2013-02-21
အမေရိကန် လက်ထောက် နိုင်ငံခြားရေး ဝန်ကြီးနဲ့အတူ မြန်မာနိုင်ငံ ဆိုင်ရာ အမေရိကန် သံအမတ်ကြီး Derek Mitchell တို့ကို ဒေါ်အောင်ဆန်းစုကြည်က လွှတ်တော် အဆောက်အအုံ ၀င်းအတွင်းက တရားဥပဒေ စိုးမိုးရေးနဲ့ တည်ငြိမ် အေးချမ်းရေးကော်မတီ ရုံးခန်းမှာ လက်ခံတွေ့ဆုံခဲ့တာဖြစ်ပါတယ်။
အမေရိကန် လက်ထောက် နိုင်ငံခြားရေးဝန်ကြီး Mr. Michael Posner ဟာ မြန်မာနိုင်ငံကို ၃ ရက်ကြာ ခရီးစဉ်အဖြစ် မနေ့က ရောက်ရှိ လာခဲ့တာပါ။
သူ့ရဲ့ခရီးစဉ်အတွင်း အစိုးရအဖွဲ့ ခေါင်းဆောင်တွေ၊ ဘာသာရေး ခေါင်းဆောင်တွေ၊ လူမှု အဖွဲ့အစည်းတွေက လူ့အခွင့်အရေး လှုပ်ရှားသူတွေနဲ့ တွေ့ဆုံပြီး မြန်မာနိုင်ငံက လူ့အခွင့်အရေး အခြေအနေတွေ အထူးသဖြင့် မြန်မာအစိုးရ ထုတ်ပြန်ကြေညာ ထားတဲ့ နိုင်ငံရေး အကျဉ်းသားကိစ္စ ဆောင်ရွက်နေမှုတွေ၊ တိုင်းရင်းသားဒေသတွေက ဘာသာရေး လွတ်လပ်ခွင့်နဲ့ ပဋိပက္ခဖြစ်ပွားရာဒေသတွေက လူ့အခွင့်အရေး အခြေအနေတွေကို အဓိကထား လေ့လာဆွေးနွေးမယ်လို့ သိရပါတယ်။
ဒီအတောအတွင်းမှာဘဲ အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီကနေ့ မနက်ပိုင်းက ကနေဒါနိုင်ငံက ရောက်ရှိနေတဲ့ ပါလီမန် အမတ်များအဖွဲ့နဲ့လည်း တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီ ရုံးခန်းမှာ တွေ့ဆုံခဲ့တယ်လို့ သိရပါတယ်။
Ref: RFA News
Friday, February 22, 2013
အမေရိကန် လက်ထောက် နိုင်ငံခြားရေးဝန်ကြီးနဲ့ ဒေါ်အောင်ဆန်း စုကြည် တွေ့ဆုံ
မြန်မာဒုက္ခသည်တွေ နေရပ်ပြန်ဖို့ ထိုင်းလိုလား
အေးအေးမာ
21.02.2013
ထိုင်းနိုင်ငံ တွင်းမှာ ရှိတဲ့ မြန်မာ ဒုက္ခသည်တွေကို နေရပ်ရင်း ပြန်ပို့ရေး ဆောင်ရွက်နိုင်ဖို့ အတွက် မြန်မာ ဘက်က ကော်မတီ ဖွဲ့ထားတဲ့ အကြောင်းနဲ့ မြန်မာနိုင်ငံက ဒုက္ခသည်တွေ နေရပ် ရင်းပြန်ပို့ဖို့ ကိစ္စကို ထိုင်းနိုင်ငံ ဘက်ကလည်း လိုလားဆောင်ရွက်နေတဲ့ အကြောင်းတွေကို ထိုင်းနိုင်ငံ တက်ခ် ခရိုင်တွင်းက ခရိုင်ဝန်က မဲဆောက်မြို့မှာပြုလုပ်တဲ့ သတင်းစာ ရှင်းလင်းပွဲ တခုမှာ ပြောဆိုသွားပါတယ်။ ဆိုတော့ ထိုင်းမြန်မာ နယ်စပ်က မြန်မာ ဒုက္ခသည်တွေ၊ နေရပ်ရင်းပြန်ဖို့ နီးနေ ပါပြီလား၊ ဒီလိုပြန်သွားမယ် ဆိုရင်ရော ဒုက္ခသည်တွေ အတွက် လုံခြုံစိတ်ချမှုရှိပါ့မလားဆိုတာ ဆက်သွယ်စုံစမ်းထားတဲ့ မအေးမာက အကြောင်းစုံပြောပြပါမယ်။
ထိုင်းနိုင်ငံတွင်းမှာ ခိုလှုံနေတဲ့ မြန်မာဒုက္ခသည်တွေကို နေရပ်ရင်းပြန်ဖို့အတွက် လိုလားနေတဲ့ အကြောင်းကို ထိုင်းနိုင်ငံ တက်ခ်ခရိုင်ဝန် မစ္စတာ ဆူရိယ ပရာဆန်ဘန်ဒစ်က သတင်းထောက်တွေနဲ့ တွေဆုံချိန်မှာ အခုလိုပြောသွားတာပါ။
သူပြောသွားတာကတော့ ဒုက္ခသည်တွေ ပြန်လည်နေရာချထားဖို့ ၊ အဲဒီနေရာကို ဒုက္ခသည် ကိုယ်စားလှယ်တွေ အရင်သွားပြီး စစ်ဆေးနိုင်ဖို့ မြန်မာဘက် ကလည်း ကော်မတီ ဖွဲ့ထားတယ်လို့ ဆိုပါတယ်။ သူတို့ လေ့လာချက်တွေအရတော့ ဒုက္ခသည် ၃၀ ရာခိုင်နှုန်းကတော့ ကိုယ့်မြေ ကိုယ်ပြန်ချင်တယ်။ ၊ အများစုကတော့ တတိယနိုင်ငံ သွားချင်ကြတယ်။ တချို့က ထိုင်းမှာပဲ ဆက်နေချင်တယ်လို့ ဆိုပါတယ်။ ကျနော်တို့ဘက်က ကျပြန်တော့လည်း နိုင်ငံထဲကို တရားမဝင် ခိုးဝင်တဲ့ပြဿနာ ၊ တရားမဝင်အလုပ်ဝင်လုပ်တာ ၊ စိုကိပျိုးရေးဝင်လုပ်တာ ၊ သစ်ပင်တွေ ခိုးခုတ်ပြီး သစ်တောတွေ ဖျက်ဆီးနေတဲ့ ပြဿနာတွေ ဖြေရှင်းချင်တယ် ၊ ဒါကြောင့် သူတို့ကို ၊ ဒီ ၂ နှစ် ၃ နှစ်ထဲမှာ အမြန်ပြန်ပို့ချင်ပါတယ် ဆိုပြီး ပြောသွားတာပါ။
ဒုက္ခသည်တွေပြန်ပို့ရေးနဲ့ပတ်သက်လို့ မြန်မာဘက်က ကော်မတီဖွဲပြီးပြင်ဆင်နေပြီလို့ဆိုပေမဲ့ ကရင်ဒုက္ခသည်ကယ်ဆယ်ရေးကော်မတီ KRC ကတော့ သူတို့နဲ့ ဆက်စပ်ဆောင်ရွက်တဲ့ အဖွဲအစည်းတွေ မရှိသေးတဲ့အကြောင်း ပြောဆိုသလို ဒုက္ခသည်တွေ ပြန်ပို့ဖို့ အဆင်သင့် မဖြစ်သေးဘူးလို့ KRC ဥက္ကဌ ဦးရော်ဘတ်ထွေးက ဆိုပါတယ်။
“ ကျနော်တို့ ဒုက္ခသည်ကော်မတီအနေနဲ့ လုံးဝမသိသေးဘူးလေ အဲ့ဒီ့ကိစ္စနဲ့ ပတ်သက်တာနော်။ အခုလောလောဆယ် ကျနော်တို့ ဒုက္ခသည်ပြန်ပို့ဖို့က မသင့်တော်သေးဘူးပေါ့။”
အုန်းဖျန်ဒုက္ခသည်စခန်း ကော်မတီဥက္ကဌ စောဝါးထီးကတော့ ဒုက္ခသည်တွေပြန်ဖို့ အတွက် ငြိမ်းချမ်းရေး အခြေအနေက တည်ငြိမ်မူတွေ မရှိသေးဘူးလို့ ဆိုပါတယ်။
“ ဒုက္ခသည်ပြန်ရေးကတော့ ဘယ်အဖွဲ့အစည်းကမှ ဆက်သွယ်တာ မရှိဘူး။ ကျနော်ကတော့ ထိုင်းနိုင်ငံအစိုးရကိုသော်လည်းကောင်း၊ UNHCR အနေနဲ့သော်လည်းကောင်း၊ ကျနော်တို့ ဒုက္ခသည်များရဲ့ အမြင်ကို ပြောရမယ် ဆိုရင်တော့ အဆင်သင့်မဖြစ်သေးဘူးလို့ ပြောချင်တယ်။ ဒီနေ့လက်ရှိ မြန်မာပြည်တွင်း အခြေအနေဟာ ငြိမ်းချမ်းရေး ဆိုတဲ့ စကားဟာ ပြောတဲ့ သဘောလောက်ပဲရှိသေးတယ်။ အကောင်အထည်ဆိုတာ သက်သေပြလို့မရသေးဘူးလေ။ ငြိမ်းချမ်းရေးဆိုတဲ့စကားဟာ နူတ်ဖျားနဲ့ပဲ ဆွေးနွေးပြောဆိုတယ်ဆိုတော့ ကျန်တဲ့ လုပ်ငန်းဆိုင်ရာ ၊ အခြားအထွေထွေ ကိစ္စတွေဟာ ဘာတစ်ခုမှ ပြောကြ၊ မဆွေးနွေးကြသေးဘူး။ ကျနော်တို့ ဘယ်လိုနည်းနဲ့မှ လက်ခံလို့မရသေးဘူးလေနော်။”
ထိုင်းနိုင်ငံတွင်းမှာ ဒုက္ခသည် တစ်သိန်းကျော်ရှိနေဆဲဖြစ်ပါတယ်။ မြန်မာနိုင်ငံတွင်း မှာတော့ အခြေအနေ တည်ငြိမ်ရင် နေရပ်ရင်းကိုပြန်လိုတဲ့ ဒုက္ခသည်တွေ ရှိနေသလို တတိယနိုင်ငံကို ထွက်ခွါလိုတဲ့ ဒုက္ခသည် အရေအတွက်က ပိုများနေပါတယ်။ ပြီးခဲ့တဲ့ လတွေတုန်းကတော့ ဒုက္ခသည် အများစုကို လက်ခံခေါ်ယူပေးမယ့် အမေရိကန်နို်င်ငံက ဒုက္ခသည်တွေကို ခေါ်ယူတဲ့ အစီအစဉ်ကို ရပ်နားတော့မယ် ဆိုတဲ့ သတင်းကြောင့်လည်း ဒုက္ခသည်တွေအနေနဲ့ စိုးရိမ်မူတွေ ရှိနေခဲ့တာပါ။
အခုအခါမှာတော့ နေရပ်ရင်းကိုပြန်ရမယ်ဆိုတဲ့သတင်းတွေကြောင့်လည်း အခြေတကျ မဖြစ်မှာ စိုးရိမ်မူတွေ စားသောက်ရေး၊ အလုပ်အကိုင်ရှာဖွေရေး ဆိုတာတွေက ပြင်ဆင်မူတွေ မရှိဘဲ ပြန်ဖို့ကတော့ အခက်အခဲတွေရှိနိုင်တယ်လို့ ဒုက္ခသည်တွေဘက် ကတော့ ပြောဆိုကြပါတယ်။
Ref: VOA News
ကရင်မိန်းကလေးငယ် ဆေးကုစရိတ် ထိုင်းအစိုးရ တာဝန်ယူမည်
သန်းထိုက်ဦး
February 21, 2013
ထိုင်း လုပ်ငန်းရှင် လင်းမယား ညှဉ်းပန်း နှိပ်စက်ခံထားရသည့် အသက် ၁၂ နှစ် အရွယ် ကရင် အမျိုးသမီးငယ်ကို ထိုင်း အစိုးရက ကုန်ကျစရိတ် တာဝန်ယူပြီး ဆေးဝါး ကုသပေးမည်ဟု သိရှိရသည်။
ကရင် အမျိုးသမီးငယ်နှင့် အတွက် ကုန်ကျငွေများကို ဆေးရုံမှ တာဝန်ရှိသူနှင့် ထိုင်း အစိုးရ ပူးပေါင်းပြီး ပုံမှန် အခြေအနေသို့ ပြန် ရောက်သည်အထိ တာဝန်ယူပေးမည်ဟု ထိုင်း အစိုးရ ၀န်ကြီးချုပ်ရုံး ပြောခွင့်ရ ပုဂ္ဂိုလ် ဒေါက်တာ Thossa porn Serirakက ပြော သည်။
ထို ကရင်အမျိုးသမီးငယ် ၏ ဒဏ်ရာများကို ယမန်နေ့က ဘန်ကောက်မြို့ Rama Thibodi ဆေးရုံမှ ဆရာဝန်ကြီးများက မိနစ် ၃၀ ခန့် စစ်ဆေးမှုများ ပြုလုပ်ပြီးနောက် သတင်းစာလင်း ရှင်းပွဲတွင် ဒေါက်တာ Thossa porn Serirak က သတင်းထောက်များကို ပြောကြားခြင်း ဖြစ်သည်။
“သတင်းတွေ ထုတ်လွှင့်နေကြတဲ့ အတိုင်းကလေးငယ် နှိပ်စက်ခံရတဲ့ ဒဏ်ရာတွေ တကိုယ်လုံးပဲ၊ ဒါကြောင့် ကလေးငယ် နဲ့ သက် ဆိုင်တဲ့ အာဏာပိုင်တွေကို အသိပေးပြီး ဆေးရုံကို ခေါ်လာတာ ဖြစ်တယ်၊ ဆေးဝါး ကုသစရိတ်တွေ အားလုံးကိုလည်း ပုံမှန် ပြန်ဖြစ် တဲ့ အထိ ဆေးရုံက တာဝန်ရှိသူတွေနဲ့ ပူးပေါင်းပြီးတော့ ဆောင်ရွက်ပေးမယ်”ဟုလည်း ဒေါက်တာ Thossa porn Serirakက ပြောဆိုသည်။
ကရင်အမျိုးသမီးငယ်၏ ခန္ဓာကိုယ် တခုလုံးတွင် အပူလောင် ဒဏ်ရာ အမာရွတ်များ ပြင်ထန်စွာရရှိ၍ အပူလောင် ဒဏ်ရာကြောင့် အရေးပြားများ ပျက်စီးပြီး လက်နှစ်ဘက်စလုံး လက်မောင်းရင်း အထိ အရေးပြားများ တွဲဆက်သွားကာ လက်မမြှောက်နိုင်သည် အထိ ဖြစ်နေကြောင်း ဆေးရုံမှ ဆရာဝန်ကြီးများက ပြောသည်။
“ဘယ်ဘက်လက်ကို အရင်ဆုံး ခွဲစိတ် ကုသရမယ်ဆိုရင် အနည်းဆုံး တပတ်လောက် အချိန်ယူရမယ်၊ ပုံမှန်ပြန် ဖြစ်အောင် အသားတွေ အစားထိုး ကုသရမှာ ဖြစ်တဲ့ အတွက် ခွဲစိတ် ကုသဖို့ အချိန်ကတော့ ၃-၄ နာရီ လောက်ကြာမယ်”ဟု အဆိုပါ ဆေးရုံမှ ဆရာဝန် တဦးက ပြောပြသည်။
ထိုင်းသတင်းများအရ လတ်တလော၌ ကရင်အမျိုးသမီးငယ်ကို ကန်ဖယ်ဖက်မြို့ရှိ မိခင်နှင့် ကလေးစောင့်ရှောက်ရေး ဂေဟာတွင် ပြန် လည် ပို့ဆောင် စောင့်ရှောက်ထားပြီး ၎င်း၏ အမှုတွဲ ပြီးပါက ဆေးရုံသို့ ထပ်မံသွားရောက် ကုသရန် စီစဉ်ထားကြောင်း သိရ သည်။
အချိန်ယူပြီး ကုသပေးသွားမှာ ဖြစ်သလို ဆေးမကုသခင်မှာလည်း ကလေးငယ်၏ စိတ်ပုံမှန် ဖြစ်ရန် လိုအပ်ကြောင်းလည်း ဆေးရုံမှ တာဝန်ရှိသူက ပြောကြားသည်။
ကရင် အမျိုးသမီး ငယ်ကို အသက် ၃၅ နှစ် အရွယ် ထိုင်း အမျိုးသားနှင့် အသက် ၃၃ နှစ် အရွယ်ရှိ ထိုင်း အမျိုးသမီး လင်မယားက အိမ်တွင်း အခိုင်းအစေ အဖြစ် ၅ နှစ်ကျော်ကြာ ပိတ်လှောင်ထားပြီး ခွေးလှောင်အိမ်အတွင်း ထည့်ထားခြင်း၊ ခန္ဓာကိုယ် အနှံ့ ရေနွေး ပူဖြင့် ပက်ခြင်း တို့ကို ပြုလုပ်၍ ညှဉ်းပန်း နှိပ်စက်ခဲ့ခြင်း ဖြစ်ကြောင်း သိရသည်။
လတ်တလောတွင် တရားရင်ဆိုင်ရမည် ဖြစ်သော ထိုင်းအလုပ်ရှင် လင်းမယားမှာ ထွက်ပြေးတိမ်းရှောင်နေပြီး ဖမ်းဆီးပေးသူအား ထိုင်း ဘတ်ငွေ တသိန်း ပေးမည် ဖြစ်ကြောင်း မကြာသေးခင် ရက်ပိုင်းအတွင်း ထိုင်း ရဲတပ်ဖွဲ့က ဆုငွေ ထုတ်ပြန်ထားသည်။
အဆိုပါ ထိုင်းလင်မယားသည် အာဏာပိုင်များက စစ်ဆေးမေးမြန်းရန် ပြီးခဲ့သည့် ဖေဖော်ဝါရီ ၁၈ ရက်နေ့က ချိန်းဆို ထားရာမှ ထွက်ပြေး တိမ်းရှောင်သွားခြင်း ဖြစ်သည်ဟု သိရသည်။
မြန်မာအစိုးရ အလုပ်သမား ဝန်ကြီးဌာနမှ ညွှန်ကြားရေးမှူး ဦးနိုင်ထွန်းကမူ“မြန်မာတွေနဲ့ ဖြစ်တဲ့ ကိစ္စမှန်သမျှမှာ ထိုင်းတွေက သွေးအေးအောင် လုပ်ပြီးတော့ မေ့မေ့ ပျောက်ပျောက် ဖြစ်အောင် လုပ်တာမျိုးတွေရှိတယ်”ဟု ဧရာဝတီ သို့ ပြောသည်။
ကရင်အမျိုးသမီးငယ်၏ အမှုနှင့် ပတ်သက်၍ တဖြည်းဖြည်း ပျောက်ကွယ်သွားမည်ကို စိုးရိမ်ကြောင်းလည်း ၎င်းက ဆိုသည်။
ထိုအလုပ်ရှင် လင်မယားကို အသက်မပြည့်သူအား အဓမ္မ ခိုင်းစေမှု၊ လူကုန် ကူးမှု၊ ညှဉ်းပန်း နှိပ်စက်မှုတို့ အပါအဝင် စွဲချက် ၇ချက် ဖြင့် ဖေဖော်ဝါရီလ ၆ ရက်နေ့က ဝရမ်းထုတ်ကာ ဖမ်းဆီးခဲ့သော်လည်း စွဲချက်များကို ငြင်းပယ်ထားပြီး သက်ဆိုင်ရာ ထိုင်း အာဏာ ပိုင်များက ဘတ်ငွေ ၇ သိန်း အာမခံဖြင့် လွှတ်ပေးခဲ့ကြောင်း သိရသည်။
Ref: ဧရာဝတီ
အစိုးရ ငြိမ်းအဖွဲ့နှင့် UNFC တို့ နိုင်ငံရေး ဆက်လက် ဆွေးနွေးရန် သဘောတူ
ဖနိဒါ
ဗုဒ္ဓဟူးနေ့၊ ဖေဖေါ်ဝါရီလ ၂၀ ရက် ၂၀၁၃
ချင်းမိုင်(မဇ္စျိမ)။ ။ အစိုးရ၏ ငြိမ်းချမ်းရေး လုပ်ငန်းကော်မတီ ကိုယ်စားလှယ်များနှင့် ညီညွတ်သော တိုင်းရင်းသား လူမျိုးများကောင်စီ UNFC ကိုယ်စားလှယ်များ နိုင်ငံရေးဆွေးနွေးနိုင်ရေး ဆက်လက် ဆွေးနွေးရန် သဘောတူခဲ့သည်။
ထိုင်းနိုင်ငံ ချင်းမိုင်မြို့ရှိ Holiday Inn ဟိုတယ်တွင် ယနေ့နံနက် ၉ နာရီမှ ၅ နာရီ ထိ နှစ်ဖက် ဆွေးနွေး ခဲ့ပြီးနောက် ယခု ဆွေးနွေးမှုသည် ငြိမ်းချမ်းရေး၏ လမ်းစ ဖြစ်သည်ဟု ဆွေးနွေးမှုအပြီးတွင် ဝန်ကြီး ဦးအောင်မင်း က သတင်းထောက်များအား ပြောကြားခဲ့သည်။
“အရင်တုန်းက အစိုးရအဆက်ဆက်မှာ နိုင်ငံရေးဆွေးနွေးပွဲ စာပွဲဝိုင်းကို မရောက်ခဲ့ဘူး။ အခု ကျနော်တို့ နိုင်ငံရေးဆွေးနွေးပွဲကို လုပ်နေတယ်။ ဒီနေ့မှာ နိုင်ငံရေးဆွေးနွေးဖို့အတွက် စတင်တာ ဖြစ်ပါတယ်။
နောက်ထပ် ဆက်တိုက် လုပ်သွားဖို့လည်း ကျနော်တို့ ဆုံးဖြတ်ပြီးသား ဖြစ်ပါတယ်။ အဲဒါကြောင့်မို့ ဘာပဲဖြစ်ဖြစ် ငြိမ်းချမ်းရေးရဲ့ အစ လမ်းကြောင်းမှန်ပေါ်ရောက်ပြီလို့ ပြောလို့ ရတယ်” ဟု ပြောဆိုသွားသည်။
ငြိမ်းချမ်းရေးအကျိုးဆောင်တဦးဖြစ်သူ ဦးညှိအုန်းမြင့်က နှစ်ဖက်လုံး အပြုသဘောဆောင်သည့် ဆွေးနွေးပွဲ ဖြစ်သည်ဟု မှတ်ချက်ပြုသည်။
“နောက်ပိုင်းမှာ နိုင်ငံရေးဆွေးနွေးပွဲတွေ ဆက်ကျင်းပသွားဖို့ သဘောတူတယ်။ အရင်တုန်းက UNFC က သတ်မှတ်ထားတဲ့ အချက်တွေ အားလုံးလိုလိုပဲ နိုင်ငံတော်ဘက်ကနေ ဒါကို ဆက်ပြီးတော့ နှစ်ဖက် လမ်းပြမြေပုံလို ညှိနှိုင်းသွားမယ်ဆိုတဲ့ သဘောတူညီချက် ရသွားပါတယ်။ အများကြီး ထူးခြားပါတယ်။ နှစ်ဖက် စလုံးက လမ်းသစ်ဖွင့်ထားပြီလို့ ပြောလို့ ရပါတယ်” ဟု ဆိုသည်။
နှစ်လအတွင်း နိုင်ငံရေးဆွေးနွေးမှုအား ပြန်လည် တွေ့ဆုံကြရန် သဘောတူခဲ့ကြသည်။
နှစ်ဖက်ဆွေးနွေးမှုများအား နိုင်ငံရေးဦးတည်ချက်၊ မူဘောင်၊ နိုင်ငံရေးဆွေးနွေးပွဲ ချမှတ်ရမည့် အစီအစဉ်များ ကြိုတင်ညှိနှိုင်းရေးဆွဲခြင်း၊ နိုင်ငံရေး ဆွေးနွေးမည့် နေရာ၊ သက်သေများ ထားရှိရေး၊ တိုင်းရင်းသား လူမျိုးများ၏ ငြိမ်းချမ်းရေးဆိုင်ရာ နိုင်ငံရေး လုပ်ငန်းစဉ် ၆ ချက်တို့အား သဘောတူခဲ့သည်ဟု ယနေ့ ထုတ်ပြန်သည့် ပူးတွဲထုတ်ပြန်ချက်တွင် ဖော်ပြထားသည်။
ထို့ပြင် နိုင်ငံရေး တွေ့ဆုံဆွေးနွေးရေးကာလနှင့် နိုင်ငံရေးဆွေးနွေးပွဲ တလျှောက်တွင် UNFC အဖွဲ့ဝင် အဖွဲ့အစည်းများ၏ နယ်မြေများအတွင်း လူသားချင်းစာနာမှုဆိုင်ရာကိစ္စများ၊ ပညာရေး၊ ကျန်းမာရေးနှင့် အခြေခံ စိုက်ပျိုးရေး၊ မွေးမြူရေးကဏ္ဍများတွင် ပြည်တွင်းနှင့် နိုင်ငံတကာ ပံ့ပိုးကူညီမှုများ ဆက်လက် ဆောင်ရွက်ရန် ဆွေးနွေးခဲ့သည်ဟု ပါရှိသည်။
အစိုးရဘက်မှ ဝန်ကြီး ဦးအောင်မင်း၊ ဝန်ကြီး ဦးခင်ရီ၊ ဦးအုန်းမြင့်၊ ဒုရှေ့နေချုပ် ဦးထွန်းထွန်းဦး၊ မြန်မာ ငြိမ်းချမ်းရေးစင်တာမှ ကိုယ်စားလှယ် ၁၁ ဦးနှင့် UNFC ဘက်မှ ကိုယ်စားလှယ်များအဖြစ် နိုင်ဟံသာနှင့် ကချင်လွတ်လပ်ရေးအဖွဲ့ KIO မှ အထွေထွေ အတွင်းရေးမှူး ဒေါက်တာလဂျာတို့ အပါအဝင် ကိုယ်စားလှယ် ပေါင်း ၁၂ ဦး တက်ရောက်ဆွေးနွေးခဲ့ခြင်း ဖြစ်သည်။
နိုင်ငံရေး ဆွေးနွေးမှုများကို အဆင့် သုံးဆင့်ခွဲ၍ လုပ်ဆောင်သွားမည်ဟု ဦးညိုအုန်းမြင့် က မဇ္ဈိမကို ပြောဆိုထားသည်။ အပစ်အခတ် ရပ်စဲထားသည့် တိုင်းရင်းသားအဖွဲ့အစည်းများနှင့် တဖွဲ့ချင်း ဆွေးနွေးရန်၊ ဒေသအလိုက် လက်နက်ကိုင် အဖွဲ့အစည်းများနှင့် တွေ့ဆုံဆွေးနွေးရန်နှင့် UNFC ကဲ့သို့ တိုင်းရင်းသား စုပေါင်းအဖွဲ့များနှင့် တွေ့ဆုံဆွေးနွေးသွားရန် ဟူ၍ အဆင့်သုံးဆင့်ဖြင့် လုပ်ဆောင်သွားမည်ဟု ဖေဖော်ဝါရီလ ၁၈ ရက်နေ့က ပြောဆိုခဲ့ခြင်း ဖြစ်သည်။
Ref: မဇ္ဈိမ
ဦးပိုင် သိမ်းထားသည့်မြေ ပြန်ပေးရန် ဥက္ကံတောင်သူများ ဆန္ဒပြမည်
ထက်နိုင်ဇော်
February 21, 2013
တောင်သူများ၏ ကြံစိုက်ဧက ၃၀၀ ခန့်ကို မြန်မာ့ စီးပွားရေး ဦးပိုင် လီမိတက်ပိုင် ဥက္ကံ သကြားစက်က သိမ်းယူ ထားခြင်းကြောင့် တောင်သူများအား ပြန်လည် လွှဲပြောင်းပေးရန် တရားဝင် ဆန္ဒထုတ်ဖော် တောင်းဆို သွားမည် ဖြစ်ကြောင်း သိရသည်။
ကြံစိုက် တောင်သူများ အနေဖြင့် ကြံစိုက်ဧကများ ပြန်လည်ရရှိရန် ဖေဖော်ဝါရီ ၂၂ ရက်နေ့တွင် တရားဝင် ဆန္ဒ ထုတ်ဖော် ကြမည် ဖြစ်ကြောင်း၊ ပြည်သူ့လွှတ်တော် လယ်ယာမြေနှင့် တခြားမြေများ သိမ်းဆည်းခံရခြင်း ကော်မရှင်သို့ တင်ပြသွားမည် ဖြစ်ကြောင်း အဆိုပါ ဆန္ဒထုတ်ဖော်ပွဲကို ဦးဆောင်မည့် တိုက်ကြီးမြို့နယ် တိုင်းရင်းသား စည်လုံးညီညွတ်ရေး ပါတီ ဥက္ကဋ္ဌ ဦးမြင့်သိန်းက ပြောသည်။
“သွားတောင်းရင် ပြန်ပေးမယ်ပြောတယ်၊ ပြီးရင် မပေးဘူး။ ၂၀၀၆ ခုနှစ်ကတည်းက အသိမ်း ခံရတာ၊ အခု တောင်သူတွေက ကျနော့်ကို အကူအညီတောင်းလာလို့ တရားဝင် ဆန္ဒပြဖို့ စီစဉ်လိုက်တာပါ” ဟု ၎င်းက ဆိုသည်။
တောင်သူ ၆၀ ခန့်၏ ကြံစိုက်မြေဧကများ အသိမ်းခံထားရခြင်းဖြစ်ကြောင်း၊ ၎င်းမြေများသည် ဥက္ကံသကြားစက် မတည်ခင် ဘိုးဘွားများ လက်ထက်ကတည်းက စိုက်ပျိုးလုပ်ကိုင်ခဲ့သည့် မြေများဖြစ်ကြောင်း မြေအသိမ်းခံခဲ့ရသူ တဦးဖြစ်သည့် ရန်ကုန်တိုင်းဒေသကြီး ဥက္ကံမြို့နယ်မှ ကြံစိုက်တောင်သူ ဦးလှမြင့်က ပြောသည်။
