ကိုသားညွန့်ဦး
17.05.2013
မြန်မာနိုင်ငံတွင်းက ပြုပြင်ပြောင်းလဲရေးလုပ်ငန်းတွေ ပိုပြီးအားကောင်းလာဖို့နဲ့ အစိုးရ အုပ်ချုပ်မှု အပါအ၀င် အရပ်ဖက် လူမှု အဖွဲ့အစည်းတွေရဲ့ စွမ်းရည်မြင့်တက် လာဖို့အတွက် အမေရိကန်ပြည်ထောင်စု အနေနဲ့ အကူအညီအထောက်အပံ့တွေ ပေးသွားဖို့ ရှိနေပါတယ်။ မြန်မာနိုင်ငံတွင်း လက်ရှိ ပြုပြင်ပြောင်းလဲရေး လုပ်ငန်းတွေမှာ စိန်ခေါ်ချက်တွေ ရှိနေပြီး၊ အဲဒီအထဲ အောက်ခြေပိုင်းမှာ ပြုပြင်ပြောင်းလဲရေး အတွက် လိုအပ်ချက်တွေ ရှိနေတယ် လို့လည်း အမေရိကန် တာဝန်ရှိသူတွေက ယူဆပါတယ်။ အကြောင်းစုံကို ကိုသားညွန့်ဦးက တင်ဆက်ပေးမှာပါ။
မြန်မာနိုင်ငံမှာ လာမယ့် ၂၀၁၅ ရွေးကောက်ပွဲ လွတ်လပ်မျှတဖို့ အပြင် ပြုပြင်ပြောင်းလဲရေး လုပ်ငန်းတွေ ပိုပြီး ခိုင်မာ အားကောင်း လာဖို့နဲ့ အခြားတဖက်မှာ တိုင်းပြည်တွင်း စီးပွားရေး လူမှုရေး လူမှု အကြပ်အတည်းတွေကို ဖြေရှင်း ကူညီနိုင်ဖို့ အမေရိကန်ပြည်ထောင်စု အနေနဲ့ မြန်မာနိုင်ငံကို အထောက်အပံ့တွေ ပေးသွားဖို့ ပြင်ဆင်ထားတယ်လို့ အမေရိကန် တာဝန်ရှိသူတွေ ပြောသွားတာပါ။
မနေ့တုန်းက အမေရိကန်အောက်လွှတ်တော်မှာပြုလုပ်တဲ့ ၂၀၁၄ ခုနှစ်အတွက် အရှေ့အာရှရေးရာ အသုံးစရိတ်ဆိုင်ရာ ကြားနာပွဲပြုလုပ်ရာမှာ အမေရိကန်ပြည်ထောင်စုရဲ့ အရှေ့အာရှဆိုင်ရာ ယာယီလက်ထောက်နိုင်ငံခြားရေးဝန်ကြီး Joseph Yun နဲ့ အမေရိကန်ပြည်ထောင်စုရဲ့ နိုင်ငံတကာအကူအညီပေးရေးအဖွဲ့ USAID ရဲ့ အာရှဒေသဆိုင်ရာ လက်ထောက်အုပ်ချုပ်ရေးမှုး Nisha Biswal တို့ ထွက်ဆိုကြရာမှာ မြန်မာနိုင်ငံနဲ့ပတ်သက်လို့ အကူအညီပေးရေးကိစ္စတွေကို ဖြေရှင်းချက် ပေးသွားကြတာဖြစ်ပါတယ်။ မြန်မာနိုင်ငံတွင်းက ပြုပြင်ပြောင်းလဲမှုတွေအတွက် အဓိကထားပြီး အကူအညီတွေပေးသွားမှာဖြစ်တယ်လို့ ယာယီလက်ထောက်နိုင်ငံခြားရေးဝန်ကြီး ဂျိုးဇက် ယွန်းက ပြောပါတယ်။
“မြန်မာနိုင်ငံတွင်းက သမိုင်းဝင် နိုင်ငံရေးနဲ့စီးပွားရေးအသွင်ကူးပြောင်းမှုတွေကို အမေရိကန်ပြည်ထောင်စုအနေနဲ့ ထောက်ခံအားပေးနေပါတယ်။ တရားဥပဒေစိုးမိုးရေး၊ လူ့အခွင့်အရေးလေးစားလိုက်နာမှုရှိလာရေး၊ လူ့အဖွဲ့အစည်း အားကောင်းခိုင်မာလာရေး၊ မြန်မာပြည်သူတွေအတွက် ပွင့်လင်းမြင်သာပြီး တာဝန်ခံမှုရှိတဲ့ အစိုးရအုပ်ချုပ်မှုဖြစ်လာစေရေးအတွက် အဓိကထားရည်ရွယ်ပြီး ကူညီဆောင်ရွက်နေပါတယ်။”
အာရှ ပစိတ်ဖိတ်ဒေသတွင်း ဒီမိုကရေစီဖွံဖြိုး တိုးတက်လာရေးအတွက် ဆိုတဲ့ ခေါင်းစဉ်အောက်မှာ မြန်မာနိုင်ငံတွင်းက နိုင်ငံရေးစီးပွားရေးပြုပြင်ပြောင်းလဲမှုတွေကို အထောက်အကူပေးရေးကို အဓိက အလေးပေးဆောင်ရွက် သွားမယ်လို့ မစ္စတာယွန်းက ပြော ပါတယ်။ နိုင်ငံခြားရေးဌာနရဲ့ အရှေ့အာရှဒေသအတွက် ပြီးခဲ့တဲ့ ၂၀၁၂ ဘဏ္ဍာရေးအသုံးစရိတ်ထက်၊ အခု ၂၀၁၄ ခုနှစ် အသုံးစရိတ်မှာ ၇.၁ ရာခိုင်နှုန်း လွှတ်တော်ကို တိုးမြင့် တောင်းခံထားတာပါ။ USAID က Ms.Biswal ကတော့ လက်ရှိ အပြောင်းအလဲမှာ ထိပ်ပိုင်းမှာ နိုင်ငံရေးအရ ပိုင်းဖြတ်ချက်ရှိရှိ ဆောင်ရွက်တာကို တွေ့ရပေမယ့်၊ အောက်ခြေပိုင်းမှာ လိုအပ်ချက်တွေ ရှိနေတာကြောင့် ဒီအတွက် လိုအပ်သလို အကူအညီတွေပေးဖို့လိုမယ်လို့ မြင်ပါတယ်။
“ကျန်နေတဲ့ အဓိကကျတဲ့ စိန်ခေါ်ချက်တခုကတော့ ထိပ်ပိုင်းမှာ အပြောင်းအလဲအတွက် စိတ်ဆန္ဒပြင်းပြပြီး၊ လုပ်နိုင်စွမ်းရည်တွေလည်း ရှိနေပေမယ့်လို့၊ အောက်ခြေပိုင်းမှာ တော်တော်လေး ပြဿနာတစုံတရာရှိပါသေးတယ်။ ဒီအခြေအနေတွေကို စောင့်ကြည့်ြ့ပီးတော့၊ လုပ်နိုင် စွမ်းရည်တွေကို မြင့်တင်ပေးဖို့လိုပါတယ်။”
USAID အနေနဲ့ အကူအညီတွေပေးဖို့ သုံးသပ်စဉ်းစားတဲ့နေရာမှာ သမတအိုဘားမားရဲ့ ရန်ကုန်ရောက်တုန်း မြန်မာနိုင်ငံဆိုင်ရာ ပြောကြားချက် မူဝါဒကို အခြေခံပြီးဆောင်ရွက်သွားမယ်လို့ ပြောပါတယ်။ ဒီနေရာမှာတော့ အစိုးအုပ်ချုပ်ရေးပိုင်းကိုရော အောက်ခြေ လူမှုအဖွဲ့အစည်းတွေနဲ့ နိုင်ငံရေးပါတီတွေကိုပါ အကူအညီပေးနိုင်ဖို့ ပြင်ဆင်နေတယ်လို့ Ms. Biswal က ပြောပါတယ်။
“ပြီးခဲ့တဲ့နှစ် နိုဝင်ဘာလ သမ္မတအိုဘားမား မြန်မာပြည် သွားတုန်းက မြန်မာနိုင်ငံနဲ့ အမေရိကန်ပြည်ထောင်စုကြားမှာ ဒီမိုကရေစီရေး၊ ငြိမ်းချမ်းရေးနဲ့ ဖွံဖြိုးတိုးတက်မှုတွေအတွက် လက်တွဲဆောင်ရွက်မယ် ဆိုပြီး ကြေညာခဲ့ပါတယ်။ ဒီ မူဝါဒကိုအခြေခံပြီး ကျမတို့ ဆောင်ရွက်နေတာပါ။ အဲဒီအတွက် မြန်မာနိုင်ငံဖက်က နိုင်ငံရေးအရ စိတ်ပိုင်းဖြတ်မှုနဲ့ အတူ ပြုပြင်ပြောင်းလဲမှု လုပ်ငန်းစဉ်တွေ လုပ်ဖို့ လိုပါတယ်။ ဒီအတွက် လုပ်နိုင်စွမ်းရည်တွေရှိလာဖို့ အမေရိကန်ပြည်ထောင်စုဖက်က နည်းနာဆိုင်ရာ အကူအညီတွေ ပေးပါတယ်။ အရေးကြီးတဲ့ အစိုးရအုပ်ချုပ်မှုပိုင်းက လုပ်နိုင်စွမ်းရည်တွေ မြင့်တက်လာဖို့ ကူညီရုံတင်မဟုတ်ပဲ၊ အရပ်ဖက်လူမှုအဖွဲ့အစည်းတွေနဲ့ အစိုးရမဟုတ်တဲ့ အသင်းအပင်း အဖွဲ့အစည်းတွေမှာ စွမ်းရည်မြင့်တက်လာဖို့လည်း ကူညီမှာပါ။ ဒီအတွက် ကူညီဆောင်ရွက်သွားရမယ့် လုပ်ငန်းစဉ်တွေကို ချမှတ်ရေးဆွဲနေပါတယ်။ ဒါကြောင့် လက်ရှိ ပြုပြင်ပြောင်းလဲရေးလုပ်ငန်းတွေကို ဘယ်လို ကူညီနိုင်မလဲ၊ စွမ်းရည်မြင့်လုပ်ငန်းတွေကို ဘယ်လို လုပ်နိုင်မလဲဆိုတာကို သုံးသပ်ပြင်ဆင်နေပါတယ်။ နိုင်ငံရေးပါတီတွေပဲဖြစ်ဖြစ်၊ တရားရေးစနစ်နဲ့ ဥပဒေစိုးမိုးမှု ခိုင်မာအာေးကာင်းလာဖို့ပဲဖြစ်ဖြစ် နည်းနာဆိုင်ရာအကူအညီတွေ ပေးသွားမှာပါ။”
မြန်မာနိုင်ငံက လက်ရှိ အပြောင်းအလဲတွေနဲ့ပတ်သက်လို့ လွှတ်တော် အမတ်တွေက မေးမြန်းကြရာမှာတော့ ယာယီလက်ထောက်နိုင်ငံခြားရေးဝန်ကြီး ဂျိုးယွန်းက မြန်မာနိုင်ငံအပြောင်းအလဲအတွက် တွန်းအားဖြစ်စေခဲ့တဲ့ အချက်နှစ်ချက်ရှိမယ်လို့ သူ့အမြင်ကို အခုလို ပြောသွားပါတယ်။
“မြန်မာနိုင်ငံဟာ မိမိဖာသာ ပြောင်းလဲမှုလုပ်လာတဲ့ကိစ္စမှာ အခြေခံအားဖြင့် အကြောင်း နှစ်ချက်ရှိမယ်လို့ ကျနော် ယူဆပါတယ်။ တချက်ကတော့ နိုင်ငံရေးစီးပွားရေးနောက်ကျကျန်ခဲ့တဲ့အခြေအနေပါ။ သူ့ပတ်ဝန်းကျင်နိုင်ငံတွေမှာ ရှိနေသလို စီးပွားရေးအလားအလာကောင်းတွေ ဆုံးရှုံးနေတယ်လို့ သူ သဘောပေါက်လာပုံရပါတယ်။ ဒုတိယအချက်ကတော့ ဆယ်စုနှစ်တွေနဲ့ချီပြီး သူဟာ နိုင်ငံရေးအရ အထီးကျန်ခဲ့ ပါတယ်။ ခေါင်းဆောင်မှုပြောင်းလဲလာတဲ့အချိန်မှာပဲ သူတို့အနေနဲ့ အဲလို အထီးကျန်နေတာမျိုး ဆက်မဖြစ်သင့်တော့ဘူးလို့ ဆုံးဖြတ်လိုက်ပုံရပါတယ်။ ဒီနှစ်ချက်ကြောင့် ပြောင်းလဲမှုတွေလုပ်လာတယ်လို့ ယူဆပါတယ်။”
အမေရိကန်ပြည်ထောင်စုအနေနဲ့ မြန်မာနိုင်ငံနဲ့ပတ်သက်လို့ အခုလို အကူအညီပေးရေးတွေ တိုးမြင့်ဆောင်ရွက်ဖို့ရှိနေသလိုပဲ၊ အခြားတဖက်မှာလည်း စီးပွားရေးအရ ပူးပေါင်းဆောင်ရွက်မှုတွေ တိုးမြင့်မှုတွေ လုပ်လာပါတယ်။ အမေရိကန်ပြည်ထောင်စုက ယခင် မြန်မာနိုင်ငံအပေါ် အရေးယူဒဏ်ခတ်ချက် အတော်များများကို ယာယီဆိုင်းငံထားပြီး၊ အမေရိကန် ရင်းနှီးမြုပ်နှံမှုတွေ မြန်မာနိုင်ငံမှာ လုပ်နိုင်ဖို့လည်း နိုင်ငံခြားရေးဌာနက ကမကထ လုပ်ပေးတာတွေ အတော်များများတွေ့ရပါတယ်။ မြန်မာသမ္မတ ဦးသိန်းစိန်ဟာလည်း မကြာခင် ရက်ပိုင်းအတွင်းမှာ ၀ါရှင်တန်ဒီစီကို လာရောက်ဖို့ရှိပြီး သမ္မတအိုဘားမားနဲ့ လာမယ့် တနင်းလာနေ့မှာ တွေ့ဆုံမှာဖြစ် ပါတယ်။ အဲဒီ ခရီးစဉ်အတွင်းမှာလည်း နှစ်နိုင်ငံ ပူးပေါင်းဆောင်ရွက်မှုတွေ အထူးသဖြင့် စီးပွားရေးအရ လက်တွဲဆောင်ရွက်နိုင်မယ့် အခွင့်အလမ်းတွေ ကို ဆွေးနွေးကြလိမ့်မယ် လို့ မျှော်လင့်ရပါတယ်။
Ref: VOA News
Friday, May 17, 2013
မြန်မာပြုပြင်ပြောင်းလဲရေး အမေရိကန်ထောက်ပံ့ကူညီမည်
ဒေါ်အောင်ဆန်းစုကြည် ကော့မှူးကိုသွားရောက်
2013-05-16
အမျိုးသားဒီမိုကရေစီအဖွဲ့ချုပ် NLD ဥက္ကဌ ဒေါ်အောင်ဆန်းစုကြည်ဟာ သူရဲ့ရွေးကောက်ခံ နယ်မြေ ကော့မှူးမြို့ကို ဒီကနေ့ မနက်ပိုင်းက သွားရောက် ခဲ့ပါတယ်။
အဲဒီလို သွားခဲ့ရာမှာ ဒေါ်အောင်ဆန်းစုကြည်ဟာ ကော့မှူးမြို့နယ်ဒေသခံတွေ ရဲ့ အခက် အခဲတွေနဲ့ လိုအပ်ချက်တွေကို ကူညီဖြေရှင်းပေးဖို့ အတွက် ဒေသခံတွေနဲ့ တွေ့ဆုံစကားပြောခဲ့ပါတယ်။
NLD ဥက္ကဌ ဒေါ်အောင်ဆန်းစုကြည်ဟာ ကော့မှူးမြို့နယ် အမျိုးသား ဒီမိုကရေစီ အဖွဲ့ချုပ် ရုံးကိုလည်း သွားရောက်ပြီး ပါတီဝင်တွေနဲ့တွေဆုံကာ ပါတီရေးရာ ကိစ္စရပ်တွေကိုဆွေးနွေး ခဲ့ပါတယ်။
ဆက်လက်ပြီး ကော့မှူးမြို့နယ် ပြန်ကြားရေးနဲ့ ပြည်သူ့ဆက်ဆံရေးရုံးမှာ ဖွင့်လှစ် ထားတဲ့ စာကြည့်တိုက်ကို သွား ရောက်ကြည့်ရှု ခဲ့ပါတယ်။
ဒီကနေ့ ခရီးစဉ်အတွင်း ကော့မှူးမြို့နယ်မှာရှိတဲ့ မြို့သစ် တောင်ချောင်လမ်းသစ်ဖောက်လုပ် ထားတဲ့ အခြေ အနေနဲ့ လက်ခုပ်ကျေးရွာမှာ ရှိတဲ့ အသစ်ပြုပြင်ထားတဲ့ မူလတန်းကျောင်းကိုလည်းသွားရောက် ကြည့်ရှုခဲ့ပါတယ်။
Ref: RFA News
မြန်မာ တရုတ် စွမ်းအင်ပိုက်လိုင်း စီမံကိန်း စက်ရုံ ယူနန် ဒေသခံတွေ ထပ်မံ ဆန္ဒပြ
2013-05-16
မြန်မာနိုင်ငံ ရခိုင်ပြည်နယ်ကနေ တရုတ်နိုင်ငံ ယူနန်ပြည်နယ်ကို ပိုက်လိုင်းတွေက တဆင့် ရောက်ရှိ လာတဲ့ ရေနံ နဲ့ သဘာဝ ဓါတ်ငွေ့တွေကို သိုလှောင် ချက်လုပ်ဖြန့်ဖြူးမယ့် စက်ရုံနဲ့ ပတ်သက်ပြီး ကူမင်းမြို့ခံ နှစ်ထောင်ကျော်က တစ်လ အတွင်း ဒုတိယအကြိမ် အဖြစ် မနေ့က ဆန္ဒပြခဲ့ကြပါတယ်။
အမေရိကန်ဒေါ်လာ သန်းသုံးထောင် လောက်ကုန်ကျခဲ့တဲ့ အဲဒီစက်ရုံကို လွန်ခဲ့တဲ့ (၈) နှစ် လောက် ကတည်းက တရုတ် အစိုးရပိုင်ရေနံ ကုမ္ပဏီက တည်ဆောက်ခဲ့ပြီး၊ အခုလကုန်ပိုင်းမှာ စတင် လည်ပတ်တော့မှာ ဖြစ်ပါတယ်။
ဒေသစီးပွားရေးဖွံ့ဖြိုးရေးထက် သဘာဝပတ်ဝန်းကျင်ထိခိုက်မှာကိုစိုးရိမ်တဲ့အတွက် ဆန္ဒပြကြတာ ဖြစ်ကြောင်း ဒေသခံတွေက ပြောပါတယ်။
ဆန္ဒပြသူတွေထဲက နှစ်ဦးကို အာဏာပိုင်တွေက ခေတ္တထိန်းသိမ်းခဲ့ပေမဲ့၊ ဆန္ဒပြပွဲကိုတော့ မပိတ်ပင်ခဲ့ဘူးလို့ မျက်မြင်တွေက ပြောပါတယ်။
ကူမင်းမြို့ ဒုတိယမြို့တော်ဝန်က ဆန္ဒပြသူတွေနဲ့ တွေ့ဆုံပြီး စက်ရုံအကြောင်း ရှင်းပြဖို့ ကြိုးစား ခဲ့ပေမယ့် အဆင်မပြေခဲ့ဘူးလို့ ဆိုပါတယ်။
ဒီစက်ရုံကို သဘာဝ ပတ်ဝန်းကျင်ထိခိုက်မှု မရှိအောင် စံချိန်စံညွှန်းတွေနဲ့ အညီဆောင်ရွက်ထားသလို၊ ဒေသတွင်းစီးပွားရေးလည်း တိုးတက်လာမှာဖြစ်တယ်လို့ အာဏာပိုင်တွေကပြောပါတယ်။
ဒါပေမဲ့ ဆန္ဒပြဒေသခံတွေကတော့ သူတို့အနေနဲ့ စီးပွားရေးတဟုန်ထိုး တိုးတက်တာထက်၊ ပတ်ဝန်းကျင် စိမ်းလန်းစိုပြေသာယာပြီး ငြိမ်းချမ်းတဲ့လူ့ဘောင်ကိုသာ လိုချင်တယ်လို့ ပြောကြပါတယ်။
ဆန္ဒပြပွဲကို ရဲတပ်ဖွဲ့က စောင့်ကြည့်ရုံသာကြည့်ခဲ့ပေမဲ့၊ အစိုးရ ဝန်ထမ်းတွေအနေနဲ့ ဆန္ဒပြပွဲမှာမပါဝင်ဖို့နဲ့ ဒီကိစ္စကိုကျယ်ပြန့်အောင်မလုပ်ဖို့ သတိပေးထားတယ်လို့ သိရပါတယ်။
မြန်မာ တရုတ် ရေနံနဲ့ သဘာဝဓါတ်ငွေ့ပိုက်လိုင်းစတင်တဲ့ ရခိုင်ပြည်နယ်၊ ကျောက်ဖြူ မြို့နယ် မဒေးကျွန်း မှာလည်း ပိုက်လိုင်းစီမံကိန်းအပေါ် ကန့်ကွက်ဆန္ဒပြခဲ့ကြတဲ့ ခေါင်းဆောင်တွေကို အာဏာပိုင်တွေက တရားစွဲဆိုထားပါတယ်။
Ref: RFA News
ဘာသာရေးနှင့် တိုင်းရင်းသား ပဋိပက္ခများ ဖြေရှင်းရန် သမ္မတ နှစ်ဦး ဆွေးနွေးမည်
မျိုးသန့်
ကြာသပတေးနေ့၊ မေလ ၁၆ ရက် ၂၀၁၃
ရန်ကုန် (မဇ္ဈိမ)။ ။ သမ္မတ ဦးသိန်းစိန်၏ အမေရိကန် ခရီးစဉ်အတွင်း ဒီမိုကရေစီ အရေး၊ တိုင်းရင်းသား ရေးရာနှင့် ဘာသာရေးဆိုင်ရာ ကိစ္စရပ်များ အပါအဝင် အချက် လေးချက်ကို သမ္မတ အိုဘားမားနှင့် ဆွေးနွေးပြီး အမေရိကန်နိုင်ငံက ကူညီဖြေရှင်းနိုင်ရန် မျှော်လင့်သည်ဟု အိမ်ဖြူတော်မှ မေလ ၁၄ ရက်နေ့တွင် သတင်းထုတ်ပြန်သည်။
“မြန်မာနိုင်ငံ၌ ဒီမိုကရေစီ ဖွံ့ဖြိုးရေး၊ ဘာသာရေးနှင့် တိုင်းရင်းသားရေး ဆိုင်ရာ တင်းမာမှုများ ဖြေရှင်းရေး၊ ပြည်သူများ အတွက် စီးပွားရေး အခွင့်အလမ်းများ ဆောင်ကြဉ်းရေး စသည့် ကျန်ရှိနေသော စိန်ခေါ်မှု များနှင့် စပ်လျဉ်း၍ သမ္မတ ဦးသိန်းစိန်နှင့် ဆွေးနွေးနိုင်ရန် အမေရိကန် ပြည်ထောင်စုအနေဖြင့် မည်သို့ကူညီနိုင်မည် ကို ညှိနှိုင်းရှာဖွေရန် မျှော်လင့်ထားသည်” ဟု ထုတ်ပြန်ချက်တွင် ရေးသားထားသည်။
မြန်မာ သမ္မတ၏ အိမ်ဖြူတော်ခရီးစဉ်သည် ပြုပြင်ပြောင်းလဲရေး ဆောင်ရွက်ချက်များကို ထောက်ခံမှုပေးရန်နှင့် အကူအညီပေးရန် လိုလားမှုကို အထင်အရှားပြသနေသည်ဟုလည်း ထုတ်ပြန်ချက်တွင် ရေးသားထားသည်။
ဦးသိန်းစိန်၏ အမေရိကန် ခရီးစဉ်နှင့်ပတ်သက်၍ ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်က အကောင်းမြင်လျက်ရှိပြီး အမေရိကန်၏ မြန်မာနိုင်ငံအပေါ် ကူညီနိုင်မှုကိုလည်း မျှော်လင့်လျက်ရှိသည်။
“အကျိုးသက်ရောက်မှုက အင်မတန် များပါတယ်။ ကျနော်တို့တိုင်းပြည်အတွက်ဆိုရင် အရေးယူ ပိတ်ဆို့မှုတွေ ကျန်ရှိနေသေးပေမယ့် ဒီမှာ ထိရောက်တဲ့ အကုအညီတွေကို ပညာရေး၊ ကျန်းမာရေး၊ လမ်းပန်း ဆက်သွယ်ရေးတွေမှာ ကျနော်တို့ဆီကို အမေရိကန်လို နိုင်ငံမျိုးက ဘယ်လောက် ကူညီနိုင်မလဲဆိုတာ ပြည်သူတွေက လက်တွေ့ကျကျ တုန့်ပြန်ထားတယ်” ဟု မဇ္ဈိမကို ပြောသည်။
အမျိုးသားဒီမိုကရေစီအဖွဲ့ချုပ် NLD ၏ နာယက တဦးဖြစ်သူ ဦးဝင်းတင် ကလည်း ဦးသိန်းစိန် အနေဖြင့် အိုဘားမားနှင့်တွေ့ဆုံစဉ် မြန်မာနိုင်ငံ၏ အရေးကိစ္စအားလုံးကို ပွင့်လင်းစွာ ဆွေးနွေးစေလိုကြောင်း ထောက်ပြ အကြံပြုသည်။
“အစိုးရက နေပြီးတော့ ဘယ်လောက်ပဲ ဖုံးဖိ၊ ဒါတွေက ရှေ့ဖုံးနောက်ဖိ ဖြစ်နေတယ်။ နိုင်ငံရေးမှာ အခြေခံ ဥပဒေပြင်ဆင်ရေး ကိစ္စ၊ တိုင်းရင်းသားအရေးလို ကိစ္စတွေဟာ ဒီနေ့ ဗမာပြည်မှာ အကြီးအကျယ် ဖြစ်ပေါ်နေတဲ့ ပြဿနာတွေ ဖြစ်တယ်။ ဖုံးဖိထားလို့ မရဘူး။ ပြောသင့်သလောက် ပြောရလိမ့်မယ်” ဟု ဝါရင့်သတင်းစာဆရာကြီး ဦးဝင်းတင် က ဆိုသည်။
မြန်မာနှင့် အမေရိကန် သမ္မတ နှစ်ဦးတို့သည် ကမ္ဘောဒီးယားနိုင်ငံတွင် တကြိမ်၊ အင်ဒိုနီးရှား နိုင်ငံတွင် တကြိမ်၊ မြန်မာနိုင်ငံတွင် တကြိမ် စုစုပေါင်း သုံးကြိမ်တိုင် တွေ့ဆုံခဲ့ဖူးသည်။
မြန်မာနိုင်ငံသည် အမေရိကန်အပါအဝင် အနောက်နိုင်ငံများနှင့် ဆယ်စုနှစ်များစွာအတွင်း အကောင်းဆုံး ဆက်ဆံရေးကို တည်ဆောက်နိုင်လာနေသော်လည်း အခြားတဖက်တွင် အိမ်နီးချင်း တရုတ်နိုင်ငံနှင့် ဆက်ဆံရေးကို သတိထား ကိုင်တွယ်သင့်ကြောင်း နိုင်ငံရေးလေ့လာသူများက သုံးသပ်သည်။
တရုတ် သတင်းစာ China Daily ကလည်း မြန်မာနိုင်ငံသည် အနောက်အုပ်စုနှင့် ပူးပေါင်းနေ သော်လည်း တရုတ်နှင့် ထိပ်တိုက်တွေ့မည့် လုပ်ရပ်များကိုမူ ရှောင်ကြဉ်မည်ဟု ယူဆကြောင်း ရေးသားခဲ့သည်။
Ref: မဇ္ဈိမ
တော်ဝင် သစ်အချောထည် စက်ရုံလုပ်သားများ မေလကုန်တွင် ရုံးထုတ်မည်
နေမျိုး
ကြာသပတေးနေ့၊ မေလ ၁၆ ရက် ၂၀၁၃
ရန်ကုန် (မဇ္ဈိမ)။ ။ ရန်ကုန်တိုင်း၊ ရွှေပြည်သာမြို့နယ် ‘တော်ဝင်’ သစ်အချောထည် စက်ရုံ လုပ်သား ၁၂ ဦး ဖမ်းဆီးခံထားရပြီး မေလကုန်ပိုင်းတွင် ရုံးထုတ်မည်ဖြစ်ကြောင်း သိရသည်။
အဖမ်းဆီးခံ စက်ရုံ လုပ်သားများထဲတွင် အမျိုးသမီး ၄ ဦး နှင့် အမျိုးသား ၈ ဦး ပါဝင်ကြောင်းနှင့် ထို အမှုတွဲတွင် ပါဝင်သူကို ကူညီ အားပေ အားမြောက်ပြုသူများ အဖြစ် စွပ်စွဲ ထားကြောင်း ၎င်း တို့၏ ရှေ့နေမှ ယနေ့ ညနေပိုင်း က မဇ္စျိမ သို့ ပြောသည်။
အထက်တန်းရှေ့နေ ဦးအောင်သူရိန်ထွန်း က “ရည်ရွယ်ချက်ရှိရှိ အိမ်ကျော်နင်းမှု၊ အမြင့်ဆုံးပြစ်ဒဏ် ၇ နှစ် အထိ ချမှတ် နိုင်ပါတယ်၊ အာမခံ ရနိုင်တဲ့ ပုဒ်မမျိုး မဟုတ်ကြောင်းနှင့် လက်ရှိ အချိန်မှာလည်း ဖမ်းဆီးထား ပါတယ်၊ ချုပ်မိန့်ဆိုတာ စုံစမ်းစစ်ဆေးလို့ မပြီးသေးလို့ ပေးတာဖြစ်တယ်လို့ ကျနော် ထုချေ တင်ပြပါတယ်၊ မပေးထိုက်ဘူးလို့ ကျနော် နားလည် သဘောပေါက်တယ်” ဟု အလုပ်သမားများ ဘက်မှ ခုခံချေပနေသည့် ရှေ့နေက ပြောသည်။
၂၀၁၂ ခုနှစ် ဒီဇင်ဘာလကုန်ပိုင်းက စက်ရုံအတွင်း လုပ်သမားများနှင့် ပြဿနာဖြစ်ပွား ခဲ့ပြီး အလုပ်ရှင် ဘက် မှ အမှုဖွင့် တိုင်းတန်း ခဲ့သည့် အမှုဖြစ်သည်။
အလုပ်သမားများဘက်မှလည်း အလုပ်ရှင်အား တပြိုင်နက် တည်းမှာလိုလို အပြန်အလှန် အမှုဖွင့်ခဲ့ကြောင်း သိရသော်လည်း ထိုအမှုနှင့်ပါတ်သက်၍ တစုံတရာ မသိရှိရသေးပေ။
မအိဇာဖြူ၊ မနော်ဖော့အယ်ဝါး၊ မမေသူနှင်း ၊ မ၀င်းဝင်းတင် တို့ဖြစ်ပြီး အသက်အရွယ်ကြီးသူ အမျိုးသမီး အချို့ ပါဝင်ကြောင်း သိရသည်။
အလုပ်သမားများ အရေးလိုက်ပါဆောင်ရွက်နေသူ မသက်သက်အောင် က “မေ ၁၄ ရက်နေ့ညကပဲလေ သူတို့က ဖမ်းတယ်။ ၁၅ ရက်နေ့မနက်မှာ ရုံးပြန်လာတယ်။ ယမန်ပဲပေးပြီးတော့ အင်းစိန်ထောင်ထဲ ရောက်သွားတယ်။ ၂ ပါတ်ပေါ့၊ မေ ၂၈ ရက်နေ့မှ ရုံးထုတ်မယ်” ဟု ပြောသည်။
