June 14, 2012
မြန်မာနိုင်ငံ ရခိုင်ပြည်နယ်တွင်းက မောင်တောမြို့တွင် ယခုလ ၈ ရက်နေ့က ဘင်္ဂါလီ လူမျိုး ၁၀၀၀ ကျော်၏ အကြမ်းဖက် တိုက်ခိုက်မှုကြောင့် ရခိုင်တိုင်းရင်းသား တချို့သေဆုံးခြင်း၊ နေအိမ်များမီးရှို့ခံရခြင်းများ ဖြစ်ခဲ့ပြီးနောက် ဘူးသီးတောင်၊ စစ်တွေ၊ သံတွဲ၊ ရမ်းဗြဲ၊ ကျောက်ဖြူ စသည့်မြို့များအထိပါ အဓိကရုဏ်းဖြစ်ရပ်များ ကူးစက်ခဲ့သဖြင့် အစိုးရက ညမထွက်ရ အမိန့်နှင့်အတူ အရေးပေါ်ကြေညာချက် ထုတ်ပြန်ခဲ့ရသည်။
ယင်းသို့ထုတ်ပြန်ပြီး အခြားမြို့များတွင် တည်ငြိမ်မှု ရရှိခဲ့သော်လည်း ရခိုင်ပြည်နယ်၏ မြို့တော် စစ်တွေတွင် အကြမ်းဖက်မှု အခြေ အနေများ ဆက်တိုက်ဖြစ်ပွား ခဲ့ပြီးနောက် ရခိုင်နှင့် ဘင်္ဂါလီ နှစ်ဘက်လုံးတွင် လူအသေအပျောက်များ ရှိခဲ့သည်။ အိုးအိမ်များ ပျက် စီး ၍ ထောင်ပေါင်း များစွာသော ဒုက္ခသည်များလည်း ဖြစ်ပေါ်ခဲ့ရသည်။
အဓိကရုဏ်း အခြေအနေများနှင့်ပတ်သက်၍ ကွပ်ကဲ ထိန်းသိမ်းနိုင်ရန်အတွက် ရခိုင်ပြည်နယ် အစိုးရက အရေးပေါ်လုံခြုံရေး အဖွဲ့ဖွဲ့စည်းခဲ့ပြီး ထိန်းသိမ်းခဲ့သည်။
ထိုသို့ ရခိုင်ပြည်နယ်အတွင်း ဖြစ်ပွားမှုအခြေအနေများနှင့် ပတ်သက်၍ သတင်း ထုတ်ပြန်ရေး အတွက် ရခိုင်ပြည်နယ် အစိုးရက ဖွဲ့စည်း ထားသော ပြန်ကြားရေး အဖွဲ့ တာဝန်ခံ ဦးဝင်းမြိုင် ကို ဧရာဝတီ သတင်းထောက် ကျော်ခ က ဆက်သွယ် မေးမြန်းထားသည်။
မေး။ ။ ရခိုင်ပြည်နယ်ထဲမှာ ဖြစ်ပွားနေတဲ့ အဓိကရုဏ်း တွေနဲ့ ပတ်သက်ပြီး နောက်ဆုံး အခြေအနေတွေကို ပြောပြပေးပါ။
ဖြေ။ ။ အခုတော့ မနေ့ကစပြီး တော်တော်လေးငြိမ်သွားပါပြီခင်ဗျ။ လုံခြုံရေး ကလည်း တပ်ရော၊ ရဲတပ်ရင်းတွေရော လုံလောက် တဲ့ လုံခြုံရေး အင်အား ရှိပါတယ်ခင်ဗျ။ စစ်ဖြစ်တုန်းကတော့ ကျနော်တို့က ရဲတပ်ရင်းကိုပဲ သုံးတယ်။ ပြည်ထောင်စု အစိုးရက စစ် တပ် ကို သုံးခွင့်ပြုတယ် ဆိုပေမယ့် ကျနော်တို့က နိုင်လောက်တဲ့ အင်အားရှိတယ်လို့ တွက်ပြီးတော့ ကျနော်တို့ မသုံးပါဘူး။ နောက် ပိုင်းကြမှပဲ တမြို့လုံးက ဟိုဘက်၊ ဒီဘက်တွေဖြစ်လာတာတွေ များလာမှ တပ်ကို စသုံးပြီးတဲ့ အချိန်က စပြီးတော့ အခုတော့ အကုန်လုံး ကောင်းသွား ပါပြီ။
မေး။ ။ စစ်တွေမြို့ခံတွေနဲ့ အဲဒီကိုရောက်နေတဲ့ သတင်းထောက်တွေကတော့ လုံခြုံရေး အဖွဲ့တွေက ပစ်ခတ်နှိမ်နှင်းတာတွေလည်း ရှိတယ်လို့ ပြောကြတယ်။
ဖြေ။ ။ စဖြစ်တုန်းကတော့ မိုးပေါ်ထောင်ဖောက်တာပဲ ရှိပါတယ်။ ၁၂ ရက်နေ့က စစ်တွေမြို့ပေါ်မှာ ကျနော်တို့က မိုးပေါ်ထောင် ပစ် တယ်။ အဲဒါကို ဟိုဘက်က လူစုက အတင့်ရဲလာလို့ လူစုခွဲတဲ့အနေနဲ့ လုံထိန်းတပ်ကသုံးတဲ့ ရော်ဘာ ကျည်တွေကိုပဲ သုံးပါတယ် ခင်ဗျ။ လုံထိန်းတွကပစ်လို့ အမျိုးသမီးတယောက် ဒဏ်ရာရသွားတာတော့ ရှိပါတယ်။ သေဆုံးလောက်တဲ့ ဒဏ်ရာ ရတာ တော့ မရှိပါဘူး။
မေး။ ။ အပြင်မှာ သတင်းတွေ ထွက်ပေါ်ချက်တွေအရ ဘင်္ဂါလီတွေဘက်က သေနတ်တွေပါတယ်။ အယ်လ် ကေးဒါး အဖွဲ့နဲ့ ဆက် သွယ်တဲ့ စာရွက်စာတမ်းတွေ တွေ့ရတယ် ဆိုပြီး ပြောနေတယ်။ ဒီသတင်းတွေနဲ့ပတ်သက်ပြီးလည်း ရှင်းပြပေးပါဦး။
ဖြေ။ ။ အဲဒါကတော့ ဒီလိုပဲ ဟိုအရင်ကတည်းက သတင်းတွေ ပျံ့နေတာပေါ့။ အခုချိန်အထိတော့ သူတို့ဆီကနေ သေနတ်တွေ့တာ မရှိသေးပါဘူး။ တပ်က မရောက်ခင်တော့ ပြန်ပစ်တယ် ဘာညာနဲ့ သတင်းတွေထွက်တာတော့ ရှိတယ်။ အယ်လ် ကေးဒါး အဖွဲ့နဲ့ ပတ်သက်တဲ့ စာရွက်စာတမ်းတွေ တွေ့တယ်ဆိုတာတော့ ဟုတ်တယ်။ မောင်တော ဘက်ကနေပြီးတာ့ သူတို့ ဒီဘက်တွေကို ဖြန့် တာတွေလည်း ပါပါတယ်။
မေး။ ။ ရခိုင်ပြည်နယ်ထဲမှာဖြစ်ပျက်နေတဲ့ အခြေအနေတွေနဲ့ ပတ်သက်ပြီး သတင်းတွေမှာ မတူတာတွေကို တွေ့ရတယ်။ တချို့က မီးရှို့တာ ရခိုင်တွေလို့ပြောနေသလို၊ တချို့ကလည်း ဘင်္ဂါလီတွေပဲရှို့တာလို့ ဖော်ပြတာတွေ တွေ့နေကြရတယ်။ ဒီ သတင်းတွေနဲ့ ပတ်သက်ပြီး ဆရာတို့က ဘာပြောချင်လဲ။
ဖြေ။ ။ မွတ်စလင်တွေက သူတို့အိမ်ကို သူများအိမ်တွေရှို့သလို သူတို့အိမ်ကို သူတို့ပြန်ရှို့ပြီး ထွက်ပြေး တာတွေလည်း ရှိတယ်ဗျ။ ရခိုင်ကနေ ပြန်ရှို့တာတွေလည်း ရှိပါတယ်။
မေး။ ။ စစ်တွေမြို့ခံတွေကတော့ ပြောတယ်။ အစိုးရလုံခြုံရေးတပ်တွေ ရောက်လာတဲ့ အတွက် သူတို့ ဝမ်းသာပေမယ့်။ ရပ်ကွက် တွေထဲ အထိ လုံခြုံရေုး ယူမပေးနိုင်တဲ့ အတွက် သူတို့အိမ်တွေ မီးရှို့ခံရတယ်။ လုံခြုံရေးကို သူတို့ ကိုယ်တိုင် ယူနေရတယ်လို့ ပြော တယ်။
ဖြေ။ ။ သူတို့ပြောတာတော့ ကျနော်တို့ တပ်မရောက်ခင်က အခြေအနေတွေကို ပြောတာဖြစ်ပါလိမ့်မယ်။ ကျနော်တို့ တပ် ရောက် လာပြီး နောက်ပိုင်းမှာ အခြေအနေတွေက အေးအေးဆေးဆေး ဖြစ်သွားပါတယ်။ မနေ့ညနေက စပြီး အခုချိန် အထိ အေးအေးဆေး ဆေးပါ။ တပ် မရောက်ခင်ကတော့ မွတ်စလင်တွေက ဓာတ်ဆီပုလင်းတွေမီးရှို့ပြီး သူတို့အိမ်တွေကို ပစ်တာတွေရှိတာတော့ ဟုတ် ပါတယ်။ အခု အဲဒီအခြေအေနေတွေ မရှိတော့ပါဘူး။ ဒီမှာလည်း ပြည်တွင်း၊ ပြည်ပ မီဒီယာတွေလည်း ရှိပါတယ်။ မေးကြည့်နိုင်ပါတယ်။
မေး။ ။ အဓိကရုဏ်း အခြေအနေတွေကြားမှာ သေဆုံးဒဏ်ရာရရှိတဲ့ စာရင်းတွေက ဘယ်လောက်ရှိနေပြီလဲ ခင်ဗျ။
ဖြေ။ ။ ကျနော့်စီမှာ ဇွန် ၁၁ ရက်နေ့အထိ စာရင်းပဲ ရှိတယ်ဗျ။ မောင်တောမှာဖြစ်တဲ့ ဖြစ်စဉ် မပါဘဲ ပြည်နယ် တခုလုံးမှာ ဖြစ်တဲ့ဟာ၊ သေဆုံးသူ ရခိုင် ၁၂ ဦး၊ ဒဏ်ရာရတဲ့ လူ ၁၁ ယောက်၊ မွတ်စလင် ဘက်ကတော့ သေဆုံးသူ ၉ ဦး ဒဏ်ရာရတဲ့လူ ၁၀ ဦး အဲဒါပဲ။ တခြားမှာ သေတယ် ဘာညာ သတင်းတွေ ထွက်နေပေမယ့်လည်း ကျနော်တို့ အတည်ပြုလို့ မရသေးပါဘူး။ ဒါတွေကတော့ ဆေးရုံ ကိုရောက်လာတဲ့ စာရင်းပါ ခင်ဗျ။
မေး။ ။ ဒီအဓိကရုဏ်းတွေ ဖြစ်ပေါ်ရခြင်း အခြေအနေမှန်ကိုပြောပါဆိုရင် ဘာဖြစ်မလဲ ခင်ဗျ။
ဖြေ။ ။ အဲဒါတွေပြောရမယ်ဆိုရင် ခက်တယ်ဗျ။ အခုအချိန်မှာ ဘယ်လိုပဲဖြစ်ခဲ့ဖြစ်ခဲ့ နိုင်ငံတော် အစိုးရကနေပြီးတော့ ငြိမ်းချမ်းတဲ့ ဒီမိုကရေစီ နိုင်ငံတော်ကြီးကို သွားနေတဲ့အချိန်မှာ ဒီ လိုမလိုလားအပ်တဲ့ ပြဿနာတွေတော့ မဖြစ်စေချင်ဘူးပေါ့ ဗျာ။
မေး။ ။ ရခိုင်ပြည်နယ်ထဲမှာဖြစ်နေတဲ့အခြေအနေတွေနဲ့ ပတ်သက်ပြီး ပြည်တွင်းပြည်ပ မြန်မာမီဒီယာ အများစုမှာဖော်ပြ တာတွေနဲ့ နိုင်ငံတကာ မီဒီယာ တချို့မှာ ဖော်ပြတာတွေက အရမ်း ကွာနေတယ်။ ဒါက ဘယ်လိုဖြစ်တာလဲဆိုတာ ရှင်းပြပါဦး ခင်ဗျ။
ဖြေ။ ။ အဲဒါကတော့ မျက်မြင်ကိုယ်တွေ့ ပြောရမယ်ဆိုရင် ဒါဟာ ဆန့်ကျင်ဘက်လို့ ကျနော်ပြောချင်ပါတယ်။ ဘာဖြစ်လို့လဲ ဆိုတော့ ဘူးသီးတောင်၊ မောင်တောမှာ ရခိုင်လူမျိုးက သိပ်မရှိဘူး ခင်ဗျ။ နိုင်ငံတကာကလည်း သိသလို ခင်ဗျားတို့လည်း သိမှာပါ။ ရှင်းရှင်းပြောရရင် စစ်တွေမှာလည်း သူတို့ အင်အား မနည်းဘူး ရှိနေတာပဲ။ ဖြစ်နေတဲ့ လူတွေကိုယ်တိုင် အသိဆုံးပါ။ သူတို့က ဘာသာရေး အရ လူမျိုးရေးအရ ပုံကြီးချဲ့ပြောတာတွေတော့ ရှိတာပေါ့။
မေး။ ။ ဒါဆိုရင် မြန်မာအစိုးရအနေနဲ့ ဒီဖြစ်ရပ်တွေနဲ့ပတ်သက်ပြီး အခြေအနေမှန်တွေကို နိုင်ငံတကာက သိအောင် ထုတ်ပြန် ပေး ဖို့ ရှိလား ခင်ဗျ။
ဖြေ။ ။ ရှိပါတယ်။ အခုလည်း ကျနော်တို့ ဆီမှာ တိုက်ရိုက် ထုတ်လွှင့်ဖို့ အတွက် ဆိုပြီး ပြည်တွင်း မီဒီယာတချို့က တောင်းဆို ထား တာကို ခွင့်ပြုထားသလို၊ ပြည်တွင်း၊ ပြည်ပ သတင်းထောက်တွေကိုလည်း လွတ်လွတ်လပ်လပ် သတင်းယူခွင့်ပြုထားတာ အများမျက်မြင်ပါပဲ။ ကျနော်တို့ ဘာမှ တားဆီးမထားပါဘူး။
မေး။ ။ အဓိကရုဏ်း အခြေအနေတွေကြောင့် နှစ်ဘက်လုံးမှာ ဒုက္ခသည် အဖြစ်နဲ့ ခိုလှုံနေကြရတယ်လို့ သိရတယ်။ ဘယ်လောက် တောင် များနေပြီလဲ။
ဖြေ။ ။ လောလောဆယ်တော့ ၃၀၀၀၀ ကျော်လောက် ခန့်မှန်းပါတယ်။ မွတ်စလင် ဘက်မှာတော့ ကလေးတွေ အရမ်းများတော့ သူတို့ ဘက်က ပိုများတယ်လို့ ပြောလို့ရတယ်။ ဒါတွေနဲ့ ပတ်သက်ပြီးတော့လည်း မနေ့က ကုလ ကိုယ်စားလှယ် မစ္စတာ နမ်ဘီယာ လာသွားပါတယ်။
မေး။ ။ အခုလူပြောများနေတာက အစိုးရအနေနဲ့ အခု ရခိုင်ပြည်နယ် အဓိကရုဏ်း ကိုင်တွယ်ရာမှာ ထိရောက်မှု မရှိဘူး။ လုံခြုံရေး ယူထား နေရင်းနဲ့ပဲ အိမ်တွေ မီးရှို့ခံနေရတယ်။ အရင်တုန်းက ဆိုရင် ဆန္ဒပြတာနဲ့ ပစ်ခတ်နှိမ်နှင်းတယ်လို့ ပြောနေကြတယ်။
ဖြေ။ ။ အခုဟာ ကျနော်တို့က ဒီမိုကရေစီနိုင်ငံ သွားမှာကိုး၊ အရင်တုန်း ကတော့ တပ်က အုပ်ချုပ်တာကိုး၊ အရင်တုန်း ကတော့ ဖြစ် လာပြီဆိုရင် တပ်က ချက်ချင်း ဝင်တယ်လေ။ ကျနော်တို့က အခု ဒီမိုကရေစီနိုင်ငံ ဆိုတော့ တပ်အင်အားကို ဖြစ်နိုင်ရင်တော့ မသုံး ဘူး ပေါ့ဗျာ။ ဖြစ်နိုင်ရင်တော့ လုံထိန်း အဖွဲ့တွေနဲ့ပဲ နိုင်အောင် ထိန်းစေချင်တာ။ ကျနော်တို့ သမ္မတကြီးပြောသလိုပေါ့။ ခေတ်နောက် ဘက်ပြန်သွားမှာကို စိုးရိမ်တဲ့အတွက် ကျနော်တို့ တပ်ကို မသုံးတာပါ။ အရင်တုန်းကတော့ တပ်က ဖြစ်ပြီဆိုရင် အင်အားနဲ့သုံးတဲ့ အခါကြတော့ ဒီလောက်မကြာဘူးပေါ့လေ။ ဒီမှာလည်းသူတို့က ပြောပါတယ်။
မေး။ ။ ဒီ အဓိကရုဏ်းအခြေအနေတွေက ထပ်ပြီးကြာနိုင်သေးလား။ ဘယ်ချိန်လောက် ပုံမှန်အခြေအနေကို ပြန်ရောက်သွားနိုင် လဲ။
ဖြေ။ ။ ကျနော်တို့ကတော့ သိပ်ကြာတော့မယ်လို့ မထင်ဘူး။ ဘာဖြစ်လို့လဲဆိုတော့ မနေ့ကပဲ သူတို့ ဘာသာရေးခေါင်းဆောင် တွေ လဲ လာတယ်လေ။ ဒီဘက်က ဘာသာရေးခေါင်းဆောင်တွေနဲ့ တွေ့ပြီးတော့ ဆွေးနွေးတဲ့အခါကြတော့ မကြာခင်ပြေလည်သွားမယ် လို့ ယုံကြည်ပါတယ်။ ။
Ref: ဧရာဝတီ
Friday, June 15, 2012
“နောက်ပြန်သွားမှာ စိုးရိမ်တဲ့အတွက် စစ်တပ်ကို မသုံးတာ”
ရခိုင်ပြည်နယ် ပဋိပက္ခ ဒီမိုကရေစီအရေး အတား အဆီးဟု ကွင်တားနား ပြော
မျိုးသန့်
ကြာသပတေးနေ့၊ ဇွန်လ ၁၄ ရက် ၂၀၁၂
ရန်ကုန် (မဇ္ဈိမ) ။ ။ ရခိုင်ပြည်နယ်အတွင်း ဗုဒ္ဓဘာသာဝင် ရခိုင် တိုင်းရင်းသားများနှင့် ဘင်္ဂါလီ ရိုဟင်ဂျာများ အကြား ဖြစ်ပွားနေသည့် ပဋိပက္ခ များသည် နိုင်ငံ့အနာဂတ် ဒီမိုကရေစီရေး အတွက် ကြီးမားသည့် အတားအဆီး တခု
ဖြစ်လာနိုင်သည်ဟု ကုလသမဂ္ဂ လူ့အခွင့်အရေးဆိုင်ရာ အထူး သံတမန် သောမတ်စ် အိုဟေး ကွင်တားနား သတိပေး ပြောကြား လိုက်သည်။
“တင်းမာမှုများဟာ မြန်မာနိုင်ငံရဲ့ ဒီမိုကရေစီ ကူပြောင်းရေးနဲ့ တည်ငြိမ်ရေးတို့ အတွက် အတားအဆီး ဖြစ်ပေါ်နေပြီး တရား ဥပဒေကို လေးစားဖို့နဲ့ အကြမ်းဖက်မှုတွေ မလုပ်ကြဖို့ နှစ်ဘက်လုံးကို ကျနော် တိုက်တွန်းပါတယ်” ဟု ကွင်တားနား၏ ပြောကြားချက်ကို ကုလသမဂ္ဂ ပြန်ကြားရေးဌာန (ရန်ကုန်) ၏ အင်တာနက် စာမျက်နှာတွင် ဇွန်လ ၁၃ ရက်နေ့ နေ့စွဲဖြင့် ဖေါ်ပြထားသည်။
ရခိုင်ပြည်နယ်အတွင်းဖြစ်ပွားနေသည့် ပဋိပက္ခများ အတွင်း ဇွန်လ ၈ ရက်နေ့မှ ၁၁ နေ့အထိ လူပေါင်း ၂၁ ဦးသေဆုံးခဲ့ ပြီး ၂၁ ဦး ဒဏ်ရာရရှိခဲ့သည်ဟု နိုင်ငံပိုင် သတင်းစာများက ရေးသားသည်။ ယင်းအပြင် လူနေအိမ် ၁၆၆၂ လုံး၊ ဆိုင်ခန်း ခြောက်ခန်း၊ ဆိုင်ကယ် ၁၈ စီး၊ ထော်လာဂျီ သုံးစီး၊ စက်ဘီး ကိုးစီးတို့လည်း ပျက်စီးခဲ့ရသည်ဟု ဆိုသည်။
အဆိုပါ ပဋိပက္ခ အခြေအနေများသည် ဒီမိုကရေစီဖေါ်ဆောင်ရေးနှင့် နိုင်ငံဖွံ့ဖြိုး တိုးတက်ရေး တို့ အတွက် ထိခိုက် ဆုံးရှုံးမှု များစွာ ဖြစ်ပေါ်စေနိုင်သည် ဟုလည်း သမ္မတ ဦးသိန်းစိန်က ဇွန်လ ၁ဝ ရက်နေ့ မိန့်ခွန်းတွင် သတိပေး ပြောကြားသွား သေးသည်။
“အသွင် ကူးပြောင်းစသာရှိသေးတဲ့ ကျနော်တို့နိုင်ငံရဲ့ တည်ငြိမ်အေးချမ်းရေး၊ ဒီမိုကရေစီ ဖေါ်ဆောင်ရေးနဲ့ နိုင်ငံဖွံ့ဖြိုး တိုးတက်ရေး အပေါ် ပြင်းပြင်းထန်ထန် ထိခိုက်ဆုံးရှုံးမှု ဖြစ်ပေါ်စေနိုင်တာကို မိဘပြည်သူများအားလုံး အထူး သတိထားကြစေချင်ပါတယ်” ဟု ပြောသွားသည်။
မေလ ၂၈ ရက်နေ့မှ အစပြုခဲ့သည့် ပဋိပက္ခများသည် ပိုမို ကျယ်ပြန့် လာခြင်းကြောင့် ဇွန်လ ၁ဝ ရက်နေ့မှစ၍ ရခိုင်ပြည်နယ် အတွင်း အရေးပေါ် အခြေအနေ အဖြစ် အမိန့်အမှတ် ၁/၂၁၀၂ ကို ဦးသိန်းစိန်အစိုးရမှ ထုတ်ပြန် ကြေညာခဲ့ရသည်။
ရခိုင်ပြည်နယ်အတွင်း ဖြစ်ပေါ်နေသည့် အခြေအနေများအား ဘာသာရေး ပဋိပက္ခများ အဖြစ် မီးမောင်းထိုး သတင်း ထုတ်ပြန်မှု မလုပ်ရန် ပြည်ပ မီဒီယာများနှင့် ဗြိတိန် အခြေစိုက် NGO တခုကို အမျိုးသားရေးဝါဒီများက ကြာသပတေးနေ့ နံနက်တွင် ရန်ကုန်မြို့ရှိ ဗြိတိန်သံရုံးရှေ့၌ ဆန္ဒပြ တောင်းဆိုမှုတခု ခေတ္တပြုလုပ်ခဲ့ကြသေးသည်။
သတင်းမီဒီယာများ၏ ဖေါ်ပြချက်များနှင့် ပတ်သက်၍လည်း “အကြမ်းဖက်မှုများ ဖြစ်ပွားခြင်းမှ ကာကွယ်ရန် သတင်း မီဒီယာများ အနေဖြင့်လည်း တာဝန်သိစိတ်ဖြင့် သတင်းများ ရေးသားရန် လိုအပ်ပါတယ်” ဟု ကွင်တားနားက သတိပေး ပြောဆိုလိုက်သည်။
Ref: မဇ္ဈိမ
မသီတာထွေးအမှု စွပ်စွဲခံရသူများ တမှု ဝန်ခံ၊ နှစ်မှု ငြင်းဆို
နေမျိုး
ကြာသပတေးနေ့၊ ဇွန်လ ၁၄ ရက် ၂၀၁၂
နယူးဒေလီ (မဇ္ဈိမ) ။ ။ မေလ ၂၈ ရက်နေ့က ရခိုင်ပြည်နယ်၊ ရမ်းဗြဲမြို့နယ် သပြေချောင်းကျေးရွာသူ မသီတာထွေး အား အဓမ္မပြု သတ်ဖြတ်ကာ ပစ္စည်း လုယက်မှုတို့ဖြင့် စွပ်စွဲခံရသူ ရော့ပီးနှင့် ခိုချီး တို့ နှစ်ဦးက အဓမ္မပြုကျင့်မှု ကျူးလွန်ခဲ့ကြောင်း ဝန်ခံဖြောင့်ချက် ပေးသော်လည်း လူသတ်မှုနှင့် လုယက်မှုကိုမူ မကျူးလွန်ခဲ့ကြောင်း ကြာသပတေးနေ့ ရုံးတော်တွင် ငြင်းလိုက်ကြသည်။
မနက်ပိုင်းက ကျောက်ဖြူ ခရိုင်တရားရုံးတွင် တရားသူကြီး ဒေါ်ဌေးဌေးကြည်က ကြားနာ ခဲ့ရာတွင် စွပ်စွဲခံရသူ နှစ်ဦး ဘက်မှ တရားခံပြ သက်သေ တင်ပြခြင်း မရှိ၍ ခရိုင်ဥပဒေအရာရှိ ဦးစောမြ က ရုံးတော်သို့ စွဲချက် တင်သွင်းခဲ့ကြောင်း ပြည်သူ့ လွှတ်တော် ကိုယ်စားလှယ် ဦးဘရှိန်က ပြောသည်။
