06 December 2008
ကုလသမဂ္ဂ ဌာနချုပ်မှာ ကျင်းပခဲ့တဲ့ မြန်မာ့မိတ်ဆွေ နိုင်ငံများအဖွဲ့ အစည်းအဝေးကြီး ပြီးဆုံးသွားပါပြီ။ အဲဒီ အစည်းအဝေးမှာ သဘာပတိ အဖြစ် ဆောင်ရွက်ခဲ့တဲ့ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းဟာ သတင်းထောက်တွေနဲ့ တွေ့ဆုံပြီး မြန်မာ့အရေးမှာ ကုလသမဂ္ဂရဲ့ ဆောင်ရွက်ချက်တွေကို ပြောကြားသွားပါတယ်။ ဦးကျော်ဇံသာက အပြည့်စုံ တင်ပြထားပါတယ်။
ဒီကနေ့ Group of Friends on Myanmar လို့ဆိုတဲ့ မြန်မာ့မိတ်ဆွေ နိုင်ငံများ အစည်းအဝေးမှာ ဘာတွေ ဆောင်ရွက် ခဲ့တယ် ဆိုတာနဲ့ပတ်သက်ပြီး မစ္စတာ ဘန်ကီမွန်း က သတင်းထောက်တွေကို အခုလို စပြောပြပါတယ်။
“ဒီနေ့ အစည်းအဝေးမှာ မြန်မာနိုင်ငံမှာ လက်ရှိ ဖြစ်ပွားနေတဲ့ အခြေအနေတွေကို ဆွေးနွေးခဲ့တာ ဖြစ်တယ်။ မြန်မာနိုင်ငံ နဲ့ပတ်သက်ပြီး သူတို့ဟာ မျှော်လင့်ချက်တွေ ထားရှိပေမယ့် ခံပြင်းစရာတွေနဲ့သာ ကြုံတွေ့ နေရပါတယ်။ မြန်မာနိုင်ငံ စစ်အစိုးရဘက်က ပူးပေါင်းဆောင်ရွက်မှု မရှိခဲ့ပါဘူး။ ကုလသမဂ္ဂ နဲ့ ပူးပေါင်း ဆောင်ရွက်ရေးဟာ မြန်မာ့နိုင်ငံခြားရေး ၀ါဒမှာ အဓိက ကျတယ်လို့ ဆိုထားတာကိုတော့ ၀မ်းသာပါတယ်။ ဒါပေမယ့် တကယ်တမ်း ပူးပေါင်းဆောင်ရွက်မှု မရှိတာ ခံပြင်းစရာ ဖြစ်တယ်။” - လို့ သူက ပြောပါတယ်။
ကမ္ဘာ့နိုင်ငံတွေဘက်ကလည်း ဘက်ပေါင်းစုံကနေ မြန်မာနိုင်ငံမှာ ပြုပြင်ပြောင်းလဲရေး ဖြစ်ဖို့ ပူးပေါင်း ဆောင်ရွက်ကြဖို့ လိုပါတယ်တဲ့။ တခါ မြန်မာနိုင်ငံအတွင်းမှာ ဘက်ပေါင်းစုံ ပါဝင်တဲ့ ပြန်လည် သင့်မြတ်ရေးကို အစိုးရက ထိထိရောက်ရောက် မဆောင်ရွက်ဘူး။ ကုလသမဂ္ဂ နဲ့ နိုင်ငံတကာ အသိုင်း အ၀ိုင်းက တောင်းဆို ပြဌာန်း ထားတာကိုလည်း လိုက်နာမှု မရှိဘူးလို့ သူက ဆိုပါတယ်။ အခုလို လိုက်နာဖို့အတွက် သူက တောင်းဆိုပါတယ်။
ဒေါ်အောင်ဆန်းစုကြည်နဲ့ နိုင်ငံရေး အကျဉ်းသား အားလုံးကို လွှတ်ပေးဖို့အတွက်လည်း သူက တောင်းဆိုလိုက်ပါတယ်။ ဒါဟာ အမျိုးသား ပြန်လည်သင့်မြတ်ရေးအတွက် ပထမအဆင့် ဖြစ်တယ်၊ အဲဒါပြီးမှ အမျိုးသား ပြန်လည်သင့်မြတ်ရေး အတွက် ဆွေးနွေးရမယ်လို့ ဆိုပါတယ်။ ဒါဖြင့်ရင် မြန်မာနိုင်ငံ စစ်အစိုးရဘက်က အခုလိုပဲ ဆက်လက် ပူးပေါင်းမှု မရှိဘဲ နေရင် ဒါဟာ ကုလသမဂ္ဂ က ကြားဝင် ဖြန်ဖြေတဲ့အလုပ် ကို မလုပ်ဘဲ နေမလားလို့ သတင်းထောက်တယောက်က မေးတဲ့ အခါမှာတော့ - ဒီစကားကို သူ ဘယ်တုန်းကမှ မပြောခဲ့ပါဘူးတဲ့။ ကုလသမဂ္ဂ က အမြဲတမ်း ဆောက်ရွက်သွားမှာ ဖြစ်ပါတယ်တဲ့။ ဒီ ကုလသမဂ္ဂ အထွေထွေ ညီလာခံက ပြဌာန်းချက်အရ မြန်မာ့မိတ်ဆွေ နိုင်ငံများအဖွဲ့နဲ့ ပူးပေါင်းပြီးတော့ ဆက်လက် ဆောင်ရွက်သွားမှာ ဖြစ်တယ်လို့ပဲ ဆိုပါတယ်။
ဒါဖြင့်ရင် နှစ်မကုန်ခင်မှာ မြန်မာနိုင်ငံကို သွားရောက်ဖို့ အစီအစဉ်များ ရှိပါသလားလို့ သတင်းထောက် နောက်တယောက် က မေးတဲ့အခါမှာတော့ မြန်မာပြည်ကို ဘယ်အချိန်မဆို သွားဖို့ အဆင်သင့်ပါပဲတဲ့။ မြန်မာစစ်အစိုးရနဲ့ သူ ဆွေးနွေးစရာတွေ အများကြီး ရှိပါတယ်။ စီးပွားရေးကိစ္စ၊ လူသားချင်းစာနာတဲ့ကိစ္စ နိုင်ငံရေးကိစ္စတွေ အများကြီး ရှိတယ်။ ဒါပေမယ့် အခုအခါမှာ သင့်လျော်တဲ့အချိန်ကို စောင့်ဆိုင်းနေတာ ဖြစ်ပါတယ်။ အချိန်မကျသေးဘူးလို့ သူ ထင်ပါတယ်။ အချိန်မရွေး သွားမှာပါတဲ့။ သူဟာ မျှော်လင့်ချက်ကို အကောင်အထည် ဖော်နိုင်မယ်။ အဓိပ္ပါယ် ရှိတဲ့ ရလဒ်မျိုး ပေါ်ထွက်လာမယ်လို့ စဉ်းစားမိတဲ့တနေ့မှာ ချက်ချင်းသွားမယ်လို့ ဆိုပါတယ်။
နောက်ဆုံးမေးတဲ့သတင်းထောက် တယောက်ကတော့ မြန်မာနိုင်ငံမှာ စီးပွားရေးအရ ရင်းနှီးမြှုပ်နှံနေရတဲ့ တရုတ် တို့လို နိုင်ငံမျိုးတွေကြောင့် မြန်မာပြည်ကို ဖိအားပေးရတာ ပိုခက်သလား လို့ ပြောတဲ့အခါမှာ ကုလသမဂ္ဂ အတွင်းရေးမှူးချုပ် က ကုလသမဂ္ဂ အတွင်းရေးမှူးချုပ် ပီပီ ပုဂ္ဂလိက နိုင်ငံတခုချင်းစီက လုပ်နေတာကို သူ ဘာမှ မပြောလိုပါဘူးတဲ့။ ဒါပေမယ့် သူ ပြောချင်တာတခုကတော့ မြန်မာနိုင်ငံမှာ သြဇာလွှမ်းမိုးနိုင်တဲ့ နိုင်ငံတွေ အနေနဲ့လည်း မြန်မာနိုင်ငံ ပြုပြင်ပြောင်းလဲရေး အတွက် အခွင့်သာတိုင်း ပြောကြဖို့ တောင်းဆိုပါတယ် ဆိုတာ ပြောကြဖို့ တောင်းဆိုပါတယ် ဆိုတာ ပြောပြီးတော့ နိဂုံးချုပ် သွားပါတယ်။
Ref: VOA News
Saturday, December 6, 2008
မြန်မာအရေး တိုးတက်မှုမရှိ၍ ဘန်ကီမွန်း ခံပြင်း
Friday, December 5, 2008
သတင်းစာဆရာကြီး ဦးဝင်းတင် ဆေးရုံတက်
ဒီဇင်ဘာလ 05 2008
နယူးဒေလီ။ ။ သတင်းစာဆရာကြီး ဦးဝင်းတင်သည် နှလုံးအားနည်းနေသဖြင့် ယမန်နေ့က ရန်ကုန် အထူးကုဆေးခန်းတွင် တက်ရောက်ကုသနေရသည်။
ဗဟန်းမြို့နယ် အနောက်ရွှေဂုံတိုင်ရှိ အင်းလျားလမ်းနှင့် ဓမ္မစေတီလမ်းထောင့်ရှိ ရန်ကုန် အထူးကုဆေးခန်း (Rangoon Medical Center) တွင် ကုသနေရခြင်းဖြစ်သည်။
“ဒီကနေ့ စစ်ဆေးစရာရှိတာတွေ ဆက်စစ်မယ်။ လူနာကတော့ နည်းနည်းတော့ သက်သာတာပေါ့နော်။ အတိအကျတော့ မသိသေးပါဘူး။ နှလုံးကတော့ အားမကောင်းဘူးရှင့်။ ပုံမှန်ခုန်တာမရှိလို့ ဆေးတွေ ပေးထားပါတယ်။ သွေးပေါင်ကျနေလို့ သွေးပေါင် ပြန်တင်ပေးနေတာပေါ့နော်။ လူကြီးဆိုတော့လေ စိုးရိမ်ရတယ်လို့လည်း ပြောနိုင်တာပေါ့နော်” ဟု သူက မဇ္ဈိမကို ပြောသည်။
