..............................

Thursday, December 29, 2011

ဂျော့ဆိုးရော့စ် မြန်မာပြည်ရောက်နေ

ကိုဝိုင်း
ဗုဒ္ဓဟူးနေ့၊ ဒီဇင်ဘာလ ၂၈ ရက် ၂၀၁၁

ချင်းမိုင် (မဇ္ဈိမ) ။ ။ နိုင်ငံတကာတွင် ဒီမိုကရေစီရေးနှင့် လွတ်လပ်မှုအတွက် အကူအညီများ ပေးနေသည့် OSI ခေါ် Open Society Institute ကို စတင် ထူထောင်သူ ဂျော့ဆိုးရော့စ် George Soros သည် ဗုဒ္ဓဟူးနေ့တွင် အင်းလေး ကန်သို့ အလည်အပတ် ရောက်နေသည်ဟု ရှမ်းပြည်နယ် အစိုးရအဖွဲ့ တိုင်းရင်းသား ရေးရာ ဝန်ကြီး ဦးဝင်းမြင့်က မဇ္ဈိမကို ပြောသည်။


“သူတည်းတဲ့ ခေါင်တိုင် ကျေးရွာမှာရှိတဲ့ ဟိုတယ်က တာဝန်ရှိတဲ့သူတွေကို သွားတွေ့ပြီး ကျနော် သိရတယ်” ဟု ဦးဝင်းမြင့်က ဆိုသည်။

ဂျော့ဆိုးရော့စ်နှင့် ရှမ်းပြည်နယ်အစိုးရအဖွဲ့ဝင်များ တွေ့ဆုံရန် ရှိမရှိကိုမူ “သူခေါ်မှပဲ ကျနော်တို့ သွားမယ်။ ရှမ်းပြည်နယ် အစိုးရကတော့ ဒီလိုမျိုး နိုင်ငံခြားသားနဲ့ တွေ့ဖို့မတွေ့ဖို့ အမိန့်ထုတ်ထားတာ မရှိပါဘူး” ဟု ပြောသည်။

ညောင်ရွှေမြို့နှင့် ၇ မိုင်ခန့်ကွာဝေးသည့် အင်းလေးကန်စပ်မှ ခေါင်တိုင်ကျေးရွာတွင် တည်းခိုနေ သည့် ဂျော့ဆိုးရော့စ်သည် အင်းလေးနှင့် ပုဂံဒေသသို့ အလည်အပတ် လာရောက်ခြင်းဖြစ်သည်ဟု သိရသည်။

ဒီဇင်ဘာ ၂၆ ရက်နေ့က ကိုယ်ပိုင်လေယာဉ်ဖြင့် ရောက်ရှိလာပြီး လာမည့် လဆန်းတွင် ပြန်မည့် ဂျော့ဆိုးရော့စ်အား အစိုးရ တာဝန်ရှိသူများက တွေ့ဆုံရန် ပြင်ဆင်နေသည်ဟု စီးပွားရေးလုပ်ငန်း ရှင်ကြီးတဦးကလည်း ပြောသည်။

“၂၆၊ ၂၇ က သူ ရန်ကုန်မှာရှိပြီး ဒီနေ့တော့ အင်းလေးသွားတယ်ပြောတယ်။ သူ့သားနှစ်ယောက်လည်း ပါတယ်။ သူ့ရဲ့ မိသားစု ဒီမှာ vacation visit ပေါ့ဗျာ” ဟု စီးပွားရေး လုပ်ငန်းရှင်တဦးက မဇ္ဈိမကို ပြောသည်။

အမေရိကန်အခြေစိုက် OSI ကို ဂျော့ဆိုးရော့စ်က ၁၉၉၃ ခုတွင် ထူထောင်ခဲ့သည်။ ယခုအခါ ဥရောပ၊ အာရှ၊ အာဖရိကနှင့် လက်တင် အမေရိကတို့ရှိ နိုင်ငံ ၇၀ ကျော်တွင် ရုံးခွဲများထားရှိပြီး လူ့အခွင့်အရေး၊ ပညာရေး၊ ကျန်းမာရေး၊ သတင်းလွတ်လပ်ခွင့် စသည်တို့ အတွက် အမေရိကန် ဒေါ်လာ သန်း ၈၀၀၀ ကူညီခဲ့ပြီးဖြစ်ကြောင်း အဖွဲ့က ထုတ်ပြန်ထားသည်။

မြန်မာ့ဒီမိုကရေစီအရေးအတွက် တနှစ်လျှင် ဒေါ်လာ နှစ်သန်း သုံးစွဲလေ့ရှိသည်ဟု Zimbio နှင့် Forbes အင်တာနက် စာမျက်နှာများတွင် ရေးသား ထားကြသည်။

Ref: မဇ္ဈိမ

Read More...

ဓါတုသိုလှောင်ရုံ ပေါက်ကွဲမှု လူ ၂၃ ဦးသေဆုံး

ကြာသပတေးနေ့၊ ဒီဇင်ဘာလ ၂၉ ရက် ၂၀၁၁

မဇ္ဈိမသတင်းဌာန ။ ။ ရန်ကုန်မြို့ရှိ နိုင်ငံပိုင် ဓါတုပစ္စည်းများ သိုလှောင်ထားသော ကုန်လှောင်ရုံတခုတွင် ကြာသပတေး နေ့နံနက် အစောပိုင်းက ပေါက်ကွဲမှု ဖြစ်ပွားရာ သေဆုံးသူ ၂၃ ဦးအထိ ရှိသွားပြီဖြစ်သည်။

ပေါက်ကွဲမှုနှင့် မီးလောင်မှုက လူ ၇ဝ ကျော်ဒဏ်ရာရသွားကာ လူနေအိမ်အများစုပါဝင်သော အဆောက်အဦး ၁ဝဝ ခန့် ပျက်စီး ဆုံးရှုံးသွားခဲ့သည်ဟု အာဏာပိုင်များက ပြောသည်။ မီးသတ်သမား ငါးယောက်သည်လည်း သေဆုံး သည့်အထဲ ပါဝင်သည်။

နံနက် ၂ နာရီတွင် ဖြစ်ပွားသော ပေါက်ကွဲမှုကြီး ပထမဆုံးဖြစ်ပြီးနောက် အသေးစားပေါက်ကွဲမှုများ ဆက်လက် ဖြစ်ပေါ် ခဲ့ကာ မီးလောင်မှုက ပတ်ဝန်းကျင် လူနေအိမ်များကိုပါ ကူးစက်ခဲ့ခြင်းဖြစ်သည်။

စီးပွားကူးသန်းဝန်ကြီးဌာနက ပိုင်ဆိုင်သည်ဆိုသော ဂိုဒေါင် ၁၆ လုံး ပျက်စီးခဲ့သည်။ ဂိုဒေါင်တခုတွင် သင်္ဘောဆေး နှင့် အမိုးနီးယား၊ ဆာလ်ဖြူရစ် အက်ဆစ်တို့ ပါဝင်သော ဓါတုပစ္စည်းများ သိုလှောင်ထားခြင်းသည် ပေါက်ကွဲမှု ဖြစ်ရခြင်း၏ အကြောင်းရင်းဟု ယုံကြည်ရသည်။

မျက်မြင်သက်သေများက ပြောကြားရာတွင် ပေါက်ကွဲမှုကြောင့် လူ့ခန္ဓာကိုယ်အစိတ်အပိုင်းများ လွင့်စင်ထွက်ခဲ့ သည်ဟု ဆိုသည်။ ဂိုဒေါင်အနီး နေထိုင်သူများအဆိုအရ ဂိုဒေါင်တွင် ညစောင့်အိပ်သော မိသားစုရှိခဲ့ပြီး ပေါက်ကွဲမှုကြောင့် သေဆုံးရာတွင် ပါဝင် လိမ့်မည်ဟု ယုံကြည်ရသည်။ မီးသတ်ကားနှစ်စီးလည်း ပျက်စီးသွားခဲ့ပြီး ကူးတို့ဆိပ်တွင် ကျောက်ချထားသော မော်တော်နှစ်စီးလည်း ဝမ်းဗိုက် ပေါက်ကွဲ နစ်မြုပ်သွားခဲ့သည်။

နံနက် ၁ နာရီ ၄ဝ မိနစ်ခန့်တွင် ဂိုဒေါင်တခုတွင် မီးလောင်မှု စတင်ဖြစ်ပွားရာ မီးလောင်ရာသို့ လာရောက် ကြည့်ရှုသူ နှစ်ဦး ပေါက်ကွဲမှုမှ လွင့်ပျံထွက်လာသော ကျောက်ခဲများ ထိမှန်၍ သေဆုံးသည့် အထဲ ပါဝင်သည်။ ထိုအခါကျမှ ထောင်နှင့်ချီသော လူအုပ်စုကြီးလည်း နောက်ထပ် ပေါက်ကွဲမှုများ ဖြစ်လာမည်ကို စိုးရိမ်လာကာ မီးနှင့် ဝေးရာဘက်သို့ ထွက်ပြေးခဲ့ကြသည်။

"ဝရုန်းသုန်းကားပဲ၊ ကျနော်တို့အားလုံးပြေးနေကြတာ။" ဟု သွားရောက်ကြည့်ရှုခဲ့သူ တယောက်က မဇ္ဈိမသို့ တယ်လီဖုန်းမှ တဆင့် ပြောသည်။ အခင်းဖြစ်ပွားရာနေရာနှင့် "ကိုက် ၄ဝဝ၊ ၅ဝဝ အကွာမှာရှိတဲ့ အေဘီစီ လမ်းမကြီးပေါ်မှာ ကျောက်ခဲတွေ ပြန့်ကျဲနေတာ မြင်မကောင်းဘူး" ဟုလည်း မြင်တွေ့ရသူတဦးက ပြောသည်။

နောက်ထပ် ဒေသခံတဦးကတော့ ကျောက်ခဲများနှင့် အပျက်အစီးများကြောင့် လူအများ ဒဏ်ရာရသွားသည်ဟု ဆိုကာ "သွေးသံရဲရဲနဲ့ လူတွေ ပြေးလွှား နေကြတာ" ဟုဆိုသည်။

ကူးတို့ဆိပ်ရပ်ကွက်တွင် လူနေအိမ် ၇ဝ ကျော်နှင့် အာရုဏ်ဦးရပ်ကွက်တွင် နေအိမ်အနည်းငယ် ပြိုကျပျက်စီးသွား ခဲ့သည်။ နံနက် ၂ နာရီထိုး ပေါက်ကွဲမှုကြီးက ရန်ကုန်တိုင်း မြို့နယ် အတော်များများမှ အိပ်မော ကျနေသူများကို လန့်နိုးသွားစေခဲ့သည်။

မင်္ဂလာတောင်ညွန့်မြို့နယ်အတွင်းရှိ ဘုန်းကြီးကျောင်းတကျောင်းကို ကယ်ဆယ်ရေးစခန်း အဖြစ် ဖွင့်လှစ်ထားပြီး စေတနာ့ ဝန်ထမ်းများနှင့် ကြက်ခြေနီများက အကူညီပေးလျက်ရှိသည်။

Ref: မဇ္ဈိမ

Read More...

အကြီးကျယ်ဆုံး ပညာရေးရန်ပုံငွေ ဂီတပွဲ ကျင်းပမည်

ရန်ပိုင်
December 28, 2011

အဆိုတော် ၈၀ ကျော်နှင့် တေးဂီတ၀ိုင်း ၈ ဖွဲ့ ပါဝင်ဖျော်ဖြေမည့် ပြည်ထောင်စု တိုင်းရင်းသားများ ပညာရေးရန်ပုံငွေ ရှာဖွေရေး ဂီတပွဲတော်သည် အကြီးကျယ်ဆုံး စုစည်းမှုဖြစ်သည်ဟု ဂီတလောကသားများက ပြောသည်။

အဆိုပါ ရန်ပုံငွေပွဲကို ဒီဇင်ဘာ ၃၀ရက်နေ့ မရမ်းကုန်းမြို့နယ် မင်းဓမ္မကုန်းရှိ Myanmar Convention Center (MCC) တွင် ကျင်းပ မည်ဖြစ်ပြီး အမျိုးသား ဒီမိုကရေစီအဖွဲ့ချုပ် (NLD) မှ ဦးဝင်းတင်၊ ဦးဝင်းထိန်နှင့် ၈၈ မျိုးဆက်ကျောင်းသား ခေါင်းဆောင် ကိုဖြိုးမင်း သိန်းတို့ အပါအ၀င် ဂီတ လောကသားများဖြစ်သည့် Metal Zone တေးဂီတအဖွဲ့မှ ကိုဇော်ဝင်းနှင့် ကိုရဲလွင်၊ ဆောင်းဦးလှိုင်တို့က တာဝန်ယူ ဆောင်ရွက်နေသည်။


Metal Zone ကိုဇော်ဝင်းက“နိုင်ငံရေးလုပ်တာမဟုတ်ဘူး၊ ကိုယ့်အသိစိတ်နဲ့ကိုယ် ဂီတ ပညာရှင်အားလုံး အန်တီစု နောက်မှာ ရပ် တည်တာ၊ ဘယ်သူ့ကိုမှ အထူးတလည်မဖိတ်ရပါဘူး”ဟု ဆိုသည်။

ယခုဖျော်ဖြေပွဲသည် လက်ရှိ ဂီတလောက၏ စုစည်းမှု မှတ်တိုင်တခုဖြစ်ကြောင်း၊ လူငယ်များနှစ်သက်သည့် ဟစ်ပ်ဟော့ပ် တေးသံ ရှင်များအပြင် ရော့ခ်တေးသံရှင်များနှင့် ကိုယ်ပိုင်သံစဉ်သီဆိုသည့် တေးသံရှင်များလည်း ပါဝင်သည့်အတွက် နှစ်ငါးဆယ်အတွင်း အကြီးမားဆုံး ဂီတလှုပ်ရှားမှုဟု ဆိုနိုင်ကြောင်း ကိုဇော်ဝင်းက ပြောသည်။

နိုင်ငံတော်အနေဖြင့် ဒေါ်အောင်ဆန်းစုကြည် ခေါင်းဆောင်သည့် ဒီမိုကရေစီအင်အားစုများဖြင့် ပူးပေါင်းဆောင်ရွက်နေချိန်တွင် ဂီတလောကသားများလည်း အားလုံးပူးပေါင်းဆောင်ရွက်သည့်အတွက် ၀မ်းသာကြောင်း ဆက်လက်ပြောသည်။

လက်ရှိ နာမည်ကြီး Emperor နှင့် Iron Cross တေးဂီတ၀ိုင်းများကို အခြေခံရန် ကြိုးစားခဲ့သော်လည်း Iron Cross တေးဂီတ အဖွဲ့ဝင်တချို့ ခရီးလွန်နေသည့် အတွက် ပါဝင်နိုင်ခြင်းမရှိကြောင်း၊ Lazy Club ဂီတ၀ိုင်း နှင့် တေးသံရှင်တချို့မှာ နှစ်သစ်ကူးပွဲတော် ဖျော်ဖြေမှုများရှိ၍ လာရောက်ပူးပေါင်းနိုင်ခြင်း မရှိကြောင်း သိရသည်။

တေးရေး တေးဆို လင်းလင်းကလည်း မည်သူတဦးတယောက်၏ တိုက်တွန်းမှု၊ အတင်းအကျပ်ခေါ်ဆိုမှုကြောင့် လာရောက်ခြင်း မဟုတ်ကြောင်း၊ ဒေါ်အောင်ဆန်းစုကြည်၏ တိုင်းရင်းသားပညာရေးအတွက် လှူဒါန်း မည်ဆိုသည့် ရည်ရွယ်ချက်၊ နိုင်ငံရေးတွင် စိတ်ဝင်စားခြင်းတို့ကြောင့် လာရောက်ခြင်းဖြစ်ကြောင်း၊ အလားတူ တခြားသော တေးသံရှင်များသည်လည်း ထိုကဲ့သို့သော စိတ် ထားဖြင့် လာရောက်ခြင်းဖြစ်သည်ဟု ယုံကြည်ကြောင်း ပြောသည်။

“ဘာ ဗီအိုင်ပီမှ မရှိဘူး၊ ဒေါ်အောင်ဆန်းစုကြည် ခြံထဲကလူတွေလည်း ၀ယ်ကြည့်ရတာပဲ၊ တကယ့်စစ်မှန်တဲ့ အလှူပွဲမို့လို့ ကိုယ့် အသိစိတ်နဲ့ လာပူးပေါင်းတဲ့သူတွေ စုစည်းမိတဲ့ ပွဲတပွဲပဲ”ဟု သူက ဆိုသည်။

ကောင်းမွန်သော ရည်ရွယ်ချက်ဖြင့် ပြုလုပ်သည့် ဖျော်ဖြေပွဲ ဖြစ်မြောက်ခြင်းအားဖြင့် ဂီတလောကအတွင်း ပုဂ္ဂိုလ်ရေး မုန်းတီးမှု၊ စီးပွားရေး ပြိုင်ဆိုင်မှု စသည့် အာဃာတများ လျော့ပါးလာမည်ဟု ထင်ကြောင်းလည်း လင်းလင်းက ပြောသည်။

ပါဝင်ဖျော်ဖြေမည့် တေးသံရှင်များမှာ ဇော်ဝင်းထွဋ်၊ အဲလက်စ်၊ Lလွန်းဝါ၊ ကော်နီ၊ ဆုန်သင်းပါ၊ ၀ိုင်းစုခိုင်သိန်း၊ အိမ့်ချစ်၊ R ဇာနည်၊ ဟဲလေး၊ ဖိုးကာ၊ ဉာဏ်လင်းအောင်၊ အစိုင်း၊ M သီဟ၊ ထွန်းအိန္ဒြာဗိုလ်၊ ယုဇန၊ ဟယ်ရီလင်း၊ မာရဇ္ဖ၊ ထွန်းထွန်း၊ ဟန်ထွန်း၊ လင်း လင်း၊ ဂျီလတ်၊ သအို၊ ထက်နေခြည်၊ တင်ဇ်ာမော်၊ Lဆိုင်းဇီ၊ ချစ်သုဝေ၊ N ကိုင်ရာ၊ မျိုးကျော့မြိုင်၊ ဆောင်းဦးလှိုင်၊ စည်သူလွင်၊ ကောင်းမြတ်၊ မိုးမိုး၊ ချမ်းချမ်း၊ ရှင်ဖုန်း၊ နေနေ၊ တူးတူး၊ အက်စ်ကဲနက်၊ ဇော်ပိုင်၊ ဘိုဖြူ၊ လင်းလက်၊ နွဲ့ယဉ်ဝင်း၊ သံသာဝင်း၊ မီးမီးခဲ၊ ကဗျာဘွဲမှူး၊ ဂျေမောင်မောင်၊ ဖြိုးကြီး၊ အောင်ခန့်၊ သျှီ၊ မေခလာ၊ ခင်ဘုဏ်း၊ ရတနာမိုင်၊ ကိုရဲလွင်၊ ကိုနေ၀င်း၊ သားထွေး၊ ဂျေညီညီ၊ စံလင်း၊ ရင်ဂို၊ တာရာ၊ တိုးလွင်၊ အောင်အောင်၊ ညီညီလွင်၊ ကိုထွဋ်၊ ဂျေညီမလေး၊ Lil ကောင်းမြတ်၊ ကြက်ဖ၊ ရသ၊ ဘိုလေး၊ ယုန် လေး၊ ငယ်ငယ်၊ စန္ဒီမြင့်လွင်၊ ဇေယျာသော်၊ အနဂ္ဂနှင့် အက်ဆစ်အဖွဲ့တို့ ဖြစ်ကြသည်။

ပါဝင်တီးခတ်မည့် တေးဂီတ၀ိုင်းများမှာ Metal Zone၊ Emperor ၊ The Trees ၊ Heaven Born၊ Spectrum၊ Plus Tree ၊ Vertical တို့ ကူညီတီးခတ်မည်ဖြစ်သည်။

လက်မှတ် ၁သောင်း ရိုက်နိုပ်ရောင်းချမည်ဖြစ်ပြီး တန်ဖိုးမှာ ကျပ် ၃သောင်း၊ ၂သောင်း၊ ၁သောင်း၊ ၅ထောင် ဟု သတ်မှတ်ထားကာ Myanmar Convention Center (MCC) ၀န်းအတွင်း ကျင်းပရန် စီစဉ်ထားသည်။

လာရောက်သည့် ပွဲကြည့်ပရိသတ်၏ လုံခြုံရေးအတွက် NLDနှင့် လူငယ်ကွန်ရက်များမှ အဖွဲဝင် ၂၅၀ ခန့်၊ မြန်မာနိုင်ငံ ရဲတပ်ဖွဲ့ဝင် ၁၀၀ ခန့်၊ Excel ပုဂ္ဂလိက လုံခြုံရေးအဖွဲ့ဝင် ၅၀ ငှားရမ်းထားကြောင်း၊ အရက်သေစာ သောက်စားခွင့်ပြုမည် မဟုတ်ကြောင်း ဦးဖြိုးမင်းသိန်းက ပြောသည်။

ပြီးခဲ့သည့် နိုဝင်ဘာ ၂၅ ရက်နေ့က အနုပညာရှင် ၅၀ကျော်နှင့် ဒေါ်အောင်ဆန်းစုကြည်တို့ တွေ့ဆုံခဲ့ပြီးနောက် ထိုသို့ တိုင်းရင်း သားများ ပညာရေးအတွက် ဖျော်ဖြေပွဲပြုလုပ်ရန် စီစဉ်ခြင်းဖြစ်သည်။

ယခုလအတွင်းကလည်း ဒေါ်အောင်ဆန်းစုကြည်နှင့် ရုပ်ရှင်အနုပညာရှင်များတွေ့ဆုံကာ ဗိုလ်ချုပ်အောင်ဆန်း အတ္ထုပ္ပတ္တိ ရိုက်ကူး ရန်တွေ့ဆုံခဲ့သေးသည်။

Ref: ဧရာဝတီ

Read More...

ဇာဂနာ ပါတီဝင်ရန် ဦးဝင်းတင် ဖိတ်ခေါ်

လင်းသန့်
December 28, 2011

အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် ဦးဝင်းတင်က နာမည်ကျော် လူရွှင်တော် ဇာဂနာအား NLD ပါတီဝင်ရန် ဖိတ်ခေါ်လိုက်သည်။

NLD တွင် ပညာတတ်လူငယ်ကင်းမဲ့နေကြောင်း မကြာသေးခင်က ပေါ်ပေါက်လာသည့် ဇာဂနာ၏ အငြင်းပွားဖွယ် ပြောဆိုချက်နှင့် ပတ်သက်ပြီး ဧရာဝတီက အင်္ဂါနေ့က ဆက်သွယ် မေးမြန်းစဉ် ဦးဝင်းတင်က ထိုသို့ တုန့်ပြန်လိုက်ခြင်း ဖြစ်သည်။

“ကိုဇာဂနာကို ဖိတ်ချင်တယ်။ လာပါ ကိုဇာဂနာ။ ကိုဇာဂနာတို့ ၀င်လုပ်ကြပါ။ NLD မှာ ၀င်လုပ်ပါ။ ဒီပွဲကြီးဟာ ကျနော်တို့ တမျိုးသားလုံးနဲ့ ဆိုင်တဲ့ပွဲ ဖြစ်ပါတယ်” ဟု ဦးဝင်းတင်က ဆိုသည်။

“နည်းတယ်၊ များတယ်ဆိုတာက အထင်အမြင်ကို ပြောတာပေါ့ဗျာ၊ ကျနော်က နည်းတယ်တို့၊ များတယ်တို့၊ အတိုင်းအတာ တွေကို မပြောချင်ဘူး။ နည်းတယ် ပြောနေသူတွေ များများ ၀င်ပြီးဆောင်ရွက်ဖို့ လိုတယ်” ဟု ဦးဝင်းတင်က ဆက်ပြောသည်။

ဒီဇင်ဘာလ ၁၈ ရက်နေ့က ဘန်ကောက်မြို့ သတင်းစာ ရှင်းလင်းပွဲတွင် လူရွှင်တော် ဇာဂနာက မြန်မာလူငယ်များ အတွက် အလုပ် လုပ်မည်ဖြစ်ကြောင်း၊ မြန်မာ လူငယ်အများစုမှာ ဒီမိုကရေစီနှင့် လူ့အခွင့်အရေး ဆိုင်ရာ ဗဟုသုတ မရှိကြောင်း၊ NLD တွင်လည်း အသက် ၄၀ အောက် ပညာရှင်၊ ပညာတတ်များ မရှိကြောင်း ပြောဆိုခဲ့သည်။

ဇာဂနာ ထိုင်းနိုင်ငံသို့ ခေတ္တရောက်ရှိစဉ် ထိုသို့ မှတ်ချက်ချလိုက်ခြင်းကို အင်တာနက် လူမှု ကွန်ရက် စာမျက်နှာများ၊ မြန်မာ့နိုင်ငံရေး စိတ်ဝင်စားသူများ ကြားတွင် ငြင်းခုန် ဆွေးနွေးနေကြသည်။

NLD ခေါင်းဆောင် ဦးဝင်းတင်ကမူ ပါတီတွင် ပညာတတ်၊ ပညာရှိများ သာမက အလွှာ အသီးသီး ပါဝင်နေသည်ဟု ဆိုသည်။

“ဘွဲ့ ၂ ထပ်ကွမ်း၊ ၃ ထပ်ကွမ်း၊ ပါရဂူဘွဲ့ ရတဲ့လူတွေလည်း လိုတယ်။ အရေးကြီးတာက ဘွဲ့ရခြင်း၊ မရခြင်း၊ အင်္ဂလိပ်လို တတ်ခြင်း၊ မတတ်ခြင်း၊ ဒါကို ပြောတာ မဟုတ်ဘူး။ လိုတာက ပညာတတ်တွေ လိုတာ။ ပညာတတ်တယ် ဆိုတာက လူထုအကျိုးကိုပြုနိုင်တဲ့၊ ပညာတွေ အမျိုးစုံ တတ်တဲ့သူတွေ လိုတာ။ ဒါပေမယ့်လို့ အဲဒီ ပညာတတ်တွေနဲ့ချည်း လုပ်လို့ မပြီးပါဘူး”ဟု သူက ဆိုသည်။

နိုင်ငံခြားတွင် ပညာ သွားရောက် သင်ယူပြီး ပြန်မလာသူများရှိကြောင်း၊ ပညာတတ်များ ပါတီ ၀င်ရုံသာမက အမှန်တကယ် အလုပ်လုပ်ရန် လိုအပ်ကြောင်း ဦးဝင်းတင်က ပြောသည်။

NLD သည် သောကြာနေ့က ရွေးကောက်ပွဲ ကော်မရှင်တွင် ပါတီအဖြစ် မှတ်ပုံတင်ခဲ့ပြီး ပါတီ ၀င်လိုသူများကို ဖိတ်ခေါ်လျက်ရှိသည်။ NLD တွင် နှစ်ပေါင်းများစွာ လုပ်ကိုင်ခဲ့သူများလည်း ပါတီဝင်ဖြစ်ရေးအတွက် ပြန်လည် လျှောက်လွှာတင်ရမည်ဟု NLD က ဆိုသည်။

အနာဂတ် NLD တွင် လူကြီးပိုင်းက နာယက နေရာများတွင်သာ တာဝန် ယူသွားမည်ဖြစ်သည်ဟု ဦးဝင်းတင်က ပြောသည်။

“လူငယ်ပိုင်းတွေကို တိုးတိုးပြီး နေရာပေးသွားဖို့ ကျနော်တို့ သဘောထားရှိတယ်။ လူငယ်ပိုင်းတွေ ၀င်ဦးဆောင်ကြတဲ့ အခါ လူကြီးပိုင်းတွေကလည်း ဖယ်ပေးသွားကြမှာဖြစ်တယ်” ဟု သူက ဆိုသည်။

ထိုသဘောထားသည် ပြီးခဲ့သည့်နှစ်ကုန်ပိုင်း ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်စဉ် ပထမဆုံး ပြုလုပ်သည့် NLD ထိပ်တန်း ခေါင်းဆောင်များ အစည်းအဝေးတွင် ပေါ်ပေါက်လာခြင်း ဖြစ်သည်ဟု ဆိုသည်။

ဤအတောအတွင်း ဒေါ်အောင်ဆန်းစုကြည်နှင့် သမ္မတ ဦးသိန်းစိန် အစိုးရတို့၏ ဆက်ဆံရေး ကောင်းမွန်လာပြီး ပါတီအား ကော်မရှင်တွင် မှတ်ပုံတင်လိုက်သဖြင့် အလွှာအသီးသီးမှ လူထုက ကြောက်ရွံ့မှု မရှိကြတော့ဘဲ လာရောက် ထိတွေ့ ဆက်ဆံနေကြကြောင်း၊ NLD ပိုမို အားကောင်းစေရန် မည်သူ့ကို မဆို တံခါးဖွင့်ထားကြောင်း ဦးဝင်းတင်က ဆက်ရှင်းပြသည်။

ဝန်းရံလာသူများထဲတွင် ဒေါ်အောင်ဆန်းစုကြည်နှင့် ဓာတ်ပုံတွဲရိုက်လိုသူများ၊ ကိုယ်ကျိုးရှာသူများ၊ အမတ်ဖြစ်လိုသူများလည်း ပါလာနိုင်ကြောင်း သူက ဆိုသည်။

“ကျနော်တို့ပါတီကို အပြင်လူတွေ ၀င်လာနိုင်ဖို့ ဒေါ်အောင်ဆန်းစုကြည်က အလွန် အင်မတန်အားကောင်းတဲ့၊ ဆွဲဆောင်အား ရှိတော့ လူတွေလည်း ပိုပြီး ၀န်းရံလာကြတဲ့ အခါကျတော့ ဒီလို ၀န်းရံလာတဲ့သူတွေကို တွန်းဖယ်တာတို့ ကျောခိုင်းတာတို့ ကျနော်တို့ မလုပ်ချင်ဘူး” ဟု သူက ဆိုသည်။

NLD ပါတီကို ၀န်းရံသူ များလာခြင်းသည် နိုင်ငံအတွက်လည်း အကျိုးရှိစေသည်ဟု သူက ပြောသည်။

Ref: ဧရာဝတီ

Read More...