“တရားခံဘက်က ပြစ်မှုဥပဒေ ပုဒ်မ ၃၇၆ မုဒိန်းမှုကိ်ု သူတို့က ဝန်ခံပြီးတော့ ကျန်နှစ်မှုကို ငြင်းတယ်။ ဒါပေမယ့် ပစ္စည်းလုတဲ့ စွဲချက်ရယ်၊ လူသတ်တဲ့ စွဲချက်ရယ် ဒီနှစ်ခုကို ငြင်းတယ်လို့ သိရပါတယ်။ ငြင်းတဲ့ အတွက်ကြောင့် မနက်ဖြန်ခါ ရုံးချိန်မှာ တရားခံ နှစ်ယောက်ကို စစ်မယ်” ဟု မဇ္ဈိမကို ပြောသည်။
ရုံးတော်တွင် ဝန်မခံသည့် ယင်းအမှုများ အတွက် ဆက်လက် ထုချေရမှာဖြစ်ပြီး တရားရုံးတော်က ဆက်လက်ကြားနာ စစ်ဆေး သွားမှာဖြစ်ကြောင်း ဦးဘရှိန်က ဆက်ပြောသည်။
“ဝန်မခံတဲ့ဟာကတော့ ဥပမာ ပစ္စည်းမယူဘူးပေါ့ဗျာ၊ မယူရင် မယူဘူး ဆိုတဲ့ အကြောင်း သူပြောပေါ့။ လူသတ်တဲ့ ဟာမှာ သူ မပါရင် မပါတဲ့အကြောင်း သူပြောပေါ့” ဟု ဆိုသည်။
ထိုအမှုတွင် စွပ်စွဲခံရသူ သုံးဦးအနက် ထက်ထက် (ခ) ယော်ရှီး (ခ) ဖြိုးဇေယျာကျော် သည် ဇွန်လ ၉ ရက်နေ့ ညနေ ပိုင်းက ကျောက်ဖြူ အကျဉ်းထောင်တွင် ခါးဝတ်ပုဆိုးဖြင့် ဆွဲကြိုးချ အဆုံးစီရင်သွားခဲ့၍ ရော့ပီးနှင့် ခိုချီး တို့ဦး နှစ်ဦးသာ အမှုကို ဆက်လက်ရင်ဆိုင် သွားရန်ရှိသည်။
ယင်းအမှုတွင် တရားလိုဘက်မှ သက်သေ ၂၄ ဦး၏ သက်သေ ထွက်ဆိုချက်များ ရှိပြီး စွပ်စွဲ ခံရသူများ ဘက်မှ လိုက်ပါ သည့် သက်သေ မရှိသေးကြောင်း သိရသည်။
အခင်းဖြစ်ပွားသည့် မေလ ၂၈ ရက်နေ့ ညတွင်ပင် မသင်္ကာသူ သုံးဦးကို ဒေသခံရဲများက ဖမ်းဆီး ထားခဲ့သည်။ ရုံးတင် စစ်ဆေးမှုများကို ဇွန်လ ၈ ရက်နေ့ (သောကြာနေ့)မှ စတင်ကြားနာခဲ့ပြီး ငါးရက်တိုင် ဆက်တိုက် စစ်ဆေးနေခြင်း ဖြစ်သည်။
မသီတာထွေး အဖြစ်အပျက်မှ စတင်၍ ရခိုင်ပြည်နယ် တွင်းတွင် လက်စားချေ သတ်ဖြတ်မှုများ၊ လူမျိုးရေး အမုန်းပွားမှု များ၊ ဆူပူ အကြမ်းဖက်မှုများ ဖြစ်ပေါ်လျက်ရှိပြီး “အရေးပေါ် အခြေအနေ” ကို နိုင်ငံတော်သမ္မတ က ရခိုင် တပြည်နယ် လုံးအား ရက်အကန့်အသတ် မရှိ ထုတ်ပြန်ကြေညာရသည် အထိ သည်းသန် ပြင်းထန် လာခဲ့ခြင်း ဖြစ်သည်။
ရခိုင်ပြည်နယ်အတွင်း လတ်တလော ရုန်းရင်းဆန်ခတ် ဖြစ်ပွားမှုများကြောင့် ဇွန်လ ၈ ရက်မှ ၁၁ ရက်နေ့အတွင်း လူ ၂၁ ဦး သေဆုံးပြီး ၂၁ ဦးဒဏ်ရာ ရရှိခဲ့ကြောင်း အစိုးရက ထုတ်ပြန်ထားသည်။
ဇွန်လ ၁ဝ ရက်နေ့တွင် ရခိုင်ပြည်နယ်အား အရေးပေါ် အခြေအနေ ကြေညာ ထုတ်ပြန်ထား သော်လည်း ယခုချိန်ထိ အခြေအနေမှာ တည်ငြိမ် အေးချမ်းခြင်း မရှိသေးပေ။
Ref: မဇ္ဈိမ
လာဘ်စားမှုကင်းတဲ့ နယ်စပ် လုံခြုံရေး လိုအပ်
စုမြတ်မွန်
ကြာသပတေး, 14 ဇွန် 2012
မြန်မာနိုင်ငံမှာ တရားဥပဒေစိုးမိုးမှု မရှိသရွှေ့ အုပ်စုလိုက်ဖြစ်တဲ့ အထိကရုန်းတွေ ဆက်ဖြစ်နေမှာ ဖြစ်တယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ရခိုင်ပြည်နယ် ဖက်မှာ လာဘ်စားမှုကင်းတဲ့ နယ်စပ် လုံခြုံရေးရှိဖို့ အရေးကြီးတယ် ဆိုတာ ကိုလဲ ဆွစ်ဇာလန်နိုင်ငံ ဂျနီဗာမြို့မှာ ပြုလုပ်တဲ့ သတင်းစာ ရှင်းလင်းပွဲမှာ ဒေါ်အောင်ဆန်း စုကြည်က ပြောသွားပါတယ်။ ဒါ့အပြင် ရိုဟင်ဂျာတွေ မြန်မာနိုင်ငံသား ဖြစ်သင့် မသင့်၊ အရင် စစ်ခေါင်းဆောင်ဟောင်းတွေ အပေါ် အရေးယူ သင့် မသင့် စတဲ့ သတင်းထောက်တွေရဲ့ အမေးကို ဒေါ်အောင်ဆန်းစုကြည် ပြန်လည် ဖြေကြားတာကို မစုမြတ်မွန်က စုစည်း တင်ပြပေးထားပါတယ်။
ILO အပြည်ပြည်ဆိုင်ရာ အလုပ်သမား အဖွဲ့ချုပ်ရဲ့ အလုပ်သမား ညီလာခံမှာ မိန့်ခွန်း ပြောကြား ပြီးတဲ့နောက် ပြုလုပ်တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က မြန်မာနိုင်ငံမှာ ဖြစ်နေတဲ့ အခြေအနေတွေကြောင့် တရားဥပဒေ စိုးမိုးမှု ရှိဖို့ ဘယ်လောက် အရေး ကြီးသလဲဆိုတာ ပြသနေတယ် ဆိုတာကို အလေးထားပြီး ဖြေဆို သွားတာကို တွေ့ရပါတယ်။ ရခိုင်ပြည်နယ်မှာ ဖြစ်နေတဲ့ အခြေ အနေတွေနဲ့ ပါတ်သက်လို့ စိုးရိမ်သလားဆိုတဲ့ သတင်းထောက် တယောက်က မေးပါတယ်၊ ဒေါ်အောင်ဆန်းစုကြည် ပြန်ဖြေတာက -
“ရခိုင်ပြည်ဖက်မှာ လက်ရှိဖြစ်နေတဲ့ အခြေအနေ အပေါ်မှာ မြန်မာ တနိုင်ငံလုံး လိုပဲ ကျွန်မ စိုးရိမ်တာပေါ့၊ တရားဥပဒေ စိုးမိုးမှု ဘယ်လောက် လိုအပ်နေသလဲ ဆိုတာ ကျွန်မတို့ သင်ခန်းစာ ယူသင့်တဲ့ ကိစ္စကြီးပါ။ နိုင်ငံထဲမှာဖြစ်နေတဲ့ ပဋိပက္ခတွေ အားလုံး အဆုံးသပ်ရေး အတွက် တရားဥပဒေ စိုးမိုးမှု လိုအပ်တယ် ဆိုတာကို ကျွန်မတို့ အမျိုးသား ဒီမိုကရေစီ အဖွဲ့ချုပ် ပါတီက ထပ်ခါ ထပ်ခါပြောနေတာပါ။ လူတိုင်း လူတိုင်း ဥပဒေရဲ့ အကာအကွယ် ရရပါမယ်။ သူတို့အနေနဲ့လဲ နိုင်ငံရဲ့ ဥပဒေတွေကို လေးစား လိုက်နာဖို့ လိုအပ်ပါတယ်။ တရားဥပဒေ စိုးမိုးမှု မရှိရင် အုပ်စုလိုက်ဖြစ်ပွားတဲ့ အထိကရုန်းတွေ ဆက်ပြီးဖြစ်နေမှာပါဘဲ။ အခု ဖြစ်နေတဲ့ ပြဿနာကို ပါးပါးနပ်နပ် သိမ်သိမ်မွေ့မွေ့ ကိုင်တွယ်ဖို့ လိုပါတယ်။ ကျွန်မတို့ နိုင်ငံမှာ လိုလားနေတဲ့ ငြိမ်းချမ်းမှု ပြန်ရဖို့ သက်ဆိုင်သူတွေ အားလုံးရဲ့ ပူးပေါင်းဆောင်ရွက်မှုလဲ လိုအပ်ပါတယ်။”
ရိုဟင်ဂျာတွေကို မြန်မာနိုင်ငံသားအဖြစ် လက်ခံသလားဆိုတဲ့ မေးခွန်းမျိုးကိုလဲ သတင်းထောက်တွေ မေးကြပါတယ်။
“နိုင်ငံသားဖြစ်ရေးနဲ့ ပါတ်သက်လို့ အင်မတန် ရှင်းလင်း တိကျတဲ့ ဥပဒေ လိုအပ်ပါတယ်။ ရခိုင်ပြည်နယ်မှာ ဖြေရှင်းဖို့ လိုတဲ့ လက်တွေ့ ပြဿနာကို ကျွန်မပြောပါရစေ။ နယ်စပ် တဖက်တချက်မှာ ရှိနေတဲ့ မြန်မာနိုင်ငံ ဖက်ကရော ဘင်္ဂလားဒေ့ရှ် ဖက်ကပါ ၂ ဖက်လုံး မှာ စိုးရိမ်မှုတွေကြောင့် ခုလို ကြီးမားတဲ့ ပြဿနာကြီးတခု ဖြစ်နေရတယ်လို့ ကျွန်မ ထင်ပါတယ်။ အဆင်းရဲဆုံး နယ်စပ်ဒေသ ဖြစ်တဲ့ အတွက် တရားမဝင် နယ်စပ် ဖြတ်ကျော်မှုတွေ တချိန်လုံး ဖြစ်နေမှာပါ။ ဒီထက် တာဝန်သိပြီး လာဘ်စားမှု ကင်းတဲ့ နယ်စပ် လုံခြုံရေး ရှိဖို့ လိုအပ်တယ်လို့ ကျွန်မထင်ပါတယ်။”
ဘယ်လိုလူမျိုးတွေက နိုင်ငံသား ဖြစ်နိုင်သလဲဆိုတာကို ရှင်းရှင်း လင်းလင်းရှိဖို့ လိုအပ်သလို နိုင်ငံသားဖြစ်ခွင့် ရှိသူတွေ အနေနဲ့ နိုင်ငံသား တယောက် ရသင့်တဲ့ အခွင့်အရေးတွေကို အပြည့်အဝ ရရှိဖို့ လိုအပ်တယ် ဆိုတာကိုလဲ နောက်ထပ် ရိုဟင်ဂျာတွေ နိုင်ငံသား ဖြစ်သင့်သလား ဆိုတဲ့ အမေးမှာ ဒေါ်အောင်ဆန်းစုကြည်က သတင်းစာရှင်းပွဲမှာ ဖြေသွားခဲ့ပါတယ်။
မေးခွန်းတွေ အတော်စုံစုံမေးကြတဲ့ သတင်းစာရှင်းပွဲမှာ အရင် စစ်ခေါင်းဆောင်တွေ ကျူးလွန်ခဲ့တဲ့ ပြစ်မှုတွေကို ဘယ်လို ကိုင်တွယ် သင့်သလဲ ဆိုတာကိုလဲ သတင်းထောက် တယောက်က မေးပါတယ်။ ငြိမ်းချမ်းရေးနဲ့ ပြန်လည် သင့်မြတ်ရေးကော်မရှင် မြန်မာနိုင်ငံမှာ ဖွဲ့လာမယ် ထင်သလား ဆိုတာကို ဒေါ်အောင်ဆန်းစုကြည် ပြန်ဖြေတာက -
“လောလောဆယ်မှာတော့ အမှန်တရား ဖော်ထုတ်ရေးနဲ့ ပြန်လည် သင့်မြတ်ရေး ကော်မတီဖြစ်ဖို့ အစီအစဉ် ရှိပုံ မရသေးပါဘူး။ အတိတ်မှာ ဖြစ်ခဲ့တာတွေကို ဘုန်းတော်ကြီး Desmond Tu Tu ပြောသလိုပဲ လက်တုံ့ပြန်မှုကို အခြေခံတဲ့ တရားမျှတမှုမျိုး မဟုတ်ဘဲ အမှားကို ပြန်ပြင်ချင်တဲ့ တရားမျှတမှုမျိုးသာ ဖြစ်သင့်ပါတယ်။ အခုအချိန်မှာတော့ ကျွန်မ အလိုလားဆုံးက ပြန်လည် သင့်မြတ်ရေးပါ။ လက်စားခြေရေး မဟုတ်ပါဘူး။”
ဒေါ်အောင်ဆန်းစုကြည်ရဲ့ ခရီးစဉ်အတွင်းမှာ သူ့ကို လှိုက်လှိုက် လှဲလှဲ ကြိုဆိုကြလို့ အစိုးရ အကြီး အကဲတွေ စိတ်အနှောင် အယှက် ဖြစ်နိုင်သလား ဆိုတာနဲ့ မြန်မာနိုင်ငံ အပေါ် အရေးယူ ဒဏ်ခတ်မှုတွေ ဖယ်ရှားပေးနေတာတွေဟာ သိပ်စောလွန်းသေးတယ်လို့ ထင်သလားလို့ ဗွီအိုအေ သတင်းထောက်ရဲ့ အမေးကို ဒေါ်အောင်ဆန်းစုကြည် ပြန်ဖြေတာက -
“ပထမမေးခွန်းကို ဖြေရမယ်ဆိုရင်တော့ ကျွန်မ ဘယ်လောက် စိတ်လှုပ်ရှားသလဲ ဆိုတာကို ကျွန်မ နိုင်ငံက ခေါင်းဆောင်တွေ သိရင် ကျွန်မကို စိတ်အညိုအညင် ဖြစ်မှာ မဟုတ်ပါဘူး။ သနားတောင် သနားမှာပါ။ ပိတ်ဆို့ ဒဏ်ခတ်မှုတွေနဲ့ ပါတ်သက်တဲ့ ဒုတိယမေးခွန်းကို ဖြေရမယ်ဆိုရင် ဒီမိုကရေစီ ဖော်ဆောင်ရေး လုပ်ငန်းစဉ်တွေ အသေအချာ ရှေ့ဆက်ဖို့က မြန်မာနိုင်ငံသားတွေရဲ့ တာဝန်လို့ ကျွန်မ ယူဆပါတယ်။ ပိတ်ဆို့ အရေးယူမှုတွေ ဖယ်ရှားမှုကြောင့် ဒီလုပ်ငန်းစဉ်တွေ အနှောင့်အယှက် မဖြစ်စေသင့်ပါဘူး။ ဒါကြောင့် ကျွန်မက ဒီမိုကရေစီနဲ့ ကိုက်ညီတဲ့ တာဝန်သိ ရင်းနှီးမြှုပ်နှံမှုတွေ လုပ်ကြပါလို့ ကျွန်မပြောနေတာပါ။ ပိတ်ဆို့ ဒဏ်ခတ်မှုတွေ ရုပ်သွားလို့၊ ယာယီ ဖယ်ရှားပေးလို့၊ အသစ်ဝင်လာမဲ့ ရင်းနှီးမြှုပ်နှံမှုတွေက ဒီမိုကရေစီရေး အတွက် အထောက်အကူပဲ ဖြစ်သင့်ပါတယ်။ အနှောင့် အယှက် မဖြစ်သင့်ပါဘူး။”
ဂျနီဗာမှာလုပ်တဲ့ သတင်းစာ ရှင်းလင်းပွဲမှာပဲ ကချင်ပြည်နယ်ဖက်က အခြေ အနေနဲ့ ပါတ်သက်ပြီး အပြစ်အခတ် ရပ်ဆဲရုံနဲ့ မလုံလောက်ဘဲ၊ ရေရှည် အဓိပ္ပါယ်ရှိတဲ့ ငြိမ်းချမ်းရေး အတွက် နိုင်ငံရေးအရ အဖြေရှာဖို့ လိုအပ်တယ် ဆိုတာကို ဒေါ်အောင်ဆန်းစုကြည်က ပြောသွားပါတယ်။
Ref: VOA News
ILO အရေးယူမှု ရပ်ဆိုင်းခြင်း ဒေါ်စု ကြိုဆို
ကြာသပတေး, 14 ဇွန် 2012
မြန်မာနိုင်ငံမှာ ဒီမိုကရေစီရေး ပြုပြင် ပြောင်းလဲမှုတွေ ပိုမို ဖြစ်ထွန်း လာစေဖို့အတွက် နိုင်ငံတကာက ကူညီ ထောက်ပံ့ကြဖို့နဲ့ ရင်းနှီးမြှပ်နှံမှုတွေ လုပ်ကြဖို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ၁၀၁ ကြိမ်မြောက် ILO နိုင်ငံတကာ အလုပ်သမား ညီလာခံမှာ ပြောကြား လိုက်ပါတယ်။
မနေ့က အစည်းအဝေးမှာ မြန်မာနိုင်ငံအပေါ် နည်းပညာပိုင်းနဲ့ တခြား အကူအညီပေးမှု ကန့်သတ် ထားချက် တွေကို ILO က ပြန်လည် ရုပ်သိမ်းဖို့ ဆုံးဖြတ်ခဲ့တာနဲ့ ပါတ်သက်ပြီး ဒေါ်အောင်ဆန်းစုကြည်က ကြိုဆိုလိုက်တဲ့ အပြင် ဒါဟာ မြန်မာနိုင်ငံ အတွက် မကြုံစဖူး အခွင့်အရေး တရပ်ဖြစ်ကြောင်း ဒီကနေ့ မိန့်ခွန်းမှာ ထည့်သွင်း ပြောကြားခဲ့ပါတယ်။
“မြန်မာနိုင်ငံမှာ စီးပွါးရေး ဖွံ့ဖြိုး တိုးတက်မှုတွေ ဖြစ်လာစေဖို့ ဒီမိုကရေစီနဲ့ လူ့အခွင့်အရေး ထွန်းကားတဲ့ ဖွံ့ဖြိုး တိုးတက်မှုတွေနဲ့ အတူ ငြိမ်းချမ်းမှုနဲ့ သာယာ ၀ပြောမှုတွေ အတွက် ဒါဟာမကြုံစဖူး အခွင့်ရေ တရပ်ပါ” လို့ ဒေါ်အောင်ဆန်းစုကြည်က ပြောသွားတာပါ။
ဒါ့အပြင် ပြုပြင် ပြောင်းလဲမှုတွေ လုပ်နေတဲ့ မြန်မာအစိုးရ အနေနဲ့ နှစ်ပေါင်းများစွာ အထီးကျန် ဖြစ်ခဲ့ရတဲ့ မြန်မာနိုင်ငံထဲက အလုပ်သမားတွေရဲ့ ရပိုင်ခွင့်တွေကို အကာကွယ် ပေးနိုင်တဲ့ ပြောင်းလဲမှုတွေ ကိုပါ ဆက်လုပ် စေချင်တယ်လို့ ပြောကြား ခဲ့ပါတယ်။ နောက် မြန်မာနိုင်ငံမှာ ILO ရုံးဖွင့်ပြီး အလုပ်သမား ရပိုင်ခွင့်တွေအတွက် ကျိုးပမ်းနေတာကို ၀မ်းသာကြောင်းနဲ့ မြန်မာနိုင်ငံမှာ အဓမ္မလုပ်အား ခိုင်းစေမှုတွေနဲ့ ကလေးစစ်သား စုဆောင်းမှုတွေ ဆက်ပြီး ရှိနေသေးတယ်လို့ လည်းပြောကြားခဲ့ပါတယ်။
ထိုင်းနိုင်ငံရောက် မြန်မာရွှေ့ပြောင်း အလုပ်သမားတွေ အရေးနဲ့ ပါတ်သက်ပြီးလည်း သူတို့ဟာ အခွင့်ရေး ချိုးဖေါက်မှု ဆိုးဆိုးဝါးဝါး ခံနေရပြီး ဒါဟာ မြန်မာဘက်ကရော ထိုင်းဘက်ကပါ ဥပဒေကို မလိုက်နာတာကြောင့် ဆိုတာ တွေ့ရတာမို့ ILO အနေနဲ့ ထိုင်းက မြန်မာ ရွှေ့ပြောင်း အလုပ်သမားတွေရဲ့ အရေးကို အရေးယူ ဆောင်ရွက်ပေးဖို့လည်း တိုက်တွန်းခဲ့ပါတယ်။ မြန်မာနိုင်ငံမှာ လူငယ်တွေရဲ့ အခန်းကဏ္ဍကို မြှင့်တင်ပေးဖို့ လိုအပ်နေသလို ပညာရေး၊ လူမှုရေးနဲ့ စီးပွါးရေးကအစ တစစ တိုးတက်လာအောင် ၀ိုင်းဝန်း ကူညီကြဖို့လည်း ပန်ကြားခဲ့ပါတယ်။
ILO ညီလာခံမှာ မိန့်ခွန်းလာရောက်ပြောကြားတဲ့ ဒေါ်အောင်ဆန်းစုကြည်ကို ပန်းတွေနဲ့ ကြိုဆိုခဲ့ကြသလို အစည်းဝေး ခန်းမထဲမှာလည်း အချိန်အတော်ကြာ မတ်တတ်ရပ် လက်ခုတ်တီး သြဘာပေးပြီး ဂုဏ်ပြုချီးမြှင့် ခဲ့ကြပါတယ်။
Ref: VOA News
Thursday, June 14, 2012
ဒေါ်စု ဂျနီဗာရောက်ပြီ
ဒေါ်ခင်စိုးဝင်း/မအေးသန္တာကျော်
ဗုဒ္ဓဟူး, 13 ဇွန် 2012
မြန်မာနိုင်ငံကနေ ဂျွန်လ ၁၃ ရက်၊ ဗုဒ္ဓဟူးနေ့မှာ ဥရောပ ခရီးစဉ် စတင် ထွက်ခွာလာခဲ့တဲ့ ဒေါ်အောင် ဆန်းစုကြည်ဟာ ပထမဆုံး ခရီးစဉ် တထောက်ဖြစ်တဲ့ မကြာသေးခင် နာရီပိုင်းအတွင်း ကပဲ ဒေသ စံတော်ချိန် ၁၃ ရက်နေ့ည ၁၁ နာရီမှာ ဂျနီဗာမြို့ရဲ့ နိုင်ငံတကာလေဆိပ်ကို ရောက်ရှိ ခဲ့ပါ တယ်။ ဒေါ်အောင်ဆန်းစုကြည် အခုလို ရောက်လာတာနဲ့ ပတ်သက်ပြီးတော့ ဒေါ်အောင်ဆန်းစုကြည်ရဲ့ ဥရောပ ခရီးစဉ်တလျှောက် သတင်းယူဖို့ ရောက်နေတဲ့ ဝိုင်းတော်သူ ဒေါ်ခင်စိုးဝင်းကို မအေးသန္တာကျော်က ဆက်သွယ်မေးမြန်းတဲ့ အခါမှာ အခုလို စပြီးပြောပါတယ်။
ဒေါ်ခင်စိုးဝင်း။ ။ “ဒေါ်အောင်ဆန်းစုကြည်နဲ့တော့ မတွေ့လိုက် ရဘူး။ ဘာဖြစ်လို့လဲ ဆိုတော့ လုံခြုံရေး အစောင့်အကြပ်တွေက တခါတည်း ကားပေါ် တက်ပြီးတော့ ဟိုတယ်လ်ကို သွားတယ် ဆိုတာနဲ့ အန်တီတို့လည်း ဟိုတယ်ကို ပြေးပြီး လိုက်လာ ကြတာပေါ့နော်။ ဟိုတယ်လ်လည်းရောက်ရော ဒေါ်အောင် ဆန်းစုကြည်ကိုတော့ မမြင်လိုက်ရဘူး။ ဒါပေမဲ့ သူ့ကို စောင့်ပြီး ကြိုဆိုနေတဲ့ အဖွဲ့တွေကိုတော့ တွေ့ရ တာပေါ့လေ။ အဲဒီအထဲက ဆွစ်ဇာလန် အခြေစိုက်၊ မြန်မာ့အရေး လှုပ်ရှားနေတဲ့ အမျိုးသမီး တယောက်ကတော့ သူ တွေ့လိုက်ရတဲ့ အကြောင်း ပြောပြတယ်လေ။”
