2011-12-08
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ငြိမ်းချမ်းရေး နိုဘယ်လ်ဆု ချီးမြှင့်ခံရခြင်း အနှစ် ၂၀ ပြည့် ဂုဏ်ပြုပွဲ အခမ်းအနားကို လာမယ့် စနေနေ့ ဒီဇင်ဘာလ ၁၀ ရက် မနက်ပိုင်းမှာ ရန်ကုန်မြို့ ကြည့်မြင်တိုင် ရွှေညဝါ ကျောင်းတိုက်မှာ ကျင်းပမယ်လို့ အခမ်းအနား စီစဉ်သူတွေက ပြောပါတယ်။
ဒီအခမ်းအနား ဖြစ်အောင် စီစဉ်နေသူတွေဟာ ဒေါ်အောင်ဆန်းစုကြည် နိုဘယ်လ်ဆု ချီးမြှင့်ခံရချိန်မှာ နေအိမ် အကျယ်ချုပ်က လွတ်မြောက်ရေး တောင်းဆိုလို့ အဖမ်းခံရသူ ကျောင်းသားတွေ ဖြစ်ပါတယ်။ ဒီအဖွဲ့ကို ၁၀ ဒီ (10/D) ကျောင်းသားများလို့ နာမည် ပေးထားကြောင်း အဖွဲ့ဝင်တစ်ဦးဖြစ်တဲ့ ကိုကိုကြီး(စမ်းချောင်း) က ပြောပါတယ်။
အဲဒီနေ့ ကျင်းပမယ့် အခမ်းအနားကို ဒေါ်အောင်ဆန်းစုကြည်နဲ့ အင်န်အယ်လ်ဒီ ခေါင်းဆောင်တွေလည်း တက်ရောက်မယ်လို့ သိရပါတယ်။ အခမ်းအနားမှာ ဟံသာဝတီ ဦးဝင်းတင်က ငြိမ်းချမ်းရေး စာတမ်း တစ်စောင် ဖတ်ကြားမယ်လို့ သိရပါတယ်။ အဲဒီနေ့မှာပဲ ရန်ကုန် ဗုဒ္ဓတက္ကသိုလ် ပိဋကတ်စာကြည့်တိုက်ဖွင့်ပွဲ အခမ်းအနားပါ တစ်ပြိုင်တည်း ကျင်းပမယ်လို့ သိရပါတယ်။
အဲဒီအခမ်းအနားကို သံတမန်တွေအပြင် အများပြည်သူတွေပါ တက်ရောက်နိုင်အောင် စီစဉ်ထားတယ်လို့ သိရပါတယ်။
Ref: RFA News
Friday, December 9, 2011
နိုဘယ်လ်ဆု ချီးမြှင့်ခံရခြင်း နှစ်၂၀ ပြည့် ဂုဏ်ပြုပွဲ ကျင်းပဖို့ စီစဉ်
မြန်မာ့အရေးဆွေးနွေးဖို့ အမေရိကန်အထူး ကိုယ်စားလှယ် ဂျပန် ခရီးဆက်
ဒေါ်ခင်မျိုးသက်
ကြာသပတေး, 08 ဒီဇင်ဘာ 2011
မြန်မာ့နိုင်ငံရေးမှာ တိုးတက်ပြောင်းလဲမှုတွေ ရှိလာအောင် ဒေသတွင်း မဟာမိတ်နိုင်ငံတွေရဲ့ ပူးပေါင်း ဆောင်ရွက်မှုတွေ ရနိုင်ဖို့ အာရှ ၃ နိုင်ငံခရီး စတင်ခဲ့တဲ့ မြန်မာနိုင်ငံ ဆိုင်ရာ အမေရိကန် အထူးကိုယ်စားလှယ်၊ ဒဲရက်ခ် မစ်ချဲလ်ဟာ တောင်ကိုရီးယားမှာ ရောက်နေ ရာကနေ ဒီကနေ့ သောကြာနေ့မှာတော့ ဂျပန်နိုင်ငံကို ရောက်ရှိနေပြီ ဖြစ်ပါတယ်။ အရင်က အမေရိကန်ရဲ့ မြန်မာနိုင်ငံ အပေါ် သဘောထားက ဂျပန်ရဲ့သဘောထားနဲ့ အနည်းငယ်ကွဲလွဲခဲ့ပေမယ့် အခု ကူညီ ထောက်ပံ့မှုပြန်ပေးရေး အစီအစဉ် တွေမှာတော့ တူညီမှု ရှိလာပြီလို့ ဂျပန်နိုင်ငံက မြန်မာ့အရေး လှုပ်ရှားသူတွေက သုံးသပ်ပါတယ်။ ဒီအကြောင်းကိုတော့ ဒေါ်ခင်မျိုးသက်က အပြည့်အစုံ တင်ပြထားပါတယ်။
မနေ့က ဒီဇင်ဘာလ ၈ ရက်နေ့မှာ အာရှ ၃ နိုင်ငံ ခရီးထွက်လာခဲ့တဲ့ မြန်မာနိုင်ငံဆိုင်ရာ အမေရိကန် အထူး ကိုယ်စားလှယ် ဒဲရစ် မစ်ချဲလ်ဟာ ဒီကနေ့ သောကြာနေ့မှာ ဂျပန်နိုင်ငံကို ရောက်ရှိနေပြီ ဖြစ်ပါတယ်။ မြန်မာ့အရေး ညှိနှိုင်းဆွေးနွေးဖို့ ရည်ရွယ်တဲ့ သူ့ရဲ့ဒီခရီးစဉ်ကို တောင်ကိုးရီးယား နိုင်ငံနဲ့ စတင်ခဲ့တယ်လို့ အမေရိကန် နိုင်ငံခြားရေး ဝန်ကြီးဌာန ပြောခွင့်ရက ဗွီအိုအေကို ပြောပါတယ်။
“မြန်မာနိုင်ငံဆိုင်ရာ မူဝါဒညှိနှိုင်းရေးမှူးနဲ့ အထူးကိုယ်စားလှယ် ဒဲရက် မစ်ချဲလ်ဟာ တောင်ကိုးရီးယား နိုင်ငံ အစိုးရဌာန အသီးသီးက တာဝန်ရှိသူတွေနဲ့ ဒီဇင်ဘာလ ၈ ရက်နေ့မှာ တွေ့ဆုံခဲ့ပါတယ်။ မြန်မာ နိုင်ငံမှာ အပြောင်းအလဲတွေ ပိုလုပ်နိုင်အောင် အားပေးဖို့နဲ့ အမေရိကန်-မြန်မာ ဆက်ဆံရေး ပိုမို ကျယ်ပြန့်လာအောင် လုပ်ဖို့ အပါအဝင် နိုင်ငံခြားရေး ဝန်ကြီး ကလင်တန် မကြာခင်ကမှ မြန်မာနိုင်ငံကို သွားရောက်ခဲ့တာတွေနဲ့ ပတ်သက်ပြီး ဆွေးနွေးခဲ့ပါတယ်။ ဒါ့အပြင် လက်နက် မပြန့်ပွားရေး ဆိုင်ရာ ကိစ္စတွေနဲ့ အမေရိကန်က စိုးရိမ်နေတဲ့ မြောက်ကိုရီးယားနဲ့ မြန်မာ စစ်ရေး ဆက်ဆံမှုဆိုင်ရာ ကိစ္စတွေကိုပါ မစ္စတာမစ်ချဲလ်က ဆွေးနွေးခဲ့ပါတယ်”
အမေရိကန် အထူးသံတမန်ဟာ တောင်ကိုးရီးယားနိုင်ငံမှာ မြန်မာ့အရေးလှုပ်ရှားသူ တချို့နဲ့ပါ တွေ့ဆုံခဲ့သလို တောင်ကိုးရီးယား အစိုးရတာဝန်ရှိသူ တွေနဲ့ပါ ဆွေးနွေးခဲ့တာပါ။ အမေရိကန်နိုင်ငံရဲ့ မြန်မာနိုင်ငံ ဆိုင်ရာ လုပ်ဆောင်ချက်တွေနဲ့ ပတ်သက်ပြီး တောင်ကိုရီးယား နိုင်ငံနဲ့သာမက ဂျပန်နဲ့ တရုတ်နိုင်ငံတွေနဲ့ပါ ပူးပေါင်း ဆောင်ရွက်နိုင်ဖို့ အတွက် ဆွေးနွေးမယ်လို့လည်း ပြောပါတယ်။
"အထူးကိုယ်စားလှယ် မစ္စတာမစ်ချဲလ်ဟာ အမေရိကန်ရဲ့မြန်မာနိုင်ငံဆိုင်ရာ မူဝါဒနဲ့ပတ်သက်ပြီး နိုင်ငံတကာနဲ့ ဆွေးနွေးမှုတွေ လုပ်ဖို့ တိုကျိုနဲ့ ပီကင်းကိုလည်း ဆက်သွားမှာပါ။ မြန်မာနိုင်ငံအတွက် နိုင်ငံတကာက ဘုံ စိုးရိမ် စိတ်ပူနေရတာတွေကို ဖြေရှင်းနိုင်ဖို့ အတွက် ဒေသတွင်းက အဓိက မဟာမိတ်တွေနဲ့ မဟာဗျူဟာကျကျ ပုးပေါင်း ဆောင်ရွက်ရေးမှာ အာမခံချက်တွေ ရဖို့အတွက် ဆွေးနွေးမှာ ဖြစ်ပါတယ်"
အခုလို မစ္စတာမစ်ချဲလ် ဂျပန်အစိုးရတာဝန်ရှိသူတွေနဲ့ လာပြီးဆွေးနွေးတာနဲ့ပတ်သက်ပြီး ဂျပန်မှာရှိတဲ့ မြန်မာ့ အရေး လှုပ်ရှားသူတွေက အပြုသဘော ဆောင်တဲ့ဘက်က ရှုမြင်ကြောင်း ပြောပါတယ်။
ဂျပန်ရဲ့ မြန်မာနိုင်ငံအပေါ်သဘောထားနဲ့ အမေရိကန်ရဲ့ သဘောထားဟာ အရင်က အနည်းငယ် ကွဲလွဲမှု ရှိခဲ့ပေမယ့် အခုတော့ ကူညီ ထောက်ပံ့မှု ပြန်ပေးရေးတွေမှာ တူညီမှုရှိလာပြီလို့ ဂျပန်နိုင်ငံက မြန်မာ့အရေး လှုပ်ရှားတဲ့ NLD – LA အဖွဲ့ ဥက္ကဌ ဦးလှဟန်က ပြောပါတယ်။
“ဂျပန်နိုင်ငံနဲ့ အမေရိကန် မြန်မာနိုင်ငံအပေါ်ထားတဲ့ သဘောထားကတော့ အရင်တုန်းကနဲ့ နည်နည်း ကွဲပြားတယ်လို့ ထင်ပါတယ်။ ဘာလို့လဲ ဆိုတော့ အမေရိကန်က မြန်မာနိုင်ငံ အပေါ် ပိတ်ဆို့ရေးမှာ ထားပေမယ့် ဂျပန်ကတော့ လုံးလုံး ပိတ်ဆို့ရေး မဟုတ်ဘဲနဲ့ မြန်မာနိုင်ငံ အစိုးရကို ဖျောင်းဖျောင်းဖျဖျနဲ့ ဒီမိုကရေစီ လမ်းကြောင်းပေါ် ရောက်ဖို့အတွက် အကူအညီလည်း ပေးတယ်။ ဖျောင်းဖျောင်းဖျဖျလည်း ပြောတယ်ဆိုတဲ့ မူဝါဒမျိုး၊ ပျော့ပျော့ပျောင်းပျောင်း မူဝါဒကို လက်သင့် ခံကျင့်သုံးခဲ့တာ။
အခု အမေရိကန်က မြန်မာနိုင်ငံမှာ အခြေအနေတွေ ပြုပြင်ပြောင်းလဲလာပြီလို့ သူက နည်းနည်းလေး ယူဆတဲ့ အတွက်ကြောင့် နိုင်ငံခြားရေး ဝန်ကြီး ကိုယ်တိုင်သွားပြီး မြန်မာနိုင်ငံမှာ ဆွေးနွေးတာတွေ ဖြစ်ခဲ့တယ်။ နောက် ဒါ့ကြောင့် သူမြန်မာနိုင်ငံကို ပြန်ပြီးတော့ ဆက်ဆံဖို့အတွက် ဂျပန်နဲ့လာပြီးတော့ ဆွေးနွေးတယ်လို့ ကျနော်ထင်ပါတယ်။
နောက် မြန်မာနိုင်ငံခြားရေးဝန်ကြီး ဂျပန်ကို လာပြီးကတည်းက ဂျပန်က သူ အကူအညီတွေ ပေးမယ် ဆိုတာကို တရားဝင် ထုတ်ပြော ခဲ့ပါတယ်။ အခုလည်း ပြီးခဲ့တဲ့ရက်ပိုင်းအတွင်းကပဲ နေပြည်တော်မှာ ဂျပန် နိုင်ငံခြားရေးဌာနက အထက်တန်း အရာရှိတွေနဲ့ သွားပြီးဆွေးနွေးတာတွေလည်း ကြားမိတာမို့ ဂျပန်ကတော့ ODA အတွက်သော်လည်းကောင်း၊ လူသားချင်း စာနာမှုဆိုင်ရာ အတွက်သော် လည်းကောင်း ပြန်ပေးမယ်ဆိုတာမျိုးတော့ သုံးသပ်လို့ ရပါတယ်”
ဒီလို အကူညီပေးရေးတွေ အပြင် ဂျပန်နိုင်ငံဟာ မြန်မာနိုင်ငံထဲမှာ ရင်းနှီးမြှုပ်နှံမှုတွေ လုပ်ဖို့ပါ ကြိုးစား နေတယ်လို့ ဆိုပါတယ်။ မကြာခင်မှာပဲ ဂျပန် နိုင်ငံခြားရေး ၀န်ကြီးဟာ မြန်မာနိုင်ငံကို သွားရောက်ဖို့ ရှိနေပါတယ်။ မစ္စတာမစ်ချဲလ်ဟာ ဒီဇင်ဘာလ ၉ရက်ကနေ ၁၁ ရက်နေ့ အထိ် ဂျပန်နိုင်ငံမှာ ရှိနေမှာ ဖြစ်ပြီး ဒီဇင်ဘာလ ၁၁ ရက်ကနေ ၁၃ ရက်အတွင်းမှာတော့ တရုတ်နိုင်ငံမှာ မြန်မာ့ အရေးကို ဆွေးနွေးမှာ ဖြစ်ပါတယ်။
Ref: VOA News
အကျဉ်းကျသတင်းသမားဦးရေ ကမ္ဘာမှာ မြန်မာစတုတ္ထလိုက်
ဦးစံမိုးဝေ
ကြာသပတေး, 08 ဒီဇင်ဘာ 2011
နယူးယောက်အခြေစိုက် နိုင်ငံတကာ သတင်းသမားများ ကာကွယ်စောင့်ရှောက်ရေး အသင်းကြီး ဖြစ်တဲ့ CPJ အဖွဲ့က (၁၅) နှစ်အတွင်း ကမ္ဘာအနှံ့မှာ သတင်းသမားတွေကို ဖမ်းဆီး အကျဉ်းချထားမှု အများဆုံး အချိန်ကာလနဲ့ ကြုံနေရတယ်လို့ ကြာသာပတေး နေ့မှာ ထုတ်ပြန် လိုက်ပါတယ်။ အဲဒီအထဲမှာ မြန်မာနိုင်ငံဟာလည်း အဆိုးရွားဆုံး နိုင်ငံတွေထဲမှာ တနိုင်ငံဖြစ်ပါတယ်။ အီရန်၊ အီရစ်ထရီးယား (Eritiea) နဲ့ တရုတ်နိုင်ငံတို့ပြီးရင် မြန်မာနိုင်ငံဟာ နံပါတ် ၄ နေရာမှာရှိနေတယ်လို့ ဆိုပါတယ်။
သတင်းသမားတွေ ဖမ်းဆီးထိန်းသိမ်းထားတဲ့ အတိုင်းအတာနဲ့ နှိုင်းယှဉ်မယ်ဆိုရင် မြန်မာနိုင်ငံမှာ ပြုပြင် ပြောင်းလဲမှုဆိုတာ မပြောပ လောက်တဲ့ အတိုင်းအတာသာ ရှိတာပါလို့လည်း CPJ အဖွဲ့ရဲ့ ပြောခွင့်ရသူက VOA ကိုပြောပါတယ်။ အကြောင်းစုံကို ဆက်သွယ် မေးမြန်းထားတဲ့ ဦးစံမိုးဝေက တင်ပြထားပါတယ်။
CPJ အဖွဲ့က ဒီဇင်ဘာလ ၁ ရက်နေ့မှာ နောက်ဆုံး ကောက်ယူထားတဲ့စာရင်းအရ ကမ္ဘာနဲ့အဝှန်းမှာ အကျဉ်းကျ ခံနေရတဲ့ သတင်းသမား ၁၇၉ ယောက်ရှိပြီး ဒါဟာ ၁၅ နှစ်အတွင်း အများဆုံး ဖြစ်တယ်လို့ ဆိုပါတယ်။
မြန်မာနိုင်ငံမှာလည်း အကျဉ်းသားတွေပြန်လွှတ်ပေးနေပါတယ်ဆိုပြီးတော့ လူသိရှင်ကြား ကြေညာ ပြောဆိုနေပေမယ့် သတင်းသမား တွေကိုတော့ ဖမ်းဆီး ထားဆဲပဲလို့ အမေရိကန် အခြေစိုက် သတင်းသမားကာကွယ် စောင့်လျှောက်ရေး အဖွဲ့ကြီးဖြစ်တဲ့ CPJ အဖွဲ့ရဲ့ အာရှရေးရာ တာဝန်ခံ Bob Dietz ကပြောပါတယ်။
“မြန်မာနိုင်ငံထဲမှာ အနည်းဆုံး သတင်းသမား ၁၂ ဦး အကျဉ်းထောင်ထဲမှာ ရှိနေဆဲဖြစ်ပါတယ်။ အစိုးရသစ် တက်လာ ပြီးတဲ့နောက် အကျဉ်းသားတွေ ပြန်လွှတ်ပေး နေတယ်ဆိုပေမယ့် သတင်းသမားတွေ ကိုတော့ ထိန်းသိမ်း ထားဆဲပဲ ရှိပါတယ်။ လွတ်လာတယ် ဆိုတာကလည်း တယောက် နှစ်ယောက်ပဲ ရှိတာပါ”
မြန်မာနိုင်ငံမှာ အရပ်သားအစိုးရ တက်လာပြီးတဲ့နောက် အပြောင်းလဲတွေဖြစ်ပေါ်လာတယ်၊ မီဒီယာတွေအပေါ် ဖိနှိပ် ထားမှုတွေ လျှော့ပေါ့လာတယ် ဆိုပြီး ကျယ်ကျယ်ပြန့်ပြန့် ပြောဆိုနေကြတာပါ။ CPJ အဖွဲ့ပြောခွင့်ရသူ Bob Dietz ကတော့ မြန်မာနိုင်ငံဟာ သတင်းသမားတွေ အပေါ် ဖမ်းဆီး ချုပ်နှောင်မှုတွေဟာ ကမ္ဘာပေါ်မှာ အဆိုးဆုံး နိုင်ငံတွေထဲမှာ ပါဝင်နေပြီး သူ့အမြင်မှာတော့ ဘာမှ သိသာထူးခြားတဲ့ အပြောင်းအလဲတွေ မတွေ့ရဘူးလို့ ဆိုပါတယ်။
“အစိုးရက မီဒီယာတွေအပေါ်ထားတဲ့သဘောထား အလင်းရောင် အနည်းငယ်တွေ့ရတယ်ဆိုပေမယ့် မပြောပ လောက်ပါဘူး။ မြန်မာနိုင်ငံဟာ လူဦးရေ အနည်းငယ်သာ ရှိတာပါ။ ဒါပေမယ့် နိုင်ငံတကာမှာ သတင်းသမားတွေ အပေါ် ဖမ်းဆီး ထောင်ချတဲ့နေရာမှာ နံပါတ် ၄ နေရာမှာ လိုက်ပါတယ်။ သူ့ရဲ့ရှေ့မှာ တရုတ်၊ အီရစ်ထရီးယား၊ အီရန်နိုင်ငံတို့ ဖြစ်ပါတယ်။ မြန်မာနိုင်ငံက သတင်းသမားတွေကို ဖမ်းဆီး ချုပ်နှောင်တဲ့မူဝါဒ ဆက်လက် ကျင့်သုံးနေဆဲပါ။ ဒီအခြေအနေကို ထောက်ရှုပြီး မြန်မာနိုင်ငံမှာ အပြောင်းအလဲတွေ ဖြစ်နေပြီလား ဆိုတာကို သုံးသပ်ကြည့်မယ် ဆိုရင်တော့ ဘာမှ မပြောပလောက်တဲ့ ပြောင်းလဲမှုပဲရှိတယ်လို့ ဆိုရမှာပါ”
တဆက်တည်းမှာပဲ အမေရိကန်နိုင်ငံအပါဝင် တချို့နိုင်ငံတွေက မြန်မာအစိုးရနဲ့ ဆက်ဆံရေးတွေ ပြန်ပြီး လုပ်လာတဲ့ အတွက် သတင်းသမား အကျဉ်းသား အရေးနဲ့ ပတ်သက်ပြီး တောင်းဆိုမှုတွေ ဖိအားပေးမှုတွေ လျှော့ကျသွားမှာကို စိုးရိမ်တယ်လို့ ပြောပါတယ်။
“အမေရိကန်အစိုးရနဲ့ တခြားအစိုးရတွေဟာ မြန်မာနိုင်ငံနဲ့ ပြန်လည်ပတ်သက်လာပြီဆိုတော့ ဒီသတင်းသမား အကျဉ်းသား အရေးကို လျစ်လျှူမှာကို ကျနော်တို့ စိုးရိမ်ပါတယ်။ ဒီအရေးကို မေ့ထားကြမှာ၊ အရေးကြီးနေရာမှာ မထားတော့မှာကို စိုးရိမ်ပါတယ်”
CPJ အဖွဲ့ရဲ့ အာရှရေးရာ တာဝန်ခံ Mr. Bob Dietz ပြောသွားတာပါ။
CPJ အနေနဲ့ သတင်းသမား အကျဉ်းသားအရေးကို အမြဲစောင့်ကြည့်နေသလို နိုင်ငံတကာကိုလည်း အဆက်မပြတ် အသိပေး နေကြောင်း မြန်မာ အစိုးရကိုလည်း စာရေးပြီး အကြောင်းကြား ခဲ့ကြောင်း၊ ဒါပေမယ့် အရင် အစိုးရတွေလိုပဲ ဘာမှ တုံ့ပြန်မှုမရှိဘူး၊ အဲဒီတော့ အရင်က အစိုးရတွေနဲ့ အခု ဒီမိုကရေစီ အစိုးရကြား ဘာမှကွာခြားတာမရှိဘူးလို့ ပြောဆိုသွားပါတယ်။
Ref: VOA News
ရဲဝန်ထမ်းတဦးလုပ်ရပ် ရပ်ကွက်ပြည်သူ မကျေနပ်
လင်းသန့်
December 8, 2011
ရန်ကုန်တိုင်း လှည်းကူးမြို့နယ် ရဲမွန်ရပ်ကွက်တွင် မြို့နယ် ရဲတပ်ဖွဲ့မှ နယ်ထိန်း ရဲတပ်ကြပ်ကြီး တဦးက လူငယ်တဦးကို နေအိမ် ခြံဝင်းအတွင်း ၀င်ရောက်၍ ဓားဖြင့် ခုတ်သည့်အတွက် ဒဏ်ရာပြင်းထန်စွာ ရခဲ့သည့်အမှုနှင့် ပတ်သက်ပြီး ဒေသခံများ အကြား မကျေနပ်မှုများ ရှိနေကြောင်း မျက်မြင်တဦးက ပြောသည်။
ယခုကဲ့သို့ ရဲဝန်ထမ်းတဦးအနေဖြင့် သာမန်အရပ်သားတဦးအား ဥပဒေမဲ့ ဓားဖြင့်ခုတ်သည့် အမှုကို သက်ဆိုင်ရာ တာဝန်ရှိသူ များ အနေဖြင့် အရေးယူ အပြစ်ပေးရန် အတွက် ရပ်ကွက်နေ ပြည်သူအများက လိုလား နေကြောင်းလည်း သိရသည်။
“လှည်းကူးအပိုင် ရဲစခန်းက ရဲတပ်ကြပ်ကြီး ချစ်လွင်က မောင်မင်းဇော်ကို သူ့အိမ်ခြံဝင်းထဲဝင်ပြီး ဓားနဲ့ဝင်ခုတ်တာ”ဟု မျက်မြင် သက်သေ ဒေသခံက ပြောဆိုသည်။
အဆိုပါ နယ်ထိန်း ရဲတပ်ကြပ်ကြီးက ဒဏ်ရာရရှိသွားသော အသက်၂၇ နှစ် အရွယ် မောင်မင်းဇော်ကို ဆေးရုံတင်၍ ဆေးဝါး ကုန်ကျစရိတ်ခံ ကုသစေခဲ့ပြီး သရက်ပင်ပေါ်မှ လိမ့်ကျသည့် ဒဏ်ရာများကြောင့်ဟု ကာယကံရှင်နှင့် ဆွေမျိုးများကို လိမ် လည် ထွက်ဆို ခိုင်းထားသည်ဟု ဒေသခံ မျက်မြင်က ဆက်ပြောသည်။
သို့သော် လှည်းကူးမြို့နယ် ရဲစခန်းမှူး ဦးမောင်မောင်ဦးက လွန်ခဲ့သည့်သောကြာနေ့က အခင်းဖြစ်ခဲ့သည်မှာ နယ်ထိန်းမှ ပစ္စည်းပျောက် မသင်္ကာ၍ သွားရောက် မေးမြန်းစဉ် အချင်းများခဲ့ခြင်း ဖြစ်ကြောင်း ပြောသည်။
“အဲဒီကိစ္စက နယ်ထိန်းဘက်က ခြေထောက်ကို တချက်နှစ်ချက် ရိုက်လိုက်တာပါ။ နည်းနည်းတော့ လက်လွန် သွားပါတယ်” ဟု စခန်းမှူး ဦးမောင်မောင်ဦးက ဧရာဝတီ ကိုပြောသည်။
မောင်မင်းဇော်သည် ယခင်ကလည်း ရပ်ကွက်တွင်း ပစ္စည်းများ ပျောက်ဆုံးမှုနှင့် ပတ်သက်၍ နာမည်ပျက် စာရင်း အသွင်းခံသူ တဦး ဖြစ်ကြောင်း၊ သို့သော် နယ်ထိန်း ရဲတပ်ကြပ်ကြီး ဘက်က ကာယကံရှင်အား ယခုအခါ ဆေးကုသပေးနေပြီး ရပ်မိရပ်ဘ အချင်းချင်း ဖြစ်သောကြောင့် ဆွေမျိုးများကိုလည်း တောင်းပန်၍ ကြေအေးပြီ ဖြစ်ကြောင်း သူက ဆက်ပြောသည်။
မျက်မြင်ဒေသခံ ကမူ“ကာယကံရှင်နဲ့ သူ့ဆွေမျိုးတွေက ရဲပြောတဲ့အတိုင်း လိမ်ပြောထားတယ်။ တကယ်လို့ တရားစွဲ မယ် ဆိုရင် အခု ဆေးကုပေးနေတာ မလုပ်ပေး တော့ဘူးလို့လည်း ခြိမ်းခြောက်ထားတယ်။ အခုက ရပ်ထဲရွာထဲမှာ ဘယ်လိုမှ ကြည့် လို့ မကောင်း ကြားလို့ မကောင်းဘူး”ဟု ပြောဆိုသည်။
ဓားဖြင့် အခုတ်ခံရသည့် မောင်မင်းဇော်အား ရပ်ရွာထဲတွင် ကြက်၊ ဘဲ စသည့် ပစ္စည်းပျောက်သည့် အခါတိုင်း စွပ်စွဲကာ မကြာခဏ ရဲစခန်းက ခေါ်ယူနှိပ်စက် ညဉ်းပန်းကြောင်းလည်း အဆိုပါ ဒေသခံက ပြောသည်။
မောင်မင်းဇော်သည် ယနေ့အထိ ဆေးကုသခံယူနေဆဲဖြစ်ပြီး ဒဏ်ရာ သက်သာမှု မရှိသေးကြောင်း သိရသည်။
Ref: ဧရာဝတီ
မြေအောက်အပူရှိန် မြင့်တက်ပါက ရွှံ့မီးတောင် ပေါက်ကွဲမှု ထပ်မံဖြစ်နိုင်
ကျော်ခ
ကြာသပတေးနေ့၊ ဒီဇင်ဘာလ ၀၈ ရက် ၂၀၁၁
ချင်းမိုင် (မဇ္ဈိမ) ။ ။ မကြာသေးမီက ရွှံ့မီးတောင် ပေါက်ကွဲမှုတခုဖြစ်ခဲ့သော ရခိုင်ပြည်နယ်တွင် မြေအောက် အပူရှိန် မြင့်တက်ခြင်းဖြစ်ပါက ရွှံ့မီးတောင်များ ထပ်မံ ပေါက်ကွဲမှုဖြစ်နိုင်ကြောင်း ဘူမိဗေဒပညာရှင် အငြိမ်းစား ပါမောက္ခ ဦးစိုးသိန်းက ပြောသည်။
ရွှံ့မီးတောင် အဖြစ်ပေါက်ကွဲနိုင်သည့် မြေအောက်ရေပူပြတ်ရွေ့ကြောများ ရှိနေသော ကျောက်ဖြူမြို့နယ် အပါအဝင် ရမ်းဗြဲကျွန်း တို့တွင် ငလျင်လှုပ်ခတ်ခြင်း၊ မြေအောက် အပူချိန်များ မြင့်တတ်ခြင်းများ ဖြစ်လျှင် နောက်ထပ် ပေါက် ကွဲမှုများ ဖြစ်နိုင်ပြီး လူများ ပြောင်းရွှေ့ နေထိုင်ရမည့် စိုးရိမ် ဖွယ်ရာများမရှိဟု သိရသည်။
“အဲဒီပြတ်ရွေ့ကြောတွေရှိတဲ့နေရာတွေမှာ လှုပ်ရှားမှုတွေရှိလာရင် အောက်က အက်ကွဲကြောင်းတွေ အတိုင်း ရေတွေ က circulate ဖြစ်လာတယ်။ ဖြစ်တော့ အထက်ကို hot spring အနေနဲ့ ပျံပြီး ထပ်ထွက်လာနိုင်တာပေါ့။ မီးတောင်ကြီးတွေလို ကြီးကြီး မားမားတော့ မဟုတ်ပါဘူး။ လူတွေ ရွှေ့ပြောင်း ရလောက်အောင် အန္တရာယ် မပေးနိုင် ပါဘူး” ဟု ဦးစိုးသိန်း က ပြောသည်။
