ကိုပေါက်
ကြာသပတေးနေ့၊ စက်တင်ဘာလ ၂၇ ရက် ၂၀၁၂
ဦးဝင်းတင်
(NLD ဗဟို သဘာပတိအဖွဲ့ဝင်နှင့် အင်တာဗျူး)
နယူးဒေလီ (မဇ္ဈိမ) ။ ။ အမျိုးသားဒီမိုကရေစီ အဖွဲ့ချုပ် NLD ၏ ၂၄ နှစ်တာ ပါတီသက်တမ်း အတွင်း လုပ်ဟန်ပြောင်းလဲမှုများ ရှိခဲ့သလို လမ်းစဉ် အပြောင်းအလဲများလည်း လုပ်ခဲ့ရသည်။
၁၉၈၈ ခုနှစ်၊ စက်တင်ဘာလ ၂၇ ရက်နေ့တွင် စတင်တည်ထောင်ပြီးနောက် ခေါင်းဆောင်များ ဖမ်းဆီး မခံရမီ စုစု စည်းစည်း ရှိခဲ့စဉ်က “မတရားတဲ့ အမိန့်အာဏာ ဟူသမျှ တာဝန်အရ ဖီဆန်ကြ” ဟူ၍ ကြွေးကြော်သံတင်ကာ ထိုစဉ်က စစ်အာဏာသိမ်း နဝတ အစိုးရ၏ မတရားမှုများကို ထိပ်တိုက် ရင်ဆိုင်ခြင်းဖြင့် NLD ပါတီဘဝ စတင်ခဲ့သည်။
၁၉၉ဝ ရွေးကောက်ပွဲတွင် အပြတ်အသတ်အနိုင်ရခဲ့သော်လည်း အာဏာလွှဲပြောင်း ပေးအပ်ခြင်း မခံခဲ့ရဘဲ ပါတီခေါင်းဆောင် များနှင့် ပါတီဝင် အမြောက်အများ ဖမ်းဆီး ထိန်းသိမ်းခြင်း ခံခဲ့ရပြီး အချို့မှာ အကျဉ်းထောင်တွင်း ညှဉ်းပန်းနှိပ်စက်မှု ဒဏ်များဖြင့် အသက် ဆုံးရှုံးခဲ့ကြရသည်။
ယနေ့အခါတွင် လွှတ်တော်အသီးသီး၌ ပါတီဝင် အမတ် ၄ဝ ကျော် ဝင်ရောက်ခွင့် ရရှိထားသည့် NLD ပါတီ၏ ဒီမိုကရေစီ ရရှိရေး အတွက် ဖြတ်သန်းမှုများ၊ ပါတီမှတ်တိုင်များ၊ လုပ်ဟန်နှင့် လမ်းစဉ်အပြောင်းအလဲများကို သိရှိနိုင်ရန် အတွက် ပါတီ တည်ထောင်စဉ်ကတည်းက အရေးပါသော ခေါင်းဆောင်တဦး ဖြစ်ခဲ့သည့် သတင်းစာဆရာကြီး ဟံသာဝတီ ဦးဝင်းတင် အား မဇ္ဈိမမှ ဆက်သွယ်မေးမြန်း ထားသည်။
NLD အဖွဲ့ချုပ်ဟာ ၈၈၈၈ အရေးတော်ပုံကြီးကနေ ပေါက်ဖွားလာပြီးတော့ ဒီ အရေးတော်ပုံကြီး ရဲ့ ရလဒ်တခုလို့ ပြောနိုင်မလား ခင်ဗျ။
ပြောနိုင်တာပေါ့ဗျာ။ ပါတီထဲမှာ သဘောထားကွဲသွားပြီးတော့ အပြင်ရောက်သွားတဲ့ (ပထမဆုံး ဥက္ကဋ္ဌ) ဦးအောင်ကြီးလို ပုဂ္ဂိုလ်မျိုးတောင်မှ ၈၈၈၈ ထဲမှာ ပါခဲ့တာပဲ။ ဒေါ်အောင်ဆန်းစုကြည် ရော၊ ကျနော်တို့ရော ၈၈၈၈ မှာ ပါဝင်ခဲ့ပြီး NLDခေါင်းဆောင်မှု တခုလုံးလိုလိုဟာ ၈၈၈၈ ကနေ ပေါက်ဖွား ပြီးတော့ လူကြီးတွေ၊ လူငယ်တွေ၊ နိုင်ငံရေးရည်မှန်းချက် အမျိုးစုံ ဒီထဲမှာ လာပြီးတော့ ဆုံကြတယ်။ အဲဒါကြောင့် NLD ဟာ ၈၈၈၈ အရေးတော်ပုံကြီးကနေ ပေါက်ဖွားလာတဲ့ နိုင်ငံရေးရလဒ်တခု ဖြစ်တယ်လို့ ပြောလို့ရပါတယ်။
ပါတီ တည်ထောင်ခဲ့စဉ်က ထားရှိခဲ့တဲ့ ရည်ရွယ်ချက်တွေဟာ အခုလို ၂၄ နှစ်အကြာမှာ ဘယ်လောက်ထိ
ပေါက်ရောက်နိုင်ခဲ့ပြီလို့ ဆိုနိုင်မလဲခင်ဗျ။
ကျနော်ပြောနိုင်တာကတော့ ဒီနေ့ဒီချိန်မှာ ဒီမိုကရေစီတော့ မဖြစ်သေးဘူး။ ဒီမိုကရေစီရဲ့ အရိပ်အယောင်တွေတော့ ပေါ်လာပြီ။ စစ်အာဏာပိုင်တွေဆီက အမွေဆက်ခံထားတဲ့ အစိုးရကိုယ်တိုင်က ဒီမိုကရေစီအပြောင်းအလဲတို့၊ ငြိမ်းချမ်းရေး လုပ်ပါမယ်တို့ ကြွေကြော်ရတဲ့အခြေအနေမျိုး ရောက်လာရတဲ့ အကျိုးရလဒ်ဟာ NLD ရဲ့ လွန်ခဲ့တဲ့ ၂၄ နှစ် ကာလပတ်လုံး သွေးတွေ၊ ချွေးတွေ ရင်းပြီး ကြိုးပမ်းခဲ့ရတဲ့ ရလဒ်တခုဖြစ်တယ်လို့ ပြောလို့ရပါတယ်။
ပါတီရဲ့ အောင်ပွဲ မှတ်တိုင်ကြီးတခုဖြစ်ခဲ့တဲ့ ၁၉၉ဝ ရွေးကောက်ပွဲကိုရော ဒီနေ့အချိန်အခါမှာ ဘယ်လို အဓိပ္ပါယ် ဖွင့်ဆိုနိုင်မလဲခင်ဗျ။
၁၉၉ဝ ရွေးကောက်ပွဲရလဒ်ဟာ NLD ရဲ့ ဦးဆောင်မှုကို ပြည်သူလူထုက လက်ခံတယ်။ NLD ရဲ့ ရှေ့ဆောင်မှုကို ပြည်သူက လိုက်ခဲ့တယ်။ NLD ရဲ့ နိုင်ငံရေး လုပ်ငန်းစဉ်တွေကို သဘောတူညီချက် ပေးလိုက်တယ်လို့ ပြောလို့ရပါ တယ်။ ၁၉၉ဝ ဆိုတာ ၈၈ ရဲ့ ညီညွတ်ရေးကာလ မပြိုသေးတဲ့အချိန်ပေါ့။ နှစ်နှစ်တောင်မှ မပြည့်သေးတဲ့ အချိန်။ ဒီ ရွေးကောက်ပွဲရလဒ်ဟာ ပြည်သူတွေက စစ်အာဏာရှင် စိုးမိုးမှုကို ငြင်းပယ်လိုက်တဲ့ နိုင်ငံရေးလမ်းခွဲမှုဖြစ်တယ် ဆိုတာ ထင်ရှားပါတယ်။
ရွေးကောက်ပွဲရလဒ်ကို နဝတ အစိုးရက အကောင်အထည်ဖော်ခြင်းမရှိတဲ့နောက် ဂန္ဓီခန်းမ အစည်းအဝေး
ဖြစ်လာပြီး လွှတ်တော်ခေါ်ယူရေး တောင်းဆိုကြပါတယ်။ ဒါပေမယ့် ဗိုလ်ချုပ်မှူးကြီး စောမောင်တို့က ၁/၉ဝ ထုတ်ပြန်ပြီး ဟန့်တားပိတ်ပင်လိုက်ပါတယ်။
အာဏာလွှဲပြောင်းရေးကို ငြင်းဆန်လို့ရအောင် စစ်အစိုးရ လုပ်တဲ့နည်းကတော့ အခြေခံ ဥပဒေတခု ရေးဆွဲရမယ်။ အခြေခံဥပဒေ မရှိဘဲနဲ့ အာဏာလွှဲပြောင်းမှု မပြုနိုင်ဘူး ဆိုပြီးတော့ အချိန်ဆွဲဖို့အတွက် ‘အမျိုးသားညီလာခံ’ ဆိုတာကို ခေါ်တာပဲ ဖြစ်ပါတယ်။ အဲဒီ ‘အမျိုးသားညီလာခံ’ ဆိုတာကို အစောကြီးကတည်းက ကျနော်တို့ ကန့်ကွက်ပါတယ်။
အဲဒီ အမျိုးသားညီလာခံ ညောင်နှစ်ပင် ကနေ ပေါ်ထွက်လာတဲ့ ၂ဝဝ၈ ခုနှစ်၊ အခြေခံဥပဒေဟာ စစ်အာဏာ တည်မြဲရေး၊ သို့မဟုတ်ရင်လည်း စစ်သြဇာ လောင်းရိပ်နဲ့ ဗမာပြည်နိုင်ငံရေးကို စစ်အာဏာကနေ ချုပ်ကိုင်ပြီးရင် အသက်ဆက် ဖို့အတွက် လုပ်တာဖြစ်တဲ့အတွက် ကျနော်တို့က လက်မခံဘူး။ ဒီနေ့ဒီချိန်ထိလည်း လက်မခံဘူး။ ပေါ်ထွက်လာတဲ့ အချိန်ကလည်း လက်မခံခဲ့ဘူး။ ဒီနေ့ လွှတ်တော်ထဲကို ရောက်နေပေမယ့် လွှတ်တော်ထဲမှာ လုပ်မယ့် ဦးတည်ချက် ၃ ချက်ထဲမှာ တချက်အနေနဲ့ ဒီအခြေခံဥပဒေကို ပြင်ဖို့၊ ပြောင်းဖို့၊ ပယ်ဖျက်ဖို့ ဖြစ်ပါတယ်။
ဒေါ်အောင်ဆန်းစုကြည် လွတ်မြောက်လာပြီးတော့ ‘၂၁ ရာစု ပင်လုံညီလာခံ’ လုပ်ရမယ်လို့ ပြောဆိုထားခဲ့တာတွေ ရှိခဲ့ပေမယ့် နောက်ပိုင်း ထပ်မကြားရတော့ပါဘူး။
ရှင်းရှင်းပြောရရင် ဒီလိုညီလာခံခေါ်ဖို့ဆိုတာ မလွယ်ဘူး။ ဒါက ဖြစ်နေတဲ့အခြေအနေ။ အဲဒါကြောင့် ကျနော်တို့က နဂို ကတည်းကိုက ‘၂၁ ရာစု’ လို့ သေချာခေါ်ရတာက ၂၁ ရာစုမှာ ပေါ်ပေါက်နေတဲ့ Technology (နည်းပညာ)နဲ့ သုံးပြီးတော့ တိုင်းရင်းသားတွေရဲ့ ဆန္ဒသဘောထားတွေ ဖလှယ်ပြီးတော့ ညီလာခံကျင်းပနိုင်အောင် လုပ်မယ်ဆိုပြီး ပြောတဲ့ သဘော ဖြစ်ပါတယ်။ ဒါလည်း ဒီနေ့ထိ အခက်အခဲတွေ ရှိတုန်းပဲလို့ ပြောချင်ပါတယ်။ သို့သော် နှောင့်နှေး ကြန့်ကြာနေသော်လည်းပဲ အခြေအနေပေးတာနဲ့ ပင်လုံညီလာခံမျိုး လုပ်ပြီးတော့ ပင်လုံစိတ်ဓာတ်နဲ့ပဲ ပြည်ထောင်စု အစစ်ကို ဖော်ဆောင်ရမယ်လို့ ယုံကြည်တာကတော့ ဒီနေ့ထိ ခိုင်ခိုင်မာမာ ရှိပါတယ်။ လုပ်ငန်းစဉ်တွေလည်းပဲ ရှိပါတယ် လို့ ပြောချင်ပါတယ်။
ပါတီက ရပ်တည်ခဲ့တဲ့ ‘ရွေဂုံတိုင် ကြေညာစာတမ်း’ပါ အချက်တွေ အပြည့်အဝ မရရှိခဲ့သော်လည်းဘဲ ပါတီ ပြန်လည် မှတ်ပုံတင်ရေး၊ ကြားဖြတ်ရွေးကောက်ပွဲဝင်ရေးဟာ ဖြစ်သွားခဲ့ပါတယ်။
ရွှေဂုံတိုင် ဆုံးဖြတ်ချက်က ၂ဝဝ၉ ခုနှစ်၊ ဧပြီလလောက်မှာ လုပ်တယ်။ လူ တရာလောက်ရှိတဲ့ ဗဟိုကော်မတီလို့ခေါ်တဲ့ ပါတီခေါင်းဆောင်စုက ဆုံးဖြတ်တယ်။ အဲဒီသဘောထားကိုပဲ ၂ဝ၁ဝ ခုနှစ်၊ မတ်လမှာ လုပ်ခဲ့တဲ့ ဗဟိုကော်မတီ အစည်းအဝေးမှာလည်း (ဒီဥပဒေတွေကို) လက်မခံဘူးဆိုတဲ့မူနဲ့ ပါတီမှတ်ပုံမတင်ဘူး၊ ရွေးကောက်ပွဲ မဝင်ဘူးလို့ ဆုံးဖြတ်ခဲ့တယ်။
သို့သော် ၂ဝ၁၁ ခုနှစ်မှာ ဒေါ်အောင်ဆန်းစုကြည်နဲ့ သမ္မတတို့ ဘာတို့နဲ့ တွေ့ဆုံတယ်၊ ဆွေးနွေးတယ်၊ ပြောဆိုရင်းကနေ ဘာတွေပေါ်လာလဲဆိုတော့ ပါတီ မှတ်ပုံတင်ခြင်း ဥပဒေမှာ အခြေခံဥပဒေကို “ကာကွယ်စောင့်ရှောက်ပါမည်” ဆိုတဲ့ စကားအစား “လေးစား လိုက်နာပါမည်” ဆိုတာလောက် ပြောင်းတာ၊ နောက်တခါ ပါတီထဲက ထောင်ကျနေတဲ့
ခေါင်းဆောင်စုကို ထုတ်ပစ်ရမယ်ဆိုတဲ့ ပုဒ်မတခု။
ဒါကြောင့် ၂ဝ၁၁ ခုနှစ် နိုဝင်္ဘာလ အစည်းအဝေးကနေ ဆုံးဖြတ်လိုက်တာက ပါတီ မှတ်ပုံတင်မယ်။ ရွေးကောက်ပွဲ လည်း ဝင်မယ်လို့။ ဘာဖြစ်လို့လဲ ဆိုတော့ ဒေါ်အောင်ဆန်းစုကြည်ရဲ့ ခေါင်းဆောင်မှုလည်း ရနေပြီ၊ ပြည်သူလူထုရဲ့
တောင်းဆိုမှုကလည်း မြင့်မားနေတယ်၊ ခုနက ပုဒ်မတွေ ပြင်ပေးတာတွေလည်း ရှိနေပြီ၊ ၁၉၉ဝ ရွေးကောက်ပွဲရလဒ်ကို ‘အသိအမှတ်ပြု’ တယ်ဆိုတာတွေ ဦးခင်အောင်မြင့်တို့က ထုတ်ဖော်ပြီး လူသိ ရှင်ကြား ကြေညာတာတွေ ဖြစ်လာတော့ အဲဒီမှာ ဒေါ်စုရဲ့ သြဇာ၊ ဒေါ်စုရဲ့ တင်ပြချက်တွေလည်း ပါတာပေါ့။
ဒီလိုပြောင်းလဲလာတဲ့ အခြေအနေမှာ လက်လွှတ်လိုက်လို့ မရဘူး၊ အခြေအနေ ပြောင်းလဲတာနဲ့ အညီပဲ လိုက်ပြီးလုပ်ဖို့ လိုလိမ့်မယ်ဆိုပြီး ဒေါ်စုက တင်ပြတယ်။ အဲဒီ နိုဝင်္ဘာလ ၁၈ ရက်နေ့မှာလုပ်တဲ့ ညီလာခံကျတော့ စောစောက ရွှေဂုံတိုင် တို့၊ မတ်လ ၂၉ ဆုံးဖြတ်ချက်တွေကို ဗြောင်းပြန်လှန်ပြီးတော့ ပါတီကို မှတ်ပုံတင်မယ်၊ ရွေးကောက်ပွဲ ဝင်မယ်ဆိုတာတွေ ဆုံးဖြတ်ခဲ့တယ်။ ဘယ်လိုပဲ ဆုံးဖြတ်ဆုံးဖြတ် မူလ ဆုံးဖြတ်ချက်တွေကို ကျော်လွှားလို့၊ နင်းခြေလို့ မရဘူး။ ဒါကြောင့် တရားဥပဒေ စိုးမိုးရေး၊ ငြိမ်းချမ်းရေးနဲ့ အခြေခံဥပဒေ ပြင်ဆင်ရေးဆိုတာ ဆုံးဖြတ်ချက် ဖြစ်သွားတယ်။
အတိုချုပ်ပြောရရင် ‘ရွှေဂုံတိုင်’ နဲ့ ‘၂ဝ၁၁ နိုဝင်္ဘာ ၁၈ ဆုံးဖြတ်ချက်’ရဲ့ ကွာခြားချက်က ဘာလဲဆိုရင် ရွှေဂုံတိုင်တုန်းက ပြောခဲ့တာက အခြေခံဥပဒေ ပြင်ပေးရင် ရွေးကောက်ပွဲ ဝင်မယ်။ ‘ပြင်-ဝင်’ လိုင်းနဲ့ ကျနော်တို့ ရပ်တည်ခဲ့တယ်။ နောက် အစည်းအဝေးမှာလည်းပဲ အလားတူ ‘ပြင်-ဝင်’ လိုင်းနဲ့ပဲ ရပ်တည်ခဲ့တယ်။ သို့သော် ၂ဝ၁၁ ခုနှစ်မှာကျတော့ “အခြေ အနေတွေ ပြောင်းသွားတဲ့အတွက်” ဆိုပြီးတော့ ‘ဝင်-ပြင်’၊ ရွေးကောက်ပွဲဝင်ပြီး အခြေခံဥပဒေ ပြင်ဆင်ရေး လုပ်မယ် ဆိုပြီး ဖြစ်လာတယ်။ အဲဒီ ဝင်-ပြင် လိုင်းကို လက်ခံပြီး ပါတီခေါင်းဆောင်စုက ဆုံးဖြတ်လိုက်တဲ့အတွက် အားလုံး လက်ခံကြရတာပေါ့ဗျာ။ ပါတီတရပ်ဆိုတာ ဗဟိုကော်မတီတခုလုံးရဲ့ ကန့်ကွက်သူမရှိ ဆုံးဖြတ်ချက် ဖြစ်ပါတယ်။ ပါတီတရပ်မှာ ဗဟိုကော်မတီအနေနဲ့ အခါအားလျော်စွာ သုံးသပ်ချက်အရ ပြောင်းလဲဆုံးဖြတ်ရတာတွေ ရှိပါတယ်။
၂၄ နှစ်တာ ဖြတ်သန်းမှုမှာ ပါတီ တည်ထောင် ကာစက “မတရားတဲ့ အမိန့်အာဏာဟူသမျှ တာဝန်အရ ဖီဆန်ကြ” ဆိုတာကနေ ‘ရွှေဂုံတိုင်’ အထိ ပါတီရဲ့ ရပ်တည်ချက်နဲ့ အဲဒီနောက်ပိုင်း ‘ပြန်လည်မှတ်ပုံတင်ရေး၊ ရွေးကောက်ပွဲ ဝင်ရေး’ ရပ်တည်ချက်တို့ဟာ နေရာ ရွေ့လျောသွားတယ် ဆိုတဲ့ ဝေဖန်မှုတွေအပေါ်မှာရော ဘယ်လို တုန့်ပြန် သဘောထားပေးလိုပါသလဲခင်ဗျ။
နိုင်ငံရေးက အခြေအနေတွေပေါ်မှာ တည်ပြီး ဆုံးဖြတ်ရတာပဲ။ ပါတီခေါင်းဆောင်စုရဲ့ ဆုံးဖြတ်ချက်အပေါ်မှာ မူတည်ပါတယ်။
၁၉၈၈ ကတည်းက ကိုင်စွဲခဲ့တဲ့ အာဏာရှင်အစိုးရများကို ဆန့်ကျင်မယ် ဆိုတဲ့ သဘောထား၊ မတရားတဲ့ အမိန့်အာဏာ ဟူသမျှ ဖီဆန်မယ် ဆိုတဲ့သဘောထား၊ ဒီမိုကရေစီ ပြည်ထောင်စုသစ် တည်ဆောက်မယ် ဆိုတဲ့သဘောထား၊ အမျိုးသား ပြန်လည်သင့်မြတ်ရေး ဆောင်ရွက်မယ်ဆိုတဲ့သဘောထား။ ဒီလုပ်ငန်းစဉ်တွေဟာ ၂ဝ၁၁ ခုနှစ် ရောက်တဲ့ အခါကျတော့ ကွဲလွဲမှု ရှိသလားလို့ မေးမယ်ဆိုရင် စကားလုံးတွေတော့ ကွဲပြားမှု ရှိချင်ရှိမယ်။ အနှစ်သာရအားဖြင့် ဒီအတိုင်းပဲ လုပ်နေပါတယ်။
ဆိုပါတော့ “မတရားတဲ့အမိန့်အာဏာဟူသမျှ ဖီဆန်ကြ”ဆိုတာ ဒီနေ့ရှိသေးလားလို့ မေးရင် ရှိတယ်လို့ ကျနော်ပြော မယ်။ အဲဒီစကားလုံးတွေ မဟုတ်ပေမယ့်လို့ ကျနော်တို့ ဒီနေ့ထိ ကျင့်သုံးနေတာက ဘာလဲဆိုတော့ ဒီမိုကရေစီစနစ်ကို အဟန့်အတားဖြစ်စေတဲ့ အမိန့်တွေ၊ ဥပဒေတွေကို ဖျက်သိမ်းဖို့၊ ပြောင်းလဲဖို့၊ ပြင်ဆင်ဖို့ဆိုတာ လွှတ်တော် ထဲမှာလည်း ဒီကိစ္စ ထည့်ပြောပါတယ်။ ဒါကြောင့်လည်း ဒေါ်အောင်ဆန်းစုကြည်ဟာ တရားဥပဒေ စိုးမိုးရေးကိစ္စကို ဥက္ကဋ္ဌအဖြစ် တာဝန်ယူပြီး လုပ်တာ ဖြစ်ပါတယ်။
အလားတူပဲ ပြည်ထောင်စုစစ်စစ် တည်ဆောက်ရေး၊ ပွင့်ပွင့်လင်းလင်း ပြောရရင် Federal Union ဖက်ဒရယ် ပြည်ထောင်စု တည်ဆောက်ရေးဆိုတာ ဒီနေ့လည်း ကိုင်စွဲနေတာပဲ။ ဒါကြောင့်ပဲ တိုင်းရင်းသားတွေနဲ့ လက်တွဲနေနိုင် တာ။ အမျိုးသား ပြန်လည်သင့်မြတ်ရေး ကိစ္စဟာလည်း ဒီနေ့ထိ ကိုင်စွဲလုပ်ကိုင်နေဆဲ ဖြစ်တယ်လို့ပဲ ပြောချင်ပါတယ်။
လက်ရှိအနေအထားမှာ ပါတီဥက္ကဋ္ဌအနေနဲ့ နိုင်ငံတော်သမ္မတ အပေါ်မှာ အယုံအကြည် ကဲလွန်းနေတယ် လို့ကော ဆရာ မြင်မိလားခင်ဗျ။
ဒါကတော့ သူ့ရဲ့ လုပ်ဟန်၊ Character ပေါ့ဗျာ၊ သူ့ရဲ့ ကျင့်ဟန် တခုပဲလို့ ပြောရမှာပဲ။ သူက ဘယ်သူ့ဖြစ်ဖြစ် သမ္မတ အပေါ်တင် မဟုတ်ဘူး၊ ကျောင်းသားလူငယ် တွေနဲ့ ပြောမလား၊ ပါတီတွင်းက လူတွေနဲ့ပဲပြောမလား၊ သူစိမ်းတရံဆံနဲ့ပဲ ပြောမလား သူမှန်တယ် ထင်တဲ့ဟာ၊ ကောင်းလာပြီလို့ထင်တဲ့ဟာကို ဒီလိုပဲ ဟက်ဟက် ပက်ပက်နဲ့ ပွင့်ပွင့်လင်းလင်း၊ ပြတ်ပြတ်သားသား ပြောတတ်တဲ့ အလေ့ ရှိပါတယ်။ ဒါကတော့ သူ့ရဲ့
Manner ပေါ့ဗျာ၊ ကိုယ်ကျင့်ကိုယ်ဟန်ပဲလို့ပြောလို့ ရပါတယ်။
သို့သော် နိုင်ငံရေးအားဖြင့် လွန်ကဲသလား၊ မလွန်ကဲသလား ဆိုတာကတော့ စောင့်ကြည့်ရမယ့် ကိစ္စဖြစ်တယ်လို့ ပြောချင်ပါတယ်။ ဒီနေ့ ပါတီပြန်လည် မှတ်ပုံ တင်ပြီး ရွေးကောက်ပွဲဝင်နိုင်ခဲ့တာဟာလည်း ဒေါ်အောင်ဆန်းစုကြည် ဦးသိန်းစိန် အပေါ်မှာ ယုံကြည်ခြင်း အပေါ်မှာ မူတည်ပေါက်ဖွားလာတဲ့ ရလဒ်ဖြစ်ပါတယ်။ ဒီရလဒ်ဟာ ဘာပဲပြောပြော၊ အဟောသိကံ မဖြစ်ဘူး၊ အလဟဿ မဖြစ်ဘူး။ နို့မို့လို့ရှိရင် အစိုးရနဲ့ ကျနော်တို့ ကဏ္ဍကောစ တိုက်ခိုက်နေရမယ့် အနေအထား။ အခုဆို ပြည်သူရဲ့အကျိုးကို တရားဥပဒေဘောင်အတွင်းကနေ လုပ်နိုင်တဲ့အနေအထားကို ရောက်လာ တယ်။ ကျနော်တို့တတွေဟာလည်း ဗမာပြည်ရဲ့နိုင်ငံရေးမှာ ဦးဆောင်မှုကဏ္ဍမှာ မရှိသော်သေးငြားလည်း၊ မှန်မှန် ကန်ကန် ပါဝင်လှုပ်ရှားနေတဲ့ အနေအထားရှိတယ်။ ဒါဟာ ဦးသိန်းစိန် အပေါ်မှာ ဒေါ်အောင်ဆန်းစုကြည်ရဲ့ ယုံကြည်မှု ရဲ့ အကျိုး သက်ရောက်မှု ဖြစ်တယ်လို့ ပြောလို့ရပါတယ်။ စောစောကပြောတဲ့ ယုံကြည်မှု လွန်ကဲတယ်လို့ သတ်မှတ်ချင် လည်း သတ်မှတ်လို့ရတယ်။ ဒါမှမဟုတ် ဒါဟာ ယုံယုံ ကြည်ကြည် ပြောနေတာပဲလို့လည်း ပြောလို့ရတယ်။ ကိုယ့်ဘက် က သဘောထားအမှန်ကို ပွင့်ပွင့်လင်းလင်း ထုတ်ပြောတယ်လို့လည်း ပြောလို့ရပါတယ်။ တခုပြောချင်တာက
ဒေါ်အောင်ဆန်းစုကြည်နဲ့ ဦးသိန်းစိန် ဆက်ဆံရေးဟာ ဘာပဲပြောပြော အဟောသိကံတော့ မဟုတ်ဘူး။ အချည်းအနှီး ကိစ္စတော့ မဟုတ်ဘူး။ အကျိုး သက်ရောက်မှု တစုံတရာရှိတယ်။ အဲဒီ အကျိုးသက်ရောက်မှုတွေ ဘယ်လောက် ဆက်သွားမယ် ဆိုတာ စောင့်ကြည့်ရမယ်လို့ပဲ ပြောချင်ပါတယ်။
ပါတီ ငွေရတုအကြိုမှာ ဘာများ ပြောလိုတာ ရှိပါသလဲခင်ဗျာ။
ကျနော်တို့ရဲ့ခရီး၊ တာဝန်တွေဟာ မဆုံးသေးဘူး။ ကျနော်တို့တာဝန်ဟာ မူလဘူတ မူဝါဒများကိုပဲ ခိုင်ခိုင်မြဲမြဲ ကိုင်စွဲပြီး တော့ ဆက်လက်ချီတက်သွားမှာပဲ။ မူလဘူတ မူဝါဒဟာ ဘာလဲဆိုရင် ဒီမိုကရေစီ မူဝါဒပဲ ဖြစ်တယ်လို့ ကျနော် ပြောချင် ပါတယ်။
Ref: မဇ္ဈိမ
Read More...
Collapse...