အဆိုပါ ဆန္ဒထုတ်ဖော်ပွဲအတွက် ဥက္ကံမြို့နယ် ပန်းပင်ကုန်းကျေးရွာအုပ်စု ပေါက်ပင်တန်းရွာ ကုက္ကိုပင်ကြီးအောက်တွင် ဖေဖော်ဝါရီလ ၂၂ ရက်နေ့ နံနက် ၆ နာရီ၌ တောင်သူ ၁၀၀ ခန့် စတင်စုဝေးကြမည် ဖြစ်ပြီး နံနက် ၇ နာရီတွင် ၃ မိုင်ကျော်ခန့်ဝေးသော ဥက္ကံ သကြားစက်ရုံသို့ ငြိမ်းချမ်းစွာ စီတန်းလှည့်လည် လမ်းလျှောက်ကြမည် ဖြစ်ကြောင်း သိရသည်။
တောင်သူများသည် “ကြံစိုက်တောင်သူတွေရဲ့ ထမင်းလုပ်ကို မလုပါနဲ့၊ ဦးပိုင် သကြားစက်က သိမ်းထားတဲ့ ကြံစိုက်မြေတွေ ပြန်ပေး၊ ဦးပိုင်သကြားစက်နဲ့ ကြံစိုက်တောင်သူဆိုတာ စီးပွားဖက်ပါ၊ စီးဖွားဖက်ကို စီးပွားပျက်အောင် မလုပ်ပါနဲ့၊ ကြံစိုက် တောင်သူများ အရမ်းနစ်နာနေပြီ” စသည်ဖြင့် ကြွေးကြော်ကြမည် ဖြစ်သည်။
၂၀၀၂ ခုနှစ်က ဥက္ကံသကြားစက် ပေါ်ပေါက်လာပြီးနောက် သကြားစက် ပတ်ဝန်းကျင်ရှိ ပဲ၊ နှမ်းစိုက်ပျိုးသော တောင်သူများကို ကြံစိုက်ပျိုးကြရန် သကြားစက်ရုံ တာဝန်ရှိသူများက ညွှန်ကြားခဲ့ပြီး ကြံ မစိုက်ပျိုးသူများ၏ သီးနှံမြေများကို ၀င်ရောက်ဖျက်ဆီး ကာ သိမ်းယူသွားခဲ့ခြင်း ဖြစ်ကြောင်း ဦးမြင့်သိန်းက ရှင်းပြသည်။
ဦးပိုင်လီမိတက်၏ ဝန်ထမ်းတဦး ဖြစ်သူ ဥက္ကံသကြားစက် ဒုစက်ရုံမှူး ဦးကိုကိုမောင်ကမူ ဥက္ကံသကြားစက် အနေဖြင့် တောင်သူ များ၏ မြေကို သိမ်းယူထားခြင်းမရှိဘဲ ဥက္ကံ မြေစာရင်းဋ္ဌာန၏ ခွင့်ပြုချက်ဖြင့် ဖုန်းဆိုး ပလပ်မြေဧက ၂၀၀ ကျော်တွင်သာ ကြံစိုက်ပျိုးခြင်း ဖြစ်ကြောင်း၊ မြေစာရင်းဋ္ဌာနက တောင်သူများ၏ မြေဖြစ်ကြောင်း အတည်ပြုလျှင် ပြန်လည်လွှဲပြောင်း ပေးမည် ဖြစ်ကြောင်း ပြောသည်။
“ကျနော်တို့က ဆွေးနွေးပြီးရင် ပြန်ပေးမှာပါ။ စိုက်ပျိုးပြီးသားမြေ ဖြစ်နေရင်တော့ ကာလတန်ဖိုးကို လယ်သမားဆီက ပြန်တောင်းမယ်၊ မြေလွတ်နေရင် ဒီအတိုင်းပဲ ပြန်ပေးလိုက်မယ်။ ကျနော်တို့ လိုချင်တာ မြေမဟုတ်ပါဘူး၊ ကြံပါ” ဟု ၎င်းက ဆိုသည်။
တောင်သူများ အနေဖြင့် ကြံစိုက်ပျိုးရန် စိတ်ဝင်စားမှု မရှိခြင်းမှာ သကြားစက်ရုံမှ ပေးချေသော ကြံဈေးနှုန်းနည်းသဖြင့် တောင်သူများအတွက် တွက်ချေမကိုက်ခြင်း၊ စိုက်ပျိုးထားသော ကြံများကို တောဆင်ရိုင်းများက အုပ်စုလိုက် ၀င်ရောက် ဖျက်ဆီးခြင်း တို့ကြောင့် ဖြစ်ကြောင်း သိရသည်။
ဥက္ကံ သကြားစက်မှ ၀င်ရောက် စိုက်ပျိုးလုပ်ကိုင်နေသော ကြံမြေဧကများ၏ မူလအမည်ပေါက် ပိုင်ရှင်မှာ တောင်သူများပင် ဖြစ်ကြောင်း ဥက္ကံမြို့နယ် အုပ်ချုပ်ရေးမှူး ဦးဇော်စိုးက ပြောသည်။
တပ်မတော် ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်က စစ်တပ်မှ သိမ်းဆည်းထားသည့် လယ်ယာမြေ များအနက် အသုံးပြုခြင်းမရှိသေးသည့် မြေများကို တောင်သူလယ်သမားများသို့ ပြန်လည်ပေးသွားမည်ဟု ပြည်ထောင်စုနေ့ ညစာစားပွဲ အခမ်းအနားတွင် မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေးပါတီ ဥက္ကဋ္ဌသို့ ပြောကြားခဲ့ကြောင်း သိရသည်။
ဦးဇော်စိုးက “ဦးပိုင်ကို ကျနော် သွားဆွေးနွေးကြည့်တော့ ပြန်ပေးမယ်လို့ ပြောပါတယ်။ အခုလောလောဆယ် အမည်ပေါက်နေတာက တောင်သူတွေရဲ့ နာမည်နဲ့ပါ။ တောင်သူတွေကလည်း အခုကြံဈေးနဲ့ ကိုက်လာတော့ ပြန်စိုက်ချင်ကြတယ်။ကျနော်လည်း ဒီကိစ္စတွေကို သူတို့ ဆန္ဒထုတ်ဖော်ပွဲ လုပ်မယ်ဆိုမှ သိရတာ။ အခု သူတို့ တင်ပြထားတဲ့ ဧကတွေ မှန်မမှန် သိရအောင် မြေတိုင်းအဖွဲ့တွေ လွှတ်ထားတယ်” ဟု ဆိုသည်။
လယ်ယာမြေ ဥပဒေသစ်အရ အမှန်တကယ်စိုက်ပျိုးသူ လယ်သမားကိုသာ လယ် ပိုင်ဆိုင်ခွင့် ပေးရမည်ဖြစ်ကြောင်း၊ ဦးပိုင်သာမက မည်သူပင်ဖြစ်စေ လယ်သမား၏ လယ်ယာမြေကို ကျူးကျော်ပါက တရားဥပဒေနှင့် ရင်ဆိုင် ရမည်ဖြစ်ကြောင်း ဦးဇော်စိုးက ပြောသည်။
စီးပွားရေး ဦးပိုင် ကုမ္ပဏီ လီမိတက်ကို ၁၉၉၀ ပြည့်နှစ်တွင် ယခင် စစ်အစိုးရ၏ စစ်တပ် အကြီးအကဲများ ဦးဆောင်၍ ဖွဲ့စည်း တည်ထောင်ခဲ့ခြင်း ဖြစ်ပြီး ရည်ရွယ်ချက်မှာ တပ်မတော်သားများနှင့် မိသားစုဝင်များ၊ တပ်မတော် အငြိမ်းစားများ စားဝတ်နေရေး ပြေလည်စေရန်ဟု သိရသည်။ ဦးပိုင်၏ လက်ရှိ ဥက္ကဋ္ဌ မှာ စစ်ရေးချုပ် ဒု ဗိုလ်ချုပ်ကြီး ခင်ဇော်ဦး ဖြစ်ပြီး ဒုတိယ ဗိုလ်ချုပ်ကြီးဟောင်း ဦးတင်အေးလည်း ဦးပိုင် ဥက္ကဋ္ဌအဖြစ် တာဝန်ယူခဲ့သေးသည်။
ဦးပိုင် လီမိတက်သည် ဗန္ဓုလ သယ်ယူပို့ဆောင်ရေး လုပ်ငန်း၊ ကျောက်မျက်၊ သတ္တု တူးဖော်ရေး လုပ်ငန်းများ၊ ရေနံတူးဖော်ရေး၊ သဘာဝဓာတ်ငွေ့ ရှာဖွေရေး၊ မွေးမြူရေး၊ စိုက်ပျိုးရေး၊ ရေလုပ်ငန်း၊ ခရီးသွားလုပ်ငန်းများ၊ ဆောက်လုပ်ရေးလုပ်ငန်းများ၊ ဘဏ်လုပ်ငန်းများ စသည်ဖြင့် လုပ်ငန်းအများ အပြားကို ကုမ္ပဏီပေါင်း ၅၀ ၀န်းကျင်ဖြင့် လုပ်ဆောင်နေကြောင်း သိရပြီး ဘီယာချက်စက်ရုံ၊ စီးကရက်စက်ရုံ၊ သောက်ရေသန့် ထုတ်လုပ်ရေး လုပ်ငန်းများ၊ သကြားစက်၊ ပလတ်စတစ် ထုတ်လုပ်သည့် စက်ရုံလုပ်ငန်းများလည်း လုပ်ကိုင်ထားသည်။ ထို့အပြင် လက်ပံတောင်းတောင် ကြေးနီစီမံကိန်းကို တရုတ်နိုင်ငံမှ ၀မ်ပေါင်ကုမ္ပဏီနှင့် ဦးပိုင်လီမိတက်တို့ အကျိုးတူ ပူးပေါင်း လုပ်ဆောင်လျှက် ရှိသည်။
Ref: ဧရာဝတီ
လိုင်ဇာသွား ကုလအဖွဲ့များ လုံခြုံရေးကြောင့် ကြန့်ကြာနေ
ဖနိဒါ
ကြာသပတေးနေ့၊ ဖေဖေါ်ဝါရီလ ၂၁ ရက် ၂၀၁၃
ချင်းမိုင်(မဇ္စျိမ)။ ။ ကချင်ပြည်နယ်၊ လိုင်ဇာရှိ စစ်ပြေးဒုက္ခသည်များအား ကူညီရန် လုံခြုံရေး အခက်အခဲကြောင့် ကမ္ဘာ့ ကုလသမဂ္ဂ အကူအညီပေးရေး အဖွဲ့များ ကြန့်ကြာနေကြောင်း ဒုက္ခသည်များ ကူညီစောင့်ရှောက်
ရေးတာဝန်ခံ ဦးဒွဲပီဆား က ပြောသည်။
အစိုးရစစ်တပ်နှင့် ကချင်လွတ်လပ်ရေးအဖွဲ့ KIO တပ်တို့အကြား စစ်ရေး တင်းမာမှုများ ရှိနေသေး၍ ကုလ အဖွဲ့အစည်း များက မြစ်ကြီးနား-လိုင်ဇာ၊ မြစ်ကြီးနား-ဗန်းမော် ကားလမ်း အတိုင်း လာရောက်ရန် လုံခြုံမှု မရှိသေးခြင်း ဖြစ်သည်။
“သူတို့ လမ်းကြောင်းနဲ့ ပတ်သက်လို့ ညှိနှိုင်းနေတယ် ထင်တယ်။ လာမယ်လို့တော့ သတင်းပေး လာတယ်။ ဘယ်တော့ လာမယ်ဆိုတာ မပြောလာသေးဘူး။ လိုင်ဇာနဲ့ ဗန်းမော် တိုက်ရိုက်သွားဖို့ လမ်းကြောင်း နည်းနည်း ခက်ခဲနေတယ်။ ဒါကြောင့် မိုင်ဂျာယန်၊ လွယ်ဂျယ်ဘက်ကနေ လာမယ်လို့တော့ ပြောတယ်။ ဒါပေမယ့် ဘယ်လို ဖြစ်လာမယ် ဆိုတာတော့ မသေချာသေးဘူး” ဟု KIO ၏ ဒုက္ခသည် ကူညီရေး တာဝန်ခံ ဦးဒွဲပီဆား က မဇ္စျိမကို ပြောသည်။
နှစ်ဖက် ထိပ်တိုက် တိုက်ပွဲများ မရှိသော်လည်း စစ်အင်အားများ အသင့်အနေ အထား သတိဖြင့် စောင့်ကြည့်နေကြ၍ လုံခြုံရေး စိုးရိမ်ရခြင်း ဖြစ်သည်ဟု ၎င်းက ပြောသည်။
လိုင်ဇာမြို့တွင် စစ်ပြေးဒုက္ခသည် နှစ်သောင်းကျော် ခိုလှုံနေပြီး ၎င်းတို့အား လူမှု အဖွဲ့အစည်း များနှင့် KIO ကသာ ကူညီထောက်ပံ့နေရ၍ ရေရှည်ထောက်ပံ့ရန် ခက်ခဲ လာနိုင်သည်ဟု သူက ဆိုသည်။
ကုလ အဖွဲ့အစည်းများသည် ဖေဖော်ဝါရီလ ၁၉ ရက်နေ့က ပထမဆုံးအကြိမ် အဖြစ် ဖားကန့် မြို့ရှိ စစ်ပြေး ဒုက္ခသည်များအား စားနပ်ရိက္ခာ ပစ္စည်းများ သွားရောက် ကူညီထောက်ပံ့ပေးခဲ့သည်။
အစိုးရ ငြိမ်းချမ်းရေးအဖွဲ့နှင့် တိုင်းရင်းသားလူမျိုးများ ကောင်စီ UNFC တို့ ဗုဒ္ဓဟူးနေ့က ထိုင်းနိုင်ငံ၌ တွေ့ဆုံစဉ် UNFC အဖွဲ့ဝင် အဖွဲ့အစည်းများ၏ နယ်မြေများအတွင်း လူသားချင်း စာနာမှုဆိုင်ရာ ကိစ္စများ၊ ပညာရေး၊ ကျန်းမာရေးနှင့် အခြေခံ စိုက်ပျိုးရေး၊ မွေးမြူရေးကဏ္ဍများတွင် ပြည်တွင်းနှင့် နိုင်ငံတကာ ပံ့ပိုးကူညီမှုများ ဆက်လက်ဆောင်ရွက်ရန် ဆွေးနွေးခဲ့သည်။
Ref: မဇ္ဈိမ
စစ်အစိုးရလက်ထက် ဥပဒေမဲ့ပြုကျင့်မှုများ တိုင်ကြားနိုင်
သာလွန်ဇောင်းထက်
February 21, 2013
ယခင် စစ်အစိုးရလက်ထက် လူ့အခွင့်အရေးချိုးဖောက်မှုများ၊ အာဏာအလွဲသုံးစား မှုများ အပါအ၀င် မတရားမှုများကို အမျိုးသား လွှတ်တော် ပြည်သူတို့၏ တိုင်ကြားစာနှင့် အသနားခံစာ ဆိုင်ရာကော်မတီ ဥက္ကဋ္ဌ ဦးအောင်ငြိမ်းက ပြောသည်။
နေပြည်တော်ရှိ အမျိုးသားလွှတ်တော် ပြည်သူတို့၏ တိုင်ကြားစာနှင့် အသနားခံစာ ဆိုင်ရာ ကော်မတီ ရုံးခန်း တွင် ယနေ့ ကျင်းပပြုလုပ်သော သတင်းစာ ရှင်းလင်းပွဲတွင် ဦးအောင်ငြိမ်းက ဧရာဝတီ သတင်းဌာန၏ မေးမြန်းချက်ကို အထက်ပါအတိုင်း ပြောဆိုလိုက်ခြင်း ဖြစ်သည်။
ဧရာဝတီသတင်းဌာနက အမျိုးသားလွှတ်တော် ပြည်သူတို့၏ တိုင်ကြားစာနှင့် အသနားခံစာ ဆိုင်ရာကော်မတီ အနေဖြင့် ယခင် ဗိုလ်ချုပ်မှူး ကြီးသန်းရွှေ အစိုးရက ကျူးလွန်ခဲ့သော လူ့အခွင့်အရေး ချိုးဖောက်မှု၊ အာဏာ အလွဲသုံးစားပြုမှုများနှင့် ဥပဒေမဲ့ လုပ်ဆောင်မှုများကို ခံစားခဲ့ရသော ပြည်သူများက တိုင်ကြားလာပါက အရေးယူ ဆောင်ရွက်ပေးရန် ရှိ၊ မရှိ မေးမြန်းရာ ဦးအောင်ငြိမ်းက ကော်မတီအနေဖြင့် ယခင်အစိုးရ၊ ယခုအစိုးရ မခွဲခြားဘဲ ပြည်သူတို့၏ တိုင်ကြားစာတိုင်းကို လက်ခံအရေးယူ ဆောင်ရွက်ပေးသွားမည်ဖြစ်ကြောင်း ပြန်လည်ဖြေကြားသည်။
“ယခင်အစိုးရလက်ထက်က အမှုတွေလည်း ကျနော်တို့ဆီတင်ပါတယ်။ တိုင်ပါတယ်။ တိုင်တဲ့အခါ ဥပဒေနဲ့အညီ ကော်မတီနဲ့ ညှိုနှိုင်းဆုံးဖြတ်ပြီးမှ ဥက္ကဋ္ဌဆီ တင်တယ်။ အရင်အစိုးရလက်ထက်က အမှုဖြစ်သော်လည်း ကျနော်တို့ ကိုင်တွယ်ဖြေရှင်းပြီးတော့ အစိုးရအဖွဲ့ကို ဥပဒေနဲ့အညီ ဖြေရှင်းဆောင်ရွက်နိုင်အောင် ပေးပို့လျက် ရှိပါတယ်” ဟု ဦးအောင်ငြိမ်းက ဆိုသည်။
၂၀၀၈ ဖွဲ့စည်းပုံအခြေခံဥပဒေတွင် ယခင်အစိုးရ ဆောင်ရွက်ချက်များအပေါ် မူတည်ပြီး တရားစွဲဆိုခြင်း၊ အရေးယူခြင်း မရှိစေရ၊ နောက်ကြောင်းပြန် အာဏာ သက်ရောက်မှု မရှိစေရ ဟုပြဋ္ဌာန်းချက်ရှိသော်လည်း အဆိုပါပြဋ္ဌာန်းချက်သည် ပြည်သူများ၏ တိုင်ကြားစာများနှင့် ရောထွေးပတ်သက်ခြင်းမရှိဟု ဦးအောင်ငြိမ်းက ဆိုသည်။
“အခုက ပြည်သူတဦးချင်း တိုင်ကြားတာဖြစ်တဲ့အတွက် နောက်ကြောင်းပြန် အရေးယူမှု မရှိစေရဆိုတာနဲ့ မဆိုင်ဘူးလို့ ထင်ပါတယ်။ တိုင်ကြားစာတွေမှာ ယခင်အစိုးရလက်ထက်က တိုင်ကြားစာတွေ လည်းရပါတယ်။ အဲဒါတွေကိုပဲ ဖြေရှင်းနိုင်အောင် ပေးပို့လျက်ရှိပါတယ်။ နောက်ကြောင်းပြန် မရှိစေရဘူးဆိုတာက တိုင်ကြားတဲ့အမှုတွေနဲ့ မရောထွေးဘူးလို့ ထင်ပါတယ်” ဟု ဦးအောင်ငြိမ်းက ရှင်းပြပြီး လက်ခံရရှိသော ယခင် စစ်အစိုးရလက်ထက် တိုင်ကြားချက်များမှာ မြေသိမ်းမှုများဟု ပြောသည်။
၂၀၀၈ ခုနှစ် ဖွဲ့စည်းပုံ အခြေခံ ဥပဒေ အခန်း ၁၄ ကူးပြောင်းရေးကာလ ပြဋ္ဌာန်းချက် ပုဒ်မ ၄၄၅ မှာ အစိုးရသစ်အနေနဲ့ ယခင်အစိုးရ ထုတ်ပြန်ထားတဲ့ မူဝါဒ၊ လမ်းညွှန်မှု၊ ဥပဒေ၊ နည်းဥပဒေ၊ စည်းမျဉ်း၊ အမိန့်ပြန်တမ်း၊ ကြေညာချက်၊ ဆောင်ရွက်ချက်၊ တာဝန်တွေ၊ ရပိုင်ခွင့်များကို ဆက်ခံရမည်ဖြစ်ပြီး ယခင်အစိုးရအဖွဲ့၊ အဖွဲ့ဝင်တဦးဦး၏ တာဝန်အရ ဆောင်ရွက်ချက်များအပေါ် အကြောင်းပြု တရားစွဲဆိုခြင်း၊ အရေးယူခြင်းမရှိစေရဟု တရားဝင်ပြဋ္ဌာန်းထားသည်။
သင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ်လည်းဖြစ် တရားလွှတ်တော်ရှေ့နေလည်းဖြစ်သူ ဦးသိန်းညွှန့်ကမူ စစ်အစိုးရလက်ထက် ဥပဒေချိုးဖောက်မှုများကို အရေးယူရန်မှာ ၂၀၀၈ ဖွဲ့စည်းပုံ အခြေခံဥပဒေအရ မဖြစ်နိုင်ကြောင်း၊ ဖွဲ့စည်းပုံ အခြေခံဥပဒေတွင် ယခင်အစိုးရ၏ လုပ်ဆောင်ချက်များအပေါ် တိကျစွာ ကာကွယ်ထားပေးပြီးဖြစ်ကြောင်း ဧရာဝတီသို့ ပြောသည်။
“ဖွဲ့စည်းပုံအခြေခံဥပဒေ ပုဒ်မ ၄၅၅ မှာ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့၊ နိုင်ငံတော်အေးချမ်းသာယာရေး နဲ့ဖွံ့ဖြိုးရေးကောင်စီထုတ်ပြန်ထားတဲ့ အမိန့်၊ မူဝါဒ၊ လမ်းညွှန်မှု၊ ဥပဒေ၊ ကြေညာချက်တွေကို အခု သမ္မတ ဦးသိန်းစိန်အစိုးရက ဆက်ခံတယ်။ ဟိုတုန်းက န၀တ၊ နယကအဖွဲ့ဝင်တဦး၊ အစိုးရအဖွဲ့ဝင်တဦးရဲ့ ဆောင်ရွက်ချက်အပေါ် အကြောင်းပြုလို့ တရားစွဲလို့ အရေးမယူရဆိုပြီး အခြေခံဥပဒေပြဋ္ဌာန်းချက်က အတိအလင်းပါတယ်။ အခု ပြောဆိုနေတာတွေက အဲဒီအခြေခံဥပဒေကို ကျော်သွားနိုင်သလား ဆိုတာက ပြောတဲ့သူကို လေ့လာဖို့လိုတယ်။ ဒီပုဒ်မရှိနေတဲ့အတွက် အရင်အစိုးရရဲ့ ဥပဒေပြုကျင့်မှုတွေကို တိုင်ကြားနိုင်တယ်ဆိုတာက စကားအရာသာ ဖြစ်ချင်ဖြစ်မယ်၊ တကယ်လက်တွေ့ ဆောင်ရွက်ဖို့ မလွယ်ပါဘူး” ဟု ဦးသိန်းညွှန့်က ဆိုသည်။
အမျိုးသား ဒီမိုကရေစီ အဖွဲ့ချုပ်၏ တောင်ဥက္ကလာပမြို့နယ် ဗဟိုအလုပ်အမှုဆောင် ဒေါက်တာစောနိုင်ကမူ ယခင်အစိုးရလက်ထက် လူ့အခွင့်အရေးချိုးဖောက်မှုများ၊ ဥပဒေမဲ့ပြုကျင့်မှုများကို အရေးယူနိုင်သည်ဆိုပါက လက်တွေ့လုပ်ဆောင်ပြသရန် လိုအပ်သည်ဟု ပြောသည်။
“တိုင်ကြားနိုင်တယ် ဆိုတာက အရေးယူမယ်လို့ ပြောတာမှ မဟုတ်တာ။ တိုင်လို့ရတယ်။ အရေးယူတာ မယူတာကတော့ သူမသိဘူးလို့ ဆိုတဲ့ပုံစံပေါ့။ တိုင်ရင် လက်ခံမယ်၊ အရေးယူတာမျိုး လုပ်မယ်လို့မှ အတိအကျ ပြောမသွားတာ။ ပြီးစလွယ် ဖြေသွားတယ်လို့ပဲ မြင်တယ်” ဟု ဒေါက်တာစောနိုင်က ဆိုသည်။
ယခင် စစ်အစိုးရလက်ထက် လယ်သိမ်းမှုများနှင့် ပတ်သက်ပြီး တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီးမင်းအောင်လှိုင်က စစ်တပ်မှ သိမ်းဆည်းထားသည့် လယ်ယာမြေများ အနက် အသုံးပြုခြင်း မရှိသေးသည့် မြေယာများကို တောင်သူ လယ်သမားများသို့ ပြန်လည်ပေးအပ် သွားမည် ဟု ပြည်ထောင်စုနေ့ ညစာစားပွဲ အခမ်းအနားတွင် ပြောဆိုသွားခဲ့ကြောင်း သိရပြီး ယင်းကိစ္စအပေါ် သမ္မတ ပြောရေးဆိုခွင့်ရ ပုဂ္ဂိုလ် ပြန်ကြားရေး ဒုဝန်ကြီး ဦးရဲထွဋ်က အတည်ပြုသော်လည်း သိမ်းဆည်းထားသည့် လယ်ယာမြေ များကို ပြန်ပေးအပ်နိုင်မည့် အချိန်ကို အတိအကျ မပြောနိုင်သေးကြောင်း ဧရာဝတီသို့ ပြောဆိုသည်။
အမျိုးသားလွှတ်တော် ပြည်သူတို့၏ တိုင်ကြားစာနှင့် အသနားခံစာဆိုင်ရာ ကော်မတီ သတင်းစာရှင်းလင်းပွဲတွင် ဦးအောင်ငြိမ်းက ကော်မတီဖွဲ့စည်းချိန်မှ စတင်ပြီး ပြည်သူတို့၏ တိုင်စာပေါင်းများစွာရရှိထားပြီး ပြည်ထောင်စုအစိုးရ၊ ၀န်ကြီးဌာနများနှင့် သက်ဆိုင်ရာ ပြည်နယ်/တိုင်းဒေသကြီး အစိုးရများထံ ပြန်လည်လွှဲပြောင်းပေးပို့ကြောင်း၊ ၂၀၁၁ ခုနှစ်တွင် ပြည်သူ့တိုင်ကြားစာ ၁၆၇ စောင်ကို သက်ဆိုင်ရာထံ လွှဲပြောင်းပေးအပ်ခဲ့ပြီး တိုင်စာ ၇၃ အပေါ်ကိုသာ သက်ဆိုင်ရာ စိစစ် အရေးယူ အကြောင်းပြန်လာကြောင်း၊ ၂၀၁၂ ခုနှစ်တွင် ပြည်သူ့တိုင်ကြားစာ ၃၆၀ ကို သက်ဆိုင်ရာထံ လွှဲပြောင်း ပေးပို့ခဲ့ပြီး ယင်းတိုင်စာများအနက်မှ အမှု ၃၃ ခုကို ပြန်ကြားပြီး ၃၂၇ မှု အပေါ် အကြောင်းပြန်ကြားချက် မရရှိဟု ရှင်းလင်းပြောဆိုသည်။
တိုင်ကြားစာများအပေါ် အရေးယူဆောင်ရွက်မှု နည်းပါးရခြင်း၏ အကြောင်းအရင်းများတွင် လက်ရှိအချိန်အထိ အစိုးရ အုပ်ချုပ်ရေးယန္တရားသည် ယခင် အစိုးရခေတ်ကဲ့သို့ပင် အမူအကျင့်များ ကျင့်သုံးနေမှုက အဓိက အချက်တချက်အဖြစ် သုံးသပ်တွေ့ရှိရကြောင်း၊ အဆင့်ဆင်သေ့ာ အုပ်ချုပ်ရေးပိုင်း တာဝန်ရှိသူများ၊ ၀န်ကြီးဌာနများမှ ၀န်ထမ်းများသည် သမ္မတဦးသိန်းစိန်၏ လမ်းညွှန်ထားသည့်အတိုင်း လိုက်နာဆောင်ရွက်မှု မရှိခြင်း၊ ခေတ်ပြောင်း စနစ်ပြောင်းနေသော်လည်း ယင်းတို့၏ စိတ်ဓာတ်၊ လုပ်ရပ်များ၊ လုပ်ကိုင်ဆောင်ရွက်မှုများ မပြောင်းလဲကြဘဲ ယခင်အတိုင်း ဆောင်ရွက်နေသည်ကို စိစစ်တွေ့ရှိရသည်ဟု ကော်မတီ၏ ထုတ်ပြန်ချက်တွင် ဖော်ပြထားသည်။
Ref: ဧရာဝတီ
Thursday, February 21, 2013
တပ်မတော်နဲ့ ပါတ်ီတွေ တိုင်ပင်လုပ်ကြရင် တိုးတက်မယ်လို့ ဒေါ်အောင်ဆန်း စုကြည် ပြော
2013-02-20
NLD ဥက္ကဌ ဒေါ်အောင်ဆန်းစုကြည်က တပ်မတော်ခေါင်းဆောင်တွေ နဲ့ နိုင်ငံရေးခေါင်းဆောင်တွေ တွေ့ဆုံ ပြီး နွေးနွေးထွေးထွေး တိုင်ပင်ဆောင် ရွက်ရင် တိုင်းပြည် တိုးတက်မှာ ဖြစ်တယ်လို့ ဒီကနေ့ ထပ်မံပြောကြား လိုက်ပါတယ်။
RFA က ပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ် အတွက် ယခု လတ်တလောမှာ သူနဲ့ တပ်မတော်ခေါင်းဆောင်တွေ တွေ့ဆုံဖို့ဖြစ်နိုင်ကြောင်း သတင်း ထွက်နေတာနဲ့ ပတ်သက်ပြီး မေးမြန်းရာမှာ ဒေါ်အောင်ဆန်းစုကြည်က အခုလိုဖြေကြား ခဲ့တာပါ။