ကျောက်ဖြူမြို့နယ်သည် ရွှံ့မီးတောင်အဖြစ်ပေါက်ထွက်နိုင်သော မြေအောက်ရေပူ ပြတ်ရွှေ့ကြောများ အများဆုံး ရှိသည်။ မကွေးတိုင်း မင်းဘူး မြို့နယ်တွင်လည်း ရှိပြီး ထိုနေရာကိုတော့ နဂါးပွက်တောင်ဟု လူသိများကြသည်။ ရေပူလိုင် ပြတ်ရွှေ့ကြောများသည့် နိုင်ငံတွင်းအခြား နေရာများတွင် ရေပူစမ်းများအဖြစ် တွေ့ရှိနိုင်သည် ဦးစိုးသိန်းက ပြောသည်။
နိုဝင်ဘာ ၂၆ ရက်နေ့ မနက်ပိုင်းက ကျောက်ဖြူမြို့နှင့် ၃၂ မိုင်ကွာဝေးသည့် ဘောရာဘာရွာ၏ အနောက်ဘက် တမိုင်ခန့်ရှိ တောင်ကုန်းငယ် တခုပေါ်က ရွှံ့မီးတောင်တခု ပေါက်ကွဲခဲ့သည်။ ပေါက်ကွဲမှုကြောင့် ရွှံ့ချော်ရည်ပူများ အထက်ကို ၁၅ ပေခန့် မြင့်တက်ခဲ့ပြီး တွင်း၏ ဘေးဘက် မြေ ငါး ဧကကျော် ချော်ရည်များ ဖုံးလွမ်းသွားသည်။
ပေါက်ကွဲမှုကြောင့် ချော်ရည်များထွက်ရှိရာ တောင်ကုန်းအောက်ရှိ လယ်ကွင်းများအတွင်းသို့ စီးဝင်ပြီး စပါးခင်းများ ပျက်စီးမည်ကို လယ်သမားများက စိုးရိမ် ခဲ့ကြသော်လည်း ပေါက်ကွဲသည့်နေ့ ညနေပိုင်း၌ပင် ငြိမ်ကျ သွားခဲ့သည်ဟု ကျောက်ဖြူ ဒေသခံ ရခိုင်သားတို့က ပြောသည်။
“ပေါက်တာက တောင်ကုန်းပေါ်မှာ ဘောရာဘာရွာရဲ့ အနောက်ဘက်မှာပေါ့။ မနက်တခါ။ နေ့လည်တခါ ပျက်စီး တာတော့ မရှိပါဘူး။ ပေါက်တုန်းကတော့ မိုးပေါ်ထောင်ပန်းတာပဲ။ အဲတုန်းကတော့ လယ်တွေပို့မှာတော့ စိုးရိမ် ကြတာပဲ။ နောက်ငြိမ် သွားတာပဲ။” ဟု ဒေသခံ တဦးက မဇ္ဈိမကို ပြောသည်။
ယင်းရွှံ့မီးတောင်ပေါက်ကွဲမှုသည် သုံးကြိမ်မြောက်ရှိပြီဖြစ်ကြောင်း သိရပြီး ၂၀၀၀ ခုနှစ်က တကြိမ်နှင့် ၁၉၉၀ တို့တွင် လည်း ပေါက်ခဲ့ဖူးကြောင်း ဒေသခံတို့ အပြောအရ သိရသည်။ ပထမအကြိမ် ပေါက်ကွဲမှုတွင် အနီးရှိ စပါးခင်းများ ပျက်စီးခဲ့ရသည်ဟု ဆိုသည်။
ရွှံ့မီးတောင်များ ပေါက်ကွဲရန်အတွက် ငလျင်လှုပ်ခတ်ခြင်းများကလည်း တွန်းအား ဖြစ်စေကြောင်းနှင့် ယခုအကြိမ် ပေါက်ကွဲမှုသည် နိုဝင်ဘာ ၂၁ ရက်နေ့ မနက်ပိုင်းက စစ်ကိုင်းတိုင်း ဟုမ္ပလင်းမြို့၏ အရှေ့မြောက်လက် ၃၂ ကီလိုမီတာ အကွာကို ဗဟိုပြု၍ ပြင်းအား ရစ်ချတ်တာ စကေး ၅.၉ လှုတ်ခတ်ခဲ့သော ငလျင် အရှိန်ကြောင့်လည်း ပေါက်ကွဲရန် တွန်းအား ဖြစ်သွားခဲ့သည်ဟု ဦးစိုးသိန်း က ပြောသည်။
“အဲဒီ ငလျင်ရဲ့ လှုပ်အားက မြေထုက လှုပ်ရှားလိုက်တဲ့အခါမှာ ဒီဘက်မှာ နည်းနည်းလာထိတယ်။ ဒါကြောင့် အောက်မှာ ရှိတဲ့ ပြတ်ရွေ့ကြောတွေထဲမှာရှိတဲ့ ရေပူတွေက အထက်ကို တက်ပြီး ပေါက်ထွက်တာပေါ့။” ဟု သူကပြောသည်။
ကျောက်ဖြူမြို့၏ အရှေ့ဘက် စိုင်ခြုံရွာတွင်၂၀၀၈ ခုနှစ် ဇန်နဝါရီလပိုင်းက ရွှံ့မီးတောင် ၂ခု ပေါက်ကွဲမှု ဖြစ်ခဲ့ပြီး အမြင့်ပေ ၂၅၀ နှင့် ၃၀၀ ထိ ပန်းထွက်ခဲ့သည့် ချော်ရည်ပူများကြောင့် ပေါက်ကွဲမှုအနီး ပေ ၂၀၀ ခန့် ချော်ရည်များ ဖုံးလွှမ်းခဲ့ကြောင်း ၂၀၀၈ ခုနှစ် ဇန်နဝါရီလ ၈ ရက်နေ့ထုတ် မြန်မာ့အလင်း သတင်းစာတွင် တွေ့ရသည်။
ယင်းစိုင်ခြုံ ရွာအနီးတွင်၂ဝဝ၆ ခုနှစ်တွင်လည်း ရွှံ့မီးတောင်ပေါက်ကွဲမှုရှိခဲ့သလို ၁၉၉၆ ခုနှစ်က ပေါက်ကွဲမှုတွင် လည်း လယ်မြေ ဧက ၄ဝ ကျော် ပျက်စီး ဆုံးရှုံးမှုဖြစ်ခဲ့ရသည်။
Ref: မဇ္ဈိမ
နေအိမ်အငြင်းပွားမှု ဒေါ်စုကိုယ်တိုင်ရင်ဆိုင်မည်
မသင်းသီရိ
ကြာသပတေး, 08 ဒီဇင်ဘာ 2011
ဦးအောင်ဆန်းဦးက နေအိမ်အမွေရလိုမှုနဲ့ ဒေါ်အောင်ဆန်းစုကြည်အပေါ် စွဲဆိုထားတဲ့ အမှုမှာ တရားပြိုင်ဖြစ်တဲ့ ဒေါ်အောင်ဆန်း စုကြည်က တရားဝင်အခွင့်ရ ကိုယ်စားလှယ် မထားဘဲ သူကိုယ်တိုင် ရုံးတော်မှာ ရင်ဆိုင်သွားမှာ ဖြစ်ပါတယ်။ ဒီကနေ့ အဲဒီ အမွေဆိုင် အမှုရဲ့ ရုံးချိန်းတွင်း ဒေါ်အောင်ဆန်းစုကြည်ရဲ့ ရှေ့နေတွေက တရားရုံးကို လျောက်ထား ခဲ့ကြတာပါ။ ဒီအမှု အခြေအနေ အပြည့်အစုံကိုတော့ မသင်းသီရိက တင်ပြ ပေးထားပါတယ်။
လက်ရှိဒေါ်အောင်ဆန်းစုကြည်နေထိုင်နေတဲ့ အမှတ် (၅၄) တက္ကသိုလ် ရိပ်သာလမ်းက အိမ်ကို သူလည်း အမွေဆိုင် ပိုင်တယ်ဆိုပြီး အကိုဖြစ်တဲ့ ဦးအောင်ဆန်းဦးက တရားစွဲဆိုထားတဲ့ အမှုဟာ ဒီကနေ့ မနက်က ရန်ကုန် အနောက်ပိုင်းခရိုင် တရားရုံး အမှတ် (၂) တရားရုံးမှာ ရုံးချိန်း ရှိခဲ့ပါတယ်။
ဒီအမှုကို ဒေါ်အောင်ဆန်းစုကြည်ဟာ ကိုယ်စားလှယ်မထားဘဲ ကိုယ်တိုင် ရင်ဆိုင်သွားဖို့ ဒေါ်အောင်ဆန်းစုကြည်ရဲ့ ရှေ့နေတဦး ဖြစ်တဲ့ ဦးကြည်ဝင်းက ဒီကနေ့ ရုံးတော်မှာ လျှောက်ထားခဲ့ကြတာပါ။
၂၀၀၁ ခုနှစ်ထဲက ဦးအောင်ဆန်းဦး စွဲဆိုထားတဲ့ ဒီတရားမမှုမှာ ဒေါ်အောင်ဆန်းစုကြည်ဟာ နေအိမ် အကျယ်ချုပ် ဖြစ်နေတာမို့ တရားဝင် အခွင့်ရ ကိုယ်စားလှယ်ထားပြီး ဒီအမှုကို ရင်ဆိုင်ခဲ့ရတာပါ။ အခု တော့ ဒီအခွင့်ရ ကိုယ်စားလှယ် အဖြစ် တာဝန်ယူခဲ့တဲ့ ရှေ့နေကြီး ဦးထွန်းတင်လည်း ဆုံးပါးသွားပြီမို့ အမှုကို နောက်ထပ်အခွင့်ရ ကိုယ်စားလှယ် မထားဘဲ ဒေါ်အောင်ဆန်းစုကြည် ကိုယ်တိုင် ရင်ဆိုင် သွားမှာ ဖြစ်တယ်လို့ ဒီအမှုကို လိုက်ပါ ဆောင်ရွက်နေသူ ထဲက တဦးဖြစ်တဲ့ ရှေ့နေ ဦးလှမျိုးမြင့်က ပြောပါတယ်။
“ဒေါ်အောင်ဆန်းစုကြည်ဘက်ကနေပြီးတော့ သူ့ကိုယ်စား မရှိတဲ့အတွက်ကြောင့် သူကိုယ်တိုင် လိုအပ်လို့ ရှိရင်တော့ တရားရုံးကို သူ ကြွရပါလိမ့်မယ်။ တရားမကျင့်ထုံး ဥပဒေ ပုဒ်မ (၃)၊ နည်းဥပဒေ (၁) အရ ၃/၁ ကိုယ်စားလှယ် သွင်းဖို့ အတွက်ကို၊ တရားဝင်အခွင့်ရ ကိုယ်စားလှယ် သွင်းဖို့ အတွက်ကို ဒီနေ့ ချိန်းထားပါတယ်။ ချိန်းထားတော့ ဒီဟာနဲ့ ပတ်သက်ပြီးတော့ ဆက်လက်ပြီးတော့ မသွင်းတော့ပါဘူး၊ ပထမ သွင်းထားတဲ့ ဆရာ ဦးထွန်းတင်က ဆုံးသွားတဲ့ အတွက်ကြောင့် သူ့ကိုယ်စား နောက်ထပ်အသစ် တယောက် သွင်းရမှာ မသွင်းတော့ပါဘူးလို့ ရုံးကို တင်ပြတယ်။ တရားပြိုင်က သူ့ရဲ့ ကိုယ်စားလှယ် မရှိတဲ့ အတွက်ကြောင့် တရားရုံးက ဆင့်ခေါ်ရင်တော့ တရားပြိုင်ကတော့ ရုံးရှေ့လာရလိမ့်မယ်”
အမှုအနေအထားအရတော့ တရားလိုဘက်က စစ်ဆေးတာတွေ ပြီးနေပြီ ဖြစ်ပြီး အခု တရားပြိုင် ဘက်က သက်သေတွေကို စစ်ဆေးရမယ့် အဆင့်ရောက်နေပါပြီ။
“တရားလိုဘက်တွေ စစ်ပြီးသွားပြီ၊ ပထမဦးဆုံး ဒီဥစ္စာက ဘာထုတ်ရလဲဆိုလို့ရှိရင် တရားမမှုဖြစ်တဲ့ အတွက် ငြင်းချက်ဆိုတာ ထုတ်ရပါတယ်။ ငြင်းချက်ထုတ်ပြီးတဲ့ အခါကျတော့ တရားလိုဖြစ်တဲ့ ဦးအောင်ဆန်းဦး ဘက်ကနေ သူ့ရဲ့ အခွင့်ရ ကိုယ်စားလှယ် တွေရယ်၊ နောက်တခုက ကျနော်တို့ သူ့ရဲ့တရားလိုပြ သက်သေတွေကို စစ်ချက် ပြီးပါပြီခင်ဗျ။ စစ်ပြီးတဲ့အခါ တရားပြိုင်ဘက်ကို စပြီး စစ်ဖို့အတွက်မှာ ဆရာဦးထွန်းတင် ကိုယ်စားလှယ်အဖြစ် ဆောင်ရွက်စဉ် အချိန်ကာလတုန်းက ဆရာဦးထွန်းတင်ကို အစ အဆုံး စစ်ပြီးသွားပါပြီခင်ဗျ၊ စစ်ပြီးတဲ့ အခါကျ နောက်ထပ် တရားပြိုင်ပြ သက်သေတွေကို စတင် စစ်ဆေးရမယ့် အချိန်ကို ရောက်သွားပါပြီခင်ဗျ”
အရင်က ဒီအမှုကို ရန်ကုန်တိုင်းတရားရုံးမှာ စစ်ဆေးနေတာဖြစ်ပေမယ့် နောက်ပိုင်း ခရိုင်တရားရုံးကို လွှဲပြောင်း ခဲ့တာ ဖြစ်ပါတယ်။
“အဆင့်ဆင့် ပြောင်းလာခဲ့တဲ့အခါကျ အခု နောက်ဆုံး အမှုတန်ဖိုးအရ သိန်း ၂,၀၀၀ ကျော်ပဲဖြစ်တဲ့ အတွက်ကြောင့် ခရိုင် တရားရုံးကို ရောက်သွားတယ် ခင်ဗျ။ ပြန်ဆင်း သွားတာပေါ့။ အရင်တုန်းက တိုင်းအဆင့်မှာ။ တိုင်းအဆင့်က နေပြီးတော့ အခု ခရိုင်အဆင့်ကို ရောက်သွားတာ။ အမှုရဲ့တန်ဖိုး အလိုက် စီမံခွင့်အာဏာအရ ခရိုင် တရားသူကြီးဆီကို ရောက်သွားတာပါခင်ဗျ”
ရှေ့နေ ဦးလှမျိုးမြင့်ပါရှင်။ ဒီနေအိမ်အမွေဆိုင်အမှုအတွက် ဒေါ်အောင်ဆန်းစုကြည်ဘက်က ရှေ့နေကြီး ဦးကြည်ဝင်း၊ ဦးဉာဏ်ဝင်းနဲ့ အတူ ဦးလှမျိုးမြင့်အပြင် ဒေါ်ခင်ဌေးကြွယ်တို့က လိုက်ပါ ဆောင်ရွက်ပေးနေသလို ဦးအောင်ဆန်းဦး ဘက်ကတော့ တရားလွှတ်တော်ရှေ့နေ၊ စစ်ကိုင်း ဦးအေးလွင်က လိုက်ပါ ဆောင်ရွက်နေတာ ဖြစ်ပါတယ်။ ဒီအမှုကို တလ တကြိမ် ရုံးချိန်းနဲ့ စစ်ဆေး နေတာ ဖြစ်ပြီး နောက်လ ၂၀၁၂ ဇန်န၀ါရီလ ၆ ရက်နေ့မှာ နောက်ထပ် ရုံးချိန်း ချိန်းဆိုထားပါတယ် ရှင်။
Ref: VOA News
မြန်မာပြည်သူတွေ သာယာဝပြောရေး ရဟန်းမင်းကြီးမေတ္တာပို့
မစုမြတ်မွန်
ကြာသပတေး, 08 ဒီဇင်ဘာ 2011
မြန်မာပြည်သူတွေအားလုံး ဘာသာရေး လွတ်လပ်ခွင့်နဲ့ ကောင်းကျိုးမင်္ဂလာ ခံစားနိုင်ကြဖို့ အတွက် ပုပ်ရဟန်းကြီး Benedict က ဆုမွန်ကောင်း တောင်းလိုက်ပါတယ်။ ရန်ကုန်မြို့က သမိုင်းဝင် St. Mary Cathedral ဘုရားရှိခိုးကျောင်း အနှစ် ၁၀၀ ပြည့် အထိမ်းအမှတ် အခမ်းအနား နောက်ဆုံးနေ့မှာ ခုလို ပုပ်ရဟန်းမင်းကြီးရဲ့ အမှာစကားကို ပါးလိုက်တာ ဖြစ်ပါတယ်။ ပုပ်ရဟန်းမင်းကြီး ကိုယ်စား Cardinal ဘုန်းတော်ကြီး တပါး လာရောက်တဲ့ ဘာသာရေး အခမ်းအနားကို အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်လည်း တက်ရောက်ခဲ့ပြီး Cardinal ဘုန်းတော်ကြီးနဲ့ သီးသန့် တွေ့ဆုံခဲ့ပါတယ်။ အကြောင်းစုံကို ဘန်ကောက်ရုံး ကနေ မစုမြတ်မွန်က တင်ပြထားပါတယ်။
နှစ်ပေါင်း ၁၀၀ ပြည့်သွားပြီဖြစ်တဲ့ ရန်ကုန် ဗိုလ်အောင်ကျော်လမ်းနဲ့ ဗိုလ်ချုပ်လမ်းဒေါင့်က St. Mary Cathedral ဘုရားရှိခိုး ကျောင်းအတွက် အထိမ်းအမှတ် အခမ်းအနား ပိတ်ပွဲကို ဒီနေ့ ကြာသပတေးနေ့ မနက်ပိုင်းမှာ လုပ်ခဲ့တာမှာ အနယ်နယ် အရပ်ရပ်က Roman Catholic ဘာသာဝင်ပေါင်း ထောင်နဲ့ချီ လာရောက်ခဲ့ကြပါတယ်။ ဒီကနေ့ ဝတ်ပြု ဆုတောင်းပွဲမှာ ထူးခြားတာက ပုပ်ရဟန်း မင်းကြီးရဲ့ကိုယ်စား Vatican ကနေ Cardinal ဘုန်းတော်ကြီး Renato Raffaele Martino ကြွရောက်ပြီး ပုပ်ရဟန်း မင်းကြီးရဲ့ အမှာစကားကို ဖတ်ကြား သွားခဲ့တာပါ။ ဆုတောင်း ဝတ်ပြုပွဲမှာရှိနေတဲ့ Catholic ဘာသာဝင် အဆိုတော့ သံသာဝင်း ပြန်ပြောပြတာက-
“သူကတော့ သူ့လက်တင်ဘာသာနဲ့ရော ဗမာ ဘာသာနဲ့ရော၊ အင်္ဂလိပ် ဘာသာနဲ့ရော translate လုပ်ပေး တယ်ပေါ့နော်။ ဒီပွဲတော်မှာ ပါဝင်တဲ့သူတွေ အားလုံးကို ကျေးဇူးတင်တဲ့ အကြောင်း နောက်ပြီးတော့ ဘုရားကို ကျေးဇူးတင်တဲ့ အကြောင်း အများကြီးပဲရှင့်၊ ဖတ်သွားတာတော့ အများကြီးပဲ။ နောက်ပြီးတော့ တိုင်းရင်းသားတွေ အကုန်လုံးလည်း စည်းစည်းလုံးလုံး ဘုရားကို ဆက်ကပ်ဖို့ အဲဒါတွေလည်း ပါတယ်”
ပုပ်ရဟန်းမင်းကြီးက မြန်မာနိုင်ငံမှာရှိကြတဲ့ Catholic ဘာသာဝင်တွေကို အားပေးထား သလို အသင်းတော်ရဲ့ တာဝန်ကို ထမ်းဆောင် နေကြတဲ့ ပုဂ္ဂိုလ်အားလုံး၊ တခါ မြန်မာနိုင်ငံက အရပ်ဘက် ဆိုင်ရာ၊ ဗုဒ္ဓဘာသာ အပါအဝင် ဘာသာရေးဆိုင်ရာ အာဏာပိုင် တွေကိုလည်း မေတ္တာစကား ပါးခဲ့ ပါတယ်။ ဒါ့အပြင် ဘာသာရေး လွတ်လပ်ခွင့်နဲ့ သုခချမ်းသာကို လူသားတိုင်း ရရှိနိုင်ဖို့ ဆုမွန်ကောင်း တောင်းပေးထားတဲ့ အမှာစကားကို Cardinal ဘုန်းတော်ကြီး Martino က ဖတ်ကြား ပြခဲ့ပါတယ်။ St. Mary Cathedral ဘုရားရှိခိုးကျောင်း အနှစ် ၁၀၀ ပြည့်ပွဲကို မြန်မာနိုင်ငံမှာရှိတဲ့ Catholic ဘုန်းတော်ကြီး အပါး ၁၀၀ ကျော်လည်း လာပြီး ဆုတောင်း ဝတ်ပြု ခဲ့ကြပါတယ်။ ကောင်ချီးမင်္ဂလာ ယူနိုင်ဖို့ အနယ်နယ် အရပ်ရပ်က လာကြတဲ့ RC ဘာသာဝင်တွေလည်း ထောင်နဲ့ ချီရှိပါတယ်။
“သံသာတို့ မနက်အစောကြီး ၇ နာရီခွဲလောက်ကတည်းက ရောက်နေပြီးတော့ အဖွင့်သီချင်း ဆိုတယ်။ လူတွေက အရမ်း များလာတဲ့ အခါကျတော့ အဲဒီက စပြီးတော့ Choral မှာပဲ နေရာယူတယ်။ Choral မှာကလည်း ဆိုတဲ့ ကလေးတွေက ၁၅၀ လောက်ရှိတယ်။ စည်းကမ်းတွေလည်း အများကြီး ချထားတယ်။ security တွေလည်း အများကြီး ချထားတယ်။ တော်တော်လေး စည်းကမ်းရှိရှိနဲ့ လူတွေ လာကြတာတွေ့ရတယ်။ အပြင်မှာတော့ တိုးလို့တောင် မရဘူးတဲ့။ ရောက်ရင် ရောက်တဲ့နေရာမှာပဲ ရပ်ပြီးတော့ နေရတယ်လို့ ပြောတယ်။ သူတို့ မော်နီတာနဲ့ပြတယ်။ Charch ထဲမှာလေ။ လူတွေမှ အများကြီးပဲ။ အားလုံး ပူနေကြတယ်။ အားလုံး ထီးတွေနဲ့ တော်တော်လေးကို စိတ်ရှည်ရှည်နဲ့ ဝတ်ပြုကြတာတွေ့တယ်။ ဒီ ၁၂ နာရီ ကျော်လောက် အထိကို”
ဝတ်ပြုဆုတောင်းပွဲ မစခင်ကတည်းက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်လည်း St. Mary Cathedral ဆီကို ရောက်လာပြီး Cardinal ဘုန်းတော်ကြီး Martino နဲ့ နာရီဝက်လောက် သီးသန့် တွေ့ဆုံခဲ့ပါတယ်။ တွေ့ဆုံကြစဉ် ဘာတွေ ပြောကြသလဲ ဆိုတာကိုတော့ အတိအကျ မသိနိုင်ပါဘူး။ ဒါပေမယ့် ပုပ်ရဟန်းမင်းကြီး Benedict အတွက် အပြန်အလှန် သတင်းစကား ပါးလိမ့်မယ်လို့ ခန့်မှန်းရပါတယ်။
“သံသာတို့က သွားတာသွားတယ်။ အန်တီစုလာမယ်ဆိုတာကို မသိဘူးပေါ့နော်။ ဒါပေမယ့် ဒီပွဲမစခင်ပေါ့နော်- နောက် ဒီ mask ကြီး မစခင် အထဲကို ဝင်သွားတော့ လူတွေက အကုန်လုံး လက်ခုပ်တွေ တီးကြပြီးတော့ တီးကြတယ် ပေါ့နော်။ နောက်ပြီး အကုန်လုံးလည်း ထပြီးတော့ ဒါ Cardinal ကြီးလာလို့ ကြိုဆိုတယ် ထင်တာ။ ကြည့်လိုက်တဲ့ အချိန်မှာ အန်တီစုက ဘေးပေါက်ကနေ ဝင်လာတာ တွေ့တော့ သူ့ကို အားလုံး အရမ်းကြိုဆိုတယ်။ အရမ်း ပျော်သွားတယ်။ အန်တီစုကို မထင်ဘဲနဲ့ တွေ့လိုက်ရလို့။ သူက အစောကြီး ကတည်းက ရောက်လာပါတယ်။ ပွဲမစခင် ကတည်းက ပေါ့နော်။ ဒီမှာ စတဲ့ အခါကျတော့ ပထမဦးဆုံး ဘစ်ရှော့က နေပြီးတော့ ကျေးဇူးတင်တဲ့ အကြောင်း ပြောတဲ့အခါမှာ ဒေါ်အောင်ဆန်းစုကြည် ဒီလိုမျိုး တက်လာတဲ့ဟာကိုလည်း အရမ်းကို ဝမ်းသာတယ် ဆိုတာနဲ့စတယ်။ စတော့ လူတွေ လက်ခုပ်တွေ တီးကြတယ်။ အားလုံး sisters တွေရော၊ brother တွေရော၊ အားလုံး လူထုကရောပဲ။ သူ့နာမည်ကို ကြားတဲ့အခါ၊ သူ့ကို မော်နီတာမှာပြတော့ အရမ်းကို ကြိုဆိုကြတယ်။ အရမ်းကို ဝမ်းသာတယ်။ ဘာဖြစ်လို့လဲ ဆိုတော့ ဒီလို ဘာသာရေးတွေက အစပေါ့နော်။ အန်တီစု ဆိုလို့ရှိရင် သံသာတို့ အာရ်စီ မဟုတ်ပေမယ့် အခုလို မာ့စ်ဆီကို တက်လာတယ်။ ခရစ်ယာန် ကိစ္စတွေမှာလည်း အန်တီစုက တက်တက်ကြွကြွနဲ့ ပါဝင်ပေးတာကို အရမ်းကို လေးလည်းလေးစားတယ်”
လွန်ခဲ့တဲ့ ၁ နှစ်လောက်ကတည်းကစပြီး စီစဉ်ခဲ့တဲ့ပွဲမှာ Cardinal ဘုန်းတော်ကြီးရဲ့ ဝတ်ပြုဆုတောင်း ပေးမှုကို ခံရတာကြောင့်ရော၊ စည်စည်ကားကား ရှိတဲ့ အတွက်ပါ ကြည်နူး ပီတိဖြစ်ရတယ်လို့ အဆိုတော် သံသာဝင်းက ပြောပါတယ်။ November လ ၂၉ ရက်နေ့ထဲက စပြီး ကျင်းပနေတဲ့ St. Mary Cathedral ဘုရားရှိခိုးကျောင်းရဲ့ အနှစ် ၁၀၀ ပြည့် အထိမ်းအမှတ် အခမ်းအနား တွေကို ဒီကနေ့ ကြာသပတေးနေ့ ဆုတောင်း ဝတ်ပြုပွဲ၊ ဘုရားသီချင်းတွေ သီဆိုပွဲနဲ့ အဆုံးသတ်မှာ ဖြစ်ပါတယ်။ St. Mary Cathedral ကြီးကို ၁၉၁၁ ခုနှစ်မှာ စတင် ဆောက်လုပ်ခဲ့ပြီး ဒီ ဘုရားရှိခိုး ကျောင်းကြီးဟာ မြန်မာနိုင်ငံမှာ ပထမဆုံး တည်ရှိတဲ့ Cathedral ဘုရားရှိခိုးကျောင်းကြီး ဖြစ်ပါတယ်ရှင်။
Ref: VOA News
ပုပ်ရဟန်းမင်းကြီးရဲ့ အထူးကိုယ်စားလှယ် ဒေါ်အောင်ဆန်းစုကြည်နဲ့ တွေ့ဆုံ
2011-12-08
ဗာတီကန် ပုပ်ရဟန်းမင်းကြီး Benedict ရဲ့အထူးကိုယ်စားလှယ် ဂိုဏ်းချုပ် ဘုန်းတော်ကြီး Martino ဟာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ဒီကနေ့ တွေ့ဆုံပြီး လက်ရှိ မြန်မာနိုင်ငံက နိုင်ငံရေး၊ ဘာသာရေး အခြေ အနေတွေနဲ့ ပတ်သက်တဲ့ ပုပ်ရဟန်း မင်းကြီးရဲ့ အမှာစကား လက်ဆောင်ကို ပြောဆို ခဲ့တယ်လို့ သိရပါတယ်။
မြန်မာနိုင်ငံကို ပထမဆုံးအကြိမ်အဖြစ် ရောက်ရှိလာတဲ့ ဂိုဏ်းချုပ်ဘုန်းတော်ကြီး Martino ဟာ နိုင်ငံတကာ အသိုင်းအ၀ိုင်းနဲ့ ဆက်ဆံရေး ပွင့်လင်းလာတဲ့ လက်ရှိ မြန်မာနိုင်ငံက အခြေအနေတွေ အတွက် Vatican က ကောင်းချီး ပေးလိုက်တာလို့ ဆိုပါတယ်။
ဒေါ်အောင်ဆန်းစုကြည်ဟာ ပုပ်ရဟန်းမင်းကြီးရဲ့ အထူးကိုယ်စားလှယ်နဲ့ ဒီကနေ့ မနက်ပိုင်းက ရန်ကုန်မြို့ စိန့်မေရီ ကက်သလစ် ခရစ်ယာန် ဘုရားရှိခိုးကျောင်း နှစ်တစ်ရာပြည့် အခမ်းအနားမှာ တွေ့ဆုံခဲ့တာပါ။ ရန်ုကုန် ကက်သလစ် အသင်းတော်ရဲ့ ဖိတ်ကြားချက် အရ သွားတာဖြစ်ကြောင်း အမျိုးသား ဒီမိုကရေစီ အဖွဲ့ချုပ် ပြန်ကြားရေး တာဝန်ခံ ဦးအုံးကြိုင်က ပြောပါတယ်။
Ref: RFA News
NED အကြီးအကဲ မြန်မာပြည်သွား
ကိုဝိုင်း
ကြာသပတေးနေ့၊ ဒီဇင်ဘာလ ၀၈ ရက် ၂၀၁၁
