Write by အဘစ်
၂ဝ၁၁ ခုနှစ်၊ ဇူလိုင်လ (၇) ရက်၊ ကြာသပတေးနေ့။
စစ်အာဏာသိမ်း (နဝတ၊ နအဖ) ဆီကနေ နိုင်ငံတော်အာဏာကို အမွေ လွှဲပြောင်းဆက်ခံ ခဲ့တဲ့ ကြံ့ဖွံ့အစိုးရက “တိုင်းရင်းသား စည်းလုံးညီညွတ်ရေး၊ အမျိုးသား စည်းလုံးညီညွတ်မှု ခိုင်မာရေး ” ကြွေးကြော်သံတွေ ကျယ်ကျယ် လောင်လောင် ထုတ်လွှင့်နေပေမယ့် လက်တွေ့မှာတော့ မြန်မာနိုင်ငံ နယ်စပ် တလျှောက်မှာ (KNU/KNLA) (DKBA) (KNPP) နဲ့ (SSA -တောင်ပိုင်း) တိုင်းရင်းသား တပ်ဖွဲ့ တွေနဲ့ စစ်ပွဲတွေ ဖြစ်ပွားနေတာ၊ အပစ်ရပ်ထားတဲ့ (KIO/KIA) ကချင် တပ်ဖွဲ့တွေနဲ့ ဇွန်လ (၉) ရက်ကစပြီး တိုက်ပွဲတွေ ပြန်လည်ဖြစ်ပွားခဲ့တာ၊ တပြိုင်တည်းမှာ (NLD) အမျိုးသား ဒီမိုကရေစီ အဖွဲ့ချုပ်ကို ဖျက်သိမ်းပစ်ဖို့နဲ့ ဒေါ်အောင်ဆန်းစုကြည်ရဲ့ နယ်လှည့် စည်းရုံးရေး ခရီးစဉ်တွေကို ကန့်သတ်မှုတွေ လုပ်ဆောင်မယ့် ခြေလှမ်းတွေ ထပ်တိုး လုပ်ဆောင် လာတာကို ကြားသိ နေရပါတယ်။
(၂ဝ၁၁) ခုနှစ် ဇွန်လ (၂၈) ရက် ရက်စွဲနဲ့ “ ပြည်ထဲရေးဝန်ကြီးဌာနက ဦးအောင်ရွှေနှင့် ဒေါ်အောင်ဆန်းစုကြည် တို့ကို ဥပဒေနှင့် အညီ လိုက်နာ ဆောင်ရွက်ရန် အကြောင်းကြားစာ ” ဆိုပြီး ပေးပို့ခဲ့သလို “ပြည့်စုံအောင်” နာမည်ခံပြီး “ ရွေးချယ်ခွင့်က လက်ထဲမှာ ” ဆိုတဲ့ ကြံ့ဖွံ့အစိုးရ အာဘော် ဆောင်းပါးကို အစိုးရပိုင် မီဒီယာတွေမှာ ဖေါ်ပြခဲ့ပါတယ်။ အမျိုးသား ဒီမိုကရေစီ အဖွဲ့ချုပ်ကလည်း “NLD ဟာ နဝတ ဥပဒေအမှတ် (၄၊၈၈) အရ မှတ်ပုံ တင်ခဲ့တဲ့ တရားဝင် နိုင်ငံရေး ပါတီအဖြစ် ဆက်ရှိနေကြောင်းနဲ့ အဖွဲ့ချုပ်အနေဖြင့် တရားဥပဒေ စိုးမိုးရေးကို လိုလားသည့် အလျှောက် ဥပဒေနှင့် အညီ ဆက်လက် ရပ်တည် နေခြင်းဖြစ်ကြောင်း ” ပြည်ထဲရေး ဝန်ကြီးဌာန ပြည်ထောင် စုဝန်ကြီး ဒု-ဗိုလ်ချုပ်ကြီး ကိုကိုထံသို့ လိပ်မူတုန့်ပြန် ဖြေရှင်းခဲ့ပါတယ်။ နောက်ဆက်တွဲ အဖြစ် ပြန်ကြားရေးဝန် ကြီးဌာနပိုင် မီဒီယာ အသီးသီးကနေ “ ကိုကိုအောင် ” နာမည်ခံပြီး “ အတွေးများပြီး အရေးမမှားစေလို ” ဆို တဲ့ဆောင်းပါးနဲ့ ကြံ့ဖွံ့ အစိုးရ အာဘော်ကို ထပ်မံ ရေးသား ဝါဒဖြန့်ချိလာတာ တွေ့ရပါတယ်။
ဒီဖြစ်စဉ်တွေရဲ့အခြေခံ အကြောင်းအရင်းကတော့ (၁၉၉ဝ) ပြည့်နှစ် မေလ (၂၇) ရက် ပါတီစုံဒီ မိုကရေစီ အထွေ ထွေရွေးကောက်ပွဲမှာ တပြည်လုံးနီးပါး အနိုင်ရရှိခဲ့တဲ့ အမျိုးသား ဒီမိုကရေစီ အဖွဲ့ချုပ်နဲ့ ဒေါ်အောင်ဆန်းစုကြည် တို့ကို မြန်မာပြည်ရဲ့ နိုင်ငံရေး အာဏာ အခင်းအကျင်း ထဲကနေ ဆွဲထုတ် ဖယ်ရှားရေး ဆိုတဲ့ ဗိုလ်ချုပ်မှူးကြီး သန်းရွှေနဲ့ အလိုတူ အလိုပါ အုပ်စုတစုရဲ့ ရည်မှန်းချက်ကြောင့်ပဲ ဖြစ်ပါတယ်။ နိုင်ငံရေး အာဏာကို လက်မလွှတ်ရေး အားခဲ လုံးပမ်းခဲ့ကြတဲ့ စစ်တပ် ဗိုလ်ချုပ် အဆက်ဆက်ဟာ (NLD) နဲ့ ဒေါ်အောင်ဆန်းစုကြည်ကို အမြစ်ဖြုတ် ချေမှုန်းဖို့ (၁၉၉ဝ) မေလ ရွေးကောက်ပွဲ မတိုင်မီကနေ ဒီကနေ့အထိ နှစ်ပေါင်း (၂ဝ) ကျော် အတွင်း နည်းလမ်း ပေါင်းစုံသုံး တိုက်ခိုက်လာခဲ့တာ အားလုံး သတိပြု မိကြမှာပါ။ မတရားတဲ့ ဥပဒေတွေနဲ့ နေအိမ် အကျယ်ချုပ် ချခြင်း အပါအဝင် လူရိုက်ပွဲ၊ အစုအပြုံလိုက် သတ်ပွဲတွေ ဖန်တီးတာတွေ ကနေ (၂ဝ၁ဝ) ရွေးကောက်ပွဲကို ဝင်ချင်သူနဲ့ သပိတ်မှောက်ရေး အုပ်စုတွေ ကွဲပြား သွားအောင်အထိ နည်းဗျုဟာ အမျိုးမျိုး ချမှတ် ကျင့်သုံးခဲ့ပါ တယ်။ ခုနောက်ဆုံးကတော့ “နအဖ ဥပဒေ အမှတ် (၂ ၊ ၂ဝ၁ဝ)၊ နိုင်ငံရေး ပါတီများ မှတ်ပုံတင်ခြင်း ဥပဒေ ပုဒ်မ (၂၅) အရ ရက်ပေါင်း (၆ဝ) အတွင်း ပြည်ထောင်စု ရွေးကောက်ပွဲ ကော်မရှင်သို့ ပြန်လည် လျှောက်ထားခြင်း မရှိသဖြင့် (NLD) ဖျက်သိမ်းပြီးသား ဖြစ်လေသတည်း” ဆိုပြီး မဲပြာပုဆိုး ဇတ်ထုတ်နဲ့ လုပ်ဇတ်ခင်းတာပါပဲ။
(၁၉၉ဝ) မေလ ရွေးကောက်ပွဲရလဒ်ကို ဖျက်ဆီးဖို့ စစ်အာဏာသိမ်း အုပ်စုက ခိုင်မာသည့် ဖွဲ့စည်းပုံ အခြေခံဥပဒေ ပေါ်ပေါက်ရေး ကြွေးကြော်သံနဲ့ အမျိုးသား ညီလာခံ ဆိုတဲ့ လုပ်ဇတ်ကို (၁၄) နှစ်ကျော် ကြာအောင် လုပ်ဆောင်ခဲ့ပါတယ်။ နာဂစ်မုန်တိုင်း စဲစ ကာလမှာပဲ ပြည်သူ့ဆန္ဒ ခံယူပွဲကိုလုပ်၊ ဆန္ဒမဲ ပေးခွင့်ရှိသူ (၁ဝဝ) မှာ (၉၉) ဦးက မဲလာ ပေးပြီး (၉၂ ၏ ၄၈) ရာခိုင်နှုန်း ထောက်ခံတာဖြစ်လို့ (၂ဝဝ၈) ခုနှစ် ဖွဲ့စည်းပုံ အခြေခံဥပဒေ အတည်ဖြစ်စေ ဆိုတဲ့ လုပ်ဇတ်ကို ခင်းပါတယ်။ (၂ဝဝ၈) ဖွဲ့စည်းပုံ ပုဒ်မ (၄၄၃) ဖေါ်ပြချက်ဖြစ်တဲ့ “ ဖွဲ့စည်းပုံ အခြေခံဥပဒေ အာဏာ တည်သည့်နေ့ မတိုင်မီ (နအဖ) က ဖွဲ့စည်းပုံ အခြေခံဥပဒေ အကောင်အထည် ဖေါ်ရေးအတွက် ကြိုတင် ဆောင်ရွက်သည့် လုပ်ငန်းရပ်များသည် ဤဖွဲ့စည်းပုံ အခြေခံဥပဒေ အရ ဆောင်ရွက်သည်ဟု မှတ်ယူရမည် ” ဆိုတာကို ကိုးကားသုံးစွဲပြီး (၂ဝ၁ဝ) ရွေးကောက်ပွဲ အတွက် ဥပဒေတွေ ထုတ်တာ တရားဝင်ကြောင်း ဆောင်းပါးရှင် ကိုကိုအောင် က ကြံ့ဖွံ့ အစိုးရကိုယ်စား ရှေ့နေ လိုက်ပေးတာပါ။
(၂ဝဝ၈) ဖွဲ့စည်းပုံမှာ ပုဒ်မ (၄၄၁)၊ (၄၄၂)၊ (၄၄၃) တွေဟာ (နအဖ) ကနေ ကြံ့ဖွံ့လက်ထဲ အာဏာလွှဲပေးတဲ့ အခါ တရားဝင်မှု ရအောင် ဥပဒေအဖြစ် ပြဌာန်းထားပေမယ့် လက်တွေ့မှာ ကြောင်းကျိုး ဆက်စပ် ညီညွတ်မှု မရှိတာတွေ ကိုတွေ့ရပါတယ်။ ပုဒ်မ (၄၄၁) အရ (၂ဝဝ၈) ဖွဲ့စည်းပုံဟာ ပြည်ထောင်စုလွှတ်တော် ပထမအကြိမ် အစည်းအ ဝေးစတင်ကျင်းပတဲ့ (၂ဝ၁၁) ခုနှစ် ဇန်နဝါရီလ (၃၁) ရက်နေ့မှာ အာဏာတည်ရတာ ဖြစ်ပြီး တိုင်းပြည် အချုပ်အခြာ အာဏာကို (နအဖ) က ကျင့်သုံးခွင့် ရှိတာလည်း ဇန်နဝါရီ (၃၁) ရက်က နောက်ဆုံး ဖြစ်ကြောင်း ပုဒ်မ (၄၄၂) က အခိုင်အမာ ဖေါ်ပြထားပါတယ်။ ဒီလိုဆိုရင် (၂ဝ၁၁) ခုနှစ် ဖေဖေါ်ဝါရီလ (၁) ရက်ကစပြီး နိုင်ငံတော်ရဲ့ အချုပ်အခြာ အာဏာဟာ ပြည်ထောင်စု လွှတ်တော်ထံမှာသာ ရှိရမှာဖြစ်ပြီး အဲ့ဒီ လွှတ်တော်တွေက (နအဖ) စစ် ကောင်စီနဲ့ ဝန်ကြီးချုပ် ဦးသိန်းစိန် ဦးစီးတဲ့ ဝန်ကြီးများ အားလုံးကို အသိအမှတ် ပြုပေးမှု လုပ်ခဲ့တာ (လုံးဝ) မရှိခဲ့ပေ မယ့် ဗိုလ်ချုပ်မှူးကြီး သန်းရွှေနဲ့ အုပ်စုတစုက အာဏာပိုင်တွေလို နောက်ကွယ်က ဆက်လက် လုပ်ဆောင် ခဲ့ကြပါတယ်။ အကျဉ်းချုပ် ဆိုရရင် (၂ဝ၁၁) ခုနှစ် ဖေဖေါ်ဝါရီလ (၁) ရက်ကနေ မတ်လ (၃ဝ) ရက်နေ့ ကြံ့ဖွံ့ အစိုးရသစ် ကျမ်းကျိန်တဲ့ ကာလအထိ နှစ်လလုံးကို ရူးချင်ယောင် ဆောင်ပြီး တိုင်းပြည်ကို လက်တလုံးခြား လှည့်ဖျား ခဲ့ကြတာပါ။ (NLD) နဲ့ ဒေါ်အောင်ဆန်းစုကြည်ကို နှိပ်ကွပ်ဖို့ ဥပဒေ အကိုးအကားတွေနဲ့ “ပြည့်စုံအောင်၊ ကိုကိုအောင်” နာမည်ခံပြီး ဆောင်းပါး ထိုင်ရေးပေးနေတဲ့ ကပ်ဖားတွေလည်း ဒီအချက်ကို သတိ ပြုမိလောက်မယ် ထင်ပါတယ်။
ကိုကိုအောင်က “ အတွေးများပြီး အရေးမမှားစေလို ” ဆောင်းပါးကို လိုရာဆွဲ နိဂုံးချုပ်တဲ့ အခါ “ယ္ခင် သူမ၏ ဆောင်ပုဒ်အတိုင်း “ အာဏာဟူသမျှဆန့်ကျင်ကြ ” ဟု ဆက်လက် ခံယူ ကျင့်သုံး နေရော့သလား” လို့ ဆိုထားတဲ့ အတွက် ပြည်သူလူထုကို အကြောက်တရားက ကင်းလွတ်စေရေး အတွေးအခေါ် မျိုးစေ့ ချပေးနိုင်ဖို့ ဒေါ်အောင် ဆန်းစုကြည်က “မတရားတဲ့အမိန့်အာဏာ မှန်သမျှ၊ တာဝန်အရ ဖီဆန်ကြ” လို့ပြောခဲ့တာကို ဖုံးကွယ်ပြီး လီဆည် ရေးသား ထားတာကိုလည်း သတိပြုမိပါတယ်။ အာဏာရှင်များ စိတ်တိုင်းကျ လိုရာ ရေးဆွဲထားသော ဥပဒေများ ကိုင်စွဲ ကိုးကားပြီး အကျယ်ချုပ်က ပြန်လွှတ်ပေးလိုက်ရတဲ့ ဒေါ်အောင်ဆန်းစုကြည်နဲ့ (NLD) တို့ကို မြန်မာ့ နိုင်ငံရေးတွင်းမှ ထွက်ခွါ သွားစေရန် ကြိုးပမ်း ဆောင်ရွက်ခြင်းဟာ တရားဥပဒေ စိုးမိုးရေးကို ထိခိုက်ပျက်ပြား စေတဲ့အတွက် အာဏာပိုင်တွေရဲ့ အလိုတော်ရိတွေ အနေနဲ့ “အဖါးမှားပြီး ရှေ့နေ မလိုက်မိစေဖို့ ” သတိပြုဆင်ခြင်နိုင်ရန် စေတနာအရင်းခံဖြင့် တင်ပြလိုက်ပါတယ် ခင်ဗျား။
Thursday, July 7, 2011
အဖါးမှားပြီး ရှေ့နေ မလိုက်မိစေဖို့
ပြိုင်ဘက်ဟာ ရန်သူလား
မောင်စံပေါ
Thursday, 07 July 2011
သူ့ရှင် ရာဇာဓိရာဇ် လွန်သည်ကို ကြားရလျှင် ဘုရင်မင်းခေါင်သည် မိမိနှင့်ယခင်က အချင်းချင်း စစ်ခင်းခဲ့ကြပုံ၊ တစ်ဦးနှင့်တစ်ဦး အမျိုးမျိုး အဖုံဖုံ ပြုမူခဲ့ကြပုံများကို အောက်မေ့သဖြင့် ၀မ်းနည်းကြေကွဲ၍ ငိုတော်မူ၏။ (နိုင်ပန်းလှ၏ ရာဇာဓိရာဇ် အရေးတော်ပုံကျမ်း၊ သတ္တမအကြိမ်၊ မြ၀တီစာပေတိုက်၊ ၁၉၉၈ နိုဝင်ဘာလ၊ စာ- ၄၂၁)
''ရန်''ဟူသော စကားလုံး၏ အဓိပ္ပာယ်ကို ကြိယာအားဖြင့် အပိုဆောင်းသည်၊ ရည်မှန်းသည်၊ သတ်မှတ်သည်ဟူ၍ လည်းကောင်း၊ ကြိယာကို ထောက်ပံ့ပေးသော စကားလုံး၊ ဖြစ်အံ့သော ကြိယာကို နာမ၀ိသေသန သဘော ဆောင်စေနိုင်သော စကားလုံး၊ ကြိယာကို ကြိယာနာမ် ဖြစ်စေသော စကားလုံး ဟူ၍ မှတ်သားဖူးပါသည်။
သို့သော်ငြားလည်း ဤ 'ရန်' ဟူသော စကားလုံး၏ အများသုံးဟု ဆိုရမည့်၊ အများသူငါ ရုတ်ခြည်း သဘောပေါက်လေ့ ရှိသည့် အဓိပ္ပာယ်မှာ တစ်စုံတစ်ဦးအား ထိခိုက်စေမည့် အနှောင့်အယှက် အန္တရာယ်၊ ဆန့်ကျင်ထိပါး တိုက်ခိုက်မှု၊ မိတ်ဖက် မဟုတ်သော အရာ ဟူ၍ ဖြစ်သည်။ (မြန်မာအဘိဓာန် အကျဉ်းချုပ် အတွဲ - ၄၊ ပထမအကြိမ်၊ မြန်မာစာအဖွဲ့၊ ၁၉၈၀ ဖေဖော်ဝါရီလ၊ စာ- ၃၅)
မြန်မာစကားပုံများတွင်လည်း 'ရန်ကိုရန်ချင်း မတုံ့နှင်းနှင့်'၊ 'ရန်မလိုမှ ရန်ပြိုသည်'၊ 'ရန်ကိုရန်ကြွေး အတိတ်မှာဆေး' စသည်ဖြင့် ရေးသား ကြပါသည်။ တစ်ဖန် 'ရန်လျှင် အောင်မှုကြောင်း ဆယ်ခု'ဟူ၍ ရန်မီး မပွားကြောင်း ရန်ကို အောင်မြင်ရေး သြ၀ါဒပေးကာ ညွှန်ကြားလာသည် တို့ကို ဖတ်ရှုရ ပြန်ပါသည်။
လွယ်လင့်တကူ ပြောရမည် ဆိုပါက 'ရန်' ဟူသည် 'လက်ခံနိုင်ရေး ဝေးစွတကား'၊ 'နှစ်သက်ဖွယ်အရာ ရှာမရ နိုင်တကား'ဟု ပြောနိုင်သည်။ 'ရန်'ကို ဆောင်ကြဉ်းလာသော၊ မိမိအား ရန်ဝဲသြဃတွင် တစ်ရစ်ပြီး တစ်ရစ် လည်စေသော၊ အမုန်းမီးကို ပွားစေသော၊ တရားမျှတမှု တို့ကို လျစ်လျူရှုကာ မိမိအသာရရေး (၀ါ) အနိုင်ရရေးကိုသာ ဦးထိပ်ပန်ဆင် စေသော သူသည်ကား ရန်သူပင်။
ရန်သူသည် နယ်ပယ်မှ လွန်မြောက်၏။ ဒေသမှ လွန်မြောက်၏။ အချိန်မှ လွန်မြောက်၏။ ကာလမှ လွန်မြောက်၏။
ယှဉ်ပြိုင်ခြင်းသည် နယ်ပယ် တစ်ခုတွင် ဖြစ်နိုင်၏။ နယ်ပယ် အများတွင်လည်း ဖြစ်နိုင်၏။ ဒေသတစ်ခု အတွင်း၌လည်း ဖြစ်နိုင်၏။ ဒေသ အများတွင်လည်း ဖြစ်နိုင်၏။ အချိန်တစ်ခု အတွင်း တွင်လည်း ဖြစ်နိုင်၏။ အချိန်တစ်ခု မကတွင်လည်း ဖြစ်နိုင်၏။ ကာလ တစ်ခုတွင်လည်း ဖြစ်နိုင်၏။ တစ်ခုမကသော ကာလများတွင်လည်း ဖြစ်နိုင်၏။
မောင်စံပေါတို့ ငယ်စဉ်က ကျောင်းပညာ သင်ကြားရာတွင် စာပြိုင်ကြသည်။ အဆင့်ပြိုင်ကြသည်။ ကျူရှင် မရှိသေးသော ခေတ် ဖြစ်ရကား ဆရာ သင်ကြားသမျှ အာရုံစိုက်ကာ လေ့လာကြသည်။ စာသင်ရင်း စာကျက်ကြသည်။
ဆရာတစ်ဦး ဆိုလျှင် စာသင် အလွန်ကောင်းသည်။ သင်ခန်းစာ အသစ်တက်၊ သင်ပြီးသည်နှင့် ချက်ချင်း စာမေးသည်။ မရသူကို မတ်တပ် ရပ်စေပြီး ရသူ ထိုင်စေသည်။ မတ်တပ်ရပ်ရသူတို့မှာ ဂုဏ်ငယ်ကြကုန်၏။ စာဖြေနိုင်၍ ထိုင်ရသူတို့မှာ သိကြားမင်း ဖန်ဆင်းကာ ချီးမြှင့်လိုက်သော နေရာဝယ် စံမြန်းရသည့်နှယ်။
စာပြိုင်ဘက်များ ဖြစ်ကြသော်လည်း တစ်ဦးနှင့်တစ်ဦး မလိုမုန်းတီး မရှိကြ။ အကောက်မကြံကြ။ မညစ်ပတ်ကြ။ ချစ်ခင်ရင်းနှီး ပျော်ရွှင်စွာဖြင့် အတန်းများ တစ်တန်းပြီး တစ်တန်း တက်ခဲ့ကြသည်။ 'ဒီကောင်ကြောင့် ငါလူရည်ချွန် ပြုတ်သွားတာ၊ သင်းသာမရှိရင် ငါရမှာ။ သင်းဒီကနေ ပြောင်းမှ အေးမှာ'ဟူသော အတွေးများ မတွေးကြ။ ငါပိုပြီး ကြိုးစားရမှာ ဟူ၍သာ နှလုံးသွင်းကြ၏။
မနိုင်နိုင်အောင် လုပ်ရမှာဘဲဟု စိတ်စွဲကာ နည်းလမ်း အသွယ်သွယ်ဖြင့် နိုင်အောင် လုပ်ကြသူများမရှိ ဟူ၍ကား မဆိုချင်ပါ။ အနည်းငယ် မဆိုစလောက် ရှိနိုင်ပါသည်။
မောင်စံပေါတို့ခေတ်က စတုတ္ထတန်းမှာ မြို့နယ်စစ် ဖြစ်၏။ ဂုဏ်ထူးပေး၏။ အောင်ချက်ရာခိုင်နှုန်း ပြိုင်ကြ၏။ ဂုဏ်ထူး အရေအတွက် ပြိုင်ကြ၏။ ပထမ၊ ဒုတိယ၊ တတိယ အဆင့် ပြိုင်ကြ၏။
မြို့နယ်ပညာအုပ် (မြို့နယ်ပညာရေးမှူး)၏ သမီးသည်လည်း စတုတ္ထတန်း စာမေးပွဲ ၀င်ဖြေ၏။ သူငယ်တန်းမှ တတိယတန်း အထိ ကာလ အတွင်းသော် လည်းကောင်း၊ စတုတ္ထတန်း လပတ် စာမေးပွဲနှင့် အစမ်း စာမေးပွဲများတွင် လည်းကောင်း၊ သူ့အဆင့်မှာ ၃၀ ၀န်းကျင်သာ၊ ကျောင်းသား အရေအတွက် ၅၇ ယောက် ရှိသော စတုတ္ထတန်းတွင် အလယ်မျှသာဟု ဆိုနိုင်သည်။
စတုတ္ထတန်း အတန်းတင် စာမေးပွဲကြီး အောင်စာရင်း ထွက်တော့ မောင်စံပေါတို့ အားလုံး တွက်ဆ ထားကြသည့် အတိုင်း ပညာအုပ် သမီးက ဘာသာစုံ ဂုဏ်ထူးနှင့် အောင်ပြီး တစ်မြို့နယ်လုံး ပထမ ရသွားခဲ့သည်။ သူ့ခမျာ ပထမသာ ရခဲ့သည်။ ပြည့်ပြည့်၀၀ မပျော်နိုင်ခဲ့။ 'ကံကောင်းလွန်းလို့ ပါဟယ်။ ဒါကျက်၊ ဒါရ၊ ဒါမေး၊ ဒါဖြေ ဖြစ်သွားလို့ပါ'ဟု ရှက်ပြုံးနှင့် သူငယ်ချင်းများကို ဖြေရှင်းရသည်က ခဏခဏ။ အမြဲလိုလို ပထမ စွဲနေသော မောင်ကျောင်းသားမှာ ဒုတိယသာရပြီး မမြဲသော သဘောကို ငယ်ငယ် ရွယ်ရွယ်နှင့် စောကြောရရှာ၏။
နောက်အတန်းများတွင်လည်း ပညာအုပ် သမီးမှာ သူလိုငါလိုပင် တန်းစဉ် အောင်ခဲ့ပြီး သူလိုငါလို ဘွဲ့တစ်ခု ရခဲ့သည်။ သူလိုငါလိုပင် သူငယ်ချင်းများ ရှိခဲ့သည်။ ထိုအထဲမှာ သူငယ်ချင်း တစ်ဦး၏ ဖခင်မှာ မစ နိုင်သော ပုဂ္ဂိုလ်ကြီး ဖြစ်၏။ ထိုသူငယ်ချင်း၏ ကျေးဇူးဖြင့် အလုပ်ကြီး အကိုင်ကြီးများ လုပ်ခဲ့ရပြီး လုပ်ငန်းရှင်ကြီး ဖြစ်ခဲ့သည်။ 'ကံကောင်းလွန်းလို့ပါဟယ်'၊ အလုပ်တွေက အဆင်ပြေတော့ အရမ်း ကျန်တယ်လေ'တဲ့။
သည်လိုနှင့် မောင်စံပေါ တဖြည်းဖြည်း အသက်ကြီးလာခဲ့သည်။ ဖြတ်သန်းခဲ့သည့် နေရာဌာန ကာလများနှင့် အတူ လူအမျိုးမျိုး အဖုံဖုံကို ကြုံခဲ့ရသည်။ ကိုယ်တွေ့လည်း ရှိခဲ့ဖူးသည်။ 'ကိုယ်မြင်'လည်း ပါဝင်ခဲ့သည်။ 'ကိုယ်ကြား'လည်း မနည်းမနောပင်။ 'ကိုယ်သိ'မှာမူ အပုံအပင်။ နည်းလမ်း အသွယ်သွယ်ဖြင့် တွေ့မြင် ကြားသိခဲ့ရသည် တို့တွင် ပြိုင်ပွဲ အမျိုးမျိုးတို့သည် ပါဝင်ကြကုန်၏။ ပြိုင်ဘက် အမျိုးမျိုးတို့၏ သဘောကို စောကြောမိ၏။
နိုင်ငံကြီး တစ်နိုင်ငံ၏ သမ္မတ ရွေးကောက်ပွဲကို အမှတ်ရမိသည်။ ပါတီကြီး (၂) ခု အနက် တစ်ခု၏ သမ္မတလောင်း အဖြစ် အရွေးခံရရေး အတွက် အလောင်းအလျာ (၂) ဦး သည် အကြိတ်အနယ် ယှဉ်ပြိုင်ခဲ့ကြသည်။ တစ်ဦးက ရှုံးနိမ့်ပြီး တစ်ဦးက အနိုင် ရသွားခဲ့သည်။ အနိုင်ရသူအား ရှုံးသူမှ ဂုဏ်ပြုစကား ဆိုခဲ့သည်။ နိုင်သူ သမ္မတ ဖြစ်ရေး အတွက် အားပေးခဲ့သည်။ လှုံ့ဆော်ခဲ့သည်။ ကူညီခဲ့သည်။ မကြာမတင်မီ ကာလ ပြိုင်ဘက် ဖြစ်ခဲ့ကြသည်ကို ချန်ထားရစ်ခဲ့သည်။ နိုင်သူ သမ္မတ ဖြစ်လာသော အခါတွင်လည်း အစိုးရအဖွဲ့တွင် ၀င်ရောက် တာဝန်ထမ်းကာ နိုင်ငံအကျိုးကို စွမ်းသမျှ သယ်ပိုး လေတော့သည်။
ပြိုင်ဘက် ဖြစ်ခဲ့ကြသည်။ ရန်ဘက်များ မဟုတ်ခဲ့ကြ။ ပါတီသမ္မတလောင်း ဖြစ်ရေးအတွက် ပြိုင်ဆိုင် ခဲ့ကြသည်။ ကာလတစ်ခု ကျော်ဖြတ် ခဲ့ပြီးနောက် ရှုံးနိမ့်ခဲ့သည့်တိုင် နိုင်သူ သမ္မတဖြစ်ရေး ကူညီပေးခဲ့သည်။ မိမိကိုယ်ကျိုး ကိစ္စ မဖြစ်ခဲ့ရ သော်ငြားလည်း ပါတီအကျိုး အတွက် ဆက်သယ်ပိုးခဲ့သည်။ မင်းသားကြီး မလုပ်ရရင် ပတ်မကြီး ပေါက်ပစ်လိုက်မယ် ဟူ၍ မရှိခဲ့။ မိမိပါတီ အနိုင်ရရေး ဟူသော ရည်မှန်းချက် အပြီးတွင် နိုင်ငံအတွက် ဆက်၍ တာဝန်ထမ်း၏။ ''ကောင်းလေစွ''။
ပြိုင်ဆိုင်မှု မရှိက မတိုးတက်နိုင်ဟု ဆိုပါသည်။ ယှဉ်ပြိုင်ခြင်း၏ တရားကိုယ်သဘောကို စေ့စေ့ငုငု စောကြောရန် လိုပါမည်။
ပြိုင်ဘက်နှင့် ရန်ဘက်ကို ခွဲခြားတတ်ရပါမည်။ ပြိုင်ဘက်ကို ပြိုင်ဘက်သာ ဖြစ်စေသင့်ပါသည်။ ရန်ဘက်အသွင် မဆောင်စေသင့်ပါ။ ယှဉ်ပြိုင်သူများကို ရန်သူများ မဖြစ်စေလိုပါ။
ယှဉ်ပြိုင်ခြင်း၏ နောက်ဆက်တွဲ အဖြစ် ရလဒ်တစ်ခုကတော့ ပါလာမည် ဖြစ်မည်။ မည်သို့သော အကြောင်းတရား များကြောင့် ဤရလဒ်ကို အကျိုးအဖြစ် ပေါ်ပေါက် ရရှိခဲ့သနည်း မေးခွန်းကိုလည်း အဖြေရှာ ရပါမည်။ မိမိထက် သာလွန်သော ပြိုင်ဘက်က အနိုင်ရ သွားသည့်အခါ ပြိုင်ဘက်ကို အသိအမှတ် ပြုသင့်သည်။ မင်းတော်လို့ မဟုတ်ဘူး။ ငါညံ့လို့ပါ ဟူ၍ ပြောဆိုကြသည်များ ကြားဖူးမည် ဖြစ်သည်။ ငါ့ထက်ပိုပြီး မင်းညံ့ရင် ငါနိုင်မှာ ဟူ၍ အတွန့်တက် တတ်ကြသည်။
စောဒကများဖြင့် တိုးတက်မှု ရစေမည်ဟု မယုံကြည်ပါ။ ''သူ့မြေမှာ ဖြူပြာ ပွင့်လျှင်ဖြင့်၊ ငါ့မြေမှာ နီဝါ တင့်ရမပေါ့''ဟူသောစိတ် ထားရပါမည်။ အခွင့်အခါကို မျှော်နေယုံဖြင့် မပြီးပါ။ အခွင့်သာသည့်အခါ မလင့်ရအောင် အရန်သင့် ဖြစ်နေရပါမည်။ ဥယျာဉ်တော် သာယာရေးကို ရှုမြင် မျှော်ခါခါ တွေးရုံဖြင့် မပြီးပါ။ မနှေးအောင် လျှောက်ရပါမည်။ အားထုတ်ရပါမည်။ ပေါင်းနုတ်ရပါမည်။ အကြောင်းညီသည့် အခါ လှပသော ပန်းချီကားတစ်ချပ် သပ်ရပ် သန့်ရှင်းစွာ ပေါ်လာပါမည်။
ဆိုပါဦးမည်။ ဘာသာစကား ဟူ၍ စတင် ပေါက်ဖွားခဲ့ချိန်မှ စပြီး လက်ခံ သယ်ဆောင် ဖြည့်စွက် လက်ဆင့်ကမ်းကာ ဘာသာစကား သစ်ပင်ကြီးများ ကြီးထွား ရှင်သန်ခဲ့ကြသည်။ မျိုးကူးခြင်း၊ ကိုင်းဆက်ခြင်း စသော သမရိုးကျ မဟုတ်သည့် နည်းလမ်း အသွယ်သွယ် အားဖြင့်လည်း ပိုမို အရောင်စုံ လှပလာကြသည်။ လှပသော ပန်းပွင့်ကလေး အချို့ကို မျှဝေလိုပါသည်။
''ကျုပ်က ဘယ်သူနဲ့မှ မပြိုင်ရပေါင်ဗျာ။ ကိုယ့်ဖာသာကိုယ်ဘဲ ပြိုင်တယ်။ ဒီကနေ့ ငါဟာ မနေ့ကငါထက် ကောင်းသော ကိစ္စရပ်များမှာ ပိုပြီး သာလွန်ရမယ်။ မနေ့ကငါထက် ပိုပြီး ကိုယ့်ကိုယ်ကိုယ် ကြည်ညိုနိုင်စရာ ပိုဖြစ်ရမယ်။ နက်ဖြန်ခါဟာ မသေချာဘူး ဆိုတောင်မှ ဒီကနေ့ဟာ နက်ဖြန်ခါ အတွက် အခြေခံကောင်းတွေ ဖြစ်ရမယ်။နက်ဖြန်ခါဟာ ဒီနေ့ထက် မလွဲမသွေ သာနေစေရမယ်တဲ့ ခင်ဗျား။
Ref: EMG News
ဗိုလ်ချုပ်အောင်ဆန်း၏ ဘ၀ပုံရိပ်နှင့် သူ၏ ဒဿန အမြင်များ
ကျောင်းသားခေါင်းဆောင် ကိုအောင်ဆန်း
၂၀၁၁ ခု ဇူလိုင်လ(၁၉)ရက် အာဇာနည်နေ့
''နှစ်လရာသီ--အခါရာသီ ရွေ့ပေမယ့် အာဇာနည်နေ့ကိုဖြင့်--မမေ့သင့်ပါပြီ'' all India ရေဒီယိုမှ မေလှမြိုင်၏ တေးသီချင်း တစ်ပိုင်း တစ်စကို ကြားလိုက်ရသည်။ ဗိုလ်ချုပ်တို့ ကျဆုံးချိန်က ကျွန်တော်မှာ ခြောက်နှစ်၊ ခုနစ်နှစ်သား အရွယ် ရောက်နေပါပြီ။ ရွာတွင် လူကြီး မိဘများနှင့် ရဟန်း သံဃာများ မျက်ရည်စက်လက် ဖြစ်နေပုံကို ယခု အနှစ် ၆၀ ကျော်လာသည့်တိုင် ပြန်လည် မြင်ယောင်နေပါသည်။ သို့အတွက် Weekly Eleven မှ တစ်ဆင့် ပြည်သူတို့ တင်ပြရန် ဤဆောင်းပါးကို ရေးရခြင်း ဖြစ်ပေသည်။
ဗိုလ်ချုပ်အောင်ဆန်းကို ၁၂၇၆ ခု တပေါင်းလဆန်း ၁ ရက် (၁၃-၂-၁၉၁၅) နေ့တွင် မကွေးခရိုင် နတ်မောက်မြို့ ရှေ့နေကြီး ဦးဖာ၊ ဒေါ်စု တို့က မွေးဖွားခဲ့သည်။ ဇာတာ အမည် (မောင်ထိန်လင်း) ဖြစ်ပြီး သူ့အစ်ကို ဦးအောင်သန်း အမည်နှင့် လိုက်ဖက်အောင် (အောင်ဆန်း) ဟုပင် ခေါ်ခဲ့ကြသည်။ ဗိုလ်ချုပ်မှာ မင်းတုန်းမင်းကြီး၏ အမတ်တစ်ဦး ဖြစ်သော ခမ်းပတ်မင်းကြီးနှင့် သမားတော် ဦးကျော်ဇံ၊ တောင်တွင်း ရှင်အဂ္ဂသမာဓိ တို့၏ မျိုးဆက် ဖြစ်ကြောင်း သိရသည်။
ဗြိတိသျှတို့အား လက်နက်ကိုင် တော်လှန်ခဲ့သော ဦးမင်းရောင် (ခ) ဗိုလ်လရောင်မှာ ဗိုလ်ချုပ်နှင့် အဖိုးလေး တော်သည်။ ဗိုလ်ချုပ်မှာ ငယ်စဉ်ကပင် မဟုတ်မခံ၊ မမှန်တာမလုပ်။ တစ်ဦးတည်း ငူတူတူ စဉ်းစားနေတတ်သူ ဖြစ်သည်။
ခုနစ်နှစ်သား အရွယ် နတ်မောက်မြို့ ဦးသောဘိတထံ စာသင်ရာ ၁၂ နှစ်သားတွင် လေးတန်း အောင်သည်။ ထို့နောက် ရေနံချောင်း အ.ထ.က သို့ ပြောင်း၍ သင်ကြားသည်။ တစ်နိုင်ငံလုံးရှိ ဗုဒ္ဓဘာသာ ကျောင်းများတွင် ပထမ စွဲသဖြင့် ဆရာကြီး ဦးရွှေခိုင်က ရွှေတံဆိပ်ဆု ပေးခဲ့သည်။
သခင်အောင်ဆန်း ဘ၀က ရေးခဲ့သော (နိုင်ငံရေးအမျိုးမျိုး) ဆောင်းပါးတွင် 'နိုင်ငံရေးသည် လူမှုသူမှု ကိစ္စ အားလုံးပင် ဖြစ်၏။ လူဟူ၍ ကမ္ဘာတွင် ဖြစ်လာသည့် အခါ လူတန်းစား အလျောက် လူလိုနေ၊ လူလိုစား၊ လူလိုသောက်၊ လူလိုလုပ်ချင်လာ၏။ လူလိုလုပ်ရန် ကြိုးစားရင်း အထမြောက် အောင်မြင်လာသည်။ ပိုမို ကျယ်ပြောလာ၏။ လူနှင့်တိရစ္ဆာန် ကွဲပြားမှုမှာ လူတွင် တတ်သည့်အစွမ်း၊ မြင်သည့် အစွမ်း ရှိခြင်းပင် ဖြစ်သည်'ဟူ၍ ရေးခဲ့ . . .