ဖနိဒါ
ကြာသပတေးနေ့၊ စက်တင်ဘာလ ၂၇ ရက် ၂၀၁၂
ချင်းမိုင်(မဇ္စျိမ) ။ ။ ပြည်သူ့လွှတ်တော် တရားဥပဒေ စိုးမိုးမှုကော်မတီ ဥက္ကဋ္ဌ ဒေါ်အောင်ဆန်း စုကြည်အား တရုတ်-မြန်မာ နယ်စပ်ရှိ ကချင် စစ်ပြေးဒုက္ခသည် စခန်းများကို လာရောက်ကြည့်ရှုရန် ကချင်အဖွဲ့အစည်း ၂၃ ဖွဲ့က အိတ်ဖွင့်ပေးစာဖြင့် ဖိတ်ခေါ်လိုက်သည်။
၁၅ လကြာ အစိုးရစစ်တပ်နှင့် ကချင်လွတ်လပ်ရေးအဖွဲ့ KIO တို့အကြား တိုက်ပွဲများကြောင့် ပြောင်းရွှေ့နေထိုင် နေရသော မိုင်ဂျာယန်နယ် ဒုက္ခသည် စခန်းများသို့ ဒေါ်အောင်ဆန်းစုကြည် ကိုယ်တိုင် လာရောက် ကြည့်ရှုပါရန် ဗုဒ္ဓဟူးနေ့က ဖိတ်ကြား လိုက်ခြင်း ဖြစ်သည်။
နိုဘယ် ဒေါ်အောင်ဆန်းစုကြည်သည် အမေရိကန်နိုင်ငံ နယူးယောက်မြို့သို့ ရောက်ရှိနေစဉ် ကချင် တိုင်းရင်းသား အဖွဲ့အစည်းများက ဖိတ်ခေါ်လိုက်ခြင်း ဖြစ်သည်။
“ကျနော်တို့ ပင်လုံစိတ်ဓါတ်နဲ့ ဖိတ်ခေါ်တာပါ။ ပြည်ထောင်စု တိုင်းရင်းသား ညီအစ်ကိုတွေ ကြားထဲမှာ လူ့အခွင့်အရေး ချိုးဖောက်မှုတွေ၊ စီးပွားရေး အခြေအနေတွေနဲ့ ပတ်သက်ပြီးတော့မှ ဒေါ်အောင်ဆန်းစုကြည် ကိုယ်တိုင် မျက်မြင် ကိုယ်ကျ လာပြီးတွေ့ရင် ပိုကောင်းမယ် ဆိုပြီးတော့ ကျနော်တို့ ဖိတ်ခေါ်တယ်” ထိုင်းနိုင်ငံ အခြေစိုက် ကချင် ကျောင်းသား လူငယ်များ သမဂ္ဂ (AKSYU) အထွေထွေ အတွင်းရေးမှူး ကိုနော်ဆန့် က ပြောသည်။
ထို့ပြင် စစ်ပြေးဒုက္ခသည်များ၏ အခက်အခဲ၊ လိုအပ်ချက်များကို ဒေါ်အောင်ဆန်းစုကြည် ကိုယ်တိုင် ပြည်သူ့ လွှတ်တော်မှာ တင်ပြပေးနိုင်ရန် ရည်ရွယ်ချက်ဖြင့် ဤသို့ ဖိတ်ခေါ်ရခြင်း ဖြစ်သည်ဟု ထိုင်းနိုင်ငံ အခြေစိုက် ကချင် အမျိုးသမီး အစည်းအရုံး KWAT တာဝန်ခံ ဒေါ်မွန်းနေလီ က ပြောသည်။
“လက်တွေ့ ကြုံတွေ့နေရတာတွေ၊ ဘာကြောင့် သူတို့ ထွက်ပြေးနေရတဲ့ ဒုက္ခသည်တွေရဲ့ အသံတွေကို လက်တွေ့ သိရှိဖို့၊ အစိုးရဘက်မှ ထိုးစစ်ဆင်မှုကြောင့် လူမျိုး ဖြုန်းတီးရေးဘက် ရောက်နေတယ်ဆိုတာကို သက်သေ အထောက်အထားတွေနဲ့ သိရှိဖို့လည်း ရည်ရွယ်တယ်” ဟု မဇ္စျိမကို ပြောသည်။
ကုလသမဂ္ဂ၏ လူမှုအထောက်အပံ့များနှင့် အစိုးရမဟုတ်သော အဖွဲ့စည်းများအား၏ ကူညီထောက်ပံ့မှုကို အစိုးရဘက်မှ ခွင့်ပြုရန် လွှတ်တော်အတွင်း ဒေါ်အောင်ဆန်းစုကြည် ကိုယ်တိုင် တင်ပြဆွေးနွေးနိုင်မည်ဟု မျှော်လင့်နေကြသည်။
အကယ်၍ ဒေါ်အောင်ဆန်းစုကြည် လာရောက်မည် ဆိုပါက KIO ဘက်မှ လုံခြုံရေး တာဝန်ယူရန် ညှိနှိုင်းသွားမည် ဖြစ်ကြောင်း ဒေါ်မွန်းနေလီ က ဆိုသည်။
ထိုင်း၊ အိန္ဒိယ၊ မလေးရှား၊ ဂျပန်၊ အင်္ဂလန်၊ အမေရိကန်၊ သြစတေးလျ၊ ဒိန်းမတ်၊ ဆွီဒင်၊ နယ်သာလန်၊ နော်ဝေးနှင့် စင်္ကပူ စသည့် နိုင်ငံများမှ ကချင်အဖွဲ့အစည်း ၂၃ ဖွဲ့က ဖိတ်ခေါ်လိုက်ခြင်း ဖြစ်သည်။
ဗုဒ္ဓဟူးနေ့က ဖားကန့်မြို့နယ်အတွင်း KIA ၏ တပ်မဟာ ၂ လက်အောက်ခံ တပ်ရင်း ၆ အနီးတဝိုက်သို့ အစိုးရ၏ တပ်အင်အားများ ထပ်မံ ဖြည့်တင်းလာသည်ဟု KIA တပ်မဟာ ၆ လက်အောက်ခံ ရှေ့တန်း တပ်ဖွဲ့မှ ဗိုလ်ကြီးလဒွဲ က ပြောသည်။
“သူတို့က အင်အားထပ်ဖြည့်လာတယ်။ မနေ့က အောက်ပိုင်းကနေ တောလမ်းကနေ ထပ်ဖြည့်တာက ၁ဝဝ ကျော်ရှိ တယ်။ အင်းတော်ကြီးဘက်၊ ကားမိုင်းဘက် တောလမ်းကနေ တက်လာတယ်လို့ သိရတယ်။ ဟိုဘက်ဒီဘက်ပဲ။ သတိနဲ့ စောင့်နေကြည့်နေကြတယ်” ဟု မဇ္စျိမကို ပြောသည်။
နှစ်ဖက် တိုက်ပွဲများကြာင့် တရုတ်-မြန်မာနယ်စပ် မိုင်ဂျာယန်၊ လိုင်ဇာ စသည့် နယ်မြေအတွင် စစ်ပြေးဒုက္ခသည် ခြောက်သောင်းကျော် ရှိနေပြီး ဖားကန့်၊ မြစ်ကြီးနား၊ ဝိုင်းမော်၊ ဗန်မော်၊ မိုးမောက်၊ မန်စီ စသည့် မြို့နယ်များရှိ စစ်ပြေးဒုက္ခသည်များ အပါအဝင် စုစုပေါင်း ကိုးသောင်းကျော် ရှိနေပြီဟု KIO ဒုက္ခသည် ကူညီရေးကော်မတီက ဆိုသည်။
Ref: မဇ္ဈိမ
Read More...
Collapse...
September 27, 2012
စစ်အာဏာရှင် စနစ်အောက်တွင် နှစ်ပေါင်းများစွာ ယိုယွင်းပျက်စီးခဲ့သော တရားစီရင်ရေး စနစ်ကို ပြုပြင်ပြောင်းလဲနိုင်ရေး အတွက်
ရန်ကုန်တိုင်း ကော့မှူး မြို့နယ် ပြည်သူ့လွှတ်တော် ကိုယ်စားလှယ်လည်း ဖြစ်၊ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ လည်းဖြစ်သူ ဒေါ်အောင်ဆန်းစုကြည် ဥက္ကဋ္ဌ အဖြစ် ဆောင်ရွက်လျက်ရှိသော ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်း ရေး ကော်မတီက ရန်ကုန်မြို့ရှိ တရားရုံးများနှင့် အချုပ်ခန်းများအား လိုက်လံ စစ်ဆေးခြင်းဖြင့် တရားဥပဒေ စိုးမိုးရေး အတွက် လက် တွေ့ကျသော လုပ်ဆောင်ချက် တချို့ကို ဆောင်ရွက်လာပြီ ဖြစ်သည်။
ကော်မတီဝင် တဦးဖြစ်သော သင်္ဃန်းကျွန်း မြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွှန့်ကို ကော်မတီ ၏ လုပ်ဆောင် ချက်နှင့် လက်ရှိ တရားစီရင်ရေး၊ နိုင်ငံရေး အခြေအနေများနှင့် စပ်လျဉ်းပြီး ရန်ကုန်အခြေစိုက် ဧရာဝတီ သတင်းထောက် ကြယ်ပြာ က တွေ့ဆုံမေးမြန်း ထားသည်။
မေး။ ။ ရန်ကုန်မြို့က အချုပ်ခန်းတွေနဲ့ တရားရုံးတွေကို လိုက်လံ စစ်ဆေးတဲ့ အခါမှာ ဘယ်လို အခြေအနေမျိုးတွေ တွေ့ရ ပါသလဲ။
ဖြေ။ ။ တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီရဲ့ အဓိက တာဝန်က တရားရေး အဖွဲ့အစည်းတွေ တရားဥပဒေ နဲ့ အညီ စီရင် ဆုံးဖြတ်စေဖို့ပါ။ တာမွေမြို့နယ်က အချုပ်ခန်းမှာ ဒေါပုံမြို့နယ်က မိသားစု တစုလုံး အဖမ်း ခံထားရတာတွေ့တယ်။ တနှစ်သား ကလေးငယ်လေးပါ အဆစ် ပါနေတာကို တွေ့ရတယ်။ အမျိုးသမီးတွေနဲ့ ပတ်သက်ရင် ပြစ်မှုဆိုင်ရာ ဥပဒေ ပုဒ်မ ၄၉၇ မှာ အာမခံ မပေးနိင်တဲ့ အမှုတွေ ဖြစ်သော်ငြားလည်း အသက် ၁၆ နှစ်အောက် မည်သူ့ကို မဆို၊ ဖျားနာချည့်နဲ့ နေသူ မည်သူ့ကိုမဆို အာမခံပေးလို့ ရတယ်လို့ အာမခံပေးလို့ ရပါတယ်။ ဒါကြောင့် မိသားစုတွေထဲက အမှုအခင်းဖြစ်တဲ့ အမျိုးသမီးတွေကို အာမခံ ပေး သင့်ပါတယ်။ အဲဒါကြောင့် ဥပဒေ အရာရှိတွေကို ကူညီပြီးတော့ အာမခံလုပ်ပေးဖို့ ပြောခဲ့ပါတယ်၊
မေး။ ။ တရားဥပဒေစိုးမိုးရေးနဲ့ လူ့အခွင့်အရေးက တိုက်ရိုက် ပတ်သက်တယ်လို့ ဒေါ်အောင်ဆန်းစုကြည်က မကြာခဏပြော တယ်။ ဒါပေမယ့် မြန်မာနိုင်ငံမှာက ဥပဒေဆိုတာ ငွေရှိရင်၊ အာဏာရှိရင် လုပ်ချင်သလို လုပ်လို့ရတဲ့ အခြေအနေမျိုး။ လူ့ အခွင့် အရေး ချိုးဖောက်ခံခဲ့ရတာတွေ အများကြီး ရှိခဲ့တယ်။ ငွေများ တရားနိုင်တယ်ဆိုတဲ့ စကားမျိုး တွင်ကျယ်လာတဲ့ အထိ မြန်မာနိုင်ငံ မှာ တရား ဥပဒေစိုးမိုးမှု မရှိခဲ့တဲ့ ကာလက နှစ်ပေါင်းများစွာ အမြစ်တွယ်ခဲ့တယ်။ အဲဒါကို အခုမှစပြီးတော့ ပြောင်းမယ်ဆိုတော့ ။
ဖြေ။ ။ တရားဥပဒေအရ တရားရုံးတွေက ပြစ်မှုတွေကို စစ်ဆေးတဲ့အခါမှာ မှားတာမှန်တာ ဆိုတာကတော့ ကျနော်တို့တွေရဲ့ အလုပ် မဟုတ်ဘူး၊ ကျနော်တို့မှာ ပြောပိုင်ခွင့်မရှိဘူး ၊ သို့သော် တရားဥပဒေက ပေးထားတဲ့ အကာအကွယ်ကို ပြည်သူတွေ ရရ မယ်။ ဒီအထဲကမှ ဆင်းရဲသားတွေ သာမန်ဘ၀ထက် နိမ့်ကျနေတဲ့ ပြည်သူတွေက ဥပဒေရဲ့ အကာကွယ်ကို ပိုလိုအပ်တယ်။ အမှုတခုဖြစ်လို့ ရဲစခန်းက အာမခံရဖို့ အာမခံပေးမယ့်သူ မရှိဘူး။ ဒီတော့ ကျနော်တို့ အချုပ်ခန်းတွေကို သွားစစ်ဆေးတဲ့အခါမှာ အဲဒီလို မျိုး ဖြစ်စဉ်တွေတွေ့ရတယ်။ တကယ်လို့ အမှုတခုဖြစ်လို့မှ အာမခံပေးနိုင်တဲ့သူ မရှိဘူးဆိုရင် သက်ဆိုင်ရာ မြို့နယ် လွတ်တော် ကိုယ်စားလှယ်ဆီမှာ အကူအညီ တောင်းခံနိုင်ပါတယ်။ အခုလိုမျိုး မိသားစုလိုက် အချုပ်ခန်းတွေမှာ ဖမ်းဆီးခံရတာမျိုးက လူ့ အခွင့် အရေး အရကြည့်ရင် အလွန်ဆိုးရွားပါတယ်။ တရားစီရင်ရေးမှာ အာဏာဆန်တဲ့ တရားစီရင်ရေး မဖြစ်ဖို့ အရမ်းအရေးကြီး လာပြီ။
မေး။ ။ စက်တင်ဘာလ ၂၁ ရက်နေ့က ကမ္ဘာ့ငြိမ်းချမ်းရေးနဲ့ပတ်သက်လို့ ပြည်တွင်းမှာ လမ်းလျှောက်ချီတက်တာ၊ ဆုတောင်း တာတွေလုပ်ခဲ့ကြတယ်။ အဲဒီနေ့မတိုင်ခင်က ဥပဒေနဲ့အညီ လုပ်ဆောင်ခွင့်ရဖို့ လျှောက်ထားကြပေမယ့် အာဏာပိုင်တွေက ခွင့်မပြု ဘူး။ ဒါပေမယ့် ဆန္ဒပြပွဲတွေလုပ်ခဲ့ကြတယ်။ အခု ဆန္ဒပြတဲ့သူတွေကို ရဲစခန်းတွေက အမှုဖွင့် တရားစွဲဆိုဖို့ လုပ်နေပြီ။ အဲဒီ အပေါ်မှာ တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီဝင် အနေနဲ့ရော လွှတ်တော် ကိုယ်စားလှယ် တဦးအနေနဲ့ ဘယ်လိုမြင် ပါသလဲ။
ဖြေ။ ။ အကူးအပြောင်းကာလ တိုင်းပြည်မှာစိန်ခေါ်မှုတွေနဲ့ အကဲစမ်းတဲ့ ပြဿနာတွေ အများကြီး ရှိနေတယ်။ ဖွဲ့စည်းပုံ အခြေခံ ဥပဒေက ပေးထားတဲ့ ၃၅၄ ငြိမ်းချမ်းစွာ စုဝေးခွင့် အခွင့်အရေးကို နည်းဥပဒေတွေမှာ အပြည့်အစုံ မထည့်ပေးထားတော့ လူထုကို ပေးထားတဲ့ အခွင့်အရေး မရအောင်လုပ်ထားသလို ဖြစ်နေတယ်။ အပေါ်အဆင့်မှာ ပြုပြင်ပြောင်းလဲရေးတွေ လုပ်နေပေမယ့် အောက် ခြေ အဆင့်မှာ လိုက်မပြောင်းနိုင်ကြသေးဘူး။ ဒုတိယ အချက်က နှစ်ပေါင်း ၆၀ လောက် ရုပ်သိမ်းထားတဲ့ အခွင့်အရေးကို ခုမှပြန်ပေးတော့ သက်ဆိုင်ရာအာဏာပိုင်တွေရဲ့ စိုးရိမ် အကြောက်လွန်မှုတွေ ရှိတယ်၊ ပြီးတော့ ငြိမ်းချမ်းစွာစုဝေးလှည့်လည်ချင် သူတွေထဲမှာ ရိုးရိုး သားသား ဆန္ဒထုတ်ဖော်ချင်တဲ့လူတွေရှိသလို အကူးအပြောင်းကာလမှာ ထိပ်တိုက်ရင်ဆိုင်မှုကိုအသွင်တမျိုးနဲ့ စမ်းချင်တဲ့ လူတွေလည်း ပါနေတယ်။ အဲဒီပေါ် မူတည်ပြီး အဖြေတွေက အမျိုးမျိုးဖြစ်နေတာပါ၊
မေး။ ။ အခုအခြေအနေမျိုးမှာ ဆန္ဒပြပွဲတွေက ဆက်တိုက်ဆိုသလိုဖြစ်နေတော့ ဒီဆန္ဒပြပွဲတွေကြောင့် နိုင်ငံရေး နောက်ကြောင်း
ပြန်လှည့်တာမျိုးဖြစ်လာမယ်ဆိုပြီး စိုးရိမ်တဲ့သူတွေလည်း ရှိနေတယ်။ အဲဒီအပေါ်ရော ဘယ်လိုမှတ်ချက်ပြုချင်သလဲ။
ဖြေ။ ။ ပွင့်ပွင့်လင်းလင်း ပြောရရင် နှစ်ပေါင်း ၂၀ အတွေ့အကြုံကပေးခဲ့တာက ဒီလိုမျိုးတွေ ထိပ်တိုက်ရင်ဆိုင်ခဲ့လို့ လမ်းပေါ်မှာ အော် ရင်း အော်ရင်း တော်တော်များများ အကျဉ်းထောင်တွေထဲ ရောက်သွားရတဲ့ လူတွေ၊ အသက် ပျောက်သွားခဲ့တဲ့ လူတွေ၊ မိသား စု ဘ၀ပျက်ခဲ့ရတဲ့လူတွေ အများကြီးပါ။ ဒီလို အခြေအနေကိုကြုံခဲ့ရလို့ အခုလိုမျိုး ပွင့်လင်းလာတဲ့အချိန်မှာ ဒီမိုကရေစီနဲ့ ဥပဒေ ဘောင်ထဲ ကနေ လူ့အခွင့်အရေး စံနှုန်းတွေကို တိုးချဲ့သင့်ပါတယ်။ ပြီးတော့ ပြည်သူတွေတင် မဟုတ်ဘူး၊ နိုင်ငံရေးခေါင်း ဆောင်တွေ၊ ပါတီ ခေါင်းဆောင်တွေပါ အစမ်းသပ်ခံ နိုင်ငံရေး ဇာတ်ခုံပေါ်ကို ရောက်နေကြတာ။ ဒီနေ့အထိ စစ်တပ်က နိုင်ငံရေး ဇာတ်ခုံပေါ်မှာ ရှိနေတယ်။
စစ်တပ်က နိုင်ငံရေးဇာတ်ခုံမှာ ရှိနေသမျှ ကာလပတ်လုံး သတိနဲ့ယှဉ်ပြီးတော့ နိုင်ငံရေးလှုပ်ရှားမှုတွေကို လုပ်သင့်တယ်။ ဒေါ်အောင် ဆန်းစုကြည်တောင် လွတ်တော် ကိုယ်စားလှယ် တဦးအနေနဲ့ ရန်ကုန်တိုင်းမ် ဂျာနယ်မှာ ဗိုလ်ချူပ်ကြီးတွေကို ကျမ အတော် လေးစား ပါတယ်လို့ ပြောနေတဲ့အချိန်မှာ ကျန်တဲ့လူတွေ အနေနဲ့ ကိုယ် ဘာလုပ်သင့်တယ် ဆိုတာ စဉ်းစားကြပေါ့။
မေး။ ။ ကမ္ဘာ့ငြိမ်းချမ်းရေးနေ့ လမ်းလျှောက်ပြီး ဆန္ဒထုတ်ဖော်ခဲ့တဲ့ပွဲ ဦးဆောင်သူတွေကို အာဏာပိုင်တွေက အမှုဖွင့် တရားစွဲဖို့ လုပ်နေတယ်၊ ဆန္ဒပြတဲ့သူတွေကလည်း အာဏာပိုင်တွေကို လူ့အခွင့်အရေး ချိုးဖောက်ခံရမှုနဲ့တန်ပြန်တရားစွဲဖို့ လုပ်နေကြတဲ့ အပြင် တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီ အပါအ၀င် သမ္မတ၊ လွှတ်တော်တွေဆီကို တိုင်စာတွေပို့ထားတယ် လို့ သိရတယ်။ အဲဒီတိုင်စာအပေါ်မှာ ကော်မတီက ဘယ်လိုအရေးယူ ဆောင်ရွက်ဖို့ ရှိလဲ။
ဖြေ။ ။ အခုကိစ္စမှာ နှစ်ဘက်စလုံးက လူ့အခွင့်အရေးတွေချိုးဖောက်နေကြတာပါ၊ ကချင်မို့လို့ ဒီပွဲကိုလုပ်ခွင့် မပြုခဲ့တာ မဟုတ် လောက် ပါဘူး၊ ကချင်အရေးနဲ့ ပတ်သက်ပြီးတော့ ကျနော်တို့ ကော်မတီက ကချင်သူပုန်လို့ စွပ်စွဲခံရပြီးတော့ ဖြောင့်ချက်ယူတဲ့အခါမှာ နှိပ်စက်ညှဉ်းပန်းဒဏ် ခံခဲ့ရတဲ့ ဘရန်ရှောင်ကိစ္စတုန်းကလည်း ပြည်ထဲရေးနဲ့ ကာကွယ်ရေးဝန်ကြီးဌာနကို ဒေါ်ဒွဲဘူ တင်ပြတဲ့ အတိုင်း စာတင်ပေးခဲ့ပါတယ်။ ကော်မတီရဲ့ လုပ်ငန်းစဉ်တွေထဲမှာ တရားဥပဒေ စိုးမိုးရေးနဲ့ တည်ငြိမ်အေးချမ်းရေးမှ တဆင့်ငြိမ်းချမ်း ရေး ဖော်ဆောင်မှု အောင်မြင်ရေး အတွက် ဆောက်ရွက်မယ်ဆိုတာ ပါတဲ့အတွက် ကျနော်တို့ ကိုင်တွယ်ရမယ့် အချိန်မှာ ကိုင် တွယ် သွားပါမယ်။
မေး။ ။ ပြည်တွင်းစစ် ရပ်စဲရေးအတွက်ရည်ရွယ်တဲ့ ငြိမ်ချမ်းရေး ဆန္ဒထုတ်ဖော်ပွဲတွေနဲ့ ပတ်သက်လို့ အစိုးရရဲ့ကိုင်တွယ် ဖြေရှင်း ပုံ မှားတယ်ဆိုပြီး ပြောဆိုဝေဖန်တာတွေ ရှိနေပါတယ်။ ဒီအပေါ်မှာ ဘယ်လိုသုံးသပ် ပါသလဲ။
ဖြေ။ ။ အရေးကြီးဆုံးက ပြည်တွင်းစစ်တွေနဲ့ပတ်သက်ရင် ပြီးခဲ့တဲ့ကိစ္စတွေ မအောင်မြင်ခဲ့တာက ပွင့်ပွင့်လင်းလင်းမရှိလို့။ ကိုယ့် တိုင်းပြည် ကိစ္စကို ဖြေရှင်းတဲ့အခါမှာ ဘယ်သူ့ရဲ့ ပယောဂကိုမှ အ၀င်မခံနိုင်ဘူး။ နောက် အရေးကြီးဆုံးက ခေါင်းဆောင်တွေအဆုံး အဖြတ်မှားရင် နောင် မျိုးဆက်သစ်တွေနဲ့ ပြည်သူတွေချက်ချင်း အထိနာလို့ ပြဿနာကိုရှင်းတဲ့အခါမှာ မိမိအတ္တနဲ့ မဖြေရှင်း သင့် ဘူး။ တယောက်နဲ့ တယောက် နားလည်မှု ဝေးနေကြတယ်။ ဒီကိစ္စတွေ ချူပ်ငြိမ်းသွားဖို့ အစိုးရအဖွဲ့က ဆောင်ရွက်ပေးဖို့ လိုတယ်။ ကျနော်တို့တွေလည်း ကူညီပေးဖို့ လိုသေးတယ်။
မေး။ ။ ပြည်တွင်းငြိမ်းချမ်းရေး အတွက် ကော်မတီအနေနဲ့ ဘယ်လိုလက်တွေ့ကျကျ ဆောင်ရွက်နေပြီလဲ။
ဖြေ။ ။ အခုလို အစည်းအဝေးတွေထိုင်လိုက်၊ တရားရုံးတွေသွားပြီး စစ်လိုက်၊ မေးလိုက်၊ တိုင်စာတွေကိုဖတ်ပြီး နေလိုက်နဲ့တော့
ကျနော်တို့ လုပ်နေမှာ မဟုတ်ပါဘူး၊ ကော်မတီသက်တမ်း အတွင်းမှာ ကချင်ကိစ္စ၊ ရခိုင်ကိစ္စ အပါအ၀င် ပြည်တွင်း ငြိမ်းချမ်းရေး လုပ်ငန်းတွေကို ဘယ်လိုလုပ်ကြမယ် ဆိုတာကို နောက်အစည်းအဝေး တွေမှာ တိုင်ပင်သွားကြမှာပါ။ နောက် ပဋိပက္ခတွေ ဖြစ်နေ တဲ့ နေရာတွေကို သွားနိုင်အောင်လည်း ကြိုးစားမှာပါ။
မေး။ ။ ကော်မတီ အနေနဲ့ ထင်သာမြင်သာနဲ့ အောင်အောင်မြင်မြင် လုပ်နိုင်တာတွေရှိရင် သိချင်ပါတယ်။
ဖြေ။ ။ ဘရန်ရှောင် ကိစ္စတုန်းက ဖြေရှင်းခဲ့တယ်။ နောက် မိသားစုလိုက် အဖမ်းခံရတဲ့ကိစ္စတွေမှာ အမျိုးသမီးတွေကို အာမခံချက် ပေးဖို့ အတွက် လုပ်ခဲ့တယ်။ နောက် အရှေ့ပိုင်းခရိုင် တရားရုံးကိုသွား တဲ့အခါမှာ ပြည်သူတွေရဲ့ တိုင်ကြားချက်တွေကို တိုင်း တရား ဦးစီးမှူးကို လွှဲပေးခဲ့တယ်။ ကော်မတီဆီကို တိုင်ကြား စာပေါင်း ထောင်ကျော် ရောက်လာတဲ့အထဲက ၅၀၀ လောက်ကို သေ ချာ ဖတ်ပြီးပါပြီ။ လာဘ်ပေးလာဘ်ယူ ကိစ္စတွေကတော့ ဘယ်လောက် ပပျောက်အောင် လုပ်လုပ် တရားစီရင်ရေး လောကမှာ တိုး ပွားမြဲ တိုးပွားနေဆဲ ပဲ။ ဒီ တိုင်ကြားစာတွေက ပြည်သူတွေရဲ့ အားကိုးမျှော်လင့်ချက်တွေဖြစ်တော့ လူထုရဲ့ အားကိုးယုံကြည်မှု
နဲ့ ထိုက်တန်အောင် ကော်မတီအနေနဲ့ ဘယ်လောက် အထိ စွမ်းဆောင်နိုင်မယ် ဆိုတာ ပြန်လည် သုံးသပ်နေပါတယ်။
မေး။ ။ လာမယ့် လွှတ်တော် အစည်းအဝေးတွေမှာ တိုင်းပြည်ရဲ့ နောက် ဘဏ္ဍာရေးနှစ် အတွက် အသုံးစရိတ်တွေ စီမံခန့်ခွဲဖို့ ရှိတယ်လို့ သိထားပါတယ်။ နိုင်ငံရဲ့ ကာကွယ်ရေး စရိတ်နဲ့ တပ်မတော်ရဲ့ အသုံးစရိတ်ကိုလျှော့ချဖို့ ရှိလား။ ပညာရေးနဲ့ ကျန်းမာရေး အသုံးစရိတ်တွေကို တိုးမြှင့်ဖို့ ရှိပါသလား။
ဖြေ။ ။ တိုင်းပြည်ရဲ့အခြေအနေအရ ကာကွယ်ရေးအသုံးစရိတ်က အခြားနိုင်ငံတွေနဲ့ယှဉ်ကြည့်ရင် တကယ်ခေတ်မီဖို့ လိုအပ်ချက် တွေ ရှိနေတယ်။ ဘင်္ဂါလား-ရခိုင် နယ်စပ်မှာ ပေါ်ပေါက်နေတဲ့ အရေးအခင်းဖြစ်စဉ်အရ ကမ်းရိုးတန်း ဒေသတွေကို အခိုင်အမာ ကာကွယ်ဖို့ လိုအပ်တယ်။ ဒီအချိန်မှာ ကာကွယ်ရေးစရိတ်ကို ကျနော် မပြောလိုဘူး။ ဒါနဲ့ပတ်သက်ပြီး လာမယ့်ပြည်ထောင်စု လွှတ် တော်မှာ ကာကွယ်ရေးအတွက် ဘက်ဂျက်ကို မလျှော့ချဘဲ တပ်မတော် ခေါင်းဆောင်တွေ ကိုယ်တိုင် ထဲထဲဝင်ဝင် စဉ်းစားနိင်တဲ့ အဆိုတွေကို တင်သွင်းသွားမှာပါ။ ပြည်သူသာအမိ၊ ပြည်သူသာ အဘ ဖြစ်ရမယ်။ မနှစ်ကဆိုရင် လွှတ်တော် အမတ်တွေပြောလို့ ကျန်းမာရေး အသုံးစရိတ် သုံးဆ၊ ပညာရေး အသုံးစရိတ် နှစ်ဆ တက်လာတယ်၊ ဒီနှစ်လည်း ထပ်တိုး အောင်လုပ်မယ်။
မေး။ ။ ယိုယွင်းနေတဲ့ တရားစီရင်ရေး ပြင်ဆင်ဖို့ လွှတ်တော်က ဘာတွေ ဆက်လုပ်ဖို့ရှိလဲ ။
ဖြေ။ ။ အောက်တိုဘာလ ကုန်တာနဲ့ ဥပဒေကြမ်းတခု စပို့မယ်။ ပို့ပြီးရင် မေးခွန်းတွေ အဆိုတွေ ထပ်ပို့မယ်၊ ကျနော် ပို့မယ့် ဥပဒေ ကြမ်း ကတော့ အခုတရားရုံးတွေကို စစ်ဆေးတဲ့အခါမှာ တနိုင်ငံလုံးရဲ့ တရားစီရင်ရေးနဲ့ပတ်သက်ပြီး ပြန်လည်ပြင်ဆင်ဖို့ လိုအပ်တယ်လို့ ယူဆလို့ ပြည်ထောင်စု တရားစီရင်ရေး ဥပဒေကို ပြင်ဆင်တဲ့ ဥပဒေမူကြမ်းကို ပို့မှာပါ။ လောလောဆယ်မှာဆိုရင် စတုတ္တ အကြိမ် လွတ်တော်မှာ အသင်းအဖွဲ့များ ဥပဒေ ကို ဖျက်သိမ်းပေးဖို့ တင်သွင်း ထားပါတယ်။ ပဉ္စမ အကြိမ် လွှတ်တော်မှာဒီကိစ္စကို ဆွေးနွေးသွားကြမယ် ထင်တယ်။ ။
Ref: ဧရာဝတီ
Read More...