ဆရာကြီးတွင် သွေးချိုရောဂါလည်း ရှိပြီး လက်ရှိ ချောင်းဆိုးနေကြောင်းနှင့် ကျန်းမာရေး အခြေအနေကို ပိုမိုသိရှိရန်အတွက် ရင်ဘတ်ကို ဓာတ်မှန်ရိုက်ထားသည်မှာ ယနေ့ ညနေပိုင်းတွင် အဖြေထွက်မည်ဟု သူနာပြုဆရာမက ပြောသည်။
အသက် ၇၉ နှစ်အရွယ် ဦးဝင်းတင်သည် ပြီးခဲ့သည့် စက်တင်ဘာလ ၂၃ ရက်နေ့တွင် အကျဉ်းထောင်မှ ပြန်လည်လွတ်လာကတည်းက သူငယ်ချင်း ဦးမောင်မောင်ခင်၏ နေအိမ်တွင် နေထိုင်သည်။
အဆက်မပြတ် ချောင်းဆိုးကာ အသက်ရှူရ ခက်ခဲလာရာမှ ဆေးရုံသို့ တင်လိုက်ရကြောင်း ဦးမောင်မောင်ခင်၏ သားဖြစ်သူ ဦးလှဦးက ပြောသည်။
ဆရာကြီး ဦးဝင်းတင်သည် ၁၉၈၉ ခုနှစ်အတွင်းက အမျိုးသား ဒီမိုကရေစီအဖွဲ့ချုပ် ဖွဲ့စည်းထူထောင်ရာတွင် ပါဝင်ခဲ့ပြီးနောက် ၁၉ နှစ်ခန့် အကျဉ်းကျခံခဲ့ရသည်။ အဖမ်းအဆီး မခံရခင်က မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ အထူးအကြံပေး ပုဂ္ဂိုလ်အဖြစ် လူအများက ပြောဆိုခဲ့ကြသည်။
Ref: မဇ္ဈိမ
Thursday, December 4, 2008
နေဘုန်းလတ်နဲ့ ဇာဂနာကို RSF ဆုချီးမြှင့်
04 December 2008
ပြင်သစ်အခြေစိုက် အာအက်စ်အက်ဖ် ခေါ် နယ်စီးမခြား သတင်းထောက်များ အဖွဲ့ကြီးက ၂၀၀၈ခုနှစ်အတွက် ကွန်ပြူတာ အင်တာနက် အသုံးပြုပြီး လူ့အခွင့်အရေး လှုပ်ရှားသူ ဆိုက်ဘာဒစ်စီးဒန့် ခေါ် ဘလောက်ဂါ ဆုကို မြန်မာနိုင်ငံသား နှစ်ဦးဖြစ်တဲ့ ဟာသပညာရှင် ကိုဇာဂနာနဲ့ ဘလောက်ဂါ နေဖုန်းလတ်တို့ကို ပူးတွဲချီးမြှင့်လိုက်ပါတယ်။ စက်တင်ဘာ သံဃာတော်တွေ ဦးဆောင်တဲ့ လှုပ်ရှားမှုနဲ့ နာဂစ် ဆိုင်ကလုံးဒဏ်ခံခဲ့ရတဲ့ အခြေအနေမှာ သူတို့နှစ်ဦးရဲ့ ထူးခြားတဲ့ လှုပ်ရှားမှုတွေကြောင့် ဆုရွေးချယ်ရေး အဖွဲ့က တခဲနက် ရွေးချယ်ခဲ့တာလို့ RSFအဖွဲ့က ပြောပါတယ်။ ဒီအကြောင်း အသေးစိတ်ကို ဒေါ်ခင်မျိုးသက်က တင်ပြထားပါတယ်။
ပြင်သစ်နိုင်ငံ ပဲရစ်မှာ နိုင်ငံကျော် ဟာသ ပညာရှင်လည်းဖြစ် ရုပ်ရှင် ဒါရိုက်တာ တဦးလည်း ဖြစ်တဲ့ ကိုသူရခေါ် ကိုဇာဂနာနဲ့ ကွန်ပြူတာ အင်တာနက်ကနေ လူ့အခွင့်အရေးအတွက် လှုပ်ရှားခဲ့တဲ့ ကိုနေဖုန်းလတ်တို့ နှစ်ဦးကို ပူးတွဲပြီး ၂၀၀၈ခုနှစ်အတွက် RSF က ဆုပေးလိုက်တယ်လို့ RSF ပြောခွင့်ရ ဗင်းဆင့် ဘရောဆဲလ် က ဗွီအိုအေကို အခုလို ပြောပါတယ်။
“ဘလောက်ဂါ ဆုအတွက် ရွေးချယ်လိုက်တဲ့ သူတွေကတော့ ဇာဂနာနဲ့ နေဖုန်းလတ်ပါ။ သူတို့ကို ဆုပေးလိုက်တယ်လို့ အခုပဲ ကြေညာလိုက်ပါတယ်။ ဆုရွေးချယ်ရေးအဖွဲ့က သူတို့ နှစ်ယောက်စလုံးကို တခဲနက် ရွေးချယ်ခဲ့တာပါ။”
၂၀၀၈ခုနှစ်အတွက် RSF က ဆု ၃မျိုးပေးခဲ့တဲ့အထဲက ဆိုက်ဘာ ဒစ်ဆီးဒန့် ခေါ် ဘလောက်ဂါဆုအတွက် သတင်း လွတ်လပ်ခွင့်တွေ ပိတ်ပင်ထားတဲ့ကြားက သတင်းလွတ်လပ်ခွင့်အတွက် ထူးထူးခြားခြား ကြိုးပမ်းဆောင်ရွက်ခဲ့သူ အမည် ၁၀ ဦး ကို အမည်စာရင်း တင်သွင်းခဲ့ပါတယ်။ ကမ္ဘာတ၀န်းက နာမည်ကျော် သတင်းနဲ့ စာနယ်ဇင်း အဖွဲ့တွေက သတင်းထောက် ၄၀ကျော်ကနေ ဒီ ၁၀ဦးထဲမှာ အထူးချွန်ဆုံးဖြစ်တဲ့ ကိုဇာဂနာနဲ့ ကိုနေဖုန်းလတ်တို့ကို တခဲနက် ရွေးချယ် ခဲ့တယ်လို့လည်း မစ္စတာ ဘရောဆဲလ်က ပြောပါတယ်။ နိုဘဲလ် ငြိမ်းချမ်းရေး ဆုရှင် ရှရင်း အေဘာတီ က ဆုကို ပေးအပ်ခဲ့ပြီး ကိုဇာဂနာ ကိုယ်စား သူငယ်ချင်းဖြစ်သူ အနုပညာရှင် ကိုထိန်းလင်းက ဆုကို လက်ခံရယူခဲ့ပြီး ကျေးဇူးတင် စကားလဲ ပြောကြား ခဲ့ပါတယ်။ ကိုဇာဂနာရဲ့ ဇနီးနဲ့ သူ့မိသားစုကိုလည်း ဗွီဒီယိုနဲ့ တိုက်ရိုက်ဆက်သွယ်ပြီး ပြသထားတာ တွေ့ရတယ်လို့လည်း မစ္စတာ ဘရောဆဲလ်က ပြောပါတယ်။
အခန်းအနားမှာ ကိုထိန်လင်းက ကိုဇာဂနာနဲ့ ပတ်သက်ပြီး လက်ခံဆုယူခွင့်ရခဲ့တဲ့ ကျေးဇူးတင်စကားကို အခုလို ပြောခဲ့ပါတယ်။
“ဒီနေ့ဆုပေးပွဲမှာ ကိုဇာဂနာ ကိုယ်တိုင် တက်ရောက်ပြီး ယူသင့်ပါတယ်။”
မြန်မာနိုင်ငံက စစ်အစိုးရရဲ့ အုပ်ချုပ်မှု အောက်မှာ လွတ်လပ်စွာ ထုတ်ဖော်ပြောဆိုခွင့်တွေ ဆုံးရှုံးခဲ့ရတဲ့ အမှန်တရားကို သူ့ရဲ့ ဟာသ ပညာနဲ့ လူထုသိအောင် ဖော်ပြနိုင်တာတွေကိုပါ ပရိတ်သတ်တွေကို ပြောကြားခဲ့ပါတယ်။ မေလ နာဂစ် ဆိုင်ကလုံးဒဏ် ခံခဲ့ရတဲ့ မြစ်ဝကျွန်းပေါ် ဒေသတွေကို ကိုယ်တိုင်သွားရောက် ကူညီခဲ့တဲ့ ကိုဇာဂနာဟာ စစ်အစိုးရရဲ့ ဆိုးရွားတဲ့ မမှန်မကန် ဆောင်ရွက်ချက်တွေကို ထုတ်ဖော်ပြောဆိုလေ့ ရှိသူဖြစ်ပြီး သူ့ရဲ့ ပြောကြားချက်တွေကို ပြည်တွင်းပြည်ပ ပရိတ်သက်က လေးလေးစားစား စောင့်မျှော်နားထောင်လေ့ရှိပါတယ်။ ပြည်ပ သတင်းမီဒီယားတွေကို ပြောဆိုခဲ့တဲ့အတွက် ဖမ်းဆီးခံခဲ့ရပြီး ထောင်ဒဏ် ၅၉နှစ် ပြစ်ဒဏ်ချခံခဲ့ရပါတယ်။
ဘလာက်ဂါ ကိုနေဖုန်းလတ်ဟာလဲ ၂၀၀၇ စက်တင်ဘာ အရေးအခင်းမှာ သူ့ရဲ့ ကွန်ပြူတာ ၀က်ဆိုဒ် စာမျက်နှာကတဆင့် မြန်မာနိုင်ငံထဲမှာ ဖြစ်ပွားနေတဲ့ သတင်းမှန်တွေကို ကမ္ဘာက သိအောင် ကြိုးစားခဲ့သူဖြစ်ပါတယ်။ သူဟာ အခုချိန်မှာ ထောင်ဒဏ် အနှစ် ၂၀ ချမှတ်ခံခဲ့ရပြီး မကြာခင်ကမှ ကရင်ပြည်နယ်က ဘားအံ အကျဉ်းထောင်ကို ပြောင်းရွေ့ခံခဲ့ရ ပါတယ်။ ကိုနေဖုန်းလတ်ကို နိုင်ငံတကာနေ အသိအမှတ် ပြုတဲ့ အနေနဲ့ အခုလို ဆုချီးမြင့် ခံရတာဂုဏ်ယူပါတယ်လို့ ကိုနေဖုန်းလတ်ရဲ့ ညီက ပြောပါတယ်။
“သူက ဘာအပြစ်မှလည်း မရှိဘဲနဲ့ လူငယ်တယောက်ကို မတရား ထောင်ချခြင်းကို နိုင်ငံတကာက မတရားဘူးလို့ အသိအမှတ်ပြုလိုက်တဲ့သဘောလို့ ကျွန်တော် မြင်ပါတယ်။ သူ့အတွက်တော့ ဂုဏ်ယူပါတယ်။ ”
ကိုနေဖုန်းလတ်ရဲ့ မိခင်ဖြစ်သူကတော့ ကိုနေဖုန်းလတ်တည်ရှိရာ ကရင်ပြည်နယ် ဘားအံမြို့က ထောင်ကို အသွား လမ်းမှာပဲ ရှိသေးတာကြောင့် ဒီသတင်းကို မသိရသေးဘူးလို့ ဆိုပါတယ်။