ဒေါ်အောင်ဆန်းစုကြည်ကို စံထားသင့်ကြောင်း ပါကစ္စတန်သမ္မတပြောကြား

2011-12-28

ပါကစ္စတန်ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နမူနာယူရမယ်လို့ သမ္မတ ဇာဒါရီက အင်္ဂါနေ့က ပြောလိုက်ပါတယ်။

ဇနီးဖြစ်သူ ၀န်ကြီးချုပ် ဘနာဇီယာ ဘူတို လုပ်ကြံခံခဲ့ရတာ လေးနှစ်မြောက်အထိမ်းအမှတ် အနေနဲ့ ဘူတို ဂူဗိမာန်မှာ ကျင်းပတဲ့ နှစ်လည်ပွဲ တက်ရောက်လာသူ ပရိသတ် သုံးသိန်းကျော်ကို ပြောဆိုခဲ့တာပါ။

ဘနာဇီယာ ဘူတိုကို အကောင်းဆုံးဂုဏ်ပြုတဲ့နည်းကတော့ ဒီမိုကရေစီနဲ့တကွ တိုင်းပြည်မှာရှိနေတဲ့ ဒီမိုကရေစီ နည်းကျ အဖွဲ့အစည်းတွေကို ကာကွယ်စောင့်ရှောက်ပြီး ဖျက်လိုဖျက်ဆီး ကြံစည်နေတာတွေကို တိုက်ဖျက်ဖို့ပါပဲလို့ သမ္မတ ဇာဒါရီက ပြောပါတယ်။

ပါကစ္စတန်မှာ စစ်တပ်ကအာဏာသိမ်းတော့မယ် ဆိုတဲ့ သတင်းတွေ ပေါ်ထွက်နေချိန်မှာ ဇာဒါရီက အခုလို ပြောဆိုခဲ့တာပါ။ ဒါ့အပြင် မြန်မာနိုင်ငံမှာ စစ်အုပ်ချုပ်ရေးကို ဆန့်ကျင်တွန်းလှန်ခဲ့တဲ့ ငြိမ်းချမ်းရေး နိုဘဲဆုရှင် ဒေါ်အောင်ဆန်းစုကြည်ရဲ့လမ်းစဉ်ကို နမူနာ ယူသင့်ကြောင်းလည်း ဆက်လက်ပြောဆိုခဲ့ပါတယ်။

အမေရိကန်ဟာ ဒေါ်အောင်ဆန်းစုကြည်ကို လိုအပ်နေကြောင်း၊ အင်အားကြီး အမေရိကန်က ဒေါ်အောင်ဆန်းစုကြည် ရှိရာကို သွားရကြောင်း၊ သူ့လမ်းစဉ်ကို နမူနာယူသင့်ကြောင်း၊ နိုင်ငံတစ်နိုင်ငံကို ထူထောင်တယ်ဆိုတာ မဖြစ်နိုင်တာကို ဖြစ်အောင်လုပ်တဲ့ အတတ်ပညာဖြစ်ကြောင်း ပါကစ္စတန်သမ္မတ ဇာဒါရီက ပြောဆိုခဲ့ပါတယ်။

Ref: RFA News

Read More...

စီးပွားကူးသန်းဂိုဒေါင် ပေါက်ကွဲမှု အနည်းဆုံး ၁၀ ဦးသေ

ကြာသပတေးနေ့၊ ဒီဇင်ဘာလ ၂၉ ရက် ၂၀၁၁

မဇ္ဈိမသတင်းဌာန ။ ။ စီးပွားကူးသန်းပိုင် ဂိုဒေါင်တွင် ပေါက်ကွဲမှုက အနည်းဆုံး လူ ၁၀ ဦး သေဆုံးသည်ဟု အခင်းဖြစ်ပွားရာ ရောက်ရှိနေသူများက ပြောသည်။

မီးလောင်စေနိုင်သော သင်္ဘောဆေးများနှင့် သင်္ဘောဆေး ချက်လုပ်ရာ ပစ္စည်းများထားသော ဂိုဒေါင်တွင် ပေါက်ကွဲမှု ဖြစ်ပွားခြင်း ဖြစ်သည်။ ခန္ဓာကိုယ် အပိုင်းအစများ လွင့်ထွက် လာခဲ့သည်ကို မြင်ကြရသည်ဟု မျက်မြင်သက်သေ တဦးက ပြောသည်။

ဂိုဒေါင်တွင် မိသားစုလိုက် ညစောင့် အိပ်နေခဲ့ကြသည်ဟု အနီးနားနေသူများက ပြောကြားပြီး သေဆုံးသူ များတွင် ဂိုဒေါင်စောင့်သူများ ပါဝင်သည်ဟု ယုံကြည်ရသည်။ အခင်းဖြစ်ပွားရာသို့ လာရောက်ကြည့်ရှု့သော ထောင်ချီနေသော လူအုပ်စုကြီးက ထပ်မံ ပေါက်ကွဲမှုများ ဖြစ်မည်ဆိုသော စိုးရိမ်စိတ်ဖြင့် ဝေးရာသို့ ပြန်လည် ပြေးလွှားနေကြသည်။

ကူးတို့ဆိပ်လမ်းမှ အိမ်အတော်များများ ပြိုကျသွားခဲ့သလို မီးသတ်ကားများ ရောက်ရှိပြီးမှ ထပ်မံ ပေါက်ကွဲမှုကြောင့် မီးသတ်ကားနှစ်စီးကို ထိခိုက်မှု ဖြစ်ခဲ့သည်။

ကြာသပတေးနေ့ နံနက် ၂ နာရီခန့်က အင်အားပြင်းထန်သော ပေါက်ကွဲမှုကြီးက ရန်ကုန်မြို့ မြို့နယ် အများအပြား မှ အိပ်မော ကျနေသူများကို လန့်နိုး သွားစေခဲ့သည်။

ဂိုဒေါင် ၃၂ လုံးရှိရာ ပုဇွန်တောင်ကမ်းအနားအနီး ဂိုဒေါင်များတွင် မီးလောင်လျှက် ရှိပြီး အခင်း ဖြစ်ပွားသော နေရာ ၏ “ကိုက် ၄၀၀၊ ၅၀၀ အကွာမှာရှိတဲ့ အေဘီစီ လမ်းမကြီးပေါ်တွင် ကျောက်ခဲများ ပြန့်ကျဲနေတာ မြင်မကောင်း” ဟု မျက်မြင်သက်သေ တဦးက ဆိုသည်။

အဆောက်အဦးပေါက်ပြီး ပြန့်ထွက်လာတဲ့ ခဲမှန်လို့ပင် ဒဏ်ရာရသူများကို တွေ့ရပြီး “သွေးသံ ရဲရဲနဲ့ လူအများ ပြေးလွှား နေတာကိုတွေ့ရသည်” ဟု မျက်မြင် တဦးက ပြောသည်။ သေဆုံး သို့မဟုတ် ဒဏ်ရာရသူ လူအများ အပြားကို မီးလောင်ရာနေရာမှ ဆွဲထုတ် နေသည်ကိုလည်း တွေ့ရသည်ဟု ဆိုသည်။

“ကျနော်တို့အားလုံး ပြေးနေကြတယ်” ဟုဆိုကာ ပတ်ဝန်းကျင် တခုလုံး “ဝရုန်းသုန်းကား” ဖြစ်နေသည်ဟု အခင်းဖြစ်ပွားရာကို လွန်ခဲ့သည့် တနာရီကတည်းက ရောက်ရှိနေသူ တဦး ကပြောသည်။

ဒဏ်ရာရသူများကို သယ်ထုတ်နေသည်မှာ မပြီးပြတ်နိုင်သေးဘဲ ဖြစ်ပြီး အသေ အပျောက် ရှိလိမ့်မည်ဟု အခင်းဖြစ်ပွားရာ ရောက်နေသော လုံခြုံရေးတဦးက ပြောသည်။

Ref: မဇ္ဈိမ

Read More...

ရွှေဂက်စ် အကျိုးအမြတ် ရခိုင်ပြည်အတွက်လည်း ဖြစ်စေလို

မျိုးသန့်
ဗုဒ္ဓဟူးနေ့၊ ဒီဇင်ဘာလ ၂၈ ရက် ၂၀၁၁

ချင်းမိုင် (မဇ္ဈိမ) ။ ။ ရခိုင်ကမ်းရိုးတန်းဒေသတွင် တူးဖေါ်နေသည့် ရွှေသဘာဝ ဓာတ်ငွေ့ စီမံကိန်းမှ ရရှိသော အကျိုး အမြတ်များကို ပြည်ထောင်စု အစိုးရမှ ရခိုင်ပြည်နယ် အစိုးရသို့ ခွဲဝေပေးရန် ၂ဝ၁၂ ဇန်နဝါရီလ တရက်နေ့ တွင် ပြည်သူ့ဆန္ဒကောက်ယူ တင်ပြ သွားမည်ဟု ရခိုင် တိုင်းရင်းသားများ တိုးတက်ရေးပါတီ RNDP ဥက္ကဋ္ဌ ဒေါက်တာအေးမောင်က ပြောသည်။

လာမည့်နှစ် ဇန်နဝါရီလအတွင်း ကျင်းပရန်ရှိသည့် လွှတ်တော် အစည်း အဝေးများတွင် ၂ဝ၁၂၊ ၂ဝ၁၃ ပြည်နယ်နှင့် တိုင်း ဘတ်ဂျက်များကို ပြည်ထောင်စု လွှတ်တော်သို့ တင်ပြရန်ရှိရာ အဆိုပါ ဘတ်ဂျက် ခွဲဝေမှုအတွက် ကြိုတင် ပြင်ဆင်ခြင်းဟုလည်း ဒေါက်တာအေးမောင်က ပြောသည်။

"ကျနော်တို့တောင်းတာက ပြည်နယ်အစိုးရရဲ့ ဘတ်ဂျက်ကိုဗျ၊ ဘာကြောင့်တောင်းလဲ ဆိုရင် လာမယ့် ၃၁ ဇန်နဝါရီ မှာ ပြည်နယ်တိုင်း အားလုံးရဲ့ ဘတ်ဂျက်တွေ ပြည်ထောင်စု လွှတ်တော်ကို တင်တော့မယ်။ ရွှေဂက်စ်က ကျပ်သန်းပေါင်း ဘယ်လောက်ရသလဲ၊ ပြည်ထောင်စုက ဘယ်လောက် ယူသွားပြီးပြီလဲ၊ ဒေသဖွံ့ဖြိုးဖို့အတွက် ပြည်နယ် အစိုးရကို ဘယ်လောက် ထည့်ဝင်ပေးမလဲ။ ဒါတွေအတွက် ကြိုပြင်တာပါ" ဟု မဇ္ဈိမကို ပြောသည်။

RNDP မှ ဦးဆောင်ပြုလုပ်သည့် ပြည်သူ့ဆန္ဒကောက်ယူပွဲကို ကျောက်ဖြူမြို့ နာရီစင်ကွင်းတွင် ကျင်းပရန် ရှိပြီး ကျောက်ဖြူဒေသခံ ၅ဝဝ ကျော်ခန့်ကို ဖိတ်ကြားထားရာ ပြည်နယ်ကော်မရှင်မှ ခွင့်ပြုချက်ကို ဗုဒ္ဓဟူးနေ့က ရထားပြီးဟုလည်း သိရသည်။

ရွှေသဘာဝ ဓာတ်ငွေ့စီမံကိန်း အပါအဝင် ရခိုင်ကမ်းလွန်ဒေသမှ ထွက်ရှိသည့် သဘာဝ ဓါတ်ငွေ့ လုပ်ငန်းများမှ ရရှိသည့် အကျိုး အမြတ်များနှင့် ရခိုင်ပြည်နယ်တွင် လျှပ်စစ်မီး ရရှိရေးတို့အတွက် စီစဉ်ဆောင်ရွက်ပေးရန် ရှိမရှိကို စက်တင်ဘာ ၁၉ ရက်နေ့ အမျိုးသား လွှတ်တော် အစည်းအဝေး တွင်လည်း ရခိုင်ပြည်နယ် မဲဆန္ဒနယ် ၂ မှ လွှတ်တော် အမတ် ဦးကျော်ကျော်က မေးမြန်း ခဲ့သေးသည်။

ဤမေးခွန်းကို အမှတ် ၂ လျှပ်စစ်ဝန်ကြီး ဦးခင်မောင်စိုးမှ ပြန်လည်ဖြေကြားရာတွင် ရခိုင် ကမ်းလွန်ဒေသ ရေတိမ် ပိုင်းနှင့် ရေနက်ပိုင်းတို့တွင် ကိုရီးယား၊ စင်္ကာပူ၊ တရုတ် အိန္ဒိယ နိုင်ငံများနှင့် မြန်မာ့ရေနံနှင့် သဘာဝ ဓာတ်ငွေ့ လုပ်ငန်းတို့ ပူးပေါင်း ဆောင်ရွက်နေကြောင်းသာ ဖြေကြားခဲ့သည်။

တိုင်းရင်းသားဒေသများမှ ထွက်ရှိသည့် သယံဇာတများအား ကိုလိုနီပုံစံမျိုး မကျင့်သုံး သင့်ဘဲ မိသားစု စိတ်ဖြင့်သာ ခွဲဝေ သုံးစွဲသင့်ကြောင်းလည်း ဒေါက်တာအေးမောင်က "အဓိကကတော့ ကိုလိုနီစနစ်လိုမျိုး ရှိသမျှပစ္စည်းကို ဂုတ်သွေးစုပ်သွားတဲ့ ပုံစံမျိုး မဖြစ်စေချင်လို့။ အကုန်လုံးကို ရတာယူမယ် ဆိုတဲ့စိတ်မရှိဘူး။ မိသားစု စိတ်ရှိတယ်ဆိုတဲ့ အမြင်လေးက ကျနော်တို့ တိုင်းရင်းသား တွေမှာ ရှိသွားစေချင်တယ်။ ကျနော်တို့လိုချင်တဲ့ တိုင်းရင်းသားတွေ အားလုံးပါဝင်တဲ့ ပြည်ထောင်စုကို လိုချင်တယ်ဆိုရင် တိုင်းရင်းသား ဒေသတွေကို ဖွံ့ဖြိုး စေချင်တယ် ဆိုရင် ပေးရမယ့် quota လေးကို ပေးပါ။ ကျနော်တို့က တိုက်နေတာ မဟုတ်ဘူး တော်လှန်နေတာ မဟုတ်ဘူး။ ကိုယ့်ဒေသကလည်း ထွက်သေးတယ် ရှိသမျှ ပစ္စည်းလည်း ယူသွားတယ်ဆိုရင် ပြည်ထောင်စု အစိုးရကို ဘယ်လိုလုပ်ပြီး လက်ခံလို့ ရမလဲ။" ဟု မဇ္ဈိမကို ပြောသည်။

၂ဝ၁၁၊ ၂ဝ၁၂ ဘဏ္ဍာရေးနှစ်အတွင်း ရခိုင်ပြည်နယ်အစိုးရ၏ ဘဏ္ဍာရေး လိုအပ်ချက်မှာ ၂ဝ ဘီလီယံကျပ် ရှိနေသည်။ ဗဟိုအစိုးရ၏ ဘဏ္ဍာရေးလိုငွေမှာ ၂၂ဝ၁.၄၅ဝ ဘီလီယံကျပ်ဖြစ်ပြီး၊ တိုင်းဒေသကြီးနှင့် ပြည်နယ် အစိုးရများ အားလုံး၏ ဘဏ္ဍာရေးလိုငွေမှာ ၁၇ဝ.၄၉၅ ဘီလီယံကျပ် ဖြစ်သည်ဟုလည်း သိရသည်။

သဘာဝဓာတ်ငွေ့ ၂ဝဝ ဘီလီယံ ကုဗမီတာ ထွက်ရှိမည့် မြန်မာနိုင်ငံ၏ အနောက်ဘက် ကမ်းလွန် ပင်လယ်ပြင် အတွင်းရှိ ရွှေဂတ်စ်လုပ်ကွက်များကို ၂ဝဝ၃ ခုနှစ် နှစ်ကုန်ပိုင်းမှ စတင် တွေ့ရှိခဲ့ခြင်းဖြစ်ပြီး ၂,၈ဝဝ ကီလိုမီတာ ရှည်လျားသည့် ပိုက်လိုင်းဖြင့် တရုတ်ပြည်သို့ သွယ်တန်း ယူဆောင်မည် ဖြစ်သည်။

ရခိုင်ကမ်းလွန် သဘာဝဓာတ်ငွေ့ တူးဖော်ရေး စီမံကိန်း အေ (၁) နှင့် အေ (၃) လုပ်ကွက်များမှ သဘာဝ ဓာတ်ငွေ့ များကို ပင်လယ် ရေအောက်ပိုက်လိုင်း မှတဆင့် ကျောက်ဖြူမြို့သို့ သယ်ယူမည့် လုပ်ငန်းမှာ ၄ဝ ရာခိုင်နှုန်းခန့် ပြီးစီးနေပြီး မဒေးကျွန်း ရေနက်ဆိပ် ကမ်းမှာမူ ၈ဝ ရာခိုင်နှုန်းခန့် ပြီးစီးနေပြီဟု ထိုင်းနိုင်ငံ အခြေစိုက် ရွှေဂတ်စ် လှုပ်ရှားမှုအဖွဲ့မှ ကိုဝင်းအောင်က မဇ္ဈိမနှင့် အင်တာဗျူး တခုတွင် ပြောဆိုဖူးသည်။

အဆိုပါ လုပ်ကွက်နှစ်ခုမှ ခန့်မှန်းကုဗပေ ၄.၅ ထြီလီလျံ မှ ၇.၇ ထြီလီလျံထိ ထွက်ရှိမည် ဖြစ်ပြီး လာမည့် ၂၀၁၃ ခုနှစ်မှ နှစ်ပေါင်း ၃၀ ခန့်အတွင်း ရောင်းချရာမှ ဒေါ်လာ ၂၉ ဘီလီယံ ခန့် ရရှိမည် ဖြစ်သည်ဟုလည်း သိရသည်။

Ref: မဇ္ဈိမ

Read More...

ပြန်လည်ပေါင်းစည်းခြင်း (Reunion)

ဒီဇင်ဘာ ၂၉ ရက် ၂၀၁၁

ဒါရိုက်တာ မောင်မောင်သာမြင့် ရဲ့ တင်ဆက်မှုတခုပါ။

စောဝင်းထွဋ် က Prisoner ဇော်လင်းထက် က Civilian သူတို့နှစ်ဦးရဲ့ နေ့စဉ်ဖြတ်သန်းမှုနဲ့ အတူ ပြန်လည်ဆုံစည်းခြင်းကို ၃ မိနစ်စာ ဗွီဒီယိုပြကွက်လေးနဲ့ တင်ပြထားပါတယ်။


For the ones who made the right decisions so that our beloved friends and family can he here with us.
ကျနော်တို့ရဲ့ချစ်ခင်ရတဲ့မိတ်ဆွေတွေ၊ မိသားစုတွေ ဒီနေရာမှာ ကျနော်တို့နဲ့အတူ ရှိနေနိုင်ဖို့၊ မှန်ကန်တဲ့ ဆုံးဖြတ်ချက်တွေ ချမှတ်ခဲ့တဲ့ သူတွေအတွက်။


You have only always to do what is right. It will become easier by practice, and you enjoy in the midst of your trials the pleasure of an approving conscience

Robert E. Lee


“သင်ဟာ မှန်တာကိုပဲ အမြဲလုပ်ရမယ်၊ ဒါဟာ လက်တွေ့လုပ်ရင်း ပိုလွယ်ကူလာမယ်။ နောက်ပြီး သင်ဟာ အမှားအမှန်ကို ခွဲခြားသိမြင်တဲ့ အသိစိတ်အပေါ် ကြည်နူး ပီတိဖြစ်တဲ့ ပျော်ရွှင်မှုတွေကို ခံစားရမှာ ဖြစ်တယ်”

Rober E. Lee

Read More...

Wednesday, December 28, 2011

လူ့အခွင့်အရေးကော်မရှင် အင်းစိန်ထောင် အစာငတ်ခံ ဆန္ဒပြမှု စစ်

2011-12-27

မြန်မာနိုင်ငံ လူ့အခွင့်အရေး ကော်မရှင်ဟာ မြန်မာ့အရေး လှုပ်ရှားသူတွေက အပြည်ပြည် ဆိုင်ရာ လူ့အခွင့်အရေး ကော်မရှင်ကို တိုင်ကြား ထားတဲ့ အင်းစိန် အကျဉ်းထောင်အတွင်း အစာငတ် ခံ ဆန္ဒပြမှုကို ဒီကနေ့ သွားရောက် စစ်ခဲ့ပေမယ့် နိုင်ငံရေး အကျဉ်းသားတွေနဲ့ မတွေ့ခဲ့ဘူးလို့ အကျဉ်းသား မိသားစုဝင်တွေက ပြောပါတယ်။

ဒီကနေ့ မနက် ၈နာရီက အင်းစိန်ထောင်မှာ ပြည်ထောင်စု မြန်မာနိုင်ငံ လူ့အခွင့်အရေး ကော်မရှင်အဖွဲ့က အကျဉ်းသားတွေနဲ့ တွေ့ဆုံခဲ့ပါတယ်။ ဒါပေမယ့် နိုင်ငံရေး အကျဉ်းသားတွေ ထားတဲ့ တိုက်အမှတ် ၁၊ ၃ ၊၄ ၊ ၅ စတဲ့ တိုက်တွေကို ပိတ်ထားပြီး လမ်းလျှောက် ချိန်မှာတောင် အကျဉ်းသားတွေကို အပြင် ထွက်ခွင့်မပေးခဲ့ဘူးလို့ ဒီကနေ့ ထောင်ဝင်စာ သွားတွေ့တဲ့ အကျဉ်းသား မိသားစုဝင်တွေက ပြောပါတယ်။ ဒီကနေ့ အင်းစိန်ထောင်ကို ရောက်ခဲ့တဲ့ နိုင်ငံရေး အကျဉ်းသားဟောင်း ကိုကိုကြီး (စမ်းချောင်း) က ခုလိုပြောပါတယ်။

“အမှန်က အဲဒီအချိန်က ကျနော်တို့ အကျဉ်းသားတွေ လမ်းလျှောက်တဲ့ အချိန်။ နောက်ဆုံး ၁၁ နာရီထိုးတာတောင် ထမင်း မစားရလို့ ဆိုပြီး ပြောကြဆိုကြ ဖြစ်ကြတယ်။ နောက် ဒီလူ့အခွင့်အရေး ကော်မရှင်အဖွဲ့နဲ့ နိုင်ငံရေးသမားတွေနဲ့ မတွေ့ရအောင် နိုင်ငံရေး သမားတွေ နေတဲ့ တိုက်တွေကို ပိတ်ထားတာ။ အဲဒီမှာ ၂ တိုက်ကိုတော့ လူ့အခွင့်အရေး အဖွဲ့က ဝင်သွားတယ်လို့ သိရတယ်။ ၂ တိုက်မှာကျတော့ သေဒဏ် ကနေ ကျွန်းပြောင်းထားတဲ့လူတွေ ထားတာ၊ အဲဒီမှာ နိုင်ငံရေးသမား တွေ မရှိဘူး”

ဒီကိစ္စနဲ့ ပတ်သက်ပြီး လူ့အခွင့်အရေး ကော်မရှင်ကို ဆက်သွယ် မေးမြန်းတဲ့အခါမှာ ဒီကနေ့ အင်းစိန်ထောင်ကို သွားရောက် ခဲ့တဲ့ အဖွဲ့မှာ ပါဝင်တဲ့ ကော်မရှင် အတွင်းရေးမှူး ဦးစစ်မြိုင်က ပုဒ်မ ၅ည၊ ၁၇-၁ ပုဒ်မများနဲ့ ကျနေသူ ၃ ဦးနဲ့တွေ့ဆုံခဲ့တယ်လို့ ပြောပါတယ်။

“ကျနော်တို့က ၅ (ည) တို့၊ ၁၇ (၁) တို့ ပါရင် နိုင်ငံရေးအကျဉ်းသားလို့ ပြောရမှာ။ နိုင်ငံရေးအကျဉ်းသား ဆိုတာတော့ အဲဒီလို ပုဒ်မတွေနဲ့ပဲ။ ဒီနေ့တော့ အဲလို ပုဒ်မနဲ့ဟာ ၃ ယောက်နဲ့တော့ တွေ့ခဲ့တယ်။ ကျနော်တို့ မနက်ဖြန် သွားဖို့ ရှိသေးတယ်ဗျ။ မနက်ဖြန်ပြီးမှပဲ ကျနော်တို့ wind-up လုပ်ပြီးတော့ ကျနော်တို့ရဲ့ conclusion နဲ့ ကျနော်တို့ရဲ့ view လေးတွေ comment လေးတွေက မနက်ဖြန်မှ ထွက်မှာ”

အခုလို လူ့အခွင့်အရေး ကော်မရှင်က တွေ့ဆုံခဲ့တယ် ဆိုတဲ့ နိုင်ငံရေးအမှုများနဲ့ အကျဉ်းကျသူ သုံးဦးဟာ သီးသန့် တိုက်များမှာ ထားရှိတဲ့ နိုင်ငံရေး အကျဉ်းသားတွေ မဟုတ်ဘဲ အဆောင်မှာ ထားရှိသူတွေထဲက ဖြစ်နိုင်တယ်လို့ နိုင်ငံအရေးအကျဉ်းသား မိသားစုဝင်တွေက ပြောပါတယ်။

Ref: RFA News

Read More...

သဘာဝပတ်ဝန်းကျင်ဆိုင်ရာ ဟောပြောပွဲ တိုင်းဒေသကြီး ဝန်ကြီးချုပ် ခွင့်မပြု

2011-12-27

‘မြစ်ကွေ့ဧရာ’ ပရဟိတ အဖွဲ့ (မကွေး) က ဦးစီးစီစဉ်တဲ့ သဘာဝပတ်ဝန်းကျင် ဆိုင်ရာ စာပေ ဟောပြောပွဲကို ဥပဒေနဲ့ အညီ ကြိုတင်ခွင့်ပြုချက် တောင်းခံခဲ့ရာမှာ အောက်ခြေ အဆင့်ဆင့်က ခွင့်ပြုချက် ရပေမယ့် တိုင်း ဝန်ကြီးချုပ်က ခွင့်ပြုချက် မပေးတဲ့အတွက် မူလ စီစဉ်ထားတဲ့အတိုင်း ဒီကနေ့ မကျင်းပဖြစ်ဘူးလို့ သိရပါတယ်။

သဘာပတ်ဝန်းကျင် ထိန်းသိမ်းခြင်းဆိုင်ရာ ဗဟုသုတ တိုးပွာရေးကို ရည်ရွယ်ပြီး မကွေးမြို့ ‘မဟာ ရတနာရာမ’ ကျောင်းတိုက်မှာ ဒီကနေ့ ၂၇ ရက်နေ့မှာ စာပေဟောပြောပွဲ ကျင်းပဖို့ မြို့နယ်ရဲတပ်ဖွဲ့၊ ရပ်ကွက် အုပ်ချုပ်ရေးမှူးရုံး၊ မြို့နယ် သံဃာ့နာယက စတဲ့ အဖွဲ့ အသီးသီးထံကို တလ ကြိုတင် ခွင့်ပြုချက် တောင်းခံခဲ့တယ်လို့ သဘာဝ ပတ်ဝန်းကျင် ဆိုင်ရာ အသိပညာ ပြန့်ပွားရေး ပရဟိတ ဆောင်ရွက်နေတဲ့ ကိုမြတ်စံက ပြောပါတယ်။

“နိုဝင်ဘာ ၂ဝ ရက်ကျော်လောက်က ဒီဇင်ဘာ ၂၇ ရက်နေ့အတွက် တလ ကြိုတင်ပြီး တင်လိုက်တဲ့ အခါ မြို့နယ် ထွေ-အုပ်၊ တိုင်း ထွေ-အုပ်တွေက ၂၇ ရက်အတွက် ခွင့်ပြုချက် ချပေးလိုက်တယ်။ အဲဒီလို ပေးပြီးတော့ ၂၄ ရက်နေ့ကျမှတခါ “လောလောဆယ် မည်သည့်ပွဲမှ ခွင့်မပြုပါ’ ဆိုပြီး တိုင်းဒေသကြီး ဝန်ကြီးချုပ် ဦးဖုန်းမော်ရွှေက မှတ်ချက် ချပေးတယ်။ အဲဒါကြောင့် ၂၇ ရက်နေ့ လုပ်မယ့် ပွဲအစီအစဉ် ပျက်သွားရတာပါ”

ဒီကနေ့ ပြုလုပ်မယ့်ပွဲမှာ ဆရာဦးဝင်းမျိုးသူနဲ့ ဆရာ ဦးမြင့်ဇော်တို့ ဟောပြောဖို့ စီစဉ်ထားတယ်လို့ သိရပါတယ်။

Ref: RFA News

Read More...

မြန်မာစစ်သားတစ်ဦး ပစ်ခတ်မှု နယ်ခြားစောင့်တပ်မှူး တောင်းပန်

2011-12-27

မြန်မာနယ်ခြားစောင့် တပ်မှူးက မိမိတို့ စစ်သားတစ်ဦး ပစ်ခတ်လိုက်လို့ အိန္ဒိယ လူငယ်တစ်ဦး ၂၅ ရက်နေ့က သေနတ် ထိမှန် သွားတဲ့ ကိစ္စကို ဒီကနေ့ နှစ်နိုင်ငံ ဆွေးနွေးပွဲမှာ တရားဝင် တောင်းပန် လိုက်ပါတယ်။

မြန်မာနဲ့ အိန္ဒိယနယ်စပ် အာဏာပိုင်တွေရဲ့ အဲဒီ ဆွေးနွေးပွဲမှာ တစ်စုံတစ်ရာ ဖြေရှင်းမှု ပါမလာတဲ့အတွက် အိန္ဒိယဘက် မိုးရေးမြို့ခံ တွေက မကျေမနပ် ဖြစ်ကြပြီး နယ်စပ်နဲ့ မဏိပူပြည်နယ် အတွင်းပိုင်းကို ဆက်သွယ်တဲ့ တစ်ခုတည်းသော အဝေး ပြေးကားလမ်းကို ရက် အကန့်အသတ် မရှိ ပိတ်ဆို့လိုက်ပါတယ်။

အဲဒီလို ရက်အကန့်သတ်မရှိ ပိတ်ဆို့လိုက်တာဟာ နယ်စပ်ကုန်သွယ်ရေး ကိုရော၊ ရှေ့လအစောပိုင်းမှာ အဲဒီ နယ်စပ်ကို ဖြတ်ကျော် မောင်းနှင်ကြ မယ့် အိန္ဒိယ-မြန်မာ ကားပြိုင်ပွဲကိုရော ထိခိုက် နိုင်တယ်လို့ အိန္ဒိယ မြန်မာ နယ်စပ်အရေး လေ့လာသူ တစ်ဦးက ပြောပါတယ်။

“၂၆၆ မြန်မာတပ်ရင်းမှူး ဗိုလ်မှူးကြီးတင်မောင်က အိန္ဒိယဘက်ကို တောင်းပန်တယ်ပေါ့။ ဒါပေမယ့် တောင်းပန်တဲ့ အဆင့်ပဲ။ လျော်ကြေး ပေးတာ၊ အမှတ်တမဲ့ ကျည်ထွက်တဲ့ သူကို အရေးယူတာ ဒီဟာမျိုးတွေ တရားဝင် ပြောထားတာတော့ မရှိဘူးလေ။ အဲဒီကျတော့ မနေ့က နေ့လည်ပိုင်းကစပြီး ရက်အကန့်အသတ် မရှိ လမ်းပိတ်လိုက်တော့ အိန္ဒိယဘက်က အစိုးရက တခုခု ဖြေရှင်း မပေးရင် ကားပြိုင်ပွဲတို့၊ နယ်စပ် ကုန်သွယ်ရေးတို့ပါ ထိခိုက်နိုင်တယ်”

ဒီလ ၂၅ ရက် ခရစ်စမတ်နေ့က အိန္ဒိယ မြန်မာနယ်စပ် မြန်မာဘက် တမူးမြို့အစွန် နန်းဖာလုံဈေးကို စောင့်ကြပ် နေတဲ့ စစ်သား တစ်ဦးရဲ့ ပစ်ခတ်မှုကြောင့် အနီးရှိ အိန္ဒိယပိုင် မိုးရေးမြို့ဘက်မှာ ဘောလုံးကစား နေတဲ့ မူစလင် လူငယ်တစ်ဦး သေနတ် ထိမှန်ခဲ့ပါတယ်။

အဲဒီလို ပစ်ခတ်မှုကြောင့် မိုးရေးမြို့ခံတွေက မကျေမနပ်ဖြစ်ကြပြီး သူတို့မြိုထဲကို နေ့စဉ် လာရောက်ကြတဲ့ မြန်မာ ဈေးဝယ် ဈေးသည်တွေ ကို တိုက်ခိုက်ကြပြီး ပစ္စည်းတွေကိုပါ ဖျက်ဆီး ခဲ့ကြပါတယ်။

Ref: RFA News

Read More...