ချင်းမိုင် (မဇ္ဈိမ) ။ ။ အမေရိကန်နိုင်ငံ နိုင်ငံတကာ ဒီမိုကရေစီ ဖွံ့ဖြိုး တိုးတက်ရေး အဖွဲ့  National Endowment for Democracy NED မှ အကြီးတန်း ညွှန်ကြားရေးမှူး Brian Joseph ဘရိုင်ယန်ဂျိုးဇက်သည် အတိုက်အခံ အမျိုးသား ဒီမိုကရေစီ အဖွဲ့ချုပ် NLD နှင့် မြန်မာနိုင်ငံတွင်း စီးပွားရေး၊ ဥပဒေစိုးမိုး ရေးကိစ္စများ ဆွေးနွေးခဲ့ကြောင်း ပါတီ ဒုဥက္ကဋ္ဌ ဦးတင်ဦးက ပြောသည်။
အမေရိကန်နိုင်ငံ ဝါရှင်တန် ဒီစီ အခြေစိုက် NED သည် လူ့အခွင့်အရေး၊ မီဒီယာလွတ်လပ်ခွင့်၊ ဒီမိုကရေစီ ဖွံ့ဖြိုးရေး၊ ဥပဒေ စိုးမိုးရေးတို့ အတွက် အထောက်အပံ့ ပေးနေသော အဖွဲ့အစည်း တခုဖြစ်သည်။
ဦးတင်ဦးက “ကျနော်တို့ဘက်ကလည်း ပြောတာက ကျနော်တို့မှာ Lawyers တွေရှိတယ်။ သို့သော်လည်း ဥပဒေ စိုးမိုးရေးနဲ့ ပတ်သက်ပြီး မရခဲ့ဘူးပေါ့။ အထူးသဖြင့် နိုင်ငံရေး ရည်မှန်းချက်တွေနဲ့ အကျဉ်းကျတဲ့ နိုင်ငံရေးသမား တွေက တော်တော်လေး ခံစားကြရတဲ့ပေါ် မူတည်ပြီးတော့ ဒီပညာရပ်တွေပေါ်မှာ ပိုတိုးတက်အောင်၊ ခုခံ ကာကွယ် နိုင်တာတွေနဲ့ ပတ်သက်ပြီး သူတို့က workshop တွေ လုပ်ပေးချင်တယ်ပေါ့။” ဟု မဇ္ဈိမကို ပြောသည်။
NLD ရန်ကုန် ဗဟိုဌာနချုပ်၌ ဒေါ်အောင်ဆန်းစုကြည်၊ ဦးတင်ဦး၊ ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးဉာဏ်ဝင်း၊ ဦးဟံသာမြင့်၊ ဦးဝင်းမြင့်၊ ဒေါ်မေဝင်းမြင့်တို့နှင့် ဒီဇင်ဘာ ၆ ရက် မနက် ပိုင်းတွင် တနာရီခွဲကျော် တွေ့ဆုံခြင်း ဖြစ်သည်။
NLD ဥပဒေအထောက်အကူပြုအဖွဲ့ဝင် ရှေ့နေများအပါအဝင် ဒီမိုကရေစီအင်အားစုဘက်မှ ဥပဒေ ပညာရှင်များ၏ စွမ်းရည် မြှင့်တင်ရေးကို ပို၍ ဦးစားပေးသင့်သည်ဟု ယူဆသူ ဦးတင်ဦးက NED နှင့် ဆက်စပ်နေသည့် ထိုင်း၊ ဥရောပ၊ ဂျာမနီ စသည့်နိုင်ငံများရှိ ဥပဒေဆိုင်ရာ workshop များသို့ တက်ရောက်နိုင်ရေးလည်း ဆွေးနွေးသည်ဟု ဆိုသည်။
စီးပွားရေးလုပ်ငန်းတွင် ပုဂ္ဂလိကပိုင်ပြုရေး လေလံလုပ်ငန်းများ ဆောင်ရွက်နေသော်လည်း အစိုးရနှင့် နီးစပ်သူများ ကိုသာ ခွဲဝေ ပေးနေသည့် လုပ်ဟန်များကို ပြုပြင်နိုင်ရန် စီးပွားရေးဆိုင်ရာ ဆွေးနွေးပွဲများ ကျင်းပနိုင်ရေးလည်း ဆွေးနွေး ခဲ့ကြသည်။
NLD နှင့်မတွေ့မီ ဒီဇင်ဘာ ၃ ရက်နေ့က မင်္ဂလာမြန်မာ ရန်ကုန်ရုံးတွင် ပြည်တွင်းလူမှုရေး လုပ်နေသည့် မီဒီယာ သမားများ၊ အသေးစား ချေးငွေ လုပ်ငန်းရှင်များနှင့် အမျိုးသမီး အဖွဲ့တချို့ကို တွေ့ဆုံခဲ့ကြောင်း မင်္ဂလာမြန်မာမှ ဒါရိုက်တာ ဒေါက်တာဖုန်းဝင်းက ပြောသည်။
Ref: မဇ္ဈိမ
Thursday, December 8, 2011
ဆန်း နှင့် ကြည်
December 3, 2011
ဂျပန် ၀င်ရောက်လာသော ၁၉၄၂ တွင် ကျနော် ရန်ကုန်ရောက်ပါပြီ။ အင်္ဂလိပ်များ ထွက်ခွာပြီးနောက် ဂျပန်တို့ ၀င်ရောက် လာသည်။ ဗိုလ်မှူးရန်နိုင်က ကျနော်နှင့် ကျောင်းသားသမဂ္ဂ လုပ်ဖေါ်လုပ်ဖက်။ တက္ကသိုလ်သမဂ္ဂ အတွင်းရေးမှူး ကို ထွန်းရှိန် သူက ‘ရန်ကုန်သိမ်းပြီးပြီဗျ၊ ဗမာ့ လွတ်လပ်ရေး တပ်မတော်က သိမ်းတာ၊ အဲဒါ ခင်ဗျား ရန်ကုန်သွား၊ အလံပြ ဘုရားလမ်းကိုသွား၊ ပတ်ခ်ဟိုတယ်မှာ ကျနော်တို့ လူတွေရှိတယ်’ သင်္ဘောကြုံနှင့် ကျနော် ရန်ကုန်သွားသည်။ အရှေ့ အာရှ စစ်ဖြစ်သည်နှင့် ရန်ကုန်ကို ဂျပန်တို့က ဗုံးကြဲလိုက်သည်။ ထိုအခါ အသွားအလာများ ပျက်ကုန်တော့သည်။ ခါတိုင်း သွားနေကျ ဧရာဝတီ သင်္ဘောလည်း မရှိတော့။ သည်တော့ ဘိုကလေးမှ ဂျာနယ်ကျော် ဦးချစ်မောင်နှင့် ပန်းချီဆရာ ကို အုန်းလွင် တို့ ပါလာသော မော်တော်ဘုတ် ကျိုက်လတ် ဆိုက်သည်နှင့် ကျနော် လိုက်သွားသည်။ ညဘက် ရန်ကုန်ဆိပ် ကမ်းသို့ ကပ်ခွင့်မရ၍ ခနောင်တို့ဘက်တွင် တညအိပ်၍ နောက်နေ့ နံနက်စောစော ရန်ကုန် ရောက်သွားသည်။
ကြည့်မြင်တိုင် ဆိပ်ကမ်းမှနေ၍ အလံပြဘုရားလမ်းမှနေ၍ အလံပြဘုရားလမ်းရှိ ပတ်ခ်ဟိုတယ်သို့ တန်းသွား လိုက်သည်။ ကျနော်တို့ မိတ်ဆွေများနှင့် တွေ့ပါပြီ၊ ကျောင်းသားသမဂ္ဂ လုပ်ဖေါ်ကိုင်ဖက်များ၊ သူတို့သည် ဗမာ့ လွတ်လပ်ရေး တပ်မတော် သားများ ဖြစ်နေကြပေပြီ။ လန်ကတ်စတာ လမ်းထောင့်ရှိ မက်သဒစ်ကျောင်း (ယခု အထက ၁ ဒဂုံ) သည် BIA ခေါ် ဗမာ့ လွတ်လပ်ရေး တပ်မတော်၏ စစ်ရုံးချုပ် ဖြစ်နေပေပြီ။ ယင်းဗမာ့တပ်မတော် စစ်ရုံးချုပ်ရှေ့ဘက်ရှိ ယခင် အင်္ဂလိပ် သံအမတ်ကြီး အိမ်တွင် ဗိုလ်အောင်ဆန်းကို သွားတွေ့ရသည်။
ဗိုလ်လက်ျာကခေါ်၍ ပါသွားသည်။ ကိုအောင်ဆန်းကို ရေညှိစိမ်းရောင် သက္ကလပ် စစ်ဝတ်စုံနှင့် ခါးတွင်လည်း ဓားချိတ်လျက်။ ကျနော့် စိတ်ထဲတွင် တမျိုးဖြစ်သွားသည်။ အံ့လည်း အံ့ဩသွားသည်။ ကျနော် မျှော်လင့်သော သခင်အောင်ဆန်း ၏ ရုပ်ပုံလွှာ။
ယခင် မြင်နေကျ သခင်အောင်ဆန်း၏ ရုပ်ကားချပ်ကတော့ ပင်နီ အပေါ်ဖုံး၊ ရွှေတောင် လုံချည်နှင့်၊ သမိုင်းဆိုသည် ကလည်း ပြောင်းလဲ တတ်သည် မဟုတ်ပါလား။ ယခင်ကတော့ သခင်အောင်ဆန်း၊ သူက သခင်အောင်ဆန်း ခေါ်လျှင်ကြိုက် သူ၊ ယခု ဗိုလ်ချုပ် အောင်ဆန်းတဲ့။ ထိုအခါ ဗိုလ်တေဇ ဟုလည်း ခေါ်သည်။ နာမည်က မတွင်၊ ဗိုလ်အောင်ဆန်း နာမည် ကသာ သမိုင်း တွင်သွားသည်။
ခရစ်ယာန် ဘုရားရှိခိုးကျောင်းအနီးရှိ ပတ်ခ်ဟိုတယ်တွင် ကျနော်မတည်း၊ လူများနေသည်။ ကျနော်နှင့် ကျောင်းနေဖက် ကိုထွန်းလှ ခေါ်သွားသော လန်ကတ်စတာ လမ်းရှိ ထရီနီတီ ဂေဟာဟု ခေါ်သော အမျိုးသမီးဆောင်သို့ ရောက်သွားသည်။ အမျိုးသမီး ဆောင်တွင် တနင်္သာရီဘက်တွင် ရောက်ရှိနေသော ဗမာ့လွတ်လပ်ရေး တပ်မတော် ချီတက်ရာ လမ်းကြောင်းရှိ အုပ်ချုပ်ရေးဖွဲ့လျှင် သုံးရန် ခေါ်လာသော တက္ကသိုလ် ကျောင်းသားများ စုနေသည်။ ဘော်ဒါဆောင် သဘော။ ကျနော် အဲ သည်မှာ တည်းလိုက်သည်။ ကျနော့်အတွက် စန္ဒရားတလုံး ယူပေးထားသည်။ အတော်ပဲ။
(ခ)
တညနေတွင် ကိုအောင်ဆန်း ဆေးရုံတက်နေသည်ဆို၍ သွားကြည့်ရန် ကျနော့်ကို လာခေါ်ကြသည်။ သူတို့ကတော့ သခင်သန်းထွန်း၊ ကိုဗဟိန်း၊ ဗိုလ်လက်ျာ၊ ကိုကျော်ငြိမ်းတို့ ဖြစ်ကြသည်။ အခန်းကျယ်ကြီး ထဲတွင် ဗိုလ်အောင်ဆန်းကို ခုတင် တလုံးနှင့် တွေ့ရသည်။ သူတို့က ကျနော့်ကို ‘ခင်ဗျား လူကြီး ကြည့်လုပ်ဦးဗျ၊ ကြည်တိုက်မှ ဆေးသောက်မယ် ဖြစ် နေတယ်ဗျ’ ဟု သူ့ဇာတ်လမ်းကို ပြောပြကြသည်။ ကိုအောင်ဆန်းကတော့ မထုံတက်သေး။ ကျနော်ကတော့ ပြုံးလိုက်မိ သည်။
‘ခင်ဗျားနဲ့ မိတ်ဖွဲ့ပေးရမယ်ဗျ၊ လာ၊ မခင်ကြည်နဲ့ မိတ်ဖွဲ့ပေးရမယ်၊ အပေါ်ဆုံးထပ်မှာ နေတယ် လာ’ ဟု တယောက်က ပြော၍ ကျနော်တို့ လူစုသည် ဆေးရုံကြီး လုပ်ထားရာ အပေါ်ထပ်သို့ တက်သွားကြသည်။ (ဒိုင်အို မိန်းကလေးကျောင်းကို စစ်အတွင်းက ပြည်သူ့ဆေးရုံ အဖြစ် ပြုလုပ်ထားသည်) သုံးထပ်တွင်ဖြစ်မည် ထင်သည်။
အထဲရောက်သောအခါ ဆရာမ မခင်ကြည်နှင့် မိတ်ဆက်ပေးသည်။ ဧည့်ခန်းတွင် စန္ဒရားကြီး တလုံးရှိသည်။ ‘တယောက် ကို သီချင်း ဆိုခိုင်းရမယ်ဗျ၊ ခင်ဗျားတီး’ ကျနော့်ကို စန္ဒရားရှေ့သို့ပို့လိုက်သည်။ မခင်ကြည်က အခန်းထဲ ပြန်ဝင်သွားသည်။ စန္ဒရား ခလုပ်များကို ကျနော် စမ်းကြည့်လိုက်သည်။ တီးလို့မရ၊ အသံများ ပျက်နေသည်။ ကြိုးညှိမထားသဖြင့် ဘယ်လိုမှ တီး၍မရ၊ ကျနော်ကလည်း ဇီဇာကြောင်သည်။ စန္ဒရား အသံကောင်းကောင်းမှ တီးချင်သည်။
‘လုပ်လေဗျာ၊ သီချင်း တပုဒ်’ တယောက်က ပြောလိုက်သည်။
‘တီးလို့ မရဘူးဗျ၊ ကြိုးကျနေတယ်၊ တီးရင် အသံကြောင်တယ်’ သူတို့က နားမလည်။ ထို့နောက် ကော်ဖီများ ရောက်လာသည်။ ကိုအောင်ဆန်း၏ ချစ်သူ မခင်ကြည်က ပြန်ထွက်မလာ။ ကျနော် ကောင်းစွာ မှတ်မိနေသည်။ ထို့နောက် ကျနော် တို့ ပြန်ခဲ့ကြသည်။ သူတို့ အသိုင်းအ၀ိုင်းတွင် ကျနော် တယောက်သာ စန္ဒရားတီးတတ်၍ ကျနော့်ကို မကြာခဏ တီးခိုင်း သည်။ မခင်ကြည် ပြန်ထွက် မလာသည်ကို သတိပြုမိသည်။ ရှက်နေဟန် တူသည်။ ကျနော်တို့ လူစုမှာ အသက်ပင် ၃၀ မ ကျော်သေး။ ကျနော်က သည်အသိုင်းအ၀ိုင်း ထဲတွင် အသက်အငယ်ဆုံး။ ထိုအခါက အသက် ၂၂၊ ကိုအောင်ဆန်းက ၂၆ နှစ်၊ ကိုကျော်ငြိမ်း၊ သခင်သန်းထွန်း၊ ကိုဗဟိန်း တို့ကလည်း ကျနော့်ထက် ကြီးကြသူများ ဖြစ်သည်။
မခင်ကြည်ကို ကျနော်က ကြည့်ကောင်းသူဟု ခံစားမိသည်။ မျက်ခုံးမွှေး ထူထူ၊ မျက်နှာထားလည်း ချိုသည်။ ကြည်လင် ချိုမြ၊ လှေကားထစ်မှ ကျနော်တို့ ဆင်းလာသောအခါ ချောသားပဲဗျ၊ ကိုအောင်ဆန်း ရွေးတာမဆိုးဘူး’ ဟု ကျနော်က ပြောလိုက်သည်။ သူတို့ကလည်း တယောက်တပေါက် ပြောကြပြန်သည်။
ထိုအခါက ကျနော်တို့သည် ငယ်ရွယ်သူများ ဖြစ်သည်။
(ဂ)
ကိုအောင်ဆန်း ပြည်သူ့ဆေးရုံကြီးမှ မခင်ကြည်ကို လက်ထပ်မည် ဟူသော သတင်းမှာ ကျနော်တို့ အသိုင်း အ၀ိုင်းတွင် ပျံ့နှံ့ သွားသည်။ ယင်းသို့ ဂျပန်ဝင်စက ကျနော်တို့ အသိုင်းအ၀ိုင်းမှာ တယောက်ပြီး တယောက် လက်ထပ် သွားကြသည်။ ပထမဦးဆုံး လက်ထပ်သူက ကိုလှအောင်၊ သူက ဖျာပုံသူ သန်းသန်းနှင့် လက်ထပ်သည်။ မင်္ဂလာလက်ထပ် ထမင်းစားပွဲ တွင် ကျနော် စန္ဒရားတီးသည်။ လူများများမဟုတ်၊ ကျနော်တို့ အသိုင်းအ၀ိုင်းသာ။ ဗိုလ်လက်ျာ ရွှေတောင်ကြားရှိ ဧည့် ခန်းဆောင်တွင် ကျနော်တို့ လူစု စုဝေးနေကြသည်။ ကျနော်ရောက်သည့် အချိန်တွင်တော့ ထိုအခါက နာမည်ကျော်ကြား နေသော စန္ဒရားဆရာ စိန်ဝေလျှံက တီးနေသည်။ ကိုအောင်ဆန်းက ကျနော် ရောက်ပြီးမကြာခင် စိန်ဝေလျှံရှိရာသို့ သွား ကာ ‘ခဏနေဦးဗျ၊ ဌေးမြိုင် စန္ဒရားတီးမလို့’ ဟု ပြောလိုက်သည်။ ကျနော် အံ့ဩသွားသည်။ ဘယ်နဲ့ဗျာ တယောက်တီး နေစဉ် သီချင်းမဆုံးခင် ရပ်ခိုင်းရသည်လို့။ ကျနော် မအံ့ဩတော့ ကိုအောင်ဆန်း က သည်လိုလူမျိုး။
လွန်ခဲ့သော တပတ်ခန့်ကပင် သခင်မြအိမ်ရှိ စန္ဒရားကို ကျနော်တီးနေစဉ် ကိုအောင်ဆန်း စစ်ဝတ် စစ်စားနှင့် ၀င်လာသည် ကျနော် ဘေးတွင် ကိုထွန်းလှက သီချင်းဆိုနေသည်။ ‘သည်လို အခါမျိုးမှာ ချစ်ကြမယ် ကြင်နာကြမယ် သီချင်းက မဟန်ဘူးဗျ’ ဟု ကျနော့်ကို ကြည့်ကာ ပြောလိုက်သည်။
ကျနော်က ပထမတော့ သူ့ကိုလှမ်းကြည့်ရင်း ဘယ်လိုလူပါလိမ့်ဟု တွေးမိသည်။ ကျနော် ဆက်တီးသည်။ ကိုအောင်ဆန်း ကလည်း ဆက်ပြောသည် မဟုတ်။ ချက်ချင်း ဒေါက်ဒေါက်နှင့် အပြင်သို့ ထွက်သွားသည်။ ဟောအခုကျတော့ ကျနော့်ကို အတင်း တီးခိုင်းပြန်သည်။ ကျနော်က မတီးချင်၊ မတီးချင်သည်မှာ အခြားမဟုတ် စိန်ဝေလျှံ တီးနေသည်ကို ရပ်ခိုင်း၍ ကျ နော့်ကို တီးခိုင်းသည်ကို ကျနော်မကြိုက်။ သူကတော့ မရ။ ကျနော်က ထိုင်နေရာမှ မထသည်ကို လက်နှင့်ခေါ်ပြီး အတင်း လုပ်ပါဦးဗျ။ ကဉ္စန သီိချင်းဟု ဆိုလိုက်သည်။ အားလုံးပျော်ပျော်ပါးပါး ကျနော် သီချင်းတီးလိုက်သည်။ ဖန်ခွက်ထဲတွင် ရွှေရောင်တ ဖျတ်ဖျတ် ဆာကေးနံ့ တသင်းသင်း။
အပေါင်းအသင်းများမှာ ကသူ က။ ဦးဘဂျမ်းက ဖိုးဝရုပ်ကြီးကဲ့သို့ တလှုပ်လှုပ်၊ တယောက်ပြီး တယောက် လက်ထပ်သွား ကြသည်ကို ကျနော် အံ့ဩနေသည်။ သခင်ချစ်၊ ကျောင်းဆရာ သခင်ချစ်က သူ့တပည့်မလေး ခင်သန်းညွန့်နှင့် လက်ထပ် သည်။ သည်လူတွေ ဘယ်လို လူတွေလဲ။ ကျနော် တွေးမိသည်။ သူတို့ကို ကောင်းစွာနားမလည်။ ကျနော့်ကိုလည်း တ ယောက်ယောက်နှင့် စနေကြသည်။ အဆိုးဆုံးက ဗိုလ်စင်္ကြာ၊ သူက ကျနော့် စန္ဒရားလက်သံကို သဘောကျနေသည်။ သူ့ အိမ်ရှိ ပြင်သစ်ပလေရယ် သုံးချောင်းထောက် စန္ဒရားကြီး၊ ဂရင်းပီယာနို ကျနော်ပဲ တီးရသည်။ သူနှင့် အတူနေသူ ဂျော်ဂျီ ကိုတင်အောင်က အင်္ဂလိပ် သီချင်းကြီးများကို ကောင်းစွာ တီးတတ်သူ၊ ဗမာသီချင်းတော့ သူ မတီးတတ်၊ ကိုတင်အောင် မှာ ၁၉၃၆ က အိုးဝေမဂ္ဂဇင်း ကော်မတီတွင် ပါသူ၊ (နောက်ပိုင်းတွင် ကိုတင်အောင်သည် မခင်ကြည်၏ ညီမ အမာနှင့် လက်ထပ်သွားသည်) ကျနော်ကတော့ ကိုအောင်ဆန်း လှော်တာ ဖြစ်မှာပဲဟု တွေးမိသည်။ ဟုတ်မဟုတ်တော့ မသိ။
ထိုအခါက ကျနော်သည် ရွှေတောင်ကြားရှိ ဗိုလ်လက်ျာအိမ်မှ စန္ဒရားကို တီးဖြစ်သည်။ ရွှေတောင်ကြားရှိ ဗမာ့ လွတ်လပ်ရေး တပ်မတော် အရာရှိကြီးများ နေထိုင်သော အိမ်တိုင်းလိုလို စန္ဒရားရှိသည်။ သို့သော် တီးသူက မရှိ။ ကျနော်ကို သူတို့ က မျှော်တတ်ကြသည်။ ကျနော် ဗိုလ်လက်ျာအိမ်မှ စန္ဒရားကို သိပ်ကြိုက်သည်။ အသံက ချိုသည်။ ကျနော် တီးနေစဉ် ကိုအောင်ဆန်း ကားကြီးနှင့် ရောက်လာသည်။ ထိုအခါက ဗိုလ်လက်ျာ အိမ်တွင် ကိုဗဟိန်းနေသည်။
‘ကိုဗဟိန်း ဘယ်မလဲဗျ’ ဟု ကျနော်ကို လှမ်းမေးမှ စန္ဒရားကိုရပ်ကာ ‘မရှိဘူး ကိုအောင်ဆန်း ကိုဗဟိန်း အပြင်ထွက်သွားတယ်’
‘လာဗျာ ကျနော်နဲ့ လိုက်ခဲ့စမ်းပါ မဂိုလမ်းမှာ ပလာတာ သွားစားရအောင်’ ဟု ရပ်ရင်းပြောသည်။ ‘နေပါဦးဗျ ဖြည်းဖြည်း ပေါ့’ ကျနော်က မဂိုလမ်းကို ပလာတာ သွားစားမည်ကို သိပ်မကြိုက်၊ သူက ဗိုလ်ချုပ်ဖြစ်ပြီ မဟုတ်လား၊ သည်နေရာမျိုးကို တယောက်တည်း မသွားသင့်ဟု ထင်သည်။ ကျနော်က သိပ်မလိုက်ချင်၊ သူထိုင်ပြီးနောက် ကျနော်တို့ နှစ်ယောက်စကား တပြောပြော၊ သူက လက်ထပ်မည်အကြောင်း ကျနော့်ကို ပြောသည်။ ‘ကျနော် သိနေတဲ့ ကိစ္စပဲ၊ အိမ်ထောင်မှုဆိုတာ လည်း အနုပညာ ရှိတယ်ဗျ’ ဟု သူက ကျနော်ကို အင်္ဂလိပ်ဘာသာဖြင့် ပြောလိုက်သည်။
ကိုအောင်ဆန်းက အင်္ဂလိပ်လို တခါတရံပြောတတ်သည်။ ကျနော်က ပြုံးလိုက်သည်။ ကျနော်က အနုပညာသမား ဆို၍ ကျနော်ကို သည်စကား ပြောခြင်းဖြစ်မည်။ ကျနော်တို့ စကား ပြောလိုက်သည်မှာ အတော်ကြာသွားပြီ။ သူလည်း ပလာတာ စားချင်စိတ် ပျောက်သွားပြီလား မသိ၊ ကျနော့်ကို မခေါ်တော့။
မကြာမီပင် ပြည်သူ့ဆေးရုံကြီး ဧည့်ခန်းအောက်ထပ်တွင် လက်ထပ်ပွဲ ကျင်းပသည်။ ထိုအခါကတော့ ဗိုလ်ချုပ်အောင်ဆန်း လက်ထပ်သည့် သတင်းမှာ ဟိုးဟိုးကျော်သွားသည်။ ကိုအောင်ဆန်း လက်ထပ်သွားသည်။ လက်မထပ်ခင် ၂ လ လောက်ကလား မသိ၊ သူနှင့် ကျနော်တို့ အတူ နေကြသေးသည်။
ပထမ ကျနော် ဗိုလ်ဇေယျအိမ်တွင် နေသည်။ ဗိုလ်ဇေယ အထက်ဗမာပြည် စစ်ထွက်သွားပြီး သခင်တင်ဦးနှင့် ကျနော်တို့ ကိုအောင်ဆန်းအိမ်သို့ ပြောင်းသွားကြသည်။ ကိုအောင်ဆန်းက သူနှင့်အတူ လာနေရန်ခေါ်သဖြင့် ပြောင်းသွားကြခြင်း ဖြစ်သည်။ လက်ထပ်အပြီးတွင် ရွှေတောင်ကြားရှိ အမြောက် ၂ လက်နှင့် အိမ်မှ အင်းလျားကန်ဘေးရှိ တထပ်အိမ်လေးသို့ ပြောင်းသွားသည်။ ထိုအခါက အရေးတော်ပုံ ရာဇ၀င် အမည်ရှိ စာအုပ်တအုပ် ရေးနေသည်။ ယင်းစာအုပ်ကို ကိုဗဟိန်းက တော့ ကျနော့်ကိုသာ ရေးစေသည်။ ရေးစေလိုသည်မှာ အခြားအကြောင်းမဟုတ်၊ ဂျပန်သို့ သွားသည့်အကြောင်း။
ကျနော်က ရဲဘော်သုံးကျိပ်ဝင်များကို လိုက်မေးရသည်။ ထိုအခါကတော့ ဗိုလ်ရန်အောင်နှင့်သာ မေးရသည်။ ယင်းစာအုပ် ရေးသည့် ကိစ္စနှင့်ပတ်သက်၍ ကျနော် ကိုအောင်ဆန်းထံ သွားသည်။ သူက လက်ထပ်ခါစ အင်းလျားကန်ဘေးရှိ အိမ်တွင် နေသည်။ သခင်တင်ဦးနှင့် ကျနော်တို့ သွားကြသည်။ မခင်ကြည်နှင့် အတူတွဲ၍ အိမ်ပေါ်မှ ဆင်းလာကြသည်။
ကျနော်တို့သည် ဆင်ဝင်မှနေ၍ အိမ်ထဲသို့ဝင်ပြီး စကားပြောကြသည်။ သူတို့နှစ်ယောက် ရွှင်ပျနေသည်ကို ကျနော်သတိ ထားမိသည်။ ကိုအောင်ဆန်းသည် ယခင်လို ရှုသိုးသိုး မျက်နှာမျိုး မဟုတ်တော့။ ယခုတော့ ပြုံးစစ၊ ချိုမြမြ၊ မခင်ကြည်ကို လည်း ကျနော်က ယခင်က ထင်ထားသည့်အတိုင်း ချောမောသူဟု နားလည်ထားသည်။ သခင်တင်ဦးနှင့် ကျနော်တို့ နှစ် ယောက်သည် ကိုအောင်ဆန်းတို့ လင်မယား အိမ်မှ ပြန်လာကြသည်။
သခင်တင်ဦးနှင့် ကျနော်က စာအုပ်အကြောင်းလည်းတွေး၊ ကိုအောင်ဆန်းတို့ အကြောင်းလည်းတွေး။ သူ့ဘ၀ ဆန်းသစ် လာပြီဟု ကျနော်က တွေးနေသည်။ ကျနော်တို့ အသိုင်းအ၀ိုင်းတွင် သူကတမျိုး၊ မျက်မှောက်ကြုတ်ကြုတ်၊ သူက လွတ်လပ်ရေး အကြောင်းကိုသာ တွေးနေသည်။ ယခု အိမ်ထောင်ကျပြီ ဆိုတော့ သူ၏ ဘ၀သည် ရွှန်းပလာပြီဟု ကျနော်က တွေးနေမိသည်။
ထိုကာလက ကျနော်တို့၏ အသိုင်းအ၀ိုင်းများဖြစ်သော ဗိုလ်ဇေယျ စသူတို့လည်း လက်ထပ် သွားကြသည်။ သခင်သန်းထွန်းက မခင်ကြည် အမနှင့် လက်ထပ်သွားသည်။ ဗိုလ်ဇေယျမှာ ၁၉၃၉ မန္တလေး အရေးတော်ပုံတွင် ပုလိပ်များ ပစ်ခတ်မှု ကြောင့် ဒဏ်ရာရ၍ ဆေးရုံ တက်နေစဉ်က ပန်းသီး လာပေးသော ကျောင်းသူလေးနှင့် လက်ထပ်လိုက်သည်။ ဗိုလ်လက်ျာ ကလည်း ပဲခူးသူ မခင်လှနှင့် လက်ထပ်သွားသည်။ အလှက ကျနော်နှင့် သီချင်းဆိုဖက်။