Ref: VOA News
ဝေးပြေး ကုန်တင်ယာဉ်ပြေးဆွဲမှု လျှော့ချ
နန်းဒေ၀ီ
ဒီဇင်ဘာလ 04 2008
နယူးဒေလီ။ ။ နယ်ဒေသများမှ ကုန်ပစ္စည်းမှာယူမှု လျော့နဲလာသည့်အတွက် မကြာသေးခင် လပိုင်းအတွင်း ကုန်တင်ကားပြေးဆွဲမှု အရေအတွက်ကို ရန်ကုန်မြို့တွင် လျှော့ချနေရသည်။
အရောင်းအ၀ယ် ကျဆင်းလာသလို နယ်မြို့များမှ ကုန်ပစ္စည်း မှာယူတင်သွင်းမှုလည်း ကျဆင်းလာရာမှ အကျိုးဆက်အဖြစ် အဝေးပြေး ကုန်တင်ကား ပြေးဆွဲမှု အကြိမ်အရေအတွက် လျှော့ချလိုက်ရခြင်း ဖြစ်သည်။
"အကုန်ပါးနေတာ။ အများဖြစ်နေတာ။ ပုံမှန် တရက်မှာ ၁ စီး၊ ၂ စီး ထွက်ကြတာ။ အခုနောက်ပိုင်းတော့ ၂ ရက်မှာ တစီးပဲ ထွက်နိုင်တယ်။ အခုလိုဖြစ်နေတာ ၄၊ ၅ လလောက်ရှိပြီ" ဟု ဘုရင့်နောင်ပွဲရုံရှိ ကုန်တင်ကား ၅ စီးပိုင်ရှင်နှင့် 'စွမ်းထက်' (ရန်ကုန်-ထားဝယ်) ကုန်စည်ပို့ဆောင်ရေး လုပ်ငန်းရှင် ကိုရန်နိုင်က မဇ္ဈိမကို ပြောသည်။
'ကံကောင်း' (ရန်ကုန်-မန္တလေး) ကုန်စည်ပို့ဆောင်ရေး လုပ်ငန်းရှင်တဦးကလည်း "ခါတိုင်းလောက်တော့ အလုပ်မဖြစ်ဘူး။ တချို့ကျတော့လည်း ဒီဇယ်ဈေးတွေဘာတွေ တွက်တော့ ဈေးမကိုက်တော့ မထွက်ကြဘူး။ ကားပြင်တဲ့သူတွေက ပြင်ပေါ့ဗျာ" ဟု ပြောသည်။
သယ်ယူပို့ဆောင်ရေး လုပ်ငန်းရှင်များ အနေဖြင့် ၀င်ငွေကျဆင်းကာ ထိခိုက်နစ်နာမှု ရှိသော်လည်း ကုန်ကျစရိတ်များ ပြန်လည် ဖာထေးနိုင်ရန်အတွက် ဆက်လက် ပြေးဆွဲနေရသည်ဟု စားသောက်ကုန်မျိုးစုံ တင်သည့် 'စွမ်းထက်' ကုန်စည်ပို့ဆောင်ရေး လုပ်ငန်းရှင်က ပြောသည်။
သူက "မကိုက်လည်း လုပ်နေရတာပဲ။ အနည်းအကျဉ်း ဆုံးရှုံးတယ်။ ခန့်မှန်းရခက်တယ်။ ပစ္စည်းတင်တဲ့ ကုန်သည်တွေ အပေါ်မူတည်တယ်။ ဓာတ်ဆီဈေး၊ ဆိုင်ခန်းခ၊ အလုပ်သမားခ၊ တခြား စရိတ်တွေ ရှိနေတယ်" ဟု ပြောသည်။
ယခုလို အဝေးပြေး ကုန်တင်ကား ပြေးဆွဲမှု သိသာစွာ လျော့ကျလာခြင်းသည် ပထမဦးဆုံးအကြိမ်ဖြစ်ပြီး လာမည့်နှစ်သစ်တွင် အရောင်းအ၀ယ် ပြန်ကောင်းလာပါက ပုံမှန်အတိုင်း ပြန်ဖြစ်နိုင်ကြောင်း လုပ်ငန်းရှင်များက ပြောကြသည်။
Ref: မဇ္ဈိမ
Wednesday, December 3, 2008
ကိုဇာဂနာနှင့် ကိုနေဘုန်းလတ်ကို ဆိုက်ဘာဆုအတွက် RSF လျာထား
ဇာနည်
ဒီဇင်ဘာလ 03 2008
နှစ်ရှည်ထောင်ဒဏ်များ ချမှတ်ခံထားရသော လူငယ် ဘလော့ဂ်ဂါ ကိုနေဘုန်းလတ်နှင့် နိုင်ငံကျော် ဟာသသရုပ်ဆောင် ကိုဇာဂနာတို့ကို နယ်စည်းမခြား သတင်းသမားများအဖွဲ့ - RSF မှ ၂၀၀၈ ခုနှစ်အတွက် ဆိုက်ဘာ အတိုက်အခံဆု ချီးမြှင့်ရန် လျာထားသည်။
ကိုယ်ကျိုးစွန့်ပြီး ပြည်သူများကို သတင်းမှန်များ ပေးသော နိုင်ငံတကာ သတင်းဌာနများ၊ အဖွဲ့အစည်းများနှင့် သတင်းသမားများကို ပြင်သစ်အခြေစိုက် RSF မှ နှစ်စဉ်နှစ်တိုင်း ချီးမြှင့်သော ယခုဆုအတွက် နောက်ဆုံး စိစစ်သည့် ၁၇ ဦး စာရင်းတွင် ပါရှိနေခြင်း ဖြစ်သည်။
"သူတို့နှစ်ယောက်ဟာ ဖိနှိပ်ခံနေရတဲ့ကြားက ပြည်တွင်းက ပြည်သူတွေကိုရော ပြည်ပက လူတွေကိုရော မှန်ကန်တဲ့ သတင်းအချက်အလက်တွေကို ပေးနိုင်ခဲ့တာတွေကြောင့် ဆုပေးဖို့ ရွေးချယ်ခံရတဲ့ စာရင်းမှာ ပါရတာပါ" ဟု RSF အာရှပစိဖိတ်ဌာနမှ တာဝန်ရှိပုဂ္ဂိုလ် ဗင်းဆင့် ဘရော့စ်ဝဲလ်က မဇ္ဈိမကို ပြောသည်။
၁၉၉၂ ခုနှစ်မှ စတင်ကာ RSF သည် ရဲရင့်သော သတင်းထောက်ဆု၊ မီဒီယာသတင်းဌာနဆု၊ သတင်းလွတ်လပ်ခွင့်ကို ကာကွယ်သော ဆုနှင့် ဆိုက်ဘာ အတိုက်အခံဆုတို့ကို နှစ်စဉ် ချီးမြှင့်လာခဲ့သည်။
ကိုနေဘုန်းလတ်နှင့် ကိုဇာဂနာတို့ကို အဖွဲ့၏ ၁၇ ကြိမ်မြောက် ဆိုက်ဘာ အတိုက်အခံဆုအတွက် လျာထားခြင်း ဖြစ်သည်။
ဆုရသူများ စာရင်းကို နိုင်ငံတကာမှ ထင်ရှားသော ၀ါရင့် သတင်းစာဆရာ ၃၅ ဦး ပါဝင်သည့် ဆုရွေးချယ်ရေး အဖွဲ့မှ ဒီဇင်ဘာလ ၄ ရက်နေ့တွင် ထုတ်ပြန် ကြေညာမည်ဖြစ်ကာ၊ ပြင်သစ်နိုင်ငံ ပါရီမြို့တွင် ကျင်းပမည့် ဆုပေးပွဲတွင် ဆုများကို အီရန်မှ နိုဘယ်ငြိမ်းချမ်းရေးဆုရှင် ရှီရန် အဘာတီက ပေးအပ်မည် ဖြစ်သည်။
၂၀၀၇ ခုနှစ်က RSF ၏ ၁၆ ကြိမ်မြောက် မီဒီယာသတင်းဌာန ဆုကို နော်ဝေးနိုင်ငံ အခြေစိုက် မြန်မာ သတင်းဌာနဖြစ်သော ဒီမိုကရက်တစ် မြန်မာ့အသံ (DVB) က ရရှိခဲ့သေးသည်။
ရန်ကုန်မြို့တွင်း အင်တာနက်ကဖေးများ ဖွင့်လှစ်ခဲ့သော ဘလော့ဂ်ဂါ ကိုနေဘုန်းလတ်အား နိုင်ငံတော် လုံခြုံရေးကို ထိခိုက် ပျက်ပြားစေရန် လှုံ့ဆော်မှု၊ ဗီဒီယို အက်ဥပဒေနှင့် အီလက်ထရောနစ် အက်ဥပဒေများဖြင့် ပြီးခဲ့သည့် လအတွင်း အာဏာပိုင်များက ထောင်ဒဏ် နှစ် ၂၀ ချမှတ်ခဲ့ပြီး ကရင်ပြည်နယ် ဘားအံထောင်သို့ ပြောင်းရွှေ့ခဲ့သည်။
အလားတူပင် ဟာသ သရုပ်ဆောင် ကိုဇာဂနာအား အင်တာနက်ကို အသုံးပြု၍ အစိုးရကို အကြည်ညိုပျက်စေသည်ဟု ဆိုပြီး အီလက်ထရောနစ် အက်ဥပဒေ အပါအ၀င် ပုဒ်မများဖြင့် ထောင်ဒဏ် ၅၉ နှစ် အထိ ချမှတ်ခဲ့သည်။
ကိုဇာဂနာသည် ကနေဒါအခြေစိုက် PEN (Canada) အဖွဲ့မှ ချီးမြှင့်သော၂၀၀၈ ခုနှစ်အတွက် 'One Humanity award' ဆု၊ နယူးယောက် အခြေစိုက် လူ့အခွင့်အရေး စောင့်ကြည့်ရေး အဖွဲ့မှ လွတ်လပ်စွာ ဖော်ထုတ်မှုအတွက် ချီးမြှင့်သည့် Lillian Hellman and Dashiel Hammett Award နှင့် လန်ဒန် အခြေစိုက် Art Venture အဖွဲ့မှ ချီးမြှင့်သော Art Venture's Freedom to Create ဆုတို့ကို ရရှိခဲ့သေးသည်။
Ref: မဇ္ဈိမ