တော်ဝင် သစ်အချောထည်စက်ရုံ၊ ရုံးချုပ်မှ တာဝန်ရှိသူ ဦးမြကြိုင် တရားလိုပြုလုပ် တိုင်တန်းသည့် အမှုဖြစ်ပြီး ထိုအမှုအား ရွှေပြည်သာမြို့ နယ် တရားသူကြီးမှာ ဦးစံသိန်း က စစ်ဆေး နေဆဲဖြစ်သည်။
ဆန္ဒပြ လုပ်သားများအနက်မှ ၁ဝ ဦးက၂၀၁၂ ခုနှစ်၊ နိုဝင်ဘာလက အဆိုပါစက်ရုံမှ လုပ်သား ၁၀ ဦး အစာငတ်ခံ ဆန္ဒပြခဲ့ကြပြီး ၂ ဦးမှာ ကျန်းမာရေး အခြေအနေဆိုးရွားခဲ့၍ ဆေးရုံသို့ တင်ပို့ခဲ့ရဖူးသည်။
Ref: မဇ္ဈိမ
အခြေခံဥပဒေကို NLD ပြင်လျှင် ကြံ့ခိုင်ရေးပါတီ ထောက်ခံမည် ဟု ဦးအောင်သောင်းပြော
သာလွန်ဇောင်းထက်
May 16, 2013
အမျိုးသား ဒီမိုကရေစီအဖွဲ့ချုပ် (NLD) ပါတီ၏ ဖွဲ့စည်းပုံ အခြေခံ ဥပဒေ ပြင်ဆင် လိုမှုသည် နိုင်ငံနှင့် ပြည်သူ့အကျိုး ရှိမည်ဆိုပါက ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) က ထောက်ခံသွားမည် ဖြစ်ကြောင်း ကြံ့ခိုင်ရေး ပါတီ၏ ခေါင်းဆောင် တဦးဖြစ်သူ ဦးအောင်သောင်းက ဧရာဝတီသို့ ပြောသည်။
လက်ရှိ အခြေအနေအရ NLD ပါတီနှင့် နှင့် ကြံ့ခိုင်ရေး ပါတီအကြား ယုံကြည်မှု တိုးတက်လျှက် ရှိနေကြောင်းလည်း သိရသည်။
စစ်အစိုးရ လက်ထက်တွင် သဘောထားတင်းမာသူဟု အများစုက သတ်မှတ် ခံခဲ့ရသော တောင်သာ မြို့နယ် ပြည်သူ့ လွှတ်တော် ကိုယ်စားလှယ်လည်းဖြစ်၊ ကြံ့ခိုင်ရေး ပါတီ၏ ဗဟို အလုပ်အမှုဆောင် တဦးလည်းဖြစ်သူ စက်မှု ၁ ၀န်ကြီးဟောင်း ဦးအောင်သောင်းက ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး အတွက် ဒေါ်အောင်ဆန်းစုကြည် ဦးဆောင်သော NLD က ကြံ့ခိုင်ရေး ပါတီနှင့် ပူးပေါင်း ဆောင်ရွက်မည်ဟု မကြာသေးမီက ပြောဆို လိုက်ခြင်းသည် ပါတီနှစ်ခု အကြား ယုံကြည်မှု တိုးတက်နေခြင်း ၏ ရလဒ်တခု ဖြစ်ကြောင်း၊ နိုင်ငံ ထူထောင်ရေးနှင့် ဒီမိုကရေစီ ထူထောင်ရေး အတွက် ဖွဲ့စည်းပုံ အခြေခံ ဥပဒေ ပြင်ဆင်ရာတွင် NLD နှင့် ကြံ့ခိုင်ရေး ပါတီတို့ သာမက နိုင်ငံရေး အင်အားစုများ အားလုံး ပူးပေါင်း ဆောင်ရွက်ရမည် ဖြစ်ကြောင်း၊ NLD ပါတီ၏ ဖွဲ့စည်းပုံ အခြေခံဥပဒေ ပြင်ဆင်ချက်သည် တိုင်းပြည်နှင့် လူမျိုး အကျိုးရှိမည် ဆိုလျှင် ထောက်ခံ သွားမည်ဖြစ်ကြောင်း ဦးအောင်သောင်းက ပြောသည်။
“ဖွဲ့စည်းပုံ အခြေခံဥပဒေ ပြင်ဆင်ဖို့က အားလုံးနဲ့ ပူးပေါင်းဆောင်ရွက်ရမှာပဲ။ သူတို့ ပူးပေါင်းဆောင်ရွက်မယ် ပြောတာ ၀မ်းသာစရာ ကောင်းပါတယ်။ NLD က ပြင်ချင်တဲ့ အချက်တွေမှာ ပြင်လို့ ရနိုင်တာတွေ၊ ပြင်လို့ မရနိုင်တာတွေ ပါလိမ့်မယ် လို့တော့ ထင်တယ်။ ပြင်လို့ ရနိုင်တာတွေကို NLD ပဲ ပြင်ပြင်၊ ဘယ်သူပဲ ပြင်ပြင် ကျနော်တို့က ထောက်ခံမှာ ပါပဲ။ အဲဒီ သဘော ရှိပါတယ်။ ပူးပေါင်းဆောင်ရွက်မှုနဲ့ အလုပ် လုပ်မှာပါ။ ကိုယ်ဖြစ်ချင်တာ ဖြစ်ရမယ်ဆိုတဲ့ သဘောမရှိဘူး။ နိုင်ငံသားနဲ့ နိုင်ငံတော် ကောင်းမယ် ဆိုရင် သူလုပ်တာ ဆိုရင်လည်း ထောက်ခံမယ်၊ ကျနော်တို့ လုပ်တယ်ဆိုရင် သူတို့လည်း ထောက်ခံမှာပါပဲ။ တယောက်နဲ့ တယောက် ယုံကြည်နေတဲ့ အဆင့်၊ တိုးတက်နေတဲ့ အဆင့် ရှိပါတယ်” ဟု ဦးအောင်သောင်းက ဆိုသည်။
NLD နှင့် ကြံ့ခိုင်ရေးပါတီတို့သည် ပေါ်ပေါက်လာပုံချင်း မတူညီသော်လည်း ဒီမိုကရေစီနှင့် တိုင်းပြည်ကောင်းစားရေး ရည်မှန်းချက်ချင်း တူညီကြောင်း၊ လာမည့် ၂၀၁၅ ရွေးကောက်ပွဲတွင် မဟာမိတ် ပါတီများ ဖြစ်လာနိုင်ချေ ရှိ၊ မရှိကို ယခုအချိန်တွင် မပြောနိုင်သေးကြောင်း ဦးအောင်သောင်းက ဆက်လက်ပြောသည်။
“လောလောဆယ်တော့ အယူအဆချင်း မတူသော်လည်း အတူပူးတွဲလုပ်နေတဲ့ သဘော ရှိပါတယ်။ မဟာမိတ်ဖြစ်ဖ်ို့ မဖြစ်ဖို့ ဆိုတာကတော့ ပြောဖို့ အခက်အခဲရှိပါတယ်။ နိုင်ငံတော် ထူထောင်တဲ့နေရာမှာ ဆောင်ရွက်တဲ့ နေရာမှာ၊ ပါတီဖွဲ့စည်းတဲ့ နေရာမှာ အခြေခံ စည်းမျဉ်းတွေ၊ ဥပဒေတွေက ကျနော်တို့နဲ့ သူတို့ ခြားနားပါတယ်။ တူညီတဲ့ ရည်မှန်းချက်တော့ ရှိတာပေါ့။ တိုင်းပြည် ကောင်းစားအောင်၊ ပြည်သူလူထု ကောင်းစားအောင်၊ တိုင်းရင်းသား စည်းလုံးညီညွတ်မှု ရှိအောင်၊ အေးချမ်းအောင်၊ တည်ငြိမ်အောင်၊ ဒီမိုကရေစီ ဖြစ်ထွန်းအောင်ကတော့ အတူတူပါပဲ။ အဲဒါတွေ အကောင်အထည် ဖော်တဲ့ နေရာမှာ လုပ်ပုံလုပ်နည်းချင်း တူချင်မှ တူမှာပါ” ဟု ဦးအောင်သောင်းက ဆိုသည်။
ကြံ့ခိုင်ရေး ပါတီ၏ ဒုတိယ ဥက္ကဋ္ဌ ဦးဌေးဦးကလည်း NLD ပါတီကို လုပ်ဖော်ကိုင်ဘက် ပါတီအဖြစ် သဘောထားပြီး တိုင်းပြည် အကျိုးရှိရေးအတွက် ပူးပေါင်းဆောင်ရွက်ရန် အသင့်ရှိကြောင်း ပြောဆိုသည်။
“အားလုံးပေါင်းပြီး လုပ်ရမယ့် ကိစ္စတွေပေါ့။ ဒီလိုပဲ သဘောထားပါတယ်။ အကြောင်းအရာ ပေါ်တော့ မူတည်တာပေါ့။ ဆွေးနွေးကြတယ်၊ ငြင်းကြတယ် ဆိုတာက ပူးပေါင်းဆောင်ရွက်မှုတွေပဲ။ ပူးပေါင်းဆောင်ရွက်ရမှာ ကျိန်းသေပါတယ်။ ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွတ်ရေးနဲ့ အချုပ်အခြာ အာဏာ တည်တံ့ခိုင်မြဲရေးတို့နဲ့ မပတ်သက်ရင် တော့ ဆွေးနွေးလို့ရမှာပါ။ ကျနော်တို့က NLD ကို လုပ်ဖော်ကိုင်ဘက်လို သဘောထားပါတယ်။ တယောက်နဲ့ တယောက် လုပ်နိုင်တာချင်း မတူဘူး။ စွမ်းဆောင်နိုင်တာချင်း မတူဘူး။ တိုင်းပြည်အတွက် အကျိုးရှိမယ်ဆိုရင် ပေါင်းရမှာပေါ့” ဟု ဦးဌေးဦးက ဆိုသည်။
ကြံ့ခိုင်ရေး ပါတီသည် လတ်တလော ဖွဲ့စည်းပုံ အခြေခံဥပဒေကို ပြန်လည်သုံးသပ် လေ့လာနေဆဲ ဖြစ်ပြီး မည်သည့် ပြဋ္ဌာန်းချက်များကို ပြင်ဆင်မည်ဆိုသော အသေးစိတ် စိစစ်တွေ့ရှိမှုများ ထုတ်ဖော်ပြောဆိုရန် စောလွန်းသေးသည်ဟု ပါတီတာဝန်ရှိသူများက ဆိုကြသည်။
NLD ပါတီက ဖွဲ့စည်းပုံ အခြေခံဥပဒေ ပြင်ဆင်ရေးအတွက် အသေးစိတ် လေ့လာမှုများ ပြုလုပ်လျှက် ရှိနေပြီး အသေးစိတ် ပြင်ဆင်သင့်သော အချက်များကို ထုတ်ဖော် မပြောဆိုနိုင်သေးကြောင်း၊ သို့ရာတွင် သမ္မတ အရည်အချင်း သတ်မှတ်ချက် အပါအ၀င် အုပ်ချုပ်ရေး ကဏ္ဍဆိုင်ရာ ပြဋ္ဌာန်းချက်များ၊ ဥပဒေပြုရေး ဆိုင်ရာ ပြဋ္ဌာန်းချက်များ၊ တပ်မတော်ဆိုင်ရာ ပြဋ္ဌာန်း ချက်များ၊ ဖွဲ့စည်းပုံ အခြေခံဥပဒေ ပြင်ဆင်ရေးဆိုင်ရာ ပြဋ္ဌာန်းချက်များ၊ အရေးပေါ်ကာလ ဆိုင်ရာ ပြဋ္ဌာန်းချက်များ အပိုင်းကို လေ့လာနေကြောင်း၊ လွှတ်တော်တွင် လူနည်းစုဖြစ်သော်လည်း ဒီမိုကရေစီ ပြုပြင်ပြောင်းလဲရေး တတ်စွမ်းသမျှ ကြိုးစား သွားမည်ဖြစ်ကြောင်း NLD ၏ ပုသိမ်မြို့နယ် ပြည်သူ့လွှတ်တော် ကိုယ်စားလှယ် ဦးဝင်းမြင့်က ဧရာဝတီသို့ ပြောသည်။
“ဒီမိုကရေစီ နိုင်ငံတည်ဆောက်မယ် ဆိုရင်တော့ အားလုံး လက်ခံနိုင်အောင် ကျနော်တို့က ဆွေးနွေးတင်ပြမယ်။ ဖြစ်မယ် မဖြစ်ဘူး ဆိုတာက အများဆန္ဒပဲ။ ကျနော်တို့က ကြိုးစားမယ်။ ကိုယ်စွမ်းဉာဏ်စွမ်း ရှိသမျှ ကြိုးစားမယ်။ ဒီမိုကရေစီ ကူးပြောင်းတဲ့ ဥပဒေ ဖြစ်ဖို့ကတော့ အားလုံး ပူးပေါင်းဆောင်ရွက်ဖို့ လိုပါတယ်” ဟု ဦးဝင်းမြင့်က ဆိုသည်။
ဒေါ်အောင်ဆန်းစုကြည်က ကမ္ဘာတွင် ပြင်ဆင်ရေး အခက်အခဲဆုံး ဥပဒေတခုဖြစ်သည့် ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ရာတွင် ကြံ့ခိုင်ရေး ပါတီနှင့် ပူးပေါင်းဆောင်ရွက်သွားမည် ဖြစ်ပြီး ၂၀၁၅ မတိုင်မီ ပြင်ဆင်ရန် ကြိုးပမ်းသွားမည် ဖြစ်ကြောင်း မေလ ၁၀ ရက်နေ့က ရန်ကုန်မြို့ မီကာဆာဟိုတယ်တွင် ပြုလုပ်သည့် ဖွဲ့စည်းပုံ အခြေခံဥပဒေ သုံးသပ်သည့် အလုပ်ရုံဆွေးနွေးအပြီး သတင်းစာရှင်းလင်းပွဲတွင် ပြောဆိုသွားသည်။
နိုင်ငံရေး လေ့လာသုံးသပ်သူ ဒေါက်တာရန်မျိုးသိမ်းကမူ ဖွဲ့စည်းပုံ အခြေခံဥပဒေ ပြင်ဆင်ရေးအတွက် NLD နှင့် ကြံ့ခိုင်ရေးပါတီ ပူးပေါင်းဆောင်ရွက်ရုံနှင့် မရနိုင်ဘဲ တပ်မတော်သား လွှတ်တော် ကိုယ်စားလှယ်များနှင့် တပ်မတော်၏ ပါဝင်မှုကိုပါ ဖိတ်ခေါ်ရမည်ဖြစ်ကြောင်း၊ NLD အနေဖြင့် ဖွဲ့စည်းပုံ အခြေခံဥပဒေ ပြင်ဆင်ရေးအတွက် လုပ်ဆောင်လျှက် ရှိသော်လည်း ခိုင်မာသော ရလဒ် တစုံတရာ ပြနိုင်သော အခြေအနေမရှိသဖြင့် ဥပဒေ ပြင်ဆင်ရေး လတ်တလော မဖြစ်နိုင်ကြောင်း သုံးသပ်သည်။
“သူရ ဦးရွှေမန်းနဲ့ ဒေါ်အောင်ဆန်းစုကြည်၊ ဒေါ်အောင်ဆန်းစုကြည်နဲ့ တပ်မတော် ဆက်ဆံရေးတွေ ကောင်းနေတယ်လို့ ယူဆနိုင်၊ မှန်းဆနိုင်ကောင်းပေမယ့် တကယ့် လက်တွေ့မှာတော့ ဘာမှ ဆုပ်ဆုပ်ကိုင်ကိုင် ပြစရာ မရှိဘူး ဖြစ်နေပါတယ်။
ဒေါ်အောင်ဆန်းစုကြည်နဲ့ NLD ပြင်ချင်တဲ့ အချက်တွေကို ပြည်ခိုင်ဖြိုးနဲ့ တပ်မတော်က လိုက်ပြင်ပေးမယ်လို့ ယူဆ တာကတော့ အတော့်ကို ပေါ့ပျက်ပျက် နိုင်လွန်းတဲ့၊ အပေါအနှမ်း ဆန်တဲ့ သုံးသပ်ချက်ပဲ ဖြစ်ပါလိမ့်မယ်။ အခုလို အရေးကြီးတဲ့ ဖြစ်စဉ် အပေါ်မှာ ဆုပ်ဆုပ်ကိုင်ကိုင် မရှိတဲ့ အနေအထားပေါ်ကနေ သုံးသပ်ချက် စောမိရင် အကုန်မောသွား နိုင်ပါတယ်။နိုင်ငံရေးမှာက မဖြစ်နိုင်တာ မရှိဘူးလို့ ဆိုနိုင်ပါတယ်။ ပြည်ခိုင်ဖြိုးနဲ့ NLD အကြား မဟာမိတ် သဘောမျိုး အပေးအယူ လုပ်တာတွေ ရှိကောင်းရှိနိုင်ပါတယ်။ ဒါပေမယ့် ကျနော် အရင်က ပြောခဲ့သလို ပွင့်လင်း မြင်သာမှု အပိုင်း အားနည်းတာမို့၊ ပကတိ အခြေအနေကို အကဲခတ်ဖို့ ခက်ခဲပါတယ်” ဟု ဒေါက်တာ ရန်မျိုးသိမ်းက ဆိုသည်။
၂၀၀၈ ဖွဲ့စည်းပုံ အခြေခံဥပဒေတွင် ဒီမိုကရေစီနှင့် မကိုက်ညီသော ပြဋ္ဌာန်းချက်များ ရှိ၊ မရှိ ပြန်လည် သုံးသပ်စိစစ်ရန် ကြံ့ခိုင်ရေး ပါတီမှ လွှတ်တော် ကိုယ်စားလှယ်များ ဖြစ်ကြသည့် ဦးအေးမြင့်နှင့် ဦးသိန်းဇော်တို့က အဆို တင်သွင်းခဲ့ကြပြီး လွှတ်တော်က ကော်မတီဖွဲ့စိစစ်ရန် သဘောတူခဲ့သည်။
Ref: ဧရာဝတီ
မုန်တိုင်း အားပျော့၊ ရခိုင်ဘက်ကို ၀င်ရောက်ရန် အခြေအနေ နည်းပါးသွား
May 16, 2013
မဟာဆန် မုန်တိုင်းမှာ တဖြည်းဖြည်း အားပျော့သွားပြီး မြန်မာ နယ်စပ်အနီးရှိ ကော့စ်ဘဇား ခရိုင်တွင် စိုးရိမ်လောက်သည့် အနေအထားတွင် မရှိတော့ကြောင်း ဘင်္ဂလာဒေခ်ျ့ မိုးဇလ ဗေဒက ယနေ့ နေ့လည် ၁ နာရီ ၃၀ တွင် သတင်း ထုတ်ပြန်သည်။
မုန်တိုင်းသည် မိုးအကြီးအကျယ် ရွာသွန်းမူကြောင့် အားပျော့ သွားခဲ့ကြောင်း၊ ယနေ့ နံနက်က အင်အား အကောင်းဆုံး အဆင့်သို့ ရောက်ရှိ ခဲ့ကြောင်း၊ ယခုအခါ န၀ါခါလီမြို့နှင့် စစ်တကောင်းးမြို့ကို ဦးတည်နေကြောင်း ပြောဆိုသည်။
သို့သော်လည်း ကော့စ်ဘဇားဒေသနှင့် နီးကပ်စွာ တည်ရှိသော မြန်မာဘက်ခြမ်း ဒေသများတွင် မုန်တိုင်းဝင်ရောက်နိုင်သည့် အခြေအနေမျိုး ဖြစ်နေကြောင်း မောင်တော ဒေသခံ တစ်ဦးက ပြောသည်။
“ အခုက မုန်တိုင်းဝင်မယ့် ပုံစံမျိုး လေသွယ်နေတယ်။ အနောက်ဘက်မှာ မိုးတိမ်တွေ အုံမိုင်းနေတယ်။ မုန်တိုင်းဝင်မယ့် လက္ခဏာမျိုးပါ” ဟု ဆိုသည်။ သို့သော်လည်း မုန်တိုင်းမှာ အထူးအားပျော့သွားပြီဟု သိရသည်။
ဘင်္ဂလာဒေခ်ျ့ မိုးဇလ အဖွဲ့ ခန့်မှန်းချက်အရ မုန်တိုင်းသည် ယနေ့ ညနေ (၆) နာရီခန့်တွင် စစ်တကောင်းမြို့နှင့် ကော့စ်ဘဇားမြို့အကြားမှ ဖြတ်ကျော်ကာ ကုန်းတွင်းပိုင်းသို့ ၀င်ရောက်ရန် ခန့်မှန်းထားသည်။
ယနေ့နံနက်မှ နေ့လည် အချိန်ထိ ဘင်္ဂလာဒေခ်ျ့ အနောက်တောင်ပိုင်းမှ ဘောလာခရိုင်၊ ပေါတ၀ါခါလီ ခရိုင်နှင့် ဘောရိုဂုန ခရိုင်များကို မုန်တိုင်း ဖြတ်သန်း တိုက်ခတ်ခဲ့သည်။ မုန်တိုင်းပြင်းအားသည် တစ်နာရီ ကီလိုမီတာ ၁၀၀ ထိ ရှိခဲ့သည်ဟု ဆိုသည်။
ယခုအချိန်ထိ ဘင်္ဂလာဒေခ်ျ့တွင် သေဆုံးသူ ၇ ယောက်ရှိပြီး ပေါတ၀ါခါလီမှ ၂ ယောက်၊ ဘောလာမှ တစ်ဦးနှင့် ဘောရိုဂုနတွင် မိုးကြိုးပစ်၍ သေဆုံးသူ ၄ ဦးဖြစ်ကြောင်း သိရသည်။
Ref: နိရဉ္စရာ
Thursday, May 16, 2013
ထမင်းရောင်းနေတဲ့ ဗိုလ်ချုပ်ဟောင်း ဦးလွန်းမောင်
မေခ
May 16, 2013
စစ်စွပ်ကျယ်၊ ပုဆိုးခါးတောင်းကျိုက်နဲ့ ရေသန့် ၆ ဘူးတကတ်တွဲ ၂ တွဲကို လက်တဘက် တချက် ကိုင်ထားရင်း နဖူးကချွေးတွေကို လက်မောင်းရင်းနဲ့ ခပ်ကြမ်းကြမ်း သုတ်လိုက်သူကတော့ တချိန်က စစ်အစိုးရ လက်ထက် တနိုင်ငံလုံးရဲ့ စာရင်းစစ်ချုပ် ရာထူးကို ပိုင်ဆိုင်ခဲ့ဖူးသူ အရင်က ဗိုလ်ချုပ်လွန်းမောင် ဆိုပြီး နာမည်ကျော်ခဲ့သူပဲ ဖြစ်ပါတယ်။
ရေသန့်ဘူးတွေကို ရေခဲသေတ္တာထဲ အစီအရီ ထည့်ဖို့ပြင်နေတဲ့ အသက် ၆၀ ကျော်အရွယ် ဦးလွန်းမောင်ရဲ့ ပုံစံဟာ တချိန်က ဘုန်းမီးနေလ ထွန်းတောက်ခဲ့သူ သူတဦးလို့ ထင်စရာ မရှိပါဘူး။ လက်ရှိအချိန်မှာတော့ ထမင်းဆိုင်ပိုင်ရှင် ဦးလွန်းမောင် အဖြစ်နဲ့ မွန်ပြည်နယ် ဘီးလင်းမြို့မှာ အခြေချနေပါပြီ။
ဦးလွန်းမောင်ဟာ ရေခဲသေတ္တာထဲကို ရေသန့်ဘူးတွေ အစီအရီထည့်ပြီး မကြာခင်မှာပဲ ထမင်း စားပွဲခုံ အလုံး ၄၀ ကျော်ကို ရေစိုအ၀တ်နဲ့ လိုက်လံ သုတ်နေပြန်ပါတယ်။ ဘေးက ကြည့်နေသူတွေကတော့ သူ့ အသက်အရွယ်နဲ့ မလိုက်အောင် လုပ်ကိုင်နေပုံကို အံ့သြနေပုံရပါတယ်။
အင်တာနက်စာမျက်နှာ ပေါ်မှာ ဗိုလ်ချုပ်ဟောင်း လွန်းမောင်တယောက် ထမင်းဆိုင် ဖွင့်ထားတယ်၊ ရိုးစင်းတဲ့ ဘဝကို ဖြတ်သန်းနေတယ် စသည်ဖြင့် သတင်းတွေနဲ့အတူ သတင်းတချို့မှာ ရေးသားထားတဲ့ “ဦးလွန်းမောင် တယောက် မှန်လွန်းတဲ့အတွက် ရွာပြင်ထုတ် ခံခဲ့ရတယ်” ဆိုတဲ့ အချက်နဲ့ ပတ်သက်လို့ စိတ်ဝင်စားမိတာနဲ့ ရန်ကုန်ကနေ ဘီလင်းအထိ ခြေဆန့်လာခဲ့တာပါ။ တမြို့လုံးမှာ သေသေချာချာ ရှာဖွေ ရေကြည့်လို့ လက် ၃ ချောင်းတောင် မပြည့်တဲ့ တည်းခိုခန်း အခက်အခဲကို ဖြစ်သလို ကျော်ဖြတ်ရင်း ၂ ရက်ကြာအောင် ဦးလွန်းမောင်ရဲ့ နေ့စဉ်ဘ၀ ဖြတ်သန်းမှုကို လေ့လာကြည့်ခွင့် ရခဲ့ပါတယ်။
သူ့တနေ့တာ ဖြတ်သန်းမှုကို ၂ ရက်အကြာ လေ့လာပြီးချိန်မှာတော့ သူ့ကို မိတ်ဖွဲ့ရင်း စကားပြောခွင့် ရပါပြီ။
“တနေကုန် အလုပ်နဲ့ လက်နဲ့ မပြတ်ဘူး။ ဗိုလ်ချုပ်ဘ၀ကတောင် ဂေါ့ဖ်ရိုက်ဖို့ အချိန်ဆိုတာ ရှိသေးတယ်။ ဒီမှာကျတော့ ဂေါ့ဖ်ရိုက်ဖို့ မပြောနဲ့ ကိုယ်ပိုင်အချိန်တောင် တော်တော်ကလေး ရှားတယ်။ ဒါပေမယ့် ဒီဘ၀လေးက ရိုးစင်းပါတယ်” လို့ ဦးလွန်းမောင်က စကားစပါတယ်။
တချိန်က လွတ်လပ်ရေး မရခင်မှာ ဂျပန်တပ်တွေ အခိုင်အမာတပ်စွဲခဲ့လို့ ဂျပန်တောင်ဆိုပြီး နာမည်ကြီးခဲ့တဲ့ နေရာက တပ်ရင်းမှာ တာဝန် ထမ်းဆောင်ချိန်က သူတည်ခဲ့တဲ့ ဂျပန်တောင်ဘုရား ခြေတော်ရင်းမှာ ထမင်းဆိုင်ဖွင့်ဖို့ စိတ်ကူးရခဲ့ သူကတော့ သူ့ဇနီးသည်ပါပဲလို့ ပြောရင်း အခုလို ရိုးစင်းစွာ ဖြတ်သန်းနေရတဲ့ သူ့ဘ၀ကို ကျေနပ်တယ်လို့ ဆိုပါတယ်။
“ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်က ငယ်ငယ်က ဘ၀ကြမ်းသလောက် မကြမ်းပါဘူး။ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ဘ၀မှာ နေပျော်ဖို့ လိုပါတယ်” လို့လည်း ဘုရားဒါယကာ ဦးလွန်းမောင်က ဆက်ပြောပါတယ်။
အနှစ် ၄၀ လောက် လျှမ်းလျှမ်းတောက် အာဏာရှိခဲ့သူ၊ စစ်တပ်မှာ ရာထူးကြီးကြီးနဲ့ တာဝန်ထမ်းဆောင်ခဲ့သူ အဖြစ်ကနေ ဒီလို ဈေးသည်တယောက် အနေနဲ့ ကျန်ရှိတဲ့ ဘ၀ကို ဖြတ်သန်း နေတာကတော့ ဘေးလူတွေအမြင် အံ့သြစရာ ဖြစ်နေပုံပါပဲ။
အောင်ပြည့်စုံ ဆိုတဲ့ နာမည်နဲ့ ဘီ်းလင်းမြို့အ၀င်မှာ ထမင်း၊ ဟင်းနဲ့ တခြား စားသောက်စရာတွေ ရောင်းချနေတဲ့ ဦးလွန်းမောင်ရဲ့ ဆိုင်ကို ကြည့်လိုက်တာနဲ့ ရင်းနှီးထားတဲ့ ပမာဏ မနည်းလောက်ဘူး ဆိုတာ ဘယ်သူမဆို ခန့်မှန်းနိုင်ပါတယ်။
မနက် ၁၀ နာရီကနေ နောက်တနေ့ မနက် ၃ နာရီအထိ ထမင်း၊ ဟင်းနဲ့ တခြား စားသောက်ဖွယ်ရာတွေကို ရောင်းချသလို ည ၉ နာရီကနေ စတင်ပြီး စင်တင်ဂီတပါတဲ့ စားသောက်ဆိုင်ကိုလည်း အောင်ပြည့်စုံ ထမင်းဆိုင်ဝန်းထဲမှာ ဆိုင်တဆိုင် ခွဲလို့ ရောင်းချနေတာ တွေ့ခဲ့ရပါတယ်။
“ကျနော် လည်ပင်း ကင်ဆာဖြစ်တော့ အမျိုးသမီးက ကလေးတွေ ရှေ့ရေးအတွက် ဒီမှာ ၀ါးတဲလေး စထိုး ဈေးရောင်းခဲ့ တာပေါ့။ နောက်ပိုင်းကျမှ အခုလို ဖြစ်လာခဲ့တာပါ” လို့ ဦးလွန်းမောင်က ပြောပြပါတယ်။
လွန်ခဲ့တဲ့ ၁၂ နှစ်တာ ကာလကတည်းက စတင်ဖွင့်လှစ်ခဲ့တဲ့ ဒီဆိုင်ဟာ သူ့ဇနီး ဒေါ်မြမြစိန်ရဲ့ စိတ်ကူးနဲ့ တည်ဆောက်ခဲ့တာ ဖြစ်တယ်လို့ သူက ဂုဏ်ယူစွာနဲ့ ဆိုပါသေးတယ်။
စိတ်တူကိုယ်တူ ဇနီးမောင်နှံတွေ ဖြစ်တာကြောင့် လက်ရှိ ဖြတ်သန်းနေရတဲ့ ဘ၀ကို ဇနီးသည်ဖြစ်သူကလည်း ကျေနပ်နေ တယ်လို့ ဦးလွန်းမောင်က ပြောပြနေချိန်မှာ အပွင့်ကျဲကျဲ ပါတိတ်ထမီ၊ လိမ္မော်ရောင် ဘလောက်စ် အင်္ကျီ ၀တ်ဆင်ထားတဲ့ ဒေါ်မြမြစိန်က လက်ကြားမှာ စီးကရက်ညှပ်ထားရင်း စကားဝိုင်းထဲ ၀င်ရောက် လာခဲ့ပါတယ်။
“အန်တီတို့က ပွင့်ပွင့်လင်းလင်းပဲ၊ ဘယ်သူ့ကိုမှလည်း ဒေါသမဖြစ်ဘူး။ ဒီဘ၀ကိုလည်း ကျေနပ်တယ်၊ ကိုယ့်ကို လုပ်သွားတဲ့ သူကိုလည်း ခွင့်လွှတ်တယ်။ ဘာပဲပြောပြော ၀ဋ်ရှိလို့ခံရတယ်ပဲ မှတ်တယ်။ တရားနဲ့ဖြေလို့ အခုလို နေနိုင်တာ။ နို့မို့ မဖြေနိုင်ရင် ဘယ်လွယ်မလဲ” လို့ ဗိုလ်ချုပ်ဟောင်းရဲ့ ဇနီးသည်က ဆိုလာပါတယ်။
