မေခ
May 16, 2013
စစ်စွပ်ကျယ်၊ ပုဆိုးခါးတောင်းကျိုက်နဲ့ ရေသန့် ၆ ဘူးတကတ်တွဲ ၂ တွဲကို လက်တဘက် တချက် ကိုင်ထားရင်း နဖူးကချွေးတွေကို လက်မောင်းရင်းနဲ့ ခပ်ကြမ်းကြမ်း သုတ်လိုက်သူကတော့ တချိန်က စစ်အစိုးရ လက်ထက် တနိုင်ငံလုံးရဲ့ စာရင်းစစ်ချုပ် ရာထူးကို ပိုင်ဆိုင်ခဲ့ဖူးသူ အရင်က ဗိုလ်ချုပ်လွန်းမောင် ဆိုပြီး နာမည်ကျော်ခဲ့သူပဲ ဖြစ်ပါတယ်။
ရေသန့်ဘူးတွေကို ရေခဲသေတ္တာထဲ အစီအရီ ထည့်ဖို့ပြင်နေတဲ့ အသက် ၆၀ ကျော်အရွယ် ဦးလွန်းမောင်ရဲ့ ပုံစံဟာ တချိန်က ဘုန်းမီးနေလ ထွန်းတောက်ခဲ့သူ သူတဦးလို့ ထင်စရာ မရှိပါဘူး။ လက်ရှိအချိန်မှာတော့ ထမင်းဆိုင်ပိုင်ရှင် ဦးလွန်းမောင် အဖြစ်နဲ့ မွန်ပြည်နယ် ဘီးလင်းမြို့မှာ အခြေချနေပါပြီ။
ဦးလွန်းမောင်ဟာ ရေခဲသေတ္တာထဲကို ရေသန့်ဘူးတွေ အစီအရီထည့်ပြီး မကြာခင်မှာပဲ ထမင်း စားပွဲခုံ အလုံး ၄၀ ကျော်ကို ရေစိုအ၀တ်နဲ့ လိုက်လံ သုတ်နေပြန်ပါတယ်။ ဘေးက ကြည့်နေသူတွေကတော့ သူ့ အသက်အရွယ်နဲ့ မလိုက်အောင် လုပ်ကိုင်နေပုံကို အံ့သြနေပုံရပါတယ်။
အင်တာနက်စာမျက်နှာ ပေါ်မှာ ဗိုလ်ချုပ်ဟောင်း လွန်းမောင်တယောက် ထမင်းဆိုင် ဖွင့်ထားတယ်၊ ရိုးစင်းတဲ့ ဘဝကို ဖြတ်သန်းနေတယ် စသည်ဖြင့် သတင်းတွေနဲ့အတူ သတင်းတချို့မှာ ရေးသားထားတဲ့ “ဦးလွန်းမောင် တယောက် မှန်လွန်းတဲ့အတွက် ရွာပြင်ထုတ် ခံခဲ့ရတယ်” ဆိုတဲ့ အချက်နဲ့ ပတ်သက်လို့ စိတ်ဝင်စားမိတာနဲ့ ရန်ကုန်ကနေ ဘီလင်းအထိ ခြေဆန့်လာခဲ့တာပါ။ တမြို့လုံးမှာ သေသေချာချာ ရှာဖွေ ရေကြည့်လို့ လက် ၃ ချောင်းတောင် မပြည့်တဲ့ တည်းခိုခန်း အခက်အခဲကို ဖြစ်သလို ကျော်ဖြတ်ရင်း ၂ ရက်ကြာအောင် ဦးလွန်းမောင်ရဲ့ နေ့စဉ်ဘ၀ ဖြတ်သန်းမှုကို လေ့လာကြည့်ခွင့် ရခဲ့ပါတယ်။
သူ့တနေ့တာ ဖြတ်သန်းမှုကို ၂ ရက်အကြာ လေ့လာပြီးချိန်မှာတော့ သူ့ကို မိတ်ဖွဲ့ရင်း စကားပြောခွင့် ရပါပြီ။
“တနေကုန် အလုပ်နဲ့ လက်နဲ့ မပြတ်ဘူး။ ဗိုလ်ချုပ်ဘ၀ကတောင် ဂေါ့ဖ်ရိုက်ဖို့ အချိန်ဆိုတာ ရှိသေးတယ်။ ဒီမှာကျတော့ ဂေါ့ဖ်ရိုက်ဖို့ မပြောနဲ့ ကိုယ်ပိုင်အချိန်တောင် တော်တော်ကလေး ရှားတယ်။ ဒါပေမယ့် ဒီဘ၀လေးက ရိုးစင်းပါတယ်” လို့ ဦးလွန်းမောင်က စကားစပါတယ်။
တချိန်က လွတ်လပ်ရေး မရခင်မှာ ဂျပန်တပ်တွေ အခိုင်အမာတပ်စွဲခဲ့လို့ ဂျပန်တောင်ဆိုပြီး နာမည်ကြီးခဲ့တဲ့ နေရာက တပ်ရင်းမှာ တာဝန် ထမ်းဆောင်ချိန်က သူတည်ခဲ့တဲ့ ဂျပန်တောင်ဘုရား ခြေတော်ရင်းမှာ ထမင်းဆိုင်ဖွင့်ဖို့ စိတ်ကူးရခဲ့ သူကတော့ သူ့ဇနီးသည်ပါပဲလို့ ပြောရင်း အခုလို ရိုးစင်းစွာ ဖြတ်သန်းနေရတဲ့ သူ့ဘ၀ကို ကျေနပ်တယ်လို့ ဆိုပါတယ်။
“ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်က ငယ်ငယ်က ဘ၀ကြမ်းသလောက် မကြမ်းပါဘူး။ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ဘ၀မှာ နေပျော်ဖို့ လိုပါတယ်” လို့လည်း ဘုရားဒါယကာ ဦးလွန်းမောင်က ဆက်ပြောပါတယ်။
အနှစ် ၄၀ လောက် လျှမ်းလျှမ်းတောက် အာဏာရှိခဲ့သူ၊ စစ်တပ်မှာ ရာထူးကြီးကြီးနဲ့ တာဝန်ထမ်းဆောင်ခဲ့သူ အဖြစ်ကနေ ဒီလို ဈေးသည်တယောက် အနေနဲ့ ကျန်ရှိတဲ့ ဘ၀ကို ဖြတ်သန်း နေတာကတော့ ဘေးလူတွေအမြင် အံ့သြစရာ ဖြစ်နေပုံပါပဲ။
အောင်ပြည့်စုံ ဆိုတဲ့ နာမည်နဲ့ ဘီ်းလင်းမြို့အ၀င်မှာ ထမင်း၊ ဟင်းနဲ့ တခြား စားသောက်စရာတွေ ရောင်းချနေတဲ့ ဦးလွန်းမောင်ရဲ့ ဆိုင်ကို ကြည့်လိုက်တာနဲ့ ရင်းနှီးထားတဲ့ ပမာဏ မနည်းလောက်ဘူး ဆိုတာ ဘယ်သူမဆို ခန့်မှန်းနိုင်ပါတယ်။
မနက် ၁၀ နာရီကနေ နောက်တနေ့ မနက် ၃ နာရီအထိ ထမင်း၊ ဟင်းနဲ့ တခြား စားသောက်ဖွယ်ရာတွေကို ရောင်းချသလို ည ၉ နာရီကနေ စတင်ပြီး စင်တင်ဂီတပါတဲ့ စားသောက်ဆိုင်ကိုလည်း အောင်ပြည့်စုံ ထမင်းဆိုင်ဝန်းထဲမှာ ဆိုင်တဆိုင် ခွဲလို့ ရောင်းချနေတာ တွေ့ခဲ့ရပါတယ်။
“ကျနော် လည်ပင်း ကင်ဆာဖြစ်တော့ အမျိုးသမီးက ကလေးတွေ ရှေ့ရေးအတွက် ဒီမှာ ၀ါးတဲလေး စထိုး ဈေးရောင်းခဲ့ တာပေါ့။ နောက်ပိုင်းကျမှ အခုလို ဖြစ်လာခဲ့တာပါ” လို့ ဦးလွန်းမောင်က ပြောပြပါတယ်။
လွန်ခဲ့တဲ့ ၁၂ နှစ်တာ ကာလကတည်းက စတင်ဖွင့်လှစ်ခဲ့တဲ့ ဒီဆိုင်ဟာ သူ့ဇနီး ဒေါ်မြမြစိန်ရဲ့ စိတ်ကူးနဲ့ တည်ဆောက်ခဲ့တာ ဖြစ်တယ်လို့ သူက ဂုဏ်ယူစွာနဲ့ ဆိုပါသေးတယ်။
စိတ်တူကိုယ်တူ ဇနီးမောင်နှံတွေ ဖြစ်တာကြောင့် လက်ရှိ ဖြတ်သန်းနေရတဲ့ ဘ၀ကို ဇနီးသည်ဖြစ်သူကလည်း ကျေနပ်နေ တယ်လို့ ဦးလွန်းမောင်က ပြောပြနေချိန်မှာ အပွင့်ကျဲကျဲ ပါတိတ်ထမီ၊ လိမ္မော်ရောင် ဘလောက်စ် အင်္ကျီ ၀တ်ဆင်ထားတဲ့ ဒေါ်မြမြစိန်က လက်ကြားမှာ စီးကရက်ညှပ်ထားရင်း စကားဝိုင်းထဲ ၀င်ရောက် လာခဲ့ပါတယ်။
“အန်တီတို့က ပွင့်ပွင့်လင်းလင်းပဲ၊ ဘယ်သူ့ကိုမှလည်း ဒေါသမဖြစ်ဘူး။ ဒီဘ၀ကိုလည်း ကျေနပ်တယ်၊ ကိုယ့်ကို လုပ်သွားတဲ့ သူကိုလည်း ခွင့်လွှတ်တယ်။ ဘာပဲပြောပြော ၀ဋ်ရှိလို့ခံရတယ်ပဲ မှတ်တယ်။ တရားနဲ့ဖြေလို့ အခုလို နေနိုင်တာ။ နို့မို့ မဖြေနိုင်ရင် ဘယ်လွယ်မလဲ” လို့ ဗိုလ်ချုပ်ဟောင်းရဲ့ ဇနီးသည်က ဆိုလာပါတယ်။
ဦးလွန်းမောင်တယောက် စာရင်းစစ်ချုပ် ဘဝကနေ အငြိမ်းစားပေးခံရစဉ် ကာလကို ဒေါ်မြမြစိန်က ရည်ရွယ်ဟန် တူပါတယ်။ ဦးလွန်းမောင်ဟာ နိုင်ငံတော် စာရင်းစစ်ချုပ်အဖြစ် စစ်အုပ်ချုပ်ရေးကာလ ဗိုလ်ချုပ်လွန်းမောင် ဘဝ ကတည်းက တာဝန် ထမ်းဆောင်ခဲ့သူ ဖြစ်ပါတယ်။ သမ္မတ ဦးသိန်းစိန် အစိုးရ လက်ထက်မှာလည်း ဦးလွန်းမောင် အဖြစ် စာရင်းစစ်ချုပ် တာဝန်ကို ဆက်ယူခဲ့ရသူပါ။ လက်ရှိအစိုးရ လက်ထက်မှာ ၁ နှစ်ကျော်ကာလ တာဝန်ထမ်းဆောင်ပြီး သူ့ရဲ့ စာရင်းစစ်ချုပ် သက်တမ်း ၉ နှစ်ပြည့်ချိန်မှာတော့ ၂၀၁၂ သြဂုတ်လ ၂၈ ရက်နေ့မှာ သမ္မတက သူ့ကို အငြိမ်းစား ပေးလိုက်တာ ဖြစ်ပါတယ်။
ဒေါ်မြမြစိန်ရဲ့ စကားက ဘာကိုရည်ရွယ်သလဲ ဆိုတာ တွေးနေမိစဉ်မှာပဲ ဦးလွန်းမောင်က သောက်လက်စ ရေနွေးခွက်ကို လက်ကနေချရင်း ပြုံးပြီး “ ဒီကိစ္စတွေကို ပြန်မပြောချင်တော့ဘူး။ စေတနာ အမှားပေါ့။ တချို့သော သူတွေက ကိုယ့်စေတနာကို ကိုယ်ကျိုးအတွက် သုံးခဲ့ကြတော့ ကိုယ်က ခံရတာပေါ့။ ဒီအပေါ် ဘာအာဃာတမှ မထားဘူး။ သမ္မတ ဘက်က ကြည့်တော့ မှန်တာပေါ့” လို့ ဖြည့်စွက်ပြန်ပါတယ်။
စကားလက်ဆုံကျနေရင်း ဆိုင်မှာ အလုပ်လုပ်နေတဲ့ ကလေးမလေးက “ဘဘ … ဓာတ်မီး” လို့ ပြောလိုက်ချိန်မှာ ဦးလွန်းမောင်က အကြားလွဲပြီး “ညစာ ထမင်းမစားရသေးဘူး၊ ၈ နာရီမှ စားတာပေါ့။ ကန်စွန်းရွက် ကြော်ခိုင်းထားလိုက်လေ” လို့ ပြောလိုက်တဲ့ အတွက် ဆိုင်မှာ ရှိနေတဲ့ အလုပ်သမား မိန်းကလေးတွေအားလုံး ၀ါးလုံးကွဲ ရယ်မော ကြပါတော့တယ်။
ရယ်တာကို ဘာမှ မာန်မဲမနေဘဲ “ဘာလို့ ရယ်နေတာလဲ” လို့ ဦးလွန်းမောင်က မသိနားမလည်တဲ့ ပုံစံနဲ့ ပြန်မေးတာကို အလုပ်သမားတွေ ဆက်လက် ရယ်မောနေကြ ပြန်ပါတယ်။
သူ့ရဲ့အဖြေ အလွဲကို သူဘာသာ သိသွားတဲ့ ဦးလွန်းမောင်ကတော့ “ဒီလို ဘ၀မျိုးကို ရခဲတယ်လို့ ပြောရမယ်၊ အရင်ကဆို ကိုယ့်ကို ဘယ်သူမှ ပြန်မပြောရဲဘူး။ အခုတော့ ကိုယ်က ကလေးလိုပဲ။ ကလေးတွေနဲ့ နောက်ပြောင်နေတော့ အသက် ရှည်တယ်” လို့ ဆိုပါတယ်။
အာဏာဆိုတာ ဘိန်းလိုပဲဆိုတဲ့ တချိန်က အငြိမ်းစား ညွှန်ကြားရေးမှူး တဦးရဲ့ အပြောကို သတိရမိတာကြောင့် ဦးလွန်းမောင် တယောက် ဒီဘိန်းနဲ့တူတဲ့ အာဏာရှင်စိတ်ကို ဘယ်လို ဖြတ်ခဲ့လေသလဲလို့ စဉ်းစားမိပါတယ်။
ဗိုလ်ချုပ်ဟောင်းတဦးရဲ့ ပိုင်ဆိုင်မှုဆိုတာကလည်း တော်တော် စိတ်ဝင်စားဖို့ ကောင်းတယ်၊ လက်ရှိမှာ ရာဘာခြံတွေ ပိုင်ဆိုင်ထားတယ် ဆိုပေမယ့် ပိုင်ဆိုင်ထားတဲ့ ဧကဟာ အရေအတွက် ၂၀ မပြည့်ဘူးလို့ ဘီလင်းမြို့ခံ တဦးက ဆိုပါတယ်။
“စိတ်ဝင်စားစရာပဲ။ သူ့ ပိုင်ဆိုင်မှုတွေကိုပဲ ဖွက်ထားနိုင်တာလား၊ တကယ်ပဲ မရှိတာလားတော့ မသိဘူး။ သူရောက်နေတာ ၁ နှစ်ကျော် ၂ နှစ် နီးပါး ဆိုပေမယ့် ဒီအတိုင်းပဲ။ စ ရောက်လာတဲ့ အချိန်နဲ့ ဘာမှမထူးဘူး။ သူပိုင်လို့ ပြောရရင် အခု အောင်ပြည့်စုံ ထမင်းဆိုင် ၀န်းရယ်၊ သူ့သား လုပ်နေတဲ့ ရာဘာခြံရယ်၊ တောင်းအေ့စ်လိုလို ကားတစီးရယ်၊ ဆိုင်ကယ်ရယ် ဒါပဲ တွေ့တယ်။ ဦးလွန်းမောင် မြို့ထဲလာတာလည်း နည်းတယ်” လို့ သူက ဆက်ပြောပါတယ်။
ဦးလွန်းမောင်နဲ့ တော်တော်လေး ရာထူးကွာခြားတဲ့ စစ်တပ်အရာရှိ ဒုတိယ ဗိုလ်မှူးကြီး အဆင့်လောက်သာရှိသူ၊ နိုင်ငံတော် လုံခြုံရေးနဲ့ ရာဇ၀တ်သားတွေ ဖော်ထုတ် ကာကွယ်နေတဲ့ အဖွဲ့အစည်းက ပုဂ္ဂိုလ်တဦးရဲ့ မော်လမြိုင်ဘက်မှာ ပိုင်ဆိုင်ထားတဲ့ ရော်ဘာခြံတွေဟာ ဧက ၄၀ လောက် ရှိတယ်လို့ သိထားဖူးတော့ တကယ်ပဲ ဦးလွန်းမောင် ရိုးသားခဲ့ လေသလား၊ လျှို့ဝှက် နာမည်ဝှက်တွေနဲ့ပဲ ပိုင်ဆိုင်မှုတွေ ထားလေသလား ဆိုတာကိုတော့ ကာယကံရှင်ကပဲ သေသေချာချာ သိနိုင်မှာပါ။
တချိန်က စစ်ဗိုလ်တဦးရဲ့ မာန်ကို သူ ဘယ်လိုများ ချခဲ့လေမလဲဆိုတာ သိချင်လို့ မေးမိတော့ အာဏာအတွက် ဆန္ဒ ရှိနေသူတွေကြောင့် သူ့အနေနဲ့ ဘာခံစားချက်မှ မရှိခဲ့သလို၊ ဘ၀နာခဲ့တဲ့ ကိုယ့်ဘ၀ကို မမေ့ခဲ့ဘူးလို့ ဆိုပါတယ်။ ဗမာစကား တလုံးမှ မတတ်တဲ့ ရှမ်းတိုင်းရင်းသား မိဘတွေက ဖွားမြင်ခဲ့တဲ့ သူဟာ ဗမာစကားသင်ပြီး ကျောင်းတက်ဖို့တောင် ခက်ခဲ ခဲ့ပါတယ်လို့ ပြောပြတယ်။ ဗမာစာ သင်ချိန်မှာ ကိုယ်ပိုင် တိုင်းရင်းသားစာပေကို မေ့သွားမှာစိုးတဲ့အတွက် မိဘ အရိုက် ခံခဲ့ရသေးတယ် ဆိုတဲ့အကြောင်း၊ ဗမာပြည်မှာ နေတဲ့ တိုင်းရင်းသား တယောက်ရဲ့ ဘ၀ခက်ခဲမှုက ဗမာတွေ ကလည်း တိုင်းရင်းသားကို လူထူးဆန်းလို့ တွေးသလို၊ တိုင်းရင်းသား အချင်းချင်း ကလည်း ဗမာဖြစ်ချင်သူလို့ မြင်တာမျိုးတွေ ရှိခဲ့၊ ကြုံခဲ့ရကြောင်း ဦးလွန်းမောင်က ဆိုပါတယ်။
စကားပြောနေရင်း ခရီးသည် ကားတစင်း ၀င်လာချိန်မှာတော့ ဦးလွန်းမောင်က စကားစ ခဏ ဖြတ်ပြီး စားပွဲ သွားထိုး နေပါတယ်။ စားပွဲဝိုင်းတ၀ိုင်းက အသက် ၄၀ ကျော် အမျိုးသားတဦးက ဦးလွန်းမောင်ဆီ ဦးတည်လာပြီး ကားရေဆေးဖို့ မေးမြန်း ချိန်မှာ သွက်လက်စွာနဲ့ နေရာပြပြီး သူ့လုပ်လက်စ စားပွဲဝိုင်းတွေဆီကို ထမင်းပန်ကန်တွေ ကိုယ်တိုင်ချပေးနေတုန်း နောက်ဘက် ၀ိုင်းက အမျိုးသမီးတဦးနဲ့ ဆိုင်က စားပွဲထိုး မိန်းကလေးတို့ စကားအချေအတင် ဖြစ်နေတဲ့ နေရာဆီ ဦးလွန်းမောင် သွားရောက် ဖြေရှင်း နေတာကို တွေ့ရပါတယ်။
“လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိတယ်။ တော်တော်ကို မာနချနိုင်လို့ တော်တာ။ စော်ကား ခံရတာတွေ အရမ်းများတယ်၊ တော်တော် သည်းခံရတယ်။ ဟိုးတချိန် တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန် မေ့လိုက်တော့မယ်၊ ငါ အခုဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန် တယောက်လို ငေါက်ငမ်း သွားတာမျိုး တွေတောင် ရှိတယ်။ တချို့ကတော့ ကိုယ့်ဘက်က ကလေးတွေမှားတာ၊ တချို့ကျတော့ သက်သက် ပြဿနာ ရှာတာတွေ ရှိတယ်။ ဘာပြောပြော ကိုယ်ကပဲ သည်းခံလိုက်တယ်” လို့ ဦးလွန်းမောင်က ပြောပါတယ်။
နှစ် ၄၀ ကြာအောင် တိုင်းပြည် အုပ်ချုပ်ခဲ့တဲ့ စစ်တပ်က သြဇာရှိသူတွေထဲမှာ တယောက်အပါအဝင် ဖြစ်ခဲ့သူ တဦးအနေနဲ့ လက်ရှိ အခြေအနေအပေါ် ကြိုးစား လက်ခံနေပုံ ရပါတယ်။ ဦးလွန်းမောင်ကတော့ ဆိုင်မှာရှိနေတဲ့ ကလေးတသိုက်ကို ရယ်ရင်း မောရင်းနဲ့ တီဗီမှာလာနေတဲ့ ကိုရီးယားဇာတ်ကား “ကြာပန်းနီနီ” အကြောင်း ပြောပြနေဟန်က ခုနက ပြဿနာ ဖြစ်ထားတာကိုတောင် မေ့လျော့နေတဲ့ ပုံစံပါ။
“ကလေးတွေက ဒီနားက ခြေလျင်တပ်ရင်း ၈ က ကလေးတွေလည်း ရှိတယ်။ တနယ်တကြေးက လာလုပ်ကြတဲ့ သူတွေလည်း ရှိတယ်။ သူတို့လေးတွေက ကိုယ့် မြေးအရွယ်လေးတွေလေ။ မိန်းမက စနစ်ကြီးတော့ မိန်းမကို ပိုကြောက်ကြတယ်” လို့ ဦးလွန်းမောင်က ဆိုပါသေးတယ်။
စကားဆိုနေရင်း ခရီးသည်ကား နောက်ထပ် ၀င်မလာခင်မှာ ထမင်းစားဖို့ ပြင်ပေးဖို့ ဦးလွန်းမောင်က လှမ်းပြော လိုက်ပါတယ်။ ဒီအချိန်မှာ ၁၅၊ ၁၆ အရွယ် မိန်းကလေး တဦးက မြန်မာဘီယာ ခွက်ကို ဦးလွန်းမောင်ရှေ့ လာချပေးတာ မြင်တွေ့ရပါတယ်။
နာမည်ကျော် တံဆိပ်နဲ့ အရက်တွေ ပလူပျံနေတဲ့ ဧည့်ခံပွဲကြီးတွေမှာ ကျင်လည်ခဲ့ဖူးသူ၊ တချိန်က ဘေးကနေ ပြုစုချင်သူတွေ ဝိုင်းဝိုင်းလည်နေခဲ့ ဖူးသူ တဦးရဲ့ လက်ရှိ ထမင်းစားပွဲက ဘယ်လို ဖြစ်လေမလဲ ဆိုတာ အကဲခတ်နေစဉ်မှာပဲ မိန်းကလေးက ကြက်သား ခပ်ရွယ်ရွယ် ၂ တုံးပါတဲ့ ပန်းကန်လုံး တလုံး၊ ထမင်းပန်းကန်၊ ခရီးသည်တွေကို ချပေးတဲ့ သီးစုံပဲဟင်း၊ ကန်စွန်း ရွက်ကြော် တပန်းကန်တို့ကို လာချပေးတာ တွေ့လိုက်ရပါတယ်။
ဇွန်းနဲ့ ထမင်းခပ်နေတဲ့ ဦးလွန်းမောင်က သူ့ကို စူးစမ်းနေတာကို သတိထားမိတဲ့ အလား “ဟိုနေ့ တွေကတည်းက လာလာ ထိုင်နေတာ သတိထားမိတယ်။ ဧည့်သည်ပဲ ထင်နေတာ။ တရက်၊ နှစ်ရက်မက၊ ညကော နေ့ကော လာလာထိုင်နေတော့ ထူးဆန်းတယ်လို့ တွေးနေတာ၊ မိန်းမကိုတောင် ပြောနေတာ။ ဒါတွေကိုကော ရေးမှာလား” လို့ မေးခွန်းထုတ်ပါတယ်။
တိုင်းပြည်မှာ တာဝန်ကြီးကြီး ယူခဲ့သူ တဦးရဲ့ ကြိုမြင် အကဲခပ်နိုင်မှုကို သတိထားမိတယ်။
စာရင်းစစ်ချုပ် မဖြစ်ခင်ကတည်းက ဇနီးသည် ဦးဆောင်ဖွင့်ခဲ့ပြီး ၁၁ နှစ်ကျော် သက်တမ်းရှိပြီဖြစ်တဲ့ ဒီအောင်ပြည့်စုံ ထမင်းဆိုင်ဟာ ဦးလွန်းမောင် လည်ပင်းကင်ဆာ ခံစားရချိန် သားသမီးတွေ ရှေ့ရေးအတွက် ကိုယ်မရှိချိန် ဘာလုပ်မလဲ ဆိုတဲ့ အတွေးနဲ့ ဇနီးသည် ဒေါ်မြမြစိန်က ဦးစီး ဖွင့်ခဲ့တာ ဖြစ်တယ်လို့ ဦးလွန်းမောင်က ဆိုပါတယ်။ အခုတော့ သူ့ရဲ့ လည်ပင်း ကင်ဆာ ရောဂါကို ကုသခဲ့ပြီးလို့ ရောဂါ မရှိတော့ဘူးလို့ သိရပါတယ်။
ဦးလွန်းမောင် ဗိုလ်ချုပ်ဘ၀ ကတည်းက နိုင်ငံတော် ဧည့်ခံပွဲ တော်တော်များများမှာ ဇနီးသည်နဲ့အတူ တက်ရောက်မှု နည်းတယ်လို့ ကြားဖူးလို့ မေးကြည့်တော့ ဦးလွန်းမောင်က “ဇနီးက ၁၉၇၀ လောက်ကတည်းက ယူထားတဲ့ဇနီး၊ ငယ်ပေါင်းပါ။ စိတ်ကလည်း ကိုယ်နဲ့ တထပ်တည်းကျတဲ့ လူဆိုတော့ အရင်ကတည်းက ကတော်အသိုင်းအ၀ိုင်းမှာ သိပ်မတွေ့ဘူး။ ဦးသန်းရွှေတို့၊ သူရ ဦးရွှေမန်းတို့ဆိုရင် ခဏခဏ မေးတယ်။ ဘယ်ပွဲမှာမှ မတက်တော့ မေးရင် ပထမတော့ ဖြီးရတာပေါ့။ နောက်တော့ မတတ်နိုင်တော့ဘူး။ သူက အနေအေးတာထက် အဲဒီလို ဘ၀မျိုးကို မနှစ်သက်တာ။ ကိုယ့်မိန်းမအကြောင်း ကိုယ်ပဲ သိတာပေါ့။ သူက ပွင့်ပွင့်ဘွင်းဘွင်း နေတာမျိုး။ ဆိုင်စဖွင့်ပြီဆိုတော့ ဒီထဲမှာပဲ ဆိုင်က ကလေးတွေနဲ့ ပျော်နေရတာ ကြိုက်တဲ့လူမျိုး။ ဟိတ်ဟန်တွေနဲ့ မနေတတ်ခဲ့ဘူး။ ဒီတော့ ပွဲတော်တော်များများ မတက်ဘူး” လို့ ရှင်းပြပါတယ်။
အရင် စစ်စာရင်းစစ်ချုပ်ရုံးမှာ လုပ်ခဲ့ပြီး အငြိမ်းစားယူခဲ့တဲ့ အရာထမ်းဟောင်း တဦးကလည်း ဦးလွန်းမောင် ဇနီးဟာ တကယ်ပဲ ဟိတ်ဟန် ထုတ်တဲ့သူမျိုး မဟုတ်ဘူးလို့ ပြောခဲ့ဖူးပါတယ်။
“ဦးလွန်းမောင်ထက် သူ့မိန်းမက ပိုပြီး အနေအေးတယ် ပြောရမယ်။ သူက တခြားကတော်တွေလို ပြင်ပြင်ဆင်ဆင် မနေဘူး။ ဟိတ်ဟန်လည်း မရှိဘူး။ ဘွင်းဘွင်းပဲ။ တပ်ထဲမှာ ဒု တပ်ရင်းမှူး ကတော်တွေ၊ တပ်ရင်းမှူး ကတော်တွေ ဟိတ်ဟန်နဲ့ နေတယ်၊ သူက အဲဒီလို မဟုတ်ဘူး။ သစ်ပင်စိုက်လိုက်၊ ဟိုဟာလေး ဒီဟာလေး လုပ်လိုက်။ ကြည့်လိုက်ရင် ဘယ်သူမှ သူ့ကို ဗိုလ်ချုပ် ကတော် တယောက်လို့ မထင်ဘူး” လို့ အဲဒီ အရာထမ်းဟောင်းက ဆိုပါတယ်။
စကားပြောလိုက်၊ ခရီးသည် ဝင်လာရင် အလုပ်ထလုပ်လိုက်နဲ့ မအားရတဲ့ ဦးလွန်းမောင်ရဲ့ ဆိုင်ရှေ့ ခရီးသည်တင် ကားတစီး လာရောက်ရပ်နားပါတယ်။ အဲဒီမှာ ဦးလွန်းမောင်က ခပ်သွက်သွက် ဆိုင်ပြင်ထွက်ပြီး ရေပိုက်ကို ကားဆရာ လက်ထဲ ထည့်နေတာ မြင်ရပါတယ်။
တဖြည်းဖြည်းနဲ့ ညဥ့်လည်း နက်လာပါပြီ။ ဒီဆိုင်ထဲမှာပဲ သူတို့ မိသားစုတစုလုံး နေကြတယ်လို့ သိရတယ်။ သစ်သားကွပ်ပြစ် တခုပေါ် သာမန် မွေ့ယာပါးလေး ခင်းထားတဲ့ အိပ်ရာလေးက သူ့ဇနီးသည်ရဲ့ အိပ်စရာနေရာလို့ သူက ဆိုပါတယ်။
“သူက ကလေးတွေနဲ့ အတူတူ အိပ်တယ်လေ။ ကလေးတွေက ဆိုင်စားပွဲဆက် အိပ်တယ်။ ကိုယ်က အနောက်ဘက်မှာ အိပ်တယ်” လို့ ဦးလွန်းမောင်က ပြောပါတယ်။
သူ့မှာ သားနှစ်ယောက်၊ သမီးတယောက် ရှိပြီး သားတဦး ကတော့ ဘီလင်းမြို့ထဲမှာ နာရေးပရဟိတတွေ လုပ်သလို ရော်ဘာခြံ စိုက်ပျိုးရေးအပိုင်း ကိုလည်း လုပ်ဆောင်နေတယ်လို့ သိရပါတယ်။ ကျန်တဲ့ သားနဲ့ သမီးကတော့ နေပြည်တော်မှာ ကိုယ်စီ နိုင်ငံ့ဝန်ထမ်း အဖြစ် အလုပ်လုပ်နေ ကြပါတယ်။
လက်တွေ့ ဘ၀မှာတော့ အေးချမ်းနေပါတယ်လို့ ဆိုတဲ့ ဦးလွန်းမောင်က လာမယ့် ၂၀၁၅ ရွေးကောက်ပွဲမှာ ဘယ်လို ပုံစံနဲ့မှ ၀င်ရောက်ဖို့ မရှိဘူးလို့ ပြောပါတယ်။
“တိုက်ပုံ ဘယ်တော့မှ မ၀တ်တော့ဘူး” လို့ ပြတ်ပြတ်သားသား ဆိုအပြီး မှာတော့ ဦးလွန်းမောင်ဟာ သူ့ရဲ့ ငွေသိမ်းကောင်တာ ဘက်ကို ခပ်သွက်သွက် လျှောက်သွား ပါတော့တယ်။
Ref: ဧရာဝတီ
Thursday, May 16, 2013
ထမင်းရောင်းနေတဲ့ ဗိုလ်ချုပ်ဟောင်း ဦးလွန်းမောင်
Wednesday, May 15, 2013
တရုတ် ကွန်မြူနစ်ပါတီ၊ အန်အယ်လ်ဒီပါတီနှင့် မြန်မာ့နိုင်ငံရေး
တရုတ် ကွန်မြူနစ်ပါတီသည် တရုတ်ပြည်သူ့ သမ္မတနိုင်ငံ၏ အာဏာရ၊ ဦးဆောင်နိုင်ငံရေး ပါတီဖြစ်ပြီး ကမ္ဘာ့နိုင်ငံရေး ဇာတ်ခုံတွင် သက်တမ်းအရင့်ဆုံးနှင့် အင်အားအကောင်းဆုံး နိုင်ငံရေးပါတီ ဖြစ်သည်။ ၁၉၉၀ ပြည့်နှစ် ပါတီစုံဒီမိုကရေစီ အထွေထွေ ရွေးကောက်ပွဲအလွန် ကာလအထိ တရုတ် ကွန်မြူနစ်ပါတီနှင့် တရုတ်နိုင်ငံ အစိုးရတို့သည် အမျိုးသား ဒီမိုကရေစီ အဖွဲ့ချုပ်ကို အသိအမှတ်ပြု ထိတွေ့ဆက်ဆံ ခဲ့သော်လည်း ၁၉၉၀ နှစ် ကုန်ပိုင်းမှစ၍ ဆက်ဆံရေး သေခန်းပြတ်ခဲ့သည်မှာ ၂၀၁၀ ပြည့်နှစ် ကြားဖြတ်ရွေးကောက်ပွဲများ ကျင်းပပြီးချိန်အထိ ဆယ်စုနှစ်နှစ်ခုကျော် ကြာညောင်းခဲ့သည်။ တရုတ်အစိုးရနှင့် အမျိုးသား ဒီမိုကရေစီ အဖွဲ့ချုပ်တို့၏ ဇာတ်ပေါင်းခန်းသည် ၂၀၁၂ ခုနှစ်တွင် လက်ပံတောင်းတောင် ကြေးနီစီမံကိန်းကို အကြောင်းပြုလျက် အထွတ်အထိပ် သို့ ပြန်လည်ရောက်ရှိခဲ့သည်။
