးလောင်တယ် ဆိုတာ အန္တရာယ်လည်း ရှိတယ်၊ နောက်တခုက သွားကြည့်တဲ့ လူတွေကိုလည်း စစ်ဆေး မေးမြန်းခြင်း ခံရမှာမို့ လူတွေက ကြောက်ပြီး ခပ်လှမ်းလှမ်း ကပဲ ကြည့်တယ်၊ သတင်း စုံစမ်းနေတယ်။”

ပဲခူးမြို့နဲ့ ၁၀ မိုင်ခန့်အကွာမှာရှိတဲ့ လက်နက်ခဲယမ်း သိုလှောင်ရေးတပ်မှာ မီးလောင်နေတာကို ငြှိမ်းသတ်ဖို့ အတွက် ပဲခူးတိုင်းနဲ့ ရန်ကုန်တိုင်း အတွင်းက မီးသတ် ဌာနတွေက လိုက်ပါ ငြှိမ်းသတ် နေရတယ်လို့ ပဲခူးဒေသခံ တဦးက ပြောပါတယ်။

“မီးသတ်ကား ၂ စီးသွားတယ်၊ ရှေ့ကနေ စစ်ကားတစီး ပါသွားတယ်။ ပဲခူးမြို့က အထွက်မှာ။ ကျနော်တို့ ကလည်း ပဲခူးမြို့ နားမှာပဲ လောင်တယ် အောက်မေ့လို့။ တအောင့်လောက် ကြာတော့ သတင်းက ၀င်လာတာပေါ့၊ တောင်သုံးလုံးက စစ်တပ်က လက်နက်တွေ ထားတဲ့ နေရာမှာ ပေါက်ကွဲမှုတွေ ဖြစ်တယ် ပေါ့လေ။”

ညနေ ၆ နာရီလောက် ကတည်းက မီးလောင်မှုကို သွားရောက် ငြှိမ်းသတ်နေတဲ့ မီးသတ်ကားတွေ ညသန်းခေါင် အချိန်အထိ စခန်းကို ပြန်မရောက် လာကြ သေးပါဘူး။ မီးစတင် လောင်ကျွမ်းရတဲ့ အကြောင်းရင်းနဲ့ အပျက်အစီး ဘယ်လောက်ရှိတယ် ဆိုတာကိုတော့ အတိအကျ မသိရှိရ သေးပါဘူး။

Ref: VOA News

Read More...

အမ်အိုင်ဂျီ - ၂၉ နဲ့ အကျိုးနည်းတော့မည်

Monday, 28 February 2011

ဂါမဏိ

၂၀၀၁ ခုနှစ်နဲ့ ၂၀၀၂ ခုနှစ်တုန်းက ယိုးဒယား - ဗမာ စစ်ပွဲ အတွင်း ယိုးဒယား လေတပ်ရဲ့ (အမေရိကန်လုပ်) အက်ဖ် - ၁၆ တိုက်လေယာဉ် တွေရဲ့ အရသာကို ခပ်စပ်စပ်ကလေး မြည်းလိုက်ရလို့ တပ်ချုပ်ကြီးနဲ့ ဒု တပ်ချုပ်ကြီး တို့ဟာ မျက်လုံးပြူး မျက်ဆံပြူး ဖြစ်ကုန်ပြီး အက်ဖ် - ၁၆ ကို ယှဉ်နိုင်မယ့် စစ်လေယာဉ်ကို အသည်းအသန် လိုက်ရှာ ဝယ်ခဲ့ပါတယ်။ ဒါနဲ့ဘဲ ၂၀၀၈ ခုနှစ်မှာ ရုရှား နိုင်ငံဆီက အမ်အိုင်ဂျီ -၂၉ အဟောင်းတွေကို ပွဲစားကြီး တေဇ အကျိုးနဲ့ (၂၂) စီး စတင် ရောက်ရှိ လာခဲ့ပါတယ်။

၂၀၀၉ ခုနှစ်မှာ နောက်ထပ်အစီး (၂၀) ဝယ်ခဲ့ရာ (၁၂) စီး ရောက်ခဲ့ပြီး ဖြစ်ပါတယ်။ ရှေ့ပြေး ၀င်လာတဲ့ လေယာဉ် (၁၂) စီး မှာ MiG-29 B အမျိုးအစား(၁၀)စီး နဲ့ MiG-29 UB အမျိုးအစား လေ့ကျင့်ရေး နှစ်ယောက်မောင်း (၂) စီး ဖြစ်ပြီး စုစုပေါင်း (၁၂) စီး ဖြစ်ပါတယ်။ ဒလခ မှာ (၆) စီးနဲ့ လကသ မှာ (၆) စီး (B-5 စီး+ UB 1 စီး) ခွဲထား ပါတယ်။ အဆိုပါ (၁၂) စီးတွင် လက်နက်အစုံ ပါရှိတဲ့ လေယာဉ်ဟာ (၆) စီးသာ ပါရှိပြီး အဲဒီ (၆) စီးထဲမှာ တောင်မှ HMS စနစ်ပါတဲ့ လေယာဉ်က (၃) စီးစာသာ ပါပါတယ်။ အဆိုပါ လေယာဉ်များဟာ မြေပြင် ရေဒါတွေနဲ့ ပေါင်းစပ် တိုက်ပွဲဝင်နိုင်မှု အဆင်ပြေခြင်း မရှိကြောင်း တွေ့ရှိရပါတယ်။ အဲဒီလို လေယာဉ်တွေမှာ လက်နက်အစုံ ပစ္စည်းအစုံ ပါမလာတာတွေ ဖြစ်နေပါတယ်။ အထူးသဖြင့် အရေးကြီးတဲ့ ရေဒါဖျက်စက် radar-jamming device မပါလာတာ တဝက်ကျော် ရှိနေလို့ ထပ် ဝယ်တပ်ရပါတယ်။

အမ်အိုင်ဂျီ -၂၉ ကို ရုရှားနိုင်ငံ (ယခင်က ဆိုဗီယက်ပြည်ထောင်စု) မှာ ၁၉၇၇ ခုနှစ်က စတင် ထုတ်လုပ်ခဲ့ပြီး ၁၉၈၃ ခုနှစ်မှာ ကော်မရှင် ရခဲ့ပါတယ်။ ဒါကြောင့် အခုဆိုရင် လေယာဉ် သက်တမ်း နှစ် ၃၀ လောက် ရှိနေပြီ ဖြစ်ပါတယ်။ ရုရှား နိုင်ငံကလည်း အမ်အိုင်ဂျီ -၂၉ ကို မွမ်းမံ ထိန်းသိမ်းတာ အဆင့်မြှင့်တာတွေ မလုပ်တော့ဘဲ အက်စ်ယူ -၂၇ နဲ့ အမ်အိုင်ဂျီ - ၃၁ တို့ကိုဘဲ အလေးပေး အဆင့်မြှင့် တာတွေ လုပ်နေ ပါတော့တယ်။

၂၀၀၈ ခုနှစ်ထဲမှာ ရုရှားလေတပ်က အမ်အိုင်ဂျီ -၂၉ ၊ (၂) စီး ပျက်ကျ ခဲ့ပြီးနောက် အမ်အိုင်ဂျီ -၂၉ တွေကို ပျံသန်းခွင့် ပိတ်လိုက် ပါတယ်။ ၂၀၀၉ ခုနှစ်မှာ အမ်အိုင်ဂျီ -၂၉ အားလုံးကို စစ်ဆေးမှုတွေ ပြုလုပ်ပြီး အစီး (၁၀၀) လောက်ကိုဘဲ ပျံသန်းခွင့် ပေးခဲ့ပါတယ်။ အဓိက ပြဿနာက အမ်အိုင်ဂျီ -၂၉ တွေဟာ စတင် ထုတ်လုပ် ကတည်းက အမြီးပိုင်းမှာ သံချေးကိုက် လှိုက်စားပြီး အက်ကွဲမယ့် အလားအလာ ရှိခဲ့တာ ဖြစ်ပါတယ်။ အခု မြန်မာပြည်ကို ရောင်းတဲ့ လေယာဉ်တွေမှာ ဒီ ချို့ယွင်းချက်ကို ပြုပြင်ပြီး မပြီး ဆိုတာ ကတော့ စီးကြည့်လို့ ပျက်ကျမှ သိနိုင်ပါတယ်။

အရှေ့ဂျာမဏီမှာ ကွန်မြူနစ်စနစ် ပြိုကွဲသွားပြီး အနောက် ဂျာမဏီနဲ့ ပြန်ပေါင်းသွားတဲ့ အခါ အရှေ့ ဂျာမဏီ၊ ဂျာမန် လေတပ်မှာ ရှိတဲ့ အမ်အိုင်ဂျီ -၂၉ တွေကို အမေရိကန် သိပ္ပံ ပညာရှင်တွေ ၁၉၉၁ ခုနှစ်မှာ လေ့လာခွင့် ရခဲ့ပါတယ်။ အဲဒီမှာ တွေ့ရှိတာက အမ်အိုင်ဂျီ-၂၉ ဟာ တာတို လေယာဉ် စီးချင်းထိုးရာမှာ အမေရိကန်ထုတ် အက်ဖ် - ၁၅ ထက် သာတယ်၊ အမြန်နှုန်းနိမ့်မှာ ထိန်းသိမ်း ကိုင်တွယ်ရ ပိုကောင်းတယ်လို့ ကောက်ချက် ချခဲ့ပါတယ်။ အဓိက အားကောင်းချက်က လေယာဉ်မှူး ဦးထုပ်မှာ တပ်ဆင်ထားတဲ့ လက်နက်ဆိုက် (ပစ်မှတ်ချိန်ခွက်) Helmet Mounted Weapons Sight (HMS) ဖြစ်တယ်လို့ ဆိုပါတယ်။ ဒီဆိုက်ဟာ မျက်စိ မြင်ကွင်းထဲ ရှိသမျှ ပစ်မှတ်တွေကို (၄၅ ဒီဂရီ စောင်းတာတောင်) မလွဲစတမ်း ချိတ်နိုင်စွမ်း ရှိပါတယ်။ အမေရိကန် လေယာဉ်တွေ ကတော့ ရှေ့တည့်တည့် မှန်ပြူတင်း မြင်ကွင်း ကျဉ်းကျဉ်းလေး ထဲက ပစ်မှတ်တွေကိုဘဲ ချိတ်နိုင်ပါတယ်။ ၂၀၀၃ ခုနှစ်ကျမှ အမေရိကန်က HMS စနစ်ကို တီထွင် တပ်ဆင် နိုင်ခဲ့ပါတယ်။ ဒါပေမဲ့ ဗမာပြည်ကို ရောင်းတဲ့ အမ်အိုင်ဂျီ -၂၉ အားလုံးမှာ ဒီဆိုက် ပါမပါ မသေချာပါ။ အီလက် ထရွန်းနစ် ပစ္စည်းတွေ ပါမလာတာ အတော်များတယ်လို့ သိရပါတယ်။

၁၉၉၇ ခုနှစ်မှာ ဆိုဗီယက်ပြည်ထောင်စုထဲက ခွဲထွက်လာတဲ့ မော်လ်ဒိုးဗား နိုင်ငံဆီက အမ်အိုင်ဂျီ -၂၉ (၁၄) စီးကို အမေရိကန်က ဝယ်ခဲ့ပါတယ်။ ဒီလေယာဉ်တွေမှာ ရေဒါ ဖျက်စက် တပ်ဆင် ထားပြီး နျူကလီးယား လက်နက် တင်ဆောင် နိုင်ပါတယ်။ အမေရိကန်ဟာ ဒီလေယာဉ်တွေကို တစ်စစီ ဖြုတ်ပြီး အားကောင်းချက် အားနည်းချက် လျှို့ဝှက်ချက် အားလုံးကို အိတ်သွန် ဖာမှောက် လေ့လာ နိုင်ခဲ့ပါတယ်။ ဒါကြောင့် နောင်မှာ အမ်အိုင်ဂျီ -၂၉ စစ်လေယာဉ် တွေကို တန်ပြန် ချေမှုန်းဖို့ နည်းလမ်းတွေ ဗျူဟာတွေချမှတ်၊ လက်နက် ပစ္စည်း ကိရိယာတွေ တီထွင် တပ်ဆင် နိုင်ခဲ့ပါတယ်။

ဒီကနေ့ထိ စစ်ပွဲတွေမှာ အမ်အိုင်ဂျီ -၂၉ ရဲ့ စွမ်းဆောင်ရည် သမိုင်းကို ကြည့်လိုက်ရင် အားရစရာ မရှိပါဘူး။

- ၁၉၈၀ ကနေ ၁၉၈၈ ခုအထိ ဖြစ်ခဲ့တဲ့ အီရန် - အီရတ် စစ်ပွဲမှာ အဆင့် အမြင့်ဆုံး စစ်လေယာဉ် အဖြစ် အီရတ်က မီးရတ်ဂ်ျ -၂၀၀၀ နဲ့ အမ်အိုင်ဂျီ -၂၉ တွေ သုံးခဲ့ပြီး အီရန်က အက်ဖ် - ၁၄ တွေနဲ့ တိုက်ခဲ့ပါတယ်။ အီရန်က အဆင့်နိမ့်တဲ့ အက်ဖ် - ၄၊ အက်ဖ် - ၅ တွေကိုလဲ သုံးခဲ့ပြီး အီရတ်ကတော့ အမ်အိုင်ဂျီ -၂၁၊ အမ်အိုင်ဂျီ -၂၃၊ အက်စ်ယူ -၂၀၊ အက်စ်ယူ - ၂၂၊ မီရတ်ဂ်ျ အက်ဖ် - ၁ တွေ ကိုလဲ သုံးခဲ့ပါတယ်။ အီရတ်ဘက်က အမ်အိုင်ဂျီ - ၂၉ (၄) စီး ထိခဲ့ပေမဲ့ လေယာဉ် စီးချင်း ထိုးရာမှာ ကျတာ မဟုတ်ဘဲ ကွင်းမှာတင် ဖျက်ဆီး ခံရတာ ဖြစ်ပါတယ်။ တခြား စစ်လေယာဉ် တွေတော့ နှစ်ဖက်စလုံးမှာ အတော်များများ ထိခဲ့ကြပါတယ်။

- အဲဒီ အီရန် - အီရတ် စစ်ပွဲအတွင်း ရဟတ်ယာဉ် စစ်ပွဲမှာတော့ အီရန်ရဲ့ (အမေရိကန်လုပ်) အေအိပ်ခ်ျ - ၁ ဆူပါ ကော်ဘရာ ရဟတ်ယာဉ်တွေနဲ့ အီရတ်ရဲ့ (ရုရှားလုပ်) အမ်အိုင် - ၂၅ (ဗမာပြည်ကို ရောင်းပေးတဲ့ အမ်အိုင် - ၂၄ နဲ့ အတူတူ) လေကြောင်း တိုက်ပွဲမှာ ၁၉၈၀ စက်တင်ဘာလတွင် အမ်အိုင် - ၂၅ (၂ ) စီး၊ ၁၉၈၁ ဧပြီလမှာ အမ်အိုင် - ၂၅ ( ၂ ) စီး ပျက်ကျ သွားပါတယ်။

- ၁၉၉၁ အီရတ် - အမေရိကန် ပင်လယ်ကွေ့စစ်ပွဲမှာ အမေရိကန် အက်ဖ် - ၁၅ တိုက်လေယာဉ် တွေက အီရတ် အမ်အိုင်ဂျီ - ၂၉ (၂ ) စီးကို ပစ်ချနိုင်ခဲ့ပါတယ်။

- ၁၉၉၆ အောက်တိုဘာလမှာ ဂရိနိုင်ငံနဲ့ တူရကီနိုင်ငံ ပဋိပက္ခ ဖြစ်ရာမှာ ဂရိ လေတပ်မှ (ပြင်သစ်လုပ်) မီးရတ်ဂ်ျ ၂၀၀၀ တိုက်လေယာဉ်က တူရကီ လေတပ်ရဲ့ အက်ဖ် - ၁၆ ကို ပစ်ချ နိုင်ခဲ့ပါတယ်။

- ၁၉၉၉ ကိုဆိုဗိုစစ်ပွဲမှာ နေတိုး အဖွဲ့ဝင် ဒိန်းမတ်လေတပ်မှ အက်ဖ် - ၁၆ က ယူဂို ဆလားဗီးယား လေတပ်ရဲ့ အမ်အိုင်ဂျီ -၂၉ တစ်စီးကို ပစ်ချခဲ့သလို အမေရိကန် လေတပ်က အက်ဖ် - ၁၆ တစ်စီးကလည်း အမ်အိုင်ဂျီ - ၂၉ တစ်စီးကို ပစ်ချ နိုင်ခဲ့ပါတယ်။ အမေရိကန် လေတပ်က အက်ဖ် - ၁၅ လေယာဉ်တွေ ကလဲ အမ်အိုင်ဂျီ - ၂၉ (၄) စီးကို ပစ်ချခဲ့ပါတယ်။ ဒါကြောင့် ကိုဆိုဗို စစ်ပွဲအတွင်း စုစုပေါင်း အမ်အိုင်ဂျီ - ၂၉ (၆) စီး လေယာဉ်ချင်း ပစ်ချတာ ခံခဲ့ရပါတယ်။

- ၁၉၉၉ ခု ဖေဖော်ဝါရီလအတွင်းက အီသီယိုးပီးယား - အီရီထရီးယား စစ်ပွဲမှာ အီသီယိုးပီးယား နိုင်ငံက (ရုရှား လုပ်) အက်စ်ယူ - ၂၇ တိုက်လေယာဉ်တွေက အီရီထရီးယား လေတပ်ရဲ့ (ရုရှားလုပ်) အမ်အိုင်ဂျီ - ၂၉ တိုက် လေယာဉ် (၄) စီးကို ပစ်ချ ခဲ့ပါတယ်။ အတည် မပြုနိုင်တဲ့ သတင်း တစ်ခုကတော့ အက်စ်ယူ - ၂၇ တွေကို ရုရှားလူမျိုး ကြေးစား စစ်သားတွေက မောင်းပြီး အမ်အိုင်ဂျီ - ၂၉ တွေကိုတော့ ယူကရိန်းလူမျိုး ကြေးစား စစ်သားတွေက မောင်းတယ်လို့လဲ ဆိုပါတယ်။

- ၂၀၀၁ ခု စက်တင်ဘာလမှာ ဆီးရီးယားလေတပ် အမ်အိုင်ဂျီ - ၂၉ (၂ စီး) ကို အဇ္ဇရေး လေတပ် အက်ဖ် - ၁၅ (၂ ) စီးက လက်ဘနွန်နိုင်ငံ ကမ်းခြေပေါ်မှာ ပစ်ချ ခဲ့တယ်လို့ သတင်း ထွက်ခဲ့ပါတယ်။