သူတို့ တယောက်ပြီးတယောက် လက်ထပ်သွားကြသည်ကို ကျနော် ဤသို့တွေးသည်။ ကျနော်က ကိုဗဟိန်း လက်ထပ်ပြီး စ စစ်မဖြစ်မီ ကာလက အိမ်ထောင်ရေး အကြောင်း ဆွေးနွေးဖူးသည်။ ကျနော် ကိုဗဟိန်း၏ အတွေး အခေါ်ကို မှတ်မိနေသည်။
ကိုဗဟိန်းက လက်ထပ်တယ်ဆိုတာ ဒုက္ခ သုတ်ခတွေကို ဝေမျှဖို့ပဲဗျဟု ပြောသည်။ ယခုလည်း သူတို့သည် ဖက်ဆက် ဂျပန်များနှင့် ပေါင်းရန် ရည်ရွယ်ချက်ရှိသည် မဟုတ်၊ သို့သော် သမိုင်းဆိုသည်က တမျိုး၊ ကိုအောင်ဆန်း သွားသည်က တရုတ်ပြည်၊ ကွန်မြူနစ် ပါတီနှင့် ဆက်သွယ်ရန် အမွိုင်သို့ သွားခြင်းဖြစ်သည်။ သို့သော် ‘သမိုင်း ကံကြမ္မာ’ ကြောင့် ဂျပန် သို့ ရောက်သွားကြသည်။ သူတို့ ဖက်ဆစ်များနှင့် မပေါင်းချင်သည်ကို ကျနော်သိနေသည်။ ထို့ကြောင့် သူတို့ စိတ်ဓာတ် ကျနေသည်ဟု ကျနော်တွေးသည်။ စိတ်ဓာတ် ကျသည့်အခါ မိမိ၏ စိတ်ဆင်းရဲမှုကို ဝေမျှမည် ချစ်သူကို တမ်းတမိသည်။ ထို့ကြောင့် သူတို့သည် တယောက်ပြီး တယောက် လက်ထပ်သွားကြသည်ဟု ယူဆမိသည်။ ကိုကျော်ငြိမ်းလည်း ဂျပန် ခေတ်ကတည်းက လက်ထပ်သွားသည်။ သူ့ဇနီး မနွယ်က ကျနော်နှင့် ကျောင်းနေဖက်။
လက်ထပ်ခြင်း ဆိုသည်မှာ မိမိတို့ ဘ၀၏ အဆိုးအကောင်း အတွေ့အကြုံကို ဝေမျှခံစားခြင်းဟု ယနေ့တိုင် တွေးနေသည် တယောက်တည်း စိတ်ဆင်းရဲခြင်းထက် မိမိ စိတ်ဆင်းရဲခြင်းကို ဝေမျှမည့် ချစ်သူနှင့် နေရခြင်းသည် စိတ်ချမ်းသာခြင်း ဖြစ်မည်။ ထို့ကြောင့်လည်း ကျနော်တို့ အသိုင်းအ၀ိုင်းက သူတို့သည် လက်ထပ်ကြလေသလား၊ အသက်ထက်ဆုံးပင် သူတို့ ဇနီးများနှင့် ပေါင်းသင်း နေထိုင်ကြသည့် အထောက်အထား ရှိကြသည်မှာ ထင်ရှားသည်။ သူတို့ လက်ထပ်သွားကြသော်လည်း သူတို့၏ မူလ ယုံကြည်ချက်သည် ပြောင်းလဲမသွား၊ ယင်းသည် ချစ်မေတ္တာစစ် မဟုတ်ပါလား။
ဒဂုန်တာရာ
၂၃-၂-၉၉
(ထုတ်ဝေခြင်း မပြုရသေးသည့် ချစ်ခြင်းမေတ္တာ စာအုပ်အတွက် ရေးသားပေးသည့် စာမူ ဖြစ်ပါသည်)
ပြည်သူ့ခေတ်ဂျာနယ် အတွဲ ၂ အမှတ် ၇၁ မှ …
Ref: နေ့သစ်
အနုပညာရှင်များ နိုင်ငံရေးနှင့် ဆက်နွှယ်၍ စုဝေးမှုရှိလာ
သဲသဲ
December 7, 2011
နိုင်ငံရေးကိစ္စနှင့် ဆက်နွှယ်၍ အနုပညာသမားများအား တစုတဝေးတည်း မြင်ရခြင်းမှာ ၁၉၈၈ ခုနှစ် နောက်ပိုင်းတွင် ယခု ကာလသည် ပထမဆုံး ဖြစ်သည်။
နိုဝင်ဘာ ၂၅ ရက်နေ့က ဂီတလောကသား ၅၀ ကျော်တို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ နေအိမ်တွင် သွားရောက် တွေ့ဆုံ၍ အမျိုးသား ဒီမိုကရေစီ အဖွဲ့ချုပ် (NLD) ပါတီ ရွေးကောက်ပွဲ အောင်နိုင်ရေးအတွက် ဆွေးနွေး ခဲ့ကြသကဲ့သို့ ဒီဇင်ဘာ ၃ ရက်နေ့က ရုပ်ရှင်မင်းသား၊ မင်းသမီး၊ ဒါရိုက်တာနှင့် စက်အဖွဲ့သား စုစုပေါင်း ၁၀၀ ကျော်တို့ ၎င်းနေအိမ်တွင် သွားရောက် စုဝေးကာ ၂၀၁၄ ခုနှစ်တွင် ကျရောက် လာမည့် ဗိုလ်ချုပ်အောင်ဆန်း နှစ် ၁၀၀ ပြည့် အထိမ်းအမှတ် အတ္ထုပတ္တိ ရုပ်ရှင်ရိုက်ကူးရေး ဆွေးနွေးခဲ့ ကြသည်။
ရုပ်ရှင်လောကသားများ ဒေါ်အောင်ဆန်းစုကြည် နေအိမ်တွင် စုဝေးမှုနှင့် ပတ်သက်၍ လူရွှင်တော် ဇာဂနာက ၎င်း၏ လူမှုကွန်ရက် တခုဖြစ်သော facebook စာမျက်နှာ၌ “အကယ်ဒမီပွဲထက် လူများတယ်” ဟု ရေးသားထားသည်။
ဒေါ်အောင်ဆန်းစုကြည်သည် အားလုံးချစ်သော ခေါင်းဆောင်တယောက် ဖြစ်သောကြောင့် ၎င်း၏ တက္ကသိုလ် ရိပ်သာလမ်း နေအိမ်၌ အနုပညာရှင်များစွာ သွားရောက် စုဝေးခဲ့ကြခြင်း ဖြစ်သည်ဟု ဒါရိုက်တာ ဝိုင်းက ဧရာဝတီသို့ ပြောသည်။
“ဂီတသမားတွေကလည်း ချစ်တယ်၊ ကျနော်တို့ ရုပ်ရှင် သမားတွေကလည်း ချစ်သလို ပြည်သူလူထု ကလည်း ချစ်တယ်လေ။ ဒါက ပြယုဂ်တခုပဲပေ့ါ။ ပြည်သူချစ်တဲ့ ခေါင်းဆောင်တယောက် ဆိုတာကတော့ ကျိန်းသေပါတယ်” ဟု သူက ဆိုသည်။
၎င်းအနေဖြင့် ယခုကဲ့သို့ တိုင်းပြည် ခေါင်းဆောင်တယောက်က တလေးတစားဖြင့် ဖိတ်ကြား တွေ့ဆုံသည်ကို တခါမျှ မကြုံဖူးခဲ့သည့် အတွက် ပီတိဖြစ်ရကြောင်း ဆက်ပြောသည်။
နိုဝင်ဘာ ၂၅ ရက်နေ့က ဒေါ်အောင်ဆန်းစုကြည်နှင့် သွားရောက် တွေ့ဆုံခဲ့သည့် ဂီတလောက သားများထဲမှ တဦး အပါအဝင် ဖြစ်သော အဆိုတော် ခင်ဘုဏ်းကလည်း “အမေနဲ့ တွေ့ရတဲ့ အတွက် အရမ်း ၀မ်းသာတယ်။ အမေ ရှိနေသေးတာ အရမ်း ကျေးဇူး တင်တယ်။ အဲဒီအတွက် အရမ်း ပျော်ပါတယ်။ ကျမတို့ စိတ်ထဲမှာတော့ အကုန်လုံးကို ကိုယ်စားပြုတဲ့ မိခင်တယောက်လို့ သတ်မှတ်တဲ့ အတွက် ဒီလိုမျိုး တလေးတစား သွားတွေ့ဆုံတာပါ” ဟု ဆိုသည်။
ရုပ်ရှင်နှင့် ဗီဒီယိုသရုပ်ဆောင် အကယ်ဒမီ နေတိုးက ရုပ်ရှင်လောကသည် ယခုလက်ရှိ အချိန်တွင် အလွန် နိမ့်ပါး နေသော အနေအထား ဖြစ်နေသည့်အတွက် နိုင်ငံတကာနှင့် ထိတွေ့ ဆက်ဆံကာ ရရှိလာမည့် အတွေ့အကြုံ များဖြင့်သာ တိုးတက် လာနိုင်မည့် အခွင့်အရေးကို မျှော်လင့်သောကြောင့် ဗိုလ်ချုပ်အောင်ဆန်း၏ အတ္ထုပ္ပတ္တိကို နိုင်ငံတကာမှ အကူအညီများ ယူပြီး ရိုက်ကူးမည့် အပေါ် ၀မ်းမြောက်ကြောင်း ဧရာဝတီကို ပြောသည်။
“ကျေနပ် ၀မ်းသာမိပြီး အားတွေရှိလာပါတယ်။ မြန်မာ့ရုပ်ရှင် လောကက တော်တော်လေးကို နိမ့်ပါးနေတဲ့ အနေအထားမှာ ရှိနေတာလေ။ ကျနော်တို့က အကူအညီတွေ အများကြီးယူပြီး လုပ်ရမှာ၊ လေ့လာမှုပိုင်းက အစ အကုန်လုံး ပြင်ဆင်သွားရမှာ ဆိုတော့ ဒီအခွင့်အရေးက ကျနော်တို့ ရုပ်ရုပ်တလောက လုံးကို တော်တော်လေး အားတွေ ရှိလာစေပါတယ်” ဟု သူက ဆိုသည်။
အဆိုပါ ဇာတ်ကား ရိုက်ကူးမှုအတွက် ငွေကြေးပိုင်းဆိုင်ရာ လိုအပ်ချက်များကို ဒါရိုက်တာ မောင်မျိုးမင်း ဦးဆောင်သော နှင်းဆီအငြိမ့် အဖွဲ့သားများ ပြန်လည်စည်းရုံးကာ ဖျော်ဖြေပွဲ တရပ်ပြုလုပ်၍ ပံ့ပိုးသွားရန် ဆွေးနွေး ဖြစ်ခဲ့ကြောင်း၊ ၎င်းအနေဖြင့် အဆိုပါ ဇာတ်ကား ရိုက်ကူးမည် ဆိုလျှင် လိုအပ်သည့် နေရာမှ သရုပ်ဆောင်ပေးရန် အဆင်သင့် ရှိနေကြောင်း နေတိုးက ပြောသည်။
လာမည့် ၂၀၁၂ ခုနှစ် မတ်လတွင် ရန်ကုန်မြို့ သုဝဏ္ဏ မိုးလုံလေလုံ အားကစားရုံ၌ နှင်းဆီ အဖွဲ့သားများက ဖျော်ဖြေပွဲတရပ် ပြုလုပ်ရန် စီစဉ်ထားပြီး ယင်းဖျော်ဖြေပွဲမှ ရရှိသည့် ၀င်ငွေအားလုံးကို ဗိုလ်ချုပ်အောင်ဆန်း၏ အတ္ထုပ္ပတ္တိ ရုပ်ရှင် ရိုက်ကူးရန် ရန်ပုံငွေအဖြစ် လှူဒါန်းသွားမည် ဖြစ်ကြောင်း ၎င်းက ဆိုသည်။
လတ်တလောတွင်လည်းလည်း ဂီတပညာရှင်များ၏ လှုပ်ရှားမှုတခု အနေဖြင့် အနုပညာရှင် အများစု ပါဝင်တီးခတ် သီဆိုထားကာ လူထု စိတ်ဓာတ်ခွန်အား ဖြစ်စေသည့် သီချင်းများ ပါဝင်သော တေးစီးရီး စီဒီ နှစ်ချပ်စာကို ဒေါ်အောင်ဆန်းစုကြည်၏ လမ်းညွှန် စီစဉ်မှုဖြင့် လုပ်ဆောင်နေကြောင်း၊ တချိန်က ထင်ရှားခဲ့သော ဇာတိမာန် နိုးကြားစေသည့် တေးသီချင်းတချို့ ကိုလည်း ပြန်လည် ထည့်သွင်း သီဆို သွားမည်ဖြစ်ကြောင်း သိရသည်။
Ref: ဧရာဝတီ
NLD ပါတီကို ပြန်သွားတော့မယ့် လွှတ်တော်အမတ် ဦးကြည်မြင့်
2011-12-07
အမျိုးသားဒီမိုကရေစီ အဖွဲ့ချုပ် ပါတီ မှတ်ပုံတင်ခွင့် ရပြီးရင် အင်န်အယ်လ်ဒီ ပါတီဝင် အဖြစ် ပြန်လည် လျှောက်ထားဖို့ ဆုံးဖြတ် လိုက်ပြီလို့ လွှတ်တော် အမတ် ဦးကြည်မြင့်က အာရ်အက်ဖ်အေကို ပြောပါတယ်။
ဦးကြည်မြင့်ဟာ ရန်ကုန်တိုင်း ဒေသကြီး လသာမြို့နယ်က ၂၀၁၀ ရွေးကောက်ပွဲမှာ ရွေးချယ် တင်မြှောက်ခံခဲ့ရတဲ့ ပြည်သူ့လွှတ်တော် အမတ်ဖြစ်ပါတယ်။
အမျိုးသား ဒီမိုကရေစီ အဖွဲ့ချုပ်က ပါတီ ပြန်လည် မှတ်ပုံတင်ပြီး ရွေးကောက်ပွဲဝင်ဖို့ ဆုံးဖြတ်လိုက်ပြီး နောက်ပိုင်းမှာ ပြန်လည် ပါတီဝင်ဖို့ ဆုံးဖြတ်ခဲ့တာလို့ ပြောပါတယ်။
ဦးကြည်မြင့်ဟာ အမျိုးသား ဒီမိုကရေစီ အဖွဲ့ချုပ် အဖွဲ့ဝင်ဟောင်း ဖြစ်ပြီး ၂၀၁၀ ရွေးကောက်ပွဲ မတိုင်မီ အမျိုးသား ဒီမိုကရေစီ အင်အားစု NDF ပါတီ ၀င်ခဲ့ပါတယ်။ အဲဒီနောက် အမျိုးသား ဒီမိုကရေစီသစ် ပါတီဝင် အဖြစ် ရပ်တည်ခဲ့ပါတယ်။
၂၀၁၀ ရွေးကောက်ပွဲ မ၀င်ခင် အင်န်အယ်လ်ဒီကနေ လမ်းခွဲခဲ့ပေမယ့် "အကြွင်းမဲ့ ပါတီဝင်"အဖြစ် ပြန်လည် ရပ်တည်သွားမယ့် အကြောင်း၊ အင်န်အယ်လ်ဒီ ပါတီက ထွက်ခဲ့အပြီး မိမိဝင်ခဲ့တဲ့ တခြားပါတီတွေ အတွင်း ဆွေးနွေးပွဲတွေမှာလည်း တကယ်လို့ အင်န်အယ်လ်ဒီ ရွေးကောက်ပွဲ ၀င်တဲ့ အချိန်ကျရင် ပူးပေါင်းသွားဖို့ သဘောတူခဲ့တာတွေ ရှိခဲ့ဖူးတယ်လို့ ဦးကြည်မြင့်က ပြောပါတယ်။
Ref: RFA News
ဝါရင့်နိုင်ငံရေးသမားကြီး သခင်လှကွန်း ကွယ်လွန်
2011-12-07
မြန်မာ့နိုင်ငံရေး သမိုင်းမှာ ပါဝင်လှုပ်ရှား ဆောင်ရွက်ခဲ့သူ ဝါရင့် နိုင်ငံရေးသမားကြီးများ အဖွဲ့ဝင် သခင်လှကွန်း ဒီဇင်ဘာလ ၄ ရက် မနက်က ရန်ကုန်မြို့ နေအိမ်မှာ ကွယ်လွန်သွားခဲ့ပြီး ဒီဇင်ဘာ ၆ ရက် မနေ့က ဈာပန ပြုလုပ်ခဲ့တယ်လို့ သိရပါတယ်။
မနှစ်က အာရ်အက်ဖ်အေနဲ့ ဆက်သွယ်မေးမြန်းခန်းမှာ မြန်မာနိုင်ငံမှာ အမျိုးသား ပြန်လည်သင့်မြတ်ရေး လမ်းစ ပေါ်လာခဲ့တဲ့ အတွက် ၀မ်းမြောက်ကြောင်း ပြောကြားခဲ့ဖူးပါတယ်။
မြန်မာ့ လွတ်လပ်ရေး ကြိုးပမ်းမှု တော်လှန်ရေး ကာလမှာ ပါဝင်လှုပ်ရှားဆောင်ရွက်ခဲ့ပြီး နိုင်ငံရေးကိစ္စတွေမှာ ပါဝင် ဆောင်ရွက်ဆဲ သက်ရှိထင်ရှား သခင်ကြီးများထဲမှာ သခင်သိန်းမောင်၊ သခင်သိန်းဖေ၊ သခင်ချန်ထွန်းနှင့် သခင်တင်မြတို့သာ ကျန်ပါတော့တယ်။
စာရေးဆရာ သတင်းစာဆရာ တစ်ဦး အဖြစ်လည်း ထင်ရှားခဲ့တဲ့ သခင်လှကွန်းဟာ ကွယ်လွန်ချိန်မှာ အသက် ၉၀ ရှိပြီလို့ သိရပါတယ်။
Ref: RFA News
မြန်မာအတွက် အမေရိကန်နဲ့ တရုတ် ထိပ်တိုက် မတွေ့လို
2011-12-07
မြန်မာနဲ့ ပတ်သက်လာရင် အမေရိကန်နဲ့ တရုတ် ထိပ်တိုက် ရင်ဆိုင် မတွေ့ဘဲ ညှိနှိုင်း ဆွေးနွေးယူကြမယ့် သဘော တွေ့ရတယ်လို့ တရုတ်နိုင်ငံ အခြေစိုက် ဗမာပြည် ကွန်မြူနစ် ပါတီရဲ့ ပြောခွင့်ရ ပုဂ္ဂိုလ် ရဲဘော် ဖိုးသံချောင်းက ပြောပါတယ်။
အမေရိကန် ပြည်ထောင်စု မြန်မာနိုင်ငံ ဆိုင်ရာ အထူး ကိုယ်စားလှယ် Derek Mitchell ရဲ့ ဒီဇင်ဘာလ ၈ ရက်က ၁၃ ရက် အထိ အာရှနိုင်ငံကြီး သုံးနိုင်ငံကို သွားပြီး မြန်မာ့အရေး ဆွေးနွေးမယ့် ခရီးစဉ်မှာ တရုတ်နိုင်ငံ ပါဝင်တာကို ကြည့်ပြီး အဲဒီလို ပြောလိုက်တာပါ၊
Mr. Mitchell ဟာ ဒီဇင်ဘာလ ၁၂ ရက်မှာ တရုတ် နိုင်ငံကို ရောက်မယ်လို့ သိရပါတယ်။
သူ့ခရီးစဉ် မတိုင်ခင် တရုတ် နိုင်ငံကို သွားခဲ့တဲ့ မြန်မာ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ရဲ့ ခရီးစဉ်မှာ ၂၀၁၃ ကျရင် တရုတ်နိုင်ငံ သမ္မတ ဖြစ်လာဖို့ လျာထား သတ်မှတ်ခံရတဲ့ လက်ရှိ ဒု-သမ္မတ ရှီကျင်ဖင်နဲ့ တွေ့ဆုံပြီး နှစ်နိုင်ငံ စစ်ရေး ပူးပေါင်း ဆောင်ရွက်မှုတွေ တိုးမြှင့် လုပ်ဆောင်သွားဖို့ သဘောတူ စာချုပ် ချုပ်ဆိုခဲ့ပါတယ်။ အဲဒါကို ကြည့်ရင် အမေရိကန်နဲ့ ဆက်ဆံရေးဟာ တရုတ်ကို ထိခိုက်မှု ရှိမှာမဟုတ်ဘူး ဆိုတဲ့ အကြောင်း သွားရောက် ရှင်းပြတာ ဖြစ်မယ်လို့ ထင်ကြောင်း ရဲဘော်ဖိုးသံချောင်းက ပြောပါတယ်။
Derek Mitchell ရဲ့ခရီးစဉ်မှာ တရုတ်အပြင် တောင်ကိုးရီးယားနဲ့ ဂျပန် နိုင်ငံတွေလည်း ပါဝင်ပါမယ်။
Ref: RFA News
Eleven Media Group ၂၀၁၁ သတင်းမီဒီယာဆုရရှိ
ကိုသားညွန့်ဦး
ဗုဒ္ဓဟူး, 07 ဒီဇင်ဘာ 2011
ပြင်သစ်အခြေစိုက် RSF နယ်စည်းမခြားသတင်းထောက်များအဖွဲ့ရဲ့ ၂၀၁၁ ခုနှစ် အကောင်းဆုံး သတင်း မီဒီယာဆုကို မြန်မာနိုင်ငံ တွင်းက Eleven Media Group က ရရှိ သွားပါတယ်။ ဒါဟာ မြန်မာနိုင်ငံတွင်း သတင်း လွတ်လပ်ခွင့်တွေ ပိုရလာစေဖို့ ရည်သန်တာ ဖြစ်တယ်လို့ RSF က ဆိုသလို ဒီဆုကြောင့်မို့ မြန်မာနိုင်ငံ အတွင်း သတင်းလွတ်လပ်ခွင့် ကြိုးပမ်းနေသူ အားလုံး အတွက်လည်း အားတက်စရာ ဖြစ်စေမယ်လို့ ဆုလက်ခံ ရရှိသူတွေက ပြောပါတယ်။ ကိုသားညွန့်ဦးက စုံစမ်းမေးမြန်း တင်ပြထားပါတယ်။
၂၀၁၁ ခုနှစ်အတွက် တစ်နှစ်တာ အကောင်းဆုံး သတင်းမီဒီယာဆုကို နိုင်ငံအရပ်ရပ်က သတင်း မီဒီယာ ၆ ခုကို ဇကာတင် ရွေးချယ်ပြီးတဲ့နောက် မနေ့ညနေပိုင်း ဆုပေးပွဲ ကြေညာရာမှာ အဲဒီအထဲက Eleven Media Group က ရရှိသွားတာ ဖြစ်ပါတယ်။ တစ်နှစ်တာ အကောင်းဆုံး သတင်းသမား ဆုကိုတော့ ဆီးရီးယားနိုင်ငံက ကာတွန်းဆရာ တစ်ဦး ရရှိသွားပါတယ်။
ကန့်သတ်မှုတွေကြားကနေ မြန်မာပြည်တွင်းသတင်းတွေကို ရဲရဲဝံ့ဝံ့ ရေးသားဖော်ပြခဲ့တဲ့ အတွက် တစ်နှစ်တာ အကောင်းဆုံး မီဒီယာဆုကို Weekly Eleven News ကို ရွေးချယ်ခဲ့တာ ဖြစ်တယ်လို့ RSF အာရှ ပစိဖိတ်ဆိုင်ရာ တာဝန်ခံ Benjamin Ismail က ဗွီအိုအေကို ပြောပါတယ်။
“အခု ၂၀၁၁ ခုနှစ် မီဒီယာဆုကို Eleven Media Group က Weekly Eleven News က ရရှိသွား ပါတယ်။ မြန်မာနိုင်ငံတွင်း သတင်း အဖြစ်အပျက်တွေကို သတင်းပေးပို့တဲ့ နေရာမှာ အစိုးရဘက်က ဖိနှိပ်မှုတွေ၊ ကန့်သတ်မှုတွေ ကြားကပဲ Weekly Eleven News က သတ္တိရှိရှိနဲ့ ရေးသားဖော်ပြခဲ့တဲ့ အပေါ်မှာ ဆုံးဖြတ်ပြီး ရွေးချယ်ကြတာပါ”
ဒီဆုကိုတော့ Weekly Eleven News ဂျာနယ်က အယ်ဒီတာချုပ် ကိုဝေဖြိုးနဲ့ Eleven Media Group က Premier Eleven Sports Journal တာဝန်ခံ အယ်ဒီတာ ကိုမြတ်ထွဋ်ဝင်းတို့ လက်ခံယူခဲ့ပါတယ်။ ဒီဆုကြောင့် မြန်မာပြည်တွင်း သတင်း လွတ်လပ်ခွင့်တွေ အတွက် အနစ်နာခံ ကြိုးပမ်းသူတွေ အားလုံး အတွက် အားတတ်စရာ ဖြစ်စေလိမ့်မယ်လို့ Weekly Eleven News အယ်ဒီတာချုပ် ကိုဝေဖြိုးက ဗွီအိုအေကို ပြောပါတယ်။
“မြန်မာနိုင်ငံသတင်းမီဒီယာတစ်ခုကို ဒီလို ဆုပေးလိုက်တဲ့အတွက် ဝမ်းလည်းဝမ်းသာပါတယ်။ ဂုဏ်လည်း ဂုဏ်ယူပါတယ်။ ကျနော်တို့ နိုင်ငံရဲ့ ပြောင်းလဲ တိုးတက်မှုတွေအတွက် နည်းမျိုးစုံနဲ့ အနစ်နာခံခဲ့တဲ့၊ အဆုံးရှုံး ခံခဲ့ကြတဲ့သူတွေ ကိုယ်စား ကျနော်တို့ Eleven Media Group က ဒီဆုကို ကိုယ်စား ယူတယ်လို့ပဲ ယူဆပါတယ် ခင်ဗျ။ ပြည်တွင်း မီဒီယာတစ်ခု အနေနဲ့ ကျနော်တို့ နိုင်ငံအတွက် စတုတ္ထ မဏ္ဍိုင် မီဒီယာတခုအနေနဲ့ သေချာပီသစွာ ကျနော်တို့နိုင်ငံ အပြောင်းအလဲအတွက် ကျနော်တို့ တတ်နိုင်တဲ့ ဘက်က ဆောင်ရွက်သွားဖို့ ရှိပါတယ်။ ဒီလိုဆောင်ရွက်နေတဲ့ ကာလမှာလည်း ဒီလိုဆုရရှိတာဟာ ကျနော်တို့ အင်အားတွေ ရှိလာပြီ ဖြစ်ပါတယ်။ တဘက်မှာလည်း မမေ့မလျော့ ကိစ္စရပ်လေးတွေ ရှိပါသေးတယ်။ ဒီဆုကိုရရှိတဲ့အတွက် ကျနော်တို့အတွက် ပျော်စရာ၊ စိတ်ဓာတ် တက်ကြွစရာ၊ ဂုဏ်ယူစရာကောင်းသလို တဘက်မှာလည်း ရုန်းကန်နေရဆဲ ညီနောင် ဂျာနယ်လစ်တွေလည်း ရှိနေဆဲပဲ ဆိုတာရယ်၊ အဲဒါတွေကိုလည်းပဲ ကျနော်တို့ မမေ့ပါဘူး။
နောက် ကိုမင်းကိုနိုင်တို့လို နှစ်ပေါင်း ၂၀ ကျော် ကိုယ့်ရဲ့ယုံကြည်ချက်ကို မစွန့်လွှတ်ဘဲနဲ့ အသီးသီး စွန့်လွှတ်မှု တွေနဲ့ ဆောင်ရွက် နေတဲ့ ပုဂ္ဂိုလ်တွေ၊ တခြားသော အလားတူ ပုဂ္ဂိုလ်တွေကိုလည်း ကျနော်တို့ မမေ့ပါဘူး။ မေ့လည်း မမေ့သင့်ပါဘူး။ ဒီဆုရတဲ့အတွက် ကျနော်တို့ ဂုဏ်ယူပါတယ်။ ကျနော်တို့ လုပ်စရာရှိတာတွေ နောက်ထပ် ကျနော်တို့နိုင်ငံ အပြောင်းအလဲအတွက် ကျနော်တို့ ဘက်က တတ်နိုင်သမျှ တာဝန်ကျေပွန်စွာ ထမ်းဆောင်သွားဖို့ ရှိပါတယ်”
လက်ရှိ မြန်မာနိုင်ငံတွင်း အပြောင်းအလဲတွေထဲမှာ မီဒီယာလွတ်လပ်ခွင့် အနည်းအကျဉ်း ရှိလာတယ်လို့ နိုင်ငံတကာက အသိအမှတ်ပြု ပြောလာရပါပြီ။ စီးပွားရေး မှုခင်းနဲ့ ဥပဒေဆိုင်ရာ ဂျာနယ် ၅၀ ကျော် ကိုလည်း စာပေစီစစ်ရေးရဲ့ ဆင်ဆာဖြတ်စရာ မလိုဘဲ ထုတ်ဝေခွင့် ပြုလိုက်ပါပြီ။ အရင်တုန်းက ပိတ်ပင်ထားတဲ့ နိုင်ငံရေး သတင်းတွေကိုလည်း သတင်းဂျာနယ် အတော်များများမှာ တွေ့နေရပါပြီ။ ဒါပေမယ့်လို့ သံသယဖြစ်စရာ အခြေအနေတွေ ကတော့ ရှိဆဲပဲလို့ RSF က ဘဲန်ဂျမန်က ပြောပါတယ်။
“ကျနော်တို့ကတော့ သံသယရှိနေတုန်းပါပဲ။ ပြုပြင်ပြောင်းလဲမှုတွေကို ဆက်လုပ်သွားဖို့ ကျနော်တို့ လိုလားပါတယ်။ ဒါပေမယ့် အခု အခြေအနေက မပြည့်စုံသေးပါဘူး။ သတင်းသမား အတော်များများ ထောင်တွေထဲမှာ ရှိနေတုန်းပါ။ အင်တာနက် အသုံးပြုမှု အပါအ၀င် သတင်းအချက်လက်တွေ ကန့်သတ်ထားတဲ့ ဥပဒေတွေ ရှိနေတုန်းပါ။ သတင်းတွေစုံစုံလင်လင် တင်ပြနိုင်ခွင့် မရှိသေးပါဘူး”