၂၀၁၂ ခုနှစ် မြန်မာ့လူ့အခွင့်အရေး ဆိုင်ရာ စိန်ခေါ်ချက်များရှိနေ

ကိုသားညွန့်ဦး
အင်္ဂါ, 27 ဒီဇင်ဘာ 2011

အခု ၂၀၁၁ ခုနှစ်အတွင်း မြန်မာနိုင်ငံတွင်းမှာ လူ့အခွင့်အရေးအခြေအနေတွေဟာ အရင်ကထက် သိသိသာသာ တိုးတက် လာတယ် ဆိုပေမယ့် စိန်ခေါ်ချက်တွေ၊ အကဲစမ်းမှုတွေတော့ ရင်ဆိုင်နေရဆဲ ဖြစ်တယ်လို့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ်က ပြောပါတယ်။ အထူး သဖြင့်တော့ ပြီးခဲ့တဲ့ လူ့အခွင့်အရေး ချိုးဖောက်မှုတွေအပေါ် တာဝန်ယူ ဖြေရှင်းလိုစိတ် အာဏာပိုင်တွေ မှာရော၊ အခြား လူမှုအဖွဲ့အစည်း တွေမှာပါ မတွေ့ရတဲ့ အချက်ဟာ စိုးရိမ်စရာ ဖြစ်တယ်လို့ အထူး ကိုယ်စားလှယ်က ပြောသွားတာပါ။ ကိုသားညွန့်ဦးက ဆက်ပြီး တင်ပြပေးပါမယ်။

မြန်မာအစိုးရအနေနဲ့ အခုနှစ်အတွင်းမှာ နိုင်ငံတကာရဲ့ ကြိုဆိုမှုတွေနဲ့ လိုလိုလားလား ဆက်ဆံမှုတွေ ရတဲ့နှစ်လို့ ပြောရမှာ ဖြစ်သလို ဒါဟာလည်း တဘက်က လူ့အခွင့်အရေးနဲ့ ပတ်သက်လို့ အခြေအနေ အချို့ တိုးတက် လာတာကြောင့်လို့ ပြောနိုင်ပါတယ်။ မြန်မာနိုင်ငံ အခြေအနေကို နိုင်ငံတကာက ဝင်ရောက် ကြည့်ရှု စစ်ဆေးခွင့်ရတဲ့ အထဲမှာ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် သောမတ် အိုဟေး ကင်တာနားလည်း ပါပါတယ်။ သူဟာ နောက်ဆုံးအကြိမ် အခုနှစ် သြဂုတ်လ အတွင်းမှာ မြန်မာနိုင်ငံကို ရောက်ခဲ့ပါတယ်။

၂၀၁၁ ခုနှစ်အတွင်း မြန်မာအစိုးရအနေနဲ့ လမ်းကြောင်းမှန်ပေါ်ကို ဦးတည်သွားနေတယ်ဆိုတာ ကိုတော့ ရှင်းရှင်းလင်းလင်း ခိုင်ခိုင်မာမာ မြင်ရတယ်လို့ မစ္စတာ ကင်တာနားက ဗွီအိုအေကို ပြောပါတယ်။ ဒါပေမယ့် တချိန်တည်းမှာ လူ့အခွင့်အရေးနဲ့ ပတ်သက်လို့ စိန်ခေါ်ချက်တွေ အကဲစမ်းမှု တွေတော့ ရှိနေသေးတယ်လို့ သူက မြင်ပါတယ်။ အထူးသဖြင့်တော့ ပြီးခဲ့တဲ့ လူ့အခွင့်အရေး ချိုးဖောက်မှုတွေကို ကိုင်တွယ်ဖြေရှင်းဖို့ အာဏာပိုင်တွေဘက်ကရော လူမှု လူ့အဖွဲ့အစည်း တွေကပါ စိတ်ဝင်စားမှု မရှိကြတာကို သူ့အနေနဲ့ အလွန်တရာ စိုးရိမ်တယ်လို့ ပြောပါတယ်။

“စိန်ခေါ်အကဲစမ်းချက်တွေကတော့ ရှိနေပါတယ်။ မြန်မာနိုင်ငံတွင်း လူ့အခွင့်အရေး ချိုးဖောက်ခံရ မှုတွေကို ပြန်လည် ဖော်ထုတ် အရေးယူ ဆောင်ရွက်မှုမျိုးတွေ အတွက် စိတ်ဆန္ဒ လုံးဝမရှိတဲ့အပေါ်မှာ ကျနော် အင်မတန် စိုးရိမ်စရာ ဖြစ်ရပါတယ်။ ဒီလို ဆောင်ရွက်ရမယ် ဆိုတဲ့ စိတ်ဆန္ဒမျိုး အစိုးရမှာတင် မဟုတ်ပါဘူး။ လူမှုအဖွဲ့အစည်း တွေမှာလည်း မရှိတာကို ကျနော် တွေ့ရပါတယ်။ ဒီမိုကရေစီအသွင် ကူးပြောင်းတဲ့ လုပ်ငန်းစဉ်တိုင်းမှာ ပြီးခဲ့တဲ့ လူ့အခွင့်အရေး ချိုးဖောက်မှုတွေကို ပြန်လည် ပြောဆို ကိုင်တွယ်ရတာမျိုး လိုအပ်ပါတယ်။

မြန်မာလူထုဟာ ဆယ်စုနှစ်တွေနဲ့ချီပြီး လူ့အခွင့်အရေးချိုးဖောက်မှုတွေကို ခံစားခဲ့ရတာပါ။ ဒီကိစ္စတွေကို ဖုံးထားလို့ မရပါဘူး။ တချိန်မဟုတ် တချိန်မှာ ပေါ်လာမှာပါ။ ဒါကြောင့် ဒီချိုးဖောက်မှုတွေကို နိုင်ငံတကာ လူ့အခွင့်အရေး ဥပဒေတွေ အတိုင်း အရေးယူ ကိုင်တွယ်ဖို့ဆိုတာ ဝတ္တရားတရပ် ဖြစ်ပါတယ်”

ဒါပေမယ့်လည်း ဆယ်စုနှစ်များစွာ ပဋိပက္ခတွေဖြစ်ခဲ့တဲ့ စစ်အာဏာပိုင်တွေနဲ့ ဒီမိုကရေစီအင်အားစု အကြား ပြန်လည် သင့်မြတ်ရေး ကာလ ပူပူနွေးနွေး ရှိသေးတာမို့ ပြီးခဲ့တဲ့ လူ့အခွင့်အရေး ချိုးဖောက်မှု တွေကို ပြန်ဆွေးနွေးကြရင် လက်ရှိ နိုင်ငံရေး လုပ်ငန်းစဉ်တွေ ထိခိုက်လာမလား ယူဆစရာရှိပါတယ်။ အထူး ကိုယ်စားလှယ် မစ္စတာ ကင်တာနားကတော့ ပြန်လည်သင့်မြတ်ရေး လုပ်ငန်းစဉ်မှာ ပြီးခဲ့တာတွေ အတွက် တရားမျှတမှု ဖော်ထုတ်ရေးဟာ အသွင် ကူးပြောင်းရေးမှာ တာဝန်ယူရမယ့် အစိတ်အပိုင်း တရပ်လို့ မြင်ပါတယ်။

“ကမ္ဘာ့နိုင်ငံတွေရဲ့ အတွေ့အကြုံအရဆိုရင်တော့ ပြန်လည်သင့်မြတ်ရေးလုပ်ငန်းစဉ် တိုင်းမှာ အမှန်တရားနဲ့ တရားမျှတမှု ဖော်ထုတ်ရေး ကိစ္စရပ်မျိုးကို ဆွေးနွေးဖို့ လိုအပ်ပါတယ်။ ဒါဟာ တာဝန်ယူမှု အစိတ်အပိုင်း တရပ် ဖြစ်ပါတယ်။ ပြန်လည် သင့်မြတ်ရေး တိုင်းမှာ ဒီကိစ္စ ဆွေးနွေးရပါတယ်။ ဒါဟာ အဓိက အဖွဲ့အစည်း ပုဂ္ဂိုလ်တွေအကြား ဆွေးနွေးရမယ့် ကိစ္စဖြစ်ပါတယ်”

လူ့အခွင့်အရေးနဲ့ပတ်သက်လို့ အခြားအကဲစမ်းချက်တွေကိုလည်း အထူးကိုယ်စားလှယ်က ​ထောက်ပြပါတယ်။ နိုင်ငံရေး အကျဉ်းသားတွေ ထောင်တွေထဲမှာ ကျန်နေသေးတဲ့ ကိစ္စရပ်အပြင် တိုင်းရင်းသား ဒေသတွေမှာ ဖြစ်နေတဲ့ ပဋိပက္ခတွေနဲ့ မြန်မာပြည်သူ ပြည်သားတိုင်း စီးပွားရေးနဲ့ လူမှုရေး အခြေခံရပိုင်ခွင့် ကိစ္စဖြစ်တယ်လို့ ပြောပါတယ်။

“အခြား စိုးရိမ်စရာလူ့အခွင့်အရေးကိစ္စတွေလည်း ရှိပါသေးတယ်။ နယ်စပ်က အရပ်သားတွေ အခြေအနေ- ရခိုင်နဲ့ ချင်းပြည်နယ် မှာလို ခွဲခြား ဆက်ဆံမှုကိစ္စတွေ- နောက်ပြီး မြန်မာ လူထုတရပ်လုံး စီးပွားရေးနဲ့ လူမှုရေးဆိုင်ရာ အခြေခံ ရပိုင်ခွင့်တွေ ခံစားခွင့်ရမယ့် စီးပွားရေး စနစ်မျိုးကို ဘယ်လို တည်ဆောက်မလဲ ဆိုတဲ့ကိစ္စကလည်း ရင်ဆိုင်နေရတဲ့ ပြဿနာပါ။ ဒါတွေကို ကျနော် စောင့်ကြည့် ​နေပါတယ်။ နောက်နှစ်မှာတော့ အစိုးရအနေနဲ့ ဒီကိစ္စတွေကို ကိုင်တွယ်ဆောင်ရွက် လာလိမ့်မယ်လို့ မျှော်လင့်ထားပါတယ်”

ဒီလို စိန်ခေါ်ချက်တွေရှိနေပေမယ့် အစိုးရအဖွဲ့အတွင်း အာဏာပိုင်အချို့မှာ လူ့အခွင့်အရေးနဲ့ ပတ်သက်လို့ လိုလိုလားလား ရှိသူတွေကိုလည်း တွေ့ခဲ့ရတယ်လို့ သူ့အတွေ့အကြုံ အရ ပြောပါတယ်။

“လူ့အခွင့်အရေးအခြေအနေတွေ တိုးတက်လာရေး ကိုင်တွယ်ဆောင်ရွက်ဖို့ လိုလိုလားလားရှိကြတဲ့ ၀န်ကြီးအချို့ တွေ့ရ ပါတယ်။ သြဂုတ်လ နောက်ဆုံး ခရီးစဉ်ကနေ ကျနော် ပြန်လာပြီးတဲ့ နောက်မှာ ကျနော် အကြံပေးထားတဲ့ အတိုင်း အမျိုးသား လူ့အခွင့်အရေး ကော်မရှင် ဖွဲ့စည်းမှုကို သမ္မတ ဦးသိန်းစိန်က ဆုံးဖြတ် အတည်ပြုခဲ့ပါတယ်။ ဒီ ကော်မရှင်အနေနဲ့ ဘယ်လောက် အထိ လွတ်လပ်မှုရှိလဲ၊ ယုံကြည်လို့ရသလဲဆိုတဲ့ မေးခွန်းကတော့ ရှိနေပါတယ်။ ဒါပေမယ့် အနည်းဆုံးတော့ လူ့အခွင့်အရေး ကိစ္စတွေမှာ တက်တက်ကြွကြွ ပြောဆို ပါဝင်လာနိုင်တာတော့ ရှိပါတယ်။ ဆိုတော့ လူ့အခွင့်အရေး အခြေအနေ တိုးတက် လာဖို့အတွက် ပိုင်းဖြတ် ဆောင်ရွက်ချက် အချို့တော့ တွေ့ရပါတယ်”

လာမယ့်နှစ်မှာတော့ အခုနကပြောခဲ့တဲ့ စိန်ခေါ်ချက်တွေကို မြန်မာအစိုးရအနေနဲ့ ဘယ်လိုကိုင်တွယ် ဆောင်ရွက်မလဲ ဆိုတာ ကိုတော့ သူစောင့်ကြည့် နေမယ်လို့ မစ္စတာ ကင်တာနားက ပြောပါတယ်။ သူကိုယ်တိုင်လည်း လာမယ့်နှစ် ဖေဖ၀ါရီ လဆန်းပိုင်းမှာ မြန်မာနိုင်ငံကို သွားရောက်ဖို့ ရှိနေပြီး၊ အဲဒီက အပြန် မတ်လမှာတော့ လူ့အခွင့်အရေး ကောင်စီမှာ မြန်မာ့ လူ့အခွင့်အရေး အခြေအနေ နှစ်လည် အစီရင်ခံစာ တင်သွင်းဖို့ရှိပါတယ်။

Ref: VOA News

Read More...

အင်ဒိုနီးရှား နိုင်ငံခြားရေး ၀န်ကြီး မြန်မာပြည်သွားမည်

မစုမြတ်မွန်
အင်္ဂါ, 27 ဒီဇင်ဘာ 2011

အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါဟာ မနက်ဖြန် ဗုဒ္ဓဟူးနေ့မှာ အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိနေပါတယ်။ အင်ဒိုနီးရှားနဲ့ မြန်မာကိစ္စကြား ပူးတွဲ ကော်မရှင် စည်းဝေးပွဲတခု လာတက်မယ့် တရက်ခရီးစဉ်မှာ ဒေါ်အောင်ဆန်းစုကြည်နဲ့ တွေ့ဆုံမှာ ဖြစ်ပါတယ်။ တွေ့တဲ့အခါ ၂၀၁၄ မှာ မြန်မာနိုင်ငံ အာဆီယံ အလှည့်ကျဥက္ကဋ္ဌ တာဝန်ယူရေး ကိစ္စနဲ့ ပတ်သက်ပြီး ဆွေးနွေး လိမ့်မယ်လို့လည်း မျှော်လင့်ရပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြပေးထားပါတယ်။

ဒီရက်ပိုင်းတွေအတွင်း မြန်မာနိုင်ငံကို နိုင်ငံခြားရေးဝန်ကြီးတွေ တယောက်ပြီးတယောက်လာနေကြတဲ့ထဲမှာ Indonesia နိုင်ငံခြားရေး ဝန်ကြီး မာတီနာတာလီဂါဝါ (Marty Natalegawa) မြန်မာနိုင်ငံကိုလာမှာ ဖြစ်ပါတယ်။ နက်ဖြန် ရန်ကုန်ကို ရောက်လာမယ့် နိုင်ငံခြားရေး ဝန်ကြီးရဲ့ ခရီးစဉ်အကြောင်း ပြောခွင့်ရသူ Michael Tene က ခုလိုပြောပြပါတယ်။

၂ နိုင်ငံကြားကိစ္စတွေကို ဆွေးနွေးမဲ့ ပူးတွဲကော်မရှင်စည်းဝေးပွဲအတွက် ရန်ကုန်ကိုပဲသွားမှာဖြစ်တယ် ဆိုတာကို နိုင်ငံခြားရေး ဝန်ကြီး ပြောခွင့်ရသူက ပြောသွားတာ ဖြစ်ပါတယ်။ ဒီတခါ သူ့ရဲ့ မြန်မာနိုင်ငံ ခရီးစဉ်ဟာ အာဆီယံ အလှည့်ကျ ဥက္ကဋ္ဌတယောက် အနေနဲ့ထက် အင်ဒိုနီးရှား နိုင်ငံခြားရေး ဝန်ကြီး အဖြစ် သွားတာဖြစ်ပြီး မြန်မာနဲ့ အင်ဒိုနီးရှား နိုင်ငံကြား နိုင်ငံရေး၊ စီးပွားရေး၊ လူမှုရေး၊ ယဉ်ကျေးမှု ဖလှယ်ရေး ကိစ္စတွေကို ဆွေးနွေးကြမှာ ဖြစ်တယ်လို့ နိုင်ငံခြားရေးရုံးကလည်း ပြောပါတယ်။

နေ့ချင်းပြန် ခရီးစဉ်အတွင်းမှာ အင်ဒိုနီးရှားနိုင်ငံခြားရေးဝန်ကြီးဟာ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ နေ့လည်ပိုင်းမှာ တွေ့ဆုံမှာဖြစ်ပြီး အဲဒီနောက်မှာ သတင်းစာ ရှင်းလင်းပွဲ လုပ်ဖို့ စီစဉ် ထားပါတယ်။ အင်ဒိုနီးရှား နိုင်ငံခြားရေး ဝန်ကြီးနဲ့ ဒေါ်အောင်ဆန်းစုကြည်တို့ တွေ့ကြတဲ့ အခါမှာတော့ အာဆီယံ ကိစ္စတွေကို အဓိကထား ဆွေးနွေး ကြလိမ့်မယ်လို့ မြန်မာနဲ့ အာဆီယံ သတင်းတွေကို သုံးသပ် ရေးသားနေတဲ့ The Nation သတင်းစာတိုက်က သတင်းစာဆရာ Kavi Chongkittavorn က ခန့်မှန်းပါတယ်။

အာဆီယံ အလှည့်ကျဥက္ကဋ္ဌတာဝန်ပြီးဆုံးတော့မယ့် Mr. Marty အနေနဲ့ မြန်မာနိုင်ငံကို ၂၀၁၄ ခုနှစ် အတွက် အာဆီယံ ဥက္ကဋ္ဌ တာဝန် ဘာကြောင့် ပေးဖို့ ဆုံးဖြတ်သလဲ ဆိုတာကို ဒေါ်အောင်ဆန်းစုကြည်ကို ရှင်းပြမယ်လို့ ထင်ပါတယ်တဲ့။ ဒေါ်အောင်ဆန်းစုကြည် ဘက်ကလည်း အာဆီယံရဲ့ နောက်ခြေလှမ်းတွေက ဘာလဲ ဆိုတာကို သိချင်ပါလိမ့်မယ်တဲ့ အဓိကကတော့ အာဆီယံအနေနဲ့ ဒေါ်အောင်ဆန်းစုကြည်နဲ့ နီးစပ်မှု ရှိအောင် လုပ်ချင်တယ်လို့ သတင်းစာဆရာ ကာဝီက မြင်ပါတယ်။ ဒါဆိုရင် ဘာကြောင့် အခုမှ နီးစပ်အောင် လုပ်ချင်ရတာပါလဲ။

ဒေါ်အောင်ဆန်းစုကြည်အနေနဲ့က သူ့ပါတီကို ပြန်ပြီး မှတ်ပုံတင်တယ်၊ သူကိုယ်တိုင်လည်း ရွေးကောက်ပွဲ ဝင်ဖို့ ပြင်နေတယ်။ ဒီလို အဓိက နိုင်ငံရေး လုပ်ငန်းစဉ်ထဲမှာ ဒေါ်အောင်ဆန်းစုကြည် ပြန်ဝင်လာတဲ့ အခါကျတော့ အာဆီယံဘက်က သူနဲ့ ဆွေးနွေးမှုတွေ လုပ်လာဖို့ အရေးကြီးတယ်လို့ ပြောသွားတာပါ။ အရင်က အာဆီယံအဖွဲ့ဟာ မြန်မာနိုင်ငံရေး အတိုက်အခံတွေနဲ့ အထူးသဖြင့် ဒေါ်အောင်ဆန်းစုကြည်နဲ့ ဆက်ဆံ ဆွေးနွေးတာမျိုး သိပ်မရှိခဲ့ပါဘူးတဲ့။ ဒါကြောင့် ခုလိုဒီမိုကရေစီ ခေါင်းဆောင်နဲ့ တွေ့ဆုံပြီး ဆွေးနွေးတာက မြန်မာနိုင်ငံက ဒီမိုကရေစီရေး ဆောင်ရွက်မှုတွေကို အားဖြည့်ရာ ရောက်တယ်လို့ မြန်မာနဲ့ အာဆီယံ သတင်းတွေကို တောက်လျှောက် ရေးနေတဲ့ The Nation သတင်းစာဆရာ ကာဝီ ချုံ ကစ်တဗွန် (Kavi Chongkittavorn) က သုံးသပ်ပါတယ်။

အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါဟာ အောက်တိုဘာလကုန်ပိုင်းတုန်းကလည်း မြန်မာနိုင်ငံကို ၃ ရက်ခရီး သွားခဲ့ပါတယ်။ အဲဒီခရီး တုန်းကတော့ မြန်မာနိုင်ငံအနေနဲ့ ၂၀၁၄ ခုနှစ် အတွက် အာဆီယံ အလှည့်ကျ ဥက္ကဋ္ဌ တာဝန်ယူဖို့ သင့်မသင့် ဆိုတာကို သွားရောက် လေ့လာခဲ့တာပါ။ မြန်မာနိုင်ငံမှာ နောက်ပြန်လှည့်မှာ မဟုတ်တဲ့ ပြုပြင် ပြောင်းလဲမှုတွေကို လုပ်နေပြီလို့ အင်ဒိုနီးရှား နိုင်ငံခြားရေး ဝန်ကြီးက အဲဒီခရီးစဉ် အတွင်းမှာ ပြောကြားခဲ့ပါတယ်။ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီအဖွဲ့ချုပ်က ရွေးကောက်ပွဲတွေကို ဝင်သွားမယ် ဆိုတဲ့ ဆုံးဖြတ်ချက် ထွက်ပေါ်ပြီး နောက်မှာလည်း မြန်မာနိုင်ငံက ဒီမိုကရေစီရေး လုပ်ငန်းစဉ်တွေအပေါ်မှာ သူ့အနေနဲ့ အင်မတန် အကောင်းမြင်တယ်လို့ ဝန်ကြီး မာတီ နာတာလီဂါဝါက ပြောကြားခဲ့ပါတယ်။

သူ့ရဲ့ အခုမြန်မာနိုင်ငံခရီးစဉ်အတွင်းမှာ မြန်မာနဲ့ အင်ဒိုနီးရှားကြားမှာ အပြန်အလှန် ပူးပေါင်းဆောင်ရွက်မှု တိုးတက်ရေး၊ အထူးသဖြင့် ရင်းနှီးမြှုပ်နှံမှုနဲ့ ကုန်သွယ်ရေး ဆိုင်ရာ ကိစ္စတွေ ဆွေးနွေးဖို့ရှိတယ်လို့ အင်ဒိုနီးရှား နိုင်ငံခြားရေးဝန်ကြီးက အစောပိုင်းက ပြောထားပါတယ်ရှင်။

Ref: VOA News

Read More...

'ခွေးကို အဖေခေါ်တဲ့သူ' တရားဟော ဒယ်အိုးဆရာတော် တနှစ် ပိတ်ခံရ

မျိုးသန့်
အင်္ဂါနေ့၊ ဒီဇင်ဘာလ ၂၇ ရက် ၂၀၁၁

ချင်းမိုင် (မဇ္ဈိမ) ။ ။ ဗုဒ္ဓဘာသာ ရဟန်းသံဃာတော်များကို တရားဟောပြောခွင့် ပိတ်ပင်ခြင်းသည် ဗုဒ္ဓဘာသာ တရားတော်များ အရ အလွန် အပြစ်ကြီးမားကြောင်း ‘ခွေးကို အဖေခေါ်တဲ့သူ’ တရားတော်တွင် ထည့်သွင်း ဟောပြောခဲ့သည့် ရန်ကုန်တိုင်း မှော်ဘီ မင်္ဂလာ ကျောင်းတိုက်မှ ဓမ္မကထိက ဆရာတော် ဦးသုမင်္ဂလအား နိုင်ငံတော် သံဃာ့ မဟာနာယက အဖွဲ့မှ တရား ဟောပြောခွင့် တနှစ် ပိတ်ပင်လိုက်သည်။

ဘုရားဟော ဝတ္ထုတပုဒ်ဖြစ်သည့် ‘သုဘ ဝတ္ထု’ တွင် သုဘ၏ ဖခင်ဖြစ်သူ တောဒေယျ ပုဏ္ဏားမှာ အလှူအတန်းတွင် အလွန်နှမျော တွန့်တို တတ်ခြင်းကြောင့် ကွယ်လွန်သည့်အခါ သားဖြစ်သူ သုဘ၏ အိမ်တွင် ခွေးပြန်ဖြစ်သည်ကို ခိုင်းနှိုင်းကာ တရားပွဲများ ပိတ်ပင်သည့် ပုဂ္ဂိုလ်များ သည်လည်း ထိုသို့ဖြစ်နိုင်ကြောင်း ‘ခွေးကို အဖေခေါ်တဲ့သူ’ တရားတွင် ထည့်သွင်း ဟောကြား ခဲ့ခြင်းကြောင့် တရားပွဲ ပိတ်ပင်ခံရခြင်းဟု ဒယ်အိုး ဆရာတော်ဟု လူသိများသည့် ဆရာတော် ဦးသုမင်္ဂလက မဇ္ဈိမကို အမိန့်ရှိသည်။

"သာမန်အလှူအတန်းပိတ်တာတောင်မှ ခွေးဖြစ်တယ်။ အခု တရားပွဲတွေ ပိတ်တဲ့ အလုပ်က အလွန် အပြစ်ကြီးတဲ့ အလုပ်။ မလုပ်သင့်တဲ့ အလုပ် တရားပွဲတွေကို ပိတ်ပင်နေတာ တားမြစ်နေတာ အဲဒီတော့ အဲဒါက ခွေးထက်ဆိုးတဲ့ အပြစ် ဖြစ်လိမ့်မယ်။ အဲဒါ စိုးရိမ်လို့ သနားလို့ပြောတာ၊ မမှားရအောင် ပြောတာဆိုပြီး ထည့်ပြောလိုက်တယ်။ တရားပွဲကို ဘယ်သူပိတ်တယ်၊ ဘယ်ဝါ ပိတ်တယ်လို့ ဘယ်အစိုးရ ဘယ်အဖွဲ့အစည်းကိုမှ ထည့်ပြောမထားဘူး။ မပြောထားပေမယ့် အဲဒီလို သူတို့ဟာသူတို့ ကောက်ချက် ဆွဲသွားတာတော့ ငါလည်း မတတ်နိုင်ဘူးကွာ။" ဟု ဆရာတော်က မိန့်သည်။

ဤတရားကို ဆရာတော်က ၃ဝ၊ ၁ဝ၊ ၂ဝ၁၁ ရက်နေ့တွင် ရန်ကုန်တိုင်း၊ တိုက်ကြီးမြို့နယ် ရှမ်းစု ရပ်ကွက်၊ အောင်ချမ်းသာ ဘုန်းတော်ကြီး ကျောင်းဝင်းအတွင်း ကျင်းပသော ဓမ္မသဘင်၌ ဟောပြောခဲ့ခြင်း ဖြစ်သည်။

ဆရာတော်၏ ဟောပြောချက်အား ပြည်ထဲရေးဝန်ကြီးဌာနမှ သမ္မတရုံးသို့တင်ပြခဲ့ရာမှ ဒီဇင်္ဘာ ၉ ရက်နေ့က ကျင်းပသော မဟန အစည်းအဝေးမှ ဆုံးဖြတ်ချက်ချ၍ တရားဟောခွင့် ပိတ်ပင်လိုက်ခြင်း ဖြစ်သည်။

မဟန မှ ဒယ်အိုးဆရာတော်သို့ ပေးပို့သည့် တရားဟောခွင့် ပိတ်ပင်သည့် လျှောက်ထား ပန်ကြားလွှာတွင် ၂ဝ၁၁ ဒီဇင်္ဘာ ၉ ရက်နေ့မှ ၂ဝ၁၂ ခုနှစ် ဒီဇင်ဘာလ ၈ ရက်နေ့အထိ မြန်မာတနိုင်ငံလုံး တနှစ်တိတိ တရားဟောခွင့် မပြုဟု ဖေါ်ပြပါရှိသည်။

အဆိုပါစာတွင် "ထေရဝါဒ ပိဋိကတ်တော်နှင့် မညီညွတ်သော စာသားများကို ထည့်သွင်း ဟောကြားသောကြောင့် လည်းကောင်း၊ အာဏာပိုင် အဖွဲ့အစည်း အဆင့်ဆင့်တို့ကို ထိပါး ပုတ်ခတ်သောကြောင့် လည်းကောင်း" တရားဟောခွင့် ပိတ်ပင်ခြင်း ဟုလည်း ဖေါ်ပြပါရှိသည်။

သို့သော် ဒယ်အိုးဆရာတော်ကမူ သူ့တရားနှင့် ပတ်သက်၍ "သုဘ ဝတ္ထုကို ခေါင်းစဉ်ပြောင်းထားတာပဲ ရှိတယ်။ ဘုရားဟော အတိုင်း တလုံးမှ မလွဲဘူး။" ဟု မဇ္ဈိမကို ဆက်လက် မိန့်ကြားသည်။

ဒယ်အိုးဆရာတော်သည် မြန်မာနိုင်ငံအတွင်းရှိ ပရဟိတ လုပ်ငန်းများ လုပ်ဆောင်နေသည့် အသင်း အဖွဲ့များကို ဖိတ်ခေါ်ကာ “ စုံနံ့သာမြိုင် ပရဟိတ အသင်းအဖွဲ့များ နှီးနှောဖလှယ်ပွဲ” ကို စက်တင်ဘာလ နှစ်ရက်နေ့နှင့် သုံးရက် နေ့များက ကျင်းပခဲ့သေးရာ မဟန သို့ ကြိုတင်လျှောက်ထား ခွင့်ပြုချက် မယူခြင်းကြောင့် ခေါ်ယူ သတိပေးခံခဲ့ရသေးသည်။

‘အပယ်ငရဲ ရောက်မည်’ ဆိုသည်ကို ‘ဒယ်အိုး ရောက်သွားမယ်’ဟု သုံးနှုန်း ဟောပြောလေ့ ရှိသဖြင့် ဆရာတော် ဦးသုမင်္ဂလအား ‘ဒယ်အိုးဆရာတော်’ တွင်နေရခြင်း ဖြစ်သည်။

ယင်းအပြင် ရွှေညဝါဆရာတော်ဟု ထင်ရှားသည့် ကြည့်မြင်တိုင် သာဓုပရိယတ္တိ ကျောင်းတိုက်၏ အုပ်ချုပ်စီမံ ပညာရေး တာဝန်ခံ တိုက်ကြပ် ဆရာတော် ဦးပညာသီဟ ကိုလည်း ယခုနှစ် ဖေဖေါ်ဝါရီလမှစ၍ ၂၀၁၂ ခုနှစ် ဖေဖေါ်ဝါရီလ အထိ မဟနမှ တရားဟောခွင့် ပိတ်ပင်ခဲ့သေးသည်။

အဆိုပါ တားမြစ်မှုအပြီး ရွှေညဝါ ဆရာတော်မှာ မန္တလေးတိုင်း အမျိုးသား ဒီမိုကရေစီ အဖွဲ့ချုပ် NLD ရုံးတွင် ကမ္ဘာ့ ဒီမိုကရေစီနေ့က တရားဟောခဲ့သည့် အတွက် သီတင်းသုံးရာ သာဓုပရိယတ္တိ ကျောင်းတိုက်မှ ဖယ်ရှားရန် မဟနမှ ဒီဇင်ဘာလ ၁၂ ရက်နေ့က စာပေးပို့ ညွှန်ကြားခဲ့သည်။

ထိုဖြစ်ရပ်နှင့် ပတ်သက်၍ ဒယ်အိုးဆရာတော်က "သာသနာ သိက္ခာကျတယ်ကွာ၊ နောက်ပြီးတော့ တကယ်ဆိုရင် သံဃာတော် တွေဟာ သာသနာတော်ကို ဝိုင်းဝန်း စောင့်ရှောက်ကြရမှာ ကိုးကွ။ တကယ်လို့ မှားနေတယ် ဆိုရင်တောင်မှ သံဃာ့နာယက က ခေါ်ယူပြီး ဆုံးမခြင်း၊ လမ်းညွှန်ပေးခြင်း၊ သတိပေးခြင်း၊ တည့်မတ်ပေးခြင်းသာ ပြုသင့်တယ်။ ဒို့ အကျိုး ဆောင်နေတဲ့ ပုဂ္ဂိုလ်တွေ ကိုတောင် နှောက်ယှက်နေတယ် ဆိုရင် ဒီသာသနာအတွက်က မကောင်းဘူး။" ဟု မဇ္ဈိမကို ဆက်လက် မိန့်ကြားသည်။

ရွှေညဝါဆရာတော်က မဟနထံသို့ "သာဓုကျောင်းတိုက်တွင် ဆက်လက် သီတင်းသုံးခွင့်ပြုရန်နှင့် သာသနာပြု လုပ်ငန်းများ လုပ်ကိုင်ခွင့် ပြုရန် ယခုလ ၁၆ ရက်နေ့တွင် အသနားခံစာ ပြန်လည် ပေးပို့ခဲ့သည်။ သို့သော် အဆိုပါ အသနားခံစာနှင့် ပတ်သက်၍ မဟန ထံမှ ပြန်ကြားချက် တစုံတရာ မရှိသေးဟုလည်း သိရသည်။


Ref: မဇ္ဈိမ

Read More...