ထိုင်းနိုင်ငံမှာ အနည်းဆုံး အက်ဖ် - ၁၆ အစီး (၆၀) ရှိပြီး ဘင်္ဂလားဒေ့ရှ် လေတပ်မှာတော့ အမ်အိုင်ဂျီ - ၂၉ ဘဲ အကောင်းဆုံး ရှိပါတယ်။ ထိုင်းကြည်းတပ်မှာ အေအိပ်ခ်ျ - ၁ ရဟတ်ယာဉ် (၁၀) စီးလောက်ရှိပြီး အေအိပ်ခ်ျ - ၁ ထက် ပိုအဆင့်မြင့်တဲ့ အပါချီ အေအိပ်ခ်ျ - ၆၄ ရဟတ်ယာဉ်တွေ ဝယ်ယူဖို့ ရှိနေပါတယ်။

လေကြောင်းစစ်ဆင်ရေးကို အသက်မွေးဝမ်းကျောင်း ပညာအဖြစ် လေ့လာ တတ်မြောက် ထားတဲ့ ဝါရင့် မြန်မာ့ တပ်မတော် (လေ) တပ်မှူးကြီးတွေ၊ လေယာဉ်မှူးကြီး တွေဟာ လေတပ် ခေတ်မှီ တိုးတက်ရေး၊ အမေရိကန် အက်ဖ် - ၁၆ တွေကို ပုခုံးချင်းယှဉ် ချေမှုန်းနိုင်ရေး အတွက် အမ်အိုင်ဂျီ - ၂၉ တွေ မဝယ်ဘဲ အက်စ်ယူ - ၂၇ သို့မဟုတ် မီးရတ်ဂ်ျ -၂၀၀၀ တွေကို ဝယ်စေ ချင်ကြပါတယ်။

ဒါပေမဲ့ လေယာဉ်အကြောင်း၊ လေကြောင်း တိုက်ပွဲအကြောင်း နကန်း တစ်လုံးမှ မသိတဲ့ တပ်ချုပ်ကြီးနဲ့ ဒုတပ်ချုပ်ကြီး တို့ဟာ မျက်မျက်ကလေး စားရတဲ့ လက်နက် ပွဲစားက မျက်မျက်ကလေးကျွေး ရိုက်စား သွားတာကို ကျေကျေနပ်နပ် ခံယူ အားပေးပြီး ပစ္စည်းမစုံ ဂိုဒေါင်အောင်း အမ်အိုင်ဂျီ - ၂၉ အဟောင်းတွေကို ဝယ်ချ လိုက်တာ ဖြစ်ပါတယ်။

တခြားဝယ်ထားတဲ့ ခေတ်မှီ လက်နက်တွေနဲ့ ပတ်သက်လို့ ပြောရရင် နအဖ တပ်ချုပ်ကြီးတို့ အားထား နေတဲ့ ၁၅၅ မမ ဟောင်ဝစ်ဇာ အမြောက်ကြီး တွေဟာ ၁၉၈၈ ခု အင်ဂိုလာ စစ်ပွဲတုံးက တောင်အာဖရိက တပ်တွေ သုံးခဲ့ရာမှာ ထိရောက်ခဲ့ပြီး ကျူးဘား - အင်ဂိုလာ တပ်တွေကို ဟန့်တားနိုင်ခဲ့ပေမဲ့ တွဲဖက်ရမယ့် လေကြောင်း အသာစီးရမှု မရှိခဲ့လို့ တောင်အာဖရိက ထိုးစစ် တန့်သွားခဲ့ရပြီး အပစ်အခတ် ရပ်စဲရေး လုပ်ခဲ့ရပါတယ်။

အီရန် - အီရတ်စစ်ပွဲမှာလဲ အီရတ်တွေရဲ့ ၁၅၅ မမ တွေကြောင့် အီရန်တပ် ထိုးစစ်ရပ် နောက်ဆုတ် သွားခဲ့ပါတယ်။ ဒါပေမဲ့ လေကြောင်း အသာစီး မရှိတော့ အီရတ် မြေပြင်တပ်တွေ အီရန် နိုင်ငံထဲ ဝင်မသိမ်း နိုင်ခဲ့ပါဘူး။ ဒါပေမဲ့ ပင်လယ်ကွေ့ စစ်ပွဲမှာ အီရတ် ဟောင်ဝစ်ဇာ အမြောက်တွေဟာ အမေရိကန်ရဲ့ လေကြောင်း စိုးမိုးမှုအောက်မှာ ထိရောက်မှု ကျဆင်းပြီး နောက်ဆုံးမှာတော့ အမေရိကန် အထူးတပ် (ကွန်မန်ဒို) တွေရဲ့ လက်ထဲ ကျဆင်းခဲ့ရပါတယ်။

ထိုင်းနိုင်ငံမှာတော့ ၁၅၅ မမ ဟောင်ဝစ်ဇာ အနည်းဆုံး အလက် ၃၂၀ ကျော် ရှိနေပါတယ်။

ဒါကြောင့် တပ်မတော်တိုးတက်ဖို့၊ နိုင်ငံကို တကယ် ကာကွယ်နိုင်ဖို့ ဆိုရင် အမြင် ကျယ်ကျယ်နဲ့ တစ်ခုလုံး လွှမ်းခြုံတဲ့ စစ်ရေး အမြင်ရှိဖို့ လိုပါတယ်။ စစ်ရေးမှာ ကြည်း - ရေ - လေ လွှမ်းခြုံဖို့ သာမက စစ်ရေးနဲ့ နိုင်ငံရေး - စီးပွားရေး -ပညာရေး တဆက် တစပ်တည်း မြှင့်တင်နိုင်မှ ၂၁ ရာစု ကမ္ဘာကြီးမှာ ခန့်ခန့်ညားညား ရပ်တည်နိုင်မှာ ဖြစ်ပါတယ်။

Ref: စည်းလုံးခြင်းရဲ့အင်အား

Read More...

SSA-S က PNO ၏ မူးယစ်ဆေးဝါး စက်ရုံကို ဝင်တိုက်

Thursday, 03 March 2011

စစ်အစိုးရနှင့် အပစ်အခတ် ရပ်စဲထားသော ပအိုဝ်းအမျိုးသား အဖွဲ့ချုပ် (PNO) နှင့် ရှမ်းပြည် တပ်မတော် တောင်ပိုင်း (SSA-S) တပ်ဖွဲ့ ၀င်များ ဖေဖော်ဝါရီလ ၂၈ ရက်နေ့က တိုက်ပွဲ ဖြစ်ပွားခဲ့ရာ ပအိုဝ်း တပ်ဖွဲ့ဝင် ၆ ဦး ကျဆုံး၍ လက်နက် တချို့တို့ကို SSA-S က သိမ်းဆည်း ရမိခဲ့သည်။

SSA-S တပ်ဖွဲ့ဝင်များသည် ဒေသခံပြည်သူများ သတင်းပေးမှုများကြောင့် ရှမ်းပြည်နယ် တောင်ပိုင်း နမ့်ဇန် မြို့နယ်မှ ၄၀ ကီလိုမီတာခန့် အကွာရှိ မူးယစ်ဆေးဝါး ထုတ်လုပ်နေသည့် စက်ရုံတွင် လုံခြုံရေး ယူပေးနေသော ပအိုဝ်း တပ်ဖွဲ့ ၀င်များကို ဝင်ရောက် တိုက်ခိုက်ခြင်း ဖြစ်ပြီး ၇ နာရီကြာ တိုက်ပွဲ ဖြစ်ပွားခဲ့ကြောင်း SSA-S မှ လက်ထောက် ပြောခွင့်ရ ပုဂ္ဂိုလ် စိုင်းဆိုင်မိဏ်းက ဧရာဝတီသို့ ပြောသည်။

စိုင်းဆိုင်မိဏ်းက ဆက်လက်၍ “သူတို့ချက်မယ့် ဘိန်းအစိမ်း ပိဿာပေါင်း ၁၀၀ ကို ကျနော်တို့ ဖမ်းဆီး ရမိပါတယ်။ ဘိန်းချက်တဲ့ နေရာမှာ အသုံးပြုတဲ့ ဓာတုပစ္စည်း အရည် ၅ ပုံးကိုလည်း သိမ်းဆည်း ရမိပါတယ်။ ပြီးတော့ သူတို့ရဲ့ လက်နက် တချို့ကိုလည်း သိမ်းဆည်း ရမိပါတယ်” ဟု ပြောသည်။

တိုက်ပွဲတွင် ပအိုဝ်းတပ်ဖွဲ့ဝင် ၆ ဦး ကျဆုံးသည်ဟု သတင်း ရရှိထားပြီး ထိခိုက် ဒဏ်ရာရရှိ သူများ စာရင်းကိုမှု မသိရ သေးကြောင်း၊ ယင်း စက်ရုံအတွက် လုံခြုံရေး ယူပေးနေသော ပအိုဝ်း တပ်ဖွဲ့ဝင် ခန့်မှန်ခြေ အင်အား ၅၀ ခန့်ရှိပြီး SSA-S ဘက်မှ တပ်ဖွဲ့ စစ်ကြောင်း တကြောင်းစာ ရှိကြောင်း၊ SSA-S ဘက်မှ ကျဆုံးမှု မရှိကြောင်း ၎င်းက ဆိုသည်။

တောင်ကြီးမြို့တွင်ရှိသော PNO ရုံးကို ဧရာဝတီက ဆက်သွယ်၍ မေးမြန်းခဲ့ရာ ဖုန်းလက်ခံ ဖြေဆိုသူ ခွန်အောင်စိုးက အခြေအနေများကို ဘာမျှ မသိရှိရကြောင်း ပြန်လည် ဖြေကြားသည်။

ဦးအောင်ခမ်းထီ ခေါင်းဆောင်သည့် PNO သည် ၁၉၉၁ ခုနှစ် ဧပြီလတွင် စစ်အစိုးရနှင့် အပစ်အခတ် ရပ်စဲရေး ပြုလုပ်ခဲ့ပြီး ၁၉၉၃ တွင် အမျိုးသား ညီလာခံသို့ တက်ရောက်ခဲ့သည်။

အပစ်အခတ်ရပ်စဲပြီးနောက် PNO သည် ရှမ်းပြည်တောင်ပိုင်း အထူးဒေသ ၆ ကို ထိန်းချုပ် ထားသည်။ စစ်အစိုးရက PNO ကို စီးပွားရေး လုပ်ငန်းများ လုပ်ကိုင်ခွင့် ပေးခဲ့သည်။ ယင်းနောက် PNO သည် ပတ္တမြားနဂါး ကျောက်စိမ်းနှင့် ကျောက်မျက် ရတနာ ကုမ္ပဏီကို ထူထောင်ခဲ့ပြီး ဦးနေ၀င်းထွန်းကို စီးပွားရေး လုပ်ငန်းများ ဆောင်ရွက်ရန် တာဝန်ပေးခဲ့သည်။

ဦးနေ၀င်းထွန်းသည် PNO ၏ အမျိုးသား လွှတ်တော် ကိုယ်စားလှယ် တဦးလည်း ဖြစ်ပြီး ရှမ်းပြည်နယ် အမှတ် (၉) မဲဆန္ဒနယ်မှ ဝင်ရောက် ယှဉ်ပြိုင်ခဲ့သည်။

PNO ပိုင် ကုမ္ပဏီသည် ရှမ်းပြည်နယ်ရှိ မိုင်းရှုး၊ ကချင်ပြည်နယ်ရှိ ဖားကန့်၊ တောမှော်၊ စစ်ကိုင်းတိုင်းရှိ ကောလင်း၊ မန္တလေး တိုင်းရှိ မိုးကုတ်တို့တွင် ကျောက်မျက် ရတနာနှင့် ရွှေတူးဖော်ရေး လုပ်ငန်းများကို ဆောင်ရွက်လျက် ရှိသည်။ ၂၀၀၀ ပြည့်နှစ် နောက်ပိုင်းတွင် ၎င်းတို့ ရှာဖွေ တွေ့ရှိခဲ့သည့် တန်ချိန် ၃၀၀၀ ရှိ ကျောက်စိမ်းတုံးကြီးကို စစ်အစိုးရအား လွှဲပြောင်း လှူဒါန်းခဲ့သည်။

Ref: ဧရာဝတီ်

Read More...

Thursday, March 3, 2011

မြန်မာနိုင်ငံမှာ ကုန်ဈေးနှုန်းတွေ မြင့်တက်

မသိင်္ဂီထိုက်
ဗုဒ္ဓဟူး, 02 မတ် 2011

တူနီးရှားနဲ့ အီရန်ကစပြီး လက်ရှိ လစ်ဗျားနိုင်ငံမှာ အစိုးရဆန့်ကျင် ဆန္ဒပြမှုတွေကြောင့် ကမ္ဘာ့ ကုန်ဈေးနှုန်းတွေ တက်လာ ခဲ့ပါတယ်။ မြန်မာ နိုင်ငံမှာလည်း လအနည်းငယ်ကြာ အေးစက်စက် ဖြစ်နေခဲ့တဲ့ အမေရိကန် ဒေါ်လာငွေ ဈေးနဲ့ ရွှေဈေးတွေဟာ ဖေဖော်ဝါရီ လလယ်ပိုင်းလောက်စပြီး တဖြည်းဖြည်းနဲ့ ဈေးနှုန်း ပြန်လည် မြင့်တက်ခဲ့ပါတယ်။ ရွှေဈေး၊ အမေရိကန် ဒေါ်လာဈေးနဲ့ လောင်စာဆီ ဈေးတွေဟာ တခုနဲ့တခု ချိတ်ဆက်နေတာ ဖြစ်ပြီး အခြေခံ စားသောက်ကုန် ဈေးနှုန်းတွေပါ လိုက်ပါ မြင့်တက်လာတာ ဖြစ်တယ်လို့ ကုန်သည်တွေက ပြောပါတယ်။ ဒါပေမဲ့ ကုန်ဈေးနှုန်း မြင့်တက် လာတာကြောင့် ၀င်ငွေနည်း မြန်မာပြည်သူ လူထု အကျပ်အတည်းတွေ တစထက်တစ ပိုပြီး ကြုံလာရတဲ့အကြောင်း မသိင်္ဂီထိုက်က စုစည်း တင်ပြပေးထားပါတယ်။

ဒီရက်ပိုင်းအတွင်းမှာပဲ ဆန်ကြမ်းတပြည်ကို ၇၀၀ ကျပ်ကနေ ၁,၀၀၀ ကျပ်အထိ မြင့်တက် လာပါတယ်။ ဆန်ချော ဈေးတွေလည်း အမြင့်ဘက်ကို ရောက်လာပါတယ်။ ဆန်ချော တအိတ်ကို အရင်ဈေးထက် ၅,၀၀၀ ကျပ်လောက် မြင့်တက် လာတာပါ။ ရန်ကုန်မြို့ခံ အိမ်ရှင်မ တဦးကတော့ အထွေထွေ စားသောက်ကုန် ဈေးနှုန်းတွေ တက်လာတဲ့ အတွက် ၀င်ငွေနဲ့ ထွက်ငွေ မျှတအောင် သုံးစွဲရတာ မလွယ်ဘူးလို့ ပြောပါတယ်။

“ဆန်ဈေးတွေကလည်း တက်လာတယ်၊ ဆီဈေးတွေကလည်း တက်လာတယ်။ ကုန်ဈေးနှုန်းတွေက တက်လာတဲ့ အခါ ကျတော့ အိမ်ရှင်မတွေ အတွက်တော့ ကသီတာပေါ့။ ဘာကြောင့် တက်နေမှန်းလဲ မသိဘူး၊ ကုန်ဈေးနှုန်းတွေ။”

မြန်မာနိုင်ငံမှာ ကုန်ဈေးနှုန်းတွေက တစထက်တစ အတက်ဘက်ကို အမြဲတမ်း ဦးတည် နေတာ ဖြစ်ပေမဲ့ ပြီးခဲ့တဲ့ လအနည်းငယ် ကတော့ အကြမ်းဖျင်း တဒေါ်လာကို ၁,၀၀၀ ကျပ်နှုန်း ပေါက်နေတဲ့ အမေရိကန် ဒေါ်လာ ဈေးနှုန်းတွေ ကျပ် ၈၀၀ လောက် အထိ ကျဆင်း ခဲ့ပါတယ်။ ဒါပေမဲ့ ဖေဖော်ဝါရီ လလယ်ပိုင်းမှာ မူလက ဈေးကျနေတဲ့ အမေရိကန် ဒေါ်လာငွေ လဲလှယ်နှုန်း တဖြည်းဖြည်းနဲ့ ပြန်လည် မြင့်တက် လာခဲ့ပါတယ်။ အမေရိကန် ဒေါ်လာဈေး ပြန်မြင့်တက် လာတာနဲ့အမျှ ပြည်တွင်း ရွှေပေါက်ဈေးလည်း မြင့်တက် လာခဲ့တာ ဖြစ်တယ်လို့ ရွှေကုန်သည်တဦးက ပြောပါတယ်။

“အခု ရွှေဈေးတွေက တက်နေတယ်။ စီးပွားရေးဆိုတာက ဈေးကွက်အားလုံးနဲ့ ဆက်စပ် နေတော့ ဥပမာ ရွှေဈေးဆိုရင် ဒေါ်လာဈေး အတက် အကျနဲ့ သက်ဆိုင်နေတယ်။ ဆီဈေးဆိုလည်း ရေနံဈေး အတက်အကျနဲ့ ဆက်စပ် နေတာပေါ့။”

တဒေါ်လာ ကျပ် ၈၀၀ ခန့်ကနေ ၉၅၀ ကျပ်အထိ ငွေလဲနှုန်း ပြန်လည် မြင့်တက်လာတာနဲ့ တပြိုင်နက် ရွှေဈေးကလည်း အခေါက်ရွှေ တကျပ်သား ၅၉၀,၀၀၀ ကျပ်ကနေ ၆၅၀,၀၀၀ ကျပ်အထိ မြင့်တက် လာခဲ့တာ ဖြစ်ပါတယ်။ ရန်ကုန်မြို့က ရွှေဆိုင် လုပ်ငန်းရှင် ကတော့ ရွှေဈေး မြင့်လာပေမဲ့ အရောင်းအ၀ယ် ကောင်းလာတယ်လို့ ပြောပါတယ်။

“ရွှေအရောင်းအ၀ယ်တွေက ကောင်းတယ်။ ဘာဖြစ်လို့လဲဆိုတော့ ပဲပေါ်ချိန် ဖြစ်နေတော့ ရွှေလုပ်တဲ့ လူတွေက များများလာတယ်။ အရင်လကတော့ ရွှေဈေး ကျနေတာတောင်မှ အရောင်းအ၀ယ် သိပ်မကောင်းဘူး။ အခု ရွှေဈေး တက်နေတာတောင် အရောင်းအ၀ယ် တွေက ပြန်ကောင်းလာတယ်။”

ကမ္ဘာ့ရေနံ အဓိက တင်ပို့ရောင်းချရာ အာရပ်နိုင်ငံတွေမှာ နိုင်ငံရေး မငြိမ်သက်မှု တွေကြောင့် ကမ္ဘာ့ ရေနံစိမ်း ဈေးနှုန်းလည်း စံချိန်တင် မြင့်တက်လာတဲ့ တချိန်တည်းမှာပဲ မြန်မာနိုင်ငံ မှာလည်း လောင်စာဆီ ဈေးနှုန်းတွေ လိုက်ပါ မြင့်တက် လာပါတယ်။ မူလက ဒီဇယ်ဆီ တဂါလံ ၃,၁၀၀ ကျပ် ပေါက်ဈေးကနေ အခု မတ်လဆန်းမှာ တဂါလံကို ကျပ် ၄,၀၀၀ လောက်အထိ မြင့်တက် လာခဲ့တာပါ။