ဦးလွန်းမောင်တယောက် စာရင်းစစ်ချုပ် ဘဝကနေ အငြိမ်းစားပေးခံရစဉ် ကာလကို ဒေါ်မြမြစိန်က ရည်ရွယ်ဟန် တူပါတယ်။ ဦးလွန်းမောင်ဟာ နိုင်ငံတော် စာရင်းစစ်ချုပ်အဖြစ် စစ်အုပ်ချုပ်ရေးကာလ ဗိုလ်ချုပ်လွန်းမောင် ဘဝ ကတည်းက တာဝန် ထမ်းဆောင်ခဲ့သူ ဖြစ်ပါတယ်။ သမ္မတ ဦးသိန်းစိန် အစိုးရ လက်ထက်မှာလည်း ဦးလွန်းမောင် အဖြစ် စာရင်းစစ်ချုပ် တာဝန်ကို ဆက်ယူခဲ့ရသူပါ။ လက်ရှိအစိုးရ လက်ထက်မှာ ၁ နှစ်ကျော်ကာလ တာဝန်ထမ်းဆောင်ပြီး သူ့ရဲ့ စာရင်းစစ်ချုပ် သက်တမ်း ၉ နှစ်ပြည့်ချိန်မှာတော့ ၂၀၁၂ သြဂုတ်လ ၂၈ ရက်နေ့မှာ သမ္မတက သူ့ကို အငြိမ်းစား ပေးလိုက်တာ ဖြစ်ပါတယ်။
ဒေါ်မြမြစိန်ရဲ့ စကားက ဘာကိုရည်ရွယ်သလဲ ဆိုတာ တွေးနေမိစဉ်မှာပဲ ဦးလွန်းမောင်က သောက်လက်စ ရေနွေးခွက်ကို လက်ကနေချရင်း ပြုံးပြီး “ ဒီကိစ္စတွေကို ပြန်မပြောချင်တော့ဘူး။ စေတနာ အမှားပေါ့။ တချို့သော သူတွေက ကိုယ့်စေတနာကို ကိုယ်ကျိုးအတွက် သုံးခဲ့ကြတော့ ကိုယ်က ခံရတာပေါ့။ ဒီအပေါ် ဘာအာဃာတမှ မထားဘူး။ သမ္မတ ဘက်က ကြည့်တော့ မှန်တာပေါ့” လို့ ဖြည့်စွက်ပြန်ပါတယ်။
စကားလက်ဆုံကျနေရင်း ဆိုင်မှာ အလုပ်လုပ်နေတဲ့ ကလေးမလေးက “ဘဘ … ဓာတ်မီး” လို့ ပြောလိုက်ချိန်မှာ ဦးလွန်းမောင်က အကြားလွဲပြီး “ညစာ ထမင်းမစားရသေးဘူး၊ ၈ နာရီမှ စားတာပေါ့။ ကန်စွန်းရွက် ကြော်ခိုင်းထားလိုက်လေ” လို့ ပြောလိုက်တဲ့ အတွက် ဆိုင်မှာ ရှိနေတဲ့ အလုပ်သမား မိန်းကလေးတွေအားလုံး ၀ါးလုံးကွဲ ရယ်မော ကြပါတော့တယ်။
ရယ်တာကို ဘာမှ မာန်မဲမနေဘဲ “ဘာလို့ ရယ်နေတာလဲ” လို့ ဦးလွန်းမောင်က မသိနားမလည်တဲ့ ပုံစံနဲ့ ပြန်မေးတာကို အလုပ်သမားတွေ ဆက်လက် ရယ်မောနေကြ ပြန်ပါတယ်။
သူ့ရဲ့အဖြေ အလွဲကို သူဘာသာ သိသွားတဲ့ ဦးလွန်းမောင်ကတော့ “ဒီလို ဘ၀မျိုးကို ရခဲတယ်လို့ ပြောရမယ်၊ အရင်ကဆို ကိုယ့်ကို ဘယ်သူမှ ပြန်မပြောရဲဘူး။ အခုတော့ ကိုယ်က ကလေးလိုပဲ။ ကလေးတွေနဲ့ နောက်ပြောင်နေတော့ အသက် ရှည်တယ်” လို့ ဆိုပါတယ်။
အာဏာဆိုတာ ဘိန်းလိုပဲဆိုတဲ့ တချိန်က အငြိမ်းစား ညွှန်ကြားရေးမှူး တဦးရဲ့ အပြောကို သတိရမိတာကြောင့် ဦးလွန်းမောင် တယောက် ဒီဘိန်းနဲ့တူတဲ့ အာဏာရှင်စိတ်ကို ဘယ်လို ဖြတ်ခဲ့လေသလဲလို့ စဉ်းစားမိပါတယ်။
ဗိုလ်ချုပ်ဟောင်းတဦးရဲ့ ပိုင်ဆိုင်မှုဆိုတာကလည်း တော်တော် စိတ်ဝင်စားဖို့ ကောင်းတယ်၊ လက်ရှိမှာ ရာဘာခြံတွေ ပိုင်ဆိုင်ထားတယ် ဆိုပေမယ့် ပိုင်ဆိုင်ထားတဲ့ ဧကဟာ အရေအတွက် ၂၀ မပြည့်ဘူးလို့ ဘီလင်းမြို့ခံ တဦးက ဆိုပါတယ်။
“စိတ်ဝင်စားစရာပဲ။ သူ့ ပိုင်ဆိုင်မှုတွေကိုပဲ ဖွက်ထားနိုင်တာလား၊ တကယ်ပဲ မရှိတာလားတော့ မသိဘူး။ သူရောက်နေတာ ၁ နှစ်ကျော် ၂ နှစ် နီးပါး ဆိုပေမယ့် ဒီအတိုင်းပဲ။ စ ရောက်လာတဲ့ အချိန်နဲ့ ဘာမှမထူးဘူး။ သူပိုင်လို့ ပြောရရင် အခု အောင်ပြည့်စုံ ထမင်းဆိုင် ၀န်းရယ်၊ သူ့သား လုပ်နေတဲ့ ရာဘာခြံရယ်၊ တောင်းအေ့စ်လိုလို ကားတစီးရယ်၊ ဆိုင်ကယ်ရယ် ဒါပဲ တွေ့တယ်။ ဦးလွန်းမောင် မြို့ထဲလာတာလည်း နည်းတယ်” လို့ သူက ဆက်ပြောပါတယ်။
ဦးလွန်းမောင်နဲ့ တော်တော်လေး ရာထူးကွာခြားတဲ့ စစ်တပ်အရာရှိ ဒုတိယ ဗိုလ်မှူးကြီး အဆင့်လောက်သာရှိသူ၊ နိုင်ငံတော် လုံခြုံရေးနဲ့ ရာဇ၀တ်သားတွေ ဖော်ထုတ် ကာကွယ်နေတဲ့ အဖွဲ့အစည်းက ပုဂ္ဂိုလ်တဦးရဲ့ မော်လမြိုင်ဘက်မှာ ပိုင်ဆိုင်ထားတဲ့ ရော်ဘာခြံတွေဟာ ဧက ၄၀ လောက် ရှိတယ်လို့ သိထားဖူးတော့ တကယ်ပဲ ဦးလွန်းမောင် ရိုးသားခဲ့ လေသလား၊ လျှို့ဝှက် နာမည်ဝှက်တွေနဲ့ပဲ ပိုင်ဆိုင်မှုတွေ ထားလေသလား ဆိုတာကိုတော့ ကာယကံရှင်ကပဲ သေသေချာချာ သိနိုင်မှာပါ။
တချိန်က စစ်ဗိုလ်တဦးရဲ့ မာန်ကို သူ ဘယ်လိုများ ချခဲ့လေမလဲဆိုတာ သိချင်လို့ မေးမိတော့ အာဏာအတွက် ဆန္ဒ ရှိနေသူတွေကြောင့် သူ့အနေနဲ့ ဘာခံစားချက်မှ မရှိခဲ့သလို၊ ဘ၀နာခဲ့တဲ့ ကိုယ့်ဘ၀ကို မမေ့ခဲ့ဘူးလို့ ဆိုပါတယ်။ ဗမာစကား တလုံးမှ မတတ်တဲ့ ရှမ်းတိုင်းရင်းသား မိဘတွေက ဖွားမြင်ခဲ့တဲ့ သူဟာ ဗမာစကားသင်ပြီး ကျောင်းတက်ဖို့တောင် ခက်ခဲ ခဲ့ပါတယ်လို့ ပြောပြတယ်။ ဗမာစာ သင်ချိန်မှာ ကိုယ်ပိုင် တိုင်းရင်းသားစာပေကို မေ့သွားမှာစိုးတဲ့အတွက် မိဘ အရိုက် ခံခဲ့ရသေးတယ် ဆိုတဲ့အကြောင်း၊ ဗမာပြည်မှာ နေတဲ့ တိုင်းရင်းသား တယောက်ရဲ့ ဘ၀ခက်ခဲမှုက ဗမာတွေ ကလည်း တိုင်းရင်းသားကို လူထူးဆန်းလို့ တွေးသလို၊ တိုင်းရင်းသား အချင်းချင်း ကလည်း ဗမာဖြစ်ချင်သူလို့ မြင်တာမျိုးတွေ ရှိခဲ့၊ ကြုံခဲ့ရကြောင်း ဦးလွန်းမောင်က ဆိုပါတယ်။
စကားပြောနေရင်း ခရီးသည် ကားတစင်း ၀င်လာချိန်မှာတော့ ဦးလွန်းမောင်က စကားစ ခဏ ဖြတ်ပြီး စားပွဲ သွားထိုး နေပါတယ်။ စားပွဲဝိုင်းတ၀ိုင်းက အသက် ၄၀ ကျော် အမျိုးသားတဦးက ဦးလွန်းမောင်ဆီ ဦးတည်လာပြီး ကားရေဆေးဖို့ မေးမြန်း ချိန်မှာ သွက်လက်စွာနဲ့ နေရာပြပြီး သူ့လုပ်လက်စ စားပွဲဝိုင်းတွေဆီကို ထမင်းပန်ကန်တွေ ကိုယ်တိုင်ချပေးနေတုန်း နောက်ဘက် ၀ိုင်းက အမျိုးသမီးတဦးနဲ့ ဆိုင်က စားပွဲထိုး မိန်းကလေးတို့ စကားအချေအတင် ဖြစ်နေတဲ့ နေရာဆီ ဦးလွန်းမောင် သွားရောက် ဖြေရှင်း နေတာကို တွေ့ရပါတယ်။
“လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိတယ်။ တော်တော်ကို မာနချနိုင်လို့ တော်တာ။ စော်ကား ခံရတာတွေ အရမ်းများတယ်၊ တော်တော် သည်းခံရတယ်။ ဟိုးတချိန် တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန် မေ့လိုက်တော့မယ်၊ ငါ အခုဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန် တယောက်လို ငေါက်ငမ်း သွားတာမျိုး တွေတောင် ရှိတယ်။ တချို့ကတော့ ကိုယ့်ဘက်က ကလေးတွေမှားတာ၊ တချို့ကျတော့ သက်သက် ပြဿနာ ရှာတာတွေ ရှိတယ်။ ဘာပြောပြော ကိုယ်ကပဲ သည်းခံလိုက်တယ်” လို့ ဦးလွန်းမောင်က ပြောပါတယ်။
နှစ် ၄၀ ကြာအောင် တိုင်းပြည် အုပ်ချုပ်ခဲ့တဲ့ စစ်တပ်က သြဇာရှိသူတွေထဲမှာ တယောက်အပါအဝင် ဖြစ်ခဲ့သူ တဦးအနေနဲ့ လက်ရှိ အခြေအနေအပေါ် ကြိုးစား လက်ခံနေပုံ ရပါတယ်။ ဦးလွန်းမောင်ကတော့ ဆိုင်မှာရှိနေတဲ့ ကလေးတသိုက်ကို ရယ်ရင်း မောရင်းနဲ့ တီဗီမှာလာနေတဲ့ ကိုရီးယားဇာတ်ကား “ကြာပန်းနီနီ” အကြောင်း ပြောပြနေဟန်က ခုနက ပြဿနာ ဖြစ်ထားတာကိုတောင် မေ့လျော့နေတဲ့ ပုံစံပါ။
“ကလေးတွေက ဒီနားက ခြေလျင်တပ်ရင်း ၈ က ကလေးတွေလည်း ရှိတယ်။ တနယ်တကြေးက လာလုပ်ကြတဲ့ သူတွေလည်း ရှိတယ်။ သူတို့လေးတွေက ကိုယ့် မြေးအရွယ်လေးတွေလေ။ မိန်းမက စနစ်ကြီးတော့ မိန်းမကို ပိုကြောက်ကြတယ်” လို့ ဦးလွန်းမောင်က ဆိုပါသေးတယ်။
စကားဆိုနေရင်း ခရီးသည်ကား နောက်ထပ် ၀င်မလာခင်မှာ ထမင်းစားဖို့ ပြင်ပေးဖို့ ဦးလွန်းမောင်က လှမ်းပြော လိုက်ပါတယ်။ ဒီအချိန်မှာ ၁၅၊ ၁၆ အရွယ် မိန်းကလေး တဦးက မြန်မာဘီယာ ခွက်ကို ဦးလွန်းမောင်ရှေ့ လာချပေးတာ မြင်တွေ့ရပါတယ်။
နာမည်ကျော် တံဆိပ်နဲ့ အရက်တွေ ပလူပျံနေတဲ့ ဧည့်ခံပွဲကြီးတွေမှာ ကျင်လည်ခဲ့ဖူးသူ၊ တချိန်က ဘေးကနေ ပြုစုချင်သူတွေ ဝိုင်းဝိုင်းလည်နေခဲ့ ဖူးသူ တဦးရဲ့ လက်ရှိ ထမင်းစားပွဲက ဘယ်လို ဖြစ်လေမလဲ ဆိုတာ အကဲခတ်နေစဉ်မှာပဲ မိန်းကလေးက ကြက်သား ခပ်ရွယ်ရွယ် ၂ တုံးပါတဲ့ ပန်းကန်လုံး တလုံး၊ ထမင်းပန်းကန်၊ ခရီးသည်တွေကို ချပေးတဲ့ သီးစုံပဲဟင်း၊ ကန်စွန်း ရွက်ကြော် တပန်းကန်တို့ကို လာချပေးတာ တွေ့လိုက်ရပါတယ်။
ဇွန်းနဲ့ ထမင်းခပ်နေတဲ့ ဦးလွန်းမောင်က သူ့ကို စူးစမ်းနေတာကို သတိထားမိတဲ့ အလား “ဟိုနေ့ တွေကတည်းက လာလာ ထိုင်နေတာ သတိထားမိတယ်။ ဧည့်သည်ပဲ ထင်နေတာ။ တရက်၊ နှစ်ရက်မက၊ ညကော နေ့ကော လာလာထိုင်နေတော့ ထူးဆန်းတယ်လို့ တွေးနေတာ၊ မိန်းမကိုတောင် ပြောနေတာ။ ဒါတွေကိုကော ရေးမှာလား” လို့ မေးခွန်းထုတ်ပါတယ်။
တိုင်းပြည်မှာ တာဝန်ကြီးကြီး ယူခဲ့သူ တဦးရဲ့ ကြိုမြင် အကဲခပ်နိုင်မှုကို သတိထားမိတယ်။
စာရင်းစစ်ချုပ် မဖြစ်ခင်ကတည်းက ဇနီးသည် ဦးဆောင်ဖွင့်ခဲ့ပြီး ၁၁ နှစ်ကျော် သက်တမ်းရှိပြီဖြစ်တဲ့ ဒီအောင်ပြည့်စုံ ထမင်းဆိုင်ဟာ ဦးလွန်းမောင် လည်ပင်းကင်ဆာ ခံစားရချိန် သားသမီးတွေ ရှေ့ရေးအတွက် ကိုယ်မရှိချိန် ဘာလုပ်မလဲ ဆိုတဲ့ အတွေးနဲ့ ဇနီးသည် ဒေါ်မြမြစိန်က ဦးစီး ဖွင့်ခဲ့တာ ဖြစ်တယ်လို့ ဦးလွန်းမောင်က ဆိုပါတယ်။ အခုတော့ သူ့ရဲ့ လည်ပင်း ကင်ဆာ ရောဂါကို ကုသခဲ့ပြီးလို့ ရောဂါ မရှိတော့ဘူးလို့ သိရပါတယ်။
ဦးလွန်းမောင် ဗိုလ်ချုပ်ဘ၀ ကတည်းက နိုင်ငံတော် ဧည့်ခံပွဲ တော်တော်များများမှာ ဇနီးသည်နဲ့အတူ တက်ရောက်မှု နည်းတယ်လို့ ကြားဖူးလို့ မေးကြည့်တော့ ဦးလွန်းမောင်က “ဇနီးက ၁၉၇၀ လောက်ကတည်းက ယူထားတဲ့ဇနီး၊ ငယ်ပေါင်းပါ။ စိတ်ကလည်း ကိုယ်နဲ့ တထပ်တည်းကျတဲ့ လူဆိုတော့ အရင်ကတည်းက ကတော်အသိုင်းအ၀ိုင်းမှာ သိပ်မတွေ့ဘူး။ ဦးသန်းရွှေတို့၊ သူရ ဦးရွှေမန်းတို့ဆိုရင် ခဏခဏ မေးတယ်။ ဘယ်ပွဲမှာမှ မတက်တော့ မေးရင် ပထမတော့ ဖြီးရတာပေါ့။ နောက်တော့ မတတ်နိုင်တော့ဘူး။ သူက အနေအေးတာထက် အဲဒီလို ဘ၀မျိုးကို မနှစ်သက်တာ။ ကိုယ့်မိန်းမအကြောင်း ကိုယ်ပဲ သိတာပေါ့။ သူက ပွင့်ပွင့်ဘွင်းဘွင်း နေတာမျိုး။ ဆိုင်စဖွင့်ပြီဆိုတော့ ဒီထဲမှာပဲ ဆိုင်က ကလေးတွေနဲ့ ပျော်နေရတာ ကြိုက်တဲ့လူမျိုး။ ဟိတ်ဟန်တွေနဲ့ မနေတတ်ခဲ့ဘူး။ ဒီတော့ ပွဲတော်တော်များများ မတက်ဘူး” လို့ ရှင်းပြပါတယ်။
အရင် စစ်စာရင်းစစ်ချုပ်ရုံးမှာ လုပ်ခဲ့ပြီး အငြိမ်းစားယူခဲ့တဲ့ အရာထမ်းဟောင်း တဦးကလည်း ဦးလွန်းမောင် ဇနီးဟာ တကယ်ပဲ ဟိတ်ဟန် ထုတ်တဲ့သူမျိုး မဟုတ်ဘူးလို့ ပြောခဲ့ဖူးပါတယ်။
“ဦးလွန်းမောင်ထက် သူ့မိန်းမက ပိုပြီး အနေအေးတယ် ပြောရမယ်။ သူက တခြားကတော်တွေလို ပြင်ပြင်ဆင်ဆင် မနေဘူး။ ဟိတ်ဟန်လည်း မရှိဘူး။ ဘွင်းဘွင်းပဲ။ တပ်ထဲမှာ ဒု တပ်ရင်းမှူး ကတော်တွေ၊ တပ်ရင်းမှူး ကတော်တွေ ဟိတ်ဟန်နဲ့ နေတယ်၊ သူက အဲဒီလို မဟုတ်ဘူး။ သစ်ပင်စိုက်လိုက်၊ ဟိုဟာလေး ဒီဟာလေး လုပ်လိုက်။ ကြည့်လိုက်ရင် ဘယ်သူမှ သူ့ကို ဗိုလ်ချုပ် ကတော် တယောက်လို့ မထင်ဘူး” လို့ အဲဒီ အရာထမ်းဟောင်းက ဆိုပါတယ်။
စကားပြောလိုက်၊ ခရီးသည် ဝင်လာရင် အလုပ်ထလုပ်လိုက်နဲ့ မအားရတဲ့ ဦးလွန်းမောင်ရဲ့ ဆိုင်ရှေ့ ခရီးသည်တင် ကားတစီး လာရောက်ရပ်နားပါတယ်။ အဲဒီမှာ ဦးလွန်းမောင်က ခပ်သွက်သွက် ဆိုင်ပြင်ထွက်ပြီး ရေပိုက်ကို ကားဆရာ လက်ထဲ ထည့်နေတာ မြင်ရပါတယ်။
တဖြည်းဖြည်းနဲ့ ညဥ့်လည်း နက်လာပါပြီ။ ဒီဆိုင်ထဲမှာပဲ သူတို့ မိသားစုတစုလုံး နေကြတယ်လို့ သိရတယ်။ သစ်သားကွပ်ပြစ် တခုပေါ် သာမန် မွေ့ယာပါးလေး ခင်းထားတဲ့ အိပ်ရာလေးက သူ့ဇနီးသည်ရဲ့ အိပ်စရာနေရာလို့ သူက ဆိုပါတယ်။
“သူက ကလေးတွေနဲ့ အတူတူ အိပ်တယ်လေ။ ကလေးတွေက ဆိုင်စားပွဲဆက် အိပ်တယ်။ ကိုယ်က အနောက်ဘက်မှာ အိပ်တယ်” လို့ ဦးလွန်းမောင်က ပြောပါတယ်။
သူ့မှာ သားနှစ်ယောက်၊ သမီးတယောက် ရှိပြီး သားတဦး ကတော့ ဘီလင်းမြို့ထဲမှာ နာရေးပရဟိတတွေ လုပ်သလို ရော်ဘာခြံ စိုက်ပျိုးရေးအပိုင်း ကိုလည်း လုပ်ဆောင်နေတယ်လို့ သိရပါတယ်။ ကျန်တဲ့ သားနဲ့ သမီးကတော့ နေပြည်တော်မှာ ကိုယ်စီ နိုင်ငံ့ဝန်ထမ်း အဖြစ် အလုပ်လုပ်နေ ကြပါတယ်။
လက်တွေ့ ဘ၀မှာတော့ အေးချမ်းနေပါတယ်လို့ ဆိုတဲ့ ဦးလွန်းမောင်က လာမယ့် ၂၀၁၅ ရွေးကောက်ပွဲမှာ ဘယ်လို ပုံစံနဲ့မှ ၀င်ရောက်ဖို့ မရှိဘူးလို့ ပြောပါတယ်။
“တိုက်ပုံ ဘယ်တော့မှ မ၀တ်တော့ဘူး” လို့ ပြတ်ပြတ်သားသား ဆိုအပြီး မှာတော့ ဦးလွန်းမောင်ဟာ သူ့ရဲ့ ငွေသိမ်းကောင်တာ ဘက်ကို ခပ်သွက်သွက် လျှောက်သွား ပါတော့တယ်။
Ref: ဧရာဝတီ
မဟာဆန် ဆိုင်ကလုန်း အနီရောင် အရေးပေါ်အဆင့်သို့ရောက်ရှိ
မင်းမင်း
ဗုဒ္ဓဟူးနေ့၊ မေလ ၁၅ ရက် ၂၀၁၃
ဘင်္ဂလားပင်လယ်အော် အနောက်အလယ်ပိုင်းတွင်ဖြစ်ပေါ်နေသော ဆိုင်ကလုန်း မုန်တိုင်း မဟာဆန်သည် အနီရောင် အရေးပေါ် အဆင့်သို့ရောက်ရှိ လာပြီး ရခိုင်ပြည်နယ် ၊ မောင်တော မြို့ကို နောက် ၁၈ နာရီ အတွင်းဖြတ်ကျော် ဝင်ရောက်မည်ဟု ခန့်မှန်း ထားကြောင်း မိုးလေဝသနှင့် ဇလဗေဒ ညွှန်ကြားမှုဦးစီး ဌာနက မေလ ၁၅ ရက် ည ၇ နာရီက သတိပေးချက် ထုတ် ပြန်လိုက်သည်။
အဆိုပါမုန်တိုင်းသည် အရှေ့မြောက်ဘက်သို့ ဆက်လက်ရွှေ့လျားနေပြီး နောက် ၁၈ နာရီ အတွင်းတွင် ဘင်္ဂလားဒေ့ရ်ှနိုင်ငံ၊ စစ်တကောင်းမြို့နှင့် ရခိုင်ပြည်နယ် မောင်တောမြို့ကမ်းခြေကို ဖြတ်ကျော်ဝင်
ရောက်နိုင်ကြောင်း ထုတ်ပြန်ချက်တွင် ဖေါ်ပြ ထားသည်။
မုန်တိုင်းဖြတ်ကျော်ဝင်ရောက်စဉ် လေတိုက်နှုန်းမှာ တစ်နာရီလျှင် မိုင် ၇၀ အထိ တိုက်ခတ်နိုင်ပြီး မုန်တိုင်း ကြောင့် မြင့်တက်လာသော ရေလှိုင်း အမြင့်မှာ မောင်တောမြို့နယ် ကမ်းခြေတွင် ၈ ပေမှ ၁၀ ပေခန့် ၊ စစ်တွေခရိုင် ကမ်းခြေတွင် ၆ ပေမှ ၈ ပေခန့်နှင့် ကျောက်ဖြူခရိုင် ကမ်းခြေတွင် ၄ ပေမှ ၆ ပေခန့် အထိမြင့်တက်နိုင်ကြောင်း ည ၆ နာရီခွဲ အချိန် တိုင်းထွာချက်အရ ထုတ်ပြန်ထားသည်။
လက်ရှိအနေအထားတွင် အဆိုပါ မုန်တိုင်းသည် မောင်တောမြို့၏ အနောက်တောင်ဘက် မိုင် ၂၇၀ ခန့်၊ စစ်တွေမြို့၏ အနောက်တောင်ဘက် မိုင် ၂၈၀ ခန့် ၊ ကျောက်ဖြူမြို့၏ အနောက်တောင်ဘက် မိုင် ၃၀၀ ခန့် ၊ အိန္ဒိယနိုင်ငံ ၊ ကိုလ်ကတ္တားမြို့၏ တောင်ဘက် မိုင် ၂၆၀ ခန့်အကွာ ပင်လယ်ပြင်ကို ဗဟိုပြုနေကြောင်း ဖေါ်ပြထားသည်။
ထို့အပြင် မုန်တိုင်းနှင့်အတူ မိုးသည်းထန်စွာရွာသွန်းနိုင်ပါ သဖြင့် စစ်ကိုင်းတိုင်းဒေသကြီး၊ မန္တလေးတိုင်း ဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ် တို့တွင် မိုးရွာသွန်း မှုကြောင့် မြေပြိုခြင်း၊ တောင်ကျ ရေများကြောင့် လျှပ်တစ်ပြက်ရေကြီးခြင်း အန္တရာယ်များကို သတိပြုရှောင်ရှားသင့်ကြောင်းလည်း သတိပေးထားသည်။
အဆိုပါ မုန်တိုင်းကြောင့် ဖြစ်လာမည့်အန္တရာယ်များအတွက် ကယ်ဆယ်ရေးလုပ်ငန်းများ လုပ်ကိုင်ရန် ဒုတိယ သမ္မတ ဦး ဥာဏ်ထွန်းမှာ ရခိုင်ပြည်နယ် အမ်းမြို့သို့ ရောက်ရှိနေပြီဖြစ်သည်။
Ref: မဇ္ဈိမ
မုန်တိုင်းဘေးရှောင်ဖို့ ငြင်းဆန်နေ သူတွေကို အရေးယူတော့မည်
2013-05-15
ရခိုင်ကမ်းရိုးတန်းဒေသကို တိုက်ခတ်ဖွယ်ရှိတဲ့ မဟာစင် ဆိုင်ကလုန်း မုန်တိုင်းဘေး အန္တရာယ် ကနေ ကာကွယ်နိုင်ဖို့ အစိုးရကဘေးလွတ်ရာ ရွှေ့ပြောင်းပေးနေ ရာမှာ မလိုက်နာသူတွေ ရှိခဲ့ရင် ဥပဒေအရ အရေးယူ သွားမယ်လို့ သမ္မတရုံးဝန်ကြီး ဦးအောင်မင်းက ဒီကနေ့သတိပေး ပြောကြား လိုက်ပါတယ်။
သမ္မတ ဦးသိန်းစိန် အစိုးရရဲ့ မုန်တိုင်းကာကွယ်ရေး အစီအစဉ်တွေနဲ့ ပတ်သက်ပြီး ရန်ကုန်မြို့ မြန်မာ ငြိမ်းချမ်းရေး စင်တာမှာ ပြုလုပ်တဲ့ သတင်းစာ ရှင်းလင်းပွဲမှာ ၀န်ကြီး ဦးအောင်မင်းက ပြောကြားခဲ့တာပါ။
အစိုးရက မုန်တိုင်းကာကွယ်ရေး ကော်မတီ ဖွဲ့စည်း ပြီး ဆောင်ရွက်နေရာမှာ ဒုတိယ သမ္မတ ဦးဥာဏ်ထွန်းက ဥက္ကဌ အဖြစ် ဆောင်ရွက်နေကြောင်း သတင်းထုတ်ပြန် ထားပါတယ်။
မုန်တိုင်းဒဏ်ခံရဖွယ်ရှိတဲ့ ရခိုင်ပြည်နယ်က ဒုက္ခသည်စခန်း အတော်များများကို အစိုးရက ဘေးလွတ်ရာ ရွှေ့ပြောင်းပေးနေရာမှာ မပြောင်းလိုပဲ ငြင်းဆန်နေသူ မူဆလင်ဒုက္ခသည် အတော်များများ ရှိနေပြီး အဲဒီလို မပြောင်းရွှေ့လိုပဲ ငြင်းဆန်နေတာဟာ မူလနေရာကိုပြန်မရမှာ စိုးရိမ်တာတွေ အပြင်၊ လုံခြုံရေးကြောင့်လည်း မပြောင်းလိုသူတွေ ရှိတယ်လို့ သိရပါတယ်။
အစိုးရအဖွဲ့နဲ့ ရခိုင်ပြည်နယ် အစိုးရအဖွဲ့တွေကတော့ မုန်တိုင်းကြောင့် ဆုံးရှုံးမှု မများအောင်၊ အသေအပျောက် အနည်းဆုံးဖြစ်အောင် ဆောင်ရွက် သွားမှာဖြစ်ပြီး လုံခြုံရေး အတွက် အပြည့်အ၀ တာဝန် ယူသွားမယ်လို့ ပြောကြားခဲ့ပါတယ်။
ရခိုင်ပြည်နယ်အတွင်းက ဘူးသီးတောင်၊ မောင်တော၊ ရသေ့တောင်၊ ပုဏ္ဍားကျွန်း၊ မင်းပြားစတဲ့ မြို့နယ်တွေကို မုန်တိုင်း အန္တရာယ် အရှိဆုံး မြို့နယ်တွေအဖြစ် ယူဆထားပြီး ကျောက်ဖြူ၊ သံတွဲ၊ ပေါက်တော၊ မြောက်ဦး စတဲ့ နီးစပ်ရာမြို့တွေမှာလည်း မုန်တိုင်း အရှိန်သက်ရောက်မှု ရှိနိုင်တယ်လို့ သိရပါတယ်။ လောလောဆယ် အထိ ရခိုင်ပြည်နယ်တွင်းက ဒုက္ခသည် အိမ်ထောင်စု နှစ်သောင်းနီးပါးကို နေရာရွှေ့ပြောင်းပေးထားတယ်လို့ သိရပါတယ်။
Ref: RFA News
အလုပ်ဖြုတ်ခံရတဲ့ အလုပ်သမား ၅၀ နီးပါးအတွက် ဆန္ဒပြ
2013-05-15
ရန်ကုန်တိုင်း လှိုင်သာယာမြို့နယ်၊ ငွေပင်လယ် စက်မှုဇုန်အတွင်းမှာရှိတဲ့ စံကောင်း ပီနံအိတ် စက်ရုံမှာ အလုပ်သမား ၄၉ ဦးကို အလုပ် ထုတ်လိုက်တဲ့ အတွက် အဲ့ဒီစက်ရုံက အလုပ်သမား ရာနဲ့ချီပြီး စက်ရုံရှေ့မှာ ဆန္ဒပြတောင်းဆိုနေကြပါတယ်။
ဒီကနေ့ဟာ ၄ ရက်မြောက်နေ့အဖြစ် ဆန္ဒပြခဲ့ကြတာဖြစ်ပြီး အလုပ်ဖြုတ် ခံရတဲ့ အလုပ်သမား ၅၀ နီးပါးကို အလုပ်ပြန် ခန့်ဖို့ တောင်းဆို ခဲ့ကြတာလို့ ဆန္ဒပြပွဲမှာ ပါဝင်တဲ့ အလုပ်သမား ကိုယ်စားလှယ် မဥမ္မာဝင်းက RFA ကို ပြောပါတယ်။
