2011-11-03
အန်အယ်လ်ဒီပါတီ အပြတ်အသတ် အနိုင်ရခဲ့တဲ့ ၁၉၉၀ ရွေးကောက်ပွဲ ရလဒ်ကို အသိအမှတ်ပြုကြောင်း၊ ဖျောက်ဖျက်လို့ ရတဲ့ ကိစ္စ မဟုတ်ကြောင်း ပြည်ထောင်စု လွှတ်တော် နာယကက ပြောလိုက်ပါတယ်။
ရန်ကုန်တိုင်းမ် သတင်းဂျာနယ်နဲ့ အောက်တိုဘာလ ၃၁ ရက်က တွေ့ဆုံ မေးမြန်းခန်းမှာ ဦးခင်အောင်မြင့်က အခုလို ပြောကြား ခဲ့တယ်လို့ နောက်ဆုံးထုတ် ရန်ကုန်တိုင်းမ် ဂျာနယ်မှာ ဖော်ပြထားပါတယ်။
အခုလို လွှတ်တော်အကြီးအကဲ ဦးခင်အောင်မြင့်က ၁၉၉၀ ရွေးကောက်ပွဲ ရလဒ်ကို အသိအမှတ်ပြုကြောင်း ပြောဆိုချက်ဟာ အန်အယ်လ်ဒီ ပါတီ မှတ်ပုံတင်ရေး အတွက် လုံလောက်မှု ရှိမရှိ ပါတီမှာ ဆွေးနွေးမှု မလုပ်ရသေးဘူးလို့ အန်အယ်လ်ဒီ ပြောခွင့်ရ ပုဂ္ဂိုလ် ဦးဥာဏ်ဝင်းက ပြောပါတယ်။
အန်အယ်လ်ဒီ ပါတီ မှတ်ပုံပြန်တင်မယ်ဆိုရင် လွှတ်တော် အကြီးအကဲ မိမိနဲ့တကွ လွှတ်တော် ကိုယ်စားလှယ်တွေ ကြိုဆိုမှာ ဖြစ်ကြောင်း၊ ပြည်သူတွေ ရွေးချယ်မယ်ဆိုရင် ဒေါ်အောင်ဆန်းစုကြည် လွှတ်တော်ထဲကို ရောက်လာမှာ ဖြစ်ကြောင်း၊ ဒေါ်အောင်ဆန်းစုကြည်ဟာ နိုင်ငံတကာ ဗဟုသုတ ကြွယ်ဝတဲ့ ပညာတတ် တစ်ယောက် ဖြစ်တာကြောင့် နိုင်ငံ တည်ဆောက်ရေး အတွက် အများကြီး အားကိုးရမှာ ဖြစ်ကြောင်းကိုလည်း ရန်ကုန်တိုင်းမ်က တွေ့ဆုံမေးမြန်းရာမှာ ပြည်ထောင်စု လွှတ်တော် နာယက ဦးခင်အောင်မြင့်က ပြောကြား သွားပါတယ်။
Ref: RFA News
Friday, November 4, 2011
၁၉၉၀ ရွေးကောက်ပွဲ ရလဒ် ဖျောက်ဖျက်မရနိုင်လို့ ပြည်ထောင်စု လွှတ်တော် နာယကပြော
နိုင်ငံရေးအကျဉ်းသား ၆၀၀ လောက် မကြာခင် လွတ်ဖွယ်ရှိ
2011-11-03
နိုင်ငံရေးအကျဉ်းသား အနည်းဆုံး ၆၀၀ လောက်ကို သမ္မတ ဦးသိန်းစိန်က လွတ်ငြ်ိမ်းချမ်းသာခွင့် အမိန့် ထုတ်ပြန် ပေးမယ်လို့ နေပြည်တော်နဲ့ အန်အယ်လ်ဒီ ပါတီ အသိုင်းအဝိုင်းက သတင်းရပါတယ်။
အမည်မဖေါ်လိုတဲ့ အရာရှိ တစ်ဦးကတော့ တန်ဆောင်မုန်း လပြည့်နေ့မှာ ဖြစ်နိုင်ကြောင်း အာအက်ဖ်အေကို ပြောပါတယ်။
နေပြည်တော် အစိုးရ ထိပ်တန်း အရာရှိ တစ်ဦးကလည်း သမ္မတရဲ့လွတ်ငြိမ်း ချမ်းသာခွင့် အမိန့်ကြောင့် နိုင်ငံတော် တည်ဆောက် ရေးမှာ အကျိုးများစွာ ဖြစ်ထွန်းမယ်လုိ့ ယုံကြည်ကြောင်း အာအက်ဖ်အေကို ပြောပါတယ်။
လွတ်လာမယ့်သူတွေထဲမှာ ကိုကိုကြီး၊ မင်းကိုနိုင်၊ ဦးခွန်ထွန်းဦး စသူတွေ ပါဝင်ပြီး အခု လွှတ်ပေးမယ့် နိုင်ငံရေး အကျဉ်းသား စာရင်းကို သမ္မတ ဦးသိန်းစိန်က အမျိုးသား ကာကွယ်ရေးနဲ့ လုံခြုံရေး ကောင်စီကို တင်ပြခဲ့တယ်လို့လည်း သတင်းရပါတယ်။
အဲဒီလို နိုင်ငံရေး အကျဉ်းသားတွေကို လွှတ်ပေးခြင်းအားဖြင့် တပ်မတော်သားများ အပါအဝင် ပြည်သူပြည်သား အားလုံး အတွက် များစွာ အကျိုးရှိမှာ ဖြစ်ပါတယ်လို့ အန်အယ်လ်ဒီ ဒု-ဥက္ကဌ ဦးတင်ဦးက မှတ်ချက်ချပါတယ်။
အန်အယ်လ်ဒီက ပြုစုထားတဲ့ စာရင်းအရ မြန်မာနိုင်ငံမှာ နိုင်ငံရေး အကျဉ်းသား ၇၀၀ လောက်ရှိပြီး မြန်မာအစိုးရ ပြည်ထဲရေး ဝန်ကြီးဌာန စာရင်းအရ ၆၀၀ လောက်ပဲ ရှိတယ်လုိ့ ဆိုပါတယ်။
အဲဒီကွာခြားချက်နဲ့ ပတ်သက်လို့ ဒေါ်အောင်ဆန်းစုကြည်နဲ့ ဦးအောင်ကြည်တို့ ပြီးခဲ့တဲ့လက တွေ့ဆုံ ဆွေးနွေးရာမှာ ညှိနှိုင်း ခဲ့ကြတယ်လို့ အန်အယ်လ်ဒီ ခေါင်းဆောင် တစ်ဦးက အာအက်ဖ်အေကို ပြောပါတယ်။
Ref: RFA News
ပါတီ မှတ်ပုံတင်ဖို့နဲ့ ရွေးကောက်ပွဲကိစ္စ စဉ်းစားဆုံးဖြတ်မယ်လို့ ဒေါ်အောင်ဆန်းစုကြည် ပြော
2011-11-03
နိုင်ငံရေးပါတီများမှတ်ပုံတင်ရေး ပြင်ဆင်ချက် တရားဝင်ထွက်ပေါ်လာမှ ရွေးကောက်ပွဲ ၀င် မဝင် NLDပါတီ စဉ်းစား ဆုံးဖြတ်မယ်လို့ ဒေါ်အောင်ဆန်းစုကြည်က ဒီကနေ့ ပြောဆို လိုက်ပါတယ်။
ပါတီ မှတ်ပုံပြန်တင်တော့မယ်ဆိုတဲ့ ဆွေးနွေးသံတွေ ကျယ်လောင်နေချိန်မှာပဲ အာအက်ဖ်အေက ပုံမှန် ထုတ်လွှင့်နေတဲ့ လူထုနဲ့ ဒေါ်အောင်ဆန်းစုကြည် အစီအစဉ်မှာ သောတရှင် တစ်ဦးရဲ့ အမေးကို အခုလို ဖြေကြား လိုက်တာပါ။
ဒါ့အပြင် အစိုးရက ဒေါ်အောင်ဆန်းစုကြည်ကို နေအိမ်အကျယ်ချုပ်က လွှတ်ပေးတာကို ငှက်တစ်ကောင် ခြေထောက် ကြိုးတုပ်ပြီး လွှတ်ပေးထားတဲ့ သဘောပဲလို့ အမြင်ရှိတဲ့ သောတရှင် တစ်ဦးရဲ့မေးခွန်းနဲ့ ပတ်သက်လို့ ဒေါ်အောင်ဆန်းစုကြည်က အခုလို ပြန်လည် ဖြေကြားခဲ့ပါတယ်။
“နိုင်ငံရေး စလုပ်ကတည်းက ကိုယ့်လမ်းကိုယ်ရွေးပြီး လျှောက်လှမ်းခဲ့တဲ သူမို့ အကျယ်ချုပ် ခံရတဲ့ ဘဝမှာတောင်မှ အချည် အနှောင် ခံနေရတယ်လို့ မခံစား ခဲ့ရပါဘူး”
Ref: RFA News
အမေရိကန် ထိပ်တန်း ကိုယ်စားလှယ်တွေ နေပြည်တော်မှာ ဒီမိုကရေစီရေးဆွေးနွေး
By ခင်မျိုးသက်
ကြာသပတေး, 03 နိုဝင်ဘာ 2011
မြန်မာနိုင်ငံကို ရောက်ရှိနေတဲ့ အမေရိကန် လက်ထောက်နိုင်ငံခြားရေးဝန်ကြီး မိုက်ကယ် ပို့စနာနဲ့ မြန်မာနိုင်ငံဆိုင်ရာ အမေရိကန် အထူး သံတမန် ဒဲရစ်မစ်ချဲလ်တို့ဟာ ကြာသပတေးနေ့က နေပြည်တော်မှာ မြန်မာ အစိုးရသစ်အဖွဲ့ဝင် ဒုတိယနေ့ ဆွေးနွေးပွဲတွေ ပြုလုပ်ခဲ့ပြီး ဒီကနေ့ သောကြာနေ့မှာတော့ ရန်ကုန်မှာ အဖွဲ့အစည်း အသီးသီးက ပုဂ္ဂိုလ်တွေနဲ့ တွေ့ဆုံဖို့ ရှိတယ်လို့ အမေရိကန် နိုင်ငံခြားရေး ဌာနက VOA ကိုပြောပါတယ်။
သောကြာနေ့မှာတော့ အမေရိကန်သံတမန် ၂ ဦးဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ အမျိုးသား ဒီမိုကရေစီ အဖွဲ့ချုပ်က အတည်ပြု ပြောကြားခဲ့ပါတယ်။ ဒီသတင်းကို ဆက်သွယ် စုံစမ်းထားတဲ့ ဒေါ်ခင်မျိုးသက်က အပြည့်အစုံ တင်ပြထားပါတယ်။
မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုတွေ ရှိလာစေဖို့ မြန်မာအစိုးရ တာဝန်ရှိသူတွေ နဲ့ရော နိုင်ငံတကာ အဖွဲ့အစည်းတွေ အပြင် လူမှုလူ့အဖွဲ့အစည်း အသီးသီးနဲ့ပါ ကျယ်ပြန့်တဲ့ ကိစ္စရပ်တွေကို ဆွေးနွေးမယ်လို့ ပြောဆိုခဲ့တဲ့ အမေရိကန် လက်ထောက် နိုင်ငံခြားရေး ၀န်ကြီး မို်က်ကယ်ပို့စနာနဲ့ မြန်မာနိုင်ငံဆိုင်ရာ အမေရိကန် အထူးသံတမန် ဒဲရက်မစ်ချဲလ် တို့ဟာ အင်္ဂါနဲ့ ဗုဒ္ဓဟူးနေ့ တွေမှာ မြန်မာနိုင်ငံကို ရောက်ရှိလာတာ ဖြစ်ပါတယ်။ ကြာသပတေး နေ့မှာတော့ သူတို့ ၂ ဦး ဟာ နေပြည်တော်မှာ ဒုတိယနေ့ ဆက်ပြီး တွေ့ဆုံ ဆွေးနွေးမှုတွေ လုပ်ခဲ့တယ်လို့ အမေရိကန် နိုင်ငံခြားရေးဌာန ပြောခွင့်ရက ပြောပါတယ်
“လက်ထောက်နိုင်ငံခြားရေးဝန်ကြီး မိုက်ကယ် ပို့စနာနဲ့ မြန်မာနိုင်ငံဆိုင်ရာ အမေရိကန် အထူး ကိုယ်စားလှယ် မူဝါဒ ညှိနှိုင်းရေးမှူး ဒဲရက်မစ်ချဲလ် တို့ဟာ မြန်မာ နိုင်ငံမှာရှိနေပြီးတော့ နိုဝင်ဘာလ ၃ ရက်နေ့မှာ နေပြည်တော်မှာ ဒုတိယနေ့ တွေ့ဆုံ ဆွေးနွေးပွဲတွေ ပြုလုပ်ခဲ့ပါတယ်။ ဒီဆွေးနွေးပွဲတွေမှာ နိုင်ငံရေး အကျဉ်းသားတွေကိစ္စ၊ အမျိုးသား ပြန်လည် သင့်မြတ်ရေး ကိစ္စနဲ့ တိုင်းရင်းသား လူမျိုးစုတွေ နေထိုင်ရာ ဒေသတွေမှာ ဖြစ်ပွားနေတဲ့ စစ်ပွဲဆိုင်ရာ ကိစ္စတွေကို ဆွေးနွေးခဲ့ပါတယ်”
ဒီဆွေးနွေးမှုတွေကို မြန်မာအစိုးရသစ်အဖွဲ့ရဲ့ ကာကွယ်ရေး၊ အလုပ်သမားရေးနဲ့ နယ်စပ်ရေးရာ ၀န်ကြီးဌာနက ၀န်ကြီးတွေ အပြင် ပြည်ထဲရေး ၀န်ကြီးနဲ့ပါ တွေ့ဆုံ ဆွေးနွေးခဲ့တယ်လို့ ဆိုပါတယ်။
“ဆွေးနွေးပွဲမှာ ပါဝင်တဲ့သူတွေကတော့ အလုပ်သမားနဲ့လူမှုဝန်ထမ်းကယ်ဆယ်ရေးနဲ့ နေရာချထားရေး ၀န်ကြီး ဦးအောင်ကြည်၊ နယ်စပ် ဒေသရေးရာ ၀န်ကြီး ဒုတိယ ဗိုလ်ချုပ်ကြီးသိန်းထိုက်၊ ကာကွယ်ရေး ဦးစီးချုပ် ကာကွယ်ရေး ၀န်ကြီး ဒုဗိုလ်ချုပ်ကြီး လှမင်းတို့ပါ။ ဒါ့အပြင် ကာကွယ်ရေး ဦးစီးချုပ် ဒုတိယဗိုလ်ချုပ်ကြီး မင်းအောင်လှိုင်နဲ့လည်း တွေ့ဆုံခဲ့ပါတယ်။ လက်ထောက် နိုင်ငံခြားရေး ၀န်ကြီး မိုက်ကယ်ပို့စနာကတော့ ပြည်ထဲရေးဝန်ကြီး ဒုတိယဗိုလ်ချုပ်ကြီး ကိုကိုနဲ့ တွေ့ဆုံခဲ့ပါတယ်”
ဒါဟာ လက်ထောက်နိုင်ငံခြားရေးဝန်ကြီး မိုက်ကယ်ပို့စနာရဲ့ ပထမဆုံး မြန်မာနိုင်ငံခရီးစဉ်ဖြစ်ပေမယ့် မစ္စတာ မစ်ချဲလ်ကတော့ မြန်မာနိုင်ငံ ဆိုင်ရာ အမေရိကန် အထူးသံ အဖြစ် တာဝန်ယူခဲ့တဲ့ ၃ လနီးပါး အချိန်အတွင်းမှာ တတိယ အကြိမ်မြောက် သွားရောက်ခဲ့တာ ဖြစ်ပါတယ်။ သူတို့ ၂ ဦးဟာ သောကြာ နေ့မှာ ရန်ကုန်မှာ အဖွဲ့အစည်း အသီးသီးက ပုဂ္ဂိုလ်တွေနဲ့ တွေ့ဆုံဖို့လည်း ရှိတယ်လို့ ဆိုပါတယ်။
“လက်ထောက်နိုင်ငံခြားရေးဝန်ကြီး မိုက်ကယ် ပို့စနာနဲ့ အမေရိကန်အထူးကိုယ်စားလှယ် ဒဲရက် မစ်ချဲလ် တို့ဟာ နေပြည်တော်က အပြန် နိုဝင်ဘာလ ၄ရက်နေ့မှာ ရန်ကုန်မြို့မှာ အဖွဲ့အစည်း အသီးသီးက ပုဂ္ဂိုလ်တွေနဲ့ တွေ့ဆုံမှာဖြစ်ပါတယ်”
အမေရိကန် ကိုယ်စားလှယ်၂ ဦးဟာ သောကြာနေ့မှာ မြန်မာနိုုင်ငံကနေ ပြန်လည်ထွက်ခွါဖို့ ရှိပါတယ်။ မြန်မာနိုင်ငံ အပေါ် အရေးယူ ဒဏ်ခတ်မှုတွေ ဆက်ပြီး ထားရှိတဲ့ အမေရိကန် အစိုးရက မြန်မာ အစိုးရသစ်အဖွဲ့ကို ခိုင်မာတဲ့ အပြောင်းအလဲ ခြေလှမ်းတွေလှမ်းဖို့ တောင်းဆို ခဲ့ပါတယ်။
အစိုးရသစ်အဖွဲ့အနေနဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အခုထက်ပိုပြီး အဓိပ္ပာယ် ရှိတဲ့ ဆွေးနွေးမှုတွေ ပြုလုပ်ဖို့ အပြင် နိုင်ငံရေး အကျဉ်းသားတွေ အားလုံးကို ခြွင်းချက်မရှိ ပြန်လွှတ်ပေးဖို့၊ တိုင်းရင်းသားတွေနဲ့ ဆင်နွှဲနေတဲ့ စစ်ပွဲတွေ ရပ်ဆိုင်းရေးနဲ့ နိုင်ငံတကာက စိုးရိမ်နေတဲ့ မြောက်ကိုရီးယားနဲ့ ဆက်ဆံရေးကို ခုထက်ပိုပြီး ထင်သာမြင်သာ ရှိဖို့ပါ တောင်းဆိုနေတာပါ။
အမေရိကန် သံတမန် ၂ ဦးဟာ သောကြာနေ့မှာ ဒေါ်အောင်ဆန်းစုကြည်နဲ့ တွေဆုံဖို့ ရှိတယ်လို့လည်း အမျိုးသား ဒီမိုကရေစီ အဖွဲ့ချုပ်က VOA ကို အတည်ပြု ပြောကြားခဲ့ပါတယ်။
Ref: VOA News
အမေရိကန်တွေလာရောက်မှု အစိုးရဘက်က အကောင်းမြင်
ခင်စိုးဝင်း
ကြာသပတေး, 03 နိုဝင်ဘာ 2011
အမေရိကန်လက်ထောက်နိုင်ငံခြားရေးဝန်ကြီး Michael Posner နဲ့ မူဝါဒ ရေးရာ ညှိနှိုင်း ရေးမှူး Derek Mitchell တို့ဟာ မြန်မာ အစိုးရ စစ်ဘက်နဲ့ အရပ်ဘက်ဆိုင်ရာ အကြီးအကဲတွေနဲ့ နေပြည်တော်မှာ ဒီနေ့ တွေ့ဆုံခဲ့ပါတယ်။ အမေရိကန်က မြန်မာနိုင်ငံအပေါ် ပိတ်ဆို့မှုတွေနဲ့အတူ ထိတွေ့ဆက်ဆံနေပြီး အခုတလော အမေရိကန် သံတမန်ကြီးတွေ မြန်မာပြည်ကို အလာ စိပ်လာတာဟာ အနှစ် ၂၀ ကြာ ဆက်ဆံရေး ကျဲခဲ့တဲ့ မူဝါဒကို ပြန်လည် သုံးသပ်နေတဲ့ အပြုသဘော ဆောင်တဲ့ လက္ခဏာ ဖြစ်ပါတယ်လို့ မြန်မာ အစိုးရဘက်က ယူဆ နေကြပါတယ်။ အပြည့်အစုံကို ဘန်ကောက်ရုံးကနေ ဒေါ်ခင်စိုးဝင်းက တင်ပြ ပေးထားပါတယ်။
အမေရိကန်ပြည်ထောင်စုက ဒီမိုကရေစီ၊ လူ့အခွင့်အရေးနဲ့အလုပ်သမားရေးရာ လက်ထောက် နိုင်ငံခြားရေး ၀န်ကြီး မိုက်ကယ်လ်ပို့စ်နာနဲ့ မြန်မာနိုင်ငံ ဆိုင်ရာ အမေရိကန် အထူးကိုယ်စားလှယ် မူဝါဒရေးရာ ညှိနှိုင်းရေးမှူး ဒဲရက်၊ မစ်ချယ်လ် တို့ဟာ ဒီကနေ့ နေပြည်တော်မှာ ကာကွယ်ရေး ၀န်ကြီး ဌာန၊ အလုပ်သမား ၀န်ကြီးဌာနနဲ့ နယ်စပ်ရေးရာ ၀န်ကြီးဌာနက ၀န်ကြီးတွေနဲ့ တွေ့ဆုံ ဆွေးနွေးပြီး တော့ မွန်းလွဲပိုင်းမှာ ရန်ကုန်မြို့ကို ပြန်လည် ထွက်ခွာ သွားကြပြီလို့ မြန်မာ နိုင်ငံခြားရေး ၀န်ကြီး ဌာနက ဗွီအိုအေကို အတည်ပြု ပြောဆို ထားပါတယ်။
အမေရိကန်ပြည်ထောင်စုက မြန်မာအစိုးရကို အခုလို ထိတွေ့ဆက်ဆံနေပေမယ့် တဘက်မှာလည်း တားဆီး ပိတ်ဆို့မှုတွေ နဲ့လည်း အရေးယူထားဆဲ ဖြစ်ပါတယ်။ အထူး ကိုယ်စားလှယ် ဒဲရက်၊ မစ်ချဲလ်ဟာ ၂ လကျော်ကျော် အချိန်အတွင်းမှာ မြန်မာနိုင်ငံကို ၃ ကြိမ်တိုင် လာရောက်ခဲ့တဲ့ အပြင် တပြိုင်တည်း ဆိုသလိုပဲ လက်ထောက် နိုင်ငံခြားရေး ၀န်ကြီး မိုက်ကယ်လ်ပို့စ်နာ ကလည်း မြန်မာနိုင်ငံကို ရောက်ရှိ လာခဲ့တာပါ။ အခုလို အမေရိကန် သံတမန်ကြီးတွေ မြန်မာနိုင်ငံကို ခပ်စိပ်စိပ် လာရောက်ကြတဲ့ အပေါ်မှာ သမ္မတ ဦးသိန်းစိန်ရဲ့ အကြံပေးပုဂ္ဂိုလ် ဒေါက်တာနေဇင်လတ်က အခုလို သုံးသပ်လိုက်ပါ တယ်။
“ဒဲရက် မစ်ချဲလ်ရဲ့ရာထူးဆိုလို့ရှိရင်ကိုက ပေါ်လစီမှာသူက ညှိနှိုင်းရေးမှူး ဖြစ်တာကို။ အမေရိကန် နိုင်ငံခြားရေး မူဝါဒပေါ့ဗျာ။ အထူးသဖြင့် မြန်မာနိုင်ငံ အပေါ်မှာ ထားတဲ့ မူဝါဒ အတွက်ကို ညှိနှိုင်းရေးမှူး ဖြစ်တဲ့ အတွက်ကြောင့်မိုလို့ တဘက်က ပေါ်လစီကို ပြန်သုံးသပ်တဲ့ သဘောရှိတာပေါ့။ နဂိုရ်ထဲက အပေါင်းလက္ခဏာ ဆောင်တဲ့ ပေါ်လစီဖြစ်ခဲ့တယ် ဆိုလို့ရှိရင်တော့ ဒါကို ပြန်သုံးသပ်တယ် ဆိုရင်တော့ သူက အနုတ်ကို သွားပြီး ရှေ့ရှုသွားတာကို။
ကျနော်တို့ပေါ်မှာ ထားတဲ့မူဝါဒက မူရင်းက အနှစ် ၂၀ လောက်အတွင်းမှာ အနုတ်လက္ခဏာ သဘောနဲ့ ထားထားတဲ့ မူဝါဒ ဖြစ်နေတာကို။ အဲဒီတော့ ဒီတခါ ပြန်သုံးသပ်မယ် ဆိုတော့ အနုတ်ကနေပြီး ဒိထက် ထပ်ပိုနုတ်လို့လည်း မရတော့ဘူးလေ။ အဲဒီတော့ အပေါင်းလက္ခဏာ ဆောင်တဲ့ အသွားအလာ စိတ်တဲ့ ညှိနှိုင်းမှုတခုလို့ ကျနော်တို့ ပြောလို့ရပါတယ်”
အမေရိကန်ပြည်ထောင်စုအပါအ၀င် အနောက်နိုင်ငံကြီးတွေက တားဆီးပိတ်ဆို့ ထားတာတွေကို ရုပ်သိမ်းပေးဖို့ အတွက် မြန်မာ အစိုးရက တောင်းဆို နေပေမယ်လို့ အမေရိကန် ပြည်ထောင်စုကတော့ ပိတ်ဆို့ထားရတဲ့ အခြေခံ အကြောင်းအရင်း၊ ဇစ်မြစ်ပါ အချက် အလက်တွေကို ပြုပြင်မှသာ၊ လိုက်နာဆောင်ရွက်မှသာ ရုပ်သိမ်းပေးမှာ ဖြစ်တယ်လို့ အထူး ကိုယ်စားလှယ် ဒဲရက်မစ်ချဲလ်က ပြောဆို ထားပါတယ်။
Scantion အရေးယူ ပိတ်ဆို့မှုတွေ ရုပ်သိမ်းပေးနိုင်ရေးအလားအလာအတွက် မြန်မာအစိုးရက လှမ်းနေတဲ့ ပြုပြင် ပြောင်းလဲရေး ခြေလှမ်းတွေနဲ့ ပတ်သက်လို့တော့ ဒေါက်တာနေဇင်လတ်က အခုလို ကောက်ချက်ချပါတယ်။
“Scantion ကတော့ impose လုပ်လိုက်တာတော့ လွယ်တာပေါ့ဗျာ။ နောက်တခါ သူ့ကို lift up လုပ်ဖို့ ကျတော့ step တွေက များတာကို။ အချိန်တခုလည်း ယူရတာပေါ့။ အခု ကျနော်တို့ မူလတန်း ပညာ စသင်သလိုပေါ့။ တဖြည်းဖြည်းနဲ့ သူတို့ သတ်မှတ်ချက်အပေါ် Scantion ရုပ်သိမ်း နိုင်ရလောက် အောင် သတ်မှတ်ထားတဲ့ အချက်အလက်တွေကိုလည်း ကျနော်တို့က ဖြေပေးရမယ်။ တဖြည်းဖြည်းချင်း တဆင့်ချင်း၊ တဆင့်ချင်းပေါ့နော်။ တခုချင်း၊ တခုချင်း lift up လုပ်သွားမယ်လို့ ယူဆရပါတယ်”
မြန်မာနဲ့ မြောက်ကိုရီးယားနီုင်ငံအကြား နျုကလီးယားနည်းပညာပံ့ပိုးရေး၊ လက်နက်ရောင်ဝယ်ရေးစတဲ့ ဆက်ဆံရေး အပေါ် စိုးရိမ်မကင်း ဖြစ်တဲ့အကြောင်း အထူးကိုယ်စားလှယ် Derek Mitchell ကရော၊ အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေး ၀န်ကြီး Kurt Campbell တို့ကပါ VOA နဲ့ တွေ့ဆုံရာမှာ ပြောဆိုခဲ့ပါတယ်။ မြန်မာ-မြောက်ကိုရီးယား ဆက်ဆံရေးအပေါ် ဒေါက်တာ နေဇင်လတ်ရဲ့ အမြင်ကတော့ ဒီလိုပါ။
“မူဝါဒပိုင်းမှာကျတော့ လက်နက်ကိစ္စရပ်က တကြိမ်တုန်းက ကျနော်တို့ဆီမှာရှိတဲ့ လူကြီးတွေ တချို့လည်း သူတို့ ၀န်ခံပြီးပါပြီ။ ကြိုးစားမှုတခု ရှိခဲ့ပါတယ်ပေါ့။ အခု ဒါကို သူတို့ ပြန်စွန့်လွှတ် လိုက်ပါတယ်လို့ ပြောထားပြီးပြီလေ။ အဲဒီအပိုင်းလေးပေါ့။ လက်နက် ကိစ္စရပ်လေးတွေက မရှိခဲ့ဘူး ဆိုလို့ရှိရင်တော့ မြောက်ကိုရီးယားမှ၊ တောင်ကိုရီးယားမှ၊ ဘင်္ဂလားဒေ့ရ်ှမှ စသည်အားဖြင့် မဟုတ်ဘဲနဲ့ နိုင်ငံတနိုင်ငံရဲ့ right ပေါ့ဗျာ၊ ဆက်ဆံလို့ ရကောင်းပါတယ်လို့ပဲ မြင်တယ်ဗျ”
အမေရိကန် လက်ထောက် နိုင်ငံခြားရေးဝန်ကြီး မိုက်ကယ်လ်ပို့စ်နာနဲ့ အထူးကိုယ်စားလှယ် ဒဲရက် မစ်ချဲလ်တို့ ၂ ဦးဟာ ဒီကနေ့ ညနေပိုင်းမှာ ရန်ကုန်မြို့ကို ပြန်လည် ရောက်ရှိလာကြပါပြီ။ မနက်ဖြန်သောကြာနေ့၊ နိုဝင်ဘာလ ၄ ရက်နေ့မှာတော့ အမေရိကန် သံတမန်ကြီး ၂ ဦးဟာ မြန်မာ့ ဒီမိုကရေစီရေး ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ NLD က ဗွီအိုအေကို အတည်ပြု ပြောဆိုထားပြီး ဖြစ်ပါတယ်ရှင်။
Ref: VOA News
ရန်ကုန်တွင်လိုအပ်နေသည့် ရေဖူလုံရေးအတွက် အဆိုကို ကန့်ကွက်
ညီသစ်
ကြာသပတေးနေ့၊ နိုဝင်ဘာလ ၀၃ ရက် ၂၀၁၁
ရန်ကုန် (မဇ္ဈိမ)။ ။ ရန်ကုန်တိုင်းဒေသကြီးလွှတ်တော်တွင် ယမန်နေ့က စတင် ကျင်းပနေသော လွှတ်တော် အစည်းအဝေး များတွင် အဆိုများနှင့် မေးခွန်းများ တင်သွင်း နေကြရာ သင်္ဃန်းကျွန်းမြို့နယ်မှ လွှတ်တော် ကိုယ်စားလှယ် ဦးကျော်က တင်သွင်းသည့် မြို့တော်အတွင်း သောက်သုံးရေ ဖူလုံအောင် ဖြန့်ဖြူးပေးရေး အဆိုကို တက်ရောက်သူ အမတ် ၁၂၂ ဦး အနက် ၉၈ ဦးက ကန့်ကွက်၍ ပျက်ပြားသွားသည်။