တဆက်တည်းမှာပဲ လွတ်တော်အမတ်တွေ မေးမြန်းတာကို သက်ဆိုင်ရာ ဝန်ကြီး ဌာနတွေက တိတိ ကျကျ ဖြေကြားခြင်း မရှိခဲ့တာနဲ့ ပတ်သက်ပြီး သူမရဲ့သဘောထားကို မေးမြန်းရာမှာတော့ ပြည်ထောင်စု လွတ်တော်နာယက ဦးခင်အောင်မြင့်က ဒီကိစ္စအတွက် တိုက်တွန်းပြောဆို ခဲ့ပြီးနောက်ပိုင်းမှာ သက်ဆိုင်ရာ ဝန်ကြီးဌာနတွေရဲ့ ပြန်လည်ဖြေကြားချက်တွေဟာ တိုးတက် လာကြောင်းနဲ့ လွှတ်တော်သ က်တမ်း နုနယ်သေးတဲ့ အတွက် လုပ်ထုံး လုပ်နည်းတွေနဲ့ စိမ်းနေတာကြောင့် ခုလိုပေါ်ပေါက်ခဲ့တာဖြစ်နိုင်ကြောင်း ဒေါ်အောင်ဆန်းစုကြည်က ပြောဆိုပါတယ်။
Ref: RFA News
ရိုဟင်ဂျာလူမျိုးဆိုတာ မရှိဟု ဒုဝန်ကြီးလွှတ်တော်မှာ ဖြေကြား
2013-02-20
မြန်မာနိုင်ငံမှာ ခေတ်အဆက် ဆက် နေထိုင်ခဲ့တဲ့ တိုင်းရင်းသား လူမျိုးတွေထဲမှာ ရိုဟင်ဂျာလူမျိုး လုံးဝ မရှိကြောင်းကို ဒီကနေ့ ကျင်းပတဲ့ ပြည်သူ့ လွှတ်တော် အစည်းအဝေးမှာ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန၊ ဒုဝန်ကြီး ဦးကျော်ကျော်ဝင်းက ပြန်လည်ဖြေကြား ခဲ့ပါတယ်။
ဒီကနေ့ ဖေဖေါ်ဝါရီလ ၂၀ ရက်နေ့ လွှတ်တော် အစည်းအဝေးမှာ ရသေ့တောင် မဲဆန္ဒနယ်က ပြည်သူ့ လွှတ်တော် ကိုယ်စားလှယ် ဒေါ်ခင်စောဝေရဲ့ မြန်မာနိုင်ငံမှာ ရိုဟင်ဂျာလူမျိုးရှိ၊ မရှိ ဆိုတဲ့ မေးမြန်းချက်ကို ဒုဝန်ကြီး ဦးကျော်ကျော်ဝင်းက အခုလို ဖြေကြားခဲ့တာပါ။
"ရိုဟင်ဂျာလူမျိုးသည် ရခိုင်ပြည်နယ်တွင် မည်သည့်အခါမှ မရှိခဲ့ပါ၊ ရိုဟင်ဂျာ ဆိုသော လူမျိုးသည် နယ်ချဲ့ ဗြိတိသျှ ကိုလိုနီခေတ်က မြန်မာနိုင်ငံတွင် ကောက်ယူခဲ့သော သန်းခေါင်စာရင်းများ၊ မှတ်တမ်းများ ၁၉၇၃ ခုနှစ် သန်းခေါင် စာရင်းများနှင့် ၁၉၈၃ ခုနှစ် သန်းခေါင်စာရင်းများအရ လူမျိုးဖော်ပြရာတွင်လည်း ပါဝင်ခဲ့ခြင်း မရှိသည့်အပြင် ဗြိတိသျှခေတ်ကလည်း ပါဝင်ခဲ့ခြင်း မရှိပေ၊ ရုံးလက်ခံ အိမ်ထောင်စု လူဦးရေစာရင်းများတွင်လည်း ပါဝင်ခဲ့ခြင်းမရှိပါ၊ ၁၉၇၃ ခုနှစ် ပုံစံနှစ်များတွင် ဘင်ဂါလီလူမျိုးဖြင့်သာ မှတ်တမ်းတင်ထားခဲ့ပြီး၊ ရိုဟင်ဂျာ (သို့မဟုတ်) ရိုအင်ဂျာလူမျိုးဟု မှတ်တမ်းတင်ထားခဲ့ခြင်း မရှိပါ"
ဒီကနေ့ ပြည်သူ့လွှတ်တော်မှာ ရသေ့တောင်မဲဆန္ဒနယ်မှ ဒေါ်ခင်စောဝေနဲ့ စစ်တွေမဲဆန္ဒနယ်က ဦးမောင်ညိုက မြန်မာနိုင်ငံမှာ သမိုင်းဝင်နေထိုင်တဲ့ ကုလားလူမျိုး ရှိ၊ မရှိ ဒါမှမဟုတ် ဘဂါင်္လီလူမျိုးရှိသည်ကို အသိမှတ်ပြုပါသလားဆိုတဲ့ မေးခွန်းနှစ်ခုကို သက်ဆိုင်ရာ ဝန်ကြီးဌာနက ပြန်လည် ဖြေကြားခဲ့တာ ဖြစ်ပါတယ်။
Ref: RFA News
ဟားဗတ် ပညာရှင်၏ မြစ်ဆုံ ပြန်စရေး သုတေသန စာတမ်းကို ကချင် NGO ဝေဖန်
ဗုဒ္ဓဟူးနေ့၊ ဖေဖေါ်ဝါရီလ ၂၀ ရက် ၂၀၁၃
ဟားဗတ် တက္ကသိုလ်၏ Ash Center for Democratic Governance and Innovation ဌာနမှ ၂၀၁၂ ခုနှစ်၊ စက်တင်ဘာလ ၂၀ ရက်နေ့က ထုတ်ပြန်ခဲ့သော မြစ်ဆုံဆည် စီမံကိန်း ပြန်လည် စတင်နိုင်မည့် နည်းလမ်းများကို အကြံပြုထားသည့် သုတေသန စာတမ်းအား ထိုင်းနိုင်ငံ အခြေစိုက် ကချင် လူမှုဖွံ့ဖြိုးရေး ကွန်ယက်အဖွဲ့ (KDNG) က တနလာင်္နေ့တွင် ပြင်းပြင်းထန်ထန် ဝေဖန်လိုက်သည်။
“မကြာသေးမီက ဟားဗတ်တက္ကသိုလ်မှ ဉာဏ်ကြီးရှင်များသည် ကချင်ပြည်နယ်အတွင်း ဧရာဝတီ မြစ်ဆုံ ရေကာတာ စီမံကိန်းကို ပြန်လည် စတင် လုပ်ဆောင်ရန် 'ငြိမ်းချမ်းရေးဖြစ်စဉ်၏ စွမ်းအား' (Power the peace process) ဟု အမည်ရသော အဆိုပြု စာတမ်း တရပ် ပြုစုရေးသားခဲ့သည်။ သို့သော် ထိုစာတမ်းသည် ကချင်ပြည်နယ်အတွင်း ဖြစ်ပွားနေသည့် နိုင်ငံရေးပြဿနာ အရင်းအမြစ်အား ဖြေရှင်းနိုင်မည် မဟုတ်ပေ” ဟု KNDG ၏ ကြေညာချက်ထဲတွင် ရေးသားထားသည်။
ထို သုတေသန စာတမ်းထဲတွင် David Dapice က မြစ်ဆုံဆည် စီမံကိန်းအား အခြေအနေ စည်းမျဉ်း စည်းကမ်းများ အောက်တွင် ပြန်လည်စတင်ရန် အကြံပြုထားသည်။ ထိုစီမံကိန်းအား China Power Investment (CPI) က ရင်းနှီးမြှုပ်နှံထားခြင်း ဖြစ်သည်။
သူ၏ အကြံပြုချက်တွင် ၁၀,၀၀၀ မီဂါဝပ် စီမံကိန်း ဆောက်လုပ်ရေးအတွက် ချဉ်းကပ်ရန် နည်းလမ်းသစ်များကို ဖော်ပြထားပြီး မြန်မာ ဗဟိုအစိုးရ၊ ကချင် နှင့် CPI တို့ အကြား သုံးပွင့်ဆိုင် သဘောတူညီချက် ရယူလုပ်ကိုင်ရန် အကြံပေးထားသည်။
“တရုတ်နိုင်ငံအနေနဲ့ မြန်မာနိုင်ငံရဲ့ ရေအားလျှပ်စစ် ထုတ်လုပ်ရေး ကဏ္ဍမှာ ရင်းနှီးမြှုပ်နှံလိုတာ သဘာဝ ကျပါတယ်။ ဘာကြောင့်လဲဆိုတော့ အဲဒါဟာ တခြား လျှပ်စစ်ဓါတ်အား ထုတ်လုပ်ရေး နည်းလမ်းတွေနဲ့ နှိုင်းစာရင် ဈေးလည်းချိုသာပြီး ပတ်ဝန်းကျင် စိမ်းလန်းရေးနဲ့လည်း ပိုမို ကိုက်ညီပြီးတော့ အသုံးပြုဖို့လည်း ပိုပြီး လွယ်ကူပါတယ်” ဟု Dapice က ရေးသားခဲ့သည်။
သို့ရာတွင် ဒေသခံများ အပါအဝင် မြန်မာနိုင်ငံသား အများစုက မြစ်ဆုံဆည် စီမံကိန်းကို လက်မခံချင်ကြ ကြောင်းလည်း ဝန်ခံထားပြီး မြန်မာနိုင်ငံတွင် လျှပ်စစ်ဓါတ်အား ပြတ်တောက်မှုများကိုမူ မကြာခဏ ကြုံတွေ့နေရသည်ဟု ဆိုထားသည်။
“အကယ်၍ တရုတ်နိုင်ငံ အနေဖြင့် ရေကာတာ စီမံကိန်းများတွင် အတိတ်က ရင်းနှီး မြှုပ်နှံထားမှုများကို ပြန်လည် အဖတ်ဆည်လိုပြီး မြန်မာနိုင်ငံနှင့် ရင့်ကျက်၍ ပိုမိုတည်ငြိမ်သော ဆက်ဆံရေးမျိုး တည်ဆောက်
လိုပါက တရုတ်နိုင်ငံအနေဖြင့် အတိတ်က ချုပ်ဆိုခဲ့သော တဘက်သတ် ဆန်သည့် စာချုပ်များအား ပြန်လည်ဆွေးနွေးညှိနှိုင်းရလိမ့်မည်” ဟု Dapice က ဆိုသည်။
“ကချင်တွေကို ပါဝင်ခွင့် ပေးရပါလိမ့်မယ်။ အဲဒီလို မဟုတ်လို့ကတော့ သူတို့က မတည်မငြိမ်မှုတွေကို ဖန်တီးပါလိမ့်မယ်။ အဲဒါဟာ ဘာကိုဆိုလိုတာလဲ ဆိုတော့ တရုတ် နိုင်ငံအနေနဲ့ ကချင်ငြိမ်းချမ်းရေး လုပ်ငန်းစဉ်တွေမှာ အပြုသဘောဆောင်တဲ့ အခန်းကဏ္ဍကနေ ပါဝင် လှုပ်ရှားရပါမယ်” ဟု Dapice က ဆိုထားသည်။
“ရေကာတာ စီမံကိန်းကြောင့် ဖြစ်ပေါ်လာမယ့် ပတ်ဝန်းကျင်နဲ့ လူမှုရေး အကျိုးဆက်တွေကို ဆန်းစစ်မယ့် ‘လေးနက်ပြီး လွတ်လပ်တဲ့ သုံးသပ်လေ့လာချက် တခု’ ပေါ်ထွက်လာဖို့ သုတေသန ပညာရှင်တွေက တောင်းဆိုနေကြပါတယ်။ ဒါပေမယ့် သဘာဝ ပတ်ဝန်းကျင် ထိခိုက်မှု တချို့ ရှိမယ် ဆိုရင်တောင် ရရှိမယ့် အကျိုးကျေးဇူးတွေက ပေးဆပ်လိုက်ရမယ့် ဆိုးကျိုးတွေထက် အလေးသာနေတာ မျိုးလည်း ဖြစ်ချင် ဖြစ်နေမှာပါ” ဟု သူက ရေးသားထားသည်။
Dapice ဖော်ပြထားခဲ့သည့် အကျိုးကျေးဇူးများထဲတွင် ဝင်ငွေရရှိမှု၊ လျှပ်စစ်ဓါတ်အား ရရှိမှုတို့ အပြင် မြန်မာ ဗဟိုအစိုးရနှင့် ကချင်လွတ်လပ်ရေးအဖွဲ့ KIO တို့ အကြား ငြိမ်းချမ်းရေး လုပ်ငန်းစဉ်ကိုလည်း အရှိန်အဟုန်မြှင့် တွန်းအားပေးနိုင်လိမ့်မည် ဟုလည်း ဖော်ပြထားသည်။
သို့ရာတွင် KDNG က ထိုသုတေသန ပညာရှင်၏ ကောက်ချက်ဆွဲမှုကို ပယ်ချလိုက်ပြီး “ထို အဆိုပြုစာတမ်း တွင် လက်ရှိဖြစ်ပွားနေသော ပဋိပက္ခနှင့် ရေကာတာ တည်ဆောက်ရေး ဆန့်ကျင်မှုများ ဖြစ်ပွားရသည့် အခြေခံအကြောင်းအရင်းသည် ငွေကြောင့်ဖြစ်သည်ဟု လွဲမှားစွာ အကြံပြုထားသည်။ အမှန်တကယ် ပြဿနာဖြစ်ရသည့် အဓိက အကြောင်းရင်းမှာ ယခင်နှင့် လက်ရှိ တပြည်ထောင် ဖွဲ့စည်းအုပ်ချုပ်ပုံအခြေခံ ဥပဒေတွင် ကချင်လူထု၏ ဆုံးဖြတ်ချက် ချပိုင်ခွင့်အာဏာ မရှိခြင်းကြောင့်ပင် ဖြစ်သည်” ဟု ဆိုသည်။
“ကချင်ပြည်နယ်အတွင်း မြောက်များစွာသော လယ်ယာမြေ သိမ်းဆည်းမှုများ၊ အတင်းအဓမ္မ ပြောင်းရွှေ့ စေခိုင်းမှုများ၊ ပြည်သူများ၏ အသက်မွေးဝမ်းကျောင်း လုပ်ငန်းများ ဆုံးရှုံးမှုများနှင့် လူမှုရေး ပြဿနာများကို ဖြစ်ပေါ်စေသည့် မိမိတို့၏ သဘာဝ သယံဇာတများအပေါ် ရာစုနှင့်ချီ၍ ခေါင်းပုံဖြတ် အမြတ်ထုတ်မှုများမှာ ဤကဲ့သို့ ကချင်ပြည်သူများ ဆုံးဖြတ်ခွင့်အာဏာ ကင်းမဲ့မှု၏ အကျိုး ရလဒ်ပင် ဖြစ်သည်။ ဤ အခြေအနေကို ထောက်ရှုခြင်းအားဖြင့် မိမိတို့၏ သဘာဝ သယံဇာတများကို ထိန်းချုပ် စီမံနိုင်သည့် နိုင်ငံရေးအာဏာသည် သာလျှင် မိမိတို့၏ လယ်ယာမြေများနှင့် အသက်မွေးဝမ်းကျောင်းမှုများကို ကာကွယ်နိုင်မည်ဖြစ်ပြီး ဒေသခံ ပြည်သူလူထု တရပ်လုံးအား ဖွံ့ဖြိုးရေးအကျိုး ရရှိခံစားနိုင်အောင် လုပ်ဆောင်နိုင်သည့် တခုတည်းသော အာဏာဖြစ်သည်” ဟုလည်း KDNG ၏ ထုတ်ပြန်ချက်ထဲတွင် ဆိုထားသည်။
KDNG ပြောရေးဆိုခွင့်ရှိသူ မအားနန် က “စီးပွါးရေးအရ ဆက်သွယ် ဆောင်ရွက်မှုတွေဟာ နိုင်ငံရေးအရ ပြုပြင်ပြောင်းလဲမှုကို အစားထားလို့ မရပါဘူး။ ကချင် ပဋိပက္ခကို ငွေနဲ့ ရှင်းလို့ မရနိုင်ပါဘူး။ ကျမတို့ အနေနဲ့ ကိုယ်ပိုင်ဆုံးဖြတ်ခွင့်ကို အလိုရှိပါတယ်။ ပြီးတော့ ကျမတို့ ပိုင်တဲ့ မြေတွေနဲ့ မြစ်တွေကို ဘယ်လို စီမံခန့်ခွဲ အသုံးချမလဲ ဆိုတာကို ဆုံးဖြတ်ခွင့်ကိုလည်း အလိုရှိပါတယ်” ဟု ပြောဆိုသွားသည်။
(၂၀၁၂ စက်တင်ဘာတွင် ထုတ်ပြန်ခဲ့သည့် ထို သုတေသနစာတမ်း “China and Yunnan Economic Relations with Myanmar and the Kachin State: Powering the Peace Process” အပြည့်အစုံကို http://www.ash.harvard.edu/ash/Home/Programs/Institute-for-Asia/Publications/Journal-Articles-Occasional-Papers တွင် ဖတ်ရှုနိုင်ပါသည်။)
Ref: မဇ္ဈိမ
မြန်မာနိုင်ငံ ပြုပြင်ပြောင်းလဲရေးမှာ လူ့အခွင့်အရေး အလေးထားဖို့ ကုလတိုက်တွန်း
ကိုသားညွန့်ဦး
20.02.2013
မြန်မာနိုင်ငံရဲ့ လက်ရှိ ပြုပြင် ပြောင်းလဲရေး လုပ်ငန်းစဉ်တွေမှာ လူ့အခွင့်အရေး ကိစ္စကို ဘေးဖယ် ထားတာကြောင့် ဒါဟာ လက်ရှိ ဖြစ်ပေါ် တိုးတက်မှုတွေ ကိုတောင် ထိခိုက်နိုင်တယ်လို့ ကုလသမဂ္ဂ လူ့အခွင့်အရေး အထူး ကိုယ်စားလှယ်က ဝေဖန် ထောက်ပြ ထားပါတယ်။
မြန်မာနိုင်ငံတွင်း တိုးတက်မှုတွေ ရှိလာပေမဲ့၊ တချိန်တည်းမှာ မဖြေရှင်းရသေးတဲ့ လူ့အခွင့်အရေး ပြဿနာတွေလည်း ရှိနေတယ်လို့ ပြောပါတယ်။ မြန်မာနိုင်ငံကို သွားရောက် လေ့လာခဲ့တဲ့ ကုလသမဂ္ဂရဲ့ မြန်မာနိုင်ငံ လူ့အခွင့်အရေး အထူး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quntana) ကို ကိုသားညွန့်ဦး က ဆက်သွယ် မေးမြန်းထားပါတယ်။
မစ္စတာ ကင်တာနားဟာ ၅ ရက်ကြာ မြန်မာနိုင်ငံ ခရီးစဉ်အတွင်း မှာတော့ ရန်ကုန်၊ နေပြည်တော် စတဲ့ မြို့ကြီးတွေ အပြင် ပဋိပက္ခတွေ ဖြစ်နေတဲ့ ရခိုင်ပြည်နယ်နဲ့ ကချင်ပြည်နယ်ဘက်တွေ ကိုလည်း သွားရောက်ခဲ့ပါတယ်။
ပြုပြင် ပြောင်းလဲမှုတွေကြောင့် လူ့အခွင့်အရေး အခြေအနေ တိုးတက်လာတယ် ဆိုတာကို အသိအမှတ်ပြုပေမဲ့၊ လူနည်းစု အခွင့်အရေးနဲ့ ပတ်သက်လို့တော့ စိုးရိမ်စရာ အခြေအနေမှာ ရှိသေးတယ်ဆိုတာကို အဓိက သူ ထောက်ပြခဲ့ပါတယ်။
“နေရာစုံမှာ တိုးတက်မှုတွေ အတော်များများ တွေ့ရပါတယ်။ တဆက်တည်း လူ့အခွင့်အရေး အခြေအနေအပေါ်မှာ အပြုသဘော သက်ရောက်မှုတွေလည်း ရှိပါတယ်။ တချိန်တည်းမှာ တော့ မဖြေရှင်းရသေးတဲ့ စိုးရိမ်စရာ အခြေအနေတွေကိုလည်း တွေ့ရပါတယ်။ အထူးသဖြင့်တော့ ရခိုင်ပြည်နယ်တွင်းက အခြေအနေတွေပါ။ ဒါတွေဟာ လက်ရှိ တိုးတက်မှုတွေကိုတောင် အနှောင့်အယှက် ပေးနိုင်ပါတယ်။”
ပြီးခဲ့တဲ့ လူ့အခွင့်အရေး ချိုးဖောက်မှုတွေနဲ့ ပတ်သက်လို့ တခြား အသွင် ကူးပြောင်းရေး အတွေ့အကြုံတွေ လိုပဲ၊ အမှန်တရား ဖော်ထုတ်ရေး ကော်မရှင် ဖွဲ့ပြီး အမှန်တရားနဲ့ တရားမျှတမှု ကိစ္စတွေကို ဖြေရှင်း ဆောင်ရွက်ဖို့ လိုတယ်ဆိုတာ မစ္စတာ ကင်တာနားအနေနဲ့ အာဏာပိုင်တွေကို တိုက်တွန်းခဲ့တယ်လို့ သိရပါတယ်။
ဒါဟာ နောက်နောင် လူ့အခွင့်အရေး ချိုးဖောက်မှုတွေ ထပ်မဖြစ်လာအောင် ပညာပေးတဲ့ သဘောမျိုး ဖြစ်သလို၊ အမျိုးသား ပြန်လည် သင့်မြတ်ရေးအတွက်လည်း အရေးကြီးတယ်လို့ မစ္စတာ ကင်တာနား က ထောက်ပြခဲ့ပါတယ်။
လက်ရှိ မြန်မာနိုင်ငံရဲ့ ပြုပြင် ပြောင်းလဲရေး လုပ်ငန်းစဉ် တရပ်လုံးမှာ လူ့အခွင့်အရေး ကိစ္စကို ဘေးဖယ်ထားတဲ့ အပေါ် သူ့အနေနဲ့ စိုးရိမ်ကြောင်း ပြောပါတယ်။
“ပြုပြင် ပြောင်းလဲရေး လုပ်ငန်းစဉ်တွေထဲမှာ လူ့အခွင့်အရေးကိစ္စကို အရေးပါမှုအဖြစ် ထည့်သွင်းဖို့ လိုပါတယ်။ မြန်မာ အာဏာပိုင်တွေဟာ လူ့အခွင့်အရေးနဲ့ ပတ်သက်လို့ စိုးရိမ်တာတွေတော့ ရှိပါတယ်။ ဒါပေမဲ့လည်း အခုအချိန်အထိတော့ ပြုပြင် ပြောင်းလဲရေး လုပ်ငန်းစဉ်တွေမှာ လူ့အခွင့်အရေးကိစ္စကို ဘေးဖယ်ထားပါတယ်။ ဒါဟာ ပြုပြင် ပြောင်းလဲရေးမှာ မှားယွင်းတဲ့ လုပ်ရပ်ပါ။ စစ်အုပ်ချုပ်မှုကနေ အရပ်သားအုပ်ချုပ်မှုကို ကူးပြောင်းတဲ့ အသွင်ကူးပြောင်းရေး ဖြစ်စဉ်တိုင်းမှာ လူ့အခွင့်အရေး လေးစားလိုက်နာမှု ဆိုတာဟာ မဖြစ်မနေလုပ်ဆောင်ရမယ့် တာဝန်တရပ်ပါ။”
လက်ရှိ လူ့အခွင့်အရေးဆိုင်ရာ စိုးရိမ်စရာ အခြေအနေတွေထဲမှာ နိုင်ငံရေး အကျဉ်းသား ကိစ္စလည်း ပါဝင်နေတုန်းပဲလို့ မစ္စတာ ကင်တာနား က ပြောပါတယ်။ အခု ဒီခရီးစဉ်မှာလည်း နိုင်ငံရေး အကျဉ်းသားတချို့ကို အကျဉ်းထောင်တွေအထိ သွားရောက် တွေ့ဆုံခဲ့တယ်လို့ ပြောပါတယ်။
“နိုင်ငံရေး အကျဉ်းသားတွေလည်း အတော်များများ ကျန်ပါသေးတယ်။ တချို့ကို ရန်ကုန် အင်းစိန်ထောင်ထဲနဲ့ အခြားထောင်တွေမှာ ကျနော် ဒီတခေါက် ခရီးအတွင်း သွားတွေ့ခဲ့ပါတယ်။ ဒီလူတွေ ခြွင်းချက်မရှိ အမြန်ဆုံး လွတ်မြောက်လာဖို့ အရေးကြီးပါတယ်။ ဒီလူတွေကို လွှတ်ပေးဖို့ ကျနော် အကြိမ်ကြိမ် ပြောဆိုနေသလိုပဲ။ နိုင်ငံတကာကလည်း ဒီနိုင်ငံရေး အကျဉ်းသားတွေ လွတ်ဖို့ကိစ္စ အရေးကြီးတယ် ဆိုတာကို နားလည်ဖို့ လိုပါတယ်။”
နိုင်ငံရေး အကျဉ်းသား စိစစ်ရေး ကော်မတီတရပ် ဖွဲ့ဖို့ အစိုးရအနေနဲ့ ကြိုးပမ်းနေတာကိုလည်း အာဏာပိုင်တွေက သူ့ကို ရှင်းပြတယ်လို့ ဆိုပါတယ်။ ဒါပေမဲ့လည်း လက်တွေ့ ဘယ်လို ကိုင်တွယ်
ဖြေရှင်းမလဲ ဆိုတာကိုပဲ သူ စောင့်ကြည့်နေတယ်လို့ ပြောပါတယ်။
အခုလို စိုးရိမ်စရာတွေ ရှိနေသေးသလို၊ တိုးတက်လာတဲ့ အခြေအနေတွေကိုလည်း သူ မြင်ခဲ့ရ တယ်လို့ ဆိုပါတယ်။ ဒီအထဲမှာ သတင်း မီဒီယာ လွတ်လပ်ခွင့်နဲ့ ပတ်သက်လို့ အခြေအနေတွေ လည်း အပါအ၀င်ပါ။
“ယာယီ မြန်မာ သတင်း မီဒီယာ ကောင်စီနဲ့လည်း တွေ့ခဲ့ပါတယ်။ မီဒီယာ ဥပဒေ ရေးဆွဲနေမှု အခြေအနေတွေ တိုးတက်မှု ရနေတဲ့ နောက်ဆုံး အခြေအနေကို သိခဲ့ရပါတယ်။ လွှတ်တော်ကနေ ဒါကို သုံးသပ်ပြီး၊ မီဒီယာ ဥပဒေတခု ထွက်လာဖို့ ရှိပါတယ်။ ဒါဟာ အရေးကြီးတဲ့ တိုးတက်မှု တခုပါ။ သတင်း မီဒီယာတွေ လွတ်လွတ်လပ်လပ် ရေးသားခွင့် ရဖို့ ဆိုတာ အသွင်ကူးပြောင်းရေးအတွက် အလွန် အရေးကြီးပါတယ်။”
နိုင်ငံရေး တင်မဟုတ်ဘဲ စီးပွားရေး ပြုပြင် ပြောင်းလဲမှုဆိုင်ရာတွေမှာ လူ့အခွင့်အရေး စံနှုန်းစံထား တွေ ဘယ်လောက် လေးစားလိုက်နာသလဲဆိုတာ သူ လေ့လာနေတယ်လို့ မစ္စတာ ကင်တာနား က ပြောပါတယ်။
အထူးသဖြင့် နိုင်ငံခြား ရင်းနှီးမြှုပ်နှံမှုတွေ ဖိတ်ခေါ် ဆွဲဆောင်နေချိန်မှာ ဒေသခံ ပြည်သူတွေ သူတို့ရဲ့ အခြေခံ အခွင့်အရေး မဆုံးရှုံးဖို့၊ သူတို့ရဲ့ နေ့စဉ် လူမှုဘ၀တွေကို မထိခိုက်စေဖို့ အရေးကြီး တယ်လို့ ပြောပါတယ်။
ဒီအတွက်လည်း သက်ဆိုင်ရာ တာဝန်ရှိသူတွေ နိုင်ငံတကာ အဖွဲ့အစည်းတွေနဲ့လည်း တွေ့ဆုံ စကားပြောဖို့ ရှိတယ်လို့ မစ္စတာ ကင်တာနားက ပြောပါတယ်။
“အသွင်ကူးပြောင်းရေး လုပ်ငန်းစဉ် ဆောင်ရွက်နေချိန် အရေးကြီးတာကတော့ အဆုံးအဖြတ် ပေးရတဲ့ အစုအဖွဲ့ အားလုံးအနေနဲ့ သတိပြုရမှာက နိုင်ငံတကာ စံနှုန်းစံထားအတိုင်း လိုက်နာရမယ့် တာဝန် ၀တ္တရားတွေ ရှိတယ်ဆိုတာပါ။ စီးပွားရေး လုပ်ငန်းတွေမှာ လူ့အခွင့်အရေးနဲ့ ပတ်သက်လို့ သတ်မှတ်ချက် စံနှုန်းစံထားတွေလည်း ရှိပါတယ်။ ပြုပြင် ပြောင်းလဲရေး လုပ်ငန်း စဉ်တွေဟာ အခြေခံ လူတန်းစား ပြည်သူတွေကို တိုက်ရိုက်ဖြစ်စေ၊ သွယ်ဝိုက်လို့ဖြစ်စေ ထိခိုက် နစ်နာမှုတွေ မဖြစ်ဖို့ လိုပါတယ်။”