ဒေါ်အောင်ဆန်းစုကြည် မိခင်အတွက်ကုသိုလ်ပြု

ရန်ပိုင်
December 27, 2011

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ယနေ့ကျရောက်သည့် သူ၏ မိခင် ဒေါ်ခင်ကြည် ကွယ်လွန်ခြင်း ၂၃ နှစ်မြောက် နေ့တွင် ကောင်းမှု ကုသိုလ်များ ပြုလုပ်ခဲ့သည်။

ယနေ့နံနက် ၁၀ နာရီခွဲခန့်က ရွှေတောင်ကုန်း သာသနာ့ရိပ်သာမှ ဆရာတော် ဦးပဏ္ဍိတ ၀ံသ၊ ချမ်းမြေ့ဆရာတော် ရှင်ဇနကာ ဘိဝံသ အပါအ၀င် သံဃာတော် ၁၀ပါးခန့်အား တက္ကသိုလ်ရိပ်သာလမ်း နေအိမ်တွင် နေ့ဆွမ်းဆက်ကပ် လှူဒါန်းကြောင်း အမျိုးသား ဒီမိုကရေစီ အဖွဲ့ချုပ် ပြောခွင့်ရ ပုဂ္ဂိုလ် ဦးအုန်းကြိုင်က ပြောသည်။

ညနေပိုင်းတွင် ရန်ကုန်ရှိ ခရစ်ယာန်၊ ဟိန္ဒူ၊ အစ္စလမ် စသည့် ဘာသာရေးဆိုင်ရာ ပုဂ္ဂိုလ်ကြီးများ ဒေါ်အောင်ဆန်း စုကြည်၏ နေအိမ်သို့ လာရောက်ကာ ဆုတောင်းပွဲပြုမည့် အစီအစဉ်လည်း ရှိကြောင်း ဦးအုန်းကြိုင်က ဧရာဝတီကို ပြောသည်။

မဟာသီရိ သုဓမ္မ ဒေါ်ခင်ကြည်အား ရွှေတိဂုံစေတီ တောင်ဘက်မုခ် အနီးရှိ စုဖုရားလတ်၊ ငြိမ်းချမ်းရေးဗိသုကာ ဆရာကြီး သခင် ကိုယ်တော်မှိုင်း၊ ကုလသမဂ္ဂ အထွေထွေ အတွင်းရေးမှူးချုပ်ဟောင်း ဦးသန့် စသည့် ပုဂ္ဂိုလ်ကြီးများ၏ ဂူဗိမာန်များ အနီးတွင် ဂူသွင်း သဂြိုင်္ဟ်ခဲ့သည်။

၁၉၁၂ ခုနှစ်ဖွား၊ အဘ ဦးဖိုးညှင်း၊ အမိ ဒေါ်ဖွားစု တို့၏ သမီး၊ ဧရာဝတီတိုင်း မြောင်းမြမြို့ဇာတိ ဒေါ်ခင်ကြည်သည် ရန်ကုန် နှင့် မြောင်းမြတို့တွင် ပညာ သင်ယူခဲ့သည်။

ဒုတိယ ကမ္ဘာစစ် အတွင်း အစ်မဖြစ်သူ ဒေါ်ခင်ကြီးနှင့် အတူ ရန်ကုန်တွင် သူနာပြုဆရာမ အဖြစ် တာဝန် ထမ်းဆောင် ခဲ့သည်။

ထိုသို့ တာဝန်ထမ်းနေစဉ် ဒေါ်ခင်ကြည်သည် မြန်မာ့လွတ်လပ်ရေးခေါင်းဆောင် ဗိုလ်ချုပ်အောင်ဆန်းနှင့် တွေ့ဆုံပြီး ၁၉၄၂ ခုနှစ် စက်တင်ဘာလ (၆)ရက်နေ့တွင် လက်ထပ်ခဲ့သည်။

အစ်မဖြစ်သူ ဒေါ်ခင်ကြီးသည်လည်း မြန်မာ့လွတ်လပ်ရေး သမိုင်းတွင် အရေးပါသော ခေါင်းဆောင် တဦးဖြစ်သည့် သခင် သန်းထွန်းနှင့် လက်ထပ်ခဲ့သည်။

ဗိုလ်ချုပ်အောင်ဆန်းနှင့် ဒေါ်ခင်ကြည်တွင် သား ၂ ယောက်၊ သမီး ၁ ယောက် ထွန်းကားခဲ့ပြီး သားငယ် အောင်ဆန်းလင်းမှာ ငယ်စဉ်ကပင် ကွယ်လွန်ခဲ့သည်။

ဗိုလ်ချုပ်အောင်ဆန်း လုပ်ကြံခံရပြီး နောက်ပိုင်း ဒေါ်ခင်ကြည်သည် ၁၉၄၇ ခုနှစ်တွင် လွှတ်တော် ကိုယ်စားလှယ် အဖြစ် ရွေးကောက် ခံရသည်။ ၁၉၆၀ မှ စတင်ပြီး အိန္ဒိယ နှင့် နီပေါနိုင်ငံဆိုင်ရာ သံအမတ် အဖြစ် တာဝန်ယူခဲ့သည်။

ဒေါ်ခင်ကြည်သည် မြန်မာနိုင်ငံ၏ ပထမဆုံး နှင့် တဦးတည်းသော အမျိုးသမီး သံအမတ် ဖြစ်သည်။

ရန်ကုန်မြို့တွင် နေထိုင်စဉ် ဒေါ်ခင်ကြည်သည် လေဖြတ်ဝေဒနာကို ခံစားရပြီး ၁၉၈၈ ခုနှစ်၊ ဒီဇင်ဘာ ၂၇ ရက်နေ့ အသက် ၇၆ နှစ် အရွယ်တွင် ကွယ်လွန်ခဲ့သည်။

သား အကြီးဆုံးဖြစ်သူ ဦးအောင်ဆန်းဦးသည် အမေရိကန် ပြည်ထောင်စုတွင် နေထိုင်လျက် ရှိသည်။

Ref: ဧရာဝတီ

Read More...

ကြံ့ဖွံ့ ကြားဖြတ်ရွေးကောက်ပွဲ တရားမ၀င် မဲဆွယ်

By featured, ဧရာဝတီ on December 27, 2011 3:50 pm in သတင်း / 18 comments, Hits: 11,418


ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) က ရန်ကုန်မြို့ မရမ်းကုန်းမြို့နယ်၌ အိမ်ဂရန်များ ချထား ပေးမည်ဟု ဆိုပြီး ကြားဖြတ် ရွေးကောက်ပွဲ အတွက်တရားမ၀င် မဲဆွယ် စည်းရုံးမှုများ စတင် ပြုလုပ်နေကြောင်း သတင်းရရှိသည်။

မရမ်းကုန်းမြို့နယ် ရပ်ကွက် အားလုံးတွင် အိမ်ဂရန်များရရှိရန် ဆောင်ရွက်ပေးမည်ဟု ဆိုပြီး အိမ် အရောင်းအ၀ယ် စာချုပ်၊ အိမ်ထောင်စု စာရင်း၊ အိမ်ပိုင်ရှင်၏ နိုင်ငံသား စိစစ်ရေးကတ် အပါအ၀င် လိုအပ်သော အချက်အလက် စာရွက် စာတမ်းများကို
တောင်းခံကြောင်း ဒေသခံ ပြည်သူများက ပြောသည်။

အိမ်ဂရန် ချပေးရန်အတွက် ဒီဇင်ဘာ၂၁ ရက်နေ့မှ၂၂ ရက်နေ့အထိ ရပ်ကွက် ကြံ့ဖွံ့ပါတီရုံးတွင် လာလျှောက် ကြရန်လည်း ရာအိမ်မှူး၊ ဆယ်အိမ်မှူးများက လိုက်လံ နှိုးဆော်ကြသည်ဟု ဆိုသည်။

“အကုန်လုံး ဂရန်တွေရအောင်လုပ်ပေးမယ်။ လိုအပ်တဲ့စာရွက်စာတမ်းတွေ အကုန်လာတင်ဖို့၊ ပြီးတော့ အခု အာဏာ ရနေတဲ့ ၀န်ကြီး တွေက ကြံ့ခိုင်ရေး ပါတီက ဖြစ်လို့ ပါတီက လုပ်ပေး လိုက်မယ်ဆိုရင် အိမ်ဂရန် မဖြစ်မနေရမယ် ဆိုပြီး ပြောတယ်”ဟု မရမ်းကုန်းမြို့နယ် သမိုင်းလမ်း ဆုံအနီး စတိုး ဆိုင်ဖွင့် လှစ်ထားသူ တဦးက ပြောသည်။

မရန်းကုန်းမြို့နယ် ကြံ့ဖွံ့ပါတီ တာဝန်ရှိသူ တဦးကလည်း ရပ်ကွက်တိုင်းတွင် အိမ်ဂရန်များရရှိရန် ပါတီက အခမဲ့ အကျိုးဆောင်ပေး သွားရန်ရှိပြီး အကြိမ်ရေခွဲကာ အိမ်ဂရန်များ ချထားပေးရေး ဆောင်ရွက်သွားမည် ဖြစ်ကြောင်း ပြောဆိုသည်။

“ပထမ အသုတ်၊ ဒုတိယအသုတ် အဲဒီလိုမျိုးစီစဉ်ဖို့ရှိတယ်။ ဒီစည်းရုံးရေးလုပ်ငန်းစဉ်တွေက ပါတီ အထွေထွေ အတွင်းရေးမှူး ဦးဌေးဦးရဲ့ ပုံမှန် လမ်းညွှန်မှုနဲ့ လုပ်နေတာပါ”ဟု ရပ်ကွက် ကြံ့ဖွံ့ပါတီ စည်းရုံးရေးမှူး တဦးက ပြောသည်။

မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနမှ အရာရှိတဦးကမူ အိမ်ဂရန် ချထားပေးသည့် လုပ်ငန်းစဉ်သည် အစိုးရအဖွဲ့၏ အတည်ပြုချက်၊ စိစစ်မှုများနှင့် လုပ်ဆောင်ရကြောင်း၊ အိမ်ဂရန် ချထားပေးရန်လည်း သတ်မှတ်ချက်များစွာ ရှိကြောင်း၊ ရပ်ကွက်တိုင်း အိမ်ဂရန် ချထားပေးရန် မလွယ်ကူဘဲ ဖြစ်နိုင်ခြေ နည်းပါးကြောင်း ပြောပြသည်။

“အိမ်ဂရန်ချပေးမယ်ဆိုရင် အဲဒီမြေက ကျူးကျော်မြေလား၊ ပါမစ်မြေလား၊ အရင်ပိုင်ရှင်ရှိလား၊ နိုင်ငံတော်ပိုင်လား၊ ဒါတွေကို စိစစ် ရတယ်။ မြေပုံကြည့်၊ မြေတိုင်းရမယ်၊ ဂရန်ချပေးနိုင်တဲ့ သတ်မှတ်ချက်နဲ့ ညီမညီဆိုတာလည်း စစ်ရမယ်။ အဆင့်တွေက များတယ်၊ တမြို့နယ်လုံးက ရပ်ကွက်တိုင်းကို ဂရန် တပြိုင်နက်တည်း ချပေးဖို့ဆိုတာ အတော့်ကို ဖြစ်နိုင်ခြေနည်းပါတယ်။ ကျနော့် အထင်ဒါက ကြားဖြတ်ရွေးကောက်ပွဲ အတွက် ကြိုတင်မဲတွေ၊ ထောက်ခံမဲတွေရဖို့ လုပ်တဲ့လုပ်ရပ်လို့ပဲ ထင်ပါတယ်”ဟု ၎င်းက ဆိုသည်။

ပြည်တွင်းနိုင်ငံရေးပါတီတခုမှ တာဝန်ရှိသူတဦးကမူ ကြံ့ဖွံ့ပါတီ၏ လုပ်ရပ်သည် အစိုးရက ပြဋ္ဌာန်းထားသော နိုင်ငံရေးပါတီ ဥပဒေနှင့် မညီကြောင်း ပြောဆိုသည်။

“ဂရန်ချပေးမယ်ဆိုပြီး ပြည်သူတွေကို မဲဆွယ်တာက အစိုးရရဲ့အာဏာ၊ နိုင်ငံ့ရဲ့အာဏာကို အလွဲသုံးစားလုပ် မဲဆွယ်တာမျိုးပဲ၊ ဒါပေမယ့် တကယ်ပဲ ပြည်သူတွေအတွက် အိမ်ဂရန်တွေ ရမှာလား၊ တကယ် ရတယ်ဆိုရင် ပြည်သူတွေ အိမ်ဂရန်တွေရပြီး အိုးပိုင် အိမ်ပိုင် နဲ့ နေနိုင်တဲ့အတွက် ၀မ်းသာတယ်၊ အဲဒီလို မဟုတ်ဘဲနဲ့ ပြည်သူတွေ အိမ်ဂရန် တကယ်မရဘဲနဲ့ ကြံ့ခိုင်ရေးပါတီအတွက် ထောက်ခံမဲ၊ ကြိုတင်မဲရဖို့ ပြည်သူတွေကို လိမ်ညာတာဆိုရင် ဒါက မဲလိမ်၊ မဲခိုးမှုပဲ။ ကန့်ကွက်မယ်။ ကြံ့ခိုင်ရေးပါတီဖျက်သိမ်းဖို့ တောင်းဆိုမယ်”ဟု အဆိုပါနိုင်ငံရေး သမားက ရှင်းပြသည်။

နိုင်ငံရေးပါတီတရပ်သည် နိုင်ငံတော်ပိုင် ပစ္စည်း ဥစ္စာ၊ ငွေကြေးများကို တိုက်ရိုက်ဖြစ်စေ၊ သွယ်ဝိုက်၍ ဖြစ်စေ သုံးစွဲကြောင်း စစ်ဆေး တွေ့ရှိရလျှင် ဆက်လက်ရပ်တည်ပိုင်ခွင့်မရှိကြောင်း နိုင်ငံရေးပါတီများ မှတ်ပုံတင်ခြင်း ဥပဒေတွင် ဖော်ပြထားသည်။

ကြံ့ခိုင်ရေးပါတီသည် ၂၀၁၀ ပြည့်နှစ်ကလည်း ရန်ကုန်မြို့ရှိ ရပ်ကွက်လမ်းများတွင် လမ်းအခမဲ့ခင်းပေးမည်ဟုဆိုပြီး ကြိုတင်မဲ၊ ထောက်ခံမဲ တောင်းခံခြင်းများပြုလုပ်ခဲ့သည်။ အမှန်တကယ် လမ်းခင်းချိန်တွင် လုပ်အားခအဖြစ် ရပ်ကွက်နေပြည်သူများထံမှ တအိမ်လျှင် အနည်းဆုံး ကျပ် သုံးသောင်းမှ ရှစ်သောင်းအထိ ကောက်ခံခဲ့သည်။ ထို့နောက်၂၀၁၀ ရွေးကောက်ပွဲတွင် ကြံ့ဖွံ့ပါတီက ကြိုတင်မဲများနှင့် အမတ်နေရာအများစု အနိုင်ရရှိခဲ့သည်။

၂၀၁၀ ရွေးကောက်ပွဲတွင် မရမ်းကုန်းမြို့နယ် ပြည်သူ့လွှတ်တော် ကိုယ်စားလှယ်အဖြစ် ပြည်ထောင်စု မြန်မာနိုင်ငံကုန်သည် များနှင့် စက်မှုလက်မှုလုပ်ငန်းရှင်များ အသင်းချုပ်မှ အဖွဲ့ဝင် စီးပွားရေးသမားတဦးလည်း ဖြစ်သူ ကြံ့ဖွံ့ပါတီမှ ဒေါက်တာပွင့်ဆန်းရွေး
ချယ်ခံခဲ့ရပြီး သမ္မတ ဦးသိန်းစိန် ဦးဆောင်သော အရပ်သားအစိုးရသစ် လက်ထက်တွင် စီးပွားရေးနှင့်ကူးသန်း ရောင်းဝယ်ရေး ၀န်ကြီးဌာန ဒုတိယ၀န်ကြီး အဖြစ် တာဝန်ထမ်းဆောင်လျက်ရှိသည်။

Ref: ဧရာဝတီ

Read More...

ဦးအောင်သောင်းတို့အဖွဲ့ မိုင်းလားနှင့် UWSA တို့ကို သီးခြားစီတွေ့ဆုံ

ဖနိဒါ
အင်္ဂါနေ့၊ ဒီဇင်ဘာလ ၂၇ ရက် ၂၀၁၁

ချင်းမိုင်(မဇ္စျိမ) ။ ။ အစိုးရ၏ ပြည်ထောင်စုအဆင့် ငြိမ်းချမ်းရေးဖော်ဆောင်ရေး အဖွဲ့ ခေါင်းဆောင် ဦးအောင်သောင်း၊ ဒုခေါင်းဆောင် ဦးသိန်းဇော် တို့သည် အမျိုးသား ဒီမိုကရေစီ မဟာမိတ် တပ်မတော် (NDAA-ESS)ခေါ် ရှမ်းပြည်နယ် အထူးဒေသ ၄ မိုင်းလား အဖွဲ့နှင့် ဝပြည် သွေးစည်း ညီညွတ်ရေး တပ်မတော် UWSA တို့နှင့် တနင်္လာ-အင်္ဂါနေ့များက သီးခြားစီ တွေ့ဆုံခဲ့သည်။

မိုင်းလားအဖွဲ့အား ရှမ်းပြည်နယ် အရှေ့မြောက်ပိုင်းရှိ မိုင်းလားဌာနချုပ်မြို့တွင် အင်္ဂါနေ့က တွေ့ဆုံခဲ့ကြောင်း မိုင်းလား အရာရှိ တဦးက မဇ္ဈိမကို ပြောသည်။

“ဒီနေ့ ရဟတ်ယာဉ်နဲ့လာကြတယ်။ (မနက်) ၁ဝ နာရီလောက်မှာ ရောက်တယ်။ ၁၂ နာရီခွဲမှာ ဆွေးနွေးပွဲ ပြီးသွား တယ်။ လူတွေကတော့ မူရင်းအဖွဲ့တွေဘဲ” ဟု ပြောသည်။

သို့သော် မည်သည့်အကြောင်းများ ဆွေးနွေးသည်ကိုမူ ပြောဆိုရန် ငြင်းဆိုခဲ့သည်။

ပြီးခဲ့သည့် စက်တင်ဘာလ ၇ ရက်နေ့က ကျိုင်းတုံမြို့တွင် ပဏာမ တွေ့ဆုံပြီး အောက်တိုဘာလ ၉ ရက်နေ့တွင် ဦးအောင်သောင်း၊ ဦးသိန်းဇော်၊ ရှမ်းပြည်နယ် ဝန်ကြီးချုပ် စိုင်းအောင်မြတ်၊ ပြည်နယ် လုံခြုံရေးနှင့် နယ်စပ်ဝန်ကြီး ဗိုလ်မှူးကြီးအောင်သူ၊ ပြည်နယ် ဥပဒေချုပ် ဦးမောင်မောင်တို့နှင့် မိုင်းလားအဖွဲ့ ဒုဥက္ကဋ္ဌ ဦးစံပေ့ ဦးဆောင်သော အဖွဲ့တို့ ထပ်မံတွေ့ဆုံ၍ အပစ်ရပ်ရေး သဘောတူ လက်မှတ်ရေးထိုးခဲ့ကြသည်။

အောက်တိုဘာ တွေ့ဆုံပွဲတွင် နှစ်နှစ်ခန့်ကြာ ပိတ်ထားခဲ့သည့် ဆက်ဆံရေး ရုံးများ ပြန်ဖွင့်ရေး၊ အစိုးရ ဝန်ထမ်းများ
စေလွှတ်ရေး၊ အထူးဒေသ ၄ တွင် ပညာရေး၊ ကျန်းမာရေး၊ စိုက်ပျိုးရေး၊ လမ်းပန်းဆက်သွယ်မှု ကောင်းမွန်ရေး၊ မူးယစ်ဆေး ပပျောက်ရေးတို့ ပူးပေါင်းဆောင်ရန် သဘောတူခဲ့ကြသည်။

ထို့ပြင် ယခင်အပစ်အခတ် ရပ်စဲသည့် ကာလက သတ်မှတ်ထားသည့် နယ်မြေများအတိုင်း ဆက်လက် ထားရှိပြီး နယ်မြေ ကျော်လိုပါက ကြိုတင် အကြောင်းကြား ရမည်ဟု သဘော တူညီချက်တွင် ပါဝင်သည်။

မိုင်းလားအဖွဲ့က နယ်ခြားစောင့်တပ် အသွင်ပြောင်းရေး လက်မခံခဲ့သဖြင့် အစိုးရဝန်ထမ်းများ ထိုဒေသများမှ ထွက်ခွာ ခဲ့ပြီးနောက် ယခုလဆန်းပိုင်းက ပြန်လည် ဝင်ခွင့်ပြုလိုက်ပြီ ဖြစ်သည်။

မိုင်းလားအဖွဲ့မှာ ရှမ်းပြည်နယ် အရှေ့မြောက် ကျိုင်းတုံခရိုင်၊ မိုင်းဟောင်း၊ မိုင်းမြတ်မြို့နယ်မှ လာအိုနှင့် တရုတ်နိုင်ငံ နယ်စပ် မဲခေါင်မြစ် ဘေးအထိ လှုပ်ရှားနေပြီး ရှမ်း၊ ပလောင်၊ အခါ လူမျိုးများဖြင့် ဖွဲ့စည်းထားသော အင်အား ၃,ဝဝဝ ကျော်ရှိသည်ဟု ခန့်မှန်းရသည်။

အလားတူ အပစ်အခတ် ရပ်စဲရေးသဘောတူညီမှု ရရှိထားပြီးဖြစ်သော ဝ ပြည်သွေးစည်း ညီညွတ်ရေး တပ်မတော် UWSA ခေါင်းဆောင် များနှင့်လည်း ဦးအောင်သောင်း ခေါင်းဆောင်သော ငြိမ်းချမ်းရေး အဖွဲ့တို့ ဝ ဌာနချုပ် ပန်ဆန်းမြို့တွင် တနင်္လာနေ့က တွေ့ဆုံခဲ့သေးသည်။

UWSA ၏ သတ္တုနှင့် ကျွန်းသစ်ဆိုင်ရာ လုပ်ငန်းများကို ကုမ္ပဏီအဖြစ် သစ်တောဝန်ကြီးဌာနသို့ တင်ပြ ရန်နှင့် ငြိမ်းချမ်းရေး အဖွဲ့များထံ သို့လည်း မိတ္ထူ တင်ပြရန် ဦးအောင်သောင်းက ပြောဆိုခဲ့သည်ဟု ဝ ပြောရေးဆိုခွင့်ရှိသူ ဦးအောင်မြင့်က မဇ္ဈိမကို ပြောသည်။

ဒုတိယအကြိမ်တွေ့ဆုံခဲ့စဉ်က UWSA ထိန်းချုပ်နယ်မြေအတွင်း တလလျှင် ကျွန်းနှင့် သစ်မာ တန်ချိန် နှစ်သောင်း ထုတ်ခွင့်၊ စီးပွားရေး လုပ်ငန်းများ လုပ်ပိုင်ခွင့်၊ အစိုးရ ထိန်းချုပ်နယ်မြေသို့ ဝတပ်ဖွဲ့များ သွားလာခွင့်၊ အခြား လက်နက်ကိုင် အဖွဲ့ အစည်းများနှင့် အပစ်ရပ်ရေး၊ တလလျှင် ဆန်အိတ်နှစ်ထောင်၊ ငွေကြေး ထောက်ပံ့ရေးနှင့် ကန့်သတ် နယ်မြေအတွက် ကားလိုင်စင်များ ထုတ်ပေးရေးတို့ တောင်းဆိုခဲ့သည်။

“လားရှိုးမှာ ဒုတိယအကြိမ်ဆွေးနွေးနဲ့ ကိစ္စတွေကို အကောင်အထည်ဖော်ဖို့ ဆွေးနွေးတယ်။ ကျနော်တို့ ဘက်က တောင်းဆိုတဲ့ ဟာတွေကို ကုမ္ပဏီပုံစံနဲ့ တင်ပြဖို့၊ တခြားတော့ ငြိမ်းချမ်းရေး ကိစ္စတွေ ပြောတယ်။ နောက်တကြိမ် ဆွေးနွေးမယ့် အကြောင်းအရာတွေ ဆွေးနွေးသွားတယ်။ ဒါပေမယ့် ခိုင်ခိုင်မာမာတော့ မရှိဘူး”

“ဝဒေသက လူတွေ မြို့နယ်တွေ သူတို့ရဲ့ ဆန္ဒကို ဖော်ထုတ်နိုင်ဖို့ ကိုယ်စားလှယ်ရွေးပြီးတော့ ပြည်ထောင်စု အဆင့်ဆင့်က လွှတ်တွေမှာ တက်ရောက်ပြီးတော့ ဝဒေသရဲ့ အကြံပြုချက်တို့၊ တင်ပြချက်တို့ လုပ်ပိုင်ခွင့်တို့ ဆောင်ရွက်နိုင်ဖို့ နောက် တကြိမ်မှာ ဆွေးနွေးမယ်ဆိုတဲ့ဟာလည်း ရှိတယ်။ ဘယ်အချိန်ဆိုတာ မသိသေးဘူး” ဟု သူက မဇ္စျိမကို ပြောသည်။

ထို့ပြင် နောက်တကြိမ် တွေ့ဆုံပါက ဝ ဒေသအတွင်း ကျန်းမာရေး၊ ပညာရေးဆိုင်ရာများကို အစိုးရနှင့် UWSA တို့ ပူးပေါင်း၍ တိုးမြင့်လုပ်ဆောင်သွားရေးနှင့် ကြားဖြတ် ရွေးကောက်ပွဲဆိုင်ရာများကို ဆက်လက် ဆွေးနွေးသွားရန် သဘောတူညီမှု ရယူခဲ့သည်ဟု ဦးအောင်မြင့်က ပြောသည်။

“တိုးတက်မှုရှိပါတယ်။ အရင်က တိတိကျကျ ဆွေးနွေးတာ မရှိဘူး။ အခုတော့ တိတိကျကျ သဘော တူထားတဲ့။ ချမှတ်ထားတဲ့ စာချုပ်ချုပ်ထားတဲ့ ကိစ္စတွေ ရှိတော့ တိုးတက်မှုရှိတယ်၊ တဆင့်ပြီးတဆင့်သွားရမှာဘဲ”ဟု သူက ပြောသည်။

အစိုးရဝန်ထမ်းပေါင်း ၁၃ဝ ခန့်က ပြီးခဲ့သည့် လကုန်ပိုင်းက ဝင်ရောက်နေထိုင်ပြီး ဖြစ်သည်ဟု သိရသည်။

ဝ နယ်မြေအတွင်း ကြားဖြတ်ရွေးကောက်ပွဲ ကျင်းပနိုင်ရေးနှင့် ပတ်သက်၍ ဆွေးနွေး နိုင်မည်ဟု သုံးသပ် သူများက
ပြောသည်။ ၂ဝဝ၈ ဖွဲ့စည်းပုံအရ ဝ ကိုယ်ပိုင် အုပ်ချုပ်ခွင့်ရ တိုင်းကို မြို့နယ် ၆ မြို့နယ်ဖြင့် ဖွဲ့စည်းထားပြီး ၂ဝ၁ဝ ခုနှစ် ရွေးကောက်ပွဲတွင် နှစ်မြို့နယ်သာ ကျင်းပခဲ့သည်။

Ref: မဇ္ဈိမ

Read More...

