ရဲဘော်ဖိုးသံချောင်း
၇ အောက်တိုဘာ ၂၀၀၉
မျက်မှောက်အချိန်မှာ ဗမာပြည်နိုင်ငံရေးဟာ နိုင်ငံတကာ အ၀န်းအ၀ိုင်းကို ရောက်သွားတာနဲ့ အတူ ကမ္ဘာအနှံ့ရှိ ဗမာပြည်နဲ့ မကင်းသူတွေဟာ သတင်းတွေကို နားစွင့်ကြ၊ ပြောဆို ဆွေးနွေးကြ၊ ထင်မြင်ချက် ပေးကြ၊ ရှေ့ အလားအလာတွေကို တွက်ကြနဲ့ အတော့်ကို လှုပ်ရှားနေကြပါတယ်။ အနည်းဆုံး ဦးနှောက်ပိုင်း လှုပ်ရှားကြတယ်လို့ ဆိုရင် မမှားပါဘူး။ သဘာဝကျစွာပဲ တချိန်တည်းမှာ အယူအဆ အမျိုးစုံလည်း ပလူပျံအောင် ပေါ်ပေါက်နေပါတယ်။
ဒီလိုတကမ္ဘာလုံးက အာရုံစိုက်အလေးထားနေတဲ့ အကြားမှာပဲ နအဖ စစ်ဗိုလ်ချုပ် တွေက ဒေါ်အောင်ဆန်း စုကြည် အပေါ် ချမှတ်ထားတဲ့ ပြစ်ဒဏ်တွေကို အယူခံတာ ပယ်ချ လိုက်တယ် ဆိုတဲ့ ကိစ္စ ပေါ်ထွက်လာပါတယ်။ နအဖရဲ့ ဗီဇနဲ့ သဘာဝကို အမှန်အတိုင်း မြင်ထားတဲ့ လူတွေ အဖို့မှာ ဒီလုပ်ရပ်ဟာ ဘာမှ မဆန်းဘူးလို့ ပြောစရာပါပဲ။ ဒါပေမယ့် အမေရိကန်က အမတ် မစ္စတာဝက်ဘ် တို့လို လူတွေ အဖို့တော့ နအဖ ဗိုလ်ချုပ်တွေ “ဖိုးသင်းမျောက်” လို လုပ်လိုက်တဲ့ အတွက် အတော်ကို အနေရ ခက်သွားမှာပါ။ ဒါဖြင့် ဗမာပြည်သား နိုင်ငံရေး သမားတွေ၊ နိုင်ငံရေး အင်အားစုတွေ အတွက်ရော နအဖရဲ့ ဒီလုပ်ရပ်ဟာ ဘယ်လို အဓိပ္ပာယ်ဆောင်ပါသလဲ။
စိတ်ဝင်စားစရာတွေ့ရတဲ့ အချက်တချက်ကတော့ ဒီလုပ်ရပ်ဟာ အခုတလော ဗမာပြည် နိုင်ငံရေးမှာ ပေါ်ပေါက် ပြောဆိုနေကြတဲ့ အယူအဆ အသစ်တွေ၊ အကြောင်းပြချက် အသစ်တွေကို တိုက်ရိုက် အဖြေပေး လိုက်သလို ဖြစ်သွားတာပါပဲ။
ဥပမာတခုပြရရင် နအဖရဲ့ ၂၀၁၀ ရွေးကောက်ပွဲပြီးရင် ဗမာပြည်မှာ နိုင်ငံရေး လုပ်စရာ စပေ့စ် (နယ်ပယ်) ရမယ်လို့ ဆိုနေသူတွေ။ သူတို့ ရည်ညွှန်း နေကြတဲ့ စပေ့စ် ဆိုတာဟာ အမျိုးသား ဒီမိုကရေစီ အဖွဲ့ချုပ်ကို အခုလို အယူခံခွင့်၊ ပြင်ဆင်မှု တောင်းဆိုခွင့်တွေ ပေးတဲ့ စပေ့စ် မျိုးလားလို့ ပြန်မေးရမလို ဖြစ်နေပါတယ်။ နအဖဟာ နောင်မှာလည်း ဒီလို လှုပ်ရှားခွင့်တွေ၊ “ကြိုးကိုင် ဒီမိုကရေစီ” တွေ ပေးနေမှာပဲ ဆိုတာ သေချာပါတယ်။
တချို့ကတော့ “ဘာမှမရှိတာနဲ့စာရင် တခုခုရှိတာက ကောင်းတယ်” လို့ ဆိုကြပါတယ်။ ဒါဖြင့်ရင် အခုလို တရားဥပဒေနဲ့ တရားရုံးကို လိုရာဆွဲသုံး လုပ်နေတာမျိုးတွေ တခုခုအဖြစ် တည်ရှိနေတာ မျိုးကရော ကောင်းတယ်လို့ ဆိုမလား။
၂၀၁၀ ရွေးကောက်ပွဲမှာ ၀င်ပြီးနောက် “ဒီမိုကရေစီကို ရာခိုင်နှုန်းတရာ ရချင်မှရမယ်။ ဒါပေမယ့် ဒီမိုကရေစီကို ခြေလှမ်း တလှမ်းတော့ လှမ်းလိုက်နိုင်မယ်” လို့ ဆိုတဲ့ လူတွေကိုတော့ ဒီလို ဘိန်းပစ်ဖမ်း၊ မရှိတော့တဲ့ ဖွဲ့စည်းပုံ ဥပဒေထဲက ပုဒ်မတွေနဲ့ အပြစ်ပေး စတဲ့ ခြေလှမ်းမျိုးတွေနဲ့ ဒီမိုကရေစီဆီကို လှမ်းလို့ ရမှာတဲ့လားလို့ မမေးသင့် ပေဘူးလား။
ဒီနေ့ဗမာပြည်ရဲ့ နိုင်ငံရေး ရှေ့မတိုးသာနောက် မဆုတ်သာ အကျပ် အတည်း တွေ့နေရတာဟာ ဒေါ်အောင်ဆန်း စုကြည်ဘက်က တင်းမာလို့ ဖြစ်တယ်လို့ ဆိုနေတဲ့ လူတွေကိုတော့ များများမပြော ကဲ-ဘယ့်နှယ်ရှိစ လို့သာ မေးလိုက်ဖို့ လိုမယ် ထင်ပါတယ်။
အထက်ပါ အယူအဆကို တင်တဲ့လူတွေက “ဘောလုံးဟာ ဒေါ်အောင်ဆန်းစုကြည် (အမျိုးသား ဒီမိုကရေစီအဖွဲ့ချုပ်) ဘက်မှာ ရောက်နေတယ် လို့လည်း ပြောလေ့ရှိပါတယ်။ ဗိုလ်သန်းရွှေတို့က ဒီလို အာဏာသုံးပြီး မတရားတဲ့ တဖက်သတ် နည်းတွေနဲ့ ဘောလုံးကို တဖက်က ကွင်းထဲ ပို့နေတယ် ဆိုတာကို အခုကိစ္စက ထပ်ပြီး သက်သေ ပြတာ ဖြစ်ပါတယ်။
ဒေါ်အောင်ဆန်းစုကြည်အပေါ် ဒီလိုဆုံးဖြတ်လိုက်တယ် ဆိုတော့မှပဲ တချို့က ဒီ ၂၀၁၀ ရွေးကောက်ပွဲကို ၀င်ဖို့ ထုတ်ပြန်ချက်တွေ ထွက်လာ ကြတာ တွေ့ရပါတယ်။ တိုက်ဆိုင်မှုလား၊ တမင် လုပ်တာလား ဆိုတာကိုတော့ ကာယကံရှင်တွေမှ သိမှပဲ။ ဒါပေမယ့် ဗမာပြည် ပြည်သူတွေ ကတော့ ဒီလုပ်ရပ်ကို မျက်မှောက် ကြုတ်မိ ကြမှာပါပဲ။ အတူသမိုင်းတရားခံ ဖြစ်ရအောင် နအဖက အငှားဗိုက်နဲ့ ထားထိုးခံဖို့ တရားခံ ရှာထားတဲ့ ဒီရွေးကောက်ပွဲကို သိန္ဓိ တင်ပေးသလို ဖြစ်နေမယ်ဆိုတာ စဉ်းစားကြသင့်ပါတယ်။
ချုပ်ပြောရရင် နအဖရဲ့ဒီလုပ်ရပ်ဟာ ၂၀၁၀ ရွေးကောက်ပွဲကို ၀င်ဖို့ သေဖော်ညှိ သူတွေ အားလုံးကို သတိပေးလိုက်တာ ဖြစ်ပါတယ်။ သူတို့ အကြောင်းပြတာတွေ အတွက် အားတက်စရာ၊ မျှော်လင့်စရာ မရှိကြောင်း ဖြစ်ပေါ်မှုတိုင်းက ဖော်ပြနေပါတယ်။
ဒီကိစ္စမှာ မြင်သင့်တာနောက်တခုက အယူခံပယ်ချတာဟာ ဒေါ်အောင်ဆန်း စုကြည်ရဲ့ ဗိုလ်သန်းရွှေဆီ ပေးစာကို အဖြေ ပေးလိုက်တာ ဖြစ်တယ် ဆိုတဲ့ အချက်ပဲဖြစ်ပါတယ်။ အာဏာ ရှိနေတဲ့လူတွေဟာ သူတို့ တိုက်ရိုက် အဖြေပေးလို့ မရတဲ့ ကိစ္စတွေကို ဒီလိုပဲ တဖက်လှည့်နဲ့ အဖြေ ပေးတတ်တယ်ဆိုတာ မမေ့သင့်ပါဘူး။ အမျိုးသား ဒီမိုကရေစီ အဖွဲ့ချုပ်က တကမ္ဘာလုံး မြင်အောင် သံလွင်ခက်ကို ဝှေ့ယမ်း ပြနေချိန်မှာ ဗိုလ်သန်းရွှေတို့က ဘီးလူးစွယ်ကို ဖြဲပြ လိုက်တာဖြစ်ပါတယ်။
ပိုပြီး ဒေါသထွက်စရာကောင်းတာက နအဖစစ်အစိုးရ ဟာ ဒေါ်အောင်ဆန်း စုကြည်ကို ဒီလို အယူခံ ပယ်ချလိုက်ပြီးတဲ့ နောက်မှာ တပတ်မှ မကြာဘူး၊ ဆက်ဆံရေး ၀န်ကြီး ဗိုလ်အောင်ကြည်နဲ့ တွေ့တယ်ဆိုတာ ဖြစ်လာတာပါပဲ။ ပြီးတော့ ဒေါ်အောင်ဆန်းစုကြည်ကို မီဒီယာတွေ ရှေ့မှာ ပြုံးပြ ခိုင်းပါတယ်။ သူတို့ဟာ အမေရိကန် ကျေနပ်အောင် ဒီလိုတွေ့ခိုင်းတာ၊ ၀ါဒဖြန့်ကောင်းရုံ လုပ်တာမှန်း လူတိုင်း သိပါတယ်။ ဒါပေမယ့် မနေ့တနေ့ကမှ မတရားဆုံးဖြတ်ပြီး အချုပ် သက်တမ်း တိုးထားတာ ခံရသူဘက်က စဉ်းစားကြည့်ရင်တော့ ဒီလိုလုပ်တာဟာ အင်မတန် ရိုင်းပြတဲ့ စောကားမှု ဖြစ်ပါတယ်။
ပိုထင်ရှားသွားတာကတော့ ဦးဝင်းတင် တနေ့က ပြောသလို နအဖဟာ ဒေါ်အောင်ဆန်း စုကြည်ကို ဈေးဆစ်စရာ ဓားစာခံလို အသုံးပြုနေတယ် ဆိုတာပါပဲ။ ဗိုလ်အောင်ကြည် ဆွေးနွေးတယ် ဆိုတဲ့ မျက်လှည့်ပြပွဲကို ကာလတခု ရပ်ထားပြီးနောက် ယနေ့လို အချိန်ကျမှ ပြန် ပွဲထုတ်လာတာဟာ နအဖရဲ့ မရိုးသားမှုကို ပြသတာဖြစ်ပါတယ်။
တပါတည်းမှာ ထောက်ပြရမှာက ဒေါ်အောင်ဆန်းစုကြည်ရဲ့ အမှုဟာ နိုင်ငံရေး အမှု၊ ဒီမိုကရေစီ ပြဿနာ ဖြစ်တယ် ဆိုတာကိုလည်း ဒီကိစ္စတွေက ထင်ရှားစေပါတယ်။ ဒါ့အပြင် နအဖ ဗိုလ်ချုပ်တွေ အနေနဲ့ နိုင်ငံရေး ပြဿနာကို နိုင်ငံရေးအရ ဖြေရှင်းရမယ် ဆိုတာကို ငြင်းပယ်ဆဲပဲ ဆိုတဲ့ သာဓကတခုလည်း ဖြစ်ပါတယ်။
ဒါပေမယ့် တနေ့မှာ ဗိုလ်သန်းရွှေတို့တတွေရဲ့ တခြား သမိုင်းတရားခံ တွေကို ပြည်သူ့ ခုံရုံး တင်ရာမှာတော့ တရားမျှတ စေရမယ်ဆိုတာ ပြည်သူတွေက အခုကတည်းက ရိုးရိုးသားသား၊ ရဲရဲတင်းတင်း အာမခံထားပါမယ်။
သူများလို တို့မရိုင်းတယ်၊ တိုင်းသိပါရဲ့ ဖြစ်ရပါစေမယ်။ တရားဥပဒေ အထက်မှာ ဘယ်သူမှ မရှိဘူး ဆိုတာလည်း တကယ် မြင်တွေ့ ကြရ ပါစေမယ်။
Ref: ခေတ်ပြိုင်
Friday, October 9, 2009
ဒီအယူခံကို ပယ်လိုက်တယ်ဆိုတာရဲ့ အဓိပ္ပာယ်
ကျေးလက်သျှမ်းရွာများ မီးရှို့မှု၌ ရပခ တိုင်းမှူးကိုယ်တိုင် အမိန့်ပေး
ကြာသပတေးနေ့၊ 08 အောက်တိုဘာလ 2009
ဂျူလိုင်လနှောင်းပိုင်းက သျှမ်းပြည်အလယ်ပိုင်း အိမ်ခြေ ၅၀၀ ကျော် မီးရှို့ ဖျက်ဆီးခံရမှုတွင် တောင်ကြီး အခြေ စိုက် ရပခ တိုင်းမှူး ဗိုလ်ချုပ်ရာပြည့် ကိုယ်တိုင် အမိန့်ပေးညွှန် ကြားခဲ့သည်ဟု သျှမ်းပြည် အလယ်ပိုင်း သတင်းရပ်ကွက်က ပြောပါသည်။
“မီးရှို့ခိုင်းတုန်းကလဲ သူဘဲ၊ အခု အားချင်းအိမ်ပြန်ဆောက် ပေးခိုင်းတော့လဲ သူဘဲ၊ ပြည်သူတွေကို ဘယ်လို မျက်နှာပြရမလဲ” - ဟု သျှမ်းပြည် အလယ်ပိုင်းရှိ တပ်ရင်းမှူး တဦး ပြောကြောင်း နီးစပ်သူတဦးက ပြောပါသည်။
မီးရှို့ဖျက်ဆီးခံရသည့် လဲချားမြို့နယ် တတ်မောက်ကျေးရွာ အုပ်စု နှင့် မိုင်းကိုင်မြို့နယ် ဟိုခိုင်းကျေးရွာ အုပ်စု အလိုက် ပျဉ်ထောင်အိမ် အလုံးပေါင်း ၁၂၀ ကျော်အား သုံးလအတွင်း အပြီး ဆောက်လုပ်ပေးရန် တိုင်းမှူး ဗိုလ်ချုပ်ရာပြည့် ညွှန်ကြားမှု အပေါ် ဆိုဒ်အတွင်း ကွပ်ကဲသည့် တပ်ရင်းမှူးများ မကျေမနပ် ညည်းတွားကြောင်း၊ မီးရှို့ခိုင်းစဉ် ကလည်း ဗိုလ်ရာ ပြည့်ကိုယ်တိုင် အမိန့် ပေးခဲ့ကြောင်း မြောက်ပိုင်း အပစ်ရပ် တပ်ဖွဲ့နှင့် - နီးစပ်သည့် အသိုင်းအ၀ိုင်းက သျှမ်းသံတော်ဆင့်သို့ ပြောပြပါသည်။
“တိုင်းမှူး ဗိုလ်ချုပ်ရာပြည့်က မိုင်းနောင် အခြေစိုက် အမှတ် ၂ စကခ မှူး ဗိုလ်မှူးကြီး ကျော်ဇံမြင့်ဆီ တိုက်ရိုက် ညွှန်ကြားတယ်တဲ့။ ဗျူဟာနှစ်ခု လက်အောက်ခံ တပ်ရင်း ၅ ရင်းက ရွာတွေကို မီးရှို့ဖျက်ဆီးတယ်။ အဓမ္မပြောင်း ရွေ့ခိုင်းတယ်။ ရွာသူ ရွာသားတွေ မိုးတွင်းတခုလုံး အိုးမဲ့အိမ့်မဲ့ဘ၀ နဲ့ ဒုက္ခခံခဲ့ရပြီး မိုးကုန်မှ အလျင်စလို အိမ်ပြန် ဆောက်ပေးဖို့ တိုင်းမှူးက ပြန်ပြောလာတယ်။ သူခိုင်းချင်ရာခိုင်း နေတော့ တပ်ရင်းမှူးတွေ ကလဲ မခံနိုင်ဖြစ်လာ တာပေါ့” - ဟု အဆိုပါ ပုဂ္ဂိုလ်က ဆက်ပြောပြ၏။
မီးရှို့ဖျက်ဆီးခံရသည့် ကျေးလက်လူထုအတွက် စစ်တပ်က သစ်လုပ်ငန်း ရှင်များအား (ခွဲစိတ်ပြီးသားသစ် တန်ချိန် ၃၀၀၀ ထောင်၊ သစ်တုံး တန်ချိန် ၂၀၀၀ ကျော်) သစ်ပါမစ် ပေးခဲ့သော်လည်း မိုင်းကိုင်မြို့နယ် တုံလောဝ် အခြေစိုက် ဗျူဟာမှူးက ကားလမ်းဘေးရှိ ကျေးရွာများအား တစ်အိမ်လျှင် သစ်တစ်တန်နှုန်း ခုတ်ဖြတ်ပေးရန် ဆင့်ဆိုခဲ့သည်ဟု ဆိုသည်။
အမည်မဖေါ်လိုသည့် ရွာသူကြီးတဦးက - “ တရုပ်နယ်စပ် အခြေအနေက မကောင်းဘူး ဆိုတော့ သစ်ပါမစ်ရလဲ လုပ်စားဖို့က အဆင် မပြေပြန်ဘူး၊ ရှင်းရှင်းပြောရင် ဗျူဟာမှူး အမိန့်နဲ့ ရွာသားတွေကို လုပ်အားပေးခုတ်ခိုင်း ထားတဲ့ သစ်တွေကို သစ်ပါမစ်ရ ထားတဲ့ သူတွေက တတန် ၃ သိန်းနှုန်းနဲ့ ပြန်သွား ၀ယ်ရတယ်။ အဲဒီသစ်တွေနဲ့ မီးရှို့ခံရတဲ့ သူတွေ အတွက် ပြန်ဆောက်ပေး ရမယ်၊ သစ်ပါမစ် ရထားတဲ့ ဟာကတော့ သူတို့နဲ့ မဆိုင်တော့ဘူး၊ ကိုယ့်ဟာကိုဘဲ ခုတ်ဖြတ် ထုတ်ရောင်းဖို့ ရှိတယ်” - ဟု ရှင်းပြ၏။
မီးရှို့ဖျက်ဆီးခံရသော တတ်မောက်ကျေးရွာ အုပ်စု ၊ ဟိုခိုင်း ကျေးရွာ အုပ်စုအား နားဂစ် ပျဉ်ထောင်အိမ် ပုံစံတူ စံပြကျေးရွာ လုပ်ပေးရန် နှင့် အစိုးရဌာနများဖြစ်သည့် သစ်တော၊ ကျန်းမာရေး၊ ပညာရေးဌာနအပြင် တိုင်းစစ်ဗျူဟာ တခုလည်းတိုးချဲ့ ထားရှိသွားမည်ဟု အမည်မဖေါ်လိုသည့် ဒေသခံ ခေတ်ပညာတတ် လူငယ် တဦးက ပြောပါသည်။
ကျေးလက်လူထုအား သျှမ်းသူပုန်ဆက်သွယ် သတင်းပေးသည်ဟု ဆိုကာ နေအိမ် ဥစ္စာပစ္စည်းများ၊ စပါးကျီများပါ မကျန် မီးရှို့ ဖျက်ဆီးခဲ့ပြီး သုံးလအတွင်း အိမ်အသစ် ပြန်ဆောက် ပေးရန် ရပခ တိုင်းမှူး ညွှန်ကြားရခြင်းမှာ အကြောင်း ၃ ရပ်ရှိကြောင်း - (၁) ၂၀၁၀ ရွေးကောက်ပွဲ အတွက် ထောက်ခံမဲရရန် ပြည်သူ လူထုအား စည်းရုံး ချွေးသိပ်ခြင်း။ (၂) သျှမ်းပြည် တပ်မတော် လှုပ်ရှား နယ်မြေအတွင်း စစ်အစိုးရတပ် ထပ်တိုးချရန် ရှိခြင်း၊ (၃) ဒေသခံ စစ် အရာရှိ များက သစ်လုပ်ငန်းရှင်များ ထံမှ ၀င်ငွေရရန် ဖန်တီး ပေးခြင်းတို့ ဖြစ်သည်ဟု သုံးသပ်သူများ ပြောဆိုကြသည်။
သျှမ်းသူပုန်များအား ဆက်သွယ်ထောက်ပံ့ သတင်းပေးသည်ဟု ယူဆခံရသည့် လဲချား မိုင်းကိုင်မြို့နယ်မှ ကျေးရွာ ၁၀ ရွာကျော် (အိမ်ခြေ ၅၀၀ ကျော်) အား ဂျူလိုင်လ နှောင်းပိုင်းက မီးရှို့ ဖျက်ဆီးခဲ့ပြီး ကျေးရွာ ၃၉ ရွာကိုလည်း နေရပ်ရင်းမှ အဓမ္မပြောင်းရွေ့ အိုးအိမ် စွန့်ခွာ ခိုင်းခဲ့ပါသည်။
Ref: သျှမ်းသံတော်ဆင့်
ရဲမှူးကြီးဝင်းနိုင်ကို အင်းစိန်ထောင် အထူးဆောင်တွင် ချုပ်နှောင်
မျိုးသိဏ်း
ကြာသပတေးနေ့၊ အောက်တိုဘာလ 08 ရက် 2009 ခုနှစ်
ရန်ကုန် (မဇ္ဈိမ)။ ။ ပြည်ထဲရေးဝန်ကြီးဌာန ဌာနတွင်း ပြဿနာများနှင့် အတူ ရုတ်တရက် ရာထူးမှ ဖယ်ရှားခြင်း ခံခဲ့ရသူ ရန်ကုန်တိုင်း ရဲမှုးကြီးဟောင်း ဝင်းနိုင်မှာ အင်းစိန်ထောင် အတွင်း အထူးဆောင်တွင် ချုပ်နှောင် ခံထားရပြီ ဖြစ်ကြောင်း အင်းစိန် အကျဉ်းထောင် အရာရှိများက ပြောသည်။
`တပတ်နီးပါး ရှိနေပါပြီ။ လောလောဆယ်မှာတော့ အထူးဆောင်ကို အ.က.စ က ထောင်မှူး အဆင့် ဝန်ထမ်းတွေတောင် သွားခွင့် မရဘူးခင်ဗျ။` ဟု နာမည်ဆိုးဖြင့် ကျော်ကြားသော ထောင်ကြီးမှ အရာရှိတဦးက ပြောသည်။
ရဲမှူးကြီး ဝင်းနိုင်နှင့်အတူ ကျောက်တံ တားမြို့နယ် ရဲစခန်းမှ စခန်းမှူးနှင့် မြို့နယ်မှူးတို့ မှာလည်း အဖမ်းခံထားရပြီဟု သိရသည်။
ရဲမှူးကြီး ဝင်းနိုင်မှာ သူ၏ ဇနီးဖြစ်သူ ဦးစီးဖွင့်လှစ်သော အလှ ပြုပြင်ရေးဆိုင် ပြဿနာမှ အစပြုပြီး လာဘ်ပေး လာဘ်ယူမှုများဖြင့် စစ်ဆေး ခံရသည်။ ရာထူးမှ ဖယ်ရှားပြီး အကျယ်ချုပ် ချထားစဉ် ကာလအတွင်း ပြည်ပသို့ ထွက်ပြေး တိမ်းရှောင် သွားခဲ့၍ ရဲချုပ် ခင်ရီကိုယ်တိုင် လိုက်ခေါ် ခဲ့ရသည်ဟု ပြည်ထဲရေး သတင်းရပ်ကွက် တခုက ပြောသည်။
ထိုင်းနိုင်ငံ ဘန်ကောက်မြို့သို့ ထွက်ပြေး တိမ်းရှောင် သွားခဲ့ကြောင်း သတင်းရပ်ကွက်က ပြောသည်။ သီးခြား အတည်ပြုချက် ရယူနိုင်ခြင်း မရှိပါ။
ဦးဝင်းနိုင်က သူ၏ ဗြူတီဆလွန်းသို့ ရန်ကုန်တိုင်း မြို့နယ်ရှိ ရဲဝန်ထမ်း များနှင့် ရဲဝန်ထမ်း မိသားစုများကို သွားရောက် အလှပြင် စေခဲ့သည်ဟု နာမည် ကျော်ကြားသည်။
`ဟုတ်ပါတယ်။ ကျနော်တို့ လသာစခန်းကလည်း လွှတ်ရပါတယ်။ ဆိုင်မှာ အနိမ့်ဆုံး ဆံပင် ညှပ်ခက (၃၀၀၀) ကျပ် ယူပါတယ်။ ခေါင်းလျှော်တာလဲ (၃၀၀၀) ပါပဲ။` ဟု လသာ ရဲစခန်းမှ ရဲဝန်ထမ်း တဦးက ပြောသည်။
စက်တင်ဘာလ ဒုတိယပိတ်ခန့်မှစတင်၍ အောက်တိုဘာလဆန်း အထိ ရန်ကုန်တိုင်း အတွင်းရှိ ` အနှိပ်ခန်းများ၊ ကာရာအိုကေ ဆိုင်များ၊ ညကလပ်များ` ကို စီမံချက်ဖြင့် ပိတ်ပင် ထားခဲ့သော်လည်း ကျောက်တံတား မြို့နယ်အတွင်း အနှိပ်ခန်းလေးခု ဖွင့်လှစ်မြဲ ဖွင့်လှစ်ခဲ့သည့် အတွက် ကျောက်တံတား ရဲစခန်းမှူး အရေး ယူခံရခြင်း ဖြစ်သည်ဟု တိုင်းရဲတပ်ဖွဲ့က ပြောသည်။
