ရဲဘော်ဖိုးသံချောင်း
November 29, 2012
ဦး(ဗိုလ်ချုပ်)အောင်မင်းတယောက် စိတ်ထဲရှိတာတွေအကုန်ပြောသလား၊ ကိုယ့်ကိုယ်ကို ကာကွယ်ဖို့ အသေအလဲ ကြိုးစားနေရသလား မပြောတတ် ပါဘူး။ တိုင်းပြည်ကို ကာကွယ်မယ် ဆိုတဲ့၊ ကရင်ပြည်နယ် ထဲမှာ ထိုးစစ်တွေ ဆင်တုန်း လူထု ကိုရော၊ ကရင်တော်လှန်ရေး သမားတွေကိုပါ ရက်ရက် စက်စက် သတ်ဖြတ်ခဲ့တဲ့ ဗိုလ်ချုပ်ဟာ အခုကျတော့ ကြောက်သတဲ့။ တယ်လည်း အားထားစရာကောင်း ပါကလား။
ကာလကြာမြင့်လာတာနဲ့ အမျှ လက်ပံတောင်းတောင် သပိတ် သမားများဟာ အခက် အခဲနဲ့ စမ်းသပ်ချက်တွေ တခုပြီးတခု ရင်ဆိုင်ကျော်လွှားနေ ရပါတယ်။ တလောက သူ့လူ ကိုယ့်ဘက်သား လုပ်ပြီး အချိုသတ် လာပြောသူတွေ အမျိုးမျိုးကို တွေ့ ကြုံရပြီးနောက် အခုတခါ ဗိုလ်ချုပ် ၀န်ကြီး တယောက် ငိုချင်းချပြပြီးညာတာနဲ့ တွေ့ရပြန်ပါပြီ။ ဒီကိစ္စမှာ အချိုသတ်ပြော သူပဲဖြစ်ဖြစ်၊ ငိုချင်းချသူပဲဖြစ်ဖြစ်၊ တက်ထောင်မောင်းနင်းပြောသူပဲဖြစ်ဖြစ် သူတို့ပြောတဲ့ အဓိပ္ပာယ်တွေကတော့ အတူ တူချည့် ဖြစ်ပါတယ်။ အဲဒါကတော့ လူထုတွေကို ဘယ်လောက်ပဲ ထိခိုက်-ထိခိုက်၊ သဘာဝ ပတ်ဝန်းကျင်ကို ဘယ် လောက်ပဲ ဖျက်ဆီး-ဖျက်ဆီး ဒီလက်ပံတောင်းတောင် စီမံကိန်းကို မရပ်ဆိုင်း၊ မဖျက်သိမ်းနိုင်ဘူး ဆိုတာပါပဲ။
အခုတော့ ကြံ့ဖွတ်စစ်အစိုးရဟာ ပစပ်နဲ့မပြောတော့ပါဘူး။ ဖမ်းတယ်၊ ရိုက်တယ်၊ မျက်ရည် ယိုဗုံးနဲ့ပစ်တယ်၊ မီးလောင် ဗုံးနဲ့ ပစ်တယ် ဆိုတဲ့ အဆင့်ကို ရောက်လာပါပြီ။ ဗမာပြည် သမိုင်းမှာ တခါမှမသုံးဖူးတဲ့ ဓာတု လက်နက်တမျိုး ဖြစ်ပါတယ်။ ဗိုလ်ချုပ်တွေ အစွယ်တွေပြန်ပေါ် လာပါပြီ။ အိုဘားမားက ကျားစွယ် တိုက်ပေးခဲ့တယ်လို့ပြောရင် ရမလားမသိ။
အားလုံးမြင်ကြ၊ ကြားကြတဲ့အတိုင်းပဲ ဦး(ဗိုလ်ချုပ်)အောင်မင်း လက်ပန်းတောင်မှာ ပြောတဲ့ စကားတွေဟာ အလစ် အငိုက် ခြုံခို တိုက်ခံရတဲ့တပ်လို သွေးရူးသွေးတန်း ပြောတဲ့ စကားတွေ မဟုတ်ပါဘူး။ မလာခင် အသေအချာစဉ်းစား၊ စကားလုံးရွေးပြီးမှ လာပြောတာ ဖြစ်ပါတယ်၊ အစီအစဉ်ရှိရှိ သူပြောသွား တာရဲ့ အချုပ်က တရုတ်ကိုလည်းကြောက်ရတယ်၊ လက်ပန်းတောင် စီမံကိန်းကို ဘာအကြောင်းကြောင့် နဲ့မှ မဖျက်သိမ်းနိုင်ဘူး ဆိုတာပါပဲ။ နိုင်ငံရဲ့တာဝန်ရှိသူ တယောက်က ဒီလိုပဲ အိမ်နီးနားချင်းနိုင်ငံကို ကြောက်ရကြောင်းပြောတာ ကမ္ဘာ့နိုင်ငံရေးမှာ ကြားရ ခဲလှတဲ့ စကားပါ။ သူမရှက်ပေမဲ့ တိုင်း ပြည်က ရှက်ပါတယ်။ သဘာဝ ပတ်ဝန်းကျင် ထိခိုက်တဲ့ ကိစ္စကို တလုံးမှပြောမသွားတဲ့ ဦး(ဗိုလ်ချုပ်)အောင်မင်းဟာ အမေ ရိကန် သမတ အိုဘားမားကို လှမ်းပြီး မျက်ရည်ခံထိုးနေတာလို့ ဆိုနိုင်ပါတယ်။ သူပြောတာဟာ သူ့ တဦးတည်းရဲ့သဘော ထား မဟုတ်နိုင်ပါဘူး။ သူတို့ အစိုးရ တဖွဲ့လုံးရဲ့ သဘောတားပါ။
ကြံ့ဖွတ်စစ်အစိုးရဟာ ရမည်းသင်းက မိုးထိမိုးမိရွှေတွင်းကိစ္စမှာ ဒီလောက်အကြမ်း မကိုင်ဘဲ လက်ပန်းတောင်း ကိစ္စကျမှ အပြတ်ချနေတာဟာ ဘာကြောင့်လဲ။ သေချာတာ တခုကတော့ မိုးထိမိုးမိဟာ ခရိုနီတွေရဲ့ လုပ်ငန်းဖြစ်ပြီး လက်ပန်း တောင်းတောင် ကိစ္စကတော့ စစ်တပ်ရဲ့ ဦးပိုင်က လုပ်တဲ့ လုပ်ငန်းဖြစ်နေလို့ပါပဲ။
အခုတော့ လက်ပန်းတောင်က တောသူတောင်သားတွေရဲ့ လုံးဝ အကြမ်း မဖက်တဲ့ သပိတ်ဟာ ဆိုးဝါးလှတဲ့ အကြမ်းဖက် မှုနဲ့ ကြုံလိုက် ရပါပြီ။ ဗမာပြည်မှာ အရင့်အရင် စစ်အစိုးရတွေ လုပ်သလိုပဲ ကြံ့ဖွတ် စစ်အစိုးရက လိုက်လုပ်တဲ့ အတွက် ဆေးရုံတင်ရသူ၊ အဖမ်း ခံရသူ၊ ရှောင်တိမ်းရသူတွေပေါ်လာ ပါပြီ။
ဒီလိုနဲ့ဒီတိုက်ပွဲဟာ ဒိထက်ကြီးမားကျယ်ပြန့်လာရင် ဘာလုပ်ကြမလဲ။ လက်ပိုက်ကြည့်နေကြမလား၊ ‘ချွေးသိပ်စကား တွေနဲ့” ဦးပိုင် အတွက် လျှောက်လဲကြမှာလား။ ဗမာပြည်သားတွေ၊ အထူးသဖြင့် နိုင်ငံရေးလောက က လူတွေ အနေနဲ့ ဒီလက်ပန်းတောင်းတောင် အရေးအခင်း အပေါ် ဘယ်လို သဘောထားတယ် ဆိုတာဟာ ဒီနိုင်ငံရေး အကွေ့ရဲ့ စမ်းသပ် ချက်တခု ဖြစ်လာနေပါပြီ။
သက်လုံကောင်းနိုင်ကြပါ့မလား။
Ref: နေ့သစ်
Read More...
Collapse...
2012-11-29
မန္တလေးမြို့က သံဃာတော်တွေဟာ နိုဝင်ဘာလ ၂၉ ရက်နေ့ မနက်အစောပိုင်းက လက်ပန်းတောင်းတောင် ကြေးနီ စီမံကိန်း သပိတ် စခန်းတွေကို လုံထိန်း တပ်ဖွဲ့ဝင်တွေက အင်အားသုံးဖြိုခွဲခဲ့လို့ သံဃာတော်တွေ ဒဏ်ရာ ရရှိခဲ့ကြတာနဲ့ ပတ်သတ်ပြီး မန္တလေး ဘုရားကြီးဝင်း အတွင်းမှာ သံဃာ အစည်းအဝေး တစ်ရပ် ပြုလုပ်ခဲ့ပြီး သံဃာတော် ထိုင်သပိတ် စတင်ဖို့ ဆုံးဖြတ် လိုက်ကြတယ်လို့ ဦးဆောင် သံဃာတော်တွေက ဆိုပါတယ်။
ဒီကနေ့ညနဲ့ မနက်ဖြန်ခါ သင့်တော်တဲ့အချိန်မှာ မန္တလေးသံဃာတော်တွေအနေနဲ့ ထိုင်သပိတ် လုပ်ကြမှာဖြစ်တယ်လို့ မန္တလေး၊ မဟာ ဂန္ဓာရုံကျောင်းတိုက် ဘဝအလင်း ဆရာတော် ဦးသောဘိတက RFA ကို ပြောပြပါတယ်။
လက်ပန်းတောင်းတောင် ကြေးနီစီမံကိန်း ရပ်ဆိုင်းရေးအတွက် ဆန္ဒပြနေကြတဲ့ ဒေသခံတွေနဲ့ သံဃာတော်တွေရဲ့ သပိတ် စခန်းတွေကို ဝင်ရောက်စီးနင်း ဖြိုခွဲ ခဲ့ပြီးနောက်မှာ မီးလောင်ဒဏ်ရာ အပြင်းအထန် ရရှိနေရတဲ့ သံဃာတော်တွေဟာ မုံရွာဆေးရုံမှာ ဆေးကုသမှု ခံယူနေတယ်လို့ သိရပါတယ်။ လက်ရှိအချိန်မှာ သံဃာတော် (၇) ပါး ဖမ်းဆီး ထိန်းသိမ်း ခံထားရသလို တစ်ချို့ သံဃာတွေလည်း ပျောက်ဆုံးနေတယ်လို့ မိန့်ကြား ပါတယ်။
Ref: RFA News
Read More...
Collapse...
2012-11-29
နိုဝင်ဘာ၂၉ ရက်နေ့ မနက်က လက်ပန်း တောင်းတောင် ကြေးနီ စီမံကိန်း ရပ်ဆိုင်းရေးအတွက် ဆန္ဒ ထုတ်ဖော်နေတဲ့ သပိတ် စခန်းတွေကို ဖြိုခွဲရာမှာ ဓာတုဗေဒ ဗုံးနဲ့ မီးလောင်ဗုံးတွေ အသုံးပြုခဲ့ခြင်း မရှိခဲ့ဘဲ နိုင်ငံတကာမှာ အသုံးပြုနေတဲ့ အဓိကရုဏ်းတွေကို နှိမ်နှင်းရာမှာ အသုံးပြုတဲ့ သာမန် မျက်ရည်ယို ဗုံးကိုသာ အသုံးပြုခဲ့တယ်လို့ စစ်ကိုင်းတိုင်းဒေသကြီး အစိုးရ အဖွဲ့ရဲ့ အတွင်းရေးမှုး ဗိုလ်မှုးကြီး ယုလွင်ကို RFA ကသီးသန့် ဆက်သွယ်မေးမြန်းရာမှာ အခုလို ပြောကြား လိုက်ပါတယ်။
"အဲဒါက နိုင်ငံတကာမှာ သုံးနေတဲ့ အဓိကရုဏ်းနှိမ်နှင်းတဲ့ လက်နက်၊ မီးခိုးဗုံးပါ၊ မျက်ရည်ယိုဗုံးလို့ ခေါ်ပါတယ်။ မီိးခိုးဗုံး ကျတဲ့ အချိန်မှာ ပေါက်ကွဲမှု နည်းနည်းဖြစ်တယ်။ အဲဒီကနေပြီးမှ အဲဒီမီးခိုးဗုံးမှာ မီးလောင်တဲ့ ဥစ္စာရှိပါတယ်။ အဲဒါက သူ့ Chemical ပေါ့၊ အဲဒီ Chemical လေးတွေ စင်တတ်ပါတယ်။"
နိုဝင်ဘာ ၂၉ ရက်နေ့မနက်ပိုင်းက သပိတ်စခန်းတွေကို အင်အားသုံးဖြိုဖျက် လိုက်တာဟာ စစ်ကိုင်းတိုင်းဒေသကြီး အစိုးရ အဖွဲ့ရဲ့ ညွှန်ကြားချက် မဟုတ်ဘဲ၊ ပြည်ထောင်စု အစိုးရ အဖွဲ့ရုံးစိုက်ရာ နေပြည်တော်က တိုက်ရိုက် ညွှန်ကြားချက်ကြောင့် ဖြစ်တယ်လို့ ဗိုလ်မှုးကြီး ယုလွင်က ဆက်လက် ပြောပါတယ်။
ဒါပေမယ့် အဲဒီအဖြစ်အပျက်ကို ကိုယ်တွေ့ ကြုံတွေ့လိုက်ရတဲ့ မြန်မာနိုင်ငံ ဝိဇ္ဇာ၊ သိပ္ပံ တက္ကသိုလ် ကျောင်းသားများ အဖွဲ့ တာဝန်ခံ ကိုသောင်းထိုက်ကတော့ အာဏာပိုင်တွေက သပိတ် စခန်းတွေကို ဖြိုခွဲရာမှာ မီးလောင်ဗုံးတွေလည်း သုံးတယ်လို့ အခုလို ပြောပါတယ်။
"သုံးသွားတဲ့ဗုံးက နှစ်မျိုးပေါ့နော်၊ မျက်ရည်ယိုဗုံးရယ်၊ မီးလောင်ဗုံးရယ်၊ မီးလောင်ဗုံး တစ်မျိုးက ကျွန်တော် အခွံ တစ်ခုတော့ ရထားလိုက်တယ်၊ သူမှာရေးထားတာက LOD 01/12/95"
ဒီကနေ့ ဆေးရုံမှာ မီးလောင် ဒဏ်ရာတွေရရှိတာကြောင့် ဆေးကုသမှု ခံယူနေတဲ့ သံဃာတော်တွေနဲ့ လက်ပန်းတောင် အရေး လှုပ်ရှားသူ တစ်ချို့ရဲ့ ဓာတ်ပုံတွေကို လေ့လာကြည့်တဲ့ အခါမှာ အာဏာပိုင်တွေဟာ မီးလောင်ဗုံးကို အသုံးပြုပြီး၊ သပိတ်စခန်းတွေကို ဖြိုခွဲ ခဲ့တယ်လို့ ဓာတုဗေဒပညာရှင် ဒေါက်တာ ခင်မောင်ညိုက ပြောပါတယ်။
" မျက်ရည်ယိုဗုံးဆိုရင် မျက်စိစပ်လာမယ်၊ လည်ချောင်းတွေယားလာမယ်၊ မီးလောင်ဖုတွေ ထွက်လာ မယ်ဗျာ၊ ဒီလိုမျိုး မီးလောင် တာမျိုးတွေတော့ ကျွန်တော်တို့ တစ်ခါမှ မတွေ့ဖူးဘူး၊ အဓိက ကတော့ မီးလောင်ဗုံးဖြစ်ဖို့ များတယ်"
နိုဝင်ဘာ ၂၉ ရက်နေ့ မနက်က သပိတ်စခန်းတွေကို အင်အားသုံး ဖြိုခွဲခဲ့တဲ့ အတွက် သံဃာတော် ၂၉ ပါးဟာ မုံရွာပြည်သူ့ဆေးရုံမှာ တက်ရောက်ဆေးကုသမှု ခံယူနေတယ်လို့ သိရပြီး၊ဒဏ်ရာ ပြင်းထန်တဲ့ သံဃာတော် တစ်ပါးကိုတော့ မန္တလေးဆေးရုံကြီးကို ပို့ဆောင်ဆေးကုသမှု ခံယူနေရတယ်လို့ သိရပါတယ်။
Ref: RFA News
Read More...
Collapse...
2012-11-29
လက်ပန်းတောင်း အရေးကို ပြေလည်စွာ ဖြေရှင်းပေးမယ် လို့ ပြည်သူ့လွှတ်တော် တရားဥပဒေ စိုးမိုးရေးနဲ့ တည်ငြိမ် အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည်က လက်ပန်းတောင်း ဒေသခံပြည်သူများနဲ့ ဒီကနေ့ တွေ့ဆုံရာမှာ ပြောကြား လိုက်ပါတယ်။
ဒေါ်အောင်ဆန်းစုကြည်ဟာ လက်ပန်းတောင်းတောင် အနီးက ကံကုန်းလို့ခေါ်တဲ့ ကွင်းပြင်မှာ ပြည်သူ လူထုတွေကို ၁၀ မိနစ်ကျော်ကြာ မိန့်ခွန်းပြောကြား ခဲ့ပါတယ်။
ဒေါ်အောင်ဆန်းစုကြည်ဟာ လက်ပန်းတောင်းတောင် ကြေးနီစီမံကိန်းကို လုပ်ကိုင်ဆောင်ရွက်နေတဲ့ မြန်မာ ဝမ်ပေါင် ကုမ္မဏီက တာဝန်ရှိသူတွေနဲ့ ဒီကနေ့ညနေမှာ တစ်နာရီကျော်ကြာ တွေ့ဆုံဆွေးနွေး ခဲ့ပေမယ့် ဒီကနေ့ ဟောပြောတဲ့ မိန့်ခွန်းမှာတော့ ဝမ်ပေါင် ကုမ္မဏီနဲ့ တွေ့ဆုံဆွေးနွေး ခဲ့တာတွေကို ထည့်သွင်းပြောကြားခြင်း မရှိခဲ့ပါဘူး။
နိုဝင်ဘာလ ၃၀ ရက်နေ့ မနက် ၈ နာရီမှာလည်း ဒေါ်အောင်ဆန်းစုကြည်ဟာ ဒေသခံပြည်သူတွေကို မုံရွာ ဘက်ခြမ်းက သဲသောင်ပြင်မှာ တွေ့ဆုံပြီး မိန့်ခွန်းပြောကြားဖို့ ရှိပါတယ်။
Ref: RFA News
Read More...
Collapse...