“၄၉ ယောက်ကို အလုပ်ဖြုတ်တဲ့ကိစ္စရယ်၊ နောက် တစ်ချက်က နိုင်ငံတော်က ခွင့်ပြုထားတဲ့ သမဂ္ဂ ရှိရဲ့သားနဲ့ သမဂ္ဂကို အသိအမှတ် မပြုပဲနဲ့ သူတို့ လုပ်ချင်တိုင်း လုပ်နေတဲ့ ပုံစံ အဲဒါ သမဂ္ဂကို အသိအမှတ်ပြုဖို့၊ ကြီးကြပ်ရေးက အလုပ်သမားတွေကို မင်းကို အလုပ်ဖြုတ်မယ်၊ မင်းအလုပ် ထွက်ရမယ်၊ မင်းကို အလုပ်ဖြုတ်လိုက်လို့ ငါတို့လျော်ကြေးပေးမယ်၊ အဲလိုမျိုးမ လုပ်ဖို့ကိုလည်း တောင်းဆို ထားပါတယ်၊ ဒီဝန်ထမ်းတွေ အကုန်လုံးကနေ စုပေါင်းတောင်းဆိုမှု ဆိုတာ ဖြစ်လာတာပါ”
ပီနံအိတ် အလုပ်သမားတွေအနေနဲ့ အလုပ်ထုတ်ခံရတဲ့ အလုပ်သမား ၄၉ ဦးကို အလုပ်ပြန်ခန့်ဖို့ အပြင်၊ အခြေခံ လုပ်ခလစာ တိုးပေးရေး၊ လုပ်ငန်းနဲ့ လုပ်သားအင်အား မျှတစွာ ထားရှိပေးဖို့ စတဲ့အ ချက်တွေ အပါအ၀င် ၄၃ ချက်ကို ဖြည့်ဆည်းဆောင်ရွက်ပေးဖို့ တောင်းဆိုနေကြတာပါ။
တရုတ်လူမျိုးတွေနဲ့ ဖက်စပ်လုပ်ကိုင်နေတဲ့ စံကောင်း ပီနံအိတ် စက်ရုံမှာ ပြီးခဲတဲ့ ဧပြီလ ၁၅ ရက်နေ့က အလားတူ ဆန္ဒပြခဲ့ ကြရာမှာ စက်ရုံတွင်း ဆူပူအောင် လှုံ့ဆော်တယ် ဆိုပြီး အလုပ်သမား ၄၉ ဦးကို အလုပ် ထုတ်ပစ်ခဲ့တာလို့ ဆိုပါတယ်။
အလုပ်သမားတွေရဲ့ တောင်းဆိုချက်တွေကို အလုပ်ရှင်နဲ့ အလုပ်သမား ကိုယ်စားလှယ်တွေက လှိုင်သာယာမြို့နယ် အထွေအထွေ အုပ်ချုပ်ရေးမှူး ရုံးခန်းမှာ သုံးပွင့်ဆိုင် ညှိနှိုင်းဆွေးနွေး ခဲ့ကြပေမယ့် အလုပ်ဖြုတ် ခံရတဲ့ အလုပ်သမား ၄၉ ဦး ပြန်လည် ခန့်ထားရေးကို အလုပ်ရှင် ဘက်က ငြင်းဆန် လိုက်တဲ့အတွက် ဒီပြဿနာကို မြို့နယ် ခုံသမာဓိရုံးမှာ ဆက်လက်ဖြေရှင်းဖို့ သဘော တူလိုက်ကြောင်းသိရပါတယ်။
Ref: RFA News
လယ်လုပ်ခွင့်နှင့် ဖမ်းထားသူများ ပြန်လွှတ်ရေး လက်ပံတောင်း ဒေသခံ များ တောင်းဆို
ကျော်ခ
May 15, 2013
စစ်ကိုင်းတိုင်း၊ မုံရွာခရိုင်၊ လက်ပံတောင်းတောင် ဒေသခံ ရွာသားများက ပုဒ်မ ၁၄၄ ရုတ်သိမ်းပေးရန်၊ လယ်ယာများ ထွန်ယက် စိုက်ပျိုးခွင့် ပေးရန်နှင့် ဒေသခံများအရေး ကူညီဆောင်ရွက်ရင်းမှ ဖမ်းဆီး ခံရသည့် ရန်ကုန်ပြည်သူ့ အကျိုးဆောင် ကွန်ရက်မှ ကိုအောင်စိုးနှင့် ဒေသခံ ရွာသားများကို ပြန်လွှတ်ပေးရန် အစိုးရ ဝန်ကြီးများနှင့် တွေ့ဆုံရာတွင် တောင်းဆိုလိုက်ကြောင်း သိရသည်။
ယမန်နေ့က တုံရွာတွင် လက်ရှိ လက်ပံတောင်းဒေသ လုံခြုံရေးဆိုင်ရာ တာဝန်ကို အဓိက ကိုင်တွယ် ဆောင်ရွက်နေသည့် စစ်ကိုင်းတိုင်းအစိုးရ နယ်စပ်ရေးရာ လုံခြုံရေး ဝန်ကြီး ဦးကြည်နိုင်နှင့် သတ္ထုတွင်း ပြည်ထောင်စု ဝန်ကြီး ဦးသန်းထိုက် တို့ပါဝင်သော အဖွဲ့ဝင်များက ဒေသခံ ရွာသားများနှင့် လာရောက် တွေ့ဆုံခဲ့ရာတွင် ယင်းသို့ တောင်းဆိုလိုက်ခြင်း ဖြစ်ကြောင်း ဒေသခံများက ပြောသည်။
“ကျနော်တို့ တောင်းဆိုချက်တွေကို ဝန်ကြီးတွေက တပတ်အကြာမှာ အကြောင်းပြန်မယ် လို့တော့ မနေ့က ပြောသွားတယ်” ဟု တုံရွာသား ကိုအောင်သန်းမျိုး ကပြောသည်။ ပုဒ်မ ၁၄၄ ထုတ်ပြန်ထားသည့် နေရာတွင် ကိုအောင်သန်းမျိုး၏ မြေ ၁၀ ဧက ပါဝင်ကြောင်း သိရသည်။
နှစ်စဉ်ရာသီပေါ် သီးနှံများ စိုက်ပျိုးချိန်ဖြစ်သည့် မိုးဦးကျ ကာလကို ရောက်ရှိလာပြီ ဖြစ်သောကြောင့် ထွန်ယက် စိုက်ပျိုးနိုင်ရန် အခက်တွေ့နေသဖြင့် ယင်းဥပဒေ ချမှတ် ထားခြင်းကို ရုတ်သိမ်း ပေးရန်တောင်းဆိုခြင်း ဖြစ်ကြောင်း ဒေသခံများက ပြောသည်။
“အစိုးရက လူထုကို တကယ်စေတနာ ထားတာမှန်ရင် လူထု အသက်မွေးဝမ်းကျောင်း လုပ်ငန်း လုပ်ကိုင်နေတဲ့ လယ်ယာမြေတွေ ပေါ်မှာ ချမှတ်ထားတဲ့ ဒီဥပဒေကို အခုလို စိုက်ပျိုးကာလ ရောက်နေချိန်မှာ ချက်ချင်း ရုတ်သိမ်းပေးရမယ်လေ။ ကျုပ်တို့က ဘာလျှော်ကြေးမှ ယူထားတာ မဟုတ်ဘူး” ဟု ကိုအောင်သန်းမျိုးက ဧရာဝတီသို့ ပြောသည်။
လက်ပံတောင်းတောင် ကြေးနီစီမံကိန်း နယ်မြေအနီးတဝိုက်ရှိ ဒေသခံ တောင်သူများ၏ မြေဧက ၇၈၆၇.၇၈ ပေါ်တွင် အစိုးရ အာဏာပိုင်များက မည်သူမဆို ၂၄ နာရီအတွင်း သွားလာလှုပ်ရှားခွင့် မရှိကြောင်း ယခင်နှစ် မေလမှစ၍ ထုတ်ပြန်ထားခဲ့ခြင်း ဖြစ်သည်။
ပုဒ်မ ၁၄၄ ထုတ်ပြန်ထားခြင်းကြောင့် ဒေသခံများမှာ ၎င်းတို့ လယ်ယာမြေများကို သွားရောက် လုပ်ကိုင်နိုင်ခြင်း မရှိသော်လည်း လက်ပံတောင်း ကြေးနီစီမံကိန်းကို တာဝန်ယူ လုပ်ဆောင်နေသည့် မြန်မာ့တပ်မတော်ပိုင် မြန်မာ့ ဦးပိုင် လီမိတက်နှင့် တရုတ်နိုင်ငံမှ ၀မ်ပေါင်ကုမ္ပဏီတို့မှာ စီမံကိန်းကို ဆက်လက် လုပ်ဆောင်နေကြောင်း သိရသည်။
ဦးပိုင် လီမိတက်၊ ၀မ်ပေါင်ကုမ္ပဏီနှင့် ဒေသဆိုင်ရာ အစိုးရအဖွဲ့ တာဝန်ရှိသူများက မြေယာများကို လက်ရှိ ပေါက်ဈေးအတိုင်း ပေးချေရန် ကမ်းလှမ်းသော်လည်း အများစုက လက်မခံကြောင်း ၎င်းတို့ ဘိုးဘွားပိုင်မြေများပေါ်တွင် တရာသီလျှင် သီးနှံ ၂ မျိုး စိုက်ပြီး ကျပ် ၁၀ သိန်းခန့် ဝင်ငွေရကြောင်း ပြောသည်။
“ကျနော်တို့ လယ်ယာမြေတွေက နောင်မျိုးဆက်တွေအထိ လုပ်ကိုင် စားသောက်လို့ရပါတယ်။ သူတို့လျှော်ကြေးက ဒီတသက်တောင် စားမလောက်ပါဘူး။ လျှော်ကြေးလည်း မယူဘူး၊ ယာပဲပြန်လုပ်မယ်။ အခုလို ကိုယ့်ယာကို လုပ်ခွင့် ပိတ်ပင်ခံရမယ်ဆိုရင် ကျနော်တို့ရဲ့ မိသားစု စားဝတ်နေရေးအတွက် အခက်တွေ့မှာပဲ” ဟု တုံရွာသား ဦးမြင့်အောင် ကလည်း ပြောသည်။
ပုဒ်မ ၁၄၄ နယ်မြေ သတ်မှတ်မှုထဲတွင် ဦးအောင်မြင့်၏ ယာ ၁၀ ဧကကျော် ပါဝင်နေကြောင်း ယင်းယာခင်းများတွင် ယခင်နှစ်များက နှမ်း၊ မြေပဲ၊ ဂျုံနှင့် အခြားသီနှံများ စိုက်ပျိုးကြောင်း သူက ဆက်ပြောသည်။
“ကျနော်တို့ကတော့ ကျနော်တို့ လိုအပ်ချက်တွေကို မနေ့က ဝန်ကြီးတွေကို ပြောပြလိုက်တယ်။ ကျနော်တို့ အရင်ကလည်း တောင်းဆိုထားတာရှိတယ်၊ အစိုးရလူကြီးတွေလည်း သိနေတာပဲ။ ဒါကို မျက်ကွယ်ပြုပြီး ပုဒ်မ ၁၄၄ ရုတ်သိမ်း မပေးဘူးဆိုရင် ကျနော်တို့ကတော့ ဖြစ်ချင်ရာဖြစ် ယာထဲဆင်းထွန်ရတော့မှာပဲ။ သေချင်လည်း သေပစေတော့” ဟု ကိုအောင်သန်းမျိုးက ပြောသည်။
ဦးပိုင်-ဝမ်ပေါင် ကုမ္ပဏီမှ မြေယာလျှော်ကြေး ယူမထားသော တောင်သူများက ယခင်လ ၂၅ ရက်နေ့တွင် ၎င်းတို့ပိုင် ယာခင်းများအတွင်း ဝင်ရောက်ထွန်ယက်ကြရာ အာဏာပိုင်များ၏ အကြမ်းဖက်နှိမ်နှင်းခြင်းကို ခံခဲ့ရပြီး ရွာသားတဦး သေနတ်ကျည်ဆံမှန်ကာ ဒဏ်ရာရရှိသွား သကဲ့သို့ ရိုက်နှက်ခံရမှုကြောင့် ၂၀ ဦးထက်မနည်း ဒဏ်ရာရရှိကာ ၄ ဦး ဖမ်းဆီးခံခဲ့ရသည်။
၂၀၁၂ ခုနှစ် နိုဝင်ဘာလ ၂၉ ရက်နေ့ကလည်း နံနက် ၃ နာရီခန့်တွင် ၀မ်ပေါင်ကုမ္ပဏီ အနီးဝန်းကျင်ရှိ လယ်ယာမြေများ ပြန်လည်ရရှိရေး တောင်းဆိုနေကြသည့် သပိတ်စခန်းများကို ၀မ်ပေါင်ကုမ္ပဏီထဲတွင် လုံခြုံရေး တာဝန်ယူထားကြသည့် လုံထိန်းရဲများက မီးသတ်ပိုက်များသုံး၍ ဖြိုခွဲ၊ မျက်ရည်ယိုဗုံး သုံးခြင်းဖြင့် အကြမ်းဖက်ဖြိုခွင်းမှုများ လုပ်ဆောင်ခဲ့သည်။
ရဲတပ်ဖွဲ့၏ ထိုကဲ့သို့ အင်အားသုံး ဖြိုခွဲလိုက်ခြင်းကြောင့် သပိတ်စခန်းများရှိ သံဃာများ၊ ဆန္ဒပြသူများ ထိုခိုက်ဒဏ်ရာများ ရရှိကြကာ ရဟန်းသံဃာများ အပါအ၀င် ထိခိုက်ဒဏ်ရာရသူ အနည်းဆုံး ၇၀ ကျော်ရှိခဲ့သည်။
Ref: ဧရာဝတီ
မအူပင်မြို့မှာ အင်းလုပ်သားများ ဆန္ဒပြ
2013-05-15
ဧရာဝတီတိုင်း၊ မအူပင်ခရိုင်အတွင်းက အင်းလုပ်ငန်းတွေကို အစိုးရက လေလံ စနစ်နဲ့ လုပ်ပိုင်ခွင့်ပေးနေရာမှာ ဒေသခံ တပိုင်တနိုင် အင်းလုပ်သားတွေ လုပ်ပိုင်ခွင့် မရရှိတာကြောင့် လုပ်ပိုင်ခွင့်ရရှိရေးအတွက် အင်းလုပ်သား ၂၀၀ လောက်ဟာ တရားဝင် ခွင့်ပြုချက်ရယူပြီး မအူပင်မြို့လည်မှာ ဒီနေ့စီတန်းလှည့်လည် ဆန္ဒပြခဲ့ကြပါတယ်။
အစိုးရက အင်းလုပ်ငန်းလေလံချပေးရာမှာ ငွေရှိသူတွေ သာ လေလံအောင်ပြီး အဲဒီလေလံအောင်သူတွေက အင်းလုပ်ငန်းတွေကို အမြတ်ငွေ များများနဲ့ ပြန်ရောင်း တာတွေ ရှိတယ်လို့ အင်းလုပ်သားတွေက ပြောပါတယ်။ အင်းလုပ်သားတွေ အနေနဲ့ သူတို့တောင်းဆိုချက်တွေကို သက်ဆိုင်ရာ တာဝန်ရှိသူတွေက ဖြည့်ဆည်းဆောင် ရွက်ပေးလာတဲ့အထိ တောင်းဆိုဆန္ဒပြသွားမယ်လို့ ဒီကနေ့ဆန္ဒပြပွဲမှာပါဝင်တဲ့ မလက်တိုကျေးရွာသား ဦးသန်းလှိုင်က ပြောပါတယ်။
မအူပင်မြို့ မှာရှိတဲ့ ငါးလုပ်ငန်းဦးစီးဌာန ခရိုင်ဦးစီးမှူး ဦးစိန်သောင်း ကတော့ အင်း လုပ်ပိုင်ခွင့်ကို သက်ဆိုင်ရာ တာဝန် ရှိသူတွေနဲ့ ရင်းနှီး သူများကိုပဲ ချထားပေးတယ် ဆိုတာ မဟုတ်မှန်ကြောင်း၊ လေလံဈေးအောင်သူတွေ ကိုပဲ ချထားပေးနေတာဖြစ်ကြောင်း၊ လေလံ တစ်ခါအောင်ရင် ၃ နှစ်လုပ်ပိုင်ခွင့် ရရှိနိုင်ကြောင်း ပြောပါတယ်။
Ref: RFA News
တော်ဝင်စက်ရုံက ဆန္ဒပြအလုပ်သမား ၁၂ ဦး အဖမ်းခံရ
2013-05-15
ရန်ကုန်တိုင်း၊ ရွှေပြည်သာမြို့နယ် ဝါးတစ်ရာစက်မှုဇုန်က တော်ဝင် သစ်အချောထည် စက်ရုံမှာ စက်ရုံ တာဝန်ရှိသူတွေရဲ့ ခွင့်ပြုချက်မရပဲ စက်ရုံထဲ ဝင်ရောက်ခဲ့တဲ့ အလုပ်သမား ၄၂ ဦးကို လှော်ကား ရဲစခန်းက ပုဒ်မ(၄၅၂) ပိုင်နက် ကျူးလွန်မှုနဲ့ တရား စွဲဆိုခဲ့ပြီး မနေ့ညနေပိုင်းမှာ အဲ့ဒီထဲက အလုပ်သမား ၁၂ ဦးကို ဖမ်းဆီး သွားခဲ့တယ်လို့ အဖမ်းဆီးခံရသူ ကိုနေလင်းဦးရဲ့ ဖခင်ဦးသန်းနိုင်က RFAကို အခုလို ပြောပါတယ်။
“နေပြည်တော်က အထက်အမိန့်အရ ပုဒ်မ ၄၅၂ ပိုင်နက်ကျူးလွန် မှုနဲ့ စွဲထားတဲ့ ပုဒ်မပေါ့နော်၊ အဲပုဒ်မနဲ့ သူတို့ကို တရားခံဖြစ်တဲ့ အတွက် ဖမ်းတာပါလို့ သူတို့ပြောတယ်၊ အဲအချိန် မှာ နေလင်းဦးက အထက်က အမိန့်အတိုင်း ဖမ်းဝရမ်းပါရင် အဖမ်းခံမယ်၊ တရားခံ မဟုတ်တဲ့ အတွက် အဖမ်းမခံနိုင်ဘူး၊ သူပြောတဲ့အချိန်မှာ ရဲလေးယောက်က အိမ်ပေါ် အတင်းတက်ပြီးတော့ လက်ထိပ်ခတ်ပြီး အတင်း ဆွဲချသွားတာ”
ဦးဆောင်ဆန္ဒပြခဲ့တဲ့ ကိုနေလင်းဦး၊ ကိုဖြိုးမောင်မောင်၊ ကိုထွန်းထွန်းဝင်း၊ မအိဇာဖြူ၊ မဝင်းဝင်းတင် အပါအဝင် အလုပ်သမား ၁၂ ဦးကို ဒီကနေ့ ရွှေပြည်သာမြို့နယ် တရားရုံးမှာ ရုံးထုတ် စစ်ဆေး ခဲ့ပါတယ်။
ပြီးခဲ့တဲ့နှစ် ဒီဇင်ဘာလက တော်ဝင်သစ်အချောထည် စက်ရုံဝင်းထဲကို အလုပ်သမားတွေ ဝင်ရောက် ဖျက်ဆီး ခဲ့တာတွေ ရှိခဲ့ပြီး အဲ့ဒီကိစ္စနဲ့ ဆက်စပ်လို့ အလုပ်သမား ၄၂ ဦးစလုံးကို ပိုင်နက် ကျူးလွန်မှုနဲ့ တရားစွဲဆို ထားရာမှာ ၁၂ ဦးကို အရင် ဖမ်းဆီးခဲ့တာလို့ သိရပါတယ်။
အဲ့ဒီအဖမ်းခံထားရတဲ့ အလုပ်သမား ၁၂ ဦးကို တရားရုံးကနေတဆင့် အင်းစိန်ထောင်ကို ပို့လိုက်ပြီး လာမယ့်မေလ ၂၈ ရက်နေ့ကို နောက်ထပ်ရုံးချိန်း ချိန်းဆို လိုက်ပါတယ်။
Ref: RFA News
မြေပုံမြို့နယ် ငမန်းရဲကျွန်းမှ ဒေသခံ ၄၀၀၀ ကျော်ကို ဘေးလွှတ်ရာ သို့ ရွှေ့ပြောင်း
May 15, 2013
ရခိုင်ပြည်နယ် မြေပုံမြို့နယ် ငမန်းရဲကျွန်းမှ ဒေသခံ ၄၀၀၀ ကျော်ကို ရခိုင်ပြည်နယ် အစိုးရ၏ အစီအစဉ်ဖြင့် ဘေးလွှတ်ရာ ဒေသများသို့ ရွှေ့ပြောင်းလိုက်ပြီဟု ရွှေ့ပြောင်းရေးကို စီစဉ် ဆောင်ရွက်နေသူ ပေါက်တော မြို့နယ် ပြည်နယ် လွှတ်တော် ကိုယ်စားလှယ် ဦးတက်ထွန်းအောင်က နိရဉ္စရာသို့ ပြောသည်။
“ အခု ရွှေ့ပြောင်းနေတာက အသက်အရွယ် ကြီးရင့်နေသူတွေနဲ့ အမျိုးသမီးတွေ၊ ကလေးတွေ ဖြစ်ကြ ပါတယ်။ လေးထောင်ကျော် ငါးထောင်နီးပါး ရွှေ့ပြောင်းခဲ့ပြီ ဖြစ်ပါတယ်” ဟု သူက ဆိုသည်။
ယမန်နေ့က လူပေါင်း ၂၅၀၀ ကျော်ခန့်ကို မင်းပြားမြို့ပေါ်သို့ ပြောင်းရွှေ့ပေးခဲ့ပြီး တစ်ခြား သူများကို တောင်စိုင် ကမ်းရှိ ကျေးရွာများသို့ ပြောင်းရွှေ့ပေးခဲ့သည်ဟု ဆိုသည်။
“ ဒီကနေ့ ငမန်းရဲကျွန်းက လူတွေကို ရွှေ့ပြောင်းပေးနေတာက မင်းပြားနဲ့ မြေပုံမြို့နယ် အကြားက တောင်စိုင်ကမ်းမှာ ရှိတဲ့ ကျောက်ခေါင်း၊ ညောင်ချောင်၊ ခမောင်းတော စတဲ့ ရွာတွေကို ရွှေ့ပါတယ်။ လူပေါင်းကတော့ ၂၀၀၀ ကျော်ရှိပါတယ်။ ကျွန်တော်တို့ကိုယ်တိုင် သွားရောက် ရွှေ့ပေးတာပါ” ဟု ဆိုသည်။
ယခုလက်ရှိ ငမန်ရဲကျွန်းတွင် အမျိုးသမီးများ၊ ကလေးငယ်များ မကျန်တော့ဘဲ ယောကျာင်္း သန်သန်မာမာများ ကျန်ရှိနေခဲ့သည်ဟု ဆိုသည်။
ငမန်းရဲကျွန်းသည် ပင်လယ်ထဲတွင် တည်ရှိပြီး ၁၉၆၇ ခုနှစ် မေလ ၁၀ ရက်နေ့က တိုက်ခတ်ခဲ့သော မုန်တိုင်း အတွင်း ကျွန်းပေါ်တွင် တည်ရှိသော ရွာ (၈) စလုံး ရေအောက်ကို ရောက်ရှိသွားခဲ့ပြီး လူပေါင်း ၃၀၀၀ ခန့် သေဆုံးခဲ့သည်ဟု သိရသည်။
ယခု ပြောင်းရွှေ့မူအား ရခိုင်ပြည်နယ် လွှတ်တော် ဥက္ကဌ ဦးထိန်လင်း၏ ညွှန်ကြားချက်ဖြင့် ပေါက်တောမြို့နယ် ပြည်နယ် လွှတ်တော် ကိုယ်စားလှယ် ဦးတက်ထွန်းအောင်၊ မြေပုံမြို့နယ် ပြည်နယ် လွှတ်တော် ကိုယ်စားလှယ် ဦးအောင်ဝင်း၊ ကျောက်ဖြူမြို့နယ် ပြည်နယ် လွှတ်တော် ကိုယ်စားလှယ် ဦးကျော်လွှင်၊ ကျောက်တော်မြို့နယ် ပြည်နယ် လွှတ်တော် ကိုယ်စားလှယ် ဦးမောင်လှကျော် တို့မှ ဆောင်ရွက်နေခြင်း ဖြစ်သည်။
Ref: နိရဉ္စရာ
မုန်တိုင်း အန္တရာယ် စိုးရိမ်နေတဲ့ မြေပုံမြို့လူထု တစ်ပူပေါ် နှစ်ပူဆင့်
မောင်အေး
May 15, 2013
၂၁၁၀ ခုနှစ်က တိုက်ခိုက်ခဲ့တဲ့ ဂီရိ မုန်တိုင်းဒဏ်ကို အလူးအလဲ ခံခဲ့ရတဲ့ မြေပုံမြို့သူ မြို့သားတွေဟာ အခု ဘင်္ဂလာ ပင်လယ်အော်မှာ ဖြစ်ပေါ်နေတဲ့ မဟာဆန် မုန်တိုင်းကလည်း ရခိုင်ဘက်ကို ၀င်နိုင် တယ်လို့ ခန့်မှန်း ထားတဲ့ အတွက် စိုးရိမ်မူတွေ တိုးပွားနေချိန်မှာ မြို့ပြင် ဒုက္ခသည် စခန်းတွေက မူဆလင် ဒုက္ခသည်တွေကို မြို့ထဲကို ရွှေ့မယ်ဆိုတဲ့ သတင်းတွေကြောင့် တမြို့လုံး လူပ်လူပ်ရွရွ ဖြစ်ကာ တပူပေါ် နှစ်ပူဆင့် ဖြစ်နေကြရတယ်လို့ သတင်းတွေ ရရှိပါတယ်။
ဒါကြောင့် မြို့ထဲက ရှိရှိသမျှ အမျိုးသမီးတွေဟာ မနေ့ မနက်က ဘုန်းတော်ကြီး ကျောင်းမှာ လူစုပြီး မြို့နယ် အုပ်ချုပ်ရေးမှူး ရုံးကို ချီတက်ကာ ဒုက္ခသည်တွေကို မြို့ထဲ ရပ်ကွက်တွေကို မရွှေ့ပြောင်းပေးဖို့ တောင်းဆို ခဲ့ကြတယ်လို့ ဆိုပါတယ်။
“ ငြိမ်းငြိမ်းချမ်းချမ်းပြီးသွားပါတယ်။ ဆန္ဒပြတဲ့အဆင့်တော့ မဟုတ်ပါဘူး။ ဘင်္ဂလီတွေကို မြို့ထဲမှာ နေရာ ချရင် ရခိုင် တွေနဲ့ နီးနီးကပ်ကပ် ဖြစ်သွားမယ်။ နီးနီးကပ်ကပ် ဖြစ်သွားရင် မုန်တိုင်းကြားထဲမှာ နောက်ထပ် ပဋိပက္ခတွေ ဖြစ်သွားရင် ဘယ်လို လုပ်မလဲ။ ဒါကြောင့် နောက်ထပ်ပြသနာ ထပ်မဖြစ်ရအောင် နီးနီးကပ်ကပ် မထားဖို့ ကန့်ကွက်ကြတဲ့ သဘောပါ။”
ဒါကတော့ မြေပုံမြို့ပေါ်က ဆရာတော်တစ်ပါး မိန့်ကြားတာ ဖြစ်ပါတယ်။
မြေပုံ မြို့နယ်အုပ် ချုပ်ရေးမှူးကတော့ မုန်တိုင်း ဘေးကနေ လွတ်ကင်းအောင် မြို့ပြင် ဒုက္ခသည် စခန်းတွေက မူဆလင် ဒုက္ခသည်တွေကို လုံခြုံမူ ပိုရှိတဲ့ မြေပုံမြို့ အမှတ် (၁)ရပ်ကွက်က စည်ပင်ရုံး၊ သမ၀ါယမရုံးနဲ့ ဆောက်လုပ်ရေး ရုံးတွေမှာ နေရာချထားပေးဖို့ စီစဉ်နေတယ်လို့ ဆိုပါတယ်။
စည်ပင်ဝန်ထမ်း မိသားစုတွေကိုလည်း ဒုက္ခသည်တွေကို နေရာ ချပေးဖို့ အတွက် စည်ပင်ရုံးကနေ ဖယ်ခိုင်းထားတယ်လို့ သိရပါတယ်။
“ ကျွန်မတို့က မုန်တိုင်းတိုက်မှာကို ကြောက်ရမလား။ တစ်ဘက်မှာ သူတို့ကို နေရာချလိုက်ရင် ဘင်္ဂလီတွေကို ကြောက်ရမလား။ ကျွန်မတို့နဲ့ နီးနီးကပ်ကပ် နေရာ ချထားရင် အမျိုးသမီးများ အတွက် လုံခြုံမှု မရှိတဲ့ အပြင် နောက်ထပ် ပြဿနာတွေပါ ဆက်ဖြစ်နိုင်တဲ့ အတွက် မီးဘေးရှောင် မလောင်ခင်တား သဘောမျိုးနဲ့ နောက်နေရာတွေမှာသာ ရွှေ့ပြောင်းနေရာ ချထားဖို့နဲ့ မြို့ထဲကို ခေါ်မလာဖို့ တောင်းဆိုရတာ ဖြစ်ပါတယ်” လို့ မြေပုံ ဒေသခံ အမျိုးသမီး တစ်ဦးက ပြောပါတယ်။
မြို့နယ်အုပ်ချုပ်ရေးမှူးကတော့ သဘာဝဘေးအန္တရာယ်မှ ကာကွယ်ရေး အတွက် ယာယီ နေရာ ချထားပေးဖို့ စီစဉ်တာ ဖြစ်တယ်လို့ ပြောဆိုတယ်လို့ ဆိုပါတယ်။ မုန်တိုင်း အခြေအနေ ကလည် ထူးခြားမူ မရှိသေးတဲ့ အတွက် ဒုက္ခသည်တွေကို ယခုအချိန်ထိ ပြောင်းရွှေ့နေရာချပေးတာ ကတော့ မရှိသေးဘူးလို့ သိရပါတယ်။
Ref: နိရဉ္စရာ
ဒုက္ခသည် ၇ သောင်းခန့် မုန်တိုင်းဘေးလွတ်ရာ ရွှေ့ပြောင်းရန် ငြင်းဆန်
ထက်နိုင်ဇော်
May 15, 2013
ရခိုင်ပြည်နယ်အစိုးရက စစ်တွေမြို့ အနီးရှိ ဒုက္ခသည်များကို မဟာစင် မုန်တိုင်းဒဏ် ကင်းလွတ်နိုင်သော နေရာများသို့ ရွှေ့ပြောင်းပေးလျှက် ရှိသော်လည်း ဒုက္ခသည် ၇၀၀၀၀ ခန့်မှာ ရွှေ့ပြောင်းရန် ငြင်းဆန်နေကြောင်း ရခိုင်ပြည်နယ် အစိုးရ အဖွဲ့၏ ပြောခွင့်ရပုဂ္ဂိုလ် ဦးဦးလှသိန်းက ပြောသည်။
ဘင်္ဂလား ပင်လယ်အော်တွင် ဖြစ်ပေါ်နေသော မဟာစင် မုန်တိုင်းသည် မေလ ၁၆ ရက်နေ့တွင် ရခိုင်ပြည်နယ်နှင့် ဘင်္ဂလားဒေ့ရှ် ကမ်းခြေဒေသများကို ဖြတ်သန်းမည်ဟု ခန့်မှန်းထားရာ စစ်တွေမြို့အနီး ဒုက္ခသည် စခန်းမှ တသိန်းနီးပါး ရှိသော ဒုက္ခသည်များကို မုန်တိုင်းဒဏ် ကင်းလွတ်ရာ နေရာများသို့ ရွှေ့ပြောင်းပေးရန် ရခိုင်ပြည်နယ် အစိုးရက စီစဉ်ခဲ့ကြောင်း၊ သို့ရာတွင် ဒုက္ခသည် စခန်း ၁၁ ခုမှ လူဦးရေ ၇၀၀၀၀ ခန့်မှ နေရာပြောင်းရွှေ့ပေးရန် ငြင်းဆန်ခဲ့ကြောင်း သိရှိရသည်။