Tuesday, December 27, 2011

ပေါက္ခရ၀သ ဒီမိုကရေစီ

လူထုစိန်ဝင်း
Sunday, 25 December 2011

လွတ်လပ်တဲ့ပုဂ္ဂလိက စာနယ်ဇင်းတွေပေါ်ထွက်လာတာ ဆယ်စုနှစ်တစ်ခု သာသာပဲ ရှိသေးတာကြောင့် သိပ်ပြီး အသားမကျလှ သေးဘူး။ လူငယ်တွေ အနေနဲ့ မုဆိုးစိုင်သင်၊ စမ်းတ၀ါး ၀ါးလုပ်နေရလို့ ချွတ်ချော် တိမ်းစောင်း တာတွေ ရှိသေးတယ်။ အထူးသဖြင့် လူထု စိတ်ဝင်စားတဲ့ သတင်း(Public interest) နဲ့ သည်းခြေခိုက် (Sensational) သတင်း မခွဲခြားနိုင်လို့ အ၀ါရောင် သမ်းသွားတတ်တယ်။

ဒူးပေါ်ပေါင်ပေါ်ကိစ္စတွေ

ဂျာနယ်တွေ ပေါ်ထွက်လာကတည်းက စာတွေအဆက်မပြတ် ရေးလာခဲ့တယ်။ အဲဒီထဲမှာ စာနယ်ဇင်း ကျင့်ဝတ်နဲ့ ဆိုင်တဲ့ စာတွေ အများဆုံး ရေးဖြစ်တယ်။ စာနယ်ဇင်း မဏ္ဍိုင် ခြစားပြီး ယိုင်နဲ့ မသွားစေချင်တာ ကြောင့်ပါ။ နိုင်ငံ့ဝန်ကို ထမ်းထားတဲ့ မဏ္ဍိုင်ကြီး လေးခုမှာ ဘယ်တစ်ခုက ခြစား ခြစား နိုင်ငံဆိုတဲ့ အိမ်ကြီး ယိုင်နဲ့ သွားမှာ ဖြစ်တယ်။ ကိုယ့်တာကိုယ် လုံအောင်ကာတဲ့ အနေနဲ့ ကျင့်ဝတ် နီတိတွေအကြောင်း အဓိကထားပြီး ရေးနေတာပါ။ ကြီးကျယ်တဲ့ ကိစ္စကြီးတွေမှ မဟုတ်ပါဘူး။ ဒူးပေါ်ပေါင် ပေါ်ကိစ္စတွေ ရင်ရှားဝတ်တာတွေ၊ ကံစမ်းမဲနှိုက်တာတွေမျိုးတွေက အစ ရေးပါတယ်။ ရေးလွန်းအားကြီးလို့ နေရာတကာ ၀င်ပါနေတာပဲလို့တောင် ပြောသူတွေက ပြောကြတယ်။

လူငယ်တွေက ရင်ဖွင့်ကြ

တချို့လူငယ် သတင်းသမားလေးတွေကတော့''အဘရယ် ကျွန်တော်တို့ဘက်ကလည်း ရေးပေးပါဦး''ဆိုပြီး သူတို့ ကြုံတွေ့ရတဲ့ အခက်အခဲ တွေကို ရင်ဖွင့်ကြတယ်။ သတင်းတစ်ပုဒ် အတည်ပြုချက် ရချင်လို့ ဌာနဆိုင်ရာတွေ သွားတဲ့အခါ ၀င်ခွင့်ရဖို့တောင် မလွယ်တဲ့ အကြောင်း၊ ၀င်ခွင့်ရပြန်တော့လည်း တာဝန်ရှိသူကို တွေ့ခွင့်မရတဲ့ အကြောင်း၊ တွေ့ခွင့် မေးခွင့်ရလို့ ပြောတဲ့ အတိုင်း ရေးလိုက်ပြီးခါမှ မပြောပါဘူး။ မဟုတ်ပါဘူးလို့ ဗြောင်ငြင်းတဲ့ အတွက် အချောင် တရားခံဖြစ်ရတဲ့ အကြောင်း စတဲ့စတဲ့ အကြောင်းတွေ မနည်းပါဘူး။

ဝန်မျှထမ်းရင်ပေါ့တယ်

သူတို့ပြောတဲ့ အဲဒီအကြောင်းတွေလည်း ရေးခဲ့ပါတယ်။ တစ်နှစ်လုံးပိတ်ထားရတဲ့ စက်ရုံလို လူကြီးလာမှ ဖုန်ခါပြီး လည်ပြသလို ဗြောင်လိမ်တာ မျိုးတွေ ရပ်တန်းက ရပ်သင့်ပြီဖြစ်ကြောင်း ရေးခဲ့ပါတယ်။ ဒီမိုကရေစီရဲ့ အနှစ်သာရဖြစ်တဲ့ လွတ်လပ်စွာ ပြောဆိုခွင့် ဆိုတဲ့အချက်ဟာ ၀န်ထမ်းများ အပါအ၀င် လူတိုင်းနဲ့ အကျုံးဝင်တာကြောင့် သူ့ကဏ္ဍနဲ့သူ တာဝန်ရှိသူများကို ပြောဆိုပိုင်ခွင့် ပေးထားတယ်ဆိုရင် တော်ရုံတန်ရုံ ကိစ္စများကို သတင်းစာ ရှင်းလင်းပွဲကြီးများတောင် လုပ်ဖို့ မလိုတော့တဲ့ အကြောင်းလည်း ရေးခဲ့ပါတယ်။ ၀န်ဆိုတာ မျှပြီးထမ်းရင် ပေါ့ပါတယ်။ တစ်ယောက်တည်း အားလုံးထမ်းထားရင် ၀န်ပိပြီး အလုပ်မတွင်ပါဘူး။

ဘ၀င်မကျချင်ဘူး

နှစ်ပေါင်းငါးဆယ်လုံးလုံး တစ်မိန့်တစ်အာဏာနဲ့ အုပ်ချုပ်တဲ့စနစ်ကြီးအောက်မှာ နေခဲ့ရတာဆိုတော့ ဒီမိုကရေစီ လုပ်နည်း လုပ်ဟန်တွေနဲ့ ဘယ်သူမှ အသား မကျကြသေးဘူး။ ဘယ်ကိစ္စမဆို အသေးအဖွဲ့လေးက အစ အထက်ကို မော့ကြည့်နေကြတယ်။ အထက်ကခိုင်းမှ လုပ်တယ်။ မခိုင်းရင် မလုပ်ဘူး။ ကြာလာတော့ အထက်ကလူတွေလည်း မျက်စိ ဒေါက်ထောက်ကြည့်ပြီး နေရာတကာ ၀င်ပါရတဲ့အဖြစ်ကို ရောက်သွားတယ်။ အခုတလော ကြားနေ ဖတ်နေရတာတွေကို တယ်ပြီး ဘ၀င်မကျချင်ဘူး။ မြစ်ဆုံရေကာတာ စီမံကိန်း ရပ်ဆိုင်းတယ် ဆိုတုန်းကလည်း အမိန့်အရ၊ ၀န်ကြီးများရုံးကို ဟိုတယ်ဖွင့်ဖို့ ပုဂ္ဂလိကငှားမယ့် ကိစ္စ ဖျက်လိုက်တော့လည်း အမိန့်အရ၊ မီတာခတွေကို ချက်ချင်းကြီး ကျပ် ၅၀ မကောက်သေးဘူး။ ကျပ် ၃၅ ပဲ ကောက်ဦးမယ် ဆိုတာလည်း ညွှန်ကြားချက်အရ နေရာတကာ အမိန့်ရမှ ဆိုတာချည်း ဖြစ်နေတာတွေ့ရတယ်။

အမိန့်မရရင် ဘာမှမလုပ်

ဌာနတိုင်း၊ ဌာနတိုင်းက ဘယ်ကိစ္စမဆို အမိန့်အရ လုပ်တယ်ဆိုတော့ အမိန့်မရရင် ဘာမှမလုပ်ဘူး ဆိုတဲ့ သဘော သက်ရောက် နေတယ်။ ဆိုင်ရာတွေအနေနဲ့ တာဝန်ယူမှု မရှိသလိုလည်း ဖြစ်နေတယ်။ ဒီလိုမဖြစ်ရလေ အောင် သတင်း မီဒီယာတွေက ရေးသင့်တာတွေ ရေး၊ ထောက်ပြ သင့်တာတွေ ထောက်ပြ နေကြတာဖြစ်တယ်။ တကယ်တော့ သတင်း သမားတွေလည်း ရပ်ကွက်ထဲက ပန်းခြံနဲ့ ကလေး ကစားကွင်းတွေ ထဲမှာ ကန်ထရိုက်တိုက် ဆောက်တဲ့ ကိစ္စ၊ ဘောလုံးကွင်းတွေကို ရောင်းစားတဲ့ ကိစ္စ၊ ဘီအိုတီစနစ်နဲ့ ခုံးကျော် တံတားဆောက်မယ့် ကိစ္စ ဆိုတဲ့ အသေးအဖွဲ့ ကိစ္စမျိုးတွေကို ရေးမနေချင်ပါဘူး။ ဟီလာရီ ကလင်တန်နဲ့ သမ္မတကြီး တွေ့တဲ့ကိစ္စ၊ ထိုင်းဝန်ကြီးချုပ် ယင်လတ်နဲ့ ဒေါ်အောင်ဆန်းစုကြည် တွေ့တဲ့ကိစ္စ၊ ကေအိုင်အေနဲ့ အစိုးရ ကိုယ်စားလှယ် အဖွဲ့တွေ့တဲ့ကိစ္စ၊ ဗီယက်နမ် ၀န်ကြီးချုပ် နေပြည်တော် ရောက်လာတဲ့ ကိစ္စ စတဲ့ သတင်းကြီးတွေကိုသာ ရေးချင်ကြပါတယ်။

ကြာတောမှာရွာတဲ့မိုး

ဒါပေမဲ့ လက်တွေ့အခြေအနေက ဒီမိုကရေစီဟာ ကြာတောမှာရွာတဲ့ ပေါက္ခရ၀သမိုးလို စွတ်လိုတဲ့ သူကိုသာ စွတ်နေသလို ဖြစ်နေတယ်။ ကွက်ကျားမိုးနဲ့ ဝေးလို့ ခြောက်သယောင်း နေတာတွေအတွက် ဘယ်သူမှ တာဝန် မယူကြဘူး။ တာဝန်ယူမယ့်သူ သိအောင်တောင် ပြောမပေးကြဘူး။ အဲဒါလောက် ခေါင်းရှောင်ကြတာ။ သတင်းသမားတွေက သတင်းသမား တာဝန်ကျေဖို့ အတွက် ရေးပြ ထောက်ပြ ၀င်လုပ်ကြရတာဖြစ်တယ်။ အဲဒီအတွက် အမုန်းခံရ၊ အငြိုးအတေးခံရ၊ ဖိအားတွေ အပေးခံရတာတွေက လွဲပြီး ဘာကိုယ်ကျိုး စီးပွားမှ မပါပါဘူး။

ကော်ပုံးဆွဲ၊ လှေကားထမ်း

အမုန်းခံ၊ အငြိုးအတေးခံပြီး ဘာကြောင့်စာတွေ ရေးနေသလဲလို့မေးရင် ကိုယ့်တာဝန်ကျေချင်လို့ပါ လို့ပဲ ဖြေရ လိမ့်မယ်။ ၀ါသနာ အလျောက် သတင်းသမား အလုပ်ကို လုပ်တော့သတင်းတွေ၊ ဝေဖန် သုံးသပ်ချက်တွေ၊ ဆောင်းပါးတွေ ရေးရပါတယ်။ မရေးချင်လည်း ရေးရပါတယ်။ ဒါမှသတင်း သမားတာဝန်ကျေမှာကိုး။ လူရယ်လို့ဖြစ်လာရင် ရောက်တဲ့နေရာမှာ ကျတဲ့တာဝန်ကို ကျေပွန်စွာ ထမ်းဆောင်ဖို့လိုတယ်လို့ ယူဆပါတယ်။ ကျောင်းသားဘ၀တုန်းက ကျောင်းသားတာဝန် ကျေပွန်ခဲ့တယ်။ ကော်ပုံးဆွဲ၊ လှေကားထမ်း၊ ပိုစတာကပ် လုပ်စရာရှိသမျှ အား လုံး လုပ်ခဲ့တယ်။ ကျောင်းသားဘ၀ကနေ သတင်းစာလောကရောက်တော့လည်း တာဝန်ကျေအောင် ကြိုးစားခဲ့တယ်။

နောင်တမရပါဘူး

တာဝန်ကျေအောင် ကြိုးစားရင်း ထောင်ထဲလည်း ရောက်ခဲ့တယ်။ ကိုကိုးကျွန်းလည်း ရောက်ခဲ့တယ်။ ၀မ်းမနည်းပါဘူး။ နောင်တလည်း မရပါဘူး။ ကိုယ့်အလုပ် ကိုယ်လုပ်တာပဲ။ သူတို့လည်း သူတို့အလုပ် သူတို့လုပ်ပြီး ထောင်ထဲ ပို့တာပဲလို့ သဘောထား လိုက်ပါတယ်။ ငြိုးတာ တေးတာတွေလည်း မရှိပါဘူး။ အခုလည်း သတင်းသမား အလုပ် လုပ်နေမြဲဖြစ်တာကြောင့် ရေးစရာရှိတာရေး၊ ထောက်ပြသင့်တာ ထောက်ပြ လုပ်နေရပါတယ်။ ဘယ်သူ့အပေါ်မှာမှ မလိုမုန်းထားစိတ် မရှိပါဘူး။

ကျောက်စာတိုင်ကြီးလို

ချစ်သူကိုသာစေ၊ မုန်းသူကိုနာစေ မရှိစေရဘူးဆိုတာ သတင်းသမားတိုင်း လိုက်နာကျင့်သုံးရတဲ့ အခြေခံ အကျဆုံး ကျင့်ဝတ်တစ်ပါး ဖြစ်ပါတယ်။ သတင်းသမား ဆိုတာ ဘယ်သူ့မျက်နှာမှ မကြည့်ပါဘူး။ ပြည်သူလူထုရဲ့ မျက်နှာ တစ်ခုတည်းကိုသာ ကြည့်ပါတယ်။ ခြောက်လို့လည်း မ ကြောက်ရပါဘူး။ မြှောက်လို့လည်း မမြောက်ရပါဘူး။ ကျောက်စာတိုင်ကြီးလို ဖြောင့်မတ် တည်ကြည်ရပါတယ်။ အခါခပ်သိမ်း ပြည်သူ့အကျိုးစီးပွားကို ကာကွယ် စောင့်ရှောက်ရပါမယ်။ ရေးစရာရှိရင် ရေးရပါမယ်။ ထောက်ပြစရာ ရှိရင် ထောက်ပြရပါမယ်။ ဒါဟာ သတင်းမီဒီယာတို့ရဲ့ အလုပ်ပဲဖြစ်တယ်။

Ref: EMG News

Read More...

ဂျပန်နိုင်ငံခြားရေးဝန်ကြီး ဒေါ်စုနဲ့တွေ့

မစုမြတ်မွန်
တနင်္လာ, 26 ဒီဇင်ဘာ 2011

မြန်မာပြည်သူတွေ တိုက်ရိုက်အကျိုးရှိစေမယ့် စီးပွားရေးဆိုင်ရာ ရင်းနှီးမြှုပ်နှံမှုတွေကို လုပ်သွားမယ်လို့ ဂျပန် နိုင်ငံခြားရေး ဝန်ကြီး ကိုအီချီရို ဂမ်ဘာ (Koichiro Gemba) က ပြောလိုက်ပါတယ်။ အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံအပြီး သတင်းစာ ရှင်းလင်းပွဲမှာ ခုလို ပြောခဲ့တာ ဖြစ်ပါတယ်။ ဒေါ်အောင်ဆန်းစုကြည် ကလည်း ဂျပန်နိုင်ငံ အနေနဲ့ မြန်မာနိုင်ငံကို ဖွံ့ဖြိုး တိုးတက်ရေး ဆိုင်ရာ အကူအညီတွေ ပေးမယ်ဆိုရင် တိုင်းရင်းသား ဒေသတွေမှာ တန်းတူရအောင် ပေးဖို့ ပြောခဲ့တဲ့ အကြောင်း အပြည့်အစုံကို ဘန်ကောက်ရုံးက မစုမြတ်မွန်က တင်ပြထားပါတယ်။

ဒီကနေ့ နေပြည်တော်မှာ သမ္မတဦးသိန်းစိန်၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ကြံ့ခိုင်ဖွံ့ဖြိုးရေးပါတီ အထွေထွေ အတွင်းရေးမှူး ဦးသိန်းဦးတို့နဲ့ တွေ့ဆုံ ခဲ့ပြီးနောက် ညနေပိုင်းမှာ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ဂျပန် နိုင်ငံခြားရေး ဝန်ကြီး ကိုအီချီရို ဂမ်ဘာ (Koichiro Gemba) က မြန်မာအစိုးရ အနေနဲ့ ဒီမိုကရေစီရေး၊ အမျိုးသား ပြန်လည်သင့်မြတ်ရေး၊ ဒေါ်အောင်ဆန်းစုကြည်၊ အမျိုးသား ဒီမိုကရေစီ အဖွဲ့ချုပ်တို့နဲ့ လက်တွဲဆောင်ရွက်နေတဲ့ ကိစ္စတွေကို လေ့လာ နိုင်ခဲ့တယ်လို့ ပြောပါတယ်။ မြန်မာနိုင်ငံက အခြေ အနေတွေကို ဂျပန်က အနီးကပ် စောင့်ကြည့် နေတယ်ဆိုတာကို သမ္မတဦးသိန်းစိန်ကိုရော ဒေါ်အောင်ဆန်းစုကြည် ကိုပါ ပြောခဲ့တယ် ဆိုတာကို မြန်မာနိင်ငံကနေ မပြန်ခင်မှာ ဒေါ်အောင်ဆန်းစုကြည်နဲ့ တွေ့ဆုံပြီး လုပ်တဲ့ ပူးတွဲ သတင်းစာ ရှင်းလင်းပွဲမှာ သူက အသိပေး သွားပါတယ်။

မြန်မာအစိုးရရဲ့ ဆောင်ရွက်မှုတွေကို ဂျပန်က ကူညီသွားမယ်လို့ ဂျပန်နိုင်ငံခြားရေးဝန်ကြီးက ပြောခဲ့ပါတယ်။ ဂျပန်နဲ့ မြန်မာကြား အပြန်အလှန် ရင်းနှီးမြှုပ်နှံမှု သဘောတူ စာချုပ်ကို အပြီးသတ် နိုင်ရေးအတွက် စတင်ဆွေးနွေးဖို့ သဘော တူနိုင်ခဲ့တဲ့ အတွက် ဂျပန်နိုင်ငံက စီးပွားရေး ရင်းနှီး မြှုပ်နှံမှုတွေကို လုပ်တဲ့အခါမှာ ပြည်သူတွေ တိုက်ရိုက် အကျိုးရှိစေမယ့် ကိစ္စတွေကို အဓိကထား လုပ်သွားမယ်လို့ စကားပြန်က တဆင့် ဝန်ကြီး ဂမ်ဘာက ပြောခဲ့ပါတယ်။

“စီးပွားရေး ပူးပေါင်းဆောင်ရွက်မှုကဏ္ဍနဲ့ ပတ်သက်ပြီး ပြည်သူလူထုအတွက် တိုက်ရိုက်အကျိုးရှိနိုင်တဲ့ အခြေခံ လူနေမှု ကဏ္ဍကို ဗဟိုပြုပြီးတော့ လုပ်ဆောင်သွားမှာ ဖြစ်ပါတယ်ခင်ဗျ။ အထူးသဖြင့် ဆင်းရဲမှု တိုက်ဖျက်ရေး၊ ကျန်းမာရေး၊ ပညာရေး၊ လယ်ယာ စိုက်ပျိုးရေး ကဏ္ဍတွေကို အဓိကထားပြီးတော့ လုပ်သွားမှာ ဖြစ်ပါတယ်ခင်ဗျ။”

ဂျပန်နိုင်ငံခြားရေးဝန်ကြီးနဲ့ ဆွေးနွေးခဲ့တဲ့ ဒေါ်အောင်ဆန်းစုကြည်ကတော့ စီးပွားရေး ရင်းနှီးမြှုပ်နှံမှုတွေ လုပ်ဖို့အတွက် တရား ဥပဒေ စိုးမိုးမှုရှိဖို့ အရေးကြီးတယ် ဆိုတာကို ဆွေနွေးခဲ့တယ်လို့ သတင်းထောက်တွေကို အခုလို ပြောပြပါတယ်။

“စီးပွားရေး ရင်းနှီးမြှုပ်နှံရေးနဲ့ ကျမတို့နိုင်ငံမှာ ဥပဒေစိုးမိုးရေးဟာ ဆက်နွယ်နေတဲ့ အကြောင်းကိုလည်း ကျမ ထောက်ပြပါတယ်။ ဒီမိုကရေစီ အဆောက် အဦးတွေဟာ ခိုင်မာမှလည်း ကျမတို့ရဲ့ စီးပွားရေး တိုးတက်မှုဟာ ခိုင်မာနိုင်မှာ ဖြစ်ပါတယ်။ ဒါကြောင့်မိုလို့ ဂျပန်နိုင်ငံ အနေနဲ့ ကျမတို့ကို လူသားချင်း စာနာရေးနဲ့ ပတ်သက်လို့ ဖွံ့ဖြိုးမှုနဲ့ ပတ်သက်လို့ စီးပွားရေးနဲ့ ပတ်သက်လို့ ကူညီတဲ့ အခါမှာ ကျမတို့ရဲ့ ဒီမိုကရေစီ အဆောက်အဦးတွေ ခိုင်မာရေးကိုလည်း ထည့်သွင်းပြီးတော့ စဉ်းစားသွားမယ်လို့ မျှော်လင့်ပါတယ်။”

မြန်မာနိုင်ငံအတွက် အရေးကြီးတဲ့ တိုင်းသားတွေ စည်းလုံးမှုအတွက်ကိုလည်း လူသားချင်းစာနာမှု အကူအညီတွေ ပေးတဲ့ အခါမှာ ညီညီမျှမျှပေးဖို့ အရေးကြီးတယ် ဆိုတာကို ဒေါ်အောင်ဆန်းစုကြည်က ဂျပန် နိုင်ငံခြားရေး ၀န်ကြီးကို ပြောခဲ့ပါတယ်။

“ကျမ ၀န်ကြီးကို ရှင်းပြခဲ့တာဟာ ကျမတို့နိုင်ငံမှာ ဒီမိုကရေစီ တိုးတက်ရေးအတွက် လိုအပ်တဲ့ ကိစ္စတွေ ထဲမှာ ကျမတို့ တိုင်းရင်းသားတွေ စည်းလုံး ညီညွတ်ရေးဟာ အင်မတန်မှ အရေးကြီးပါတယ်။ ဒါကြောင့်မိုလို့ ပြည်တွင်းစစ် ငြိမ်းချမ်းဖို့ဟာ အင်မတန်မှ အရေးကြီးပါတယ်။ ကျမတို့ရဲ့ တိုင်းရင်းသား လူမျိုးများ အားလုံးကြားမှာ သွေးစည်း ညီညွတ်ရေး ရှိဖို့ အတွက်ကို လူသားချင်းဆိုင်ရာ ဖွံ့ဖြိုးမှုဆိုင်ရာ အကူအညီတွေ ပေးတဲ့အခါမှာ တိုင်းရင်းသား ဒေသတွေမှာလည်း တန်းတူရည်တူ ပေးဖို့လိုတယ် ဆိုတာလည်း ကျမ ရှင်းပြခဲ့ပါတယ်။”

မြန်မာနဲ့ ဂျပန်နိုင်ငံကြား နှစ်ပေါင်းများစွားထဲက ချစ်ခင်ရင်းနှီးမှု ရှိခဲ့တဲ့အတွက် ဂျပန်နိုင်ငံခြားရေး ဝန်ကြီးနဲ့ တွေ့ရတာကို ဝမ်းသာတဲ့ အကြောင်းကိုလည်း သတင်းစာ ရှင်းလင်းပွဲမှာ ပြောခဲ့သလို ဒီမိုကရေစီစနစ် ကျင့်သုံးတဲ့ ဂျပန်နိုင်ငံအနေနဲ့ မြန်မာ့ ဒီမိုကရေစီရေးကို အင်တိုက် အားတိုက် ထောက်ပံ့သွားမယ်လို့ မျှော်လင့်ကြောင်းလည်း ဒေါ်အောင်ဆန်းစုကြည်က ပြောသွားပါတယ်။

ရှေ့နှစ်မှာ ဂျပန်နိုင်ငံမှာကျင်းပဖို့ရှိတဲ့ မဲခေါင်စည်းဝေးပွဲကို လာတက်ဖို့အတွက် သမ္မတဦးသိန်းစိန်ကို ဂျပန် နိုင်ငံခြားရေး ဝန်ကြီးက ဖိတ်ခေါ်ခဲ့သလို ဒေါ်အောင်ဆန်းစုကြည် ကိုလည်း ဂျပန်ကို လာလည်ဖို့ ဖိတ်ခဲ့ပါတယ်။ ဒေါ်အောင်ဆန်းစုကြည် ကတော့ မြန်မာ နိုင်ငံမှာလည်း မကြာခင် ဒီလို တိုးတက်မှုမျိုး ဖြစ်လာမယ်ဆိုတဲ့ မျှော်လင့်ချက်နဲ့ လာချင်တဲ့ အကြောင်း ပြန်ပြီး ပြောခဲ့ပါတယ်။

ပုဂံက စေတီပုထိုးတွေ ပြုပြင်ထိန်းသိမ်း စောင့်ရှောက်ရေးအတွက် ဂျပန်က ကျွမ်းကျင်ပညာရှင်တွေကို မကြာခင် မြန်မာနိုင်ငံကို စေလွှတ်ဖို့ ရှိတယ် ဆိုတာကိုလည်း ဂျပန်နိုင်ငံခြားရေး ဝန်ကြီး ကိုအီချီရိုဂမ်ဘာက သတင်းစာ ရှင်းလင်းပွဲမှာ အသိပေး သွားခဲ့ပါတယ်။ ၉ နှစ်အတွင်းမှာ ဂျပန် နိုင်ငံခြားရေး ၀န်ကြီး တစ်ယောက် အနေနဲ့ မြန်မာနိုင်ငံကို ၂ ရက်ကြာ ခရီး လာသွားတဲ့ မစ္စတာ ဂမ်ဘာ ဟာ ဒီနေ့ တနင်္လာနေ့ ညပိုင်းမှာပဲ မြန်မာနိုင်ငံကနေ ပြန်လည် ထွက်သွားပါတယ်။

Ref: VOA News

Read More...

ရဲဘော်သုံးကျိပ် သွေးသစ္စာနေ့ အလှူ

တနင်္လာနေ့၊ ဒီဇင်ဘာလ ၂၆ ရက် ၂၀၁၁

ရန်ကုန် (မဇ္ဈိမ) ။ ။ ကွယ်လွန်လေပြီးသော ရဲဘော်သုံးကျိပ်ဝင်များကို ရည်စူးကာ မိသားစု ဝင်များက ရေစက် သွန်းချ အမျှ ပေးဝေ လှူဒါန်းပွဲကို တနင်္လာနေ့ နံနက် ၉ နာရီက ရန်ကုန်မြို့ ဇီဝိတဒါန သံဃာ့ ဆေးရုံတွင် ပြုလုပ်ခဲ့ သည်။

ဒီဇင်ဘာ ၂၆ ရက်နေ့မှာ ၁၉၄၁ ခုနှစ်က ထိုင်းနိုင်ငံ ဘန်ကောက်မြို့၌ ရဲဘော်သုံးကျိပ် ဝင်များ လွတ်လပ်ရေး အတွက် လက်မောင်းသွေးကို ဖောက်ကာ သွေးသစ္စာ ဆိုခဲ့ကြသည့်နေ့ ဖြစ်သည်။ ထို့ကြောင့် ဤနေ့ ရောက်တိုင်း ရဲဘော် သုံးကျိပ်ဝင် မိသားစုများက တွေ့ဆုံပွဲ လုပ်ခဲ့ကြသည်မှာ ၂၈ နှစ် ကြာပြီဖြစ်၍ ယခုနှစ်တွင် ဇီဝိတဒါန သံဃာ့ဆေးရုံမှ ပင့်သံဃာတော် ၂၈ ပါးကို အလှူအတမ်း ပေးဝေခဲ့ခြင်း ဖြစ်ကြောင်း သိရသည်။

မြန်မာနိုင်ငံ၏ ပထမဆုံးသော ခေတ်မီ အမျိုးသား တပ်မတော် ဖြစ်သည့် ‘ဗမာ့ကာကွယ်ရေး တပ်မတော် BIA’ ကို ဖွဲ့စည်း တည်ထောင် ခဲ့ကြသည့် ရဲဘော်သုံးကျိပ် ဝင်များထဲမှ ၂၈ ဦးမှာ ကွယ်လွန် သွားကြပြီ ဖြစ်သည်။

သခင်ရွှေ (ခေါ်) ဗိုလ်ကျော်ဇောနှင့် ကိုအောင်သိန်း (ခေါ်) ဗိုလ်ရဲထွဋ်တို့ နှစ်ဦးသာ သက်ရှိထင်ရှား ရှိနေတော့ကြောင်း ရဲဘော် သုံးကျိပ်ထဲမှ မိသားစုဝင် တဦးက ပြောသည်။

“ကျနော်က နှစ်စဉ်နှစ်တိုင်း ရဲဘော်သုံးကျိပ်ဝင် မိသားစုတွေ တွေ့ဆုံပွဲကို တက်ဖြစ်ပါတယ်။ ဒီနှစ် ဒေါ်အောင်ဆန်း စုကြည်ကို ဖိတ်ထားတယ်လို့ သိရပါတယ်။ ဦးနေဝင်း မိသားစုတော့ မသိပါဘူး။ အယူအဆတွေ ဘယ်လိုပဲ ကွဲပြား နေစေကာ ရဲဘော် သုံးကျိပ်ဝင် မိသားစုတွေ တွေ့ဆုံနိုင်အောင် အရင်ကပဲ ရဲဘော် သုံးကျိပ်ဝင်တွေ ကိုယ်တိုင် လုပ်ခဲ့တာ။ အခုဆိုရင် သက်ရှိထင်ရှား နှစ်ယောက်ပဲ ကျန်တော့တယ်။ သခင်ရွှေ (ဗိုလ်ကျော်ဇော) ကတော့ ကူမင်းမှာ မိသားစု ဝင်တွေနဲ့ နေတယ်လို့ ကြားတယ်။ ကိုအောင်သိန်းကတော့ လက်တွန်း ကုလားထိုင်နဲ့ ပဲ နေရတော့ တယ်။ မသွားနိုင်ဘူးလေ။ အသက်က ၉၀ ဆိုတော့လေ” ဟု သူက ပြောသည်။

‘ရဲဘော်သုံးကျိပ်ဝင် မိသားစုများ သာရေးနာရေး အဖွဲ့’ ကိုလည်း ၁၉၈၃ ခုနှစ် ဒီဇင်ဘာ ၂၆ ရက်နေ့က ဖွဲ့စည်းထားသည်။

တရုတ်နိုင်ငံ ကူမင်းမြို့၌ နေထိုင်သည့် ဗိုလ်မှူးချုပ် (ဟောင်း) ကျော်ဇောက “ကျနော် ၉၂ နှစ် ပြည့်ပါပြီ။ ကျနော် ကျန်းမာပါတယ်။ အားလုံးပဲ ကျန်းမာပါစေ။ ဒီမိုကရေစီ အမြန်ရပါစေ။” ဟု ၂၀၁၁ ခု ဒီဇင်္ဘာ ၃ ရက်နေ့က ကျရောက်သော မွေးနေ့ နှုတ်ခွန်း ဆက်စကားတွင် ပါရှိသည်။

Ref: မဇ္ဈိမ

Read More...