“ဥပမာ မြေယာကိစ္စတွေကို ကြည့်ပါ။ ရင်းနှီး မြှုပ်နှံမှုတွေကြောင့် မြေယာ ဆုံးရှုံးတယ် ဆိုတဲ့ စွပ်စွဲ တိုင်ကြားချက်တွေ ကျနော် ရပါတယ်။ အဲ့ဒီမှာ ကြည့်တော့ ဒေသမှာရှိတဲ့ ပြည်သူတွေ၊ လူမှု အဖွဲ့အစည်းတွေကို တိုင်ပင် ညှိနှိုင်းတာမျိုး မရှိပါဘူး။ စီးပွားရေး ပြုပြင် ပြောင်းလဲမှုတွေကတော့ လုပ်နေတာ တွေ့တယ်၊ ဒါပေမဲ့ အစိုးရရော နိုင်ငံတကာ ရင်းနှီးမြှုပ်နှံသူတွေပါ နိုင်ငံတကာ စံနှုန်း အခြေခံတွေကို လိုက်နာကြဖို့ ကျနော် တောင်းဆိုခဲ့ပါတယ်။ ကျနော် ဂျပန်ရောက်တော့ အဲဒီက ဂျပန် တာဝန်ရှိသူတွေနဲ့ အဲ့ဒီကိစ္စကို ပြောဆို တိုက်တွန်းခဲ့ပါတယ်။ အဲ့ဒီကိစ္စကိုလည်း ကျနော် အရေးတကြီး ဆောင်ရွက်မှာဖြစ်ပြီး၊ ကမ္ဘာ့ဘဏ် အပါအ၀င် ငွေကြေး အဖွဲ့အစည်းတွေနဲ့လည်း တွေ့ဆုံ ပြောဆိုဖို့ရှိပါတယ်။”
မစ္စတာ ကင်တာနား အနေနဲ့ အခု သူ တွေ့ရှိချက်တွေကိုတော့ လာမယ့် မတ်လ လူ့အခွင့်အရေး ကောင်စီ ညီလာခံကို အစီရင်ခံစာ တင်သွင်းမှာဖြစ်ပါတယ်။
မစ္စတာ ကင်တာနား ကို ၂၀၀၈ ခုနှစ် မေလကစပြီး မြန်မာနိုင်ငံဆိုင်ရာ လူ့အခွင့်အရေး အထူး ကိုယ်စားလှယ် အဖြစ် လူ့အခွင့်အရေး ကောင်စီကနေ ခန့်အပ်ခဲ့တာ ဖြစ်ပါတယ်။ အခုနှစ် ညီလာခံမှာတော့ မြန်မာနိုင်ငံအတွက် လူ့အခွင့်အရေး ကိုယ်စားလှယ် ဆက်ထား မထား ပါဝင်တဲ့ လုပ်ငန်းစဉ် ကိစ္စကို ဆွေးနွေးဖို့ ရှိတယ်လို့ သိရပါတယ်။
လူ့အခွင့်အရေးအဖွဲ့တွေကတော့ မြန်မာနိုင်ငံမှာ နိုင်ငံရေး ပြုပြင် ပြောင်းလဲမှုတွေ ရှိလာပေမဲ့ လူ့အခွင့်အရေး အခြေအနေအရ သိသာ ထင်ရှားတဲ့ တိုးတက်မှုတွေ မမြင်ရသေးတာကြောင့်၊
မြန်မာအတွက် လူ့အခွင့်အရေး ကိုယ်စားလှယ် ဆက်ထားဖို့ တိုက်တွန်းမှုတွေ ရှိနေပါတယ်။
Ref: VOA News
မြန်မာဓာတ်ငွေ့ တင်ပို့ခြင်း ယာယီရပ်နားမှု ထိုင်းစိုးရိမ်
ကိုအောင်လွင်ဦး
20.02.2013
မြန်မာနိုင်ငံက စွမ်းအင် ထုတ်လုပ်မှုအပေါ် အဓိက အားထားနေရတဲ့ အိမ်နီးချင်း ထိုင်းနိုင်ငံကို သဘာဝ ဓာတ်ငွေ့ တင်ပို့မှု သီတင်း တပတ်ကြာ ရပ်ဆိုင်းမယ့် အတွက် လောင်စာ အခက်အခဲနဲ့ ရင်ဆိုင်ရမယ့် အခြေအနေတွေ ပေါ်ပေါက်နေပါတယ်။
ဒီ့အတွက် ထိုင်းအစိုးရ တာဝန်ရှိသူတွေ စွမ်းအင်ကို ချွေတာကြ ဖို့ နှိုးဆော်သံတွေ ထွက်ပေါ်လာ သလို၊ ဆန်းစစ်သူတွေ ကတော့ ထိုင်းနိုင်ငံအတွက် ပြည်ပက လောင်စာ အရင်းအမြစ်တွေကို မှီခိုနေရတဲ့ အခြေ အနေတွေက လွတ်မြောက်အောင် လုပ်ဖို့ လိုနေပြီလို့လည်း သတိပေး ခဲ့ကြတာပါ။ အပြည့်အစုံ ကိုတော့ ဆက်သွယ်မေးမြန်းထားတဲ့ ကိုအောင်လွင်ဦးက တင်ပြထားပါတယ်။
မြန်မာနိုင်ငံက ရတနာ ဓာတ်ငွေ့ လုပ်ငန်းမှာ မွမ်းမံ ပြင်ဆင်စရာတွေ ရှိနေတဲ့ အတွက် ထိုင်းနိုင်ငံကို သဘာဝဓာတ်ငွေ့ တင်ပို့မှုတွေ ခေတ္တ ဆိုင်းငံ့ထားမယ့် အစီအစဉ်ကြောင့် နှစ်စဉ်နှစ်တိုင်း စွမ်းအင် သုံးစွဲမှုတွေ များပြားလေ့ ရှိတဲ့ ဧပြီလထဲမှာ လောင်စာဆီဈေး တက်တာတွေ၊ မလုံလောက် တဲ့ ပြဿနာတွေ ကြုံရမှာကို ထိုင်းအစိုးရက ဟန့်တားဖို့ ကြိုးပမ်းနေရတာ ဖြစ်ပါတယ်။
ရတနာ သဘာဝ ဓာတ်ငွေ့ လုပ်ငန်းက တင်ပို့မှု ရပ်တန့်မယ့် အတွက် နေ့စဉ် ဓာတ်ငွေ့ ပမာဏ ကုဗပေ သန်းပေါင်း ၁,၁၀၀ လောက် ပြတ်လပ်ရာက လျှပ်စစ်မီဂါဝပ် ၆,၀၀၀ လောက်
လျော့နည်းမယ့် အခြေအနေက သက်သာရာ ရစေဖို့ ဧပြီလထဲ စင်္ကာပူ နိုင်ငံကနေ လောင်စာဆီ လီတာပေါင်း ၂၅ သန်း တင်သွင်း သွားမယ်လို့လည်း ထိုင်းစွမ်းအင်ဝန်ကြီး ဖုန်ဆတ် လတ်ထဖွန်ပိုင်ဆယ် (Pongsak Raktapongpaisal) က ဗုဒ္ဓဟူးနေ့က ကြေညာလိုက်တာပါ။
ထိုင်းအစိုးရက ပြင်ဆင်ချိန်ရအောင် အချိန်ပိုပေးဖို့ မေတ္တာရပ်ခံခဲ့ပြီးနောက် မူလက ဧပြီလ ၄ ရက်နေ့မှာ စတင်မယ့် မွမ်းမံ ထိန်းသိမ်းရေး အစီအစဉ်ကို ၁ ရက် နောက်ဆုတ်ပေးပြီး ၅ ရက်နေ့ကနေ ၁၂ ရက်နေ့အထိ မြန်မာဘက်က ပြောင်းပေးခဲ့ တယ်လို့လည်း ထိုင်းစွမ်းအင် ၀န်ကြီးက ပြောပါတယ်။
ဒါပေမဲ့လည်း ဒီလို အစီအမံတွေဟာ ရေရှည် စွမ်းအင် ဖူလုံရေးအတွက် လုံလောက်မှု မရှိဘူးလို့ ထိုင်းနိုင်ငံ ချူလာလောင်ကွန်း တက္ကသိုလ်က နိုင်ငံရေး သိပ္ပံပညာ ပါမောက္ခ သီထိနန် ဖွန်ဆူဒီလတ် (Thitinan Pongsudhirak) က သုံးသပ်ပါတယ်။
“ဧပြီလထဲမှာ ပြင်ဆင်မှုတွေ လုပ်မယ့် အစီအစဉ်က ထိုင်းနိုင်ငံရဲ့ စွမ်းအင် လိုအပ်ချက်အပေါ် သိသိသာသာ ရိုက်ခတ် လာပါလိမ့်မယ်။ ဒါကြောင့်လည်း ထိုင်းနိုင်ငံဟာ ဓာတ်ငွေ့ တင်သွင်းမှု မှာ မြန်မာနိုင်ငံအပေါ် အကြီးအကျယ် မှီခို အားထားနေရတယ်ဆိုတာ တွေ့လာရပါတယ်။ ထိုင်းနိုင်ငံရဲ့ လျှပ်စစ် စွမ်းအင် ထုတ်လုပ်မှု ၇၀ ရာခိုင်နှုန်းကို သဘာဝ ဓာတ်ငွေ့ကနေ ရရှိတာဖြစ်ပြီး၊ ပြည်ပက ဓာတ်ငွေ့ တင်သွင်းမှုတွေရဲ့ ၂၅ ရာခိုင်နှုန်းကတော့ မြန်မာနိုင်ငံပါ။ ဒါကြောင့်လည်း ဓာတ်ငွေ့ တင်သွင်းမှု အပိုင်းမှာ ကြည့်မယ်ဆိုရင် ထိုင်းနိုင်ငံဟာ စွမ်းအင် ဖူလုံရေးအတွက် စိတ်ချရတဲ့ အာမခံချက်မျိုး မရှိပါဘူး။”
ထိုင်းအစိုးရ ပြောခွင့်ရသူကတော့ ဒီနှစ်အတွက် အစိုးရ လုပ်ငန်းတွေမှာ စွမ်းအင်သုံးစွဲမှုကို ၁၀ ရာခိုင်နှုန်း လျှော့ချ ဖြတ်တောက် သွားမယ်လို့ ပြောဆိုခဲ့တာပါ။ ထိုင်းစွမ်းအင်ဝန်ကြီးကလည်း ဓာတ်လှေကားတွေ၊ ကားတွေလို စွမ်းအင်ကို အသုံးပြုရတဲ့ နေရာတွေမှာ လိုအပ်တာထက် ပိုမသုံးကြဖို့နဲ့ အစိုးရ၀န်ကြီး အဖွဲ့ဝင်တွေတောင် အစည်းအဝေးတွေမှာ လေအေးစက်တွေ အသုံးပြုတာကို ချွေတာတဲ့အနေနဲ့ အပေါ်အကျီင်္တွေ မ၀တ်တာမျိုး စံနမူနာ လုပ်သင့်တယ် လို့ ပြောသွားပါတယ်။
ထိုင်းနိုင်ငံထုတ် The Nation သတင်းစာကတော့ အခု ကြုံရတဲ့ ပြဿနာဟာ ထိုင်းနိုင်ငံ စွမ်းအင် ဖူလုံရေးအတွက် သတိပေး နှိုးဆော်ချက် တရပ် ဖြစ်တယ်ဆိုပြီး အယ်ဒီတာ့ အာဘော်မှာ
ရေးပါတယ်။ ထိုင်းနိုင်ငံက နိုင်ငံရေး သိပ္ပံပညာ ပါမောက္ခ သီထိနန် ကတော့ ထိုင်းအစိုးရ အနေနဲ့ စွမ်းအင် အရင်းအမြစ်တွေကို တနေရာတည်းမှာ အားထားနေတာမျိုး ရှောင်ရှားရလိမ့်မယ် လို့ မြင်ပါတယ်။
“တင်သွင်းနိုင်မယ့် အရင်းအမြစ် အသစ်တွေကို ရှာဖို့ လိုပါတယ်။ မြန်မာနဲ့ လာအိုနိုင်ငံတွေအပြင် တခြား နေရာတွေကိုလည်း ဖြန့်ကျက်ထားဖို့ လိုပါတယ်။ နေရောင်ခြည် စွမ်းအင်၊ လေစွမ်းအင်၊
ဖြစ်နိုင်မယ်ဆိုရင် နျူကလီးယား စွမ်းအင်တွေ ထုတ်လုပ်ဖို့ စပြီး စဉ်းစားကြရပါလိမ့်မယ်။ ဒါတွေကိုတော့ ထိုင်းအစိုးရရော၊ လူမှု အသိုင်းအ၀ိုင်း ကြားမှာရော၊ ပုဂ္ဂလိက ကဏ္ဍမှာပါ စတင် ဆွေးနွေးတာ၊ အချေအတင် ပြောကြတာမျိုးတော့ မရှိကြသေးပါဘူး။”
ထိုင်းနိုင်ငံဟာ လတ်တလော စွမ်းအင် ရရှိရေးအတွက် မြန်မာနိုင်ငံက သဘာဝဓာတ်ငွေ့၊ လာအိုနိုင်ငံက ရေအားလျှပ်စစ်နဲ့ လောင်စာဆီကိုတော့ အရှေ့အလယ်ပိုင်း ဒေသတွေကနေ တင်သွင်းနေရတာ ဖြစ်ပါတယ်။ သီတင်းတပတ်ကြာ ဆိုင်းငံ့ထားမယ့် ရတနာ သဘာဝဓာတ်ငွေ့ စီမံကိန်းကိုတော့ ပြင်သစ်ပိုင် Total၊ အမေရိကန်က Chevron၊ ထိုင်းအစိုးရပိုင် PTT နဲ့ မြန်မာရေနံနဲ့ သဘာဝ ဓာတ်ငွေ့လုပ်ငန်းတို့ ပူးတွဲ အကောင်အထည် ဖော်ခဲ့တာဖြစ်ပြီး၊ ၂၀၀၉ ခုနှစ်ကစလို့ နေ့စဉ် ပျမ်းမျှ ဓာတ်ငွေ့ ကုဗပေ သန်း ၇၈၀ လောက် ထုတ်လုပ်နေတာ ဖြစ်ပါတယ်။
ဒီအထဲက အများစုကိုတော့ ထိုင်းနိုင်ငံကို ရောင်းချထားတာပါ။ မြန်မာနိုင်ငံ တောင်ပိုင်း မွန်ပြည်နယ် တွင်းက စီမံကိန်း စတင်ချိန်မှာတော့ လူ့အခွင့်အရေး ချိုးဖောက်မှုတွေ ရှိခဲ့တယ် ဆိုပြီး ဝေဖန်မှုတွေ လည်း အကြီးအကျယ် ထွက်ပေါ်ခဲ့တာ ဖြစ်ပါတယ်။
Ref: VOA News
နိုင်ငံရေးအကျဉ်းသားများ စိစစ်ရေးကော်မတီကို ကြိုဆိုကြောင်း ဒေါ်အောင်ဆန်းစုကြည်ပြော
2013-02-20
သမ္မတဦးသိန်းစိန်အစိုးရက မြန်မာနိုင်ငံမှာ နိုင်ငံရေးအကျဉ်းသားရှိတယ် ဆိုတာကို လက်ခံပြီး၊ လက်ကျန် နိုင်ငံရေး အကျဉ်းသားများ စိစစ်ရေးကော်မတီ ဖွဲ့စည်း လိုက်တာကို ကြိုဆိုကြောင်း ဒေါ်အောင်ဆန်းစုကြည်က ပြောကြား လိုက်ပါတယ်။
မနေ့က ပြည်သူ့လွှတ်တော် ခေတ္တရပ်နားချိန်မှာ သတင်းထောက်တွေရဲ့ မေးမြန်းချက်ကို ပြန်လည် ဖြေကြားခဲ့တာပါ။
" နိုင်ငံရေးအကျဉ်းသားဆိုတာ လက်ခံဖို့က နှစ် ၂၀ လောက်ကတည်းက နိုင်ငံရေး အကျဉ်းသားတွေ ရှိတယ် ဆိုတာ စပြီး လက်ခံ ရမှာပေါ့လေ၊ ဘာပဲပြောပြော အခု လက်ခံတယ် ဆိုတာ ကောင်းပါတယ်၊ စာရင်းတွေက တစ်ခုနဲ့ တစ်ခုမတူဘူ၊ အမေရိကန်ပြည်ထောင်စုက လုပ်ထားတဲ့ စာရင်းကလည်း နည်းနည်းတော့ ကွာနေတယ်"
အကျဉ်းထောင်တွေထဲမှာ ကျန်ရှိနေတဲ့ နိုင်ငံရေး အကျဉ်းသားတွေ စိစစ်လွှတ်ပေးဖို့အတွက် လက်ကျန် နိုင်ရေး အကျဉ်းသား စိစစ်ရေးကော်မတီကို ဖွဲ့စည်းလိုက်ကြောင်း ဖေဖေါ်ဝါရီလ (၇) ရက်နေ့ထုတ် နိုင်ငံပိုင် သတင်းစာတွေမှာ ဖော်ပြပါတယ်။
စိစစ်ရေးကော်မတီအနေနဲ့ နိုင်ငံရေး အကျဉ်းသားအပေါ် အဓိပ္ပါယ်ဖွင့်ဆိုရေး၊ လွတ်ခွင့်ပြုခြင်းဆိုင်ရာ သတ်မှတ်ချက်တွေ ညှိနှိုင်းရေးဆွဲရေး၊ လက်ရှိ အကျဉ်းထောင်ထဲမှာ ကျန်ရှိနေတဲ့ နိုင်ငံရေး အကျဉ်းသားတွေကို စိစစ်လွှတ်ပေးရေးအတွက် ရည်ရွယ်ဖွဲ့စည်းတာလို့ ဖော်ပြထားပါတယ်။
Ref: RFA News
အစိုးရနဲ့ UNFC တို့ လာမယ့် ၂ လအတွင်း ထပ်မံဆွေးနွေးမည်
2013-02-20
ပြည်ထောင်စု ငြိမ်းချမ်းရေးဖော်ဆောင်မှု လုပ်ငန်းကော်မတီ ဒုဥက္ကဌ သမ္မတရုံး ဝန်ကြီး ဦးအောင်မင်း ဦးဆောင်တဲ့ ကိုယ်စားလှယ်အဖွဲ့နဲ့ ညီညွှတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC က နိုင်ဟံသာ ဦးဆောင်တဲ့ ကိုယ်စားလှယ် အဖွဲ့တို့ ထိုင်းနိုင်ငံ၊ ချင်းမိုင်မြို့ Holiday Inn ဟော်တယ်မှာ ဖေဖေါ်ဝါရီလ ၂၀ ရက်နေ့ ဒီကနေ့ တွေ့ဆုံဆွေးနွေးပွဲ အပြီး သတင်းစာ ရှင်းလင်းပွဲ တရပ် ပြုလုပ်ခဲ့ပါတယ်။
ဒီကနေ့ ဆွေးနွေးပြီးတဲ့အခါ နှစ်ဖက်နားလည်မှု ပိုမိုရလာကြောင်းနဲ့ နောက်တကြိမ် ဆွေးနွေးပွဲ ကိုလည်း နှစ်လအတွင်း ပြုလုပ်သွားမှာဖြစ်ကြောင်း သိရပါတယ်။
ဖေဖေါ်ဝါရီလ ၄ ရက်နေ့မှာ KIO နဲ့ အစိုးရတို့ ပူးတွဲကြေညာချက် ထုတ်ပြန်ပြီး ကတည်းက ကချင်ဒေသမှာ တိုက်ပွဲတွေ တော်တော်အေးချမ်းသွားပြီဖြစ်ကြောင်း ဦးအောင်မင်းက ပြောပါတယ်။
ဒီကနေ့တွေ့ဆုံဆွေးနွေးပွဲကို ပြည်ထောင်စုအစိုးရအဖွဲ့က ဝန်ကြီးများဖြစ်တဲ့ ဦးခင်ရီနဲ့ ဦးအုန်းမြင့်၊ ရှေ့နေချုပ် ဦးထွန်းထွန်းဦးတို့နဲ့အတူ ငြိမ်းချမ်းရေး အကျိုးတော်ဆောင်များဖြစ်ကြတဲ့ ဦးတင်မောင်သန်း၊ ဦးလှမောင်ရွှေ၊ ဒေါက်တာကျော်ရင်လှိုင်စတဲ့ ကိုယ်စားလှယ်တွေ တက်ရောက်ကြပါတယ်။
UNFC အဖွဲ့ကတော့ နိုင်ဟံသာနဲ့ KIA က ဒေါက်တာလဂျာတို့က ဦးဆောင်ပြီး KNU က ဖဒိုဒေါ့လေးမှု၊ KNPP က ခူးဦးရယ်၊ ဦးအောင်ဆန်းမြင့်နဲ့ PNLO က ဗိုလ်မှူးကြီး ခွန်ဥက္ကာစတဲ့ ကိုယ်စားလှယ် ၁၂ ဦး တက်ရောက်ခဲ့ကြပါတယ်။
Ref: RFA News
SSPP/SSA နှင့် အစိုးရတပ်တို့ တိုက်ပွဲများ နှစ်ရက်ဆက်တိုက် ပြန်လည်ဖြစ်ပွား
ဟင်္သာနီ (မွန်မြေ)
ဗုဒ္ဓဟူးနေ့၊ ဖေဖေါ်ဝါရီလ ၂၀ ရက် ၂၀၁၃
ရှမ်းပြည် တပ်မတော် မြောက်ပိုင်းဟု လူသိ များသည့် SSPP/SSA တပ်နှင့် အစိုးရ တပ်တို့အကြား ဖေဖော်ဝါရီ (၁၉) နှင့် (၂၀) ရက်နေ့ နှစ်ရက် ဆက်တိုက်ပင် တိုက်ပွဲများ ဖြစ်ပွား ခဲ့ရ သည်ဟု SSPP/SSA ပြောခွင့်ရ ဗိုလ်မှူး စိုင်းလမှ ပြောသည်။
“ ခရမ ၃၂၂ က လောက်ကိုင် ကိုးကန့်ဘက်က တပ်လေ ၊ ဒီဂွင် မှာတော့ ကျွန်တော်တို့ တပ်ဖွဲ့ အပြင် အစိုးရရဲ့ အမြဲတမ်း တပ်ရော ဒေသ တပ်ရော လှုပ်ရှားတာ မရှိ ဘူးလေ၊ စစ်ရေး အင်အားကြီး ပြီးတော့ ထင်တိုင်း လုပ်နေတဲ့ သဘော သက်ရောက် နေတယ်၊ တိုက်ပွဲ ဘာကြောင့် ဖြစ်တာလဲ ဆိုတဲ့ အဓိက အချက်ကိုတော့ ကျွန်တော်တို့ ဘက်က ပြန်လည် သုံးသပ် နေတယ်၊” ဟု ဗိုလ်မှူး စိုင်းလမှ မဇ္ဈိမအား ပြောကြားခဲ့သည်။
အစိုးရ တပ်မှ မိမိတို့၏ ထိန်းချုပ် ဒေသ တွင်းရှိ တပ်များအား လာရောက် တိုက်ခိုက်ခြင်းကြောင့် ပြန်လည် တိုက်ခိုက်မှုများ ဖြစ်ပွား ရခြင်းဖြစ်သည်ဟု ဆိုပါသည်။
ယနေ့ နံနက် (၁၀) နာရီ ခွဲခန့်မှ တန်းယန်းမြို့နယ်တွင်းရှိ လွယ်လန်းတောင်၌ တစ်ကြိမ်နှင့် ယမာန်နေ့က လည်း ညနေ ၃ နာရီ ခွဲခန့်မှ ညနေစောင်း (၅) နာရီ အထိ တန့်ယန်းမြို့နယ်တွင်းရှိ မိုင်းကောင် အရှေ့ဘက်၌ တစ်ကြိမ်နှစ်ရက် ဆက်တိုက်ပင် အစိုးရတပ်၏ ခမရ (၃၂၂) တပ်ရင်း အင်အားတစ်ရာ ကျော်ခန့်နှင့် ရင်ဆိုင်တိုက်ပွဲ ဖြစ်ခဲ့ခြင်းဖြစ်သည်။
တိုက်ပွဲတွင်း ထိခိုက် ကျဆုံးမှု အနေအထားကို လောလောဆယ်၌ မသိရ သေးဟု ဆိုသည်။
ပြီးခဲ့သည့် ဖော်ဖော်ဝါရီ (၁၀) ရက်နေ့၌ အစိုးတပ်၏ ခလရ (၃၃) တပ်မှ ခွင့်ပြုချက်မရပဲ SSPP/SSA ထိန်းချုပ် နယ်မြေ တွင်းသို့ ဝင်ရောက်ခဲ့ဖြင့် မိုင်းနင်းမိခဲ့ရာမှ ၄င်း ဒေသတွင် နှစ်ဖက် တပ်များအကြား ရက်သတ္တ တစ်ပတ်ခန့် စစ်ရေးတင်းမာမှု အနေအထားရှိခဲ့ပြီး ယမန်နေ့မှ စကာတိုက်ပွဲစတင် ဖြစ်ပွားခဲ့ပါသည်။
ယနေ့၌လည်း ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) နှင့် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့တို့အကြား ထိုင်းနိုင်ငံ ချင်းမိုင်မြို့၌ ရည်ရွယ်ထားသည့် နိုင်ငံရေးတွေ့ဆုံ ဆွေးနွေးပွဲ အတွက် တရားဝင်အကြို ညှိနှိုင်းဆွေးနွေးပွဲ ပြုလုပ်လျက်ရှိရာ ၄င်း အပေါ်လည်း တစ်စုံတရာ မှတ်ချက်မပေးလိုကြောင်းနှင့် စောင့်ကြည့်သွားမည်ဖြစ်ကြောင်း ဗိုလ်မှူး စိုင်းလမှ ပြောသည်။
ဗိုလ်မှူး စိုင်းလမှ “အခုတော့ စောင့်ကြည့် ရုံက လွဲပြီးတော့ ဘာမှမပြောချင် သေးဘူး၊ ပြောလည်း သူတို့ (အစိုးရ) တပ်ဘက်က လုပ်ချင်တိုင်း လုပ်နေတာပဲလေ၊ ပြောလဲ ဘာမှမထူးဘူးလေ၊ ငါလုပ်ချင်တိုင်း လုပ်လို့ ရတယ်ဆိုတဲ့ အနေအထားမျိုးပေါ့၊ စစ်ရပ်စဲ တာလည်း ငါနားမလည်ဘူး၊ ငါလုပ်ချင်သလို လုပ်မယ်ဆို တာမျိုးပေါ့” မဇ္ဈိမ၏ မေးမြန်းချက်ကို ပြန်လည်ဖြေကြားခဲ့သည်။
SSPP/SSA အဖွဲ့သည် UNFC အဖွဲ့ဝင် တိုင်းရင်းသား လက်နက်ကိုင် အဖွဲ့အစည်း တစ်ခု ဖြစ်သည်။
SSPP/SSA အဖွဲ့နှင့် မြန်မာအစိုးရတို့ အကြား ပြီးခဲ့သည့် ၂၀၁၂ ခုနှစ် ဇန်န၀ါရီလ (၂၈) ရက်နေ့မှာ အပစ် အခတ်ရပ်စဲရေး သဘောတူ လက်မှတ်ရေးထိုးခဲ့ကြသည်။ အပစ်အခတ် ရပ်စဲပြီးချိန်မှသည် ယခုအထိ တိုက်ပွဲပေါင်း (၅၀) ကျော် ဖြစ်ပွားခဲ့ကြပြီး ဖြစ်သည်။
ယခုကဲ့သို့ တိုက်ပွဲများ ပြန်လည် ဖြစ်ပွားရသည့် အပေါ်လည်း SSPP/SSA ဘက်မှ အစိုးရတပ်မှ အပစ်အခတ် ရပ်စဲရေးသဘော တူညီချက်ကို မလိုက်ဟု စွပ်စွဲပြောဆိုမှုများလည်း ရှိခဲ့သည်။
Ref: မဇ္ဈိမ
Wednesday, February 20, 2013
စီးပွားရေးဆိုင်ရာလက်ထောက် နိုင်ငံခြားရေးဝန်ကြီး မြန်မာနိုင်ငံ သွားမည်
19.02.2013
အမေရိကန် နိုင်ငံခြားရေးဌာန စီးပွားရေးဆိုင်ရာ လက်ထောက်နိုင်ငံခြားရေး ၀န်ကြီး ဟိုဆေး ဖာနန်းဒဇ် (Jose Fernandez) ဟာ အခုလထဲ မြန်မာနိုင်ငံ အပါအ၀င် အရှေ့တောင် အာရှနိုင်ငံတွေ ကို သွားရောက်ဖို့ ရှိနေပါတယ်။
ဒီခရီးစဉ်အတွင်း စီးပွားရေးနဲ့ ကုန်သွယ်ရေးဆိုင်ရာ အခွင့်အလမ်းတွေ နှစ်ဘက် စလုံးမှာ တိုးတက် ပွင့်လင်းလာစေ ဖို့နဲ့ အမေရိကန်နဲ့ ဒေသတွင်း စီးပွားရေး ဆက်ဆံမှုတွေ အားကောင်းလာဖို့ အဓိက ဆွေးနွေး ဆောင်ရွက် မှာ ဖြစ်တယ်လို့ နိုင်ငံခြားရေးဌာနက သတင်းထုတ်ပြန်ပါတယ်။
ဖေဖော်ဝါရီလ ၂၁ ရက်နေ့ကနေ မတ်လ ၁ ရက်နေ့အထိ ကြာမြင့်မယ့် လက်ထောက်နိုင်ငံခြားရေး ၀န်ကြီး ဟိုဆေး ဖာနန်းဒဇ် (Jose Fernandez) ရဲ့ အရှေ့တောင်အာရှ ခရီးစဉ် အတွင်းမှာတော့
မြန်မာနိုင်ငံကို ဖေဖော်ဝါရီလ ၂၃ ရက်ကနေ ၂၇ ရက်နေ့အထိ သွားရောက်မှာ ဖြစ်ပါတယ်။
မြန်မာနိုင်ငံ ခရီးစဉ်အတွင်းမှာလည်း အစိုးရတာဝန်ရှိသူတွေနဲ့ တွေ့ဆုံပြီးတော့ နှစ်နိုင်ငံ စီးပွားရေး ဆက်ဆံမှု တိုးမြင့်လာရေးကိစ္စတွေကို ဆွေးနွေးမှာ ဖြစ်ပါတယ်။ ဒါ့အပြင် အမေရိကန် ပြည်ထောင်စု ကုန်သည်ကြီးများအသင်းနဲ့ UMFCCI မြန်မာနိုင်ငံ ကုန်သည်များနဲ့ စက်မှု လက်မှု လုပ်ငန်းရှင်များ အသင်းချုပ်တို့ ပူးတွဲ လုပ်မယ့် စီးပွားရေး ဆွေးနွေးပွဲမှာလည်း လက်ထောက်နိုင်ငံခြားရေးဝန်ကြီး ဟိုဆေး ဖာနန်းဒဇ် (Jose Fernandez) က စကားပြောဖို့ ရှိနေပါတယ်။
မြန်မာနိုင်ငံမှာ ပြုပြင် ပြောင်းလဲမှုတွေကြောင့် အမေရိကန်ဘက်က မြန်မာအပေါ် စီးပွားရေး ဒဏ်ခတ်မှုတွေ ယာယီ ဆိုင်းငံ့ထားလိုက်တဲ့နောက်၊ မြန်မာနိုင်ငံထဲ အမေရိကန် လုပ်ငန်းကြီးတွေ အတော်များများ ရင်းနှီးမြှုပ်နှံဖို့ စိတ်ဝင်စားလာကြပါတယ်။
