ရော်နီညိမ်း
04.05.2012
တပ်မှူးတပ်သား ပြောစကား (၁၁၁)
ဗီအိုအေ ။ ။ ၂၀၁၂ မေ (၅) ။ အခုအခါမှာ ပြည်ပမှာ အခြေစိုက်တဲ့ “မြန်မာနိုင်ငံ မျိုးချစ် စစ်သည်ဟောင်းများ အစည်းအရုံး” ရဲ့ ဥက္ကဌ အဖြစ် တာဝန်ယူနေတဲ့ ဗိုလ်ကြီးဟောင်း ဦးခင်မောင်ညွှန့်ဟာ မေမြို့ စစ်တက္ကသိုလ် ဗိုလ်သင်တန်း အပတ်စဉ်(၁) ကနေ ကျောင်းဆင်းပြီးတော့ တပ်မတော်(ကြည်း)ရဲ့အရာရှိငယ် တစ်ယောက်ဖြစ်လာခဲ့ပါတယ်။
ဗိုလ်ကြီးဟောင်းဦးခင်မောင်ညွှန့်က ဗီအိုအေ မြန်မာပိုင်းရဲ့ တပ်မှူးတပ်သား ပြောစကား ကဏ္ဍမှာ သူပြောပြ ချင်တဲ့ အကြောင်းကတော့ သူ့ရဲ့ဘ၀မှာ အချစ်ခင်အရင်း နှီးဆုံး မိတ်ဆွေ သူငယ်ချင်းဖြစ်ခဲ့တဲ့ ဗိုလ်ကြီးမြင့်ထူး အကြောင်းလို့ ဆိုပါတယ်။ OTS ဗိုလ်သင်တန်း အပတ်စဉ်(၂၆)က နေဆင်းတဲ့ ဗိုလ်ကြီးမြင့်ထူးဟာ ဖက်စစ် ဂျပန်တော်လှန်ရေး ကာလမှာ ဗမာ့ ကာကွယ်ရေး တပ်မတော် စစ်သေနာပတိ ဗိုလ်ချုပ်အောင်ဆန်း အလွန်အားထား ခဲ့ရတဲ့ အထက်ဗမာပြည်တိုင်း စစ်ရေး တာဝန်ခံ ဗိုလ်မှူးကြီးဗထူးရဲ့သား ဖြစ်ပါတယ်။ အခုအ ခါ ခေတ်သစ်မြန်မာ့ တပ်မတော်ရဲ့ စစ်သင်တန်းကျောင်းတွေ ရှိရာ ဗထူး တပ်မြို့ဟာ ဗိုလ်မှူးကြီးဗထူးကို ဂုဏ်ပြုပြီး မှည့်ခေါ်ခဲ့တာဖြစ်ပါတယ်။ ဒါပေမယ့် ဗိုလ်ကြီးမြင့်ထူး ကတော့ ၁၉၆၀ ခုနှစ်တွေရဲ့ အလယ်လောက်မှာ တပ် မတော်ခေါင်းဆောင်ဟောင်းတွေ ဖြစ်ကြတဲ့ ဗိုလ်မှူးချုပ်ဟောင်း အောင်ကြီးနဲ့  ဗိုလ်မှူးကြီးဟောင်း ကြည်မောင်တို့ ကြံစည်ခဲ့ကြတဲ့ တပ်တွင်း ပုန်ကန်မှုမှာ ပါဝင်ခဲ့တယ် ဆိုပြီးတော့ စစ်ထောက်လှမ်းရေးရဲ့ ဖမ်းဆီးခြင်းကို ခံခဲ့ရပါတယ်။
နောင်အခါမှာ မျက်မှန်တင်ဦး၊ လန်ဘားတင်ဦး ဆိုတဲ့ နာမည်ဆိုးတွေနဲ့ကျော်ကြားခဲ့သူ အဲဒီအချိန်က ဗဟိုထောက်လှမ်းရေး တပ်ရဲ့ တပ်မှူး ဒုတိယ ဗိုလ်မှူးကြီးတင်ဦးရဲ့ ရေကြည်အိုင်က အကျဉ်းထောင်မှာ ဗိုလ်ကြီးမြင့်ထူးဟာ လူမသိ သူမသိ အပြင်းအထန် နှိပ်စက်ညှင်း ပန်းခံရပြီးတော့ ရေတိမ် နစ်သွား ခဲ့ရပါတယ်။ အဲဒီအချိန်မှာပဲ ရေကြည်အိုင် အကျဉ်း ထောင်ထဲက နောက် တစ်နေရာမှာ ညှင်းပန်းနှိပ်စက်ခြင်း ခံနေရတဲ့ ဗိုလ်ကြီးဟောင်း ဦးခင်မောင်ညွှန့်ဟာ ဗိုလ်ကြီးမြင့်ထူး တစ်ယောက် ရေကြည်အိုင်မှာပဲ ကျဆုံး သွားခဲ့ရတယ် ဆိုတာကို နောက်ပိုင်းမှ သိရှိခဲ့ရပါတယ်။ ဦးခင်မောင် ညွှန့်နဲ့ အပြန်အလှန် မေးမြန်းပြောဆို ထားတဲ့ ဒီသီတင်းပတ်ရဲ့ တပ်မှူးတပ်သားပြောစကား အစီအစဉ်ကို တင်ဆက်လိုက်ပါ တယ် ခင်ဗျာ။
ဦးခင်မောင်ညွှန့် ။ ။ အန်ကယ်တို့ ပထမအပတ်ဗိုလ်လောင်း သင်တန်းပေါ့လေ စစ်တက္ကသိုလ်က ဆင်း တဲ့နေ့ကတော့ ၁၉၅၉ခုနှစ် ဇွန်လ(၁)ရက်နေ့ ဖြစ်ပါတယ်။ ၁၉၅၉ ပေါ့နော် ဒီဇင်ဘာလ တတိယ ပတ်လောက်မှာ အမှတ်(၆) ဗမာ့သေနတ်ကိုင်တပ်ရင်းကို ရောက်သွားပြီးတော့ ၁၉၆၃ …မေမြို့မှာ ဗဟို အချက်ပြ ဆက်သွယ်ရေး သင်တန်း ကျောင်း ဆိုတာ ရှိတယ်။ အဲဒီမှာ ခြေလျင်တပ်ရင်း ဆက်သွယ်ရေး အရာရှိ သင်တန်းကို ကျနော်တို့ တက်ရပါတယ်။
ဦးရော်နီညိမ်း ။ ။ ဟုတ်ကဲ့၊ အဲဒီမှာ ဗိုလ်ကြီးမြင့်ထူးနဲ့ တွေ့တာလား ခင်ဗျ။
ဦးခင်မောင်ညွှန့် ။ ။ ဟုတ်ပါတယ်ခင်ဗျ၊ ဟုတ်ပါတယ်။ အဲဒီသင်တန်းမှာ ကျနော်တို့ ခြေလျင်တပ် ရင်းတွေကနေ ပေါ့၊ သူတို့ ပို့ပေးတဲ့ စီနီယာ တပ်စုမှူးတွေပေါ့ခင်ဗျား။ အဲဒီတုန်းကတော့ Lieutenant / Senior Lieutenant ပေါ့နော်။
ဦးရော်နီညိမ်း ။ ။ ဟုတ်ကဲ့၊ အဲဒီတော့ ဗိုလ်ကြီးမြင့်ထူးက အဲဒီအချိန်မှာ ဗိုလ်အဆင့်လား၊ ဗိုလ်ကြီး အဆင့်လား ခင်ဗျ။
ဦးခင်မောင်ညွှန့် ။ ။ ဗိုလ်အဆင့်မှာပါပဲ ခင်ဗျ။ အဲဒီမှာ ကျနော်တို့ အရာရှိက (၂၀)ကနေ (၂၃) ယောက်လောက် ရှိမယ် ထင်တယ်။
ဦးရော်နီညိမ်း ။ ။ ဟုတ်ကဲ့၊ ဗိုလ်ကြီးမြင့်ထူးက ဘယ်တပ်ရင်းကနေ လာတက်တာလဲ ခင်ဗျ။
ဦးခင်မောင်ညွှန့် ။ ။ သူက သာယာဝတီ အမှတ်(၂၅) ခြေလျင်တပ်ရင်းကပါ ခင်ဗျား။ သူ့ကို ဗိုလ်မှူးကြီး ဗထူးရဲ့သား ဆိုတာလည်း ကျနော်တို့က မသိဘူးခင်ဗျ။ သိချင်တော့ တစ်နေ့မှာ၊ ကျနော်တို့က နောင်ခန်းကြီး ဘုရားပေါ် လမ်းလျှောက်ရအောင် ဆိုတော့ ကျနော်တို့တွေ လမ်းလျှောက်ရင်းနဲ့ သူပြောတာက ကျနော့် အဖေဟာတဲ့ ဖက်ဆစ်ဂျပန် တော်လှန်ရေးမှာ အထက်ဗမာပြည်တိုင်းရဲ့ တိုင်းမှူး ဗိုလ်မှူးကြီးဗထူး ဆိုတာ ခင်ဗျား ကြားဖူးမှာပေါ့တဲ့။ ငှက်ဖျားရောဂါနဲ့ပဲ အဲဒီတော်လှန်ရေး ကာလ အတောအတွင်းမှာ ကလော၊ အောင်ပန်း ဧရိယာ ဘက်မှာပေါ့ဗျာ နော်။ အဲဒီဘက်မှာ တာဝန် ယူနေရင်းနဲ့ ကျဆုံး သွားတယ်တဲ့။ သူ နောက်ဆုံး ကျနော့် အမေနဲ့ ကျနော်တို့ကို လာတွေတဲ့ အချိန်မှာ ကျနော် က (၅)နှစ်သား (၆)နှစ်သားလောက်ပဲ ရှိသေး တယ်တဲ့။ နောက် သူသွားမယ့်နေ့ ကျတော့ အမေ့ကို ပြောတယ်ပေါ့လေ။ သူ ဘာပြောသလဲ၊ ကျနော် ဘယ် မှတ်မိမလဲဗျာ တဲ့။ (၅)နှစ်သား (၆)နှစ်သား ကိုးတဲ့။ အမေက ကျနော် (၈)တန်း လောက်ရောက်တဲ့ အချိန် ကျတော့၊ အဖေက ဘာမှာခဲ့တယ် ဆိုတာ သူက ပြောပြတာ။ အေး အဲဒီတော့ ငါ့သားတွေ သမီးတွေ ကိုတော့ ငါပေါ့လေ၊ ဘယ်တော့မှ ပြန်တွေ့နိုင်မလဲ၊ ဘာမှကို မရေရာဘူး။ သို့သော်လည်း ငါ့သား ကြီး မြင့်ထူး ကိုတော့ သူ လူလားမြောက်လာတဲ့ အချိန်မှာပေါ့လေ၊ ငါအကယ်၍ ပြန်မလာနိုင်ရင်ပေ့ါလေ။ သူ့အဖေကနေ မှာခဲ့ တယ် ဆိုတာ တစ်ခုကို ပြောပေးပါလို့ ၊ ကျနော့်အဖေက ကျနော့်အမေကို ပြောတယ် တဲ့၊ ငါ့သားကြီးကိုပေါ့လေ၊ လူလားမြောက်လာတဲ့ အချိန်မှာ ဘာပဲဖြစ်ဖြစ် အဖေ့ရဲ့သမိုင်းကိုပေါ့လေ၊ အစဉ် အလာကို ထိန်းတဲ့ အနေနဲ့ တပ်ထဲကိုဝင်၊ ၀င်ပြီးတော့ နိုင်ငံနဲ့ပြည်သူကို အကျိုးပြုပါ၊ အဲဒါ အဖေမှာ တယ်ပေါ့ လေ။ သူ့ ကိုမှာထားတဲ့ အကြောင်းကို သူ့အမေကနေ သူ(၈)တန်းရောက်တဲ့ အချိန်ကျမှ ဒီအကြောင်းကို ပြောပြတာ။ ဘာပဲဖြစ်ဖြစ် ကျနော် အခုတပ်ထဲကို ရောက်နေပြီ၊ တပ်မတော် အရာရှိ လည်း ဖြစ်နေပြီ ဆိုတော၊့ အဖေ့ဆန္ဒကို ကျနော် ဖြည့်ဆည်းနိုင်သရွေ့တော့ ဖြည့် ဆည်းနေပါပြီတဲ့၊ ဒါပေမယ့် ဆက်ပြီးတော့ ဖြည့်ဆည်းစရာတွေ ကိုတော့ ကျနော် ဖြည့်ဆည်းဦးမှာ ပါပဲတဲ့၊ အဲဒီလိုသူ ပြော တယ် လေ။ အဲဒါနဲ့ပဲ ကျနော်နဲ့ သူ အဲဒီနေ့ကစပြီး တော်တော်ကို ခင်သွားကြတယ် ခင်ဗျ။ သူ့ရဲ့ ထူးခြား ချက်က ဘာလဲဆိုရင် သူက အေးအေးဆေးဆေး တည်တည်ငြိမ်ငြိမ် ရှိတယ် ခင်ဗျ၊ နောက်ပြီးတော့ တကယ့် officer တစ်ယောက်ရဲ့ အပြုအမူ အနေအထိုင် အတိုင်းပဲ သူနေတာပဲ ခင်ဗျ။ သာမန်ကာ ရှန် ကာ နေတာတော့ မဟုတ်ဘူးခင်ဗျ။
ဦးရော်နီညိမ်း ။ ။ ဟုတ်ကဲ့ ခင်ဗျ။ အဲဒီတော့၊ သူနဲ့ ဗိုလ်မှူးချုပ်အောင်ကြီးနဲ့ ပေါ့နော်၊ အဲဒီအချိန်က ဒီအငြိမ်းစား ဗိုလ်မှူးချုပ်အောင်ကြီးပေါ့၊ ကျနော်တို့  တော်လှန်ရေးကောင်စီဝင် အဖြစ်က ရပ်စဲခံရ ပြီးတော့ မေမြို့မှာ လာရောက် နေထိုင်နေတဲ့ အငြိမ်းစား ဗိုလ်မှူးချုပ်အောင်ကြီး နဲ့ ဗိုလ်ကြီးမြင့်ထူးနဲ့ ဘယ် လိုများ ဆက်နွယ်ပတ်သက်မှု ရှိလို့ပါလဲ ခင်ဗျ။
ဦးခင်မောင်ညွှန့် ။ ။ ဟုတ်ကဲ့၊ အတိုချုံး ပြောမယ်ဆိုရင်ဗျာ၊ သူက စစ်တပ်က အာဏာ သိမ်းထားတာကို လည်း မကြိုက်ဘူး ခင်ဗျ။ နောက်ပြီးတော့ ဘာပဲဖြစ်ဖြစ် အရင်တုန်းက ရှိတဲ့ လွတ်လပ်ခွင့်တွေပေါ့၊ ပြည် သူတွေ ရထားတာတွ အခု မရှိဘူး၊ နောက်ပြီးတော့ ကုန်ဈေးနှုန်းတွေ ကြီးလာတာတွေရယ်၊ မှောင်ခို စနစ်ကြီး ဖြစ်လာတာတွေ ရယ်၊ အဲဒါ ကျနော်တို့ကလည်း အချိန်လေး အားတုန်းပြုတုန်းမှာ ညနေပိုင်းတို့ ညပိုင်းတို့မှာ အချိန်လေးရရင် ရသလို ပြောကြပြု ကြ၊ တိုင်းပြည် အခြေအနေ ကိုလည်း သဘောမကျဘူး။ ကျနော်တို့လို ပေါ့ဗျာ၊ အဲဒီတုန်းက ကျနော်တို့ကတော့ professional soldier ဆိုတာ ကိုယ့်တိုင်းပြည်ကို ကိုယ့်လူမျိုးကို ကာကွယ်မယ်၊ ဒါပဲရှိတာပဲ။ အဲဒီလို အနေအထားကနေ အခုက တိုင်းပြည်ကို တပ်မတော် ကနေ အစစအရာရာ ချုပ်ကိုင် လိုက်တဲ့ အချိန်ကျတော့ ကျနော်တို့ကော သူ ကော၊ သူလည်း ခြေလျင်တပ် ရင်းပေါ့ infantry ကျနော်တို့ လည်း infantry ဆိုတော့ ကျနော်တို့က ကျေးရွာတွေ တောကြားတောင်ကြား ထဲမှာ ရောက်တယ်။ လူထုကို ဘယ်လို ခံစားနေရတယ် ဘယ်လောက် အခက်ခဲရှိနေတယ် ဆိုတာသိတော့ အခြေအနေတွေကို ကျနော်တို့ သိပ်မကြိုက်ကြဘူးဗျ။ အဲဒီကြားထဲမှာလဲ ကျနော်တို့ ဟိုတုန်းကတော့ ဒုကာကွယ်ရေး ဦးစီးချုပ်ပေါ့၊ ဗိုလ်ချုပ်ကြီးနေ၀င်းပြီးလို့ ရှိရင် ဒုတိယ ပုဂ္ဂိုလ် ဗိုလ်မှူးချုပ်အောင်ကြီးက လည်း နှုတ်ထွက် သွားတယ်ဗျ။ နောက်ကျတော့ သူ့ကို မချမ်းဘောကို နှင်တဲ့ သဘောမျိုးပေါ့၊ အဲဒီမှာ မချမ်းဘောရောက်ပြီးတော့ နေနေတယ်။ နေနေပြီးတော့နောက် ကျနော်တို့မေမြို့ကိုရောက်ပြီး တစ်လလောက် အကြာမှာ ဒီလိုပဲ ဗိုလ်မှူးချုပ်အောင်ကြီး က အခု မေမြို့ကို ရောက်လာပြီ၊ မေမြို့ မာလာ လမ်းက (ခုတော့ ဆုံးသွားပါပြီ) စာရေးဆရာ တက်တိုး၊ ဒေါ်နုယဉ်တို့ရဲ့ တိုက်ကလေး အဲဒီမှာ ရောက်နေပြီ လို့ ကြားတာ။ ကိုမြင့်ထူး ပြောပြတာ။ ကျနော့် အဖေဗျာတဲ့ ဂျပန်တော်လှန်ရေးမှာ ကွယ်လွန်သွားပြီး တဲ့နောက်ပိုင်းက စပြီးတော့တဲ့ ကျနော့်အမေရယ် ကျနော့်နှမလေးရယ်ပေါ့နော်။ ကျနော့် ညီတစ်ယောက် ရယ် အဲဒါကို ဗိုလ်မှူးချုပ်အောင်ကြီးပဲ ထောက်ပံ့ပြီးတော့ ကျနော်တို့ ပညာ သင်ကြားရေး စားရိတ်တွေ ဘာတွေ သူက ကူညီတာတဲ့။ ဒီလိုဆိုရင်တော့ ကျနော် သွားတွေ့ ရမယ်တဲ့။ ကျနော်တို့ ကတော့ဗျာ၊ ဗိုလ် ချုပ်အောင်ကြီး ဆိုတာ ဘယ် ကျနော်တို့က တပ်စုမှူး အဆင့်နဲ့ သူနဲ့ဆို အများကြီး ကွာတာ ပေါ့။ ကျနော်တို့ ထဲက ကိုသောင်းဆိုတာ Best Cadet ကတော့၊ သူက ADC (Aide-De-Camp ကိုယ်ရေးအရာရှိ) ပေါ့ဗျာ။ သူတစ်ယောက်ပဲ ဗိုလ်ချုပ်အောင်ကြီးနဲ့ နီးနီးကပ်ကပ် နေရတယ်။ တစ်နေ့ကျတော့ စနေတနင်္ဂနွေ ရောက် သွားတော့ ဗိုလ်မှူးချုပ်အောင်ကြီးဆီ ရောက်ရောက်ချင်း သူက ပြောတယ်ခင်ဗျ၊ ကျနော်တို့ကို သတိပေး တယ်။ မင်းတို့ အရမ်းအရမ်း ငါ့အိမ်ကို မလာနဲ့ကွတဲ့၊ ဘာလို့ ဆို မင်းတို့က တပ်ထဲမှာ ရှိတဲ့ကောင်တွေ မင်း တို့ကို အန္တရာယ်ဖြစ်လိမ့်မယ်။ ငါ့ဘေးပတ်ဝန်း ကျင်မှာတဲ့ ထောက်လှမ်းရေး က အမြဲတမ်း ချထားတယ်တဲ့။ ကိုမြင့်ထူးကလည်း၊ ကျနော့် ထောက်ပံ့ ကြည့်ရှုထားတဲ့ ပုဂ္ဂိုလ်ပဲ ကျနော် လာတွေ့ရမှာ ပေါ့တဲ့၊ အေးတဲ့ မင်း တို့  တတ်နိုင်ရင်တော့ကွာ သိပ်သိပ် မလာကြနဲ့ ၊ မင်းတို့ ဒုက္ခဖြစ်မှာ စိုးလို့ပါတဲ့။ ဒါပေမယ့်လည်း ကျနော်တို့ က ဆက်ဆက်ပြီး စနေတနင်္ဂနွေ လာတာကိုး။ အဲဒီိလိုနဲ့ နေရင်းနေရင်းနဲ့ပေါ့နော်၊ နောက်(၂)လ (၃)လ လောက်နေတော့ (အခု တော့ ကွယ်လွန်သွားပါပြီ) NLD က ဒုတိယ ဥက္ကဋ္ဌ ဗိုလ်မှူးကြီးကြည်မောင် သူ ကလည်း ရောက် လာတယ်။ ဗိုလ်မှူးကြီးကြည်မောင်က ကျနော်တို့ရဲ့ ဧရာဝတီ တိုင်းမှာ သူက တိုင်းမှူးပေါ့ ခင်ဗျာ။ အနောက်တောင်တိုင်း တိုင်းမှူး၊ ဒါပေမယ့် တိုင်းမှူးနဲ့ ကျနော်တို့ တပ်စုမှူး အဆင့်ဆိုတာ အင်မတန်မှ ကွာခြားတာပေါ့နော်။ သို့သော်လည်း သူကလည်း ပွင့်ပွင့်လင်းလင်း စကားပြောရင်းနဲ့မှ သူ့ အကြောင်းတွေ ပြောပြ၊ သူ့ခံစားချက်တွေ ပြောပြပေါ့နော်။ အဲဒီတော့မှ ကျနော်တို့က သူတို့ဆီကနေ အပြင်လောကက လူတွေ မသိနိုင်တဲ့ အချက်အလက်တွေ ကျနော်တို့ သိလာရ တာပေါ့။ ၆၂ ခုနှစ် အာဏာ သိမ်းတာတို့၊ တပ်ထဲမှာ တော်လှန်ရေးကောင်စီ အတွင်းမှာ ဖြစ်ပျက်တာတို့၊ စီးပွားရေး မူကိစ္စတွေနဲ့ ပတ် သက်ပြီးတော့ အချင်းများကြတာတို့၊ နောက် ငွေစက္ကူ ရာတန် ငါးဆယ်တန်တွေ သိမ်းတဲ့ ကိစ္စတွေ အမျိုး စုံပေါ့ ဗျာ။ နောက်ပြီး ဂျပန် စစ်လျော်ကြေး သွားပြီးတော့ တောင်းတဲ့အခါမှာ ဖြစ်တဲ့ပြဿနာတွေ၊ အဲဒါတွေ ကျနော်တို့ သိခဲ့ရတယ်။ ဗိုလ်မှူးကြီးကြည်မောင်က ဘာပြောလဲဆိုတော့ သူက ဗိုလ်နေ၀င်းတို့ လုပ်တဲ့ ဆို ရှယ်လစ်လမ်းစဉ် ဆိုတာလည်း ကျုပ်က မယုံကြည်ဘူးတဲ့ အလကားပဲတဲ့၊ လုပ်နည်း လုပ်ဟန်တွေလည်း ကျုပ် မကျေနပ်ဘူးတဲ့၊ အဲဒီတော့ ကျုပ်က ဘာမှကို participate မလုပ်ဘူးတဲ့။ အဲဒီတော့ ကျုပ်ကိုလည်း ချဉ်တာပေါ့တဲ့၊ ချဉ်တော့ ကျုပ်က ဘာပဲဖြစ်ဖြစ် ထွက်လိုက်တယ်တဲ့၊ အဲဒီလို ပြောတယ်။ အဲဒီတော့ သင် တန်းတွေ ဘာတွေ ပြီးတော့ပေါ့ဗျာ၊ ကျနော်တို့ လည်း ကျနော်တို့မိခင် တပ်ရင်း ပြန်ရတာပေါ့။ ဗိုလ်မှူးကြီး ကြည်မောင်ကလည်း သူကလည်း ရန်ကုန်ပြန်ဖို့ အကြောင်း ဖန်လာတယ်။ သူက ရန်ကုန်မှာ သူ့ အိမ် (၄၉) လမ်း အိမ်နံပါတ် ဘယ်လောက်ဘယ်လောက် ရေကျော်မှာ၊ အဲဒါလာပါ ၀င်ပါ၊ ပြုပါ၊ ထွက်ပါ ပြောတော့ ကျနော်ကလည်း တပ်ရင်းက မအူပင်မှာဆိုတော့ ရန်ကုန်ကိုဖြတ်ဖြတ်ပြီး ပြန်ရတာကိုး။ ကိုမြင့်ထူးကလည်း သူ့တပ်က သာယာဝတီမှာ ဆိုတော့ ရန်ကုန်ကိုပဲ ဖြတ်ပြီးတော့ သာယာဝတီ သွားရတာကိုး၊ အဲဒီတော့ ရန်ကုန်မှာ ကျနော်တို့ ရပ်နားနေတုန်း တစ်ရက် နှစ်ရက်လောက် နေရတယ်ဆိုရင်၊ ဗိုလ်မှူးကြီးကြည်မောင် ကို ကျနော်တို့ သွားပြီးတွေ့၊ တိုင်းပြည်အခြေအနေတွေကို ကျနော်တို့ ပြောကြ ဆိုကြပေါ့လေ။
ဦးရော်နီညိမ်း ။ ။ ဟုတ်ကဲ့ အန်ကယ်၊ ကျနော်ဒီနေရာမှာ တစ်ခု ဖြတ်မေးချင်လို့။ အန်ကယ်တို့ အဲဒီတော့ ဗိုလ်မှူးချုပ်ဟောင်းအောင်ကြီးရယ် ဗိုလ်မှူးကြီးဟောင်း ကြည်မောင်ရယ်၊ အန်ကယ်တို့ ရယ်ပေါ့ နော်။ အန်ကယ်တို့က တပ်ထဲမှာ ဆက်ရှိနေပြီးတော့ သူတို့က အပြင်ရောက်သွားပြီ၊ သူတို့နဲ့ ပူးပေါင်းပြီးတော့၊ စနစ်တကျ လျှို့ ဝှက်တဲ့ အဖွဲ့အစည်းတစ်ခုမျိုးဖွဲ့ ပြီးတော့၊ တိုင်းပြည်အတွက် တစ်ခုခု လုပ်မယ်ဆိုတဲ့ အနေအထား ရှိခဲ့ပါသလား ခင်ဗျ။
ဦးခင်မောင်ညွှန့် ။ ။ အဲဒါတော့ ဒီလိုရှိတယ်ခင်ဗျ၊ အဲဒီအချိန်မှာလည်း MI (Military Intelligence - စစ်ထောက်လှမ်းရေး)က တော်တော်ကို နေရာ တကာမှာပေါ့ဗျာ၊ အင်မတန်မှ သြဇာ အာဏာ ကြီးပြီးတော့ ရှိနေတယ် ဆိုတော့၊ တပ်ထဲကလူတွေက အထူး ဂရုစိုက်ရတော့တာပေါ့ဗျာ။ ကိုယ့်အမြင် ကိုယ့်အယူအဆ ကိုယ့်ယုံကြည်ချက် ကတော့ ရှိကြတာပဲ။ ဒါပေမယ့် လှုပ်ရှားမှုတွေ မှာတော့ ကျနော်တို့နဲ့ အဲဒီတုန်းက အနီး ကပ်ဆုံးရှိနေတဲ့ အထူးသဖြင့်ကတော့ ဗိုလ်မှူးကြီးကြည်မောင်ပေါ့ဗျာနော်၊ ၁၉၆၄ခုနှစ် ကုန်ခါနီးပိုင်း အခြေ အနေမှာတော့ တော်တော်ကို မြေအောက်လှုပ်ရှားမှုတွေက တော်တော်များများဖြစ်နေပြီပေါ့ဗျာ။
ဦးရော်နီညိမ်း ။ ။ ဗိုလ်ကြီးဟောင်း ဦးခင်မောင်ညွှန့်ရဲ့ ပြောစကားတွေကို တပ်မှူးတပ်သား ပြော စကား အစီအစဉ်မှာ ဆက်ပြီး တင်ဆက်သွားမှာ ဖြစ်ပါတယ်ခင်ဗျာ။ ကျနော် ရော်နီညိမ်းပါ။
Ref: VOA News
Showing posts with label တပ်မတော်ကဏ္ဍ. Show all posts
Showing posts with label တပ်မတော်ကဏ္ဍ. Show all posts
Thursday, February 14, 2013
ရေကြည်အိုင်မှာ ရေတိမ်နစ်ခဲ့ရတဲ့ ဖက်ဆစ်တော်လှန်ရေး အထက်မြန်မာပြည် တိုင်း စစ်ရေး တာဝန်ခံ ဗိုလ်မှူးကြီး ဗထူးရဲ့သား ဗိုလ်ကြီးမြင့်ထူး - အပိုင်း(၁)
Thursday, July 26, 2012
ကိုယ့်ထောင်ချောက်ထဲ ကိုယ်ပြန်ပိတ်မိနေတဲ့စစ်အုပ်စု
မင်းဝဏ်
ဇူလိုင်လ ၂၆ ရက် ၂၀၁၂ပထမအကြိမ်လွှတ်တော် စတုတ္ထပုံမှန်အစည်းအ ဝေးတွေကျင်းပလာခဲ့တာ မနေ့က အစီအစဉ်တွေ အထိ ဆိုရင် ၁၃ ရက် ခရီးရောက်ရှိ ခဲ့ပြီဖြစ်ပါတယ်။ ပြည်သူ့ လွှတ်တော်နဲ့ အမျိုးသား လွှတ်တော်နှစ်ရပ်ပေါင်း ပြည်ထောင်စု လွှတ်တော် အစည်းအဝေးတွေ ကျင်းပဖြစ်တာ တွေ့ရပေမယ့် နှုတ်ထွက်သွားတဲ့ သီဟသူရ ဦးတင်အောင်မြင့်ဦး ရဲ့ ဒု-သမ္မတနေရာကို အစားထိုးရွေးကောက် တင်မြှောက်မှု အတွက် လွှတ်တော်ရဲ့ ပွင့်လင်းမြင်သာတဲ့ လုပ် ဆောင်ချက်တွေကို မတွေ့ရသေးပါဘူး။ ၂၀၀၈ ဖွဲ့ စည်းပုံ အခြေခံဥပဒေ ပုဒ်မ ၇၃ ပုဒ်မခွဲ (စ) (ဆ) တို့အရ ပြည်ထောင်စု လွှတ်တော် အစည်းအဝေး ကျင်းပနေ ချိန်မှာ ၇ ရက်အတွင်း ဒု-သမ္မတ အသစ်တဦးရဲ့ အမည် စာရင်းကို စစ်ဗိုလ် အမတ်တွေက ပြည်ထောင်စုလွှတ် တော် အကြီးအမှူးဆီ တင်ပေး၊ သမ္မတလောင်း အရည် အချင်းနဲ့ ကိုက်ညီမှု ရှိ-မရှိ စိစစ်ရမယ့် အဖွဲ့က စိစစ်ပြီးရင် လွှတ်တော်ကို တင်ပြ အတည်ပြုချက် ယူရမယ့် ကိစ္စ တွေ ဟာ ဖင့်လေးနေပြီး ကြိတ်ဝိုင်း အလုပ်တခုလိုဖြစ်နေတာ သတိပြုမိကြမှာပါ။
ဖြစ်စဉ်ကိုပြန်ကြည့်ရင် သီဟသူရ ဦးတင်အောင်မြင့်ဦး ဟာ ပြည်သူ့ လွှတ်တော်ထဲမှာ ပါတဲ့ စစ်ဗိုလ် အမတ် ၁၁၀ ဦးနဲ့ အမျိုးသား လွှတ်တော်မှာပါတဲ့ စစ်ဗိုလ်အမတ် ၅၆ ဦး၊ စုစုပေါင်း ၁၆၆ ဦးက အမည်စာရင်း တင်သွင်းခဲ့တဲ့ သမ္မတလောင်းဖြစ်ပါတယ်။ စစ်ဗိုလ်အမတ် ၁၆၆ ဦးက ဘယ်သူ့ကို အမည်စာရင်း တင်သွင်းရမယ် ဆိုပြီး ရွေးကောက်ပွဲကို ကြီးကြပ်ပေးရသူ သို့မဟုတ် လမ်းညွှန် ချမှတ်ပေးရသူက တပ်မတော်ကာကွယ် ရေးဦးစီး ချုပ်ဖြစ်ပါတယ်။ ဒါကြောင့် ဦးတင်အောင်မြင့်ဦး သမ္မတလောင်းဖြစ်လာ ခဲ့ရတာဟာ စစ်အာဏာရှင် ဗိုလ်သန်း ရွှေရဲ့ ဇာတ်ညွှန်းထဲက အစိတ်အပိုင်း တခုသာ ဖြစ်ပါတယ်။ ၂၀၁၂ ခုနှစ် မေလမှာ လည်ချောင်း ကင်ဆာ ကြောင့် စင်္ကာပူဆေးကု ထွက်ပြီးပြန်လာတဲ့ ဦးတင်အောင်မြင့်ဦးဟာ ဒု-သမ္မတ ရာထူးကနေ ထွက်ပြီ ဆိုပြီး သတင်း ထွက်လာပါတယ်။ ဖွဲ့စည်းပုံအရ လွှတ်တော်ချိန်ခါ အတွင်း မဟုတ်ရင် ၂၁ ရက်အတွင်း ရွေးကောက် တင်မြှောက်ဖို့ လုပ်ပေးရမှာကို မလိမ့်တပတ်နဲ့ ဇူလိုင်လ ၁ ရက်ရောက်မှ သမ္မတဆီ နှုတ်ထွက်စာ တင်သလိုိ တိုင်းပြည်ကို တရားဝင်ကြေညာ ခဲ့တာပါ။ မေလနဲ့ ဇွန်လ ၂ လလုံးမှာတော့ ဒု-သမ္မတကို ဆေးခွင့်ပေးထား တယ်လို့ အကြောင်းပြ ခဲ့ကြတာဖြစ်ပါတယ်။ ဦးတင်အောင်မြင့်ဦး ရဲ့ တိတ်တိတ်ပုန်းနှုတ်ထွက်မှု ဖုံးမရတဲ့ အဆုံး ဇူလိုင်လ ၄ ရက်မှာစတင်ကျင်းပခဲ့တဲ့ ပြည်ထောင်စုလွှတ်တော်ရောက်တော့ တပ်မတော်သား လွှတ် တော်ကိုယ်စားလှယ်အဖွဲ့က ဒု- သမ္မတအမည်စာရင်းတင်သွင်းစေဆိုပြီး ဆုံးဖြတ်ရပါတေ့ာတယ်။ ဖွဲ့စည်းပုံနဲ့ ဘောင်ဝင်အောင် တပတ်အတွင်း အမည်စာရင်းပို့ရမှာဖြစ်လို့ ဇူလိုင်လ ၁၀ ရက်နောက်ဆုံးထားပြီး ဒု-သမ္မ တအမည်စာရင်းပို့ဖို့ ဦးခင်အောင်မြင့်က ညွှန်ကြားခဲ့ပါတယ်။