Collapse...
2012-09-27
ပြီးခဲ့တဲ့ ရွေးကောက်ပွဲတွေက အတွေ့အကြုံတွေကို သင်ခန်းစာရယူပြီး လာမဲ့၂၀၁၅ ခုနှစ်ရွေးကောက် ပွဲမှာ ပိုမို လွတ်လပ်ပြီး တရား မျှတတဲ့ ရွေးကောက်ပွဲ ဖြစ်လာအောင် အခုကတည်းက ပြင်ဆင်ဆောင်ရွက်နေတယ်လို့ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက ပြောကြား လိုက်ပါတယ်။
ရန်ကုန်မြို့ ပြည်လမ်းမှာရှိတဲ့ ရန်ကုန်တိုင်းဒေသကြီး အစိုးရအဖွဲ့ ရုံးခန်းမှာ ရန်ကုန် အခြစိုက် ပါတီ (၂၇) ပါတီနဲ့ တွေ့ဆုံစဉ် အခုလို ပြောကြားခဲ့တာ ဖြစ်တယ်လို့ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးက ဆွေးနွေးပွဲ အပြီးမှာ RFA ကို ပြောတာပါ။
"ပြင်စရာတွေအများကြီးရှိပါတယ်။ အခုဆို ကန့်ကွက်လွှာ ၄ ခုရှိတယ်။ စစ်လိုက်တဲ့ အခါကျတော့ ပြီးသွားပြီ။ ဒါကလည်းပဲ နိုင်တဲ့ သူကနိုင်တယ်။ ရှုံးတဲ့လူက ရှုံးတယ်။ အဲတာပြီးတော့ ပြန်ပြီးတော့ Rule and Regulation တွေကို ပြန်လေ့လာနေတယ်။ ပြန်လေ့လာပြီးနောက်ပိုင်း ဘာတွေ လုပ်သလဲ ဆိုရင် ပိုတာတွေ အကုန်လုံး၊ မလိုတာတွေဖြုတ်လိုက်မယ်။ လိုနေရင် ထပ်ဖြည့်မယ်။ ဒီသဘောလုပ်ပါတယ်။ လုပ်ပြီးရင် စာတမ်းတွေ လုပ်ပြီးတော့ လူထုတွေ နားလည်အောင်၊ နောက်ရွေးကောက်ပွဲကျရင် skill ဖြစ်အောင်ပေါ့"
ဒါ့အပြင် ဒီနေ့ဆွေးနွေးပွဲကို နိုင်ငံရေးပါတီတွေနဲ့ အတူပူးပေါင်းပြီး နိုင်ငံတော်ကောင်းအောင်နဲ့ လက်ရှိနိုင်ငံတော်မှာ တွေ့ကြုံ ခံစားနေရတဲ့ အခက်ခဲတွေဖြစ်တဲ့ လယ်သမားအရေး၊ အလုပ်သမားအရေး၊ လျှပ်စစ်ဓာတ်အားပြဿနာနဲ့ ရခိုင်ပြည်နယ် အရေး ကိစ္စတွေမှာ မှန်တဲ့နည်းလမ်း၊ မှန်ကန်တဲ့ဘက်ကနေ ပူပေါင်းဆောင်ရွက်နိုင်ဖို့ ရည်ရွယ်ပြီး ပါတီတွေနဲ့ တွေ့ဆုံတာလို့ ကော်မရှင် ဥက္ကဋ္ဌက ပြောပါတယ်။
ဒီတွေ့ဆုံပွဲကို အမျိုးသားဒီမိုကရေစီ အဖွဲ့ချုပ်၊ ပြည်ခိုင်ဖြိုးပါတီနဲ့ SNLD ပါတီအပါဝင် ပါတီ (၂၇) ပါတီမှ တာဝန်ရှိသူတွေ တက်ရောက်ခဲ့ပြီး ပါတီတွေ ကြုံတွေ့နေရတဲ့ အခက်အခဲပြဿနာရပ်တွေ၊ ပြည်ထောင်စုအဆင့် ငြိမ်းချမ်းရေး တည်ဆောက်ရာမှာ ပါတီတွေအနေနဲ့ ပါဝင်ဆောင်ရွက်လိုတဲ့ ကိစ္စတွေ၊ တရားဥပဒေ စိုးမိုးရေးကိစ္စတွေ အပါအ၀င် လက်ရှိနိုင်ငံတော်မှာ ဖြစ်ပေါ် ကြုံတွေ့နေရတဲ့ ပြဿနာအခက်ခဲ အရပ်ရပ်တွေကို အပြန်အလှန် ဆွေးနွေးခဲ့ကြတယ်လို့ သိရပါတယ်။
Ref: RFA News
Read More...
Collapse...
ကိုရန်နိုင်
27.09.2012
မြန်မာနိုင်ငံမှာ ကာလတော်တော်ကြာက ပျောက်ဆုံးနေတဲ့ ဒီမိုကရေစီယဉ်ကျေးမှု တရပ်ကို ပြန်အသက် သွင်းနိုင်မှသာ ဒီမိုကရေစီ အသွင်ကူးပြောင်းရေး လုပ်ငန်းစဉ်တွေ အောင်မြင်မယ် လို့ မြန်မာ သမ္မတ ဦးသိန်းစိန်က ပြောကြားလိုက် ပါတယ်။ ဒါ့အပြင် မြန်မာနိုင်ငံရဲ့ ဒီမိုကရေစီအသွင် ကူးပြောင်း လာတာဟာ ဆယ်စုနှစ် ၂ ခုလောက် အချိန်ယူ လုပ်ဆောင်ခဲ့တာဖြစ်တယ်လို့ အာရှ လူ့အဖွဲ့အစည်း Asia Society မှာ ပြုလုပ်တဲ့ ဒီဆွေးနွေးပွဲ အခန်းအနားမှာ ပြောခဲ့သလို ၊ ဒေါ်အောင်ဆန်းစုကြည်ရဲ့ အနာဂတ် အခန်းကဏ္ဍ အပြင် ပြည်တွင်း ငြိမ်းချမ်းရေး လုပ်ငန်းစဉ်တွေနဲ့ ပတ်သက်တဲ့ မေးခွန်းတွေ ကိုဖြေကြား သွားခဲ့ပါတယ်။ ဒီအကြောင်းနဲ့ ပတ်သက်ပြီးတော့ အပြည့်အစုံကို ကိုရန်နိုင်က ပြောပြပေးမှာဖြစ်ပါတယ်။
မြန်မာသမ္မတ ဦးသိန်းစိန် ဦးဆောင်ပြီးတော့ အစိုးရအဖွဲ့ ၀န်ကြီးတွေဟာ ကြာသာပတေးနေ့က အမေရိကန်ပြည်ထောင်စု နယူးယောက်မြို့မှာ ရှိတဲ့ Asia Society ကို သွားရောက်ခဲ့ပြီး လက်ရှိ သူ့အစိုးရရဲ့ မြန်မာနိုင်ငံ ဒီမိုကရေစီရေးပြုပြင်ပြောင်းလဲ မှုတွေနဲ့ ပတ်သက်ပြီးတော့ လုပ်ဆောင်နေတာတွေကို ပြောကြား ခဲ့ပါတယ်။ မြန်မာနိုင်ငံမှာ ဒီမိုကရေစီစနစ် ထွန်းကာ လာဖို့အတွက် ဒီမိုကရေစီ ယဉ်ကျေးမှုတွေ ပြန်ပြီးရှင်သန်လာဖို့ အရေးကြီးပုံကိုလည်း သမ္မတ ဦးသိန်းစိန်က အခုလို ပြောကြား ခဲ့ပါတယ်။
“မြန်မာနိုင်ငံ ဒီမိုကရေစီအသွင်ကူးပြောင်းရေး ဖြစ်စဉ်မှာ ဖွဲ့စည်းပုံအခြေခံဥပဒေ ပေါ်ပေါက်လာရုံ၊ လွှတ်တော်တွေ ပေါ်ပေါက် လာရုံ၊ နောက်တခါ ရွေးကောက်ပွဲတွေ လုပ်ရုံနဲ့ အောင်မြင်မှု ရနိုင်မယ် မဟုတ်ပါဘူး။ အဲ့တော့ မြန်မာ့ လူ့အဖွဲ့အစည်း အတွင်းမှာ ကာလရှည်ကြာ ပျောက်ဆုံးနေတဲ့ Democratic Culture ဆိုတဲ့ ဒီမိုကရေစီ ယဉ်ကျေးမှု တရပ်ကို ပြန်လည် အသက်သွင်းရမှာဖြစ်ပါတယ်။ အခုအချိန်ဟာ ဒီမိုကရေစီ စံနှုန်းတွေကို မိမိတို့ရဲ့ နိုင်ငံသား အားလုံးရဲ့ ရင်မှာ ကိန်းဝပ် ရှင်သန်လာအောင် ပြန်လည် လှုပ်နှိုးနေရတဲ့ အရေးကြီးတဲ့ အချိန်ဖြစ်ပါတယ်။”
ဒါ့အပြင် မြန်မာနိုင်ငံမှာ မတူကွဲပြားမှုတွေကို လက်ခံနားလည်ပြီး၊ ညှိနှိုင်း ပူးပေါင်းဆောင်ရွက်နိုင်တဲ့ လူ့အဖွဲ့အစည်း တရပ် ပေါ်ပေါက်လာဖို့ အတွက်လည်း ကြိုးပမ်းဆောင်ရွက်နေတဲ့ အချိန်ဖြစ်တယ်လို့ လည်း သမ္မတ ဦးသိန်းစိန်က ပြောပါတယ်။ အဲဒီလိုဆောင်ရွက်တဲ့နေရာမှာ အစိုးရ တခုတည်း လုပ်ဆောင်လို့ မရဘဲ အားလုံး ပူးပေါင်းပါဝင်ဆောင်ရွက် မှသာ အကောင်အထည်ဖော်နိုင်မှာ ဖြစ်တယ်လို့လည်း သမ္မတ ဦးသိန်းစိန်က ပြောပါတယ်။
“ဒီကိစ္စတွေကို ဆောင်ရွက်အကောင်အထည်ဖော်တဲ့နေရာမှာ အစိုးရတရပ်တည်းရဲ့ အားနဲ့ ဆောင်ရွက်တာထက် အရပ်ဖက် လူ့အဖွဲ့အစည်း များရဲ့ ကူညီဆောင်ရွက်မှု ကိုလည်း ရယူရမှာဖြစ်ပါတယ်။ ကျနော် အနေနဲ့ ဒီလို လက်ခံ ယုံကြည်ထားပါတယ်။ မြန်မာ့ လူ့အဖွဲ့အစည်းတွေ ရှင်သန် အားကောင်းလာစေဖို့ အတွက် အကြံညဏ်တွေ ဆွေးနွေး ညှိနှိုင်းမှုတွေ စွမ်းဆောင်ရည်မြှင့်တင်မှုတွေ အတွက် ဒီ Asia Society က ကူညီဆောင်ရွက် သွားမှာဖြစ်တဲ့ အတွက်ကြောင့်လည်း ကျေးဇူးတင်ကြောင်း ပြောကြား လိုပါတယ်။”
မြန်မာ့နိုင်ငံရေးမှာ လက်ရှိဒေါ်အောင်ဆန်းစုကြည်ရဲ့ အခန်းကဏ္ဍကို ဘယ်လို မြင်သလဲ၊ အနာဂါတ်မှာ ဒေါ်အောင်ဆန်းစုကြည်ကို ဘယ်လို ပါဝင်စေချင်သလဲ ဆိုတဲ့ အမေးကို သမ္မတ ဦးသိန်းစိန် ဖြေတာကတော့
“ဒေါ်အောင်ဆန်းစုကြည်ဟာ ကျနော်တို့ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းတွေမှာ အခန်းကဏ္ဍ တရပ်ကနေပြီးတော့ ပါဝင်ဆောင်ရွက် နေပြီဖြစ်ပါတယ်။ လောလောဆယ်မှာ ပါလီမန်ထဲမှာ မန်ဘာ တယောက် အနေနဲ့ ပါဝင်ပြီးတော့မှ ဥပဒေပြုရေး ကိစ္စတွေကို ဆက်ပြီးတော့ ဆောင်ရွက်နေပါတယ်။ အဲ့တော့ သူ့အနေနဲ့က ကျနော်တို့နဲ့ လက်တွဲပြီးတော့မှ ပြုပြင်ပြောင်းလဲရေး လုပ်ငန်းတွေကို အားသွန်ခွန်စိုက်နဲ့ ဆောင်ရွက်မယ့် သူတဦးဖြစ်တယ်လို့ ကျနော်တို့ ယုံကြည် ထားပါတယ်။
သူလည်း သူ့ကိုပေးအပ်ထားတဲ့ တာဝန်၊ ကျရာအခန်းကဏ္ဍကနေပြီးတော့ ကျနော်တို့နဲ့ ပူးပေါင်းပြီးတော့ ဆောင်ရွက်သွားဖို့ စိတ်ဆန္ဒ ရှိတယ်လို့ ကျနော်တို့ ဒီအတိုင်း ယုံကြည် ထားပါတယ်။ ဒီကနေ့လည်း ခုနကလို ကျနော်တို့ လုပ်ဖော် ကိုင်ဖက်လည်း ဖြစ်ပါတယ်။ လုပ်ဖော် ကိုင်ဖက်ဖြစ်ပြီးတော့ လုပ်ငန်းတော်တော် များများလည်း သူနဲ့ ပူးပေါင်းပြီးတော့ ကျနော်တို့ ဆောင်ရွက်နေတာတွေ ရှိပါတယ်။ ရှေ့အနာဂတ်မှာလည်း ခုနကလို တိုင်းပြည် ဖွံ့ဖြိုး တိုးတက်ရေး ကိစ္စတွေမှာ ကျနော်တို့နဲ့ ပူးပေါင်းဆောင်ရွက်သွားဖို့ ရှိတယ်လို့ ကျနော်တို့ ဒီအတိုင်းပဲ ယုံကြည် ထားပါတယ်။”
သမ္မတဦးသိန်းစိန်အနေနဲ့ သမ္မတ သက်တမ်းကို တကြိမ်ပဲ ထမ်းဆောင်မယ်ဆိုတဲ့ ဆုံးဖြတ်ချက်ကို မပြင်တော့ဘူးလား ဆိုတဲ့ အမေးကိုလဲ သမ္မတဦးသိန်းစိန်က ခုလို ဖြေသွားပါတယ်။
“သက်တမ်းအားဖြင့်တော့ ကျနော်ရဲ့ ပင်ကိုယ်ဆန္ဒအရ စောစာကပြောသလို One Term ပဲ လုပ်ဖို့ ကျနော်မျှော်လင့် ထားပါတယ်။ သို့သော်လည်း တိုင်းပြည်ရဲ့ အခြေအနေ၊ ပြည်သူတွေရဲ့ ဆန္ဒ၊ ဒီပေါ်မှာ မူတည်ပြီးတော့ပဲ အနာဂတ်က ဆုံးဖြတ်ရမယ်လို့ ကျနော် ဒီလိုထင်ပါတယ်။ သို့သော်လည်း ကျနော်ရဲ့ မျှော်မှန်းချက်ကတော့ One Term ပဲ လုပ်မယ်လို့ ဒီကနေ့အထိ ကျနော် စိတ်ကူး ထားပါတယ်။”
ဒါ့အပြင် သမ္မတဦးသိန်းစိန်က ပြည်တွင်းငြိမ်းချမ်းရေးဖြစ်ပေါ်လာဖို့ လုပ်ဆောင်နေတာတွေ အပါအ၀င် ကချင်ဒေသမှာ အပစ်အခတ် မရပ်နိုင်သေးတာ၊ ရခိုင်ဒေသက ဒေသတွင်း အကြမ်းဖက်မှုတွေနဲ့ ပတ်သက်ပြီးတော့ လည်း ပြောကြား သွားပါတယ်။
ဒါ့အပြင် ဒီမိုကရေစီထွန်းကားတဲ့ လူ့အဖွဲ့အစည်းတရပ်ပေါ်ပေါက်နိုင်ဖို့အတွက် ကြိုးပမ်းနေတဲ့ မြန်မာနိုင်ငံ အနေနဲ့ အမေရိကန်ပြည်ထောင်စုလို မိတ်ဆွေနိုင်ငံကောင်းတွေလည်း လိုအပ်ကြောင်း ၊ နှစ်နိုင်ငံကြား ရင်းနှီးချစ်ကြည်မှု ပိုမို ရနိုင်ဖို့အတွက် ကြိုးပမ်းပေးတဲ့ Asia Society အဖွဲ့ကိုလည်း ကျေးဇူး တင်တယ်လို့လည်း ဦးသိန်းစိန်က ပြောကြားသွားပါတယ်။
Ref: VOA News
Read More...
Collapse...
27.09.2012
စက်တင်ဘာလ ၂၇ရက်နေ့ မနက်ပိုင်းက ကုလသမဂ္ဂ အထွေထွေ ညီလာခံကြီးမှာ နိုင်ငံတော် သမ္မတ ဦးသိန်းစိန် မိန့်ခွန်းပြောခဲ့ပြီးတဲ့နောက်ပိုင်းမှာ နောက်ထပ် ဘာအစီအစဉ်တွေ လုပ်ခဲ့သလည်း ဆိုတာကို နယူးယောက်မြို့မှာ ကိုယ်တိုင် သွားရောက် သတင်းယူနေတဲ့ ဗွီအိုအေမြန်မာပိုင်း ဌာနမှုး ဦးသန်းလွင်ထွန်းကို အခုလို ဆက်သွယ်မေးမြန်း ထားပါတယ်။
မေး။ ။ဦးသန်းလွင်ထွန်း၊ ကုလသမဂ္ဂညီလာခံကြီးမှာ သမ္မတဦးသိန်းစိန် မိန့်ခွန်းပြောပြီးတဲ့ အခါမှာ နောက်ထပ် ဘာ အစီအစဉ်တွေများ လုပ်ခဲ့ပါသေးလဲ။
ဖြေ။ ။ဟုတ်ကဲ့။ မိန့်ခွန်းပြောပြီးပြီးချင်းပဲပေါ့နော်။ နေ့လည်ပိုင်းမှာ နယူးယောက်မြို့တော်၊ မြန်မာနိုင်ငံ ကုလသမဂ္ဂ ရုံးပေါ့နော် မြန်မာနိုင်ငံဆိုင်ရာ သံရုံးမှာ US Asian Business Council လို့ခေါ်တဲ့ အာရှအာဆီယံ အဖွဲ့နဲ့ အမေရိကန် စီးပွားရေး ကုန်သွယ်ရေး အသင်းရယ် ကြီးမှုးပြီးတော့ မြန်မာနိုင်ငံမှာ ရင်းနှီးမြုတ်နှံမှု လုပ်ချင်တဲ့သူတွေ၊ စီးပွားရေးသမားတွေပေါ့နော်။ သူတို့တွေနဲ့ သီးသန့်တွေ့ဆုံပွဲလေး လုပ်ပါတယ်။ မီဒီယာတွေကိုတော့ ကြီးကြီးကျယ်ကျယ် ဖိတ်တာမရှိပါဘူး။ ဒါပေမယ့်လည်း ကျနော်အနေနဲ့ ကုလအကူအညီနဲ့ သွားရောက်ပြီး တက်ခွင့်ရပါတယ်။ အဲ့ဒီ့မှာ သမ္မတကြီးက လောလောဆယ် အားဖြင့် မြန်မာပြည်မှာ ဖြစ်နေတဲ့ စီးပွားရေးနဲ့ ပြုပြင်ပြောင်းလဲရေးအကြောင်းတွေကို စပြီးရှင်းပြပါတယ်။
မေး။ ။ဟုတ်ကဲ့။ အဲ့ဒီ့အစည်းအဝေးမှာ စီးပွားရေးနဲ့ပတ်သက်ပြီးတော့ ထူးထူးခြားခြား ဘာအချက်တွေများ ပြောသွားပါသေးလဲ။
ဖြေ။ ။ပထမဆုံးစရှင်းတာကတော့ မြန်မာနိုင်ငံရဲ့ ပြုပြင်ပြောင်းလဲမှု အခြေအနေပေ့ါ။ ပြုပြင်ပြောင်းလဲမှု အခြေအနေဟာ ဌာနပေါင်းစုံ ပြုပြင်မှု အခြေအနေဖြစ်နေတယ် ဆိုတဲ့အကြာင်းနဲ့ သူစပါတယ်။ နိုင်ငံရေးဘက်မှာရော၊ စီးပွားရေးဘက် မှာရော၊ နှစ်ဖက်စလုံး ပြုပြင်ပြောင်းလဲမှုတွေ လိုနေတယ်။ ဒီလိုပြုပြင်ပြောင်းလဲမှုတွေ လုပ်တဲ့နေရာ မှာ နှစ်ခုစလုံးပေါ့နော်။ ပြိုင်တူပြောင်းပါမှ ရေရှည်ခံမယ့်ဆိုတဲ့အကြောင်းနဲ့ သူ့အနေနဲ့ နောက်မဆုတ် တမ်း လုပ်သွားပါမယ်ဆိုတဲ့အကြောင်းကို သူပြောတာပေါ့နော်။ မြန်မာနိုင်ငံ မှာ ရင်းနှီးမြုတ်နှံမူလုပ်ချင်တဲ့ စီးပွားရေးသမားတွေကို အာမခံချက်ပေးတဲ့ သဘောပဲပေါ့နော်။
မေး။ ။နိုင်ငံခြားတိုက်ရိုက်ရင်းနှီးမြုတ်နှံမှုနဲ့ Foreign Direct Investment ပတ်သက်လို့ရော ဘာတွေ ထပ်ပြောသွားပါသေးလဲ။
ဖြေ။ ။အဓိကကတော့ တိုက်ရိုက်ရင်းနှီးမြုတ်နှံမှုတွေက အခွင့်အလမ်းတွေ ရှိလာတယ်ပေါ့နော်။ အခွင့်အလမ်းကောင်းတယ်ဆိုတာကိုတော့ ပြောပါတယ်။ အထူးသဖြင့် မြန်မာနိုင်ငံရဲ့ တည်နေရာအနေအထား၊ တရုတ်နိုင်ငံတို့ အိန္ဒိယတို့ ဘင်္ဂလားဒေ့ရ်ှတို့ တကယ့်ဒီလိုနေရာတွေနဲ့ နီးစပ်နေတယ်။ အာဆီယံမှာလည်း အချက်အခြာကျတဲ့ နေရာမှာရှိတယ်။ ဈေးကွက်အားဖြင့် ရင်းနှီးမြုတ်နှံမယ့် အလားအလာတွေ၊ အိုင်တီပေါ့နော်။ နည်းပညာပိုင်းတွေမှာရော၊ လုပ်အားအရင်းပြုတဲ့ နေရာတွေမှာရော လာရောက်ပြီးတော့ ရင်းနှီးမြုတ်နှံမှု လုပ်နိုင်တယ်ဆိုတဲ့ အကြောင်းတွေ ပြောတယ်လေ။
ဒါပေမယ့် စိတ်ဝင်စားစရာကောင်းတဲ့အချက်က မြန်မာနိုင်ငံရဲ့ ရင်းနှီးမြုတ်နှံမှုနဲ့ စီးပွားရေးအခွင့်အလမ်းတွေဟာ အရင်တုန်းက နီးစပ်တဲ့ လူနည်းစုအသိုင်းအဝိုင်းတွေပဲ ရတဲ့ အခြေအနေရှိခဲ့တယ်။ တပ်မတော်ကပဲ ကြီးစိုးပြီး ချုပ်ကိုင်ထားတဲ့ စီးပွားရေး သဘောမျိုးတွေ ဖြစ်နေတယ်။ ဒီနေ့ကျရင်တော့ စီးပွားရေးမှာ နိုင်ငံသားတိုင်းဟာ အခြေခံ ဥပဒေမှာ ခွင့်ပြုထားတဲ့အတိုင်း ကိုယ်စွမ်းရှိသလောက် လုပ်ပိုင်ခွင့်ရတဲ့ စီးပွားရေးမျိုး ဖြစ်လာစေ ရမယ်။ နိုင်ငံခြားသားတွေကလည်း လာရောက်ပြီးတော့ ရင်းနှီးမြုတ်နှံမှုတွေ လုပ်ပေး လာနိုင်တဲ့ ပေါင်းစပ်လာနိုင်တဲ့ ယုံကြည်မှု ရှိလာနိုင်တဲ့ စီးပွားရေးအခြေအနေမျိုး ဖြစ်အောင် ဖန်တီးပေးမယ်လို့ သူပြောပါတယ်။
မေး။ ။သမ္မတကြီးဟာ နောက်ကြောင်းပြန်မလှည့်ဖို့အတွက်ကို သူ အာမခံပြီးတော့ ကုလသမဂ္ဂညီလာခံမှာ ပြောသွားတယ်လို့ ကျမတို့ကြားရပါတယ်။ အဲ့တာနဲ့ ပတ်သက်လို့ရော စီးပွားရေးနဲ့ ဆက်နွယ်လို့ ထပ်ပြီးပြောသွားတာ ရှိပါသေးလား။
ဖြေ။ ။ အဓိက ကတော့ နောက်ကြောင်းမပြန်ဘူးဆိုတာထက် ရင်းနှီးမြုတ်နှံသူတွေ စိတ်ချလက်ချ ဖြစ်အောင်ပေါ့နော်။ အခုလက်ရှိအားဖြင့် မြန်မာနိုင်ငံရဲ့ ရင်းနှီးမြုတ်နှံမှု ဥပဒေထဲမှာ ပါဝင်တဲ့အကြောင်းလေးတွေကို နည်းနည်းရှင်းပြတာရှိပါတယ်။ ရင်းနှီးမြုတ်နှံမှုတွေဘက်နေ သူအနေနဲ့ စိတ်ချလက်ချဖြစ်အောင် အာမခံပြီး ကာကွယ်ပေးနိုင်မယ့်အကြောင်းပေါ့နော်။ ဒါပေမယ့်လည်း မြန်မာနိုင်ငံရဲ့ အာမခံလုပ်ငန်းစနစ်တို့ ဘာတို့ဆိုတာကတော့ ကျကျနန မရှိသေးတဲ့အတွက်ကြောင့်မို့လို့ ဆက်ပြီးတော့ လုပ်ရဦးမယ်ဆိုတာကတော့ ပြောသွားတယ်ခင်ဗျ။
မေး။ ။ ဟုတ်ကဲ့ရှင်။ နောက်ဆုံး တခုမေးချင်ပါတယ်။ ဒီကိုမလာခင်တုန်းက သမ္မတကြီးက ရင်းနှီးမြုတ်နှံမှု ဥပဒေကို အတည်ပြုပေးဖို့ ကိစ္စကို ခဏ ရပ်ထားခဲ့တယ်ပေါ့နော်။ ပို့ကုန်တင်သွင်းမှုကို အမေရိကန်ဘက်ကနေပြီးတော့ တားဆီးထားတာကို ဖျက်သိမ်းမပေးသေးတဲ့အတွက်ကြောင့် ဒီဥပဒေကို လက်မှတ်မထိုးနိုင်သေးဘူးလို့ ကြားပါတယ်။ အခုတော့ ဒီတားမြစ်ချက်ကို ဖျက်သိမ်းပေးလိုက်ပြီဖြစ်တဲ့အတွက် ဒီဥပဒေက မကြာခင် ထွက်လာတော့မယ် လို့ မျှော်လင့်ကြရတာပေါ့နော်။
ဖြေ။ ။ ရင်းနှီးမြုတ်နှံမှု ဥပဒေတွေကို သမ္မတက လက်မှတ်ထိုးပေးလိုက်လို့ရှိရင် အတည်ဖြစ်တော့မယ်ဆိုတဲ့ အကြောင်းတွေကိုတော့ သူပြောသွားပါတယ်။ ဒါ့အပြင်ကို တယောက်ချင်းစီ လက်တွေ့လုပ်နေတဲ့ အခြေအနေလေးတွေမှာ အခက်အခဲလေးတွေနဲ့ ပတ်သက်ပြီး တင်ပြတာလေးတွေတော့ ရှိလာတယ်။ ဥပမာအားဖြင့် ဆိုလို့ရှိရင် General Electric Company ကြီးကနေပြီးတော့ ကိုယ်စားလှယ်ကနေ ထပြီးတော့ GE ကနေ လုပ်တဲ့ Cast Scan Machineတွေပေါနော်။ ဆေးဘက်ဆိုင်ရာ ဓာတ်မှန်ရိုက်တဲ့ စက်တွေပေါ့။ အဲ့တာတွေကို ဆေးရုံတွေမှာ ဝယ်ခွင့်ပြုတဲ့အတွက် သုံးတဲ့အတွက် ကျေးဇူးတင်ကြောင်းပြောတယ်။ ဒါပေမယ့်လည်း GE ကနေ ထုတ်တဲ့ လျှပ်စစ်ဂျနရေတာတွေပေါ့နော်။ အဲ့တာတွေဟာ ရန်ကုန်မှာ တပ်ဆင်ဖို့နဲ့ ဝယ်ယူဖို့ကိစ္စတွေက နဂိုတုန်းက ညှိနိူင်းထားတာတွေရှိမယ်။
နောက်ပိုင်း ညှိနှိုင်းထားတာတွေက ဝန်ကြီးအပြောင်းအလဲတွေဖြစ်ပြီးတော့ ဘာကနေ ဆက်လုပ်ရမယ်ဆိုပြီးတော့ လက်တွေ့ကျကျ မေးခွန်းမျိုးတွေ မေးတာကြားရပါတယ်။ သမ္မတကြီးက ဘာပြန်ပြောလဲဆိုတော့ ဒီလိုကိစ္စတွေမှာ အထူးသဖြင့် ဒီလိုကိစ္စမျိုးမှာဆိုရင် အရင်တုန်းက ဝန်ကြီးဌာနနှစ်ခုနဲ့ဆက်ဆံနေရာကနေ အခုဝန်ကြီးဌာန တခုတည်းလုပ်တဲ့အတွက် မို့လို့ ဆက်သွယ်ရတဲ့ လုပ်ငန်းကိုင်ငန်းတွေ ပိုမိုပြီးတော့ ချောမွေ့လာအောင် ပိုပြီးတော့ စီစဉ်ပေးပါမယ်ဆိုပြီးတော့ အာမခံပြောသွားတာတွေ ကျနော်တို့ ကြားရပါတယ်။
မေး။ ။ ဟုတ်ကဲ့။ ကျေးဇူးတင်ပါတယ်။ ဦးသန်းလွင်ထွန်းရေ။
ဒါကတော့ နယူးယောက်မှာ သွားပြီးတော့ သတင်းယူနေတဲ့ ဗွီအိုအေမြန်မာပိုင်းဌာနမှုး နဲ့ တွေ့ဆုံမေးမြန်းခဲ့တာပါ။ နောက် US Asian Business Council မှာ တွေ့ဆုံဆွေးနွေးနေတုန်းမှာပဲ ကချင်တိုင်းရင်းသား လူငယ်ခြောက်ဆယ်လောက် အဲ့ဒီ့အဆောက်အဦးရှေ့မှာ ဆန္ဒပြခဲ့ကြပါတယ်။
ဆန္ဒပြသူတွေထဲက ကိုယ်စားလှယ်တွေကို ကုလသမဂ္ဂဆိုင်ရာ မြန်မာကိုယ်စားလှယ်ရုံးထဲကို ဖိတ်ခေါ်ပြီးတော့ သမ္မတနဲ့အတူ လိုက်ပါလာတဲ့ နယ်စပ်ရေးရာဝန်ကြီး ဒုတိယ ဗိုလ်ချုပ်ကြီး သိန်းဌေး၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနဝန်ကြီး ဦးခင်ရီ၊ သမ္မတရုံးဝန်ကြီး ဦးစိုးသိန်းတို့က ခေါ်ယူတွေ့ဆုံပြီးတော့ ကချင်ပြည်နယ် အခြေအနေနဲ့ ပတ်သက်လို့ အချိန်တော်တော်ကြာ ရင်းရင်းနှီးနှီး ဆွေးနွေးရှင်းပြခဲ့တယ် လို့ သိရပါတယ်။ အခုလိုမတူညီတဲ့ သဘောထားပိုင်ရှင် ဒီဆန္ဒဖော်ထုတ်သူတွေကို မြန်မာအစိုးရ ကိုယ်စားလှယ်ရုံးထဲကို ရင်းရင်းနှီးနှီးတွေ့ဆုံရှင်းပြခဲ့တာကို တွေ့ခဲ့ရတယ်လို့ သိရပါတယ်။
Ref: VOA News
Read More...