ဒီအတွက်လည်း အမေရိကန်လုပ်ငန်း အတော်များများ မြန်မာနိုင်ငံကို သွားရောက် လေ့လာမှုတွေ ရှိနေပြီး၊ ရင်းနှီးမြှုပ်နှံနိုင်မယ့် အခွင့်အလမ်းတွေကို ရှာဖွေ တွက်ချက်နေကြချိန် ဖြစ်ပါတယ်။
လက်ထောက် နိုင်ငံခြားရေး ၀န်ကြီးဟာ အရှေ့တောင်အာရှ ခရီးစဉ်အတွင်း မြန်မာနိုင်ငံအပြင် ဖိလစ်ပိုင်နိုင်ငံ၊ ထိုင်းနိုင်ငံ နဲ့ စင်ကာပူနိုင်ငံတွေကိုလည်း သွားရောက်ဖို့ ရှိနေပါတယ်။
Ref: VOA News
တိုင်းရင်းသားအရေး မြန်မာနဲ့ကနေဒါ အမတ်တွေ ဆွေးနွေး
မဆုမွန်
19.02.2013
မြန်မာနိုင်ငံဟာ ပြုပြင်ပြောင်းလဲရေး လမ်းကြောင်းပေါ်ကို ရောက်နေပြီ ဆိုပေမဲ့ ၂၀၀၈ ဖွဲ့စည်းပုံ အခြေခံ ဥပဒေကို ပြန်ပြင်ရမှာဖြစ်ပြီး၊ စစ်မှန်တဲ့ ဖက်ဒရယ်စနစ်ကို တည်ဆောက်ဖို့ လိုနေသေး တယ်လို့ တိုင်းရင်းသား ပါတီတွေက ပြောဆိုလိုက်ကြပါတယ်။ ကနေဒါနိုင်ငံက ပါတီစုံ လွှတ်တော် ကိုယ်စားလှယ် အဖွဲ့နဲ့ မြန်မာနိုင်ငံက တိုင်းရင်းသား ပါတီတချို့ ပထမဆုံး တွေ့ဆုံချိန်မှာပဲ အခုလိုမျိုး ဆွေးနွေးပြောဆို ခဲ့တာလည်း ဖြစ်ပါတယ်။ ဒီအကြောင်း အပြည့်အစုံကိုတော့ မဆုမွန် က တင်ပြထားပါတယ်။
မြန်မာနိုင်ငံရဲ့ လက်ရှိ နိုင်ငံရေး အခြေအနေနဲ့ ပြည်ထောင်စု ထဲက တိုင်းရင်းသား အရေးတွေနဲ့ ပတ်သက်ပြီး မြန်မာနိုင်ငံမှာ ဖွဲ့စည်းပုံ အခြေခံဥပဒေကို ပြန်ပြင်နိုင်ဖို့က အဓိက အရေးကြီးတဲ့ အကြောင်း ရခိုင် တိုင်းရင်းသားများ တိုးတက်ရေးပါတီ RNDP အတွင်းရေးမှူး ဦးလှစောက ကနေဒါ လွှတ်တော် ကိုယ်စားလှယ် အဖွဲ့နဲ့ တွေ့ဆုံချိန် ပြောဆို လိုက်ပါတယ်။
“၂၀၀၈ ဖွဲ့စည်းပုံကို မကြိုက်ဘူး။ မြန်မာပြည်က တစုံတရာ ပြုပြင်ပြောင်းလဲမှုတွေ လုပ်နေပြီ။ လမ်းကြောင်း မှန်ပေါ်ကိုတော့ ခရီးစ နေပြီ။ ဒါပေမဲ့ ကျနော်တို့ မကြိုက်တာတွေ ရှိပါတယ်။ ဖွဲ့စည်းပုံပါ။ ရခိုင်ပြည်နယ်မှာ သယံ ဇာတတွေ ရှိတယ်၊ သဘာဝဓာတ်ငွေ့တွေ ထွက်ပေမဲ့ ကျနော်တို့ ဘာမှ မခံစားရဘူး။ အဲ့ဒါတွေ ကျနော်တို့ ပြောပြတယ်။ ဒီဟာတွေကို ဖြေရှင်းဖို့အတွက် ဖွဲ့စည်းပုံဆိုင် ရာ ပြုပြင်ပြောင်းလဲမှုတွေ လုပ်ရမယ်။ ဖက်ဒရယ်စနစ်ဆီကို ဦးတည်ပြီးတော့ သွားရမယ်။ ဖက်ဒရယ်စနစ်ကပဲ အကောင်းဆုံး အနေအထားတခုကို ရောက်နိုင်မယ်ဆိုတာကို ကျနော်တို့ ပြော ပြပါတယ်။”
ကနေဒါနိုင်ငံခြားရေးဝန်ကြီးရဲ့ ပါလီမန်အတွင်းဝန် ဒိဖက် အော့ပရိုင်း ဦးဆောင်တဲ့ ကနေဒါနိုင်ငံရေး ပါတီစုံက လွှတ်တော် ကိုယ်စားလှယ် အဖွဲ့တွေနဲ့ မြန်မာနိုင်ငံက တိုင်းရင်းသား ပါတီ တချို့က ကိုယ်စားလှယ်တွေ တနင်္လာနေ့ ညနေပိုင်းက ရန်ကုန်မြို့မှာ တွေ့ဆုံခဲ့ကြတာ ဖြစ်ပါတယ်။ နှစ်နိုင်ငံပါတီစုံက လွှတ်တော် ကိုယ်စားလှယ် အဖွဲ့တွေ ပထမဆုံးအကြိမ် တွေ့ဆုံကြတဲ့ အချိန်မှာ တော့ ကနေဒါနိုင်ငံရဲ့ လွှတ်တော်စနစ်နဲ့ ပတ်သက်ပြီး ဆွေးနွေးခဲ့ကြသလို၊ မြန်မာနိုင်ငံက တိုင်းရင်းသား ပါတီတွေကလည်း တိုင်းရင်းသား ပါတီတွေ လုပ်ပိုင်ခွင့်ရှိတဲ့ အနေအထားတွေ ကို ပြန်ပြီး ရှင်းပြခဲ့ကြတယ်လို့ ကိုယ်တိုင်တက်ရောက် ဆွေးနွေးခဲ့တဲ့ ဦးလှစော က ပြောပါတယ်။
“အဲ့ဒီ ကနေဒါကိုယ်စားလှယ်အဖွဲ့မှာလည်း သူတို့ ပါတီစုံ ပါတယ်။ ကျနော်တို့ မှာလည်း ပါတီအစုံ ပါတယ်။ အဓိကကတော့ သူတို့က အဲ့ဒီ ကနေဒါ ပါလီမန် အကြောင်းကို ယေဘုယျရှင်းပြပါတယ်။ အဲ့ဒါပါ။ ကျနော်တို့ကလည်း အချိန်ရတော့ ကျနော်တို့ ပါတီ တခုချင်းဆီရဲ့ အနေအထားတွေ ကို ပြောပြတယ်။ ပါတီထဲမှာ ရခိုင်ပါတယ်။ ချင်းပါတယ်။ မွန်ပါတယ် ဆိုတော့ ကျနော်တို့ တိုင်းရင်းသား အကြောင်းတွေကို တပါတီ တခုချင်း နည်းနည်းပါးပါး ပြောကြတယ်။ ကျနော်တို့ ရခိုင်ကတော့ ကျနော်တို့ဟာ ၂၀၁၀ ရွေးကောက်ပွဲမှာ ရခိုင်ပြည်နယ်မှာ လွှတ်တော်အမတ်နေ ရာ ယေဘုယျအားဖြင့် ကျနော်တို့က အများစု နိုင်တယ်ပေါ့။ ၃၄ နေရာမှာ ၁၈ နေရာနိုင်တယ်။ ဒါပေမဲ့ ကျနော်တို့ဟာ ၂၀၀၈ ဖွဲ့စည်းပုံအရ ပြည်နယ်ဝန်ကြီးအဖွဲ့ကို ဖွဲ့ခွင့်မရဘူး။ ကျနော်တို့ အများစုနိုင်ပေမဲ့ ကျနော်တို့ရဲ့ ၀န်ကြီးချုပ်ဟာ ကျနော်တို့ ပါတီက မရဘူးဆိုတဲ့အကြောင်းကို သူတို့ နားလည်အောင် ကျနော်တို့ ပြောပြတယ်။”
ကနေဒါနိုင်ငံ လွှတ်တော် ကိုယ်စားလှယ် အဖွဲ့ရဲ့ အခု ခရီးစဉ်ကတော့ ကနေဒါ ပါလီမန် ရဲ့ မြန်မာနိုင်ငံဆိုင်ရာ ကနဦး လှုပ်ရှားမှု အနေနဲ့ မြန်မာနိုင်ငံရဲ့ နိုင်ငံရေး ပြုပြင်ပြောင်းလဲရေး အခြေအနေ၊ နောက် မြန်မာနိုင်ငံရဲ့ တိုင်းရင်းသားပါတီတွေရဲ့ လုပ်ပိုင်ခွင့်နဲ့ မြန်မာ့ပါလီမန် လွှတ်တော် အနေအထားကို လေ့လာ ဖို့ ရောက်လာကြတာဖြစ်တယ်လို့ ဦးလှစော က ပြောပါတယ်။
“ကနေဒါ ပါလီမန်အဖွဲ့ပေါ့လေ ကွန်ဆာဗေးတစ်ပါတီကလည်း ပါတယ်။ နယူး ဒီမိုကရက်တစ် ပါတီကလည်း ပါတယ်။ လစ်ဗရယ်ပါတီကလည်း ပါတယ်။ ဗမာပြည် နိုင်ငံရေးမှာ သူတို့ ကနေဒါနိုင်ငံအနေနဲ့ စတင်ပြီးတော့ ခြေလှမ်း ၀င်ရောက်လာတဲ့ သဘောမျိုးပေါ့။ မြန်မာနိုင်ငံရဲ့ ဒီမိုကရေစီ ဖြစ်စဉ်ထဲမှာ နိုင်ငံတကာက ပါလာတယ်ဆိုတော့ သူတို့ ကနေဒါနိုင်ငံက လည်း နိုင်ငံကြီးတခုအနေနဲ့ ဒီဖြစ်စဉ်ထဲမှာ သူတို့ ပါဝင်လာပြီးတော့ ကျနော်တို့ကို အကူအညီတွေ ပေးမယ်။ ညှိနှိုင်းဆောင်ရွက်မှုတွေ လုပ်မယ်။ အဆက်အသွယ် ပြတ်တောက်မှု မရှိအောင်အတွက် ခြေလှမ်းသစ် အနေနဲ့ ၀င်လာတဲ့သဘောမျိုး၊ ဒါ အစ ခြေလှမ်းလောက်ပါပဲ။ ကျနော် အဲ့လိုပဲ မြင်ပါတယ်။”
တနင်္လာနေ့က တွေ့ဆုံတဲ့ပွဲမှာတော့ ရခိုင်၊ ချင်း၊ မွန်၊ ဒီမိုကရက်တစ်ပါတီ NDF နဲ့ မတူကွဲပြားခြင်းနဲ့ ငြိမ်းချမ်းရေးပါတီက ကိုယ်စားလှယ်တွေ အပါအ၀င် တိုင်းရင်းသား ကိုယ်စားလှယ်တချို့ တက်ရောက်ခဲ့ကြပါတယ်။
ကနေဒါ လွှတ်တော် ကိုယ်စားလှယ်အဖွဲ့ အနေနဲ့ မြန်မာ့နိုင်ငံရေးပါတီအသီးသီးက လွှတ်တော် ကိုယ်စားလှယ်တွေနဲ့ ၀န်ထမ်းတွေ၊ နောက် အစိုးရ တာဝန်ရှိသူတွေ၊ အရပ်ဘက် လူမှု အဖွဲ့အစည်း တွေနဲ့ တွေ့ဆုံမယ်လို့ ကနေဒါ နိုင်ငံခြားရေးဌာနရဲ့ ထုတ်ပြန်ချက်မှာ ဖော်ပြထား ပြီးတော့၊ ကနေဒါ နိုင်ငံရေး ပါတီစုံက အဖွဲ့ဝင် ၁၄ ဦးပါတဲ့ ဒီကိုယ်စားလှယ်အဖွဲ့ရဲ့ ခရီးစဉ် ဟာ ဖေဖော်ဝါရီလ ၁၆ ရက်နေ့ကနေ စတင်ပြီးတော့ ဖေဖော်ဝါရီလ ၂၂ ရက်နေ့အထိ ကြာမြင့်မှာ ဖြစ်ပါတယ်ရှင်။
Ref: VOA News
စက်မှုဇုန်တွေမှာ လျှပ်စစ်မီး တနေ့ ၅ နာရီသာပေးတော့မည်
အောင်ရဲ မောင်မောင်
19.02.2013
ဖေဖော်ဝါရီလ ၂၀ ရက်နေ့က စပြီး စက်မှုဇုန်တွေမှာ တနေ့ကို လျှပ်စစ်မီး ၅ နာရီသာ ပေးတော့ မယ်လို့ မြန်မာနိုင်ငံ လျှပ်စစ် ဓာတ်အားပေးရေး အဖွဲ့ ဥက္ကဌက ပြောပါတယ်။ အခုလို စက်မှုဇုန်တွေမှာ လျှပ်စစ်မီး ပြတ်တောက်တာဟာ နှစ်စဉ်လိုလို ဖြစ်နေပြီး၊ စက်မှုလုပ်ငန်းတွေ အတွက် ပုံမှန်ထက် ကုန်ကျစရိတ် ၄ ဆ ပိုများစေတယ်လို့ လှိုင်သာယာ စက်မှုဇုန် ဥက္ကဌ က တုံ့ပြန်လိုက်ပါတယ်။ ဒီသတင်း အပြည့်အစုံကိုတော့ ဆက်သွယ် မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင် က ပြောပြပေးမှာဖြစ်ပါတယ်။
ပြည်တွင်းမှာ လျှပ်စစ်မီး အလုံအလောက် မရတဲ့ အခြေအနေ ကြောင့် ဖေဖော်ဝါရီလ ၂၀ ရက်နေ့က စတင်ပြီး စက်မှုဇုန်တွေမှာ တနေ့ကို မီး ၅ နာရီပဲ အသုံးပြုခွင့် ရတော့မယ် လို့ မြန်မာနိုင်ငံ လျှပ်စစ် ဓာတ်အားပေးရေး အဖွဲ့ ဥက္ကဌ ဦးအောင်ခိုင် က ပြောပါတယ်။
ပြီးခဲ့တဲ့ နွေရာသီတုန်းကဆိုရင် လူနေရပ်ကွက်တွေထဲမှာပါ လျှပ်စစ်ဓာတ်အား ပြတ်တောက်တဲ့ အခြေ အနေတွေထိ ရှိခဲ့ပြီး ဒီနှစ်မှာတော့ လူနေရပ်ကွက်တွေကို မီးရအောင်ပေးဖို့တော့ ရှိတယ်လို့ ဦးအောင်ခိုင် က ပြောပါတယ်။
“ကျနော်တို့က လူတွေကို မပိတ်ချင်လို့ စက်မှုဇုန်ကို ပိတ်တာ၊ ကျနော်တို့က ပေးစရာမရှိလို့၊ ကျနော်တို့က သူများဆီကနေ ၀ယ်ပေးရတာလေ၊ ပေးလို့မရလို့ မပေးနိုင်တဲ့ဟာ စက်မှုဇုန်ပဲ ကျနော်တို့က ပိတ်တာ”
အခုလို စက်မှုဇုန်တွေမှာ မီးပျက်တာ၊ လျှပ်စစ်ဓာတ်အား ရရှိမှု အခြေအနေ လျှော့နည်းတာဟာ လုပ်ငန်းရှင်တွေအတွက် အထူးအဆန်း မဟုတ်တော့သလို အဲ့ဒီကာလရောက်ရင် လုပ်ငန်းတွေ လည်ပတ်နိုင်ဖို့အတွက် ပုံမှန် ကုန်ကျစရိတ်ထက် ၄ ဆလောက် စိုက်ထုတ် ရတယ်လို့ လှိုင်သာယာ စက်မှုဇုန် ဥက္ကဌ ဦးမြတ်သင်းအောင် က ပြောပါတယ်။
“နှစ်တိုင်း ဒီလိုပါပဲ။ တိုးမပေးနိုင်တာ တခုပဲပေါ့။ နေ့စဉ် ၅ နာရီပဲ။ ဒီအတိုင်းပဲ ဒီဇယ်နဲ့ပဲ ၄ ဆလောက် တက်သွားတာပေါ့လေ၊ လျှပ်စစ်ဓာတ်အား ၉၇၅ ဆိုတော့ ၃၀၀ ကျော်လောက် လျှပ်စစ်မီးက တက်သွားတာပေါ့။”
အခုလို ပြည်တွင်းမှာ လျှပ်စစ်မီး အလုံအလောက် မပေးနိုင်တာဟာ ပြည်ပက ရင်းနှီးမြှုပ်နှံမှုတွေ ၀င်ရောက်လာဖို့အတွက် အတားအဆီးလည်း ဖြစ်စေတယ်လို့ ဦးမြတ်သင်းအောင် က ထောက်ပြ
ပြောဆိုပါသေးတယ်။
လျှပ်ပ်စစ်ဓာတ်အား အလုံအလောက် မပေးနိုင်လို့ စက်မှုဇုန်တွေကို မီးဖြတ်ထားတဲ့အတွက် အအေးခန်းစက်ရုံတွေ ပုံမှန် လည်ပတ်နိုင်ဖို့အတွက် မီးစက်တွေကို အားကိုးရပြီး အအေးခန်းစက်ရုံ တရုံရဲ့တစ်နေ့တာ ကုန်ကျငွေဟာ ကျပ် သိန်း၂၀ လောက်ရှိတယ်လို့လည်း မြန်မာနိုင်ငံ ငါးလုပ်ငန်း အဖွဲ့ချုပ် ဥက္ကဌ ဦးနှင်းဦး က ဗွီအိုအေ ကို ပြောပါတယ်။
“ကျနော်တို့ စက်ရုံတွေက မီးပေါ် မူတည်ပြီးတော့ အလုပ်လုပ်ရတာကိုး၊ မီးပေါ် မူတည်ပြီး လုပ်ကြရတော့ မီးပျက်တယ်လို့ မရဘူးဆိုရင် ၁ နာရီဆိုလို့ရှိရင် ဒီဇယ် ၆ လုံးလောက်ဖြစ်သွားတာ အနည်းဆုံး။ ငွေ ၁၂ သိန်းလောက် ကုန်တာပေါ့ဗျာ။ တနာရီကို၊ တနေ့ကို သိန်း ၂၀ လောက် ဆုံးရှုံးမှု ဖြစ်နိုင်တယ်။ ရန်ကုန်တိုင်းဒေသကြီးမှာ ကျနော်တို့ရဲ့ စက်ရုံက ညှိပြီးတော့ ဆောင်ရွက်နေ ပါတယ်။ ဘယ်လို အဖြေထွက်မလဲ မသိဘူး။”
လူ ၄ ဦးမှာ ၁ ဦးသာ လျှပ်စစ်မီး သုံးစွဲခွင့် ရတဲ့ မြန်မာနိုင်ငံကို လျှပ်စစ်ဓာတ်အားနဲ့ ပတ်သက်ပြီး တော့ အကူအညီတွေ ပေးဖို့ ကမ္ဘာ့ဘဏ်ကလည်း ပြင်ဆင်နေပြီ ဖြစ်ပါတယ်။ မြန်မာနိုင်ငံအနေနဲ့ လာမယ့် ကာလတွေမှာ ရင်းနှီးမြှုပ်နှံမှုတွေကို ဖိတ်ခေါ်နိုင်ဖို့အတွက် ကောင်းမွန်တဲ့ လျှပ်စစ် ဓာတ်အားတွေ ရရှိဖို့ လိုအပ်တယ်လို့လည်း ကမ္ဘာ့ဘဏ် အမှုဆောင် အရာရှိချုပ် မစ္စတာ ဂျင်ယောင်ချိုင်း မြန်မာနိုင်ငံကို ရောက်ရှိစဉ်တုန်းက ပြောခဲ့ဖူးပါတယ်။
ရေအား လျှပ်စစ်စက်ရုံတွေရဲ့ ထုတ်လုပ်ပေးနိုင်တဲ့ ပမာဏ လျှော့နည်းတာတွေ၊ သဘာဝဓာတ်ငွေ့ကို အကန့်အသတ်နဲ့ ထုတ်လုပ်နိုင်တွေကြောင့် ပြည်တွင်းမှာ လျှပ်စစ်ဓာတ်အား အလုံအလောက် မရတာ လို့လည်း မစ္စတာ ဂျင်ယောင်ချိုင်း က ထောက်ပြခဲ့ပါတယ်။
အခုလို ပြည်တွင်းမှာ လျှပ်စစ်ဓာတ်အားတွေ အလုံအလောက် မရတာတွေကို ဖြေရှင်းနိုင်ဖို့အတွက် အထူး စီမံကိန်းတွေကို အကောင်အထည်ဖော် ဆောင်ရွက်နေပြီလို့လည်း ဦးအောင်ခိုင် က ပြော ပါတယ်။
“မီးမှန်မှန် ရအောင် လုပ်နေတဲ့ စီမံကိန်းတွေ အများကြီးရှိတယ်။ ရတာနဲ့ ကျနော်တို့က ပြန်ပေးမှာပဲ။”
ပြီးခဲ့တဲ့ နွေရာသီက လူနေရပ်ကွက်တွေမှာ လျှပ်စစ်မီး ဖြတ်တောက်တာ လျှပ်စစ်ဓာတ်အားကို အလှည့်ကျ ပေးခဲ့တာတွေကြောင့် ပြည်သူအများက လျှပ်စစ်မီး ပြတ်တောက်တဲ့အရေးကို အပြင်းအထန် ကန့်ကွက်ဆန္ဒ ဖော်ထုတ်ခဲ့ဖူးပါတယ်။
Ref: VOA News
အရှင် သဇ္ဇန ဆေးရုံမှ ဆင်းမည့်အရေး မြန်မာသံရုံးမှ ဆောင်ရွက်ပေးမည်
ဟင်္သာနီ (မွန်မြေ)
အင်္ဂါနေ့၊ ဖေဖေါ်ဝါရီလ ၁၉ ရက် ၂၀၁၃
လက်ပံတောင်း သပိတ်စခန်း ဖြိုခွင်းခြင်းမှ မီးလောင် ဒဏ်ရာ ပြင်းထန်စွာ ရရှိခဲ့၍ အရေပြား အစားထိုး ကုသ ရသည့် ကိုရင် ရှင်သဇ္စန သည် ဆေးရုံမှ ဆင်းနိုင်တော့မည် ဖြစ်၍ လိုအပ်သည့် ကိစ္စရပ် များကို မြန်မာ သံရုံးမှ လိုက်လံ လုပ်ဆောင်ပေး သွားမည် ဖြစ်ကြောင်း ထိုင်းနိုင်ငံဆိုင်ရာ မြန်မာ သံရုံးမှ သံအမတ်ကြီး ဦးမျိုးတင့်က ပြောသည်။
ယနေ့ ညနေပိုင်း၌ သံအမတ်ကြီး ဦးမျိုးတင့်မှ “ထိုင်းအစိုး ရဘက်က ကိုရင်လေးကို ဆေးရုံ ဆင်းခွင့် ပေးချင် နေပြီဗျာ၊ ပေးလို့ ရပြီလို့ ပြောလာတယ်၊ အဲဒါ ဆေးရုံက အကြောင်းကြား လာတော့ ဒီရက်ပိုင်း အတိုင်း ဆေးရုံက ဆင်းပြီး မြန်မာပြည် ပြန်နိုင် အောင်နဲ့ ဟိုရောက်ရင် ကျန်းမာရေး ဝန်ကြီး ဌာနနဲ့ ချိတ်ဆက်ပြီး လိုအပ်မယ့် ဆက်လက် ကုသ ရမှုတွေ လုပ်နိုင်အောင် စီစဉ် ပေးဖို့ အခု ဆေးရုံကို သွားနေ ပါတယ်” ဟု မဇ္ဈိမအား
ပြောကြားခဲ့သည်။
မုံရွာခရိုင်ရှိ ကြေးနီ စီမံကိန်း ရပ်တန့်ရန် တောင်းဆို သပိတ်မှောက်သည့် သပိတ်စခန်းကို နိုဝင်ဘာလ ၂၉ ရက်နေ့ မိုးသောက်ပိုင်းတွင် ရဲ တပ်ဖွဲ့ဝင်များက အင်အားသုံး ဖြိုခွင်းခြင်းကြောင့် သံဃာ အပါး ၁၀၀ ကျော်နှင့် လူအချို့ မီးလောင် ဒဏ်ရာ ရရှိခဲ့ရ ခြင်းလည်း ဖြစ်သည်။
သက်တော် ၁၄ နှစ်အရွယ် ရှင်သဇ္ဇနသည် ယခင်က ရန်ကုန် အရေပြား အထူးကု ဆေးရုံတွင် တက်ရောက် ကုသ နေရာမှာ ခြေကျင်းဝတ် ဒဏ်ရာ မသက်သာ သည့်အတွက် ၂၀၁၂ ခုနှစ်၊ ဒီဇင်ဘာလ ၂၅ ရက်နေ့တွင် ထိုင်းနိုင်ငံသို့ ရောက်ရှိခဲ့ကာ အရေပြား အစားထိုး ကုသမှု ၅ ကြိမ် ခံယူခဲ့ပြီး ဖြစ်သည်။
လက်ရှိ၌ အရှင် သဇ္ဇနမှာ ကျန်းမာရေး ကောင်းမွန်လျက် ရှိကာ ကျန်းမာရေး အတွက် ဆက်လက် လိုအပ်မည့် ကျန်းမာရေး လေ့ကျင့်ခန်း များနှင့် နောက်ဆက်တွဲ ကုသမှု ငယ်များ ဆက်လက် လုပ်ဆောင် သွားရဖွယ် ရှိပါသည်။ အရှင် သဇ္ဇန ပြန်မည့် ရက်ကို နှစ်ဘက် ညှိနှိုင်း ရမည် ဖြစ်ကာ ယခု ရက်ပိုင်း အတွင်း ပြန်နိုင် မည်ဟုလည်း ဆိုသည်။
သို့သော်လည်း အခြား သံဃာတော် တစ်ပါး ဖြစ်သည့် အရှင် တိက္ခဥာဏမှာ ရက်သတ္တပတ် အတန် ကြာခန့် ဆက်လက် ကုသ သွားရ ဦးမည် ဖြစ်သည်။ လက်ပံတောင်း အရေးအခင်း ဒဏ်ရာရ သံဃာများအနက် ဦးတိက္ခဉာဏသည် ဒဏ်ရာ အပြင်း ထန်ဆုံး ဖြစ်ပြီး ဒီဇင် ဘာလ ၁၃ ရက်နေ့တွင် ထိုင်းနိုင်ငံသို့ ရောက်ရှိ ခဲ့ကာ ပုဂ္ဂလိက ဘန်ကောက် ဆေးရုံ ကြီးတွင် တက်ရောက် ကုသ နေရာမှ ဒီဇင်ဘာလ ၂၅ ရက်နေ့တွင် ထိုင်းအစိုးရ စစ်ဆေးရုံသို့ ပြောင်းရွှေ့ ကုသ ခဲ့သည်။
ဦးဇင်း ဦးတိက္ခ ဥာဏ တစ်ပါးတည်း အတွက် ဗန်ကောက် ပုဂ္ဂလိက ဆေးရုံ၌ ဆေးဝါး ကုသမှု ကုန်ကျ စရိတ်မှာ ထိုင်းဘတ်ငွေ သုံးသန်း ခြောက်သိန်း ခန့် ရှိကြောင်း သံအမတ်ကြီးမှ ပြောပြီး ၄င်း ကုန်ကျစရိတ်ကို နိုင်ငံတော် အစိုးရမှ ကုန်ကျ ခံမည် ဖြစ်သည်။
သို့သော် ထိုင်းစစ်ဆေးရုံသို့ နှစ်ပါးစလုံး ပြောင်းရွေ့ ကုသမှု ခံယူကြပြီးနောက် ထပ်မံ ကုန်ကျမည့် စရိတ်များကိုမူ ထိုင်းနိုင်ငံ ခြားရေးမှ ကျခံ ပေးမည်ဟု သံအမတ် ကြီးမှ ဆက်ပြောသည်။
“ ဦးဇင်း ဦးတိက္ခညာဏ ဗန်ကောက် ဆေးရုံ ကုန်ကျစရိတ်ကိုတော့ သမ္မတကြီးညွှန်ကြားချက်နဲ့ နိုင်ငံတော် ကနေ ကျခံပေးတယ်၊ ဘတ်ငွေ သုံးသန်း ခြောက်သိန်းလောက်ရှိတယ်၊ နောက်ပိုင်း ကော်မရှင်က မေတ္တာ ရပ်ခံတဲ့အနေ အထားအရ ဒီထိုင်း စစ်ဆေးရုံကို ပြောင်းလာတဲ့ အပိုင်းရဲ့ ကုန်ကျစရိတ်ကိုတော့ ထိုင်း နိုင်ငံခြားရေးက ကျခံပေးမယ်လို့ သိထားရတယ်၊ ပမာဏ ကိုတော့ ကျွန်တ်ာတို့ မသိရသေးဘူးဗျ” ဟု သံအမတ်ကြီး ဦးမျိုးတင့် မှ မဇ္ဈိမအား ပြောကြား ခဲ့သည်။
မြန်မာ အစိုးရမှ သပိတ်စခန်း ဖြိုခွဲရာတွင် မီးခိုးဗုံးကိုသာ အသုံးပြု ခဲ့သည်ဟု ကော်မရှင်အနေနှင့် အစောပိုင်းတွင် သတင်း ထုတ်ပြန်မှု ရှိခဲ့ပြီး မီးလောင်ကျွမ်းစေနိုင်သည့် အဖြူရောင် Phosphorous ပါ မီးလောင်ဗုံး သုံးစွဲခဲ့ခြင်း မရှိဟုလည်း ငြင်းဆို ခဲ့သည်။
အမေရိကန် နိုင်ငံသား လူ့အခွင့်အရေး ရှေ့နေများနှင့် မြန်မာ နိုင်ငံသား ရှေ့နေများ ပူးပေါင်းအဖွဲ့ ၏ စုံစမ်း စစ်ဆေး တွေ့ရှိချက်အရ လက်ပံတောင်းတောင် သပိတ်စခန်း ဖြိုခွဲရာတွင် မီးလောင်ကျွမ်း စေနိုင်သည့် အဖြူရောင် Phosphorous ပါ မီးလောင်ဗုံး သုံးစွဲခဲ့ကြောင်း အမေရိကန် အခြေစိုက် နယူးယောက်တိုင်းမ် သတင်းစာက ဇန်နဝါရီလ ၃၀ ရက်နေ့တွင် ရေးသားဖော်ပြခဲ့သည်။