ဈေးမြင့်တဲ့ အရောင်းအ၀ယ် ဖြစ်နေတဲ့ လက်ရှိ အိမ်ခြံမြေ ဈေးကွက်က လတ်တလော အမေရိကန် ဒေါ်လာနဲ့ ရွှေဈေးနှုန်း ပြန်လည် မြင့်တက် လာတဲ့ အတွက်ကြောင့် ဈေးနှုန်း အတက်ဘက်ကို ထပ်ပြီး ဦးတည်လာဦးမယ်လို့ အိမ်ခြံမြေ အကျိုးဆောင် တွေက မှန်းဆ ထားပါတယ်။ အိမ်ခြံမြေ ဈေးကွက် အလားအလာကို အကျိုးဆောင် တဦးက အခုလို ပြောပြပါတယ်။

“အခြေခံ အဆောက်အအုံ တိုက်ခန်းတို့၊ ကွန်ဒိုတို့၊ စက်ရုံတို့ ဒါတွေက မရှိမဖြစ်ပဲ။ ဘာဖြစ်လို့လဲ ဆိုတော့ Foreigner တော်တော် များများကျတော့ ၀ယ်လို့မှ မရတာ။ ၀ယ်လို့ မရတဲ့အတွက် သူတို့က ငှားရမ်းပြီးမှပဲ လုပ်ရမှာပဲ။ အဲဒီတော့ ဘာပဲပြောပြော လုံးချင်း အိမ်တွေ၊ ကွန်ဒိုတွေ၊ တိုက်ခန်းတွေ ဒီ့ထက်တောင် ပိုပြီး လိုသွားနိုင်တယ်။”

လက်ရှိ ပြည်တွင်းမှာ အမေရိကန်ဒေါ်လာဈေး ပြန်လည်မြင့်တက်လာတဲ့ တချိန်တည်းမှာပဲ တခြား အထွေထွေ ကုန်စည်တွေ အားလုံး လိုက်ပါ ဈေးတက် လာပါတယ်။ အခုတော့ မြင့်တက် လာတဲ့ ပြည်တွင်း ဆန်ဈေးနှုန်းနဲ့ အထွေထွေ စားသောက်ကုန် ဈေးနှုန်းတွေ ပြန်လည် တည်ငြိမ်လာရေး အတွက် စစ်အစိုးရက ပြည်ပ ဆန်တင်ပို့မှုကို ယာယီ ရပ်ဆိုင်း လိုက်ပါတယ်။

ပြည်တွင်း ကုန်ဈေးနှုန်းတွေ ကမ္ဘာ့ဈေးနှုန်းနဲ့အညီ လိုက်ပါ မြင့်တက်လာတိုင်း စစ်အစိုးရက ပြည်တွင်းက စီးပွားရေး သမားတွေကို ဖမ်းဆီးတာ၊ ပြည်ပ တင်ပို့မှု ပိတ်ပင်တာတွေကို အဆင်အမြဲ လုပ်ကိုင် လာတာပါ။ ဒါပေမဲ့ စီးပွားရေး သမားတွေကတော့ ကုန်ဈေးနှုန်းတွေဟာ တခုနဲ့တခု ဈေးနှုန်းအတက်အကျ ချိတ်ဆက်နေတာ ဖြစ်တဲ့အကြောင်းနဲ့ လက်ရှိ ဆန်ဈေးနှုန်း မြင့်တက် လာတာမှာလည်း လောင်စာဆီဈေးနှုန်း မြင့်တက်လာတာ၊ သယ်ယူပို့ဆောင်ရေး လုပ်ငန်းတွေမှာ အာဆီယံ စံချိန် စံညွှန်းနဲ့ အညီ သတ်မှတ် တန်ချိန်ပဲ သယ်ယူခွင့် ပြုလိုက်တာတွေကလည်း အကြောင်းရင်းတခု ဖြစ်တယ်လို့ ပြောကြားပါတယ်။


Ref: VOA News

Read More...

တိုက်လေယာဉ် ပထမအသုတ် မတ်လတွင် ရောက်မည်

စိုင်းဇွမ်ဆိုင်း
Wednesday, 02 March 2011

မြန်မာ့လေတပ်တွင် အသုံးပြုရန် ရုရှား နိုင်ငံမှ မှာယူထားသော MiG-29 အမျိုးအစား တိုက်လေယာဉ် အစီး ၂၀ အနက် ပထမ အသုတ် မတ်လ အတွင်း မြန်မာနိုင်ငံသို့ ရောက်ရှိ လာမည်ဖြစ်သည်။

ရုရှားနိုင်ငံမှ မှာယူထားသော တိုက်လေယာဉ်များမှာ MiG-29B အမျိုးအစား ၁၀ စီး၊ MiG-29SE တယောက်စီး ၆ စီးနှင့် အမောင်းသင် ၂ ဦးစီး ၄ စီး ဖြစ်ကြောင်း၊ ၎င်းတို့ အတွက် ကျသင့်သည့် တန်ဖိုးမှာ ယူရို သန်း ၄၀၀ (အမေရိကန် ဒေါ်လာ ၅၅၃ သန်း) ခန့် ရှိကြောင်း Flightglobal အွန်လိုင်း သတင်း စာမျက်နှာတွင် ဖော်ပြထားသည်။

ယင်းသို့ ဝယ်ယူမှုများသည် မြန်မာ့လေတပ်တွင် MiG-29 လေယာဉ်များ အသုံးပြုမှုကို တိုးမြှင့်ရန် ဖြစ်သည် ဟုလည်း အဆိုပါ သတင်းတွင် ရေးသားထားသည်။

MiG တိုက်လေယာဉ်များကို ရုရှားကုမ္ပဏီတခု ဖြစ်သည့် လူခိုဗစ်စီ ကုမ္ပဏီမှ ဝယ်ယူခဲ့ခြင်း ဖြစ်ပြီး အဆိုပါ လေယာဉ်များ အတွက် လေယာဉ် ကိုယ်ထည်များ၊ အပိုပစ္စည်းများကို ၁၉၈၀ နှစ်များ ကတည်းက ထုတ်လုပ်ခဲ့ခြင်း ဖြစ်သည်။

တိုက်လေယာဉ်များကို ဝယ်ယူခဲ့ရာတွင် နည်းပညာပိုင်းဆိုင်ရာ တပ်ဆင်မှုများ၊ အထောက် အပံ့များနှင့် Phazotron N-019 အမျိုးအစား ရေဒါများကိုပါ လေယာဉ်တွင် တပ်ဆင်ပေးမည် ဖြစ်ကြောင်း သိရှိရသည်။

ယခု ရောက်ရှိလာမည့် MiG-29 တိုက်လေယာဉ်များ ဝယ်ယူရန် ၂၀၀၉ ခုနှစ်ကုန်ပိုင်း တွင် သဘော တူခဲ့ခြင်း ဖြစ်သည်။ ၂၀၀၁ ခုနှစ် တွင်လည်း ယင်းအမျိုးအစား တိုက်လေယာဉ် ၁၂ စင်းကို မြန်မာ့ လေတပ်အတွက် ဝယ်ယူ ခဲ့သေးသည်။

၂၀၁၀ ပြည့်နှစ် ဇွန်လအတွင်းကလည်း တိုက်ချင်းပစ် ဒုံးကျည် အပြင် တခြား ဒုံးကျည်များ တပ်ဆင် နိုင်သည့် တရုတ် နိုင်ငံထုတ် K-8 အမျိုးအစား လေ့ကျင့်ရေး ဂျက်လေယာဉ် အစီး ၅၀ ကို လေ့ကျင့် သင်တန်းပေးရန်နှင့် စစ်ဆင်ရေးများတွင် အသုံးပြုရန် ဝယ်ယူခဲ့သည်။

တိုက်လေယာဉ်များသာမကဘဲ Antonov-148 (An-148) အမျိုးအစား ခရီးသည်တင် လေယာဉ် ၂ စီးကို ရုရှားနိုင်ငံ United Aircraft Corporation မှ လည်းကောင်း၊ MA-60 အမျိုးအစား ကုန်တင်လေယာဉ် ၃ စီးကို China National Aero-Techonology Import and Export Coporation မှ လည်းကောင်း စစ်အစိုးရက ဝယ်ယူမည်ဟု သတင်းများ ထွက်ပေါ် ခဲ့ဖူးသည်။

လာမည့် ဘတ်ဂျက်နှစ်တွင် စစ်အစိုးရက နိုင်ငံ့ဝင်ငွေ၏ လေးပုံ တပုံနီးပါးကို ကာကွယ်ရေးနှင့် စစ်ရေး အသုံး စရိတ် အတွက် အသုံးပြုမည်ဟု သတင်းများလည်း ထွက်ပေါ် နေသည်။

Ref: ဧရာဝတီ်

Read More...

၂၀၁၁ ဘတ်ဂျက် စစ်အသုံးစရိတ် များလွန်း

ကျော်ကျော်သိန်း
ဗုဒ္ဓဟူး, 02 မတ် 2011

၂၀၁၁-၂၀၁၂ ခုနှစ် ဘဏ္ဍာရေးနှစ်အတွက် အသုံးစရိတ်တွေကို မြန်မာ စစ်ကောင်စီက ခွဲဝေ ချမှတ် ပေးလိုက် တာမှာ ကာကွယ်ရေး အတွက် အသုံးစရိတ်က စုစုပေါင်း အသုံးစရိတ်ရဲ့ လေးပုံ တပုံ နီးပါး ရှိပါတယ်။ တဘက်မှာတော့ ပညာရေးနဲ့ ကျန်းမာရေး ဆိုင်ရာ အသုံးစရိတ် နှစ်ခုပေါင်းရင်တောင် ၅% ကျော်ကျော်လေးပဲ သတ်မှတ်ထားပါတယ်။ စစ်ရေးဆိုင်ရာ အသုံးစရိတ်ဟာ ကျိုးကြောင်း မဆီလျော်ဘဲ များလွန်းလှပြီး ပညာရေးနဲ့ ကျန်းမာရေး ကဏ္ဍမှာ အသုံးစရိတ်ငွေ နည်းလွန်းတာဟာ တိုင်းပြည်ရဲ့ အနာဂတ်ကို ထိခိုက် နစ်နာ စေတယ်လို့ ဝေဖန်သူတွေက ပြောပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်း ပေးပို့ ထားပါတယ်။

ပြီးခဲ့တဲ့ ဇန်န၀ါရီလ ၂၇ ရက်နေ့က ပြဋ္ဌာန်းခဲ့တဲ့ လာမယ့် ဘဏ္ဍာရေးနှစ်အတွက် ဘဏ္ဍာငွေ အရ အသုံးဆိုင်ရာ ဥပဒေမှာ ပါဝင်တဲ့ အသေးစိတ် လျာထား သတ်မှတ်ချက်တွေကို အင်္ဂါနေ့ မတ်လ ၁ ရက်နေ့က နိုင်ငံတော် ပြန်တမ်းမှာ ကြေညာခဲ့တာ ဖြစ်ပါတယ်။ ဥပဒေကို ပြဋ္ဌာန်းတုန်းကလည်း အကျယ်တ၀ံ့ ထုတ်ပြန် ကြေညာတာမျိုး မရှိခဲ့သလို အခုလည်းပဲ သာမန် ပြည်သူလူထု များရာစုကြီး ဖတ်ခွင့်ရဖို့ ခက်ခဲလှတဲ့ ပြန်တမ်းမှာပဲ ကြေညာခဲ့တာပါ။

အဲဒီကြေညာချက်အရ စစ်ဘက် အသုံးစရိတ်ကို ဘဏ္ဍာငွေ တခုလုံးရဲ့ ၂၃.၆%၊ ဈေးကွက် ပေါက်ဈေး အရ အမေရိကန် ဒေါ်လာနဲ့ ဆိုရင် ဒေါ်လာ သန်း ၂,၀၀၀ ကျော် သုံးစွဲဖို့ သတ်မှတ် ပေးထားပါတယ်။ ကျန်းမာရေး အတွက် အသုံးစရိတ်ကို ၁.၃%၊ အမေရိကန် ဒေါ်လာ သန်း ၁၁၀ ကျော်၊ ပညာရေးအတွက် အသုံးစရိတ်ကို ၄.၁၃%၊ အမေရိကန်ဒေါ်လာ သန်း ၃၅၀ နီးပါး အသီးသီး သတ်မှတ် ထားပါတယ်။

အခုလို စစ်ရေးအသုံးစရိတ်နဲ့ ကျန်းမာရေး၊ ပညာရေး ကဏ္ဍတွေအတွက် အသုံးစရိတ် အဆမတန် ကွာခြား နေတဲ့ အပေါ် အမျိုးသား ဒီမိုကရေစီ အဖွဲ့ချုပ် (NLD) ရဲ့ ပြောခွင့်ရပုဂ္ဂိုလ် ဦးဉာဏ်ဝင်းက အခုလို မှတ်ချက်ပေးပါတယ်။

“စစ်ရေး အသုံးစရိတ် အဲဒီလို မြင့်နေတာ တိုင်းပြည်တိုးတက်ရေး အတွက် ဘာမှ အကျိုး မရှိဘူးဗျ။ သူတို့က လုံခြုံရေး ဦးစားပေး ပြောနေပေမဲ့ လုံခြုံရေး အခက်အခဲက မရှိဘူး။ တကယ်တမ်း ကျတော့ လက်နက်ကိုင် အဖွဲ့အစည်းတွေ ဆိုတာလည်း နိုင်ငံရေးအရ ရှင်းလို့ရှိရင် ဒါတွေက ဒီလောက်အထိ သုံးစရာ မလိုဘူး။ ပညာရေး၊ ကျန်းမာရေးစရိတ် မမြင့်ဘဲနဲ့ တိုင်းပြည် တိုးတက်ဖို့ ဆိုတာ လုံးဝ မဖြစ်နိုင်ဘူး။”

အခုသတ်မှတ်ပေးလိုက်တဲ့ ဘဏ္ဍာငွေဟာ ၂၀၁၁ ခုနှစ်၊ ဧပြီလ ၁ ရက်နေ့ကနေ ၂၀၁၂ ခုနှစ်၊ မတ်လ ၃၁ ရက်နေ့ အထိ သုံးစွဲဖို့ ဖြစ်တာကြောင့် အခြေခံ ဥပဒေကို ပြဋ္ဌာန်း၊ ရွေးကောက်ပွဲတွေလုပ်၊ လွှတ်တော် အစည်းအဝေးတွေ ကျင်းပ နေတာတောင်မှပဲ စစ်အစိုးရကပဲ ရှေ့လာမယ့် အနာဂတ်ကို ကြိုတင် ဆုံးဖြတ် ပေးထားသလို ဖြစ်နေတယ်လို့ ဝေဖန်သူက ဗဟုဖွံ့ဖြိုးမှု အဖွဲ့က ဦးအောင်သူငြိမ်း ဖြစ်ပါတယ်။

“အဲဒီအနေအထား အခုတွေ့ရတဲ့ အခါကျတော့ အခုလက်ရှိ ၀န်ကြီးဌာန အသစ် ဘယ်လောက် ဖွဲ့မလဲ ဆိုတာ ဒါကို ကြို ဆုံးဖြတ် ပေးထားသလို ဖြစ်နေတယ်။ နောက်တခုက ကျတော့ အခု လွှတ်တော်က ခေါ်နေတဲ့ အချိန်မှာ ဒီ ဘတ်ဂျက်လောနဲ့ ပတ်သက်လို့ လွှတ်တော် အမတ်တွေက လုံးဝ ဆွေးနွေးပိုင်ခွင့် မရှိတဲ့ အနေအထားမျိုး ဖြစ်သွားတာပေါ့။”

ဘဏ္ဍာငွေ ဥပဒေကို ဇန်န၀ါရီလ ၂၇ ရက်နေ့မှာ ပြဋ္ဌာန်းခဲ့တာဖြစ်ပြီး လွှတ်တော် အစည်း အဝေးတွေက ဇန်န၀ါရီလ ၃၁ ရက်နေ့မှ စတင်တာ ဖြစ်တဲ့ အတွက် သူတို့ သတ်မှတ်ထားချက် အရ အခြေခံ ဥပဒေ အသက်ဝင်မယ့်နေ့ မတိုင်ခင်မှာပဲ ကြိုပြီး လုပ်ခဲ့တာပါ။ အခြေခံ ဥပဒေ ပုဒ်မ ၄၄၃ အရ ဖွဲ့စည်းပုံ အခြေခံဥပဒေ အကောင်အထည် ဖော်ရေးအတွက် ကြိုတင် ဆောင်ရွက်ဖို့ လိုအပ်တဲ့ လုပ်ငန်းရပ်တွေကို စစ်ကောင်စီက ဆောင်ရွက်ပေးဖို့ ပြဋ္ဌာန်းထားတယ် ဆိုတာကို ထောက်ပြီး လုပ်ခဲ့တာလည်း ဖြစ်ပါတယ်။

ဒီကိစ္စကို လွှတ်တော်မှာ တင်ပြ ဆွေးနွေးသင့်ပြီး စစ်အသုံးစရိတ် လျှော့ချနိုင်မယ့် နည်းလမ်းတွေ လုပ်သင့်သလို ပညာရေး၊ ကျန်းမာရေး တွေမှာ ပိုသုံးသင့်တယ်လို့ ဦးဉာဏ်ဝင်းက ထောက်ပြပါတယ်။

“တကယ်ဖြစ်သင့်တဲ့ ပုံစံက ဒီဘတ်ဂျက်ကို နအဖက မထုတ်သင့်ဘူး၊ နံပါတ်တစ်က၊ အခုဟာ နအဖက ထုတ်တာ။ ပြည်သူ့ လွှတ်တော်ကြီး စနေပြီ ဆိုရင် ပြည်သူ့ လွှတ်တော်ကသာ ဘတ်ဂျက်ကို အပြန်ပြန် အလှန်လှန် ဆွေးနွေးပြီးတော့ ထုတ်သင့်တယ်။ အဲတော့ ဒါ ထုတ်သင့်တဲ့ အပိုင်း။ နောက် ပညာရေး၊ ကျန်းမာရေးကို အသုံးစရိတ် အများကြီး ပေးပြီးတော့ တိုင်းပြည် အနာဂတ် အတွက် လုပ်ပေးရမယ်။ စစ်တပ် ဒါမှမဟုတ် ကာကွယ်ရေး စရိတ် ဆိုတာက ကျနော်တို့ နိုင်ငံရေးအရ မဖြေရှင်း ဘဲနဲ့တော့ ဒီဥစ္စာတွေက ဒီလိုပဲ ဖြစ်နေမှာပဲ။ တိုင်းရင်းသား အရေးတွေကို နိုင်ငံရေးအရ ဖြေရှင်းဖို့ဟာ နံပါတ်တစ်ပဲ။ အဲဒီလို ဖြေရှင်းရင် ဒီစရိတ်တွေကလည်း မလိုအပ် တော့ဘူး။”