Collapse...
2012-09-27
ပြုပြင်ပြောင်းလဲရေးတွေလုပ်ဆောင်နေပြီ ဖြစ်တဲ့အတွက် မြန်မာနိုင်ငံအပေါ် နိုင်ငံတကာ အမြင်တွေ ပြုပြင်ပြောင်းလဲဖို့ လိုပါတယ်လို့  ကုလသမဂ္ဂ အထွေထွေ ညီလာခံကို တက်ရောက်နေတဲ့ သမ္မတ ဦးသိန်းစိန်က တိုက်တွန်း လိုက်ပါတယ်။
မြန်မာနိုင်ငံမှာ နိုင်ငံရေးအကျဉ်းသားတွေ လွှတ်ပေးခဲ့သလို တရားမျှတတဲ့ ကြားဖြတ်ရွေးကောက်ပွဲ ကိုလည်း ကျင်းပပေးခဲ့ ပါတယ်။ ဒါ့အပြင် စာနယ်ဇင်းတွေကို ဆင်ဆာဖြတ်တောက်တာကိုလည်း ဖျက်သိမ်းပေးခဲ့ပါတယ်။ ဒီလို အခြေအနေတွေကြောင့် မြန်မာနိုင်ငံမှာ သည်းခံစိတ်နဲ့ ဆွေးနွေးဖြေရှင်းတဲ့ နိုင်ငံရေး ယဉ်ကျေးမှုတစ်ရပ် ပေါ်ထွန်း လာနေပြီဖြစ်ကြောင်း အထွေထွေ ညီလာခံမှာ သမ္မတ ဦးသိန်းစိန်က ပြောကြား ခဲ့ပါတယ်။
မြန်မာနိုင်ငံက နိုင်ငံရေး တိုးတက်မှုတွေကြောင့် နိုင်ငံရေး အရ တရားဝင်မှုတွေ တိုးလာနေပါတယ်။ ဒီလို အခြေအနေတွေကြောင့် မြန်မာနိုင်ငံရဲ့ အခြေခံနိုင်ငံရေး တည်ငြိမ်မှုတွေကို အထောက်အကူဖြစ်သလို ပြည်သူတွေရဲ့ လူနေမှု အဆင့်အတန်း ပိုမိုကောင်းမွန် လာဖို့အတွက် စီးပွားရေးနဲ့ လူမှုရေးဆိုင်ရာ ပြောင်းလဲမှုတွေ အတွက်လည်း လမ်းပွင့် လာခဲ့ကြောင်း ဦးသိန်းစိန်က ပြောဆိုခဲ့ပါတယ်။
Ref: RFA News
Read More...
Collapse...
2012-09-27
မြန်မာနိုင်ငံမှာ စစ်မှန်တဲ့ ဒီမိုကရေစီရှိဖို့ဆိုရင် တရားဥပဒေ စိုးမိုးရေးကို ပြန်လည် တည်ဆောက် ရမယ်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြား လိုက်ပါတယ်။
လက်ရှိ ဖွဲ့စည်းအုပ်ချုပ်ပုံ အခြေခံဥပဒေဟာ စစ်တပ်ကို အထူးလုပ်ပိုင်ခွင့် အာဏာတွေ ပေးထားကြောင်းနဲ့ မြန်မာနိုင်ငံမှာ လွတ်လပ်တဲ့ တရားရေး မဏ္ဌိုင်တစ်ရပ် လိုအပ်ကြောင်း ဒေါ်အောင်ဆန်းစုကြည်က ယေးလ်တက္ကသိုလ်မှာ စကားပြောကြားစဉ် ထည့်သွင်းပြောကြား ခဲ့ပါတယ်။
ဒေါ်အောင်ဆန်းစုကြည်ရဲ့ အမေရိကန်ခရီးစဉ်အတွင်း သမ္မတ အိုဘားမားနဲ့ တွေ့ဆုံခဲ့သလို အမေရိကန် ကွန်ဂရက်က ပေးအပ်တဲ့ အမြင့်ဆုံး ဆုကိုလည်း လက်ခံ ယူခဲ့ပါတယ်။
မနေ့က ကုလသမဂ္ဂ အထွေထွေညီလာခံမှာ သမ္မတ ဦးသိန်းစိန်က မိန့်ခွန်းပြောကြားရာမှာ ပထမဆုံး အကြိမ်အဖြစ် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ပတ်သက်လို့ ချီးကျူး ဂုဏ်ယူကြောင်း ထည့်သွင်းပြောဆို သွားခဲ့ပါတယ်။
Ref: RFA News
Read More...
Collapse...
2012-09-27
မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေးနဲ့ စီးပွားရေး ဖွံ့ဖြိုး တိုးတက်ရေးကို အထောက် အကူ ဖြစ်စေဖို့ အတွက် မြန်မာ အစိုးရကို ချေးငွေအသစ် အမေရိကန်ဒေါ်လာ သန်းတစ်ထောင် ထုတ်ပေးဖို့ နိုင်ငံတကာ အဖွဲ့အစည်းတွေက ပြင်ဆင်နေပြီလို့ သိရပါတယ်။
နောက်လ တိုကျိုမှာ ကျင်းပမယ့် နိုင်ငံတကာ ငွေကြေးရန်ပုံငွေ အဖွဲ့ IMF အစည်းအဝေး အတွင်းမှာ IMF ၊ ကမ္ဘာ့ ဘဏ်နဲ့ အာရှ ဖွံ့ဖြိုးရေးဘဏ် ADB တို့က ချေးငွေအသစ် ထုတ်ချေးပေးဖို့ ပြင်ဆင်နေပြီ ဖြစ်ကြောင်း ဂျပန်သတင်းစာ Nikkei က ဆိုပါတယ်။
မြန်မာအစိုးရကို ဒေါ်လာ သန်း ၉၀၀ ထုတ်ချေးဖို့အတွက် ကမ္ဘာ့ဘဏ်၊ အာရှ ဖွံ့ဖြိုးရေးဘဏ်နဲ့ IMF နိုင်ငံတကာ ငွေကြေး ရန်ပုံငွေ အဖွဲ့က စီစဉ်နေကြပြီလို့ ဆိုပါတယ်။
မြန်မာနိုင်ငံအပေါ် ချမှတ်ထားတဲ့ လက်ကျန် ပိတ်ဆို့အရေးယူ မှုတွေကို ပြန်ရုပ်သိမ်း ပေးတော့မယ့် အကြောင်း အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က ထုတ်ဖော် ပြောလိုက်ပြီးတဲ့နောက်မှာ အခုလို သတင်း ထွက်ပေါ် လာတာလည်း ဖြစ်ပါတယ်။
မြန်မာအစိုးရ အနေနဲ့ နောက်ထပ် ချေးငွေအသစ်တွေ ရဖို့အတွက် ကြွေးကျန်တွေကို အရင်ဆုံး ပြန်ဆပ်ရမှာ ဖြစ်ပါတယ်။ အဲဒီလို ပြန်ဆပ်နိုင်ဖို့ အတွက် ဂျပန်နိုင်ငံ ဘဏ်ကြီးတွေက မြန်မာနိုင်ငံကို ကာလတိုချေးငွေတွေ ထုတ်ပေးဖို့ အလားအလာ ရှိတယ်လို့လည်း သတင်းမှာ ဖော်ပြထားပါတယ်။
Ref: RFA News
Read More...
Collapse...
ဗုဒ္ဓဟူးနေ့၊ စက်တင်ဘာလ ၂၆ ရက် ၂၀၁၂
မဇ္ဈိမသတင်းဌာန ။ ။ ကုလသမဂ္ဂ အထွေထွေညီလာခံသို့ တက်ရောက်ရန် အမေရိကန်နိုင်ငံတွင် ရောက်ရှိ နေကြသည့် ထိုင်းဝန်ကြီးချုပ် ယင်လပ် ရှင်နာဝပ်ထရာ နှင့် မြန်မာသမ္မတ ဦးသိန်းစိန် တို့သည် ထားဝယ် ရေနက် ဆိပ်ကမ်း စီမံကိန်းနှင့် ပတ်သတ်၍ နယူးယောက် မြို့တွင် သီးသန့် တွေ့ဆုံဆွေးနွေးကြမည် ဖြစ်သည်။
အမေရိကန် ဒေါ်လာ ၆ဝ ဘီလီယံခန့် ကုန်ကျဖွယ် ရှိသည့် ရေနက်ဆိပ်ကမ်း နှင့် အထူး စီးပွါးရေးဇုန် စီမံကိန်း အတွက် နှစ်နိုင်ငံ အနေဖြင့် ငွေကြေးထည့်ဝင် ထောက်ပံ့ရန် သြဂုတ်လ အတွင်းက ကတိကဝတ် ပြုထားကြသော် လည်း စီမံကိန်း ရှေ့ဆက်ရန် အတွက် ဘဏ္ဍာငွေ ရှာဖွေရာတွင် အခက်အခဲ ကြုံနေရဆဲ ဖြစ်သည်။
လွန်ခဲ့သည့် သီတင်းပတ်က ရိုက်တာ သတင်းဌာနက ဖော်ပြခဲ့ရာတွင် ဂျပန်မှ ရရှိရန် မျှော်မှန်းထားသည့် ချေးငွေ အမေရိကန် ဒေါ်လာ ၃.၂ ဘီလီယံ ရရှိသည့်အချိန် တိုင်အောင် ထိုင်းဘဏ်များ အနေဖြင့် စီမံကိန်း ရှေ့ဆက်နိုင်ရန် အတွက် ရေတို ချေးငွေများ ထုတ်ချေးကြမည် ဖြစ်သည်ဟု ဆိုထားသည်။
ထိုင်းနိုင်ငံ၏ အကြီးဆုံး ဆောက်လုပ်ရေး ကုမ္ပဏီဖြစ်သည့် အီတာလျံ-ထိုင်း ကုမ္ပဏီ ITD သည် ထားဝယ်ဒေသတွင် ရေနက် ဆိပ်ကမ်း တခုနှင့် အထူး စီးပွါးရေးဇုန် တည်ဆောက်ရန် အတွက် ၂ဝ၁ဝ ခုနှစ်တွင် စာချုပ်ကို လက်မှတ် ရေးထိုးခဲ့သည်။
သို့ရာတွင် ITD အနေဖြင့် စီမံကိန်း တည်ဆောက်မှု ပထမ အဆင့် အဖြစ် လမ်းများ၊ လျှပ်စစ်မီး ပေးရေး ကဲ့သို့သော အဓိက ဝန်ဆောင်မှု လုပ်ငန်းများနှင့် ဆိပ်ကမ်းတခု တည်ဆောက်ရေးအတွက် ကုန်ကျမည့် ဒေါ်လာ ၈.၅ ဘီလီယံ ပြည့်မီအောင် ထည့်ဝင်ရန် ပျက်ကွက်နေသောကြောင့် စီမံကိန်း အနေဖြင့် အခက်အခဲများ ကြုံတွေ့နေရသည်။
“အီတာလျံ-ထိုင်း အနေနဲ့ ငွေကြေးတွေကို စီမံတဲ့နေရာမှာ အခက်အခဲတွေ ရှိနေပါတယ်။ ဒါကြောင့်မို့လို့ အခု ထိုင်းအစိုးရ ကနေ စီမံကိန်းကို လွှဲပြောင်း ယူနေပါတယ်” ဟု ထားဝယ် အထူးစီးပွါးရေးဇုန် ဥက္ကဋ္ဌ ဦးသောင်းလွင်က ရိုက်တာ သတင်း ဌာနအား ပြောကြားခဲ့သည်။ “နောက်တဆင့်ကတော့ ဂျပန်ကို ဖိတ်ခေါ်ဖို့ပါ” ဟု သူက ဆိုသည်။
သြဂုတ်လ အတွင်းက ထိုင်းနိုင်ငံတွင် ထိုင်းဝန်ကြီးချုပ် ရင်လပ်ခ်နှင့် မြန်မာ သမ္မတ ဦးသိန်းစိန်တို့ ထားဝယ် စီမံကိန်း နှင့် ပတ်သတ်၍ တွေ့ဆုံဆွေးနွေးခဲ့ပြီးနောက်ပိုင်းတွင် ထိုင်းဝန်ကြီးချုပ်၏ မြန်မာနိုင်ငံ ခရီးစဉ်အား နှစ်ကြိမ်ရွှေ့ဆိုင်း ထားခဲ့သည်။
ထိုင်းဝန်ကြီးချုပ်သည် ဦးသိန်းစိန်နှင့် ဆွေးနွေးပွဲအတွက် ပြင်ဆင်သည့် အနေဖြင့် ထိုင်း ဘဏ္ဍာရေးဝန်ကြီး Kittiratt Na-Ranong၊ နိုင်ငံခြားရေးဝန်ကြီး Surapong Towichukchaikul ၊ သယ်ယူ ပို့ဆောင်ရေး ဝန်ကြီး Charupong Ruangsuwan နှင့် ဒုတိယ သယ်ယူ ပို့ဆောင်ရေး ဝန်ကြီး Chatchart Sithipan တို့နှင့် ပြီးခဲ့သည့် သီတင်းပတ် အတွင်းက တွေ့ဆုံဆွေးနွေးခဲ့သည်။
ITD အနေဖြင့် မြန်မာနိုင်ငံနှင့် နားလည်မှု စာချွန်လွှာကို ၂ဝဝ၈ ခုနှစ်တွင် လက်မှတ် ရေးထိုးခဲ့ခြင်း ဖြစ်ပြီး ထားဝယ် စီမံကိန်းကို စတင် ခဲ့သည်။ ထို ၁ဝ နှစ် စီမံကိန်းတွင် ရေနက်ဆိပ်ကမ်းများ၊ စက်ရုံအလုပ်ရုံကြီးများ၊ ရုံးအဆောက် အဦးများနှင့် စီးပွါးရေးနှင့် ကုန်သွယ်မှု ဧရိယာများ ပါဝင်သည်။
ကုမ္ပဏီ အနေဖြင့် စီမံကိန်း အကောင်အထည် ဖော်ရန်အတွက် ကန်ထရိုက် ရရှိခဲ့ခြင်း ဖြစ်ပြီး စီမံကိန်း၏ ပထမအဆင့် တန်ဖိုးမှာ ဒေါ်လာ ၈.၆ ဘီလီယံခန့် ရှိသည်။
အခက်အခဲများ ကြုံတွေ့လာရပြီးနောက် စာချုပ်တွင် ပါရှိသည့် ထားဝယ် အထူး စီးပွါးရေးဇုန် အတွင်း စက်မှုဇုန် နယ်မြေ ဧရိယာအား ၂၅ဝ စတုရန်း ကီလိုမီတာမှ ၂ဝဝ စတုရန်း ကီလိုမီတာသို့ လျှော့ချ ခဲ့ရသည်။
Ref: မဇ္ဈိမ
Read More...
Collapse...
ကိုဝင်းမင်း
26.09.2012
မြန်မာသမ္မတ ဦးသိန်းစိန်အနေနဲ့ ၆၇ ကြိမ်မြောက် ကုလသမဂ္ဂ အထွေထွေ ညီလာခံကြီးမှာ စက်တင် ဘာလ ၂၇ ရက် ကြာသာပတေးနေ့ကျရင် မိန့်ခွန်းပြောကြားဖို့ ရှိပါတယ်။ သမ္မတ ဦးသိန်းစိန်ဟာ အမေ ရိကန်ပြည်ထောင်စု နယူးယောက် မြို့ကို ရောက်ရှိလာတဲ့ မနေ့ အင်္ဂါနေ့မှာပဲ မြန်မာ့ ဒီမိုကရေ စီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့သလို ဒီကနေ့ ဗုဒ္ဓဟူးနေ့မှာတော့ အမေရိကန် နိုင်ငံခြားရေး ဝန်ကြီး ကလင်တန်နဲ့ တခြား သြဇာကြီးတဲ့ အမေရိကန် ထိပ်တန်း အရာရှိ ဟောင်းတွေနဲ့လည်း တွေ့ဆုံဖို့ ရှိပါတယ်။ အသေးစိတ်ကိုတော့ သမ္မတ ဦးသိန်းစိန်နဲ့ အတူ လိုက်ပါလာတဲ့ သမ္မတရုံး ၀န်ကြီး ဦးစိုးသိန်းကို မေးမြန်းပြီး ကိုဝင်းမင်း က တင်ပြထားပါတယ်။
မေး။ ။ မနေ့က ဒေါ်အောင်ဆန်းစုကြည် ဆွေးနွေးပွဲနဲ့ ပတ်သက်ပြီး နည်းနည်းပြောပြလို့ ရမလား။
ဖြေ။ ။ နယူးယောက်မှာ အတူတူရောက်နေကြတဲ့ ကျနော်တို့ ဘက်ကလည်း နိုင်ငံတော် သမ္မတကြီး၊ ဟိုဘက်ကလည်း အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ၊ မြန်မာ့ဒီမိုကရေစီ ခေါင်းဆောင် အမကြီးနဲ့ အတူတူ ရှိနေတော့ အမကြီးက လာပြီးတော့ နှုတ်ဆက် တာပေါ့ဗျာ။ တွေ့တယ်၊ စကားလေး ဘာလေး ပြောတယ်။ ရန်ကုန်မှာလိုပဲ၊ နေပြည်တော်မှာလိုပဲ တယောက်တယောက် ရင်းနှီးကြ တယ်လေ။ တွေ့ဆုံတယ်၊ ဒီသဘောပါ။
မေး။ ။ ဟုတ်ကဲ့။ ဒီတွေ့ဆုံပွဲမှာ အရေးပါတဲ့ တခြားကိစ္စတွေ ဆွေးနွေးဖြစ်ခဲ့တာ ရှိလား။
ဖြေ။ ။ အဲဒီကိစ္စတွေ နည်းနည်းပါးပါး ရှိပါတယ်။ သို့သော်လည်းပဲ ဒါကတော့ ထုတ်ပြန်တာ မဟုတ်တဲ့ အတွက်ကြောင့် - ကိုဝင်းမင်းရာ- ကောင်းတဲ့ တွေ့ဆုံမှုလေးလို့ လောက်ပဲ ကျနော်က ပြောချင်ပါတယ်။
မေး။ ။ ဟုတ်ကဲ့။ အဲဒီတော့ ဘယ်လို အနေအထားကောင်းတဲ့ တွေ့ဆုံမှုလေးလို့ သုံးသပ်လို့ ရလဲ ခင်ဗျ။
ဖြေ။ ။ အော်- လူကြီးတွေ တွေ့တာကောင်းတာပေါ့ဗျာ။ (ရယ်သံ) အရင်တုန်းက တယောက်နဲ့ တယောက် မျက်နှာချင်း ဆိုင်လို့မှ မရတာ။ အခုဟာကတော့ အတူတကွ လုပ်ဖော် ကိုင်ဘက်တွေ အဖြစ် တိုင်းပြည် တိုးတက်ဖို့၊ သန်းခြောက်ဆယ်ခန့်သော ပြည်သူတွေ တိုးတက်ဖို့၊ ပညာရေး၊ ကျန်းမာရေး၊ လူမှု- စီးပွားရေး အကုန်ပေါ့ဗျာ။ ဒီအတွက် နှစ်ယောက်ရဲ့အားက နည်းတဲ့ အားလားဗျာ။
မေး။ ။ ဟုတ်ကဲ့ ဝန်ကြီး၊ နောက်တခုက ဒီနေ့ တကယ့် အဆင့်မြင့် အရာရှိကြီးတဦးဖြစ်တဲ့ အမေရိကန် နိုင်ငံခြားရေး ဝန်ကြီးနဲ့တွေ့ဆုံပွဲ ကရော ဘယ်လို ရည်ရွယ်ချက်တွေ ထားပြီးတော့ ဘာတွေ အဓိက ဆွေးနွေးဖို့ ရှိလဲမသိဘူးခင်ဗျာ။
ဖြေ။ ။ ဟီလာရီကလင်တန်နဲ့ မကြာခဏတွေ့ပါတယ်။ မကြာခဏဆိုတာ ခဏ ခဏတော့ မဟုတ် ဘူးပေါ့လေ။ ဟိုး ယခင်နှစ် ကာလတွေ ကတည်းက စလို့ ပြီးခဲ့တဲ့ နိုဝင်ဘာ ပထမ- ဒီလာပြီးတဲ့ နောက် ပိုင်းကတည်းက တွေ့တာပဲလေ။ တလောလေးကပဲ ကမ္ဘောဒီးယားနိုင်ငံ၊ Siem Reap မှာ ထပ်တွေ့ တယ်လေ။ အခုလည်း တွေ့တာပေါ့။ တွေ့တဲ့အခါ ကောင်းတဲ့ ရလဒ်တွေချည့်ပဲ ပေါ်ပေါ် လာတာပါပဲ။ ကျနော်တို့ကလည်း ကျနော်တို့ လုပ်တာတွေနဲ့ ဆွေးနွေးကြတယ်။ သူကလည်း သူမြင်တာတွေ ဆွေးနွေးလေ့ ရှိတယ်။ ပြီးရင် အမေရိကန် အစိုးရ လုပ်သင့် လုပ်ထိုက်တာတွေလည်း သူက အမြန် အကောင်အထည် ဖော်ပေးတယ်လေ။ ဒါ- အလွန်ကောင်းတဲ့ တွေ့ဆုံမှုပေါ့။
မေး။ ။ ဟုတ်ကဲ့။ ဒီတွေ့ဆုံပွဲကနေ ဝန်ကြီးတို့ မျှော်လင့်ထားတာတွေရော ရှိပါလား။
ဖြေ။ ။ မျှော်လင့်ထားတာတွေ ပြောရမယ်ဆိုရင် ရှိတာပေါ့ဗျာ။ သို့သော်လည်း မျှော်လင့်ကောင်းတဲ့ အရာ မဟုတ်တော့ ကိုယ်က- ဒါက သူတို့ အစိုးရရဲ့ ကိစ္စလေ။ ကျနော်တို့ ကလည်း ကျနော်တို့ ပြည်သူ လူထု အကျိုးအတွက် ပြုပြင်ပြောင်းလဲ ရတာကိုး။ သူတို့ အပိုင်းကလည်း သူတို့ လုပ်သင့်လုပ်ထိုက်တာ လုပ်ဖို့ သူတို့ မူဝါဒတွေ ချထားတာပဲ။ သူတို့က ကျနော်တို့နဲ့ ဟန်ချက်ညီညီ လိုက်ပြီး move လုပ်မယ် ဆိုရင်တော့ အလွန်လှပတဲ့ အကျိုးကျေးဇူးကို နှစ်ဘက်လုံးရမှာပေါ့။
မေး။ ။ ဟုတ်ကဲ့ဝန်ကြီး၊ နောက်တခုက အခုခရီးစဉ်မှာ ဝန်ကြီးလေးပါးပေါ့နော်၊ နိုင်ငံခြားရေး ဝန်ကြီး ရယ်၊ ပြည်ထဲရေးနဲ့ လူဝင်မှု ကြီးကြပ်ရေးရယ်၊ နောက် နယ်စပ်ရေးရာပေါ့နော်-ပါလာတာ အပြင် လွှတ်တော် အမတ်နှစ်ဦးလည်း ပါတဲ့ အတွက် ဒီခရီးစဉ်မှာ နောက်ထပ်ပေါ့နော် နောက်နေ့ တွေမှာ လုပ်မယ့် အစီအစဉ်တွေမှာရော ဘယ်လို အနေအထားတွေ ရှိမလဲ ဝန်ကြီးရေ။
ဖြေ။ ။ အားလုံးစုံအောင်ပေါ့ဗျာ၊ ဒီ Foreign Minister (နိုင်ငံခြားရေးဝန်ကြီး) ကတော့ သူ့ အလုပ် ကတော့ ဒီမူလ အလုပ်ပေါ့။ ကျနော်တို့ ပါလာတာကတော့ Investment (ရင်းနှီးမြှုပ်နှံ မှု) နဲ့ ပတ်သက် လို့ အခြားဟာတွေမေးမယ် ဆိုရင်လည်း စီးပွားရေး လုပ်ငန်းနဲ့ နိုင်ငံရေး လုပ်ငန်းတွေ မေးရင်လည်း ကျနော်တို့က နည်းနည်းပြောမယ်။ ဝန်ကြီး ဦးခင်ရီကလည်း သူနဲ့ ပတ်သက်တဲ့ Black List (အမည် မည်းစာရင်း) ကိစ္စတွေ၊ ဗီဇာတွေ၊ တခြားမှတ်ပုံတင် ကိစ္စ တွေ၊ မှတ်ပုံတင် ဥပဒေတွေမေးရင် သူဖြေ မယ်။ အဲ့လိုပဲ ဦးသိန်းဌေးက ရခိုင်ပြည်နယ် အရေးအခင်းကို သူက နယ်စပ်ဝန်ကြီးအနေနဲ့ သွားနေတဲ့ အတွက် သိချင်တဲ့ကိစ္စတွေ In-depth (နက်နက်ရှိုင်းရှိုင်း) ပေါ့လေ၊ သူတို့က ဖြေနိုင်ဖို့ အတွက် ခေါ် လာခြင်းဖြစ်ပါတယ်။
အလားတူပဲ လွှတ်တော်ကိုယ်စားလှယ် နှစ်ဦးဖြစ်တဲ့ ကယားပြည်နယ်က ဦးစုရယ်၊ ကရင်ပြည် နယ်က ဦးထွန်းမြတ်အောင်၊ သူတို့ကလည်း UN (ကုလသမဂ္ဂ) မှာ တက်ရောက် နားထောင်ပြီးတော့ exposure (ထိတွေ့မှု) တွေရပြီးတော့ ဗဟုသုတတွေ ပိုရလာစေဖို့ ကျနော်တို့က ဒီလို ဖွဲ့စည်းဆောင်ရွက်လာခြင်းဖြစ်တယ်လို့ ပြောလိုပါတယ်။
မေး။ ။ ဝန်ကြီးအနေနဲ့လည်း မြန်မာ community (အသိုင်းအဝိုင်း) နဲ့လည်းတွေ့မယ်ပေါ့ နော်၊ သမ္မကြီး က မတွေ့နိုင်သော် လည်းပဲ အဲ့လို ကြားထားတာ ရှိပါတယ်။ စနေနေ့မှာလို့ ကြားထားပါတယ်။ အဲ့ဒီတော့ ဒီခရီးစဉ် တခုလုံး ကနေပေါ့နော်၊ ဝန်ကြီးတို့ အနေနဲ့ ဘယ်လို အကျိုးကျေးဇူးတွေ ရဖို့ မျှော်လင့် ထားပါလဲ။
ဖြေ။ ။ ကျနော်တို့ကတော့ သမ္မတကြီးလုပ်နေတဲ့ Message (သတင်းစကား) တွေကို UN မှာ officially (တရားဝင်) ပေးလိုက်မှာပေါ့။ ဒါက တကမ္ဘလုံးက ဒီ Message အပေါ်မှာ သုံးသပ် ကြမယ်၊ အကဲဖြတ်ကြမယ်၊ ဒါက လုပ်ငန်းကြီး တခုပေါ့။ ကျနော်တို့ ရောက်တဲ့ အခါမှာ မီဒီယာ အဆင့်ဆင့်က ကျနော်တို့ကို မေးနေတာတွေ ကျနော်တို့က ပိုပြီးတော့ Transparency ဖြစ်ဖြစ်၊ ပွင့်ပွင့်လင်း လင်း မြင်မြင် သာသာ သူတို့မေးတာတွေကို ကျနော်တို့ ရှင်းပြလျှက် ရှိတယ်။ အခု ခင်ဗျားမေး သလိုပေါ့။ မေးတော့ ကျနော်တို့ ပြောတာပေါ့။ အလားတူပဲ သက်ဆိုင် တဲ့ community ပေါ့။ US မှာရှိတဲ့ မြန်မာအသိုင်းအဝိုင်းနဲ့ ကြုံရင်ကြုံသလို ကျနော်တို့ မေးမြန်း ဖြေကြားတာတွေ ဆောင်ရွက် မယ်၊ တခြား US က Civil Society တွေဖြစ်တဲ့ တခြားဟာတွေ ပေါ့။ Asian Society တို့လို၊ US Asean Business Council တို့လို၊ US Chambers Commerce တို့လို စသဖြင့် ဒါတွေလည်း ကျနော်တို့ ထိတွေ့သွားမယ်လေ။ ဒါလေးတွေကို ကျနော်တို့ အလျဉ်းသင့်သလို ဆောင်ရွက်သွားဖို့ ရှိပါတယ်လို့ ပြောချင်ပါတယ်။ ဒီကိုလာတဲ့ ရည်ရွယ်ချက်ကတော့ UN မှာ နိုင်ငံတော် သမ္မတအနေ နဲ့ ပြောသင့်ပြောထိုက်တာတွေ၊ တင်ပြသင့် တင်ပြထိုက်တာတွေ တင်ပြခွင့်ရဖို့အတွက် လာတဲ့ ခရီးစဉ်ပဲဖြစ်ကြောင်း ပြောကြားလိုပါတယ်။
မေး။ ။ ဟုတ်ကဲ့၊ ကျေးဇူးအများကြီးတင်ပါတယ် ဝန်ကြီးခင်ဗျား။
ဖြေ။ ။ ကောင်းပါပြီ ခင်ဗျ။
Ref: VOA News
Read More...
Collapse...