ရဲချုပ်ခင်ရီနှင့် ပတ်သတ်၍ တိုင်းရုံးမှ ဒုရဲအုပ်က- `ရဲချုပ်က ဖြစ်ဖြစ်ချင်းမှာ ရဲမှူးကြီးကို အာမခံပေးဖို့ အထက်ကို တင်ပြခဲ့ပါတယ်။ နေပြည်တော်မှာ စစ်ဆေးနေတုန်း အာမခံ ထုတ်ပေးခဲ့တာလို့ ကျနော်တို့ ကြားပါတယ်။ နောက်ပိုင်း ရဲမှူးကြီး ဝင်းနိုင် ပျောက်သွားတော့ ရဲချုပ်လည်း အစစ်ဆေး ခံရတယ်လို့ သိရပါတယ်။` ဟု ပြောသည်။
ရဲချုပ်ခင်ရီကို ခေါ်ယူစစ်ဆေးမှု ပြင်ပတွင် သတင်းများ ပြန့်နှံလာမှုကို ထိန်းချုပ်သည့် အနေဖြင့် စက်တင်ဘာ (၃၀) ရက်နေ့တွင် အစိုးရအာဘော် သတင်းစာများ၌ ရဲမှူးခင်ရီ ရန်ကုန်တိုင်း အတွင်း ရဲတပ်ဖွဲ့ များကို စစ်ဆေးသည့် သတင်းအား ထုတ်ပြန် စေခဲ့သလို ပြည်တွင်းထုတ် ပုဂ္ဂလိက ဂျာနယ်များတွင်ပါ ထဲ့သွင်း စေခဲ့သည်။
အောက်တိုဘာ (၃)ရက်နေ့တွင် နေပြည်တော်၌ ပြုလုပ်ခဲ့သော မြန်မာနိုင်ငံ ရဲတပ်ဖွဲ့၏ (၄၅) နှစ်မြောက် နှစ်ပတ်လည် အခမ်းအနားကို ပြည်ထဲရေးဝန်ကြီး ဗိုလ်ချုပ်မောင်ဦး၊ ရှေ့နေချုပ် ဦးအေးမောင် နှင့် ဒုတိယ ရဲချုပ် ရဲမှူးချုပ် ဇော်ဝင်းတို့သာ တက်ရောက်ခဲ့သဖြင့် ပြင်ပတွင် ရဲချုပ်အား ထိန်းသိမ်းထားသည် ဟူသော ကောလဟာလများ ပိုမို ပျံနှံခဲ့သည်။
ယခု အပတ်ထုတ် ပုဂ္ဂလိကပိုင် ဂျာနယ်များတွင် ရဲချုပ်ခင်ရီ စက်တင်ဘာ (၂၉) ရက်နှင့် (၃ဝ)ရက်နေ့တွင် ရန်ကုန်တိုင်း ရဲတပ်ဖွဲ့ စခန်းများအား စစ်ဆေးလျှက် ရှိနေသည် ဟူသော သတင်းနှင့် ဓါတ်ပုံကို စာပေ စီစစ်ရေးက ဖိအားပေး၍ ထည့်သွင်း ပုံနှိပ်စေသည်။
`ဟုတ်ပါတယ်။ စာပိုဒ် သုံးပိုဒ်ပါတဲ့ သတင်းတိုလေးနဲ့ ဓါတ်ပုံကို စာပေ စီစစ်ရေးက ထုတ်ပေးပြီး။ ဒီသတင်း ထည့်ပေးဖို့ ပြောခဲ့ပါတယ်။`ဟု ပြည်တွင်း သတင်းဂျာနယ် တခုမှ အယ်ဒီတာ တဦးက ပြောသည်။
လတ်တလောကာလတွင် သင်္ကန်းရောင် သုတ်ထားသည်ဟု လူအများ ပြောဆို နေကြသော လိမ္မော်ရောင် ဆိုင်ကယ်များ စီးနှင်း နေကြသည့် ရဲတပ်ဖွဲ့ဝင်များနှင့် ပြည်ထဲရေး ဝန်ကြီးဌာန၏ ဌာနတွင်း ပြဿနာများကို လူအများ စိတ်ဝင်စား နေကြကြောင်း တွေ့ရသည်။
ပိတ်ပင်ထားသော အနှိပ်ခန်းများ၊ ကာရာအိုကေဆိုင်များနှင့် ညကလပ်များမှာ ယနေ့အချိန်တွင် ပြန်လည် ဖွင့်လှစ်နေပြီ ဖြစ်ကြောင်း တွေ့ရှိရသည်။
Ref: မဇ္ဈိမ
Thursday, October 8, 2009
ဥပဒေဆိုတာ နအဖမှာ မရှိပါဘူး
NEJ / ၇ အောက်တိုဘာ၂၀၀၉
နအဖ စစ်အာဏာပိုင်များက ဒေါ်အောင်ဆန်းစုကြည်၏ နေအိမ် အကျယ်ချုပ် အယူခံမှုအား ပယ်ဖျက် ခဲ့ပြီး နောက်တနေ့တွင် နအဖ ဆက်ဆံရေး ၀န်ကြီး ဦးအောင်ကြည်က ဒေါ်အောင်ဆန်း စုကြည်အား စိမ်းလဲ့ ကန်သာ အစိုးရ ဧည့်ဂေဟာတွင် ခေါ်ယူ တွေ့ဆုံခဲ့သည်။ ယင်းသို့ နအဖ အာဏာပိုင်များ၏ ဒေါ်အောင်ဆန်းစုကြည် အပေါ် ဆက်ဆံမှုနှင့် နိုင်ငံရေး ရပ်တည်ချက်တို့ကို ဗမာပြည် ကွန်မြူနစ်ပါတီ ပြောရေး ဆိုခွင့်ရှိသူ ရဲဘော်ဖိုးသံချောင်းနှင့် ခေတ်ပြိုင် ဆက်သွယ် မေးမြန်းချက်။
မေး။ ။ အမေရိကန်အစိုးရ အရာရှိကြီးတွေက နအဖထိပ်ပိုင်း အရာရှိတွေနဲ့ တွေ့ဆုံ စကားပြော ဆိုပြီး ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးဖို့ တောင်းဆို နေချိန်မှာပဲ ဒေါ်အောင်ဆန်းစုကြည်ရဲ့နေအိမ် အကျယ်ချုပ် အယူခံမှုကို နအဖ စစ်အစိုးရက အောက်တိုဘာ (၂) ရက်နေ့မှာ ပယ်ချလိုက်ပါတယ်။ အဲဒီကိစ္စအပေါ် သဘောထား အမြင်ကို သိပါရစေ။
ဖြေ။ ။ ဒေါ်အောင်ဆန်းစုကြည်ကို ဖမ်းထားတဲ့ ကိစ္စနဲ့ပတ်သက်ပြီး ကျနော်တို့ မြင်သင့်တာက သိပ်ကို အဓိကကျတဲ့ ဆုပ်ကိုင် ထားရမယ့် အချက်က ဒါနိုင်ငံရေးမှု ဖြစ်တယ် ဆိုတဲ့ ကိစ္စပါ။ နိုင်ငံရေး အပေါ်မှာ အခြေခံတယ်၊ နိုင်ငံရေး ကြောင့်မို့ ပေါ်ပေါက်လာတာ ဖြစ်တယ်၊ နိုင်ငံရေး ကြောင့်မို့လို့ပဲ ဒေါ်အောင်ဆန်းစုကြည် လွတ်တယ်၊ မလွတ်ဘူးဆိုတာ ဖြစ်မှာပါ။ ဥပဒေဆိုတာ နအဖမှာ မရှိပါဘူး။ နိုင်ငံရေး အပြောင်းအလဲ၊ နိုင်ငံရေး အချိုးအကွေ့ အပေါ် မူတည်ပြီး ဒေါ်အောင်ဆန်းစုကြည် လွတ်လာမှာ ဖြစ်ပါတယ်။ အခုဟာက နအဖဘက်က ပြောမယ်ဆိုရင် ဒေါ်အောင်ဆန်းစုကြည် ဟာ နံပါတ်တစ်က သူတို့အတွက် အဓိကအကျဆုံး သူတို့ကို ဒုက္ခ ပေးနိုင်တဲ့သူ ဖြစ်ပါတယ်။ လောလောဆယ်မှာ အဓိကရန်သူ နံပါတ်တစ်လို့ ပြောရင်ရပါတယ်။ သူတို့ အတွက်ဆို ဒါဟာ အင်မတန် အကဲဆပ်တဲ့ ပြဿနာ ဖြစ်ပါတယ်။ ဒါကို သူတို့ နည်းနည်းလေးမှ အတိမ်းအစောင်း မခံနိုင်ဘူး။
နောက်တခုက ဒေါ်အောင်ဆန်းစုကြည်နဲ့ ပတ်သက်ပြီးတော့ နအဖ သဘောထားတာ တခုက ဒေါ်အောင်ဆန်းစုကြည်က သူတို့အတွက် အင်မတန် ကောင်းတဲ့ ဈေးဆစ်လို့ရတဲ့ bargaining chip ပဲ။ အထူးသဖြင့် အမေရိကန်နဲ့ စကားပြောဖို့ အတွက် ဒေါ်အောင်ဆန်း စုကြည်အပါအ၀င် ကျန်တဲ့ နိုင်ငံရေးသမားတွေ အားလုံး လွှတ်ရေး မလိုအပ်ဘူး။ နိုင်ငံရေး ကစားဖို့အတွက်၊ နိုင်ငံရေး အရောင်းအ၀ယ် လုပ်ရာမှာ မဲတင်းဖို့အတွက် သေချာကို ချန်ထားတဲ့၊ ယုတ်ယုတ်မာမာ အကြံအစည်နဲ့ ချန်ထားတဲ့ အကျဉ်းသားတွေ ဖြစ်ပါတယ်။
အဲတော့အခု အမေရိကန် မစ္စတာဝက်ဘ်ကိစ္စနဲ့ ပတ်သက်လို့ ကတော့ သူပြောတာ မပြောတာ အပထား၊ ဒေါ်အောင်ဆန်းစုကြည်ကို လောလောဆယ်ဆယ် အမေရိကန်နဲ့ မပြတ်မချင်း ထောင်ထဲက ထုတ်လို့ကို မရသေးဘူး။ တနည်းနည်းနဲ့ ထည့်ထားရမှာပဲ။ အဲဒါအရ အခုလို လုပ်လိုက်တာပဲ။
မေး။ ။ အခုလို ဒေါ်အောင်ဆန်းစုကြည်ရဲ့ အကျယ်ချုပ် အယူခံမှုကို ပယ်လိုက်တာဟာ နအဖက လုပ်မယ့် ရှေ့နှစ် ၂၀၁၀ ပြည့်နှစ် ရွေးကောက်ပွဲ ပေါ်မှာ တစုံတရာ သက်ရောက်မှုမျိုး ဖြစ်ပေါ် နိုင်ပါသလား။
ဖြေ။ ။ ၂၀၁၀ ရွေးကောက်ပွဲနဲ့ ပတ်သက်လို့ကတော့ ကျနော်တို့ရဲ့အခြေခံ ရပ်တည်ချက်က ၂၀၁၀ ရွေးကောက်ပွဲဟာ ဘယ်လို ဟာမှန်းလည်း မသိရသေးဘူး၊ ဘာမှလည်း မပြောသေးဘူး။ အဲဒါကြောင့်မို့ လုပ်ငန်းပိုင်းကို ကျနော်တို့ ထင်မြင်ချက် မပေးချင်ဘူး။ ဒါပေမယ့် အက္ခရာ ကျတာက ၂၀၁၀ ရွေးကောက်ပွဲရဲ့ အဓိက လုပ်နေတာက ၂၀၀၈ ခုနှစ် ဖွဲ့စည်းပုံ အခြေခံ ဥပဒေကို အတည်ပြုဖို့၊ အဲဒါကို တရားဝင်သွားအောင် လုပ်ဖို့ဖြစ်တယ်။ ၂၀၀၈ အခြေခံ ဥပဒေဟာ ကျနော်တို့ ဘယ်လိုမှ လက်မခံနိုင်တဲ့ဟာ။ ဗမာပြည်သူ လူထုကြီး ဘယ်လိုမှ လက်မခံနိုင်တဲ့ဟာ။ အဲတော့ အဲဒါကြီးကို ဦးတည်ပြီး လုပ်တာ မှန်သမျှကို ကျနော်တို့က အားမပေးဘူး။ ၂၀၀၈ ဥပဒေကို အတည်ပြု ပြီးသွားရင် ရွေးကောက်ပွဲမှာ ဘယ်သူ တက်လာလာ နအဖ က ဂရုမစိုက်တော့ဘူး။ ကျန်တဲ့လူတွေဟာ သူလုပ်တာတွေ အားလုံးကို လက်ညှိုးထောင် ခေါင်းညိမ့်ရတဲ့ သူတွေပဲ ဖြစ်မှာပဲ။ ပြောချင်တာပြော ဒါပေမယ့် ဘာမှ အကောင်အထည် ပေါ်မှာ မဟုတ်တော့ဘူး။ အခုဟာ အချိန်မရွေး တရားဥပဒေနဲ့ အညီ အာဏာသိမ်းလို့လည်း ရနေတယ်။ ခန့်လို့ ဖြုတ်လို့လည်း ရနေတယ်။
မေး။ ။ အဓိက အတိုက်အခံပါတီတခုဖြစ်တဲ့ အန်အယ်လ်ဒီပါတီ ခေါင်းဆောင် ဒေါ်အောင်ဆန်း စုကြည် အပါအ၀င် နိုင်ငံရေး အကျဉ်းသားတွေကို လွှတ်မပေးဘဲ ရွေးကောက်ပွဲ ကျင်းပမယ် ဆိုရင် လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ပါ့မလား။
ဖြေ။ ။ အဲဒါကတော့ စောစောက ကျနော်ပြောသလို ဒေါ်အောင်ဆန်း စုကြည်ကို လွှတ်လိုက်လို့ ရှိရင်လည်း လွှတ်ပြီးတဲ့ အခါမှာ သူ့ဘောင်ထဲက နေပဲ နအဖက ရွေးကောက်ပွဲကို လုပ်သွားမှာပဲ။ အဲဒီဖွဲ့စည်းပုံ ဥပေဒေ အတည်ပြုဖို့ အတွက် ဆက်လုပ်သွားမယ် ဆိုရင်တော့လည်း ဒေါ်စုပါရောပြီး သူတို့ အသုံးချသွားတဲ့ ဟာမျိုး ဖြစ်မှာပဲ။
မေး။ ။ ဒေါ်အောင်ဆန်းစုကြည်ရဲ့အယူခံမှုကိုပယ်ပြီး နောက်တနေ့၊ အောက်တိုဘာ (၃) ရက်နေ့မှာ နအဖ ဆက်ဆံရေး ၀န်ကြီး ဦးအောင်ကြည်က ဒေါ်စုကို အစိုးရ ဧည့်ဂေဟာမှာ ခေါ်ယူ တွေ့ဆုံခဲ့ပါတယ်။ ဗိုလ်ချုပ်မှူးကြီး သန်းရွှေထံ ဒေါ်စုက စာရေးတဲ့ ကိစ္စလို့ သိရပါတယ်။ အဲလို ဦးအောင်ကြည်ရဲ့ တွေ့ဆုံမှုနဲ့ ပတ်သက်ပြီး နအဖ လုပ်ရပ်အပေါ် ဘယ်လိုမြင်ပါသလဲ။
ဖြေ။ ။ ကျနော်ကတော့ ဒီဝန်ကြီးနဲ့တွေ့တယ်ဆိုတဲ့ အစီအစဉ် ကိုက၊ အရင်ကတည်းက နအဖဟာ ကမ္ဘာ့ အာဘော်ပိုင်းကို လိမ်ညာဖို့ အတွက် ထွင်ထားတဲ့ဟာလို့ ယူဆပါတယ်။ ဒေါ်စုကို မဗေဒါ ရေဖြည့်သလို ဖြည့်ခိုင်းထားတာ။ ဘာမှဖြစ်လာမှာ မဟုတ်ဘူး။ သက်သက် အချိန်ဆွဲ ခိုင်းထားတာ။ အခုဟာမှာလည်း အဲဒီလိုပဲ၊ အမေရိကန်ကို ပြန်ပြီးတော့ မျက်စိလှည့်နေဖို့၊ သူတို့ အလုပ် လုပ်နေပါတယ် ဆိုတာမျိုး ပြချင်တဲ့ အတွက် ဒါတမင် ဖန်တီးလာတဲ့ ကိစ္စပါ။ နောက်တခုက အခုပဲ သူ့ကို ပြင်းပြင်းထန်ထန် မတရား ဆုံးဖြတ်ချက် ချထားပြီးပြီ၊ နောက်တနေ့မှာ ပြုံးပြုံးရယ်ရယ်နဲ့ ထွက်ခိုင်းတယ် ဆိုတာဟာ အင်မတန်ကို မတရားတဲ့ဟာ၊ လူလူချင်း အင်မတန် စော်ကားတဲ့ဟာ ဖြစ်တယ်။ ကျနော်တော့ ဒေါ်စုနေရာ ကနေ အင်မတန် နာပါတယ်။
မေး။ ။ အခုလို နအဖဆက်ဆံရေးဝန်ကြီးက ဒေါ်အောင်ဆန်းစုကြည်နဲ့ တွေ့တာဟာ တွေ့ဆုံ ဆွေးနွေးမှု လမ်းပွင့် သွားနိုင်တဲ့ ကောင်းတဲ့ အလားအလာလို့ ယူဆသူတွေ ရှိသလို တဘက်ကလည်း ဒေါ်စုကြောင့် ပိတ်ဆို့ တားမြစ်မှုတွေ ဖြစ်လာတာ မဟုတ်ဘဲနဲ့ မြန်မာနိုင်ငံအပေါ် အရေးယူ ပိတ်ဆို့ထားမှုတွေ ရုပ်သိမ်း ပယ်ဖျက်ရေး ကိစ္စကို နအဖနဲ့ ပူးပေါင်း ဆောင်ရွက်လိုကြောင်း နအဖ ဥက္ကဋ္ဌထံ ဒေါ်စုက စာပေးပို့တာနဲ့ ပတ်သက်ပြီးလည်း မလုပ်တာကို လုပ်ပါတယ်လို့ ၀န်ခံရာ ကျတဲ့သဘော သက်ရောက်တယ် ဆိုပြီး ဘ၀င်မကျသူ တချို့ရဲ့ အသံတွေလည်း ကြားရပါတယ်။ ဒါကြောင့် အခုလို တွေ့ဆုံမှု အလားအလာကို ဘယ်လို သုံးသပ်ပါသလဲ။
ဖြေ။ ။ တခုကတော့ ဒေါ်အောင်ဆန်းစုကြည်နဲ့ ဦးအောင်ကြည် တွေ့တာ အခုမှ တွေ့တာ မဟုတ်ဘူး။ ဒါကြောင့်မို့ ဒါဟာအခုမှ လမ်းပွင့်တယ်လို့ ပြောလို့ မရဘူး။ အစောကြီးကတည်းက လုပ်နေတာ၊ ပြီးတော့ သူတို့ ဘာလို့ ပိတ်ပစ်လိုက်လဲ၊ အကြောင်း မရှိဘဲနဲ့။ သူတို့ဘက်က ရိုးသားမှု တကယ်ရှိတယ် ဆိုလို့ရှိရင် ဒီကိစ္စကို တလျှောက်လုံး ဆက်ပြီး လုပ်နေရမယ်။ နောက်ပြီးတော့ ပိုအဓိကကျတာက အပြင်ကို အသိပေးနေရမှာ၊ ဒီဆွေးနွေးပွဲဟာလည်း အပြင်က မြင်နိုင်တဲ့ transparency ရှိတဲ့ ဆွေးနွေးပွဲ ဖြစ်ရမယ့်ဟာ၊ အဲလို မဟုတ်ဘဲနဲ့ တံခါးပိတ်ပြီး လက်ဆွဲ နှုတ်ဆက်တာလေးတွေ ဓာတ်ပုံရိုက်ရိုက် ပြနေလို့ကတော့ ဒါဟာ ဘယ်လိုမှ ပြည်သူလူထုကို လက်ခံစေနိုင်မှာ မဟုတ်ဘူး။ နောက်တခုက ပိတ်ဆို့ တားမြစ်မှုနဲ့ ပတ်သက်လို့ ဒေါ်စုက ၀န်ခံလိုက်တဲ့ သဘော သက်ရောက်နေတယ်လို့ ပြောကြစတမ်း ဆိုရင် နအဖဘက်ကရော ဦးအောင်ကြည်ကို လွှတ်လိုက်တဲ့ ဟာက သူတို့အရင်က ဒေါ်အောင်ဆန်းစုကြည်အပေါ် လုပ်ထားတဲ့ ဟာတွေ မှားပါတယ်လို့ ၀န်ခံလိုက်တာလား။ အဲလို သာမန် အရပ်သားချင်း ပြောကြတဲ့ logic တွေနဲ့ လုပ်လို့ မရဘူးထင်တယ်။ ဒေါ်စုပြောတဲ့ဟာ ရှင်းရှင်းလေး၊ သူက နအဖကို အကူအညီပေးတယ်၊ အဲလို အဓိပ္ပာယ်ပဲ၊ သူက လက်ကမ်းတာပဲ။ နအဖက ဘာပဲလုပ်လုပ် သူလုပ်တာ မှန်သမျှက ဗမာပြည်မှာ အဓိက လိုအပ်နေတဲ့ ရင်ကြားစေ့ရေး ဆိုတဲ့ဟာနဲ့ ဝေးသထက် ဝေးအောင်၊ တချို့ အာရုံပြတ်သွားအောင် တမင်ကို ဆွဲဆွဲပြီး တနေရာကို လှမ်းခေါ်သွားနေတာ ဖြစ်တယ်။
မေး။ ။ ဒါဆို မြန်မာနိုင်ငံမှာ ကြုံတွေ့နေရတဲ့ နိုင်ငံရေးအ ကျပ်အတည်းတွေ ပြေလည် လာနိုင်မယ့် အလားအလာရော မြင်ပါသလား။
ဖြေ။ ။ နအဖ အခုလို သွားနေပုံမျိုးနဲ့တော့ မရှိဘူးဗျ။ နအဖက နိုင်ငံရေး ပြဿနာကို နိုင်ငံရေးနဲ့ ဖြေရှင်းမယ် ဆိုတာကို သူက လက်မခံဘူး။ ဒေါ်အောင်ဆန်းစုကြည် ကိစ္စကို နိုင်ငံရေး ပြဿနာလို့ သူက ထုတ်မပြောဘူး။ ဒါကြောင့် ဒေါ်အောင်ဆန်းစုကြည် ကိစ္စကိုလည်း နိုင်ငံရေးနည်းနဲ့ မဖြေရှင်းဘဲနဲ့ ဖိနှိပ်တဲ့နည်းနဲ့ ဖြေရှင်းနေတာ။ သေနတ်နဲ့ စောင့်နေတဲ့ အစောင့်တွေ ကြားထဲမှာ ဒေါ်စုကို ထည့်ထားတာဟာ နအဖက လက်နက်နဲ့ ဖြေရှင်း ထားတာဖြစ်တယ်။
မေး။ ။ ၂၀၁၀ မှာလုပ်မယ်လို့ နအဖကကြေညာထားတဲ့ ရွေးကောက်ပွဲက နီးလာပေမယ့် ရွှေဂုံတိုင် ကြေညာချက် အပါအ၀င် အန်အယ်လ်ဒီက တောင်းဆိုထားတဲ့ တောင်းဆိုချက် တွေကို နအဖက လျစ်လျူရှုထား ပါတယ်။ ဒီလို အခြေအနေမျိုးမှာ အမျိုးသား ဒီမိုကရေစီ အဖွဲ့ချုပ် (အန်အယ်လ်ဒီ) အနေနဲ့ ဘယ်လို ရပ်တည်မှုမျိုး ရှိသင့်ပါသလဲ။
ဖြေ။ ။ ကျနော်တို့အနေနဲ့ကတော့ အန်အယ်လ်ဒီဟာ ပါတီကြီးဗျ။ ဒါကြောင့် ပါတီကြီးကို ကျနော်တို့ အနေနဲ့ ဘယ်လို လုပ်သင့်ပါတယ် ဆိုတာမျိုး မပြောလိုဘူး။ မပြောလည်း မပြောထိုက်ဘူး။ ဒါပေမယ့် ကျနော်တို့ အမြင်ကတော့ အန်အယ်လ်ဒီ ချမှတ်ထားတဲ့ ရွှေဂုံတိုင် ကြေညာချက်ဟာ ဒီနေ့ အခြေအနေနဲ့ ကိုက်ညီတယ်။ ဒါကြောင့်မို့ အန်အယ်လ်ဒီ အနေနဲ့ အဲဒီကြေညာချက် အပေါ်မှာ ခိုင်ခိုင်မြဲမြဲ ရပ်တည် သွားနိုင်ပါစေလို့ မျှော်လင့်ပါတယ်။ ဒီရွေးကောက်ပွဲ ကတော့ တိုင်းပြည်ကို ဘာမှ ကောင်းကျိုးပေးမယ့်ဟာ မဟုတ်ပါဘူး။
မေး။ ။ ဒေါ်အောင်ဆန်းစုကြည်အမှု အယူခံလျှောက်လဲချက် နအဖ ပယ်လိုက်တာဟာ နိုင်ငံရေး ရပ်တည်ချက် အသစ်တွေနဲ့ အယူဆ သစ်တွေကို အဖြေပေးလိုက်တဲ့ သဘောလို့ ဆရာ့ဆောင်းပါးမှာ ပါရှိပါတယ်။ အဲဒါ ဘာကို ဆိုလိုတာပါလဲ။
ဖြေ။ ။ ဗမာပြည်ထဲမှာ ရွေးကောက်ပွဲလုပ်တော့မယ် ဆိုတာနဲ့ တပြိုင်နက်တည်း ထောင့်ပေါင်းစုံ ကနေပြီး အသံမျိုးစုံ ထွက်လာတယ်။ အဲဒီဟာတွေ ထဲမှာ ရွေးကောက်ပွဲကို ဆန့်ကျင်တဲ့ ဟာတွေကိုတော့ အထူး မပြောတော့ဘူး။ ရွေးကောက်ပွဲ ၀င်ဖို့ ထောက်ခံနေတဲ့ ဟာတွေ၊ ဘာကြောင့် ၀င်သင့်တယ် ဆိုပြီး အမျိုးမျိုး ပြောနေတဲ့ ဟာတွေကို ဥပမာ တချို့က ရွေးကောက်ပွဲ ၀င်ခြင်း အားဖြင့် space တခု လှုပ်ရှားစရာ နေရာတခု၊ နိုင်ငံရေး လှုပ်ရှားစရာ ခွင်တခုတော့ ရသွားမှာပဲလို့ ပြောတယ်။ ဒါပေမယ့် အဲဒီခွင်ထဲမှာ ဒီဒေါ်အောင်ဆန်း စုကြည် အမှုလို ဟာမျိုး ဆင်ပြီးဖမ်းတယ်၊ ဘိန်းပစ်ဖမ်းတာမျိုး လုပ်တယ်၊ ဖဲဆင်ပြီး ဖမ်းတာမျိုးလုပ်တယ်။ ထပ်ပြီးတော့ သူတို့ ကြိုက်သလိုမျိုး လုပ်နေတာကို ဆက်ပြီး သယ်ဆောင်နေမယ် ဆိုရင်၊ လှုပ်ရှားခွင့် ရတယ်ဆိုတာလည်း အဲဒါတွေ ထောက်ခံနေရမှာပဲ၊ တခြားဘာမှ လုပ်လို့ရမှာ မဟုတ်ဘူး။ ဒါ space ဆိုတာနဲ့ ပတ်သက်လို့ပါ။ တချို့ကပြောတော့လည်း ရွေးကောက်ပွဲက နေပြီးတော့ ဒီမိုကရေစီကို တလှမ်းချင်း လှမ်းတက်သွားမယ်လို့ ပြောတယ်။ ဒါကြောင့် အခုလို ဒေါ်အောင်ဆန်းစုကြည်လို ကိစ္စမျိုးဟာ ဒီမိုကရေစီလား။ အဲဒါမျိုး နောက်မရှိတော့ဘူးလို့ ဘယ်သူက အာမခံထားလဲ။ နအဖလည်း အာမမခံဘူး၊ အခုရွေးကောက်ပွဲ ၀င်မယ့် လူတွေလည်းပဲ ဘယ်သူကမှ ဒီရွေးကောက်ပွဲ လုပ်ရင် ဒီမိုကရေစီ ကျယ်ကျယ်ပြန့်ပြန့် ဖြစ်လာမယ်လို့ ဘယ်သူမှ မပြောရဲဘူး။