ဗဟုအဖွဲ့က ဦးအောင်သူငြိမ်းကတော့ စစ်အာဏာရှင် အုပ်ချုပ်ရေးကနေ အခု ဒီမိုကရေစီ နိုင်ငံတခု အဖြစ် အသွင် ပြောင်းယူ ခဲ့တဲ့ အင်ဒိုနီးရှား နိုင်ငံကို နမူနာပေးပြီး ဝေဖန် သုံးသပ်ပြပါတယ်။

“အင်ဒိုနီးရှားနိုင်ငံမှာဆိုရင် တချိန်တုန်းက စစ်တပ်ရဲ့ ဘတ်ဂျက် အသုံးစရိတ်က ၁၀% ပဲ ရှိပါတယ်။ နောက်တခုက အင်ဒိုနီးရှား နိုင်ငံ အတွေ့အကြုံမှာ ကြည့်ရင် သူတို့က ကျန်းမာရေး၊ ပညာရေး၊ မြို့ပြ၊ ကျေးလက် ဖွံ့ဖြိုးရေး ကိစ္စတွေကို အများကြီး သုံးပါတယ်။ အခု အနေအထားမှာ ဆိုရင် ကျနော်တို့ တွေ့တဲ့ အခါကျတော့ ကျန်းမာရေး ကိစ္စတွေ ဘာတွေက တော်တော်နည်းတယ်။ ပညာရေး ကိစ္စတွေလည်း တော်တော်နည်းတယ် ဆိုတာ အနာဂတ် အတွက်တော့ မကောင်းဘူးလို့ ပြောရမှာပေါ့ဗျာ။”

ဘဏ္ဍာငွေ ခွဲဝေသုံးစွဲမှုနဲ့ ဆိုင်တဲ့ အသေးစိတ်တွေ ထွက်လာတဲ့ အချိန်မှာပဲ မြန်မာနိုင်ငံက ၂၀၀၉ ခုနှစ်မှာ မှာယူထားတဲ့ ရုရှားလုပ် MIG-29 တိုက်လေယာဉ် အသစ် အစီး ၂၀ ထဲက ပထမ အသုတ်ကို ဒီလထဲမှာ ရတော့မယ်လို့ Flightglobal ဆိုတဲ့ သတင်းဌာနက ဖော်ပြ လိုက်ပါတယ်။ အဲဒီ တိုက်လေယာဉ်တွေရဲ့ တန်ဖိုးဟာ အမေရိကန် ဒေါ်လာ ၅၅၃ သန်း ရှိတယ်လို့လည်း ဖော်ပြ ထားပါတယ်။ ဒါနဲ့ပတ်သက်ပြီး သီးခြား အတည်ပြုချက်တော့ မရပါဘူး။

မြန်မာစစ်အစိုးရဟာ တိုင်းပြည်နဲ့ မမျှတဲ့ စစ်အင်အားကို တည်ဆောက်နေပြီး လူထုရဲ့ သာယာ ၀ပြောရေး၊ ကျန်းမာရေးနဲ့ ပညာရေး တွေကို လျစ်လျူရှုထားတဲ့ အတွက် မြန်မာ လူထုဟာ ဆင်းရဲတွင်း နက်သထက်နက်၊ ပညာရေးနဲ့ ကျန်းမာရေး ချို့ယွင်းသထက် ချို့ယွင်း လာနေတယ်လို့ ပြည်တွင်းပြည်ပက ဝေဖန် ပြစ်တင်ကြပါတယ်။


Ref: VOA News

Read More...

ပုဂ္ဂလိက ကုမ္ပဏီများ ၀န်ထမ်းလစာတိုးရန် စီစဉ်

နရီလင်းလက်
Wednesday, 02 March 2011

အစိုးရ၀န်ထမ်းလစာ တိုးမြင့်သည်နှင့် အညီ ပုဂ္ဂလိက ကုမ္ပဏီကြီးများ၏ ၀န်ထမ်း လစာများ ကိုလည်း တိုးရန် စီစဉ် နေသည်ဟု သိရသည်။

စစ်အစိုးရနှင့် နီးစပ်သည့် စီးပွားရေး လုပ်ငန်းရှင်ကြီးများ ထူထောင်ထားသော အေးရှားဝေါလ်၊ မက်စ်မြန်မာ ၊ ထူးကုမ္ပဏီ ၊ တော်ဝင် ဆောက်လုပ်ရေး ကုမ္ပဏီ ၊ Alpine ကုမ္ပဏီ စသည့် နေပြည်တော် ဆောက်လုပ်ရေး စီမံကိန်းတွင် အဓိက တာဝန်ယူ တည်ဆောက် နေသည့် ကုမ္ပဏီကြီးများ ၊ အာဏာပိုင်များနှင့် နီးစပ်သည့် စီးပွားရေး လုပ်ငန်းရှင်များ ထူထောင် ထားသည့် ကုမ္ပဏီကြီးများရှိ ၀န်ထမ်း လစာများ တိုးမည်ဖြစ်သည်ဟု ပုဂ္ဂလိက ကုမ္ပဏီ အသိုင်း အ၀ိုင်းက ပြောသည်။

“အေးရှားဝေါလ် ဆိုရင် ဌာနတွေ အများကြီးရှိသလို စီမံကိန်းအလိုက် မြို့တွေမှာ ၀န်ထမ်း အင်အားတွေက အများကြီးလေ။ ပြီး ခဲ့တဲ့ တပတ်လောက်က စပြီး လူစာရင်းနဲ့ လုပ်သက်နှစ်တွေ ဘယ်လောက် ရှိလဲကို စာရင်းကောက် နေတယ်”ဟု အေးရှားဝေါလ် ရေအားလျှပ်စစ် စီမံကိန်း အင်ဂျင်နီယာ တဦးက ပြောသည်။

၎င်းက ဆက်၍“လစာတိုးပေးဖို့ အတွက် စာရင်းကောက်တာလို့ ပြောတယ်။ အခြေခံ ၀န်ထမ်းက အစ ၀န်ထမ်း အကုန်လုံး လစာ တိုးမယ် ကြားတယ်။ ဒါပေမယ့် လုပ်သက်နှစ်ပေါ် မူတည်ပြီး တိုးတဲ့ ပမာဏ ကွာခြားတာတော့ ရှိမယ်”ဟု ပြောသည်။

မည်သည့်လမှ စတင်၍ လစာတိုးမည်ကိုမူ တိတိကျကျ မသိရသေးဟုလည်း အဆိုပါ အင်ဂျင်နီယာက ဆိုသည်။

ရွေးကောက်ပွဲမတိုင်မီ နေပြည်တော်တွင် ပြုလုပ်သွားသည့် အထူးစီမံကိန်းများ အကောင် အထည် ဖော်ရေး အစည်းအဝေး တွင် အာဏာပိုင်များက တက်ရောက် ခဲ့သည့် စီးပွားရေး လုပ်ငန်းရှင်ကြီးများနှင့် ဆောက်လုပ်ရေး ကုမ္ပဏီ ၆၃ ခုကို ၀င်ရောက် လာမည့် နိုင်ငံခြား ကုမ္ပဏီများနှင့် ယှဉ်ပြိုင်နိုင်ရန် ၀န်ထမ်းလစာ နှုန်းများတိုးမြှင့်ပေးရန် ပြောဆိုခဲ့သည်ဟု နေပြည်တော် ဆောက်လုပ်ရေး စီမံကိန်းတွင် ပါဝင်သည့် ကုမ္ပဏီတခုမှ တာဝန်ရှိသူတဦးက ပြောသည်။

“အဲဒီတုန်းက နေပြည်တော်အဆောက်အအုံတွေကို မြန်မြန်ပြီးစီးအောင် လုပ်ဖို့ အပြင် ထူးခြားတာ တခုကို ထည့်ပြော သွားတယ်၊ နောက်ပိုင်းမှာ ပြည်ပ ရင်းနှီးမြှပ်နှံမှုတွေကို လက်ခံလို့ ၀င်လာရင် အဲဒီကုမ္ပဏီမှာ လစာ အခြေခံ ကျပ် ၁ သိန်း ပေးနေပြီး ပြည်တွင်း ကုမ္ပဏီက ၄-၅ သောင်း ဖြစ်နေလို့ မရဘူး ဆိုပြီး ပြောခဲ့တယ်။ ဒါကြောင့်လည်း ပြည်တွင်း ကုမ္ပဏီတွေ အင်အားကြီးအောင် တခုခုဆို ပုဂ္ဂလိက ကိုပဲ လုပ်ပိုင်ခွင့်တွေ ချပေးနေတာ ဆိုပြီး ပြောသွားဖူးတယ်။ ဒီအတိုင်း အကောင် အထည်ဖော်ပြီး လူကြီးတွေ ကျေနပ်အောင် လုပ်ပေးတော့ သူတို့ အတွက်လည်း လုပ်ငန်း အလားအလာ ကောင်းမယ်။ အာဏာပိုင်တွေ ဘက်ကလည်း အစိုးရ လစာ တခုတည်း တိုးတာ မဟုတ်တော့ဘူး ဆိုပြီး ပြန်ပြောလို့ ရသွားတာပေါ့” ဟု တော်ဝင် ဆောက်လုပ်ရေး ကုမ္ပဏီနှင့် နီးစပ်သူတဦးက ဧရာဝတီကို ပြောသည်။

လက်ရှိ အခြေအနေတွင် လစာနှုန်း တိုးမြှင့်ပေးသည်ထက် ရှားပါးစရိတ် ၊ ကျန်းမာရေး စရိတ် ၊ ခရီးစရိတ် ကဏ္ဍများတွင် တိုးပေးနိုင်ရန် စီစဉ် နေသည်ဟုလည်း ၎င်းက ဆိုသည်။

“သူတို့ပြောသလို လိုက်တိုးဖို့ဆိုတာလုပ်ငန်း ၄ ၊ ၅ ခုလောက်ပိုင်နေပြီး ၀င်ငွေ နည်းပေါင်းစုံနဲ့ ရနေတဲ့ ကုမ္ပဏီတွေပဲ တိုးနိုင်မှာ၊ အစိုးရ ၀န်ထမ်းတွေ၊ ကုမ္ပဏီကြီးတွေ လိုက်တိုး နိုင်ရင်တောင် ကုမ္ပဏီ အသေးစား လေးတွေက ၀န်ထမ်းတွေ ကြားထဲက ဒုက္ခ ရောက်မှာပေါ့” ဟု မက်စ်မြန်မာ ကုမ္ပဏီ စာရင်းဌာနမှ အရာရှိ တဦးက ပြောသည်။

အလုပ်သမားဝန်ကြီးဌာနမှ တရားဝင်သတ်မှတ်ထားသော စည်းကမ်းချက်များတွင် ကုမ္ပဏီ ၀န်ထမ်း လစာသည် အစိုးရ လစာထက် မကျော်ရဟု ပါရှိကြောင်း ၎င်းက ဆိုသည်။


မက်စ်မြန်မာ အရာရှိကဆက်၍“လောလောဆယ် ဘတ်ဂျက်ကို ချိန်နေရတာပေါ့၊ ကုမ္ပဏီကြီးတွေတိုင်း မှာတော့ တနှစ်စာ တွက်ချက် ထားတာတွေ ရှိတယ်။ တယောက်တည်း တိုးတာ မဟုတ်ဘူး။ တလတည်း တိုးတာ မဟုတ်တော့ ချိန်ရတာတွေနဲ့ ကုမ္ပဏီ ၀င်ငွေ အင်အားတောင့်မှ ဖြစ်မှာလေ။ ဒီတော့ ဘယ်လောက် ရာခိုင်နှုန်းစီ တိုးမယ် ဆိုတာတော့ တိတိကျကျ မသတ်မှတ် ရ သေးဘူး။ အခြေခံ ကတော့ ၀န်ထမ်းရဲ့ လုပ်သက်ပေါ် မူတည်ပြီး ရတဲ့ အချိုးတွေက ပြောင်းလဲမယ်”ဟု ပြောသည်။

“လစာအနေနဲ့ ကျော်ပေးလို့ မရတော့ ခေါင်းစဉ် အမျိုးမျိုးတပ်ပေးရတာပေါ့။ အစိုးရ ၀န်ထမ်းလစာ တက်ရင် ကုမ္ပဏီတွေက လည်း ရှားပါး စရိတ် ဆိုပြီး အမည်ခံ တက်ပေးကြတယ်။ အရင်က တက်တုန်းကလည်း ဒီလိုပဲ ပေးတာဆိုတော့ အတွေ့အကြုံတော့ ရှိတယ်။ မတိုးပေးလို့ ကလည်း မရဘူးလေ။ အပြင်မှာ ဈေးတွေက အကုန် တက်နေတော့ လိုက်မညှိ ပေးနိုင်ရင် ပြဿနာ ရှိတယ်။ အခု လတော့ မသေချာဘူး။ ဧပြီလ လောက်မှ စတိုးလောက်မယ်” ဟု Alpine ကုမ္ပဏီ ၀န်ထမ်းရေးရာ ဌာနမှ ၀န်ထမ်း တဦး က ပြောသည်။

မကြာမီဖြစ်ပေါ်လာမည့် အစိုးရအသစ်က ၀န်ထမ်းများကို အာဆီယံနှုန်းထားနှင့် အညီ လစာများ ပေးမည် ဖြစ်ပြီး အစိုးရ ဝန်ထမ်း လစာများကို ဧပြီလကုန်မှ စတင်၍ နဂိုရှိရင်းစွဲ လစာထက် ၃.၈ ဆခန့် တိုးမြှင့် ပေးတော့မည်ဟု သတင်းများ ထွက်ပေါ်နေသည်။

အဆိုပါ သတင်း ထွက်ပေါ်ပြီးနောက်ပိုင်း ဆန်၊ ဆီမှစ၍ အခြေခံစားသောက်ကုန် ဈေးနှုန်းများ မြင့်တက် သွားသည်။


Ref: ဧရာဝတီ်

Read More...

လွှတ်တော် မူကြမ်းကော်မတီ ဥက္ကဋ္ဌ ရာထူးကြောင့် ဒွိဟပွား

ကိုဝိုင်း |
ဗုဒ္ဓဟူးနေ့၊ မတ်လ ၀၂ ရက် ၂၀၁၁

ချင်းမိုင် (မဇ္ဈိမ) ။ ။ အမျိုးသားလွှတ်တော်နှင့် ပြည်သူ့လွှတ်တော်နှစ်ရပ် ဥပဒေ မူကြမ်း ကော်မတီ ဥက္ကဋ္ဌများသည် သူတို့၏ လွှတ်တော် ဒုဥက္ကဋ္ဌ တာဝန်များမှ နုတ်ထွက်သင့် မသင့်နှင့် ပတ်သက်၍ အမတ်များ အကြား မရှင်းမလင်း ဖြစ်နေသည်။

အင်္ဂါနေ့က ပြည်သူ့လွှတ်တော်နှင့် အမျိုးသား လွှတ်တော် “ဥပဒေကြမ်းကော်မတီအဖွဲ့” စာရင်းကို သက်ဆိုင်ရာ လွှတ်တော် ဥက္ကဋ္ဌများက ကြေညာခဲ့ရာ ပြည်သူ့လွှတ်တော် ဒုဥက္ကဋ္ဌ ဦးနန္ဒကျော်စွာနှင့် အမျိုးသား လွှတ်တော် ဒုဥက္ကဋ္ဌ ဦးမြညိမ်းတို့လည်း ပါဝင်နေသည်။ ထို့နောက် သူတို့ကို ကော်မတီ ဥက္ကဋ္ဌများအဖြစ် လွှတ်တော် ဥက္ကဋ္ဌများကပင် ခန့်အပ်ခဲ့သည်။

လွှတ်တော်ဆိုင်ရာ ဥပဒေနှင့် နည်းဥပဒေမှ လွှတ်တော်ကော်မတီဝင် အဖြစ်မှ ရပ်စဲခြင်း၌ “အောက်ဖော်ပြပါ ရာထူး တခုခုသို့ ရွေးချယ် တင်မြှောက် ခံရပါက ကော်မတီဝင် အဖြစ်မှ အလိုအလျောက် ရပ်စဲသည်။ (၁) လွှတ်တော် ဥက္ကဋ္ဌ၊ (၂) လွှတ်တော် ဒုဥက္ကဋ္ဌ” ဟု ဖွင့်ဆိုထားမှု အပေါ် မရှင်းလင်းကြခြင်း ဖြစ်သည်။

“တကယ်တော့ လွှတ်တော် ဒုဥက္ကဋ္ဌဖြစ်ရင် ကော်မတီဝင်ကို လုပ်လို့မရတော့ဘူး။ သူက သီးသန့် ဥက္ကဋ္ဌ လုပ်ရင် ကော်မတီ ဝင်က သပ်သပ် ၁၅ ယောက်ရွေး။ ကော်မတီဝင် ၁၅ ဦးနာမည် ကြေညာတဲ့ အခါမှာ မနေ့ကလည်း ဒုဥက္ကဋ္ဌ အဖြစ်ကနေ မနုတ်ထွက်ဘူး” ဟု အမတ်တဦးက မဇ္ဈိမကို ပြောသည်။

“ကော်မတီဝင်ဆိုတာ ဥက္ကဋ္ဌအပါအဝင် ၁၅ ယောက်လုံးပဲလေ။ ဥပဒေနဲ့ မညီညွတ်ဘူးလို့ ထောက်လို့ ရတာပဲ။ ဒါပေမဲ့ လွှတ်တော် ဥက္ကဋ္ဌရဲ့ လုပ်ပိုင်ခွင့် ဆိုတဲ့ ပုံစံမျိုးနဲ့ သူက ကြေညာလိုက်တယ်။ ကြေညာလိုက်တဲ့ လူတွေကိုပဲ သီးသန့် ခေါ်တွေ့ပြီးတော့ သူတို့ လုပ်နိုင် မလုပ်နိုင် မေးတယ်။ လွှတ်တော်ကို ကန့်ကွက်ဖို့ တောင်းတာလည်း မဟုတ်ဘူး။ ချပေးတာပဲ” ဟု အခြားအမတ် တဦးက ပြောသည်။

ကော်မတီဥက္ကဋ္ဌသည် ကော်မတီအစည်းအဝေးများ၏ သဘာပတိဖြစ်ပြီး ဥက္ကဋ္ဌ မရှိပါက ကော်မတီ ဝင်များက မိမိတို့ ထဲမှ ရွေးကောက် တင်မြှောက်သော ကော်မတီဝင်သည် အစည်းအဝေး သဘာပတိ အဖြစ် ဆောင်ရွက်ရမည် ဟုလည်း လွှတ်တော် နည်းဥပဒေတွင် ဖော်ပြ ထားသဖြင့် ဥက္ကဋ္ဌသည် ကော်မတီဝင်သာဖြစ်သည်ဟု အမတ်တဦးက ထောက်ပြသည်။