နိုဝင်ဘာ ၂ရက်နေ့က တင်သွင်းသည့် ဦးကျော်၏ အဆိုကို နိုဝင်ဘာ ၃ရက်နေ့တွင် ဆွေးနွေးကြရာ ယင်း အဆိုကို ကိုယ်စားလှယ် သုံးဦးက ထပ်မံ အဆိုပြု ဆွေးနွေးကြသော်လည်း လွှတ်တော်တွင် မှတ်တမ်း တင်ထားရှိရေးထက် လွှတ်တော် ဆန္ဒခံယူရန် ပြောဆိုသောကြောင့် မဲခွဲ ဆုံးဖြတ်ရာတွင် ကန့်ကွက်သူ ၉၈ ဦး ရှိနေပြီး ထောက်ခံသူ ၂၄ ဦးသာ ရှိခဲ့ကြောင်း သတင်း တက်ရောက် ရယူခဲ့သူများက ပြောသည်။
ဦးကျော်က ဆွေးနွေးပြောဆိုခဲ့ရာတွင် သင်္ဃန်းကျွန်းမြို့နယ် အပါအ၀င် ရန်ကုန်မြို့ရှိ ဆင်ခြေဖုံး မြို့နယ်များတွင် စည်ပင် သာယာရေး ကော်မတီမှ ပေးဝေသော သောက်သုံးရေ မလုံလောက်မှုများ ရှိနေသောကြောင့် သောက်သုံးရေ ဖူလုံအောင် ဖြန့်ဖြူး ပေးပါရန် ပြောဆိုခဲ့ခြင်း ဖြစ်သည်။
“ကျနော်တို့ မြို့နယ်ဆိုတာက ဆင်းရဲသားအများစုနေကြတာပါ။ အခုဆို ရေရဖို့အတွက် ညမအိပ်ပဲလည်း စောင့်ပြီး ရေယူရတယ်။ မဗေဒါ ရေခပ် ဆင်းသလိုပဲ။ အခုဆိုဒီလို ရေလုံလောက်လောက် မရလို့ ကျန်းမာရေး အတွက်လည်း ထိခိုက်ရပါတယ်“ ဟုလည်း ဦးကျော်က သူ့အဆိုနှင့် ပတ်သတ်ပြီး လွှတ်တော်တွင် ပြောကြားခဲ့သည်။
ယင်းတင်သွင်းခဲ့သည့် အဆိုကို ရန်ကုန်မြို့တော်ဝန်က ရန်ကုန်တွင် လက်ရှိ ဖြန့်ဖြူး ပေးနေသော ရေပမာဏသည် နေ့စဉ် ဂါလံ သန်း ၁၆၀ ခန့် ရှိကြောင်း၊ ဆက်လက်ပြီး ရေပေးဝေနိင်ရန် စီမံကိန်းများ ဆောင်ရွက်နေကြောင်း၊ စည်ပင်က လက်ရှိ ဆောင်ရွက်နေသည့် ရေပေးဝေ နေမှုများ အကြောင်းကို ရှင်းလင်း ပြောကြားခဲ့သည်။
“ရေကိစ္စဆိုတော့ အားလုံးက စိတ်ဝင်တစား နားထောင်ကြတာပေါ့။ ဒီအဆိုကို ဆောင်ရွက်ဖို့ မဲလည်း ခွဲဆုံးဖြတ်ရော ထောက်ခံသူက ၂၄ ဦးပဲ ရှိတယ်။ ကန့်ကွက်သူက ၉၈ ဦး၊ တပ်မတော်သား တွေနဲ့ ပြည်ခိုင်ဖြိုး ကိုယ်စားလှယ်တွေ အကုန်ထတာပဲ။ “ ဟု လွှတ်တော် သတင်း ရယူခဲ့သည့် သတင်းသမားတ ဦးက ပြောသည်။
ရန်ကုန်မြို့တော် စည်ပင်သာယာရေးကော်မတီက လက်ရှိတွင် မြို့နယ် ၃၃မြို့နယ် အတွက် သောက်သုံးရေ ဖူလုံမှု ရှိစေရန် ချိုးဖြူ၊ လှော်ကား၊ ဖူးကြီးနှင့် ငမိုးရိပ် ရေလှောင်တမံ စီမံကိန်းများမှ ရေများကို ရေတွန်းစက် ၁၁ရုံမှ တဆင့် တမြို့လုံးကို ဖြန့်ဖြူး ပေးနေကြောင်း၊ မြေအောက် ရေများကိုလည်း စက်ရေတွင်းများမှ တဆင့် ဖြန့်ဖြုးပေးကြောင်း မြို့တော်ဝန် ဦးလှမြင့်က ပြောခဲ့သည်။
ရန်ကုန်တိုင်းဒေသကြီး လွှတ်တော်ကို နိုဝင်ဘာ ၂ရက်နေ့က စတင်ကျင်းပနေပြီး လာမည့် နိုဝင်ဘာ ၈ ရက်နေ့တွင် ပြီးစီးမည် ဖြစ်သည်။ လွှတ်တော် ကိုယ်စားလှယ်များက တင်သွင်းထားသည့် မေးခွန်း အားလုံးကို လွှတ်တော် ကျင်းပ နေချိန်တွင် ဖြေဆိုနိုင်ခြင်း မရှိသော်လည်း လွှတ်တော်ပြီးပါက ဆက်လက် ဖြေကြားသွားမည်ဟု လွှတ်တော် ဥက္ကဌ ဦးစိန်တင်ဝင်းက မီဒီယာများကို ပြောခဲ့သည်။
Ref: မဇ္ဈိမ
ဂျာမန် ဒုနိုင်ငံခြားရေးဝန်ကြီး ဒေါ်စုနှင့်တွေ့မည်
ကိုပေါက်
ကြာသပတေးနေ့၊ နိုဝင်ဘာလ ၀၃ ရက် ၂၀၁၁
နယူးဒေလီ (မဇ္ဈိမ) ။ ။ မြန်မာနိုင်ငံသို့ ရောက်ရှိနေသော ဂျာမဏီနိုင်ငံ ဒုနိုင်ငံခြားရေး ဝန်ကြီး ဒေါက်တာ ဝါနာ ဟိုယာ Dr. Werner Hoyer သည် နေပြည်တော် အစိုးရ အရာရှိများအပြင် ဒေါ်အောင်ဆန်းစုကြည်နှင့် တွေ့ဆုံမည် ဖြစ်သည်။
၎င်း၏ သုံးရက်ကြာ တောင်အာရှ ခရီးစဉ်အတွင်း မြန်မာနိုင်ငံသို့ ရောက်ရှိလာကာ ပြည်သူ့ လွှတ်တော် ဥက္ကဋ္ဌ သူရဦးရွှေမန်း၊ နိုင်ငံခြားရေး ဝန်ကြီး ဦးဝဏ္ဏမောင်လွင်နှင့် အတိုက်အခံ ခေါင်းဆောင် ဒေါ်အောင်ဆန်းစုကြည် တို့နှင့် တွေ့ဆုံမည် ဖြစ်ကြောင်း ဒေါက်တာဟိုယာ၏ ဝဘ်ဆိုက် စာမျက်နှာတွင် ဖော်ပြပါရှိသည်။
“နိုင်ငံရေး အကျဉ်းသား အချို့ လွတ်မြောက်လာမှု အပါအဝင် လတ်တလော ဖြစ်ပေါ်တိုးတက်မှုတွေကို ကြိုဆိုပါတယ်။ တချိန်တည်း မှာပဲ နိုင်ငံရေး အကျဉ်းသားတွေ အမြောက်အများ ကျန်နေသေးတဲ့ အတွက် သူတို့ အမြန်ဆုံး လွတ်မြောက်ရေး အတွက် ကျနော် အတတ်နိုင်ဆုံး ကြိုးစားသွားမှာပါ” ဟု ဒေါက်တာဟိုယာက ဂျာမန်ဘာသာဖြင့် ရေးသားထားသည်။
တောင်အာရှ ခရီးစဉ်အတွင်း ဒေါက်တာဟိုယာသည် မလေးရှား၊ ဖိလစ်ပိုင်၊ အင်ဒိုနီးရှားနှင့် ထိုင်းနိုင်ငံတို့သို့ ရောက်ရှိခဲ့သည်။
အင်ဒိုနီးရှားတွင် အာဆီယံ အထွေထွေအတွင်းရေးမှူး Dr. Surin Pitsuwan နှင့် တွေ့ဆုံကာ အာဆီယံ-ဂျာမဏီ-ဥရောပတို့နှင့် ဆက်ဆံရေး ကိစ္စအပြင် အာရှသမူဟ ဖြစ်စဉ်အတွင်း ဒေသတွင်း ဖြစ်ပေါ် တိုးတက်မှုများလည်း ဆွေးနွေး ခဲ့ကြောင်း FNF အင်တာနက် စာမျက်နှာတွင် ရေးသားထားသည်။
ဒေါက်တာ ဝါနာဟိုယာသည် ဂျာမန် လစ်ဘရယ်လမ်းစဉ် Free Democratic Party မှ ဖြစ်ပြီး ဥရောပနှင့် တောင်အာရှ စီးပွားရေး ဆက်ဆံမှုနှင့် လွတ်လပ်စွာ ကုန်သွယ်ရေးကိစ္စအတွက် အမြင်ဖလှယ် မှုတွေကို ပို၍တိုးလို့သာ စဉ်ဆက် မပြတ် ကြိုးပမ်း အားထုတ်သွားဖို့ လိုသေးကြောင်း ၎င်းခရီးစဉ်အပေါ် မှတ်ချက်ပြုထားသည်။
Ref: မဇ္ဈိမ
အစိုးရ နိုင်ငံရေးအမြတ်ထုတ်ဟု KIO စွပ်စွဲ
ကိုဝိုင်း
ကြာသပတေးနေ့၊ နိုဝင်ဘာလ ၀၃ ရက် ၂၀၁၁
ချင်းမိုင် (မဇ္ဈိမ) ။ ။ ကချင်လွတ်မြောက်ရေးအဖွဲ့ KIO က ပြည်ထောင်စု အဆင့် ငြိမ်းချမ်းရေး ဆွေးနွေးမည့် အဖွဲ့ ဒုတိယ ခေါင်းဆောင် ဦးသိန်းဇော်၏ ပြည်နယ်အဆင့် ငြိမ်းချမ်းရေး ဆွေးနွေးရန် စာပို့ ကမ်းလှမ်းချက်သည် နိုင်ငံရေး အမြတ်ထုတ်ခြင်းသာ ဖြစ်ကြောင်း တုံ့ပြန်လိုက်သည်။
“နိုင်ငံတကာက သံတမန်ကိစ္စတွေ၊ ပုဂ္ဂိုလ်တွေ ရောက်နေကြတယ်။ ဒီလိုမျိုး စောင့်ကြည့်နေတဲ့ အချိန်မှာ သူတို့က လက်နက်ကိုင် အင်အားစုတွေ အားလုံးနဲ့ အဆက်အသွယ် ရှိပါတယ် ဆိုတဲ့ အနေနဲ့ ဟန်ရေးပြ ပေါ့ဗျ။ သံတမန်ရေး မှာ အမြတ်ထုတ်ဖို့ လုပ်တဲ့ ကိစ္စလို့ပဲ လုံးဝခိုင်ခိုင်မာမာ သုံးသပ်တယ်ခင်ဗျ။” ဟု KIO ပြောရေးဆိုခွင့်ရှိသူ ဦးလနန် က ပြောသည်။
KIO ထံ စာမပေးပို့မီ တရက်အလိုကပင် မြစ်ကြီးနားမြို့တွင် စစ်ဘက်လုံခြုံရေး-စရဖ က ကြိုတင် သတင်း ဖြန့်ထားခဲ့ သည်ဟု ဆိုသည်။
အောက်တိုဘာလ ၂၉ ရက်နေ့က KIO ဥက္ကဌ ဦးဇောင်းဟရားသို့ လိပ်မူသည့် ဦးသိန်းဇော်၏ စာအတွင်း၌ “ကချင်ပြည်နယ် အတွင်း ပိုမိုပြင်းထန်သော စစ်မက်ဆိုင်ရာ အရှိန်အဟုန်များ မပေါ်ပေါက်မှီ တည်ငြိမ် အေးချမ်းရေး အတွက်” အပစ်အခတ် ရပ်ဆဲရန် ဖိတ်ခေါ် ထားသည်။
ကချင်ဒေသ ရှေ့တန်း နယ်မြေထဲသို့ အစိုးရတပ် စစ်ကူများထပ်လွှတ်ရာ ဗုဒ္ဓဟူးနေ့ ညသန်းခေါင်က မြစ်ကြီးနားသို့ ရောက်ရှိ လာပြီး တိုက်ပွဲကြီးများဖြစ်လာနိုင်သည်ဟု ဦးလနန်က မျှော်လင့်နေသည်။
၁၉၉၄ ခု KIO အပစ်ရပ်စဉ်က နယ်မြေအတွင်းမှ ထွက်ခွာသွားရသည့် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး-ABSDF နှင့် KIO က ပြန်လည် ပူးတွဲလှုပ်ရှားမည် ဖြစ်သည်ဟု ဆိုသည်။
ကချင်ပြည်နယ် ငြိမ်းချမ်းတည်ငြိမ်ရေးနှင့် ညှိနှိုင်းရေးအဖွဲ့ ကိုယ်စားလှယ်တို့နှင့် KIO ခေါင်းဆောင်များ သြဂုတ်လ ၂ ရက်နေ့က တတိယ အကြိမ် တွေ့ဆုံဆွေးနွေးပြီးနောက် သဘောတူညီမှုမရဘဲ ဖြစ်ခဲ့သည်။
KIO အဖွဲ့ ဥက္ကဌ၏ နိုဝင်ဘာ ၁ ရက်နေ့တွင် ပြန်ကြားစာ၌မူ အပစ်ခတ်ရပ်ဆဲရေး မပြောတော့ဘဲ “ပြည်တွင်းစစ်နှင့် တိုင်းရင်းသား အရေး ဖြေရှင်း နိုင်ရန် တန်းတူရေးကိုအခြေခံသော နိုင်ငံရေး တွေ့ဆုံ ဆွေးနွေးမှုများဖြင့် အစပြုသင့် ပါသည်။” ဟု ရေးထားသည်။
ဦးလနန်က “ပစ်ခတ်ရင်းနဲ့လည်း ဆွေးနွေးကြမယ်။ အပစ်ရပ်ဆိုင်းရေးလုပ်ပြီးမှပဲ ဆွေးနွေးပွဲ လုပ်မယ်ဆိုရင် အာမခံချက် မရှိတဲ့ ကိစ္စလို့ ကျနော်တို့ ပြန်သုံးသပ် မိတယ်လေ။” ဟုဆိုသည်။
၁၉၉၄ ခုတွင် KIO အပစ်အခတ်ရပ်ဆဲခဲ့သဖြင့် သူ၏ နယ်မြေအတွင်းမှ ထွက်ခွာသွားရသည့် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး-မြောက်ပိုင်း တပ်ရင်းရုံးကို နိုဝင်ဘာ ၁ ရက်နေ့တွင် KIO ဌာနချုပ် လိုင်ဇာအနီးရှိ လခွမ်းဘွမ် ဒေသတွင် KIA ဒုစစ်ဦးစီးချုပ် ဗိုလ်မှူးချုပ် ဂွမ်မော် တက်ရောက်၍ တရားဝင် ပြန်ဖွင့်ခွင့် ပြုလိုက်သည်။
“ကျနော်တို့ရဲ့ တွေ့ဆုံမှုကိစ္စတွေကြောင့် မဟာမိတ်တပ်ဖွဲ့ဖြစ်တဲ့ ABSDF အပေါ်မှာ အရင်တုန်းက လို ထိခိုက်နစ်နာ စေတဲ့ ကိစ္စမျိုး ပေါ်လာစရာ အကြောင်းမရှိဘူး။” ဟု ဦးလနန်က ပြောသည်။
တန်းတူရေး တိုင်းရင်းသား ၁၂ ဖွဲ့ပါ ညီညွတ်သောတိုင်းရင်းသား လူမျိုးများဖက်ဒရယ်ကောင်စီ UNFC အဖွဲ့ဝင်များ ဖြစ်သော ရှမ်းပြည် တပ်မတော် (မြောက်) SSPP/SSA၊ ချင်း အမျိုးသားတပ်ဦး-CNF၊ ကချင် လွတ်မြောက်ရေး အဖွဲ့ KIO တို့နှင့်အတူ ပူးတွဲကော်မတီဖြင့် လုပ်ငန်းများ စတင်နေပြီ ဟု ABSDF မြောက်ပိုင်း အလုပ်အဖွဲ့ ခေါင်းဆောင် ဦးလှစိုင်းကပြောသည်။
“တန်းတူရည်တူဆက်ဆံတဲ့ မဟာမိတ်ပုံစံနဲ့ သွားတာပါ။ ကျနော်တို့ကတော့ တပ်ရင်းတရင်းစာ လုပ်ထားတယ်။ လောလောဆယ် အလုပ်အဖွဲ့နဲ့ သွားတယ်။ ဗဟိုကော်မတီ အစည်းအဝေးမှာမှ တပ်ရင်း ဘယ်လောက် ဆိုတာ ပြန်ချ ယူမယ်။” ဟု သူကပြောသည်။
အောက်တိုဘာလအတွင်းက KIO ထိန်းချုပ်နယ်မြေအနှံ့ တိုက်ပွဲပေါင်း ၁၆၄ ကြိမ်ဖြစ်ပွားခဲ့ပြီး ဗဟိုဌာနချုပ် စိုက်သည့် တပ်မဟာ-၅၊ တပ်မဟာ-၃ မိုးမောက်မြို့နယ်၊ တပ်မဟာ-၄ ရှမ်းပြည် နယ်မြောက်ပိုင်း မူဆယ်-ကွတ်ခိုင် တို့တွင် တိုက်ပွဲများ အဖြစ်များသည်ဟု သိရသည်။
Ref: မဇ္ဈိမ
နေရပ်ပြန် အလုပ်သမားများအတွက် ထိုင်း-မြန်မာ ချစ်ကြည်ရေး တံတား ဖွင့်ပေး
November 3, 2011
ထိုင်းနိုင်ငံ မဲဆောက်မြို့နှင့် မြန်မာနိုင်ငံ မြ၀တီမြို့ကို ဆက်သွယ်ထားသော နှစ်နိုင်ငံ ချစ်ကြည်ရေး တံတားကို မြန်မာအာဏာ ပိုင်များက ယနေ့မွန်းလွဲ ၂ နာရီခန့်တွင် ဖွင့်လှစ် ပေးလိုက်သည်။
ထိုင်းနိုင်ငံ ရေကြီးမှုကြောင့် နေရပ်ပြန်လာသော မြန်မာအလုပ်သမားများ ထိုင်း-မြန်မာနယ်စပ် မဲဆောက်နှင့် မြ၀တီတွင် လူပွဲစားများ၏ အဓမ္မ ငွေတောင်းခံရမှု များနှင့် အခြား ပြဿနာများ ကြုံတွေ့ နေရမှုများမှ ကင်းဝေးရန် အတွက် မြန်မာအစိုးရက တနှစ် ကျော်ကြာ ပိတ်ထားသည့် ယင်း ချစ်ကြည်ရေး တံတားကို ယာယီ ဖွင့်လှစ်လိုက်ခြင်း ဖြစ်သည်။
ဘန်ကောက်မြို့တွင် ဖမ်းဆီးခံရပြီး မဲဆောက်ရှိ ထိုင်း လူဝင်မှု ကြီးကြပ်ရေး(လ၀က) ရုံးသို့ ရောက်ရှိလာသည့် မြန်မာ အလုပ်သမား ၁၀၀ ကို ပထမ အသုတ် အဖြစ် ထိုင်း လ၀က အဖွဲ့က ချစ်ကြည်ရေး တံတားမှတဆင့် ယနေ့တွင် မြန်မာ ဘက်သို့ လွှဲပြောင်း ပေးရာ မြ၀တီခရိုင် ဥက္ကဌ ဦးဇော်လွင်ဦး နှင့် တာဝန်ရှိသူများက လက်ခံခဲ့သည်။
ဦးဇော်လွင်ဦးက“ထိုင်းကနေ ပြန်လာကြတဲ့ မြန်မာအလုပ်သမားတွေကို နယ်စပ်မှာ လူပွဲစားတွေက တယောက်ကို ဘတ် ၂၅၀၀ ငွေညှစ်တဲ့ ကိစ္စတွေနဲ့ အခြား ပြဿနာတွေကြောင့် နိုင်ငံတော် အစိုးရက အလုပ်သမားတွေ အတွက် ဒီနေ့ကစပြီး တံတား ကို ဖွင့်ပေးလိုက်တယ်”ဟု သတင်းထောက်များကို ပြောသည်။
ယနေ့မှစ၍ ချစ်ကြည် ရေးတံတားမှလွဲ၍ အခြားတရားမ၀င် နယ်စပ်ဂိတ်များမှ မြန်မာ အလုပ်သမားများကို မပို့ရန်လည်း ဦးဇော်လွင်ဦး က ထိုင်း လ၀က အရာရှိကို ပြောကြားသည်။
မြ၀တီခရိုင် လ၀က ဦးစီးမှူးကလည်း“ကျနော်တို့ဘက်က ဖွင့်ပေးလိုက်ပြီးဖြစ်တဲ့ အတွက် နောက်ကို ဒီလမ်းကပဲ ပို့ရမှာဖြစ်တယ်၊ တံတားပေါ်ကနေလူ ၁၀၀ ပို့ပြီး အခြား တရားမ၀င် ဂိတ်တွေကနေ ၃၀၀ လောက် ပို့ပေးတာမျိုး မလုပ်စေချင်ဘူး”ဟု ထိုင်း အာဏာပိုင်များကို ပြောသည်။
မြန်မာ အာဏာပိုင်များက နေရပ်ပြန်လာကြသည့် အလုပ်သမားများကို ဖမ်းဆီး အရေးယူခြင်း မရှိသည့် အပြင် လိုအပ်ချက်များကို အပြည့်အ၀ အကူအညီ ပေးလျက် ရှိသည်ဟုလည်း ထိုင်းအာဏာပိုင် များနှင့် သတင်းထောက်များကို ဦးဇော်လွင်ဦးက ဖြည့်စွက် ပြောကြားသည်။
“ကျနော်တို့ အစိုးရက အလုပ်သမားတွေကို အပြည့်အ၀ အကူအညီ ပေးဖို့ ညွန်ကြား ထားပြီး ဖြစ်တယ်၊ အခု ပြန်လာကြတဲ့ လူတွေကို နေရေး ထိုင်ရေး ကူညီပေးတဲ့အပြင် ငွေမရှိတဲ့ လူတွေကိုလည်း အိမ်တိုင်ရာရောက် ပို့ဆောင် ပေးပါတယ်”ဟု ဦးဇော်လွင်ဦးက ဆိုသည်။
မနက်ဖြန်မှ စတင်၍ ထိုင်းနိုင်ငံမှ ပြန်လာကြမည့် ယာယီနိုင်ငံကူး လက်မှတ် ကိုင်ဆောင်ထားသည့် တရားဝင် အလုပ် သမားများနှင့် ဖမ်းဆီးခံ တရားမ၀င် အလုပ်သမားများသည် ချစ်ကြည်ရေး တံတားမှ တဆင့်သာ နေရပ် ပြန်ကြရမည်ဖြစ်သည်။
နေရပ်ပြန် အလုပ်သမားများအတွက် ချစ်ကြည်ရေးတံတားကို မြန်မာဘက်က ယာယီ ဖွင့်လှစ်ပေးခြင်းသာ ဖြစ်ပြီး အခြား လူများ သွားလာခွင့်နှင့် ကုန်ပစ္စည်းများ သယ်ဆောင်ခွင့် မရှိကြောင်း သိရှိရသည်။
ထိုင်းနိုင်ငံ ရေဘေးနှင့် ဖမ်းဆီးခံရမှုများကြောင့် ယနေ့ မဲဆောက်သို့ရောက်ရှိလာသည့် မြန်မာ အလုပ်သမား များမှာ ၅၀၀ ကျော် ရှိသည်ဟု သိရသော်လည်း ပထမနေ့ အဖြစ် ထိုင်း လ၀က က ချစ်ကြည်ရေး တံတားပေါ်မှ တဆင့် မြန်မာဘက် ပြန်ပို့သည့် အရေအတွက်မှာ လူ ၁၀၀ သာဖြစ်သည်။
အောက်တိုဘာ လဆန်းက စတင်သည့် ဘန်ကောက်နှင့် ဆက်စပ်ခရိုင်များ အတွင်း ရေဘေး ဒဏ်ကြောင့် စက်ရုံ အလုပ်ရုံများ ပိတ်၍ မဲဆောက်-မြ၀တီ လမ်းကြောမှ တဆင့် နေရပ် ပြန်လာကြသော ထောင်ချီသည့် မြန်မာ အလုပ်သမား များကို မြ၀တီ ဘက်ရှိ အမှတ် ၁၀ လှေဂိတ်တွင် နယ်ခြားစောင့် တပ်ဖွဲ့ဝင်များနှင့် လူပွဲစားများက တဦးလျှင် ထိုင်းဘတ်ငွေ ၂၅၀၀ ကောက်ခံ မှုများကြောင့် အလုပ်သမားများ အခက်အခဲ ကြုံခဲ့ကြရသည်။
ထိုသို့ အဓမ္မငွေတောင်းနေမှုကို နေပြည်တော် အမိန့်ဖြင့် မြ၀တီခရိုင် အာဏာပိုင်များက လွန်ခဲ့သည့် အပတ်မှ စတင် အရေးယူခဲ့ပြီးနောက် ယနေ့တွင် အလုပ်သမားများ အတွက် ချစ်ကြည်ရေး တံတားကို မြန်မာဘက်မှ ယာယီစတင် ဖွင့်လှစ်ပေးခဲ့ခြင်း ဖြစ် သည်။
မြန်မာဘက်မှ နယ်စပ်လုံခြုံရေး အကြောင်းပြချက်ဖြင့် မဲဆောက်-မြ၀တီ ချစ်ကြည်ရေး တံတားကို ယမန်နှစ် ဇူလိုင်လ ၁၈ ရက်နေ့က စတင် ပိတ်ထားခဲ့သည်။
ဘန်ကောက်ရှိ မြန်မာသံရုံး တာဝန်ရှိသူများကလည်း နခွန်ပထုန် မြို့နယ် ၀ပ်ရိုက်ခင်ဝစ်ထယာ ဘုန်းကြီးကျောင်း အတွင်း ယာယီ ဖွင့်လှစ်ထားသော ကယ်ဆယ်ရေး စခန်းသို့ သွားရောက်၍ ရေဘေးဒုက္ခ ကြုံနေရသည့် မြန်မာပြည်သား များကို ဖမ်းဆီးခြင်း မပြုလုပ်ရန် ထိုင်းအလုပ်သမား ၀န်ကြီးဌာနနှင့် ပူးပေါင်း၍ ယာယီ နေထိုင်ခွင့် စာရွက်စာတမ်းများ နှင့် ယာယီ ပတ်စ်ပို့များကို အောက်တိုဘာ၂၉ ရက်နေ့က စတင် ထုတ်ပေးခဲ့သည်။
Ref: ဧရာဝတီ
ကရင်နီပြည် ကောက်ကောက်တွင် ကရင်နီ စစ်ဦးစီးတပ်နှင့် အစိုးရစစ်တပ် ရင်ဆိုင်တိုက်ပွဲဖြစ်
နှောင်းလှိုင်
ဗုဒ္ဓဟူးနေ့, 02 နိုဝင်ဘာလ 2011
ကရင်နီပြည် အမှတ် ၁ ခရိုင် မယ်စဲ့မြို့နယ် ကောက်ကောက်တွင် ကရင်နီတပ်မတော်တပ်နှင့် အစိုးရစစ်တပ် ထိပ်တိုက် တွေ့ဆုံ၍ တိုက်ပွဲ ဖြစ်ပွားသည်။
ယမန်နေ့ နိုဝင်ဘာလ ၁ ရက်နေ့ နံနက် ၉နာရီ မိနစ် ၄၀ အချိန် ကရင်နီတပ်မတော် ထိန်းချုပ်ရာ နယ်မြေ ကောက်ကောက် ( သစ်ပန်ဆိပ်) အနီး၌ ကရင်နီ စစ်ဦးစီးတပ် တခုနှင့် တပ်အင်အား ၂၀ ဦးရှိ ဗိုလ်ငြိမ်းချမ်း ဦးစီးသည့် ခြေမြန်တပ်ရင်း ခမရ( ၅၇၈ ) တပ်ရင်းနှင့် တိုက်ပွဲ ဖြစ်ပွားခဲ့ခြင်း ဖြစ်သည်။
“ကျနော်တို့ တပ်တွေက လှုပ်ရှားတယ်။ နယ်မြေတွေ ရှင်းလင်းရင်း တိုက်ပွဲဖြစ်တာပါ” ဟု ကရင်နီ တပ်မတော်မှ စစ်ဦးစီးချုပ် ဗိုလ်ချုပ် ဘီထူးက ပြောသည်။
တိုက်ပွဲတွင် အစိုးရစစ်တပ်မှ တပ်ကြပ်ကြီး ၂ ဦး ကျဆုံးပြီး ကရင်နီတပ်ဖွဲ့မှ တစုံတရာ ထိခိုက်မှုမရှိပဲ MA 1 တလက်၊ ကျည်ကဒ် နှစ်ချပ်နှင့် ကျည်ဆံ ၄၅ တောင့် သိမ်းဆည်း ရရှိသည်ဟု ဗိုလ်ချုပ် ဘီထူးက ပြောသည်။
Ref: ကန္တာရဝတီ
Thursday, November 3, 2011
မတရားတဲ့စီရင်မှု ရှမ်းနိုင်ငံရေးအကျဉ်းသားမိသားစုများ တိုင်ကြား
ဗုဒ္ဓဟူး, 02 နိုဝင်ဘာ 2011
လက်ရှိဖမ်းဆီးခံနေကြရတဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ခေါင်းဆောင် ဦးခွန်ထွန်းဦး အပါအ၀င် SNLD ပါတီဝင်တွေနဲ့ တခြား ဆက်စပ် ပတ်သက်သူ စုစုပေါင်း ၈ ဦးတို့ရဲ့ အမှုတွေကို ဥပဒေကြောင်း အရ ပြန်လည် သုံးသပ် စိစစ်မှုတွေ လုပ်ပေးဖို့ မြန်မာနိုင်ငံ လူ့အခွင့်အရေး ကောင်စီကို မိသားစုဝင်တွေက တောင်းဆို လိုက်ပါတယ်။