ဟစ်ပ်ဟော့ပ်အဆိုတော် ဇေယျာသော်နဲ့ နိုင်ငံရေးအကျဉ်းသားများကို နယ်ဝေး ထောင်ပြောင်း
03 December 2008
နိုင်ငံရေးတက်ကြွလှုပ်ရှားသူတွေကို ဒီရက်ပိုင်းတွေမှာ ထောင်ဒဏ်ပြစ်ဒဏ်တွေ ချမှတ်ပြီး မိသားစုနဲ့ဝေးရာ နယ်ထောင်တွေကို ဆက်လက်ပို့ဆောင်နေရာမှာ ဒီကနေ့ဆိုရင်လည်း နာမည်ကျော် ဟစ်ပ်ဟော့ပ်ဂီတသမား ဇေယျာသော် အပါအ၀င် လူငယ်တချို့ကို ပြောင်းတာရွှေ့တာတွေ လုပ်ဆောင်ခဲ့ပါတယ်။ ဒီလို နယ်ထောင်တွေကို ရွှေ့တာ ပြောင်းတာတွေ လုပ်နေပေမယ့်လည်း မိသားစုကို အကြောင်းကြားတာမျိုးလည်းမရှိ၊ တိတိကျကျ စုံစမ်းလို့လည်းမရတဲ့ အခြေအနေတွေနဲ့လည်း ကြုံနေရလို့ မိသားစုတွေ ပူပင်သောကရောက်စရာ၊ ခံပြင်းစရာတွေ ဖြစ်နေရပါတယ်။ အကြောင်းစုံကို စုံစမ်းမေးမြန်းပြီး ကိုအောင်လွင်ဦးက တင်ပြပေးထားပါတယ်။
နာမည်ကျော် အက်ဆစ်တေးဂီတအဖွဲ့က ဟစ်ပ်ဟော့ပ်အဆိုတော် ဇေယျာသော် အပါအ၀င် အနည်းဆုံး လူငယ် ၄ ယောက်ကို မိသားစုနဲ့ အလှမ်းဝေးရာ နယ်ထောင်တွေကို ဒီကနေ့ပဲ ပြောင်းရွှေ့ပို့ဆောင်လိုက်တာပါ။ တက်ကြွလှုပ်ရှားသူ လူငယ်အဖွဲ့တခုဖြစ်တဲ့
မျိုးဆက်သစ်လူငယ်များ အစည်းအရုံး (Generation Wave) အဖွဲ့ဝင်တွေအဖြစ် ပြီးခဲ့တဲ့လကုန်ပိုင်းကပဲ ဇေယျာသော်၊ သီဟ၀င်းတင်၊ အာကာဘို၊ အောင်ဇေဖြိုး၊ ရန်နိုင်သူ၊ ဝေလွင်မျိုးတို့ ၆ ဦးကို အသင်းအဖွဲ့ပုဒ်မ ၆ နဲ့ ထောင်ဒဏ် ၅ နှစ်၊ ဒီအထဲက ဇေယျာသော်ကိုတော့ ဖမ်းဆီးချိန်မှာ နိုင်ငံခြားငွေ လက်ဝယ်တွေ့ရှိမှုနဲ့ နောက်ထပ် တနှစ်တိုး ချမှတ်ခဲ့တာပါ။
ဒီအထဲကမှ အခုအခါ ဇေယျာသော်ကို တနင်္သာရီတိုင်း ကော့သောင်းထောင်၊ သီဟ၀င်းတင်ကို မန္တလေးတိုင်း ညောင်ဦးထောင်၊ အာကာဘိုကို ရခိုင်ပြည်နယ် ကျောက်ဖြူထောင်၊ အောင်ဇေဖြိုးကို ပဲခူးတိုင်း တောင်ငူထောင်တွေကို အသီးသီး ပြောင်းရွှေ့လိုက် တာပါ။ အခုနောက်ဆုံး ထောင်တွေပြောင်းရွှေ့လိုက်တာနဲ့ ပတ်သက်လို့ ရန်ကုန် အင်းစိန်ထောင်ကို ဒီကနေ့ သွားရောက်သတင်းစုံစမ်းခဲ့တဲ့ ဇေယျာသော်ရဲ့ အဒေါ်ဖြစ်သူဒေါ်ခင်သန်းဋ္ဌေး ပြောပြတာကတော့ …
"အန်တီ ဒီနေ့ နေ့လယ်မှ သွားစုံစမ်းလိုက်တော့ သူတို့ ပြောင်းသွားပြီလို့ပြောတယ်။ သူ့ကိုတော့ ကော့သောင်းလို့ပြောတယ်။ ဖြိုးဇေယျာသော်ကိုလေ။ အောင်ဇေဖြိုးကတောင်ငူ၊ အာကာဘိုက ကျောက်ဖြူ၊ သီဟ၀င်းတင်က ညောင်ဦး၊ သူ့ကို အမိန့်ချပြီး
နောက်တရက်မှာ တွေ့ရတယ်။ သွားတွေ့တော့လည်း သူတို့သွားရမယ်ဆိုတာ သူတို့သိတယ်။
"ဘာဖြစ်လို့လဲဆိုတော့ ရှေ့က သူတို့ရဲ့အကြီးတွေကိုလည်း ပို့ထားတယ်ဆိုတော့ သူတို့က တနေ့မဟုတ်တနေ့ ပို့မှာပဲပေါ့။ အဲတော့ အန်တီတို့ကို ကျန်းကျန်းမာမာနေဖို့၊ သူ့ကို လွယ်တဲ့ထောင်ဆိုရင်လည်း လာတွေ့၊ လွယ်တဲ့ထောင် မဟုတ်ရင်လည်း အခြေအနေ
ကြည့်ပြီးမှ လာခဲ့ပေါ့။ သူလည်း ဆက်သွယ်လို့ရရင် ဆက်သွယ်မယ်ပေါ့၊ အဲလိုမှာသွားတယ် အန်တီ့ကို။ သူတို့လက်ခုပ်ထဲကရေဆိုတော့ သူတို့လုပ်ချင်သလို လုပ်တော့မှာပေါ့။ အန်တီတို့ကို ဒဏ်ခတ်တဲ့သဘောပေါ့။
"သူတို့ကိုလည်း အငြိုးနဲ့ ချနေသလိုပဲ အန်တီကတော့ ထင်တယ်။ ဒီလောက်ဝေးဝေး လံလံကြီးတွေကို၊ သူတို့က ငယ်လည်း ငယ်သေးတယ်လေ၊ ၂၀ ကျော်လေးတွေပဲ ရှိသေးတာ။ ကော့သောင်းဆိုတော့ အန်တီ အခု စုံစမ်းလိုက်တော့ အဲဒီထောင်က ဖုန်းမရှိဘူးတဲ့။ ကိုယ်မရောက်ဘူးတဲ့မြို့ပေါ့၊ သွားတွေ့ရင်လည်း။ ပြီးတော့ လေယာဉ်ပျံ ခရီးတို့ ကားလမ်းတို့ကလည်း ကြမ်းတယ်ပေါ့။ လေယာဉ်ပျံဆိုရင်လည်း စရိတ်ကကြီးတယ်။ သင်္ဘောခရီးဆိုရင်လည်း လေးရက်လောက်နေမှ ရောက်တဲ့မြို့ဆိုတော့၊ စိတ်ညစ်တယ် အန်တီလည်း။"
ဒီလို နိုင်ငံရေးတက်ကြွလှုပ်ရှားသူတွေကို ပြစ်ဒဏ်တွေစီရင်ပြီး နောက်ဆက်တွဲဆိုသလို ဝေးလံတဲ့ အကျဉ်းထောင်တွေကို ရွှေ့ပြောင်းပစ်နေတာဟာ ကျန်နေတဲ့ မိသားစုကိုပါ ပြစ်ဒဏ်ခတ်တဲ့ အဓိပ္ပာယ်ဖြစ်နေတယ်လို့ ဆိုနေတဲ့အထဲမှာ အခုနောက်ဆုံး မန္တလေးတိုင်း ညောင်ဦးထောင်ကို ပြောင်းရွှေ့ခံလိုက်ရတဲ့ သီဟ၀င်းတင်ရဲ့ မိခင်ဖြစ်သူလည်း တဦးအပါအ၀င် ဖြစ်ပါတယ်။
"သီဟ၀င်းတင်က ညောင်ဦးတဲ့။ ကိုယ်လည်း အတိအကျတော့ မသိဘူး။ ဒါပေမယ့် အသိတယောက်က ပြောတာပါ။ အရမ်းဝမ်းနည်းတာပေါ့။ အန်တီတို့သားတွေက အသက် ၂၀ ကျော်ပဲရှိသေးတာ။ မိဘရဲ့အုပ်ထိန်းမှုအောက်မှာ၊ မိဘတွေကို သူတို့ အကြောင်းကြား သင့်တာပေါ့။ မိဘတွေကို အကြောင်းမကြားဘဲ သူတို့လက်ခုပ်ထဲက ရေဆိုပြီး သွန်လိုသွန်၊ မှောက်လိုမှောက် လုပ်နေတဲ့သဘော ဖြစ်နေတာပေါ့။ အရမ်းလည်း ခံပြင်းတယ်၊ အရမ်းလည်း ၀မ်းနည်းတယ်။
"အန်တီ့သားတွေက အမှန်လုပ်တာပဲလေ။ ဗုဒ္ဓဘာသာဝင် လူမျိုးတယောက်အနေနဲ့ ရွှေဝါရောင်တော်လှန်ရေးမှာ ဒီလို ရဟန်းသံဃာတွေ မေတ္တာသုတ်ရွတ်တာ ဘေးကနေ ဆေးပေးမီးယူ၊ ရဟန်းသံဃာတွေဘက်ကနေ လိုက်ပြီးတော့ ဒီရွှေဝါရောင်တော်လှန် ရေးကနေစပြီး ဖြစ်သွားတာ။ ဒီလိုဖြစ်သွားတာ အန်တီ စိတ်တော့မကောင်းဘူးပေါ့။ ဒါပေမယ့် အများအတွက် ဖြစ်သွားတာပဲ၊ ကိုယ့်သားက မကောင်းတာလုပ်တာမှမဟုတ်တာ။ အန်တီတို့ကတော့ အမှန်လုပ်တဲ့ အန်တီ့သားတွေအတွက် အန်တီတို့ကတော့ အပြစ်မမြင်ဘူး။ သူတို့ကတော့ အပြစ်မြင်နေတယ်။ အပြစ်မြင်ပြီးတော့ သက်သက်မဲ့ လုပ်တာပေါ့။"
ဒီလို ထောင်တွေပြောင်းရွှေ့နေပေမယ့်လည်း မိသားစုကို အသိပေး အကြောင်းကြား တာမျိုးလည်းမရှိ၊ စုံစမ်းတော့လည်း တိတိကျကျ အဖြေမရနိုင်တာမို့ မိသားစုဝင်တွေ အနေနဲ့ သောကရောက်စရာ၊ မခံမရပ်နိုင်စရာတွေလည်း ဖြစ်နေရတာပါ။