ကော်မတီ၏ အစီရင်ခံစာတင်ပြခြင်း နည်းဥပဒေတွင်လည်း ကော်မတီဥက္ကဋ္ဌမရှိလျှင် သဘာပတိ တာဝန် ထမ်းဆောင်သော ကော်မတီဝင် တဦးက လက်မှတ်ရေးထိုး တင်ပြ နိုင်သည်ဟုလည်း ဖော်ပြထားရာ “ပထမ တခေါက်ရွေးရင် ဒီတယောက် ဖြစ်မယ်ဗျာ၊ နောက်တခေါက် ရွေးရင် နောက်တယောက် ဖြစ်နိုင်တယ်။ သဘာပတိသည် ပုံသေ မဖြစ်နိုင်ဘူး။ ကော်မတီဝင် တွေက သဘာပတိ နေရာမှာလည်း ထမ်းဆောင်နိုင်တဲ့ အတွက် ဥက္ကဋ္ဌသည် ကော်မတီဝင်နဲ့ ဘာမှ မထူးတဲ့ ပုံစံဖြစ်တဲ့ အတွက် ဥက္ကဋ္ဌသည်လည်း ကော်မတီဝင်လို့ ယူဆလို့ ရနေတာပဲ” ဟု အမတ်က ထောက်ပြသည်။

ထပ်မံဖွဲ့စည်းရဦးမည့် လွှတ်တော်အခွင့်အရေး ကော်မတီ၌မူ လွှတ်တော် ဒုဥက္ကဋ္ဌသည် “ရာထူးအလျောက်” ကော်မတီ၏ ဥက္ကဋ္ဌအဖြစ် ဆောင်ရွက်ရမည်ဟု ဖော်ပြ ထားသော်လည်း ဥပဒေမူကြမ်း ကော်မတီ၌မူ ယင်းသို့ ဖော်ပြထားခြင်း မရှိကြောင်း အမတ်တဦးက ဆိုသည်။

“မနေ့က ခန့်ကတည်းက နည်းဥပဒေမှာ သူညွှန်ထားတာနဲ့တော့ နည်းနည်း ကွဲလွဲ နေတယ်လေ။ လွှတ်တော် အခွင့်အရေး ကော်မတီမှာ ဥက္ကဋ္ဌ လုပ်ရမှာ ဥပဒေမူကြမ်း ကော်မတီမှာ လာလုပ်နေတယ်။ လွှတ်တော် အခွင့်အရေး ကော်မတီ ဖွဲ့ရဦးမယ်လေ။ ဘယ်သူ ဥက္ကဋ္ဌဖြစ်မလဲ ပြန်စောင့်ကြည့်ရဦးမယ်။ ဒါတွေကလည်း အသစ်အဆန်းတွေ ဆိုတော့” ဟု သူက ပြောသည်။

ကြံ့ခိုင်ရေးအမတ် ဦးတင်အေးကို ပါတီဝင်ဖြစ်ခွင့် မရှိသဖြင့် ရွေးကောက်ပွဲ ကော်မရှင် ဥက္ကဋ္ဌ အသစ်နေရာ ခန့်အပ်စဉ် ကလည်း ကြံ့ခိုင်ရေး အမတ် အဖြစ်မှ နုတ်ထွက်ကြောင်း လွှတ်တော်သို့ တရားဝင် မကြေညာခဲ့သဖြင့် လွှတ်တော် ဒုဥက္ကဋ္ဌများလည်း လျှို့ဝှက်ပြီး နုတ်ထွက် ထားကြမလားဟု သံသယများလည်း ရှိနေကြသည်။

၂ဝဝ၈ ဖွဲ့စည်းပုံဥပဒေ ပုဒ်မ ၁၃၇ (ခ) နှင့် ၁၅၇ (ခ) တို့တွင်မူ နည်းဥပဒေ၊ စည်းမျဉ်း သို့မဟုတ် စည်းကမ်း တရပ်ရပ်သည် သက်ဆိုင်ရာ ဥပဒေပါ ပြဋ္ဌာန်းချက်များနှင့် ညီညွတ်မှု မရှိကြောင်း တွေ့ရှိပါက ပယ်ဖျက်ရန် သို့မဟုတ် ပြင်ဆင်စေရန် နည်းဥပဒေ၊ စည်းမျဉ်း သို့မဟုတ် စည်းကမ်း ဖြန့်ဝေတင်ပြသော နေ့ရက်မှ ရက်ပေါင်း ၉ဝ အတွင်း အဆို တင်သွင်းနိုင်သည်ဟု ဖော်ပြထားသည်။

Ref: မဇ္ဈိမ

Read More...

တပ်ပြေးများ ထိုင်းနိုင်ငံဘက် ရောက်လာ

Wednesday, 02 March 2011

ကရင်ပြည်နယ် မြ၀တီခရိုင် သင်္ကန်းညီနောင် တပ်နယ်မှ နအဖ တပ်ဖွဲ့ဝင်၂ ဦးသည် မိသားစု ၀င်များနှင့်အတူ ယမန်နေ့က ထိုင်းနိုင်ငံ မဲဆောက်မြို့သို့ ထွက်ပြေး ရောက်ရှိလာသည်။

ထွက်ပြေးလာသူ၂ ဦးမှာ သင်္ကန်းညီနောင် တပ်နယ်ရှိ (စကခ) ၁၉ လက်အောက်ခံ ခလရ ၆၁ တပ်ရင်းမှ ကိုယ်ပိုင်အမှတ် (တ/၂၆၆၈၈၁) ဒု တပ်ကြပ် ကျော်မျိုးသူ ၂၇ နှစ်နှင့် ကိုယ်ပိုင်အမှတ် (တ/၄၁၇၂၉၆) တပ်သား အောင်ကျော်မိုး ၁၉ နှစ် တို့ဖြစ်ပြီး မဲဆောက်မြို့ရှိ ပြည့်သူ့ စေတနာ့ ၀န်ထမ်း အသင်း (PVA)သို့ ရောက်ရှိလာခြင်း ဖြစ်သည်။

နအဖ တပ်အတွင်း ကြီးနိုင်ငယ်ညှဉ်း မတရားဖိနှိပ်မှုများကို မခံနိုင်သောကြောင့် တပ်ကိုစွန့်ခွာ ထွက်ပြေးရခြင်း ဖြစ်သည် ဟု ယခု ထွက်ပြေး လာသူများက ပြောသည်။

ဒု တပ်ကြပ် ကျော်မျိုးသူ က“တပ်မှာက ဖိနှိပ်မှုအတော့ကို ဆိုးတယ်၊ ရဲဘော်ရဲဘက်စိတ် ဆိုတာက တပ်ထဲမှာ မရှိတော့ဘူး၊ ကြီးနိုင် ငယ်ညှဉ်းပဲ၊ အထက် အရာရှိကနေ စပြီး အကြပ်တွေ အထိ၊ အောက်ခြေ ရဲဘော်တွေ ဆိုရင် လူလိုသူလို သူတို့မဆက် ဆံဘူး၊ ရှေ့တန်းမှာဆို ပိုဆိုးတယ်၊ သတ်ကွင်းထဲ ရဲဘော်တွေကို အတင်း တိုးခိုင်းတာတွေ၊ မိုင်းကွင်းထဲ တိုးခိုင်းတာတွေက အစ အမိန့် ဆိုပြီး အတင်း တက်ခိုင်းတယ်၊ ဒီထက်မက ဆိုးတဲ့ ပြဿနာတွေ အများကြီး ရှိသေးတယ်”ဟု ဧရာဝတီသို့ ပြောသည်။

နအဖ တပ်အတွင်း ဒု တပ်ကြပ်တဦး၏ လစာမှာ ကျပ် ၄ သောင်း ၇ ထောင်ဖြစ်သော်လည်း ဘဏ်စုငွေ ၃ ထောင်ကို မဖြစ် မနေ ဖြတ်တောက်သည့် အပြင် အခြား သာရေး နာရေး အမည်ခံ ခေါင်းစဉ်များ ဖြင့်လည်း ဖြတ်သဖြင့် လစာ၏ ၃ ချိုး ၁ ချိုးခန့် ပုံမှန် ဖြတ်တောက် ခံရကာ မိသားစု ၀မ်းရေးနှင့် ရှေ့ရေး အတွက် တပ်ကို စွန့်ခွာရခြင်း ဖြစ်သည်ဟုလည်း ဒု တပ်ကြပ် ကျော်မျိုးသူ က ပြောဆိုသည်။

မိသားစုဝင် ၃ ဦးရှိသည့် ဒုတပ်ကြပ် ကျော်မျိုးသူနှင့်အတူ လိုက်ပါလာသည့် အိမ်ထောင်သည် တပ်သား အောင်ကျော်မိုး ကလည်း သာမန် အရပ်သား အဖြစ် နေထိုင်လိုသဖြင့် ဇနီးသည်နှင့် အတူ တပ်ကို စွန့်ခွာလာခြင်း ဖြစ်သည်ဟု ပြောသည်။

၎င်းကလည်း"တပ်ထဲမှာရဲဘော်တွေရဲ့ဘ၀က ရှေ့တန်းမှာဆိုရင်အသေခံပြီး တိုက်နေရတယ်၊ ကျနော်တို့နဲ့ အတူ ဖလူး တိုက်ပွဲမှာ ကျဆုံးသွားတဲ့ ရဲဘော်တွေရဲ့ ကျန်ခဲ့တဲ့ မိသားစုတွေကို တပ်က ဘာအကူအညီမှ ပေးတာ မရှိဘူး၊ ဒါကိုလည်း အားလုံး သိကြပါတယ်၊ အပြင်လောကမှာ ဆိုရင်လည်း အရပ်သားတွေက စစ်သားဆိုရင် သိတ်ပြီးတော့ အလေး ပေးတာတွေ မေတ္တာ ထားတာတွေ မရှိသလောက်ဘဲ၊ ဒါကြောင့် တပ်ထဲက ထွက်လာတာ ဖြစ်တယ်”ဟု ဆိုသည်။

အဆိုပါစစ်သည် ၂ ဦးကို အကူအညီပေးထားသည့် PVA အသင်း၏တာဝန်ခံ ဦးသိန်းဆန်း က “ဒုက္ခရောက်လာတဲ့ လူတွေကို ကူညီပေးတာ ဖြစ်တယ်၊ စစ်သား ဖြစ်စေ၊ အရပ်သား ဖြစ်စေ ကူညီပေးပါတယ်၊ လူမှုရေးအဖွဲ့ ဖြစ်တဲ့အတွက် လူသားခြင်း စာနာစိတ်နဲ့ အကူအညီ ပေးတာဖြစ်ပါတယ်"ဟု ပြောသည်။

ကရင်ပြည်နယ်အတွင်း တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) တပ်မဟာ ၅ နှင့် ဖြစ်ပွားနေသည့် တိုက်ပွဲများတွင် အထက် အရာရှိများ၏ မဆင်မခြင် လုပ်ရပ်များကြောင့် အောက်ခြေရဲဘော် အများစုမှာ ထိခိုက်သေကြေ မှုများနှင့် ရင်ဆိုင် ကြရသဖြင့် စိတ်ဓာတ်ကျကာ တပ်မှ ထွက်ပြေးမှုများ နေ့စဉ်နီးပါး ရှိသည်ဟု ဒုတပ်ကြပ် ကျော်မျိုးသူ က ဆိုသည်။

ယမန်နှစ် နိုဝင်ဘာလမှစ၍ ယနေ့အထိ ကရင်ပြည်နယ် အတွင်းရှိ စစ်မြေပြင်များမှ နည်းမျိုးစုံဖြင့် တပ်ကို စွန့်ခွာ ထွက်ပြေး ရောက်ရှိ လာသည့် နအဖ တပ်ဖွဲ့ဝင် ၂၀၀ ကျော်ရှိပြီဟု ကရင် အမျိုးသား အစည်းအရုံး(KNU) နှင့် DKBA အဖွဲ့ တာဝန် ရှိသူများက ပြောသည်။

ဗိုလ်မှူးကြီး စောလားပွယ်(ဗိုလ်နှုတ်ခမ်းမွေး) ဦးဆောင်သည့် အဆိုပါ DKBA တပ်မဟာ ၅ တပ်ဖွဲ့သည် နယ်ခြားစောင့်တပ် ဖွဲ့စည်းရေးကို လက်မခံဘဲ ရွေးကောက်ပွဲ ကျင်းပနေသည့် ၂၀၁၀ နိုဝင်ဘာ ၇ ရက်နှင့် ၈ ရက်နေ့များမှ စတင်၍ ကရင်ပြည်နယ် အတွင်းရှိ နအဖ တပ်များကို တိုက်ပွဲများ ဆင်နွှဲနေခဲ့သည်။

Ref: ဧရာဝတီ်

Read More...

ကော့ကရိတ်မြို့ လူထုကို ဒီကေဘီအေ ဆက်ကြေးကောက်မယ်လို့ နအဖ က ဝါဒဖြန့် ခြိမ်းခြောက်

March 2, 2011

ဒီကေဘီအေ တပ်မှူးတွေ ဓါတ်ပုံနဲ့အတူ တွေ့ရင်အကြောင်းကြားပေဖို့ စကခ ၁၂ ဖုန်းနံပါတ်ပါတဲ့ ကြော်ငြာ စာတွေကို မတ်လ ၁ ရက်နေ့က ကော့ကရိတ်မြို့နေရာ အတော်များများမှာ ကပ်ထားတာ တွေ့ရတယ်လို့ ကုန်သည်တွေ ထံမှတဆင့် ကြားသိ ရပါတယ်။

ကော့ကရိတ်မြို့က ကပ်ထားတဲ့ စာတွေကို တွေ့ခဲ့တဲ့ ကုန်သည်တဦး ပြောပြတာကတော့ …

“ကျနော်တို့တွေ့ခဲ့တာ ကော့ကရိတ် ၇ ရပ်ကွက်မှာ၊ သူတို့ကပ်ထားတဲ့ ပုံတွေက ပြန်တိုက်တဲ့ ဒီကေဘီအေ အဖွဲ့က ဗိုလ်မှူး ကျော်သက်နဲ့ ဗိုလ်မှူးဆန်းအောင် တို့ရဲ့ ပုံတွေပါ၊ ဒီနှစ်ယောက်ကို တွေ့ရင် စကခ ၁၂ ကို အ ကြောင်းကြားဘို့ ဖုန်းနံပါတ် တခုလည်းပါ ပါတယ်။ ရေးထားတဲ့ စာတွေ ကတော့ဗျာ ဒီအဖွဲ့တွေဟာ ငတ်နေပြီ လူထုဆီက အတင်း ခြိမ်းခြောက်ပြီး ဆက်ကြေး ကောက်တာ လုပ်လိမ့်မယ် ဘာညာပေါ့နော်။ အဲဒီလောက်ပါပဲ” လို့ ပြောပြသွားပါတယ်။

ဒီအခြေအနေနဲ့ ပတ်သက်လို့ ဒီကေဘီအေ ဗိုလ်မှူးကျော်သက် ကို မေးမြန်ကြည့်တဲ့ အခါမှာတော့ ..

“အဲဒီလိုလုပ်တဲ့ သူတို့ ရည်ရွယ်ချက်က ကျနော်တို့ လူထုကို ကျနော်တို့နဲ့ မဆက်စပ်အောင် လုပ်တာပါ။ ကျနော်တို့ ဘက်က ကိုယ့်လူထုကို ခြိမ်းခြောက်ဘို့ အနိုင်ကျင့်ဘို့ မလိုပါဘူး။ ကျနော်တို့ လူထုက မထောက်ခံဘူး၊ လူထုက မချစ်ဘူး။ နအဖကို ထောက်ခံတယ် ဆိုရင် ကျနော်တို့ တော်လှန်ရေး နှစ်ပေါင်း ၆၀ ကျော် ဘယ်လိုလုပ် ရပ်တည် နိုင်မှာတုန်း။ နအဖ စစ်အပ်စု ကသာ လူထုကို တလျောက်လုံး အနိုင်ကျင့် လာခဲ့တာဖြစ်လို့ လူထု ထောက်ခံတာတို့ လူထုက ချစ်တာတို့ ဘယ်တုန်းကမှာ ခံစားဘူးခဲ့တာ မဟုတ်ဘူး။ ကျနော်တို့ မာနယ်ပလော တိုက်ပွဲတုန်းက တပ်ပျက်ပြီး သံလွင်မြစ်ထဲမှာ ကစဥ့်ကလျား ပြေးနေကြတဲ့ နဝတ တပ်တွေကို တွေ့ရာ လူထုက သုတ်သင် ချေမှုန်း လိုက်တာဖြစ်တယ်။ အခု သူတို့ ဓါတ်ပုံတွေနဲ့ စာကပ်တယ် ဆိုတာကလဲ လူထု အနေနဲ့ ကျနော်တို့ကို မကူညီအောင် နအဖ က လူထုကို ခြိမ်းခြောက်တာသာ ဖြစ်တယ်” လို့ ရှင်းပြ သွားပါတယ်။

ဒီကေဘီအေနဲ့ နအဖတို့ တိုက်ပွဲတွေ စဖြစ်ခဲ့တဲ့ ၂၀၁၀ နိုဝင်ဘာ ၈ နေ့ မြဝတီမြို့ထဲ တိုက်ပွဲ တုန်းကလည်း မြဝတီမြို့က လူထုပိုင် ပစ္စည်းတွေကို ဒီကေဘီအေ တပ်ဖွဲ့တွေက လုယက်တာ၊ မီးရှို့တာ၊ ဖျက်ဆီး ခဲ့တာတွေ မလုပ်ခဲ့တဲ့ အပြင် မြို့တွင်း တိုက်ပွဲ ဖြစ်နေတဲ့ အချိန်မှာကိုပဲ လူထုတချို့က ဒီကေဘီအေ တပ်ဖွဲ့ဝင်တွေရဲ့ အခက်အခဲ တွေကိုတောင် ဝိုင်းဝန်း ဖြေရှင်း ပေးခဲ့တာ တွေကို ဒေါနမြေက ဖြန့်ချိတဲ့ မြဝတီတိုက်ပွဲ မှတ်တမ်း ရုပ်သံမှာ ဖေါ်ပြ ထားတာ တွေ့ရှိခဲ့ရပါတယ်။

Ref: နေ့သစ်

Read More...