တရုတ်ပြည်သူ့ သမ္မတနိုင်ငံအတွက် မြန်မာ့ တပ်မတော်နှင့် မဟာဗျူဟာ ဆက်ဆံရေးသည် အရေးကြီးဆုံး ဖြစ်သည်။ တရုတ် ကွန်မြူနစ်ပါတီသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသား ဒီမိုကရေစီ အဖွဲ့ချုပ်ပါတီ၊ တိုင်းရင်းသား ပါတီများ အပါအ၀င် နိုင်ငံရေး ပါတီများနှင့် ညီနောင်၊ မဟာမိတ်ပါတီ ဆက်ဆံရေးကို တည်ဆောက်ထားသည်။ ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်သည် တရုတ်နိုင်ငံ အစိုးရနှင့် တရုတ် ကွန်မြူနစ်ပါတီ နှစ်ခုလုံးအတွက် ဗျူဟာမြောက် အရေးကြီးသော မြန်မာ့နိုင်ငံရေး ဇာတ်ရုပ် ဖြစ်လာနေသည်။
ဒေါ်အောင်ဆန်းစုကြည်၏ တရုတ်နိုင်ငံ ခရီးစဉ်
အမေရိကန် ပြည်ထောင်စုနှင့် ပြည်ထောင်စုသမ္မတ မြန်မာနိုင်ငံအကြား မဟာဗျူဟာ ဘက်စုံ ဆက်ဆံရေး လမ်းကြောင်း ဖြောင့်ဖြူးချောမွေ့နေသည့် နောက်ခံ အခြေအနေတွင် တရုတ်ပြည်သူ့ သမ္မတနိုင်ငံနှင့် ပြည်ထောင်စု သမ္မတ မြန်မာနိုင်ငံ အကြား လတ်တလော ဆက်ဆံရေး သည်လည်း ယခင်ကထက် ပိုမိုတိုးတက် ပွင့်လင်းလာနေသည်။ ထိုအခြေအနေတွင် အမေရိကန် ပြည်ထောင်စု အပါအ၀င် အနောက်အုပ်စုနိုင်ငံများ အထူး စိတ်ဝင်တစား စောင့်ကြည့်နေကြသည်မှာ ဒေါ်အောင်ဆန်းစုကြည်၏ တရုတ်ပြည်သူ့ သမ္မတနိုင်ငံသို့ အလည်အပတ် ခရီး ဖြစ်သည်။
ဒေါ်အောင်ဆန်းစုကြည်ကို တရုတ်ကွန်မြူနစ်ပါတီ၊ ဗဟိုကော်မတီ၊ နိုင်ငံခြား ဆက်ဆံရေးဌာန၏ အကြီးအကဲက လည်းကောင်း၊ တရုတ်အမျိုးသား ပြည်သူ့ကွန်ဂရက်၏ ကော်မတီဥက္ကဋ္ဌ တစ်ဦးဦးက လည်းကောင်း၊ တရုတ်ပြည်သူ့ သမ္မတနိုင်ငံသို့ အလည်အပတ် လာရောက်ရန် ဖိတ်ကြားနိုင်ဖွယ် ရှိနေသည်။ အဆိုပါ ခရီးစဉ်အလွန် အမေရိကန် ပြည်ထောင်စု အပါအ၀င် အနောက်အုပ်စုဝင် နိုင်ငံများနှင့် မြန်မာနိုင်ငံ ဆက်ဆံရေး ပါရာဒိုင်းသည် ပိုမိုအသွေးအရောင် စုံလင်လာနိုင်ဖွယ် ရှိနေသည်။
ခရီးဆောင်အိတ်ပြင်ပြီး စောင့်နေသူ
ဒေါ်အောင်ဆန်းစုကြည်သည် တရုတ်ပြည်သူ့ သမ္မတနိုင်ငံသို့ အလည်အပတ် သွားရောက်ရန် အဆင်သင့်ဖြစ်နေပြီး တရုတ်ပြည်သူ့ သမ္မတနိုင်ငံဘက်မှ တရားဝင် ဖိတ်ကြားမှုကို စောင့်ဆိုင်းနေသည်ဟု အမျိုးသားဒီမိုကရေစီ အဖွဲ့ချုပ်၏ ဗဟိုခေါင်းဆောင်တစ်ဦးက သတင်းမီဒီယာကို ထုတ်ဖော်ပြောကြားခဲ့သည်။ ဒေါ်အောင်ဆန်းစုကြည် အနေဖြင့် တရုတ်နိုင်ငံ၏ တရားဝင် ဖိတ်ကြားမှုကို ရရှိသည်နှင့် ချက်ချင်း ထသွားနိုင်ရန် အထိ ပြင်ဆင်ထားပုံရသည်ဟု ကောက်ချက်ပြုနိုင်သည်။ ဒေါ်အောင်ဆန်းစုကြည်သည် မြန်မာနိုင်ငံ၏ ပြုပြင်ပြောင်းလဲရေးနှင့် အသွင်ကူးပြောင်းရေးတွင် တရုတ်ပြည်သူ့ သမ္မတနိုင်ငံ၏ အရေးပါသော အခန်းကဏ္ဍကို အလေးအနက်ထားကြောင်း ပေါ်လွင်စေသည်။
လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်တွင် ဒေါ်အောင်ဆန်းစုကြည်သည် ဥက္ကဋ္ဌအဖြစ် ပါဝင်လာခဲ့ပြီးနောက်ပိုင်း ဒေါ်အောင်ဆန်းစုကြည်နှင့် တရုတ်အစိုးရအကြား ဆက်ဆံရေးမှာ ပိုမိုကောင်းမွန်လာခဲ့သည်။ အဆိုပါ ကာလများအတွင်း တရုတ်သံအမတ်ကြီးသည် ဒေါ်အောင်ဆန်းစုကြည်နှင့် တွေ့ဆုံမှု အကြိမ်ကြိမ် ရှိခဲ့ပြီး ဒေါ်အောင်ဆန်းစုကြည်နှင့် တရုတ်ပြည်သူ့ သမ္မတနိုင်ငံ အစိုးရအကြား ယုံကြည်မှုနှင့် နားလည်မှုတို့ကို အဆင့်တစ်ခုအထိ တည်ဆောက်နိုင်ခဲ့သည်ဟု သုံးသပ်နိုင်သည်။ လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်ဥက္ကဋ္ဌ အနေဖြင့် ဒေါ်အောင်ဆန်းစုကြည်သည် သူမ၏ စွမ်းဆောင်ရည်နှင့် ပြည်သူ လူထု အကြား ကြီးမားသော သြဇာ လွှမ်းမိုးမှုကို လက်ပံတောင်းတောင် ခရီးစဉ်တွင် သက်သေပြနိုင်ခဲ့သည်ဟု သုံးသပ်နိုင်သည်။
ဇွန်၊ ဇူလိုင်မှာ ဖြစ်နိုင်ခြေရှိသော ခရီး
ဒေါ်အောင်ဆန်းစုကြည်၏ တရုတ်ပြည်သူ့ သမ္မတနိုင်ငံ ချစ်ကြည်ရေး ခရီးစဉ်သည် ၂၀၁၃ ခုနှစ်၊ ဇွန်လ သို့မဟုတ် ဇူလိုင်လတွင် ဖြစ်လာနိုင်ဖွယ်ရှိနေပြီး တရုတ်နိုင်ငံ ခရီးစဉ်ကို ဒေါ်အောင်ဆန်းစုကြည် အနေဖြင့် ပုဂ္ဂိုလ်ရေး ခရီးစဉ် ပုံစံထက် အမျိုးသားဒီမိုကရေစီ အဖွဲ့ချုပ်ပါတီ ကိုယ်စားလှယ်အဖွဲ့ ပုံစံဖြင့် သွားရောက်နိုင်မည်ဆိုလျှင် ပိုမိုလေးနက်မည်ဟု ဆိုနိုင်သည်။ အဆိုပါ ခရီးစဉ်အတွင်း တရုတ်ကွန်မြူနစ် ပါတီနှင့် အစိုးရထိပ်တန်း ခေါင်းဆောင်များနှင့် နှစ်နိုင်ငံအကြား နိုင်ငံရေး၊ စီးပွားရေးစသည့် နယ်ပယ်အသီးသီးတွင် ပူးပေါင်းဆောင်ရွက်နိုင်မှု အခြေအနေများအပေါ် အလုပ်သဘော ဆွေးနွေးမှုများ ပြုလုပ်နိုင်ဖွယ် ရှိသည်ဟုလည်း သုံးသပ်ကြသည်။ ထို့အပြင် ဒေါ်အောင်ဆန်းစုကြည်သည် ခရီးစဉ်အတွင်း၊ တရုတ်ပြည်သူ လူထုနှင့် မြန်မာပြည်သူလူထု နှစ်ရပ်အကြား ချစ်ကြည်ရေးနှင့် နားလည်မှု ပိုမိုမြှင့်တင်နိုင်မည့် နည်းလမ်းများကို တရုတ်နိုင်ငံ ခေါင်းဆောင်များနှင့် ဆွေးနွေးနိုင်ဖွယ် ရှိသည်။
ဒေါ်အောင်ဆန်းစုကြည်သည် တရုတ်ကွန်မြူနစ်ပါတီ ခေါင်းဆောင်ကြီးများ၊ တရုတ်ပြည်သူ့ သမ္မတနိုင်ငံ အစိုးရ အကြီးအကဲများနှင့် တွေ့ဆုံပြီး အပြန်အလှန် နားလည်မှု၊ အပြန်အလှန် ယုံကြည်မှုနှင့် အပြန်အလှန် အသိအမှတ်ပြုမှုတို့ မြင့်တင်နိုင်ရေး ဆောင်ရွက်နိုင်ဖို့ လိုအပ်သည့်အပြင် အန်အယ်လ်ဒီပါတီ တည်ဆောက်ရေး လုပ်ငန်းများနှင့် ပါတီခေါင်းဆောင်များ အရည်အသွေး မြှင့်တင်ရေး လုပ်ငန်းများတွင် တရုတ်ကွန်မြူနစ်ပါတီနှင့် ပူးပေါင်းဆောင်ရွက်နိုင်မည့် အခွင့်အလမ်းများကိုလည်း ဆွေးနွေး အဆိုပြုသင့်သည်ဟု ထင်မြင်မိသည်။
တရုတ်ကုမ္ပဏီများ၏ ရင်းနှီးမြှုပ်နှံမှုနှင့် ပတ်သက်၍လည်း ဒေါ်အောင်ဆန်းစုကြည် အနေဖြင့် အစိုးရပိုင်း တာဝန်ရှိသူများ၊ ပါတီပိုင်း တာဝန်ရှိသူများနှင့် ထိတွေ့ဆက်ဆံ ဆွေးနွေးနိုင်ဖွယ် ရှိနေသည်။ တာဝန်သိသော၊ ဘေးကင်းသော၊ ဒေသခံများ သဘောတူသော စီမံကိန်းများနှင့် ရင်းနှီးမြှုပ်နှံမှုများ ဖြစ်လာစေရန် တရုတ်ကုမ္ပဏီများဘက်မှ ပြုပြင်ပြောင်းလဲ သင့်သည်များကို ပြုပြင်ရေး အတွက်လည်း တရုတ်အစိုးရ အကြီးအကဲများကို တိုက်တွန်းလိမ့်မည်ဟု သုံးသပ်နိုင်သည်။ တရုတ်ပြည်သူ့ သမ္မတနိုင်ငံ အစိုးရသည် ဒေါ်အောင်ဆန်းစုကြည်ကို သာမက အမျိုးသားဒီမိုကရေစီ အဖွဲ့ချုပ်ကိုလည်း ပြည်သူလူထု ကိုယ်စားပြု ပါတီကြီးတစ်ခုအဖြစ် တန်ဖိုးထား ဆက်ဆံကြောင်းကို ပါတီကိုယ်စားလှယ် အဖွဲ့၊ တရုတ်နိုင်ငံ ချစ်ကြည်ရေး ခရီးစဉ် မစတင်မီ ကတည်းက သတိပြုမိသည်။
သံအမတ်အသစ်နှင့် ဒေါ်စုတွေ့ဆုံခြင်း
တရုတ်ပြည်သူ့ သမ္မတနိုင်ငံ သံအမတ်ကြီး မစ္စတာရောင် ဟူလန်သည် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌနှင့် ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ ဒေါ်အောင်ဆန်းစုကြည်ကို ၂၀၁၃ ခုနှစ်၊ ဧပြီ ၂၂ ရက်နေ့တွင် ရန်ကုန်မြို့ နေအိမ်တွင် လာရောက်တွေ့ဆုံခဲ့သည်။ အဆိုပါ တွေ့ဆုံမှုသည် မစ္စတာရောင်ဟူလန် သံအမတ်ကြီး အဖြစ် ခန့်အပ်ပြီးနောက် ပထမဆုံး အကြိမ် တွေ့ဆုံမှုလည်း ဖြစ်သည်။
အဆိုပါ တွေ့ဆုံမှုတွင် ဒေါ်အောင်ဆန်းစုကြည်က နှစ်နိုင်ငံ ဆက်ဆံရေးတွင် ပြည်သူ လူထုချင်း ဆက်ဆံရေးကို မြှင့်တင်ရန် အရေးကြီးကြောင်း ပြောကြားခဲ့ပြီး သံအမတ်ကြီး ရောင်ဟူလန်နှင့် ဒေါ်အောင်ဆန်းစုကြည် တို့သည် နိုင်ငံရေး အခြေအနေများ၊ နှစ်နိုင်ငံ ချစ်ကြည်ရေး ဖွံ့ဖြိုးတိုးတက်မှု အပါအ၀င် မြန်မာနိုင်ငံ၏ နိုင်ငံရေးနှင့် စီးပွားရေး ပြုပြင်ပြောင်းလဲမှု များ၏ အလားအလာများကို အသေးစိတ်ဆွေးနွေး၊ အမြင်ချင်း ဖလှယ်ခဲ့ကြသည်။ ဒေါ်အောင်ဆန်းစုကြည်နှင့် တရုတ် သံအမတ်ကြီးတို့၏ တွေ့ဆုံမှုသည် ပိုမို အလုပ်သဘော ဆန်လာခဲ့ပြီး နှစ်ဖက်အကြား ယုံကြည်မှုနှင့် နားလည်မှု ပိုမိုမြင့်မားလာနေသည်ဟု မှတ်ချက်ပြုနိုင်သည်။
တရုတ်သံအမတ်နှင့် ပထမဆုံး တွေ့ဆုံမှု
ဒေါ်အောင်ဆန်းစုကြည်၏ အကြိမ်ကြိမ် အဆိုပြုမှုကြောင့် သူမ၏အမြင်၊ သဘောထားများကို သိရှိနိုင်ရန် တရုတ်ပြည်သူ့ သမ္မတနိုင်ငံ၊ သံအမတ်ကြီး လီဂျင်ဝှာသည် ၂၀၁၁ ခုနှစ်၊ ဒီဇင်ဘာလ ၈ ရက်နေ့တွင် ဒေါ်အောင်ဆန်းစုကြည်နှင့် ပထမဆုံးအကြိမ် တွေ့ဆုံဆွေးနွေးခဲ့ကြောင်း တရုတ်ပြည်သူ့ သမ္မတနိုင်ငံ၊ နိုင်ငံခြားရေး ၀န်ကြီးဌာနမှ ပြောရေးဆိုခွင့် ရှိသူက ဒီဇင်ဘာလ ၁၅ ရက်နေ့တွင် ထုတ်ဖော်ပြောကြားခဲ့သည်။ တရုတ်သံအမတ်ကြီးသည် ဒေါ်အောင်ဆန်းစုကြည်ကို ရန်ကုန်မြို့ တက္ကသိုလ်ရိပ်သာလမ်း နေအိမ်တွင် အချိန်တစ်နာရီကျော်ကြာ တွေ့ဆုံဆွေးနွေးခဲ့သည်။ ဤသို့ဖြင့် တရုတ်ပြည်သူ့ သမ္မတနိုင်ငံသည် ဒေါ်အောင်ဆန်းစုကြည်နှင့် နိုင်ငံရေးအရ တရားဝင် ထိတွေ့ဆက်ဆံမှုများကို စတင်ပြီဖြစ်ကြောင်း အမေရိကန်ပြည်ထောင်စု အပါအ၀င် အနောက်အုပ်စု နိုင်ငံများကို သွယ်ဝိုက်ကြေညာ မောင်းခတ်ခဲ့ခြင်း ဖြစ်သည်။
အန်အယ်လ်ဒီ ကိုယ်စားလှယ် အဖွဲ့ခေါင်းဆောင်နှင့် တွေ့ဆုံခြင်း
တရုတ်ပြည်သူ့ သမ္မတနိုင်ငံ သံအမတ်ကြီး မစ္စတာရောင်ဟူလန်သည် ၂၀၁၃ ခုနှစ်၊ မေလ ၇ ရက်နေ့တွင် အမျိုးသားဒီမိုကရေစီ အဖွဲ့ချုပ်၊ ချစ်ကြည်ရေး ကိုယ်စားလှယ် အဖွဲ့ခေါင်းဆောင် ပါတီဗဟို အလုပ်အမှုဆောင် ကော်မတီဝင် ဦးညီပုကို ရန်ကုန်မြို့၊ တရုတ်ပြည်သူ့ သမ္မတနိုင်ငံ သံရုံး၌ လက်ခံတွေ့ဆုံခဲ့သည်။ ထိုသို့ တွေ့ဆုံရာတွင် တရုတ်သံအမတ်ကြီးက တရုတ်ရှေးဟောင်း ဆိုရိုးစကားအရ အိမ်နီးနားချင်းသည် အဝေးက ဆွေမျိုးသားချင်းထက် ပိုမိုအရေးကြီးသည်ဟု ဆိုသကဲ့သို့ ချစ်ကြည်ရင်းနှီးသော ပူးပေါင်းဆောင်ရွက်နိုင်မည့် ဆက်ဆံရေး ဖွံ့ဖြိုးတိုးတက်ရေးသည် နှစ်နိုင်ငံစလုံး၏ တူညီသော ရည်မှန်းချက်ဟု ယုံကြည်ကြောင်း၊ နှစ်နိုင်ငံအကြား အစဉ်အလာပေါက်ဖော် ဆက်ဆံရေးနှင့် နှစ်နိုင်ငံ အကျိုးရှိစေမည့် ပူးပေါင်းဆောင်ရွက်မှုကို အဆင့်သစ်များသို့ မြှင့်တင်နိုင်ရန် ရည်ရွယ်လျက် ရင်းနှီးသော အိမ်နီးချင်းနိုင်ငံ အနေဖြင့် တရုတ်နိုင်ငံသည် အမျိုးသားဒီမိုကရေစီ အဖွဲ့ချုပ် အပါအ၀င် မြန်မာနိုင်ငံတွင်းရှိ နိုင်ငံရေး ပါတီများ အားလုံးနှင့် ချစ်ကြည်ရင်းနှီးမှု ဖလှယ်ရေးကို ပိုမိုအားကောင်းစေလိုကြောင်း ပြောကြားခဲ့သည်။
အမျိုးသား ဒီမိုကရေစီ အဖွဲ့ ချုပ်၊ ဗဟိုအလုပ်အမှုဆောင် ကော်မတီဝင် ဦးညီပုက ဖိတ်ကြားမှု အတွက် ကျေးဇူး တင်ပါကြောင်း၊ တရုတ်နိုင်ငံကို မြန်မာနိုင်ငံ၏ အရေးကြီးသော အိမ်နီးနားချင်းနိုင်ငံ အရေးကြီးသော အိမ်နီးချင်းနိုင်ငံ အဖြစ် သတ်မှတ်ပါကြောင်း၊ အမျိုးသား ဒီမိုကရေစီ အဖွဲ့ချုပ် အနေဖြင့် တရုတ်နိုင်ငံနှင့် မြန်မာနိုင်ငံအကြား ဆက်ဆံရေး ဖွံ့ဖြိုးတိုးတက်မှု အထူးသဖြင့် ပါတီချင်း ဆက်ဆံရေးကို အရေးကြီးသည်ဟု မှတ်ယူပါကြောင်း၊ နှစ်ဖက်အကြား ပိုမိုထိတွေ့ ဆက်ဆံမှုများနှင့် ပိုမ်ိုဖလှယ်မှုများကို ပိုမိ်ုပြုလုပ်နိုင်ပြီး နှစ်နိုင်ငံ ပြည်သူလူထုများအကြား အပြန်အလှန် နားလည်မှုကို ပိုမ်ိုအားကောင်းစေပြီး၊ နှစ်နိုင်ငံ အစိုးရများအကြား ဆက်ဆံရေးအတွက် ကောင်းမွန်သော အုတ်မြစ်များကို ချမှတ်နိုင်လိမ့်မည်ဟု ယုံကြည်ပါကြောင်း ပြန်လည်ပြောကြားခဲ့သည်။
အဆိုပါ တွေ့ဆုံမှုသည် တရုတ်ပြည်သူ့ သမ္မတနိုင်ငံ အနေဖြင့် အမျိုးသား ဒီမိုကရေစီ အဖွဲ့ချုပ်ပါတီကို မြင့်မြင့်မားမား အလေးထားကြောင်းနှင့် ယခုခရီးစဉ်သည် နှစ်နိုင်ငံ၊ နှစ်ပါတီလုံးအတွက် အရေးကြီးကြောင်း မှတ်ချက်ပြုနေသည်။
အန်အယ်လ်ဒီ ကိုယ်စားလှယ်အဖွဲ့
အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ပါတီ ကိုယ်စားလှယ် အဖွဲ့သည် တရုတ်ကွန်မြူနစ်ပါတီ၊ ဗဟိုကော်မတီ၊ နိုင်ငံတကာ ဆက်ဆံရေး ဌာန၏ ဖိတ်ကြားမှုအရ ၂၀၁၃ ခုနှစ် မေလ ၈ ရက်နေ့မှ မေလ ၁၈ ရက်နေ့အထိ တရုတ်ပြည်သူ့ သမ္မတနိုင်ငံသို့ လေ့လာရေး အလည်အပတ်ခရီး သွားရောက်နေသည်။ အမျိုးသား ဒီမိုကရေစီ အဖွဲ့ချုပ်၊ ဗဟိုအလုပ်အမှုဆောင် ကော်မတီဝင် ဦးညီပုက ချစ်ကြည်ရေး ကိုယ်စားလှယ်အဖွဲ့ကို ဦးဆောင်ပြီး ဗဟိုအလုပ်အမှုဆောင် ကော်မတီဝင် ဒေါ်နန်းခင်ထွေးမြင့်၊ အရန်ဗဟို အလုပ်အမှုဆောင် ကော်မတီဝင်နှင့် ပြည်သူ့လွှတ်တော် ကော်မတီဝင် ဒေါ်ဖြူဖြူသင်း ၊ ပြည်သူ့လွှတ်တော် ကိုယ်စားလှယ် ဦးကျော်မင်းတို့ အပါအ၀င် အဖွဲ့ဝင် ၁၂ ဦး ပါဝင်သည်။ အဆိုပါ ခရီးစဉ်သည် တရုတ်ကွန်မြူနစ်ပါတီနှင့် အမျိုးသားဒီမိုကရေစီ အဖွဲ့ချုပ်တို့အကြား ပါတီချင်း ချစ်ကြည်ရေးကို လက်တွေ့ကျကျ တည်ဆောက်နိုင်မည့် ပထမဆုံး ခရီးစဉ်လည်း ဖြစ်သည်။
နိဂုံး
အချုပ်အားဖြင့်ဆိုသော် ဒေါ်အောင်ဆန်းစုကြည်၏ ပထမဆုံး တရုတ်ပြည်သူ့ သမ္မတနိုင်ငံ ချစ်ကြည်ရေး အလည်အပတ် ခရီးစဉ်ကို အကြောင်းပြုလျက် မြန်မာနိုင်ငံနှင့် ပြည်သူလူထုသည် အမေရိကန် ပြည်ထောင်စုနှင့် အနောက် အုပ်စုဝင် နိုင်ငံများ၏ ပိုမိုနက်ရှိုင်းသော ဘက်စုံထောင့်စုံ မဟာဗျူဟာ ဆက်ဆံရေး အခင်းအကျင်းသစ်ကို ရရှိလာနိုင်ဖွယ် ရှိနေသည်။ မြန်မာနိုင်ငံ အစိုးရနှင့် နိုင်ငံရေး ပါတီများသည် တရုတ်ပြည်သူ့ သမ္မတနိုင်ငံနှင့် အနောက်အုပ်စု အကြား ဗျူဟာမြောက်၊ သိမ်သိမ်မွေ့မွေ့၊ ပါးပါးနပ်နပ် ရပ်တည်ပြီး နိုင်ငံနှင့်ပြည်သူ အကျိုးများစေမည့် သူနိုင်ကိုယ်နိုင် အခင်းအကျင်းတစ်ခုကို ထူထောင်နိုင်ရန် အထူးလိုအပ်သည်။
မြန်မာနိုင်ငံ၏ ပထ၀ီ အနေအထားအရ၊ တရုတ်ပြည်သူ့ သမ္မတနိုင်ငံ၏ နိုင်ငံရေး၊ စီးပွားရေး၊ လူမှုရေး စသည့်ရေးရာများအပေါ် သြဇာသက်ရောက်နိုင်မှုကိုလည်း အမြဲစောင့်ကြည့် ထိန်းညှိနေပြီး မြန်မာပြည်သူ လူထုကြီးကို ထိထိရောက်ရောက် အကျိုးပြုနိုင်မည့် ရှုထောင့်မှ ပေါက်ဖော်-မဟာမိတ် ဆက်ဆံရေးကို မဖြစ်မနေ ထိန်းသိမ်း မြှင့်တင် သင့်ကြောင်း သုံးသပ် တင်ပြ လိုက်ရပါသည်။
Ref: EMG News
Friday, May 10, 2013
အပြောင်းအလဲကတော့ ဖိနှိပ်တဲ့နည်းနာ
ဒီတလော ဗမာပြည်နိုင်ငံရေးလောကမှာ “ဒီမိုကရေစီအစိုးရ” ကြီးရဲ့ ဖိနှိပ်မှု သတင်းသစ်တွေ တခုပြီးတခု ဆက်တိုက် ကြားနေ ရပါတယ်။ မိတ္ထိလာ အရေးအခင်းကို ဗကပနဲ့ အတင်း ဆွဲစပ်ပေးတာ၊ လက်ပန်တောင်းတောင် အရေးမှာ လှုပ်ရှား သူတွေကို ဖမ်းဝရမ်း ထုတ်တာ၊ အခုနောက်ဆုံး ဗိုလ်ကြီးဟောင်းနေမျိုးဇင်ကို ပုဒ်မ ၄၀၁ (၁) နဲ့ ပြန်ဖမ်းတာ။ တလ တောင်မရှိတဲ့ ကာလတိုလေး အတွင်း ဆက်တိုက်ပေါ်ပေါက်ခဲ့တဲ့ အဖြစ်အပျက်တွေ ဖြစ်ပါတယ်။
ဒီလို တောက်လျှောက်ဖြစ်ပေါ်လာတဲ့ ကိစ္စတွေကို ဒါတွေဟာ သီးခြားစီဖြစ်တာ၊ တခုနဲ့တခု ဘာမှ မဆိုင်ဘူးလို့ ဆိုရင် နိုင်ငံရေး အရ ရိုးအလွန်းရာ ကျမယ် ထင်ပါတယ်။ အဖြစ်အပျက် တခုစီရဲ့ ထူးခြားချက်တွေကို တခုစီ ခွဲခြမ်းကြည့်တာ လည်း လုပ်၊ အားလုံးကိုပေါင်းပြီး နိဂုံးချုပ် သုံးသပ်တာလည်း လုပ်သင့်ပါတယ်။
“ဒီမိုကရေစီခေတ်ကြီး” ဆီကို ဗမာပြည်ကြီး “ပြောင်းလဲ” နေတုန်းမှာ လက်ပန်တောင်းတောင် လူထု လှုပ်ရှားမှုမှာ ပါဝင် သူတွေကို ဖမ်းဆီးဖို့ “ဒီမိုကရေစီ ဖခင်ကြီး” ဗိုလ်ချုပ်ကြီးဟောင်း သိန်းစိန်က မကြာခင်က ၀ရမ်း ထုတ်ခဲ့ပါတယ်။ ပုလိပ်က ၀ရမ်း ထုတ်တယ်ဆိုတာ ဘာဆန်းသလဲ။ ဟုတ်ပါတယ်၊ မဆန်းပါဘူး။ ဒါပေမဲ့ ပြန်စဉ်းစား လိုက်ရင် ၁၉၆၂ ခုနှစ် ဗိုလ် နေ၀င်း အာဏာသိမ်းတဲ့ အချိန်က စလို့ စစ်အစိုးရ အဆက်ဆက်ဟာ နိုင်ငံရေး သမားတွေ၊ ဒါမှမဟုတ် သူတို့ မလိုလား သူတွေကိုဖမ်းရင် ဖမ်းဝရမ်းကြေညာဖို့ နေနေသာသာ၊ ဖမ်းတာတောင်မှ ဖမ်းဝရမ်းနဲ့ မဖမ်းပါဘူး။ ညသန်းခေါင်သန်နွှဲ လူခြေတိတ်တော့မှ ခိုးကြောင်ခိုးဝှက် ဖမ်းဆီးတာပါ။ အခုတော့ နာမည်စာရင်းကြီးကြေညာပြီး ဘယ်ခြောက်ကာ ညာ လှမ်းတွေ လုပ်နေတာ ထူးခြားပါတယ်။ ဘာကြောင့်လဲ။ ဗိုလ်သိန်းစိန် အစိုးရအခုလို ၀ရမ်း ထုတ်ပြန်တာဟာ တပြည်လုံး ကိုခြိမ်း ခြောက်လိုက်တာ ဖြစ်ပါတယ်။ ဒါနဲ့တဆက်ထဲ တချက်ခုတ်နှစ်ချက်ပြတ် ရည်ရွယ်တာ ကတော့ ၀ရမ်းထုတ်ခံရ သူတွေ၊ ဒါမှမဟုတ် အဖမ်းခံရမယ့် အန္တရာယ်ရှိနေသူတွေ ပြည်ပကို “ထွက်ပြေး” အောင် တောခြောက်တာလည်း ဖြစ်ပါ တယ်။ ဒါဟာ ဗိုလ်သိန်းစိန်တို့ရဲ့ “အပြောင်းအလဲ” ခေတ်မှာ တီထွင်ခဲ့တဲ့ ပြည်သူ့ သပိတ်တွေကို ဖြိုခွဲတဲ့ နည်းနာပြောင်း လဲလာတဲ့ ဖော်ပြချက်တခုလို့လည်း ပြောနိုင်ပါတယ်။
ဗိုလ်သိန်းစိန်တို့က လူတွေကိုမဖမ်းခင် အခုလိုအသံပေးဟန်ရေးပြနေတာရဲ့ မြင်သာတဲ့ နောက်ရည်ရွယ်ချက် တခု က တော့ ပြည်တွင်းပြည်ပက တုန့်ပြန်ချက်တွေကို သွေးတိုး စမ်းနေတာ ဖြစ်ပါတယ်။ ဘယ်သူတွေ၊ ဘယ်အင်အားစုတွေက ဘယ်လို တုန့်ပြန်သလဲ ဆိုတာကို သူတို့အမြဲသိချင်နေတာပါ။ ဗိုလ်သိန်းစိန်တို့ရဲ့“အပြောင်းအလဲ” ကျမှ နှာစေးသွားသူ၊ အသံဝင်သွားသူတွေကို သူတို့လည်း သတိထားမိကြသလို ဒီ “အပြောင်းအလဲ” ဆိုတာကို ပြင်းပြင်းထန်ထန်ရှုတ်ချ၊ ကန့်ကွက်နေကြတဲ့ အလုပ်သမား၊ လယ်သမားနဲ့ ဆင်းရဲသားပြည်သူတွေအပါ နိုင်ငံရေး အင်အားစုတွေကိုလည်း မျက် လုံးတွေပြူးကြည့်နေကြပါတယ်။ သူတို့ဟာ ဖမ်းလို့ရရင်ဖမ်း၊ ဖမ်းလို့မရရင်ဝရမ်းထုတ်၊ ဒါမှမဟုတ်ရင် ထုံးတို့မှတ်ထား တာတွေ လုပ်နေပါတယ်။ ဒီလိုလုပ်လိုက်လို့ သူတို့နဲ့မတူတဲ့ အင်အားစုတွေထဲမှာ ကွဲထွက်ကုန်တယ်ဆိုရင်ပဲ နည်း သမို့လား။