၂၀၀၈ ဖွဲ့စည်းပုံအရဆိုရင် တပ်မတော်ကာကွယ်ရေးဦးစီးချုပ် ဒု- ဗိုလ်ချုပ်မှူးကြီးမင်းအောင်လှိုင်ရဲ့ ကြီးကြပ် ကွပ်ကဲမှုနဲ့ စစ်ဗိုလ်အမတ် ၁၆၆ ဦးက ဒု-သမ္မတအမည်စာရင်းကို ရွေးချယ်ပေးရမှာဖြစ်လို့ ပြည်သူလူထု ကလည်း ဇူလိုင်လ ၁၀ ရက်မှာ ပြည်ထောင်စုလွှတ်တော်နာယကဆီရောက်လာမယ့် အမည်စာရင်းကို စိတ် ဝင်တစားရှိခဲ့ကြပါတယ်။ ထင်ကြေး အမျိုးမျိုး ၊ကောလာဟလ အမျိုးမျိုးနဲ့ အကယ်ဒမီ တစ်ကြို စာရင်းလို ဒု-သမ္မ တလောင်းအဖြစ် ရေပန်းစား ခဲ့ကြသူများ ကတော့ ရန်ကုန်တိုင်းဒေသကြီး ဝန်ကြီးချုပ် ဒု-ဗိုလ်ချုပ်ကြီး ဟောင်း ဦးမြင့်ဆွေ၊ ပြည်ထောင်စုရွေးကောက်ပွဲကော်မရှင် ဥက္ကဋ္ဌနဲ့ အရင် ဦးပိုင် လီမိတက် ဥက္ကဋ္ဌလုပ်ခဲ့တဲ့ ဒု-ဗိုလ်ချုပ် ကြီးဟောင်း ဦးတင်အေး၊ ကာကွယ်ရေး ဝန်ကြီးဌာနက ဗိုလ်ချုပ်ကြီး လှဌေးဝင်း၊ ကြံ့ဖွံ့ပါတီ အထွေထွေ အတွင်းရေးမှူး တာဝန်ယူထားတဲ့ ဗိုလ်ချုပ်ဟောင်း ဦးဌေးဦး၊ လက်ရှိ ဒုတိယ ကာကွယ်ရေး ဦးစီးချုပ် ဗိုလ်ချုပ် ကြီးစိုးဝင်း တို့ ပါဝင်ပါတယ်။ စာရင်းချုပ်ရင် အားလုံးဟာ ဗိုလ်ချုပ်ဟောင်းတွေနဲ့ လက်ရှိဗိုလ်ချုပ် တွေပါပဲ။ ကာကွယ်ရေး ဦးစီးချုပ်နဲ့ စစ်ဗိုလ် အမတ်တွေဟာ သူတို့ရွေးပေးလိုက်တဲ့ ဒု-သမ္မတလောင်းဟာ ဘယ်သူဖြစ် တယ် ဆိုတာ၊ တတိုင်းပြည်လုံးကို ကိုယ်စားပြုတဲ့သူ တဦးဟာ ဘယ်သူဖြစ်တယ်ဆိုတာ လူထုထံ ပွင့်ပွင့်လင်း လင်းရဲရဲဝံ့ဝံ့အသိပေးနိုင်ရမှာဖြစ်ပါတယ်။ ၂၀၀၈ ဖွဲ့စည်းပုံ ပုဒ်မ ၅၇ မှာ “ နိုင်ငံတော်သမ္မတနှင့် ဒုတိယ သမ္မတ များသည် နိုင်ငံတော်ကိုကိုယ်စားပြုသည် ” လို့ ဖေါ်ပြထားတာ တွေ့ကြရမှာပါ။
ဒု-သမ္မတလောင်းဘယ်သူလည်းဆိုတဲ့မေးခွန်းတွေကို တုန့်ပြန်တဲ့အနေနဲ့ စစ်ဗိုလ်အမတ်တဦးဖြစ်တဲ့ ဗိုလ်မှူး ချုပ်ဝေလင်းက ရန်ကုန်တိုင်းဒေသကြီးဝန်ကြီးချုပ် - ဦးမြင့်ဆွေကို အမည်စာရင်းပေးထားတယ်လို့ မီဒီယာ အင်တာဗျူးတွေမှာ ဇူလိုင်လ ၁၀ ရက်က ထုတ်ပြောလာတဲ့အတွက် ပေါက်ကောင်ရသွားပြီဖြစ်ပေမယ့် ရက် သတ္တနှစ်ပတ်ကျော်ကြာတဲ့အထိ ပြည်သူ့လွှတ်တော်ဥက္ကဋ္ဌ သူရဦးရွှေမန်းနဲ့ ဒု-ဥက္ကဋ္ဌ ဦးနန္ဒကျော်စွာ၊ အမျိုး သားလွှတ်တော်ဥက္ကဋ္ဌ ဦးခင်အောင်မြင့်နဲ့ ဒု-ဥက္ကဋ္ဌ ဦးမြညိမ်း၊ ပြည်သူ့လွှတ်တော် ကိုယ်စားလှယ် အဖွဲ့က ဦးဌေးဦး၊ အမျိုးသားလွှတ်တော်ကိုယ်စားလှယ်အဖွဲ့က ဦးဇော်မြင့်ဖေ၊ စစ်ဗိုလ်အမတ်အဖွဲ့က တဦး တို့ပါဝင် တဲ့ သမ္မတလောင်းစီစစ်ရေး ၇ ဦးအဖွဲ့က တိတ်ဆိတ်ငြိမ်သက်နေတဲ့အပေါ် လူထုအကြား သတင်း အမျိုးမျိုး ထွက်လာပါတော့တယ်။ ဦးမြင့်ဆွေရဲ့သားတဦးဟာ လွန်ခဲ့တဲ့ ၁၂ နှစ်လောက်က သြစတြေးလျ နိုင်ငံသား အဖြစ်ခံယူထားသူ ဇနီးမယားရှိပြီး သူကိုယ်တိုင်လည်း သြစတြေးလျနိုင်ငံသားဖြစ်နေပြီးတဲ့အကြောင်း ဖုံး မနိုင် ဖိမရပေါ်လာတဲ့အခါ ၂၀၀၈ ဖွဲ့စည်းပုံအရ သမ္မတအရည်အချင်းနဲ့မကိုက်ညီလို့ စစ်ဗိုလ် အမတ်တွေက အမည်စာရင်းအသစ်တင်ရမလို ဖြစ်လာပြန်ပါတယ်။ ကြံ့ဖွတ်ဦးဌေးဦးကတော့ ဆင်သေကို ဆိတ်သားရေ နဲ့ဖုံးပြီး သူ့ဆီမှာ ဒု-သမ္မတအမည်စာရင်းတောင် မတွေ့ရသေးဘူးလို့ မီဒီယာတွေကို ပြောနေတဲ့အတွက် ပြည် သူတွေက လည်း မကျေမနပ်ဖြစ်နေကြပါတယ်။
၂၀၀၈ ဖွဲ့စည်းပုံအလိုအရ သမ္မတနဲ့ ဒု-သမ္မတတွေရဲ့ခင်ပွန်း၊ ဇနီးမယား၊ တရားဝင်သားသမီးတဦးဦး သူတို့ ရဲ့ခင်ပွန်း၊ ဇနီးမယားတွေဟာ နိုင်ငံခြားအစိုးရ၏လက်အောက်ခံဖြစ်သူ သို့မဟုတ် တိုင်းတပါး ၏နိုင်ငံသား ဖြစ်သူများ မဖြစ်စေရ ဆိုပြီး ပုဒ်မ ၅၉ အပိုဒ်ခွဲ (စ) မှာ ပြဋ္ဌာန်းထားတဲ့အတွက် ကိုယ့်အတတ် ကိုယ်စူးပြီး ဦး မြင့်ဆွေတယောက် ဒု-သမ္မတ ရာထူးနဲ့ ဝေးရဖို့အကြောင်းကံ ဖန်တီး လာတာသာပဲ ဖြစ်ပါတယ်။ အမှန်မှာ တော့ ဒီပုဒ်မဟာ ဒေါ်အောင်ဆန်း စုကြည်ကို မြန်မာနိုင်ငံရဲ့အကြီးအကဲ၊ နိုင်ငံခေါင်းဆောင် ဘယ်တော့မှ ဖြစ် မလာရအောင် ရည်ရွယ်ချက်ရှိရှိ ကန့်သတ်ခဲ့တဲ့ပုဒ်မဖြစ်ပေမယ့် ဒု-သမ္မတ အစားထိုးရမယ့် ဖြစ်စဉ်မှာ ကိုယ့်ထောင်ချောက်ထဲ ကိုယ်ပြန်ပိတ်မိနေတဲ့စစ်အုပ်စု - ကိုတွေ့လိုက်ရတဲ့အတွက် မြန်မာ့နည်း မြန်မာ့ဟန် ဒီမိုကရေစီကိုချီတက်မယ့် ၂၀၀၈ ဖွဲ့စည်းပုံကတော့ဖြင့် စစ်တပ် အသိုင်းအဝန်းကိုတောင် ဒုက္ခပေးပါလားလို့ တွေးမိတဲ့ အကြောင်း တင်ပြရင်း နိဂုံး ချုပ်ပါစေခင်ဗျား။
(မင်းဝဏ်)
Wednesday, July 25, 2012
၂၀၀၈ အခြေခံဥပဒေမှာ တန်းတူရေးမရှိရင် ၊ ငြိမ်းချမ်းရေး မဖြစ်နိုင်
မာန်လက်
ဇူလိုင်လ ၂၅ ရက် ၂၀၁၂ဦးသိန်းစိန်အစိုးရဟာ တိုင်းရင်းသား ပြဿနာကို ဖြေရှင်းဖို့ ပြည်ထောင်စု ငြိမ်းချမ်းရေး ဖော်ဆောင်ရေး ဗဟို ကော်မတီနဲ့ လုပ်ငန်း ကော်မတီကို ပြီးခဲ့တဲ့ မေ(၃)ရက်နေ့က ကြေညာချက် ထုတ် ဖွဲ့စည်းခဲ့ပြီး ငြိမ်းချမ်းရေး လုပ်ငန်းစဉ် အဆင့်(၃) ဆင့်နဲ့ လုပ်ဆောင်နေပါတယ်။ ပထမ အဆင့်မှာ အပစ်ရပ်ရေး၊ ဒုတိယအဆင့်မှာ နိုင်ငံရေးအရ တွေ့ဆုံဆွေးနွေးရေးနဲ့ တတိယ အဆင့်က လွှတ်တော်ကို တင်ပြရေး ဖြစ်ပါတယ်။ အပစ်ရပ်ရေးအတွက် တနှစ်ကျော်ကြာ လုံ့လ စိုက်ထုတ်ခဲ့ပေမဲ့ တနိုင်ငံ လုံး အပစ် မရပ်နိုင်သေးပါဘူး။ သမ္မတ အမိန့်ကို မနာခံဘဲ စစ်တပ်က ကချင်ကို ထိုးစစ်ဆင်တုန်းဖြစ်သလို ရှမ်းပြည် တပ် မတော် SSPP-SSA နဲ့လည်း အခုရက်ပိုင်း အတွင်း တိုက်ပွဲတွေက ပိုမိုပြင်းထန် လာနေပါတယ်။
အပစ်ရပ်ရေးဆွေးနွေးပြီးနောက်ပိုင်း ကနေ့အထိ သျှမ်းပြည်တပ်မတော် RCSS/ SSAနဲ့ ၂၅ ကြိမ်၊ SSPP/SSA တပ်ဖွဲ့နဲ့ ၂၃ ကြိမ် ဖြစ်ပွားခဲ့ရာမှာ အစိုးရ စစ်တပ်က သဘောတူညီချက်ကို စတင် ချိုးဖောက်ပြီး အခုလို ထိုးစစ်ဆင် တိုက်ခိုက်နေတာ လည်း ဖြစ်ပါတယ်။ ဒါတင်မက အချို့ အပစ်ရပ် တိုင်းရင်းသား အဖွဲ့အစည်းတွေနဲ့လည်း ကွက်ကြား တိုက်ပွဲတွေ ဖြစ်ပေါ်ဆဲ ရှိပါတယ်။ ဒါကိုကြည့်ရင် ပထမ အဆင့်မှာပင်လျှင် ဦးသိန်းစိန်အစိုးရရဲ့ မပြတ်သားမှု၊ မပွင့်လင်းမှု၊ ကတိမတည်မှုနဲ့ လုပ်ငန်းပိုင်း မနိုင်နင်းမှုတွေကို တွေ့မြင်နိုင်တာကြောင့် ငြိမ်းချမ်းရေးဖြစ်ပေါ်လာရေးဟာ အင်မတန် အလှမ်းဝေးနေပြီး အစိုးရအပေါ်မှာသာ အဓိက မူတည်နေတာလည်း ဖြစ်ပါတယ်။
သမိုင်းသင်ခန်းစာအရလည်း ဗမာပြည်အာဏာရ အစိုးရအဆက်ဆက်ဟာ ပြည်တွင်းစစ်ကိုရပ်စဲဖို့နဲ့ အမျိုးသားတန်းတူမှုရှိ တဲ့ ပြည်ထောင်စုကိုတည်ဆောက်ဖို့ နိုင်ငံရေးအာသီသ ဘယ်တုန်းကမှမရှိခဲ့ဘူးဆိုတာနဲ့ ပြည်တွင်းစစ်ကို သူတို့ကိုယ်ကျိုး အတွက်သာ အသုံးချခဲ့တယ်ဆိုတာကို ပြီးခဲ့တဲ့အပတ်တွေတုန်းက တင်ပြခဲ့ပါတယ်။ ဗမာပြည်ရဲ့ တိုင်းရင်းသားအရေးကို မဖြေရှင်းနိုင်သေးသရွေ့ ကမ္ဘာ့အရှည်ကြာဆုံး ပြည်တွင်းစစ်ကိုလည်း ငြိမ်းအေးစေနိုင်မှာ မဟုတ်ပါဘူး၊ ပြည်တွင်းစစ် မရပ်စဲနိုင်သေးသရွေ့ အမျိုးသားစည်းလုံးညီညွတ်မှုနဲ့ ပြည်တွင်းငြိမ်းချမ်းရေးဆိုတာလည်း ဖြစ်လာဖို့ မရှိပါဘူး။
ဒါ့ပြင် ပထမအဆင့် မပြီးပြတ်ခင် ဒုတိယအဆင့်ကို ၂၀၁၅-ခုနှစ်မတိုင်မီ ၂၀၁၄-ခုနှစ်လောက်မှာ အကောင်အထည်ဖော် သွားမယ်လို့ မကြာသေးခင်ကလေးတင် ဦးသိန်းစိန်အစိုးရက ကြေညာသွားတာကလည်း အမယ်ဘုတ်ရဲ့ သူ့ချည်ခင် ဖြစ်ဖို့ သာရှိပါတယ်။ သေနတ်သံရပ်အောင်တောင် အပြီးမသတ်နိုင်သေးဘဲ ဒုတိယအဆင့်ကို သွားမယ်လို့ ထုတ်ဖော်ကြေညာ သွားတာကိုကြည့်ရင် ဦးသိန်းစိန်အစိုးရက တိုင်းရင်းသားလက်နက်ကိုင်အဖွဲ့တွေနဲ့ အပစ်အခတ်ရပ်စဲရေးကို ၂၀၁၃မှာ အပြတ်ဖြတ်မယ်ဆိုတဲ့ သဘောထားကို တွက်ဆနိုင်သလို အပစ်ရပ်စဲရေးကိစ္စကို ၂၀၁၃အထိပဲလို့ သတ်မှတ်ထားပုံလည်း ရပါတယ်။ ဗမာပြည်မှာ လက်နက်ကိုင်ပဋိပက္ခ အပြီးသတ် နိဂုံးချုပ် စေရမယ်လို့ ဆိုလိုတာမျိုး မဟုတ်ဘူးဆိုတာနဲ့ လာမယ့်၂၀၁၃ခုနှစ်မှာ ဗမာပြည်မှာ အရှေ့တောင်အာရှ အားကစားပြိုင်ပွဲကို ကြီးမှူးကျင်းပဖို့ ရှိနေတာကလည်း အပစ် အခတ်ရပ်စဲရေးကို ကမန်းကတန်း ဖုတ်ပူမီးတိုက် လုပ်ရတာဖြစ်တယ် ဆိုတာလည်း သိသာလွန်းနေပါတယ်။
ဒီလိုကြေညာရာမှာလည်း ဒုတိယအဆင့်ဖြစ်တဲ့ နိုင်ငံရေးတွေ့ဆုံဆွေးနွေးမှုကို ပင်လုံထက် ကျယ်ပြန့်တဲ့ ညီလာခံတခု ဆိုပြီး စစ်တပ်နောက်ခံပြု ဦးသိန်းစိန် အစိုးရက အစဉ်တစိုက် သုံးနှုံးသွား-နေတာကလည်း စဉ်းစားစရာ ဖြစ်နေပါတယ်။ ဒါ့ပြင် ဒီညီလာခံကို အစိုးရ တာဝန်ရှိပုဂ္ဂိုလ်တွေ၊ ပြည်တွင်း(ပြည်ပ) အတိုက်အခံပါတီတွေ၊ အသိပညာရှင် အတတ်ပညာ ရှင်တွေ၊ အစိုးရ မဟုတ်သော အဖွဲ့အစည်း(အန်င်ဂျီအို)တွေ၊ တိုင်းရင်းသား အဖွဲ့အစည်းတွေကို တက်ရောက်စေမယ် ဆိုတော့ ၁၉၉၃-ခုနှစ် အမျိုးသား ညီလာခံကို ပြေးမြင်မိပါတယ်။
ပင်လုံထက် ကျယ်ပြန့်သောညီလာခံလို့ ကင်မွန်းတပ်ပြီး လူများအောင်ဖိတ်ရုံနဲ့ အရာမရောက် မပြီးမြောက်နိုင်ပါဘူး။ ၁၉၄၇ ခုနှစ် ရှမ်းပြည် ပင်လုံညီလာခံက ပင်လုံစိတ်ဓါတ် အနှစ်သာရတွေ၊ ကတိကဝတ်တွေကို အမှန်တကယ် လိုလို လားလား တန်းတူ ရည်တူ ဆွေးနွေး ညှိနှိုင်း အကောင်အထည်ဖော်ဆောင် မှသာ ပြည်တွင်းစစ် ရပ်စဲပြီး ပြည်တွင်း ငြိမ်းချမ်းရေးကို ရှေ့ ရှု့ ဦးတည်နိုင်မှာပါ။
ရှမ်းပြည်ပင်လုံညီလာခံတုန်းက ကတိကဝတ်တွေကို အစိုးရအဆက်ဆက်က ချိုးဖောက်ခဲ့လို့ မြန်မာ(ဗမာ)တိုင်းရင်းသားနဲ့ အခြားတိုင်းရင်းသား လူမျိုးများအကြား သံသယမီးပွား ဖြစ်ပေါ်ခဲ့တာမို့ ကနေ့ထက်တိုင် အရှည်ကြာဆုံး ပြည်တွင်းစစ်ကို ရင်ဆိုင်နေရတာ ဖြစ်ပါတယ်။ အချုပ်ကတော့ အမျိုးသားတန်းတူညီမျှမှု မရှိခဲ့တာက ပြည်တွင်းစစ်ရဲ့ အဓိကအကြောင်းရင်း တခု ဖြစ်ပါတယ်။
ဒီကနေ့ လက်နက်ကိုင်တိုက်ပွဲဝင်နေကြတဲ့ တိုင်းရင်းသားလူမျိုးတွေရဲ့ အဓိကတောင်းဆိုချက်ကလည်း အမျိုးသားတန်းတူ ရေးနဲ့ ကိုယ်ပိုင်ပြဋ္ဌာန်းခွင့် ရရှိရေးဖြစ်ပါတယ်။ ဒီအခြေခံအကြောင်းရင်းကို မကိုင်တွယ် မဖြေရှင်းဘဲနဲ့ သေနတ်သံပျောက် ပြီး ငြိမ်းချမ်းသွားဖို့ဆိုတာ မဖြစ်နိုင်ပါဘူး။ တန်းတူညီမျှမှုကို အခြေခံဆုပ်ကိုင်မှသာ ထာဝရငြိမ်းချမ်းရေးကို ဖြစ်ပေါ်တည် ဆောက်နိုင်မှာ ဖြစ်ပါတယ်။
ဦးသိန်းစိန်အစိုးရရဲ့ ဦးတည်ချက်တခုဖြစ်တဲ့ လွှတ်တော်တွင်းဝင်ရောက်ရေး တတိယအဆင့် ဆိုတာကလည်း အရင် နအဖ အမျိုးသားညီလာခံတုန်းကအတိုင်း လွှတ်တော်မှာပဲ နိုင်ငံရေးဆွေးနွေးဆိုတာနဲ့ ထူးခြားကွဲပြားမှု မရှိပါဘူး။ အတိုက်အခံ အားလုံး၊ တိုင်းရင်းသားအဖွဲ့အစည်းအားလုံးက ၂၀၀၈ဖွဲ့စည်းပုံအခြေခံဥပဒေကို အရင်လက်ခံရေးပဲ ဖြစ်ပါတယ်။ အဲဒါ ကြောင့် လွှတ်တော် ၀င်ရေးမ၀င်ရေးကိစ္စဟာ တိုင်းရင်းသားတွေအတွက် တန်းတူရေးရှိမရှိအပေါ် အခြေခံပြီး စဉ်းစားဆုံး ဖြတ်ကြဖို့ အင်မတန် အရေးကြီးပါတယ်။
လက်ရှိ လွှတ်တော်အခင်းအကျင်းအရ စစ်တပ်ကိုယ်စားလှယ်တွေ လွှတ်တော်တွင်း ရှိနေသမျှ ဒီမိုကရေစီနည်း ကျနိုင်မှာ မဟုတ်တာမို့ တန်းတူရေးရှိဖို့ ဆိုတာမှာလည်း ခဲယဉ်းပါလိမ့်မည်။ ဒီမိုကရေစီရေးပင် မရှိလျှင် တန်းတူရေးလည်း ရှိနိုင်မယ် မဟုတ်တဲ့အတွက် ကိုယ့်လည်ပင်း ကိုယ်ကြိုးကွင်းစွပ် မခံရစေဖို့ တိုင်းရင်းသားများက လွှတ်တော်တွင်း ၀င်ရေးမ၀င် ရေးကို အခိုင်အမာ တညီတညွတ်တည်း ဆုံးဖြတ်ချက်ချရပါလိမ့်မည်။ ကျားဆွဲမခံရဖို့ သင်းမကွဲမှ ဖြစ်မယ်ဆိုတာလည်း သမိုင်းသင်ခန်းစာအရ ထုတ်နှုတ်ကောက်ယူဖို့ လိုအပ်ပါတယ်။
တိုင်းရင်းသားအဖွဲ့အစည်းတွေမှာလည်း နိုင်ငံရေးအတွေ့အကြုံ သင်ခန်းစာ အများအပြား ရှိပြီးဖြစ်တာမို့ ဒုတိယအဆင့်ဖြစ် တဲ့ နိုင်ငံရေးတွေ့ဆုံဆွေးနွေးမှုဟာ လွန်စွာ အရေးကြီးပါတယ်၊ အစကတည်းက တန်းတူရေး မဖြစ်ရင် ၀င်မပါဘဲ တန်းတူ ရေး ဖြစ်ခဲ့ရင်တော့ အားတက်သရော ပူးပေါင်းပါဝင်သင့်ပါတယ်။ ဒါမှသာ မိမိတို့ စဉ်ဆက်မပြတ် ရပ်ခံတိုက်ပွဲဝင်နေတဲ့ အမျိုးသားတန်းတူရေး တောင်းဆိုချက်နဲ့ ကိုက်ညီမှာဖြစ်ပြီး လက်နက်ကိုင်ပဋိပက္ခတွေဟာ အခြေခံ ဥပဒေ အားနည်းချက် ကြောင့် ဖြစ်ရတာမို့ အခြေခံဥပဒေ မပြင်သရွေ့ ဘယ်တော့မှ ငြိမ်းချမ်းရေး ရနိုင်ဖွယ် မမြင်ကြောင်းနဲ့ ငြိမ်းချမ်းရေးထက် အခြေခံ ဥပဒေကို ပြင်ဆင်ဖို့က ပိုအရေးကြီးကြောင်း တညီတညွတ်တည်း တောင်းဆိုကြဖို့ လိုအပ်ပါတယ်။
ပြည်ထောင်စုအစိုးရအနေနဲ့ အမှန်တကယ် ပြည်တွင်းစစ်ကို ရပ်စဲပြီး အရှည် တည်တန့်မယ့် ထာဝရ ငြိမ်းချမ်းရေးကို ဖြစ်ပေါ် တည်ဆောက် လိုစိတ် ရှိပါက ဦးစွာပထမ ၂၀၀၈ ဖွဲ့စည်းပုံ အခြေခံ ဥပဒေကို ဦးစွာပြင်ဆင်နိုင်ရေး အတွက် တတိုင်းတပြည်လုံး အပစ်အခတ် ရပ်စဲရေးကို တပြေးညီကြေညာပြီး တိုင်းရင်းသားဒေသရှိ တပ်စခန်းတွေကို ပြန်ရုပ်သိမ်းပေးရမှာဖြစ်သလို ကျန်ရှိနေသေးတဲ့ နိုင်ငံရေး အကျဉ်းသား အားလုံးကိုလည်း ချွင်းချက်မရှိ လွှတ်ပေးပြီး နိုင်ငံရေးပြဿနာကို နိုင်ငံရေးအရ တန်းတူရည်တူ တွေ့ဆုံဆွေးနွေး အဖြေရှာတဲ့ နည်းလမ်းကသာ အစစ်အမှန်ဖြစ်ပါတယ်။
မာန်လက်
Tuesday, July 17, 2012
မထူး - မခြားတဲ့ ပုတ်သင်ညို လွှတ်တော်
မင်းဝဏ်
ဇူလိုင်လ ၁၇ ရက် ၂၀၁၂ကျင်းပနေဆဲ ပထမအကြိမ်လွှတ်တော် စတုတ္ထပုံမှန် အစည်းအဝေးတွေက ဆယ်ရက် ခရီးရောက်ရှိလာ ပြီ ဖြစ်ပြီး အဆို တင်ခြင်းနှင့်မေးခွန်းတွေ ၄၀၀ လောက် တန်းစီပြီး ရှိနေတယ်လို့ ကြားသိ ရပါတယ်။ မတ်လက ပြဋ္ဌာန်းခဲ့တဲ့ လယ်ယာမြေ ဥပဒေကိုပြန်သုံးသပ်ပြီး ဥပဒေတွေ ပြန်လည်ပြင်ဆင် ပြဋ္ဌာန်းဖို့ ရှိတယ်၊ နိုင်ငံခြား ရင်းနှီးမြှုပ်နှံမှု ဥပဒေမူကြမ်း တင်ပြဖို့ရှိတယ် - စတဲ့ ပြည်သူ လူထု တစ်ရပ်လုံး အတွက် အင်မတန် အရေးကြီး တဲ့ ဥပဒေဆွေးနွေးမှုတွေက ဘယ်ဆီနေမှန်း မသိ ဖြစ်နေပြီး အားကစားကွင်း ကိစ္စ၊ လမ်းပြင်ပေးဖို့ ကိစ္စတွေနဲ့ အချိန် အတော်ကုန်နေတာ သတိပြုမိပါတယ်။
ဒီကြားထဲမှာ တနှစ်ကို ရှစ်လလောက် လွှတ်တော် ကျင်းပ သွားနိုင်ဖွယ် ရှိတယ်လို့ သူရ ဦးရွှေမန်းရဲ့ စကား ကြောင့် လွှတ်တော် အမတ်တွေ အနေနဲ့ သက်ဆိုင်ရာ မဲဆန္ဒနယ်မြေက လူထုနဲ့ ထိတွေ့ဖို့၊ လူထု အမှန်တကယ် ကြုံတွေ့နေရတဲ့ နေ့စဉ် လူမှုဘဝ ဒုက္ခတွေကို ကူညီဖြေရှင်းဆောင်ရွက်ဖို့တွေ အတွက် အချိန် မရှိတော့ဘဲ လွှတ်တော်အမတ် လစာ သုံးသိန်းယူ၊ လွှတ်တော် တက်တဲ့နေ့တွက် စားရိတ် ယူပြီး အချိန်တွေ ကုန်ရမှာကို စိတ်ပူ လာကြပါတယ်။
ဥပဒေပြုရေးမဏ္ဍိုင်ဖြစ်တဲ့လွှတ်တော်တွေမှာ တနိုင်ငံလုံးနဲ့ ဆိုင်တဲ့ အမျိုးသား အကျိုးစီးပွား မူဝါဒတွေ၊ ဥပဒေ တွေကို ဆောင်ရွက်နိုင်ဖို့ လွှတ်တော်နှစ်ရပ်ပေါင်း ဥပဒေ မူကြမ်းရေးဆွဲရေးကော်မတီ အပြင် ရေးရာကော်မတီ တွေ ၂၃ ခုလောက် ဖွဲ့ထား ပါလျှက်နဲ့ လွှတ်တော် လုပ်ငန်းတွေ မြန်ဆန်ချောမွေ့ရမယ့် အစား စစ်သင်တန်း ကျောင်းမှာ စခန်းသွင်းလေ့ကျင့် သလို လုပ်နေရင်တော့ မြန်မာ့နည်းမြန်မာ့ဟန် လွှတ်တော်တွေဟာ ခုတ်ရာ တခြား ရှရာတလွဲ - ဖြစ်နေတော့မှာကို မြင်ယောင် မိပါတယ်။
ဒီတကြိမ်လွှတ်တော်တွေမှာ လူအများ စိတ်ဝင်စားနေတဲ့ စစ်ဗိုလ် အမတ်တွေက ရွေးချယ် ပေးလိုက်တဲ့ ဒု - သမ္မတ လောင်းကို ပြည်ထောင်စု လွှတ်တော် နာယက-က ထုတ်ပြန်ကြေညာပြီး လွှတ်တော်က အတည်ပြုပေးရမယ့် ကိစ္စ အပြင် ဇူလိုင်လ ၁၃ ရက်က အရေးကြီး အဆိုလို့ခေါင်းစဉ် တပ်ပြီး လွှတ်တော်ကို ကြားဖြတ် တင်သွင်းခဲ့တဲ့ “ ခေတ်မီဖွံ့ဖြိုး တိုးတက်၍ စည်းကမ်းရှိသော ဒီမိုကရေစီနိုင်ငံတော် အဖြစ် ဖေါ်ဆောင်လျှက် ရှိသည့် မြန်မာနိုင်ငံအပေါ် ချမှတ်ထားသည့် စီးပွားရေး ပိတ်ဆို့မှု အဟန့်အတားများကို ဆောင်ရွက်နိုင်သူ မည်သူမဆို မည်သည့် နည်းလမ်းမဆို အသုံးပြု၍ ညှိနှိုင်းဆောင်ရွက်ပေးရန် ” ကိစ္စက ပြည်သူ့ လွှတ်တော်ထဲမှာ အုတ်အော် သောင်းနင်း အခြေအနေ ဖြစ်စေခဲ့ပါတယ်။ ဒီကြားဖြတ် အဆိုကို တင်သွင်းသူက ရှမ်းပြည်နယ် ကွန်ဟိန်း မဲဆန္ဒ နယ်က ပြည်သူ့ လွှတ်တော်အမတ် နန်းဝါနုဖြစ်ပြီး သူမရဲ့ မိခင်ပါတီ အဖွဲ့အစည်းက ရှမ်းတိုင်းရင်းသားများ ဒီမိုကရက်တစ် ပါတီ SNDP ဖြစ်ပါတယ်။
စီးပွားရေးပိတ်ဆို့မှုတွေနဲ့ ပတ်သက်ပြီး ဆွေးနွေးချက် အမျိုးမျိုး၊ အမြင် ရှုထောင့် အဖုံဖုံနဲ့ အရင်တုန်း ကလည်း ရှိခဲ့ဖူးပေမယ့် အခုတခေါက် ထူးခြားတာက လွှတ်တော်မှာ ကြားဖြတ် အဆိုတင်တာ၊ တင်ပြတဲ့ အမတ်က ရှမ်း ပါတီက တိုင်းရင်းသူ အမျိုးသမီး ကိုယ်စားလှယ်ဖြစ်နေတာ၊ စကားလုံး သုံးတာက အစ - စစ်အုပ်စုရဲ့ တောက် လျှောက် လက်သုံးစကား ခေတ်မီ ဖွံ့ဖြိုး စည်းကမ်းပြည့်ဝ ဆိုတာကို အတိအကျ သုံးထားတာ၊ ကမ္ဘောဒီးယား နိုင်ငံ ဆီရမ်ရိမြို့မှာ ကျင်းပနေတဲ့ အမေရိကန် - အာဆီယံ စီးပွားရေး ဖိုရမ်မှာ သမ္မတ ဦးသိန်းစိန်က မြန်မာပြည်ဆိုင် ရာ မိန့်ခွန်းပြောတဲ့ အချိန်နဲ့ တထပ်တည်းဖြစ်နေတာ၊ အမေရိကန် ကွန်ဂရက်ရဲ့ မြန်မာပြည် ဆိုင်ရာ စီးပွားရေး ဒဏ်ခတ် အရေးယူမှု သက်တမ်း နောက်သုံးနှစ် ထပ်တိုးရေးဆွေးနွေးမယ့် ဇူလိုင်လ ၂၆ ရက် မတိုင်မီ မြန်မာ့ လွှတ်တော်ရဲ့ သဘောထားဆိုပြီး ဆုံးဖြတ်ချက် တခုခု ရယူချင်တာ - တွေဟာ သာမန် တိုက်ဆိုင်မှု မဟုတ် ဘဲ စီမံချက်ချ စံနစ်တကျ လုပ်ဆောင်တယ် ဆိုတာ ထင်ရှားပါတယ်။