ကချင်ကို စစ်အင်အားသုံး ဖြေရှင်းမည်ဟု စရဖ ခြိမ်းခြောက်

ဖနိဒါ
ဗုဒ္ဓဟူးနေ့၊ မတ်လ ၀၂ ရက် ၂၀၁၁

ချင်းမိုင် (မဇ္စျိမ) ။ ။ ကချင်လွတ်မြောက်ရေးအဖွဲ့ KIO ကို စစ်အင်အားသုံး ဖြေရှင်းမည်ဟု မြောက်ပိုင်းတိုင်း စစ်ဌာနချုပ် စစ်ဘက်ရေးရာ လုံခြုံရေးတပ် ဒုဗိုလ်မှူးကြီး သက်ပုံက အကြိမ်ကြိမ် ခြိမ်းခြောက် ပြောဆိုကြောင်း KIO သတင်း ရပ်ကွက်က ပြောသည်။

ဒုဗိုလ်မှူးကြီးသက်ပုံက မြစ်ကြီးနားရှိ KIO ဆက်ဆံရေးရုံး တာဝန်ခံ ဗိုလ်မှူးကြီး ဂျီးနောင်ကို ဖေဖော်ဝါရီ ၂၈ ရက်နေ့ ညနေပိုင်းတွင် မြစ်ကြီးနား မြို့ပြင်ရှိ စရဖ ရုံးတွင် တွေ့ဆုံကာ ပြောဆိုခဲ့ခြင်း ဖြစ်သည်။

ကချင်ပြည်နယ် ဗန်းမော်ခရိုင် လွယ်ဂျယ်မြို့ အကောက်ခွန်ရုံးရှေ့တွင် အဝေးထိန်း ခလုတ်ဖြင့် ဖောက်ခွဲ နိုင်သော အပြင်းစား TNT ယမ်းမှုန့်ဖြင့် ပြုလုပ်ထားသော မိုင်းဗုံး ၁ဝ လုံးကို တွေ့ရှိပြီးနောက် KIO လက်ချက်ဟုလည်း ဒုဗိုလ်မှူးကြီး သက်ပုံက စွပ်စွဲ လိုက်သည်။

“KIO က အခုလို လုပ်လာတဲ့အတွက် နိုင်ငံတော် အစိုးရအနေနဲ့ စစ်အင်အားသုံး ဖြေရှင်းမယ် ဆိုတာ အကြိမ်ကြိမ် ပြောတယ်။ ဒီဗုံးက KIO လုပ် ဗုံးဖြစ်တယ်၊ အစိုးရကို ရန်စတာ ဖြစ်တယ်၊ (KIO လက်အောက်ခံတပ်) KIA တပ်မဟာ ၃ ရဲ့ လက်ချက် ဖြစ်တယ် ဆိုပြီး စွပ်စွဲတာ” ဟု KIO အရာရှိ တဦးက မဇ္ဈိမကို ပြောသည်။

အစိုးရအနေဖြင့် စိတ်ရှည်သည်းခံနိုင်သည့် အတိုင်းအတာ ကုန်လာပြီဟု ဒုဗိုလ်မှူးကြီး သက်ပုံက ပြောခဲ့ သေးသည်။

စရဖ-KIO တွေ့ဆုံပွဲနှင့် ပတ်သက်ပြီး KIO ဗဟိုကော်မတီဝင်များ အရေးပေါ် အစည်း အဝေးကို အင်္ဂါနှင့် ဗုဒ္ဓဟူးတွင် လိုင်ဇာ ဌာနချုပ်၌ ပြုလုပ်ကြောင်း KIO အရာရှိတဦးက ပြောသည်။

မိုင်းဗုံးများ တွေ့ရှိရာ ဒေသသည် KIA တပ်မဟာ ၃ ထိန်းချုပ်နယ်မြေထဲတွင် ဖြစ်သည်။ သို့သော် KIO ဗုံး မဟုတ်သလို၊ စစ်အစိုးရ လုပ်ကြံမှုဟု KIO လိုင်ဇာမြို့ ဌာနချုပ်မှ အဆိုပါ အရာရှိက တုံ့ပြန် စွပ်စွဲလိုက်သည်။

“ကျနော်တို့ဗုံး မဟုတ်ဘူး၊ သိလည်း မသိဘူး။ ဒါက သူ့တို့ အကြံနဲ့ လုပ်တာပဲ။ တပ်မဟာ ၃ အောက် တပ်ရင်း ၁၅ ဆိုပြီး ရေးထားပြီးတော့ ကျနော်တို့ သွားထားသလို လုပ်တာ။ ကျနော်တို့က အဲဒီလို မညစ်ပတ်ဘူး။ ကျနော်တို့ကို နာမည်ပျက်အောင် လုပ်ချင်တာလေ” ဟု သူက ပြောသည်။

ဒုဗိုလ်မှူးကြီးသက်ပုံက သိမ်းဆည်းရမိသည့် ဗုံးများနှင့် ဆက်စပ်ပစ္စည်းများ၏ ဓာတ်ပုံ များအား ပြသခဲ့ပြီး၊ ပြီးခဲ့သည့်နှစ် မိုးမောက်၊ မြစ်ဆုံ၊ မြစ်ကြီးနား-မန္တလေး မီးရထားလမ်းတွင် တွေ့ရှိသော မိုင်းများနှင့် အရွယ်အစား၊ အမျိုးအစား တူနေသည် ဟုလည်း ပြောဆို ခဲ့ကြောင်း KIO အရာရှိက ပြန်ပြောပြသည်။

ထို့ပြင် ပြီးခဲ့သည့်လ ၇ ရက်နေ့တွင် မန်စီမြို့နယ် KIA တပ်ရင်း ၁၇ နှင့် စစ်အစိုးရတပ် အကြား ပစ်ခတ်မှုကို KIO စတင် ပစ်ခတ်ခဲ့မှု အဖြစ် စရဖ က အစည်းအဝေးတွင် ပြောခဲ့သေးသည်။

စစ်အစိုးရ၏ ဖိအားပေးမှုကို စုပေါင်းကာကွယ်ရန်အတွက် အပစ်ရပ်နှင့် အပစ်မရပ် တိုင်းရင်းသား အဖွဲ့ ၁၂ ဖွဲ့ ပါသော ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီကို ပြီးခဲ့သည့်လ ၁၇ ရက်နေ့တွင် ဖွဲ့စည်းခဲ့ရာ KIO ပါဝင်နေသဖြင့် စစ်တပ် ခေါင်းဆောင်များ အလိုမကျ ဖြစ်နေသည်ဟုလည်း ဆိုခဲ့သည်။

“သူ ပြောတယ်၊ အခု အစည်းအဝေး ဆုံးဖြတ်ချက်ပေါ် မူတည်တယ်တဲ့။ ဦးဂေါင်ရီဇော်ဆိုင်း သီးခြား အဖွဲ့တွေနဲ့ ပြန်ဖွဲ့တဲ့ အတွက် နေပြည်တော်က လူကြီးတွေ စိတ်ကသိကအောင့် ဖြစ်နေတယ်။ သည်းခံစိတ် ကုန်လာပြီလို့ပဲ ပြောတယ်” ဟု KIO အရာရှိက ပြောဆိုသည်။

ဖက်ဒရယ်ကောင်စီတွင် ဒုဥက္ကဋ္ဌ ၁ အဖြစ် KIO ဒုဗိုလ်ချုပ်ကြီး ဂေါင်ရီဇော်ဆိုင်းက တာဝန် ယူထားသည်။

Ref: မဇ္ဈိမ

Read More...

Wednesday, March 2, 2011

မြန်မာ့ လူ့အခွင့်အရေး အခြေအနေ ကင်တားနား မကြာမီ အစီရင်ခံမည်

ဦးသားညွန့်ဦး
အင်္ဂါ, 01 မတ် 2011

၁၆ ကြိမ်မြောက် ကျင်းပတဲ့ လူ့အခွင့်အရေး ညီလာခံအတွင်း လာမယ့် မတ်လ ၁၄ ရက်နေ့ မှာတော့ မြန်မာ နိုင်ငံ ဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ သောမတ်စ် အိုဟေး ကင်တားနား (Mr. Thomas Ojea Quintana) က မြန်မာနိုင်ငံ လူ့အခွင့်အရေး အခြေအနေနဲ့ ပတ်သက်ပြီး လူ့အခွင့်အရေး ကောင်စီကို အစီရင်ခံ တင်ပြဖို့ ရှိပါတယ်။ မြန်မာနိုင်ငံမှာ ဒီမိုကရေစီ အသွင် ကူးပြောင်းမှုတွေ လုပ်ပါ့မယ်၊ နိုင်ငံရေး အကျဉ်းသားတွေကိုလည်း လွှတ်ပေးပါ့မယ်လို့ မြန်မာ အာဏာပိုင်တွေက ကတိက၀တ် ပြုခဲ့ပေမဲ့ မြန်မာနိုင်ငံ တွင်းမှာ လူ့အခွင့်အရေး တိုးတက်မှုတွေ ဘာမှ မတွေ့ရ သေးဘူးလို့ မစ္စတာ ကင်တားနားက သုံးသပ် ထားပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြ ပေးထားပါတယ်။

မြန်မာနိုင်ငံမှာ လွှတ်တော်ခေါ်ယူပြီး ဒီမိုကရေစီ ပြုပြင်ပြောင်းလဲမှုတွေ လုပ်နေတယ်လို့ ဆိုပေမဲ့ လူ့အခွင့်အရေးနဲ့ ပတ်သက်လို့ တိုးတက်မှုကို အခု အချိန်အထိ မမြင်ရသေးဘူးလို့ မစ္စတာ ကင်တားနားက ပြောပါတယ်။ လာမယ့် အစိုးရသစ်၊ အာဏာပိုင်သစ် အနေနဲ့ လူ့အခွင့်အရေးနဲ့ ပတ်သက်လို့ အစိုးရ လုပ်ငန်းစဉ်တွေ ထဲမှာ အစီအစဉ်တခု အနေနဲ့ ထားသင့်သလို ကုလသမဂ္ဂ နဲ့လည်း ပူးပေါင်း ဆောင်ရွက် သင့်တယ်လို့ သူက အကြံပြုပါတယ်။ ဒါပေမဲ့ အခုအချိန် အထိတော့ အားရစရာ မတွေ့ သေးပါဘူးလို့ သူက အခုလို ပြောပါတယ်။

“မြန်မာအစိုးရ အနေနဲ့ ဒီမိုကရေစီ အသွင် ကူးပြောင်းမှုတွေ လုပ်ပါ့မယ်လို့ ကတိပြု ထားပေမဲ့ လူ့အခွင့် အရေး အခြေ အနေ တိုးတက် ပြောင်းလဲမှု မရှိပါဘူး။ မြန်မာနိုင်ငံတွင်း အကျဉ်းထောင် အသီးသီးမှာ နိုင်ငံရေး အကျဉ်းသားတွေ ရှိနေတုန်းပါပဲ။ လွှတ်တော် ခေါ်ယူပြီ ဆိုတာနဲ့ နိုင်ငံရေး အကျဉ်းသားတွေ လွှတ်ပေးပါ့မယ်လို့ မြန်မာ အာဏာပိုင်တွေက ကတိ ပေးခဲ့တာ ရှိပါတယ်။

“ကျနော့်အနေနဲ့တော့ လူ့အခွင့်အရေး အခြေအနေတွေ တိုးတက်လာတာ မတွေ့ရ သေးပါဘူး။ ဒါပေမဲ့ အသစ် တက်လာမယ့် မြန်မာ အာဏာပိုင်တွေ အနေနဲ့ လူ့အခွင့်အရေးနဲ့ ပတ်သက်တဲ့ ကိစ္စတွေ စဉ်းစား လိမ့်မယ်လို့ မျှော်လင့်ပါတယ်။ ဒါကြောင့် အာဏာပိုင် အသစ်က လူ့အခွင့်အရေးနဲ့ ပတ်သက်လို့ ဘယ်လို ကိုင်တွယ်မလဲ ဆိုတာလည်း စောင့်ကြည့် ချင်ပါတယ်။”

မစ္စတာ ကင်တားနား အနေနဲ့ မြန်မာ့ လူ့အခွင့်အရေး အခြေအနေနဲ့ ပတ်သက်လို့ မြန်မာ နိုင်ငံကို သွားရောက် လေ့လာဖို့ ပြီးခဲ့တဲ့ နှစ်အတွင်းမှာ ကြိုးစားခဲ့ပေမဲ့ မအောင်မြင် ခဲ့ပါဘူး။ ဒါကြောင့် အခု လူ့အခွင့်အရေး ကောင်စီကို တင်ပြတဲ့အခါ လက်ရှိ မြန်မာ နိုင်ငံတွင်း အခြေအနေတွေကို ထင်ဟပ် နိုင်ပါ့မလား စဉ်းစားစရာပါ။ ဒါပေမဲ့ မြန်မာနိုင်ငံ မသွားနိုင်ပေမဲ့ အိမ်နီးချင်း ဒေသတွင်း အထိ သွားပြီး လူ့အခွင့်အရေးနဲ့ ပတ်သက်လို့ လေ့လာ စုံစမ်းတာတွေ၊ အချက်အလက် စုဆောင်းတာတွေ လုပ်ခဲ့တယ်လို့ ပြောပါတယ်။

“အရှေ့တောင်အာရှ ဒေသကနေ ကျနော် မကြာခင်ကပဲ ပြန်လာတာပါ။ မလေးရှား နိုင်ငံကိုလည်း ရောက်ပါတယ်။ မြန်မာ နိုင်ငံကနေ ထွက်ပြေး လာတဲ့ ဒုက္ခသည်တွေနဲ့ တွေ့ဆုံ မေးမြန်း တာတွေ လုပ်ခဲ့ပါတယ်။ လူ့အခွင့် အရေး ချိုးဖောက် ခံရမှုတွေကြောင့် ထွက်ပြေး လာသူတွေပါ။ အခု အစီရင်ခံစာ တင်သွင်းတဲ့ အခါ ဒီကိစ္စတွေ ကလည်း တစိတ်တပိုင်း ပါဝင်ပါလိမ့်မယ်။ တခြား အကြောင်းရပ် တွေနဲ့လည်း သတင်း အချက်အလက်တွေ စုဆောင်း ရရှိခဲ့ပါတယ်။ ဒီ ရထားတဲ့ အချက် အလက်တွေနဲ့ လူ့အခွင့်အရေး ကောင်စီကို အစီရင်ခံစာ တင်သွင်းမှာ ဖြစ်ပါတယ်။”

အခုတင်ပြမယ့် အချက်အလက်တွေကို မြန်မာ အာဏာပိုင်တွေကို ပေးပို့ ခဲ့တာကြောင့်လည်း မြန်မာ အာဏာပိုင်တွေ ဘက်က ပြန်လည် ချေပနိုင်တဲ့ အခြေအနေ အခွင့်အလမ်း ရှိတာကြောင့် သူ့ဘက်ကတော့ အတတ်နိုင်ဆုံး မျှမျှတတ ဖြစ်အောင် လုပ်ခဲ့တယ်လို့ မစ္စတာ ကင်တားနားက ပြောပါတယ်။

“အခု ကျနော်ရေးထားတဲ့ လူ့အခွင့်အရေး ကောင်စီကို တင်ပြမယ့် အစီရင် ခံစာကို မြန်မာ အာဏာပိုင်တွေ ကိုလည်း ပေးပို့ ထားပါတယ်။ သူတို့ဘက်က တစုံတရာ တုံ့ပြန်မှု ရှိမရှိတော့ မသိရသေးပါဘူး။ ဒါပေမဲ့ ကျနော် တင်ပြ အစီရင်ခံမယ့် အကြောင်း အရာတွေကို သူတို့ဘက်က ပြန်လည် တုံ့ပြန်နိုင်တဲ့ အခွင့်အလမ်း ရှိပါတယ်။

“တကယ်တော့ အခု လူ့အခွင့်အရေးကောင်စီ အစည်းအဝေး မတိုင်ခင် မြန်မာနိုင်ငံကို သွားရောက်နိုင်ဖို့ မြန်မာ အာဏာပိုင်တွေကို ခွင့်တောင်း ခဲ့ပါတယ်။ အစိုးရသစ် ဖွဲ့ရေးနဲ့ အလုပ် ရှုပ်နေတာမို့ ကျနော့် ခရီးစဉ်ကို စီစဉ် မပေးနိုင်ဘူးလို့ အကြောင်း ပြန်ခဲ့ပါတယ်။ ဒါပေမဲ့ နောက်ပိုင်းတော့ မြန်မာနိုင်ငံကို သွားခွင့် ရမယ်လို့ မျှော်လင့်ပါတယ်။”

မြန်မာနိုင်ငံတွင်း အခြေအနေတွေဟာ နိုင်ငံတကာ လူ့အခွင့်အရေး ဥပဒေတွေကို ချိုးဖောက်မှု ရှိမရှိ စုံစမ်း စစ်ဆေးရေး အဖွဲ့ ဖွဲ့စည်းဖို့ မစ္စတာ ကင်တားနားက ကုလသမဂ္ဂ လူ့အခွင့်အရေး ကောင်စီကို မနှစ်တုန်းက အကြံပြု ခဲ့ပါတယ်။ ဒီအကြံပြုချက်ကို အခြေခံပြီး ကုလသမဂ္ဂ အတွင်းမှာ ကျယ်ကျယ်ပြန့်ပြန့် ဆွေးနွေးမှုတွေ ရှိနေပြီး ဒီအပေါ် မြန်မာ အာဏာပိုင်တွေ ဘက်က ဘယ်လို လိုက်ပါ ပူးပေါင်း ဆောင်ရွက်မလဲ ဆိုတာ အရေးကြီးတယ်လို့ မစ္စတာ ကင်တားနားက ပြောပါတယ်။

“ဒီကိစ္စအပေါ် အရင်ဆုံး တာဝန်ရှိတာကတော့ အစိုးရ အာဏာပိုင်တွေ ကိုယ်တိုင် ဖြစ်ပါတယ်။ တပြိုင်တည်း မှာလည်း အစိုးရ အာဏာ ပိုင်တွေဘက်က အခုလို တာဝန် ယူနိုင်အောင် ကုလသမဂ္ဂ ဘက်က အကူအညီ၊ အထောက်အပံ့ ပေးဖို့လည်း ကုလသမဂ္ဂမှာ တာဝန် ရှိပါတယ်။ စုံစမ်းရေး ကော်မရှင် ဖွဲ့စည်းဖို့ ကိစ္စဟာ အခု ဂျီနီဗာ ကုလသမဂ္ဂ လူ့အခွင့်အရေး ကောင်စီမှာတင် မဟုတ်ပါဘူး၊ နယူးယောက်ခ် ကုလသမဂ္ဂ အထွေထွေ ညီလာခံကိုပါ တင်ပြ ထားပါတယ်။ ဒါဟာ ဆွေးနွေးဆဲ အဆင့်မှာ ရှိပါတယ်။ တနည်းမဟုတ် တနည်း ဘယ်လိုပုံစံနဲ့ လုပ်ဆောင်မလဲ ဆိုတာကို စောင့်ကြည့်ရမှာပါ။”

စုံစမ်းရေး ကော်မရှင်ဖွဲ့ဖို့ ကိစ္စကိုတော့ ဥရောပ၊ အမေရိကန် အပါအ၀င် အနောက်နိုင်ငံ အတော် များများက ထောက်ခံ ထားပါတယ်။ ဒါပေမဲ့ ဒီကိစ္စကို မဲခွဲ ဆုံးဖြတ်တာမျိုး၊ ဆုံးဖြတ်ချက်တွေမှာ ထည့်သွင်းတာ မျိုးတွေ ကိုတော့ ပြီးခဲ့တဲ့ တနှစ်လုံး မတွေ့ရ သေးပါဘူး။

အခု လစ်ဗျားကိစ္စ အပါအ၀င် အရှေ့အလယ်ပိုင်းက လူ့အခွင့်အရေး အခြေအနေနဲ့ ပတ်သက်လို့ ကုလ သမဂ္ဂ လူ့ အခွင့်အရေး ကောင်စီ၊ လုံခြုံရေး ကောင်စီ၊ အထွေထွေ ညီလာခံနဲ့ အခြား ကုလသမဂ္ဂ အေဂျင်စီတွေ အားလုံး ပူးပေါင်းစဉ်းစား ကိုင်တွယ် နေတာကြောင့် ကမ္ဘာအ၀န်းက လူ့အခွင့်အရေး အခြေအနေတွေနဲ့ ပတ်သက်လို့ ကုလသမဂ္ဂ လုပ်ငန်းစဉ်တွေ အတွင်းမှာ ထိရောက်တဲ့ စနစ်တွေ၊ ပူးပေါင်း ဆောင်ရွက်မှုမျိုးတွေ ပေါ်လာမလား ဆိုတာဟာလည်း စိတ်ဝင်စားစရာ ရှိနေတယ်လို့ မစ္စတာ ကင်တားနားက သုံးသပ်ပြောခဲ့ပါတယ်။

Ref: VOA News

Read More...