နောက်တချက် စဉ်းစားသင့်တာက ဗိုလ်အောင်သောင်းက မိတ္ထိလာအရေးအခင်းမှာ ဗကပ သြဇာခံတွေပါနေတယ်လို့ ပြောလိုက်တဲ့ကိစ္စပါ။ မှန်တာပြောရရင် ပြည်တွင်းပြည်ပက မြန်မာ့အရေးစိတ်ဝင်စားသူတွေအဖို့ ဒါဟာ လုံးဝထင်မထား တဲ့ ကိစ္စမို့ အားလုံးပဲ မျက်ခုံးပင့်မိခဲ့ကြပါတယ်။ မဖြစ်နိုင်မှန်း လူတိုင်းကသိနေတဲ့ ကိစ္စတခုကို ဒီလူက ဘာဖြစ်လို့ ဘာ အထောက် အထားမှမပါဘဲ အမေရိကန်သံအမတ်လိုလူကို ပြောရတာလဲ။ ကွန်မြူနစ်တွေကိုအပြစ်တင်ပြရင် အမေရိ ကန်က သဘောကျမှာပဲဆိုပြီး ခေတ်ဟောင်းက မျက်နှာချို သွေးနည်းအတိုင်း လုပ်နေတာလား။ တခြား ဘာရည်ရွယ် ချက်ရှိနိုင်သလဲ။ တကယ်တော့ ဗမာပြည်က စစ်အစိုးရအဆက်ဆက်ရဲ့ လုပ်ထုံးအရဆိုရင် လူတယောက်၊ နိုင်ငံရေး အဖွဲ့အစည်းတရပ်၊ လှုပ်ရှားမှုတရပ်ကို ဗကပနဲ့ဆက်ပေးလိုက်တယ်ဆိုတာဟာ အမြင့်ဆုံးပုဒ်မတပ်လိုက်တာပဲ ဖြစ်ပါ တယ်။ အချိန်မရွေး အမြင့်ဆုံးပြစ်ဒဏ်ချနိုင်တယ်လို့ ကြေညာလိုက်တဲ့ အဓိပ္ပာယ်ပါ။ ဗိုလ်သိန်းစိန်-ဗိုလ်ရွှေမန်းတို့ စစ်အစိုးရရဲ့ “အပြောင်း အလဲ” မှာ “ပြည်ပအားကိုးပုဆိန်ရိုး” ဆိုတဲ့ လှုံ့ဆော်သံကို မပြောတော့ပေမဲ့ ဗကပသြဇာခံ ဆိုတဲ့ ခေါက်ရိုးကျိုးနေတဲ့ တိုက်ခိုက်နည်းကိုတော့ သံကုန်ဟစ်တုန်းပါပဲလားလို့ တွေးမိပါတယ်။ အမြင့်ဆုံးပုဒ်မတပ် လိုက်တာပဲ ဖြစ်ပါတယ်။ အခု စစ်အစိုးရက ဒီအရေးအခင်းနဲ့ဆက်ပြီး လူသတ်မှုနဲ့ရော တခြားပုဒ်မမျိုးစုံနဲ့ပါ ဖမ်းထား သူတွေ အတော်များများရှိနေပါပြီ။ ရုံးလည်းတင်နေပါပြီ။ ဒါပေမဲ့ အဲဒီအထဲက တယောက်ကိုမှ ဗကပသြဇာခံလို့ မပြော နိုင်တာဟာ အတော်ထူးဆန်းသလို ဖြစ်နေပါတယ်။
အခုလာပြန်ပါပြီ။ ဗိုလ်ကြီးဟောင်းနေမျိုးဇင်ကို သူ့ကို “လွတ်ငြိမ်းချမ်းသာခွင့်” ပေးတယ်ဆိုတုန်းက ထောင်ဗူးဝမှာ စွပ် ပေးလိုက်တဲ့ ပုဒ်မ ၄၀၁ (၁) ခြေမန်းကွင်းနဲ့ပြန်ဖမ်းပြီး ထောင်ဒဏ် ၆ နှစ် ချလိုက်တာဖြစ်ပါတယ်။ ဒါဟာ ဗမာပြည် တရားဥပဒေသမိုင်းမှာ မရှိဖူးတဲ့အစဉ်အလာလို့ ပြောရင်ရမယ်ထင်ပါတယ်။ သာမာန်ကြည့်ရင်တော့ ဒီလိုထောင်ချတာ ဟာ သူတို့ထောင်ထားတဲ့ ထောင်ချောက်ထဲဝင်မိလို့ အဖမ်းခံရတာပဲလို့ ပြောစရာဖြစ်ပါတယ်။ ဒါပေမဲ့ တကယ်က ဒါဟာ ဗိုလ်ကြီးဟောင်း နေမျိုးဇင်ကို လက်စားချေတာသက်သက်တင်မကပဲ သူတို့မတတ်သာလို့ထောင်က လွှတ်ပေးလိုက်ရ တဲ့ လူအားလုံးကို မလှုပ်ကြနဲ့ဟေ့လို့ သတိပေးလိုက်တာလဲ ဖြစ်ပါတယ်။
ဗိုလ်သိန်းစိန်-ဗိုလ်ရွှေမန်းတို့ရဲ့ “ဒီမိုကရေစီအစိုးရ” ကြီးဟာ (သူတို့ဆီကိုတင်ပြလျှောက်ထားရင်) ဆန္ဒပြခွင့်ပြုတယ်၊ ဒါဟာ ဒီမိုကရေစီစနစ်ကိုကျင့်သုံးတာလို့ ကြွားဝါနေပေမဲ့ အသေအချာပြန်သုံးသပ်လိုက်ရင် အဲဒီလို ဆန္ဒပြဖို့ လျှောက် လွှာ တင်တဲ့အထဲက ဆန္ဒပြခွင့်ရတာ ၅၀% ရှိရဲ့လား။ သူတို့ရဲ့ ဖွဲ့စည်းပုံအခြေခံဥပဒေ အခန်း (၈)၊ ပုဒ်မ (၃၅၄) မှာပါ တဲ့ “လက်နက် မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်” ဆိုတာအရ ပြည်သူလူထုတွေဆန္ဒပြကြတော့ ဘယ် လိုအကျိုးတွေ ခံစားရပါသလဲ။ ဗိုလ်သိန်းစိန်-ဗိုလ်ရွှေမန်းတို့ရဲ့အစိုးရသက်တမ်းဟာ သုံးနှစ်လောက်ရှိလာပြီဆိုတော့ တချို့ကိစ္စတွေကို သုံးသပ်နိဂုံးချုပ်လို့ရပြီလို့လည်း ထင်ပါတယ်။
ပြည်သူလူထုဆန္ဒပြပွဲတွေ လုပ်ခဲ့တာများပြီ၊ ဒီအထဲမှာပြည်သူလူထုက- တနည်းဆန္ဒပြသူတွေက- အနိုင်ရတာ၊ အောင် ပွဲရတာ ဘယ်နှစ်ခုများရှိသလဲ။ ဒီနေရာမှာ စစ်အစိုးရနဲ့ သူတို့ခရိုနီတွေရဲ့အကျိုးစီးပွားကို ဆန့်ကျင်တာမဟုတ်တဲ့ ဆန္ဒပြပွဲအသေးအမွှားလေးတွေကို ဆိုလိုတာမဟုတ်ပါဘူး။ အဲဒါမျိုးတွေမှာတော့ ဒီစစ်ဗိုလ်ချုပ်တွေဟာ သူတို့နာမည် ကောင်းရဖို့အတွက် ထိုးကျွေးတတ်ပါတယ်။ ကျန်တာတွေမှာတော့ ဆန္ဒပြသူတွေက တခုဆိုတခုမှ အောင်ပွဲမရပါဘူး။ အလွန်ဆုံးကြုံရတာဟာ ဆန္ဒပြသူတွေကို ဥပက္ခာပြုထားလိုက်တာ၊ ဒါမှမဟုတ်ဖြိုခွဲတာပဲမဟုတ်ပါလား။
ဒါဖြင့် ဆန္ဒပြပွဲတွေမှာ ဆန္ဒပြသူတွေ၊ ဒါမှမဟုတ် ပတ်သက်သူတွေကိုဖမ်းဆီးတဲ့ အဖြစ်အပျက်ကရော၊ ဘယ်နှစ်ရာနှုန်း လောက်ရှိပြီလဲ။ ဆန္ဒပြပွဲပေါင်းရဲ့ ၅၀% မကတဲ့ တိုက်ပွဲတွေမှာ ဖမ်းဆီးမှုတွေရှိတယ်ထင်ပါတယ်။
ဆန္ဒပြပွဲတွေကို အကြမ်းဖက်ဖြိုခွဲနှိမ်နင်းတာကရော- ဒါလည်းမနည်းတဲ့ရာခိုင်နှုန်းပါ။ ဒီအထဲမှာ ကမ္ဘာ့စံချိန်တင် လောက်တဲ့ လက်ပန်းတောင်းတောင် ဆန္ဒပြစခန်းတွေမှာ ကျိန်းစက်နေတဲ့သံဃာတော်တွေကို မီးလောင်ဗုံးနဲ့ပစ်ပေါက် တာမျိုးတွေလည်း ပါပါတယ်။
ဒီအချက်တွေကိုချုပ်ကြည့်လိုက်ရင် ဗိုလ်သိန်းစိန်-ဗိုလ်ရွှေမန်းတို့ရဲ့“ဒီမိုကရေစီအစိုးရ” ကြီး တက်လာတဲ့နောက်မှာ ပြည်သူလူထုဟာ သူတို့အရင်က အားထားခဲ့တဲ့ အင်အားစုတွေ၊ နိုင်ငံရေးသမားတွေနဲ့လမ်းခွဲပြီး ကိုယ့်ဟာကိုယ် တိုက် ပွဲဝင်တာတွေ များသထက်များလာနေတယ် ဆိုတာတွေ့ရပါမယ်။ အဲဒီလိုများလာတာနဲ့အမျှ ဒီမိုကရေစီစစ်အစိုးရကြီး ဟာ ဖြိခွဲတာ၊ ဖိနှိပ်တာတွေကို ပိုပြီးပြောင်ကျကျ၊ ပိုပြီးကြမ်းကြမ်းတမ်းတမ်း လုပ်လာနေတယ်။ ဒါ့အပြင် ပိုပြီးတော့ ပြင်းပြင်း ထန်ထန်လည်း သတိပေးနေပါတယ်။
တကယ်ကတော့ ဗမာပြည်မှာ ဦးကျိုးသွားတဲ့ နိုင်ငံရေးသမားဆိုတာတွေ ရှိပေမဲ့ ဦးကျိုးသွားတဲ့ ပြည်သူဆိုတာ မရှိ ကြောင်း ဗိုလ်သိန်းစိန် ဗိုလ်ရွှေမန်းတို့ မသိတာမဟုတ်ပါဘူး။
Ref: နေ့သစ်
Thursday, May 9, 2013
ခေတ်သစ် ငရဲခွေးကြီး လွတ်နေပြီ
(၁)
၁၉၃၆ ခုနှစ် ဇန်န၀ါရီလ။ ကျောင်းသားခေါင်းဆောင် ကိုအောင်ဆန်းက တာဝန်ခံ အယ်ဒီတာ အဖြစ် ဆောင်ရွက်ခဲ့တဲ့ အိုးဝေမဂ္ဂဇင်း၊ အင်္ဂလိပ်ပိုင်း ကဏ္ဍမှာ ဆောင်းပါး တစ်ပုဒ်ကို ဖော်ပြခဲ့ပါတယ်။ ''ငရဲခွေးကြီးလွတ်နေပြီ''။ အဲဒီ အချိန်တုန်းက တက္ကသိုလ် အာဏာပိုင် မျက်နှာဖြူတွေကို အမျက်ဒေါသ ထွက်စေခဲ့တဲ့ ဆောင်းပါးဖြစ်ခဲ့ ပါတယ်။ ရန်ကုန် တက္ကသိုလ်ကျောင်းသား ကိုညိုမြက ယမမင်း ကလောင်နဲ့ ရေးခဲ့တဲ့ ဒီဆောင်းပါးကို အကြောင်းပြုပြီး ကိုအောင်ဆန်းကို ကျောင်းထုတ် ခဲ့ရာကနေ ဒုတိယအကြိမ် ပြည်လုံးကျွတ် ကျောင်းသား သပိတ်ကြီး ပေါ်ပေါက် ခဲ့ပါတယ်။
ဒီနေ့အချိန်မှာလည်း တရား မျှတမှုနဲ့ အမှန်တရားကို ဖော်ထုတ်ရမယ့် ကိစ္စရပ်တွေ ရှိလာခဲ့ပါပြီ။ လူတစ်ဦး တစ်ယောက်(သို့မဟုတ်) လူတစ်စု တစ်ဖွဲ့က လုပ်ဆောင်နေတဲ့ လုပ်ရပ်တွေဟာ မြန်မာနိုင်ငံကို သွေးချောင်းစီးစေမယ့် အခြေအနေကို တွန်းပို့နေပါတယ်။ ဒီလူတွေမှာ အာဏာရှင်စနစ်ကို ပြန်လည် အသက်သွင်းလိုတဲ့ စိတ်ဓာတ်တွေ ပြည့်နှက်နေပြီး သူတို့ရဲ့ လုပ်နည်း လုပ်ဟန်တွေက ယခင် စစ်အစိုးရ အုပ်ချုပ်ယန္တရား လည်ပတ်ခဲ့စဉ်က ကျင့်သုံးခဲ့တဲ့ လုပ်နည်း လုပ်ငန်းတွေနဲ့ တူညီနေပါတယ်။
အရေးယူမယ့်သူမရှိ လက်ရဲ ဇက်ရဲနိုင်တဲ့ သူတွေရဲ့ အနေအထားက ''ခေတ်သစ် ငရဲခွေးကြီး လွတ်နေပြီ''ဆိုတဲ့ အနေအထားပါပဲ။
(၂)
ဆက်သွယ်ရေး မြန်ဆန်လာမှု၊ အင်တာနက်ကို အသုံးပြုပြီး အာဏာရှင်စနစ်ကို ပြန်လည် အသက်သွင်း လိုသူတွေရဲ့ ၀ါဒဖြန့်ချိရေး ပုံစံတွေဟာ ပြောင်းလဲ လာပါတယ်။ လူမှုကွန်ရက် စာမျက်နှာတွေမှာ အင်အား အလုံးအရင်းနဲ့ ၀င်ရောက်နေရာယူပြီး လိုချင်တဲ့ ပစ်မှတ်ကို ရအောင်ဖန်တီး လုပ်ဆောင် လာကြပါတယ်။ ပြီးခဲ့တဲ့ နှစ်နှစ် သုံးနှစ်တာ ကာလက စတင်ပြင်ဆင်ခဲ့တဲ့ ဒီလူတွေ ခြေလှမ်းဟာ အခုချိန်မှာ အတော်လေး ခရီးပေါက်နေခဲ့ပါပြီ။ ဒီလူတွေဟာ အစိုးရရဲ့ ၀ါဒဖြန့်ချိရေး ယန္တရားက တစ်ဆင့် လူထုကြားကို ကျယ်ပြန့်စွာနဲ့ ၀င်ရောက်နေရာယူပြီး သွေးထိုး လှုံ့ဆော်မှုတွေကို လုပ်ဆောင် လာခဲ့ကြပါတယ်။
(၃)
ဒေါက်တာဆိတ်ဖွား ရေးသားချက်ကို ဖော်ထုတ်ရေးအတွက် လွှတ်တော်က ဖွဲ့စည်းထားတဲ့ စုံစမ်းရေး ကော်မရှင်က ခေါ်ယူမေးမြန်းခံရတဲ့ လူတွေထဲမှာ ကျွန်တော်လည်း ပါပါတယ်။ နေပြည်တော်မှာ သွားရောက် စစ်ဆေး ခံခဲ့ပါတယ်။ ရက်ရှည်လများ အချိန်ယူ စုဆောင်းပြီး ကျွန်တော် သိရှိထားတဲ့ အချက်အလက်တွေကို စုံစမ်းရေး ကော်မရှင်ကို ပြောခဲ့ပါတယ်။ ဒီအချိန်တည်းက ဒေါက်တာ ဆိတ်ဖွားဟာ တစ်ဦးထက်မက ဖြစ်တယ် ဆိုတာကို ပြောဆိုခဲ့ပြီးသားပါ။ ဒေါက်တာ ဆိတ်ဖွားရဲ့ နောက်ကွယ်မှာ စနစ်တကျ ဖွဲ့စည်းထားတဲ့ အဖွဲ့တစ်ခု ခိုင်ခိုင်မာမာနဲ့ ရှိနိုင်တဲ့ အချက်တွေကိုလည်း ပြောခဲ့ပါတယ်။
အံ့သြစရာ ကောင်းတာက ဒေါက်တာဆိတ်ဖွား ဒါမှမဟုတ် ဒေါက်တာဆိတ်ဖွားအဖွဲ့ ဦးဆောင်သူကို စုံစမ်းရေး ကော်မရှင်အဖွဲ့ဝင်တွေက သိနေတဲ့ အချက်ပါပဲ။ ကျွန်တော်ရရှိထားတဲ့ အချက်အလက်တွေအရ ဆိတ်ဖွားဟာ ဘယ်သူ ဖြစ်ပါတယ်လို့ ပြောခဲ့ပါတယ်။ ဆိတ်ဖွားနဲ့ ဌာနတစ်ခုတည်း အလုပ်တွဲလုပ်ခဲ့တဲ့ စုံစမ်းရေး ကော်မရှင်အဖွဲ့ဝင် တစ်ဦးက ဒါကို ထောက်ခံပြီး ဟုတ်တယ်လို့ ပြောပါတယ်။
နောက်တစ်ချက်ကတော့ ဒေါက်တာဆိတ်ဖွားသုံးတဲ့ IP လိပ်စာကို အဲဒီအချိန်ကတည်းက လွှတ်တော်က ရရှိထားပြီး ဖြစ်နေလို့ပါ။ ဒီအချက်တွေကြောင့် ''ဆိတ်ဖွားကို ဖော်ထုတ်နိုင်ပြီ'' လို့ စုံစမ်းရေး ကော်မရှင်တွေ ပြောတာကို ကျွန်တော်က အံ့သြခြင်း မရှိပါဘူး။ သေချာတာကတော့ ဆိတ်ဖွားကို ဖော်ထုတ်ခြင်းဟာ လူတစ်ဦးရဲ့ လွတ်လပ်စွာ ရေးသားခွင့်ကို ထိပါးတာ မဟုတ်ဘဲ သူ့နောက်မှာရှိနေတဲ့ အဖွဲ့ရဲ့ လုပ်ရပ်ကို ဖွင့်ထုတ်လိုခြင်း ဖြစ်ပါတယ်။
(၄)
ဆိတ်ဖွားအနေနဲ့ သူ့ကိုလွှတ်တော်က ဖော်ထုတ်နိုင်မှာ မဟုတ်ဘူး။ ဖော်ထုတ်နိုင်ရင်လည်း ထုတ်ပြောဝံ့မှာ မဟုတ်ဘူးလို့ ယူဆထားပုံပါပဲ။ ဆိတ်ဖွား မတိုင်ခင်က အသုံးပြုခဲ့တဲ့ စစ်အောင်ဆိုတဲ့ Facebook Account ကို ပိတ်လိုက်သလို ပရော်ဖက်ဆာ ဒေါက်တာဆိတ်ဖွား အမည်ခံ ရေးသားနေတဲ့ Voice of Myanmar ဘလော့ဂ်မှာလည်း အသစ်ရေးသားခြင်း မပြုတော့ပါဘူး။ ဒါပေမဲ့ အခြားတစ်နေရာမှာ နာမည်တစ်ခုနဲ့ ထပ်ပေါ်လာပါတယ်။ အဲဒီလူက ''လူထုမောင်ကာဠု'' ဆိုတဲ့ Facebook Page ဖြစ်ပါတယ်။
စာရေးတဲ့လူတွေဟာ ကိုယ်ရဲ့ စာရေးဟန်ကို အလုံးစုံ မပြောင်းလဲ နိုင်ကြပါဘူး။ ဘယ်လိုနာမည်တွေ သုံးပြီး ရေးသည် ဖြစ်စေ ကာလ ကြာလာတာနဲ့အမျှ မူလရေးဟန်ကို သွေဖယ်နိုင်မှာ မဟုတ်ဘူး။ စာရေးတဲ့တိုင်း သိကြပါတယ် လူထုမောင်ကာဠုကို စောင့်ကြည့် လေ့လာမှုတွေအရ သူရဲ့ရေးဟန်တွေဟာ စစ်အောင်၊ ဆိတ်ဖွား စတဲ့သူတွေရဲ့ ရေးဟန်နဲ့ တဖြည်းဖြည်း တူလာတာကို တွေ့ရပါတယ်။
ဆိတ်ဖွားနဲ့ လူထုမောင်ကာဠုဟာ စစ်တပ်နဲ့ သူတို့လူ တစ်ချို့ကိုသာ ချီးမြှောက်ပြီး ဒီမိုကရေစီ လမ်းသွားမယ့် သူတွေကို တိုက်ခိုက်ခဲ့ပါတယ်။
အာဏာရှင်စနစ်ကို ပြန်လည် အသက်သွင်းလိုသူ ၀ါဒဖြန့်ချိရေး သမားတွေရဲ့ လုပ်နည်း လုပ်ဟန်က လူမှုကွန်ရက် စာမျက်နှာတွေမှာ သူတို့ရဲ့ အဖွဲ့ဝင်တွေ အင်အားကောင်းလာအောင် ပထမဆုံး လုပ်ဆောင်ပါတယ်။ ဒုတိယဆင့်အနေနဲ့ သူတို့ရေးသားမှုတွေအောက်မှာ ဘယ်သူမဆို ၀င်ရောက် မှတ်ချက် ပေးနိုင်အောင် လုပ်ပါတယ်။ တတိယဆင့်မှာတော့ သူတို့ရေးသားမှုကို သူတို့ရဲ့ အဖွဲ့ဝင်တွေ ၀င်ရောက် မှတ်ချက်ရေးစေပြီး ထောက်ခံမှု ရေးသားစေပါတယ်။ ဒီနောက်မှာ တစ်ဆင့် ဖြန့်ဖြူးကြတာ ဖြစ်ပါတယ်။ ဒီလိုနည်းနဲ့သူတို့ရဲ့ ၀ါဒ ဖြန့်ချိ သွေးထိုးမှုတွေကို ကျယ်ပြန့်အောင် လုပ်ဆောင်ခဲ့ကြပါတယ်။
(၅)
လူထု မောင်ကာဠုကို လူမှုကွန်ရက်သုံးတဲ့ လူတွေ သိကြပါတယ်။ ဒေါ်အောင်ဆန်းစုကြည် အပါအ၀င် လူထုထောက်ခံမှု ရရှိနေတဲ့ နိုင်ငံရေးသမားတွေ၊ မီဒီယာသမားတွေကို နည်းမျိုးစုံသုံး ပုတ်ခတ် တိုက်ခိုက်တာ ဖြစ်ပါတယ်။
လက်ရှိအချိန်မှာ သူ့ရဲ့အဓိက ရည်ရွယ်ချက်ကတော့ ဘာသာရေး အဓိကရုဏ်းတွေ မဖြစ်ဖြစ်အောင် သွေးထိုး လှုံ့ဆော်နေတာ ဖြစ်ပါတယ်။ သာကေတ ဗလီကိစ္စမှာလည်း လူထုမောင်ကာဠုနဲ့ သူ့ရဲ့ အဖွဲ့ဝင်တွေက လှုံ့ဆော်မှုတွေ လုပ်ခဲ့ပါတယ်။ ဒီလိုပါပဲ။ မိထ္တီလာဖြစ်ရပ် မတိုင်ခင်မှာလည်း အကြိုလှုံ့ဆော်မှုတွေကို ဆက်တိုက်လုပ်ဆောင်ခဲ့ပါတယ်။ အခုချိန်မှာတော့ သူ့ရဲ့ လူမှုကွန်ရက် စာမျက်မှာ အစ္စလာမ်မုန်းတီးရေးကို အခြေခံပြီး မြန်မာတိုင်းရင်းသားတွေနဲ့ မြန်မာနိုင်ငံတွင်းနေ မြန်မာမွတ်စလင်တွေအကြား ရန်တိုက်ပေးမှုတွေကို ဆက်တိုက်လုပ်ဆောင်လာတာ တွေ့ရပါတယ်။ အဆိုးဆုံးကတော့ ၂၀၁၅ ရွေးကောက်ပွဲမှာ လူထုထောက်ခံမှု အများဆုံး ရနိုင်ချေရှိတဲ့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်ကို မွတ်စလင်ပါတီလို့ ပုတ်ခတ်ပြီး တိုက်ခိုက်နေတာ ဖြစ်ပါတယ်။
(၆)
ရခိုင်ပဋိပက္ခ မကျယ်ပြန့်ခင် နိုင်ငံပိုင် သတင်းစာမှာ ဖော်ပြခဲ့တဲ့ ''မွတ်စလင်ကုလား'' ဆိုတဲ့ အသုံးအနှုန်းနဲ့ ပတ်သက်ပြီး ရှင်းလင်းမှုတွေ မရှိသေးပါဘူး။ အစိုးရသတင်းစဉ် အနေနဲ့ ''မွတ်စလင်ကုလား'' ဆိုတဲ့ အသုံးအနှုန်းကို အထက်လူကြီးရဲ့ အမိန့်မရဘဲ ထည့်ခွင့် မရှိဘူးဆိုတဲ့ ပြောဆိုချက်တွေလည်း ရှိနေပါတယ်။ ဒီနောက်ကွယ်မှာ ဘယ်သူက အမိန့်ပေး စေခိုင်းသလဲ ဆိုတာကို ထုတ်ဖော်ပြောဆိုတာလည်း မရှိသေးပါဘူး။
ပရော်ဖက်ဆာ ဒေါက်တာဆိတ်ဖွားဆိုတာ ပြန်ကြားရေး ၀န်ကြီးဌာနရဲ့ အဆင့်မြင့် အရာရှိပဲ ဖြစ်တယ်လို့ သူနဲ့လုပ်ဖော်ကိုင်ဖက် ဖြစ်ခဲ့ဖူးသူ လွှတ်တော်အမတ်က စုံစမ်းရေး ကော်မရှင်မှာ တရားဝင် ထုတ်ဖော်ပြောဆိုခဲ့တာ၊ သာမန်လူတွေ မရနိုင်တဲ့ သတင်းတွေကို လူထုမောင်ကာဠု စာမျက်မှာ အချိန်နဲ့ တစ်ပြေးညီတင်ပြီး လှုံ့ဆော်မှု ပြုနိုင်တာတွေက သံသယ ဖြစ်စရာတွေပါ။ သွေးထိုးလှုံ့ဆော်မှုတွေကို လုပ်ဆောင်နေသူတွေ သုံးတဲ့ ကလောင်နာမည်တွေကလည်း စစ်အစိုးရလက်ထက် နိုင်ငံပိုင် သတင်းစာတွေမှာ သုံးစွဲခဲ့တဲ့ ကလောင်အမည် ပေးပုံတွေနဲ့ ဆင်တူနေပါတယ်။
(၇)
အခုချိန်မှာတော့ ဆိတ်ဖွားကို ဖော်ထုတ်နိုင်ပြီလို့ စုံစမ်းရေး ကော်မရှင်က ပြောထားပါတယ်။ ဆိတ်ဖွားဆိုသူနဲ့ သူ့နောက်မှာ ရှိနေသူတွေကို လွှတ်တော်က အရေးယူမလား။ အစိုးရက အရေးယူမလား ဆိုတာကို ကျွန်တော်တို့ စောင့်ကြည့်နေပါတယ်။ ဆိတ်ဖွားနဲ့ စပ်ဆက်ပြီး ပေါ်ပေါက်လာတဲ့ လူထုမောင်ကာဠုနဲ့ သူ့နောက်မှာ ရှိနေသူတွေကိုလည်း ဖော်ထုတ်အရေးယူဖို့ လိုအပ်လာပါပြီ။ ဒီလို ဖော်ထုတ်အရေးယူမှလည်း ပြည်သူတွေအတွက် အမှန်တရားနဲ့ မတရားမှုတွေကို ခံစားခဲ့ရတဲ့ မြန်မာ မွတ်စလင်တွေအတွက် မျှတမှုပေးရာ ရောက်ပါတယ်။
အကယ်၍ လွှတ်တော်က အရေးမယူခဲ့ဘူး။ အစိုးရက အရေးမယူခဲ့ဘူးဆိုရင် တရားမျှတမှုကို လိုလားသူတွေက နိုင်ငံတကာကို ထုတ်ဖော်ပြောဆိုသွားမှာ ဖြစ်သလို International Criminal Court (ICC)၊ အခြားသော UN အဖွဲ့အစည်းတွေကို တိုင်ကြားပါလိမ့်မယ်။ နိုင်ငံတကာ တရားရုံးတွေ အနေနဲ့ Facebook အသုံးပြုသူရဲ့ IP၊ မေးလ်လိပ်စာတွေကို တောင်းဖို့ ၀န်လေးနေမှာ မဟုတ်ဘူးဆိုတာ လူထုမောင်ကာဠုသိဖို့ လိုပါတယ်။
လှုံ့ဆော်မှုတွေရဲ့ အဓိက တရားခံဟာ ဦးဝီရသူလို ဗုဒ္ဓဘာသာ သံဃာတော်တွေကြောင့် မဟုတ်ပါဘူး။ ၉၆၉ လှုပ်ရှားမှုတွေကြောင့်လည်း မဟုတ်ပါဘူး။ ဒေါက်တာဆိတ်ဖွားနဲ့ လူထုမောင်ကာဠုလို လူတွေ၊ သူတို့ရဲ့ နောက်ကွယ်မှာ ရှိနေတဲ့ အဖွဲ့အစည်းတွေကြောင့် ဖြစ်ပါတယ်။ ဒါကိုဖော်ထုတ်ပြီး ရဲရဲဝံ့ဝံ့ ဖြေရှင်းရပါလိမ့်မယ်။ ဒီလိုမှ မလုပ်ဘူးဆိုရင် မြန်မာနိုင်ငံဟာ ၂၀၁၅ခု နှစ် မတိုင်မီ အချိန်မှာပဲ ဘာသာရေး ပဋိပက္ခတွေကြောင့် သွေးချောင်းစီးမှုတွေ ဖြစ်လာနိုင်ပါတယ်။
ခေတ်သစ်ငရဲခွေးကြီးကို ဖော်ထုတ်ပေးဖို့က လွှတ်တော်နဲ့ အစိုးရမှာ တာဝန်ရှိနေပါတယ်။ ကျွန်တော်ကတော့ လွှတ်တော်ရဲ့ စုံစမ်းရေး ကော်မရှင်ရှေ့မှာ ရဲရဲဝံ့ဝံ့ အစစ်ခံခဲ့သလို နိုင်ငံတကာ တရားရုံးရှေ့မှာလည်း ရဲရဲဝံ့ဝံ့ အစစ်ခံဖို့ အဆင်သင့်ပါပဲ။
Ref: EMG News
ယူဂိုဆလားဗီးယားနိုင်ငံတော် ပြိုကွဲမှု (အပိုင်း ၁)
နိဒါန်း
ပြည်တွင်းပဋ္ဋိပက္ခတွေမှာ အိုင်အိုလို့အတိုကောက်ခေါ်ကြတဲ့ International Organizations (နိုင်ငံတကာ အဖွဲ့အစည်းများ) ကို ကိုယ်စားပြုပြီး၊ ကျယ်ကျယ်လောင်လောင် အသံပြုလေ့ ရှိကြရာမှာ ဥရောပက အီးယူ (European Union) ကလဲ တခု အပါအ၀င်ဖြစ်ပါတယ်။ အီးယူဆိုတဲ့ အဖွဲ့အစည်းဟာ (၁၉၉၃) ခုနှစ်မှာ Treaty of Maastricht အရ ပေါ် ပေါက်လာတဲ့ အဖွဲ့အစည်းဖြစ်ပြီး၊ (၂၀၀၉) ခုနှစ်၊ ဒီဇင်ဘာလမှာ Treaty of Lisbon စတင် အသက်ဝင်လာချိန်မှာ အီးစီ လို့ အတိုကောက်ခေါ်ကြတဲ့ European Communities ရဲ့ လုပ်ငန်း တာဝန်များကို အစားထိုးထားတဲ့ အဖွဲ့အစည်း ဖြစ် ပါတယ်။ အီးစီဆိုတဲ့ အဖွဲ့အစည်းကတော့ (၁၉၅၇) ခုနှစ်မှာ ပေါ်ပေါက်လာတဲ့ European Economic Community (EEC) ကို ရည်ညွှန်းတာ ဖြစ်ပါတယ်။ မူလ အီးအီးစီမှာ ဘယ်လ်ဂျီယံ၊ ဂျာမဏီ၊ ပြင်သစ်၊ အီတလီ၊ လူဇင်ဘတ်နဲ့ နယ် သာလန်နိုင်ငံတို့ ပါဝင်ခဲ့ပါတယ်။ (၁၉၇၃) ခုနှစ်မှာ ဗြိတိန်၊ ဒိန်းမတ်၊ အိုင်ယာလန်နိုင်ငံတို့ ပါဝင်ပြီး၊ အဖွဲ့ဝင် ကိုးနိုင်ငံ ဖြစ် လာပါတယ်။ (၁၉၈၁) ခုနှစ်မှာ ဂရိနိုင်ငံက အဖွဲ့ဝင်အဖြစ် ထပ်မံ ပါဝင်လာခဲ့ပြီး၊ ဆယ်နိုင်ငံ ဖြစ်လာပါတယ်။ (၁၉၈၆) ခုနှစ်မှာ စပိန်နဲ့ ပေါ်တူဂီနိုင်ငံတို့ ထပ်မံ ပါဝင်လာပြီး၊ ဆယ့်နှစ်နိုင်ငံ ဖြစ်လာပါတယ်။ (၁၉၉၅) ခုနှစ်မှာ ဆွီဒင်၊ ဖင်လန်နဲ့ သြစတြီးယားတို့ ထပ်မံ ပါဝင်လာပြီး၊ ဆယ့်ငါးနိုင်ငံ ဖြစ်လာပါတယ်။ (၂၀၀၄) ခုနှစ်မှာတော့ အရှေ့ဥရောပမှာ နိုင်ငံဆယ် နိုင်ငံ ထပ်မံ ပါဝင်လာပြီး၊ နှစ်ဆယ့်ငါးနိုင်ငံ ဖြစ်လာပါတယ်။ (၂၀၀၇) ခုနှစ်မှာ ရိုမေးနီးယားနဲ့ ဘူလ်ဂေးရီးယားတို့ ထပ်မံ ပါဝင်လာပြီး၊ နှစ်ဆယ့် ခုနှစ်နိုင်ငံဖြစ်လာ ခဲ့တာကြောင့် အီးယူရဲ့ နိုင်ငံရေး၊ စီးပွားရေး အခန်းကဏ္ဍ ကလဲ အတော်ပဲ ကျယ် ပြန့်လာခဲ့ပါတယ်။ ယူဂိုဆလားဗီးယား နိုင်ငံတော် ပြိုကွဲမှု ဖြစ်ပွားစဉ်က အီးယူအမည် မပေါ်ပေါက်သေးပါဘူး။ အီးစီ အမည်နဲ့ပဲ ရပ်တည်ဆဲ ရှိပါသေးတယ်။ ဒီအချိန် ကာလက ယူဂိုဆလားဗီးယားရဲ့ ပြည်တွင်းရေးမှာ အီးစီ အနေနဲ့ ပါဝင် ပတ်သက်ခဲ့မှုတွေကို ဒီဆောင်းပါးမှာ ရေးသား တင်ပြပါမယ်။