ကိုသားညွန့်ဦး, ကိုသိန်းထိုက်ဦး
29.11.2012
စစ်ကိုင်းတိုင်း၊ မုံရွာခရိုင် ဆားလင်းကြီးမြို့နယ်အတွင်းက လက်ပန်းတောင်းတောင် ကြေးနီ စီမံကိန်း ရပ်ဆိုင်းရေး ဆန္ဒပြနေသူ သံဃာတော်တွေနဲ့ ပြည်သူတွေကို အာဏာပိုင်တွေက အကြမ်းဖက် နှိမ်နှင်းခဲ့ပြီးတဲ့နောက် အခင်းဖြစ်တဲ့ ဆီကို မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်လည်း ရောက်ရှိနေခဲ့ ပြီးတော့ ဒီညနေမှာ သောင်းနဲ့ချီတဲ့ ဒေသခံ လူထုကို မိန့်ခွန်းပြောကြား ခဲ့ပါတယ်။
ပြဿနာကို ကြားဝင်ဖြေရှင်းပေးလိုပြီးတော့ နိုင်ငံအကျိုးနဲ့ ဂုဏ်သိက္ခာထိခိုက်မှု မရှိအောင် ဆောင်ရွက်ပေး လိုတယ်လို့ မိန့်ခွန်း ထဲမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်က ပြောကြားခဲ့ပါတယ်။ ဒါနဲ့ပတ်သက်ပြီးတော့ လက်ပန်းတောင်ကြေးနီ စီမံကိန်းဒေသကို ရောက်ရှိနေတဲ့ VOA ဝိုင်းတော်သား ကိုသိန်းထိုက်ဦးကို ကိုသားညွန့်ဦးက ဆက်သွယ်မေးမြန်း ထားပါတယ်။
ကိုသိန်းထိုက်ဦးရေ။ ဒေါ်အောင်ဆန်းစုကြည်က မုံရွာတဖက်ကမ်း၊ ကြေးနီ စီမံကိန်းနေရာကို ဒီနေ့ရောက်တယ်ပြောတယ် ခင်ဗျ။ လူထုကိုလည်း မိန့်ခွန်းပြောတယ်ကြားတယ်။ လူထုကို အဓိကထားပြီးတော့ ဘာတွေများ ပြောသွားလည်းခင်ဗျ။
ကိုသိန်းထိုက်ဦး- “အဓိကကတော့ ကြေးနီစီမံကိန်းရပ်တန့်ရေး၊ ဆန္ဒပြနေတဲ့ကိစ္စမှာ ဝမ်ပေါင်ကုမ္ပဏီနဲ့ ဖြစ်နေတဲ့ ပဋိပက္ခကို သူ့အနေနဲ့ ကြားဝင်ဖြေရှင်းပေးမယ် ဆိုပြီးတော့ ဒေါ်အောင်ဆန်းစုကြည်က ကမ်းလှမ်းသွားတာပါ။ ဒါပေမဲ့ ဒေါ်အောင်ဆန်းစုကြည်က သူဘာလုပ်မယ် ဆိုတာကို တိတိကျကျပြောသွားတာမျိုးတော့ ကျနော် မတွေ့ရ ပါဘူးခင်ဗျ။
ဒေါ်အောင်ဆန်းစုကြည် မိန့်ခွန်း-“ ဒီဒေသမှာဖြစ်နေတဲ့ကိစ္စနဲ့ပတ်သက်လို့ ကျမတို့ဟာ နိုင်ငံကြီးသား အမြင်နဲ့ ကြည့်ရမယ်။ ကျမတို့နိုင်ငံကို အဆင့်မြင့်တဲ့နိုင်ငံ၊ အဆင့်ရှိတဲ့နိုင်ငံ၊ ကမ္ဘာက လေးစားတဲ့ နိုင်ငံတခုဖြစ်အောင် ဘယ်လို လုပ်မလဲ။ ဘယ်လိုနေမလဲ၊ ဘယ်လိုထိုင်မလဲ၊ ဘယ်လိုပြဿနာတွေကို ကိုင်တွယ်မလဲ ဆိုတာ ကျမတို့ဆုံးဖြတ်ရမယ်။ ကိုယ့်နိုင်ငံ သိက္ခာရှိဖို့ဆိုတာ လူတိုင်း၊ လူတိုင်းမှာ တာဝန်ရှိပါတယ်။ နိုင်ငံတနိုင်ငံ သိက္ခာရှိဖို့ဆိုတာ၊ လူတယောက်ထဲလည်း လုပ်လို့မရဘူး။ အဖွဲ့အစည်းတခုထဲ လည်း လုပ်လို့ မရဘူး။ အစိုးရ တခုတည်းလည်း မရဘူး။ ပြည်သူလူထု အားလုံးပါဝင်မှ ကျမတို့နိုင်ငံ သိက္ခာရှိအောင်လို့ ကျမတို့ လုပ်နိုင်မှာပါ။ ဒါပေမဲ့ ကျမတို့ပြည်သူတွေ ကလည်း သေသေချာချာ စဉ်းစားရမယ်။ သဘောထား ကြီးရမယ်၊ အမြင်ကျယ်ရမယ်။ ရေရှည်အမြင် ရှိရမယ်။
ကျမတို့နိုင်ငံမှာ အဓိက လိုအပ်ချက်က အမျိုးသားပြန်လည်ရင်ကြားစေ့ရေး၊ အမျိုးသားပြန်လည် ရင်ကြားစေ့ရေး ဆိုတာ ဘာလဲ ဆိုတော့ ဆယ်စုနှစ်ပေါင်းများစွာ ကွာဟနေတဲ့ အသင်းအဖွဲ့တွေ၊ တိုင်းရင်းသား လူမျိုးတွေ၊ အုပ်စုတွေ စုစည်းပြီးတော့ နိုင်ငံ အကျိုးအတွက် အတူထမ်းဆောင်နိုင်ဖို့ ကိစ္စဖြစ်ပါတယ်။ ဒီလိုလုပ်ဖို့ ဆိုလို့ရှိရင် ကျမတို့ပြည်သူတွေ အားလုံးဟာ ရေရှည်အမြင်နဲ့ လုပ်ဖို့ လိုအပ်ပါတယ်။ အဲ့သလို ရေရှည်အမြင်နဲ့ လုပ်မှ ကျမတို့ အောင်မြင်နိုင်မှာပါ။ အခုဒီဒေသမှာဖြစ်နေတဲ့ အခက်အခဲတွေကို ကျမတို့နိုင်ငံ သိက္ခာရှိနိုင်မဲ့ ပုံစံနဲ့ ကျမ ဖြေရှင်းချင်ပါတယ်။ အဲ့လိုနေရာမှာ ပြည်သူတွေက ဝိုင်းပြီးတော့ ကူညီကြပါလို့ ကျမ မေတ္တာရပ်ခံ ချင်ပါတယ်။”
ကိုသိန်းထိုက်ဦး- “တခုက ဒေါ်အောင်ဆန်းစုကြည်က လူထုနဲ့မတွေ့ဆုံခင်မှာ ဝမ်ပေါင်ကုမ္မဏီက လုပ်ငန်းရှင်တွေနဲ့ သူတွေ့ဆုံဆွေးနွေး ခဲ့ပါတယ်။ ဒါကြောင့်လည်း သူ ငါးနာရီခွဲလောက်ကျမှ သူလူထုနဲ့ တွေ့ဆုံတဲ့နေရာကို ရောက်လာခဲ့တာပါ။”
ကိုသားညွန့်ဦး- “မနေ့တုန်းက သပိတ်စခန်းတွေကို အကြမ်းဖက်ဖြိုခွဲခံရတာနဲ့ ပတ်သက်လို့ရော တစုံတရာ မှတ်ချက်ပေးပြောတာ ရှိပါသလား။”
ကိုသိန်းထိုက်ဦး- “ဒါနဲ့ပတ်သက်လို့ သူ ဘာမှ ပြောမသွားခဲ့ဘူးခင်ဗျ။ မနက်ကအထိ သံဃာတော်တွေ အင်အား သုံးပြီးတော့ သပိတ်စခန်းတွေ ဖြိုခွင်းခံရတာ၊ ထိခိုက် ဒဏ်ရာ ရတာတွေကြောင့် လူထုနဲ့တွေ့ဆုံဆွေးနွေးပွဲ ဖြစ်မှဖြစ်ပါ့ မလား လို့တောင် မနက်က လမ်းတွေ ပိတ်ထားတဲ့ အခြေအနေ အရ စိုးရိမ်စရာတွေ ရှိခဲ့ပါတယ်။ ဒါပေမဲ့ လူထုကတော့ ဒေါ်အောင်ဆန်းစုကြည်ကို ထုံးစံ အတိုင်းပဲ အင်နဲ့အားနဲ့ကို ကြိုဆို ခဲ့ကြပါတယ်ခင်ဗျ။”
ကိုသားညွန့်ဦး- “ဒေါ်အောင်ဆန်းစုကြည်က လူထုနဲ့မတွေ့ခင် ဝမ်ပေါင်ကုမ္ပဏီ ထဲမှာ အချိန်တော်တော် ကြာကြာ နေသွားတယ် သိရပါတယ်။ အဲ့ဒီ့ အခြေအနေကရော ဘာများ ထူးခြားမှုရှိပါသလဲ။”
ကိုသိန်းထိုက်ဦး-“ သူဘာတွေဆွေးနွေးခဲ့သလဲဆိုတာ ထည့်မပြောပါဘူးခင်ဗျ။ ဝမ်ပေါင် ကုမ္မဏီနဲ့ဆွေးနွေးမှုတွေက ဒီဒေသမှာဖြစ်နေတဲ့ ပဋိပက္ခတွေ၊ ပြေလည်ရေး ဖြေရှင်းသွားတာကို ရည်ညွန်းပြောတာမျိုးတော့ တွေ့ရပါတယ်။”
ကိုသားညွန့်ဦး-“ တချက်ကတော့ ဒေါ်အောင်ဆန်းစုကြည် မလာခင်မှာ ဒီစီမံကိန်း ကိစ္စနဲ့ ပတ်သက်ပြီး ဒေသခံပြည်သူတွေ က တော်တော်လေး မျှော်လင့် ထားကြတယ်လို့ သတင်းရပါတယ်။ တချို့လည်း ဒေသ ခံတွေလည်း ပြောကြ ပါတယ်။ ဒေါ်အောင်ဆန်းစုကြည် မိန့်ခွန်းပြောပြီးတဲ့ အချိန်မှာ သူတို့ရဲ့ သဘောထား ဘယ်လိုရှိသလဲ၊ သူတို့မျှော်မှန်းသလိုရော ဖြစ်လာ ခဲ့ရဲ့လား။”
ကိုသိန်းထိုက်ဦး- “ ဒေါ်အောင်ဆန်းစုကြည်ဘက်က ကြားဝင်ဖြေရှင်းပေးမယ်လို့ ညှိနှိုင်းပြောတဲ့ အတွက်ကြောင့် တစုံတရာ မျှော်လင့်ချက် မျိုးတော့ ရှိပါတယ်ခင်ဗျ။ ဒါပေမဲ့လည်း တိတိကျကျ ဘာလုပ်မယ် ဆိုတာ မသိရသေးတဲ့ အတွက်ကြောင့် ဒီပွဲမှာ သူတို့ လိုချင်သလိုဖြစ်မှ ဖြစ်ပါ့မလား ဆိုတဲ့ စိုးရိမ်မှုမျိုးတွေတော့ ဒေသခံတွေကြားမှာ ရှိကြပါတယ်ခင်ဗျ။ သူတို့ကတော့ ငယ်စဉ်တောင်ကျေး ဆွေစဉ်မျိုးဆက်နေခဲ့ရတဲ့ တောင်ကြီးတွေ တရုတ် ကုမ္ပဏီကြောင့် ပျောက်ကွယ် သွားမှာကိုဘဲ သူတို့က စိုးရိမ်နေကြတာပါခင်ဗျ။”
ကိုသားညွန့်ဦး- “ ဟုတ်ကဲ့။ ဒေါ်အောင်ဆန်းစုကြည် ဒီနေ့ည ပြန်သွားပြီလား ဘယ်မှာ ရှိနေမလဲ။”
ကိုသိန်းထိုက်ဦး-“ သူ မုံရွာမှာ ဆက်ပြီးတော့ တည်းနေပါတယ် ခင်ဗျ။ မနက်ဖြန်မှာ လူထုနဲ့တွေ့ဆုံဖို့၊ အစည်းအဝေးတွေ လုပ်ဖို့၊ အစီအစဉ်တွေ ရှိတယ်လို့ သိရပါတယ်ခင်ဗျ။ လူတွေက မျှော်လင့်နေတာ ဒဏ်ရာရတဲ့ သံဃာတော်တွေဆီ မုံရွာဆေးရုံကိုများ သွားမလားဆိုတဲ့ မျှော်လင့်ချက်မျိုးတွေလည်း ရှိပါတယ်။ တိတိကျကျတော့ ကျနော်တို့ မသိရပါဘူးခင်ဗျ။”
ကိုသိန်းထိုက်ဦးကို ကိုသားညွန့်ဦးက ဆက်သွယ်မေးမြန်းခဲ့တာပါ။
အခုညပိုင်းမှာဘဲ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ မုံရွာ ဆေးရုံမှာ တက်ရောက်ဆေးကုသ ခံနေရတဲ့ သံဃာတော်တွေ အပါအ၀င်၊ ဒဏ်ရာရသူတွေကို တွေ့ဆုံအားပေး စကားပြော ဆိုပါတယ်။
Ref: VOA News
Read More...
Collapse...
29.11.2012
နိုဝင်ဘာ ၂၉ ရက်နေ့ မနက်၃ နာရီလောက်က မုံရွာလက်ပန်းတောင်းတောင် ကြေးနီစီမံကိန်း ဖျက်သိမ်းရေး ကန့်ကွက် ဆန္ဒပြမှု ကို အာဏာပိုင်တွေက အင်အားသုံး ဖြိုခွဲခဲ့တာနဲ့ ပါတ်သက်လို့ မြန်မာအစိုးရက ဒီနေ့ ထုတ်ပြန်ခဲ့တဲ့ ကြေညာချက် အမှတ် ၁၁/၂၀၁၂ ကို နာရီပိုင်း အတွင်းမှာဘဲ ပယ်ဖျက် လိုက်ပါတယ်။ မကြာသေးခင်ကဘဲ သမ္မတ ဦးသိန်းစိန်ရဲ့ အမိန့်နဲ့ ဒီထုတ်ပြန်ကြေညာချက်ကို ပယ်ဖျက် လိုက်တာဖြစ်တယ်လို့ သမ္မတရုံးပြောခွင့်ရသူ သမ္မတရုံး ညွန်ကြားရေးမှူး ဦးဇော်ဌေးက VOA မြန်မာပိုင်းကို အတည်ပြုပြောဆို လိုက်တာပါ။
အဲဒီကြေညာချက်မှာ အရင်အစိုးရလက်ထက်ကစလို့ စီးပွားရေးတွက်ခြေကိုက်မှုအပါအ၀င် အလုပ်အကိုင်နဲ့ နည်းပညာရမှု၊ သဘာဝ ပတ်ဝန်းကျင် ထိမ်းသိမ်းမှုတွေကို စနစ်တကျ တွက်ချက် လုပ်ကိုင်ခဲ့တာလို့ ဖော်ပြထားပါတယ်။ ဆန္ဒပြသူတွေကို နှိမ်နင်းရာမှာ ဥပဒေနဲ့ အညီဆောင်ရွက်ခဲ့ပြီး နောက်ဆုံး သတ်မှတ်ချိန်ကျော်သွားတဲ့ အချိန်မှာ လူစုမခွဲခဲ့လို့ အဓိကရုဏ်း နှိမ်နင်းရေးနည်းတွေ အတိုင်း ဆောင်ရွက် ခဲ့တယ်လို့ ကြေညာပါတယ်။
အဓိကရုဏ်း နှိမ်နင်းနည်းတွေအနက် နိုင်ငံတကာသုံး မီးသတ်ပိုက်၊ မျက်ရည်ယိုဗုံးနဲ့ မီးခိုး ဗုံးတွေကို သုံးခဲ့တယ် လို့လဲ သမ္မတရုံး ပြောခွင့် ရသူက VOA ကို အတည်ပြု ပြောဆိုပါတယ်။ ဒီနှိမ်နင်းမှုဟာ တရားဥပဒေ စိုးမိုးရေး၊ နိုင်ငံ အကျိုးစီးပွားနဲ့ ပြည်သူ့ အကျိုးစီးပွားတွေကို ဥပဒေနဲ့ အညီ ကာကွယ်ဖို့ ဒီမိုကရေစီ ကျင့်စဉ်နဲ့ အညီ လုပ်တာဖြစ်တယ်လို့လဲ ကြေညာချက်မှာ ဖော်ပြခဲ့ပါတယ်။
Ref: VOA News
Read More...
Collapse...
ကျော်ခ
November 29, 2012
စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပံတောင်းတောင် ကြေးနီစီမံကိန်း ရပ်တန့်ရေး ငြိမ်းချမ်းစွာ ဆန္ဒပြ တောင်းဆိုမှုကို အာဏာပိုင်များက အကြမ်းဖက် ဖြိုခွဲ ခဲ့သော်လည်း လှုပ်ရှားမှုမှာ မပြီးဆုံးသွားဘဲ ဒေသခံများနှင့် အဖွဲ့အင်အားများ စုစည်းကာ ဆန္ဒ ထပ်ပြမည်ဟု သပိတ် အဖွဲ့ ခေါင်းဆောင်များက ဧရာဝတီသို့ ပြောသည်။
စီမံကိန်းရပ်တန့်ရေး တောင်းဆိုနေသော သပိတ်စခန်းများကို အစိုးရအာဏာပိုင်များက အကြမ်းဖက် ဖြိုခွဲ ခဲ့သော်လည်း ရဟန်း သံဃာများ၊ ဒေသခံ လူထုများနှင့် အနယ်နယ်အရပ်ရပ်မှ လက်ပတောင်းတောင် အရေး စိတ်ဝင်စားသူ များနှင့် ပူးပေါင်းကာ ထိုစီမံကိန်း ရပ်တန့် သွားသည်အထိ လုပ်ဆောင်သွားမည်ဟု သပိတ်ခေါင်းဆောင်များက ပြောသည်။
“ဒီနေ့ ဒေါ်အောင်ဆန်းစုကြည် ခရီးစဉ်ရှိလို့ ကျနော်တို့တွေ ခဏငြိမ်မှာပါ။ ကွဲသွားတဲ့ လူစုတွေလည်း ပြန်စု ရင်းနဲ့ပေါ့၊ နောက် တနိုင်ငံလုံး မှာ ရှိတဲ့ အဖွဲ့ အသီးသီးကို အကြောင်းကြားပါမယ်၊ ပြီးရင် အထွေထွေ သပိတ်ကို အင်နဲ့ အားနဲ့ပြန်စမယ်၊ ငြိမ်းချမ်းစွာ ဆန္ဒ ထုတ်ဖော်နေတဲ့ ကျနော်တို့ကို ခုလိုဖြိုခွင်းတဲ့အပေါ် သမ္မတကို ကျနော်တို့ နားလည်ရခက်သွားပြီ” ဟု သပိတ်ခေါင်းဆောင် တဦးက ဧရာဝတီသို့ ပြောသည်။
လက်ပံတောင်းတောင် ကြေးနီစီမံကိန်း နယ်မြေသို့ အမျိုးသား ဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည် ယနေ့ သွားရောက်နေပြီး ပြည်သူလူထုကို စကားမပြောမီ မီးလောင်ဒဏ်ရာ ရသူများကို ဦးစွာ သွားရောက်တွေ့ဆုံမည်ဟု သိရသည်။
သပိတ်စခန်းများကို ယနေ့မနက် ၃ နာရီခန့်က မြန်မာနိုင်ငံရဲတပ်ဖွဲ့နှင့် ဒေသခံ အာဏာပိုင် အဖွဲ့များက ဝင်ရောက် ဖြိုခွဲခဲ့သဖြင့် ရဟန်းသံဃာနှင့် လူပုဂ္ဂိုလ် ၇၀ ကျော် ထိခိုက်ဒဏ်ရာ ရရှိခဲ့ကြောင်း NLD မှ စစ်ကိုင်းတိုင်း ဒေသကြီး၊ ပုလဲမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ဧရာဝတီသို့ ပြောသည်။
ဆန္ဒပြ သပိတ်စခန်းများထဲသို့ အာဏာပိုင်အဖွဲ့များက မီးသတ်ပိုက်များဖြင့်ထိုးခွဲခြင်း၊ မျက်ရည်ယိုဗုံးများဖြင့် ပစ်ခွဲခြင်း၊ မီးဗုံးများဖြင့် ပစ်ခွဲခြင်းပြုလုပ်ပြီးနောက် အင်အားအလုံးအရင်းဖြင့် “တွေ့တဲ့လူ အကုန်ရိုက် အကုန်ဖမ်း” ဟုဆိုကာ ဝင်ရောက်ရိုက်နက် ဖြိုခွဲ ခဲ့ကြောင်း အခင်းဖြစ်ပွားရာတွင် ကြုံတွေ့ခဲ့ရသော သပိတ်အဖွဲ့ဝင်များထံမှ ဧရာဝတီသို့ ပြောဆိုကြသည်။
ထိုအထဲမှ အတွင်းလူနာအဖြစ် သံဃာတော် ၂၂ ပါးနှင့် လူပုဂ္ဂိုလ် ၂ ဦး မီးစွဲလောင်ဒဏ်ရာများ၊ ထိခိုက်ဒဏ်ရာများဖြင့် မုံရွာ ဆေးရုံကြီးတွင် အရေးပေါ် ဆေးကုသမှုခံယူနေရကြောင်း သိရပြီး ဒဏ်ရာပြင်းထန်လွန်းသည့် သံဃာတော် ၂ ပါးကို မန္တလေး ဆေးရုံကြီးသို့ NLD ၏ အကူအညီဖြင့် ပို့ဆောင်ကုသလျက်ရှိကြောင်း သိရသည်။
“သပိတ်စခန်းတွေကို သူပုန်စခန်းဝင်စီးသလို မီးသတ်ပိုက်တွေနဲ့ထိုး၊ မျက်ရည်းယိုဗုံးတွေနဲ့ ပစ်ခွဲ၊ မီးလာင်ဗုံးတွေနဲ့ အရင်ပစ်ခွဲပြီး တွေ့တဲ့လူ အကုန်လုံးရိုက်ဖမ်းဆိုပြီး ညာသံပေးပြီးဝင်ရိုက်တော့ မိတဲ့လူတွေလဲအရိုက်ခံ၊ အဖမ်းခံကြရတယ် ကျနော်တို့တွေ အကုန်ထွက်ပြေးကြပြီး လူစုတွေကွဲကုန်တယ်” ဟု သပိတ်အဖွဲ့ထဲတွင် ပါဝင်သူ တဦးက ဧရာဝတီသို့ ပြောသည်။
အာဏာပိုင်များက သပိတ်စခန်း ၆ ခုရှိသည့်အနက် စီမံကိန်းအတွင်း ဝမ်ပေါင်ကုန်မ္ပဏီရှေ့မှ သပိတ်စခန်းအပါအဝင် အဓိက စီမံကိန်း အဝင်အထွက် လမ်းကြောင်းပေါ်ရှိ သပိတ်စခန်းကြီး များကို ပစ်မှတ်ထား တိုက်ခိုက်ခဲ့ခြင်းဖြစ်ပြီး အကြမ်းဖက် တိုက်ခိုက်မှုကြောင့် သပိတ်စခန်းများတွင် ဆန္ဒပြနေသော ဒေသခံများနှင့် ပူးပေါင်း သပိတ်အဖွဲ့ဝင်များ ကိုယ်လွတ်ရုန်းထွက်ပြေး ခဲ့ကြရသည်ဟု ကာယကံရှင်များက ပြောသည်။
အခင်းဖြစ်ပွားစဉ်တွင် ရဲတပ်ရင်းများ အလုံးအရင်းဖြင့် ဝင်ရောက် ရိုက်နက်ဖမ်းဆီးမှုများ ပြုလုပ်ရာတွင် သံဃာတော် အနည်းဆုံး ၆ ပါးနှင့် လူပုဂ္ဂိုလ်အချို့ ဖမ်းဆီးခံခဲ့ရပြီး ပျောက်ဆုံးနေသူများလည်း ရှိကြောင်း သိရသည်။ ထို့ပြင် ရဲတပ်ဖွဲ့ဝင်များက သပိတ်စခန်း လာရောက်သူများ စီးနင်းလာသော ဆိုင်ကယ်များနှင့် သတင်းထောက်တချို့ စီးနင်းလာသော ကားများကို စုပုံကာ မီးရှို့ပစ်ခဲ့ ကြောင်း မျက်မြင်များကပြောသည်။
ယင်းသို့ ပစ်ခတ်ဖြိုခွဲရာတွင် အသုံးပြုသော မီးဗုံးများမှာ ရေစိုနေသော အရာဝတ္ထုများနှင့် အသားအရေကို စွဲလောင်ခြင်းကို သပိတ်အဖွဲ့ဝင်များက နားမလည်နိုင်ဖြစ်ရကြောင်း မူလပက်ဖြန်းခဲ့သည့် ရေ သို့မဟုတ်၊ မီးဗုံးများတွင် ဓာတုပစ္စည်းများ ပါဝင်နိုင်ဟု သပိတ်အဖွဲ့ဝင်များက သံသယ ရှိနေကြသည်။
“အံ့သြစရာကောင်းတာက သူတို့ပစ်တဲ့ မီးဗုံးတွေက ရေစိုနေတဲ့နေရာတွေကို ပိုပြီးစွဲလောင်တာတွေ့ရတယ်၊ ဦးဇင်းတွေဆိုရင် အသားတွေ မီးစွဲလောင်ပြီးကို ကွာကျတယ်၊ ပြေးနေတုန်း မိတဲ့လူတွေရော၊ ဦးပဉ္ဇင်းတွေရော အကုန်ရိုက်တယ်၊ ဖမ်းသွားတယ်၊ ဘယ်နှစ်ယောက်မိလဲ၊ သေလည်းဆိုတာ ကျနော်တို့လည်း လှည့်မကြည့်နိုင်ဘူး” ဟု သပိတ်အဖွဲ့ဝင် ဒေသခံတဦး က ဧရာဝတီသို့ ပြောသည်။
ယခု အကြမ်းဖက် ဖြိုခွဲမှုတွင် အသုံးပြုသော မီးလောင်ဗုံးမှာ ဖော့စ်ဖောရပ်စ် ပါဝင်သည့် မီးလောင်ဗုံးဖြစ်နိုင်သည်ဟု အငြိမ်းစား တပ်ကြပ်ကြီး တဦးက ပြောကြောင်း မုံရွာ အခြေစိုက် ပွင့်လင်းလူ့အဖွဲ့အစည်းက ဧရာဝတီကို ပြောသည်။
မြန်မာအစိုးရ စစ်တပ်ဗိုလ်ချုပ်များ ဦးစီးထားသော ဦးပိုင် ကုမ္ပဏီနှင့် တရုတ် ဝမ်ပေါင်ကုမ္ပဏီ ကုမ္ပဏီတို့ ပူးပေါင်းလုပ်ဆောင်နေ သော အဆိုပါ ကြေးနီစီမံကိန်းကြောင့် သဘာဝတောင်တန်းများ ပျက်စီးခြင်း၊ ဒေသခံတို့၏ လယ်ယာမြေများ အဓမ္မ သိမ်းပိုက် ခံရခြင်း၊ စီမံကိန်းအညစ်အကြေးများမှ ကျန်းမာရေးထိခိုက်စေခြင်းနှင့် အခြားဆိုးကျိုးများကို ထောက်ပြကာ ဒေသခံ ကျေးရွာ ၂၆ ရွာက ယခုနှစ် မေလမှစတင်ကာ နှစ်ဝက်ကျော်ကြာ ဆန္ဒထုတ်ဖော်ခဲ့ပြီး ယနေ့မနက်ပိုင်းက အကြမ်းဖက်နှိမ်နှင်းခြင်း ခံခဲ့ရသည်။
အဆိုပါစီမံကိန်းကို ရပ်တန့်ပေးရန် ဒေသခံများက တောင်းဆိုနေမှုကို ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က အရေးပေါ် အဆိုတင်သွင်းခဲ့ပြီး လွှတ်တော်က သဘောတူ ဆုံးဖြတ်ခဲ့ခြင်းဖြစ်သော်လည်း အာဏာပိုင်များဖက်က ညှိနှိုင်းပြောဆိုခြင်းမရှိဘဲ ယခုကဲ့သို့ ဖြိုခွင်းခဲ့သည်။
Ref: ဧရာဝတီ
Read More...