စစ်နှင့် လူ့အခွင့်အရေးချိုးဖောက်မှု ရပ်စဲရေး ကမ္ဘာအနှံ့ရှိ ကရင်များ တောင်းဆို

Tuesday, 01 March 2011

စစ်အစိုးရက ကရင်ပြည်သူများအား တိုက်ခိုက်နေမှုနှင့် လူ့အခွင့်အရေး ချိုးဖောက်နေမှုများ အမြန်ဆုံး ရပ်စဲရေး အတွက် ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း အပါအ၀င် နိုင်ငံတကာ အစိုးရများက ပူးပေါင်း ဆောင်ရွက်ရန် ကမ္ဘာ တ၀န်းရှိ ကရင် တိုင်းရင်းသား ၈၄၀၀၀ က လက်မှတ်ထိုး တောင်းဆိုသည့် လှုပ်ရှားမှု တခုကို မကြာသေးခင်က ပြုလုပ် လိုက်သည်။

ယင်း လှုပ်ရှားမှုကို ကရင်အမျိုးသား အစည်းအရုံး(KNU) က ဦးဆောင်ခြင်း ဖြစ်ပြီး နိုင်ငံပေါင်း ၁၅ နိုင်ငံရှိ ကရင် တိုင်းရင်းသား အဖွဲ့ ၃၀ ပါဝင်ကြောင်း နှင့် ပထမဆုံး အကြိမ် ဖြစ်ကြောင်း KNU က ပြောသည်။

အဆိုပါ ကရင်တိုင်းရင်းသားများ လက်မှတ်ထိုးတောင်းဆိုချက် မိတ္တူများကို ဗြိတိန် ၀န်ကြီးချုပ် ဒေးဗစ် ကမ်ရွန်း ၊ သြစတြေးလျ ၀န်ကြီးချုပ် ဂျူလီယာ ဂီးလ်လာ့ဒ် အပါအ၀င် ဂျပန်၊ နော်ဝေး၊ ဂျာမနီ၊ ဒိန်းမတ်၊ ဆွီဒင် နှင့် ကနေဒါ စသည့် နိုင်ငံကာ အစိုးရများထံသို့ ပေးပို့ကြောင်းလည်း သိရသည်။

ယမန်နေ့ရက်စွဲဖြင့် ထုတ်ပြန်သည့် KNU ၏ ထုတ်ပြန်ချက်တွင်“စစ်အစိုးရရဲ့ လူ့အခွင့်အရေး ချိုးဖောက် တာတွေကို ခံနေရတဲ့ သာမန် ကရင် တိုင်းရင်းသား ပြည်သူတွေက ကုလသမဂ္ဂကို မေတ္တာရပ်ခံ တောင်းဆိုတာပါ”ဟု KNU အထွေထွေ အတွင်းရေးမှူး နော်စီဖိုးရာစိန် က ပြောဆိုထားသည်။

၎င်းက ဆက်လက်ပြီး“ဗမာ စစ်အစိုးရ စစ်တပ်က လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေနဲ့ စစ် ရာဇ၀တ် မှုတွေကို ကျူးလွန် ခဲ့တာဟာ အချိန် ကြာမြင့်ခဲ့ပါပြီ” ဟုလည်း ဆိုသည်။

ကရင်ပြည်နယ်အတွင်း စစ်အစိုးရက ထိုးစစ်ဆင် တိုက်ခိုက် နေခြင်းများနှင့် လူ့အခွင့်အရေး ချိုးဖောက် နေခြင်းများကို ရပ်ဆိုင်း သွားစေရန် အတွက် မစ္စတာ ဘန်ကီမွန်း အနေဖြင့် ၎င်း၏ အာဏာကို သုံး၍ ဖိအားပေး ဆောင်ရွက်ရန် တောင်းဆိုကြောင်းလည်း KNU ထုတ်ပြန်ချက်၌ ပါရှိသည်။

ယင်းထုတ်ပြန်ချက်တွင် နိုင်ငံတကာရှိ သက်ဆိုင်ရာအစိုးရများကလည်း စစ်အစိုးရ အနေဖြင့် မြန်မာ ပြည်တွင် အမျိုးသား ပြန်လည် သင့်မြတ်ရေး၊ ဒီမိုကရေစီ ပြန်လည် ပေါ်ထွန်းရေးများ အတွက် တပြည်လုံး အတိုင်းအတာနှင့် အပစ်အခတ် ရပ်စဲရေး ပြုလုပ်ရန်၊ ထိုမှတဆင့် ပြီးပြည့်စုံသည့် တွေ့ဆုံ ဆွေးနွေးရေး ပြုလုပ်၍ အမျိုးသား ပြန်လည် သင့်မြတ်ရေး၊ ဒီမိုကရေစီ ပြန်လည် ဖော်ဆောင်ရေး၊ ငြိမ်းချမ်းရေးနှင့် ဖက်ဒရယ် ပြည်ထောင်စု တည်ဆောက်ရေးများ ပြုလုပ်ရန် အတွက် မစ္စတာ ဘန်ကီမွန်းနှင့် ပူးပေါင်း ဆောင်ရွက်ရန် တိုက်တွန်း ထားသည်။

KNU ထုတ်ပြန်ချက်၌ ကရင်အရပ်သား ပြည်သူများအပေါ် အဓမ္မလုပ်အားပေး ခိုင်းစေမှု၊ လုယက်မှု၊ ခြိမ်းခြောက်မှု၊ ရပ်ရွာ အိုးအိမ် လယ်ယာမြေ သီးနှံများ ဖျက်ဆီးမှု၊ အဓမ္မ ရွှေ့ပြောင်းခိုင်းမှု၊ ဥပဒေမဲ့ သတ်ဖြတ်မှုများ အပါအ၀င် အမျိုးသမီးနှင့် ကလေးငယ်များကို စနစ်တကျ မတရားပြု ကျင့် နှိပ်စက်ခြင်းများအား ဆယ်စုနှစ် များစွာ စစ်အစိုးရ က ပြုလုပ်ခဲ့ကြောင်း၊ မြန်မာနိုင်ငံ အရှေ့ပိုင်း ဒေသတွင် လွန်ခဲ့သည့် ၁၅ နှစ် အတွင်း ကျေးရွာပေါင်း ၃၆၀၀ ကျော် ဖျက်ဆီး ခံခဲ့ရကြောင်းလည်း ဖော်ပြထားသည်။

ထို့အပြင် ၂၀၁၀ နိုဝင်ဘာလ ရွေးကောက်ပွဲ မတိုင်မီကာလတွင် ကရင်ပြည်နယ်၌ အရပ်သား ၁၈ ဦး အသတ် ခံရပြီး ၃၈ ဦး နှိပ်စက် ညှဉ်းပန်း ခံရကြောင်း၊ အရပ်သား ၅၂ ဦး အကြောင်းမဲ့ ဖမ်းဆီး ခံရပြီး ၂၃၃၆ ဦး အဓမ္မ လုပ်အားပေး ခိုင်းစေ ခံရကြောင်း၊ အိုးအိမ် စာသင် ကျောင်းများနှင့် ဘုရားရှိခိုး ကျောင်းများ အပါအ၀င် အဆောက်အအုံပေါင်း ၁၉၈ ခု ဖျက်ဆီး ခံခဲ့ရကြောင်း၊ လယ်ယာမြေနှင့် စိုက်ပျိုးခြံပေါင်း ၁၄၆ ခု ဖျက်ဆီး ခံခဲ့ရပြီး အရပ်သား ၃၀၀၀ မှာ ရပ်ရွာ စွန့်ခွာ၍ တောတောင်များထဲ၌ ရှောင်တိမ်း ပုန်းအောင်း နေထိုင် ခဲ့ရကြောင်း KNU စစ်တမ်းအရ သိရသည်။

၂၀၁၀ နိုဝင်ဘာ ၇ ရက် ရွေးကောက်ပွဲသည် ဒီမိုကရေစီရေး၊ အမျိုးသားပြန်လည် သင့်မြတ်ရေးနှင့် ငြိမ်းချမ်း တည်ငြိမ်ရေးများ အတွက် တိုးတက်မှု မဖြစ်ပေါ် စေခဲ့ကြောင်း၊ အခြေခံ ပြဿနာများ ဖြစ်သည့် တိုင်းရင်းသား လူမျိုးများ တန်းတူမှု နှင့် လူ့အခွင့်အရေး ပြဿနာများကို ဖြေရှင်း မပေးနိုင်ကြောင်း KNU က ထုတ်ပြန် ပြောဆိုထားသည်။

ထိုရွေးကောက်ပွဲပြုလုပ်ရန် ရေးဆွဲထားသည့် ၂၀၀၈ ဖွဲ့စည်းပုံ အခြေခံ ဥပဒေသည် စစ်အစိုးရ အာဏာ ဆက်လက် တည်မြဲရေး အတွက်သာ ဖြစ်ပြီး တိုင်းရင်းသား လူမျိုးစု အခွင့်အရေး ကာကွယ်ရေးများ အတွက် မည်သို့မျှ အာမခံချက် ပေးမထားကြောင်း၊ တိုင်းရင်းသား လူမျိုးစုများ အနေဖြင့် ဆိုးဝါးစွာ ခြိမ်းခြောက် ခံနေရခြင်း ဖြစ်ကြောင်းလည်း KNU ကပြောဆိုသည်။

ရွေးကောက်ပွဲကျင်းပနေသည့် ၂၀၁၀ နိုဝင်ဘာ ၇ ရက် နှင့် ၈ ရက်နေ့များက စတင်၍ ကရင်ပြည်နယ် အတွင်း တိုးတက်သော ဗုဒ္ဓဘာသာ ကရင် အမျိုးသား တပ်မတော်(DKBA) တပ်မဟာ ၅ နှင့် စစ်အစိုးရ တပ်များ ဖြစ်ပွားသည့် တိုက်ပွဲများကြောင့် ဒေသခံ ဒုက္ခသည် ၂၀၀၀၀ ကျော် ထိုင်းနိုင်ငံဘက် ထွက်ပြေး တိမ်းရှောင် ခဲ့ရသည်။ တိုက်ပွဲများ ဆက်လက် ဖြစ်ပွားနေဖြစ်ပြီး စစ်ပြေး ဒုက္ခသည် ၁၀၀၀၀ ခန့် ထိုင်းနိုင်ငံ ဘက်တွင် ခိုလှုံနေရဆဲ ဖြစ်ကြောင်း သိရသည်။

မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ သောမတ်စ် အိုဟေး ကင်တာနာ ကလည်း မြန်မာ စစ် အစိုးရ၏ လူ့အခွင့်အရေး ချိုးဖောက် မှုများကြောင့် အိမ်နီးချင်း နိုင်ငံများဆီ ဒုက္ခသည်များ ထွက်ပြေး လာရသည့် အတွက် ဒေသတွင်း ၀န်ထုပ် ၀န်ပိုးဖြစ်ရကြောင်း မကြာသေးခင်က ဝေဖန် ပြောဆို ထားသည်။

Ref: ဧရာဝတီ်

Read More...

လူ့အခွင့်အရေးကောင်စီ အဖွဲ့ဝင်အဖြစ်က လစ်ဗျား ရပ်ဆိုင်းခံရ

အင်္ဂါ, 01 မတ် 2011

မြောက်အာဖရိကနိုင်ငံ လစ်ဗျားမှာ ဆန္ဒပြသူတွေအပေါ် လစ်ဗျား ခေါင်းဆောင် မိုမာ ကဒါဖီ (Moammar Gadhafi) အစိုးရက အကြမ်းဖက် ဖြိုခွင်းခဲ့တဲ့ အတွက် ဒါဟာ လူ့အခွင့်အရေး ချိုးဖောက်မှုတွေကို စနစ်တကျနဲ့ အကြီးအကျယ် ကျူးလွန် ခဲ့တာလို့ ဆိုပြီး ကုလသမဂ္ဂ အထွေထွေ ညီလာခံက လစ်ဗျားကို လူ့အခွင့်အရေး ကောင်စီ အဖွဲ့ဝင် အဖြစ်ကနေ ယာယီ ရပ်ဆိုင်း လိုက်ပါတယ်။

ဂျီနီဗာအခြေစိုက် လူ့အခွင့်အရေးကောင်စီရဲ့ အကြံပြုချက်နဲ့ နိုင်ငံပေါင်း ၁၉၂ နိုင်ငံ ပါဝင်တဲ့ အထွေထွေ ညီလာခံမှာ အင်္ဂါနေ့က ဆုံးဖြတ်ချက်ကို အတည်ပြုခဲ့တာ ဖြစ်ပါတယ်။

ဒါဟာ အတိုက်အခံ ဆန္ဒပြသူတွေကို ရက်ရက်စက်စက် ဖိနှိပ်ခဲ့တဲ့ အတွက် မစ္စတာ ကဒါဖီကို အထီးကျန်အောင် လုပ်တဲ့ နိုင်ငံတကာရဲ့ အခုနောက်ဆုံး အပြစ်ပေး ဒဏ်ခတ်မှု ဖြစ်ပါတယ်။

အခုဆုံးဖြတ်ချက်က လစ်ဗျားကို လူ့အခွင့်အရေးကောင်စီ ကနေ အပြီးအပိုင် ထုတ်လိုက်တာတော့ မဟုတ်ပါဘူး။ ဒါပေမဲ့ သူ့ကို ကောင်စီ အဖွဲ့ဝင်အဖြစ် ပြန်လည် လက်ခံ၊ မခံ အထွေထွေ ညီလာခံက ဆုံးဖြတ်တဲ့ အချိန်အထိ လူ့အခွင့်အရေး ကောင်စီထဲမှာ လစ်ဗျားနိုင်ငံ ပါဝင်ခွင့် ရတော့မှာ မဟုတ်ပါဘူး။

အခုဆုံးဖြတ်ချက်ကို ကုလသမဂ္ဂ အတွင်းရေးမှူးချုပ်ကလည်း ကြိုဆို လိုက်ပါတယ်။ နိုင်ငံတကာ ရာဇ၀တ် ခုံရုံးမှာ လစ်ဗျားကို အရေးယူ နိုင်ဖို့အတွက် လုံခြုံရေး ကောင်စီက ထောက်ခံဖို့ကိုလည်း သူက တိုက်တွန်း လိုက်ပါတယ်။

ဒီလို အရေးယူတာမျိုးက လူသားမျိုးနွယ်တွေအပေါ် ကျူးလွန်တဲ့ ရာဇ၀တ် ပြစ်မှုတွေအတွက် အပြစ် ကျူးလွန်သူ ဘယ်သူမဆို အပြစ်ကနေ ကင်းလွတ်နိုင်မှာ မဟုတ်ဘူးဆိုတဲ့ ပြင်းထန်တဲ့ သတင်းစကားမျိုး ဖော်ပြရာ ရောက်တယ် လို့လည်း မစ္စတာ ဘန်ကီမွန်း (Ban Ki-moon) က ပြောပါတယ်။

တချိန်တည်းမှာပဲ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကလည်း လက်ရှိ လစ်ဗျား နိုင်ငံရဲ့ ပဋိပက္ခဟာ အမေရိကန် နိုင်ငံခြားရေး မူဝါဒတွေ ချမှတ်ရာမှာ အရေးကြီးတဲ့ စမ်းသပ်မှုတခု ဖြစ်စေတယ်လို့ ဆိုပြီး လစ်ဗျားနိုင်ငံဟာ ငြိမ်းချမ်းတဲ့ ဒီမိုကရေစီ နိုင်ငံတခု ဖြစ်လာနိုင်သလို ပြည်တွင်းစစ် နဲ့လည်း ရင်ဆိုင်ကောင်း ရင်ဆိုင် သွားရနိုင်တယ်လို့ သတိပေး ပြောဆိုခဲ့ပါတယ်။

လစ်ဗျားခေါင်းဆောင် မိုမာ ကဒါဖီ အနေနဲ့ ရာထူးကနေ နှုတ်ထွက်ပေးဖို့ ကိုလည်း မစ်စ် ကလင်တန်က ထပ်မံ တောင်းဆို လိုက်ပါတယ်။

Ref: VOA News

Read More...