သို့သော်လည်း ၄င်းကိစ္စနှင့် ပတ်သက်၍ သမ္မတ ပြောခွင့်ရ ဦးရဲထွဋ်ကမူ ၄င်း ပြောဆိုချက်များအား ပယ်ချကာ ဒေါ်အောင်ဆန်းစုကြည် ဦးဆောင်သည့် စုံစမ်း စစ်ဆေးရေး ကော်မရှင်၏ တွေ့ရှိချက်ကိုသာ အတည်ပြုနိုင်မည်ဟု AFP သို့ ပြောကြားထားသည်။
Ref: မဇ္ဈိမ
သပိတ်စခန်း ဖြိုခွင်းမှုတွင်သုံးသည့် လက်နက်နှင့် ပတ်သက်၍ ဒုဝန်ကြီး တုံ့ပြန်
မေသဇင်၊ ကိုကိုအောင်
အင်္ဂါနေ့၊ ဖေဖေါ်ဝါရီလ ၁၉ ရက် ၂၀၁၃
ရန်ကုန် (မဇ္ဈိမ)။ ။ လက်ပန်တောင်းတောင် ကြေးနီစီမံကိန်းအတွင်း သပိတ် စခန်းများ ဖြိုခွင်းမှုတွင် မီးစုန်းဓာတ် Phosphorous များ အသုံးပြု၍ နှိမ်နင်းသည် ဟူသော သုံးသပ်ပြောဆိုမှုများကို ပြန်ကြားရေး ဒုဝန်ကြီး ဦးရဲထွဋ်က ပယ်ချလိုက်ပြီး ဒေါ်အောင်ဆန်းစုကြည် ဦးဆောင်သည့် စုံစမ်း စစ်ဆေးရေးကော်မရှင်၏ တွေ့ရှိချက်ကိုသာ အတည်ပြုနိုင် မည်ဟု AFP သို့ပြောကြား လိုက်သည်။
မြန်မာနိုင်ငံ ရှေ့နေများကွန်ရက်နှင့် အမေရိကန်အခြေစိုက် တရားဥပဒေ စိုးမိုးရေးနှင့် လူ့အခွင့်အရေး ထွန်းကားရေး ဆောင်ရွက်နေသော နိုင်ငံတကာ အဖွဲ့အစည်း Justice Truth တို့ ဖေဖော်ဝါရီလ ၁၄ ရက်နေ့
ရန်ကုန်မြို့ တော်ဝင်နှင်းဆီ တွင် ပြုလုပ်သည့် သတင်းစာ ရှင်းလင်းပွဲအပေါ် ဦးရဲထွဋ်က တုံ့ပြန်လိုက်ခြင်း ဖြစ်သည်။
Justice Truth က သူ၏ တွေ့ရှိမှုများကို ထုတ်ပြန်ရာတွင် သပိတ်စခန်းများတွင် အသုံးပြုသည့် လက်နက်များသည် မီးစုန်း Phosphorous ပါဝင်ပြီး အဆိုပါ မီးစုန်းသည် လေထဲတွင် ပေါက်ကွဲကာ မီးလောင်စေသည့် မီးစုန်း အမှုန့်များ ထွက်လာရာမှ ရေနှင့်တွေ့လျှင် အပူဓာတ် အလွန်မြင့်မားသည့် မီးစုန်းအက်ဆစ် ဖြစ်ပေါ်လာကာ မီးလောင်စေသည့် လက်နက်အမျိုးအစား ဖြစ်သည်ဟု ထုတ်ပြန်ထားသည်။
ထိုတွေ့ရှိချက်နှင့်ပတ်သက်၍ ဦးရဲထွဋ်က ''ကျွန်တော်တို့အနေနဲ့ တစ်ဦး တစ်ယောက် တည်းရဲ့ စုံစမ်း စစ်ဆေးမှုနဲ့ ပတ်သက်ပြီး တစ်စုံတစ်ရာ မှတ်ချက် မပြုလိုပါဘူး''ဟုလည်း AFP သို့ ပြောကြား ထားသည်။
ယင်းအပြင် အဆိုပါထုတ်ပြန်မှုသည်ဒေါ်အောင်ဆန်းစုကြည်ဦးဆောင်သည့် စုံစမ်း စစ်ဆေးမှုများ ကိုပါ အနှောက် အယှက် ဖြစ်စေနိုင်သည်ဟု သူကဆိုသည်။
Justice Truth အဖွဲ့ ဒါရိုက်တာ အပြည်ပြည်ဆိုင်ရာဥပဒေ နှင့်လူ့အခွင့်ရေး ဆိုင်ရာ ပါမောက္ခ Roger Normand ကမူ ''ငြိမ်းချမ်းစွာ ဆန္ဒပြနေတဲ့ သူတွေကို ဖြိုခွင်းဖို့ ရဲတွေက ကြိုတင် စီစဉ် ထားပုံရပါတယ်။ သူတို့ အသုံးပြုတဲ့ လက်နက်ဟာ စစ်တပ်မှာသာ ရှိနိုင်တဲ့ လက်နက်ဖြစ်ပြီး စစ်ဖြစ်နေတဲ့ အနေအထားမှာတောင် လူတွေဆီကို ရည်ရွယ်ပြီး ပစ်ခတ်ခြင်း မပြုအောင် ပယ်ဖျက်ထားတဲ့ လက်နက် အမျိုးအစားပါ''ဟု ဖေဖော်ဝါရီ ၁၄ ရက်နေ့ သတင်းစာ ရှင်းလင်းမှု အတွင်း ပြောသွားသည်။
စုံစမ်းစစ်ဆေးချက်များအရအဆိုပါနယ်မြေအတွင်း လယ်ယာမြေမရောင်းချ လိုသူများအား ဖမ်းဆီး ချုပ်နှောင်ခြင်း၊ ဒေသတွင်း ဘုန်းတော်ကြီးကျောင်း များနှင့် မူလတန်းကျောင်းကိုပိတ်ခဲ့ပြီး ကျောင်းသား မိဘများ စာချုပ်တွင် သဘောတူ လက်မှတ်မထိုးပါက အနီးဝန်းကျင်ကျောင်းများသို့ ဝင်ခွင့်ထောက်ခံ ချက်မပေးခြင်း၊ စာချုပ်ပါ အချက်အလက် များအား ဒေသခံများအားဖတ်ရှုခွင့် မပေးခြင်း စသည့် ဥပဒေကို အလွဲသုံးခြင်းများ တွေ့ရှိခဲ့ရသည်
ဟုလည်း ရှေ့နေများကွန်ရက် (မြန်မာနိုင်ငံမှ) ဦးအောင်သိန်းက ပြောသည်။
လက်ပန်တောင်းတောင် စုံစမ်းစစ်ဆေးရေးကော်မရှင် အဖွဲ့ဝင်နှင့် လွှတ်တော် ကိုယ်စားလှယ် ဒေါ်ခင်စန်းလှိုင် ကမူ ကော်မရှင် အနေဖြင့် လာမည့် ဖေဖော်ဝါရီ လကုန်တွင် အပြီးသတ် အစီရင်ခံစာကို သမ္မတနှင့် ပြည်သူအား
တင်ပြမည် ဖြစ်သည်ဟုဆိုသည်။
ယခုကဲ့သို့ ပြည်တွင်းပြည်ပမှ စုံစမ်းမှုများကိုကြိုဆိုသော်လည်း ကော်မရှင်၏ အစီရင်ခံစာကိုလည်း ပြည်သူများ အနေဖြင့် စောင့်စေလိုကြောင်း ဆိုသည်။
လက်ပန်တောင်းတောင် ကြေးနီစီမံကိန်းရပ်ဆိုင်းရန် ဝမ်ပေါင် ကုမ္ပဏီရှေ့တွင် သပိတ် စခန်းများ ဖွင့်ကာ ဆန္ဒထုတ်ဖော် ခဲ့ကြသော သံဃာတော်များနှင့်ဒေသခံများကို အာဏာပိုင်များက ၂ဝ၁၂ခုနှစ် နိုဝင်ဘာလ ၂၉ ရက် နံနက် ၃ နာရီခန့်တွင် ဖြိုခွင်းရာ သံဃာအပါး ၁ဝဝ ကျော်မီးလောင်ဒဏ်ရာများရရှိခဲ့ကြသည်။
Ref: မဇ္ဈိမ
ဖားကန့်က စစ်ပြေးဒုက္ခသည်တွေအတွက် ကုလအကူအညီ စတင်ရောက်ရှိ
2013-02-19
မြန်မာအစိုးရ စစ်တပ်နဲ့ကချင်လွတ်မြောက်ရေး တပ်ဖွဲ့ (ကေအိုင်အေ) တို့ အကြား ဖြစ်ပွားနေတဲ့ တိုက်ပွဲတွေကြောင့် စစ်ရှောင်နေရတဲ့ ဒုက္ခသည်တွေ အတွက် ကုလသမဂ္ဂနဲ့ နိုင်ငံတကာ လူသားချင်းစာနာမှု အကူအညီပေးရေး အဖွဲ့ အစည်းတွေ စုပေါင်းပြီး ပေးပို့တဲ့ အကူအညီတွေ ဒီကနေ့ ဖေဖော်ဝါရီလ ၁၉ ရက်နေ့မှာ ဖားကန့်မြို့က ဒုက္ခသည်စခန်းတွေကို စတင် ရောက်ရှိလာပါတယ်။
ကုလသမဂ္ဂနဲ့ အဖွဲ့အစည်းတွေက ဖားကန့် ကျောက်စိမ်းတွင်း ဒေသဖက်မှာ ရှိတဲ့ လုံးခင်း၊ မှော်စီစာ၊ ဆိပ်မူ (ဆိုင်းတောင်) စတဲ့ ကယ်ဆယ်ရေး စခန်းတွေမှာ ခိုလှုံနေကြတဲ့ စစ်ဘေးရှောင် ပြည်သူတွေ အတွက် ပေးအပ်လှူဒါန်းတာဖြစ်ပါတယ်။
အရေးပေါ်ပစ္စည်း၊ စားနပ်ရိက္ခာ၊ ဆေးဝါး၊ အဝတ်အထည်နဲ့ လူသုံးကုန် ပစ္စည်း စုစုပေါင်း တန်ချိန် ၉ဝ ကျော်ကို သယ်ဆောင်ပြီး လှူဒါန်းတာဖြစ်တယ်လို့ UNDP ရုံးရဲ့ ပြန်ကြားရေးအရာရှိ ဦးအေးဝင်းက RFA ကို ပြောပါတယ်။
အစိုးရတပ်တွေနဲ့ ကေအိုင်အေတပ်တွေရဲ့ တစ်နှစ်ကျော်ကြာ စစ်ရေး ပဋိပက္ခ ကာလ အတွင်း ကချင်ပြည်နယ် ထဲမှာ စစ်ဘေးရှောင်ပြည်သူ အနည်းဆုံး တစ်သိန်းဝန်းကျင် ရှိတယ်လို့ ကယ်ဆယ်ရေးလုပ်ငန်း ဆောင်ရွက်နေသူတွေက ပြောပါတယ်။
Ref: RFA News
ချင်းအမျိုးသားနေ့ အခမ်းအနားတွေ စတင်ဖွင့်လှစ်
2013-02-19
ဖေဖော်ဝါရီလ ၂ဝ ရက်နေ့မှာ ကျရောက်မယ့် ၆၅ နှစ်မြောက် ချင်းအမျိူးသားနေ့ အခမ်းအနားကို ချင်းပြည်နယ်ရဲ့ မြို့တော် ဟားခါးမြို့ ဝမ်းသူမောင် အားကစားကွင်းမှာ ဒီကနေ့ နံနက်ပိုင်းက စတင် ဖွင့်လှစ်လိုက်ပြီ ဖြစ်ပါတယ်။
ချင်းပြည်နယ် ဝန်ကြီးချုပ် ဦးဟုန်းငိုင်း၊ ချင်းပြည်နယ် လွှတ်တော် ဥက္ကဌ ဦးဟောက်ခင်းခမ် တို့က ၆၅ နှစ်မြောက် ချင်းအမျိူးသားနေ့ အခမ်းအနားကို ဒီကနေ့ နံနက်ပိုင်းက ဖွင့်လှစ်ခဲ့တာလို့ ချင်းပြည်နယ်ရဲ့ လူမှုရေးဝန်ကြီး ဦးဗန်ထောင်းက RFA ကိုပြောပါတယ်။
မြန်မာနိုင်ငံမှာ နှစ်ပေါင်း ၃ဝ ကျော်ကြာ ချင်းအမျိုးသားနေ့ကို တရားဝင် ကျင်းပခွင့် မရရှိခဲ့ပဲ ဒီနှစ်ဖေဖော်ဝါရီလ ၂ဝ ရက်နေ့မှာ ချင်းအမျိူးသားနေ့ အဖြစ် ပထမဦးဆုံး အကြိမ် တရားဝင် ပြန်လည် ကျင်းပနိုင်တာဖြစ်ပါတယ်။
မနက်ဖြန် နံနက်ပိုင်း ၈ နာရီမှာ ချင်းအမျိူးသားနေ့ အခမ်းအနားကို စတင်ကျင်းပမှာဖြစ်ပြီး ပြည်ထောင်စု အစိုးရအနေနဲ့ သစ်တောရေးရာ ဝန်ကြီး ဦးဝင်းထွန်း၊ ချင်းအမျိူးသား တပ်ဦးက အထွေထွေ အတွင်းရေးမှူး(၂) ဒေါက်တာရွှေခါး၊ ဗိုလ်မှူးကြီး ဆော်လမွန်နဲ့ ဒေါက်တာ လျန်မှုန်းဆာခေါင်းတို့ တက်ရောက်ကြမယ်လို့ ဦးဗန်ထောင်းက ပြောပါတယ်။
ဒီကနေ့မှာတော့ ချင်းရိုးရာ နာပန်းပွဲ၊ ချင်းအမျိူးသမီး လွန်ဆွဲပွဲတွေနဲ့ တခြား အားကစားတွေလည်း ကျင်းပ ခဲ့ကြတယ်လို့ သိရပါတယ်။
Ref: RFA News
ရှမ်းပြည်မြောက်ပိုင်း SSA တပ်နဲ့ အစိုးရတပ်တွေ တိုက်ပွဲဖြစ်ပွား
2013-02-19
ရှမ်းပြည်မြောက်ပိုင်း SSA တပ်နဲ့ အစိုးရတပ်တွေ မနေ့ကစပြီး တိုက်ပွဲဖြစ်ပွားနေတယ် လို့ သိရပါတယ်။ ရှမ်းပြည်မြောက်ပိုင်း၊ တန့်ယန်းမြို့နယ် အတွင်းမှာ မနေ့ ညနေ (၃) နာရီခွဲလောက်က စတင်ပြီး နှစ်ဘက် တပ်တွေကြား အပြန်အလှန် ပစ်ခတ် တိုက်ခိုက် ခဲ့ကြတာဖြစ်ကြောင်း SSPP/SSA မြောက်ပိုင်းရဲ့ ပြောရေးဆိုခွင့် ရှိသူ ဗိုလ်မှုးစိုင်းလ က ပြောပါတယ်။
“လာပြီးတော့တိုက်တယ်၊ ကျနော်တို့ တန့်ယန်းမြို့နယ်ပေါ့၊ ၇ မိုင်စခန်း အရှေ့ဘက်ပေါ့၊ ကျနော်တို့ တပ်က တပ်မဟာ ၃၆ လက်အောက်ခံ တပ်ရင်း ၂၉၉ သူတို့က ခမရ ၃၂၂ ညနေ ငါးနာရီလောက်ထိ ပစ်ခတ်မှုတွေဖြစ်နေတုန်းပဲ”
နှစ်ဖက်အထိအခိုက် အကျအဆုံးနဲ့ ပတ်သက်လို့တော့ မသိရသေးဘူးလို့ ဗိုလ်မှုးစိုင်းလ က မနေ့က ပြောခဲ့ပါတယ်။
SSPP/SSA ရှမ်းပြည်မြောက်ပိုင်းနဲ့ အစိုးရတပ်တွေ အပစ်အခတ်ရပ်စဲရေး သဘောတူ လက်မှတ် ထိုးထားတာ တစ်နှစ်ကျော် ရှိခဲ့ပြီဖြစ်ပါတယ်။ ဒီအတွင်း အစိုးရတပ်က ရှမ်းတပ်တွေ ဆုတ်ပေးဖို့ ပြောဆို လာတာကြောင့် စခန်းတချို့ ဆုတ်ပေးလိုက်ရတာတွေလည်း ရှိခဲ့တယ်လို့ ဗိုလ်မှုးစိုင်းလ က ဆိုပါတယ်။
“သူတို့တိုက်ချင်တဲ့အချိန် တိုက်တယ်၊ နောက်အကောင်းပြောတဲ့ အချိန် ပြောတယ်၊ အဲတော့ ယုံကြည်မှု တည်ဆောက်နေတဲ့ အချိန်မှာ သူတို့ လုပ်ချင်တိုင်း လုပ်နေရင်တော့ အဟန့်အတားတော့ဖြစ်မှာပေါ့”
SSA မြောက်ပိုင်းအဖွဲ့ပါဝင်တဲ့ UNFC နဲ့ အစိုးရကိုယ်စားလှယ်တွေ ဒီကနေ့ ချင်းမိုင် မြို့မှာ တွေ့ဆုံဆွေးနွေး ကြမှာဖြစ်ပါတယ်။
Ref: RFA News
Tuesday, February 19, 2013
ကုလစိုးရိမ်မှု လူ့အခွင့်အရေးအဖွဲ့တွေ ထောက်ခံ
ကျော်သိင်္ခ
18.02.2013
မြန်မာပြည်တွင်းမှာ ဆက်ပြီး ဖြစ်ပွားနေတဲ့ လူ့အခွင့်အရေး ချိုးဖောက်မှုတွေနဲ့ ပတ်သက် လို့ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ်ရဲ့ သတိပေးချက် ကို နိုင်ငံတကာ အသိုင်းအ၀ိုင်းက အာရုံစိုက်ဖို့ လိုတယ်လို့ လူ့အခွင့်အရေး အဖွဲ့တွေ နဲ့ လေ့လာသုံးသပ်သူ တွေက ပြောလိုက်ပါတယ်။ မကြာသေးခင်က မြန်မာနိုင်ငံကို သွားရောက်ခဲ့တဲ့ ကုလသမဂ္ဂ လူ့အခွင့်အရေး အထူး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quntana) ရဲ့ ခရီးစဉ်နဲ့ ပက်သက်လို့ ဗွီအိုအေ သတင်းထောက် ရွန် ကော်ဘန် (Ron Corben) ဘန်ကောက် မြို့ကနေ ပေးပို့ထားတဲ့သတင်းကို ကိုကျော်သိင်္ခ က တင်ပြထားပါတယ်။
မြန်မာနိုင်ငံအနေနဲ့ လမ်းကြောင်းမှန်ပေါ်ကို သွားနေတဲ့ တချိန်တည်းမှာပဲ နိုင်ငံတွင်း ဆက်ပြီး ဖြစ်ပွားနေတဲ့ လူ့အခွင့်အရေး ချိုးဖောက်မှုတွေကို ချက်ခြင်း ကိုင်တွယ်ဖြေရှင်းဖို့ လိုတယ် လို့ မြန်မာနိုင်ငံကို ၅ ရက်ကြာခရီး သွားရောက်ခဲ့တဲ့ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ ကင်တားနား က ပြောပါတယ်။
မစ္စတာ ကင်တားနားဟာ သူ့ရဲ့ ခရီးစဉ်အတွင်း နိုင်ငံရေးအကျဉ်းသားဟောင်းတွေနဲ့ လက်ရှိ အင်းစိန် ထောင်တွင်းမှာ ထိန်းသိမ်း ခံထားရတဲ့ နိုင်ငံရေး အကျဉ်းသားတွေကို တွေ့ဆုံ ခဲ့ပါတယ်။ ဒါ့အပြင် မြန်မာ အစိုးရ အဖွဲ့က အကြီးတန်း အရာရှိတွေနဲ့ တွေ့ဆုံ ဆွေးနွေးခဲ့သလို၊ ဒေါ်အောင်ဆန်းစုကြည် နဲ့လည်း တွေ့ဆုံခဲ့ပါတယ်။
သူ့ရဲ့ မြန်မာနိုင်ငံ ၅ ရက်ကြာ ခရီးစဉ်အတွင်း ရခိုင်ပြည်နယ် ပဋိပက္ခတွေကြောင့် ထွက်ပြေး တိမ်းရှောင်နေကြ ရတဲ့ ဒုက္ခသည် စခန်းတွေ ဆီကိုလည်း သွားရောက် လည်ပတ်ခဲ့ပြီး၊ ဒီဒုက္ခသည်စခန်း တွေရဲ့ အခြေအနေဟာ တိုးတက်ကောင်းမွန် လာပေမဲ့လည်း အခုထိ လုံလောက်တဲ့ ကျန်းမာရေး စောင့်ရှောက်မှု မရှိသေးဘူးလို့လည်း မစ္စတာ ကင်တားနား က ပြောပါတယ်။
မြန်မာနိုင်ငံ ခရီးစဉ်နဲ့ပက်သက်ပြီး မစ္စတာ ကင်တားနားရဲ့ ကနဦး အစီရင်ခံစာမှာ မြန်မာနိုင်ငံတွင်း လူ့အခွင့်အရေး အခြေအနေနဲ့ ပက်သက်ပြီး တိုးတက်မှု မရှိတာ၊ လက်နက်ကိုင် ပဋိပက္ခတွေ အချိန်အတော်ကြာ ဆက်ပြီး ဖြစ်ပွားနေတာ စတဲ့ အချက်တွေ ပါတယ်လို့ လူ့အခွင့်အရေး လှုပ်ရှားမှု အဖွဲ့တဖွဲ့ဖြစ်တဲ့ Alternative ASEAN Network ပြောရေးဆိုခွင့်ရှိသူ ဒက်ဘီ စတောဟဒ် (Debbie Storhard) က ပြောပါတယ်။
“မြန်မာနိုင်ငံမှာ အရေတကြီး ကိုင်တွယ်ဖြေရှင်းရမယ့် လူ့အခွင့်အရေး ပြဿနာတွေကို အခုထိ ကိုင်တွယ် ဖြေရှင်းတာမျိုး မရှိသေးဘူး။ ရှေ့ဆက် လုပ်ရမှာတွေက အများကြီး ရှိနေသေးတယ် ဆိုတာ ကို မစ္စတာ ကင်တားနားရဲ့ ခရီးစဉ်က ရှင်းရှင်းလင်းလင်း ဖော်ပြနေပါတယ်။ မစ္စတာ ကင်တားနားရဲ့ ခရီးစဉ်က မြန်မာနိုင်ငံရဲ့ ပြုပြင်ပြောင်းလဲရေးအပေါ် သိပ်ပြီး အကောင်းမြင်လွန်း အားကြီးနေတဲ့ နိုင်ငံတကာ အသိုင်းအ၀ိုင်းကို မြန်မာနိုင်ငံနဲ့ပက်သက်ပြီး နိုးနိုးကြားကြား ဖြစ်ဖို့ ဆော်သြသလို ဖြစ်မယ်လို့ ကျမတို့ မျှော်လင့်ပါတယ်။”
မစ္စတာ ကင်တားနားဟာ မြန်မာအစိုးရနဲ့ ကချင်လွတ်မြောက်ရေးတပ်မတော် KIA တို့အကြား မကြာသေးခင်က တိုက်ပွဲတွေ ဖြစ်ပွားခဲ့တဲ့ နေရာကိုလည်း သွားရောက်ခဲ့ပါသေးတယ်။
အပစ်အခတ် ရပ်စဲရေးအတွက် မြန်မာအစိုးရနဲ့ KIO တို့ ဆွေးနွေးတဲ့ အဆင့်အထိ အခြေအနေ တိုးတက်လာတာကို သူ့အနေနဲ့ အားရတဲ့အကြောင်းလည်း ကင်တားနား က ပြောပါတယ်။ ဒါပေမဲ့ ကချင်လွတ်မြောက်ရေးတပ်မတော် KIA ကလို့ သံသယရှိသူတွေကို ဖမ်းပြီး နှိပ်စက်နေတယ်ဆိုတဲ့ အစီရင်ခံစာတွေ နဲ့ပက်သက်ပြီးတော့ စိုးရိမ်မိတဲ့ အကြောင်းလည်း သူက ပြောပါတယ်။
မြန်မာစစ်တပ်ရော၊ တိုင်းရင်းသား လက်နက်ကိုင်အဖွဲ့ နှစ်ဘက်စလုံးကပါ နိုင်ငံတကာ လူ့အခွင့်အရေး နဲ့ လူသားချင်း စာနာမှုဆိုင်ရာ ဥပဒေတွေကို နားလည် သဘောပေါက်ကြဖို့ကို လည်း နှစ်ဘက်စလုံးကို မစ္စတာ ကင်တားနား က တောင်းဆိုလိုက်ပါတယ်။
ကင်တားနားအနေနဲ့ ရခိုင်နဲ့ ကချင်ပြည်နယ်အရေး ကိစ္စတွေနဲ့ပက်သက်ပြီး အပြုသဘောဆောင်တဲ့ အမြင်မျိုး ရှိပေမဲ့လည်း မြန်မာအစိုးအနေနဲ့ ပြဿနာတွေကို အခုထက်ပိုပြီး ကိုင်တွယ်ဖြေရှင်းဖို့ လိုအပ်နေတုန်းပဲလို့ အရှေ့တောင်အာရှဆိုင်ရာ နိုင်ငံတကာ ဥပဒေပညာရှင်များအဖွဲ့ရဲ့ ကိုယ်စားလှယ် ဘင်ဂျမင် ဇ၀က်ကီး (Benjamin Zawacki) က ပြောပါတယ်။
“မြန်မာပြည်ထဲက အဲ့ဒီနေရာတွေကို သွားရောက်လည်ပတ်ခွင့်ရတဲ့ ကုလသမဂ္ဂ လူ့အခွင့် အရေး ဆိုင်ရာ အထူး ကိုယ်စားလှယ် တယောက်အနေနဲ့ မြန်မာနိုင်ငံထဲက အပြောင်းအလဲတွေနဲ့ ပက်သက်ပြီး အခုလို အကောင်းဘက်ကနေ ထုတ်ပြီး ပြောဆိုဖို့ ဆိုတာကတော့ အရေးကြီးတဲ့ အချက်တချက်ပေါ့လေ။ တိုင်းရင်းသားဒေသ ၂ ခုမှာ အခြေအနေတွေက ပိုပြီး ကောင်းလာတယ်၊ အပြောင်းအလဲတွေ ရှိလာတယ်ဆိုပေမဲ့ တကယ့် တကယ်တမ်းကျတော့ ပိုပိုပြီးတော့တောင် ဆိုးလာနေတာပါ”
မြန်မာနိုင်ငံထဲက တိုးတက်မှုဆိုလို့ ထောင်တွေထဲကို နိုင်ငံတကာ ကြက်ခြေနီ အဖွဲ့အစည်းတွေ သွားခွင့်ရတာ တခုပဲ ရှိပါတယ်လို့ အာရှဆိုင်ရာ လူ့အခွင့်အရေး စောင့်ကြည့် လေ့လာရေးအဖွဲ့ လက်ထောက် ညွန်ကြားရေးမှူး ဖေးလ် ရောဘတ်စန် (Phil Robertson) က ပြောပါတယ်။
မြန်မာနိုင်ငံထဲက လူ့အခွင့်အရေး အခြေအနေနဲ့ပက်သက်လို့ ကုလသမဂ္ဂ လူ့အခွင့်အရေး အထူး ကိုယ်စားလှယ်ရဲ့ လုပ်ပိုင်ခွင့်ကို အားနည်းသွားအောင် မြန်မာအာဏာပိုင်တွေက တွန်းအားတွေ
ပေးနေတယ်လို့ သူက ပြောပါတယ်။
လာမယ့်လမှာတော့ မစ္စတာ ကင်တားနားအနေနဲ့ သူ့ရဲ့ မြန်မာပြည်ခရီးစဉ်အတွင်း လူ့အခွင့်အရေးနဲ့ ပတ်သက်တဲ့ အစီရင်ခံစာ အပြည့်အစုံကို ကုလသမဂ္ဂဆီ တင်သွင်းလိမ့် မယ်လို့ မျှော်လင့်ရပါတယ်။
Ref: VOA News
လက်ပန်းတောင်းတောင်အရေး ကုလသမဂ္ဂထံ တင်ပြမည်
2013-02-18
လက်ပန်းတောင်းတောင် ကြေးနီ စီမံကိန်း လုံးဝဖျက်သိမ်းပေးဖို့အတွက် စစ်ကိုင်းတိုင်းဒေသကြီး၊ ဆားလင်းကြီး မြို့နယ်မှာရှိတဲ့ ကျေးရွာပေါင်း ၂၀ ကျော်က ဒေသခံ လူထုရဲ့ လက်မှတ်တွေ ကို ဖေဖေါ်ဝါရီလ ၁၈ ရက် ဒီကနေ့မှာ စတင် စုဆောင်းပြီး ကုလသမဂ္ဂထံ တင်ပြသွားမယ်လို့ သိရပါတယ်။
အဲဒီလက်မှတ်စုဆောင်းတာကို သီတင်းတစ်ပတ်အတွင်း အပြီးလုပ်ဆောင်သွားမယ်လို့ လက်ပန်းတောင်းတောင် အရေးမှာ ပါဝင် လှုပ်ရှားနေတဲ့ မြန်မာနိုင်ငံ ဝိဇ္ဇာ-သိပ္ပံ တက္ကသိုလ်ကျောင်းသားများ ကွန်ရက်မှ တာဝန်ခံ ကိုသောင်းထိုက်က RFA ကို ပြောပါတယ်။
ဒါ့အပြင် ပြီးခဲ့တဲ့ ၂၀၁၂ ခုနှစ်၊ နိုဝင်ဘာလမှာ လက်ပန်းတောင်းတောင်ခြေမှာရှိတဲ့ သပိတ် စခန်းတွေကို အစိုးရက အင်အားသုံး ဖြိုခွင်းတာနဲ့ ပတ်သက်ပြီး မီးလောင်ဗုံး သုံးဖို့ အမိန့်ပေးခဲ့တဲ့ သူတွေကို အရေးယူပေးဖို့ အတွက် ဒေသခံတွေ မနေ့က တောင်းဆို ဆန္ဒပြခဲ့ ကြပါတယ်။