ဒုက္ခသည်များ ပြောင်းရွှေ့ရန် ငြင်းဆန်ကြခြင်းမှာ နိုင်ငံတကာ အဖွဲ့အစည်း တချို့နှင့် ရန်ကုန် အခြေစိုက် အစ္စလမ် ဘာသာရေး ခေါင်းဆောင်များ၏ လှုံ့ဆော်မှုကြောင့် ဖြစ်နိုင်ကြောင်း၊ မူလက မုန်တိုင်း အန္တရာယ် ကင်းလွတ်နေရာ များသို့ ဒုက္ခသည်များက ပြောင်းရွှေ့မည်ဟု သဘော တူခဲ့ သော်လည်း နောက်ပိုင်းတွင် မပြောင်းရွှေ့ဟု ငြင်းဆန်ကြကြောင်း ဦးဦးလှသိန်းက ဆိုသည်။
“တနေ့က ကုလသမဂ္ဂ အဖွဲ့တွေနဲ့ လာစည်းရုံးတော့ ရွှေ့မယ်ပြောတယ်။ ဒီနေ့ ဖယ်ခိုင်းတော့ မရတော့ဘူး။ သူတို့ ဘာသာရေး ခေါင်းဆောင်တွေကြောင့် ဖြစ်မယ်။ စခန်း တာဝန်ခံကလည်း ရှောင်နေတယ်။ ဘယ်လိုမှ ရွှေ့ဖို့ ပြောမရဘူး” ဟု ဒုက္ခသည်များကို အကူအညီပေးနေသော စစ်တွေမြို့ အောင်မင်္ဂလာရပ်ကွက်မှ ဒေသခံတဦးက ပြောသည်။
မုန်တိုင်းအန္တရာယ် ကင်းလွတ်ရာ နေရာများသို့ ပြောင်းရွှေ့ရန် ငြင်းဆန်ကြသော ဒုက္ခသည် စခန်းများအနက် မြေစိုက်တဲ များဖြင့် နေထိုင်ကြသော ဒါးပင် ဒုက္ခသည် စခန်းသည် မုန်တိုင်းဒဏ် ခံရရန် အလွန် စိုးရိမ်ရသည့် အနေအထား ဖြစ်နေကြောင်း၊ ယင်း ဒါးပင် ဒုက္ခသည် စခန်းတွင် လူဦးရေ ၁၇၀၀၀ နေထိုင်ပြီး ဒုက္ခသည်များသည် စစ်တပ်၏ လာရောက် ခေါ်ဆောင်မှုကို စိုးရိမ် ကြောက်ရွံ့နေကြကြောင်း သိရှိရသည်။
“ကျနော်တို့ကတော့ ဒီမှာပဲ အသေခံသွားမယ်။ စစ်တပ်က ခေါ်တဲ့နေရာကိုတော့ မလိုက်ရဲဘူး၊ ကြောက်တယ်။ ဒီစခန်း မှာတောင် စားသောက် စရာလည်း မရဘူး” ဟု ဒါးပင် ဒုက္ခသည် စခန်းမှ ဒုက္ခသည် တဦးဖြစ်သူ ကိုမာမွတ်ရှောဖီက ဆိုသည်။
ဒုက္ခသည်များသည် စစ်ကား၊ ရဲကားများဖြင့် ခေါ်ဆောင်မှုကို ကြောက်ရွံ့နေခြင်းဟု ယူဆ၍ ပုဂ္ဂလိက ဆောက်လုပ်ရေး ကုမ္ပဏီ ကားများဖြင့် ပြောင်းရွှေ့ရန် ရခိုင်ပြည်နယ် အစိုးရက ထပ်မံ စီစဉ်သော်လည်း ဒုက္ခသည် အများစုမှာ လုံးဝ မပြောင်းရွှေ့ဟု ပြောဆိုကြောင်း ရခိုင်ပြည်နယ် အစိုးရအဖွဲ့ စည်ပင်သာယာရေး ၀န်ကြီး ဦးလှဟန်က ဒါးပင် ဒုက္ခသည် စခန်းတွင် ဧရာဝတီသို့ ယနေ့ ညနေပိုင်းက ပြောသည်။
မုန်တိုင်းလွတ်ကင်းရာ စစ်တပ် နယ်မြေများသို့ ဒုက္ခသည် များကို ရွှေ့ပြောင်းရန် စီစဉ် ထားသော်လည်း ဒုက္ခသည် များသည် ယခင်နေထိုင် ခဲ့သော ရပ်ကွက်၊ ကျေးရွာ များသို့ ပြန်လည် ပြောင်းရွှေ့ အခြေချရန် တောင်းဆိုကြကြောင်း သိရှိရသည်။
“ကျနော်တို့ နာဇီရွာကိုပဲ ပြန်သွားချင်တယ်။ အဲဒီမှာ မပျက်စီးသေးတဲ့ အိမ် ၁၄၀၀ လောက် ရှိသေးတယ်။ ဒီမှာ မုန်တိုင်းလာရင် မလုံခြုံပေမယ့် တခြားနေရာကို ရွှေ့ခိုင်းရင်တော့ ဘယ်သူမှ ရွှေ့မှာမဟုတ်ဘူး။ လူသေတာ မသေတာကတော့ ကံပဲ။ အခုနေရာလေး တွေကိုပဲ ပျောက်သွားမှာ ကျနော်တို့က စိုးရိမ်တယ်” ဟု သဲချောင်း ဒုက္ခသည်စခန်း တာဝန်ခံလည်းဖြစ် ဒုက္ခသည်လည်းဖြစ်သူ ဦးမောင်မောင်က ပြောသည်။
မုန်ုတိုင်းဘေးလွတ်ရာ ပြောင်းရွှေ့ပေးရန် ငြင်းဆန်သော ဒုက္ခသည် စခန်းများတွင် သဲချောင်းဒုက္ခသည် စခန်းလည်း အပါအ၀င်ဖြစ်ပြီး ယင်းစခန်းတွင် လူဦးရေ ၁၅၅၅၄ ဦး နေထိုင်လျက်ရှိကြောင်း၊ အများစုမှာ လေဒဏ်မိုးဒဏ် မခံနိုင်သော အမိုးအကာများ အောက်တွင် နေထိုင်ကြကြောင်း သိရှိရသည်။
ဒုက္ခသည်များသည် နေရာ ပြောင်းရွှေ့ရန်အတွက် ငြင်းဆန်နေသော်လည်း အာဏာပိုင်များ အနေဖြင့် ပြောင်းရွှေ့ ပေးနိုင်ရေး အတွက် မော်တော်ကားများ အသင့်ပြင်ဆင် ထားသည်။
“မုန်တိုင်း တကယ်ချရင်တော့ ဒီနေရာတွေက ခံနိုင်မှာ မဟုတ်ဘူး။ သူတို့ကလည်း မဖယ်ချင်ဘူး။ နောက်ဆုံး အချိန်အထိ ကားတွေပြင်ထားတယ်။ သူတို့ စိတ်ပြောင်းပြီး ပြောင်းချင်ရင် ကားက အဆင်သင့်ပဲ” ဟု သူက ဆိုသည်။
မုန်တိုင်း ၀င်ရောက် တိုက်ခတ်ချိန်တွင် ရေလွှမ်းမိုးခြင်း၊ လေဒဏ်၊ မိုးဒဏ် အလွန်ပြင်းထန် လာခြင်းများ ဖြစ်လာပါက ဒုက္ခသည် စခန်းများမှ အသက်အရွယ် ကြီးသူများ၊ အမျိုးသမီး များနှင့် ကလေးငယ် များကို အမိန့် အာဏာသုံး၍ အတင်းအကျပ် ကားများဖြင့် ခေါ်ဆောင်ရန် စီစဉ်ထားကြောင်း၊ နောက်ဆုံး အခြေအနေတွင် စစ်တွေ တက္ကသိုလ်ကိုပါ ဒုက္ခသည် စခန်းအဖြစ် အသုံးပြုသွားမည် ဖြစ်ကြောင်း၊ ရခိုင်ပြည်နယ်တွင် မုန်တိုင်းဒဏ် သက်ရောက်နိုင်သော မြေပုံ၊ ပေါက်တော၊ မောင်တော မြို့များမှ ဒုက္ခသည်များကို ဘေးလွတ်ရာသို့ ပြောင်းရွှေ့ ထားနိုင်ခဲ့ကြောင်း၊ စစ်တွေမြို့အနီး ဒုက္ခသည် စခန်းများတွင်သာ
ပြောင်းရွှေ့ရန် အခက်အခဲ ရှိနေကြောင်း ဦးဦးလှသိန်းက ဆိုသည်။
အစိုးရကို ဒုက္ခသည်များက မယုံကြည်သောကြောင့် ကုလသမဂ္ဂနှင့် နိုင်ငံတကာ အဖွဲ့အစည်း ကို မုန်တိုင်းဒဏ် အန္တရာယ် ဘေးမှ ပြောင်းရွှေ့ရေးအတွက် ကြားခံ ညှိနှိုင်းပေးရန် စီစဉ်ခဲ့သော်လည်း မအောင်မြင်ပေ။
“ကျနော်တို့ မနေ့က တနေကုန် ဒုက္ခသည်စခန်းတွေဆီမှာ သူတို့ရွှေ့ကြဖို့ နားချတယ်။ မုန်တိုင်းပြီးရင် ဒီနေရာကို ပြန်လာလို့ ရမယ်လို့လည်း ပြောတယ်။ ပြောင်းမယ့်နေရာက လုံခြုံပြီး စားနပ်ရိက္ခာ အဆင်သင့်နဲ့ အိမ်သာတွေပါ အဆင်သင့် ရှိတယ်။ ဒါပေမယ့် သူတို့ကတော့ ဘယ်လိုမှ ပြောမရဘူး” ဟု စစ်တွေမြို့ အခြေစိုက် ကုလသမဂ္ဂ အကူအညီ ပေးရေး ပေါင်းစပ်ညှိနှိုင်း ကွပ်ကဲရေးရုံးမှ ကိုမိုးဝင်းအောင်က ပြောသည်။
မုန်တိုင်း ၀င်ရောက်လာပါက စားနပ်ရိက္ခာ အခက်အခဲမဖြစ်စေရန် ကမ္ဘာ့စားနပ် ရိက္ခာ အဖွဲ့ (WFP) မှ ဒုက္ခသည် စခန်း တခုလျှင် ဆန်အိတ် ၃၀၀ ကို ပြည်နယ် အစိုးရ အကူအညီဖြင့် ပေးပို့ထားကြောင်း သိရှိရသည်။
ပင်လယ်ကမ်းခြေနှင့် နီးသော ပင်လယ်ပြင်ကျေးရွာနှင့် တခြား ရခိုင်ရွာတရွာမှာ စစ်တွေမြို့ ဘုန်းကြီးကျောင်း တကျောင်းတွင် ဒုက္ခသည်များ အဖြစ် ခိုလှုံလျှက်ရှိသည်။
ရခိုင်ပြည်နယ် မုန်တိုင်းဝင်ရောက်ပါက အဆင်သင့် ဖြစ်စေရန် ကြိုတင် ကာကွယ်မှုများ ပြုလုပ် ထားခြင်းနှင့် ပတ်သက်၍ အစိုးရ သမ္မတရုံး ဝန်ကြီးများနှင့် တာဝန်ရှိသူများက ရန်ကုန်မြို့တွင် ယနေ့ ရှင်းလင်းပွဲ ပြုလုပ်စဉ် မုန်တိုင်း အန္တရာယ် ကျရောက် နိုင်သည့် ဒေသမှ ဒုက္ခသည်များ ရွှေ့ဆိုင်းရန် ငြင်းဆန်ပါက ဥပဒေအရ ဆောင်ရွက် အရေးယူသွားမည်ဟု ပြောဆိုခဲ့ကြောင်း သိရသည်။
လတ်တလော အခြေအနေအရ ဒုက္ခသည် စခန်းတချို့တွင် ၀မ်းရောဂါ ဖြစ်ပွားလျက်ရှိပြီး လက်ရှိတွင် ဆေးပေးခန်း အဆင်သင့် မရှိဘဲ ရွေ့လျား ဆေးခန်းများကိုသာ အားကိုးနေရကြောင်း၊ သဲချောင်းဒုက္ခသည် စခန်းတွင် ၀မ်းရောဂါကြောင့် ကလေးတချို့ သေဆုံးမှုရှိကြောင်း သဲချောင်း ဒုက္ခသည်စခန်း၏ တာဝန်ခံ ဦးမောင်မောင်က ပြောသည်။
Ref: ဧရာဝတီ
မဟာဆန် မုန်းတိုင်း အန္တရာယ် ပုသိမ်မှာလည်း နှိုးဆော်
စည်သူ
အင်္ဂါနေ့၊ မေလ ၁၄ ရက် ၂၀၁၃
ပုသိမ် (မဇ္ဈိမ)။ ။ ဘင်္ဂလားပင်လယ်အော်တွင် ဖြစ်ပေါ်လျက်ရှိနေသည့် မဟာဆန် မုန်တိုင်းနှင့် ပတ်သက်၍ ပုသိမ်နှင့် ငပုတော မြို့နယ်များတွင် ပါတီများနှင့် လူမှု အဖွဲ့အစည်းများမှ လက်ကမ်း စာစောင်များ ဝေငှခြင်း မုန်တိုင်းနှင့် ပတ်သက်၍ သတိပေးမှုများ ပြုလုပ်လျက်ရှိသည်။
“ရပ်ကျေးတွေနဲ့ ကမ်းခြေဒေသတွေကို ပြောထားတယ်။ မဟာဆန်ကို ၂၀၀၈ နာဂစ်တုန်းကလို ပြည်သူတွေ မဖြစ်အောင်တော့ လုပ်ဆောင်ပေး ထားပါတယ်။ အရေးပေါ် အခြေအနေကိုလည်း သတိထားရမှာပါ” ဟု ပုသိမ်ခရိုင် အမျိုးသား ဒီမိုကရေစီ အဖွဲ့ချုပ်မှ သတင်းနှင့် ပြန်ကြားရေး တာဝန်ခံ ဦးကျော်ကျော်ဝင်း က ပြောသည်။
ပုသိမ် ငြိမ်းချမ်းရေးနှင့်ပွင့်လင်းလူအဖွဲ့အစည်းမှ အဖွဲ့ဝင် ကိုစိုးလှိုင်ဦးကလည်း “ကျေးရွာတွေ သိအောင် သင်္ဘောတွေကနေ လက်ကမ်း စာစောင်တွေဝေပြီးတော့ လုပ်ဆောင် ထားတယ်။ ကျွန်တော် လိုအပ်ရင်တော့ ရန်ကုန်က ၈၈ မျိုးဆက် ကျောင်းသားအဖွဲ့ကိုလည်း အကူအညီတောင်းခံထားပြီးတော့ လုပ်ဆောင်နိုင်အောင် တော့ ပြောထားတယ်” ဟု ပြောသည်။
လက်ရှိတွင် လိမ္မော်ရောင် အဆင့်သို့ ရောက်ရှိနေသည့် မဟာဆန် မုန်တိုင်းသည် ရခိုင်ကမ်းရိုးတန်း မြောက်ပိုင်းနှင့် ဘင်္ဂလားဒေ့ရ်ှနိုင်ငံ ကမ်းခြေဒေသများသို့ ဦးတည် ရွှေ့လျားနေကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက သတိပေးချက် ထုတ်ပြန်ထားသည်။
ထိုမုန်တိုင်းသည် မေလ ၁၆ ရက်နေ့ ညတွင် ဘင်္ဂလာဒေ့ရှ် နိုင်ငံ စစ်တကောင်းမြို့အနီးနှင့် ရခိုင်ကမ်းခြေ ဒေသသို့ ဖြတ်ကျော်ဝင်ရောက်နိုင်ပြီး ချင်းပြည်နယ်၊ စစ်ကိုင်းတိုင်း အထက်ပိုင်း၊ ကချင်ပြည်နယ်များအထိ ဆက်လျက် ရွေ့လျားနိုင်သည်ဟုလည်း သိရှိရသည်။
Ref: မဇ္ဈိမ
Wednesday, May 15, 2013
တရုတ် ကွန်မြူနစ်ပါတီ၊ အန်အယ်လ်ဒီပါတီနှင့် မြန်မာ့နိုင်ငံရေး
တရုတ် ကွန်မြူနစ်ပါတီသည် တရုတ်ပြည်သူ့ သမ္မတနိုင်ငံ၏ အာဏာရ၊ ဦးဆောင်နိုင်ငံရေး ပါတီဖြစ်ပြီး ကမ္ဘာ့နိုင်ငံရေး ဇာတ်ခုံတွင် သက်တမ်းအရင့်ဆုံးနှင့် အင်အားအကောင်းဆုံး နိုင်ငံရေးပါတီ ဖြစ်သည်။ ၁၉၉၀ ပြည့်နှစ် ပါတီစုံဒီမိုကရေစီ အထွေထွေ ရွေးကောက်ပွဲအလွန် ကာလအထိ တရုတ် ကွန်မြူနစ်ပါတီနှင့် တရုတ်နိုင်ငံ အစိုးရတို့သည် အမျိုးသား ဒီမိုကရေစီ အဖွဲ့ချုပ်ကို အသိအမှတ်ပြု ထိတွေ့ဆက်ဆံ ခဲ့သော်လည်း ၁၉၉၀ နှစ် ကုန်ပိုင်းမှစ၍ ဆက်ဆံရေး သေခန်းပြတ်ခဲ့သည်မှာ ၂၀၁၀ ပြည့်နှစ် ကြားဖြတ်ရွေးကောက်ပွဲများ ကျင်းပပြီးချိန်အထိ ဆယ်စုနှစ်နှစ်ခုကျော် ကြာညောင်းခဲ့သည်။ တရုတ်အစိုးရနှင့် အမျိုးသား ဒီမိုကရေစီ အဖွဲ့ချုပ်တို့၏ ဇာတ်ပေါင်းခန်းသည် ၂၀၁၂ ခုနှစ်တွင် လက်ပံတောင်းတောင် ကြေးနီစီမံကိန်းကို အကြောင်းပြုလျက် အထွတ်အထိပ် သို့ ပြန်လည်ရောက်ရှိခဲ့သည်။
တရုတ်ပြည်သူ့ သမ္မတနိုင်ငံအတွက် မြန်မာ့ တပ်မတော်နှင့် မဟာဗျူဟာ ဆက်ဆံရေးသည် အရေးကြီးဆုံး ဖြစ်သည်။ တရုတ် ကွန်မြူနစ်ပါတီသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသား ဒီမိုကရေစီ အဖွဲ့ချုပ်ပါတီ၊ တိုင်းရင်းသား ပါတီများ အပါအ၀င် နိုင်ငံရေး ပါတီများနှင့် ညီနောင်၊ မဟာမိတ်ပါတီ ဆက်ဆံရေးကို တည်ဆောက်ထားသည်။ ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်သည် တရုတ်နိုင်ငံ အစိုးရနှင့် တရုတ် ကွန်မြူနစ်ပါတီ နှစ်ခုလုံးအတွက် ဗျူဟာမြောက် အရေးကြီးသော မြန်မာ့နိုင်ငံရေး ဇာတ်ရုပ် ဖြစ်လာနေသည်။
ဒေါ်အောင်ဆန်းစုကြည်၏ တရုတ်နိုင်ငံ ခရီးစဉ်
အမေရိကန် ပြည်ထောင်စုနှင့် ပြည်ထောင်စုသမ္မတ မြန်မာနိုင်ငံအကြား မဟာဗျူဟာ ဘက်စုံ ဆက်ဆံရေး လမ်းကြောင်း ဖြောင့်ဖြူးချောမွေ့နေသည့် နောက်ခံ အခြေအနေတွင် တရုတ်ပြည်သူ့ သမ္မတနိုင်ငံနှင့် ပြည်ထောင်စု သမ္မတ မြန်မာနိုင်ငံ အကြား လတ်တလော ဆက်ဆံရေး သည်လည်း ယခင်ကထက် ပိုမိုတိုးတက် ပွင့်လင်းလာနေသည်။ ထိုအခြေအနေတွင် အမေရိကန် ပြည်ထောင်စု အပါအ၀င် အနောက်အုပ်စုနိုင်ငံများ အထူး စိတ်ဝင်တစား စောင့်ကြည့်နေကြသည်မှာ ဒေါ်အောင်ဆန်းစုကြည်၏ တရုတ်ပြည်သူ့ သမ္မတနိုင်ငံသို့ အလည်အပတ် ခရီး ဖြစ်သည်။
ဒေါ်အောင်ဆန်းစုကြည်ကို တရုတ်ကွန်မြူနစ်ပါတီ၊ ဗဟိုကော်မတီ၊ နိုင်ငံခြား ဆက်ဆံရေးဌာန၏ အကြီးအကဲက လည်းကောင်း၊ တရုတ်အမျိုးသား ပြည်သူ့ကွန်ဂရက်၏ ကော်မတီဥက္ကဋ္ဌ တစ်ဦးဦးက လည်းကောင်း၊ တရုတ်ပြည်သူ့ သမ္မတနိုင်ငံသို့ အလည်အပတ် လာရောက်ရန် ဖိတ်ကြားနိုင်ဖွယ် ရှိနေသည်။ အဆိုပါ ခရီးစဉ်အလွန် အမေရိကန် ပြည်ထောင်စု အပါအ၀င် အနောက်အုပ်စုဝင် နိုင်ငံများနှင့် မြန်မာနိုင်ငံ ဆက်ဆံရေး ပါရာဒိုင်းသည် ပိုမိုအသွေးအရောင် စုံလင်လာနိုင်ဖွယ် ရှိနေသည်။
ခရီးဆောင်အိတ်ပြင်ပြီး စောင့်နေသူ
ဒေါ်အောင်ဆန်းစုကြည်သည် တရုတ်ပြည်သူ့ သမ္မတနိုင်ငံသို့ အလည်အပတ် သွားရောက်ရန် အဆင်သင့်ဖြစ်နေပြီး တရုတ်ပြည်သူ့ သမ္မတနိုင်ငံဘက်မှ တရားဝင် ဖိတ်ကြားမှုကို စောင့်ဆိုင်းနေသည်ဟု အမျိုးသားဒီမိုကရေစီ အဖွဲ့ချုပ်၏ ဗဟိုခေါင်းဆောင်တစ်ဦးက သတင်းမီဒီယာကို ထုတ်ဖော်ပြောကြားခဲ့သည်။ ဒေါ်အောင်ဆန်းစုကြည် အနေဖြင့် တရုတ်နိုင်ငံ၏ တရားဝင် ဖိတ်ကြားမှုကို ရရှိသည်နှင့် ချက်ချင်း ထသွားနိုင်ရန် အထိ ပြင်ဆင်ထားပုံရသည်ဟု ကောက်ချက်ပြုနိုင်သည်။ ဒေါ်အောင်ဆန်းစုကြည်သည် မြန်မာနိုင်ငံ၏ ပြုပြင်ပြောင်းလဲရေးနှင့် အသွင်ကူးပြောင်းရေးတွင် တရုတ်ပြည်သူ့ သမ္မတနိုင်ငံ၏ အရေးပါသော အခန်းကဏ္ဍကို အလေးအနက်ထားကြောင်း ပေါ်လွင်စေသည်။
လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်တွင် ဒေါ်အောင်ဆန်းစုကြည်သည် ဥက္ကဋ္ဌအဖြစ် ပါဝင်လာခဲ့ပြီးနောက်ပိုင်း ဒေါ်အောင်ဆန်းစုကြည်နှင့် တရုတ်အစိုးရအကြား ဆက်ဆံရေးမှာ ပိုမိုကောင်းမွန်လာခဲ့သည်။ အဆိုပါ ကာလများအတွင်း တရုတ်သံအမတ်ကြီးသည် ဒေါ်အောင်ဆန်းစုကြည်နှင့် တွေ့ဆုံမှု အကြိမ်ကြိမ် ရှိခဲ့ပြီး ဒေါ်အောင်ဆန်းစုကြည်နှင့် တရုတ်ပြည်သူ့ သမ္မတနိုင်ငံ အစိုးရအကြား ယုံကြည်မှုနှင့် နားလည်မှုတို့ကို အဆင့်တစ်ခုအထိ တည်ဆောက်နိုင်ခဲ့သည်ဟု သုံးသပ်နိုင်သည်။ လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်ဥက္ကဋ္ဌ အနေဖြင့် ဒေါ်အောင်ဆန်းစုကြည်သည် သူမ၏ စွမ်းဆောင်ရည်နှင့် ပြည်သူ လူထု အကြား ကြီးမားသော သြဇာ လွှမ်းမိုးမှုကို လက်ပံတောင်းတောင် ခရီးစဉ်တွင် သက်သေပြနိုင်ခဲ့သည်ဟု သုံးသပ်နိုင်သည်။
ဇွန်၊ ဇူလိုင်မှာ ဖြစ်နိုင်ခြေရှိသော ခရီး
ဒေါ်အောင်ဆန်းစုကြည်၏ တရုတ်ပြည်သူ့ သမ္မတနိုင်ငံ ချစ်ကြည်ရေး ခရီးစဉ်သည် ၂၀၁၃ ခုနှစ်၊ ဇွန်လ သို့မဟုတ် ဇူလိုင်လတွင် ဖြစ်လာနိုင်ဖွယ်ရှိနေပြီး တရုတ်နိုင်ငံ ခရီးစဉ်ကို ဒေါ်အောင်ဆန်းစုကြည် အနေဖြင့် ပုဂ္ဂိုလ်ရေး ခရီးစဉ် ပုံစံထက် အမျိုးသားဒီမိုကရေစီ အဖွဲ့ချုပ်ပါတီ ကိုယ်စားလှယ်အဖွဲ့ ပုံစံဖြင့် သွားရောက်နိုင်မည်ဆိုလျှင် ပိုမိုလေးနက်မည်ဟု ဆိုနိုင်သည်။ အဆိုပါ ခရီးစဉ်အတွင်း တရုတ်ကွန်မြူနစ် ပါတီနှင့် အစိုးရထိပ်တန်း ခေါင်းဆောင်များနှင့် နှစ်နိုင်ငံအကြား နိုင်ငံရေး၊ စီးပွားရေးစသည့် နယ်ပယ်အသီးသီးတွင် ပူးပေါင်းဆောင်ရွက်နိုင်မှု အခြေအနေများအပေါ် အလုပ်သဘော ဆွေးနွေးမှုများ ပြုလုပ်နိုင်ဖွယ် ရှိသည်ဟုလည်း သုံးသပ်ကြသည်။ ထို့အပြင် ဒေါ်အောင်ဆန်းစုကြည်သည် ခရီးစဉ်အတွင်း၊ တရုတ်ပြည်သူ လူထုနှင့် မြန်မာပြည်သူလူထု နှစ်ရပ်အကြား ချစ်ကြည်ရေးနှင့် နားလည်မှု ပိုမိုမြှင့်တင်နိုင်မည့် နည်းလမ်းများကို တရုတ်နိုင်ငံ ခေါင်းဆောင်များနှင့် ဆွေးနွေးနိုင်ဖွယ် ရှိသည်။
ဒေါ်အောင်ဆန်းစုကြည်သည် တရုတ်ကွန်မြူနစ်ပါတီ ခေါင်းဆောင်ကြီးများ၊ တရုတ်ပြည်သူ့ သမ္မတနိုင်ငံ အစိုးရ အကြီးအကဲများနှင့် တွေ့ဆုံပြီး အပြန်အလှန် နားလည်မှု၊ အပြန်အလှန် ယုံကြည်မှုနှင့် အပြန်အလှန် အသိအမှတ်ပြုမှုတို့ မြင့်တင်နိုင်ရေး ဆောင်ရွက်နိုင်ဖို့ လိုအပ်သည့်အပြင် အန်အယ်လ်ဒီပါတီ တည်ဆောက်ရေး လုပ်ငန်းများနှင့် ပါတီခေါင်းဆောင်များ အရည်အသွေး မြှင့်တင်ရေး လုပ်ငန်းများတွင် တရုတ်ကွန်မြူနစ်ပါတီနှင့် ပူးပေါင်းဆောင်ရွက်နိုင်မည့် အခွင့်အလမ်းများကိုလည်း ဆွေးနွေး အဆိုပြုသင့်သည်ဟု ထင်မြင်မိသည်။
တရုတ်ကုမ္ပဏီများ၏ ရင်းနှီးမြှုပ်နှံမှုနှင့် ပတ်သက်၍လည်း ဒေါ်အောင်ဆန်းစုကြည် အနေဖြင့် အစိုးရပိုင်း တာဝန်ရှိသူများ၊ ပါတီပိုင်း တာဝန်ရှိသူများနှင့် ထိတွေ့ဆက်ဆံ ဆွေးနွေးနိုင်ဖွယ် ရှိနေသည်။ တာဝန်သိသော၊ ဘေးကင်းသော၊ ဒေသခံများ သဘောတူသော စီမံကိန်းများနှင့် ရင်းနှီးမြှုပ်နှံမှုများ ဖြစ်လာစေရန် တရုတ်ကုမ္ပဏီများဘက်မှ ပြုပြင်ပြောင်းလဲ သင့်သည်များကို ပြုပြင်ရေး အတွက်လည်း တရုတ်အစိုးရ အကြီးအကဲများကို တိုက်တွန်းလိမ့်မည်ဟု သုံးသပ်နိုင်သည်။ တရုတ်ပြည်သူ့ သမ္မတနိုင်ငံ အစိုးရသည် ဒေါ်အောင်ဆန်းစုကြည်ကို သာမက အမျိုးသားဒီမိုကရေစီ အဖွဲ့ချုပ်ကိုလည်း ပြည်သူလူထု ကိုယ်စားပြု ပါတီကြီးတစ်ခုအဖြစ် တန်ဖိုးထား ဆက်ဆံကြောင်းကို ပါတီကိုယ်စားလှယ် အဖွဲ့၊ တရုတ်နိုင်ငံ ချစ်ကြည်ရေး ခရီးစဉ် မစတင်မီ ကတည်းက သတိပြုမိသည်။
သံအမတ်အသစ်နှင့် ဒေါ်စုတွေ့ဆုံခြင်း
တရုတ်ပြည်သူ့ သမ္မတနိုင်ငံ သံအမတ်ကြီး မစ္စတာရောင် ဟူလန်သည် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌနှင့် ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ ဒေါ်အောင်ဆန်းစုကြည်ကို ၂၀၁၃ ခုနှစ်၊ ဧပြီ ၂၂ ရက်နေ့တွင် ရန်ကုန်မြို့ နေအိမ်တွင် လာရောက်တွေ့ဆုံခဲ့သည်။ အဆိုပါ တွေ့ဆုံမှုသည် မစ္စတာရောင်ဟူလန် သံအမတ်ကြီး အဖြစ် ခန့်အပ်ပြီးနောက် ပထမဆုံး အကြိမ် တွေ့ဆုံမှုလည်း ဖြစ်သည်။