ဆန်တင်ပို့မှု ယာယီရပ်ဆိုင်း

ဦးအောင်လွင်ဦး
အင်္ဂါ, 01 မတ် 2011

မြန်မာနိုင်ငံကနေ ပြည်ပ ဆန်တင်ပို့မှုတွေကို အာဏာပိုင်တွေက မကြာသေးခင် ကပဲ ယာယီ ရပ်ဆိုင်း လိုက်ပါတယ်။ ဒီရက်ပိုင်း အတွင်း ဈေးကွက်ထဲမှာ ဆန်ဈေးနှုန်းတွေ သိသိသာသာ တက်လာ နေတာမို့ ဒီအခြေအနေ တွေကို ထိန်းချုပ်ဖို့ အာဏာပိုင်တွေ ဘက်က ကြိုးပမ်းလာတာ ဖြစ်နိုင်တယ် လို့လည်း ကုန်သည်တွေကတော့ မြင်နေ ကြပါတယ်။ အပြည့်အစုံကို ဆက်သွယ် စုံစမ်းထားတဲ့ ကိုအောင်လွင်ဦးက တင်ပြ ပေးထားပါတယ်။

ပြည်ပဆန်တင်ပို့မှုတွေကို ယာယီရပ်ဆိုင်းဖို့ မြန်မာ့ကုန်သွယ်မှု ဆိုင်ရာ မူဝါဒရေးရာ ကောင်စီက ညွှန်ကြား လိုက်တာ ဖြစ်တယ်လို့ ဆန်ကုန်သည်၊ ပြည်ပပို့ကုန် လုပ်ငန်းရှင်တွေက ပြောပါတယ်။ ဒါပေမဲ့လည်း ပြည်ပ တင်ပို့ဖို့ ခွင့်ပြုချက် ရထားပြီး ဖြစ်တဲ့ ဆန်တွေကတော့ ဆက်လက် ပို့ဆောင်ခွင့်ရမှာ ဖြစ်ပြီး အသစ် ပို့ခွင့်တွေကို ယာယီ ရပ်ဆိုင်း ထားမှာသာ ဖြစ်တယ်လို့ ရန်ကုန်မြို့က ပြည်ပပို့ကုန် လုပ်ငန်းရှင် တယောက်က ပြောပြပါတယ်။

“ခွင့်ပြုပြီးသား လိုင်စင်လို့ ခေါ်မှာပေါ့၊ Export လိုင်စင်ကတော့ တန်ချိန် ရှိသလောက်ကို အကုန် ပေးရမှာပေါ့။ တန်ချိန်က ဆိုလိုတာ လိုင်စင် တစောင်ကို သက်တမ်းက ၃ လ ပေးတာကိုး၊ များသော အားဖြင့်။ အဲတော့ ၃ လ အတွင်းကို တန်ချိန် ၁၀,၀၀၀ ဖြစ်ဖြစ်၊ ၂၀,၀၀၀ ဖြစ်ဖြစ်၊ ၃၀,၀၀၀ ဖြစ်ဖြစ် ရသလောက်တော့ ပို့ခွင့်ရှိတာပေါ့။ နောက်ထပ် အသစ် ထပ်လျှောက်တဲ့ လိုင်စင်ကိုတော့ မပေးဘူးပေါ့ဗျာ။”

မကြာသေးခင် ရက်ပိုင်းတွေကစလို့ ဆန်ဈေးတွေ သိသိသာသာ တက်လာ နေချိန်မှာပဲ ပြည်ပ ဆန်တင်ပို့မှု ယာယီ ရပ်ဆိုင်းဖို့ ညွှန်ကြားချက် ထွက်ပေါ် လာတာမို့ ဒါဟာ ဈေးနှုန်းကို ထိန်းချုပ်ဖို့ ရည်ရွယ်ပုံ ရတယ်လို့လည်း ကုန်သည်တွေက ယူဆကြပါတယ်။ ဈေးကွက်ထဲမှာ ဆန်ဈေးတွေ မကြာသေးခင်က စလို့ အဆမတန် တက်လာနေသလို ဒီနှစ်ဆန်းပိုင်းမှာ ရာသီဥတု ဒဏ်ကြောင့် ဆန်အထွက် ကျဆင်း တာတွေကြောင့် ပြည်တွင်းမှာ ဖူလုံဖို့ အခုလို ပြည်ပ တင်ပို့မှုတွေကို ပြန်လည် ကန့်သတ် လာတာလို့ ပို့ကုန် လုပ်ငန်းရှင်က ပြောပါတယ်။

“အချောပေါ့ဗျာ၊ အချောဆိုတာ ပေါ်ဆန်းတွေ၊ ပေါ်ကျွဲတွေ၊ တောင်ပြန်တွေ၊ အဲဒီ ဆန်အချောတွေ ကတော့ တော်တော် တက်သွားတယ်ဗျ။ ဖြစ်သင့်တဲ့ ဈေးထက် ၁၀,၀၀၀ လောက် ပိုတက် သွားတယ်ဗျ၊ ဆန်တအိတ်ကို။ အရင်က ၂၅,၀၀၀ လောက်၊ ၂၆,၀၀၀ လောက်ရှိတဲ့ ဆန်တအိတ်က ၃၅,၀၀၀၊ ၃၆,၀၀၀ လောက် ဖြစ်သွားတယ်ဗျ။

“ဆန်ကြမ်းတွေကတော့ သိပ်မထူးပါဘူး။ အများကြီးလည်း မတက်ဘူး၊ အများကြီးလည်း သိပ်မကျဘူး။ အဓိက ပို့တာတော့ ဆန်ကြမ်းပဲ။ ဒီနှစ်ကျတော့ ဆန်ချော အထွက်လည်း နည်းနည်း လျော့တယ်၊ ရွှေဘို ပေါ်ဆန်းနဲ့ ဖျာပုံ ပေါ်ဆန်းပေါ့ဗျာ၊ နှစ်ဦးပိုင်းက ရာသီဥတု နည်းနည်း ပြင်းသွားတဲ့ အခါကြတော့ အထွက်လျော့တော့ ရပ်ဆိုင်းလိုက်တဲ့ Export ထဲမှာ ဆန်အချောလည်း ပါမယ်လေ။”

မြန်မာနိုင်ငံက ပြည်ပဆန်တင်ပို့မှုမှာ ဆန်ကြမ်းတွေကိုသာ အဓိက တင်ပို့နေတာ ဖြစ်ပေမဲ့လည်း ဒီနှစ်ပိုင်းမှာတော့ ဆန်ချော တွေကိုပါ တင်ပို့မှုတွေ ရှိလာနေတာ ဖြစ်ပါတယ်။ မြန်မာနိုင်ငံက ဆန် ပြည်ပ တင်ပို့မှုတွေကိုတော့ အဓိက အားဖြင့် အာဖရိကနဲ့ အာရှ နိုင်ငံတွေကို ပို့ဆောင် နေတာပါ။

ပြည်ပကို တင်ပို့နေတဲ့ ဆန်ကြမ်းဈေးကတော့ ဒီတပတ်ထဲမှာ ၁၃,၀၀၀ လောက် ရှိနေပြီး ပေါ်ဆန်းမွှေးလို ဆန်ချော ဈေးနှုန်း ကတော့ တအိတ်ကို ၃၅,၀၀၀ လောက်အထိ ရှိနေတာပါ။ ဒီရက်ပိုင်းတွေ အတွင်း လောင်စာဆီ ဈေးနှုန်းတွေ တက်လာတာ၊ မကြာသေးခင် လတွေက စလို့ သယ်ယူ ပို့ဆောင်မှုတွေ လုပ်ရာမှာ ကုန်တွေ သတ်မှတ်တာထက် ပိုမတင်ဖို့ အရှေ့တောင်အာရှ နိုင်ငံများအသင်း (အာဆီယံ) ရဲ့ စံချိန်စံညွှန်းနဲ့ အညီ သတ်မှတ် လိုက်တာ စတာတွေကြောင့် စရိတ်စကတွေ တိုးလာ တာတွေဟာလည်း ဆန်ဈေး တက်လာရတဲ့ အကြောင်းရင်း တခု ဖြစ်တယ်လို့ ကုန်သည်တွေက ပြောပါတယ်။

“သယ်ယူပို့ဆောင်ရေး ကုန်ကျစရိတ်က တဆ၊ တဆခွဲလောက် တက်သွားတာ။ အရင်တုန်းက ရန်ကုန်နဲ့ မန္တလေး ဆန်တအိတ်က ၈၀၀ နဲ့ ၁,၀၀၀ လောက်ပဲ ရှိတာ။ အခုတော့ ဆန်တအိတ်ကို ၂,၅၀၀၊ ၃,၀၀၀ လောက် တောင်းတယ်။ အဲဒါ အကြောင်းရင်း တခုပါတယ်။ နောက်တခုက ဆန်ချော လေးတွေကလည်း Export ပို့ခွင့် ရထားတာ နည်းနည်း နည်းနည်း ရတာပဲ ရှိတယ်။ နောက် ဆန်အချော ၀ယ်လှောင်တဲ့ သူတွေကလည်း နည်းနည်း ရှိနိုင်တယ်၊ ဒီကြားထဲမှာ။ တခြားဟာတွေက သိပ်မကိုက်တော့ ပြန်ပြီး လှောင်ကြတာ။ အဲဒါလေးတွေ စုံသွားတော့ ဈေးနည်းနည်း တက်သွားတာပေါ့။”

တနင်္လာနေ့မှာတုန်းက မြန်မာနိုင်ငံ အသင်းဝင်အဖြစ် ပါဝင်တဲ့ အာဆီယံ အသင်းနဲ့ တရုတ်၊ ဂျပန်၊ တောင်ကိုရီးယား စီးပွားရေး ဆိုင်ရာ ၀န်ကြီးတွေရဲ့ အစည်းအဝေးပွဲ အတွင်းမှာတော့ ကုန်ဈေးနှုန်းတွေ ကြီးထွား လာနေတာတွေကို ဟန့်တားဖို့ ကြိုးပမ်းမှု အဖြစ် အရန် ဆန်စပါး သိုလှောင်ဖို့ သဘောတူညီ ခဲ့ကြပါတယ်။

လာအိုနိုင်ငံမှာ ကျင်းပတဲ့ ၂ ရက်ကြာ အစည်းအဝေးပွဲအတွင်း ဒေသတွင်း နိုင်ငံတွေ အနေနဲ့ ဆန်တန်ချိန် ၇၈၇,၀၀၀ လောက် စုဆောင်း သွားဖို့ သဘော တူခဲ့ကြတာ ဖြစ်ပါတယ်။ ဒီအထဲမှာ အာဆီယံ နိုင်ငံတွေက ဆန်တန်ချိန် ၈၇,၀၀၀၊ တရုတ်နိုင်ငံက ၃၀၀,၀၀၀၊ ဂျပန်နိုင်ငံက ၂၅၀,၀၀၀ နဲ့ တောင်ကိုရီးယား နိုင်ငံကတော့ ၁၅၀,၀၀၀ အသီးသီး ထည့်ဝင်ကြမှာ ဖြစ်တယ်လို့လည်း အာဆီယံ တာဝန်ရှိသူတွေက ပြောပါတယ်။


Ref: VOA News

Read More...

ဥပဒေမူကြမ်း ကော်မတီများ ဖွဲ့စည်း

ကိုဝိုင်း |
အင်္ဂါနေ့၊ မတ်လ ၀၁ ရက် ၂၀၁၁

ချင်းမိုင် (မဇ္ဈိမ) ။ ။ အမတ်များတင်သွင်းမည့် ဥပဒေမူကြမ်းများ အတွက် အကြံဥာဏ် ပေးနိုင်ရန် ပြည်သူ့ လွှတ်တော်နှင့် အမျိုးသား လွှတ်တော် အင်္ဂါနေ့ အစည်းအဝေး များက ဥပဒေမူကြမ်း ကော်မတီကို အဖွဲ့ဝင် ၁၅ ဦးစီဖြင့် ဖွဲ့စည်း လိုက်သည်။

လွှတ်တော်နှစ်ရပ်ပေါင်း ကျင်းပသည့် ပြည်ထောင်စု လွှတ်တော်ကို ပြီးခဲ့သည့် သောကြာနေ့တွင် ရပ်နားခဲ့ရာမှ ယနေ့တွင် လွှတ်တော် တရပ်ချင်းစီ အစည်းအဝေး ပြန်စခဲ့ရာ သက်ဆိုင်ရာ လွှတ်တော် ဥက္ကဋ္ဌများ ဖြစ်သည့် သူရဦးရွှေမန်းနှင့် ဦးခင်အောင်မြင့်က ကော်မတီဝင် အမည်များကို ဖတ်ကြား ပြခဲ့ခြင်း ဖြစ်သည်။

ဥပဒေမူကြမ်း ကော်မတီများ၏ ဥက္ကဋ္ဌများမှာ ပြည်သူ့လွှတ်တော် ဒုဥက္ကဋ္ဌနှင့် အမျိုးသား လွှတ်တော် ဒုဥက္ကဋ္ဌများ ဖြစ်သည့် ဦးနန္ဒကျော်ဇွာနှင့် ဦးမြငြိမ်း၊ အတွင်းရေးမှူး များမှာ ဦးတီခွန်မြတ်နှင့် ဦးစံထွန်းဖြစ်ပြီး ကြံ့ခိုင်ရေးပါတီ အမတ်များ ဖြစ်သည်။

ပြည်သူ့လွှတ်တော် ဥပဒေမူကြမ်း ကော်မတီဝင်များမှာ ဒေါ်နန်းဝါနု (ကွန်ဟိန်း)၊ ဦးသောင်း (မော်လိုက်)၊ ဦးဘရှိန် (ကျောက်ဖြူ)၊ ဦးငွန်မောင်း (ဟားခါး)၊ ဒေါ်ဒွဲဘူ (အင်ဂျန်းယန်)၊ ဦးနန္ဒကျော်ဇွာ (ဒဂုံ)၊ ဦးတီခွန်မြတ် (ကွတ်ခိုင်)၊ ဦးစောလှထွန်း (ချောင်းဦး)၊ ဦးခင်မောင်မြင့် (ဇီးကုန်း)၊ ဦးမောင်ညို (ပေါက်)၊ ဦးခင်မောင်ရွှေ (တမူး)၊ ဦးစိုးရယ် (ဒီမောဆိုး)၊ ဦးစတီဗင် (ကျိုင်းတုံ)၊ ဦးသိန်းထွန်း (အမရပူရ) နှင့် ဒေါက်တာစိုးမိုးအောင် (ဘီးလင်း) ဖြစ်သည်။

ရှမ်း၊ ရခိုင်နှင့် ချင်း တိုင်းရင်းသား ပါတီများမှ တဦးစီ ပါဝင်ပြီး၊ တစည တဦး၊ ကြံ့ခိုင်ရေး မိတ်ဆွေ ပါတီ စည်းလုံး ညီညွှတ်ရေးနှင့် ဒီမိုကရေစီပါတီ ကချင်ပြည်နယ်မှ တဦးမှလွဲ၍ ကျန် ၁ဝ ဦးသည် ကြံ့ခိုင်ရေး ပါတီ အမတ်များ ဖြစ်သည်။

အစည်းဝေးကို မနက် ၁၁ နာရီတွင် စတင်ပြီး ၁၁ နာရီ ၄ဝ မိနစ်တွင် ခေတ္တ ရပ်နားခဲ့ပြီး၊ နေ့လည် ၁ နာရီကျော်တွင် ပြန်စကာ မိနစ် ၂ဝ ကျော် အကြာ ပြီးဆုံးခဲ့သည်။

“ခဏနားတဲ့အချိန်မှာ စာရင်းမှာပါတဲ့ သူတွေအားလုံးကို လုပ်နိုင် မလုပ်နိုင် မေးဖို့ အပေါ် ထပ်မှာ သူရ ရွှေမန်းနဲ့ တွေ့ကြတာပေါ့။ အစည်း အဝေး ပြန်စတော့ သူတို့က လုပ်နိုင်ပါတယ် ဆိုတဲ့အတွက် အတည်ပြု တာကို လွှတ်တော်ကို တင်ပြ ပါတယ်ပေါ့။ လွှတ်တော် ကလည်း ‘အတည်ပြုပါတယ် ခင်ဗျာ’ ၃ ခါ အော်ပြီးတော့ ပြီးသွားတာပေါ့” ဟု အမတ်တဦးက ပြောသည်။

မနက်ဖြန် တောင်သူလယ်သမားများနေ့ တရက်နားပြီး ၃ ရက်နေ့ မနက် ၁ဝ နာရီတွင် ပြန်လည် စတင်မည်။ ယနေ့ အစည်း အဝေးသို့ တက်ရောက်သူ အမတ် ၄၃ဝ ဦးဖြစ်ပြီး၊ ကြံ့ခိုင်ရေး အမတ်များ ဖြစ်သည့် ဦးဘဋ္ဌေး (မိုးကုတ်)၊ ဦးမြင့်ထွန်း (ကော့သောင်း)၊ ဦးကျော်မြင့် (အရာတော်) တို့နှင့် NDF အမတ် ဦးခင်မောင်ဝင်း (လမ်းမတော်) တို့ ၄ ဦး ခွင့်ယူသည်။

အလားတူ အမျိုးသား လွှတ်တော် အတွက် ဥပဒေမူကြမ်း ကော်မတီ အဖွဲ့ဝင်များမှာ ဦးမြငြိမ်း-ညွှန်မှူး-ငြိမ်း (ရန်ကုန်-၇) ကြံ့ခိုင်ရေး၊ ဦးခက်ထိန်နန်-သိပ္ပံဘွဲ့ စိုက်ပျိုးရေး ဒီပလိုမာ (ကချင်-၁) စဒက ၊ ဒေါ်နန်းနီနီအေး-လက်ထောက် ကတိက-ကွန်ပြူတာ (ကရင်-၆) ကြံ့ခိုင်ရေး၊ မန်းအောင်တင်မြင့် (ကရင်-၁၂) ကရင် ဒီမိုကရေစီနှင့် ဖွံ့ဖြိုးရေး ပါတီ၊ စွန်ဒုတ်ကျင် (ချင်း-၆) ကြံ့ခိုင်ရေး ပါဝင်သည်။

ထို့ပြင် ဒေါက်တာလှသိန်း (မွန်-၆) ကြံ့ခိုင်ရေး၊ ဦးသန်းမြင့် (တနင်္သာရီ-၁ဝ) ကြံ့ခိုင်ရေး၊ ဦးမြင့်ထွန်း (ပဲခူး-၁ဝ) ကြံ့ခိုင်ရေး၊ ဦးစိုးမြင့် (မကွေး-၆) ကြံ့ခိုင်ရေး၊ ဦးဇော်မြင့်ဖေ (မန္တလေး-၅) ဒီမိုကရေစီနှင့် ငြိမ်းချမ်းရေး ပါတီ၊ ဒေါက်တာမြဥာဏစိုး (ရန်ကုန်-၄) NDF ၊ ဦးတင်ယု (ရန်ကုန်-၁၁) ကြံ့ခိုင်ရေး၊ ဦးကျော်ထွန်းအောင် (ရခိုင်-၅) RNDP၊ ဦးစံထွန်း (ကချင်-၁၁) ကြံ့ခိုင်ရေးနှင့် စိုင်းပေါင်းနပ် (ရှမ်း-၁၂) ဝ’ ဒီမိုကရက်တစ်ပါတီ ဖြစ်သည်။

အမျိုးသားလွှတ်တော်ကိုလည်း မနက်ဖြန်တရက် ရပ်နားပြီး ၃ ရက်နေ့တွင် ပြန်စမည်။

ဦးနန္ဒကျော်ဇွာ

တာဝန် = ပြည်သူ့လွှတ်တော် ဥပဒေမူကြမ်းကော်မတီ ဥက္ကဋ္ဌ
ဇာတိ = ရန်ကုန်
အသက် = ၆ဝ နှစ်
ပညာ = BSC, MSC, RL
အလုပ်အကိုင် = တရားရုံးချုပ် ရှေ့နေ၊
ဖခင် = ဗိုလ်မှူးချုပ် (ငြိမ်း) စည်သူတင်ဖေ
မိခင် = ဒေါ်သိန်းဆိုင် (တရားရုံးချုပ်ရှေ့နေ)
ဇနီး = ဒေါ်မြင့်ဋ္ဌေး (ဆရာဝန်)
သမီးများ = စောသုနန္ဒီ၊ ထွေးကြာနန္ဒီ
နေရပ် = အမှတ် ၁၂၄၊ မြလေးရုံ၊ ပြည်ထောင်စုရိပ်သာလမ်း၊ ဒဂုံမြို့နယ်၊ ရန်ကုန်။

ဦးမြငြိမ်း

တာဝန် = အမျိုးသားလွှတ်တော် ဥပဒေမူကြမ်းကော်မတီ ဥက္ကဋ္ဌ
ဗဟိုဝန်ထမ်းတက္ကသိုလ် ဥပဒေအရာရှိ (၁၉၇၃-၇၄)၊ ဗဟိုဥပဒေရုံး၊ ညွှန်ကြားရေးမှူးချုပ် (ငြိမ်း) ရှေ့နေချုပ်ရုံး။
ပညာ = ဝိဇ္ဇာ (ဥပဒေ)
ဇာတိ = သံဒင်းကျေးရွာ၊ ရွှေပြည်သာမြို့နယ် (ယခင်မှော်ဘီမြို့နယ်)၊ ရန်ကုန်။
လိပ်စာ = အင်းစိန်မြို့နယ်၊ ရန်ကုန်။

Ref: မဇ္ဈိမ

Read More...

အပေါ်သို့