Collapse...
Thursday, 29 November 2012
လက်ပံတောင်း စီမံကိန်းဧရိယာ အတွင်း၌ရှိသော သပိတ်စခန်းများအား ယနေ့နံနက် ၃ နာရီတွင် ရဲတပ်ဖွဲ့ ၀င်များက အင်အားသုံး ဖြိုခွင်း ခဲ့သဖြင့် ဒဏ်ရာရရှိခဲ့သူ အများအပြားရှိခဲ့ရာ နံနက် ၁၀ နာရီအချိန်အထိ ဒဏ်ရာရရှိသူ အများစုသည် အနီး ပတ်ဝန်းကျင် ကျေးရွာများ တွင် ပုန်းအောင်းနေရဆဲဖြစ်ပြီး ဆေးကုသမှု ခံယူရန် အရေးတကြီး လိုအပ်နေကြောင်း သတင်း ရရှိပါသည်။
နံနက် ၃ နာရီအချိန်တွင် ရဲတပ်ဖွဲ့ဝင်များသည် မီးသတ်ပိုက်များဖြင့်စတင်ရှင်းလင်းခဲ့ပြီး လူစုမကွဲဘဲ ကျန်ရှိနေသူ များအား မီးလောင် ဗုံးများဖြင့် နှိမ်နင်းခဲ့ကြောင်း အဆိုပါဒေသတွင် ရောက်ရှိနေသော Eleven Media Group သတင်းထောက်၏ သတင်းပေးပို့ချက် အရ သိရသည်။ မီးလောင်ဗုံးဖြင့် နှိမ်နင်းခြင်းကြောင့် သံဃာတော်အများအပြား မီးလောင်ဒဏ်ရာ ရရှိသွားခဲ့ကြောင်း သိရသည်။
“ သပိတ်စခန်းတွေမှာရှိတဲ့ သံဃာတွေ အတော်များများ မီးလောင်ခံရပါတယ်။ အနီးပတ်ဝန်းကျင်က ရွာတွေဆီ ပြေးလွှား တမ်းရှောင်ရင်း ဖြစ်သလို ဆေမြီးတိုနဲ့ ကုသနေရတာ များပါတယ်။ လူမှုရေး အဖွဲ့တွေ အကူအညီနဲ့ မုံရွာဆေးရုံကို သံဃာအပါး အစိတ်လောက် ရောက်သွားပါပြီ။ အခု လုံခြုံရေးတွေက စီမံကိန်းဧရိယာ တစ်ခုလုံးမှာရှိတဲ့ လမ်းတွေကို ပိတ်ထားလို့ ပိတ်မိနေကြတယ်။ လူမှုရေး အဖွဲ့အစည်းတွေက ကားတွေကိုလည်း ၀င်ခွင့်မပေးတော့ဘူး။ အခုနောက်ဆုံး ကြားရတာကတော့ သံဃာတော် ၆ ပါး ပျံတော် မူသွားပြီလို့ ကြားရပါတယ်။ လမ်းတွေက ပိတ်ထားတဲ့အ တွက် အပြင်ထွက်ပြီး အတည်ပြုချက်ရဖို့ ခက်နေပါတယ်”ဟု EMG သတင်းထောက်က ပြောပါသည်။
Eleven Media Group အနေဖြင့် လက်ပံတောင်းတောင် စီမံကိန်း ဧရိယာအတွင်း လုပ်ဆောင်နေသည့် လုံခြုံရေး အစီအမံ များနှင့် ပတ်သက်ပြီး တာဝန် ရှိသူများအား ဆက်သွယ် မေးမြန်းခဲ့ရာတွင် မြန်မာ့စီးပွားရေး ဦးပိုင်လီမိတက်၊ မုံရွာစီမံကိန်း တာဝန်ခံ ဦးမြင့်အောင်က “ကျွန်တော်တို့ လက်ပံတောင်းတောင် စီမံကိန်း တစ်ဝိုက် လုံခြုံရေးက တိုင်းရဲတပ်ဖွဲ့မှူး အစီအစဉ်၊ ပြည်ထဲရေး ၀န်ကြီးဌာနရဲ့ အစီအစဉ်တွေနဲ့ လုံခြုံရေး ရယူ ထားပါတယ်။ မနေ့ည(နိုဝင်ဘာလ ၂၈ရက်နေ့ည)က ဖြစ်ပွား ခဲ့တဲ့ဖြစ်စဉ်ကို အသေးစိတ် မသိရှိပါဘူး။ ကျွန်တော်တို့ ဒီနေ့(နိုဝင်ဘာလ ၂၉ ရက်နေ့)မှာ ဒေါ်အောင်ဆန်းစုကြည် လာရောက်ဖို့ရှိတဲ့ အတွက် ကြိုတင်ပြင်ဆင်မှုတွေ လုပ်ထားပါတယ်။ ကျွန်တော်တို့ အနေနဲ့ တောင်းဆိုသူတွေရဲ့ လိုအပ်ချက် ကို တရားဝင်စာနဲ့ တောင်းဆိုပါ။ လူကိုယ်တိုင်လည်း လာရောက်ညှိနှိုင်းလို့ ရပါတယ်။ တောင်းဆိုမှုတွေအတွက် ညှိနှိုင်းပြီး အမျှတဆုံး ဖြစ်အောင် ဆောင်ရွက်ပေးဖို့ ရှိပါတယ်”ဟု ပြောကြား ခဲ့သည်။
Ref: EMG News
Read More...
Collapse...
29 November 2012
နိုဝင်ဘာလ (၂၉)ရက်နေ့ နံနက် ၃နာရီ ကျော်မှ စ၍ လက်ပံတောင်းတောင် ကြေးနီစီမံကိန်းမှ သပိတ် စခန်းများအား ဖြိုခွင်းရာတွင် ဓါတု လက်နက် ပါဝင်ခြင်း မရှိကြောင်း နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက Eleven Media Group သို့ ပြောကြား ခဲ့သည်။
“ကျွန်တော်ပြောနိုင်တာက ဓာတု လက်နက်လုံးဝ မပါဘူး။ ၁။ မီး သတ်ပိုက်သုံးတယ်။ ၂။ မျက်ရည် ယိုဗုံးသုံးတယ်။ ၃။ မီးခိုးဗုံး။ တဲတွေမှာ မီးလောင်တာက မီးခိုးဗုံး (Smoke Bomb) ကြောင့်ပါ။ ဓာတုပစ္စည်းမပါ ပါဘူး။" ဟု ဦးဇော်ဌေးက ပြောကြားပါသည်။
ထို့အပြင် အမှတ်(၂) စစ်လက်နက်ပစ္စည်းစက်ရုံတွင် တာဝန်ထမ်းဆောင်ခဲ့ပြီး ယခုအခါ ပြည်ပတွင် တိမ်းရှောင်နေရသူ ဗိုလ်မှုးဟောင်း စိုင်းသိန်းဝင်းက ၄င်း၏ Facebook စာမျက်နှာတွင် ဖေါ်ပြထားချက်မှာလည်း မတိကျ မခိုင်လုံကြောင်း ပြောကြားခဲ့ပါသည်။
"ကျွန်တော်တို့ ရှေ့တန်းစစ်မျက်နှာမှာ တပ်မတော်သုံး မှိုင်းကာချတဲ့ဟာ မဟုတ်ဘူး။ နောက် နပမ်းဗုံးတွေလည်း မဟုတ်ဘူး။ " ဟု ဦးဇော်ဌေးက ပြောပါသည်။
ယခုဖြစ်စဉ်တွင် မီးခိုးဗုံးသာ အသုံးပြုခဲ့သည်ဟု ဆိုလျှင် မည်သည့် အတွက်ကြောင့် မီးလောင်ကြွမ်းမှုများ ဖြစ်ပွားရကြောင်း၊ ယခုမီးလောင်သည့် သပိတ်စခန်းများမှာ မိုရေကာဖျဉ်များဖြင့် တည်ဆောက်ထားခြင်း ဖြစ်ကြောင်း Eleven Media Group မှ မေးမြန်းမှုအပေါ် "ကျွန်တော်တို့ ပြည်ထဲရေးကို မေးတော့ မီးခိုးဗုံးလို့ ပဲပြောတယ်။ အဓိကရုဏ်း နှိမ်နင်း တဲ့နေရာမှာ သုံးတယ်။ နိုင်ငံတကာမှာလည်း သုံးတယ်။ စစ် မြေပြင်သုံး မီးခိုးဗုံး မဟုတ်ဘူး။ သုံးခုစလုံးက အဓိကရုဏ်းနှိမ်နင်းတဲ့ဟာတွေ ချည်းပဲ။" ဟု ဦးဇော်ဌေးက ရှင်းပြပါသည်။
ထို့နောက် "အဓိကကတော့ စိုင်းသိန်းဝင်းဟာကြီးကတော့ မတိ ကျဘူး၊ မခိုင်လုံ ဘူး" ဟု ဆက်လက် ပြောကြား ခဲ့ပါသည်။
ထို့ပြင် ယခုဖြစ်စဉ်နှင့်ပတ်သက်၍ တရားဝင်ထုတ်ပြန်ရန်နှင့် ပတ်သက်၍မေးမြန်းမှုအပေါ် လုပ် ဆောင်နေပြီဖြစ်ကြောင်း ၄င်းက ဆက်လက်ပြောကြား ခဲ့ပါသည်။
"မနက် ၃နာရီကျော် လောက်မှာတော့ မီးသတ်ကားနှစ်စီးက ပိုက်တွေနဲ့လေး၊ငါးကြိမ်လောက်ထိုးပြီး လူစုခွဲခဲ့ပါတယ်။ ဒါပေမယ့် လူစုက ကွဲမသွားတဲ့ အတွက် နောက်ပိုင်းကျတော့ မီးကျည်ဗုံးလို့ခေါ်မလား၊ မီးလောင်ဗုံးလို့ခေါ်မလား။ အဲဒီဗုံးတွေနဲ့ လူအုပ်စုရှိတဲ့ အပေါ်ကို ပစ်ကုန်ရော။ အဲဒီဗုံးတွေက ပစ်လိုက်တဲ့အခါ လေပေါ်မှာပေါက်ပြီး မီးကျည်တွေ ပြန်ကျဲပြီး ကျလာပါတယ်။ အဲဒီ မီးကျည်ကျတဲ့ နေရာတွေ အကုန်လုံး မီးလောင်တာတွေ ဖြစ်ကုန်တယ်။ အဲဒီမီးကျည် ထိတဲ့ သူတွေအကုန်လုံး မီးလောင်ပြီးတော့ အရေပြားတွေ လန်ကုန်တယ်။ အဲဒီဗုံးက မျက်ရည်ယိုဗုံးမဟုတ်ဘူး။ ဗုံးကျလာတဲ့အချိန်မှာ မျက်ရည်ကျတာမျိုးတွေ မရှိဘူး။ မီးကျည်ကျတဲ့နေရာ၊ ထိမှန်တဲ့သူတွေ အကုန်လုံး မီးလောင်ကုန်တယ်။ မီးကျည်ရဲ့ အစနဲ့ ထိတာနဲ့ အရေပြားတွေ လောင်ကုန်တယ်။ တစ်ချို့ကြတော့ အရေခွံမလန်ဘဲ အသားချိုင့်သွားတာလည်း တွေ့ရတယ်။ သပိတ်စခန်းတွေက ၀ါးလုံးတိုင်တွေနဲ့ ပလပ်စတစ် မိုးကာတွေ အုပ်မိုးထားတာ။ " ဟု ယင်းဖြစ်စဉ်အား မျက်မြင် သတင်းရယူနေသူ Eleven Media Group သတင်းထောက် ကိုအောင်သူက ပြောကြားခဲ့သည်။
ယခုဖြစ်စဉ်တွင် မီးလောင်ဒဏ်ရာရသူများ၏ ဒဏ်ရာအခြေအနေနှင့် ပတ်သက်၍ သာမန်မီးလောင်နာနှင့် မတူဘဲ ဓါတုပစ္စည်း တစ်ခုခုကြောင့် ယခုကဲ့သို့ ဒဏ်ရာများကို ဖြစ်ပေါ်စေသည်ဟု ယူဆကြောင်း အမည် မဖေါ်လိုသူ ဆရာဝန်တစ်ဦးက ပြောကြားခဲ့ပါသည်။
"ကျွန်တော်သိရသလောက် မီးလောင် ဒဏ်ရာတွေက သာမန် မီးလောင်ဒဏ်ရာပုံမျိုး မပေါက်ဘူး။ ဓါတုပစ္စည်း တစ်ခုခုနဲ့ ထိထားတဲ့ ပုံမျိုးတွေ့ရတယ်။ သာမန် အဓိကရုဏ်း လက်နက်မျိုး မဟုတ်တဲ့ အတွက် အစိုးရအနေနဲ့က လုံလောက်တဲ့ ဖြေရှင်းမှုမျိုး လိုပါတယ်။ အစိုးရ အနေနဲ့ ဒီဖြစ်စဉ်ကို အသေးစိတ် စုံစမ်းပြီး ပြည်သူကို ရှင်းလင်းပေးဖို့ လိုအပ်ပါတယ်။ လုံလောက်တဲ့ စုံစမ်း စစ်ဆေးမှုတွေ မရှိဘူးဆိုရင် နိုင်ငံတကာက စုံစမ်း စစ်ဆေးမှုမျိုး ပြုလုပ်ဖို့ တောင်းဆို ရလိမ့်မယ်။" ဟု Eleven Media Group ၏ CEO ဒေါက်တာ သန်းထွဋ်အောင်က ပြောကြား ပါသည်။
Ref: EMG News
Read More...
Collapse...