မေး။ ။ ၂၀၁၀ ရွေးကောက်ပွဲလုပ်မယ်ဆိုပေမယ့် ရွေးကောက်ပွဲ ဥပဒေ၊ ပါတီများ မှတ်ပုံတင်ခွင့်၊ မီဒီယာ လွတ်လပ်ခွင့် စတဲ့ ရွေးကောက်ပွဲ ဆိုင်ရာ အခင်းအကျင်းတွေ အခုထိ မပေးသေးတဲ့ အတွက် ဒီရွေးကောက်ပွဲ အပေါ် ဘယ်လိုမြင်ပါသလဲ။
ဖြေ။ ။ အဲဒါကလည်း စဉ်းစားစရာတော့ ကောင်းတယ်။ ဘာလို့ သူတို့ မထုတ်ပြန် နိုင်သေးလဲ ဆိုတာ။ သေချာတာကတော့ သူတို့တွင်းမှာ ပြဿနာရှိတယ်။ သူတို့ထဲမှာ မပြတ်လို့ သူတို့ အပြင်ကို မထုတ်နိုင်တာပါ။ ဒါပေမယ့် ရွေးကောက်ပွဲဆိုတာ အခုလုပ်လိုက်ချင် လုပ်လိုက်လို့ ရတယ်၊ အာဏာရထားတဲ့သူ သေနတ် ကိုင်ထားတဲ့သူ ဆိုတာ။ အဓိကတော့ သူတို့ထဲမှာ အာဏာနဲ့ ပတ်သက်တဲ့ ပြဿနာတော့ ရှိမှာပါ။
မေး။ ။ မြန်မာပြည်သူတွေမှာ သူတို့မျှော်မှန်းထားတဲ့ ဒီမိုကရေစီ မျှော်လင့်ချက် ရှိနိုင် ပါသေးလား။
ဖြေ။ ။ ပြည်သူလူထုကတော့ သူတို့နဲ့ မဆိုင်ဘူး။ ပြည်သူလူထုမှာ မျှော်လင့်ချက် ရှိလား မရှိဘူးလားဆိုတာ ကိုယ်ဘယ်လောက် လုပ်နိုင်လဲ ဆိုတဲ့ အပေါ်မှာ တည်တာ။ နအဖက သဘောထား ပြောင်းလာတာ၊ စိတ်ကောင်း ရှိလာတာ ဆိုတဲ့အပေါ်မှာ မူတည်တာ မဟုတ်ဘူး။ ပြည်သူလူထုကို တကယ့်တကယ် မျှော်လင့်ချက် ပေးနိုင်တာက အတိုက်အခံတွေပဲ။ အတိုက်အခံတွေ ဆိုတာ ပြည်တွင်း ပြည်ပပေါ့။ အထူးသဖြင့် ပြည်တွင်းကပေါ့။ ပြည်သူလူထုကို ဘယ်လောက်အထိ ဦးဆောင်ပြီးတော့ လုပ်ချင်ကြသလဲ။ အဲဒါ ပိုပြီး အဓိက ကျလိမ့်မယ်။
Ref: ခေတ်ပြိုင်
ခေတ်သစ် ကျေးညီနောင် ပုံပြင်
October 8, 2009
ကျောင်းတော်ကြီးမှာ လေးနှစ်တာ ပညာဆည်းပူးခဲ့ရာ ဆိုတဲ့ မြန်မာပြည် သိန်းတန် သီဆိုတဲ့ သီချင်း စာသားလေးလိုပဲ စာရေးသူ တို့လည်း လေးနှစ်တာ ဆိုတဲ့ စစ်တက္ကသိုလ် ချယ်ရီရိပ်မှာ တချိန်က ပညာတွေ သင်ကြားခဲ့ကြ ဖူးတယ်။ အခုများလို သုံးနှစ်နဲ့ စစ်ဗိုလ်တွေ အတင်း ရိုက်ထုတ်နေတာ မျိုးတော့ မဟုတ်ဘူးပေါ့။
စာရေးသူတို့ တုန်းက စည်းကမ်း ကောင်းတယ်။ သင်ပြမှုတွေ တိကျ တင်းကျပ်တယ်။ ဆရာ နည်းပြ အများစုက တိုင်းပြည်အပေါ် တကယ် စေတနာထားတဲ့ အရာရှိတွေ ဖြစ်ကြတယ်။ လေးနှစ်တာ ဆိုတဲ့ ကာလက မနည်းတဲ့ အပြင်။ စာရေးသူတို့ စစ်ကျောင်း ဆိုတာကလည်း ကျောင်းအိပ် ကျောင်းစား ကျောင်းမှာပဲ ပညာ သင်ကြရတာမို့ သင်တန်း တက်ဖေါ် တက်ဖက် ( အင်တိတ်တူ) အပတ်စဉ်တူချင်း ဆိုတာ ညီအကို အရင်းထက်တောင် ရင်းနှီးချစ်ခင် ကြပါတယ်။ အတွင်းသိ အဆင်းသိ ဘယ်သူ ဘယ်လိုအကျင့် ရှိတယ် ဆိုတာက အစ သိကြပါတယ်။ အခုတော့ ခွဲခွါခဲ့ကြပြီး မြန်မာမြေ နေရာအနှံ့မှာ ယုံကြည်ချက် ကိုယ်စီနဲ့ အလုပ်ကိုယ်စီ လုပ်နေကြရောပေါ့။ အချို့က တပ်မတော် အတွင်းမှာ အချို့က အရပ်ဘက် ဌာနဆိုင်ရာတွေမှာ အချို့ကတော့ တပ်ကထွက်ပြီး ကိုယ်ပိုင်စီးပွားရေး စသဖြင့် စသဖြင့်ပေါ့။
လွန်ခဲ့တဲ့ သုံးနှစ်လောက်တုန်းက ဘယ်သူတွေ ဘယ်လိုနေခဲ့ ကြရပြီး အခု အချိန် ရောက်တော့ ဘယ်သူတွေ ဘာဖြစ်နေကုန်ကြပြီ ဆိုတဲ့ သံဝေဂ ရစဖွယ် မယုံကြည်နိုင်လောက် စဖွယ်လေးတွေ ပြောပြ ချင်သေးသဗျာ။ ဒါတွေက အပြင်လောကမှာ တကယ်ဖြစ်ပျက် နေတာပါ။ တကယ့်ကို လက်ရှိဖြစ်နေတုန်း ရက်စွဲတွေပါ။ စာရေးသူနဲ့ အတူ ဗထူးမြို့တိုက်ခိုက်ရေး ကျောင်းမှာ အရာရှိသင်တန်း အတူတူ တက်ဘက်ဖြစ်ခဲ့တဲ့ သူငယ်ချင်း တချို့အကြောင်းကို ဥပမာပြပြီး မြန်မာပြည် အုပ်ချုပ်ရေး ယန္တရားကြီး တောင့်ခံလည်ပတ် နေနိုင်ပုံကို အကြမ်းဖျဉ်း သုံးသပ်နိုင်ကြစေ ပေါ့ဗျာ။
လွန်လေပြီးသော ဆယ်စုနှစ်များမှာ ဗထူး တိုက်ခိုက်ရေး ကျောင်းမှာ သင်တန်း တက်နေတုန်းက စားစရာ အတူမျှဝေစား အရက်တောင် မျှဝေ သောက်တဲ့ သူငယ်ချင်း သုံးဦး ရှိခဲ့ဖူးတယ်။ တယောက်က နေဗွီဆိုတဲ့ ရေတပ်က။ နှစ်ယောက်က ခြေလျှင် တပ်တွေက အရာရှိငယ် လေးတွေပါ။ နှစ်ပွင့် တပ်ပြီးကာစ လေးတွေ ကျောင်းဆင်းပြီး မကြာသေးခင် တက်ရတဲ့ သင်တန်းဖြစ်လို့ လာကြတဲ့ အရာရှိတိုင်း လိုလိုက ဆင်းရဲ ချို့တဲ့သူ များပါတယ်။ အဲဒီ သုံးယောက်ကလည်း အိမ်က ပို့ပေးတဲ့ ငွေလေး ကြေးလေးကိုပဲ ချိုးခြံချွေတာပြီး သုံးရလောက်အောင် ဆင်းရဲကြပါတယ်။ အရာရှိတွေ ထုံးစံအတိုင်း ညနေစောင်းလို့ အာမီရမ် အရက်လေး သောက်ဖို့တောင် သူတို့မှာ မလောက်ငှ ကြပါဘူးတဲ့။ တယောက်ပါလာတဲ့ ငွေနဲ့ သုံးယောက် မျှသောက်ခဲ့ကြ ရတယ်တဲ့။
အဲဒီ သင်တန်းလည်း ဆင်းပြီးရော သူတို့သုံးယောက် ဟာ ဆိုင်ရာ တပ်ဌာန အသီးသီးကို ထွက်ခွါ သွားကြရပြီး လေးနှစ်လောက် ပြန်မတွေ့ ကြဘူးတဲ့။ အဲဒီနောက် လေးနှစ် လောက်လည်း ကြာရော ။ သူငယ်ချင်းတွေ အချင်းချင်း ပြန်ဆက်သွယ် မိကြပါတယ်တဲ့။ အဲဒီမှာတင် ခံယူချက်နဲ့ လုပ်ဆောင်ချက်တွေ ကြိုးပမ်းမှုတွေ အားထုတ်မှုတွေ အရ သူတို့ သုံးယောက်ရဲ့ အဆင့်အတန်း ကြွယ်ဝမှုဟာ ကွာခြား သွားကြ ကုန်ပြီတဲ့။
တယောက်သော အရာရှိက လာဒ်စားခြင်း၊ ကိုယ်ကျိုးရှာခြင်း ၊ နေရာကောင်း ရဖို့ ဟိုလူ့ဖား ဒီအဘကို ကန်တော့ရ ဆိုတာတွေ မလုပ်တတ်ဘူး။ ခပ်တည်တည် နေတတ်တယ်၊ စားစရာမရှိရင် ငါးပိရည် တို့စရာနဲ့ ရအောင်စားမယ်။ ရာထူး အာဏာကို သုံးပြီး ကိုယ်ကျိုးစီးပွား ရှာမစားဘူး ဆိုတဲ့ အရာရှိလေး ကတော့ ဆေးလိပ် မီးပေါက်နေတဲ့ စစ်ဘောင်းဘီကို စီနီယာ ကပ္ပတိန် ဗိုလ်ကြီးဘ၀ အထိ ၀တ်နေရတုန်း ပဲတဲ့။ လိုင်းကား တိုးစီး။ လူဆင်းရဲ ပြည်သူတွေနဲ့ တန်းတူနေနေ ရတုန်းပဲတဲ့။ ပိုင်ဆိုင်မှု ဆိုတာလည်း ဘာမှ မရှိရှာဘူးတဲ့။ တပ်ပြောင်းမယ် ဆိုရင်တောင် ဆိုက်ကားနဲ့ ပြောင်းလို့ ရလောက်တဲ့ အထိ သေတ္တာတလုံးနဲ့ အ၀တ်စား တချို့ စာအုပ်တချို့ပဲ ပိုင်ဆိုင်သတဲ့။
အဲဒီအချိန်မှာ ကျန်တဲ့ သူ့သူငယ်ချင်း နှစ်ယောက်က သူနဲ့ အကြွင်းမဲ့ လုံးဝကို ကွာခြား သွားနေပါပြီ။ တယောက်က စစ်ထောက်လှမ်းရေး တပ်မှာ ကိုယ်ပိုင်ကားနဲ့ ကိုယ်ပိုင် ဟမ်းဖုန်းနဲ့ ကိုယ်ပိုင်တိုက်နဲ့ ပိုးလုံချည် တရွှမ်းရွှမ်းနဲ့ ကောင်းပေ့ညွှန့်ပေ့ ရွှေကိုင်းမျက်မှန်နဲ့ ဘယ်လိုမှ မမှတ်မိတော့ လောက်အောင်ပဲ သူဌေး တဦးလို ပုံစံ ဖြစ်နေပါပြီ။ သူ့နံဘေးမှာလည်း လုပ်ငန်းရှင်တွေ ကုန်သည်တွေ ၀ိုင်းဝိုင်းလည်လို့ ပါပဲ။ သူဟာ အခါအခွင့်နဲ့ အခြေအနေကို ကောင်းစွာ အသုံးချခဲ့တဲ့ တပ်မတော်သား တဦးပါ။ အဲဒီအချိန် နေဗွီ ရေတပ်က စစ်ဗိုလ်လေးက သိပ်မချမ်းသာ သေးပါဖူး။ ဒါပေမယ့် အူစို နေလောက်တယ်လို့ ဆိုနိုင်ပါတယ်။ တနည်းဖြင့် ဆိုရယင် မဆင်းရဲတော့ဘူးလို့ ဆိုနိုင်ပါတယ်။ သုံးနိုင် ဖြုန်းနိုင်တဲ့ အဆင့်ပါ။
ဟော ကံကြမ္မာတွေ အလှည့်အပြောင်းက သိပ်ကို မြန်ပါတယ်။ ကိုယ်ကျင့် စာရိတ္တ ခံယူချက်ကို လုံးဝ မစွန့်လွှတ်တဲ့ လူဆင်းရဲ စစ်ဗိုလ်ကြီးဟာ တပ်ထဲမှာ သူဆက်နေသ၍ တိုးတက်ဖို့ မဖြစ်နိုင်ဘူး ဆိုတာကို သိနားလည် သွားပါပြီ။ စစ်အာဏာရှင် စနစ်အတွင်းမှာ ပွဲလန့်တုန်း ဖျာမခင်း တတ်တဲ့သူ။ ကိုယ်ကျိုး စီးပွားကိုသာ အပြိုင်အဆိုင် ရှာစားနေကြတဲ့ အာဏာပိုင် အသိုင်း အ၀ိုင်းထဲမှာ လူထုအကျိုး နိုင်ငံ့အကျိုး တပ်မတော်သား ရဲဘော်ရဲဘက်တွေ ကောင်းကျိုးကို သယ်ပိုး မြင့်တင်ပေးချင်တဲ့ သူလို အရာရှိတဦး အဖို့ စစ်တပ်ဟာ လတ်တလော အားဖြင့် ဆက်မနေသင့်တဲ့ ရပ်ဝန်းမှန်း ဆုံးဖြတ် လိုက်ပါတယ်တဲ့။
ဒါနဲ့ သူဟာ ထွက်ခွင့်တင်ပြီး တပ်က ထွက်ခဲ့ပါတော့တယ်။ အပြင်မှာ ရရာ ကြုံရာလုပ်ငန်း စီးပွားပညာ အားလုံး ကျုံးရုန်းသင်ကြား လုပ်ကိုင်ပါတယ်။ ရိုးဖြောင့် သစ္စာရှိမှုနဲ့ ခံယူချက် မှန်ကန်မှုကြောင့် သူ့အပေါင်း အသင်းတွေ ဆွေမျိုးသားချင်း တွေက ၀ိုင်းဝန်း ကူညီစောင့်ရှောက် မြေတောင် မြောက်ပေးလို့ အောင်မြင်တဲ့ စီးပွားရေး လုပ်ငန်းငယ် တခုကို ထူထောင် လုပ်ကိုင်နိုင်ပါပြီ။ သူဟာ သူ့ခံယူချက် အတိုင်း နိုင်ငံ့ ကောင်းကျိုးအတွက် စွမ်းသလောက် လုပ်နေ ကြိုးပမ်း နေတုန်းပါ။ တပ်မတော် ကောင်းရာ ကောင်းကျိုးအတွက် ဝေဖန် ထောက်ပြ အကြံပေး နေတုန်းပါပဲ။ သူငယ်ချင်း တပည့် စစ်သည် အရာရှိတွေ တွေ့တိုင်း တိုင်းပြည်ကို ချစ်ဖို့ နိုင်ငံတော်ကို ကာကွယ် စောင့်ရှောက်ဖို့ ပြည်သူသာလျှင် တကယ့် ကျေးဇူးရှင်မို့ ပြည်သူလူထုကို စောင့်ရှောက်ဖို့ မှာကြား အကြံပေး သွန်သင်နေတုန်းပါ။
အဲဒီအချိန် မှာ စောစောက သူ့သူငယ်ချင်း စစ်ထောက်လှမ်းရေးက တယောက်ကတော့ တပ်ကနေ အနားပေးခံရပြီး ပိုင်ဆိုင်သမျှ စည်းစိမ်တွေလည်း ဘယ်ရောက်ကုန်မှန်း မပြောနိုင်တော့ ပါဘူးတဲ့။ ထောင်မကျတာပဲ ကံကောင်းတယ် ပြောရပါမယ်။ အလုပ်လက်မဲ့ စီးပွားခက်ပြီး လူရာဝင်ဆံ့ ဖို့တောင် အတော်ခက်ခဲ နေရ ရှာပါတော့တယ်။
နောက် ............. ဒီအချိန်မှာ ရေတပ်က သူ့သူငယ်ချင်း စီအိုရေယာဉ်မှူး ဗိုလ်မှူးကတော့ ချမ်းသာလိုက်သမှ တိန်တိန်မြည် နေပါရောတဲ့။ သောက်လို့ မကုန် ဖြုံးလို့ မကုန်။ ပေါလိုက်တဲ့ ငွေ ဆိုပါလားတဲ့။ မနက်ဖြန်ကျ သူတို့ ဘာဆက်ဖြစ်မယ် ဆိုတာ မသိနိုင်ပါဘူး။ နှောင်းတမြေ့မြေ့ ဇာတ်လမ်းလေးလို တခုခုတော့ အရွေ့အပြောင်း ဆက်ဖြစ်လာမှာ ပဲပေါ့။ စစ်အာဏာရှင် စံနစ်ကို ဆန့်ကျင်တဲ့ ပြည်သူ့စစ်သား စိတ်ဓါတ်ရှိသူ စစ်ဗိုလ် လူထွက်လေးပဲ ထောင်ကျမလား။ စစ်ထောက်လှမ်းရေး ထွက် စစ်ဗိုလ်ကြီးကပဲ သူတို့ဘ၀တွေကို အမြင်မှန်ရပြီး တိုင်းပြည် အနာဂတ်အတွက် ထမ်းရွက်ရမယ့် သမိုင်းပေး တာဝန်တွေကို ထမ်းဆောင် လာလေဦးမလား။ သုံးမကုန် ဖြုန်းမကုန် စည်းစိမ်တွေ အကြား တနင့်တပိုး ခံစားရင်း အာဏာသုံး ကိုယ်ကျိုးရှာကျူးနေတဲ့ နေဗွီ စီအို ဗိုလ်မှူးလည်း လေးသံနားမထောင်ပဲ ညောင်သီးစွတ်စား လို့ အကျ နာလေဦး မလား။
နှောင်းတမြေ့မြေ့ ခံစားချက် နောင်တတွေနဲ့ ဆောင်းခဲ့ဖူးတဲ့ ရွှေထီးကို အောက်မေ့ နေလေမလား မနက်ဖြန်ဆိုတဲ့ ဘ၀သံသရာ ဇာတ်ကား ငွေပိတ်ကားပေါ်မှာ ခေတ်သစ် ကျေးညီနောင် ပုံပြင် ဖြစ်ရပ်မှန် နောက်ဆက်တွဲတွေ ဆက်လက် ရှုစားရဦး မှာပါ။
ညီတိုးငြိမ်း
Ref: ခေတ်ပြိုင်
တောင်ပိုင်း ၀ တပ်ဖွဲ့ စစ်အစိုးရအပေါ် အယုံအကြည်မရှိ လှုပ်ရှား ပြင်ဆင်နေ
ဗုဒ္ဓဟူးနေ့၊ 07 အောက်တိုဘာလ 2009
ကိုးကန့်အရေးအခင်းနောက်ပိုင်း ဗမာ့တပ်မှူးများက တောင်ပိုင်း ၀ တပ်မှူးများအား သွားရောက် တွေ့ဆုံလေ့ ရှိပြီး စစ်အစိုးရ ဘက်မှ ၀ တပ်အား ထိုးစစ်ဆင် တိုက်ခိုက်ရန် မဖြစ်နိုင်ကြောင်း အကြိမ်ကြိမ် ပြောကြားသော်လည်း ၀တပ်ဘက် က စစ်ရေး ပြင်ဆင်မှု လျှော့ချခြင်း မရှိဘဲ ဆက်လက်လှုပ်ရှား သတိထားလာကြောင်း နယ်စပ် သတင်း ရပ်ကွက်က ပြောပါသည်။
ယခုလဆန်းပိုင်း၌ မိုင်းတုံ - မိုင်းဆတ် - တာချီလိတ် ကားလမ်း တလျောက်ရှိ စစ်အစိုးရ ဂိတ်စခန်းများ စစ်ဆေးမှု တင်းကျပ် လာသကဲ့သို့ ၀ ဂိတ်များလည်း ထိုနည်းတူ တင်းကျပ် စစ်ဆေးလာသည့် အပြင် ညဘက်ပိုင်း၌ ၀ စစ်ယာဉ်တန်းများ ခရီးထွက် လှုပ်ရှားခြင်း၊ အခြားဒေသမှ မိုင်းယွမ်းဂွင် အတွင်း လာရောက်နေထိုင် လုပ်ကိုင် စားသောက်သော ဗမာနှင့် ကုလားများအား ထွက်ခွါ ခိုင်းခြင်း၊ ၀ ရွာများ၌လည်း သက်ကြီးများ နှင့် ကလေးများသာ အစောင့်ထားပြီး တိုက်ခိုက်ရေး အင်အားများ တောင်ပေါ်တက် အသင့်တပ်ချ နေရာယူခြင်းများ ပြုလုပ်လာသည် ဟု ဒေသခံ ကုန်သည် တဦးက ပြောပါသည်။
“ပြီးခဲ့တဲ့လ ၁၈-၁၉ ရက်နေ့တုန်းက ၀မ့်ဟုန့်ကနေ မိုင်းကျွတ်ဘက် ၀ စစ်ယာဉ်တန်းတွေ ညဘက် ခရီးထွက် သွားတော့ ၀မ့်ဟုန့်ကို ၀ ဘက်က လက်လွတ် တော့မှာလားပေါ့။ အခုဟာက အဲလို မဟုတ်ဘူး။ ၀ ကားတွေက ညဘက်ချည်းဘဲ ခရီး ထွက်တယ်။ တောင်ပေါ် တပ်စခန်းတွေမှာလဲ ၀ အင်အား ရာနဲ့ချီ ဖြန့်ကျက်ထားတယ်၊ ၀မ့်ဟုန် အနီးအနားက ဗမာတပ် ကတော့ ဘာလို့ မိုင်းဆတ်ဘက် တပ်ရုပ် ပြန်တာလဲတော့ မသိဘူး” - ဟု အဆိုပါ ကုန်သည်က ပြော၏။
အောက်တိုဘာ ၃ ရက်နေ့တွင် ၀ တပ် ဆယ်ဘီးကား ၄ စီး မိုင်းယွမ်းမှ ၀မ့်ဟုန့် ဘက် တက်သွားစဉ် လမ်းခွဲတ၀ိုက် တပ်ဖျောက် ထားကြောင်း၊ ထို့အတူ ၄ ရက်နေ့ကလည်း ဆယ်ဘီးကား ၄ စီး ထပ်တက်သွားပြီး နှစ်စီးသာ ၀မ့်ဟုန့် ရောက်ပြီး ကျန်နှစ်စီးမှာ လမ်းခုလတ်၌ တပ်ဖျောက်သွားကြောင်း သျှမ်းသံတော်ဆင့်သို့ ဆက်ပြောပြပါသည်။
“တောင်ပိုင်း ၀ တပ်မဟာ ၅၁၈ ဌာနချုပ် မိုင်းယွန်းမှာ စီးပွားရေး၊ အလုပ်အမျိုးမျိုး လာလုပ်တဲ့ ဗမာတွေ ကုလားတွေ အကုန်ပြန်ဖို့ ညွှန်ကြားထားတယ်။ သျှမ်း နဲ့ တရုတ်ကိုတော့ ဘာမှ မပြောသေးဘူး” - ဟု ဒေသခံ အကြီးအကဲ တဦးက ပြောပါသည်။
အောက်တိုဘာ ၅ ရက်နေ့ ညက ပုံပါကျင် အခြေစိုက် မိုင်းတုံ စစ်ဗျူဟာမှူး ဗိုလ်မှူးကြီး အောင်ဝင်းဦး နှင့် ၎င်း၏ လုံခြုံရေးတပ် ပါချီး လားဟူ ပြည်သူ့စစ် ရွာအတွက် မူလတန်းကျောင်းနှင့် ရေအား လျှပ်စစ်မီး လုပ်ပေးရန် ညွှန်ကြားခဲ့ကြောင်း သိရ၏။ ဖှန်မြို့နယ် အနောက်ဖက် ထိုင်းနယ်စပ် နောလဲ နှင့်မျက်နှာချင်းဆိုင် တောင်ကျောသို့ သွားရောက် ညအိပ်ခဲ့ကြောင်း၊ စက်တင်ဘာ ၂၉ ရက် ကလည်း တောင်ပိုင်း ၀ တပ် ၇၇၂ တပ်မဟာမှူး တာ့ဇုန်းအား မိုင်းကျွတ်ကျေးရွာ တိုက်နယ် သူကြီးအိမ်၌ တွေ့ဆုံစဉ် ၀ တပ်အား ထိုးစစ်ဆင် တိုက်ခိုက်ရန် ရည်မှန်းချက် မရှိကြောင်း ပြောကြားခဲ့သည်ဟု သိရပါသည်။
