..............................

Saturday, August 15, 2009

ကေအိုင်အိုက ဝန်ထမ်းများအား စစ်သင်တန်းပေး

မျိုးကြီး
သောကြာနေ့၊ သြဂုတ်လ 14 ရက် 2009 ခုနှစ် 17 နာရီ 57 မိနစ်

ရွှေလီ (မဇ္ဈိမ)။ ။ နယ်ခြားစောင့်တပ်ဖွဲ့ အသွင်ပြောင်းရေးကို ငြင်းဆန်နေသည့် ကချင် လွတ်လပ်ရေး အဖွဲ့ KIO က ၄င်းအဖွဲ့ ထိန်းချုပ်ရာ ဒေသတွင် အရပ်ဘက် အုပ်ချုပ်ရေး တာဝန် ထမ်းဆောင်နေသော ဌာနဆိုင်ရာ ဝန်ထမ်းများကို ရက်တို စစ်သင်တန်း ပေးလျှက်ရှိသည်။

“ပညာရေးဌာန၊ လဝကဌာန၊ ရဲဌာန၊ အုပ်ချုပ်ရေး ဌာန။ ကျန်းမာရေး ဌာန အဲဒီက ဝန်ထမ်းတွေပေါ့။ ပညာရေးဌာန ဆိုတာက ဆရာ ဆရာမတွေတော့ မပါဘူးပေါ့။ အုပ်ချုပ်ရေး ဌာနတွေဆိုလည်း လူအင်အား (၃၀၀)လောက် ရှိတယ်။ ရုံးအစောင့်ထားပြီး အသုတ်လိုက်ပေါ့ ခွဲပြီး ရက်တို သင်တန်း ပေးနေတယ်” ဟု ကေအိုင်အို သတင်းရပ်ကွက် တခုက ပြောသည် ။

အဆိုပါ စစ်သင်တန်းဆင်းပြီး အရပ်ဘက် ဝန်ထမ်းများအား ကိုယ်စီ လက်နက်ငယ်များပါ တပ်ဆင် ပေးထားကြောင်း သိရသည် ။

ကေအိုင်အို ထိန်းချုပ်ရာ လိုင်ဇာမြို့နှင့် သိပ်မဝေးသည့် ဒုံဖုန်းယန်နှင့် နမ့်ဆန်ယန် ကျေးရွာ အနီးနားထိ မြန်မာ့ တပ်မတော် စစ်အင်အားများ တိုးချ လာခြင်းများ ရှိနေသည်။

နအဖက တရုတ်နယ်စပ်ရှိ တိုင်းရင်းသား လက်နက်ကိုင် အဖွဲ့များအား နယ်ခြားစောင့်တပ်အဖြစ် အသွင် ပြောင်းကြရန် ပြောဆိုပြီး နောက်ပိုင်း အပစ်ရပ် အဖွဲ့များက အဆိုပြုချက်ကို လက်မခံဘဲ ရှိနေသဖြင့် ဘက်နှစ်ဘက်ကြား လိပ်ခဲတင်းတင်း အခြေအနေတွင် ရှိနေသည်။

Ref: မဇ္ဈိမ

Read More...

မွန်ပြည်သစ်အား ခွဲထုတ်ရန် စစ်အစိုးရ ပြင်ဆင်

ဝီရ/ ၁၄ သြဂုတ် ၂၀၀၉

နအဖကမ်းလှမ်းထားသည့် နယ်ခြားစောင့်တပ်အသွင် ပြောင်းရန် ငြင်းဆန်ခဲ့သည့် မွန်ပြည်သစ် ပါတီ ခေါင်းဆောင် အချို့အား နအဖ အာဏာပိုင်တို့က သွေးခွဲ စည်းရုံးရန် ပြင်ဆင်နေပြီး ပါတီဝင်ဟောင်း များကိုလည်း ရွေးကောက်ပွဲ ဝင်ရောက်ရန် ပြင်ဆင် ခိုင်းနေကြောင်း စုံစမ်း သိရှိရသည်။

ထိုင်း-မြန်မာနယ်စပ်တွင် တာဝန်ကျနေသည့် မွန်ပြည်သစ်ပါတီ ကော်မတီဝင် တဦးက “ပြည်တွင်းမှာ ရှိတဲ့ ကျနော်တို့ ခေါင်းဆောင် တချို့ကို နအဖ အာဏာပိုင်တွေက တိတ်တဆိတ် လာတွေ့နေတာ ရှိတယ်။ အဓိကကတော့ လာစည်းရုံး တာပဲ။ ကျနော်တို့ အချင်းချင်းကြားမှာ အမြင် မကြည်အောင် ကျနော်တို့ ခေါင်းဆောင်တွေက သူတို့နဲ့ ခိုးတွေ့နေသလို အထင်ခံရအောင် လုပ်နေတာ။ အမှန်က သူတို့ပဲ လာတွေ့တာ” ဟု ခေတ်ပြိုင်သို့ ပြောကြားသည်။