Thursday, 29 November 2012
နိုဝင်ဘာလ ၂၉ ရက်နေ့ နံနက်အစောပိုင်းက ဖြစ်ပွားခဲ့သော လက်ပံတောင်းတောင် ကြေးနီစီမံကိန်းရှိ သပိတ်စခန်း များအား အင်းအားသုံး ဖြိုခွင်းရာတွင် လုံခြုံရေး တပ်ဖွဲ့ ၀င်များမှ သပိတ်စခန်း တည်ရှိရာနေရာများသို့ မီးလောင်စေသော ဓါတု ပစ္စည်း ပါဝင်သည့် လက်နက် (ဓါတုလက်နက်) ဖြင့် အင်အားသုံးနှိမ်နင်း ခဲ့ကြောင်း ယင်းဖြစ်စဉ်တွင် ကိုယ်တွေ့ကြုံခဲ့သူများ၏ ပြောကြားချက်များ အရ သိရသည်။
"ကျွန်တော်တို့က စဖြစ်တဲ့အချိန်မှာ ၀မ်ပေါင်ကုမ္ပဏီရှေ့မှာရှိတဲ့ ပင်မသပိတ်စခန်းမှာ ရှိနေခဲ့တာပါ။ သူတို့က ပထမပိုင်း တုန်းက အင်းအား သုံးပြီး ဖြိုခွင်းမယ်ဆိုပြီး ကြေညာပါတယ်။ မနက် ၃နာရီကျော် လောက်မှာတော့ မီးသတ်ကားနှစ်စီးက ပိုက်တွေနဲ့ လေး၊ ငါး ကြိမ်လောက် ထိုးပြီး လူစုခွဲခဲ့ပါတယ်။ ဒါပေမယ့် လူစုက ကွဲမသွားတဲ့အတွက် နောက်ပိုင်းကျတော့ မီးကျည်ဗုံး လို့ခေါ်မလား၊ မီးလောင်ဗုံး လို့ခေါ်မလား။ အဲဒီဗုံးတွေနဲ့ ပစ်ကုန်ရော။ အဲဒီဗုံးတွေက ပစ်လိုက်တဲ့အခါ လေပေါ်မှာပေါက်ပြီး မီးကျည်တွေ ပြန်ကျဲပြီး ကျလာပါတယ်။ အဲဒီ မီးကျည်ကျတဲ့ နေရာတွေအကုန်လုံး မီးလောင်တာတွေ ဖြစ်ကုန်တယ်။ အဲဒီမီးကျည်ထိတဲ့ သူတွေအကုန်လုံး မီးလောင်ပြီးတော့ အရေပြားတွေ လန်ကုန်တယ်။ အဲဒီဗုံးက မျက်ရည်ယိုဗုံးမဟုတ်ဘူး။ ဗုံးကျလာတဲ့အချိန်မှာ မျက်ရည်ကျတာမျိုးတွေ မရှိဘူး။ မီးကျည်ကျတဲ့နေရာ၊ ထိမှန်တဲ့သူတွေ အကုန်လုံး မီးလောင်ကုန်တယ်။ လက်ရှိအချိန်မှာတော့ သပိတ်စခန်းတွေမှာရှိတဲ့ သံဃာတော်တွေနဲ့ လူတွေကို ပတ်ဝန်းကျင်က ဘုန်းကြီးကျောင်းတွေ၊ အိမ်တွေမှာ ဆေးကုသနေရတယ်။ ထိခိုက်တဲ့အထဲမှာ လူတွေထက် သံဃာတော်တွေက ပိုပြီးဒဏ်ရာရကြတာ တွေ့ရတယ်။ တစ်ချို့  ကို မုံရွာဆေးရုံကို ပို့ပေးပြီးတော့ ဒဏ်ရာပြင်းထန်သည့် သံဃာတော်တစ်ပါးကို မန္တလေးဆေးရုံသို့ ပို့ဆောင်ခဲ့ပါတယ်" ဟု ကိုယ်တွေ့ကြုံခဲ့သူတစ်ဦးမှ ပြောကြားခဲ့သည်။
”စဖြစ်တာက နိုဝင်ဘာလ ၂၉ ရက်နေ့ နံနက် ၃ နာရီအချိန်မှာ စတင်ဖြစ်သွားခဲ့တာပါ။ အစဦးဆုံး မီးသတ်ပိုက်နဲ့ မထိုးခင်မှာ ကျော်ရွာဂိတ်ဆီက သေနတ် ၃ ချက် ဖောက်လိုက်သံကြားလိုက်ရတယ်။ အဲဒီနောက်မှာပဲ စတော့တာပါပဲ။ ပထမ မီးသတ်ပိုက်နဲ့ သပိတ်စခန်းထဲမှာ ရှိနေတဲ့သူတွေကို ရေတွေနဲ့ စဖျန်းပါတယ်။ ၁၀ မိနစ်လောက်ကြာတဲ့ အခါမှာတော့ မီးကျည်လို အရာတွေနဲ့ စပစ်တယ်။ နောက်မီးခိုးတွေ ထွက်တယ် နောက်ပေါက်ကွဲတယ်။ အစကတော့ သပိတ်စခန်း ထဲမှာ နေရင် အခြေအနေ မဟန်တော့ဘူး ဆိုတာ သိပါတယ်။ အဲဒီတော့ သပိတ်စခန်းတွေ ပျက်ဆီးချင် ပျက်ဆီး သွားပါစေ။ လူတွေကိုတော့ လွတ်ရာကိုပြေးကြဖို့ အတွက် ဆရာတော်တွေက ဆော်သြပေးတယ်။ ဒါနဲ့ပဲ လွတ်ရာကိုတောင် ကြား၊ တောင်ပေါ်တွေ ကနေ ပြေးခဲ့ကြရပါတယ်။ သံဃာ အများစု ထိခိုက်ဒဏ်ရာရကြတယ် လူတွေလည်းအနည်းငယ် ထိခိုက်မှုတွေရှိပါတယ်။ သံဃာတချို့ကိုလည်း ရဲကားတွေအပေါ်မှာ ပါသွားတာမြင်လိုက်ရပါတယ်။ အခုချိန် ထိဖြိုခွဲခံရတဲ့ သပိတ်အဖွဲ့ဝင်တွေဟာ လုံခြုံတဲ့နေရာမှာ ရှိနေ ကြပါတယ်”ဟု မောင်းတန်ဂိတ်(တောင်ပေါ်ဂိတ်) သပိတ် အဖွဲ့ဝင် တစ်ဦးက ကိုယ်တွေ့ ကြုံခဲ့သည်များကို ပြောပြခဲ့သည်။
ဖြစ်စဉ်ကြောင့် ဒဏ်ရာရသူ အများအပြားရှိခဲ့ပြီး အများစုမှာ သံဃာတော်များဖြစ်ကြောင်း သိရသည်။ လတ်တလော ရရှိထေားသော သတင်းများအရ မုံရွာဆေးရုံတွင် ရောက်ရှိကုသခံနေရသူ ၅၀ကျော်ခန့်ရှိပြီး အများစုမှာ မီးလောင်ဒဏ်ရာများဖြစ်ကြောင်း သိရသည်။ အဆိုပါ ဒဏ်ရာရသူများထဲမှ ဒဏ်ရာအခြေအနေ ပြင်းထန်သည့် သံဃာတော်တစ်ပါးကို မန္တလေးပြည်သူ့ဆေးရုံကြီးသို့ ပို့ဆောင်ခဲ့ရကြောင်း သိရသည်။ အင်အားသုံးဖြိုခွင်းမှုကြောင့် ဒဏ်ရာရရှိသူ ရာဂဏန်းခန့်ရှိပြီး အတည်မပြုနိုင်သော သတင်းများအရ ယခုဖြစ်စဉ်ကြောင့် သေဆုံးသူများရှိပြီး ဖမ်းဆီးထိန်းသိမ်းခံရသူများလည်း ရှိနေကြောင်း သိရှိရသည်။
”စစ်လက်နက်ပစ္စည်းတွေထဲမှာ မီးသေနတ် Flame Thrower ဆိုတာ ရှိတယ်။ ပေနှစ်ဆယ်လောက်ထိ မီးညွှန့်ပန်းထွက်တဲ့ သေနတ် မျိုးပေါ့။ ဒါပေမယ့် အဲဒီလက်နက် အမျိုးအစားက စစ်မြေပြင်မှာတောင် သာမာန်လက်နက်နဲ့ ပစ်ခတ်ဖြိုခွင်းလို့ မရတဲ့ (ဥပမာ- ဘန်ကာ၊ ကတုက်ကျင်း ဒါမှမဟုတ် အဆောက်အဦးတွင်းမှာ နေရာယူထားတဲ့) ရန်သူ့တပ်ဖွဲ့ဝင်တွေကို ချေမှုန်းရာမှာသာ အသုံးပြုပိုင်ခွင့်ရှိပြီး ကွင်းပြင်မှာ ချီတက်လာတဲ့ တပ်ဖွဲ့တွေကို ရင်ဆိုင်ရာမှာ အသုံးပြုပိုင်ခွင့် မရှိဘူး။ လူမဆန်တဲ့ လက်နက်မို့လို့ ဂျီနီဗာကွန်ဗင်းရှင်းအရ တားမြစ်ထားတယ်။ ပစ်မှတ်တွေကို မီးလောင်ပျက်စီးစေတဲ့ နောက်ထပ်ဗုံးတမျိုးက မီးစုံးဗုံး Incendiary rounds တွေပဲ။ Napalm နပမ်းဗုံးလို့လဲ ခေါ်တယ်။ အထဲမှာဓါတုဆေးရည် ဒါမှမဟုတ် အမှုန်တွေထည့်ထားပြီး ပစ်မှတ်ပေါ်မှာ စွဲကပ်နေတဲ့ အဲဒီ ဓါတုပစ္စည်းတွေ မကုန်မချင်း မီးလောင် စေတယ်။ ဘာနဲ့မှ ငြိမ်းလို့ မရဘူး။ တစ်ကိုယ်လုံး မီးစွဲနေတဲ့ ခလေးမလေး လမ်းတလျှောက် ငိုယိုပြေးထွက်လာတာကို သတင်းထောက်တွေ ဗီဒီယိုမှတ်တမ်းတင်လိုက်နိုင်လို့ ဗီယက်နမ်စစ်မှာ ယန်းကီးတွေ ရှုံးပိုင်းပိုင်း လိုက်ရတာလည်း မှတ်မိကြမှာပေါ့။ အခု ဆန္ဒပြသံဃာတော်တွေကို အစိုးရက မျက်ရည်ယိုဗုံးတွေနဲ့ ပစ်ခတ်နှိမ်နင်းတဲ့ နေရာမှာလည်း မီးလောင်ပြီး ဒဏ်ရာရကြတယ်လို့ သတင်းတွေ ကြားနေရတယ်။ မျက်ရည်ယို ဗုံးဆိုတာက မီးလောင်ဗုံးမှမဟုတ်ပဲ။ ဆန္ဒပြအရပ်သားတွေကို ထိခိုက်အနာတရမဖြစ်စေပဲနဲ့ လူစုခွဲနိုင်ရုံ ရည်ရွယ် တီထွင်ထားတဲ့ မီးခိုးဗုံးအမျိုးအစားသာဖြစ်တယ်။ အခု အစိုးရ ရဲတပ်ဖွဲ့ကသာ ဆန္ဒပြလူထုကို မီးလောင်စေတဲ့ လက်နက်နဲ့ တိုက်ခိုက်ခဲ့ကြောင်းမှန်ရင် နိုင်ငံတကာ ရာဇ၀တ်မှုအကြီး ကြီးတစ်ခု ကျူးလွန်လိုက်ပြီလို့ပဲ ပြောရမယ်” ဟု အမှတ်(၂) စစ်လက်နက်ပစ္စည်းစက်ရုံတွင် တာဝန်ထမ်းဆောင်ခဲ့ပြီး ယခုအခါ ပြည်ပတွင် တိမ်းရှောင်နေရသူ ဗိုလ်မှုးဟောင်း စိုင်းသိန်းဝင်းက ၄င်း၏ Facebook စာမျက်နှာတွင် ဖော်ပြထားသည်။
ယခုဖြစ်စဉ်နှင့် ပတ်သက်၍ မည်သည့် လက်နှက်များ အသုံးပြုနှိမ်နင်းခဲ့သည် ဆိုသည်ကို သိရှိနိုင်ရန်အတွက် မြန်မာနိုင်ငံ ရဲတပ်ဖွဲ့ ရဲချုပ်ရုံးသို့ ဆက်သွယ် စုံစမ်းလျက်ရှိပြီး မြန်မာနိုင်ငံ ရဲချုပ်နှင့် တာဝန်ရှိသူများသည် နိုင်ငံတော် သမ္မတရုံးတွင် ယခုကိစ္စနှင့် ပတ်သက်ပြီး အစည်းအဝေး ပြုလုပ်နေကြောင်း သိရသည်။
ယခုဖြစ်စဉ်နှင့် ပတ်သက်၍ မုံရွာခရိုင် ရဲတပ်ဖွဲ့မှူးရုံးသို့ Eleven Media Group မှ ရဲတပ်ဖွဲ့ဝင်အင်အား မည်မျှဖြင့် မည်သည့်လက်နှက်များ အသုံးပြု နှိမ်နင်းခဲ့သည်ကို ဆက်သွယ်မေးမြန်းခဲ့ရာ "ခင်ဗျားတို့ မြင်ပြီးမလား၊ ကြားပြီးပြီမလား။ ကျွန်တော်တို့အနေနဲ့ ပြောပိုင်ခွင့် မရှိပါဘူး။" ဟု ပြန်လည် ဖြေကြားခဲ့ပါသည်။
ထို့အတူ ယခုဖြစ်စဉ်နှင့် ပတ်သက်ပြီး စစ်ကိုင်းတိုင်းဒေသကြီး ရဲတပ်ဖွဲ့မှူးရုံးသို့ Eleven Media Group မှ ရဲတပ်ဖွဲ့ဝင်အင်အား မည်မျှဖြင့် မည်သည့်လက်နှက်များ အသုံးပြု နှိမ်နင်းခဲ့သည်ကို ဆက်သွယ်မေးမြန်းခဲ့ရာ "ကျွန်တော်တို့ ဘာမှ မသိရသေးပါဘူး။" ဟု ပြန်လည် ဖြေကြားခဲ့ပါသည်။
Ref: EMG News
Read More...
Collapse...
ကြာသပတေးနေ့၊ နိုဝင်ဘာလ ၂၉ ရက် ၂၀၁၂
နယူးဒေလီ (မဇ္ဈိမ) ။ ။ လက်ပံတောင်းတောင် ကြေးနီစီမံကိန်း ရပ်စဲရန် သပိတ်မှောက် တောင်းဆိုနေကြသော ဝမ်ပေါင် ကုမ္ပဏီ ရုံးရှေ့မှ ပင်မ သပိတ်စခန်းကို ကြာသပတေးနေ့ နံနက် ၃ နာရီခန့်က လုံခြုံရေး ရဲများက အကြမ်းဖက် ဖြိုခွင်းခဲ့၍ သံဃာအပါး ၃ဝ မှာ မုံရွာဆေးရုံ ကြီးတွင် တင်ထား ကုသမှု ခံယူနေရပြီး တပါးမှ စိုးရိမ်ရသည့် အခြေအနေကြောင့် မန္တလေးသို့ ကုသရန် ပင့်ဆောင် သွားရသည်။
ဆေးရုံမတင်ရသော်လည်း သံဃာ အပါး ၅ဝ နှင့် လူ ၅ ယောက်လည်း ထိခိုက်ဒဏ်ရာ ရရှိခဲ့ကြောင်း မဇ္ဈိမ သတင်းထောက်က ပေးပို့သည်။
“စစချင်း တိုင်ကီတွေ တင်ထားတဲ့ ရေပိုက်တွေနဲ့ ထိုးတယ်။ နောက်တော့ ပစ်တယ်။ ပစ်တဲ့ လက်နက်ကတော့ ဘာဆိုတာ တိတိပပ အဖြေ ထွက်မလာသေးဘူးဗျ။ ဖုန်းကနဲ အသံကြားပြီးတော့ မီးခိုးတွေ ထွက်လာပြီး မီးလောင် တာတဲ့။ သူတို့ သိလိုက်တာက ခြောက်ချက် ခုနှစ်ချက်လောက်ပဲ။ အဲလိုဖြစ်တဲ့ အချိန်မှာ ဘာမှလည်း မမြင်ရတော့ ဘူးတဲ့။ ဝရုန်းသုန်းကားနဲ့ ပြေးကြတာ” ဟု ဆိုသည်။
ရရှိခဲ့ကြသောဒဏ်ရာများနှင့်ပတ်သက်၍ “မျက်ရည်လည်းမကျဘူး။ မျက်လုံး ပူစပ်တာလည်း မဖြစ်ဘဲ ထိတဲ့ဒဏ်ရာ မှာ ဖြစ်စက ပူတယ်။ ပွတ်လိုက်တော့ မီးလောင်သလိုမျိုး အကွက်။ အဖုလည်း မဟုတ်ဘူး” ဟု ပြောသည်။
သပိတ်မှောက် သံဃာများထဲမှ ၁ဝ ပါး ပျောက်ဆုံးနေကြောင်းလည်း သိရှိရသည်။
သပိတ်စခန်းမှာ မီးလောင်ကျွမ်းသွားပြီး ယခုအခါ ပုသိမ်-မုံရွာ ကားလမ်း၏ ဝမ်ပေါင် ကုမ္ပဏီဝင်းကို သံဆူးကြိုး များဖြင့် နှစ်ဖက် ပိတ်ကာ ထားကြသည်။ လုံခြုံရေးများလည်း ချထားပြီး ဒိုင်းများ၊ တုတ်များအပြင် သေနတ် တို/ရှည် များလည်း ကိုင်ဆောင် ထားကြသည်။
သပိတ်အင်အားစု များကမူ ထိုစီမံကိန်း ရပ်စဲရေးအတွက် ဆက်လက်လှုပ်ရှားသွားမည်ဟု ဆိုကြသည်။
Ref: မဇ္ဈိမ
Read More...
Collapse...
28.11.2012
မုံရွာမြို့အနီး၊ ဝမ်ပေါင်ကုမ္ပဏီနီရှေ့ရှိ ကြေးနီစီမံကိန်းရပ်တန့်ရေး ဆန္ဒပြနေတဲ့ ပင်မသပိတ် စခန်း၊ ကျော်ရွာ သပိတ်စခန်းတွေကို နံနက် သုံးနာရီမှာ အစိုးရ လုံခြုံရေး တပ်ဖွဲ့ဝင်တွေက ဝင်ရောက် စီးနင်းပြီး မီးသတ်ပိုက်တွေ၊ မီးလောင်ဗုံးတွေ သုံးပြီး ဖြိုခွဲ ခဲ့ပါတယ်။
အဲဒီလို ဖြိုခွဲရာမှာ အသုံးပြုတဲ့ မီးလောင်ဗုံးထိမှန်ခဲ့တာကြောင့် သံဃာတချို့ သင်္ကန်းတွေနဲ့ အရေပြားတွေမှာ မီးလောင် ဒဏ်ရာတွေ ရရှိခဲ့ပြီး ဝမ်ပေါင် ကုမ္ပဏီနဲ့ မနီးမဝေးမှာ ရှိတဲ့ ရွာရှေ နဲ့ ဖောင်းကားရွာတွေ အထိ ထွက်ပြေး ဆုတ်ခွာ သွားကြရပါတယ်။
အကြမ်းဖက်နှိမ်နင်းခံထားရတဲ့ လက်ပန်းတောင်းတောင် ကြေးနီစီမံကိန်းမှာ ကိုယ်တိုင်ရောက် ရှိနေတဲ့ ဗွီအိုအေ ဝိုင်းတော်သား ကိုသိန်းထိုက်ဦးကို နောက်ဆုံး အခြေအနေ ဘယ်လို ရှိသလဲဆိုတာ မသိင်္ဂီထိုက်က ဆက်သွယ်မေးမြန်းတဲ့ အခါ ကိုသိန်းထိုက်ဦးက အခုလို စပြီးပြောပါတယ်။
ဦး။ ။ အခင်းဖြစ်ပွားတဲ့နေရာက မျက်မြင်သက်သေတွေ၊ ဒဏ်ရာရတဲ့သူတွေနဲ့ မကြာခင် အချိန် အထိ ကိုယ်တွေ့ စကား ပြောဆို ခဲ့ပါတယ်။ ဆားလင်းကြီးမြို့နယ်၊ ဖောင်းကားရွာ အလယ်တိုက်က ဒက္ခိဏရာမ ကျောင်းတိုက်မှာ ဆိုလို့ရှိရင် သံဃာတော်တွေရော၊ လူတွေရော စုစုပေါင်း ၂၀၀ လောက် ရှိတယ်။ အဲဒီထဲမှာ သံဃာတော် နှစ်ပါးက တော်တော်လေးကို ထိခိုက်၊ ပြင်းပြင်းထန်ထန် ဒဏ်ရာရ ထားပါတယ်။ ဒိပြင် ထိခိုက်ထားတဲ့ သံဃာက ၁၅ ပါးလောက်ရှိတယ်။ အမျိုးသမီးတယောက် ဆိုလို့ရှိရင် မျက်နှာတွေရော၊ ခြေထောက်တွေရော မီးလောင်ဗုံး ထိပြီး မီးလောင် ထားပါတယ်။
ဒါပေမဲ့ ကျနော်နဲ့စကားပြောနေတုန်းပဲ - “ကျမတို့ကို ဝိုင်းထားပြီ၊ ဝိုင်းထားပြီ”…ဆိုပြီးတော့ ဖုန်းတွေပြတ် သွားတယ် ဆိုတော့ သူတို့ကို လုံခြုံရေး တပ်တွေက ထပ်ပြီးတော့ ဝိုင်းထားတဲ့ အခြေအနေ- အခု လူဘယ်နှစ်ယောက် အဖမ်းခံရတယ်ဆိုတာတော့ တိတိကျကျ ကျနော်တို့ မသိသေးပါဘူး။ ဖုန်းတွေကလည်း ဆက်လို့ သိပ်ခက်နေပါတယ်။ အခြေအနေ ကတော့ ည (၃) နာရီလောက်မှာ မီးသတ်ပိုက်တွေနဲ့ ပထမ ထိုးတယ်၊ နောက်မှ မီးလောင်ဗုံးတွေနဲ့ ပစ်ပြီး- အင်အား သုံးပြီးတော့ သပိတ်စခန်းတွေကို ဖြိုခွင်း လိုက်တယ်လို့ပဲ ပြောရမှာပါ ခင်ဗျ။
အခု ပျောက်ဆုံးနေတဲ့ သံဃာတော်တွေ ရှိတယ် ဆိုပေမဲ့ ဆေးကုသခွင့်ရဖို့ အတွက် လမ်းတွေမှာ အပိတ်ခံထား ရတာရော၊ လူတွေက တော်တော်လေး ဝိုင်းပြီး ကြိုးစားနေကြတာကို သိရပါတယ်။ ဒါကလည်း လမ်းတွေ ပိတ်ထားတယ် ဆိုတော့ မျက်မြင် သက်သေအနေနဲ့ ကျနော်ကိုယ်တိုင် တွေ့ရတာ မဟုတ်ဘဲနဲ့ တယ်လီဖုန်းတွေနဲ့ ပြောဆိုကြည့်သလောက်ပဲ သိရတဲ့ အနေအထားမျိုးပါခင်ဗျ။ ဖြစ်ပွား တဲ့နေရာကိုလည်း သွားဖို့ တော်တော် ခက်ပါတယ်ခင်ဗျ။
ထိုက်။ ။ ဟုတ်ကဲ့။ အဲဒီတော့ ကျန်တဲ့ စခန်းတွေအနေအထားကရော စခန်းတွေ အခြေအနေ ဘယ်လို ရှိပါသလဲရှင့်။