SNLD ဥက္ကဋ္ဌ ဦးခွန်ထွန်းဦး၊ အထွေထွေအတွင်းရေးမှူး ဦးစိုင်းညွှန့်လွင်တို့နဲ့အတူ ဦးဆေထင်၊ ဦးမြင့်သန်း၊ ဦးညီညီမိုး၊ ဦးစိုင်းမျိုးဝင်းထွန်း၊ ဦးထွန်းညိုနဲ့ ဦးစိုင်းလှအောင် တို့ဟာ တရား မျှတခြင်း မရှိတဲ့ စစ်ဆေးစီရင် ဆုံးဖြတ်ချက်တွေနဲ့ နှစ်ရှည် ထောင်ဒဏ်တွေ ချမှတ်ခံထားရပြီး လူ့အခွင့်အရေး ချိုးဖောက် ခံနေရတဲ့အတွက် သူတို့ရဲ့အမှုတွေကို ပြန်လည် သုံးသပ် စစ်ဆေးပြီး အမြန်ဆုံး လွတ်မြောက်ရေး အတွက် မိသားစုတွေက လက်မှတ်ရေးထိုးပြီး တိုင်ကြားစာ ပေးပို့ခဲ့တာ ဖြစ်ပါတယ်။
အခု ဒီတိုင်ကြားစာကို မြန်မာနိုင်ငံ လူ့အခွင့်အရေး ကော်မရှင်ကိုပေးပို့ခဲ့သလို ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူး ကိုယ်စားလှယ် မစ္စတာ ကင်တားနားထံကို လည်း မိတ္တူရေးပို့ ခဲ့ကြတာပါ။ ဦးခွန်ထွန်းဦးနဲ့ အဖွဲ့ဟာ မြန်မာ အစိုးရ ကျင်းပနေတဲ့ အမျိုးသား ညီလာခံကို ပြန်လည် တက်ရောက်ဖို့ ၂၀၀၄ ခုနှစ်က ငြင်းပယ် ခဲ့ပြီးတဲ့နောက်ပိုင်း ၂၀၀၅ ခုနှစ် ဖေဖော်ဝါရီလ ထဲမှာ မြန်မာ အာဏာပိုင်တွေရဲ့ ဖမ်းဆီးတာကို ခံခဲ့ရပြီး နှစ်ရှည် ထောင်ဒဏ်တွေ အသီးသီး ချမှတ်ခံခဲ့ရတာဖြစ်ပါတယ်။
Ref: VOA News
အမေရိကန် ကိုယ်စားလှယ်တွေ NLD ခေါင်းဆောင်တွေနဲ့ တွေ့မည်
2011-11-02
မြန်မာနိုင်ငံရောက် ဒီမိုကရေစီ လူ့အခွင့်အရေးနဲ့ အလုပ်သမားရေးရာ အမေရိကန် လက်ထောက် နိုင်ငံခြားရေး ဝန်ကြီး Mr. Michael Posner နဲ့ မြန်မာနိုင်ငံဆိုင်ရာ အမေရိကန် အထူး သံအမတ်ကြီး Mr. Derek Mitchell နိုဝင်ဘာ (၄) ရက်မှာ ဒေါ်အောင်ဆန်းစုကြည် အပါအဝင် NLD ပါတီ ဗဟို ကော်မတီဝင်တွေနဲ့ တွေ့ဆုံ ဆွေးနွေးဖို့ ရှိပါတယ်။
ဒေါ်အောင်ဆန်းစုကြည် နေအိမ်မှာ တွေ့ဆုံပြီး တွေ့ဆုံချိန်မှာ အမေရိကန် ကိုယ်စားလှယ်တွေ သိချင်တဲ့ အကြောင်း အရာတွေပေါ် အခြေခံပြီး NLD ပါတီ ခေါင်းဆောင်တွေ ဘက်က ပြန်လည် ဆွေးနွေးသွားမယ်လို့ NLD ပါတီ ဗဟိုကော်မတီဝင် တစ်ဦးဖြစ်သူ ဦးဟန်သာမြင့်က ပြောပါတယ်။
ဒီကနေ့ နေပြည်တော်ကို ရောက်နေတဲ့ အမေရိကန် လက်ထောက် နိုင်ငံခြားရေး ဝန်ကြီး Mr. Michael Posner ဟာ နိုင်ငံခြားရေး ဝန်ကြီး ဦးဝဏ္ဏမောင်လွင် အပြင် လွှတ်တော်က တာဝန်ရှိသူတွေ နဲ့လည်း တွေ့ဆုံခဲ့တယ်လို့ သိရပါတယ်။ အခုလို အမေရိကန်နိုင်ငံ သံတမန်တွေ၊ ကုလသမဂ္ဂ အထူးကိုယ်စားလှယ်တွေရဲ့ ခရီးစဉ်တွေဟာ မြန်မာနိုင်ငံက အပြောင်း အလဲတွေကို ပိုပြီး တွန်းအား ပေးတယ်လို့ အမျိူးသား ဒီမိုကရေစီ အင်အားစု ပြည်သူ့ လွှတ်တော် အမတ် ဦးစိုးဝင်းက RFA ကို ပြောပါတယ်။
အမေရိကန် အဆင့်မြင့် အရာရှိတွေရဲ့ ခရီးစဉ်ဟာ ကျန်နေသေးတဲ့ နိုင်ငံရေး အကျဉ်းသားတွေ ပြန်လွှတ်ပေးရေး ကိစ္စ အပါအဝင် မြန်မာပြည်ရဲ့ လူ့အခွင့်အရေး ချိုးဖောက်မှု ကာကွယ်ရေးနဲ့ မြန်မာအမျိုးသား ပြန်လည် သင့်မြတ်ရေးတွေမှာ အမေရိကန် ပြည်ထောင်စု အနေနဲ့ ပိုမိုပါဝင် ဆောင်ရွက်နိုင်အောင် ဆွေးနွေး အဖြေရှာဖို့ ဖြစ်တယ်လို့ အမေရိကန် နိုင်ငံခြားရေး ဝန်ကြီးဌာနက ပြောပါတယ်။
Ref: RFA News
အင်းစိန်းထောင်က အစာငတ်ခံဆန္ဒပြသူ အများစု ဆက်ပြီး ဆန္ဒပြနေဆဲ
2011-11-02
အင်းစိန်ထောင်တွင်း အစာငတ်ခံ ဆန္ဒပြသူ ၁၅ ဦး အနက် ၂ ဦးက သပိတ်လှန်လိုက်ပြီး ကျန်ဆန္ဒပြ သူတွေက ဆက်ပြီး သပိတ် တိုက်ပွဲ ဝင်နေတယ်လို့ သတင်းရပါတယ်။
အကျဉ်းထောင် လက်စွဲပါ အကျဉ်းသား ခံစားခွင့်များရဖို့ အင်းစိန်ထောင်တွင်းက နိုင်ငံရေး အကျဉ်းသား ၁၅ဦးဟာ အောက်တိုဘာလ ၂၆ ရက် မွန်းလွဲပိုင်းက စပြီး အစာငတ်ခံ ဆန္ဒပြခဲ့ကြတာပါ။
အစာငတ်ခံ ဆန္ဒပြသူတချို့ကို စစ်ခွေးတိုက်မှာ ပိ်ု့ထားပြီး အဲဒီထဲက ၂ ဦး သပိတ်လှန်တယ်လို့ နိုင်ငံရေး အကျဉ်းသား မိသားစု ကွန်ယက်က ကိုအောင်ဇော်ထွန်းက ပြောပြပါတယ်။
“အသေးစိတ် မသိရဘူး။ ကိုအောင်နိုင်နဲ့ ကိုဇင်မင်းရှိန်တို့ နှစ်ယောက်ကတော့ သပိတ် လှန်လိုက်တယ် ကြားတယ်”လို့ ကိုအောင်ဇော်ထွန်းက ပြောပါတယ်။
အစာငတ်ခံ ဆန္ဒပြသူတွေကို ပြီးခဲ့တဲ့ အပတ် ကြာသပတေးနေ့ ကတည်းက ထောင်ဝင်စာ ပိတ်ထားသလို သပိတ် စတင်ပြီး ၄၈ နာရီ မကြာခင် ရေဖြတ်တယ်ဆိုတဲ့ သတင်းတွေလည်း ကြားရပါတယ်။
ဒါပေမဲ့ နောက်ပိုင်းအခြေအနေ အတိအကျကို ဘာမှ မသိရသေးဘူးလို့ ဆိုပါတယ်။ အခုဆို အစာငတ်ခံ ဆန္ဒပြနေတာ တစ်ပတ်ရှိ်နေပြီမို့ ဆန္ဒပြသူတွေရဲ့ကျန်းမာရေး အတွက် မိသားစုက စိုးရိမ်နေကြတယ်လို့ နိုင်ငံရေး အကျဉ်းသား မိသားစုတွေက ပြောပါတယ်။
Ref: RFA News
ဦးသန့် အခမ်းအနား Vijay Nambia တက်ရောက်မည်
ကိုဇော်ဝင်းလှိုင်
ဗုဒ္ဓဟူး, 02 နိုဝင်ဘာ 2011
မြန်မာနိုင်ငံကိုရောက်နေတဲ့ ကုလသမဂ္ဂအတွင်းရေးမှူးချုပ်ရဲ့ အထူးအကြံပေးပုဂ္ဂိုလ် မစ္စတာ Vijay Nambiar ဟာ မနက်ဖြန် ရန်ကုန်မြို့မှာ ကျင်းပမယ့် ကွယ်လွန်သူ ကုလသမဂ္ဂ အတွင်းရေးမှူးချုပ်ဟောင်း ဦးသန့် ရာထူး လက်ခံရရှိတဲ့ နှစ် ၅၀ ပြည့် အခမ်းအနားကို တက်ရောက်မှာ ဖြစ်ပါတယ်။ မစ္စတာ နမ်ဘီယားဟာ နေပြည်တော်မှာ အစိုးရ တာဝန်ရှိသူတွေနဲ့ တွေ့ဆုံပြီး ဒီကနေ့ဘဲ နေပြည်တော် ကနေ ရန်ကုန်မြို့ကို ပြန်လည် ထွက်ခွာသွားတာ ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြ ပေးထားပါတယ်။
ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီယားဟာ နေပြည်တော်မှာ အစိုးရ တာဝန်ရှိသူတွေနဲ့ ၂ ရက်ကြာ တွေ့ဆုံပြီး ဒီကနေ့မှာတော့ မန္တလေး၊ ပုဂံ ညောင်ဦးကတဆင့် ရန်ကုန်မြို့ကို ပြန်လည် ထွက်ခွာသွားပြီ ဖြစ်ပါတယ်။
မစ္စတာ နမ်ဘီယားဟာ ကြသပတေးနေ့ နိုဝင်ဘာ ၃ ရက်နေ့မှာတော့ ရန်ကုန်မြို့မှာကျင်းပမယ့် မြန်မာနိုင်ငံသား ကုလသမဂ္ဂ အတွင်းရေးမှူး ချုပ်ဟောင်း ဦးသန့် ရာထူး လက်ခံရရှိတဲ့ နှစ် ၅၀ ပြည့်အခမ်းအနားနဲ့ ညစာစားပွဲကို တက်ရောက်မှာ ဖြစ်တဲ့အကြောင်း နေပြည်တော် မှာရှိတဲ့ နိုင်ငံခြားရေး ၀န်ကြီးဌာန တာဝန်ရှိသူ တဦးက ပြောပါတယ်။
"၆ နာရီခွဲမှာ ဆီဒိုးနားဟော်တယ်မှာ ကျင်းပမယ့် ကုလသမဂ္ဂအတွင်းရေးမှူးချုပ် ဦးသန့် ရာထူးလက်ခံ ရရှိတဲ့ နှစ် (၅၀) ပြည့် အထိမ်းအမှတ် ဧည့်ခံပွဲကို တက်မယ်။ ၈ နာရီမှာက သူတို့ Diner (ညစာစားပွဲ) ရှိတယ်ပေါ့နော်။ ဧည့်သည်ကဘဲ တည်ခင်းဧည့်ခံတဲ့ ဒင်နာ သူတို့ဟာသူတို့ အစီအစဉ် ရှိတယ် ဆီဒိုးနားမှာ။ ဒီကနေ့စတဲ့ Program (အစီအစဉ်) ကျတော့ သူ မနက်အစောကြီး ထွက်သွားတယ်။ ၆ နာရီ လောက်ကတည်းက ဒီကနေ့ မန္တလေးကို ထွက်တယ်။ ခန့်မှန်းခြေ ၉ နာရီလောက်ဘဲ ရောက်တယ်လို့ဘဲ မျှော်လင့်ထားတယ်။
အခု လောလောဆယ်တော့ ကျနော်သိတာတော့ သူတို့ ၆ နာရီမှာ မန္တလေးကို ထွက်သွားတယ်။ ကျန်တဲ့ Program (အစီအစဉ်) တွေတော့ ကျနော်တို့ မသိတော့ဘူး။ ဒီမှာ စီစဉ်ထားတာအရ ဆိုရင်တော့ မန္တလေးကို ၉ နာရီလောက် ရောက်မယ်။ ၁၁ နာရီ ၄၅ မိနစ်လောက်မှာ မန္တလေးတိုင်း ၀န်ကြီးချုပ်နဲ့ တွေ့မယ်။ ပြီးရင် တခြား သူ့အဖွဲ့အစည်းတွေနဲ့ တွေ့ဖို့ရှိတယ်။ ဒါက သူတို့ အစီအစဉ်တွေ။ ပြီးတော့သူ ၁၂ ခွဲမှာ ညောင်ဦးကို မော်တော်ယာဉ်နဲ့ ထွက်တယ်။ ညောင်ဦးမှာ နဲနဲ လျှောက်ကြည့်တယ်။ ပြီးလို့ရှိရင် ခုနကပြောတဲ့ ၅ နာရီ ၂၅ လေယာဉ်နဲ့ ရန်ကုန်ကို ပြန်တယ်။ ၆ နာရီ ၄၅ ရောက်မယ်ပေါ့နော်၊ ရန်ကုန်ကို။ မနက်ဖြန်ကျတော့လည်း ပုသိမ်ကိုသွားမယ်၊ ၇ နာရီမှာ။ ဧရာဝတီတိုင်း ၀န်ကြီးချုပ်နဲ့ တွေ့မယ်။"
သောကြာနေ့ နိုဝင်ဘာ ၄ ရက်နေ့မှာတော့ ရန်ကုန်မြို့မှာရှိတဲ့ အဖွဲ့အစည်းတွေနဲ့ တွေ့ဆုံဖို့ရှိပြီး ညနေစောင်းမှာ မြန်မာနိုင်ငံကနေ ပြန်လည် ထွက်ခွာမှာဖြစ်ပါတယ်။ သူ့အနေနဲ့ ရန်ကုန်မှာ ရှိနေစဉ်အတွင်း မြန်မာ့ ဒီမိုကရေစီအရေး ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့တဲ့အကြောင်း NLD တာဝန်ရှိသူတွေက ပြောပေမယ့် ဘယ်နေ့ ဘယ်အချိန်မှာ တွေ့မယ် ဆိုတာတော့ အတိအကျ မသိရသေးပါဘူး။
အလားတူဘဲ မြန်မာနိုင်ငံကို နိုဝင်ဘာ ၁ ရက်နဲ့ ၂ ရက်နေ့တို့မှာ အသီးသီး ရောက်လာကြတဲ့ အမေရိကန် ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက် နိုင်ငံခြားရေးဝန်ကြီး Michael Posner၊ မြန်မာနိုင်ငံဆိုင်ရာ မူဝါဒရေးရာ အထူးအကြံပေးပုဂ္ဂိုလ် Derek Mitchell တို့ဟာလည်း ဒီကနေ့ နေ့လည်ပိုင်းမှာဘဲ နေပြည်တော်ကို ရောက်လာပြီး နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြည်ထဲရေး ၀န်ကြီးတို့နဲ့ တွေ့ဆုံခဲ့တဲ့အကြောင်း နေပြည်တော် နိုင်ငံခြားရေးဝန်ကြီးဌာနက တခြား တာဝန်ရှိသူ တဦးကလည်း အခုလို ပြောပြပါတယ်။
"၂ နာရီ ၁၅ မှာ နိုင်ငံခြားရေးဝန်ကြီးနဲ့ တွေ့သွားတယ်။ ၃ နာရီ ၁၅ မှာ ပြည်ထဲရေးဝန်ကြီးနဲ့ တွေ့တယ်။ ၇ နာရီမှာ နိုင်ငံခြားရေး ၀န်ကြီးက ညစာ ကြွေးမယ်။"
သူတို့ ၂ ယောက်စလုံး အတူတူဘဲလား ခင်ဗျ၊ တပါတည်း အတူတူတွေ့တာပေါ့။
"တဖွဲ့ထဲပါဘဲ။ နေပြည်တော်မှာ မနက်ဖြန်ခါအထိဘဲ နေမယ်။ မနက်ဖြန် ၂ နာရီနောက်ပိုင်းမှာ ပြန်ထွက်မယ်။ သမ္မတကြီးနဲ့ တွေ့ဖို့ အစီအစဉ်တော့ မရှိဘူး။ မနက်ဖြန် ၉ နာရီမှာ နယ်စပ်ဝန်ကြီးနဲ့ တွေ့မယ်။ ၁၀ နာရီမှာ အလုပ်သမား ၀န်ကြီးနဲ့ တွေ့မယ်။ ၁ နာရီ ၁၅ မှာက ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်လား၊ ဒုတိယ ကာကွယ်ရေးဦးစီးချုပ် ဒုတိယဗိုလ်ချုပ်ကြီး စိုးဝင်းလား မသိသေးဘူး။ အခု ကျနော်အခု ကျနော်တို့ နောက်ဆုံး လုပ်ထားတာတော့ ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်နဲ့ လုပ်ထားတယ်။ ဒါပေမယ့် ဗိုလ်ချုပ်ကြီး မင်းအောင်လှိုင် ခရီးသွားနေတယ် ဆိုလား မသိဘူး။ ဆိုတော့ ဒုတိယ ကာကွယ်ရေး ဦးစီးချုပ် ပြန်ပြောင်း တယ်လို့လည်း ပြောတယ်။"
အမေရိကန် အဆင့်မြင့် ကိုယ်စားလှယ် ၂ ဦးဟာ ရန်ကုန်မြို့ကို ပြန်ရောက်ပြီး နောက်တနေ့ နိုဝင်ဘာလ ၄ ရက်နေ့ သောကြာနေ့မှာ မြန်မာ့ ဒီမိုကရေစီအရေး ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ NLD တာဝန်ရှိသူတွေက ပြောထားပါတယ်။
ဒီကိုယ်စားလှယ် ၂ ယောက်ဟာ မြန်မာနိုင်ငံမှာ အမျိုးသား ပြန်လည် သင့်မြတ်ရေးနဲ့ စစ်မှန်တဲ့ ပြုပြင် ပြောင်းလဲမှုတွေ ဖြစ်ပေါ်လာရေး မြန်မာ အစိုးရနဲ့ အမေရိကန် အစိုးရကြား ဆွေးနွေး နေကြတာတွေရဲ့ နောက်ဆက်တွဲ အဖြစ် မြန်မာနိုင်ငံကို ရောက်ရှိလာကြတာ ဖြစ်တယ်လို့ ရန်ကုန်မြို့မှာရှိတဲ့ အမေရိကန် သံရုံးက သတင်း ထုတ်ပြန် ထားပါတယ်။
Ref: VOA News
KIO က တန်းတူရေး ဆွေးနွေးလိုချိန် အစိုးရက အပစ်ရပ်လို
ဖနိဒါ
ဗုဒ္ဓဟူးနေ့၊ နိုဝင်ဘာလ ၀၂ ရက် ၂၀၁၁
ချင်းမိုင်(မဇ္ဈိမ) ။ ။ အစိုးရဘက်မှ အပစ်ခတ် ရပ်စဲရေး အတွက်သာ ဆွေးနွေးလိုနေပြီး ကချင် လွတ်မြောက်ရေး အဖွဲ့ဘက်မှမူ ကိုယ်ပိုင် ပြဋ္ဌာန်းခွင့်ဆိုင်ရာ နိုင်ငံရေး ဆွေးနွေးမှုသာ ပြုလုပ်လိုနေသော ကွဲပြားမှု ရှိနေကြောင်း ကချင်အဖွဲ့၏ ပြောရေး ဆိုခွင့်ရှိသူ ဦးလနန်က ပြောသည်။
"ငြိမ်းချမ်းရေးဆွေးနွေးမှု ဆိုတဲ့နေရာမှာ အစိုးရဘက်က အပစ်အခတ် ရပ်ဆိုင်းရေးကိုပဲ ဆွေးနွေးတယ်။ ဒီအပစ် အခတ် ရပ်ဆိုင်းရေး လုပ်မယ်ဆိုရင် လွန်ခဲ့တဲ့ ၁၇ နှစ်ကာလ ပုံစံအတိုင်းပဲ ဆက်သွားမှာပဲ။ ဒါကြောင့် ကျနော်တို့ အမြဲတမ်း နိုင်ငံရေး ဆွေးနွေးမှု ဆိုတာကို ပြောဆိုနေတဲ့ အဖွဲ့ဖြစ်တယ်။" ဟု ဦးလနန်ကပြောသည်။
ယခုထက်တိုင် တိုက်ပွဲများဖြစ်ပွားနေသော ကချင်ဒေသငြိမ်းချမ်းရေးအတွက် ကချင်ပြည်နယ် ငြိမ်းချမ်း တည်ငြိမ်ရေးနှင့် ညှိနှိုင်းရေး အဖွဲ့ ကိုယ်စားလှယ်တို့နှင့် KIO ခေါင်ဆောင်တို့ ပြီးခဲ့သည့် သြဂုတ်လ ၂ ရက်နေ့က တတိယအကြိမ်မြောက် နှစ်ဘက် တွေ့ဆုံ ဆွေးနွေးပြီးနောက် သဘောတူညီမှုမရဘဲ ရပ်ဆိုင်းသွားခဲ့သည်။
နှစ်ဘက်တွေ့ဆုံဆွေးနွေးမှုကို ဒေါ့ဖုန်းယန်မြို့နယ် လဂျားယန်ကျေးရွာရှိ KIO ထိန်းချုပ်နယ်မြေတွင် တွေ့ဆုံခဲ့ရာ သမ္မတ ဦးသိန်းစိန် အစိုးရက သတင်းစာရှင်းလင်းပွဲများ ပြုလုပ်မှုတွင် KIO ကို အကြမ်းဖက်အဖွဲ့ဟု သတ်မှတ်ပြောဆို လာခြင်းများ ပြုလုပ်လာသည့် နောက်ပိုင်း အစိုးရဘက်မှ တဘက်သတ် တွေ့ဆုံဆွေးနွေးရန် ကမ်းလှမ်းလာမှု မရှိတော့သဖြင့် ပျက်ပြား သွားခဲ့ရသည်ဟု သူက သုံးသပ်သည်။
“နိုင်ငံရေးဆွေးနွေးမှုဆိုတဲ့နေရာမှာ ပြည်ထောင်စုအရေးပါ။ တိုင်းရင်းသား အရေး၊ ဒီမိုကရေစီရေး၊ တန်းတူ အခွင့်အရေး ဆိုတာလည်း ပါမယ်။ ပြည်နယ်တွေမှာ ကိုယ်ပိုင်ပြဋ္ဌာန်းခွင့်ဆိုတဲ့ အချက်တွေ အားလုံးပါမယ်။ ဒါကြောင့် ပြည်ထောင်စုနဲ့ ပတ်သက်တဲ့ နိုင်ငံရေး ဆွေးနွေးမှုကို ကျနော်တို့ လိုချင်တာပါ၊ နိုင်ငံရေး အနစ်သာရ ရှိရှိ ဆွေးနွေးတာ ဖြစ်စေချင်တယ်”ဟု ဦးလနန်က ပြောသည်။
သြဂုတ် ၁၈ ရက်နေ့ကက သမ္မတ ဦးသိန်းစိန်က “ငြိမ်းချမ်းရေးအတွက် တဖွဲ့ချင်းအလိုက် ပြည်နယ် အစိုးရ အဖွဲ့နှင့် ဆွေးနွေး နိုင်သည်ဟု ထုတ်ပြန် ကြေညာလိုက်ပြီးနောက် ဝ ပြည် သွေးစည်း ညီညွတ်ရေး အဖွဲ့၊ မိုင်းလား အဖွဲ့တို့နှင့် ဗဟိုအစိုးရတို့ ပမာဏ သဘောတူညီချက် ရခဲ့ပြီး ဖြစ်သည်။
ပြည်ထောင်စုအတွင်းမှ ခွဲထွက်ခွင့်မပြုရေး၊ ဆက်ဆံရေးရုံးများ ဖွင့်လှစ်ခွင့်ပြုရေး၊ ဒေသဖွံ့ဖြိုးရေး လုပ်ငန်းများတွင် နိုင်ငံ ဝန်ထမ်းများ စေလွှတ်ပေးရေးနှင့် ဖွံ့ဖြိုးရေး လုပ်ငန်းများအတွက် အတူတကွ ပူးပေါင်း ဆောင်ရွက်ရေးတို့ကို သဘောတူခဲ့ကြခြင်း ဖြစ်သည်။
ထို့အပြင် ရှမ်းပြည်မြောက်ပိုင်းတပ်မတော်၊ ရှမ်းပြည်တောင်ပိုင်းတပ်မတော်၊ မွန်ပြည်သစ်၊ ကရင်အမျိုးသား အစည်းအရုံးနှင့် တိုးတက်သော ဗုဒ္ဓဘာသာ ကရင်အမျိုးသား အစည်းအရုံးတို့နှင့် အောက်ခြေ အဆင့် ဆွေးနွေးခြင်းနှင့် ဆွေးနွေးရန် ကြိုးပမ်းနေမှုများ ရှိလာခဲ့သည်။
သို့သော်လည်း ဇွန် ၉ ရက်မှသည်စတင်ကာ တိုက်ပွဲများ တကျော့ပြန်ဖြစ်ပွားခဲ့သော KIO နှင့်တော့ ဆက်ဆံရေး အေးနေဆဲ ဖြစ်သည်။
“တခြားအဖွဲ့အစည်းတွေနဲ့ ငြိမ်းချမ်းရေး ဆွေးနွေးမှုဆိုတာကတော့ အပစ်အခတ် ရပ်ဆိုင်းရေးဆိုတဲ့ လက်မှတ်တခု ရေးထိုးနိုင်ဖို့ သူတို့ ကြိုးစားတာပါ။ ဒါဟာ အမှန်တကယ် ပြဿနာကို ဖြေရှင်းနိုင်တဲ့ နည်းလမ်း မဟုတ်ပါဘူး၊ ဒါကြောင့် နိုင်ငံရေး ဆွေးနွေးမှုကို ဘယ်လို စလုပ်မယ် ဆိုတာသာ ပိုပြီး အရေးကြီးတယ်”ဟု ဦးလနန်က မဇ္စျိမကို ပြော သည်။
အင်္ဂါနေ့က မြစ်ကြီးနား-ဗန်မော်လမ်းပေါ်ရှိ ဂါးရားယန်ကျေးရွာအနီးတွင် အစိုးရတပ်ဖွဲ့များနှင့် KIO တပ်မဟာ ၅ လက်အောက်ခံ တပ်ဖွဲ့များ လေး နာရီခန့်ကြာ တိုက်ပွဲဖြစ်ပွားခဲ့သည်ဟု သူက ဆိုသည်။ အလားတူ ဗန်မော်ခရိုင် မိုးမောက်မြို့နယ် ခဝန်ဘန်ကျေးရွာ အနီးတွင်လည်း ငါးနာရီခန့်ကြာ တိုက်ခိုက် ကြသေးသည်။
Ref: မဇ္ဈိမ
မြန်မာ့ နိုင်ငံခြားငွေလဲနှုန်း စနစ်အတွက် ပူးပေါင်း ဆောင်ရွက်မည်ဟု IMF ပြော
အေးလဲ့
ဗုဒ္ဓဟူးနေ့၊ နိုဝင်ဘာလ ၀၂ ရက် ၂၀၁၁
ချင်းမိုင် (မဇ္ဈိမ) ။ ။ “မြန်မာနိုင်ငံ နိုင်ငံခြားငွေ လဲလှယ်နှုန်း စနစ်ကို မူဝါဒများ ချမှတ်ဆောင်ရာ၌ ပူးပေါင်း
ဆောင်ရွက်မည်” ဟု မြန်မာ အစိုးရနှင့် အပြည်ပြည်ဆိုင်ရာ ငွေကြေး ရန်ပုံငွေ အဖွဲ့ (IMF)၏ သီတင်းပတ် နှစ်ပတ် ခန့်ကြာ မြန်မာနိုင်ငံ ခရီးစဉ်အပြီးတွင် ပြောဆိုလိုက်သည်။
IMF အဖွဲ့မှ Mr. Ake Lonnberg ခေါင်းဆောင်သော ငွေကြေးဈေးကွက်နှင့် အရင်းအနှီး ဈေးကွက်ဌာန၊ ဥပဒေဌာန နှင့် အာရှ-ပစိဖိတ် ဌာနတို့ ပါဝင်သော မစ်ရှင်အဖွဲ့သည် အောက်တိုဘာလ ၁၉ ရက်နေ့မှ နိုဝင်ဘာလ ၁ ရက်နေ့ အထိ အစိုးရ အရာရှိများ၊ ဘဏ်များ၊ နိုင်ငံပိုင်နှင့် ပုဂ္ဂလိက စီးပွားရေး ကဏ္ဍတို့မှ ကိုယ်စားလှယ်များ တို့အား နေပြည်တော်နှင့် ရန်ကုန်မြို့တို့တွင် တွေ့ဆုံခဲ့သည်။
မြန်မာနိုင်ငံတွင် တခုတည်း နိုင်ငံခြားငွေလဲလှယ်နှုန်း အသုံးပြုသည့် နိုင်ငံခြား ငွေလဲလှယ်နှုန်းစနစ် ဆောင်ရွက်ရန် သွားရောက် လေ့လာခဲ့ခြင်း ဖြစ်သည်။
နိုင်ငံခြားငွေလဲလှယ်နှုန်း စနစ်ဖြစ်သော ဥပဒေမူဘောင်နှင့် ဈေးကွက်၌ အမှန်တကယ် ကျင့်သုံး ဆောင်ရွက်နေမှု များ၊ တည်ဆဲ နိုင်ငံခြားငွေ ဆိုင်ရာ ကန့်သတ် တားမြစ်မူများ၊ နိုင်ငံခြားငွေ လဲလှယ်နှုန်း အမျိုးမျိုး အသုံးပြုသော ငွေကြေး ဖလှယ်မူ အစီအစဉ်များ တို့နှင့် ပတ်သက်သည့် ပြဿနာ ဇစ်မြစ်ကို ကနဦး လေ့လာ သုံးသပ်ရန် ဖြစ်သည် ဟု အင်္ဂါနေ့ထုတ် မြန်မာ့အလင်း သတင်းစာတွင် ဖော်ပြထားသည်။