RSF နယ်စည်းမခြား၊ သတင်းထောက်များအဖွဲ့ရဲ့ တစ်နှစ်တာ အကောင်းဆုံး သတင်းသမားဆုကို ၂၀၀၆ ခုနှစ်မှာ သတင်းစာ ဆရာကြီး ဦးဝင်းတင်ကို ပေးခဲ့ဖူးပါတယ်။ ၂၀၀၈ ခုနှစ်ရဲ့ တစ်နှစ်တာ အကောင်းဆုံး အင်တာနက် မီဒီယာဆု ကိုလည်း လူရွှင်တော် ဇာဂနာနဲ့ ကိုနေဘုန်းလတ်တို့ ပူးတွဲ ရခဲ့ဖူးပါတယ်။ မလွတ်လပ်တဲ့ နိုင်ငံတွေ၊ လူ့အဖွဲ့အစည်းတွေမှာ သတင်း လွတ်လပ်ခွင့်အတွက် ကြိုးပမ်း ဆောင်ရွက်သူ၊ တင်ပြသူ သတင်းသမားတွေနဲ့ မီဒီယာတွေကို RSF အနေနဲ့ အခုလို ဆုတွေ ရွေးခြယ် ချီးမြင့်ခဲ့တာ ၁၉၉၂ နှစ်ကတည်းက ဖြစ်ပါတယ်။
Ref: VOA News
အနုပညာရှင်တွေလည်း ငြိမ်းချမ်းစေလိုတဲ့ ကချင်ပြည်နယ်
ကျော်ခ
ဗုဒ္ဓဟူးနေ့၊ ဒီဇင်ဘာလ ၀၇ ရက် ၂၀၁၁
ချင်းမိုင် (မဇ္ဈိမ)။ ။ မြန်မာနိုင်ငံ၏ နိုင်ငံကျော် ရုပ်ရှင်သရုပ်ဆောင်များနှင့် အဆိုတော်များက အပစ်ရပ်ရန် အကြိမ်ကြိမ် ဆွေးနွေးပြီး မအောင်မြင်ဘဲ တိုက်ပွဲများ ဆက်လက် ဖြစ်ပွားနေသည့် မြန်မာနိုင်ငံမြောက်ပိုင်း ကချင်ပြည်နယ် အတွင်း အစိုးရ တပ်မတော်နှင့် ကချင် လွတ်မြောက်ရေး တပ်မတော် KIA တို့အကြား ဖြစ်ပွားနေသည့် တိုက်ပွဲများကို ရပ်တန့်ပြီး ငြိမ်းချမ်း စေလိုနေကြသည်။
ခြောက်လခန့်ကြာပြီဖြစ်သည့် နှစ်ဘက်တိုက်ခိုက်မှုများကြားတွင် မိမိတို့၏ ပရိသတ်များဖြစ်သည့် ဒေသခံ ပြည်သူများ သုံးသောင်းကျော်မှာ နေရပ်၊ အိုးအိမ်နှင့် လယ်ယာမြေများကို စွန့်ခွာ၍ ထွက်ပြေး တိမ်းရှောင်နေကြရဖြင့် ယင်းဒုက္ခ များမှ အမြန်ဆုံး ကင်းလွတ်ရန် ငြိမ်းချမ်းရေး အမြန် ရစေလိုကြောင်း ရုပ်ရှင် သရုပ်ဆောင်များနှင့် အဆိုတော်များက မဇ္ဈိမက မေးမြန်းမှုတွင် ဖြေဆိုကြသည်။
မိုင် - အဆိုတော်
“ဒီသတင်းတွေကြားနေရတာကိုက ဘယ်စိတ်ကောင်းပါ့မလဲ။ အန်တီတို့က အနုပညာသမား ဆိုတော့ ဟိုးအရင် ကတည်းက မြစ်ကြီးနားတို့ တနိုင်းဘက်တို့မှာ သီချင်း သွားဆိုကြတယ်။ အဲဒီတုန်းကတော့ အေးအေးချမ်းချမ်း ပဲလေ။ အခုအချိန်ကြတော့ စစ်တွေ ဖြစ်နေကြတော့ မအေးချမ်းတော့ဘူးပေါ့။”
“နယ်မြေမအေးချမ်းတော့ ပြည်သူ၊ ပြည်သားတွေကလည်း မအေးချမ်းတော့ဘူး။ စိတ်ဆင်းရဲကြတယ်။ ဒုက္ခတွေ
ရောက်ကြရတာပေါ့။ အဲဒီဘက်မှာလဲ အန်တီတို့၊ သမီးရတနာမိုင်တို့ရဲ့ ပရိသတ်တွေက အများကြီး ရှိတယ်လေ။ ဒီအနေအထားမှာ သွားပြီးတော့ ဖြေဖျော်ဖို့ဆိုတာလည်း ခက်ခဲသွားတာပေါ့။”
“အဲဒီလို ပဋိပက္ခတွေကြားရောက်နေတဲ့ သူတို့ (ကချင်း စစ်ပြေးဒုက္ခသည်များ) အတွက် စိတ်မကောင်း ဖြစ်ရတယ်။ ဒါကြောင့် အရင် တုန်းကလို အေးချမ်းတဲ့ နေရာလေးဖြစ်အောင် နှစ်ဘက်စလုံးက ညှိညှိနှိုင်းနှိုင်းနဲ့ ပြည်သူတွေ အကျိုးငဲ့ပြီး လုပ်စေချင်ပါတယ်။”
မို့မို့မြင့်အောင် ရုပ်ရှင်သရုပ်ဆောင်
“ပရိသတ်ဆိုတာ၊ မမို့တုိ့ရဲ့ ထမင်းရှင်တွေပါ။ ဒါကြောင့် မမို့တို့ရဲ့ ထမင်းရှင်တွေ ဘယ်သူမှ ဒုက္ခ မရောက်စေချင် ပါဘူး။ ဆရာကြီး ဒဂုံတာရာ ရေးထားတဲ့ စာလိုပေါ့။ အားလုံးအေးချမ်းတာ၊ ငြိမ်းချမ်းတာကို ဖြစ်ချင်တာပေါ့နော်။”
“သာမန်လူတွေကတောင် မေတ္တာပို့ကြတာပဲ မမို့တို့လို မင်းသမီးတွေက ပိုပြီး ပို့ရတာပေါ့။ ဒါကြောင့် ရှေ့က ဆရာကြီးတွေ ပြောသလိုပေါ့။ အားလုံး ငြိမ်းချမ်းတာ ကောင်းပါတယ်။”
ဦးကျော်သူ နာရေးကူညီမှုအသင်း ဥက္ကဋ္ဌနှင့် ရုပ်ရှင်သရုပ်ဆောင်
“ကျနော်တို့ကတော့ အားလုံးငြိမ်းငြိမ်းချမ်းချမ်း ဖြစ်စေချင်တာပဲ။ အဲဒါကြောင့် ဒီစစ်ပွဲတွေ ရပ်ပစ်ဖို့ အရေးကြီးတယ်။ အားလုံး ငြိမ်းချမ်းမှ တိုင်းပြည် ငြိမ်းချမ်းမှာလေ။ အဲလို စစ်ပွဲတွေ ရှိနေလို့ အခုလို ပြည်သူ ပြည်သားတွေက မြေဇာပင် ဖြစ်နေတာ။ အဲဒီတော့ အကုန်လုံး ဒုက္ခရောက်တယ်။ စီးပွားရေးတွေ ပျက်တယ်။ မိသားစုတွေ ဖရိုဖရဲဖြစ်တယ်။ စားဝတ်နေရေးတွေ ကျပ်တည်းကုန်တယ်။ ကျန်းမာရေးတွေ ချို့တဲ့ကုန်တယ်။ ဒါကတော့ အမြန်ဆုံး ငြိမ်ချမ်းမှုရဖို့ အရေးကြီးတယ်။”
“ဒါကြောင့်အဲဒီ့ စစ်ပြေးဒုက္ခသည်တွေစီကို တခြားသဘာဝဘေးအန္တရယ် ကျရောက်တဲ့ နေရာတွေကို သွားလှူသလိုပဲ၊ ကျနော်တို့ တက်နိုင်သလောက် အလှူငွေ ရှိသလောက် သွားလှူပါတယ်။ အနုပညာရှင်တွေ ထဲကဆို ကိုရဲလွင်တို့၊ ဆောင်းဦးလှိုင်တို့ ပါတယ်။ အမရပူရက ပရဟိတ အဖွဲ့တဖွဲ့ ပါတယ်။ အလှူငွေ ရှိသလောက်တော့ ကျနော်တို့က ထောက်ပံ့၊ လှူဒါန်းနေဦးမှာပဲ။”
“ကျနော်ကတော့ ငြိမ်းချမ်းမှုပဲလိုချင်တယ်။ လူတဦးချင်းရဲ့ငြိမ်းချမ်းမှု၊ တိုင်းပြည်ငြိမ်းချမ်းမှု ဒါပဲအရေးကြီးတယ် လောကကြီးမှာ။”
ကိုရဲလွင် အဆိုတော်
“ငြိမ်းချမ်းစေချင်တာပေါ့ဗျာ။ ငြိမ်းချမ်းမှပဲ အေးချမ်းမှာကိုး။ အဲဒါကြောင့် ပြည်တွင်းစစ် ရပ်စဲအောင် လုပ်ကြရမယ်။ ရပ်စဲရင်၊ ငြိမ်းချမ်းမှုတွေ ရမယ်။ ဒါမှလည်း နိုင်ငံတော် အေးချမ်းမယ်။ ဟိုဘက်နိုင်ငံ ဒီဘက်နိုင်ငံ လွတ်လွတ်လပ်လပ် ကူးသန်း သွားလာနိုင်မယ်။”
“ကျနော်တို့လည်း စစ်ပြေးဒုက္ခသည်တွေအတွက် အဝတ်အထည်၊ အစားအသောက်တွေနဲ့ ဆေးဝါးတွေကို ဦးကျော်သူနဲ့ အတူ ထပ်ပြီး လှူဖို့ အစီအစဉ်ရှိပါတယ်။ အခုဆိုရင် ဥပမာဗျာ အဲဒီဘက်မှာတိုက်ပွဲတွေ ဖြစ်နေတဲ့ အခါကျတော့ ဟိုဘက်နိုင်ငံက လာမယ့် ဆေးဝါးတွေက မလာနိုင်တော့။ ဒီမှာ ဆေးတွေက ပြတ်နေတယ်လေ။ အဲဒီလိုပြတ်တော့ ဒီကလူတွေလဲပဲ ဒုက္ခသည် ဖြစ်တာပဲ။”
“ဒုက္ခသည်တွေကို အားပေးချင်တယ်။ စိတ်တော့မလျှော့ကြနဲ့ အမှန်တရားအတွက်။ အခက်အခဲရှိတာ မှန်ပေမယ့် စိတ်ဓါတ် မကျဖို့ အရေးကြီးတယ်။ အမှန်တရားအတွက် မျှတဖို့ တရားဥပဒေ စိုးမိုးရေး ဆိုတာက တကယ်အဓိကကျတဲ့ အပိုင်းဖြစ်တော့ တရားစစ်၊ တရားမှန် ပေါ်ထွက်လာရင် ကင်းငြိမ်းသွားမယ်။ ကျနော်တို့လည်း တတ်နိုင်တဲ့ဘက်က ကူညီနိုင်အောင် ကြိုးစားနေပါတယ်။ လူငယ်တွေကိုလည်း ပူးပေါင်း ကူညီကြဖို့ တိုက်တွန်းတယ်။”
ဆောင်းဦးလှိုင် အဆိုတော်
“အမျိုးသားဒီမိုကရေစီအဖွဲ့ချုပ်က ဦးစီးလုပ်တဲ့ ကျနော်တို့အခုလုပ်မယ့် ခေါင်းစဉ်ကိုက ‘ပြည်ထောင်စု တိုင်းရင်းသား များ ပညာရေး ရန်ပုံငွေ၊ ဂီတဖျော်ဖြေရေးနှင့် ဈေးရောင်းပွဲတော်’ ပေါ့ဗျာ။ ဆိုတော့ ဒီပြည်ထောင်စု တိုင်းရင်းသား ဆိုတဲ့ ခေါင်းစဉ်ကို တပ်ထားတဲ့ အတွက် ရန်ကုန်နဲ့ အနီးတဝိုက်က ကျောင်းတွေတို့၊ ကလေးတွေကိုလှူမှာ မဟုတ်ပဲနဲ့ တိုင်းရင်းသားတွေ ဆိုတော့ ဒီနယ်စပ် ဒေသတွေအတွက် ပိုပြီးတော့ ရည်ရွယ်တယ် ဆိုတာမျိုးပေါ့ ဒီပွဲက။”
“စစ်နဲ့ငြိမ်းချမ်းရေးဆိုရင်တော့ အားလုံးက ငြိမ်းချမ်းရေးကိုပဲ လိုလားကြတာပေါ့။ ငြိမ်းချမ်းဖို့လည်း ကျနော်တို့က ဆုတောင်းသလို ကျနော်တို့ ဒီရေးတဲ့ သီချင်းတွေ၊ စကားပြောခွင့်ရတဲ့ အခါတွေမှာလည်း တိုင်းရင်းသား ဒေသတွေမှာ ပဋိပက္ခတွေ အမြန်ဆုံး ချုပ်ငြိမ်း ပြီးတော့ အမြန်ဆုံး ငြိမ်းချမ်းရေးရပါစေ။ အမြန်ဆုံး တိုးတက် သာယာပါစေဆိုတာ ကျနော်တို့ အမြဲပြောနေသလို ခုနပြောတဲ့ စတိတ်ရှိုး ကြီးဟာလည်း ကျနော်တို့နိုင်ငံရဲ့ ကျော်ကြားတဲ့ ခေတ်ပေါ် ဂီတပညာရှင်တွေရဲ့ ၉ဝ ရာခိုင်နှုန်းလောက်၊ ပါဝင် သီဆိုပေးမယ့် ပွဲကြီးပေါ့။”
“ဒေါ်အောင်ဆန်းစုကြည်နဲ့ ကျနော်တို့နဲ့ တွေ့ဆုံတုန်းက ရေးရမယ့် သီချင်းတွေထဲမှာ တိုင်းရင်းသားတွေ အတွက်ကော။ ငြိမ်းချမ်းရေး အတွက်ကော ရေးကြရမယ် ဆိုပြီးတော့ ညွှန်ကြားထားလို့ ကျနော်တို့ အားလုံးလည်း ရေးကြတယ်။ သီချင်း ရေးတယ်ဆိုတဲ့ သဘောက ချက်ချင်းအသီးအပွင့် မခံစားရပေမယ့် ငြိမ်းချမ်းရေး အတွက် နှိုးဆော်မှုတွေထဲမှာ ကျနော်တို့လည်း တတတ်တအား ပါဝင်ကြတာပေါ့။”
“ကျနော်တို့ဟာ ငြိမ်းချမ်းရေးအတွက် ဆုံးဖြတ်ချက်ချပေးနိုင်တဲ့ လူတွေမဟုတ်ပေမယ့်။ တတ်နိုင် သလောက် လှုံ့ဆော်မှုတွေ လုပ်ပြီးတော့ တောင်းဆို မေတ္တာရပ်ခံ သွားမှာဖြစ်တယ်။ ကျနော်တို့ အနုပညာ သမားတွေဟာ ပြည်သူ ပြည်သားတွေ လွတ်လပ်ပြီး၊ တိုးတက်ချမ်းသာ နေတာကိုပဲ မြင်ချင်တာဗျ။”
Lလွန်းဝါ အဆိုတော်
“ဒုက္ခသည်တွေအရေးနဲ့ပတ်သက်လို့ ကျနော်တို့ အဆိုတော်တွေ စုပေါင်းပြီးတော့ သွားလုပ်ပေး ထားတာတွေ ရှိပါတယ်။ တတ်နိုင်တဲ့ ဘက်က စုပေါင်းပြီးတော့ ပေါ့ဗျာ။ ငြိမ်းချမ်းစေချင်တာပေါ့။ ဘက်မလိုက်ဘဲ ပြောရရင်တော့ နှစ်ဘက်လုံးကို အဆင်ပြေ ငြိမ်းချမ်းစေချင်ပါတယ်။ အားလုံး ငြိမ်းငြိမ်းချမ်းချမ်း ဖြစ်စေချင်ပါတယ်။”
Ref: မဇ္ဈိမ
အလုပ်သမားသမဂ္ဂ တည်ထောင်လိုမှု ပယ်ချခံရ
ထွန်းထွန်း
ဗုဒ္ဓဟူးနေ့၊ ဒီဇင်ဘာလ ၀၇ ရက် ၂၀၁၁
နယူးဒေလီ (မဇ္ဈိမ) ။ ။ အသစ်ပြဋ္ဌာန်းထားသည့် အလုပ်သမား အဖွဲ့အစည်း ဥပဒေအရ ပဲခူး ချည်မျှင် အထည်ချုပ် စက်ရုံနှင့် သားရေစက်ရုံ အလုပ်သမား သမဂ္ဂ တည်ထောင်ခွင့် လျှောက်ထားမှုအား အာဏာပိုင်များက ပယ်ချလိုက်ကြောင်း သိရသည်။
ယင်းဥပဒေအား သမ္မတက အမိန့်ပြန်တမ်းစာ မထုတ်ပြန်ရသေးခြင်းနှင့် မှတ်ပုံတင် အရာရှိချုပ် မခန့်အပ်ထားရ သေးခြင်းကြောင့် လျှောက်ထားမှုအား လက်ခံနိုင်ခြင်း မရှိကြောင်း အလုပ်သမား ဝန်ကြီးဌာန ညွှန်ကြားရေးမှူးချုပ် ဦးချစ်ရှိန်၏ အကြောင်း ပြန်ကြားချက်တွင် ပါရှိသည်။
“ သူတို့က လက်မခံနိုင် သေးဘူးဆိုတာပဲ ပြောတယ်ဗျ။ သူ့ (ဦးချစ်ရှိန်) စကားလုံး အတိအကျက လက်မခံနိုင်သေး ပါဘူးတဲ့” ဟု အလုပ်သမား သမဂ္ဂ ဖွဲ့စည်းရေး ကော်မတီမှ ပြောခွင့်ရ ဦးစန်းမောင်က မဇ္ဈိမကို ပြောသည်။
“ဥပဒေအရ ပြောရမယ်ဆိုရင်တော့ ဒါက မဖြစ်သင့်တာပေါ့။ သမ္မတက လက်မှတ်ထိုးရဲ့သားနဲ့ အတည် မဖြစ်ဘူး ဆိုတော့ တခြား ဥပဒေတွေမှာ မပါဘူး။ ဒီဥပဒေ တခုတည်းမှာ ပါတာ။ ဖွဲ့စည်းပုံ အခြေခံမှာ ဆိုရင် သမ္မတက လက်မှတ်ထိုးရင် ဒါ အတည် ဖြစ်ရမှာပဲ။ ဒါ နိုင်ငံတကာ စံနှုန်းနဲ့ ကွာဟနေတာပေါ့” ဟု တရားရုံးချုပ် ရှေ့နေလည်း ဖြစ်သူ ဦးစန်းမောင်က ဆိုသည်။
အလုပ်သမားသမဂ္ဂ ဖွဲ့စည်းခွင့် ပြုထားသော ဥပဒေကို အောက်တိုဘာလ ၁၁ ရက်နေ့က သမ္မတ ဦးသိန်းစိန်က လက်မှတ်ရေးထိုး ထုတ်ပြန်ပြီး ဖြစ်သည်။
အလုပ်သမားများက သမဂ္ဂဖွဲ့စည်းခွင်ကို နိုဝင်ဘာလ ၂၄ ရက်နေ့က နေပြည်တော်ရှိ အလုပ်သမားဝန်ကြီး ဦးအောင်ကြည် ထံသို့ ဦးတည် လျှောက်ထားခဲ့ရာ ခွင့်မပြုကြောင်း ဒီဇင်ဘာလ ၂ ရက်နေ့က ပြန်စာ ရရှိခဲ့သည်။
ပဲခူးမြို့ရှိ စက်ရုံလုပ်သားများဖြင့် ပါဝင်ဖွဲ့စည်းထားသည့် အလုပ်သမား သမဂ္ဂတွင် လူ ၃၀ ဦးပါဝင်ကာ အလုပ်သမား များ၏ ရပိုင်ခွင့်များ အတွက် အလုပ်ရှင်၊ အလုပ်သမားနှင့် အစိုးရ သုံးဦးအကြား ညှိနှိုင်း ဆောင်ရွက်နိုင်ရန် အတွက် ဖွဲ့စည်းထားခြင်း ဖြစ်သည်။
အလုပ်သမား အဖွဲ့အစည်း ဥပဒေမှာ သမ္မတကိုယ်တိုင် လက်မှတ်ရေးထိုးထားခြင်းသော်လည်း ပုဒ်မ ၁ (ခ) တွင်မူ “နိုင်ငံတော် သမ္မတက အမိန့်ကြော်ငြာစာဖြင့် သတ်မှတ်သည့် နေ့ရက်တွင် စတင် အာဏာတည်ရမည်” ဟု ပါရှိပြီး ဖြစ်သည်။
နိုင်ငံတော်ဖွဲ့စည်းပုံ အခြေခံဥပဒေ ပုဒ်မ ၁၀၇ တွင်လည်း နိုင်ငံတော်သမ္မတမှ လက်မှတ်ရေးထိုး ပြီးသာ ဥပဒေများ ကို နိုင်ငံတော် ပြန်တမ်းတွင် ထုတ်ပြန် ကြေညာရမည်ဟု ပါရှိသည်။ သို့သော် ယင်းဥပဒေတွင် သီးခြားဖော်ပြချက် မပါပါက ထုတ်ပြန် ကြေညာသည့်နေ့မှ စ၍ အာဏာ တည်သည်ဟု ပြဋ္ဌာန်းထားသည်။
လက်ရှိ အစိုးရအနေဖြင့် အလုပ်သမား အဖွဲ့အစည်းဆိုင်ရာ ဥပဒေကို ပြဋ္ဌာန်းပြီးဖြစ်သော်လည်း သမ္မတ၏ အမိန့် ကြော်ငြာစာ မထွက်လာခြင်းမှာ မေးခွန်းထုတ်စရာ ဖြစ်နေကြောင်း ပြည်ပ အခြေစိုက် မြန်မာနိုင်ငံ အလုပ်သမား သမဂ္ဂများ အဖွဲ့ချုပ် FTUB က ပြောသည်။
“သမ္မတအနေနဲ့ ဒါကို တာဝန်ယူပြီးတော့ လက်မှတ်ထိုးပြီးတော့ ဥပဒေအဖြစ် အမြန်ဆုံး အတည်ပြု ပြဋ္ဌာန်းနိုင်ရ မယ်။ ပြီးတဲ့ အခါကျရင် အဲဒီဥပဒေပါ လိုအပ်ချက်တွေကို ဖြည့်ဆည်း ပေးနိုင်ရမယ်။ မှတ်ပုံတင် အရာရှိချုပ် တယောက်တောင် မကပါဘူး။ မြို့နယ်တွေ အထိ မှတ်ပုံတင် အရာရှိတွေ ခန့်အပ်ပေးရမယ်။ ပြီးတော့ ဒီဥပဒေ အသက် ဝင်လာအောင် လုပ်ပေးရမယ်။ အဲဒီလို မလုပ်ဘဲ ကြန့်ကြာနေတာအတွက် တာဝန်ရှိဆုံး ကတော့ ခုချိန်မှာတော့ အစိုးရပဲလို့ပဲ ပြောရမှာပါ” ဟု FTUB တွဲဘက် အတွင်းရေးမှူး ဒေါက်တာ ဇော်ဝင်းအောင်က မဇ္ဈိမကို ပြော သည်။
အစိုးရက ပြဋ္ဌာန်းထားသည့် အလုပ်သမားအဖွဲ့အစည်းဥပဒေတွင်လည်း အားနည်းချက်များ ရှိနေသေးပြီး ယင်းတို့ကို ပြင်ဆင် နိုင်မှသာလျှင် ILO မှ ချမှတ်ထားသည့် သတ်မှတ်ချက်များနှင့် ကိုက်ညီမည် ဟုလည်း အလုပ်သမား အဖွဲ့ များက သုံးသပ်သည်။
ယင်းဥပဒေအရ အလုပ်သမားများအနေဖြင့် ဆန္ဒပြမည်ဆိုပါက ၁၄ ရက် ကြိုတင်၍ အကြောင်းကြားခိုင်းခြင်း၊ ယင်း အပြင် ပါဝင်မည့် လူဦးရေ၊ နည်းလမ်း၊ နေရာနှင့် အချိန်တို့ကိုလည်း အတိအကျ တင်ပြပြီးမှ သာလျှင် ဆန္ဒပြခွင့် ရှိသည်။ ယင်းအပြင် အများပြည်သူ အကျိုး ထိခိုက်နိုင်မည့် ရေပေးဝေရေး၊ လျှပ်စစ်ဓာတ်အား၊ မီးသတ်၊ ကျန်းမာရေးနှင့် ဆက်သွယ်ရေး လုပ်ငန်းများတွင် ဆန္ဒပြခြင်း မပြုလုပ်ရန် ကန့်သတ်ထားသည်။
“အများပြည်သူနဲ့သက်ဆိုင်တဲ့ လုပ်ငန်းတွေဆိုရင် ဆန္ဒပြခွင့်ကို ကန့်သတ်ထားတယ်။ အဲဒီတော့ အဲဒီလို ကန့်သတ် ထားတဲ့ သူတွေအတွက် သူတို့ အခွင့်အရေးလည်း မဆုံးရှုံးရအောင် ဘယ်လို ဆောင်ရွက်ပေးမယ် ဆိုတာမျိုးကျတော့ မပါဘူး။ သူတို့ ဆန္ဒပြခွင့် မရှိဘူးဆိုရင် သူတို့ ဘယ်လို လုပ်ပေးမယ်ပေါ့နော်။ ILO ပြဋ္ဌာန်းချက်တွေမှာတော့ အဲဒါကို ပြဋ္ဌာန်း ပေးထားတယ်။ အဲဒီလို ဆန္ဒပြခွင့် မရှိဘူးဆိုရင် တခြားဘယ်သူက ဝင်ပြီး ဖြေရှင်းပေးရမယ် စသဖြင့်ပေါ့နော်” ဟု ဒေါက်တာဇော်ဝင်းအောင်က ပြောသည်။
ပြီးခဲ့သည့် ရက်ပိုင်းအတွင်းကလည်း ပြဋ္ဌာန်းပြီးဖြစ်သည့် လွတ်လပ်စွာ စုဝေးခွင့်နှင့် စီတန်းလှည့်လည်ခွင့် ဆိုင်ရာ ဥပဒေအရ လွှတ်တော် ကိုယ်စားလှယ်အချို့မှ ဆန္ဒပြခွင့် လျှောက်ထားခဲ့သော်လည်း ပြည်ထဲရေး ဝန်ကြီးဌာန အနေဖြင့် နည်းဥပဒေများ၊ စည်းမျဉ်း စည်းကမ်း၊ အမိန့်ကြော်ငြာစာ၊ ညွှန်ကြားချက်နှင့် လုပ်ထုံး လုပ်နည်းများ မထုတ်ပြန် ရသေးသည့်အတွက် ခွင့်မပြုခဲ့ပေ။
Ref: မဇ္ဈိမ
NLD ခေါင်းဆောင် ဦးလွင် ကွယ်လွန်
ရန်ပိုင်
December 7, 2011
အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် တဦးဖြစ်သည့် ဦးလွင်သည် ယမန်နေ့ညက ရန်ကုန်မြို့ နေအိမ်တွင် လူကြီး ရောဂါနှင့် ကွယ်လွန်သွားသည်။ ကွယ်လွန်ချိန်တွင် အသက် ၈၈ နှစ် ရှိပြီ ဖြစ်သည်။
NLD အတွင်းရေးမှူး ဦးလွင် ကွယ်လွန်ကြောင်း၊ ကြာသပတေးနေ့ မွန်းလွဲ ၁နာရီ မိနစ် ၃၀ တွင် ရေဝေး သုဿန်သို့ ပို့ဆောင် မီးသင်္ဂြိုဟ်မည် ဖြစ်ကြောင်း မိသားစုက သတင်းစာတွင် ယနေ့ ကြော်ငြာ ထည့်သွင်း ထားသည်။
မြန်မာ့ဆိုရှယ်လစ် လမ်းစဉ်ပါတီ အစိုးရအဖွဲ့တွင် ဦးလွင် ပါဝင်ခဲ့ဖူးသော်လည်း ထိုရာထူးများကို နာရေး ကြော်ငြာတွင် ထည့်သွင်းခြင်း မပြုဘဲ NLD ပါတီ တာဝန်ကိုသာ ဖော်ပြ လိုက်သည်ဟု ဦးလွင်၏ သားမက်ဖြစ်သူ ဦးထင်ကျော်က ဧရာဝတီကို ပြောသည်။
ကွယ်လွန်ချိန်တွင် သမီးဖြစ်သူ ဒေါ်စုစုလွင်၊ သားမက် ဦးထင်ကျော် (စာရေးဆရာ ဒလဘန်း)၊ မြေး ၃ ဦး ကျန်ရစ်ခဲ့သည်။
ဦးလွင်သည် ဗမာ့လွတ်လပ်ရေး တပ်မတော် (BIA)၊ ဗမာ့ ကာကွယ်ရေး တပ်မတော်(BDA) တို့တွင် ပါဝင်ခဲ့ပြီး ဂျပန်ခေတ် မင်္ဂလာဒုံ ဗိုလ်သင်တန်းကျောင်း၊ ဂျပန်နိုင်ငံ ဘုရင့် စစ်တက္ကသိုလ် တို့ကို တက်ရောက်ခဲ့သည်။
လွတ်လပ်ရေးရပြီး ပြည်တွင်းစစ်ကာလ နှင့် တရုတ်ဖြူ ကျူးကျော်မှု တိုက်ပွဲများတွင် တပ်မှူးတဦး အဖြစ် ပါဝင်ခဲ့သော ဦးလွင်သည် ၁၉၅၉ ခုနှစ်တွင် အမေရိကန်နိုင်ငံ ဆိုင်ရာ မြန်မာစစ်သံမှူး ဖြစ်လာသည်။
တော်လှန်ရေးကောင်စီ လက်ထက် အလယ်ပိုင်းတိုင်း စစ်ဌာနချုပ် ဒုတိုင်းမှူး၊ ရန်ကုန်တိုင်း စစ်ဌာနချုပ် တိုင်းမှူး တာဝန်များ ယူခဲ့သည့် ဗိုလ်မှူးကြီးဟောင်း ဦးလွင်သည် မြန်မာ့ ဆိုရှယ်လစ် လမ်းစဉ် ပါတီ အစိုးရ လက်ထက်တွင် စီမံကိန်းနှင့် ဘဏ္ဍာရေး ၀န်ကြီးဌာန ၀န်ကြီး၊ ဒုတိယ၀န်ကြီးချုပ် စသည့် တာဝန်များ ထမ်းဆောင်ခဲ့သည်။