2012-09-26
မြန်မာနိုင်ငံကနေ အမေရိကန်နိုင်ငံကို ကုန်ပစ္စည်း တင်သွင်းခွင့် ပိတ်ပင်ထားမှုတွေကို လျော့ပေါ့ပေးဖို့ ဆောင်ရွက်သွားမှာ ဖြစ်တယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ပြီးခဲ့တဲ့ နာရီပိုင်းအတွင်းကပဲ ပြောကြားလိုက်ပါတယ်။
အမေရိကန်ပြည်ထောင်စု နယူးယောက်မြို့မှာ ကျင်းပနေတဲ့ ၆၇ ကြိမ်မြောက် ကုလသမဂ္ဂ အထွေထွေ ညီလာခံကို တက်ရောက်ဖို့ ရောက်ရှိနေတဲ့ သမ္မတ ဦးသိန်းစိန်နဲ့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်တို့ ပြီးခဲ့တဲ့ နာရီပိုင်း အတွင်းက သမ္မတ တည်းခိုနေတဲ့ New York မြို့ ၇၇ လမ်းပေါ်က The Mark Hotel မှာ တစ်နာရီကြာ တွေ့ဆုံဆွေးနွေး ပြီးတဲ့နောက် မစ္စ ဟီလာရီ ကလင်တန်က အခုလို ပြောကြားလိုက်တာ ဖြစ်ပါတယ်။
သမ္မတ ဦးသိန်းစိန်ဟာ ဟီလာရီ ကလင်တန်နဲ့ မတွေ့ဆုံခင် နေ့လည်ပိုင်းက အမေရိကန် သမ္မတဟောင်း ဘီလ်ကလင်တန်နဲ့ The Mark Hotel မှာ တစ်နာရီနီးပါးခန့် တွေ့ဆုံဆွေးနွေး ခဲ့ပါတယ်။
သမ္မတဟာ အမေရိကန် သမ္မတဟောင်းနဲ့ တွေ့ဆုံ အပြီးမှာ အမေရိကန်နိုင်ငံကို ရောက်ရှိနေတဲ့ ထိုင်းဝန်ကြီးချုပ် ယင်လပ်ရှင်နာဝပ်ထရာ၊ အမေရိကန် နိုင်ငံခြားရေးဝန်ကြီးဟောင်း ဟင်နရီ ကစ်ဆင်ဂျားတို့နဲ့ တွေ့ဆုံခဲ့ပြီး ညနေ ၆ နာရီမှာတော့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်နဲ့ တွေ့ဆုံခဲ့တာ ဖြစ်ပါတယ်။
သမ္မတ ဦးသိန်းစိန်ဟာ မနက်ဖြန် မနက်ပိုင်းမှာ ၆၇ ကြိမ်မြောက် ကုလသမဂ္ဂ အထွေထွေ ညီလာခံမှာ မိန့်ခွန်းပြောမှာဖြစ်ပြီး နေ့လည်ပိုင်းမှာတော့ အမေရိကန် အာဆီယံ စီးပွားကောင်စီနဲ့ တွေ့ဆုံဆွေးနွေးမှာ ဖြစ်ပါတယ်။
ညနေပိုင်းမှာတော့ သမ္မတဟာ Asia Society မှာ ကျင်းပမယ့် ဆွေးနွေးပွဲကို တက်ရောက်မှာ ဖြစ်ပါတယ်။ စက်တင်ဘာလ ၂၉ ရက်နေ့ ည ၇ နာရီမှာ သမ္မတ ဦးသိန်းစိန်ဟာ နယူးယောက်မြို့ကနေ မြန်မာနိုင်ငံကို ပြန်လည်ထွက်ခွာမှာ ဖြစ်ပါတယ်။
Ref: RFA News
Read More...
Collapse...
2012-09-26
ရခိုင်ပြည်နယ် ရသေ့တောင်မြို့ပေါ်မှာ မနေ့ကစပြီး ၂ ရက်ကြာ ကျင်းပပြုလုပ်နေတဲ့ ရခိုင်ဒေသ လူထု အစည်း အဝေးကို ဒီကနေ့ ဆက်လက် ကျင်းပ ပြုလုပ် ခဲ့ပါတယ်။
အစည်းအဝေးမှာ ရခိုင်ပြည်နယ်တစ်ခုလုံးက လူထုကိုယ်စားလှယ်တွေ အနေနဲ့ မြန်မာနိုင်ငံ အနောက်ဘက် ရခိုင် နယ်စပ်ဒေသမှာ တရားမဝင် ခိုးဝင်သူတွေ ရှိနေတဲ့အတွက် ပင်လယ်ပြင်နဲ့ နယ်စပ် လုံခြုံရေးကို အခိုင်အမာ တည်ဆောက်ပေးဖို့၊ ရခိုင်ဒေသက ထွက်ရှိတဲ့ သယံဇာတတွေကို ဒေသခံ ပြည်သူတွေ အတွက် ရသင့် ရထိုက်တဲ့ အခွင့်အရေးတွေကို နိုင်ငံတကာရဲ့ စံချိန် စံနှုန်းတွေ အတိုင်း ပြည်ထောင်စု အစိုးရက ခံစားခွင့်ပေးဖို့၊ မြန်မာနိုင်ငံရှိ ဘင်္ဂါလီတွေရဲ့ လူဦးရေ ပေါက်ပွားနှုန်းကို ထိန်းချုပ်နိုင်တဲ့ ဥပဒေ တစ်ရပ် ပြဋ္ဌာန်းပေးဖို့၊ ၁၉၈၂ ခုနှစ် နိုင်ငံသားဖြစ်မှု ဥပဒေအတိုင်း တိကျစွာ အကောင်အထည်ဖော် ဆောင်ရွက်ပေးဖို့ စတဲ့ အချက်တွေပါဝင်တဲ့ အချက် ၁၈ ချက်ကို နိုင်ငံတော် အစိုးရကို တင်ပြတောင်းဆို သွားဖို့ သဘောတူ ဆုံးဖြတ်ခဲ့ကြပါတယ်။
ဒီဆုံးဖြတ်ချက်တွေကို ဝံလက်ဒေသ ဖွံ့ဖြိုးရေးဖောင်ဒေးရှင်း (ရခိုင်ပြည်နယ်) အုပ်ချုပ်မှု ဒါရိုက်တာ အဖွဲ့ဝင် တစ်ဦးလည်းဖြစ်၊ နိုင်ငံရေး အကျဉ်းသားဟောင်း တစ်ဦးလည်းဖြစ်တဲ့ ကိုခိုင်ကောင်းစံက အစည်းအဝေးမှာ ဖတ်ကြားခဲ့ပါတယ်။
ဒါ့အပြင် ပြည်နယ်အတွင်းမှာ ဖြစ်ပေါ်ခဲ့တဲ့ ပဋိပက္ခ အခြေအနေတွေအရ ရခိုင်နဲ့ ဘင်္ဂါလီ အတူ ယှဉ်တွဲ နေထိုင်ခြင်း၊ မြန်မာနိုင်ငံမှာ လုံးဝ မရှိတဲ့ လူမျိုးဖြစ်တဲ့ ရိုဟင်ဂျာဆိုတဲ့ ဝေါဟာရကို ပြည်တွင်း ပြည်ပ မီဒီယာတွေက သုံးစွဲနေခြင်း၊ ရခိုင် တစ်မျိုးသားလုံး ရဲ့ အထွတ်အမြတ် ထားတဲ့ ဘာသာရေး ယဉ်ကျေးမှု ဆိုင်ရာ သင်္ကေတ၊ လက္ခဏာ အမှတ်အသားတွေကို ဘင်္ဂါလီ လူမျိုးခြားတွေက ပုံတူကူးယူ အသုံးပြုနေကြခြင်း စတဲ့ အချက်တွေ ပါဝင်တဲ့ ကန့်ကွက်ချက် ၆ ချက်ကိုလည်း ဆွေးနွေးဆုံးဖြတ် အတည်ပြု ခဲ့ကြပါတယ်။
မနေ့က စတင်ကျင်းပခဲ့တဲ့ ဒီလူထုအစည်းအဝေးမှာ အာဏာပိုင်တွေက လူပေါင်း ၃၅၀ သာ ခွင့်ပြု ထားပေမယ့် ဒီကနေ့ မှာတော့ ဒေသတွင်း မြို့နယ်တွေက လူပေါင်း ၃၀၀၀ နီးပါးခန့် တက်ရောက် ခဲ့ကြပါတယ်။
ဒီကနေ့ ဆွေးနွေးဆုံးဖြတ် အတည်ပြုတဲ့ အချက်တွေကို နိုင်ငံတော် သမ္မတ အပါအဝင် လွှတ်တော် ဥက္ကဋ္ဌတွေ၊ ရခိုင်ပြည်နယ် အရေး စုံစမ်း စစ်ဆေးရေး ကော်မရှင်နဲ့ ကမ္ဘာ့ကုလ သမဂ္ဂ အထိ တင်ပြတောင်းဆို သွားမယ်လို့လည်း သိရပါတယ်။
Ref: RFA News
Read More...
Collapse...
ကျော်ခ
September 26, 2012
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) အထွေထွေ အတွင်းရေးမှူး ဦးဌေးဦးက ဧရာဝတီတိုင်း၏ လွှတ်တော် အမတ်များနှင့် တိုင်းလွှတ်တော် တာဝန်ရှိသူများကို ပြစ်တင်ခြင်း၊ ခြိမ်းခြောက် ပြောဆိုခြင်းများ မပြုလုပ်ခဲ့ကြောင်း ပြောဆိုလိုက်သည်။
ဧရာဝတီတိုင်း ကြံ့ခိုင်ရေး ပါတီဝင်များ အချင်းချင်းအကြား သဘောထားကွဲလွဲမှုများ ဖြစ်နေခြင်း၊ တိုင်ကြားမှုများ များပြား နေခြင်းကြောင့် ညီညွတ်မှု ရရှိရေး အတွက် ပါတီဗဟို၏ သဘောထားဖြင့် ညောင်တုန်းမြို့တွင် သွားရောက်ဖြေရှင်း ညှိနှိုင်း ပေးခြင်းသာ ဖြစ်ပြီး ယင်းသို့ ဖြေရှင်းရာတွင်လည်း ပြစ်တင်ခြင်း၊ ခြိမ်းခြောက်ပြောဆိုခြင်းများ မရှိခဲ့ဟု သူက ဆိုသည်။
“ဧရာဝတီတိုင်းမှာ ဖြစ်နေတဲ့ကိစ္စတွေကို တိုင်စာတွေလာတယ်၊ အပြင်က ကြားနေတာတွေလည်း ရှိတယ်။ လွန်လွန်ကဲကဲတွေ ဖြစ်ကုန်မှာကို ကျနော်တို့ မလိုလားဘူး၊ ဒါကြောင့် ဗဟိုရဲ့သဘောထား အရ ညီညီညွတ်ညွတ်ရှိကြဖို့ သွားပြီးညှိနှိုင်းဖြေရှင်း ပေးခဲ့တာပါ၊ ခြိမ်းခြောက်တာတွေ၊ ဘာတွေမလုပ်မိပါဘူးဗျာ” ဟု ဦးဌေးဦးက ဧရာဝတီ မဂ္ဂဇင်းကို ရှင်းပြသည်။
ဦးဌေးဦးက ယခုလ ၉ ရက်နေ့တွင် ဧရာဝတီတိုင်း ညောင်တုန်းမြို့၌ လွှတ်တော်အမတ်များကို ခေါ်ယူတွေ့ဆုံကာ ဧရာဝတီတိုင်း လွှတ်တော်အပေါ် ပုတ်ခတ်သည့် အကြောင်းအရာများစွာ ပြောဆိုခဲ့သည်ဟု တိုင်းလွှတ်တော် ဥက္ကဋ္ဌ ဦးဆန်းဆင့်က စက်တင်ဘာ ၂၄ ရက်နေ့တွင် သတင်းစာ ရှင်းလင်းပွဲ ပြုလုပ်၍ ပြောခဲ့သည့်အပေါ် ဦးဌေးဦးက မဟုတ်ကြောင်း ငြင်းဆိုခြင်း ဖြစ်သည်။
သို့ရာတွင် ဦးဆန်းဆင့်ကမူ “ဦးဌေးဦးရဲ့ ပြောဆိုချက်တွေဟာ လွှတ်တော်ရဲ့ လုပ်ငန်း တာဝန်ဆောင်ရွက်ခြင်းအပေါ် ပုဂ္ဂိုလ်ရေးဘက် ဆွဲယူပြီး စွပ်စွဲမှုတွေဖြစ်နေလို့ ကျနော့်အနေနဲ့ အံ့သြ စိတ်မကောင်း ဖြစ်မိပါတယ်။ နောက်နောင် ခုလိုမျိုး အလားတူဖြစ်လာခဲ့ရင် လွှတ်တော်အနေနဲ့ တရားစွဲဆိုသွားမှာ ဖြစ်ပါတယ်” ဟု သတင်းစာ ရှင်းလင်းပွဲတွင် ပြောခဲ့သည်။
ထို့အပြင် ဦးဌေးဦးက ဧရာဝတီတိုင်း လွှတ်တော်ကို ဖိအားပေးခြိမ်းခြောက် ပြောဆိုခဲ့ကြောင်း၊ ယင်းသို့ ပြောဆိုချက် များသည် တိုင်းလွှတ်တော် အမတ်များ၏ ဂုဏ်သိက္ခာ၊ လွှတ်တော် ဥက္ကဋ္ဌနှင့် အမတ်များ၏ ဂုဏ်သိက္ခာကို ကျဆင်းစေကြောင်း သူက ဆက်ပြောသည်။
ယင်းသတင်းစာ ရှင်းလင်းပွဲသို့ ပြည်တွင်းပြည်ပ သတင်းဌာန ၁၇ ခု တက်ရောက် သတင်းယူခဲ့ကြရာ ဧရာဝတီတိုင်း လွှတ်တော်အမတ်များက ညောင်တုန်းမြို့၌ ဦးဌေးဦး ပြောကြားခဲ့သည့် အသံဖိုင်ကို သတင်းထောက်များအား ဖွင့်ပြ နားထောင်စေခဲ့သည်။
ဦးဌေးဦး ပြောဆိုခဲ့သော အသံဖိုင်ထဲတွင် “အဲဒီလူတွေအားလုံးက သူတို့ လုပ်ချင်လွန်းအားကြီးလို့ အဲဒီနေရာ ရောက်နေတာ မဟုတ်ဘူး။ ကျနော်တို့က လုပ်ပါလို့ တာဝန်ပေးလို့ ရောက်နေကြတဲ့ လူတွေဖြစ်တယ်။ ဒါကို ပွင့်ပွင့်လင်းလင်း ပြောပြတာပါ။ ရှေ့မှာလည်း ပြောနိုင်တယ်။ သိပ်ပြီးတော့မှ တော်လို့တတ်လို့၊ သိပ်ပြီးတော့မှ သင့်တော်လို့၊ သူကလွဲလို့ ဘယ်သူမှ မရှိလို့ မဟုတ်ပါဘူး” ဟု ပါရှိသည်။
ထို ပြောဆိုချက်များသည် ဧရာဝတီတိုင်းလွှတ်တော်အပေါ် မထီမဲ့မြင်ပြုမှုဖြစ်ကြောင်းနှင့် ဧရာဝတီတိုင်းလွှတ်တော်၊ လွှတ်တော် ဥက္ကဋ္ဌနှင့် လွှတ်တော် အမတ်များ၏ ဂုဏ်သိက္ခာကို ထိခိုက်စေကြောင်း ဦးဆန်းဆင့်က ပြောသည်။
တိုင်းဝန်ကြီးချုပ် ဦးသိန်းအောင်နှင့် လမ်းပန်းဆက်သွယ်ရေး ၀န်ကြီး ဦးသန်းထွန်းတို့အား စွပ်စွဲပြစ်တင်ခြင်း အဆိုကို ပြီးခဲ့သည့် သြဂုတ်လ ၁၅ ရက်နေ့က ပြုလုပ်ခဲ့သည့် လွှတ်တော် အရေးပေါ် အထူးအစည်းအဝေး (၁/၂၀၁၂) တွင် တင်သွင်းခဲ့ခြင်းနှင့် ပတ်သက်၍လည်း ဦးဌေးဦးက “မလုပ်သင့်တာကို လုပ်မိပြီးတော့မှ နောက်ကနေ လိုက်ပြီးတော့ ဖြေရှင်းရတာ သိပ်ခက်ပါတယ်။ ကလေးတွေလို ငါနိုင်အောင်ချမယ် ဆိုတဲ့ဟာနဲ့ မပြီးသေးဘူးဆိုတာ မှတ်ထားပါ။ နောက်ဆက်တွဲ ဘာတွေ ဖြစ်လာဦးမလဲဆိုတာလည်း သိထားပါ” ဟု ညောင်တုန်းမြို့တွင် ပြောဆိုခဲ့ကြောင်း သိရသည်။
သို့ရာတွင် ဦးဌေးဦးကမူ ကြံ့ခိုင်ရေးပါတီ၌ ဧရာဝတီတိုင်း တခုတည်းတွင် ပါတီတွင်း မတည်ငြိမ်မှုများ ဖြစ်ပွားပြီး ပါတီ ဗဟိုနှင့် ကျန်ပြည်နယ်နှင့် တိုင်းများတွင် ယင်းသို့ သဘောထားကွဲလွဲခြင်း၊ မတည်ငြိမ်ခြင်းများ မရှိကြောင်း၊ ပါတီတွင်း အချင်းချင်း မကျေလည်မှုကို ပါတီဗဟိုသို့ အကြောင်းကြားခြင်းမရှိဘဲ သတင်းစာ ရှင်းလင်းပွဲ ပြုလုပ်၍ ဖြေရှင်းမှုပြုလုပ်သွားခြင်းကို နားမလည်နိုင် ဖြစ်ခဲ့ရကြောင်း ယမန်နေ့က ဧရာဝတီမဂ္ဂဇင်းကို ရှင်းပြသည်။
“ကျနော်ပြောတာက ပါတီတွင်းမှာရှိတဲ့ တချို့လူတွေဟာ အရည်အချင်းတွေက မတိမ်းမယိမ်းတွေ၊ တချို့က လွှတ်တော်ထဲမှာ ပါတဲ့လူလည်းရှိတယ်၊ မပါတဲ့လူလည်းရှိတယ်၊ အစိုးရအဖွဲ့ထဲမှာ ပါတဲ့လူလည်းရှိတယ်၊ မပါတဲ့လူလည်းရှိတယ်၊ အားလုံးက ညီညွတ်ညွတ်နဲ့ လုပ်ကြရမယ်။ ပါသွားတဲ့အတွက် တယောက်နဲ့ တယောက် ပြောနေရင် မသင့်တော်ဘူးပေါ့ ဆိုတာမျိုးပါ” ဟု သူက ဆက်ပြောသည်။
ဧရာဝတီတိုင်း လွှတ်တော် အဖွဲ့၏ သတင်းစာ ရှင်းလင်းပွဲတွင် ဦးဆန်းဆင့်က ကြံ့ခိုင်ရေးပါတီအနေဖြင့် ပါတီသြဇာသုံး၍ လွှတ်တော်အတွင်း ၀င်ရောက် စွက်ဖက်ခြင်း၊ လွှမ်းမိုးချယ်လှယ်ခြင်းများ မပြုလုပ်စေလိုကြောင်း ပါတီ ထိပ်ပိုင်း ခေါင်းဆောင် များကို တိုက်တွန်း ပြောကြားခဲ့သည်ဟုလည်း သိရသည်။
ကြံ့ခိုင်ရေးပါတီကို အရပ်သားအဖြစ် ပြောင်းထားသော ဗိုလ်ချုပ်ဟောင်းများ ဦးဆောင်၍ ၂၀၁၀ ရွေးကောက်ပွဲတွင် ၀င်ရောက် ယှဉ်ပြိုင်ရာ လွှတ်တော် ၃ ရပ်ပေါင်း မဲဆန္ဒနယ် ၁၁၅၄ ခု အနက် ကြံ့ခိုင်ရေး ပါတီက ၈၈၂ နေရာ (၇၆. ၅ ရာခိုင်နှုန်း) ကို အငြင်းပွားဖွယ်ရာ မဲများဖြင့် အနိုင်ရခဲ့သည်။
၁၉၉၃ ခုနှစ်မှစ၍ ၁၇ နှစ်ကြာ လူမှုရေးအသင်း အမည်ခံထားသည့် ကြံ့ခိုင်ရေးပါတီသည် စစ်အစိုးရ ကျောထောက် နောက်ခံဖြင့် တည်ထောင်ခဲ့ခြင်း ဖြစ်ပြီး ၂၀၁၀ ရွေးကောက်ပွဲ မတိုင်မီတွင် နိုင်ငံရေး ပါတီအဖြစ်သို့ ပြောင်းလဲခဲ့သည်။ ပါတီ အဖြစ် မပြောင်းလဲမီ ဗိုလ်ချုပ်မှူးကြီးဟောင်း သန်းရွှေက နာယက အဖြစ် တာဝန်ယူ သကဲ့သို့ စစ်တပ် ထိပ်ပိုင်း အရာရှိများဖြင့် ဦးဆောင် လာခဲ့သည့် ပါတီတရပ်ဖြစ်သည်။
လက်ရှိတွင် ကြံ့ခိုင်ရေးပါတီကို ပြည်သူ့လွှတ်တော် ဥက္ကဌ သူရဦးရွှေမန်းက ယာယီဥက္ကဌ၊ လွှတ်တော်အမတ် ဦးဌေးဦးက အထွေထွေအတွင်းရေးမှူး တာဝန်ယူကာ ဦးဆောင်နေသည်။
Ref: ဧရာဝတီ
Read More...
Collapse...
2012-09-26
မန္တလေး၊ ပြည်ကြီးတံခွန်မြို့နယ်၊ ၆၂ လမ်းမှာရှိတဲ့ မြ၀တီမင်းကြီး ကျောင်းတိုက်မှာ ရွှေဝါရောင် တော်လှန်ရေး (၅) နှစ်ပြည့် အခမ်းအနား အဖြစ် ဆွမ်းကျွေးရေစက်ချ အခမ်းအနားနဲ့ ဟောပြောပွဲ အခမ်းအနားကို အပိုင်းနှစ်ပိုင်းခွဲ ကျင်းပ ခဲ့တယ်လို့သိရပါတယ်။
အခမ်းအနားကျင်းပတာနဲ့ ပတ်သက်ပြီး အခမ်းအနား ကျင်းပရေး ကော်မတီ ဦးဆောင်ဆရာတော် မြ၀တီမင်းကြီး ကျောင်းတိုက် ပဓာနနာယက ဦးအရိယာဝံသာ ဘိဝံသက သတင်းစာ ရှင်းလင်းပွဲမှာ အခုလို မိန့်ကြားခဲ့ပါတယ်။
"အားလုံးပါဝင်ခဲ့ကြတဲ့၊ စွန့်စားခဲ့ကြတဲ့ သက်ရှိထင်ရှား ရှိတာရော၊ မရှိတာရော ဒီပုဂ္ဂိုလ်တွေကို ဂုဏ်ပြုချင်လို့ တန်ဖိုး ထားလွန်းလို့ ဒီပွဲကို ဘုန်းကြီးတို့ ကြိုးစားပြီး ဖြစ်မြောက်အောင် ဆောင်ရွက်ခဲ့တာ ဖြစ်တယ်။ နောက်ဒီပွဲရဲ့ အဓိက ဦးတည်ချက်က လည်းပဲ နိုင်ငံရဲ့ ငြိမ်းချမ်းရေး၊ နိုင်ငံရဲ့ ညီညွတ်ရေး ဇာတ်လမ်းသစ် အတွက် ကမ္ဘာက အလေးထားရတဲ့ ဇာတ်လမ်းသစ် တစ်ခုအတွက် ဒီပွဲကို ကျင်းပရတာ ဖြစ်တယ်"
ဟောပြောပွဲ အခမ်းအနားကို နေ့လည်တစ်နာရီမှာ စတင်ခဲ့ပြီး အခမ်းနားမှူးအဖြစ် ၈၈ ဒီမိုကရေစီ အရေးတော်ပုံ ကာလက မန္တလေး ဂဠုန်နီ သပိတ်စစ်ကြောင်း ဦးဆောင်ဆရာတော် နိုင်ငံရေး အကျဉ်းသားဟောင်း ဦးကာဝိယက ဆောင်ရွက်ခဲ့တယ်လို့ သိရပါတယ်။
အခမ်းအနားဖွင့်လှစ်ပြီးနောက်မှာ ရွှေဝါရောင်တော်လှန်ရေး ဦးဆောင်ခဲ့ပြီး အခုကျန်းမာရေး အရ လူဝတ် လဲထားတဲ့ ဦးဂမ္ဘီရနဲ့ တက်ရောက် လာတဲ့ ပရိတ်သတ်တွေကို မိတ်ဆက်ပေးပြီး မြ၀တီ ဆရာတော်က အဖွင့်မိတ်ဆက် စကား မိန့်ကြားပါတယ်။
အဲဒီနောက်မှာ ဒေသအသီးသီးက သံဃကိုယ်စားလှယ်တွေ၊ နိုင်ငံရေး အဖွဲအစည်းတွေက သ၀ဏ်လွှာတွေ ဖတ်ကြားပြီး သဘောထားကြေညာချက် (၈) ချက်ကို ထုတ်ပြန်ပြီး ညနေ ၃ နာရီ ၁၅ မိနစ်မှာ ပြီးဆုံးခဲ့တယ်လို့ သိရပါတယ်။
မနက် ၁၀ နာရီခွဲ ပထမပိုင်းအစီအစဉ်မှာတော့ ရွှေဝါရောင် တော်လှန်ရေးမှာ ကျဆုံး သွားကြသူတွေ အတွက် မန္တလေးတိုင်း သံဃနာယက ဥက္ကဋ္ဌဆရာတော်၊ တောင်ထီးလင်း ဆရာတော် စတဲ့ မန္တလေးမြိုပေါ်က အထင်ကရ ဆရာတော်တွေကို ဆွမ်းကျွေး အလှူပြုလုပ်ပြီး ရေစက်ချ အမျှအတန်း ပေးဝေခဲ့ကြတယ်လို့ သိရပါတယ်။
အထိမ်းအမှတ် အခမ်းအနားပွဲကြီးကို နိုင်ငံအနှံ့က သံဃာ့ကိုယ်စားလှယ်တွေ၊ ဆရာတော် ဦးဝီရသူ အပါအ၀င် မန္တလေး၊ စစ်ကိုင်းစတဲ့ သံဃာတော်တွေ၊ ဗကသဥက္ကဋ္ဌ ကိုကျော်ကိုကို ဦးဆောင်တဲ့ မန္တလေး ဗကသ အဖွဲ့၊ မန္တလေးနိုင်ငံရေး အသိုင်းအ၀ိုင်းက သူတွေ စုစုပေါင်း ၁၀၀၀ ကျော် တက်ရောက်ခဲ့ပြီး အနှောက်အယှက် တစုံတရာ မရှိခဲ့ဘူးလို့ သိရပါတယ်။
Ref: RFA News
Read More...
Collapse...