ဦး။ ။ စခန်းတွေအားလုံးကို ဝင်ပြီးတော့ သိမ်းလိုက်တာပါ။ သပိတ်စခန်းတွေ တော်တော်များများ ကတော့ ကိုယ်နဲ့ နီးစပ်ရာ ရွာတွေကို ထွက်ပြေးကြတယ်၊ အထူးသဖြင့် လူစုကွဲပြီးတော့ - ညတုန်းက ကျနော် သပိတ်စခန်းတွေကို ရောက်တဲ့ အချိန်မှာ အများစုက သံဃာတော်တွေ၊ သံဃာတော်တွေ ဆိုတာကလည်း မုံရွာမြို့ခံ သံဃာတော်တွေထက် ပခုက္ကူက သံဃာတော်တွေလည်း ရှိတယ်။ မန္တလေး ဘက်က သံဃာတော်တွေလည်း ရှိပါတယ်။ အဲဒီတော့ လုံခြုံရေး တပ်ဖွဲ့ဝင်တွေက အင်အားသုံးပြီးတော့ လူစုခွဲတဲ့ အချိန်မှာ ဒီသံဃာတော်တွေက ရောက်တဲ့နေရာကို ပြေးနေရလို့လည်း တယောက်နဲ့ တယောက်- တပါးနဲ့တပါး ပြန်ပြီးတော့ မစုနိုင်ကြသေးတဲ့ အနေအထားမျိုးလို့ ပြောကြပါတယ်ခင်ဗျ။
ထိုက်။ ။ ဟုတ်ကဲ့ရှင့်။ ဒေါ်အောင်ဆန်းစုကြည်ကလည်း ဒီကနေ့ သပိတ်စခန်းတွေဆီ လာဖို့ရှိတယ်လို့ သိရပါတယ်။ သူ့ ခရီးစဉ် အခြေအနေကရော ဘယ်လိုများရှိပါသလဲ။
ဦး။ ။ ဒီအတိုင်းဆိုလို့ရှိရင်တော့ ဒေါ်အောင်ဆန်းစုကြည်နဲ့ ကြေးနီတောင် စီမံကိန်း ရပ် ဆိုင်းရေး တောင်းဆိုနေတဲ့ ဆန္ဒပြဒေသ ခံတွေ တွေ့ဖို့က တော်တော်လေး အလှမ်းဝေး သွားပြီလို့ ပြော ရမှာပါ ခင်ဗျ။ ပြီးခဲ့တဲ့ ၂၀၀၃ ခုနှစ်တုန်းကလည်း ဒီနယ်မြေနဲ့သိပ် မနီးမဝေးမှာ အကြမ်းဖက် မှုတွေ ဖြစ်ပွားခဲ့တယ် ဆိုတော့ ဒါ တကျော့ပြန်လာတဲ့ ဒေသခံပြည်သူတွေရဲ့လှုပ်ရှားမှုကို အကြမ်းဖက် နှိမ်နင်းတဲ့ ပွဲပါပဲ။ အဓိက-ကတော့ ဒေါ်အောင်ဆန်းစုကြည်နဲ့ ဒေသခံလူတွေနဲ့တွေ့ဖို့ ဒီကနေ့ အခြေအနေ ကတော့ တော်တော်လေး အလှမ်းဝေးသွားတယ်လို့ ပြောရမှာပဲ။ ကျနော် ညက ရောက်တဲ့အ ချိန်မှာတော့ ဒေါ်အောင်ဆန်းစုကြည် စကားပြောဖို့ စင်မြင့်တောင် ထိုးထား တာ တွေ့ပါတယ်။
ဒါပေမဲ့ ဒီအခြေအနေကတော့ ဖြစ်နိုင်ခြေ တော်တော် နည်းနေပြီလို့ ပြောရမှာပါခင်ဗျ။
ထိုက်။ ။ ဟုတ်ကဲ့။ ကျေးဇူးတင်ပါတယ် ကိုသိန်းထိုက်ဦးရှင့်။ ဒါကတော့ ကြေးနီတောင်စီမံကိန်း ရပ်တန့်ရေး သပိတ် စခန်းမှာ ကိုယ်တိုင် ရောက်ရှိနေတဲ့ ဗွီအိုအေ ဝိုင်းတော်သား ကိုသိန်းထိုက်ဦးက တိုက်ရိုက် သတင်းပေးပို့ သွားတာဖြစ်ပါတယ်။
အခုဆက်ပြီး လက်ပန်းတောင်းတောင် ကြေးနီစီမံကိန်းမှာ ပထမဆုံး အကြမ်းဖက် နှိမ်နင်းခံရတဲ့ ဝမ်ပေါင် ကုမ္ပဏီရုံးရှေ့က ပင်မ သပိတ်စခန်း အမှတ် (၁) မှာ အကြမ်းဖက်မှုတွေကြောင့် မီးလောင် ဒဏ်ရာရထားတဲ့ ဆရာတော် ဦးဓမ္မသာရကို ဆက်သွယ်မေးမြန်းတဲ့ အခါ ဆရာတော်က အခုလို စပြီး မိန့်ပါတယ်။
ဦးဓမ္မသာရ။ ။ ဦးဇင်းတို့ အမှတ်(၁) စခန်းကတော့ သုံးနာရီ မတ်တင်းမှာပေါ့။ အဲဒီမှာ ဆုတ်ခွာဖို့ ငါးမိနစ် အချိန်ပေးတယ်။ ဦးဇင်းတို့ အားလုံးက တစ်ပါးမှ မထဘူး။ ငါးမိနစ်ပြည့်သွားတော့ မီးသတ်ပိုက် နဲ့ ပက်တယ်။ ရေနဲ့ပက်ပြီးတော့ မီးလောင်ဗုံးတွေနဲ့ ပစ်တာပေါ့။
ထိုက်။ ။ ထိခိုက်ဒဏ်ရာရတာတွေရော ရှိပါသေးလားဘုရား။
ဦးဓမ္မသာရ။ ။ ငါးပါးလောက်ရှိတယ်။ ဦးဇင်းတွေရော၊ ကိုရင်လေးတွေရောပေါ့။ ဦးဇင်းတောင်မှ ခန္ဓာကိုယ် သင်္ကန်းစ- သင်ပိုင် တစလုံးက အကုန်လုံး မီးပေါက်တွေချည့်ပဲ၊ မီးလောင်ထားတာ။
ထိုက်။ ။ တင်ပါ့ဘုရား။ အဲဒီတော့ ထိခိုက်ဒဏ်ရာရတဲ့သူတွေကိုရော ဘယ်လို ဆေးကုပေးနေပါလဲ ဘုရား။
ဦးဓမ္မသာရ။ ။ လောလောဆယ်က ဘယ်အဖွဲ့အစည်းနဲ့မှ ချိတ်ဆက်လို့ မရသေးဘူး တကာမကြီး။ တာဝန်ရှိတဲ့ သူတွေ ကတော့ ဖုန်းတွေတော့ ဆက်တော့ ဆက်နေကြတာပါပဲ။
ထိုက်။ ။ အဖမ်းအဆီးရော ရှိပါသလား ဘုရား။
ဦးဓမ္မသာရ။ ။ အဖမ်းအဆီးကတော့ မရှိဘူး။ အကုန်လုံး ပြိုကွဲအောင်လုပ်တဲ့ သဘောပဲ။ စခန်းမှာ မကျန်တော့ဘူး။ စခန်းမှာ ကျန်ခဲ့တာ ဆိုလို့ ဆိုင်ကယ်လ်လေးစီး၊ မီးစက်တလုံး အဲဒါတွေပဲ ကျန်ခဲ့ တယ်။ ဦးဇင်းတချို့က စခန်းရဲ့ အရှေ့ဘက်က တောင်ပေါ်ကို တက်ပြေးကြတာ ဆယ်ပါးလောက် ရှိတယ်။ ဦးဇင်းတို့က ဖောင်းကာကျောင်းမှာ၊ တောင်ယာကျောင်းမှာ။ ဘုန်းကြီးကျောင်းပေါ့။ လူတွေမှာ- မဖြူဖြူဝင်း ကလည်း တကိုယ်လုံး ဒဏ်ရာရတယ်။ လောလောဆယ်ကတော့ ဦးဇင်းတို့ တောင်ပေါ်စခန်းမှာ ဆိုလို့ရှိရင် ကိုရင်၊ ဦးဇင်းငါးပါး၊ ဦးဇင်း အပါအဝင်ဆို ခြောက်ပါးပေါ့။ မဖြူဖြူဝင်း အပါဆို ခုနစ်ဦးပေါ့။
ထိုက်။ ။တင်ပါ့။ အရှင်ဘုရား-အဲဒီတော့ သပိတ်စခန်းတွေက တော်တော်များများ ရှိတယ် ပြောပါ တယ်။ တခြားစခန်းတွေရော ဘယ်လို အခြေအနေရှိပါလဲ ဘုရား။
ဦးဓမ္မသာရ။ ။ ဦးဇင်းတို့ သိမ်ကို ဝင်စီးနေပြီ-တဲ့။
ထိုက်။ ။ ဘယ်မှာလဲ ဘုရား။
ဦးဓမ္မသာရ။ ။ လယ်တီဆရာတော်ဘုရားကြီးရဲ့သိမ်။
ထိုက်။ ။ အဲဒီမှာ မီးသတ်ပိုက်၊ မီးလောင်ဗုံး - ဘာတွေကို သုံးပါသလဲဘုရား။
ဦးဓမ္မသာရ။ ။ အဲဒါတော့ ဦးဇင်းတို့ အောက်ရောက်နေတော့ မသိရသေးဘူး တကာမကြီး။
ထိုက်။ ။ ကျန်တဲ့ ဘယ်စခန်းတွေရော ကြားပါသေးလဲ ဘုရား။
ဦးဓမ္မသာရ။ ။ ဦးဇင်းတို့ သပိတ်စခန်းအားလုံး ခြောက်ခုရှိတာ။ ခြောက်ခုစလုံးက မရှိတော့ဘူး။ ဝမ်ပေါင်စခန်းကြီးက ပင်မ သပိတ်စခန်းလေ။ သူက စအဖြိုခံရတာပဲ။
ထိုက်။ ။ အဲဒီတော့ သပိတ်စခန်း တခုမှ မကျန်တော့ဘူး၊ သိမ်တော်ကိုလည်း ဝင်စီးနေပြီ၊ အဲလိုလား ဘုရား။ ဝင်စီးတော့ ထိခိုက်ဒဏ်ရာ ရတဲ့သူတွေကိုရော အစိုးရ ဘက်ကနေပြီးတော့ လာပြီးတော့ ကုသပေးတာရော ရှိပါသလားဘုရား။
ဦးဓမ္မသာရ။ ။ မရှိဘူး၊ တကာမကြီး။
ထိုက်။ ။ အဲဒီလူတွေ ဘယ်လိုနေကြလဲဘုရား။
ဦးဓမ္မသာရ။ ။ ဦးဇင်းတို့ ဒက္ခိဏရာမကျောင်းပေါ်မှာပဲ ရှိနေတယ် တကာမကြီး။ အားလုံး စုနေတာပါ။
ထိုက်။ ။ ဝင်စီးတဲ့အချိန်မှာ လုံခြုံရေး ရဲတပ်ဖွဲ့ဝင် အင်အားကရော ဘယ်လောက်လောက် ရှိပါသလဲ ဘုရား။
ဦးဓမ္မသာရ။ ။ ဦးဇင်းတို့ဘက်မှာဝင်စီးတာက အယောက် ငါးဆယ်လောက် ရှိတယ်။ အားလုံးက ရဲတွေချည့်ပဲ။
ထိုက်။ ။ ဒေါ်အောင်ဆန်းစုကြည်လည်း ဒီကနေ့ ရောက်လာမယ်လို့ တပြည့်တော် သိထားပါတယ် ဘုရား။ အဲဒီတော့ အဲဒီခရီးစဉ် ကရော ဘယ်လို ရှိပါသလဲဘုရား။
ဦးဓမ္မသာရ။ ။ ဦးဇင်းကတော့ မပြောတတ်သေးဘူး။ ဒီဘက်ကို ညနေသုံးနာရီလောက်မှာ ရောက် မယ်လို့တော့ သတင်းကြားတယ်။
ထိုက်။ ။ ဦးဇင်းတို့က ဒေါ်အောင်ဆန်းစုကြည်လာရင် ဘယ်မှာတွေ့မလဲ ဘုရာ့။
ဦးဓမ္မသာရ။ ။ တွေ့ဖို့ကတော့ အကြီးအကဲတွေကပဲ ပြောပြမှာပဲ။ ဘယ်မှာတွေ့မယ် ဆိုတာ မသိသေးဘူး။
ထိုက်။ ။ အမှတ်(၁) စခန်းမှာ ဦးဇင်းတို့ ဘယ်နှစ်ပါးလောက်များ ပါပါလဲဘုရား။
ဦးဓမ္မသာရ။ ။ အားလုံးပေါင်း အပါးငါးဆယ် ရှိတယ်။ ကျန်တဲ့စခန်းတွေက ဦးဇင်တို့ စခန်းထက် ဦးဇင်း အပါးရေ များတယ်။ တကာတွေလည်း များတယ်။ အဲဒီမှာဆိုရင် အပါး ၇၀ - ၈၀ လောက် ရှိလိမ့်မယ်။ ဆန္ဒပြ အရေအတွက်က ပေါင်းလိုက်ရင်တော့ ၃၀၀ - ၄၀၀ လောက်ရှိမယ်။ ရွာသူရွာသားလေးတွေပေါ့။
ထိုက်။ ။ ကျေးဇူးတင်ပါတယ်ဘုရား။
Ref: VOA News
Read More...
Collapse...
စနေလင်း
November 28, 2012
မိုးထိမိုးမိ ရွှေလုပ်သားများအား အကြမ်းဖက် ဖမ်းဆီးခြင်းများ ဆက်လက်ပြုလုပ်နေမည် ဆိုလျှင် ပဋိပက္ခ ကြီးထွား လာနိုင်သည့် အပြင် အစိုးရနှင့် ပြည်သူလူထုအကြား နိုင်ငံရေးအရ သံသယစိတ်များ ဖြစ်ပေါ်လာနိုင်ကြောင်း ၈၈ မျိုးဆက် ကျောင်းသား များက ပြောကြား လိုက်သည်။
ထိုသံသယစိတ်ကြောင့် တည်ဆောက်ဆဲ အစိုးရနှင့်ပြည်သူများအကြား နိုင်ငံရေး အရ စိတ်ချ ယုံကြည်မှုကို ထိခိုက်စေနိုင်ပြီး နောက်ပိုင်း တွင် ပြဿနာဖြစ်လာနိုင်ကြောင်းလည်း ၈၈ မျိုးဆက် ကျောင်းသား ခေါင်းဆောင် တဦးဖြစ်သည့် ကိုဂျင်မီက ယမန်နေ့က ပြော သည်။
“အခုလို အကြမ်းဖက်တာမျိုးကြောင့် နောက်ပိုင်း ပဋိပက္ခဘယ်လောက်ပဲ ကြီးကြီး၊ တကယ်တော့ အင်အား ကြီးတာက အစိုးရပဲ။ ဒါပေမယ့် ကြီးထွား လာမှာက သံသယပဲ။ အခုကာလက နိုင်ငံရေး အရ စိတ်ချ ယုံကြည်မှုရှိအောင် ၀ိုင်းကြိုးစားနေတဲ့ ကာလ။ အဲဒီထဲမှာ ကျနော်တို့လည်း ပါတယ်။ ဒေါ်အောင်ဆန်းစုကြည်လည်း ပါတယ်။ အကုန်လုံး ၀ိုင်းကြိုးစားနေတဲ့ ကာလ။ ပြည်သူလူထုရဲ့ အစိုးရ လို ရပ်တည် လာပြီဆိုရင် အစိုးရက ပိုပြီးတော့ အရေးစိုက်ရမယ်။ အဲဒီကြီးလာမယ့် သံသယကိုသာ ဖြေဖျောက်ဖို့ ကြိုးစားပါ”ဟု ၎င်းက ဆက်ပြောသည်။
ပြီးခဲ့သည့် နိုဝင်ဘာ ၂၃ ရက်က ပဲခူးတိုင်း မြို့လှမြို့အထွက် ရေနီစက္ကူစက်ရှေ့တွင် ဆန္ဒပြ ရွှေလုပ်သားများကို အကြမ်းဖက် ရိုက် နှက် ဖမ်းဆီးခဲ့ပြီး ရွှေလုပ်ငန်း သမား ၄ ဦးကို ဖမ်းဆီး ရာတွင် အာဏာပိုင်များအနေဖြင့် ဖမ်းဆီးမည့်သူကို ဓာတ်ပုံ အထောက် အထား များနှင့် ကြိုတင်ပြင်ဆင်ပြီးမှ ဖမ်းဆီးခြင်းဖြစ်ကြောင်း၊ စတင်ဖမ်းဆီးစဉ်က လူ ၆ ဦး ဖြစ်ပြီး ၂ ဦးကို ပြန်လွှတ်ပေးခဲ့ခြင်း ဖြစ်ကြောင်း အဖမ်းခံ ထားရာမှ ပြန်လည်လွတ်မြောက် လာသည့် ကိုရဲဝင်း ဆိုသူက ပြောသည်။
ယခုအချိန်အထိ မိုးထိမိုးမိရွှေလုပ်သား၅ ဦး အဖမ်းခံထားရကြောင်း၊ ကိုနေအောင်ထက်၊ ကိုစောနောင်၊ ကိုရဲရင့်ထွန်းနှင့် ကိုနိုင်ဝင်း တို့ ဖြစ်ပြီး ယမန်နေ့က မြို့လှမြို ဈေးတွင် ကိုဖိုးဇော်လည်း အဖမ်းခံထားရကြောင်း သိရသည်။
“သူတို့အင်အားက ၅၀၀ ကျော်လောက်လာတယ်။ ရုတ်တရက်ရောက်လာပြီး ကျနော်တို့ကို ရိုက်နှက်၊ လက်ထိပ်ခတ်၊ ဒရွတ်တိုက် ဆွဲပြီး ကားပေါ်ကို ဆွဲတင်တယ်။ ကားပေါ်ရောက်မှ နာမည် မေးတယ်။ နောက်မှ သူတို့ဖမ်းချင်တဲ့သူ မဟုတ်ဘူး ဆိုပြီး ကျနော်တို့ ၂ ဦး ကို ပြန်လွှတ်လိုက်တယ်။ သူတို့ဖမ်းချင်တဲ့သူ ၄ ဦးကိုတော့ မြို့လှမြို့ထဲခေါ်သွားတယ်။ သူတို့ ဘယ်သူ့ကို ဖမ်းရမယ်ဆိုတာ ဓာတ်ပုံနဲ့ တကွ ပါတယ်”ဟု ကိုရဲဝင်းက ဆက်ပြောသည်။
၈၈ မျိုးဆက်ကျောင်းသားများအဖွဲ့မှ မိုးထိမိုးမိရွှေလုပ်သားများအရေးကို အဓိက ဆောင်ရွက် နေသည့် ကိုအောင်သူကလည်း မိုးထိ မိုးမိ ရွှေလုပ်သားများ ဆန္ဒပြမှုသည် အစောပိုင်းတွင် အမျိုးသားကြီးပွားတိုးတက်ရေး ကုမ္ပဏီနှင့် ဖြစ်ပွားနေခြင်းဖြစ်သော် လည်း နောက်ပိုင်းတွင် ပြည်ထောင်စုအစိုးရဘက်မှ တာဝန်ယူဖြေရှင်းရန် နှောင့်နှေးကြန့်ကြာ နေခြင်းကြောင့် အစိုးရနှင့် ထိပ် တိုက်ရင်ဆိုင် ရသောပုံစံ ဖြစ်လာကြောင်း ပြောဆိုသည်။
“ပထမ အစတုန်းက သူတို့အခွင့်အရေးအတွက် ကုမ္ပဏီကို တောင်းဆိုတာ။ ဒါကို အစောတလျှင် ဖြေရှင်း မပေးတဲ့အတွက် လုပ် ငန်းရှင်ငယ်လေးတွေနဲ့ အစိုးရ ထိပ်တိုက်အနေအထား ဖြစ်လာတယ်။ သူတို့က သတ္တုတွင်းဝန်ကြီးဌာနကို ဖြေရှင်းပေးဖို့ ကမ်းလှမ်း ထားတယ်။ နောက် မြို့နယ် အုပ်ချုပ်ရေးမှူးကို ကမ်းလှမ်းထားတယ်။ ဒါပေမယ့် ဘယ်သူကမှ အရေးတယူ ဆောင်ရွက် ပေးတာမျိုး မရှိဘူး”ဟုလည်း ၎င်းက ပြောသည်။
ယခုအခါ ရေနီမြို့နယ်တွင် ပိတ်မိနေသော ဆန္ဒပြ မိုးထိမိုးမိ ရွှေလုပ်သားများကို ဘုန်းတော်ကြီးကျောင်းမှ ၎င်းတို့ နေရပ်သို့ လုံခြုံရေး အစောင့်အရှောက်ဖြင့် ပြန်ပို့ပေးနေပြီဖြစ်ကြောင်း၊ သို့ရာတွင် ရွှေလုပ်သားများ၏ လုပ်ကွက်အတွင်းရှိ နေအိမ်တဲများကို မီးရှို့ဖျက် ဆီးခြင်း ခံထားရကြောင်း၊ ၎င်းတို့အနေဖြင့် ပိုင်ဆိုင်သော အိုးအိမ်ပစ္စည်းများကို ရောင်းချကာ ရွှေလုပ်ကွက်တွင် ရင်းနှီးမြုပ်နှံ ထားသောကြောင့် ယခုအရေးသည် ၎င်းတို့၏မိသားစုဘ၀၊ ၎င်းတို့ကို မှီခိုနေသောလုပ်သားများ၏ မိသားစုဘ၀များနှင့် များစွာ ဆက်စပ်နေကြောင်း ကိုအောင်သူက ဆက်ပြောသည်။
လာမည့် ဒီဇင်ဘာ ၃ ရက်နေ့တွင် ရမည်းသင်းမြို့၌ အမျိုးသားကြီးပွား တိုးတက်ရေးကုမ္ပဏီမှ တာဝန်ရှိသူများနှင့် ရွှေလုပ်သားများ တွေ့ဆုံဆွေးနွေးမည် ဖြစ်ကြောင်း သိရသည်။
အဖမ်းခံထားရသည့် ရွှေလုပ်သားခေါင်းဆောင်များဖြစ်သော ကိုနေအောင်ထက်၊ ကိုစောနောင်၊ ကိုရဲရင့်ထွန်းနှင့် ကိုနိုင် ၀င်းတို့ကို နိုင်ငံတော် တည်ငြိမ်အေးချမ်းမှုကို ပျက်ပြားစေသည့် ဥပဒေ ပုဒ်မ ၅၀၅ (ခ) ဖြင့် ရေတာရှည်မြို့နယ် အထွေထွေအုပ်ချုပ်ရေးမှူး က တရားလို ပြုလုပ်ပြီး စွဲချက်တင်ထားကြောင်း၊ ထို့အပြင် စီတန်းလှည့်လည်ခြင်း ဆိုင်ရာ ဥပဒေပုဒ်မ ၁၈ ဖြင့် မြို့လှမြို့နယ် ရဲစခန်းမှူး က တရားလိုပြုလုပ်ကာ အမှုဖွင့် စွဲချက်တင်ထားကြောင်း တောင်ငူခရိုင် ရဲမှူးကြီးက ပြောသည်။
“နိုဝင်ဘာ ၃၀ ရက်နေ့မှာ ဖမ်းဆီးထားတဲ့ သူတွေကို ရေတာရှည်တရားရုံးမှာ ရုံးထုတ်စစ်ဆေးပါ့မယ်။ သူတို့ကို တပေါင်းတည်းနဲ့ တစ်ရုံးတည်းမှာ စွဲချက်တင်မှာပါ”ဟုလည်း ၎င်းက ပြောဆိုသည်။
Ref: ဧရာဝတီ
Read More...
Collapse...