အဆိုပါ တွေ့ဆုံမှုတွင် ဒေါ်အောင်ဆန်းစုကြည်က နှစ်နိုင်ငံ ဆက်ဆံရေးတွင် ပြည်သူ လူထုချင်း ဆက်ဆံရေးကို မြှင့်တင်ရန် အရေးကြီးကြောင်း ပြောကြားခဲ့ပြီး သံအမတ်ကြီး ရောင်ဟူလန်နှင့် ဒေါ်အောင်ဆန်းစုကြည် တို့သည် နိုင်ငံရေး အခြေအနေများ၊ နှစ်နိုင်ငံ ချစ်ကြည်ရေး ဖွံ့ဖြိုးတိုးတက်မှု အပါအ၀င် မြန်မာနိုင်ငံ၏ နိုင်ငံရေးနှင့် စီးပွားရေး ပြုပြင်ပြောင်းလဲမှု များ၏ အလားအလာများကို အသေးစိတ်ဆွေးနွေး၊ အမြင်ချင်း ဖလှယ်ခဲ့ကြသည်။ ဒေါ်အောင်ဆန်းစုကြည်နှင့် တရုတ် သံအမတ်ကြီးတို့၏ တွေ့ဆုံမှုသည် ပိုမို အလုပ်သဘော ဆန်လာခဲ့ပြီး နှစ်ဖက်အကြား ယုံကြည်မှုနှင့် နားလည်မှု ပိုမိုမြင့်မားလာနေသည်ဟု မှတ်ချက်ပြုနိုင်သည်။
တရုတ်သံအမတ်နှင့် ပထမဆုံး တွေ့ဆုံမှု
ဒေါ်အောင်ဆန်းစုကြည်၏ အကြိမ်ကြိမ် အဆိုပြုမှုကြောင့် သူမ၏အမြင်၊ သဘောထားများကို သိရှိနိုင်ရန် တရုတ်ပြည်သူ့ သမ္မတနိုင်ငံ၊ သံအမတ်ကြီး လီဂျင်ဝှာသည် ၂၀၁၁ ခုနှစ်၊ ဒီဇင်ဘာလ ၈ ရက်နေ့တွင် ဒေါ်အောင်ဆန်းစုကြည်နှင့် ပထမဆုံးအကြိမ် တွေ့ဆုံဆွေးနွေးခဲ့ကြောင်း တရုတ်ပြည်သူ့ သမ္မတနိုင်ငံ၊ နိုင်ငံခြားရေး ၀န်ကြီးဌာနမှ ပြောရေးဆိုခွင့် ရှိသူက ဒီဇင်ဘာလ ၁၅ ရက်နေ့တွင် ထုတ်ဖော်ပြောကြားခဲ့သည်။ တရုတ်သံအမတ်ကြီးသည် ဒေါ်အောင်ဆန်းစုကြည်ကို ရန်ကုန်မြို့ တက္ကသိုလ်ရိပ်သာလမ်း နေအိမ်တွင် အချိန်တစ်နာရီကျော်ကြာ တွေ့ဆုံဆွေးနွေးခဲ့သည်။ ဤသို့ဖြင့် တရုတ်ပြည်သူ့ သမ္မတနိုင်ငံသည် ဒေါ်အောင်ဆန်းစုကြည်နှင့် နိုင်ငံရေးအရ တရားဝင် ထိတွေ့ဆက်ဆံမှုများကို စတင်ပြီဖြစ်ကြောင်း အမေရိကန်ပြည်ထောင်စု အပါအ၀င် အနောက်အုပ်စု နိုင်ငံများကို သွယ်ဝိုက်ကြေညာ မောင်းခတ်ခဲ့ခြင်း ဖြစ်သည်။
အန်အယ်လ်ဒီ ကိုယ်စားလှယ် အဖွဲ့ခေါင်းဆောင်နှင့် တွေ့ဆုံခြင်း
တရုတ်ပြည်သူ့ သမ္မတနိုင်ငံ သံအမတ်ကြီး မစ္စတာရောင်ဟူလန်သည် ၂၀၁၃ ခုနှစ်၊ မေလ ၇ ရက်နေ့တွင် အမျိုးသားဒီမိုကရေစီ အဖွဲ့ချုပ်၊ ချစ်ကြည်ရေး ကိုယ်စားလှယ် အဖွဲ့ခေါင်းဆောင် ပါတီဗဟို အလုပ်အမှုဆောင် ကော်မတီဝင် ဦးညီပုကို ရန်ကုန်မြို့၊ တရုတ်ပြည်သူ့ သမ္မတနိုင်ငံ သံရုံး၌ လက်ခံတွေ့ဆုံခဲ့သည်။ ထိုသို့ တွေ့ဆုံရာတွင် တရုတ်သံအမတ်ကြီးက တရုတ်ရှေးဟောင်း ဆိုရိုးစကားအရ အိမ်နီးနားချင်းသည် အဝေးက ဆွေမျိုးသားချင်းထက် ပိုမိုအရေးကြီးသည်ဟု ဆိုသကဲ့သို့ ချစ်ကြည်ရင်းနှီးသော ပူးပေါင်းဆောင်ရွက်နိုင်မည့် ဆက်ဆံရေး ဖွံ့ဖြိုးတိုးတက်ရေးသည် နှစ်နိုင်ငံစလုံး၏ တူညီသော ရည်မှန်းချက်ဟု ယုံကြည်ကြောင်း၊ နှစ်နိုင်ငံအကြား အစဉ်အလာပေါက်ဖော် ဆက်ဆံရေးနှင့် နှစ်နိုင်ငံ အကျိုးရှိစေမည့် ပူးပေါင်းဆောင်ရွက်မှုကို အဆင့်သစ်များသို့ မြှင့်တင်နိုင်ရန် ရည်ရွယ်လျက် ရင်းနှီးသော အိမ်နီးချင်းနိုင်ငံ အနေဖြင့် တရုတ်နိုင်ငံသည် အမျိုးသားဒီမိုကရေစီ အဖွဲ့ချုပ် အပါအ၀င် မြန်မာနိုင်ငံတွင်းရှိ နိုင်ငံရေး ပါတီများ အားလုံးနှင့် ချစ်ကြည်ရင်းနှီးမှု ဖလှယ်ရေးကို ပိုမိုအားကောင်းစေလိုကြောင်း ပြောကြားခဲ့သည်။
အမျိုးသား ဒီမိုကရေစီ အဖွဲ့ ချုပ်၊ ဗဟိုအလုပ်အမှုဆောင် ကော်မတီဝင် ဦးညီပုက ဖိတ်ကြားမှု အတွက် ကျေးဇူး တင်ပါကြောင်း၊ တရုတ်နိုင်ငံကို မြန်မာနိုင်ငံ၏ အရေးကြီးသော အိမ်နီးနားချင်းနိုင်ငံ အရေးကြီးသော အိမ်နီးချင်းနိုင်ငံ အဖြစ် သတ်မှတ်ပါကြောင်း၊ အမျိုးသား ဒီမိုကရေစီ အဖွဲ့ချုပ် အနေဖြင့် တရုတ်နိုင်ငံနှင့် မြန်မာနိုင်ငံအကြား ဆက်ဆံရေး ဖွံ့ဖြိုးတိုးတက်မှု အထူးသဖြင့် ပါတီချင်း ဆက်ဆံရေးကို အရေးကြီးသည်ဟု မှတ်ယူပါကြောင်း၊ နှစ်ဖက်အကြား ပိုမိုထိတွေ့ ဆက်ဆံမှုများနှင့် ပိုမ်ိုဖလှယ်မှုများကို ပိုမိ်ုပြုလုပ်နိုင်ပြီး နှစ်နိုင်ငံ ပြည်သူလူထုများအကြား အပြန်အလှန် နားလည်မှုကို ပိုမ်ိုအားကောင်းစေပြီး၊ နှစ်နိုင်ငံ အစိုးရများအကြား ဆက်ဆံရေးအတွက် ကောင်းမွန်သော အုတ်မြစ်များကို ချမှတ်နိုင်လိမ့်မည်ဟု ယုံကြည်ပါကြောင်း ပြန်လည်ပြောကြားခဲ့သည်။
အဆိုပါ တွေ့ဆုံမှုသည် တရုတ်ပြည်သူ့ သမ္မတနိုင်ငံ အနေဖြင့် အမျိုးသား ဒီမိုကရေစီ အဖွဲ့ချုပ်ပါတီကို မြင့်မြင့်မားမား အလေးထားကြောင်းနှင့် ယခုခရီးစဉ်သည် နှစ်နိုင်ငံ၊ နှစ်ပါတီလုံးအတွက် အရေးကြီးကြောင်း မှတ်ချက်ပြုနေသည်။
အန်အယ်လ်ဒီ ကိုယ်စားလှယ်အဖွဲ့
အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ပါတီ ကိုယ်စားလှယ် အဖွဲ့သည် တရုတ်ကွန်မြူနစ်ပါတီ၊ ဗဟိုကော်မတီ၊ နိုင်ငံတကာ ဆက်ဆံရေး ဌာန၏ ဖိတ်ကြားမှုအရ ၂၀၁၃ ခုနှစ် မေလ ၈ ရက်နေ့မှ မေလ ၁၈ ရက်နေ့အထိ တရုတ်ပြည်သူ့ သမ္မတနိုင်ငံသို့ လေ့လာရေး အလည်အပတ်ခရီး သွားရောက်နေသည်။ အမျိုးသား ဒီမိုကရေစီ အဖွဲ့ချုပ်၊ ဗဟိုအလုပ်အမှုဆောင် ကော်မတီဝင် ဦးညီပုက ချစ်ကြည်ရေး ကိုယ်စားလှယ်အဖွဲ့ကို ဦးဆောင်ပြီး ဗဟိုအလုပ်အမှုဆောင် ကော်မတီဝင် ဒေါ်နန်းခင်ထွေးမြင့်၊ အရန်ဗဟို အလုပ်အမှုဆောင် ကော်မတီဝင်နှင့် ပြည်သူ့လွှတ်တော် ကော်မတီဝင် ဒေါ်ဖြူဖြူသင်း ၊ ပြည်သူ့လွှတ်တော် ကိုယ်စားလှယ် ဦးကျော်မင်းတို့ အပါအ၀င် အဖွဲ့ဝင် ၁၂ ဦး ပါဝင်သည်။ အဆိုပါ ခရီးစဉ်သည် တရုတ်ကွန်မြူနစ်ပါတီနှင့် အမျိုးသားဒီမိုကရေစီ အဖွဲ့ချုပ်တို့အကြား ပါတီချင်း ချစ်ကြည်ရေးကို လက်တွေ့ကျကျ တည်ဆောက်နိုင်မည့် ပထမဆုံး ခရီးစဉ်လည်း ဖြစ်သည်။
နိဂုံး
အချုပ်အားဖြင့်ဆိုသော် ဒေါ်အောင်ဆန်းစုကြည်၏ ပထမဆုံး တရုတ်ပြည်သူ့ သမ္မတနိုင်ငံ ချစ်ကြည်ရေး အလည်အပတ် ခရီးစဉ်ကို အကြောင်းပြုလျက် မြန်မာနိုင်ငံနှင့် ပြည်သူလူထုသည် အမေရိကန် ပြည်ထောင်စုနှင့် အနောက် အုပ်စုဝင် နိုင်ငံများ၏ ပိုမိုနက်ရှိုင်းသော ဘက်စုံထောင့်စုံ မဟာဗျူဟာ ဆက်ဆံရေး အခင်းအကျင်းသစ်ကို ရရှိလာနိုင်ဖွယ် ရှိနေသည်။ မြန်မာနိုင်ငံ အစိုးရနှင့် နိုင်ငံရေး ပါတီများသည် တရုတ်ပြည်သူ့ သမ္မတနိုင်ငံနှင့် အနောက်အုပ်စု အကြား ဗျူဟာမြောက်၊ သိမ်သိမ်မွေ့မွေ့၊ ပါးပါးနပ်နပ် ရပ်တည်ပြီး နိုင်ငံနှင့်ပြည်သူ အကျိုးများစေမည့် သူနိုင်ကိုယ်နိုင် အခင်းအကျင်းတစ်ခုကို ထူထောင်နိုင်ရန် အထူးလိုအပ်သည်။
မြန်မာနိုင်ငံ၏ ပထ၀ီ အနေအထားအရ၊ တရုတ်ပြည်သူ့ သမ္မတနိုင်ငံ၏ နိုင်ငံရေး၊ စီးပွားရေး၊ လူမှုရေး စသည့်ရေးရာများအပေါ် သြဇာသက်ရောက်နိုင်မှုကိုလည်း အမြဲစောင့်ကြည့် ထိန်းညှိနေပြီး မြန်မာပြည်သူ လူထုကြီးကို ထိထိရောက်ရောက် အကျိုးပြုနိုင်မည့် ရှုထောင့်မှ ပေါက်ဖော်-မဟာမိတ် ဆက်ဆံရေးကို မဖြစ်မနေ ထိန်းသိမ်း မြှင့်တင် သင့်ကြောင်း သုံးသပ် တင်ပြ လိုက်ရပါသည်။
Ref: EMG News
မဟာဆန် ဆိုင်ကလုန်း လိမ္မော်ရောင်အဆင့်သို့ ရောက်ရှိ
မင်းမင်း
အင်္ဂါနေ့၊ မေလ ၁၄ ရက် ၂၀၁၃
ရန်ကုန် (မဇ္ဈိမ)။ ။ ဘင်္ဂလားပင်လယ်အော် အနောက်အလယ်ပိုင်းတွင် ဖြစ်ပေါ်နေသော ဆိုင်ကလုန်း မုန်တိုင်း မဟာဆန်သည် လိမ္မော်ရောင် အဆင့်သို့ရောက်ရှိ လာပြီး ရခိုင် ကမ်းရိုးတန်း မြောက်ပိုင်းနှင့် ဘင်္ဂလားဒေ့ရ်ှနိုင်ငံ ကမ်းခြေဒေသများသို့ ဦးတည်ရွှေ့လျားနေကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနက မေလ ၁၄ ရက် ည ၇ နာရီက သတိပေးချက် ထုတ်ပြန်လိုက်သည်။
အဆိုပါ မုန်တိုင်းသည် မေလ ၁၆ ရက် ညပိုင်းတွင် ရခိုင်ကမ်းရိုးတန်းမြောက်ပိုင်းနှင့် ဘင်္ဂလားဒေ့ရ်ှနိုင်ငံ ကမ်းခြေများသို့ ဖြတ်ကျော် ဝင်ရောက်နိုင်ကြောင်း ထုတ်ပြန်ချက်တွင် ဖော်ပြထားသည်။
လက်ရှိအနေအထားတွင် အဆိုပါမုန်တိုင်းသည် စစ်တွေမြို့၏ အနောက်တောင်ဘက် မိုင် ၅၁၀ ခန့်၊ ပုသိမ်မြို့ ၏ အနောက်တောင်ဘက် မိုင် ၅၂၀ ခန့် ၊ ကျောက်ဖြူမြို့၏ အနောက်တောင်ဘက် မိုင် ၅၂၀ ခန့် ၊ အိန္ဒိယနိုင်ငံ (ဗီဇာကာပတ္တနမ်မြို့) ၏ အရှေ့တောင်ဘက် မိုင် ၂၄၀ ခန့်အကွာ ပင်လယ်ပြင်ကို ဗဟိုပြုနေပြီး အရှေ့မြောက်ဘက်သို့ ဆက်လက်ရွေ့လျားနေကြောင်း ည ၆ နာရီခွဲ တိုင်းထွာချက်အရ ထုတ်ပြန်ထားသည်။
မုန်တိုင်း၏ ဗဟိုချက်အနီးတွင် အမြင့်ဆုံး လေတိုက်နှုန်းမှာ မိုင် ၆၀ အထိ ရှိနိုင်ကြောင်းလည်း ဖော်ပြထား သည်။
ထိုမုန်တိုင်း တိုက်ခတ်ပါက ရခိုင်ကမ်းရိုးတန်းနှင့် မြစ်ဝကျွန်းပေါ်တလျှောက်တွင် မုန်တိုင်း ဒီရေလှိုင်း ဒဏ်များ လွမ်းမိုးမှု ဖြစ်ပေါ်နိုင်သောကြောင့် ကယ်ဆယ်ရေး လုပ်ငန်းများ လုပ်ကိုင်ရန် ဒုတိယ သမ္မတ ဦးဉာဏ်ထွန်း က ဦးစီးဆောင်ရွက်သွားမည် ဖြစ်သည်။
ထို့ပြင် တပ်မတော်လေယာဉ်များ၊ ရဟတ်ယာဉ်များကိုလည်း အသင့်ပြင်ဆင်ထားကြေင်း မေလ ၁၄ ရက် နံနက်က ပြုလုပ်သည့် အစည်းအဝေးတွင် သမ္မတက ပြောဆိုသည်။
Ref: မဇ္ဈိမ
ရခိုင်က မူဆလင်တွေ ဘေးကင်းရာရွှေ့ပေးဖို့ HRW တောင်းဆို
ကိုသားညွန့်ဦး
15.05.2013
မဟာဆန် ဆိုင်ကလုန်း မုန်တိုင်းဟာ ရခိုင်ပြည်နယ်မြောက်ပိုင်းဒေသကို ချဉ်းကပ် လာတာကြောင့်၊ အဲ့ဒီဒေသမှာ ရှိတဲ့ သောင်းနဲ့ချီတဲ့ မူဆလင်တွေ အတွက် အန္တရာယ် ရှိနေတယ်လို့ နယူးယောက် အခြေစိုက် HRW လူ့အခွင့်အရေး အဖွဲ့ကြီးက ပြောပါတယ်။
မြန်မာအာဏာပိုင်တွေအနေနဲ့ မုန်တိုင်းမ၀င်ခင် ပြင်ဆင်မှုတွေ လုပ်နေတယ် ဆိုပေမဲ့၊ အဲ့ဒီ မူဆလင် ဒုက္ခသည်တွေကို ဘေးကင်းတဲ့ နေရာတွေကို ရွှေ့ပြောင်းမှုတွေ မလုပ်သေးဘူးလို့လည်း HRW က စွပ်စွဲပါတယ်။ အပြည့်အစုံကို ကိုသားညွန့်ဦး က တင်ပြထားပါတယ်။
ပြီးခဲ့တဲ့နှစ်တုန်းက ရခိုင်ပြည်နယ် ပဋိပက္ခတွေကြောင့် ထွက်ပြေး ကြရတဲ့ သောင်းနဲ့ချီတဲ့ မူဆလင် ဒုက္ခသည်တွေကို မုန်တိုင်းဘေး လွတ်ရာ အမြင့်ပိုင်းဒေသတွေကို အမြန်ဆုံး ရွှေ့ပြောင်းပေးဖို့ HRW လူ့အခွင့်အရေး အဖွဲ့ကြီးက မြန်မာအစိုးရကို တိုက်တွန်း တောင်းဆိုတာပါ။
၂၀၁၂ ခုနှစ် ဇွန်လက စခဲ့တဲ့ အကြမ်းဖက်မှုတွေကြောင့် ရခိုင်ပြည်နယ် အတွင်းက ရိုဟင်ဂျာနဲ့ ကမန် မူဆလင် ခန့်မှန်းချေ ၁ သိန်း ၄ သောင်းလောက်ရဲ့ တ၀က်ဟာ ရေလွှမ်းမိုးတတ်တဲ့ လယ်ကွင်းတွေနဲ့ ကမ်းရိုးတန်းဒေသတွေမှာ နေထိုင်နေကြရတယ်လို့ HRW ရဲ့ မနေ့က ထုတ်ပြန်ချက်မှာ ဖော်ပြပါတယ်။
မဟာဆန် ဆိုင်ကလုန်း မုန်တိုင်းဟာ အခု မေလ ၁၅ ရက်နေ့ကျရင် မြန်မာနိုင်ငံ အနောက်ခြမ်းနဲ့ ဘင်္ဂလားဒေ့ရ်ှ ကမ်းရိုးတန်းဒေသကို ၀င်ရောက်နိုင်တယ်လို့ ခန့်မှန်းထားတာကြောင့်၊ အဲ့ဒီ ဒုက္ခသည်တွေအတွက် အလွန်အမင်း အသက် အန္တရာယ် ရှိနေတယ်လို့ ဖော်ပြပါတယ်။ မြန်မာ အစိုးရကတော့ သူတို့အနေနဲ့ မုန်တိုင်း သတိပေးချက်တွေနဲ့အတူ မုန်တိုင်း ၀င်ရောက်နိုင်ချေ ရှိတဲ့ဒေသတွေက လူတွေကို ဘေးကင်းရာ အမြင့်ပိုင်းတွေကို ရွှေ့ပြောင်း နေရာချ ထားပေးနေတယ်လို့ ထုတ်ပြန်ပါတယ်။
ကုလသမဂ္ဂရဲ့ OCHA လူသားချင်း ကူညီမှုဆိုင်ရာ ညှိနှိုင်းရေးမှူးရုံးရဲ့ ထုတ်ပြန်ချက်မှာတော့ မုန်တိုင်းကြောင့် အိန္ဒိယ၊ ဘင်္ဂလားဒေ့ရ်ှနဲ့ မြန်မာနိုင်ငံတွေက လူဦးရေ ၈ ဒဿမ ၂ သန်းအတွက် အသက် အန္တရာယ် ခြိမ်းခြောက်မှုတွေ ရှိနေတယ်လို့ ပြောပါတယ်။
မြန်မာအာဏာပိုင်တွေဘက်က ပြင်ဆင်မှုတွေ နေရာချထားမှုတွေ လုပ်နေတယ်ဆိုသလို၊ လူသားချင်း စာနာကူညီမှုအဖွဲ့တွေကလည်း အခြေအနေတွေကိုရော နေရာချထားမှုတွေ လုပ်နေတာကိုပါ စောင့်ကြည့် အကဲခတ်နေတယ်လို့ ဖော်ပြပါတယ်။
တချိန်တည်းမှာ ဒုက္ခသည်တွေကို စစ်ကားတွေနဲ့ ရွှေ့ပြောင်းပေးတာ၊ စစ်တပ်ဝန်းအတွင်းမှာ နေရာချထားပေးတာကို ဒုက္ခသည်အချို့က လက်ခံဖို့ တွန့်ဆုတ်နေတယ်လို့လည်း ဖော်ပြပါတယ်။ HRW လူ့အခွင့်အရေးအဖွဲ့ရဲ့ ပြောခွင့်ရသူ တွန် မလင်နော့စကီး (Tom Malinowski) ကတော့ မူဆလင်ဒုက္ခသည် အများစုကို မနေ့ကအထိ ရွှေ့ပြောင်းမှုတွေ မလုပ်သေးဘူးလို့ ဗွီအိုအေကို ပြောပါတယ်။
“ပြင်ဆင်မှု ရှိတယ်ဆိုတာ မဟုတ်ပါဘူး။ မနေ့တုန်းကအထိ IDP ဒုက္ခသည်တွေ အများစုကို ရွှေ့ပြောင်းမှုတွေ မလုပ်ရသေးပါဘူး။ ဒီနေ့တော့ ပြင်ဆင် ဆောင်ရွက်မှုတွေ လုပ်လာလိမ့်မယ်လို့တော့ မျှော်လင့်ပါတယ်။ မနေ့ကအထိတော့ ဒုက္ခသည် ၆ သောင်းခွဲဟာ ရေဘေးဒဏ် ခံရလေ့ရှိတဲ့ ဒေသတွေမှာ ရှိနေတုန်းပါပဲ။ ဒီလူတွေကို နေရာရွှေ့ပေးဖို့ ဆိုပြီးတော့ နိုင်ငံတကာ အသိုင်းအ၀ိုင်းအနေနဲ့ ရခိုင်ပြည်နယ် အာဏာပိုင်နဲ့ ဦးသိန်းစိန်အစိုးရတို့ကို ပြီးခဲ့တဲ့လတွေကတည်းက တိုက်တွန်းခဲ့တာပါ။ ဒါပေမဲ့ အရေးယူ ဆောင်ရွက်ပေးခြင်း မရှိပါဘူး။ အခု ရွှေ့ပြောင်း နေရာချပေးတယ်ဆိုတာ စစ်တွေနားက လူအနည်းစုကိုပါ။”
OCHA ထုတ်ပြန်ချက်မှာတော့ ရခိုင်မြောက်ပိုင်း မောင်တောဒေသမှာ ရွှေ့ပြောင်း နေရာချမှုတွေဟာ အခြားနေရာတွေမှာထက် နှေးကွေးနေတယ်လို့ ဖော်ပြပေမဲ့ ဘာကြောင့်လဲဆိုတာ အသေးစိတ်ကိုတော့ မပြောပါဘူး။ အဲ့ဒီမှာရှိတဲ့ စုစုပေါင်းကျေးရွာ ၆၄ ရွာကို ပြောင်းရွှေ့နေရာချထားမှုတွေ လုပ်ဖို့ရှိတယ်လို့ ဖော်ပြပါတယ်။
ဘေးကင်းရာ ရွှေ့ပြောင်း နေရာချထားမှုတွေကို မေလ ၁၃ ရက်နေ့က စတင်ခဲ့ပြီး၊ အခု မေလ ၁၅ ရက်နေ့မှာ အတော်များများ ပြီးစီးလိမ့်မယ်လို့ မျှော်လင့်တဲ့အကြောင်း အစိုးရက ခန့်မှန်းထားတယ်လို့ ဆိုပါတယ်။
ပြီးခဲ့တဲ့နှစ်တုန်းက ပဋိပက္ခတွေ အကြမ်းဖက်မှုတွေ ရှိခဲ့တာကြောင့် ဒေသတွင်းမှာ လူမှု အသိုင်းအ၀ိုင်း နှစ်ခုအကြားမှာ စိုးရိမ်ချက်တွေကလည်း ရှိနေဆဲပါ။ ဒါကြောင့်လည်း မုန်တိုင်းအကြို ပြင်ဆင် နေရာချထားရေး ကိစ္စတွေမှာလည်း အဲ့ဒီ စိုးရိမ်ချက်တွေကြောင့် မပြေမလည် ဖြစ်မှုတွေလည်း ရှိတယ်လို့ သိရပါတယ်။
မူဆလင် ခေါင်းဆောင်တွေကလည်း မူဆလင် အသိုင်းအ၀ိုင်းအနေနဲ့ အာဏာပိုင်တွေနဲ့ ပူးပေါင်းဆောင်ရွက်ကြဖို့ကို တိုက်တွန်းနေတယ်လို့ OCHA ထုတ်ပြန်ချက်မှာ ဖော်ပြပါတယ်။ လူသားချင်း စာနာကူညီရေးအဖွဲ့တွေ၊ ဆေးအဖွဲ့တွေကလည်း မုန်တိုင်း ၀င်ရောက်ခဲ့ရင် မုန်တိုင်းအလွန် အခြေအနေမှာ ကယ်ဆယ် ကူညီရေးတွေ လုပ်နိုင်ဖို့ ပြင်ဆင် ဆောင်ရွက်နေတာလည်း ရှိပါတယ်။ တွန် (Tom) ကတော့ မြန်မာအာဏာပိုင်တွေအနေနဲ့ လူသားချင်း ကူညီရေးအဖွဲ့တွေကို ၀င်ရောက် လုပ်ကိုင်ခွင့်ပေးသလို၊ သူတို့ အကြံပြုချက်တွေကိုလည်း အာဏာပိုင်တွေဘက်ကလည်း နားထောင်ဖို့ လိုမယ်လို့ ပြောပါတယ်။
“အဲ့ဒီဒေသကို လူသားချင်း စာနာမှု အကူအညီ ပေးရေးအဖွဲ့တွေ သွားရောက်ခွင့် ပေးတာ မှန်ပါတယ်။ ဒါပေမဲ့ ခက်တာကတော့ အခု မိုးရာသီရောက်လာပြီဆိုတော့ သူတို့ကို ဘေးကင်း လုံခြုံတဲ့ နေရာမျိုးတွေမှာ နေရာပြောင်းချပေးဖို့ တိုက်တွန်းတာကို အာဏာပိုင်တွေက နားမထောင်တာပါ။”
အခုလို ရခိုင်ပြည်နယ်မြောက်ပိုင်းဒေသကို မုန်တိုင်းဝင်မယ်ဆိုတဲ့ စိုးရိမ်ချက်ကြားထဲမှာပဲ၊ မြန်မာသမ္မတ ဦးသိန်းစိန်ဟာ ရက်ပိုင်းအတွင်းမှာ အမေရိကန် ပြည်ထောင်စုကို နိုင်ငံတော်ခရီးစဉ်အဖြစ် စတင်ဖို့ ရှိနေပါတယ်။ မနေ့တုန်းက သမ္မတရုံးရဲ့ ၀ပ်ဆိုဒ် အင်တာနက် စာမျက်နှာမှာတော့ မုန်တိုင်းနဲ့ပတ်သက်လို့ ကြိုတင် ညှိနှိုင်းအစည်းအဝေးကို သမ္မတ ဦးသိန်းစိန် ကိုယ်တိုင် ဦးဆောင် စည်းဝေးခဲ့တာကို ဖော်ပြထားပါတယ်။ သဘာဝ ဘေးအန္တရာယ်ဆိုတာကို တားဆီးလို့ မရပေမဲ့၊ ထိခိုက် ဆုံးရှုံးမှု အနည်းဆုံးဖြစ်အောင် ဆောင်ရွက်သွားရမယ်ဆိုပြီး အဲ့ဒီအစည်းအဝေးမှာ သမ္မတ ဦးသိန်းစိန် က တိုက်တွန်းပြောကြားထားပါတယ်။
Ref: VOA News
ဆိုင်ကလုန်းရှောင်သူတချို့ လှေမှောက်သေဆုံး
ကိုဇော်ဝင်းလှိုင်
14.05.2013
ရခိုင်ပြည်နယ် ပေါက်တောမြို့နယ်အတွင်းမှာ ရာနဲ့ချီတဲ့ ခရီးသည်တွေ စီးနင်းလိုက်ပါလာတဲ့ လှေတစ်စင်း ဟာ ကျောက်ဆောင်နဲ့ တိုက်မိပြီး ပင်လယ်တွင်းမှာ နစ်မြုပ် ခဲ့ပါတယ်။ သေဆုံးသူ အရေအတွက် အတိအကျ မသိရသေးပေမဲ့ ဒီလှေပေါ်မှာ လိုက်ပါ လာသူတွေဟာ ရိုဟင်ဂျာ အစ္စလာမ် ဘာသာဝင်တွေ ဖြစ်တယ်လို့လည်း သတင်းတွေ ထွက်ပေါ်နေပါတယ်။ မဟာဆန် မုန်တိုင်းဟာ ရခိုင်ပြည်နယ် အတွင်း ၀င်ရောက် တိုက်ခတ်တဲ့ အခါ လေတိုက်နှုန်း တစ်နာရီကို မိုင် ၁၂၀ လောက် အထိ ရှိနိုင်တယ်လို့ မိုးလေ၀သ ဌာနကလည်း သတင်း ထုတ်ပြန်ထားတာပါ။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။
နစ်မြုပ်သွားတဲ့ စက်လှေဟာ ပေါက်တောမြို့နယ် ငှက်ချောင်းကျေးရွာ ဒုက္ခသည် စခန်းဘက်က ထွက်လာပြီး ဆင်တက်မော် ဒါမှမဟုတ် နောက်ရဲ ရွာဘက်ကို ဦးတည် ထွက်လာစဉ်မှာ စစ်တွေမြို့ တဘက်ကမ်း ပွဲကြည့်တောင် အနီးမှာ နစ်မြုပ်ခဲ့တာ ဖြစ်ပါတယ်။
နစ်မြုပ်သွားတဲ့ စက်လှေမှာ လိုက်ပါသူတွေဟာ ရခိုင်ပြည်နယ်က အစ္စလာမ် ဘာသာဝင် ဒုက္ခသည်တွေ ဖြစ်ကြပါတယ်။ အာဏာပိုင်တွေက မုန်တိုင်းဘေး လွတ်ရာကို ရွှေ့ပြောင်း ခိုင်းတာကို မလိုက်ပါဘဲ ကိုယ့် အစီအစဉ်နဲ့ကိုယ် ရွှေ့ပြောင်းကြတုန်းမှာ နစ်မြုပ်တာဖြစ်တယ်လို့ ပေါက်တော မြို့နယ်က ပြည်နယ် လွှတ်တော်ကိုယ်စားလှယ် ဦးသက်ထွန်းအောင်က ပြောပါတယ်။