နအဖအာဏာပိုင်တို့က မွန်ပြည်သစ်ပါတီ၏ တပ်အင်အားနှင့် မွန်ပြည်သူများ အကြား အရှိန်အ၀ါ ရှိသည့် မွန်ခေါင်းဆောင်များနှင့် ပတ်သက်သည့် အချက်အလက် များကိုလည်း ကျေးရွာဥက္ကဋ္ဌမှ တဆင့် ကောက်ခံ ခိုင်းနေကြောင်း အဆိုပါ ကော်မတီဝင်က ပြောသည်။

နယ်ခြားစောင့်တပ် အသွင်ပြောင်းရန် သြဂုတ် (၅) ရက်တွင် မွန်ပြည်သစ်ပါတီမှ ပယ်ချလိုက်သည့် နောက်ပိုင်း ပါတီ၏ တပ်အင်အားကို ကောက်ခံ နေခြင်းဖြစ်ကြောင်း၊ ပါတီ၏ လက်နက်နှင့် တပ်အင်အား စာရင်းကို နအဖက တောင်းခံမှုများ ရှိခဲ့သော်လည်း ပါတီက အကြိမ်ကြိမ် ပယ်ချခဲ့ကြောင်း သိရသည်။

အသက် (၄၀) နှင့် (၅၀) အကြား လူလတ်ပိုင်း မွန်ပြည်သစ် ပါတီဝင် ဟောင်းများ ကိုလည်း ရွေးကောက်ပွဲ ဝင်ရောက် ယှဉ်ပြိုင်ရန် ကမ်းလှမ်း နေကြောင်း မော်လမြိုင် ခရိုင်မှ မွန်ပြည်သစ် ပါတီ ဗဟိုကော်မတီဝင် တဦးက ပြောသည်။

၎င်းက “နအဖက ကျနော်တို့အဖွဲ့က ခွဲထွက်သွားတဲ့ စစ်ဦးစီး ချုပ်ဟောင်း ဗိုလ်ချုပ် အောင်နိုင်ကို ဆုံချက်အဖြစ် သုံးပြီး ပါတီဝင် ဟောင်းတွေကို လိုက်စည်းရုံး နေတယ်။ ရွေးကောက်ပွဲ ဝင်ဖို့၊ ပါတီဖွဲ့ဖို့ ကိစ္စတွေ အားလုံး တာဝန် ယူပေးမယ်။ အဲဒီလိုမျိုး စည်းရုံးတာ ရှိတယ်” ဟု ပြောသည်။

မွန်ပြည်သစ်ပါတီမှ ၂၀၀၈ ခု မတ်လက ခွဲထွက်သွားသည့် စစ်ဦးစီးချုပ်ဟောင်း ဗိုလ်ချုပ် အောင်နိုင်၏ လက်နက် အပ်နှံပွဲကို အရှေ့တောင်တိုင်း စစ်ဌာနချုပ်က အကြိမ်ကြိမ် စီစဉ်ခဲ့သော်လည်း အင်အား မပြည့်သေး သဖြင့် ကျင်းပနိုင်ခြင်း မရှိကြောင်း၊ ယခုလ (၅) ရက်တွင် ဗိုလ်ချုပ်အောင်နိုင် အဖွဲ့၏ လက်နက်အပ်ပွဲကို အရှေ့တောင်တိုင်း စစ်ဌာနချုပ်တွင် ကျင်းပရန် စီစဉ်ပြီးမှ ထပ်မံ ပျက်ပြားသွားခဲ့သည်။

“ဗိုလ်ချုပ်အောင်နိုင်ကို သုံးပြီးတော့ ကျနော်တို့ ပါတီဝင်တွေကို တိတ်တဆိတ် ကမ်းလှမ်းနေတာ။ ဒါပေမယ့် နိုင်ငံရေး အမြင်ရှိတဲ့ သူတွေကို စည်းရုံးလို့ရမှာ မဟုတ်ဘူး။ လက်နက်အပ်ပွဲ လုပ်ပြီးရင် စီးပွားရေး လုပ်ခွင့်တွေ၊ နယ်မြေတွေ၊ ဂိတ်တွေကို တရားဝင် သတ်မှတ်ပေးမယ် ဆိုပြီး ပြောလို့ ဗိုလ်ချုပ်အောင်နိုင်က ဒီကိစ္စကို စိုင်းပြင်းနေတာ” ဟု အဆိုပါ ဗဟိုကော်မတီ ၀င်က ရှင်းပြသည်။

အသက် (၆၈) နှစ်ရှိ ဗိုလ်ချုပ် အောင်နိုင်သည် ယခုအခါ သံဃာဝတ်ဖြင့် မုဒုံမြို့နယ်၊ လက်တက် ကျေးရွာ အနီးရှိ ဘုန်းကြီးကျောင်း တကျောင်းတွင် သီတင်းသုံး နေကြောင်း သိရသည်။

မွန်ပြည်သစ်ပါတီအား နအဖက စစ်ရေးအရ ဖိအားပေးခြင်း မရှိသေးသော်လည်း ၎င်းတို့ တပ်များကို ဘုရားသုံးဆူ မြို့တွင် အင်အားထပ်မံ ဖြည့်တင်းရန်ရှိကြောင်း သိရသည်။

မွန်ပြည်သစ်ပါတီသည် စစ်အစိုးရနှင့် ၁၉၉၅ ခုနှစ်တွင် အပစ်အခတ် ရပ်စဲရေး သဘောတူညီ ခဲ့သည်။

Ref: ခေတ်ပြိုင်

Read More...