"မနက်ဖြန်တွေ့ရတော့မှာဆိုပြီး ကလေးတွေမှန်သမျှ၊ မိဘမှန်သမျှ အကုန်တွေ့ကြမှာ။ ဘာဖြစ်လို့လဲဆိုတော့ သူတို့တွေက ဒီလိုရွှေ့နေတဲ့အတွက်ကြောင့် မနက်ဖြန် အကုန် တွေ့ကြမှာ။ အဲဒါ မနက်ဖြန်မရောက်ခင် ဒီနေ့ကို ပို့လိုက်တယ်ဆိုတော့ ဘာပဲဖြစ်ဖြစ် အန်တီတို့မိဘတွေအနေနဲ့ အရမ်းခံစားရတာပေါ့။ အန်တီတို့ အခုဆို ဘာလုပ်လို့လုပ်ရ မှန်းမသိဘူး။
"ဒီ့ပြင်မိဘတွေတော့ မသိဘူး။ အန်တီက အနားမှာ အမျိုးသားလည်း မရှိဘူး။ အန်တီ တယောက်တည်း၊ သားလေးက ၇ တန်းကလေးလေး။ အဲဒီကလေးလေးနဲ့ အန်တီနဲ့ နှစ်ယောက်တည်းပဲ။ ကလေးကိုပါ အပြစ်ပေးရုံမဟုတ်ဘူး၊ မိသားစုကိုပါ အပြစ်ပေး သလိုဖြစ်နေတယ်။ အကုန်လုံး ဘာလုပ်လို့လုပ်ရမှန်းမသိဘူး။ သေချာစုံစမ်းပြီး ဒီညပဲ ချက်ချင်းလိုက်မယ်။
"အန်တီကတော့ ဟိုသီချင်းကိုတောင်မှ ပြန်ဆိုရမယ်၊ အတောင်ပံပါရင် သားဆီကို၊ ချက်ချင်းတောင် လိုက်ချင်တယ်။ ဘာဖြစ်လို့လဲဆိုတော့ ကိုယ့်သားပဲ။ ဘယ်လိုပဲဖြစ်ဖြစ် သားသမီးချင်း ကိုယ်ချင်းနည်းနည်း မစာကြဘူး။"
မျိုးဆက်သစ်လူငယ်များ အစည်းအရုံး (Generation Wave) အဖွဲ့ဝင် တက်ကြွလှုပ်ရှားသူ လူငယ်တဦးဖြစ်တဲ့ သီဟ၀င်းတင်ကို မိသားစုနဲ့ဝေးရာ မန္တလေးတိုင်း ညောင်ဦး ထောင်ကို ပြောင်းရွှေ့လိုက်လို့ မိခင်ဖြစ်သူ သောကရောက်နေရတာတွေကို ပြောပြ သွားတာ ဖြစ်ပါတယ်။
ဒီရက်ပိုင်းအတွင်း ထောင်ဒဏ်ပြစ်ဒဏ်တွေ စီရင်ပြီး နယ်ထောင်တွေကို ရွှေ့နေတဲ့နေရာမှာ မနေ့တုန်းကဆိုရင်လည်း ရဟန်းတော် တပါးဖြစ်တဲ့ ဦးစန္ဒာသီရိ ခေါ်ဦးမြင့်ဟန်နဲ့ တက်ကြွလှုပ်ရှားသူ ကိုဇေယျာလင်းတို့ကို ရခိုင်ပြည်နယ် စစ်တွေထောင်၊ကိုထွန်းထွန်းနိုင်ကိုတော့ ကချင်ပြည်နယ် ဗန်းမော်ထောင်တွေကို အသီးသီး ရွှေ့ပြောင်းခဲ့ပါတယ်။ ဒါ့အပြင် မကြာသေးခင်ကမှ နယ်ထောင်တွေကို ပြောင်းရွှေ့ခံခဲ့ရတဲ့အထဲကရဟန်းတော်တပါးဖြစ်တဲ့ ဦးကန္တ၀ံသ ခေါ် ဦးပြည်ကျော်နဲ့ တက်ကြွ လှုပ်ရှားသူ လူငယ်တွေဖြစ်ကြတဲ့ စည်သူမောင်၊ ညီညီမင်းတို့ကို စစ်တွေထောင်ကနေ နောက်ထပ် ရခိုင်ပြည်နယ်ထဲမှာပဲရှိတဲ့ ဘူးသီး တောင်ထောင်ကို ထပ်ပြီး ပြောင်းရွှေ့လိုက်တယ်လို့လည်းနိုင်ငံရေးအကျဉ်းသား မိသားစုဝင်တွေက ပြောပြလို့ သိရပါတယ်။
Ref: VOA News
ကုလအတွင်းရေးမှူးချုပ် မြန်မာနိုင်ငံ အမြန်သွားဖို့ ကမ္ဘာ့ခေါင်းဆောင်ဟောင်းများ တောင်းဆို
03 December 2008
ကုလသမဂ္ဂ အတွင်းရေးမှူးချုပ် ဘန်ကီမွန်းအနေနဲ့ မြန်မာနိုင်ငံကို အမြန်ဆုံးသွားရောက်ပြီး မြန်မာနိုင်ငံက နိုင်ငံရေးအကျဉ်းသား ၂,၀၀၀ ကျော် အမြန်ဆုံးပြန်လွတ်မြောက်ရေး ကြိုးပမ်းဆောင်ရွက်ဖို့ ကမ္ဘာ့နိုင်ငံ ခေါင်းဆောင်ဟောင်း ၁၁၂ ဦးက မစ္စတာဘန်ကီမွန်းဆီကို စာရေး တောင်းဆိုလိုက်ပါတယ်။ အပြည့်အစုံ ဆက်သွယ်မေးမြန်း ထားသမျှ ကိုသားညွန့်ဦးက တင်ပြပေးထားပါတယ်။
နိုင်ငံပေါင်း ၅၀ ကျော်က အစိုးရခေါင်းဆောင်ဟောင်း ၁၁၂ ဦးရဲ့ ဒီစာအရတော့ အခု၂၀၀၈ ခုနှစ် မတိုင်ခင်မှာ မြန်မာနိုင်ငံက နိုင်ငံရေး အကျဉ်းသားအားလုံး လွတ်မြောက်လာစေဖို့ ကုလသမဂ္ဂ အတွင်းရေးမှူးချုပ် ဘန်ကီမွန်းကို ဖိအားပေးထားတာပါ။ ဒီအချက်ကို ကုလသမဂ္ဂ လုံခြုံရေးကောင်စီအနေနဲ့ ဆွေးနွေးဆုံးဖြတ်ပြီးသားမို့ မဖြစ်မနေ အကောင်အထည်ဖော်ဖို့ လိုအပ်ချက်ကို ထောက်ပြထားပါတယ်။ ဒီအထဲမှာ ပါဝင်လက်မှတ်လည်းထိုး၊ ဒီစာဖြစ်ဖို့ ဦးဆောင်လှုပ်ရှားသူတဦးလည်းဖြစ်တဲ့ နော်ဝေးနိုင်ငံက ၀န်ကြီးချုပ်ဟောင်း ချဲလ် မာနဲလ် ဘိုနဗစ် (Kjell Magne Bondevik) က ဗွီအိုအေကိုအခုလို ရှင်းပြပါတယ်။
"အခု မြန်မာနိုင်ငံတွင်း နောက်ဆုံးဖြစ်ပေါ်နေတဲ့အခြေအနေတွေအပေါ်မှာ ကျနော်တို့ စိုးရိမ်မိပါတယ်။ မြန်မာ့ အရေးနဲ့ပတ်သက်လို့ လုံခြုံရေးကောင်စီဥက္ကဋ္ဌ ကြေညာချက်ကို ၂၀၀၇ ခုနှစ်အောက်တိုဘာလတုန်းက ထုတ်ပြန်ခဲ့ပါတယ်။အဲဒီမှာ နိုင်ငံရေး အကျဉ်းသား အားလုံးကို လွှတ်ပေးဖို့ တောင်းဆိုထားပါတယ်။ ဒီလို မြန်မာနိုင်ငံက နိုင်ငံရေးအကျဉ်းသားတွေ လွတ်မြောက်လာရေးကို ကုလသမဂ္ဂ အနေနဲ့ ၂၀၀၈ ခုနှစ်အတွင်း တိုးတက် ဖြစ်ထွန်းမှုအနေနဲ့ တိုင်းတာသတ်မှတ်ထားပါတယ်။
"ဒါပေမယ့်လို့ ၂၀၀၇ ဇွန်လက မြန်မာနိုင်ငံမှာနိုင်ငံရေးအကျဉ်းသား ၁,၂၀၀ လောက်ပဲ ရှိရာကနေ အခုဆိုရင် ၂,၁၀၀ ကျော်အထိ ရှိလာပါတယ်။ ဒါ လက်မခံနိုင်စရာပါ။ ဒါကြောင့် မစ္စတာဘန်ကီမွန်းအနေနဲ့ မြန်မာနိုင်ငံကိုသွားပြီး စစ်အစိုးရ အနေနဲ့ ဒီနှစ်မကုန်ခင် နိုင်ငံရေး အကျဉ်းသားတွေ လွှတ်ပေးရမယ် ဆိုတာကို ရှင်းရှင်းလင်းလင်း အသိပေးရပါမယ်။"
မြန်မာနိုင်ငံက အမျိုးသားပြန်လည်သင့်မြတ်ရေးရော၊ ဒီမိုကရေစီဖြစ်ထွန်းရေးရော နိုင်ငံရေးပြဿနာတွေကို ဖြေရှင်းဖို့ဆိုရင် ကနဦး အဆင့် အဖြစ် နိုင်ငံရေး အကျဉ်းသားတွေ လွတ်မြောက်ရေးကို နိုင်ငံတကာအနေနဲ့ ကြိုတင် စည်းမျဉ်းသတ်မှတ်ချက် သဘောထားရမယ် လို့လည်း မစ္စတာဘိုနဗစ်က ပြောပါတယ်။
"နိုင်ငံရေးအကျဉ်းသားလွှတ်ဖို့ဆိုတာ ပထမဆုံးအဆင့် ဖြစ်ရပါလိမ့်မယ်။ ဒါပြီးမှစစ်အစိုးရရယ်၊ အန်န်အယ်လ်ဒီရယ်၊ တိုင်းရင်းသား တွေရယ် တွေ့ဆုံဆွေးနွေးနိုင်မှာပါ။ ဒါကြောင့် မြန်မာနိုင်ငံက ဒီနိုင်ငံရေးအကျဉ်းသားလွှတ်ဖို့ဆိုတာ နိုင်ငံတကာ အနေနဲ့ ကြိုတင် စည်းမျဉ်းကို သတ်မှတ်ထားရပါမယ်။"