- ဒီဇတ်လမ်း၊ ဇတ်ညွှန်းအတိုင်း အသုံးချခံရတဲ့ ပထမ သားကောင် ကတော့ ရှမ်း တိုင်းရင်းသားများ ကိုယ်စားပြု ထားတဲ့ ကျားဖြူ ပါတီက နန်းဝါနုဖြစ်ပြီး သူမကိုယ်တိုင် Sanction နဲ့ ပတ်သက်လို့ ဘယ်လို ယုံကြည် ခံယူထားတယ် ဆိုတာ မသိရပေမဲ့ တင်သွင်းတဲ့ စကားရပ်တွေဟာ စစ်အုပ်စုတောက်လျှောက် ဝါဒဖြန့်ခဲ့တဲ့ အမေရိကန် ရဲ့ စီးပွားရေး ပိတ်ဆို့ ဒဏ်ခတ်မှုကြောင့် ပြည်သူလူထု ဆင်းရဲမွဲတေ ဒုက္ခရောက်ရတယ် ဆိုတာမျိုးတွေ တွေ့ရလို့ စစ်အုပ်စုရဲ့ ဝါဒမှိုင်း မိနေတဲ့ အမတ်တွေ လွှတ်တော်ထဲမှာ ဘယ်လောက် များနေပြီလဲ တွေးမိပါတယ်။ ရှမ်းပြည် အပါအဝင် တောင်ပေါ်ဒေသနေ တိုင်းရင်းသားပြည်သူ အများ ဆင်းရဲ ဒုက္ခရောက်ရ တာဟာ အမေရိကန်ရဲ့ အရေးယူ ပိတ်ဆို့ ဒဏ်ခတ်မှုကြောင့်လား၊ ပြည်တွင်းစစ်ကြောင့်လား၊ ပြည်တွင်းစစ် တရားခံ စစ်အာဏာရှင် စံနစ်ကလည်း ဘာကြောင့် ဒီတိုင်းပြည်မှာ အမြစ်တွယ်နေရ သလဲ- ဆိုတဲ့ ပြဿနာ ဇစ်မြစ်တွေကို သိသိကြီးနဲ့ ရှမ်းတိုင်းရင်းသူ နန်းဝါနုက လွှတ်တော် ဥက္ကဋ္ဌ သူရ ဦးရွှေမန်းနဲ့ ဇတ်တိုက်ပြီး လွှတ်တော်ထဲ ရောက်နေတဲ့ နိုင်ငံ ရေး ပါတီတွေ အားလုံး၊ အထူးသဖြင့် NLD နဲ့ ဒေါ်အောင်ဆန်းစုကြည် တို့ကို ချောင်ပိတ်ပြီး စီးပွားရေး ပိတ်ဆို့မှု တွေ ရုတ်သိမ်းဖို့ ထောက်ခံလား၊ ကန့်ကွက်လား- အဖြေတောင်းတဲ့ ပုံစံမျိုးကတော့ လွှတ်တော် လုပ်ပိုင်ခွင့် တွေကို အာဏာ အထက်စီး ( Power Over ) လုပ်ရာ ကျပါတယ်။
ဇူလိုင်လ ၁၃ ရက် လွှတ်တော်စည်းဝေး ပြီးပြီးချင်းမှာ သူရ ဦးရွှေမန်းက ဒေါ်အောင်ဆန်းစုကြည်ကို သီး သန့် ခေါ်တွေ့ပြီး မိနစ် ၅၀ လောက် စကားပြောတဲ့ အချိန်မှာလည်း နန်းဝါနုက အတူ ရှိနေခဲ့ပြန်လို့ ဒီကြားဖြတ် အဆို ဟာ နိုင်ငံရေး အရ စီမံချက်ချ လုပ်ကိုင်တဲ့ ဇတ်ညွှန်း တကွက်သာဖြစ်ကြောင်း ပိုထင်ရှားစေပါတယ်။ ၂၀၀၇ ခုနှစ် ရွှေဝါရောင် သံဃာ့ လှုပ်ရှားမှုကြီးကို စစ်အုပ်စုက အကြမ်းဖက်နှိပ်ကွပ်လို့ ကုလသမဂ္ဂ အထူး ကိုယ်စား လှယ် မစ္စတာ ဂမ်ဘာရီ မြန်မာပြည်ရောက်လာပြီး ဗိုလ်သန်းရွှေနဲ့တွေ့တဲ့ အခါ “ ဒေါ်အောင်ဆန်းစုကြည်က စီးပွားရေး ပိတ်ဆို့မှုတွေ လုပ်ထားလို့ ဒါကို သူမကိုယ်တိုင် ရုတ်သိမ်းပေးဖို့ ပြောရင် သူကိုယ်တိုင် ဒေါ်အောင် ဆန်းစုကြည်နဲ့ တွေ့ဆုံဆွေးနွေး စကားပြောမယ် ” ဆိုပြီး ကိုယ့်အပြစ်တွေ အကုန် သူတပါးဆီကို လွှဲချ၊ လူထုနဲ့ ရန်တိုက်ပေးတဲ့ လုပ်ရပ်မျိုး လုပ်ခဲ့ပြီးပါပြီ။
ဒီတစ်ခါတော့ လွှတ်တော်နည်းနဲ့ အမေရိကန်ကို မျက်စပစ်တဲ့ နည်းလမ်း အသစ်ကို သုံးကြည့် တာသာ ဖြစ်ပါ တယ်။ သူရ ဦးရွှေမန်း အနေနဲ့ လိပ်ပြာ သန့်တယ် ဆိုရင် ဒီကြားဖြတ် အဆိုကို အရေးကြီး အဆိုအဖြစ် လက်ခံ တင်သွင်းစေတယ် ဆိုပြီး လွှတ်တော် ဥက္ကဋ္ဌရဲ့ ပါဝါ အာဏာနဲ့ ဆွေးနွေး အတည်ပြုချက် ယူပြီးမှ ဒေါ် အောင်ဆန်း စုကြည်ကို သီးသန့်ခေါ်ယူဆွေးနွေးနေစရာ မလိုဘူးလို့ မြင်မိပါတယ်။ မြန်မာ့ လွှတ်တော်တွေကို မောင်ပိုင် စီးထားတဲ့ စစ်ဗိုလ်ချုပ်ကြီးဟောင်းများက သူတို့ စစ်အုပ်စု အာဏာ သက်ဆိုးရှည်စေဖို့ အကြောင်း ကိစ္စရပ် မှန်သမျှ တိုင်းရင်းသား အမတ်တွေကို အသုံးချပြီး အရေးကြီး အဆိုအဖြစ် လွှတ်တော်ကို ကြားဖြတ် တင်ခိုင်းတဲ့ ပုတ်သင်ညို လွှတ်တော် ပုံစံမျိုး တွေ ရှေ့လျှောက်တွေ့လာရတော့မှာ မြင်ယောင်နေမိပါတယ်။
မင်းဝဏ်
Monday, July 16, 2012
စစ်ဖက်အရပ်ဖက် ဆက်ဆံရေးနဲ့ မြန်မာ့ခေတ်မီ တပ်မတော်
ဟန်လင်း
ဇူလိုင်လ ၁၆ ရက် ၂၀၁၂တပ်မတော်တွင်းက အဆင့်မြင့် အရာရှိကြီးတွေကို လက်ရှိခေတ်သစ်နိုင်ငံတော် အစိုးရ အဖွဲ့အတွင်း အရပ်ဖက် စစ်ဖက်နှစ်ဖက် ညီမျှပြီး ဒီမိုကရေစီ လူ့ဘောင်နဲ့ အံဝင် ဂွင်ကျဖြစ်လာနိုင်စေမယ့် သင်တန်း တခု အကြောင်းကို ဒီ တပါတ် ခေတ်မီ တပ်မတော် တရပ်ရဲ့ ရှေ့ခရီး အစီအစဉ်ကနေ မိတ်ဆက် တင်ပြပေးသွားမှာပါ။
အမိန့်၊ ထိန်းချုပ်ကွပ်ကဲမှု၊ ဆက်သွယ်ရေးနဲ့ ထောက်လှမ်းရေး ကဏ္ဍတွေကို ယေဘူယျ အားဖြင် အင်္ဂလိပ်လို( C 3 I ) လို့ အတိုကောက်ခေါ်ပါတယ်။ ဒီအချက်တွေကို တပ်မတော် အဆင်မြင့် အရာရှိတိုင်း သင်ကြားရပြီး လိုက်နာ ကျင့်သုံးလေ့ ရှိပါတယ်။ ဒီကနေ့မှာတော့ သမရိုးကျ စစ်ပွဲ၊ ပြောက်ကျား စစ်ပွဲများမှ ဘက်စုံစစ်ပွဲ (Multi-dimensional Warfare) ဗျူဟာတွေ အထိ စစ်သေနင်္ဂ ဗျူဟာများ တိုးတက် လာခဲ့သလို C 3 I အစား C 5 I S R အဖြစ် ကွန်ပြူတာ၊ တိုက်ပွဲဝင်စနစ်၊ ကြိုတင်စောင့်ကြပ်ခြင်း၊ ဝေဟင်ထောက်လှမ်းမှု၊ တို့ကိုပါ ထပ်မံ တိုးချဲ့ ကျင့် သုံး ကြရပြန်ပါတယ်။
ဒီလိုအဖက်ဖက်က ခေတ်မီလာတဲ့ စစ်ရေးကဏ္ဍမှာ သာမန် စစ်သေနင်္ဂ ဗျူဟာများ သာမက နောင် တိုင်းပြည် အုပ်ချုပ်ရေး ကဏ္ဍအတွက် စစ်ဖက် အရပ်ဖက် ဆက်ဆံရေး ကိစ္စများအတွက် သင်တန်းများ ကလည်း မရှိမဖြစ် ပါပဲ။ မြင်သာပြီးအောင်မြင် ထင်ရှားလှတဲ့ သင်တန်း တခုကတော့ အမေရိကန်က IMET လို့ခေါ်တဲ့ နိုင်ငံတကာ စစ် ပညာပေးနဲ့ လေ့ကျင့် သင်တန်းကျောင်း(သို့) စစ်ဖက်အရပ်ဖက် ဆက်ဆံရေး သင်တန်းပါ။
အဲဒီသင်တန်းကနေပြီး လစ်ဘရယ်ဒီမိုကရက်တစ် အစဉ်အလာတွေကို ရင်းနှီး ကျင့်သုံးစေဖို့ စစ်ဘက်က အရာ ရှိကြီးများ အတွက် စီမံခန့်ခွဲမှု၊ တရားစီရင်ရေး၊ ကိုယ်ကျင့် သိက္ခာနဲ့ လူ့အခွင့်အရေး စတဲ့ ကိစ္စ အ၀၀ကို သင်ကြား ပေးပါတယ်၊ အမေရိကန်တွင် သာမက ကမ္ဘာ အရပ်ရပ် နိုင်ငံများရဲ့ စစ်တပ်ခေါင်းဆောင် အတော်များများလည်း တက်ရောက် သင်ကြားလေ့ရှိပြီး စစ်ခေါင်းဆောင်တွေကို အရပ်ဖက် ဒီမိုကရေစီ ကျင့်စဉ်များနဲ့ ဆက်စပ်ပေးကာ လူ့အခွင့်အရေး ချိုးဖေါက်မှုတွေ နည်းပါးလာစေဖို့ ရည်ရွယ်ပါတယ်။
အမေရိကန် နိုင်ငံခြားရေးပေါ်လစီအရ ဒီသင်တန်းတွေဟာ ၁၉၇၆ ခုနှစ်က စတင် သန္ဓေ တည်ခဲ့ပြီး ၁၉၉၁ ခုနှစ်မှာ အောင်မြင်စွာ အသက်ဝင် လှုပ်ရှား လာနိုင်ခဲ့တာပါ။ ၂၀၀၅ ခုနှစ်အတွင်း အမေရိကန်က နိုင်ငံပေါင်း ၁၅၀ သို့ ပေး တဲ့ ပြည်ပ စစ်ဖက် အကူညီငွေဟာ ဒေါ်လာသန်း (၂၂၀၂.၂) သန်း ရှိပါတယ်။ ဒီထဲမှာ IMET အရပေးခဲ့တာ ဒေါ်လာ(၈၉) သန်း ဖြစ်ပါတယ်။ ကမ္ဘာ့နိုင်ငံပေါင်း (၁၄၀)ကျော်က သင်တန်းသားပေါင်း တစ်သိန်း တစ်သောင်း ကျော်လောက်ကို လေ့ကျင့်ပေးခဲ့ပြီး ၁၉၈၅ ခုနှစ်က စပြီး လေ့ကျင့်ပေးခဲ့တဲ့ ပြည်ပ အဆင့်မြင့်စစ်ခေါင်းဆောင် သင် တန်းသား (၄၇၁) ဦး အနက် ၂၅ ယောက်ဟာ တိုင်းပြည်ခေါင်းဆောင်တွေ ကာကွယ်ရေး ၀န်ကြီး၊ သံတမန် ကြီးနဲ့ ကုလသမဂ္ဂ ထိပ် တန်း တာဝန်ခံတွေဖြစ်လို့ နေကြပါပြီ။
၁၉၈၈ ခုနှစ်တုံးက ကျနော်တို့ အိမ်နီးချင်း ဘင်္ဂလားဒေ့မှာ IMET သင်တန်းတွေပေးဖို့ အမေရိကန်ဒေါ်လာ ၃ သိန်း သုံးစွဲခဲ့ကြောင်း သိရပါတယ်။ ထိုင်းနိုင်ငံရဲ့ စစ်ဖက် အရပ်ဖက် ဖွံ့ဖြိုး တိုးတက်ရေး သင်တန်းတွေကိုလည်း အမေရိ ကန် IMET ရန်ပုံငွေ ထဲကထောက်ပံ့ ခဲ့သလို ၂၀၀၆ခုနှစ် ထိုင်းမှာ စစ်တပ်က အာဏာသိမ်းတော့ အမေရိကန်တို့ ပေးထားတဲ့ များစွာသော စစ်ရေး အထောက်ကူပြု သင်တန်း ရန်ပုံငွေတွေ ဖြတ် တောက်ပြစ်မယ်လို့ ဆိုပြီး ထိုင်း စစ်အာသိမ်းမှုကို ဟန့်တားပေးနိုင်ခဲ့ကြောင်း သိရပါတယ်။
အလားတူ အရှေ့အလယ်ပိုင်းနဲ့ အာဖရိကနိုင်ငံများက စစ်တပ် အာဏာသိမ်းမှု လူ့အခွင့်အရေး ချိုးဖေါက်မှုတွေ ဖြစ်ပေါ် လာတိုင်း IMET ကပေးထားတဲ့ သင်တန်း အကူညီငွေများ ပြန်ရုပ်သိမ်းလေ့ ရှိပါတယ်။
အယ်ဘေးနီးယား ကြည်းတပ် စစ်ဦးစီးချုပ် ကိုယ်တိုင် ဒီလို သင်တန်းမျိုးကို တက်ရောက် ခဲ့ပြီးနောက် ဒီလို သင်တန်းတွေကို သူ့နိုင်ငံ တွင်းမှာ ပြန်လည် ဖွင့်လှစ်နိုင်ခဲ့လို့ အယ်ဘေးနီးယား စစ်ခေါင်းဆောင်တွေရဲ့ စစ်အရည် အသွေး မြင့်တက် လာခဲ့သလို အရပ်ဖက်နိုင်ငံရေးခေါင်းဆောင်တွေရဲ့ ဦးဆောင်မှုကို လက်ခံနိုင်စွမ်း ပိုမြင့်မား လာခဲ့ကြောင်း အရပ်ဖက် စစ်ဖက် ဆက်ဆံရေး ပိုမိုပြေပြစ်ပြီး တိုင်းပြည် ဖွံ့ဖြိုးခဲ့တဲ့ အကြောင်း နမူနာ အဖြစ် လေ့ လာ တွေ့ရှိရပါတယ်။
အရင်တုံးက လက်တင် အမေရိက နိုင်ငံတွေမှာ အရပ်သား အစိုးရတွေက စီးပွားရေးဖေါ်ဆောင် ကြရာမှာ မ အောင် မမြင်ဖြစ် တိုင်းပြည် မငြိမ်မသက်ဖြစ်တဲ့ အချိန် စစ်တပ်ကိုခေါ် အာဏာသိမ်းခိုင်းလေ့ ရှိပြီး ဒီကနေ့လို စီး ပွားရေး ဖွံ့ဖြိုး တိုးတက်လာချိန် လူ့ အခွင့်အရေးတွေမြင့်မား လာချိန်မှာတော့ နိုင်ငံရေး နယ်ပါယ်ထဲ စစ်တပ်ရဲ့ ပါ ၀င်ပတ်သက်မှုကို ပြန်လည် စမ်းစစ်နေကြပါပြီ။
အစဉ်အဆက် စစ်တပ်သာလျှင် အခရာလို့ ယုံမှတ်ခဲ့တဲ့ ကျနော်တို့မြန်မာ့တပ်မတော် ဗိုလ်ချုပ်များလည်း စစ် တပ်က တိုင်းပြည်ကို စီမံခန့်ခွဲခဲ့ကြတဲ့ သမိုင်း သင်ခန်းစာတွေကို ပြန်ပြီး သုံးသပ်ကြည့်ချိန် တန်ပါပြီ။
ဂျပန်တို့ရဲ့ စစ်ရေးစွမ်းရည် အင်္ဂလိပ် စစ်တပ်ရဲ့ အုပ်ချုပ်မှုနဲ့ စည်းကမ်းများ အရ မြန်မာ့ တပ်မတော်ကြီးကို ပေါင်း စပ် တည်ဆောက် ခဲ့ကြသလို လွတ်လပ်ရေး ရပြီးနောက် ကာလ တချို့အထိလည်း အင်္ဂလိပ်တို့ရဲ့ လေ့ကျင့်ပေးမှု တွေနဲ့ မကင်းခဲ့ကြပါဘူး။ သာမန် စစ်သားလေ့ကျင့်ရေး မှသည် တပ်စု၊ တပ်ခွဲ၊ တပ်ရင်း အဆင့် လေ့ကျင့်ရေးများ သာမက ဗျူဟာမှုး အဆင့်သို့ ရောက်ရှိလာသူတိုင်း အတွက် နောင် တပ်မတော်ရဲ့ အရေးကြီး တာဝန်တွေ ထမ်း ဆောင်နိုင်ဖို့ လေ့ကျင့်ပေးတဲ့ စစ် အကယ်ဒမီကျောင်း တခုကို ၁၉၅၄ ခုနှစ် အတွင်း ဖွင့်လှစ်ပေးခဲ့ကြောင်း သိရပါ တယ်။ နောင်မှာ ဒီ စစ်အကယ်ဒမီကျောင်းကိုပဲ နိုင်ငံတော် ကာကွယ်ရေး တက္ကသိုလ် အဖြစ် တိုးမြှင့်ခဲ့ပါတယ်။ နှစ် စဉ် တပ်ရင်းမှူး အထက် ဗျူဟာ အဆင့်ရှိ ဗိုလ်မှူးကြီး ၃၀ မှ ၅၀ ဦးတက်ရောက် သင်ကြား ရပါတယ်။ ဒီနိုင်ငံ တော်ကာကွယ်ရေး တက္ကသိုလ် အမှတ်စဉ် (၁) ကျောင်းဆင်းတဲ့ အသုတ်ထဲက လက်ရှိ ပြည်သူ့လွှတ်တော် ဥက္ကဋ္ဌကြီး ဦးသူရရွှေမန်း၊ ပြီးခဲ့တဲ့ ရက်ပိုင်းကလေးကမှ ဒုတိယ သမ္မတ ဟောင်းဖြစ်သွားခဲ့သူ သီဟသူရ ဦးတင် အောင်မြင့်ဦး တို့ဟာ ဒီကနေ့ မြန်မာ့နိုင်ငံမှာ အုပ်ချုပ်ရေးပိုင်းက ရောက်ရှိလာတဲ့သူတွေ ဖြစ်နေကြပါတယ်။
အစောပိုင်းမှာ နိုင်ငံတော်ကာကွယ်ရေး တက္ကသိုလ်ကို တက်ရောက်ခွင့် ရတဲ့ သူတွေတိုင်း တိုင်းမှူး တပ်မမှူး များ အဖြစ် ဆက်လက် တာဝန် ထမ်းဆောင်ခွင့် ရခဲ့ကြပေမယ့် နောင်မှာ သင်တန်းသား (၁၃၀)လောက် အထိ တိုးပြီး ခေါ်ယူ ခဲ့တာမို့ ဗိုလ်ချုပ် အဆင့်ပိုင်းဖေါင်းပွမှုဖြစ်ကာ နိုင်ငံတော် ကာကွယ်ရေး တက္ကသိုလ် ဆင်းတိုင်း တိုင်းမှူး တပ်မမှူးဖြစ်ခွင့် သိပ်မရကြတော့ဘဲ အရပ်ဖက် ညွှန်ချုပ်များ အဖြစ်သာ သင့်သလို နေရာချထားခြင်းကို ပေးခြင်း ခံရပါတော့တယ်။
ဒါကြောင့်မို့ လက်ရှိနိုင်ငံတော် ဌာနဆိုင်ရာ ယန္တရား တိုင်းမှာ စစ်တပ်က လာသူတွေနဲ့ ပြည့်နေသလို လွှတ်တော် နဲ့ အစိုးရ အဖွဲ့ထဲမှာလည်း ၊ စစ်ဘောင်းဘီဝတ်နဲ့ အရပ်သားဝတ် စစ်ဗိုလ်ချုပ်တွေသာ အများစုပါ။ ဒီအကျိုး သက်ရောက်မှုဟာ လွန်ခဲ့တဲ့ အနှစ် (၂၀)ကျော် အတွင်း သိပ်မမြင်သာပေမယ့် ဒီကနေ့လို ဖွဲ့စည်းပုံနဲ့ အညီ ရွေး ကောက်ခံ အရပ်သား ဒီမိုကရေစီ စနစ် တိုင်းပြည် တခုကို ထူထောင်ကြတဲ့ အခါမှာတော့ သမ္မတကြီး ဦးသိန်းစိန်နဲ့ လွှတ်တော် ဥက္ကဋ္ဌကြီး ဦးရွှေမန်းတို့က ရှေ့က အသွင်ပြောင်းရေး ကြိုးပမ်းနေသလောက် နောက်ဆွယ်က စစ် ဖက်၊ အရပ်ဖက်နဲ့ အစိုးရ လွှတ်တော်တွင်းရှိ စစ်ဗိုလ်ချုပ်တွေက ထင်ရာ စိုင်းနေကြဆဲမို့ ဘက်ပေါင်းစုံမှာ အခက် အခဲ တွေဖြစ်ပေါ်လို့ လာနေရသလားလို့ တွေးစရာတွေ ဖြစ်လာပါတယ်။
အပစ်ရပ်တယ် လို့ဆိုတဲ့ ကချင်ပြည်နယ်အတွင်း သမ္မတနဲ့ ငြိမ်းချမ်းရေး ဖေါ်ဆောင်မှု ကော်မရှင်က စီစဉ်သလို စေ့စပ်ဆွေးနွေး ကြသလို မဖြစ် မြန်မာ စစ်တပ်ဖက်ကနေ ၁၂၀ မမ လက်နက်ကြီးကျည်တွေ နေ့စဉ်ရာနဲ့ချီ ပစ် ခတ်လို့သာ နေကြပါတယ်။ ပြီးတော့လည်း မငြိမ်မသက်ဖြစ် ဆူပူနေတဲ့ ရခိုင်ပြည်နယ်က ဘင်္ဂါလီ အရေး မှာလည်း လုံခြုံရေး ထိန်းသိမ်း သူတွေဟာ နည်းပါးတဲ့ စစ်သည် အင်အားနဲ့ လေ့ကျင့်ရေး ကျည်ဆံတွေကို သုံးပြီး ပစ် ခတ် ထိန်းသိမ်း တာတောင် တည့်တည့် မပစ်ဝံ့တဲ့ အနေအထားရောက်လို့ နေပြန်ပါတယ်။
လက်ရှိအစိုးရသစ်သက်တမ်း တနှစ်လွန်ကာလ အထိ အရပ်ဖက်စစ်ဖက် ဆက်ဆံရေး အာဏာ ထိန်းညှိ ယူကြ ရာမှာ လူများပေမဲ့ ပွဲက မစည် ဆိုသလို စစ်ဖက်နဲ့ အရပ်ဖက်ကြား အာဏာ ခွဲဝေရေးကို မနည်းကြီး အဆင်ပြေ အောင် လုပ်နေရတဲ့ အနေအထားမှာ ပဲ ရှိနေသေးတာ ပြည်သူတိုင်း အသိပါ။ လက်ရှိအနေအထား ကနေပြီး နောက်ကြောင်း မပြန်လှည့်ဖို့ ဆိုတာကလည်း သိပ်မရေရာလှသေးသလိုပါပဲ။
အထက်မှာပြောခဲ့သလို မြန်မာ့ တပ်မတော်ရဲ့ အဆင့်မြင့် စစ်ဖက် အရာရှိကြီးများ ဗိုလ်မှူးကြီးနဲ့ ဗိုလ်ချုပ်များကို လေ့ကျင့် သင်ကြားပေးခဲ့တဲ့ နိုင်ငံတော် ကာကွယ်ရေးတက္ကသိုလ် သင်ခန်းစာတွေ ထဲမှာ နိုင်ငံတော် ဖွံ့ဖြိုးတိုး တက်ဖို့ အခြေခံ တရပ်ဖြစ်တဲ့ အရပ်ဖက်စစ်ဖက် ဆက်ဆံရေး သင်ခန်းစာတွေ ပြီးပြည့်စုံစွာ ပါရှိဟန် မတူပါဘူး။ ဒီလို မြန်မာ့ တပ်မတော် အရာရှိကြီးများ အတွက် အရပ်ဖက် စစ်ဖက် ဆက်ဆံရေးကို အလေးထားတဲ့ သင်တန်း ကောင်းတွေ မရှိဘဲနဲ့တော့ မြန်မာ့ ဒီမိုကရေစီရေး ရှေ့တဆင့် တက်မလှမ်းနိုင်သလို နောက်ကြောင်း မပြန်ရေး ဆိုတဲ့ အာမခံချက်တွေလည်း ရှိနိုင်ဦးမှာ မဟုတ်သေးတဲ့ အကြောင်း မျှဝေ လိုက်ရပါတယ်။
ဟန်လင်း
Wednesday, July 11, 2012
ပြောသူတွေကိုယ်တိုင် အရင် ပြောင်းလဲဖို့လို
မင်းဝဏ်
ဇူလိုင်လ ၁၁ ရက် ၂၀၁၂ပထမအကြိမ်လွှတ်တော်စတုတ္ထပုံမှန်အစည်း အဝေး တွေကို ဇူလိုင်လ ၄ ရက်မှာစတင်ကျင်းပခဲ့ပြီး ကာကွယ် ရေး ဦးစီးချုပ်က အသစ် လဲလှယ် ခန့်အပ် လိုက်တဲ့ စစ်ဗိုလ် အမတ် ၅၉ ဦးနဲ့ ဧပြီလ ၁ ရက် ကြားဖြတ်ရွေး ကောက်ပွဲမှာ အနိုင် ရရှိခဲ့တဲ့ အမျိုးသား ဒီမိုကရေစီ အဖွဲ့ ချုပ်က လွှတ်တော် အမတ်တွေ ကလည်း ဒီလွှတ်တော် စည်းဝေးတွေမှာ ပါဝင် တက်ရောက်နေပြီဖြစ်ပါတယ်။ ဒေါ်အောင်ဆန်းစုကြည် ကတော့ ဇူလိုင်လ ၉ ရက်မှာ ကျင်းပတဲ့ ပြည်သူ့ လွှတ်တော် ၄ ရက်မြောက် အစီအစဉ် ကနေ စည်းဝေး စတက်နေတာ တွေ့ရပါတယ်။ NLD ပါတီက လွှတ်တော် အမတ်တွေ အနေနဲ့ တောင်သူ လယ်သမား၊ အလုပ်သမား အရေး၊ လူဝင်မှုကြီးကြပ်ရေး လဝက စည်းမျဉ်း ဥပဒေ ကိစ္စနဲ့ ခေတ်နဲ့ မလျော်ညီတဲ့ ဥပဒေတွေ ဖျက်သိမ်းရေး အဆို တင်သွားမယ်လို့ သိရပါ တယ်။ “ တရား ဥပဒေစိုးမိုးရေး၊ ပြည်တွင်း ငြိမ်းချမ်းရေးနဲ့ ဖွဲ့စည်းပုံ ဥပဒေပြင်ဆင်ရေး ” ရည်ရွယ်ချက်တွေနဲ့ ကြားဖြတ်ရွေးကောက်ပွဲ ဝင်ရောက်ခဲ့ခြင်းဖြစ်ကြောင်းနဲ့ လွှတ် တော်ထဲရောက်ရင်လည်း ဒီရည်ရွယ်ချက်တွေ ပေါက်မြောက်အောင် ကြိုးပမ်း သွားမယ်လို့ ကြွေးကြော် ထားတဲ့ NLD အနေနဲ့ ဘယ်လို လက်တွေ့ လုပ်ကိုင် ဆောင်ရွက်သွားမယ် ဆိုတာကလည်း စိတ်ဝင်စား စရာပါ။
လက်ရှိကျင်းပနေတဲ့ လွှတ်တော် စတုတ္ထပုံမှန် အစည်း အဝေးရဲ့ တတိယရက်ဖြစ်တဲ့ ဇူလိုင်လ ၆ ရက်မှာ ပြည် သူ့လွှတ်တော် ဥက္ကဋ္ဌ-သူရ ဦးရွှေမန်းက လွှတ်တော်၏ ဂုဏ်သိက္ခာ ထိခိုက်စေသော အပြောအဆို အသုံးအနှုန်း များမရှိစေရန်သတိပေးကြောင်းနဲ့ မိမိတို့ လွှတ်တော်ဟာ ဟန်ရေးပြ လွှတ်တော် မဟုတ်ကြောင်း ပြောကြား လိုက်တဲ့အတွက် ဘယ်အကြောင်းကိစ္စ အပေါ် အခြေခံပြီး ဆတ်ဆတ်ထိ မခံ တုန့်ပြန် လိုက်တာလဲ ဆိုတာကို ဆန်းစစ်ကြည့်မိ ပါတယ်။ မြန်မာနိုင်ငံရဲ့ ကဏ္ဍ အသီးသီး၊ နယ်ပယ် အသီးသီးအတွက် စံချိန်စံညွှန်းများရေးဆွဲ သတ်မှတ်ပြီး ဥပဒေပြဋ္ဌာန်းနိုင်ဖို့ လွှတ်တော်ထဲမှာ တင်သွင်းတဲ့ အဆိုကို ထောက်ခံဆွေးနွေး သူများထဲမှာ NLD အမတ် ၂ ဦး ပါဝင်ခဲ့ပါတယ်။ ဒီ ၂ ဦးထဲမှာ ဒေါက်တာအောင်မိုးညိုက “ မြန်မာနိုင်ငံ၏ ကဏ္ဍ အသီးသီးနဲ့ နယ် ပယ် အသီးသီးအတွက် စံချိန် စံညွှန်းများရေးဆွဲ သတ်မှတ်၍ ဥပဒေပြဋ္ဌာန်းနိုင်ရန် အချိန်ကာလ သတ်မှတ်ပြီး သတ်မှတ်ချိန် အတွင်းဆောင်ရွက်ပေးနိုင်ရန် လိုကြောင်း၊ ထိုသို့ဆောင်ရွက်နိုင်ရန် မည်ကာမတ်တ အစိုးရနှင့် ဟန်ရေးပြ လွှတ်တော်လောက်နှင့် ယခုကိစ္စများ အကောင်အထည်ဖေါ်နိုင်ရန် ခဲယဉ်းမည်ဖြစ်ကြောင်း ” ဆွေး နွေးခဲ့ပါတယ်။
NLD ပါတီကလွှတ်တော်ကိုယ်စားလှယ် ဆွေးနွေးချက်အပေါ်မှာ တုန့်ပြန်တာလို့ သူရ ဦးရွှေမန်းက ပြောင် ပြောင်တင်းတင်း မပြောပေမဲ့ “ လွှတ်တော်ထဲရောက်လာတဲ့ ကိုယ်စားလှယ်တွေဟာ လွှတ်တော်ကပြဋ္ဌာန်း ထား တဲ့ ဥပဒေတွေ ဘာရှိလဲ ဆိုတာ အသေးစိတ်လေ့လာ ဖတ်ကြားဖို့၊ လိုက်နာဖို့၊ စည်းကမ်းမှာ Do နဲ့ Don’t ရှိပြီး Do တွေကို လိုက်နာပြီး Don’t တွေကို မလုပ်မိဖို့၊ မိမိတို့ လွှတ်တော်ဟာ ဟန်ရေးပြ လွှတ်တော်မဟုတ်၊ လွှတ် တော်ကို အချိန်တွေ မကုန်ရအောင် မယောင်ရာဆီလူး မလိုတဲ့ စကားတွေပြော အချိန်ဖြုန်းမယ် ဆိုရင် မိမိတို့ရဲ့ လုပ်ငန်းမှာ အနှောင့်အယှက်ဖြစ်လို့ ကိုယ်စားလှယ်တွေ အားလုံး ပူးပေါင်းဆောင်ရွက်ဖို့ လိုကြောင်း၊ သူများနိုင် ငံနဲ့ ရင်ဘောင်တန်းမယ် ဆိုရင် ရင်ဘောင်တန်းနိုင်အောင် အတွေးအခေါ်တွေ၊ ခံယူချက်တွေ၊ လုပ်ဆောင်ချက် တွေရှိဖို့လိုကြောင်း ” လွှတ်တော် ဥက္ကဋ္ဌပါဝါနဲ့ ကိုယ်စားလှယ် အားလုံးကို စီးစီးပိုးပိုးပြောသွားတာ သတိပြုမိပါ တယ်။