ကိုးကန့်တပ်ဖွဲ့အကျဉ်းထောင် ထောင်ခါ ဒေသအတွင်း စစ်ရေး ပြင်ဆင်မှုများ ရှိနေ

ခိုင်လင်း / ၁၄ သြဂုတ် ၂၀၀၉

ရှမ်းပြည်အရှေ့မြောက်ပိုင်းအခြေစိုက် မြန်မာနိုင်ငံ အမျိုးသား ဒီမိုကရက်တစ် မဟာမိတ် တပ်မတော် ခေါ် ကိုးကန့် တပ်ဖွဲ့က ၎င်းဒေသ အတွင်း ရာဇ၀တ်မှု၊ မူးယစ်ဆေးဝါး အမှုများဖြင့် ကိုးကန့်တပ်ဖွဲ့၏ အကျဉ်းထောင် အတွင်း ဖမ်းဆီး ထားသူ အားလုံးကို ပြန်လွှတ် ပေးလိုက်သဖြင့် ဒေသအတွင်း စစ် ဖြစ်တော့မလား ဆိုသည့် စိုးရိမ် ပူပန်မှုများ ပိုမို တိုးပွားလာနေသည်။

ကိုးကန့်ဒေသအတွင်း ပြစ်မှုတခုခု ကျူးလွန်၍ ကိုးကန့်တပ်ဖွဲ့၏ အချုပ်ထောင် အတွင်း ပြစ်ဒဏ်ကျ ခံနေရသူ အားလုံးကို ယခုလ (၁၂) ရက်က ပြန်လွှတ်ပေးလိုက်ပြီး လွှတ်ပေးသူများထဲမှ တပ်ဖွဲ့ဝင် ဟောင်းများအား ပြန်လည် စစ်မှု ထမ်းခိုင်းနေသည်ဟု ရှမ်းပြည် အရှေ့မြောက်ပိုင်း လောက်ကိုင်မြို့မှ ကုန်သည် တဦးက ပြောသည်။

“လောက်ကိုင်မြို့မှာက နအဖစစ်သားတွေလည်း ရှိတယ်၊ ကိုးကန့် စစ်သားတွေလည်း ရှိနေတယ်။ ဆိုတော့ နှစ်ဖက် ပြန်တိုက် ကြပြီ ဆိုရင် ဒီမြို့ထဲမှာကို တိုက်ပွဲဖြစ်နိုင်တယ်။ တရုတ်ဘက်က အလုပ် လာလုပ်တဲ့ သူတွေ အချို့ ပြန်နေကြပြီ။ ဟိုတနေ့ ပစ်မယ်၊ ခတ်မယ် ဖြစ်တဲ့ နေ့ကတည်းက ပြေးသွားတာလည်း ရှိတယ်။ အခုဒီလို ဖြစ်နေတော့ ပိုပြီး သတိထားလာ ရတယ်” ဟု ၎င်းက ပြောသည်။

ယခုလ (၈) ရက်တွင် ကိုးကန့်တပ်ဖွဲ့ ဥက္ကဋ္ဌ ဖုန်ကျားရှင်၏ နေအိမ်မှ ဂိုဒေါင်အား လောက်ကိုင်မြို့ရှိ နအဖ စစ်သား၊ ရဲနှင့် မူးယစ်အဖွဲ့ အင်အား (၇၀) ကျော်ဖြင့် စစ်ဆေးရန် သွားရောက်စဉ် ကိုးကန့်တပ်ဖွဲ့က လမ်းခုလတ်မှ ၀ိုင်းဝန်း ပိတ်ဆို့ တားဆီး ထားသဖြင့် နှစ်ဖက် ပစ်ခတ်လု နီးပါး အထိ အခြေအနေ တင်းမာ သွားခဲ့သည်။

အခင်းဖြစ်ပွားပြီး နောက်တနေ့တွင် အရှေ့မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အောင်သန်းထွဋ် လောက်ကိုင်မြို့သို့ လာရောက်ကာ ကိုးကန့်တပ်ဖွဲ့ ဥက္ကဋ္ဌ ဖုန်ကျားရှင်အား တောင်းပန်ရာ ထွက်မတွေ့သဖြင့် နှစ်ဖက်အကြား တင်းမာမှု ကြီးထွားလာနေပြီး တရုတ်ဘက်က အာဏာပိုင် များကလည်း လာရောက် စေ့စပ်ပေးမှုများ လုပ်ခဲ့ရသည်ဟု ကိုးကန့် ခေါင်းဆောင်များနှင့် နီးစပ်သည့် ကုန်သည်က ပြောသည်။