ထို့အပြင် အဖွဲ့ဝင်နိုင်ငံဖြစ်လာလျှင် IMF အဖွဲ့၏ သဘောတူ ခွင့်ပြုချက်မရရှိဘဲ “နိုင်ငံတကာ ငွေပေး၊ ငွေယူ ကိစ္စရပ်များ အတွက် နိုင်ငံခြားငွေ လဲလှယ်နှုန်း အမျိုးမျိုး အသုံးပြူသော ငွေကြေးဖလှယ်မူ အစီအစဉ် ကျင့်သုံးခြင်းမှ ရှောင်ရန် လိုသည်ကို ကြေညာချက်တွင် ထည့်သွင်း ရေးသားထားသည်။
ပူးပေါင်းဆောင်ရွက်သည့် အနေဖြင့် နောက်ဆက်တွဲ လုပ်ငန်းစဉ်များကို IMF ဌာနချုပ်မှ ဆက်လက် ဆောင်ရွက် မည် ဖြစ်ပြီး အဆိုပါ မစ်ရှင် အဖွဲ့သည် လာမည့် ၂ဝ၁၂ အစောပိုင်း၌ မြန်မာနိုင်ငံသို့ ထပ်မံ လာရောက်နိုင်မည်ဟု မျှော်လင့်ကြောင်း သတင်းစာတွင်ပါရှိသည်။
အမေရိကန်နိုင်ငံ ဝါရှင်တန်မြို့ အခြေစိုက် IMF တွင် အဖွဲ့ဝင် ၁၈၇ နိုင်ငံ ပါဝင်ကာ ကမ္ဘာ့နိုင်ငံ အသီးသီး၏ ငွေကြေးနှင့် ဘဏ္ဍာရေး မူဝါဒ တည်ငြိမ်ရေး၊ အလုပ်အကိုင် အခွင့်အလမ်း ပေါ်ပေါက်ရေး၊ ရေရှည် စီးပွား တိုးတက်ရေး၊ ဆင်းရဲမှု လျော့ချရေးတို့ အတွက် ငွေကြေးနှင့် နည်းပညာများ အကူအညီ ပေးနေသည်။
ဒေါ်အောင်ဆန်းစုကြည်နှင့် ဝန်ကြီး ဦးအောင်ကြည် ပြီးခဲ့သည့် တနင်္ဂနွေနေ့က စတုတ္ထ အကြိမ် တွေ့ဆုံရာတွင် ‘တိုင်းပြည် စီးပွားရေး ဖွံဖြိုး တိုးတက် လာစေရန်အတွက် လွတ်လပ်စွာကုန်သွယ်ခွင့်၊ ကူးသန်း ရောင်းဝယ်ခွင့် ရရှိရေးနှင့် လွတ်လပ်စွာ ငွေကြေး လည်ပတ် သုံးစွဲခွင့် ရရှိရေးတို့၏ အရေးကြီးမှုနှင့် ပတ်သက်၍ အမြင်ချင်း ဖလှယ်’ ဆွေးနွေးခဲ့ကြသည်ဟု ထုတ်ပြန်ခဲ့သည်။
လွန်ခဲ့သော ၁၉၅၂ ခုနှစ်ကတည်းက အဖွဲ့ဝင် နိုင်ငံ ဖြစ်သည့် မြန်မာနိုင်ငံအား IMF က ငွေကြေးထောက်ပံ့မှု ရပ်စဲ ထားသော်လည်း အဖွဲ့ဝင် နိုင်ငံများနှင့် သဘောတူမှု မူဝါဒအရ “အဖွဲ့ဝင်နိုင်ငံနှင့် စီးပွားရေးဖွံ့ဖြိုးမှု ဆွေးနွေးခြင်း၊ စီးပွားရေး ဆိုင်ရာ တောင်းဆိုခွင့် ရှိသကဲ့သို့ ငွေကြေးစီမံခန့်ခွဲမှု စနစ်၊ ငွေလဲနှုန်း တည်ငြိမ်စေရေး တို့အတွက် နည်းပညာနှင့် အကြံဉာဏ်များ ပေးခွင့်ရှိ”နေသည်။
Ref: မဇ္ဈိမ
မော်ဝါဒီသူပုန်ဟောင်းတွေကို နီပေါစစ်တပ်လက်ခံမည်
ဗုဒ္ဓဟူး, 02 နိုဝင်ဘာ 2011
နီပေါနိုင်ငံမှာ တခါက သူပုန်တွေဖြစ်ခဲ့ကြတဲ့ မော်ဝါဒီတပ်ဖွဲ့ဝင်တွေကို နီပေါနိုင်ငံရဲ့ အမြဲတမ်း တပ်မတော်မှာ ထောင်သောင်းချီပြီး လက်ခံဖို့ နီပေါရဲ့ အဓိကနိုင်ငံရေး ပါတီတွေ နိုဝင်ဘာလ ၂ ရက်နေ့မှာ သဘော တူချက်တရပ် ရရှိခဲ့ကြပါတယ်။
နီပေါနိုင်ငံမှာ ပြည်တွင်းစစ် ပြီးဆုံးသွားပြီး ၅ နှစ်အကြာမှာ ရရှိခဲ့တဲ့သဘောတူညီချက်ကြောင့် နီပေါက ငြိမ်းချမ်းရေး လုပ်ငန်းစဉ်ကို တိုးမြှင့် ပေးနိုင်လိမ့်မယ်လို့ မျှော်လင့်ခဲ့ကြပါတယ်။ အခု သဘော တူညီချက်ကြောင့် မော်ဝါဒီသူပုန်ဟောင်း ၆,၅၀၀ လောက်ကနေ ၁၉,၀၀၀ အထိလောက်ဟာ နီပေါရဲ့ အမြဲတမ်း တပ်မတော်မှာ တပ်မတော်သားတွေ ဖြစ်လာ တော့မှာပါ။
၂၀၀၆ ခုနှစ်မှာ ပြည်တွင်းစစ်ပြီးကတည်းက မော်ဝါဒီသူပုန်တွေဟာ သူတို့ကိုထားရှိတဲ့ စခန်းတွေထဲမှာပဲ နေထိုင် ခဲ့ကြရပြီး နီပေါ အစိုးရသစ်ရဲ့ တပ်မတော်မှာ အမှုထမ်းခွင့်ရဖို့ စောင့်ဆိုင်း နေခဲ့ကြရပါတယ်။
စစ်မှုထမ်းခွင့်မရတဲ့ ကျန်တဲ့ မော်ဝါဒီသူပုန်ဟောင်းတွေကို ဘ၀သစ် ပြန်လည်ထူထောင်ဖို့ တဦးကို အမေရိကန် ဒေါ်လာ ၁၁,၅၀၀ စီ အစိုးရက ထောက်ပံ့ကြေး ပေးခဲ့ပါတယ်။
Ref: VOA News
Wednesday, November 2, 2011
“ပြည်သူတွေကို အေးမြတဲ့ အရိပ်အောက်ကို ပို့ပေးဖို့ဟာ ကျမတို့ရဲ့ တာဝန် ဖြစ်တယ်”
ဇွဲခန့်
တနင်္လာနေ့၊ အောက်တိုဘာလ ၃၁ ရက် ၂၀၁၁
နယူးဒေလီ (မဇ္စျိမ) ။ ။ “ပြည်သူတွေကို အေးမြတဲ့ အရိပ်အောက်ကို ပို့ပေးဖို့ဟာ ကျမတို့ရဲ့ တာဝန် ဖြစ်တယ်” ဟု တနင်္လာနေ့က ပြုလုပ်သော ဗေဒါသင်တန်း ကျောင်းဆင်းပွဲနှင့် ဗေဒါစာကြည့်တိုက် ဖွင့်ပွဲ အခမ်းနားတွင် ဒေါ်အောင်ဆန်းစုကြည်က ပြောကြား လိုက်သည်။
အပတ်စဉ်(၈) နိုင်ငံရေးသိပ္ပံ သင်တန်းဆင်းပွဲနှင့် ဗေဒါကျောင်း စာကြည့်တိုက်ဖွင့်ပွဲ အခမ်းအနားတွင် ကျောင်းပြင်ပ ရောက်ရှိ နေကြသည့် ပရိသတ်အား ဒေါ်အောင်ဆန်းစုကြည် ပြောကြားသည့် ငါးမိနစ်ခန့် ကြာ မိန့်ခွန်း တွင် ထည့်သွင်း ပြောကြားခဲ့ခြင်း ဖြစ်သည်။
“နိုင်ငံတနိုင်ငံရဲ့ အဓိက ရတနာတွေဟာ ပြည်သူတွေပါပဲ။ ပြည်သူတွေ တန်ဖိုးရှိမှ နိုင်ငံဟာ တန်ဖိုးရှိမှာပါ။ ကျမတို့ ဟာ သဘာဝ သံယံဇာတ ပစ္စည်းတွေကို အားမကိုးပါဘူး။ ပြည်သူတွေကိုပဲ အားကိုးပါတယ်။ ဒါကြောင့် ကျမတို့ ပြည်သူတွေရဲ့ ပညာရေး၊ ကျန်းမာရေးကို အထူး အလေးထားပါတယ်။ ဒီပြည်သူတွေဟာ ကျန်းမာရမယ်။ ပညာတတ် ရမယ်။ ဒါမှလဲ ကျမတို့ရဲ့ နိုင်ငံကို ထူထောင်နိုင်မယ်၊ တိုးတက်အောင်လုပ်နိုင်မယ်။ အဲဒီလိုလုပ်နိုင်မှ ကျမတို့ ပြည်သူတွေလဲ စိတ်ချမ်း သာနိုင်မယ်၊ ပြီးတော့ ကိုယ့်ရဲ့စိတ်ချမ်းသာမှုကို ကိုယ်ကိုယ်တိုင် တည်ဆောက် နိုင်တဲ့ ပြည်သူတွေ ဖြစ်စေချင်တယ်။” ဟု သူ၏ မိန့်ခွန်းတွင် ပါရှိသည်။
အခမ်းအနားကို သင်္ဃန်းကျွန်းမြို့နယ်ရှိ အမှတ် ၄၅၃ သုမနလမ်း၊ ၁၆/(၃) ရပ်ကွက် ဗေဒါသင်တန်းကျောင်းတွင် နံနက် ၁၀ နာရီမှ နေ့လည် ၁၂ နာရီခွဲထိ ပြုလုပ်ခဲ့ပြီး NLD မှ ထိန်းတန်း ခေါင်းဆောင်များဖြစ်သည့် ဦးတင်ဦး၊ ဒေါ်အောင်ဆန်းစုကြည် တို့နှင့် ၈၈ မျိုးဆက် ကျောင်းသား ခေါင်းဆောင်များ အပါအဝင် ပညာရေး ကွန်ယက်နှင့် ဗေဒါကွန်ယက်မှ လူငယ် အများအပြား တက်ရောက်ခဲ့ကြသည်။
နိုင်ငံရေး သိပ္ပံသင်တန်းမှ သင်တန်းသူ၊ သင်တန်းသား ၃၀ ဦးနှင့် အရပ်ဖက် လူမှု အဖွဲ့အစည်း သင်တန်းမှ သင်တန်း သား ၁၅ ဦး တို့အား သင်တန်းဆင်း လက်မှတ်များ ပေးအပ်ခဲ့ကြသည်။
ဗေဒါသင်တန်းတွင် တက်ရောက်နေကြသော လူငယ်များနှင့် ပတ်သက်၍ ဒေါ်စုက “အခု ဗေဒါ သင်တန်းမှာ ကျမတို့ လူငယ်တွေဟာ ပညာ တိုးတက်ရေး အတွက် လုပ်နေတာကိုတွေ့ရတဲ့ အခါကျတော့ ကိုယ့်တန်ဖိုးကို ကိုယ်မြှင့် တင်နိုင်တဲ့ လူငယ်တွေ ဖြစ်မယ့်လမ်းကြောင်းပေါ်ကို ရောက်သွားပြီ ဆိုတာမြင်လို့ ကျမတို့ အင်မတန်မှ အားရပါတယ်။” ဟုလည်း ပြောကြားခဲ့သည်။
ဗေဒါသင်တန်းကျောင်းတွင် နိုင်ငံရေး သိပ္ပံသင်တန်းများကို အပတ်စဉ်များဖြင့် တလခွဲဖွင့်လှစ် ပို့ချပေးလျက်ရှိပြီး၊ အရပ်ဘက် လူမှု အဖွဲ့အစည်း (CSO) ဖွဲ့စည်းနည်း၊ ဖွဲ့စည်းပုံ များကိုလဲ ရက်တို သင်တန်းများပေးပြီး သင်ကြားပို့ချ လျက်ရှိသည်။
“နိုင်ငံရေးကို တကယ်သိ၊ တကယ် ကျွမ်းကျင်နေမှဗျာ့။ တလခွဲသင်တန်းမှာတော့ အစပျိုးပေါ့ဗျာ။ သူတို့တွေကို စိတ်ဓါတ်လေး ထည့်ပေး လိုက်တာပေါ့။ ဆက်ပြီးတော့ လေ့လာကြမယ်။ ပြီးလို့ရှိရင် နိုင်ငံခြားကနေ ဘွဲ့တွေ ဒီဂရီ တွေယူကြမယ် ဆိုတဲ့ အဆင့်ထိ ဖြစ်လာ ကြလိမ့်မယ်လို့ မျှော်လင့်ပါတယ်။” ဟု ဗေဒါ သင်တန်းကျောင်း အမှုဆောင် ဒါရိုက်တာ အဖွဲ့ဝင်တဦး ဖြစ်သည့် ကိုမျိုးရန်နောင်သိန်းက မဇ္စျိမကို ပြောသည်။
အဆိုပါ သင်တန်းများကို တိုင်းနှင့်ပြည်နယ်အသီးသီးမှ NLD ပါတီဝင်များမှ လူရွေးချယ်ကာ ပို့ပေးပြီး သင်တန်း တက်ကြစေသည်။ အရပ်ဘက် လူမှုအဖွဲ့အစည်း ဖွဲ့စည်းနည်း၊ ဖွဲ့စည်းပုံ နည်းနာ သင်တန်းများကို လူကြီးပိုင်းများသာ အများဆုံး တက်ရောက် သင်ကြားလျက် ရှိကြသည်။
စနေ၊ တနင်္ဂနွေနေ့များတွင်လည်း အပတ်စဉ်တိုင်း ပြင်ပမှ စီးပွားရေးပညာရှင်၊ အတတ်ပညာရှင်၊ အနုပညာရှင်များနှင့် ဝါရင့် နိုင်ငံရေး သမား ဟောင်းကြီးများ ကလည်း သင်တန်းသူ၊ သင်တန်းသားများနှင့် ဆွေးနွေးပွဲများ ပြုလုပ်ကာ သင်တန်းများ ပို့ချပေးသည်။
ဗေဒါကျောင်းဖွင့်လှစ်ရခြင်းနှင့် ယခုလို့ သင်တန်းများ ပို့ချပေးရခြင်း ရည်ရွယ်ချက်များကို ကိုမျိုးရန်နောင်သိန်းက “အစိုးရကို မုန်းတီးတာ တခုတည်းတင် နိုင်ငံရေး မဟုတ်တော့ဘူး၊ အစိုးရကို အတိုက်အခံလုပ်တာ၊ ထောင်ကျခံတာ တခုတည်းနဲ့တင် နိုင်ငံရေး လုပ်တာ မဟုတ်တော့ဘူး၊ ကျနော်တို့ ကိုယ်တိုင်ကလည်း ထောင်ကျခံခဲ့တယ်။ ဒါပေမယ့်လည်း အခြေအနေ အားလုံးနဲ့ နိုင်ငံရေးကို သိရှိ နားလည်ပြီးတော့ ကိုယ်လုပ်သင့် လုပ်ထိုက်တာကို စနစ်တကျ လုပ်တတ်ဖို့ ရည်ရွယ်ပါတယ်။ အဲဒီအတွက်ကို ဒေသဆိုင်ရာ ခေါင်းဆောင်တွေနဲ့ မြန်မာပြည် နိုင်ငံရေး ခေါင်းဆောင်တွေ ပေါ်ထွက်လာဖို့ အတွက်ကို ရည်ရွယ်ပါတယ်” ဟု ပြောသည်။
အထက်မြန်မာပြည် ကျောင်းခွဲအဖြစ် မန္တလေးမြို့တွင် ကျောင်းခွဲတခု ဖွင့်လှစ်ကာ လာမည့် နိုဝင်ဘာလ ခုနှစ်ရက် နေ့တွင် သင်တန်းများပို့ချပေးမည်ဟုလည်း သူက ဆိုသည်။
ဗေဒါသင်တန်းကျောင်းကို ၂ဝ၁ဝ ခုနှစ် နိုဝင်ဘာလ (၂ဝ) ရက်နေ့တွင် စတင်ဖွင့်လှစ်ခဲ့ခြင်း ဖြစ်ပြီး နိုင်ငံရေး သိပ္ပံ သင်တန်းများကို ပို့ချ လာခဲ့သည်မှာ ယခု သင်တန်းဆင်းပွဲနှင့် ဆိုလျှင် အပတ်စဉ် ရှစ်ခုထိ ရှိပြီဖြစ်သည်။
သင်တန်းစဖွင့်ချိန်က အာဏာပိုင်များ၏ ဖိအားပေးမှုကြောင့် ဗေဒါသင်တန်းကျောင်းကို နေရာအမျိုးမျိုး ပြောင်းရွှေ့ ဖွင့်လှစ် ခဲ့ကြရသည်။
Ref: မဇ္ဈိမ
လူ့အခွင့်အရေးချိုးဖောက်မှုနှင့် တိုက်ပွဲများအကြောင်း မီးမောင်းထိုး ပြောကြား
ထွန်းထွန်း
အင်္ဂါနေ့၊ နိုဝင်ဘာလ ၀၁ ရက် ၂၀၁၁
နယူးဒေလီ (မဇ္ဈိမ) ။ ။ ချင်းပြည်နယ်အတွင်း လူ့အခွင့်အရေး ချိုးဖောက်မှုများနှင့် တိုင်းရင်းသား ဒေသများတွင် တိုက်ပွဲများ ဖြစ်ပွားနေမှုကို အမေရိကန် လက်ထောက် နိုင်ငံခြားရေး ဝန်ကြီး မိုက်ကယ်ပေါ်စနာအား ပြောဆိုခဲ့ သည်ဟု ရွေးကောက်ပွဲဝင် ချင်းအမျိုးသား ပါတီ - CNP က ပြောသည်။
“ကျနော်တို့ ပြည်နယ်မှာဆိုရင် အခုထိ Human Rights Violations နဲ့ပတ်သက်တာပေါ့နော်။ လူ့ အခွင့်အရေးနဲ့ ပတ်သက်လို့ ထိပါးတဲ့ ကိစ္စတွေက အခုထပ်ထိ ဆက်လက်ပြီးတော့ ဖြစ်ပေါ်နေတဲ့ အချိန်အခါမှာ ပြောင်းလဲပါတယ် လို့ ပြောရမှာ ခက်ပါတယ်လို့ ကျနော် ပြောပါတယ်” ဟု CNP ပါတီ ဥက္ကဋ္ဌ ဦးဇိုဇမ်က ပြောသည်။
နိုဝင်ဘာလ ၁ ရက်နေ့က ရန်ကုန်မြို့ အမေရိကန်သံရုံးတွင် တွေ့ဆုံစဉ် လူ့အခွင့်အရေး ချိုးဖောက်မှုနှင့် ပတ်သက်၍ ကန်ပက်လက် မြို့ရှိ ဒေသခံများ စိုက်ထူထားသည့် လက်ဝါး ကပ်တိုင်အား မီးရှို့ဖျက်ဆီးခဲ့ခြင်းအား နမူနာပေး ပြောဆို ခဲ့သည်ဟု ဆိုသည်။
နံနက် ၁၁ နာရီ ၄၅ မိနစ်မှ နှစ်နာရီကြာမြင့်သည့် တွေ့ဆုံမှုတွင် အခြားတိုင်းရင်းသား ပါတီများ ဖြစ်သည့် ရှမ်း အမျိုးသား ဒီမိုကရက်တစ် ပါတီ SNDP၊ မွန်ဒေသလုံးဆိုင်ရာ ဒီမိုကရေစီပါတီ၊ ရခိုင်တိုင်းရင်း သားများ ဖွံ့ဖြိုးတိုးတက်ရေး ပါတီ၊ ကရင် ပြည်သူ့ပါတီနှင့် အမျိုးသား ဖွံ့ဖြိုး တိုးတက်ရေး ဒီမိုကရက်တစ် ပါတီတို့လည်း ပါဝင်သည်။
ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေး မိုက်ကယ်ပေါ်စနာက လက်ရှိ နိုင်ငံရေး အခြေအနေ၊ ပြည်နယ် အခြေအနေများနှင့် ပါတီ အခြေအနေများကိုသာ မေးမြန်းခဲ့သည်ဟု သိရသည်။
ယခုခရီးစဉ်မှာ ၎င်း၏ ပထမဆုံး ခရီးစဉ်ဖြစ်ကာ လေးရက်ကြာမြင့်ပြီ ဖြစ်ပြီး အစိုးရ အာဏာပိုင်များနှင့်လည်း တွေ့ဆုံရန် ရှိသည်။
တွေ့ဆုံစဉ်အတွင်း တိုင်းရင်းသားပါတီများဘက်မှ ကချင်ပြည်နယ်တွင်း ဖြစ်ပွားနေသည့် တိုက်ပွဲများနှင့် ပတ်သက် ၍ ဒေသခံများမှာ ငြိမ်းချမ်းရေး လိုချင်နေကြောင်းနှင့် ထာဝရ ငြိမ်းချမ်းရေး ဖော်ဆောင်ရန် လိုအပ်နေကြောင်း တင်ပြခဲ့သည်။
“သူတို့အနေနဲ့ ငြိမ်းချမ်းရေးရဖို့ တကယ် စိတ်ဆန္ဒမှ ရှိကြရဲ့လားလို့ သူတို့ သံသယ ဖြစ်နေကြပါတယ်လို့။ တကယ် တမ်း ငြိမ်းချမ်းရေး ယူချင်တယ် ဆိုတာ ထာဝရ ငြိမ်းချမ်းရေးမှ ဟုတ်ရဲ့လား။ တဒင်္ဂ အတိုက်အခိုက် ရပ်စဲဖို့ ကိစ္စ လောက်ပဲလား ဆိုတာ ကချင် ပြည်သူတွေရဲ့ တကယ့်ရင်ထဲမှာ ခံစားနေရတဲ့ ကိစ္စ ဖြစ်နေပါတယ်။ အဲဒါကြောင့် ထာဝရ ငြိမ်းချမ်းရေး အတွက် ကြိုးစားကြဖို့ လုံးပန်းကြဖို့ အရေးကြီး ပါလိမ့်မယ်” ဟု ပြောဆိုခဲ့ကြောင်း ဦးဇိုဇမ်က ဆိုသည်။
အစိုးရအနေဖြင့် တန်းတူအခွင့်အရေး သွားနေပြီဟု ဆိုသော်ငြားလည်း အစိုးရအဖွဲ့ ပြည်ထောင်စု ဝန်ကြီး ရာထူးများတွင် တိုင်းရင်းသားများ မပါဝင် သေးကြောင်းနှင့် ပါဝင်ခွင့် ရရှိရန်အတွက် မြန်မာအစိုးရအား ပြောကြားရန် အတွက်လည်း တိုက်တွန်း ခဲ့သည်ဟု သိရသည်။
မိုက်ကယ်ပေါ်စနာမှာ နိုဝင်ဘာလ ၂ ရက်နေ့တွင် နေပြည်တော်သို့ သွားရောက်မည် ဖြစ်ကာ အစိုးရ တာဝန် ရှိသူများနှင့် တွေ့ဆုံ သွားမည် ဖြစ်သည်။
ယခုခရီးစဉ်မှာ မိုက်ကယ်ပေါ့စနာ၏ ပထမဆုံး မြန်မာပြည်ခရီးစဉ်ဖြစ်ကာ နံနက် ၁၁ နာရီကလည်း ဒီမိုကရက်တစ် ခုနှစ်ပါတီ နှင့်လည်း နာရီဝက်ကြာ တွေ့ဆုံခဲ့သေးသည်။
အမျိုးသား ဒီမိုကရေစီ ပါတီသစ်၊ အမျိုးသား ဒီမိုကရေစီ အင်အားစုပါတီ - NDF ၊ တိုင်းရင်းသား စည်းလုံး ညီညွတ်ရေး ပါတီ - တစည၊ ဒီမိုကရက်တစ်ပါတီ (မြန်မာ) – DPM၊ ပြည်ထောင်စု ဒီမိုကရေစီပါတီ - UDP၊ ညီညွတ်ရေးနှင့် ငြိမ်းချမ်းရေး ပါတီနှင့် ဒီမိုကရေစီနှင့် ငြိမ်းချမ်းရေး ပါတီတို့ ဖြစ်သည်။
DPM ပါတီအနေဖြင့်မူ လက်ရှိတွင် ပြည်တွင်းစစ်ဖြစ်နေခြင်းနှင့် လူ့အခွင့်အရေး ချိုးဖောက်မှုများ ဆက်လက် ရှိနေသေးကြောင်း၊ သို့သော် တိုးတက် ပြောင်းလဲလာမှု ရှိနေပြီဟု ယူဆကြောင်း ပြောဆိုခဲ့သည်ဟု သိရသည်။
“လူ့အခွင့်အရေး ချိုးဖောက်မှုတွေ၊ နောက် လူမှုရေး ကိစ္စတွေနဲ့ ပတ်သက်လို့ရှိရင် ကျနော်တို့နိုင်ငံမှာ Serious Problem ဖြစ်လာတာ ကြာပြီပေါ့နော်။ အဲဒါအပြင်ကို ပြည်တွင်းစစ် ခေါ်ခေါ်ပေါ့ဗျာလို့။ အဲဒါ လက်နက်ကိုင် ပဋိပက္ခတွေ ဖြစ်နေတာ အတွက်ကြောင့်မို့လို့ အဲဒါကြောင့် လူ့အခွင့်အရေး ချိုးဖောက်မှုတွေ ပိုများလာတယ်။ ပြည်သူလူထုတွေ အများကြီး ဒုက္ခ ရောက်ပါတယ်လို့” ဟု DPM ပါတီဥက္ကဋ္ဌ ဦးသုဝေက မဇ္ဈိမကို ပြောသည်။
ယင်းတွေ့ဆုံမှုအတွင်း အဓိကအားဖြင့် မြန်မာနိုင်ငံအပေါ် ထားရှိသည့် ပိတ်ဆို့အရေးယူမှု ရုပ်သိမ်းရေးနှင့် မြန်မာနိုင်ငံတွင်း တာဝန်ခံမှု လွတ်လပ်မှု ဖြစ်ထွန်းရေး၊ စီးပွားရေးတွင် တန်းတူ အခွင့်အရေး ရရှိရေးနှင့် ညီညွတ်မှု ဖြစ်တည်ရေး အတွက် ဆောင်ရွက်ရန် အကောင်းဆုံး အချိန် ဖြစ်ကြောင်း ခုနှစ်ပါတီက တင်ပြခဲ့သည်ဟု ဆိုသည်။
ယင်းအပြင် တိုင်းပြည် ဖွံ့ဖြိုးရေး အတွက် လိုအပ်သည့် ပညာရေးနှင့် ကျန်းမာရေး ကဏ္ဍများတွင် ကူညီရန်၊ ကမ္ဘာ့ ဘဏ်များမှ ငွေကြေးနှင့် နည်းပညာ အကူအညီများ ရရှိနိုင်ရန်အတွက် ဆောင်ရွက်ပေးရန်လည်း တိုက်တွန်းခဲ့သည်။
“တရုတ်မှာကျတော့ လူ့အခွင့်အရေး ချိုးဖောက်တာနဲ့ ပတ်သက်လို့ အမေရိကန် ပြည်ထောင်စုက အတိုင်းအတာ တခုအနေနဲ့ ဆောင်ရွက်တာ မရှိဘဲနဲ့ မြန်မာနိုင်ငံလို နိုင်ငံငယ်လေးကိုမှ လာပြီး လူ့အခွင့်အရေး ချိုးဖောက်တယ် ဆိုတဲ့ စွပ်စွဲချက်တွေနဲ့ ကိုင်တွယ်တာဖြင့် တော်တော်လေး ဆိုးတယ်ဆိုတဲ့ သဘောမျိုးလေး တွေပေါ့” ဟု တွေ့ဆုံမှုတွင် ပါဝင်သည့် အမျိုးသား ဒီမိုကရေစီ ပါတီသစ်မှ လွှတ်တော်အမတ် ဦးကျော်က မဇ္ဈိမကို ပြောသည်။
မိုက်ကယ်ပေါ့စနာက စီးပွားရေးပိတ်ဆို့မှုမှာ လွှတ်တော်မှ အတည်ပြု ပြဋ္ဌာန်းထားခြင်း ဖြစ်သည့် အတွက် အစိုးရသို့ တင်ပြသွားမည် ဖြစ်ကြောင်း၊ ဖြေလျော့ပေးရန်မှာ အချက်သုံးချက်အပေါ် မူတည်နေကြောင်းလည်း တုံ့ပြန် ခဲ့သည်ဟု သိရသည်။
“သူတို့ရဲ့ အဓိကထားတဲ့ အချက်သုံးချက်ရှိတယ်လို့ ပြောတယ်။ အဲဒီအချက်သုံးချက်ကတော့ နံပါတ် (၁) ကတော့ နိုင်ငံရေး ဘောင်ဟာ ဘယ်လောက်ထိ ကျယ်ပြန့်လာသလဲ၊ အဲဒီကျယ်ပြန့်မှုကို သူတို့ သိချင်တယ်။ နိုင်ငံရေး အကျဉ်းသားတွေ လွှတ်ပေးတဲ့ ကိစ္စပေါ့နော်။ လွှတ်ပေးတဲ့ ကိစ္စကိုလည်း ပြည့်ပြည့်စုံစုံ လွှတ်ပေးစေ ချင်တယ်ပေါ့နော်။ နောက်တခုကတော့ ငြိမ်းချမ်းရေးပေါ့နော်။ လက်နက်ကိုင် ပဋိပက္ခတွေ ချုပ်ငြိမ်းသွားအောင်” ဟု ဦးသုဝေက ဆိုသည်။
Ref: မဇ္ဈိမ
ကုလအတွင်းရေးမှူးချုပ် မကြာခင် မြန်မာပြည်သွားမည်
ဦးဇော်ဝင်းလှိုင်
အင်္ဂါ, 01 နိုဝင်ဘာ 2011
မကြာခင်မှာ ကုလသမဂ္ဂအတွင်းရေးမှူးချုပ် မစ္စတာဘန်ကီမွန်း မြန်မာနိုင်ငံကို လာရောက်ဖို့ ရှိတယ်လို့ နေပြည်တော်ကို ရောက်နေတဲ့ သူ့ရဲ့ အထူး ကိုယ်စားလှယ်က ပြောကြား လိုက်ပါတယ်။ မစ္စတာ ဗီ ဂျေး နမ်ဘီယား (V. J. Nambiar) က နေပြည်တော်မှာ အမျိုးသား လွှတ်တော် အမတ်တွေနဲ့ တွေ့ဆုံစဉ် အခုလို ပြောကြားလိုက်တာပါ။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။