ဗမာတပ်မှူးများ၏ပြောစကားသည် မုသား ပရိယာယ်သာ ဖြစ်နိုင်ကြောင်း၊ ယုံကြည် မိလျှင် တမျိုးသားလုံး ဒုက္ခ ရောက်နိုင်ကြောင်း - ၀ တပ်မှူးများက သုံးသပ် ပြောဆို နေကြပါသည်။
Ref: သျှမ်းသံတော်ဆင့်
၂၀၁၀ရွေးကောက်ပွဲ မဲဆွယ်ရန် တိုင်းရင်းသားခေါင်းဆောင် ဟု ဆိုသူ ၃ ဦး ၀ါရှင်တန်သို့ ရောက်ရှိ
မိုးမခအထောက်တော် ၀၀၁
အောက်တိုဘာ ၈၊ ၂၀၀၉
အမည်မဖော်နိုင်သည့် သတင်းရင်းမြစ်တခု၏ အဆိုအရ မြန်မာပြည် စစ်အစိုးရ၏ ၂၀၁၀ ရွေးကောက်ပွဲကို အားပေး ထောက်ခံရန် အမေရိကန် အစိုးရကို တိုက်တွန်းမည့် တိုင်းရင်းသား ခေါင်းဆောင်ဟု အမည်ခံထားသူ ၃ ဦး ၀ါရှင်တန်ဒီစီသို့ ရောက်ရှိ နေသည်ဟု ကြားသိရသည်။
၎င်းတို့မှာ ကချင်တိုင်းရင်းသား၊ ပြည်တွင်း Shalom ဖောင်ဒေးရှင်း ဒါရိုက်တာ၊ စစ်အုပ်စုနှင့် ကချင် လက်နက်ကိုင်တို့ အကြား စေ့စပ် ဆွေးနွေး နိုင်ခဲ့သူဟု ဆိုသည့် ဒေါက်တာ ဆဘွယ်ဂျမ် (Saboi Jum)၊ ရှမ်းတိုင်းရင်းသား၊ ပြည်ပ ယူရိုဘားမား အဖွဲ့ အလုပ်အမှုဆောင် ဒါရိုက်တာ၊ မြန်မာပြည် - တိုင်းရင်းသား လူမျိုးများ ကောင်စီ အကြံပေး ဟန်ညောင်ဝေ နှင့် ကချင် တိုင်းရင်းသူ၊ Shalom ဖောင်ဒေးရှင်း အဖွဲ့ဝင် နန်းရော်တို့ ဖြစ်သည်ဟု ကြားသိရသည်။
၎င်းတို့သည် အမေရိကန်အောက်လွှတ်တော် (House) မှ တာဝန် ရှိသူများနှင့် တွေ့ဆုံ ခဲ့ပြီးနောက် အမေရိကန်၏ အရှေ့ အာရှနှင့် ပစိဖိတ် ရေးရာ အဖွဲ့၏ ဥက္ကဋ္ဌ၊ မြန်မာပြည်ပြန် ဂျင်ဝက်ဗ်နှင့် တွေ့ဆုံပြီးလည်း မြန်မာပြည် အရေး ၎င်းတို့ သဘောထားများကို တင်ပြမည်ဟု ဆိုသည်။ ၎င်းတို့အဓိက သဘောထားမှာ ယခု တိုင်းရင်းသား လူမျိုးများ ကောင်စီ၏ အတွင်းရေးမှူး စောဒေးဗစ်ထော ထုတ်ပြန်ခဲ့ပြီး အဖွဲ့၏ ဥက္ကဋ္ဌ အပါအ၀င် အခြားတိုင်းရင်းသား ခေါင်းဆောင်များ၊ အစုအဖွဲ့များ၏ ကန့်ကွက်မှု၊ အငြင်းပွားမှုများနှင့် ရင်ဆိုင်နေရသည့် စစ်အုပ်စု၏ ၂၀၁၀ ရွေးကောက်ပွဲကို အားပေး ထောက်ခံရေး၊ ၀န်းရံရေး မူဝါဒကို အမေရိကန် အစိုးရထံသို့ အစွံလာထုတ်ခြင်း ဖြစ်နိုင်သည်ဟု အမည် မဖော်လိုသည့် သတင်းရင်းမြစ်က မိုးမခသို့ ပြောကြားသည်။
ယခင်လ စက်တင်ဘာ နောက်ဆုံးရက်သတ္တပတ် ကလည်း မြန်မာ စစ်အုပ်စုနှင့် သဘောချင်း မျှသူများ အဖြစ် အတိုက်အခံ ဒီမိုကရေစီ အင်အားစု၏ သတ်မှတ်ခြင်း ခံထားရသူများ အမေရိကန် အထက် လွှတ်တော်၏ မြန်မာ့အရေး ကြားနာပွဲသို့ တက်ရောက်ပြီး စစ်အုပ်စု၏ ၂၀၁၀ ရွေးကောက်ပွဲကို ထောက်ခံကြရန်၊ မြန်မာ စစ်အုပ်စုအား ပိတ်ဆို့မှုများကို ရုတ်သိမ်း ပေးကြရန် လျှောက်လဲ ခဲ့ကြသည်ဟု သိရကြောင်း၊ ထိုအထဲတွင် မြန်မာပြည်၏ ဦးသန့်၏ သား သန့်မြင့်ဦးလည်း တဦး အပါအ၀င် ဖြစ်ကြောင်း ၎င်းက ပြောကြားသွားသည်။
ယခုကဲ့သို့ စစ်အုပ်စု ၂၀၁၀ ရွေးကောက်ပွဲကို ထောက်ခံကြရန်၊ အားပေးကြရန် တိုက်တွန်း သူများက စစ်အုပ်စု လက်အောက်က မြန်မာပြည်၏ ဆုတ်ယုတ် နိမ့်ကျနေသော နိုင်ငံရေး အခြေအနေများ၊ အကြပ် အတည်းများ၊ နိုင်ငံရေး အကျဉ်းသားများ၊ စစ်အုပ်စု၏ လူအခွင့်အရေး ချိုးဖောက်မှု၊ တိုင်းရင်းသားများ အပေါ် ဖိနှိပ်မှု၊ ရာဇ၀တ်မှုများ၊ နိုင်ငံရေးအရ တွေ့ဆုံဆွေးနွေး အဖြေရှာရေး အပေါ် ငြင်းပယ်နေမှုများကို ထည့်သွင်း တင်ပြခြင်း ရှိ မရှိကိုမူ မသိရကြောင်း ၎င်းက မှတ်ချက်ပေးသည်။
Ref: မိုးမခ
တိုင်းရင်းသားလူမျိုးများကောင်စီ ထုတ်ပြန်ချက် ကေအန်ယူ ကန့်ကွက်
ရဲရင့် / ၇ အောက်တိုဘာ ၂၀၀၉
တိုင်းရင်းသားအဖွဲ့များကို လာမည့် ၂၀၁၀ ရွေးကောက်ပွဲဝင်ရန် အတွက် တိုင်းရင်းသား လူမျိုးများ ကောင်စီ (အီးအန်စီ) က ထုတ်ပြန်သည့် တိုက်တွန်းချက်သည် အဖွဲ့၏ သဘောထား မဟုတ်ဘဲ လူတစု၏ သဘောထားသာ ဖြစ်သည်ဟု ကရင် အမျိုးသား အစည်းအရုံး (ကေအန်ယူ) က ပြောသည်။
ရွေးကောက်ပွဲ ၀င်ရောက်ယှဉ်ပြိုင်ခြင်းဖြင့် အနာဂတ် မြန်မာ့ နိုင်ငံရေးတွင် တိုင်းရင်းသားများ ပါဝင်ရန် တိုက်တွန်း ထားသည့်စာကို အီးအန်စီ အဖွဲ့က အမေရိကန် အထက်လွှတ်တော် အမတ် ဂျင်ဝက်ဘ်ထံ ယခင်လ (၂၈) ရက်တွင် ပေးပို့ခဲ့ခြင်းနှင့် ပတ်သက်၍ ကေအန်ယူ ဒု-ဥက္ကဋ္ဌ ပဒိုဒေးဗစ် သာကပေါ်က ပြောကြားခြင်း ဖြစ်သည်။
၎င်းက “ဒီစာကို ကေအန်ယူက ကန့်ကွက်တယ်၊ ကေအန်ယူလိုင်း နဲ့လည်း ဆန့်ကျင်တယ်၊ ဒီစာထုတ်တာ အီးအန်စီ အဖွဲ့ရဲ့ သဘောထား မဟုတ်ဘူး၊ လူတဦး၊ နှစ်ဦးရဲ့သဘောထားပဲ ဖြစ်တယ်။ အန်ဂျီအိုတွေက လုပ်ခိုင်းတဲ့ အတိုင်း လုပ်တဲ့လူ အချို့ ရှိတယ်။ အီးအန်စီကို စဖွဲ့တာ နိုင်ငံရေး အဖွဲ့အစည်း အနေနဲ့ ဖွဲ့တာ မဟုတ်ဘူး၊ သုံးပွင့်ဆိုင် တွေ့ဆုံ ဆွေးနွေးရေး ပေါ်ထွန်းရေးနဲ့ တိုင်းရင်းသား အားလုံး စုစည်းတဲ့ ဆုံရပ်ဖြစ်ဖို့ အတွက် ဖွဲ့ခဲ့တာ” ဟု ပြောသည်။
ပြည်ပရောက် တိုင်းရင်းသားခေါင်းဆောင်များဖြင့် ဖွဲ့စည်းထားသည့် အီးအန်စီ အဖွဲ့တွင် ကရင်ပြည်နယ် ကိုယ်စားလှယ်ဟု ခံယူ ထားသူများသာ ပါရှိပြီး ကေအန်ယူ အနေဖြင့် ပါဝင်ခြင်း မရှိသည့်အတွက် ယခုဖြစ်ရပ်နှင့် ပတ်သက်၍ တစုံတရာ ဂယက်ရိုက်ခတ်မှု မရှိနိုင်ဟုလည်း ၎င်းက ပြောကြားသည်။
အီးအန်စီအဖွဲ့၏ အကြံပေးအဖွဲ့ဝင်တဦးဖြစ်သည့် ဦးခွန်မားကိုဘန်းက “ဒီစာနဲ့ ပတ်သက်ပြီး အဖွဲ့က တာဝန်ရှိသူ အဆင့်ဆင့်ကို မေးကြည့်တော့ ဘယ်သူမှ မသိကြဘူး။ ဖွဲ့စည်းပုံမှာက သဘာပတိ အဖွဲ့ဟာ နိုင်ငံရေး ဦးဆောင်မှုမှာ တာဝန်ရှိပြီး အထွေထွေ အတွင်းရေးမှူး အဖွဲ့ဟာ နေ့စဉ် လုပ်ငန်းတာဝန် လုပ်ဆောင်ဖို့ ဖြစ်တယ်။ ဒီလို အထွေထွေ အတွင်းရေးမှူး လက်မှတ် ထိုးပေးတဲ့စာကို အဖွဲ့ရဲ့ သဘောထား စာလို့ သတ်မှတ်လို့ မရဘူး။ အီးအန်စီ ဥက္ကဋ္ဌ ခူးထဲဘူးဖဲ ကလည်း ဒီစာနဲ့ ပတ်သက်ပြီး သူဘာမှ မသိရဘူးလို့ ပြောပါတယ်” ဟု ပြောသည်။
အဆိုပါစာသည် အဖွဲ့၏သဘောထား အမှန် မဟုတ်ကြောင်း သိရှိရန်နှင့် ယင်း ပြဿနာကို ဖြေရှင်းရန် လာမည့် (၃) လပတ် အစည်းအဝေးတွင် အကျေအလည် ဆွေးနွေးမည်ဟု အီးအန်စီ ဥက္ကဋ္ဌ ခူးထဲဘူးဖဲက ပြောသည်။
အီးအန်စီသည် နအဖ၏ ၂၀၀၈ ဖွဲ့စည်းပုံ ဥပဒေကို လုံးဝ လက်မခံကြောင်း၊ ၂၀၁၀ ရွေးကောက်ပွဲ ကိုလည်း လက်မခံကြောင်း၊ သို့ရာတွင် ၀င်ရောက် အရွေးခံမည့် တိုင်းရင်းသား အဖွဲ့များ၊ ပုဂ္ဂိုလ်များနှင့် ဆန္ဒမဲ ပေးမည့် ပြည်သူ လူထုကို ဆန့်ကျင် တိုက်ခိုက်သွားမည် မဟုတ်ကြောင်း သဘောထား ချမှတ် ထားသည်ဟုလည်း ပြောသည်။
Ref: ခေတ်ပြိုင်
ဂျပန်သံရုံးအတွင်းဝန်နှင့် ဦးဝင်းတင် တွေ့ဆုံ
မင်းနိုင်သူ / ၇ အောက်တိုဘာ ၂၀၀၉
မြန်မာနိုင်ငံဆိုင်ရာ ဂျပန်သံရုံးက အမျိုးသားဒီမိုကရေစီ အဖွဲ့ချုပ် ဗဟို အလုပ် အမှုဆောင် ဦးဝင်းတင်ကို ယမန်နေ့က ဖိတ်ခေါ် တွေ့ဆုံမှု ပြုလုပ်ခဲ့သည်။
ဂျပန်သံရုံး၏ ဖိတ်ခေါ်မှုနှင့်စပ်လျဉ်း၍ “လွန်ခဲ့တဲ့ရက်ပိုင်းက ကျနော်က သတင်း မီဒီယာ တခုမှာ ဂျပန်နိုင်ငံ အနေနဲ့ မြန်မာနိုင်ငံကို ဈေးကွက် တခုအနေနဲ့သာ မကြည့်ဘဲနဲ့ နိုင်ငံရေး ဖြေရှင်းမှုတွေ လိုအပ်နေတဲ့ နိုင်ငံ၊ မိမိတို့လည်း ပါဝင်ဖြေရှင်းဖို့ တာဝန်ရှိတဲ့ နိုင်ငံ အနေနဲ့ အသိမှတ် ပြုပါဆိုတဲ့ သဘော ပြောဆိုခဲ့ဖူးပါတယ်။ အဲဒါနဲ့ ပတ်သက်ပြီးတော့ သူတို့ တွေ့ချင် သိချင်တာလေးတွေ ရှိလို့ ကျနော့်ကို ဖိတ်တာပါ” ဟု ဦးဝင်းတင်က ရှင်းပြသည်။
၁၉၉၀ ရွေးကောက်ပွဲအနိုင်ရ အမျိုးသားဒီမိုကရေစီ အဖွဲ့ချုပ်မှ ဗဟို အလုပ် အမှုဆောင်နှင့် ဂျပန်သံရုံးတို့ ပထမအကြိမ် တွေ့ဆုံမှုဖြစ်ပြီး ဦးဝင်းတင်က မြန်မာ့ နိုင်ငံရေး အခြေအနေများကို အဓိကထား ဆွေးနွေးခဲ့ကြောင်း သိရသည်။
“ကျနော်တို့အနေနဲ့ကတော့ ဘယ်အိမ်နားနီးချင်းနဲ့ မဆို နွေးထွေးစွာ ဆက်ဆံချင်တယ်။ ကျနော်တို့ ဒီမိုကရေစီ အရေး လုပ်နေတဲ့ သူတွေ အပေါ်မှာလည်း စာနာ ထောက်ထားမှုတွေ ရှိစေချင်တယ်။ အဲဒီလို နိုင်ငံတွေထဲမှာ ဂျပန်နိုင်ငံလည်း ပါတယ်။ ဂျပန်နိုင်ငံဟာ အာရှမှာ အချမ်းသာဆုံး နိုင်ငံဖြစ်သလို မြန်မာနိုင်ငံနဲ့လည်း သမိုင်းကြောင်းအရ ဆက်စပ်မှုတွေ ရှိခဲ့တယ်။ အဲဒီတော့ အနောက်နိုင်ငံ တွေက ဒီမိုကရေစီ အရေး လှုပ်ရှားမှုတွေကို ကာကွယ် စောင့်ရှောက် နေသလို ဂျပန်နိုင်ငံရဲ့ စောင့်ရှောက်မှုတွေကို ကျနော်တို့ တန်ဖိုးထားတယ် ဆိုတာကို ပြောတယ်” ဟု ဦးဝင်းတင်က ပြောသည်။
ဂျပန်အစုိုးရအနေဖြင့် မြန်မာစစ်အစိုးရ၏ လူ့အခွင့်အရေး ချိုးဖောက် မှုများကို ရပ်တန်းက ရပ်ရန်ဆိုသည့် ထိရောက်သော ဖိအားပေးမှုမျိုး ပြုသင့်ကြောင်း၊ ဒေါ်အောင်ဆန်းစုကြည် လွတ်မြောက်ရေး တောင်းဆို ရာတွင်လည်း အမျိုးသား ပြန်လည် သင့်မြတ်ရေး အတွက် တွေ့ဆုံဆွေးနွေးရေး လုပ်ရန်ဆိုသည့် အချက်နှင့် ယှဉ်တွဲ တောင်းဆို ပေးရန်တို့ကို အဓိကထား ပြောဆိုခဲ့ကြောင်း သိရသည်။
ယမန်နေ့ ညနေ (၄) နာရီခန့်မှစ၍ (၁)နာရီခန့် တွေ့ဆုံမှုတွင် ဂျပန်သံရုံး အတွင်းဝန်က ဦးဝင်းတင်၏ အမြင် သဘောထားများကို အဓိကထား မေးမြန်းခဲ့ပြီး တုံ့ပြန် ဆွေးနွေးမှု မရှိကြောင်း သိရသည်။
ပြီးခဲ့သည့်ရက်ပိုင်းက ကမ္ဘောဒီးယားနိုင်ငံတွင် ကျင်းပခဲ့သော မဲခေါင် ဒေသဆိုင်ရာ နိုင်ငံခြားရေး ၀န်ကြီးများ အစည်းအဝေးတွင် ဂျပန် နိုင်ငံခြားရေး ၀န်ကြီး မစ္စတာ အိုကားဒါးက မြန်မာ နိုင်ငံခြားရေးဝန်ကြီး ဦးဉာဏ်ဝင်းနှင့် တွေ့ဆုံစဉ် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို လွှတ်ပေးရန် တိုက်တွန်းခဲ့သည်။
အဆိုပါတိုက်တွန်းမှုကို အမျိုးသားဒီမိုကရေစီ အဖွဲ့ချုပ်က ကြိုဆိုပြီး အာဆီယံ နိုင်ငံများ အနေဖြင့်လည်း အလားတူ တောင်းဆိုမှုများ ပြုသင့်သည်ဟု ဦးဝင်းတင်က ပြောသည်။
“အာဆီယံလို အိမ်နီးချင်းအဖွဲ့အစည်းကိုလည်း ကျနော်တို့ တန်ဖိုးထားတယ်။ ကျနော်တို့ရဲ့ ဒီမိုကရေစီ လှုပ်ရှားမှုတွေကို ကူညီ စေချင်တယ်။ ကျနော်တို့ရဲ့ ဒီမိုကရေစီ အရေး ကြိုးပမ်းမှု အောင်မြင်မှသာလျှင် အိမ်နီးချင်း နိုင်ငံတွေ အတွက်လည်း ဒေသတွင်း တည်ငြိမ်မှုတွေ ရနိုင်မယ်။ စစ်အစိုးရ ပြောနေတဲ့ ၂၀၁၀ ရွေးကောက်ပွဲကိုသာ ဇွတ်တိုးပြီး သွားမယ်ဆိုရင် တနေ့သော အခါမှာ ဒေသတွင်း တည်ငြိမ်မှုကို အနှောင့်အယှက် ဖြစ်လာလိမ့်မယ်” ဟု ၎င်းက ပြောသည်။
Ref: ခေတ်ပြိုင်
Wednesday, October 7, 2009
နအဖ ရဲ့ ရိုးလ်မိုဒယ်လ် နဲ့ ၂ဝ၁ဝ
နအဖ ဟာ မြန်မာနိုင်ငံမှာ ထာဝရစစ်အာဏာရှင် စနစ် ထူထောင်ဖို့ ကြိုးစားနေရာမှာ ‘နယ်စည်းမခြား အာဏာရှင်များ' ဆိုတဲ့ ကမ္ဘာ့ လက်ဝဲလက်ျာ အာဏာရှင် ပေါင်းစု ထံက နည်းယူစရာ အတု ယူစရာတွေကို တောက်လျှောက် ရှာဖွေခဲ့ ပါတယ်။ တနည်းပြောရရင် မြန်မာပြည် စစ်အာဏာရှင် စနစ် အတွက် စံပြုနမူနာ Role model တွေကို ရှာဖွေတာ၊ အဲဒီ စံပြုနမူနာ ကိုကြည့်ပြီး ၂ဝ၁ဝ ရွေးကောက်ပွဲ ဗျူဟာကို ချဖို့ လုပ်နေတာဖြစ်ပါတယ်။
အားလုံးသိကြတဲ့အတိုင်း နဝတ-နအဖ ဟာ အစောပိုင်းနှစ်ကာလ များမှာ စစ်အာဏာရှင် ဆူဟာတိုရဲ့ အင်ဒိုနီးရှား နိုင်ငံကို စံပြုနမူနာ အဖြစ် သွားရည် တမြားမြားနဲ့ မော့ကြည့် ခဲ့ဖူးပါတယ်။ ဒါကြောင့်လည်း အဆင့်ဆင့် ဥပဒေပြုဌာန အားလုံးမှာ စစ်သတ္တဝါ ၂၅ ရာခိုင်နှုန်း ပါဖို့၊ အရေးပါတဲ့ အုပ်ချုပ်ရေး ဌာနတွေကို စစ်သတ္တဝါတွေ ကိုင်ခွင့် ရဖို့ နအဖ အခြေခံ ဥပဒေထဲ ထည့်သွင်း ပြဋ္ဌာန်း ထားပါတယ်။ ဒါ့အပြင် ကြံ့ဖွတ်ကို ပါတီဖွဲ့ပြီး ကျန်တဲ့ ဥပဒေပြု ကိုယ်စားလှယ် နေရာ အုပ်ချုပ်ရေးရာထူး နေရာတွေ ယူဖို့လည်း ကြံစည်နေပါတယ်။
စစ်အာဏာရှင်ဆူဟာတိုလက်ထက် အင်ဒိုနီးရှားမှာ လွှတ်တော် ကိုယ်စားလှယ် ၂ဝ ရာခိုင်နှုန်း (အမတ်နေရာ ၅ဝဝ မှာ ၁ဝဝ) ကို စစ်တပ်က ယူထားပါတယ်။ ကျန်တဲ့ နေရာတွေကိုလည်း စစ်တပ် လက်ကိုင်ဒုတ် ပါတီ ဖြစ်တဲ့ ဂိုလ်ကာ ပါတီက အများစု ယူပါတယ်။ ဂိုလ်ကာပါတီကို ဆူဟာတို အာဏာ မသိမ်းခင် တနှစ်အလို ကတည်းက ကွန်မြူနစ်ပါတီကို တန်ပြန်ဖို့ အတွက် စစ် အရာရှိကြီးတွေ ကျောထောက် နောက်ခံနဲ့ အဲန်ဂျီအို ၉၇ ဖွဲ့ကို စုပေါင်း ဖွဲ့စည်းခဲ့တာ ဖြစ်ပါတယ်။ ဆူဟာတို လက်ထက်မှာတော့ အဖွဲ့ပေါင်း ၂၂ဝ အထိ ရှိလာပြီး စစ်တပ်က အတိအလင်း ချုပ်ကိုင် လာပါတယ်။ ဆူဟာတို ဟာ ဂိုလ်ကာအပြင် အင်ဒိုနီးရှား ဒီမိုကရက်တစ် ပါတီနဲ့ ညီညွတ်သော ဖွံ့ဖြိုး တိုးတက်ရေး ပါတီ ဆိုတဲ့ တခြားပါတီလေး နှစ်ခုကိုလည်း ဖွဲ့ခွင့် ပေးထားခဲ့ပါတယ်။ ဒါကြောင့် ၃ ပါတီ စနစ်လို့ ပြောရမှာ ဖြစ်ပါတယ်။ ဒါပေမဲ့ အဓိက လွှမ်းမိုးတာက ဂိုလ်ကာ ပါတီဘဲ ဖြစ်ပါတယ်။
နအဖ ဟာ အင်ဒိုနီးရှားလိုဘဲ စစ်တပ် ပါတီကြီးတခု နဲ့ တခြား အင်အားနည်း ပါတီလေးတွေ ပါဝင်တဲ့ စည်းကမ်း ပြည့်ဝ ‘ပါတီစုံ'ဒီမိုကရေစီ တည်ထောင်ချင် ပါတယ်။ ဒါပေမဲ့ နအဖရဲ့ စံပြုနမူနာ အင်ဒိုနီးရှား နိုင်ငံမှာ ဘယ်လောက်ဘဲ စစ်တပ် က ထိန်းထားပေမဲ့ ၁၉၉၈ တော်လှန်ရေးကြောင့် စစ်အာဏာရှင် စနစ် နိဂုံး ချုပ်သွားခဲ့တဲ့ အတွက် နောက်ထပ် မိုဒယ်လ် ထပ်ရှာရ ပြန်ပါတယ်။ ဗမာပြည် စစ်အာဏာရှင် အဖေကြီး နေဝင်းက ရာထူးက ဆင်းခါနီးမှာ တပါတီ ကြိုက်သလား၊ နှစ်ပါတီ ကြိုက်သလား၊ ပါတီစုံ ကြိုက်သလား မေးခဲ့ ပါသေးတယ်။ အဲဒီ စဉ်းစားချက် အတွက် နအဖရဲ့ စံပြုနမူနာ ဖြစ်နိုင်စရာ ရှိတဲ့ (ဂမ်ဖလားရဲ့ ဇာတိမြေ) နိုင်ဂျီးရီးယား နိုင်ငံမှာ စစ်အာဏာရှင် တွေက နိုင်ငံရေး ပါတီတွေကို အတင်းဆွဲစုပြီး ၂ ပါတီစနစ် ကျင့်သုံးခိုင်း ခဲ့ဖူးပါတယ်။
နိုင်ဂျီးရီးယားနိုင်ငံမှာ စစ်တပ် အာဏာသိမ်းပွဲတွေ ခဏခဏ ဖြစ်ခဲ့ပြီး စစ်အာဏာရှင် စနစ် အမျိုးမျိုး စိုးမိုး ခဲ့ပါတယ်။ ၁၉၉ဝ ခုနှစ်များမှာ စစ်အာဏာရှင် ဗိုလ်ချုပ်ကြီး ဘာဘန်ဂီဒါက ဒီမိုကရေစီ ရွေးကောက်ပွဲ လုပ်ပေးမယ် ပြောပြီး နှစ်ပါတီ စနစ် ကျင့်သုံး စေခဲ့ပါတယ်။ နဂိုက ရှိတဲ့ ပါတီအားလုံး ဆိုရှယ် ဒီမိုကရက် ပါတီထဲ ဝင်ရင်ဝင် ဒါမှမဟုတ် အမျိုးသား ရီပတ်ဘလစ်ကန် အဖွဲ့ချုပ်ထဲဝင် ဆိုပြီး အတင်းအကြပ် ပူးပေါင်း ခိုင်းခဲ့ပါတယ်။ နှစ်ပါတီစလုံးကို စစ်တပ်က ထူထောင်ထားတာ ဖြစ်ပြီး တခုကို လက်ဝဲပါတီ၊ နောက်တခုကို လက်ျာပါတီ အဖြစ် ဖွဲ့စည်း ခိုင်းထားတာ ဖြစ်ပါတယ်။ ၁၉၉၂ လွှတ်တော် ရွေးကောက်ပွဲနဲ့ ၁၉၉၃ သမတ ရွေးကောက်ပွဲမှာ ဒီနှစ်ပါတီဘဲ ပြိုင်ခွင့် ပေးခဲ့ပါတယ်။ ဒါပေမဲ့လည်း သမတ အရွေးခံရသူ အာဘီယိုလာကို စစ်အာဏာရှင် ဘာဘန်ဂီဒါနဲ့ ဆန်နီအဘာချာတို့က အာဏာလွှဲ မပေးဘဲ ထောင်ထဲ ထည့်ခဲ့ပါတယ်။