ကိုးကန့်နယ်မြေအတွင်း နအဖတပ်နှင့် ကိုးကန့်တပ်ဖွဲ့ကြား ပြဿနာ တက်ပြီး နောက်ပိုင်း ကိုးကန့် နယ်မြေ အနီးရှိ ကချင်ပြည် လွတ်လပ်ရေး အဖွဲ့၊ တပ်မဟာ (၄) နယ်မြေတွင် အရေးပေါ် တပ်လှန့်ထား သကဲ့သို့ ၀ပြည် သွေးစည်း ညီညွတ်ရေး တပ်မတော် အနေဖြင့်လည်း ၀ဒေသ မြောက်ပိုင်း၊ ကိုးကန့် နယ်မြေနား အထိ ၀တပ်များ ရွှေ့ပြောင်းချထားကာ စစ်ရေး အသင့် အနေအထား ပြင်ထားသည်ဟု အဆိုပါ အဖွဲ့များနှင့် နီးစပ်သည့် တရုတ်-မြန်မာနယ်စပ် စစ်ရေးအကဲခတ် ဦးအောင်ကျော်ဇောက ပြောသည်။

၎င်းက “အခုကတော့ ၀င်လာရင် ပစ်ဆိုပြီး တပ်လှန့်ထားတယ်။ နအဖဘက်က တိုက်တော့ မတိုက်သေးဘူး။ လူထုတွေ အထိတ် တလန့်ဖြစ်အောင်၊ ဒေသ မတည် မငြိမ်ဖြစ်အောင် ခြောက်လှန့်တာ။ တိုင်းရင်းသား လက်နက်ကိုင် ခေါင်းဆောင် တွေထဲက စည်းရုံးလို့ ရတဲ့သူ စည်းရုံးမယ်၊ ၀ယ်လို့ရတဲ့သူ ၀ယ်မယ်၊ သပ်လျှိုဖြိုခွဲမယ်၊ ဒီလိုပဲ လုပ်မယ်လို့ မြင်တယ်။ တရုတ်ဘက်ကလည်း နယ်စပ်မှာ တိုက်ပွဲ ဖြစ်မှာကို မလိုလားဘူး။ ဟိုတနေ့က ကိုးကန့်နယ်မှာ ဖြစ်သွားတဲ့ကိစ္စမှာ သူ့ဒေသထဲ လူတွေ ၀င်ပြေးလာတာနဲ့ ပတ်သက်လို့ လင်ချန်းခရိုင် အာဏာပိုင်တွေ လောက်ကိုင် အထိ ဆင်းလာပြီး ရမခတိုင်းမှူးကို ကန့်ကွက်တာတွေ လုပ်ခဲ့တယ်” ဟု ပြောသည်။

ကိုးကန့်နယ်မြေအတွင်းရှိ လောက်ကိုင်မြို့တွင် နအဖ စစ်တပ်ဘက်မှ အမြောက် တပ်ခွဲတခု ပါဝင်သည့် ဒေသ ကွပ်ကဲရေး စစ်ဌာနချုပ် (ဒကစ) တခု ဖွင့်လှစ်ထားသကဲ့သို့ ကိုးကန့် တပ်ဖွဲ့ ဌာနချုပ်လည်း တည်ရှိနေသဖြင့် အဆိုပါဒေသသည် နအဖ စစ်သားများနှင့် ကိုးကန့် တပ်ဖွဲ့ဝင်များ နီးနီးကပ်ကပ် ရှိနေသည့် နယ်မြေတခု ဖြစ်သည်။

Ref: ခေတ်ပြိုင်

Read More...

Friday, August 14, 2009

စစ်အစိုးရ တရားစီရင်ချက်အပေါ် ဦးဝင်းတင် အမြင်

12 August 2009

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ် အကျယ်ချုပ် တားဆီး ကန့်သတ်မိန့်ကို ဖောက်ဖျက်တယ် ဆိုပြီး ရန်ကုန် မြောက်ပိုင်းခရိုင် တရားရုံးကနေ ထောင်ဒဏ် သုံးနှစ် ပြစ်ဒဏ် ချမှတ်လိုက်ပါတယ်။ တရား စီရင်ချက် ချမှတ်ပြီး အချိန်ပိုင်း အတွင်းမှာ စစ်ကောင်စီ အကြီးအကဲ ဗိုလ်ချုပ်မှူးကြီး သန်းရွှေရဲ့ အမိန့်နဲ့ ပြစ်ဒဏ်ကို ထက်ဝက် လျှော့ချပြီး ဆိုင်းငံ့ ပြစ်ဒဏ် အဖြစ်နဲ့ နေအိမ်မှာ ကန့်သတ်ချက်တွေနဲ့ အညီ ပြန်နေဖို့ ညွှန်ကြားခဲ့ပါတယ်။ ဒီလို စစ်အစိုးရရဲ့  တရားစီရင်မှု လုပ်ရပ်အပေါ် သုံးသပ်ထင်မြင်ချက် နဲ့ တရားဥပဒေအရ၊ နိုင်ငံရေးအရ အမျိုးသား ဒီမိုကရေးအဖွဲ့ချုပ် အနေနဲ့ ဘာတွေ ဆက်လက် လုပ်ကိုင်သွားဖို့ ပြင်ဆင် လုပ်ကိုင်နေသလဲ ဆိုတာတွေကို သိရှိနိုင်ဖို့ အမျိုးသား ဒီမိုကရေစီ အဖွဲ့ချုပ် ဗဟို အလုပ်အမှုဆောင် ကော်မတီဝင် ဦးဝင်းတင် ကို ဦးကျော်ဇံသာ (ဗွီအိုအေမြန်မာသတင်း) က ဆက်သွယ်မေးမြန်း ဆွေးနွေး တင်ပြထားပါတယ်။