နိုင်ငံတော်ပြိုကွဲမှုစတင်ခြင်း
(၁၉၈၉) မတိုင်ခင်ကာလအထိ ယူဂိုဆလားဗီးယားနိုင်ငံဟာ စစ်အေးတိုက်ပွဲမှာ မပါဝင်သော ကြားနေနိုင်ငံတခု ဖြစ်ခဲ့ပါ တယ်။ (၁၉၇၀) ကာလတွေကတည်းက အီးစီ (European Community) နဲ့ ဆက်ဆံရေးတွေ ရှိခဲ့ပေမယ့်၊ (၁၉၈၉) ခုနှစ်ရောက်မှသာ အီးစီနဲ့ တရားဝင် ဆက်ဆံရေးတည်ဆောက်ဖို့ ကြိုးပမ်းအားထုတ်ခဲ့ပါတယ်။ (၁၉၉၀) ခုနှစ်ရောက် တော့ အီးစီဘက်ကနေ PHARE eligibility စတဲ့ အစီအစဉ်တွေနဲ့ တုန့်ပြန်ခဲ့ပေမယ့်၊ အီးစီရဲ့ သတ်မှတ်ချက်အဆင့်အ တန်းတွေကို မမီနိုင်တဲ့ ဘဲလ်ဂရိတ်အခက်အခဲတွေကြောင့် ရှေ့တိုးနိုင်ခြင်း မရှိခဲ့ပါဘူး။ ဒီသတ်မှတ်ချက် အဆင့်အတန်း တွေထဲမှာ ဒီမိုကရေစီပေါ်အခြေခံပြီး ကျင်းပတဲ့ လွတ်လပ်ပြီးတရားမျှတသော ပါတီစုံဖယ်ဒရယ် ရွေးကောက်ပွဲဆိုတဲ့ အ ချက်လဲ ပါဝင်ပါတယ်။ ဒီလိုနဲ့ (၁၉၉၁) ခုနှစ်ရောက်တော့ ဖယ်ဒရယ်ရွေးကောက်ပွဲထွက်ပေါ်လာဖို့ အရေးက ပိုပြီး ခက်ခဲ လာပါတယ်။
အဲဒီအချိန်မှာ ယူဂိုဆလားဗီးယား ဖွဲ့စည်းပုံအခြေခံဥပဒေအရ အလှည့်ကျ ဖယ်ဒရယ်ဥက္ကဋ္ဌ ဖြစ်သူက Croat အမျိုး သားဖြစ်တဲ့ Stipe Mesic ဖြစ်ပါတယ်။ သူ့ကို အီးစီရဲ့ကိုယ်စား Jacque Delors က ဖွဲ့စည်းပုံရေးရာ ပြဿနာဖြစ်နေတဲ့ အပေါ်မှာ ငြိမ်းချမ်းတဲ့ ဒိုင်ယာလော့ခ်နည်းနဲ့ ဖြေရှင်းမယ်ဆိုရင် စီးပွားရေး အထောက်အကူပေးမယ်လို့ ကမ်းလှမ်းခဲ့ပါ တယ်။ နိုင်ငံတကာအနေနဲ့ကတော့ ဒီလို ကမ်းလှမ်းချက်တွေပေးရတာ အလွန်ပဲ လွယ်ကူလှပါတယ်။ ဒါပေမယ့် ငြိမ်း ချမ်းတဲ့ ဒိုင်ယာလော့ခ် နည်းလမ်းဆိုတာက ပဋ္ဋိပက္ခမှာ ပါဝင်ပတ်သက်နေသူတွေအားလုံးက ဒီနည်းနဲ့ ဖြေရှင်းမယ်လို့ လက်ခံမှ အောင်မြင်တဲ့ အရာပါ။ ဒါပေမယ့် ငြိမ်းချမ်းတဲ့ ဒိုင်ယာလော့ခ် နည်းလမ်းဆိုတာက ပဋ္ဋိပက္ခမှာ ပါဝင်ပတ်သက် နေသူတွေအားလုံးက ဒီနည်းနဲ့ ဖြေရှင်းမယ်လို့ လက်ခံမှ အောင်မြင်တဲ့ အရာပါ။ ဒီအတွက် ဒီနည်းလမ်းကို လက်ခံသ ဘောတူနိုင်တဲ့ နိုင်ငံရေး ယဉ်ကျေးမှု အခင်းအကျင်းကို ကနဦးတည်ဆောက်ထားဖို့ လိုအပ်ပါတယ်။ ယူဂိုဆလားဗီး ယားမှာ ဒီလိုနိုင်ငံရေးယဉ်ကျေးမှု အခင်းအကျင်း တည်ဆောက်ထားမှု မရှိခဲ့ပါဘူး။ ဒါကြောင့် ဒိုင်ယာလော့ခ်နည်းလမ်း ကို ဆာဗ့်အမျိုးသားတွေသာမက ခရိုအက်အမျိုးသား အများစုကပါ ကန့်ကွက်ခဲ့ကြပါတယ်။
(၁၉၉၁) ခု၊ ဖေဖော်ဝါရီလ (၂၀) ရက်နေ့မှာ စလိုဗီနီးယား (Slovenia) က ယူဂိုဆလားဗီးယားကနေ ခွဲထွက်သွားပါ တယ်။ တပြိုင်နက်တည်းမှာပဲ ခရိုအေးရှား (Croatia) ကလဲ ခွဲထွက်ဖို့ ပြင်ဆင်ပါတယ်။ အီးစီကတော့ ဒါတွေကို လျစ်လျု ရှုထားပြီး အလှည့်ကျ ဥက္ကဋ္ဌလုပ်တဲ့ ဖဒရေးရှင်း အိုင်ဒီယာကိုပဲ ဆက်ပြီး ပံ့ပိုးပါတယ်။ ဒိုင်ယာလော့ခ်နည်းနဲ့ ဖြေရှင်းကြ ဖို့ တွန်းအားပေးပါတယ်။ ဒီလိုအချိန်မှာပဲ (၁၉၉၁) ခုနှစ်၊ ဇွန်လ (၂၅) ရက်နေ့ ရောက်တော့ နိုင်ငံတကာ သဘောထား တွေကို လျစ်လျူရှုပြီး စလိုဗီနီးယားနဲ့ ခရိုအေးရှားတို့က သူတို့ဘာသာ လွတ်လပ်ရေးကြေညာလိုက်ပါတော့တယ်။
ဒါကို တုန့်ပြန်တဲ့အနေနဲ့ ယူဂိုဆလားဗီးယား နိုင်ငံတော် ဖဒရယ်တပ်တွေက ဇွန်လ (၂၇) ရက်နေ့မှာ Ljubljana ကို ၀င်ပါတယ်။ ဖဒရယ်စစ်တပ်တွေက ခရိုအေးရှားကို ၀င်ရောက်ပြီး ဘော့စနီးယား- ဟာဇီဂိုးဗီးနားအထိ ရောက်လာပါ တယ်။ အီးစီကလဲ ဒီအခြေအနေတွေ အပေါ်မှာ ချက်ချင်းတုန့်ပြန်ပါတယ်။ အီးစီဘက်ကကြည့်မယ်ဆိုရင် ယူဂိုစလားဗီး ယား နိုင်ငံတော်ပြိုကွဲတာက ပထမ ဦးစားပေးအချက် မဟုတ်ပါဘူး။ ပြိုကွဲမှုက ယူဂိုဆလားဗီးယား နယ်နိမိတ်ကို ကျော် လွန်ပြီး တခြားနယ်မြေတွေထဲ မပြန့်ပွားလာရေးက အဓိက ဖြစ်ပါတယ်။ ဒါကြောင့် အီးစီအနေနဲ့က ဒီကိစ္စကို ကနဦး ဦးစားပေးရပါတယ်။ ဒီကိစ္စပြီးမှ သံတမန်နည်းလမ်းများသုံးပြီး အဖြေရှာဖို့ အီးစီက တွန်းအားပေး ပြောကြားပါတယ်။
လူဇင်းဘတ်၊ အီတလီ၊ နယ်သာလန် နိုင်ငံများက သမ္မတဟောင်း၊ သမ္မတသစ်များ၊ နိုင်ငံခြားရေးဝန်ကြီးများနဲ့ ကော်မရှင် တာဝန်ခံများပါဝင်တဲ့ Troika ဆိုတဲ့ အချက်အလက်ရှာဖွေရေး အလည်အပတ်သွားရောက်မှု (fact-finding visit) နည်း လမ်း စတင်ပါတယ်။ နောက်တော့ Troika က ယူဂိုဆလပ် လူထုတပ်မတော် (ဂျေအင်အေ) အနေနဲ့ ခွဲထွက်သွားတဲ့ နယ်မြေတွေကနေ မထွက်ခွာရင် အီးစီက ပံ့ပိုးကူညီနေမှုတွေအားလုံးကို ရပ်တန့်မယ်လို့ ဆိုပါတယ်။ လွတ်လပ်ရေးကြေ ညာမှုတွေကိုလဲ သုံးလ ရပ်ဆိုင်းထားရမယ်လို့ ဆိုခဲ့ပါတယ်။ စီအက်စ်စီအီး (Conference on security and co-operation in Europe) ရဲ့ အရေးပေါ် အကြံပေး လုပ်ထုံးလုပ်နည်းများကို စတင်အကောင်အထည်ဖော်ပါတယ်။ ဒီလို သံခင်းတမန်ခင်းလေးတွေကြောင့် အပစ်အခတ်ရပ်စဲမှု ရပ်တန့်ရေး အစီအစဉ်တွေ ထွက်ပေါ်လာပါတယ်။ ဒါပေမယ့် မကြာခင်ပဲ ပြန်ပျက်သွားပါတယ်။
ဇူလိုင်လထဲရောက်တော့ Troika ထဲက နိုင်ငံခြားရေး ၀န်ကြီးတွေလဲ သူတို့ရဲ့ သံတမန်နည်းလမ်းနဲ့ ဖြေရှင်းမှု မအောင် မြင်ဘူးဆိုတာ သိမြင်လာကြပါတယ်။ ဒါကြောင့် ဇူလိုင်လ (၅) ရက်နေ့မှာ ယူဂိုဆလားဗီးယားရော၊ ခွဲထွက်ဒေသတွေ ကိုပါ စစ်လက်နက်နဲ့ စစ်သုံးပစ္စည်းတွေ တင်ပို့ ရောင်းချတာကို ကန့်ကွက်လိုက်ကြပါတယ်။ ဇူလိုင်လ (၇) ရက်နေ့မှာ Troika’s Brioni Agreement ထွက်လာတော့ တစုံတရာအကျိုးများ ထူးလာလေမလားလို့ လူအများက စောင့်မျှော်ကြ ပါတယ်။ ဒါပေမယ့်လဲ ဒီသဘောတူညီချက်က စလိုဗီးနီးယားနဲ့ပဲ အဓိက သက်ဆိုင်တာဖြစ်ပြီး၊ လေ့လာစောင့်ကြည့်ရေး မစ်ရှင် ဖွဲ့ဖို့လိုအပ်ချက် ဖြစ်လာပါတယ်။
အီးစီမှာကလဲ တရားဝင်စစ်တပ်နဲ့ လုံခြုံရေး ဖွဲ့စည်းပုံ (security structures) မရှိသေးပါဘူး။ ဒါတွေနဲ့ ပတ်သက်ပြီး ဆွေးနွေးရမယ့် Maastricht Summit ကလဲ ဒီဇင်ဘာမှ စမှာ ဖြစ်ပါတယ်။ နောက်တချက်က ပြဿနာ အရပ်ရပ်ဟာ အချုပ်အခြာ အာဏာပိုင်တဲ့ နိုင်ငံ တနိုင်ငံ အတွင်းမှာ ဖြစ်ပွားနေတာ ဖြစ်တဲ့အတွက် သံတမန် နည်းလမ်း မဟုတ်တဲ့ တခြား ၀င်ရောက် စွက်ဖက်မှုတွေ ပြုလုပ်မယ် ဆိုရင်လဲ ပြည်တွင်း အချုပ်အခြာ အာဏာနဲ့ တရား ဥပေဒေကို ဖယ်ရှားပစ်ရာ ရောက်တာကြောင့် နိုင်ငံတကာ ဥပေဒေက ခွင့်ပြုထားခြင်း မရှိပါဘူး။
နောက်ဆုံး စလိုဗီးနီးယားမှာ အကြီးအကျယ် စစ်ပွဲတွေ ဖြစ်နေချိန်အထိ အီးစီကတော့ ယူဂိုစလားဗီးယားနိုင်ငံ မပြိုကွဲ ရေးကိုပဲ တောင်းဆိုပါတယ်။ ဒီလို တောင်းဆိုလို့ မပြိုကွဲရေးအတွက် တိုက်ပွဲဝင်နေတဲ့ ဖယ်ဒရယ် စစ်တပ်ကို ထောက်ခံ အားပေးလား ဆိုတော့လဲ အားမပေးပြန်ပါဘူး။ အီးစီအနေနဲ့ ကြားဝင်စေ့စပ်ဖြေရှင်းပေးမှာ ဖြစ်တဲ့ အတွက် ငြိမ်းချမ်းစွာ ဖြေရှင်းကြဖို့ပဲ ဆိုပါတယ်။ Brioni အစည်းအဝေး အပြီးမှ အီးစီ ဥက္ကဋ္ဌ Jacques Poo က သံတမန်နည်းလမ်းများ အောင်မြင်သွားပြီ ဖြစ်တဲ့အတွက် The hour of Europe လို့ တင်စားခဲ့ဖူးပါတယ်။
ဒါပေမယ့်လဲ မကြာခင်မှာလဲ Brioni Accords ကြီးက ပြိုလဲခဲ့တာ ဖြစ်လေတော့ ဒီအပေါ်မှာ အခြေခံထားခဲ့တဲ့ စေ့စပ် ဆွေးနွေးရေး၊ အပစ်အခတ်ရပ်စဲရေး ဆိုတာတွေကလဲ အိပ်မက် ပမာပါပဲ။ ဒီ Brioni Accords ကလဲ စလိုဗီးနီးယားအ ရေးပဲ အာရုံစိုက်ထားခဲ့တာကြောင့် ခရိုအေးရှား အရေးကို ဖြေရှင်းဖို့အတွက်ကျတော့ အသုံးမ၀င်လှပါဘူး။ တပူပေါ်နှစ် ပူ ထပ်ဆင့်လာတာကတော့ ဘော့စနီးယားနဲ့ မက်စီဒိုးနီးယား တို့ပဲ ဖြစ်ပါတယ်။ ဒီနိုင်ငံတွေကလဲ ကိုယ်ပိုင်အုပ်ချုပ်ရေး ကို တောင်းဆိုလာကြပြန်ပါတယ်။
(၁၉၉၁) ခုနှစ်၊ သြဂုတ်လ (၇) ရက်နေ့မှာ လန်ဒန်မှာ WEU (Western European Union) အစည်းအဝေးလုပ်ပါတယ်။ ဒီအစည်းအဝေးမှာ ပြင်သစ်က ဦးဆောင်ပြီး ဆာဗ့်နဲ့ခရိုအက်တွေကြားက ပြဿနာကို စစ်အင်အားသုံး ၀င်ရောက် စွက်ဖက် ဖြေရှင်းခြင်း (military intervention) ပြုလုပ်ဖို့ အဆိုတင်သွင်းပါတယ်။
ဒီအဆိုကို ဘယ်လဂျီယန်နဲ့ အီတလီက ထောက်ခံခဲ့ပြီး၊ ဒိန်းမတ်နဲ့ ပေါ်တူဂီကတော့ တက်တက်ကြွကြွ ထောက်ခံခြင်း မရှိခဲ့ပါဘူး။ ဗြိတိန်ကတော့ လိုအပ်မယ့် စစ်အင်အားနဲ့ ပတ်သက်ပြီး အနည်းငယ် စိုးရိမ်နေခဲ့ပါတယ်။ လူမျိုးရေး၊ နိုင်ငံ ခွဲထွက်ရေး စတာတွေနဲ့ ပတ်သက်ပြီး ဗြိတိန်နိုင်ငံတွင်းမှာတင် ပြဿနာတွေကလဲ ရှိနေလေတော့ ပါဝင်ပတ်သက်ဖို့ တွန့်ဆုတ်နေခဲ့ပါတယ်။ ဂျာမဏီကလဲ ဂျာမဏီရဲ့ အခြေခံဥပေဒေ (Grundgesetz) ဆိုင်ရာ ပြဋ္ဌာန်းချက်တွေနဲ့ နယ်မြေ ပြင်ပမှာ စစ်အင်အားသုံးဖို့အတွက် လိုအပ်မယ့် စစ်ရေးရာတွေကို အကြောင်းပြခဲ့ပါတယ်။
ဒီတော့ အခြေခံအားဖြင့်ကြည့်မယ်ဆိုရင် ယူဂိုဆလားဗီးယား ပြိုကွဲမှုကို တုန့်ပြန်ဖြေရှင်းမှုနဲ့ ပတ်သက်ပြီး အီးစီအတွင်း မှာတင် သဘောထားကွဲလွဲမှုတွေက အများကြီး ဖြစ်နေပါတယ်။ ဒီလိုနဲ့ စက်တင်ဘာ (၁၂) ရက်ရောက်တော့ ဖော့လင်း စစ်ပွဲမှာတုန်းက နှုတ်ထွက်ခဲ့ဖူးတဲ့ ဗြိတိသျှနိုင်ငံခြားရေး ၀န်ကြီးဟောင်း Lord Carrington က ဥက္ကဋ္ဌ အနေနဲ့ ဦးဆောင် တဲ့ ယူဂိုဆလားဗီးယားရေးရာ နိုင်ငံတကာ ကွန်ဖရင့်တခု Hague မှာ ထွက်ပေါ်လာပါတယ်။ ဒီကွန်ဖရင့် ထွက်ပေါ်လာ ပြီး မကြာခင်မှာပဲ မက်ဆီဒိုနီးယားက ဖယ်ဒရေးရှင်းနဲ့ အနည်းငယ်သာ ဆက်စပ်မှုရှိတဲ့ ကိုယ်ပိုင်အုပ်ချုပ်ခွင့်ရ ဒေသ သတ်မှတ်မှုကို လက်ခံမယ်လို့ အဆိုပြုခဲ့ပါတယ်။ ခရိုအေးရှားကို ယူဂိုဆလားဗီးယား ဖယ်ဒရယ် စစ်တပ်က တိုက်ခိုက် မှုနဲ့ ပတ်သက်ပြီး၊ ယူဂိုဆလားဗီးယားကို ကမ္ဘာ့ကုလသမဂ္ဂက arms embargo ပြုလုပ်ပါတယ်။
Carrington ရဲ့ တန်းတူညီမျှခွင့်၊ လူမျိုးရေး အခွင့်အရေးများကို အပြည့်အ၀ ခံစားခွင့် စတာတွေအပေါ်မှာ အခြေခံပြီး ယူဂိုဆလားဗီးယားအတွက် Confederal arrangements တွေ ပြုလုပ်ပေးဖို့ဖြစ်ပါတယ်။ ဒါပေမယ့်လဲ ဒီစီမံချက်မှာ နိုင်ငံတော်နယ်နိမိတ် ယခင်အတိုင်း ရှိရေး ဆိုတဲ့ အချက်ပါတဲ့အတွက် ပြဿနာ ပြေလည်ခြင်း မရှိခဲ့ပါဘူး။ ဆာဗီးယား ကို ငြိမ်းချမ်းရေးစီမံချက်ကို လက်ခံဖို့ အီးစီက တိုက်တွန်းခဲ့ပြီး၊ လက်မခံခဲ့ရင် တခြားပူးပေါင်းဆောင်ရွက်တဲ့ နယ်မြေ ဒေသတွေနဲ့ပဲ ဆက်လက်ဆောင်ရွက်မယ်လို့ ဆိုခဲ့ပါတယ်။
နိုဝင်ဘာ (၈) ရက်ရောက်တော့ ယူဂိုဆလားဗီးယား ဖယ်ဒရေးရှင်း တခုလုံးရဲ့ ဘဏ္ဍာရေး ထောက်ပံ့မှုတွေကို အီးစီက withdraw လုပ်လိုက်ပါတယ်။ Hague က ချမှတ်တဲ့ အပစ်အခတ်ရပ်စဲရေး အစီအစဉ်ပါ သတ်မှတ်ချက်၊ အခြေအနေ တွေကို လက်ခံတဲ့ federal entity တွေကိုပဲ ပြန်လည်ထောက်ပံ့မယ်လို့ ဆိုခဲ့ပါတယ်။ ဒီအရေးယူမှုဟာ ဆားဗီးယားကို ဦးတည်တာ ဖြစ်တဲ့အတွက် ငြိမ်းချမ်းရေးစီမံချက်ကို ဆားဗီးယားက ငြင်းဆိုခဲ့ပါတယ်။ အီးစီဟာ ဘက်လိုက်ဖြေရှင်း နေမှုတွေ ရှိတယ်ဆိုတဲ့ အမြင်တွေ ယူဂိုဆလားဗီးယား ဖယ်ဒရေးရှင်းနဲ့ ခွဲထွက်နယ်မြေထဲမှာ ရှိလာတာကြောင့် ကုလ သမဂ္ဂက ကြားဝင်ဖြေရှင်းမယ့် အစီအစဉ်ကို ရှာဖွေလာကြတယ်။
ဒီအခါမှာ အီးစီလဲ ယူဂိုဆလားဗီးယားအရေးနဲ့ ပတ်သက်တဲ့ နိုင်ငံတကာ စင်ပေါ်မှာ secondary actor နေရာကို ရောက်သွားခဲ့တယ်။ ဒီလို အခြေအနေတွေ ကြားမှာ ယူအင်မ၀င်လာခင် စင်ပေါ်တက်လာ တာကတော့ ဂျာမဏီနိုင်ငံပဲ ဖြစ်ပါတော့တယ်။ အီးစီက ခေါ်ဆိုထားတဲ့ အပစ်အခတ်ရပ်စဲရေး ပျက်ပြယ်သွားမှုတွေ၊ ခရိုအေးရှားနဲ့ စလိုဗီးနီးယား ဒေသတွေရဲ့ လွတ်လပ်ရေးကြေညာထားမှုကလဲ de facto ဖြစ်လာတဲ့ အခြေအနေတွေမှာ ဂျာမဏီရဲ့ နိုင်ငံရေးကစား ကွက် စတင်ဝင်ရောက်လာပါတယ်။
(ဆက်လက်ဖော်ပြပါမည်)
Ref: နေ့သစ်
စစ်အာဏာ ချိုးအထပ်ထပ် မျိုးပြတ်အောင် ခွာကြမယ် နွှာကြမယ်
ကျုပ်တစ်ကောင် အသက်ခေါင်မိုးကပ်လာတော့ ဝဋ်နာ၊ ကံနာ၊ သံသရာနာတွေ တိုးလာသဗျာ။ ကိလေသာ မကုန်သေးတော့ မသေမချင်း ကိလေသာ နှိပ်စက်ခြင်းကို ခံရတော့မှာပေါ့လေ။ သေခါနီးလေ ပိုဆိုးလေတောင်ဖြစ်လာသေး။
ကျုပ် အထူးပြောချင်တဲ့ ကိလေသာက တွေးတော ယုံမှားခြင်း (ဝိစိကိစ္ဆာကိလေသာ) ဗျ။ ကိလေသာစက် သုံးထောက်ဝက် ဆိုတဲ့ ၁၅၀၀ ကိလေသာလည်း ပါမှာပေါ့။
ကျုပ် သေတွင်းသေဝရောက်လာလေ တွေးတော ယုံမှားခြင်းတွေ များလာလေ ဖြစ်နေသဗျာ။ ရတနာ သုံးပါး အပေါ်မှာ ဒွိဟ သံသယဖြစ်တာ မဟုတ်ပါဘူး။ အာဏာရှင်တွေ၊ အာဏာရူးတွေ၊ အာဏာမူးတွေရဲ့ လူ့ငရဲ အကြွပ်ကြော် ဒယ်အိုးတွေ အပေါ်မှာ တွေးတော ယုံမှားခြင်း ဖြစ်နေမိတာကို ပြောတာပါ။ ဒယ်အိုးတွေ ချိုးခွာလို့ ရမလား။ မရဘူးလား။ ခွာမလား။ မခွာဘူးလား။
ညှော်နံ့ဆိုးကလည်း ခါးသိုးနေတာပါကလား။ အဝီစိ ငရဲအိုးကြီးက ချိုးကပ်တဲ့ ညှော်နံ့လားဟဲ့။ လူတွေကြော်တဲ့၊ လှော်တဲ့ လူ့ငရဲအိုးကြီးက ချိုးကပ်တဲ့ ညှော်နံ့လားဟဲ့။ အာဏာရှင် စစ်သူရဲတွေရဲ့ တရှဲရှဲ ဆီပူထိုး ချိုးကပ်တဲ့ညှော်နဲ့ ဆိုးလားဟဲ့။
မဖြစ်ချေဘူးကွယ်ရို့။ ငရဲအိုးတွေ ချိုးမကပ်အောင်တော့ ခွာကြမှ တော်မယ်ကွယ်။ ငါကိုယ်တိုင် အဲ့ဒီငရဲအိုး တစ်မျိုးမျိုးထဲ ဆင်းရဦးမှာလားတောင် မသိတာ။ ဆီပူအိုးဆိုတာ ချိုးရှိရင်နောက်ထည့် ပစ္စည်း ချိုးကြီးကပ်ဖို့ နီးသဟဲ့။
ငါ ဆီပူလောင်ပြန်ဦးမှာလား။ ချိုးကြွပ်ကပ် ပြန်ဦးမှာလား။
ဒီလိုပဲပေါ့ဗျာ။ တွေးတောယုံမှားခြင်းတွေ ကျုပ်ကို ညှဉ်းဆဲနေသဗျ။ အေးအေးသတ္တဝါတွေ ဆင်းရဲကင်းကြပါစေ။ အပူကင်းကြပါစေ။ ငရဲအိုးတွေ ချိုးမကပ်ကြပါစေနဲ့။ အမျှ အမျှ အမျှ။
ငရဲအိုးတွေကိစ္စ ပြောမယ့်သာပြောရတာ။ ကျုပ်တို့၊ ခင်ဗျားတို့ခေတ်မှာ စစ်အာဏာရှင် ငရဲအိုးတွေ အမျိုးအမျိုး ပေါ်ခဲ့တာဆိုတော့ ရိုးနေတဲ့ ကိစ္စပဲပေါ့လေ။
အခု သမ္မတဦးသိန်းစိန် အစိုးရခမျာလည်း အဲဒီငရဲ ဆီပူအိုးတွေကို ချိုးခွာရမယ့် တာဝန်ကြီး ပိနေရှာတယ်။ သနားစရာပဲဗျာ။ သမ္မတကြီးလည်းချွေးတလုံးလုံးနဲ့ဗျာ။ စစ်အာဏာရှင်တွေကြော်ခဲ့၊ လှော်ခဲ့ကြတာဗျ။ အဲဒီတုန်းက ဗိုလ်သိန်းစိန် တစ်ယောက် မှူးကြီး-ချုပ်ကြီး ဗိုလ်ရာဝင်ပြီလား။ ရှေ့တန်းရောက်နေပြီလား၊ မသိပါဘူးဗျာ။ အဲ ဗိုလ်ချုပ်ကြီးတွေ လက်စွမ်းပြခဲ့ကြတဲ့ ဖိနှိပ်မှုတွေ၊ ချုပ်ချယ်မှုတွေ၊ ပိတ်ဆို့မှုတွေ၊ ဟန့်တားမှုတွေက နည်းမှတ်လို့။ အဲဒါတွေရဲ့ သင်္ကေတ ပြယုဂ်ဖြစ်တဲ့ မတရားဥပဒေတွေ၊ အမိန့်ကြေညာချက်တွေ၊ စည်းကမ်းနည်းလမ်းတွေ၊ ညွှန်ကြားချက်တွေ ဆိုတာကလည်း များမှများ။ တစ်ပြည်လုံး ပလူပျံနေတာလေ။
လွန်ခဲ့တဲ့ နှစ်ပေါင်းအစိတ်အတွင်း လူငယ်ကျောင်းသား၊ ရဟန်းရှင်လူ အများကို ထောင်ငရဲအိုးတွေမှာ ကြော်ခဲ့၊ လှော်ခဲ့သဗျ။ စစ်ထောက်လှမ်းရေး စခန်းတွေမှာလည်း ထိုနည်းလည်းကောင်း။ အဓမ္မ အလုပ်စခန်းတွေမှာလည်း အလားတူစွာပေါ့။ မီးပြင်းတိုက်၊ ဆီပူထိုး၊ ချိုးကပ်အောင် ကြော်သပေါ့လေ။ အဲဒီမီးပြင်းတွေ၊ အဲဒီဆီပူတွေဆိုတာက ပြောခဲ့တဲ့ မတရား ဥပဒေတွေ၊ အမိန့်ကြေညာချက်တွေ၊ စည်းကမ်း နည်းလမ်းတွေ၊ ညွှန်ကြားချက်တွေပဲပေါ့ဗျာ။
တကယ်တမ်းပြောမယ်ဆိုရင် အာဏာရှင်ခေတ်ဆိုးရဲ့ ချိုးတွေက ကျုပ်တို့ တစ်မျိုးလုံးကို ကပ်နေတာဗျ။ အဲဒါတွေကို ကျုပ်တို့ တစ်မျိုးလုံးပဲ ကုန်းရုန်းတွန်းတိုက် မိုက်မိုက်ကန်းကန်း ခွာကြရမှာဗျ။ ခြစ်ကြရမှာဗျ။ ချွတ်ကြရမှာဗျ။ ပွတ်ကြရမှာဗျ။ ဖဲ့ကြရမှာဗျ။
ဒီနေ့ ကျုပ်တို့ လူ့ဘောင်အဖွဲ့အစည်းမှာ ခါးခါးသီးသီး တွေ့ကြုံ ခံစားနေကြရတဲ့ ရခိုင်ပြဿနာ၊ ကချင်စစ်ပွဲ၊ လက်ပံတောင်း သယံဇာတိကျိန်စာ၊ လယ်မြေ အဓမ္မသိမ်း၊ စက်မှုကျွန်ခိုင်း၊ ပညာရေး ဦးနှောက်ချောင်၊ ကျမ်းမာရေး လူညွန့်တုံး၊ အလုပ်သမား - လယ်သမား - လက်လုပ်လက်စား ဘဝပျက်၊ အရာရှိ-အရာခံ ဝန်ထမ်းလုပ်သား အကျင့်ပျက်၊ ပြည်သူတိုင်းရင်း ဆင်းရဲတွင်းနက်၊ စာနယ်ဇင်း အလင်းမဆောင်နိုင်၊ လွှတ်တော်ထဲက မရွေးအမတ် အသံ၊ အာဏာကပ်ပါး ခရိုနီတို့ရဲ့ခြေလှမ်း၊ အားလုံးပေါ့လေ။ စစ်အာဏာရှင်ခေတ်ဆိုးရဲ့ချိုးတွေဗျ။ ခွာကြဟေ့၊ ခွာကြ။
အဲ..... အဲ..... အညစ်ဆုံး၊ အမှောင်ဆုံး တဒယ်အိုးလုံးကို မီးသွေးတုံးကြီးလို စွဲကပ်နေတဲ့ ၂၀၀၈ အခြေခံ ဥပဒေ ဆိုတဲ့ ချိုးကြီးကိုလည်း ခွာကြ ရဦးမယ်ဗျ။
သမ္မတဦးသိန်းစိန် အစိုးရလည်းလက်ပိုက်ကြည့်မနေရှာပါဘူး။ ရွှေသမင် ဘယ်ကထွက် မင်းကြီးတာကထွက် စရိုက် မကျင့်မိလေအောင် အလိုက်သင့်ကလေး စစ်အာဏာရှင် စနစ်ဆိုး ချိုးတွေနွှာ၊ အိုးတွေ ခွာပေးနေတယ်ဗျာ။ ၁၉၈၈ ကတည်းက ထုတ်ခဲ့တဲ့ အာဏာသိမ်း စစ်အစိုးရရဲ့ အမိန့်ကြော်ငြာစာ ၂/၈၈ ကို နှစ်အစိတ်ပြည့်လု တဲတဲလေးမှာ ရုပ်သိမ်းလိုက်တာကြည့်။
ကောင်းတယ်။ ကောင်းချီးပေးကြပါ။ သရီးချီးယား ဟစ်ဟစ်ဟူးရေးလို့ ဘိုလိုအော်ချင် အော်ကြပါ။
သမ္မတကြီးဟာ နှလုံးသမားဗျ။ ဟိုနှစ်လုံးသမား ပြောတာမဟုတ်ပါဘူး။ နှလုံးရောဂါ သမားလို့ပြောတာပါ။ နှလုံးသမား ဆိုတာ စိတ်မချရဘူး။ အဲဒီရောဂါမျိုးက တစ်နေ့ရွှေ၊ တစ်နေ့ငွေဗျ။ တစ်နေ့နေ၊ တစ်နေ့ အဲ ..... အဲ .... သက်တော်ရာကျော်ရှည် ဆိုတာမျိုးဗျ။
ကျုပ်တို့ ငယ်ငယ်တုန်းက ခေတ်စားခဲ့တဲ့ သီချင်း တစ်ပုဒ်ကို အာဖြဲ ဟစ်လိုက်ချင်စိတ် ပေါက်လာတယ်ဗျာ။ ကျုပ် သူငယ်ပြန်တာ မဟုတ်ပါဘူးနော်။ သူငယ်ပျော်တယ် ဆိုချင်ဆိုပါ။
ကိုင်း .... ကိုင်း ... ကျုပ်နဲ့အတူ အတင်းအာဖြဲ သီချင်းကဗျာ ဟဲကြစို့။
“နည်းတယ် များတယ် သဘောမှာ မထားလို့ရယ် နှလုံးသမားကို တအားကူမယ် စစ်အာဏာ ချိုးအထပ်ထပ် မျိုးပြတ်အောင် ခွာကြဟယ် နွှာကြမယ် .... ” ကိုင်း ..... ငရဲပြည်ကို၊ ငရဲကျွတ်တို့၊ ငရဲလူထွက်တို့ ....။
..... သမ္မတ ထောက်ခံကဗျာတေးကို ကျကျနန နောက်တစ်ပြန် လျှာသွေးလိုက်ကြပါဦး။ ဝမ်း .... တူး ... သရီး ...