ခင်ဦးသာ
November 28, 2012
နိုင်ငံတော်သမ္မတက လွှတ်တော်ဆိုင်ရာ ဥပဒေ နှစ်ရပ်ကို လက်မှတ်ထိုးရန် သဘောမတူသော်လည်း ပြည်ထောင်စုလွှတ်တော်က အတည်ပြုလိုက်ပြီ ဖြစ်သည်။
ပြည်သူ့လွှတ်တော်ဆိုင်ရာ ဥပဒေနှင့် အမျိုးသားလွှတ်တော်ဆိုင်ရာ ဥပဒေ နှစ်ရပ်ကို ပြည်ထောင်စု လွှတ်တော်က အတည်ပြုပြီး ဖြစ်ကြောင်း ယမန်နေ့နှင့် ယနေ့ထုတ် အစိုးရ သတင်းစာများ၌ ဖော်ပြထားသည်။ ထိုဥပဒေ ၂ ခု အား ပြည်ထောင်စု လွှတ်တော်က အတည်ပြုပြီးဖြစ်၍ သမ္မတက လက်မှတ်ထိုး အတည်ပြုပေးရန် ပေးပို့ခဲ့သော်လည်း ၇ ရက်အတွင်း လက်မှတ်ထိုးပေးမှု မရှိသည့်တိုင် ဖွဲ့စည်းပုံအရ အတည်ပြုပြီး ဖြစ်ကြောင်း သိရသည်။
“သမ္မတက လက်မှတ်ထိုးသည် ဖြစ်စေ၊ မထိုးသည် ဖြစ်စေ ပြည်ထောင်စု လွှတ်တော်က အတည်ပြုပြီး တရားဝင်ကြေညာ လိုက်ရင် ဒီဥပဒေက အတည်ပြုပြီးသား ဖြစ်သွားပါပြီ။ ဒါက ဖွဲ့စည်းပုံဥပဒေအတိုင်း ဆောင်ရွက်တာပါ” ဟု ပြည်သူ့လွှတ်တော် ကိုယ်စားလှယ်နှင့် ရှေ့နေတဦးလည်းဖြစ်သူ ဦးသိန်းညွှန့်က ဧရာဝတီကို ပြောသည်။
ပြည်ထောင်စု လွှတ်တော်မှ အတည်ပြုပြီးသည့် ဥပဒေတရပ်ရပ်ကို နိုင်ငံတော်သမ္မတ အနေဖြင့် သဘောမတူပါက သဘောထားမှတ် ချက်ပေးနိုင်ကြောင်း ၂၀၀၈ ဖွဲ့စည်းပုံ အခြေခံဥပဒေ၏ ပုဒ်မ ၁၀၆ တွင် ဖော်ပြထားသည်။ ထို့အတူ လွှတ်တော်က အတည်ပြုပြီး ဥပဒေတရပ်ရပ်ကို သမ္မတက ၇ ရက်အတွင်း လက်မှတ်ထိုး အတည်ပြုပေးခြင်း မရှိသည့်တိုင် ထိုဥပဒေအား အတည်ပြုပြီးဟု မှတ်ယူရမည်ဖြစ်ကြောင်း ပုဒ်မ ၁၀၇ တွင် ပြဌာန်းထားသည်။
ထိုဥပဒေ နှစ် ၂ ခုအား သမ္မတသည် လက်မှတ်မထိုးဘဲ အချက် ၁၀ ချက်ကို ပြင်ဆင်ပေးသင့်သည်ဟုသာ သဘောထား မှတ်ချက်ဖြင့် ပြည်ထောင်စု လွှတ်တော် နာယကထံ နှစ်ကြိမ်တိုင် သ၀ဏ်လွှာ ပေးပို့ခဲ့သည်။ သမ္မတ၏ သ၀ဏ်လွှာ၌ လွှတ်တော် အသီးသီးက ဖွဲ့စည်းထားသော ရေးရာကော်မတီ၊ ကော်မရှင်များသည် ပြည်ထောင်စုအဆင့်ဟု သတ်မှတ်ထားခြင်းကို ပြန်လည် စဉ်းစားသင့်ကြောင်း မှတ်ချက်ပြုပေးထားသည်။
ပြည်ထောင်စုအဆင့်ကိစ္စကို သမ္မတနှင့် အစိုးရအဖွဲ့၊ ဖွဲ့စည်းပုံ အခြေခံဥပဒေဆိုင်ရာ ခုံရုံးတို့က သဘောမတူသည့်အတွက် ၎င်းတို့နှင့် လွှတ်တော်အကြား ကြီးမားသည့် ပြဿနာ အငြင်းပွားမှု ဖြစ်ပေါ်ခဲ့ကာ ခုံရုံးအဖွဲ့တခုလုံး နုတ်ထွက်ခဲ့ရသေးသည်။
သမ္မတ၏ သဘောထားမှတ်ချက် ၁၀ ချက်အနက် ၂ ချက်ကိုသာ ပြည်ထောင်စုလွှတ်တော်က လိုက်လျောပေးခဲ့ပြီး၊ ၈ ချက်ကို ပယ်ချကြောင်း သိရသည်။
“လွှတ်တော် ကိုယ်စားလှယ်တွေရဲ့ အထူးခံစားခွင့်နဲ့ ဧည့်သည်ခေါ်ယူမှု ကန့်သတ်ထားတဲ့ အချက် ၂ ချက်ပဲ လွှတ်တော်က လိုက်လျောပေးပြီး ၈ ချက်ကိုတော့ ပယ်ချတယ်။ သမ္မတရဲ့ သဘောထား မှတ်ချက်ကလည်းပဲ လက်မှတ်မထိုးနိုင်ဘူး ဆိုတာကို သွယ်ဝိုက်ပြီး ပြောလိုက်တဲ့သဘောပါ၊ ဒါက သမ္မတရဲ့ လုပ်ပိုင်ခွင့်ပါ” ဟု ဥပဒေကြမ်းကော်မတီဝင်နှင့် ပြည်သူ့လွှတ်တော် ကိုယ်စားလှယ် ဦးဘရှိန်က ပြောသည်။
သမ္မတနှင့် လွှတ်တော်အကြား သဘောထားကွဲလွဲမှုသည် ဒီမိုကရေစီ သဘောတရား၏ အနှစ်သာရပင် ဖြစ်ကြောင်း၊ ထိုကိစ္စနှင့် ပတ်သက်၍ နှစ်ဖက်စလုံးက ဖွဲ့စည်းပုံ ဥပဒေအတိုင်း မိမိတို့ လုပ်ပိုင်ခွင့်ကို ဒီမိုကရေစီ နည်းလမ်းအရ ကျင့်သုံးခြင်းဟု ကိုယ်စား လှယ်များက ဆိုသည်။
ပြည်သူ့လွှတ်တော်နှင့် အမျိုးသား လွှတ်တော်ဆိုင်ရာ ဥပဒေတို့အား ပြည်ထောင်စု လွှတ်တ်ာသည် ဖွဲ့စည်းပုံအခြေခံ ဥပဒေ ပုဒ်မ ၉၈ အရ ဤဥပဒေတို့အား ပြဌာန်းလိုက်ကြောင်း သတင်းစာမှတဆင့် ကြေညာချက်ဖြင့် ထုတ်ပြန်လိုက်ခြင်း ဖြစ်သည်။
ထိုဥပဒေများအား အတည်ပြုပြီး ဖြစ်၍ လွှတ်တော် ကိုယ်စားလှယ်များအနေဖြင့် ပြည်သူများအရေး ကိစ္စဖြေရှင်းရာတွင် ပိုမို ထိရောက်နိုင်မည် ဖြစ်ကြောင်း အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က ပြောသည်။ ပြည်ထောင်စုအဆင့်ကိစ္စကို အစိုးရအဖွဲ့အနေဖြင့် မလိုလားကြောင်း၊ ၎င်းတို့၏ အုပ်ချုပ်ရေးကဏ္ဍနှင့် ပတ်သက်၍ လွှတ်တော်က ပါဝင်စွက်ဖက်လာမည်ကို နှစ်သက်မှု မရှိဟုလည်း ဦးဖုန်းမြင့်အောင်က ဝေဖန်သည်။
“အစိုးရအဖွဲ့က တချက်လွှတ်အမိန့်နဲ့ပဲ လုပ်ခဲ့ကြတာတွေက ခေါက်ရိုးကျိုးနေတော့ အရင်လိုပဲ ဆက်သွားချင်ပုံရတယ်။ သူတို့ရဲ့ လုပ်ငန်းတွေကို လွှတ်တော်က ထိန်းညှိမှာကို လုံးဝ မလိုလားဘူးဖြစ်နေတယ်” ဟု ၎င်း က ဆိုသည်။
အစိုးရအဖွဲ့သည် နိုင်ငံအား အုပ်ချုပ်ရေး ကဏ္ဍတခုတည်းဖြင့် သွားလိုပြီး ဥပဒေပြုရေး ကဏ္ဍနှင့် ယှဉ်တွဲသွားလိုပုံ မရကြောင်း ကိုယ်စားလှယ်များက ပြောသည်။ လွှတ်တော်၏ ရေးရာကော်မတီများသည် ပြည်ထောင်စုအဆင့် မရှိပါက ဌာနဆိုင်ရာ ကိစ္စတခုခုကို ဖြေရှင်းရာတွင် ပြည်ထောင်စုအဆင့် ၀န်ကြီးများကို ဆင့်ခေါ်ပိုင်ခွင့် မရှိပေ။
နိုင်ငံတော် သမ္မတ၏ သဘောထား မှတ်ချက် ၁၀ ချက်တွင် ပြည်ထောင်စုအဆင့် ကိစ္စ၊ လွှတ်တော်သို့ ဧည့်သည်ခေါ်ယူရာတွင် တက်ရောက်သင့်သူ ၃ ဦးသာ ခေါ်ယူရန် ကန့်သတ်ထားမှု၊ လွှတ်တော် ကိုယ်စားလှယ်များ၏ အထူးခံစားခွင့်၊ ကိုယ်စားလှယ်များ အတွက် ရုံးခန်းဖွင့်လှစ်ရေး ကိစ္စ၊ တားမြစ်ထားသည့် စာရွက်စာတမ်းများနှင့် အချက်အလက် ရယူခြင်း ဆိုင်ရာ ကိစ္စရပ်များ စသည်တို့ ပါဝင်သည်။
Ref: ဧရာဝတီ
Read More...
Collapse...
စုမြတ်မွန်
26.11.2012
မြန်မာနိုင်ငံရဲ့ တရားစီရင်ရေးပိုင်းမှာ အုပ်ချုပ်ရေးပိုင်းက ဝင်ရောက်စွက်ဖက်မှု ကင်းအောင် လုပ်ဖို့ လိုအပ်နေပြီလို့ ပြည်သူ့ လွှတ်တော် တရားဥပဒေ စိုးမိုးရေးနဲ့ တည်ငြိမ်အေးချမ်းရေးကော်မတီ အတွင်းရေးမှုးက VOA ကိုပြောပါတယ်။ ကော်မတီ ဥက္ကဌ ဒေါ်အောင်ဆန်း စုကြည် အပါအဝင် ကော်မတီဝင် တချို့ ဒီကနေ့ နေပြည်တော်ကောင်စီ နယ်မြေ အတွင်းမှာ ရှိတဲ့ တရားရုံး တချို့ကို သွားရောက် စစ်ဆေးပြီးတဲ့နောက် ခုလို ပြောခဲ့တာဖြစ်ပါတယ်။ တရားရုံးတွေကို ရှောင်တခင် သွားရောက် စစ်ဆေးစဉ်မှာ ဘာတွေတွေ့ ခဲ့ရသလဲ။ ပြင်ဆင်သင့် တာတွေကို ဘာတွေ အကြံပြုနိုင်သလဲ ဆိုတာနဲ့ ပါတ်သက်ပြီးတော့ ဘန်ကောက်ရုံးက ဆက်သွယ်မေးမြန်း ထားတဲ့ မစုမြတ်မွန်က တင်ပြပါမယ်။
မြန်မာနိုင်ငံက တရားရုံးတွေဟာ အများပြည်သူ ယုံကြည် ကိုးစား အားထား ရလောက်တဲ့ တရားရုံးတွေဖြစ်သင့် တယ်လို့ ပြောထားတဲ့ ပြည်သူ့လွှတ်တော် တရား ဥပဒေ စိုးမိုးရေးနဲ့ တည်ငြိမ်အေးချမ်းရေးကော်မတီက ဒီကနေ့ တနင်္လာနေ့မှာ နေပြည်တော်ကောင်စီ နယ်မြေ အတွင်းမှာ ရှိတဲ့ တရားရုံး ၃ ခုကို သွားရောက် စစ်ဆေးခဲ့ပါတယ်။ အတိအကျ ကြိုတင် အသိပေးမထားဘဲ တရားရုံးတွေကို သွားစစ်ခဲ့တာနဲ့ ပါတ်သက်လို့ ကော်မတီအတွင်းရေးမှုး ပြည်သူ့လွှတ်တော် ကိုယ်စားလှယ် ဦးဝင်းမြင့်က VOA မြန်မာပိုင်းကို ခုလိုပြောပါတယ်။
“ကျနော်တို့ ကော်မတီဥက္ကဌလည်း ပါပါတယ်။ ကျနော်တို့ခေါင်းဆောင် ဒေါ်အောင်ဆန်းစုကြည် အပါအဝင် ကျနော်တို့ကော်မတီ အဖွဲ့ဝင် လေး၊ ငါးဦးနဲ့ တရားရုံးအဖွဲ့ဝင် သုံးဦးပေါ့၊ ပျဉ်းမနား တရားရုံးရယ်၊ ဇဗ္ဗူသီရိက မြို့နယ် တရားရုံးရယ်၊ နောက်တခုက ခရိုင် တရားရုံးရယ်၊ သွားပြီးကြည့်ရှု့ စုံစမ်းပါတယ်။ ကျနော်တို့က ကြိုတင် အကြောင်းကြားခြင်း မရှိဘူးတော့လည်း မဟုတ်ဘူး။ ဥပမာ ဆိုလို့ရှိရင် နိုဝင်ဘာလ အတွင်းမှာ မန္တလေးတိုင်း ရုံးတွေသွားမယ်၊ ဒီလောက်ပဲပြောထားတာပေါ့။ ကြိုက်တဲ့ရုံး ရွေးသွားတာပေါ့။ တရုံးချင်း ဘယ်နေ့ ဘယ်ရုံးသွားမယ် ဆိုတာတော့ မပြောတော့ဘူး။ ဒီဇင်ဘာဆိုလည်း ဒီလိုပဲပေါ့၊ ဘယ်တိုင်းကို သွားမယ်။ ဒီလောက်ပဲပေါ့။ ကျန်တာကတော့ ကျနော်တို့ နံမည်ကြီးတဲ့ မြို့တွေရွေးတာပေါ့။”
November လ ၂၃ ရက်နေ့ကပဲ တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ က ပြည်သူ့ လွှတ်တော်ကို တင်ပြခဲ့တဲ့ ကြားဖြတ် အစီရင်ခံစာထဲမှာ တရားရုံးတွေကို ရှောင်တခင် Surprise check လုပ်သင့်တယ်လို့ ဖော်ပြထားပါတယ်။ ကြိုတင် အကြောင်းကြား ထားတဲ့ အခါ တရားခွင်တွေပြန်ချိန်းထားတဲ့ အတွက် အမှုသည်တွေ သက်သေတွေကို စုံစုံလင်လင် တွေ့ရှိမေးမြန်းခွင့် မရတာ၊ တရားရုံးတွေက ကြိုတင်ပြင်ဆင် ထားတာတွေကြောင့် အတိအကျ ကြိုတင်ပြောမထားဘဲ သွားကြည့် သင့်တယ်လို့ ဆိုထားပါတယ်။ ဒါကြောင့် ဒီကနေ့လို့ ရှောင်တခင် သွားကြည့်တဲ့ အခါမှာ ဘာတွေတွေ့ခဲ့ရပါသလဲ။
“တရားဥပဒေစိုးမိုးမှုအတွက် သွားကြည့်ကြတာပေါ့နော်။ သွားကြည့်ကြတဲ့အခါကျတော့ တရားရုံးတွေမှာလည်း အခက်အခဲတွေ ရှိတယ်။ ဘာလဲဆိုတော့ ဟိုတုန်းက အိုလံဘီယာ လက်နှိပ်စက်တွေနဲ့ မှတ်တမ်း တင်ရတာ။ အဲ့တာတောင် တလုံးပဲ တွေ့ခဲ့တယ်။ ကျန်တာတော့ လက်ရေးတွေနဲ့ လိုက်နေရတာတွေ့ရတာပေါ့နော်။ အမှုတွေလည်း ကျနော်တို့ ကော်မတီ ဥက္ကဌအပါအဝင်၊ ဝင်ရောက်နားထောင်ပြီးတော့ ကြည့်ရှု့လေ့လာ ခဲ့ပါတယ်။ အကြမ်းဖြင်းတွေ့တာကတော့ အမှုသည်၊ သက်သေ၊ ရှေ့နေတွေနဲ့တွေ့တဲ့ အခါမှာတော့ တရားဥပဒေ စိုးမိုးရေး အတွက်ပေါ့ အုပ်ချုပ်ရေး ပိုင်းကနေပြီးတော့ ဝင်ရောက် စွက်ဖက်တာမျိုးတွေလည်း ကြားခဲ့ရတယ်။ နောက်တခုက ဥပဒေနဲ့ မညီတာတွေလည်း ကြားခဲ့ရတယ်။ နောက်တခုက သက်သေခံ ဥပဒေနဲ့ မပြည့်စုံတာတွေလည်း ကြားခဲ့ရတာပေါ့နော်။ အခုလောလော ဆယ်တော့။”
အခုလို တရားရုံးတွေကို သွားရောက်စစ်ဆေး လေ့လာတဲ့အခါမှာ အမြန်ဆုံး ပြင်သင့်တယ်လို့ မြင်ရတဲ့ ကိစ္စတွေ ကရော ဘာလို့ ပြောနိုင်ပါလဲရှင့်။
“တရားဥပဒေစိုးမိုးရေးအတွက်ပြောမယ်ဆိုရင်တော့ အားလုံးက လာဘ်ပေးလာဘ်ယူကင်း ဖို့ရယ်၊ နောက်တခုက အုပ်ချုပ်ရေး ပိုင်းက ဝင်ရောက် စွက်ဖက်မှု မရှိဖို့ရယ်၊ လွတ်လပ်စွာ တရားစီရင်ခွင့်ရဖို့ ကတော့ အရေးကြီးတာပေါ့၊”
ဒီကနေ့ တရားရုံးတွေကို သွားရောက်တဲ့အခါမှာ လွတ်လွတ်လပ်လပ် လေ့လာ ခွင့်ရခဲ့တယ်လို့လဲ တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီ အတွင်းရေးမှူး ပြည်သူ့လွှတ်တော် ကိုယ်စားလှယ် ဦးဝင်းမြင့်က ပြောပါတယ်။
မြန်မာနိုင်ငံမှာ လွတ်လပ် မျှတတဲ့ တရားစီရင်ရေးစနစ် ပေါ်ပေါက်လာဖို့အတွက် တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီက ကြိုးစားနေချိန်မှာ ကော်မတီဖြစ်စေချင်တဲ့ အတိုင်း နိုင်ငံသူ နိုင်ငံသားတွေကို ဥပဒေနဲ့ အညီ အကာအကွယ်ပေးတဲ့ တရားရုံးတွေဖြစ်လာဖို့က အချိန်ပေး ဆောင်ရွက်ရမယ်လို့ တရားလွှတ်တော် ရှေ့နေ ဦးကိုနီက သုံးသပ်ပါတယ်။
“ ဒီတရားစီရင်ရေးစနစ်ကို မူလက အင်္ဂလိပ်လက်အောက်က အခြေခံခဲ့တဲ့ Common Law System နဲ့ စခဲ့တယ်။ နောက် ၁၉၆၂ခုနှစ် အာဏာ သိမ်းပြီးတဲ့နောက်မှာ ကျနော်တို့က ဘာမှန်းမသိတဲ့ စစ်အုပ်ချုပ်ရေးအောက်ကို ရောက်သွားတဲ့ အခါမှာ တရားစီရင်ရေး စနစ်က တော်တော်လေး ပျက်သွားတယ်။ တခါ ၁၉၇၄ကျတော့ ဆိုရှယ်လစ် Law of System ဆိုပြီး တခါ အသစ်ထွင်ပြန်တယ်။ သို့သော် ဒါလည်း ဆိုရှယ်လစ် မမြောက်ပါဘူး။ အရင် Common Law လည်း ပျက်သွားတယ်ပေါ့။ တခါ စစ်တပ်က ၁၉၈၈ အာဏာပြန်သိမ်းတဲ့ အခါမှာ တရားစီရင်ရေးဟာ လုံးဝကို အုပ်ချုပ်ရေး လက်အောက်ကို ရောက်သွားပြီးတော့ ပျက်ပြားသွားတယ်ပေါ့ဗျာ။ အဲ့တော့ ဒီဟာကို ကျနော်တို့ ပြန်လည် တည်ဆောက်ဖို့ကတော့ တော်တော်လေးကို ကြိုစားပြီး လုပ်ရဦးမှာပါ။”
တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီကတော့ တရားရုံးတွေကို သွားရောက်လေ့လာ ပြီးတော့ တွေ့ရတဲ့ ပြင်ဆင် သင့်တဲ့ ကိစ္စတွေကို နောင်အစီရင်ခံစာတွေ တင်တဲ့အခါမှာ ထောက်ပြ အကြံပြုသွားမှာဖြစ်တယ်လို့ ပြောပါတယ်၊
Ref: VOA News
Read More...
Collapse...
2012-11-26
ရှမ်းတိုင်းရင်းသားခေါင်းဆောင်တွေ စုပေါင်းပြီး ၃ ရက်ကြာ ကျင်းပမယ့် ငြိမ်းချမ်းရေး အတွက် ယုံကြည်မှု တည်ဆောက်ခြင်း ဆိုင်ရာ ညီလာခံကို ဒီကနေ့ နိုဝင်ဘာလ ၂၆ ရက်နေ့မှာ ရန်ကုန်မြို့ ရွှေဂုံတိုင် တော်ဝင်နှင်းဆီ ခန်းမမှာ စတင် ကျင်းပခဲ့ပါတယ်။
လက်ရှိမြန်မာနိုင်ငံမှာ ကြုံတွေ့နေရတဲ့အကျပ်အတည်းတွေ ထဲမှာ အဓိကဖြစ်တဲ့ တိုင်းရင်းသားပြဿနာကို ဖြေရှင်းနိုင်ဖို့ ငြိမ်းချမ်းရေးဟာ အရေးကြီးကြောင်း ရှမ်းအမျိုးသား ဒီမိုကရေစီ အဖွဲ့ချုပ် ဥက္ကဌ ဦးခွန်ထွန်းဦးက ဆွေးနွေးပွဲမှာ ပြောကြားခဲ့ပါတယ်။
အဲဒီဆွေးနွေးပွဲကို ဒီကနေ့ နိုဝင်ဘာလ ၂၆ရက်ကနေ ၂၈ရက်နေ့ထိ ၃ရက်ကြာ ဆွေးနွေးကြမှာဖြစ်ပြီး ဒီကနေ့ ဆွေးနွေးပွဲကို အမှတ်(၂) လျပ်စစ်စွမ်းအား ဝန်ကြီးဌာနမှ ပြည်ထောင်စုဝန်ကြီး ဦးခင်မောင်စိုး၊ သမ္မတရုံးဝန်ကြီးဌာန ဝန်ကြီး ဦးအောင်မင်းနဲ့ ဝန်ကြီး ဦးစိုးသိန်း တို့လည်း တက်ရောက် ခဲ့ကြပါတယ်။
နိုင်ငံရေးပါတီအသီးသီးက တာဝန်ရှိသူတွေ ရှမ်းတိုင်းရင်းသားလက်နက်ကိုင် အဖွဲ့အစည်းက ကိုယ်စား လှယ်တွေ၊ ရှမ်းလူထု အခြေပြု အဖွဲ့အစည်းတွေနဲ့ ပညာရှင်တွေ အပါအဝင် လူဦးရေ (၂၅ဝ) နီးပါး တက်ရောက် ခဲ့ကြပါတယ်။
Ref: RFA News
Read More...
Collapse...
2012-11-26
တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည် ဦးဆောင်တဲ့ ကော်မတီ အဖွဲ့ဟာ နေပြည်တော်မှာ ရှိတဲ့ ဇမ္ဗူသီရိမြို့နယ် ခရိုင်တရားရုံးနဲ့ ၊ မြို့နယ် တရားရုံး တွေကို ဒီကနေ့ နံနက်ပိုင်းက ရှောင်တခင် စစ်ဆေးခဲ့ပါတယ်။
ဒီကနေ့ စစ်ဆေးမှု အပြီးမှာ ဒေါ်အောင်ဆန်းစုကြည်က တရားရုံးတွေ ခေတ်မှီအောင် ကြိုးစားရမယ်လို့ သတင်းထောက်တွေကို ပြောခဲ့ ပါတယ်။
ဒေါ်အောင်ဆန်းစုကြည်ဟာ ဇမ္ဗူသီရိမြို့ ခရိုင်တရားရုံးနဲ့ ၊ မြို့နယ် တရားရုံးတွေကို ၀င်ရောက် စစ်ဆေး အပြီးမှာ နေပြည်တော် က နေအိမ်ကို ပြန်လည် ထွက်ခွာသွားပြီး ကော်မတီ အတွင်းရေးမှုး ဦးဝင်းမြင့် နဲ့ အဖွဲ့ဝင်တွေက ပျဉ်းမနား မြို့နယ် တရားရုံးကို ဆက်လက် စစ်ဆေးခဲ့ပါတယ်။
အခုလို ကော်မတီ ဥက္ကဌ ဒေါ်အောင်ဆန်းစုကြည် ဦးဆောင်ပြီး တရားရုံးတွေကို ရှောင်တခင် သွားရောက် စစ်ဆေးတာဟာ ပထမဆုံး အကြိမ် ဖြစ်ပါတယ်။
Ref: RFA News
Read More...