ဒေါက်တာအောင်မိုးညိုပြောခဲ့တဲ့ မည်ကာမတ်တအစိုးရဆိုတာ သမ္မတ ဦးသိန်းစိန် အစိုးရ၊ ဟန်ရေးပြလွှတ် တော်ဆိုတာ ငါ့လွှတ်တော်လို့ - ဆန္ဒစွဲ တခုနဲ့ ချဉ်းကပ်မိတဲ့ သူရ ဦးရွှေမန်းရဲ့ ပေါက်ကွဲသံစဉ် တစ်ခုလို့ပဲ ဆိုရ မှာပါ။ NLD ဟာ ငါတို့ စစ်အုပ်စုရဲ့ အာဏာ ယန္တယားတွေကို အမြဲ အနှောင့်အယှက်ပေးတဲ့ သူတွေ ဆိုတဲ့ အာ ဃာတကလည်း ပွင့်ကျ လာတဲ့ သဘောပါပဲ။ စစ်အာဏာရှင် ဗိုလ်သန်းရွှေ အနား ရို့ရို့ကျိုးကျိုး ခစားခဲ့တဲ့ ဗိုလ် ချုပ်ကြီးဟောင်း သူရ ဦးရွှေမန်းမှာလည်း ငါတို့နဲ့ မတူ ငါ့ရန်သူ ဆိုတဲ့ စိတ်စွဲနဲ့ လွှတ်တော် ခွင်ထဲရောက်လာ ရပြီ ဖြစ်တဲ့ NLD အုပ်စုကို ငြိမ်ဝပ်သွားအောင် လုပ်ထားမှ တော်ကာကျမယ် - လို့ ဒေါသရှေ့ထားပုံရပါတယ်။ စစ် မြေပြင်မှာ အင်အားသုံးပြီး တဖက်ရန်သူကို စစ်ဦးချိုး ထားနိုင်ဖို့ နည်းဗျူဟာကို သုံးသလို လုပ်လိုက်တာသာ ဖြစ်ပါတယ်။ ဒီနေရာမှာ သူရဦးရွှေမန်းက တစုံတရာပျော့ပြောင်းတဲ့ စကား အသုံးအနှုန်းလေးတွေ သုံးထားပါ သော်လည်း အနှစ်သာရ ကတော့ ငါ့လွှတ်တော်ကို မင်းက ဘယ်လို သတ္တိနဲ့ အာခံဝေဖန်တာတုန်း- ဆိုတာ ကို တွေ့ရမှာပါ။
လွှတ်တော်ပြင်ပကနိုင်ငံရေးလှုပ်ရှားမှုတွေမှာလည်း နိုင်ငံသား အခွင့်အရေးပေးထား သလို အတုအယောင် ရေးသား ထားတဲ့ ၂၀၀၈ ဖွဲ့စည်းပုံကို သုံးပြီး တက်ကြွ လှုပ်ရှားသူတွေကိုနှိ်ပ်ကွပ်နေတုန်း ဖြစ်ပါတယ်။ သွား လေသူ စစ်အာဏာရှင် ဗိုလ်ချုပ်ကြီးနေဝင်းရဲ့ စစ်အာဏာသိမ်း အစိုးရက ၁၉၆၂ ခုနှစ် ဇူလိုင်လ ၇ ရက် မှာ မိုင်းခွဲဖျက်စီးဖြို ချခဲ့တဲ့ ကျောင်းသား သမဂ္ဂ ကိစ္စကို အစပြန်ဖေါ် ကြရကောင်းလား - ဆိုတဲ့ သဘောနဲ့ နှစ် ၅၀ ပြည့် ဇူလိုင် ၇ ရက် အောက်မေ့ဖွယ် အခမ်းအနား ကျင်းပဖို့ ဦးစီး ကြိုးပမ်းကြတဲ့ ကျောင်းသူ ကျောင်းသား တွေ ကို ခေတ္တ ဖမ်းဆီး ထိန်းသိမ်းမှုတွေ လုပ်ခဲ့တာ ကြားသိကြမှာပါ။ ရန်ကုန်မှာ ၄ ဦး၊ မန္တလေးမှာ ၄ ဦး၊ မြင်းခြံမှာ ၇ ဦး၊ မုံရွာမှာ ၄ ဦး၊ လားရှိုးမှာ ၃ ဦးနဲ့ စစ်ကိုင်းမှာ ၁ ဦး စုစုပေါင်း ၂၃ ဦးကို ဇူလိုင်လ ၆ ရက်ညက ဒေသခံ အာဏာပိုင်တွေက ဖမ်းဆီးခဲ့ပြီး နောက်ရက်မှာ ပြန်လွှတ် ခဲ့ပါတယ်။ မြို့တိုင်းမြို့ တိုင်းမှာ ဖမ်းဆီးခြင်းဖြစ်တဲ့ အတွက် အစိုးရရဲ့ ညွှန်ကြားချက် အမိန့် ဆိုတာ ထင်ရှားပါတယ်။ ဗမာနိုင်ငံလုံးဆိုင် ရာ ကျောင်းသား သမဂ္ဂများ အဖွဲ့ချုပ် (ဗကသ) ဟာ တရားမဝင် အသင်းဖြစ်တဲ့ အတွက် အခမ်းအနားကျင်း ပခွင့် မရှိဆိုတဲ့ အကြောင်းပြချက်ပေးပေမဲ့ ဘာကြောင့် ဒီအခမ်းအနားကို စီစဉ်သလဲ၊ ဘယ်အချိန် ကတည်း က စီစဉ်ခဲ့ကြသလဲ၊ ရန်ပုံငွေ ဘယ်ကရသလဲ- စသဖြင့် စစ်ကြောမေးမြန်းမှုတွေ လုပ်ခဲ့တယ်လို့လည်း သိရပါ တယ်။ စစ်အာဏာရှင် အုပ်စု လက်ကျန် ကြံ့ဖွံ့အစိုးရဟာ သွားလေသူ အာဏာရှင်ဟောင်း လက်ထက်က လက်သည် မဖေါ်ထုတ်ရဲတဲ့၊ တာဝန်ယူ တာဝန်ခံမှု မရှိတဲ့ ရာဇဝတ်မှု- အတွက် ထမင်းလုံး တစ္ဆေခြောက်ခံရ သလိုကြောက်ရွံ့နေလို့သာ ကျောင်းသားတွေနေအိမ်ကို ညဖက် လာခေါ်ပြီး ဖမ်းဆီး ထိန်းသိမ်းမှုတွေ ဆက် လုပ်နေတာပါ။
ဒီမိုကရေစီအသွင်ကူးပြောင်းရေးလို့ အသံကုန် ဟစ်နေတဲ့ ပြုပြင်ပြောင်းလဲရေး သမား Reformist အမည်ခံ အငြိမ်းစား ဗိုလ်ချုပ်ကြီး များရဲ့ မျက်နှာဖုံးတွေက တဖြည်းဖြည်း ကွာကျ လာနေပြီဖြစ်လို့ တကယ့် အပြောင်းအလဲ Change ကို လိုချင်တယ်၊ ဖြစ်ချင်တယ် ဆိုရင် အာဏာ ကိုင်ထားသူတွေ ကိုယ်တိုင် စတင်ပြောင်းလဲရမှာ ဖြစ်ပါတယ်။
မင်းဝဏ်
Friday, July 6, 2012
တပ်မတော်က ဘာတွေ ပြောင်းရမလဲ
မောင်လူလေး
ဇူလိုင်လ ၆ ရက် ၂၀၁၂အာရှလူ့အဖွဲ့အစည်းတွေရဲ့ ဒီမိုကရေစီ အပြောင်း အလဲတွေကို ကြည့်မယ် ဆိုရင် စစ်တပ်တွေရဲ့ အခန်း ကဏ္ဍကို မတူ တဲ့ အတိုင်း အတာတွေ အရ နည်းလမ်း အမျိုးမျိုးနဲ့ ပြန်လည် ပုံသွင်း ပြောင်းလဲ ခဲ့ရတာကို လေ့လာ သိရှိရပါတယ်။ ဒီဖြစ်စဉ် အပြောင်း အလဲတွေမှာ ကမ္ဘာလုံး ဆိုင်ရာ မဟာဗျူဟာ ပတ်ဝန်းကျင် အပြောင်းအလဲနဲ့ ဒေသတွင်း မဟာဗျူဟာ အပြောင်းအလဲတွေက စစ်တပ်ရဲ့ အခန်းကဏ္ဍကို ပြန်လည် အဓိပ္ပါယ်ဖွင့်ဆိုဖို့ သက်ဆိုင်ရာအစိုးရတွေအပေါ် ထဲထဲ ၀င်ဝင် တွန်းအားပေး သက်ရောက်မှုတွေ ရှိနေခဲ့တာကို အထင်အရှား တွေ့မြင်ရပါတယ်။
ဥပမာ၊ ဒုတိယကမ္ဘာစစ်အပြီးကစလို့ ဆိုဗီယက်ယူနီယံပြိုကွဲချိန်ထိ ကြာမြင့်ခဲ့တဲ့ စစ်အေးခတ် ကာလ အတွင်း ကမ္ဘာ့ အင်အား ကြီး ၂နိုင်ငံဖြစ်တဲ့ ဆိုဗီယက် ရုရှနဲ့ အမေရိကန် တို့အပေါ် အခြေပြုပြီး ဆန့်ကျင်ဖက် ပင်မ အုပ်စုကြီး ၂ခုနဲ့ အဲဒီ အုပ်စုကြီး၂ခုရဲ့ သြဇာ အာဏာ လွှမ်းမိုးမှုကို မခံလိုတဲ့ ကြားနေ ဘက်မလိုက် အင်အားစု ဆိုတဲ့ အုပ်စုကြီး ၃ စု ပေါ် ခဲ့ဖူးပါတယ်။ မြန်မာပြည်ကတော့ ဒီအုပ်စု ၃ စု ထဲက ဘက်မလိုက် အုပ်စုထဲမှာ ပါခဲ့ပါတယ်။ ဒီလို ပါဝင်ခဲ့တဲ့ အတွက် ဒီ အခြေအနေတွေ အောက်မှာ ကျနော်တို့ ဗမာ့ တပ်မတော်ဟာ ဒေသတွင်းက အိမ်နီးခြင်းနိုင်ငံတွေဖြစ်တဲ့ ဗီယက်နမ်၊ လာအို၊ ကမ္ဗောဒီးယား၊ ထိုင်းနိုင်ငံ တို့လို စစ်အေး တိုက်ပွဲရဲ့ ရလဒ်ဖြစ်တဲ့ ဒေသတွင်း စစ်ပွဲတွေရဲ့ အန္တရာယ်ကနေ ကင်းဝေးခဲ့ပြီး ခေတ်မီနိုင်ငံကြီးတွေရဲ့ စွက်ဖက်မှု ကနေ ရှောင်ရှားနိုင်ခဲ့ပါတယ်။ ဒါက အကောင်းဖက်က ရလဒ်တွေပါ။ ဒါနဲ့အတူ တခြား တဖက်ဖြစ်တဲ့ ဆိုးကျိုးတွေလည်း ရှိခဲ့ပါတယ်။
ဒီကမ္ဘာ့အခင်းအကျင်းအခြေအနေတွေ ရိုက်ခတ် ချက်ကြောင့် တိုင်းပြည်ကို နိုင်ငံကြီးတွေရဲ့ သြဇာ အာဏာ အောက် မကျရောက်ရေး ဆိုတဲ့ စဉ်းစားမှုတွေနဲ့ တိုင်းပြည်ကို တံခါးပိတ်ဝါဒ ကျင့်သုံးနေခဲ့တာကြောင့် ခေတ်မီ နိုင်ငံကြီးတွေနဲ့ အဆက်အစပ် မရှိတော့ဘဲ အပြင် ကမ္ဘာနဲ့ ကင်းကွာကာ စီးပွားရေး၊ လူမှုရေး၊ ပညာရေး၊ ကျန်းမာရေး၊ စက်မှု နည်းပညာ၊ စတဲ့ နယ်ပယ် အသီးသီးမှာ ခေတ်နောက်ကျ ကျန်နေ ခဲ့ပါတော့တယ်။ အကျိုးဆက်က လူအများရဲ့အတွေးတွေ၊ အထူး သဖြင့် အာဏာ ကိုင်စွဲထား သူတွေရဲ့ စဉ်းစားတွေးခေါ်မှုတွေဟာ ကျဉ်းမြောင်းသထက် ကျဉ်းမြောင်းလာပြီး ဒီမိုကရေစီ လမ်းကြောင်းကနေ နောက်ပြန် ဆုတ်သွားတဲ့၊ စစ်တပ်က အကြွင်းမဲ့ အာဏာ သိမ်းတဲ့ စစ်အာဏာရှင်စနစ် လမ်း ကြောင်းပေါ်ထိ ဆိုက်ရောက် သွားပါတော့တယ်။ ဒီတော့ မူလကတည်းက ရှိနေခဲ့တဲ့ ပြည်တွင်း ပဋိပက္ခတွေကို နိုင်ငံ ရေး နည်းလမ်းနဲ့ ဖြေရှင်ရမယ့် အစား တပ်မတော်က ပြည်တွင်းစစ်ကို ပုံအော တိုက်ရတဲ့ ဘ၀ အခြေအနေတွေထိ ရောက်ရှိ သွားပါတော့တယ်။ ဒီလိုနဲ့ တိုင်းပြည်လည်း စီးပွားရေး၊ လူမှုရေး၊ ပညာရေး ဘက်ပေါင်းစုံတွင် ချွတ်ချုံကျကာ ကမ္ဘာ့ အဆင်းရဲဆုံး နိုင်ငံဘ၀ ရောက်ရှိ သွားခဲ့ရပါတယ်။
အဲဒီကနေ အခုအခါ ၂၀၁၀ ခုနှစ် နိုဝင်ဘာလက စပြီး ရွေးကောက်ပွဲနဲ့ တက်လာတဲ့ စစ်တပ်တပိုင်း၊ အရပ်သားအစိုး ရတပိုင်း အစိုးရအဖွဲ့တခု ပေါ်ပေါက်လာပြီး စစ်အာဏာရှင်စနစ်ကနေ ဒီမိုကရေစီနိုင်ငံကို ပြောင်းလဲလိုက်ကြောင်း ကမ္ဘာသိ ကြေညာလုပ်ဆောင်လာတဲ့ အခြေအနေတခုကို ပြန်လည်ရောက်ရှိလာနေပါတယ်။ ဒီအခြေအနေတွေ အောက်မှာ မြန်မာနိုင်ငံဟာ ကမ္ဘာ့နိုင်ငံတွေနဲ့ သံခင်း တမန်ခင်း အခြေအနေတွေ ပြန်လည်ဆက်စပ်မှု ရှိလာပြီး ကမ္ဘာ့မိ သားစုအ၀န်းအ၀ိုင်းထဲ ပြန်ရောက်လာတော့၊ တပ်မတော်ကလည်း ဒီအခြေအနေတွေနဲ့ လိုက်လျော ညီထွေဖြစ်မယ့် ပြည်တွင်း၊ ပြည်ပ အခင်းအကျင်းတွေမှာ မုချ ပြောင်းလဲရပါတော့မယ်။
တပ်မတော်က ဘာကို ပြောင်းလဲရမလဲ ဆိုရာမှာ သေချာတာက ပြည်တွင်းရေးမှာ တပ်မတော်က ပြည်တွင်း စစ် တိုက်နေတာကို မုချ ရပ်ပစ်ရမှာ ဖြစ်ပြီး တိုင်းရင်းသားပေါင်းစုံပါဝင်တဲ့ ငြိမ်းချမ်းတဲ့ ပတ်ဝန်းကျင်တခု တည်ဆောက် ရမှာ ဖြစ်သလို၊ တပ်ဖွဲ့တွေအတွင်း အရာရှိ၊ အကြပ်စစ်သည်အားလုံးရဲ့ စိတ်နေစိတ်ထား၊ အပြုအမူ တွေကို ဒီမိုကရေစီ စနစ်နဲ့ အညီ၊ ပြန်လည် ဖွဲ့စည်းမှုတွေ လေ့ကျင့်မှုတွေ လုပ်ဖို့ အရေးတကြီး လိုအပ် လာနေပါတယ်။ ဒါ့ပြင် ဒေသ တွင်း မှာလည်း မဟာဗျူဟာ ပတ်ဝန်းကျင်သစ်အရ စစ်ဘက်ဆိုင်ရာ ခေတ်မီရေး အပါအ၀င် စစ်သည်တွေရဲ့ စွမ်းရည်မြင့် မားရေးတွေကို လုပ်ဆောင် ရပါတော့မယ်။
ဒီမှာ ဒီအပြောင်းအလဲ ဖော်ဆောင်မှုတွေမှာ တပ်မတော် အတွက် အရေးအကြီးဆုံး ပြောင်းလဲရမယ့် အရာတခုကတော့ “တပ်မတော်သာ အမိ၊ တပ်မတော်သာအဖ” ဆိုတဲ့အစား “ပြည်သူသာအမိ၊ ပြည်သူသာ အဖ” ဆိုတဲ့ စိတ်ဓါတ် ဆောင်ပုဒ် ကို ပြောင်းလဲ ကျင့်သုံးရေးဟာ ပထမဦးဆုံးနဲ့ အလိုအပ်ဆုံး အရာပဲ ဖြစ်ပါတယ်။ ဒီအရင်းခံ စိတ်ဓါတ် အခြေခံ အပြောင်းအပေါ် မူတည်ပြီး တိုင်းရင်းသား လူမျိုးစုံပြည်သူ လူထုရဲ့ အသက်အိုးအိမ် စည်းစိမ်တွေကို အကာ အကွယ်ပေးရေး ဆိုတဲ့ စိတ်ဓါတ် ကျင့်ဝတ်တွေ ရရှိလာအောင် တစတစ လေ့ကျင့်ပြုစု ပျိုးထောင်ပေးရေးဟာ မရှိမဖြစ် အရေးကြီးလှ ပါတယ်။ ဒီကမှတဆင့် ဒီမိုကရေစီနဲ့ လူ့အခွင့်အရေးကို ကာကွယ်စောင့်ရှောက်တဲ့ ကမ္ဘာ့ စံချိန် စံညွှန်း မီတဲ့ တပ်မတော် တရပ် ဖြစ်ပေါ်လာရေး အထိ ပြုစု ပျိုးထောင် သွားရမှာ ဖြစ်ပါတယ်။
တဖက်မှာလည်း ကမ္ဘာ့အခြေအနေနဲ့ဒေသတွင်း အခြေအနေ အပြောင်း အလဲတွေ အရ ဒေသတွင်း ဆိုင်ရာ မဟာဗျူ ဟာ ရည်မှန်းချက်တွေချမှတ်ကာ တပ်မတော်ခေတ်မီရေး လုပ်ငန်းတွေကို ဆထက်ထမ်းပိုး လုပ်ဆောင် သွားဖို့လည်း ရှိ နေပါသေးတယ်။ ဒေသတွင်း မဟာဗျူဟာ ရည်မှန်းချက် ဆိုတာကတော့ အနီးဆုံး ဥပမာ ပြရမယ်ဆိုလျှင် ထိုင်းနိုင်ငံဟာ စစ်အေးတိုက်ပွဲ ပြီးဆုံးချိန်မှာ အရင်က ဗီယက်နမ်နဲ့ ထိပ်တိုက်ရင်ဆိုင်ရေး ဆိုတဲ့ မဟာဗျူဟာ ရည်ရွယ်ချက် ရပ်တည်မှုကို စွန့်လွှတ်လိုက်ပြီး နဂိုမူလက ကွန်မြူနစ် ၀ါဒကို ဆန့်ကျင်တဲ့ စစ်ပွဲတွေရဲ့ ရှေ့တန်း စစ်မျက်နှာမှာ တည်ရှိနေတဲ့ နိုင်ငံတခု အနေအထား ကနေ အိမ်နီးခြင်းကောင်း ဆက်ဆံမှု မဟာဗျူဟာ အခင်းအကျင်း ဦးတည်ချက် တခုဆီ ချမှတ် ပြောင်းလဲ လုပ်ဆောင် လာခြင်းမျိုး ဖြစ်ပါတယ်။
ဒီဖြစ်စဉ် အခြေအနေတွေကို ရှုမြင်ဆင်ခြင်ပြီး အနာဂတ် ဒီမိုကရေစီ အပြောင်း အလဲမှာ တပ်မတော် အနေနဲ့ အသိ ရှိရှိ ပါဝင် ပြောင်းလဲနိုင်ကြဖို့ နိုးနိုးကြားကြား ရှိကြဖို့သာ လိုပါတော့တယ်။
မောင်လူလေး
Thursday, July 5, 2012
မရိုးနိုင်အောင် ဇာတ်က ကောင်းတဲ့ကြံ့ဖွတ် မင်းသားကြီး
မာန်လက်
ဇူလိုင်လ ၅ ရက် ၂၀၁၂နေပြည်တော်မှာ ဇူလိုင်လ ၁-ရက်နေ့က ပြုလုပ်တဲ့ သတင်းစာ ရှင်းလင်းပွဲမှာ အစိုးရရဲ့ ပြည်ထောင်စု ငြိမ်းချမ်းရေးဖော် ဆောင်ရေး လုပ်ငန်းကော်မတီ ဒု-ဥက္ကဋ္ဌ မီးရထားဝန်ကြီး ဦးအောင်မင်းက ဗမာနိုင်ငံမှာ ထာဝရ ငြိမ်းချမ်းရေး ရဖို့အတွက် အပစ်အခတ် ရပ်စဲဖို့၊ နိုင်ငံရေးအရ တွေ့ဆုံဆွေးနွေးဖို့နဲ့ ၂၀၁၅ ခုနှစ်မတိုင်ခင် တိုင်းရင်းသားပေါင်းစုံ ပါဝင်တဲ့ ညီလာခံတခု ကျင်းပဖို့ ဆိုပြီး အဆင့် သုံးဆင့်ရှိတဲ့ လမ်းပြမြေပုံ အတိုင်း အကောင်အထည်ဖော် ဆောင်ရွက်နေတဲ့ အကြောင်းနဲ့ ဒီလို ငြိမ်း ချမ်းရေးရအောင် ကြိုးပမ်းတဲ့နေရာမှာလည်း ပိုမို အဆင်ပြေစေဖို့ ဒီလထဲ ရန်ကုန်မှာ ငြိမ်းချမ်းရေး စင်တာ တခုကို ဖွင့်လှစ်သွားမှာ ဖြစ်တယ် လို့လည်း ပြောဆိုခဲ့ပါတယ်။ ဒီလိုပြောဆိုမှုတွေက တိုင်းရင်းသားပြည်သူ လူထု အတွက်တော့ အပ်ကြောင်း ထပ်နေတာမို့ သိပ်မထူးဆန်း လှတော့ပါဘူး။
အစိုးရတာဝန်ရှိသူတွေဘက်က ဒီလိုမျိုး အမြဲလိုလို ပြောနေပေမဲ့ ပဋိပက္ခတွေ ဆက်လက်ဖြစ်ပွားနေတာက ပိုလို့ သံသယ ဖြစ်စရာ ရှိနေပါတယ်။ အထူး သဖြင့်တော့ ဒုက္ခသည်တွေ ထောင်သောင်းချီ ဆက်လက်ထွက်ပြေး တိမ်းရှောင်နေရဆဲ ဖြစ်နေတဲ့ ဗမာပြည်မြောက်ပိုင်း ကချင်ပြည်နယ်ထဲမှာ တိုက်ပွဲတွေ ဆက်လက်ဖြစ်ပွားနေတာမို့ အစိုးရအာဏာပိုင်တွေဟာ အပြောနဲ့အလုပ် မညီဘူး ဖြစ်နေခဲ့တာလည်း ကြာလှပါပြီ။
ဦးအောင်မင်းရဲ့ ပြောကြားချက်တွေဟာ တွေ့ဆုံဆွေးနွေးတဲ့အခါကျတော့ တမျိုး၊ သတင်းစာရှင်းလင်းပွဲကျတော့ တမျိုး ဖြစ်နေတာက ရှေ့နောက်မညီညွတ်ဘဲ ကွဲလွဲမှုရှိနေပါတယ်။ သမ္မတပြောဆိုသွားတဲ့ Road Map အဆင့်သုံးဆင့်ကို တိုင်းရင်းသားဘက်က ဘယ်လိုမှ လက်ခံနိုင်စရာ မရှိတဲ့အကြောင်းကို တွေ့ဆုံမှုတိုင်းမှာ ကချင်လွတ်မြောက်ရေးအဖွဲ့က အစဉ်တစိုက် ပြောဆိုပြီးသားဖြစ်သလို အဲဒီကိစ္စတွေကို အခြားတိုင်းရင်းသားတွေကကော လက်ခံနိုင်လား၊ မလက်ခံနိုင် ဘူးလားဆိုတာကိုတော့ အစိုးရဘက်က ထည့်သွင်းစဉ်းစားတာမျိုးမရှိဘဲ သူတို့လိုချင်တဲ့ ပုံစံခွက်ထဲ နည်းမျိုးစုံသုံး တဖက် သတ် ဇွတ်ဆွဲသွင်းနေတာသာ ဖြစ်ပါတယ်။
ဆိုလိုတာက တိုင်းရင်းသားတွေနဲ့ ဒီအဆင့်သုံးဆင့်စလုံးကို သေချာထိတွေ့ ဆွေးနွေးတာမျိုးမဟုတ်ဘဲ လက်ခံသဘောတူ ညီချက် မရယူဘဲ အပေါ်ကချပေးလိုက်တဲ့ မူအပေါ်မှာ လိုက်ဆွေးနွေးနေရတာမျိုး ဖြစ်နေတာဆိုတော့ ဒီမိုကရေစီအသွင် ကူးပြောင်းနေပါတယ်ဆိုတဲ့ ဦးသိန်းစိန် ကြံ့ဖွတ်အစိုးရရဲ့လုပ်ရပ်က ဒီမိုကရေစီစံနှုန်းနဲ့ ဆန့်ကျင်ဘက်ပြောင်းပြန် ဖြစ်နေပါ တယ်။
နောက်တခု အရေးကြီးတဲ့အပိုင်းကလည်း ၂၀၀၈ ဖွဲ့စည်းပုံအခြေခံဥပဒေထဲက လက်ခံနိုင်တဲ့အကြောင်းအရာ၊ ပေးနိုင်တဲ့ အကြောင်းအရာ ရှိရင်တော့ ခွင့်ပြုချက်ပေးမယ်။ ၂၀၀၈ ဖွဲ့စည်းပုံအခြေခံဥပဒေမှာ မပါတဲ့အချက်ကိုတော့ ဘယ်လိုမှ မပေးနိုင်ဘူးဆိုတဲ့ကိစ္စကို ဦးအောင်မင်းတို့ဘက်က ပြောထားပြီးသားပါ၊ အဓိက ကတော့ ၂၀၀၈ဖွဲ့စည်းပုံအခြေခံဥပဒေ အတိုင်း သွားကိုသွားရမယ်ဆိုတာပါပဲ၊ မေ(၃)ရက် ထုတ်ပြန်တဲ့ ၁၂/၂၀၁၂အမိန့်ကြေညာချက် အပိုင်း(ခ)မှာ အတိ အလင်းကို ဖော်ပြထားပြီးဖြစ်တာမို့ တိုင်းရင်းသားအဖွဲ့တွေ ဆွေးနွေးတင်ပြ ပြောဆိုထားတဲ့ အချက်တွေနဲ့ အများကြီး ကွဲလွဲ နေပါတယ်။
အဲဒါကြောင့် အရင်အပတ်တွေက တင်ပြခဲ့သလို အဆက်ဆက် ထိပ်ပိုင်းစစ်ဗိုလ်ချုပ်ကြီးတွေရဲ့ တရားလက်လွှတ် ဥပဒေမဲ့ လူ့အခွင့်အရေးချိုးဖောက်မှုတွေ၊ မူးယစ်ဆေးဝါးနဲ့ ရာဇ၀တ်မှုကျူးလွန်ထားမှုတွေကတဆင့် ရရှိပိုင်ဆိုင်လာတဲ့ အကျိုးစီးပွား ချမ်းသာကြွယ်ဝမှုတွေကို အကာအကွယ်ပေးထားတဲ့ ဒီ၂၀၀၈ဖွဲ့စည်းပုံအခြေခံဥပဒေ တနည်း သူ့လည်ပင်း ကြိုးကွင်းစွပ်မဲ့ ဒီဥပဒေကိုတော့ ဘယ်လိုနည်းနဲ့မှ အထိခံ အလျှော့ပေးလိမ့်မှာ မဟုတ်ဘူး ဆိုတာပါပဲ။ ကျားကုတ်ကျားခဲ ကာကွယ်သွား မှာသာ ဖြစ်ပါတယ်။
လက်ရှိ ကချင်ပြည်နယ်တွင်းမှာကို တိုက်ပွဲတွေဟာ တနေ့ကို အနည်းဆုံး ၃ ကြိမ်ဖြစ်ပွားနေပြီး ဇွန်လ တလတည်းမှာတင် တိုက်ပွဲပေါင်း အကြိမ် ၁၀၀-ကျော်ရှိခဲ့ပြီး အခုရက်ပိုင်းအတွင်းမှာ KIA ထိန်းချုပ်တဲ့ တပ်မဟာ-၁နဲ့ တပ်မဟာ-၅ ဒေသတွေမှာ တိုက်ပွဲတွေ ပြင်းထန်နေသလို အစိုးရတပ်ဘက်က ထွက်ပြေးလာတဲ့ စစ်သားတွေလည်း KIA လက်ထဲမှာ ရှိနေတယ်၊ အတော်များများက ကလေးစစ်သားလေးတွေ ဖြစ်နေတယ်လို့ KIA ပြောခွင့်ရ ဦးလာနန်က ပြောပါတယ်။
ဒါ့ပြင် ထွက်ပြေးကြရတဲ့ စစ်ပြေးဒုက္ခသည် ဦးရေဟာလည်း တနေ့တခြား တိုးလာနေပြီး အခုဆိုရင် ဒုက္ခသည်ဦးရေ တစ်သိန်းနီးပါး ရှိသွားပြီလို့ ဒုက္ခသည်အရေး ဆောင်ရွက်ပေးနေသူတွေက ပြောပါတယ်။ KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ တနှစ်ကျော်ကာလ အတွင်း အကြိမ်ကြိမ် တွေ့ဆုံခဲ့ပေမဲ့လို့ အခုထိတော့ ပြေလည်မှုရတဲ့အဆင့်မှာ မရှိသေးပါဘူး။
ဒီဇူလိုင်လထဲမှာတော့ နှစ်ဘက်တပ်တွေ နေရာချထားရေးနဲ့ တပ်အင်အားလျှော့ချရေး ကိစ္စတွေကို ဆွေးနွေးဖို့အတွက် ပထမဆုံးအကြိမ်အနေနဲ့ ဒု-ကာကွယ်ရေးဦးစီးချုပ် ဗိုလ်ချုပ်ကြီးစိုးဝင်း ကိုယ်တိုင် လာရောက်မှာဖြစ်ပြီး မီးရထားဝန်ကြီး ဦးအောင်မင်းဦးဆောင်တဲ့ ကိုယ်စားလှယ်အဖွဲ့နဲ့ KIO တို့ ထပ်မံတွေ့ဆုံဖို့ ရှိပေမဲ့ နေရာသတ်မှတ်ချက် အဆင်မပြေသေး တာကြောင့် ဘယ်နေ့ တွေ့ဖြစ်မယ်ဆိုတာ မရေမရာ ဖြစ်နေဆဲပါပဲ။
အခြားတဘက်မှာလည်း တိုက်ပွဲသံတွေက မရပ်စဲသွားပါဘူး၊ ကရင်နီအမျိုးသားတိုးတက်ရေးပါတီKNPP၊ ရှမ်းပြည်မြောက် ပိုင်းတပ် SSPP/SSAနဲ့ ရှမ်းပြည်ပြန်လည်ထူထောင်ရေးကောင်စီ-ရှမ်းပြည်တောင်ပိုင်း RCSS/SSAတပ်တွေနဲ့လည်း နေ့စဉ် ရက်ဆက် တိုက်ပွဲတွေဖြစ်နေတာကို ကြည့်ရင်လည်း ဦးသိန်းစိန်အစိုးရတပ်တွေက သဘောတူညီထားတဲ့အချက်တွေကို တမင်ကလာ ချိုးဖောက်တာကြောင့် အစိုးရဘက်က သဘောထားမရိုးသားဘူးဆိုတာ အထင်းသားပါပဲ။ မွန်ပြည်သစ်ပါတီ NMSPကလည်း အစိုးရဟာ တိုင်းရင်းသားတွေနဲ့ စစ်မှန်တဲ့ နိုင်ငံရေး တွေ့ဆုံဆွေးနွေးဖို့ သဘောထားဆန္ဒ မရှိဘူးလို့ ပြော ဆိုထားပါတယ်။
ပါးစပ်ကတော့ သကာပုံးထဲနှစ်ထားတဲ့ ကောင်းပေ့ ညွန့်ပေ့ဆိုတဲ့ စကားလုံးတွေကို တွင်တွင်ပြောနေပြီး တဘက်မှာတော့ စစ်ဦးဘီလူးဆိုသလို တိုင်းရင်းသားတွေကို အမှည့်ချွေဖို့ လုပ်နေမယ်ဆိုရင်တော့ ပြည်တွင်းစစ်ရပ်စဲဖို့ဆိုတာ မဖြစ်နိုင်သလို အရှည်တည်တန့်မယ့် ထာဝရငြိမ်းချမ်းရေးဆိုတာဟာလည်း အာဏာဆုပ်ကိုင်အစိုးရအဆက်ဆက်ကနေ ဦးသိန်းစိန်အစိုးရ အထိ သူတို့ စစ်ရေပေါ်ဆီတအုပ်စု ဆက်လက်သက်ဆိုးရှည်နိုင်ဖို့အတွက် နိုင်ငံရေးလိုအပ်ချက်အရ အဖန်တရာတေနေတဲ့ နည်းဗျူဟာဟောင်းအတိုင်း နိုင်ငံရေးကျားကွက်ရွှေ့ ကစားနေတာသာဖြစ်ကြောင်း တင်ပြလိုက်ပါတယ်။