“ဒေါ်အောင်ဆန်းစုကြည်ကို လက်ဆောင်ပေးလိုက်ရတယ်။ နောက် ဒေါ်အောင်ဆန်းစုကြည်က သိပ် ပြီး ပင်ပန်းနွမ်းနယ်နေတဲ့ပုံ ရတယ်-တဲ့။ ထုံးစံ အတိုင်းပဲ။ မြင်နေကျ ပန်းလေးက ပန်ထားတာ တွေ့ရ တယ်-တဲ့။ သူတို့ကို ဒီလိုမျိုး စောင့်ပြီးတော့ သူတို့ကို လာပြီး ကြိုနေကြတာကို တွေ့ရတဲ့ အခါ ကျတော့ ဒေါ်အောင်ဆန်းစုကြည် ကြည့်ရတာ တော်တော်လေး ဝမ်းသာအားရ ဖြစ်သွားပုံ ရတယ်လို့ သူက ပြော တယ်လေ။ နောက်ပြီး အခုတော့ ဒေါ်အောင်ဆန်းစုကြည် ဟိုတယ်ထဲမှာ နားနေပြီးတော့ အနားယူဖို့ လိုအပ်တယ် ဆိုပြီး ဘယ်သူမှ ဆက်ပြီး တွေ့ခွင့် မရတော့ပါဘူး။”
ဒေါ်ခင်စိုးဝင်း။ ။ “ဒါပေမဲ့ မအေးသန္တာကျော်ရေ- အန်တီတို့ သွားပြီးစောင့်နေတုန်း ကတော့ ဆွစ် ဇာလန်ရောက် မြန်မာ အသိုင်းအဝိုင်း အတော်များများနဲ့ တွေ့ခဲ့တယ်။ အဲဒီမှာ နောက် နိုင်ငံခြားသား သတင်းထောက် တော်တော်များများလည်း လာပြီး စောင့်နေကြတာပါ။ ခရီးသည်တွေထဲက ဆိုရင် လည်း ဒေါ်အောင်ဆန်း စုကြည်လာမယ်ဆိုတဲ့ ဆိုင်းဘုတ်ကြီးတွေ တွေ့ပြီး သူတို့လည်း ဝမ်းသာအားရ ဝိုင်းပြီးတော့ ပူးပေါင်း ပြီးတော့ လာပြီးစောင့်ကြ၊ ကြိုဆိုကြတာပေါ့နော်။ အဲဒီအထဲမှာ အသက် ၉၁ နှစ် အရွယ် အဖွားတယောက်လည်းပါတယ်။ နောက် မြန်မာမိသားစု အသိုင်းအဝိုင်းထဲက လူတွေကိုလည်း မေးဖြစ်ခဲ့တယ်လေ။”
- “အခုလို သတ္တိရှိရှိနဲ့ ဒီမိုကရေစီရအောင် တိုက်ခိုက်လာတာ၊ အနှစ် နှစ်ဆယ်လုံးလုံး ဒုက္ခခံပြီး တော့- အဲဒါကြောင့် လှိုက်လှိုက်လှဲလှဲ ကြိုဆိုတာ။ တအား- ဂုဏ်ယူစရာ၊ အားတက်စရာ၊ ဝမ်းသာစရာကောင်းလိုက်တာလို့။”
- “ကျနော့်ရင်ထဲမှာတော့ အတိုင်းထက်အလွန် ခံစားရပါတယ်။ ပြောရမယ်ဆိုရင် ကိုယ် ပြောတဲ့ စကားနဲ့တောင်မှ ကိုယ်ခံစားရတဲ့ဟာက ပြောပြလို့ မရအောင်ပါပဲ။”
- “ကျမတို့ ဒေါ်စုအတွက် ပန်းတွေ တပွေ့တပိုက်ကြီးဝယ်လာပြီး ဂုဏ်ယူဝံ့ကြွားစွာနဲ့ လာရောက် ကြိုဆိုတာ ဖြစ်ပါတယ်။ ကျမတို့ရဲ့ ဗမာလူမျိုးတွေနဲ့ ဗမာပြည်သူပြည်သားတွေ၊ တိုင်းပြည် တပြည်လုံး၊ အားလုံးအတွက် ဒီလောက်ကြာကြာ အနစ်နာခံပြီးတော့ ဦးဆောင်လုပ်ပေးတဲ့ အတွက် အများကြီး ကျေးဇူးတင်တဲ့အနေနဲ့လည်း ပါပါတယ်။”
မအေးသန္တာကျော်။ ။ “ဟုတ်ကဲ့၊ ဒါကတော့ ဗွီအိုအေက ဒေါ်ခင်စိုးဝင်းက မြန်မာနိုင်ငံက ဒေါ်အောင်ဆန်းစုကြည်နဲ့အဖွဲ့ လိုက်ပါစီးနင်းလာတဲ့လေယာဉ် ဆွစ်ဇာလန်နိုင်ငံ၊ ဂျနီဗာမြို့ လေယာဉ်ကွင်းကို မဆိုက်ရောက်ခင်မှာ လေဆိပ်မှာ စောင့်ကြိုနေကြတဲ့ မြန်မာ အသိုင်းအဝိုင်း ထဲက တချို့နဲ့ စကားပြောခဲ့တာပေါ့နော်။
အဲဒီတော့ အခုနတုန်းကလည်း အထဲက တာဝန်ရှိသူတယောက်က ဒေါ်အောင်ဆန်းစုကြည် မတွေ့နိုင် တော့ဘူးလို့ လာပြောတာ အန်တီကိုယ်တိုင် ကြားလိုက်ရပြီ။ ဒေါ်အောင်ဆန်းစုကြည်လည်း ဟိုတယ် ပေါ်မှာတက်ပြီး နားနေပြီဆိုတော့ ဒီနေ့ ဉာဥ့်လည်း တော်တော်နက်နေပြီ။ အဲဒီမှာဆိုရင် ည ၁၂ နာရီ ထိုးတော့မယ်။”
ဒေါ်ခင်စိုးဝင်း။ ။ “ဟုတ်တယ်။ ဟုတ်တယ်။ ဒါပေမဲ့ အခု နောက်ဆုံးသတင်းအရတော့ ဒေါ်အောင် ဆန်းစုကြည်က မနက်ဖြန်ကျရင်တော့ သူ ဆက်ဆက်တွေ့ပါမယ်ဆိုပြီးတော့ ပြောပါတယ်။”
မအေးသန္တာကျော်။ ။ “အော်- ဟုတ်ကဲ့-”
ဒေါ်ခင်စိုးဝင်း။ ။ “ခဏလေး၊ ခဏလေး- ကိုဇေယျာသော်ထွက်လာတယ်တဲ့။ ခဏလေး- မအေးသန္တာ ကျော်ရေ အခုပဲ ကိုဇေယျာသော် ပစ္စည်းတွေတင်တဲ့ ကားပေါ်က ဆင်းလာတာ တွေ့လိုက်တယ်။ ဒေါ်အောင်ဆန်းစုကြည်ရဲ့ခရီးစဉ်နဲ့အတူ လိုက်ပါလာတဲ့ ကိုဇေယျာသော် ဆင်းလာတာ တွေ့လိုက် တယ်။ အန်တီ လိုက်ဖမ်းလိုက်အုံးမယ်နော်။ ကိုဇေယျာသော်- မောလည်းမောနေပြီ။ ပစ္စည်းတွေလည်း အများကြီးချရမယ်ဆိုတော့လေ။ ခရီးစဉ်လေးကို အတိုချုံးပြီး ပြောပြပေးပါအုံး။ ဘယ်လိုလဲ။ ”
ဦးဇေယျာသော်။ ။ “အော်၊ ဟုတ်ကဲ့၊ အဆင်ပြေပါတယ်ခင်ဗျ။”
ဒေါ်ခင်စိုးဝင်း။ ။ “ကိုဇေယျာသော်လည်း ကားပေါ်က ပစ္စည်းတွေချလာတော့ ပစ္စည်းတွေ တပုံ တခေါင်းကြီးကို သူတာဝန်ယူထားရပုံ ရပါတယ်။ အဲဒီတော့ ပစ္စည်းတွေလည်းချရော ပစ္စည်းတွေ ကြည့်ဖို့ဆိုပြီးခေါ်သွားတာ ပစ္စည်းတွေနောက်ကို ပါသွားလေရဲ့၊ ပြန်ထွက်လာမယ့်ပုံတော့ မပေါ်တော့ဘူး။ မအေးသန္တာကျော်ရေ”
မအေးသန္တာကျော်။ ။ ဟုတ်ကဲ့ပါ အန်တီ။ အဲဒီတော့- ခရီးစဉ်အစီအစဉ်လေးတွေကို နည်းနည်း ပြောပြပေးပါအုံး။
ဒေါ်ခင်စိုးဝင်း။ ။ “ဒေါ်အောင်ဆန်းစုကြည်က ပထမဦးဆုံး ILO ရုံးကိုသွားမယ်။ ILO ရုံးကနေပြီး တော့မှ ဂျနီဗာမြို့မှာရှိတဲ့ ကုလသမဂ္ဂ ဌာနချုပ်မှာ မိန့်ခွန်းပြောမယ်။ ပြောပြီးလို့ရှိရင် သတင်းစာ ရှင်းလင်းပွဲ လုပ်ပါမယ်။ သတင်းစာရှင်းလင်းပွဲလုပ်ပြီးလို့ရှိရင် ILO ရုံးကို ပြန်သွားပြီးတော့ ILO ရုံးမှာ reception သဘောမျိုး ကျင်းပဖို့ရှိပါတယ်။ အဲဒီကနေ ပြီးလို့ရှိရင် ဆွစ်ဇာလန်နိုင်ငံရဲ့ ပါလီမန်ရဲ့ ဖိတ်ကြားချက်အရ ဆွစ်ဇာလန်နိုင်ငံရဲ့မြို့တော် ဘန်း( Bern) မြို့ကိုသွားပါမယ်။ ဘန်းမြို့ကနေပြီးမှ ပါလီမန်လွှတ်တော် အမတ်တွေနဲ့တွေ့ပြီး စကားပြောဆိုပြီးတဲ့အခါကျလို့ရှိရင် ဇူးရစ်မြို့ကို သွားပါမယ်။ ဇူးရစ်မြို့ ကနေမှ နော်ဝေးနိုင်ငံ၊ အော်စလိုမြို့ကို ခရီးဆက်မှာပါ။ ဒေါ်အောင်ဆန်းစုကြည်သွားမယ့် ဒီခရီးစဉ်တလျှောက်၊ ဥရောပခရီးစဉ်တလျှောက်ကို ကျမနဲ့အတူ ကျမတို့ ဗွီအိုအေ မြန်မာပိုင်းအတွက် ဗွီဒီယို ရိုက်ကူးရေးတာဝန်ခံဖြစ်တဲ့ ကြေးမုံလည်း ကျမနဲ့အတူ လိုက်ပါပြီးတော့ သတင်းတွေ ရိုက်ယူနေတာ ဖြစ်ပါတယ်။”
Ref: VOA News
မြန်မာအပေါ် ILO အရေးယူမှု ရုပ်သိမ်း
2012-06-13
မြန်မာနိုင်ငံရဲ့ ပြုပြင်ပြောင်းလဲမှုတွေ အတွက် ကုလသမဂ္ဂ နိုင်ငံတကာ အလုပ်သမား အဖွဲ့ချုပ် ILO က မြန်မာ အပေါ် ချမှတ်ထားတဲ့ အရေးယူမှုတွေ ကို ပြန်လည် ရုပ်သိမ်း လိုက်ပါတယ်။
၂၀၁၅ ခုနှစ်ကျရင် မြန်မာနိုင်ငံမှာ အဓမ္မ လုပ်အားယူ ခိုင်းစေမှု လုံးဝ ပပျောက်အောင် ဆောင်ရွက်မယ်လို့ မြန်မာ အစိုးရက ပြီးခဲ့တဲ့ မတ်လက သဘောတူ လက်မှတ်ရေးထိုး ခဲ့ပါတယ်။ အဲဒီနောက် ဆွစ်ဇာလန်နိုင်ငံ ဂျီနီဗာမြို့မှာကျင်းပတဲ့ ILO ညီလာခံက မနေ့ ညနေ (၆) နာရီလောက်မှာ မဲခွဲဆုံးဖြတ်ခဲ့တာ ဖြစ်ပါတယ်။
အဲဒါကြောင့် မြန်မာနိုင်ငံဟာ ILO ရဲ့ တင်းပြည့် ကြပ်ပြည့် အဖွဲ့ဝင် အဖြစ် အခွင့်အရေးတွေ ပြန်လည်ရရှိမှာ ဖြစ်ပါတယ်။ ၁၉၉၉ ခုနှစ် ILO ဆုံးဖြတ်ချက် အရ မြန်မာ အပေါ် နည်းပညာ ဆိုင်ရာ ပံ့ပိုးကူညီမှုတွေ ရပ်ဆိုင်းထားပြီး၊ ILO က ကျင်းပတဲ့ ညီလာခံ တချို့ ကိုလည်း မြန်မာ အနေနဲ့ တက်ရောက်ခွင့် မရှိပါဘူး။ အခုတော့ အကူ အညီတွေပြန်ရ မှာဖြစ်ပြီး ILO ညီလာခံတွေကိုလည်း တက်ရောက်နိုင်ပြီ ဖြစ်ပါတယ်။
ဒီကိစ္စနဲ့ ပတ်သက်ပြီး ILO ညွှန်ကြားရေးမှူးချုပ်ရဲ့ အထူးအကြံပေး မစ္စတာ Kari Tapiola က အာအက်ဖ်အေကို ပြောဆိုရာမှာ -
ဒါဟာ မြန်မာအစိုးရအတွက် အလွန်အရေးကြီးပါတယ်။ သတ်မှတ်ထားတဲ့ အချိန်အတွင်း မြန်မာနိုင်ငံမှာ အဓမ္မလုပ်အားယူ ခိုင်းစေမှု လုံးဝ ပပျောက်အောင်ဆောင်ရွက်ဖို့ လိုပါတယ်။ မြန်မာနိုင်ငံမှာ တိုးတက်တဲ့ အပြောင်းအလဲတွေ ပေါ်ပေါက်နေတာမို့ အစိုးရအနေနဲ့ ILO နဲ့အတူ ပူးပေါင်းဆောင်ရွက်မယ်လို့ မျှော်လင့်ကြောင်း ပြောဆိုခဲ့ပါ တယ်။
ILO ညီလာခံကို တက်ရောက်နေတဲ့ မြန်မာနိုင်ငံ လုပ်ငန်းရှင်များ ကိုယ်စားလှယ် ဒေါ်ခိုင်ခင်နွယ် ကလည်း -
"ကျွန်မတို့ကို ဒီ ၉၉ ပိတ်ပင်ထားတဲ့ အထဲမှာ ဒီကျွန်မတို့ မြန်မာနိုင်ငံကိုပေါ့နော်။ technical assistance တွေမပေးရဘူး။ seminar တွေသူတို့ မခေါ်ဘူး။ symposium တက်ခွင့်မရှိဘူး ဆိုတဲ့ဟာတွေ၊ အကုန်လုံး ဒါတွေ ရုပ်သိမ်းပါတယ်ရှင့်။ အဲတော့ ကျွန်မတို့သည် အများနည်းတူပေါ့နော် တန်းတူအခွင့်အရေးတော့ ရလာပါပြီ။ ၈ ခု စလုံး ကို ရုပ်သိမ်းလိုက်တာကိုတော့ ပိုကြိုက်ပါတယ်။ သို့သော်လည်း ၈ ခုထဲက ၇ ခု လွတ်သွားတဲ့ အတွက်ကြောင့် ဒါမျှတတယ်လို့ ကျွန်မတို့ ယူဆပါတယ်။ နောက် ကျွန်မ တို့ နိုင်ငံတကာနဲ့ တန်းတူပေါ့နော်၊ Member တစ်ယောက်အနေနဲ့ အခွင့်အရေးရလာတဲ့အတွက် ကျွန်မတို့ အားရှိပါတယ်။ ကျွန်မတို့ မြန်မာနိုင်ငံ တစ်နိုင်ငံလုံးအနေနဲ့က ဒီလို technical assistance တွေရလာမယ်ဆိုရင် ကျွန်မတို့ အများကြီး တိုးတက်ဖို့ အခွင့်အလမ်းတွေရှိလာမယ်လို့ ကျွန်မယူဆပါတယ်"
ILO ညီလာခံမှာ ဒီကနေ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် တက်ရောက်မိန့်ခွန်းပြောမှာ ဖြစ်ပါတယ်။
Ref: RFA News
မြန်မာနိုင်ငံရှေ့ရေး လူ့အခွင့်အရေးကိုယ်စားလှယ် စိုးရိမ်
2012-06-13
ရခိုင်ပြည်နယ်အတွင်း ပဋိပက္ခတွေဟာ မြန်မာနိုင်ငံ ရှေ့ရေးအတွက် စိုးရိမ်စရာဖြစ်ကြောင်း ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ Tomas Ojea Quintana က မနေ့က ကြေညာချက် ထုတ်ပြန် ပြောဆိုလိုက်ပြီး၊ မြန်မာ အစိုးရအနေနဲ့ ဒီပြဿနာကို ကူးစက် ပြန့်ပွား မသွားအောင် တားဆီးဖို့၊ တခြား လူ့အခွင့်အရေး ကိစ္စတွေနဲ့အတူ ဖြေရှင်းဆောင်ရွက်ဖို့ တိုက်တွန်း လိုက်ပါတယ်။
အခြေအနေတွေ တည်ငြိမ်သွားပြီး၊ တရားဥပဒေ စိုးမိုးမှု ရှိလာတာနဲ့ ကြေညာထားတဲ့ အရေးပေါ် ဥပဒေကို ပြန်လည် ရုပ်သိမ်းဖို့၊ လုံခြုံရေးဆောင်ရွက်ရာမှာ လူ့အခွင့်အရေး စံချိန် စံညွှန်းတွေနဲ့ အညီ မခွဲခြားဘဲ ဆောင်ရွက်ဖို့လည်း ဆော်သြလိုက်ပါတယ်။
ဒီအတွင်း အီးယူ ဥရောပသမဂ္ဂ နိုင်ငံခြားရေးရာနဲ့ လုံခြုံရေးဆိုင်ရာ အကြီးအကဲ ကက်သရင်း အက်ရ်ှတန် က -
ရခိုင်ပြည်နယ် အရေးကိစ္စ ဖြစ်စဉ်တွေကို အနီးကပ် စောင့်ကြည့်နေပါကြောင်း၊ သက်ဆိုင်သူ အားလုံး အေးအေးချမ်းချမ်းနဲ့ အပြုသဘောဆောင်တဲ့ နည်းလမ်းတွေနဲ့ ဆောင်ရွက်နိုင်ကြလိမ့်မယ်လို့ မျှော်လင့်ကြောင်း ပြောဆို လိုက်ပါတယ်။
Ref: RFA News
ရခိုင်ပြည်နယ် ဒုက္ခသည်များအရေး ကုလသမဂ္ဂ ကူညီမည်
ကျော်ခ
June 13, 2012
ရခိုင်ပြည်နယ် အတွင်း အဓိကရုဏ်းများ ဖြစ်ပွားမှုကြောင့် အိုးအိမ်မဲ့ဖြစ်ခဲ့ရသော ဒုက္ခသည်များ အရေးကို မြန်မာ အစိုးရနှင့် ပူးပေါင်း ကူညီ သွားမည် ဖြစ်ကြောင်း ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အကြံပေးပုဂ္ဂိုလ် မစ္စတာ ဘီဂျေ နမ်ဘီယာက ယနေ့ ပြောဆိုလိုက်ကြောင်း သိရသည်။
အဓိကရုဏ်းဖြစ်ပွားမှုကြောင့် မြန်မာအစိုးရက အရေးပေါ်ကြေညာချက် ထုတ်ပြန် ထားသော နယ်မြေများ အနက် စစ်တွေနှင့် မောင် တော မြို့များသို့ မစ္စတာ နမ်ဘီယာ ရောက်ရှိလာပြီး ယနေ့ မွန်းလွဲပိုင်းတွင် မောင်တောမြို့ပေါ်ရှိ အလိုတော်ပြည့် ကျောင်းတိုက် က ဒုက္ခသည်များကို လာရောက် တွေ့ဆုံစဉ် ယင်းသို့ပြောဆိုခဲ့ခြင်းဖြစ်သည်။
“အခုလို အကြမ်းဖက်ခံရတဲ့ အတွက်ကြောင့် စိတ်မကောင်းဘူး။ ဒီလူတွေရဲ့ စိတ်ထဲမှာလည်း အကြောက် တရားတွေ လွှမ်းမိုးနေတဲ့ အတွက်ကြောင့် စိတ်ဒဏ်ရာတွေ ကိုလည်း ကုစားရမယ်။ ကမ္ဘာ့ ကုလသမဂ္ဂ ကလည်းပဲ မြန်မာအစိုးရနဲ့ ပူးပေါင်းပြီးတော့ အကောင်းဆုံးဖြစ်အောင် ရုပ်ပိုင်း ဆိုင်ရာရော၊ စိတ်ပိုင်း ဆိုင်ရာရော ပံ့ပိုး ကူညီ သွားမယ်လို့ မစ္စတာ နမ်ဘီယာ က ပြောသွားပါတယ်” ဟု အလိုတော်ပြည့်ကျောင်း ဆရာတော် ဦးမဏိသာရ က ဧရာဝတီသို့ မိန့်သည်။
မစ္စတာ နမ်ဘီယာနှင့်အတူ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေး နှင့် အစိုးရ အရာရှိ တချို့ လိုက်ပါလာခဲ့ပြီး ဒုက္ခသည်များ၏ အခြေအနေများကို မေးမြန်း၍ အားပေးနှစ်သိမ့်မှုများပြုလုပ်ခဲ့ကြောင်း ဒုက္ခသည်များ ကလည်း ပြောသည်။
ထိုခရီးစဉ်အတွင်း အစ္စလမ် ဘာသာရေး အဖွဲ့ဝင်တချို့နှင့်လည်း တွေ့ဆုံရန်ရှိပြီး မောင်တောမြို့ အခြေစိုက် မြန်မာမွတ်စလင် အိုလမာ အဖွဲ့ချုပ် က ခေါင်းဆောင်တချို့နှင့်လည်း တွေ့ဆုံရန် ဆက်သွယ်ထားကြောင်း မောင်တောမြို့ပေါ်ရှိ အစ္စလမ် ဘာသာ ဝင် များနှင့် စုဖွဲ့ထားသော အမျိုးသား ဖွံ့ဖြိုးတိုးတက်ရေး ဒီမိုကရက်တစ်ပါတီ(NDPD) ဗဟို ကော်မတီအဖွဲ့ဝင် ဦးခင်ကျော် က ပြော ပြသည်။
“အဓိက ကတော့ ဒုက္ခရောက်နေတဲ့ ကျနော်တို့လူတွေကို ဘယ်လိုနေရာ ပြန်ချပေးမလဲ။ ဘယ်လိုကူညီနိုင်မလဲဆိုတာတွေ တင်ပြ ဆွေးနွေးကြဖို့ပေါ့”ဟု ဦးခင်ကျော် က ဧရာဝတီသို့ ပြောသည်။
မစ္စတာ နမ်ဘီယာသည် မြန်မာနိုင်ငံ ငြိမ်းချမ်းရေးဖော်ဆောင်ရေး လုပ်ငန်းစဉ်များတွင် ကူညီပံ့ပိုးရန် ကုလသမဂ္ဂ၊ ဥရောပ သမဂ္ဂနှင့် ကမ္ဘာ့ဘဏ် အဖွဲ့များဖြင့် စုဖွဲ့ထားသော Peace Donor Support Group နှင့် အတူ မြန်မာနိုင်ငံသို့ ရောက်ရှိနေစဉ် ရခိုင်ပြည်နယ် ဖြစ် စဉ်များနှင့် ပတ်သက်၍ ယမန်နေ့က နေပြည်တော်တွင် သမ္မတ ဦးသိန်းစိန်နှင့် ဆွေးနွေးပြီးနောက် မောင်တောနှင့် စစ်တွေမြို့များသို့ ရောက်ရှိလာခြင်းဖြစ်သည်။
ယခုလ ၈ ရက်နေ့က မောင်တောမြို့ပေါ်တွင် ဘင်္ဂလီလူမျိုး ၁၀၀၀ ကျော်က မြို့ပေါ်ရှိ လူနည်းစုဖြစ်သော ရခိုင်တိုင်းရင်းသား တို့၏ အိမ်များကို မီးရှို့ခြင်း အသက်ဆုံးပါးသည်အထိ လက်ရောက် ကျူးလွန်ခြင်းများမှ စတင်၍ ရခိုင်ပြည်နယ်အတွင်း စစ်တွေမြို့ အပါအဝင် အခြားမြို့များသို့ပါ အဓိကရုဏ်းဖြစ်ရပ်များ ကူးစက်ခဲ့သည်။
ထိုကဲ့သို့ဖြစ်စဉ်များကြောင့် မောင်တောနှင့် စစ်တွေမြို့များရှိ နေအိမ်နှင့် အဆောက်အအုံများ မီးလောင်ပျက်စီးခဲ့၍ အနည်းဆုံး ရခိုင် ဒုက္ခသည် ဦးရေ ၁၇၀၀၀ ကျော် အိုးအိမ်မဲ့ဖြစ်ခဲ့ရပြီး အစိုးရက စီစဉ်ပေးထားသော ကယ်ဆယ်ရေးစခန်းများတွင် ခိုလှုံနေကြ ရသည်။
NDPD ပါတီခေါင်းဆောင်များ၏ ပြောဆိုချက် အရ ဘင်္ဂလီများဘက်တွင်လည်း သေဆုံး ဒဏ်ရာရရှိမှုနှင့် အိုးအိမ်ပျက်စီးမှုများ ကြောင့် ထွက်ပြေးတိမ်းရှောင်နေကြရသော ဒုက္ခသည်များရှိကြောင်း သို့သော်လည်း စာရင်း အတိအကျ ပြုစုထားခြင်းမရှိသေး ကြောင်း သိရသည်။