၁၉၉၈ ရွေးကောက်ပွဲကျတော့ စစ်အာဏာရှင် ဆန်နီ အဘာချာက စစ်အစိုးရနဲ့ နီးစပ်တဲ့ ပါတီ ၈ ခုကိုဘဲ ယှဉ်ပြိုင်ခွင့် ပေးခဲ့ပြီး တကယ့် အတိုက်အခံ ပါတီတွေကိုတော့ ယှဉ်ပြိုင်ခွင့် မပေးခဲ့တဲ့ အတွက် ရွေးကောက်ပွဲ သပိတ်မှောက်တာ ဖြစ်ခဲ့ပြီးနောက် မဲပေးသူ အင်မတန့်ကို နည်းလှတာကြောင့် ရွေးကောက်ပွဲ ရလဒ်ကို ဖျက်သိမ်း လိုက်ရပါတယ်။ အဘာချာ သေပြီးနောက် ကျင်းပတဲ့ ၁၉၉၉ ရွေးကောက်ပွဲ တွေမှာလည်း စစ်တပ်နဲ့ နီးစပ်တဲ့ ၃ ပါတီဘဲ ယှဉ်ပြိုင်ခွင့် ရခဲ့ပါတယ်။ ဒါပေမဲ့ သမတ ရွေးကောက်ပွဲ မှာတော့ လူထုက တစုံတရာ ထောက်ခံမှု ရှိတဲ့ (တချိန်က အာဏာသိမ်း စစ်ခေါင်းဆောင် ဖြစ်ဖူးတဲ့) ဗိုလ်ချုပ်ကြီးဟောင်း အိုဘာဆန်ဂျို သမတ အရွေးခံခဲ့ ရပြီး ဒီမိုကရေစီ လမ်းစ ပေါ်လာခဲ့ပါတယ်။ ဒီကနေ့မှာတော့ နိုင်ဂျီးရီးယား နိုင်ငံဟာ ချို့ယွင်းချက်တွေ ရှိနေပေမဲ့ စစ်အာဏာရှင် လမ်းပေါ်မှာ မရှိတော့ဘဲ ဒီမိုကရေစီ လမ်းကြောင်း ပေါ်ကိုတော့ ရောက်နေပါပြီ။
ဒါ့အပြင် နိုင်ဂျီးရီးယားနိုင်ငံမှာ တိုင်းရင်းသား လူမျိုးစုပေါင်း ၂၅ဝ ရှိပြီး ဘာသာစကားပေါင်း ၅၁ဝ ကို ပြောဆို သုံးစွဲ နေပါတယ်။ လွတ်လပ်ရေး ရခါစ ၁၉၆ဝ ခုတုံးက ပြည်နယ် ၃ ပြည်နယ်ဘဲ ရှိခဲ့ရာက ၁၉၆၃ ခုမှာ ဖက်ဒရယ် သမတ နိုင်ငံအဖြစ် ဖွဲ့စည်း ထူထောင်ခဲ့ပြီး အခုအခါ ပြည်နယ် ၃၆ ပြည်နယ်ကို တန်းတူ အခွင့်အရေး အပြည့် ပေးထားပါတယ်။ ခွဲထွက်ခွင့် မရှိပေမဲ့ ပြည်နယ် အားလုံး အထက်လွှတ်တော်မှာ ကိုယ်စားလှယ် အရေအတွက် တန်းတူ စေလွှတ်နိုင်ပါတယ်။ လက်ရှိ နိုင်ဂျီးရီးယား အခြေခံဥပဒေ မှာ စစ်တပ်ကို ရွေးကောက်ခံ သမတနဲ့ လွှတ်တော် လက်အောက်မှာ ထားပါတယ်။ နအဖဟာ ဖြစ်နိုင်ရင် နိုင်ဂျီးရီးယား လိုဘဲ ကြံ့ဖွတ်နဲ့ တစည နှစ်ပါတီဘဲ ရှိမယ့် ‘ပါတီစုံ’ ဒီမိုကရေစီ စနစ်ကိုလည်း တည်ဆောက် ချင်နေပါတယ်။ တခြားပါတီတွေ အားလုံး ဒီပါတီ ၂ ခုထဲ ဝင်ပေါင်း၊ ရွေးကောက်ပွဲမှာ ပြိုင် ဆိုတဲ့ သဘော ဖြစ်ပါတယ်။ ဒါပေမဲ့ နိုင်ဂျီးရီးယားမှာ နှစ်ပါတီစနစ်နဲ့ စစ်အာဏာ ထိန်းထားရေး အလုပ် မဖြစ်ခဲ့တာကို တွေ့ရလို့ အဲသလို လုပ်ရမှာကို မဝံ့မရဲ ဖြစ်နေဟန်လည်း ရှိပါတယ်။
ဒီလိုနဲ့ ကမ္ဘာပေါ်မှာ အခိုင်မာဆုံး အာဏာရှင် စနစ် ဖြစ်နေတဲ့ မြောက်ကိုးရီးယား ကိုဘဲ စံပြုနမူနာ အဖြစ် အားကျ နေနိုင်ပါတယ်။ ၁၉၄၅ ခု ကတည်းက စပြီး အခုထိ ၆၄ နှစ်ကြာအောင် အာဏာရှင်စနစ် တောက်လျှောက် ကျင့်သုံးခဲ့တဲ့ မြောက်ကိုးရီးယားဟာ တခြား အာဏာရှင် စနစ်တွေထက် သာတာက မျိုးရိုးစဉ်ဆက် အာဏာရှင် မင်းဆက်ကိုပါ ထိန်းသိမ်းနိုင်ခဲ့တာ ဖြစ်ပါတယ်။ အဖေ အာဏာရှင် ကင်အီဆွန်း ကွယ်လွန်တဲ့အခါ သား အာဏာရှင် ကင်ဂျွန်အီး တက်လာခဲ့သလို ကင်ဂျွန်အီး ကွယ်လွန်ရင်လည်း သား ကင်ဂျွန်အွန်း တက်ဖို့ စီစဉ်ထားတဲ့ အတွက် အခွင့်ထူးခံ လူတန်းစား အကျိုးစီးပွားတင် မကဘဲ ထိပ်ဆုံးက မိသားစုရဲ့အကျိုးစီးပွား ကိုပါ အာမခံချက် ရှိရှိ ထိန်းသိမ်းနိုင်တဲ့ အတွက် စစ်မင်းဆက် သာမက ရွှေကြိုင် မင်းဆက်ကိုပါ ထိန်းသိမ်း ချင်နေတဲ့ နအဖ ထိပ်သီးကြီး သန်းရွှေအဖို့ အားကျ အတုယူ စရာဖြစ်နေပါတယ်။ သန်းရွှေ ကိုယ်တိုင်က လက်အောက်ခံ ဗိုလ်ချုပ်တွေကို အဖေကြီးနေဝင်းရဲ့ ဘဝ ဇာတ်သိမ်းပိုင်းကို လက်ညှိုးထိုး ပြပြီး “အာဏာမရှိရင် ဒီလိုဘဲဖြစ်မယ်၊ တွေ့လား” လို့ ပညာ ပေးနေတာကြောင့် မြောက်ကိုးရီးယားက အာဏာရှင် ကင်မင်းဆက်ကို စံပြုနမူနာ Role model အဖြစ် အားကျနေတာ မြေကြီး လက်ခတ်မလွဲ ဖြစ်ပါတယ်။ နေဝင်းရဲ့ နိဂုံးက စစ်အာဏာရှိဖို့ အရေးကြီးရုံတင် မက ပုဂ္ဂိုလ်ရေး အာဏာ ရှိဖို့လည်း အရေးကြီးကြောင်း သန်းရွှေကို သတိပေး နေပါတယ်။
မြောက်ကိုးရီးယားနိုင်ငံမှာတော့ “အဖနိုင်ငံ ပြန်လည် ပေါင်းစည်းရေး ဒီမိုကရေစီ တပ်ပေါင်းစု" ကဘဲ လွှတ်တော် ရွေးကောက်ပွဲ ဝင်ခွင့်ရှိပါတယ်။ တသီးပုဂ္ဂလ တွေလည်း လွှတ်တော်မှာ နည်းနည်းပါးပါး အရွေးခံနိုင် ပါတယ်။ ဒီ“တပ်ပေါင်း စု”မှာ ကိုးရီးယား အလုပ်သမား ပါတီ (ကွန်မြူနစ်ပါတီ)၊ ကိုးရီးယား ဆိုရှယ် ဒီမိုကရက်တစ် ပါတီ နဲ့ ချွန်ဒူးအစ်ချွန်ဂူးပါတီ တို့ ပါဝင်ပြီး အားလုံးကို အလုပ်သမား ပါတီက အကြွင်းမဲ့ ထိန်းချုပ် ထားပါတယ်။ ၃ ပါတီ ပါဝင်တဲ့ ပါတီစုံ စနစ်ပါဘဲ။ ၁၉၉ဝ ခုရွေးကောက်ပွဲ တုံးက ကိုးရီးယား အလုပ်သမား ပါတီက အမတ်နေရာ ၆ဝ၁ နေရာ၊ ဆိုရှယ် ဒီမိုကရက် ပါတီက ၅၁ နေရာ၊ ချွန်ဂူးပါတီက ၂၂ နေရာ နဲ့ တသီးပုဂ္ဂလ တွေက ၁၃ နေရာ ရခဲ့ပါတယ်။ ဒီအလုပ်သမား ပါတီကဘဲ နိုင်ငံ့ အကြီးအကဲအဖြစ် ကင်မျိုးဆက်တွေကို သတ်မှတ် ရွေးချယ်တာ ဖြစ်ပါတယ်။
ခေါင်းကျလည်းစားမယ်၊ ပန်းကျလည်းစားမယ်၊ ဒေါင်လိုက်ကျမှ မင်းတို့စား ဆိုပြီး အမတ်နေရာ ၂၅ ရာခိုင်နှုန်း၊ စစ်တပ် သြဇာခံ ကြံ့ဖွတ်ပါတီ၊ အဓိက ဝန်ကြီး ရာထူးတွေ၊ အာဏာ အကြီးဆုံး တပ်ချုပ်ရာထူး၊ အချိန်မရွေး စစ်အာဏာ သိမ်းခွင့်၊ ပြင်မရအောင် လုပ်ထားတဲ့ ပုဒ်မတို့ကို အခြေခံ ဥပဒေထဲ ရေပက်မဝင်အောင် ထည့်ထားပေမဲ့ ပိုပြီး ဘဝအာမခံ ချက်ရှိတဲ့ မြောက်ကိုးရီးယားကို အားကျ နေတာကြောင့် နျူကလီးယားဗုံး ပိုင်ဆိုင်ရေး သာမက ၂ဝ၁ဝ ရွေးကောက်ပွဲမှာ ရွှေကြိုင် မျိုးဆက်သစ် မျောက်လောင်းကို ကြံ့ဖွတ် ပါတီက သမတလောင်း အဖြစ် တင်ဖို့ ကြိုးစားနေရာမှာ မျောက်လောင်း ကိုယ်တိုင်က မျောက်စိတ် မပျောက်နိုင် သေးတာက တကြောင်း၊ သန်းရွှေက ကြယ် ၃ ပွင့် ၄ ပွင့် ပေးသနားတော် မူထားတဲ့ လက်အောက်က ဗိုလ်ချုပ်တွေ လက်ခံ နိုင်အောင်လည်း မပိုင်သေးလို့က တကြောင်းကြောင့် ရွေးကောက်ပွဲ ဥပဒေတွေ၊ ပါတီ မှတ်ပုံတင် ဥပဒေတွေ၊ ကော်မရှင်တွေ မထုတ်ပြန်နိုင်သေး၊ ရွေးကောက်ပွဲရက် မသတ်မှတ်နိုင်သေး ဖြစ်နေရပါတယ်။
အထက်မှာဖော်ပြခဲ့တဲ့ စံပြုမိုဒယ်လ်တွေကို နအဖ စစ်အာဏာရှင် တွေက အားကျ အတုခိုး နေပေမဲ့ တကယ် ဖြစ်လာနိုင်တဲ့ မိုဒယ်လ်ကတော့ ဆိုမာလီယာ နိုင်ငံဘဲ ဖြစ်ပါလိမ့်မယ်။ ဆိုမာလီယာ နိုင်ငံဟာ ၁၉၆၉ ခုမှာစစ်တပ်က အာဏာ သိမ်းပြီးနောက် နေဝင်းရဲ့ ဗမာပြည်လိုဘဲ ဆိုရှယ်လစ် စနစ် လုပ်မယ်လို့အော်၊ ရှိသမျှ စီးပွားရေး လုပ်ငန်းတွေ စာသင်ကျောင်းတွေ ပြည်သူပိုင်သိမ်း၊ သစ်ပင်စိုက် မြေတူး တာဖို့ လမ်းဖောက် တံတားဆောက် ကျောင်းဆောက် ဟော်တယ်ဆောက် မြို့သစ်ဆောက် ရုံးဆောက် စတာတွေ အတွက် (တပတ် ၇ နာရီ) အဓမ္မ လုပ်အားပေး စနစ်ကို တနိုင်ငံလုံးမှာ ကျင့်သုံး၊ ရေတပ် လေတပ် အပါအဝင် စစ်အင်အားကို အကြီးအကျယ် တိုးချဲ့ စသဖြင့် လုပ်ခဲ့ပါတယ်။ ၁၉၇၆ ကျတော့ “ဆိုမာလီ တော်လှန်သော ဆိုရှယ်လစ်ပါတီ” ဆိုတာကို တရားဝင် တည်ထောင်ပြီး တပါတီစနစ် ကျင့်သုံးခဲ့ပါတယ်။ ဆိုရှယ်လစ် လုပ်တဲ့အတွက် ဆိုဗီယက် ပြည်ထောင်စုနဲ့ တခြား ကွန်မြူနစ် နိုင်ငံတွေက တပည့်မွေးပြီး အကြီးအကျယ် ထောက်ခံ အားပေးခဲ့ပါတယ်။ စစ်လက်နက်တွေ စစ်အကြံ ပေးတွေနဲ့ အရပ်ဖက် ပညာရှင်တွေ အများကြီး ပို့ပေးခဲ့ပါတယ်။ ၁၉၇၉၊ ၁၉၈၄ နဲ့ ၁၉၈၆ တွေမှာ ဆိုမာလီမှာ ရွေးကောက်ပွဲတွေ လုပ်ပြီး စစ်အာဏာရှင် ဗိုလ်ချုပ်ကြီးဘားရဲ့ ပါတီကဘဲ ရှိသမျှ နေရာအားလုံးကို ယူခဲ့ပါတယ်။
၁၉၇၇-၇၈ မှာ တိုးချဲ့ထားတဲ့ စစ်အင်အား၊ မြင့်တက်နေတဲ့ ဘဝင်နဲ့ အီသီယိုပီးယား နိုင်ငံကို ဝင်တိုက်ရာမှာ ဆိုဗီယက် ရုရှား၊ ကျူးဘား၊ မြောက်ကိုးရီးယား တို့က တဖက်နိုင်ငံကို ငွေအား၊ လက်နက်အား သာမက လူအား (ကျူးဘား စစ်သား ၂ဝဝဝဝ၊ ရုရှားနဲ့ အရှေ့ ဂျာမဏီ စစ်အကြံပေး ၄ဝဝဝ) နဲ့ပါ ကူလို့ ကွန်မြူနစ် နိုင်ငံတွေနဲ့ ခွာပြဲပြီး အမေရိကန် ဘက်ကိုပြောင်း တပည့်ခံလိုက် ပါတယ်။ ဆိုရှယ်လစ် ကိုစွန့်ပြီး အရင်းရှင်စနစ် ဈေးကွက် စီးပွားရေးကိုလည်း ပြောင်းလိုက်ပါတယ်။ (ရုရှားကတော့ ပထဝီ နိုင်ငံရေးအရ ပိုပြီး အချက်အချာ ကျတဲ့ အီသီယိုပီးယားကို တပည့်မွေးပြီး တပည့်ဟောင်း လက်ဝဲသမားတွေ ဖြစ်တဲ့ ဆိုမာလီယာနဲ့ အီရီထရီးယား ကို ကန်ထုတ်လိုက်တာ ဖြစ်ပါတယ်။)
ဒီလိုနဲ့ စစ်ရှုံးတဲ့ ၁၉၇၈ ကစပြီး ဆိုမာလီယာမှာ အခြေအနေတွေ ယိုယွင်း ပျက်ပြားလာ၊ သြဇာ အာဏာတွေ ကျဆင်း လာတဲ့ အတွက် အတိုက်အခံတွေ လှုပ်ရှားလာပြီး ၁၉၈၁ ကစလို့ လက်နက်ကိုင် တော်လှန်ရေးတွေ တခုပြီးတခု ပေါ်လာပါတယ်။ စစ်အာဏာရှင် သမတ ဗိုလ်ချုပ်ကြီး ဆီယာ့ဒ်ဘားကလည်း အပြင်းအထန် အကြမ်းဖက် အုပ်ချုပ်တဲ့ အတွက် ဆိုမာလီ ပြည်သူတွေ အရှင်လတ်လတ် ငရဲကျခဲ့ ရပါတယ်။ အစိုးရ ဌာနတွေလည်း လုပ်ငန်းတွေ မလည်ပတ်တော့၊ စစ်တပ်ထဲမှာလည်း ဖြုတ်ထုတ်သတ်တွေ ခဏခဏဖြစ်၊ ထိပ်ဆုံးက ဗိုလ်ချုပ်များနဲ့ မိသားစုတွေ အပြင် ဝန်ကြီး ဝန်ကလေးတွေ အရာရှိ ကြီးငယ်တွေ ကလည်း ရေရေလည်လည် ဘုံးကြ ခိုးကြ ရှိသမျှ အိပ်ထဲ ထည့်ကြပါတယ်။ ၁၉၉ဝ ရောက်တော့ မြို့တော် မိုဂါဒစ်ရှူး မှာ လူ ၄ ယောက်ထက် ပိုစုခွင့် မရှိသလို ဓာတ်ဆီ ဒီဇယ် ရှားပါး ပြတ်လပ်လို့ ဓာတ်ဆီဆိုင်တွေမှာ ကားတန်း အရှည်ကြီးတွေ တန်းစီနေ၊ ခေါက်ဆွဲ တကီလိုကို အမေရိကန် ၅ ဒေါ်လာဈေး အထိ ငွေဖောင်းပွ၊ ထမင်းဆိုင်မှာ စားဖို့ ပိုက်ဆံကို ဆာလာအိပ်နဲ့ သယ်သွားရ၊ ငွေအကြွေစေ့ မရှိတော့၊ ဘဏ်တွေ လုပ်ငန်းရပ်၊ တိုင်းပြည်ကို လာတဲ့ နိုင်ငံခြားသား မှန်သမျှ သေသေချာချာ စောင့်ကြည့်၊ နိုင်ငံခြားငွေ လဲလှယ်မှုကို တင်းတင်းကြပ်ကြပ် ထိန်းချုပ်၊ နိုင်ငံခြားသားတွေ ဓာတ်ပုံ ရိုက်ခွင့်ပိတ်၊ ညဖက်ဆို တမြို့လုံး လျှပ်စစ်မီး မရှိ၊ ညဖက်မှာ အာဏာပိုင်တွေက အိမ်တွေဝင်စစ် ရှာဖွေ မွှေနှောက်ပြီး လူတွေ ဆွဲခေါ်သွား။ (ဒါတွေကိုတွေ့ရင် ဆင်တူနေတဲ့ အခြေအနေကို သတိရလိမ့်မယ် ထင်ပါရဲ့။)
၁၉၉ဝ-၉၁ မှာတော့ လက်နက်ကိုင်တော်လှန်ရေး အဖွဲ့ ၇ ဖွဲ့ တပ်ပေါင်းစု ဖွဲ့ပြီး အီသီယိုပီးယား နိုင်ငံ အကူအညီနဲ့ စစ်အာဏာရှင် သမတ ဆီယာ့ဒ်ဘားကို ဖြုတ်ချ နိုင်ခဲ့ပါတယ်။ ဒါပေမဲ့ စစ်အာဏာရှင် စနစ်ရဲ့ အကျိူးဆက်တွေက ပြင်းထန် လွန်းလှသလို တော်လှန်ရေး အဖွဲ့တွေ ကြားမှာလည်း ဂိုဏ်းဂဏစိတ်၊ လူမျိုးရေး စိတ်တွေ ကြီးလှတဲ့ အတွက် တိုင်းပြည်ဟာ နလံမထနိုင် မတည်ငြိမ်နိုင်ဘဲ ၁၉၉၂ ကနေ ၂ဝဝဝ ပြည့်နှစ်အထိ ကုလသမဂ္ဂက ဆိုမာလီယာနိုင်ငံကို “အစိုးရ မရှိတဲ့နိုင်ငံ" အဖြစ် တရားဝင် သတ်မှတ် ကြေညာ ခဲ့ရပါတယ်။ အခုတော့ အစိုးရရှိတဲ့ နိုင်ငံလို့ ပြန်သတ်မှတ်ပေမဲ့ အစိုးရဟာ နိုင်ငံရဲ့နယ်မြေ နည်းနည်းလေး ကိုဘဲ ထိန်းချုပ်နိုင်ပြီး အများစု နယ်မြေတွေကို စင်ပြိုင် စစ်ဘုရင်တွေ ဓားပြဂိုဏ်းတွေ (ပင်လယ်ဓားပြဂိုဏ်းတွေ အပါအဝင်) က ထိန်းချုပ် နေပါတယ်။
ကျနော်တို့တိုင်းပြည်နဲ့ ဆိုမာလီယာ မတူတဲ့ အဓိကအချက်က ဗမာပြည်မှာ လူထုက တခဲနက် ထောက်ခံထားတဲ့၊ နိုင်ငံတကာကလည်း အသိအမှတ်ပြု လက်ခံထားတဲ့ အမြင်ကျယ် အဆင့်မြင့်ပညာတတ် လူထုခေါင်းဆောင် ဒေါ်အောင်ဆန်းစုကြည် ရှိနေတာဘဲ ဖြစ်ပါတယ်။ ဒါပေမဲ့ နအဖ စစ်အာဏာရှင်တွေ ခေါင်းမာမိုက်မဲမှု အလွန့်အလွန် ရှည်ကြာနေရင်တော့ နောက်ဆုံးမှာ ဆိုမာလီယာကိန်း ဆိုက်ဖို့ အလားအလာဘဲ ပိုများ ပါလိမ့်မယ်။
ဖောက်ခွဲရေးသင်တန်း တက်သည်ဟု စွပ်စွဲကာ သံဃာတော် အချို့အား ဖမ်းဆီး စစ်ဆေးနေ
အောင်ထက် / ၆ အောက်တိုဘာ ၂၀၀၉
နယ်စပ်၌ ဖောက်ခွဲရေးသင်တန်း တက်ရောက်ခဲ့သည် ဆိုသော စွပ်စွဲ ချက်ဖြင့် ပြည်ပ နိုင်ငံများမှ ပြန်ကြွလာသော သံဃာတော် (၈) ပါးအား ရန်ကုန် အပြည်ပြည်ဆိုင်ရာ လေဆိပ်တွင် စက်တင်ဘာ တတိယ ပတ်က ဖမ်းဆီး ထိန်းသိမ်းလိုက်သည်။
အဆိုပါသံဃာတော်များကို တစုတဝေးတည်း ဖမ်းဆီးမိခြင်း မဟုတ်ဘဲ ခရီးစဉ် အသီးသီးမှ အပြန် နအဖ အာဏာပိုင် တို့က စောင့်ကြို ဖမ်းဆီးခဲ့ခြင်း ဖြစ်သည်။
ဖမ်းဆီးထားသော သံဃာတော်များအား ရန်ကုန်မြို့ ကမ္ဘာအေး ဘုရားလမ်း၊ မဟာပါသဏ လိုဏ်ဂူနှင့် ကပ်လျက် ‘အပရဂေါယာန’ သုံးထပ် ကျောင်းဆောင်၌ နိုင်ငံတော် ဗဟို သံဃာ့ မဟာနာယက အဖွဲ့ဝင် ဆရာတော် အချို့နှင့် သတင်း တပ်ဖွဲ့တို့က စစ်ဆေးခဲ့သည်။
ထို့နောက် သံဃာတော် (၇) ပါးအား ဆက်လက် စစ်ဆေးရန် (သို့မဟုတ်) ပြစ်ဒဏ် ကျခံစေရန် အင်းစိန် အကျဉ်း ဦးစီးဌာနသို့ လွှဲပြောင်းခဲ့ပြီး ယခုအခါ ကျန်ရှိ သံဃာတော် (၁) ပါးအား ဆက်လက် စစ်ဆေးနေဆဲဟု ဆရာတော်များနှင့် နီးစပ်သည့် အသိုင်းအ၀ိုင်းမှ သိရသည်။
သံဃာတော်များအား ဖမ်းဆီးထိန်းသိမ်းကာ စစ်ဆေး နေကြောင်း သာသနာရေး ၀န်ကြီးဌာန ၀န်ထမ်း အများစု သိရှိနေသော်လည်း ၎င်းသံဃာတော် တို့၏ ဘွဲ့တော်၊ သီတင်းသုံးရာ ကျောင်းတိုက်၊ မြို့နယ် ကျေးရွာတို့ကိုမူ အထူး လျှို့ဝှက်ထားသည်။
“အပရဂေါယာန ကျောင်းဆောင်ဝန်းကျင်ကို ဘယ်ဝန်ထမ်းမှ ကပ်လို့ မရဘူး။ အထူး ကန့်သတ် နယ်မြေပေါ့။ သံဃာတော်တွေက သက်တော် (၂၅) နှစ် ၀န်းကျင်တွေလို့ ကြားရတယ်။ သတင်း တပ်ဖွဲ့ဝင်တွေက လွဲလို့ ဘယ်ဝန်ထမ်းမှ မမြင်ဖူးကြဘူး” ဟု သာသနာရေး ၀န်ကြီးဌာန အရာထမ်း တဦးက ပြောသည်။
ယခုကျန်ရှိသံဃာ (၁) ပါးအား ဆွမ်းကွမ်းဝေယျာ ၀စ္စက အစ သတင်းတပ်ဖွဲ့မှ ဖြည့်ဆည်း ဆောင်ရွက် ပေးနေပြီး အနီးကပ် စောင့်ကြည့် စစ်ဆေးလျက် ရှိသည်ဟု သိရသည်။
အဆိုပါသံဃာတော်တို့သည် ပြည်ပခရီးသို့ တရားဝင် ဗီဇာများဖြင့် ထွက်ခွာခြင်း ဖြစ်ပြီး ထိုင်းနိုင်ငံ အပါအ၀င် နိုင်ငံ အသီးသီးမှ ပြန်လာစဉ် သတင်းအရ ယခုကဲ့သို့ ဖမ်းဆီး ခံလိုက်ရခြင်း ဖြစ်သည်။