Collapse...
2012-11-26
မုံရွာခရိုင် လက်ပန်းတောင်းတောင် ကြေးနီစီမံကိန်း ဖျက်သိမ်းပေးဖို့ ရန်ကုန်မြို့ ဆူးလေဘုရား အနီး နဲ့ မဟာဗန္ဓုလ လမ်းမှာ နိုဝင်ဘာလ ၂၆ ရက်နေ့ ကဆန္ဒပြခဲ့ကြပါတယ်။
ဒီကနေ့ ဆန္ဒပြပွဲမှာ ပါဝင်တဲ့ ရန်ကုန်ပြည်သူ့အကျိုးဆောင်ကွန်ယက်အဖွဲ့ဝင်တွေ၊ ဗမာနိုင်ငံလုံးဆိုင်ရာကျောင်းသား သမဂ္ဂ များ အဖွဲ့ချုပ် ဝင်တွေနဲ့၊ အခြားတက်ကြွ လှုပ်ရှားသူတွေနဲ့ နိုင်ငံရေး အကျဉ်းသားဟောင်း အဖွဲ့က အဖွဲ့ဝင် တွေဟာ လက်ပန်းတောင်ကြေးနီ စီမံကိန်း ဖျက်သိမ်းရေး၊ ခရိုနီ စီးပွါးရေး စနစ် ဆန့်ကျင်ရေး၊ မြန်မာဝမ်ပေါင် ကုမ္ပဏီ၊ မြန်မာနိုင်ငံက ထွက်ခွာရး စတဲ့ ကြွေးကြော်သံတွေ အော်ဟစ်ပြီး ဆန္ဒပြခဲ့ကြပါတယ်။
ခွင့်ပြုချက်မရှိပဲဆန္ဒပြရင် ပုဒ်မ ၁၈ နဲ့အရေးယူလို့ ရတဲ့အကြောင်း ဗကသများအဖွဲ့ချုပ် တွဲဘက် အတွင်းရေးမှူး ကိုသီဟဝင်းတင် အပါအဝင် ကိုဝင်းကို၊ ကိုရဲလင်း၊ ကိုဘိုဘိုကျော်တို့ကို နိုဝင်ဘာလ ၂၆ ရက်နေ့ မနက်က ရန်ကုန်တိုင်း ရဲတပ်ဖွဲ့က ခေါ်ယူ သတိပေးခဲ့ပါတယ်။
ဒီအတောအတွင်းမှာပဲ ၈၈ မျိုးဆက်ကျောင်းသားများအဖွဲ့က လတ်တလောဖြစ်ရပ်တွေနဲ့ ပတ်သက် လို့ အရေးပေါ် သတင်းစာ ရှင်းလင်းပွဲ တရပ်ကို ရန်ကုန်မြို့ ၈၈ မျိုးဆက်ကျောင်းသားများ အဖွဲ့ ရုံးမှာ ပြုလုပ် ခဲ့ပါတယ်။
မိုးထိမိုးမိ ရွှေလုပ်သားတွေထဲက ခေါင်းဆောင် ၄ ယောက်ကို ရိုက်နှက်ဖမ်းဆီးလိုက်တဲ့ ကိစ္စ၊ လက်ပန်းတောင်း တောင် သပိတ်အပါ အဝင် ပြည်သူတွေရဲ့တောင်းဆိုမှုတွေကို သက်ဆိုင်ရာ အာဏာပိုင်တွေနဲ့ လွှတ်တော်က ဆန္ဒပြပြည်သူတွေနဲ့ ညှိနှိုင်းပြီး ပြဿနာပြေလည်အောင် ဆောင်ရွက် သင့်တယ်လို့ ၈၈ မျိုးဆက် ကျောင်းသားများ အဖွဲ့က သတင်းစာ ရှင်းလင်းပွဲမှာ ထုတ်ဖော် ပြောကြား ခဲ့ပါတယ်။
Ref: RFA News
Read More...
Collapse...
ငြိမ်းချမ်း
November 26, 2012
မြန်မာ-ဘင်္ဂလာဒေ့ရှ် နှစ်နိုင်ငံ နယ်စပ်တွင် မြန်မာဘက်က ၃ လကျော်ကြာ ပိတ်ထားခဲ့သော ၇ ရက် ပတ်စ်ပို့နှင့် တပတ်ခန့် ပိတ်ထား လိုက်သော တရက် ပတ်စ်ပို့တို့ဖြင့် နှစ်နိုင်ငံ ကူးသန်းသွားလာခွင့်များကို မြန်မာဘက်က ၂၄ ရက်နေ့တွင် ပြန်ဖွင့်ပေးလိုက်ကြောင်း သတင်း ရရှိသည်။
ဘင်္ဂလာဒေ့ရ်ှနိုင်ငံ တာ့ခ်နာမြို့ရှိ နယ်ခြားစောင့်တပ်နှင့် နီးစပ်သူတဦးက “နှစ်နိုင်ငံ ကူးသန်းသွားလာ ခွင့်တွေကို မြန်မာ ဘက်က ပြန်ဖွင့်ပေး လိုက်တော့ မြန်မာ ကုန်သည်တွေလည်း လာတယ်။ ကျနော်တို့ ဘင်္ဂလားဒေ့ရှ် ဘက်က ကုန်သည်တွေလည်း မြန်မာဘက်ခြမ်း မောင်တောကို သွားနေကြပါပြီ။ နယ်စပ်ဖွင့်တာတော့ ဘယ်နေ့ ပြန်ဖွင့်မယ် ဆိုတာတော့ အကြောင်းကြားတယ်။ နယ်စပ်ကို ဘာကြောင့် ပိတ်တယ်၊ ဘာကြောင့်ဖွင့်တယ် ဆိုတာကို ကျနော်တို့ကို ဘာမှ ပြောတာမရှိဘူး” ဟု ပြောသည်။
နယ်စပ်ပြန်ဖွင့်သည့်အတွက် မောင်တောမြို့မှ ဘင်္ဂလားဒေ့ရှ် နိုင်ငံဘက်အခြမ်း တာ့ခ်နာမြို့သို့ စောင်၊ လုံချည် စသည့် ပစ္စည်းများ တင်ကာ သွားလာနေပြီဖြစ်ကြောင်း တရက် ပတ်စ်ပို့သမားများကို သယ်ပို့ပေးသူ မြန်မာ စက်လှေသမား တဦးက ဆိုသည်။
နှစ်နိုင်ငံ ကူးသန်းသွားလာခွင့် ၇ ရက်ပတ်စ်ပို့နှင့် တရက်ပတ်စ်ပို့ လမ်းကြောင်းများကို ယခုနှစ် ဇွန်လ ၈ ရက်နေ့တွင် ရခိုင်ပြည်နယ် တွင်း ပရိပက္ခများကြောင့် မြန်မာဘက်ကပိတ်ခဲ့သည်။ သြဂတ်လ ၂၇ ရက်နေ့တွင် တရက်ပတ်စ်ပို့ကို ပြန်ဖွင့်ပေးသော်လည်း ၇ ရက်ပတ်စ်ပို့ကို ဆက်လက်ပိတ်ထားခဲ့သည်။ ယခုလ ၁၉ ရက်နေ့က တရက်ပတ်စ်ပို့ကိုပါ ထပ်မံပိတ်ခဲ့ပြီးနောက် ၁၆ ရက်နေ့တွင် ကူးသန်းသွားလာခွင့် ၂ မျိုးစလုံးကို ပြန်ဖွင့်ပေးလိုက်ခြင်း ဖြစ်သည်။
မြန်မာနှင့် ဘင်္ဂလာဒေ့ရှ် နှစ်နိုင်ငံအကြား တရားဝင် နယ်စပ်ဖြတ်ကျော် သွားလာနိုင်ရန် တရက်ပတ်စ်ပို့နှင့် ၇ ရက်ပတ်စ်ပို့ ဟူ၍ ၂ မျိုးရှိပြီး မြန်မာနိုင်ငံဘက်သို့ သွားလိုသူ ဘင်္ဂလာဒေ့ရ်ှနိုင်ငံသားများ အနေဖြင့် တာ့ခ်နာမြို့ရှိ ရွှမ်းနားလီ ဘဏ်တွင် တရက်ပတ်စ်ပို့တွက် တာကာ ၅၀၀ နှင့် ၇ ရက်ပတ်စ်ပို့အတွက် တာကာ ၁၂၀၀ စီပေးသွင်းကာ ကူးသန်းသွားလာခွင့် ပတ်စ်ပို့စာအုပ် ရယူနိုင်သည်။
မြန်မာနိုင်ငံဘက်သို့ တခေါက်ဖြတ်သန်းလိုလျှင် တရက်ပတ်စ်ပို့ခအတွက် တာကာ ၁၀၀ စီနှင့် ၇ ရက်ပတ်စ်ပို့ခ တာကာ ၅၀၀ စီ ဆိပ်ကမ်း အာဏာပိုင်များကို ထပ်မံပေးသွင်းရကြောင်း၊ ဘင်္ဂလာဒေ့ရှ် နိုင်ငံသား များသည် မြန်မာဘက်သို့ ရောက်လျှင် မောင်တော မြို့တွင်းသာ သွားလာခွင့်ရှိကြောင်း သွားရောက်ခဲ့ဖူးသူ တာ့ခ်နာမြို့ခံ နူဒူဟူဆင်က ပြောသည်။
“ဘင်္ဂလာဒေ့ရ်ှနိုင်ငံကနေ မြန်မာဘက်ကို တရားဝင်ပတ်စ်ပို့နဲ့ သွားတဲ့လူတွေ အနေနဲ့ မောင်တောမြို့ထဲ အတွင်းမှာပဲ သွားလို့ရတယ်။ တခြားမြို့တွေကို သွားမယ်ဆိုရင် မောင်တောကိုရောက်တဲ့ အခါက POE (Port of Exit) ဂိတ်မှာ ထပ်ပြီး ခွင့်ပြုချက် တောင်းရတယ်။ စရဖတို့၊ နစကတို့က ခွင့်ပြုမှ မောင်တောမြို့အပြင်ကို သွားလို့ရတယ်” ဟု နူဒူ ဟူဆင်က ပြောသည်။
မြန်မာနိုင်ငံကနေ ဘင်္ဂလာဒေ့ရ်ှနိုင်ငံကို တရားဝင်ပတ်စ်ပို့နဲ့ ကူးသန်းလိုသူတွေအနေနဲ့ တရက်ပတ်စ်ပို့ တွက် ကျပ် ၆၀၀၀၊ ၇ ၇ ရက် ပတ်စ်ပို့ အတွက် ကျပ် ၃၀၀၀၀ ကုန်ကျပြီး တရက်ပတ်စ်ပို့ ကို POE ဂိတ်ထဲမှာပဲ လုပ်လို့ရပြီး ၇ ရက်ပတ်စ်ပို့ လုပ်လိုသူများ အနေဖြင့် မောင်တောမြို့ ကျီးကန်းပြင်ကျေးရွာ အခြေစိုက် နစက ဌာနချုပ်တွင် သွားရောက် လုပ်ရကြောင်း မောင်တောမြို့ခံ တဦးက ပြောသည်။
“တရက်ပတ်စ်ပို့သမားတွေက တယောက်ကို ကျပ် ၃၀၀ စီ အခွန်ဆောင်ရတယ်။ တပတ်သမားတွေ ကျတော့ ကျပ် ၅၀၀ စီ အခွန်ဆောင်ရပါတယ်။ တရက်သမားတွေ ကျတော့ တာ့ခ်နာမြို့ကနေ အပြင်ကို သွားလို့ မရဘူး။ သွားလို့လည်း အချိန်မမီဘူး” ဟု ယင်းမြို့ခံက ပြောသည်။
Ref: ဧရာဝတီ
Read More...
Collapse...
မဆုမွန်
25.11.2012
လက်ပန်းတောင်းတောင် ဒေသခံတွေနဲ့ အစိုးရအဖွဲ့အစည်းကြားမှာ ညှိနှိုင်းလို့ မရသေးဘဲ မပြေ မလည် ဖြစ်နေတဲ့ ကြေးနီတောင် စီမံကိန်းနဲ့ ပတ်သက်တဲ့ အခြေအနေကို သိရဖို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က လာမယ့် နိုဝင်ဘာလ ၂၉ ရက်နေ့မှာ လက်ပန်းတောင်းတောင် ဒေသခံတွေနဲ့ သွားရောက် တွေ့ဆုံဖို့ ရှိပါတယ်။ ဒီ လက်ပန်းတောင်းတောင် ကြေးနီ စီမံကိန်းကြောင့် ဒေသခံတွေရဲ့ ကျန်းမာရေး ထိခိုက်မှုနဲ့ လယ်ယာမြေ ဆုံးရှုံးမှုတွေ ဖြစ်ရတယ်ဆိုပြီး ဒေသခံတွေက လတွေနဲ့ချီ ကန့်ကွက် ဆန္ဒပြနေခဲ့ကြတာ ဖြစ်ပါတယ်။ ဒီအကြောင်း အသေးစိတ်ကို ဆက်သွယ် စုံစမ်းထားတဲ့ မဆုမွန်က တင်ပြထားပါတယ်။
မြန်မာ့ဒီမိုကရစီခေါင်းဆောင် ဒေါ်အောင်ဆန်းစုကြည်ဟာ စစ်ကိုင်းတိုင်း မုံရွာမြို့ ဆားလင်းကြီး မြို့နယ်က လက်ပန်းတောင်းတောင် ကြေးနီ စီမံကိန်း ဒေသ အနီးက ဒေသခံပြည်သူတွေကို သွားရောက်တွေ့ဆုံမှာ ဖြစ်တယ်လို့ အမျိုးသား ဒီမိုကရေစီ အဖွဲ့ချုပ်၊ စစ်ကိုင်းတိုင်း ပုလဲမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ဗွီအိုအေ မြန်မာပိုင်းကို အတည်ပြု ပြောဆိုပါတယ်။
“ဟုတ်ပါတယ်။ ၂၉ ရက်နေ့မှာ ကျမတို့အတွက် ဒေါ်အောင်ဆန်းစုကြည်က လက်ပန်းတောင်းတောင် ဘက်ကို လာမှာပါ။ လာမယ့်အဓိက အချက်ကတော့ ဒီကနေ့ လက်ပန်းတောင်းတောင် စီမံကိန်းကြောင့်မိုလို့ ဆင်းရဲ ဒုက္ခရောက်နေတဲ့ ပြည်သူတွေကို တွေ့ဆုံ အားပေးဖို့နဲ့ ပြည်သူ့ အသံကို နားထောင်ဖို့ ဖြစ်ပါတယ်။ ဒါကြောင် ပြည်သူတွေဆီကိုပဲ သွားမှာပါ။”
အခုလို လက်ပန်းတောင်း တောင် ကြေးနီစီမံကိန်းဒေသကို လူထုခေါင်းဆောင် ဒေါ်အောင်ဆန်းစုကြည် ရောက်ရှိလာမယ့် အပေါ် လက်ပန်းတောင်းတောင် ဒေသခံပြည်သူတွေက အားတက်ပြီး ဝမ်းသာနေကြတယ် လို့ မုံရွာမြို့ လက်ပန်းတောင်းတောင် ကြေးနီ စီမံကိန်း သပိတ်စခန်းတခုကို အခုလက်ရှိ ရောက်ရှိနေတဲ့ NLD ပြည်သူ့လွှတ်တော် ကိုယ်စားလှယ် ဒေါ်ခင်စန်းလိူင်က ပြောပါတယ်။
“အားလုံးကတော့ ၀မ်းသာပါတယ်။ အားလုံးကတော့ ဒါကလည်း အားလုံး လေးစားကြည်ညိုတဲ့ အတွက်ကြောင့် မိုလို့ သူ ဒီကို လာရောက်မယ် ဆိုတော့ အားလုံးကလည်း မျှော်လင့်နေပါတယ်။”
တရုတ်ဝမ်ပေါင် ကုမ္ပဏီနဲ့ ဒေသခံပြည်သူတွေကြား လအတန်ကြာ တင်းမာမှုတွေဖြစ်နေတဲ့ လက်ပန်းတောင်းတောင် ကြေးနီ စီမံကိန်း အရေး ရေတို၊ ရေရှည် အကျိုးသက်ရောက်မှုတွေကို ပညာရှင်တွေ ကိုယ်တိုင် ကွင်းဆင်း စစ်ဆေးပေးဖို့ အရေးပေါ် အဆိုကို ပြည်သူ့ လွှတ်တော်မှာ သောကြာနေ့က တင်သွင်းခဲ့တာမှာ အတည်ပြုချက် ရခဲ့တယ်လို့ ပုလဲအမတ် ဒေါ်ခင်စန်းလှိုင်က ပြောပါတယ်။
“ကျမ သောကြာနေ့က ဒီ လက်ပန်းတောင်းတောင် ကိစ္စနဲ့ပတ်သက်ပြီး ဒီစီမံကိန်းရဲ့ ဆိုးကျိုး ဆိုးပြစ်တွေနဲ့ ဒီစီမံကိန်း ရပ်တန့်ဖို့ အခြေအနေ၊ ဒီစီမံကိန်းကြောင့် လက်ရှိပြည်သူတွေ ခံစားနေရတဲ့ စိုးရိမ်ပူပန်မှုတွေကို လွတ်လပ်တဲ့ ကော်မရှင် တရပ် ဖွဲ့စည်းပြီးတော့ ပြည်သူလူထု ယုံကြည်လေးစားတဲ့ ပုဂ္ဂိုလ်တွေ၊ နောက်တခုက ပြည်တွင်းပြည်ပက ပညာရှင်တွေနဲ့အတူ ဒီ ကော်မရှင်ကနေပြီးတော့ စုံစမ်းစစ်ဆေး ဖော်ထုတ်ပေးတဲ့ ကော်မရှင်တရပ် အမြန်ဖွဲ့စည်းပေးဖို့ရာ ကျမတို့ တောင်းဆို ထားတဲ့အတွက်ကြောင့် ကော်မရှင် ဘယ်တော့ ဖွဲ့စည်းပေးမလဲ ဆိုတာတော့ ကျမတို့လည်း စောင့်မျှော်နေပါတယ်။ ကော်မရှင် ဖွဲ့စည်းတယ် ဆိုတာလည်း တကယ်တမ်းတော့ ဒီလောက်တော့လည်း ကြာစရာ မရှိဘူး။ ပြည်သူလူထု ယုံကြည်လေးစားတဲ့ ပုဂ္ဂိုလ်များ၊ ပြည်တွင်းပြည်ပ ပညာရှင်များ ဆိုတာကလည်း ကျမတို့တိုင်းပြည်မှာ ဒါတွေက ရှိပြီးသားပါ။ အဲဒီအတွက်ကြောင့်မိုလို့ အလျင်အမြန် ဖွဲ့စည်းနိုင်ရင်၊ အလျင်အမြန် ဖြေရှင်းနိုင်ရင်တော့ဖြင့် အကောင်းဆုံးနဲ့ အဆင်ပြေဆုံး ဖြစ်မယ်လို့ ကျမတို့လည်း မျှော်လင့်ထားပါတယ်။ အဲဒီတော့ ကျမတို့ကတော့ ဖြစ်နိုင်သလောက် အမြန်ဆုံး ဖြစ်စေချင်ပါတယ်။”
အခုဆိုရင် လက်ပန်းတောင်းတောင် ကြေးနီစီမံကိန်း လုံးဝ ရပ်တန့်ရေးအတွက် ဒေသခံတွေက သပိတ်စခန်းတွေ ဖွင့်ပြီး တောင်းဆိုမူတွေ လုပ်ဆောင်နေတာကို ပြည်ထောင်စုဝန်ကြီး ဦအောင်မင်းနဲ့ အဖွဲ့ကလည်း ပြီးခဲ့တဲ့ သောကြာနေ့ကပဲ ဒေသခံ ဆန္ဒပြခေါင်းဆောင်တွေ၊ ကျေးရွာသူ ကျေးရွာသားတွေနဲ့ လာရောက် တွေ့ဆုံသွားခဲ့ပါတယ်။ ၀န်ကြီး ဦးအောင်မင်းက သူ့အနေနဲ့ ဖြေရှင်းပေးနိုင်မယ်လို့ ကတိမပေးနိုင်ဘဲနဲ့ လက်ရှိ အခြေအနေကိုသာ လာရောက် စုံစမ်းပြီးတော့ သမ္မတ ဦးသိန်းစိန်ကို တင်ပြပေးမှာဖြစ်တယ်လို့ ပြောဆို သွားပါတယ်။ မြန်မာနိုင်ငံအပေါ် တင်ရှိနေတဲ့ တရုတ်ရဲ့ ကျေးဇူးကို ပြည်သူတွေ အနေနဲ့ ထောက်ထားသင့်တယ် လို့လည်း တိုက်တွန်းပြောဆို သွားပါတယ်။
လက်ပန်းတောင်းတောင် ကြေးနီစီမံကိန်းနဲ့ပတ်သက်ပြီးတော့ လက်ပန်းတောင်းတောင် ဒေသခံပြည်သူတွေ၊ အစိုးရ ဦးပိုင် လုပ်ငန်း၊ ဒီကြေးနီစီမံကိန်း လာရောက် လုပ်ကိုင်နေတဲ့ တရုတ်ဝမ်ပေါင် ကုမ္ပဏီတို့ကြားမှာ လနဲ့ချီပြီး ကန့်ကွက် ဆန္ဒပြမှုတွေ ဖြစ်နေခဲ့တာပါ။ အခုအခါမှာတော့ တရုတ်ဝမ်ပေါင် ကုမ္ပဏီရှေ့အပါအဝင် ကြေးနီစီမံကိန်း နေရာတဝိုက်မှာ ဆန္ဒပြ သပိတ်စခန်းတွေ ဖွင့်လှစ်ပြီး စီမံကိန်း မဖျက်သိမ်းမချင်း ဆိုပြီး ဆန္ဒပြနေကြပါတယ်။ အခုဆိုရင် ကြေးနီတောင် စီမံကိန်း ဖျက်သိမ်းရေး သပိတ်စခန်းဟာ ၆ ခုအထိ တိုးလာနေပြီ ဖြစ်ပါတယ်။
Ref: VOA News
Read More...
Collapse...