သက်ဆိုင်ရာမြို့နယ် ပြည်သူ့ ဆေးရုံကြီးများထံမှ စုံစမ်းသိရှိရသော စာရင်းများအရ မောင်တောမြို့တွင် ရခိုင်လူမျိုး ၇ ဦး သေဆုံးပြီး စစ်တွေမြို့တွင် ရခိုင်လူမျိုး၂၁ ဦးသေဆုံးကာ ဘင်္ဂလီ ၆ ဦးသေဆုံးကြောင်း သိရသည်။ ဆေးရုံနှင့် အလှမ်းဝေးသော ရပ်ကွက် ကျေးရွာများတွင်လည်း သေဆုံးမှုများရှိကြောင်း ကြားသိရသော်လည်း အတည်မပြုနိုင်ကြောင်း စစ်တွေဆေးရုံကြီးက ပြောသည်။
ယခုလ ၉ ရက်နေ့ ညနေပိုင်းမှစ၍ အုံကြွမှုများဖြစ်ပွားခဲ့သော စစ်တွေမြို့ပေါ်တွင် ယနေ့ညနေပိုင်းအထိ တည်ငြိမ်မှုရှိနေကြောင်း၊ ၈ ရက်နေ့ ညနေပိုင်းအထိ မြို့ပေါ်နှင့် မြို့ပြင်ဘက်ရှိ ကျေးရွာနှင့် ရပ်ကွက်များတွင် ဘင်္ဂလီများက ၎င်းတို့အိမ်များအပါအဝင် ရခိုင် လူမျိုးများနေထိုင်ရာ အိမ်များကိုပါ မီးရှို့ဖျက်ဆီးကြောင်း ယင်းမြို့ပေါ်ရှိ ပြည်တွင်းပြည်ပ သတင်းထောက်များက ဓာတ်ပုံ မှတ်တမ်း များနှင့်အတူ ဖော်ထုတ်ခဲ့ကြသည်။
ဘင်္ဂလီများက သေနတ်၊ ဂျင်ကလိ၊ ဓား၊ ဓာတ်ဆီပုလင်းနှင့် ခဲများကိုအသုံးပြု၍ ၎င်းတို့နေထိုင်ရာ ဗလီများထဲမှတဆင့် အစိုးရလုံခြုံ ရေး အဖွဲ့ဝင်များနှင့် ဒေသခံ ရခိုင်တိုင်းရင်းသားများအား တိုက်ခိုက်ခဲ့ရာ သေဆုံးဒဏ်ရာရရှိသကဲ့သို့ အစိုးရ စစ်သားတစ်ဦး သေ နတ် ဒဏ်ရာနှင့် စစ်တွေဆေးရုံကြီးတွင် တင်ထားရကြောင်း စစ်တွေရောက် သတင်းထောက် များက ပြောသည်။
မြို့ပေါ်ရှိရခိုင်များကလည်း ဘင်္ဂလီများ အလုံးအရင်ဖြင့် ဝင်လာမည်ကို စိုးရိမ်နေကြပြီး ကာကွယ်ရန်အတွက် ဝါးချွန်၊ တုတ်နှင့် ဓား များကို ကိုင်ဆောင်၍ ကင်းစောင့်နေကြကြောင်း သိရသည်။
အစိုးရလုံခြုံရေးတပ်ဖွဲ့များက ယနေ့နံနက်ပိုင်းတွင် တုတ်၊ ဓား လက်နက်များ ကိုင်ဆောင်ခြင်း၊ လူ ၅ ဦးထက် စုဝေး သွားလာခြင်း မပြုရန်၊ တွေ့ရှိပါက ထိရောက်စွာ ဖမ်းဆီးအရေးယူမည်ဟု မြို့အနှံ့ လိုက်လံကြေညာ ခဲ့ပြီးနောက် လက်နက် ကိုင်ဆောင်ခြင်းများ မတွေ့ရှိရတော့ကြောင်း ရခိုင်တိုင်းရင်းသားများ တိုးတက်ရေးပါတီ(RNDP)၏ ပြောရေးဆိုခွင့်ရှိသူ ဦးခိုင်ပြည်စိုးက ဧရာဝတီသို့ ပြောသည်။
“ဒီနေ့တော့ တည်တည်ငြိမ်ငြိမ်ဖြစ်နေတာကို တွေ့ရတယ်။ လက်နက်တွေကိုင်ဆောင်တာ မတွေ့ရဘူး။ ကုလားတွေကိုလည်း မတွေ့ရတော့ဘူး”ဟု ဦးခိုင်ပြည်စိုးက ဆိုသည်။ အစိုးရက လုံခြုံရေးယူထားပေးမှုမှာ အင်အားနည်းနေသေးသဖြင့် ဒေသခံ ရခိုင် လူမျိုးများက စိုးရိမ်နေဆဲဖြစ်သဖြင့် အလှည့်ကျ ကင်းစောင့်နေကြကြောင်း ပြောဆိုသည်။
စစ်တွေမြို့ မင်းဂံ ရပ်ကွက်တွင်နေထိုင်သူ ရခိုင်အမျိုးသား တဦးက “ကုလားတွေက ညီတယ်။ လာရင် အုပ်စုလိုက်လာတာ၊ ဓာတ်ဆီ ပုလင်းတွေ မီးရှို့ပြီး ရခိုင်တွေအိမ်တွေပေါ် ပစ်တင်တာ၊ ဒါကြောင့် ကျနော်တို့က ရရာလက်နက်နဲ့စောင့်နေတာ ညလည်း မအိပ်နိုင်ဘူး”ဟု ဧရာဝတီသို့ ပြောသည်။
အိုးအိမ်မဲ့ ဒုက္ခသည် ၈၅၀၀ ကျော်ကို စစ်တွေမြို့ပေါ်ရှိ ဒုက္ခသည်စခန်း ၃၄ ခုတွင် ထားရှိပြီး မောင်တောမြို့တွင်လည်း ဒုက္ခသည် ၅၀၀၀ ကျော်ကို မြို့ခံဘုန်းကြီးကျောင်းများနှင့် အစိုးရ အဆောက်အဦးများတွင် ထားရှိသည်။ ထိုဒုက္ခသည်များကို မြို့ခံလူမှု ကူညီ ရေး အသင်းများနှင့် ပုဂ္ဂလိက လုပ်ငန်းရှင်များက လှူဒါန်းပေးလျက်ရှိပြီး ယနေ့တွင် မြန်မာ ဘောလုံးအဖွဲ့ချုပ် ဥက္ကဌ ဦးဇ်ာဇော်၊ ရုပ်ရှင် သရုပ်ဆောင် ပြေတီဦး နှင့် ဒါရိုက်တာ ဝိုင်းတို့က လာရောက်လှူဒါန်းမှုများ ပြုလုပ်ကြောင်း သိရသည်။
Ref: ဧရာဝတီ
Wednesday, June 13, 2012
ဒေါ်အောင်ဆန်းစုကြည် ဥရောပခရီးစဉ် ဒီကနေ့စတင်
အင်္ဂါ, 12 ဇွန် 2012
၂၄ နှစ်အတွင်းမှာ ပထမဦးဆုံး ပြည်ပခရီးစဉ်အဖြစ် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုဟာ ဒီကနေ့မှာ ဆွစ်ဇာလန်၊ နော်ဝေ၊ ဗြိတိန်၊ အိုင်ယာလန်နဲ့ ပြင်သစ်နိုင်ငံတွေကို ခရီး ထွက်တော့မှာ ဖြစ်ပါ တယ်။ ရန်ကုန်မြို့ကနေ ထွက်ခွာလာမယ့် ဒေါ်အောင်ဆန်းစုကြည်ဟာ ပထမ ခရီးတထောက် အဖြစ် ဆွစ်ဇာလန်နိုင်ငံ ဂျီနီဗာမြို့ကို ဒီကနေ့ မှာပဲ ရောက်ရှိ လာပြီးတော့ အပြည်ပြည်ဆိုင်ရာ အလုပ်သမား အဖွဲ့ ILO ညီလာခံမှာ မိန့်ခွန်းမှာ ပြောကြားမှာ ဖြစ်ပါတယ်။
ဇွန်လ ၁၅ ရက်နေ့မှာ ဒေါ်အောင်ဆန်းစုကြည်ဟာ ဆွစ်(စ်) ပါလီမန်ကို သွားရောက်မှာဖြစ်ပြီးတော့ အဲဒီနေ့မှာပဲ နော်ဝေနိုင်ငံ အော်စလိုမြို့တော် ကို ခရီးဆက်မှာဖြစ်ပါတယ်။ ဇွန်လ ၁၆ ရက်နေ့ မနက်ပိုင်းမှာ အော်စလိုမြို့တော်ခန်းမမှာ ကျင်းပမယ့် ၁၉၉၁ ခုနှစ် အတွက် နိုဘဲလ်ဆု ငြိမ်းချမ်းရေး ဆုနှင်းအပ်ပွဲကို ဒေါ်အောင်ဆန်းစုကြည် တက်ရောက်ပြီး ဒီဆုကို လက်ခံ ရယူမှာ ဖြစ်ပါတယ်။
ညနေပိုင်းမှာတော့ ဒေါ်အောင်ဆန်းစုကြည်ဟာ အော်စလိုမြို့တော်ခန်းမရှေ့မှာ လူထုကို မိန့်ခွန်း စကား ပြောကြားမှာ ဖြစ်ပါတယ်။ နောက်တနေ့ ဇွန်လ ၁၇ ရက်နေ့မှာ ဒေါ်အောင်ဆန်းစုကြည်ဟာ နော်ဝေနိုင်ငံခြားရေး ၀န်ကြီး အပါအ၀င် အစိုးရ အဖွဲ့တွေနဲ့ တွေ့ဆုံဆွေးနွေးပြီး နော်ဝေးနိုင်ငံ ဒုတိယ မြို့တော် ဘာဂင်မြို့သို့ သွားရောက်မှာ ဖြစ်ပါတယ်။ အဲဒီမှာ သူ့ကို နိုင်ငံ တကာက ချီးမြှင့်တဲ့ ဆုတွေထဲက ပထမဆုံး ဆုဖြစ်တဲ့ ရပ်ဖ်တို လူ့အခွင့် အရေးဆုကို လက်ခံရယူမှာ ဖြစ်ပါတယ်။
ဇွန် ၁၈ ရက်နေ့မှာ ဒေါ်အောင်ဆန်းစုကြည်ဟာ နော်ဝေကနေ အိုင်ယာလန်နိုင်ငံ Dublin မြို့တော်ကို ခရီးဆက်ဖြစ်ပြီး အဲဒီနေ့မှာပဲ Dublin မြို့တော်မှာ ညနေပိုင်းကျင်းပမယ့် ဂုဏ်ပြုအခမ်းအနား မှာ နိုင်ငံတကာလွတ်ငြိမ်းချမ်းသာခွင့် Amnesty International အဖွဲ့က ချီးမြှင့်တဲ့ Ambassador of Conscience “ယုံကြည်ချက် ခိုင်မာပြတ်သားမှု သံတမန်” ဆုကို လက်ခံရယူမှာဖြစ်ပါတယ်။
အဲဒီနောက် U2 အဖွဲ့ရဲ့ နာမည်ကျော် အဆိုတော် Bono က ဒေါ်အောင်ဆန်းစုကြည်ကို ဂီတပွဲနဲ့ ဧည့်ခံဖျော်ဖြေမှာ ဖြစ်ပါတယ်။
ဇွန် ၁၈ ရက်နေ့မှာပဲ ဒေါ်အောင်ဆန်းစုကြည်ဟာ Dublin မြို့တော်ကနေ London မြို့တော်ကို ခရီးဆက်မှာ ဖြစ်ပါတယ်။ ဒေါ်အောင်ဆန်းစုကြည် ဟာ ဇွန်လ ၂၆ ရက်နေ့ထိ အင်္ဂလန်နိုင်ငံမှာ နေထိုင်မှာဖြစ်ပါတယ်။ ဇွန်လ ၁၉ ရက်နေ့မှာ ကျရောက်မယ့် (၆၇) နှစ်မြောက် မွေးနေ့ကို မိသားစုနဲ့ အတူ ဆင်နွှဲမှာ ဖြစ်ပါတယ်။
ဇွန်လ ၂၀ ရက်နေ့မှာ ဒေါ်အောင်ဆန်းစုကြည်ဟာ Oxford တက္ကသိုလ်က ချီးမြှင့်မယ့် ဂုဏ်ထူးဆောင်ပါရဂူဘွဲ့ကို လက်ခံရယူမှာ ဖြစ်သလို ဇွန်လ ၂၁ ရက်နေ့မှာ၊ ဗြိတိသျှပါလီမန်ရဲ့ အထက်အောက်လွှတ်တော်နှစ်ရပ်ပေါင်းမှာ မိန့်ခွန်းပြောကြားမှာ ဖြစ်ပါတယ်။ ဇွန်လ ၂၆ ရက်နေ့ မှာ ဒေါ်အောင်ဆန်း စုကြည်ဟာ ပြင်သစ်သမ္မတ ဖရန်ဆွာအော်လန်း(ဒ်)ရဲ့ ဖိတ်ကြားချက်နဲ့ London မြို့တော်ကနေ Paris မြို့တော်ကို သွားရောက်မှာ ပါ။ ပြင်သစ်နိုင်ငံကနေ ဇွန်လ ၂၉ ရက်နေ့မှာ ပြန်လည် ထွက်ခွာလာမယ့် ဒေါ်အောင်ဆန်းစုကြည်ဟာ ရန်ကုန်မြို့ကို ဇွန်လ ၃၀ ရက်နေ့မှာ ပြန်လည်ရောက်ရှိမှာ ဖြစ်ပါတယ်။
Ref: VOA News
စစ်တွေမြို့တွင် မီးရှို့မှုနှင့် ထိပ်တိုက်ရင်ဆိုင် တိုက်ခိုက်မှုရှိ
2012-06-12
စစ်တွေမြို့မှာ ဒီကနေ့ မီးရှို့မှုများ ဆက်လက်ဖြစ်ပွားနေပြီး ထိပ်တိုက်ရင်ဆိုင် တိုက်ခိုက်မှု တချို့လည်း ရှိခဲ့တယ်လို့ သိရပါတယ်။ ဒါ့အပြင် စစ်တွေမြို့မှာ ရှိတဲ့ NGO ရုံးတချို့ကို အာဏာပိ်ုင်တွေက ဒီကနေ့ ရှာဖွေမှုတွေ ပြုလုပ်နေတယ် လို့လည်း သိရပါတယ်။
စစ်တွေမြို့အတွင်း နာဇီ ရပ်ကွက်နဲ့ ဓည၀တီ ရပ်ကွက်တွေမှာ မွန်းတည့် ၁၂ နာရီလောက်က စပြီး မီးလောင်နေတယ်လို့ ဒေသခံတွေက ပြောပါတယ်။ ဒီမီးလောင်မှုနဲ့ ပတ်သက်ပြီး အပြန်အလှန် စွပ်စွဲမူတွေ ရှိနေပါတယ်။
မီးလောင်တဲ့ နေရာမှာ ရောက်နေတဲ့ ဒေသခံတစ်ဦးက အခုလို ပြောပြပါတယ်။
" မီးကွင်းပစ်တာက ရခိုင်အိမ်တွေကို မီးကွင်း ပစ်ပါတယ် ခင်ဗျ။ ရခိုင်အိမ်နဲ့ သူတို့ အိမ်က ကပ်ရက်ပါ။ ဓညဝတီ ဆိုတဲ့ ရပ်ကွက်နဲ့ နာဇီရွာ ဆိုတဲ့ ရပ်ကွက်က အကုန်လုံး ကပ်ရက်ပါ။ မီးရှို့တဲ့ အချိန်မှာ ရခိုင်တွေကလည်း ထပ်ပစ်တယ်။ ရှို့ပါတယ်ခင်ဗျ။ ဘယ်လိုခေါ်မလဲ။ လေက ရခိုင်ဘက်ကို တိုက်တဲ့ အချိန်မှာ သူတို့က စပြီး မီးရှို့ပါတယ်။ ဆိုတဲ့ သဘောက လေတိုက်ရာကို မီးကပါမဲ့ သဘောဖြစ်တဲ့ အတွက် ရခိုင်ရွာတွေဘက်ကို လေတိုက်နေတဲ့ အချိန်မှာ သူတို့က စပြီး မီးရှို့တာပါ။ ဆိုတော့ ရခိုင်တွေက ကိုယ့်အိမ်ကို မီးငြိမ်းဖို့ ကြိုးစား ကြပါတယ်။ အဲနားမှာ လေကပြောင်းသွားတော့ သူတို့ဘက်ကို အခုစလောင်နေပါပြီ"
ဒီမီးလောင်မှု ဖြစ်ပွားတဲ့ ရပ်ကွက်က အစ္စလာမ် ဘာသာဝင် ၁၀၀၀ ကျော်ကို နာဇီရွာကနေ ဘူးပင် ရွာဘက်ကို အာဏာပိုင်တွေက ပြောင်းရွေ့ ပေးပါ တယ်။ လောင်နေတဲ့ မီးဟာ ကွက်ကြားဖြစ်ပြီး မီးသတ်ကား သုံးလေးစီးနဲ့ မီးငြိမ်းနေရတယ်လို့ ဆိုပါတယ်။ ဒီအတော အတွင်း စစ်တွေမြို့က NGO ရုံးတချို့ကို လုံထိန်း တပ်ဖွဲ့တွေ ၀ိုင်းပြီး ရှာဖွေရေးတွေ လုပ်တယ်လို့သိရပါတယ်။
စစ်တွေမြို့မှာ ရောက်နေတဲ့ RFA အဖွဲ့သား ကိုကျော်ကျော်အောင်က အခုလိုပြောပါတယ်။
"လန်ကက်စတာ အင်တာနေရှင်နယ် ဆိုတဲ့ရုံးကို အာဏာပိုင်တွေက သွားရောက် ရှာဖွေရာမှာ ကျွန်တော် ကိုယ်တိုင်စောင့်ကြည့် နေခဲ့ပါတယ်ခင်ဗျ။ တခြား NGO အဖွဲ့ ရုံးတွေကိုလည်း ဝင်ရောက် ရှာဖွေတယ်လို့ သိရပါတယ် ခင်ဗျ။ အစကတော့ AZG NGO အဖွဲ့ပါခင်ဗျ။ အဲဒီ AZG အဖွဲ့၊ ရခိုင်ပြည်နယ်ရဲ့ အကြီးအကဲပေါ့လေ။ ရှေ့နေဟောင်း ဦးကျော်လှအောင် ဆိုတာ AZG အကြီးအကဲပေါ့နော်။ သူ့ဆီမှာလည်း အယ်ခိုင်းဒါးနဲ့ ပတ်သက်တဲ့ စာရွက်စာတမ်း အထောက်အထားတွေ တွေ့ရတယ်။ သူ့ကိုလည်း အဲဒီကိစ္စနဲ့ပဲ ဖမ်းလိုက်တယ်။ လက်နက်လည်း သူ့ဆီက ရရှိတယ် ဆိုတဲ့ သတင်းတွေလည်း ကျယ်ကျယ်ပြန့်ပြန့် စစ်တွေဘက်မှာ ထွက်နေပါတယ်။ ဒါပေမဲ့ အာဏာပိုင်တွေ ဘက်က အခုထက်ထိ တစုံတရာ ထုတ်ပြန် အတည်ပြုတာ လုံးဝ မရှိသေးပါဘူး ခင်ဗျ"
မနေ့ကလည်း ဘူးသီးတောင်၊ မောင်တောဒေသ UNDP တာဝန်ခံ ဒေါက်တာ ထွန်းအောင် ဆိုသူနဲ့ သားတွေ ထံကနေ လက်နက်နဲ့ စာရွက် စာတမ်းတွေ မိတယ်ဆိုတဲ့ သတင်းတွေ ရသလို မနေ့ ညပိုင်းကလည်း ဒေါက်တာ ထွန်းအောင်ရဲ့ သမီးဖြစ်သူနဲ့ အမျိုးသမီး သုံးဦးကို စစ်တွေလေဆိပ်မှာ အာဏာပိုင်တွေက စစ်ဆေးနေတယ်လို့ သိရပါတယ်။
လက်နက်မိတယ် ဆိုတာနဲ့ ပတ်သက်ပြီး အမည် မဖော်လိုတဲ့ စစ်တွေမြို့က အာဏာပိုင် တစ်ဦးက RFA ကို အတည်ပြုပေမဲ့ အသေးစိတ်ကို ပြောဆိုခြင်း မရှိပါဘူး။
လွန်ခဲ့တဲ့ တစ်ပတ်အတွင်း ရခိုင်ပြည်နယ်က ပဋိပက္ခတွေမှာ သေဆုံးသူ ၂၅ ဦး ထက်မနည်း ရှိပြီး ထိခိုက် ဒဏ်ရာရသူ ၄၁ ဦး ရှိတယ်လို့ AFP သတင်းတရပ်က အစိုးရအရာရှိ တစ်ဦးကို ကိုးကားပြီး ရေးသားထားပါတယ်။
Ref: RFA News
Tuesday, June 12, 2012
မိုးထိ-မိုးမိ ရွှေလုပ်သားများ နေပြည်တော်သို့ ချီတက် ဆန္ဒပြ
မန်းသားလေး
June 11, 2012
မန္တလေးတိုင်း ရမည်းသင်းမြို့နယ်ရှိ မိုးထိ-မိုးမိတောင်မှ တနိုင်တပိုင် ရွှေတူးလုပ်သား ၂၀၀၀ ကျော်သည် တောင်းဆိုမှုများကို ကုမ္ပဏီက မလိုက်လျောသဖြင့် ရွှေတောမှ နေပြည်တော်သို့ ယနေ့နံနက် ၁၀ နာရီမှ စတင်၍ လမ်းလျှောက်ချီတက် ဆန္ဒပြနေကြောင်း သတင်းရရှိသည်။
မိုးထိ-မိုးမိတောင် ရွှေသတ္တုတူးဖော်ရေးကို နိုင်ငံတော်နှင့် အကျိုးတူ ပူးပေါင်းဆောင်ရွက်ခွင့် ရရှိထားသည့်
အမျိုးသားကြီးပွား တိုးတက်ရေး ကုမ္ပဏီသို့ ရွှေတူး လုပ်သားများက လုပ်ငန်း ပြန်လည် လုပ်ပိုင်ခွင့် ရရှိရန်အတွက် အချက် ၆ ချက်ကို ဇွန်လ ၁ ရက်နေ့မှစ၍ ဆန္ဒပြတောင်းဆိုရာတွင် ဇွန်လ ၇ ရက်နေ့အထိ တစုံတရာ အဖြေပေးခြင်း မရှိသည့် အတွက် နေပြည်တော်ရှိ အမျိုးသားကြီပွား တိုးတက်ရေး ကုမ္ပဏီရှိရာသို့ လမ်းလျှောက်ချီတက် ဆန္ဒပြကြခြင်းဖြစ်ကြောင်း သိရသည်။
“မနက် ၁၀ နာရီကနေ မိုးထိ-မိုးမိဒေသဘက်ကို သွားနေတာ။ တောင်ပေါ်လမ်း တလျှာက်တော့ လူအင်အား ၂၀၀၀ ကျော်လောက် ပါတယ်။ နေပြည်တော်ဘက် အထိ ချီတက်ဖို့ ဆုံးဖြတ်ပြီးပါပြီ” ဟု ချီတက် ဆန္ဒပြသည့် အဖွဲ့တွင် ပါဝင်သူတဦးက ပြောသည်။
လမ်းလျှောက် ချီတက်ဆန္ဒပြသည့် လူ ၂၀၀၀ ကျော်တွင် ဆရာတော် ၁၁ ပါးက ရှေ့ဆုံးမှ ဦးဆောင် ချီတက်လာကြောင်း၊ မိုးထိ-မိုးမိဒေသတောင်ပေါ်တွင် သီတင်း သုံးနေသော ဆရာတော်များ ဖြစ်ပြီး ကျောင်းထိုင် ဆရာတော် ဦးစန္ဒောဘာသ ဦးဆောင်ကြောင်း သိရသည်။
“ဘုန်းကြီးတို့လည်း အလုပ်သမား ဒကာတွေရဲ့ ဒုက္ခဆင်းရဲရောက်နေတာကို မကြည့်ရက်နိုင်လို့ ဒီလို ပါဝင်ခဲ့တာပါ။ ဘုန်းကြီးက မိုးထိ-မိုးမိဒေသရဲ့ ကျောင်းထိုင် ဘုန်းကြီးပါ” ဟု ဆရာတော် ဦးစန္ဒောဘာသာက ဧရာဝတီသို့ မိန့်ကြားသည်။
ဇွန်လ ၁ ရက်နေ့တွင် ရမည်းသင်းမြို့နယ်အတွင်းရှိ ရွှေလုပ်ကွက်မှ အလုပ်သမား ၅ သောင်းကျော် တို့သည် ၎င်းတို့ လုပ်ငန်းများ ပြန်လည် လုပ်ပိုင်ခွင့် ရရှိရေး အတွက် အမျိုးသားကြီးပွား တိုးတက်ရေး ကုမ္ပဏီကို စတင် ဆန္ဒပြ တောင်းဆိုခဲ့ကြသည်။
“ဇုန် ၁၂ က အင်းလုပ်သားတွေ ဆနပြဖို့အတွက် ခြေကျင်လျှောက်သွားကြတယ်။ ကားနဲ့ သွားဖို့ စီစဉ်ပေမယ့် ဂိတ် ၂ က ကားတက်ခွင့် မပြုလို့ ခြေကျင် သွားကြတာ။ မိုးတွေတအား ရွာနေတာကြောင့် လူ ၂၀၀၀ ကျော်လောက်ပဲ သွားနိုင်ကြတယ်” ဟု ၄င်းဒေသတွင် ဈေးရောင်းနေသူတဦးက ပြောသည်။