ပြည်ပနိုင်ငံအသီးသီးဟု ဆိုသော်လည်း အများစုမှာ ဘန်ကောက် ခရီးစဉ်မှ ဖြစ်နိုင်သည် ဟု သာသနာရေး ၀န်ကြီးဌာနမှ ၀န်ထမ်းများက ယူဆကြသည်။
ကမ္ဘာအေး မဟာပါသဏလိုဏ်ဂူအနီး၌ ကျောင်းဆောင် (၄) ဆောင်ရှိရာ မဟာ နာယက ကျောင်းဆောင်တွင် နိုင်ငံတော် သံဃာ့ မဟာနာယက အဖွဲ့ (၄၇) ပါးအနက် အချို့ ဆရာတော်များ သီတင်းသုံး နေသည်။ ဖမ်းဆီး ထားသော သံဃာများအား စစ်ဆေးရာတွင် အပရဂေါယာန ကျောင်းဆောင်ကို အသုံးပြုပြီး ယခုအခါ ပြည်တွင်းမှ ဖမ်းဆီးထားသော သံဃာတော် အချို့ ရှိနေသည် ဟုလည်း သိရသည်။
၎င်းသံဃာတော်တို့ကို စစ်ကြောရေး (သို့မဟုတ်) အင်းစိန် အကျဉ်းဦးစီး သို့ မပို့မီ အပရဂေါယာန ကျောင်းဆောင်၌ ဦးစွာ စစ်ဆေးလေ့ ရှိကြောင်း ၀န်ထမ်းတို့က ပြောသည်။
ယခင်က သာသနာပြုဘုန်းတော်ကြီးများ ပြည်ပ ခရီးထွက်ခွာ ရာတွင် သက်ဆိုင်ရာ နိုင်ငံ၏ ပင့်ဖိတ်စာ (Appointment)၊ သံဃာတော်၏ နိုင်ငံကူး လက်မှတ်၊ သာသနာ မှတ်တမ်း၊ တိုင်းခရိုင်မြို့နယ်၊ သံဃာမဟာ နာယက၏ ထောက်ခံချက်၊ ပြစ်မှု ကင်းရှင်းကြောင်း ရဲစခန်း ထောက်ခံချက် တို့ကို ရန်ကုန်မြို့ ကမ္ဘာအေး ဘုရားလမ်း သာသနာရေး ၀န်ကြီးဌာန၊ သာသနာတော် ထွန်းကား ပြန့်ပွားရေး ဦးစီးဌာန (သာ-ထွန်း-ပြန့်) သို့ တင်ပြရသည်။
တင်ပြချက်အပေါ် (သာ-ထွန်း-ပြန့်) မှ စိစစ်ကာ ပြည်ပ သာသနာပြု ခရီး ထွက်ခွာခွင့်ကို (၃) ရက်အတွင်း ခွင့်ပြုခဲ့သည်။
နယ်စပ်ဖောက်ခွဲရေးသင်တန်း တက်ရောက်ခဲ့သည် ဆိုသော စွပ်စွဲချက် သတင်းများ ထွက်ပေါ် အပြီး သံဃာတော်များ ပြည်ပ ထွက်ခွာခွင့်ကို နေပြည်တော် (သာ-ထွန်း-ပြန့်) မှ တိုက်ရိုက် ကိုင်တွယ်ခဲ့သည်။
အဆိုပါစွပ်စွဲချက်နှင့်ပတ်သက်၍ သာသနာရေး ခွင့်ပြုချက် လက်မှတ် ထိုးပေးခဲ့သော (သာ-ထွန်း-ပြန့်) ညွှန်ကြားရေးမှူး ဦးအောင်သိန်းညွန့် ကိုလည်း ဌာနအတွင်း အရေးယူမှု (PE-DE) ပြုရန် နအဖ အာဏာပိုင် တို့မှ စီစဉ်နေပြီဟု သတင်းများ ထွက်ပေါ်နေသည်။
ယခုအခါ ပြည်ပသာသနာပြုခရီးအတွက် ပြည်ပ ထွက်ခွာခွင့် စိစစ်မှုများကို (၃) ပတ် ကြာသည့် တိုင် ခွင့်ပြုချက် မချသေးကြောင်း ပြည်တွင်းမှ ဆရာတော် တပါးက မိန့်သည်။
Ref: ခေတ်ပြိုင်
အပစ်ရပ်နယ်မြေအတွင်း အစိုးရစစ်ယာဉ်တန်း ညဘက် ဖြတ်သန်း အကဲစမ်း
အင်္ဂါနေ၊ 06 အောက်တိုဘာလ 2009
စစ်အစိုးရတပ် ခလရ ၂၉၆ မှ စစ်ကြောင်းတကြောင်း အပစ်ရပ် SSA မြောက်ပိုင်း နယ်မြေ အတွင်း ညဘက် ဖြတ်သန်း သွားလာကြောင်း သျှမ်းပြည် မြောက်ပိုင်း သတင်းရပ်ကွက် က ဆိုပါသည်။
သျှမ်းပြည်တောင်ပိုင်း ကွန်ဟိန်း-တာ့ကော့် အခြေစိုက် ခလရ ၂၉၆ မှ ဗိုလ်မှူး ကျော်ဝင်းနိုင် ဦးဆောင်သည့် စစ်ယာဉ်တန်း (တရုတ်လုပ် တုန်းဖုန်း) ကား ၄ စီး အင်အား ၁၀၀ နီးပါး အောက်တိုဘာ ၄ ရက် ည ၈ နာရီက မိုင်းဇန် (မိုင်းရှူးမြို့တောင် ဘက်) မှ မိုင်းရှူး ရတနာမြေသို့ ညတွင်းချင်း ခရီးထွက်ရာ နေ့ဘက် မိုင်းရှူး၌ နားပြီး အောက်တိုဘာ ၅ ရက် ည ၈ နာရီ မိုင်းရှူးမှ ဆက်ထွက်ခွါ၍ အပစ်ရပ် မြောက်ပိုင်း SSA တပ်မဟာ ၁ ဌာနချုပ် ၀မ့်ဟိုင်းသို့ ည ၉ နာရီကျော်တွင် ဖြတ်သန်း သွားသည်ဟု ဆိုပါသည်။
အမည်မဖေါ်လိုသည့် အပစ်ရပ် မြောက်ပိုင်း SSA အရာရှိတဦးက - “အရင်က အခုလိုမျိုး SSA နယ်မြေ အတွင်း ညဘက် သွားလာတာ မရှိခဲ့ဖူးဘူး။ တပ်စခန်း အပြောင်းအလဲ ရှိလည်း နေ့ခင်းပိုင်း သွားလာတာ များတယ်” - ဟု ဆို၏။
ဤကဲ့သို့ စစ်အစိုးရတပ် ညဘက် သွားလာလှုပ်ရှားခြင်းမှာ အဓိက အကြောင်းရင်း ၃ ခု ရှိနိုင်ကြောင်း - (၁)အပစ်ရပ် တို့၏ လှုပ်ရှားမှု စစ်ရေး ပြင်ဆင်မှု သတိဝိရိယ ထားရှိမှု စုံစမ်း သိရှိလိုခြင်း၊ (၂) အပစ်ရပ် နယ်မြေအတွင်း ဖြတ်သန်းသွားစဉ် အမာခံ သတင်းပေး သူလျှိုများ လျှို့ဝှက်ချထားခြင်း၊ (၃) အများပြည်သူ သိမည် စိုးသဖြင့် လက်နက်ကြီး လျှို့ဝှက် သယ်ဆောင်ခြင်း - စသည်တို့ ဖြစ်နိုင်ကြောင်း ဆက်ပြောပြပါသည်။
အပစ်ရပ်အဖွဲ့ ထိပ်ပိုင်းခေါင်းဆောင်နှင့် ရင်းနှီးသည့် ခရီးသွား တဦးက - “ အရင်တုန်းက အပစ်ရပ် နယ်မြေအတွင်း အစိုးရ စစ်ယာဉ်တန်း ဖြတ်ဖို့ရှိရင် ၁ ရက် - ၂ ရက် ကြိတင် အကြောင်းကြားတယ်။ အခု ဘာမှ မပြောဘူး၊ ၀မ့်ဟိုင်း အ၀င် ဂိတ်နား ရောက်မှ ဖြတ်သန်းခွင့် အတွက် အကြောင်းကြားတယ်” - ဟု သျှမ်းသံတော်ဆင့်သို့ ပြောပြ၏။
စစ်အစိုးရသည် နယ်စပ်ရှိ အပစ်ရပ်အဖွဲ့များအား ၂၀၁၀ ရွေးကောက်ပွဲ မတိုင်ခင် အောက်တိုဘာလ နောက်ဆုံး ထားပြီး နယ်ခြားစောင့်တပ် အသွင်ပြောင်းရန် ဖိအားပေးထား သကဲ့သို့ အပစ်ရပ် မြောက်ပိုင်း SSA တပ်ဖွဲ့ကိုလည်း ပြည်သူ့စစ်အဖြစ် ကူးပြောင်းရန် အကြိမ်ကြိမ် ခေါ်ယူ ဖိအားပေးခဲ့ သော်လည်း အပစ်ရပ် မြောက်ပိုင်း SSA တပ်ဖွဲ့က အချိန်ဆွဲ၍ ခေါင်းခါငြင်းဆန် ထားသည်။
Ref: သျှမ်းသံတော်ဆင့်
Tuesday, October 6, 2009
အန်ဂျီအို ဆိုတဲ့ အစိုးမရ
ဆောင်းရာသီရောက်ရင် မဲဆောက်မြို့ကို နိုင်ငံခြားသား ပညာရှင်တွေ၊ အလွတ် သတင်းထောက်တွေ၊ သာသနာပြုတွေ၊ ရန်ပုံငွေ ရှာသူတွေ ဖုံးလွှမ်း သွားတတ်ပါတယ်။ တည်းခိုခန်းတွေ၊ ဟိုတယ်ခန်းတွေ မအားတော့ သလို အနောက်တိုင်း စားသောက်ဆိုင်တွေ၊ အနောက်တိုင်း ကော်ဖီဆိုင်တွေ ဘားဆိုင်တွေလည်း ပြည့်ကုန်ပါတယ်။ ဒုက္ခသည်စခန်း၊ မယ်တော် ဆေးခန်း၊ (အကျဉ်းသား ကူညီရေး အဖွဲ့တို့လို) တက်ကြွ လှုပ်ရှားသူတွေဆီ မဖြစ်မနေ သွားကြလို့ ချောင်းပေါက် မတတ် ဖြစ်ရပါတယ်။ တိုင်းတပါးသား ကူညီ ကယ်ဆယ်ရေး အဖွဲ့သားတွေ၊ မြန်မာ့အရေး သို့မဟုတ် လူသားချင်း စာနာရေး တက်ကြွ လှုပ်ရှားသူတွေ၊ စေတနာ့ ဝန်ထမ်းသမားတွေ၊ စွန့်စွန့်စားစား ကြမ်းကြမ်း တမ်းတမ်း ဝါသနာ ပါသူတွေဟာ အနောက်တိုင်း အကြိုက် ကော်ဖီဆိုင် ဘားဆိုင်တွေ ထိုင်ရင်း ခေါင်းဖြတ် လူသတ်မှုတွေ အကြောင်း၊ ဒုက္ခသည် စခန်း ရန်ပုံငွေတွေ ဘုံးခံရတဲ့ အကြောင်း၊ နအဖ-ထိုင်း- စီအိုင်အေ ထောက်လှမ်းရေးတွေ အကြောင်း၊ မိုက်ကြေးခွဲ ငွေညှစ်မှု၊ လောင်းကစားမှု၊ လက်နက်ခဲယမ်း မူးယစ်ဆေးဝါး ပြည့်တန်ဆာနဲ့ လိင်မှုကိစ္စ အကြံအဖန်ရိုက် ခြစားမှုတွေ အကြောင်း တယောက်ထက် တယောက်သာအောင် ကြောက်စရာ အကောင်းဆုံး အဆိုးဆုံး ဖြစ်ရပ်တွေကို ဖောက်သည် ချကြပါတယ်။
ဒါပေမယ့် တကယ်တော့ ဒီအန်ဂျီအိုတွေ၊ အနောက်တိုင်းသား တွေမှာ ဘာမှ ကြောက်စရာ မရှိပါဘူး။ နအဖနဲ့ ထိုင်းထောက်လှမ်းရေး နှစ်ဖက်စလုံးက ဘယ် အနောက်နိုင်ငံသား ဟာ ဘာအဖွဲ့အတွက် လုပ်တယ်ဆိုတာ သိနေပါတယ်။ ဒုက္ခသည် တွေကို စာသင်ပေး၊ ဆေးကုပေး၊ ထမင်းကျွေးတဲ့ အတွက် ဒီအန်ဂျီအို တွေကို ရန်သူလို့ ဘယ်သူမှ မသတ်မှတ်ပါဘူး။ ဒေါက်တာ စင်သီယာမောင်ရဲ့ မယ်တော် ဆေးခန်းကို ငွေကြေး ထောက်ပံ့နေတဲ့ ဘန်ကောက် အခြေစိုက် အနောက်တိုင်း အန်ဂျီအို အဖွဲ့ကြီး တဖွဲ့က ဆေးခန်းရဲ့ ငွေကြေး သုံးစွဲပုံကို လာရောက် စစ်ဆေးရာမှာ ရုံးခန်းထဲ ထိုင်ပြီး ဆရာမကြီးကို လုပ်ငန်းတာဝန် ကြေညာစာတမ်း (Mission Statement)၊ ဦးတည်ချက် (Objectives)၊ မဟာဗျူဟာ (Strategy) တွေအကြောင်း နှိုက်နှိုက်ချွတ်ချွတ် အချိန် အများကြီးယူ မေးမြန်း စစ်ဆေးခဲ့ပေမယ့် ဆေးခန်းထဲ ကိုတော့ ဒါလောက် အချိန်ယူ လှည့်လည် စစ်ဆေးတာ မလုပ်ခဲ့ပါဘူး။ ငွေကြေးသုံးစွဲမှု ထိရောက်ရေး အတွက် လာစစ်ဆေး ကြပ်မတ်တဲ့ အဲဒီအန်ဂျီအို ကိုယ်စားလှယ် မိန်းမ (၄) ယောက်ဟာ မဲဆောက်မြို့က ဈေးအကြီးဆုံး ဟိုတယ်မှာ တည်းသွား ခဲ့ပါတယ်။ အန်ဂျီအို ရုံးချုပ်တွေကနေ နယ်စပ်ကို အချက်အလက် ရှာဖွေရေး ခရီးထွက်လာတဲ့ အခါ (၂) ရက်လောက်ပဲ အချိန်ပေးပါတယ်။ သံရုံး တခုက ဆိုရင် မယ်လ ဒုက္ခသည် စခန်းထဲ နာရီပိုင်းလောက် လာကြည့်ပြီးနောက် ထိုင်းနိုင်ငံသား ကရင်ရွာတွေထက် သာတယ်လို့တောင် ပြောသွားပါတယ်။
အန်ဂျီအို စီမံခန့်ခွဲရေး အစီအစဉ်တွေဟာ စာရွက်ပေါ် ရေးထားတာ ကတော့ ရွှန်းရွှန်းဝေပါပဲ။ ဒါပေမယ့် တကယ့် ပကတိ အနေအထားအောက် အများကြီး ရောက်နေပါတယ်။ အစိုးရ မဟုတ်သော အဖွဲ့အစည်း ဆိုတဲ့စကားမှာ ‘အစိုးရ မဟုတ်သော’ ဆိုတဲ့ အဓိပ္ပာယ်က တဖြည်းဖြည်း မှေးမှိန် ပျောက်ကွယ် လာနေတယ်လို့ မကျေနပ်တဲ့ အန်ဂျီအို ဝန်ထမ်းတွေက ပြောကြပါတယ်။ ဘာကြောင့်လဲ ဆိုတော့ အစိုးရတွေ ချမှတ်ထားတဲ့ စည်းမျဉ်း စည်းကမ်းတွေ သတ်မှတ်ချက်တွေ အတိုင်း လိုက်လုပ်တဲ့ အန်ဂျီအိုတွေ များလာလို့ ဖြစ်ပါတယ်တဲ့။ အဲသလို လိုက်မလုပ်ရင် အစိုးရတွေ ဆီက ရန်ပုံငွေ မရဘဲ ဖြစ်တတ်ပါတယ်။
နိုင်ငံတကာကူညီရေးအဖွဲ့တွေနဲ့ အန်ဂျီအိုတွေဟာ အစိုးရတွေဆီက အထောက်အပံ့၊ ကုလသမဂ္ဂ၊ ဥရောပသမဂ္ဂ (အီးယူ) နဲ့ ဘာသာရေး အသင်းကြီးတွေက အထောက် အပံ့ကို ဘိန်းစွဲသလို စွဲနေပြီ ဖြစ်ပါတယ်။ အရေးပေါ် ထောက်ပံ့ ကူညီရေး လုပ်ငန်းကြီးဟာ တနှစ်ကို ဒေါ်လာ ဘီလီယံနဲ့ချီ လည်ပတ်နေတဲ့ အထိန်းအချုပ် အကွပ်အကဲမဲ့ (ပွင့်လင်းမြင်သာမှုမဲ့) စီးပွားရေး လုပ်ငန်းကြီး တခု ဖြစ်နေပါပြီ။
အန်ဂျီအိုနဲ့ ကုလသမဂ္ဂအတိုင်ပင်ခံတွေ၊ အကြံပေး ပုဂ္ဂိုလ်တွေဟာ တည်းခိုစရိတ်၊ ခရီးစရိတ် အပြင် တိုင်ပင်ခ အဖြစ် တရက်ကို ဒေါ်လာ (၁,၀၀၀) အထိ ယူနေတာလည်း ရှိပါတယ်။ ဒီလိုနဲ့ အန်ဂျီအို အတိုင်ပင်ခံတွေနဲ့ ဒေသခံ ဝန်ထမ်းတွေ အကြား မနာလိုတာတွေ ခွက်စောင်းခုတ် တာတွေလည်း ပြင်းထန်လာပါတယ်။ ကုလသမဂ္ဂ အေဂျင်စီတွေနဲ့ တခြားထောက်ပံ့ ကူညီရေး အဖွဲ့ကြီးတွေရဲ့ အနောက်တိုင်းသား ဝန်ထမ်းတွေဟာ ဧရာမ လစာတွေ ခံစားနေကြပါတယ်။ အတိုင်ပင်ခံ အရာရှိတွေနဲ့ ရုံးချုပ် ဝန်ထမ်းတွေရဲ့ လစာတွေ၊ ခရီးစရိတ်၊ စားသောက် ဧည့်ခံ စရိတ်တွေ၊ နေ့တွက် စရိတ်တွေ ထုတ်ပေးလိုက်ပြီးရင် သူတို့ ကူညီရမယ်ဆိုတဲ့ လူထုတွေ အတွက် ကူညီပေးစရာ ဘာမှ မကျန်တော့ပါဘူး။ ဒါပေမယ့် စေတနာ့ဝန်ထမ်း လူသားချင်း စာနာရေး သမားတွေကတော့ ဒေသန္တရ အခြေအနေနဲ့ ကိုက်ညီတဲ့ လစာ နည်းနည်းလေး တွေနဲ့ အကျိုးဆောင် နေကြပါတယ်။
အန်ဂျီအိုတွေရဲ့ နဂိုမူလ လူသားဝါဒ စိတ်ကူးစံတွေကို လက်တွေ့ ပဓာန အလုပ်ဖြစ်ရေး ဝါဒက ဘေးဖယ် ထုတ်လိုက်ပြီး ကိုယ်ကျိုးစီးပွားနဲ့ ကိုယ့်တည်တန့်ရေး ကပဲ လွှမ်းမိုး သွားပါတယ်။ ဒေသခံတွေနဲ့ ဝပ်ရှော့တွေ လုပ်တဲ့အခါ ပေါ်လစီ အပြောင်းအလဲ တွေကို ‘တိုင်ပင်ညှိနှိုင်းပြီးမှ လုပ်တာ’ ‘အောက်ခြေထုတွေ သဘောပေါက် နားလည်ပြီးမှ လုပ်တာ’ ဆိုတဲ့ ပုံစံဖမ်းဖို့ သက်သက်ဖြစ်ပြီး ဒီဝပ်ရှော့တွေ ဆယ်မီနာတွေဟာ လူမကြိုက်တဲ့ ပေါ်လစီတွေကို ‘ရာဘာ တံဆိပ်တုံးထု အတည်ပြုပေးတဲ့ လုပ်ရပ်တွေ’ လို့ စိတ်ပျက်နေတဲ့ ဒေသခံ ဝန်ထမ်းတွေက သမုတ်ကြပါတယ်။
မဲဆောက်မှာ အန်ဂျီအို အနည်းဆုံး (၅၀) လောက် (၂၀၀၆ ခုစာရင်း) ရှိနေပေမယ့် မဲဆောက်နဲ့ ပတ်ဝန်းကျင်မှာ ပုလိပ် အဖမ်းခံရ၊ အရိုက်ခံရ၊ အလုခံရ၊ အသတ်ခံရ၊ မုဒိမ်းကျင့် ခံရတဲ့ ဗမာ၊ မွန်၊ ကရင် စတဲ့ တိုင်းရင်းသား ဦးရေက တနှစ်ထက် တနှစ် များလာပါတယ်။ ကုလသမဂ္ဂ ဒုက္ခသည် မဟာမင်းကြီးရုံး အပါအဝင် အန်ဂျီအိုတွေက အများအားဖြင့် အဲဒါတွေနဲ့ ပတ်သက်ပြီး အသံထွက်တာ အတော် နည်းပါတယ်။ ထိုင်းအာဏာပိုင်တွေ၊ ထိုင်း လူဆိုးဂိုဏ်းတွေ လက်တုံ့ပြန်မှာကို ကြောက်ကြပါတယ်။ ဒါပေမယ့် အသံထွက်ပေးတဲ့ အနည်းစု အန်ဂျီအိုတွေ၊ သတင်းထောက်တွေ အနေနဲ့တော့ အသံထွက်ပေးရင် ထွက်ပေးသလောက် မတရားမှု ကျူးလွန် ခံရသူတွေ အတွက် သက်သာရာ ရသွားစေတာ တွေ့ရပါတယ်။
အန်ဂျီအိုသမားတွေရဲ့ လူမှုရေးစုဝေးပွဲတွေကို လူတန်းစား ခွဲခြား ထားပါတယ်။ စီနီယာ အရာရှိကြီးတွေ၊ ဆရာဝန်တွေ၊ အတိုင်ပင်ခံ ပုဂ္ဂိုလ်ကြီးတွေ၊ လစာကြီးကြီး ရတဲ့ ကုလသမဂ္ဂ ဝန်ထမ်းတွေက အတူတူတွဲကြ၊ သီးသန့် ပါတီပွဲတွေ လုပ်ကြ၊ စားကြသောက်ကြ၊ နိုင်ငံခြားက သွင်းလာတဲ့ တန်ဖိုးကြီး အစားအစာတွေ မုန့်တွေ ဝိုင်တွေ စားသောက်ကြ၊ ရှေးဟောင်း ပစ္စည်းတွေ လိုက်ဝယ်စုကြ လုပ်ပါတယ်။ ဒေသလစာပဲ ရတဲ့ စေတနာ့ ဝန်ထမ်းသမားတွေ၊ တက်ကြွ လှုပ်ရှားသူတွေနဲ့ အလွတ် သတင်းထောက်တွေ ကတော့ သတ်သတ်တွဲကြ ပေါင်းသင်းကြပါတယ်။ နယ်စပ်မှာ နှစ်ကြာနေပြီ ဖြစ်တဲ့ ‘ဝါရင့်နိုင်ငံခြားသား’ တွေကလည်း တသီးတခြား နေကြပါတယ်။ လူသစ်တွေနဲ့ ပေါင်းလို့ အကျိုးမရှိဘူးလို့ ယူဆကြပါတယ်။
အန်ဂျီအိုတွေဟာ နယ်စပ်မှာ အဓိက တာဝန်ရှိတဲ့ ကေအန်ယူလို အဖွဲ့အစည်း တွေကို အတင်းပလူးကြ ရောသောဖောသော လုပ်ကြပါတယ်။ တချို့က သူတို့ လုပ်ချင်သလို ဖြစ်မလာတဲ့ အခါမှာတော့ စိတ်ပျက်ပြီး ပြန်သွားကြပါတယ်။
တော်လှန်ရေးအဖွဲ့အစည်းရဲ့သဘာဝ၊ လျှို့ဝှက်ရေး လိုအပ်ချက် စတာတွေကို သဘော မပေါက်တဲ့ အခါ တချို့က ကေအန်ယူကို သွားပုပ် လေလွင့်ပြော အပုပ်ချ ကဲ့ရဲ့တာတွေ ဖြစ်လာသလို တချို့ကလည်း ဘုရားလို တအားအထင်ကြီး ကြည်ညို လာတာတွေလည်း ရှိပါတယ်။ ဒီဘက်က အဖွဲ့အစည်းတွေက ပုံမှန်အတိုင်း ဆက်သွားနေပြီး အန်ဂျီအိုတွေက ပြောင်းလဲ သွားတာလည်း ရှိပါတယ်။ လူ့အခွင့်အရေး စံနှုန်းတွေ၊ မြင့်မြတ်တဲ့ တန်ဖိုးစံတွေနဲ့ ရောက်လာတဲ့ အန်ဂျီအိုတွေက ထိုင်းရဲနဲ့ ထိုင်းအစိုးရပိုင်း အကျင့်ပျက်မှုကို မျက်စိမှိတ် နေတာ ဖြစ်လာသလို နယ်စပ်မှာ ကူညီ ထောက်ပံ့မှုတွေ ရပ်တန့်ပြီး အကျင့်ပျက် ခြစားမှုအပေါင်း သရဖူဆောင်းတဲ့ အာဏာရှင် လက်အောက်က ဗမာပြည်ထဲ လုပ်ငန်းရွှေ့သွားတာတွေလည်း ရှိပါတယ်။