ဒါပေမယ့် မြန်မာစစ်အစိုးရကတော့ တဖက်မှာ သူတို့ရဲ့ နိုင်ငံရေးလမ်းပြမြေပုံအတိုင်းလာမယ့် ၂၀၁၀ ခုနှစ်မှာ ရွေးကောက်ပွဲလုပ်ဖို့ကိုပဲ ပိုင်းဖြတ်ထားပုံရပါတယ်။ မစ္စတာဘိုနဗစ်ကတော့ ဒီအတိုင်း အခြေအနေအရဆိုရင် လွတ်လပ်ပြီး မျှတတဲ့ ရွေးကောက်ပွဲတွေ ဖြစ်လာမှာမဟုတ်ဘူးလို့ သူ့အမြင်ကို ပြောပါတယ်။
"ဒေါ်အောင်ဆန်းစုကြည်နဲ့ အခြားနိုင်ငံရေးခေါင်းဆောင်တွေ အထိန်းသိမ်းခံနေရသရွေ့တော့ လွတ်လပ်ပြီး မျှတတဲ့ရွေးကောက်ပွဲ ဘယ်လိုမှ မဖြစ်နိုင်ပါဘူး။ ဒီမတိုင်ခင်မှာ နိုင်ငံရေးပါတီတွေ၊ နိုင်ငံရေးခေါင်းဆောင်တွေ အားလုံးအတွက် လမ်းဖွင့်ပေးထားရပါမယ်။ ဒါ့အပြင် ဖွဲ့စည်းအုပ်ချုပ်ပုံဆိုင်ရာမှာလည်း ပြန်လည်ညှိနှိုင်းဆွေးနွေးဖို့ လိုပါတယ်။"
မြန်မာနိုင်ငံအရေးနဲ့ပတ်သက်လို့ ချဉ်းကပ်ဆောင်ရွက်မှုမှာ အနောက်နိုင်ငံတွေနဲ့ အာရှဘက်က အာဆီယံ၊ တရုတ်တို့အကြားမှာ ကွဲလွဲမှု အဓိကအချက်ကတော့ ပြစ်ဒဏ်ခတ်ဖိအားပေး အရေးယူနည်းနဲ့ အပြုသဘော သံတမန်နည်းအရ ချဉ်းကပ်တာတွေပါ။ နှစ်ဖက် စလုံးကလည်း ဒါကို စိုက်လိုက်မတ်တတ် ကျင့်သုံးခဲ့ပါတယ်။ ဒါပေမယ့် မြန်မာနိုင်ငံအတွက် အဖြေကောင်းကောင်းတော့ ထွက်မလာသေးပါဘူး။ ဒါဟာ နိုင်ငံတကာကနေ မြန်မာ့အရေးကို ကိုင်တွယ်မှုမှာ စိတ်ပါလက်ပါ ပိုင်းဖြတ်ချက်မရှိလို့ ဖြစ်တယ်လို့ မစ္စတာဘိုနာဗစ်က အပြစ်တင်ပါတယ်။
"ပြဿနာကတော့ ကမ္ဘာ့အသိုင်းအ၀ိုင်းတခုလုံးရဲ့ တကယ်တမ်း စိတ်ဆန္ဒရှိမှုပါပဲ။ကျနော် အရင်တုန်းက မစ္စတာဘန်ကီမွန်းကို တိုက်တွန်း ခဲ့ဖူးပါတယ်။ မြန်မာနိုင်ငံနဲ့ပတ်သက်လို့ အဓိကကျတဲ့နိုင်ငံတွေက ထိပ်ပိုင်းခေါင်းဆောင်တွေနဲ့ အစည်းအဝေးတရပ် ခေါ်ယူ ကျင်းပဖို့ ကိစ္စပါ။ အမေရိကန်၊ အီးယူ၊ အာဆီယံ၊ တရုတ် စတဲ့ နိုင်ငံတွေအနေနဲ့ မြန်မာနိုင်ငံအရေးနဲ့ပတ်သက်လို့ ပိုပြီး ပူးပေါင်း ဆောင်ရွက် လုပ်ကိုင်နိုင်ဖို့ပါ။"
မစ္စတာဘန်ကီမွန်းအနေနဲ့ အခုနှစ်ဆန်းပိုင်းမှာပဲ နာဂစ်မုန်တိုင်းကိစ္စနဲ့ မြန်မာနိုင်ငံကိုသွားခဲ့ဖူးတာကြောင့် မြန်မာအစိုးရ ဗိုလ်ချုပ်တွေနဲ့ မစ္စတာဘန်ဟာ အဆက်အစပ်ရှိနေဆဲလို့ ယူဆတာကြောင့် မစ္စတာဘန် မြန်မာနိုင်ငံကိုသွားရင် စစ်အစိုးရကို တစုံတရာနားချနိုင်မယ်လို့ မစ္စတာဘိုနာဗစ်က ယူဆပါတယ်။ မစ္စတာဘန်ကီမွန်းကလည်း အခုနှစ်မကုန်ခင် သူ မြန်မာနိုင်ငံကိုသွားမယ်လို့ ပြောခဲ့တာပါ။
ဒါပေမယ့်လို့ ပြီးခဲ့တဲ့ ကုလသမဂ္ဂ အစည်းအဝေးတခုမှာပဲ ခိုင်မာတဲ့တိုးတက်မှု တစုံတရာမတွေ့ရဘဲ မြန်မာနိုင်ငံကို မသွားသင့်ဘူးလို့ ယူဆပြောဆိုတဲ့ အာရှနိုင်ငံတွေလည်း ရှိခဲ့ပါတယ်။ မြန်မာနိုင်ငံက တိုင်းရင်းသား ခေါင်းဆောင်တဦးဖြစ်တဲ့ ဦးကျင့်ရှင်းထန်ကတော့ မစ္စတာဘန်ကီမွန်း လာနိုင်သည်ဖြစ်စေ၊ မလာနိုင်သည်ဖြစ်စေ အခုလို ကမ္ဘာ့ခေါင်းဆောင်တွေက မြန်မာ့အရေး တိုက်တွန်းဆောင်ရွက်တဲ့ အပေါ်မှာ စိတ်အားရမိတယ်လို့ ဗွီအိုအေကို ပြောပါတယ်။
"ဒီဥစ္စာ အလိုအပ်ဆုံးပါ။ ဘန်ကီမွန်း လာသည်ဖြစ်စေ၊ မလာသည်ဖြစ်စေ၊ ကမ္ဘာကအဲဒီလိုလုပ်တာ ကျနော်တို့ ၀မ်းသာလို့ပါ။ အဲဒီလို ဆန္ဒပြုတာ ကျနော်တို့အတွက်အများကြီး ကြိုဆိုစရာဖြစ်တယ်၊ ၀မ်းသာစရာဖြစ်တယ်၊ အားရစရာဖြစ်တယ်။"
အခု ကမ္ဘာ့ခေါင်းဆောင် ၁၁၂ ဦး မစ္စတာဘန်ကို ပေးပို့တဲ့စာထဲမှာတော့ မစ္စတာဘန်မြန်မာနိုင်ငံကို သွားနိုင်သည်ဖြစ်စေ၊ မသွားနိုင်သည် ဖြစ်စေ မြန်မာအစိုးရအနေနဲ့ အခုနှစ်မကုန်ခင်မှာ နိုင်ငံရေးအကျဉ်းသားတွေကို လွှတ်ပေးရမယ်ဆိုတာကို ရှင်းရှင်းလင်းလင်း စစ်အစိုးရ သိအောင် လုပ်ဖို့ကိုလည်း တိုက်တွန်းပါတယ်။ အကယ်၍ ဒါကိုစစ်အစိုးရက ငြင်းဆန်နေဦးမယ်ဆိုရင်တော့ကုလသမဂ္ဂ လုံခြုံရေး ကောင်စီကနေ ဒီနိုင်ငံရေးအကျဉ်းသားတွေ လွတ်လာဖို့ နောက်ထပ်အရေးယူကိုင်တွယ်မှုတွေ လုပ်ဖို့ ကိုလည်း တိုက်တွန်း ပါတယ်။ သူတို့ အနေနဲ့လည်း ကုလသမဂ္ဂနဲ့ အတူ တသားတည်းရပ်တည်သွားမယ်လို့ ကတိပြုထားပါတယ်။
အခုပေးစာထဲမှာတော့ အမေရိကန်ပြည်ထောင်စုက သမ္မတဟောင်း ဂျော့ အိပ်ခ်ျဒဗလျူ ဘုရ်ှ၊ ဂျင်မီကာတာ၊ အာရှကဆိုရင်တော့ ကိုရာဇန် အာကွီနို၊ ကင်ဒေးဂျုံ၊ရာမို့စ်ဟိုတာ၊ ကိုအီဇူးမီး၊ အခြားထင်ရှားသူတွေဖြစ်တဲ့ အင်္ဂလန်ဝန်ကြီးချုပ်ဟောင်း တိုနီဘလဲ၊ ဂျွန်မေဂျာ၊ မာဂရက်သက်ချာ၊ နောက် ချက်နိုင်ငံက ဗားဆလပ်ဟားဗဲလ်၊ အိုင်ယာလန်က မယ်ရီရောဘန်ဆန် စုစုပေါင်း ၁၁၂ ဦး ပါဝင် လက်မှတ်ထိုးခဲ့ကြပါတယ်။
Ref: VOA News
ကိုဒီငြိမ်းလင်းကို အမှုသစ်တခုဖြင့် တရားစွဲဆိုပြန်
သန်းထိုက်ဦး အင်္ဂါနေ့၊ ဒီဇင်ဘာလ 02 2008
ချင်းမိုင် (မဇ္ဈိမ)။ ။ ထောင် ၁၀ နှစ်ကျော် ကျခံထားရပြီးသားဖြစ်သူ မျိုးဆက်သစ် ကျောင်းသားသမဂ္ဂ ခေါင်းဆောင် ကိုဒီငြိမ်းလင်းကို တောင်ဒဂုံမြို့နယ် ရဲစခန်းမှူးက တရားမ၀င် အသင်းအဖွဲ့ ဖွဲ့စည်းမှုဖြင့် ယနေ့ ထပ်မံ တရားစွဲဆိုထားသည်ဟု သူ၏ မိခင်က ပြောသည်။
ကိုဒီငြိမ်းလင်း (အသက် ၂၁ နှစ်) အား တောင်ဒဂုံမြို့နယ် ရဲစခန်းမှူး ဦးကျော်ဆန်းဌေးက တရားလိုပြုလုပ်၍ တရားစွဲဆိုထားခြင်းဖြစ်ပြီး တောင်ဒဂုံတရားရုံးတွင် အမှုထပ်မံ ရင်ဆိုင်ရမှာ ဖြစ်သည်။
"ဒီကျောင်းသား သမဂ္ဂဖွဲ့တယ်ဆိုပြီးတော့ စွဲထားတာ" ဟု ဒေါ် ဌေးဌေးဝင်းက မဇ္ဈိမ သို့ ပြောသည် ။
ယမန်နေ့က ဒဂုံမြို့နယ်တရားရုံးက အလားတူအမှုကို ပယ်ဖျက်လိုက်ပြီးနောက် ယခုကဲ့သို့ ထပ်မံတရားစွဲဆိုမှု ပေါ်ပေါက်လာခြင်း ဖြစ်သည်။