ဗိုလ်ချုပ် ၈ တန်း ရောက်သော အခါ ဖခင် ဦးဖာ ကွယ်လွန်ရှာသည်။ ၁၉၃၂ ခုနှစ်တွင် ၁၀ တန်း အောင်သဖြင့် ရန်ကုန် တက္ကသိုလ်သို့ တက်ခဲ့သည်။ အင်္ဂလိပ်စာ၊ သမိုင်း History နှင့် Political Science ဘာသာဘွဲ့ကို ရယူသည်။ တစ်နှစ်တစ်တန်း အောင်ခဲ့သော်လည်း ၁၉၃၅၊ ၃၆ ခုနှစ်များတွင် ကျောင်းသားသမဂ္ဂ လုပ်ငန်းများ ရှုပ်ထွေး နေသဖြင့် စာမေးပွဲ မဖြေလိုက်ရပါ။ ၁၉၃၇ ခုနှစ် ကျမှ ၀ိဇ္ဇာဘွဲ့ ရသည်။ ကိုအောင်ဆန်းသည် တက္ကသိုလ် ရောက်ချိန်မှ စပြီး ပဲခူး ကျောင်းဆောင်၌ နေထိုင်ပြီး နိုင်ငံရေး စာအုပ်များကို သဲသဲမဲမဲ ဖတ်မှတ်ခဲ့သည်။
၁၉၃၅-၃၆ ခုနှစ်တွင် သူသည် တက္ကသိုလ် သမဂ္ဂအဖွဲ့ အမှုဆောင် E.C ဖြစ်လာပြီး အိုးဝေ မဂ္ဂဇင်းကို တာဝန်ခံ ထုတ်ဝေခဲ့သည်။ (ခွေးသရမ်းကြီး လွတ်နေသည်) ဆောင်းပါးကြောင့် အိုးဝေ အယ်ဒီတာ ကိုအောင်ဆန်းနှင့် သမဂ္ဂဦးနု တို့ကို ကျောင်းထုတ် ပစ်လိုက်သည်။ ၁၉၃၆ ခုနှစ် ဖေဖော်ရီလတွင် ပထမဆုံး အကြိမ် တက္ကသိုလ် သပိတ်ကြီး ပေါ်ပေါက်လာရာ လူငယ်များ နိုင်ငံရေး နိုးကြားစ ပြုလာသည်။ ကိုအောင်ဆန်းနှင့် ကိုနုတို့ နယ်ဆင်း၍ ခရိုင်မြို့နယ်များ၌ သမဂ္ဂအဖွဲ့များ ဖွဲ့သည်။ ၃၇/၃၈ ခုနှစ်တွင် ကိုအောင်ဆန်း တစ်ယောက် ဗမာနိုင်ငံလုံး ဆိုင်ရာ (ဗကသ) ဥက္ကဋ္ဌ ဖြစ်လာခဲ့သည်။
နိုင်ငံရေးဘ၀ရောက်ခဲ့ရ
ထိုနှစ်မှာ သခင်ကိုယ်တော်မှိုင်းနှင့် သခင်မြတို့ ဦးစီးသော ဒို့ဗမာအစည်းအရုံးကြီး ပေါ်လာရာ ကိုအောင်ဆန်းမှာ အထွေထွေ အတွင်းရေးမှူး ဖြစ်လာပြီး (သခင်အောင်ဆန်း) အမည်ကို ရရှိခဲ့သည်။ ကျောင်းသားထုက ၀ိုင်းဝန်း ထောက်ခံသဖြင့် တက္ကသိုလ် အုပ်ချုပ်ရေး အဖွဲ့၏ ကော်မတီဝင် တစ်ဦးလည်း ဖြစ်လာသည်။ ၁၉၃၉ ခုနှစ်က မော်လမြိုင်၌ သခင် ညီလာခံကြီး ပြုလုပ်နေစဉ် ဒုတိယ ကမ္ဘာစစ်ကြီး စဖြစ်သည်။ ထိုအခါ ဗိုလ်ချုပ်တို့က အင်္ဂလိပ်အခက် - ဗမာအချက်ဟု ကြွေးကြော်ခဲ့သည်။
ထို့နောက် ကိုအောင်ဆန်း၊ ကိုဗဟိန်း၊ သခင်သန်းထွန်း တို့သည် အိန္ဒိယနိုင်ငံ ရမ်ဂါ မြို့တွင် ကျင်းပသော ကွန်ဂရက် ညီလာခံသို့ တက်ခဲ့သည်။ ညီလာခံမှ အပြန် သခင်အားလုံးကို အစိုးရက ဖမ်းဝရမ်း ထုတ်သည်။ အောင်ဆန်းကို မိလျှင် ငွေ ၅ိ/- ဆုချမည်ဟု ဟင်္သာတခရိုင် ရဲဝန် မစ္စတာ ဇေဗီးယားက ပြောင်လှောင်ကာ ဆုငွေများ ထုတ်သည်။
ဗိုလ်ချုပ်တို့က အင်္ဂလိပ်ထံ လက်ဝါးဖြန့် တောင်းခံနေရုံမှဖြင့် လွတ်လပ်ရေးကို ရနိုင်မည် မဟုတ်။ လက်နက်ကိုင် တိုက်ပွဲဝင်မှ ရမည်ဟု ဆုံးဖြတ်ပြီး ဂျပန်နှင့် စေ့စပ်ကြည့်သည်။ ဂျပန်တို့က ကူညီမည် ဆိုသဖြင့် ဗိုလ်တေဇ (ခ) ကိုအောင်ဆန်းတို့ အဖွဲ့ ဂျပန်ပြည်သို့ ထွက်ခွာခဲ့ရာ ၂၄-၈-၁၉၄၀ ရက်နေ့တွင် အမွိုင်သို့ ရောက်သည်။ ထိုနှစ် နိုဝင်ဘာလတွင် တိုကျိုသို့ သွားကာ လျို့ဝှက်စကား ဆိုခဲ့ကြသည်။ သဘောတူညီချက် ရသဖြင့် ဗိုလ်ချုပ်တို့ မြန်မာနိုင်ငံသို့ ပြန်လာသည်။ ၁၉၄၁ ခုနှစ် မတ်လ ၃ ရက်နေ့တွင် ရန်ကုန်သို့ ခေတ္တ ပြန်ရောက်ကာ မျိုးချစ် လူငယ်များကို တစ်သုတ်ပြီး တစ်သုတ် ခေါ်ထုတ်သွားရာ ဟိုင်နန်ကျွန်းပေါ်သို့ ရဲဘော် သုံးကျိပ်လုံး ရောက်ရှိသွားသည်။
ဗိုလ်တေဇနှင့် သခင်လှမြိုင်တို့ ဦးဆောင်၍ ဟိုင်နန်ကျွန်းတွင် စစ်ပညာများ အပတ်တကုတ် သင်ယူပြီး ၁၉၄၁ ခုနှစ်မှာပင် ယိုးဒယား ဘက်သို့ ထွက်ခွာ လာခဲ့သည်။ ဘန်ကောက်သို့ ရောက်လျှင် ၂၆-၁၂-၁၉၄၁ ရက်နေ့တွင် ဗမာ့ လွတ်လပ်ရေး တပ် မတော် BIA (Burma Independence Army) ကို ဖွဲ့စည်းကာ စစ်ကြောင်းများ ခွဲ၍ ဂျပန် တပ်များနှင့်အတူ မြန်မာနိုင်ငံတွင် ပြန်ဝင် လာခဲ့ကြသည်။ ရန်ကုန်တိုင်း အရှေ့တောင်ဘက်မှ စ၀င်သည်။ စစ်ကြီးအတွင်း ၁၁-၁၂-၁၉၄၁ ရက်နေ့က ရန်ကုန်မြို့ ဗုံးဒဏ်ခံရပြီး လူ ၆၀၀ ကျော် သေဆုံးသွားသည်။
ဗိုလ်တေဇ၏ စစ်ဗိုလ်ချုပ်ဘ၀
အင်္ဂလိပ်တပ်များ ရန်ကုန်မှ ဆုတ်ခွာသွားရာ ၈-၃-၁၉၄၂ ရက်နေ့တွင် B.I.A ဦးစီး ဂျပန်တပ်များက ရန်ကုန်မြို့ကို သိမ်းယူခဲ့သည်။ ထိုနှစ် ဇူလိုင်လ ၂၈ ရက်နေ့တွင် B.I.A ကို B.D.A (Burma Defence Army) အဖြစ် ပြင်ဆင် ဖွဲ့စည်းခဲ့သည်။ ဗိုလ်တေဇမှာ ဗိုလ်မှူးကြီးမှ စစ်ဦးစီး သေနာပတိချုပ် ဖြစ်လာသည်။ BIA တပ်မတော်တွင် စစ်သေနာပတိချုပ် တာဝန် ထမ်းဆောင်နေစဉ် ဗိုလ်ချုပ်အောင်ဆန်း အကြီးအကျယ် ဖျားနာခဲ့သည်။ အလံပြ ဘုရားလမ်း စစ်ဆေးရုံ၌ တက်ရောက် ကုသနေစဉ် သူနာပြု ဆရာမကြီး ဒေါ်ခင်ကြည်နှင့် မေတ္တာမျှပြီး ၁၉၄၂ ခုနှစ် မေလတွင် လက်ထပ် လိုက်ကြသည်။ သားနှစ်ဦး၊ သမီးတစ်ဦး ထွန်းကားခဲ့သည်။
၁၉၄၃ ခု မတ်လတွင် ဒေါက်တာ ဗမော်နှင့် ဗိုလ်ချုပ်ကို ဂျပန်ပြည်သို့ ခေါ်ကာ ဂျပန်ဘုရင်က ဗိုလ်ချုပ်အား မေဂျာဂျင်နရယ် အဆင့် တိုးမြှင့် ပေးလိုက်သည်။ ၁-၈-၁၉၄၃ ရက်နေ့တွင် ဗမာနိုင်ငံကို လွတ်လပ်ရေး ပေးကြောင်း ဂျပန်က ကြေညာခဲ့သည်။
ဂျပန် လွတ်လပ်ရေးမှာ အတုအယောင် ဖြစ်သဖြင့် ဗိုလ်ချုပ်က ဖက်ဆစ်ကို တော်လှန်ရန် ထိုနှစ် သြဂုတ်လမှာပင် ဖက်ဆစ် တိုက်ဖျက်ရေး ပြည်သူ့ လွတ်လပ်ရေး အဖွဲ့ (ဖ၊တ၊ ပ၊ လ)ကို ဖွဲ့စည်းသည်။ နောင်အခါ ဖ၊ တ၊ ပ၊ လ မှာ (ဖ၊ ဆ၊ ပ၊ လ) အဖွဲ့ကြီး ဖြစ်လာပြီး ၂၇-၃-၁၉၄၅ ရက်နေ့တွင် ဗိုလ်ချုပ်ဦးစီး ဗမာ့ တပ်မတော်က ဂျပန်များကို တော်လှန်ရေး လုပ်ခဲ့သည်။ ထို တော်လှန်ရေးတွင် မြန်မာတို့က အနိုင်ရရှိခဲ့သည်။
ထိုသို့ ဂျပန်ကို အောင်မြင်စွာ မောင်းထုတ်လိုက်နိုင် သဖြင့် အင်္ဂလိပ်တို့က ဗိုလ်ချုပ်ကို အထင်ကြီး လာသည်။ ဗိုလ်ချုပ်ကြီး မောင့်ဘက်တန်နှင့် ဘုရင်ခံ ဆာဒေါ်မံစမစ် တို့က ဗိုလ်ချုပ်အား ဘုရင်ခံ၏ အတိုင်ပင် ကောင်စီတွင် ရာထူးကြီး ပေးသော်လည်း လက်မခံခဲ့ပါ။ ၃-၅-၁၉၄၅ ရက်နေ့တွင် အင်္ဂလိပ်တို့ ရန်ကုန် ပြန်ဝင်လာပြီး (ကက်စ်ဘီ စစ်အုပ်ချုပ်ရေး) ကို စတင်ခဲ့သည်။ ထိုနှစ် သြဂုတ်လ ၁၉ ရက်နေ့တွင် နေသူရိန် အစည်းအဝေးကြီးကို ကျင်းပကာ ဗြိတိသျှကို ဆန့်ကျင်ခဲ့သည်။
၁၉၄၆ ခုနှစ်တွင် ဆာဟူးဘတ်ရန့် ဘုရင်ခံဖြစ်လာရာ အမှုထမ်းပေါင်းစုံ သပိတ်ကြီး ပေါ်လာပြီး ဗိုလ်ချုပ် တို့၏ ဖဆပလ ယာယီ အစိုးရ တက်လာသည်။ နောက်တစ်နှစ် ၁၇-၁-၁၉၄၇ ရက် နေ့စွဲတွင် အင်္ဂလန်၌ ဗိုလ်ချုပ်နှင့် မစ္စတာ အက်တလီတို့ လွတ်လပ်ရေး အကြို လက်မှတ် ရေးထိုးခဲ့သည်။ ဗိုလ်ချုပ်တို့ မြန်မာပြည် ပြန်ရောက်သော အခါ တိုင်းရင်းသား ညီညွတ်ရေး အတွက် ၄၇ ခု ဖေဖော်ဝါရီ လတွင် ပင်လုံညီလာခံကို ကျင်းပသည်။ ဗြိတိသျှတို့ဘက်မှ မစ္စတာ ဗော့တွန်မလေ တက်သည်။
၁၉၄၇ ခု ဧပြီလတွင် ပထမဆုံး အကြိမ် ရွေးကောက်ပွဲကြီးကို ကျင်းပရာ ဗိုလ်ချုပ်တို့ပင် အနိုင်ရခဲ့သည်။ ထိုသို့ မြန်မာ တစ်နိုင်ငံလုံး လွတ်လပ်ရေး အမြန်ရအောင် ကြိုးပမ်း ဆောင်ရွက်နေစဉ် ဗိုလ်ချုပ်နှင့် အာဇာနည် ခေါင်းဆောင် ကြီးများကို ၁၉-၇-၁၉၄၇ ရက်နေ့က ဦးစော အဖွဲ့က လုပ်ကြံလိုက်သည်။ သို့နှင့် ဗိုလ်ချုပ်အောင်ဆန်းသည် အသက် ၃၃ နှစ် အရွယ်မှာပင် ကွယ်လွန်ခဲ့ကြောင်း ၀မ်းနည်းစွာ တင်ပြရပါသည်။
ဗိုလ်ချုပ်၏ နိုင်ငံဒဿန အမြင်များ
ဗိုလ်ချုပ်မှာ မျိုးချစ် နိုင်ငံရေးသမား တစ်ဦး ဖြစ်သကဲ့သို့ စာရေးကောင်းသူ တစ်ဦးလည်း ဖြစ်သည်။ သူ၏လူမှုရေး၊ နိုင်ငံရေး၊ စီးပွားရေး အတွေးအခေါ်များမှာ ကျွန်ဘ၀ ရောက်နေသော မြန်မာနိုင်ငံ အတွက် အလွန် တန်ဖိုး ရှိသည်။ သခင်အောင်ဆန်း ဘ၀က ရေးခဲ့သော (နိုင်ငံရေး အမျိုးမျိုး) ဆောင်းပါးတွင် ''နိုင်ငံရေးသည် လူမှုသူမှု ကိစ္စ အားလုံးပင် ဖြစ်၏။ လူဟူ၍ ကမ္ဘာတွင် ဖြစ်လာသည့် အခါ လူတန်းစား အလျောက် လူလိုနေ၊ လူလိုစား၊ လူလိုသောက်၊ လူလို လုပ်ချင်လာ၏။ လူလိုလုပ်ရန် ကြိုးစားရင်း အထမြောက် အောင်မြင်လာသည်။ ပိုမို ကျယ်ပြောလာ၏။ လူနှင့် တိရစ္ဆာန် ကွဲပြားမှုမှာ လူတွင် တတ်သည့် အစွမ်း၊ မြင်သည့် အစွမ်း ရှိခြင်းပင် ဖြစ်သည်'' ဟူ၍ ရေးခဲ့သည်။ ဗမာ့ နိုင်ငံရေးဝါဒနှင့် စပ်လျဉ်းပြီး ''ဗမာပြည်မှာဆိုရင် အုပ်စိုးကြတဲ့ လူများရဲ့ နိုင်ငံရေးက တစ်မျိုး (နယ်ချဲ့စနစ်ကို အမှီပြုနေသည်) အုပ်စိုးခံရသော ဗမာ လူမျိုးများ၏ နိုင်ငံရေးက တစ်မျိုး (လွတ်လပ်ရန် အခြေခံသည်) လွတ်လပ်ရေး လိုချင်သည် ဆိုရာမှာလည်း ဗမာတွေ ငတ်ပြတ်နေရာမှ ၀ ၀ လင်လင် စားချင်လို့၊ ကုသိုလ် လုပ်ချင်လို့ပင် ဖြစ်သည်''ဟု ရှင်းလင်း ရေးသားခဲ့ပါသည်။
ဗိုလ်ချုပ်အောင်ဆန်းတို့ လုပ်ကြံ မခံရမီ ငါးရက်အလို ၁၄-၇-၁၉၄၇ ရက်နေ့က အတွင်းဝန်ရုံး၌ စာပေ ပညာရှင်များနှင့် ပြောခဲ့ပုံမှာ ဗိုလ်ချုပ်၏ ဒဿနအမြင်ကို ထင်လင်း စေပါသည်။ သူက ဒီးဒုတ် ဦးဘချိုအား ''ကျွန်တော်လည်း နိုင်ငံရေးက ထွက်မှာပါပဲ ဆရာ။ ထွက်ပြီးတော့ စာရေးမယ်ကြံတယ်။ ကျွန်တော် ကျောင်းမှာနေတုန်းက ပါဠိရော မြန်မာစာကိုပါ ယူခဲ့တယ်။ မြန်မာစာမှာ အမှတ် ကောင်းကောင်း ရတယ်။ ကျွန်တော် ကြိုးစားရင် ဒစ်စ်စတေးရှင်းတောင် ရမှာပဲ'' ဟုပြောခဲ့ပုံမှာ ဗိုလ်ချုပ်၏ ၀ါသနာကို ဖော်ညွှန်း နေပေသည်။
ဗိုလ်ချုပ်အောင်ဆန်းသည် အင်္ဂလိပ်ဘာသာ၊ မြန်မာဘာသာဖြင့် ဆောင်းပါး ၁၆ ပုဒ် ရေးခဲ့သည်။ ဘာသာရေး၊ လူမှုရေး၊ သမိုင်းရေး၊ စစ် စာပေ စုံလှ၏။ ပဲခူးကဝေ၊ အညာသားလေး၊ မောင်အောင်ဆန်း၊ သခင်အောင်ဆန်း ကလောင် အမည်များကို အသုံးပြုခဲ့သည်။ (Burma and Buddhism) ဆောင်းပါးကို အင်္ဂလိပ်လို ရေးခဲ့သည်။ ဘာသာရေးပိုင်း အစုံအလင် ပါသည်။ ကာလာမသုတ္တန် (Kalama Suta)ကို ကိုးကား၍ ရေးခဲ့သည်။ ဗုဒ္ဓဘုရားက 'ကြားရရုံဖြင့် မယုံကြည်ရန်၊ မြင်ရရုံဖြင့်လည်း မယုံကြည်ရန်၊ ရှေးဆရာများ ပြောခဲ့ရုံမျှဖြင့်လည်း မယုံကြည်ရန် ဟောဖူးကြောင်းကို ''Lord Buddha Said; Do not believe in anything because you have heard; Do not believe in tradition by they have been handed down; Do not believe in anything, because it is rumoured and spoken by many''ဟူ၍ ရှင်းလင်း ရေးသားခဲ့ပါသည်။
မောင်အောင်ဆန်း အမည်ဖြင့် ရေးသော ၀ိဟာရ ဆောင်းပါးတွင် ''သတ္တ၊ သင်္ခါရ၊ သြကာသ လောကကြီးသည်ကား ငါတို့ အားလုံး အဖိုး မဖြတ်နိုင်သော ၀ိဇ္ဇာပညာကို သင်ရာ ကြားရာ၊ မှတ်ရာ တက္ကသိုလ်ကျောင်းကြီး အစစ်ပင်တည်း။
. . . ရာဇ၀င် အစုံစုံကို ကြည့်မည် ဆိုလျှင် ပထမ လူရိုင်းခေတ်၊ ထို့နောက် အိမ်ထောင်ယာချ ပြုသောခေတ်၊ နောက်တစ်ဦးနှင့် တစ်ဦး ကူးလူးဆက်ဆံ၊ ခိုက်ရန်ဖြစ်ပွား၊ လောဘမီး၊ ဒေါသမီး တောက်လောင်သော ခေတ်ဖြစ်၏။ သို့ဖြင့် မင်းကျင့်တရား ဆယ်ပါး၊ သင်္ဂဟတရား လေးပါး စသော ၀တ္တရားများကို ထမ်းဆောင်နိုင်မှု မရှိ။ ပျက်ကွက်သဖြင့် ဝေသန္တရာမင်းကြီး တိုင်းပြည်မှ ထွက်သွားရသည်။ သီဟဗာဟု မင်းသား တိုင်းပြည်မှ အနှင်ခံလိုက်ရ၏' စသည်ဖြင့် အကိုးအထောက်နှင့် တကွ ရေးသားခဲ့သည်။
ဗိုလ်ချုပ်သည် 'အောင်ဆန်းနှင့် စာပေဆောင်းပါး'တွင် လူထုလူတန်းစား အသီးသီးကို ဤသို့ လှုံ့ဆော်ခဲ့သည်။
''ဒါကြောင့် ကျွန်တော်တို့ ပြုစုရမယ့် စာပေ အရေးအသားဟာ ဒီသဘောတရား များနဲ့ ပြည့်စုံတဲ့ စာပေမျိုး ဖြစ်ရမယ်။ ဒါမှလည်း ကျွန်တော်တို့ရဲ့ စာပေဟာ ကမ္ဘာ့ အဆင့်အတန်းကို မီမယ်။ ကမ္ဘာ့အဆင့်မီမှ ကျပ်ပြည့် ဒင်ပြည့် တန်ဖိုး ရှိမယ်။ ယဉ်ကျေးမှု စနစ်ကြီးလည်း ချက်ချင်း တိုးတက်လာလိမ့်မယ်။ ယဉ်ကျေးမှု စနစ်ကြီး တိုးတက် ပြောင်းလဲခြင်း မရှိဘဲနှင့် ခေတ်ပြောင်း၊ စနစ်ပြောင်း တိုးတက်ရေး မအောင်မြင်နိုင်ဘူး။''
''တစ်ကမ္ဘာလုံးဟာ ယခုအခါ ခေတ်ပြောင်းနေချိန် ဖြစ်တယ်။ ကျွန်တော်တို့လည်း ကမ္ဘာကြီးနဲ့အတူ ခေတ်နောက် မကျန်အောင် အမီ လိုက်ကြစို့။ ကမ္ဘာ့ဇာတ်ခုံကြီးမှာ ကမ္ဘာ့ တေးသံစုံတွေကို လိုက်ပြီး ကနိုင်တဲ့ ကမ္ဘာကြီး ဖြစ်အောင် ဖန်တီး ပြုပြင်ကြစို့။ လက်ဝယ်ရှိတဲ့ လုပ်ငန်း တာဝန်တွေ အလိုက် ကျွန်တော်တို့ အလုပ်လုပ်ကြစို့။ ကျွန်တော်တို့ အားလုံး စစ်သားရော၊ နိုင်ငံရေး သမားရော၊ စာရေးဆရာ၊ သတင်းစာ ဆရာများပါ ဗမာ တစ်မျိုးလုံး . . . ခေတ်ပြောင်း အလုပ်ကို တူပြိုင်ပြိုင် လုပ်ကိုင်ကြပါစို့'' ဟူ၍ ရေးသားခဲ့ကြောင်း ဗိုလ်ချုပ်အောင်ဆန်း၏ စာပေ သဘောတရားများကို နိဂုံးချုပ် တင်ပြရပါသည်။
ကျမ်းကိုး
ဗိုလ်ချုပ်အောင်ဆန်း၏ စာပေလက်ရာ (မြဟန်)
မြန်မာ့ရေးရာသုတပဒေသာ
မြန်မာ့စွယ်စုံကျမ်း အတွဲ (၁၅)
Ref: EMG News
ဘီဘီစီ ရေဒီယို- ဖိုး အစီအစဉ်မှာ ဒေါ်အောင်ဆန်းစုကြည် ထပ်မံ ဟောပြော
2011-07-06
အမျိူးသားဒီမိုကရေစီအဖွဲ့ချုပ် NLD ရပ်တည်မှုနဲ့ ပတ်သက်လို့ အစိုးရ ပြည်ထဲရေး ၀န်ကြီး ဌာနက ဥပဒေနဲ့ မညီဘူးလို့ ပြောပေမယ့် အဖွဲ့ချုပ် ခေါင်းဆောင် ဒေါ်အောင်ဆန်းစုကြည်က သူ့ပါတီဟာ မြန်မာနိုင်ငံမှာ တရားဝင် ရပ်တည်နေတဲ့ ပါတီ ဖြစ်တယ်လို့ ဘီဘီစီ ရေဒီယို ဖိုး အသံလွှင့် အစီအစဉ်မှာ မနေ့က ပြောကြားလိုက် ပါတယ်။
ဒေါ်အောင်ဆန်းစုကြည်ရဲ့ ဒုတိယပိုင်း ဟောပြောချက်မှာ မြန်မာနိုင်ငံက အတိုက်အခံ လှုပ်ရှားမှုတွေ အကြောင်းကို နိုင်ငံတကာက အတိုက် အခံတွေ လှုပ်ရှားမှုတွေနဲ့ နှိုင်းယှဉ် ပြောပြသွားပါတယ်။ အထူးသဖြင့် ၁၉၈၈ ခုနှစ် စစ်အာဏာ သိမ်းပြီးနောက် နှစ်ပေါင်း ၂၃ နှစ်တာ ကာလ အတွင်း အမျိူးသား ဒီမိုကရေစီ အဖွဲ့ချုပ် ဘယ်လို ရပ်တည် လှုပ်ရှားနေသလဲ ဆိုတာလည်း ရှင်းပြ သွားပါတယ်။
NLD ဟာ တရားမ၀င် အဖွဲ့အစည်း မဟုတ်ပါဘူး။ ဘာကြောင့်လဲ ဆိုတော့ မြန်မာနိုင်ငံမှာ ရှိတဲ့ တရားမ၀င် အဖွဲ့အစည်း ဆိုင်ရာ ဥပဒေနဲ့ NLD ငြိစွန်းနေတာမျိူး မရှိလို့ပါ လို့ ဒေါ်အောင်ဆန်းစုကြည်က ပြောပါတယ်။ နောက်ပြီး NLD ရဲ့ အခန်းကဏ္ဍနဲ့ ပတ်သက်လို့ ပြောဆိုတဲ့ အခါမှာ ရွေးကောက်ပွဲ အနိုင်ရ ပါတီကနေ အတိုက်အခံ ပါတီ ဖြစ်လာပုံကို ရှင်းပြပါတယ်။ ရွေးကောက်ပွဲနဲ့ ပတ်သက်ရင် မတရား ဖျက်သိမ်းတာ၊ ရွေးကောက်ပွဲ ရလဒ်ကို အငြင်းပွားတာ၊ ဒါမှမဟုတ် လျစ်လျူရှုတာ၊ စတဲ့ နိုင်ငံတွေ ရှိပါတယ်။
ဒါပေမယ့် အာဏာပိုင်တွေ ကိုယ်တိုင် ရွေးကောက်ပွဲ ရလဒ်ကို တရားဝင် ကြေညာပြီးမှ အကောင်အထည် မဖေါ်ခဲ့တဲ့ နိုင်ငံဆိုလို့ မြန်မာနိုင်ငံ တနိုင်ငံပဲ ရှိပါတယ်။ ဒါကြောင့် အင်န်အယ်လ်ဒီဟာ ၁၉၉၀ ရွေးကောက်ပွဲမှာ အနိုင်ရ ပါတီကြီး ဖြစ်ပေမယ့် အာဏာ လွှဲပေးတာ မခံရဘဲ စစ်အုပ်ချုပ်ရေး အောက်မှာ အတိုက်အခံ ဆိုတဲ့ အနေအထား ကို ရောက်လာတာ ဖြစ်တယ်လို့ ဒေါ်အောင်ဆန်းစုကြည်က ပြောသွားပါတယ်။
နောက်ပြီး မြန်မာ့ လွတ်လပ်ရေး လှုပ်ရှားမှု သမိုင်းကြောင်း နဲ့ ဒီမိုကရေစီရေး လှုပ်ရှားမှု သမိုင်းကြောင်း တွေကိုလည်း ပြောပြ ပါတယ်။ ဒါ့အပြင် ဒီလှုပ်ရှားမှုတွေကို သူ ဘယ်လို သုံးသပ် ရှုမြင်သလဲ ဆိုတာကို ရှင်းပြသွားပါတယ်။
ဒါကြောင့် ဒီဒုတိယပိုင်း ဟောပြောချက်ဟာ မြန်မာ့အရေး စိတ်ဝင်စားတဲ့ နိုင်ငံတကာ ပရိသတ်တွေ အတွက် ပိုပြီး စိတ်ဝင်စားဖွယ် ကောင်းစေတယ်လို့ ကိုယ်တိုင် တက်ရောက် နားထောင်ခဲ့သူ လန်ဒန်မြို့မှာ နေထိုင်တဲ့ ပန်းချီ အနုပညာရှင် ကိုထိန်လင်းက ပြောပါတယ်။
တတ်ရောက် နားထောင်တဲ့ ပရိသတ်တွေဟာ နယ်ပယ်စုံက လာတာ တွေ့ရတယ်။ ပညာရှင်၊ လူ့အခွင့်အရေး လှုပ်ရှားသူတွေ၊ သတင်းထောက်တွေ ပါတယ်။ မြန်မာနိုင်ငံသား တယောက် အနေနဲ့ ဂုဏ်ယူမိတယ်လို့ ကိုထိန်လင်းက ပြောပါတယ်။
ဒေါ်အောင်ဆန်းစုကြည်ရဲ့ ဟောပြောပို့ချချက်ကို တက်ရောက် နားထောင်ခဲ့တဲ့ သတင်းထောက် တဦးကလည်း သူ ဆီးရီးယား နိုင်ငံမှာ အခု ဖြစ်နေတဲ့ အစိုးရ အတိုက်အခံ လှုပ်ရှားမှုတွေကို သတင်း သွားယူတုန်းက ဆိုရင် ဆီးရီးယား ပြည်သူတွေဟာ ဒေါ်အောင်ဆန်းစုကြည်ကို စံနမူထား လေးစား ကြည်ညိုတာ တွေ့ခဲ့ရတယ်လို့ ပြောပြသွားပါတယ်။