“မနေ့ နေ့လည်ပိုင်းက ဒုက္ခသည်စခန်းက လူတွေကို ဘေးကင်းရာကိုပြောင်းဖို့ မြို့နယ်အုပ်ချုပ်ရေး ဌာနက စီမံပြီးတော့ သူတို့ကို သွားခေါ်တယ်လေ။ သွားခေါ်တော့ သူတို့က မလိုက်ဘူးပေါ့နော်။ သူတို့က ခေါ်လို့ မလိုက်ဘူး ဆိုတော့ ညဘက်ကျမှ ဖြစ်သွားတယ် ထင်တယ်။ ညတည်းက ထွက်ပြီးတော့ နောက် သူတို့ လူမျိုးတွေရှိတဲ့ နောက်ရဲ သို့မဟုတ် ဆင်တက်မော် ဘက်ကို သွားပုံပေါက်တယ်။ အဲ့လိုသွားတော့ ဒီလမ်းကြား ထဲမှာ ရေပြင်မှာ မြုပ်နေတဲ့ ကျောက်ဆောင်တွေ ရှိတယ် အဲ့ဘက်မှာလေ။ အဲ့ဒီကျောက်ဆောင်တွေနဲ့ တိုက်မိပြီး လှေတစ်စင်းမြုပ်သွားတယ်လို့ ကြားတယ်။”
လှေပေါ်မှာ လူ ၁၀၀ ကျော်လောက် လိုက်ပါသွားတယ်လို့ ခန့်မှန်းထားပြီး ၄၀ ကျော်လောက် လွတ်မြောက် လာတယ်လို့ သိရပေမဲ့ သေဆုံးသူ အတိအကျ ကိုတော့ မသိရသေးဘူးလို့ ပြောပါတယ်။
ပေါက်တောမြို့နယ်က ဒေသခံ အစ္စလာမ် ဘာသာဝင်တစ်ဦးကတော့ ဒီကနေ့မနက် အစောပိုင်း ၂ နာရီ ၃ နာရီလောက်က နစ်မြုပ်တာဖြစ်တယ်။ စက်လှေပေါ်မှာ လူ ၂၀၀ ကျော်လောက် လိုက်ပါလာပြီး လူ ၂၀ လောက် ကမ်းပေါ်ပြန်တက်လာတယ်လို့ ပြောပါတယ်။
“၂ နာရီ ၃ နာရီလောက်မှာ မှောက်သွားပါတယ်။ လူ ၂၀၀ ကျော်လောက်လည်း ပါပါတယ်။ ပေါက်တောမှာ ကျောက်ရှိတယ် မဟုတ်လား။ အသက်ရှင်တဲ့သူ ၁၀၊ အယောက် ၂၀ လောက်ရှိမယ်။ မဟုတ်ဘူးဆို အားလုံး သေသွားပါတယ်။”
UNHCR ဒုက္ခသည်များဆိုင်ရာ မဟာမင်းကြီးရုံးရဲ့ ပူးပေါင်းဆောင်ရွက်ရေးမှူး ယာစုကို ရှီမိဇု (Yasuko Shimizu) ကလည်း သူတို့ရထားတဲ့ အသေအပျောက်စာရင်းကို ပြောပြပါတယ်။
“ပေါက်တောမြို့ နတ်ချောင်းရွာ ဆိပ်ကမ်းက ထွက်သွားတဲ့ လှေ ၂ စီး မှောက်သွားတာကြောင့် အနဲဆုံး လူ ၁၀၀ လောက် သေဆုံးသွားတယ်လို့ ခန့်မှန်းရပါတယ်။ စာရင်း အတိအကျကို ကျမတို့ အတည်ပြုလို့ မရသေးပေမဲ့ အဲ့ဒီလောက် သေတယ်ဆိုတဲ့ သတင်းတွေ ထွက်နေပါတယ်။ အသက်ရှင် ကျန်ရစ်သူတွေထဲက တစ်ယောက်ကတော့ သူ့နေရပ်ကို ပြန်သွားပါတယ်။”
မုန်တိုင်းဝင်တဲ့အချိန် ဒုက္ခသည်စခန်းတွေမှာ ရှိနေတဲ့ ရိုဟင်ဂျာ ဒုက္ခသည်တွေ နေထိုင်တဲ့ ယာယီတဲတွေပါ နစ်မြုပ်သွားနိုင်တဲ့ အလားအလာ ရှိတာကြောင့် ဘေးကင်းရာကို ရွှေ့ပြောင်းနေချိန်မှာ အခုလို လှေမှောက်သွားတာလို့ UNHCR က ပြောပါတယ်။
အခုလို စက်လှေနစ်မြုပ်ပြီး လူအများအပြား ပျောက်ဆုံးနေတဲ့သတင်းကို အတည်ပြုနိုင်ဖို့ ပေါက်တောမြို့နယ် ရဲစခန်းနဲ့ စစ်တွေက ပြည်နယ်အစိုးရရဲ့ ပြောခွင့်ရသူတွေဆီကို ဆက်သွယ်ခဲ့ပေမဲ့ ဆက်သွယ်လို့ မရခဲ့ပါဘူး။
ဒီရက်ပိုင်းအတွင်းမှာတော့ အင်အားပြင်းထန်တဲ့ မဟာဆန် အမည်ရ အပူပိုင်းမုန်တိုင်းဟာ ရခိုင်ပြည်နယ်ဘက်ကို ဖြတ်သန်း ၀င်ရောက်ဖွယ် ရှိနေတာကြောင့် ပြည်ထောင်စုအစိုးရရ့ ဒုသမ္မတကိုယ်တိုင် ကြီးကြပ်ကွပ်ကဲပြီး ပြည်သူတွေကို ဘေးလွတ်ရာနေရာကို ပြောင်းရွှေ့နေပါတယ်။ တချိန်တည်းမှာပဲ ဒေသခံအာဏာပိုင်တွေက မုန်တိုင်းနဲ့ပတ်သက်တဲ့ သတင်းအချက်အလက်တွေကို ပြည်သူတွေကို လိုက်လံ အသိပေး ဆော်သြတာတွေ ဆောင်ရွက်နေပါတယ်။
မဟာဆန် အပူပိုင်းမုန်တိုင်းဟာ လာမယ့် မေလ ၁၆ ရက်နေ့ ညနေပိုင်းလောက်မှာ ဘင်္ဂလားဒေ့ရ်ှနိုင်ငံ စစ်တကောင်းမြို့နဲ့ ရခိုင်ပြည်နယ် မောင်တောမြို့အကြား ကို ဖြတ်သန်းပြီး ကုန်းတွင်းပိုင်းကို ၀င်ရောက်မယ်လို့ ခန့်မှန်းထားတာ ဖြစ်ပါတယ်။
Ref: VOA News
NLD ပါတီဝင်ဟောင်း ၄ ဦး လျှောက်လွှာတင်ရန် ဒေါ်အောင်ဆန်း စုကြည် တောင်းဆို
သာလွန်ဇောင်းထက်
May 14, 2013
အမျိုးသား ဒီမိုကရေစီအဖွဲ့ချုပ် (NLD) က မတ်လအတွင်း ကျင်းပခဲ့သည့် နိုင်ငံလုံးဆိုင်ရာ ညီလာခံ အတွင်း NLD ပါတီဝင် အဖြစ် လျှောက်ထားမှုကို လက်မခံရန် ဆုံးဖြတ်ခဲ့သော ယခင် NLD ပါတီဟောင်း အမတ် ၂ ဦးနှင့် အဖွဲ့ဝင် ၂ ဦးကို ပါတီဝင် အဖြစ် ပြန်လည်လျှောက်ထားရန် ဒေါ်အောင်ဆန်းစုကြည်က တောင်းဆိုလိုက်ကြောင်း သိရှိရသည်။
NLD က ၂၀၁၀ ပြည့်နှစ် ရွေးကောက်ပွဲတွင် ပါတီမှတ်ပုံတင်ခြင်း မပြုဘဲ ရွေးကောက်ပွဲ မ၀င်ရန် ဆုံးဖြတ်ခဲ့ချိန်က အမျိုးသား ဒီမိုကရေစီ အင်အားစု (NDF) သို့ ၀င်ရောက်ပြီး ရွေးကောက်ပွဲ ဝင်ခဲ့ကြသော လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်၊ မြောက်ဥက္ကလာပ မြို့နယ် ပြည်သူ့လွှတ်တော် ကိုယ်စားလှယ် ဒေါက်တာသန်းဝင်း အပါအ၀င် ပါတီဝင်ဟောင်း ၄ ဦးတို့က NLD ပါတီ စတင် မှတ်ပုံ တင်ချိန်တွင် ပါတီဝင်အဖြစ် ပြန်လည် လျှောက်ထားခဲ့ကြကြောင်း၊ ယင်းသို့ လျှောက်ထားမှုကို ယခုနှစ် မတ်လ အတွင်း ကျင်းပပြုလုပ်ခဲ့သည့် နိုင်ငံလုံး ဆိုင်ရာ ဗဟိုညီလာခံက ပယ်ချ ခဲ့သော်လည်း ဒေါ်အောင်ဆန်းစုကြည် ကိုယ်တိုင်က ပါတီဝင်လျှောက်လွှာများ ပြန်လည်ပေးပို့ရန် တောင်းဆိုမှုများ ရှိခဲ့ကြောင်း NLD မှ တာဝန်ရှိသူများက ဆိုသည်။
“ဒေါ်အောင်ဆန်းစုကြည် ကိုယ်တိုင်က ပါတီဝင်ဟောင်းတွေဖြစ်တဲ့ ပြည်သူ့လွှတ်တော် ကိုယ်စားလှယ် ဦးကြည်မြင့်၊ ပြည်သူ့လွှတ်တော် ကိုယ်စားလှယ် ဒေါက်တာ သန်းဝင်း၊ မန္တလေးတိုင်းက ဦးတင်အောင်အောင်၊ ဦးမြင့်သွင် တို့ကို ပါတီဝင်သစ် အဖြစ် လျှောက်လွှာ ပြန်တင်ခိုင်းတယ်။ အဲဒီလူတွေနဲ့ အဖွဲ့ချုပ်က တချို့ကိစ္စတွေမှာ ထိတွေ့မှု ရှိနေပါတယ်” ဟု NLD မှ တာဝန်ရှိသူတဦးက ပြောသည်။
မတ်လအတွင်း ကျင်းပခဲ့သည့် NLD နိုင်ငံလုံးဆိုင်ရာ ညီလာခံတွင် ပါတီသို့ ပြန်လည် ၀င်ရောက်ခွင့် လျှောက်ထား ကြသည့် ပါတီဝင်ဟောင်း ၄ ဦးဖြစ်သော မြောက်ဥက္ကလာပ မြို့နယ်မှ ပြည်သူ့လွှတ်တော် ကိုယ်စားလှယ် ဒေါက်တာသန်းဝင်း၊ လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်၊ မန္တလေးတိုင်းမှ ဦးတင်အောင်အောင်၊ ဦးမြင့်သွင်တို့ကို ပါတီဝင်အဖြစ် ပြန်လည်လက်ခံရေး၊ မခံရေးကို တနိုင်ငံလုံးမှ ညီလာခံ ကိုယ်စားလှယ်များက မဲခွဲ ဆုံးဖြတ်ခဲ့ကြပြီး ပြန်လည် လက်မခံလိုသော ဆန္ဒမဲ ၄၆၂ မဲ၊ လက်ခံလိုသော မဲ ၃၁၆ မဲဖြင့် ပါတီဝင် အဖြစ် လက်မခံရန် ဆုံးဖြတ်ခဲ့သည်။
NLD ၏ ပြန်ကြားရေး တာဝန်ခံ ဦးအုန်းကြိုင်ကမူ ပါတီဝင်ဟောင်း ၄ ဦး၏ လျှောက်လွှာ ပယ်ချမှုသည် ပါတီ၏ မူဝါဒ မဟုတ်ဘဲ ညီလာခံကသာ ဆုံးဖြတ်ခြင်း ဖြစ်ကြောင်း၊ ပါတီဝင်ဟောင်းများ ပြန်လည် လျှောက်ထားမှု ရှိလာပါကလည်း ဗဟိုအလုပ်အမှုဆောင် အဖွဲ့က သင့်တော်သလို ဆုံးဖြတ်သွားမည် ဖြစ်ကြောင်း ညီလာခံအပြီး သတင်းစာရှင်းလင်းပွဲတွင် ပြောဆိုခဲ့သည်။
ပါတီဝင်ဟောင်း ၄ ဦးကို ပါတီဝင်အဖြစ် ပြန်လက်ခံရေး အတွက် မကြာမီ ဗဟိုအလုပ် အမှုဆောင် အဖွဲ့က ဆုံးဖြတ်သွားမည် ဖြစ်ကြောင်း သိရှိရသည်။
“အခုအချိန်က အားလုံး စုစုစည်းစည်း ညီညီညွတ်ညွတ် လုပ်ရမယ့်အချိန်ဆိုတော့ သိပ်မကြာခင် အားလုံး အဆင်ပြေပြေ ဖြစ်သွားမှာပါ” ဟု NLD တာဝန်ရှိသူက ပြောသည်။
NLD သို့ ပါတီဝင်အဖြစ် ၀င်ရောက်ရန် လျှောက်လွှာတင်ထားသော လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်က မိခင်ပါတီသို့ မိမိပြန်လည်ဝင်ရောက်ရန် ပါတီ ပြန်လည်မှတ်ပုံတင်ချိန် ကတည်းက တင်ပြခဲ့ခြင်း ဖြစ်ကြောင်း ဧရာဝတီသို့ ပြောသည်။
“အခုလည်း ပါတီဝင်အဖြစ် လျှောက်လွှာ ထပ်တင်ထားပါတယ်။ ပါတီ ပြန်မှတ်ပုံတင်ကတည်းက ပါတီဝင်အဖြစ် ပြန်လျှောက် ထားခဲ့တာပါ။ ညီလာခံက ပါတီဝင်အဖြစ် လက်မခံဖို့ ဆုံးဖြတ်ခဲ့ပေမယ့် ကျနော်ကတော့ ပါတီဝင်အဖြစ် လျှောက်လွှာ ထပ်တင် ခဲ့ပါတယ်” ဟု ဦးကြည်မြင့်က ဆိုသည်။
ပြည်တွင်းနိုင်ငံရေး အသိုင်းအ၀ိုင်းကမူ ၂၀၁၅ ရွေးကောက်ပွဲမတိုင်မီ ကော့မှူးမြို့နယ် ပြည်သူ့လွှတ်တော် ကိုယ်စားလှယ် လည်းဖြစ်၊ NLD ဥက္ကဋ္ဌလည်း ဖြစ်သူ ဒေါ်အောင်ဆန်းစုကြည် အနေဖြင့် ပါတီတွင်း ညီညွတ်ရေးနှင့် ပါတီပြန်လည် တည်ဆောက်ရေး အရေးတကြီး လုပ်ဆောင်ရန် လိုအပ်ပြီး ရွေးကောက်ပွဲကာလ ပါတီတွင်း ဖြစ်ပေါ်လာနိုင်သော ပြဿနာများ အတွက်လည်း ကြိုတင် ပြင်ဆင်ထားသင့်ကြောင်း သုံးသပ်ပြောဆိုကြသည်။
အမျိုးသားဒီမိုကရေစီအဖွဲ့ချုပ် ပြန်လည် မှတ်ပုံတင်လာချိန်တွင် NLD မှ ခွဲထွက်ခဲ့သော နိုင်ငံရေးပါတီများမှ ပါတီဝင်များ NLD သို့ ကူးပြောင်းခဲ့ကြရာတွင် NDF မှ လွှတ်တော်ကိုယ်စားလှယ် ဒေါက်တာမြတ်ဉာဏစိုးသည် NLD ပါတီသို့ ပထမဆုံး ကူးပြောင်း ခဲ့သော လွှတ်တော်ကိုယ်စားလှယ် တဦးဖြစ်သည်။
Ref: ဧရာဝတီ
အစိုးရတပ် လေးလပတ် အစည်းအဝေး စတင်
ရန်ပိုင်
May 14, 2013
မြန်မာ့ တပ်မတော်၏ လေးလပတ် အစည်းအဝေး (တပ်မှူးများ ညီလာခံ) ကို ယမန်နေ့က နေပြည်တော်တွင် စတင် ကျင်းပသည်။
ဤအစည်းအဝေးသို့ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် တိုင်း စစ်ဌာနချုပ်များမှ တိုင်းမှူးများ၊ တပ်မမှူးများနှင့် ကာကွယ်ရေး ၀န်ကြီးဌာနမှ တာဝန်ရှိသူများ တက်ရောက် ကြသည်ဟု နေပြည်တော် စစ်ဘက်ဆိုင်ရာ အသိုင်းအ၀န်းမှ သိရသည်။
“ရှမ်းပြည်မြောက်ပိုင်းမှာရှိတဲ့ SSA တောင်ပိုင်းတပ်တို့၊ KIA တပ်တို့ကို နယ်မြေအခိုင်အမာ မပေးဘဲ ရှင်းလင်းရေး ကိစ္စတွေ ဆွေးနွေးဖို့များတယ်” ဟု စစ်ဘက်နှင့် နီးစပ်သူက တဦးက ဆိုသည်။
ပြီးခဲ့သည့်ရက်ပိုင်းက ရှမ်းပြည်မြောက်ပိုင်း ကွမ်လုံ၊ ကွတ်ခိုင်၊ သိန္ဒီ စစ်ဗျူဟာများ ကြားရှိ လှုပ်ရှားနေသည့် ကချင် လွတ်လပ်ရေး တပ်မတော် (KIA) တပ်မဟာ (၄) ဌာနချုပ် လွယ်ခမ်မုန်းကို တက်ရောက် သိမ်းပိုက်ခဲ့သည့် အပြင် နမ့်ခမ်းမြိုနယ် အတွင်း လာရောက် အခြေစိုက်သည့် ရှမ်းပြည် တပ်မတော် (SSA) တောင်ပိုင်း တပ်ဖွဲ့များကို လည်းကောင်း ထိုးစစ်ဆင် တိုက်ခိုက်ခဲ့သည်။
အလားတူ “၀” ပြည် သွေးစည်းညီညွတ်ရေး အဖွဲ့ (UWSA) ၏ ပန်ဆန်းမြို့ကို အပေါ်စီးမှ ထိန်းချုပ်ထားနိုင်သော လွယ်လန်းတောင်ကြောကို မကြာသေးမီက သိမ်းယူလိုက်ခြင်းဖြင့် UWSA စခန်းများ လက်နက်ကြီး တကမ်းသို့ ရောက်ရှိသွားသည့် အပြင် SSA နှင့် UWSA အကြားရှိ ဆက်သွယ်ရေး လမ်းကြောင်းများကိုပါ ဖြတ်တောက်ခဲ့သည်။
ဒေသတွင်းရှိ စစ်ရေးလေ့လာသူများက မြန်မာတပ်မတော်၏ လူမျိုးစု လက်နက်ကိုင်များအပေါ် ထားရှိသည့်သဘောထားမှာ နယ်မြေပိုင်ဆိုင်မှုနှင့် အင်အားသေးငယ်စေရန် ဖြစ်ပြီး၊ ထိန်းချုပ်မှုများ ပြုလုပ်ရန်ဖြစ်သည်ဟု သုံးသပ်သည်။
ထို့ကြောင့်လည်း အစိုးရ၀န်ကြီးများဖြစ်သည့် ဦးအောင်မင်းနှင့် ဦးစိုးသိမ်းတို့ ခေါင်းဆောင်သည့် ငြိမ်းချမ်းရေး ပြန်လည် ထူထောင်ရေးလုပ်ငန်း ဗဟိုဌာန (MPC) နှင့် ဆွေးနွေးစေပြီး တဖက်မှ နယ်မြေ ထိန်းချုပ်စိုးမိုးမှုများကို ပြုလုပ်လေ့ရှိသည်ဟု ဆိုသည်။
နယ်စပ်ဒေသရှိ စစ်ရေးအခြေအနေကို လေ့လာစောင့်ကြည့်နေသည့် ဦးအောင်ကျော်ဇောက “နိုင်ငံတကာ မျက်နှာစာမှာ တိုင်းရင်းသားတွေကို တိုက်တယ်ဆိုတဲ့ စွပ်စွဲချက်လည်း ထွက်မလာအောင် ဆွေးနွေးမယ် ပြီးရင် ထိန်းချုပ်မယ်၊ အင်အားသေးပြီး ပျောက်အောင် လုပ်တဲ့သဘောကို ကျင့်သုံးနေတာ” ဟု ဆိုသည်။
ပြီးခဲ့သည့် ရက်ပိုင်းက UWSA တပ်ဖွဲများ အနေဖြင့် တိုက်ခိုက်ရေး ရဟတ်ယာဉ် ၂ စီး ရရှိထားကြောင်း သတင်းများ ထွက်ပေါ်ခဲ့သေးသည်။
ထို့အတွက် အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ ဦးသိန်းဇော်နှင့် အဖွဲ့သည် UWSA ခေါင်းဆောင်များဖြစ်သည့် ဦးရှောက်မီလျှံ၊ ဦးပေါက်ရီယိုတို့နှင့် မေလ ၁၀ ရက်နေ့က ကျိုင်းတုံမြို့တွင် တွေ့ဆုံခဲ့သည်။
တွေ့ဆုံရာတွင် UWSA က ထွက်ပေါ်နေသည့် သတင်းများနှင့် ပတ်သက်၍ ငြင်းဆိုသွားပြီး ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ပေးရန်နှင် “၀” အထူးဒေသကို ကိုယ်ပိုင်အုပ်ချုပ်ခွင့် ပြည်နယ်အဖြစ် ခွင့်ပြုရေးကို တောင်းဆိုသွားသည်။
Ref: ဧရာဝတီ
မိုးမိတ် ရဲစခန်းတွင် စစ်ချက်ယူရင်း အချုပ်သားတဦး သေဆုံးမှုဖြစ်
မန်းသားလေး
May 14, 2013
ရှမ်းပြည်နယ် ကျောက်မဲခရိုင် မိုးမိတ်မြို့နယ် ရဲစခန်းမှ စစ်ဆေးနေဆဲ အချုပ်သားတဦး ရိုက်နှက် ခံထားရသည့် ဒဏ်ရာများဖြင့် သေ ဆုံးမှု တခု ဖြစ်ပွားသည်။
ထိုသေဆုံးမှုအတွက် တာဝန်ရှိသူများကို ဥပဒေကြောင်းအရ အရေးယူနိုင်ရန် ယနေ့ ရက်စွဲဖြင့် ရှမ်းပြည်နယ် ၀န်ကြီး၊ မန္တလေးတိုင်း ၀န်ကြီးချုပ်နှင့် ပြည်ထဲရေး ၀န်ကြီးတို့ထံ လိပ်မူပြီး တိုင်ကြားစာ ပေးပို့ လိုက်သည်ဟု ကျန်ရစ်သူ မိသားစုက ပြောသည်။
မိုးမိတ်မြို့နယ် ရဲစခန်းတွင် စစ်ချက်ယူရင်း သေဆုံးသွားသူမှာ အသက် ၃၈ နှစ်အရွယ်ရှိ ကိုသောင်းဦး ဆိုသူ ဖြစ်သည်။ မန္တလေး တက္ကသိုလ်တွင် ဒဿနိက အထူးပြုဘာသာ တွဲနှင့် ၀ိဇ္ဇာဘွဲ့ ရခဲ့ပြီး အခင်း မဖြစ်ပွားခင် အချိန်တွင် မိဘများနှင့် နေထိုင်၍ သစ်စက် တွင် စက်ပြင်လုပ်ငန်း လုပ်ကိုင်နေသူ ဖြစ်ကြောင်း သိရသည်။
၂၀၁၂ ခုနှစ် ဇူလိုင်လ အတွင်းက ကျောက်မဲခရိုင် မိုးမိတ်မြို့နယ်ရှိ မန်ကျည်းပင်ရွာ အောင်စည်ဘုန်းမြင့် ဘုန်းကြီးကျောင်းတွင် တရားမ၀င် သစ်စက်များ လုပ်ကိုင်နေသည် ဆိုသော စွဲချက်ဖြင့် ကိုသောင်းဦးကို သစ်တော အထူးအဖွဲ့မှ ဖမ်းဆီးခဲ့ခြင်း ဖြစ်ကြောင်း မိသားစုဝင်များက ပြောပြသည်။
ထို့နောက် ကိုသောင်းဦးကို မိုးမိတ် တရားရုံး၌ ခေါ်ယူစစ်ဆေးခဲ့ပြီး အာမခံ မပေးဘဲ မိုးမိတ် ရဲစခန်း အချုပ်ခန်းတွင် ချုပ်နှောင် ထား ခဲ့ကြောင်း သိရသည်။
ချုပ်နှောင်ခံရပြီး ၃ ရက်မြောက်သည့် ဇူလိုင်လ ၂၃ ရက်နေ့တွင် ကိုသောင်းဦး ကျန်းမာရေး မကောင်းသဖြင့် ဆေးရုံ တက်ရသည် ဟု မိုးမိတ် ရဲစခန်းက အကြောင်းကြား လာကြောင်း၊ ထို့ကြောင့် မိုးမိတ်မြို့ ပြည်သူ့ဆေးရုံသို့ လိုက်သွားရာ ရင်ခွဲရုံတွင် ဒဏ်ရာများဖြင့် သေဆုံးနေသော ကိုသောင်းဦးကို တွေ့ကြရကြောင်း မိသားစုဝင်များက ဧရာဝတီ ပြောပြသည်။
“ကျမမောင်က သူတို့ ဖမ်းဆီးစဉ်အချိန်တုန်းက ကျန်းမာရေး အလွန်ကောင်းပါတယ်။ သေဆုံးတော့ ဦးခေါင်းမှာ ကွဲပြဲနေတယ်။ မျက်နှာမှာ ဆိုရင်လည်း အညိုမည်း ကွက်တွေနဲ့။ ခန္ဓာကိုယ်အနှံ့ ညှဉ်းပန်းနှိပ်စက် ခံထားရတဲ့ ဒဏ်ရာတွေ ဆိုတာ မြင်လို့ မကောင်းပါဘူး။ ဆေးစာအရ ဘယ်လိုသေဆုံးတယ် ဆိုတာ မသိရပေမယ့် ညှဉ်းပန်းနှိပ်စက် ခံရပြီး သေဆုံးခဲ့တာပါ။ ဒါကို ဥပဒေအရ မှန်မှန် ကန်ကန် ဖြစ်စေချင်ပါတယ်”ဟု သေဆုံးသူ၏ အစ်မအရင်း ဖြစ်သည့် မစန်းစန်းဦးက ပြောသည်။
သေဆုံးသွားသော ကိုသောင်းဦးသည် မိုးမိတ်ဆေးရုံ ရင်ခွဲရုံ၌ ခြေထောက်များတွင် အညိုမည်းများ၊ မျက်နှာပြင်အနှံ့ သွေးထွက် ဒဏ်ရာများ ရရှိထားသည်ကို ဓာတ်ပုံ မှတ်တမ်းများအရ တွေ့ရှိရသည်။
မစန်းစန်းဦးက“သေဆုံးသူ ဘာကြောင့် ဘယ်လို သေဆုံးရတယ်ဆိုတဲ့ ဆေးစာကို ကျမတို့ကို ဘယ်သူမှ မပေးပါဘူး။ မိုးမိတ် ဆေးရုံအုပ်ကြီး ကတော့ အဆုတ်က ထွက်လာတဲ့အရည်တွေနဲ့ ကျောက်ကပ်က ထွက်လာတဲ့ အရည်တွေက အသက်ရှုလမ်းကြောင်းမှာ ပိတ်မိပြီး သေဆုံးခဲ့ရတာပါလို့ ကျမတို့ကို ပြောပါတယ်”ဟု ပြောသည်။
၂၀၁၂ ခုနှစ် ဒီဇင်ဘာ၂ ရက်နေ့က မိုးမိတ်မြို့နယ် မယက မှ ယခု အမှုနှင့် ပတ်သက်ပြီး ခေါ်ယူစစ်ဆေး မေးမြန်းမှု ပြုလုပ် သော် လည်း ငွေကြေးယူ၍ ကျေအေးရန်၊ အမှုကို ဆက်လက်မဖွင့်ရန် ခြိမ်းခြောက်ပြောဆိုမှုများ ရှိခဲ့ကြောင်းလည်း မစန်းစန်းဦးက ပြောပြ သည်။
ယခုအမှုနှင့် ပတ်သက်ပြီး မိုးမိတ်မြို့နယ် ရဲစခန်းမှ စခန်းမှူးနှင့် တာဝန်ရှိသူများကို တရားဥပဒေကြောင်းအရ အရေးယူနိုင်ရန် ဒီမိုကရေစီ စဉ်ဆက်မပြတ်လှုပ်ရှားမှု အင်အားစု(MDCF)က ကူညီ ဆောင်ရွက် ပေးနေကြောင်းလည်း သိရသည်။
“သူတို့က ဒီကိစ္စနဲ့ပတ်သက်ပြီး ကျနော့်ကို လာတိုင်ပင်တယ်။ ကျနော်ကဦးဆောင်ပြီး ပြည်ထဲရေးနဲ့တခြားအဖွဲ့စည်းတွေကို တင်ပြ ပြီး အဖြစ်မှန် ပေါ်ပေါက်ဖို့ ကြိုးစားသွားမယ်။ ကာယကံရှင်တွေက ဘာမှ မသိတော့ သူတို့က ဒီကိစ္စကို ဖုံးကွယ်ထားကြတယ်။ ဖုံးကွယ်ထားတဲ့ စခန်းမှူးကော၊ ဒီအမှုကို ဆက်မလုပ်ဖို့ပြောတဲ့ မြို့နယ်မှူးကိုပါ တရားစွဲဆိုသွားမှာပါ။ ဥပဒေရဲ့အထက်မှာ ဘယ်သူ မှ ရှိလို့ မရပါဘူး။ မည်သူမဆို တရားရုံးရဲ့ဆုံးဖြတ်ချက်ကို ခံယူရမှာ ဖြစ်ပါတယ်”ဟု MDCF မှ ကိုထင်ကျော်က ဧရာဝတီကို ပြော သည်။
မိုးမိတ်မြို့နယ် ရဲစခန်းနှင့် မယက ရုံးသို့ တယ်လီဖုန်းဖြင့် ဆက်သွယ်မေးမြန်းရာ ယင်းအမှုကိစ္စကို မသိရှိကြောင်း ပြန်လည်ဖြေကြား ခဲ့သည်။
ဥပဒေ အကျိုးဆောင် ရှေ့နေ ဦးမြင့်သွင်က“တရားစွဲအဖွဲ့စည်းဖြစ်တဲ့ ရဲတပ်ဖွဲ့ အနေနဲ့က တရားခံတွေကို ညှဉ်းပန်းနှိပ်စက်ခွင့်နဲ့ အသက်ဆုံးရှုံးအောင် လုပ်ပိုင်ခွင့် မရှိပါဘူး။ တကယ်လို့ တရားစွဲတဲ့ ရဲတပ်ဖွဲ့တွေအနေနဲ့ တရားခံတွေကို ညှဉ်းပန်းနှိပ်စက်လို့ အသက်အန္တရာယ် ဆုံးရှုံးခဲ့မယ်ဆိုရင် နိုင်ငံသားများ ကာကွယ်စောင့်ရှောက်ရေး ဥပဒေပုဒ်မ (၄)အရ အဲဒီဝန်ထမ်း၊ ရဲတပ်ဖွဲ့နဲ့ အာဏာပိုင် အဖွဲ့စည်းမှာ ရှိတဲ့လူတွေကို တိုင်လို့ ရတယ်။ အဲဒီအဖွဲ့စည်းတွေက နိုင်ငံသားတွေကို နိုင်ထက် စီးနင်း လုပ်ခဲ့တယ် ဆိုရင် ပြစ်မှုကြောင်းအရ ဖြစ်စေ၊ တရားမ နစ်နာမှုအရ ဖြစ်စေ နိုင်ငံသားများ ကာကွယ်ရေး ဥပဒေပုဒ်မ ၁၇ အရ ပြန်လည် တရားစွဲလို့ရပါတယ်”ဟု ပြောကြားသည်။