လွတ်လပ်ရေးကြိုးပမ်းမှုတွင် ပါဝင်ခဲ့သည့်အတွက် မော်ကွန်းဝင် ပထမအဆင့်၊ နိုင်ငံဂုဏ်ရည် ပထမအဆင့်နှင့် သီရိပျံချီ ဘွဲ့တို့ကို ရရှိခဲ့သည်။
၁၉၈၈ ခုနှစ် NLD ဖွဲ့စည်းရာတွင် ဘဏ္ဍာရေးမှူးအဖြစ် တာဝန်ယူခဲ့သူ ဦးလွင်သည် ၁၉၉၀ ပြည့်နှစ် ရွေးကောက်ပွဲတွင် သုံးခွမြို့နယ် အမှတ်(၁) မဲဆန္ဒနယ် လွှတ်တော် ကိုယ်စားလှယ်အဖြစ် ရွေးချယ် ခံရသည်။ ၁၉၉၁ ခုနှစ်တွင် NLD ဗဟို အလုပ်အမှုဆောင် အဖွဲ့ အတွင်းရေးမှူး အဖြစ် စတင် တာဝန်ယူခဲ့သည်။
ဦးလွင်သည် ၁၉၈၉မှ ၁၉၉၅ အထိ ဒေါ်အောင်ဆန်းစုကြည် ပထမဆုံးအကြိမ် နေအိမ် အကျယ်ချုပ် ကျခံရသည့် ကာလအတွင်း NLD ကို ဆက်လက် ဦးစီးခဲ့သူတဦးဖြစ်ပြီး ထိုကာလအတွင်း ပါတီတွင် လုပ်ရည် ကိုင်ရည်ရှိသော လူငယ်များအား နေရာ မပေးလိုသူ တဦး အဖြစ် ဝေဖန်ခံခဲ့ရသည်။
၂၀၀၀ ပြည့်နှစ်ဝန်းကျင်တွင် NLD ၏ ပြောရေး ဆိုခွင့်ရှိသူအဖြစ် တာဝန်ယူစဉ် ဦးလွင်သည် သတင်း ဌာနများနှင့် ဆက်ဆံရေး ပြေပြစ်ခြင်း မရှိခဲ့ပေ။
ဗိုလ်ချုပ်မှူးကြီးဟောင်းသန်းရွှေ စီစဉ်သည်ဟု အများက ယူဆကြသည့် ၂၀၀၃ ခုနှစ် မေလ ဒီပဲယင်းမြို့ အကြမ်းဖက် တိုက်ခိုက်မှုအပြီးတွင် တခြားသော NLD ခေါင်းဆောင်များ နည်းတူ ဦးလွင်လည်း တနှစ်ကြာ နေအိမ် အကျယ်ချုပ် ချခံခဲ့ရသည်။
၂၀၀၈ ခုနှစ် နောက်ပိုင်းတွင် ကျန်းမာရေး ချို့ယွင်းလာသည့်အတွက် NLD ပါတီတာဝန်များမှ အနား ယူခဲ့သည်။
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ဦးလွင်သည် ဘဏ္ဍာရေးဆိုင်ရာ အတွေ့အကြုံ၊ ရိုးသား ဖြောင့်မတ်မှု ဂုဏ်သိက္ခာ တို့ကြောင့် NLD ၏ ဘဏ္ဍာရေးမှူး အဖြစ် တာဝန် ပေးခံခဲ့ရခြင်း ဖြစ်သည်ဟု ဂျပန်နိုင်ငံထုတ် သတင်းစာ တစောင်သို့ ပေးပို့သော ဆောင်းပါးတွင် ရေးသားခဲ့ဖူးသည်။
ဦးလွင်သည် “၁၉၉၀ နောက်ပိုင်း နိုင်ငံရေးပါတီတခုအဖြစ် NLD ဆက်လက် ရပ်တည်ရေး အတွက် နှောင့်ယှက် ခြိမ်းခြောက်မှု အမျိုးမျိုး ကြားထဲမှ ရုန်းကန်နေရသည့် ဦးအောင်ရွှေအား အထူး ကူညီခဲ့သူ” ဖြစ်သည်ဟု ဒေါ်အောင်ဆန်းစုကြည်က ရေးသားထားသည်။
ဒေါ်အောင်ဆန်းစုကြည်သည် ပြီးခဲ့သည့်လများအတွင်း ကျန်းမာရေး မကောင်းသည့် ဦးလွင်အား ၃ ကြိမ် သွားရောက် အားပေး ခဲ့သည်ဟု သိရသည်။
ယနေ့နံနက်ပိုင်းကလည်း ဒေါ်အောင်ဆန်းစုကြည် နှင့် နိုင်ငံရေးလောကမှ ပုဂ္ဂိုလ်အများ အပြား ဦးလွင်၏ နေအိမ်သို့ သွားရောက်ပြီး နာရေး သတင်း မေးကြသည်။
“ဦးလွင်ဟာ ရိုးသားဖြောင့်မတ်တဲ့ စစ်သားကောင်းတယောက် ဖြစ်တယ်လို့ မြင်ပါတယ်” ဟု ရန်ကုန်မြို့မှ ၀ါရင့် နိုင်ငံရေးသမားကြီး သခင်ချန်ထွန်းက ဧရာဝတီကို ပြောသည်။
Ref: ဧရာဝတီ
အစိုးရတပ် ဗျူဟာကုန်းကို ကေအိုင်အေ ၀င်ရောက်တိုက်ခိုက်
2011-12-07
ရှမ်းပြည်မြောက်ပိုင်း မုန်းကိုး အခြေစိုက် အစိုးရ စစ်ဗျူဟာကုန်းကို ကေအိုင်အေ တပ်ရင်း ၃၆ နဲ့ ၃၈ တပ်တွေက ဒီဇင်ဘာ ၆ ရက်နေ့ မနက် ၁ နာရီလောက်က ၀င်ရောက် စီးနင်း တိုက်ခိုက်ခဲ့တယ်လို့ နယ်စပ်သတင်းတွေ အရ သိရပါတယ်။
ဒီအကြောင်းနဲ့ ပတ်သက်လို့ ကေအိုင်အို ပြောရေးဆိုခွင့် ရှိသူ ဦးလနန်ကို မေးမြန်းကြည့်တဲ့ အခါ-
“မုန်းကိုးဘက်မှာ ရှိတဲ့ ဗျူဟာကုန်းလို့ပဲ ကျွန်တော် အကြမ်းဖျင်း သိရတယ်ခင်ဗျ။ မနက် အစောကြီး တစ်နာရီ ညသန်းခေါင်ပေါ့။ အဲဒီမှာ မိုးနည်းနည်း ရွာတဲ့ အချိန်မှာ ကျွန်တော်တို့ဘက်က သွားတိုက်ခိုက်တော့ သူတို့ဗျူဟာမှူးနဲ့ တပ်ရင်းမှူး ကတော့ တရုတ်ပြည် ကမ်းမှာ သွားအိပ်တယ်။ အဲဒါကြောင့်မို့ သူတို့ နှစ်ယောက်က မရှိဘူး။ သူတို့ နှစ်ယောက် လွတ်သွားတာပေါ့ဗျာ။ ကျန်တဲ့ အိမ်အဆောက်အအုံတွေ အားလုံးက ထိခိုက်သွားတယ်ခင်ဗျ။”
အဲဒီတိုက်ပွဲမှာ နှစ်ဘက် ထိခိုက် သေဆုံးမှု အတိအကျ မသိရသေးပေမယ့် အစိုးရတပ်က ရဲနဲ့ စစ်သား စုစုပေါင်း ၁၀ ယောက်ကျော် ကျဆုံးပြီး ကေအိုင်အေဘက်က အရာရှိ တစ်ယောက် ကျဆုံး သွားတယ်လို့ နယ်စပ် သတင်းတွေ အရ သိရပါတယ်။ ကေအိုင်အိုက အဲဒီဗျူဟာကုန်းကို ၀င်ရောက် တိုက်ခိုက် ရတာဟာ ကေအိုင်အို တပ်တွေနဲ့ ရဲဘော်တွေကို ဗျူဟာမှူး ဗိုလ်မှူးကြီး မြင့်သန်းက ခြိမ်းခြောက် နေတာကြောင့်လို့ ဦးလနန်က ပြောပါတယ်။
“အဲဒီဗျူဟာကနေပြီး ကျွန်တော်တို့ တပ်ရင်း ၃၆ နဲ့ ၃၈ ကို ထိုးစစ်လုပ်တာ။ နောက်ပြီးတော့ အဲဒီ ဗျူဟာမှူးကလည်း ကျွန်တော်တို့ရဲ့ ကေအိုင်အို တပ်ဖွဲ့ဝင်တွေကို အမြဲတမ်း ကြိမ်းဝါး နေတာပေါ့။ မင်းတို့ ဘာတွေလဲ ဆိုတဲ့ဟာတွေပေါ့။ ကြိမ်းဝါးနေတဲ့ ဟာတွေ ရှိတော့ အဲဒီမှာ ရှိတဲ့ ကျနော်တို့ တပ်တွေကလည်း အခွင့်ကောင်း ရှာပြီးတော့ တိုက်ခိုက်တဲ့ သဘောပါပဲ။ အဲဒီမှာ ဗျူဟာမှူးရဲ့အိမ်က လုံးဝ မီးလောင် ပျက်စီးသွားတယ်။”
ကေအိုင်အိုနဲ့ အစိုးရတပ်တွေ တိုက်ခိုက်နေကြတာ အခုဆိုရင် ၆ လနီးပါး ရှိပါပြီ။ အပစ်အခတ် ရပ်ပြီး ငြိမ်းချမ်းရေး ဆွေးနွေး ကြတာတွေ ရှိခဲ့ပေမယ့် အခု အချိန်အထိ အစိုးရ တပ်တွေက နေရာ အတော်များများမှာ ထိုးစစ် ဆင်နေတာကြောင့် တိုက်ပွဲတွေ ကတော့ ပြင်းထန်နေဆဲ ဖြစ်ပါတယ်။
ဝါရှောင်မြို့နယ် ဆဒုံး ဆမားဒေသရှိ ကေအိုင်အို တပ်ရင်း ၃ ဌာနချုပ်ကို သိမ်းပိုက်နိုင်တဲ့ အထိ ထိုးစစ်ဆင် တိုက်ခိုက်ဖို့ အစိုးရတပ်က ညွှန်ကြား ထားပေမယ့် အခုအချိန် အထိ မသိမ်းပိုက်နိုင်သေးတဲ့ အကြောင်း ဦးလနန်က ပြောပြပါတယ်။
“နေရာ အနှံ့ပါပဲ။ အခု တပ်ရင်း ၃ ဘက်မှာလည်း အခုထိုးစစ် လုပ်နေကြတယ်။ သူတို့ ရည်မှန်းချက် ကတော့ ၆ ရက်နေ့ ညနေ ၄ နာရီမှာ မရမနေ ထိုးစစ် လုပ်ပါဆိုပြီးတော့၊ ဒါပေမယ့် သူတို့ရဲ့ ရည်မှန်းချက်က မရသေးဘူးခင်ဗျ။ ဒါကြောင့် မရ ရအောင် ထိုးစစ်လုပ်ရမယ်။ အဲဒီတပ်ရင်း ၃ စခန်းကို သိမ်းရမယ်။ တကယ်လို့ မသိမ်းနိုင်ဘူးဆိုရင် ခင်ဗျားတို့ ရှေ့တန်းမှာနေတဲ့ တပ်ဖွဲ့တွေကို အရေးယူမယ် ဆိုပြီး နောက်တန်းကနေ ညွှန်ကြား ထားတာမျိုး ရှိတယ်။ ဒါကြောင့်မို့ အခုအချိန်လည်း ဖြစ်နေတုန်းပဲ ခင်ဗျ။ တပ်မဟာ ၃ တပ်ရင်း ၁၅ ခွင်ထဲမှာလည်း တော်တော် ပြင်းပြင်းထန်ထန် ဖြစ်တယ် ခင်ဗျ။”
ကေအိုင်အိုနဲ့ အစိုးရ ကိုယ်စားလှယ်တွေ နိုဝင်ဘာ ၂၉ ရက်က တရုတ်နိုင်ငံ ရွှေလီမြို့မှာ ငြိမ်းချမ်းရေး အတွက် တွေ့ဆုံ ဆွေးနွေးခဲ့ကြ ပါတယ်။ အဲဒီ ဆွေးနွေးပွဲမှာ သာမန် အပစ်အခတ် ရပ်စဲရေး လုပ်တာထက် နိုင်ငံရေးအရ ဆက်လက် ဆွေးနွေးဖို့ ကေအိုင်အို ဘက်က ပြောဆိုခဲ့တယ်လို့ သိရပါတယ်။
Ref: RFA News
Tuesday, December 6, 2011
ကမ္ဘာကြီးကို ခါးစောင်းတင်ထားနိုင်မှ တော်ကာကျတယ်
အလဲဗင်းကို ဆူပေးပါခင်ဗျ
တစ်မနက် ဂျာနယ်တွေဖတ်နေတုန်း နယ်စာဖတ်ပရိသတ် တစ်ယောက် ဆီက ဖုန်းဆိုလို့ ကောက်နားထောင် လိုက်တော့ အရင်ဆုံး ကြားလိုက်ရတဲ့ စကားဖြစ်တယ်။ အဆက်အစပ်မရှိ ကြားလိုက်ရတာကြောင့် ဘုမသိ၊ ဘ မသိဖြစ်ပြီး ကြောင်သွားလို့ 'ခင်ဗျာ' လို့ပဲ အာမေဋိတ် ပြုလိုက်တယ်။
သည်းခြေခိုက်တွေ နောက်မလိုက်တော့
အဲဒီတော့မှဖုန်းဆက်သူက ''ဒီမနက်ထွက်တဲ့ Bi-Weekly Eleven ဖတ်ပြီးပြီ မဟုတ်လားခင်ဗျ။ ဆရာကတော့ ဘယ်လို မြင်သလဲမသိဘူး။ ကျွန်တော်တော့ တော်တော် စိတ်ပျက်သွားတယ်။ ကျွန်တော် သိပ်အထင်ကြီး ထားတဲ့ Eleven က ဒီလို သတင်းမျိုး ထည့်တယ်ဆိုတာ ယုံတောင် မယုံနိုင်ဘူး။ Eleven က လူငယ်တွေကို ဆူပေးဦးမှ ဖြစ်မယ်ထင်လို့ ဆရာ့ဆီ ဖုန်းဆက်လိုက်တာပါ'' လို့ အကျိုးအကြောင်း ရှင်းပြတယ်။ တိုက်တိုက် ဆိုင်ဆိုင် အဲဒီ သတင်းဖတ်ပြီး အုန်းအုန်း ကျွက်ကျွက်တော့ ဖြစ်သွားဦးမှာပဲလို့ တွေးတော နေချိန်မှာ ဒီဖုန်း ၀င်လာတာဖြစ်တယ်။ ဒီနေ့ မြန်မာ စာဖတ်ပရိသတ်ဟာ 'သည်းခြေခိုက်' (Sensational) သတင်းတွေ နောက်ကို မလိုက်ကြတော့ဘူး။ တော်တော် အဆင့်အတန်း မြင့်နေပြီလို့ ဖော်ပြနေတာဖြစ်လို့ ၀မ်းသာရသေးတယ်။
ကောင်းကောင်းချီးကျူး
ပဏာမအနေနဲ့ အကျိုးအကြောင်း ရှင်းပြပြီးတော့ သူကဆက်ပြောပါတယ်။ ''ကျွန်တော်က Eleven စထွက် ကတည်းက မပြတ်တမ်း ဖတ်လာတဲ့ အမာခံ ပရိသတ်ပါ။ မူတစ်ခု အခိုင်အမာ ကိုင်စွဲထားတဲ့ ဂျာနယ်မို့ နှစ်သက်တယ်။ အ၀ါရောင် သတင်းဆောင်းပါး မျိုးတွေနဲ့ ဟုတ်ပါ့ဘုရား၊ မှန်ပါ့ဘုရား စာမျိုးတွေ ကင်းရှင်းလို့ သဘောကျတယ်။ Eleven ၁၁ ပြည့်မြောက် အခမ်းအနား အခွေကို ကြည့်ပြီး Eleven စီအီးအို ပြောသွားတဲ့ စကားတွေကို သိပ်အားရတယ်။ ကိုယ့်အပေါ် ကျရောက်လာနိုင်တဲ့ အန္တရာယ်တွေကို ရဲရဲရင့်ရင့် ရင်ဆိုင်ပြီး တိုင်းပြည်အတွက် ပြောသင့် ပြောထိုက်တာတွေကို ပြောသွားတာ ဖြစ်လို့ အလွန် လေးစား သွားတယ်။ ဧရာဝတီ မြစ်ဆုံရေကာတာ ကိစ္စကတော့ မြန်မာ စာနယ်ဇင်း လောကမှာ မှတ်တိုင်တစ်ခု အဖြစ် မှတ်တမ်းတင်ရ လိမ့်မယ်လို့ သတ်မှတ် လိုက်တယ်။ သတင်းစာမှာပါတဲ့ အစိုးရရဲ့ ပေါ်လစီဆောင်းပါး တစ်ပုဒ်ကို ပြတ်ပြတ်သားသား ဝေဖန် ရေးသားတာ ဒါပထမဆုံး တွေ့ဖူးတာပဲ။ အရင်က ဘယ်သူမှ မရေးဖူးဘူး။
ကောင်းကောင်းဝေဖန်
သူကချီးကျူးစကားတွေအားရ ပါးရပြောပါတယ်။ ပြီးတော့မှ သူ မကြိုက်တာကို ဘွင်းဘွင်းရှင်းရှင်း ဆက်ပြောတယ်။ Bi-Weekly Eleven ရဲ့ ရေးသားချက်ကြောင့် အဲဒီနေ့က တစ်နိုင်ငံလုံး ရေသန့်ဘူးတွေ ရောင်းမလောက်အောင် ဖြစ်သွား ပါတယ်တဲ့။ ဒီလို 'သည်းခြေခိုက်' သတင်းတွေ ရေးနေကျ ဂျာနယ်တွေမှာ ပါရင် ပရိသတ်က ဒါလောက် အုန်းအုန်းကျွက်ကျွက် ဖြစ်ချင်မှ ဖြစ်မှာပါ။ သူတို့ အထင်ကြီး လေးစားတဲ့ ဂျာနယ်မှာ ပါတာဆိုတော့ စိတ်ချယုံကြည်စွာနဲ့ အများ လုပ်သလို လိုက်လုပ်ရုံ သာမက၊ နီးစပ်ရာတွေဆီ ဖုန်းဆက်ပြီးတောင် သတင်းပေး မိကြတယ်။ နောက်ဆုံး မဟုတ်ဘူး ဆိုတာသိရတော့ သတင်းက တစ်ပြည်လုံး သာမကဘူး နိုင်ငံခြားရောက် မြန်မာ လူမျိုးတွေအထိ ပါပျံ့နှံ့နေပြီ။ ဒါကိုကြည့်ပြီး ဂျာနယ်သမားတွေ ကောင်းကောင်းဆင်ခြင် ကြဖို့ လူကြီးတွေက ဆုံးမပေးပါ။ သတင်း မီဒီယာဆိုတာ အင်မတန် တာဝန်ကြီးပါတယ်။ ကောင်းသတင်းကိုသာ ပြန့်စေပြီး အဆိပ်အတောက် အညှီအဟောက် တွေကို မဖြန့်မိစေဖို့ ကြပ်ကြပ် နှိုးဆော်ပေးပါ။ ဆရာက Eleven စထွက်ကတည်းက ရေးလာတာဆိုတော့ အယ်ဒီတာတွေနဲ့ ရင်းနှီးနေမှာပါ။ အယ်ဒီတာ လူငယ်လေးတွေကို ကောင်းကောင်း ဆူပေးပါခင်ဗျား။ အသက် ငယ်ပေမယ့် သတင်းထောက်ဟာ သတင်းထောက် လုပ်နိုင်တဲ့ အရည်အချင်း အပြည့်အ၀ ရှိဖို့ လိုပါတယ်။ အယ်ဒီတာ လုပ်ရင် အယ်ဒီတာ လုပ်နိုင်တဲ့ အရည်အချင်း အပြည့်အ၀ ရှိရမယ်။ မပြည့်သေးရင် ပြည့်အောင် အဆက်မပြတ် ဖြည့်နေရမယ်။ သတင်းထောက်တို့၊ အယ်ဒီတာတို့ ဆိုတာက ကမ္ဘာကြီးကို ခါးစောင်း တင်ထားနိုင်မှ တော်ကာကျတဲ့ အလုပ်မျိုးဖြစ်တယ် . . .
ကိုရီးယားကားထဲကလို
သူပြောတာတွေကို ဂရုစိုက်နားထောင်ပါတယ်။ အားလုံးမှန်ပါတယ်။ ပါးစပ် ၁၀ ပေါက်ပါရင် တောင် ပြန်ပြောစရာ စကား မရှိပါဘူး ဆိုတဲ့ ကိုရီးယားကားထဲကလို ပြောရမှာပါပဲ။ မှားသွားပါတယ်။ တောင်းပန်ပါတယ် ဆိုတာက လွဲပြီး တခြား ပြောစရာမှ မရှိတာ။ အဲဒီတော့ သူကျေနပ်အောင် ''ဟုတ်ကဲ့ ဟုတ်ကဲ့ ဆူပေးပါ့မယ်'' လို့ အာမဘန္တေ ခံလိုက်ရတာပေါ့။ ဒီခေတ် ဂျာနယ်လောကမှာ အသက် နှစ်ဆယ်နဲ့ သုံးဆယ်ကြား ယောက်ျားလေးတွေနဲ့ မိန်းကလေးတွေ များသလို Eleven ဂျာနယ်တွေမှာလည်း လူငယ်တွေ ချည်းပါပဲ။ ပေါ်လစီမူဝါဒ ခိုင်ခိုင်မာမာ ချထားတဲ့ ဂျာနယ် တစ်စောင်ဖြစ်တာကြောင့် ဂျာနယ်တွေရဲ့လားရာ လမ်းကြောင်းနဲ့ ကျင့်ဝတ်ပိုင်း ဆိုင်ရာတွေမှာ အပြည့်အ၀ စိတ်ချ ယုံကြည်နိုင်ပေမယ့် အလုပ် ပိုင်းဆိုင်ရာတွေမှာတော့ 'ဒေါင်ဒေါင်မြည် သတင်းသမား' တွေလို့ခေါ်ခံရဖို့ အဝေးကြီး လိုပါသေးတယ်။ အများကြီး ကြိုးစား ကြရပါဦးမယ်။
ပိုက်ဆံမနှောမြောဘူး
သတင်းနဲ့ ပတ်သက်ရင် Eleven က ပိုက်ဆံ မနှမြောပါဘူး။ နှစ်စဉ် အာဆီယံထိပ်သီး အစည်းအဝေး တိုင်းကို ကိုယ့်စရိတ်နဲ့ကိုယ် သတင်းထောက် လွှတ်ပြီး သတင်း ယူခိုင်းတယ်။ အိမ်နီးချင်း ထိုင်းနိုင်ငံက သတင်းမီဒီယာ လုပ်ငန်းတွေကို လေ့လာဖို့ သတင်းထောက် လေး၊ ငါးယောက်ကို ကိုယ့်စရိတ်နဲ့ကိုယ် လွှတ်ပေးတယ်။ တောင်အာဖရိက နိုင်ငံမှာကျင်းပတဲ့ ကမ္ဘာ့ဖလား ဘောလုံးပွဲကိုလည်း ကိုယ့်စရိတ်နဲ့ကိုယ် သတင်းထောက် လွှတ်ပြီး သတင်း ယူခိုင်းတယ်။ အဲဒါကြောင့် သတင်းတွေကို ပြည့်ပြည့်စုံစုံ ဦးဦးဖျားဖျား ဖတ်ကြ၊ သိကြရတယ်။ ဒါပေမဲ့ ပြည်တွင်း သတင်းတွေမှာတော့ အများကြီး ကြိုးစားဖို့ လိုနေတာ တွေ့ရတယ်။ ပါသင့် ပါထိုက်တဲ့ သတင်းတွေ တခြား ဂျာနယ်တွေမှာပါပြီး Eleven ဂျာနယ်တွေမှာ မပါတာမျိုးတွေ ရှိတယ်။ ဒါ့အပြင် သတ်ပုံ အမှားနဲ့ စာအကျ အပေါက်တွေလည်း အပတ်စဉ် တွေ့နေရတယ်။ Eleven လို ဂျာနယ်ကြီးမှာ ဒါမျိုးတွေ လုံးဝမ ရှိသင့်ဘူး။
အပတ်စဉ်သတင်းစာ
Weekly Eleven နဲ့ Bi Weekly Eleven တို့ဟာ အပတ်စဉ်ထုတ် ဂျာနယ်တွေလို့ ခေါ်နေကြပေမယ့် အမှန်ကတော့ သတင်းစာ အလုပ်တွေ လုပ်နေကြတာ ဖြစ်လို့ အပတ်စဉ်ထုတ် သတင်းစာလို့ ခေါ်မယ်ဆို ခေါ်နိုင်တယ်။ အနောက် နိုင်ငံတွေမှာလည်း 'ဆန်းဒေးတိုင်း' တို့ 'ဆန်းဒေးပို့စ်' တို့လို တစ်ပတ် တစ်ကြိမ်ထုတ် သတင်းစာတွေ ရှိတာပါပဲ။ ဒီနေ့ ဂျာနယ်ဖတ် ပရိသတ်က သတင်းတွေ သိချင်လို့ ဖတ်နေကြတာ ဖြစ်တယ်။ သတင်းစာသမား တစ်ယောက်ရဲ့ မျက်စိနဲ့ ပြောရရင်တော့ Eleven က သတင်းတွေနဲ့ ဆောင်းပါးတွေဟာ သတင်းစာရဲ့ အင်္ဂါရပ် တစ်ခုဖြစ်တဲ့ ''လိုတိုရှင်း'' ပုံစံ ကျစ်လျစ် သိပ်သည်းမှု သိပ်မရှိဘူး။ ရှည်လျား ထွေပြားပြီး ပွယောင်းယောင်းဖြစ် နေတယ်လို့ မြင်တယ်။ စာမျက်နှာ အပြင်အဆင် လေးအောက် ဒီဇိုင်းကလည်း ဆွဲဆောင်မှု သိပ်မရှိဘူး။ ရောင်စုံရိုက်နှိပ်နိုင်တာကို အပြည့်အ၀ အသုံးမချ နိုင်သေးပါဘူး။ သတင်းဓာတ်ပုံ ပညာ (ဖိုတိုဂျာနယ်လစ်ဇင်) နဲ့ ရောင်စုံပုံနှိပ် ပညာပေါင်းစပ်ပြီး သွက်လက်လှပတဲ့ စာစောင်တစ်ခု ဖြစ်အောင်လုပ်ဖို့ ကြိုးစား ကြစေချင်ပါတယ်။
မျက်စိပသာဒလှပဖို့
သတင်းစာတစ်စောင်ရဲ့အသက်ဟာ အဲဒီသတင်းစာကကျင့်သုံးတဲ့ ပေါ်လစီမူဝါဒ ပေါ်မှာ မူတည်တာ မှန်တယ်။ ဒါပေမဲ့ သတင်းစာတွေ အများကြီး ဖြန့်ခင်း ရောင်းချနေတဲ့ ထဲက ကောက်ယူ ဆွဲလှန်ကြည့်ချင်လောက်အောင် မျက်စိပသာဒ လှပနေဖို့လည်း လိုတယ်။ လှဖို့ဆိုရာမှာ ခံ့ညား လှပတာကိုပြောတာပါ။ ကလက်တက်တက်နဲ့ လှတာကို ပြောတာ မဟုတ်ပါဘူး။ စာနယ်ဇင်း မိတ်ကပ်ပညာ ကျွမ်းကျင်သူ တစ်ယောက်ဟာ ခံ့ညားလှပအောင် စာမျက်နှာ ဖွဲ့တတ်ရပါတယ်။ မျက်နှာဖုံး တစ်ခုတည်း လှနေလို့ မဖြစ်ဘူး။ အတွင်းက စာမျက်နှာတိုင်း လှနေဖို့ လိုတယ်။
ကိုယ့်ဟာကိုယ်ခန့်တဲ့ မော်နီတာ
နိုင်ငံကြီးတွေက သတင်းစာတိုက်ကြီးတွေမှာ စာဖတ်ပရိသတ်ရဲ့ တိုင်တန်းမှုတွေကို စိစစ်ဖို့နဲ့ တိုက်တွင်း သတင်းစာ ကျင့်ဝတ် မြဲမြံစေဖို့အတွက် အခါမလပ် စောင့်ကြည့် စည်းကြပ် ပေးဖို့အတွက်၊ အများယုံကြည် လေးစားတဲ့ အယ်ဒီတာ တစ်ဦးကို အလွယ်တကူ Watch dog လို့ခေါ်တဲ့ Ombudsman အဖြစ် ခန့်ထားလေ့ ရှိပါတယ်။ စာသင်ကျောင်းတွေမှာ အတန်းလိုက် မော်နီတာတွေ ခန့်ထားတဲ့ သဘောပေါ့။ အခုလည်း Eleven ရဲ့ မော်နီတာ အဖြစ် ကိုယ့်ဟာကိုယ် ခန့်ပြီး အမြင်မတော်ဘူး ထင်တာလေးတွေ ရေးလိုက်တယ်။ ကိုယ့်ပေါင် ကိုယ်လှန်ထောင်း သလို ဆိုပါတော့။ သူများက လာထောင်းရင် ပိုနာမယ် မဟုတ်လား။ ဒါလောက်ဆိုရင် ''Eleven ကို ဆူပေးပါ ခင်ဗျ'' လို့ ပြောတဲ့ စာဖတ်ပရိသတ်လည်း ကျေ နပ်သွားလိမ့်မယ် ထင်ပါတယ်။
ဝေဖန်တာကြိုဆိုတယ်
လက်တွေ့လုပ်ကိုင်နေတဲ့ လူငယ်တွေအနေနဲ့လည်း 'ဆရာက ဒို့ (တို့) ကိုခေါ်ပြီး ဆူရင် ရလျက်သားနဲ့ ခုလို ဂျာနယ်ကနေ ရေးတာတော့ မကောင်းပါဘူး'ဆိုပြီး စိတ်မကွက်ကြစေချင်ဘူး။ Eleven ဟာ သူများတွေကိုသာ ဝေဖန်တာ မဟုတ်ဘူး။ ကိုယ့်ကို ဝေဖန်တာကိုလည်း အမြဲကြိုဆိုတယ် ဆိုတဲ့အကြောင်း ပရိသတ် သိအောင် ပြလိုက်တာလို့ သဘောထား စေချင်တယ်။ ပြီးပြည့်စုံသူ ဆိုတာ မရှိပါဘူး။ လူတိုင်း မှားတတ်တာပဲ။ မှားတာက အပြစ်မဟုတ်ဘူး။ ရှက်စရာလည်း မဟုတ်ဘူး။ မှားတာကို မှားတယ်လို့ ၀န်မခံချင်ဘဲ ဆင်ခြေဆင်လက် အမျိုးမျိုးပေးပြီး မိုးကြိုးပစ်တာကို ထန်းလက်နဲ့ ကာသလိုလုပ်ရင်သာ အပြစ်ဖြစ်တာပါ။ မှားသွားပါတယ်။ တောင်းပန်ပါတယ်။ နောင်မမှားအောင် သတိထား ဆင်ခြင်ပါ့မယ်လို့ ပြောလိုက်ရင် စာဖတ် ပရိသတ်က ကျေနပ် ခွင့်လွှတ်နိုင်ပါတယ်။