ဒါကြောင့် ဒေါ်အောင်ဆန်းစုကြည်ကို မြန်မာ အစိုးရ အာဏာပိုင်တွေက နှစ်ပေါင်း များစွာ ချုပ်နှောင် တားဆီး ထားပေမယ့် သူရဲ့ ယုံကြည်ချက်၊ သန္နိဋ္ဌာန် ခိုင်မာမှုတွေဟာ ကမ္ဘာတလွှားက ဒီမိုကရေစီရေးနဲ့ လူ့အခွင့်အရေး လှုပ်ရှားသူတွေ အတွက် မီးရှုး တန်ဆောင် ဖြစ်နေတယ်လို့ ဟောပြော ပို့ချချက် စီစဉ်သူတွေက မှတ်ချက်ပေး ပြောဆိုသွားပါတယ်။
Ref: RFA News
ဇူလိုင် ၇ အရေးတော်ပုံ ၄၉ နှစ်တိုင် ခွပ်ဒေါင်းစိတ်ဓာတ် ရှင်သန်ဆဲ
မသင်းသီရိ
ဗုဒ္ဓဟူး, 06 ဇူလိုင် 2011
တင်းကျပ်တဲ့ စည်းကမ်းချက်တွေ တဖက်သတ် ထုတ်ပြန်လာတာကို မကျေနပ်လို့ ဆန္ဒပြခဲ့တဲ့ ရန်ကုန် တက္ကသိုလ် ကျောင်းသူ ကျောင်းသားတွေ သွေးမြေကျခဲ့ပြီး တကသ အဆောက်အဦး မိုင်းခွဲ ဖျက်ဆီးခံခဲ့ရတာ ဒီကနေ့ဆိုရင် ၄၉ နှစ် ရှိခဲ့ပြီ ဖြစ်ပါတယ်။ ၁၉၆၂ ခုနှစ် ဇူလိုင်လ ၇ ရက်နေ့က ရန်ကုန်တက္ကသိုလ်အတွင်း သွေးမြေကျခဲ့ရတဲ့ ဒီဖြစ်ရပ်တွေ နောက်ပိုင်း တိုင်းပြည်အာဏာကို မတရား ကိုင်စွဲ အုပ်ချုပ်သူတွေဟာ တက္ကသိုလ် ကျောင်းသူ ကျောင်းသားတွေကို ရန်သူအဖြစ် တလျှောက်လုံး ဆက်ဆံလာခဲ့သလို ပညာရေး မျိုးဆက် ပြတ်မှုတွေနဲ့အတူ တိုင်းပြည်မှာ ပညာတတ် ရှားပါး လာမှုတွေကိုလည်း ဒီနေ့အထိ ခံစားနေရဆဲပဲလို့ အဲဒီ ဇူလိုင် ၇ ရက်နေ့ကို ကိုယ်တိုင် တွေ့ကြုံ ဖြတ်သန်းခဲ့ကြသူတွေက သုံးသပ်ပါတယ်။ ဒီကနေ့ ကျရောက်တဲ့ ဇူလိုင် ၇ ရက်နေ့ အမှတ်တရ အကြောင်းတွေနဲ့ သုံးသပ်ချက်တွေကို မသင်းသီရိက စုစည်း တင်ပြပေးထားပါတယ်။
၁၉၆၂ ခုနှစ် ဇူလိုင်လ ၇ ရက်နေ့က မြန်မာနိုင်ငံရဲ့ ကျက်သရေဆောင် တခုဖြစ်တဲ့ ရန်ကုန်တက္ကသိုလ်က အဓိပတိ လမ်းမကြီး အပါအ၀င် ကျောင်းဝင်းနေရာ အနှံ့အပြားမှာ သွေးမြေကျခဲ့ရတာဟာ မြန်မာနိုင်ငံရဲ့ အဆိုးဝါးဆုံး သမိုင်း ဖြစ်ရပ်တွေထဲက မေ့မရနိုင်တဲ့ သမိုင်းဝင် နေ့ရက်တခု ဖြစ်တယ်လို့ ဒီနေ့ကို ကိုယ်တွေ့ ဖြတ်သန်းခဲ့ရတဲ့ ကျောင်းသား ဟောင်းကြီးတွေက ဆိုပါတယ်။
တက္ကသိုလ် ကျောင်းသူ ကျောင်းသားတွေဟာ ၁၉၆၂ ခုနှစ် မတ်လ ၂ ရက်နေ့က တိုင်းပြည်ကို စစ်တပ်အာဏာနဲ့ သိမ်းယူခဲ့တဲ့ ဗိုလ်ချုပ်ကြီး နေ၀င်းရဲ့ စစ်အစိုးရဆီကနေ အဆောင်ကိစ္စကို တဖက်သတ် တင်းကျပ်စွာ ထုတ်ပြန်လာတဲ့ အပေါ် မကျေနပ်ကြလို့ ကျောင်းသူ ကျောင်းသားတွေက ကန့်ကွက် ဆန္ဒပြခဲ့ကြတာ ဖြစ်ပါတယ်။
ဇူလိုင်လ ၇ ရက်နေ့ နေ့လယ်ပိုင်းကစလို့ စစ်တပ်နဲ့ တက္ကသိုလ် ကျောင်းသူ ကျောင်းသားတွေကြားမှာ တင်းမာတဲ့ အခြေအနေတွေ စတင်ခဲ့ပြီး ညနေပိုင်းမှာတော့ စစ်တပ်က အကြမ်းဖက် ဖြေရှင်းခဲ့တဲ့ အတွက် တက္ကသိုလ် ကျောင်းဝင်းအတွင်း သွေးချောင်း စီးခဲ့တဲ့ ဖြစ်ရပ်တွေက မနေ့တနေ့က လိုပဲ ခံစားနေရ ဆဲပဲလို့ အဲဒီအချိန်က အမရဆောင်ရဲ့ ကျောင်းသားတဦး ဖြစ်ခဲ့တဲ့ ဦးနိုင်းနိုင်းက သူ့အတွေ့အကြုံကို အခုလို ပြန်ပြောင်း ပြောပြပါတယ်။
“ရန်ကုန်တက္ကသိုလ်ကြီး၊ အဓိပတိရင်ပြင်၊ အဓိပတိလမ်းနဲ့ မန္တလေးဆောင်၊ အမရဆောင်ကြား လမ်းတွေမှာ ညနေ ၆ နာရီဆိုရင် တခါတည်း လက်တကမ်းက မျက်နှာချင်းဆိုင် အဲဒီလိုရှိတဲ့ ကျောင်းသားတွေဟာ G-3 နဲ့ ရင်ဆိုင် အပစ်ခံရတာ။ အတုံးအရုံး သေကြတာပေါ့။ အန်ကယ်လည်း ပါတယ်၊ အန်ကယ်ကတော့ အမရဆောင် ပေါ်တီကို အပေါ်မှာလေ။ ပစ်တာပဲ။
“ဒါပေမဲ့ ပစ်တဲ့နေရာက အ၀ိုင်းလေးပေါ့။ အဓိပတိလမ်းထိပ်က အ၀ိုင်းလေးက စပစ်တော့ အန်ကယ်တို့က ခုန်ချလိုက်လို့ မှောက်လို့ အချိန်ရတာပေါ့။ အဓိပတိနဲ့ မန္တလေးကြားမှာတော့ အတုံးအရုန်း သေကြတယ်ကွာ။ ဗမာပြည်မှာ တကယ့် တိုင်းပြည်ရဲ့ အညွန့်အဖူး သားကောင်း ရတနာတွေ ကျဆုံးသွားတာက ခေတ်သစ် သမိုင်းမှာတော့ အကြီးကျယ်ဆုံးသော ရက်စက် ယုတ်မာမှုကြီး ဆိုပြီးတော့ အမြဲတမ်း ဦးက နှစ်တိုင်း သတိရတယ်။ ကိုယ်ကိုယ်တိုင်လည်း ပါခဲ့တော့ ဒီဥစ္စာကို သိပ်သတိရတာပဲ။ ဦးတို့ အမရဆောင်၊ မန္တလေးဆောင်နဲ့ အဓိပတိလမ်းက ကျောင်းသားတွေ အများဆုံး အပစ်ခံရတာပဲလေ”
နောက်တနေ့မနက် ဇူလိုင်လ ၈ ရက်မှာတော့ ကျောင်းသားသမဂ္ဂ အဆောက်အဦးကြီး ဖြိုချ ခံခဲ့ရပါတယ်။
“နောက်နေ့ ၈ ရက်နေ့ မနက်ကျတော့၊ အဲဒီညနေမှာ ဦးတို့လည်း ထမင်းစား မ၀င်တော့ဘူး။ မှတ်မှတ်ရရ ဦးတို့ အဆောင်မှာ အဲဒီနေ့က ၀က်သား ကျွေးတယ်ကွ။ ဘယ်သူမှ ထမင်းမစား နိုင်တော့ဘူး။ ညကျတော့ သန်းခေါင်သန်းလွဲပဲ နောက်ဘက် ၀င်းထဲမှာ စကား ပြောကြပြီးတော့ အိပ်ရော။ မနက် ၆ နာရီကျတော့ ဒိန်းဆိုတဲ့ အသံကြီး တချက်ပဲ ကြားလိုက်တယ်။ ဦးရဲ့အခန်းက အပေါ် မျက်နှာကြက် ကျောက်ပြားတွေ ကြွေကျတာ။ မှန်တွေလည်း ကွဲပေါ့လေ။ အိပ်ရာက နိုးပြီးတော့ ရုတ်တရက် လန့်ပြီး သွေးတောင် ပျက်ချင်တယ်။
“အားလုံးပဲ တံခါးတွေ ဖွင့်ကြပြီးတော့ ဘာဖြစ်တာလဲကွ ဆိုပြီးတော့ ဘယ်သူမှ မပြောနိုင်ဘူး။ နောက်ကျမှ ဟိုဘက်က တယောက်က ယူနီယံကြီး မရှိတော့ဘူးကွာလို့ အော်တော့ သွားပြေးကြည့်ကြတာပေါ့၊ မန္တလေး ဆောင်ဘက်ကို။ ကြည့်တော့ ဒီလောက်ထူတဲ့ အုတ်နံရံရှိတဲ့ ၂ ထပ် အဆောက်အဦးကြီးက တခါတည်း ပြားပြားဝပ် ကျသွားတာ။
“အသံတသံပဲ မြည်တယ်၊ ၂ သံမမြည်ဘူး။ ဒိုင်းဆို၊ ခေါင်မိုးကြီးကတော့ မကွဲသွားဘူး။ အုတ်နံရံတွေ အကုန် ပြိုကျသွားတာ။ မိုင်းတွေနဲ့ ဖြိုတာ ဖြစ်မှာပေါ့။ အဲဒီမှာ တခါတည်း ရင်ကွဲရတာပေါ့။ သဘောက ဘာဖြစ်သွားလဲ ဆိုတော့ ဒီလို လုပ်ခဲ့တဲ့ဟာ လွတ်လပ်ရေး သမိုင်း၊ လွတ်လပ်ရေးမှာ တကယ့် အမျိုးသား ခေါင်းဆောင်ကြီးတွေ နေခဲ့တဲ့ ကျောင်းသားသမဂ္ဂ အဆောက် အဦးကြီးကို ဒီလိုလုပ်တာက အင်မတန် ရက်စက် ယုတ်မာ ရိုင်းစိုင်းတဲ့ လုပ်ရပ်ပဲ ဆိုပြီးတော့ အမြဲတမ်း မှတ်မိနေတယ်။”
ဒီလိုဖြစ်ရပ်တွေကို တိုင်းပြည် အုပ်ချုပ်သူတွေက သတင်းမှောင်ချဖို့ ကြိုးစားခဲ့ကြသလို ၇ ဇူလိုင်နဲ့ ပတ်သက်တဲ့ သတင်းတွေ၊ ဆောင်းပါးတွေ လိုမျိုးကို မြန်မာ့စာနယ်ဇင်း သတင်းလောက တလျှောက်လုံးမှာ လုံးဝ ရေးခွင့် မရခဲ့ပါဘူး။ သမိုင်းတွေကို ဘယ်လိုပဲ ဖုံးကွယ်ဖို့ ကြိုးစား ကြိုးစား၊ ဘယ်လိုပဲ ဖျောက်ဖျက်ပစ်ဖို့ ကြိုးစား ကြိုးစား အစဉ်အလာ ကြီးမားခဲ့တဲ့ တကသ စိတ်ဓာတ်ဟာ ဒီနေ့အချိန်အထိ ဘယ်တော့မှ ပျောက်မသွားဘူးလို့ သတင်းစာ ဆရာဟောင်း ဦးသာဘန်းက ဆိုပါတယ်။
“၇ ဇူလိုင်ကို ဘယ်တုန်းကမှ ဖော်ပြလို့ မရခဲ့တာ၊ အခုလည်း မရပါဘူး။ ဦးနေ၀င်း အာဏာသိမ်းတဲ့ အချိန်က စပြီးတော့ ကနေ့အထိပဲ။ ဘဘက အဲဒီအချိန်မှာ သတင်းစာသမား ဖြစ်နေပြီ။ အဲဒီတော့ တကသနဲ့ ပတ်သက်လို့ရော ကျောင်းသားသမဂ္ဂ အဆောက်အဦး ပြိုပျက်တဲ့ ကိစ္စနဲ့ ပတ်သက်လို့ရော ဘဘတို့က ပြောခွင့်လည်း မရှိတော့ဘူး။ အဲဒီတော့ ကိုအောင်ဆန်းကို မွေးခဲ့တဲ့၊ ကိုဗဟိန်းကို မွေးခဲ့တဲ့၊ ကိုအောင်ကျော်ကို မွေးခဲ့တယ်ဆိုတဲ့ အစဉ်အလာရှိတဲ့ သမဂ္ဂဟာ သူတို့ဖျက်ပေမဲ့ သမဂ္ဂစိတ်ဓာတ် ဘယ်တော့မှ မပျက်ဘူး။ ကနေ့အထိ ရှင်သန်နေတယ်။”
ဝါရင့် သတင်းစာဆရာဟောင်း ဦးသာဘန်း ပြောပြသွားတာ ဖြစ်ပါတယ်။
ဒီလိုဖြစ်ရပ်တွေနောက်ပိုင်း အုပ်ချုပ်သူ အာဏာရှင်တွေဟာ ကျောင်းသူ ကျောင်းသားတွေကို ရန်သူလို သဘောထား ဆက်ဆံလာပြီး ဖိနှိပ်မှုတွေလည်း ပိုပြီး ကြီးလာတာကြောင့် တိုင်းပြည်ကနေ ပညာတတ် အများအပြား စွန့်ခွာ သွားကြတာမို့ ဒီနေ့အချိန်အထိ ပညာရေး မျိုးဆက်ပြတ်မှု တိုင်းပြည်မှာ အကြီးအကျယ် ကြုံနေရတာ ဖြစ်တယ်လို့ ရန်ကုန်တက္ကသိုလ် ကျောင်းသားဟောင်း ဦးနိုင်းနိုင်းက သုံးသပ်ပါတယ်။
“အာဏာကို မတရား ကိုင်စွဲတဲ့ လူတွေရဲ့ ရန်ဘက်လို့ သဘောအထားခံရတော့တာပဲ။ ပညာတတ်တဲ့ သူတွေကို ကောင်းကောင်းမွန်မွန် အားမပေးရင် တိုင်းပြည်မှာ ပညာတတ်သူ နည်းသွားမယ်၊ တိုင်းပြည်က ချွတ်ခြုံကျပြီပေါ့။ အခုဆိုရင် ပညာရေး ချွတ်ခြုံကျတော့ ကျန်တဲ့ အတွေးအခေါ် အယူအဆ အသိအမြင်တွေနဲ့ စိတ်ဓာတ်ရေးရာကအစ တော်တော် ချွတ်ခြုံ ကျသွားတယ်။ တို့ ရန်ကုန် တက္ကသိုလ်မှာ နိုင်ငံခြား ကျောင်းသားတွေက စာလာသင်ရတာ အဲဒီခေတ်က။ အခုတော့ ဗမာပြည် ပညာရေးက ဒီမှာ ဘာကြီး ဘွဲ့ရရ ဘယ်နိုင်ငံမှ အသိအမှတ် မပြုတော့ဘူး။ အဲဒီကာလ လွန်ခဲ့တဲ့ ၄၉ နှစ်လောက်က စလိုက်တာ အခုထိ ခံနေရတုန်းပဲ။”
ရန်ကုန်တက္ကသိုလ် ကျောင်းသားဟောင်း ဦးနိုင်းနိုင်း ပြောပြခဲ့တာ ဖြစ်ပါတယ်။
မြန်မာနိုင်ငံမှာ ၁၉၆၂ ခုနှစ် စစ်တပ်အာဏာသိမ်းမှု ဖြစ်ပြီး ၇ ဇူလိုင်လို သွေးမြေကျခဲ့တဲ့ ဖြစ်ရပ်တွေ ရှိခဲ့သလို ၁၉၈၈ မှာ နောက်တကြိမ် စစ်တပ် အာဏာသိမ်းခဲ့ပြီး တိုင်းပြည်ကို စစ်အုပ်ချုပ်မှု စနစ်နဲ့ နှစ်ပေါင်းများစွာ ဖြတ်သန်းလာရင်း ၈၈ အရေးတော်ပုံနဲ့ အတူ ၂၀၀၇ ရွှေဝါရောင် သံဃာ့ လှုပ်ရှားမှုတွေမှာ အကြမ်းဖက် ဖြိုခွင်းတာ တွေကြောင့် ရဟန်းသံဃာတွေ အပါအ၀င် ကျောင်းသား လူထု သွေးမြေကျခဲ့ရတဲ့ ဖြစ်ရပ်တွေလည်း မြန်မာနိုင်ငံမှာ ကြုံတွေ့ခဲ့ရတာ ဖြစ်ပါတယ်။
Ref: VOA News
၇ ရက် ဇူလိုင်
ဦးမျိုး (ဥပဒေ)
ဗုဒ္ဓဟူးနေ့၊ ဇူလိုင်လ ၀၆ ရက် ၂၀၁၁
မေမေကျွေးတဲ့ ထမင်းကို ဗိုက်ကားအောင် မနက်စောစော စားပြီး ကျောင်းသွားနေကျ။ နေ့လည်စာ အတွက် ၅ ပြားပဲ ရလို့ မနက်စာကို အဝကြိတ်ပြီး ကျောင်းလာတာပါ။ ကျောင်းနဲ့ အိမ်က တမိုင်လောက် သွားရတယ်။ လမ်းမှာ သူငယ်ချင်းတွေ ကိုလည်း ဝင်ခေါ်ရသေးတယ်။
သူငယ်ချင်း မောင်တင်အောင်၊ မောင်တင်လှနဲ့ ကျနော်ဟာ ရဲသုံးဖော်ပေါ့။ ရှေ့ဆုံးတန်းမှာထိုင်တဲ့ စံပြ ကျောင်းသား လေးတွေလို့ ဆိုရပါမယ်။ ကျနော်တို့ သုံးယောက်က စာမေးပွဲဆို ပထမ၊ ဒုတိယ၊ တတိယ ၃ နေရာစလုံး ယူပြီး အောင်မြင်နေကျ။ ကျောင်းတက် တရက်မှ အပျက်မခံ။ နေမကောင်းလည်း ကျောင်းက တက်လိုက်သေး။ အဲဒီလို ကျောင်းချစ်၊ ကျောင်းစွဲ၊ ကျောင်းပျက် မခံရဲသူတွေ။ အဲဒီလိုထဲကမှ နေ့တနေ့ကို ကောင်းကောင်းကြီး မှတ်မိနေတယ်။
“ ဟေ့ကောင် … ငပု၊ မင်းကျောင်းမသွားနဲ့တော့။ ဒီနေ့ ကျောင်းပိတ်တယ်”
ကျနော်တို့ သူငယ်ချင်း ၃ ယောက်စလုံးက “ ကျောင်းသွားမယ်” လို့ ပြိုင်တူ အော်ပစ်လိုက်တယ်။
“ မသွားပါနဲ့ ညီလေးတို့ရာ။ ဒီနေ့ဟာ ဆဲဗင်း ဇူလိုင်နေ့လေ။ တက္ကသိုလ်က ငါတို့ ကျောင်းသား အကိုကြီးတွေကို နေဝင်း စစ်တပ်က ပစ်သတ်လို့ ကျောင်းသား တရာကျော် သေတဲ့နေ့လေ။ ငါတို့နဲ့အတူ လိုက်ခဲ့ပါကွာ”
တောင်းတောင်းပန်ပန် ချော့ခေါ်နေသူတွေ အထဲမှာ ကျနော့် အကိုဝမ်းကွဲတွေ၊ အမဝမ်းကွဲတွေ ပါနေပါတယ်။
အကိုတွေ၊ အမတွေက ကျနော့်နား ကပ်လာပြီး ချီပါလေရောလား။ သူငယ်ချင်း ၂ ယောက်က ပါးစပ် အဟောင်းသားနဲ့ ကျနော့်ကို ငေးကြည့် နေကြတယ်။ ကျနော်က ရုန်းကန်ပြီး အကို့ရင်ခွင်ထဲကနေ ရုန်းထွက်လိုက်ပြီး သူငယ်ချင်းတွေဆီ ထွက်ပြေးတယ်။ အကိုတွေ၊ အမတွေက ကျနော်တို့ကို လိုက်ခေါ်ပါတယ်။
ဆရာမ ဒေါ်ခင်ကြီးက ပြန်ကြမယ်လေ ပြောမှ ကျနော်တို့ အိမ်ဘက်ကို မျက်နှာမူပါတော့တယ်။ ကျနော်တို့ အဲဒီနေ့က ကျောင်းမတက်ခဲ့ပါ။
ကျနော်တို့ မူလတန်း ကျောင်းနှင့် အိမ်အကြားတွင် အထက်တန်းကျောင်း ရှိနေတယ်။ ရွာထဲဖြစ်လို့ ကျောင်းရှေ့မှာ လူတွေ အများကြီး စုဝေး နေကြတယ်။ ကျောင်းသားတွေချည်း မဟုတ်။ လူထုတွေပါ လာကြတယ်။ ဘာဖြစ်ပါလိမ့်ပေါ့။ ကျနော်တို့ သွားကြည့်ပါတယ်။
ခဏနေတော့ သီချင်းသံ အကျယ်ကြီးထွက်လာတယ်။ ဟော … မမမိငယ် အသံပါလား။ ကိုယ့်အိမ်မှာ နေတဲ့ ကိုယ့်အမကြောင့် ပြောတာ မဟုတ်ပါ။ မမမိငယ်မှာ ရုပ်ရှင်မင်းသမီးတွေထက် ချောလှပြီး၊ အသံလည်း အင်မတန် သာယာပါတယ်။ “ တက္ကသိုလ် ဒို့ကျောင်းတနေရာ အုတ်မြစ် စုလျက်ပုံလျက်နေပြန်တာ” အစချီတဲ့ သမဂ္ဂ သီချင်းတပုဒ်ကို စဆိုပါတော့တယ်။ အိမ်မှာ မမဆိုတဲ့ “တဝဂူ” သီချင်း အလိုက်အတိုင်း ဆိုသံကို ကြားနေကျမို့ ပိုလို့ ကောင်းနေပါတယ်။ ကျနော့်ဘေးက အကို ကဗျာဆရာက ငိုပါလေရောလား။
တခြား ကျောင်းသူကျောင်းသားတွေလည်း ငိုနေကြပြီလေ။ ကျနော့်မှာ ရှိုက်လို့သာ နေပါတော့တယ်။ ရင်ဘတ်မှာ နှင်းဆီပန်း အနီတွေနဲ့ချည်း ကျောင်းသားကြီးတွေ ငိုနေလေပြီလေ။ ကျနော် တက္ကသိုလ်ရောက်တော့ သူငယ်ချင်းတွေကို မှတ်မှတ်ထင်ထင် ပြောပြဖြစ်ခဲ့ပါတယ်။ ကျနော့် ဘဝ အစပါ။
၁၉၆၂ ဇူလိုင် ၇ ရက်ကို သစ်ပုတ်ပင်အောက်ထိုင်ရင်း သူငယ်ချင်းတွေနဲ့ စကားဝိုင်း ဖွဲ့ဖြစ်ကြတယ်။ အဲဒီနေ့က တက္ကသိုလ် ရွှေရတု သဘင် (၁၉၇ဝ) ကျင်းပနေတဲ့ ဒုတိယနေ့ပါ။ ကျနော်တို့ ဒီအတိုင်း ထိုင်နေကြမလားပေါ့။ ဘာလုပ်ကြမလဲ ဆွေးနွေးနေစဉ်မှာ မော်လမြိုင် ကောလိပ်က ကျောင်းသားတွေ ဆန္ဒပြကုန်ပြီလို့ ချက်ချင်း သတင်း ရောက်လာပါတယ်။ ရန်ကုန် ကျောင်းသားကြီးများ နောက်ကျ သွားလေပြီ။ တက္ကသိုလ် ကောလိပ်ကျောင်းတွေ ပိတ်ကြောင်း ချက်ချင်း ကြေညာပါတယ်။ ကျောင်းတွေပိတ်၊ လူစုခွဲတဲ့ နည်းကို ဖက်ဆစ်နေဝင်း တသက်လုံး ကျင့်သုံးခဲ့တယ်။ အဲဒီနေ့ညမှာပဲ လှည်းတန်း အဝိုင်းကြီးကို စဖျက်ပါတော့တယ်။ မဟာဝိဇ္ဇာ တက်နေတဲ့ တက္ကသိုလ်ကျောင်းသား အကိုကြီးက သမိုင်းကို သူကြုံခဲ့ရတဲ့အတိုင်း ကျနော်တို့ကို ရှင်းပြပါတယ်။
တက္ကသိုလ်ကျောင်း ဝန်းရံထားတဲ့ သံတိုင်တွေ၊ ကျည်ဆံမှန်ထားတဲ့ ဒဏ်ရာတွေကို တချောင်းချင်း လိုက်ပြပါတယ်။ သံတိုင် တချောင်းကို ကျည်တဝက် မှန်ထားပေမယ့် ကျိုးမသွားပါ။ သံတိုင်ပေါင်း ရာချီမက တွေ့ရပါတယ်။ အမှတ်အသား သက်သေခံချက်ကြီးတွေ ပါလား။
ကျနော် စစ်ကိုင်းဆောင်နဲ့ အင်းဝဆောင်မှာ နေခဲ့ဖူးပါတယ်။ အဓိပတိလမ်းဝင်တိုင်း မုခ်ဦး အုတ်တိုင်ပေါ်က ကျည်ဆံ ရာတွေနဲ့ သမဂ္ဂ အဆောက်အအုံ ဝင်းကြီးကို အမြဲ သတိထားမိပါတယ်။ ဦးသန့် အရေးအခင်း ရောက်တော့မှ သမဂ္ဂ အလံတိုင်ကို သေသေချာချာ ပွတ်သပ် လေ့လာဖူးပါတယ်။ အလံတိုင်မှာ ခြကိုက်ပိုးထိုး ဖြစ်နေပါပြီ။ ၁၉၇ဝ ခုနှစ် တက္ကသိုလ် ရွှေရတုသဘင် ကာလက သမိုင်းဝင် ဖြစ်ရပ် ဓာတ်ပုံများ စာအုပ်ကို သေသေချာချာ တွေ့မြင်ဖူးပါတယ်။ ကျွန်းပြန် ကျောင်းသားရဲဘော်ကြီးတဦးက ပြသလို့ မြင်ဖူး လိုက်တာပါ။
ကျနော် အင်းဝဆောင်နေတုန်း အကိုကြီးတဦး တက္ကသိုလ် ဆေးရုံ လာတက်တာကို အကြောင်းပြုပြီး၊ ရန်ကုန် ကျောင်းသား သမဂ္ဂနှင့် တကသ ကျောင်းသားခေါင်းဆောင် ရဲဘော်ကြီး ဦးဥာဏ်ဝင်းကို ဦးချစ်လက်ဖက်ရည် ဆိုင်တွင် စကား ပြောဖူးပါတယ်။ ကျနော်တို့ မျက်နှာကို သေသေချာချာ ကြည့်ပြီး အင်မတန် ဂရုဏာသက်တဲ့ အကြည့်နဲ့ စကား ချိုချိုသာသာ ပြောပြတာကို ကျနော့်တသက် မမေ့ပါ။
ကျောင်းဝင်းထဲကို ဒီတကြိမ်ပဲ ပြန်ရောက်တာပါတဲ့။ နောက်လာဖြစ်မှာ မဟုတ်တော့ဘူးလို့ ပြောပြီး ပြန်သွားပါတယ်။ အကိုကြီးရဲ့ သဏ္ဍာန်ကို ပြန်သွားတဲ့အထိ လိုက်ကြည့် နေမိပါတယ်။ အင်မတန် ကြည်ညို လေးစားစရာ ကောင်းပါတယ်။ နောက်တော့ ကိုဥာဏ်ဝင်းနဲ့ ကိုတင်မောင်ဝင်းတို့ ညီအကို နှစ်ယောက်စလုံး တော်လှန်ရေး တနေရာမှာ တာဝန် ပြီးဆုံးသွားပြီလို့ သိလိုက်ရပါတယ်။ ကျနော့်မှာ ကိုရဲဝင်းရဲ့ သူငယ်ချင်းရဲဘော် ဖြစ်လို့ကတကြောင်း၊ ကိုယ့်ကျောင်းသား နောင်တော် ရဲဘော်ကြီးတွေ ဖြစ်လို့က တကြောင်းမို့လို့ မျက်ရည်ကျမိပါတယ်။ အကိုကြီးတွေ မရှိကြတော့ပြီ။
အင်းစိန်ထောင်ထဲ ညီလေး (ရခိုင်လို ညီချေ) လို့ တမြင်ကပင် လှမ်းအော်နေတဲ့ အကိုကြီး ကိုသန်းရွှေလည်း ထောင်ထဲမှာ အသတ် ခံလိုက်ရတယ်။ သေဆုံးသွားပြီဖြစ်တဲ့ ရဲဘော်ကြီးတွေ မနည်းတော့ပြီ။ သူတို့ရဲ့ စိတ်ဓာတ်နဲ့ အာရုံကား ကျနော်တို့မှာ အသွေးအသား ဖြစ်ကျန်ရစ်ပါပြီ။ အကိုကြီးတွေ မသေပါ။