ကရင်တွေကြားမှာ အန်ဂျီအိုတွေရဲ့ အလေးပေး မ,စ ခံရဖို့ ကြည့်မကောင်းအောင် အပြိုင်အဆိုင်တွေ ဖြစ်လာသလို တဖက်မှာလည်း အန်ဂျီအိုတွေက ကရင်တွေရဲ့ ထောက်ခံမှု ဂရုစိုက်မှု ခံရဖို့ ရုပ်ပျက် ဆင်းပျက်နဲ့ အပြိုင်အဆိုင် ဖြစ်လာကြပါတယ်။ ဒီအခါမှာ ပစ်ပယ် ခံရသူတွေ ရှုံးနိမ့်သူတွေက တပ်ပေါင်းစု ဖွဲ့ကြ၊ နဂိုမူလ ကျွမ်းကျင် ပညာစံနှုန်းတွေ လူသားဝါဒ စံနှုန်းတွေ နေရာမှာ ပုဂ္ဂိုလ်ရေး ပြဿနာတွေ ရှေ့တန်း တင်လာကြပါတယ်။ တော်လှန်ရေး အဖွဲ့အစည်းတွေ တော်လှန်ရေး ခေါင်းဆောင်တွေ အကျင့်ပျက် ခြစားကြောင်း၊ ပျင်းရိ ထုံထိုင်းကြောင်း၊ ကိုယ်ကျိုး ကြည့်ကြောင်း၊ သက်ဦးဆံပိုင် အာဏာရှင်တွေ ဖြစ်တဲ့ အကြောင်း ပြောဆို ဝါဒဖြန့်ပြီး မိခင်နိုင်ငံတွေ ပြန်သွားကြပါတယ်။ ဘာမှ ပူညံပူညံ မလုပ်ဘဲ နယ်စပ် ဒေသမှာ နှစ်ရှည်လများ စေတနာ့ ဝန်ထမ်း အကျိုးပြုနေတဲ့ အနောက် နိုင်ငံသား ဆရာဝန်တွေ၊ သူနာပြုတွေ၊ ကျောင်းဆရာတွေကို နှာခေါင်း ရှုံ့သွားကြပါတယ်။
နယ်စပ်က တိုင်းရင်းသားတွေ ရွှေ့ပြောင်းမြန်မာပြည်သား တွေကို ကိုယ်ကျိုးမငဲ့ဘဲ အလေးပေး ဂရုစိုက်တဲ့ အန်ဂျီအိုနဲ့ အနောက်တိုင်းသား အများအပြား ရှိသလို ရာထူး တက်လမ်း အတွက် သို့မဟုတ် ငွေရှာဖို့ အတွက်ပဲ ရောက်လာသူတွေလည်း မနည်းပါဘူး။ အန်ဂျီအိုတွေ အနေနဲ့ နယ်စပ်က လူငယ်တွေ၊ အမျိုးသမီးတွေနဲ့ ဆေးမှူးတွေကို သင်တန်းတွေ ပေးတာကတော့ အင်မတန် အသုံးဝင် အကျိုးရှိတယ်လို့ အန်ဂျီအိုတွေနဲ့ တွဲလုပ်နေတဲ့ မြန်မာ တယောက်က ပြောပါတယ်။ အဲဒါတွေက လွဲရင် ကျန်တာတွေကတော့ အာပလာပဲလို့ ဆိုပါတယ်။
အန်ဂျီအိုတွေဟာ နယ်စပ်က တိုင်းရင်းသားတွေ ဘာလိုအပ်တယ် ဆိုတာလည်း မသိသလို အန်ဂျီအိုတွေရဲ့ လစာတွေ၊ စရိတ်တွေ၊ စီမံခန့်ခွဲရေး ကုန်ကျမှုတွေကိုလည်း ပွင့်လင်း မြင်သာအောင် ထုတ်ပြန်တာ မရှိဘူးလို့ နယ်စပ်က တိုင်းရင်းသား တယောက်က ပြောပါတယ်။ ကားတွေ၊ အိမ်ကြီး အိမ်ကောင်းတွေ၊ အိမ်ဖော်တွေ၊ ကွန်ပျူတာတွေ၊ ဗွီဒီယို ကင်မရာတွေ၊ ညတိုင်း စားသောက်ဆိုင် ထွက်စားတာ တွေဟာ နိုင်ငံခြားသား အားလုံးရဲ့ ဘဝ လက္ခဏာလို ဖြစ်နေတယ်၊ ဒါဟာ တချိန်က ကိုလိုနီ အရှင်သခင်တွေ လိုပဲလို့ အဲဒီလူက စွပ်စွဲပါတယ်။ အဲသလို ဇိမ်ခံနိုင်စေတဲ့ ငွေတွေဟာ နယ်စပ်က တိုင်းရင်းသားတွေ အတွက် လှူဒါန်းထားတဲ့ ငွေတွေ ဖြစ်တယ်လို့ ပြောပါတယ်။ ဒေသခံတွေကို သင်တန်းပေးဖို့ အတိုင်ပင်ခံ ပညာရှင်တွေကို ကြေးကြီးပေးခေါ်ပြီး အဲဒီဆရာတွေ ပြန်သွားတဲ့အခါ ဒေသခံတွေ အတွက် သုံးစွဲ ကုန်ကျခံဖို့ ငွေကတော့ ဘယ်တော့မှ လောက်လောက်ငင မရှိပါဘူး။
တချို့အန်ဂျီအိုတွေက နအဖလေသံ အတိုင်း၊ ကေအန်ယူဟာ ဒုက္ခသည်တွေကို အသုံးချနေတယ်၊ ဒုက္ခသည် ဆန်တွေကို ကရင် စစ်သားတွေ စားဖို့ ယူတယ်၊ အန်ဂျီအို ဆေးဝါးတွေကို ကရင်ဆေးမှူးတွေ ရှေ့တန်း ထွက်တဲ့အခါ ယူသုံးတယ်၊ ရှေ့တန်းက ပြန်နားရင် ဒုက္ခသည် စခန်းမှာ ပြန်အနားယူတယ်၊ မိဘမဲ့ ကရင် ကလေးငယ်တွေကို ကလေးစစ်သား လုပ်ခိုင်းတယ်လို့ စွပ်စွဲကြပါတယ်။ တကယ်တော့ လူမျိုးကြီး ဝါဒ သမား ရန်သူနဲ့ စစ်ခင်းနေရတဲ့ လူမျိုးတမျိုးမှာ ရွေးချယ်စရာ သိပ်မရှိတာကို မေ့နေကြပုံ ပေါက်ပါတယ်။
ဒါ့အပြင် ဗိုလ်ချုပ်မြဟာ ကရင်လူထု အကျိုးကို မကြည့်ဘဲ ဇွတ်အတင်း စစ်တိုက် ခိုင်းနေတယ်၊ ကရင် လူကြီးတွေဟာ တော်လှန်ရေးကို အသုံးချပြီး ငွေရှာ နေကြတယ်လို့လည်း အန်ဂျီအိုတွေက နောက်ကွယ်မှာ ပြောကြပါသေးတယ်။ တကယ်တော့ ဗိုလ်ချုပ်မြဟာ နိုင်ငံရေး ပြဿနာကို ဂုဏ်သိက္ခာရှိရှိ ဖြေရှင်းနိုင်မယ့် အပစ်အခတ် ရပ်စဲရေးကို အင်မတန် လိုလားသူဖြစ်ပါတယ်။ ရှေ့က သွားနှင့်တဲ့ အပစ်ရပ် အဖွဲ့တွေ ထွက်ပေါက် ပိတ်နေတဲ့ သင်ခန်းစာကို ယူထားသူ ဖြစ်ပါတယ်။ အန်ဂျီအိုတွေက အာဏာရှင် ဆန်တယ်လို့ ပြောခံရတဲ့ ဗိုလ်ချုပ်မြဟာ ကရင်မဟုတ်တဲ့ ဒီမိုကရေစီ အင်အားစုတွေ၊ ကျောင်းသားတွေ၊ လွှတ်တော်အမတ်တွေ၊ နိုင်ငံရေး သမားတွေကို ကရင်ဌာနချုပ် မာနယ်ပလောမှာ လက်ခံ နေရာချပေးခဲ့တာ ဖြစ်ပါတယ်။
“ဒီအန်ဂျီအိုတွေဟာ နိုင်ငံရေး နားမလည်ဘူး။ သူတို့ ရာထူးတက်ဖို့ သူတို့ ရည်ရွယ်ချက်တွေ အောင်မြင်ဖို့ ကျုပ်ကို ဝေဖန် အပြစ်တင်နေတာ ဖြစ်တယ်။ ဒီလူတွေဟာ သူတို့ အကျိုးပဲ သူတို့ကြည့်တယ်။ ကျုပ်တို့ တော်လှန်ရေးရဲ့ ဂုဏ်သိက္ခာကို ထည့် မစဉ်းစားဘူး။ … ကျုပ်တို့က ငြိမ်းချမ်းရေးကို ပစ်ပယ်ပြီး ဂုဏ်သိက္ခာကို ထိန်းနေတာ မဟုတ်ဘူး။ တရားမျှတမှု မရှိတဲ့ ငြိမ်းချမ်းရေး ဆိုတာ အလကားမို့လို့ သိက္ခာကျခံပြီး ငြိမ်းချမ်းရေး မလုပ်တာ” လို့ ဗိုလ်ချုပ်မြက ပြောခဲ့ဖူးပါတယ်။
အန်ဂျီအိုတွေဟာ ကရင်တွေကို ကူညီရာမှာလည်း ဓာတ်ပုံထဲမှာ မြင်မကောင်းမယ့်၊ ငွေရှာ မရမယ့် လုပ်ငန်းမျိုးကို မကူညီချင် သလို ကရင် တော်လှန်ရေး တပ်နဲ့ တိုက်ရိုက် ဆက်စပ်နေတဲ့ လုပ်ငန်းတွေကိုလည်း ကူညီဖို့ ငြင်းဆန်ကြပါတယ်။ ကရင်တပ်ဟာ ကရင်ပြည်သူတွေကို ကာကွယ်ဖို့ လက်နက် ကိုင်ထားရတာ ဖြစ်ပေမယ့် အန်ဂျီအိုတွေက ကရင်တပ်နဲ့ ကရင်လူထုကို ခွဲထုတ် နေတာလည်း တွေ့ရပါတယ်။
ကရင်တွေနဲ့ နယ်စပ်ဒေသက တခြားအဖွဲ့အစည်း တွေက အန်ဂျီအို တဖွဲ့နဲ့ တဖွဲ့ကြား ကစားကြသလို အန်ဂျီအို တချို့ကလည်း ဝန်ထမ်းအင်အား နည်းနည်းလေးပဲ စိုက်ထုတ်၊ ဗမာပြည် အရေးအတွက် ငွေနည်းနည်းပဲ အကုန် ခံပြီးနောက် နယ်စပ်က ရလာတဲ့ လူမှုရေး၊ ကျန်းမာရေး၊ အိဒ်စ်ရောဂါ၊ မြေမြုပ်မိုင်း စတဲ့ အချက် အလက်တွေကို သူတို့ အစီရင်ခံစာတွေထဲ ထည့်ပြီး ကိုယ့်အတွက်ကိုယ် ငွေရှာကြတယ်လို့ နယ်စပ်ကူညီရေး အန်ဂျီအို တခုက ဝါရင့်ဝန်ထမ်း ကက်သလင်းက ပြောပါတယ်။ ကရင်စခန်း တခုခုကို အတင်းတောင်းလည်၊ အဝတ်အစား လုံလုံလောက်လောက် မရှိလို့ ရှိတဲ့ အဖေ၊ ဦးလေး၊ အစ်ကို ယူနီဖောင်းအဟောင်း ကောက်ဝတ်ထားတဲ့ ကလေး တယောက်ယောက် တွေ့ရင် ဓာတ်ပုံ ရိုက်သွားပြီး ကရင်ကလေး စစ်သားအကြောင်း ဇာတ်လမ်းလုပ် သတင်း ထုတ်တာတွေလည်း ရှိပါတယ်။ တိုက်ပွဲ အတုတပွဲ ဆင်ရိုက်ချင်လို့ ကျည်ဆန်ဖိုး၊ ဝက်သွေး၊ အမဲသွေးဖိုး ပေးမယ်၊ ဘတ် (၃၀,၀၀၀) ပေးမယ်လို့ ကမ်းလှမ်းတဲ့ သတင်းထောက်တွေလည်း ရှိပါတယ်။
အမေရိကန်က ဘဏ္ဍာငွေထောက်ပံ့ထားတဲ့၊ မဲဆောက်မှာ အသစ် လာဖွင့်တဲ့ နိုင်ငံတကာ ကူညီရေး အန်ဂျီအို တခုဆိုရင် ဒါရိုက်တာကို ဧရာမ လစာပေး၊ ဝန်ထမ်း အသစ်တွေ တလှေကြီးခန့်၊ ရုံးကားတွေ အများကြီးဝယ်၊ အဲကွန်း ရုံးခန်းတွေငှား လုပ်လိုက်တဲ့ အခါ သူတို့ တာဝန်အဖြစ် သတ်မှတ်ထားတဲ့ မိသားစု ကျန်းမာရေး အစီအစဉ်တွေ လုပ်ဖို့ ပိုက်ဆံ မကျန်တော့ပါဘူး။ ဒီလိုနဲ့ ကွန်ဒွမ်မပါရင် လိင်မဆက်ဆံဖို့ ဟောပြောတာပဲ လုပ်နိုင်ပြီး ကွန်ဒွမ်တွေ၊ သန္ဓေ တားဆေးတွေ တခုမှ အခမဲ့ မဝေနိုင်တော့ဘူးလို့ ကက်သလင်းက ပြောပါတယ်။
၂၀၀၀ ပြည့်နှစ်တုန်းက အရှေ့တီမောမှာလည်း ကုလသမဂ္ဂနဲ့ အန်ဂျီအို တွေက ရန်ကုန် ကီလီ ဆိပ်ကမ်းက ဇိမ်ခံရေပေါ် ဟိုတယ် သင်္ဘောကြီးကို စင်းလုံးငှားပြီး တီမော ပြန်လည် ထူထောင်ရေး လုပ်ခဲ့တာ တီမောပြည်သူတွေ ရတဲ့ငွေထက် သင်္ဘောငှားခက ပိုကြီးတယ် လို့တောင် အသံ ထွက်ခဲ့ပါတယ်။ ကုလသမဂ္ဂ အတွက် အခန်းခ တညကို ဒေါ်လာ (၁၆၀) ပေးငှားထားတဲ့ ဒီသင်္ဘောမှာ တီမောလူမျိုး ဟိုအလုပ်သမားတွေက လုပ်ခအဖြစ် တရက်ကို အများဆုံး (၃) ဒေါ်လာပဲ ရခဲ့ပါတယ်။ ကုလသမဂ္ဂ ဝန်ထမ်းတွေကတော့ လစာအပြင် တရက်ကို နေ့တွက်စရိတ် ဒေါ်လာ (၁၀၀) ကျော်လည်း ရခဲ့ကြပါတယ်။
ဆောင်းပါးရှင် အလန်ဒေါ်ဆင်က ၂၀၀၄ ခု ဒီဇင်ဘာ (၁၀) ရက်ထုတ် ဘန်ကောက်ပို့စ် သတင်းစာမှာ နိုင်ငံတကာ အန်ဂျီအို အဖွဲ့ချုပ်ကြီး IFNGO က ဗမာပြည်မှာ မူးယစ်ဆေးဝါး တားဆီး ကာကွယ်ရေး အစည်းအဝေးတွေ ဝပ်ရှော့တွေ လုပ်ခဲ့ပုံကို ဖွင့်ချခဲ့ရာမှာ ‘သာယာလှပတဲ့’ ကြယ်ငါးပွင့် ဟိုတယ်တွေမှာ တည်း၊ ဝေဝေဝါးဝါး ဘဏ္ဍာရေး မှတ်တမ်းတွေ လုပ်ထားတာတွေကို ဖော်ထုတ်ခဲ့ပါတယ်။ အန်ဂျီအို အများစုဟာ အစိုးရတွေရဲ့ လက်ခွဲလုပ်ငန်း outsourcing ဖြစ်နေပြီလို့လည်း သတ်မှတ်ခဲ့ပါတယ်။
အဲဒီ အန်ဂျီအိုတွေဟာ စစ်အုပ်စုရဲ့ မတရား လုပ်ရပ်တွေ၊ ဒေါ်အောင်ဆန်း စုကြည်ကို အကျဉ်းချထားတာ၊ မူးယစ်ဆေးဝါး ဝင်ငွေ အပေါ် ရပ်တည် မှီခိုနေတာတွေကို လျစ်လျူရှု ထားတယ်လို့ ဒေါ်ဆင်က ရေးခဲ့ပါတယ်။ “အန်ဂျီအို ဧရာမ အစုအဝေးကြီး တခုဟာ အာဆီယံ နိုင်ငံတွေထဲမှာ မူးယစ်ဆေးဝါး အသောင်းကျန်းဆုံး၊ မူးယစ်ဆေးဝါး အားအကိုးဆုံး တိုင်းပြည်ကို သွားပြီး အဲဒီက ကြယ်ငါးပွင့် ဟိုတယ်မှာ မနက်စာဘူဖေး အဝစား စနစ်နဲ့ ဗိုက်ဝ ဇိမ်ကျနေခဲ့တယ်” လို့ ရေးခဲ့ပါတယ်။
ဒီအချက်အလက်တွေကို သြစတြေးလျနိုင်ငံသား အလွတ် သတင်းထောက် ဖီလ်သော်န်တန်က “ဂနာ မငြိမ်သော ဝိညာဉ်များ” ဆိုတဲ့ စာအုပ်ထဲမှာ ဖော်ထုတ် ဖွင့်ချခဲ့တာ ဖြစ်ပါတယ်။ မကြာသေးခင်က သတင်းစာဆရာကြီး လူထုစိန်ဝင်းက မြန်မာ လူငယ်တွေကို အန်ဂျီအို လုပ်ငန်းနဲ့ ပတ်သက်ပြီး သတိပေး ခဲ့တာကို မခံမရပ်နိုင်သူ တချို့က ဆတ်ဆတ်ခါ ပြန်တိုက်ခိုက်ခဲ့တာ တွေ့ရပါတယ်။ ဒါပေမယ့် ထိုင်းနိုင်ငံမှာ နှစ်ရှည်လများ နေထိုင် လုပ်ကိုင်ခဲ့သူ (ဇနီးဖြစ်သူ ထိုင်းအမျိုးသမီး ကလည်း မယ်တော်ဆေးခန်းမှာ စေတနာ့ ဝန်ထမ်း လုပ်အား ပေးနေသူ) မျက်နှာဖြူ သတင်းထောက် ကိုယ်တိုင်က အန်ဂျီအိုတွေ အကြောင်း စာအုပ် ရေးထား တာကတော့ ဆရာ လူထုစိန်ဝင်းကို ထောက်ခံ နေပါတယ်။
အန်ဂျီအို ဆိုတာ ‘အစိုးရမဟုတ်သော အဖွဲ့အစည်း’ လို့ အဓိပ္ပာယ် ထွက်တာကို အများသိပြီး ဖြစ်ပါတယ်။ ဒါပေမယ့် ဒီကနေ့မှာ တချို့ကတော့ လုပ်ချင်သလို လုပ်နေတဲ့ ‘အစိုးမရသော အဖွဲ့အစည်း’ ဖြစ်နေတာကို အထက်မှာ တင်ပြခဲ့တဲ့ အတိုင်း တွေ့နေရပါတယ်။
ရည်ညွှန်း။ ။ သြစတြေးလျသတင်းထောက် Phil Thornton ၏ Restless Souls စာအုပ်။
(၂၀၀၆ ခုနှစ်က ထုတ်တဲ့ စာအုပ်ဖြစ်လို့ အခုအချိန်မှာ အခြေအနေ အချက် အလက်တချို့ ပြောင်းလဲကောင်း ပြောင်းလဲ နေနိုင်ပါတယ်။)
Ref: ခေတ်ပြိုင်
တပ်အသွင်ပြောင်းရေး KIO အပေးအယူ ပြုလုပ်လို
05 October 2009
ကချင်ပြည်လွတ်လပ်ရေးအဖွဲ့ (KIO) နဲ့ မြန်မာ စစ်အစိုးရကြား နောက်ဆုံး အကြိမ် တွေ့ဆုံ ဆွေးနွေးပြီးတဲ့ နောက်မှာ ရေရှည် တည်တံ့တဲ့ ငြိမ်းချမ်းရေးကို တည်ဆောက် နိုင်ဖို့အတွက် နှစ်ဘက် အပေးအယူ လုပ်ဖို့ လိုအပ်တယ်လို့ KIO အဖွဲ့ဘက်က ထုတ်ဖော် ပြောဆို လာပါတယ်။ ဒီလို ထုတ်ဖော်ပြောဆို လာတာကတော့ မြန်မာ စစ်အစိုးရ ဘက်က KIO ရဲ့ လက်နက်ကိုင် တပ်ဖွဲ့ဖြစ်တဲ့ KIA ကို နယ်ခြားစောင့်တပ် အဖြစ် အသွင်ပြောင်းဖို့ ထပ်မံ တောင်းဆို လာလို့ ဖြစ်ပါတယ်။ အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။
KIO နဲ့ မြန်မာစစ်အစိုးရတို့ အကြားမှာ လွန်ခဲ့တဲ့ အပတ် သြဂုတ်လ ၂၉ ရက်နေ့က ကချင်ပြည်နယ် မြို့တော် မြစ်ကြီးနားမှာ နောက်ဆုံး အကြိမ် တွေ့ဆုံ ဆွေးနွေးခဲ့တာပါ။ ဒီဆွေးနွေးပွဲမှာ မြန်မာ စစ်အစိုးရ ဘက်က အရင်က တောင်းဆိုထားတဲ့ အတိုင်း KIA ကို နယ်ခြားစောင့်တပ် အဖြစ် အသွင်ပြောင်းဖို့ ထပ်မံ ဆွေးနွေး ခဲ့တယ်လို့ KIO အဖွဲ့ရဲ့ အထွေထွေ အတွင်းရေးမှူး ဒေါက်တာလဂျာက အခုလို ထုတ်ဖော် ပြောဆိုပါတယ်။
“တပ်အမည်ကတော့ နယ်ခြားစောင့်တပ်ပဲ ဖြစ်ရမယ်ဆိုပြီး ပြောပါတယ်။ ဒါပေမဲ့ ကျနော်တို့လည်း နယ်ခြားစောင့် တပ်ရဲ့ သဘော သဘာဝ၊ အုပ်ချုပ်မှု၊ ကွပ်ကဲမှု အစစ အရာရာ ကျနော်တို့ မသိသေးဘူး။ မသိသေးတော့ အဲဒါတွေကို ကျနော်တို့ အချက်အလက် မေးမြန်းလိုတဲ့ သဘောပဲ ရှိပါတယ်။”
မြန်မာစစ်အစိုးရက KIO အပါအ၀င် အပစ်ရပ် အဖွဲ့စည်း တွေကို လွန်ခဲ့တဲ့ ဧပြီလကုန် ပိုင်းက နယ်ခြားစောင့်တပ် ဖွဲ့စည်းဖို့ တောင်းဆို ခဲ့ပါတယ်။ ဒါပေမဲ့ KIO က တပ် အသွင် ပြောင်းရေးကို မူအားဖြင့် လက်ခံခဲ့ပေမဲ့ နယ်ခြားစောင့်တပ် အစား ကချင်ပြည်ဒေသ ကာကွယ်ရေး တပ်အဖြစ် အသွင် ပြောင်းလဲဖို့နဲ့ ဒီလို အသွင်ပြောင်းလဲ ဖွဲ့စည်းရာမှာလည်း ၂၀၁၀ ရွေးကောက်ပွဲ အပြီး အရပ်သား အစိုးရ ပေါ်ပေါက်လာတဲ့ အချိန်မှ အဆုံးသတ် ဆွေးနွေးဖို့ ပြန်လည် တောင်းဆို ထားပါတယ်။
ဒါကို မြန်မာစစ်အစိုးရဘက်က လက်မခံခဲ့ဘဲ အခုနောက်ဆုံး ဆွေးနွေးပွဲမှာ နယ်ခြားစောင့်တပ် ဖွဲ့စည်းရေးကို ထပ်မံ တောင်းဆိုလာတာ ဖြစ်ပါတယ်။ ဒီလိုအခြေအနေမှာ KIO နဲ့ မြန်မာ စစ်အစိုးရ အကြား ရေရှည် ခိုင်မြဲတဲ့ ငြိမ်းချမ်းရေးကို ဆက်လက် ထိန်းသိမ်းမယ် ဆိုရင် နှစ်ဘက် အပေးအယူလုပ်ဖို့ လိုအပ်မယ်လို့ ဒေါက်တာလဂျာက ဆက်ပြောပါတယ်။
“ကျနော်တို့ ငြိမ်းချမ်းရေးက ပျက်ပြားလို့ မဖြစ်ဘူး။ တည်တံ့တဲ့ ငြိမ်းချမ်းရေး ရရှိအောင် ကြိုးစားရမယ်။ ကျနော်တို့ ဒီ အသွင် ကူးပြောင်းရေး ကိစ္စမှာတော့ စစ်နဲ့၊ လက်နက်နဲ့ ဖြေရှင်းလို့ အဖြေ မရနိုင်ဘူး ဆိုတဲ့၊ စစ်မက်နဲ့ တိုက်ပွဲနဲ့ ဖြေရှင်းတဲ့ နည်းနာကိုတော့ ကျနော်တို့ လုံးဝ မလိုလားဘူး ဆိုတဲ့ သဘော ထုတ်ပြန်ထားပြီး ဖြစ်ပါတယ်။ ငြိမ်းချမ်းရေး ပျက်ပြားလို့တော့ မကောင်းဘူးလေ။ ဆိုတော့ အပေး အယူတော့ ရှိရမှာပေါ့။ နှစ်ဘက် စလုံးက ဒီဟာကို အချိန်ယူပြီး တော့မှ အပေးအယူ ဆွေးနွေးတဲ့ သဘောတော့ ရှိရမှာပါ။”
KIO ဘက်ကတော့ တပ်အသွင်ပြောင်းလဲရေးကို ဆက်လက် ဆွေးနွေးမယ်လို့ ပြောပါတယ်။ အခုနောက်ဆုံး ဆွေးနွေးပွဲ မှာတော့ မြန်မာ စစ်အစိုးရ ဘက်က တပ်အသွင် ပြောင်းလဲရေးကို ဘယ်အချိန် နောက်ဆုံးထား ပြောင်းလဲရမယ် ဆိုတာကိုတော့ ထပ်မံ ဆွေးနွေးတာ မရှိခဲ့ပါဘူး။
KIO နဲ့ မြန်မာစစ်အစိုးရတို့ဟာ တပ်အသွင် ပြောင်းလဲ ရေးနဲ့ ပတ်သက်ပြီး ၈ ကြိမ် ဆွေးနွေးခဲ့ ပေမဲ့ အခုချိန် ထိတော့ တိကျတဲ့ အဖြေ မရသေးပါဘူး။
Ref: VOA News
သျှမ်းပြည်တပ်မတော်လက်နက် ချမည်ဟု မိုင်းတုံ ဗမာ့ စစ်ဗျူဟာမှူး ၀ါဒဖြန့်
တနင်္လာနေ့၊ 05 အောက်တိုဘာလ 2009
မိုင်းတုံအခြေစိုက် နအဖ စစ်ဗျူဟာမှူး က တောင်ပိုင်း ၀ တပ်ဖွဲ့ တပ်မဟာ ၇၇၂ တပ်မဟာမှူး နှင့် တွေ့ဆုံ ဆွေးနွေးစဉ် - “သျှမ်းပြည် တပ်မတော် လက်နက် ချတော့မည်” ဟု ပြောကြောင်း နယ်စပ်သတင်း ရပ်ကွက်က ပြောသည်။