“ နည်းတယ် များတယ် သဘောမှာ မထားလို့ရယ် .... .... .... စစ်အာဏာ ချိုးအထပ်ထပ် မျိုးပြတ်အောင် ခွာကြဟယ် နွှာကြမယ်”။ ။
Wednesday, May 8, 2013
မြေကြီးကိစ္စ မေ့လျှော့ ပေါ့ဆ မလုပ်ကြနဲ့
ဒီကနေ့ ကျုပ်စိတ်ထဲမှာ အင်မတန်လေးလံဝန်ပိတဲ့ ကိစ္စကြီးတရပ် ရှိနေတယ်ဗျာ။ နှလုံးသားမှာ ကျောက်တုံးတွဲ ဆွဲထားသလိုပဲလို့တောင် ပြောရမလား မသိဘူး။
ပြီးခဲ့တဲ့အပတ်က ဒီလှိုင်းစာစောင်ရဲ့ အာဘော်ခန်းမှာ "မြေကြီးကိစ္စ" ဆိုတဲ့ စကားလုံးကို တွေ့လိုက်ရတယ်။ ကျုပ်ပြောချင်တဲ့ကိစ္စကို မီးမောင်းထိုးပြလိုက်သလိုပဲဗျာ။ ကျုပ်ပြောချင်တဲ့ကိစ္စတွေက ပေါင်းလန်ဗြောင်းဆန်အောင် များပြားဆူဝေနေတယ်။ ဘယ်ကိစ္စကို ဘာက ကိုင်ပြောရမှန်း မသိတတ်အောင် ဖြစ်နေရတယ်။ ဒီလှိုင်းက အဲဒါတွေအားလုံးကို မြေကြီးကိစ္စလို့ တံဆိပ်ကပ်လိုက်တယ်ဗျို့။
ဟုတ်လိုက်တာဗျာ။ ကျုပ်ပြောချင်နေတာကလည်း တစ်ပြည်လုံးရဲ့မြေတွေ ယာတွေရဲ့ကိစ္စ၊ မြေတွေ ယာတွေပေါ်မှာ လုပ်ကိုင်စားသောက်နေကြတဲ့ လယ်သမား ယာသမား၊ မြေလုပ်သားတွေရဲ့ ကိစ္စ၊ အဲဒီလုပ်သားထုကြီးရဲ့ ငွေကြေး အရင်းအနှီး မပြည့်စုံမှုကိစ္စ၊ ကြွေးမြီကိစ္စ၊ ချေးငွေကိစ္စ၊ စိုက်ထုတ်ရင်းနှီး သုံးစွဲနေရတဲ့ ပစ္စည်းကိရိယာ၊ ဓါတ်မြေသြဇာ၊ ပိုးသတ်ဆေး စရိတ်ငွေကြေးတွေရဲ့ ကိစ္စ၊ လယ်ယာထွက်ကုန်သီးနှံ ဈေးနှုန်းတွေရဲ့ ကိစ္စ။ အို . . . ပြောမဆုံးပေါင် တောသုံးထောင်ပါပဲဗျာ။ စားရင်းတို့ရင် အပင်းဆို့သလို မော မော မော ဆိုတဲ့ စကားအတိုင်းပဲပေါ့။
ဒီအထဲ စစ်တပ်တို့၊ အစိုးရဌာနတို့ ခရိုနီ၊ ခရိုပြာ၊ ခရိုဝါ၊ ခရိုစိမ်းဆိုတဲ့ အာဏာကပ်ပါးတို့က မတော်မတရား နည်းမျိုးစုံနဲ့ သိမ်းယူအပိုင်စီးထားတဲ့ မြေယာဧက သိန်းပေါင်းများစွာရဲ့ ကိစ္စကလည်းပါသေး။ သီးနှံစိုက် လယ်ယာမြေတွေပေါ်မှာ စက်ရုံ အလုပ်ရုံ၊ အိုးမြေ အိမ်မြေ၊ တပ်မြေ စခန်းမြေ၊ သတ္တုတူး ကျော်ဖော်စတဲ့ လုပ်ငန်းတွေ လုပ်ကိုင်ဖို့ ပြောမပြနိုင်လောက်အောင် မတရားကြီး သိမ်းထားတဲ့မြေတွေက အများကြီး အားကြီးရှိသေးသဗျ။ အဲဂလို သိမ်းထားတဲ့ မြေတွေ၊ ယာတွေထဲမှာ တိုင်းရင်းသား ဒေသတွေက လယ်ယာမြေစိုက်ခင်းတွေကလည်း ဧရာမ အများကြီး ပါဝင်နေသေးတယ်လို့ ဆိုသဗျ။
ထားပါတော့ဗျာ။ အဲဒီမြေကြီး ကိစ္စကြီးတွေက ဒီနေ့ ပူလောင်ဆူပွတ် ဂယက်ထလာနေပြီဗျ။
လက်ပံတောင်း ကြေးနီစီမံကိန်းဆိုတာ အားလုံးသိကြပါရဲ့။ မီးခဲကိစ္စကြီးလေဗျာ။ စစ်ကိုင်းတိုင်း၊ မုံရွာနယ်ထဲက မြေကြီးကိစ္စဗျ။ တရုတ်တရက်တွေ၊ ဗရုတ်ဗရက်လုပ်နေတဲ့ အရှုပ်အယှက်တွေလို့ သာမန်ကာလျှံကာ မထင်လိုက်နဲ့ဗျ။ အဲဒါလည်း မြေကြီးကိစ္စပဲဗျ။ သယံဇာတ တူးတယ်ဆိုတာ မြေကြီးကိစ္စပဲပေါ့ဗျာ။
အဲ . . . အဲ။ ပြောရဦးမယ်။ ကျုပ်ရင်လေးနေတယ်ဆိုတဲ့ကိစ္စက အဲဒီ မြေကြီးကိစ္စပဲဗျ။ မြေကြီးပေါ်မှာ လူတွေနေတယ်။ ကျုပ်တို့လို ကျောမွဲတိုင်းပြည်အဖို့က မြေကြီးပေါ်မှာပဲ လုပ်ကိုင်စားသောက်ကြရသပေါ့ဗျာ။ အဲဂလို လူတွေ မှီတင်းနေထိုင်ရာ မြေကြီး။ လူတွေ တူးဆွအသက်မွေးရာ မြေကြီး။ အဲဒီမြေကြီးတွေဟာ ပြဿနာတွေ ပေါက်ဖွားရာ၊ ပဋိပက္ခတွေ ပေါက်ကွဲရာ အရင်းခံ ဘူမိနက်သန်တွေ ဖြစ်လာမယ်ဆိုရင် တစ်ပြည်လုံး၊ တစ်မျိုးလုံး အခက်ကြုံ လာနိုင်ပြီလို့ ဆိုရပေမှာပေါ့ဗျာ။
ကမ္ဘာ့သမိုင်းကို ပြန်မျှော်ကြည့်မလား။ လတ်တလော အိမ်နီးချင်းနိုင်ငံ သတင်းတွေ ငဲ့စောင်းကြည့်မလား။ တိုင်းရေးပြည်ရာ ပြဿနာတွေဟာ မြေကြီးကနေ မီးစွဲတောက်လောင်လာတာဗျ။ ဘယ်လောက် အန္တရာယ်ကြီးနိုင်တယ်ဆိုတာ အလွယ်နဲ့ သိမြင်နိုင်ပါတယ်။
ဒီနေ့ ကျုပ်တို့တိုင်းပြည်မှာလည်း မြေကြီးတွေ ပူလောင် မြိုက်ကျွမ်းစပြုနေပြီလို့ ဆိုရမယ်ဗျ။
လက်ပံတောင်းလို သယံဇာတတူးဖော်ရေးကိစ္စဟာ မြေယာပြဿနာ ဖြစ်လာနေတယ်။ ရန်ကုန်မြို့တော် အနီးအနား ဝန်းကျင်တစ်ဝိုက်က မြို့ပြနယ်မြေ တိုးချဲ့ရေးကိစ္စဟာ မြေယာပြဿနာ ဖြစ်လာနေတယ်။ ပြည်နယ်ဒေသတွေမှာ စွမ်းအင်ထုတ်လုပ်မှုကိစ္စတွေဟာ မြေယာပြဿနာဖြစ်လာနေတယ်။
ဒီလို မြေကြီးကနေ မီးတောက်လာတဲ့ ကိစ္စတွေဟာ မထိန်းသိမ်းကြ၊ မဖြေရှင်းကြရင် ကြာလေလောင်လေ၊ လူ့ဘောင်မီးစွဲလေ ဖြစ်လာလိမ့်မယ်ဗျို့။
၂၀ ရာစုအတွင်းက မြန်မာနိုင်ငံမှာ ဖြစ်ပျက်ခဲ့တဲ့ မြေကိစ္စတွေက သမိုင်းသက်သေခံနေတယ်။ ၁၉၂၀ ပြည့် ကာလများအတွင်း မြေကြီးပြဿနာဟာ ဆရာစံတောင်သူလယ်သမားသူပုန်ကြီးကို မွေးဖွားပေးခဲ့တယ်။ ဂျပန်ခေတ် လယ်သမားတွေ လယ်မဆင်းနိုင်ဘူး။ မြေကြီးပြဿနာက ဖက်ဆစ် တော်လှန်ရေး လူထုအရေးတော်ပုံကြီးကို ဖန်တီးခဲ့တယ်။
အစိုးရအဖွဲ့ဝင်တွေ၊ လွှတ်တော်အမတ်တွေ၊ နိုင်ငံရေးခေါင်းဆောင်တွေ စတဲ့ တိုင်းရေးပြည်ရေးတာဝန်ရှိသူတွေဟာ ဒီနှစ်ဆန်းပိုင်းလောက်ကစပြီး မြေကြီးကိစ္စ ဖြေရှင်းရေးလေသံတွေ ပစ်လာခဲ့ကြတယ်။ ဘယ်လို ပြဿနာထုထည်ပမာဏတွေကို စမ်းသပ်ရှာဖွေတွေ့ရှိလေသလဲတော့ မပြောတတ်။ တိုင်းပြည်ရဲ့ မြေကြီးပြဿနာတွေက တက်ပြီးတက်ရင်း ခေါင်ညွန့်ကို နင်းနေကြပြီ။
ကျုပ်တို့ ပြောချင်တာကတော့ဗျာ။ စာရင်းအင်းတွေ၊ ကိန်းဂဏန်းတွေ၊ စီမံလျာထားချက်တွေ မဟုတ်ပါဘူး။ သဘောကိုပြောချင်တာပါ။ သဘာဝကို ပြချင်တာပါ။
မြေကြီးဆိုတာ လှုပ်တတ်သဗျ။ မနှစ်က စစ်ကိုင်းတိုင်းမှာ ဖြစ်ပေါ်ခဲ့တဲ့ မြေငလျင်ကြီး မှတ်မိရဲ့မဟုတ်လား။
မြေကြီးဆိုတာ ပြိုတတ်သဗျ။ တလောက တရုတ်ပြည်ဘက်မှာ ပေါ်ပေါက်ခဲ့တဲ့ မြေပြိုမှုကြီးတွေ မြင်မိမှာပေါ့။ ပျက်လိုက်တဲ့အိမ်တွေ၊ သေလိုက်တဲ့လူတွေ။ နည်းမှတ်လို့။
မြေကြီးဆိုတာ မျိုတတ်သဗျ။ ဘုရားလက်ထက် ဒေဝဒတ် မြေမျိုခန်းလို ဖြစ်ရပ်ကအစ ဒီနေ့ခေတ်ကမ္ဘာနဲ့ အဝန်း ကြက်သီးဖြန်းဖြန်းထစရာ ကြားနေကြရတဲ့ အိမ်တွေ၊ လူတွေ မြေကြီးထဲ နစ်မြုပ်ပျောက်ကွယ်သွားတဲ့ မြေမျိုမှုတွေအထိပေါ့လေ။
ဒါ့ကြောင့် ကျုပ် အသည်းကြောင်ကြောင် ယောင်ကန်းကန်းဟစ်လိုက်ချင်တာကတော့ မြန်မာပြည်မှာ
မြေကြီးတွေ လှုပ်ခါနီးပြီဗျို့။
မြေကြီးတွေ ပြိုခါနီးပြီဗျို့။
မြေကြီးတွေ မျိုခါနီးပြီဗျို့။ ။
Tuesday, May 7, 2013
စစ်ကိုင်းတိုင်း ၀န်ကြီးချုပ်နဲ့ လျှို့ဝှက် ရွှေဖြူ
လင်းသန့်
May 4, 2013
စစ်ကိုင်းတိုင်း ၀န်ကြီးချုပ်က သူ့နယ်မြေအတွင်းမှာ ရေနံရှာဖွေရေး အကြောင်းပြပြီး ရွှေဖြူတူးဖော်ရေး လျှို့ဝှက် စီမံချက် လုပ်ကိုင် ခဲ့တယ်ဆိုတဲ့ လူသူ အသိနည်းပါးတဲ့ သတင်းတခု ထွက်ပေါ် လာပါတယ်။
ဒီ လုပ်ငန်းကို နိုင်ငံတော် ခွင့်ပြုချက် မရှိဘဲ သူ့သဘောနဲ့သူ လုပ်တာဆိုတဲ့ အချက်ကြောင့် လာမယ့် လွှတ်တော် အစည်းအဝေး မှာ တင်ပြ ဆွေးနွေးဖို့ ရှိတယ်လို့လည်း လွှတ်တော် အသိုင်းအ၀ိုင်းက ကြားရပါတယ်။
စစ်ကိုင်းတိုင်း ၀န်ကြီးချုပ် ဦးသာအေး တယောက် တရုတ်ကုမ္ပဏီတခုနဲ့ ပေါင်းပြီး ရွှေဖြူတူးဖော်ရေး စီမံချက် အကောင် အထည် ဖော်ခဲ့တယ် ဆိုတာ ဟုတ်၊ မဟုတ် တင်ပြနိုင်ဖို့ စစ်ကိုင်းတိုင်း အမတ် ဒေါက်တာ မြင့်နိုင်ကလည်း အချက်အလက်တွေ စုဆောင်း နေတယ်လို့ သိရပါတယ်။
“လွှတ်တော်မှာ မေးခွန်းမေးဖို့ ကိစ္စက အခု ရေဦးမှာ အချက်အလက် စုဆောင်းနေတုန်း ရှိသေးတယ်။ အချက်အလက် ပြည့်စုံ ရင်တော့ လက်မှတ်ထိုးပြီး တင်မှာပါ”လို့ စစ်ကိုင်းတိုင်း အမှတ် ၃ နယ်မြေက အမျိုးသားလွှတ်တော် အမတ် ဒေါက်တာ မြင့်နိုင် က ဧရာဝတီကို ပြောပြပါတယ်။
လွန်ခဲ့တဲ့ ၃ နှစ်ကျော်လောက်က အဲဒီ တရုတ် ရေနံကုမ္ပဏီက ကားကြီးတွေနဲ့ ရေနံရှာဖွေရေး လုပ်ရင်း ၂၀၁၂ ခုနှစ် နှစ်ဆန်း ပိုင်းလောက်မှာတော့ ရွှေဖြူတွေ တွေ့ခဲ့တယ်လို့ သတင်းတွေ ထွက်ပေါ်ခဲ့တယ်၊ ကွန်တိန်နာ ကားကြီးတွေ နဲ့ တရုတ် နိုင်ငံ ဘက်ကို သယ်ထုတ်သွားတယ် လို့ ဒေသခံ တဦးကလည်း ပြောပါတယ်။
“သစ်ရာအိုင့်ရွာနဲ့ ၂ မိုင်လောက် ဝေးတဲ့နေရာမှာ အစကတော့ သူတို့က ရေနံရှာတယ်ဆိုပြီး ကွန်တိန်နာကားတွေနဲ့ တရက် ၁၅ စီး အစီး၂၀ လောက် သွားနေကြတာ။ နောက်မှ ရွှေဖြူထွက်လို့ ဆိုပြီး အသံထွက်လာတယ်”လို့လည်း သူက ဆိုပါတယ်။
ရွှေဖြူထွက်တယ်ဆိုတဲ့ နေရာကတော့ စစ်ကိုင်းတိုင်း ရေဦးမြို့နယ် ညောင်လယ် ကျေးရွာအုပ်စု သစ်ရာအိုင့် ရွာရဲ့ အနောက် တောင်ဘက် ၂ မိုင်လောက် အကွာမှာဖြစ်ပြီးတော့ အဆောက်အအုံ ကြီးကြီးတွေနဲ့ စီမံကိန်းတခုလို လုပ်ခဲ့တာလို့လည်း သူက ဆက်ပြောပါသေးတယ်။
ဒါပေမယ့် ရွှေဖြူတူးတဲ့ လုပ်ငန်းဟာ ၁ လ လောက်အကြာမှာပဲ လက်စ လက်န မကျန်အောင် ရွှေဖြူ လုပ်ကွက်တွင်းတွေကို ပိတ်ပင်ပြီး အဆုံးသတ်သွားခဲ့တယ်လို့ ဆိုပါတယ်။
ဒေါက်တာ မြင့်နိုင်က“အဲဒီမှာက ရွှေဖြူတွေ့ သလိုလို၊ နောက် အဲဒီမှာ အဆောက်အအုံတွေလည်း ကြီးကြီးမားမားတွေ ဆောက် ထားပြီးတော့ သေချာ လုပ်ထားတာ။ နောက်ပြီး မြေတွေ ပြန်ဖို့ပြီးတော့ အားလုံး အစအန ဖျောက်သွားတာ”လို့ ဧရာဝတီကို ပြော ပါတယ်။
အခုလို လုပ်ငန်းစီမံကိန်းကြီးတခု လုပ်ခဲ့ပြီး အစအနတွေ ဖျောက်သွားတယ်ဆိုတော့ ဒါဟာ နိုင်ငံတော်ကမသိဘဲ ကိုယ်ကျိုးစီးပွား အတွက် လုပ်ဆောင်ခဲ့တယ်ဆိုတာ ပိုပြီး ပေါ်လွင်တယ်လို့ ဒေသခံတွေက ပြောကြပါတယ်။
ဒီလို ရွှေဖြူတူးဖော်ရေး လုပ်ကွက်မှာ တွင်းတွေကို လျှို့ဝှက်လုပ်ထားပြီး လုံခြုံရေး အစောင့် အကျပ်တွေ ချထားခဲ့ပြီးမှ နောက် ပိုင်း တိတ်တဆိတ် လုပ်ငန်း ရပ်ဆိုင်း သွားခဲ့တာပါတဲ့။
“သူတို့ လုပ်ကွက်နားကို မ၀င်ရဘူးတဲ့၊ အစောင့်တွေ ချထားတာ၊ ရဲ အစောင့်ချထားတာ၊ ဒေသခံတွေကိုလည်း အလုပ်တွေ ဘာတွေ မပေးဘူး။ တွင်းတွေကို လာပိတ်တော့လည်း သူ(ဦးသာအေး) ကိုယ်တိုင် လာပိတ်သွားတယ်”လို့ ရေဦးမြို့ခံ တဦးက ဆိုပါတယ်။
အဲဒီ စီမံကိန်းနဲ့ပတ်သက်ပြီး စီမံကိန်းရဲ့ ကောင်းကျိုးဆိုးပြစ်တွေကို စီမံကိန်း မလုပ်ခင်တုန်းကလည်း လာပြီး ရှင်းလင်းပြောပြတာ မရှိသလို၊ အဲဒီ စီမံကိန်းအလုပ်ခွင်မှာ ဒေသခံတွေကို အလုပ်အကိုင် ခန့်အပ်တာမျိုးလည်း မရှိဘဲ လျှို့ဝှက် လုပ်ငန်းကြီး တခုကို လုပ်သလို လုပ်ကိုင်ခဲ့တယ်လို့ ဒေသခံတွေက ပြောဆိုနေကြပါတယ်။
ဦးသာအေးဟာ စစ်ဗိုလ်ချုပ်ဟောင်း တဦးလည်းဖြစ်ပြီး စစ်ကိုင်းတိုင်းအတွင်းက ရွှေတူးဖော်ရေး လုပ်ငန်းလုပ်ကွက်တွေကို သူ နဲ့ နီးစပ်တဲ့ တပ်ရင်း၊ တပ်ဖွဲ့ တချို့က လုပ်ကိုင်နေတာတွေလည်း ရှိနေတယ်လို့ ဒေသခံတွေက စွပ်စွဲ ပြောဆိုနေကြပြီး အရပ်ထဲမှာ သူ့ကို “ရွှေ သာအေး”လို့ အမည်ပေးထားတယ်လို့လည်း ဒေသခံတွေက ပြောကြပါတယ်။
“နိုင်ငံတော်က အဲဒီကိစ္စ မသိဘူး ထင်တယ်၊ ကျနော်တို့ အဲဒီတုန်းက ကြားတာတော့ နိုင်ငံတော်က မသိဘူးလို့ ကြားရပြီး အရပ် သတင်းမှာ သူ (ဦးသာအေး) ပြုတ် မလိုလိုတောင် ဖြစ်သေးတယ်”လို့ ရေဦး ဒေသခံက ဆိုတယ်။
ဒီစီမံကိန်းနဲ့ပတ်သက်ပြီး ဧရာဝတီက သတ္တုတွင်း ၀န်ကြီးဌာနကို ဆက်သွယ်မေးမြန်းတဲ့အခါ စွမ်းအင် ၀န်ကြီးဌာန နဲ့သာ သက်ဆိုင်တဲ့အတွက် သက်ဆိုင်ရာ ၀န်ကြီးဌာနကို ဆက်သွယ်ဖို့ ပြောလာပါတယ်။
စွမ်းအင်ဝန်ကြီးဌာနကို ဧရာဝတီက တယ်လီဖုန်းနဲ့ ဆက်သွယ်မေးမြန်းခဲ့ရာမှာတော့ တယ်လီဖုန်းနဲ့ လက်ခံဖြေကြားဖို့ ငြင်းဆိုခဲ့ပြီး တရားဝင် ဖြေကြားချက်ရလိုရင် ၀န်ကြီးဌာနကို ဖက်စ်နဲ့ မေးမြန်းဖို့ပြောလို့ ဧပြီလ ၂၅ ရက်နေ့က ဖက်စ်ပို့ပြီး မေးမြန်းခဲ့ပါတယ်။
မေလ ၃ ရက်နေ့မှာတော့ စွမ်းအင် ၀န်ကြီးဌာန ပြောရေးဆိုခွင့်နဲ့ သတင်းထုတ်ပြန်ရေးအဖွဲ့က အတွင်းရေးမှူး ဦးဌေးအောင် က လွန်ခဲ့တဲ့ ၂၀၁၀ ပြည့်နှစ်က စစ်ကိုင်တိုင်း အဆိုပါ ဒေသမှာ တရုတ်ကုမ္ပဏီ(CNOOC) ဟာ ဆိုက်စမစ် ရေနံရှာဖွေတိုင်းတာခြင်း လုပ်ငန်းတွေကို လုပ်ဆောင်ခဲ့တယ်လို့ တရားဝင် အကြောင်းပြန်ကြားလာပါတယ်။
ဒါပေမယ့် ရေနံတူးဖော်တဲ့ လုပ်ငန်းတွေကို ဆောင်ရွက်ခဲ့ခြင်း မရှိပါဘူးလို့ အကြောင်းပြန်ကြားစာမှာ ဖော်ပြပါတယ်။
“CNOOC ကုမ္ပဏီသည် မြန်မာ့ ရေနံနှင့် သဘာဝ ဓာတ်ငွေ့လုပ်ငန်းနှင့် အကျိုးတူ ပူးတွဲ ဆောင်ရွက်လုပ်ကိုင်ခဲ့သည့် ကုမ္ပဏီ ဖြစ်ပါသည်”လို့ စွမ်းအင်ဝန်ကြီးဌာန ပြောရေးဆိုခွင့်နှင့် သတင်းထုတ်ပြန်ရေးအဖွဲ့ရဲ့စာမှာ ပါရှိ ပါတယ်။
သူတို့အနေနဲ့ ဒေသခံတွေ ပြောဆို သံသယဖြစ်နေကြသလို ရွှေ သို့မဟုတ် ရွှေဖြူ ထွက်တယ်ဆိုတာကို တိုင်းတာနိုင်တာ မရှိဘူးလို့လည်း အကြောင်းပြန်စာက ဆိုပါတယ်။
“ရေနံရှာဖွေရေး လုပ်ငန်းများကိုသာ ဦးတည်ဆောင်ရွက်လုပ်ကိုင်ခြင်း ဖြစ်သဖြင့် ရွှေ(သို့) ရွှေဖြူထွက်ရှိမှုကို သိရှိတိုင်းတာ နိုင်ခြင်း မရှိပါကြောင်း သိသာနိုင်ပါရန် အကြောင်းပြန်ကြားအပ်ပါသည်”လို့ စွမ်းအင်ဝန်ကြီးဌာနက ပြောဆိုထားတာပါ။
စွမ်းအင် ၀န်ကြီးဌာန က စစ်ကိုင်းတိုင်း အတွင်း ရွှေဖြူ ထွက်ရှိမှုနဲ့ပတ်သက်ပြီး သိရှိတိုင်းတာနိုင်ခြင်း မရှိဘူးဆိုတာ အမှန် တကယ် ဟုတ်မဟုတ် ၀န်ကြီးဌာနကပဲ သိနိုင်မှာပါ။ တခု ရှိတာက လက်ရှိ စစ်ကိုင်းတိုင်း ၀န်ကြီးချုပ်က ဦးသာအေး ဖြစ်နေတာ ကလည်း စွမ်းအင် ၀န်ကြီးဌာနနဲ့ ဆက်စပ်မှု ရှိမရှိ စဉ်းစားစရာပါ။
မကြာသေးခင် ရက်ပိုင်းကလည်း ဦးသာအေးကို တာဝန်က အနားပေးလိုက်တယ် ဆိုတဲ့ သမ္မတရုံး စာအတုနဲ့ အင်တာနက် ပေါ် ပျံ့နှံ့ခဲ့လို့ မဟုတ်ကြောင်း ရှင်းခဲ့ လင်းခဲ့ကြတာကို သတိထားမိ ပါသေးတယ်။
အရင်နှစ် နိုဝင်ဘာ ၂၉ ရက်နေ့ နံနက်စောစောပိုင်း လက်ပံတောင်း ကြေးနီစီမံကိန်း ရပ်ဆိုင်းရေး သပိတ်စခန်းမှာ အင်အား သုံးဖြိုခွင်းခဲ့တုန်းက သံဃာတော်တွေ မီးလောင်ဒဏ်ရာတွေ ရခဲ့လို့ ဒီကိစ္စ တာဝန်အရှိဆုံး သူဟာ ဦးသာအေး ဖြစ်တယ်လို့ ပြောဆိုနေတာတွေလည်း ရှိပါတယ်။
ဒါပေမယ့် လက်ပံတောင်းအရေးနဲ့ ပတ်သက်ပြီး ဒေါ်အောင်ဆန်းစုကြည် ကော်မရှင် ဥက္ကဌ လုပ်တဲ့ အစီရင်ခံစာ ပေါ်ထွက် လာတဲ့ အခါမှာတော့ သမ္မတ ဦးသိန်းစိန်က ခန့်အပ် တာဝန်ပေးထားတဲ့ အဲဒီ လက်ပံတောင်း အစီရင်ခံစာ အကောင် အထည် ဖော်ရေး ကော်မတီ အဖွဲ့ဝင် တဦးအဖြစ်နဲ့ ဦးသာအေးဟာ အခုအထိ အေးအေး လူလူ ရှိနေပုံ ရပါတယ်။ ။
Ref: ဧရာဝတီ
Friday, May 3, 2013
Bla Bla Bla တိုက်ရိုက်သွားကြမလား . . .