ဘူးသီးတောင် ၁၉၉၀ အမတ် လွှတ်ပေးရန် NDPHR တောင်းဆို

ဖနိဒါ
တနင်္လာနေ့၊ ဒီဇင်ဘာလ ၂၆ ရက် ၂၀၁၁

ချင်းမိုင်(မဇ္စျိမ) ။ ။ ရခိုင်ပြည်နယ်၊ ဘူးသီးတောင်မြို့နယ်မှ ၁၉၉ဝ ရွေးကောက်ပွဲအနိုင်ရ ဦးကျော်မင်းနှင့် မိသားစုကို လွှတ်ပေးရန် ပြင်သစ်နိုင်ငံ၊ ပဲရစ်မြို့အခြေစိုက် အမျိုးသား လူ့အခွင့်အရေး ဒီမိုကရက်တစ်ပါတီ NDPHR (ပြည်ပ)မှ တနင်္လာနေ့က တောင်းဆို လိုက်သည်။

၂ဝ၁၂ ခုနှစ် ဇန်နဝါရီလအတွင်း နိုင်ငံရေးအကျဉ်းသားများကို လွှတ်ပေးရန် ရှိသည်ဟု သတင်းများ ထွက်ပေါ်လာ ပြီးနောက် မြင်းခြံထောင်မှ ဦးကျော်မင်းနှင့် အင်းစိန်ထောင်မှ ဇနီး ဒေါ်တီဇာ၊ သမီး မခင်ခင်နုနှင့် မဝါဝါခင်၊ သား ကိုအောင်နိုင် တို့ကိုလည်း လွှတ်ပေးရန် အစိုးရထံသို့ ကြေညာချက် ထုတ်၍ တောင်းဆိုလိုက်ခြင်း ဖြစ်ကြောင်း NDPHR ဥက္ကဋ္ဌ ဦးလှအောင်က မဇ္ဈိမကို ပြောသည်။

“အခု အစိုးရ ဦးသိန်းစိန်ကနေ ပွင့်လင်းမှုတွေ လွတ်လပ်တဲ့ ဒီမိုကရေစီစနစ်ကို ဦးတည်ချင်တယ်ဆိုတဲ့ အချိန်ကာလ မှာ တိုးတက် ပြောင်းလဲမှုတွေလည်း အများကြီး လုပ်ခဲ့ပါပြီး အဲဒါကို ကြိုဆိုပါတယ်။ သူတို့ရဲ့ ဆောင်ရွက်မှုကို ပြည်သူတွေ ယုံကြည် လေးစားလာအောင် နံပါတ်တစ်အ နေနဲ့ အရင်အစိုးရသစ် လက်ထက်က ဖမ်းထားတဲ့ နိုင်ငံရေး အကျဉ်းသား အားလုံး ခြွင်းချက်မရှိ လွှတ်ပေးမှသာလျှင် လက်ခံ ယုံကြည်လောက်တဲ့ စေတနာမှန်နဲ့ အမြန်ဆုံး လွှတ်ပေးပါလို့ အထူး ပန်ကြားချင်ပါတယ်”ဟု ဦးလှအောင်က ပြောသည်။

ဦးကျော်မင်းမှာ ပြည်သူ့ လွှတ်တော် ကိုယ်စားပြုကော်မတီ CRPP အဖွဲ့ဝင်ဖြစ်ပြီးနောက် အစည်းအဝေးများ တက်ရောက်ခြင်း အပါအဝင် နိုင်ငံရေး လှုပ်ရှားမှုနှင့် ဆက်စပ်၍ ဖမ်းဆီး ခံရခြင်း ဖြစ်သည်ဟု ကြေညာချက်တွင် ပါရှိသည်။

ဦးကျော်မင်းမှာ ၂ဝဝ၅ ခုနှစ် မတ်လ ၂၅ ရက်နေ့က အပြည်ပြည်ဆိုင်ရာ အလုပ်သမား အဖွဲ့ချုပ် ILO မှ ကိုယ်စား လှယ်များနှင့် ရန်ကုန်မြို့တွင် တွေ့ဆုံအပြီး အာဏာပိုင်များ၏ ဖမ်းဆီး ခံရပြီးနောက် မြန်မာနိုင်ငံသား ဖြစ်မှုကို ရုပ်သိမ်း လိုက်ပြီး လဝက အက်ဥပဒေ ပုဒ်မ (၁၈) နှင့် နိုင်ငံတော် လုံခြုံရေး အက်ဥပဒေ ပုဒ်မတို့ဖြင့် ထောင်ဒဏ် ၄၇ နှစ်နှင့် ချမှတ် ခံခဲ့ရသည်။

၎င်း၏ ဇနီးသည် ဒေါ်တီဇာ၊ သမီးများဖြစ်ကြသည့် မခင်ခင်နု နှင့် မဝေဝေနု၊ သား ကိုအောင်နိုင် တို့ကိုလည်း နိုင်ငံသား အဖြစ်မှ ပြန်လည် ရုပ်သိမ်းလိုက်ပြီး လဝက အက်ဥပဒေ ပုဒ်မ ထောင်ဒဏ် ၁၇ နှစ်စီ ချမှတ် ခံနေရသည်။

မခင်ခင်နုသည် အသည်းရောဂါနှင့် နှလုံးရောဂါ ခံစားနေရ သဖြင့် ပြီးခဲ့သည့် အောက်တိုဘာလက အင်းစိန်ထောင် ဆေးရုံ တက်ခဲ့ရသည်။ လက်ရှိ ဆေးဝါးကုသမှု ခံနေရသည်ဟု ဆိုသည်။

ပြည်တွင်းအခြေစိုက် နိုင်ငံရေးအကျဉ်းသားများ အကျိုးဆောင် ကွန်ယက်ကလည်း အစိုးရ အဆက်ဆက်က မည်သည့် ရည်ရွယ်ချက်ကြောင့် ထောင်ဒဏ် ချမှတ် ခဲ့ခြင်းဆိုသည်သာ အဓိက ကျသဖြင့် ဦးကျော်မင်းနှင့် မိသားစုကို လွှတ်ပေး သင့်ကြောင်း တာဝန်ခံ ကိုအောင်ဇော်ထွန်းက မဇ္ဈိမကို ပြောသည်။

“ဦးကျော်မင်းက အမတ်တယောက် ဖြစ်တယ်။ သူ့တမိသားစုလုံးကို လဝက တပ်ပြီးတော့ နိုင်ငံရေးအရ အကွက်ဆင် ပြီးတော့ ထည့်ထားတာဘဲ။ သူတို့ကို ဘာပုဒ်မပဲတပ်တပ် သူတို့ ဖမ်းဆီး အရေး ယူထားတဲ့ ရည်ရွယ်ချက် ကိုယ်တိုင် နိုင်ငံရေး အကြောင်း တရားပေါ်မှာ လုပ်ထားတဲ့ ကိစ္စဖြစ်တယ်။ ကျနော်တို့က နိုင်ငံရေးအကျဉ်းသား တယောက်ကို ပုဒ်မကို ကျနော်တို ကြည့်မှာ မဟုတ်ဘူး။ သူတို့ ဘယ်လို ပုံစံနဲ့ချထားတယ်။ ဘာရည်ရွယ်ချက်နဲ့ ချထားတယ် ဆိုတာ ကိုဘဲ ကြည့်မယ်”ဟု သူက မဇ္ဈိမကို ပြောသည်။

ဦးကျော်မင်းသည် ဘူးသီးတောင်ဇာတိဖြစ်ပြီး ရန်ကုန်တက္ကသိုလ်မှ စီးပွားရေးဘွဲ့ ရခဲ့ပြီးနောက် အစိုးရ ဝန်ထမ်း အဖြစ် ဘူးသီးတောင် မြို့နယ် အလယ်တန်း ကျောင်းအုပ် ဆရာမှ မြို့နယ် လက်ထောက် ပညာရေးမှူး အဆင့်ထိ တာဝန် ထမ်းဆောင်ခဲ့သူ ဖြစ်သည်။

NDPHR ပါတီမှာ ၉၀ ရွေးကောက်ပွဲ၌ ဘူးသီးတောင်မြို့နယ် မဲဆန္ဒနယ်အမှတ် ၁၊ ၂ နှင့် မောင်တော မဲဆန္ဒနယ်မြေ ၁ ၊၂ တို့ လေးနေရာမှ အနိုင်ရခဲ့သည်။ သို့သော် နအဖ အစိုးရက ရွေးကောက်ပွဲပြီးနောက် နိုင်ငံရေးပါတီ အချို့ကို ဖျက်သိမ်းလိုက်သည့် အထဲတွင် ထိုပါတီလည်း ပါဝင်ခဲ့သည်။

ပြီးခဲ့သည့် ရက်သတ္တအပတ်က တိုင်းရင်းသား လက်နက်ကိုင် အဖွဲ့အစည်းများနှင့် တွေ့ဆုံ ဆွေးနွေးပွဲတွင် ရထားဝန်ကြီး ဦးအောင်မင်းက နိုင်ငံရေး အကျဉ်းသားများ အပါအဝင် အကျဉ်းသားများကို ဇန်နဝါရီလ ၄ ရက်နေ့နှင့် ဖေဖော်ဝါရီလ ၁၂ ရက် နေ့များတွင် လွှတ်ပေးမည်ဟု ပြောဆိုခဲ့သည်။

Ref: မဇ္ဈိမ

Read More...

ပါရမီ ယာဉ်မောင်းများ၏ တောင်းဆိုချက် ဦးပိုင်လိုက်လျော

ညီသစ်၊ ကျော်ခ
တနင်္လာနေ့၊ ဒီဇင်ဘာလ ၂၆ ရက် ၂၀၁၁

ရန်ကုန်၊ ချင်းမိုင်(မဇ္ဈိမ) ။ ။ စစ်ဗိုလ်ချုပ်များ ဦးစီးထားသည့် မြန်မာ့စီးပွားရေး ဦးပိုင် လီမီတက်က ‘ပါရမီ’ တက္ကစီ အငှားယာဉ် မောင်းများ အပေါ် တင်းကြပ်ထားသည့် စည်းမျဉ်းများကြောင့် ယာဉ်မောင်းများက ဆန္ဒပြ တောင်းဆိုတော့ မည် အရေးနှင့် ရင်ဆိုင် လိုက်ရပြီး အရေးပေါ် အစည်းအဝေး ခေါ်ကာ ညှိနှိုင်း သဘောတူ ပေးခဲ့ရသည်။

တင်းကြပ်မှုများကို မခံနိုင်ကြသဖြင့် ‘ဗန္ဓုလ’ သယ်ယူပို့ဆောင်ရေး အောက်ရှိ ပါရမီ ယာဉ်မောင်းများက စုဖွဲ့ကာ ဒီဇင်ဘာလ ၁၄ ရက်နေ့တွင် ဆန္ဒပြ တောင်းဆိုရန် ပြင်ဆင်ခဲ့မှုမှာ သတင်း ပေါက်ကြားခဲ့ပြီး ၁၃ ရက်နေ့တွင် ဦးပိုင် လီမိတက်က ယာဉ်မောင်းများကို အရေးပေါ် အစည်း အဝေးတရပ် ခေါ်ယူခဲ့သည်။ တောင်းဆိုချက်များကို ဦးပိုင် ဥက္ကဋ္ဌ ဗိုလ်ချုပ်ခင်ဇော်ဦးကို တင်ပြကာ ၂၃ ရက် နေ့က အစည်းအဝေးတွင် စည်းကမ်း ပြင်ဆင်ချက်ကို ထုတ်ပြန်ပေးခဲ့သည်။

ပါရမီယာဉ်မောင်းများအပေါ် ချမှတ်ထားသော ယခင်က လဆန်း ၃ ရက် နေ့နောက်ဆုံး ထားပေးသွင်းရမည့် လစာ ကို ၇ ရက်နေ့ထိ တိုးမြင့် ပေးခဲ့သလို ၃ ရက်နေ့ လစာ မပေးလျှင် ကားသော့သိမ်းခြင်းကို ၁၅ ရက်နေ့ထိ လျှော့ပေါ့ ပေးခဲ့သည်။ တရက်လျင် လက်ဗွေ သုံးကြိမ် နှိပ်ရမယ့် အစားကို နေ့လည်တကြိမ် လျှော့ချပေးခဲ့သလို ယခင်က မနက် ၆ နာရီ ယာဉ်ထုတ်ချိန်အစား တနာရီ စောထုတ်ယူခွင့် ပေးခဲ့ပြီး ယာဉ်သိမ်းချိန်ကိုလည်း တနာရီ နောက်ကျ သိမ်းခွင့် ထိ လျှော့ချပေးခဲ့သည်။

“တနေ့ကို သုံးကြိမ် ဘယ်နေရာကရောက်ရောက် ပါရမီကားဝင်းကို ပြန်လာပြီး လက်ဗွေနှိပ်ဖို့ ဆိုတာ မဖြစ်နိုင်ဘူး ဗျ။ နောက်ဆုံး အစည်း အဝေးက ဆုံးဖြတ်တာ တနေ့ သုံးကြိမ် မထိုးရ တော့ဘူးဗျ၊ တနေ့ နှစ်ကြိမ်ပဲ အဝင်နဲ့ အထွက် ထိုးရမယ်။ နေ့လည် ပြန်လာ ထိုးပေးဖို့ မလိုတော့ဘူး” ဟု ပါရမီယာဉ်မောင်း ဦးစော က မဇ္ဈိမကို ပြောသည်။

ယာဉ်မောင်းများ၏ တောင်းဆိုချက်များထဲတွင် နယ်ကျော် မောင်းနှင်ကြေးအား လျှော့ချပေးရန်၊ အငှားယာဉ်၏ စပေါ်ငွေကို ကျပ် ၁၅ သိန်းမှ ၁၀ သိန်းသို့ လျှော့ပေါ့ပေးရန်၊ ဦးပိုင်သို့ လစဉ် ပေးသွင်းရနေရသည့် အငှားယာဉ်ကြေး ကျပ်လေးသိန်းကို သုံးသိန်းထိ လျှော့ချပေးရန်နှင့် ယာဉ်ပြေးဆွဲချိန်ကို ပြန်လည် ညှိနိုင်းပေးရန် ပါရှိသည်။

အဆိုပါ တောင်းဆိုချက်များထဲက စပေါ်ငွေများ လျှော့ချပေးရေးနှင့် လစဉ်ငွေ လျှော့ချရေးတို့ကို ဦးပိုင် လိုက်လျော ချက်များတွင် မပါရှိသေးပေ။ သို့သော်လည်း အခြေအနေအရ လျှော့ချ ပေးနိုင်ရန် စီစဉ်လျက် ရှိကြောင်း ဦးပိုင် လီမီတက် မှ ထိပ်ပိုင်း တာဝန်ရှိသူ တဦးက ပြောသည်။

လျှော့ချပေးချက်များထဲက တခုဖြစ်သည့် မူလက နယ်ကျော် မောင်းနှင်ကြေး ၁၀၀၀၀ ကျပ်ကို ၅၀၀၀ ကျပ်သို့ လျှော့ချ ပေးခဲ့သော်လည်း နယ်မြေ အကန့်အသတ် ပိုကျဉ်းသွားကြောင်း ယာဉ်မောင်းများက ပြောသည်။

“အရင်တုန်းက ပြည်လမ်းဆိုရင် တိုက်ကြီး၊ မန္တလေးလမ်းဆိုရင် အင်းတကော်ပေါ့။ အဲဒီနေရာတွေကို ကျော်လို့ မရတော့ဘူး။ အရင်တုန်းက တသောင်းပေးတယ် ဆိုတာက ပဲခူးထိ ရတယ်လေ။ ဒီလို ကန့်လိုက်တဲ့ အခါကြတော့ ဒါဟာ ဖြေလျော့တာ မဟုတ်ပဲနဲ့ ပိုတင်းကြပ်လိုက်သလို ဖြစ်သွားတာကိုး။ အခု ပဲခူး၊ အင်းတကော် သွားချင်တယ်ဆို ချက်ချင်းလိုက်လို့ မရတော့ဘူး” ဟု ယာဉ်မောင်း တဦးက ပြောသည်။

ယခင်က နယ်ကျော် မောင်းနှင်မည်ဆိုပါက သက်ဆိုင်ရာ တာဝန်ခံကို ဖုန်းဖြင့် ဆက်သွယ်ပြောဆို၍ ရသော်လည်း ယခု အခါတွင်မူ လျှောက်လွှာ တရက် ကြိုတင်ရမှာဖြစ်ပြီး ခွင့်ပြုချက်ရမှ ခရီးသည် လိုက်ပါ ပို့ဆောင်ခွင့်ရမည် ဖြစ်သည်။

စစ်အရာရှိများ ကြီးစိုးသော ပါရမီယာဉ်လိုင်းမှ တက္ကစီများသည် မြို့တွင်းရှိ အခြားသော ယာဉ်လိုင်းများထက် ခရီးသည် အကြိုက်၊ ယာဉ်မောင်းများ အကြိုက်တွေ့သဖြင့် အသုံးပြုလိုကြသော်လည်း ကားရရန်အတွက် တပ်အရာရှိ များကို အကပ် ယူရကြောင်း ပါရမီ ယာဉ်မောင်းတို့က ပြောသည်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အောက်ရှိ အငှားယာဉ်များသည် ပါရမီ ကားများကဲ့သို့ ကောင်းမွန်ခြင်း မရှိသော်လည်း နေ့စဉ် ပြန်ပို့စရာ မလိုဘဲ အိမ်၌ ယူထားကာ တလတကြိမ်သာ စစ်ဆေးရန် ပို့ဆောင်ရသလို စပေါ်ငွေ ၈ သိန်းနှင့် လစာ ၄ သိန်းခွဲသာ ပေးဆောင်ရကြောင်း အငှားယာဉ် အသိုင်းအဝိုင်းထံမှ သိရသည်။


Ref: မဇ္ဈိမ

Read More...

အစိုးရငြိမ်းချမ်းရေး ကိုယ်စားလှယ် ၀တပ်ဖွဲ့နဲ့တွေ့

ကိုမိုးဇော်
တနင်္လာ, 26 ဒီဇင်ဘာ 2011

မြန်မာနိုင်ငံရဲ့ အပြောင်းအလဲတွေကြောင့် နိုင်ငံတကာနဲ့ ဆက်ဆံမှုတွေ မြင့်တက် လာချိန်မှာ အစိုးရက တိုင်းရင်းသား လက်နက်ကိုင် တွေနဲ့လည်း ပြေလည်မှုရအောင် ညှိနှိုင်းမှုတွေ လုပ်ဆောင် နေပါတယ်။ အခုနောက်ဆုံး မြန်မာအစိုးရနဲ့ အပစ်အခတ် ရပ်စဲထားတဲ့ အဓိက တိုင်းရင်းသား လက်နက်ကိုင် အဖွဲ့အစည်း တစ်ခုဖြစ်တဲ့ ၀ပြည် သွေးစည်း ညီညွတ်ရေးပါတီ (UWSA) နဲ့ မြန်မာ ငြိမ်းချမ်းရေး ကိုယ်စားလှယ်တွေ ဒီကနေ့ တွေ့ဆုံ ဆွေးနွေး ခဲ့ကြပါတယ်။ ၀တပ်ဖွဲ့ရဲ့ ဌာနချုပ်ရှိရာ ပန်ဆန်း ဒေသကို ရောက်ရှိလာခဲ့တဲ့ ဦးအောင်သောင်း ခေါင်းဆောင်တဲ့ ပြည်ထောင်စု အဆင့် ငြိမ်းချမ်းရေး အဖွဲ့နဲ့ ၀ ခေါင်းဆောင်တွေ တွေ့ဆုံမှုအတွင်း ဒေသ ဖွံ့ဖြိုးရေး လုပ်ငန်းတွေတင် မကဘဲ ကြားဖြတ် ရွေးကောက်ပွဲ ကျင်းပရေး ကိစ္စတွေကိုပါ ဆွေးနွေး ကြလိမ့်မယ်လို့ မျှော်လင့်ရပါတယ်။ ဒီအခြေအနေ အသေးစိတ် ကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြ ထားပါတယ်။

မြန်မာအစိုးရရဲ့ ငြိမ်းချမ်းရေးအဖွဲ့ ခေါင်းဆောင်တစ်ဦးဖြစ်တဲ့ ဦးအောင်သောင်းနဲ့ အဖွဲ့ဟာ ဒီကနေ့ မနက်ပိုင်းက ရှမ်းပြည်နယ် မြောက်ပိုင်း တရုတ်-မြန်မာ နယ်စပ် ဒေသက ၀ ပြည် သွေးစည်းညီညွတ်ရေး ပါတီ ဌာနချုပ် အခြေစိုက်ရာ ပန်ဆန်းမြို့ကို ရောက်ရှိခဲ့ပါတယ်။

ပန်ဆန်းဒေသခံ တစ်ယောက်ကတော့ မြန်မာအစိုးရဘက်က အဖွဲ့တစ်ဖွဲ့ဟာ ရဟတ်ယာဉ်နဲ့ ရောက်လာကြောင်းနဲ့ ပန်ဆန်းမြို့ပေါ်မှာ လုံခြုံရေး တင်းကျပ် ထားကြောင်း အခုလို ပြောပြပါတယ်။

“ဒီနေ့ကတော့ ဗမာတွေလာတယ်လေ။ ပန်ဆန်းမှာ ဟတ်စကီးနဲ့လာတာ။ ၁၀ နာရီ ၁၁ နာရီအချိန်။ ဘယ်သူတွေ လာသလဲတော့ မသိသေးဘူး။ အခုလောလောဆယ် စစ်သားတွေက တအား ပိတ်ထားတဲ့ အခါကျတော့ သွားလာလို့လည်း မရသေးဘူး။”

ဝတပ်ဖွဲ့တွေနဲ့နီးစပ်တဲ့ တရုတ်-မြန်မာနယ်စပ်က နိုင်ငံရေး စစ်ရေးလေ့လာသူ ဦးအောင်ကျော်ဇောက ဦးအောင်သောင်းနဲ့ လူ ၂၀ လောက် ဒီနေ့ ပန်ဆန်းကို ရောက်ရှိ လာတာဖြစ်တယ်လို့ ပြောပါတယ်။

ဦးအောင်သောင်းနဲ့အဖွဲ့ လာရှိရောက်တာဟာ ဒေသဖွံ့ဖြိုးရေးအတွက်လို့ ယူဆရကြောင်း ဦးအောင်ကျော်ဇော်က အခုလို ပြောပါတယ်။

“အဓိက ကတော့ ၀ဘက်က ဖိတ်တာပါ။ ချစ်ကြည်ရေးသဘော ဆန်တယ်ပေါ့ဗျာ။ သူတို့လုပ်ထားတဲ့ နယ်စပ် ဖွံ့ဖြိုးရေး အခြေ အနေတွေလည်း နည်းနည်း ကြည့်ချင်တယ် တူပါတယ်။ အဲဒီအခြေအနေပါ အဓိက ကတော့။ နိုင်ငံရေး ကိစ္စတော့ သိပ် ပါမယ် မထင်ဘူး။ သူတို့ ဘာမှပြင်ထားတာ မရှိဘူးလေ။”

UWSA ခေါ် ၀ပြည် သွေးစည်းညီညွတ်ရေးပါတီဟာ ၁၉၈၉ ခုနှစ်က ဗမာပြည် ကွန်မြူနစ် ပါတီကနေ ခွဲထွက်ပြီး မြန်မာ စစ်အစိုးရနဲ့ အပစ်အခတ် ရပ်စဲခဲ့တဲ့ အဖွဲ့ ဖြစ်ပါတယ်။ ၂၀၀၉ ခုနှစ်မှာတော့ နယ်ခြားစောင့်တပ် အဖြစ် အသွင်ပြောင်းဖို့ မြန်မာ စစ်အစိုးရက တောင်းဆိုတာကို ငြင်းပယ်ခဲ့တဲ့ နောက်မှာ နှစ်ဘက် ဆက်ဆံရေး တင်းမာ လာခဲ့ပါတယ်။

ဒီနှစ် စက်တင်ဘာလနဲ့ အောက်တိုဘာ လဆန်းပိုင်းမှာတော့ မြန်မာအစိုးရသစ် ကိုယ်စားလှယ်တွေနဲ့ ၀ ခေါင်းဆောင်တွေ အကြား နှစ်ကြိမ် တွေ့ဆုံပြီး အပစ်အခတ် ရပ်စဲရေးကို ဆက်လက် ထိန်းသိမ်းဖို့ အတွက် သဘောတူညီချက် ရရှိထားတာ ဖြစ်ပါတယ်။

၂၀၁၀ ရွေးကောက်ပွဲကာလက ၀နယ်အတွင်း ပြည်သူ့လွှတ်တော်နဲ့ ပြည်နယ်လွှတ်တော် ၁၂ နေရာအတွက် ရွေးကောက်ပွဲ မကျင်းပ နိုင်ခဲ့တာကြောင့် ဦးအောင်သောင်းနဲ့ အဖွဲ့ လာရောက်တဲ့ ခရီးစဉ်မှာ လာမယ့် ကြားဖြတ် ရွေးကောက်ပွဲကို ၀ ဒေသအတွင်း ကျင်းပနိုင်ရေးနဲ့ ပတ်သက်ပြီး ဆွေးနွေးဖွယ် ရှိတယ်ဆိုတဲ့ ပြောဆိုတာတွေလည်း ရှိနေပါတယ်။ ဦးအောင်ကျော်ဇောကတော့ ၀နယ်အတွင်း ရွေးကောက်ပွဲ ကျင်းပဖို့ဟာ အချိန်ယူရမှာဖြစ်တယ်လို့ သုံးသပ်ပါတယ်။

“အစိုးရသတ်မှတ်ထားတဲ့မြို့နယ်တွေက ရွေးကောက်ပွဲ မလုပ်ခဲ့ရဘူး။ ဘယ်ပါတီက လာရွေးမှာလဲ။ ဗကပ နဲ့ တခြား ပါတီက လာရွေးမှာလား။ ဒါကတော့ ကျနော်ထင်တယ်။ အချိန် တချိန်ချိန် ယူကြရလိမ့်မယ်။ ကျနော် သိသလောက် ကလည်း လောလောဆယ် မမြင်သေးဘူးခင်ဗျ။”

၂၀၀၈ ခုနှစ်ဖွဲ့စည်းပုံအရ ၀ ကိုယ်ပိုင်အုပ်ချုပ်ခွင့်ရ တိုင်းကို မြို့နယ် ၆ မြို့နယ်နဲ့ ဖွဲ့စည်းထားတာဖြစ်ပြီး ပြီးခဲ့တဲ့ ၂၀၁၀ ရွေးကောက်ပွဲ ကိုတော့ မြို့နယ် နှစ်မြို့နယ်မှာသာ ကျင်းပ နိုင်ခဲ့တာဖြစ်ပါတယ်။

ဦးအောင်သောင်းတို့ လာရောက်တဲ့ ခရီးစဉ်နဲ့ပတ်သက်ပြီး ၀တပ်ဖွဲ့ရဲ့ ပြောရေးဆိုခွင့်ရှိသူကို ဆက်သွယ် မေးမြန်း ရာမှာတော့ တစ်စုံတရာ ထုတ်ဖော် ပြောဆိုတာ မရှိပါဘူး။

မနက်ဖြန်မှာတော့ ဦးအောင်သောင်းနဲ့အဖွဲ့ဟာ အခြား အပစ်ရပ်အဖွဲ့တစ်ခုဖြစ်တဲ့ ရှမ်းပြည်နယ်အရှေ့ပိုင်း အထူးဒေသ (၄) မိုင်းလား အဖွဲ့ဘက်ကို ဆက်လက် ထွက်ရောက်မှာ ဖြစ်ပါတယ်။

ငြိမ်းချမ်းရေး ကိုယ်စားလှယ်အဖွဲ့က တိုက်ပွဲဖြစ်နေတဲ့ တိုင်းရင်းသား လက်နက်ကိုင် အဖွဲ့အစည်းတွေနဲ့ စေ့စပ် ညှိနှိုင်းဖို့ ကြိုးပမ်း နေတဲ့ တချိန်တည်းမှာ အပစ်အခတ် ရပ်စဲထားတဲ့ လက်နက်ကိုင်အဖွဲ့တွေနဲ့လည်း တွေ့ဆုံနေတာ ဖြစ်ပါတယ်။ ပြီးခဲ့တဲ့ ရက်ပိုင်းတွေ အတွင်းကတော့ ငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင် မီးရထားဝန်ကြီး ဦးအောင်မင်းဟာ အပစ်အခတ် မရပ်စဲသေးတဲ့ ကရင်အမျိုးသား အစည်းအရုံး၊ မွန်ပြည်သစ် ပါတီ စတဲ့အဖွဲ့တွေအပြင် မြန်မာ့ဒီမိုကရေစီ အင်အားစုခေါင်းဆောင်၊ ပအိုးဝ်အဖွဲ့ ခေါင်းဆောင် တွေနဲ့လည်း တွေ့ဆုံ ခဲ့တာဖြစ်ပါတယ်။

Ref: VOA News

Read More...