ကျနော် ၁၉၇၄၊ ၇၅ ခုနှစ် ဇွန် ၆ အထွေထွေ အလုပ်သမား သပိတ်ကြောင့် ထောင်ဒဏ် ၇ နှစ်ကျပြီး ပြန်ထွက် လာချိန်မှာတော့ မူလတန်း ကျောင်းသား ဘဝက ကျောင်းတက်ချင် လွန်းတဲ့ ကျနော်မှာ ကျောင်းကို ပြန်လှည့် မကြည့်ချင်တော့ပါ။ ဒါပေမဲ့ ထောင်က ထွက်တဲ့နေ့မှာ ဆရာဖြစ်သူ ဖခင်ကြီးရဲ့ ကျုံးသွင်းကောင်းမှုကြောင့် ဘွဲ့ရခဲ့တယ်။ တက္ကသိုလ် ကျောင်းဝင်း ပြန်ရောက်တိုင်း နဂိုအတိုင်း သွေးသား ပြန်ပေါ်ပါတယ်။
၁၉၈၈ ခုနှစ် တက္ကသိုလ်ကျောင်းဝင်း ပြန်ရောက်ဖြစ်ပါတယ်။ ၈ လေးလုံး ရောက်ပါပြီ။ နဂို အသွေးအသား အတိုင်း နုပျိုမြစ်ဆဲ၊ လန်းဆန်းဆဲပါ။ တူ၊ တူမ အရွယ်ကိုပင် ညီလေး၊ ညီမလေး ခေါ်ပြီး ကျနော်တို့ နုပျိုနေကြပြီ။ ဘာလိုသေးလို့လဲ။ ရဲဘော်တွေ ကျနော်တို့နဲ့ အတူ ရှိပြီ။
Ref: မဇ္ဈိမ
ဝန်ကြီးချုပ်ဟောင်း သမီးများ ကြားဖြတ်ရွေးကောက်ပွဲကို ကျောခိုင်း
ခင်ဦးသာ
Tuesday, 05 July 2011
ပြီးခဲ့သည့် ၂၀၁၀ ရွေးကောက်ပွဲ၌ ဒီမိုကရက်တစ်ပါတီ (မြန်မာ) မှ တက်ကြွစွာ ပါဝင်ယှဉ်ပြိုင် ခဲ့ကြသော ၀န်ကြီးချုပ် ဟောင်းများ၏ သမီး ၃ ဦးသည် ရွေးကောက်ပွဲ အပြီး ၉ လ ပြည့်မြောက်ချိန်၌ ၎င်းတို့၏ အမြင်များ ပြောင်းလဲသွားပြီဟု ဆိုသည်။
ရွေးကောက်ပွဲနှင့် ပတ်သက်၍ စိတ်ပြောင်းလဲမှုဖြစ်သွားသော ၎င်းတို့သည် လာမည့် ကြားဖြတ် ရွေးကောက်ပွဲ၌ ၀င်ရောက် ယှဉ်ပြိုင် တော့မည် မဟုတ်ကြောင်း ပြောသည်။
“အရင်လို အခုလည်း မဲမသမာမှုတွေ ဖြစ်ဦးမှာပါ။ အဲဒါကြောင့် ၀င်အရွေးမခံတော့ဘူးလို့ ဆုံးဖြတ် ထားတယ်။ ပြီးခဲ့တဲ့ ရွေးကောက်ပွဲ တုန်းက မဲပုံးကြီးကို ပေါ်တင် မယူသွားပြီး မဲလိမ်၊ မဲခိုးခဲ့တာတွေကိုကြုံခဲ့ရတယ်။ ဥပဒေကို ဒီလို ပေါ်တင် ချိုးဖောက်တာ ခံခဲ့ရတော့ ဒီတကြိမ်တော့ စိတ်မပါတော့ဘူး” ဟု ဒီမိုကရက်တစ်ပါတီ (မြန်မာ) ၏ အတွင်းရေးမှူး ဒေါ်ချိုချိုကျော်ငြိမ်းက ဆိုသည်။ ဒေါ်ချိုချိုကျော်ငြိမ်း သည် ဦးနုအစိုးရ လက်ထက် ဒုတိယ ၀န်ကြီးချုပ် ဦးကျော်ငြိမ်း၏ သမီးဖြစ်သည်။
ဒီမိုကရက်တစ် ပါတီ (မြန်မာ) ၏ ပါတီဝင်များ ဖြစ်ကြသော ၀န်ကြီးချုပ်ဟောင်းဦးနု၏ သမီးဖြစ်သူ အထွေထွေ အတွင်းရေးမှူး ဒေါ်သန်းသန်းနု၊ ဒု - ၀န်ကြီးချုပ်ဟောင်း ဦးဗဆွေ၏ သမီးဖြစ်သူ အတွင်းရေးမှူး ဒေါ်နေရီဗဆွေ၊ အတွင်းရေးမှူး ဒေါ်ချိုချို ကျော်ငြိမ်း တို့သည် ပြီးခဲ့သည့် ၂၀၁၀ ရွေးကောက်ပွဲက ၀င်ရောက်ယှဉ်ပြိုင် ခဲ့ကြသော်လည်း အနိုင်မရခဲ့ကြပေ။
“ကျမကတော့ ပါတီအင်အား ကောင်းဖို့ရယ်၊ ၂၀၁၅ အတွက်ရယ်ပဲ အာရုံစိုက် လုပ်တော့မှာပါ။ ကြားဖြတ် ရွေးကောက်ပွဲမှာ မပြိုင်တော့ဘူး” ဟု ဒေါ်သန်းသန်းနုက ဆိုသည်။
၎င်းတို့ ၃ ဦးသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) မှ ပြိုင်ဘက်များနှင့် မဲရုံ တာဝန် ရှိသူများ၏ မဲမသမာမှု များကြောင့် ရှုံးနိမ့်ခဲ့၍ ကြားဖြတ် ရွေးကောက်ပွဲကို ၀င်မပြိုင်ကြတော့ကြောင်း ပြောသည်။ ၂၀၁၀ ရွေးကောက်ပွဲ သည် မတရားသော ရွေးကောက်ပွဲ တခုဟုလည်း ဒေါ်သန်းသန်းနုက ဆိုသည်။ ဒီမိုကရက်တစ် ပါတီ (မြန်မာ) သည် မဲဆန္ဒနယ် ၄၀ ကျော် ၀င်ပြိုင် ခဲ့သော်လည်း ၁ နေရာသာ အနိုင်ရခဲ့သည်။
ဒေါ်နေရီဗဆွေကလည်း “အတိအကျ မဆုံးဖြတ်ရသေးပေမယ့် မျှော်လင့်ချက်နည်းပါတယ်။ အခုထိတော့ စိတ်ဝင်စားမှု မရှိသေး ပါဘူး” ဟု ဆိုသည်။
၂၀၁၀ ရွေးကောက်ပွဲ၌ ကြံ့ဖွံ့ပါတီက နည်းလမ်းစုံဖြင့် လုပ်ဆောင်ခဲ့သော မဲမသမာမှုများ၊ မဲရုံတာဝန်ရှိသူ တို့၏ ဥပဒေ ချိုးဖောက်မှုများ၊ ရွေးကောက်ပွဲ ကော်မရှင်၏ ဘက်လိုက်မှု များကြောင့် ရှုံးနိမ့် ခဲ့ရသော်လည်း အဆိုပါ မသမာမှုများကို ပြည်သူများ သိရှိစေရန် အတွက် ဆန္ဒရှိသူများ အနေဖြင့် လာမည့် ရွေးကောက်ပွဲ၌ ၀င်ပြိုင်စေလိုကြောင်း ဒေါ်နေရီဗဆွေက ဆက် ပြောသည်။
ယခုနှစ်အတွင်း ကျင်းပမည့် ကြားဖြတ်ရွေးကောက်ပွဲအား ၎င်းတို့က အယုံအကြည်မရှိတော့၍ ၀င်မပြိုင်ကြသော်လည်း ၎င်းတို့ ပါတီဝင် တချို့နှင့် တခြားသော ဒီမိုကရက်တစ် အင်အားစု ပါတီများကမူ ၀င်ရောက် ယှဉ်ပြိုင်ရန် ကြိုတင် ပြင်ဆင်မှုများ လုပ်ဆောင် နေကြသည်။
“ပြီးခဲ့တဲ့ ရွေးကောက်ပွဲမှာလိုမျိုး မဖြစ်ရအောင် မဲရုံစောင့်ကြည့်မယ့်သူတွေ နေရာချပေးသွားမှာပါ။ ကျနော်တို့ ပါတီက နေရာ ၂၀ ၀င်ပြိုင်ဖို့ လုပ်ဆောင်နေပါတယ်” ဟု အမျိုးသား ဒီမိုကရေစီ အင်အားစု (NDF) ၏ အထွေထွေ အတွင်းရေးမှူး ဒေါက်တာ ၀င်းနိုင်က ဆိုသည်။ မဲမသမာမှုများ ဆက်လက်ဖြစ်လာနိုင်ဖွယ် ရှိကြောင်းလည်း သူက ဆက်ပြောသည်။
NDF သည် အမျိုးသားဒီမိုကရေစီအဖွဲ့ချုပ် (NLD) မှ ခွဲထွက်ထားသော ပါတီဖြစ်ပြီး တနိုင်ငံလုံး၌ ကိုယ်စားလှယ်လောင်း ၁၆၁ ယောက်ဖြင့် တတိယ အင်အားအများဆုံး ပါတီအဖြစ် ၀င်ရောက် ယှဉ်ပြိုင်ခဲ့ရာ ရန်ကုန်တိုင်း၌ ၁၆ နေရာ အနိုင်ရခဲ့သည်။
ကြားဖြတ် ရွေးကောက်ပွဲသည် ၂၀၁၀ ရွေးကောက်ပွဲ၌ အနိုင်ရခဲ့သော ကိုယ်စားလှယ်များထဲမှ အစိုးရအဖွဲ့၏ ၀န်ကြီးများ၊ ဒု-၀န်ကြီးများ၊ လွှတ်တော် ဥက္ကဋ္ဌများ စသည့်တာဝန် ထမ်းဆောင် နေသူတို့၏ လစ်လပ်နေရာ ၅၀ အတွက် အရွေးချယ်ခံကြ မည်ဖြစ်သည်။
၂၀၁၀ ရွေးကောက်ပွဲ၌ စစ်တပ်၏ ကျောထောက်နောက်ခံ ပါတီဟု အများသတ်မှတ်ထားသော ကြံ့ဖွံ့ပါတီသည် မဲမသမာမှု၊ မဲလိမ်မှု၊ မဲခိုးမှု စသည့် နည်းလမ်းစုံဖြင့် အနိုင်ရခဲ့သည်ဟု ၀င်ပြိုင်ခဲ့သည့် ကိုယ်စားလှယ်များက ဆိုသည်။
ကြားဖြတ်ရွေးကောက်ပွဲ၌ အလားတူမဖြစ်ရန် ၁၀ ပါတီ မဟာမိတ်အဖွဲ့က ကြိုတင်ပြင်ဆင်မှုများ လုပ်ဆောင် နေကြောင်း၊ ၁၀ ပါတီ သည် နေရာ ၃၀ အထိ ၀င်ရောက်ယှဉ်ပြိုင်သွားမည် ဖြစ်ကြောင်း ဒီမိုကရက်တစ် ပါတီ (မြန်မာ) ၏ ဥက္ကဋ္ဌ ဦးသုဝေက ဧရာဝတီကို ပြောသည်။
“ဒီတကြိမ်တော့ ကျနော်တို့ မဟာမိတ်အဖွဲ့က နေရာအများစု အနိုင်ရရေးအတွက် လုပ်နေပါတယ်။ တယောက်ပြိုင်တဲ့ နေရာ နောက်တယောက် ၀င်မပြိုင်ဘူး။ ကြံ့ဖွံ့ပါတီကို နိုင်ဖို့ မဟာမိတ် အချင်းချင်းက ကူညီပေးသွားမယ်” ဟု ၎င်းက ဆိုသည်။
မဟာမိတ် ၁၀ ပါတီ၌ ဒီမိုကရက်တစ်ပါတီ (မြန်မာ)၊ NDF၊ ရှမ်းတိုင်းရင်းသားများ ဒီမိုကရက်တစ်ပါတီ (SNDP)၊ ရခိုင် တိုင်းရင်းသားများ တိုးတက်ရေး ပါတီ (RNDP)၊ မွန်ဒေသလုံးဆိုင်ရာ ဒီမိုကရေစီပါတီ၊ ချင်းအမျိုးသား ပါတီ၊ ဖလုံ-စဝေါ် (ကရင်) ပါတီ စသည်တို့ ပါဝင်သည်။
၂၀၁၀ ရွေးကောက်ပွဲ၌ မြန်မာတနိုင်ငံလုံးတွင် မဲဆန္ဒနယ် စုစုပေါင်း ၁၁၅၄ နေရာ၌ ကြံ့ဖွံ့ပါတီက ၈၈၂ နေရာ အနိုင် ရခဲ့ကြောင်း အစိုးရ မီဒီယာများက ဖော်ပြခဲ့သည်။
Ref: ဧရာဝတီ်
နိုင်ငံရေးအကျဉ်းသား ညှဉ်းပန်းခံရမှု နေပြည်တော် တိုင်ကြား
မသင်းသီရိ
ဗုဒ္ဓဟူး, 06 ဇူလိုင် 2011
ရာထူးနဲ့ အာဏာကို အသုံးချပြီး နိုင်ငံရေး အကျဉ်းသားကိုရော လက်အောက်ဝန်ထမ်းငယ်တွေ ပေါ်မှာပါ အကြမ်းဖက် ဆက်ဆံခဲ့တဲ့ ခန္တီးမြို့နယ် ရဲမှူးကို စစ်ဆေး အရေးယူပေးဖို့ ကိုယ်တိုင် အကြမ်းဖက် ဆက်ဆံတာ ခံခဲ့ရတဲ့ နိုင်ငံရေး အကျဉ်းသား ကိုထင်ကျော်က နေပြည်တော်မှာ ရှိတဲ့ ပြည်ထဲရေး ၀န်ကြီးဌာနကို စာရေး တောင်းဆိုလိုက်ပါတယ်။ ဒီမိုကရေစီ စနစ်ကို တည်ဆောက် နေတယ် ဆိုတဲ့ နိုင်ငံတခု အတွင်း အခုလို အာဏာနဲ့ အနိုင်ကျင့် နှိပ်စက်တာမျိုးတွေ မရှိသင့်တော့ဘူးလို့လည်း ကိုထင်ကျော်ရဲ့ မိသားစုဝင်တွေက ပြောပါတယ်။ အပြည့်အစုံကို မသင်းသီရိက တင်ပြပေးထားပါတယ်။
ကုန်ဈေးနှုန်း ကျဆင်းရေး တောင်းဆို ဆန္ဒပြမှုကြောင့် ခန္တီးထောင်မှာ အကျဉ်းကျနေတဲ့ နိုင်ငံရေး အကျဉ်းသား ကိုထင်ကျော်က အာဏာကို အသုံးပြုပြီး အနိုင်ကျင့်ခံခဲ့ရတဲ့ သူ့ရဲ့ ကိုယ်တွေ့ အခြေအနေတွေကို နေပြည်တော်က ပြည်ထဲရေး ၀န်ကြီးဌာန အပါအ၀င် တခြားဌာန ၁၀ ခုကို ပြီးခဲ့တဲ့ ဇူလိုင်လ ၄ ရက် တနင်္လာနေ့က တိုင်စာတွေ ပေးပို့ခဲ့တာ ဖြစ်ပါတယ်။
ခန္တီးထောင်တွင်း ကိုထင်ကျော်ဟာ လိပ်ခေါင်းရောဂါဝေဒနာ ခံစားနေရတာမို့ ခွဲစိတ်ကုသဖို့အထိ လိုအပ်လာတဲ့ အတွက် ခန္တီးခရိုင် ပြည်သူ့ ဆေးရုံကို ပြီးခဲ့တဲ့ ဇွန်လ ၆ ရက်နေ့က ဆေးရုံ တက်နေစဉ်အတွင်း ခန္တီးမြို့နယ် ရဲမှူးက ဆေးရုံအထိ လာပြီး အကြမ်းဖက် ဆက်ဆံ ခံခဲ့ရတာ ဖြစ်ပါတယ်။ ဒါကြောင့် ဒီအခြေအနေတွေကို ထောင်ဝင်စာ လာတွေ့တဲ့ ဇနီးဖြစ်သူကို ပြောပြခဲ့ပြီး ကိုထင်ကျော်ရဲ့ ဆန္ဒအရ ဇနီးဖြစ်သူက တိုင်စာတွေကို ရေးသား ပေးပို့ခဲ့တာ ဖြစ်တယ်လို့ ကိုထင်ကျော်ရဲ့ဇနီး မသန်းသန်းမော်က ရှင်းပြပါတယ်။
“မနက်ပိုင်းရောက်တော့ သူ့ကို သံကြိုးချည်ဖို့ ပြောတော့ သူ တရားဝင် ဆေးလာကုတဲ့ လူနာ တယောက်ပေါ့၊ သံကြိုး မချည်ပါနဲ့လို့ ရှင်းပြတော့ သံကြိုး မခတ်ဘူးပေါ့။ မခတ်ဘဲ ည ၁၀ နာရီလောက် ကျတော့ မြို့နယ်မှူး ဦးမင်းကြိုင်၊ ဒု-ရဲမှူးပေါ့၊ သူနဲ့အဖွဲ့ ၆ ယောက်၊ ရိုးရိုး အ၀တ်အစားတွေနဲ့ ၀င်လာပြီးတော့ နိုင်ငံရေး အကျဉ်းသား ဘယ်သူလဲပေါ့၊ ဘယ်မှာလဲလို့ ပြောတော့ ဘာကြောင့် သံကြိုး မခတ်ရလဲ ဆိုပြီး ကိုထင်ကျော်ကို လုံခြုံရေး စောင့်နေတဲ့ ဒု-ရဲအုပ်မျက်နှာကို လေးငါးခြောက်ချက် ထိုးလိုက်တော့ နှုတ်ခမ်းတွေ ဘာတွေကွဲပြီး သွေးတွေ ထွက်ရော။
“နောက် သူ့ကို လုံခြုံရေးစောင့်နေတဲ့ ဦးမြင့်လှိုင်ကို တခါ သံကြိုးချည်ဖို့ ပြောတော့ သံကြိုး ငုံ့ချည်နေတုန်းမှာ သံကြိုးချည်တာ အသုံးမကျဘူး ဆိုပြီးတော့ ခြေထောက်နဲ့ ဆောင့်ကန်လိုက်တယ်။ ကန်ပြီး သံကြိုးကိုလည်း ဆောင့်ဆွဲ၊ ကိုထင်ကျော့် ခြေထောက်ကိုလည်း ဆောင့်ဆွဲပြီး ဒီလို ခတ်ရတယ်ဆိုပြီး သံကြိုးကို ခပ်ကြမ်းကြမ်း ခတ်ပြီး သော့ကိုပါ သိမ်းသွားပြီး ဘယ်သူမှ မဖြုတ်ပေးရဘူး ဆိုပြီး ဆဲဆိုတယ်။
“အဲဒီလိုမျိုး သူ့အတွက်နဲ့ ပတ်သက်ပြီး ရဲတွေလည်း အထိုးခံရ၊ သူ့ကိုလည်း ခပ်ကြမ်းကြမ်း ရိုင်းရိုင်း စိုင်းစိုင်း လုပ်ခံရတော့ ကိုထင်ကျော်က ဆေးကုသမှု မယူတော့ဘူး ဆိုပြီးတော့ ၇ ရက်နေ့မှာ ခန္တီးထောင်ကို ပြန်သွားတာ။”
မသန်းသန်းမော်ဟာ ပြီးခဲ့တဲ့ ဇွန်လ ၂၃ ရက်နေ့က ခန္တီးထောင်မှာ ထောင်ဝင်စာ သွားတွေ့ နေစဉ် အတွင်း ကိုထင်ကျော်က အခုလို ပြောပြခဲ့တာ ဖြစ်ပါတယ်။ ဒီမိုကရေစီ စနစ်တရပ်ကို ဖော်ဆောင် ကျင့်သုံးမယ် ဆိုတဲ့ နိုင်ငံအတွင်း အခုလို အာဏာကို အသုံးပြုပြီး မတရား နှိပ်စက် ညှဉ်းပန်းမှုမျိုးတွေ မရှိသင့်တော့ဘူးလို့လည်း သူတို့က ထောက်ပြပါတယ်။
“ဘာကို တောင်းဆိုလဲဆိုတော့ ရာထူးနဲ့ မလိုက်ဖက်အောင်ဘဲ နိုင်ငံရေး အကျဉ်းသားတွေ အပေါ်ရော၊ ၀န်ထမ်း အချင်းချင်း အပေါ်မှာရော ဒီလို ရက်ရက် စက်စက် ကြမ်းကြမ်း တမ်းတမ်းတွေ လုပ်တာက ရဲလက်စွဲ တွေနဲ့လည်း မကိုက်ညီဘူး။ နောက် သူတို့ ကိုယ်တိုင် ကျူးလွန် ဖောက်ဖျက်တဲ့ ဆေးရုံရဲ့ ခွင့်ပြုချက်တွေလည်း မတောင်းဘူး၊ အချိန်မတော် ၀င်လာတယ်၊ သူတို့ရဲ့ အမှားကိုတော့ မမြင်ဘဲနဲ့ လက်အောက်ငယ်သားရဲ့ အမှားကို ကြမ်းကြမ်း တမ်းတမ်း ဆက်ဆံတာတွေ၊ နောက် နိုင်ငံရေး သမားရဲ့ အပေါ်မှာ ရိုင်းရိုင်းစိုင်းစိုင်း ပြောဆိုတာတွေက လုံးဝ သူ့ရာထူးနဲ့ မတန်ဘူးပေါ့။ အခု ဒီမိုကရေစီ နိုင်ငံမှာ လုံးဝ မရှိသင့်ဘူးပေါ့။
“အရေးယူပေးဖို့နဲ့ ဒီလို အရာရှိဆိုးမျိုးတွေ မရှိသင့်ကြောင်း ကျမ တိုင်စာမှာ ပြည့်ပြည့်စုံစုံ ရေးပေး လိုက်ပါတယ်။ အဓိက တော့ ပြည်ထဲရေးဌာန၊ ပြည်ထောင်စု သမ္မတ မြန်မာနိုင်ငံတော်၊ နေပြည်တော်ဆိုပြီး သူ့ကို ဦးတည်ပြီး ပို့လိုက်တယ်။ အားလုံး ၁၀ ဌာနကို ပို့လိုက်တယ်။”
ခန္တီးထောင်မှာ အကျဉ်းကျနေတဲ့ နိုင်ငံရေး အကျဉ်းသား ကိုထင်ကျော်ရဲ့ဇနီး မသန်းသန်းမော် ပြောပြခဲ့တာ ဖြစ်ပါတယ်။
ကိုထင်ကျော်ဟာ အခုအချိန်မှာ တခြား ကျန်းမာရေး အခြေအနေတွေ ကောင်းနေပေမဲ့ ခွဲစိတ်ကုသဖို့ အထိ လိုအပ်နေတဲ့ လိပ်ခေါင်း ရောဂါကို မကုသဖြစ်တဲ့ အတွက် ထောင်ထဲမှာ နောက်ပိုင်း ဒီရောဂါ အခြေအနေ ပိုဆိုးလာမှာကိုလည်း စိုးရိမ်တယ်လို့ ဇနီးဖြစ်သူက ပြောပါတယ်။ ကိုထင်ကျော်ဟာ ၂၀၀၇ ရွှေဝါရောင် သံဃာ့လှုပ်ရှားမှု မတိုင်ခင် ကုန်ဈေးနှုန်း ကျဆင်းရေး တောင်းဆို ဆန္ဒပြတာကြောင့် ၂၀၀၇ သြဂုတ်လ ၂၅ ရက်နေ့က ဖမ်းဆီး ခံခဲ့ရတာဖြစ်ပြီး ထောင်ဒဏ် ၁၀ နှစ်ကျော်နဲ့ ခန္တီးထောင်မှာ အကျဉ်းကျ နေတာ ဖြစ်ပါတယ်။
Ref: VOA News
Wednesday, July 6, 2011
ဒေါ်စု ခရီးသွားလာနိုင်မှု ရှေ့အလားအလာကောင်းအဖြစ် အမေရိကန် မျှော်လင့်
အင်္ဂါ, 05 ဇူလိုင် 2011
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နယ်ဘက် ခရီးထွက်နိုင်တာဟာ မြန်မာနိုင်ငံ အတွက် ရှေ့အလား အလာကောင်း ဖြစ်ဖို့ မျှော်လင့်တယ်လို့ အမေရိကန်နိုင်ငံက ပြောလိုက်ပါတယ်။ မြန်မာနိုင်ငံကို ရောက်နေတဲ့ သားငယ် ကိုထိန်လင်းနဲ့ တနင်္လာနေ့ ကတည်းက ဒေါ်အောင်ဆန်းစုကြည်ဟာ ပုဂံဘက်ကို ဘုရားဖူး ထွက်နေပါတယ်။ ပြီးခဲ့တဲ့နှစ် နိုဝင်ဘာလ နေအိမ် အကျယ်ချုပ်က လွတ်မြောက် လာခဲ့ ပြီးကတည်းက ဒေါ်အောင်ဆန်းစုကြည် အတွက် ဒါဟာ ပထမဆုံး ရန်ကုန်မြို့ အပြင်ကို သွားတဲ့ ခရီးဖြစ်ပါတယ်။
ဒီလို သွားလာခွင့် ရနေတာကနေ အလားအလာကောင်းတွေ မျှော်လင့်တယ်လို့ အမေရိကန် နိုင်ငံခြားရေးဌာန ပြောခွင့်ရသူ ဗစ်တိုရီယာ တိုရီယာ နူလန် (Victoria Toria Nuland) အင်္ဂါနေ့က လုပ်တဲ့ ပုံမှန် သတင်းစာ ရှင်းလင်းပွဲမှာ ပြောကြား သွားပါတယ်။
“သူ နေအိမ်အကျယ်ချုပ် ဘ၀နဲ့ မဟုတ်တော့ဘဲ နိုင်ငံတ၀န်းမှာ ရှိနေကြတဲ့ သူ့အပေါ် ထောက်ခံသူတွေနဲ့ တွေ့ဆုံ နိုင်တာဟာ ကောင်းတဲ့ သတင်းပါ။ ဒီအခြေအနေ ကနေ မြန်မာနိုင်ငံ အတွက် ပိုကောင်းလာမယ့် အလားအလာတွေ ဖြစ်လာဖို့ ကျမတို့ မျှော်လင့်ပါတယ်။”
အမေရိကန် နိုင်ငံခြားရေးဌာန ပြောခွင့်ရသူ မစ်စ် နူလန် ဖြစ်ပါတယ်။
ဒေါ်အောင်ဆန်းစုကြည် သွားလိုရာကို အာဏာပိုင်တွေက ခွင့်ပြုခဲ့ပေမဲ့ လာရောက် နှုတ်ဆက်ကြ သူတွေကို ဟောပြော တာတွေ လုပ်မယ် ဆိုရင်တော့ ထိန်းမနိုင် သိမ်းမရ အခြေအနေ အဓိကရုဏ်းတွေ ဖြစ်လာ နိုင်တယ်လို့ သက်ဆိုင်ရာက သတိပေး ထားပါတယ်။
အခုခရီးစဉ်ဟာ ဒေါ်အောင်ဆန်းစုကြည်ရဲ့ နိုင်ငံရေး စည်းရုံးတဲ့ ခရီးစဉ်မျိုး မဟုတ်ဘဲ သားနဲ့ အပန်းဖြေခရီး ထွက်တဲ့ ခရီးစဉ် ဖြစ်ပါတယ်။
အမျိုးသား ဒီမိုကရေစီ အဖွဲ့ချုပ်ကလည်း ၂၀၀၃ ခုနှစ် ဒီပဲယင်း တိုက်ခိုက်ခံရမှုမျိုး ဖြစ်မှာစိုးတဲ့ အတွက် လူစုလူဝေး မလုပ်ကြဖို့ ပန်ကြား ထားပါတယ်။ ဒေါ်အောင်ဆန်းစုကြည်ရဲ့ လုံခြုံရေး အတွက်လည်း NLD လူငယ် လုံခြုံရေး အဖွဲ့တွေက ခရီးမှာ လိုက်သွား ကြပါတယ်။
ဒေါ်အောင်ဆန်းစုကြည်ဟာ ပုဂံက အာနန္ဒာဘုရား အပါအ၀င် ရှေးဟောင်း ဘုရားတွေကို အင်္ဂါနေ့က သွားရောက် ဖူးမြော် ခဲ့ပါတယ်။ ပုဂံခရီးကနေ သူမရဲ့ဖခင် ဗိုလ်ချုပ်အောင်ဆန်းရဲ့ ဇာတိမြို့ဖြစ်တဲ့ နတ်မောက်မြို့ဆီကိုလည်း သွားမယ်လို့ သိရပါတယ်။
အခုလို ဒေါ်အောင်ဆန်းစုကြည်ကို ခရီးသွားလာခွင့် မြန်မာ အာဏာပိုင်တွေက ပေးတာကို အမေရိကန် ဘက်က အကောင်းမြင် မျှော်လင့်တယ်လို့ ပြောခဲ့တာ ဖြစ်ပါတယ်။
တဆက်တည်းမှာပဲ အင်္ဂါနေ့က အမေရိကန် နိုင်ငံခြားရေးဌာနမှာ လုပ်တဲ့ သတင်းစာ ရှင်းလင်းပွဲမှာ ၀ါရှင်တန် မြန်မာသံရုံး သံမှူးကြီး ဦးကျော်ဝင်း အမေရိကန်မှာ ခိုလှုံခွင့် တောင်းခံလိုက်တဲ့ ကိစ္စနဲ့ ပတ်သက်လို့ သတင်းထောက် တယောက်ရဲ့ အမေးကိုလည်း ပြောခွင့်ရ သူက အခုလို ဖြေခဲ့ပါတယ်။
“သူ့ဆီကစာ ကျမတို့ လက်ခံရရှိပါတယ်။ သံတမန်ရေး လျှို့ဝှက် ဆက်သွယ်မှုနဲ့ ပတ်သက်လို့ ကျမမှာ တစုံတရာ ပြောပိုင်ခွင့် မရှိပါဘူး။”
အမေရိကန် နိုင်ငံခြားရေးဌာန ပြောခွင့်ရသူ ဗစ်တိုရီယာ တိုရီယာ နူလန် ပြောသွားတာ ဖြစ်ပါတယ်။