လမ်းလျှောက်ချီတက် ဆန္ဒပြနေသည့် အချိန်တွင် မိုးများ ရွာသွန်းနေခြင်း၊ တောင်အောက် ဆင်းရန် ကားစီစဉ်ရာတွင် လမ်းရှိ ကုမ္ပဏီပိုင် ဂိတ်များမှ ကားများကို တောင်ပေါ်တက်ခွင့် မပေးခြင်း တို့ကြောင့် လူအင်အား နည်းနေရခြင်းဖြစ်သည်ဟု ယင်းဆန္ဒပြပွဲတွင် ပါဝင်သူ တဦးကလည်း ပြောဆိုသည်။
မိုးထိ-မိုးမိဒေသနှင့် ရမည်းသင်းမြို့သည် မိုင်ပေါင်း ၃၀ ကျော်ခန့် ဝေးသည်။ ဆန္ဒပြသူများသည် ယနေ့ ညနေတွင် ရမည်းသင်း မြို့နယ်နှင့် ၇ မိုင်ခန့်ဝေးသည့် ရွှေမြင်တင် ဘုရားတွင် ညအိပ် နားခိုကြမည် ဖြစ်သည်။
နောက်တနေ့ နံနက်တွင် နေပြည်တော်သို့ လမ်းလျှောက်မည်ဖြစ်ပြီး အမျိုးသား ကြီးပွား တိုးတက်ရေး ကုမ္ပဏီ ရုံးချုပ်ရှေ့သို့ သွားရောက် ဆန္ဒပြကြမည်ဟု သိရသည်။
ရမည်းသင်းမြို့မှ နေပြည်တော်သို့ မိုင် ၁၀၀ ကျော်ဝေးပြီး ထိုနေရာသို့ လမ်းလျှောက် သွားလျှင် မနားမနေ ၅ ညအိပ် သွားရမည်ဟု အလုပ်သမားတဦးက ပြောသည်။
ယင်းသို့ လမ်းလျှောက်ချီတက် ဆန္ဒပြသည့်အချိန်တွင် အစိုးရဘက်မှ လက်ရှိအနေထားထိ တစုံတရာ ဟန့်တားနှောင့်ယှက်ခြင်း မရှိသေးကြောင်း၊ ထို့အပြင် မန္တလေးမြို့ပေါ်ရှိ လူမှုကူညီရေး အဖွဲ့များကိုလည်း ရွှေလုပ်သားများက စားရေးသောက်ရေး အကူညီတောင်းထားကြောင်း သိရသည်။
“အခုချိန်ထိတော့ လူမှုကူညီရေးတွေဘက်က တစုံတရာ လာကူညီတာတော့ မရှိသေးဘူး။ အကူညီတော့ တောင်းထားတယ်။ လမ်းတလျှောက်မှာ မိုးထိမိုးမိဒေသကို ဈေးလာရောင်းနေတဲ့ ဈေးသည်တွေက ထမင်းတွေကျွေးကြ၊ ခေါက်ဆွဲကြော်နဲ့ ကြာဇံကြော်တွေ ကျွေးတာတွေတော့ ရှိပါတယ်။ လမ်းတလျှောက် စားဝတ်နေရေးကတော့ အခြေနေပေါ် မူတည်ပြီး လုပ်ရမှာပါ” ဟု ယင်းဆန္ဒပြပွဲတွင် လိုက်လံကူညီနေသည့် နိုင်ငံရေးအကျဉ်းသားများ ကူညီရေး အကျိုးဆောင် ကွန်ယက်မှ ကိုသောင်းထိုက်က ပြောသည်။
ဆန္ဒပြသူများသည် လက်ရှိတွင် လူ ၂၀၀၀ ကျော်ဟု ဆိုသော်လည်း လမ်းတလျှောက်ရှိ ဒေသခံများနှင့် ပူးပေါင်းနိုင်ဖွယ်ရှိကြောင်း၊ ထို့အပြင် တောင်ပေါ်မှ ထပ်ပြီးဆင်းလာမည့်သူများလည်း ရှိနေကြောင်း ကိုသောင်းထိုက်က ဆက်ပြောသည်။
Ref: ဧရာဝတီ
ရခိုင်ကိစ္စ အမေရိကန်နဲ့ EU စိုးရိမ်
မခင်ဖြူထွေး
တနင်္လာ, 11 ဇွန် 2012
ရခိုင်ပြည်နယ်မှာ အကြမ်းဖက်မှုတွေ ဆက်လက်ဖြစ်ပွားနေတာနဲ့ ပတ်သက်လို့ အထူး စိုးရိမ်ကြောင်းနဲ့ တဘက်နဲ့ တဘက် တိုက်ခိုက်မှု တွေကို ချက်ချင်းရပ်ဆိုင်းဖို့ အမေရိကန်နိုင်ငံခြားရေး ၀န်ကြီး ဟီလာရီ ကလင်တန်က တိုက်တွန်း လိုက်ပါတယ်။ လူတွေ သေဆုံးတဲ့ အထိ ဖြစ်ပွားနေတဲ့ ဒီအကြမ်းဖက်မှုတွေနဲ့ ပတ်သက်လို့ တုန်လှုပ်ရကြောင်းနဲ့ အခြေအနေကို အနီးကပ် စောင့်ကြည့်နေတယ်လို့ ဥရောပသမဂ္ဂ ကလည်း ပြောဆိုပါတယ်။ ဒီအကြောင်း အပြည့်စုံကို မခင်ဖြူထွေးက ဆက်ပြီး ပြောပြပါမယ်ရှင်။
မြန်မာနိုင်ငံအနောက်ဘက် ရခိုင်ပြည်နယ်တွင်း လူမျိုးရေးနဲ့ ဘာသာရေး အဓိကရုဏ်းတွေ ဆက်ပြီးဖြစ်ပွားနေတဲ့ အပေါ် အထူး စိုးရိမ်မှု ဖြစ်ရတယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်ရဲ့ မနေ့က ထုတ်ပြန်တဲ့ကြေညာချက်မှာ ဖော်ပြ ထားတာဖြစ်ပါတယ်။ နှစ်ဘက်စလုံးက အခြေအနေတွေကို ထိန်းထိန်း သိမ်းသိမ်းနဲ့ ကိုင်တွယ်ဖြေရှင်းကြဖို့နဲ့ အကြမ်းဖက် တိုက်ခိုက်မှုအားလုံး ရပ်ဆိုင်းဖို့ကိုလည်း သူက တိုက်တွန်းလိုက်ပါတယ်။ အခု အဖြစ်အပျက်နဲ့ပတ်သက်လို့ မြန်ဆန်ထိရောက်ပြီး ထင်သာမြင်သာရှိတဲ့ စုံစမ်းစစ်ဆေးမှုတွေ လုပ်ဖို့နဲ့ တရားဥပဒေနဲ့အညီ ဆောင်ရွက်ဖို့ မြန်မာအာဏာပိုင်တွေ ကို တောင်းဆိုလိုက်သလို လက်ရှိဖြစ်ပေါ်နေတဲ့ အကြမ်းဖက်မှုတွေကို ငြိမ်းချမ်းတဲ့ နည်းနဲ့ ဆွေးနွေး အဖြေရှာနိုင်ဖို့အတွက် ဒေသခံ တိုင်းရင်းသား ကိုယ်စားလှယ်တွေ၊ ဗုဒ္ဓဘာသာဝင်တွေ၊ ရိုဟင်ဂျာအပါအ၀င် မူစလင်တွေ စတဲ့ ဒေသခံအဖွဲ့အားလုံးနဲ့ အတူတူ ပူးပေါင်း ဆောင်ရွက်ဖို့လည်း မြန်မာအာဏာပိုင်တွေကို မစ္စ် ကလင်တန်က တိုက်တွန်းလိုက်ပါတယ်။
မြန်မာနိုင်ငံတွင်း နိုင်ငံရေး ပြုပြင် ပြောင်းလဲမှု ကြိုးပမ်းချက်တွေ၊ ဒီကြိုးပမ်းမှုတွေမှာ ပါဝင်ကြသူတွေ အားလုံးကို ကြိုဆိုတဲ့အကြောင်းနဲ့ လက်ရှိ ရခိုင်ပြည်နယ်တွင်းက အခြေအနေတွေက မြန်မာနိုင်ငံတွင်း အမျိုးသားရင်ကြားစေ့ရေး ကြိုးပမ်းမှုတွေ အောင်မြင်ဖို့မှာ တိုင်းရင်းသားအဖွဲ့တွေ၊ ဘာသာရေးအုပ်စုတွေ အချင်းချင်းကြား အပြန်အလှန် နားလည်မှုတည်ဆောက်ဖို့ အရေးတကြီး လိုအပ်နေတဲ့ အခြေအနေ ကို ထောက်ပြနေတယ်လို့လည်း ကြေညာချက်မှာ ဖော်ပြထားပါတယ်။ မတူကွဲပြားတဲ့ အုပ်စုတွေအားလုံးရဲ့ အခွင့်အရေးတွေကို လေးစားတဲ့၊ ငြိမ်းချမ်းပြီး သာယာဝပြောတဲ့ ဒီမိုကရေစီနိုင်ငံတရပ် ထူထောင်ဖို့ မြန်မာနိုင်ငံ သားတွေ အတူတကွ ပူးပေါင်း ဆောင်ရွက် သွားကြဖို့ကိုလည်း ၀န်ကြီးကလင်တန်က တိုက်တွန်းသွားပါတယ်။
တချိန်တည်းမှာပဲ ဥရောပသမဂ္ဂကလည်း ရခိုင်ပြည်နယ်မှာ လူတွေသေဆုံးတဲ့အထိ ဖြစ်ပွားနေတဲ့ လတ် တလော အကြမ်းဖက်မှုတွေနဲ့ ပတ်သက်လို့ တုန်လှုပ်ရတဲ့ အကြောင်း ပြောဆိုပါတယ်။ လတ်တလော ဖြစ်ပွားနေတဲ့ အကြမ်းဖက် ဖြစ်ရပ်တွေနဲ့ ပတ်သက်လို့ သမ္မတ ဦးသိန်းစိန် အစိုးရရဲ့ ကိုင်တွယ်ဆောင်ရွက်မှုတွေဟာ ကျေနပ် အားရစရာ ဖြစ်ပေမဲ့ အခြေအနေတွေ ပြန်လည် ကောင်းမွန် လာပြီလို့တော့ ယူဆတာ မဟုတ်တဲ့အကြောင်းနဲ့ အီးယူ ဥရောပ သမဂ္ဂ အနေနဲ့ လက်ရှိ အခြေအတွေကို အနီးကပ် စောင့်ကြည့်နေတဲ့အကြောင်းတွေကို ဥရောသမဂ္ဂရဲ့ နိုင်ငံခြားရေး မူဝါဒဆိုင်ရာ အကြီးအကဲ Catherine Ashton ရဲ့ ပြောရေးဆိုခွင့်ရှိသူ Maja Kocijanic က ဗွီအိုအေကို ပြောပါတယ်။
“ကျမအနေနဲ့ ပြောနိုင်တာကတော့ မြန်မာနိုင်ငံ အနောက်ပိုင်း ရခိုင်ပြည်နယ်က အခြေအနေကို အီးယူက အနီးကပ် စောင့်ကြည့်နေတယ် ဆိုတာပါ။ အကြမ်းဖက်မှု၊ ထိခိုက်မှုတွေနဲ့ အသက်ဆုံးရှုံးရတဲ့ အထိ ဖြစ်ပျက်ခဲ့ တဲ့ စိတ်မကောင်းစရာ ဖြစ်ရပ်တွေကိုကြားရတော့ ကျမတို့ တုန်လှုပ်ရပါတယ်။ ဒီကိစ္စနဲ့ ပတ်သက်လို့ မြန်မာသမ္မတရဲ့ ကြေညာချက်နဲ့ ကြေညာချက်ထဲမှာပါတဲ့ အချက်တွေကို ထင်ဟပ်တဲ့ ကိုင်တွယ် ဆောင်ရွက်မှုတွေကို ကျမတို့ ကြိုဆိုပါတယ်။ အခုလို ဖြေရှင်းရခက်တဲ့ လူ့အဖွဲ့အစည်း အချင်းချင်း အကြား ဖြစ်တဲ့ ပဋိပက္ခမှာ လုံခြုံရေး တာဝန်ရှိသူတွေ အနေနဲ့ အခြေအနေကို မှန်ကန်တဲ့နည်းလမ်းတွေသုံးပြီး ကိုင်တွယ် ဆောင်ရွက်နိုင်မယ်လို့ ကျမတို့ ယုံကြည်ပါတယ်။”
မြန်မာနိုင်ငံတွင်း တိုင်းရင်းသားအဖွဲ့တွေကြား ငြိမ်းချမ်းရေး တည်ဆောက်ရေး လုပ်ငန်းတွေ နဲ့ မြန်မာနိုင်ငံ ရဲ့ ပြည်တွင်း ငြိမ်းချမ်းရေး ကြိုးပမ်းမှုတွေအတွက် အကူအညီပေးသွားရေး ဟာ ဥရောပသမဂ္ဂရဲ့ ဦးစားပေး လုပ်ငန်းတရပ်ပါလို့လည်း ဆိုပြီးတော့ အခုကိစ္စမှာလည်း သူတို့ဘက်က ဘယ်လို အကူအညီတွေ ပေးနိုင်မလဲ ဆိုတာကို မြန်မာအာဏာပိုင်တွေနဲ့ ဆက်သွယ် မေးမြန်း ဆောင်ရွက်မှုတွေ လုပ်နေတယ်လို့လည်း Maja Kocijanic က ပြောပါတယ်။
မြန်မာနိုင်ငံမှာ နိုင်ငံရေး ပြုပြင် ပြောင်းလဲမှုတွေ စတင် ဖော်ဆောင်လာခဲ့တဲ့ လွန်ခဲ့တဲ့ တစ်နှစ်ကျော်လောက်က စလို့ အခုတကြိမ် ရခိုင်ပြည်နယ် တွင်း ဖြစ်ပွားတဲ့ အကြမ်းဖက်မှုတွေဟာ အဆိုးရွားဆုံး ဖြစ်ပါတယ်။ အကြမ်းဖက်မှုတွေအတွင်း အနည်းဆုံး လူ ၈ ယောက် သေဆုံးခဲ့ ရပြီး ဖြစ်သလို ဒဏ်ရာရသူတွေလည်း အများအပြား ရှိနေပါတယ်။ အခြေအနေတွေ ပိုပြီး ဆိုးရွားလာနေတဲ့အတွက် ပြီးခဲ့တဲ့ တနင်္ဂနွေနေ့က သမ္မတဦးသိန်းစိန်က ရခိုင်ပြည်နယ်မှာ အရေးပေါ်အခြေအနေ ကြေညာခဲ့သလို အဆုံးမသတ်နိုင်တဲ့ ရန်လိုမုန်းတီးစိတ်တွေ၊ လက်စားချေ လိုမှုတွေနဲ့ မင်းမဲ့စရိုက်တွေ ကြီးမားကျယ်ပြန့်လာအောင် မလုပ်ကြဖို့ လူထုကို တိုက်တွန်း ပြောကြားခဲ့ပါတယ်။
အကြမ်းဖက်မှုတွေကြောင့် ရခိုင်ဘက်က မူစလင်တချို့ ဘင်္ဂလားဒေ့ရှ် နိုင်ငံဘက်ကို လှေနဲ့ ထွက်ပြေးဖို့ ကြိုးစားခဲ့ကြပေမဲ့ ဘင်္ဂလားဒေ့ရှ် အာဏာပိုင်တွေက သူတို့ကို ပြန်လည် မောင်းထုတ်ခဲ့တယ်လို့ ဘင်္ဂလားဒေ့ရှ် နယ်ခြားစောင့် တပ်ဖွဲ့တွေက ပြောပါတယ်။ တနင်္ဂနွေနေ့က မူစလင် ၂၀၀ လောက် သယ်ဆောင်လာတဲ့ လှေ ငါးစီးကို ပင်လယ်ထဲကို ပြန်ပြီး တွန်းပို့ခဲ့တယ်လို့ နယ်ခြားစောင့်တပ်ဖွဲ့ အရာရှိတဦးက ပြောပါတယ်။
ပြီးခဲ့တဲ့တပတ်ကျော်က ရမ်းဗြဲမြို့နယ်၊ ကျော်နီမော်ကျေးရွာသူ အမျိုးသမီးတဦးကို မူစလင်လူငယ်တချို့က အကြမ်းဖက် သတ်ဖြတ်ခဲ့တဲ့ ဖြစ်ရပ် ဖြစ်ခဲ့ပြီးနောက်ပိုင်း အခုလက်ရှိ အကြမ်းဖက်မှုတွေ စတင်လာခဲ့တာဖြစ်ပြီး စစ်တွေနဲ့ မောင်တောမြို့တွေမှာ အခြေအနေတွေက ဆက်ပြီး တင်းမာနေတုန်းပဲလို့ ဒေသခံတွေက ပြောကြပါတယ်ရှင်။
Ref: VOA News
အရေးပေါ်အခြေအနေ ကြေညာချက် နိုင်ငံရေးသမားများ ထောက်ခံ
လင်းသန့်
June 11, 2012
သမ္မတ ဦးသိန်းစိန်က ဇွန်လ ၁၀ ရက် ညမှ စတင်၍ ရခိုင်ပြည်နယ်ကို အရေးပေါ် အခြေအနေ ကြေညာလိုက် သည့် အပေါ် နိုင်ငံရေး အင်အားစုများက ထောက်ခံကြကြောင်း သတင်းရရှိသည်။
“တိုင်းပြည်အတွက် အရေးပေါ် အခြေအနေ လိုအပ်လာပြီ ဆိုရင်တော့ ဒါဟာ မလွှဲမရှောင်သာ လုပ်ကြရမှာပဲ။ အရပ်ဘက် အဖွဲ့ အစည်းတွေက ထိန်းချုပ်လို့ မရတော့ဘူး၊ နိုင်ငံသားတွေရဲ့ အသက်အုိုးအိမ် စည်းစိမ် ထိခိုက်လာပြီ ဆိုရင်တော့ စစ်တပ်အုပ်ချုပ် ရေး မလွှဲသာ မရှောင်သာ ၀င်လာရတော့မှာပဲလေ။ ဒါပေမယ့် စစ်အုပ်ချုပ်ရေးကို ကျနော်တို့ မလိုလားဘူး၊ ဒါကိုလည်း ကွဲကွဲပြားပြား ဖြစ်စေချင်တယ်”ဟု ၈၈ မျိုးဆက်ကျောင်းသား အဖွဲ့မှ ကိုကိုကြီး က ဧရာဝတီကို ပြောသည်။
ပြည်သူ့ဘ၀ အသက် အိုးအိမ် စည်းစိမ် လုံခြုံရေးကို လုံခြုံရေး ဆိုင်ရာ အဖွဲ့အစည်းများ ကသာ တာဝန်ယူရခြင်း မဟုတ်ဘဲ နိုင်ငံရေး အဖွဲ့အစည်းများ၊ လူမှုရေးနှင့် အရပ်ဘက် အဖွဲ့အစည်းများ ကလည်း တတ်နိုင်သလောက် ၀ိုင်းပြီး ထိန်းသိမ်း နေကြကြောင်း၊ ထို့ကြောင့် မကြာမီတွင် ပုံမှန်အခြေအနေ ပြန်ရောက်လိမ့်မည်ဟု မျှော်လင့်ကြောင်း သူက ဆက်ပြောသည်။
အရပ်သား အစိုးရ ပြောင်းပြီး နောက်ပိုင်း အရေးပေါ်အခြေအနေ ကြေညာခြင်းသည် ပထမဆုံး အကြိမ်လည်း ဖြစ်သည်။
ဦးသိန်းစိန်က ရခိုင်ပြည်နယ်အတွင်း မတည်ငြိမ်မှုများ၊ အကြမ်းဖက်မှုများ ပိုမို ကျယ်ပြန့်လာပြီး ပုဒ်မ ၁၄၄ အမိန့်ထုတ်ကာ ထိန်း သိမ်းသော်လည်း ဆောင်ရွက်မရတော့သည့် အတွက် ဥပဒေကဲ့သို့ အာဏာ တည်သော အမိန့်အမှတ် ၁/၂၀၁၂ ဖြင့် အရေးပေါ် အခြေအနေ ကြေညာလိုက်ပြီး တပ်မတော်၏ အကူအညီကို ရယူဆောင်ရွက်မည်ဟု ဆိုသည်။
အမျိုးသား ဒီမိုကရေစီအဖွဲ့ချုပ်(NLD) ပါတီခေါင်းဆောင် ဦးတင်ဦးက“အရေးပေါ် အခြေအနေ ကြေညာရတဲ့ အထိ ဆိုတာကတော့ မလိုလား အပ်ဘူးပေါ့၊ သို့သော်လည်း အခြေအနေ အရပ်ရပ်အရ တာဝန်ရှိတဲ့ သမ္မတလို ပုဂ္ဂိုလ်မျိုးက မြန်မြန် အေးချမ်းမှု ရအောင် အတွက် ဒီလိုပဲ နောက်ဆုံး သုံးလိုက်ရတာပေါ့”ဟု ဧရာဝတီကို ပြောသည်။
အခြေအနေ တဖြည်းဖြည်း ပိုမိုဆိုးဝါးလာသည်ကို အကြောင်းပြု ဖြစ်ပေါ်လာခြင်းဖြစ်ကြောင်း၊ အမြန်ဆုံး လုပ်ရမည့် ကိစ္စသည် တရား ဥပဒေ စိုးမိုးရေးနှင့် ဒေသတည်ငြိမ်ရေး လုပ်ဆောင်ရန်လိုကြောင်း၊ ထို့ကြောင့် ယခုကဲ့သို့ အချိန်တွင် စည်းလုံး ညီညွတ်စွာဖြင့် အားလုံး ၀ိုင်းဝန်း လုပ်ကိုင်သင့်ကြောင်း သူက ဆက်ပြောသည်။
အမျိုးသား ဒီမိုကရေစီ အင်အားစုပါတီ(NDF) ခေါင်းဆောင်တဦးဖြစ်သူ ဦးခင်မောင်ဆွေ ကလည်း“နိုင်ငံတည်ဆောက်မှုကို သွားနေ တဲ့အချိန်မျိုးမှာ အားလုံး ၀ိုင်းဝန်း ကူညီဖြေရှင်းတာ အကောင်းဆုံးလို့ ထင်ပါတယ်။ နိုင်ငံရေး ပါတီတွေရဲ့အကူအညီကို ယူပြီး သွားမယ်ဆိုရင် အကောင်းဆုံးဖြစ်လာမယ်လို့ ထင်ပါတယ်”ဟု ဆိုသည်။
ယခု ဥပဒေနှင့် ဖြေရှင်းရမည့် ကိစ္စကို အချိန်မီ မထိန်းသိမ်းနိုင်၍ ကျယ်ပြန့်သွားသည့် ကိစ္စ ဖြစ်ကြောင်း၊ လူမျိုးရေး၊ ဘာသာရေး ကိစ္စ မဟုတ်ကြောင်း၊ အရေးပေါ် အခြေအနေ အမိန့်သုံး၍ ယာယီ ငြိမ်သက် သွားရန် လုပ်သည်ထက် နောက်ဆက်တွဲ ဆက်လက်မဖြစ် ပေါ်ရန် အားလုံး စနစ်တကျ ပူးပေါင်းဆောင်ရွက်ရန် လိုကြောင်းလည်း သူက ဆက်ပြောသည်။
ယမန်နေ့ညကလည်း သမ္မတ ဦးသိန်းစိန်က ရခိုင်ပြည်နယ် ကိစ္စနှင့် ပတ်သက်၍ ရုပ်မြင် သံကြားမှ မိန့်ခွန်း ပြောကြား ခဲ့သေးသည်။
“ဒီလို လူမျိုးစွဲ၊ဘာသာစွဲတွေကို ရှေ့တန်းတင်ပြီး မဆုံးနိုင်တဲ့ မုန်းတီးမှုတွေ၊ လက်စားချေလို မှုတွေနဲ့ မင်းမဲ့စရိုက်တွေ ကို ရှေ့တန်းတင်လျက် တဘက်နဲ့ တဘက် အပြန်အလှန် အကြမ်းဖက် သတ်ဖြတ်နေကြမယ် ဆိုရင် ရခိုင်ပြည်နယ်တွင် သာမကပိုမို ကျယ် ပြန့် ဖြစ်ပွား လာစေနိုင်တဲ့ အန္တရာယ်ရှိပါတယ်”ဟု သမ္မတ ဦးသိန်းစိန်က ဆိုသည်။
ရခိုင်ပြည်နယ် ကျောက်နီမော် ဒေသ၌ ရခိုင်အမျိုးသမီးငယ် တဦးအား မတရားပြုကျင့် သတ်ဖြတ်မှုမှ စတင်၍ မငြိမ်မသက်မှု များ ဆက်တိုက်ဖြစ်ပွား လာခဲ့ရပြီး ရခိုင်ပြည်နယ်တွင်း မြို့နယ် ၆ မြို့နယ်ကို နေ၀င်မီးငြိမ်း၊ ညမထွက်ရ အမိန့် ပုဒ်မ ၁၄၄ ထုတ်ပြန် ထိန်းသိမ်း ခဲ့ရသည်။
လူ့ အခွင့်အရေး လှုပ်ရှားသူ ချင်း အမျိုးသမီး မချယ်ရီဇာဟောင်း က “အရေးပေါ် အုပ်ချုပ်ရေး ထုတ်ပြန် လိုက်တာဟာ နိုင်ငံရေး မတည်မငြိမ်ဖြစ်မှု ၊ လူမှုရေး မတည်မငြိမ်ဖြစ်မှုကို ဒါဟာ သက်သေပြလိုက် တာပဲလေ။ ကောင်းတဲ့ လက္ခဏာတော့ မဟုတ်ဘူး။ ဒါပေမယ့် အခုလောလောဆယ်မှာ လိုအပ်တယ်တော့ ကျမထင်တာပဲ”ဟု ဆိုသည်။