အီတာလျံ-ထိုင်း ကုမ္ပဏီကား ပြန်ပေးဆွဲအဖွဲ့ KNU အရေးယူမည်

သန်းထိုက်ဦး
December 26, 2011

ကရင်အမျိုးသား အစည်းအရုံး (KNU) တပ်ဖွဲ့ဝင်တချို့ကို အီတာလျံ-ထိုင်း Italian-Thai Development (ITD) ကုမ္ပဏီမှ ကား ၁၆ စီးနှင့် ကားသမားများ ပြန်ပေးဆွဲသည့် အမှုနှင့် ပတ်သက်၍ အရေးယူရန် စီစဉ်နေကြောင်း KNUက ပြောသည်။

ဒီဇင်ဘာလ ၂၀ ရက်နေ့က ထိုင်းနိုင်ငံ ကန်ချနဘူရီ ခရိုင်နှင့် တနင်္သာရီတိုင်း ထားဝယ်မြို့ကို ဆက်သွယ်ထားသော ကားလမ်းပေါ် တွင် ITD ကုမ္ပဏီကားများ အလုပ်လုပ်နေစဉ် KNU တပ်ဖွဲ့ဝင်များက ၆ နာရီခန့် ပြန်ပေး ဆွဲခဲ့ပြီး နေ့လယ် ၁၂ နာရီ တွင် ပြန်လွှတ် ပေးခဲ့သည်။

ထို ပြန်ပေးဆွဲ KNU တပ်ဖွဲ့ဝင်များက ၎င်းတို့၏ အမည်ကို BBK ဟု သုံးခဲ့သည်။

KNU ထားဝယ်ခရိုင် ဥက္ကဌ စောကွယ်ထူးဝင်းက“အဲဒီရှေ့တန်းမှာ ရောက်နေတဲ့ KNU တပ်ဖွဲ့ဝင် ၁၀ ယောက်ကျော်လောက် ရှိတယ်၊ သူတို့ရဲ့ တပ်ရင်းမှူးကို ပြန်ပြီးတော့ အရေးယူ ဆောင်ရွက်ဖို့ အထက်က တာဝန် ပေးထားတယ်”ဟု ဧရာဝတီသို့ ပြောသည်။

ယင်းကိစ္စနှင့် ပတ်သက်၍ ITD ကုမ္ပဏီကလည်း KNU အဖွဲ့ ကို အကြောင်းကြား ထားသည်။

“တပ်ဘက်ဆိုင်ရာ ဘက်က သူတို့ကို အရေးယူဆောင်ရွက်မှုတွေ လုပ်ရမယ်၊ အခြေအနေအရ ကိုယ့်ရဲဘော် တွေက တောထဲမှာ နေနေရင်းနဲ့ သူတို့ကလည်း သူ့ခံစားချက်နဲ့ သူလုပ်လာတဲ့ အပေါ်မှာ တဖက်ကို နားလည်မှု ပေးရမယ်၊ ဒါပေမယ့် တဖက်မှာ စည်းကမ်းပိုင်း အရ ကျနော်တို့ ဆောင်ရွက် ရမှာပေါ့”ဟု စောကွယ်ထူးဝင်းက ဆက်ပြောသည်။

ယင်းဒေသတွင် ကရင်အမျိုးသား အစည်းအရုံး(KNU) တပ်မဟာ ၄ တပ်ဖွဲ့ဝင်များ လှုပ်ရှားနေပြီး ITD ကုမ္ပဏီ က လမ်းဖောက်လုပ် နေခြင်း ဖြစ်ကြောင်း သိရသည်။ ITD ကုမ္ပဏီသည် ထားဝယ် ရေနက်ဆိပ်ကမ်း စီမံကိန်းတွင် ရင်းနှီး မြုပ်နှံထားသော ကုမ္ပဏီ ဖြစ် သည်။

ပြီးခဲ့သည့် စက်တင်ဘာလတွင် ထားဝယ် ရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းကြောင့် ဒေသခံများ၏ လူမှုရေး၊ စီးပွားရေး၊ ကျန်းမာရေးနှင့် သဘာဝ ပတ်ဝန်းကျင် ထိခိုက်မှုများ ကြုံတွေ့ရဖွယ်ရှိပြီး ဆုံးရှုံး နစ်နာမှုများ ရှိလာမည်ကို စိုးရိမ်သောကြောင့် ITD ကုမ္ပဏီ ယာဉ်များ KNU ထိန်းချုပ် ဒေသတွင် သွားလာနေခြင်း မပြုလုပ်ရန် တားမြစ်ခဲ့သည်။

သို့သော်လည်း စီမံကိန်းဒေသ အလုပ်သမားများ အတွက် ရိက္ခာသယ်ပို့ပေးသည့် မော်တော်ယာဉ် တချို့ သွားလာ နေခြင်းကို KNU က ခွင့်ပြုထားသည်ဟု စောကွယ်ထူးဝင်းက ဆိုသည်။

ပြီးခဲ့သည့် ဇူလိုင်လကလည်း ITD ကုမ္ပဏီတွင် အလုပ်လုပ်နေသော အလုပ်သမား ၅၀ခန့်သည် အစိုးရ တပ်နှင့် KNU တပ်ဖွဲ့ဝင်များ တိုက်ပွဲ ဖြစ်ပွားမှုကြောင့် ထိုင်းနိုင်ငံဘက်သို့ ထွက်ပြေး တိမ်းရှောင်ခဲ့ရကြောင်း သိရသည်။

တနင်္သာရီတိုင်း ရေဖြူမြို့နယ်၊ မောင်းမကန် မြောက်ဘက်တွင်ရှိ ထားဝယ် ရေနက်ဆိပ်ကမ်း စီမံကိန်းအတွက် ITD ကုမ္ပဏီက အမေရိကန် ဒေါ်လာ ၈. ၆ ဘီလီယံ ရင်းနှီး မြုပ်နှံထားပြီး လျှပ်စစ်ဓာတ်အားပေး စက်ရုံများ၊ သံမဏိစက်ရုံများ၊ ရေနံ သန့်စင်ရေး စက်ရုံများ၊ ကားလမ်းနှင့် ရထားလမ်းများ ပါဝင်မည်ဖြစ်ကြောင်း သိရသည်။

မြန်မာအစိုးရ သတင်းစာများတွင် ဖော်ပြထားချက် အရ ထားဝယ်ရေနက် ဆိပ်ကမ်းတွင် ကုန်တင် သင်္ဘောကြီး ၂၅ စင်း တပြိုင်တည်း ဆိုက်ကပ်နိုင်ပြီး တနှစ်လျှင် ကုန်ပစ္စည်း မက်ထရစ် တန်ချိန် သန်း ၁၀၀ နီးပါး အတင်အချ ပြုလုပ်နိုင်မည်ဟု သိရသည်။

ဥရောပနှင့် အင်ဒိုချိုင်းနားကို ဆက်သွယ်ရန် ဖြတ်လမ်းဖြစ်လာပြီး စင်ကာပူထက်သာမည်ဟု ဆိုထားသော ထားဝယ် ရေနက် ဆိပ်ကမ်း စီမံကိန်း၏ အရေးပါပုံ၊ စီမံကိန်းကြောင့် နိုင်ငံ၏ စီးပွားရေး တိုးတက် လာနိုင်ပုံ တို့ကို မြန်မာ စာနယ်ဇင်း များတွင် ဖော်ပြခဲ့ကြသည်။

Ref: ဧရာဝတီ

Read More...

Monday, December 26, 2011

မြန်မာနဲ့ စီးပွားရေးတိုးမြှင့်ဖို့ ဂျပန်အကြံပြုမည်

တနင်္ဂနွေ, 25 ဒီဇင်ဘာ 2011

မြန်မာတာဝန်ရှိသူတွေနဲ့ စကားပြောတဲ့အခါ နှစ်နိုင်ငံ ရင်းနှီးမြှုပ်နှံမှု သဘောတူညီချက်တရပ် ရရှိရေး အတွက် ဆွေးနွေးဖို့ အကြံပြုမယ်လို့ မြန်မာနိုင်ငံကို ရောက်ရှိနေတဲ့ ဂျပန် နိုင်ငံခြားရေး ၀န်ကြီးက ပြောပါတယ်။ နှစ်နိုင်ငံကြား အပြန်အလှန် ရင်းနှီး မြှုပ်နှံမှုကို မြှင့်တင်ပြီး ကုန်သွယ်ရေးဆိုင်ရာ အငြင်းပွားမှုတွေကို နိုင်ငံတကာ မူတွေအရ ဖြေရှင်းနိုင်ဖို့ ဒီသဘောတူညီချက်က ရည်ရွယ်ပါတယ်။

ကိုအီချီရို ဂမ်ဘာ (Koichiro Gamba) ဟာ ဂျပန်နိုင်ငံကနေ တနင်္ဂနွေနေ့က ထွက်ခွာသွားခဲ့ပြီး အခု မြန်မာနိုင်ငံကို ရောက်နေပါပြီ။ ဂမ်ဘာ ဟာ သမ္မတ ဦးသိန်းစိန်နဲ့ ထိပ်တန်း မြန်မာ တာဝန်ရှိသူတွေကို တွေ့ဖို့ရှိပါတယ်။ ဒီနေ့ တနင်္လာနေ့ ညနေ ၅ နာရီခွဲမှာ ဂျပန် နိုင်ငံခြားရေး ၀န်ကြီးက အိမ်ကို လာရောက်ပြီး ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ ဒေါ်အောင်ဆန်းစုကြည်ရဲ့ ရုံး တာဝန်ရှိသူ တစ်ဦးက ဗွီအိုအေကို ပြောပါတယ်။

နိုင်ငံတကာက မြန်မာနိုင်ငံနဲ့ ပြန်လည် ဆက်ဆံဖို့ ကြိုးစားလာတဲ့ အစိတ်အပိုင်းတရပ်အဖြစ် ဂျပန်နိုင်ငံက မြန်မာနိုင်ငံကို နိုင်ငံတကာ အကူအညီတွေ ပြန်လည် ပေးအပ်ဖို့ စဉ်းစားနေတဲ့ အချိန်မှာ ခုလို ဂျပန် နိုင်ငံခြားရေးဝန်ကြီးရဲ့ ခရီးစဉ်က ဖြစ်လာခဲ့တာပါ။ သူ့ရဲ့ ခရီးစဉ်ဟာ ၂၀၀၂ ခုနှစ်ကတည်းက ဆိုရင် ဂျပန် နိုင်ငံခြားရေး ၀န်ကြီး တစ်ယောက်အတွက် ပထမဆုံး မြန်မာနိုင်ငံကို သွားရောက်တဲ့ ခရီး ဖြစ်ပါတယ်။

တခြား အနောက်နိုင်ငံတွေလို မဟုတ်ဘဲ ဂျပန်နိုင်ငံဟာ မြန်မာနိုင်ငံနဲ့ ကုန်သွယ်ခဲ့သလို ဆွေးနွေး ပြောဆို ခဲ့တာတွေလည်း ပြီးခဲ့တဲ့ ဆယ်စုနှစ်တွေ အတွင်း ရှိခဲ့ပါတယ်။ သဘောထား တင်းမာတဲ့ ချဉ်းကပ်ပုံကြောင့် မြန်မာနိုင်ငံဟာ တရုတ် နဲ့ ပိုနီး သွားလိမ့်မယ်လို့ သတိပေးခဲ့တဲ့ နိုင်ငံလည်း ဖြစ်ပါတယ်။ လူသားချင်း စာနာ ထောက်ထားရေးနဲ့ အရေးပေါ် အကူအညီတွေကို ဂျပန်က ဆက်လက် ပံ့ပိုးခဲ့ပေမဲ့ စီးပွားရေး အကူအညီတွေကိုတော့ ၂၀၀၃ ခုနှစ် ဒေါ်အောင်ဆန်းစုကြည်ကို ထိန်းသိမ်း လိုက်ကတည်းက ရပ်ဆိုင်းခဲ့တာပါ။

အနောက်နိုင်ငံတွေက ပိတ်ဆို့ အရေးယူထားတာတွေ ရုပ်သိမ်းပြီး နိုင်ငံခြား ရင်းနှီးမြှုပ်နှံမှုတွေ ၀င်လာဖို့ အတွက် သမ္မတ ဦးသိန်းစိန်ဟာ ပြုပြင်ပြောင်းလဲရေး လုပ်ငန်းတွေကို ဆက်တိုက် လုပ်လာခဲ့ပြီးတဲ့နောက် အနောက်နိုင်ငံတွေနဲ့ ဂျပန် နိုင်ငံတို့ကလည်း မြန်မာနိုင်ငံနဲ့ ဆက်ဆံရေးကို ပြန်လည် သုံးသပ်ခဲ့ကြတာ ဖြစ်ပါတယ်။

Ref: VOA News

Read More...

ဒေါ်အောင်ဆန်းစုကြည် ရွေးကောက်ပွဲကော်မရှင်နဲ့ တွေ့ဆုံ

2011-12-23

အင်န်အယ်လ်ဒီပါတီ မှတ်ပုံတင်ဖို့ တာဝန်ရှိပုဂ္ဂိုလ် ဦးတင်ဦးနဲ့ ဒေါ်အောင်ဆန်းစုကြည်တို့ ပါတီ တခြား ခေါင်းဆောင်တွေနဲ့ အတူ ဒီကနေ့ မနက်ပိုင်းက နေပြည်တော်ကို လေကြောင်းခရီးနဲ့ ရောက်ခဲ့ကြပါတယ်။

ပါတီမှတ်ပုံတင် လျှောက်ထားတာကို ပြည်ထောင်စုရွေးကောက်ပွဲ ကော်မရှင်အဖွဲ့က ဒီကနေ့ လက်ခံလိုက်ပါတယ်။

ရွေးကောက်ပွဲကော်မရှင် ဥက္ကဋ္ဌ ဦးတင်အေးနဲ့အဖွဲ့က အားနည်းချက် တွေကို တတ်နိုင်သမျှ ပြုပြင်ပြီး လာမယ့် ရွေးကောက်ပွဲကို ပိုပြီး တရားမျှတတဲ့ ရွေးကောက်ပွဲ ဖြစ်အောင် ဆောင်ရွက်သွားမယ်လို့ ပြောဆိုကြောင်း အင်န်အယ်လ်ဒီ ပါတီဒုဥက္ကဋ္ဌ ဦးတင်ဦးက အာရ်အက်ဖ်အေကို ပြောပါတယ်။

“တရားမျှတတဲ့ ရွေးကောက်ပွဲဖြစ်အောင် လုပ်ကိုင်သွားဖို့ဟာ သူတို့ရဲ့ တာဝန်ပါ... ပေါ့။ ဝင်ပြိုင်မယ့် ပါတီတွေ ကလည်း သူတို့နဲ့ ပူးပေါင်းပြီး တတ်နိုင်သမျှ ဝိုင်းဝန်း ဆောင်ရွက်ကြဖို့ ပြောတာပါပဲ။ ဒေါ်အောင်ဆန်းစုကြည်က ကြိုတင်မဲ ကိစ္စနဲ့ ပတ်သက်လို့ ရှေ့ဆက် ဘယ်လို ဆောင်ရွက် ထားပါသလဲ ဆိုတဲ့အပေါ် ဖြေတာကတော့… သူတို့ စည်းကမ်းတွေ ထုတ်ပြန် ထားတာတွေမှာ လုပ်ပါတယ် ဆိုတဲ့အကြောင်း ကို သူက အသေးစိတ် ရှင်းပြတာကို ကျနော်တို့ နားထောင်လိုက် ပါတယ်။ သို့သော် ဥက္ကဋ္ဌ ဦးတင်အေး ပြောတာကတော့ အဲဒီ ဆောင်ရွက်ခဲ့တဲ့ အချက်တွေထဲမှာ အားနည်းချက်၊ ချို့ယွင်းချက်တွေ အားလုံးကို ကျနော်တို့က တတ်နိုင်သမျှ ကြိုးစား ပြုပြင်ပြီးတော့ ပိုမို တရားမျှတမှု ဖြစ်အောင် ဆောင်ရွက် သွားမယ်လို့လည်း ပြောပါတယ်”

အခုလို အင်န်အယ်လ်ဒီပါတီ ပါတီမှတ်ပုံတင်ကိစ္စ ဆောင်ရွက်အပြီးမှာ တော့ ပါတီခေါင်းဆောင် ဒေါ်အောင်ဆန်းစုကြည်ဟာ အမျိုးသား လွှတ်တော် ဥက္ကဋ္ဌ ဦးခင်အောင်မြင့်နဲ့ရော၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းနဲ့ပါ သီးသန့် တွေ့ဆုံ ဆွးနွေးကြောင်း သိရပေမယ့် အသေးစိတ် အချက်အလက် တွေကိုတော့ အင်န်အယ်လ်ဒီ ပါတီက ထုတ်ပြန်ပြောဆိုခြင်း မရှိသေးပါ။

ဒါ့အပြင် ဒေါ်အောင်ဆန်းစုကြည်ဟာ ဝန်ကြီး ဦးအောင်ကြည်၊ ဦးစိုးသိန်း၊ နယ်စပ်ရေးရာ ၀န်ကြီး ဒုတိယ ဗိုလ်ချုပ်ကြီး သိန်းဌေးတို့နဲ့ နေ့လယ်စာ သုံးဆောင်ခဲ့ပါတယ်။

ပြည်သူ့လွှတ်တော်ဥက္ကဋ္ဌ သူရဦးရွှေမန်းက ဒေါ်အောင်ဆန်းစုကြည်နဲ့ တွေ့ဆုံပြောဆိုရ တာကို ဝမ်းမြောက် ကြောင်းနဲ့ ပူပေါင်း ဆောင်ရွက်ခြင်း ဟာ တိုင်းပြည်အတွက် အင်အား ဖြစ်စေကြောင်း AFP သတင်းဌာနကို ပြောပါတယ်။

ပါတီမှတ်ပုံတင်ကြေးအဖြစ် ကျပ်ငွေ ၃ သိန်းပေးသွင်း ခဲ့ရပြီး ပါတီမှတ်ပုံတင် ကျဖို့ နောက်ထပ် အနည်းဆုံး သုံးပတ်လောက် စောင့်ဆိုင်းရမှာ ဖြစ်ကြောင်း အင်န်အယ်လ်ဒီ ပါတီ တာဝန်ရှိသူတွေက ပြောပါတယ်။

Ref: RFA News

Read More...

ကချင် စစ်ပြေးဒုက္ခသည်တွေ အတွက် ဒေါ်စု သိန်း ၃၀၀ လှူ

မအေးအေးမာ
စနေ, 24 ဒီဇင်ဘာ 2011

ကချင်ပြည်နယ်တွင်းမှာ အိုးအိမ်ပစ်ပြီး တိုက်ပွဲတွေကြားကနေ ထွက်ပြေး တိမ်းရှောင်နေကြရတဲ့ တိုင်းရင်းသား ဒုက္ခသည်ကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ကျပ်ငွေသိန်း ၃၀၀ လှူဒါန်းခဲ့ပါတယ်။ ဒီအကြောင်းကိုတော့ ထိုင်း အခြေစိုက် သတင်းထောက် မအေးအေးမာက သတင်းပေးပို့ ထားပါတယ်။

လအနည်းငယ်ကြာလာပြီဖြစ်တဲ့ ကချင်ပြည်နယ်က ပြည်တွင်းစစ်ကြောင့် အိုးအိမ်မဲ့ဖြစ်ရတဲ့ ဒုက္ခသည် တွေကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ကချင်ပြည်နယ် အတွင်းက NLD အဖွဲ့ဝင်တွေက တဆင့် ငွေကြေးလှူဒါန်းမှုတွေ လုပ်ခဲ့တာပါ။ ကချင်ပြည်နယ်မှာ ပြည်နယ်ဥက္ကဋ္ဌ အဖြစ် တာဝန်ယူခဲ့တဲ့ ဦးဖေစိန် ပြောပြတာက -

“အခုပေးခဲ့တဲ့ ဒေါ်အောင်ဆန်းစုကြည်ရဲ့ ဒုက္ခသည်တွေအပေါ် ကူညီမှုက ငွေ သိန်း ၃၀၀ ပေးခဲ့ပါတယ်။ အဲဒီငွေ သိန်း ၃၀၀ က ကချင်ပြည်နယ် မြစ်ကြီးနား ဘေးနားမှာရှိတဲ့ စစ်ပြေးဒုက္ခသည်တွေကိုရယ်၊ ဗန်းမော်၊ နောက်ပြီးတော့ ၀ိုင်းမော်၊ အဲဒီမြို့နယ် တွေမှာပေးဖို့လည်း ပါပါတယ်။”

ဒေါ်အောင်ဆန်းစုကြည်ပေးတဲ့ အလှူငွေနဲ့ ဒုက္ခသည်စခန်း ၂၀ ကျော်က ဒုက္ခသည် ၅,၀၀၀ ကျော်ကို လှူဒါန်း နိုင်ခဲ့တယ်လို့ ပြောပါတယ်။ ဒါပေမဲ့လည်း ဒုက္ခသည်တွေအတွက် အကူအညီတွေ များစွာ လိုအပ်နေသေးကြောင်း ကူညီကယ်ဆယ်ရေး သွားလုပ် နေသူတွေက ဆိုပါတယ်။

“အခုဟာက ငြိမ်းချမ်းရေး ရသေးတာမဟုတ်ဘူး။ ငြိမ်းချမ်းရေး ရသေးတာမဟုတ်တဲ့အခါကျတော့ ဒုက္ခသည်တွေက ထပ် ထပ်ပြီးတော့ ရောက်လာတဲ့ အတွက်ကြောင့် ဒုက္ခသည်ဦးရေက ဒီနေ့နဲ့ မနေ့ကနဲ့ မတူဘူး။ အဲဒီလို ဖြစ်ဖြစ်နေတယ်။ အဲဒီလို ဖြစ်ဖြစ်နေတော့ အခုလည်း လက်လှမ်းမီသလောက် သွားရောက် ကူညီခဲ့ပေမဲ့ တချို့နေရာတွေပဲ ရနေပြီးတော့ တချို့နေရာတွေမှာ မလုံလောက်တာတွေလည်း တွေ့နေရတယ်။”

ကချင်ပြည်နယ်အပါအ၀င် တိုင်းရင်းသားနယ်မြေတွေမှာ တိုက်ပွဲတွေရပ်ဖို့အတွက် မြန်မာအစိုးရ တာဝန်ရှိသူတွေက တရားဝင် ကြေညာ အသိပေးတာမျိုးတွေ မရှိသေးတဲ့အတွက် တိုက်ပွဲတွေ ဆက်ရှိနေခဲ့တာပါ။ တိုက်ပွဲတွေကြောင့် အိုးအိမ်မဲ့သူတွေ စစ်မီးကို ငြိမ်းစေချင်ကြတယ်လို့လည်း ပြောကြပါတယ်။

“ကိုယ့်ဒေသ၊ ကိုယ့်ဇာတိကိုတော့ သူတို့က တမ်းတလွမ်းမောနေကြတာပေါ့။ ပြန်ချင်ကြတာပေါ့။ ပျော်လို့ လာကြတာမှ မဟုတ်ဘဲ။ မလွှဲ မရှောင်သာလို့သာ လာပြီးတော့ ခိုလုံနေကြရတာ ဖြစ်တယ်လေ။ ဒီစစ်ကြီး မြန်မြန် ငြိမ်းပါစေတော့လို့ ဆုတောင်းနေကြတာကို နားနဲ့ဆက်ဆက် ကြားခဲ့ရပါတယ်။”

ဒီလိုအကူအညီပေးမှုတွေကို ပြည်တွင်းက ကိုကျော်သူ ဦးဆောင်တဲ့ နာရေးကူညီမှုအသင်း၊ ၈၈ မျိုးဆက် ကျောင်းသားများ၊ မန္တလေးက ပရဟိတ လူမှုရေး အသင်းအဖွဲ့များက ဦးဆောင်ပြီး ဒုက္ခသည်တွေရှိတဲ့ နေရာတွေကို ပထမဦးဆုံး သွားရောက်ခဲ့ကြတာပါ။

အခုချိန်ထိ သူတို့တွေဟာ အကူအညီတွေ လိုအပ်နေဆဲဖြစ်ပြီး ရရှိတဲ့အကူအညီတွေဟာ မလုံမလောက် ဖြစ်နေရသေးသလို သူတို့ရဲ့ နေထိုင် ရပ်တည်ရေး ဘ၀တွေအတွက် အခုလက်ရှိ ဒုက္ခသည် အခြေအနေမှာ သာမက စစ်ပွဲပြီးရင်တောင် ဘ၀ ရှင်သန်ရေးအတွက် အခက်အခဲတွေ ရှိနေဦးမယ်လို့ ကူညီကယ်ဆယ်ရေး လုပ်နေသူတွေက ပြောပါတယ်။

မြန်မာနိုင်ငံမှာ ပြည်တွင်းစစ်ဖြစ်တာ နှစ် ၆၀ ကျော်ရှိခဲ့ပြီး တိုင်းရင်းသားဒေသတွေမှာ ပြည်တွင်းစစ် ဒဏ်ကြောင့် အိုးအိမ်မဲ့ ဒုက္ခသည်တွေ ပိုများ လာနေသလို ကရင်ပြည်နယ်ဘက်က လူထုတွေ တွေ့ကြုံနေရတာက ပြည်တွင်းစစ် ဒဏ်ကြောင့် အစာရေစာ ပြတ်လတ်မှု တွေကိုပါ ကြုံတွေ့နေရပါတယ်။

Ref: VOA News

Read More...

အထူး ကိုယ်စားလှယ် ဦးအောင်မင်း PNLO ဥက္ကဌ နှင့်ဆွေးနွေး

အေးလဲ့
စနေနေ့၊ ဒီဇင်ဘာလ ၂၄ ရက် ၂၀၁၁

ချင်းမိုင် (မဇ္ဈိမ)။ ။ အပစ်ခတ် ရပ်စဲရေး ဆွေးနွေးမှုများ မာရသွန် လုပ်နေခဲ့သော သမ္မတ ဦးသိန်းစိန်၏ ကိုယ်စားလှယ် ရထားဝန်ကြီး ဦးအောင်မင်းက ပအိုဝ်း အမျိုးသား လွတ်မြောက်ရေးအဖွဲ့ PNLO ဥက္ကဋ္ဌ ဦးခွန်ဥက္ကာနှင့်လည်း ထိုင်းနိုင်ငံ ဘန်ကောက်မြို့တွင် သောကြာနေ့က တွေ့ဆုံ ဆွေးနွေးခဲ့သည်။

လူမျိုးစု လက်နက်ကိုင် အဖွဲ့များနှင့် အတိုက်အခံ နိုင်ငံရေး နယ်ပယ်ထဲမှ လူတချို့ကို ဆက်တိုက် တွေ့ဆုံ ဆွေးနွေးနေခဲ့သော အထူး ကိုယ်စားလှယ်နှင့် အလွတ်သဘော ဆွေးနွေးမှုမှာ PNLO အတွက် ပထမဆုံး ဖြစ်လာခဲ့သည်။

တနာရီကျော်ကြာ ဆွေးနွေးမှုအပြီး PNLO ကိုယ်စားလှယ်အဖြစ် သွားရောက် ဆွေးနွေးခဲ့သော ဦးခွန်ဥက္ကာက “တကြိမ်ပဲ တွေ့သေးတယ် ဆိုတော့ အကောင်း၊ အဆိုးပြောဖို့ စောသေးတယ်၊ ကျနော် အနေနဲ့ လက်တွေ့ကျတဲ့၊ မြေပြင် အခြေအနေ ကြည့်ရဦးမယ်။” ဟု မဇ္ဈိမသို့ ပြောသည်။

PNLO အနေဖြင့် လက်ရှိအဖွဲ့ဝင် ၁၁ ဖွဲ့ပါ UNFC ၏ ဆက်စပ်အဖွဲ့ငယ် တခုဖြစ်သည့်အတွက် UNFC ၏ မူကို ဆုပ်ကိုင်ထားပြီး တပြည်လုံး တိုင်းရင်းသား အပစ်အခတ် ရပ်စဲရေးကို ပြုလုပ်လိုကြောင်း တင်ပြခဲ့သည်ဟု ဆိုသည်။

“PNLO အနေနဲ့များများ ပြောစရာ မရှိဘူး၊ တပ်အင်အား များများ မရှိဘူး UNFC အတိုင်းပဲ လိုက်နာဖို့ ဆုံးဖြတ်ထားတယ်။” ဟု ဦးခွန်ဥက္ကာက ပြောသည်။

UNFC ကို အခြေခံအဖွဲ့ ခြောက်ဖွဲ့၊ ဆက်စပ်အဖွဲ့ခြောက်ဖွဲ့ဖြင့် ဖွဲ့စည်းခဲ့သော်လည်း နောက်ပိုင်းတွင် ဆက်စပ်အဖွဲ့ တခုဖြစ်သော ကချင် အမျိုးသား အစည်းအရုံး KNO က သီးခြား အဖွဲ့တခုအဖြစ် မပါဝင်တော့ဘဲ ကချင်လွတ်မြောက်ရေးအဖွဲ့ KIO နှင့် ပူးပေါင်းသွားခဲ့သဖြင့် ၁၁ ဖွဲ့အဖြစ်သာ ကျန်ရစ်သည်။

သီးခြားစီ အပစ်ခတ် ရပ်စဲရေး ဆွေးနွေးမှုများ ရှိနေသော အဖွဲ့ကြီးများဖြစ်သည့် အခြေခံအဖွဲ့များ၏ ဆုံးဖြတ်ချက်ကို စောင့်ကြည့်ကာ လုပ်ဆောင်သွားမှာဖြစ်ပြီး လာမည့်နှစ်ဆန်းတွင် ပြန်လည်ညှိနှိုင်းမှုများ လုပ်နိုင်မည်ဟု မှန်းဆထားကြောင်း ဦးခွန်ဥက္ကာက ပြောသည်။

UNFC ၏ ပင်မအဖွဲ့တခုဖြစ်သော KIO ၏ တပ်ဖြစ်သည့် KIA စခန်းများကို ထိုးစစ်ဆင် တိုက်ခိုက်ခြင်း မပြုရန် ဒီဇင်ဘာ ၁ဝ ရက်နေ့က သမတရုံးမှ ကာကွယ်ရေး ဦးစီးချုပ်ရုံးထံ ညွှန်ကြားချက် ပို့ဆောင်အပြီးတွင်လည်း KIA နှင့် အစိုးရတပ်များ တိုက်ပွဲများ ဖြစ်ပွားခြင်းမှာလည်း ဦးခွန်ဥက္ကာနှင့် ဦးအောင်မင်းတို့ ဆွေးနွေးမှု အကြောင်းအရာ တခုဖြစ်ခဲ့သည်။

PNLO နှင့် ဆွေးနွေးပွဲ ဖြစ်မြောက်ရေးအတွက် အကျိုးဆောင်များတွင် ထိုင်းနိုင်ငံအခြေစိုက် အမျိုးသား ဒီမိုကရေစီ အဖွဲ့ချုပ်- လွတ်မြောက် နယ်မြေ၏ နိုင်ငံခြားရေး တာဝန်ခံ ဦးညိုအုန်းမြင့်လည်း ပါဝင်သည်။

ကချင်ဒေသ တိုက်ခိုက်မှုများ အကြောင်း ဆွေးနွေးခဲ့သည်ဟု အတည်ပြုကာ ဦးညိုအုန်းမြင့်က “ကချင်မှာ စစ်ဖြစ်နေတဲ့ အကြောင်း အရင်းကို ဦးခွန်ဥက္ကာက ပြောတော့ ဦးအောင်မင်းက သမ္မတ ဦးသိန်းစိန် KIA တပ်စခန်းတွေကို ထိုးစစ်ဆင် တိုက်ခိုက်မှု ရပ်တန့်ဖို့ ပြောပြီးနောက်ပိုင်း တိုက်ပွဲ ၁၂ ခု ဖြစ်တယ် ရိက္ခာပို့တဲ့ လမ်းကြောင်းကို ဖြတ်တိုက်တဲ့ တိုက်ပွဲ၊ အလောင်းကောက်လို့ ဖြစ်တဲ့တိုက်ပွဲ၊ စစ်အစိုးရက ထိုးစစ်ဆိုတာ မရှိဘူးလို့ အခိုင်အမာ ပြောဆိုသွားပါတယ်။” ဟု ပြောသည်။