သန်းထွဋ်အောင်
Monday, 29 April 2013
စာတွေရေးရင် ဘယ်လိုစာမျိုး ရေးရတာ အခက်ဆုံးလဲလို့ စာရေးသက်ကြာတဲ့ လူတွေ မေးကြတယ်။ အားလုံးက တညီတညွတ် ပြောကြတာက သရော်စာ (Satire) တဲ့။ ရိတိတိ၊ ရွဲ့တဲ့တဲ့၊ ခနဲ့တဲ့တဲ့၊ ခပ်စောင်းစောင်း၊ ပြုံးစိစိ၊ မချိတချိ၊ ဘာတာတာ၊ ခိုးလိုးခုလု၊ စာဖတ်တဲ့သူများ ရသအစုံ ဖန့်တငံ့ငံ့ ခံစားလို့ရတဲ့စာ။ အဆင့်မြင့်ရေးတဲ့ သရော်စာ တစ်ပုဒ်က ရေးဖို့ဆိုတာ အခက်ဆုံးပဲ။
ကျွန်တော် စာစရေးစကတည်းက သရော်စာဆို အရမ်းရေးချင်တယ်။ ရေးကျင့်တယ်။ ဒါပေမဲ့ မရေးတတ်တော့ ဆော်တဲ့စာဖြစ်လိုက်၊ ခပ်ကြောင်ကြောင်စာတွေ ဖြစ်လိုက် ဖတ်ခိုင်းခံရတဲ့ လူတွေကလည်း ရယ်ရမလို၊ ငိုရမလို၊ ကောင်းသလားမေးရင်တော့ ပုတ်ခတ်ပုတ်ခတ်နဲ့ ဇွတ်ခေါင်းညိတ်တော့တာပဲ။ လူနိုင်တွေကိုး။ အဲဒီကတည်းက သဘောပေါက်လိုက်ပြီ။ ကောင်းလိုက်တဲ့ သရော်စာ။
(၂)
အခုတလော facebook၊ website တွေ သတင်းတွေထဲမှာ အရမ်းအရမ်း လော်ဘီလုပ်တာ ခေတ်စားနေတယ်။ ဘယ်သူ သမ္မတဖြစ်သင့်တယ်။ ဘယ်သူကတော့ဖြင့် သနားပါတယ်။ ခေါင်းဆောင်ကောင်း တစ်ယောက်ရဲ့ အရည်အချင်း ဘယ်လိုရှိတာ။ တစ်ယောက်နဲ့တစ်ယောက် ပြိုင်လိုက်ကြ။ ကာယကံရှင်တွေကတော့ မသိဘူး။ ဒီမှာတော့ ရန်ပွဲက တခြိမ့်ခြိမ့်။ တို့အမေနဲ့ ဘာနှိုင်းစရာ လိုလို့လဲ...ဘာညာဘာညာ Bla Bla Bla ကိုများ ပြောလိုက်၊ ဒီဘက်ကလည်း မင်းတို့အမေက ဘာတိုင်းပြည်ကောင်းအောင် ဘာလုပ်ဖူးလို့လဲ... Bla Bla Bal ပေါ့။ တို့အဖေကမှ ကြွေးတွေကျေသွားအောင် လုပ်နိုင်တယ် Bla Bla Bla (ဒီအကြွေးတွေ ဘယ်လိုကြောင့် တင်တယ်တော့ မပြောဘူး။ သိကော သိရဲ့လား မသိဘူး)...ရဲ့ စေတနာ၊ ...ရဲ့ ရင့်ကျက်မှု Bla Bla Bla တွေနဲ့ မွှမ်းလိုက်တဲ့ စာတွေ။
(၃)
ကျွန်တော့်ခေါင်းထဲမှာ ပြီးခဲ့တဲ့ ရက်ပိုင်းက ဆုံးသွားတဲ့ ကျွန်တော့်ဘကြီးသက် ပြောတာ သတိရမိတယ်။ ဘကြီးသက်က ကျွန်တော့်အဖေရဲ့ အစ်ကိုအကြီးဆုံး။ သခင်စိုး တပည့်။ နစ်နီမော်ကွန်းဝင် ဒုတိယဆင့်၊ ဂျပန်ခေတ်က ယောနင်းလား ဘာလားတက်၊ တောခို၊ သူအလင်းဝင်ပြီး ဂန့်ဂေါက ကျွန်တော့်အဖေဆီ လာလည်တုန်းကမှ စမြင်ဖူးတာ။ ကျွန်တော်က ရှိလှ ၁၀ နှစ်ပေါ့။ အလင်းဝင်ပြီး နေတော့လည်း နစ်နီတို့ရဲ့ ပျော်စံရာ ပုလဲမြို့နယ် လယ်မ္မရွာမှာ။ တစ်နှစ်တစ်ခေါက် ရန်ကုန်ကို လာတယ်။ အသက် ၈၈ နှစ်ရှိတာတောင် တစ်ယောက်တည်း လာတယ်။ ငွေတစ်ပြားမှ မပါဘဲ ရန်ကုန်လာဖို့ဆိုတာ မလွယ်ဘူး။ မျက်စိကလည်း မမြင်တာတောင် တွေ့ရာကားကြုံစီး၊ သူများတွေကျွေးတဲ့ ထမင်းစား၊ အ၀တ်နှစ်စုံလောက်နဲ့ ရန်ကုန်ကိုလာတာ၊ ရန်ကုန်ကိုရောက်ရင် ပထမဆုံး ကျွန်တော့်ရုံးကို လာတာပဲ။ ဒီတစ်ခေါက် နောက်ဆုံးအခေါက်ကတော့ သူ စိတ်ဓာတ်ကျသွားပုံ ရတယ်။ ကျွန်တော့်အဖေ မသေခင် ညီအစ်ကို နှစ်ယောက် နောက်ဆုံးတွေ့တော့ အဖေက ပြောလိုက်တယ်။ "ဒီတစ်ခေါက် နောက်ဆုံးတွေ့တာဖြစ်မယ် ကိုကို။ ကျွန်တော်မရှိရင် ကိုကို မလာနဲ့တော့" လို့ ပြောလိုက်တယ်။ နောက်ဆုံးတစ်ခေါက်မှာ သူထူးထူးဆန်းဆန်းတွေ ပြောတယ်။ ငါအောင်ဆန်းစုကြည်နဲ့ တွေ့ချင်တယ်။ ငါပြောစရာတွေ ရှိတယ်တဲ့။
ကြံကြီးစည်ရာ ဘကြီးသက်ရယ်ဆိုပြီး အားလုံးက ၀ိုင်းဟားကြတော့ မျက်နှာကြီးရှုံ့လို့ ငါစာရေးမယ်တဲ့။ (ပြောဖို့မေ့နေတာ သူကဗိုလ်ချုပ်ကို အရမ်းချစ်တယ်။ ဂျပန်ခေတ်တုန်းက ဘီဒီအေမှာ ဗိုလ်ချုပ်ရဲ့တပည့် ဖြစ်ဖူးတယ်တဲ့။ ဒေါ်စုကိုလည်းတော် တော်ချစ်ပုံရတယ်။)
စကားတွေတောင် ဟိုရောက် ဒီရောက်ဖြစ်ကုန်ပြီ။ ဘာလို့ ပြောချင်လို့လဲမေးတော့ သူပြောတဲ့ အမှတ်တရ စကားက "အောင်ဆန်းစုကြည် သမ္မတလုပ်မယ်လို့ ပြောနေတယ်။ သူက သူ့အဖေလိုပဲ ခေါင်းမာတယ်။ သူသမ္မတလုပ်ရင် မင်းတို့ဂျာနယ်တွေကလည်း အရမ်းလျှောက်ရေးကြမယ်။ ဆန္ဒပြတဲ့ သူတွေကလည်း ပြကြဦးမယ်။ ငါမမြင်ရက်ဘူး။ သူ့ကို ငါသတိပေးစရာ ရှိတယ်။ တွေ့မှငါပြောမယ်" တဲ့။
အခုတော့ ဘကြီးသက် သူပျော်စံရာ ပုံတောင်ပုံညာမှာ ခေါင်းချသွားပြီ။ သူဘာတွေ သတိပေးခဲ့ချင်သလဲ ကျွန်တော် သိချင်မိတယ်။
(၄)
အာဏာရှင် စနစ်မှာ အာဏာရှင် လုပ်ရသလိုတော့ ဒီမိုကရေစီခေတ်မှာ သမ္မတဖြစ်ရတာ၊ အထူးသဖြင့် ဒီနိုင်ငံမှာ သမ္မတဖြစ်ရတာ လွယ်မှတ်လို့။ ချစ်တဲ့လူတွေက မုန်းကြမယ်။ မချစ်တဲ့လူတွေက အောင့်ကာ တရွှတ်ရွှတ် လုပ်ကြဦးမယ်။ မိတ်ဆွေတွေက ရန်သူဖြစ်မယ်။ ရန်သူတွေက မိတ်ဆွေဟန် ဆောင်မယ်။ ပြည်သူပြည်သူနဲ့ တစ်နေကုန် အသံထွက်ရော စိတ်ထဲကပါ ရွတ်ရဦးမယ်။ ဟိုးထိပ်ဆုံးက သိကြားမင်းကအစ အောက်ဆုံးက ပုရွက်ဆိတ်အဆုံး သမ္မတကြီးကို တိုင်တည်ပြောကြမယ်။ ခုတုံးလုပ်ကြမယ်။ မထိတထိ ရိတိတိနဲ့ ဂျာနယ်လစ်တွေကိုလည်း ပြုံးပြရဦးမယ်။ တိုင်စာ၊ ပစ်စာ၊ အကြံပေးစာတွေကို မဖတ်ဘဲ ဖတ်ဟန် ဆောင်ရဦးမယ်။ ခရိုနီ၊ ခရိုပြာ၊ ခရိုနက်တွေနဲ့ ရင်းနှီးပေမယ့် မသိချင်ယောင် ဆောင်ရဦးမယ်။ အကြံဉာဏ်တွေ မလိုလည်း ခပ်စွာစွာတွေ ပါးစပ်ပိတ်အောင် အကြံပေး ခန့်ရဦးမယ်။ အားအားယားယား ဘာမှမရဘဲ ဖားနေတဲ့သူတွေ၊ ကိုယ့်ကို အရမ်းအရမ်း ထောက်ခံနေတဲ့ သူတွေကိုလည်း facebook ဖွင့်ပြီး ပြန်ချီးကျူးခိုင်းရဦးမယ်။ ရှုပ်တော့ တော်တော်ရှုပ်တဲ့ အလုပ်ပဲ။
ဒါပေမဲ့ သမ္မတဖြစ်ဖို့က ဒေါ်စုအတွက်ဆို ၉၂ ရာခိုင်နှုန်းနဲ့ အတည်ပြုပြီး ၁၅ နှစ် ရေးဆွဲထားတဲ့ ဂန္ထ၀င်ဖွဲ့စည်းပုံ (၂၀၀၈) ကို ပြင်ရဦးမယ်။ မဲ အရွေးမခံရဘဲ လွှတ်တော်ထဲ ရောက်နေတာ ၂၅ ရာခိုင်နှုန်း ရှိနေတာတောင် အရွေးမခံရတဲ့သူတွေ (ဒုတိယပဲ ရတယ်ဆိုတာ ပြည်သူက မကြိုက်လို့ပေး) လွှတ်တော်ရောက်ဖို့ PR စနစ်ကလည်း လာဦးမယ်။ ၂၅ ရာခိုင်နှုန်းတွေ ထွက်သွားမှ PR စနစ်လာရင် တော်သေးရဲ့။ PR စနစ်သာ ဇွတ်လုပ်ရင် ဝေဖန်သူတွေပြောတဲ့ တစ်မတ်သားကနေ ငါးမူးသား ဒီမိုကရေစီဖြစ်မှ ပြည်သူတွေရဲ့ ပိုင်ခွင့်ဖြစ်တဲ့ မဲတစ်ပြားက ဘာမှ အသုံးမ၀င် ဖြစ်ရဦးမယ်။
တကယ်တော့ Strong Democracy လို့ပဲခေါ်ခေါ် Direct Democracy လို့ပဲခေါ်ခေါ် လူထုတွေ အပြည့်အ၀ ပါဝင်ခွင့်ရတဲ့ ဒီမိုကရေစီဆိုတာ ကိုယ်အုပ်ချုပ်မယ့် သမ္မတကို လူထုမဲနဲ့ တိုက်ရိုက်ရွေးချယ်တာပဲ ဖြစ်ပါတယ်။ အခုဖွဲ့စည်းပုံအရ ၇၅ ရာခိုင်နှုန်း လူထုရွေးချယ်ထားသူတွေက ၂၅ ရာခိုင်နှုန်း အရွေးမခံရသူတွေနဲ့ ရွေးချယ်ခံ သမ္မတလောင်းနှစ်ယောက်နဲ့ စစ်တပ်က သမ္မတလောင်းတစ်ယောက် (ရေးရတာကို တော်တော်ရှုပ်တဲ့ ဖွဲ့စည်းပုံ) ထဲကနေ သမ္မတရွေးရတာပါ။ ဒီလောက်ရှုပ်တဲ့ သမ္မတလောင်း စနစ်ကို ပိုရှုပ်သွားမလားတော့ မသိဘူး။ လူထုလည်း ပါလို့ရအောင်၊ သမ္မတလောင်း ငါးယောက်လုပ်လိုက်၊ အမျိုးသားလွှတ်တော်က နှစ်ယောက်၊ ပြည်သူ့လွှတ်တော်က နှစ်ယောက်၊ တပ်မတော်က တစ်ယောက်ရွေး၊ ဒီငါးယောက်ကို လူထုက တိုက်ရိုက်မဲပေး ရွေးချယ်။ အများဆုံးသူ သုံးယောက်က သမ္မတ၊ ဒုသမ္မတဖြစ်၊ အများဆုံးသူက သမ္မတဖြစ်။ ကဲ ပိုမရှုပ်ဘူးလား။ ပိုခက်ရင် လူစိတ်ဝင်စားမယ်လေ။ PR စနစ် လုပ်ချင်သူတွေလည်း ၂၅ ရာခိုင်နှုန်းကြီး မရှိတော့မှ စကြရင် မကောင်းဘူးလား။ နို့မို့ဆိုရင် မည်ကာမတ္တ ဒီမိုကရေစီ ဆိုတာလေးတောင် ပျောက်သွားဦးမယ်။ စစ်တပ်က တစ်မတ်၊ ပီအာက တစ်မတ် ရွေးကောက်ပွဲလည်း လုပ်မနေကြပါနဲ့ ကွယ်ရို့။
ဒီလောက်ဇာတ်ရှုပ်တဲ့ သမ္မတဖြစ်ဖို့ ဒီလိုခပ်ရှုပ်ရှုပ်လေး သွားကြရင် မကောင်းဘူးလား။ သရော်စာလား၊ ဆော်စာလား၊ ခပ်ကြောင်ကြောင်စာလား မသိတော့။ လူထုကြိုက်တာကတော့ တိုက်ရိုက် ဒီမိုကရေစီလေ။ ဘယ်သူပဲ သမ္မတဖြစ်ဖြစ် ဂျာနယ်လစ်တွေကတော့ "ဒီကစောင့်နေသူ..."။
ကဲ အားလုံး ... Bla Bla Bla ပါပဲ။
Ref: EMG News
Thursday, May 2, 2013
ဗိုလ်ခင်ညွန့်၊ ဗိုလ်အောင်မင်းတို့နှင့် တိုင်းရင်းသားလက်နက်ကိုင် အင်အားစုများ အရေး
မောင်ကျော်စွာ
၂၀၁၃ခုနှစ်၊ ဧပြီလ ၃၀ရက်
တိုင်းရင်းသားလက်နက်ကိုင်အင်အားစု များသည် (နဝတ-နအဖ) စစ်အစိုးရ၏ တစ်ပတ်ရိုက်ခြင်းကို ခံခဲ့ ကြရပြီးနောက် ယခုအခါ (ကာလုံ) က ချုပ်ကိုင်ထားပြီး “၂၀၀၈ အခြေခံဥပဒေ”ဖြင့် ပွဲထွက် အသုံးတော် ခံနေသော (ဗိုလ်)ဦးသိန်းစိန် ကြံ့ဖွံ့ အစိုးရ၏ လှည့် စားဖြားယောင်းမှုကို ရင်ဆိုင်နေကြရပြန်သည်။
(နဝတ-နအဖ) စစ်အစိုးရခေတ်ကာလတွင် “တွင်း-၁” ဗိုလ်ခင်ညွှန့်မှ တဆင့် တစ်ပတ် ရိုက်ခဲ့ခြင်းဖြစ်ပြီး (ဗိုလ်)ဦးသိန်းစိန် ကြံ့ဖွံ့ အစိုးရခေတ် ကာလတွင် “ပြည်ထောင်စုဝန်ကြီး” (ဗိုလ်)ဦးအောင်မင်းနှင့် “တည်”၍ လှည့်စားနေခြင်းဖြစ်သည်။
မတူသည့်ကာလ၊ မတူသည့်အခြေအနေအလျောက် အုပ်စိုးသူများတွင် လိုအပ်ချက် များကလည်း ကွဲပြား တတ်ပါသည်။
(နဝတ-နအဖ) စစ်အစိုးရခေတ်ကာလ၏ လိုအပ်ချက်သည် မြို့ပြ လူထုအုံကြွမှုနှင့် လက်နက်ကိုင်တော်လှန်ရေး မပေါင်းစပ်သွား ရေးသည် အဓိက အချက် ဖြစ်သည်။ အပစ်အခတ် ရပ်စဲရေးသည် ထိုအချက်မှ ပေါ်ထွက် လာသော နည်းပရိယာယ် တစ်ရပ်လည်း ဖြစ်သည်။ သို့ဖြင့် တိုင်းရင်းသား လက်နက်ကိုင် အင်အားစုများနှင့် အပစ်ရပ်ခဲ့ပြီး ဖွဲ့စည်းပုံ အခြေခံဥပဒေ ရေးဆွဲရေး “အမျိုးသား ညီလာခံ”ထဲသို့ “အခြား ဖိတ်ကြားသင့်သူများ အဖြစ်” ဆွဲထည့်ခဲ့သည်။ ကရင်အမျိုးသားအစည်းအရုံး(KNU)မှလွဲ၍ ကျန်တိုင်းရင်း သားအဖွဲ့အစည်းတိုင်းလောက်နီးပါး ညီလာခံတက်ခဲ့ကြသည်။ ထိုသို့ တက်ရောက်ကြသူများတွင် ကရင်အမျိုးသားအစည်းအရုံး (KNU)မှ ခွဲထွက်ကြသူများလည်း ပါဝင်တက်ရောက်ခဲ့ကြပါသည်။
တိုင်းရင်းသား လက်နက်ကိုင်အင်အားစုများသည် ညီလာခံသို့ တက်ရောက်ခဲ့ ကြရသော်လည်း သက်ဆိုင်ရာ မိမိလူမျိုးနှင့် မိမိ ပါတီ အဖွဲ့အစည်းကို ကိုယ်စားပြုခွင့် မရရှိခဲ့ချေ။ ထို့အပြင် ညီလာခံသို့ ပါဝင် တက်ရောက် ခဲ့ကြ ရသော်လည်း တင်ပြဆွေးနွေး တောင်းဆိုချက်များ အရာမထင်ခဲ့။ “မှတ်တမ်း တင်ထားပါမည်” ဟူသောစကားဖြင့် နှစ်သိမ့်ကျေနပ် ခဲ့ကြရသည်။ ညီလာခံမှ ချမှတ်ခဲ့ကြသော မူကြမ်းကို ဒေါက်တာ တူးဂျာမှ ညီလာခံ ကျင်းပရေးကော်မရှင် ဥက္ကဋ္ဌ ဗိုလ်သိန်းစိန် (လက်ရှိ သမ္မတ ဦးသိန်းစိန်) ထံပေးအပ်နေသည့် သတင်းစာဓါတ်ပုံကို မှတ်မိကြလိမ့်ဦးမည် ထင်ပါသည်။
သို့ဖြင့် တိုင်းရင်းသားလက်နက်ကိုင်အင်အားစုများသည် ၂၀၀၈ အခြေခံဥပဒေအတွက် အခြေခံရမည့်မူများ ရေးဆွဲ၊ ပန္နက်ချရာ တွင် “အုတ်တစ်ချပ်သဲတစ်ပွင့်”အဖြစ် ပါဝင်ခဲ့ကြရသည်။
ထိုစဉ်က (နဝတ-နအဖ) စစ်အစိုးရ၏ လိုအပ်ချက်သည် တိုင်းရင်းသား လက်နက်ကိုင်အင်အားစုများ ညီလာခံသို့တက်ရောက် ရေးနှင့် ပါဝင်ဆွေးနွေးစေရေးဖြစ်သည်။ လေ့လာသူအဖြစ် တက်ရောက်သည်ကိုပင် လက်ခံခဲ့သည်။ ဤမျှ ပျော့ပျောင်းပါသော (နဝတ-နအဖ) စစ်အစိုးရပါတကား။
“၂၀၀၈ အခြေခံဥပဒေ” အတည်ဖြစ်လာခဲ့ပြီးနောက် (ဗိုလ်)ဦးသိန်းစိန် ကြံ့ဖွံ့အစိုးရ၏ ယနေ့လိုအပ်ချက်ကား တစ်ချိန်က (နဝတ -နအဖ) စစ်အစိုးရ၏ လိုအပ်ချက်နှင့် လုံးဝ မတူတော့ပြီ။
တစ်ချိန်တစ်ခါက (နဝတ-နအဖ)စစ်အစိုးရ ပေးခဲ့ဖူးသော“အခွင့်အရေး” (နယ်မြေ/လက်နက်/စီးပွားရေးလုပ်ပိုင်ခွင့်) ဆိုသည် များ မျှော်လင့်၍ မဖြစ်နိုင်တော့ပြီ။ “ကားပါမစ်”၊ အသေးစားသတ္တု တူးခွင့်လောက်တော့ ရနိုင်သေးသည်။ သို့သော်လည်း ယင်း လုပ်ငန်းများကို “တည်ဆဲဥပဒေ” ဆိုသည်နှင့် ချုပ်ကိုင်ထားသည်။ “ဆက်ဆံရေးရုံး”ဟုပင် တရားဝင် အသိအမှတ်မပြုချေ။ နယ် မြေပိုင်နက်ကို တစ်စုံတစ်ရာအသိအမှတ် ပြုရမည့်သဘော သက်ရောက်သွားမည်ဖြစ်သဖြင့် (code of conduct) ဆိုသည့် တောင်းဆိုချက်ကို ကာချုပ်ဗိုလ်မင်းအောင်လှိုင်က ပြတ်ပြတ်သားသား ပယ်ချခဲ့ပြီး အပြန်အလှန် နားလည်မှုဖြင့်သာ လုပ်ကြရန် ပြောခဲ့ပြီးဖြစ်သည်။
(ဗိုလ်)ဦးသိန်းစိန် ကြံ့ဖွံ့အစိုးရ၏ ယနေ့လိုအပ်ချက်မှာ တိုင်းရင်းသားလက်နက်ကိုင်အင်အားစုများ “အုတ်တစ်ချပ်သဲတစ်ပွင့်” အဖြစ် ပါဝင်ဆွေးနွေးချမှတ်ခဲ့ကြသော “အခြေခံမူ ၁၀၄ချက်”ဖြင့် ရေးဆွဲခဲ့သော “၂၀၀၈ အခြေခံဥပဒေ” ဘောင်ထဲသို့ တိုင်း ရင်းသား လက်နက်ကိုင်အင်အားစုများ ဝင်ရောက်စေရေးဖြစ်သည်။
ထိုသို့ဝင်ရောက်ရာတွင် တိုင်းရင်းသားအင်အားစုများအနေဖြင့် မိမိတို့ ဦးစီးချုပ်ကိုင်ထားသည့် လက်နက်ကိုင်တပ်ကို စစ်တပ် အုပ်ချုပ်ကွပ်ကဲမှု လက်ထဲသို့ လွှဲပြောင်းအပ်နှံရမည်။ နိုင်ငံရေးတွင် ပါဝင်လှုပ်ရှားလိုလျှင် နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ မိမိပါတီအဖွဲ့အစည်းကို မှတ်ပုံတင်လျှောက်ထားရမည်။ ဤသို့ပြုလုပ်မှသာ နိုင်ငံရေးတွင် “တရားဝင်” ပါဝင်လှုပ် ရှားနိုင်မည်ဖြစ်သည်။
ဤသို့ လုပ်ဆောင်နိုင်ရန် (ဗိုလ်) ဦးအောင်မင်း ဒုတိယဥက္ကဋ္ဌအဖြစ် ပါဝင်နေသည့် “၅၂ဦး ပြည်ထောင်စုငြိမ်းချမ်းရေးဖော်ဆောင် ရေးလုပ်ငန်းကော်မတီ”၏ ပြည်နယ်အဆင့် မူဝါဒ(၅)ရပ်နှင့် ပြည်ထောင်စုအဆင့် မူဝါဒလုပ်ငန်းတာဝန် (၈)ရပ်အဖြစ် ဖော်ပြထား သည်။
ယင်းသို့ ပြည်နယ်အဆင့်မူဝါဒတွေ ပြည်ထောင်စုအဆင့် မူဝါဒတွေအဖြစ် ဖေါ်ပြထားသော်လည်း (ဗိုလ်) ဦးသိန်းစိန် ကြံ့ဖွံ့အစိုးရ ၏ လိုရင်းသဘောထားနှင့် အဓိကအချက်မှာ တိုင်းရင်းသားလက်နက်ကိုင်အင်အားစုများ “၂၀၀၈အခြေခံဥပဒေ”ကို လက်ခံ၊ လက်နက်ကိုင်တပ်အား ၎င်းတို့ထံ လွှဲအပ်ပြီး နိုင်ငံရေးပါတီအဖြစ် မှတ်ပုံတင်ကြရန် ဖြစ်သည်။
ထိုသို့ တိုင်းရင်းသားလက်နက်ကိုင်အင်အားစုများ “၂၀၀၈အခြေခံဥပဒေ”ကို လက်ခံလာစေရေး၊ လက်နက်ကိုင်တပ်လွှဲအပ် စေရေးအတွက် ငြိမ်းချမ်းရေးလုပ်ငန်းကော်မတီနှင့် (ဗိုလ်) ဦးအောင်မင်းတို့ လုပ်ဆောင်နေကြသည်။ ကျုံးသွင်းနေကြခြင်း၊ မြူဆွယ်နေကြခြင်း၊ တောခြောက်နေခြင်းသာဖြစ်သည်။ “ဖက်ဒရယ်ပြည်ထောင်စု” တည်ဆောက်ရေး ညှိနှိုင်းနေခြင်းမဟုတ်။ “ပြည်ထောင်စု တပ်မတော်” ဖွဲ့စည်းရေး ဆွေးနွေးနေခြင်း မဟုတ်ပါ။
“၂၀၀၈ အခြေခံဥပဒေ”တွင် ဒီမိုကရေစီအခွင့်အရေး အပြည့်အဝမရှိကြောင်း၊ တိုင်းရင်းသားများအတွက် တန်းတူရေးနှင့် ကိုယ် ပိုင်ပြဌာန်းခွင့်ရှိသော အခြေခံမူများ လုံးဝ မပါရှိကြောင်း လူတိုင်းသိပါသည်။
လက်နက်နဲ့ ဒီမိုကရေစီ လဲလှယ်ခဲ့ကြဖူးသည်။ ဒီမိုကရေစီမရရှိခဲ့။ လက်နက်ချကြရတာသာ အဖတ်တင်ခဲ့ကြရသည် မဟုတ် လော။
လက်နက်နဲ့ ငြိမ်းချမ်းရေး လဲလှယ်ခဲ့ကြဖူးသည်။ ငြိမ်းချမ်းရေးမရရှိခဲ့။ လက်နက်ချကြရတာသာ အဖတ်တင်ခဲ့ကြရသည် မဟုတ် လော။
Ref: KIC News
Tuesday, April 30, 2013
မီးလောင်ရာ လေပင့်ပေးသူများ
မွန်မွန်မြတ်
April 29, 2013
မကြာမီက လွတ်လပ်ခွင့်ရလာသော မြန်မာနိုင်ငံ၏ အင်တာနက်မှ ၀က်ဆိုက်နှင့် လူမှုကွန်ယက် စာမျက်နှာများတွင် ယခုအခါ ၀ါဒဖြန့်ချီရေးက ရှောင်မလွတ်နိုင်အောင် ဖြစ်လာနေသည်။ တပ်မတော်ကို ထောက်ခံခြင်း သို့မဟုတ် မူဆလင်များကို အလုံးစုံဆန့်ကျင်ခြင်း၊ မီဒီယာများကို တိုက်ခိုက်ခြင်းနှင့် ဒေါ်အောင်ဆန်းစုကြည်ကို ဆဲဆိုဝေဖန်ခြင်းတို့က Facebook စာမျက်နှာများနှင့် ဘလော့ဂ်များပေါ်တွင်ပြည့်နှက်နေသည်။
ဤလမ်းကြောင်းကို မည်သူတွေက ဖန်တီးလုပ်ကိုင်နေကြသည် ဆိုခြင်းကို တိတိကျကျ သိရှိရန် မဖြစ်နိုင်သော်လည်း ပါဝင်သော အကြောင်းအရာနှင့် ရုပ်ပုံတွေက ရေးသားသူများကို မှန်းဆနိုင်ဖို့ သဲလွန်စတွေ ထုတ်ပေးထားသည်။ အများစုက နိုင်ငံတော်အလံ၏ ပုံရိပ်ကို သုံးလေ့ရှိကြပြီး ကျန်သည့်သူတွေကတော့ ပြင်ဦးလွင် စစ်တက္ကသိုလ် အ၀င်ဝတွင်ထားရှိသော စစ်ဘုရင်တပါး၏ ရုပ်ထုပုံကို နှစ်ချိုက်စွာ အသုံးပြုကြသည်။
မျက်မြင်သိနိုင်သည့် အကြောင်းအရာ မဟုတ်သော်လည်း သူ့အနေဖြင့် ထိုဝက်ဆိုတ်အများစုကို စစ်ဖက်က လုပ်ကိုင်နေသည်ဟု ခံစားရကြောင်း ၂၀၀၇ ခုနှစ် ရွှေဝါရောင်တော်လှန်ရေးတွင် ပါဝင်ခဲ့သော ဗုဒ္ဓဘာသာ ဘုန်းတော်ကြီး ဦးအာစရိယက ပြောသည်။
“စစ်ဘုရင်တွေဆိုတာ စစ်တပ်ကို ကိုယ်စားပြုတယ်လေ၊ ဒီတော့ သူတို့တွေက စစ်တပ်နဲ့ တနည်းနည်းနဲ့ ပတ်သက်မှု ရှိရမယ်” ဟု သူက ဆို၏။
Myanmar ICT for Development Organisation ၏ အမှုဆောင် ညွှန်ကြားရေးမှုး ဖြစ်ပြီး ဘလော့ဂါ တဦးလည်းဖြစ်သူ နေဘုန်းလတ်က ဘလော့ဂ် အများအပြားသည် အစိုးရ ၀ါဒဖြန့်ချီရေး လမ်းကြောင်းများဖြစ်သည်ဟု ယုံကြည် ကြောင်း ပြောသည်။ အချို့သော အုပ်စုများသည် သတင်းအချက်အလက်များကို အင်တာနက်ပေါ်သို့ လျှင်မြန်စွာ တင်ပို့ ဖြန့်ချီနိုင်ကြသည်မှာ သံသယဖြစ်ဖွယ် ကောင်းသည်ဟု သူကဆို၏။ အထူးသဖြင့် ဆူပူမှုဖြစ်စေရန်လှုံ့ဆော်သော အကြောင်းအရာများဖြစ်သည်။
“အဲဒီဆိုက်တွေမှာ နိုင်ငံတော်အလံနဲ့ နေပြည်တော်ရဲ့ဓါတ်ပုံတွေ တင်ထားကြတယ်။ နောက်ပြီး သူတို့ရဲ့ သတင်းအများစုက အစိုးရ ၀က်ဆိုက်တွေကသတင်းတွေ”ဟု နေဘုန်းလတ်က ပြောသည်။
သံသယဖြစ်ဖွယ်ကောင်းသည်မှာ မှန်သော်လည်း ထိုဝက်ဆိုက်များ၏ နောက်ကွယ်တွင် မည်သူရှိနေသည်ကို တိကျစွာ သက်သေပြရန် ခက်ခဲနေသေးသည်ဟုလည်း ဆိုသည်။
“ဒီအဖွဲ့တွေက လမ်းကြောင်း နှစ်ခုကိုသုံးတယ်၊ ပထမတခုက လူမျိုးရေး ဘာသာရေးအုပ်စုတွေကြားမှာ ပဋိပက္ခတွေ ဖြစ်အောင် သွေးထိုးလှုံ့ဆော်တဲ့ သတင်းအချက်အလက်တွေ ဖြန့်ဖို့၊ နောက်တခုက သူတို့ကို ထောက်ခံအားပေးတဲ့သူတွေနဲ့ ဆက်သွယ်ဖို့သုံးတယ်” ဟု သူက ဆက်ပြောသည်။
ရေးသူ မသိရှိရသည့် ၀က်ဆိုက် ၁၀ခုကို အလွတ်သဘော လေ့လာကြည့်သည့်အခါ ထိုဆိုက်အားလုံးတွင် စစ်တပ်ကိုထောက်ခံခြင်း၊ မူဆလင်ဆန့်ကျင်ရေးနှင့် နိုင်ငံရေးအတိုက်အခံများကို ဆန့်ကျင်တိုက်ခိုက်ခြင်း စသော အကြောင်းအရာများ ပါဝင်ကြသည်။ ဒေါ်အောင်ဆန်းစုကြည်၊ မင်းကိုနိုင်၊ ၈၈ မျိုးဆက်ကျောင်းသားများအဖွဲ့နှင့် အခြား သြဇာရှိသော လူ့အခွင့်အရေးလှုပ်ရှားသူများမှာ သူတို့ အဓိကထားပြီး ပြောဆို တိုက်ခိုက်ခြင်း ခံကြရသူများဖြစ်သည်။
ဝင်ရောက်ကြည့်ရှုသူများကို ဆွဲဆောင်နိုင်ရန်အတွက် ၎င်းဝက်ဆိုက်များသည် ညစ်ညမ်းဓါတ်ပုံနှင့် ရုပ်ရှင်များ၊ အတင်းအဖျင်းများနှင့် လိင်ကိစ္စ ဦးစားပေးသော ကောလဟာလ များကို ဖော်ပြကြသည်။ ဒေါ်အောင်ဆန်းစုကြည် နေအိမ် အကျယ်ချုပ် ခံရစဉ်အတွင်း ကလေးတယောက်မွေးခဲ့သည် ဆိုသော သတင်းမျိုးသည်လည်း ထိုအထဲတွင် တခု အပါအ၀င်ဖြစ်သည်။
လူသိများသော ၀က်ဆိုက်တခုမှာ Myanmarexpress.net ဖြစ်ပြီး ၎င်းကို ၂၀၁၁ ခုနှစ် ဒေါ်အောင်ဆန်းစုကြည် နေအိမ် အကျယ်ချိန်မှ လွတ်မြောက်လာသည်နှင့် မရှေးမနှောင်းမှာ တည်ထောင်ခဲ့ခြင်းဖြစ်သည်။ ရုရှားနိုင်ငံ မော်စကိုမြို့တွင် မှတ်ပုံတင်ထားသော ထိုဝက်ဆိုက်အား စတင် ဖန်တီးခဲ့ချိန်မှစ၍ အကြိမ်ရေ ၂၂သန်းကျော် ၀င်ရောက်ကြည့်ရှုမှု ရှိခဲ့သည်။
ထိုသို့သော ၀က်ဆိုက်များ၏ နောက်တွင် စစ်တပ်ရှိနေနိုင်သည်ဆိုသည့် ယူဆချက်ကို ပိုမိုလေးနက်စေသည့် အကြောင်းတခုမှာ သတင်း နည်းပညာနှင့် ပတ်သက်၍ အဆင့်မြင့်သင်တန်းများ တက်ရောက်ထားသူ အမြောက်အများ တပ်မတော်တွင်းမှာ ရှိနေသောကြောင့်ဖြစ်သည်။