ဦးကျော်ဇံသာ ။ ။ ပထမဦးဆုံး ဒေါ်အောင်ဆန်းစုကြည်ကို ပြစ်ဒဏ် ချမှတ်တာနဲ့ ပတ်သက်လို့ ဆရာတို့ အနေနဲ့ ဒီထက်ပို မျှော်လင့် ထားပါသလား၊ ဒီလောက်တော့ ဖြစ်လာလိမ့်မယ်လို့ မျှော်လင့် ထားပါသလား၊ ဒါထက် သက်သာခွင့် ရလိမ့်မယ်လို့ မျှော်လင့် ထားပါသလား။

ဦးဝင်းတင် ။ ။ ကျနော်တို့ကတော့ မျှော်လင့်တာတော့ ဒါ လွတ်ပေးရမယ်လို့ မျှော်လင့်တာ။ ဘာဖြစ်လို့လည်း ဆိုတော့ ဒီလိုဗျာ ကျနော်တို့က နဂိုကတည်းကိုမှ ဒီအမှုကို ကန့်ကွက်တာ မဟုတ်ဘူး ဒါ မတရား လုပ်ကြံပြီးတော့ စွပ်စွဲတဲ့ အမှုဖြစ်တယ်လို့ ကျနော်တို့က ပြောတယ်။ ဒါက ကျနော်အနေနဲ့ နိုင်ငံရေးအားဖြင့် ပြောတဲ့ အရာပေါ့။ တဖက်ကနေပြီးတော့ ဥပဒေ အကြောင်း အရလည်း ဒီ ဥပဒေဟာ အသက် မရှိတော့တဲ့ အခြေခံဥပဒေ ၁၉၇၄ အခြေခံ ဥပဒေကို အကြောင်းပြုပြီးတော့ အဲဒီက ကန့်သတ်ချက်တွေနဲ့ ကန့်သတ်တာ အဲဒီက ကန့်သတ်ချက်တွေကို ဖေါက်ဖျက်တယ် ဆိုတဲ့ စွပ်စွဲခြင်းကိုဗျာ အဲဒါကြောင့် ကျနော်တို့က ဒါက လုံးဝ လက်မခံဘူး။ ဒါ ကျနော်တို့ရဲ့  အနေအထား ဥပဒေအရလည်း လက်မခံဘူး၊ နိုင်ငံရေး အရလည်း လက်မခံဘူး။

ဦးကျော်ဇံသာ ။ ။ လက်မခံတာတပိုင်းပေါ့ ဆရာ။ ဒါပေမဲ့လည်း ဒီ စစ်အစိုးရကတော့ သူတို့ လိုချင်တဲ့ မျှော်မှန်းချက် အတိုင်း ဒေါ်အောင်ဆန်းစုကြည်ဟာ ရွေးကောက်ပွဲ ကာလမှာ မရှိစေချင်ဘူး၊ အဲဒီကာလမှာ သူကို ဆက်လျှက်ပြီး ချုပ်ထားချင်တယ် ဆိုတဲ့ သူတို့ရဲ့  မျှော်မှန်းချက်က ရှိနေလေတော့ ဆက်လက်ပြီးတော့ သူတို့ ပြစ်ဒဏ် ချမှတ်လိမ့်မယ်လို့ ဆရာတို့ မျှော်လင့် မထားဘူးလား။