အနာဂတ်အတွက် အလားတူ ကိစ္စမျိုး မဖြစ်ရန်အတွက် မြန်မာနိုင်ငံ၏ လူဝင်မှု ကြီးကြပ်ရေး ဥပဒေကို ကောင်းမွန်စေရန် ပြင်ဆင် သင့်ကြောင်း၊ သတိထားသင့်သည့် အချက်မှာ တခြား တိုင်းရင်းသား ဒေသများတွင်လည်း ပုံသဏ္ဍန်အားဖြင့် ကွဲပြားသော ပဋိပက္ခများ ရှိနေခဲ့သည်မှာ နှစ်ပေါင်း များစွာ ကြာပြီဖြစ်ကြောင်း၊ နောက်နောင် ယခုကဲ့သို့ မဖြစ်ပေါ်စေရန် ပို၍ သတိထားသင့်ကြောင်း လည်း သူက ဆက်ပြောသည်။
၂၀၀၈ ဖွဲ့စည်းပုံအခြေခံဥပဒေ အခန်း(၁၁) ပုဒ်မ ၄၁၀ ၌ တိုင်းဒေသကြီး၊ ပြည်နယ်၊ ပြည်ထောင်စု နယ်မြေ၊ ကိုယ်ပိုင် အုပ်ချုပ်ခွင့် ရ စီရင်စု စသည့် နယ်မြေတခုခုတွင် အုပ်ချုပ်ရေးလုပ်ငန်းများကို ဖွဲ့စည်းပုံ အခြေခံ ဥပဒေပါ ပြဌာန်းချက်များနှင့်အညီ ဆောင်ရွက် နိုင်စွမ်း မရှိကြောင်း သိရှိလျှင်သော်လည်းကောင်း၊ သက်ဆိုင်ရာ ဒေသအာဏာပိုင်အဖွဲ့အစည်းက တင်ပြလျှင်သော် လည်းကောင်း၊ နိုင်ငံတော် သမ္မတ သည် အမျိုးသားကာကွယ်ရေးနှင့်လုံခြုံရေးကောင်စီ နှင့် ညှိနှိုင်းပြီး ဥပဒေကဲ့သို့ အာဏာ တည် သည့် အမိန့် ထုတ်ပြန်၍ အရေးပေါ် အခြေအနေ ကြေညာနိုင်ကြောင်း ပြဌာန်းထားသည်။
Ref: ဧရာဝတီ
ရခိုင်ဒေသတွင်း ဆက်သွယ်နိုင်သည့် လမ်းကြောင်းများ ပိတ်ထားပြီ
ခင်ဦးသာ
June 11, 2012
ရခိုင်ပြည်နယ် အတွင်း ဖြစ်ပွားနေသည့် ပဋိပက္ခများကြောင့် ဒေသတွင်း ဆက်သွယ် သွားလာနိုင်သည့် လမ်းကြောင်းများ အားလုံး ပိတ်ထားပြီ ဖြစ်ကြောင်း သိရသည်။
ရခိုင်ဒေသတွင်း ပြေးဆွဲနေသည့် ရေလမ်း၊ ကုန်းလမ်း ခရီးစဉ်များ အားလုံးနီးပါးကို ယမန်နေ့က စတင်၍ ရပ်တန့် ထားခြင်းဖြစ် ကြောင်း၊ သို့သော် မည်သည့် အတွက် ပိတ်ထားသည် ဆိုကြောင်းကို ပြည်သူများထံ အသိပေးမှု မရှိသေးကြောင်း ရခိုင်ဒေသခံ များက ပြောသည်။
ကျောက်ဖြူ – တောင်ကုတ်၊ တောင်ကုတ် – ရမ်းဗြဲ – ကျောက်နီမော်၊ တောင်ကုတ် – သံတွဲ စသည့် လမ်းကြောင်းများနှင့် ကျောက်ဖြူ – ရန်ကုန် မော်တော်ကား လမ်းကြောင်းကိုပါ ပိတ်ထားပြီး မည်သည့် အချိန်အထိ ပိတ်ထားမည် ဆိုသည်ကို အတိအကျ မသိရသေးပေ။
“တောင်ကုတ်မြို့ကနေ ရခိုင်ပြည်တွင်း ဆွဲနေတဲ့ ကုန်းလမ်း၊ ရေလမ်း အကုန် ပိတ်ထားတယ်၊ ရုတ်တရက် ပိတ်လိုက်တော့ ကုန်ပစ္စည်းတွေ အရောင်းအ၀ယ် မလုပ်ရတော့ဘူး၊ လုံခြုံရေး တော့ ပုံမှန်ပါပဲ” ဟု တောင်ကုတ်မြို့ခံ အမျိုးသမီး တဦးက ပြော သည်။
ရခိုင်ဒေသတွင်း ဖြစ်ပွားနေသည့် ပဋိပက္ခများနှင့် ပတ်သက်၍ မောင်တော၊ ဘူးသီးတောင်၊ စစ်တွေ၊ ကျောက်ဖြူ၊ ရမ်းဗြဲ၊ သံတွဲ စသည့် မြို့များ၌ ညမထွက်ရ အမိန့်များ ထုတ်ပြန်ထား သကဲ့သို့ အရေးပေါ် အခြေအနေ တရပ်ကို သမ္မတ ဦးသိန်းစိန်က ယမန်နေ့တွင် ကြေညာခဲ့သည်။ ပုဒ်မ ၁၄၄ နှင့် လုံလောက်ခြင်း မရှိသဖြင့် တပ်မတော်၏ အကူအညီကို ယူရမည်၊ ထိုထုတ်ပြန်ချက်သည် နောက်ထပ် ထုတ်ပြန်ခြင်း မရှိသေး သရွေ့ အတည်ဖြစ်စေရမည်ဟု သမ္မတက ကြေညာထားသည်။
ညမထွက်ရ အမိန့်ထုတ်ပြန်ထားသည့် အတွက် ဒေသခံ ပြည်သူများ လုံခြုံစိတ်ချစွာ ညအိပ်နိုင်ပြီ ဖြစ်ကြောင်း၊ ဆက်သွယ်ရေး လမ်းကြောင်းများကိုမူ အချိန်ဆွဲ ကန့်သတ် မထားစေ လိုကြောင်း ကျောက်ဖြူမြို့ခံ ပြည်သူ့လွှတ်တော် ကိုယ်စားလှယ် ဦးဘရှိန် က ပြောသည်။
“ညမထွက်ရ အမိန့်ကြောင့် စိတ်ချ လက်ချ အိပ်နိုင်ကြတာတော့ အမှန်ပဲ။ ဒါပေမယ့် ဆက်သွယ်ရေး လမ်းကြောင်းတွေ အကြာကြီး ပိတ်ထားမယ် ဆိုရင် ကိုယ့်ဒေသခံ တိုင်းရင်းသားလူမျိုးတွေ စားဝတ်နေရေး ကြပ်တည်း ခက်ခဲသွားနိုင်တယ်” ဟု ၎င်းက ဆိုသည်။
ရန်ကုန်မှ ရခိုင်ပြည်နယ်၏ နေရာဒေသ အသီးသီးသို့ ပြေးဆွဲနေသည့် မော်တော်ယဉ်လိုင်း အသီးသီး တို့ကို ၅ ရက်မှ သီတင်း ပတ် တပတ်ခန့်အထိ ပိတ်ထားမည်ဟု သိရသည်။ ရန်ကုန် – ရခိုင် ဆက်သွယ်ရေး လမ်းကြောင်းများ ပြတ်တောက်သွားသည့် အပြင် ရခိုင်ဒေသတွင်း တနေရာမှ တနေရာသို့ ခရီးသွားလာမှု လမ်းကြောင်းများ အားလုံးကိုလည်း ပိတ်ထားသည်။
ရန်ကုန် မှ စစ်တွေ၊ ကျောက်ဖြူ၊ တောင်ကုတ်၊ သံတွဲ စသည့် မြို့များအကြား ခရီးသည်တင် မော်တော်ယာဉ်များ၊ ကုန်ပစ္စည်း တင်ဆောင်သည့် ယာဉ်များ နေ့စဉ် ပြေးဆွဲလျက် ရှိပြီး လမ်းပန်း ဆက်သွယ်ရေး ပြတ်တောက်မှုကြောင့် ရခိုင်ဒေသ၌ ကုန်ဈေးနှုန်း ကြီးမြင့်လာမည်ကို စိုးရိမ်ကြောင်း ရခိုင်ဒေသခံများက ပြောသည်။
ရခိုင်ဒေသ တခုလုံးအား ညမထွက်ရအမိန့်နှင့် အရေးပေါ် အခြေအနေများ ထုတ်ပြန် ထားသော်လည်း မောင်တော၊ စစ်တွေ မြို့တို့တွင် နေအိမ်တချို့ မီးရှို့ခံရခြင်းနှင့် ဆူပူလှုပ်ရှားမှုများ ယနေ့အထိ ဖြစ်ပေါ်နေသည်။
မောင်တောမြို့တွင် ဖြစ်ပွားနေသည့် ပဋိပက္ခများနှင့် ပတ်သက်၍ မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်ဒေသများတွင် လုံခြုံ ရေး တင်းကျပ်ထားကြောင်း သိရသည်။ လက်နက်ကိုင် အကြမ်းဖက် အုပ်စုတစုသည် လက်နက်များနှင့် အတူ မြန်မာနိုင်ငံ ဘက်သို့ ၀င်ရောက် လာနေကြသည် ဆိုသည့် သတင်းများ ထွက်ပေါ်နေသော်လည်း အတည်မပြေုနိုင် သေးပေ။
Ref: ဧရာဝတီ
ရခိုင်ပြည်နယ် ပဋိပက္ခ အစပြုတဲ့လူသတ်မှု စတင်ကြားနာ
ကိုကျော်ကျော်သိန်း
တနင်္လာ, 11 ဇွန် 2012
ကျောက်နီမော်ကျေးရွာသူ မသီတာတွေး အကြမ်းဖက် အသတ် ခံခဲ့ရတဲ့ဖြစ်ရပ်နဲ့ ပတ်သက်ပြီး ပြစ်မှု ကျူးလွန် တယ်လို့ စွပ်စွဲပြီးတော့ ဖမ်းဆီး ထားသူတွေကို ဒီကနေ့ ကျောက်ဖြူမြို့နယ် တရားရုံး တခုမှာ စတင် ကြားနာ ပြီဖြစ်ပါတယ်။ စွပ်စွဲထားသူ သုံးဦးထဲက တဦး တနင်္ဂနွေနေ့ ကပဲ ကိုယ့်ကိုယ်ကို သေကြောင်းကြံစည် သွားပြီး တဲ့ နောက်တရက်မှာ အမှုကိုစတင် စစ်ဆေးတာလည်းဖြစ်ပါတယ်။ ကျောက်ဖြူနဲ့ တောင်ကုတ်မြို့တွေ မှာတော့ အခြေအနေ တည်ငြိမ်နေတယ်လို့ မြို့ခံတွေက ပြောကြပါတယ်။ ဒါပေမဲ့လည်း ညမထွက်ရတဲ့ အရေးပေါ် အခြေအနေ ထုတ်ပြန်ထားတာ ကြောင့် လူထု နေထိုင် စားသောက် လုပ်ကိုင်ရေး မှာ အခက်အခဲတွေ ရှိနေတယ်လို့ ကျောက်ဖြူမြို့ခံ တဦးကပြောပါတယ်။ ဒီအခြေအနေတွေကို ဘန်ကောက်ကနေ ဆက်သွယ် မေးမြန်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။
မေလ ၂၈ ရက်နေ့က ရမ်းဗြဲမြို့နယ်၊ ကျောက်နီမော်ကျေးရွာသူ မသီတာထွေး ကို အဓမ္မပြုကျင့်ပြီး သတ်ပစ်ခဲ့မှု နဲ့ စွပ်စွဲ ဖမ်းဆီးထားသူ လူငယ်တွေကို ဒီကနေ့ ကျောက်ဖြူမြို့မှာ ရုံးထုတ် စစ်ဆေးတာပါ။ စွပ်စွဲ ခံထားရသူတွေ ထဲက တဦးကတော့ တနင်္ဂနွေနေ့ကပဲ ကိုယ့်ကိုယ်ကို အဆုံးစီရင် သွားခဲ့ပါတယ်။
အခုလက်ရှိ ရခိုင်ပြည်နယ်တွင်း တချို့မြို့တွေမှာ ရုန်းရင်းဆန်ခတ် အခြေအနေတွေ ဖြစ်ရတဲ့ အဓိက အရင်းခံ အကြောင်းရင်းဖြစ်တဲ့ ဒီလူသတ်မှုကို စပြီး ရုံးတင် စစ်ဆေးတာမှာတော့ အေးအေးဆေးဆေးပဲ ရှိခဲ့တယ်လို့ တရားရုံးမှာ ကိုယ်တိုင် သွားရောက် နားထောင်ခဲ့တဲ့ ရခိုင် တိုင်းရင်းသားများ ဖွံ့ဖြိုး တိုးတက်ရေးပါတီ RNDP က ကျောက်ဖြူမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဘရှင်က ဗွီအိုအေကို ပြောပါတယ်။
"ကျောက်နီမော်က ဖမ်းထားတဲ့ တရားခံသုံးယောက်မှာ တယောက်က ဆုံးသွားပြီ။ ၂ ယောက်ကျန်တဲ့ သူကို ဒီကနေ့ တရားခွင် တင်ပြီး အမှုစပြီး စစ်နေပါတယ်။ မနက် ၉ နာရီခွဲလောက်က ရုံးထုတ်တယ်။ သက်သေ သုံးယောက် စစ်ပြီး သွားပြီ။ အေးအေးဆေးဆေးပါ။ မြို့ကလည်း လာပြီး နားထောင်တဲ့ သူတွေလည်း ရှိပါတယ်။ လာပြီး နားထောင်တဲ့ သူတွေက ၁၀၀ တောင် မပြည့်ပါဘူး။ မိုးလည်း နည်းနည်း ရွာနေတဲ့ အတွက်ကြောင့် ထင်ပါတယ်။ လာနားထောင်တဲ့ သူက သိပ်မများလှပါဘူး။"
ကျောက်ဖြူမြို့မှာ တခြားတင်းမာမှုတွေ ဘာမှမရှိဘဲ အခြေအနေက အေးဆေး ငြိမ်သက်နေတယ် လို့ ဦးဘရှင် က ပြောပါတယ်။ ဒါပေမဲ့လည်း ပြည်နယ် တခုလုံးမှာ အရေးပေါ် အခြေအနေ ထုတ်ထားတာကြောင့်တော့ လုပ်ကိုင် စားသောက်ကြရတဲ့ လူထု အခက်အခဲ ကြုံနေရတာတွေ ရှိပြီး ဒီအခြေအနေကို ဘယ်လို ကူညီဖြေရှင်းပေးနိုင်မယ်ဆိုတာ သူတို့ လေ့လာ စောင့်ကြည့်နေတယ် လို့ ဆိုပါတယ်။
"ညမထွက်ရအမိန့်ထုတ်လိုက်တဲ့အတွက်ကြောင့် အလုပ်လုပ်တဲ့ လုပ်သားပြည်သူ အပေါ်မှာတော့ အခက်အခဲတွေ အများကြီးဖြစ်သွားတာပေါ့။ သွားရေး၊ လာရေး၊ စားရေး၊ သောက်ရေး၊ နေထိုင်ရေး၊ လုပ်ကိုင်ရေး စသည်အားဖြင့်- အဲဒီ ညမထွက်ရ အမိန့်က ဘယ်လောက်များ တာရှည်မလဲ၊ အဲဒါ ပြည်သူ လူထုက ဒီ ညမထွက်ရ အမိန့်ကြောင့် ဘယ်လောက်အထိ ထိခိုက်မှု ရှိမလဲ ဆိုတာကို သက်ဆိုင်ရာ တာဝန် ရှိတဲ့သူတွေကတော့ အလေး အနက်ထား စဉ်းစားမှာပေါ့ဗျာ။ အခုက သွားရေး လာရေးတွေမှာ ကျနော် သတင်း ကြားနေတာက ကျောက်ဖြူနဲ့ ရန်ကုန် တိုက်ရိုက်ပြေးတဲ့ကား ခရီးသွား၊ ခရီးလာနည်းတဲ့ အတွက်ကြောင့် ၅ရက် နားမယ်၊ နောက်တခါ စစ်တွေနဲ့ တောင်ဘက်ပိုင်းကို ဆွဲနေတဲ့ အမြန်ယာဉ်တွေ ရှိတယ်၊ အဲဒီ အမြန် ယာဉ်တွေလည်း လောလောဆယ် ခရီးစဉ်မရှိတော့ဘူးဆိုပြီးတော့ သတင်းကြားတယ်။"
ပြီးခဲ့တဲ့သီတင်းပတ်တွေက ရုန်းရင်းဆန်ခတ်ဖြစ်တာတွေ ရှိခဲ့တဲ့ တောင်ကုတ်မြို့မှာလည်း အခြေအနေ က အေးဆေး ငြိမ်သက် နေပါတယ်။
"တောင်ကုတ်ကတော့ အေးအေးဆေးဆေးပါ။ လုံခြုံရေးအခြေအနေကလည်း တင်းတင်းကျပ်ကျပ် မချထား ပါ။ အရင်ကလို ပုံမှန်ပဲ။ ဒီအတိုင်းပဲ - အရင်တုန်းကလို အေးအေးဆေးဆေးပါပဲ။ ကျနော်တို့တောင်ကုတ် က မပါသလိုပဲ။ တောင်ကုတ်က နဂိုရ်အတိုင်းပဲ၊ အရေးအခင်းမဖြစ်ခင်ကလိုပဲ သွားလာနေကြ ပါတယ်။ ဘာမှ ထူးထူးခြားခြား မရှိပါဘူး။"
တောင်ကုတ်မြို့ခံတဦး ပြောပြသွားတာပါ။
စစ်တွေနဲ့ မောင်းတောမြို့တွေမှာ အခြေအနေတွေ ဆိုးရွားနေဆဲ ရှိနေသေးပေမဲ့ တခြားနေရာတွေမှာ အေးဆေး ငြိမ်သက်နေတာကြောင့်တော့ အများအတွက် စိတ်အေးစရာဖြစ်ပါလိမ့်မယ်။ ဒါပေမဲ့ မတည်ငြိမ်သေး တဲ့ နေရာတွေက အခြေအနေတွေ ရက်ဆက်ပြီးဆိုးရွားနေမယ်ဆိုရင် အရေးပေါ်အခြေအနေ တာရှည်ပြီး လူထုအတွက် ပိုထိခိုက်လာမှာကိုတော့ စိုးရိမ်နေကြပါတယ်ခင်ဗျား။
Ref: VOA News
ရခိုင်ပြည်နယ်မှာ အရေးပေါ်အခြေအနေ ထုတ်ပြန်
ကိုဇော်ဝင်းလှိုင်
တနင်္ဂနွေ, 10 ဇွန် 2012
စစ်တွေ အပါအ၀င် ရခိုင်ပြည်နယ်ထဲက မြို့အတော်များများမှာ ဆူပူမှုတွေ ဖြစ်ပွားနေတာမို့ ရခိုင်ပြည်နယ် အတွက် အရေးပေါ်အခြေနေ ထုတ်ပြန် လိုက်ပြီဖြစ်ပါတယ်။ တနင်္ဂနွေနေ့ကတော့ စစ်တပ်က လုံခြုံရေးတွေပေးထားတဲ့ ကြားကပဲ အခြေအနေတွေ ဆိုးဝါး လာခဲ့တာမို့ စစ်တွေအတွက် နေ့လယ်မှာ ပုဒ်မ ၁၄၄ ညမထွက်ရ အမိန့် ထုတ်ပြန်ခဲ့တာပါ။ ရခိုင်ပြည်နယ်မှာ အရေးပေါ် အခြေအနေ ထုတ်ပြန်ထားချိန်မှာပဲ ဆူပူမှုတွေ ဆက်ပြီးဖြစ်နေပါတယ်။ ရခိုင်ပြည်နယ် အတွင်းက နောက်ဆုံး အခြေအနေတွေကို သိရအောင် ကျမတို့ရဲ့ ၀ိုင်းတော်သား ကိုဇော်ဝင်းလှိုင်က ဆက်သွယ် မေးမြန်းတဲ့အခါ RNDP ပါတီက ပြည်နယ် လွှတ်တော်အမတ် ဦးအောင်မြတ်ကျော်က အခုလို စပြောပြပါတယ်။
“နောက်ဆုံး အခြေအနေတော့ အခုကတော့ martial law စာထုတ်ထားပါပြီ။ အဲဒီတော့ ဒီဥပဒေကြောင့် လူတွေက ကိုယ့်နေရာကိုယ်၊ ကိုယ့်အိမ်ကိုယ် နေကြတော့ နည်းနည်း တည်တည်ငြိမ်ငြိမ် ဖြစ်လာပါတယ်။ ဒါပေမဲ့ တကယ့် ပြဿနာဖြစ်နေတဲ့ နေရာတွေမှာတော့ သူတင်ကိုယ်တင် အခြေအနေမျိုးတော့ ရှိနေပါသေးတယ်။”
မီးရှို့တာတွေ၊ မီးလောင်တာတွေ တော်တော်လေး ဖြစ်သွားတယ်လေ။ အဲဒါတွေရော ဦးအောင်မြတ်ကျော် သိလား၊ ဘယ်နေရာတွေမှာ ဖြစ်တာလဲ။ ဘယ်လောက်ထိ ဆိုးဆိုးရွားရွား ဖြစ်သွားလဲ။ -
“ရွာတွေကတော့ အဲဒီလိုမျိုး သူရှို့ကိုယ်ရှို့ အတိုင်းအတာမျိုးတော့ ဖြစ်ပါတယ်။ မီးတွေကို လိုက်ငြိမ်းသက်လို့တော့ အခု မီးတော့ ငြိမ်းသွားတဲ့သဘောမျိုး ရှိပါတယ်။”
အခု ဒီနေ့ဖြစ်သွားတဲ့ အနေအထားအရ ကတော့ စစ်တွေမှာ ထိခိုက်ဒဏ်ရာ ရတဲ့သူတို့၊ အသေအပျောက်တို့ရော ကြားမိပါသလားခင်ဗျ။ -
“ထိခိုက် ဒဏ်ရာရတဲ့သူတွေ နည်းနည်းလောက်တော့ ရှိပါတယ်။ ရခိုင်ဘက်က ထိခိုက်ဒဏ်ရာရတဲ့ သူက များပါတယ်။ ဆေးရုံမှာတော့ ၁၅ ယောက်လောက် ရှိပါတယ်။ အဲဒီမှာ အသည်းအသန်က တယောက်၊ တယောက်ကတော့ ဆုံးသွားပြီလို့ ကြားရပါတယ်။”
ဒီနေ့ဖြစ်တဲ့ အဖြစ်အပျက်ကြောင့် ဆုံးသွားတာပေါ့နော်။ -
“ဟုတ်ကဲ့ပါ။ ဒီနေ့ မနက်ပိုင်းက ဖြစ်တဲ့ကိစ္စမှာ အဲဒီလိုမျိုး ဖြစ်သွားတာပါ။”
စစ်တွေမြို့ ပြည်နယ်လွှတ်တော်အမတ် ဦးအောင်မြတ်ကျော် ပြောပြခဲ့တာပါ။
အခုလို မလိုလားအပ်တဲ့ အသက်ဆုံးရှုံးမှုတွေ မဖြစ်ရအောင် အာဏာပိုင်တွေဘက်က လုံခြုံရေးကို အသေအချာ လုပ်ဆောင်ပေးဖို့ လိုတယ်လို့ RNDP ရခိုင်တိုင်းရင်းသားများ တိုးတက်ရေးပါတီက ကျောက်ဖြူမြို့နယ် ပြည်သူ့လွှတ်တော်အမတ် ဦးဘရှင်က ပြောပါတယ်။
“ကျနော်တို့ကတော့ လုံခြုံရေးကို မြန်မြန်ထက်ထက် လုပ်ပေးစေချင်တယ်။ လုံခြုံရေးကို အလေးထားပြီးတော့ လုပ်ပေးဖို့ အန်ကယ်ကတော့ တိုက်တွန်းပြောဆိုခဲ့တာတွေ ရှိတယ်။ လူ သေဆုံးတာတွေလည်း ရှိတယ်လေ။ ဒီ အန္တရာယ်တွေကို မဖြစ်အောင် လုံခြုံရေးအရ အကာအကွယ်ပေးရမယ် သူတွေက ကြိုကြိုတင်တင် မလုပ်ဖြစ်ခဲ့ဘူးဗျ။ ကျနော်တို့ ဒီ လုံခြုံရေးတွေကို ကိုင်တွယ်နိုင်အောင် ပြည်နယ်အစိုးရက ဘာ အာဏာမှ မရှိဘူးလို့ အန်ကယ်ကတော့ အဲဒီလိုပြောရင် မမှားဘူးလို့ ထင်တယ်။ အဲဒီတော့ ပြည်နယ်အစိုးရမှာ ဒီလို လုံခြုံရေးကိစ္စနဲ့ ပတ်သက်ပြီးတော့ လုပ်နိုင်ကိုင်နိုင်တဲ့ အခွင့်အာဏာတွေ လုပ်ပိုင်ခွင့်တွေ။”