သံမှူးကြီးဟောင်း ဦးကျော်ဝင်းဟာ ၀ါရှင်တန် မြန်မာသံရုံးမှာ တာဝန် ကုန်ဆုံးလို့ မြန်မာနိုင်ငံကို ပြန်ရတော့မယ့် အချိန်မှာ မြန်မာ အစိုးရ ခေါင်းဆောင်တွေ အနေနဲ့ ဒီမိုကရေစီ အပြောင်းအလဲ ဖော်ဆောင်နိုင်မယ့် မျှော်လင့်ချက် မမြင်ရတဲ့ အတွက် ဆိုပြီးတော့ ရာထူးကနေ နှုတ်ထွက်ကာ အမေရိကန် ပြည်ထောင်စုမှာ ခိုလှုံဖို့ ဆုံးဖြတ်ခဲ့တာ ဖြစ်ပါတယ်။
Ref: VOA News
မြန်မာစစ်တိုင်းမှူးများ အပြောင်းအရွှေ့
ဦးရော်နီညိမ်း
အင်္ဂါ, 05 ဇူလိုင် 2011
မြန်မာ့တပ်မတော်မှာ အရေးပါတဲ့ ဒုတိယတန်း ခေါင်းဆောင်တွေ ဖြစ်ကြတဲ့ စစ်တိုင်းမှူး တချို့ကို ပြီးခဲ့တဲ့ ဇူလိုင်လ ၁ ရက်နေ့က စစ်ရာထူးခန့်ချုပ် ရုံးရဲ့ အမိန့်ပြန်တမ်းနဲ့ အပြောင်း အရွှေ့တွေ ပြုလုပ်ခဲ့ပါတယ်။ တိုင်းမှူးအသစ် ခန့်အပ်တာတွေ မရှိပေမဲ့ လက်ရှိ စစ်တိုင်းတွေ ကနေ တခြား စစ်တိုင်းတွေကို ရွှေ့ပြောင်း ပစ်တာဟာ တပ်မတော် ထိပ်တန်း ခေါင်းဆောင်တွေကြား ပြဿနာ တစုံတရာ ရှိနေတာကို ပြသနေတယ်လို့ မြန်မာ့ တပ်မတော်ကို စောင့်ကြည့် လေ့လာနေသူတွေက သုံးသပ် နေကြပါတယ်။ ဒီအခြေအနေနဲ့ ပတ်သက်ပြီး တရုတ်၊ မြန်မာနယ်စပ် အခြေစိုက် စစ်ရေး ကျွမ်းကျင်သူ ဦးအောင်ကျော်ဇောကို ဆက်သွယ် မေးမြန်းထားတဲ့ ဦးရော်နီညိမ်းက တင်ပြပေးထားပါတယ်။
ဦးအောင်ကျော်ဇောခင်ဗျား တိုင်းမှူး ၆ ဦး အပြောင်းအရွှေ့ ရှိတယ်လို့ ကြားပါတယ်။ ဦးအောင်ကျော်ဇောရော ဘာများ ကြားပါသေးလဲ။
“တခြားလူတွေလည်း ပါသေးတယ်လို့ ကြားတယ်။ ဒါပေမဲ့ အခုလောလောဆယ်တော့ ၆ ဦးကတော့ Confirm လုပ်လို့ ရတာပေါ့ဗျာ။ ဒါလည်း ဒဲ့ပြောင်းသလို ဖြစ်တာကိုး။ ရန်ကုန်တိုင်းမှူး ဗိုလ်ထွန်းသန်းက တောင်ပိုင်းတိုင်း တောင်ငူကို ပြောင်းရတယ်။ တောင်ငူက ဗိုလ်မှူးချုပ် စိုးထွဋ်၊ အရင် လေယာဉ်ပျံ ပျက်ကျတဲ့ ဗိုလ်မှူးကြီး လွန်းမောင်သား၊ သူကတော့ တောင်ကြီးတိုင်းမှူး အဖြစ် ပြောင်းရတယ်။ တောင်ကြီးတိုင်းမှူး ဗိုလ်မှူးချုပ် ဆန်းဦးက ရန်ကုန်တိုင်းကို ပြောင်းရတယ်။ သူကတော့ ရန်ကုန်မှာလည်း နေဖူးတာကိုး။ War Office ရန်ကုန် စစ်ရုံးမှာလည်း နေဖူးတော့ အဲဒါလည်း ပါတယ်နဲ့ တူပါတယ်၊ သူ့ကို အဲဒီကိုပို့တယ်။
“နောက်တယောက်ကတော့ အရင်တုန်းက တပ်မ ၄၄၊ တပ်မ ၄၄ ကနေ မော်လမြိုင် တိုင်းမှူး ဖြစ်လာတဲ့ ထွန်းနေလင်း၊ သူ့ကို ရခိုင်ကို ပို့ပစ်တယ်။ ဒါကတော့ Punish လို့ပြောမလား ဘာလားတော့ မသိဘူး။ သူ့ဆီမှာ တိုက်ပွဲတွေက ဆက်တိုက် ဖြစ်နေတာကိုး။ ရခိုင် ပို့ပစ်လိုက်တယ်။ ရခိုင်က ဗိုလ်မှူးချုပ် စိုးသိန်း၊ သူက ဦးမောင်မောင်ရဲ့ PSO လည်း လုပ်ဖူးတော့၊ နောက်တခုက လုပ်ရည် ကိုင်ရည်လည်း ရှိလို့ ထင်ပါတယ်၊ သူ့လူ ကိုယ့်လူ မွေးတဲ့ သဘောလည်း ပါတယ်နဲ့ တူပါတယ်၊ သူ့ကို နတခကို ပို့တယ်။ ဒါကတော့ တက်မယ့် လူပေါ့ဗျာ။”
ခုန ဦးအောင်ကျော်ဇောပြောတဲ့ ဦးမောင်မောင်ဆိုတာ သမ္မတ ဒေါက်တာမောင်မောင်ကို ပြောတာပါလား။
“ဟုတ်ပါတယ်၊ ဒေါက်တာမောင်မောင်ကို ပြောတာပါ။”
ဗိုလ်မှူးချုပ် စိုးသိန်းက ဒေါက်တာမောင်မောင်ရဲ့ PSO လုပ်ခဲ့ဖူးတယ်ပေါ့။
“ဟုတ်ကဲ့၊ လုပ်ခဲ့ဖူးပါတယ်။ အဲဒီတိုင်းက ကိုတင်မောင်ဝင်း၊ သူက အစက တပ်မ ၂၂ ကလာတော့ DKBA နဲ့ တပ်မ ၂၂ နဲ့ ဆက်ဆံခဲ့ဖူးတာ ရှိတယ်။ အဲဒီ အကြောင်းကြောင့်လား မသိဘူး၊ ကိုတင်မောင်ဝင်းကို မော်လမြိုင် ပို့လိုက်တယ်။ ဒဲ့တော့ လဲတာပေါ့ဗျာ။ ဒီဟာက သာမန် ပြောင်းလဲမှုနဲ့တော့ မတူဘူး။ အကြောင်းမျိုးစုံတော့ ရှိနိုင်ပါတယ်။ ဘာဖြစ်လို့လဲ ဆိုတော့ သူတို့က officiating ကာလမှာပဲ ရှိကြသေးတယ်။ တိုင်းမှူး အစစ်တော့ ဖြစ်ကြသေးတာ မဟုတ်ဘူး။ ခါတိုင်းဆိုရင် တနှစ်လောက် ဗိုလ်ချုပ်တွေ ဖြစ်မှ။ အခုက Brigadier တွေပဲ ဖြစ်ကြသေးတယ်။ Brigadier တနှစ်တောင် မပြည့်သေးဘူး။ သူတို့ မနှစ်က ၉ လပိုင်း၊ ၁၀ လပိုင်းမှ တိုင်းမှူး ဖြစ်ကြတာကိုး။
“ထူးခြားတဲ့ အကြောင်းအချက် မရှိဘဲနဲ့တော့ သူတို့ကို ဒီလို ရွှေ့တာ ပြုတာ လုပ်မယ် မထင်ဘူး။ ကျနော်တို့ ထင်တာက သူတို့မှာ Internal ကိစ္စတွေ ရှိနိုင်တယ်လို့ ထင်တယ်။ အပြင်လူတွေ မသိနိုင်သေးတဲ့ သူတို့ အတွင်းပိုင်း ကိစ္စတွေ အများကြီး ရှိတယ်လို့ ယူဆရပါတယ်။”
စစ်တိုင်းမှူး အဆင့်လောက် အထိကို အပြောင်းအရွှေ့တွေ ကိုယ့်စိတ်ကြိုက် လုပ်နိုင်ခဲ့တဲ့ ကာကွယ်ရေး ဦးစီးချုပ် ကတော့ သမိုင်း တလျှောက်မှာ ၂ ယောက်ပဲ တွေ့ခဲ့ ဖူးပါသေးတယ်။ ဗိုလ်ချုပ်ကြီး နေ၀င်းနဲ့ ဗိုလ်ချုပ်မှူးကြီး သန်းရွှေပေါ့။ သူတို့ ၂ ယောက်ကတော့ သူတို့ ကာကွယ်ရေး ဦးစီးချုပ် ဖြစ်တဲ့ အချိန်မှာ အကုန်လုံး စိတ်ကြိုက်တွေ ရွှေ့ကြတာပေါ့။ အဲတော့ အခု ဗိုလ်ချုပ်ကြီး မင်းအောင်လှိုင်ရော သူ့စိတ်ကြိုက် အပြောင်းအရွှေ့ လုပ်နိုင်သွားတယ်လို့ ဦးအောင်ကျော်ဇော မြင်ကြည့်လို့ ရပါသလားခင်ဗျ။ တပ်ထဲမှာ သူ့လူတွေနဲ့ချည်းပဲ တည်ဆောက်တဲ့ လမ်းကြောင်းကို သွားလို့ ရနေပြီလား။ ဘယ်လို မြင်ပါသလဲခင်ဗျ။
“ကျနော်တော့ မထင်ဘူးဗျ။ တိုင်းမှူးဆိုတာ ထိပ်ဆုံးက ခေါင်းဆောင်တွေ မင်းအောင်လှိုင်တို့၊ စိုးဝင်းတို့ ပြီးရင် သူတို့က ဒုတိယ ထိပ်ဆုံး ခေါင်းဆောင်တွေ ဖြစ်တာကိုး။ အဲဒီလူတွေက တနေ့ သူတို့က First Line Up တွေ ဖြစ်လာမှာ။ အဲတော့ ဒီလူတွေရဲ့ အရွှေ့အပြောင်းက ကိုမင်းအောင်လှိုင် တယောက်တည်းတော့ မပြီးဘူးဗျ။ နောက်တခု ကလည်း သိသာတာက အခု အပြောင်းအရွှေ့ လုပ်တဲ့သူ အတော်များများမှာ အနည်းနဲ့ အများဆိုသလို တကြောင်းမဟုတ် တကြောင်း ထောက်ထားတဲ့ အကြောင်းအချက်တွေ အများကြီး ရှိတယ်။
“ဒါတွေဟာ ကိုမင်းအောင်လှိုင် တယောက်တည်းလုပ်လို့ မရပါဘူး။ ဘာဖြစ်လို့လဲဆို ဒီလိုနေရာမျိုး ကျတော့ နံပါတ် ၁ တို့၊ ၂ တို့ အာဏာ မရှိတော့ဘူးလို့ ပြောနေပေမဲ့ ဘယ်လိုပဲဖြစ်နေ ဖြစ်နေ တကယ်တော့ သူတို့မပါဘဲ မရဘူး။
“အဲတော့ ကျနော်မြင်တာတော့ ဒီနေ့ တိုင်းပြည်မှာ ဖြစ်နေတဲ့ အဖွဲ့ကြီး ၄ ဖွဲ့ပေါ့ဗျာ၊ အောင်သောင်းတို့၊ ဗိုလ်ရွှေမန်းတို့၊ ဗိုလ်တင်အောင်မြင့်ဦးတို့၊ မင်းအောင်လှိုင်တို့၊ အဲဒီလို လွှတ်တော်တို့၊ အစိုးရတို့၊ ပါတီတို့၊ အဲဒီ ၄ ယောက်ရဲ့ သူ့လူ ကိုယ့်လူ တပ်ထဲမှာ အပြိုင်အဆိုင် ထည့်ကြတယ်လို့ ကျနော်တော့ ယူဆတယ်။”
ဦးအောင်ကျော်ဇော ပြောပြသွားတာ ဖြစ်ပါတယ်။
Ref: VOA News
ထိုင်းအချိုမှုန့် အဖမ်းအဆီးကြမ်း
ကျော်ခ | အင်္ဂါနေ့၊ ဇူလိုင်လ ၀၅ ရက် ၂၀၁၁ ခုနှစ် ၁၈ နာရီ ၄၅ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်
ချင်းမိုင် (မဇ္ဈိမ) ။ ။ ထိုင်းနိုင်ငံထုတ် အချိုမှုန့်များအား အာဏာပိုင်များက လမ်းခရီးတလျှောက် တင်းကျပ်စွာ ဖမ်းဆီး နေကြောင်း မြဝတီ-မော်လမြိုင်-ရန်ကုန် လမ်းကြောင်း၌ ပြေးဆွဲနေသည့် ကားသမားများနှင့် ကုန်သည်များ အဆိုအရ သိရသည်။
ထိုင်း-မြန်မာနယ်စပ် မဲဆောက်-မြဝတီမှတဆင့် ရန်ကုန်၊ မော်လမြိုင်နှင့် အခြားမြို့များထံ တရားမဝင် တင်သွင်း နေသည့် အချိုမှုန့် များအား ကျိုက်ထိုမြို့နယ် ရန်ကုန် လမ်းကြောင်းရှိ မုပ္ပလင်ဂိတ်နှင့် သထုံမြို့ မော်လမြိုင် လမ်းကြောင်းရှိ မြို့အဝင် ဂိတ်များ၌ စစ်တပ်က ဦးစီး ဦးဆောင်ပြုကာ မြို့နယ် အုပ်ချုပ်ရေး၊ လဝက နှင့် ရဲများက ပူးပေါင်းအဖွဲ့များက ဝိုင်းဝန်း ဖမ်းဆီးနေခြင်း ဖြစ်သည်။
“လူများများပါတဲ့ ကားတွေမှာပါတဲ့ ပစ္စည်းတွေဆိုရင် ငွေပေးပြီး ပြန်ညှိယူလို့ရတယ်။ တချို့ကားတွေ ကျလည်း စင်းလုံး ဆွဲချ ထားလိုက်တာ။ ကျနော်တို့ကား ဆိုရင် သထုံ အဝင်ဂိတ်မှာ အရပ်ဝတ်တွေနဲ့ တားပြီး ဆွဲသွားတာ သိန်း ၈ဝ ကျော်ဖိုးလောက် ပါသွားတယ်” ဟု မြဝတီ-မော်လမြိုင် လမ်းကြောင်း ပြေးဆွဲသည့် ကားသမားတဦးက မဇ္ဈိမကို ပြောသည်။
တဆွဲတပိုး ကုန်သည်များ၊ ကုန်သည်လတ်များ အများဆုံး အဖမ်းခံကြရသော်လည်း အရှေ့တောင်တိုင်း ရပခ စစ်ဌာနချုပ် လက်မှတ်ဖြင့် ဆယ်ဘီးကားများနှင့် သယ်ယူလာသည့် ကုန်သည်များကိုမူ မဖမ်းဆီးဟု ကားသမားများက ပြောကြသည်။ ဖမ်းဆီး လာသည်မှာ တပတ်ကျော်ခဲ့ပြီဟု ဆိုကြပြီး၊ ဟိုင်းလတ် ကားငယ်များဖြင့် ကုန်ပစ္စည်း သယ်ယူသူအချို့ ကားအစီးလိုက် အဖမ်း ခံရသည်ဟု ဆိုသည်။
ယင်းကားများသည် ထိုင်းနိုင်ငံမှလာသော ဆိုင်ကယ်နှင့် ကား အပိုပစ္စည်းများ အပါအဝင် အချိုမှုန့်၊ ဘီယာ၊ Sprite ၊ ကျွဲရိုင်း၊ ကိုကာကိုလာ၊ ငံပြာရည်၊ အဝတ်အထည်၊ နို့ပုလင်း စသည့် မှောင်ခိုပစ္စည်းများ သယ်ဆောင်ကြောင်း မြဝတီ-ရန်ကုန် ယာဉ်လက်မှတ် အရောင်းဝန်ထမ်း တဦးထံမှ သိရသည်။
မြဝတီ-ရန်ကုန် လမ်းကြောင်းတွင် ဘားအံခရိုင် ကော့ကရိတ်မြို့နှင့် ရန်ကုန်အကြား အချိန်မရွေး သွားလာ နိုင်သော်လည်း ကော့ကရိတ်မှ မြဝတီမြို့သို့မူ ဒေါနတောင်တန်း တောင်ပေါ်လမ်းမှာ ကျဉ်းမြောင်း သဖြင့် အဆင်းအတက် ၂ ရက် ခွဲထားသည်။ ထို့အပြင် မိုးကာလ ဖြစ်သဖြင့် တောင်ပြိုမှုများ မကြာခဏ ဖြစ်ရာ လမ်းခရီး ကြန့်ကြာမှုများ ရှိနေသည်။ ထို့အတူ လက်နက်ကိုင် တပ်ဖွဲ့များက တခါတရံ တားဆီးကာ ငွေကောက်ခံမှုများပင် ကြုံရတတ်သည်။
မြဝတီလမ်းကြောင်းမှ တင်သွင်းသည့် ကုန်ပစ္စည်းများအား ကုန်ကားကြီးများဖြင့် သယ်ယူရာတွင် တိုင်းစစ်ဌာနချုပ်သို့ နားလည်မှုဖြင့် ကျပ်သိန်း တထောင်ဖိုး သယ်ယူပါက ကျပ်သိန်း ၃ဝ ခန့် ပေးသွင်းရသည်ဟု ယင်းလမ်းကြောင်းမှ တဆင့် ကုန်တင်သွင်းသူ ရန်ကုန် စီးပွားရေးလုပ်ငန်းရှင်တဦးက ပြောသည်။
“ကုန်သည်အသေးတွေကတော့ လွတ်ရင် သယ်တယ်၊ တွေ့ရင် ပေးတယ်။ ဒီသဘောနဲ့ သယ်နေကြတာ ကိုးဗျ၊ ကျနော်တို့ ကတော့။ လမ်းကြောင်း တခါထဲ ရှင်းရတာ။ မတူဘူးလေ။ ကျနော်တို့တောင် တခါတလေ နေပြည်တော် စီမံချက်ဆိုပြီး ဆွဲထားတာတွေ ရှိလို့ တပ်က တာဝန်ရှိသူတွေဆီ ကိုယ်တိုင် သွားညှိယူရတာ ရှိပါတယ်။ ပစ္စည်းတော့ ပြန်ရတာပေါ့ဗျာ” ဟု သူက မဇ္ဈိမကို ပြောသည်။
သို့သော် ၁၉၉၄ ခုနှစ်မှစ၍ အကြောင်း အမျိုးမျိုးကြောင့် ပိတ်ပင်ထားသည့် အချိုမှုန့်၊ စည်သွတ်ဘူး၊ ဘီစကွတ်၊ သစ်သီး၊ အရက်၊ ဘီယာ၊ အချိုရည်မျိုးစုံ၊ စီးကရက်နဲ့ ပီကေကုန်စည်များအား တရားဝင်ပြန်လည် တင်သွင်းခွင့် ပြုမည် ဖြစ်ကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းမှ တာဝန်ရှိသူ တဦးကို ကိုးကား၍ ဇူလိုင် ၃ ရက်တွင် Eleven Media Group အွန်လိုင်း စာမျက်နှာတွင် ဖေါ်ပြထားသည်။
“အချိုမှုန့်၊ စည်သွတ်ဘူး၊ ဘီစကွတ်၊ သစ်သီး၊ အရက်၊ ဘီယာ၊ အချိုရည်မျိုးစုံ၊ စီးကရက်နဲ့ ပီကေ လို အစားအသောက် ကုန်စည် စုစု ပေါင်း ၁၄မျိုး၊ ၁၅ မျိုးလောက်ကို တရားဝင် တင်သွင်းခွင့်ပြုဖို့ ဆုံးဖြတ် ထားတာရှိတယ်။ ဒါပေမယ့် အရက်နဲ့ စီးကရက်ကတော့ ပါချင်လည်း ပါမယ်နောက်မှ ဖြစ်ရင်လည်း ဖြစ်မယ်။ အချိုမှုန့်နဲ့ စားသောက်ကုန်တွေ ကတော့ တင်သွင်းခွင့် ပေးမှာပေါ့။ ကိတ်မုန့်လည်း တင်သွင်းပေးမယ့် အထဲ မှာပါတယ်” ဟု အမည်မဖော်လိုသော တာဝန်ရှိသူကို ကိုးကား၍ ဂျာနယ်က ရေးသားထားသည်။
အရေးပါသော ထိုင်း-မြန်မာ နယ်စပ်ကုန်သွယ်ရေး လမ်းကြောင်းတခုဖြစ်သည့် မဲဆောက်-မြဝတီ ချစ်ကြည်ရေး တံတားဂိတ်ကို မြန်မာ အာဏာပိုင်များက ၂ဝ၁ဝ ဇူလိုင်တွင် ပိတ်ခဲ့သော်လည်း သောင်းရင်း မြစ်ကြောင်းဘေး ကူးတို့ဂိတ်များမှ သယ်ယူမှုများ ရှိနေခဲ့သည်။
သို့သော် တပိုင်တနိုင်သယ်ယူသည့် ကုန်သည်များကိုသာ တင်းကျပ်စွာ ဖမ်းဆီးနေသော်လည်း ကုန်သည်ကြီး များကို မဖမ်းဆီးဘဲ လွှတ်ပေး နေသည့်အပေါ် ကုန်သည်ငယ်များက မကျေနပ်ကြပေ။ မျှတင်သော်လည်း မြတ်အိနြေ္ဒ၊ နော်တယာ၊ ပြည့်အားမာန်၊ စစ်သွေး၊ နေလမင်း၊ ထို့ကော်ကိုး စသည့် ခရီးသည်တင် ကားများမှာ မှောင်ခိုကုန်ပစ္စည်း သီးသန့် သယ်ဆောင်နေသည်ဟု ဆိုသည်။
၂ဝဝ၉ ခုနှစ်တွင် ထိုင်း-မြန်မာနယ်စပ် မြဝတီ-မဲဆောက် နယ်စပ်ကုန်သွယ်ရေးမှ ကုန်သွယ်မှု ပမာဏ အမေရိကန် ဒေါ်လာ ၇၂၄ သန်း ရရှိခဲ့ပြီး၊ ၂ဝဝ၈ ခုနှစ် အလားတူ ကာလထက် ၂၇ ရာခိုင်နှုန်း တိုးတက်ခဲ့ကြောင်း တရားဝင် ထုတ်ပြန်ချက်များအရ သိရသလို ယင်းလမ်းကြောင်း ပြန်ပွင့်နိုင်ရန် အတွက် ထိုင်းက ကြိုးပမ်းနေသည်။
Ref: မဇ္ဈိမ
Tuesday, July 5, 2011
ဗုံးခွဲ တိုက်ခိုက်မှုများ မလုပ်ရန် KIA ခေါင်းဆောင်များ ညွန်ကြား
Tuesday, 05 July 2011
အစိုးရ ဌာနဆိုင်ရာ အဆောက်အအုံ အပါအ၀င် တံတားနှင့် တပ်စခန်းများကို ဗုံးခွဲ တိုက်ခိုက်မှုများ မပြုလုပ်ရန် ကချင် လွတ် လပ်ရေး တပ်မတော် (KIA) ရှေ့တန်း တပ်ဖွဲ့ဝင်များအား တနင်္ဂနွေနေ့က ညွန်ကြား ထားကြောင်း KIA တွဲဖက် အတွင်းရေးမှူး ဦးလနန်က ပြောသည်။
အစိုးရတပ်များက KIA နယ်မြေ အတွင်းသို့ ချဉ်းကပ်လာပါက ခုခံတိုက်ခိုက်သွားမည် ဖြစ်ကြောင်း၊ ယခု ညွန် ကြားထားခြင်း သည် အပစ်အခတ် ရပ်စဲရေး သဘော မဟုတ်ကြောင်း ၎င်းက ဆိုသည်။
“အခိုင်အမာ ချထားတဲ့ အစိုးရ တပ်စခန်းကို ကျနော်တို့ သွားပြီးတော့ တိုက်ခိုက်တာမျိုးတော့ လုပ်မှာ မဟုတ်ဘူး”ဟု ဦးလနန်က ဆက်ပြောသည်။
ပြီးခဲ့သည့် ဇွန်လ ၃၀ ရက်နေ့က အစိုးရ တာဝန်ရှိသူများနှင့် ကချင်လွတ်လပ်ရေး အဖွဲ့(KIO) ခေါင်းဆောင် တချို့ အပစ် အခတ် ရပ်စဲ ရေးနှင့် ပတ်သက်၍ တွေ့ဆုံ ဆွေးနွေးပြီး နောက်ပိုင်း ယခုကဲ့သို့ ညွန်ကြား ထားကြောင်း သိရသည်။
အစိုးရ အာဏာပိုင်များ ဘက်က အပစ်အခတ် ရပ်စဲရေးအတွက် ထပ်မံဆွေးနွေးရန် ယခုအချိန်အထိ အကြောင်း ပြန်ကြား ခြင်း မရှိသောကြောင့် KIA ဘက်က စစ်ဆင်ရေးကို ခေတ္တ ရပ်ဆိုင်းထားရန် ဖြစ်နိုင်ကြောင်း စစ်ရေးလေ့လာသူ တဦးက ပြောသည်။
အပစ်အခတ်ရပ်စဲရေး နှင့် ပတ်သက်ပြီး တရားဝင် အထောက်အထား ခိုင်ခိုင်မာမာ ပြရန် KIO ဘက်က တောင်းဆိုခဲ့ရာ အစိုးရ ဘက်က အထက်ကို တင်ပြမည် ဖြစ်ကြောင်း ပြောဆိုခဲ့သည်။
ယင်း ဆွေးနွေးပွဲကို အစိုးရဘက်မှ ကချင်ပြည်နယ် နယ်စပ်ရေးရာဝန်ကြီး ဗိုလ်မှူးကြီး သန်းအောင် ဦးဆောင်၍ ကချင်ပြည် နယ် အမျိုးသား လွှတ်တော် အမတ် ဦးခက်ထိန်နန်၊ KIO က ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော် ဦးဆောင်သော ကိုယ် စားလှယ် အဖွဲ့များနှင့် တွေ့ဆုံခဲ့ကြသည်။
ပြီးခဲ့သည့် တပတ် စနေနေ့က ရှမ်းပြည်နယ် မြောက်ပိုင်း ကွတ်ခိုင်မြို့နယ်တွင် လှုပ်ရှားနေသော အစိုးရတပ် ခြေလျင် တပ်ရင်း ၂၉၀ မှ တပ်ကြပ်ကြီး အောင်ဇော်မိုး အပါအ၀င် တပ်သား ၅ ဦး KIA ထိန်းချုပ် နယ်မြေသို့ ၀င်ရောက် လာသောကြောင့် KIA တပ်ဖွဲ့ ၀င်များက ဖမ်းဆီးခဲ့ပြီး နောက်တနေ့ ပြန်လွှတ် ပေးခဲ့ကြောင်း ဦးလနန်က ပြောပြသည်။
မြစ်ကြီးနားမြို့မှ ဗန်းမော်မြို့သို့ ခရီးသည် ကားများ ပုံမှန် ပြန်လည် ပြေးဆွဲနေပြီး တချို့ကုန်သည်များက လိုင်ဇာမြို့အထိ ကုန်ပစ္စည်းများ လာတင်ကြောင်း သိရှိရသည်။
အစိုးရက ကချင်ပြည်နယ် မိုးမောက်မြို့နယ် အတွင်းရှိ တာပိန် ရေအားလျှပ်စစ် စီမံကိန်း အနီးရှိ KIA တပ်များအား လုံခြုံရေး အရ စိတ်မချရဟု အကြောင်းပြကာ ထွက်ခွာရန် ပြောဆိုခဲ့ပြီး ဇွန် ၉ ရက်နေ့က စတင်၍ တိုက်ပွဲများ နေ့စဉ်နီးပါး ဖြစ်ပွား ခဲ့ကြသည်။
ယင်းတိုက်ပွဲများကြောင့် ဒေသခံ ထောင်နှင့်ချီ၍ ထွက်ပြေး တိမ်းရှောင် ခဲ့ကြပြီး KIA ထိန်းချုပ် ဒေသများတွင် နေထိုင်လျက် ရှိ ကြောင်း သိရသည်။
ယခင် စစ်အစိုးရနှင့် KIO သည် ၁၉၉၄ ခုနှစ်က စတင်၍ အပစ်အခတ်ရပ်စဲရေး ပြုလုပ်ခဲ့သည်။ ယမန်နှစ် အောက်တိုဘာလ အတွင်းက အစိုးရ သတင်းစာများ၌ KIA ကို “သောင်းကျန်းသူ”ဟု ပြန်လည် သုံးနှုန်းခဲ့ ပြီးနောက် အပစ်အခတ် ရပ်စဲရေးလည်း ပျက်ပြယ်ခဲ့သည်။
Ref: ဧရာဝတီ်
ယင့်လပ်၏အောင်မြင်မှုကို ဒေါ်အောင်ဆန်းစုကြည် ကြိုဆို
Tuesday, 05 July
မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ထိုင်းနိုင်ငံ ရွေးကောက်ပွဲတွင် အနိုင် ရရှိထားသော မစ္စ ယင့်လပ် ရှင်နာဝပ်၏ ဖုယာ့ထိုင်း ပါတီသည် ဒီမိုကရေစီ နည်းလမ်းအရ အများပြည်သူ ဆန္ဒဖြင့် ရွေးကောက် တင်မြှောက် ခံလိုက်ရခြင်းကြောင့် အောင်မြင်မှု ရရှိခဲ့သဖြင့် ကြိုဆိုကြောင်း ပြောသည်။
ယနေ့နံနက်က ပုဂံအာနန္ဒာ ဘုရားဖူးအပြီး သတင်းထောက်များနှင့် တွေ့ဆုံစဉ် သူက အထက်ပါ အတိုင်း ပြောဆို လိုက်ခြင်း ဖြစ်သည်။
ဒေါ်အောင်ဆန်းစုကြည်က ထိုင်းအစိုးရသစ်နှင့် ဆက်ဆံရေး၊ ဆက်သွယ်ရေး ကောင်းမွန်ရန် မျှော်လင့်ပြီး ထိုင်းနိုင်ငံသို့ ရောက်ရှိ နေသော မြန်မာ ဒုက္ခသည်များကို စေတနာ၊ မေတ္တာနှင့် စောင့်ရှောက်ပေးရန် မေတ္တာ ရပ်ခံကြောင်းလည်း ပြောသည်။
ထိုင်းနိုင်ငံ ရွေးကောက်ပွဲ၌ လက်ရှိ အာဏာရ ဒီမိုကရက် ပါတီက အမတ်နေရာ ၁၆၀ နေရာတွင်သာ အနိုင် ရရှိခဲ့ပြီး အတိုက်အခံ ဖုယာ့ထိုင်း ပါတီက၂၆၂ နေရာရရှိခဲ့သည်။
ထိုင်းနိုင်ငံ၏ ပထမဆုံး အမျိုးသမီးဝန်ကြီးချုပ် ဖြစ်လာမည့် မစ္စ ယင့်လပ် ရှင်နာဝပ်သည် လာဘ်စားမှုဖြင့် ၀ရမ်း ထုတ်ခြင်း ခံထားရသည့် ၀န်ကြီးချုပ်ဟောင်း မစ္စတာ သက်ဆင် ရှင်နာဝပ်၏ ညီမ အငယ်ဆုံး ဖြစ်သည်။ မစ္စ ယင့်လပ် မှာ မစ္စတာ သက်ဆင်၏ ကိုယ်ပွား တယောက် ဖြစ်သည်ဟုလည်း ထိုင်း နိုင်ငံရေး လောကတွင် နာမည်ကြီးသူ တဦးဖြစ်သည်။
မစ္စ ယင့်လပ်ကဲ့သို့သော အမျိုးသမီးတဦး ယခုကဲ့သို့ အောင်မြင်မှု ရသဖြင့် သဘောကျသည်ဟု ဒေါ်အောင်ဆန်း စုကြည်က ပြောသည်။
ဒေါ်အောင်ဆန်းစုကြည်သည် ယနေ့နံနက်တွင် အာနန္ဒာဘုရား၊ သဗ္ဗေညုဘုရား၊ မြစေတီနှင့် မနူဟာ ဘုရား တို့ကို သွားရောက် ဖူးမျှော်ခဲ့ပြီး မနူဟာ ဘုရား အရောက်တွင် မြို့ခံများက ဒေါ်အောင်ဆန်းစုကြည်ကို ကြိုဆို နှုတ်ဆက်ခဲ့သည်။
“အန်တီ့ကို မြင်လိုက်ရတာ အရမ်းဝမ်းသာတယ်၊ ငိုလည်းငိုချင်တယ်။ ကွဲနေတာ ကြာလှပြီ။ အန်တီ ကျန်းမာပါစေ၊ အန်တီ့ကို အရမ်း ချစ်ပါတယ်” ဟု မနူဟာဘုရားအနီး ဈေးရောင်းချနေသူ တဦးက ပြောသည်။
နံနက် ၈ နာရီ ၄၀ မိနစ်ခန့်တွင် မနူဟာဘုရားအနီးသို့ ဒေါ်အောင်ဆန်းစုကြည် ရောက်ရှိ သွားချိန်၌ ရာချီသော ဒေသခံ များက နေထိုင်ရာ ရပ်ကွက်များ အတွင်းမှ ပြေးထွက်လာပြီး ကြိုဆို နှုတ်ဆက်ရာ ဒေါ်အောင်ဆန်းစုကြည် ကလည်း ဒေသခံများကို ပြန်လည် နှုတ်ဆက်သည်။
ဒေါ်အောင်ဆန်းစုကြည်သည် ယမန်နေ့က ပုဂံသို့ ရောက်ရှိခဲ့ပြီး လာမည့် သောကြာနေ့တွင် လေကြောင်း ခရီးစဉ်ဖြင့် ရန်ကုန်မြို့သို့ ပြန်လည် ထွက်ခွာမည် ဖြစ်သည်။ ယခု ခရီးစဉ်သည် ၎င်း နေအိမ် အကျယ်ချုပ်မှ ပြန်လွတ်ပြီးသည့် နောက်ပိုင်း ပထမဆုံး ရန်ကုန်ပြင်ပ ခရီးစဉ်ဖြစ်သည်။
Ref: ဧရာဝတီ်
မြန်မာသံမှူးကြီး နိုင်ငံရေး ခိုလှုံမှုအပေါ် သံတမန်ဟောင်းအချို့ အမြင်
ဦးရော်နီညိမ်း
တနင်္လာ, 04 ဇူလိုင် 2011
မြန်မာအစိုးရသစ်ရဲ့ သက်တမ်း ရက်ပေါင်း ၁၀၀ မပြည့်သေးခင်မှာပဲ မြန်မာအစိုးရရဲ့ နိုင်ငံခြားရေး ၀န်ကြီးဌာန အကြီးတန်း အရာရှိကြီး တဦးဟာ မိသားစုနဲ့တကွ အမေရိကန် ပြည်ထောင်စုမှာ နိုင်ငံရေး ခိုလှုံခွင့် တောင်းခံခဲ့ပါတယ်။ ၀ါရှင်တန်ဒီစီ မြန်မာ သံရုံးက သံမှူးကြီး ဦးကျော်ဝင်းဟာ သူ ဘာကြောင့် အခုလို နိုင်ငံရေး ခိုလှုံခွင့် တောင်းခံရတယ် ဆိုတာကို အမေရိကန် နိုင်ငံခြားရေး ၀န်ကြီး ဟီလာရီ ကလင်တန် (Hillary Clinton) ဆီကို ဇူလိုင်လ ၄ ရက် နေ့စွဲနဲ့ စာတစောင်ပေးပို့ ရှင်းပြ ထားပါတယ်။ ဒီအကြောင်း အပြည့်အစုံကို မြန်မာ သံတမန်ဟောင်းတွေနဲ့ ဆက်သွယ် မေးမြန်းထားတဲ့ ဦးရော်နီညိမ်းက တင်ပြပေးထားပါတယ်။
ဝါရှင်တန်ဒီစီ မြန်မာသံရုံးက လက်ရှိမှာ ဒုတိယ ရာထူးအကြီးဆုံး တာဝန် ထမ်းဆောင်နေသူ Deputy Chief of Mission သံမှူးကြီး ဦးကျော်ဝင်းက သူ့ရဲ့ ကြိုးပမ်းမှု မှန်သမျှ ပယ်ချခံရပြီး အထက်ဌာန ဖြစ်တဲ့ နိုင်ငံခြားရေး ၀န်ကြီးဌာနရဲ့ အပြစ်တင် ခံနေရတာချည်းပဲ ဖြစ်နေတာကြောင့် သူဟာ အခု ၀ါရှင်တန်မှာ တာဝန် ထမ်းဆောင်ချိန် ပြည့်လို့ မြန်မာနိုင်ငံကို ပြန်သွားရင် သူ့အပေါ်မှာ အရေးယူမယ့် အလားအလာတွေ ရှိနေတယ်လို့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ဆီကို ရေးသားတဲ့ စာမှာ ဖော်ပြထားပါတယ်။
ဒီအချက်နဲ့ ပတ်သက်ပြီး ၂၀၀၅ ခုနှစ်က အမေရိကန် ပြည်ထောင်စုမှာ ခိုလှုံခွင့် တောင်းခံခဲ့သူ ၀ါရှင်တန်ဒီစီ မြန်မာသံရုံးရဲ့ သံမှူးကြီး ဖြစ်ခဲ့တဲ့ ဗိုလ်မှူးဟောင်း ဦးအောင်လင်းထွဋ်က သူ့ရဲ့ အတွေ့အကြုံနဲ့ နှိုင်းယှဉ်ပြီး အခုလို ပြောပြပါတယ်။
“ကျနော်တို့တွေ အမေရိကန်၊ မြန်မာ ဆက်ဆံရေးအတွက် ကြိုးစားပြီး လုပ်ကြတယ်။ ကျနော်တို့ ထိုးထိုး ဖောက်ဖောက်နဲ့ ထဲထဲဝင်ဝင် အားလုံးပေါ့လေ၊ Lobby ကိစ္စတွေရော အားလုံး ကျနော်တို့ လုပ်ကြတယ်။ ကျနော်တို့က အမေရိကန်၊ မြန်မာ ဆက်ဆံရေး ကောင်းမှ မြန်မာပြည် တိုးတက်မယ် ဆိုတဲ့ လမ်းကြောင်းမျိုးနဲ့ ကျနော်တို့ သွားခဲ့ကြတယ်။
“ဒါပေမဲ့ ဗိုလ်ချုပ်မှူးကြီး သန်းရွှေက ပယ်ချခဲ့တဲ့ အတွက်ကြောင့်မို့၊ ကျနော်တို့ တဖွဲ့လုံး အဖျက်ခံခဲ့ရတဲ့ အတွက်ကြောင့် ကျနော့် အနေနဲ့ နောက်ပိုင်း Defect လုပ်ခဲ့ရတာ။ ဦးကျော်ဝင်းတို့ အပိုင်းအနေနဲ့၊ ဦးကျော်ဝင်း ဆိုရင် မြန်မာပြည် ပြန်ပြီးတော့မှ တိုးတက်ဖို့၊ အမျိုးသား ပြန်လည် ရင်ကြားစေ့ဖို့ အတွက်ကိုလည်း ဗမာတွေနဲ့ ထဲထဲဝင်ဝင် နီးနီးစပ်စပ် ဆောင်ရွက်သလို အမေရိကန်၊ မြန်မာ ဆက်ဆံရေး ကောင်းဖို့ အတွက်ကိုလည်း၊ ဥပမာ ဂျွန်မက်ကိန်း (John McCain) တို့ သွားတဲ့ ခရီးစဉ်တွေက အစ သူတို့ နိုင်ငံခြားရေး ၀န်ကြီးကိုပဲ တိုက်ရိုက် တင်ပြရတဲ့ အဆင့်မျိုး ရှိပါတယ်။”
ဦးကျော်ဝင်းရဲ့ နောက်ဆုံး ကြိုးပမ်းချက်ဖြစ်တဲ့ အမေရိကန် အထက်လွှတ်တော် အမတ် ဂျွန်မက်ကိန်း မြန်မာနိုင်ငံကို သွားရောက် ခဲ့တဲ့ ကိစ္စဟာလည်း ဦးကျော်ဝင်း အတွက် အထက် လူကြီးတွေရဲ့ ငြိုငြင်စရာ ဖြစ်ခဲ့တယ်လို့ ဦးအောင်လင်းထွဋ်က ပြောပါတယ်။
“ဂျွန်မက်ကိန်း ခရီးစဉ်မှာ ကျနော်သိသလောက် အစိုးရအဖွဲ့သစ် အနေနဲ့ အမေရိကန်၊ မြန်မာ ဆက်ဆံရေး ကောင်းနေပြီ ဆိုတဲ့ ပုံစံမျိုး ဖြစ်အောင် ပြည်တွင်းရော၊ ပြည်ပရော လုပ်ချင်ပါတယ်။ ဒီနေရာမှာ ဦးကျော်ဝင်းတို့ အပိုင်းကလည်း အမေရိကန်၊ မြန်မာ ရိုးရိုးသားသား ပေါ့ဗျာ၊ ဆက်ဆံရေး ကောင်းမလား ဆိုပြီးတော့မှ မြန်မာပြည်ကို ဂျွန်မက်ကိန်း လာဖို့အတွက်က သူတို့ ကြိုးစားပမ်းစား လုပ်ကြတယ်။
“ဒါပေမဲ့ ဂျွန်မက်ကိန်းက ပွင့်ပွင့်လင်းလင်း ပြောတတ်တဲ့ အတိုင်းပဲ ခင်ဗျားတို့ ဒီအတိုင်း ဆက်သွားနေရင် အရှေ့ အလယ်ပိုင်းက ကိစ္စမျိုးတွေ အနှေးအမြန် ဖြစ်လာလိမ့်မယ် ဆိုတဲ့ ထောက်ပြလိုက်တဲ့ အပေါ်မှာ တော်တော်လေးကို ခါဆင်းသွားတဲ့ အနေအထားမျိုး ရှိပါတယ်။”
ဂျွန်မက်ကိန်း ထောက်ပြသွားတဲ့ အပေါ်မှာ မကျေမလည် ဖြစ်နေတဲ့ မြန်မာအစိုးရ ခေါင်းဆောင်တွေဟာ ဂျွန်မက်ကိန်း မြန်မာပြည်ကို လာရောက်ရင် အမေရိကန်၊ မြန်မာ ဆက်ဆံရေး တိုးတက်မယ်လို့ တင်ပြ ကြိုးပမ်းခဲ့တဲ့ သံမှူးကြီး ဦးကျော်ဝင်း အပေါ်မှာ တရားခံ ရှာပုံရတယ်လို့ ဦးအောင်လင်းထွဋ်က သုံးသပ်ပါတယ်။
“ဒီအတိုင်း ဖြစ်သွားတဲ့အခါမှာ ဒါ ဘယ်သူ့လက်ချက်လဲ၊ ဦးကျော်ဝင်း အကြံပေးလို့သာ ငါတို့က သူ့ကို လက်ခံခဲ့ရတယ် ဆိုပြီးတော့ နိုင်ငံခြားရေး ၀န်ကြီးဌာန အနေနဲ့ သူ့ကို ပုံချတဲ့ အနေအထား မျိုးတွေ ရှိပါတယ်။ ဒီကိစ္စအတွက် သူ မြန်မာပြည် ပြန်သွားခဲ့ရင် မလွဲမသွေ အမေးအမြန်း ခံရနိုင်ပါတယ်။ နောက် ကျနော်ပြောခဲ့တဲ့ ဗမာတွေနဲ့၊ အတိုက်အခံ အဖွဲ့အစည်း တွေနဲ့ ဆက်ဆံရေး သူ့အနေနဲ့ ပြန်ပြီးတော့မှ စစ်ဆေး ခံရနိုင်တဲ့ အနေအထားမျိုး ရှိတဲ့အတွက်ကြောင့် Defect လုပ်တယ်လို့ ကျနော် ထင်ပါတယ်။”
လန်ဒန်မြို့မှာ နေထိုင်တဲ့ သံတမန်ဟောင်း ဦးခင်မောင်ကြည်ကတော့ ဦးကျော်ဝင်းရဲ့ အမေရိကန် နိုင်ငံခြားရေး ၀န်ကြီးဆီကို ပေးပို့တဲ့ စာမှာ တင်ပြထားတဲ့ ဒုတိယအချက်၊ နိုင်ငံခြားရေး ၀န်ကြီးဌာနက ၀န်ထမ်းတွေရဲ့ မညီမမျှ ဖြစ်နေတဲ့ အနေအထားကို အခုလို သုံးသပ်ပြပါတယ်။
“ကိုကျော်ဝင်းက သံမှူးကြီး၊ ၀ါရှင်တန်ကနေ ဒီဘက်ကို ခိုလှုံလာတာကို ကျနော့်အနေနဲ့ ကြိုလည်း ကြိုဆိုတယ်၊ ၀မ်းလည်းသာတယ်၊ ချီးလည်း ချီးကျူးတယ်။ သူ့စာ ကျနော်လည်း ဖတ်ရတယ်။ အဲဒီအချက်တွေထဲ အဓိက ကတော့ စစ်ဗိုလ်နဲ့ အရပ်သား ခွဲတယ်၊ ဟုတ်တယ်။
“ဥပမာဆိုရင် ဗိုလ်ချုပ်မှူးကြီး သန်းရွှေရဲ့ သားမက် ကိုဇော်ဖြိုးဝင်း၊ သူက မင်္ဂလာဆောင်ပြီး သိပ်မကြာဘူး နိုင်ငံခြားရေး ရုံးကို ရောက်တယ်။ အခု ကူမင်းမှာ ကောင်စစ်ဝန်ချုပ် ဖြစ်နေတယ်။ ကိုကျော်ဝင်း တို့က နှစ် ၃၀ လောက်ရှိပြီ နိုင်ငံခြားရေးမှာ။ ကြိုးကြိုးစားစား လုပ်နေတာ။ ပညာလည်း တတ်တယ်၊ အရည်အချင်းလည်း ရှိတယ်။ သူတို့ကို ကျော်ပြီးတော့ မနေ့တနေ့က ၀င်လာတဲ့ သူတွေကို ကျော်ကျော် ပေးလိုက်တာ။ အဲဒါတွေ မတရားမှုတွေက အများကြီး ရှိတယ်။”
သံမှူးကြီး ဦးကျော်ဝင်း နိုင်ငံရေး ခိုလှုံခွင့် တောင်းခံခဲ့တဲ့ ကိစ္စအတွက် မြန်မာနိုင်ငံ နေပြည်တော်က နိုင်ငံခြားရေး ၀န်ကြီးဌာနကို ဗွီအိုအေက ဆက်သွယ် မေးမြန်းတဲ့အခါ အခုလို တုံ့ပြန်ပါတယ်။
“အဲဒါ ကျနော်တို့မှာ ဘာမှ မပြောနိုင်ဘူးခင်ဗျ။ ကျနော်တို့က မသိဘူးခင်ဗျ။ ကျနော်တို့လည်း Comment လည်း ပေးလို့ မရလို့ပါ။”
ဝါရှင်တန်ဒီစီ မြန်မာသံရုံးက Deputy Chief of Mission သံမှူးကြီး ဦးကျော်ဝင်း အမေရိကန် ပြည်ထောင်စုမှာ နိုင်ငံရေး ခိုလှုံခွင့် တောင်းခံခဲ့တာနဲ့ ပတ်သက်ပြီး ဆက်သွယ် မေးမြန်းခဲ့တာတွေ ဖြစ်ပါတယ်။
Ref: VOA News
မြန်မာစစ်သား ၅ ဦးကို KIA တပ်မဟာ ၄ လွှတ်ပေး
Monday, 04 July 2011
ရှမ်းပြည်မြောက်ပိုင်း လွယ်ကန် (Loikang) အခြေစိုက် KIA တပ်မဟာ ၄ က ၎င်းတို့ နယ်မြေထဲ ၀င်ရောက် လာသည့် အတွက် ဖမ်းဆီး ထားသည့် မြန်မာစစ်သား ၅ ဦးကို ဇွန် ၃ ရက်၊ တနင်္ဂနွေ မနက်ပိုင်းက လွှတ်ပေးခဲ့သည်ဟု တပ်မဟာ ၄ အရာရှိများပြောသည်။
ဒု-ဗိုလ်မှူးကြီးစိုးရွှေ ဦးစီးသည့် တာမိုးနဲ နယ်မြေခံ ခလရ ၂၉၀ မှ စစ်သားများ ဖြစ်ကာ ဇွန် ၂ ရက် စနေနေ့ ညနေပိုင်းတွင် ၎င်းတို့အား လွယ်ကန်-ဘန်ဖိတ်(Bang Hpik) ကြားတွင် ဖမ်းဆီးသည်ဟု သိရသည်။
တစ်ရက်တည်းတွင်ပင် မွန်းလွဲ ၁ နာရီကျော်တွင် မြန်မာစစ်သား ၁၀ ယောက်ခန့်ပါ ဖောဝီးလ်ကား တစ်စီးအား တပ်မဟာ ၄ လက်အောက် တပ်ရင်း ၉ မှ နောင်ရွှေ (NawngShwi)-နာမ်ဂွတ် (Nam Gut) လမ်း နောင်ရွှေကွေ့တွင် ဗုံးဖောက်ခွဲကာ ပစ်ခတ် တိုက်ခိုက်ခဲ့သည်။
ယင်းသို့ဖြစ်ပွားခြင်းကြောင့် KIA တပ်မဟာ ၄ ပတ်ပတ်လည်၌ မြန်မာ စစ်တပ်များ တိုးချဲ့ ချထားသည်ဟု သိရသည်။
Ref: KNG News
စစ်တိုင်းမှူးများ အပြောင်းအလဲလုပ်
ရန်ပိုင်
Monday, 04 July 2011
ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က လက်ရှိ စစ်တိုင်းကြီးများအား တာဝန် ယူနေသည့် တိုင်းမှူးများကို ပြီးခဲ့သည့် သောကြာနေ့က နေရာ အပြောင်းအလဲ ပြုလုပ်လိုက်ကြောင်း နေပြည်တော် စစ်ဘက် အသိုင်းအ၀န်းမှ သိရသည်။
ထိုပြောင်းလဲမှုတွင် ရန်ကုန်တိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းသန်း၊ အရှေ့တောင်တိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းနေလင်း၊ အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် စိုးသိန်း၊ အနောက်တောင်တိုင်း စစ်ဌာနချုပ် တိုင်းမှူး ဗိုလ်မှူးချုပ် တင်မောင်ဝင်းတို့ ပါဝင်ကြောင်း စစ်ဘက်နှင့် နီးစပ်သူ တဦးကပြောသည်။
“ကာချုပ်က အသစ်ဆိုတော့ သူထားချင်တဲ့ သူတွေကို အဲဒီနေရာမှာ ထားဖို့ လုပ်တာ၊ ဘာ အကြောင်းပြချက်မှ မပေးဘူး” ဟု ၎င်းကဆို သည်။
ပြီးခဲ့သည့် ရက်ပိုင်းက နေပြည်တော်၌ ပြုလုပ်ခဲ့သည့် စစ်တပ် လေးလပတ် အစည်းအဝေးတွင် ဆုံးဖြတ်ခဲ့ခြင်း ဖြစ်ပြီး ဗိုလ်ချုပ်ကြီး မင်းအောင်လှိုင် ကာကွယ်ရေး ဦးစီးချုပ် တာဝန် ယူခဲ့ပြီးနောက်ပိုင်း ပထမဆုံး အကြိမ် စစ်တိုင်းမှူး အပြောင်းအလဲ ပြုလုပ်ခြင်း ဖြစ်သည်။
ယင်းပြောင်းလဲမှုမှာ စစ်တိုင်းမှုးအချင်းချင်းနေရာ ပြောင်းလဲတာဝန် ယူခိုင်းခြင်း ဖြစ်သည်။
ကချင် လွတ်လပ်ရေး တပ်မတော်(KIA)ကလည်း အဆိုပါ သတင်းနှင့် ပတ်သက်၍ စုံစမ်း သိရကြောင်း အတည်ပြု ပြောကြားသည်။
အဆိုပါ စစ်တိုင်းမှူးများသည် ပြီးခဲ့သည့်နှစ် သြဂုတ်လက ဖြစ်ပွားခဲ့သည့် စစ်တပ်ရာထူး အပြောင်း အရွှေ့၌ တိုင်းမှူး တာဝန်ကို ရယူခဲ့ သူများဖြစ်သည်။
လက်ရှိ မြန်မာ့တပ်မတော် ဖွဲ့စည်းပုံတွင် စစ်တိုင်းကြီး စုစုပေါင်း ၁၄ ခုဖြင့် ဖွဲ့စည်းထားပြီး တပ်မ စစ်ဌာနချုပ် ၁၀ ခု၊ စစ်ဆင်ရေး ကွပ်ကဲမှု စစ်ဌာနချုပ် ၂၀ ဖြင့် ဖွဲ့စည်းထားသည်။
ပြီးခဲ့သည့်မေလအတွင်းကလည်း တပ်မမှူးများနှင့် စစ်ဆင်ရေးကွပ်ကဲမှု စစ်ဌာနချုပ် (စကခ) မှူးများကို နေရာ အပြောင်းအလဲ ပြုလုပ် ခဲ့သေးသည်။
နေပြည်တော် စစ်ဘက်အသိုင်းအ၀န်းတွင် ပြောဆိုနေသည့် အတည် မပြုနိုင်သော သတင်းများအရ ယခု စစ်တပ် အပြောင်းအလဲကို ပြုလုပ်ရန် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်အား ဗိုလ်ချုပ်မှူးကြီး သန်းရွှေက နောက်ကွယ်မှ ကြိုးကိုင် ခိုင်းစေနေခြင်း ဖြစ်သည်ဟု ပြောဆို နေကြကြောင်း သိရသည်။
Ref: ဧရာဝတီ်
KIA နှင့် အစိုးရတပ်များ တိုက်ပွဲ ဆက်ဖြစ်
Monday, 04 July 2011
အစိုးရ တာဝန်ရှိသူများနှင့် ကချင် လွတ်လပ်ရေး အဖွဲ့ (KIO) ခေါင်းဆောင်များ အပစ်အခတ် ရပ်စဲရေး ပြုလုပ်ရန် ဆွေးနွေးခဲ့ကြ သော်လည်း တိုက်ပွဲများ ဆက်လက် ဖြစ်ပွားနေကြောင်း သိရသည်။
ဇွန်လ ၃၀ ရက်နေ့က အပစ်အခတ် ရပ်စဲရေး တွေ့ဆုံဆွေးနွေးပြီး၂ ရက်ခန့် အကြာ တိုက်ပွဲများ ဖြစ်ပွားခဲ့ခြင်း ဖြစ်သည်။
အစိုးရစစ်တပ်နှင့် ကချင် လွတ်လပ်ရေး တပ်မတော်(KIA) တပ်ဖွဲ့ဝင်များ ပြီးခဲ့သည့် တပတ် စနေနေ့က တိုက်ပွဲ ဖြစ်ပွားခဲ့ရာ အစိုးရတပ် ဘက်က၂ ဦး ကျဆုံးသွားကြောင်း KIA တွဲဖက် အတွင်းရေးမှူး ဦးလနန်က ပြောသည်။
KIA တပ်မဟာ ၅ ထိန်းချုပ်ရာ မိုးညှင်းမြို့နယ် ဆင်ဘိုဒေသတွင် လှုပ်ရှားနေသည့် အစိုးရတပ် ခြေမြန်တပ်ရင်း (ခမရ) ၁၄၁ တပ်ဖွဲ့ ၀င်များကို ခြုံခို တိုက်ခိုက်ခဲ့သောကြောင့် ကျဆုံး သွားကြောင်း ၎င်းက ဆိုသည်။
တိုက်ပွဲ ဖြစ်ပွားချိန်တွင် အစိုးရတပ်ဘက်မှ စစ်သည် အင်အား ၄၀ ခန့်ရှိကြောင်း၊ KIA ဘက်မှ ထိခိုက်ကျဆုံးမှု မရှိကြောင်း ဦးလနန်က ဆက်ပြောသည်။
ကချင် ဒေသခံများ ပြောပြချက်အရ ယမန်နေ့က ကချင်ပြည်နယ် ပူတာအိုနှင့် ဆွမ်ပရာဘွမ်မြို့နယ် အကြားရှိ တံတား တစင်း ကိုလည်း KIA တပ်ဖွဲ့ဝင်များက ဗုံးခွဲဖျက် ဆီးခဲ့ကြောင်း သိရသည်။
ဦးလနန်ကမှု ယင်း တံတားဖျက်ဆီးမှုနှင့် ပတ်သက်၍ ဒေသခံများ၏ ပြောကြားချက်ကို ၎င်းအနေဖြင့် ကြားသိရကြောင်း ပြော ဆိုသော်လည်း KIA တပ်ဖွဲ့ဝင်များ၏ လက်ချက်ဖြစ်ကြောင်း အတည် မပြုခဲ့ပေ။
မြစ်ကြီးနားမြို့မှ ဗန်းမော်မြို့သို့ ခရီးသည် ကားများ ပုံမှန် ပြန်လည် ပြေးဆွဲနေပြီး တချို့ကုန်သည်များက လိုင်ဇာမြို့အထိ ကုန်ပစ္စည်းများ လာတင်ကြောင်း သိရှိရသည်။
ဦးလနန်က“နှစ်ဘက် တွေ့ဆုံတာလည်း ဘာမှ အကောifအထည် မဖော်ရသေးဘူးဆိုတော့ ဒုက္ခသည်တွေကလည်း ဘယ်မှ မပြန်ရဲ ကြသေးဘူး”ဟု ဆိုသည်။
အစိုးရက ကချင်ပြည်နယ် မိုးမောက်မြို့နယ် အတွင်းရှိ တာပိန် ရေအားလျှပ်စစ် စီမံကိန်း အနီးရှိ KIA တပ်များအား လုံခြုံရေး အရ စိတ်မချရဟု အကြောင်းပြကာ ထွက်ခွာရန် ပြောဆိုခဲ့ပြီး ဇွန် ၉ ရက်နေ့က စတင်၍ တိုက်ပွဲများ နေ့စဉ်နီးပါြး ဖစ်ပွား ခဲ့ကြသည်။