မဇ္ဈိမက လက်ခံရရှိသော သမတရုံး၏ ညွှန်ကြားချက် မိတ္တူစာစောင်တွင် အချက် နှစ်ချက်ပါရှိရာ "၁ - ကချင်ပြည်နယ်အတွင်း KIA အဖွဲ့များနှင့် နိုင်ငံရေးအရ ငြိမ်းချမ်းရေး ဆွေးနွေးရန် အကျိုးဆောင် အဖွဲ့များမှ ဆက်သွယ်ညှိနှိုင်း ဆောင်ရွက်လျက် ရှိပါသည်။"

"၂- ထိုသို့ဆောင်ရွက်ရာတွင် တဘက်နှင့်တဘက် ယုံကြည်မှု ရှိစေရန်အတွက် မိမိတို့ တပ်မများ အနေဖြင့် ခုခံ ကာကွယ်ရုံမှ အပ ပစ်ခတ် တိုက်ခိုက်ခြင်း၊ တပ်များ ရွှေ့ပြောင်းခြင်း၊ KIA တပ်စခန်းများအား ချီတက်ထိုးစစ်ဆင် တိုက်ခိုက်ခြင်းများကို မပြုလုပ်ရန် အကြောင်းကြား ပါသည်။" ဟုပါရှိသည်။

လက်ရှိ ဆွေးနွေးမှုများနှင့် ပတ်သက်၍ ဦးညိုအုန်းမြင့်က “နအဖ လက်ထက်နဲ့ ကွာခြားချက်တခုက နိုင်ငံရေးကို မဆွေးနွေးဘူး ဆိုတဲ့အပေါ်မှာ ရပ်တည်တာကို ကျနော်တွေ့ရတယ်၊ အခု ဒီအစိုးရ လက်ထက်မှာတော့ အပစ်ရပ်စဲရုံ မဟုတ်ဘဲနဲ့ နိုင်ငံရေးအရ အဖြေရှာပြီးတော့ ထာဝရ ငြိမ်းချမ်းရေးဆိုတဲ့ ဟာကို ဦးတည်ပုံရတယ်။” ဟုပြောသည်။

ဒီဇင်ဘာ ၂၁ ရက်နေ့က စတင်၍ အထူးကိုယ်စားလှယ် ဦးအောင်မင်းသည် သမ္မတ၏ စစ်ရေး အကြံပေး တဦး ဖြစ်သော စစ်တိုင်းမှူးဟောင်း အငြိမ်းစား ဗိုလ်ချုပ်ချစ်သန်း၊ စီးပွားရေး လုပ်ငန်းရှင်များ၊ ရန်ကုန်မြို့မှ ငြိမ်းချမ်းရေး အကျိုးဆောင် Myanmar Egress အဖွဲ့ဝင်အချို့ လိုက်ပါလျက် ထိုင်းနိုင်ငံတွင် ကရင် အမျိုးသား အစည်းအရုံး KNU၊ မွန်ပြည်သစ် ပါတီတို့နှင့် သီးခြားစီ ဆွေးနွေးခဲ့ပြီး ဖြစ်သည်။

ဆွေးနွေးပွဲ ရလာဒ်များက ကွဲပြားနေသည်။ နှစ်ဘက် တုံ့ပြန်ချက်များအရ "အပစ်ခတ် ရပ်စဲရေး" သဘောတူညီမှု ရရန် အလားအလာ ကောင်းသော KNU နှင့် အထူး ကိုယ်စားလှယ် အဖွဲ့ ဇန်နဝါရီ ၁၂ ရက်နေ့တွင် မြန်မာနိုင်ငံ ဘားအံမြို့တွင် ထပ်မံ ဆွေးနွေးရန် သဘောတူညီချက် ရထားသော်လည်း မွန်ပြည်သစ်နှင့်တော့ နောက်တကြိမ် ဆွေးနွေးရေးရက်ကိုပင် မသတ်မှတ် နိုင်သေးဘဲ ဖြစ်နေသည်။

KNU နှင့် ဦးအောင်မင်း တွေ့ဆုံရန် မဲဆောက်မြို့သို့ ရောက်ရှိခဲ့စဉ်က ABSDF ၏ ခေါင်းဆောင်ဟောင်း တဦးဖြစ်သော ဒေါက်တာ နိုင်အောင်နှင့် တွေ့ဆုံခဲ့သေးသည်။

"မထင်မှတ်ထားသော" တသီး ပုဂ္ဂလအနေဖြင့် တွေ့ဆုံမှုတွင် ဒေါက်တာနိုင်အောင်က အပစ်ရပ်စဲရေး တွေ့ဆုံဆွေးနွေး မှုသည် နိုင်ငံရေး ဆွေးနွေးပွဲဆီသို့ ဦးတည် ပါရှိလိုကြောင်းနှင့် အချက် လေးချက်ကို တင်ပြ ဆွေးနွေးခဲ့သော်လည်း မည်သည့် ကတိကဝတ်ကိုမှ မပြုခဲ့ကြောင်း ကြေညာချက် တရပ် ထုတ်ပြန်ခဲ့သည်။

နိုင်ငံရေး အင်အားစု အားလုံးပါဝင်သော နိုင်ငံပြန်လည် တည်ဆောက်ရေး အစီအစဉ်တခု ဖော်ထုတ်ရေး၊ လူ့အခွင့်အရေး ချိုးဖောက်မှုများ ရပ်တန့်ရန်နှင့် စစ်အတွင်း အရပ်သားများ မထိခိုက်စေရန်၊ အထူး အကျဉ်းသားဟု သတ်မှတ်ထားသော သူပုန်များ အပါအဝင် နိုင်ငံရေး အကျဉ်းသားများ အားလုံး လွှတ်ပေးရန်တို့လည်း ဆွေးနွေးခဲ့သည်ဟု ပါရှိသည်။

Ref: မဇ္ဈိမ

Read More...

Friday, December 23, 2011

လွတ်လပ်ခွင့်ဆိုတာ လူတိုင်းအတွက် အတူတူ ဒေါ်အောင်ဆန်းစုကြည် ပြော

2011-12-22

လွတ်လပ်ခွင့်ဆိုတာ ကမ္ဘာပေါ်က ဘယ်နေရာမှာမဆို အတူတူပဲ ဖြစ်ရမှာပါလို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ပြောကြား လိုက်ပါတယ်။

မြန်မာအစိုးရရဲ့ ငြိမ်းချမ်းစွာ စီတန်းလှည့်လည်ခွင့် ဥပဒေကို အခုလို ရည်ညွှန်းပြောဆိုတာ ဖြစ်ပြီး အဲဒီ ဥပဒေတွေကို လေ့လာ သုံးသပ်သွားဖို့ ရှိတယ်လို့ ဒေါ်အောင်ဆန်းစုကြည်က ထပ်မံ ပြောဆို လိုက်ပါတယ်။

“လွတ်လပ်ခွင့်ဆိုတာ မြန်မာနိုင်ငံသားတွေ လွတ်လပ်ခွင့်၊ တခြား နိုင်ငံသားတွေ လွတ်လပ်ခွင့် ရယ်လို့ ခွဲပြီး မမြင် သင့်ပါဘူး။ အန်တီတို့က စစ်မှန်တဲ့ ဒီမိုကရေစီ လွတ်လပ်ခွင့်မျိုးကို မြန်မာနိုင်ငံသူ နိုင်ငံသားတွေ အတွက် လိုချင်ပါတယ်။ စီတန်းလှည့်လည်ခွင့် ဥပဒေနဲ့ ပတ်သက်လို့ ပြီးပြည့်စုံတဲ့ အဆင့် မရှိသေးဘူးလို့ ဥပဒေပညာရှင်တွေက မှတ်ချက်ချတာကို အခြေခံပြီး အန်တီတို့ လေ့လာ သုံးသပ်ဖို့ ရည်ရွယ်ချက် ရှိပါတယ်”

အာရ်အက်ဖ်အေက သောကြာညတိုင်း ပုံမှန် တင်ဆက်နေတဲ့ “လူထုနဲ့ ဒေါ်အောင်ဆန်းစုကြည်” အစီအစဉ်မှာ “မြန်မာ အစိုးက အတည် ပြုလိုက်တဲ့ ငြိမ်းချမ်းစွာ စုဝေးခွင့်နဲ့ စီတန်းလှည့်လည် ဆန္ဒပြခွင့် ဥပဒေတွေဟာ မြန်မာပြည်သူတွေရဲ့ လွတ်လပ်ခွင့်နဲ့ ကိုက်ညီပါရဲ့လား” ဆိုတဲ့ သောတရှင်တစ်ဦးရဲ့ အမေးကို ဒေါ်အောင်ဆန်းစုကြည်က အဲဒီလို ဖြေကြားခဲ့တာပါ။

Ref: RFA News

Read More...

ဒေါ်အောင်ဆန်းစုကြည် ပါတီမှတ်ပုံတင်ရန် နေပြည်တော် သွားမည်

ရန်ပိုင်
December 22, 2011

ဒေါ်အောင်ဆန်းစုကြည်သည် အမျိုးသား ဒီမိုကရေစီအဖွဲ့ချုပ် (NLD) ပါတီမှတ်ပုံတင်ရေး အတွက် မနက်ဖြန် နံနက် ၇ နာရီခန့်တွင် လေကြောင်း ခရီးဖြင့် ဒုတိယ အကြိမ်မြောက်နေပြည်တော်သို့ သွားရောက်မည် ဖြစ်သည်။

ယခုခရီးစဉ်တွင် ဒေါ်အောင်ဆန်းစုကြည်နှင့်အတူ ပါတီခေါင်းဆောင် ဦးတင်ဦး၊ ဦးဉာဏ်ဝင်း၊ ဦးဝင်းမြင့်တို့ လိုက်ပါ သွားမည်ဖြစ်ကြောင်း လုံခြုံရေး တာဝန်ယူထားသည့် ဦးခွန်သာမြင့်က ပြောသည်။

“ကော်မရှင်ကို အရင်သွားမယ်။ ကြိုဆိုတာတွေတော့ ရှိမှာပါ။ ပြီးရင် နေ့ချင်းပြန်မယ်” ဟု ၎င်းက ဆိုသည်။

ယခုတကြိမ် နေပြည်တော်ခရီးစဉ်တွင် ဒေါ်အောင်ဆန်းစုကြည်သည် သမ္မတဦးသိန်းစိန် တွေ့ဆုံမည် မဟုတ်ဘဲ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး၊ ပြည်သူလွှတ်တော် ဥက္ကဋ္ဌ သူရ ဦးရွှေမန်း တို့နှင့်သာ တွေ့ဆုံဖွယ် ရှိကြောင်း ဦးခွန်သာမြင့်က ပြောသည်။

ဒေါ်အောင်ဆန်းစုကြည်သည် ပထမအကြိမ်အဖြစ် နေပြည်တော်သို့ ပြီးခဲ့သည့် သြဂုတ်လအတွင်းက စီးပွားရေး ပြုပြင် ပြောင်းလဲမှု ဆိုင်ရာ အမျိုးသား အဆင့် အလုပ်ရုံ ဆွေးနွေးပွဲ တက်ရောက်ရန် သွားခဲ့သည်။

ပထမအကြိမ်ခရီးစဉ်တွင် သမ္မတဦးသိန်းစိန် အပါအ၀င် အမှတ် (၁) နှင့် (၂) စက်မှုဝန်ကြီးဌာန ဝန်ကြီး ဦးစိုးသိန်း၊ အလုပ်သမား ဝန်ကြီး ဦးအောင်ကြည်၊ ရထားပို့ဆောင်ရေး ၀န်ကြီး ဦးအောင်မင်းနှင့် နယ်စပ်ရေးရာ ၀န်ကြီး ဗိုလ်ချုပ် သိန်းဌေး တို့နှင့် တွေ့ဆုံ ဆွေးနွေးခဲ့သည်။ ထိုတွေ့ဆုံမှုနှင့် ပတ်သက်ပြီး ဒေါ်အောင်ဆန်းစုကြည်က ကျေနပ် အားရကြောင်း ပြောဆိုခဲ့သည်။

ရွေးကောက်ပွဲကော်မရှင်နှင့် တွေ့ဆုံရာတွင် “ဒီလှိုင်း” (Wave) အမည်ဖြင့် အပတ်စဉ် ထုတ်ဝေမည့် ပါတီစာစောင် အကြောင်းကိုလည်း တင်ပြရန် ရှိကြောင်း ပါတီ ပြောခွင့်ရ ပုဂ္ဂိုလ် ဦးအုန်းကြိုင်က ပြောသည်။

“မှတ်ပုံတင်ပြီး ပါတီတွေ ဆောင်ရွက်ခွင့်ရှိတဲ့အတိုင်း စာအုပ်စာတန်းတွေ၊ စာစောင်တွေ၊ မူဝါဒတွေထုတ်ဖို့ ပုံနိုပ် ထွက်ဝေခွင့် လျှောက်မယ်” ဟု ၎င်းက ဆိုသည်။

ပါတီမှ ထုတ်ဝေမည့် စာစောင်များ၊ စာအုပ်စာတန်းများ၊ ပြက္ခဒိန်၊ ပို့စကတ် အစရှိသည်တို့အတွက် တာဝန်ခံအဖြစ် မိမိက ဆောင်ရွက်မည် ဖြစ်သည်ဟု ဦးအုန်းကြိုင်က ပြောသည်။

အဆိုပါ ဒီလှိုင်းစာစောင်တွင် ပါတီ အာဘော်များ၊ လှုပ်ရှားမှုများ သာမက နိုင်ငံတကာသတင်းများ ဝေေ၀ဆာဆာ ဖော်ပြ သွားမည် သိရသည်။

NLD ပါတီသည် ၉၀ ခုနှစ်ရွေးကောက်ပွဲ မတိုင်မီကလည်း ပါတီနှင့် ပတ်သက်သည့် လှုပ်ရှားမှုများကို ဖော်ပြသည့် မှတ်တမ်းလွှာ စာစောင်ကို ထုတ်ဝေဖူးသည်။

Ref: ဧရာဝတီ

Read More...

ကင်ဂျုံအွန်းကို မြောက်ကိုရီးယား ခေါင်းဆောင်သစ်အဖြစ် ကြေညာ

ကြာသပတေး, 22 ဒီဇင်ဘာ 2011

မြောက်ကိုရီးယားနိုင်ငံမှာ ကင်ဂျုံအွန်း ဦးဆောင်တဲ့ခေတ် စတင်ခဲ့ပြီလို့ မြောက်ကိုရီးယားက ကြေညာ လိုက်ပါတယ်။

ကွယ်လွန်သူ မစ္စတာကင်ဂျုံအီးရဲ့ အငယ်ဆုံးသားက သူ့ဖခင်ရဲ့နေရာကို ပြည်သူတွေရဲ့ခေါင်းဆောင် အဖြစ် ဆက်ခံ လိုက်တယ်လို့ ဆိုပါတယ်။ ကင်ဂျုံအွန်း အနေနဲ့ ဖခင် ကင်ဂျုံအီးလ်ရဲ့ သင်ကြားမှုတွေ အတိုင်း ဆက်လုပ်ရင်း ကိုယ့်အား ကိုယ်ကိုးပြီး ရှေ့ကို ဆက်သွား သင့်တယ်လို့ မြောက်ကိုရီးယား အစိုးရပိုင် ရိုဒေါင်း ရှင်မွန်း သတင်းစာရဲ့ အယ်ဒီတာ့ အာဘော်မှာ ဖော်ပြ ထားပါတယ်။

မြောက်ကိုရီးယားနိုင်ငံအနေနဲ့ ငယ်ရွယ်တဲ့ခေါင်းဆောင်ရဲ့ ဦးဆောင်မှု အနောက်ကနေ ယုံယုံကြည်ကြည်နဲ့ လိုက်ကြဖို့ ကိုလည်း အစိုးရပိုင် သတင်းစာက တိုက်တွန်း ထားပါတယ်။

၁၇ နှစ်ကြာ တိုင်းပြည်ကို အုပ်စိုးခဲ့တဲ့ ကွယ်လွန်သူ မစ္စတာကင်ဂျုံ အီးလ်လက်ထက်မှာ မြောက်ကိုရီးယား နိုင်ငံရဲ့ ကြီးမားတဲ့ စစ်တပ်နဲ့ နျူကလီယား လုပ်ဆောင်ချက်တွေကြောင့် ဒေသတွင်း နိုင်ငံတွေကရော၊ အနောက် နိုင်ငံတွေကပါ စိုးရိမ် ခဲ့ကြတာပါ။

မြောက်ကိုရီးယားမှာ အခုဖြစ်ပေါ်နေတဲ့အပြောင်းအလဲဟာ တောင်နဲ့မြောက် ကိုရီးယား နှစ်နိုင်ငံ ဆက်ဆံရေး ပြေပြေ လည်လည် ဖြစ်လာဖို့ အလားအလာတွေ တိုးလာနိုင်တယ်လို့ တောင်ကိုရီးယား သမ္မတ အီမြောင်ဘတ်က နိုင်ငံရေး ခေါင်းဆောင်တွေကို မနေ့က ပြောပါတယ်။


Ref: VOA News

Read More...

အမေရိကန်က အယ်လ်ကိုင်းဒါးခေါင်းဆောင်ဖမ်းမိရေး ဒေါ်လာ ၁၀ သန်းဆုငွေထုတ်

ကြာသပတေး, 22 ဒီဇင်ဘာ 2011

အယ်လ်ကိုင်းဒါး (Al Qaida) အဖွဲ့ကြီးအတွက် ငွေကြေးထောက်ပံ့မှုတွေ ပေးနေတဲ့သူဟာ အီရန်နိုင်ငံမှာ ရှိနေမယ်လို့ ယုံကြည်ရတဲ့ အကြောင်းနဲ့ အဲဒီလူနဲ့ ပတ်သက်တဲ့သတင်း အချက်အလက်တွေ ပေးနိုင်သူကို ဆုငွေအဖြစ် အမေရိကန် ဒေါ်လာ ဆယ်သန်း ပေးမယ်လို့ အမေရိကန် ပြည်ထောင်စုက ကြေညာလိုက်ပါတယ်။

အီဇီဒင် အက်ဗဒူ အဇစ် ခါလစ် (Ezedin Abdel Aziz Khalil) လို့ လူသိများတဲ့ ယစင်း အယ်လ် စူရင်း (Yasin al- Surin) ဟာ အီရန် နိုင်ငံထဲကနေ တဆင့် အိမ်နီးချင်း နိုင်ငံတွေမှာရှိတဲ့ အယ်ကိုင်းဒါး ခေါင်းဆောင်တွေကို ငွေကြေး ထောက်ပံ့မှုတွေ၊ လူသစ် စုဆောင်းပေးမှုတွေ လုပ်နေတယ်လို့ အမေရိကန် နိုင်ငံခြားရေး ဌာနအရာရှိ ရောဘတ် ဟာတန် Robert Hartung က ပြောပါတယ်။

သူက ကြာသပတေးနေ့က ၀ါရှင်တန်မှာရှိတဲ့ သတင်းထောက်တွေကို ပြောကြားခဲ့တာ ဖြစ်ပြီး ဒါဟာ အကြမ်းဘက် အဖွဲ့အတွက် ငွေကြေး ထောက်ပံ့နေသူတွေရဲ့ သတင်း အချက်အလက်တွေကို ရဖို့ အမေရိကန် နိုင်ငံခြားရေး ဌာနက တရားရေး အစီအစဉ်အတွက် ပထမဆုံးအကြိမ် အဖြစ် ဆုငွေ ထုတ်ပြန် ကြေညာတာ ဖြစ်ပါတယ်။

အယ်လ် စူရင်းဟာ အယ်လ်ကိုင်းဒါးအဖွဲ့နဲ့ အီရန်အစိုးရတို့ကြား နားလည်မှု ယူထားတဲ့ ကိစ္စကို လုပ်ဆောင်နေတာ ဖြစ်ပြီး ပါကစ္စတန်နဲ့ အာဖဂန် နစ်စတန် နိုင်ငံတွေမှာရှိတဲ့ အယ်လ်ကိုင်းဒါး ခေါင်းဆောင်တွေကို ငွေကြေး ထောက်ပံ့မှုတွေ၊ လူသစ် စုဆောင်းမှုတွေ လုပ်ပေးနေတာ ဖြစ်တယ်လို့လည်း ပြောပါတယ်။

အယ်လ် စူရင်းဟာ အီရန် အကျဉ်းထောင်တွေထဲက အယ်လ်ကိုင်းဒါး အဖွဲ့သားတွေ လွတ်အောင် လုပ်ပေးပြီး ပါကစ္စတန် နိုင်ငံဘက်ကို ပို့ပေးခဲ့သလို အာဖဂန် နစ်စတန်နဲ့ အီရတ်နိုင်ငံတွေမှာ ရှိတဲ့ အယ်လ်ကိုင်းဒါး ခေါင်းဆောင်တွေကိုလည်း များပြားတဲ့ ငွေကြေးတွေ ပို့ပေးခဲ့တယ်လို့ ဆိုပါတယ်။ သူဟာ အယ်လ်ခိုင်းဒါး အဖွဲ့ကို အီရန်အစိုးရရဲ့ ပံ့ပိုးမှုနဲ့ ထောက်ခံ အားပေးပြီး အကြမ်းဘက် လုပ်ရပ်တွေ လုပ်ဆောင် နေသူလို့ အမေရိကန် နိုင်ငံခြားရေးဌာနက သတ်မှတ်ပါတယ်။

Ref: VOA News

Read More...

ပါတီဝင်ဟောင်းများ ပြန်လက်ခံရေး NLD စိစစ်မည်

မသင်းသီရိ
ကြာသပတေး, 22 ဒီဇင်ဘာ 2011

NLD အမျိုးသားဒီမိုကရေစီအဖွဲ့ချုပ်ကနေ အကြောင်းအမျိုးမျိုးကြောင့် နုတ်ထွက် သွားကြတဲ့သူတွေ ဟာ အခု ပါတီဝင်အဖြစ် ပြန်လည် လျှောက်ထားလာရင် စိစစ်ပြီးမှ လက်ခံမယ်လို့ NLD ပါတီက ပြောပါတယ်။ NLD ပါတီဝင် ဟောင်းတွေဟာ ပါတီရဲ့စည်းကမ်းနဲ့ ညိစွန်းခဲ့ခြင်း ရှိမရှိ ဆိုတာကို စိစစ် လက်ခံသွားဖို့ အတွက် NLD ဗဟို အလုပ်အမှုဆောင်တွေ ဆွေးနွေးခဲ့ကြတာပါ။ ဒီသတင်း အပြည့် အစုံကိုတော့ မသင်းသီရိက တင်ပြပေးထားပါတယ်။

နိုင်ငံရေးပါတီအဖြစ် မှတ်ပုံတင်မယ့် NLD ပါတီဟာ တရားဝင် နိုင်ငံရေးပါတီအဖြစ် ခွင့်ပြုချက် ကျပြီဆိုရင် ပါတီရဲ့ ရှေ့လုပ်ငန်းစဉ် ဆိုင်ရာတွေ အတွက် NLD ဗဟို အလုပ်အမှုဆောင်တွေ ဒီကနေ့ ဆွေးနွေးကြတဲ့ အထဲ အဖွဲ့ဝင် စိစစ်ရေး အဖွဲ့ ဖွဲ့စည်းကာ ပါတီဝင် လက်ခံရေးကိစ္စ ညှိနှိုင်း ဆွေးနွေးခဲ့ကြတာပါ။

အသစ်ပြန်လည်ဖွဲ့စည်းလိုက်တဲ့ NLD ပါတီအတွက် အဖွဲ့ဝင်သစ်တွေရော အဖွဲ့ဝင်ဟောင်းတွေပါ ပါတီဝင်အဖြစ် အားလုံး ပြန်လည် လျှောက်ကြရမှာပါ၊ အထူးသဖြင့်တော့ ပါတီဝင် ဟောင်းတွေဟာ NLD ပါတီရဲ့စည်းကမ်းနဲ့ ညိစွန်းခဲ့တာ ရှိမရှိဆိုတာကို စိစစ်နိုင်ဖို့ ဖြစ်တယ်လို့ NLD ပါတီပြောခွင့်ရသူ ဦးဉာဏ်ဝင်းက ပြောပါတယ်။

“ကျနော်တို့ ပါတီစည်းကမ်းဆိုတာ နဂိုရ်ထဲကရှိတယ်။ အဖွဲ့ဝင်တွေလိုက်နာရမယ့် စည်းကမ်းနဲ့ ညိစွန်းခြင်း ရှိမရှိကို စိစစ်မယ်။ အဖွဲ့ဝင် မဟုတ်ခဲ့တဲ့ သူတွေကိုတော့ စိစစ်စရာ မလိုဘူးပေါ့ဗျာ။ အဖွဲ့ဝင် ဟုတ်ခဲ့တယ်၊ ပါတီနဲ့ ကင်းကွာမယ်၊ ပါတီကနေ နုတ်ထွက်မယ်၊ ပါတီက ဘာမှ မပြောမဆို ကင်းကွာမယ်၊ အမျိုးမျိုးပေါ့။ အဲဒီလူတွေနဲ့ ပတ်သက်ရင်တော့ စည်းကမ်း ထိန်းသိမ်းရေးနဲ့ အကျုံးဝင်တာ ရှိသလား၊ အဲဒါ စိစစ်ဖို့ပေါ့။ ပါတီဝင် မဖြစ်ခဲ့ဘူး၊ NLD အဟောင်း မဟုတ်ဘူးဆိုရင် ဘာမှ သိပ်ထွေထွေထူးထူး ပြဿနာ မရှိဘူးပေါ့ဗျာ။ ပါတီဝင် ဖြစ်ခဲ့ရင်တော့ သူတို့နဲ့ ပတ်သက်လို့ စိစစ်ဖို့လိုမှာပေါ့။ အဲဒါပါ”

NLD ပါတီဝင်အဖြစ် ပြည်တွင်းပြည်ပ မြန်မာနိုင်ငံသားအားလုံးလျှောက်ထားနိုင်တယ် လို့လည်း NLD က ပြောပါတယ်။

၂၀၁၀ ရွေးကောက်ပွဲအတွက် NLD ပါတီဟာ မှတ်ပုံမတင်ဘူးလို့ ငြင်းဆိုထားချိန်က NLD ပါတီကနေ နုတ်ထွက်ကာ ရွေးကောက်ပွဲတွင်း တခြား နိုင်ငံရေးပါတီတွေ ကနေ ၀င်ရောက် ယှဉ်ပြိုင်ကာ လက်ရှိမှာလည်း လွှတ်တော် ကိုယ်စားလှယ် ဖြစ်နေကြသူ တချို့NLD ပါတီထဲ ပြန်ဝင်မယ်လို့ ပြောဆိုတာတွေ ရှိသလို လက်ရှိ ပါတီတွေကနေ နုတ်ထွက်ကာ NLD ပါတီဝင် ပြန်လျှောက်မယ်လို့ ပြောနေသူတွေ လည်း ရှိနေပါတယ်။

အခုတော့ NLD ပါတီဟာ မနက်ဖန် ဒီဇင်ဘာ ၂၃ ရက် သောကြာနေ့မှာတော့ တရားဝင်နိုင်ငံရေး ပါတီအဖြစ် လျှောက်ဖို့ ဒေါ်အောင်ဆန်းစုကြည် ကိုယ်တိုင် နေပြည်တော်က ရွေးကောက်ပွဲ ကော်မရှင်ကို သွားမှာ ဖြစ်ပါတယ်။

“မနက်ဖြန်ကာ ကျနော်တို့ မနက် ၇ နာရီလေယာဉ်နဲ့ သွားပါမယ်။ နောက်ဟိုမှာ ကျနော်တို့ ပါတီဝင်ကြေးကို ဘဏ်မှာ သွင်းရမယ်။ အဲဒါ သွင်းပြီးတော့မှာ ကျနော်တို့ ပြည်ထောင်စု ကော်မရှင်ရုံး သွားမယ်။ နေ့ခင်းလောက် နေရင်တော့ ပီးလောက်တာပေါ့။ ညနေ ၃ နာရီ ဖလိုက်နဲ့ပြန်မယ်။ ကျနော်တို့ ပြည်ထောင်စု ကော်မရှင် ပေါ်မှာလည်း တည်ပါတယ်။ လျှောက်လွှာနဲ့ ပတ်သက်ပြီးတော့ ပြီးပြည့်စုံအောင်တော့ သေချာစီစဉ်ပြီးတော့ လုပ်ထားပါတယ်။ တခြားပါတီတွေတော့ တလ၊ နှစ်လ ကြာတာတွေ သတိထားမိတယ်။ အဲဒီတော့ ဒီဟာ ဘယ်လောက်ကြာမလဲ ဆိုတာ ကျနော်တို့တော့ မပြောနိုင်ပါဘူး။ သိပ်တော့ အကြာကြီးတော့ ဟုတ်မယ်မထင်ပါဘူး”

NLD ပါတီပြောခွင့်ရသူ ဦးဉာဏ်ဝင်းပါရှင်။

အစိုးရကတော့ ကြားဖြတ်ရွေးကော်ပွဲရက်ကို ၃ လကြိုတင်အသိပေးမှာဖြစ်သလို ပါတီမှတ်ပုံတင်ခွင့် ကျထားပြီးသား နိုင်ငံရေး ပါတီတွေလည်း စည်းရုံးရေးတွေ လုပ်ဆောင်နိုင်ပြီလို့ ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ဒီဇင်ဘာ ၁၆ ရက်နေ့မှာ သတင်းထောက်တွေကို ပြောပါတယ်။ အခုဆိုရင် ကြားဖြတ်ရွေးကောက်ပွဲမှာ လစ်လပ်နေတဲ့ နေရာအားလုံးမှာ NLD က ၀င်ပြိုင်မှာ ဖြစ်သလို ဒေါ်အောင်ဆန်းစုကြည်ကိုယ်တိုင် ယှဉ်ပြိုင်ဖို့လည်း စီစဉ်ထားတာပါ။

ဒါပေမယ့် ဘယ်သူ ဘယ်နေရာကနေ ၀င်ပြိုင်ကြမယ်ဆိုတာကတော့ စာရင်းအတိအကျ မရှိသေးဘဲ စဉ်းစားနေတဲ့ အဆင့်မှာပဲ ရှိပါသေးတယ် လို့လည်း NLD ပါတီခေါင်းဆောင်တွေက ပြောပါတယ်ရှင်။


Ref: VOA News

Read More...

အပေါ်သို့