အစိုးရ၏ သိပ္ပံနှင့် နည်းပညာဝန်ကြီးဌာနသည် ရုရှားတက္ကသိုလ်များတွင် ပညာသင်ကြားရန် ၂၀၀၁ ခုနှစ်မှစ၍ ၂၀၁၀-၂၀၁၁ စာသင်နှစ်အထိ နှစ်စဉ် လူငါးရာခန့် စေလွှတ်ကြောင်း Anton Khlopkov နှင့် Dmitry Konukhov တို့က ၂၀၁၁ခုနှစ်ထုတ် Nuclear Club journal ဂျာနယ်တွင်ရေး သားသော “ရုရှား၊ မြန်မာနှင့် နျူကလီယား နည်းပညာ” ဆောင်းပါးတွင် ဖော်ပြထားသည်။ ရုရှားတက္ကသိုလ်များသို့ မြန်မာနိုင်ငံမှ ကျောင်းသားစေလွှတ်မှုက အခြားသောနိုင်ငံများ ထက် ပို၍များသည်။
မြန်မာနိုင်ငံ၏ ထိပ်တန်းနည်းပညာကျောင်းများမှ ဘွဲ့ရရှိသူများရှိနေသော်လည်း ရုရှားတွင် ပညာသင်ကြားရန် စေလွှတ်ခြင်း ခံရသူ အများစုမှ စစ်ဖက်မှ ဗိုလ်နှင့် ဗိုလ်ကြီးအဆင့် အရာရှိများသာဖြစ်သည်ဟု သတင်းများက ဆိုသည်။
စိုင်းသိန်းဝင်းသည် စစ်တပ်မှ ဗိုလ်မှူးဟောင်းတယောက်ဖြစ်ပြီး အစိုးရ၏ သံသယဖြစ်ဖွယ်ရာ နျူကလီးယားလက်နက် အစီအမံများကို ကမ္ဘာသိအောင် ဖွင့်ဟထုတ်ဖေါ်ပြော၍ ၂၀၁၀ တွင် မြန်မာနိုင်ငံမှ ထွက်ပြေးခဲ့သူဖြစ်သည်။ ယခုအခါ နော်ဝေနိုင်ငံ၌ နေထိုင်သော စိုင်းသိန်းဝင်းက ၂၀၁၁ က သူ၏ အီးမေးလ်ကို ဖောက်ထွင်းဝင်ရောက်ခံလိုက်ရပြီးနောက် သူ၏ ပုဂ္ဂိုလ်ရေးအချက်အလက်များကို Myanmarexpress.net တွင် ဖော်ပြထားသည်ကို တွေ့ရကြောင်း ပြောသည်။
သူ၏ နည်းပညာ ကျွမ်းကျင်မှုကို အသုံးပြု၍ ဖောက်ထွင်းဝင်ရောက်သူကို ခြေရာခံထောက်လှမ်းခဲ့ရာ စစ်ဖက်က လူတယောက် ဖြစ်နေသည်ကို တွေ့ရကြောင်း စိုင်းသိန်းဝင်းကပြောသည်။
“အဲဒီလူက ရုရှားမှာ ကျောင်းတက်သွားတဲ့ စစ်တပ် အရာရှိတယောက်ပါ၊ မြန်မာနိုင်ငံကနေ သူ အသုံးပြုတဲ့ IP လိပ်စာကိုပါ ကျနော်ပြောပြနိုင်ပါတယ်” ဟု သူကဆိုသည်။
စိုင်းသိန်းဝင်းက Myanmar Express နှင့် Opposite Eyes ကဲ့သို့သော ၀က်ဆိုက်များသည် အစိုးရ အဖွဲ့အစည်းများနှင့် ဆက်သွယ်မှု ရှိသည် ဆိုသည်မှာ အလွန်သိသာကြောင်း ဆက်ပြောသည်။
“သူတို့ဆီမှာတင်နေတဲ့ ဓာတ်ပုံတွေ သတင်းအချက်အလက်တွေက အပြင်မှာမရှိဘဲ ရဲဖက် နဲ့ စစ်ဖက်မှာပဲ ရနိုင်မယ့်ဟာမျိုးတွေ၊ ဒီလိုဆိုက်တွေကို တည်ထောင်ရတဲ့ ရည်ရွယ်ချက်က ဒေါ်အောင်ဆန်းစုကြည်လို၊ ၈၈ မျိုးဆက် ကျောင်းသားများအဖွဲ့လို ပုဂ္ဂိုလ်မျိုးတွေအပေါ်မှာ လူထုအမြင် ဆန့်ကျင်ဖက် ပြောင်းသွားအောင်လုပ်ဖို့ပဲ၊ ရခိုင်လိုမျိုး မိတ္ထီလာလိုမျိုး ဘာသာရေး ပဋိပက္ခတွေ ဖြစ်လာရင်လည်း ပိုကြီးထွားအောင်ဝင်မွှေ ကြတယ်” ဟု စိုင်းသိန်းဝင်းက ဆိုသည်။
ပဋိပက္ခတွင် ပတ်သက်ခြင်း
မြန်မာနိုင်ငံ အနောက်ဖက် ဝေးလံခေါင်ဖျားသော ကျောက်နီမော်ရွာတွင် ရခိုင်အမျိုးသမီးတယောက်ကို မူဆလင်ယောင်္ကျားတစုက အဓမ္မပြုကျင့်ပြီးနောက် သတ်ဖြတ်လိုက်သော မှုခင်းတခု ၂၀၁၂ ခုနှစ်တွင် ဖြစ်ပွားခဲ့သည်။ အစိုးရဖက်က တရားဝင် သတင်းမထုတ်ပြန်မှီ အချိန်များစွာစောပြီး မရေတွက်နိုင်သော ၀က်ဆိုက်များတွင် ထိုသတင်းကို ဖော်ပြနေကြပြီဖြစ်သည်။
သေဆုံးသွားသော မိန်းကလေး၏ ဓါတ်ပုံတပုံကိုလည်း မူရင်းဇစ်မြစ်ကို တိကျစွာ ဖော်ပြနိုင်ခြင်း မရှိဘဲ တင်ခဲ့ကြသည်။
သေချာစေသောအချက်တခုမှာ ထိုသို့ ဖော်ပြလိုက်ကြပြီး တပတ်မျှမကြာမှီ အချိန်အတွင်း ရခိုင်ပြည်နယ် တောင်ကုတ်မြို့နယ်အတွင်း နောက်ထပ်မှုခင်းတရပ် ဖြစ်ပွားသွားခဲ့သည်။ ဒေါသမီး တောက်လောင်နေသော လူတစုက လက်စားချေသည့်အနေဖြင့် မူဆလင် ဘုရားဖူး ၁၀ ယောက်ကို ရက်စက်စွာ သတ်ဖြတ်ပစ်လိုက်ကြသည်။ ထိုဖြစ်ရပ်က ရခိုင်ပြည်နယ်အတွင်းတွင် ဗုဒ္ဓဘာသာနှင့် မူဆလင်များ ပဋိပက္ခ အကြီးအကျယ် ဖြစ်ပွားသွားစေခဲ့သည်။
အဓိကရုဏ်း စတင်ဖြစ်ပွားချိန်မှ စ၍ လူ ၂၀၀ ခန့် အသက်ဆုံးရှုံးခဲ့ရပြီး မရေမတွက်နိုင်သော ဒဏ်ရာရသူများ ရှိခဲ့ကာ လူ ၇၀၀၀၀ ကျော် အိုးအိမ်မဲ့ဖြစ်ခဲ့ရသည်။ လူနေအိမ် ၁၆၀၀၀ လုံး၊ ဗုဒ္ဓဘာသာ ဘုန်းကြီးကျောင်း ၁၄ ကျောင်း၊ ဗလီ ၄၅ ခုနှင့် စာသင်ကျောင်း ၃ ကျောင်း ပြိုလဲပျက်စီးခဲ့ရသည်။
ထိုအကြောင်းအရာ အားလုံးကို အွန်လိုင်းကွန်ယက်များနှင့် ၀က်ဆိုက်များတွင် ဖော်ပြပြီး မုန်းတီးမှုနှင့် အယုံအကြည် ကင်းမဲ့မှုတွေ တိုးပွားလာအောင် မီးလောင်ရာ လေပင့်ခဲ့ကြသည်။
အင်တာနက်ပေါ်မှ ရန်ဘက်များနှင့် အတူယှဉ်တွဲကာ ဗုဒ္ဓဘာသာ ဘုန်းတော်ကြီး ဦးဝီရသူကလည်း သူ၏ မူဆလင် ဆန့်ကျင်ရေး ၀ါဒဖြန့်မှုများကို မြှင့်တင်ဆောင်ရွက်ရန် စိတ်အားထက်သန်လာသည်။ ဘာသာရေး ပဋိပက္ခများ ဖြစ်ပွားစေရန် သွေးထိုးလှုံ့ဆော်မှုဖြင့် ၂၀၀၃ ခုနှစ်က ဖမ်းဆီးခြင်းခံခဲ့ရသော ဦးဝီရသူသည် ၂၀၁၂ ခုနှစ်တွင် လွတ်ငြိမ်း ချမ်းသာခွင့်နှင့် ပြန်လည်လွတ်မြောက်လာခဲ့သည်။ ဦးဝီရသူသည် လတ်တလော ခေတ်စားနေသည့် ၉၆၉ လှုပ်ရှားမှုကို ဖန်တီးသူလည်းဖြစ်သည်။ ၉၆၉ ဆိုသည့် ကိန်းဂဏန်းများသည် ဗုဒ္ဓ၊ ဓမ္မနှင့် သံဃာကို ကိုယ်စားပြုကြောင်း သူကပြောသည်။
ပို၍အရေးကြီးသောအချက်မှာ မြန်မာနိုင်ငံတွင်းရှိ မူဆလင်အသိုင်းအ၀ိုင်းက သုံးစွဲသော ၇၈၆ ဆိုသည့် သင်္ကေတကို တုန့်ပြန်ရန်ဖြစ်သည်ဟု သူကဆိုသည်။
မြန်မာနိုင်ငံလုံးဆိုင်ရာ မူဆလင်အဖွဲ့၏ အထွေထွေအတွင်းရေးမှူး ဦးကျော်စိုးကမူ ၇၈၆ ဆိုသောဂဏန်းသည် “မြန်မာနိုင်ငံက မူဆလင် အသိုင်းအ၀ိုင်းကြားမှာ လူကြိုက်များတဲ့ ကံကောင်းစေတဲ့ ဂဏန်းတခု သက်သက်ပါ” ဟု ပြောသည်။
နောက်ဆုံးဖြစ်ခဲ့သော မိတ္ထီလာဖြစ်ရပ် မတိုင်မီကာလကတည်းက ဒုက္ခရောက်တော့မှာ သတိထားမိခဲ့ကြောင်း ဦးကျော်စိုးက ပြောသည်။ ပဋိပက္ခများသည် မူဆလင်ဆန့်ကျင်ရေး စိတ်ဓါတ်များ ပြည်သူများ ကြားတွင်ပျံ့ပွားစေရန် လှုံ့ဆော် လုပ်ဆောင်ခဲ့ခြင်းကြောင့် ဖြစ်သည်ကို ယုံကြည်ကြောင်းနှင့် ၎င်းအနေဖြင့် မူဆလင်များကို ဆူပူမှု ပဋိပက္ခများနှင့် ဝေးဝေးနေကြရန် သတိပေးခဲ့ကြောင်း ဦးကျော်စိုးက ပြောပြသည်။
ဗုဒ္ဓဘာသာ သပိတ်
ယခုနှစ်ဆန်းပိုင်းတွင် မွန်ပြည်နယ်မှ ဗုဒ္ဓဘာသာ ဘုန်းကြီးအချို့သည် ၉၆၉ ခေါင်းစီးအောက်တွင် မူဆလင်ဆန့်ကျင်ရေး လှုပ်ရှားမှု ဆောင်ရွက်ရန် စုစည်းခဲ့ကြသည်။ ဘာသာရေးဆိုင်ရာ ဟောပြောချက်များ၊ DVD ချပ်များနှင့် စတစ်ကာများကို အသုံးပြု၍ ဗုဒ္ဓဘာသာဝင်များအနေဖြင့် ဗုဒ္ဓဘာသာဆိုင်များတွင်သာ ဈေးဝယ်ကြရန်၊ ဗုဒ္ဓဘာသာဝင်ချင်းသာ လက်ထပ်ထိမ်းမြားကြရန်၊ ဗုဒ္ဓဘာသာချင်းသာ ကူညီထောက်ပံ့ပေးကြရန် စည်းရုံးလှုံ့ဆော်ခဲ့ကြသည်။
အစိုးရက ၉၆၉ လှုပ်ရှားမှုကို ဥပေက္ခာပြုခဲ့သည့်အတွက် အံ့သြမိကြောင်းနှင့် ရန်လိုသော အသွင်ဆောင်သည့် လှုပ်ရှားမှုကို တုန့်ပြန်ရန် ဆန္ဒရှိပုံမရကြောင်း ဦးအာစရိယက ပြောသည်။
“သာသနာရေးဝန်ကြီးဌာနက ဘာသာနှစ်ခုကြားမှာ တင်းမာမှုတွေမြင့်တက်လာစေတဲ့ လှုပ်ရှားမှုမျိုးကို ခွင့်ပြုထားတာ တကယ်ကို ထူးဆန်းပါတယ်” ဟု ဦးအာစရိယက သူ၏ အမြင်ကို ပြောသည်။ “၂၀၀၇ ရွှေဝါရောင်တော်လှန်ရေးပြီးတော့ ဘုန်းကြီးတို့ကို ဂျီမေးလ် အကောင့်လေးတခု သုံးမိတဲ့အတွက် ထောင် ၁၅ နှစ်ချတယ်။ အခု ပေါ်ပေါ်ထင်ထင် မီးမွှေးနေတဲ့ မူဆလင်ဆန့်ကျင်ရေးလှုပ်ရှားမှုကိုကျတော့ ဘာဖြစ်လို့ အရေးမယူတာလဲ” ဟု သူက မေးခွန်းထုတ်လိုက်သည်။
လူမျိုးရေး၊ ဘာသာရေး ခွဲခြားဆန့်ကျင်သည့် ကို ၉၆၉ လှုပ်ရှားမှု၏ အတွေးအမြင်များ ပါဝင်သည့် ဟောပြောချက်များ၊ DVD ချပ်များကို အင်တာနက်ဝက်ဆိုက်များမှ နေ၍ ကူညီ ပျံ့နှံ့စေခဲ့ကြောင်း ဦးအာစရိယက ပြောသည်။
“နိုင်ငံရေးနဲ့ပတ်သက်ပြီး ရည်ရွယ်ချက်ရှိတဲ့ လူတစုက ဘာသာရေး အယူသီးတာကို အသုံးချပြီး သေသေချာချာ အကွက်ချ လုပ်ဆောင်ခဲ့တဲ့ လုပ်ရပ်ပါ။ ဘုန်းကြီးရဲ့ ဒကာ၊ ဒကာမတွေကို ကြားထဲကနေ အသုံးချခံ၊ အစတေးခံ တွေ မဖြစ်စေနဲ့လို့ သတိပေးခဲ့ရတယ်” ဟု သူကပြောပြသည်။
ဦးကျော်စိုးကလည်း သူ့အနေဖြင့် ဖေဖော်ဝါရီလအတွင်းက ရန်ကုန်တိုင်းဒေသကြီး ၀န်ကြီးချုပ်ဦးမြင့်ဆွေထံသို့ စာရေးသားပြီး ရန်ကုန်မြို့တော်တွင် လူမျိုးရေးမုန်းတီးမှုနှင့် ပဋိပက္ခများ ဖြစ်ပေါ်လာစေရန် သွေးထိုးလှုံ့ဆော်နေသော ဘာသာရေးအမည်ခံအဖွဲ့များကို ဟန့်တားပေးပါရန် တောင်းဆိုခဲ့ကြောင်း ပြောသည်။
“အစိုးရဖက်က ဒီလိုလှုပ်ရှားမှုတွေကို ထိန်းချုပ်ဖို့ ဘာကြောင့် မလုပ်ဆောင်ခဲ့ရသလဲဆိုတာ ကျနော် နားမလည်ဘူး။ ဒီအတွက် တကယ် စိတ်မကောင်းဖြစ်ရပါတယ်” ဟု သူကဆိုသည်။
ဘလော့ဂါ နေဘုန်းလတ်ကလည်း ယင်းကဲ့သို့ ကြိုးကိုင်လှုပ်ရှားမှုများကို အစိုးရဖက်က ဘာကြောင့်ခွင့်ပြုခဲ့သည် ဆိုခြင်းကို မစဉ်းစားတတ်ကြောင်းပြောသည်။
လူသတ်မှု နှင့် ကြိုးကိုင်ခြင်း
မိတ္ထီလာမြို့တွင် အဓိကရုဏ်းဖြစ်ပွားရသည့် အကြောင်းရင်းသည် မူဆလင်ရွှေဆိုင်ပိုင်ရှင်နှင့် ဗုဒ္ဓဘာသာ ဖောက်သည်နှစ်ယောက်တို့ အချေအတင်ဖြစ်ရာမှ စတင်ခဲ့ခြင်းဟု အများကလက်ခံယုံကြည်ကြသည်။
သို့သော် ကြီးမားသော လူသတ်ပွဲနှင့် ပဋိပက္ခဆီသို့ တမဟုတ်ချင်း အရှိန်မြင့်တက်သွားရခြင်းသည် အင်တာနက်ပေါ်မှ တို့မီးရှို့မီးများ၏ ကျေးဇူးကြောင့်လို့ပင် ဆိုနိုင်ပါသည်။ သူတို့၏ ၀က်ဆိုက်များနှင့် ဘလော့ဂ်တွေပေါ်မှာ ရက်စက်ခြင်း နှင့် မုန်းတီးမှု အကြောင်းအရာတွေကို ဖော်ပြပေးကြပြီး ဇာတ်ရှိန်မြင့်အောင် ပို့ဆောင်ပေးကြသည်။
ရွှေဆိုင်မှာပြဿနာဖြစ်ပြီး ဆယ်ရက်အတွင်းမှာပင် ဆူပူမှုတွေက မိတ္ထီလာမှနေ၍ အခြားမြို့ ၁၄ မြို့ဆီအထိကူးစက်သွား သည်။ ဆူပူအကြမ်းဖက်မှုများကြောင့် လူ ၄၃ ဦးသေဆုံး၍ ၈၆ ဦးဒဏ်ရာရခဲ့သည်။ ဗလီများ၊ ကျောင်းများနှင့် နေအိမ်များအပါအ၀င် အဆောက်အဦး ၁၃၀၀ ကျော်ပျက်စီးဆုံးရှုံးခဲ့ရသည်။
ဆူပူမငြိမ်သက်မှုများနှင့် ပတ်သက်၍ အစိုးရဖက်က လုံလောက်သော တုန့်ပြန်မှုများ ဆောင်ရွက်ရန် ပျက်ကွက်ခဲ့ခြင်းသည် ၎င်း၏ ပါဝင်ပတ်သက်မှုကို ဖော်ပြသည့် သက်သေဖြစ်ကြောင်း ဘလော့ဂါနေဘုန်းလတ်၊ ဦးကျော်စိုးနှင့် ၈၈ မျိုးဆက်ကျောင်းသားများအဖွဲ့ခေါင်းဆောင် မင်းကိုနိုင်တို့က ယူဆကြသည်။
ပဋိပက္ခများ ပြီးပြီးချင်း မိတ္ထီလာမြို့ခံ မူဆလင်များနှင့်သွားရောက်တွေ့ဆုံမေးမြန်းခဲ့သော ဦးကျော်စိုးက “ အကြမ်းဖက်တဲ့ သူတွေကိုင်တဲ့ ဓားတွေက တပုံစံထဲပဲလို့ မျက်မြင် သက်သေတွေက ပြောတယ်။ နှစ်ပေလောက်ရှည်တဲ့ ဓားတွေ။ နောက်ပြီး သူတို့တွေက အချင်းချင်း တယောက်ကိုတယောက် ၀ီစီမှုတ်ပြီး အချက်ပေးကြတယ်။ သေသေချာချာ လေ့ကျင့်ပေးထားတဲ့ သူတွေဆိုတာ သေချာပါတယ်” ဟုပြန်ပြောပြသည်။
အဆိုပါ လူများ၏နောက်ကွယ် ကိုယ်ယောင်ဖျောက် ကြိုးကိုင်နေသူများ ရှိနေသည့် အချက်မှာ အလွန်ရှင်းလင်း ကြောင်း ဦးကျော်စိုးကထပ်ပြောသည်။
“သူတို့က မူဆလင်တွေကိုပဲ သတ်တယ်၊ လူမျိုးတုန်း သုတ်သင်ပွဲတခု လိုပါပဲ”
နောက်ကွယ်က ကိုယ်ယောင်ဖျောက် အဖွဲ့ အစည်းနှင့် အင်တာနက် စာမျက်နှာများ၏ သွေးထိုးလှုံ့ဆော်ပေးခြင်း၊ ကြိုးကိုင်ချယ်လှယ်ခြင်းကိုသာ မခံရလျှင် မူဆလင်နှင့် ဗုဒ္ဓဘာသာများသည် ကောင်းမွန်စွာ အတူတကွ နေနိုင်ကြမည် ဟု ဦးကျော်စိုးက ၀မ်းနည်းစွာ ပြောသည်။
လက်တွေ့တွင်လည်း မိတ္ထီလာတွင် အကြမ်းဖက် တိုက်ခိုက်မှုများ ဖြစ်ပွားနေစဉ်က မူဆလင်များကို ၎င်းတို့၏ အိမ်နီးချင်း ဗုဒ္ဓဘာသာဝင်များက ခေါ်ယူ စောင့်ရှောက်ပေးခဲ့ကြသည်ဟု သူကဆိုသည်။
ဖုံးကွယ်ထားသော အကြောင်းတရားများ
ကွဲပြားခြားနားသော ဘာသာရေးနှင့် လူမှုရေး အုပ်စုများကြားတွင် အယုံအကြည် ကင်းမဲ့ခြင်းနှင့် အပြန်အလှန် ကြောက်ရွံ့မုန်းတီးစေသော အခြေအနေမျိုးကို မြှောက်ပေးပြီး မတည်ငြိမ်သော အခြေအနေ တရပ်ကို တည်ဆောက်ခြင်းသည် ကမ္ဘာပေါ်တွင် အချို့သောအစိုးရများက သူတို့အာဏာကိုထိန်းချုပ်နိုင်ရေးအတွက် သုံးလေ့ရှိသော နည်းဗျူဟာတခုဖြစ်ပါသည်။
ဘာသာရေးနှင့် လူမျိုးရေးမုန်းတီးမှုကို သွေးထိုးလှုံ့ဆော်ပြီး ဆူပူမငြိမ်သက်မှုများ ဖြစ်ပေါ်လာသည့် အခါ စစ်တပ်အနေဖြင့် လမ်းမများပေါ်တွင် တပ်စွဲနေရာယူပြီး စစ်ဥပဒေကို ထုတ်ပြန်ကြေညာခွင့် ရရှိနိုင်မည်ဖြစ်သည်။
ချက်သမ္မတနိုင်ငံအခြေစိုက် လူ့အခွင့်အရေးလှုပ်ရှားသူ Igor Blazevic က သူ၏မိခင်နိုင်ငံ ဘော့စနီးယား၌ ၁၉၉၀ပြည့်နှစ် အစောပိုင်းကာလများတွင် ကြုံတွေ့ခဲ့ရသော အဖြစ်အပျက်များမှ သင်ခန်းစာထုတ်နှုတ်၍ ဧပြီ ၈ ရက်နေ့က ဧရာဝတီတွင် “ အစွန်းရောက် အမျိုးသားရေးဝါဒ၏ ဒုက္ခသံသရာ” အမည်ရှိ ဆောင်းပါးတပုဒ် ရေးသားခဲ့သည်။
“လူမျိုးသန့်စင်ရေးဆိုတာ လူအုပ်စုတွေကြားမှာ ဒါမှမဟုတ် အခြေခံလူတန်းစား အသိုင်းအ၀ိုင်းကြားမှာ တယောက်ကို တယောက် မုန်းတီးလို့ အလိုအလျောက်ဖြစ်လာတဲ့ အကြမ်းဖက်မှု မဟုတ်ဘူး။ ဒါက လုံခြုံရေးဆိုင်ရာ အရေးကြီးတဲ့ အစိတ်အပိုင်းတခုကနေပြီးတော့ သေသေချာချာ လေ့ကျင့်ပေးထားတဲ့ လက်နက်ကိုင်တွေ လုပ်ရတဲ့ အလုပ်ပါ။ သူတို့တာဝန်က တရားဝင်တပ်ဖွဲ့တွေ၊ အစိုးရ တာဝန်ရှိသူတွေ၊ ငွေကြေးပံ့ပိုးပေးနေသူတွေနဲ့ တိုက်ရိုက် ဆက်သွယ်မှုကို ဖုံးဖုံးဖိဖိနဲ့ လုပ်ရတဲ့ အလုပ်မျိုး ဖြစ်ပါတယ်” ဟု Blazevic ကပြောသည်။
မိတ္ထီလာတွင် ဖြစ်ခဲ့သောဖြစ်ရပ်များသည် ပထမဆုံး ဟုမဆိုနိုင်ပါ။ ၁၉၈၈ အရေးအခင်းမှ သတ်ဖြတ်မှုများ၊ ၂၀၀၃ ခုနှစ်မေလက ဒေါ်အောင်ဆန်းစုကြည်နှင့် ထောက်ခံသူများကို အကြမ်းဖက်တိုက်ခိုက်ခဲ့သော ဒီပဲရင်း အရေးအခင်း နှင့် ၂၀၁၂ မေလက မူဆလင်ဘုရားဖူး ဆယ်ယောက် တောင်ကုတ်မြို့တွင် အသတ်ခံခဲ့ရခြင်းတို့က မဝေးသေးသော သမိုင်း၏ အဖြစ်အပျက်များပင်။
ဤရက်စက်ကြမ်းကြုတ်မှုများကို မည်သူက ကျူးလွန်သည်ဆိုစေ ကျန်ရှိနေသော အကြောင်းအရာတခုမှာ အစိုးရက ပြစ်မှုများအတွက် တရားဥပဒေအရ အရေးမယူနိုင်သေးခြင်းဖြစ်သည်။ တဖက်တွင်လည်း မြန်မာနိုင်ငံတွင် တရားဥပဒေစိုးမိုးရေးဆိုသည်မှာ အစိုးရက အရေးပေါ်အခြေအနေ ကြေညာရန် လိုအပ်ပြီဟု ယူဆပြီး လမ်းမများပေါ်တွင် စစ်တပ်များကို တပ်စွဲစေတော့မှ အသက်ဝင်သည်ဟု ထင်မှတ်အောင် ကြိုးစားနေခြင်းကလည်း ” နောက်ပြန်မလှည့်ဘူး” ဟူသော အစိုးရ၏ ကတိကဝတ်ကို သံသယ တိုးလာနေစေတော့သည်။
(Stirring up hatred through social media ကို ဆီလျော်အောင် နိုင်မင်းသွင်က ဘာသာပြန်ဆိုသည်)
Ref: ဧရာဝတီ
အမေရိကန် GSP က ချက်ချင်း အကျိုးမထူးသော်လည်း ရေရှည် အကျိုးရှိနိုင်
ခင်မျိုးသွယ်
တနင်္လာနေ့၊ ဧပြီလ ၂၉ ရက် ၂၀၁၃
ရန်ကုန် (မဇ္ဈိမ)။ ။ အမေရိကန် အစိုးရအနေဖြင့် မြန်မာနိုင်ငံအား အခွန် သက်သာ ကင်းလွတ်ခွင့် (GSP) ကုန်သွယ်မှု အထူးအခွင့်အရေး ပေးမည်ဖြစ်ရာ လက်ရှိတွင် ထူးခြားစွာ သက်ရောက်မှု မရှိနိုင်သေးသော်လည်း
ရေရှည် နှစ်နိုင်ငံ ကုန်သွယ်မှုတွင် အကျိုးဖြစ်ထွန်းစေနိုင်မည်ဟု စီးပွားရေး ပညာရှင်များနှင့် လုပ်ငန်းရှင်များက သုံးသပ်ပြောဆိုကြသည်။
လတ်တလော အကျိုးသက်ရောက်မှု မရှိနိုင်သေးခြင်းမှာ ၂၀၀၃ ခုမှ စတင်သည့် အမေရိကန်နိုင်ငံ၏ စီးပွားရေး ပိတ်ဆို့ အရေးယူမှုကြောင့် မြန်မာ့ ပို့ကုန်နှင့် သွင်းကုန်များ၏ အဓိက ကုန်သွယ်ဘက် နိုင်ငံများမှာ အာရှနိုင်ငံ များသာ ဖြစ်ခဲ့၍ ဖြစ်သည်။
“အမေရိကန်က ပေးမယ့် အခွန်သက်သာခွင့်ဟာ ကုန်သွယ်မှု ခပ်ပါးပါးပဲ ရှိခဲ့တာကြောင့် ချက်ချင်းကြီးတော့ သက်ရောက်မှု မရှိနိုင်ပါဘူး။ ဘာကြောင့်လဲ ဆိုရင် မြန်မာက အဓိက တင်ပို့နေတဲ့ လယ်ယာ ထွက်ကုန်ကလည်း သူတို့ဆီမှာ လုံလောက်တယ်။ ကျောက်စိမ်း ကျတော့လည်း သူတို့ မကြိုက်ဘူး။ ဒါပေမယ့် ရေရှည်အတွက်တော့ အကျိုးရှိမှာ ဖြစ်ပါတယ်” ဟု ဆရာ ခင်မောင်ညို (ဘောဂဗေဒ) က ပြောကြားသည်။
ထို့ပြင် GSP မှာ ပို့ကုန်သမားများအတွက်သာ သက်ရောက်မှု ရှိနိုင်ကြောင်း “အမေရိကန်က GSP ပေးမယ်ဆိုရင် သွင်းကုန် သမားများ အတွက် ထူးခြားတဲ့ သက်ရောက်မှု မရှိနိုင်သော်လည်း ပို့ကုန်သမားများ အတွက်တော့ သက်ရောက်မှုရှိနိုင်ပါတယ်။ အထူးသဖြင့် လက်ခစား အထည် လုပ်ငန်းတွေ၊ ရေထွက်ပို့ကုန်တွေ အဆင်ပြေနိုင် ပါတယ်။ သွင်းကုန်တွေအတွက် လက်ရှိ အဆင်မပြေနိုင်သေးပေမယ့် ရေရှည် အတွက်တော့ အဆင်ပြေနိုင်ပါတယ်” ဟု ၎င်းက ဆက်လက်ပြောကြားသည်။
အရင်က ကုန်သွယ်မှု
စီးပွားရေး ပိတ်ဆို့ထားမှုများကြောင့် မြန်မာနှင့် အမေရိကန်တို့၏ ကုန်သွယ်မှုအနေအထားမှာ လွန်စွာ နည်းပါး ခဲ့ရသည်။
“အမေရိကန်နဲ့ မြန်မာ ကုန်သွယ်မှုက ၂၀၀၃ ခုနှစ်က စပြီး ၂၀၁၀-၁၁ ခုနှစ်အထိ နှစ်စဉ် အမေရိကန်ဒေါ်လာ သန်း ၁၀၀ မပြည့်တဲ့ အနေအထားမှာ ရှိခဲ့ပါတယ်” ဟု ကုန်သွယ်မှု စစ်တမ်းများကို သုတေသန ပြုခဲ့သူ ဦးသန်းထွန်းအောင် က ပြောသည်။
သို့သော် ၂၀၁၁- ၁၂ ခုနှစ်တွင် အမေရိကန်ဒေါ်လာ ၂၉၃.၆၄ သန်း အထိ ကုန်သွယ်မှု ရှိလာခဲ့သည်။
လက်ခစား အထည်ချုပ်လုပ်ငန်းများ အခြေအနေကောင်း
အမေရိကန်၏ GSP မှာ လက်ခစား အထည်ချုပ် လုပ်ငန်းများအတွက် အလားအလာ အကောင်းဆုံး ဖြစ်လာမည် ဖြစ်ကြောင်းလည်း မြန်မာနိုင်ငံ အထည်ချုပ် လုပ်ငန်းရှင်များ အသင်းမှ ဒုတိယ ဥက္ကဌ ဒေါက်တာအောင်ဝင်း က ခန့်မှန်းသည်။
“GSP မရသေးပေမယ့် အမေရိကန် ကုမ္ပဏီတွေက အပ်ထည်တွေကို စတင်ပို့နေရတဲ့ အနေအထား ရှိပါတယ်။ လောလောဆယ် GSP မရသေးတဲ့အတွက် အခွန်၁၅ ရာခိုင်နှုန်းဝန်းကျင် ပေးနေရသေးတယ်။ GSP သာ ရရင် သူသတ်မှတ်တဲ့ ကုန်အမျိုးအစားအလိုက် အခွန်ပေးရတာလည်း ရှိတယ်။ အခွန် မပေးရတာလည်း ရှိတယ်။ အထည်ချုပ်ကတော့ အပ်ထည် တိုးမြှင့်ရလာနိုင်တဲ့ အနေအထား ရှိပါတယ်” ဟု ဆိုသည်။
GSP ကြောင့် အထည်ချုပ် ဈေးကွက်တွင် အပ်ထည် ပိုမိုရရှိလာနိုင်သလို ချုပ်ခလည်း ပိုရလာနိုင်ခြေရှိကြောင်း အဆိုပါ အသင်း၏ အတွင်းရေးမှူးဒေါ်ခိုင်ခိုင်နွယ် က ပြောသည်။
“GSP ပေးပြီဆိုတာနဲ့ အခွန်ပေးနေရတဲ့ အခြားနိုင်ငံတွေမှာရှိတဲ့ စက်ရုံတွေက အထည်တွေကို ယူပြီး အပ်လို့လည်း ရပါတယ်။ အဓိက က မြန်မာ အထည်ချုပ်စက်ရုံတွေပေါ်မှာ သူတို့ ဘယ်လောက် အပ်ချင်သလဲ ဆိုတဲ့ အနေအထား ပေါ်မှာ မူတည်ပါတယ်။ မနေ့က အမေရိကန်က Buyer (အဝယ်တော်) လာဆွေးနွေးသွားတယ်။ အခွန်ရှိတဲ့ နိုင်ငံထက် အခွန်မရှိတဲ့ နိုင်ငံတွေက စက်ရုံတွေကို ချုပ်ခ ပိုပေးနိုင်တယ်လို့ ပြောသွားတယ်။ အခွန်ပေးရတဲ့ နိုင်ငံကို ချုပ်ခ ၁ ကျပ်ပေးနိုင်ရင် အခွန်မပေးရတဲ့ နိုင်ငံရဲ့ ချုပ်ခကို ၁ ကျပ် ၂၀ ပြားလောက် ပေးနိုင်တယ်လို့ ပြောသွားတယ်” ဟု ဆိုသည်။
ရေထွက်ကုန်တွေအတွက်လည်း အကျိုးရှိနိုင်
အဆိုပါ အမေရိကန်၏ GSP ကြောင့် မြန်မာ့ ရေထွက်ကုန် တင်ပို့မှုများလည်း အကျိုးသက်ရောက်နိုင်မည်ဟု
မျှော်လင့်ရသည်။
“ပုစွန်ကို အမေရိကန်ပို့နေရတာရှိတယ်။ GSP ရတာနဲ့ အခွန် ကင်းလွတ်နိုင်တော့ မြန်မာ့ ရေထွက်ကုန်ကို တင်သွင်းသူ များလာနိုင်တယ်။ ရေထွက် ပို့ကုန်သမားတွေအနေနဲ့ ဈေးကွက်တခု ပိုရလာနိုင်ပါတယ်” ဟု မြန်မာနိုင်ငံ ရေထွက်ပစ္စည်း ပြုပြင်ထုတ်လုပ်သူများနှင့် ပို့ကုန် လုပ်ငန်းရှင်များ အသင်းမှ အတွင်းရေးမှူး ဦးထွန်းအေး က ဆိုသည်။
လယ်ယာ ပို့ကုန်တွေပေါ်မှာ ...