ယင်းတိုက်ပွဲများကြောင့် ဒေသခံ ထောင်နှင့်ချီ၍ ထွက်ပြေး တိမ်းရှောင်ခဲ့ကြရသည်။ ယခင် စစ်အစိုးရနှင့် KIO သည် ၁၉၉၄ ခုနှစ်က စတင်၍ အပစ်အခတ်ရပ်စဲရေး ပြုလုပ်ခဲ့သည်။
ယမန်နှစ် အောက်တိုဘာလ အတွင်းက အစိုးရ သတင်းစာများ၌ KIA ကို “သောင်းကျန်းသူ”ဟု ပြန်လည်သုံးနှုန်းခဲ့ ပြီးနောက် အပစ်အခတ် ရပ်စဲရေးလည်း ပျက်ပြယ်ခဲ့သည်။
Ref: ဧရာဝတီ်
Monday, July 4, 2011
ကချင်လွတ်လပ်ရေးတပ်မတော် KIA နှင့် မြန်မာ့တပ်မတော် ဒုတိယအကြိမ် အပစ်အခတ် ရပ်စဲရေး (အပိုင်း - ၁)
ရော်နီညိမ်း
စနေ, 02 ဇူလိုင် 2011
မကြာသေးခင် ဇွန်လ (၉) ရက်နေ့ကနေ စတင် ဖြစ်ပွားခဲ့တဲ့၊ ကချင် လွတ်လပ်ရေး တပ်မတော် KIA နဲ့ အစိုးရ စစ်တပ်တို့ရဲ့ တိုက်ပွဲတွေဟာ၊ ပြင်းထန် လာခဲ့ပြီးတော့၊ ဒေသခံ တိုင်းရင်းသားတွေ ထောင်နဲ့ချီပြီး အိုးအိမ်စွန့်ခွာ ထွက်ပြေး နေကြ ရပါတယ်။ ကချင်ပြည်နယ် အစိုးရ အဖွဲ့ဘက်က (၅) ဦးပါ ငြိမ်းချမ်းမှု တည်ဆောက်ရေး အ ဖွဲ့ ဖွဲ့ပြီး၊ ဒီအဖွဲ့နဲ့ KIA နဲ့ ဇွန်လ (၃၀) ရက်နေ့က အပစ်အခတ် ရပ်စဲရေး စတင် ဆွေးနွေး ခဲ့ကြရာမှာတော့၊ အစိုးရရဲ့ ကိုယ်စားလှယ် အဖွဲ့ထဲက နှစ်ဦးဖြစ်တဲ့၊ မြောက်ပိုင်းတိုင်း စစ်ဌာနချုပ်က စစ်ဦးစီးမှူး (ပထမတန်း) အရာရှိ ကြီးနဲ့ စစ်ဘက်ရေးရာ လုံခြုံရေး အရာရှိ တို့၊ မပါဝင် ခဲ့ကြပါဘူး။ ဒီအခြေအနေ ပေါ်မှာ၊ KIA နဲ့ အစိုးရစစ်တပ်တို့ ရဲ့ အပစ်အခတ် ရပ်စဲရေး အနေအထားကို၊ ထောက်လှမ်းရေး အရာရှိဟောင်း ဗိုလ်မှူးဟောင်း ဦးအောင်လင်းထွဋ် နဲ့ ကိုရော်နီညိမ်းက၊ မေးမြန်းဆွေးနွေးပြီး ဒီသီတင်းပတ်ရဲ့ “တပ်မှူးတပ်သား ပြောစကား” ကဏ္ဍကို တင်ဆက် ထားပါတယ်။
ဦးရော်နီညိမ်း ။ ။ ဗိုလ်မှူးအောင်လင်းထွဋ် ခင်ဗျား။ ဗိုလ်မှူးဟာလည်းပဲ၊ KIA နဲ့ အရင် မြန်မာ စစ်အစိုးရ နိုင်ငံတော် ငြိမ်ဝပ် ပိပြားမှု တည်ဆောက်ရေး အဖွဲ့ အချိန်ကာလမှာ၊ တော်တော်လေးပဲ ထဲထဲဝင်ဝင် ပါဝင် ဆောင်ရွက် ခဲ့ရတယ်လို့၊ ကျနော်တို့က သိထားတဲ့ အတွက်၊ ကချင် လွတ်လပ်ရေးအဖွဲ့ (KIO) ရဲ့ လက်အောက်ခံ KIA (ကချင် လွတ်လပ်ရေး တပ်မတော်) နဲ့ အစိုးရ စစ်တပ်တို့ အပစ်ရပ်ကြဖို့ သဘောတူညီချက် ရခါနီးပြီဆိုတဲ့ အကြောင်းကို၊ ဗိုလ်မှူးကို မေးကြည့် ချင်ပါတယ်။ အစိုးရ ဘက်က လွှတ်လိုက်တဲ့ ငြိမ်းချမ်းရေး ကိုယ်စားလှယ်အ ဖွဲ့မှာ စစ်ဘက်က ကိုယ်စားလှယ် ပါလာတာ မတွေ့ရဘူး။ မြောက်ပိုင်းတိုင်း စစ်ဌာနချုပ်ဘက်က ဘာ ကိုယ်စား လှယ်မှ မလွှတ်ဘူး။ မပခ (မြောက်ပိုင်းတိုင်း စစ်ဌာနချုပ်)က တာဝန်ရှိတဲ့ စစ်ဆင်ရေး စစ်ဦးစီးမှူး (ပထမတန်း) တို့၊ စစ်ဘက်ရေးရာ လုံခြုံရေးက ပုဂ္ဂိုလ်တို့၊ ပါလာတာ မတွေ့ရပဲ၊ ကချင်ပြည်နယ် အစိုးရအဖွဲ့ ကချင်ပြည်နယ် ၀န်ကြီး အဖွဲ့ထဲက နယ်စပ်ရေးရာ ၀န်ကြီး ဗိုလ်မှူးကြီး သန်းအောင် ဦးဆောင်တဲ့အဖွဲ့နဲ့၊ KIO ဘက်က ဗိုလ်မှူးချုပ် ဂွမ်မော် ခေါင်းဆောင်တဲ့ အဖွဲ့နဲ့ပဲ တွေ့ကြတယ်။ အဲဒါက ဘာဖြစ်လို့ အစိုးရဘက်က စစ်ဘက်က ပါလာခြင်း မရှိတာလဲ ဆိုတာကို၊ ဗိုလ်မှူး အရင် သုံးသပ်ပေးပါခင်ဗျ။ ဘာများ ၀ှက်ဖဲ ရှိပါသလဲ။
(၂၀၁၁ ဇွန် ၂၇ ရက်နေ့တွင်၊ ကချင်ပြည်နယ်အစိုးရအဖွဲ့မှ ငြိမ်းချမ်းမှု တည်ဆောက်ရေး အကြိုညှိနှိုင်းမှု အဖွဲ့ကို၊ (၅) ဦးပါ အဖွဲ့နှင့် ဖွဲစည်းခဲ့ပြီး၊ အဖွဲ့ခေါင်းဆောင်မှာ ကချင်ပြည်နယ် ၀န်ကြီး အဖွဲ့ထဲမှ လုံခြုံရေးနှင့် နယ်စပ်ရေး ရာဝန်ကြီး ဗိုလ်မှူးကြီး သန်းအောင်၊ အဖွဲ့ဝင်များမှာ ကချင် အမျိုးသား အတိုင်ပင်ခံ ဥက္ကဋ္ဌ ဦးဆင်ဝါးနော်၊စည်းလုံး ညီညွတ်ရေးနှင့် ဒီမိုကရေစီ (UDPKS) ပါတီ၏ အမျိုးသား လွှတ်တော်အမတ် ဦးခက်ထိန်နန်၊ မြောက်ပိုင်းတိုင်း စစ်ဌာနချုပ် စစ်ဆင်ရေး စစ်ဦးစီးမှူး (ပထမတန်း) ဗိုလ်မှူးကြီး ထွန်းထွန်းအုန်း နှင့် စစ်ဘက်ရေးရာ လုံခြုံရေးစစ် ဦးစီးမှူး (ဒုတိယတန်း) ဗိုလ်မှူးနိုင်လင်းတို့၊ ဖြစ်ကြပါသည်။)
ဗိုလ်မှူးအောင်လင်းထွဋ် ။ ။ ၀ှက်ဖဲ ရှိပါတယ်ခင်ဗျ။ စစ်တပ်ရဲ့ကိုယ်စားလှယ် အခုလို မပါတဲ့သဘော က၊ စစ်တပ် အနေနဲ့ကတော့ (KIA ကို တိုက်ခိုက်ခြင်း) လုပ်ချင်လုပ်မယ်၊ မင်းတို့ဟာ မင်းတို့ ဆွေးနွေးချင်ရာ ဆွေးနွေး ဆိုတဲ့ အမြင်မျိုး ဖြစ်အောင်၊ ခွ check လုပ်ထားတာပါ။ တဘက်ကလည်း နိုင်ငံရေးအရ ကမ္ဘာကို ပြောမယ်၊ ပြည်တွင်းကို ပြောမယ်၊ ငြိမ်းချမ်းရေးကို သူတို့(အစိုးရ) ဘက်က သည်းညည်းခံပြီး လုပ်နေပါတယ် ဆိုတာကို၊ သူတို့က ပြောမယ်။ တဘက်ကလည်း တပ်နဲ့ ဖိမှာပါ။ အခုဟာက သူတို့ (အစိုးရတပ်တွေ)က၊ ခြေ ကုပ်တခု ရသွားပါပြီ။ တာစန်း (တရုတ်ကုမ္ပဏီ၏ ရေအားလျှပ်စစ် ထုတ်လုပ်ရေး အတွက် ရေကာတာတည် ဆောက်ရေး လုပ်နေသည့် နေရာ) တောင်ကုန်း တကုန်းကို ရသွားတဲ့အခါ၊ နောက်ထပ် တပ်တွေ ၀င်လာပါ လိမ့်မယ်။ KIA အနေနဲ့ ပြတ်ပြတ် သားသားဖြစ်ဖို့ လိုပါတယ်။ အခုလက်ရှိ ၁၉၉၄ က ချုပ်ဆိုထားတဲ့ စာချုပ်အ တိုင်း၊ စစ်တပ်က တပ်တွေ ပြန်ရုပ်သိမ်းဖို့ လိုပါတယ်။ ငြိမ်းချမ်းရေး စာချုပ် ချုပ်ခဲ့တုန်းက နှစ်ဘက် တပ်တွေ အင်အား မတိုးချဲ့ရေး ဆိုတာ၊ ပါပါတယ်။ စာချုပ် ချုပ်ပြီးတဲ့ နောက်ပိုင်းမှာ၊ မသိမသာ မသိမသာ KIA ကလည်း အင်အားစုသလို၊ မြန်မာ့ တပ်မတော် ဘက်က တပ်ဖွဲ့တွေ ကလည်း၊ KIA နဲ့ အပစ်အခတ် ရပ်စဲရေး လုပ်ထားတဲ့ နယ်စပ် တလျှောက်မှာ၊ တပ်ရင်းပေါင်း မြောက်မြားစွာကို ဖွဲ့တဲ့ အနေအထားမျိုး ရှိပါတယ်။ ၀ှက်ဖဲ အနေနဲ့က တော့၊ မြန်မာ့ တပ်မတော် အနေနဲ့ KIA ကို၊ ဟိုဘက်က တရုတ်နဲ့ ပေါင်းလို့ရရင်၊ ပေါင်းပြီးတော့မှ ကိုးကန့်လို လုပ်ချင်တဲ့ အနေအထားမျိုး ရှိတယ်လို့၊ ကျနော် မြင်ပါတယ်။ ဒါ ၀ှက်ဖဲပဲ ဖြစ်ပါလိမ့်မယ်။ အခုကလည်း၊ နေပြည်တော် အနေနဲ့ကလည်း၊ နိုင်ငံရေးအရ အရပ်ဘက် (အစိုးရ) က၊ အရပ်ဘက်ပဲ၊ ဆိုတဲ့ ပုံစံမျိုးနဲ့၊ သူတို့ ၀င်တဲ့ သဘောပါ။ မင်းတို့ဟာ မင်းတို့ အရပ်ဘက် (အစိုးရ) က၊ ဘယ်လောက်ပဲ ဆွေးနွေး၊ ဆွေးနွေး၊ ငါတို့ စစ်တပ်က မကျေနပ်လို့ တိုက်တယ်ကွာ လုပ်တယ်ကွာ၊ ဆိုတဲ့၊ နှစ်ခွပေါ့ဗျာ၊ အဲဒီအမြင် ရစေချင်တဲ့ ပုံစံမျိုး ကို၊ သူတို့ လုပ်တာပါ။
ဦးရော်နီညိမ်း ။ ။ KIO ဘက်ကဆိုရင်၊ KIO တွဲဘက်အတွေင်းရေးမှူး ဦးလနန် ပြောကြားချက် အရ ဆိုရင်၊ အပစ်အခတ် ရပ်စဲရေးဟာ မကြာခင် လက်မှတ် ရေးထိုး ကြတော့မယ်၊ သူတို့ ဇွန်လ (၃၀) ရက်နေ့က တွေ့ဆုံမှုဟာ ပဏာမ တွေ့ဆုံမှုလို့၊ သူက ပြောသွားခဲ့ပါတယ်။ အဲဒီတော့၊ အပစ်အခတ် ရပ်စဲရေးရဲ့ နောက်တ ဆင့်၊ လက်မှတ် ထိုးမယ့် အခါကျရင်၊ ကချင်ပြည်နယ် အစိုးရ အဖွဲ့ပဲ ထိုးမှာလား၊ ကာကွယ်ရေး ၀န်ကြီးဌာနက မပါရင်တောင်မှ၊ အဖျဉ်းဆုံး လက်အောက်ခံ စစ်တိုင်းဖြစ်တဲ့ မြောက်ပိုင်း စစ်ဌာနချုပ်ရဲ့ ကိုယ်စားလှယ်က၊ လာပြီး မထိုးတော့ဘူးလား။ အဲဒါဆိုရင်၊ ဒီအပစ်အခတ် ရပ်စဲရေးကို KIA ဘက်က၊ ဘယ်လောက် အထိ ယုံ ကြည်စိတ်ချလို့ ရမလဲ ဆိုတာကို၊ ဗိုလ်မှူး ခန့်မှန်း တွက်ချက်ပေးပါ။
ဗိုလ်မှူးအောင်လင်းထွဋ် ။ ။ KIA ဘက်က ယုံကြည်မှုအနေနဲ့ကတော့၊ ပထမ အကြိမ် ၁၉၉၄ ခုနှစ် တုန်းက၊ စစ်တိုင်းမှူး နှစ်ယောက်က (မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ်စောလွင် (OTS 27) နှင့် အရှေ့မြောက်တိုင်း စစ်ဌာနချုပ် တိုင်းမှူး ဗိုလ်ချုပ်အေးကျော် (OTS 28 - ကွယ်လွန်)၊ ကာကွယ်ရေး ဦးစီးချုပ် ကိုယ်စား လက်မှတ် ရေးထိုးခဲ့တာတောင်မှ၊ အခုလို ကတိက၀တ် တွေကို ဖေါက်ဖျက်ပြီး လုပ်ခဲ့ သေးတာပဲဗျာ၊ KIA အနေနဲ့ သတိထားဖို့က၊ လက်မှတ် ရေးထိုးရုံတင် မဟုတ်ဘူး၊ ကတိက၀တ်ပြုတဲ့ သက်သေ လူကြီးတွေ ရှေ့မှာပါ၊ အကုန်လုံးက မျှမျှတတနဲ့ ပီပီပြင်ပြင်နဲ့ ဖြစ်အောင်တော့၊ လုပ်ဖို့လိုပါတယ်။
ဦးရော်နီညိမ်း ။ ။ ဒီနေရာမှာ နောက်ခံကို နည်းနည်း ပြန်ကြည့်ချင်ပါတယ်။ ဘယ်တုန်းကစပြီး KIA နဲ့ ငြိမ်းချမ်း ရေးယူတဲ့ ကိစ္စ ဖြစ်ပေါ်လာတယ် ဆိုာကို အကျဉ်းချုံးပြီး၊ နောက်ခံကို ရှင်းပြပေးပါ ခင်ဗျ။
ဗိုလ်မှူးအောင်လင်းထွဋ် ။ ။ ၁၉၉၀လောက်တုန်းက ဦးဘရန်ဆိုင်း (ကွယ်လွန်သူ KIO ဥက္ကဋ္ဌ) သက်ရှိ ထင်ရှား ရှိနေစဉ် အခါမှာ၊ ၀ါရှင်တန်က မြန်မာသံရုံးမှာ သံအမတ်ကြီး၊ တခါ ၀န်ကြီးချုပ်ရုံး ၀န်ကြီးနဲ့ အလုပ်သ မား ၀န်ကြီး လုပ်သွားခဲ့တဲ့ ဦးတင်ဝင်း (ထောက်လှမ်းရေး အရာရှိဟောင်း အငြိမ်းစား ဗိုလ်မှူးကြီး တင်ဝင်း - OTS 35) ခေါင်းဆောင်တဲ့ အဖွဲ့နဲ့၊ KIA နဲ့ တွေဆုံ ခဲ့ကြတယ်။ ၁၉၉၂ ခုနှစ် ဗိုလ်ချုပ်ကြီး သန်းရွှေ တက်လာတဲ့ အချိန်မှာ၊ KIA က ပြန်ပြီး ဆက်သွယ်လာခဲ့တယ်။ အဲဒီအချိန်မှာ အကျိုးဆောင်တွေ အနေနဲ့၊ အစ္စရေးလ်နိုင်ငံ ဆိုင်ရာ မြန်မာ သံအမတ်ကြီးဟောင်း ဦးလ၀မ် (ယခု အမေရိကန် ပြည်ထောင်စုတွင် နေထိုင်သူ)၊ နောက် ခရစ် ယာန်သင်းအုပ် ဆရာ ဒေါက်တာစားပွဲဂျွန် နဲ့ စီးပွားရေး လုပ်ငန်းရှင် ဦးခွန်မြတ်၊ ဒီသုံးယောက်နဲ့ (ရန်ကုန် စစ်ရုံး ချုပ်အရာရှိများ အိမ်ယာ) န၀ရတ်ရိပ်သာက ကျနော့်အိမ်မှာ စတွေ့ပြီးတော့၊ ဒါတွေကို စလာခဲ့တာပါ။
ဦးရော်နီညိမ်း ။ ။ အရင် အစိုးရအဆက်ဆက်ဟာ၊ တိုင်းရင်းသားလက်နက်ကိုင်အဖွဲ့တွေနဲ့ ဆွေးနွေး ရင်၊ လက်နက် ချဖို့ပဲ အစိုးတွေ ဘက်က တောင်းဆို နေတာကြောင့်၊ ငြိမ်းချမ်းရေး ဆွေးနွေးပွဲ အဆင့်တွေက ဖြစ် မလာဘူး၊ ဒါပေမဲ့ အခု လက်နက် ကိုင်ထားပြီးတော့မှ၊ ငြိမ်းချမ်းရေး အပြီး အပြည့်အစုံကိစ္စကို၊ ဖြစ်ပေါ်လာမယ့် အစိုးရနဲ့မှ ဆက်ပြီးလုပ် သွားကြမယ် ဆိုပြီးတော့၊ မြန်မာ့ တပ်မတော်နဲ့ KIA နဲ့ သဘောတူညီခဲ့တယ်၊ ဒီလိုမျိုး ဗိုလ်မှူးတို့ ပထမတကြိမ် ဆွေးနွေး ခဲ့တယ်လို့၊ သိရပါတယ်။ အဲဒီအချိန်မှာ ဗိုလ်ချုပ်မှူးကြီးစောမောင်၊ တပ်မတော် ကာကွယ်ရေး ဦးစီးချုပ် ဖြစ်နေတုန်းပဲလား။
ဗိုလ်မှူးအောင်လင်းထွဋ် ။ ။ ကာလ နှစ်ခုပေါ့ဗျာ။ ဗိုလ်ချုပ်မှူးကြီးစောမောင် လက်ထက်မှာ၊ ခုန ကိုရော်နီ ပြောခဲ့တဲ့ ဖြစ်စဉ်တွေ ဖြစ်ခဲ့ပါတယ်။ အဲဒီအချိန်မှာလည်း ဗိုလ်ချုပ်ကြီး သန်းရွှေက (နိုင်ငံတော် ငြိမ်ဝပ် ပိပြားမှု တည်ဆောက်ရေး အဖွဲ့) ဒုတိယဥက္ကဋ္ဌ အနေနဲ့ ရှိပါတယ်။ အဲဒီ မူဝါဒလမ်းညွှန်ချက်တွေ အတိုင်း သွားခဲ့ ကြတယ်။ ဒါပေမဲ့၊ ၁၉၉၂ ခုနှစ် (ဗိုလ်ချုပ်မှူးကြီး စောမောင်ကို ဖြုတ်ချပြီး) ဗိုလ်ချုပ်ကြီး သန်းရွှေ တက်လာတဲ့ အခါမှာ၊ အဲဒီ မူဝါဒတွေကို သူ ignore (လစ်လျူရှု) မလုပ်ရဲဘူး။ မစွန့်လွှတ်ရဲဘူး။ မကြိုက်လည်း မကြိုက်ဘူး။ ဘာသွားတွေ့ရလဲ ဆိုတော့၊ (တိုင်းရင်းသား လက်နက်ကိုင် တပ်ဖွဲ့တွေကို) လက်နက်ကိုင် ခွင့်ပေးထားမယ် ဆိုပေ မဲ့၊ ကျနော့်ကို ဘာပြောခိုင်းလဲ ဆိုတော့၊ “မင်းတို့ KIO ကို လက်နက်ချခိုင်းလိုက်” လို့ ပြောခိုင်းပါတယ်။ ဗိုလ် ချုပ် (ဗိုလ်မှူးချုပ်) ကျော်သိမ်း (ထိုစဉ်က ဒုဗိုလ်မှူးကြီး) မအားလို့၊ ကျနော့်ကို ပြောခိုင်းလို့၊ (နှစ်ဘက်ကြားက အကျိုးဆောင် ပုဂ္ဂိုလ်တွေကို) ကျနော့်အိမ်ကို ခေါ်ပြီး၊ ဒီစကား ကျနော် ပြောခဲ့ရပါတယ်။ ကျနော်တို့မှာ ဘယ်သူ မှ ဒီလိုစကားမျိုးကို ပြောချင်တဲ့ အနေအထားမျိုး မရှိခဲ့ဘူး။
ဦးရော်နီညိမ်း ။ ။ ဒီနေရာမှာ ကျနော်တို့ သိချင်တာက၊ ဗိုလ်မှူးကို ဘယ်လောက်အနေအထား မျိုးနဲ့ တာဝန်ပေး အပ်ခဲ့ခြင်း ခံခဲ့ရပါသလဲ၊ KIA နဲ့ စတင် စေ့စပ်တဲ့ အချိန်မှာ၊ ဗိုလ်မှူးသည် ဘယ်အခန်းကဏ္ဍကနေ ဘယ်လိုကနေ ပါဝင် ခဲ့ရတယ် ဆိုတာလေး၊ သိချင်ပါတယ်။
ဗိုလ်မှူးအောင်လင်းထွဋ် ။ ။ ကျနော့်အဆင့်က ဗိုလ်မှူး၊ ရာထူးက G-2 (General Staff Officer – Grade 2 – Combat Intelligence Division) (တပ်မတော် ထောက်လှမ်းရေး ညွှန်ကြားရေးမှူးရုံး၊ တိုက်ပွဲ ထောက်လှမ်းရေး ဌာနခွဲ၊ စစ်ဦးစီး အရာရှိ - ဒုတိယတန်း) ပါ။ ကျနော်ဟာ အဲဒီ (ငြိမ်းချမ်းရေး) လုပ်ငန်းစဉ် တလျှောက်မှာ၊ တပ်မတော် ထောက်လှမ်းရေး ညွှန်ကြားရေးမှူး ရုံးက staff တယောက်အနေနဲ့၊ ရန်ကုန် နောက် တန်းမှာနေပြီးတော့၊ ဒီလုပ်ငန်းတွေကို ကိုင်ရပါတယ်။ ရှေ့တန်း (ကချင်ပြည်နယ် မြောက်ပိုင်းတိုင်း စစ်ဌာန ချုပ်နယ်မြေ) ကိုတော့၊ ဗိုလ်ချုပ်ကျော်ဝင်း (OTS 38) (ထိုစဉ်က ဗိုလ်မှူးကြီး၊ တပ်မတော် ထောက်လှမ်းရေး ဒုတိယ ညွှန်ကြားရေးမှူး) နဲ့ ဗိုလ်ချုပ် (ဗိုလ်မှူးချုပ်) ကျော်သိမ်း (DSA 11 ထိုစဉ်က ဒုဗိုလ်မှူးကြီး၊ တပ်မတော် ထောက်လှမ်းရေး ညွှန်ကြားရေးမှူးရုံး၊ တိုက်ပွဲ ထောက်လှမ်းရေး ဌာနခွဲ၊ စစ်ဦးစီးအရာရှိ - ပထမတန်း) တို့၊ သွား ကြပါတယ်။ ဗိုလ်ချုပ်ကျော်ဝင်း နဲ့ ဗိုလ်ချုပ်ကျော်သိမ်း တို့က (KIO နှင့်) ဆွေးနွေးချက်တွေကို၊ ကျနော့်ဆီကို ပို့ပါတယ်။ ကျနော်ကတဆင့် ဗိုလ်ချုပ် ခင်ညွန့်ဆီကို တင်ပြရပါတယ်။ ဗိုလ်ချုပ်ခင်ညွန့်ကမှ ဗိုလ်ချုပ်ကြီးသန်း ရွှေကို တင်ပြပါတယ်။ တခါ (ညွှန်ကြားချက်တွေကို) ဗိုလ်ချုပ်သန်းရွှေက ဗိုလ်ချုပ် ခင်ညွန့်ဆီ၊ ဗိုလ်ချုပ်ခင်ညွန့် ကနေ ကျနော့်ဆီ၊ ကျနော်ကမှ (ရှေ့တန်းရှိ) ဗိုလ်ချုပ်ကျော်ဝင်း နဲ့ ဗိုလ်ချုပ်ကျော်သိမ်း တို့ဆီ ဆက်ပို့ ပေးခဲ့ရ ပါတယ်။
ဦးရော်နီညိမ်း ။ ။ အဲဒီအချိန်မှာ ဗိုလ်မှူးအနေနဲ့ ဗိုလ်ချုပ်ကြီးသန်းရွှေကို၊ ဘယ်လို ခန့်မှန်းလို့ရလဲ ခင်ဗျ။ သူ သည် တကယ်ပဲ ငြိမ်းချမ်းရေး လိုချင်လို့၊ လိုလိုလားလားနဲ့ လုပ်မှာလား၊ ဒါမှမဟုတ်၊ အဲဒီအချိန်မှာ ခဏ အချိုသတ်ထားပြီးတော့၊ နောင်တချိန်ကျရင်၊ အကုန်လုံးကို ကြိတ်ဝါးပစ်မယ် ဆိုတဲ့ အနေအထားမျိုး လား။ ဗိုလ်မှူး ဘယ်လို လေ့လာတွေ့ရှိခဲ့ပါသလဲ။
ဗိုလ်မှူးအောင်လင်းထွဋ် ။ ။ ပွင့်ပွင့်လင်းလင်းပြောရရင်၊ အဲဒီအချိန်တုန်းက၊ ဗိုလ်ချုပ်မှူးကြီး သန်းရွှေ ကို ကျနော် ယုံခဲ့တယ် ခင်ဗျ။ တိုင်းရင်းတွေက လက်နက်ကိုင်ထားပြီး၊ ကျနော်တို့နဲ့ ငြိမ်းချမ်းရေး လုပ်ကြမယ်၊ တိုင်းရင်းသားတွေရဲ့ ယုံကြည်မှု ရသွားတဲ့အခါ၊ ဒီလက်နက်တွေဟာ၊ တုတ်လောက်တောင်မှ တန်ဘိုးမရှိတော့ ဘူး၊ တယောက်နဲ့ တယောက် ပြောကြ ဆိုကြမယ်၊ ငြိမ်းအေး သွားကြတဲ့ အချိန်မှာ၊ နိုင်ငံရေးကိစ္စဟာလည်း တယောက်နဲ့ တယောက် မညှိနှိုင်းလို့ မရစရာ အကြောင်း မရှိဘူးလို့၊ ကျနော် ယုံခဲ့တယ်။ ဒါပေမဲ့၊ ၁၉၉၆ ခုနှစ် ဒီဇင်ဘာလမှာ၊ KNU (Karen National Union) အန်ကယ်မြ (ကွယ်လွန်သူ ကရင်အမျိုးသား အစည်းအရုံး ခေါင်းဆောင် ဗိုလ်ချုပ်ကြီးစောဘိုမြ) တို့နဲ့၊ ဆွေးနွေးပြီးတဲ့ နောက်ပိုင်းမှာ၊ ဗိုလ်ချုပ်မှူးကြီး သန်းရွှေကို ကျနော် အယုံအကြည် မရှိတော့ဘူး။ ဘာဖြစ်လို့လဲ ဆိုတော့၊ တိုင်းရင်းသား လက်နက်ကိုင် အဖွဲ့တွေကို နိုင်ငံရေးအရ၊ သူ ကစားနေလို့ပဲ။ ကစားတဲ့ နေရာမှာလည်း၊ ပြည်တွင်းရော ပြည်ပမှပါ တိုင်းရင်းသား လက်နက်ကိုင် အဖွဲ့တွေနဲ့ ငြိမ်းချမ်းရေး ကိစ္စကို အရုပ်(စစ်တုရင်နယ်ရုပ်) တခုလို၊ သူ ကစားခဲ့တဲ့ အနေအထားမျိုး ရှိတယ်။ အဲဒီအချိန် အဲဒီအခါက၊ NLD (အမျိုးသား ဒီမိုကရေစီ အဖွဲ့ချုပ်ကို) ကို၊ သူ့အနေနဲ့ ဖြိုတဲ့ တိုက်တဲ့အခါမှာ၊ ဗိုလ်ချုပ်သန်းရွှေ က တိုင်းရင်းသား လက်နက်ကိုင် အဖွဲ့တွေကို သူ့ရဲ့ လက်နက်တခုလို၊ သုံးခဲ့တဲ့ အနေအထားမျိုး ရှိခဲ့ပါတယ်။ ဒါကြောင့် ၁၉၉၆ နောက်ပိုင်းက စပြီး၊ ကျနော်က မယုံတော့ဘူး။
ဦးရော်နီညိမ်း ။ ။ KIO က စစ်အစိုးရလုပ်ခဲ့တဲ့ (၁၉၉၃မှ ၂၀၀၇အထိ) အမျိုးသား ညီလာခံကို၊ တောက် လျှောက် တက်လာခဲ့တာပဲ။ KIO က အမျိုးသား ညီလာခံကို တက်နေတဲ့ အချိန်မှာ၊ KIA က လက်နက် ကိုင်ထားပြီး၊ အပစ်အခတ် ရပ်စဲထားတဲ့ အနေအထားနဲ့၊ သွားနေတဲ့ အချိန်မှာ၊ KIO နဲ့ မြန်မာ စစ်အစိုးရတို့ရဲ့ ဆက်ဆံ ရေးဟာ တကယ်ပဲ ကောင်းနေလားခင်ဗျ။.