ကွန်းချမ်း
ဗုဒ္ဓဟူးနေ့၊ စက်တင်ဘာလ ၂၆ ရက် ၂၀၁၂
စံခလပူရီ (မဇ္ဈိမ) ။ ။ ပဲခူးထောင်တွင် အကျဉ်းကျခံနေရသည့် ဦးလှမိုး အား ရိုက်နှက် ထိုးကြိတ်မှုဖြင့် ထောင်မှူး ဦးကျော်စွာသင်း အား ထိရောက်စွာ စစ်ဆေး အရေးယူသွားမည် ဖြစ်ကြောင်း ထောင်ညွှန်ကြားရေးမှူး ဦးနိုင်ဝင်း က ကတိပေးခဲ့သည်ဟု ဦးလှမိုး ၏ ဇနီးဖြစ်သူ ဒေါ်ခင်ကြည်ကြည်ချို က ပြောသည်။
ခင်ပွန်းဖြစ်သူ ရိုက်နှက် ထိုးကြိတ်ခံရမှုနှင့် ပတ်သက်ပြီး ဇနီးဖြစ်သူက စက်တင်ဘာလ ၂၄ ရက်နေ့က ပဲခူးထောင် ညွှန်မှူး ဦးနိုင်ဝင်း၊ ဦးစီးအရာရှိ ဦးသိန်းစိုး၊ ထောင်ပိုင် ဦးဝင်းတင် တို့နှင့် တွေ့ဆုံ တိုင်ကြားရာမှ ညွှန်မှူးက ကတိပေး ပြောကြားခဲ့ခြင်း ဖြစ်သည်။
“ဒီလို ဖြစ်သွားတာ သူတို့ဘက်က တာဝန်ပေါ့လျော့မှုကြောင့် ဖြစ်လို့ တောင်းပန်ပါတယ်ပေါ့။ ဦးကျော်စွာသင်းကို ထိထိရောက်ရောက်တော့ အရေး ယူပေးမယ်လို့ ကျနော်တို့ကို ပြောတယ်” ဟု ဒေါ်ခင်ကြည်ကြည်ချို က မဇ္ဈိမကို ပြောသည်။
သို့သော်လည်း ထောင် အရာရှိတဦးကို မည်ကဲ့သို့ အရေးယူမည်၊ မည်သည့် အချိန်တွင် အရေးယူမည်ကို ထောင်ညွှန်မှူး အနေနှင့် တိတိကျကျ မပြောနိုင်သည့် အတွက် အမှန်တကယ် အရေးယူလိမ့်မည်ဟု မျှော်လင့်၍ မရကြောင်းလည်း ၎င်းက ဆိုသည်။
အကျဉ်းသားအရေး လိုက်ပါဆောင်ရွက်ပေးနေသည့် ကိုဂျမား ကလည်း “ဘယ်တော့ အရေးယူမှာလဲ၊ ဘယ်လို အရေးယူမှာ လဲလို့ ကျနော်တို့က ထောင်ညွှန်မှူးကို ပြန်မေးတဲ့ အခါကျတော့ သူ့အနေနဲ့ ပြောပိုင်ခွင့် မရှိဘူးတဲ့။ အချိန်ကာလ တခုအတွင်းမှာ အရေး ယူပါမယ်တဲ့။ အများပြည်သူတွေ သိအောင် ကြောညာပေးလို့ မရဘူးတဲ့။ လုံခြုံမှု ရှိတဲ့အချိန်ကျရင် အရေးယူမယ်လို့ပဲ ပြောတယ် ဆိုတော့ မျှော်လင့်လို့ မရဘူး” ဟု ပြောသည်။
ထောင်အာဏာပိုင်များနှင့် တွေ့ဆုံရာတွင် ဒေါ်ခင်ကြည်ကြည်ချို အပါအဝင် ကိုဂျမားနှင့် အလွတ် သတင်းထောက် ကိုသူရအောင် တို့လည်း ပါဝင်သည်။
စက်တင်ဘာလ ၂၃ ရက်နေ့က ဦးလှမိုးထံ ထောင်ဝင်စာ သွားရောက် တွေ့ဆုံစဉ် ဦးလှမိုး၏ မျက်နှာများ ဖူးရောင်နေ သည်ကို တွေ့ရပြီး ဦးလှမိုး၏ ပြောပြချက်အရ ထောင်မှူး ဦးကျော်စွာသင်း က ၎င်းအား ပါးကို သုံးချက် ရိုက်ကာ၊ မျက်နှာကို လက်သီးဖြင့် ငါးချက် ထိုးခဲ့ကြောင်း ဒေါ်ခင်ကြည်ကြည်ချို က ပြောသည်။
အကျဉ်းသား ဦးလှမိုးသည် ထောင်တွင်းရှိ ရေသန့်စက်ရုံ၌ အလုပ်လုပ်နေရာမှ မိန်းမဆောင်သို့ ရေသန့်ဗူး ပို့ပေးရန် နောက်ကျ သည်ဟု ဆိုပြီး စက်တင်ဘာလ ၂ဝ ရက်နေ့တွင် ထောင်မှူး ဦးကျော်စွာသင်းက ရိုက်နှက် ထိုးကြိတ်ခဲ့ကြောင်း ပြောသည်။
ထောင်အာဏာပိုင်များနှင့် တွေ့ဆုံမှုအပြီးတွင် ဦးလှမိုးနှင့် ဇနီးဖြစ်သူတို့ကို ထောင်ပိုင် ဦးဝင်းတင် ရှေ့တွင် အချိန် အနည်းငယ် တွေ့ခွင့်ပေးခဲ့သည်။ ဦးလှမိုးက ထောင်တွင်း ဝင်ရောက် စစ်ဆေးပါက ၎င်းဘက်မှ သက်သေ ထွက်ဆိုရန် အကျဉ်းသား ၃ဝ ကျော် ရှိသည်ဟု ပြောကြားခဲ့ကြောင်း ဒေါ်ခင်ကြည်ကြည်ချို က ပြောသည်။
ထိုရိုက်နှက်မှုနှင့် စပ်လျဉ်း၍ စုံစမ်းမေးမြန်းရန်အတွက် ထောင်မှူး ဦးကျော်စွာသင်း နှင့် ပဲခူးထောင်အား မဇ္ဈိမက တယ်လီဖုန်းဖြင့် ဆက်သွယ် ခဲ့သော်လည်း ဖုန်းလိုင်းများ ဝင်ရောက်မှု မရှိခဲ့ပေ။
ထောင်မှူး ဦးကျော်စွာသင်းသည် ယခင်ကလည်း ၎င်းအား မချေမငံ ဆက်ဆံသည့် အကျဉ်းသားများကို ရဲဘက် ပို့ခြင်း၊ ထိုးကြိတ် ရိုက်နှက်ခြင်းများ ရှိခဲ့သော်လည်း တရားဝင် တိုင်ကြားခြင်း မရှိသည့်အတွက် အရေးယူခြင်းလည်း မရှိခဲ့ကြောင်း အမျိုးသား ဒီမိုကရေစီ အဖွဲ့ချုပ်မှ ကိုဂျမား က ပြောသည်။
ယခင်က သစ်ကား မောင်းသူ ဦးလှမိုးနှင့် အမှုတွဲ ၁၃ ဦးကို တရားမဝင် သစ်များ သယ်ယူမှုဖြင့် ၂ဝ၁၁ ခုနှစ်၊ ဧပြီလ ၁ဝ ရက်နေ့တွင် ပဲခူးတိုင်း၊ ဖြူးမြို့နယ်၌ ဖမ်းဆီးခံရပြီး ၂ဝ၁၂၊ ခုနှစ် ဇူလိုင်လ ၁၁ ရက်နေ့တွင် ထောင်ဒဏ် ၁ဝ နှစ်စီ ချမှတ် ခံထားရခြင်း ဖြစ်သည်။
၎င်းတို့အနက် ၁၂ ဦးမှာ မွန်ပြည်နယ် ကျိုက်ထိုမြို့နယ်ရှိ မုပ္ပလင် ရဲဘက်စခန်းနှင့် ကျန်တဦးမှာ အင်းစိန် အကျဉ်းထောင်တွင် အကျဉ်းကျ ခံနေရဆဲ ဖြစ်ကြောင်းလည်း ကိုဂျမားက ပြောသည်။
Ref: မဇ္ဈိမ
Read More...
Collapse...
မမိုးဖြူ
25.09.2012
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အမေရိကန်ပြည်ထောင်စုကို ရောက် ရှိနေစဉ်မှာ ဘဲ မြန်မာ သမ္မတ ဦးသိန်းစိန်ဟာ New York မြို့တော်ကို ရောက်ရှိလာခဲ့ပြီ။ ခုကျမတို့ အသံလွှင့် နေတဲ့ အချိန် လောက်မှာပဲ နိုဘယ်လ်ငြိမ်းချမ်းရေး ဆုရှင် ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ တွေ့ဆုံနေကြပါပြီ။ ကမ္ဘာ့ ကုလသမဂ္ဂမှာ မိန့် ခွန်းပြောဖို့ လာရောက် ခဲ့တဲ့ မြန်မာသမ္မတ ရဲ့ ခရီးစဉ်နဲ့ ပါတ်သက်လို့ မမိုးဖြူက ဆက်ပြီး တင်ပြပေးပါမယ်။
ကုလသမဂ္ဂ အထွေထွေ ညီလာခံ ကြီးမှာ မိန့်ခွန်းပြောဖို့အတွက် မြန်မာ သမ္မတ ဦးသိန်းစိန် ဟာ အမေရိကန် ပြည်ထောင်စုကို ရောက်ရှိ လာပါပြီ။ နိုင်ငံတော် သမ္မတဟာ အမေရိကန် ဒေသစံတော် ချိန် စက်တင်ဘာ ၂၅ ရက် မနက် ၁၀ နာရီမှာ New York မြို့ JFK အပြည်ပြည်ဆိုင်ရာ လေဆိပ်ကို စင်္ကာပူ လေကြောင်းလိုင်းနဲ့ ရောက်ရှိ လာခဲ့ပါတယ်။
သမ္မတရဲ့ ခရီးဟာ အာဏာသိမ်းခေါင်းဆောင် ဗိုလ်ချုပ်နေဝင်းရဲ့ ၁၉၆၆ ခုနှစ် နောက်ပိုင်း အမြင့်ဆုံး နိုင်ငံတော်ခေါင်းဆောင် တဦးရဲ့ ပထမဆုံး ခရီးစဉ်ဖြစ်ပြီး အမေရိကန်-မြန်မာ နှစ်နိုင်ငံ ဆက်ဆံရေး အတွက် သမိုင်းဝင် ခရီးစဉ်တရပ်လို့ ပြောနိုင်ပါတယ်။
မြန်မာသမ္မတဦးသိန်းစိန်ဟာ လာမဲ့ ကြာသာပတေးနေ့ မှာ ကုလသမဂ္ဂ အထွေထွေ ညီလာခံမှာ မိန့်ခွန်း ပြောကြားမှာဖြစ်ပါတယ်။ အာရှမှာ ထိပ်တန်း က ရပ်တည်နိုင်ခဲ့တဲ့ နိုင်ငံတနိုင်ငံ အဖြစ်ကနေ နှစ်ပေါင်း၅၀ ကျော် စစ်အစိုးရ အုပ်ချုပ်မှုအောက် မှာ ဖွံ့ဖြိုး တိုးတက်မှု အနိမ့်ဆုံး နိုင်ငံတခုဖြစ်သွား ခဲ့ရတဲ့ မြန်မာနိုင်ငံ အတွက် မနှစ်ကမှ အပြောင်းအလဲတွေ စတင်ခဲ့တဲ့ နိုင်ငံတော် သမ္မတ ဦးသိန်းစိန်က၊ သူ့ မိန့်ခွန်းမှာ လက်ရှိ ဆောင်ရွက်နေတဲ့ ပြု ပြင်ပြောင်းလဲရေး လုပ်ငန်းတွေ နဲ့ ပါတ်သက်လို့ အဓိကပြောဆိုသွားမှာ ဖြစ်တယ် လို့ သမ္မတရုံး ညွှန်ကြားရေးမှုး ဦးဇော်ဌေးက ခုလိုပြောဆိုပါတယ်။
“ အဓိကက သူလုပ်ခဲ့တဲ့ ဟာတွေပေါ့ဗျာ။ Reform တွေ သူ ဘာကြောင့်လုပ်တယ်။ ဘာတွေ လုပ်နေတယ်။ နိုင်ငံရေး စီးပွားရေး လူမူရေးနဲ့ ပတ်သက်တဲ့ သူ့ရဲ့ ပြုပြင်ပြောင်း လဲမူတွေ၊ နောက် ငြိမ်းချမ်းရေးပေါ့နော်။ အထူးသဖြင့် နောက် ဆက်လက်ဆောင်ရွက်မယ့် သူ့ရဲ့မျှော်မှန်း ချက်တွေ၊ နောက် သူ့မှာ ကြုံတွေ့နေရတဲ့ အခက်အခဲတွေ၊ ရိုဟင်ဂျာ၊ ရခိုင်ပြည်နယ် ကိစ္စနဲ့ပတ်သက်ပြီးတော့ ပံ့ပိုးကူညီမှုတွေဟာ ရခိုင်ပြည်နယ်မှာရော ပြည်တွင်း ငြိမ်းချမ်းရေး လုပ်ငန်းစဉ်တွေမှာ အကျိုးရှိတာ၊ အဲ့ဒီ့အပိုင်းတွေကို သူပြောမှာပါ။”
မနေ့ က စတင်တဲ့ ကုလသမဂ္ဂ အထွေထွေညီလာခံမှာ အမေရိကန် သမ္မတ ဘရက်ခ် အိုဘားမား ကလဲ သူ့ ရဲ့ မိန့်ခွန်း ထဲမှာ မြန်မာနိုင်ငံက ပြုပြင်ပြောင်းလဲမှုတွေနဲ့ ပတ်သက်လို့ ခုလို အားတက် စကား ပြောဆိုသွားပါတယ်။
"မြန်မာသမ္မတက နိုင်ငံရေး အကျဉ်းသားတွေ လွှတ်ပေးတာ၊ ပိတ်ထားတဲ့ လူမှု အသိုင်းအ၀ိုင်းကို လွတ်လပ်ခွင့်ပေးတာတွေ တွေ့ရပါပြီ။ ရဲစွမ်း သတ္တိနဲ့ ပြည့်စုံပြီး ထင်ရှားတဲ့ အတိုက် အခံခေါင်းဆောင် ဒေါ်အောင်ဆန်းစုကြည်လည်း လူထုရဲ့ ရွေးချယ်မှု နဲ့ ပြည်သူ့ လွှတ်တော်ထဲကို ၀င်ရောက် လာခဲ့ပါပြီ။ မြန်မာ လူထုအနေ နဲ့ လည်း နောက်ထပ် ပြုပြင်ပြောင်းလဲ မှု တွေ ကို တွေ့မြင် ရဖို့ စောင့်စားနေကြပါတယ်။"
နောက်ထပ် အပြောင်းအလဲတွေဖြစ်ဖို့ စောင့်နေကြတဲ့ မြန်မာလူထုရဲ့ ဆန္ဒအတိုင်း ပြုပြင်ပြောင်းလဲ မှု ရေရှည် ဆက်ပြီး ရှိမရှိ ဆိုတာ ကိုတော့ အမေရိကန်အစိုးရထဲမှာ သာမက၊ နိုင်ငံတကာ က မေးခွန်းထုတ်ပြီးစောင့် ကြည့် နေသူတွေ အများကြီး ရှိနေပါသေးတယ်လို့ လူ့ အခွင့်အရေးလေ့ လာစောင့်ကြည့်ရေး အဖွဲ့က ညွန်ကြားရေးမှုး John Siston က ပြောပါတယ်၊
“အဓိက စိုးရိမ်ပူပန်တာကတော့ ၂၀၁၅ ခုနှစ်မှာ မြန်မာစစ်တပ် ရဲ့ တချို့ အစိတ်အပိုင်းတွေက အာဏာကို မစွန့် လွှတ်နိ်ုင်တာကြောင့် မငြိမ်သက်မှု တွေများပြန်ဖြစ် လာလေမလားလို့ ပါ၊ ဒုတိယ စိုးရိမ်တာက မြန်မာနိုင်ငံထဲက တိုင်းရင်းသားတွေကြား သဘောထား ကွဲပြားမှုတွေ ရှိနေတဲ့ အချက်ပါ။ တတိယ ကတော့ လတ်တလော ပေါ်ပေါက်နေတဲ့ ရိုဟင်ဂျာပြသာနာ ပါ၊ ဒီလို အချက်တွေကြောင့် မြန်မာနိုင်ငံက အပြောင်းအလဲတွေကို သတိနဲ့ စောင့်ကြည့် လေ့လာနေမှာ ပါ။ အမေရိကန်အစိုးရနဲ့ နိုင်ငံတကာ အဖွဲ့အစည်းတွေ ကိုလဲ လိုအပ်သလို ဆက်ပြီး ဖိအားပေး ဆောင်ရွက်သွားပါမယ်။”
မြန်မာသမ္မတ ဦးသိန်းစိန် ရဲ့ အခုအမေရိကန် ခရီးစဉ်မှာ ထူးခြားချက် တခု အဖြစ် မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်နဲ့ ပါတ်သက် တဲ့ သဘောထား ကို နိုင်ငံတကာ ခေါင်းဆောင်တွေ တက်ရောက်မယ့် ကုလသမဂ္ဂ ညီလာခံမှာ မြန်မာ သမ္မတက ထည့်ပြီး ပြောမယ်လို့ မျှော်လင့်ရကြောင်း သမ္မတရုံး ညွန်ကြားရေးမှုးဦးဇော်ဌေး ကပြောပါတယ်။
“သူသွားတဲ့အချိန်ကလည်း ဒေါ်အောင်ဆန်းစုကြည် ရောက်ရှိနေတဲ့ အချိန်မို့ အဲ့တာနဲ့ပတ်သက်ပြီး သူ့ရဲ့ သဘောထားတွေ ပါကောင်း ပါနိုင်တယ်ပေါ့နော်။”
အခု အသံစလွှင့်နေတဲ့ အချိန်လောက်မှာပဲ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် က မြန်မာ သမ္မတ တည်းခိုနေတဲ့ The Mark Hotel ကို သွားရောက် ပြီး သမ္မတ ဦးသိန်းစိန်နဲ့ တွေ့ဆုံနေတာဖြစ်ပါတယ်။
Ref: VOA News
Read More...
Collapse...
25.09.2012
အမေရိကန် ပြည်ထောင်စု နယူးယောက်မြို့မှာ အင်္ဂါနေ့က စတင်ကျင်းပတဲ့ ကုလသမဂ္ဂ အထွေထွေ ညီလာခံ အတွင်း အမေရိကန် သမ္မတ ဘရက်ခ် အိုဘားမား က မြန်မာနိုင်ငံက ပြုပြင်ပြောင်းလဲမှုတွေနဲ့ ပတ်သက်လို့ အားတက်စကား ပြောဆို သွားပါတယ်။
မြန်မာသမ္မတက နိုင်ငံရေး အကျဉ်းသားတွေ လွှတ်ပေးတာ၊ ပိတ်ထားတဲ့ လူမှု အသိုင်းအ၀ိုင်းကို လွတ်လပ်ခွင့်ပေးတာ၊ ထင်ရှားတဲ့ အတိုက်အခံခေါင်းဆောင် တယောက်ကို လွှတ်တော်မှာ ပါဝင်ခွင့်ပြုခဲ့တာတွေ ရှိခဲ့ပါတယ်။ လူထု အနေနဲ့လည်း နောက်ထပ် အပြောင်း အလဲတွေ ထွက်ပေါ်လာစေဖို့ စောင့်စားနေကြပါတယ်လို့ သမ္မတ အိုဘားမား က ပြောသွားပါတယ်။
မြန်မာနိုင်ငံ အစ အီဂျစ်နိုင်ငံ အဆုံး လူထုရဲ့ လက်ထဲမှာ အာဏာရောက်စေဖို့ ခက်ခဲတဲ့ ဆုံးဖြတ်ချက်တွေ ချမှတ် ခဲ့ရတာကို သူမြင်တွေ့ခဲ့ ရတယ်လို့ သမ္မတ အိုဘားမားက ဆိုပါတယ်။ ဒီအတွက် ကမ္ဘာကြီးမှာ မျှော်လင့်ချက် ပိုပြီး ထားလာနိုင် သလို အီရတ်စစ်ပွဲကို အဆုံးသတ်နိုင်ခဲ့တာ၊ အမေရိကန် စစ်သည်တွေ နေရပ်ရင်း ပြန်ခေါ်နိုင်ခဲ့တာတွေကိုလည်း အလေးထား ပြောသွားခဲ့တာပါ။ အီဂျစ်နိုင်ငံမှာ မကြာသေးခင်တုန်းက ဖြစ်ပွားခဲ့တဲ့ တိုက်ခိုက်မှုတွေလို အဖြစ်အပျက်မျိုးတွေကို တားဆီးဖို့ အတွက်လည်း သမ္မတ အိုဘားမားက ပြောပါတယ်။
အထွေထွေ ညီလာခံ အတွင်းမှာတော့ သမ္မတ အိုဘားမား ဟာ နိုင်ငံတကာ အသိုင်းအ၀ိုင်းက ခေါင်းဆောင်တွေနဲ့ တွေ့ဆုံဖို့တော့ မရှိပဲ နိုင်ငံခြားရေး ၀န်ကြီး ဟီလာရီ ကလင်တန် ကသာ သူ့ကိုယ်စား လက်ခံတွေ့ဆုံ သွားမှာ ဖြစ်ပါတယ်။
ဒါ့အပြင် အဲ့ဒီ့ကုလသမဂ္ဂအထွေထွေညီလာခံရဲ့ မိန့်ခွန်းထဲမှာပဲ ကမ္ဘာပေါ်မှာ အကြမ်းဖက်မူနဲ့ အစွန်းရောက် မှုကို ပြင်းပြင်း ထန်ထန် ဆန့်ကျင် ကန့်ကွက်ဖို့ အမေရိကန် သမ္မတ ဘားရပ် အိုဘားမားက နိုးဆော်သွားပြီး ကမ္ဘာကြီးဟာ သည်းညည်းခံမူ၊ တိုးတက်မူတွေနဲ့ လုပ်ဆောင်နိုင်ပါတယ်လို့ ပြောကြား သွားပါတယ်။
အမေရိကန်ပြည်ထောင်စု နယူးယောက်မြို့မှာ ကျင်းပနေတဲ့ ၆၇ကြိမ်မြောက် ကုလသမဂ္ဂ အထွေထွေ ညီလာခံမှာ အမေရိကန် သမ္မတ အိုဘားမားက အကြမ်းဖက်မူကို ကိုယ်တိုင် မကျူးလွန်ရင်တောင်မှ အမေရိကန်ပြည်ထောင်စုနဲ့ အနောက်ကမ္ဘာ အပေါ် အမုန်းတရား ပွားအောင် လုပ်ဆောင်နေသူတွေကို ဘေးဖယ်ထားဖို့ အချိန်ရောက်ပြီလို့ ပြောသွားပါတယ်။
တခါ သမ္မတ အိုဘားမား မိန့်ခွန်းပြောကြားနေချိန်မှာ လူတွေက အပေါ်ယံသဘော လက်ခုပ်တီးပြီး အားပေးတာတွေ ရှိခဲ့ပါတယ်။
Ref: VOA News
Read More...
Collapse...
September 26, 2012
မြန်မာ့ ဒီမိုကရေစီအရေး အောင်မြင်ပြီလို့ နိုင်ငံတကာ မိသားစုက မကြေညာနိုင်သေးဘဲ အာဏာ ဘယ်သူပဲ ရရ ပြုပြင်ပြောင်းလဲရေးတွေကို ဆက်လက်ဆောင်ရွက် သွားဖို့ မျှော်လင့်တဲ့ အပြင် သမိုင်းတွင်မယ့် မြန်မာ့ အပြောင်းအလဲဟာ “စိန်ခေါ်မှုမဲ့” မဟုတ်ဘူးလို့ အရှေ့အာရှနှင့် ပစိဖိတ်ရေးရာ အမေရိကန် လက်ထောက်နိုင်ငံခြားရေး ဝန်ကြီး ကာ့တ်ကမ်းဘဲလ်က ပြောဆို လိုက်ပါတယ်။
နယူးယောက် ကုလသမဂ္ဂ ညီလာခံမှာ မြန်မာသမ္မတ ဦးသိန်းစိန်နဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်တို့ မနက်ဖြန် တွေ့ကြဖို့ ရှိနေတုန်းမှာ အိုဘားမား အစိုးရ အနေနဲ့ စီးပွားရေး ပိတ်ဆို့မှု လျှော့ချမှု၊ အမေရိကန်-မြန်မာ တရားဝင် ဆွေးနွေးရေး လမ်းကြောင်း ပုံမှန်တည်ဆောက်ရေး၊ စစ်ရေးဆက်ဆံမှု စတင်ရေးနဲ့ အမေရိကန်ရဲ့ ရင်းနှီးမြှုပ်နှံမှုသစ်များ အကြောင်း ဆွေးနွေးမှာဖြစ်တယ်လို့ ယမန်နေ့က ဝါရှင်တန်မှာ လုပ်တဲ့ မဟာဗျူဟာနှင့် နိုင်ငံတကာ လေ့လာရေး ဌာန (Center for Strategic and International Studies – CSIS) ရဲ့ ကွန်ဖရင့်မှာ ကာ့တ်ကမ်းဘဲလ်က ပြောတာပါ။
တပြိုင်နက်တည်းမှာ လူ့အခွင့်အရေး ချိုးဖောက်မှုတွေ၊ နိုင်ငံရေးအကျဉ်းသားတွေ ဆက်ထိန်းသိမ်း ထားတာ၊ တိုင်းရင်းသားဒေသတွေမှာ စစ် ဆက်ဖြစ်နေတာတွေနဲ့ ပတ်သက်ပြီး အမေရိကန် အစိုးရက မြန်မာ အစိုးရကို ဖိအား ဆက်ပေးသွားမယ် လို့လည်း ဆိုပါတယ်။ ဒါပေမယ့် စီးပွားရေး ဒဏ်ခတ်ပိတ်ဆို့တာ ရုတ်သိမ်းဖို့ ဒေါ်အောင်ဆန်းစုကြည် ပြောဆိုတာကို အပြည့်အဝ ထောက်ခံ ပံ့ပိုး သွားမယ်လို့ ကာ့တ်ကမ်းဘဲလ်က ပြောပါတယ်။
“ခင်ဗျားတို့အားလုံး သိပြီးဖြစ်တဲ့အတိုင်း ဒေါ်အောင်ဆန်းစုကြည် ပြီးခဲ့တဲ့အပတ်က စလို့ ဒီရောက်လာပြီးနောက်ပိုင်း ချက်ခြင်း ဆိုသလို မူဝါဒ အပြောင်းအလဲတချို့ ပေါ်ထွက်လာခဲ့တယ်။ ကွန်ဂရက် ကလည်း သူ့တင်ပြချက်တွေကို တလေးတစားနဲ့ တုန့်ပြန်ခဲ့တယ်။ ကျနော်တို့ အစိုးရ အဖွဲ့ကလည်း နောက်အဆင့်တွေ အတွက် ကက်ပီတိုလ်ဟေးနဲ့ ပူးပေါင်း လုပ်ဆောင်သွားနိုင်မယ်လို့ ကျနော် မျှော်လင့်ပါတယ်” လို့ ကာ့တ်ကမ်းဘဲလ်က ဆိုပါတယ်။
မြန်မာပြည်မှာ အမေရိကန်တွေ စီးပွားရေးလုပ်ဖို့ကတော့ စောလွန်းနေနိုင်တယ်လို့လည်း ပြောပြီး ဒီကိစ္စ အမေရိကန် ဘက်က ကနဦး အသေးစိတ် တင်ပြချက်ကို ဟီလာရီနဲ့ ဦးသိန်းစိန် တွေ့ရာမှာ ထပ်ဆွေးနွေးမယ်၊ မြန်မာသမ္မတအနေနဲ့လည်း အမေရိကန်တွေ တင်ပြချက်ကို စိတ်ဝင်တစား ရှိနေတယ်လို့လည်း ဆိုပါတယ်။
လတ်တလော ကွန်ဂရက်က အတည်ပြုပေးခဲ့တဲ့ ငွေကြေးလွှဲပြောင်းမှု ပိတ်ဆို့ရေး သမ္မတအိုဘားမားရဲ့ လုပ်ပိုင်ခွင့်နဲ့ ဖယ်ရှားရေးကို ထောက်ပြပြီး “အသေအချာ မလုပ်မဖြစ်လုပ်မှာက မြန်မာပြည်တွင်းမှာ လိုအပ်နေတဲ့ အခြေခံ အဆောက်အအုံတွေ၊ ကျန်းမာရေး၊ ပညာရေး အစီအစဉ်တွေ စအကောင်အထည်ဖော်ဖို့ နိုင်ငံတကာ ငွေကြေးအင်စတီကျူးရှင်းတွေ၊ ဖွံ့ဖြိုးရေးဘဏ်တွေနဲ့ ဖြစ်ပါတယ်” လို့ ကာ့တ်ကမ်းဘဲလ်က ပြောပါတယ်။
တိုင်းရင်းသားအရေးနဲ့ ပတ်သက်လို့ ဒါဟာ မြန်မာပြည် လက်ရှိကြုံနေရသမျှ အရေးတွေထဲမှာ “ခလုတ်ကန်သင်း အများဆုံး၊ စိန်အခေါ်ခံရဆုံး” ဖြစ်တယ်လို့လည်း ပြောသွားပါတယ်။ ဒါပေမယ့် တချိန်တုန်းက မြန်မာ စစ်အစိုးရဟာ ဒီအရေးကို ပြည်ပက ဝင်ရောက်စွက်ဖက်တာ လက်မခံခဲ့ပေမယ့် အခုအခါမှာ ပြည်ပကကူညီမှာကို သူတို့ တံခါးဖွင့် လက်ခံနေတယ်လို့ ဆိုလိုက်ပြီး အမေရိကန်က ဘယ်လိုအကူအညီကိုမဆို ပေးသွားဖို့ အဆင်သင့်ပဲလို့ ပြောပါတယ်။
ဒီနေရာမှာ အစိုးရနဲ့ချည်းပဲ ထိတွေ့ဆွေးနွေးလို့ မဖြစ်ဘဲ တိုင်းရင်းသား အင်အားစုတွေနဲ့လည်းပဲ ဆွေးနွေးဖို့ လိုအပ်တယ်။ တိုင်းရင်းသားခေါင်းဆောင်တွေနဲ့ ဆွေးနွေးရမယ်။ သူတို့လိုချင်တဲ့ အဓွန့်ရှည်ကြာတဲ့ ငြိမ်းချမ်းရေးကို ဘယ်လို တည်ဆောက်နိုင်မလဲ၊ သူတို့လိုချင်တဲ့ ကိုယ်ပိုင်အုပ်ချုပ်ရေးပုံသဏ္ဍန်က ဘယ်လိုလဲဆိုတာကအစ သူတို့ သိရှိအောင် လေ့လာရမယ်လို့ ကာ့တ်ကမ်းဘဲလ်က ဆိုပါတယ်။
ဆက်ပြီး အခုအချိန်ဟာ အမေရိကန်-မြန်မာအကြား တရားဝင် ပုံမှန် ဆွေးနွေးရေး လမ်းကြောင်းတွေ တည်ဆောက်ဖို့ လိုပြီလို့ ပြောဆိုပြီး မြန်မာ့တပ်မတော်နဲ့ ထိတွေ့ဆွေးနွေးနိုင်ရေး အလားအလာတွေကို ရှာဖွေနေကြောင်းလည်း ပြောပါတယ်။ “တွေ့ဆုံဆွေးနွေးရေးတွေမှာ အကြီးအကျယ် ပျက်ကွက်နေတာက စစ်တပ်ပါ။ အခုအထိ မြန်မာပြည်တွင်းမှာ လွှမ်းမိုး အရေးပါတုန်းပါ။ ပြုပြင်ပြောင်းလဲရေးအပေါ် သူတို့ရဲ့ သဘောထားဆက်ဆံရေး၊ တိုင်းရင်းသားဒေသတွေက အကြမ်းဖက် ရက်စက်မှုတွေ၊ တိုက်ပွဲတွေမှာ သူတို့ပါဝင်ပတ်သက်မှုတွေက ဘယ်လိုရှိတယ်ဆိုတာ သိပ်မရေရာလှဘူး” လို့ ကာ့တ်ကမ်းဘဲလ်က ဆိုပါတယ်။
စက်တင်ဘာ ၂၅ ရက်မှာ နယူးယောက်ကို ဆိုက်ရောက်ခဲ့တဲ့ သမ္မတ ဦးသိန်းစိန်ဟာ ဟီလာရီနဲ့ တွေ့ဖို့ရှိတဲ့အပြင် ဦးသိန်းစိန် အရင် အမေရိကန် ကြိုရောက်နှင့်ပြီး မြန်မာ့အပြောင်းအလဲကို အင်တိုက်အားတိုက် ထောက်ခံနေတဲ့ အတိုက်အခံခေါင်းဆောင် ဒေါ်အောင်ဆန်းစုကြည်လိုပဲ အာရှလူ့အဖွဲ့အစည်း (Asia Society) မှာ “အကူးအပြောင်းထဲက မြန်မာ – အခွင့်အလမ်းများနှင့် စိန်ခေါ်မှုများ” ခေါင်းစဉ်နဲ့ လူထုပရိသတ်ကို မိန့်ခွန်းပေးပါလိမ့်မယ်။ ပရိသတ်နဲ့ အမေးအဖြေလည်း လုပ်ပါမယ်။
အမေရိကန်သမ္မတ အိုဘားမားနဲ့ ဦးသိန်းစိန်တွေ့ဆုံဖို့ မသေချာသေးပေမယ့် နှစ်နိုင်ငံ ဆက်ဆံရေး ပြန်လည်ကောင်းမွန်လာပြီး ဒီမိုကရေစီရေး အတိုက်အခံ ခေါင်းဆောင်ကပါ ပူးပေါင်းဆောင်ရွက်ဖို့ ကတိပြုထားတဲ့ မြန်မာ့အပြောင်းအလဲကို အမေရိကန်က အလေးအနက် ထောက်ခံပံ့ပိုးမယ့် သမိုင်းဝင်ကြေညာချက်ကို အိမ်ဖြူတော်မှာ ဒေါ်အောင်ဆန်းစုကြည်၊ ဦးသိန်းစိန်တို့နဲ့ သမ္မတ အိုဘားမား၊ ဟီလာရီတို့ ပူးတွဲ ကြေညာနိုင်မလားဆိုတဲ့ မျှော်လင့်ချက်တွေက မြင့်မားနေကြောင်းပါ။
Ref: ဧရာဝတီ
Read More...
Collapse...