အရည်အချင်းပြည့်ဝဖို့လို
လူငယ်တွေမို့ မှားသွားတာ ခွင့်လွှတ်ပါဆိုတာမျိုး မပြောစေချင်ဘူး။ အသက်ငယ်တာ ကြီးတာကို စာဖတ် ပရိသတ်က မကြည့်ဘူး။ ကြည့်စရာလည်း မလိုဘူး။ ဂျာနယ်မှာ ''ဂျာနယ်လစ်''ဆိုပြီး လုပ်တယ် ဆိုကတည်းက ဂျာနယ်လစ် အရည်အချင်း အပြည့်အ၀ ရှိသူတွေလို့ သူတို့ ယူဆ ထားမှာပဲ။ အသက်ငယ်ပေမယ့် သတင်းထောက်ဟာ သတင်းထောက် လုပ်နိုင်တဲ့ အရည်အချင်း အပြည့် အ၀ ရှိဖို့လိုတယ်။ အယ်ဒီတာလုပ်ရင် အယ်ဒီတာ လုပ်နိုင်တဲ့ အရည်အချင်း အပြည့်အ၀ ရှိရမယ်။ မပြည့် သေးရင်ပြည့်အောင် အဆက်မပြတ် ဖြည့်နေရမယ်။ သတင်းထောက်တို့၊ အယ်ဒီတာတို့ ဆိုတာက ကမ္ဘာကြီးကို ခါးစောင်း တင်ထားနိုင်မှ တော်ကာကျတဲ့ အလုပ်မျိုး ဖြစ်တယ်။ ဒါကြောင့် စဉ်ဆက်မပြတ် လေ့လာ ဖြည့်ဆည်း နေကြပါလို့ တိုက်တွန်း လိုက်ပါတယ်။
Ref: EMG News
ဟီလာရီ၊ NLD နှင့် မြန်မာပြည် အစိုးရ၊ ဘယ်သူတွေ ဘာတွေ ဘယ်လောက် ရခဲ့ကြလဲ
ရော်နီညိမ်း
စနေ, 03 ဒီဇင်ဘာ 2011
တပ်မှူးတပ်သား ပြောစကား (၀၈၉)
၂၀၁၁ နိုဝင်ဘာ(၃၀)ရက်နေ့ ကနေ၊ ဒီဇင်ဘာ (၂)ရက်နေ့ အထိ၊ မြန်မာနိုင်ငံကို သုံးရက်ကြာ လာရောက်ခဲ့တဲ့ အမေရိကန် နိုင်ငံခြားရေးဝန်ကြီး Hilary Clinton ရဲ့ ခရီးစဉ်နဲ့ ပတ်သက်ပြီး၊ အမျိုးသား ဒီမိုကရေစီအဖွဲ့ချုပ် အထွေ ထွေအတွင်းရေးမှူး ဒေါ်အောင်ဆန်းစုကြည်ရဲ့ ရုံးအဖွဲ့မှူး ဗိုလ်ကြီးဟောင်း ဦးဝင်းထိန်ရဲ့ သဘောထား အမြင်တွေကို ဒီသီတင်းပတ် တပ်မှူးတပ်သား ပြောစကား ကဏ္ဍမှာ၊ ဦးရော်နီညိမ်းက ဆွေးနွေး တင်ဆက်ထား ပါတယ်။
ဦးရော်နီညိမ်း ။ ။ ဦးဝင်းထိန်ခင်ဗျား၊ အခု မစ္စစ်ဟီလာရီကလင်တန် မြန်မာနိုင်ငံ မလာခင်မှာ၊ သွားခါနီးမှ ကပ်ပြီးတော့၊ အမေရိကန် ကွန်ဂရက် လွှတ်တော်ရဲ့ Indiana ပြည်နယ်ကိုယ်စားပြု Republican အထက် လွှတ်တော်အမတ် Richard Lugar ကနေပြီးတော့မှ၊ မြောက်ကိုးရီးယား-မြန်မာ ဆက်ဆံရေး ကိစ္စကိုပါ၊ ဟီလာ ရီကလင်တန် သွားခါနီး တစ်ရက်နှစ်ရက် အလိုမှာ၊ ကြေညာချက် ထုတ်လိုက်ပါတယ်။ ဒီကိစ္စကိုလည်း မြန်မာနိုင် ငံကိုရောက်ရင် ပြောပါဆိုပြီးတော့။ အခု မြန်မာနိုင်ငံက မပြန်ခင်မှာ၊ ဟီလာရီ ကလင်တန်က သတင်းစာရှင်း လင်းပွဲမှာ ပြောကြာသွားတာ တွေမှာလည်း၊ ဒီကိစ္စပါလာတာ တွေ့ရပါတယ်။ မြောက်ကိုးရီးယားနဲ့ မြန်မာနဲ့ (စစ်ရေး)ဆက်ဆံမှုကို ဖြတ်တောက်ပါလို့၊ သူက ပြောသွားခဲ့ပါတယ်။ တပ်မှူးဟောင်း တစ်ယောက်ဖြစ်တဲ့ ဦးဝင်းထိန်ကိုလည်း ဒီလုံခြုံရေး ကိစ္စနဲ့ ပတ်သက်ပြီး၊ မေးသွားချင်ပါတယ်။ ဒီမြောက်ကိုးရီးယား-မြန်မာ ဆက်ဆံရေးနဲ့ ပတ်သက်ပြီးတော့၊ အမျိုးသား ဒီမိုကရေ စီအဖွဲ့ချုပ်ကကော၊ နိုင်ငံခြားရေးရာအနေနဲ့ ဘယ်လိုများ ရှုမြင်သုံးသပ် ထားတာ ရှိပါသလဲခင်ဗျ။ ပြောနိုင်တဲ့အတိုင်း အတာအထိ ပြောပြပေးပါခင်ဗျ။
(အမေရိကန်အထက်လွှတ်တော် နိုင်ငံခြားရေးရာ ကော်မတီဝင်၊ Indiana ပြည်နယ်ကိုယ်စားပြု Republican အထက်လွှတ်တော်အမတ် Richard Lugar၏ ကြေညာချက် သတင်းကို အောက်ပါ link တွင်၊ ဖတ်ရှုနိုင်ပါသည်။ http://www.voanews.com/burmese/news/Burma-Richard-Lugar-11-25-11-134513268.html)
ဦးဝင်းထိန် ။ ။ မြောက်ကိုးရီးယားနဲ့ မြန်မာအစိုးရနဲ့ လက်ရှိဆက်ဆံရေး အခြေအနေကိုတော့၊ ကျနော်တို့ မဝေ ဖန်ချင်ဘူး။ ဘာ့ကြောင့်လဲ ဆိုရင်၊ မြောက်ကိုးရီးယားနဲ့ မြန်မာ အစိုးရနဲ့ ဆက်ဆံရေးဟာ၊ အရင်တုန်းက ဗိုလ်ချုပ်မှူးကြီးသန်းရွှေ ခေါင်းဆောင်တဲ့ တပ်မတော် အစိုးရနဲ့ လုပ်ခဲ့တာဆိုတော့၊ သူတို့ဟာ သူတို့လုပ်ခဲ့တာ ရှိမယ်။ အခု သမ္မတ ဦးသိန်းစိန် အစိုးရ လက်ထက်မှာတော့၊ အဲဒီ မူလတုန်းက အစီအစဉ်တွေ ဆက်ပြီး ရှိချင်ရှိ မယ်၊ မရှိချင်မရှိဘူး။ အဲဒါနဲ့ပတ်သက်လို့ ကျနော်တို့ အမျိုးသား ဒီမိုကရေစီ အဖွဲ့ချုပ်က နေပြီးတော့ ထူးထူးခြားခြား ဆွေးနွေးထားတာ၊ မရှိပါဘူး။
ဦးရော်နီညိမ်း ။ ။ လွှတ်တော်ထဲရောက်ပြီ ဆိုရင်တော့၊ အမျိုးသားဒီမိုကရေစီ အဖွဲ့ချုပ်ဟာ၊ ဒီကိစ္စအပေါ် မှာ ဆွေးနွေး တင်ပြဖို့ ရှိပါသလားခင်ဗျ။
ဦးဝင်းထိန် ။ ။ ကျနော်တို့ပါတီက အခုမှ စပြီး၊ ပါတီမှတ်ပုံတင်ဖို့ လုပ်တဲ့အတွက်ကြောင့်မို့လို့၊ ဒီလို "ရေးရာ” ကိစ္စတွေ၊ လုံခြုံရေးနဲ့ ကိစ္စတွေ စီးပွားရေးနဲ့ ကိစ္စတွေ၊ အရင်တုန်းကတော့ ၁၉၉၅-၉၆ ခုနှစ်တွေတုန်း က၊ ကော်မတီ တွေဖွဲ့ပြီး လုပ်ထားတာတွေရှိတယ်။ သို့သော်လည်း ၂၀၀၃ ခုနှစ် ဒီပဲယင်းကိစ္စ ပြီးတဲ့နောက်ပိုင်း မှာ၊ ကျနော်တို့ပါတီ နှိပ်ကွပ်ခံရတဲ့ အခါကျတော့၊ အဲဒါမျိုးတွေ ဆက်မလုပ် နိုင်တော့ဘူး။ အင်မတန် ကိုအား နည်းသွားတယ်။ အခု ဒေါ် အောင်ဆန်းစုကြည် လွတ်တဲ့၊ မနှစ်က နိုဝင်ဘာလက စပြီးတော့မှ၊ ကျနော်တို့အဖွဲ့တွေ ပြန်ပြီးတော့ အသက်ဝင် လာတာ။ ဒီလို အသက် ၀င်လာတာတောင်မှ၊ ကျနော်တို့က တရားမ၀င်တဲ့ ပါတီ အနေနဲ့ လှုပ်ရှား နေရတာဆိုတော့၊ အဲဒီကိစ္စတွေကို တရားဝင် ဆွေးနွေးနိုင်တဲ့ အနေအထားမှာ မရှိသေးပါဘူး။
ဦးရော်နီညိမ်း ။ ။ သုတေသနလည်း မလုပ်နိုင်သေးဘူးပေါ့။
ဦးဝင်းထိန် ။ ။ ဟုတ်ပါတယ်။
ဦးဝင်းထိန် ။ ။ အဲဒီတော့ (ဟီလာရီကလင်တန်ရဲ့) ဒီခရီးစဉ်ကြီးတစ်ခုလုံးကို ဦးဝင်းထိန် ဘယ်လို သဘော ပေါက်ပါသလဲ ခင်ဗျ။ (ဒီခရီးစဉ်ရဲ့) main theme က (အဓိကအနှစ်သာရ) ဘာပါလဲ။
ဦးဝင်းထိန် ။ ။ ဒေါ်အောင်ဆန်းစုကြည်နဲ့ ဟီလာရီကလင်တန်တို့ တွေ့တဲ့ အခါမှာတော့၊ အဓိက ကတော့ ကျနော်တို့ ပါတီရဲ့ CEC (Central Executive Committee - ဗဟို အလုပ်အမှုဆောင် ကော်မတီ)နဲ့ တွေ့တယ်။ CRPP (Committee Representing People’s Parliament - ပြည်သူ့ လွှတ်တော် ကိုယ်စားပြုကော်မတီ) နဲ့တွေ့တယ်။ သူပြောသွားတဲ့ သတင်းစာ ကွန်ဖရင့်လည်း၊ ခင်ဗျားတို့ ကြားပြီးသား ဖြစ်မှာပါ။ အဓိကကတော့ နိုင်ငံရေး အကျဉ်းသားတွေ လွှတ်ဖို့ကိစ္စ၊ နောက်ပြီးတော့မှ တိုင်းရင်းသား လူမျိုးစုတွေနဲ့ ဖြစ်နေတဲ့ လက်နက်ကိုင် ပဋိပက္ခကို နိုင်ငံရေးအဖြေရှာဖို့ ကိစ္စ၊ ဒါတွေကို အဓိကထား ပြောသွားတာ၊ ခင်ဗျားတို့လည်း သိပြီးသား ဖြစ် မှာပါ။
ဦးရော်နီညိမ်း ။ ။ နောက်တစ်ခုက ဒေါ်အောင်ဆန်းစုကြည်ပြောတဲ့အထဲမှာ ထူးခြားတာ တစ်ခုပါပါတယ်။ တရုတ်နိုင်ငံနဲ့ ပတ်သက်ပြီး ပြောသွားတာပါ။ တရုတ်နိုင်ငံက မြန်မာအစိုးရရဲ့ အနောက်နိုင်ငံတွေနဲ့ ဆက် ဆံရေး ပြန်ပြီးကောင်းဖို့ ကြိုးစားတာကို သူတို့ ကြိုဆိုတယ်၊ အခုလို ဟီလာရီကလင်တန် ရောက်ရှိလာ ပြီးတော့၊ မြန်မာအစိုးရနဲ့ အခုလိုမျိုး အခြေအနေ ဖြစ်ထွန်းလာတာကို သူတို့ကြိုဆိုတယ်၊ ဆိုပြီး (တရုတ်နိုင် ငံခြားရေးဝန်ကြီးဌာနက) ကြေညာချက် ထုတ်တဲ့အပေါ်မှာ ဒေါ်အောင်ဆန်းစုကြည်က ၀မ်းမြောက် ၀မ်းသာရှိ တယ်လို့၊ သတင်းစာရှင်းလင်းပွဲမှာ ပြောပါတယ်။ သူ ၀မ်းမြောက် ၀မ်းသာဖြစ်တာ နှစ်ချက်ရှိတယ် ပြောပါတယ်။ နောက်တစ်ချက်က၊ နေပြည်တော်မှာ ဟီလာရီ ကလင်တန် သွားရောက်ပြီးတော့မှ မြန်မာအစိုးရ ခေါင်းဆောင်တွေနဲ့ တွေ့ဆုံ ဆွေးနွေးခဲ့တာဟာ၊ အဆင်ပြေပြေ ဖြစ်လာတဲ့အတွက် သူ ၀မ်းမြောက် ၀မ်းသာ ဖြစ်တယ်လို့၊ ဒေါ်အောင်ဆန်းစုကြည်က ပြောပါတယ်။ အဲဒီ တော့ အခုအခါမှာ၊ တရုတ်နိုင်ငံဆိုင်ရာ အမျိုးသား ဒီမိုကရေစီ အဖွဲ့ချုပ်ရဲ့ နိုင်ငံခြားရေး မူဝါဒဟာ ဘယ်လိုများ ရှိပါသလဲ။ ၁၉၈၈-၈၉ ခုနှစ်တွေတုန်းကတော့၊ တရုတ်နိုင်ငံအပေါ် အမျိုးသား ဒီမိုကရေစီ အဖွဲ့ချုပ်ရဲ့ သဘောထားက၊ တစ်မျိုး ရှိကောင်းရှိချင် ရှိခဲ့ပါလိမ့်မယ်။
ဦးဝင်းထိန် ။ ။ အဲဒီအကြောင်းနဲ့ ဒေါ်အောင်ဆန်းစုကြည် ပြောထားတာ ရှိပါတယ်။ ကျနော်တို့ မြန်မာနိုင်ငံ ဟာ တရုတ်နိုင်ငံနဲ့ နယ်နိမိတ်ချင်း ဆက်စပ်နေတဲ့ အတွက်ကြောင့်မို့လို့၊ သမိုင်း အစဉ်အဆက်ထဲက ဆက်ဆံရေးဆိုတာ ရှိခဲ့တယ်။ နောက်ပြီးတော့ အိမ်နီးနားချင်း ဆိုတာက၊ ကိုယ်ရွေးချယ်လို့ ရတဲ့ကိစ္စ မဟုတ်ဘူး။ သမိုင်း အစဉ်အဆက်က ဖြစ်တည်လာခဲ့တဲ့ အခြေအနေတွေ ပေါ်မှာ မူတည်ပြီးတော့မှ အိမ်နီးနားချင်း ဖြစ်ကြ တာကိုး။ အဲဒီတော့ တရုတ် ပြည်နဲ့ မြန်မာနိုင်ငံဟာ၊ အိမ်နီးချင်းကောင်း အနေနဲ့ ဆက်ဆံဖို့ အတွက်၊ ဒေါ်အောင် ဆန်းစုကြည်ရဲ့ စိတ်ထဲမှာ အမြဲတမ်း ရှိနေတယ် ဆိုတဲ့ အချက်ကို၊ သူပြောခဲ့ဖူးပါတယ်။ ဒီနေရာမှာ၊ ကျနော့် အနေနဲ့ တစ်ဦးချင်း အနေအထားနဲ့ ပြောရမယ်ဆိုရင်၊ ဒေါ်အောင်ဆန်းစုကြည်ကို လာရောက် တွေ့ဆုံတဲ့ ပြည်တွင်းပြည်ပ အဖွဲ့အစည်း တွေထဲမှာ၊ တရုတ်နိုင်ငံက သံတမန်တွေ လာပြီးတွေ့တာ မရှိဘူးဆိုတာကို၊ သတိထား မိတယ်။ တခြားနိုင်ငံတွေက သံရုံး သံတမန်တွေက အားလုံးလိုလိုလောက် ဒေါ်အောင်ဆန်းစုကြည်နဲ့ လာတွေ့ ပြီးကြပြီးပြီ။ လာကြတယ်၊ ဆွေးနွေးကြတယ်။ တရုတ်က ဘာဖြစ်လို့ ဒေါ်အောင်ဆန်းစုကြည်ကို မတွေ့သလဲ ဆိုတာတော့၊ ကျနော်လည်း မပြောတတ်ဘူး။ မြန်မာ အစိုးရက မကြည်မသာ ဖြစ်မှာ စိုးလို့ပဲလား၊ သို့မဟုတ် သူတို့ဟာသူတို့ မတွေ့သင့်ဘူးလို့ ဆုံးဖြတ်ထားချက် ကြောင့်ပဲလား၊ အဲဒါတော့ မပြောတတ်ဘူး။ သို့သော် လည်း ဒေါ်အောင်ဆန်းစုကြည် အနေနဲ့က၊ တရုတ်ပြည်နဲ့ အိမ်နီးနားချင်းကောင်း ဖြစ်ဖို့၊ ဆက်ပြီး ဆက်ဆံရမယ် ဆိုတဲ့ သဘောကတော့၊ ထင်ထင်ရှားရှား ပြောထားပြီး ဖြစ်ပါတယ်။
ဦးရော်နီညိမ်း ။ ။ ဒါပေမယ့်၊ ၁၉၉၀ ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ် အနိုင်ရ အောင်ပွဲရတဲ့ အချိန်မှာ၊ ပထမဦးဆုံး အမျိုးသား ဒီမိုကရေစီအဖွဲ့ချုပ်ကို လာရောက်ပြီး ချီးကျူး ဂုဏ်ပြုစကား ပြောခဲ့တဲ့ နိုင်ငံခြား သံတမန်ဟာ၊ တရုတ် သံအမတ်ကြီး ဖြစ်ပါတယ်။ ဒီမှတ်တမ်းက ဖျောက်ဖျက်လို့ မရပါဘူး။ အဲဒီတော့၊ ဦးဝင်းထိန်အနေနဲ့ အခု ဟီလာရီကလင်တန် မြန်မာနိုင်ငံကို လာရောက်တဲ့ ခရီးစဉ်ကို၊ ဘယ်လို ထင်မြင်သုံးသပ် မိပါသလဲ ခင်ဗျ။
ဦးဝင်းထိန် ။ ။ မြန်မာပြည်ကို အမေရိကန်နိုင်ငံခြားရေးဝန်ကြီး လာရောက် လည်ပတ်မှုဟာ၊ (၁၉၅၅ ခုနှစ် က) အမေရိကန် သမ္မတ အိုက်ဆင်ဟောင်ဝါ လက်ထက်က နံမည်ကြီးခဲ့တဲ့ နိုင်ငံခြားရေးဝန်ကြီး ဂျွန်ဖေါ်စတာ ဒါးလက်(စ်) (John Foster Dulles)၊ သူလာလည်ဖူးပါတယ်။ အဲဒီတုန်းကတော့ ကျနော်တို့ မြန်မာနိုင်ငံမှာ ဦးနု က၊ ၀န်ကြီးချုပ်ပေါ့ ခင်ဗျာ။ အဲဒီအချိန်က မြန်မာ အစိုးရက မစ္စတာ ဒါးလက်(စ်) ရောက်လာခါစမှာ သိပ်ပြီး ဟက်ဟက်ပက်ပက် မရှိပေမယ့်လည်း၊ ဂျွန်ဖေါ်စတာ ဒါးလက်(စ်)ရဲ့ သံတမန်ရေး ကျွမ်းကျင်မှုကြောင့်ပဲလား၊ နှစ်နိုင်ငံ သဘောတူညီချက်ကြောင့် ပဲလားတော့ မသိဘူး၊ သူပြန်တဲ့ အခါမှာတော့ ဦးနုနဲ့တကွ အစိုးရအဖွဲ့ ထဲက အရေးပါတဲ့ ၀န်ကြီးတွေတောင် ပြန်ပြီး လိုက်ပို့ကြတဲ့ အနေအထား ဖြစ်သွားခဲ့တယ်။ အခု ဂျွန်ဖေါ်စတာ ဒါးလက်(စ်) ပြီးတဲ့ နောက်ပိုင်းမှာ၊ မစ္စက်(စ်) ဟီလာရီကလင်တန် ရောက်လာတာဟာ၊ (၅၆)နှစ်အတွင်းမှာ ပထမဦးဆုံး အကြိမ်ပေါ့။ အဲဒီလို ဖြစ်လာတဲ့အခါမှာ၊ ကျနော်တို့ နိုင်ငံရဲ့အနာဂတ်နဲ့ ပတ်သက်လို့၊ အမေရိကန်နိုင် ငံခြားရေးဝန်ကြီး လာရောက် လည်ပတ်မှုဟာ ဆိုရင်၊ လက်ရှိ ဦးသိန်းစိန် ခေါင်းဆောင်တဲ့ အစိုးရအပေါ်မှာ အထိုက်အလျောက် သြဇာ လွှမ်းမိုးမှု ရှိလိမ့်မယ်လို့၊ ကျနော် ယူဆတယ်။ နောက်တစ်ချက်က အဲဒီလို သြဇာ လွှမ်းမိုးမှုကြောင့်၊ ကျနော်တို့ အမျိုးသား ဒီမိုကရေစီ အဖွဲ့ချုပ်ပေါ်မှာ သူတို့ (မြန်မာအစိုးရ)က ပိုပြီးတော့ အလေးထား ဆက်ဆံလာမယ်လို့၊ ကျနော် ထင်တယ်။ နောက် အဲဒီကနေ ဆက်စပ်ပြီး ပြောရမယ်ဆိုရင်၊ ဟီလာရီ ကလင်တန်နဲ့ ဒေါ်အောင်ဆန်းစုကြည်တို့ ပြောစကားတွေအရ၊ ကျနော်တို့နဲ့ ခပ်တန်းတန်း ဖြစ်နေသေးတဲ့ တရုတ်နိုင်ငံနဲ့ အမျိုးသား ဒီမိုကရေစီ အဖွဲ့ချုပ်နဲ့ ဆက်ဆံမှု ဖြစ်လာလိမ့်မယ်လို့၊ ကျနော် မျှော်လင့်တယ်။ အဲဒီတော့ မြန်မာနိုင်ငံ အနာဂတ် ဒီမိုကရေစီ အရေးမှာ၊ ပိုပြီးတော့ မြန်ဆန်ပြီးတော့၊ ပိုပြီးတော့ နားလည်မှုရှိတဲ့ အနေအထားတွေ ဖြစ်လာနိုင်မယ်လို့၊ ကျနော် မျှော် လင့်ပါတယ်။
(၁၉၅၅ ခုနှစ် အမေရိကန်နိုင်ငံခြားရေးဝန်ကြီး ဂျွန်ဖေါ်စတာ ဒါးလက်(စ်) ၏ ခရီးစဉ် သတင်းဓါတ်ပုံများအား၊ ဧရ၀တီ သတင်းစာမျက်နှက် အောက်ပါ link တွင် ကြည့်ရှုနိုင်ပါသည်။ http://www.irrawaddyblog.com/2011/11/blog-post_8383.html)
ဦးရော်နီညိမ်း ။ ။ ဟုတ်ကဲ့၊ အခု မြန်မာနိုင်ငံကို လာရောက်ခဲ့တဲ့ ဟီလာရီကလင်တန်ဘက်က အမေရိ ကန်ပြည် ထောင်စုဘက်က ကြည့်ရင်လည်း၊ သူတို့အတွက် အထိုက်အလျောက် အောင်မြင်မှုရှိတယ်၊ မြန်မာအစိုး ရဘက်က ကြည့်ရင်လည်း ကမ္ဘာပေါ်မှာ သူတို့အတွက် ရုပ်ပြ ကောင်းတယ်၊ သူတို့ နိုင်ငံတကာ အလယ်မှာ သူ တို့အစိုးရ အတွက် legitimacy (တရားဝင်မှု) လိုချင်နေတဲ့ အချိန်မှာ၊ အမေရိကန် နိုင်ငံလို နိုင်ငံရဲ့ နိုင်ငံခြားရေး ၀န်ကြီးက အခု အစိုးရသစ်လက်ထက်မှာ လာတယ်ဆိုတော့၊ သူတို့ဘက်က ကြည့်ရင်လည်း၊ ဘာပဲပြောပြော သူတို့အတွက် အကျိုးရှိသင့်သလောက် ရှိသွားတယ်လို့၊ ကျနော်တို့ မြင်ကြည့်လို့ ရပါတယ်။ အဲဒီတော့ အမျိုး သားဒီမိုကရေစီအဖွဲ့ ချုပ် အတွက်ကော၊ ဘယ်လောက် အကျိုးရှိ သွားခဲ့တယ်လို့၊ ထင်မြင် ယူဆမိပါသလဲ ခင်ဗျ။
ဦးဝင်းထိန် ။ ။ ဟီလာရီကလင်တန်လို ပုဂ္ဂိုလ်မျိုး လာလည်တဲ့ အတွက်ကြောင့်မို့လို့၊ ဒီအစိုးရနဲ့ အမျိုးသား ဒီမိုကရေစီ အဖွဲ့ချုပ်တို့ ကြားမှာ၊ တဖြည်းဖြည်း ပြေလည်မှု ပိုပြီး ရလာနိုင်တယ်။ နောက်ဆုံး ဘယ်အဆင့်အထိ မှန်းဆ နိုင်သလဲဆိုရင်၊ နှစ်နိုင်ငံ သံတမန် ဆက်ဆံမှုမှာ အရင် အဆက်ဆက် နှစ်ပေါင်း(၂၀) ကျော် အေးစက်နေတဲ့ အနေအထားက နေပြီးတော့မှ၊ နှစ်နိုင်ငံဟာ သံအမတ် အဆင့်အထိ ပြန်ထားပြီး၊ ဆက်ဆံရေး တိုးတက်လာတဲ့ အထိ အလားအလာ ရှိနေပါတယ်။ အဲဒီလို အလားအလာတို့၊ အမေရိကန် နိုင်ငံရဲ့ ရပ်တည်မှုနဲ့ သြဇာလွှမ်းမိုး မှုတွေကြောင့်၊ ကျနော်တို့ မြန်မာနိုင်ငံမှာ လူ့အခွင့်အရေးနဲ့ ဒီမိုကရေစီရေးရာ ကိစ္စတွေမှာ၊ ပိုပြီးတော့ လျင်မြန် လာလိမ့်မယ်လို့၊ ကျနော် မျှော်လင့်ပါတယ်။ နောက်တစ်ခုရှိတာက၊ ဟီလာရီ ကလင်တန်လာတဲ့ အတွက်ကြောင့် မို့လို့၊ စီးပွားရေး ပိတ်ဆို့ ဒဏ်ခတ်မှုတွေကို ပြန်ပြီး ရုပ်သိမ်း သွားလိမ့်မယ်ဆိုတဲ့ အချက်ကတော့၊ မပြောနိုင်သေး ပါဘူး။ ဘာကြောင့်လဲဆိုရင် ဦးသိန်းစိန် အစိုးရဟာ မြန်မာပြည်မှာ သိသာတဲ့ လူ့အခွင့်အရေးနဲ့ ပတ်သက်တဲ့ ကိစ္စတွေ၊ အထူးသဖြင့် နယ်စပ် ဒေသမှာရှိတဲ့ လက်နက်ကိုင် ပဋိပက္ခတွေကို ဖြေရှင်းနိုင်တဲ့ အနေအထားရောက် မှသာလျှင်၊ နိုင်ငံတကာကနေ စီးပွားရေး ပိတ်ဆို့မှုတွေ ရုပ်သိမ်းလိမ့်မယ်လို့ ကျနော် ယူဆပါတယ်။ ကျနော်တို့ အမျိုးသား ဒီမိုကရေစီ အဖွဲ့ချုပ် အနေနဲ့ကတော့၊ ဟီလာရီ ကလင်တန်နဲ့ ဒေါ်အောင်ဆန်းစုကြည်တို့ အချိန်ကြာ ရှည်စွာ ဆွေးနွေးနိုင်တဲ့အတွက်၊ အားရ ကျေနပ်စရာ ရှိတယ်လို့ ပြောနိုင်ပါတယ် ခင်ဗျ။