ယင်းအမှုနှင့် ပတ်သက်ပြီး မန္တလေး ပြည်သူလူထု၊ လူမှု အသင်းဖွဲ့များနှင့် မီဒီယာများကလည်း မေလ ၁၄ ရက်နေ့က ၈၄ လမ်း ဒိုင်းမွန်းဟောက်စ် ခန်းမတွင် ကျင်းပသည့် တရားဥပဒေ စိုးမိုးရေးကို စိန်ခေါ်နေမှုများ(၄) ဆွေးနွေးပွဲတွင် တင်ပြဆွေးနွေးကြသည်။
Ref: ဧရာဝတီ
အစိုးရနှင့် KIO မေလ မကုန်မီ တွေ့ဆုံဖွယ်ရှိ၊ လေ့လာသူများ ကိစ္စ ညှိနှိုင်းနေရဆဲ
ဖနိဒါ
အင်္ဂါနေ့၊ မေလ ၁၄ ရက် ၂၀၁၃
ချင်းမိုင်(မဇ္စျိမ)။ ။ ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကချင် လွတ်လပ်ရေး အဖွဲ့ KIO တို့ မေလ နောက်ဆုံးပတ်တွင် မြစ်ကြီးနား မြို့၌ တွေ့ဆုံရန် ဝန်ကြီး ဦးအောင်မင်းနှင့် သဘောတူညီမှု ရရှိထားသည်ဟု ငြိမ်းချမ်ရေး အကျိုးဆောင်များက ပြောသည်။
ရန်ကုန်မြို့ရှိ ငြိမ်းချမ်းရေးစင်တာတွင် ဝန်ကြီး ဦးအောင်မင်း က KIO နှင့် အချက် ၁၂ ချက် ညှိနှိုင်းနေရာမှ ယခုလ မကုန်မီ တွေ့ဆုံရန် မူအားဖြင့် သဘောတူညီမှု ထားသည်ဟု ၎င်း၏ အကြံပေး အလုပ်အဖွဲ့ များအား တနင်္လာနေ့က ပြောဆိုခဲ့ခြင်း ဖြစ်သည်။
“ဝန်ကြီး ဦးအောင်မင်း ရှင်းပြတာက အချက် ၁၂ ချက်ရှိပါတယ်။ နံပါတ် ၁ က မူအားဖြင့် မြစ်ကြီးနားမြို့မှာ ကျင်းပဖို့နဲ့ အကြမ်းအားဖြင့် နောက်ဆုံး အပတ်မှာ တွေ့ဖို့ တဖက် အဖွဲ့အစည်းနဲ့လည်း သဘောတူတယ်။ အသေးစိတ် အချက်အလက်တွေကို ဝန်ကြီးက သူဆက်လက် ညှိနှိုင်းနေပါတယ်။ သူ့အနေနဲ့ ညှိနှိုင်းလို့ အဆင်ပြေတယ်ဆိုရင် ဒီမေလ နောက်ဆုံး ပတ်မှာ ဖြစ်ပါလိမ့်မယ်” ဟု ငြိမ်းချမ်းရေး အကျိုးဆောင် ဦးလှမောင်ရွှေ က မဇ္စျိမကို ပြောသည်။
ညှိနှိုင်းနေဆဲဖြစ်သည့် အခြား အချက်အလက်ကိုမူ ဝန်ကြီးက ရှင်းပြခြင်း မရှိခဲ့ဟု ၎င်းက ဆိုသည်။
လာမည့် ဆွေးနွေးပွဲသို့ လေ့လာသူများအဖြစ် မည်သည့်နိုင်ငံများအား ဖိတ်ထားသည်ကို မသိရသော်လည်း KIO ဘက်မှ တင်ပြသည့် လေ့လာသူများကိုမူ ကန့်ကွက်မှု မရှိကြောင်း ဦးလှမောင်ရွှေ က ပြောသည်။
“လေ့လာသူတွေ အပိုင်းကိုတော့ ကျနော်တို့ကို အသေးစိတ်တော့ ဘာမှ ရှင်းပြတာ မရှိဘူး။ ဒါပေမယ့် ကျနော်နားလည် သလောက်တော့ တိုင်းရင်းသားအဖွဲ့တွေနဲ့ ဆွေးနွေးတဲ့နေရာမှာ ယုံကြည်မှု တည်ဆောက်ဖို့ လိုတယ်။ ဒါကြောင့် တဘက် ယုံကြည်မှု ရဖို့ လေ့လာသူတွေကို ကန့်ကွက်တာ မရှိဘူး။ ဆိုလိုတာက open လုပ်ထားတယ်လို့ ကြားတယ်။ တဖက်အဖွဲ့အစည်းက ဖိတ်တဲ့လူတွေကို ကန့်ကွက်တာ မရှိဘူး” ဟု ပြောသည်။
သို့သော် KIO ဘက်မှ အမေရိကန်၊ ဗြိတိန်၊ တရုတ်နှင့် ကုလသမဂ္ဂ အား လေ့လာသူများအဖြစ် ပါဝင်ရန် ဖိတ်ကြားထား၍ တရုတ်နိုင်ငံအနေဖြင့် အမေရိကန်နှင့် ဗြိတိန်နိုင်ငံတို့ ပါဝင်မှုကို ကန့်ကွက်ထားသဖြင့် ဆက်လက် ညှိနှိုင်းနေကြသည်ဟု ကချင် ငြိမ်းချမ်းရေး အကျိုးဆောင် ဦးဆန်အောင် က ပြောသည်။
“ဒီလကုန်ပိုင်း တွေ့ဖြစ်မယ် ထင်တယ်။ လေ့လာသူကိစ္စကြောင့် ညှိနှိုင်းနေလို့ ရက်ရွှေ့နေရတာ။ လေ့လာသူ တွေကို အစိုးရကတော့ သဘောတူတယ်လို့ ပြောတယ်။ ဒါပေမယ့် တရုတ်က US နဲ့ UK ကို ကန့်ကွက်လို့ ညှိနေတယ်” ဟု မဇ္စျိမကို ပြောသည်။
ယခု တကြိမ်တွေ့ဆုံမှုတွင် တပ်နေရာချထားရေးနှင့် နိုင်ငံရေးဆွေးနွေးပွဲကို မည်သို့ ဆက်လက် ဆောင်ရွက် သွားရန် ဆိုသည့် အချက်များ ထည့်သွင်းဆွေးနွေးမည်ဟု KIO ၏ တင်ပြချက်ကို အစိုးရဘက်မှ လက်ခံ သဘော တူထားသည်ဟု ဆိုသည်။
၂၀၁၂ ခုနှစ် နိုဝင်ဘာလမှ စတင်၍ ငြိမ်းချမ်းရေး လုပ်ငန်းကော်မတီနှင့် KIO တို့ ထိုင်းနိုင်ငံ၊ ချင်းရိုင်းခရိုင်တွင် နှစ်ကြိမ်၊ ကချင်ပြည်နယ် မိုင်ဂျာယန်တွင် နှစ်ကြိမ်၊ တရုတ်နိုင်ငံ ရွှေလီမြို့တွင် သုံးကြိမ် တွေ့ဆုံဆွေးနွေး ခဲ့ပြီး ဖြစ်သည်။ ယခုတကြိမ် တွေ့ဆုံမှုမှာ ၈ ကြိမ်မြောက် ပြန်တွေ့ဆုံခြင်း ကြမည် ဖြစ်သည်ဟု သိရသည်။
သမ္မတ ဦးသိန်းစိန်အနေဖြင့် ယခုနှစ်အတွင်း နိုင်ငံရေးဆွေးနွေးမှု စတင် ပြုလုပ်လိုကြောင်း ပြောဆိုသဖြင့် ယခု KIO နှင့် ဆွေးနွေးပွဲသည် အရေးကြီးသည်ဟု ဦးလှမောင်ရွှေ က ပြောသည်။
ထို့ပြင် မကြာမီက တိုက်ပွဲများ ဖြစ်ပွားခဲ့သော ရှမ်းပြည်ပြန်လည် ထူထောင်ရေးကောင်စီ ခေါ် ရှမ်းပြည် တောင်ပိုင်းတပ်မတော် RCSS/SSA မှ ကိုယ်စားလှယ်များနှင့် ဝန်ကြီး ဦးအောင်မင်းတို့ မြန်မာ ငြိမ်းချမ်းရေး စင်တာတွင် တနင်္လာနေ့က တွေ့ဆုံခဲ့သည်ဟု သိရသည်။
RCSS/SSA မှ ငြိမ်းချမ်းရေးဖော်ဆောင်ရေးကော်မတီဝင် ကိုယ်စားလှယ် ဗိုလ်မှူးကြီး စိုင်းလနှင့် ဒုဗိုလ်မှူးကြီး စိုင်းမိန်းတို့ သွားရောက် တွေ့ဆုံခဲ့ခြင်း ဖြစ်ပြီး ပဋိပက္ခ ဖြစ်ပွားနေမှုများနှင့် ပတ်သက်၍ သွားရောက် မေးမြန်းခြင်းနှင့် ထပ်မံ တွေ့ဆုံနိုင်ရေးအတွက် အလွတ်သဘော တွေ့ဆုံခြင်း ဖြစ်သည်ဟု လက်ထောက် ပြောရေးဆိုခွင့်ရှိသူ ဗိုလ်ကြီး စိုင်မိန်း က ပြောသည်။
“ကျနော်တို့ ထပ်မံတွေ့ဆုံဖို့ ကျိုတင် ညှိနှိုင်းဖို့အတွက် လက်ရှိ ဖြစ်ပေါ်နေတဲ့ ပဋိပက္ခတွေကို ပြန်ပြီး သူတို့ကို အသိပေးတာရော၊ လိုအပ်တဲ့ မေးခွန်းတွေ သွားမေးဖို့ပါ။ ကျနော်တို့ဘက်က တရားဝင် သွားဆွေးနွေးတာ မဟုတ်ဘူး” ဟု မဇ္စျိမကို ပြောသည်။
ပြီးခဲ့သည့် ရက်သတ္တပတ်အတွင်း ငြိမ်းချမ်ရေးဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ ဝန်ကြီး ဦးသိန်းဇော် ပါဝင်သော ကိုယ်စားလှယ် များကလည်း ဝပြည် သွေးစည်း ညီညွတ်ရေး တပ်မတော် (UWSA)၊ ရှမ်းပြည်တိုးတက်ရေးပါတီ ခေါ် ရှမ်းပြည်မြောက်ပိုင်း တပ်မတော် (SSPP/SSA) တို့နှင့် တွေ့ဆုံဆွေးနွေးမှု များ ပြုလုပ်ခဲ့သည်။
Ref: မဇ္ဈိမ
မဟာဆန် ဆိုင်ကလုန်း မုန်တိုင်းလက္ခဏာ ရှေ့ပြေးများ ပြလာပြီ
သိန်းလှိုင်
အင်္ဂါနေ့၊ မေလ ၁၄ ရက် ၂၀၁၃
စစ်တွေ (မဇ္စျိမ)။ ။ မိုးလေဝသနှင့် ဇလဗေဒဌာနမှ သတင်းထုတ်ပြန်ထားသည့်အတိုင်း ရခိုင်ပြည်နယ်သို့ ဖြတ်သန်း တိုက်ခတ်မည့် မဟာဆန် ဆိုင်ကလုန်း မုန်တိုင်းမှာ ယခုအခါ မုန်တိုင်း လက္ခဏာများ ပြသလာပြီ
ဖြစ်ကြောင်း ဘူးသီးတောင်၊ မောင်တောမြို့နယ်တို့မှ ဒေသခံများက ဆိုသည်။
“ဒီနေ့မနက်ပိုင်းမှာ အနောက်ဘက်အခြမ်း ကောင်းကင်ပြင်တခုလုံး မဲမှောင်လာပြီး လေပြင်း တိုက်ခတ်မှုတွေ ဖြစ်ပေါ်ခဲ့တယ်။ အရင်နေ့တွေက ဆိုရင် အပူရှိန် မြင့်မားပြီးတော့ လေတိုက်နှုန်း ကျဆင်းနေခဲ့ပေမယ့် ဒီနေ့မှာတော့ လေပြင်းနဲ့အတူ မိုးလည်း ရွာတယ်။ မည်းမှောင်နေတဲ့ မိုးတိမ်တွေဟာ ရွေ့လျားမှု မရှိဘူး။ မြင်ရတာကတော့ အပေါ်ပိုင်း လေငြိမ်ပြီး မြေပြင်လေဟာ မုန်တိုင်းအသွင် ဆောင်လာနိုင်တဲ့ သဘောကို တွေ့နေရတယ်” ဟု ဘူးသီးတောင် ရဲစခန်းမှ တာဝန်ခံ ရဲအရာရှိတဦးက ဆိုသည်။
ထို့အပြင် ပြည်နယ်တခုလုံးတွင် မေလ ၁၄ ရက်နေ့ မနက်ပိုင်း ဘင်္ဂလား ပင်လယ်အော်ဘက်မှ ရွေ့လျားမှု မရှိသော မည်းနက်မိုးတိမ်များ ဖြစ်ပေါ်လာပြီး လေငြိမ်လျက်ရှိကာ မိုးဖွဲကျဆင်းမှု အနည်းငယ် ဖြစ်ပေါ် ခဲ့ကြောင်း သိရသည်။ အထူးသဖြင့် ကျောက်ဖြူ၊ စစ်တွေ စသည့် ပင်လယ်ကမ်းစပ် မြို့နယ်များတွင်လည်း ရေပြင်အနေအထားမှာ လှိုင်းထန်မှု ပေါ်လာကြောင်း တွေ့ရသည်။
ပြည်တွင်း ရေကြောင်းဌာနအပါအဝင် ပုဂ္ဂလိကပြေးဆွဲနေသော ရေယဉ်များကို မေလ ၁၄ ရက်နေ့မှ ၁၆ ရက်နေ့အထိ ရပ်နားထားသည်။
“ကျနော်တို့ ဌာနကတော့ ဒီသုံးရက်အတွင်းမှာ သင်္ဘောသွားလာမှု ရပ်ဆိုင်းထားဖို့ အပေါ်က ကြေးနန်းနဲ့ ညွှန်ကြားထားတာ ရှိပါတယ်။ တခြားပုဂ္ဂလိက ရေယာဉ်တွေလည်း ဒီရက်ပိုင်းမှာ မုန်တိုင်းသတိပေးချက်နဲ့ အညီ ရပ်နား ထားမယ်လို့ သိရပါတယ်။ သင်္ဘောတွေကိုတော့ မုန်တိုင်းအန္တာရယ်က ကင်းလွတ်မယ့် နေရာ တွေမှာ ဆိုက်ကပ်ထားရှိပါတယ်။ အခြေနေအရပ်ရပ် တည်ငြိမ်လို့ရှိရင် ပြည်သူတွေ သွားလာနိုင်ရေးအတွက် အဆင်သင့်ဖြစ်အောင်လည်း ပြင်ဆင်ထားပါတယ်” ဟု ပြည်နယ် ပြည်တွင်းရေကြောင်းမှ တာဝန်ရှိသူတဦးက ရှင်းပြသည်။
မဟာဆန် မုန်တိုင်းဘေးမှ သက်သာနိုင်ရေးအတွက် ဘူးသီးတောင်၊ မောင်တော မြို့နယ်များတွင် ဒေသဆိုင်ရာ အာဏာပိုင်များက မုန်တိုင်းသတိပေးချက်ကို ထုတ်ပြန်ကြေငြာခဲ့ပြီး ပင်လယ် ကမ်းစပ်နေ ကျေးရွာများအား ကုန်းတွင်း ဘေးကင်းရာ ဒေသသို့ ပြောင်းရွှေ့ခဲ့သလို ၇ ရက်စာ စားနပ်ရိပ်က္ခာ အလုံအလောက် စုဆောင်းထားကြရန်လည်း ရပ်/ကျေး အုပ်ချူပ်ရေးမှူးများက တိုက်တွန်း စီစဉ်ထားကြောင်း ဒေသခံများက ဆိုသည်။
“ကမ်းစပ်မှာနေတဲ့ ရွာသားတွေကို ဘေးလွတ်မယ့် နေရာတွေကို ရွှေ့ပြောင်းပြီး ဖြစ်တယ်။ ရွာတွေမှာ မုန်တိုင်းဒဏ် ခံနိုင်မယ့် ဘုန်းကြီးကျောင်းလိုမျိုး ခိုင်မာတဲ့ အဆောက်အဦတွေဆီကို ရွှေ့ပြောင်းတာ ရှိတယ်။ မုန်တိုင်းလမ်းကြောင်းကို ကာကွယ်နိုင်မယ့် တောင်ကုန်းတွေ နောက်ဘက်ကို ရွှေ့ပြောင်းတာလည်း ရှိတယ်။ သဘာဝဘေးရန်ဆိုတော့ အားလုံး ညီညီညွှတ်ညွှတ် စုပေါင်းဆောင်ရွက်တာကို တွေ့ရတယ်။ လူတွေကတော့ စိုးရိမ်စိတ်တွေနဲ့ မုန်တိုင်း တိုက်ခတ်မယ့် အချိန်ကို စောင့်နေကြရတယ်” ဟု ရခိုင်လူမှုကွန်ယက် အဖွဲ့င်တဦးက ပြောသည်။
ထို့အတူ မုန်တိုင်းဖြတ်သန်းမည့် အဆိုပါဒေသများတွင် နိုင်ငံတကာ လူမှုကယ်ဆယ်ရေး NGO များ ပြည်တွင်း၊ ပြည်ပ သတင်းထောက်များ အသင့်ရောက်ရှိနေသည်။
မုန်တိုင်း ဝင်ရောက်မည့် နေ့ကို မိုးလေဝသ ပညာရှင်များက မေလ ၁၅၊ ၁၆ ရက်များဟု ခန့်မှန်းထားကြပြီး ရခိုင်ဒေသခံများအဆိုအရ လေပြင်းတိုက်ခတ်မှုသည် မေလ ၁၅ ရက်နေ့ မနက်ပိုင်းအထိ တဖြည်းဖြည်း ပြင်းထန် လာပြီးနောက် မုန်တိုင်းအဆင့်သို့ ကူးပြောင်းလာနိုင်သည်ဟု ၎င်းတို့၏ အတွေ့အကြုံအရ မှတ်ချက်ပြုကြသည်။
Ref: မဇ္ဈိမ
Tuesday, May 14, 2013
မုန်တိုင်းအန္တရာယ်အတွက် ရခိုင်ဒေသခံတွေ စတင်ပြင်ဆင်
ကိုကျော်ကျော်သိန်း
13.05.2013
မဟာစင်ဆိုင်ကလုန်းမုန်တိုင်း ဟာ မြန်မာနိုင်ငံဘက်ဆီ ၀င်လာမယ်ဆိုရင် ရခိုင် ကမ်းရိုးတန်း မြောက်ပိုင်းဒေသကိုဖြတ်ပြီး ၀င်လာနိုင်ခြေ ရှိတယ်လို့ မိုးလေ၀သ ပညာရှင်တွေက ခန့်မှန်း ထားပါတယ်။ အားလုံးဟာ မုန်တိုင်း အခြေအနေကို မပြတ် စောင့်ကြည့်နေကြပြီး လိုအပ်တဲ့ ပြင်ဆင်မှုတွေ ကိုလည်း လုပ်ထားပြီးတာကြောင့် အရင်အချိန်တွေကထက် ပြင်ဆင်မှု အား ကောင်းပါတယ်လို့ ရခိုင်ပြည်နယ် အစိုးရ တာဝန်ရှိသူတစ်ဦးက ပြောပါတယ်။ အပြည့်အစုံကို ရန်ကုန်ရုံးကနေ ကိုကျော်ကျော်သိန်း က သတင်းပေးပို့ထားပါတယ်။
မဟာစင်မုန်ုတိုင်းဟာ လွန်ခဲ့တဲ့ ၃ နာရီနီးပါး အချိန်ပိုင်းကအထိ မြန်မာနိုင်ငံဘက်ဆီ ဦးတည် မနေသေးပေမဲ့လည်း ပြန်လှည့် လာနိုင်တယ်လို့ မိုးလေ၀သ ပညာရှင်တွေက ခန့်မှန်းထားတာပါ။ တကယ်တမ်း ၀င်လာမယ် ဆိုရင်တော့ ရခိုင်ကမ်းရိုးတန်း မြောက်ပိုင်းဒေသဟာ အန္တရာယ်ရှိမှု အဆင့် အများဆုံးဖြစ်ပြီး ပြင်ဆင်မှု အဆင့် အနေနဲ့လည်း သတိပေးအဆင့် သတ်မှတ်ထားပါတယ်။
အခု အသံလွှင့်ချိန်ထိ မုန်တိုင်းတည်ရှိနေတဲ့ အနေအထားကိုတော့ မုန်တိုင်းကို မပြတ်စောင့်ကြည့်နေတဲ့ မိုးလေ၀သပညာရှင် ဦးထွန်းလွင် က ဗွီအိုအေ ကို အခုလို ရှင်းပြပါတယ်။
“မုန်တိုင်းက လောလောဆယ်မှာတော့ အိန္ဒိယဘက် ရောက်တဲ့နေရာမှာရှိတယ်။ ဒါပေမဲ့ ဒီကောင် ပြန်ကွေ့လိမ့်မယ်လို့ ကျနော့်အနေနဲ့ မှန်းတယ်ဗျာ။ မှန်းလို့ အဲ့ဒါကို စောင့်ကြည့်တဲ့အခါမှာ ကွေ့ဖို့များနေတယ်။ လောလောဆယ် အနောက်မြောက်ဘက်ကနေ မြောက်ဘက်သွားတဲ့အဆင့်ကို ရောက်နေပြီ။ ညပိုင်းလောက်ကျရင်တော့ အရှေ့မြောက်ဘက်ကို သူ ထပ်ကွေ့မယ်။ အဲ့ဒီကွေ့ပြီးတဲ့နောက်ပိုင်း ကျနော်တို့ရှိတဲ့ဘက်ကို ၀င်မယ်။ လောလောဆယ် ကျနော်တို့ ခန့်မှန်းထားတာကတော့ ဒါ ဘင်္ဂလားဒေ့ရ်ှကို အဓိက ခန့်မှန်းပါတယ်။ ဒါပေမဲ့ မြန်မာပြည်လည်း ပါနေတော့ မြန်မာပြည်အတွက်လည်း ကျနော်တို့ စောင့်ကြည့်မှရမယ်။ ဒါ မုန်တိုင်းဟာ အရှေ့ဘက်ကို ပြန်လာမှ ကျနော်တို့က ကျနော်တို့နဲ့ဆိုင်တာ ဖြစ်ပါမယ်။ လောလောဆယ်တော့ မြောက်ဘက်သွားနေတုန်းပဲ ရှိပါသေးတယ်။ မှန်းတာကတော့ မြောက်ပြီးရင် အရှေ့မြောက်ဆိုတော့ ဒီကနေ့ညလောက် စကွေ့လိမ့်မယ်လို့ ထင်ပါတယ်။”
နောက်ဆုံး တွက်ထားတာအရကတော့ ကုန်းတွင်းပိုင်း ၀င်ခါနီးမှာ မုန်တိုင်းဟာ အားပျော့သွားလိမ့်မယ်လို့ ဦးထွန်းလွင်က ပြောပါ တယ်။ တနင်္သာရီကမ်းရိုးတန်းနဲ့ မွန်ကမ်းရိုးတန်းတွေအတွက် အန္တရာယ်ပေးအဆင့်မရှိဘဲ စောင့်ကြည့်အဆင့် သတ်မှတ်ထားပြီး မြစ်ဝကျွန်းပေါ် ကမ်းရိုးတန်းအတွက် အန္တရာယ်ပေးအဆင့် နည်းပါးတဲ့ နှိုးဆော်အဆင့် သတ်မှတ်ထားသလို ရခိုင်ကမ်းရိုးတန်း တောင်ပိုင်းအတွက်ကိုတော့ အသင့်အတင့် အန္တရာယ်ရှိနိုင်တဲ့အဆင့်နဲ့ နှိုးဆော်အဆင့်အဖြစ် ဦးထွန်းလွင်က သတ်မှတ်ထားပါတယ်။
မုန်တိုင်းဒဏ်ခံရနိုင်ခြေအရှိဆုံး ဒေသတွေကတော့ ရခိုင်ပြည်နယ်က မောင်တောနဲ့ ဘူးသီးတောင်ဒေသတွေဖြစ်တယ်လို့ ဦးထွန်းလွင် က ပြောပါတယ်။
ဆိုင်ကလုန်းမုန်တိုင်းရဲ့ လက်ရှိအခြေအနေဟာ အ၀ါရောင်အဆင့်ပဲ ရှိပေမဲ့ နောက်ဆုံးတိုင်းထွာရရှိတဲ့ ခန့်မှန်းချက်အရ မေလ ၁၆ ရက်နေ့ ညပိုင်းလောက်မှာ မြန်မာနိုင်ငံ (ရခိုင်ကမ်းရိုးတန်းမြောက်ပိုင်း) ကမ်းခြေနဲ့ ဘင်္ဂလားဒေ့ရ်ှနိုင်ငံ ကမ်းခြေဒေသတွေဆီ ဖြတ်ကျော်ဝင်ရောက်နိုင်တယ်လို့ မိုးလေ၀သနဲ့ ဇလဗေဒဦးစီးဌာနက ခန့်မှန်းထားပါတယ်။
ရခိုင်ပြည်နယ်ဟာ မကြာခနဆိုသလို မုန်တိုင်းဒဏ်ကျရောက်လေ့ရှိတဲ့ ဒေသဖြစ်တာကြောင့် မုန်တိုင်းအန္တရာယ်ကာကွယ်ရေး လေ့ကျင့်သတိပေးမှုတွေ လုပ်ထားပြီးဖြစ်သလို တာဝန်ရှိသူတွေက အဆက်မပြတ် လှည့်လည် ဆော်သြနေတယ်လို့ ရခိုင်ပြည်နယ်အစိုးရအဖွဲ့၊ သတင်းပြန်ကြားရေးတာဝန်ခံ ဦးဝင်းမြိုင်က ပြောပါတယ်။
“ဖြစ်ခဲ့တဲ့နေရာတွေ၊ ဖြစ်နိုင်စွမ်းရှိတဲ့ နေရာတွေကိုတော့ ကြိုတင်တော့ ပြောထားတာပေါ့။ ကျောက်ဖြူဘက်ဆိုရင်လည်း သင်္ဘောတွေ၊ လှေတွေကို ကျနော်တို့ ကြိုတင်စီစဉ်ထားတဲ့ ပုန်းလို့ရတဲ့ ချောင်းငယ်လေးတွေ၊ အဲ့ဒီထဲကို ကျနော်တို့က ကြိုတင်ပြီး သွင်းထားပါတယ်။ ကျန်တဲ့အိမ်တွေကိုတော့ အဲ့လိုပေါ့ သက်ဆိုင်ရာ သူတို့အိမ်တွေကိုလည်း အရင်လည်း ခဏခဏဖြစ်နေတယ်ဆိုတော့ ဘယ်လိုလုပ်ရမယ်ဆိုတာလည်း သူတို့သိပါတယ်ခင်ဗျ။ ပြီးတော့ ဘယ်လိုနေရာမှာ ခိုဖို့၊ ပုန်းဖို့ဆိုတာလည်း ကျနော်တို့ ဆက်တိုက် လေ့ကျင့်ထားတာတွေလည်း ရှိပါတယ်။ WFP က ပေးထားတဲ့ ရိက္ခာတွေလည်း ရှိပါတယ်။ နောက် ကြက်ခြေနီမှာလည်း ရှိပါတယ်။ အဲ့ဒီနေရာတွေကို သွားဖို့လည်း ကြက်ခြေနီတို့ မီးသတ်တပ်ဖွဲ့တို့ ရဲတပ်ဖွဲ့တို့နဲ့ NGO အဖွဲ့တွေက ပူးပေါင်းဆောင်ရွက်လေ့ ရှိပါတယ်ခင်ဗျ။”
ပြီးခဲ့တဲ့ ၃ နာရီဝန်းကျင် အချိန်ပိုင်း မောင်တောမြို့အခြေအနေကတော့ မိုးမရွာ၊ လေမတိုက်ဘဲ နေလို့ထိုင်လို့ မရလောက်အောင် ပူအိုက်နေတယ်လို့ မောင်တောမြို့နယ်၊ ဗဟိုကျောင်းဆရာတော်က မိန့်ကြားပါတယ်။ မုန်တိုင်းဒဏ် သင့်နိုင်ခြေရှိတဲ့ နေရာဒေသ တွေက လူထုကို ဘေးလွတ်ရာဆီ ရွှေ့ပြောင်ပေးနေပြီလို့လည်း ဆရာတော်က မိန့်ပါတယ်။
“မြစ်ဘေးမှာရှိနေတဲ့ အိမ်တွေကို မြေမြင့်တဲ့ တောင်ပေါ်ဘက်ကို ဦးဇင်းတို့ ရွှေ့နေပါတယ်။ မနေ့က စပြီးတော့ ရွှေ့ပါတယ်။ မြေမြင့်တဲ့နေရာရယ်၊ တောင်ကြားမှာရှိနေတဲ့ ရွာတွေဆီကို ရွှေ့ပါတယ်။ နောက်ပြီးတော့ အဲ့ဒီမှာ တောင်ကြားမှာရှိတဲ့ တပ်တွေကို ရွှေ့၊ စခန်းတွေကို ရွှေ့ ရွှေ့ပါတယ်။ မြို့ပေါ်မှာလည်း စပီကာနဲ့ လိုက်ပြီးတော့ အော်နေပါတယ်။ မကောင်းအိမ်တဲ့တွေဆိုရင်လည်း ကောင်းတဲ့အိမ်တွေမှာ တက်နေကြဖို့၊ အုတ်တိုက်တွေ၊ အဲ့လို ခိုင်ခံ့တဲ့ အိမ်တွေမှာ ရွှေ့ပြီးတော့ နေကြဖို့၊ ဘုန်းကြီးကျောင်းတွေမှာ ရွှေ့ပြီးတော့ နေ ကြဖို့၊ နေမယ့်နေရာ မရှိဘူးဆိုရင် အစိုးရကနေပြီးတော့ ကားနဲ့ ဒုက္ခသည်စခန်းတို့ကို ပြောင်းရွှေ့ပေးဖို့ဆိုပြီးတော့ အကုန်လုံး စီစဉ်နေပါတယ်။”
မြို့ပေါ်က ကြက်ခြေနီတပ်ဖွဲ့တွေ၊ မြို့သူမြို့သား အသင်းအဖွဲ့တွေကလည်း ကူညီ ကယ်ဆယ်ရေးတွေ လုပ်ဆောင်ဖို့ ပြင်ဆင်ထား ပြီးပြီလို့ ဆရာတော်က မိန့်ကြားခဲ့ပါတယ်။
မုန်တိုင်းအန္တရာယ်နဲ့ပတ်သက်ရင် မေလဟာ မြန်မာနိုင်ငံသူ နိုင်ငံသားတွေအတွက် အမှတ်ရစရာတွေနဲ့ ပြည့်နေတဲ့လတစ်ခုပါ။ ၂၀၀၈ ခုနှစ်၊ မေလက နာဂစ်ဆိုင်ကလုန်းမုန်တိုင်းကြီး အပြင်းအထန် တိုက်ခိုက်ခဲ့တဲ့အတွက် လူပေါင်း ၁ သိန်း ၄ သောင်းကျော် သေဆုံး ခဲ့ရပြီး ထောင်ပေါင်းများစွာ အိုးအိမ်မဲ့ဖြစ်ခဲ့ကြရပါတယ်။ နာဂစ်မုန်တိုင်းဒဏ်သင့်ဒေသတွေနဲ့ လူထုတွေအတွက် ပြန်လည် ထူထောင်ရေးလုပ်ငန်းတွေကို ဒီနေ့အချိန်ထိ လုပ်ဆောင်နေရဆဲ ရှိပါတယ်။
Ref: VOA News
Posts