မြန်မာနိုင်ငံ နေပြည်တော်မှာရောက်နေတဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူး အကြံပေးပုဂ္ဂိုလ် မစ္စတာ ဗီဂျေး နမ်ဘီယားဟာ နိုဝင်ဘာ ၁ ရက် အင်္ဂါနေ့က အမျိုးသားလွှတ်တော် ဥက္ကဋ္ဌ ဦးခင်အောင်မြင့်၊ ဒုဥက္ကဋ္ဌ ဦးမြငြိမ်းတို့ အပါအ၀င် အမျိုးသား လွှတ်တော် အမတ်တွေနဲ့ တွေ့ဆုံခဲ့တာပါ။
အဲဒီလို တွေ့ဆုံစဉ် အတွင်းရေးမှူးချုပ် မြန်မာပြည်လာမယ်ဆိုတာကို မစ္စတာ နမ်ဘီယားက ပြောခဲ့တာဖြစ်တဲ့ အကြောင်း ဒီတွေ့ဆုံပွဲကို တက်ရောက်ခဲ့တဲ့ SNDP ရှမ်းတိုင်းရင်းသားများ ဒီမိုကရက်တစ်ပါတီ ကိုယ်စားပြု လွယ်လင်/လင်းခေး မဲဆန္ဒနယ်မြေက အမျိုးသား လွှတ်တော်အမတ် ဦးစိုင်းကျော်ဇောသန်းက ပြောပြပါတယ်။
"သူ့အနေနဲ့က ကြားတာ မြင်တာတွေ ပြောင်းလဲမှုတွေကို လက်ခံပါတယ်ပေါ့။ ဒီထက်ပိုပြီးတော့ အရှိန်အဟုန်နဲ့ ပြောင်းလဲဖို့တော့ တိုက်တွန်းတာပေါ့နော်။ နောက် ဒီမိုကရေစီ ဒီထက်ကျအောင် တိုးပြီးတော့ လုပ်ပေးဖို့ တိုက်တွန်းတာပေါ့။ နောက် အကျဉ်းသား ၆၀၀၀ ကျော် လွတ်တဲ့ကိစ္စကိုလည်း ကြိုဆိုပါတယ်။ ပိုပြီးတော့ ဒီထက် ထင်သာမြင်သာအောင်၊ ပိုပြီးတော့ လွတ်နိုင်အောင် ကြိုးပမ်းဖို့လည်း တိုက်တွန်း ပါတယ်တဲ့။
သူအခုလာတာ တွေ့ရ မြင်ရတာကို အပြန်ကျတဲ့အခါ အထွေထွေ အတွင်းရေးမှူးကို ပြန်ပြောပါမယ် တဲ့။ နောက်တခေါက် အထွေထွေ အတွင်းရေးမှူး လာမယ် ဆိုရင်တော့ သူ့ကိုလည်း ဒီထက် တိုးတက်တဲ့ အခြေအနေ မြင်သွားလို့ရှိရင် လက်ခံနိုင်သလောက် လက်ခံသွားမှာ ဖြစ်ပါတယ်တဲ့။ အခု သူလက်ခံသလို အနောက်နိုင်ငံ ဥရောပတို့ အီးယူနိုင်ငံတို့မှာ ပုဂ္ဂိုလ်တွေလည်း အနည်းငယ် ရှိပါတယ်တဲ့။ အများစုကတော့ မြန်မာနိုင်ငံကို အပြစ် ပြောနေဆဲ ဖြစ်ပါတယ်တဲ့။ မြန်မာနိုင်ငံအနေနဲ့ အလျော့ပေးပြီးတော့ ဒီလို ပြောင်းလဲမှုနှုန်း တိုးတက်လာတာနဲ့အမျှ အဲဒီလို ပုဂ္ဂိုလ်တွေရဲ့ အပြောကလည်း လျော့လာမှာ ဖြစ်နိုင်ပါတယ်လို့ သူက ထင်မြင်ချက် ပေးပါတယ်။"
ဟုတ်ကဲ့၊ သူက အတွင်းရေးမှူးချုပ်လာမယ်လို့ ပြောသလားခင်ဗျ၊ မြန်မာပြည်ကို။
"ဟုတ်ကဲ့၊ လာမယ်လို့ ပြောတယ်။ ဒါပေမယ့် အချိန်တော့ မပြောဘူးဗျ။"
မကြာခင်လာမယ်လို့ ပြောသလား။
"ဟုတ်ကဲ့၊ လာမယ်။ လာတဲ့အခါကျရင် ဒီထက် တိုးတက် ပြောင်းလဲတဲ့အခြေအနေ သူမြင်သွားရင် သူလည်း လက်ခံသွားနိုင်တယ် ဆိုတဲ့ဟာကို သူ မျှော်လင့်ပါတယ်ပေါ့။"
ဦးခင်အောင်မြင့်ကရော ဘာတွေများ မေးပါသေးလဲခင်ဗျ၊ သူ့ဘက်က မေးတာ သိချင်တာတွေ ရှိပါသလား။ ဘာတွေများ ဆွေးနွေးပါသလဲ။
"ဦးခင်အောင်မြင့်ကတော့ Sanction လေးတွေ (ပိတ်ဆို့ အရေးယူမှုတွေ) လျော့ပေးဖို့၊ ပြန်သွားရင် ပြန်ပြောပေးပါလို့ အဲဒီလို စကား ပါးလိုက်တယ်။ နောက်ပြီးတော့မှာ ကျနော်တို့က ပါလီမန်စံနစ် ချီတက်တာက အင်မတန်မှ နုနယ်သေးတဲ့အတွက်ကြောင့် သိပ် မြန်မြန် ဆန်ဆန်ကြီးတော့ ပြောင်းလဲရင် အခက်အခဲ တွေ့တာပေါ့။ အခုလိုပဲ တဖြည်းဖြည်းနဲ့ တိုးတက် ပြောင်းလဲသွားဖို့ ရည်ရွယ်ပါတယ် ဆိုပြီးတော့ ပြောပါတယ်။"
မစ္စတာ နမ်ဘီယားဟာ နိုင်ငံခြားရေးဝန်ကြီး ပြည်ထောင်စုဝန်ကြီး ဦးဝဏ္ဏမောင်လွင်၊ အလုပ်သမားနှင့် လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ပြည်ထောင်စုဝန်ကြီး ဦးအောင်ကြည်တို့နဲ့ အောက်တိုဘာလ ၃၁ ရက်နေ့မှာ တွေ့ဆုံခဲ့ပြီး ဖြစ်သလို နေပြန်တော်မှာ ကျင်းပနေတဲ့ အစိမ်းရောင် စီးပွားရေးနှင့် ဖွံ့ဖြိုးတိုးတက်မှု ဆိုင်ရာ နိုင်ငံတကာ ညီလာခံကို တက်ရောက်ခဲ့တယ်လို့ သိရပါတယ်။
အထူးအကြံပေးပုဂ္ဂိုလ် V J Nambiar နဲ့ မြန်မာ့ဒီမိုကရေစီအရေး ခေါင်းဆောင် ဒေါ်အောင်ဆန်းစုကြည်တို့ တွေ့ဆုံဖို့ ရှိတယ်လို့ သိရပေမယ့် ဘယ်နေ့မှာ တွေ့ကြမယ်ဆိုတာတော့ အတိအကျ မသိရသေးပါဘူး။
တချိန်တည်းမှာပဲ မြန်မာနိုင်ငံကို နိုဝင်ဘာ ၁ ရက်နေ့ မနက်မှာ ရောက်လာတဲ့ အမေရိကန်ဒီမိုကရေစီ၊ လူ့အခွင့် အရေးနဲ့ အလုပ်သမား ရေးရာ လက်ထောက် နိုင်ငံခြားရေးဝန်ကြီး မိုက်ကယ် ပို့စ်နာ (Michael Posner) နဲ့ နိုဝင်ဘာ ၂ ရက်နေ့မှာ ရောက်လာမယ့် မြန်မာနိုင်ငံ ဆိုင်ရာ အထူးအကြံပေးပုဂ္ဂိုလ် Derek Mitchell တို့ဟာ မြန်မာ့ ဒီမိုကရေစီအရေး ခေါင်းဆောင် ဒေါ်အောင်ဆန်းစုကြည်၊ NLD ဗဟို အလုပ်အမှုဆောင် အဖွဲ့ဝင်တွေနဲ့ နိုဝင်ဘာ ၄ ရက်နေ့မှာ တွေ့ဆုံမှာ ဖြစ်တဲ့အကြောင်း NLD ဗဟို ကော်မီတီဝင် ဦးဟန်သာမြင့်က အတည်ပြု ပြောကြားပါတယ်။
"အမေရိကန် ကိုယ်စားလှယ်တွေနဲ့ကတော့ ၄ ရက်နေ့၊ စီအီးစီတွေနဲ့ပါ ချိန်းထားပါတယ်။ ၄ ရက်နေ့မှာ အမေရိကန် ကိုယ်စားလှယ် တွေနဲ့ ၂ ယောက်လုံး တပြိုင်တည်း တွေ့မှာ။ မစ္စတာ နမ်ဘီယားနဲ့တော့ ဘယ်တော့တွေ့မလဲ မသိဘူး။ တွေ့မှာတော့ သေချာတယ်။"
အမေရိကန်ကိုယ်စားလှယ် ၂ ယောက်ဟာ အစိုးရနဲ့ NLD ကိုယ်စားလှယ်တွေ အပြင် မြန်မာနိုင်ငံမှာ ရှိနေတဲ့ တခြား နိုင်ငံတကာ အဖွဲ့အစည်းတွေ၊ လူထုအခြေပြု လူမှုအဖွဲ့အစည်းတွေနဲ့ပါ တွေ့ဆုံပြီး မြန်မာနိုင်ငံ အတွင်းက နိုင်ငံရေး အကျဉ်းသားတွေနဲ့ လူ့အခွင့်အရေး အခြေအနေတွေကို ဆွေးနွေးဖို့ ရှိတယ် ဆိုတာကိုလည်း အမေရိကန်သံရုံးက အတည်ပြု ပြောဆိုပါတယ်။
ဒီကိုယ်စားလှယ် ၂ ယောက်ဟာ မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ စစ်မှန်တဲ့ ပြုပြင်ပြောင်းလဲ မှုတွေ ဖြစ်ပေါ်လာရေး မြန်မာအစိုးရနဲ့ အမေရိကန် အစိုးရကြား ဆွေးနွေးနေကြတာတွေရဲ့ နောက်ဆက်တွဲအဖြစ် မြန်မာနိုင်ငံကို ရောက်ရှိ လာကြတာ ဖြစ်တယ်လို့လည်း ရန်ကုန်မြို့မှာရှိတဲ့ အမေရိကန်သံရုံးက အတည်ပြု ပြောဆိုပါတယ်။
Ref: VOA News
ပြည်ထောင်စု လွှတ်တော်ဆုံးဖြတ်ချက် ပြည်သူ့လွှတ်တော် ကန့်ကွက်
စုမြတ်မွန်
အင်္ဂါ, 01 နိုဝင်ဘာ 2011
မြန်မာနိင်ငံ၊ ပြည်ထောင်စုလွှတ်တော်ရဲ့ လုပ်ထုံးလုပ်နည်း မှားယွင်းမှုတရပ်ကို ကန့်ကွက်ဖို့ ပြည်သူ့ လွှတ်တော်က ဆုံးဖြတ် လိုက်ပါတယ်။ လွှတ်တော်မှာ တင်ပြဆဲ ဥပဒေကြမ်းကို ဖွဲ့စည်းပုံ ခုံရုံးက ဝင်ရောက် စွက်ဖက်ခွင့်နဲ့ ကန့်ကွက် လိုသူတွေကို ဆွေးနွေးခွင့် မပေးခဲ့တဲ့ ကိစ္စတွေနဲ့ ပတ်သက်ပြီး ပြည်သူ့လွှတ်တော် ကိုယ်စားလှယ်တွေက မကျေမနပ် ဖြစ်ခဲ့ကြတာပါ။ ဒီအကြောင်း အပြည့်အစုံကို မစုမြတ်မွန်က တင်ပြ ပေးထားပါတယ်။
ပြည်ထောင်စုလွှတ်တော်က အတည်ပြုသော၊ ဒါမှမဟုတ် ပြည်ထောင်စုလွှတ်တော်က အတည်ပြု တယ်လို့ မှတ်ယူရမည် ဖြစ်တဲ့ ဥပဒေ ကြမ်းတွေကို နိုင်ငံတော် ဖွဲ့စည်ပုံ အခြေခံဆိုင်ရာ ခုံရုံးက စီစစ်နိုင်ဖို့ တင်ပြရမယ်ဆိုတဲ့ အဆိုတခုကို အောက်တိုဘာလ ၂၈ ရက်နေ့က ပြည်ထောင်စု လွှတ်တော်နာယက-က ကန့်ကွက်သူရှိ မရှိ မမေးဘဲ ထောက်ခံခဲ့တဲ့ အတွက် ဒါကို ပယ်ဖျက်ပေးရေး ဒီကနေ့ ပြည်သူ့ လွှတ်တော်မှာ ဆုံးဖြတ်ခဲ့တာ ဖြစ်တယ်လို့ ရခိုင် တိုင်းရင်းသားများ တိုးတက်ရေးပါတီ၊ မြေပုံမြို့နယ် လွှတ်တော် ကိုယ်စားလှယ် ဦးဖေသန်းက VOA မြန်မာပိုင်းကို ခုလို ရှင်းပြပါတယ်၊
“အောက်တိုဘာ ၂၈ ရက်နေ့က ပြည်ထောင်စုလွှတ်တော်မှာ အတည်ပြုခဲ့တဲ့အဆိုကို ကျနော်တို့ ဒီနေ့ ပြည်သူ့ လွှတ်တော် အခွင့်အရေး ကော်မတီရဲ့ အတွင်းရေးမှူး ဒေါက်တာစိုးရင်က နေပြီးတော့ အဲဒါကို ကန့်ကွက်ကြောင်းနဲ့ ပယ်ဖျက်ပေးဖို့ အကြောင်းကို အဆို တင်သွင်းတယ်။ အဲဒီအပေါ်မှာ ကျနော်တို့ ပြည်သူ့ လွှတ်တော် ကိုယ်စားလှယ် လေး၊ ငါး၊ ခြောက်ဦးက ထောက်ခံ ဆွေးနွေးပြီးတော့ အဲဒါကို ပြည်သူ့ လွှတ်တော်ရဲ့ အတည်ပြုချက်နဲ့ ဒေါက်တာစိုးရင် တင်သွင်းတဲ့ အဆိုကို ကျနော်တို့ အတည်ပြု ပါတယ်။ အဲဒီအဆို အတည်ပြုတဲ့ အတွက်နဲ့ ပြည်ထောင်စု လွှတ်တော်က လွဲမှားစွာ အတည်ပြုခဲ့တဲ့ အဆိုကို ပယ်ဖျက်ပေးဖို့ ပြန်ပြီးတော့ သက်ဆိုင်ရာကို အကြောင်းကြားမှာ ဖြစ်ပါတယ်။ ဒီအဆိုကို လုံးဝ ပယ်ဖျက်ပေးဖို့ ကျနော်တို့ ပြည်သူ့လွှတ်တော်က ဆုံးဖြတ် လိုက်တယ်။ အဲဒီဟာကို သက်ဆိုင်ရာကို အကြောင်းကြားမှာပါ။”
အောက်တိုဘာ ၂၈ ရက်နေ့က ပြည်ထောင်စုလွှတ်တော် နာယက အဆိုတင်သွင်း အတည်ပြုခဲ့တာကို ပယ်ဖျက် ပေးဖို့ ပြည်သူ့ လွှတ်တော် အခွင့်အရေး ကော်မတီက ဒီနေ့ ဘာကြောင့် ကန့်ကွက်ရသလဲ ဆိုတာကို မေးကြည့်တော့ လွှတ်တော် ကိုယ်စားလှယ် ဦးဖေသန်းပြောတာက-
“အဲဒီနေ့က အဲဒီအဆိုကို တင်သွင်းတဲ့ပုဂ္ဂိုလ်မရှိဘူး။ ပြည်သူ့လွှတ်တော်ကိုယ်စားလှယ်တွေ တင်သွင်းတာ ဘယ်သူမှ မရှိဘူး ဆိုတဲ့ တချက်ကို သူတို့က ပြောတယ်။ နောက်တချက်က နာယကကြီးက ထောက်ခံသူရှိပါသလားဆိုပြီးတော့ပဲ မေးပြီးတော့ ကန့်ကွက်တဲ့သူ ရှိပါသလားဆိုတဲ့ အမေးကို မမေးတဲ့အတွက် ကန့်ကွက်ချင်တဲ့ လွှတ်တော်ကိုယ်စားလှယ်တွေရဲ့ အခွင့်အရေး ဆုံးရှုံးတယ်ပေါ့။ အဲဒါက ဒုတိယအချက်ပေါ့။
တတိယအချက်က အဲဒါဟာ ပြည်သူ့လွှတ်တော်ဆိုင်ရာ ဥပဒေတွေနဲ့ရော ဖွဲ့စည်းပုံအခြေခံ ဥပဒေနဲ့ရော မညီညွတ်ဘူး။ အဲဒါကြောင့် အဲဒါဟာ ဥပဒေအရ မှားယွင်းချက် ဖြစ်တယ်လို့ နောက်တခုက ပြောပါတယ်။ ဘာလို့လဲဆိုတော့ အဲဒီနေ့က အဆိုမှာ ဘယ်လို ပါသလဲဆိုတော့ ပြည်ထောင်စု လွှတ်တော် အစည်းအဝေး လုပ်တုန်းမှာ ဘယ်လိုပါသလဲ ဆိုတော့ ပြည်ထောင်စု လွှတ်တော်က အတည်ပြုသော (သို့မဟုတ်) ပြည်ထောင်စုလွှတ်တော်က အတည်ပြုသည်ဟု မှတ်ယူရမည် ဖြစ်သော ဥပဒေကြမ်း များကို နိုင်ငံတော် ဖွဲ့စည်းပုံ အခြေခံ ဥပဒေ ဆိုင်ရာ ခုံရုံးကပဲ စီစစ်ပေးဖို့ တင်ပြပေးရမယ် ဆိုပီးတော့ အဲဒီအဆိုကို ထောက်ခံခိုင်းတာပါ။
အဲဒီအဆိုကို သဘောတူညီချက် ရပြီဆိုတဲ့အခါမှာ ခုနကလိုပဲ ထောက်ခံတဲ့သူကိုပဲ မေးပြီးတော့ ကန့်ကွက်မဲ့သူကို မမေးပါဘူး။ အဲဒါနဲ့ပဲ အဲဒီအစည်းအဝေး ပြီးပြီးချင်းမှာ ပြည်သူ့လွှတ်တော် ကိုယ်စားလှယ် တချို့က သွားပြီးတော့ ပြည်သူ့လွှတ်တော် အခွင့်အရေး ကော်မတီကို တင်ပြပါတယ်။ အဲဒါနဲ့ပဲ ဒီနေ့ ကြားဖြတ်တင်သွင်းမှုတခု ဖြစ်လာတယ်”
ရခိုင်တိုင်းရင်းသားများတိုးတက်ရေးပါတီရဲ့ မြေပုံမြို့နယ် လွှတ်တော်အမတ် ဦးဖေသန်းဖြစ်ပါတယ်။ လွှတ်တော်ကို တင်သွင်းလာတဲ့ ဥပဒေကြမ်း တခုအတွက် ပုံမှန်အားဖြင့် အမျိုးသား လွှတ်တော်နဲ့ ပြည်သူ့ လွှတ်တော်တို့ရဲ့ အတည်ပြုချက် တွေကို ရယူဖို့ လိုအပ်ပါတယ်။ လွှတ်တော် ၂ ရပ်လုံး အတည်ပြုနိုင်ရင် ဒီဥပဒေကြမ်း အတည်ဖြစ်ဖို့ သမ္မတရဲ့ အတည်ပြုချက်ကို ယူရမှာဖြစ်ပေမဲ့ ဖွဲ့စည်းပုံခုံရုံးက စိစစ်ရဦးမယ်ဆိုတဲ့ အဆိုကို အမျိုးသား လွှတ်တော် ဥက္ကဋ္ဌလည်းဖြစ်၊ ပြည်ထောင်စု လွှတ်တော် နာယကလည်း ဖြစ်တဲ့ ဦးခင်အောင်မြင့်က ကန့်ကွက်လိုသူ ရှိ မရှိ မေးမြန်းခြင်းမပြုဘဲ အတည် ပြုခဲ့တာဖြစ်ပါတယ်။ ဒီအပေါ် ပြည်သူ့ လွှတ်တော်မှာ ဒီကနေ့ ကန့်ကွက်ခဲ့ပြီမို့ ဒီကိစ္စကို ပြည်ထောင်စုလွှတ်တော် တင်ရေး ဥပဒေကြမ်း ကော်မတီနဲ့ ပြည်သူ့လွှတ်တော် ကိုယ်စားလှယ်တွေ ဆက်လုပ်သွားမယ်လို့ လွှတ်တော်ကိုယ်စားလှယ် ဦးဖေသန်းက ပြောပါတယ်ရှင်။
Ref: VOA News
သမဝါယမနှင့် တောင်သူများ အပြန်အလှန် တရားစွဲ
ဖနိဒါ
အင်္ဂါနေ့၊ နိုဝင်ဘာလ ၀၁ ရက် ၂၀၁၁
ချင်းမိုင်(မဇ္စျိမ) ။ ။ “ခေတ်သစ် လယ်ယာမြေနှင့် အထွေထွေ စီးပွားရေး လုပ်ငန်း သမဝါယမ အသင်း လီမီတက်” နှင့် မန္တလေးတိုင်း ပြင်ဦးလွင်မြို့နယ် သက္ကံချိုင်းကျေးရွာအုပ်စု ညောင်ကုန်းကျေးရွာမှ တောင်သူများ အပြန်အလှန် တရားစွဲဆိုမှု ဖြစ်ပွားလျက် ရှိသည်။
ဦးတွတ်နီ၊ ဦးသန်း၊ ဦးနေလင်းအောင်၊ ဦးကံညွန့်၊ ဦးသိန်းဖေ၊ ဦးနေဝင်း၊ ဦးအေးကို၊ ဦးဝင်းစိုးနိုင်နှင့် ဦးညိုဝင်းတို့ကို ပိုင်နက် ကျူးကျော်မှုနှင့် မီးရှို့ ဖျက်ဆီးမှုတို့ဖြင့် သမဝါယမက စွဲဆိုထားသော အမှုကို ပြင်ဦးလွင်ခရိုင် တရားရုံးတွင် အင်္ဂါနေ့က တတိယ အကြိမ် ကြားနာမှုပြုခဲ့သည်။ တနေ့တည်းမှာပင် တရားခံကိုးဦး အပါအဝင် ညောင်ကုန်းရွာသား တောင်သူ ၃၁ ဦးက သမဝါယမ အသင်းထံမှ နစ်နာကြေး ရလိုမှုဖြင့် တရားရုံးတော်သို့ ဦးတိုက် လျှောက်ထားလိုက် သည်။
ကိုးဦးကို စွဲဆိုထားသော အမှုအတွက် ခရိုင်တရားသူကြီး ဦးမြဌေးကျော်ထိုင် တရားခွင်တွင် နှစ်နာရီခန့် ကြားနာရာ တရားလိုဖြစ်သော သမဝါယမ အသင်း မန်နေဂျာ ဦးဘုန်းကျော်က ထွက်ဆိုသွားခဲ့သည်။ တရားခံများ အတွက် အာမခံ လျှောက်ထားချက်ကိုမူ တရားသူကြီးက ပယ်ချခဲ့သည်။
၂၀၀၈ ခုနှစ် နိုဝင်ဘာလအတွင်းက ကော်ဖီ စိုက်ပျိုးရန် အတွက် ညောင်ကုန်းရွာသား ၁၃၇ ဦး၏ မြေဧက ၅၁၀ ဧကကို သိမ်းယူခဲ့သည်။
စက်တင်ဘာလ ၄ ရက်နေ့က သမဝါယမ၏ စိုက်ခင်းကို ခုတ်ထွင်ရှင်းလင်းပြီး ၁၀ ပေပတ်လည် သက်ကယ်အမိုး၊ ဝါးထရံကာ တဲအိမ် တလုံး မီးရှို့သည်ဟု တောင်သူ ကိုးဦးကို ပိတ်ချင်းမြောင် ရဲတပ်ဖွဲ့က ဖမ်းဆီး၍ ပြစ်မှုဥပဒေ ဆိုင်ရာ ပိုင်နက်ကျူးကျော်မှု ပုဒ်မ ၄၄၇၊ အကျိုးဖျက်ဆီးမှု ၄၂၇ နှင့် မီးရှို့ဖျက်ဆီးမှု ပုဒ်မ ၄၃၆ စသည့် ပုဒ်မ ၃ ခု ဖြင့် တရား စွဲဆိုထားသည်။
တောင်သူ ၃၁ ဦးတို့က မြေယာပြန်လည် ရရှိရေးနှင့် လေးနှစ်စာ စိုက်ပျိုးခွင့် မရခဲ့သဖြင့် နစ်နာဆုံးရှုံးမှုများ အတွက် ယင်း သမဝါယမ အသင်း လီမိတက်ကို ပြန်လည် တရားစွဲဆိုရာ တရားသူကြီး ဒေါ်ချစ်ချစ်က လက်ခံစိစစ်လျက် ရှိသည်။
တောင်သူများ တင်ပြထားသော နစ်နာဆုံးရှုံးမှု ကျပ်ငွေ ၁,၇၄၇ သိန်းနှင့် နှစ်သောင်း (၁၇၄,၇၂၀,၀၀၀ ကျပ်) ရှိသည်ဟု တောင်သူများ ဘက်မှ ရှေ့နေ ဦးမြင့်သွင်က ပြောသည်။
သမဝါယမ အသင်းဘက်မှ ဥပဒေ အရာရှိများ ဖြစ်သော ဒုခရိုင် ရှေ့နေ ဦးမောင်မောင်လေးနှင့် ခရိုင်ရှေ့နေ ဦးပေါ်ဦးတို့မှ လိုက်ပါဆောင်ရွက် ပေးနေသည်ဟု သိရသည်။
အာဏာပိုင်များက နိုင်ငံတော် ကုန်စည် စီမံကိန်းဟူ၍ ယာမြေများ သိမ်းယူခဲ့သော်လည်း သီးစားအခွန်ကို ၂၀၀၈ ခုနှစ်မှ ၂၀၁၀ ခုနှစ်ထိ တနှစ်လျှင် ကျပ်ငွေ ၁၅,၀၀၀ ကို ကျေးရွာ ဥက္ကဋ္ဌထံ ပေးသွင်းနေရသဖြင့် စိုက်ခင်းကို ခုတ်ထွင် ရှင်းလင်းခဲ့ခြင်း ဖြစ်သည်ဟု ဖမ်းဆီး ခံထားရသူ ဦးနေလင်းအောင်၏ သား ကိုနေထွန်းဦးက ပြောသည်။
ဖမ်းဆီးခံထားရသူ ကိုးဦးအနက်မှ အသက် ၆၆နှစ်ရှိ ဦးသန်းသည် ယနေ့ တရားခွင်သို့ ရောက်ရှိလာသော်လည်း သွေးတိုး ဝေဒနာ ခံစားနေရပြီး တခြား အသက် ၇၀ နှစ်ကျော်အရွယ်ရှိ ဦးတွပ်နီသည်လည်း သွေးတိုးရောဂါ ခံစားနေရသဖြင့် ကျန်းမာရေး အခြေအနေ စိုးရိမ်နေရသည်ဟု ဦးသန်း၏ သားဖြစ်သူ ကိုမြင့်မော်က ပြောသည်။
“ကျနော်တို့က သီးစားမြေယာကို အကုန်လုံးမရရင်တောင် နည်းနည်းပါးပါး ပြန်ရချင်တယ်။ နောက် ဖမ်းထားသူတွေ ကိုလည်း ကျနော်တို့ သားသမီးတွေ အနေနဲ့ ပြန်လွှတ် စေချင်တယ်။ ကျနော်တို့က ယာမြေမရှိတော့ အငှားလုပ်စား ရတယ်”ဟု သူက မဇ္စျိမကို ပြောသည်။
Ref: မဇ္ဈိမ
မြ၀တီမှာ အဓမ္မ ငွေတောင်းသူများကို အရေးယူပြီ
November 1, 2011
ထိုင်း-မြန်မာနယ်စပ် မဲဆောက်မြို့မှတဆင့် မြန်မာနိုင်ငံ မြ၀တီမြို့ဘက်သို့ ပြန်ပို့ခြင်း ခံရသည့် မြန်မာ အလုပ်သမားများ ထံမှ ကရင် နယ်ခြားစောင့် တပ်နှင့် လူပွဲစားများ၏ တရားမ၀င် ငွေတောင်းခံနေသည့် လုပ်ရပ်များကို စနေနေ့က စတင်၍ မြ၀တီ ခရိုင် အာဏာပိုင်များက ဖမ်းဆီး အရေးယူမှုများ ပြုလုပ်နေပြီ ဖြစ်သည်။
ထို့ကြောင့် အလုပ်သမားများကို ငွေတောင်းခံသည့် မြ၀တီမြို့ အမှတ် ၅ ရပ်ကွက်ရှိ အမှတ် ၁၀ ဂိတ်မှ လူပွဲစားများ တနင်္ဂနွေ နေ့က စတင်ကာ ထိုင်းနိုင်ငံ မဲဆောက်ဘက်သို့ တိမ်းရှောင်လျက် ရှိသည်။
အမှတ် ၁၀ ဂိတ်တွင်နေထိုင်သည့် ကုန်သည်တဦးက“နေပြည်တော် အမိန့်နဲ့ လူပွဲစားတွေနဲ့ ကရင် နယ်ခြားစောင့် တပ်ဖွဲ့တွေကို မြ၀တီ အာဏာပိုင်တွေက ထိန်းချုပ်လိုက်တယ်။ လက်ရှိအမှတ် ၁၀ ဂိတ်ကို စစ်တပ်နဲ့ ရဲတွေက ထိုင်ပြီ၊ ထိုင်းဘက်က ပြန် လာတဲ့ လူတွေဆီက ငွေတောင်းတာ မရှိတော့ဘူး၊ ပိုက်ဆံမပါဘဲ ပြန်လာတဲ့ အလုပ်သမား တွေကိုလည်း ဘားအံ မြို့အထိ အခမဲ့ပို့ဆောင် ပေးတာတွေ ရှိတယ်၊ အရင်ကငွေ တောင်းတဲ့ လူပွဲစားတွေကိုလည်း လိုက်ဖမ်းနေတယ်”ဟု ပြောသည်။
ကရင် နယ်ခြားစောင့် တပ်နှင့် လူပွဲစားများက အလုပ်သမား တဦးလျှင် ထိုင်းဘတ်၂၅၀၀ တောင်းခံခဲ့ခြင်း ဖြစ်သည်။
ယခုလဆန်းမှ စတင်ပြီး ထိုင်းနိုင်ငံအတွင်း ရေကြီးမှုကြောင့် အယုဒ္ဓယ ခရိုင်၊ ဘန်ကောက်မြို့အနီး ပထုံဌာနီနှင့် စက်မှုဇုန်ကြီး များရှိ စက်ရုံ အလုပ်ရုံများ ပိတ်လိုက်၍ နေရပ် ပြန်လာကြသည့် မြန်မာ အလုပ်သမား များကို မြ၀တီမြို့တွင် လူပွဲစားများက နယ်ခြားစောင့် တပ်ဖွဲ့ဝင်များနှင့် ပေါင်း၍ အဓမ္မ ငွေကြေး ကောက်ခံမှုများ ပြုလုပ်နေခြင်း ဖြစ်သည်။ ပြန်လာသူများမှာ အောက် တိုဘာ ၁၅ ရက်ခန့်မှ စတင်၍ လူ ရာဂဏန်းမှ ထောင်ဂဏန်း ၀န်းကျင်ရှိသည်။