ဦးရော်နီညိမ်း ။ ။ ဟုတ်ကဲ့၊ မြန်မာနိုင်ငံရဲ့ အနာဂတ်ကို နောက်တစ်ဆင့် တက်ကြည့်တဲ့ အနေအထားနဲ့၊ ဦးဝင်းထိန်ကို နောက်ဆုံး မေးချင်တာ ရှိပါတယ်။ အခု အမျိုးသား ဒီမိုကရေစီ အဖွဲ့ချုပ်ဟာ၊ ပါတီ မှတ်ပုံတင်ပြီးပြီ ဆိုတော့၊ မကြာခင် ကြားဖြတ် ရွေးကောက်ပွဲတွေမှာလည်း ၀င်ရောက် ယှဉ်ပြိုင်ပြီးရင်၊ လွှတ်တော်ထဲ အခုလစ် လပ်နေတဲ့ အခု (၄၈) နေရာထဲ၊ ဘယ်နှစ်နေရာ ရမလဲတော့ မသိဘူး။ ဒီအနေအထားတွေမှာ တစ်ဆင့်ထက်ပြီး စဉ်းစားတာက၊ တရုတ်နဲ့ အမေရိကန်နဲ့ ဆက်ဆံရေး ကိုတောင်မှ တစ်ချိန်တုန်းက မြန်မာအစိုးရက၊ ကြားက၀င် ပြီး စေ့စပ်ဖျန်ဖြေသူ အဆင့်ထိအောင် လုပ်ကိုင် ဆောင်ရွက်ခဲ့ဖူးတာတွေ၊ ရှိခဲ့ဖူးပါတယ်။ ဥပမာ - တရုတ်က ပစ်ချခဲ့တဲ့ အမေရိကန် လေတပ်ရဲ့ pilot တွေကို၊ ပြန်လွှတ်ပေးဖို့ (၀န်ကြီးချုပ်) ဦးနုက ၀င်ရောက် စေ့စပ်ပေးခဲ့ရ ဖူးပါတယ်။ (ရည်ညွှန်း - ဦးတင်မောင်ဝင်း ရေးသားသော “နိုင်ငံရေးသမားနှင့် နိုင်ငံရေး” စာအုပ်) အဲဒါမျိုးတွေ က သမိုင်းမှာ ရှိခဲ့ဖူးတဲ့ အခါကျတော့၊ အမျိုးသား ဒီမိုကရေစီ အဖွဲ့ချုပ်ကလည်း လွှတ်တော်ထဲမှာ ပါလာပြီးတော့၊ တစ်ခါ ၂၀၁၄ မှာ မြန်မာနိုင်ငံ သဘာပတိဖြစ်တဲ့ အချိန်မှာ၊ အစိုးရအဖွဲ့ထဲ NLD ပါလာတဲ့ အနေအထားမျိုး ပါရင်လည်း ပါလာနိုင်တဲ့ အနေအထားမျိုး ရောက်လာခဲ့ရင်၊ မြန်မာနိုင်ငံရဲ့ အနေအထားဟာ နိုင်ငံတကာ မျက်နှာစာမှာ၊ မျက်နှာပန်းပို လှလာမလား။ တခြားကြောင့် မေးတာ မဟုတ်ပါဘူး။ ပြီးခဲ့တဲ့ ဇွန်လတုန်းက ထွက် ခဲ့တဲ့ သမိုင်းပညာရှင် ဦးသန့်မြင့်ဦး (ကွယ်လွန်သူ တတိယမြောက် ကုလသမဂ္ဂ အတွင်းရေးမှူးချုပ် ဦးသန့်၏မြေး) ရေးတဲ့ စာအုပ် (Where China Meets India: Burma and the New Crossroads of Asia) မှာ၊ သူဟာ မြန်မာနိုင်ငံကို ဘယ်လောက်တောင် မျှော်လင့်ထားလဲ ဆိုရင်၊ အခုလို ပြောင်းလဲ တိုးတက်မှုတွေ ရဲ့ နောက်တဆင့်မှာ၊ မြန်မာနိုင်ငံဟာ အာရှမှာ game changer နိုင်ငံ ဖြစ်လာလိမ့်မယ်လို့၊ မျှော်မှန်းပြီး အဲဒီ အဆင့်အထိ ရေးထားပါတယ်။ (အမျိုးသားပြန်လည် သင့်မြတ်ရေး ဖြစ်ထွန်းပြီးရင်) အဲဒီ လောက်အဆင့်အထိ ကို မျှော်မှန်းလို့ ရနိုင်ပါပြီလား ခင်ဗျ။
(ဦးသန့်မြင့်ဦးနှင့် ဗီအိုအေတို့၏ Where China Meets India: Burma and the New Crossroads of Asia စာအုပ်အကြောင်း၊ (အင်္ဂလိပ်ဘာသာနှင့်) ဆက်သွယ်မေးမြန်းခန်းကို အောက်ပါ link တွင် ဖတ်ရှုနိုင်ပါသည်။ http://voaburmese.wordpress.com/2011/10/07/990/#comments)
ဦးဝင်းထိန် ။ ။ ဦးသန့်မြင့်ဦးရဲ့ အယူအဆကတော့ သူ့အယူအဆပေါ့လေ။ ဒါပေမယ့် တစ်ခု ပြောစရာရှိ တာက၊ ဦးသန့်မြင့်ဦးက မြန်မာပြည်မှာ မနေဖူးးတဲ့ အခါကျတော့၊ မြန်မာနိုင်ငံသား တွေဟာ ဘယ်လောက်အထိ ခက်ခက်ခဲခဲနဲ့ နိုင်ငံရေး၊ စီးပွားရေး၊ လူမှုရေးတွေမှာ ရင်ဆိုင် နေကြရတယ် ဆိုတာကို၊ သူမသိဘူး။ သူက နိုင် ငံခြားမှာနေတယ်။ နိုင်ငံခြားမှာ ပညာသင်တယ်။ နိုင်ငံခြားက အတွေ့အကြုံ တွေကို မြန်မာနိုင်ငံထဲက စာရွက်စာ တမ်းတွေ ဖတ်ပြီးတော့၊ သူ့ထင်မြင်ချက်နဲ့ ပြောတဲ့ကိစ္စကို၊ ကျနော် သဘောမတူနိုင်ဘူး။ အလားတူပဲ ဒေါ်အောင် ဆန်းစုကြည်ကိုလည်း ဝေဖန်တာတွေ ရှိတယ်။ ဒေါ်အောင်ဆန်းစုကြည်ဟာ ငယ်ငယ်တုန်းက နိုင်ငံခြားမှာ နေ တယ်၊ နိုင်ငံခြားမှာ ပညာ သင်ခဲ့ဖူးတယ်၊ နိုင်ငံခြားမှာပဲ ရှိနေတာကြောင့်၊ မြန်မာပြည် အကြောင်းကို မသိဘူး လို့၊ ပြောခဲ့ကြတယ်။ ဒါပေမယ့် အခု နှစ်ပေါင်း (၂၀) ကျော်၊ ဒေါ်အောင်ဆန်းစုကြည်ရဲ့ မြန်မာ့နိုင်ငံရေးနယ် ပယ်မှာ အနစ်နာ အများကြီးခံပြီး လုပ်ကိုင်လာတဲ့ အခါကျတော့၊ ဒီလိုကိစ္စအတွက်၊ ဒေါ်အောင်ဆန်းစုကြည်ကို အပြစ်တင်လို့ မရတော့ဘူး။ ဦးသန့်မြင့်ဦး ပြောတဲ့ ကိစ္စကတော့၊ အဝေးကနေ သူထင်မြင်ချက် လှမ်းလုပ်လိုက် တာကြောင့်၊ သဘောမတူနိုင်ဘူး။ ဒါက တစ်အချက်။ နှစ်အချက်ကတော့ အမျိုးသား ဒီမိုကရေစီအဖွဲ့ချုပ် က ရွေးကောက်ပွဲဝင်ပြီး၊ အထိုက်အလျောက် နိုင်မယ်ဆိုရင်တော့၊ မြန်မာပြည် game changer ဖြစ်တဲ့ အထိအောင်တော့ မရောက်နိုင်သေးဘူး၊ သို့သော်လည်းပဲ ကျနော်တို့ နိုင်ငံအတွက် အဆင်မပြေ ဖြစ်နေတာတွေ ကို၊ အထိုက်အလျောက် ပြုပြင် ပြင်ဆင်တာတွေ လုပ်ပေးနိုင်မယ်၊ နောက်တစ်ခုက ဖွဲ့စည်း အုပ်ချုပ်ပုံအခြေခံ ဥပဒေနဲ့ ပတ်သက်လို့၊ ပြင်ဆင်ချင်တဲ့ ကိစ္စတွေ ရှိတယ်။ အဲဒါနဲ့ ပတ်သက်ပြီးတော့၊ လွှတ်တော်ထဲကနေ ပြင် ယူနိုင်အောင် ကြိုးပမ်းလို့ရတဲ့ အဆင့် ဖြစ်လာနိုင်တယ်။ မြန်မာနိုင်ငံ အာရှမှာ game changer နိုင်ငံဖြစ်လာနိုင် တယ်ဆိုတာ၊ it’s too early to say ပြောဖို့ရာ သိပ်စောပါသေးတယ် ခင်ဗျာ။
ဦးရော်နီညိမ်း ။ ။ ပြီးခဲ့တဲ့ နိုဝင်ဘာ(၃၀)ရက်နေ့ ကနေ၊ ဒီဇင်ဘာ (၂)ရက်နေ့ အထိ၊ မြန်မာနိုင်ငံကို သုံးရက်ကြာ လာရောက်ခဲ့တဲ့ အမေရိကန် နိုင်ငံခြားရေးဝန်ကြီး Hilary Clinton ရဲ့ ခရီးစဉ်နဲ့ ပတ်သက်ပြီး၊ အမျိုးသား ဒီမိုကရေစီ အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည်ရဲ့ ရုံးအဖွဲ့မှူး ဗိုလ်ကြီးဟောင်း ဦးဝင်းထိန်ရဲ့ သဘောထား အမြင်တွေကို ဆက်သွယ်မေးမြန်း တင်ဆက်ခဲ့တာပါ ခင်ဗျာ။ ကျနော် ရော်နီညိမ်း ပါ။
Ref: VOA News
မြန်မာပြုပြင်ပြောင်းလဲရေး အများကြီး လုပ်ဆောင်ရန် လိုနေသေး
ဒေါ်ခင်မျိုးသက်
တနင်္လာ, 05 ဒီဇင်ဘာ 2011
မြန်မာနိုင်ငံမှာ နိုင်ငံရေး လွတ်လပ်ခွင့်တွေအတွက် အစပျိုးတဲ့ခြေလှမ်းတွေ တွေ့နေရပေမဲ့ တကယ် စစ်မှန်တဲ့ ပြောင်းလဲမှုတွေ ရှိလာဖို့ လုပ်စရာတွေ အများကြီး ကျန်နေသေးတယ်လို့ မကြာခင်ကမှ မြန်မာနိုင်ငံကို ၃ ရက်ခရီးသွားခဲ့တဲ့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ပြောပါတယ်။ အမေရိကန် အစိုးရ အနေနဲ့ မြန်မာနိုင်ငံရဲ့ အခြေအနေကို ပွင့်ပွင့်လင်းလင်း ဆက် အကဲဖြတ်နေမှာ ဖြစ်ပြီး မြန်မာနိုင်ငံ ဒီမိုကရေစီ ပြုပြင်ပြောင်းလဲရေး အတွက် အကူအညီတွေလည်း ဆက်ပေးသွားမယ်လို့ ဆိုပါတယ်။ ဒီအကြောင်းကိုတော့ ဒေါ်ခင်မျိုးသက် တင်ပြထားပါတယ်။
အမေရိကန်နိုင်ငံခြားရေးဝန်ကြီး ဟီလာရီကလင်တန်ဟာ နိုဝင်ဘာလ ၃၀ ရက်နေ့က မြန်မာနိုင်ငံကို ရောက်ရှိခဲ့ပြီး သမ္မတ ဦးသိန်းစိန် အပါအ၀င် မြန်မာအစိုးရသစ် အဖွဲ့နဲ့ တွေ့ဆုံခဲ့ပါတယ်။ မြန်မာနိုင်ငံမှာ ပြီးခဲ့တဲ့နှစ် ရွေးကောက်ပွဲအပြီး စစ်အစိုးရကနေ အရပ်သား အစိုးရအဖြစ် ပြောင်းလဲ အုပ်ချုပ်ခဲ့ပြီးတဲ့နောက် အပြောင်းအလဲတွေ တွေ့လာခဲ့ရတာမိုလို့ စီးပွားရေး ပိတ်ဆို့ အရေးယူ ဒဏ်ခတ်ထားတဲ့ အမေရိကန် အစိုးရက ထိတွေ့ ဆက်ဆံရေး လုပ်ဆောင်မှုမှာ နိုင်ငံခြားရေး ၀န်ကြီးကို စေလွှတ်ပြီး ဒီအပြောင်းအလဲ တွေကို စမ်းစစ် လေ့လာစေခဲ့တာ ဖြစ်ပါတယ်။ ၀န်ကြီးကလင်တန်က မြန်မာအစိုးရသစ် အဖွဲ့ရဲ့ ပြုပြင်ပြောင်းလဲမှု အတွက် ချီးကျူး ခဲ့ပေမဲ့ ဒီမိုကရေစီရေး လုပ်ဆောင်စရာတွေ အများကြီး ကျန်နေသေးတယ်လို့ မြင်ကြောင့် ဒီခရီးစဉ်နဲ့ ပတ်သက်ပြီး ထုတ်ဖော် ပြောကြား ခဲ့တယ်လို့ နိင်ငံခြားရေး ၀န်ကြီးဌာန ပြောခွင့်ရက ဗွီအိုအေကို ပြောပါတယ်။
“မြန်မာအစိုးရ အရာရှိတွေနဲ့ တွေ့ဆုံ ဆွေးနွေးမှုတွေကနေ မြန်မာနိုင်ငံမှာ နိုင်ငံရေးလွတ်လပ်ခွင့်အတွက် အစပျိုးတဲ့ ခြေလှမ်းတွေ တွေ့နေရတာကို နိုင်ငံခြားရေး ၀န်ကြီး ကလင်တန်က အသိအမှတ် ပြုခဲ့ပါတယ်။ ဒါပေမဲ့ မြန်မာနိုင်ငံ ဒီမိုကရေစီရေး ပြောင်းလဲမှုတွေ ရှိလာဖို့ လုပ်စရာတွေကတော့ အများကြီး ကျန်နေသေးတာကို အထူး အလေးအနက်ထား ပြောပါတယ်။”
မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုတွေအတွက် နိုင်ငံရေးအကျဉ်းသားတွေ လွှတ်ပေးဖို့ အဓိက ကျတဲ့ နိုင်ငံရေး လုပ်ငန်းစဉ်မှာလည်း အဖွဲ့အစည်း အသီးသီးက ပါဝင်စေဖို့လိုအပ်တယ်လို့ ဆိုပါတယ်။
“မြန်မာနိုင်ငံမှာ တိုးတက်မှုတွေ ကျယ်ကျယ်ပြန့်ပြန့်နဲ့ နက်နက်ရှိုင်းရှိုင်း လုပ်လာဖို့ နိုင်ငံခြားရေးဝန်ကြီး ကလင်တန်က အားပေး ခဲ့ပါတယ်။ အထူးသဖြင့် နိုင်ငံတကာက စိတ်ပူနေတဲ့ ကိစ္စတွေ ဖြစ်တဲ့ နိုင်ငံရေး အကျဉ်းသား အားလုံးကို ချွင်းချက်မရှိ အမြန်ဆုံး ပြန်လွှတ်ပေးဖို့၊ လွတ်လပ်ပြီး တရားမျှတတဲ့ ကြားဖြတ် ရွေးကောက်ပွဲကို အချိန်ဆွဲမနေဘဲ ကျင်းပပေးဖို့ အပါအ၀င် နိုင်ငံရေး လုပ်ငန်းစဉ်တွေ ဆက်လုပ်ရာမှာ အဖွဲ့အားလုံး ပါဝင်ဖို့၊ တိုင်းရင်းသားဒေသတွေမှာ ကာလရှည်ကြာ ဖြစ်ပွားနေတဲ့ တိုက်ပွဲတွေ ရပ်ဆိုင်းဖို့ပါ။ ဒါ့အပြင် မြောက်ကိုရီးယားနဲ့ မြန်မာ စစ်ရေးဆက်သွယ်မှုတွေမှာ ထင်သာမြင်သာ ရှိစေဖို့ပါ တောင်းဆိုခဲ့ပါတယ်။”
ဝန်ကြီးကလင်တန် မြန်မာနိုင်ငံကို မသွားခင် အမေရိကန် အထက်လွှတ်တော် နိုင်ငံခြားရေးရာ ကော်မတီက ထိပ်တန်း အမတ် တစ်ဦးဖြစ်တဲ့ အင်ဒီယားနား ပြည်နယ် အထက်လွှတ်တော် အမတ် ရစ်ချက်လူဂါ က မြန်မာအစိုးရရဲ့ မြောက်ကိုရီးယား အကူအညီနဲ့ နျူကလီးယား လက်နက် လုပ်ဆောင်နေမှုတွေကို သေသေချာချာ ရှင်းလင်းဖို့ တောင်းဆိုခဲ့တာပါ။ အမေရိကန် နိုင်ငံခြားရေး ၀န်ကြီးက မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ အတိုက်အခံ နိုင်ငံရေး အဖွဲ့အစည်းတွေနဲ့ လူမှု လူ့အဖွဲ့အစည်း အသီးသီးက ပုဂ္ဂိုလ်တွေကို တွေ့ဆုံခဲ့ပြီးတဲ့နောက် လက်ရှိ အမေရိကန်ရဲ့ မြန်မာနိုင်ငံဆိုင်ရာ မူဝါဒအတိုင်း ဆက်လက် ကျင့်သုံးသွားဖို့ စဉ်းစားခဲ့တဲ့အပြင် မြန်မာနိုင်ငံ ဒီမိုကရေစီရေး ပြုပြင် ပြောင်းလဲမှုတွေအတွက် အကူအညီတွေ ဆက်ပြီး ပေးသွားမယ်လို့လည်း နိုင်ငံခြားရေး ၀န်ကြီးဌာန ပြောခွင့်ရသူက ပြောပါတယ်။
“မြန်မာနိုင်ငံက အခြေအနေတွေကို အခု အမေရိကန်က လုပ်ဆောင်နေသလိုပဲ ပွင့်ပွင့်လင်းလင်း ဆက်လက် အကဲခတ် နေမှာဖြစ်ပြီး မြန်မာလူထု ကောင်းကျိုးအတွက် အမေရိကန်နိုင်ငံက ဆောင်ရွက်ဖို့ သန္နိဌာန် ချမှတ်ထားတာကို ပြတဲ့အနေနဲ့ မြန်မာ အစိုးရဘက်က ပြုပြင်ပြောင်းလဲမှုတွေ အခုအတိုင်း ဆက်ပြီး လုပ်ဆောင်မယ်ဆိုရင် မြန်မာနိုင်ငံ ဒီမိုကရေစီ ပြောင်းလဲရေး အတွက် အကူအညီတွေ ဆက်ပြီးပေးဖို့ နိုင်ငံခြားရေး ၀န်ကြီး ကလင်တန်က စဉ်းစား ထားပါတယ်။”
နိုင်ငံခြားရေးဝန်ကြီးကလင်တန်ရဲ့ မြန်မာနိုင်ငံခရီးစဉ်ဟာ နှစ်ပေါင်း ၅၀ အတွင်း အမေရိကန်ဘက်က နိုင်ငံခြားရေး ၀န်ကြီး အဆင့်အဖြစ်နဲ့ ပထမဆုံး အကြိမ် သွားရောက်တာ ဖြစ်ပါတယ်။ အမေရိကန်နိုင်ငံရဲ့ တိုက်ရိုက်တွေ့ဆုံ ထိစပ်တဲ့ မူဝါဒတွေဟာ မြန်မာနိုင်ငံမှာ ဒီမိုကရေစီရေး အပြောင်းအလဲတွေ ဖြစ်လာအောင် လုပ်နေတာပဲ ဖြစ်တယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ၀န်ကြီးကလင်တန်နဲ့ တွေ့ဆုံအပြီးမှာ ပြောကြားခဲ့ပါတယ်။
Ref: VOA News
ခွဲထွက်နှင့် နုတ်ထွက် တချို့ NLD ပါတီသစ်ကို ပြန်ဝင်မည်
လင်းသန့်
December 2, 2011
အမျိုးသား ဒီမိုကရေစီအဖွဲ့ချုပ်(NLD) ပါတီမှ ခွဲထွက်ပြီး ပါတီသစ်တည်ထောင်ထားသူများ အပါအ၀င် နုတ်ထွက် ထားသူ တချို့သည် NLD ပါတီသို့ ပြန်လည် ၀င်ရောက်ရန် ပြင်ဆင်နေကြကြောင်း သတင်းရရှိသည်။
NLD ပါတီမှ ခွဲထွက်ပြီး ၂၀၁၀ ရွေးကောက်ပွဲကို ၀င်ရောက်ယှဉ်ပြိုင်ခဲ့သော အမျိုးသား ဒီမိုကရေစီ အင်အားစု ပါတီ (NDF) နှင့် အမျိုးသား ဒီမိုကရေစီ ပါတီတို့မှ အဖွဲ့ဝင် တချို့မှာ NLDသို့ ၀င်ရောက် ကြမည်ဟု သိရသည်။
“ပြန်ဝင်မယ့်သူတွေရှိလည်း ပြန်ဝင်ပေါ့ဗျာ။ ကျနော်တို့ကတော့ ပြောစရာမရှိပါဘူး၊ အခုအချိန်မှာ NLD ကလည်း ထင်ရှား တောက် ပ နေတာကိုး။ မိခင်ပါတီအပေါ် သံယောဇဉ် ရှိတဲ့သူတွေလည်း ရှိနေမှာပါ”ဟု NDF ခေါင်းဆောင် ဦးခင်မောင်ဆွေက ဧရာဝတီကို ပြောသည်။
သို့သော် ယခုအထိ NDF ပါတီဝင်များထဲက နုတ်ထွက်စာတင်သူမရှိသေးကြောင်း၊ ယခုကိစ္စမျိုးသည် တဦးချင်းကိစ္စ ဖြစ်ကြောင်း လည်း သူကပြောသည်။
NDF အနေဖြင့်လည်း ပါတီဖျက်၍ NLD နှင့် ပြန်လည်ပူးပေါင်းရန် အစီအစဉ်မရှိသေးကြောင်း၊ သို့သော် မဟာမိတ် ၁၀ ပါတီ အနေဖြင့် NLD နှင့် ဒီမိုကရေစီအရေး၊ လူ့အခွင့်အရေး ကိစ္စများအတွက် ပူးပေါင်း ဆောင်ရွက်သွားရန် ကြေညာ ထားကြောင်း ဦးခင်မောင်ဆွေက ဆက်ပြောသည်။
NDF ပါတီဝင် အမည်မဖော်လိုသူ တဦးကမူ“ကျနော်တို့ကတော့ နဂိုကလည်း NLD ဖြစ်ခဲ့တာ တကြောင်း၊ ကျနော်တုိ့ ယုံကြည် ခဲ့တဲ့ ရွေးကောက်ပွဲ ပြန်ဝင်မှာနဲ့ ပါတီ မှတ်ပုံ တင်တာ ရှိလာပြီဆိုတော့ အခု ပါတီက ပြန်ထွက်ပြီး NLD ကို ပြန်ဝင်ဖို့ လုပ်နေပါတယ်”ဟု ဆိုသည်။
သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်ကလည်း“ကျနော်သိသလောက်တော့ ကျနော်တို့နဲ့ လာရောက် ပူးပေါင်းတဲ့ လသာ ဦးကြည်မြင့်က ဂျာနယ်တစောင်မှာ ပြောတာ တွေ့လိုက်တယ်။ သူက NLD ထဲ ပြန်သွားမယ် ဆို တော့ သူ့ကိုယ်ပိုင် သဘောထားပဲလေ။ ဒါပေမယ့် သူက ကျနော်တို့ပါတီကနေ ထွက်စာ မတင်ရသေးပါဘူး”ဟု ဧရာဝတီကို ပြော သည်။
ဦးကြည်မြင့်သည် ၁၉၉၀ ပြည့်နှစ် ရွေးကောက်ပွဲတွင် ရန်ကုန်တိုင်း လသာမြို့နယ်မှလည်းကောင်း၊ ဦးသိန်းညွန့်သည် သင်္ဃန်းကျွန်း မြို့နယ်က လည်းကောင်း NLD ပါတီကိုယ်စားပြု၍ ရွေးချယ် တင်မြှောက်ခံခဲ့ရသူ ဖြစ်သည်။
ဦးသိန်းညွန့်သည်၂၀၁၀ ရွေးကောက်ပွဲတွင် သင်္ဃန်းကျွန်းမြို့နယ်မှ NDF ပါတီကိုယ်စားပြု ၀င်ရောက်ခဲ့ပြီး ယခုအခါ NDF မှ ခွဲထွက်ကာ အမျိုးသား ဒီမိုကရေစီပါတီကို ဦးဆောင်တည်ထောင် ထားသူဖြစ်သည်။
ဦးသိန်းညွန့်က ပါတီဝင် ၁၀၀၀ ကျော်ဖြင့် အမျိုးသား ဒီမိုကရေစီပါတီကို ယမန်နေ့ကမှတ်ပုံတင်ခဲ့ကြောင်း၊ NLD ပါတီနှင့် မဟာ ဗျူဟာ အရ အတူတူဖြစ်ကြောင်း၊ ဒေါ်အောင်ဆန်းစုကြည်ကို အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ သမီး ဖြစ်၍ အမြဲ လေးစားလျက် ရှိကြောင်း၊ သို့သော် NLD နှင့် ပြန်လည် ပူးပေါင်းရေးကို ပြန်သုံးသပ် နေကြောင်း ပြောသည်။
“အခုလိုအချိန်မှာ နိုင်ငံရေး စကားပြောရမယ့်အစား စည်းမျဉ်းစဉ်းကမ်းတွေ ပြောလာတဲ့အခါကျတော့ ကျနော့်ဘက်က ပြန်လည် ပူးပေါင်းမယ့် အစီအစဉ်ကို ပြန် သုံးသပ်နေပါတယ်”ဟု ဦးသိန်းညွန့်က ပြောသည်။
ဦးသိန်းညွန့်က ဆက်လက်ပြီး “နှစ်ဦး နှစ်ဘက် တွေ့ပြီး နိုင်ငံရေးအရ ညှိနှိုင်းဆောင်ရွက်ကြမယ်ဆိုရင် မူလ အဖွဲ့ချုပ် စိတ်ဓာတ် နဲ့ မူလ အဖွဲ့ချုပ်ပုံစံ အပေါ်မှာ ကျနော့်ဘက်က လက်တွေ့ကျတဲ့ အလုပ် လုပ်သွားမှာပါ။ ဒေါ်အောင်ဆန်းစုကြည် လေးစားတာကြောင့် သူဝင်မယ့် နေရာမှာ ကျနော့် ပါတီက မ၀င်ပါဘူး။ သူ့တဦးချင်း ကိုတော့ ကျနော်တို့ ထောက်ခံပါတယ်”ဟု ဆိုသည်။
သို့သော် ဒီမိုကရက်တစ်ပါတီ(မြန်မာနိုင်ငံ) ၏ ခေါင်းဆောင်တဦးဖြစ်သူ ဒေါ်သန်းသန်းနုကမူ ၄င်းတို့ပါတီမှ NLD ပါတီသို့ ကူးပြောင်းမည့် ပါတီဝင် မရှိသေးကြောင်း၊ ယခုအခါ နိုင်ငံရေး ပါတီတချို့တွင် NLD သို့ကူးပြောင်းကြမည် ဆိုသည်ကို သက်ဆိုင်ရာ ပါတီများက တရားဝင် ထုတ်မပြောသော်လည်း ကောလာဟလ အနေဖြင့် ကြားနေရကြောင်း ပြောဆိုသည်။
“ပါတီဖျက်ပြီး NLD ပြန်ဝင်မယ်ဆိုရင် သက်ဆိုင်ရာပါတီနဲ့ လက်ခံမယ့် NLD ပါတီတို့ရဲ့ ပါတီနဲ့ ပါတီခေါင်းဆောင်ပိုင်းတွေ နှစ် ဦး နှစ်ဘက် ညှိနှိုင်း ဆောင်ရွက်မှ ဖြစ်မယ်လို့ ကျမထင်တယ်”ဟု ဒေါ်သန်းသန်းနုက ဆက်ပြောသည်။
NLD မှ ထုတ်ပယ် ခံထားရသူများနှင့် ထွက်ထားကြသူများ၊ ၈၈ မျိုးဆက် ကျောင်းသားများ အဖွဲ့ဝင် တချို့နှင့် အခြားသော နိုင်ငံရေး ပါတီတချို့မှ ပါတီဝင် များစွာလည်း ယခု ပါတီသစ် အဖြစ် မှတ်ပုံ တင်ထားသည့် NLD သို့ ၀င်ရောက်ကြမည် ဖြစ်ပြီး တချို့မှာ လာမည့် ကြားဖြတ် ရွေးကောက်ပွဲသို့လည်း ယှဉ်ပြိုင်ရန် ရှိကြောင်းသတင်းများ ထွက်ပေါ်နေသည်။
ပြည်ထောင်စု ဒီမိုကရေစီပါတီ(UDP) ဥက္ကဌဟောင်း ကိုဖြိုးမင်းသိန်းကလည်း“ကျနော်ကတော့ NLD ပါတီက ရပ်တည် လှုပ်ရှား သွားမယ်။ ရွေးကောက်ပွဲ ၀င်ဖို့ ကိစ္စကိုတော့ သေချာ မပြောနိုင်သေး ပါဘူး”ဟု ပြောသည်။
ပြန်လည် မှတ်ပုံတင်ထားသည့် NLD ပါတီသည် ပါတီဝင် ၁၀ သိန်း လက်ခံနိုင်ရန် ပြင်ဆင်ထားပြီး ဒေါ်အောင်ဆန်းစုကြည် သည်လည်း ပါတီဝင်အဖြစ် အသစ် ပြန်လည်လျှောက်ထား ၀င်ရောက်မည်ဟု ဆိုသည်။
NLD သည် တရားဝင် နိုင်ငံရေးပါတီအဖြစ် ပြန်လည်မှတ်ပုံတင်ပြီး လာမည့် ရွေးကောက်ပွဲများတွင် ၀င်ရောက် ယှဉ်ပြိုင်သွားရန် ပြီးခဲ့သည့် အောက်တိုဘာ ၁၈ ရက်က ဆုံးဖြတ်ချက်ချခဲ့သည်။
ထို့နောက် NLD ပါတီကို ပြန်လည်မှတ်ပုံတင်ရန် ပါတီ ဦးဆောင်သူ၂၁ ဦး အမည်စာရင်းဖြင့် ပါတီ ကိုယ်စားလှယ် အဖွဲ့က နေပြည်တော်သို့ သွားရောက် လျှောက်ထားခဲ့သည်။
ဒေါ်အောင်ဆန်းစုကြည်က လူငယ်နိုင်ငံရေးသမားများကိုလည်း လာမည့်ကြားဖြတ်ရွေးကောက်ပွဲအတွက် ၀င်ရောက် သင့်ကြောင်း တိုက်တွန်း ပြောကြားထားပြီး ကိုယ်တိုင်လည်း ၀င်ရောက်ရန် ရှိသည်ဟု သတင်း ထွက်ပေါ်နေသည်။
Ref: ဧရာဝတီ
Posts