2012-11-25
မြန်မာနိုင်ငံ ဒီမိုကရေစီ နိုင်ငံတော်စစ်စစ် ဖြစ်ဖို့ ရိုးရိုးသားသား ဆောင်ရွက်နေသလားဆိုတာ အခြေခံဥပဒေ ကို ဒီမိုကရေစီ နည်းကျ ပြုပြင်ပြောင်းလဲနေသလား ဆိုတာကို ကြည့်ရမှာဖြစ်ပါတယ် လို့ အမျိုးသား ဒီမ်ိုကရေစီ အဖွဲ့ချုပ် ဥက္ကဌ လွှတ်တော် ကိုယ်စားလှယ် ဒေါ်အောင်ဆန်းစုကြည် က ပြောဆို ခဲ့ပါတယ်။
ဂျပန်နိုင်ငံထုတ် Mainichi သတင်းစာ ရဲ့ တွေ့ဆုံမေးမြန်းမှု တစ်ရပ်မှာ ဒေါ်အောင်ဆန်းစုကြည်က အထက်ပါ အတိုင်း ဖြေကြား ခဲ့တာပါ။
သမ္မတ ဦးသိန်းစိန် ဟာ ဒီမိုကရေစီပြုပြင်ပြောင်းလဲရေးအပေါ်မှာ ရိုးသားမှုရှိတယ်လို့ ယုံကြည် ကြောင်း ပြောဆို ခဲ့ တာနဲ့ ပတ်သက်ပြီး Mainichi သတင်းစာ ကမေးမြန်းရာမှာ - ဒီမိုကရေစီနည်းကျ ဖြစ်တယ်လို့ မပြောနိုင်သေးတဲ့ လက်ရှိ အခြေခံ ဥပဒေကို ပြင်ဆင်ပြောင်းလဲဖို့ သမ္မတ ဦးသိန်းစိန် ဘယ်လို ဆောင်ရွက်တယ်ဆိုတာ အသေအချာစောင့်ကြည့်ပြီး၊ သူရဲ့ရိုးသားမှု ဆုံးဖြတ်ရမှာ ဖြစ်ပါတယ်၊ ဦးသိန်းစိန် အနေနဲ့ ဒီမိုကရေစီပြုပြင်ပြောင်းလဲရေး အပေါ်မှာ အမှန်တကယ် အလေးအနက် ရှိတယ် ဆိုရင်၊ အခြေခံဥပဒေ ပြင်ဆင်ပြောင်းလဲရေး အတွက် အစီအစဉ်တွေနဲ့တကွ ရှေ့ကိုတက်လှမ်းဖို့ အလေးအနက် အားထုတ် ရလိမ့်မယ် ဆိုတာ ယုံကြည်ပါတယ်လို့ ဒေါ်အောင်ဆန်းစုကြည်က ဖြေကြား ခဲ့ပါတယ်။
ဒီမိုကရေစီ အစစ်အမှန်ဖြစ်ဖို့အတွက် အကြမ်းမဖက်ရေး မူဝါဒနဲ့ အနောက်နိုင်ငံတွေရဲ့ စီးပွားရေးပိတ်ဆို့ အရေး ယူမှုတွေ အပြင် တခြား ထိရောက်တဲ့ မဟာဗျူဟာတွေ ရှိပါသလားဆိုတဲ့ မေးခွန်းကို ပြန်လည် ဖြေကြားရာမှာ ကျမတို့ဟာ အကြမ်းမဖက်တဲ့ နည်းကိုပဲ အမြဲ ကျင့်သုံးသွားမှာပါ၊ ဒီမိုကရေစီနိုင်ငံ အတော် များများ ရဲ့ထောက်ခံအားပေးမှု ကို ကျမတို့ရရှိခဲ့ကြပါတယ်၊ ဒါပေမဲ့ တိုင်းပြည်အတွက် ဘာလိုအပ်သလဲ ဆိုတဲ့ မေးခွန်း နဲ့ ရင်ဆိုင်နေရတာက ကျမတို့ မြန်မာလူထု အတွက် ပြဿနာ တစ်ရပ်ဖြစ်နေပါတယ်၊ ကျမတို့ဟာ ပြင်ပ ကမ္ဘာကိုပဲ မှီခိုနေလို့ မဖြစ်ပါဘူးလို့ ဒေါ်အောင်ဆန်းစုကြည်က ဖြေကြားပါတယ်။
နိုင်ငံရေးမှာ အပြန်အလှန် ညှိနှိုင်းဆောင်ရွက်ဖို့ လိုအပ်တယ်ဆိုတဲ့ ပြောဆိုခဲ့တာနဲ့ပတ်သက်ပြီး မေးမြန်း တဲ့အခါ အဆို တစ်ရပ်ကို ဘယ်သူက တင်သွင်းသည်ဖြစ်စေ၊ တိုင်းပြည်အတွက် ကောင်းကျိုးရှိမယ်လို့ ယုံကြည်တဲ့ အဆိုပြုချက်ဆိုရင် လက်ခံမယ် ဆိုတဲ့ စိတ်အခံနဲ့ ကျမတို့ လွှတ်တော်ထဲမှာ အားလုံးစုပေါင်း ဆောင်ရွက်နေကြတာဖြစ်ပါတယ်၊ အရာအားလုံးဟာ ကျမတို့ ပါတီ ရဲ့ မူဝါဒတွေနဲ့ အပြည့်အ၀ ကိုက်ညီချင်မှ ကိုက်ညီ ပါလိမ့်မယ်၊ စစ်မှန်တဲ့ ပူးပေါင်းဆောင်ရွက်မှု ကို ကျမတို့ မြှင့်တင်ကြရမှာပါ လို့ ဒေါ်အောင်ဆန်းစုကြည်က ဖြေကြားခဲ့ပါတယ်။
Ref: RFA News
Read More...
Collapse...
2012-11-25
အစိုးရနဲ့ နိုင်ငံရေးအရ ဆွေးနွေးနိုင်ဖို့ ကချင်လွတ်မြောက်ရေးအဖွဲ့ (KIO) က ပြီးခဲ့တဲ့လ အောက်တိုဘာ ၃ဝ ရက် တုန်းက တရုတ်နိုင်ငံ ရွှေလီမြို့တွေ့ ဆုံပွဲမှာ သဘောတူခဲ့ရာမှာ ကေအိုင်အို ဗဟိုကော်မတီ အဖွဲ့အတွင်း အရေးကြီး အစည်းအဝေး မပြီးပြတ်နိုင်သေးတာကြောင့်မို့  အခုလောလောဆယ် အခြေအနေမှာ အကြောင်း မပြန်နိုင်သေးဘူးလို့ စုံစမ်း သိရှိရပါတယ်။
အစိုးရနဲ့ အခုတကြိမ်ဆွေးနွေးတဲ့အခါမှာ နိုင်ငံရေး၊ စစ်ရေးအပြင် ပြည်သူလူထုနဲ့ သက်ဆိုင်တဲ့ အရေးကြီး ကိစ္စတွေပါ ဆွေးနွေးနိုင်ဖို့ အတွက် အခုရက်ပိုင်း အတွင်း ကေအိုင်အို ဗဟိုကော်မတီ အဖွဲ့အတွင်း အစည်းအဝေး ကျင်းပဖို့ရှိရာ လက်စ မသတ်နိုင်သေးတာကြောင့် အကြောင်း မပြန်နိုင်သေးတာဖြစ်တယ်လို့ ငြိမ်းချမ်းရေးဆွေးနွေးရေး အကျိုးဆောင်အဖွဲ့ (Peace-Talk Creation Group) က ဦးလမိုင်ဂွမ်ဂျာ က RFA ကို ပြောပါတယ်။
သမ္မတရုံးဝန်ကြီး ဦးအောင်မင်းဦးဆောင်တဲ့ အစိုးရရဲ့ပြည်ထောင်စုအဆင့် ငြိမ်းချမ်းရေးဖော်ဆောင်မှု လုပ်ငန်းကော်မတီနဲ့ ကေအိုင်အိုတို့ အခုလ အတွင်းတွေ့ဆုံဖို့ ကိစ္စ ဒီကနေ့ ၂၅ ရက်နေ့အထိ အတိအကျပြောဆိုလို့ မရနိုင်သေးဘူးလို့လဲ ဦးလမိုင်ဂွမ်ဂျာက ပြောပါတယ်။
အခုလ(နိုဝင်ဘာလ)အတွင်း တွေ့ဆုံမဲ့ကိစ္စကို ငြိမ်းချမ်းရေးဆွေးနွေးရေး အကျိုးဆောင်အဖွဲ့က ပြီးခဲ့တဲ့ ကြာသပတေးနေ့က သမ္မတရုံး ဝန်ကြီး ဦးအောင်မင်းထံ စုံစမ်းတဲ့အခါ ကေအိုင်အိုရဲ့ အကြောင်းကြားမဲ့ရက်ကို စောင့်နေတာလို့ ဖြေကြားခဲ့ပြီး မနေ့ မနက်ပိုင်း ကေအိုင်အို ဘက်က အကြောင်းပြန်တာက အစည်းအဝေးကိစ္စ မပြီးပြတ်သေးတဲ့ အတွက်ကြောင့်လို့သိရပါတယ်။
အစိုးရတပ်တွေနဲ့ ကေအိုင်အေတပ်တွေအကြား စစ်ရေးပဋိပက္ခတွေဖြစ်ပေါ်နေတဲ့ တစ်နှစ်ကျော် ကာလ အတွင်း အစိုးရနဲ့ ကေအိုင်အို တို့ တွေ့ဆုံဆွေးနွေးနေကြတာဟာ ပြည်နယ်အဆင့်၊ ပြည်ထောင်စုအဆင့် အပါအဝင် အလွတ်သဘော ၃ ကြိမ်နဲ့ တရားဝင် ၇ ကြိမ်တွေ့ဆုံ ခဲ့ကြပြီး ဖြစ်ပါတယ်။
Ref: RFA News
Read More...
Collapse...
ကျော်ခ
November 23, 2012
စစ်ကိုင်းတိုင်း၊ မုံရွာခရိုင်၊ ဆားလင်းကြီးမြို့နယ် လက်ပံတောင်းတောင် စီမံကိန်း ရပ်တန့်ရေးတောင်းဆို မှုများနှင့် ပတ်သက်ပြီး စုံစမ်း စစ်ဆေးရေး ကော်မတီ အဖွဲ့ ဖွဲ့၍ စစ်ဆေးရန် ယနေ့ ပြည်သူ့လွှတ်တော် အစည်းအဝေးက သဘောတူ ဆုံးဖြတ်လိုက်ကြသည်။
ထိုစီမံကိန်းနှင့် ပတ်သက်၍ ဒေသခံ တောင်သူများနှင့် လူမှုအဖွဲ့အစည်းများက နှစ်ဝက်ကျော်ကြာ ဆန္ဒပြ တောင်းဆို မှုများကို ဖြေရှင်းဆောင်ရွက်ပေးရန် အမျိုးသား ဒီမိုကရေစီ အဖွဲ့ချုပ် (NLD) မှ စစ်ကိုင်းတိုင်းဒေသကြီး၊ ပုလဲ မဲဆန္ဒနယ် ပြည်သူ့ လွှတ်တော် ကိုယ်စားလှယ် ဒေါ်ခင်စန်းလှိုင်က အရေးပေါ် အဆိုတင်သွင်းခဲ့ပြီး လွှတ်တော်က သဘောတူ ဆုံးဖြတ်ခဲ့ခြင်းဖြစ်သည်။
“ဒေါ်ခင်စန်းလှိုင်က ပြည်သူတွေ ထိခိုက်နစ်နာမှုတွေ ဖြစ်နေတဲ့အတွက်ကြောင့် ဒါတွေကို ကျယ်ကျယ်လောင်လောင် အော်နေကြတယ်၊ စုံစမ်း စစ်ဆေးမှု လုပ်သင့်တယ်ဆိုတဲ့ အဆိုကို ကော်မတီတရပ် ဖွဲ့ပြီး စုံစမ်း စစ်ဆေးဖို့ ဆုံးဖြတ် လိုက်ကြတယ်။ အဲဒီတော့ ပြည်ထောင်စု အစိုးရက တိုက်တွန်းတာပေါ့” ဟု ရခိုင် တိုင်းရင်းသားများ တိုးတက်ရေးပါတီ (RNDP) မှ ပြည်သူ့လွှတ်တော် ကိုယ်စားလှယ် ဦးဘရှိန်က ဧရာဝတီသို့ ပြောသည်။
NLD အမတ်၏ အဆိုကို ကာကွယ်ရေးဝန်ကြီး ဒု ဗိုလ်ချုပ်ကြီး ဝေလွင်က ကြေးနီစီမံကိန်းနှင့် ပတ်သက်၍ စနစ်တကျ ဥပဒေ စည်းမျဉ်း စည်းကမ်းများဖြင့် လုပ်ဆောင်ကြောင်း၊ ဒေသခံ ရွာသူရွာသားများကိုလည်း အထောက်အပံ့များ ပေးကြောင်း၊ လူမှုရေး၊ ကျန်းမာရေး၊ ပညာရေး ကိစ္စရပ် အသီးသီးကိုလည်း စောင့်ရှောက်မှု ပေးထားကြောင်း ပြည်သူ့လွှတ်တော်၌ ရှင်းလင်းသည်။
သို့သော်လည်း ပြည်သူများအနေဖြင့် ယခုကဲ့သို့ တောင်းဆိုလာမှုများအပေါ် အငြင်းပွားစရာ ဖြစ်နေသည့် အတွက် စစ်ဆေး ဆုံးဖြတ် သင့်ကြောင်း လွှတ်တော်က သဘောတူဆုံးဖြတ်လိုက်ခြင်း ဖြစ်သည်။
“ဗိုလ်ချုပ် (ကြီး) ဝေလွင်က ဒီကိစ္စနဲ့ပတ်သက်ပြီး သူတို့ဘက်က ဥပဒေနဲ့အညီ လုပ်ဆောင်ပေမယ့် ပြည်သူတွေက တောင်းဆိုမှု ရှိလာတဲ့ အတွက် လွှတ်တော်က တစုံတရာ အဆုံးဖြတ်ချက်ချ လုပ်မယ် ဆိုရင်လည်း မငြင်းဘူးဆိုတဲ့ သဘောမျိုးပြောတဲ့ အတွက်ကြောင့် တခါတည်း ဆုံးဖြတ်ချက် ချလိုက်တယ်။ လွှတ်တော်က ဒီဆုံးဖြတ်ချက်ကို သမ္မတဆီကို သဝဏ်လွှာ ပို့လိုက်မှာပေါ့၊ မနက်ဖြန် ပို့လိုက်ရင် သန်းဘက်ခါ ဆက်လုပ်ဖို့ရာက သူတို့ရဲ့ အစီအစဉ်ပဲလေ” ဟု ဦးဘရှိန်က ပြောသည်။
စစ်ဗိုလ်ချုပ်များ ဦးစီးသော စီးပွားရေး ဦးပိုင်လီမိတက်နှင့် တရုတ်ကုမ္ပဏီတို့က ကြေးနီစီမံကိန်းအတွက် ဒေသခံ တို့၏ လယ်ယာမြေများကို အဓမ္မ သိမ်းယူခြင်း၊ သဘာဝ တောင်တန်းများကို ဖျက်ဆီးခြင်းနှင့် စီမံကိန်း အညစ်အကြေး များကြောင့် ကျန်းမာရေး ထိခိုက်မှုများကြောင့် ဒေသခံများနှင့် လူမှုအဖွဲ့များက နှစ်ဝက်ကျော်ကြာ ဆန္ဒပြလာခဲ့ပြီး ယခုအခါ စီမံကိန်း လမ်းကြောင်းများကို ပိတ်ဆို့ ဆန္ဒပြသည်အထိ အရှိန်မြင့်တက်နေသည်။
လက်ပံတောင်းတောင် ကြေးနီစီမံကိန်းနယ်မြေ၌ လယ်ယာမြေ အသိမ်းခံထားရသည့် ဒေသခံပြည်သူများ၊ ရဟန်း သံဃာများ၊ လူထုအခြေပြု အဖွဲ့အစည်း များမှ အင်အား ၁၀၀၀ ကျော်ကလည်း သပိတ်စခန်း ၅ ခုအထိ တိုးမြှင့်ကာ ကြေးနီစီမံကိန်း ဖျက်သိမ်းရေး၊ ၀မ်ပေါင်ကုမ္ပဏီ ဖျက်သိမ်းရေး၊ ဦးပိုင်ကုမ္ပဏီ ဖျက်သိမ်းရေး ဒို့အရေး စသည့် ဆောင်ပုဒ်များနှင့် ကြွေးကြော် ဆန္ဒပြနေသည်။
အဆိုပါ သပိတ်စခန်းများကို စီမံကိန်း အဝင်အထွက်လမ်းမကြီး၊ ဝမ်ပေါင်ကုမ္ပဏီရှေ့နှင့် လယ်တီဆရာတော်ဘုရားကြီး သတင်းသုံးခဲ့ဖူးသည့် သိမ်ကျောင်းဆောင်တို့၌ ဖြန့်ကြက်ဖွင့်လှစ်ထားပြီး စီမံကိန်း လည်ပတ်စေမည့် လမ်းကြောင်းများကို ပိတ်ဆို့ကာ သပိတ်ဆင်နွှဲနေကြသည်။
“အခု သပိတ်က အရှိန်ထပ်မြှင့်လိုက်ပြီး သပိတ်စခန်း ၅ ခုဖြစ်သွားပြီ။ ဒီလက်ပံတောင်းတောင် ကြေးနီစီမံကိန်း လုံးဝ ရပ်ဆိုင်းသွားတဲ့အထိ တောင်းဆိုသွားကြဖို့ အားလုံးက သဘောတူကြပြီး ဖြစ်တယ်” ဟု သပိတ်ဆင်နွှဲသည့်အထဲတွင် ပါဝင်သူ ပြည့်သူ့အကျိုးဆောင်ကွန်ရက် အဖွဲ့ဝင် ကိုအောင်စိုးက ဧရာဝတီသို့ ပြောသည်။
အဆိုပါ လက်ပံတောင်းတောင် ကြေးနီစီမံကိန်းအတွက် စီမံကိန်း ပတ်ဝန်းကျင်ရှိ ၀က်မှေး၊ ဆည်တည်း၊ ကန်တောနှင့် ဇီးတောစသည့် ရွာပေါင်း ၂၆ ရွာမှ လယ်မြေဧက ၇၈၀၀ ကျော် သိမ်းဆည်းခံထားရသည်။ စီမံကိန်းရပ်ဆိုင်းရေး ဆန္ဒပြတောင်းဆိုမှုများ မေလမှစ၍ ဆက်တိုက် ဖြစ်ပေါ်ခဲ့သည့်အတွက် ထိုဒေသ၌ ဇူလိုင်လ ၂၃ ရက်မှ စတင်ကာ ပုဒ်မ ၁၄၄ ထုတ်ပြန်ထားသည်။
၂၀၁၀ ဒီဇင်ဘာလထဲတွင် ဓာတ်သတ္တုရှာဖွေ စမ်းသပ်ရန် ဖြတ်သန်းသွားလာရေးအတွက် လမ်းကြောင်းကျသည့် သီးနှံစိုက်ခင်းများကို ၃ နှစ်စာ လျော်ကြေးအဖြစ် ကျပ် ၅ သိန်း ၂ သောင်း နှုန်းဖြင့် ပြောဆိုခဲ့သော်လည်း နောက်ပိုင်းတွင် မြေယာလျော်ကြေး အဖြစ် ပေးချေခဲ့ခြင်းဖြစ်ကြောင်း၊ စစ်ကိုင်းတိုင်းဝန်ကြီးချုပ် ဦးသာအေးကိုယ်တိုင် ပြောဆိုခဲ့ပြီးနောက် ဒေသခံတို့ယာမြေများ သိမ်းယူခံလိုက်ရခြင်းဖြစ်သည်။
အဆိုပါ ကြေးနီစီမံကိန်း လုပ်ငန်းခွင်များမှ စွန့်ပစ်ပစ္စည်းများ၊ ဆာလဖြူရစ် အက်စစ် စက်ရုံတို့ကြောင့် ဒေသတ၀ိုက်တွင် သဘာဝ ပတ်ဝန်းကျင်ထိခိုက်မှု၊ ကျန်းမာရေးဆိုင်ရာ ထိခိုက်မှုများရှိကြောင်း သဘာဝ ပတ်ဝန်းကျင်ထိန်းသိမ်းရေး အဖွဲ့များကလည်း ထောက်ပြ ဝေဖန်မှုများ ရှိသည်။
ဆားလင်းကြီး မြို့နယ်အတွင်းရှိ ကြေးစင်တောင်နှင့် လက်ပံတောင်းတောင် ဒေသများရှိ ကြေးနီစီမံကိန်းများအား စီးပွားရေး ဦးပိုင်ကုမ္ပဏီနှင့် တရုတ်ကုမ္ပဏီများ ဖြစ်သည့် ၀မ်ပေါင်၊ မြန်မာ ယမ်စီ ကုမ္ပဏီများက၂၀၁၁ ခုနှစ် နှောင်းပိုင်းမှစတင်၍ ကြေးနီ တူးဖော်မှု လုပ်ဆောင်နေခြင်း ဖြစ်သည်။
ဆားလင်းကြီး ကြေးနီစီမံကိန်းအပြင် မုံရွာတွင်လည်း ကြေးနီ စီမံကိန်းတခုရှိကာ တရုတ် ကုမ္ပဏီများက ပါဝင်လုပ်ကိုင်လျက်ရှိကြောင်း သိရသည်။ မုံရွာကြေးနီ စီမံကိန်းသည် မြန်မာနိုင်ငံတွင် အကြီးဆုံး ကြေးနီ စီမံကိန်းတခုဖြစ်ပြီး ယခင် မြန်မာအစိုးရ အမှတ် (၁) သတ္ထုတွင်း ၀န်ကြီးဌာနနှင့် ကနေဒါအခြေစိုက် အိုင်ဗင်ဟိုးကုမ္ပဏီ (Ivanhoe Mines) တို့ ပူးပေါင်းဖွဲ့စည်းထားသော မြန်မာ အိုင်ဗင်ဟိုး ကြေးနီ ကုမ္ပဏီလီမိတက် (Myanmar Ivanhoe Copper Company Limited – MICCL) က လုပ်ကိုင်ခဲ့ခြင်း ဖြစ်သည်။
ထို MICCL အား ၂၀၀၉ ခုနှစ်တွင် အမေရိကန်ဘဏ္ဍာရေး ၀န်ကြီးဌာနက တားမြစ်ထားသည့် ကုမ္ပဏီများစာရင်းတွင် ထည့်သွင်းခဲ့သည်။
Ref: ဧရာဝတီ
Read More...
Collapse...
Posts