2012-09-25
ဒေါ်အောင်ဆန်းစုကြည် ဥက္ကဋ္ဌအဖြစ် ဆောင်ရွက်နေတဲ့ တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီက အတွင်းရေးမှူး ဦးဝင်းမြင့် ဦးဆောင်တဲ့ အဖွဲ့ဟာ ဒီကနေ့ နေ့လည်ပိုင်းက ရန်ကုန်မြို့၊ တာမွေမြို့နယ် တရားရုံးကို ကော်မတီရဲ့ ပထမဆုံး တရားရုံးလေ့လာမှု ခရီးစဉ် အဖြစ် သွားရောက် ခဲ့ကြပါတယ်။
တာမွေမြို့နယ် တရားရုံးမှာ ဒီကနေ့ လေ့လာတွေ့ရှိ ခဲ့တာတွေကို ကော်မတီ ဥက္ကဋ္ဌ ဒေါ်အောင်ဆန်းစုကြည် ပြန်ရောက် လာတဲ့ အခါ တင်ပြမယ်လို့ ဦးဝင်းမြင့်က RFA ကိုပြောပါတယ်။
"တာမွေရုံးကိုသွားပြီးတော့ ကျွန်တော်တို့က ဝင်ရောက် လေ့လာတယ်ဆိုတာက တရားဥပဒေ စိုးမိုးရေး အတွက် ဘယ်လို အထောက် အပံ့ ဖြစ်မလဲ၊ ဘာတွေလုပ်သင့် လုပ်ထိုက်တာတွေ ရှိမလဲ၊ ဘာတွေပြုပြင် ပြောင်းလဲနေတာတွေ ရှိမလဲ၊ သူတို့က ဘာတွေ ကျွန်တော်တို့နဲ့ ပတ်သက်ပြီးတော့ အကြံကောင်း ဥာဏ်ကောင်း ထွက်နိုင်မလဲ၊ အဲဒါတွေ သွားပြီးတော့ လေ့လာတာပါ၊ တွေ့ရှိတာတွေတော့ ရှိပါတယ်၊ ဥပမာဆိုလို့ရှိရင် တရားဥပဒေ စိုးမိုးရေးအတွက် အမှုက မှန်မှန်နဲ့မြန်မြန် ပြီးဖို့တွေ ဘာတွေနဲ့ပတ်သက်လို့ အမှုကြန့်ကြာတာ ရှိတာတွေ ဘာတွေလည်း ဒါ ကျွန်တော်တို့ လေ့လာတွေ့ရှိ ထားပါတယ်။ ကျွန်တော်တို့ခေါင်းဆောင် ပြန်လာတဲ့အခါမှာ တင်ပြပြီးတော့ တရားဥပဒေ စိုးမိုးရေးအတွက် မူချဖို့တွေ စဉ်းစားသွားမှာ ဖြစ်ပါတယ်"
တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီရဲ့ပထမဆုံး တရားရုံး ကွင်းဆင်းလေ့လာမှုမှာ ကော်မတီအတွင်းရေးမှူး ဦးဝင်းမြင့်နဲ့ အဖွဲ့ဝင်အဖြစ် ဦးသိန်းညွှန့်၊ ဦးမင်းဆွေနဲ့ ဒေါ်လဲ့လဲ့ဝင်းရွှေတို့ ပါဝင်ပြီး ကော်မတီအဖွဲ့ကို တာမွေမြို့နယ်တရားရုံးက တရားသူကြီးတွေ ဖြစ်ကြတဲ့ ဦးမြင့်ဝင်း၊ ဦးကြည်သာအောင်နဲ့ ဒေါ်ခင်ဆွေဦးတို့က လက်ခံတွေ့ဆုံ ညှိနှိုင်းဆွေးနွေးကြတယ်လို့ သိရပါတယ်။
Ref: RFA News
Read More...
Collapse...
ဇာနည်မာန်
September 26, 2012
ချင်းအမျိုးသားတပ်ဦး (CNF) ၏ ဆက်ဆံရေးရုံးခွဲ ချင်းပြည်နယ် တီးတိန်မြို့တွင် ဖွင့်လှစ်သည်ကို မလို လားသည့် တီးတိန်ဒေသခံ များက အဆိုပါရုံးကို ပိတ်ပေးရန် ဆန္ဒပြ တောင်းဆိုခဲ့ကြောင်း သတင်းရရှိသည်။
“CNF အဖွဲ့ဟာ ချင်းပြည်နယ် တမျိုးသားလုံးကို ကိုယ်စားပြုတဲ့အဖွဲ့မဟုတ်ပါဘူး။ သမ္မတကြီးနဲ့ လွှတ်တော် ဥက္ကဋ္ဌ၊ ပြည်နယ် ၀န်ကြီးတွေဆီကိုပါ ရုံးမဖွင့်ဖို့ ဖေဖော်ဝါရီ လကတည်းက စာပို့ ထားတာကို အလေး မထားတဲ့ အပြင်၊ ပြည်သူတွေက မလိုလားတဲ့ ကြားက ဒီလို ဆက်ဆံရေး ရုံးကို ဖွင့်လိုက်တာကြောင့် မကျေနပ်လို့ပါ” ဟု တီးတိန်ဒေသခံ ကိုနုမ်းရှမ်းတွမ်က ဧရာဝတီသို့ ပြောသည်။
အစိုးရ ငြိမ်းချမ်းရေး ကိုယ်စားလှယ်အဖွဲ့နှင့် CNF တို့အကြား အပစ်အခတ် ရပ်စဲရေး အပါအ၀င် ပဏာမ သဘော တူညီချက်များ အရ CNF ၏ ဆက်ဆံရေး ရုံးခွဲကို စက်တင်ဘာလ ၂၄ က တီးတိန်မြို့တွင် ဖွင့်လှစ်ခဲ့ရာ အဆိုပါ ရုံးရှေ့တွင် တီးတိန် ဒေသခံ ၂၀၀ ကျော်က “CNF အလိုမရှိ”၊ “သမ္မတဦးသိန်းစိန် အစိုးရသာ အလိုရှိသည်”၊ “ပြည်သူကို ဗဟိုပြုရေး ဒို့အရေး” စသည်တို့ကို ကြွေးကြော် ကန့်ကွက် ခဲ့ကြသည်ဟု ဆိုသည်။
“အစိုးရနဲ့ ငြိမ်းချမ်းရေး မလုပ်ခင်တုန်းက CNF က ကျနော်တို့ ပြည်သူတွေကို ကာကွယ် မပေးတဲ့ အပြင် ဆက်ကြေးတောင်းတာ၊ လူသတ်တာတွေ ရှိခဲ့တယ်။ အဲဒီလို ကိုယ့်အမျိုးသား အချင်းချင်းအပေါ် လုပ်နေတဲ့ သူတို့ရဲ့ လုပ်ရပ်တွေကို ကျနော်တို့ ပြည်သူတွေက လက်မခံနိုင်ပါဘူး။ ကျနော်တို့ ဒေသက ငြိမ်းချမ်းနေပြီးသား” ဟု ဆန္ဒပြပွဲ ဦးဆောင်သူ ကိုမုံလခ်က ပြောသည်။
ပြီးခဲ့သည့် ဇွန်လအတွင်းကလည်း တီးတိန်မြို့တွင်းရှိ ဈေး၊ ဆိုင်များ အားလုံးကိုပိတ်၍ CNF ၏ ဆက်ဆံရေးရုံးခွဲ မဖွင့်လှစ်ရန်နှင့် တီးတိန်မြို့ကို ခရိုင်အဆင့် တိုးမြှင့်ပေးရန် ကန့်ကွက်မှုများ ပြုလုပ်ခဲ့သေးသည်။
၁၉၈၈ ခုနှစ် မတ်လ ၂၀ ရက်နေ့တွင် အိန္ဒိယနိုင်ငံ၊ မီဇိုရမ်ပြည်နယ်တွင် ဖွဲ့စည်းခဲ့သည့် CNF သည် ပြီးခဲ့သည့် မေလ ၇ ရက်က ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့နှင့် ဟားခါးမြို့၌ တွေ့ဆုံကာ အပစ်အခတ်ရပ်စဲရေး ပဏာမ သဘောတူညီချက် ၁၅ ချက်ကို သဘောတူ လက်မှတ်ရေးထိုးခဲ့ကြသည်။
အဆိုပါ အချက်များတွင် တီးတိန်အပါအ၀င် ထန်တလန်နှင့် မတူပီမြို့နယ်တို့၌ CNF ၏ ဆက်ဆံရေးရုံးခွဲများ ဖွင့်လှစ်ရန် သဘောတူညီမှုများ ပါဝင်သည်။
ထိုစဉ်က CNF ၏ ရုံးခွဲကို ၄င်းတို့မြို့တွင် ဖွင့်လှစ်ရန် သဘောမတူညီကြောင်း တီးတိန်ဒေသခံ များက အစိုးရ အဖွဲ့အစည်း များသို့ စာပေးပို့ တောင်းဆိုခဲ့ သကဲ့သို့ CNF ကလည်း ဒေသခံများ၏ ဆန္ဒ မပါဝင်ဘဲ ရုံးခွဲများကို ဖွင့်လှစ်မည် မဟုတ်ကြောင်း ကြေညာချက် ထုတ်ပြန်ခဲ့သေးသည်။
ပြီးခဲ့သည့် သီတင်းပတ်ကလည်း Chin Peace and Tranquility Committee က ချင်းပြည်နယ်ရှိမြို့နယ် ၉ မြို့နယ်တွင် “ငြိမ်းချမ်းရေး စောင့်ကြည့်ရေး အဖွဲ့” များ အမြန်ဆုံး ဖွဲ့စည်းသွားရန် ဦးဆောင်စီစဉ်နေကြောင်း သိရသည်။
ယင်းစောင့်ကြည့်ရေး အဖွဲ့များတွင် အစိုးရ ၀န်ထမ်းများနှင့် CNF ၏ အဖွဲ့ဝင်များ မပါဝင်ဘဲ သီးခြား လွတ်လပ်သော ဘာသာရေးခေါင်းဆောင်များ၊ ချင်း လူငယ်များနှင့် ဒေသခံ လူကြီးများ ပါဝင် ဖွဲ့စည်းသွားမည် ဖြစ်ကြောင်း၊ နှစ်ဖက် လက်နက်ကိုင် တပ်များက ပြည်သူလူထုအပေါ် လူ့အခွင့်အရေး ချိုးဖောက်မှု၊ အနိုင်ကျင့်မှုများ ပြုလုပ်လျှင် ယင်းအဖွဲ့များက ချက်ချင်းစုံစမ်းကာ အစီရင်ခံမှုများ လုပ်ဆောင် သွားမည်ဖြစ်ကြောင်း သိရသည်။
Ref: ဧရာဝတီ
Read More...
Collapse...
2012-09-25
ပဲခူးတိုင်းဒေသကြီး သနပ်ပင်မြို့နယ် မင်းရွာ- ပိုင်ကျုံ စီမံကိန်းရေနှုတ်တူးမြောင်းကို ပိတ်ဆို့လိုက်ပြီး စီးပွားဖြစ် ငါးရှာနေတဲ့အတွက် သနပ်ပင်မြို့နယ်အတွင်းက ကလိုင်၊ ခလပ်၊ ဥာဏ်ကျွန်းလောင်မီး၊ ကသည်းကုန်း၊ ကမာဆဲ၊ ရစ်ကံလေးစတဲ့ အပိုင်ဒေသရွာပေါင်း ၈ ရွာလောက်က လယ်သမားတွေရဲ့ လယ်ဧက တစ်သောင်းကျော် ရေနစ်မြုပ်နေပြီး ရိတ်သိမ်းကာနီး စပါးခင်းတွေ ပျက်စီးဆုံးရှုံးနေတယ်လို့ သိရပါတယ်။
လယ်ဧက တစ်သောင်းကျော် ပျက်စီးဆုံးရှုံးရမှုကြောင့် ၂၀၁၂ စက်တင်ဘာလ ၁၁ ရက်နေ့မှာ လယ်သမားတွေက မြို့နယ်အုပ်ချုပ်ရေးမှူးရုံးနဲ့ ငါးလုပ်ငန်းဦးစီးဌာနကို တိုင်ကြားခဲ့တဲ့အတွက် သက်ဆိုင်ရာက ရေနှုတ်မြောင်းကို ပိတ်ထားတဲ့ မြေအိတ်တွေ၊ မျောတိုင်တွေ ဖယ်ရှားပေးဖို့ ညွှန်ကြားခဲ့ပေမယ့် အင်းလုပ်ငန်းရှင်တစ်စုက လိုက်နာခဲ့ခြင်း မရှိဘူးလို့ အဲဒီလယ်သမားက ပြောပါတယ်။
အဲဒါကြောင့် စက်တင်ဘာ ၁၄ ရက်နေ့က လယ်သမား ၂၈၀ စုပေါင်းလက်မှတ်ရေးထိုးပြီး နိုင်ငံတော် သမ္မတ အပါအ၀င် သက်ဆိုင်ရာ အဆင့်ဆင့်ကို တိုင်ကြားခဲ့ပေမယ့် အရေးယူဆောင်ရွက်ပေးတာ မရှိသေးဘူးလို့ ဆိုပါတယ်။
ဒီကိစ္စနဲ့ ပတ်သက်ပြီး သက်ဆိုင်ရာက လစ်လျူရှုနေမယ်ဆိုရင် ရေကြီးနစ်မြုပ်နေတဲ့ ရွာတွေက လယ်သမားတွေ စုပေါင်းပြီး ကလိုင်အင်းရှေ့မှာ စုပေါင်းဆန္ဒ ထုတ်ဖော်သွားမှာ ဖြစ်တယ်လို့ လယ်သမားတွေက ပြောပါတယ်။
Ref: RFA News
Read More...
Collapse...
ဖနိဒါ | အင်္ဂါနေ့၊ စက်တင်ဘာလ ၂၅ ရက် ၂၀၁၂
ချင်းမိုင်(မဇ္စျိမ) ။ ။ ကချင် လွတ်လပ်ရေး အဖွဲ့ KIO ဗဟိုဌာနချုပ် လိုင်ဇာမြို့ အထက်တန်းကျောင်းတွင် မူးယစ်ဆေးဝါး တိုက်ဖျက်ရေး လူထု အစည်းအဝေး တရပ်ကို အင်္ဂါနေ့က ကျင်းပခဲ့သည်။
မူးယစ်ဆေးဝါး သုံးစွဲမှုကြောင့် ကချင်လူမျိုးများ ပျက်စီးဆုံးရှုံးမှုများ ရှိလာသဖြင့် မူးယစ် ဆေးဝါးအား စုပေါင်း တိုက်ဖျက် သွားရန် KIO စစ်ဦးစီးချုပ်၊ ဗဟို မူးယစ်ဆေးဝါး တိုက်ဖျက်ရေး ခေါင်းဆောင် ဗိုလ်ချုပ် ဂမ်ရှောင် က ကချင်ဘာသာဖြင့် မိန့်ခွန်း ပြောကြားခဲ့ကြောင်း သိရသည်။
“ကျနော်တို့ မူးယစ်ဆေးဝါးကို တိုက်ဖျက်ပေမယ့် အစိုးရဘက်က ပါဝင်ဖို့ မရှိလို့ တိုက်ဖျက်လို့ မရဘူး။ မူးယစ်ဆေးဝါးနဲ့ ကျနော်တို့ လူမျိုးကို တိုက်ဖျက်နေတယ်။ နိုင်ငံရေး ဆွေးနွေးတာတော့ မရှိဘူး။ လက်နက်တွေ၊ တပ်မ ရှိသမျှ အင်အားတွေ လေယာဉ်က အစ ဖြည့်တင်း နေတယ် ဆိုတာတွေ ပြောတယ်” ဟု KIO အရာရှိတဦးက ပြောပြသည်။
အစိုးရနှင့် KIO တို့အကြား စစ်ရေး အခြေအနေများကိုလည်း စစ်ဦးစီးချုပ်က ရှင်းလင်း ပြောကြား ခဲ့သည်ဟု တက်ရောက်ခဲ့သူ လိုင်ဇာ ဒေသခံ တဦးက ပြောသည်။
“အခုဖြစ်နေတဲ့ အခြေအနေတွေနဲ့ နိုင်ငံရေးအကြောင်းတွေ၊ မူးယစ်ဆေးဝါးကြောင့် ဆုံးရှုံးမှုတွေကို ဘယ်လို လုပ်သင့်တယ် ဆိုတာတွေ ပြောတယ်။ ကျနော်တို့ လူမျိုးတွေကို အစိုးရက ဘာတွေ လုပ်နေတယ် ဆိုတာတွေ၊ မူးယစ်ဆေးဝါးနဲ့ ဖျက်ဆီးနေတာတွေကို ပြောတယ်” ဟု မဇ္စျိမကို ပြောပြသည်။
အဆိုပါ လူထုအစည်းအဝေးသို့ KIO ဌာနဆိုင်ရာ ဝန်ထမ်းများ၊ လိုင်ဇာမြို့ခံများနှင့် စစ်ပြေး ဒုက္ခသည်များ အပါအဝင် စုစုပေါင်း ၂,၅ဝဝ ကျော် တက်ရောက်ခဲ့သည်ဟု သိရသည်။
KIO က ၂ဝ၁ဝ ခုနှစ် အောက်တိုဘာလမှစ၍ ယမန်နှစ် ၂ဝ၁၁ ခုနှစ် မတ်လထိ မူးယစ်ဆေးဝါး သုံးစွဲသူ များကို တိုက်ဖျက်ရေး ခြောက်လ ကြာတွင် အောင်မြင်မှု ရရှိခဲ့သည်ဟု ဆိုသည်။
အစောပိုင်းတွင် အစိုးရ၏ မူးယစ်တိုက်ဖျက်ရေးအဖွဲ့နှင့် ပူးပေါင်း၍ တိုက်ဖျက်ရေးတွင် ပါဝင် လုပ်ဆောင်နိုင်ခဲ့သော် လည်း ၂ဝ၁၁ ခုနှစ် ဇွန်မှ စတင်၍ တိုက်ပွဲများ ပြန်လည် ဖြစ်ပွားခဲ့ရာမှ မူးယစ်ဆေးဝါး တိုက်ဖျက်ရေး လုပ်ငန်းများ လည်း ရပ်ဆိုင်းခဲ့ရသည်။
KIO နှင့် အစိုးရ နယ်ခြားစောင့်တပ် အသွင်ပြောင်းရေး မဆွေးနွေးမီအထိ မူးယစ်ဆေးဝါး တိုက်ဖျက်ရေးကို မူအားဖြင့် သဘော တူခဲ့သော်လည်း ၂ဝ၁၁ ခုနှစ် မေလမှ စတင်ကာ ဆက်ဆံရေး ပြတ်တောက် ခဲ့ရသည်။
၁၉၆၄ ခုနှစ်မှစ၍ KIO နယ်မြေအတွင်း မူးယစ်ဆေးဝါးတိုက်ဖျက်ရေး မူဝါဒ ထားရှိ ခဲ့သော်လည်း လက်နက်ကိုင် တော်လှန်ရေး အတွင်း ဘိန်းတိုက်ဖျက်ရေး ထိရောက်စွာ မဆောင်ရွက်နိုင်ခဲ့ကြောင်း KIO ဗိုလ်ကြီးနော်ဘူ က ပြောသည်။
၁၉၉၁ ခုနှစ်အတွင်း KIO က “ဘိန်း လုံးဝ မစိုက်ရ” ဆိုသည့် အမိန့်ကို ထုတ်ပြန်ပြီး ဘိန်းခင်းများ ဖျက်ဆီးခြင်းနှင့် ပညာပေး တိုက်ဖျက် ခဲ့သဖြင့် နဖော့ဒေသ၊ တရုတ်နယ်စပ် လွယ်ဂျယ်၊ ရှမ်းပြည်နယ်စပ်အချို့၌ ဘိန်းစိုက်ပျိုးခြင်းများ မရှိတော့ဘဲ အခြား အစားထိုး သီးနှံ ကြံနှင့် စပါး စိုက်ပျိုးအောင်မြင် ခဲ့သည်ဟုလည်း ၎င်းက မဇ္ဈိမကို ပြောဆိုခဲ့ဖူး သည်။
မူးယစ်ဆေးဝါး သုံးစွဲသူများနှင့် ရောင်းဝယ်ဖောက်ကားသူများကို အရေးယူခဲ့သော်လည်း ဘိန်းရောင်းဝယ်ဖောက် ကားသူ အများစုမှာ ဆင်းရဲသူ အောက်ခြေ လူတန်းစားများသာ ဖြစ်၍ အရေးယူမှုသည် မအောင်မြင်ကြောင်း ဗိုလ်ကြီးနော်ဘူ က ပြောသည်။
တိုက်ပွဲတွေ ဆက်ဖြစ်နေ
တနင်္လာနေ့တွင် KIA ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့များနှင့် အစိုးရ တပ်များ အကြား ဖားကန့် မြို့နယ်၊ ကသိုင်းတောင် အနီးတွင် နှစ်ဖက် တိုက်ပွဲ ဖြစ်ပွားခဲ့သည်ဟု KIA ရှေ့တန်းမှ ဗိုလ်ကြီး တဦးက ပြောသည်။
“မနေ့က ၁၁ နာရီလောက်ကနေ လက်နက်ကြီးနဲ့ ပစ်နေတာ။ သူတို့ အင်အားက တိုးလာတာပဲ။ ပစ်လိုက် နားလိုက်၊ ပစ်လိုက် နားလိုက်ပါပဲ။ သူတို့ လက်နက်ကြီးနဲ့ တနေကုန် ပစ်တယ်” ဟု မဇ္စျိမကို ပြောသည်။
မြောက်ပိုင်းတိုင်း စစ်ဌာနချုပ်(မပခ)လက်အောက်ခံ မိုးညှင်းမြို့အခြေစိုက်ထားသည့် ခလရ ၁၅၊ အနောက်တောင်တိုင်း စစ်ဌာနချုပ်(နမခ)ခလရ ၂၂၈ နှင့် ၃၈၉ တို့မှ တပ်အင်အား ၃ဝဝ ကျော်နှင့် တိုက်ပွဲ ဖြစ်ပွားနေသည်ဟု ဆိုသည်။ အစိုးရတပ်ဖက်မှ လက်နက်ကြီး ၆ဝ မမ၊ ၈၄ မမ၊ ပဒိုဇာ ၄ဝ မမ တို့ဖြင့် ပစ်ခတ်နေခြင်း ဖြစ်သည်ဟု သူက ဆက်ပြောသည်။
တနှစ်ကျော် တိုက်ပွဲများ ဖြစ်ပွားခြင်းကြောင့် စစ်ပြေး ဒုက္ခသည်ပေါင်း ၉ဝ,ဝဝဝ ကျော် အိုးအိမ် စွန့်ခွါ ထွက်ပြေး တိမ်းရှောင်နေကြ ရသည်။
သမ္မတရုံး ဝန်ကြီး ဦးအောင်မင်း ဦးဆောင်သော ကိုယ်စားလှယ်များနှင့် KIO တို့ အလွတ် သဘောတွေ့ဆုံမှုသာ ရှိခဲ့ပြီး တရားဝင် ထပ်မံ တွေ့ဆုံမည့် နေရာ ညှိနှိုင်းရန် ခက်ခဲလျက် ရှိနေသည်။
Ref: မဇ္ဈိမ
Read More...
Collapse...
2012-09-24
မြန်မာနိုင်ငံက သွင်းကုန်တွေအပေါ် ပိတ်ဆို့ကန့်သတ်ချက်တွေကို အမေရိကန်ပြည်ထောင်စု ဘက်က အမြန်ဆုံး ရုပ်သိမ်းနိုင်လိမ့် မယ်လို့ သမ္မတ ဦးသိန်းစိန်က သူရဲ့ အမေရိကန်ပြည်ထောင်စု ခရီးစဉ်အတွင်း မျှော်လင့်ထားကြောင်း သမ္မတရုံး ညွန်ကြားရေးမှူး ဦးဇော်ဌေးက ပြောပါတယ်။
တစ်ချိန်တည်းမှာလည်း အမေရိကန်အစိုးရက အရင်က ပိတ်ပင်ထားခဲ့တဲ့ ဖွံ့ဖြိုး တိုးတက်ရေး ချေးငွေ ဆိုင်ရာ ကိစ္စ ကိုလည်း အမေရိကန် လွှတ်တော်က ဥပဒေတစ်ရပ် ပြဋ္ဌာန်းပြီး ဖယ်ရှားပေးလိုက်ပြီလို့ သိရပါတယ်။
ဒါကြောင့် အမေရိကန်အစိုးရ အနေနဲ့ ကမ္ဘာ့ဘဏ်၊ နိုင်ငံတကာ ငွေကြေးရန်ပုံငွေ အဖွဲ့ (IMF) လိုမျိုး အဖွဲ့ အစည်းတွေနဲ့ ပူးတွဲပြီး မြန်မာနိုင်ငံကို ချေးငွေ ဆိုင်ရာ ကိစ္စတွေ ပြန်လည် ကူညီနိုင်တော့မှာလို့ ရိုက်တာသတင်းက ရေးသားပါတယ်။
အလားတူ ဥရောပသမဂ္ဂကလည်း မြန်မာနိုင်ငံအနေနဲ့ ဥရောပဈေးကွက်မှာ ကုန်သွယ်မှု အခွင့်အရေး အထူး အလေးပေး ခံရတဲ့ GSP စနစ်ကို ပြန်လည် ခံစားခွင့်ရှိကြောင်း ပြီးခဲ့တဲ့ သီတင်းပတ်က ဆုံးဖြတ်ခဲ့တယ်လို့ ရိုက်တာ သတင်းက ရေးသားပါတယ်။
သမ္မတ ဦးသိန်းစိန်ဟာ အမေရိကန်နိုင်ငံ ခရီးစဉ်အတွင်း ကုလသမဂ္ဂ အထွေထွေညီလာခံမှာ မိန့်ခွန်းပြောကြားဖို့ရှိပြီး အမေရိကန် အစိုးရ တာဝန်ရှိပုဂ္ဂိုလ်တွေ၊ နိုင်ငံတကာ ခေါင်းဆောင်တွေနဲ့ တွေ့ဆုံ ဆွေးနွေးဖို့ ရှိတယ်လို့ ဦးဇော်ဌေးက ပြောပါတယ်။
နယူးယောက်မြို့ ကုလသမဂ္ဂဌာနချုပ်မှာ ကျင်းပမယ့် ကုလသမဂ္ဂ အထွေထွေညီလာခံကို တက်ရောက်ဖို့ သမ္မတ ဦးသိန်းစိန်နဲ့အဖွဲ့ဟာ ဒီကနေ့ ညနေပိုင်းမှာ ရန်ကုန်မြို့ မင်္ဂလာဒုံလေဆိပ်ကနေ ထွက်ခွာသွားပြီလို့ သိရပါတယ်။
တစ်ချိန်တည်းမှာလည်း လွှတ်တော်က အတည်ပြုပြီး သမ္မတရုံးကို ပေးပို့ထားတဲ့ နိုင်ငံခြားရင်းနှီးမြုပ်နှံမှု ဥပဒေကို သမ္မတက အတည်ပြုပေးဖို့ ဆိုင်းငံ့ ထားလိုက်ပြီး၊ လိုအပ်ချက်တချို့၊ ပြင်ဆင်ချက် တချို့ကို သမ္မတရုံးက ပြင်ဆင်ဖြည့်စွက်ပြီး လွှတ်တော်မှာ ပြန်လည် ဆွေးနွေးကြဖို့အတွက် ပေးပို့လိုက်ပြီလို့ သိရပါတယ်။
Ref: RFA News
Read More...
Collapse...