ဦးဝင်းတင် ။ ။ မျှော်လင့်တယ်။ ကျနော်က မျှော်လင့်တယ်။ သို့သော် ကျနော်တို့က ဘယ်လိုလဲ ဆိုတော့ ဒီဟာ နိုင်ငံတကာရဲ့  ဖိအားတွေ၊ ဥပမာ အီးယူတို့ အာဆီယံတို့ အပါအဝင်ပေါ့ဗျာ။ ဒီနိုင်ငံပေါင်း များစွာရဲ့  ကမ္ဘာ့ community တခုလုံးက နေပြီးတော့ ဒီဟာကို ကန့်ကွက်နေတဲ့ အတွက် သူတို့ဟာ ဘာဘဲပြောပြော ထည့်သွင်း စဉ်းစားလိမ့်မယ်၊ ချင့်ချင့်ချိန်ချိန် လုပ်လိမ့်မယ်၊ နှိုင်းနှိုင်းယှဉ်ယှဉ် လုပ်မယ်လို့ ကျနော်က တွက်တယ်။ တခါ ပြည်တွင်းမှာလည်း ကျောင်းသားတွေ၊ ရဟန်းသံဃာတွေ၊ ပြည်သူ လူထုတွေ၊ နိုင်ငံရေး အင်အားစုတွေ၊ အတိုက်အခံ နိုင်ငံရေး အင်အားတွေ၊ လူမျိုးစုတွေ အားလုံးကနေ ဒေါ်စု ကို လွတ်ပေးဖို့ပဲ မျှော်လင့်ကြတယ်၊ တောင်းဆိုကြတယ်။ အဲဒီလိုဆိုတော့ သူတို့က ပိုပြီးတော့ ချင့်ချင့်ချိန်ချိန် လုပ်မယ်လို့ ကျနော် မှန်းတယ်။ အဲဒါကို မလုပ်ဘဲနဲ့ ထောင်ချတယ် ဆိုတဲ့ အတွက် ကျနော်တို့က ဒါကို အကြီးအကျယ်ကို စိတ်ထဲမှာ ကျေနပ်မှု မရှိဘူး။ နောက်ပြီးတော့ ဒါနဲ့ ပတ်သက်ပြီးတော့ ကန့်ကွက်တယ်လို့ ပြောချင်ပါတယ်။

ဦးကျော်ဇံသာ ။ ။ ဆိုတော့ ဒါပေမယ့် ဆရာ စောစောက ပြောသလို နိုင်ငံတကာကလည်း ဒါကို အပြစ် မရှိဘူး၊ လွတ်စေချင်တယ်၊ ပြည်သူတွေ ကလည်း အပြစ်မရှိဘူး လွတ်စေချင်တယ်ဆိုတဲ့ ဆန္ဒကိုတော့ စစ်အစိုးရ အာဏာပိုင်တွေ သိဟန်တူတယ် ထင်ပါတယ်။ ဘာကြောင့်လည်း ဆိုတော့ ဗိုလ်ချုပ်မှုးကြီး သန်းရွှေ ရေးထားတဲ့ စာထဲမှာ ကြည့်ရင် ဗိုလ်ချုပ်အောင်ဆန်းရဲ့  သမီးဖြစ်တဲ့ အတွက်ကြောင့် လည်းကောင်း၊ အာဃာတ မပွားစေချင်လို့ အတွက် လည်းကောင်း၊ ဒီမိုကရေစီ အရေးကို ရှေ့ ရှု့ စေချင်တဲ့ အတွက်ကြောင့် လည်းကောင်း သက်ညှာခွင့် ပေးမယ် ဘာညာ ဆိုပြီးတော့ ကြိုးစားထားတာကို တွေ့ရပါတယ်။ ဆိုတော့ သူရဲ့  အားထုတ်မှုကရော ဘယ်လောက် အောင်မြင်သလဲ ဆရာ။ အဲဒီအချက်ကို ဘယ်လို သဘော ရပါသလဲ။

ဦးဝင်းတင် ။ ။ ကျနော်ကတော့ လုံးဝမထင်ဘူးဗျာ။ ကျနော်တို့ ဗမာစကားနဲ့ ပြောမယ်ဆိုရင် ပျားရည်နဲ့ ဝမ်းချတယ် ဆိုတဲ့ စကားလို ဖြစ်နေတယ်။ ဒါကို အရပ်စကားနဲ့ ပြောမယ် ဆိုရင်တော့ ဒါကတော့ လူလည် လုပ်တဲ့စကား ကျနော်တို့ ခပ်ကြမ်းကြမ်းပဲ ပြောသင့် တယ်လို့ ထင်တာပေါ့။ ဘာဖြစ်လို့လည်း ဆိုတော့ ဒီစကား ဒီစကားတွေကို သုံးတယ် ဆိုင်းငံ ပြစ်ဒဏ် ဆိုတာကို သုံးတယ်။ ဒါပေမယ့် တကယ်ကြတဲ့ အခါတော့ အဓိပ္ပါယ်က ဘာလဲဆိုတော့ လာမဲ့ ရွေးကောက်ပွဲ ကာလ အထိကို ဒေါ်အောင်ဆန်းစုကြည်ကို နိုင်ငံရေးကနေ ဖယ်ရှားပြစ်ဖို့ အတွက် လုပ်တာ၊ နဂိုမူလအတိုင်း ကြံရွယ်ချက် အတိုင်းပဲ နဂိုကတည်းက ရှိခဲ့တဲ့ အကြံဆိုးတွေ အတိုင်းပဲ ဒေါ်အောင်ဆန်း စုကြည်ကို အခုလို အမိန့်ချမှတ်တယ်လို့ ကျနော်က ယူဆတယ်။ ဒါကြောင့် ကျနော်က တရားရုံးရဲ့  ဆုံးဖြတ်ချက် ကိုလည်း စီရင်ချက် ကိုလည်း မကျေနပ်ဘူး။ ဒါ အလွန်ကို သူတို့ရဲ့  မူလ အကြံဆိုး အတိုင်း လုပ်တယ်လို့ပဲ ကျနော်က ယူဆတယ်။ နှစ်ကလည်း ဗိုလ်ချုပ်မှုးကြီး သန်းရွှေရဲ့  ဒီဟာဆိုတာကလည်း ရှင်းရှင်းပြောရရင် လူတွေကို နားလှည့် ပါးရိုက်တာဟာမျိုးလို ဖြစ်နေတယ်။ သို့မဟုတ်လည်း ပျားရည်နဲ့ ဝမ်းချသလို ဖြစ်နေတယ်။ စကားလုံး လှလှသုံးပြီးတော့ ဗိုလ်ချုပ်အောင်ဆန်း နာမည် သုံးတာတို့၊ ဒီမိုကရေစီ စကားလုံး သုံးတာတို့ အမျိုးသား ပြန်လည် သင့်မြတ်ရေး စကားလုံးတွေ သုံးတဲ့ဟာ ဒါဟာ အမှန်တိုင်း ပြောရရင် သူတို့ရဲ့  အကြံဆိုး တွေကို ဖုံးကွယ်ဖို့ အတွက် ဒါ လုပ်တာလို့ ကျနော် ယူဆပါတယ်။ ဒါကြောင့် နှစ်ခုစလုံးကို မူလ တရားရုံးရဲ့  စီရင်ချက်ကို ကျနော်တို့ ဆန့်ကျင်တယ်၊ မကျေနပ်ဘူး၊ ကန့်ကွက်တယ်၊ နောက်တခါ ဗိုလ်ချုပ်မှုးကြီး သန်းရွှေရဲ့  စကားလုံးတွေ နဲ့ ပျားရည်နဲ့ ဝမ်းချတဲ့ နေအိမ် အကျယ်ချုပ် ဆိုတာကို ကျနော်တို့က လုံးဝ လက်မခံပါဘူး။