မြန်မာနိုင်ငံ၏ အဓိကပို့ကုန်မှာ လယ်ယာထွက်ကုန်များ ဖြစ်နေသဖြင့် ယင်းပို့ကုန်များအပေါ် အခွန်သက်သာခွင့် သက်ရောက်မှုနဲ့ ပတ်သက်ပြီး “လယ်ယာ ထွက်ကုန်တွေထဲက အဓိက ပို့နေတာ ပဲနဲ့ ဆန်ပါ။ အမေရိကန် အနေနဲ့ ဆန်က်ို သူ့နိုင်ငံက စားဖို့ လုံလုံလောက်လောက် ထုတ်လုပ်နိုင်သလို ဆန်ကိုလည်း ပြန်ရောင်းနေတဲ့ နိုင်ငံပါ။ ဒါကြောင့် လယ်ယာပို့ကုန်တွေထဲက ဆန်အတွက်တော့ သက်ရောက်မှု သိပ်မရှိနိုင်ပါဘူး” ဟု ဆန်စပါး အသင်းချုပ်မှ ဦိးမျိုးသူရအေး က ပြောကြားသည်။
အမေရိကန်နိုင်ငံအနေဖြင့် ပဲများကို ကနေဒါနှင့် သြစတြေးလျ နိုင်ငံတို့မှ အဓိက ဝယ်ယူလျက်ရှိသည်။
“(မြန်မာ့ ပဲ) လောလောဆယ် အမေရိကန်ဈေးကွက်ကို တင်ပို့နေတာ မရှိသေးပါဘူး။ အခု စိုက်နေတဲ့ ပဲတွေက ၇၀ ရာခိုင်နှုန်းလောက်က အိန္ဒိယကို သွားနေတာပါ။ စိုက်နေတာလည်း အိန္ဒိယ ဈေးကွက် အကြိုက် ပဲတွေပါပဲ။ အခုလို GSP ပေးလိုက်တဲ့အတွက် ရေရှည်အတွက် ကောင်းပါတယ်။ အမေရိကန်က စားတဲ့ ပဲကို လေ့လာပြီး နောင်မှာ မျိုးဝယ်စိုက်သင့် စိုက်ပြီး အမေရိကန် ပြန်ပို့နိုင်မယ် ထင်ပါတယ်။ ပဲနှမ်းကိုတော့ အမေရိကန်က ဝယ်နေပါတယ်။ မြန်မာက စိုက်တာ နည်းနေပါသေးတယ်” ဟု ပဲနှမ်းကုန်သည်အသင်းမှ အတွင်းရေးမှူး ဦးမင်းကိုဦး က ပြောသည်။
သစ်သီးဝလံ ဈေးကွက်ကရော
မြန်မာနိုင်ငံမှ စိုက်ပျိုးသည့် သစ်သီးဝလံများကို လက်ရှိအနေအထားအထ်ိ အမေရိကန် ဈေးကွက်သို့ တင်ပို့ရောင်းချမှု မရှိခဲ့ပေ။
“အမေရိကန်က ပေးလာမယ့် GSP က သစ်သီးဝလံတွေအတွက် အကျိုးသက်ရောက်မှု မရှိသေးပါဘူ။ လာမယ့် ဇူလိုင် ၁၄ ရက်နဲ့ ၁၅ ရက်နေ့တွေမှာ အမေရိကန်နိုင်ငံ၊ ဖလော်ရီဒါ ပြည်နယ်မှာ ပြုလုပ်မယ့် အပြည်ပြည်ဆိုင်ရာ သရက်သီးပြပွဲမှာ မြန်မာ သရက်သီးတွေ ဝင်ရောက် ပြသဖ်ို့ ရှိပါတယ်။ အဲဒီပြပွဲမှာ ကုန်ပစ္စည်းကြိုက်လို့ ဈေးကွက် ရမယ်ဆိုရင် အခွန် သက်သာခွင့်ကလည်း ပံ့ပိုးထားရင် သရက်သီးနဲ့ပတ်သက်တဲ့ ဈေးကွက်ကြီး တခု ရနိုင်မယ်လို့ မျှော်လင့်ပါတယ်” ဟု သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်းမှ အထွေထွေအတွင်းရေးမှူး ဦးစိုးသန်းမင်းဒင် က ခန့်မှန်းပြောဆိုသည်။
Ref: မဇ္ဈိမ
Monday, April 29, 2013
အခြေတိုးမြင့် ကျန်ကောင်းသင့်၏
အရှင်ဇ၀န (ကုန်းဇောင်း)
ဧပြီ ၂၈၊ ၂၀၁၃
လူ့ပြည်လောက လူ့ဘဝကား အိုရနာရ သေရဦးမည် မှန်ပေသည်တည်း..။ ဆရာဇော်ဂျီရဲ့ အလွန် လူကြိုက်များတဲ့ ကဗျာလေးပါ။ မှန်ပါတယ်၊ လူ့ပြည်လောက လူ့ဘဝကို ရောက်လာကြသူတိုင်း အိုကြရမယ်၊ နာကြရမယ်၊ သေကြရမယ်။ လူ့ဘဝ လူ့ခန္ဓာကိုယ်ကြီးကို စတင် ပိုင်ဆိုင်ကထဲက နေ့စဉ်နဲ့အမျှ သေခြင်းတရား ဆီသို့ ခရီးဆက်နေကြရတာပါ။ လူကသာ လောကီအာရုံ ကာမဂုဏ်တွေနဲ့ ပျော်မြူးပြီး မေ့လျှော့နေပေမဲ့ နာရီ မိနစ် စက္ကန့်တွေက လူ့သက်တမ်းကို အစဉ်မပြတ်နှုတ်ယူနေပါတယ်။ လူတွေကသာ အနားယူ အိပ်စက်နေပေမဲ့ သေခြင်းတရားဆီသို့ ဦးတည်လျှောက်လှမ်းနေတဲ့ ခြေလှမ်းတွေကတော့ အနားယူတယ်လို့ မရှိပါဘူး။ တစ်မိနစ်/တစ်နာရီလေး အချိန်ကုန်သွားတိုင်း ကိုယ်နေရမည့် ကိုယ့်သက်တမ်းထဲက တစ်မိနစ်/တစ်နာရီ နှုတ်ယူသွားပါပြီ။
အဲဒီလိုပါပဲ နေ့ရက်လတွေ နှစ်တွေကုန်သွားတိုင်း ကုန်သွားတိုင်း ကိုယ်နေရမည့် သက်တမ်း ထဲက နေ့တွေ ရက်တွေ လတွေ နှစ်တွေကို နှုတ်ယူ သွားနေတာပါပဲ။ လယ်တီ ဆရာတော် ဘုရားကြီးက ဆုံးမ ထားတယ်လေ။ တစ်နေကွယ် သေနယ်သို့ တစ်ခါကူး မေ့လျှော့ကာ သေဘူးထင်လိုက်ပါနဲ့ နေကွယ်တာ အချိန်များရင်ဖြင့် သေနယ်ရွယ်ရွာ တစ်ကြိမ်သွားရမယ် တားမရဘူး-တဲ့။ လူတိုင်းလူတိုင်း ငြင်းဆိုခွင့် ရှောင်လွှဲခွင့် မရှိသော သေခြင်းတရားဆိုတာ ဟိုးအတီတေကာလ အစမထင် သံသရာထဲက ရှိနေခဲ့တာပါ။
သို့ပြီတကား သင်ဖွားသောမြေ သင်တို့မြေသည် အခြေတိုးမြင့် ကျန်ကောင်းသင့်၏-တဲ့။ လူတိုင်းလူတိုင်း နိယာမ သဘောအရ သေဆုံး သွားကြပေမဲ့ သူတို့မွေးဖွားရာဒေသ၊ သူတို့မွေးဖွားရာနိုင်ငံနှင့် လူမျိုးအတွက် တိုးတက်ဖွံ့ဖြိုးအောင်၊ ငြိမ်းချမ်းသာယာအောင် ဆောင်ရွက် ခဲ့ကြတဲ့သူတွေကတော့ အလွန့်အလွန်ကို နည်းပါးလှပါတယ်။
ဘဝပေးအခြေအနေအရ လူသားတစ်ဦးရယ်လို့ မွေးဖွားလာခဲ့ကြပြီ။ မိဘတွေက ကျွေးမွေးပြုစု ယုယမှုကြောင့် လူလားမြောက်ခဲ့ပါပြီ။ ဆရာသမားတွေရဲ့ သွန်သင်ညွှန်ပြ ဆုံးမမှုကြောင့် အသိဉာဏ်တွေ လည်း ဖွံ့ဖြိုးတိုးတက်လာခဲ့ပါပြီ။ လူ့လောကကြီးထဲမှာ ပီပီပြင်ပြင် လူသားရယ်လို့ ဖြစ်လာတဲ့အခါမှာ အဲဒီ လူသားလေးက လူ့ပတ်ဝန်းကျင်ကို ဘယ်လိုငြိမ်းချမ်းသာယာအောင် ဆောင်ရွက်ခဲ့ပြီးပြီလဲဆိုတာ ကိုယ့်ကိုယ်ကိုလည်း ပြန်မေးကြည့်ရမယ်။ ကိုယ့်ပတ်ဝန်းကျင်ကိုလည်း အကဲခတ်ကြည့်ရမယ်။
ငါက လူ့လောကအတွက် ဘယ်လောက်အသုံးကျသလဲ။ ငါဆိုတဲ့ လူသားတစ်ယောက် မွေးဖွားလာ တဲ့အတွက် ငါ့မိသားစု တိုးတက်ကြီး ပွားအောင် ငါဆောင်ရွက်နိုင်ခဲ့ပြီလား။ ကောင်းကျိုးတစ်ခုခု ပြုပေးနိုင်ခဲ့ သလား။ ငါတို့ရပ်ရွာ ငါတို့နိုင်ငံကြီး သာယာချမ်းမြေ့အောင် ဖွံ့ဖြိုးတိုးတက်အောင် ဆောင်ရွက်နိုင်ခဲ့ပြီလား။ ကောင်းကျိုးတစ်ခုခု ပြုခဲ့ပြီးပြီလား။
ဒါမှမဟုတ် ငါဆိုတဲ့ လူသားတစ်ယောက် လူ့လောကထဲကို ရောက်လာတဲ့အတွက် ငါ့မိသားစုတွေ ဆုတ်ယုတ်ပျက်စီး ဒုက္ခတွေ အကြီးအ ကျယ်ရောက်ခဲ့သလား။ ငါတို့ရပ်ရွာ ငါတို့နိုင်ငံတော်ကြီးမှာလည်း ငါဆိုတဲ့ လူသားတစ်ယောက်ကို လက်ခံထားတဲ့အတွက် ဆုတ်ယုတ် ပျက်စီးပြီး ဒုက္ခတွေ အကြီးအကျယ် ရောက်ခဲ့သလားဆိုတာကို စဉ်းစားဝေဖန်သုံးသပ်ရပါမယ်။
စဉ်းစားဝေဖန်သုံးသပ်ပြီး ကိုယ့်မိသားစု တိုးတက်ကြီးပွားအောင် သာယာချမ်းမြေ့အောင် ဆောင်ရွက်နိုင်သူဖြစ်ဖို့ ကြိုးစားရပါလိမ့်မယ်။ အဲဒီကနေ တစ်ဆင့်တက်ပြီး ကိုယ့်ရပ်ရွာ ကိုယ့်တိုင်းပြည်နဲ့ လူမျိုးအတွက် တိုးတက်ကြီးပွားအောင် သာယာချမ်းမြေ့အောင် လုပ်ဆောင် ရပါလိမ့်မယ်။ လူ့လောကထဲကို ရောက်ရှိလာပြီး လူ့လောကကောင်းကျိုးကိုမှ မဆောင်ရွက်ရင် လူသားပီသတဲ့လူ မဖြစ်နိုင်ပါဘူး။
ကမ္ဘာတစ်လွှား ဘယ်နိုင်ငံကိုပဲကြည့်ကြည့် သန့်ရှင်းရေး အလုပ်သမားကနေ သမ္မတကြီးအထိ လူမှန်လျှင် လူ့တာဝန်ဝတ္တရားတွေကို မသွေမတိမ်း ထမ်းဆောင်ရမှာပါ။ ဟိုးရှေးရှေးတုန်းက လူသားတွေက လူ့လောကကြီး အကျိုးရှိရာ အကျိုးရှိကြောင်းကို ဆောင်ရွက်ခဲ့ကြလို့ ယနေ့ခေတ်လူသားတွေမှာ အဆင်ပြေပြေ လွယ်လွယ်ကူကူ သက်တောင့်သက်သာ သွားလာလှုပ်ရှားနိုင်ခဲ့ကြပါတယ်။
သိပ္ပံပညာရှင်များက လူသားတွေအတွက် အကျိုးရှိစေမည့် လျှပ်စစ်မီးတွေ၊ အင်ဂျင်စက်တွေ၊ ကား ရထား လေယာဉ်တွေ စသည် စသည် တီထွင်ဖန်တီးခဲ့ကြလို့ နောက်လာနောက်သား ခေတ်လူများဟာ အရာရာတိုင်းမှာ လွယ်လင့်တကူ ချောချောမွေ့မွေ့ သက်တောင့်သက်သာ လျှင်လျှင်မြန်မြန် သွားလာလှုပ်ရှား နိုင်ခဲ့ကြတယ်။ ကောင်းကျိုးချမ်းသာများနှင့် ပြည့်စုံခဲ့ကြတယ်။
လူ့လောကကောင်းကျိုးကို လိုလားကြတဲ့ ပညာရှင်တွေက လူ့လောကကောင်းကျိုးအတွက် စက်ပစ္စည်း အမျိုးမျိုး တီထွင်ကြံဆပြီး လူ့လောကကြီးမှာ သူတို့အတွက် သမိုင်းမှတ်တိုင်တွေ စိုက်ထူထားခဲ့ကြတယ်။ မြန်မာပြည်ဖွား နိုင်ငံသားတို့ကကော သင်တို့မွေး ဖွားရာဒေသမှာ မှတ်မှတ်ရရ ကောင်းကျိုးပြုခဲ့ကြပြီးပြီလား။ ကိုယ့်တိုင်းပြည်နဲ့ ကိုယ့်လူမျိုးအတွက် အုဋ္ဌ်တစ်ချပ် သဲတစ်ပွင့်ပဲဖြစ်ဖြစ် မှတ်မှတ်ရရ ကောင်းကျိုးတစ်ခုခု ပြုခဲ့မှသာ သမိုင်းပေးတာဝန်ကျေသူ လူသားဆန်သူ ဖြစ်ပါလိမ့်မယ်။
သင်၏မျိုးသား စာစကားလည်း ကြီးပွားတက်မြင့် ကျန်ကောင်းသင့်၏-တဲ့။ ကိုယ့်ဘာသာစကား ကိုယ့်ယဉ်ကျေးမှုဆိုတာကလည်း တကောင်းခေတ်၊ ပျူခေတ်၊ ပုဂံခေတ်တွေကနေ စပြီး အစဉ်အဆက် ထွန်းကားလာခဲ့တာပါ။ ယခုခေတ်ရောက်မှ အခြားဘာသာစကားတွေကို မသင်ရင်မဖြစ်လို့ သင်ကြားရာကနေ ကိုယ့်ဘာသာစကားကို တန်ဘိုးထားရကောင်းမှန်းမသိတဲ့ အဖြစ်သို့ ရောက်ရှိနေခဲ့ပါပြီ။ အထူးသဖြင့် နိုင်ငံရပ်ခြား တိုင်းတစ်ပါးကိုရောက်နေတဲ့ အချို့မြန်မာများနှင့် သူတို့ကနေ ပေါက်ဖွားလာကြတဲ့ မျိုးဆက်သစ် တွေမှာ မြန်မာစာနဲ့ပတ်သက်လို့ တော်တော်လေးကို အားနည်းလာတာကို တွေ့နေရပါတယ်။ ဒို့တော့ကွာ မြန်မာစကားကို မေ့တေ့တေ့တောင်ဖြစ်နေပြီလို့ ပြောရတာကိုပဲ တစ်လွဲဆံပင်ကောင်း ဂုဏ်ယူ နေကြပါ သေးတယ်။ မြန်မာလူမျိုးဖြစ်ပြီး မြန်မာစကား မြန်မာစာကို ကောင်းကောင်းမပြော တတ်တာကမှ ရှက်စရာကောင်းတာပါ။ ကိုယ်တိုင်ကမှ မြန်မာလိုကောင်းကောင်းမတတ်ရင် ကိုယ့်မျိုးဆက်သစ်တွေကို မြန်မာလို ကောင်းကောင်းရေးတတ် ဖတ်တတ်အောင် ဘယ်လိုသင်မလဲ။ ဒီလိုနဲ့ ဘာသာစကားကော လူမျိုးကောဟာ တိမ်ကောပပျောက်ကုန်တော့ဖို့ပဲ ရှိပါတော့တယ်။ ဆရာ ဇော်ဂျီတို့ဖြစ်စေချင်တဲ့ ကိုယ့်ယဉ်ကျေးမှု ကိုယ်ဘာသာစကား တိုးတက်ထွန်းကားဖို့ မျိုးချစ်လူငယ်တွေကတော့ အစွမ်းကုန်ကြိုးစား နေကြပါတယ်။
သင်ဦးချ၍ အမျှဝေရာ စေတီသာနှင့် သစ္စာအရောင် ဉာဏ်တန်ဆောင်လည်း ပြောင်လျှက်ဝင်းလျှက် ကျန်စေသတည်း-တဲ့။ ဟုတ်တယ် ငါတို့ ဘိုးဘွားဘီဘင်လက်ထက်က ရွာဦးထိပ်မှာ ကျောင်းကန်ဘုရားစေတီ တွေ အစဉ်အဆက် တည်ထားကိုးကွယ်ခဲ့ကြတယ်။ အမှတ်တရ သမိုင်းမှတ်တိုင်တစ်ခု စိုက်ထူထားတဲ့ နေရာ တိုင်းမှာ စေတီပုထိုး တန်ခိုးကြီးဘုရားတွေ တည်ထားကိုးကွယ်ခဲ့ကြတယ်။ တော တန်းတောင်တန်း မြစ်ကမ်း တစ်လျှောက် မြင်သာတဲ့နေရာတိုင်းမှာ စေတီပုထိုးတော်များဖြင့် နိုင်ငံတော်ကို အလှဆင်ခဲ့ကြတယ်။
အဲဒီလို စေတီပုထိုးတွေ တည်ထားကိုးကွယ်တဲ့အတွက် ငါတို့တိုင်းပြည်နဲ့ ငါတို့လူမျိုးအတွက် ဘာအကျိုးထူးသလဲလို့ မေးစရာရှိပါတယ်။ မြင့်မြတ်တဲ့နေရာတိုင်းမှာ တည်ထားကိုးကွယ်တဲ့ စေတီပုထိုးတွေကို ဘဝအတွက် ရုန်းကန်လှုပ်ရှားသွားလာနေတဲ့ လူသားတွေအတွက် စိတ်ထဲကနေမှန်းဆ ရှိခိုးပူဇော်နိုင်တယ်။ အဲဒီလို ရှိခိုးပူဇော်ခြင်းဖြင့် စိတ်နှလုံးချမ်းမြေ့ပြီး အစစအရာရာ အဆင်ပြေနိုင်တယ်။ ဗုဒ္ဓဘာသာ တိုင်းပြည်ဖြစ်တဲ့အတွက် မြတ်ဗုဒ္ဓ၏ အဆုံးအမ သာသနာတော်နှင့်အညီ တပည့်သား သံဃာတော်တွေက သူတော်ကောင်းတရားထွန်းကားအောင် တပည့်အဆက်ဆက်သို့ သင်ကြားပို့ချပေးခဲ့ကြတယ်။ ဒကာ ဒကာမတွေကို ဟောပြောဆုံး မပြီး လူသားတွေရဲ့ နှလုံးသားထဲသို့ အရောက်ပို့ခဲ့ကြတယ်။
ငါတို့ ဘိုးဘွားဘီဘင်လက်ထက်ကထဲကနေ ယနေ့တိုင်အောင် ငါတို့လူမျိုးတွေဟာ မြတ်ဗုဒ္ဓ၏ အဆုံးအမနှင့်အညီ အေးအေးချမ်းချမ်း သာသာယာယာ နေထိုင်လာခဲ့ကြတာပါ။ မိဘဘိုးဘွားတွေကလည်း သားသမီးမြေးမြစ်တွေကို မြတ်ဗုဒ္ဓတရားတော်နှင့်အညီ သွန်သင်ဆုံးမ ဖေးမကူညီခဲ့ကြတယ်။ သားသမီးတွေ အရွယ်ရောက် လူလားမြောက်လို့ အိမ်ထောင်ကျသွားရင်တောင်မှ မိအိုဖအိုတွေက ငါတို့ရင် သွေးငယ်တွေကို ထိန်းကျောင်းပဲ့ပြင် သွန်သင်ဆုံးမ ငယ်စဉ်ကထဲက နှလုံးသားထဲကို သူတော်ကောင်းတရားတွေ ထည့်ပေး ခဲ့ကြတယ်။ ငါတို့ကလည်း ငါတို့ရဲ့ မိဘတွေကို အသက်ထက်ဆုံး ပြုစုစောင့်ရှောက်ခဲ့ကြတယ်။ တစ်ဦးနဲ့ တစ်ဦး ဖေးမကူညီ ချစ်ခင်တွယ်တာ မေတ္တာစမ်းရေ အဆက်မပြတ် တသွင်သွင်စီးဆင်းနေတဲ့ ငါတို့မိသားစု ငါတို့မြို့ရွာ ငါတို့နိုင်ငံဟာ ဘယ်လောက်အေးချမ်းခဲ့သလဲဆိုတာ အားလုံးသိကြမှာပါ။
ငါတို့ဟာ သားရေးသမီးရေး စီးပွားရေးအတွက် နေ့စဉ်နဲ့အမျှ လှုပ်ရှားရုန်းကန်နေရလို့ သံဃာတော်တွေက ငါတို့အတွက် တစ်ဖက်တစ်လမ်းက တရားတော်နှင့်အညီ ကူညီစောင့်ရှောက်ပေးခဲ့ကြတယ်။ ငါတို့ကလည်း ငါတို့ တတ်နိုင်တဲ့ဘက်က သံဃာတော်တွေကို ပစ္စည်းလေးပါးနဲ့ ပံ့ပိုးကူညီလှူဒါန်းသလို သံဃာတော်တွေဘက် ကလည်း ငါတို့စိတ်နှလုံး ငြိမ်းချမ်းသာယာအောင် တရားနည်းလမ်းတွေပေးခဲ့ကြတယ်။ အချိန်ရှိခိုက် လုံ့လစိုက် ပြီး အနှစ်သာရအရှိဆုံး ဝိပဿနာတရား ကြိုးစားအားထုတ်ဖို့ကိုလည်း လမ်းညွှန်တော်မူကြတယ်။ သစ္စာလေး ပါး မြတ်တရားကို ပိုင်းချားထင်ထင် သိမြင်အောင် ငါတို့ကို သွန်သင်ညွှန်ပြ ဆုံးမခဲ့ကြတယ်။
ငါတို့သေသွားခဲ့ရင် ငါတို့ဦးချ၍ အမျှဝေရာ စေတီသာနှင့် သစ္စာအရောင် ဉာဏ်တန်ဆောင်တွေဟာ ရှေးရိုးအစဉ်အလာအတိုင်း ပြောင် လျှက်ဝင်းလျှက် ကျန်ခဲ့ကြမှာလား။ ဒါမှမဟုတ် ရှေးကထက်ပိုပြီး တိုးတက် ထွန်းလင်းတောက်ပနေမှာလား။ သို့တည်းမဟုတ် တစ်ဖြည်းဖြည်းနဲ့ ဆုတ်ယုတ်ပျက်စီးသွားကြမှာလားဆိုတာ ကို သေသေချာချာ စဉ်းစားဝေဖန်သုံးသပ်ကြဖို့ လိုပါလိမ့်မယ်။
ငါတို့ဘိုးဘွားဘီဘင်လက်ထက်ကထဲက အစဉ်အလာကောင်းခဲ့တဲ့ ငါတို့ အမျိုးဘာသာသာသနာနဲ့ ငါတို့တိုင်းပြည်ကြီးကို ငါတို့ရဲ့ မျိုးဆက်သစ်တွေလက်ထဲကို ဝကွက်အပ်ထားခဲ့ရမှာပါ။ ဒီတော့ ငါတို့မျိုးဆက် သစ်တွေဟာ အရာရာတိုင်းမှာ ထူးချွန်ထက်မြက်သော လူတော်လူကောင်းတွေဖြစ်ဖို့၊ ငါတို့တိုင်းပြည်နဲ့လူမျိုး ဘာသာသာသနာကို သစ္စာရှိရှိ ချစ်မြတ်နိုးသူတွေဖြစ်ဖို့ အထူးလိုအပ်ပါတယ်။
အဲဒီလို မျိုးဆက်သစ်တွေ အများကြီး မွေးထုတ်ပေးနိုင်မှသာ ငါတို့ ဘိုးဘွားဘီဘင်လက်ထက် အစဉ်အလာမပျက် တည်ထားကိုးကွယ် ခဲ့ကြတဲ့ စေတီပုထိုးတွေ ကျောင်းကန်ဘုရားတွေဟာ အစဉ်အဆက် တိုးတက်ထွန်းလင်းတောက်ပနေမှာပါ။ ရှေးကထက်ပိုပြီး ဆန်းပြား ခမ်းနားတဲ့ စေတီပုထိုးတွေ ကျောင်းကန် ဘုရားတွေလည်း အများကြီးပေါ်ပေါက် လာဦးမှာပါ။ ငါတို့ နိုင်ငံကြီးကိုလည်း ဗုဒ္ဓတရားတော်နှင့်အညီ ချမ်းမြေ့သာယာ ဖွံ့ဖြိုးတိုးတက်အောင် ကြိုးစားဆောင်ရွက်နေကြမှာပါ။
အဲဒီလို သားစဉ်မြေးဆက် လက်ဆင့်ကမ်းနည်းစနစ်ဖြင့် တစ်ခေတ်ထက်တစ်ခေတ် ပို၍ပို၍ တိုးတက်ကောင်းမွန်လာသော စေတီပုထိုး တိုင်းပြည်နဲ့လူမျိုးတွေ ဖြစ်လာအောင် ငါတို့အားလုံးက ဝိုင်းဝန်းကြိုးစားကြပါစို့-ဟု တိုက်တွန်းရင်း…။
Ref: မိုးမခ
Posts