မခင်ဖြူထွေး
24.09.2012
ပြည်သူ့လွှတ်တော် ဥက္ကဋ္ဌ သူရဦးရွှေမန်း ဦးဆောင်တဲ့ မြန်မာကိုယ်စားလှယ်အဖွဲ့ဟာ စင်ကာပူနဲ့ သြစတြေးလျ နိုင်ငံတွေက လွှတ်တော် ဥက္ကဋ္ဌတွေရဲ့ ဖိတ်ကြားချက်နဲ့ အဲဒီနိုင်ငံတွေက လွှတ်တော်ရေးရာတွေကို သွားရောက် လေ့လာဖို့ ရှိပါတယ်။ စက်တင်ဘာလ ၂၃ ရက်နေ့ ကနေ ၂၆ ရက်နေ့ အထိ စင်ကာပူနိုင်ငံမှာ လေးရက်ကြာ ရှိမှာဖြစ်ပြီး အဲဒီကနေ သြစတြေးလျနိုင်ငံကို ခရီးဆက်မှာဖြစ်ပါတယ်။ ခရီးစဉ်အတွင်း ဘယ်သူတွေနဲ့တွေ့ပြီး ဘာတွေ အဓိက လေ့လာ ဆွေးနွေးကြမှာပါလဲ။ မခင်ဖြူထွေးက အပြည့်အစုံ ပြောပြပေးပါမယ်။
ပြည်သူ့လွှတ်တော် ဥက္ကဋ္ဌ သူရဦးရွှေမန်း ဦးဆောင်တဲ့ မြန်မာကိုယ်စားလှယ်အဖွဲ့ဟာ စင်ကာပူ လွှတ်တော်ဥက္ကဋ္ဌ Michael Palmer ရဲ့ ဖိတ်ခေါ်မှုနဲ့ မနေ့က စက်တင်ဘာလ ၂၃ ရက်နေ့ စလို့ လေးရက်ကြာ စင်ကာပူခရီးစဉ် ရောက်ရှိနေပြီး အဲဒီကနေ သြစတြေးလျနိုင်ငံကို ခရီးဆက်မှာ ဖြစ်ပါတယ်။ သြစတြေးလျ ဆီးနိတ် လွှတ်တော်ဥက္ကဋ္ဌ John Hogg ရဲ့ ဖိတ်ကြားချက်နဲ့ လွှတ်တော်လေ့လာရေး သွားရောက်မှာ ဖြစ်တယ်လို့ ရေဖြူမြို့နယ် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ပြည်သူ့လွှတ်တော် ကိုယ်စားလှယ် ဦးဝင်းဦးက ပြောပါတယ်။
"စင်ကာပူကတော့ သြစတြေးလျသွားရင် စင်ကာပူမှာ ထရန်ဇစ် လုပ်တယ်လေ။ အဲ့ဒီထရန်ဇစ်မှာ ခဏတွေ့ဖို့ ဖိတ်မှာပေါ့လေ။ အဲ့ဒါတွေ့တာဖြစ်ပါလိမ့်မယ်။ အဓိကကတော့ လွှတ်တော်က အဲဒီကဖိတ်တယ်။ လွှတ်တော်ဥက္ကဋ္ဌအနေနဲ့ ဖိတ်လို့ သွားတာပါပဲ။ လေ့လာရေးပါပဲ။ပြီးတော့ စီးပွါးရေးလည်း တချို့ လေ့လာမယ် ပေါ့လေ။ နိုင်ငံရေး ကတော့ နိုင်ငံရေးနဲ့လွှတ်တော်ပေါင်းပြီး သွားတာပေါ့။ နောက် စီးပွါးရေး ကိစ္စမှာတော့ စိုက်ပျိုးရေးနဲ့မွေးမြူရေးလောက်ပဲ ရှိမှာပါ။ ဦးအောင်သိန်းပါမယ်။ ဦးသိန်းစိန်၊ ဦးစိုးသာ၊ နောက် ယုဇနဦးဌေးမြင့်။ စီးပွါးရေးသမား တွေထဲက ပါတယ် ဆိုတာ ကိုယ်သိသလောက် ဦးဌေးမြင့်တစ်ယောက်ပဲပါတယ်။ ကျန်တာက ဦးဌေးမြင့်နဲ့ သူ့စတပ်ဖ်ပါမယ်။ နောက်လွှတ်တော်ထိမ်းသိမ်းရေး အေစီအီးကုမ္မဏီက ဝန်ထမ်းတွေပါမယ်။ ကျန်တဲ့လူတွေတော့ ကျနော်လည်းမသိဘူး၊ မမှတ်မိတော့ဘူးဗျ"
အခုသွားရောက်မယ့် ပြည်သူ့လွှတ်တော် ဥက္ကဋ္ဌ သူရ ဦးရွှေမန်းရဲ့ ခရီးစဉ်ဟာ ပြီးခဲ့တဲ့ သြစတြေးလျနိုင်ငံရဲ့ မြန်မာအပေါ် ဒဏ်ခတ်မှုတွေ ဖယ်ရှားခဲ့ပြီးနောက်ပိုင်း အမြင့်ဆုံးအဆင့် မြန်မာအစိုးရ အရာရှိတဦး ပထမဆုံး အကြိမ် သွားရောက်မယ့် ခရီးစဉ် ဖြစ်ပါတယ်။ လက်ရှိ အစိုးရအနေနဲ့ နိုင်ငံတကာနဲ့ ဆက်ဆံရေး ပြန်လည် ကောင်းမွန်အောင် ကြိုးစားနေချိန်မှာ ခုလို သြစတြေးလျနိုင်ငံ ခရီးစဉ်ကလည်း အရေးပါတဲ့ ခရီးစဉ်တရပ် ဖြစ်တယ်လို့ ဦးဝင်းဦးက ပြောပါတယ်။
"သြစတြေးလျကလည်း သူတို့က အရင် ဒီဆန်ရှင်တွေ အမ်ဗာဂိုတွေလုပ်ထားတာတွေ အရင်ဆုံး သူတို့ ရုတ်သွားတာလေ။နောက် ဗီဇာကိစ္စမပေးတဲ့ ကိစ္စတွေလည်း အကုန်လုံး သူတို့ဘက်က အရင်စပြီးတော့ သိမ်းသွားတာ။ အဲ့ဒီဟာပြီးကတည်းက အမြင့်ဆုံးအဆင့်သွားတာဆိုတော့ အခု လွှတ်တော်ဥက္ကဋ္ဌအနေနဲ့ သွားတာပေါ့နော်။ နိုင်ငံတိုင်းကိုတော့ သွားတာ အားလုံးနိုင်ငံတိုင်းကတော့ အရေးပါတာပါပဲ။ ကိုယ်တို့နိုင်ငံက အရင်တုန်းကလို Isolative ဖြစ်နေရာကနေ အခုပြန်ပြီးတော့ ဆက်ဆံရေးတွေ အကုန်လုံးပြန်ပြီးတော့ နိုင်ငံတိုင်းနဲ့ ပြေလည်အောင် လုပ်နေတဲ့ အချိန်ဆိုတော့ ဘယ်နိုင်ငံမဆို အရေးပါတာပါပဲ"
ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ပြည်သူ့လွှတ်တော် ကိုယ်စားလှယ် ဦးဝင်းဦး ပြောသွားတာပါ။ သြစတြေးလျနိုင်ငံဟာ အရင် မြန်မာစစ်အစိုးရလက်ထက် မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို ပြစ်တင် ရှုတ်ချတဲ့အနေနဲ့ မြန်မာနိုင်ငံအပေါ် အရေးယူ ဒဏ်ခတ် ပိတ်ဆို့မှုတွေ ချမှတ်ခဲ့တဲ့နိုင်ငံ တခုဖြစ်ပါတယ်။
ဒါပေမဲ့ မကြာသေးခင်ကစလို့ မြန်မာနိုင်ငံရဲ့ နိုင်ငံရေး ပြုပြင် ပြောင်းလဲမှုတွေကို အသိအမှတ် ပြုတဲ့အနေနဲ့ မြန်မာအပေါ် အရေးယူ ဒဏ်ခတ်မှုတွေကို ပြီးခဲ့တဲ့ ဇူလိုင်လ အတွင်း သြစတြေးလျအစိုးရက ပြန်လည် ရုပ်သိမ်းပေးခဲ့တာ ဖြစ်ပါတယ်။
ပြုပြင်ပြောင်းလဲရေးတွေ ခိုင်မာပြီး မြန်မာလူထုရဲ့ဘ၀တွေ တိုးတက်စေမယ့် နောက်ထပ် အပြောင်းအလဲ တွေအတွက် အခြေအနေ တွေ ရေရှည်မြဲမြံစေဖို့ အားပေးမယ့် ပိုမိုကြီးမားတဲ့ ထိတွေ့ဆက်ဆံမှုနဲ့ မြန်မာနိုင်ငံ ကို လက်တွေ့ကျကျ အထောက်အပံ့ပြုသွားမှာ ဖြစ်တယ်လို့လည်း သြစတြေးလျ နိုင်ငံခြားရေးဝန်ကြီးက အဲဒီအချိန်က ဆိုခဲ့ပါတယ်။
ပြည်သူ့လွှတ်တော် ဥက္ကဋ္ဌ သူရဦးရွှေမန်းနဲ့ ကိုယ်စားလှယ်အဖွဲ့ဟာ သြစတြေးလျနိုင်ငံ ခရီးစဉ်မတိုင်ခင်မှာတော့ အခု စင်ကာပူ နိုင်ငံကို လေးရက်ကြာခရီး ရောက်ရှိနေပြီဖြစ်ပါတယ်။ စက်တင်ဘာလ ၂၃ ရက်နေ့ကနေ ၂၆ ရက်နေ့အထိ လေးရက်ကြာ စင်ကာပူခရီးစဉ်ကနေ မြန်မာနဲ့ စင်ကာပူ နှစ်နိုင်ငံ အကြား နွေးထွေးတဲ့ ဆက်ဆံရေး ပိုပြီးတော့ ခိုင်မာစေမှာဖြစ်သလို ခရီးစဉ်အတွင်း လွှတ်တော်ဥက္ကဋ္ဌအပြင် စင်ကာပူ ၀န်ကြီးချုပ် Lee Hsien Loong, ယာယီသမ္မတ JY Pillay နဲ့ ၀န်ကြီးချုပ်ဟောင်း၊ လက်ရှိ အကြီးတန်း ၀န်ကြီး Goh Chok Tong တို့နဲ့လည်း တွေ့ဆုံမှာ ဖြစ်တယ်လို့ Chanelnewsasia သတင်းမှာ ဖော်ပြထားပါတယ်။
Ref: VOA News
Read More...
Collapse...
မခင်ဖြူထွေး
24.09.2012
ဒီမိုကရေစီ ပြုပြင်ပြောင်းလဲ လာနေတဲ့ မြန်မာနိုင်ငံကို နိုင်ငံတကာ အကူအညီတွေဆက်ပေး သွားဖို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က တိုက်တွန်း လိုက်ပါတယ်။ ကင်တာကီပြည်နယ် လူဝီဗီးလ် တက္ကသိုလ်မှာ မကြာသေးခင် အချိန်ပိုင်းကပဲ ဒေါ်အောင်ဆန်းစုကြည်က ပြောသွားတာပါ။ လူဝီဗီးလ် တက္ကသိုလ်က ဆရာတွေ၊ ကျောင်းသူကျောင်းသားတွေ အပြင် ကင်တာကီပြည်နယ် တ၀ိုက်က မြန်မာ မိသားစုတွေနဲ့ တွေ့ဆုံစဉ်မှာ ခုလို ပြောသွားတာပါ။ အပြည့်အစုံကို မခင်ဖြူထွေးက တင်ပြထားပါတယ်။
အမေရိကန် စံတော်ချိန် မနက် ၉ နာရီ ပြီးခဲ့တဲ့ အချိန်ပိုင်းတွင်းကပဲ ကင်တာကီပြည်နယ်၊ လူဝီဗီးလ်မြို့ကို ရောက်နေတဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ လူဝီဗီးလ် တက္ကသိုလ်က ကျောင်းသူ ကျောင်းသားတွေ အပြင် ကင်တာကီပြည်နယ်တ၀ိုက်က မြန်မာ မိသားစု တွေနဲ့ တွေ့ဆုံ ခဲ့တာပါ။
မြန်မာနိုင်ငံရဲ့ အဝေးကြီးမှာ ရှိနေပေမဲ့လို့ မြန်မာနိုင်ငံသားတွေကို မေ့မထားဘဲ အမြဲတမ်း ကူညီ ထောက်ပံ့ ခဲ့တာတွေ၊ အမေရိကန် ပြည်ထောင်စုမှာ လာရောက် အခြေချနေထိုင် ကြတဲ့ မြန်မာနိုင်ငံသားတွေကို လုံခြုံမှု ပေးခဲ့တာတွေ အတွက် အမေရိကန်ပြည်ထောင်စု ကို အထူး ကျေးဇူးတင်ကြောင်းနဲ့ မြန်မာနိုင်ငံကတော့ ကိုယ့် နိုင်ငံသားတွေ အတွက် လုံခြုံ စိတ်ချ ရတဲ့နေရာတခု ဖြစ်မလာသေးဘူး။ အဲဒီအတွက် ဆက်ပြီး ကြိုးပမ်းကြ ရဦးမှာ ဖြစ်တယ်လို့ ဒေါ်အောင်ဆန်းစုကြည် က ပြောခဲ့ပါတယ်။
အခုချိန်မှာ မြန်မာနိုင်ငံမှာ ဒီမိုကရေစီလမ်းစ ပေါ်လာနေပြီဖြစ်လို့ အရင်လောက် အကူအညီတွေ မလိုအပ်နိုင်တော့ဘူး ဆိုပြီး အကူအညီတွေ လျော့သွားမှာကို စိတ်ပူမိတယ် လို့ ဒေါ်အောင်ဆန်းစုကြည်က ပြောပါတယ်။
“ကျမကို ခုချိန်မှာ နည်းနည်း စိုးရိမ်တာက တော်တော်များများက ထင်ကြပါလိမ့်မယ်၊ မြန်မာနိုင်ငံ ဒီမိုကရေစီ ပြုပြင် ပြောင်းလဲရေးကိစ္စတွေမှာ သူတို့အနေနဲ့ အရင်လို သိပ် အားထုတ် ကူညီစရာ မလိုတော့ဘူး၊ ကျမတို့ ဦးတည် ကြိုးပမ်းနေတဲ့ ဒီမိုကရေစီ ရရှိဖို့ ဆိုတာ အခု မြန်မာနိုင်ငံမှာ ရှိလာနေပြီ၊ ဆိုတော့ အရင်လောက် ကူညီစရာ မလိုတော့ဘူးလို့ ထင်ကောင်း ထင်နိုင်ပါတယ်။ ဒါပေမဲ့ တကယ်ကတော့ ခုချိန်မှာ အကူအညီတွေက ပိုပြီးတော့တောင် အလိုအပ်ဆုံး အချိန် ဖြစ်ပါတယ်။ ဉာဏ်ပညာ အရည်အသွေး မြင့်တင်ရေးပိုင်းဆိုင်ရာ အကူအညီတွေပါ။ ဘာဖြစ်လို့လဲ ဆိုတော့ မြန်မာနိုင်ငံမှာ ဘာဖြစ်နေလဲဆိုတာ သိဖို့လိုပါတယ်။ အမှားနဲ့ အမှန်ကို ခွဲခြားနိုင်ဖို့၊ ဘယ်ဟာက တကယ်စစ်မှန်တဲ့ တိုးတက် ပြောင်းလဲမှုလဲ၊ ဘယ်ဟာက အပေါ်ယံ ပြောင်းလဲမှုလဲ ဆိုတာကို ခွဲခြားသိဖို့ပါ။”
ဒီပွဲမှာ မြန်မာ့အရေးကို အစဉ်တစိုက် တက်တက်ကြွကြွ အားပေး ထောက်ခံလာခဲ့တဲ့ ကင်တာကီပြည်နယ် ကိုယ်စားပြု ရီပက်ပလစ်ကန် အထက်လွှတ်တော်အမတ် မစ်ခ်ျမက်ကောနဲလ်ကလည်း အခုလို အမှာစကားပြောသွားခဲ့ပါတယ်။
“ဒီကနေ့ ဒေါ်အောင်ဆန်းစုကြည်နဲ့ မြန်မာနိုင်ငံသားတွေနဲ့အတူ ကျနော်တို့ ရပ်တည်ပါတယ်။ အနာဂတ်မှာ ငြိမ်းချမ်းရေးနဲ့ အမျိုးသား ပြန်လည် ရင်ကြားစေ့ရေးအတွက် ဒေါ်အောင်ဆန်းစုကြည် အနေနဲ့ သူ့အမိနိုင်ငံ အတွက် သံန္နိဌာန် ခိုင်မာစွာနဲ့ နောက်မဆုတ်ဘဲ ဆက်လက် ဆောင်ရွက်သွားမယ်လို့လည်း ကျနော် အခိုင်အမာ ယုံကြည်ပါတယ်။”
နောက်ပိုင်း တက္ကသိုလ် ကျောင်းသားတွေနဲ့ အမေးအဖြေ လုပ်တဲ့အခါ မှာ ဒေါ်အောင်ဆန်း စုကြည်က မြန်မာနိုင်ငံမှာ အခြေခံပညာရေး ပြုပြင်ပြောင်းလဲဖို့ အများကြီး လိုအပ်တဲ့အကြောင်း၊ နှစ်နိုင်ငံ ကျောင်းသားတွေအကြား အပြန်အလှန် ဗဟုသုတ ဖလှယ်တဲ့ အစီအစဉ်တွေ အရေးကြီးပေမဲ့လို့ အဓိကအားဖြင့်တော့ မြန်မာ ကျောင်းသူကျောင်းသား လူငယ်တွေ အကြား အခြေခံ အင်္ဂလိပ်စာ တက်မြှောက်မှုအပိုင်းမှာ အင်မတန် အားနည်းနေတာကြောင့်မိုလို့ အင်္ဂလိပ်စာ တတ်ကျွမ်းမှုကို ဦးစားပေးတဲ့ ပညာသင်ဆုတွေကို အဓိက အလေး ထား ပေးသွားဖို့ကိုလည်း ဒေါ်အောင်ဆန်းစုကြည်က တိုက်တွန်းခဲ့ပါတယ်။
လူဝီဗီးလ်မှာရောက်နေတဲ့ မြန်မာနိုင်ငံက တိုင်းရင်းသား လူငယ်တွေ အနေနဲ့ ကိုယ့်နိုင်ငံတွေအတွက် ဘာတွေ ပြန်လုပ်ပေးနိုင်မလဲလို့ လူငယ်တယောက်ရဲ့ အမေးကို ဒေါ်အောင်ဆန်းစုကြည်က ခုလို ဖြေသွားပါတယ်။
“ကျမတို့ကို ဒီလို အခုပေါ့နော်၊ ဒီမှာရောက်နေတဲ့လူငယ်တွေက ဒုက္ခသည်တွေ ဘ၀ကနေ ရောက်လာပြီးတော့ ဒီရောက်တဲ့အခါကျရင် ကိုယ့်နိုင်ငံအတွက် ဘာ ပြန်ပြီးတော့ အကူအညီပေးရမလဲ ဆိုတာ စိတ်ထားရှိတာကို ကျမ အရမ်းဝမ်းသာတယ်။ ဂုဏ်လည်း ယူတယ်။ လေးလည်း လေးစားတယ်။ အဲဒီတော့ တကယ်ပဲ အကူအညီပေးချင်တယ် ဆိုရင် နံပါတ်တစ်က ကိုယ်က ဘယ်ဘက်ကို အားသန်လဲ ဆိုတာ သိရပါတယ်။ ဥပမာ - တယောက်နဲ့တယောက် မတူကြဘူး။ တချို့ဆိုရင် ပညာရေးဘက်မှာ အားသန်တယ်၊ တချို့ဆိုရင် ကျန်းမာရေးဘက်မှာ အားသန်တယ်။ ဘယ်ဘက်မှာ အားသန်လဲ ဆိုတာကို သိဖို့လိုပါတယ်။ ကိုယ်အားသန်တဲ့ဘက်ကနေမှ ကိုယ် ကူညီလို့ရမှာ။ အခု ကျမတို့ကနေပြီးတော့ ပထမ အရေးကြီးတာက ကျမတို့ရဲ့ လူငယ်တွေ မြန်မာနိုင်ငံကို ပြန်လာချင်လို့ရှိရင် ဘယ်လို ပုံစံနဲ့ပဲ ရောက်လာတာဖြစ်ဖြစ်၊ ပြန်လာချင်လို့ရှိရင် လုံလုံခြုံခြုံနဲ့ ပြန်လာနိုင်တဲ့ အနေအထားတခုကို ဖန်တီးဖို့ လိုပါတယ်။
နောက်တခုကလည်း တချို့တွေကလည်း ဒီနိုင်ငံမှာပဲ အခြေခံချင်တယ် ဆိုရင်လည်း ဒါဟာ အပြစ်မဟုတ်ပါဘူးနော်။ အဲဒါတော့ ကျမ သတိပေးပါရစေ။ ဒီနိုင်ငံမှာ အခြေချတာဟာ အပြစ် မဟုတ်ပါဘူး။ ဘာဖြစ်လို့လဲ ဆိုတော့ ကိုယ်လိုအပ်တဲ့ အချိန်တုန်းက ကိုယ့်ကို လက်ခံခဲ့တဲ့ နိုင်ငံတခုအပေါ်မှာ သံယောဇဉ် တွယ်သွားတာ၊ ကျေးဇူးတရား ရှိသွားတာ၊ မေတ္တာတရား ထားတာဟာ ဒါ အမှား မဟုတ်ပါဘူး။ ဆိုတော့ ဒီနိုင်ငံမှာပဲ အခြေချပြီးတော့ နေချင်တယ်၊ ဒါပေမဲ့ တတ်နိုင်သမျှ အရင်တုန်းက ကိုယ့်အမိ နိုင်ငံကို ပြန်ပြီးတော့ ကူချင်တယ် ဆိုရင်လည်း အဲဒီလို အခွင့်အရေးတွေ ဖြစ်အောင်လို့ ဖန်တီးဖို့ ကျမတို့ ကြိုးစားနေပါတယ်။”
လက်နက်ကိုင် တိုက်ပွဲတွေနဲ့ နိုင်ငံရေးပဋိပက္ခတွေကြောင့် နယ်စပ်ဒေသတွေမှာ ထွက်ပြေး တိန်းရှောင်နေကြရတဲ့ ကရင်ဒုက္ခသည်တွေ ဌာနေပြန်နိုင်ရေးနဲ့ပတ်သက်လို့ ကရင်အမျိုးသမီးတဦးရဲ့ အမေးကို ဒေါ်အောင်ဆန်းစုကြည်က ခုလို ဖြေခဲ့ပါတယ်။
“ဗိုလ်ချုပ်အောင်ဆန်းက ကချင်တကျပ်၊ ဗမာတကျပ် ဆိုပြီးတော့ ပြောတယ်ပေါ့။ အခုရော သူ့သမီးက ဒီလို လာပြောဦးမှာလား၊ ပြောပြီးတော့ ကတိတည်ဦးမှာလား ဆိုတော့၊ ကျမက ပြောတယ်၊ ကျမမှာ တကျပ် ပေးစရာလည်း မရှိဘူး။ ကချင်လည်း မပေးနိုင်ဘူး။ ဗမာလည်း မပေးနိုင်ဘူးလို့။ အဲဒီတော့ ကျမတို့ အားလုံးအတူတူ ကြိုးစားပြီးတော့မှ ညီညီမျှမျှနဲ့ ချမ်းသာနိုင်အောင် ကျမတို့ ကြိုးစားရမယ်လို့ ကျမ ပြောပါတယ်။ အခုအနေမှာဆိုရင်တော့ ဖွံ့ဖြိုးရေး အကူအညီနဲ့ပဲ ဖြစ်ဖြစ်၊ လူသားချင်း စာနာတဲ့အကူအညီပဲ ဖြစ်ဖြစ်၊ ကျမကို လာပြီးတော့ တိုင်ပင်တဲ့ အဖွဲ့အစည်းတွေ နိုင်ငံတွေကို ကျမ အမြဲပြောပါတယ်။
မြန်မာ အများစုရှိတဲ့ပြည်နယ်တွေမှာ အကူအညီ တခုပေးလို့ရှိရင် တိုင်းရင်းသားတွေ နယ်တွေမှာလည်း အကူအညီတခုပေးရမယ်။ ဒီလို ညီမျှအောင်ပေးရမယ်။ ဒါကတော့ ဖွံ့ဖြိုးရေးအတွက်။ ဒီလို ဖွံ့ဖြိုးတာက မလုံလောက်သေးဘူး။ ဒီလို ဖွံ့ဖြိုးမှလည်း ကျမတို့ အဝေးရောက်နေတဲ့ မြန်မာနိုင်ငံသားတွေ ပြန်လာနိုင်မှာပေါ့။ ပြန်လာပြီး ဆင်းရဲနေရင်လည်း မကောင်းဘူး။ ဒါပေမဲ့ ဆင်းရဲမှုကတင် မလုံလောက်ပါဘူး။ နိုင်ငံရေးအရ လုံခြုံမှု ရှိရမယ်။ အဲဒီတော့ အဲဒီ လုံခြုံမှု ကျမတို့ ပေးနိုင်ပြီလားဆိုတော့ ကျမ ပွင့်ပွင့်လင်းလင်းပဲ ပြောမယ်။ ကျမတို့ အာမ မခံနိုင်သေးဘူး။ အာမခံနိုင်အောင်လို့ ကျမတို့ ကြိုးစားပါမယ်။
အဲဒီလို နိုင်ငံရေးအခြေအနေ ရောက်အောင်လို့ ကျမတို့ရဲ့ ပြည်သူပြည်သားတွေ အတွက် အပြည့်အ၀ အကာအကွယ် ပေးနိုင်တဲ့ အခြေအနေ ရောက်အောင်လို့ ကျမတို့ ကြိုးစားပါမယ်။ မရောက်သေးဘဲနဲ့တော့ ကျမတို့ ရောက်ပြီ ဆိုပြီးတော့ လှည့်ဖျားပြီးတော့ မပြောပါဘူးလို့ ကျမ ကတိပေးပါတယ်။”
နိုင်ငံခြားမှာရှိနေတဲ့ မြန်မာလူငယ်တွေ အနေနဲ့ မြန်မာနိုင်ငံအတွက် အကူအညီတွေ ပြန်လုပ်ပေး ချင်ကြတယ် ဘယ်လို ကူညီရမယ်ဆိုတာကို သူ့ကို အီးမေးကနေ ဆက်သွယ်နိုင်တဲ့အကြောင်း၊ အီးမေးလိပ်စာ info.nldburma@gmail.com ကိုလည်း ဒေါ်အောင်ဆန်းစုကြည် က ပြောသွားပါတယ်။
မြန်မာနိုင်ငံမှာ သတင်းလွတ်လပ်ခွင့်တွေ အပြည့်အ၀ ရဖို့ လိုအပ်နေသေးတဲ့ အကြောင်းနဲ့ ပြုပြင် ပြောင်းလဲမှုတွေ အများကြီး ဆက်လုပ်စရာ ရှိနေသေးတဲ့ အကြောင်းလည်း ဒေါ်အောင်ဆန်းစုကြည်က ပြောသွားခဲ့ပါတယ်။
မြန်မာနိုင်ငံဟာ တိုင်းရင်းသားလူမျိုးပေါင်းစုံ နေထိုင်တဲ့ နိုင်ငံတခုဖြစ်သလို ဒီတိုင်းရင်းသား လူမျိုး အားလုံး၊ ကိုယ့်လူမျိုးတခုတည်းကို မခွဲခြားဘဲ၊ ဘယ်နေရာ ဘယ်ဒေသမှာပဲ ရှိနေရှိနေ မြန်မာနိုင်ငံ အကျိုးအတွက် တက်ညီလက်ညီ ဆောင်ရွက်သွားကြမယ်ဆိုရင် နှစ်ပေါင်းများစွာ မျှော်လင့် ကြိုးပမ်းလာခဲ့တဲ့ လွတ်လပ်ပြီး တိုးတက်တဲ့ နိုင်ငံတခု ဖြစ်လာမှာဖြစ်တယ်လို့ လည်း ဒေါ်အောင်ဆန်းစုကြည်က ပြောသွားခဲ့ပါတယ်။
Ref: VOA News
Read More...
Collapse...
2012-09-24
ပဲခူးမြို့ အကျဉ်းထောင်မှာ ထောင်ကျနေသူ အကျဉ်းသား ဦးလှမိုးကို ထောင်မှူး ဦးကျော်စွာသင်းက ကိုယ်ထိ လက်ရောက် ထိုးကြိတ် ခဲ့တဲ့အတွက် အကျဉ်းသားရဲ့ဇနီးဖြစ်သူ မခင်ကြည်ကြည်ချိုက ပဲခူးထောင် ညွှန်မှူး ဦးနိုင်ဝင်း၊ ဦးစီးအရာရှိ ဦးသိန်းစိုး၊ ထောင်ပိုင် ဦးဝင်းတင်တို့ကို မနေ့မနက်က တွေဆုံ တိုင်ကြား ခဲ့ပါတယ်။
အဲဒီနောက် ပြည်တွင်းဂျာနယ်တချို့က သတင်းထောက်တွေနဲ့ တွေ့ဆုံပြီး ရှင်းလင်းပွဲပြုလုပ် ခဲ့တယ်လို့ အကျဉ်းသား ရဲ့ဇနီးဖြစ်သူ မခင်ကြည်ကြည်ချိုက RFA ကို ပြောပါတယ်။
"ကျွန်မ မနေ့က သူ့ကို ထောင်ဝင်စာ သွားတွေ့တဲ့အခါကျတော့ သူ့ပါးမှာ ဒဏ်ရာတွေတွေ့ရတယ်။ ထောင်မှူး ဦးကျော်စွာသင်းက သူ့ကို ပါးသုံးချက် ရိုက်ပြီးတော့ လက်သီးနဲ့ ပါးကို ထိုးတယ်တဲ့။ မနေ့က ရဲမှူးကြီးဆီကို လှမ်းပြီးတော့ အကြောင်းကြားတယ်။ ဒီမနက်ကို ထောင်ညွန်မှူးကြီး နဲ့လည်း သွားတွေ့တယ်။ သူတို့ သက်ဆိုင်ရာနဲ့ ညှိနှိုင်းပြီးတော့ လုပ်ပေးမယ်ပေါ့။ ကျွန်မက သက်ဆိုင်ရာ အသီးသီးကို တိုင်ကြားမယ်ပေါ့။ လိုအပ်ရင်လည်း အမှုဖွင့်မယ်"
ထောင်အာဏာပိုင်တွေနဲ့ တွေ့ဆုံရာမှာ ပဲခူးထောင် ညွှန်မှူး ဦးနိုင်ဝင်းက အကျဉ်းသားဦးလှမိုးကို ထောင်မှူး ဦးကျော်စွာသင်းက ရိုက်နှက်ခဲ့တဲ့ဖြစ်စဉ်ဟာ မှန်ကန်ကြောင်း၊ မိမိတို့ဘက်မှ တာဝန်ပေါ့မှုကြောင့်ဖြစ်ကြောင်း၊ ထောင်မှုးကျော်စွာသင်းကို အဆင့်ဆင့်စစ်ဆေးပြီး အရေးယူသွားမှာ ဖြစ်ကြောင်း ပြောကြားခဲ့တယ်လို့ မခင်ကြည်ကြည်ချိုနဲ့ လိုက်ပါပြီး ထောင်ညွှန်ကြားရေးမှူးနဲ့ တွေ့ဆုံခဲ့တဲ့ အလွတ်သတင်းထောက် ကိုသူရအောင်က RFA ကိုပြောပါတယ်။
"အဓိက ညွန်ကြားရေးမှူးက ဒီအမှုကို ထိထိရောက်ရာက် အရေးယူပေးမယ်။ ဘယ်လိုအရေးယူမှာလဲ၊ ဘယ်တော့အရေးယူမှာလဲ၊ တကယ်အရေးယူမှု ရှိ မရှိဆိုတာ ကျွန်တော်တို့ အရပ်သားတွေအနေနဲ့ ဘယ်လိုလုပ်သိနိုင်မလဲလို့ ကျွန်တော်ကမေးတော့ သူရေရေရာရာ မဖြေနိုင်ဘူး။ ဒါကဋ္ဌာနပိုင်းဆိုင်ရာ လျှို့ဝှက်ချက်ဖြစ်လို့ အရာရှိတစ်ယောက်ကို ဘယ်လိုအရေးယူတယ်ဆိုတာ အပြင်ကိုထုတ်ပြီး သူတို့ပြောလေ့ ပြောထမရှိဘူးတဲ့။ ယေဘုယျသဘောအားဖြင့် သူတို့စုံစမ်းကြည့်တဲ့အခါကျတော့ အရာရှိ တစ်ယောက်က ဒီလိုအကျဉ်းသားတစ်ယောက်ကို လက်လွတ်စပယ် ရိုက်တဲ့ ပုတ်တဲ့ကိစ္စကတော့ အပြစ်ရှိတာမှန်ပေမဲ့ စုံစမ်းစစ်ဆေးရေးအဖွဲ့နဲ့ စစ်ဆေးပြီးတဲ့အခါကျမှသာလျှင် သူ့မှာ အပြစ်ရှိကြောင်း ဆုံးဖြတ်ပြီးတော့ ထိရောက်စွာ အရေးယူမယ်လို့ပဲ ဝေ့ဝိုက်ပြီးတော့ ပြောပါတယ်"
အကျဉ်းသားဦးလှမိုးဟာ ထောင်တွင်းရေသန့်စက်ရုံမှာ အလုပ်လုပ်နေသူဖြစ်ပြီး စက်တင်ဘာ ၂၀ ရက်နေ့က မိန်းမဆောင်ဖက် ပို့ပေးရမယ့်ရေဗူးတွေ အချိန်မီ မရောက်လို့ဆိုတဲ့ အကြောင်းပြချက်နဲ့ ထောင်မှူး ဦးကျော်စွာသင်းရဲ့ ရိုက်နှက်ထိုးကြိတ်မှုကို ခံခဲ့ရတာဖြစ်ပါတယ်။
Ref: RFA News
Read More...
Collapse...
Posts