ယမန်နှစ် စက်တင်ဘာလအတွင်းက အစိုးရ ဆန့်ကျင်ရေး ဆန္ဒပြပွဲများတွင် လူငယ်များကို ဦးဆောင်ပါဝင်ခဲ့သည့် နိုင်ငံရေး အစဉ်အလာရှိသော မျိုးရိုးမှ မွေးဖွားလာသူ ကိုဒီငြိမ်းလင်းကို စစ်အစိုးရက ထောင်ဒဏ် ၁၀ နှစ်ခွဲ ချမှတ်ခဲ့ပြီ ဖြစ်သော်လည်း ယခုတဖန် အမှုသစ်တခု တိုးလာခြင်း ဖြစ်သည်။
ရန်ကုန် အနောက်ပိုင်း တက္ကသိုလ်၊ ဘူမိဗေဒ နောက်ဆုံးနှစ် ကျောင်းသား ကိုဒီငြိမ်းလင်းမှာ ယမန်နှစ် အောက်တိုဘာလ ၂၃ ရက်နေ့တွင် ပါရမီ တိုက်ခန်းတခု၌ အဖမ်းခံခဲ့ရသည်။
ရွှေဝါရောင် တော်လှန်ရေးဟု အမည်တွင်ခဲ့သော သံဃာတော်များ ဦးဆောင်သော အစိုးရဆန့်ကျင်ရေး ဆန္ဒပြမှုကြီး ပေါ်ပေါက်နေချိန်တွင် ကိုဒီငြိမ်းလင်းမှာ ဗမာနိုင်ငံလုံးဆိုင်ရာ ကျောင်းသားသမဂ္ဂကို ပြန်လည် ဖွဲ့စည်းရာတွင် ဦးဆောင်ပါဝင်ခဲ့သည်။
သူ၏ ဖခင်ဖြစ်သူ ဦးဇော်ဇော်မင်းမှာ ၈၈ မျိုးဆက် ကျောင်းသားအဖွဲ့ဝင်တဦးဖြစ်ပြီး ထောင်ဒဏ် ၆၅ နှစ် ချမှတ်ခံထားရသူဖြစ်ကာ အဖိုးဖြစ်သူမှာ သာယာဝတီ အကျဉ်းထောင်အတွင်း အကျဉ်းကျခံနေရစဉ် ကွယ်လွန်ခဲ့ရသော ထီးလင်းမဲဆန္ဒနယ် လွှတ်တော်အမတ် ဦးစောဝင်း ဖြစ်သည်။
Ref: မဇ္ဈိမ
ထိုင်းဝန်ကြီးချုပ်နုတ်ထွက်၊ ဆန္ဒပြမှု အဆုံးသတ်
02 December 2008
ထိုင်းဝန်ကြီးချုပ် ဆွန်ချိုင်း ဝေါင်ဆာဝတ် (Somchai Wongsawat) က သူ့ကို နိုင်ငံရေး ၅ နှစ် မလုပ်ရ၊ သူ့ရဲ့ နိုင်ငံရေးပါတီလည်း ဖျက်သိမ်းရမယ်လို့ ထိုင်းနိုင်ငံတော် ဖွဲ့စည်းပုံရေးရာ တရားရုံးရဲ့ စီရင်ချက်ကို လက်ခံကြောင်း ဘန်ကောက် အဓိက လေဆိပ်များကို သိမ်းပိုက်ကတည်းက ချင်းမိုင်မြို့မှာ ရုံးထိုင်နေရာက သတင်းထောက်များကို ပြောကြားပါတယ်။
ဆွန်ချိုင်း ဝေါင်ဆာဝတ်ရဲ့ ညွန့်ပေါင်းအစိုးရထဲက အဓိကနိုင်ငံရေးပါတီကြီး ၃ ခု မဲမသမာမှုများ ရှိခဲ့ကြောင်း တွေ့ရှိရလို့ ဖျက်သိမ်းရမယ်လို့ ဖွဲ့စည်းပုံရေးရာရုံးက ဒီနေ့စီရင်ချက်ချလိုက်တာ ဖြစ်ပါတယ်။
မစ္စတာဆွန်ချိုင်း အပါအ၀င် ပြည်သူ့အာဏာပါတီ၊ ချတ်ထိုင်းပါတီနဲ့ မတ်ချီမာ သီပါတရာပါတီ ခေါင်းဆောင်များ နိုင်ငံရေး ၅ နှစ်မလုပ်ရလို့ ရုံးတော်က ပိတ်ပင်လိုက်ပါတယ်။
တရားရုံးစီရင်ချက် ထွက်လာလာခြင်းမှာပဲ အစိုးရပြောခွင့်ရပုဂ္ဂိုလ်က ညွန့်ပေါင်းအစိုးရထဲ ပါဝင်တဲ့ ၆ ပါတီ စလုံးက ပါတီသစ်များနဲ့ ၀န်ကြီးချုပ်လောင်းတယောက် ရွေးချယ်ရေးအတွက် လုပ်ဆောင်နေပြီလို့ ပြောဆိုပါတယ်။
ပီအေဒီ ဒီမိုကရေစီရရှိရေး မဟာမိတ်အဖွဲ့ ခေါင်းဆောင်များက ဘန်ကောက် ၀န်ကြီးချုပ်ရုံးဝင်း သိမ်းပိုက်ထားမှု အဆုံးသတ်လိုက်ပြီ၊ လေဆိပ်သိမ်းပိုက်ထားတာကိုလည်း ဗုဒ္ဓဟူးနေ့မနက် ၁၀ နာရီမှာ အဆုံးသတ်မယ်လို့ ကြေညာပါတယ်။ လေဆိပ်တာဝန်ခံများကတော့ ခရီးသည်တင်လေယာဉ်ပျံသန်းမှု ဒီဇင်ဘာလ ၁၅ ရက်ထက်စောပြီး ပြန်မစနိုင်သေးဘူးလို့ ပြောဆိုကြပါတယ်။
အခုလထဲ ချင်းမိုင်မြို့မှာ ကျင်းပဖို့ရှိတဲ့ အာဆီယံ ထိပ်သီးစည်းဝေးပွဲကို ရွှေ့ဆိုင်းလိုက်ရပြီး မတ်လကြမှ ကျင်းပတော့မယ်လို့ ဆိုပါတယ်။
Ref: VOA News
အာဆီယံ ထိပ်သီးဆွေးနွေးပွဲ ရွှေ့ဆိုင်း
02 December 2008
ထိုင်းနိုင်ငံရေး မတည်မငြိမ်ဖြစ်နေတဲ့ အခြေအနေတွေကြောင့် နောက်ဆယ်ရက် ကြာရင် ချင်းမိုင်မြို့မှာ ကျင်းပဖို့ရှိတဲ့ အရှေ့တောင်အာရှနိုင်ငံများအသင်း ခေါင်းဆောင်များရဲ့ ထိပ်သီး ညီလာခံကိုလည်း ရက်ရွှေ့ဆိုင်းလိုက်တယ်လို့ အိမ်ရှင် ထိုင်းနိုင်ငံက ပြောကြားခဲ့ပါတယ်။ ဒီအကြောင်းနဲ့ ပတ်သက်လို့ ဗွီအိုအေသတင်းထောက် ကိတ် ပေါင် ဒေါ်ဆင် (Kate Pound Dawson) ဘန်ကောက်မြို့ကနေ သတင်းပေးပို့ထားတာကို ဒေါ်လှလှသန်းက တင်ပြ ပေးထားပါတယ်။
နှစ်ပတ်လည် အာဆီယံ ထိပ်သီးညီလာခံကို နောက်နှစ် မတ်လမှာကျင်းပဖို့ရက် ရွှေ့ဆိုင်း လိုက်တာပါ။ ကနဦးကတော့ ဒီဇင်ဘာလ ၁၃ ရက်နေ့မှာ ပဏာမစည်းဝေးပွဲတွေကို စတင်ပြီး အစိုးရခေါင်းဆောင်တွေကတော့ ၁၅ ရက်နေ့မှာ ဆွေးနွေးပွဲစတင်ဖို့ရှိပါတယ်။ ဒါပေမယ့် ထိုင်းနိုင်ငံရေး နောက်ဆုံးအခြေအနေဖြစ်တဲ့ ၀န်ကြီးချုပ် ဆွန်ချိုင်း ဝေါင်ဆာဝတ် (Somchai Wongsawat) နဲ့ သူ့ရဲ့ ပီပီပီ ပြည်သူ့အင်အားပါတီအနေနဲ့ ရွေးကောက်ပွဲ ဥပဒေတွေကို ချိုးဖောက်ခဲ့တယ်လို့ နိုင်ငံတော်တရားရုံးချုပ်က ဒီနေ့ပဲဆုံးဖြတ်လိုက်တဲ့ အတွက်လည်း ၀န်ကြီးချုပ်က ရာထူးကနေ နုတ်ထွက်ပေးဖို့ရှိပြီး ၀န်ကြီးချုပ်သစ်ကို လွှတ်တော်အမတ်တွေက မရွေးချယ်နိုင်သေးတဲ့ ကာလအတွင်းမှာတော့ ယာယီအစိုးရက တာဝန်ယူအုပ်ချုပ်သွားဖို့ ရှိပါတယ်။
သီတင်နန် ဖွန်ဆို ဟိရပ်ကတော့ ဘန်ကောက် ချူလာလောင်ကွန်းတက္ကသိုလ်မှာ နိုင်ငံတကာ ဆက်ဆံရေးဌာနရဲ့ ပါမောက္ခတဦး ဖြစ်ပါတယ်။ သူကတော့ အခုလို အာဆီယံ ထိပ်သီးညီလာခံ ကျင်းပမယ့်ရက် ရွှေ့ဆိုင်းလိုက်တဲ့အတွက် ပထမဆုံး ထွက်ပေါ်လာမယ့်အာဆီယံ ပဋိညာဉ် စာတမ်းကြီး အတည်ပြုရေးမှာ အာဆီယံရဲ့ ကြိုးပမ်းမှုတွေကို နှောင့်နှေးစေနိုင်တယ်လို့ ပြောပါတယ်။ ပဋိညာဉ်စာတမ်းကြီးအနေနဲ့ အဖွဲ့ဝင် ၁၀ နိုင်ငံပိုမိုရင်းနှီး ပေါင်းစည်းမှုကို ပြသဖို့ အာဆီယံက ရည်ရွယ်တာလည်း ဖြစ်ပါတယ်။ပါမောက္ခ သစ်တီနန်က …