မာန်လက်
Wednesday, July 4, 2012
ခေါက်ရိုးကျိုးနေတဲ့ မုသာဝါဒတွေနဲ့ နပမ်းလုံးနေတဲ့ ဦးနင်းပဲ့ထောင် အစိုးရ
မင်းဝဏ်
ဇူလိုင်လ ၄ ရက် ၂၀၁၂ပထမအကြိမ်လွှတ်တော် စတုတ္ထပုံမှန်အစည်းအဝေးတွေကို ဇူလိုင်လ ၄ ရက်မှာ စတင်ကျင်းပ သွားမှာဖြစ်ပြီး အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ကော့မှူး မြို့နယ်ပြည်သူ့ လွှတ်တော် အမတ် ဒေါ်အောင်ဆန်းစုကြည် ကတော့ လွှတ်တော် အစပိုင်း ၃ ရက်လောက် တက်ရောက်နိုင်မှာ မဟုတ်ဘူးလို့ ကြားသိရပါတယ်။ NLD ဥက္ကဋ္ဌ မပါသေးပေမဲ့ ကျန်တဲ့ NLD အမတ်တွေ အားလုံးကတော့ လွှတ်တော် တက်ရောက်မှာဖြစ်ပြီး ပြီးခဲ့ တဲ့ ကြားဖြတ်ရွေးကောက်ပွဲ အပြီးမှာ အသစ် လဲလိုက်တဲ့ စစ်ဗိုလ် အမတ် ၅၉ ဦးနဲ့ ဆိုရင် လွှတ်တော်တွေ ထဲမှာ မျက်နှာသစ် အမတ် ၁၀၄ ဦး ပါဝင်ဆွေးနွေးလာ ကြဖို့ ရှိတယ်လို့ ယူဆရမှာပါ။
လွှတ်တော်တတိယပုံမှန် အစည်းအဝေးနဲ့ စတုတ္ထ အကြိမ် ပုံမှန် အစည်းအဝေး တွေ ကြားကာလဖြစ်တဲ့ မေလနဲ့ ဇွန်လတွေ အတွင်း နိုင်ငံတော် အာဏာကို ရယူထားတဲ့ သမ္မတ ဦးသိန်းစိန် အစိုးရ၊ သူရ ဦးရွှေမန်းနဲ့ ဦးခင်အောင် မြင့် တို့ရဲ့ ပြည်သူ့ လွှတ်တော်နဲ့ အမျိုးသား လွှတ်တော်၊ ဥက္ကဋ္ဌ ပြန်မရွေးရသေးဘဲ အတွင်းရေးမှူးတွေ ဖြစ်တဲ့ ဦးဌေးဦး၊ ဦးအောင်သောင်းတို့ အသံတွေသာ ကြားနေရတဲ့ ကြံ့ဖွံ့ပါတီ၊ ဒုတိယ ဗိုလ်ချုပ်မှူးကြီး မင်းအောင်လှိုင် ကွပ်ကဲနေတဲ့ တပ်မတော် - စတဲ့ ဒေါက်ကြီး ၄ ဒေါက်က သူတို့ရဲ့ အာဏာ သက်ဆိုးရှည်စေဖို့ ကျားကုတ် ကျားခဲ အားထုတ်မှုတွေ လုပ်နေကြပေမဲ့ ဦးနင်းပဲ့ထောင်၊ ပဲ့နင်းဦးထောင် ကမောက်ကမ အခြေအနေတွေ ဖြစ်နေတာကို သတိပြုမိ ကြမှာပါ။
အစိုးရအဖွဲ့ထဲမှာ တခါလာမဲပြာမုဆိုး ၊ ခေါက်ရိုးကျိုး မိန့်ခွန်းတွေကို အချိန် အခါလိုက်ပြောဆို တတ်သူက သမ္မတ ဦးသိန်းစိန်ဖြစ်ပြီး “ ဆင်းရဲ မွဲတေမှုလျှော့ချရေး၊ ကျေးလက် ဖွံ့ဖြိုးရေး၊ အဂတိ လိုက်စားမှု တားမြစ်ရေး၊ ပြည်သူလူထု အခြေပြု ဖွံ့ဖြိုး တိုးတက်ရေး မဟာဗျူဟာ ” စသဖြင့် နိုင်ငံတကာကြိုက် ခေတ်နဲ့ ညီတဲ့ စကားလုံး တွေကို ဖေါဖေါသီသီ ပြောနိုင်သူ ဖြစ်လာနေပါတယ်။ နအဖ စစ်အစိုးရ လက်ထက် ဝန်ကြီးချုပ်နဲ့ စစ်ကောင်စီမှာ အတွင်းရေးမှူး ၁ အထိ တာဝန်ယူခဲ့ဖူးတဲ့ ဦးသိန်းစိန်ဟာ အာဆီယံ အစည်းအဝေး အတွေ့အကြုံ တချို့နဲ့ နိုင်ငံ တကာက ဘာကို ကြိုက်တတ်သလဲ ဆိုတာ သိသူဖြစ်တဲ့အလျှောက် သမ္မတ တစ်ယောက် အနေနဲ့ တိုင်းပြည် ကို ဒီမိုကရေစီ လမ်းကြောင်းမှန်ပေါ် ရောက်အောင် ပို့နေတဲ့ ပြုပြင်ပြောင်းလဲရေး သမား Reformist အဖြစ် ပုံ ဖမ်းနေပေမဲ့ အစိုးရ အဖွဲ့ဝင် ဝန်ကြီး တစ်ယောက်ချင်းစီရဲ့ ဗီဇ၊ စရိုက်၊ အကျင့်တွေ မတူလို့ လုပ်ပုံ လုပ်နည်း ကွဲ ပြားတာ ဆိုပြီး အစိုးရ အဖွဲ့ လုပ်ရပ်တွေကို တာဝန်ယူ၊ တာဝန်ခံလိုစိတ် မရှိတဲ့ စကားမျိုးလည်း ပြောတတ်သူ ဖြစ်နေတာ တွေ့ရပါတယ်။
အရင် နအဖစစ်အစိုးရ လက်ထက် ဗိုလ်သိန်းစိန် ဝန်ကြီးချုပ် တာဝန်ယူတဲ့ အခါ သူ့နေရာဟောင်း အတွင်း ရေးမှူး (၁)နေရာကို ဝင်လာသူက ဗိုလ်တင်အောင်မြင့်ဦး ဖြစ်ပြီး လုပ်ပိုင်ခွင့်တွေ ခွင်ထပ်ကုန်ကြလို့ ဗိုလ် သန်းရွှေ ဆင်ထားတဲ့ အုပ်ချုပ်ရေး၊ စီမံခန့်ခွဲရေး အာဏာ ခွဲဝေယူမှု ဇတ်ကွက်ထဲမှာ သူတို့နှစ်ဦးကြား တင်းမာ ခဲ့ဖူးကြပါတယ်။ ခုလည်း ကျန်းမာရေး အကြောင်းပြချက်နဲ့ နှုတ်ထွက်ခွင့် တင်ထားတယ်လို့ သတင်းထွက်နေ တဲ့ ဒု-သမ္မတ သီဟသူရ ဦးတင်အောင်မြင့်ဦး ကိစ္စကို ရှင်းကြရမှာပါ။ သမ္မတ ဦးသိန်းစိန် ကိုယ်တိုင် သူတို့ စစ်အုပ်စု စိတ်ကြိုက်ရေးခဲ့တဲ့ ၂၀၀၈ ဖွဲ့စည်းပုံ ပုဒ်မ ၇၃ (စ) (ဆ) တို့ကို ဘောင်ကျော်ပြီး ဒု-သမ္မတ နှုတ် ထွက်ခွင့် တင်ထားတာကို ဥပဒေနဲ့ အညီမဟုတ်ဘဲ မလိမ့်တပတ် လျှောချနေတာတွေ့ရ ပါတယ်။ ဒု-သမ္မတ တယောက် အနေနဲ့ နှုတ်ထွက်ခွင့် တင်ရင် လွှတ်တော် ကျင်းပနေတဲ့ အချိန်ဆိုရင် တပတ်အတွင်း၊ လွှတ်တော် ကျင်းပချိန် မဟုတ်ရင် ၂၁ ရက်အတွင်း အရေးပေါ် အစည်းဝေး ခေါ်ယူ ဆုံးဖြတ်ရမှာဖြစ်ပေမဲ့ ဦးတင်အောင် မြင့်ဦးကို ဆေးခွင့်ပေးထားတယ်လို့ လုပ်ထားပြီး ဒီကိစ္စကိုခေါက်ထားတာ သတိပြုမိ ပါတယ်။
ဝန်ထမ်းတွေလစာ တိုးပေးရေးအဆိုတင်ပြီး သူ့ရဲ့ ပုံရိပ်ကောင်းအောင် ကြိုးစားခဲ့တဲ့ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်းကလည်း အစိုးရ ဝန်ထမ်းတွေနဲ့ ပြည်သူ့မေတ္တာ ရအောင် အားထုတ်နေပေမဲ့ ရှစ်လေးလုံး မျိုးဆက် ကျောင်းသားခေါင်းဆောင်တွေပြောတဲ့ ပြည်သူ လူထုတွေ အတွက် ဝန်ထုတ် ဝန်ပိုးဖြစ်စေတဲ့ ဥပဒေ တွေ ပြင်ဖို့၊ နိုင်ငံရေး သမားတွေ လှုပ်ရှား တက်ကြွသူတွေနဲ့ အစိုးရ အာဏာပိုင်တွေအကြား နားလည်မှု ပိုရ အောင် လုပ်ဆောင်နိုင်ဖို့ - ဆိုတဲ့ လက်တွေ့ပြုပြင်ပြောင်းလဲ ရမယ့် ကိစ္စတွေ အတွက်တော့ တက်တက်ကြွကြွ ပြောတာ တခါမှ မကြားရသေးပါဘူး။ ဇူလိုင်လ ၁ ရက်ကလည်း “ နိုင်ငံစီးပွားရေးက မကောင်းဘူး ဆိုတဲ့ သဘော ရှိကြောင်း၊ စီးပွားရေးမကောင်းတာ ဘယ်မှာအထိခိုက်ဆုံးဖြစ်သလဲဆိုတော့ အခြေခံလူတန်းစားတွေ ဖြစ်တဲ့ တောင်သူလယ်သမား၊ အလုပ်သမား၊ မွေးမြူရေးသမားတွေဖြစ်ကြောင်း ” အောက်ခြေလူထုအရေး အင်မတန် အလေးအနက်ထားသယောင် ပြောသွားပါတယ်။
ဗိုလ်ရွှေမန်းရဲ့ထုံးစံအတိုင်း အဖျားရှုးသွားတာ ကတော့ “ ကျွန်တော်တို့ ယခင် အစိုးရ လက်ထက်က ပါတီစုံ ဒီမို ကရေစီ နဲ့ ဈေးကွက် စီးပွားရေး စံနစ် တည်ဆောက်ဖို့ ပြည်သူများရဲ့ ဆန္ဒကို ဆောင်ရွက် ခဲ့တာဖြစ်ကြောင်း၊ ၂၀၀၈ ဖွဲ့စည်းပုံ အခြေခံ ဥပဒေမှာ ဒီပြဋ္ဌာန်းချက် ပါကြောင်း၊ ဒီမူဝါဒနဲ့အညီ နိုင်ငံသားများရဲ့ ရပိုင်ခွင့်၊ လုပ်ပိုင်ခွင့်တွေကို အဓိကထား ကာကွယ်နိုင်တဲ့ ဥပဒေမျိုးကို ဖေါ်ဆောင်ပေးမယ် ” ဆိုပြီးပြောတဲ့ အတွက် ဒီမိုကရေစီနဲ့ လူ့အခွင့် အရေး၊ တိုင်းရင်းသားတန်းတူရေး၊ နိုင်ငံရေး၊ စီးပွားရေး အခွင့်အရေးတွေ အတွက် ဘာအာမခံချက်မှ မရှိတဲ့ ၂၀၀၈ ဖွဲ့စည်းပုံကို ပြန်ကိုးကားနေတာပဲ ဖြစ်နေတာကို တွေ့ရပါတယ်။
ပြည်တွင်းငြိမ်းချမ်းရေးဖေါ်ဆောင်မှု လုပ်ငန်းကော်မတီ ဒု-ဥက္ကဋ္ဌ တာဝန် ယူတဲ့ ရထား ပို့ဆောင်ရေး ဝန်ကြီး ဦးအောင်မင်းကလည်း ၂၀၁၅ ခုနှစ် မတိုင်ခင် တိုင်းရင်းသားပေါင်းစုံ ပါဝင်တဲ့၊ နိုင်ငံရေး ပါတီများ၊ NGO များ ပါတဲ့ ညီလာခံကြီးခေါ်မယ့် အကြောင်း ပြောနေပေမဲ့ သမ္မတရဲ့- အပစ်အခတ်ရပ်၊ လက်နက်အပ်၊ ပါတီထောင်၊ ရွေးကောက်ပွဲဝင်၊ လွှတ်တော်ထဲရောက်ရင် နိုင်ငံရေးဆွေးနွေး ဆိုတဲ့ အဆင့်တွေကို သိထားကြတဲ့ နိုင်ငံရေး အင်အားစုတွေ၊ တိုင်းရင်းသား လက်နက်ကိုင် အင်အားစုတွေ အတွက် အစိုးရ တာဝန်ရှိသူတွေက ဘာကို ကိုယ် စားပြုပြီး တာဝန်ခံမှုရှိရှိ ပြောနေတာလဲ ဆိုတာကို မေးခွန်းထုတ်စရာတွေ ရှိလာပါတယ်။ ဗိုလ်ချုပ် ဟောင်း များ စစ်ရာထူးစွန့်ပြီး နိုင်ငံရေးအာဏာ ဆက်ယူထားကြပေမဲ့ နိုင်ငံရေး၊ စီးပွားရေး၊ ငြိမ်းချမ်းရေးနဲ့ ဖွံ့ဖြိုးရေး ကဏ္ဍ အသီးသီးမှာ ဖရိုဖရဲ စီမံခန့်ခွဲမှုတွေနဲ့သာ လုံးချာ လိုက်နေပြီး ဦးနင်းပဲ့ထောင်၊ ပဲ့နင်းဦးထောင် ကမောက် ကမ အခြေအနေတွေသာ ဖြစ်လို့နေပါတော့တယ်။
တကယ့်တကယ်တော့ ခေါက်ရိုးကျိုးနေတဲ့ မုသာဝါဒတွေနဲ့ နပမ်းလုံးနေဆဲ ရှိနေတုန်းပါ။
မင်းဝဏ်
Monday, July 2, 2012
ပြည်တွင်းငြိမ်းချမ်းရေးနှင့် တပ်မတော် (၅)
ဇန္နဝါရီလ ၂ ရက် ၂၀၁၂
မာန်လက်
ပြည်သူကို ဗဟိုပြုပါဆိုတဲ့ သမ္မတ စကားရဲ့ နောက်ကွယ်မှာ…
တိုင်းရင်းသားလက်နက်ကိုင် အဖွဲ့အစည်းတွေနဲ့ ငြိမ်းချမ်းရေး ဆွေးနွေးဆောင်ရွက်ဖို့ ပြည်ထောင်စု ငြိမ်းချမ်းရေး ဖော်ဆောင် ရေး ဗဟို ကော်မတီနဲ့ လုပ်ငန်းကော်မတီကို ကြံ့ဖွတ် အစိုးရသစ်က မေ(၃)ရက် နေ့မှာ ဖွဲ့စည်း လိုက်ပြီး မေ (၁၁) ရက် နိုင်ငံ တော် သမ္မတရုံး အစည်းအဝေးမှာ ဗဟိုကော်မတီ ဥက္ကဋ္ဌ သမ္မတကြီး ဦးသိန်းစိန်က ဒုတိယ အဆင့် မဟာ ဗျူဟာပြုပြင်ပြောင်း လဲမှု အဖြစ် ပြည်သူဗဟိုပြု ဖွံ့ဖြိုးရေး၊ လူမှုစီးပွားဘ၀ တိုးတက် မြင့်မားစေရေး တို့ကို သက်ဆိုင်ရာ တိုင်းဒေသ၊ ပြည်နယ် ဒေသ၊ နယ်မြေဒေသ အလိုက် အဆင့်ဆင့် အကောင်အထည်ဖော် ကြိုးပမ်း သွားကြဖို့ လမ်းညွှန် မှာကြား သွားခဲ့သလို ဒု-သမ္မတ ဒေါက်တာ စိုင်းမောက်ခမ်း ကလည်း ဒေသဖွံ့ဖြိုးရေး၊ ဆင်းရဲမှုလျှော့ချရေး၊ လူ့စွမ်းအား အရင်းအမြစ် ဖွံ့ဖြိုးရေးဆိုင် ရာတွေကို ရှင်းလင်းဆွေးနွေး ပြောကြား ခဲ့ပါတယ်။
ကြားသိရတာတွေကတော့ တကယ့်ကို အနှစ်သာရတွေချည်း ပါပဲ။ သမ္မတ ကြီးက ပြည်သူ ဗဟိုပြုရမယ်၊ ပြည်သူ အသံ၊ ပြည်သူ့ ဆန္ဒတွေကို မိဘသဖွယ် တလေးတစား နားထောင်ပြီး ပြည်သူတွေရဲ့ လူမှုစီးပွားဘ၀ တိုးတက်မြင့်မားဖို့ လုပ်ဆောင်ရ မယ်။ အပြောင်းအလဲ မလုပ်ချင်တဲ့သူတွေကို ချန်ထားရစ်ရမယ်။ တခါ ဒု-သမ္မတကြီး ဒေါက်တာစိုင်းမောက်ခမ်း ကလည်း ပြည်သူတွေရဲ့ ဆင်းရဲမွေတေမှု လျှော့ချရေးကို လုပ်ရမယ်၊ လူ့စွမ်းအားအရင်းအမြစ်တွေ ဖွံ့ဖြိုးတိုးတက်စေဖို့ လုပ်ငန်းကိုင် ငန်းတွေ ဖန်တီးပေးရမယ်၊ ဆိုတော့ သန်း ၆၀သော တိုင်းရင်းသားပြည်သူတွေကတော့ သမ္မတကြီးတို့ရဲ့ ပြောစကားတွေ ကို ကြားသိရရုံနဲ့ ၀မ်းမြောက်မျှော်လင့်ကြမှာပါ။
နိုင်ငံတော်သမ္မတကြီးတို့ ကျန်းမာပါစေ၊ အသက်ရှည်ပါစေလို့ ၀မ်းပမ်းတသာ ဆုတောင်းပေးရင်းနဲ့ သူတို့ဘ၀တွေတော့ ဒီတခါ တကယ်တိုးတက်တော့မယ်၊ မြင့်မားတော့မယ်၊ သားသမီးတွေရဲ့ ပညာရေးနဲ့ မိသားစု ကျန်းမာရေး စောင့်ရှောက်မှု တွေလည်း ကောင်းလာတော့မယ် ဆိုပြီး မယုံကြည်ရဲလောက်အောင် တအံ့တဩ ဖြစ်နေမိကြတာပေါ့။ ဟိုအရင်လို မဟုတ် တန်ကောင်းပါဘူး။ ဟိုတခါလိုမျိုး မဖြစ်တော့ပါဘူးပေါ့။ ဒီတခါတော့ တကယ်ဖြစ်မှာပါ ဆိုတာမျိုး…
ဒါပေမဲ့ ဒီလို အံ့ဩလို့မှ မဆုံးသေးခင် ပြည်သူပြည်သားတွေရဲ့ လယ်ယာ ဥယျာဉ် ခြံမြေတွေကို ကိုလိုနီခေတ် ချစ်တီး ကုလား တွေလုပ်သလို ဗမာတပြည်လုံး အနှံ့ အတင်းအကျပ် နသားပါရား လိုက်လံ သိမ်းပိုက်နေတာ သမ္မတကြီး ဦးသိန်းစိန် အစိုးရသစ် လက်ထက်မှာ ပိုလို့ တိုးပွား များပြား လာနေတာကြောင့် မိန့်ခွန်းပါပြောကြားချက်တွေနဲ့ လုံးလုံး ပြောင်းပြန်ဖြစ်နေ တာမို့ ပြည်သူလူထု တရပ်လုံးက မျက်ကလူး ဆန်ပြာ တောင်ကြည့်မြောက်ကြည့် ဖြစ်နေကြပါတယ်။
ဒါ့ပြင် သမ္မတကြီး ဦးသိန်းစိန် အစိုးရ တက်လာပြီးနောက်ပိုင်း အလုပ်သမား ရပိုင်ခွင့် အခွင့်အရေး လှုပ်ရှားမှု ဆန္ဒပြပွဲတွေ ကလည်း ခပ်စိပ်စိပ် ဖြစ်ပေါ် လာနေသလို ပြည်သူလူထုတွေရဲ့ အနိမ့်ဆုံး အခြေခံ လိုအပ်ချက်ဖြစ်တဲ့ မီး-ရေ မရရှိလို့ ငြိမ်း ငြိမ်းချမ်းချမ်း ဆန္ဒပြ ထုတ်ဖော်သံတွေ ဟာလည်း နေ့ရောညပါ ကျယ်လောင် ထွက်ပေါ် လာနေပါတယ်။
ဒီလိုအခြေအနေအောက်မှာကို အစိုးရလက်နက်ကိုင် ရဲဝန်ထမ်းတွေက တရား လက်လွှတ် ရပ်ကွက်ကျေးရွာတွေထိဝင်ပြီး မင်းမဲ့စရိုက်ဆန်ဆန် ပြည်သူလူထုကို အုပ်လိုက်သင်းလိုက် ရိုက်နှက်ထိုးကြိတ် အနိုင်ကျင့်နေတာတွေက ပြည်သူတွေရဲ့ နေ့တဓူဝ ခံစားနေရတဲ့ လက်တွေ့ပကတိ အခြေအနေတွေပါပဲ။
ဒါတင်မက တောင်ပေါ်ဒေသဘက်မှာလည်း သေနတ်သံတွေက အုန်းအုန်းဒိုင်းဒိုင်း ကြားနေရပြန်တော့ သမ္မတကြီး တို့ရဲ့ ပြည်တွင်းငြိမ်းချမ်းရေး၊ ထာဝရငြိမ်းချမ်းရေး ဆိုတဲ့အပေါ် နားလည်ယုံကြည်ဖို့ အတော်လေး ခဲယဉ်းနေသေး သလို ပြည် ထောင်စု ငြိမ်းချမ်းရေးဖော်ဆောင်ရေး အဖွဲ့က မီဒီယာတွေမှာ ပြောဟောနေတဲ့ တိုင်းရင်းသား လက်နက်ကိုင်အဖွဲ့ ၁၀-ဖွဲ့နဲ့ ပြည်ထောင်စုအဆင့် အပစ်ခတ်ရပ်စဲရေး ပဏာမ သဘောတူလက်မှတ် ရေးထိုးထားပြီးပါပြီ ဆိုတာကလည်း အပစ်အခတ် ရပ်စဲရုံဖြစ်နေပြီး ခိုင်မာရေရာတဲ့ ရလဒ်ရယ်လို့ မဆိုနိုင်သေးပါဘူး။
အသစ်ပြန်လည်ဖွဲ့စည်းလိုက်တဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌနဲ့ ဒု-ကာကွယ်ရေး ဦးစီးချုပ် ဗိုလ်ချုပ်ကြီးစိုးဝင်း ဦးဆောင်တဲ့ ပြည်ထောင်စု ငြိမ်းချမ်းရေးကိုယ်စားလှယ်အဖွဲ့ဟာ ပြီးခဲ့တဲ့ မေ(၁၉)ရက်နေ့က ရှမ်းပြည်တပ်မတော်-တောင်ပိုင်း ငြိမ်းချမ်းရေးကိုယ်စားလှယ် အဖွဲ့ခေါင်းဆောင်လည်းဖြစ် ရှမ်းပြည် ပြန်လည် ထူထောင်ရေး ကောင်စီ ဥက္ကဋ္ဌလည်းဖြစ်တဲ့ ဒု-ဗိုလ်ချုပ်ကြီးစ၀်ယွက်စစ် ဦးဆောင်တဲ့ ငြိမ်းချမ်းရေးကိုယ်စားလှယ်အဖွဲ့နဲ့ ရှမ်းပြည်တောင် ပိုင်း-ကျိုင်းတုံမြို့မှာ (၁၀)နာရီကျော်ကြာ တွေ့ဆုံဆွေးနွေးပြီးတဲ့နောက် အချက် ၁၂-ချက် သဘောတူလက်မှတ် ထိုးခဲ့ကြပြီး လာမယ့်ဂျူလိုင်လမှာ ထပ်မံတွေ့ဆုံကြမယ်လို့ မီဒီယာကတဆင့် ကြားရပေမဲ့ တဘက်မှာတော့ ကချင်လွတ်မြောက်ရေး တပ်မတော်နဲ့ တနေ့တခြား စစ်ရေးအရှိန်မြင့်လာနေတာက တိုင်းပြည်မှာ ပြည်တွင်းစစ် ဖြစ်နေတုန်းပဲဆိုတာ ဘယ်လိုမှ ဖုံးကွယ်လို့မရနိုင်ပါဘူး။ ကျွဲကူးရေပါဆိုသလို ဒုက္ခသည်ဝန်ထုပ်ဝန်ပိုးကလည်း အဆမတန် ကြီးလာနေပါတယ်။
စုစုပေါင်းလူဦးရေ သန်း ၆၀ရဲ့ သုံးပုံတပုံဟာ တိုင်းရင်းသားလူနည်းစုတွေဖြစ်ကြပြီး အများစုဖြစ်တဲ့ ဗမာတိုင်းရင်းသားက လူနည်းစုဖြစ်တဲ့ တိုင်းရင်းသားတွေအပေါ် လွှမ်းမိုးချုပ်ကိုင်ထားတာကိုလည်း မနှစ်မြို့ကြတဲ့အတွက် ခုခံကာကွယ်စစ်ကို ဆင်နွှဲရင်း ကိုယ်ပိုင်ပြဋ္ဌာန်းခွင့် ရရှိရေးအတွက်ပါ လက်နက်ကိုင်တိုက်ပွဲဝင်နေခဲ့တာ အခုဆိုရင် နှစ်ပေါင်း ၆၀ကျော် ပြည် တွင်းစစ်က သက်သေ ထူနေပါတယ်။ ပြည်တွင်းစစ် မရပ်စဲသရွေ့ ငြိမ်းချမ်းရေး မဖြစ်ပေါ်နိုင်သလို ထာဝရငြိမ်းချမ်းရေး ဆို တာလည်း မရှိနိုင်ပါဘူး၊ အပစ်အခတ် ရပ်စဲရုံသက်သက်မျှနဲ့ ငြိမ်းချမ်းရေးဆိုတာကို စိတ်ကူးယဉ်လို့ လက်တွေ့မကျပါဘူး။ တဖွဲ့နဲ့တော့ အပစ်အခတ်ရပ်စဲလိုက်ပြီ၊ သဘောတူလက်မှတ်ထိုးလိုက်ပြီ၊ အခြားတဖွဲ့နဲ့တော့ တိုက်ပွဲတွေရှိနေတုန်းပဲ ဆိုရင် တော့ ဘာမှအဓိပ္ပါယ်ရှိလိမ့်မယ် မဟုတ် ပါဘူး။
အမှန်တကယ် ပြည်တွင်းငြိမ်းချမ်းရေးကို ဖြစ်ပေါ်ချင်ရင် တတိုင်းပြည်လုံး အပစ်အခတ်ရပ်စဲဖို့နဲ့ နိုင်ငံရေးအကျဉ်းသား အားလုံးကို ချွင်းချက်မရှိ ချက်ချင်း လွှတ်ပေးဖို့က အလျင်စလို လုပ်ရမယ့်ကိစ္စ ဖြစ်ပါတယ်။ ဒီလိုမှမဟုတ်ဘဲ နိုင်ငံရေး အကျဉ်းသားတွေကို ဓါးစာခံသဘောမျိုး အပေးအယူလုပ် လွှတ်ပေးတာမျိုးဆိုရင်တော့ စစ်မှန်တဲ့ ငြိမ်းချမ်းရေးဖြစ်လာစရာ အကြောင်းမရှိပါဘူး။ ဒါ့ပြင် တိုင်းရင်းသား အားလုံးနဲ့လည်း စစ်မှန်တဲ့ နိုင်ငံရေးတွေ့ဆုံ ဆွေးနွေးပွဲတွေကို မဖြစ်မနေ ဦးသိန်း စိန်အစိုးရက လက်တွေ့ကျကျ အကောင် အထည်ဖော် ဆောင်ရွက် သွားရပါလိမ့်မယ်။
ဒါကြောင့် သဘာဝသယံဇာတ အရင်းအမြစ်တွေ ပေါများကြွယ်ဝလှတဲ့ တိုင်းပြည်၊ တိုင်းရင်းသားလူမျိုးပေါင်းစုံရဲ့ ရိုးရာယဉ် ကျေးမှု သဘာဝအလှအပတွေ ၀န်းရံပြည့်ဖြိုးတဲ့ ဗမာပြည်ကြီးအဖြစ် အရှေ့တောင် အာရှမှာ ပြန်လည် စန်းပွင့် လာဖို့ကတော့ ပြည်တွင်းစစ် ရပ်စဲဖို့နဲ့ တိုင်းရင်းသားသွေးစည်း ညီညွတ်ရေးကို တပ်မတော် တရပ်လုံးက လိုလိုလားလား ပူးပေါင်းလုပ် ဆောင်မှသာ နိုင်ငံတော် သမ္မတကြီးတို့ ပြည်ထောင်စု ငြိမ်းချမ်းရေးဖော်ဆောင်ရေး အဖွဲ့သစ်က ကြိုးပမ်းနေတဲ့ ထာဝရ ငြိမ်းချမ်းရေး ဆီကို တက်လှမ်းရောက်ရှိမှာဖြစ်ပါကြောင်း။
မာန်လက်
Friday, June 29, 2012
ပြည်တွင်းငြိမ်းချမ်းရေးနှင့် တပ်မတော် (၄)
ဇွန်လ ၂၈ ရက် ၂၀၁၂
မာန်လက်
နိုင်ငံတော်သမ္မတရဲ့ နားဝင်ပီယံမိန့်ခွန်းနဲ့ လက်တွေ့ဖြစ်ရပ်များ
မေလ(၁၁)ရက် နိုင်ငံတော်သမ္မတရုံး အစည်းအဝေးမှာ ပြောကြားတဲ့ သမ္မတ ဦးသိန်းစိန် ရဲ့ နားဝင်ပီယံ မိန့်ခွန်းဟာ တိုင်း ပြည်ရဲ့ လက်တွေ့ အခြေအနေ ဖြစ်ရပ်တွေကို မီးမောင်း ထိုးပြနေသလားလို့။
သမ္မတ ဦးသိန်းစိန်က အစိုးရသစ် သက်တမ်း အတွင်း တိုင်းရင်းသား လက်နက်ကိုင် အားလုံးနဲ့ ထာဝရ ငြိမ်းချမ်းရေး ရရှိဖြစ် ပေါ်တဲ့အထိ လုပ်ဆောင် သွားဖို့ ရည်ရွယ်ပြီး ပြည်ထောင်စု ငြိမ်းချမ်းရေး ဖော် ဆောင်ရေး ဗဟိုကော်မတီနဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ အဖွဲ့သစ် ကို အခုလ မေ ၃-ရက် က ဖွဲ့စည်း လိုက်ပါတယ်။ ဒီနေရာမှာ အစိုးရ သက်တမ်း မကုန်ခင် အတွင်း ဆိုတော့ သက်တမ်း ကုန်ဆုံး သွားရင်တော့ မီးစင်ကြည့်က ဆိုတာမျိုးလားလို့ မေးစရာ ပေါ် လာရပါတယ်။ ဘာကြောင့်ဆို အရင်ပြည်ထောင်စု အဆင့် ငြိမ်းချမ်းရေးဖော်ဆောင်မှု အဖွဲ့ခေါင်းဆောင် တဦးက အင်တာ ဗျူးတခုမှာ ဒီလိုမျိုး ကိစ္စအတွက် အနည်းဆုံး ၃-နှစ်လောက် ကြာဦးမယ် ဆိုတာမျိုး ပြောဆိုသွားဖူး သလို အစိုးရသက် တမ်းကလည်း ၃-နှစ်သာ ကျန်တော့တာ မို့ပါ။
ဦးသိန်းစိန် ဥက္ကဋ္ဌအဖြစ် ဆောင်ရွက်မယ့် ပြည်ထောင်စု ငြိမ်းချမ်းရေးဖော်ဆောင်ရေး ဗဟိုကော်မတီကို အဖွဲ့ဝင် ၁၂-ဦးနဲ့ ဖွဲ့စည်းလိုက်ပြီး လုပ်ငန်းကော်မတီ ကိုတော့ ဥက္ကဋ္ဌအဖြစ် ဒု-သမ္မတ ဒေါက်တာစိုင်း မောက်ခမ်းနဲ့ ဒု-ဥက္ကဋ္ဌ ကိုတော့ ဒု-ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်းတို့က ဦးဆောင်ပြီး အဖွဲ့ ၀င် စုစုပေါင်း (၅၂) ဦးနဲ့ အင်ပြည့် အားပြည့် ဖွဲ့စည်းလိုက် တာမို့ ၂၀၀၈ ဖွဲ့စည်းပုံ အခြေခံ ဥပဒေအရ အထူး အာဏာ အပ်နှင်း ရရှိထားတဲ့ အမျိုးသား ကာကွယ်ရေးနဲ့ လုံခြုံရေးကောင် စီအတွက် လုပ်ကွက် ဘောင်ပိုကျယ် ပိုတောင့်တင်း သွားတယ်လို့ မှတ်ချက်ပြုနိုင်မယ် ထင်ပါတယ်။