အဓမ္မ ငွေတောင်းခံရသူ အများစုမှာ ထိုင်းဘက်မှ အဖမ်းခံရပြီး ပြန်လာသော မြန်မာ အလုပ်သမားများ ဖြစ်ကြောင်း သိရ သည်။
ထိုင်းနိုင်ငံတွင် အဖမ်းခံရပြီး မြ၀တီဘက် ပြန်ရောက်လာသည့် မြန်မာ အလုပ်သမားများကို လူပွဲစားများက မတရား ငွေတောင်းသည့် ဖြစ်ရပ်များကို ပြည်ပ သတင်းဌာနများက သတင်း ထုတ်ပြန် ခဲ့ခြင်းကြောင့် ဖြစ်သည်ဟု မြ၀တီမြို့မှ ကုန်သည်ကြီး တဦးက ပြောသည်။
၎င်းက“ဒီလဆန်းကစပြီး ဘန်ကောက်မှာရေကြီးတော့ စက်ရုံ အလုပ်ရုံတွေ ပိတ်လိုက်ရတယ်၊ သောင်းနဲ့ချီတဲ့ မြန်မာအလုပ် သမားတွေ ဒီလလယ် နောက်ပိုင်း မြ၀တီ လမ်းက နေရပ်ပြန်ကြတာ တရက်ကိုလူ ၃၀၀၀ ထောင် နီးပါးရှိတယ်၊ အဲဒီအထဲက ၂၀၀၀ လောက်က တရားမ၀င် နေထိုင်မှုနဲ့ အဖမ်းခံရပြီး ပြန်လာကြတဲ့ လူတွေ၊ သူတို့ကို အမှတ် ၁၀ ဂိတ် (၉၉၉ ဂိတ်)မှာ တ ယောက်ကိုဘတ်၂၅၀၀ တောင်းတယ်၊ ပြန်လာကြတဲ့ လူတွေ အတော့်ကို ဒုက္ခရောက်ကြတယ်၊ ဘယ်သူမှ မပြောရဲ မဆိုရဲဖြစ် နေတာ၊ အခုမှ ဒီပြဿနာ ပြီးသွား တော့တယ်၊ ဒါက ပြည်ပ သတင်းဌာနတွေကြောင့် ဖြစ်သွားတာ”ဟုလည်း ဆိုသည်။
ကရင်ပြည်နယ် ဘားအံမြို့သို့ ပြန်ရောက်သွားသည့် အလုပ်သမ တဦးကလည်း ငွေတောင်းခံမှု မရှိတော့သော်လည်း အာဏာ ပိုင် များ၏ စစ်ဆေး မေးမြန်းမှုများကို အချိန်ကြာမြင့်စွာ ကြုံတွေ့ခဲ့ရသည့် အတွက် အလုပ်သမားများသည် တရက်ခြား ယာဉ်တန်း မမီဘဲ မြ၀တီတွင် အများအပြား သောင်တင် ခဲ့ကြရသည်ဟု ပြောပြသည်။
“ကျမတို့ ဘန်ကောက်မှာ အဖမ်းခံရပြီး မဲဆောက်က ထိုင်းလူဝင်မှု ကြီးကြပ်ရေးရုံးကို ရောက်တော့ တယောက်မကျန် ကိုယ်ရေး ရာဇ၀င် ဖြည့်ကြရတယ်၊ လက်ဗွေနှိပ်ရတယ်၊ နေရပ်လိပ်စာ မိဘအမည်နဲ့ မှတ်တမ်း ဓာတ်ပုံတွေ အရိုက် ခံရသလို မြ၀တီဘက် ပြန်ရောက်တော့လည်း နေရပ်လိပ်စာ မိဘအမည်တွေ ကောက်ပြီး အုပ်စုလိုက် ဓာတ်ပုံ အရိုက်ခံရတာတွေ ရှိတယ်။ တကယ် ပိုက်ဆံမရှိတဲ့ လူတွေကိုကျတော့ အိမ်ပြန်ဖို့ ကားကြုံနဲ့ ထည့်ပေးတာတော့ ရှိတယ်၊ မြ၀တီခရိုင် အာဏာပိုင်တွေက အလုပ်သမား တယောက်ကို ကျပ် ၁ သောင်းစီ ပေးတယ်ဆိုတဲ့ သတင်းကတော့ လုံးဝ မဟုတ်ဘူး”ဟု ဘားအံ ပြန်ရောက် သွားသော အလုပ်သမက ပြောသည်။
မြန်မာလူပွဲစား တဦး၏ အဆိုအရ အမှတ် ၁၀ ဂိတ် တွင် ထိုင်းနိုင်ငံမှ ပြန်လာကြသည့် မြန်မာများကို ငွေကြေး ကောက်ခံ လာသည်မှာ ၁၀ ကျော်ရှိပြီ ဖြစ်ကြောင်း၊ လူပွဲစားများနှင့် ယခင်က တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) အထူး တပ်ရင်း ၉၉၉ တို့ပူးပေါင်း၍ ကောက်ခံခဲ့ခြင်းဖြစ်သည်ဟု သိရသည်။
ယမန်နှစ်က DKBA အဖွဲ့သည် နယ်ခြားစောင့်တပ် အသွင်ပြောင်းသွားပြီး နောက်တွင် လူပွဲစားများမှာ ကရင် နယ်ခြားစောင့် တပ်များနှင့် လက်ရှိ အချိန်အထိ ပုံမှန် လုပ်ကိုင်လျက်ရှိပြီး ရရှိလာသည့် ငွေကြေးများကို လူပွဲစားများ၊ နယ်ခြားစောင့် တပ်၊ ထိုင်း လ၀က အဖွဲ့နှင့် အချိုးကျ ခွဲဝေကြရကြောင်း၊ ဝေစု အများစုကို လက်ရှိတွင် နယ်ခြားစောင့် တပ်က ရရှိကြောင်း၊ နယ်ခြား
စောင့်တပ်မှ ရရှိသည့်ငွေကြေး တချို့ကို မြ၀တီခရိုင် အာဏာပိုင် တချို့ကို ခွဲဝေပေးရသေးကြောင်းလည်း ၎င်း လူပွဲစားက ဆို သည်။
နောက်ဆုံးရရှိသည့် သတင်းများအရ မြန်မာအလုပ်သမားများ ထံမှ တရားမ၀င် ငွေကြေး ကောက်ခံသည့် အမှတ် ၁၀ ဂိတ်မှ တိမ်းရှောင်နေသည့် လူပွဲစားများကို တဦးတယောက်မျှ ဖမ်းဆီးနိုင်ခြင်း မရှိသေးသည့် အပြင် တခြားပါဝင် ပတ်သက်သူများကို လည်း တစုံတရာ အရေးယူနိုင်ခြင်း မရှိသေးကြောင်း သိရှိရသည်။
Ref: ဧရာဝတီ
Tuesday, November 1, 2011
ဦးဂမ္ဘီရ စိတ်ကျန်းမာရေး စိုးရိမ်ကြောင်း မိခင်ပြော
ကိုဝိုင်း
တနင်္လာနေ့၊ အောက်တိုဘာလ ၃၁ ရက် ၂၀၁၁
ချင်းမိုင် (မဇ္ဈိမ) ။ ။ စစ်ကိုင်းတုိုင်း ကလေးထောင်တွင် ရှိနေသော နိုင်ငံရေး အကျဉ်းသား ဦးဂမ္ဘီရ၏ စိတ်ကျန်းမာရေးနှင့် ပတ်သက်၍ စိုးရိမ်နေရကြောင်း မကြာသေးခင်က ထောင်ဝင်စာ သွားရောက် ပေးအပ်ခဲ့သော မိခင်ဖြစ်သူ ဒေါ်ရေးက ပြောသည်။
"မျက်နှာတွေ အသားအရေတွေ တော်တော်ကြမ်းသွားတယ်။ ရုပ်ပိုင်းဆိုင်ရာက ကြည့်ရတာ ဘာမှ မဖြစ်သလိုပေါ့။ စိတ်ပိုင်း ဆိုင်ရာကို အမေ သိပ်မကြိုက်ဘူး” ဟု အသက် ၆၂ နှစ်ရှိပြီဖြစ်သည့် ဒေါ်ရေးက တယ်လီဖုန်းမှ တဆင့်ပြောသည်။ ထောင်ဒဏ် ၆၃ နှစ် ကျခံနေရသော ရွှေဝါရောင် ဦးဆောင် သံဃာတပါးဖြစ်သူ ဦးဂမ္ဘီရကို အောက်တိုဘာ ၂၈ ရက်နေ့တွင် မိခင်ဖြစ်သူက မိနစ် ၄ဝ ခန့် တွေ့ခွင့်ရခဲ့သည်။
"မနေ့က ထပ်ကြားတဲ့သတင်းက ခန္တီးကနေ ကလေးကို ရွှေ့လာတာ နှစ်ရက်ခရီးမှာ မော်တော်ပေါ်မှာ နှိပ်စက်ခံရ သေးတယ် ပြောတယ်။ လက်ထိပ်ကို နောက်ပြန်ခတ်တယ်တဲ့။ အိတ် အမဲကြီး စွပ်တယ်တဲ့ ခေါင်းကို။ ပြောတဲ့လူ ကတော့ စာရိတ္တ ကောင်းပါတယ်။ အရပ်က လေးစားရတဲ့ ကျောင်းဆရာပါ။” ဟုလည်း မဇ္ဈိမကို ပြောပြသည်။
အင်္ဂါနေ့တွင် မိတ္တီလာမြို့သို့ပြန်မည်ဖြစ်ပြီး ဦးဂမ္ဘီရ ပြင်ပဆရာဝန်များနှင့် ဆေးကုသခွင့် ရရေး သက်ဆိုင်ရာ ဌာနများသို့ စာတင်ရန် စီစဉ်မည် ဟုလည်း ဒေါ်ရေးက ဆိုသည်။
Ref: မဇ္ဈိမ
တရုတ်နိုင်ငံအတွင်း မြန်မာထောက်လှမ်းရေး၏ အဖမ်း ခံခဲ့ရသူ
ကိုဝိုင်း
တနင်္လာနေ့၊ အောက်တိုဘာလ ၃၁ ရက် ၂၀၁၁
ချင်းမိုင် (မဇ္ဈိမ) ။ ။ ကိုစိန်အေးသည် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး ABSDF တွင် တာဝန် ထမ်းဆောင်နေရင်း တရုတ်- မြန်မာနယ်စပ် တရုတ်နိုင်ငံအတွင်း ရွှေလီနှင့် ကြယ်ခေါင် မြို့ အကြားတွင် ၁၉၉၉ ခုနှစ်က မြန်မာ ထောက်လှမ်းရေး များ၏ ဖမ်းဆီးခြင်း ခံခဲ့ရသည်။
အင်းစိန်ထောင်၊ သရက်ထောင်တို့တွင် ထောင်ဒဏ် ၁၂ နှစ်ကျော် ကျခံခဲ့ပြီး အောက်တိုဘာ ၁၂ ရက် လွတ်ငြိမ်း ချမ်းသာခွင့်ဖြင့် ပြန်လွတ်လာသည်။ ယခုအခါ ရှမ်းပြည်နယ်မြောက်ပိုင်း မိုးညင်းမြို့တွင် မိဘနှစ်ပါးနှင့် အတူ နေထိုင် လျက် ရှိသည်။
ကိုစိန်အေးတို့ ဖမ်းခံရတုန်းက ဘယ်နှစ်ယောက်လဲဗျ။
“ကျနော်တို့ အဖမ်းခံရတုန်းက နှစ်ယောက် အဖမ်းခံရတယ်။ ကျနော်နဲ့ ကိုသန်းဇော်။ ကိုသန်းဇော်က ၂၀၀၉ မှာ သာယာဝတီက လွတ်သွားတယ်လို့ သိရတယ်လေ။ ဖမ်းတဲ့ အချိန်က စပြီး အင်းစိန်ထောင်နဲ့ သရက်ထောင် တို့ အပါအဝင် စုစုပေါင်း ၁၂ နှစ် လေးလ နေခဲ့ရတယ်။ လျှော့ရက်မရဘူး။ ပထမအကြိမ် သာမန် လျှော့ရက်မှာ တနှစ် ရလိုက်တယ်။”
တရုတ်နိုင်ငံထဲမှာ ဖမ်းခံရတယ်လို့ သိရပါတယ်။ နည်းနည်းရှင်းပြပါလား။
“၁၉၈၈ ကနေ စပြောရမယ် ထင်တယ်ဗျ။ ၈၈ ဖြစ်လာတဲ့ အခြေအနေမှာ အာဏာသိမ်းတဲ့ အခါ လက်နက်ကိုင် တော်လှန်ရေးထဲ သွားမယ် ဆိုပြီးမှ တောထဲ ရောက်သွားတာပေါ့။ KIO (ကချင် လွတ်မြောက်ရေး အဖွဲ့) နယ်မြေ မှာ ကျနော်တို့ ရောက်သွားတယ်ဗျ။ KIO မှာ ABSDF- Northern Burma (မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး-မြောက်ပိုင်း) အနေနဲ့ ရပ်တည်ကြတယ်။”
“၁၉၉၄ ခုနှစ်မှာ KIO က နဝတနဲ့ အပစ်ခတ်ရပ်ရေး အတွက် သူတို့ စကားတွေ ဘာတွေ ပြောတယ်။ စာချုပ်တွေ ဘာတွေ ချုပ်လာပြီလေ။ အဲဒီလိုဖြစ်လာတဲ့ အချိန်မှာ ကျနော်တို့ ဟိုမှာ (KIO နယ်မြေ) ရှိတဲ့ အတိုင်းအတာမှာ သူတို့ အနေနဲ့လည်း ပြောရ ဆိုရတာ နည်းနည်း အခက် အခဲတွေလည်း ရှိမယ် ထင်တယ်။ စကားပြောဖို့ အတွက်ကို သူတို့ (နဝတ-နအဖ) ကမ်းလှမ်းတယ်ပေါ့။ ၁၉၉၆ ခုနှစ်မှာ မြစ်ကြီးနားကိုတော့ တခေါက် ရောက်သွားတယ်။ အပစ်ရပ်ရေး အတွက် စကားပြောဖို့ အတွက်ပေါ့။”
ကိုစိန်အေးကိုယ်တိုင် ရောက်သွားတာလား။ KIA နဲ့ရော ဆက်စပ်လား။
“ဟုတ်ကဲ့ဗျ။ အဲဒါလည်း KIA က ကျနော်တို့ကို ကူညီပေးတာပေါ့။ ABSDF မြောက်ပိုင်း အနေနဲ့ပေါ့။ ABSDF ဗဟို အနေနဲ့တော့ မူမရှိဘူးဗျ။ ဒါပေမယ့် မြောက်ပိုင်း အနေနဲ့ကျတော့ ထူးခြားတဲ့ အခြေအနေအရ ဗဟိုကလည်း ခွင့်ပြုလိုက်တယ်။ မြစ်ကြီးနား ထောက်လှမ်းရေး (၈) ထဲမှာပေါ့ဗျာ။ အဲဒီမှာ သုံးရက်လောက် စကားပြော ပြီးတော့ ဘာမှ မဖြစ်ဘဲနဲ့ ပြန်လာခဲ့တယ်။ ကျနော်တို့ ပြောတာက အခြေခံအဆင့် အပစ်ခတ်ရပ်ရေး။ ထောက်လှမ်းရေး ဘက်ကတော့ ဘယ်မှာနေမလဲ။ ဘာလုပ်ကိုင် စားသောက်မလဲ။ ဘယ်နေ့ လာကြိုရမလဲ ပြောတယ်။ ကျနော် အထက်ကို တင်ပြပါဦးမယ် ဆိုပြီးတော့ ပြန်လာတယ်။ KIO နယ်မြေမှာ ဆက်နေတယ်”
“KIO အဖွဲ့ကလည်း သူ့ရပ်တည်မှုနဲ့သူ ရှိတာပေါ့ဗျာ။ သူ့ရှင်သန်မှုနဲ့သူ ရှိမှာပေါ့။ ကျနော်တို့ အတွက်ကို သူတို့ အတွက် အခက်အခဲ ဖြစ်လာတယ် ထင်တယ်။ အဲဒီမှာတင် ကျနော်တို့က KIO နယ်မြေ ထဲကနေ ထွက်လာကြတယ်။ ၁၉၉၉ မှာပေါ့နော်။ တချို့က ရွှေလီမြို့မှာ။ တချို့က ရှမ်းပြည်ထဲ ရောက်သွားတယ်။ တချို့က ABSDF တောင်ပိုင်းကို ဆင်းသွားတယ်။ တချို့က အိန္ဒိယ နယ်စပ်ဘက် ရောက်သွားတယ်။ ဒီလို အခြေအနေမှာ ဆက်မနေနိုင်တော့ဘူး ဆိုပြီးမှ အိမ်ထောင်စု တော်တော် များများကလည်း ပြန်သွားကြတယ်။”
“ကျနော်က ၁၉၉၉ ခုမှာ ရွှေလီမှာနေတယ်။ ခြောက်လပိုင်း ၁၀ ရက်နေ့ပေါ့ဗျာ။ အလင်း ဝင်သွားတဲ့ လူတယောက်က လာခေါ်တယ်။ ကျနော် လိုက်သွားတယ်။ ကြယ်ခေါင် ရောက်ခါနီးမှာ မြန်မာ ထောက်လှမ်းရေး အယောက် ၂၀ လောက်က ကျနော်တို့ နှစ်ယောက်ကို ဝိုင်းချုပ်တယ်။ ကျနော့် မျက်မှန်ကို ချွတ်တယ်။ လက်ထိပ် ခတ်တယ်။ ကျနော် ခြောက်လ နေထိုင်ခွင့် လက်မှတ်နဲ့ နေတယ်။ တရုတ်ရဲကို ခေါ်ပေးပါ ဆိုတော့ သူတို့ ထောက်လှမ်းရေး အချင်းချင်းညှိပြီးမှ တရုတ်ရဲကို ခေါ်လိုက်တယ်။ အဲဒီမှာရှိတဲ့ လူက ကျနော့်ကို ထောက်လှမ်းရေးနဲ့ ထည့်လိုက်တယ်။ ကျနော် မူဆယ်မှာနေတယ်။ မူဆယ်ကနေ ကွတ်ခိုင် ထောက်လှမ်းရေး ဖြတ်ရတယ်။ သုံး- လေး ရက်လောက် ဖြတ်ရ တာပေါ့။ ပြီးတော့ မန္တလေး ထောက်လှမ်းရေးကို ရောက်တယ်”
ရွှေလီ၊ ကြယ်ခေါင် ဆိုတာတွေကို နည်းနည်းရှင်းပြပါလား။ ဘယ်အချိန်လောက်လဲ။
“ကျနော်က ရွှေလီမြို့ကနေ ထွက်လာခဲ့တာ။ တရုတ်ပြည် ထဲမှာပဲလေ။ ညနေ ၃ နာရီ ပတ်ဝန်းကျင်လောက်။ ကြယ်ခေါင် ဆိုတာက မူဆယ်နဲ့ ဟိုဘက်ကမ်း ဒီဘက်ကမ်း။ ခြံစည်းရိုးပဲ ခြားထား တာပေါ့ဗျာ။”
ထောက်လှမ်းရေးတွေက အရပ်ဝတ်တွေနဲ့ပဲလား။ ဘယ်လို လာဖမ်းကြတာလဲ။
“ဟုတ်တယ်။ အရပ်ဝတ်တွေနဲ့ပဲ။ တချို့ကလည်း ကြယ်ခေါင်ကို ဝင်လာတဲ့နေရာကို စောင့်နေတာပေါ့ဗျာ။ ကားနဲ့ရော။ ဆိုင်ကယ်နဲ့ရော။ တချို့က လမ်းလျှောက်ပြီး လာကြတာပေါ့ဗျာ။”
အဲဒီအချိန်မှာ ကိုစိန်အေး တယောက်တည်းလား။ ဘာနဲ့လာကြတာလဲ။
“ကျနော်နဲ့ ကိုသန်းဇော်နဲ့ဗျ။ ကျနော်တို့က တက္ကဆီငှားပြီး လာတာ။ တည်းခိုခန်း တခုပေါ့လေ။ တည်းခိုခန်း တခုကို ဝင်မယ်လို့ လုပ်လိုက်တဲ့ အခါမှာ သူတို့က ဖမ်းလိုက်တာပဲ။ တည်းခိုခန်း နာမည်တော့ မမှတ်မိတော့ ဘူး။”
“ကျနော်တို့ ကားပေါ်က ဆင်းတယ်။ သူတို့ လူအုပ်နဲ့ ရောက်လာတယ်။ ကျနော်က မျက်မှန် တပ်တယ် ဆိုတော့ မျက်မှန် အရင် ချွတ်လိုက်တယ်။ ပြီးတော့ လူကိုလှဲတယ်။ နောက်ပြန်ပြီးမှ လက်ထိပ်ခတ်တယ်။ လူ လေး- ငါး-ခြောက် ယောက်လောက် ဖိထားတယ်။ ပြီးတော့ ကျနော်တို့ နှစ်ယောက်လုံးကို ကားပေါ် တင်တယ်။ အဲဒီမှာ ကျနော် ခြောက်လ နေထိုင်ခွင့် လက်မှတ်နဲ့ နေတယ်ဆိုတော့ တရုတ်ရဲနဲ့ တွေ့ချင်တယ် ခေါ်ပေးပါ။ ကြယ်ခေါင် တနေရာကို ခေါ်သွားတယ်။ သူတို့ တရုတ်ရဲနဲ့ သွားစကားပြောတယ်။ တရုတ်အရာရှိ တယောက် ပါလာတယ်။ သူတို့နဲ့ ဘာစကား ပြောလိုက်မှန်း မသိဘူး။ ကျနော်တို့ နှစ်ယောက်ကို မူဆယ် ဘက်ကို လွှဲပေးလိုက်တယ်။”
မြန်မာထောက်လှမ်းရေးတွေက တရုတ်ရဲနဲ့ ညှိထားလို့လား။ ဘယ်လိုထင်လဲ။
“နယ်စပ်ဒေသ ပြဿနာတွေ ရှိမယ် ထင်တယ်ဗျ။ နှစ်နိုင်ငံ ပူးပေါင်းဆောင်ရွက်တဲ့ ဟာတွေ ရှိမယ် ထင်တယ်။ တချို့ လူကုန်ကူးတဲ့ ကိစ္စ။ မူးယစ်ဆေးဝါး ကိစ္စတို့။ အဲဒီတော့ ဆက်သွယ်မှုကတော့ သူတို့ ရှိနေတာပေါ့ဗျာ။ ဟိုဘက် ဒီဘက်က။”
တရုတ်ရဲနဲ့ စကားပြောတာ စုစုပေါင်း အချိန် ဘယ်လောက်ကြာလဲ။
“စုစုပေါင်း ၂၅ မိနစ်လောက်ပဲ ကြာမှာပေါ့။ မူဆယ်ကို ဝက်တုတ်, တုတ်ပြီး သယ်သွားတာပေါ့ဗျာ။ ရောက်တယ်။ အချုပ် တခုမှာပဲ ခြောက်ပေါက်ထဲ ထည့်တယ်ပေါ့။ မူဆယ်ကနေ ကွတ်ခိုင် ပို့တဲ့ အခါကျတော့ မျက်နှာ အုပ်ထားတယ်။ မူဆယ်မှာ ခဏလေးပဲ နေလိုက်ရတာပေါ့။”
ကွတ်ခိုင်ရောက်တော့ စစ်ဆေးသေးလား။
“ကျနော်တို့ကို ခွဲပြီးစစ်တယ်ဗျ။ အဲဒီတုန်းက ဖြစ်တဲ့ကိစ္စက ၉၊ ၉၊ ၁၉၉၉ (ကိုးလေးလုံး) ကိစ္စ၊ နောက် လက်နက်နဲ့ ဝင်ပြီး လှုပ်ရှားမယ် ဆိုတဲ့ ကိစ္စတွေနဲ့ ပတ်သက်ပြီး အတင်းအကျပ် စစ်တယ်ပေါ့ဗျာ။ စစ်ပြီးတော့ မန္တလေးကို ပို့လိုက် တယ်ဗျ။ ကွတ်ခိုင်မှာ လေးရက်လောက် ကြာမယ် ထင်တယ်။ ထောက်လှမ်းရေး ရုံးထဲမှာပဲ စစ်တာ။”
ဘယ်လိုစစ်ဆေးလဲ။ နှိပ်စက်သေးလား။
“ဆော်တယ်၊ ဆော်တယ်။ အဲဒီနေရာမှာတော့ ကျနော့်ကို ဆော်ပါတယ်။ ထောက်လှမ်းရေး ဖြတ်တဲ့ ကိစ္စ ကတော့လေ။ ဆော်တယ်ပဲ ပြောချင် တော့တယ်။ ကျန်တာ လူတွေကလည်း သိပြီးသားကိစ္စ ဆိုတော့လေ။ ကွတ်ခိုင်မှာ ထောက်လှမ်းရေး အရာရှိက ကျနော့် ကို မေးတယ်ဗျ။ မင်း ငါ့ကို သိလားတဲ့။ ကျနော်လည်း မသိဘူး ပြောလိုက် တယ်ဗျ။ မင်းညံ့လှချည်လားတဲ့။ ကျနော်ညံ့လို့ ခံရတာလို့။ အဲဒီလူက မြစ်ကြီးနား သွားတုန်းက ကျနော်နဲ့ စကား ပြောခဲ့တဲ့ လူဗျ။ ကျနော်က သိပါတယ်။ ဒါပေမယ့် မသိဘူး ပြောလိုက်တာ။”
ကွတ်ခိုင်ကနေ ဘယ်ကို ဆက်ရောက်သွားလဲခင်ဗျ။
“မန္တလေး ထောက်လှမ်းရေး (၁၆)၊ ထောက်လှမ်းရေး (၁) ရောက်တယ်။ ပြီးတော့ ရန်ကုန်ရောက်တယ်။ ရေကြည်အိုင်လား၊ ထောက်လှမ်းရေး (၇) လား မသိဘူးဗျ။ အဲဒီ ကနေမှ အင်းစိန်ထောင်ကို ရောက်တယ်။ အင်းစိန်ထောင်မှာ ရှစ်လပိုင်း ၁၇ ရက်နေ့လား မသိဘူး။ အင်းစိန်ထောင်ရှေ့မှာ ရှိတဲ့ တရားရုံးကနေ အမိန့်ချတယ်။ ကိုးလေးလုံး လှုပ်ရှားမှုကိစ္စ ၅ (ည) နဲ့က ခုနှစ်နှစ်။ ကျနော် ABSDF အဖွဲ့ဝင်ဖြစ်တဲ့ အတွက် ၁၇ (၂) နဲ့က ငါးနှစ်။ နယ်စပ်မှာ ရှိသမျှ စာအုပ်တွေ ထုတ်တဲ့ကိစ္စနဲ့ ပတ်သက်လို့ ဖတ်သလား၊ သိသလား ဆိုပြီး ပုံနှိပ် ၁၇ နဲ့က ခုနှစ်နှစ် ချတယ်ဗျ။ ၁၉ နှစ် ကျတယ်။”
မန္တလေး ထောက်လှမ်းရေး စခန်းတွေမှာ ဘယ်လောက်ကြာလဲ။ အဲဒီမှာတွေရောကြမ်းလား။
“နှစ်ခုပေါင်း ၅ ရက်လောက်ကြာမယ်။ အရင်ကြမ်းပြီးသား ဆိုတော့ လိုချင်တဲ့ အချက်လောက်တော့ ညှိယူတာ ပေါ့ဗျာ။ ကြမ်းတာတော့ ကြမ်းပါတယ် အဲဒီမှာလည်း။ အဲဒီမှာ အဓိက မေးတာကတော့ ကိုးလေးလုံး ကိစ္စ၊ မြို့တွင်းဖောက်ခွဲရေး ကိစ္စပဲဗျ။”
သူတို့က ဘာတွေ သိထားလို့လဲ။ ကိုစိန်အေးတို့နဲ့ ဘယ်လို ဆက်စပ်တယ်လို့ သူတို့က ယူဆတာလဲ။
“သူတို့သိထားတာက ကိုးလေးလုံး လှုပ်ရှားမှုနဲ့ ပတ်သက်ပြီး တနိုင်ငံလုံး အုံးအုံးကြွက်ကြွက် ဖြစ်နေတာကိုး။ အဲဒါကိုပဲ သူတို့ အဓိက ထားပြီး လိုချင်တာ ဖြစ်မယ် ထင်တယ်။ ကျနော်တို့က အဝင် အထွက်ရှိတယ်။ အဆက် အစပ်ရှိတယ်လို့ သူတို့က ထင်ထားတာကိုး။ ကျနော်တို့က ရွှေလီ ရောက်နေတာကိုး။ အဆက်ရှိနေတဲ့ လူက ရှိနေတော့ သူတို့ အဲဒီအပိုင်းကို မယုံဘူးလေ။”
အင်းစိန်ထောင်မှာ ဘယ်လောက်ကြာသွားလဲ။
“အင်းစိန်ထောင်မှာ ၂၀၀၁ ခု၊ တလပိုင်းလောက်မှာ သရက်ကို ပြောင်းရတယ်ဗျ။ ခြောက်လလောက်ပဲ ကြာမယ် ထင်တယ်။ အခုလွတ်တဲ့ အထိလည်း သရက်မှာပဲ နေခဲ့တာလေ။”
ကိုစိန်အေးတို့က ထောက်လှမ်းရေးရဲ့ အဓိက သတိမူစရာ ဘယ်လိုကြောင့် ဖြစ်သွားတယ်လို့ ထင်လဲ။
“ဟိုမှာ (KIO ဒေသ) နေမရလို့ ရှမ်းပြည်နယ်ထဲ တချို့ ထွက်သွားတယ်ဗျာ။ သူတို့ ဘာမှ မသိလိုက်ဘူးဗျာ။ အဲဒီ အပေါ်မှာလည်း ဒေါသ ထွက်ချင်လည်း ထွက်မှာပေါ့ဗျာ။ ကိုသံချောင်း၊ စဝ်ခွန်ကျော် တို့က ရှမ်းပြည်ဘက် ကို ထွက်သွားတာကိုး။ အဲဒီဒေသမှာ လှုပ်ရှားတာ သူတို့ မသိလိုက်ဘူးဗျာ။ ကျနော့်ကို မိတဲ့အခါကျတော့ အဲဒါတွေလည်း အတိုးချပြီး တွယ်တာပေါ့ဗျာ။”
ကြယ်ခေါင်-မူဆယ် တရုတ်နယ်စပ်မှာ ကိုစိန်အေးကို မတိုင်ခင် အရင်အဖမ်းအဆီး ရှိဖူးလား။
“မရှိဘူးဗျ။ ကျနော် ပထမဦးဆုံး ဖြစ်သွားတာပေါ့။”
သရက်ထောင်ထဲမှာ နေရထိုင်ရတာ အခြေအနေ ဘယ်လိုရှိလဲ။