ဦးကျော်ဇံသာ ။ ။ ဒါပေမယ်လည်း ဒီဖက်က ဆရာတို့ဖက်က ဒေါ်အောင်ဆန်း စုကြည် ဖက်က သူရဲ့  အသုံးအနှုန်း အရ ကြည့်မယ် ဆိုရင် ဒါဟာ ကောင်းကောင်းမွန်မွန် နေမယ်ဆိုတာထက် သူတို့က သူတို့ လုပ်နေတဲ့ လမ်းပြမြေပုံတို့ ရွေးကောက်ပွဲ လမ်းစဉ်တို့ကို နည်းနည်း ကြည်ဖြူတဲ့ သဘော ပြမယ်ဆိုရင် လွတ်ပေးမယ်ဆိုတဲ့ ကမ်းလှမ်းချက် ပုံစံမျိုးလည်း ပါတယ်လို့ ကျနော်က အဓိပ္ပါယ် ကောက်တယ်။ ဆရာအနေနဲ့ ဘယ်လို သဘောရပါသလဲ။

ဦးဝင်းတင် ။ ။ အဲဒီဟာဆိုရင်လည်း သူတို့ မှားမှာပဲ ခင်များ။ ဒီဟာက ကျနော်တို့က ဥပမာ ဒေါ်အောင်ဆန်း စုကြည်ကို ဒေါ်အောင်ဆန်း စုကြည်ဖက်က သဘောတူခြင်း၊ မတူခြင်း ဆိုတာ ကျနော်ထင်တယ် ဒေါ်အောင်ဆန်းစုကြည်က ဘယ်လိုမှ သဘော မတူနိုင်ဘူး။ ဘာဖြစ်လိုလည်း ဆိုတော့ ဒါ ရှင်းနေတာပဲ။ ဒီ ရွေးကောက်ပွဲဟာ ဘာအတွက် လုပ်တာလည်း၊ ရွေးကောက်ပွဲဟာ လွှတ်တော်ပေါ်ဖို့ လွှတ်တော်က ဘာလုပ်မှာလဲ ဆိုတော့ ဒီ အခြေခံဥပဒေကို အသက်သွင်းဖို့ပဲ။ ဒေါ်အောင်ဆန်း စုကြည်လည်း ပြောခဲ့ပြီးပြီ ဒီ အခြေခံ ဥပဒေဟာ ကျနော်တို့ ဒီ ရွေးကောက်ပွဲနဲ့ ကျနော်တို့ ကြားထဲမှာ ဒီ အခြေခံဥပဒေကြီး ရှိနေတယ်။ ဒီ အခြေခံဥပဒေကြီးကို မပြင်ရင် ကျနော်တို့ကတော့ ဒီ ရွေးကောက်ပွဲဆိုတာ ဘာမှလုံးဝ စဉ်းစားနိုင်စရာ အကြောင်းကို မရှိဘူး။ ဘာဖြစ်လို့လည်း ဆိုတော့ ဒီ အခြေခံ ဥပဒေတွေက ကျနော်တို့ လုံးဝ လက်ခံနိုင်တဲ့ အရာမဟုတ်ဘူး။ ဒီမိုကရေစီလည်း လုံးဝမဆန်ဘူး၊ ဒီမိုကရေစီနဲ့လည်း လုံးဝ ဆန့်ကျင်နေတဲ့ အခြေခံဥပဒေ ဖြစ်တဲ့ အတွက် ဒီ အခြေခံ ဥပဒေကို မပြင်သရွေ့ တော့ ရွေးကောက်ပွဲ ကိစ္စက ဘာမှ စဉ်းစားစရာ အကြောင်း မရှိဘူးလို့ ပြောချင်ပါတယ်။