တဖက်မှာလည်း မေလ(၁၁)ရက် သောကြာနေ့မနက် နိုင်ငံတော်သမ္မတရုံးမှာ ပြုလုပ်တဲ့ လုပ်ငန်း ညှိ နှိုင်း အစည်းအဝေး မှာ သမ္မတဦးသိန်းစိန်က ပြည်သူဗဟိုပြုဖွံ့ဖြိုးရေးအတွက် ဒုတိယအဆင့် မဟာ ဗျူ ဟာ ရေးဆွဲကာ ပြုပြင်ပြောင်းလဲမှုတွေ လုပ်သွားဖို့၊ ပြည်သူ့ အကျိုးစီးပွား အတွက် ပြည်သူတွေကို မိဘသဖွယ် ကူညီစောင့်ရှောက်ဖို့၊ လာဘ်ပေး လဘ်ယူမှုတွေ၊ အဂတိ လိုက်စားမှုတွေ၊ ဆက်ဆံရေး မပြေပြစ်မှုတွေကို ရှောင်ရှားကြဖို့ ကြပ်မတ်ကြိုးပမ်း ဆောင်ရွက်သွားကြဖို့ မိန့်ခွန်း ရှည်ကြီးကို ပြောသွားတဲ့ အပြင် ငြိမ်းချမ်းရေး ဆွေးနွေး သဘောတူပြီးတဲ့ တိုင်းရင်းသား အဖွဲ့အစည်းတွေ အတွက် အလုပ် အကိုင် အခွင့်အလမ်း ရရှိရေး အတွက် စိုက်ပျိုးရေး၊ မွေးမြူရေးနဲ့ လူ့စွမ်းအား အရင်းအမြစ် ဖွံ့ဖြိုးရေး လုပ်ငန်းတွေကို ၀ိုင်း ၀န်းကူညီ ဆောင်ရွက်ပေးကြဖို့လည်း လမ်းညွှန် မှာကြား သွားပါတယ်။
နိုင်ငံတော်သမ္မတကြီးရဲ့ မိန့်ခွန်းအတိုင်း တကယ် ဖြစ်လာရင်တော့ တိုင်းရင်း သားပြည်သူ တရပ်လုံးက သမ္မတကို ကောင်း ချီး ဩဘာပေးသံ ပေးပါ လိမ့်မယ်။
ဒါပေမဲ့ လက်တွေ့မှာက တတိုင်းပြည်လုံး အနှံ့ အပြားမှာ လယ်သိမ်းမြေသိမ်း၊ အတင်း အဓမ္မ မောင်းထုတ် ဖယ်ခိုင်း တာတွေ၊ ပြည်သူပိုင် မြေယာတွေကို စစ်တပ်ပိုင်မြေအဖြစ် အတင်းဝင် ပန္နက်ရိုက်တာ တွေ၊ အာဏာပိုင်တွေက ပြည်သူတွေကို ကိုယ်ထိ လက်ရောက် ရိုက်နှက်ထိုးကြိတ် ကန်ကျောက် တာတွေ၊ အစရှိတဲ့ လူ့အခွင့်အရေး ချိုးဖောက်မှုတွေ ကတော့ အစိုးရသစ် သက်တမ်း ၁-နှစ်ပြည့် အတွင်းမှာကို အမှုပေါင်း (၄၁၅)မှုအထိ ဖြစ်ပွားနေဆဲ ဖြစ်တဲ့အပြင် ကိုဖြိုးဝေအောင် အပေါ် မမျှတတဲ့ သေဒဏ် အပြစ်ပေး လိုက်တာတွေက တရားရေး မဏ္ဍိုင် ပြိုလဲပျက် သုဉ်းနေတယ်ဆိုတာကို အထင် အရှား သက်သေ ခံနေပါတယ်။ ဒါ့ပြင် နိုင်ငံရေး အကျဉ်းသား ရာဂဏန်းကျော် အကျဉ်းထောင် အသီး သီးမှာ ရှိနေသေးတာ ကလည်း တရားဥပဒေ စိုးမိုးရေးပိုင်း လုံးဝ ချွတ်ခြုံကျနေတာရဲ့ ပုံရိပ်ပါပဲ။
ပြည်တွင်းငြိမ်းချမ်းရေးနဲ့ ပတ်သက်ရင်လည်း ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFCရဲ့ အခု မေလ ၁၀-ရက်နေ့က ထုတ်ပြန် တဲ့ ကြေညာချက်မှာ ၂၀၁၁ ခုနှစ် ဇွန်လ ၁၁-ရက်နေ့က အစိုးရနဲ့ KIOအကြား ပြန်လည် ဖြစ်ပွားခဲ့တဲ့ တိုက်ပွဲတွေ ၁-နှစ်ပြည့်မယ့် အခုဇွန်လ ၁၀-ရက်နေ့မှာ အစိုးရဘက်က ထိုးစစ်တွေ ရပ်ပေးဖို့နဲ့ မရပ်ခဲ့ရင် ပဏာမ သဘောတူထားသော အပစ် အခတ် ရပ်စဲရေး အပါအဝင် ငြိမ်းချမ်းရေးရှေ့လုပ်ငန်း စဉ်တွေအပေါ် UNFCအဖွဲ့ဝင်တွေ အနေနဲ့ အလေးအနက် ပြန်သုံးသပ်သွားမယ်လို့ ဖော်ပြထားပါတယ်။
တိုင်းရင်းသားဒေသတွေအတွင်း ထိုးစစ်တွေ ရပ်တန့် ထားဖို့ နိုင်ငံတော် သမ္မတက ကာကွယ်ရေး ဦးစီးချုပ်ရုံးကို ၂၀၁၁-ခုနှစ် ဒီဇင်္ဘာလ ၁၀-ရက်နေ့က ညွှန်ကြား ထားပေမဲ့ ကာချုပ်က မလိုက်နာတဲ့ အပြင် စစ်ရေး အရှိန် ပိုတိုးမြှင့် လာတာကြောင့် စစ်ပြေးဒုက္ခသည် အရေအတွက် ၆သောင်းကျော် ၇သောင်း လောက်ထိ တိုးများ လာပါတယ်။ တပ်မတော် ဖက်ကလည်း သေကြေ ဒဏ်ရာ ရသူ ထောင်ဂဏန်းထိရှိ လာနေတဲ့အပြင် ဒီစစ်ပွဲကို ဆက်မတိုက်လိုတော့တဲ့ အမိန့်မနာခံတော့တဲ့ တပ် ရင်းမှူးတွေကိုတောင် စစ်ခုံရုံးတင်ပြီးထောင်ချပစ်ရတဲ့ အခြေ အနေတွ တပ်မတော်တွင်းမှာ ဆိုးဆိုးဝါးဝါး ဖြစ်လာနေ ပါတယ်။
ဒါ့ပြင် အစိုးရတပ်ရဲ့ ထိုးစစ်ရည်ရွယ်ချက် ကလည်း ရှမ်းပြည်မြောက်ပိုင်းနဲ့ ကချင်ပြည်နယ် အတွင်း လာ ရောက် ရင်း နှီးမြှုပ်မယ့် တရုတ် စီးပွားရေး ကုမ္ပဏီကြီးတွေကို အကာအကွယ်ပေးဖို့ သက်သက်နဲ့ ယင်း အပေါ်က ရလာမယ့် နိုင်ငံခြား အကျိုးစီးပွားကို ဗိုလ်ချုပ်ကြီး မိသားစုတွေ ခွဲဝေယူနိုင်ဖို့ပဲ ဖြစ်ပါတယ်။ အခုလို ပြင်းထန်တဲ့ ထိုးစစ်ကြီးတွေနဲ့ တိုင်းရင်းသား ညီအကိုအချင်းချင်း သတ်ဖြတ်နေတဲ့ အပေါ် UNFC က ဆန့်ကျင် ကန့်ကွက်ကြောင်းကိုလည်း ကြေညာချက်မှာ ထည့်သွင်း ဖော်ပြထားသလို အမှန် တကယ်လည်း တိုင်းရင်းသားသွေးစည်း ချစ်ကြည်ရေး၊ ပြည်တွင်း ငြိမ်းချမ်းရေးကို ဆုံးရှုံး ပျက်စီးစေ တဲ့ လုပ်ရပ်မျိုးဖြစ်ပါတယ်။
ချုပ်ရရင် မေလ(၁၁)ရက်နေ့ နိုင်ငံတော် သမ္မတရုံး အစည်းအဝေးမှာ နိုင်ငံတော် သမ္မတကြီးနဲ့ ပြည် ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီ ဥက္ကဋ္ဌလည်းဖြစ်တဲ့ ဦးသိန်းစိန် ပြောကြားခဲ့တဲ့ မိန့်ခွန်းက တိုင်းပြည် ဘက်ပေါင်းစုံ ပြန်လည် တည်ငြိမ်အေးချမ်း လာစေရေး ကြိုးပမ်းချက်ဖြစ်ပေမဲ့ တိုင်းရင်းသားဒေသတွေက ထိုးစစ်တွေ အမှန်တကယ် ရပ်စဲသွားဖို့နဲ့ နိုင်ငံရေး အကျဉ်းသားအားလုံး မလွတ်မြောက်သေးဘဲနဲ့တော့ ပြည်တွင်း ငြိမ်းချမ်းရေးနဲ့ အမျိုးသားပြန်လည် ရင်ကြားစေ့ရေး ဆိုတာ တွေဟာ မစားရ ၀ခမန်း လေလုံး ထွားနေတာသာ ဖြစ်ပါလိမ့်မယ်။
မာန်လက်
Wednesday, June 27, 2012
ကြွေးကြော်သံတွေကို အမှန်တကယ် အကောင်အထည်ဖေါ်နိုင် ပါ့မလား
မင်းဝဏ်
ဇွန်လ ၂၇ ရက် ၂၀၁၂
ရခိုင်ပြည်နယ်မှာဖြစ်ပွားခဲ့တဲ့ပဋိပက္ခတွေကြောင့် ဒုက္ခရောက်ရ သူတွေ အတွက် ဖွင့်လှစ်ထားတဲ့ ဒုက္ခသည် စခန်း ၆၆ ခု ရှိနေပြီး လူဦးရေ ၅၂,၀၀၀ ခိုလှုံနေတယ် လို့ အစိုးရ မီဒီယာတွေက ဖေါ်ပြနေပေမယ့် ဒုက္ခသည် အရေး လက်တွေ့ ကူညီဆောင်ရွက်ပေးနေတဲ့ လူမှုရေး အဖွဲ့တွေ ကတော့ ဒုက္ခသည် ရှစ်သောင်းကျော် ရှိပြီး စားနပ် ရိက္ခာ၊ အမိုးအကာနဲ့ ကျန်းမာရေးပြဿနာတွေ ကြုံတွေ့နေရတယ်လို့ ဆိုပါတယ်။ စက်ရုံ၊ အလုပ်ရုံ တွေက အလုပ်သမား ဆန္ဒပြပွဲတွေ ဆက်တိုက်ဖြစ်ပေါ် နေဆဲဖြစ်ပြီး လယ်မြေ အသိမ်းခံရတဲ့ တောင်သူ လယ်သမားတွေနဲ့ ကုမ္ပဏီတွေကြားက ပြဿနာတွေကလည်း တနိုင်ငံလုံးအနှံ့ ပေါ်ပေါက်နေဆဲဖြစ်ပါတယ်။ ဇွန်လဆန်းက စပြီး စာပေ စိစစ်ရေး ဖျက်သိမ်းပြီ ဆိုပေမယ့် သတ္တု တွင်း ဝန်ကြီးဌာနက The Voice Weekly ဂျာနယ်ကို တရားစွဲတာက စပြီး အခု ဇွန်လကုန် ပိုင်းမှာ ရန်ကုန်တိုင်း ဒေသကြီး အစိုးရအဖွဲ့က လျှပ်တပြက် ဂျာနယ်ကို တရားစွဲတဲ့ ကိစ္စွရှိလာတဲ့အတွက် အစိုးရ အုပ်ချုပ်ရေး အာဏာပိုင်တွေရဲ့ မီဒီယာတွေ အပေါ် ထားတဲ့ သဘောထား တင်းမာမှုတွေ ကလည်း အာဏာနဲ့ ပတ်သက်လာရင် ကြံ့ဖွံ့ အစိုးရဟာ စစ်အာဏာရှင် စံနစ် တုန်းက လိုပါပဲလို့ ဝေဖန်ထောက်ပြမှုတွေ ရှိနေပါတယ်။
- ဇူလိုင်လ ၄ ရက်မှာပြန်လည်ကျင်းပမယ့် ပထမအကြိမ်လွှတ်တော် စတုတ္ထ အကြိမ် ပုံမှန်အစည်း အဝေး တွေမှာ ဆွေးနွေးသွားမယ့် ဥပဒေကြမ်းတွေ ထဲမှာ “ အဂတိ လိုက်စားမှု တားမြစ်ရေး ဥပဒေကြမ်း ” လည်းပါဝင်မှာ ဖြစ်ပါတယ်။ ပြည်သူ့ လွှတ်တော် ကိုယ်စားလှယ် ရှေ့နေ ဦးသိန်းညွန့်က “ အဂတိလိုက်စားမှုနဲ့ပတ် သက်တဲ့ ဥပဒေတွေ၊ နည်းဥပဒေတွေ၊ ပြစ်မှုပြစ်ဒဏ်တွေ ရှိပြီးဖြစ်ပေမယ့် အဲဒါတွေနဲ့ မလုံလောက်တော့တဲ့ အတွက် လာမယ့် လွှတ်တော် အစည်းအဝေးမှာ အဂတိ လိုက်စားမှု တားမြစ်ရေး ဥပဒေကြမ်းကို တင်မယ်၊ ဌာန ဆိုင်ရာ အကြီးအကဲ တစ်ယောက် ပုံမှန်ထက် ပိုချမ်းသာလာတယ်၊ ပစ္စည်းဥစ္စာတွေပေါများ လာတယ် ဆိုရင် ဘယ်လို နည်းနဲ့ ချမ်းသာလာတယ် ဆိုတာ ပြန်ရှင်းပြရမယ့် အချက်တွေပါမယ်၊ လူတစ်ယောက် အဂတိ လိုက်စားလို့ တိုင်ကြားတဲ့ အခါ တိုင်ကြားတဲ့ သူကိုပြန်ပြီး အကာအကွယ်ပေးရမယ့် အချက်တွေ ထည့်သွင်းရေးဆွဲ ထားတယ် ” ဆိုပြီး Weekly Eleven ဂျာနယ်မှာ ရှင်းပြ ထားတာကို တွေ့ရှိရပါတယ်။
- နအဖ စစ်အစိုးရဆီကနေ အုပ်ချုပ်ရေးအာဏာ အမွေ လွှဲပြောင်း ရယူလိုက်တဲ့ ကြံ့ဖွံ့အစိုးရ ကိုယ်စား သမ္မတ ဦးသိန်းစိန်က သူ့ရဲ့ ပွဲဦးထွက် မိန့်ခွန်းမှာ သန့်ရှင်းသော အစိုးရ၊ ကောင်းမွန်သော အုပ်ချုပ်ရေး- ကိုပြောခဲ့ပြီး တိုင်းပြည် အတွက် အလျဉ်း သင့်သလိုပြောကြားတဲ့ မိန့်ခွန်း တိုင်းမှာ အဂတိ လိုက်စားမှု တိုက်ဖျက်ရေး (Anti-corruption) ကိုလည်း သန့်ရှင်းသော အစိုးရ Clean Government ကောင်းမွန်သော အုပ်ချုပ်ရေး Good Governance နဲ့တွဲပြီး ရေပက်မဝင်ပြောတတ်သူ အဖြစ် မြင်တွေ့ရမှာဖြစ်ပါတယ်။ နိုင်ငံတော် ဖွံ့ဖြိုး တိုးတက်မှု အတွက် ပြုပြင်ပြောင်းလဲရေး မဟာဗျူဟာ ဒုတိယအဆင့် အတွက် အရှိန်အဟုန်နဲ့ အလုပ် လုပ်ကြဖို့ အစိုးရအဖွဲ့ ဝန်ကြီးများ၊ တိုင်းဒေသကြီးနဲ့ပြည်နယ် ဝန်ကြီးချုပ်များ၊ ကိုယ်ပိုင် အုပ်ချုပ်ခွင့်ရ တိုင်းနဲ့ဒေသ ဥက္ကဌတွေကို မေ လ ၁၁ ရက်နေ့က မှာကြားခဲ့ရာ မှာလည်း အဂတိ လိုက်စားမှုကိစ္စက အရေးကြီး ကိစ္စ တရပ်ဖြစ်နေတာကို တွေ့ရပါတယ်။
- ပြည်သူ့လွှတ်တော်ဥက္ကဌ သူရဦးရွှေမန်းကလည်း “ သန့်ရှင်းသော အစိုးရ၊ ကောင်းမွန်သော အုပ်ချုပ်ရေး ဖြစ် လာစေဖို့ နိုင်ငံ ဝန်ထမ်းများရဲ့လုပ်ခ လစာ စရိတ်နဲ့ ချီးမြှင့်ငွေတွေ တိုးပေးဖို့၊ တဖက်က အခွင့်အရေးနဲ့ သက်သာ ချောင်ချိရေး၊ အခြားတဖက်က စည်းကမ်းနဲ့ ဥပဒေ အပြန်အလှန် ထိန်းကျောင်းခြင်း အားဖြင့် သန့်ရှင်း လာမှာဖြစ် ပြီး သန့်ရှင်းတဲ့ အစိုးရဖြစ်လာမှ ကောင်းမွန်တဲ့ အုပ်ချုပ်ရေး လုပ်လာနိုင်မယ်၊ ဝန်ထမ်းတွေကလည်း လုပ်ခလစာ နည်းတာ အကြောင်းပြပြီး လာဘ်ပေး လာဘ်ယူဆောင်ရွက်တာကို နေရာအနှံ့၊ ဌာန အများစုမှာဖြစ်နေတာကို ဝမ်းနည်းစွာကြားသိနေရတယ် ” ဆိုပြီး ဖေဖေါ်ဝါရီလ ၇ ရက်ကပြောခဲ့ပါတယ်။ မေလ အစောပိုင်းက ဂျာမနီ၊ ဘယ်လ်ဂျီယံ၊ နော်ဝေနိုင်ငံက လွှတ်တော်တွေကို လေ့လာရေး သွားတုန်းကလည်း “ ကျနော်တို့နိုင်ငံမှာ အ ကျင့်ပျက်ခြစားမှုကို အမြစ်ကနေ လှန်နိုင်ဖို့ အတွက် လိုအပ်တဲ့ အရေးယူဆောင်ရွက်မှုတွေ လုပ်ရမှာဖြစ်ကြောင်း၊ ပြည်သူ့ လွှတ်တော်ဥက္ကဌဖြစ်တဲ့ အတွက်၊ ဥပဒေပြုအဖွဲ့ကဖြစ်တဲ့သူတွေအနေနဲ့ လာဘ်ပေးလာဘ်ယူ တိုက်ဖျက် တဲ့ ဥပဒေကို မကြာခင် မဖြစ်မနေပြဌာန်းရမှာဖြစ်တဲ့ အကြောင်း ” ပြောခဲ့ပါတယ်။
- ခုလိုပြောဆိုဖြေကြားနေတဲ့စကားတွေကိုကြည့်ရင် အရင် နအဖ စစ်ကောင်စီ အဖွဲ့ဝင် ဗိုလ်ချုပ်ကြီးဟောင်း တွေ အနေနဲ့ မြန်မာပြည်မှာ အဂတိ လိုက်စားမှု ကြီးကြီးမားမားဖြစ်နေတာကို ဝန်ခံ လိုက်တာဖြစ်ပြီး ဒါကိုတိုက် ဖျက်ရမယ်လို့ သံန္နိဌာန် ချထားပုံလည်းတွေ့ရပါတယ်။ ဒါပေမယ့် အဂတိလိုက်စားမှု၊ လာဘ်ပေးလာဘ်ယူမှု တွေဖြစ်စေတဲ့ ဇစ်မြစ်၊ ပြဿနာ အရင်းအမြစ် root-causes တွေကိုတော့ စစ်အုပ်စု အဖွဲ့ဝင်ဟောင်းတွေက ထုတ်ပြောသွားတာ မတွေ့ရပါဘူး။ ဝန်ထမ်းတွေ လစာ မလောက်တာလောက်ကို အပေါ်ယံ ရှပ်ပြော သွားပေမယ့် မြန်မာနိုင်ငံဟာ အဂတိ လိုက်စားမှုမှာ ကမ္ဘာ့နိုင်ငံ ၁၉၂ နိုင်ငံမှာ အဆင့် ၁၇၈ ဖြစ်နေတာ ဘာကြောင့် လဲ- ဆိုတဲ့ အရင်းခံ အကြောင်းတရား ကိုတော့ သူတို့နှစ်ဦး သိမှာသေချာပါတယ်။ ဖေါက်ပြန်တဲ့ စစ်အာဏာ ရှင်စံနစ်၊ လွဲမှားတဲ့ အုပ်ချုပ် စီမံခန့်ခွဲမှုတွေကြောင့် ဖွံ့ဖြိုး တိုးတက်မှု အနည်းဆုံး LDC နိုင်ငံဖြစ်နေတဲ့ ကိုယ့် တိုင်းပြည်မှာ ခေါင်က မလုံလို့ မိုးယိုနေတာ၊ အာဏာပိုင် ထိပ်သီးတွေ အနေနဲ့ တရားဝင်လစာနဲ့ မမျှလောက် အောင် ဒေါ်လာသန်းချီ ချမ်းသာနေတာဟာ လာဘ်ယူတဲ့ အလုပ်ကို နံပါတ်တစ်ခေါင်းဆောင်က စပြီး လုပ်ခဲ့ ကြတဲ့ အစဉ်အလာကြောင့် ဆိုတာလည်း သူတို့ သိကြမယ် ထင်ပါတယ်။
- မဆလ တစ်ပါတီလက်ထက်မှာ အာဏာရှင် ဦးနေဝင်းက “ လူကောင်းလူတော် တို့ရည်မျှော် ” ဆိုပြီး ကောင်းတဲ့သူက ရှားတယ်၊ သူ့ကိုတော်အောင် လုပ်ပေးလို့ရတယ်၊ ဒါကြောင့် လူကောင်းဆိုတဲ့ အကျင့်စာရိတ္တ ကောင်းသူကိုရွေးဖို့၊ နေရာပေးဖို့- လမ်းညွှန် ခဲ့ဖူးပါတယ်။ ခုလည်း ဦးသိန်းစိန်၊ ဦးရွှေမန်းတို့ရဲ့ အဂတိလိုက် စားမှုတားမြစ်ရေး ၊ သန့်ရှင်းသော အစိုးရ၊ ကောင်းမွန်သော အုပ်ချုပ်ရေး - ကြွေးကြော်သံတွေကို အမှန်တ ကယ် အကောင်အထည်ဖေါ်နိုင် ပါ့မလား ဆိုတာကို သတိနဲ့ ယှဉ်ပြီး စောင့်ကြည့်နေရမှာဖြစ်ပါတယ်။
မင်းဝဏ်
ညောင်မြစ်တူး ပုတ်သင်ဥပေါ်
မင်းဝဏ်
ဇွန်လ ၂၇ ရက် ၂၀၁၂
မြန်မာပြည်ရဲ့နိုင်ငံရေး၊ စီးပွားရေး၊ လူမှုရေး သတင်း တွေမှာ ဒီရက်ပိုင်း အတွင်း လူပြော အများဆုံး ကိစ္စတွေ ကတော့ ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေနဲ့ အရေးပေါ် အမိန့် ထုတ်ပြန်ခဲ့ပြီးနောက် စစ်တပ်ရဲ့ဆောင် ရွက်ချက် တချို့၊ မြန်မာ့ ဒီမိုကရေစီခေါင်းဆောင် ဒေါ် အောင်ဆန်းစုကြည် ရဲ့ ဥရောပ ခရီးစဉ်နဲ့ နော်ဝေနိုင်ငံမှာ ဇွန်လ ၁၆ ရက်နေ့က ၁၉၉၁ ခုနှစ် အတွက် ရရှိခဲ့တဲ့ ကမ္ဘာ့ ငြိမ်းချမ်းရေးနိုဘယ်လ်ဆု လက္ခံ ရယူတဲ့ သတင်း တွေပဲ ဖြစ်တယ်လို့ ဆိုရမှာပါ။ ရခိုင်ပြည်နယ် နယ်စပ်ဒေသနဲ့ လုံခြုံရေး ဝန်ကြီး ဗိုလ်မှူးကြီး ထိန်လင်းရဲ့ အဆို အရ ဇွန်လ ၈ ၇က်နေ့ကနေ ၁၃ ရက်နေ့အထိ ရခိုင်ပြည် နယ်တဝှမ်း ပဋိပက္ခကြောင့် သေဆုံးသူ ၂၉ ဦး၊ ဒဏ်ရာရရှိသူ ၃၈ ဦး၊ မီးရှို့ ဖျက်ဆီးခံရတဲ့ နေအိမ်ပေါင်း ၂၅၂၈ လုံး၊ ဗလီ ဝတ်ကျောင်း ၇ လုံး၊ ဘုန်းကြီး ကျောင်း ၉ ကျောင်းနဲ့ စာသင်ကျောင်း ၁ ကျောင်း ရှိတယ်လို့ သိရပါတယ်။ ဇွန်လ ၁၆ ရက် အစိုးရ သတင်းစာ တွေဖေါ်ပြချက် အရ မေလ ၂၈ ရက်ကနေ ဇွန်လ ၁၃ ရက် အထိ ပဋိပက္ခ အတွင်း သေဆုံးသူ ၅၀ ဦးနဲ့ ဒဏ် ရာရရှိသူ ၅၄ ဦးရှိတယ်လို့ သိရပြီး အခြားသတင်း ဖော်ပြ ချက်တွေအရ ဒုက္ခသည် စခန်း ၃၇ ခုမှာ ဒုက္ခသည် သုံးသောင်းကျော် ရှိနေပြီလို့ ဆိုပါတယ်။
လူမျိုးရေး၊ ဘာသာရေး ပဋိပက္ခတွေ ဆက်လက်ကြီးထွားမှု မဖြစ်စေဖို့ အရေးပေါ်ကြေညာချက် ထုတ်ထားတဲ့ အချိန်မှာ လုံခြုံရေး တာဝန် ယူထားတဲ့ စစ်တပ်ကလည်း အုပ်ချုပ်ရေး အာဏာပိုင်တွေလိုဖြစ်နေပြီး ပစ်ခတ်မှု တချို့လည်း ရှိခဲ့တယ်လို့ ကြားသိ ရပါတယ်။ ဇွန်လ ၁၇ ရက်က စစ်တွေမြို့ နာဇီရပ်ကွက် မီးလောင်ပြင်ကို နေ့ လည် တနာရီလောက်မှာ ဝင်ရောက် လာတဲ့လူငယ် ၂ ဦးကို လုံခြုံရေး တာဝန် ယူထားတဲ့ စစ်သားတဦးက ပစ် ခတ်လို့ ၁၇ နှစ်အရွယ် ရခိုင်လူငယ် တဦးသေဆုံး သွားတယ်၊ ကျန်တဦးက ဒဏ်ရာရတယ် ဆိုတဲ့အပေါ် လူထု ဘက်က မကျေနပ်သံတွေ ထွက်ပေါ်နေပါတယ်။ ကျောက်တော်က ဖမ်းဆီးထားတဲ့ ရခိုင်အမျိုးသား ၉ ဦး ကိစ္စ နဲ့ပတ်သက်ပြီုး လူထုက မကျေနပ်လို့ ကန့်ကွက် ဆန္ဒပြမှုတွေဖြစ်နေရာ ကနေ စကခ ၉ က အဲဒီလူ ၉ ဦးကို ခေါ်ဆောင် သွားတယ်လို့ သိရတဲ့အတွက် ဒေသခံ လူထုအကြား စစ်တပ်အပေါ် သံသယစိတ်တွေ ပိုကြီးထွား လာနေပါတယ်။ ပြစ်မှုဆိုင်ရာ ကျင့်ထုံး ဥပဒေ ပုဒ်မ ၁၄၄ နဲ့ မလုံလောက်လို့ သမ္မတရဲ့ ဥပဒေကဲ့သို့ အာဏာ တည်သော အမိန့်ကို ထုတ်ပြန်ပြီး အရေးပေါ် အခြေအနေကြေညာ ပြီးတဲ့နောက် စစ်တပ်ရဲ့ဆောင်ရွက်ချက် တွေအပေါ် မူတည်ပြီး ဒေသခံ လူထုနဲ့ တပ်မတော်အကြား ကောင်းမွန်တဲ့ ပူးပေါင်းဆောင်ရွက်မှု မရရှိပဲ စစ် ဘက်၊ အရပ်ဘက် ဆက်ဆံရေးမှာ ပိုပြီး ခက်ခဲ တင်းမာမှုတွေဖြစ်လာ တာဟာ တိုင်းပြည် အနာဂတ် အတွက် ကောင်းတဲ့ လက္ခဏာတော့ မဟုတ်ပါဘူး။
မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည် ကတော့ ဥရောပ ခရီးစဉ် မထွက်ခွါမီ ရန်ကုန်မှာ ရှိနေ ကတည်းက ရခိုင်ပြည်နယ် အတွင်းက ပဋိပက္ခတွေဟာ “ တရားဥပဒေ စိုးမိုးမှု ကင်းမဲ့နေတာကို ဖေါ်ပြခြင်းဖြစ် ကြောင်း ” အတိအကျပြောဆို ခဲ့ပါတယ်။ အပြည်ပြည် ဆိုင်ရာ အလုပ်သမား အဖွဲ့ချုပ် ( ILO ) ညီလာခံမှာ မိန့် ခွန်းပြောအပြီး ရခိုင်ပြည်နယ်က ပဋိပက္ခနဲ့ ပတ်သက်လို့ သတင်းထောက် တဦးရဲ့အမေးကိုဖြေဆိုတဲ့ အခါ “ ရှင်း လင်းတိကျတဲ့ နိုင်ငံသားဖြစ်မှုဥပဒေ ” လိုတဲ့ အကြောင်းနဲ့ လူဝင်မှုကြီးကြပ်ရေး ဆိုင်ရာ ကိစ္စရပ်တွေမှာ လာဘ် ပေးလာဘ်ယူခြစားမှုတွေက ပြဿနာရဲ့ ဇစ်မြစ်ဖြစ်နေတာကို ဝေဖန်ထောက်ပြ သွားပါတယ်။ ရခိုင်ပြည်နယ် ကပဋိပက္ခကို ပြည်သူ့ လွှတ်တော် ဥက္ကဌ သူရ ဦးရွှေမန်းကလည်း “ တရားဥပဒေ စိုးမိုးရေး မရှိလို့ ” ဆိုပြီးပြော သွားပေမယ့် ဒီပဋိပက္ခတွေ သန္ဓေတည်ပေါက်ဖွား လာတဲ့ အရင်း အမြစ် ကိစ္စနဲ့ အာဏာပိုင်တွေရဲ့ ခြစားမှုတွေ ကိုတော့ ထောက်ပြ သွားတာ မကြားသိရပါဘူး။ တရားစီရင်ရေး အပိုင်းမှာတော့ ရခိုင်ပြည်နယ်က သွေးစွန်းတဲ့ ပဋိပက္ခတွေရဲ့မီးပွားလို့ပြောရမယ့် မသီတာထွေးကို အဓမ္မပြုကျင့်ခဲ့သူ ၃ ဦးကိုတော့ ဇွန်လ ၁၈ ရက်မှာ ကျောက်ဖြူခရိုင် တရားရုံးကနေ သေဒဏ် စီရင်ချက် ချမှတ်လိုက်တာ ကြားသိ ရပါတယ်။
- ရခိုင်ပြည်နယ်ကမတည်ငြိမ်သေးတဲ့ အခြေအနေ၊ ကချင်ပြည်နယ် ထဲက တနှစ်ကျော် ကြာမြင့် လာပြီဖြစ်တဲ့ အစိုးရ တပ်နဲ့ KIA တို့ အကြား တိုက်ပွဲများ၊ အစိုးရတပ်နဲ့ SSA တို့အကြားတိုက်ပွဲများ၊ မီးရထားဝန်ကြီး ဦးအောင်မင်း ခေါင်းဆောင်ပြီး ဆွေးနွေး နေပါတယ် ဆိုတဲ့ ပြည်ထောင်စု အဆင့် ငြိမ်းချမ်းရေးဆွေးနွေး ပွဲများ - စ တဲ့ အခြေအနေတွေ ကြားထဲမှာပဲ ပထမ အကြိမ် လွှတ်တော် စတုတ္ထ ပုံမှန် အစည်းအဝေးတွေကို ဇူလိုင်လ ၄ ရက် မှာ ပြန်စမယ်လို့ကြေညာ လိုက်ပါတယ်။ နိုင်ငံခြား ရင်းနှီးမြှုပ်နှံမှု ဥပဒေကြမ်း၊ လွှတ်တော် ဆိုင်ရာ ဥပဒေ ကြမ်း များနဲ့ အဂတိ လိုက်စားမှု တားမြစ်ရေး ဥပဒေကြမ်းများ ပြဌာန်းနိုင်ဖို့ ဆောင်ရွက် သွားမယ်လို့ သိရပါတယ်။ ရခိုင် ပြည်နယ်ထဲမှာဖြစ်ပွားနေတဲ့ ရိုဟင်ဂျာ ကိစ္စကိုလည်း တင်ပြဆွေးနွေးမယ်လို့ သိရပါတယ်။ ဘင်္ဂါလီ ရိုဟင်ဂျာ အရေးဆွေးနွေးမယ် ဆိုရင်လည်း နိုင်ငံသားဖြစ်မှုနဲ့ ပတ်သက်တဲ့ ဥပဒေကြမ်းတွေကို ပြင်ဆင် တင်ပြကြရ တော့မှာဖြစ်ပြီး ရိုဟင်ဂျာ အရေး တခုတည်းကွက်ပြီးပြောနေလို့ ရတော့မှာ မဟုတ်ပါဘူး။