ဗိုလ်မှူးအောင်လင်းထွဋ် ။ ။ ပွင့်ပွင့်လင်းလင်းပြောရရင်၊ KIA ဟာ နိုင်ငံရေးအရ ပါးပါးနပ်နပ် ရှိတဲ့ တိုင်းရင်းသား လက်နက်ကိုင် အဖွဲ့အစည်းကြီး တခုပါ။ သည်းညည်း ခံနိုင်သလောက်၊ သူတို့ သည်းညည်း ခံတာတွေ အများကြီး ရှိပါတယ်။ ငြိမ်းချမ်းရေး လုပ်နေစဉ် ကာလထဲမှာကိုက၊ တပ်ကနေ ဖမ်းပြီးသတ်တဲ့ ဆိုးဆိုးဝါး ၀ါးကိစ္စတွေ ဖြစ်ခဲ့တယ်။ နောက်ဆုံး ကျနော် မှတ်မှတ်ရရ ဆိုရင် အဲဒီမှာ (မြောက်ပိုင်းတိုင်း စစ်ဌာနချုပ်) စစ်တိုင်း မှူးလုပ်သွားတဲ့၊ (အပစ်အခတ်ရပ်စဲရေး) လက်မှတ် ထိုးစဉ်ကလည်း ပါတဲ့ ဗိုလ်ချုပ်စောလွင် (ကြည်း ၈၆၇၇ OTS 27) ဆိုရင်၊ KIA ကို မကြားဝံ့ မနာသာ လူရှေ့သူရှေ့မှာ ဆဲတာ ဆိုတာတွေ ရှိပါတယ်။ ဒါတွေကို KIA က သည်းညည်းခံပြီး၊ ကျနော်တို့ ထောက်လှမ်းရေး ကိုပဲ၊ ဒါတွေက ဒီလိုတွေ ဖြစ်နေတယ် ဆိုတာမျိုးတွေပဲ၊ ယဉ် ယဉ်ကျေးကျေးနဲ့ လှမ်းပြီး၊ ကျနော်တို့တို့ကို တင်ပြတာတွေ ရှိခဲ့ပါတယ်။ ဒါတွေကို ကျနော်တို့ဆီက တဆင့် ဗိုလ်ချုပ်ကြီးခင်ညွန့်၊ တခါ ဗိုလ်ချုပ်ကြီး ခင်ညွန့်နေ တဆင့် ထပ်ပြိးတော့ တင်ပြခဲ့တာတွေ ရှိပါတယ်။ အဲဒီ အချိန်က ငြိမ်းချမ်းရေး ယူထားတာကို အပျက်ခံလို့ မရသေးတဲ့ အခါကျတော့၊ ဗိုလ်ချုပ်စောလွင်ကို တိုင်းမှူးက နေ ဌာနလက်ကိုင်မရှိတဲ့ ၀န်ကြီးချုပ်ရုံး ၀န်ကြီး ဆိုပြီး၊ ရွှေ့ပစ်လိုက်ရတဲ့ ဖြစ်စဉ် ရှိခဲ့ပါတယ်။ အမျိုးသားညီလာခံ မှာ KIO ၀င်ခွင့်ရတော့လည်း၊ ဒေါက်တာတူးဂျာ (၂၀၁၀ ရွေးကောက်ပွဲတွင် ပါတီထောင်ခွင့် ရွေးကောက်ပွဲဝင် ခွင့်တို့ကို၊ စစ်အစိုးရ ရွေးကောက်ပွဲ ကော်မရှင်က အကြောင်းပြချက် တစုံတရာ မပေးပဲ ပယ်ချခြင်းခံရသူ၊ အမျိုးသား ညီလာခံကို စစ်အစိုးရအလိုကျ (၁၄) နှစ် တက်ရောက်ခဲ့သည့် ကချင်ခေါင်းဆောင်) တို့ကို တွေ့ပါလိမ့်မယ်၊ ခေါင်းပေါင်းစ တထောင်ထောင်နဲ့၊ အစိုးရဘက်ကနေ သူ့ကို အသုံးချတာတွေ ရှိတယ်။ သူတို့က သည်းညည်း ခံပါတယ်။ ၂၀၀၄ ခုနှစ် အမျိုးသား ညီလာခံကို နောက်တကျော့ ပြန်စတဲ့အခါမှာ၊ တိုင်းရင်းသား အဖွဲ့တွေဟာ အချင်းချင်း စုစည်းပြီးတော့ နိုင်ငံရေးအရ သူတို့ကို အမျိုးသား ညီလာခံမှာ ပြောခွင့် ပေးမယ်ဆိုတဲ့၊ သဘောတူ ညီချက်အရ သူတို့က အချက် (၁၂) ချက်လား (၁၄) ချက်လား မသိဘူး၊ (ညီလာခံကို) တင်ပြတာ ရှိပါတယ်။ ဒီလို တင်ပြတဲ့အခါမှာ၊ ဘာပြ ဿနာတက်လဲ ဆိုတော့၊ ဗိုလ်ချုပ်မှူးကြီး သန်းရွှေက ဒီကောင်တွေကို၊ ဒီလို (နိုင်ငံရေးအရ) ဆွေးနွေးခွင့် မပေးနိုင်ဘူး၊ ဒီအတိုင်းပဲ ignore လုပ်ထားလိုက်ဆိုပြီး၊ အမိန့်ပေးပါတယ်။ အဲဒီ လို အမိန့်ပေးတဲ့ အခါမှာ၊ (အမျိုးသားညီလာခံ) အထဲမှာ၊ ပြဿနာတွေ အများကြီး ရှိလာပါတယ်။
ဦးရော်နီညိမ်း ။ ။ ထောက်လှမ်းရေးအရာရှိဟောင်းနဲ့ သံတမန်ဟောင်း ဗိုလ်မှူးဟောင်း ဦးအောင်လင်း ထွဋ်ကို ဆက်သွယ် မေးမြန်း တင်ပြခဲ့တာ၊ ဖြစ်ပါတယ် ခင်ဗျာ။ “ကချင်လွတ်လပ်ရေး တပ်မတော် KIA နဲ့မြန်မာ့ တပ်မတော် ဒုတိယ အကြိမ် အပစ်အခတ် ရပ်စဲရေး (အပိုင်း - ၂)” ကို၊ နောက်သီတင်းပတ် စနေနေ့မနက်ခင်းနဲ့ ညနေခင်း တွေမှာ၊ တင်ဆက် ပေးသွားမှာ ဖြစ်ပါတယ်။ စောင့်မျှော် နားဆင်ကြပါ။ ကျနော် ရော်နီညိမ်းပါ။
Ref: VOA News
ဒေါ်အောင်ဆန်းစုကြည် ပုဂံသို့ ထွက်ခွာ
မျိုးသန့် | တနင်္လာနေ့၊ ဇူလိုင်လ ၀၄ ရက် ၂၀၁၁
ချင်းမိုင်(မဇ္ဈိမ) ။ ။ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်သည် နေအိမ် အကျယ်ချုပ်မှ လွတ်မြောက်လာ အပြီး ပထမဆုံး နယ်ဘက်ခရီးစဉ် ဖြစ်သော ပုဂံရှေးဟောင်းမြို့တော်သို့ အဲမန္တလေး လေကြောင်း ဖြင့် တနင်္လာနေ့နံနက်တွင် ထွက်ခွာသွားပြီ ဖြစ်သည်။
ဒေါ်အောင်ဆန်းစုကြည်၏ အနီးကပ် လုံခြုံရေးအဖြစ် ဦးဟံသာမြင့်၊ ဦးစိုးဝင်း၊ ဦးကျော်စိုးနိုင်တို့လည်း လေယာဉ်တွင် တပါတည်း လိုက်ပါသွားသည်။
အမျိုးသား ဒီမိုကရေစီ အဖွဲ့ချုပ်ခေါင်းဆောင်သည် ပုဂံရှိ Bagan Hotel River View ဟိုတယ်တွင် ၄ ရက်ကြာ တည်းခိုမည် ဖြစ်ပြီး လာမည့် သောကြာနေ့တွင် ရန်ကုန်သို့ ပြန်လည် ရောက်ရှိမည် ဖြစ်သည်။
ခရီးစဉ်သည် နိုဝင်ဘာ ၁၃ ရက်၊ ၂ဝ၁ဝ ပြည့်နှစ် နေအိမ်အချုပ်မှ သူ လွတ်မြောက်လာပြီးနောက် ရန်ကုန်မြို့ အပြင်ဘက်သို့ ပထမဆုံး ထွက်ခွာခြင်း ဖြစ်သည်။
မန္တလေးတိုင်းမှ NLD အဖွဲ့ဝင် အယောက် ၂၀ ခန့် တနင်္ဂနွေနေ့ ကတည်းက ပုဂံသို့ သွားရောက်ကာ စောင့်ကြို နေကြပြီ ဖြစ်သည်။
မြန်မာနိုင်ငံသို့ အလည်အပတ် ရောက်ရှိနေသော ဒေါ်အေင်ဆန်းစုကြည်၏ သားငယ် ကိုထိန်လင်းက တနင်္ဂနွေနေ့ နံနက် ကတည်းက ကားဖြင့် ပုဂံသို့ သွားရောက်ခဲ့သည်။ ကိုထိန်လင်းနှင့် အတူ NLD လူငယ် ၁၄ ယောက်လည်း လိုက်ပါသွားခဲ့သည်။
မိသားစု ခရီးစဉ် ဖြစ်နေခြင်းနှင့် လူထု ထောက်ခံမှုများပြားပြီး ရှုပ်ထွေးမှုများ ဖြစ်မည်စိုးသောကြောင့် ပုံမှန် လုံခြုံရေး အဖြစ် NLD အဖွဲ့ဝင် အနည်းငယ်သာ လိုက်ပါသွားခြင်း ဖြစ်သည်ဟုလည်း အန်အယ်ဒီ ရုံးအဖွဲ့မှူး ဦးဝင်းထိန်က ဆိုသည်။
“လုံခြုံရေးကတော့ ကျနော်တို့ ပုံမှန်လောက်ပါပဲ။ လေကြောင်းလိုင်းတွေမှာလည်း လုံခြုံရေး ရှိတယ်လေ ။ ကျနော်တို့က ထွေထွေ ထူးထူးတော့ သိပ်မလိုဘူး ဘာ့ကြောင့်လဲ ဆိုတော့ လူကြားထဲမှာ ထင်ယောင်ထင်မှား ဖြစ်မှာလည်း စိုးတယ် အဲဒီတော့ ကျနော်တို့ ပုံမှန် လှုပ်ရှားမှုနဲ့ပဲ လှုပ်ရှားကြတာပါ” ဟု ဦးဝင်းထိန်က ပြောသည်။
Ref: မဇ္ဈိမ
သံမှူးကြီး ဦးကျော်ဝင်း နိုင်ငံရေး ခိုလှုံခွင့် တောင်းခံ
2011-07-03
ဝါရှင်တန် ဒီစီရှိ အမေရိကန်နိုင်ငံ ဆိုင်ရာ မြန်မာသံရုံး ဒုတိယ အကြီးအကဲဖြစ်တဲ့ သံမှူးကြီး ဦးကျော်ဝင်းဟာ သူ့ရဲ့ တာဝန်တွေကို စွန့်လွှတ် လိုက်ပြီး အမေရိကန် ပြည်ထောင်စုမှာ ဒီကနေ့ ဇူလိုင်လ ၄ ရက်နေ့မှာ နိုင်ငံရေး ခိုလှုံခွင့် တောင်းခံ လိုက်ပါတယ်။
နိုင်ငံခြားရေးဌာနမှာ ၁၉၈၀ ခုနှစ်က စပြီး တာဝန် ထမ်းဆောင်ခဲ့တဲ့ သံမှူးကြီး ဦးကျော်ဝင်း က သူဟာ မြန်မာ အစိုးရ အပေါ်မှာ ယုံကြည်မှု ကင်းမဲ့ သွားပြီ ဖြစ်ကြောင်း၊ ရွေးကောက်ပွဲ ကျင်းပခဲ့တာ မှန်ပေမယ့် အမှန် ပကတိမှာ ဒီမိုကရေစီ အရိပ်အယောင် မြင်တွေ့ရခြင်း မရှိကြောင်း၊ အမေရိကန် ပြည်ထောင်စုက မြန်မာအစိုးရ ခေါင်းဆောင်ပိုင်း အပေါ် ကန့်သတ် ပိတ်ပင်မှုကို မိမိ ထောက်ခံကြောင်း၊ တပြိုင်နက်မှာပဲ အမေရိကန် ပြည်ထောင်စု အနေနဲ့ မြန်မာ အစိုးရ အပေါ် အနီးကပ် ဆက်ဆံမှုတွေကို တိုးချဲ့သင့်ကြောင်း စသဖြင့် အာအက်ဖ်အေ နဲ့ သီးသန့် တွေ့ဆုံရာမှာ ပြောဆို လိုက်ပါတယ်။
Ref: RFA News
နိုင်ငံရေးအကျဉ်းသားတွေ လွှတ်ပေးဖို့ ဖိလစ်ပိုင်တောင်းဆို
2011-07-03
မြန်မာနိုင်ငံ အကျဉ်းထောင်တွေထဲမှာ ကျန်ရှိနေဆဲ နိုင်ငံရေးအကျဉ်းသား ၂ ထောင်ကျော်ကို လွှတ်ပေးဖို့ ဖိလစ်ပိုင် နိုင်ငံခြားရေး ဝန်ကြီးက ဒီကနေ့ ထပ်မံ တောင်းဆို လိုက်ပါတယ်။
ဖိလစ်ပိုင်မှာ အခြေစိုက်တဲ့ သံတမန်ရေးရာ သတင်းထောက်တွေကို နေ့လယ်စာ တည်ခင်းဧည့်ခံစဉ်မှာ ဖ်ိလစ်ပိုင် နိုင်ငံခြားရေး ဝန်ကြီး Albert Del Rosario က အခုလို တိုက်တွန်း လိုက်တာ ဖြစ်တယ်လို့ ဒီကနေ့ထုတ် ဖိလစ်ပိုင် သတင်းဌာန GMA က ရေးသား ထားပါတယ်။
ဖိလစ်ပိုင် နိုင်ငံခြားရေးဝန်ကြီးက အာစီယံ အဖွဲ့ကြီးကို ကတိပေးထားတဲ့အတိုင်း ဒီမိုကရေစီ အသွင်ပြောင်းရေး လုပ်ဆောင်ရာမှာ မနှစ်က မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို လွှတ်ပေး ခဲ့တာနဲ့တင် မလုံလောက်ဘူး လို့လည်း ဝေဖန် လိုက်ပါတယ်။
မြန်မာနိုင်ငံနဲ့ ပတ်သက်လို့ ဖိလစ်ပိုင်နိုင်ငံရဲ့ သဘောထား ရပ်တည်ချက်ဟာ အမြဲတမ်း ရှင်းရှင်းလင်းလင်း ရှိခဲ့ကြောင်း၊ ဒီမိုကရေစီ အသွင် ကူးပြောင်းရာမှာ ဆောင်ရွက်ရမယ့် ခြေလှမ်း အားလုံးကို မြန်မာဘက်က လုပ်ဆောင်ဖို့ လိုကြောင်း၊ ရွေးကောက်ပွဲ ကျင်းပတာ ဒေါ်အောင်ဆန်းစုကြည်ကို လွှတ်ပေးတာနဲ့တင် မလုံလောက်ဘဲ ကျန်နေတဲ့ နိုင်ငံရေး အကျဉ်းသား အားလုံး လွှတ်ပေးဖို့လည်း လိုကြောင်း Mr. Rosario က ပြောပါတယ်။
အာစီယံက တောင်းဆိုထားတဲ့ ဒီမိုကရေစီ အသွင်ပြောင်းရေး လမ်းစဉ်အတိုင်း မြန်မာနိုင်ငံက ပြည့်မီအောင် ဆောင်ရွက်နိုင်ဖို့ တောင်းဆို ရေးဟာ ဖိလစ်ပိုင် တနိုင်ငံတည်း မှာသာ တာဝန်ရှိတာ မဟုတ်ဘဲ အာစီယံ အဖွဲ့ကြီးမှာလည်း တာဝန် ရှိပါတယ်လို့ ဖိလစ်ပိုင် နိုင်ငံခြားရေး ဝန်ကြီးက ပြောကြားခဲ့ကြောင်းလည်း သတင်းမှာ ရေးသား ထားပါတယ်။
Ref: RFA News
ထိုင်းရွေးကောက်ပွဲ အတိုက်အခံ အနိုင်ရ
တနင်္ဂနွေ, 03 ဇူလိုင် 2011
ထိုင်းနိုင်ငံက ဒီကနေ့ ကျင်းပတဲ့ ရွေးကောက်ပွဲမှာ ပြည်ပမှာ ရောက်နေတဲ့ ၀န်ကြီးချုပ်ဟောင်း တပ်ခ်ဆင် ရှင်နာဝပ် (Thaksin Shinawatra) ရဲ့ ညီမဖြစ်သူ ယင်လပ် ရှင်နာဝပ် (Yingluck Shinawatra) က အနိုင်ရလိုက်ပြီး လက်ရှိ ၀န်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) က သူရှုံးနိမ့်တဲ့ အကြောင်း အသိအမှတ်ပြု လက်ခံ လိုက်ပါပြီ။
ထိုင်းဝန်ကြီးချုပ်က သူ့ရဲ့ပြိုင်ဘက် ယင်လပ် ရှင်နာဝပ် အနိုင်ရတဲ့ အတွက် ဂုဏ်ယူတဲ့ အကြောင်း ဒီကနေ့ပဲ ပြောဆိုခဲ့ပါတယ်။
ယင်လပ် ရှင်နာဝပ်ဟာ ဖွေထိုင်းပါတီ (Pheu Thai) ရဲ့ ခေါင်းဆောင်ဖြစ်ပြီး ထိုင်းနိုင်ငံရဲ့ ပထမဆုံး အမျိုးသမီး ၀န်ကြီးချုပ် ဖြစ်လာပါ တော့မယ်။
ဒီကနေ့ ရွေးကောက်ပွဲတွေမှာ ဖွေထိုင်းပါတီက လက်ရှိအာဏာရ ဒီမိုကရက်ပါတီကို မဲ အပြတ်အသတ်နဲ့ အနိုင် ရခဲ့တာပါ။ မဲထည့် ခဲ့ကြတဲ့ သူတွေကို စစ်တမ်း ကောက်ယူချက်တွေ အရ လေ့လာ သုံးသပ်သူတွေက ဖွေထိုင်းပါတီ အနိုင်ရ လိမ့်မယ်လို့ ကြိုတင် ခန့်မှန်း ထားကြတာပါ။
ထိုင်းနိုင်ငံရဲ့ လွှတ်တော်မှာ လွှတ်တော်ကိုယ်စားလှယ် နေရာ ၅၀၀ ရှိတဲ့အထဲမှာ ဖွေထိုင်း ပါတီက နေရာ ၂၆၀ ထက်မနည်း အနိုင်ရတဲ့ အကြောင်း မဲပေးမှု ရလဒ်တွေမှာ ပြသနေပါတယ်။
ဝန်ကြီးချုပ်ဟောင်း တပ်ခ်ဆင် ရှင်နာဝပ် ၂၀၀၆ ခုနှစ်တုန်းက ပြည်ပကို ထွက်ခွာသွားပြီး နောက်ပိုင်း သွေးထွက်သံယိုမှု မရှိတဲ့ စစ်တပ် အာဏာသိမ်းမှု ရှိခဲ့ပြီး နိုင်ငံရေးအရ ကွဲပြားမှုတွေ အပြင်းအထန် ဖြစ်ပွားခဲ့ပါတယ်။
ပြီးခဲ့တဲ့နှစ်တုန်းက အစိုးရ ဆန့်ကျင်ရေး ဆန္ဒပြမှုတွေ ဖြစ်ပွားခဲ့ပြီး ဆန္ဒပြမှုနဲ့အတူ ပဋိပက္ခတွေလည်း ဖြစ်ပွားခဲ့လို့ လူ ၉၀ ကျော် သေဆုံးခဲ့ပါတယ်။
Ref: VOA News
မြန်မာ့နိုင်ငံရေးပါတီ ကိုယ်စားလှယ်တွေ ထိုင်းရွေးကောက်ပွဲ လေ့လာ
ဦးကျော်ထင်
တနင်္ဂနွေ, 03 ဇူလိုင် 2011
ဒီကနေ့ပြီးသွားတဲ့ ထိုင်းရွေးကောက်ပွဲမှာ ရွေးကောက်ပွဲ ကော်မရှင်က ရလဒ်ကို တရားဝင် မကြေညာ သေးပေမဲ့ ဆန္ဒမဲ ပေးပြီးသူတွေကို အခြေခံထားတဲ့ စစ်တမ်း ကောက်ယူမှုတွေအရ ပြည်ပြေး ၀န်ကြီးချုပ်ဟောင်း တပ်ခ်ဆင် ရှင်နာဝပ် (Thaksin Shinawatra) ကို ထောက်ခံတဲ့ ဖွေထိုင်းပါတီ (Pheu Thai Party) က အပြတ်အသတ် အနိုင် ရနေပါတယ်။ ဒီအကြောင်းနဲ့ ပတ်သက်လို့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြ ပေးထားပါတယ်။
Suan Dusit, Sripathum University နဲ့ Assumption University တို့ရဲ့ စစ်တမ်းတွေအရ ဒီကနေ့ ရွေးကောက်ပွဲမှာ ယင်လတ် ရှင်နာဝပ် (Yingluck Shinawatra) ဦးဆောင်တဲ့ ဖွေထိုင်းပါတီက အများစု အနိုင်ရသွားပြီလို့ ဆိုပါတယ်။
စောစောပိုင်းတုန်းက စစ်တမ်းတွေအရလည်း ၀န်ကြီးချုပ် အဘီဆစ် (Abhisit Vejjajiva) ရဲ့ ဒီမိုကရက် ပါတီနဲ့ ယှဉ်ရင် ဖွေထိုင်း ပါတီကပဲ ဦးဆောင်နေတာ ဖြစ်ပါတယ်။
ဒီကနေ့ ရွေးကောက်ပွဲကို နိုင်ငံတကာ စောင့်ကြည့်လေ့လာတဲ့ အဖွဲ့တွေလည်း အများအပြား လာရောက် လေ့လာကြပါတယ်။
၂၀၁၀ ရွေးကောက်ပွဲဝင် ရခိုင်၊ မွန်၊ ချင်း၊ NDF ပါတီ အပါအ၀င် မြန်မာ အီးဂရက်တို့ကလည်း လာရောက် လေ့လာကြတာပါ။
မွန်ကိုယ်စားလှယ် တယောက်ရဲ့ ထိုင်းရွေးကောက်ပွဲအပေါ် အမြင်က အခုလိုပါ။
“ကွာတာက ကော်မရှင်က ကွာတာပေါ့။ ကော်မရှင်က အစိုးရကခန့်တဲ့ ကော်မရှင် မဟုတ်ဘူး။ အာဏာရ အစိုးရက ခန့်ထားတဲ့ ကော်မရှင် မဟုတ်ဘူး။ သူ့ကော်မရှင်က လွှတ်တော်က ဦးဆောင်တဲ့ ကော်မရှင်၊ တနိုင်ငံလုံးမှာ သူတို့ရဲ့ ကော်မရှင် ၀န်ထမ်း အင်အား သိန်းနဲ့ချီ ရှိတယ်။ နောက်တခုက ဗော်လံတီယာ (Volunteer) တွေ အရမ်းများတယ်။ ပါတီဘက်က ဗော်လံတီယာတွေရော၊ နောက် မီဒီယာ အခန်းကဏ္ဍပါ အရမ်း လွတ်လပ်တဲ့ အခါကျတော့ မဲလိမ်မှု၊ မသမာမှု အရမ်းလုပ်လို့ မရတဲ့ ပုံစံ တွေ့နေရတယ်။”
ထိုင်းနိုင်ငံ အရှေ့မြောက်ပိုင်းက မဲရုံတွေကို Asia Network for Election အဖွဲ့နဲ့အတူ လေ့လာဖို့ ရောက်နေတဲ့ ကိုခင်မောင်ရွှေက လောလောဆယ် ရေတွက်ပြီးသလောက် ဖွေထိုင်း ပါတီက အနိုင်ရနေတယ်လို့ ဆိုပါတယ်။
“အခုလောလောဆယ် ကျနော်တို့ရှိနေတဲ့ နေရာမှာကျတော့ နံပါတ်ဝမ်းက နိုင်တယ်၊ ဖွေထိုင်းပေါ့။ နောက်တခါ ဒုတိယ လိုက်တာက ဒီမိုကရက်နဲ့ ဘူဂျင်ထိုင်းပေါ့၊ ဒီ ၃ ပါတီပဲ အဓိကပဲလေ။”
ရွေးကောက်ပွဲ လုံခြုံရေးအတွက် တနိုင်ငံလုံးမှာ ရဲတပ်ဖွဲ့ဝင် ၂၀၀,၀၀၀ နီးပါးကို လုံခြုံရေး ချထားတာ ဖြစ်ပါတယ်။ ပြီးခဲ့တဲ့ ရက်ပိုင်းတွေက စပြီး မဲဝယ်တာတွေ ရှိခဲ့ပါတယ်။ ဒီကနေ့လည်း မဲဝယ်တဲ့အမှု ၂၃ မှု ရှိတယ်လို့ ရဲတပ်ဖွဲ့က ဆိုပါတယ်။
မဲဆန္ဒရှင်တွေရဲ့ အခြေအနေကို ကိုခင်မောင်ရွှေက အခုလို ပြောပါတယ်။
“ကျနော်တွေ့တာ မြန်မာပြည်နဲ့မှ မတူဘဲ၊ အေးဆေးပဲ ဒီမှာ။ ကျနော်တို့ ဒီဘက်ခြမ်းမှာ လာကြည့်တော့ တောင်သူ လယ်သမားတွေ များတယ်လေ။ သူတို့ အလုပ်မသွားခင် မနက်စောစော လာပေးတယ်၊ ပြီးရင် အလုပ်သွားတယ်။ ဒီမှာရှိတဲ့ ပြည်သူလူထုက ပြောမယ် ဆိုရင် နိုင်ငံရေးကို တစုံတရာ သိပြီးသား၊ ဘယ်လို မဲပေးရမယ် ဆိုတာ သိပြီးသားပဲ။”
ဘန်ကောက်ပို့စ် (Bangkok Post) အွန်လိုင်းရဲ့ စစ်တမ်းအရတော့ ရွေးကောက်ပွဲ ပြီးသွားတယ် ဆိုပေမဲ့ ထိုင်းနိုင်ငံရဲ့ နိုင်ငံရေး မတည်ငြိမ်မှုက ဆက်ရှိနေမယ်လို့ အများစုက သဘောထား ပေးကြပါတယ်။ လေ့လာသူ တချို့ကလည်း တကယ်လို့ ယင်လတ် ရှင်နာဝပ်ရဲ့ ဖွေထိုင်းပါတီ အစိုးရက ပြည်ပရောက် တပ်ခ်ဆင် ရှင်နာဝပ်ကို လွတ်ငြိမ်းချမ်းသာခွင့် ပေးမယ်ဆိုရင် နိုင်ငံရေး မတည်ငြိမ်မှုတွေ ဖြစ်လာနိုင်တယ်လို့ ခန့်မှန်း ကြပါတယ်။
Ref: VOA News
Posts