"ပဋိညာဉ်စာတမ်းကြီးဟာ အာဆီယံအတွက် စည်းလုံးညီညွတ်မှုကို ပြစေပြီးတော့ ကမ္ဘာ့ ဇာတ်ခုံမှာ တိုးတက်မှုကိုပြနိုင်မယ့် အရိပ်လက္ခဏာပါ။ ဒါပေမယ့် ထိပ်သီးညီလာခံကို အခုလို ရက်ရွှေ့ဆိုင်း လိုက်တယ်ဆိုတော့ ပဋိညာဉ်စာတမ်းကြီး ရုပ်လုံးပေါ်လာဖို့လည်း နှောင့်နှေးသွားဖို့ ရှိပါတယ်။ ဒါ့အပြင် ထိုင်းနိုင်ငံဟာ နောက်ထပ် ၁၈ လအထိ အာဆီယံဥက္ကဋ္ဌအဖြစ် ယူထားမယ့် ကာလအတွင်းမှာလည်း ထိပ်သီးညီလာခံကို အိမ်ရှင်အဖြစ် တာဝန်ယူကျင်းပပေးနိုင်ဖို့ အခြေအနေ ပေးပါ့မလား ဆိုတာကိုလည်း တခြားအိမ်နီးချင်းနိုင်ငံတွေ မေးခွန်းထုတ်လာကြဖို့ ရှိပါတယ်။"
ဒါ့အပြင် ဘန်ကောက်ရဲ့ သုဝဏ္ဏဘူမိ နိုင်ငံတကာလေဆိပ်ကြီးနဲ့ ဒွန်မောင်း ပြည်တွင်း လေဆိပ်တို့ကို အစိုးရဆန့်ကျင်တဲ့ ပီအေဒီပါတီဝင် ဆန္ဒပြသူတွေက ၀င်သိမ်းထားကြတဲ့ အတွက်လည်း ထိုင်းနိုင်ငံနဲ့ အိမ်နီးချင်းနိုင်ငံတွေအကြား ဆက်ဆံရေး တင်းမာလာတာတွေ့ရပါတယ်။ သုဝဏ္ဏဘူမိလေဆိပ်ဟာ ကမ္ဘာပေါ်မှာ အကြီးဆုံး နိုင်ငံတကာလေဆိပ်တွေအနက် တခုဖြစ်ပြီး အရှေ့တောင်အာရှနိုင်ငံအတွက် လေယာဉ်ခရီးတထောက်နားရာ အရေးကြီးတဲ့၊ အချက်အချာကျတဲ့ လေဆိပ်လည်း ဖြစ်ပါတယ်။ အခုလို လေဆိပ်ကြီးပိတ်ထားတာ တပတ် ရှိပြီဖြစ်တဲ့ အတွက်လည်း ဒေသန္တရ အိမ်နီးချင်းနိုင်ငံတွေအကြား ထိုင်းနိုင်ငံရေးသိက္ခာ ကျစေတယ်လို့ သစ်တီနန်က သုံးသပ်ပါတယ်။
"ဒေသန္တရအတွင်းမှာ ထိုင်းနိုင်ငံက လမ်းပန်းဆက်သွယ်ရေး အချက်အချာ ဖြစ်ခဲ့လေတော့ လက်ရှိအခြေအနေကြောင့် အိမ်နီးချင်းနိုင်ငံတွေအတွက်တော့ ကုန်သွယ်ရေးရော၊ ရင်းနှီးမြှုပ်နှံမှု တွေမှာပါ အနှောင့်အယှက်တွေ ဖြစ်စေမှာပါ။"
လေဆိပ်ကြီးနှစ်ခုကို ပိတ်ဆို့ထားလို့လည်း ကမ္ဘာလှည့်ခရီးသွားတွေ သောင်းနဲ့ချီပြီးသောင်တင် နေကြရပါတယ်။ တချို့ကတော့ မလွှဲမရှောင်သာ လေယာဉ်ခရီးစဉ်တွေကို ပြောင်းရသလို ဖျက်ပစ်ရတာတွေလည်း ရှိပါတယ်။ သစ်တီနန်ကတော့ အခုလိုအခြေအနေကြောင့် ဥရောပနိုင်ငံတချို့က နိုင်ငံသားတွေ ဘန်ကောက်လေဆိပ်မှာ သောင်တင်နေကြလို့ သက်ဆိုင်ရာ အစိုးရတွေအတွက် စိတ်သောကဖြစ်စေတယ်လို့ ပြောပါတယ်။
ဆန္ဒြုပသူတွေကတော့ လေယာဉ်ကွင်းတွေ ပိတ်ဆို့ထားတာတွေကို ဒီနေ့ အဆုံးသတ်ပေးမယ်လို့ ပြောခဲ့တာတွေ ရှိပေမယ့်လည်း နိုင်ငံတကာ လေယာဉ်ကွင်းကြီးအနေနဲ့ ပုံမှန်ပြန်ပြီး လည်ပတ်နိုင်ဖို့ကတော့ ရက်အတော်ကြာဦးမယ်လို့ လေဆိပ်အာဏာပိုင် တွေက ပြောကြပါတယ်။
Ref: VOA News
Tuesday, December 2, 2008
မော်လမြိုင် အောက်ဈေးကြီး မီးလောင်
01 December 2008
မော်လမြိုင်မြို့က အောက်ဈေးကြီး မီးလောင်နေတာ အခုအချိန်အထိ မီးမငြိမ်းသေးဘူးလို့ သိရပါတယ်။ မီးသတ်ကို ဆက်သွယ်ဖို့ ကြိုးစားပေမယ့် အခုထိတော့ ဆက်သွယ်လို့ မရသေးပါဘူး။ မြို့ခံတယောက်ကတော့ မီးလောင်နေတဲ့ အခြေအနေကို အခုလို
ပြောပြပါတယ်။
"မော်လမြိုင် အောက်ဈေးကြီး မီးလောင်တာပါ။"
ဘယ်အချိန်လောက်က စလောင်တာပါလဲ။
"လောင်တာကတော့ ၆ နာရီ၊ ၆ နာရီခွဲလောက်ကထင်တယ်။ အခု မီးတော့ မသေသေးဘူး။ ဒါပေမယ့် တခြား ဘယ်တွေ၊ ညာတွေတော့ မလောင်တော့ဘူး။"
လူအသေအပျောက်၊ အထိအခိုက်ရော ရှိလား။
"အဲဒါတော့ မကြားသေးဘူး။ ကျမတို့တော့ ဒီမှာ ကြည့်နေတုန်းပဲ။ မီးကတော့ မငြိမ်း
သေးဘူး။ လောင်နေတုန်းပဲ။"
တခြား လူနေအိမ်တွေကို ကူးတာရော ရှိလား။
"မကူးပါဘူး။"
မီးညွန့်က အခုအနေအထား ဘယ်လိုရှိပါသလဲ။
"နည်းနည်း လောင်စရာများတော့ မီးညွန့်တော့ နည်းနည်းရှိသေးတာပေါ့။ အပေါ်ကြီးကိုတော့ မတက်တော့ဘူး။ မီးတော့ နိုင်သွားပါပြီ။"
မီးလောင်တာ ဘယ်လိုစလောင်တယ်လို့ ကြားလဲ။
"မကြားသေးပါဘူး။ ကျမတို့လည်း အခုမှ မီးစွယ်ကျိုးသွားပြီဆိုလို့ လာကြည့်တာ။"
ဆိုင်တွေ၊ ပစ္စည်းတွေရော အကုန်ပါသွားပြီလား။
"တချို့တွေလည်း လွတ်ကြတယ်။ တချို့တွေဆိုတာက စလောင်တဲ့ဘက်မဟုတ်ဘူး၊ ဒီဘက်အခြမ်းပေါ့။"
မော်လမြိုင်မြို့ အောက်ဈေးကြီး မီးလောင်နေတဲ့ အခြေအနေကို မြို့ခံတယောက်ကပြောပြခဲ့တာဖြစ်ပါတယ်။
Ref:
Monday, December 1, 2008
မွမ်ဘိုင်း တိုက်ခိုက်မှုအပြီး အိန္ဒိယ ပြည်ထဲရေးဝန်ကြီး နှုတ်ထွက်
01 December 2008
အိန္ဒိယနိုင်ငံ မွမ်ဘိုင်းမြို့ အကြမ်းဖက် တိုက်ခိုက်မှုကို တားဆီးဖို့ အစိုးရအနေနဲ့ လုံလုံလောက်လောက် လုပ်ဆောင်ခဲ့ခြင်း မရှိဘူးလို့ ဝေဖန်ပြောဆိုမှုတွေ ထွက်ပေါ်လာပါတယ်။ အိန္ဒိယနိုင်ငံရဲ့ ထိပ်တန်းလုံခြုံရေး အရာရှိ ရာထူးက နုတ်ထွက် သွားပါပြီ။ ပြည်ထဲရေး ၀န်ကြီး ရှီရာပ် ပတေးလ် က နုတ်ထွက်သွားတာပါ။ သူ့နေရာမှာ ဘဏ္ဍာရေး ၀န်ကြီး ပလာနီပန် ချီတန် ဘရမ်းကို အစားထိုး ခန့်အပ်လိုက်ပါတယ်။ အစိုးရအနေနဲ့ လုံခြုံရေး ဆိုင်ရာ ကိစ္စရပ်တွေကို တိုးချဲ့ လုပ်ကိုင်သွားမှာ ဖြစ်ကြောင်း နိုင်ငံရေး ပါတီတွေ အားလုံးကို ခေါ်ယူ ကျင်းပ ခဲ့တဲ့ အစည်းအဝေး ပွဲမှာ ၀န်ကြီးချုပ် မန်းမိုဟန်ဆင်း က ပြောခဲ့ ပါတယ်။ အကြမ်းဖက် တိုက်ခိုက်ရေး အမျိုးသားလုံခြုံရေး တပ်ဖွဲ့ကို အင်အားတိုးမြင့် ဖွဲ့စည်းသွားမယ်လို့လည်း ၀န်ကြီးချုပ်က ပြောပါတယ်။ ဒါအပြင့် ဗဟိုထောက်လှမ်းရေး အဖွဲ့ ဖွဲ့စည်းဖို့လည်း ပြင်ဆင်နေတယ်လို့ ၀န်ကြီးချုပ်က ပြောပါတယ်။
ဗုဒ္ဓဟူးနေ့က စတင် တိုက်ခိုက်ခဲ့တဲ့ သုံးရက်ကြာ အကြမ်းဖက် တိုက်ခိုက်မှုတွေကြောင့် လူပေါင်း ၁၇၅ ယောက်သေဆုံးပြီး ၃၀၀ကျော် ထိခိုက် ဒဏ်ရာရခဲ့ပါတယ်။ အကြမ်းဖက် သမား ၉ယောက်ကို အိန္ဒိယ ကွန်မန်ဒို တပ်တွေက သုတ်သင်နိုင်ခဲ့ ပြီးတော့ ၁ ယောက်ကိုတော့ အရှင် ဖမ်းမိခဲ့ပါတယ်။ အဲဒီလူဟာ ပါကစ္စတန် နိုင်ငံသားလို့ ဆိုပါတယ်။
Ref: VOA News
Posts