နိုင်ငံသားဖြစ်မှုအရေးဆွေးနွေးမယ် ဆိုရင် မန္တလေးမြို့လယ်ခေါင်မှာ မြန်မာပြည်ဖွား တရုတ်လူမျိုးတွေ မဟုတ် တဲ့ တရုတ် လူမျိုးတွေ ကြီးစိုးနေတာက စပြီး သန်းခေါင်စာရင်း ကိစ္စတွေကိုပါ ပြောကြရတော့မှာ ဖြစ်ပါတယ်။ လူဝင်မှုကြီးကြပ်ရေး အရာရှိ အဆက်ဆက်ရဲ့ လာဘ်ပေး လာဘ်ယူခြစားမှုတွေနဲ့ စစ်အာဏာသိမ်း နဝတ၊ နအဖ ခေတ်ကာလက တိုင်းမှူး၊ တပ်မမှူး၊ နစကမှူး၊ စကခမှူးတွေရဲ့ အလွဲသုံးစား မှုတွေဟာ ပြဿနာ ရဲ့ဇစ်မြစ်ဖြစ်တယ် ဆိုတာကိုလည်း ရှာဖွေတွေ့ရှိကြမှာ အသေအချာပါပဲ။ ဥပဒေပြုရေး မဏ္ဍိုင်ဖြစ်တဲ့ လွှတ် တော်လိုနေရာမျိုးမှာ အဂတိ လိုက်စားမှု တားမြစ်ရေး ဥပဒေကိုဆွေးနွေးသည်ဖြစ်စေ၊ တရားမဝင် ရောက်ရှိနေ ထိုင်တဲ့ တိုင်းတစ်ပါးသား အရေးတွေဆွေးနွေးသည်ပဲဖြစ်စေ “ညောင်မြစ်တူး ပုတ်သင်ဥပေါ်” ဆိုသလိုမျိုး အကြောင်းကိစ္စရပ် အသီးသီးမှာ အကြောင်းကြောင့် အကျိုးဆက်များဖြစ်လာတာမို့ စံနစ် မကောင်းခဲ့လို့ ဖြစ်ရ တာကို ဦးသိန်းစိန်ရဲ့ ကြံ့ဖွံ့အစိုးရက ရဲရဲကြီး ဝန်ခံပြီး ပြည်သူလူထု လိုလားတဲ့ပြုပြင်ပြောင်းလဲရေးတွေကို တကယ် လုပ်ပြမှသာ သန့်ရှင်းသော အစိုးရနဲ့ကောင်းမွန်သော အုပ်ချုပ်ရေး ဖြစ်လာမှာ ဖြစ်ပါတယ်။
မင်းဝဏ်
ပြည်တွင်းငြိမ်းချမ်းရေးနှင့် တပ်မတော် (၃)
မာန်လက်
ဇွန်လ ၂၇ ရက် ၂၀၁၂
အချိန်ဆွဲပေါ်လစီလား
အသစ်ဖွဲ့စည်းလိုက်တဲ့ ငြိမ်းချမ်းရေးဖော်ဆောင်ရေး ဗဟိုကော်မတီနဲ့ လုပ်ငန်းကော်မတီ တို့ကကော စစ်မှန်တဲ့ ထာဝရ ငြိမ်း ချမ်းရေးကို တကယ် လိုလားရဲ့လား ဆိုတာ မေးခွန်း ထုတ်ကြည့် ကြရအောင်ပါ။ ၂၀၀၈ ဖွဲ့စည်းပုံ အခြေခံ ဥပဒေ အရ ၂၀၁၀ ရွေးကောက်ပွဲ ကနေ ပေါ်ထွက်လာတဲ့ ကြံ့ဖွတ် အစိုးရသစ် ဟာ တိုင်းရင်းသား စည်းလုံး ညီညွတ်ရေး၊ ထာဝရ ငြိမ်းချမ်းရေးနဲ့ ခေတ်မီ ဖွံ့ဖြိုး တိုးတက်တဲ့ ဒီမိုကရေစီ နိုင်ငံတော် ဖြစ်ပေါ် တည်ဆောက်ရေး ကြွေးကြော်ပြီး လွှတ်တော်ထဲ ၀င်ရောက်လာ တာပါ။ ဒါပေမဲ့ လက်တွေ့မှာက အခိုင်အမာ ဘာတခု မှ မဖြစ်လာသေးပါဘူး။
တိုင်းရင်းသားလက်နက်ကိုင်တွေနဲ့ အပစ်အခတ် ရပ်စဲရေး အတွက် ဦးအောင်သောင်း ဦးဆောင်တဲ့ အဖွဲ့နဲ့ ဦးအောင်မင်း ဦး ဆောင်တဲ့ အဖွဲ့တို့ လုပ်ဆောင်နေတာ မှန်ပေမဲ့ တကယ် အနှစ်သာရ ရှိတဲ့ ငြိမ်းချမ်းရေး မျိုးကို မတွေ့မြင်ရသေးဘဲ အပစ်ရပ် ရုံလောက်သာ ဖြစ်နေသေးတာကြောင့် သမ္မတ ဦးသိန်းစိန် က ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီ နဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ အဖွဲ့ သစ်ကို အခု ရက်ပိုင်းလေးကတင် ဖွဲ့စည်း လိုက်ပါ တယ်။
ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီကို ဦးသိန်းစိန်က ဥက္ကဋ္ဌအဖြစ် ဆောင်ရွက် ပြီး ဒု သမ္မတ နှစ်ဦး၊ လွှတ်တော် ဥက္ကဋ္ဌ နှစ်ဦး၊ ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်၊ ပြည်ထဲရေးဝန်ကြီး၊ ကာကွယ်ရေး ၀န်ကြီး၊ နယ်စပ်ရေးရာ ၀န်ကြီး၊ ပြည်ထောင်စု ရှေ့နေချုပ်နှင့် သမ္မတရုံး ညွှန်ကြားရေးမှူးချုပ် ဦးမင်းဇော် အပါအ၀င် ၁၂-ဦးနဲ့ ဖွဲ့စည်း လိုက်တာကြောင့် အမျိုးသား ကာကွယ်ရေးနဲ့ လုံခြုံရေးကောင်စီ-ကာလုံမှာ နိုင်ငံခြားရေး ၀န်ကြီးအစား ရှေ့နေချုပ်နဲ့ သမ္မတရုံး-ညွှန်ချုပ် နောက်ထပ် ၂-ဦးနဲ့ ထပ်အားဖြည့် လိုက်တာပဲ ကွာခြားပြီး တကယ့် အာဏာပိုင်တွေနဲ့ ဖွဲ့စည်း လိုက် တာကို တွေ့မြင် ရပါတယ်။
အကြောင်းက ၂၀၀၈ စစ်ဖွဲ့စည်းပုံ အရ ကာလုံ ဆိုတာဟာ နိုင်ငံတော် သမ္မတရဲ့ လုပ်ပိုင်ခွင့် အမိန့် အာဏာထက် အထူး အာဏာ ရှိနေလို့ပါပဲ။
ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီအဖွဲ့မှာ ဒုသမ္မတ ဒေါက်တာ စိုင်းမောက် ခမ်းက ဥက္ကဋ္ဌ၊ လွှတ်တော် ကိုယ်စားလှယ် ဦးသိန်းဇော်က ဒု-ဥက္ကဋ္ဌအဖြစ် ဆောင်ရွက်ပြီး ဒု-တပ်မတော် ကာကွယ်ရေး ဦးစီးချုပ် ဗိုလ်ချုပ် ကြီး စိုးဝင်း၊ ရထား ပို့ဆောင်ရေး ၀န်ကြီး ဦးအောင်မင်း၊ အဖွဲ့ ၀င်များအဖြစ် ၀န်ကြီး ၇ ဦး၊ ပြည်နယ်/တိုင်း ၀န်ကြီးချုပ် ၁၀ ဦး၊ ပြည်နယ်/တိုင်း စစ်ဌာနချုပ် တိုင်းမှူး ၁၀ ဦး၊ နယ်စပ်ရေးရာ ဒု-၀န်ကြီး ဗိုလ်ချုပ်ဇော်ဝင်းနှင့် ဒု-ရှေ့နေချုပ် ဦးထွန်းထွန်း ဦး အပါအ၀င်၂ ဦး၊ ပြည်သူ့လွှတ်တော် ကိုယ်စားလှယ် ၉ ဦး၊ အမျိုးသားလွှတ်တော် ကိုယ်စားလှယ် ၉ ဦး၊ အစိုးရ အဖွဲ့ အတွင်းရေးမှူး ဦးတင်မျိုးကြည် အပါအ၀င် စုစုပေါင်း ၅၂ ဦးနဲ့ ထပ်မံ အားဖြည့် ဖွဲစည်း လိုက်တာကို ကြည့်ရင်လည်း စစ်ဗိုလ် ချုပ်ဟောင်းတွေကသာ အများစု နေရာ ယူထားပြန်တာကြောင့် နောက်တက်တဲ့ မောင်ပုလဲ ဒိုင်းဝန်ထက်ကဲ ဆိုတာလို မျိုးများလားလို့ အတွေး ပိုမိပါတယ်။
သူတို့ အပြောအရတော့ အခုပြင်ဆင်ဖွဲ့စည်းလိုက်တဲ့ ငြိမ်းချမ်းရေးကော်မတီ အဖွဲ့နှစ်ခုက တိုင်းရင်းသား လက်နက်ကိုင် အဖွဲ့တွေ အားလုံးနဲ့ ထာဝရ ငြိမ်းချမ်းရေး ရတဲ့ အထိ အစိုးရ သက်တမ်း မကုန်ခင် ငြိမ်းချမ်းရေး အကောင် အထည်ဖော်နိုင် အောင် လုပ်ဆောင် သွားဖို့ ရည်ရွယ် ထားတယ်လို့ မီဒီယာ တွေ မှာ ဖော်ပြထားပါတယ်။
ပြောချင်တာက တိုင်းရင်းသားအရေးနဲ့ ငြိမ်းချမ်းရေးဖော်ဆောင် ရေးတွေမှာ တပ်မတော်ရဲ့ ပါဝင်ပတ် သက်မှု အခန်း ကဏ္ဍကို ရှေ့တန်း တင်လာလို့ပါပဲ။ အမှန်ကတော့ တိုင်းပြည်တခုမှာ တပ်မတော် တရပ်ဟာ အရေးကြီးသလို တိုင်းပြုပြည်ပြုကိစ္စ ရပ် တွေမှာ တပ်မတော်ရဲ့ ပူးပေါင်း ဆောင်ရွက်မှုဟာလည်း အင်မတန်မှ အရေးပါ ပါတယ်။ တပ်မတော်ကသာ တိုင်းရင်း သား ပြည်သူ တရပ်လုံးရဲ့ အလိုလား အတောင့်တဆုံးဖြစ်တဲ့ ပြည်တွင်းစစ် ရပ်စဲပြီး စစ်မှန်တဲ့ငြိမ်းချမ်းရေးကို စိတ်ရင်းစေတနာ မှန်နဲ့ ညှိနှိုင်း ဖော်ဆောင်မယ် ဆိုရင် တကယ့်ငြိမ်းချမ်းရေးက မဖြစ်လာစရာ မရှိသလို တပ်မတော်ရဲ့ အစဉ်အလာ ဂုဏ် သိက္ခာလည်း ပြန်လည် ဦးမော့လာမှာ မလွဲပါဘူး။
အစိုးရက ရှမ်းပြည်တပ်မတော်တောင်ပိုင်း (SSA-S) ၊ ရှမ်းပြည် တပ်မတော် မြောက်ပိုင်း (SSA-N)၊ ကရင် အမျိုးသား အစည်း အရုံး (KNU)၊ မွန်ပြည်သစ် ပါတီ၊ (DKBA) ကလို့ထူးဘော အဖွဲ့၊ ကရင်နီ အမျိုးသား တိုးတက်ရေး ပါတီ(KNPP) စသဖြင့် ၁၀-ဖွဲ့ ထက်မနည်း ငြိမ်းချမ်းရေးဆွေးနွေးမှုတွေ ပြုလုပ် ထားပြီးဖြစ်ပေမဲ့ ကချင် လွတ်မြောက်ရေး အဖွဲ့ KIO နဲ့တော့ အခု လော လောဆယ်ကို နေ့စဉ် ရက်ဆက် ပြင်းထန်တဲ့ တိုက်ပွဲကြီးတွေ ဖြစ်နေသလို အလားတူ ဇန်န၀ါရီလ ၂၈-ရက်နေ့က တောင် ကြီးမြို့မှာ အပစ်အခတ် ရပ်စဲရေး အပါအ၀င် အချက် ၅-ချက်ပါ သဘော တူညီချက်ကို လက်မှတ် ထိုးထားတဲ့ SSA ရှမ်းပြည် မြောက်ပိုင်းတပ်ဖွဲ့ နယ်မြေ အတွင်း အစိုးရ ဘက်က တပ်အင်အား ဖြည့်ဆည်းမှုနဲ့ လှုပ်ရှား စစ်ကြောင်းတွေ ထပ်မံ ၀င် ရောက်လာတာ ကလည်း စစ်ရေး တိုက်ပွဲတွေ ဖြစ်လာဖို့ တာ စူနေတာကြောင့် အပြောနဲ့ မကိုက်ညီဘူး ဖြစ်နေပါတယ်။
ဒါ့ပြင် ရထားပို့ဆောင်ရေးဝန်ကြီး ဦးအောင်မင်းကလည်း ကချင် လွတ်လပ်ရေး အဖွဲ့ KIO- ဌာနချုပ်ကို ထိုးစစ် ဆင်မှာ မဟုတ် ကြောင်း ဧပြီလ၂၉ ရက်နေ့ နေပြည်တော် သတင်းစာရှင်း လင်းပွဲမှာ ပြောဆိုသွားတဲ့ ဒီရက်ပိုင်း အတွင်းမှာကို မြန်မာပြည် မြောက်ပိုင်းဒေသ ဘက်မှာ လက်နက်ကြီးပေါက်ကွဲ သံတွေနဲ့ အတူ စစ်ရဟတ်ယာဉ် သံတွေကလည်း လူးလာခေါက်တုန့် ဖြစ်နေတာက ၀န်ကြီး ဦးအောင်မင်းရဲ့ ပြောဆိုချက်ကို ပျက်ရယ်ပြုသလို ဖြစ်နေပါတယ်။
ချုပ်ကြည့်ရင် နအဖစစ်အစိုးရ တဖြစ်လဲ ဦးသိန်းစိန် အစိုးရ သစ်ဟာ တိုင်းရင်းသား စည်းလုံး ညီညွတ်ရေး၊ ထာဝရ ငြိမ်းချမ်း ရေးနဲ့ ဒီမိုကရေစီ အသွင် ကူးပြောင်းရေး ဆိုတာကို ပါးစပ်က တတွတ်တွတ်ပြောနေပေမဲ့ လက်တွေ့မှာက မြန်မာပြည် အနှံ့ အပြား တိုင်းရင်းသားဒေသတွေမှာ ရေရှည် အကျိုးစီးပွား ဆိုင်ရာ နယ်မြေသိမ်းပိုက် စစ်ဆင်ရေးတွေကို တပ်မတော်က အပြင်းအထန် ဆင်နွှဲနေတာက အသစ်ဖွဲ့စည်း လိုက်တဲ့ ငြိမ်းချမ်းရေးဖော်ဆောင်ရေး ဗဟိုကော်မတီနဲ့ လုပ်ငန်းကော်မတီ ဟာ ထာဝရ ငြိမ်းချမ်းရေး ဖော်ဆောင်ရေးကို အမှန်တကယ် လိုလားရဲ့လား ဆိုတာ အမေးပုစ္ဆာတခု ဖြစ်နေပါကြောင်း။
၂၀၀၈ ဖွဲ့စည်းပုံရဲ့ အားနည်းချက်တွေကို စနစ် တကျ သုံးသပ် သင်ခန်းစာ ထုတ်နိုင်ဖို့
မင်းဝဏ်
ဇွန်လ ၂၇ ရက် ၂၀၁၂
ရခိုင်ပြည်နယ်တွင်းကမြို့နယ်တချို့ မှာဖြစ်ပွားနေတဲ့ အကြမ်းဖက်မှုဖြစ်စဉ်တွေ ကြောင့် ဇွန်လ ၈ ရက်နေ့က စပြီး ပြစ်မှု ဆိုင်ရာ ကျင့်ထုံး ဥပဒေပုဒ်မ ၁၄၄ ထုတ်ပြန်ခဲ့ပါတယ်။ ဇွန်လ ၁၀ ရက်နေ့ မှာတော့ ပုဒ်မ ၁၄၄ ထုတ်ပြန် ထိန်းသိမ်းရုံနဲ့ အုပ်ချုပ်ရေး ဆိုင်ရာ လုပ်ငန်းတွေ ထိထိရောက်ရောက် မလုပ်နိုင်လို့ ၂၀၀၈ ဖွဲ့စည်းပုံ ပုဒ်မ ၄၁၂ ပုဒ် မခွဲ (က) အရ ရခိုင်ပြည်နယ် တွင်းမှာ အရေးပေါ် အခြေအနေ (State of Emergency) ကြေညာ လိုက်တယ် ဆို တာကို လေလှိုင်း ပရိသတ်တွေ ကြားသိကြပြီးဖြစ်မှာပါ။ သမ္မတ ဦးသိန်းစိန်ရဲ့  ကြံ့ဖွံ့ အစိုးရ သက်တမ်း တနှစ် ကျော် ကာလအတွင်းမှာ ပထမဦးဆုံး ထုတ်ပြန်တဲ့ ကာဖျူး အမိန့်နဲ့ အရေးပေါ် အခြေ အနေကြေညာချက် ဖြစ်ပြီး သမ္မတ ရုံးက ဥပဒေကဲ့သို့ အာဏာတည်သော အမိန့် (၁/၂၀၁၂) ဆိုပြီးဇွန်လ (၁၀) ရက် နေ့ရက်စွဲနဲ့ ထုတ်ပြန်ကြေညာ ခဲ့ခြင်းဖြစ်ပါတယ်။ အဲဒီ အမိန့် ထုတ်ပြန်တဲ့ ရက်မှာပဲ သမ္မတ ဦးသိန်းစိန် ကလည်း မြန်မာပြည်သူ လူထုကို မေတ္တာ ရပ်ခံပြောကြားချက် ဆိုပြီး မိန့်ခွန်း တရပ်ကိုပြောကြား ခဲ့ပါတယ်။
- ၂၀၀၈ ဖွဲ့စည်းပုံ အခန်း ၁၁ ၊ အရေးပေါ်ကာလဆိုင်ရာပြဋ္ဌာန်းချက်များထဲက ပုဒ်မ ၄၁၂ မှာ ပုဒ်မ ခွဲ (က) နဲ့ (ခ) နှစ်ခု ပါရှိပြီး `တိုင်းဒေသကြီး၊ ပြည်နယ်၊ ပြည်ထောင်စုနယ်မြေ၊ ကိုယ်ပိုင် အုပ်ချုပ်ခွင့်ရ စီရင်စု တခုခု၊ တစိတ်တ ဒေသမှာ ပြည်သူ လူထု အသက်အိုးအိမ် စည်းစိမ်ကို ထိပါးမယ့် အရေးပေါ် အခြေအနေ ရှိရင် သမ္မတက အမျိုးသား ကာကွယ်ရေးနဲ့ လုံခြုံရေးကောင်စီနဲ့ ညိှိ့နှိုင်းပြီး ဥပဒေကဲ့သို့ အာဏာတည်တဲ့ အမိန့် ထုတ်ပြီး အရေးပေါ် အခြေအနေ ကြေ ညာနိုင်ကြောင်း၊ ကာကွယ်ရေးနဲ့ လုံခြုံရေးကောင်စီ အဖွဲ့ဝင်တွေ မစုံရင် တပ်မတော် ကာကွယ်ရေး ဦးစီးချုပ်၊ ဒုတိယ တပ်မတော် ကာကွယ်ရေး ဦးစီးချုပ်၊ ကာကွယ်ရေး ၀န်ကြီး၊ ပြည်ထဲရေး ၀န်ကြီးတို့နဲ့ ညှိနှိုင်းပြီး အရေးပေါ် အခြေအနေ ကြေညာနိုင်တယ်လို့` ဖေါ်ပြထားပါတယ်။ ဖွဲ့စည်းပုံ ပုဒ်မ ၄၁၂ လိုလားချက် အရ သမ္မတ ဦးသိန်းစိန် အနေနဲ့ အရေး ပေါ် အခြေအနေကြေညာ ချင်ရင် ဒုတိယ ဗိုလ်ချုပ်မှူးကြီး မင်းအောင်လှိုင်၊ ဗိုလ်ချုပ်ကြီး စိုးဝင်း၊ ဒုတိယ ဗိုလ်ချုပ် ကြီး လှမင်း၊ ဒုတိယဗိုလ်ချုပ်ကြီး ကိုကို - တို့နဲ့တော့ မဖြစ်မနေ ညှိ့နှိုင်းရမယ် ဆိုတဲ့ သဘောပါပဲ။
- ပုဒ်မ ၄၁၃ ပုဒ်မခွဲ (က) မှာလည်း`အရေးပေါ်အခြေအနေ အကျိုး သက်ရောက်တဲ့ နယ်မြေဒေသ အတွင်း မူလ အခြေနေ ပြန်ရောက်ဖို့ ဒေသဆိုင်ရာ အာဏာပိုင် အဖွဲ့အစည်း များနဲ့ နယ်ဘက် ဆိုင်ရာ ၀န်ထမ်း အဖွဲ့တွေ တာဝန် ထမ်း ဆောင်ရာမှာ ထိရောက်မှု ရှိစေဖို့ တပ်မတော်၏ အကူအညီကို ရယူဆောင်ရွက်နိုင်သည်` လို့ဖေါ်ပြ ထားပေမယ့် သမ္မ တရုံး အမိန့်စာ စာပိုဒ် (၃) မှာ ပုဒ်မ ၄၁၃ ၊ ပုဒ်မခွဲ (က) အရ တာဝန် ထမ်းဆောင်ရာတွင် ထိရောက်မှု ရှိစေရန် တပ်မ တော်၏ အကူအညီကို ရယူဆောင်ရွက်ရမည် လို့ရေးသားထားတဲ့ အတွက်`ရယူဆောင်ရွက်နိုင်သည်` နဲ့ `ရယူ ဆောင်ရွက်ရမည်`ဆိုတဲ့ အဓိပါယ် ကွာဟမှု အရ ဒေသဆိုင်ရာ အာဏာပိုင်တွေဖြစ်တဲ့ ရခိုင်ပြည်နယ်အစိုးရ အဖွဲ့ဝင် များကနေ ရပ်ကွက်ကျေးရွာ အုပ်ချုပ်ရေးမှူး အားလုံးအဆုံး စစ်တပ် အကူအညီနဲ့ လုပ်ငန်းတွေကိုဆောင်ရွက် ရမယ် - ဆိုတဲ့ သဘောဖြစ်နေပါတယ်။ မာရှယ်လောနဲ့ ယဉ်ပါးလာခဲ့တဲ့ စစ်တပ်ကလည်း ကာဖျူး အမိန့် ပုဒ်မ ၁၄၄ နဲ့ မလုံလောက်လို့ အရေးပေါ်ကြေညာချက်တောင် ထုတ်ရပြီးဖြစ်တဲ့ အတွက် အာဏာဟာ ငါတို့ လက်ထဲမှာလို့ တလွဲ ဆံပင်ကောင်း ဖြစ်လာမှာလည်း စိုးရိမ် စရာပါပဲ။
- သာဓကတခုအနေနဲ့ ရန်ကုန်တိုင်းဒေသကြီး ၀န်ကြီးချုပ်၊ နအဖ လက်ထက်က ဒုတိယ ဗိုလ်ချုပ်ကြီး ရာထူးနဲ့ စရဖမှူး တာဝန် ယူခဲ့သူ ဦးမြင့်ဆွေက ဂျာနယ်လစ်တွေကိုခေါ်ပြီး အရေးပေါ် စီမံမှု အက်ဥပဒေ ပုဒ်မ ၅ (ည) အရ ထောင်ဒဏ် ၇ နှစ်-ကျခံ ရနိုင်တယ် ဆိုပြီး သတိပေးသလို၊ ခြိမ်းခြောက် သလို လုပ်တာကိုကြည့်ရင် စစ်အုပ်စုခေါင်း ဆောင်ပိုင်းတွေ အနေနဲ့ ဗိုလ်ချုပ်ဟောင်းများကော၊ လက်ရှိ ဗိုလ်ချုပ်များပါ သူတို့ရဲ့ စိတ်ကူး စိတ်သန်း စဉ်းစားတွေး ခေါ်မှုတွေက လမ်းဟောင်းကြီးက မခွဲခွာနိုင်သေးတာတွေ့ရ ပါတယ်။ ရခိုင်ပြည်နယ် အတွင်းကဖြစ်စဉ် သတင်းတွေ ကိုပုံကြီး မချဲ့ ဖို့၊ သွေးထိုး လှုံဆော်သလို မရေးဖို့၊ ဖွဲ့စည်းပုံပုဒ်မ ၃၅၄ အရ လွတ်လပ်စွာရေးသား တင်ပြခွင့် ရှိပေမယ့် နိုင်ငံတော် လုံခြုံရေးနဲ့ တရားဥပဒေ စိုးမိုးရေးကို မထိပါးဖို့ ၊ ပြန်ကြားရေး ၀န်ကြီးဌာနက ချမှတ်ထားတဲ့ အရေးယူမှု အပြင် ၅ (ည) နဲ့ထောင်ချလို့ ရတဲ့အကြောင်း - ပြောတဲ့အတွက် စာနယ်ဇင်းသမားတွေ အကြီး အကျယ် စိတ်ပျက်သွား ကြပြီး တိုင်းဒေသကြီးနဲ့ပြည်နယ် အစိုးရ တဖွဲ့ချင်းစီက ဒီလိုခေါ် သတိပေးနေရင် သတင်း လွတ်လပ်ခွင့် အတွက် ဆိုးဝါးတဲ့ အခြေအနေ တရပ်ဖြစ်လာနိုင်တဲ့ အကြောင်းပြောကြပါတယ်။ စာနယ်ဇင်း သမားတွေကို ရန်ကုန်တိုင်းဝန် ကြီးချုပ်က ခေါ်ယူသတိပေး ၅ (ည) နဲ့ခြိမ်းခြောက်တာ၊ အရေးပေါ် အခြေအနေကြေညာတာ၊ သမ္မတ ဦးသိန်းစိန် ရဲ့မိန့်ခွန်းကို ရုပ်မြင် သံကြားကနေ အသံလွှင့်တာတွေ အားလုံးဟာ တဆက်တည်းဖြစ်လို့ အရင် နအဖ စစ်အုပ်စု ဗိုလ်ချုပ်ဟောင်းတွေ အားလုံး ကိုယ်စီ တာဝန်ခွဲဝေယူပြီး ရခိုင်ပြည်နယ်ထဲကဖြစ်စဉ်တွေ အပေါ် တုန့်ပြန် ဆောင် ရွက်ပြလိုက်တာ သာပဲဖြစ်ပါတယ်။ ကျောက်တော်က ဆယ်လောင်းပြိုင် လူသတ်မှုဖြစ်စဉ်ကို မူဆလင် ကုလား လူ မျိုး - လို့ရေးသားဖေါ်ပြခဲ့ပြီး၊ ဒီအသုံးအနှုန်းနဲ့ ပတ်သက်လို့ပြင်ဆင် ဖတ်ရှုပေးဖို့ အမှားပြင်ဆင်ချက် လုပ်ခဲ့ရတဲ့ အစိုးရပိုင် သတင်းစာတွေရဲ့ တာဝန်ရှိသူတွေ ကိုတော့ သတိပေး တားမြစ်တာမျိုး ကိုတော့ မကြားမိပါဘူး။
- သမ္မတရဲ့ ဥပဒေကဲ့သို့အာဏာတည်သောအမိန့်ဟာ ဖွဲ့စည်းပုံပုဒ်မ ၄၁၄ အရဆိုရင် အကျိုး သက်ရောက်သည့် နယ်မြေဒေသနှင့် အချိန် ကာလတို့ကို သတ်မှတ်ဖေါ်ပြရမည် လို့ရေးသားထားပေမယ့် ရခိုင်ပြည်နယ်အတွင်းဆို တာကိုသာဖေါ်ပြထားပြီး ရက်ကာလသတ်မှတ်မထားပါဘူး။ နောက်ထပ်အမိန့်မထုတ်မချင်းအတည်ဖြစ်တယ် လို့ရေးထားတဲ့အတွက် ဥပဒေအရလွဲချော်မှုရှိနေပါတယ်။ ၂၀၁၂ ခုနှစ် မေလ ၂၈ ရက်နေ့ကဖြစ်ပွားခဲ့တဲ့ ရခိုင် ပြည်နယ်ကျောက်နီမော်က မုဒိန်းမှု၊ လူသတ်မှုဖြစ်စဉ်ကနေ တဖြည်းဖြည်းကြီးထွားလာနေတဲ့ အကြမ်းဖက်မှု တွေကိုထိန်းသိမ်းဖို့ သမ္မတဦးသိန်းစိန်က ဥပဒေကဲ့သို့အာဏာတည်သောအမိန့်အမှတ် (၁/၂၀၁၂) နဲ့အရေး ပေါ် အခြေအနေကြေညာချက် ထုတ်ပြန်တဲ့ ကိစ္စကို ပြည်ထောင်စု လွှတ်တော်တင်ပြီး အတည်ပြုချက် ယူရမယ့် ဖွဲ့ စည်းပုံပုဒ်မ ၂၁၂ ကလည်း ရှိပါသေးတယ်။ ပြည်သူလူထုကို အခြေပြုတဲ့ ပြုပြင်ပြောင်းလဲရေး မဟာဗျူဟာကို ကျိုးပမ်းဆောင်ရွက်နေပါတယ်လို့ပြောပြီး ၂၀၀၈ ဖွဲ့စည်းပုံကိုသုံး၊ အရေးပေါ် အခြေအနေ အကြောင်းပြချက်နဲ့ စစ် တပ်ကို လိုသလို အသုံးချနေတာကလည်း အနာဂတ်မှာ စစ်ဖက်နဲ့ အရပ်ဖက်နဲ့ ဆက်ဆံရေးကို ထိခိုက်စေနိုင်ပါ တယ်။ ရခိုင်ပြည်နယ် အရေးကြေညာချက် အပေါ် နမူနာယူပြီး လုပ်ထုံး လုပ်နည်းအမှားတွေ၊ တရား ဥပဒေ စိုးမိုးရေး လို့ပြောနေပေမယ့် စစ်တပ်ကိုပဲ ပါဝါအာဏာကုန် ပုံပေးထားရတဲ့ ၂၀၀၈ ဖွဲ့စည်းပုံရဲ့ အားနည်းချက်တွေကို စနစ်တ ကျ သုံးသပ် သင်ခန်းစာ ထုတ်နိုင်ကြဖို့ လိုအပ်နေပါသေးတယ်။
မင်းဝဏ်
Wednesday, June 20, 2012
ပြည်တွင်းငြိမ်းချမ်းရေးနှင့် တပ်မတော် (၂)
ဇွန်လ ၂၀ ရက် ၂၀၁၂
မာန်လက်
ငြိမ်းချမ်းရေး ဇာခန်းစီး နောက်ကွယ်က ကချင် ပြည်တွင်းစစ်
ကချင်ဒေသစစ်မြေပြင်က ဒုံးကျည်သံတွေ၊ လက်နက်ကြီးပေါက်ကွဲ သံတွေဟာ ငြိမ်းချမ်းရေးရဲ့ နတ်ဆိုး-ငှက်ဆိုး ထိုးသံ တွေဆိုတာ တိုင်းရင်းသား လူမျိုးပေါင်းစုံ ဖွဲ့တည်နေထိုင်ကြတဲ့ မြန်မာပြည်သားတိုင်း သိရှိ နားလည် ကြပါတယ်။
၂၀၀၈ဖွဲ့စည်းပုံအခြေခံ ဥပဒေအရ ၂၀၁၀ ရွေးကောက်ပွဲကနေ ပေါ်ထွက်လာတဲ့ ကြံ့ဖွတ် အစိုးရ သစ်ဟာ တိုင်းရင်းသား စည်းလုံး ညီညွတ်ရေး၊ ထာဝရ ငြိမ်းချမ်းရေးနဲ့ ခေတ်မီ ဖွံ့ဖြိုး တိုးတက်တဲ့ ဒီမိုကရေစီနိုင်ငံတော် ဖြစ်ပေါ်တည် ဆောက်ရေး ကြွေးကြော်ပြီး လွှတ်တော်ထဲ ၀င်ရောက် လာတာပါ။ ဒါပေမဲ့ တကယ်လက်တွေ့မှာက ပြည်တွင်း စစ်ကို ဆက်မီးမွှေးထားတာ ဆိုတော့ စစ်မှန်တဲ့ ငြိမ်းချမ်းရေး ဆိုတာ ဖြစ်စရာ မရှိပါဘူး။