တစ်ချိန်တည်းမှာပဲ လက်ပန်းတောင်းတောင် သပိတ်စခန်းဖြိုခွဲရာမှာ အစိုးရဖက်က မီးလောင်ဗုံး အသုံးပြုခဲ့ခြင်း ရှိ၊ မရှိကို ကော်မရှင်ရဲ့ အစီရင်ခံစာ ထွက်မှသာ အတိအကျပြောနိုင်မယ်လို့ လက်ပန်းတောင်းတောင် အရေး စုံစမ်း စစ်ဆေးရေး ကော်မရှင် ဥက္ကဌ ဒေါ်အောင်ဆန်းစုကြည်က ဒီကနေ့ လွှတ်တော်ခေတ္တ ရပ်နားချိန်မှာ သတင်းထောက်တွေရဲ့မေးခွန်းကို ဖြေကြား ခဲ့ပါတယ်။
မြန်မာနိုင်ငံ ရှေ့နေများကွန်ရက်နဲ့ အမေရိကန်ပြည်ထောင်စုအခြေစိုက် Justice Trust အဖွဲ့တွေက သပိတ် စခန်းကို ဖြိုခွဲရာမှာ White Phosphorus ခေါ် မီးလောင်စေတဲ့ မီးစုန်းဖြူ ပါဝင်တယ်လို့ ထုတ်ပြန်ခဲ့တဲ့ အပေါ် ဒေါ်အောင်ဆန်းစုကြည်ရဲ့ သဘောထားကို သတင်းထောက်တွေက မေးမြန်းရာမှာ အဲဒီလို ပြန်လည်ဖြေကြားခဲ့တာပါ။
Ref: RFA News
လွှတ်တော်ကိုယ်စားလှယ်တွေရဲ့ မေးခွန်းကို တိတိကျကျ ဖြေကြားဖို့ ညွှန်ကြား
2013-02-18
နိုင်ငံတော်စီမံကိန်းတွေနဲ့ ပတ်သက်ပြီး လွှတ်တော် ကိုယ်စားလှယ်တွေ ရဲ့ ဆွေးနွေးမေးမြန်းချက်တွေကို ဝန်ကြီး ဌာနတွေ အနေနဲ့ ပွင့်လင်းမြင်သာမှု ရှိရှိနဲ့ တိတိကျကျ ပြန်လည် ရှင်းလင်းပေးစေ ချင်ကြောင်း ပြည်ထောင်စု လွှတ်တော် နာယက ဦးခင်အောင်မြင့်က ဖေဖေါ်ဝါရီလ ၁၈ ရက် ဒီကနေ့ ပြည်ထောင်စု လွှတ်တော်မှာ တိုက်တွန်း လိုက်ပါတယ်။
၂၀၁၃/၂၀၁၄ ဘဏ္ဍာနှစ် အမျိုးသားစီမံကိန်း ဥပဒေကြမ်းရဲ့ မူသဘောတွေကို ဆွေးနွေးရာမှာ ပြည်ထောင်စု လွှတ်တော်နာယက ဦးခင်အောင်မြင့်က အခုလို ပြောကြား လိုက်တာပါ။
"အခုအချိန်ဟာ ဒီမိုကရေစီစနစ် ကျင့်သုံးနေတာဖြစ်ပါတယ်၊ လွှတ်တော်ကိုယ်စားလှယ် တစ်ဦးတစ်ယောက်ရဲ့ ဆွေးနွေးချက်ကို ဒါကိုကျွန်တော်တို့က ဒီလိုဆောင်ရွက်ပါမယ်၊ ဆောင်ရွက်နိုင်ခြင်း မရှိသေးပါဘူး၊ ဒီလိုမျိုး တိတိကျကျ ပြန်လည်ဖြေကြားမှသာ ကျွန်တော်တို့ရဲ့လုပ်ငန်းသည် အထောက်အကူပြုမှာဖြစ်ပါတယ်၊ အဲ့လိုမဟုတ်ပဲနဲ့ လွှတ်တော်ကိုယ်စားလှယ်ဆွေးနွေးတာ လေထဲပျောက်သွားတယ်ဆိုတာ မဖြစ်သင့်ပါဘူး၊ ဒါကြောင့် အဆင်သင့်မဖြစ်သေးရင် အဆင်သင့်မဖြစ်သေးဘူးလို့ ပြောလို့ရပါတယ်"
ပြည်ထောင်စု လွှတ်တော်နာယက ဦးခင်အောင်မြင့်ရဲ့ တိုက်တွန်းပြောကြားချက်ဟာ မှန်ကန်တဲ့ တိုက်တွန်းချက်ဖြစ်ကြောင်း တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည်ကလည်း ထောက်ခံပြောကြားခဲ့ပါတယ်။
လာမယ့် ၂၀၁၃/၂၀၁၄ ဘဏ္ဍာနှစ် အမျိုးသားစီမံကိန်းနဲ့ ပတ်သက်ပြီး ပြည်ထောင်စုလွှတ်တော်မှာ လွှတ်တော်ကိုယ်စားလှယ် (၄၁) ဦးက သုံးရက်ကြာ ဆွေးနွေးခဲ့ကြပါတယ်။
ဒီကနေ့ ပြည်ထောင်စု လွှတ်တော်မှာ ဝန်ကြီးဌာန (၁၆) ခုက သက်ဆိုင်ရာဝန်ကြီးနဲ့ ဒုတိယဝန်ကြီးတွေက အသီးသီးပြန်လည်ရှင်းလင်း ဆွေးနွေးခဲ့ကြပါတယ်။
Ref: RFA News
ချင်းပြည်နယ် ရေ၊ မီးနှင့် လမ်းပန်းဆက်သွယ်ရေး ပံ့ပိုးရန် သမ္မတ ကတိပြု
ကွန်ချမ်း
တနင်္လာနေ့၊ ဖေဖေါ်ဝါရီလ ၁၈ ရက် ၂၀၁၃
စံခလပူရီ (မဇ္ဈိမ)။ ။ ချင်းပြည်နယ်အတွင်း လမ်းဖောက်လုပ်ရေး၊ သောက်သုံးရေနှင့် လျှပ်စစ်မီး ရရှိရေး အတွက် ဆောင်ရွက် ရာတွင် အစိုးရ အနေနှင့် ပံ့ပိုးသွားမည် ဖြစ်ကြောင်း နိုင်ငံတော် သမ္မတ ဦးသိန်းစိန် က တနင်္ဂနွေနေ့က ကတိပေး ပြောကြားခဲ့သည်။
တိုင်းနှင့် ပြည်နယ်များအနက် ဖွံ့ဖြိုးမှု အနည်းဆုံး ဖြစ်သည့် ချင်းပြည်နယ်သို့ ပထမဆုံး အကြိမ် ရောက်ရှိစဉ် ဟားခါးမြို့ရှိ ပြည်နယ် အစိုးရ အဖွဲ့ရုံး အစည်းအဝေးခန်းမ၌ ပြည်နယ်၊ ခရိုင်နှင့် အစိုးရ အဖွဲ့ဝင်များ၊ လူထုအဖွဲ့အစည်းများနှင့် တွေ့ဆုံရာတွင် သမ္မတ က ပြောကြားခဲ့ခြင်း ဖြစ်သည်ဟု ပြည်နယ် အစိုးရအဖွဲ့မှ ဝန်ကြီးတဦးက ပြောသည်။
“ဒေသရဲ့ လိုအပ်ချက်က ပြည်နယ် အစိုးရမှာ အများကြီး တာဝန်ရှိတယ်။ ဒေသကနေ လုပ်နိုင်တာကို လုပ်ပြီးတော့မှ မလုပ်နိုင်တာကို ပြည်ထောင်စု အစိုးရကို တင်ပြပါ ဆိုပြီးတော့မှ မှာကြား သွားပါတယ်ခင်ဗျ” ဟု ပြည်နယ် စိုက်ပျိုးရေးနှင့် မွေးမြူရေး ဝန်ကြီး ဦးဗန်ထောင်း က ပြောသည်။
ချင်းပြည်နယ်အတွင်း 66 KV မဟာဓါတ်အားလိုင်း ရရှိရေး၊ ဟားခါးမြို့မှ မကွေးတိုင်း ဂန့်ဂေါမြို့၊ ဟားခါး-ဖလမ်း မှ စစ်ကိုင်းတိုင်း ကလေးမြို့သို့ ဆက်သွယ်မည့် ပြည်ထောင်စု လမ်းမကြီးများနှင့် မြို့နယ်ချင်းဆက် လမ်းများကို ရာသီမရွေး သွားလာနိုင်အောင် အဆင့်မြှင့်တင်ရေး၊ ပြည်နယ် တခုလုံး သောက်သုံးရေ လုံလောက်စွာ ရရှိရေး စသည်တို့ကို လေ့လာတွက်ချက်ပြီး ဆောင်ရွက်ရန်နှင့် မဆောင်ရွက်နိုင်သည်ကို ပြည်ထောင်စု အစိုးရက ပံ့ပိုးကူညီမည်ဟု သမ္မတ က ပြောဆိုခဲ့သည်ဟု ဆိုသည်။
၎င်းပြင် ကျောင်းနေအရွယ် ကလေးငယ်များ ပညာသင်ကြားနိုင်ရေး အတွက် ပံ့ပိုးပေးရန်၊ ယခင်က ရှိခဲ့သည့် ဖလမ်းမြို့ စိုက်ပျိူးရေး အထက်ကျောင်းကို စိုက်ပျိူးရေး သိပ္ပံကျောင်းအဖြစ် ပြန်လည် ဖွင့်လှစ်ရန်ကိုလည်း ချင်းပြည်နယ် အစိုးရအား မှာကြားခဲ့ပြီး စိုက်ပျိုးရေးနှင့် မွေးမြူရေး လုပ်ငန်းများကိုလည်း လေ့လာခဲ့သည်ဟု ဆိုသည်။
ချင်းအမျိုးသားပါတီ (CNP) အနေနှင့် သမ္မတ ၏ ချင်းပြည်နယ် ခရီးစဉ်ကို ကြိုဆိုသော်လည်း ချင်းပြည်နယ် အတွင်းရှိ အခြားမြို့နယ်များနှင့် သီးခြား ဖြစ်နေသည့် ပလက်ဝမြို့သို့ သွားရောက်ခြင်း မရှိသည့်အတွက် စိတ်မကောင်း ဖြစ်မိကြောင်း အတွင်းရေးမှူး (၁) ထျီယံအုတ်ထန်း ခေါ် ဆလိုင်းငယ်ပီး က ပြောသည်။
“ဗဟိုကနေ ချင်းပြည်နယ် ခရီးစဉ်ဆိုပြီး လာလိုက်တယ့် အရင်အကြီးအကဲတွေလိုပဲ ပလက်ဝ မြို့ကို မသွားဖြစ်ဘူး။ ရခိုင်ပြည်နယ် ခရီးစဉ်မှပဲ လူကြီးတွေ သွားရင်းနဲ့ ပလက်ဝမြို့ကို တန်းတန်းသွားတဲ့ဟာကိုတော့ စိတ်မကောင်း ဖြစ်မိတယ်” ဟု ပြောသည်။
ချင်းပြည်နယ် တောင်ပိုင်း ပလက်ဝမြို့သည် ရခိုင်ပြည်နယ်မြောက်ပိုင်းနှင့် နီးစပ်လျက် ရှိကာ ချင်းပြည်နယ်တွင်းရှိ အခြားမြို့နယ်များနှင့် ဆက်သွယ်ရန် လမ်းမရှိခြင်းကြောင့် ပလက်ဝ-မတူပီလမ်း ဖောက်လုပ်ပေးရန်အတွက် ၎င်းတို့ ပါတီအနေနှင့် ပြည်နယ်လွှတ်တော်တွင် အကြိမ်ကြိမ် တင်ပြခဲ့သည်ဟုလည်း သူက ပြောသည်။
ထို့အပြင် ချင်းပြည်နယ်၌ ဝါးပန်းပွင့်ပြီး ၂၀၀၇ မှ ၂၀၀၉ ခုနှစ်အတွင်း ကြွက်များ သောင်းကျန်း မှုကြောင့် သီးနှံများ ပျက်စီးကာ အစာရေစာ ငယ်မွတ်ခေါင်းပါးမှု ဘေးများနှင့် ကြုံတွေ့ခဲ့ရရာမှ ပြန်လည် နာလန် မထူနိုင်သေးခြင်းသည်လည်း အစိုးရ အတွက် စိန်ခေါ်မှုတရပ် ဖြစ်သည်ဟု သူက ပြောသည်။
“ကျနော်တို့အတွက်ကတော့ ဒီမိုကရေစီ အစိုးရ တက်လာတယ်။ အရင် အစိုးရတွေလိုပဲ ပြောတယ်။ ဒါပေမယ့် လက်တွေ့ဖော်ဆောင်မှုမှာ ဘယ်လိုလာမလဲဆိုတာ စောင့်ကြည့်ရမှာပေါ့။ သူတို့အတွက် စိမ်ခေါ်ချက်တခုလို့ပဲ ကျနော်မြင်ပါတယ်” ဟု ဆလိုင်းငယ်ပီး က ပြောသည်။
Ref: မဇ္ဈိမ
အစိုးရနဲ့ UNFC နိုင်ငံရေး အကြိုဆွေးနွေးပွဲ ချင်းမိုင်မှာ စတင်မည်
2013-02-18
ညီညွှတ်သောတိုင်းရင်းသားများ ဖယ်ဒရယ်ကောင်စီ UNFC နဲ့ အစိုးရ ငြိမ်းချမ်းရေးဖေါ်ဆောင်ရေး လုပ်ငန်း ကော်မတီ တို့ဟာ နိုင်ငံရေး အရ တွေ့ဆုံဆွေးနွေးရေး ဖြစ် လာဖို့ အတွက် အကြိုဆွေးနွေးပွဲကို ထိုင်းနိုင်ငံ ချင်းမိုင်မြို့မှာ ဖေဖေါ်ဝါရီလ ၂၀ ရက်နေ့ စတင်မှာဖြစ်ကြောင်း UNFC အဖွဲ့နဲ့ ငြိမ်းချမ်းရေးဖေါ်ဆောင်ရေးလုပ်ငန်း ကော်မတီဝင်တွေက RFA ကို ပြောပါတယ်။
လာမယ့် အကြိုညှိနှိုင်း ဆွေးနွေးပွဲနဲ့ ပတ်သက်ပြီး UNFC တွဲဘက် အတွင်းရေးမှူး ဗိုလ်မူးကြီး ခွန်ဥက္ကာ က ခုလိုပြောပါတယ်။
"ကျွန်တော်တို့ တောင်းဆိုထားတာ တစ်နှစ်ခွဲလောက်ရှိပြီပေါ့၊ ၂၀၁၁ ခုနှစ် သြဂုတ် လကုန်ထဲက ကျွန်တော်တို့ စာတင်ပြီးတော့ တစ်ဖွဲ့ချင်း မဟုတ်ပဲနဲ့ UNFC နဲ့ တွေ့မယ် နိုင်ငံရေးဆွေးနွေးပွဲကို တက်လှမ်းမယ် ဆိုတဲ့ အပေါ်မှာ အခုပြည်ထောင်စု အစိုးရကလဲ လက်ခံပြီးတော့ နိုင်ငံရေးဆွေးနွေးပွဲကို အကြို ညှိနှိုင်းကြမယ် ဆိုပြီး နှစ်ဖက် သွားတူတာပေါ့၊ UNFC ကတော့ တောင်းဆိုထားတဲ့ အဆင့်တွေကိုရောက်လာတော့ ကျွန်တော်တို့ အနေနဲ့ကတော့ ပါဝင်ဆွေးနွေးကြမယ်"
အစိုးရငြိမ်းချမ်းရေးဖေါ်ဆောင်ရေး လုပ်ငန်းကော်မတီအနေနဲ့ နိုင်ငံရေးအရ တွေ့ဆုံဆွေးနွေးပွဲတွေကို ပုံစံ သတ်မှတ် မထားပဲ နည်းလမ်း ၃ သွယ် သဘောမျိုး လမ်းဖွင့် ထားတယ်လို့ ငြိမ်းချမ်းရေး အကျိုးဆောင် ဦးလှမောင်ရွှေက RFA ကို ပြောပါတယ်။
"ဝန်ကြီးဦးအောင်မင်းကတော့ မြန်မာငြိမ်းချမ်းရေး စင်တာမှာ ရှိတဲ့ အလုပ်အဖွဲ့တွေကို ရှင်းပြထားခဲ့ သလို တိုင်းရင်းသားခေါင်းဆောင်တွေကိုလည်း သူရှင်းပြ ထားတာကတော့ ငြိမ်းချမ်းရေးဖော်ဆောင်ရေး လုပ်ငန်းကော်မတီအနေနဲ့ ငြိမ်းချမ်းရေးဆွေးနွေးတဲ့အခါမှာ တစ်ဖွဲ့ချင်းကိုလည်း လမ်းဖွင့်ထားတယ်၊ အစုအဖွဲ့အနေနဲ့ ဆွေးနွေး လိုရင်လည်း လမ်းဖွင့် ထားတယ် တချို့ကတော့ ညှိနှိုင်းပြီးတော့မှ လုပ်တဲ့ပုံစံမျိုး သုံးမျိုး ဖွင့်ပေးထားတဲ့ ပုံစံမျိုးပေါ့"
လာမယ့် ချင်းမိုင်ဆွေးနွေးပွဲမှာ ငြိမ်းချမ်းရေးဖေါ်ဆောင်ရေးလုပ်ငန်းကော်မတီဖက်က ဝန်ကြီး ဦးအောင်မင်းနဲ့ အတူ ပြည်ထောင်စု ဝန်ကြီး လေးဦး ပါဝင်မှာဖြစ်ပြီး UNFC အဖွဲ့ကတော့ အထွေထွေအ တွင်းရေးမှူး နိုင်ဟံသာ ဦးဆောင်ပြီး ဒုတိယခေါင်းဆောင် အဖြစ် ဒေါက်တာလာဂျနဲ့ အဖွဲ့ဝင်စုစုပေါင်း ၁၂ ဦး ပါဝင်မှာဖြစ်ပါတယ်။
Ref: RFA News
နိုင်ငံရေး ဆွေးနွေးမှုများ အဆင့်သုံးဆင့်ဖြင့် လုပ်ဆောင်သွားမည်
ဖနိဒါ
တနင်္လာနေ့၊ ဖေဖေါ်ဝါရီလ ၁၈ ရက် ၂၀၁၃
ချင်းမိုင်(မဇ္စျိမ)။ ။ သမ္မတ ဦးသိန်းစိန် အစိုးရ၏ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ အနေနှင့် တိုင်းရင်းသား လက်နက်ကိုင် အဖွဲ့အစည်းများနှင့် နိုင်ငံရေး ဆွေးနွေးမှုများကို အဆင့် သုံးဆင့်ဖြင့် လုပ်ဆောင်သွားမည် ဖြစ်ကြောင်း ငြိမ်းချမ်းရေး အကျိုးဆောင် တဦးဖြစ်သူ ဦးညိုအုန်းမြင့် က ပြောသည်။
“ဝန်ကြီး ဦးအောင်မင်းပြောတာက တဖွဲ့ချင်းအနေနဲ့လည်း တွေ့သွားမယ်။ ဒေသဆိုင်ရာ အဖွဲ့တွေနဲ့ တွေ့သွားမယ်။ တိုင်းရင်းသား အားလုံး ပါဝင်တဲ့ အဖွဲ့တွေနဲ့လည်း နိုင်ငံရေးအရ ဆွေးနွေး သွားမယ်လို့ ဆွေးနွေးပါတယ်” ဟု မဇ္ဈိမကို ပြောသည်။
သမ္မတရုံးဝန်ကြီး ဦးအောင်မင်းက အပစ်အခတ် ရပ်စဲထားသည့် တိုင်းရင်းသားအဖွဲ့အစည်းများနှင့် တဖွဲ့ချင်း ဆွေးနွေးရန်၊ ဒေသအလိုက် လက်နက်ကိုင် အဖွဲ့အစည်းများနှင့် တွေ့ဆုံဆွေးနွေးရန်နှင့် ညီညွတ်သော တိုင်းရင်းသား လူမျိုးများကောင်စီ UNFC ကဲ့သို့ တိုင်းရင်းသား စုပေါင်း အဖွဲ့များနှင့် တွေ့ဆုံဆွေးနွေး သွားရန် ဟူ၍ အဆင့်သုံးဆင့်ဖြင့် လုပ်ဆောင် သွားမည်ဟု ပြောဆိုခဲ့ခြင်း ဖြစ်သည်။
ဖေဖော်ဝါရီလ ၂၀ ရက်နေ့တွင်လည်း ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ကိုယ်စားလှယ်များနှင့် UNFC ကိုယ်စားလှယ်များ ထိုင်းနိုင်ငံ ချင်းမိုင်မြို့တွင် ထပ်မံ တွေ့ဆုံကြဦးမည်
ဖြစ်သည်။
ဝန်ကြီး ဦးအောင်မင်း၊ လူဝင်မှုကြီးကြပ်ရေး ဝန်ကြီး ဦးခင်ရီ၊ မွေးမြူရေးဝန်ကြီး ဦးအုန်းမြင့်၊ ဒုတိယ ရှေ့နေချုပ် ဦးထွန်းထွန်းဦးနှင့် မြန်မာ ငြိမ်းချမ်းရေး စင်တာ (MPC) မှ အဖွဲ့ဝင်များ အပါအဝင် ၁၆ ယောက် တက်ရောက် မည် ဖြစ်ကြောင်း ဦးညိုအုန်းမြင့် က ဆိုသည်။
“အဓိကတော့ လက်နက်ကိုင် အင်အားစုတွေနဲ့ စပြီးတော့ နိုင်ငံရေးအရ ရှေ့ကို ဘယ်လို သွားကြမလဲ။ ပြည်နယ်တွေနဲ့ ပြည်ထောင်စုနဲ့ ဘယ်လို ဆက်သွယ် လုပ်ကြမလဲ ဆိုတာက Framework (မူဘောင်) တခုပဲ ဖြစ်ပါတယ်။ UNFC ကလည်း ဒီအဆင့်ထဲမှာ ပါနေတာပေါ့” ဟု ပြောသည်။
၂၀၁၂ ခုနှစ် နိုဝင်ဘာလ ၉ ရက်နေ့ကလည်း ဝန်ကြီး ဦးအောင်မင်း ဦးဆောင်သည့် အဖွဲ့နှင့် UNFC ကိုယ်စားလှယ်များ ချင်းမိုင် မြို့တွင်ပင် အလွတ်သဘော ပထမဆုံး အကြိမ် တွေ့ဆုံခဲ့ပြီး ယခု တွေ့ဆုံမှုသည် ဒုတိယ အကြိမ်မြောက် တွေ့ဆုံခြင်း ဖြစ်သည်။
ကချင် လွတ်လပ်ရေး အဖွဲ့ KIO နှင့် အစိုးရ တပ်တို့အကြား တိုက်ပွဲများ ပြင်းထန် လာသည့် နောက်ပိုင်း UNFCှနှင့် အစိုးရ ငြိမ်းချမ်းရေးကော်မတီတို့ တွေ့ဆုံမှု ရပ်ဆိုင်းထားရာမှ ယခုပြန်လည် တွေ့ဆုံကြမည် ဖြစ်သည်။
Ref: မဇ္ဈိမ
မန္တလေးတွင် တရားမ၀င် နေထိုင်သည့် မြန်မာစကား မတတ်သူများ ကိစ္စ ဖော်ထုတ် အရေးယူပြီ
သာလွန်ဇောင်းထက်
February 18, 2013
မန္တလေးမြို့တွင် မြန်မာနိုင်ငံသားမဟုတ်သည့် မြန်မာစကား မတတ်သော လူမျိုးများ တရားမ၀င် နေထိုင်ကြသည်ကို စတင် စိစစ် ဖော်ထုတ် အရေးယူမှုများ ပြုလုပ်နေပြီဖြစ်ကြောင်း လူဝင်မှု ကြီးကြပ်ရေးနှင့် ပြည်သူ့ အင်အား ၀န်ကြီးဌာန ဒုတိယ၀န်ကြီး ဦးကျော်ကျော်ဝင်းက ပြောသည်။
ယနေ့ နေပြည်တော်တွင် ကျင်းပသော ပြည်ထောင်စု လွှတ်တော် အစည်းအဝေးတွင် လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီး ဌာနက ဆောင်ရွက်လျှက် ရှိသော အမျိုးသား စီမံကိန်း များနှင့် ပတ်သက်ပြီး ရှင်းလင်းပြောဆိုစဉ် ဦးကျော်ကျော်ဝင်းက အထက်ပါ အတိုင်း ပြောဆိုလိုက်ခြင်း ဖြစ်သည်။
၂၀၁၃ ခုနှစ်၊ ဖေဖော်ဝါရီလ ၁၅ ရက်နေ့တွင် ကျင်းပသော ပြည်ထောင်စု လွှတ်တော် အစည်းအဝေးတွင် အမျိုးသား လွှတ်တော်ကိုယ်စားလှယ် ဒေါ်ခင်ဝိုင်းကြည်က မန္တလေးမြို့တွင် မြန်မာစကား မတတ်သည့် လူမျိုးများ တရားမ၀င် ၀င်ရောက် နေထိုင်မှုကို စိစစ်ဖော်ထုတ် အရေးယူပေးရန် တင်ပြချက်အပေါ် လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာန အနေဖြင့် အလေးထား ဆောင်ရွက်လျှက်ရှိပြီး စိစစ် အရေးယူမှုများ စတင်နေပြီဖြစ်ကြောင်း၊ အိမ်ထောင်စုစာရင်း၊ နိုင်ငံသား ကတ်များသည် တရားဝင် ထုတ်ပေးထားခြင်း ရှိ၊ မရှိအပါအ၀င် တရားမ၀င်နေထိုင်မှုများကို ၀န်ကြီးဌာနမှ ရုံး လက်ခံ မှတ်တမ်းများနှင့် စစ်ဆေးနေကြောင်း၊ စစ်ဆေးမှုများ အရ နိုင်ငံသား မဟုတ်ဘဲ နိုင်ငံသားလက်မှတ် ရရှိ ကိုင်ဆောင်ထားသူများကို လက်မှတ်များ ပြန်လည် သိမ်းဆည်းပြီး လက်မှတ် ထုတ်ပေးသည့် လူဝင်မှုကြီးကြပ်ရေး အရာရှိ၊ ၀န်ထမ်းများကိုလည်း အရေးယူ သွားမည်ဖြစ်ကြောင်း ဦးကျော်ကျော်ဝင်းက ပြောသည်။
“မန္တလေးမြို့သို့ မြန်မာစကား မတတ်သည့် လူမျိုးများ တရားမ၀င် ၀င်ရောက်နေထိုင်မှုများ မဖြစ်စေရန် စနစ်တကျ စစ်ဆေး ရမည်ကိုလည်း ကောင်းစွာ သဘောပေါက်ပြီး ယခု အစိုးရသစ် လက်ထက်တွင် မိမိ ၀န်ကြီးဌာနက လေးစား လိုက်နာလျှက် ရှိပါတယ်၊ မိမိဌာနက ထုတ်ပေးထားသော အိမ်ထောင်စုလူဦးရေ စာရင်းများသည် တရားဝင် ထုတ်ပေး ထားခြင်းရှိ၊ မရှိ၊ ထုတ်ပေးမှုမှန်ကန်ခြင်းရှိ၊ မရှိ၊ အိမ်ထောင်စုစာရင်း မရှိဘဲ ဧည့်စာရင်းဖြင့် နေထိုင်ခြင်း၊ သို့မဟုတ် တရားမ၀င် နေထိုင်ခြင်းရှိ၊ မရှိ ရုံး လက်ခံ မှတ်တမ်းများဖြင့် တိုက်ဆိုင် စစ်ဆေးမှုများအား မန္တလေးတိုင်း ဒေသကြီးအတွင်း စတင် ဆောင်ရွက်နေပြီ ဖြစ်ပါတယ်။ မမှန်မကန် ဆောင်ရွက်ခဲ့သည့် ၀န်ထမ်းများအား ထိရောက်စွာ စစ်ဆေး အရေးယူသွားမည် ဖြစ်ပြီး တရားမ၀င် နေထိုင်သူများအားလည်း အရေးယူ ဆောင်ရွက်သွားမည် ဖြစ်ပါတယ်။ တရားမ၀င် ၀င်ရောက်နေထိုင်မှု၊ အခြေချ နေထိုင်မှုတို့သည် ရပ်ကွက်၊ ကျေးရွာ အုပ်ချုပ်ရေး အဖွဲ့အစည်းများနှင့် ဒေသခံ ပြည်သူများကလည်း အမျိုးသားရေး တာဝန်တရပ်အဖြစ် ပူးပေါင်း အသိပေး ဖော်ထုတ်ပေးပါက ပိုမို ထိရောက်မည်ကိုလည်း တပါတည်း အသိပေးလိုပါတယ်” ဟု ဦးကျော်ကျော်ဝင်းက ပြောသည်။
မန္တလေးမြို့ခံ စာရေးဆရာဆူးငှက်ကမူ မန္တလေးတွင် မြန်မာစကား မတတ်သော လူမျိုးခြားများ တရားမ၀င် ၀င်ရောက် နေထိုင်မှုများ အများအပြား ရှိနေပြီး အထူးသဖြင့် တရုတ်အနွယ်ဝင် အများစုဖြစ်ကြောင်း၊ ယင်းတရုတ် အနွယ်ဝင်များမှာ ၁၉၉၀ ပြည့်နှစ်နောက်ပိုင်း မန္တလေးသို့ အလုံးအရင်းဖြင့် ၀င်ရောက်လာခြင်း ဖြစ်ကြောင်း၊ မန္တလေးမြို့ရှိ မြန်မာအမျိုးသားပိုင် နေအိမ်ခြံမြေ တိုက်တာအဆောက်အအုံနှင့် စီးပွားရေးလုပ်ငန်းများမှာ တရုတ်အနွယ်ဝင်များလက်ထဲသို့ ရောက်ရှိကြောင်း ဧရာဝတီသို့ပြောသည်။