အခုဖြစ်နေတာက သီတင်းနှစ်ပတ်လောက် ရှိနေပြီ တဖြည်းဖြည်းနဲ့။ အခုထက်ထိကို ဒီကိစ္စကို တည်ငြိမ်အောင် မကိုင်တွယ်နိုင်သေးဘူး ဆိုတာက။ -
“ဟုတ်ကဲ့။ ကျနော်တို့ ဖြစ်နေတာက ရခိုင်သားတွေဗျ။ ရခိုင်မှာ ရခိုင်တွေသေတယ်။ ရခိုင်ရွာတွေ မီးရှို့ခံရတယ်။ အဲဒီတော့ ဒီဟာတွေကို မြန်မြန်သွက်သွက် လုပ်ဖို့က ရခိုင်ပြည်နယ်အစိုးရမှာ တုံ့နှေးတုံ့နှေး ဖြစ်နေတယ်လို့ အဲဒီလိုပဲ ပြောရမှာ။”
RNDP ပါတီက ကျောက်ဖြူမြို့နယ် ကိုယ်စားပြု ပြည်သူ့လွှတ်တော်အမတ် ဦးဘရှင် ပြောပြခဲ့တာပါ။
ဒါနဲ့ တဆက်တည်းပဲ ပြောရမယ်ဆိုရင်တော့ ကျောက်နီမော်ရွာသူ မသီတာထွေးကို တရားပြုကျင့်ပြီး သတ်ဖြတ်မှုနဲ့ ဖမ်းဆီးခံထားရတဲ့ တရားခံ ၃ ဦးထဲက တဦးဟာ အချုပ်ခန်းထဲမှာပဲ ကိုယ့်ကိုယ်ကို ဆွဲကြိုးချပြီး အဆုံးစီရင် သွားတာကြောင့် ဒီကနေ့ နေ့တွင်းချင်း သင်္ဂြိုလ်ပြီးသွားပြီလို့ ဒေသခံတွေက ဗွီအိုအေကို ပြောပါတယ်။
လွန်ခဲ့တဲ့ ရက်တွေအတွင်း အခြေအနေ အတင်းမာဆုံးဖြစ်ခဲ့တဲ့ မောင်တောမြို့မှာတော့ မနေ့ကတည်းက ပုဒ်မ (၁၄၄) ထုတ်ပြန် ထားတာကြောင့် အခြေအနေတွေဟာ ဒီကနေ့အထိ တည်ငြိမ်နေတုန်းပဲလို့ သိရပါတယ်။ စစ်တွေအပြင် သံတွဲ ရမ်းဗြဲနဲ့ ကျောက်ဖြူဒေသတွေမှာလည်း မြို့နယ် အထွေထွေ အုပ်ချုပ်ရေး ဦးစီးဌာနတွေက ပုဒ်မ (၁၄၄) အသီးသီး ထုတ်ပြန်ထားကြပါတယ်။ ရခိုင်ပြည်နယ်အတွင်း အခုဖြစ်ပွားနေတဲ့ လူမျိုးရေး အဓိကရုဏ်းတွေကြောင့် လူ ၈ ဦးထက်မနည်း သေဆုံးခဲ့ရပြီး ဖြစ်ပါတယ်။
Ref: VOA News
Monday, June 11, 2012
ဒေါ်စု ဥရောပ ၅ နိုင်ငံခရီးစဉ် NLD သတင်းထုတ်ပြန်
စနေ, 09 ဇွန် 2012
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ ဥရောပ ခရီးစဉ်ကို လာမယ့်ဇွန်လ ၁၃ ရက်နေ့မှာ စတင်မှာ ဖြစ်ပြီးတော့ ဆွစ်ဇာလန်၊ နော်ဝေ၊ ဗြိတိန်၊ အိုင်ယာလန်နဲ့ ပြင်သစ်နိုင်ငံတွေကို ရောက်ရှိမှာဖြစ်ပါတယ်။ ရန်ကုန်မြို့ကနေ ထွက်ခွာလာမယ့် ဒေါ်အောင်ဆန်းစုကြည်ဟာ ပထမ ခရီးတထောက် အဖြစ် ဆွစ်ဇာလန်နိုင်ငံ ဂျီနီဗာမြို့ကို ဇွန်လ ၁၃ ရက်နေ့မှာ ရောက်ရှိ လာပြီးတော့ အပြည်ပြည်ဆိုင်ရာ အလုပ်သမား အဖွဲ့ ILO ညီလာခံမှာ မိန့်ခွန်းမှာ ပြောကြားမှာဖြစ်ပါတယ်။
ဒီခရီးစဉ်မှာ ဒေါ်အောင်ဆန်းစုကြည်ဟာ ဆွစ်(စ်) နိုင်ငံခြားရေး ၀န်ကြီး Didier Burkhalter နဲ့လည်း တွေ့ဆုံဆွေးနွေးမှာ ဖြစ်တယ်လို့ ဆွစ်(စ်) နိုင်ငံခြားရေး ၀န်ကြီးဌာနက ဇွန်လ ၈ ရက်နေ့က ကြေညာပါတယ်။ ဇွန်လ ၁၅ ရက်နေ့မှာ ဒေါ်အောင်ဆန်းစုကြည်ဟာ ဆွစ်(စ်)ပါလီမန်ကို သွားရောက်မှာဖြစ်ပြီးတော့ အဲဒီန့မှာပဲ နော်ဝေနိုင်ငံ အော်စလိုမြို့တော်ကို ခရီးဆက်မှာဖြစ်ပါတယ်။
ဇွန်လ ၁၆ ရက်နေ့ မနက်ပိုင်းမှာ အော်စလိုမြို့တော်ခန်းမှာ ကျင်းပမယ့် ၁၉၉၁ ခုနှစ်အတွက် နိုဘဲလ်ဆု ငြိမ်းချမ်းရေး ဆုနှင်း အပ်ပွဲကို ဒေါ်အောင်ဆန်းစုကြည်ဟာ နိုဘယ်လ်ဆုကို လက်ခံ ရယူပြီး နေ့လယ်ပိုင်းမှာ အော်စလို ဆိပ်ကမ်းက ငြိမ်းချမ်းရေး စင်တာမှာ နိုင်ငံတကာ ဧည့်သည်တွေ၊ မြန်မာနိုင်ငံသားတွေနဲ့ တွေ့ဆုံမှာ ဖြစ်ပါတယ်။
ညနေပိုင်းမှာတော့ ဒေါ်အောင်ဆန်းစုကြည်ဟာ အော်စလိုမြို့တော် ခန်းမရှေ့မှာ လူထုကို မိန့်ခွန်းစကား ပြောကြားမှာ ဖြစ်ပါတယ်။ နောက်တနေ့ ဇွန်လ ၁၇ ရက်နေ့မှာ ဒေါ်အောင်ဆန်းစုကြည်ဟာ မနက်ပိုင်းမှာ နော်ဝေနိုင်ငံခြားရေး ၀န်ကြီး အပါအ၀င် အစိုးရ အဖွဲ့တွေနဲ့ တွေ့ဆုံဆွေးနွေးပြီး နော်ဝေးနိုင်ငံ ဒုတိယမြို့တော် ဘာဂင်မြို့သို့ သွားရောက်ပြီးတော့၊ သူ့ကို နိုင်ငံတကာက ချီးမြှင့်တဲ့ ဆုတွေထဲက ပထမဆုံး ချီးမြှင့်ခံရတဲ့ ရပ်ဖ်တို လူ့အခွင့်အရေးဆုကို လက်ခံရယူမှာ ဖြစ်ပါတယ်။
ဇွန် ၁၈ ရက်နေ့မှာ ဒေါ်အောင်ဆန်းစုကြည်ဟာ နော်ဝေကနေ အိုင်ယာလန်နိုင်ငံ Dublin မြို့တော်ကို ခရီးဆက်မှာ ဖြစ်ပါတယ်။ အဲဒီနေ့မှာပဲ Dublin မြို့တော်မှာ ညနေပိုင်းကျင်းပမယ့် ဂုဏ်ပြုအခမ်းအနားမှာ နိုင်ငံတကာလွတ်ငြိမ်းချမ်းသာခွင့် Amnesty International အဖွဲ့က ချီးမြှင့်တဲ့ Ambassador of Conscience “ယုံကြည်ချက် ခိုင်မာပြတ်သားမှု သံတမန်” ဆုကို လက်ခံရယူမှာဖြစ်ပါတယ်။ အဲဒီပွဲကို Board Gais Energy ဇာတ်ရုံ ခန်းမကြီးမှာ ကျင်းပမှာဖြစ်ပြီး အဆိုတော်ဘိုနိုက ဒေါ်အောင်ဆန်းစုကြည်ကို AI အဖွဲ့ ကိုယ်စား ဆုပေးအပ်မှာ ဖြစ်ပါတယ်။ အဲဒီနောက် ဆုပေးပွဲနဲ့ ကမ္ဘာကျော် U2 တေးဂီတအဖွဲ့နဲ့ အဆိုတော် Bono တို့ရဲ့ ဂုဏ်ပြုဂီတ ဖျော်ဖြေပွဲကို ဒေါ်အောင်ဆန်းစုကြည် တက်ရောက်မှာ ဖြစ်ပါတယ်။
ဇွန် ၁၈ ရက်နေ့ ညမှာပဲ ဒေါ်အောင်ဆန်းစုကြည်ဟာ Dublin မြို့တော်ကနေ London မြို့တော်ကို ခရီးဆက်မှာ ဖြစ်ပါတယ်။ ဒေါ်အောင်ဆန်းစုကြည်ဟာ ဗြိတိန်နိုင်ငံမှာ ဇွန်လ ၂၆ ရက်နေ့ထိ နေထိုင်စဉ်အတွင်း ဇွန်လ ၁၉ ရက်နေ့မှာ ကျရောက်မယ့် (၆၇) နှစ်မြောက် မွေးနေ့ကို မိသားစုနဲ့အတူ ဆင်နွှဲမှာ ဖြစ်ပါတယ်။
ဇွန်လ ၂၀ ရက်နေ့မှာ ဒေါ်အောင်ဆန်းစုကြည်ဟာ Oxford တက္ကသိုလ်က ချီးမြှင့်မယ့် ဂုဏ်ထူးဆောင်ပါရဂူဘွဲ့ကို လက်ခံရယူမှာ ဖြစ်ပါတယ်။ ဇွန်လ ၂၁ ရက်နေ့မှာ၊ ဗြိတိသျှပါလီမန်ရဲ့ အထက်အောက်လွှတ်တော်နှစ်ရပ်ပေါင်းမှာ မိန့်ခွန်းပြောကြားမှာ ဖြစ်ပါတယ်။ ဇွန်လ ၂၆ ရက်နေ့မှာ ဒေါ်အောင်ဆန်းစုကြည်ဟာ ပြင်သစ်သမ္မတ ဖရန်ဆွာအော်လန်း(ဒ်)ရဲ့ ဖိတ်ကြားချက်နဲ့ London မြို့တော်ကနေ Paris မြို့တော်ကို သွားရောက်မှာ ဖြစ်ပါတယ်။ ပြင်သစ်နိုင်ငံကနေ ဇွန်လ ၂၉ ရက်နေ့မှာ ပြန်လည် ထွက်ခွာလာမယ့် ဒေါ်အောင်ဆန်းစုကြည်ဟာ ရန်ကုန်မြို့ကို ဇွန်လ ၃၀ ရက်နေ့မှာ ပြန်လည်ရောက်ရှိမှာ ဖြစ်ပါတယ်။
Ref: VOA News
နိုင်ငံတည်ငြိမ်ရေး သတိနဲ့ ၀ိုင်းဝန်းဆောင်ရွက်ဖို့ သမ္မတ တိုက်တွန်း
တနင်္ဂနွေ, 10 ဇွန် 2012
ရခိုင်ပြည်နယ် တပြည်နယ်လုံးကို အရေးပေါ်အခြေအနေဖြစ် ကြေညာ လိုက်ကြောင်း ဒီကနေ့ ည ၈ နာရီ သတင်းစဉ် အတွင်းမှာ ထည့်သွင်း ကြေညာ သွားပါတယ်။ နိုင်ငံတော် သမ္မတ ဦးသိန်းစိန် ကလည်း လက်ရှိ ရခိုင်ပြည်နယ် အတွင်းမှာ ဖြစ်ပေါ်နေတဲ့ အကြမ်းဖက် ဆူပူမှုတွေကို ဥပဒေနဲ့အညီ အရေးယူ ဆောင်ရွက် သွားမယ်လို့ အခု အသံမလွှင့်ခင်ကလေး ကပဲ တိုင်းပြည်ကို ပြောကြားတဲ့ မိန့်ခွန်းထဲ တည့်သွင်း ပြောကြား သွားတာပါ။
“တဘက်နဲ့တဘက် အပြန်အလှန် အကြမ်းဖက် သတ်ဖြတ်နေကြမယ် ဆိုရင် ရခိုင်ပြည်နယ်တွင် သာမက ပိုမိုကျယ်ပြန့် ပွားများ လာစေနိုင်တဲ့ အန္တရာယ် ရှိပါတယ်။ တခြားသော ပယောဂများလည်း ပါဝင် ပူးကပ် လာနိုင်ပါတယ်။ ဒီလိုသာဖြစ်လာခဲ့ရင် အသွင် ကူးပြောင်းစသာ ရှိသေးတဲ့ ကျနော်တို့ နိုင်ငံရဲ့ တည်ငြိမ်အေးချမ်းရေး၊ ဒီမိုကရေစီ ဖော်ဆောင်ရေးနဲ့ ဖွံ့ဖြိုး တိုးတက်ရေး အပေါ် ပြင်းပြင်းထန်ထန် စိတ်ဓာတ် ဆုံးရှုံးမှုတွေ ဖြစ်ပေါ် လာနိုင်စေတာကို မိဘပြည်သူများ အားလုံး အထူး ဂရုထား ကြစေချင်ပါတယ်။ ကျနော်တို့ အစိုးရ အနေနဲ့ ဖြစ်ခဲ့ပြီးတဲ့ ကိစ္စရပ်တွေ အပေါ်မှာ ဥပဒေနဲ့အညီ ဖြေရှင်း ဆောင်ရွက်သွားမှာ ဖြစ်သလို ဒီလို ဖြစ်စဉ်ဖြစ်ရပ်မျိုးတွေ နောက်ထပ် မဖြစ်ပွားရအောင်လည်း စည်းမျဉ်း စည်းကမ်းများနဲ့ အညီ စနစ်တကျ ထိန်းသိမ်း ဆောင်ရွက်သွားပါမယ်။”
သမ္မတက ပြည်သူလူထုအားလုံး အတူတကွ ပူးပေါင်းပြီး နိုင်ငံတည်ငြိမ် အေးချမ်းအောင် ဆောင်ရွက် သွားဖို့လည်း တိုက်တွန်း သွားပါတယ်။
တချိန်တည်းမှာပဲ ရခိုင်ပြည်အတွင်းက မြို့နယ်တချို့မှာ တည်ငြိမ်အေးချမ်းမှု ပျက်ပြားတဲ့ အခြေအနေတွေ ဖြစ်ပေါ်နေတာကြောင့် နိုင်ငံတော် အစိုးရက ပုဒ်မ (၁၄၄) ကို မနေ့က ဇွန်လ ၈ ရက်နေ့မှာ ထုတ်ပြန်ခဲ့ပေမဲ့ အခြေအနေတွေဟာ တည်ငြိမ်မှု ရှိမလာဘဲ အကြမ်းဖက် ဆူပူမှုတွေ ဆက်လက် ဖြစ်ပွားနေတာကြောင့် ဆိုပြီး ရခိုင် တပြည်နယ်လုံးကို အရေးပေါ် အခြေအနေ ထုတ်ပြန် လိုက်တာပါ။
“ဆူပူအကြမ်းဖက်မှုများမှာ ပိုမိုများပြား ကျယ်ပြန့်လာပြီး ပြစ်မှုဆိုင်ရာ ကျင့်ထုံး ဥပဒေပုဒ်မ (၁၄၄) ထုတ်ပြန် ဆောင်ရွက်လိုဖြင့် ရခိုင်ပြည်နယ်တွင်း အုပ်ချုပ်ရေး ဆိုင်ရာ လုပ်ငန်းများကို ထိရောက်အောင် ဆောင်ရွက်နိုင်စွမ်း မရှိတော့ကြောင်း တွေ့ရှိရသဖြင့် ပြည်သူများ၏ ပြည်သူများ၏ လုံခြုံရေးနှင့် တည်ငြိမ်အေးချမ်းစွာ နေထိုင်နိုင်ရေးကို အမြန်ဆုံး ဖော်ဆောင် ပေးနိုင်စေရန်အတွက် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ ပုဒ်မ (၄၁၂)၊ ပုဒ်မခွဲ (က) အရ ရခိုင်ပြည်နယ်တွင်း ယနေ့မှစ၍ အရေးပေါ်အခြေအနေ ကြေညာလိုက်သည်။ အပိုဒ် (၃)၊ ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေပုဒ်မ (၄၁၃)၊ ပုဒ်မခွဲ (က) အရ တာဝန်ထမ်းဆောင်ရာတွင် ထိရောက်မှုရှိစေရန် တပ်မတော်၏ အကူအညီကို ရယူဆောင်ရွက်ရမည်။ အပုဒ် (၄)၊ ၏ အမိန့်သည် ယနေ့မှစ၍ နောက်အမိန့် တစုံတရာ ထုတ်ပြန်မှုမရှိမချင်း အတည်ဖြစ်သည်။”
ရခိုင်ပြည်နယ်အတွင်း အရေးပေါ် အခြေအနေ ကြေညာ လိုက်တဲ့ အကြောင်း မြန်မာ့အသံက ထုတ်လွှင့်သွားတာ ဖြစ်ပါတယ်။
Ref: VOA News
မူဆယ်မြို့မှာ ပေါက်ကွဲမှု ဆက်တိုက်ဖြစ်
2012-06-10
တရုတ်မြန်မာ နယ်စပ်မြို့ မူဆယ်မြို့မှာ စနေနေ့ည သန်းခေါင်အချိန် က ဗုံး ၅ လုံးထက် မနည်း ဆက်တိုက် ပေါက်ကွဲခဲ့ပေမဲ့ ထိခိုက် ဒဏ်ရာရသူ မရှိဘူးလို့ သိရပါတယ်။ ဗုံးများ ပေါက်ကွဲတဲ့ ပုံစံအရ ချိန်ကိုက်ဗုံးများ ဖြစ်နိုင်တယ်လို့ မူဆယ်မြို့ခံတွေက ပြောပါတယ်။
ဗုံးကွဲချိန်ဟာ ညသန်းခေါင်အချိန် ဖြစ်တာမို့ အိပ်မော ကျနေသူများပြီး တချို့က ပေါက်ကွဲသံ ၆ ချက် ကြားရတယ်လို့ ပြောပါတယ်။ မူဆယ်မြို့ခံ တဦးက အခုလိုပြောပါတယ်။
"မနေ့ည ၁၂ နာရီဝန်းကျင် ဆက်တိုက်ပေါက်တာလေ။ ရဲကင်းရှေ့ရယ်၊ ကွင်းနောက်ကျောရယ်၊ မူဆယ် ငွေလှိုင်း လက္ဘ်ရည်ဆိုင်ရှေ့နား စတဲ့နေရာတွေမှာ ၆ လုံးလောက်ပေါက်တယ်။"
ဒီဗုံးကွဲမှုနဲ့ ပတ်သက်ပြီး ဘယ်သူ တာဝန်ရှိတယ် ဆိ်ုတာတော့ မသိရသေးဘူးလို့ မူဆယ်မြို့ခံတွေ ကပြောပါတယ်။ ပြီးခဲ့တဲ့ အပတ်အတွင်း လားရှိုး-မူဆယ် ကားလမ်းကို KIA တပ်တွေက ယဉ်သွားလာခွင့် ပိတ်မယ် ဆိုတဲ့ သတင်းတွေ ထွက်ပေါ် လာပြီးနောက် ဗုံးကွဲခဲ့တာ ဖြစ်ပါတယ်။ မူဆယ်မြို့မှာ ၂၀၀၉ ခုနှစ်က ကိုးကန့်ဒေသမှာ အစိုးရ တပ်တွေက ၀င်ရောက် သိမ်းပိုက်စဉ် မူဆယ်မြို့ ရဲကင်းစခန်း တခု အနီး ညသန်းခေါင် အချိန်မှာ အခုလို ဗုံးကွဲ ဆက်တိုက် ကွဲတာမျိုး ဖြစ်ခဲ့ ဘူးတယ်လို့ မြို့ခံတွေက ပြောပါတယ်။
Ref: RFA News
မောင်တောလုံခြုံရေး တပ်မတော် အာမခံ
ကျော်ခ
June 9, 2012
အကြမ်းဖက် တိုက်ခိုက်မှု ဖြစ်ပွားခဲ့သည့် ရခိုင်ပြည်နယ် မောင်တောမြို့နယ်သို့ ယနေ့ ရောက်ရှိ လာသည့် ကာကွယ်ရေး ဝန်ကြီး ဒု-ဗိုလ်ချုပ်ကြီး လှမင်းက နယ်မြေလုံခြုံရေး တပ်မတော်က ကာကွယ်ပေးထားပြီဖြစ်၍ ပူပန်စရာ မလိုတော့ကြောင်း ဒေသခံ တိုင်းရင်းသားများကို ကတိပေးပြောဆို သွားသည်။
ယမန်နေ့က ဆူပူအကြမ်းဖက်သူများက မောင်တော မြို့ပေါ်နှင့် မြို့နယ်အတွင်းရှိ ရခိုင်နှင့် အခြား တိုင်းရင်းသား များ၏ ကျေးရွာ ၂၀ ခန့်နှင့် မြို့ပေါ်ရှိ အဆောက်အဦး အချို့ မီးရှို့ ဖျက်ဆီးခြင်း ခံခဲ့ရပြီး မြို့ခံရဲများက တားဆီးနေသည့်ကြားမှ ရခိုင်နှင့် အခြား တိုင်းရင်းသား ၅ ဦးထက်မက သတ်ဖြတ်ခြင်း ခံခဲ့ကြရသည်။
မွတ်ဆလင် အများစုနေထိုင်သော ယင်းဒေသတွင် လူနည်းစုဖြစ်သော တိုင်းရင်းသားများမှာ အိုးအိမ် ပျက်ဆီးမှု၊ အသက် အန္တရာယ် စိုးရွံ့မှုများကြောင့် မြို့ပေါ်ရှိ ဗုဒ္ဓဘာသာ ဘုန်းကြီးကျောင်းများ၊ စာသင်ကျောင်းနှင့် အစိုးရ အဆောက်အဦး တို့တွင် ခိုလှုံနေကြပြီး ထိုဒုက္ခသည်များကို ဒူ-ဗိုလ်ချုပ်ကြီးလှမင်း ဦးဆောင်သော အစိုးရ အဖွဲ့ဝင်များက ယနေ့ လာရောက်တွေ့ဆုံ အားပေးခဲ့ကြောင်း သိရသည်။
“လုံခြုံရေးတွေကို အကောင်းဆုံး ဖြစ်အောင် ဆောင်ရွက်ပေးမယ်။ နောက်ထပ် ဒီလိုမျိုး မဖြစ်အောင်လို့ လုံထိန်းအင်အား၊ တပ်အင်အားတွေကို မြှင့်တင်ပေးမယ်ပေါ့။ ဒီလူတွေ အတွက်လည်း မပူနဲ့ စားစရာ သောက်စရာတွေလည်း ပေးမယ်လို့ ဗိုလ်ချုပ်လှမင်းက ပြောသွားတယ်” ဟု မောင်တောရှိ အလိုတော်ပြည့်ကျောင်း ဆရာတော် တပါးက ဧရာဝတီသို့ မိန့်ကြားသည်။
ဆရာတော်က ထပ်ပြီး “ကြောက်လန့်နေတဲ့ လူတွေကိုလည်း အားပေးတယ်။ မီးလောင် ဆုံးရှုံးသွားတဲ့ အိမ်တွေ ပြန်စရာ မရှိလို့ လောလောဆယ် ဘုန်းကြီး ကျောင်းမှာ ခေတ္တခဏ နေထိုင်ပြီးတော့ အတတ်နိုင်ဆုံး အကောင်းဆုံးဖြစ်အောင် အိမ်တွေဆောက် ပေးမယ် ပြောတယ်” ဟု ဆက်ပြောသည်။
အကြမ်းဖက်သူများ ဝင်ရောက်တိုက်ခိုက်စဉ် အနီးအနားရှိ တောတောင်များ အတွင်း ထွက်ပြေး ပုန်းရှောင် ခဲ့ကြသော ဒေသခံ တိုင်းရင်းသားများကို အစိုးရ တပ်များမှ ဦဆောင်ကာ လိုက်လံ ကယ်ဆယ်လျက် ရှိပြီး မြို့ပေါ်ရှိ အလိုတော်ပြည့်ကျောင်း၊ ဗဟိုကျောင်းနှင့် အောင်မြေဗောဓိကျောင်း အပါအဝင် စာသင်ကျောင်းနှင့် အစိုးရ အဆောက်အဦး အချို့တွင် ကယ်ဆယ်ထားပြီး အလိုတော်ပြည့် ကျောင်းတခု တည်းတွင်ပင် ၄၀၀ ကျော်ရှိနေသည်။
အဆိုပါကယ်ဆယ်ရေးစခန်းများသို့ ကာကွယ်ရေးဝန်ကြီးနှင့် အတူ ကယ်ဆယ်ရေးနှင့် ပြန်လည်နေရာ ချထားရေး ဒုတိယ ဝန်ကြီး ဦးဘုန်းဆွေ၊ ရခိုင်ပြည်နယ် ဝန်ကြီးချုပ် ဦးလှမောင်တင်၊ အနောက် ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကိုကိုနိုင်တို့ လာရောက်ပြီး အားပေးနှစ်သိမ့် ခဲ့ကြကြောင်း ဒုက္ခသည်များက ပြောသည်။