တိုင်းရင်းသား လက်နက်ကိုင်တွေနဲ့ အပစ်အခတ် ရပ်စဲရေး အတွက် ပြည်တွင်း ငြိမ်းချမ်းရေး ဖော်ဆောင်ရေး အဖွဲ့က လုပ်ဆောင်နေတာ မှန်ပေမဲ့ အပစ်အခတ် ရပ်ရုံလေး အဖြစ် လုပ်ပြနေတာဖြစ်ပြီး တကယ် အနှစ်သာရ ရှိတဲ့ ငြိမ်းချမ်းရေးမျိုးကို မသွားချင်ဘူး၊ မရောက်ချင်ဘူး ဆိုတာ သူတို့ရဲ့ လုပ်ရပ်တွေကိုကြည့်ရင် သိသာ လွန်းပါတယ်။
ငြိမ်းချမ်းရေးဖော်ဆောင်ရေး အဖွဲ့ ဆိုတာမှာလည်း ဦးအောင်သောင်း ဦးဆောင်တဲ့ အဖွဲ့နဲ့ ဦးအောင်မင်း ဦးဆောင်တဲ့ အဖွဲ့ ဆိုပြီး နှစ်ဖွဲ့ ဖြစ်နေတာ ကိုက လိုတမျိုး မလိုတမျိုး လုပ်ဖို့ တမင် ဖန်တီး ထားတာပါ။ အခုတော့ နှစ်ဖွဲ့ကို တဖွဲ့တည်း ပြန်ဖွဲ့မယ်လို့ သတင်း ပစ်ထားပြန်ပါတယ်။ တိုင်းရင်းသား လက်နက်ကိုင် အတော်များများနဲ့ အပစ် အခတ် ရပ်စဲရေး ရယူထားပြီ ဆိုတဲ့ အသံကို နိုင်ငံတကာ အသိုင်းအ၀ိုင်းဆီ ပေးချင်တာက အဓိကဖြစ်ပြီး ပြည် တွင်းစစ်ရပ်စဲ ငြိမ်းချမ်းရေးဖော်ဆောင်ချင် သယောင် ဒီမိုကရေစီ အသွင် ကူးပြောင်းနေသယောင် ဟန်ရေးပြတာ က များများပါ။ ကချင်ဒေသမှာဆို နေ့စဉ်ရက်ဆက် တိုက်ပွဲတွေက မရပ်မနားပါပဲ။
KIOနဲ့ ဦးအောင်သောင်းခေါင်းဆောင်တဲ့ အစိုးရရဲ့ ပြည်ထောင်စု အဆင့် ငြိမ်းချမ်းရေးဆွေးနွေးရေး ကိုယ်စားလှယ် အဖွဲ့ဟာ တရုတ်နိုင်ငံ ရွှေလီမြို့မှာ သုံးကြိမ်ဆွေးနွေး ခဲ့ကြပြီး KIO က တင်ပြတဲ့ ပဏာမ နိုင်ငံရေးဆွေးနွေး မှု အဆင့်မှာ နှစ်ဘက် တပ်စခန်း ကိစ္စကို နှစ်ဘက် သဘောတူညီမှု ရတဲ့အထိ ဆွေးနွေးသွားဖို့၊ အစိုးရနဲ့ တိုင်းရင်းသား ခေါင်းဆောင်တွေ ပါဝင်မယ့် ပင်လုံလို ညီလာခံ တရပ် ကျင်းပပြီး သဘောတူညီချက် တရပ် အတည်ပြုဖို့နဲ့ ဒီ သဘော တူညီမှုတွေကို အကောင်အထည်ဖော်သွားဖို့ ဆိုတဲ့ ငြိမ်းချမ်းရေး အဆင့် သုံးဆင့်ကို ဦးအောင်သောင်း ဦးဆောင်တဲ့ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့က နေပြည်တော်ကို အမှန်တကယ် တင်ပြသလား ဆိုတာ မေးခွန်းထုတ်စရာ ဖြစ်နေပါတယ်။
တွေ့ဆုံဆွေးနွေးမှုအဆင့် မရောက်ပေမယ့် တဖက်နဲ့ တဖက် ယုံကြည်မှု ရှိအောင်၊ လေးလေးစားစား ရှိလာဖို့က ဆွေးနွေးပွဲကို ဦးစီး ဦးဆောင်ပေးတဲ့ လူပေါ်မှာ အများကြီး မူတည်တာကြောင့် အခုလို မေးခွန်း ထုတ်စရာ ဖြစ် လာရတာဖြစ်သလို ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့သစ်ကို ပြန်လည် ဖွဲ့စည်းတဲ့အခါမှာ လည်း ပါဝင်မှာ မဟုတ်ကြောင်း ဧပြီလ ၃ဝ-ရက်နေ့ ကြံ့ခိုင်ရေး ပါတီခေါင်းဆောင် ဦးအောင်သောင်းရဲ့ ပြောဆိုမှု ကလည်း တိုင်းရင်းသား ရေးရာနဲ့ ငြိမ်းချမ်းရေး ကိစ္စရပ်တွေဟာ အရေးပါတဲ့ ကိစ္စ မဟုတ်ဘူး၊ အလေးထားစရာ မလိုဘူးဆိုတဲ့ သူ့ရဲ့ အတွင်းဗီဇ စိတ်ကို လှစ်ပြနေသလိုပါပဲ။
အစိုးရနဲ့ ကချင်လွတ်လပ်ရေး အဖွဲ့ KIO ကြား ထာဝရ ငြိမ်းချမ်းရေးရဖို့ ဆွေးနွေးမှုတွေ ရှေ့မတိုးနောက်မဆုတ် ဖြစ်နေချိန်မှာပဲ KIO-ဌာနချုပ် ရှိရာ လိုင်ဇာမြို့ကို လောလောဆယ် မြန်မာ အစိုးရ တပ်ဖွဲ့က မြစ်ကြီးနား၊ ၀ိုင်းမော်၊ ရွှေညောင်ပင်၊ ဂန်ဒေါင်ယန် လမ်းကြောင်း၊ ဗန်းမော်-ဒေါ့ဖုန်းယန်လမ်းကြောင်း၊ ဗန်းမော်-ရှဒန်ပါ လမ်းကြောင်း စတဲ့ လမ်းကြောင်း သုံးကြောင်းကနေ လိုင်ဇာမြို့ အနီးကို ချဉ်းကပ် လာနေပြီး လိုင်ဇာမြို့ကို ပစ်ခတ်နိုင်တဲ့နေရာ တွေမှာ လက်နက်ကြီးတွေ နေရာ ချနိုင်ပြီဆိုရင် အစိုးရ တပ်ဘက်က ထိုးစစ် စတင် လာနိုင်တယ်လို့ KIO ဘက် က သုံးသပ် ထားသလို ဒီရက်ပိုင်း နှစ်ဘက်တိုက်ပွဲတွေ ပိုပြင်းထန် လာနေတာလည်း အားလုံး အသိဖြစ်ပါတယ်။
နိုင်ငံတော်သမ္မတ ဦးသိန်းစိန် ကတော့ ပြီးခဲ့တဲ့ ဒီဇင်ဘာလ ကတည်းက ကချင်ဒေသမှာ အပစ် အခတ်တွေ ရပ်ဖို့ မြန်မာ့ တပ်မတော်ကို အမိန့်ပေးထားပေမဲ့ တပ်မတော် စစ်ဦးစီးချုပ် ကတော့ ထိုးစစ် အရှိန်တွေကို ပိုလို့တောင် အရှိန်မြှင့် လုပ်ဆောင်နေပါတယ်။
အစိုးရရဲ့ ငြိမ်းချမ်းရေး ဆွေးနွေးရေး အဖွဲ့ခေါင်းဆောင် ရထား ပို့ဆောင်ရေး ၀န်ကြီး ဦးအောင်မင်းကလည်း ကချင် လွတ်လပ်ရေး အဖွဲ့ KIO-ဌာနချုပ်ကို ထိုးစစ်ဆင်မှာ မဟုတ်ကြောင်းနဲ့ ငြိမ်းချမ်းရေး အဖွဲ့နှစ်ဖွဲ့ ဖြစ်နေတဲ့ အပေါ် တဖွဲ့တည်း အဖြစ် အသစ်ပြန်လည် ဖွဲ့စည်းသွားမယ်လို့ ဧပြီလ ၂၉ ရက်နေ့ နေပြည်တော် သတင်းစာ ရှင်း လင်းပွဲမှာ ပြောဆို သွားတဲ့ ဒီရက်ပိုင်းတွေ အတွင်းမှာကို KIO ဌာနချုပ် လိုင်ဇာဒေသမှာ သာမက ကချင်ပြည်နယ် က အခြားဒေသတွေမှာပါ တိုက်ပွဲတွေ အပြင်းအထန် ဖြစ်ပွားနေသလို ပြီးခဲ့တဲ့ ဧပြီ လကုန်ပိုင်းက အစိုးရတပ် တွေဘက်က လိုင်ဇာမြို့ကို လက်နက်ကြီးတွေနဲ့ ပစ်ခတ် တိုက်ခိုက်ရာမှာ စစ်ရဟတ်ယာဉ်တွေပါ အသုံးပြု တိုက်ခိုက် လာတာက အပြောနဲ့ အလုပ်မညီဘူး ဆိုတာ အထင်အရှားပါပဲ။
အခုလို ကချင်ပြည်နယ်အတွင်း တိုက်ပွဲတွေ ပြင်းထန်လာတဲ့ အဓိက အချက်က KIO ဌာန ချုပ်ကို သိမ်းချင်တာ ဖြစ်တယ်၊ အစိုးရ စစ်တပ်ရဲ့ စစ်ရေး လှုပ်ရှားမှု ပြင်းထန်လာတယ်။ တပ်တွေ ပိုပြီး အင်အားဖြည့်တင်းလာတယ်။ ခါတိုင်း တပ်စခန်းတွေမှာ အင်အား ၂၀-၂၅ပဲရှိရာမှာ အခုတော့ အယောက်တရာနီးပါး အင်အားဖြည့်ထားပါ တယ်။ အရင်တုံးက ၆၀-မမပဲ ထားတဲ့နေရာမှာ အခု ၁၂၀-မမ တို့၊ ၈၁-မမတို့ လက်နက်ကြီးတွေ ဖြည့်ထားပါ တယ်။ အယောက် ၃၀-လောက်ပဲရှိတဲ့ နားဖော့စခန်းမှာ ရဟတ်ယာဉ် ခေါက်တုန့်ခေါက်ပြန် လုပ်တာက ၂၅-ကြိမ်လောက် ရှိတယ်။ လူအင်အားဖြည့်တယ်၊ လက်နက်ကြီး တပ်ဆင်ထားတယ်။ ဒီလိုမျိုးလုပ်တာဟာ KIO ဌာနချုပ်ကို မသိမ်းပါဘူး ဆိုတာနဲ့ လုံးဝ ကွဲပြားနေပါတယ်လို့ KIO ရဲ့ ပြောရေး ဆိုခွင့်ရှိသူ ဦးလာနန်က ပြောပါ တယ်။
ဒီကနေ့ထုတ် အစိုးရသတင်းစာတွေမှာတော့ လုပိစခန်း တိုက်ပွဲမှာ KIAဘက်က အကျအဆုံး များပြီး ဒေသခံ ရွာသား ၃၄၅ ယောက် ကိုလည်း KIA က ပေါ်တာ အဖြစ် ဖမ်းဆီး သွားတယ်လို့ ဖော်ပြထားသလို မိုင်းထောင် ဗုံးခွဲတဲ့ KIA ရဲ့ အကြမ်းဖက် လုပ်ရပ်တွေကြောင့် ပြည်သူအချို့ သေဆုံး ဒဏ်ရာ ရကုန်တယ်လို့ ဖော်ပြထားတာ ကိုလည်း ကေအိုင်အေ ဘက်က မဟုတ်မှန်ကြောင်း ငြင်းဆိုပြီး အပြန်အလှန် စွပ်စွဲပြစ်တင်နေကြပါတယ်။
မြန်မာအစိုးရဘက်က ဧပြီလ ၁၇-ရက်နေ့မှာ မြစ်ကြီးနား သို့မဟုတ် ဗန်းမော်မှာ ဆွေးနွေးဖို့ ကမ်းလှမ်းတာကို KIOက စစ်ရေးတင်းမာနေချိန် ဖြစ်တာကြောင့် ဆွေးနွေးဖို့ ငြင်းပယ်ခဲ့ပေမဲ့ အခုလိုတိုက်ပွဲတွေ ပြင်းထန်နေချိန် မှာပဲ KIOဘက်က လွယ်ဂျယ်မြို့နယ်အတွင်းမှာ တွေ့ဆုံဆွေးနွေးဖို့ ဧပြီ ၂၉-ရက်နေ့က ထပ်မံ ကမ်းလှမ်းခဲ့ပေမဲ့ အစိုးရဘက်က အခုထိ အကြောင်းမပြန်သေးတာကလည်း စစ်ရေးအရှိန် ပိုတိုးမြှင့်မယ့် အလားအလာပါပဲ။
လက်ရှိ အစိုးရနှင့် KIOအဖွဲ့အကြား ငြိမ်းချမ်းရေး ထပ်မံတွေ့ဆုံ ဆွေးနွေးဖို့ နေရာ ညှိနှိုင်း နေစဉ်မှာကို အစိုးရ တပ်ဖွဲ့နဲ့ KIA တပ်ဖွဲ့ အကြား မေလ ၂-ရက်နေ့ တရက်တည်း မှာတင် ဝိုင်းမော် မြို့နယ်၊ ချီဖွေမြို့နယ်နှင့် KIO လိုင်ဇာမြို့နယ် အတွင်း တိုက်ပွဲငါးကြိမ် ဖြစ်ပွား ခဲ့တာကြောင့် အစိုးရ စစ်တပ်နဲ့ KIA တပ်တွေ အကြား စစ်ရေးအရှိန် တိုးမြင့်လာဖို့သာ ရှိနေပါတယ်။ အလားတူ ဇန်န၀ါရီလ ၂၈-ရက်နေ့က တောင်ကြီးမြို့မှာ အပစ်အခတ် ရပ်စဲရေး အပါအ၀င် အချက် ၅-ချက်ပါ သဘောတူညီချက်ကို လက်မှတ်ထိုးထားတဲ့ SSA ရှမ်းပြည်မြောက်ပိုင်း တပ်ဖွဲ့ နယ်မြေအတွင်း အစိုးရ ဘက်က တပ်အင်အားဖြည့်ဆည်းမှုနဲ့ လှုပ်ရှား စစ်ကြောင်းတွေ ထပ်မံ ၀င်ရောက် လာတာကလည်း စစ်ရေးတိုက်ပွဲတွေ ဖြစ်လာဖို့ တာစူနေပါတယ်။
ချုပ်ကြည့်ရင် နအဖစစ်အစိုးရ တဖြစ်လဲ ဦးသိန်းစိန်အစိုးရသစ်ဟာ တိုင်းရင်းသားစည်းလုံးညီညွတ်ရေး၊ ထာဝရ ငြိမ်းချမ်းရေးနဲ့ ဒီမိုကရေစီအသွင်ကူးပြောင်းရေးဆိုတာကို ပါးစပ်ကပြောနေပေမဲ့ လက်တွေ့မှာက ကချင်-ရှမ်း စတဲ့ တိုင်းရင်းသားဒေသတွေမှာ ရေရှည်အကျိုးစီးပွားဆိုင်ရာ နယ်မြေသိမ်းထိုးစစ်တွေကို အပြင်းအထန် ဆင်နွှဲ နေတာသာ ဖြစ်ပါတယ်။
မာန်လက်
Tuesday, June 19, 2012
ပြည်တွင်းငြိမ်းချမ်းရေးနှင့် တပ်မတော် (၁)
ဇွန်လ ၁၉ ရက် ၂၀၁၂
မာန်လက်
မြေရှင်ပဒေသရာဇ်စနစ်ကို ပြန်အသက်သွင်းနေတဲ့ လယ်ယာမြေဥပဒေ
သမတ ဦးသိန်းစိန်ခေါင်းဆောင်တဲ့ ကြံ့ဖွတ်အစိုးရ ပြဋ္ဌာန်းလိုက်တဲ့ လယ်ယာမြေဥပဒေဟာ ကိုလိုနီ ခေတ် ကာလက မြေရှင်ကြီး စနစ်၊ မြေရှင် ပဒေသရာဇ်စနစ်ကို ပြန်လည် တွန်းပို့နေတဲ့ဥပဒေသာ ဖြစ်နေပါတယ်။
ပြီးခဲ့တဲ့ မတ်လ (၃၀) ရက်နေ့က ၂၀၁၂ခုနှစ် ပြည်ထောင်စုလွှတ်တော်ဥပဒေအမှတ်(၁၁) လယ်ယာမြေ ဥပဒေကို နိုင်ငံတော်သမ္မတ ဦးသိန်းစိန် လက်မှတ်ထိုး ထုတ်ပြန်ခဲ့ပါတယ်။ ဒီလိုထုတ်ပြန်လိုက်ပြီးကာ မှ နိုင်ငံတ၀ှမ်း လုံးမှာ မြေယာသိမ်းယူမှုတွေ အံ့မခန်း အကြီးအကျယ် တိုးပွားများပြားလာခဲ့ပါတယ်။
မြို့ပြမှာလည်း မြို့ပြအလျှောက် ကြံ့ဖွတ်အစိုးရ ဒေသ အာဏာပိုင်တွေ အမိန့်နဲ့ မြေသိမ်းတဲ့ ကိစ္စ၊ အတင်းအကျပ် ပြောင်းရွှေ့မောင်းထုတ်တာကြောင့် ဒေသခံတွေ ဘ၀ ပျက်ကုန်သလို ကျေးလက်တော ရွာ တွေမှာဆိုလည်း ဘာမှ မသိနားမလည်တဲ့ ကျေးရွာသူကျေးရွာသားတွေကို ခြိမ်းခြောက်လို့ တဖုံ၊ မတန်တဆ ဈေးနှိမ်လို့တမျိုး ဇေကမ္ဘာတို့လို အစိုးရလက်ဝေခံ ငွေရှင်ကြေးရှင် ကုမ္ပဏီကြီးတွေက အစိုးရ အာဏာပိုင်တွေနဲ့ပေါင်းပြီး တရားဥပဒေမဲ့ နည်းမျိုးစုံနဲ့ နိုင့်ထက် စီးပိုးနေတာတွေ ကတော့ မြန်မာပြည် တပြည်လုံးမှာ ဦးသိန်းစိန် အစိုးရသစ် တက်လာပြီးနောက်မှာ သိသိသာသာ ထင်ရှားတဲ့ အပြောင်းအလဲတွေလို့ ဆိုရ ပါလိမ့်မယ်။
လယ်ယာမြေကြီးနဲ့ အသက်မွေးဝမ်းကျောင်းပြုနေရတဲ့ မိသားစုတွေ ဘ၀ကတော့ အစိုးရပြောင်းလိုက်မှ ကို နဂို အခြေဘ၀တွေ လဲပြိုကုန်တာ ဆိုတော့ အပြောင်းအလဲ ဆိုတာကြီးကို နဖူးတွေ့ ဒူးတွေ့ ကောင်း ကောင်း ခံစား နေကြရပါတယ်။
ဒီလယ်ယာမြေဥပဒေမှာ အရင်ဥပဒေဟောင်းတွေတုန်းက ပြဋ္ဌာန်းချက်တွေ ရှိနေ ပါလျှက်နဲ့ အခု ဥပဒေ ပြဋ္ဌာန်း လိုက်မှ ဥပဒေမဲ့ လယ်မြေ လက်လွှတ် ဆုံးရှုံး သွားသူတွေနဲ့ သူတို့ကို ဘယ်လို ကာကွယ်ပေးနိုင် မယ်ဆိုတဲ့ ဥပဒေ တလုံးတပါဒမှ မပါဝင်တဲ့အပြင် အခုလို လယ်ယာမြေတွေ လိုက်လံ သိမ်းပိုက် နေတာကို ဒီဥပဒေက အကာအကွယ် မပေးနိုင်ပါဘူး။ လယ်သမားတွေရဲ့ ရိုးသားတဲ့ အားနည်းချက် တွေ အပေါ်မှာ လုပ်ငန်းရှင်တွေနဲ့ အာဏာပိုင်တွေက ဝင်ပြီးတော့ သိမ်းဆည်းသွားတာတွေ ရှိပါတယ်။ အဲဒါမျိုးတွေကို မကာကွယ်ပေးနိုင်ခဲ့ဘူး။ အဲဒါကြောင့်လည်း ဒီနေ့ နိုင်ငံတဝှမ်းမှာ အခုလို ပြဿနာမျိုး ပေါ်နေတာဖြစ်ပါတယ်။ ဒါပေမဲ့ နောက်ပိုင်းမှာ ကျေးရွာ စီမံခန့်ခွဲရေး အဖွဲ့တွေက မှန်မှန်ကန်ကန် စည်း ကမ်းချက်တွေနဲ့ လုပ်သွားမယ်လို့ အခုဥပဒေမှာ ဖော်ပြထားပေမဲ့ ဒီကျေးရွာ စီမံခန့်ခွဲရေး အဖွဲ့တွေဆို တာ က ကောက်ရိုးပုံထဲ အပ်ရှာရတဲ့ ပုံစံမျိုး ဆိုတော့ တပ်အပ်သေချာ ပြောလို့ မရသေးပါဘူး။
အခု လက်ရှိ လက်လုပ်စိုက်ပျိုးခွင့်ရနေကြတဲ့ လယ်သမားတွေကို လယ်ယာမြေ လုပ်ပိုင်ခွင့် အသိ အမှတ်ပြု လုပ်ပိုင်ခွင့်တွေ ထုတ်ပေးတော့မယ် ဆိုတာကတော့ ဒီဥပဒေရဲ့ ကောင်းမွန်တဲ့ ထူးခြားချက် တချက်လို့ ပြောနိုင်ပေမဲ့ လက်တွေ့မှာက လယ်ယာမြေကို လုပ်ပိုင်ခွင့် လက်မှတ်လောက် မပြောနဲ့၊ ဂရန်မြေ ထုတ်ပေးထားတာ တောင် တရားမ တရားရုံးတွေမှာ ပြောင်းပြန်ဖြစ် ဗြောင်းဆန်နေတာ အား လုံးအသိ လက်ရှိ အနေအထားပါပဲ။ ဆိုတော့ လယ်ယာမြေလုပ်ပိုင်ခွင့် အသိအမှတ်ပြုလက်မှတ် ထုတ်ပေးထားရုံလောက်နဲ့တော့ အခုနကပြောတဲ့ ကျေးရွာ၊ လယ်ယာမြေ စီမံခန့်ခွဲမှုအဖွဲ့တွေက တိကျ မှန်ကန်စွာ လုပ်ပေးနိုင်ဖို့ဆိုတာ လုံးဝမဖြစ်နိုင်ပါဘူး။
အကြောင်းက အဲဒီလိုစီမံခန့်ခွဲမယ့်အဖွဲ့တွေ ကိုယ်တိုင်ကိုယ်က ဥပဒေရေးရာ အလွတ် ကျွမ်းကျင်သူ တွေ မဟုတ်ကြသလို တရား စီရင်ရေး အသွင်ဆောင် လုပ်ငန်းကို ဖော်ဆောင်နေတဲ့ အဖွဲ့ကလည်း အဲဒီ ဝန်ကြီးဌာန လက်အောက်ကပဲ ဖြစ်နေတာ၊ တနည်းအားဖြင့် လွတ်လပ်တဲ့ စီမံခန့်ခွဲသူတွေ၊ လွတ် လပ်တဲ့ ဥပဒေကျွမ်းကျင်သူတွေ မပါဝင်တာကြောင့် ဝန်ကြီးဌာန စီမံခန့်ခွဲရေးဌာန ဘက်ကိုပဲ ဘက် လိုက်တဲ့ ကိစ္စတွေ ဖြစ်ပေါ်လာအုံးမယ် ဆိုတာ အသေအချာပါပဲ။ အဲဒါကြောင့် ဒီလယ်ယာမြေ ဥပဒေ မှာ တောင်သူလယ်သမား တရားစီရင်ရေးအတွက် ခိုင်မာတဲ့ မူ မရှိပါဘူး။
နောက်ပြီး ဒီဥပဒေ အာဏာတည်တဲ့ရက်ကို နိုင်ငံတော်သမ္မတက မကြေညာသေးတာကြောင့် အာ ဏာသက်ဝင်ခြင်း မရှိသေးသလို အဲဒါထက် အဆိုးဝါးဆုံးက ဒီဥပဒေ အာဏာသက်ဝင်ခြင်း မတိုင် ခင်က အငြင်းပွားနေတဲ့ ပြဿနာရပ်တွေကို ဘယ်ဥပဒေတွေနဲ့ ဘယ်ဥပဒေစံတွေနဲ့ ဖြေရှင်းမယ် ဆိုတဲ့ ပြဋ္ဌာန်းချက်မျိုး လုံးဝ ပါဝင်လာခြင်း မရှိတာဟာ တောင်သူလယ် သမားတွေအတွက် အကြီးအကျယ် မျှော်လင့်ချက်မဲ့ သွားစေပါတယ်။ တဖြည်း ဖြည်း ပြုပြင်ပြောင်းလဲမယ် ဆိုတာ မျှော်လင့်ကောင်းတဲ့ အရာတခု ဖြစ်ပေမဲ့လို့ ဒီကာလတွေအတွင်းမှာကို ဘဝတွေ ပျက်နေတဲ့ မိသားစုတွေကိုလည်း ထည့် စဉ်းစားပေးရပါလိမ့်မယ်။
တတိုင်းတပြည်လုံးမှာ လက်ရှိဖြစ်ပွားနေတဲ့ မြေယာသိမ်းပိုက်မှုတွေ ထဲက အချို့ကို အကျဉ်းပြောပြချင် ပါတယ်။ ရခိုင်ပြည်နယ် မြေပုံမြို့နယ်မှာ ဆိုရင် တပ်ကသိမ်းတဲ့ မြေတွေရှိတယ်၊ လုပ်ငန်းရှင်တွေက သိမ်းတဲ့မြေ တွေရှိတယ်။ သူတို့သိမ်းတာက တောင်သူ လယ်သမားတွေရဲ့ဂရန်မရှိတဲ့၊ လုပ်ပိုင်ခွင့်မရှိတဲ့၊ စနစ် တကျ မှတ်ပုံတင် မထားခြင်း ရှိတဲ့မြေတွေကို မြေပုံပေါ်ကြည့်ပြီး ဌာနဆိုင်ရာ အာဏာပိုင်တွေနဲ့ ပေါင်း ပြီးတော့ သိမ်းယူလိုက်တာပါ၊ ဒါပေမဲ့ တကယ်တမ်း တွေးကြည့်ရင်၊ အမှန်တရားကို စိစစ်တွေးကြည့် မယ်ဆိုရင် ဒီဒေသခံ အားလုံး၊ ကျေးရွာဥက္ကဋ္ဌအပါအဝင် ဆရာတော်က အဆုံး ဒီမြေတွေဟာ ဒီလူတွေ ပဲ ဓါးမဦးချ လုပ်ကိုင်ခဲ့ကြတယ်။
တာဘောင်တာရိုးတွေကို ဖို့တယ်။ ငုတ်ထွင်တယ်၊ ရှင်းလင်းတယ်။ အဲဒီလို ရှင်းလင်းပြီး လုပ်ကိုင် စား သောက်ခဲ့တယ်ဆိုတာကို ဒေသခံတွေ အကုန်လုံး သိကြပါတယ်။ အဲဒါကြောင့် ဒီလိုဒေသခံတွေက ဥ ပဒေကို နားမလည်ပေမဲ့ ဆုံးဖြတ်တဲ့အထဲမှာ ဒါဟာ ဘယ်သူ့ဥစ္စာ၊ ဘယ်သူပိုင်ရှင် အရင်းအမှန် ဆိုတာ ကို သူတို့ ကောင်းကောင်းသိပေမဲ့လို့ အစိုးရအာဏာပိုင် စစ်တပ်တွေကို မကျော်လွှားဝံ့ကြပါဘူး။ နိုင် ငံတော်သမ္မတပြောတဲ့ တရားဥပဒေစိုးမိုးရေး ရှိမရှိဆိုတာ မြန်မာပြည်အနှံ့ လက်ရှိဖြစ်ပွားနေတဲ့ လယ် ယာမြေသိမ်းယူမှုတွေက အဖြေပေးနေတာပဲ။
ပုပ္ပါးတောင်တ၀ိုက်မှာ လက်ဖက်စိုက်ပျိုးဖို့ ထူးကုမ္ပဏီက တောတွေ ရှင်းနေတာ၊ ဟူးကောင်းတောင် ကြားဒေသမှာ စိုက်ပျိုးရေး (ဘာတွေစိုက်မယ်တော့မသိ) လုပ်ဖို့ ယုဇနကုမ္ပဏီက.. တောတွေရှင်း နေ တာ၊ ဘီလင်းနယ် အကျဉ်းဦးစီးရဲဘက်စခန်းက စိုက်ပျိုးထားတဲ့ ရော်ဘာခြံတွေကို ပုဂ္ဂလိကရောင်း လိုက်တာ၊ ရန်ကုန်တိုင်းနဲ့ ဧရာဝတီတိုင်းက ရေနက်ကွင်းတွေကို ပုဂ္ဂလိက ကို ရောင်းလိုက်တာ၊ လော လောလတ်လတ် စစ်ကိုင်းတိုင်းက လက်ပတောင်းတောင် ကြေးနီ လုပ်ကွက်တွေအတွက် ထူး ကုမ္ပဏီ နဲ့ တရုတ်ကုမ္ပဏီတခုက အနီးတ၀ိုက်က ကျေးရွာတွေ လယ်မြေတွေကို အဓမ္မရွှေ့ပြောင်း ခိုင်းနေတာ စတဲ့ မြေယာသိမ်းပိုက်မှုတွေက သက်ဆိုင်ရာ အာဏာပိုင်အစိုးရတာဝန်ရှိသူတွေရဲ့ အဂတိ လိုက် စားမှု မပါဘဲ လက်လွှတ်စံပယ်လုပ်လို့ ရနိုင်တဲ့ကိစ္စမျိုးတွေ မဟုတ်တော့ နိုင်ငံတော်သမ္မတကြီး ပြောနေတဲ့ မိုးလုံးပြည့် တရားဥပဒေစိုးမိုးရေးဆိုတာ ဘယ်မှာသွားရှာရ နိုင်မှာပါလဲ။
ပုပ္ပါးတောင်တ၀ိုက်မှာ လက်ဖက်စိုက်ချင်စိုက် ဘိန်းစိုက်ချင်စိုက် ကြိုက်တာ စိုက်လို့ရတယ်။ နွား တရှဉ်းလောက်နဲ့လုပ်တဲ့ လယ်သမားငအေးကတော့ သူ့လယ်ထဲမှာတောင် သူစိုက်ချင်တဲ့ သီးနှံစိုက် ချင် လို့မရဘူး။ စပါးစိုက်ဆို စပါးပဲ စိုက်၊ ဆည်ရေရောက်တဲ့နေရာမှာ နွေစပါး မစိုက်ချင်လို့ မရဘူး.. တွက်ခြေ ကိုက်ကိုက်- မကိုက်ကိုက် စိုက်ပဲ။ မစိုက် ချင်ရင် မြေယာကော်မတီနဲ့ တွေ့သွားမယ်။ အာဏာ ကြီးတဲ့ မြေယာကော်မတီက ဒေသခံ စစ်တပ်ကို အကြောင်းကြား လိုက်ရင် လယ်လုပ်ပိုင်ခွင့်ကို စစ်တပ် က ၀င်ယူလိုက်တော့ လယ်လုပ်ခွင့်တောင် ဆုံးရှုံးရသူတွေ ဒုနဲ့ဒေးပါ။
စစ်တပ်ဆိုတာက နိုင်ငံတော်ကာကွယ်ရေး အတွက် အဓိက တာဝန် ထမ်းဆောင်ဖို့သာဖြစ်လို့ အခုလို စစ်ဗိုလ် ချုပ်ကြီးတွေရဲ့ အမိန့်အာဏာ အလွဲသုံးစားလုပ် ခိုင်းစေနေတာကို ဦးနှောက်သုံးပြီး အလိမ္မာနဲ့ ဖြေရှင်း သွားနိုင်ဖို့ အထူး လိုအပ်ပါတယ်။ မဟုတ်ရင် စစ်ဗိုလ်ချုပ်ကြီး တစုရဲ့ ကိုယ်ကျိုးစီးပွား တခုတည်း အတွက်နဲ့ တပ်မတော် တခုလုံးအပေါ် တိုင်းရင်းသားပြည်သူ တရပ်လုံးက အမြင်မှား အထင်မှား သံသယ အမုန်းပွားဖို့သာ ရှိတာကြောင့် တပ်မတော်ရဲ့ အခန်းကဏ္ဍဟာ ဒီမိုကရေစီ အသွင်ကူး ပြောင်း ရေး၊ တိုင်းရင်းသား စည်းလုံး ညီညွတ်ရေးနဲ့ ငြိမ်းချမ်း ရေးဖြစ်ပေါ်လာရေး တို့မှာ အထင်ကရ အရေးကြီး ပါကြောင်း။
တပ်မတော်သားစစ်သည် မိသားစုတွေရဲ့ အနာဂတ်ဘ၀ သာယာစိုပြေလှပစေဖို့ တိုင်းရင်းသားပြည်သူ တရပ်လုံးနဲ့ ပူးပေါင်းလက်တွဲကြပါစို့…
မာန်လက်
Subscribe to:
Posts (Atom)
Posts