“ထောင်ပိုင်အပေါ် မူတည်တယ်ဗျ။ ထောင်ပိုင်ရဲ့ စိတ်ဆန္ဒပေါ် မူတည်ပြီးတော့ နေရထိုင်ရတာ ပေါ့ဗျာ။ လောလော ဆယ် အနေအထား ကတော့ ဆေးဝါး ကုသခွင့်ကလည်း ထောင်ပိုင်ကြီး ကိုယ်တိုင်ပေးတာ ကုတာတွေ ရှိတယ်။ စာအုပ်နဲ့ ပတ်သက် လို့ကတော့ ဂျာနယ်တွေဘာတွေ ဝယ်ဖတ်မယ် ဆိုရင် ရပါတယ်။ TV လည်း ကျနော်တို့ အခန်း ထဲကို သွင်းတယ်။ ဒီနှစ် နှစ်စပိုင်းက စပြီး ကြည့်ခွင့်ရတယ်။ စနေ၊ တနင်္ဂနွေ ဆိုရင်တော့ အောက်စက်နဲ့ပေါ့ ဗီဒိယို ကြည့်လို့ ရပါတယ်။ မနက် ၆ နာရီကနေ ၁၂ နာရီအထိ ဖွင့်တယ်။ ၁၂ နာရီ ကနေ ၂ နာရီထိ ပိတ်တယ်။ ၂ နာရီ ကနေ ညနေ ၅ နာရီအထိဖွင့်တယ်။ ၅ နာရီကစပြီး ပြန်ပိတ် တာပေါ့။”
ဒီနှစ် နှစ်ဆန်းမှ ပြန်ကောင်းလာတာဆိုတော့ သရက်ကို စဝင်ကာစကရော ဘယ်လိုလဲ။
“စဝင်ကာစ အဲဒီ ထောင်ပိုင်ကတော့ ကြမ်းတယ်ဗျ။ တော်တော် ကျပ်ကျပ် တည်းတည်းကို နေရတဲ့ အခြေအနေ။ နာမည်က ခေါင်းထဲမှာ မပေါ်ဘူး ဖြစ်နေတယ်။ သူလည်း အခု ထောင်ကျသွားပြီလို့ ကြားပါတယ်။ စားသောက်တာ များလို့ ကျသွားတယ် ကြားတယ်။ အခန်းတွေဘာတွေ မဆေးရ မပြုရတာ ရှိတာပေါ့။ ICRC လာပြီးတဲ့ နောက်ပိုင်းမှာတော့ ထောင် အခြေအနေက ကောင်းသွားပါတယ်။ လမ်းလျှောက်ခွင့်တွေ ကောင်းကောင်း ရလာတယ်။ စာအုပ် သွင်းခွင့် ဖတ်ခွင့်ရလာတာပေါ့။”
အခုကောင်းတယ်ဆိုတဲ့ ထောင်ပိုင် နာမည်မှတ်မိလား။
“ဦးဝင်းနိုင်လင်းဗျ။”
မိဘဆွေမျိုးတွေရော အခုပြန်ဆုံပြီလား။
“အခု မိဘနဲ့ ကျနော် အတူတူရှိနေပါတယ်။ အဖေရယ် အမေရယ် ရှိသေးတယ်။ အဖေက အသက် ၇၄ နှစ် ရှိပြီဗျ။ ကျန်းမာရေးက လေဖြတ်ထားတယ်။ ညီအကို မောင်နှမ လေးယောက်။ သူတို့တွေကတော့ ကျနော် တောထဲမှာ ရှိတဲ့ကာလ ဆိုရင် အိမ်မှာ လာမေးတယ်။ စစ်တပ်က ည ၁၂ နာရီ ဝင်လာတယ်။ တန်းစီပြီးမေး တယ်။ ရောက်လား၊ မရောက်ဘူးလား။ ဟိုသွားရင် ဟိုလူက မပြောရဲ၊ ဒီလူက မဆိုရဲ။ အဲဒီလို ဘဝတွေတော့ ဖြတ်သန်း ခဲ့ရတာပေါ့။ အရင်တုန်းက ပေါ့နော်။ ကျနော်လည်း ခုမှသိတော့ သူတို့အတွက် စိတ်မကောင်း ဘူးပေါ့။ အခုကတော့ အေးအေး ဆေးဆေးပါ။”
ရှေ့ ဘာတွေဆက်လုပ်မလဲခင်ဗျ။
“အခုကတော့ အပြင်နိုင်ငံရေး အခြေအနေနဲ့ လှုပ်ရှားမှုတွေကို ကြည့်နေတုန်းပါပဲ။ ဖြစ်နိုင်မယ်ဆိုရင် လူထု လှုပ်ရှားမှုတွေဆို ပိုပြီး ကောင်းမလားပေါ့ စဉ်းစား ကြည့်မိတယ်။”
ထောင်ကထွက်ပြီး လူထုအခြေအနေ ဘယ်လို သုံးသပ်မိလဲ။
“ပြည်သူအောက်ခြေအများစုက စားဝတ်နေရေး ဘဝတွေနဲ့ပဲ လုံးပမ်းနေရတယ်။ မနက်တနပ်၊ ညတနပ်မှန်ဖို့။ ကလေးတွေကို ကျောင်းထားနိုင်ဖို့။ ဘာကြေး ညာကြေးလေးတွေ ပေးနိုင်ဖို့။ နိုင်ငံရေးနဲ့ ပတ်သက်လို့လည်း ကောလဟာလ လိုပဲ သိတယ်ဗျ။ သတင်း အချက်အလက် တိတိကျကျနဲ့ ဘာကြောင့်ဘယ်လို ဆိုတာ သိသူ နည်းတယ်။ လက်ရှိ အခြေအနေတို့၊ သမ္မတ အခြေအနေတို့၊ ဒီမိုကရေစီ လမ်းကြောင်းတို့ လူ့အခွင့်အရေးတို့ ထက် ဝမ်းရေးအတွက် သွားနေရတာများတယ်။ အဲဒီဘက်ကို ပညာပေးမှု လုပ်ရမယ် ထင်တာပေါ့ဗျာ။”
ထောင်ထဲမှာနေရတော့ ဘာတွေ ပေးဆပ်လိုက်ရတယ်လို့ ထင်လဲ။
“ကိုယ့်ရဲ့ အမြင်နဲ့ ကိုယ်လုပ်ခဲ့ကြတာကိုး။ မတရားဘူးထင်ရင် ချမယ်ဆိုတဲ့ဟာနဲ့ လုပ်ခဲ့ကြတာကိုး။ တခြား ကြီးကြီး ကျယ်ကျယ်လည်း တွေးခဲ့ကြတာ မဟုတ်ဘူးလေ။ ကိုယ်လုပ်ခဲ့တာတော့ ကောင်းမွေဆိုးမွေ ကိုယ်တာဝန် ယူရမှာပေါ့။ ကိုယ့်ဘဝကိုယ် ပြဋ္ဌာန်း ထားတာပဲဗျာ။”
ထောင်ထဲမှာ အတောင့်တဆုံးက ဘာလဲ။
“နေ့စဉ် ဘဝဖြတ်သန်းမှုပဲ သွားနေရတာပေါ့ဗျာ။ တနေ့တရက် ဘယ်လို အချိန်ကုန်သွားမလဲ။ ဘယ်လို ဖြတ်သန်း သွားမလဲ။ ဒါနဲ့ပဲ သွားနေရတာပေါ့။ ကြီးကြီးကျယ်ကျယ်ကြီးလည်း မတွေးမိပါဘူး။”
အီးမေး၊ အင်တာနက် ကိုရော ဘယ်လောက်အထိ သဘောပေါက်ထားလဲ။
“အီးမေး၊ အင်တာနက်ကတော့ မရှိမဖြစ် သုံးရမယ့်ဟာလို့ပဲ မြင်တယ်ဗျ။ လိုအပ်တယ်။ သုံးတော့ မသုံးတတ် သေးဘူး။ အင်္ဂလိပ်စာ ကလည်း မသိရင် မဖြစ်ဘူး ထင်ပါတယ်။”
Ref: မဇ္ဈိမ
ရွှေဂုံတိုင်မူနှင့် မှတ်ပုံတင်ရေး/ မတင်ရေး
ကိုပေါက်
တနင်္လာနေ့၊ အောက်တိုဘာလ ၃၁ ရက် ၂၀၁၁
နယူးဒေလီ (မဇ္ဈိမ) ။ ။ အမျိုးသားဒီမိုကရေစီအဖွဲ့ချုပ် NLD အနေဖြင့် ပြန်လည် မှတ်ပုံတင်ရေး/ မတင်ရေးနှင့် ပါတ်သက်၍ ပါတီ ခေါင်းဆောင်များ အတွင်း ဆွေးနွေး ညှိနှိုင်းကာ ဤရက်သတ္တပါတ် အတွင်း ဆုံးဖြတ်ချက် ချမည့် သတင်းများ ထွက်ပေါ်လာနေသည်။
NLD အနေဖြင့် ၂ဝ၁ဝ ရွေးကောက်ပွဲ ဝင်ရေး/မဝင်ရေးနှင့်ပတ်သက်၍ သဘောထားရပ်တည်ချက်အား ၂ဝဝ၉ ဧပြီ ၂၉ ရက်စွဲဖြင့် ‘ရွှေဂုံတိုင် ကြေညာစာတမ်း’ အား ထုတ်ပြန်တုန့်ပြန်ခဲ့ဖူးသည်။
ကြေညာစာတမ်းတွင် ‘နိုင်ငံရေးအကျဉ်းသားအားလုံး ခြွင်းချက်မရှိ ပြန်လွှတ်ပေးလျှင်၊ ၂ဝဝ၈ အခြေခံ ဥပဒေမှ ဒီမိုကရေစီ စံနှုန်းများဖြင့် မကိုက်ညီသည့် အချက်များကို ပြင်ဆင်ပေးလျှင်၊ လွတ်လပ်၍ တရားမျှတသော ရွေးကောက်ပွဲ အဖြစ် နိုင်ငံတကာ စောင့်ကြပ် လေ့လာမှုကို ခွင့်ပြုလျက် ကျင်းပမည် ဆိုလျှင်’ ရွေးကောက်ပွဲအား ဝင်ရောက်ယှဉ်ပြိုင်ရန် အလေးထား စဉ်းစားမည်ဟု ပါတီ၏ သဘောထားကို ထုတ်ပြန်ခဲ့ပြီး ၂ဝ၁ဝ နိုဝင်္ဘာ ရွေးကောက်ပွဲအား မဝင်ဘဲ သပိတ် မှောက်ခဲ့ဖူးသည်။
ဤကြေညာစာတမ်းပါ မူများအပေါ်ယခု ဆက်လက်ရည်တည်မှုအခြေအနေနှင့်ပတ်သက်၍ NLD ဗဟို အလုပ်အမှုဆောင် အဖွဲ့ဝင် အတွင်းရေးမှူး ဦးဝင်းတင်အား မဇ္ဈိမ သတင်းထောက် ကိုပေါက် က ဆက်သွယ်မေးမြန်းထားသည်။
မေး။ ။ အကယ်၍ ပါတီဟာ မှတ်ပုံတင်လိုက်မယ်ဆိုရင် ရွှေဂုံတိုင်ကြေညာစာတမ်းပါ မူတွေ အပေါ်မှာရော ဘယ်လို ဆက်လက်ပြီး ရပ်တည်သွားဖို့ ရှိမလဲခင်ဗျ။
ဖြေ။ ။ အဲဒီအခက်အခဲတွေကတော့ ရှိနိုင်တာပေါ့ဗျာ။ ကြုံရင်လည်း ကြုံမှာပဲ။ ဒီဟာတွေကိုလည်း ဖြေရှင်း ရမှာပေါ့။ ရွှေဂုံတိုင် ကြေညာစာတမ်း လုပ်တဲ့ အချိန်တုန်းက အနေအထားတွေနဲ့ ခုအနေအထားတွေတော့ ဘယ်လောက် ကွာသလဲဆိုတာ ဒါလည်း ပါတီက စဉ်းစားရမှာပေါ့။ ပါတီက ဒီကိစ္စနဲ့ ပတ်သက်ပြီးတော့ ရှင်းလင်း ဖော်ပြခြင်းတော့ ရှိမယ်လို့ ကျနော်လည်း ယုံပါတယ်။
မေး။ ။ ကြေညာစာတမ်းက ပါတီရဲ့ ခေါင်းဆောင်ပိုင်းတွေရော၊ ပြည်နယ်/တိုင်း စည်းရုံးရေးမှူးတွေရော၊ အမျိုးသမီး လုပ်ငန်းအဖွဲ့၊ လူငယ် လုပ်ငန်း အဖွဲ့တို့ ဆွေးနွေးပြီးမှ ထွက်ပေါ်လာခဲ့တာ ဆိုတော့ ပါတီရဲ့မူလို့ ပြောနိုင်မလား ဆရာ။
ဖြေ။ ။ ပြောမယ်ဆိုရင်လည်း ပြောနိုင်ပါတယ်။ သို့သော် ခုနက ပြောသလို ကာလချင်းတော့ ကွာမှာပေါ့။ အဲဒီတုန်းက အခြေအနေနဲ့ အခုအခြေအနေ ဘယ်လောက် ကွာခြားလဲဆိုတဲ့ သုံးသပ်ချက်တွေ အပေါ်မှာတော့ တည်မယ်။ သုံးသပ်ချက် ကွာခြားမှု အပေါ်မှာ ကြည့်ပြီးတော့ ရပ်တည်ချက်တွေလည်း ကွာခြားချက် ရှိနိုင်တယ်လို့ ပြောလို့ ရနိုင်တာပေါ့။
မေး။ ။ ရွှေဂုံတိုင်ကြေညာစာတမ်းပါ တောင်းဆိုထားတဲ့ အချက် ၃ ချက်ကရော ၂ နှစ်ကျော် အကြာမှာ ဘယ်လောက် ရပြီလို့ ပြောနိုင်မလဲဆရာ။
ဖြေ။ ။ အခြေခံဥပဒေ ပြင်ဆင်ရေးနဲ့ ပတ်သက်လို့ ခုထိတော့ အမှန်အတိုင်း ကတော့ မတွေ့ရ သေးဘူးပေါ့ဗျာ။ နိုင်ငံရေး အကျဉ်းသား လွှတ်ရေးနဲ့ ပတ်သက်လို့ကတော့ တစုံတရာသော အတိုင်းအတာ ထိတော့ လုပ်ကိုင်နေတယ် လို့ပဲ ယူဆရမှာပဲ။ ခုထိတော့ နိုင်ငံရေး အကျဉ်းသားတွေ လွှတ်တဲ့ဟာ အားရကျေနပ်ဖွယ် မရှိဘူးလို့ပဲ ကျနော်တို့ ပြောပါတယ်။ Constitution ပြင်ရေးနဲ့ ပတ်သက်လို့တော့ ဘယ်လိုရှိမလဲ ဆိုတာတော့ စောင့်တော့ နည်းနည်း ကြည့်ရမှာပေါ့။ အခြေခံ ဥပဒေ ပြင်ဆင်ရေးနဲ့ ပတ်သက်လို့ သူတို့ထဲမှာ လှုပ်ရှားမှုတွေ ရှိသလား။ သို့မဟုတ်ရင်လည်း NLD ခေါင်းဆောင်ပိုင်း အနေနဲ့ လွှတ်တော်ထဲကို ရောက်သွားပြီးတဲ့ အချိန်မှာ အခြေခံဥပဒေ ပြင်ဆင်ရေးကို အားထုတ်မယ် ဆိုတဲ့ ကတိ ကဝတ်တွေနဲ့ပဲ သွားမှာလား။ အဲဒါလည်း နည်းနည်းတော့ ချိန်ကြည့်ရမှာပဲလို့ ကျနော် ထင်ပါတယ်။
မေး။ ။ ဒီအချက်တွေ မရဘဲ မှတ်ပုံတင်လိုက်မယ်ဆိုရင်ကော ဒီမူတွေနဲ့ ငြိစွန်းသွားနိုင်မယ် လို့ကော ယူဆလား ဆရာ။
ဖြေ။ ။ ပြောဖို့ ခက်တော့ ခက်ခက်ပဲ။ ဒီ မူလတောင်းဆိုချက်တွေအတိုင်း ရပ်တည်ရမယ့် ဝတ္တရားတော့ ပါတီမှာ ရှိတာပေါ့။ သို့သော် ပါတီခေါင်းဆောင်ပိုင်းက ဒီဟာတွေနဲ့ပတ်သက်ပြီး ဘယ်လို ရှင်းလင်းမလဲ ဆိုတဲ့ဟာကတော့ ကိစ္စတမျိုးပဲလို့ ကျနော်ကတော့ အဲလိုပဲ ပြောချင်ပါတယ်။ ပါတီခေါင်းဆောင်တွေမှာ ဒါတွေကိုရှင်းလင်းဖို့ တာဝန်တော့ ရှိတာပေါ့ဗျာ။ အဲဒါကတော့ စောင့်ကြည့်ပါလို့ ပြောချင်ပါတယ်။ ဒီကိစ္စက ကျနော် တယောက်ထဲကတော့ ဖြေလို့ သိပ်မလွယ်။ ဘာ့လို့လဲဆိုတော့ ဒါဟာ ပါတီ ခေါင်းဆောင်ပိုင်း တခုလုံးရဲ့ အဆုံးအဖြတ် ပုံစံနဲ့သာ တုန့်ပြန်ဖို့ ကောင်းတဲ့ ဟာ ဖြစ်နေတာကိုးဗျ။
မေး။ ။ ဒီကိစ္စနဲ့ပတ်သက်ပြီး စီအီးစီ အစည်းအဝေးကို သောကြာနေ့လောက် မျှော်မှန်း ထားပါသလား ဆရာ။
ဖြေ။ ။ ဟုတ်တယ်။ သောကြာနေ့လောက်ကျမှပဲ။ သောကြာနေ့တောင် ဘယ်လိုဖြစ်မယ်ဆိုတာ မသိဘူး။ ဒါပေမယ့် ဒီကြားထဲမှာတော့ အစည်းအဝေးတွေ ဘာတွေရဲ့ အနေအထားက အဲဒီ (မှတ်ပုံတင်ရေး/ မတင်ရေး)ကို ရောက်မယ့် အနေအထား မရှိဘူးလို့ ကျနော် နားလည်တယ်။ သောကြာနေ့ အထိကတော့ ဖြစ်ဖို့လမ်းတော့ သိပ်မရှိဘူး လို့ပဲ ပြောချင်ပါတယ်။
Ref: မဇ္ဈိမ
အမေရိကန် လက်ထောက်နိုင်ငံခြားရေးဝန်ကြီး Posner မြန်မာနိုင်ငံခရီးစဉ် စတင်
ဒေါ်ခင်မျိုးသက်
တနင်္လာ, 31 အောက်တိုဘာ 2011
အမေရိကန် လက်ထောက်နိုင်ငံခြားရေးဝန်ကြီး မိုက်ကယ် ပို့စနာ (Michael Posner) နဲ့ မြန်မာနိုင်ငံ ဆိုင်ရာ အမေရိကန် အထူးသံ ဒဲရက်မစ်ချဲလ် (Derek Mitchell) တို့ နှစ်ဦးဟာ မြန်မာနိုင်ငံကို ဒီကနေ့နဲ့ မနက်ဖြန်မှာ အသီးသီး ရောက်ရှိကြမှာ ဖြစ်ပါတယ်။ သူတို့ နှစ်ဦးစလုံးဟာ မြန်မာအစိုးရ တာဝန် ရှိသူတွေနဲ့ တွေ့ဆုံဖို့ ရှိသလို လူ့အခွင့်အရေး ဆိုင်ရာနဲ့ မြန်မာနိုင်ငံ ဒီမိုကရေစီ ပြုပြင် ပြောင်းလဲရေး ဆိုင်ရာ ကျယ်ပြန့်တဲ့ ကိစ္စရပ်တွေကို ဆွေးနွေးဖို့ နိုင်ငံတကာ အဖွဲ့အစည်းတွေနဲ့ရော၊ လူမှု အဖွဲ့အစည်းတွေနဲ့ပါ ဆွေးနွေးဖို့ ရှိတယ်လို့ အမေရိကန် နိုင်ငံခြားရေး ဌာနက တနင်္လာနေ့မှာ ကြေညာချက် ထုတ်ပြန် လိုက်ပါတယ်။ အပြည့်စုံကို ဒေါ်ခင်မျိုးသက်က တင်ပြထားပါတယ်။
မြန်မာနိုင်ငံမှာ ဒီမိုကရေစီနဲ့ လူ့အခွင့်အရေး တိုးတက်မှုတွေရှိလာစေဖို့အတွက် ဒဏ်ခတ်အရေးယူ မှုတွေ ထားရှိတဲ့ အမေရိကန် နိုင်ငံက မြန်မာနိုင်ငံဆိုင်ရာ အမေရိကန် အထူး သံတမန်တစ်ဦး ခန့်အပ်ပြီး ထိတွေ့ ဆက်ဆံရေးမူနဲ့ မြန်မာ့ အရေးကို တစိုက်မတ်မတ် ဆောင်ရွက်နေတာမှာ ဒီကနေ့ နိုဝင်ဘာလ ၁ ရက်နေ့ မှာတော့ လက်ထောက် နိုင်ငံခြားရေးဝန်ကြီး မိုက်ကယ်ပို့စနာ ပါ မြန်မာနိုင်ငံကို သွားရောက်ဖို့ ရှိတယ်လို့ အမေရိကန် နိုင်ငံခြားရေးဝန်ကြီးဌာန ပြောခွင့်ရ ဒါရာ ပါရာဒီစို (Darragh Paradiso) ကပြောပါတယ်။
“အမေရိကန်ပြည်ထောင်စု ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက် နိုင်ငံခြားရေးဝန်ကြီး မိုက်ကယ် ပို့စနာ နဲ့ အမေရိကန် အစိုးရရဲ့ မြန်မာနိုင်ငံမူဝါဒ ရေးရာ ညှိနှိုင်းရေးမှူး ဖြစ်တဲ့ မြန်မာနိုင်ငံဆိုင်ရာ အမေရိကန် အထူး သံတမန် ဒဲရက်မစ်ချဲလ်တို့ နှစ်ဦးဟာ ဒီသီတင်းပတ်ထဲမှာ မြန်မာနိုင်ငံကို သွားကြဖို့ရှိပါတယ်။ လက်ထောက် နိုင်ငံခြားရေးဝန်ကြီး ပို့စနာက နိုဝင်ဘာလ ၁ ရက်နေ့မှာ မြန်မာနိုင်ငံကို ရောက်မှာဖြစ်ပါတယ်။ မစ္စတာ မစ်ချဲလ်ကတော့ နိုဝင်ဘာလ ၂ ရက်နေ့မှာ ရောက်မှာပါ။”
အမေရိကန် အထူးသံတမန် ဒဲရက်မစ်ချဲလ်ဟာ မကြာခင်ကမှ မြန်မာနိုင်ငံကို တစ်ခေါက်သွားရောက်ခဲ့တာ ဖြစ်ပြီး မြန်မာနိုင်ငံ ဆိုင်ရာ အမေရိကန် မူဝါဒ ညှိနှိုင်းရေးမှူး တာဝန်ကို လက်ခံခဲ့ပြီးတဲ့နောက် ၂ လအတွင်းမှာပဲ တတိယ အကြိမ်မြောက် သွားရောက်မှာ ဖြစ်ပါတယ်။ လက်ထောက် နိုင်ငံခြားရေးဝန်ကြီး မစ္စတာ ပို့စနာကတော့ ပထမဆုံး အကြိမ် အဖြစ်နဲ့ မြန်မာနိုင်ငံကို သွားရောက်တာပါ။
“သူတို့နှစ်ဦးဟာ နေပြည်တော်ကိုရော ရန်ကုန်ကိုပါ သွားမှာဖြစ်ပြီး မြန်မာအစိုးရ တာဝန်ရှိသူတွေ၊ နိုင်ငံတကာ အဖွဲ့အစည်းတွေက ကိုယ်စားလှယ်တွေ အပြင် လူမှုလူ့အဖွဲ့အစည်းတွေက ပုဂ္ဂိုလ်တွေနဲ့ပါ တွေ့ဆုံဖို့ရှိပါတယ်။ ဒီလိုတွေ့ဆုံတဲ့အခါ မြန်မာနိုင်ငံ ပြုပြင် ပြောင်းလဲရေးဆိုင်ရာ ကိစ္စရပ်တွေနဲ့ လူ့အခွင့်ရေး ဆိုင်ရာ တွေနဲ့ ဆက်နွယ်နေတဲ့ ကျယ်ပြန့်တဲ့ ကိစ္စရပ်တွေကို ဆွေးနွေးမှာဖြစ်ပါတယ်။”
မစ္စတာ ပို့စနာနဲ့ မစ္စတာ မစ်ချဲလ် တို့ဟာ လက်ထောက် နိုင်ငံခြားရေးဝန်ကြီး ကာ့ဒ်ကမ့်ဘဲလ် (Kurt Campbell) နဲ့အတူ စက်တင်ဘာ လထဲမှာ အမေရိကန်နိုင်ငံ နယူးယောက်မြို့က ကုလသမဂ္ဂ အထွေထွေ ညီလာခံကို တက်ရောက်လာတဲ့ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်နဲ့ ၀ါရှင်တန်က အမေရိကန် နိုင်ငံခြားရေး ၀န်ကြီးဌာနမှာ တွေ့ဆုံခဲ့ကြပါတယ်။ အဲဒီဆွေးနွေးပွဲဟာ ပွင့်လင်းမှုရှိပြီး အကျိုးရှိတယ်လို့ အမေရိကန် နိုင်ငံခြားရေး ၀န်ကြီးဌာနက ပြောကြားခဲ့ပါတယ်။
ဒါပေမဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အခုထက်ပိုပြီး အဓိပ္ပါယ်ရှိတဲ့ ဆွေးနွေးမှုတွေ ပြုလုပ်ဖို့ တောင်းဆိုခဲ့သလို နိုင်ငံရေး အကျဉ်းသားတွေ လွှတ်ပေးဖို့နဲ့ တိုင်းရင်းသားတွေနဲ့ စစ်ပွဲဆင်နွှဲနေမှုတွေ ရပ်ဆိုင်းဖို့၊ မြောက်ကိုရီးယားနဲ့ ဆက်ဆံရေး အခုထက် ထင်သာမြင်သာ ပိုရှိဖို့ အပါအ၀င် ခိုင်မာတဲ့ အပြောင်းအလဲ ခြေလှမ်းတွေ လှမ်းဖို့ တိုက်တွန်းခဲ့ပါတယ်။
မြန်မာနိုင်ငံကို နှစ်ကြိမ် သွားရောက်ခဲ့ပြီးဖြစ်တဲ့ မစ္စတာ မစ်ချဲလ်ဟာ သူသွားခဲ့တဲ့ နှစ်ကြိမ်စလုံးမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။
အောက်တိုဘာလလယ် ဒုတိယအကြိမ် သွားရောက်ခဲ့ပြီးတဲ့နောက် ပြီးခဲ့တဲ့ တနင်္လာနေ့ကကျင်းပတဲ့ သတင်းစာ ရှင်းလင်းပွဲမှာ မစ္စတာမစ်ချဲလ်က မြန်မာနိုင်ငံရဲ့ အခြေနေဟာ အချိန်နဲ့အမျှ ပြောင်းလဲမှုတွေ တွေ့နေရတယ်လို့ ဆိုပါတယ်။ ဒါပေမဲ့ နိုင်ငံရေး အကျဉ်းသားတွေ ဆက်ပြီး ထိန်းသိမ်း ထားတာနဲ့ တိုင်းရင်းသားတွေနဲ့ စစ်မက် ဖြစ်ပွားနေတာလိုမျိုး တချို့ကိစ္စရပ်တွေမှာ ပြောင်းလဲမှုတွေ လုံးဝ မရှိသေးသလို လူ့အခွင့်အရေး ချိုးဖောက်မှုတွေ ဆက်ပြီး ရှိနေတာမို့ ဒါဟာ ဒေသတွင်း အတွက်ရော အမေရိကန်နဲ့ တခြား ကမ္ဘာ့နိုင်ငံတွေကိုပါ အကြီးအကျယ် စိုးရိမ်စေတယ်လို့ ပြောကြားခဲ့ပါတယ်။
မစ္စတာမစ်ချဲလ်နဲ့ မစ္စတာ ပို့စနာတို့ဟာ နိုဝင်ဘာလ ၄ ရက် သောကြာနေ့မှာ မြန်မာနိုင်ငံကနေ ပြန်လည် ထွက်ခွာဖို့ ရှိတယ်လို့လည်း အမေရိကန် နိုင်ငံခြားရေးဌာနက ထုတ်ပြန်တဲ့ ကြေညာချက်မှာ ဖော်ပြထားပါတယ်။
Ref: VOA News
KNU၊ DKBA တို့ အစိုးရနှင့် ဆွေးနွေး
ကိုဝိုင်း
တနင်္လာနေ့၊ အောက်တိုဘာလ ၃၁ ရက် ၂၀၁၁
ချင်းမိုင် (မဇ္ဈိမ) ။ ။ ကရင်အမျိုးသား အစည်းအရုံး KNU နှင့် တိုးတက်သော ဗုဒ္ဓဘာသာ ကရင်အမျိုးသား အစည်းအရုံး DKBA တို့သည် ယခုလအတွင်း အစိုးရ ကိုယ်စားလှယ်များအား ထိုင်းနိုင်ငံ ဘန်ကောက်နှင့် မွန်ပြည်နယ် မော်လမြိုင်မြို့ တို့တွင် တွေ့ဆုံခဲ့ကြောင်း ကာယကံရှင်များက ပြောသည်။
KNU နှင့် တွေ့ဆုံမှုတွင် သဘောတူညီမှု တစုံတရာ မရှိသော်လည်း DKBA နှင့် ဆွေးနွေးရာတွင်မူ လတ်တလော နှစ်ဘက် တပ်များကို တပ်ထိုင် နယ်မြေမှ အဝေးသို့ လှုပ်ရှားမှုများ မပြုရန် သဘော တူခဲ့ကြသည်။ KNU က အောက်တိုဘာ လဆန်းတွင် ရထား ပို့ဆောင်ရေး ဝန်ကြီး ဦးအောင်မင်း၊ ဗိုလ်ချုပ် (ငြိမ်း) ချစ်သန်းတို့နှင့် ဘန်ကောက်မြို့တွင် တွေ့ခဲ့ကြောင်း KNU အရာရှိတဦးက မဇ္ဈိမသို့ ပြောသော် လည်း အသေးစိတ်ကိုမူ ပြောဆိုခြင်း မရှိပါ။
သမ္မတ ဦးသိန်းစိန် ထုတ်ပြန်ထားသကဲ့သို့ တဖွဲ့ချင်းသာ ပြည်နယ်အဆင့် အစိုးရများကို ဆက်သွယ်ရန် ဦးအောင်မင်းနှင့် အဖွဲ့က ပြောဆိုပြီး KNU ကမူ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အနေဖြင့်သာ ဆွေးနွေးမည်ဟု ပြန်ကြားလိုက်သည်ဟု ဆိုသည်။
“တွေ့တော့ တွေ့တယ်။ တိတိကျကျတော့ ဘာမှ မပြောရသေးဘူးပေါ့။ (KNU) က ဖြစ်စေချင် တာကတော့ UNFC နဲ့ တွေ့ဖို့ပေါ့။ သူတို့ကတော့ တဖွဲ့ချင်းနဲ့ တွေ့ဆုံချင်တာပေါ့။” ဟု KNU အရာရှိက ပြောသည်။