“မန္တလေးမှာ တရားမ၀င်နေထိုင်မှု သေချာပေါက် အများကြီးရှိတယ်။ ၁၉၉၀ နောက်ပိုင်းမှာတော့ အလုံးအရင်းနဲ့ ၀င်လာတယ်။ အလုံးအရင်း ၀င်လာတာက အချို့က ငြိမ်းချမ်းရေးခေါင်းစဉ်နဲ့ ၀င်လာတယ်။ တချို့ကလည်း အာဏာပိုင် အဖွဲ့အစည်းနဲ့ ချိတ်ပြီး ၀င်လာတာ။ တရုတ်တွေပါ။ များသောအားဖြင့် ယူနန်ဘက်က ဟာတွေများတာပဲ။ မန္တလေးရဲ့ လက်ရင်း မြန်မာ အမျိုးသားပိုင် စီးပွားရေး၊ အိမ်ယာတွေ ကုန်ပြီဗျ။ မြေတွေလည်း ကုန်ပြီ။ ဒီအချိန်ကျမှ အရေးယူမယ် ဆိုတော့ တအား နောက်ကျနေပြီ။ မြန်မာ အမျိုးသားတွေ ပိုင်တဲ့ စီးပွားရေး၊ ယဉ်ကျေးမှု၊ ရေမြေကို အကာကွယ်ပေးတာ၊ အထောက်ကူပေးတာ တွေရှိသင့်တယ်။ တရားမ၀င် နေထိုင်မှုတွေနဲ့ အလုံးအရင်း ဖြစ်လာတာက အာဏာပိုင်တွေရဲ့ လာဘ်ပေးလာဘ်ယူမှု၊ ခြစားမှုတွေကြောင့် အများဆုံးပဲပေါ့။ လက်နက်နဲ့ ငြိမ်းချမ်းရေး နောက်ကွယ်ကနေ ၀င်တာတွေလည်း အများကြီးပဲ။ ကိုးကန့်တံဆိပ် တပ်ထားတဲ့ တရုတ်၊ ၀တံဆိပ်ထားတဲ့ တရုတ်တွေချည်းပဲ” ဟု ဆရာဆူးငှက်က ဆိုသည်။
ချမ်းအေးသာဇံမြို့နယ်မှ မန္တလေးတိုင်း ဒေသကြီး လွှတ်တော်ကိုယ်စားလှယ် ဒေါ်တင်တင်မာကမူ တရားမ၀င် နေထိုင်မှုများကို အရေးယူရန်မှာ တိကျသေချာမှုနှင့် စေ့စပ်မှု အရေးကြီးသည်ဟု ပြောသည်။
“မန္တလေးမှာက တရုတ်ကိုးကန့်စပ်တွေ၊ ကိုးကန့်တွေ၊ ၀တွေပေါ့၊ တချို့သူတွေက မြန်မာစကားကို ရေရေလည်လည်ကို မတတ်ဘူး။ အဲဒါမျိုးတွေ တော်တော်လေး ရှိတယ်။ တရုတ်အနွယ်ဝင် တော်တော်များများက ချမ်းသာကြတယ်၊ မြန်မာတွေက မချမ်းသာကြဘူး။ မန္တလေးမြို့လယ်ခေါင်မှာက သူတို့တွေချည်းပဲ။ အိမ်ကောင်းနေရာကောင်း ဆိုရင် သူတို့ဟာတွေချည်းပဲ။ တရားမ၀င် နေထိုင်မှုတွေကို ဖော်ထုတ်မယ် ဆိုရင် ရပ်ကွက် အုပ်ချုပ်ရေး အဖွဲ့တွေနဲ့ အသေးစိတ် စေ့စေ့စပ်စပ် ဖော်ထုတ် မယ်ဆိုရင်တော့ ဖော်ထုတ်လို့မြန်မှာပါ။ သေသေချာချာ လုပ်ဖို့လိုပါတယ်” ဟု ဒေါ်တင်တင်မာက ဆိုသည်။
မန္တလေးတွင်သာမက တနိုင်ငံလုံး အတိုင်းအတာဖြင့်လည်း တရားမ၀င် နိုင်ငံသားကတ် ရရှိထားမှုများ၊ တရားမ၀င် နေထိုင်မှုများ ကို စိစစ်ဖော်ထုတ် အရေးယူ သွားမည်ဖြစ်ပြီး နိုင်ငံခြားသား များကို တရားဝင် အမြဲတမ်း နေထိုင်ခွင့်ပေးမည့် PR စနစ်ကိုလည်း အကောင်အထည်ဖော်လျက် ရှိကြောင်း လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာန ဒုတိယ၀န်ကြီး ဦးကျော်ကျော်ဝင်း ၏ အဆိုအရ သိရှိရသည်။
Ref: ဧရာဝတီ
၈ လအတွင်း ဘင်္ဂလားဒေ့ရ်ှမှ ပြန်ပို့ရသည့် မြန်မာမွတ်စလင် ၁ သောင်းကျော် ရှိဟုဆို
ငြိမ်းချမ်း|
February 18, 2013
မြန်မာနိုင်ငံ ရခိုင်ပြည်နယ်အတွင်း ပဋိပက္ခများ စတင်ခဲ့ချိန်မှ ပြီးခဲ့သည့်လအထိ မြန်မာဘက်မှ တရားမဝင် ဝင်ရောက်လာ သည့် မြန်မာ မွတ်စလင်များကို ဘင်္ဂလားဒေ့ရ်ှနိုင်ငံက ဖမ်းဆီးပြန်ပို့သည့် လူဦးရေ ၁ သောင်းကျော်သွားပြီ ဖြစ်ကြောင်း ဘင်္ဂလားဒေ့ရ်ှနိုင်ငံ နယ်ခြားစောင့်တပ် အရာရှိ၏ အဆိုအရ သိရသည်။
၂၀၁၂ ခုနှစ် ဇွန်၊ ဇူလိုင်နှင့် နိုဝင်ဘာလများမှ စ၍ ရခိုင်ပြည်နယ် မြောက်ပိုင်း မောင်တောမြို့နယ် နယ်စပ်မှ ဘင်္ဂလားဒေ့ရှ် နိုင်ငံ အတွင်းသို့ တရားမဝင် ခိုးဝင်လာသူ များကို ဘင်္ဂလားဒေ့ရှ် အာဏာပိုင် အဖွဲ့အစည်း များက ဖမ်းဆီးကာ တက္ကနာ အခြေစိုက် အမှတ် ၄၂ နှင့် ကော့စ်ဘာဇာ အခြေစိုက် အမှတ် ၁၇ BGB တပ်ရင်းများက တာဝန်ယူပြီး နယ်စပ်တွင် ၎င်းတို့၏ နေရပ်နိုင်ငံဆီ ပြန်လည် ပို့ဆောင်ပေးနေခြင်း ဖြစ်ကာ လူ ၁ သောင်း ဝန်းကျင်ခန့် ရှိပြီဟု နယ်ခြားစောင့်တပ် ပြောခွင့်ရပုဂ္ဂိုလ်က ပြောကြားကြောင်း ကော့စ်ဘာဇာမြို့ထုတ် သတင်းများတွင် ယခုလ ၁၃ ရက်နေ့က ဖော်ပြသည်။
နယ်စပ်တလျှောက်မှ တရားမဝင် ဝင်ရောက်လာသည့် မြန်မာမွတ်စလင် များကို နေ့စဉ် ဖမ်းဆီးပြန်ပို့နေခြင်း ဖြစ်ပြီး နောက်ထပ် ဝင်လာမှုများလည်း ရှိနေဆဲဖြစ်ကြောင်း နယ်စပ်အနီး ဘင်္ဂလားဒေ့ရှ် ဘက်ခြမ်းမှ ခေါင်းတုန်း ကျေးရွာသား တဦးက ဆိုသည်။
“ကျနော်တို့ ဘက်မှာကတော့ ကော့စ်ဘာဇာ ခရိုင်ထဲက နေရာတိုင်းမှာ ဖမ်းလို့ရတဲ့ မြန်မာ နိုင်ငံသားတွေကို BGB ကလည်း နေ့တိုင်း သွင်းနေတာပဲ၊ ခိုးဝင်လာတဲ့ လူတွေကလည်း ဝင်နေကြတာပဲ” ဟု ခေါင်တုံးရွာသားက ပြောသည်။
ယင်းသို့ ဖမ်းဆီးပြီး ပြန်လည် ပို့ဆောင်မှုများ ရှိနေသော်လည်း ကော့စ်ဘာဇာ ခရိုင်အတွင်းမှ ကော့စ်ဘာဇာ၊ ဦးကီယာ၊ ရာမူး (ပန်းဝါ)၊ ဆော်ကော်ဒီယာ၊ မဟားဇိုးကျွန်း၊ တက္ကနာ၊ ညစ်လ၊ ရှင်မဖြူနှင့် ဘန်တရို ခရိုင်အတွင်း မြို့နယ်တချို့တွင် မြန်မာ မွတ်စလင်များ ယခင်ကထက် ပိုမို တိုးပွားလာနေပြီး ပင်လယ် အပမ်းဖြေ စခန်းတခုဖြစ်သည့် ကော့စ်ဘာဇာမြို့ ဟိန်းစရီ ရွာအနီးတွင်လည်း မြန်မာ မွတ်စလင်များ ပိုမို များလာကြောင်း ဟိန်းစရီရွာမှ ရွာသားတဦးက ပြောသည်။
“ကျနော်တို့ ရွာဘက်မှာ မြန်မာဘက်ကလူတွေ အခြေချလာတာ ပိုများလာတယ်။ ပင်လယ်ကမ်းခြေမှာ ရသလို တဲထိုးပြီး နေလာတာတွေ ပိုတွေ့လာနေရတယ်” ဟု ဟိန်းစရီရွာသားက ဆိုသည်။
ဘင်္ဂလားဒေ့ရ်ှနိုင်ငံ အနေဖြင့် မြန်မာနိုင်ငံသားများကို ဖမ်းဆီး ပြန်ပို့နေသော်လည်း ထပ်မံဝင်ရောက်မှု နည်းပါးသွားခြင်း မရှိသကဲ့သို့ ဘင်္ဂလားဒေ့ရ်ှနိုင်ငံအတွင်း မြန်မာနိုင်ငံသားများ ပိုမို တိုးပွားနေခြင်းမှာ ဖမ်းဆီး ရမိသူများကို ဘင်္ဂလားဒေ့ရှ် အစိုးရ အနေဖြင့် မြန်မာ အစိုးရထံ တရားဝင် အပ်နှံခြင်း မရှိသည့် အတွက်ကြောင့် ဖြစ်ကြောင်း တက္ကနာမြို့မှ ထောက်လှမ်းရေး တပ်ဖွဲ့ဝင် တဦးက ထောက်ပြပြောဆိုသည်။
“ဖမ်းတယ်၊ နယ်စပ်က ပြန်ပို့တယ်။ ဒီနေရာက ပို့တယ်ဆိုရင် ဟိုနေရာက နေပြီး ဘင်္ဂလားဒေ့ရှ် နိုင်ငံထဲကို တနည်းမဟုတ် တနည်းနဲ့ ပြန်ဝင်တာပဲ။ ဒီတော့ ဘာမှမထူးဘူး” ဟု ရှင်းပြသည်။
ဘင်္ဂလားဒေ့ရှ် နိုင်ငံထဲသို့ ၀င်ရောက်လာသည့် မြန်မာမွတ်စလင်များ အနေဖြင့် ရိုသားစွာ လုပ်ကိုင် စားသောက်သူ နည်းပါးပြီး ဓားပြတိုက်၊ လုယက်၊ ပြည့်တန်ဆာ အလုပ်များကိုသာ လုပ်ကိုင်ကြကြောင်း၊ ယင်းကဲ့သို့ ပြစ်မှု ကျူးလွန်သည့် အတွက် ဘင်္ဂလားဒေ့ရှ် နိုင်ငံသားများနှင့် မကြာခဏ ပြဿနာဖြစ်ပွားလေ့ရှိကြောင်း ယင်းထောက်လှမ်းရေး တပ်ဖွဲ့ဝင်က ဆက်ပြော သည်။
ဘင်္ဂလားဒေ့ရှ် နိုင်ငံတွင် အကျဉ်းကျပြီး လွတ်မြောက်လာသူများ၊ ဒုက္ခသည် စခန်းများမှ မြန်မာနိုင်ငံသို့ ပြန်လိုသော ဒုက္ခသည်များကို မြန်မာ အစိုးရအနေဖြင့် စစ်ဆေးမှုများ ပြုလုပ်ကာ မြန်မာနိုင်ငံသား မှန်ကန်ပါက ပြန်လည် လက်ခံကြောင်း၊ ပြန်လည် လက်ခံရေး စခန်းကို မြန်မာ နယ်ခြားစောင့်တပ်က တာဝန်ယူကာ မောင်တောမြို့တွင် ဖွင့်လှစ်ထားကြောင်း သိရသည်။
မြန်မာ အစိုးရအနေဖြင့် ဘင်္ဂလားဒေ့ရှ် နိုင်ငံအတွင်း ဖမ်းဆီးခံရသူများကို လက်မခံခြင်း မဟုတ်ကြောင်း၊ သို့သော် ဘင်္ဂလားဒေ့ရှ် အစိုးရက အစီအစဉ်တကျမဟုတ်ဘဲ ပို့လာခြင်းကိုသာ လက်မခံနိုင်ခြင်း ဖြစ်ကြောင်း အမည်မဖော်လိုသည့်ြုမန်မာ နစက တပ်ကြပ်ကြီးတဦးက ပြောသည်။
“သူတို့ ပြန်ပို့သလို အခုဖမ်းပြီး အခုပြန်လက်ခံပါ ဆိုတဲ့ ပုံစံမျိုးကို ကျနော်တို့ ဘက်က လက်မခံဘူး။ မြန်မာနိုင်ငံသား ဟုတ် မဟုတ်ဆိုတာကို စစ်ဆေးပြီး မှန်တယ်ဆိုရင် ယူတယ်။ အခုက သူတို့က ဖမ်းချင်တဲ့နေရာက ဖမ်းပြီး မြန်မာနိုင်ငံသားတွေပါ ဆိုပြီး လာပေးလို့ လက်မခံတာဖြစ်တယ်” ဟု ယင်း တပ်ကြပ်ကြီးက ဆိုသည်။
ဘင်္ဂလားဒေ့ရှ် နိုင်ငံအတွင်း မြန်မာမွတ်စလင်များ ပိုမို တိုးပွားလာနေသော အဓိက နေရာတခုမှာ ကော့စ်ဘာဇာခရိုင်၊ ဦးကီယာမြို့နယ်၊ ကူတူပါလန် ကျေးရွာအနီးရှိ UNHCR က ဒုက္ခသည် အဖြစ် အသိအမှတ် မပြုဘဲ ဘင်္ဂလားဒေ့ရှ် အစိုးရက နေထိုင်ခွင့် တခုသာ ခွင့်ပြုထားသော ဒုက္ခသည်စခန်းတွင် ဖြစ်ကြောင်း၊ ယခင်က လူ ၇ သောင်းကျော် ရှိခဲ့သော်လည်း အခုအခါ လူဦးရေ ၁ သိန်းကျော် ရှိလာနေကြောင်း ဒုက္ခသည်များ၏ အဆိုအရ သိရသည်။
“လူတွေကတော့ တိုးလာနေတာပဲ။ ဘင်္ဂလားဒေ့ရှ် နိုင်ငံထဲက နေရာအနှံ့အပြားမှာ နေတဲ့ လူတွေလည်း ပါသလို မြန်မာ နိုင်ငံဘက်က အခုမှ ပြောင်းလာကြသူတွေလည်း ရှိကြတယ်။ ဒီစခန်းမှာက ဦးစီး အဖွဲ့အစည်းလည်း မရှိတော့ လူဦးရေ ဘယ်လောက် တိုးတယ်။ ဘယ်က လူတွေ ဆိုတာ သေသေချာချာ ပြောလို့မရဘူး” ဟု ဒုက္ခသည် တဦးဖြစ်သည့် နိုဒူလ် မာမွတ်က ပြောသည်။
အလားတူ ထိုင်းနိုင်ငံအတွင်းသို့ မြန်မာ – ဘင်္ဂလားဒေ့ရှ် နယ်စပ်မှတဆင့် ဝင်ရောက်လာသည့် မြန်မာ မွတ်စလင် ၄ ထောင်ကျော်ခန့် ရှိကြောင်း၊ ထိုသူတို့ကို ထိုင်းနိုင်ငံသို့ ပို့ပေးသည့် လူကုန်ကူးသည်ဟု သံသယရှိသူ ထိုင်းစစ်တပ် အရာရှိ ၂ ဦးအား ထိုင်း အထူး စုံစမ်းစစ်ဆေးရေး အဖွဲ့က စစ်ဆေးခဲ့ကြောင်း သတင်းများ၏ အဆိုအရ သိရသည်။
Ref: ဧရာဝတီ
ရခိုင် တိုင်းရင်းသားများကြား ဆက်ဆံရေး ဆွေးနွေး
ရန်ပိုင်
February 18, 2013
ရခိုင်၊ ကမန်နှင့် မရမာ စသည့် တိုင်းရင်းသား လူမျိုးများအကြား ပျက်ပြား ခဲ့ရသည့် ဆက်ဆံရေး ပြန်လည် တည်ဆောက် နိုင်ရန် ဆွေးနွေးပွဲ တရပ်ကို ရန်ကုန်မြို့တွင် ယမန်နေ့က ကျင်းပသည်။
အဆိုပါ ဆွေးနွေးပွဲကို ၈၈ မျိုးဆက်ကျောင်းသားများ အဖွဲ့မှ ကမကထပြု စီစဉ်ခြင်းဖြစ်ပြီး ရခိုင် အမျိုးသား ဒီမိုကရေစီ အဖွဲ့ချုပ် (ALD)၊ ရခိုင်အမျိုးသား တိုးတက်ရေး ပါတီ(RNDP)၊ ကမန် အမျိုးသား တိုးတက်ရေးပါတီ၊ ကမန်အမျိုးသား ဒီမိုကရေစီ အဖွဲ့ချုပ် စသည့်နိုင်ငံရေးပါတီများ အပါအ၀င် မရမာကြီး လူမျိုးများနှင့် ရခိုင်စာပေနှင့် ယဉ်ကျေးမှု အသင်းများ တက်ရောက်ကြကြောင်း၊ မကြာသေးခင်က ဖြစ်ပွားခဲ့သော ပဋိပက္ခကြောင့် ပျက်ပြားခဲ့သည့် ဆက်ဆံရေးနှင့် ပတ်သက်ပြီး ဆွေးနွေးပွဲ ကျင်းပခြင်း ဖြစ်ကြောင်း သိရသည်။
ရခိုင် လူမျိုးများနှင့် အစ္စလမ်ဘာသာဝင် ကမန်လူမျိုးများမှာ ရှေးယခင်ကတည်းက ရခိုင် ဒေသအတွင်း အတူယှဉ်တွဲ နေထိုင်ခဲ့ကြ ကြောင်း၊ ကိုးကွယ်သည့် ဘာသာ ကွဲပြားသော်လည်း ယဉ်ကျေးမှုမှာ များသော အားဖြင့်တူညီရာ မည်သည် ပြဿနာမှဖြစ်ပွားခဲ့ခြင်း မရှိကြောင်း၊ ယခုအခါ ဌာနေ ကမန် လူမျိုးများအတွင်းသို့ တဖက်နိုင်ငံမှ ဘာသာတူ လူမျိုးများ ထိုးဖောက် ၀င်ရောက်လာမှု များပြား လာသည့် အတွက် အထင်အမြင်လွဲမှားကာ ကမန်လူမျိုးတချို့ တိုက်ခိုက်ခံရခြင်း၊ အိုးအိမ် ဖျက်ဆီးခံရခြင်းဖြစ်ကြောင်း၊ ထိုအတွက် နှစ်ဦး နှစ်ဖက်အချိန်ယူဖြေရှင်းရမည်ဖြစ်ကြောင်းများကို ဆွေးနွေးကြသည်ဟု ဆိုသည်။
ရခိုင်အမျိုးသား ဒီမိုကရေစီအဖွဲ့ချုပ်(ALD) ပါတီ ရန်ကုန်တိုင်းဒေသကြီး ဥက္ကဋ္ဌ ဦးဦးလှမြင့်က “အဓိကပြဿနာက တိုင်းရင်းသား ကမန်လူမျိုး အကာ အကွယ်ယူပြီး ခိုးဝင်လာတဲ့ သူတွေကြောင့် ပြဿနာ တက်တာပဲ၊ မရမာကြီးလည်း ရခိုင်နဲ့ အတူတူနေ လာနေကြ တာပဲ၊ အလားတူပဲ ခရစ်ယာန်၊ ဟိန္ဒူတွေနဲ့လည်း အတူနေလာတာပဲ ဘာပြသနာမှမရှိဘူး”ဟု ပြောဆိုသည်။
အစိုးရအဆက်ဆက်၏ ဥပဒေအားနည်းမှုကို အခွင့်ကောင်းယူပြီး ခိုးဝင်လာသူများက ရခိုင်ပြည်နယ် အပါအ၀င် ရန်ကုန် စသည့် မြို့ကြီးများတွင် ကမန် တိုင်းရင်းသား အမည်ခံကာ နေထိုင်မှုများ ရှိကြောင်း၊ ထိုအတွက် လူဦးရေ စာရင်းဇယားများဖြင့် ပြန်လည် စိစစ် ရန် လိုအပ်ကြောင်း ကမန်တိုင်းရင်းသား ပါတီခေါင်းဆောင်များကလည်း သဘောတူကြသည်ဟု ဦးဦးလှမြင့်က ဆက်ပြောသည်။
ကမန် များသည် စစ်တွေ၊ ရမ်းဗြဲ၊ ကျောက်ဖြူ၊ သံတွဲ စသည့် မြို့နယ်များတွင် နေထိုင်ကြပြီး လူဦးရေ ၄၀၀၀၀ ၀န်းကျင် ရှိရာ ယခုအခါ ဒုက္ခသည် စခန်းများတွင် ခိုလှုံနေရသည်ဟု သိရသည်။
၈၈ မျိုးဆက် ကျောင်းသားခေါင်းဆောင် ဦးကိုကိုကြီးကလည်း “အစဉ်အလာအားဖြင့် ရင်းရင်းနှီးနှီး နေခဲ့တယ် ဆိုတာကို နှစ်ဖက် လက်ခံတယ်၊ တရားမ၀င် ၀င်လာသူတွေကြောင့် နှစ်ဦးနှစ်ဖက်ကြားမှာ အထင် လွဲမှုဖြစ်တယ် ဆိုတာလည်း လက်ခံကြတယ်”ဟု ပြော သည်။
ကမန် တိုင်းရင်းသား ခေါင်းဆောင်များကလည်း တဖက်နိုင်ငံမှ ခိုးဝင် လာသူများသည် ၎င်းတို့နှင့် ဘာသာတူဖြစ်သည် ဆိုသော် လည်း ယဉ်ကျေးမှု ဓလေ့ ထုံးတမ်းများမှာ မတူညီကြောင်း၊ ထိုအတွက် မိမိတို့၏ ရိုးရာဓလေ့များ မပျောက်ပျက်စေရန် အတွက် လူမှုအဖွဲ့အစည်းများက ၀ိုင်းဝန်း ကူညီရန် ပြောကြားကြောင်း ဦးကိုကိုကြီးက ဆက်ပြောသည်။
မကြာသေးမီက မောင်တောမြို့နယ် ငါးခူရကျေးရွာတွင် တိုက်ခိုက်မှုများ ဖြစ်ပေါ်ခဲ့ရာ လက်ရှိအခြေအနေတွင် ဒေသတွင်း၌ တရား ဥပဒေ စိုးမိုးရေး ပိုမို အားကောင်းလာရန် အဓိကဖြစ်ကြောင်း တက်ရောက် လာသူများက သဘောတူကြသည်ဟု သိရသည်။
လူဦးရေ ၁၆၁ သန်း ခန့်ရှိ ဘင်္ဂလားဒေ့ရ်ှနိုင်ငံမှ ခိုးဝင်လာသူများသည် ရခိုင်ပြည်နယ်၊ စစ်ကိုင်းတိုင်း စသည့် လမ်းကြောင်းများမှ မြန်မာနိုင်ငံ အတွင်းသို့ မကြာခဏ ၀င်ရောက်မှုများ ရှိခဲ့သည်။
၂၀၁၂ ခုနှစ် ဇွန်လမှစ၍ ရခိုင်တိုင်းရင်းသားများနှင့် အစ္စလမ် ဘာသာဝင်များ အကြား ပဋိပက္ခဖြစ်ပွားမှုကြောင့် လူအသေအပျောက် နှင့် အိုးအိမ် စွန့်ခွာ ထွက်ပြေးရမှုများ ဖြစ်ပေါ်ခဲ့သည့် အတွက် သက်ဆိုင်ရာ အစိုးရ အာဏာပိုင်များက အရေးပေါ်အခြေအနေ ကြေ ညာခြင်း၊ ညမထွက်ရ အမိန့် ထုတ်ပြန်ခြင်းများ ပြုလုပ်ခဲ့သည်။
Ref: ဧရာဝတီ
မြန်မာကလေးစစ်သား ၂၄ ဦး ပြန်လွှတ်ပေးမှု ကုလကြိုဆို
18.02.2013
မြန်မာစစ်တပ်ထဲက ကလေးစစ်သား ၂၄ ဦးကို ပြန်လွှတ်ပေးလိုက် တဲ့အပေါ် ကုလသမဂ္ဂ က ချီးမွမ်း ကြိုဆို လိုက်ပါတယ်။
စစ်တပ်တွင်းက ကလေးစစ်သား ၂၄ ဦးကို စိစစ်ပြီး ပြန်လွှတ်ပေးတဲ့ အခမ်းအနား တရပ်ကို ပြီးခဲ့တဲ့ သောကြာနေ့တုန်းက ရန်ကုန်မြို့မှာ ကျင်းပခဲ့ပြီး၊ အစိုးရ တာဝန်ရှိသူတွေ၊ စစ်တပ် အရာရှိတွေ အပြင် UNICEF ကုလသမဂ္ဂ ကလေးသူငယ်များ ရန်ပုံငွေအဖွဲ့က မြန်မာနိုင်ငံ ကိုယ်စားလှယ်လည်း တတ်ရောက်ခဲ့ပါတယ်။
အဲ့ဒီပွဲကို တတ်ရောက်တဲ့ UNICEF မြန်မာနိုင်ငံ ကိုယ်စားလှယ် ဘတ်ထရန်း ဘိန်းဗဲလ် (Bertrand Bainvel) ကလည်း အဲ့ဒီ လွတ်မြောက်လာတဲ့ ကလေးတွေကို စကားပြောပါတယ်။ ဒီကလေးတွေ အနေနဲ့ အမှားအယွင်း မလုပ်ခဲ့ကြကြောင်းနဲ့ မှားယွင်းပြီးတော့ အလုပ်ခံရတာ ဖြစ်ကြောင်း၊ ဒီ့အတွက် သူတို့ အသက်မပြည့်ခင်မှာ မှားယွင်း အသုံးပြုမိတဲ့ စစ်တပ်ကနေ သူတို့ကို အခု ပြန်လွှတ်ပေးရတာ ဖြစ်ကြောင်း မစ္စတာ ဘိန်းဗဲလ် က ပြောသွားပါ တယ်။
မြန်မာနိုင်ငံတွင်း ကလေးစစ်သား စုဆောင်းအသုံးပြုမှု အဆုံးသတ်ရေး အတွက် မြန်မာ အစိုးရနဲ့ ကုလသမဂ္ဂ အကြား ပြီးခဲ့တဲ့နှစ် ဇွန်လတုန်းက သဘောတူညီမှုတွေ ရခဲ့ပြီး၊ အဲ့ဒီ သဘော တူညီမှုရဲ့ အဆက် အနေနဲ့ ဆောင်ရွက်ချက် ဖြစ်တယ်လို့ ကုလသမဂ္ဂက ကြေညာချက် ထုတ်ပြန်ပါတယ်။
အခုလို ကလေးစစ်သား ၂၄ ဦး ပြန်လွတ်မြောက်လာတာကို ကြည့်ရင် အစိုးရ အနေနဲ့ ကလေးတွေကို စစ်တပ် အတွက် စုဆောင်း အသုံးပြုတာမျိုး မဖြစ်သင့်တော့ဘူး ဆိုတဲ့ ပိုင်းဖြတ်ချက်ကို ထင်ဟပ်စေ တယ်လို့ ရန်ကုန် ကုလသမဂ္ဂရုံးက ဌာနေကိုယ်စားလှယ် အရွှတ် နီဂမ်း (Ashok Nigam) က ပြောပါတယ်။
စစ်တပ်အပြင် အခြားအစိုးရမဟုတ်တဲ့ လက်နက်ကိုင်တပ်တွေမှာ သုံးနေတဲ့ ကလေးတွေ အားလုံး ကိုလည်း အလားတူ ပြန်လွှတ်ပေးရေးအတွက် အရှိန်မြှင့် ဆောင်ရွက်သွားဖို့ အရွှတ် နီဂမ်း (Ashok Nigam) က တိုက်တွန်းသွားပါတယ်။
ကမ္ဘာမှာ ကလေးစစ်သား အသုံးပြုတာကြောင့် အတွင်းရေးမှူးချုပ်အနေနဲ့ စိုးရိမ်ရတဲ့ နိုင်ငံပေါင်း ၁၄ နိုင်ငံ စာရင်းမှာ မြန်မာနိုင်ငံလည်း ပါဝင်ပါတယ်။ မကြာခင်တုန်းက ထုတ်ပြန်ခဲ့တဲ့ Child Soldiers International အဖွဲ့ရဲ့ အစီရင်ခံစာမှာတော့ မြန်မာနိုင်ငံမှာ ကလေးစစ်သားအသုံးပြုမှု အဆုံးသတ် ရေးအတွက် မြန်မာအစိုးရအနေနဲ့ ကုလသမဂ္ဂနဲ့ ဇွန်လအတွင်းက သဘောတူညီမှုတွေ ရခဲ့ပေမဲ့လို့၊ မြန်မာအစိုးရနဲ့ နယ်ခြားစောင့်တပ်ဖွဲ့တွေ၊ တိုင်းရင်းသား လက်နက်ကိုင်အဖွဲ့တွေဟာ ကလေးစစ်သား အသုံးပြုမှုတွေ ရှိနေတုန်းပဲလို့ ထောက်ပြထားပါတယ်။
Ref: VOA News
Posts