စက်တင်ဘာ ၂၉ ရက် သျှမ်းပြည်အရှေ့ပိုင်း မိုင်းတုံ နအဖ စစ်ဗျူဟာမှူးနှင့် တောင်ပိုင်း ၀ တပ်မဟာ ၇၇၂ တပ်မဟာမှူး တာ့ဇုန်း တို့ မိုင်းကျွတ် ကျေးရွာ တိုက်သူကြီး အိမ်၌ တွေ့ဆုံစဉ် ဗမာ့ စစ်ဗျူဟာမှူးက ၀ တပ်မှူးအား - “ခင်ဗျားတို့ကို ထိုးစစ်ဆင် တိုက်ခိုက်ဖို့ မရှိပါဘူး၊ ဘာလို့လဲ ဆိုတော့ ဒီအချိန်မှာ ကျနော်တို့ အလုပ် အရမ်းများတယ်၊ ယွက်စစ်တို့ အဖွဲ့ လက်နက်နဲ့ ငြိမ်းချမ်းရေး လဲဖို့ ကိစ္စအတွက် ပြင်ဆင်စရာတွေ ရှိတယ်” - ဟု ပြောခဲ့ကြောင်း - တောင်ပိုင်း ၀ တပ်မှူးတဦး က ပြောပါသည်။
“အဲဒီသတင်းကြားကြားချင်းတော့ တမျိုးဖြစ်တာပေါ့၊ ဒါပေမယ့် မဖြစ်နိုင်ဘူးလို့ စဉ်းစား မိတယ်။ ဒါ စစ်အစိုးရရဲ့ စိတ်ဓါတ် စစ်ဆင်ရေးနည်း သုံးတာဘဲလို့ နားလည် လိုက်တယ်”- ဟု အမည် မဖေါ်လိုသည့် တောင်ပိုင်း ၀ တပ်မှူး တဦးက ပြောပါသည်။
ထို့အတူ ဗိုလ်မှူးကြီးယွက်စစ်ကလည်း - စစ်အစိုးရနှင့် ဆွေးနွေးရန် SSA ဘက်မှ ကိုယ်စားလှယ်လွတ် ကမ်းလှမ်းထားသည် ဆိုသည့် သတင်း၊ SSA လက်နက်ချမည် ဆိုသည့် သတင်းများ လုံးဝ မဟုတ်မှန်ကြောင်း သျှမ်းသံတော်ဆင့်အား ယခုကဲ့သို့ ပြောပါသည်။
“ဒါစစ်အစိုးရရဲ့လှည့်ကွက်ဘဲ ။ ဘာတခုမှ မဟုတ်ဘူး။ စစ်အစိုးရနဲ့ ဆွေးနွေးဖို့ ထိုင်းအစိုးရက ကြားဝင် ပေးတာကိုတော့ ကျနော်တို့ ချွင်းချက်နဲ့ လက်ခံတယ်။ ဘာလို့လဲ ဆိုတော့ နိုင်ငံရေး ပြဿနာကို နိုင်ငံရေး နည်းလမ်းနဲ့ ကျနော်တို့ ဖြေရှင်း ချင်လို့ ပါဘဲ” - ဟု ပြော၏။
မြောက်ပိုင်း ၀ ဌာနချုပ်နှင့် ကူးလူးဆက်ဆံရေး ခက်ခဲသည့် တောင်ပိုင်း ၀ တပ်ဖွဲ့အား တွေဝေ စေရန် အတွက်သော် လည်းကောင်း၊ လွယ်လွယ် ကူကူ ဖဲ့ထုတ်နိုင်ရန် အတွက် သော်လည်းကောင်း ထိုကဲ့သို့ ၀ါဒဖြန့်ခြင်း ဖြစ်နိုင်ကြောင်း ထိုင်းလုံခြုံရေး အရာရှိ တဦးကလည်း ကောက်ချက်ချ သုံးသပ်ပါသည်။
Ref: သျှမ်းသံတော်ဆင့်
Monday, October 5, 2009
သို့ - မစ္စတာ ဂျင်ဝက်ဘ် ထံ မှ တဆင့်
အောက်တိုဘာ ၂၊ ၂၀၀၉
ကမ္ဘာအနှံ့အပြားမှာ
အကြမ်းဖက်သမားတွေကို လိုက်ရှာနေပြီး
အိမ်ဦးခန်းမှာ လူသတ်သမားတွေကို ထမင်း ဖိတ်ကျွေးနေတဲ့
အို - အမေရိကား …
လူ ထူထူမှာ
လူရှိန်အောင် စစ်ပွဲလှလှတွေကို
ထည်လည်း တွဲပြတတ်သူ လူချောလူလှ အမေရိကား
သင့်မြို့လယ် ပန်းခြံတွေမှာ သင့်နိုင်ငံသား ဆယ်ယောက်လောက်က
စစ်ဆန့်ကျင်ရေး ဆန္ဒပြပွဲတွေ ကျင်းပနေပြီး
သင့်ငယ်ထိပ်မှာ
ဒုံးကျည်ထိပ်ဖူးတွေကို ကွန်ဒုံးလို စွပ်ထားသူ အမေရိကား
အထည်ကြီးပျက်မို့ သွေးသိပ်ပျက်နေသလား အမေရိကား
ခင်ဗျားနဲ့ ကျနော့်ကြားမှာ
အလုပ်ရှင်နဲ့ အလုပ်သမား ဆက်ဆံရေးပဲ ရှိတဲ့ အမေရိကား
ငါ့ကို အရက်ဖြတ်ဖို့မပြောခင်
အီရတ်စစ်ပွဲကြီးကို အရင် ရပ်ပေးပါ အမေရိကား
ချောင်းနေတဲ့နဂါးနဲ့ ၀ပ်နေတဲ့ကျား သိုင်းကြမ်းဇာတ်တော်ကြီးမှာ
ငထွားကခါးနာမှု ၀ါဒနဲ့ စေ့စပ်ဒူးထောက်ရေး ဘုရားကု ငါတို့တိုင်းပြည်ကို ကုပေး မလို့လား
အမေရိကား …
ဖနောင့်နဲ့ပေါက်သူကို
ဖိနပ်ကလေးနဲ့ ပြန်ပေါက်မိသူတွေလည်း တရားပါတယ်နော် အမေရိကား …
ခင်ဗျားနဖူးအမာရွတ် ခင်ဗျားတော့
အာဖဂန်မှာ မြေလှန်ရှာတုံး
ခင်ဗျားကိုယ်တိုင်တော့
မြွေပွေးနဲ့ သွေးကြွေးမှာ
ဖြေဆေးမရှိခဲ့ဘူး မဟုတ်လား
အိုဘယ့် ဘယ် … အိုဘယ့်
အသင် အမေရိကား။ ။
(၁၊ အောက်တိုဘာ၊ ၂၀၀၉)
Ref: မိုးမခ
ရွေးကောက်ပွဲဝင်မယ်ဆို လမ်းခွဲကကြို
ရဲဘော်ဖိုးသံချောင်း
၂ အောက်တိုဘာ ၂၀၀၉
ဗမာပြည်ကမီဒီယာတွေကို ဖတ်ကြည့်တဲ့အခါ ဗမာပြည် နိုင်ငံရေးမှာ ရှုပ်ထွေး စရာတွေ ပေါ်လာမယ့် လက္ခဏာတွေ တော်တော် တွေ့လာ နေရပါတယ်။ ဒီကြားထဲ အမေရိကန် နိုင်ငံက ပေါ်လစီ ပြောင်းမယ် ဆိုတဲ့ သတင်းကလည်း ရှိနေတော့ မကြာခင်မှာ အသံတွေ ပိုစီညံ လာဦးမှာ သေချာနေပါတယ်။
ဒါပေမယ့် ဘယ်လိုလေသံတွေပဲ ဖြစ်နေနေ၊ အဆုံးမှာ သတ္တုချ လိုက်ရင်တော့ ပြောဆို နေကြတာဟာ နအဖက ကျင်းပမယ့် လာမယ့် ရွေးကောက်ပွဲကို ၀င်မလား၊ မ၀င်ဘူးလား ဆိုတဲ့ နှစ်ခုပါပဲ။ ကြားမရှိဘူး လို့တောင် ပြောရင် ရပါတယ်။
ဒီရွေးကောက်ပွဲကိုဝင်ဖို့ တိုက်တွန်းသူတွေထဲမှာ ကိုယ်တိုင် ၀င်မယ့် လူလည်းရှိ၊ ကိုယ်တိုင် မ၀င်ဘဲ ဟောပြော တရားချတာ သက်သက် လုပ်နေသူတွေလည်းရှိ၊ လူအမျိုးအမျိုးပဲ ဆိုတာ တွေ့ရမှာပါ။ ဒီအထဲက တချို့ကဆိုရင် အိုဘားမားနဲ့ ဒေါ်ကလင်တန် တောင်မှ သူတို့ရဲ့ နောက်ကို လိုက်လာတယ်လို့ ပြောချင်ဟန် ရှိပါတယ်။
ဒီလိုရွေးကောက်ပွဲအတွက် တောခြောက်ပေး၊ ဘေးတီးပေးသူတွေ အထဲမှာ တချို့က ဒီလို လုပ်တာဟာ သူတို့ ကိုယ်ကျိုး အတွက် မဟုတ်ပါဘူး၊ သူတို့ ကိုယ်တိုင်လည်း ဒီရွေးကောက်ပွဲကို မ၀င်ပါဘူးလို့ ဆိုကြပါတယ်။ ဟုတ်ပါတယ်။ သူတို့ရဲ့ အသက် အရွယ်အရ ဖြစ်စေ၊ သူတို့ရဲ့ သုညနား ကပ်နေတဲ့ နိုင်ငံရေး ဂုဏ်သိက္ခာ အရပဲ ဖြစ်စေ၊ သူတို့ဟာ ရွေးကောက်ပွဲကို ၀င်ချင်လို့လည်း ၀င်လို့ မရပါဘူး။ သူတို့ဟာ ဒီနေ့ နအဖရဲ့ အဓိက ရန်ဘက် စာရင်းမှာ ပါနေတဲ့ အမျိုးသား ဒီမိုကရေစီ အဖွဲ့ချုပ်၊ ဗကပ စတာတွေထဲမှာ ပါဖူးပါတယ်။ လက်နက်လည်း ချဖူးကြပါတယ်။ ဒီတော့ “တခါ လက်နက်ချဖူးရင် အကြိမ်ကြိမ် လက်နက် ချနေရတယ်” ဆိုတဲ့ လက်နက်ချတို့ရဲ့ အစဉ်အလာအတိုင်း မသေမချင်း တိုင်းပြည်မှာ အရေးကြီးတဲ့ ကိစ္စပေါ်လာတိုင်း စစ်အုပ်စုက လိုအပ်တယ်ဆိုရင် ထောက်ခံစာတွေ ရေးပေး နေရတာပါပဲ။ သူတို့ ကိုယ်တိုင်ကတော့ လူထုအပေါ် ဘာသြဇာမှ မရှိတော့ပါဘူး။ ဒါပေမယ့် သူတို့က အင်္ဂလိပ် စကားလုံးတွေနဲ့ သဘောတရားတွေ ထုတ်တတ်တော့ နအဖကိုလည်း ဖားချင်၊ ဘာသဘော တရား အကြောင်းပြချက်နဲ့ ဖားရမှန်းမသိ ဖြစ်နေသူတွေ အတွက် အထောက်အကူ ဖြစ်စေပါတယ်။ နောက်ပြီး နအဖကို ဖားချင်လို့ ဖြစ်စေ၊ ပညာတတ်ဂိုက် ဖမ်းချင်လို့ဖြစ်စေ သူတို့ ရေးတာတွေကို ဖော်ပြပေးနေတဲ့ မီဒီယာတွေလည်း ရှိနေပါတယ်။ ဒါကြောင့် သူတို့ရေးတာ၊ ပြောတာတွေဟာ တချို့ လူတွေ အတွက်တော့ အသုံးဝင် တန်ဖိုးရှိတယ် လို့ပဲ ပြောရမယ် ထင်ပါတယ်။ ပြည်တွင်းက မြို့ပေါ်မှာ နေသူတွေဆိုတော့ သူတို့ဟာ သူတို့နဲ့ ပြိုင်ငြင်းလို့ မရမှန်း သိထားတဲ့ အတိုင်း လူတကာကို တိုက်ခိုက်တာ ဆွတာတွေ လုပ်ကြပါတယ်။ တခါတလေမှာ သက်တော်ရှည် ဆရာ ဒဂုံတာရာကို သေဖော်ညှိတာလည်း လုပ်ကြပါတယ်။ ဆရာ့ခမျာ ဒင်းတို့မို့ပေကိုး ဆိုပြီး မသိဟန်ဘဲ ဆောင်နေရဟန် တူပါတယ်။ ဒါပေမယ့် သူတို့ခမျာ ဖားသာဖားရ မျက်မာန် ရှမှာကိုတော့ ကြောက်နေရတဲ့ လက္ခဏာတွေလည်း မြင်နေရပါတယ်။
နောက်တမျိုးက စီးပွားရေးလုပ်ငန်းရှင်၊ ပညာတတ်လို့ ဆိုရမယ့် သူတွေဖြစ်ပါတယ်။ သူတို့က မဝေးလှတဲ့ ကုန်လွန် လေပြီးတဲ့ သမိုင်းမှာ ဗိုလ်ခင်ညွန့်နဲ့ နီးစပ်၊ ပတ်သက်ဖူးတယ်လို့ နားလည်ရပါတယ်။ သူတို့က ငွေကြေး တတ်နိုင်တော့ ကိုယ်ပိုင် မီဒီယာလည်း ရှိတယ်၊ ပြည်ပ အဆက်အသွယ် တွေလည်း ရှိပါတယ်။ ကမ္ဘာအနှံ့ရှိ ရှုပ်ထွေးလှတဲ့ အန်ဂျီအိုကွန် ရက်တွေနဲ့လည်း ပတ်သက်နေကြပါတယ်။ သူတို့က ရွေးကောက်ပွဲကို ၀င်မယ့် လက္ခဏာတွေ ဖော်ပြနေပါတယ်။ ဒါပေမယ့် ငွေကြေးရှင်လည်းဖြစ်၊ ပညာတတ်လည်းဖြစ် ဆိုတော့ သူများလို ပြာပြာသလဲ မဖြစ်၊ တည်တည်ငြိမ်ငြိမ်နဲ့ ပြောနိုင်၊ လှုပ်ရှား နိုင်ကြပါတယ်။ သူတို့မှာက နအဖ စစ်အုပ်စုထဲက ဘယ်ထိပ်သီးနဲ့ အဆက်အသွယ် ရှိတယ်ဆိုတဲ့ အရည်အသွေး မျိုးတွေလည်း ရှိနေပါသေးတယ်။ ဒါကြောင့် ဒီရွေးကောက်ပွဲနဲ့ သူတို့ရဲ့ စီးပွားရေး တိုးချဲ့မှုဟာ ကင်းမှ ကင်းရဲ့လားလို့ တချို့က တွေးနေကြပါတယ်။ သူတို့ပြောတဲ့ သဘောတရားတွေမှာ နားယောင်စရာ ရှိကောင်း ရှိနိုင်ပေမယ့် သူတို့ ဘာကြောင့် ဒီရွေးကောက် ပွဲကို ထောက်ခံ ပါဝင်ချင်ကြတယ် ဆိုတာကတော့ ရှင်းနေတယ်လို့ ထင်ပါတယ်။
ဒီလို အမျိုးအစားတွေခွဲ ပြောပြီဆိုရင် တစညလို တပ်မတော် အရာရှိဟောင်း များကိုလည်း ချန်ထားလို့ မဖြစ်ပါဘူး။ သူတို့ကို ချန်လှပ်လို့ မရပေမယ့် သူတို့ရဲ့တွေးခေါ်နည်း၊ ပြောကြားချက် စတာတွေ ကတော့ လူတိုင်းအဖို့ ဘာမှမဆန်း၊ ရှုပ်ထွေး စရာလည်း မရှိတာမို့ ဒီဆောင်းပါးထဲမှာ ချန်လှပ် ထားခဲ့ပါမယ်။ တစညပဲ၊ ဒီလိုပဲ ပြောတော့ မပေါ့လို့သာ မှတ်ထား လိုက်ကြပါစို့။
ဒါ့အပြင် နောက်တမျိုးကတော့ လူသစ်တန်းလို့ပြောရင် ရမလားပါပဲ၊ သူတို့က ပိုခြေသွက် ပါတယ်။ ပိုပြီး မျက်နှာပြောင်တယ်လို့ ပြောရင်တောင် ရမလားပါပဲ။ တကယ်က သူတို့ထဲက တချို့ဟာ ရှစ်လေးလုံး အရေးတော်ပုံ တုန်းက အဖွဲ့အစည်း တချို့မှာ တတိယတန်း ခေါင်းဆောင်လောက် လုပ်ဖူးပြီး အခြေအနေ ဆိုးလာတော့ ထိုင်သွား၊ ငုပ်သွားသူတွေ ဖြစ်ပါတယ်။ သူတို့အနေနဲ့ ရှစ်လေးလုံး ခေါင်းဆောင်တွေ အပေါ် အာဃာတတွေ ထားကြောင်း ဖော်ပြတာလည်း တခါတရံမှာ တွေ့ရပါတယ်။ ဒီအမျိုးအစား ထဲမှာ သတိမပြုဘဲ မနေနိုင်တဲ့ ဒွေးရော ယှက်တင် ဖြစ်နေသူတွေလည်း ရှိပါသေးတယ်။ အဲဒါတွေကတော့ ကြံ့ဖွံ့လိုဟာ၊ သတင်းပေးလို ဟာတွေပါ ရောပါနေတာ ဖြစ်ပါတယ်။ အခုဖော်ပြခဲ့သူ အားလုံးထဲမှာ သူတို့ဟာ အပြတ်သားဆုံး လို့တောင် ဆိုနိုင်ပါတယ်။ သူတို့က ဘာမှ မကြောက်ဘူး ဆိုတာမျိုးလည်း ကြုံတိုင်းလိုလို ဖော်ပြကြပါတယ်။ အင်တာနက်မှာလည်း ကျက်စား၊ သူတို့ရဲ့ ဖုန်းနံပါတ်တွေကို ကြေညာ၊ ကိုယ့်ကိုယ်ကိုယ် အပြတ် ကြော်ငြာ နေကြပါတယ်။ ဒါ့အပြင် သူတို့က ပြည်ပ မီဒီယာတွေထဲမှာ “စိမ်ခေါ်လို့ကတော့ တိမ်ပေါ်ကိုတောင် တက်ထိုးမယ်” ဆိုတာမျိုးကိုလည်း ပြောကြပါတယ်။ သူတို့ ဦးတည်တာက နအဖ ဆန့်ကျင်သူ အားလုံးကို ဖြစ်ပါတယ်။ ဒီလိုအခါမှာ သူတို့ကို နအဖက လိုလားဟန်လည်း ဖော်ပြနေတော့ သူတို့က ပိုကမ်းတက်တယ်လို့ ပြောနိုင်ပါတယ်။
ဒီ ၂၀၁၀ ရွေးကောက်ပွဲနဲ့ ရွေးကောက်ပွဲလွန် ကာလနဲ့ ပတ်သက်လို့ ပြည်ပမှာ ဖော်ပြချက်တွေလည်း တိုးတိုး တဖုံ၊ ဗြောင်တမျိုး အမျိုးမျိုး ပေါ်လာနေပါတယ်။ တချို့ကဆိုရင် “မောင်မောင်အခေါ်” စောင့်နေကြတာပါ။ ကြိုပြီး တိတ်တဆိတ် ဖျာခင်းတာတွေ လုပ်တယ် လို့လည်း ကြားနေရပါတယ်။ သူတို့က နိုင်ငံခြား ပညာရှင်ကြီးတွေရဲ့အဆို အမိန့်တွေကို ကိုးကားပြီး ဗမာပြည် နိုင်ငံရေးကို ချဉ်းကပ်ပါတယ်။ ဒါပေမယ့် မရဲတရဲနဲ့ အချိန်မရွေး ပြန်ဆုတ်လို့ ရအောင် ပြောဆို ပြင်ဆင်နေကြတာလည်း သတိထား မိပါတယ်။ ကြည့်ရတာ သူတို့ဟာ နအဖရဲ့ကြိုးကိုင် ဒီမိုကရေစီရဲ့ အရသာကို မြည်းစမ်းချင်ကြတဲ့ သဘောပါပဲ။ ကြိုးကိုင် ညင်သာရင် ပြည်တွင်းက ကွင်းမှာ ကစားမယ်၊ ကြိုးကိုင် ကြမ်းရင်တော့ ပြည်ပမှာပဲ နေမယ်ဆိုတဲ့ သဘောပါပဲ။ သူတို့အနေနဲ့ အန်အယ်လ်ဒီကို အပြစ်တင်တာဟာ မလုပ်မဖြစ် လုပ်ရတဲ့ ကြိုတင် လမ်းခင်းခြင်းလို့ ဆိုရင် မမှားပါဘူး။
ဒီလိုလူမျိုးတွေ၊ ဒီလိုအစိုးရနဲ့ ဒီလိုရွေးကောက်ပွဲမျိုးကို ကြည့်ရတာ ပျော်စရာတော့ အကောင်းသား လို့ပဲ အောက်မေ့ရပါတယ်။ ဇာတ်က ဘုန်းကြီးရူးနဲ့ လှေလူးထက် ပိုပြီး ဟာသမြောက်မှာပါ။
Ref: ခေတ်ပြိုင်
ဘီဘီစီ မေးမြန်းသည့် အတိုင်းမဟုတ်မှန်ဟု ၀ အရာရှိ များဆို
ဗုဒ္ဓဟူးနေ့၊ 30 စက်တင်ဘာလ 2009
တရုတ်နယ်စပ် အခြေစိုက် ၀ နှင့် မိုင်းလား တပ်ဖွဲ့တို့မှ စစ်အစိုးရ၏ နယ်ခြားစောင့်တပ် အသွင် ပြောင်းရေး အစီအစဉ်ကို သဘော တူလိုက်ပြီဟူ၍ မြောက်ပိုင်း အပစ်ရပ် SSA အသိုင်း အ၀ိုင်းနှင့် မေးမြန်းစဉ် သိရှိခဲ့ရသည် ဆိုသော သတင်းမှာ လုံးဝ မဟုတ်မှန်ကြောင်း ပန်ဆန်း ဌာနချုပ်ရှိ ၀ အရာရှိတဦးက ပြောဆိုပါသည်။
“ဘီဘီစီမေးတဲ့အတိုင်းမဟုတ်ပါဘူးဗျာ။ နောက်လာမယ့် အစိုးရသစ်နဲ့ ပြောဆို ဆွေးနွေးပြီးမှသာ အသွင်ပြောင်းရင် ပြောင်းမယ်။ အခုတော့ မဖြစ်နိုင်သေးဘူး” - ဟု ပြောပါသည်။
ယခုလနောက်ဆုံးပတ်က မြောက်ပိုင်း အပစ်ရပ် SSA ခေါင်းဆောင်အချို့ လားရှိုး ရမခ စစ်တိုင်းရုံးသို့ ရောက်ရှိ နေချိန် ၀ တပ်ဖွဲ့ နှင့် မိုင်းလားတပ်ဖွဲ့ တို့ စစ်အစိုးရ၏ ဆန္ဒအတိုင်း သဘောတူလိုက်ပြီ ဖြစ်ကြောင်း သတင်း ထွက်ပေါ်လာခဲ့ခြင်း ဖြစ်ပါသည်။
“စစ်အစိုးရက ကျနော်တို့ကို တွေ့ဆုံ ဆွေးနွေးတာတွေ ခေါ်ယူ စည်းရုံးတာတွေ မလုပ်တာ ကြာပြီ၊ မိုင်းလားတို့၊ ကချင်တို့ သျှမ်းတပ်တို့နဲ့ဘဲ တွေ့တာ၊ ကျနော်တို့နဲ့ ဆွေးနွေးဖို့ သူတို့ စာရင်းထဲက တမင်သက်သက် ထုတ်ပစ်တာပါ၊ သူတို့ ဆန္ဒအတိုင်း လိုက်လျောဖို့လဲ မဖြစ်နိုင်သေးပါဘူး” - ဟု ထိုအရာရှိက ပြောပါသည်။
ယခုလ ၂၇-၂၈/၉/၀၉ တရုတ်အစိုးရကိုယ်စားလှယ် နှင့် နအဖ ကိုယ်စားလှယ်တို့ ၀ ဌာနချုပ် ပန်ဆန်း၌ တွေ့ဆုံဆွေးနွေးဖို့ အစီအစဉ် ရှိသဖြင့် တရုတ် အာဏာပိုင်များက ပန်ဆန်းဌာနချုပ် အရာရှိများအား ကြိုတင် စီစဉ်ထားပေးရန် အကြောင်း ကြားကြောင်း၊ သို့သော် စစ်အစိုးရ ဖက်က ပန်ဆန်း၌ တွေ့ဆုံရန် လက်မခံသောကြောင့် တရုတ်ကိုယ်စား လှယ်အား ပန်ဆန်းမှ တန့်ယန်းသို့ လာကြိုသွားခဲ့ကြောင်း - ပြောပါသည်။
“အခု ဒေသတွင်း နအဖ နဲ့ တရုတ် တွေ့ဆုံ ဆွေးနွေးပွဲမှာ တရုတ်ဘက်က ၉ ယောက်လာတယ်။ တန့်ယန်းက နအဖ စစ်ဗျူဟာမှူး လာကြိုသွားတယ်။ အရင်တုန်းက တရုတ်တွေ စစ်အစိုးရ အာဏာပိုင်တွေနဲ့ ပန်ဆန်းမှာဘဲ တွေ့တာ၊ ကျနော်တို့ ဘက်က နေရာထိုင်ခင်း နဲ့ အစည်းဝေး နေရာအတွက် ပြင်ဆင် ပေးတာကလွဲလို့ ဘာမှ သွားမပတ်သက်ဘူး။ အခု ကျနော်တို့ အားလုံးပြင်ဆင် ထားပေမယ့် နအဖက ကျနော်တို့ ဌာနချုပ်မှာ မတွေ့လိုဘူး။ အဲဒီအရင်ကနဲ့ ထူးခြားမှုလို့ ဆိုရမှာပေါ့” - ဟု ထိုအရာရှိက သျှမ်းသံတော်ဆင့် သို့ ဆက်ပြော၏။
ဖုန်ကြားရှင်း ဦးဆောင်သည့် ကိုးကန့်တပ်ဖွဲ့ကဲ့သို့ ၀ ခေါင်းဆောင်များလည်း နယ်ခြားစောင့် တပ် အသွင် ပြောင်းရေး အစီအစဉ်အား ခေါင်းခါ ငြင်းဆန်ထားသောကြောင့် ကိုးကန့်နည်းတူ ၀ တပ်ဖွဲ့အား စစ်အစိုးရ ထိုးစစ်ဆင် တိုက်ခိုက်လာ မည်ကို စိုးရိမ် နေသည်မှာ ကိုးကန့် အရေးအခင်းပြီး နောက်ပိုင်း ယနေ့အထိ ပြည်သူများ ရတက်မအေး ဖြစ်နေရကြောင်း သိရပါသည်။
Ref: သျှမ်းသံတော်ဆင့်
Posts