ရထားပို့ဆောင်ရေး ဝန်ကြီး ဦးအောင်မင်းမှာ အစိုးရအဖွဲ့တွင်း သဘောထား ပျော့ပြောင်းသူအဖြစ် ညွှန်းဆိုခံရလေ့ ရှိပြီး အငြိမ်းစား ဗိုလ်ချုပ်ချစ်သန်းမှာ ကရင်ရေးရာတွင် ကျွမ်းကျင်သူ တဦး ဖြစ်သည်။ ဦးအောင်မင်းသည် စနေနေ့ ကပြုလုပ်သော ပြည်တော်ပြန် သီးလေးသီး အဖွဲ့သားအချို့ ပါဝင်သော မျှော်စင်ကျွန်း ဖျော်ဖြေပွဲသို့ သွားရောက် ခဲ့သေးသည်။
ဦးအောင်မင်း၏ ဘန်ကောက် ခရီးစဉ်တွင် စီးပွားရေး လုပ်ငန်းရှင်များလည်း လိုက်ပါလာရာ တနင်္သာရီတိုင်း ထားဝယ်မြို့တွင် အီတာလျံ-ထိုင်းကုမ္ပဏီက အကောင်အထည် ဖော်မည့် ထားဝယ် ဖွံ့ဖြိုးမှု စီမံကိန်းနှင့်လည်း ပတ်သက်နိုင်သည်ဟု လေ့လာသူများက သုံးသပ် ထားကြသည်။ ထားဝယ်ဖွံ့ဖြိုးမှု စီမံကိန်းအောက်ရှိ ထားဝယ်-ကန်ချနဘူရီ အဝေးပြေး ကားလမ်း ဖောက်လုပ်မှုမှာ သဘာဝ ပတ်ဝန်းကျင် ထိခိုက်နိုင်သည်ဆိုသော ဒေသခံ အချို့၏ စိုးရိမ်ချက်ဖြင့် ကရင်အမျိုးသား အစည်းအရုံးက စက်တင်ဘာ လလယ်က တားမြစ် ခဲ့သေးသည်။
စက်တင်ဘာလ နှောင်းပိုင်းကလည်း KNU ကို ကရင်ပြည်နယ်အစိုးရ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်လွင် ဦးဆောင်သည့် အဖွဲ့က ထိုင်း-မြန်မာနယ်စပ် တနေရာတွင် လာရောက် တွေ့ဆုံခဲ့သေးသော်လည်း ဗဟို အစိုးရနှင့်သာ ဆွေးနွေး လိုကြောင်း KNU က အကြောင်း ပြန်လိုက်သည်ဟု သိရသည်။
KNU ကို ပြည်ထောင်စုအဆင့်က တွေ့ဆုံရန် ငြင်းနေဆဲတွင် DKBA ကိုမူ အောက်တိုဘာလ ၂၆ ရက်နေ့က မော်လမြိုင်မြို့၌ ပြည်ထောင်စု အဆင့် ကိုယ်စားလှယ်များ ဖြစ်သည့် ကြံ့ခိုင်ဖွံ့ဖြိုးရေး ပါတီ အတွင်းရေးမှူး-၁ ဦးအောင်သောင်း၊ တိုင်းရင်းသား ရေးရာနှင့် ပြည်တွင်း ငြိမ်းချမ်းရေး ဖော်ဆောင်မှုကော်မတီ ဥက္ကဋ္ဌ ဦးသိန်းဇော် တို့က လက်ခံ တွေ့ဆုံခဲ့သည်။
တွေ့ဆုံမှုက နယ်မြေကျော် မလှုပ်ရှားရေး သဘောတူညီခဲ့ပြီး ကရင်ပြည်နယ် မြို့တော် ဘားအံ အပါအဝင် ကြာအင်းဆိပ်ကြီး၊ ဘုရားသုံးဆူ၊ ကျိုက်တုံ၊ ကော့ကရိတ်၊ မြဝတီမြို့နယ်များတွင် DKBA ရုံးများ ဖွင့်လှစ်ခွင့်ပြုရန် သမ္မတထံသို့ တဆင့် တင်ပြခဲ့သည်ဟု တွေ့ဆုံပွဲတွင် ပါဝင်သူ DKBA ဒုဦးစီးချုပ် ဗိုလ်မှူးချုပ် မိုရှေးက ပြောသည်။
“ဥပမာ သေဘောဘိုးခွင်ဆိုရင် လက်ရှိ အစိုးရတပ်က ထိုင်တယ်။ သူကလည်း လှုပ်ရှားမှုကို အဝေးကို မရှိဘူးဆိုရင် ဘာမှ ပြဿနာ မရှိဘူး။ ကျနော်တို့ဘက်ကလည်း တခြမ်းယူထားတယ် အဝေးကို မသွားဘူးဆိုရင် ပြဿနာ မရှိဘူးပေါ့။” ဟုသူက ပြောသည်။
မော်လမြိုင်မြို့တွင် တွေ့ဆုံရာ၌ ကရင်ပြည်နယ်အစိုးရ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီးအောင်လွင်၊ အရှေ့တောင်တိုင်း တိုင်းမှူး ဗိုလ်ချုပ် ဝင်းအောင်လှိုင်၊ ကရင်ပြည်နယ် ဝန်ကြီးချုပ် ဦးဇော်မင်း တို့လည်းပါဝင်သည်။
DKBA ဘက်က ဒုစစ်ဦးစီးချုပ် ဗိုလ်မှူးချုပ်မိုရှေး၊ စစ်ရေးချုပ်ရုံးမှ ဗိုလ်မှူးစိန်ဝင်း၊ ထောက်လှမ်းရေး အရာရှိ ဗိုလ်ကြီးပိဒါးတို့ သုံးဦး ဖြစ်သည်။
DKBA သည် ၁၉၉၄ ခုတွင် ကရင်အမျိုးသား အစည်းအရုံး KNU ခွဲထွက်ခဲ့ပြီးနောက် ဗိုလ်မှူးကြီး စောချစ်သူ ဦးဆောင်သည့် DKBA များမှာ၂ဝ၁ဝ ခု သြဂုတ်လ ၁၈ ရက်တွင် နယ်ခြားစောင့်တပ် တပ်ရင်း ၁ဝ၁၂၊ ၁ဝ၁၃ နှင့် ၁ဝ၁၄ တို့အဖြစ် အစိုးရ ပြည်ထဲရေး ဝန်ကြီးဌာန အောက်တွင် ပြောင်းလဲ ရပ်တည်နေကြသည်။
ဗိုလ်မှူးချုပ်စောလားဘွယ်ဦးဆောင်သည့် DKBA က ၂ဝ၁ဝ နိုဝင်ဘာ ၈ ရက်၊ ရွေးကောက်ပွဲအပြီး နောက်တနေ့မှစ၍ အစိုးရကို တနှစ်ကြာ ပြန်လည် တိုက်ခိုက်ခဲ့ပြီးနောက် ပထမဆုံး အကြိမ် အပစ် ရပ်ရန် ပဏာမ ဆွေးနွေးကြခြင်း ဖြစ်သည်။
ဗိုလ်မှူးကြီးစောချစ်သူအဖွဲ့နှင့်ပတ်သက်၍ ထည့်သွင်းဆွေးနွေးကြ ခြင်းမရှိသကဲ့သို့ ဗိုလ်မှူးချုပ် စောလားဘွယ် ဦးဆောင်သည့် DKBA ကို နယ်ခြားစောင့်တပ် အသွင် ပြောင်းရန် ပြောဆိုကြခြင်း မရှိကြောင်း သိရသည်။
“BGF ကို အတင်းအကျပ် လုပ်ခိုင်းမယ်ဆိုလည်း နောက် ဒါထက်ဆိုးတဲ့ အနေအထားပဲ ရောက်သွားမှာပါ။” ဟု ဗိုလ်မှူးချုပ် မိုရှေးက ဆိုသည်။
၂ဝ၁ဝ ခု သြဂုတ်လ ၁၈ ရက်တွင် နယ်ခြားစောင့်တပ်အဖြစ် အသွင်ပြောင်းသွားရာတွင် မပါဝင်ပဲ ကျန်ခဲ့သည့် DKBA တပ်ဖွဲ့ဝင် များကို စုစည်းပြီး ၂ဝ၁ဝ ခု ၉ လပိုင်းတွင် ပြန်လည်ဖွဲ့စည်းရာ ဗိုလ်မှူးချုပ် မိုရှေးသည် တပ်ရင်းမှူး အဆင့်မှ ဒုစစ်ဦးစီးချုပ် တာဝန် ပေးအပ် ခံရသည်ဟု သိရသည်။
DKAB နှင့် အစိုးရ ကိုယ်စားလှယ်များအကြား တွေ့ဆုံပွဲများ ဆက်လက် ပြုလုပ်သွားရန် အစီအစဉ် ရှိသော်လည်း အစိုးရဘက်က အကြောင်း ပြန်ကြားမှုကို စောင့်နေသည်ဟု ဆိုသည်။
အောက်တိုဘာ ၂၃ ရက်နေ့က ထိုင်း-မြန်မာနယ်စပ် KNU တပ်မဟာ-၆ နယ်မြေ သေ့ဘောဘိုးရွာ နှင့် တောင်နီရွာ အကြားတွင် အစိုးရ တပ်များကို မိုင်းထောင် တိုက်ခဲ့သေးသည်ဟု သူက ပြောသည်။
Ref: မဇ္ဈိမ
Monday, October 31, 2011
ငြိမ်းစေသောငြိမ်း
သမိုင်းမှာ အပြင်းထန်ဆုံး ကမ္ဘာ့စီးပွားပျက်ကပ်ဟာ ၁၉၂၉ ခုမှာ အမေရိကန်နိုင်ငံကစပြီး တကမ္ဘာလုံးကို ပျံ့နှံ့ သွားခဲ့ ပါတယ်။ ဒီစီးပွားပျက် ကပ်ကြီးရဲ့ အကျိုး ဆက်ကတော့ အားလုံး သိကြတဲ့အတိုင်း မြန်မာပြည်မှာ ဆရာစံ လယ်သမား သူပုန်ကြီး ၁၉၃၀ ဒီဇင်ဘာ ၂၂ ရက် နေ့မှာ ဖြစ်ခဲ့ပါတယ်။ ဒို့ဗမာ အစည်းအရုံးလည်း ၁၉၃၀ မေလ ၃၀ ရက်နေ့မှာ ပေါ်လာ ခဲ့ပါတယ်။
အင်္ဂလိပ်ကိုလိုနီအစိုးရဟာ ဆရာစံတို့ရဲ့ လက်နက်ကိုင် တော်လှန်ရေးကို မနိုင်တဲ့အတွက် အိန္ဒိယကနေ တပ်မ နှစ်ခု ခေါ်သွင်းပြီး တိုက်ခဲ့ရပါတယ်။ ဒါတောင်မှ မီးကျိုး မောင်းပျက်နဲ့ ဒုတ်ဓား လှံတွေပဲ ရှိတဲ့ အင်းအိုင်လက်ဖွဲ့အား ကိုး စစ်ပညာမဲ့ လယ်သမားတွေကို ခေတ်မီ ဗြိတိသျှတပ် အင်အား တသောင်းသုံးပြီး နှစ်နှစ်ကျော် တိုက်ယူရပါ တယ်။ အင်္ဂလိပ် အစိုးရဟာ ဗမာ မွန် ကရင် ရှမ်း ပအိုဝ်း ဓနု ပလောင် လယ်သမားသူပုန်တွေကို တရားရုံး မတင်ဘဲ ပစ်သတ် ခေါင်းဖြတ်ပြီး လမ်းပေါ် ပြထားတာမျိုး ရက်ရက် စက်စက် လုပ်ခဲ့သလို တော်လှန်ရေး သမား ၃၀၂ ယောက်ကိုလဲ တရားရုံးတင် ကြိုးပေးသတ်၊ ၈၈၀ ကို အန်ဒါမန်ကျွန်းပို့၊ လယ်သမား သူပုန် ၇၁၀၀ ကျော်ကို ထောင်ဒဏ် ၁ နှစ်ကနေ ၁၀ နှစ်အထိ ချခဲ့ပါတယ်။ တိုက်ပွဲတွေအတွင်း ကျဆုံးတဲ့ သူပုန်တွေ၊ အသတ်ခံရတဲ့ ရွာသားတွေ ပေါင်းလိုက်ရင် တသောင်း ကျော်မယ်လို့ ခန့်မှန်း ကြပါတယ်။
ဆရာစံသူပုန် ပြိုကွဲသွားပေမဲ့ ပွဲကပြီးမသွားပါဘူး။ သာမန်အားဖြင့် စီးပွားရေး ကပ်တွေဟာ တနှစ်-နှစ်နှစ်လောက်ပဲ ဖြစ် တတ်ပေမဲ့ ၁၉၂၉ ခု ကမ္ဘာ့စီးပွား ပျက်ကပ်ကြီးဟာ ၁၉၃၉ အခုအထိ ကြာခဲ့ပါတယ်။ ၁၉၃၉ ခုကျမှ ဒုတိယကမ္ဘာစစ် ကြောင့် အရင်းရှင် နိုင်ငံကြီးတွေဟာ စီးပွား ပျက်ကပ်ကနေ ထွက်ပေါက် ရသွားခဲ့တာဖြစ်ပါတယ်။ စစ်လက်နက်တွေ စစ် ပစ္စည်းတွေ စစ်ရိက္ခာတွေ ထုတ်လုပ် ရောင်းချပြီး ရပ်ထားတဲ့ စက်ရုံ အလုပ်ရုံတွေ ပြန်လည်ပတ်၊ စီးပွား ပြန်တက်အောင် လုပ်ခဲ့ရပါတယ်။ ဒါပေမဲ့ သိတဲ့အတိုင်း စစ်မြေပြင် ဖြစ်သွားတဲ့ နိုင်ငံတွေဟာ ဖွတ်ဖွတ် ကြေသွားခဲ့ပါတယ်။
မြန်မာပြည်မှာ လယ်သမားသူပုန် ပြိုသွားပေမဲ့ ဒို့ဗမာအစည်းအရုံး လှုပ်ရှားမှုတွေ၊ ကျောင်းသား လှုပ်ရှားမှုတွေ၊ အလုပ် သမား လှုပ်ရှားမှုတွေ ပေါ်လာတာ၊ နောက်ဆုံးမှာ ဗိုလ်ချုပ်အောင်ဆန်းရဲ့ ဘီအိုင်အေ လက်နက်ကိုင် တော်လှန်ရေး အထိ ကြီးထွား လာတာဟာ ဒီကမ္ဘာ့ စီးပွားပျက် ကပ်ကြီးနဲ့ ပတ်သက် နေပါတယ်။ တနည်း ပြောရရင် ကမ္ဘာ့စီးပွား ပျက်ကပ်ကြီး ဟာ မြန်မာနိုင်ငံက နယ်ချဲ့ ဆန့်ကျင်ရေး လွတ်လပ်ရေး တိုက်ပွဲကို လက်နက်ကိုင် နည်းနဲ့ရော လက်နက်မဲ့ နည်းနဲ့ပါ ဆင်နွှဲ စေဖို့ ထိထိရောက်ရောက် အားဖြစ်ခဲ့ပါတယ်။ အောင်လဲ အောင်မြင်စေခဲ့ပါတယ်။
ဒီလိုတိုက်ပွဲတွေကြောင့် ကိုလိုနီအစိုးရဟာ ခွဲရေးတွဲရေးပြဿနာ၊ ၁၉၃၅ ခု ၉၁ ဌာန အုပ်ချုပ်ရေး ဥပဒေတို့နဲ့ ချွေးသိပ် လမ်းလွှဲတာတွေ လုပ်ခဲ့ပေမဲ့ ဗိုလ်ချုပ်အောင်ဆန်း ခေါင်းဆောင်တဲ့ တော်လှန်ရေး သမားတွေဟာ လုံးဝ လွတ်လပ်ရေး လမ်းကြောင်းကိုဘဲ တည့်တည့် မတ်မတ် လျှောက်သွားခဲ့ပါတယ်။ ပြည်ပမှာ စစ်ပညာသွားသင်တဲ့ တော်လှန်ရေးသမား ၃၀ ဟာ ဗမာပြည်ထဲကို လူ ၂၀၀ နဲ့ ပြန်ဝင်ခဲ့ပြီး ဘီအိုင်အေ ဖျက်တဲ့ အချိန်မှာတော့ အင်အား ၁၀၀၀၀၊ ဖက်ဆစ် တော် လှန်ရေးမှာ အင်အား ၃၀၀၀၀ အထိ ရှိသွားခဲ့ပါတယ်။
xxx
၁၉၇၃ ခုမှာ အာရပ်နိုင်ငံတွေခေါင်းဆောင်ပြီး ရေနံဈေးတွေ မြှင့်လိုက်သလို အမေရိကန် နိုင်ငံကို ဗီယက်နမ်စစ် ဆိုတဲ့ ဖွတ်တက်မှုကြောင့် ကမ္ဘာ့စီးပွားရေး ကျဆင်း ခဲ့ပါတယ်။ ဒီစီးပွားရေး ကပ်ကြောင့် မြန်မာနိုင်ငံမှာ ၁၉၇၄ အလုပ်သမား အရေးတော်ပုံ၊ ဦးသန့် ဈာပန အရေးတော်ပုံ၊ ၁၉၇၅ ရွှေတိဂုံ အရေးတော်ပုံ၊ ၁၉၇၆ မှိုင်းရာပြည့် အရေးတော်ပုံတွေ ပေါက်ကွဲ ခဲ့ပါတယ်။ ဒီစီးပွားရေး ကပ်ဟာ ၁၉၂၉ လို မပြင်းထန်လှဘဲ ကာလ အားဖြင့်လဲ ၂ နှစ်-၃ နှစ်လောက်ဘဲ ကြာ ခဲ့ပါတယ်။
၁၉၈၆-၈၇ ဘဏ္ဍာရေးကပ်ကတော့ မြန်မာပြည်က ၈ လေးလုံးအရေးတော်ပုံကို မွေးဖွားပေးလိုက်သလို တရုတ်ပြည်က ၁၉၈၉ တိန်အန်မင် အရေးတော်ပုံ၊ ဆိုဗီယက်နဲ့ အရှေ့ဥရောပ ဒီမိုကရေစီ အရေးတော်ပုံတွေ အထိ ပေါ်ထွက် စေခဲ့ပါ တယ်။ ဒီကပ်ကလဲ ၁၉၂၉ ကပ်လောက် ပြင်းထန်လှတာ မဟုတ်ပါဘူး။
xxx
၁၉၂၉ ခုနောက်ပိုင်း ကမ္ဘာ့အကြီးဆုံးစီးပွားရေးကပ်ကြီးဟာ ၂၀၀၇ ခုနှစ်မှာ စခဲ့ပြီး ၂၀၀၈ မှာ အပြင်းထန်ဆုံး ဖြစ်လာခဲ့ပါ တယ်။ ဒီကနေ့ ၂၀၁၁ ခုအထိ နာလံ မထူသေးပါဘူး။ ဒီတခါတော့ မြန်မာနိုင်ငံမှာ ဆရာစံလို လယ်သမားသူပုန် ဖြစ်မလာပေမဲ့ ၂၀၀၇ စက်တင်ဘာ ရွှေဝါရောင် တော်လှန်ရေး ဖြစ်ခဲ့ပြီးနောက် ၂၀၁၀ ခု နိုဝင်ဘာ ၇ ရက် (ရွေးကောက်ပွဲနေ့) မှာ ကရင်၊ ၂၀၁၁ ခု မတ်လ ၁၃ ရက်မှာ ရှမ်း၊ ၂၀၁၁ ခု ဇွန်လ ၉ ရက်မှာ ကချင် ငြိမ်းချမ်းရေး အဖွဲ့တွေရဲ့ ပုန်ကန်ထကြွ မှုတွေ ပေါက်ကွဲလာပါတယ်။ စီးပွားရေး ကြပ်တည်းမှုရဲ့အကျိုးဆက်အဖြစ် ငြိမ်းအဖွဲ့တွေရဲ့ စားကျက်တွေကို မျက်စောင်း ထိုး စားမာန်ခုတ် လာတာကို မခံမရပ် နိုင်တော့ဘဲ အခုလို ပုန်ကန် ဆူပွက်လာတာ ဖြစ်ပါတယ်။ ဒီတိုင်းရင်းသား ငြိမ်းအဖွဲ့ တွေမှာ ဒေသခံ တိုင်းရင်းသား လယ်သမားတွေ အများဆုံး ပါဝင်တာ ဖြစ်တဲ့အတွက် “၂၀၁၀-၂၀၁၁ ငြိမ်းချမ်းရေး လယ်သ မားသူပုန်” လို့လဲ ခေါ်လို့ရနိုင်ပါတယ်။
ဒါပေမဲ့ ဒီတိုင်းရင်းသားငြိမ်းလယ်သမားသူပုန်တွေဟာ ၁၉၃၀ တုံးကလို ဓားလှံဒူးလေး မီးကျိုး မောင်းပျက် သေနတ် တွေနဲ့ မဟုတ်ပါဘူး။ ခေတ်မီ မောင်းပြန်လက်နက်ငယ် လက်နက်ကြီးတွေ လေယာဉ်ပစ်ဒုံးတွေ အဝေးပစ်ဒုံးတွေ လက်နက်စက် ရုံတွေ ဆက်သွယ်ရေး စက်တွေ အင်တာနက်တွေ မီဒီယာ အဆက်အသွယ်တွေ နိုင်ငံတကာရောက် မြန်မာပြည်သား အဆက်အသွယ် အပံ့အပိုးတွေ ကောင်းကောင်း ရှိနေပါပြီ။ ခေတ်မီစစ်ပညာ ခေတ်မီ စစ်စည်းကမ်းကိုလဲ အင်္ဂလိပ်နည်း၊ အမေရိကန်နည်း၊ ဂျပန်နည်း၊ တရုတ်နည်း သင်ကြား လေ့ကျင့်ထားကြသူတွေ ဖြစ်ပါတယ်။ အင်းအိုင်မန္တာန် လက်ဖွဲ့အ ဆောင်တွေ အားကိုးတိုက်တာ မဟုတ်တော့ပါဘူး။
တဖက်မှာတော့ ဒီကနေ့ နအဖ-ကြံ့ဖွတ်စစ်တပ်ဟာ အင်္ဂလိပ်ကိုလိုနီအစိုးရလို နိုင်ငံခြားကနေ တပ်တွေ ခေါ်သွင်းလို့ မရ ရှာပါဘူး။ ဒါ့အပြင် နအဖ-ကဖ တပ်တွေဟာ တပ်မ တမကို လူ ၁၀၀၀ ပြည့်အောင် မနည်းမန်းမှုတ် လေထိုးနေရပါတယ်။ တပ်အင်အားတွေ တနှစ်ထက်တနှစ် လျော့လျော့ လိုက်လာနေပါတယ်။ ထောက်ပံ့ရေး ဘက်မှာဆိုလဲ အင်္ဂလိပ်တပ် ခြေဖျားတောင် မမီပါဘူး။ အမေရိကန်၊ ယိုးဒယားတို့နဲ့ တိုက်ဖို့ ရည်ရွယ်ပြီး ဝယ်ထားတဲ့ လက်နက်ကြီး လက်နက်ဆန်းတွေက လဲ ဒေသကျွမ်း တောကျွမ်းတဲ့ တိုင်းရင်းသား လယ်သမား ပျောက်ကျားတွေကို မဖြိုနိုင်ပါဘူး။
တချိန်ကတော့ ဗမာတပ်တွေဟာ ထောက်ပံ့ရေးမကောင်းပေမဲ့ စိတ်ဓာတ်အားကောင်းပြီး အကြမ်းပတမ်း ခံနိုင်လှတဲ့ အတွက် မြက်စား တိုက်နိုင်တယ်၊ ကျောက်ခဲစား တိုက်နိုင်တယ်လို့ ကြွားခဲ့ပေမဲ့ ဒီကနေ့မှာတော့ အဲဒါဟာ လုံးဝဒဏ္ဍာရီ သက်သက် ဖြစ်သွားပါပြီ။ တပ်မတော် သမိုင်း တလျှောက်လုံးမှာ ဘယ်ခေတ် ဘယ်အခါနဲ့မှ မတူအောင် စိတ်ဓာတ်ညံ့ ချက် ထောက်ပံ့ရေး ညံ့ချက်တွေ ကမ်းကုန် နေပါပြီ။ စည်းကော်တွေ (တပ်မတော်စည်းရုံးရေးကော်မတီ) ဘယ်လိုပဲ လက်ပူ တိုက် မန်းမှုတ်ပေမဲ့ တပ်နေလဲမပျော် စစ်တိုက်လဲမတော် ဖြစ်နေကြပါပြီ။ ပြည်သူ့စစ်မဟာဗျူဟာအရ တကယ် တပ် ဖျောက်မယ်ဆိုရင် ဘော်ဘော်တွေဟာ လုံးဝ ပြန်မလာတမ်း ပျောက်ကုန်မှာ၊ အိမ်ပြန် လစ်ကုန်ကြမှာ သေချာပေါက်ပါဘဲ။
ဒါကြောင့် နအကဖ ဟာ အင်္ဂလိပ်အစိုးရလုပ်ခဲ့သလို လှိမ့်လုံးလှည့်လုံးတွေ လုပ်နေပါတယ်။ သူအမုန်းဆုံး အကြောက် ဆုံး (ဝ) အဖွဲ့ကို မလုပ်စဖူး ငြိမ်းချမ်းရေး စာချုပ် လက်မှတ်ထိုးပြီး သူ့ကို လာမတိုက်အောင် အချိန်ဆွဲတာ၊ မြို့ပေါ်လူထု တွေ အုံကြွလာမှာကို ကြိုကာတဲ့ အနေနဲ့ တဖက်လှည့် ရောင်ပြကြေညာချက်တွေထုတ် ရောင်ပြ လုပ်ရပ်တွေလုပ်တာ၊ ၉၁ ဌာန အုပ်ချုပ်ရေး ပုံစံမျိုး အနံ့ ပေးတာတွေ လုပ်လာပါတယ်။ ငြိမ်းချမ်းရေးနဲ့ လက်နက် လဲတယ်လို့ ကြေညာခံထားတဲ့ အဖွဲ့ တဖွဲ့က နောက်ထပ်တခါ ငြိမ်းချမ်းရေးနဲ့ လက်နက်လဲ ဥပဒေ ဘောင်ထဲ ဝင်တယ်ဆိုတဲ့ ရူးကြောင်ကြောင် သတင်းတွေလဲ သတင်းစာထဲ ရှောက်ထည့် လိုက်ပါသေးတယ်။
တခြားတဖက်မှာလဲ ပေးကျွေးထားတဲ့ တိုင်းတပါးသားတွေ အကူအညီနဲ့ ရှမ်းပြည်အလယ်ကောင်က SSA ခေါင်းဆောင် ပန်ဖှ ဟာ ထိုင်းနိုင်ငံကို မူးယစ်ဆေး တင်သွင်းသူ နံပတ် ၁ ဖြစ်နေပြီဆိုတာမျိုး (သတင်းလွှင့်သူတွေဟာ ကလေးကျောင်း ပြန်တက်ပြီး ပထဝီပြန်သင်ဖို့ လိုနေပါပြီ)၊ မြောက်ပိုင်း-အရှေ့မြောက်ပိုင်းနယ်စပ်က ငြိမ်းအဖွဲ့တွေဟာ တရုတ်ဆန့်ကျင် ရေး တိဘက် အတိုက်အခံတွေဆီ သေနတ်တွေ (ပစ္စတို ၈ လက်ကြီးများတောင် ဆိုပဲ) ရောင်းပေးနေတယ် ဆိုတဲ့ သတင်း မျိုး ထုတ်လုပ် လွှင့်တင်လာပါတယ်။
(ဗုဒ္ဓဘာသာသံဃာတော်တွေ ဦးဆောင်တဲ့ တိဘက်အတိုက်အခံတွေထဲမှာ အကြမ်းဖက် လှုပ်ရှားမှု ဆိုတာ တရုတ် သိမ်းပိုက်ခါစ လွန်ခဲ့တဲ့နှစ် ၅၀ ကပဲဖြစ်ခဲ့ပြီး အခုအချိန်မှာ ကိုယ့်ကိုယ်ကိုမီးရှို့ အသေခံ ဆန္ဒပြတာပဲ အဓိက လုပ်နေ ကြပါ တယ်။ ဒါ့အပြင် ပစ္စတိုလောက် ကတော့ တရုတ်ပြည်မှာပဲ ဖောချင်းသောချင်း ဝယ်လို့ရပါတယ်၊ ဗမာပြည် ငြိမ်းအဖွဲ့ဆီက ဝယ်စရာ မလိုပါဘူး။ အကြမ်းဖက်မယ့် လူဆိုရင်လဲ ပစ္စတို မဝယ်ပါဘူး။)
xxx
၁၉၃၀ ဆရာစံသူပုန် ကျဆုံးသွားပေမဲ့ နောက် ၁၀ နှစ်အကြာမှာ ဗိုလ်ချုပ်အောင်ဆန်းရဲ့ ခေတ်မီ ဘီအိုင်အေ သူပုန် ကြောင့် လွတ်လပ်ရေး လမ်းကြောင်းပေါ် ရောက်သွားခဲ့ပါတယ်။ အနှစ် ၈၀ ကြာပြီးတဲ့နောက် အခုအချိန်မှာ ၂၀၁၀-၂၀၁၁ ငြိမ်းသူပုန် ကတော့ ဘယ်လိုမှ မကျဆုံးနိုင်ဘဲ ငြိမ်းမဟုတ်တဲ့ တိုင်းရင်းသား သူပုန်တွေနဲ့အတူ ဒေါ်အောင်ဆန်းစုကြည်ရဲ့ ဒီမိုကရေစီ လမ်းကြောင်းကို ဧရာမ ပစ်ကူပေး မီးထိုး ပေးနေပါတယ်။ ဗမာပြည် ထူးခြားချက်အရ မြို့ပြလူထု တိုက်ပွဲကနေ ပြီး ဒီမိုကရေစီ လမ်းကြောင်းကို မတွန်းနိုင်သေးချိန်မှာ ခေတ်မီ ငြိမ်းသူပုန်တွေဟာ ဒေါ်အောင်ဆန်းစုကြည် လုပ်ငန်း အောင်မြင်နိုင်ဖို့ အချက်အခြာ တွန်းအားကြီး၊ ဒေါ်အောင်ဆန်းစုကြည်ကို အဓိက ဝန်းရံ ပေးနေတဲ့ အင်အားကြီး ဖြစ်နေပါပြီ။ ကြိုက်သည်ဖြစ်စေ မကြိုက်သည်ဖြစ်စေ၊ ဆန္ဒရှိသည်ဖြစ်စေ မရှိသည်ဖြစ်စေ၊ ဗမာပြည် ဒီမိုကရေစီ အရေးတော်ပုံမှာ ဘယ်လက်သီးနဲ့ ညာလက်သီး ဖြစ်နေပါပြီ။
အင်္ဂလိပ်အစိုးရဟာ ၁၉၂၉ ကမ္ဘာ့စီးပွားပျက်ကပ်ကြီးထဲက ဘယ်လိုမှ ရုန်းမထွက်နိုင်ဘဲ နိုင်ငံရေးကပ် စစ်ရေး ကပ်တွေ အထိ နစ်မြုပ် ပျက်စီး သွားခဲ့သလို အခု နအကဖ စစ်အစိုးရ ဟာလဲ စီးပွားရေးကနေ နိုင်ငံရေး စစ်ရေးကပ် ဆိုက်တဲ့ အထိ ယိုယွင်း ပျက်သုဉ်းသွားမယ့် လမ်းပေါ် ရောက်နေပါပြီ။ စီးပွားပျက်ကပ်ရဲ့ ရှောင်လွဲမရတဲ့ အကျိုးဆက်အဖြစ် လက်နက်ကိုင် တော်လှန်သူတွေ ၁၉၃၀-၁၉၄၁ မှာ ပေါ်ခဲ့သလို ၂၀၁၀-၂၀၁၁ မှာလဲ မလွဲမသွေ ထပ်ပေါ်လာပြန်ပါပြီ။
တချိန်က ဆရာစံရဲ့ ဂဠုံသူပုန်ကို ဆရာကြီးသခင်ကိုယ်တော်မှိုင်းက “ဂဠုံသရဏံ ဂစ္ဆာမိကြပေရော့” လို့ ဂုဏ်ပြု ခဲ့သလို ဒီကနေ့မှာလဲ “ငြိမ်းစေသောငြိမ်း” တွေရဲ့ “ငြိမ်းချမ်းရေးတိုက်ပွဲ” ကို အင်တိုက် အားတိုက် ကူကြပါစို့။
ဂါမဏိ
Ref: နေ့သစ်
Posts