ကြောက်လန့်ပြီး ထွက်ပြေးနေသော တိုင်းရင်းသားများကို ရှာဖွေ ကယ်ဆယ်ရန်နှင့် ကယ်ဆယ် ထားသူများကို ပြန်လည်နေရာ ချထားရေးများ လုပ်ဆောင်ရန်အတွက် နေပြည်တော်က ညွှန်ကြားမှုဖြင့် နယ်စပ်ဒေသ လူဝင်မှု စစ်ဆေးရေးနှင့် ကွပ်ကဲမှု ဌာနချုပ် မှ ဗိုလ်မှူးကြီးအောင်ကြီးကို တာဝန်ပေးအပ် ထားကြောင်းသိရသည်။
ထို့အတူ တည်ငြိမ်အေးချမ်းရေး၊ ကယ်ဆယ်ရေးနှင့် ပြန်လည် ထူထောင်ရေး ဆိုင်ရာ ကြီးကြပ်ရေး အဖွဲ့ ကို ဗိုလ်မှူးကြီး အောင်ကြီး ဦးဆောင်သော ၇ ဦးအဖွဲ့ကို ဖွဲ့စည်း တာဝန်ပေးအပ် လိုက်ကြောင်း ယနေ့ မွန်းလွဲပိုင်းတွင် ထုတ်ပြန်လိုက်သော နိုင်ငံတော် သမ္မတရုံး၏ ထုတ်ပြန်ချက်ကလည်း ဆိုသည်။
“ဦးဇင်းတို့ မြို့ပေါ်မှာလည်း စစ်တပ်က လုံခြုံရေး ယူထားပေးပါတယ်။ နောက် နယ်တွေဘက်မှာရော၊ မီးရှို့ ဖျက်ဆီး ခံရတဲ့ ရွာတွေဘက်မှာရော ဘာမှ မဖြစ်သေးတဲ့နေရာတွေမှာရော အကုန် လုံခြုံရေး ယူပေးထားတယ်။ အခြေအနေတွေ ကတော့ ငြိမ်သက်သွားပြီ ဆိုပေမယ့် လူတွေက သွေးလန့်နေကြတယ်” ဟု အလိုတော်ပြည့်ကျောင်း ဆရာတော်က မိန့်ကြားသည်။
ယမန်နေ့မွန်းလွဲပိုင်းမှ စပြီး ယနေ့နံနက် ၅ နာရီထိ မောင်းတောမြို့နယ် အတွင်း ရခိုင်နှင့် အခြား တိုင်းရင်း သားများ နေထိုင်သည့် အိုးအိမ်နှင့် လုပ်ငန်းများကို အကြမ်းဖက် သူများက ဖျက်ဆီး ခဲ့ကြရာတွင် ကျေးရွာ ၁၇ ရွာ လုံးဝပြာကျ ပျက်စီးခဲ့ပြီး တချို့ရွာများလည်း မီးရှို့ ခံခဲ့ရသေးသည်။
ရွာလုံးကျွတ်မီးရှို့ အကြမ်းဖက် ခံခဲ့ရသော ကျေးရွာခံများ အလိုတော်ပြည့်ကျောင်းကို ရောက်ရှိပြီး ဒဏ်ရာများနှင့် မောင်တောဆေးရုံ မပို့ဆောင်မီ ဧရာဝတီက ဆက်သွယ်မေးမြန်းခွင့် ရခဲ့သည်။
“ကျမတို့ကလည်း အစက အစိုးရ လုံခြုံရေး လာမယ်ဆိုပြီးစောင့်နေ ပါတယ်။ ဘာမှ မလုပ်ဘူး အထင်နဲ့နေခဲ့တာ သူတို့က အုပ်စုလိုက်ကြီး ဝင်လာပြီး ကျမတို့ကို ဝိုင်းပြီး ခုတ်တာ တရွာလုံးကို၊ ဘုန်းကြီးကျောင်းက စပြီး တရွာလုံး မီးရှို့တယ်။ ပြေးတဲ့လူတွေကို နောက်က လိုက်ပြီး ဓားနဲ့ ခုတ်ပါတယ်။ ကျောင်းဆရာ တယောက်နဲ့ သုံးယောက် ပွဲချင်းပြီး ဆုံးသွားပါတယ်” ဟု ဒဏ်ရာများရရှိနေသော ရခိုင် အမျိုးသမီး တဦးက ပြောသည်။
၎င်းကိုယ်တိုင် လက်နှင့် ပုခုံးများတွင် ဒဏ်ရာများ ရရှိခဲ့ပြီး ဖခင်ဖြစ်သူလည်း ချိန်းကြိုးဖြင့် ရိုက်ခံထားရ သဖြင့် ဆေးရုံ တင်လိုက်ရသည်။ အကြမ်းဖက် သူများသည် နယ်မြေခံများ သာမက မျက်နှာစိမ်း လူများ ကိုပါတွေ့ရကြောင်း ထိုသူများက အတင်း ဝင်ရောက်၍ ပစ္စည်းများ လုယက်ခြင်း အသက် ရန်ရှာခြင်းများ ပြုလုပ်ကြောင်း သူကဆက်ပြောသည်။
ပုန်းအောင်းနေရာမှ လွတ်မြောက်လာသည့် အခြား အမျိုးသမီး တဦးကလည်း “ကျမတို့က တောထဲမှာ ကုလားတွေ ရှာမတွေ့အောင် ပုန်းနေရတာ၊ သူတို့ကတွေ့ရင် သတ်မှာ၊ ဒီမနက် မီးလောင်တဲ့နေရာတွေမှာ စစ်တပ်တွေရောက်လာတာ နေရာ ယူတာတွေတော့ အားရှိသွားတယ်။ အဲဒါနဲ့ တောထဲကနေ ပြေးထွက်ပြီးတော့ အကူအညီ တောင်းတယ်။ တပ်က ကျမတို့ တဖွဲ့လုံးကို ကယ်လာတာ” ဟု ဧရာဝတီသို့ ပြောသည်။
လတ်တလော အစိုးရက နယ်မြေအေးချမ်း လုံခြုံရေး အတွက် ညမထွက်ရ အမိန့် ပုဒ်မ ၁၄၄ ကို ထုတ်ပြန်ထားသည်။ အစိုးရ တပ်များ နေရာအနှံ့ လုံခြုံရေး ယူပေးထားသည်ကို တွေ့ရပြီး အကြမ်းဖက်သူများ ထပ်မံ ထွက်လာခြင်းကို မတွေ့ရဟု ဒေသခံများကပြောသည်။
မတည်မငြိမ်ဖြစ်နေသော မောင်တောမြို့တွင် မြို့ခံ ရခိုင်များ အပါအဝင် တခြား တိုင်းရင်းသားများနှင့် အတူ အစိုးရရုံး ဝန်ထမ်းများ၊ လူမှုကူညီရေး အသင်းအဖွဲ့များ၊ NGO အဖွဲ့များသည် မောင်တောမြို့ပေါ်ရှိ ဘုန်းကြီးကျောင်းများတွင် သွားရောက် ခိုလှုံနေရကြောင်း၊ မြန်မာ အစိုးရက လုံခြုံရေး တာဝန်ယူ ဆောင်ရွက်ပေးနေသော်လည်း မောင်တောမြို့၏ မြို့စွန်နေရာများတွင် နေထိုင်သော အနည်းစု မြန်မာ တိုင်းရင်းသား များမှာလည်း လုံခြုံရေး စိုးရိမ်နေရကြောင်း သိရှိရသည်။
Ref: ဧရာဝတီ
အာဏာပိုင်များ ထိန်းသိမ်းမှု နှောင့်နှေး၍ မောင်တော ပဋိပက္ခ ကြီးမားခဲ့ဟု RNDP ဝေဖန်
ဟင်္သာနီ (မွန်မြေ)
သောကြာနေ့၊ ဇွန်လ ၀၈ ရက် ၂၀၁၂
စံခလပူရီ (မဇ္ဈိမ)။ ။ သောကြာနေ့ နေ့လည် တနာရီခန့်မှ စတင်၍ မောင်တော မြို့တွင် ဖြစ်ပွားခဲ့သည့် အစ္စလာမ် ဘာသာဝင် များ၏ ဆူပူမှုများအား ကိုင်တွယ် ထိန်းသိမ်းရန် အာဏာပိုင်များမှ စီစဉ်ဆောင်ရွက်မှု နှောင့်နှေး ကြန့်ကြာခဲ့၍ ပဋိပက္ခ ကြီးမားခဲ့သည်ဟု ရခိုင် တိုင်းရင်းသားများ တိုးတက်ရေးပါတီ RNDP မှ ဝေဖန်လိုက်သည်။
“သက်ဆိုင်ရာက အရေးယူ ဆောင်ရွက်မှု တော်တော် နောက်ကျတယ်။ အဲဒီ မငြိမ်သက်မှုက နေ့လည် ၁ နာရီ ကတည်းက စဖြစ်တာ။ ညနေ ၄ နာရီထိ လုံခြုံရေး ချထားပေးခြင်း၊ အရေးယူ ဆောင်ရွက်ပေးခြင်း မရှိသေးတာကို ကျနော်တို့ တွေ့ရတယ်။ ရခိုင်ပြည်သူတွေရဲ့ အသက် အိုးအိမ် စည်းစိမ်တွေလည်း စိုးရိမ် ထိတ်လန့် နေရတဲ့ အခြေအနေ ဖြစ်နေတယ်” ဟု RNDP အတွင်းရေးမှူး ဦးခိုင်ကြည်စိုးက ပြောသည်။
အစ္စလာမ် ဘာသာဝင် ၁,ဝဝဝ ခန့်က ဘုန်းကြီးကျောင်းများ၊ နေအိမ်များ၊ ဈေးဆိုင်များအား ခဲများဖြင့် ပေါက်ခြင်း၊ လိုက်လံ ဖျက်ဆီး မီးရှိူ့ခြင်းများ ကျူးလွန် ခဲ့ကြသည်ဟု ဦးခိုင်ကြည်စိုး က ဆိုသည်။
ထိုအခြေအနေအား ထိန်းသိမ်းနိုင်ရန်အတွက် ကနဦး၌ လုံခြုံရေး ရဲအင်အား ၂ဝဝ ခန့်ဖြင့် ထိန်းသိမ်း နိုင်ရန် စီစဉ် ခဲ့ကြသည်။ ထိုအရေ အတွက်ဖြင့် မလုံလောက်၍ နောက်ပိုင်းတွင် ပြည်နယ် ဝန်ကြီးချုပ်မှ စစ်တပ် တပ်ရင်း ၂ ရင်း ချထားရန် အမိန့်ပေးလိုက်ကြောင်း သိရှိရသည်။ သို့သော် လုံခြုံရေး အဖွဲ့ဝင်များ အတွက် တာဝန်ထမ်းဆောင် သွားလာမှု အဆင်ပြေစေရန် သက်ဆိုင်ရာမှ ကားများ စီစဉ်ပေးထားခြင်း မရှိဘဲ ခြေလျင်ဖြင့်သာ သွားလာ လှုပ်ရှားနေကြရသည်။
“အခု နောက်ဆုံး ဖြစ်နေတဲ့ အခြေအနေတွေကတော့ ကြိုကြား ကြိုကြား မီးလောင်မှုတွေ ဖြစ်ပွားနေတယ်။ ရခိုင်တွေလည်း အိမ်ထဲက အိမ်ပြင်ကို မထွက်ရဲကြဘူး။ ကျီးလန့်စာစား ဖြစ်နေတယ်။ မောင်တောမှာ ရှိတဲ့ ဗဟို ဘုန်းကြီးကျောင်း မှာလည်း ရခိုင်လူမျိုးပေါင်း ၂ဝဝ လောက် အိုးအိမ်များအား စွန့်ခွာကာ ရှောင်တိမ်း နေထိုင်ကြလျက် ရှိပါတယ်” ဟု ဦးခိုင်ကြည်စိုးက ည ၈ နာရီခန့်တွင် မဇ္ဈိမက မေးမြန်းစဉ် ပြောပြသည်။
ဆူပူမှုကြောင့် ကမ္ဘောဇဘဏ်၊ သဇင် တည်းခိုခန်းတို့ မီးရှို့ဖျက်ဆီး ခံရပြီး ဆုံးရှုံးမှု ပမာဏကိုမူ အတည်ပြုနိုင်ခြင်း မရှိသေးပေ။ ထို့အတူ ဗိုလ်မှူးရွာ၊ အောင်ဗလရွာနှင့် အခြားရွာ တရွာတို့၌လည်း အိမ်ထောင်စု အချို့ မီးရှိူ့ ဖျက်ဆီး ခံခဲ့ရပြီး အပျက်အစီးကို အတည်မပြု နိုင်သေးပေ။ ထိုနေရာများသို့ လူအများ မသွားလာရဲဘဲ ရှိနေသည်။
အဆိုပါ အဓိကရုဏ်းကြောင့် သေဆုံးမှုများ ရှိနေပြီး ဒဏ်ရာရှိသူ လေးဦး မောင်တော ဆေးရုံ၌ တက်ရောက် ကုသမှု ခံယူနေရကြောင်း ဦးခိုင်ကြည်စိုးက ပြောသော်လည်း သီးခြားအတည်ပြုချက် မရရှိသေးပေ။
မောင်တောမြို့အခြေအနေမှာ စိုးရိမ်စရာ အနေအထား၌ ရှိနေကာ အစ္စလာမ် ဘာသာဝင်များနှင့် ရခိုင် လူမျိုးများ ကြားတွင် မကျေနပ်မှုများ ဆက်လက် ကြီးထွား နေလျက်ရှိသည်။
အစ္စလာမ်ဘာသာဝင်များ အများစုနေထိုင်ကြသည့် မောင်တောနှင့် ဘူးသီးတောင် မြို့များတွင် အုပ်ချုပ်ရေးမှူး များက ပုဒ်မ ၁၄၄ ညမထွက်ရနှင့် ၅ ဦးနှင့် ၅ ဦးထက် လူမစုဝေးရ အမိန့်များ ညနေပိုင်းတွင် ထုတ်ပြန် လိုက်သည်။
မေလ ၂၈ ရက်နေ့က ရမ်းဗြဲမြို့နယ်တွင် ရခိုင် အမျိုးသမီးတဦး အဓမ္မပြုကျင့် သတ်ဖြတ် ခံခဲ့ရရာမှ စတင်ခဲ့သည့် လူမျိုးရေး တင်းမာမှုများမှာ ဇွန်လ ၃ ရက်နေ့တွင် တောင်ကုတ်မြို့၌ ခရီးသွား အစ္စလာမ် ဘာသာဝင် ၁ဝ ဦးအား ဒေသခံများက သတ်ဖြတ်မှုထိ ဖြစ်ပွားခဲ့သည်။
ရန်ကုန်မြို့တွင်လည်း ဇွန်လ ၅ ရက်နေ့က အစ္စလာမ် ဘာသာဝင်များ ဆန္ဒပြမှုဖြစ်ပွား ခဲ့သေးသည်။
ရခိုင်ပြည်နယ်တွင်း ဖြစ်ပွားခဲ့သည့် ထိုသတ်ဖြတ်မှုများနှင့် ပတ်သက်၍ တရား ဥပဒေ အရ စုံစမ်းဖော်ထုတ် အရေးယူရန် စုံစမ်းရေးကော်မရှင် တရပ်ကို ပြည်ထဲရေး ဒု-ဝန်ကြီး ဦးဆောင်၍ ဇွန်လ ၇ ရက်နေ့တွင် ဖွဲ့စည်း ခဲ့သော်လည်း ဇွန်လ ၈ ရက်နေ့တွင် ယခုကဲ့သို့ မောင်တောမြို့တွင် ဆူပူမှုများ ဖြစ်ပွား လာရပြန်ခြင်းဖြစ်သည်။
Ref: မဇ္ဈိမ
ရခိုင်ပြည်နယ်မှာ အရေးပေါ်အခြေအနေ ထုတ်ပြန်
ကိုဇော်ဝင်းလှိုင်
တနင်္ဂနွေ, 10 ဇွန် 2012
စစ်တွေ အပါအ၀င် ရခိုင်ပြည်နယ်ထဲက မြို့အတော်များများမှာ ဆူပူမှုတွေ ဖြစ်ပွားနေတာမို့ ရခိုင်ပြည်နယ် အတွက် အရေးပေါ် အခြေနေ ထုတ်ပြန် လိုက်ပြီဖြစ်ပါတယ်။ တနင်္ဂနွေနေ့ ကတော့ စစ်တပ်က လုံခြုံရေးတွေပေးထားတဲ့ ကြားကပဲ အခြေအနေတွေ ဆိုးဝါး လာခဲ့တာမို့ စစ်တွေအတွက် နေ့လယ်မှာ ပုဒ်မ ၁၄၄ ညမထွက်ရ အမိန့် ထုတ်ပြန်ခဲ့တာပါ။ ရခိုင်ပြည်နယ်မှာ အရေးပေါ် အခြေအနေ ထုတ်ပြန် ထားချိန်မှာပဲ ဆူပူမှုတွေ ဆက်ပြီးဖြစ်နေပါတယ်။ ရခိုင်ပြည်နယ် အတွင်းက နောက်ဆုံး အခြေအနေတွေကို သိရအောင် ကျမတို့ရဲ့ ၀ိုင်းတော်သား ကိုဇော်ဝင်းလှိုင်က ဆက်သွယ် မေးမြန်းတဲ့အခါ RNDP ပါတီက ပြည်နယ် လွှတ်တော်အမတ် ဦးအောင်မြတ်ကျော်က အခုလို စပြောပြပါတယ်။
“နောက်ဆုံး အခြေအနေတော့ အခုကတော့ martial law စာထုတ်ထားပါပြီ။ အဲဒီတော့ ဒီဥပဒေကြောင့် လူတွေက ကိုယ့်နေရာကိုယ်၊ ကိုယ့်အိမ်ကိုယ် နေကြတော့ နည်းနည်း တည်တည်ငြိမ်ငြိမ် ဖြစ်လာပါတယ်။ ဒါပေမဲ့ တကယ့် ပြဿနာဖြစ်နေတဲ့ နေရာတွေမှာတော့ သူတင် ကိုယ်တင် အခြေအနေမျိုးတော့ ရှိနေပါသေးတယ်။”
မီးရှို့တာတွေ၊ မီးလောင်တာတွေ တော်တော်လေး ဖြစ်သွားတယ်လေ။ အဲဒါတွေရော ဦးအောင်မြတ်ကျော် သိလား၊ ဘယ်နေရာတွေမှာ ဖြစ်တာလဲ။ ဘယ်လောက်ထိ ဆိုးဆိုးရွားရွား ဖြစ်သွားလဲ။ -
“ရွာတွေကတော့ အဲဒီလိုမျိုး သူရှို့ ကိုယ်ရှို့ အတိုင်းအတာ မျိုးတော့ ဖြစ်ပါတယ်။ မီးတွေကို လိုက်ငြိမ်း သက်လို့တော့ အခု မီးတော့ ငြိမ်းသွားတဲ့ သဘောမျိုး ရှိပါတယ်။”
အခု ဒီနေ့ဖြစ်သွားတဲ့ အနေအထားအရ ကတော့ စစ်တွေမှာ ထိခိုက်ဒဏ်ရာ ရတဲ့သူတို့၊ အသေအပျောက် တို့ရော ကြားမိ ပါသလားခင်ဗျ။ -
“ထိခိုက် ဒဏ်ရာရတဲ့သူတွေ နည်းနည်းလောက်တော့ ရှိပါတယ်။ ရခိုင်ဘက်က ထိခိုက် ဒဏ်ရာရတဲ့ သူက များပါတယ်။ ဆေးရုံမှာတော့ ၁၅ ယောက်လောက် ရှိပါတယ်။ အဲဒီမှာ အသည်းအသန်က တယောက်၊ တယောက်ကတော့ ဆုံးသွားပြီလို့ ကြားရပါတယ်။”
ဒီနေ့ဖြစ်တဲ့ အဖြစ်အပျက်ကြောင့် ဆုံးသွားတာပေါ့နော်။ -
“ဟုတ်ကဲ့ပါ။ ဒီနေ့ မနက်ပိုင်းက ဖြစ်တဲ့ကိစ္စမှာ အဲဒီလိုမျိုး ဖြစ်သွားတာပါ။”
စစ်တွေမြို့ ပြည်နယ်လွှတ်တော်အမတ် ဦးအောင်မြတ်ကျော် ပြောပြခဲ့တာပါ။
အခုလို မလိုလားအပ်တဲ့ အသက်ဆုံးရှုံးမှုတွေ မဖြစ်ရအောင် အာဏာပိုင်တွေ ဘက်က လုံခြုံရေးကို အသေအချာ လုပ်ဆောင်ပေးဖို့ လိုတယ်လို့ RNDP ရခိုင် တိုင်းရင်းသားများ တိုးတက်ရေး ပါတီက ကျောက်ဖြူမြို့နယ် ပြည်သူ့ လွှတ်တော်အမတ် ဦးဘရှင်က ပြောပါတယ်။
“ကျနော်တို့ကတော့ လုံခြုံရေးကို မြန်မြန်ထက်ထက် လုပ်ပေးစေချင်တယ်။ လုံခြုံရေးကို အလေးထားပြီးတော့ လုပ်ပေးဖို့ အန်ကယ် ကတော့ တိုက်တွန်းပြောဆိုခဲ့တာတွေ ရှိတယ်။ လူ သေဆုံးတာတွေလည်း ရှိတယ်လေ။ ဒီ အန္တရာယ်တွေကို မဖြစ်အောင် လုံခြုံရေး အရ အကာ အကွယ်ပေးရမယ် သူတွေက ကြိုကြိုတင်တင် မလုပ်ဖြစ်ခဲ့ဘူးဗျ။ ကျနော်တို့ ဒီ လုံခြုံရေးတွေကို ကိုင်တွယ်နိုင်အောင် ပြည်နယ် အစိုးရက ဘာ အာဏာမှ မရှိဘူးလို့ အန်ကယ်ကတော့ အဲဒီလိုပြောရင် မမှားဘူးလို့ ထင်တယ်။ အဲဒီတော့ ပြည်နယ် အစိုးရမှာ ဒီလို လုံခြုံရေး ကိစ္စနဲ့ ပတ်သက်ပြီးတော့ လုပ်နိုင်ကိုင်နိုင်တဲ့ အခွင့်အာဏာတွေ လုပ်ပိုင်ခွင့်တွေ။”
အခုဖြစ်နေတာက သီတင်းနှစ်ပတ်လောက် ရှိနေပြီ တဖြည်းဖြည်းနဲ့။ အခုထက်ထိကို ဒီကိစ္စကို တည်ငြိမ်အောင် မကိုင်တွယ်နိုင်သေးဘူး ဆိုတာက။ -
“ဟုတ်ကဲ့။ ကျနော်တို့ ဖြစ်နေတာက ရခိုင်သားတွေဗျ။ ရခိုင်မှာ ရခိုင်တွေသေတယ်။ ရခိုင်ရွာတွေ မီးရှို့ခံရတယ်။ အဲဒီတော့ ဒီဟာတွေကို မြန်မြန် သွက်သွက် လုပ်ဖို့က ရခိုင်ပြည်နယ် အစိုးရမှာ တုံ့နှေးတုံ့နှေး ဖြစ်နေတယ်လို့ အဲဒီလိုပဲ ပြောရမှာ။”
RNDP ပါတီက ကျောက်ဖြူမြို့နယ် ကိုယ်စားပြု ပြည်သူ့လွှတ်တော်အမတ် ဦးဘရှင် ပြောပြခဲ့တာပါ။
ဒါနဲ့ တဆက်တည်းပဲ ပြောရမယ်ဆိုရင်တော့ ကျောက်နီမော်ရွာသူ မသီတာထွေးကို တရားပြုကျင့်ပြီး သတ်ဖြတ်မှုနဲ့ ဖမ်းဆီး ခံထားရတဲ့ တရားခံ ၃ ဦးထဲက တဦးဟာ အချုပ်ခန်းထဲမှာပဲ ကိုယ့်ကိုယ်ကို ဆွဲကြိုးချပြီး အဆုံးစီရင် သွားတာကြောင့် ဒီကနေ့ နေ့တွင်းချင်း သင်္ဂြိုလ်ပြီးသွားပြီလို့ ဒေသခံတွေက ဗွီအိုအေကို ပြောပါတယ်။
လွန်ခဲ့တဲ့ ရက်တွေအတွင်း အခြေအနေ အတင်းမာဆုံးဖြစ်ခဲ့တဲ့ မောင်တောမြို့မှာတော့ မနေ့ ကတည်းက ပုဒ်မ (၁၄၄) ထုတ်ပြန် ထားတာကြောင့် အခြေအနေတွေဟာ ဒီကနေ့အထိ တည်ငြိမ်နေတုန်း ပဲလို့ သိရပါတယ်။ စစ်တွေအပြင် သံတွဲ ရမ်းဗြဲနဲ့ ကျောက်ဖြူဒေသတွေ မှာလည်း မြို့နယ် အထွေထွေ အုပ်ချုပ်ရေး ဦးစီးဌာနတွေက ပုဒ်မ (၁၄၄) အသီးသီး ထုတ်ပြန် ထားကြပါတယ်။ ရခိုင်ပြည်နယ်အတွင်း အခုဖြစ်ပွားနေတဲ့ လူမျိုးရေး အဓိကရုဏ်းတွေကြောင့် လူ ၈ ဦးထက်မနည်း သေဆုံးခဲ့ရပြီး ဖြစ်ပါတယ်။
Ref: VOA News
Posts