ဦးကျော်ဇံသာ ။ ။ ဟုတ်ကဲ့။ ကျနော် ပထမ ဒီ နိုင်ငံရေးအပိုင်းကို မမေးခင်မှာ ဥပဒေ အကြောင်းအရ ဒီကိစ္စ နဲ့ ပတ်သက်ပြီး ဆရာတို့ဖက်က အယူခံဝင်မယ့် အစီအစဉ်တွေများ ရှိပါသလား ခင်များ။

ဦးဝင်းတင်။ ။ ဒါကတော့ ကျနော်တို့က တရားစီရင်ရေးဟာ ဘယ်လောက်ပဲ မှောက်မှား နေပါစေ အောက်ရုံးက တရား စီရင်ရေးတွေ မှောက်မှားနေတယ် ဆိုရင်လည်း အထက်ရုံးက လူတွေကတော့ နှိုင်းနှိုင်းယှဉ်ယှဉ် နဲ့ ပြန်ပြီးတော့ စဉ်းစားမယ့် လူတွေ ရှိကောင်း ရှိလိမ့်မယ် ဒါ တချက်ပေါ့။ နောက်တချက်ကတော့ ကျနော်တို့က ဘာဘဲပြောပြော ဒီမိုကရေစီကို ယုံတဲ့အတွက် တရားစီရင်ရေး ဆိုတာကိုတော့ အဆင့်တဆင့်မှာ မယုံကြည်ရရင်လည်း နောက်တဆင့်ကို တက်တော့ ကျနော်တို့က ယုံကြည် ရလိမ့်မယ်၊ တရားဥပဒေ စိုးမိုးရေးဟာ ရှိလိမ့်မယ်လို့ မျှော်လင့်ချက်နဲ့တော့ ကျနော်ထင်တယ် ဒီအယူခံတို့ ဘာတို့တော့ ဆက်ပြီးတော့ လုပ်မှာပဲ။ ဘာဖြစ်လို့လည်း ဆိုတော့ ဒေါ်အောင်ဆန်းစုကြည် ကိုယ်တိုင်းကလည်း သဘော တူပြီးသား ဖြစ်ပါတယ်။ တရား ဥပဒေ အကြောင်းတွေကို လုပ်တဲ့ နေရာမှာတော့ အစအဆုံးတော့ လုပ်မယ်ဆိုတာ ပြောတာတော့ ရှိတယ်။ သို့သော် အခု ကျနော်တို့ မူလ ရည်ရွယ်ချက် တောင်မှ ဒီအတိုင်း ဆိုရင် အခုလုပ်ပုံ လုပ်နည်းနဲ့ ဒီလို လှည့်ကွက်တွေ နဲ့ မရိုးမသား လုပ်တဲ့ဟာတွေ နဲ့ ပြည်သူလူထုကို ပျားရည်နဲ့ ဝမ်းချချင်တဲ့ ပုံသဏ္ဍာန်မျိုးတွေ လုပ်တဲ့ ဟာတွေနဲ့ဆိုရင် ကျနော်တို့ ရှေ့ ဆက်ပြီးတော့ အယူခံဝင်ဖို့ ဘာတို့ကို စဉ်းစားရမယ့် အနေအထားမှာ ရှိနေမယ်လို့ ကျနော် တယောက်တည်း အနေနဲ့ အဲဒီလိုပဲ ထင်မြင် မိပါတယ်။

ဦးကျော်ဇံသာ။ ။ ဟုတ်ကဲ့ အဲဒါ ဥပဒေ အကြောင်းအရ ဘာဆက်လုပ်မှာ။ နိုင်ငံရေး အရရော ဘာဆက်လုပ်မလဲ ဆရာ။ အခု လူတွေ ပြောကြ ပါလိမ့်မယ် ball is in NLD's Court အစိုးရဖက်ကတော့ လုပ်လိုက်ပြီ အန်အယ်လ်ဒီ ဖက်က ဘယ်လို တုံ့ပြန်မယ်ဆိုတာ မေးလာရင် ဆရာ ဘယ်လိုဖြေမလဲ ခင်များ။

ဦးဝင်းတင် ။ ။ နိုင်ငံရေးအရ ဆိုလို့ ရှိရင်တော့ အခုန ပြောသလိုပေါ့ ကျနော်တို့က အခြေခံ ဥပဒေမှာ ပြင်ဆင်ခြင်း မရှိဘူးဆိုရင် ဒီ ရွေးကောက်ပွဲ ဘာညာဆိုတာ သူတို့ရဲ့  road map တို့ ဘာတို့ကို ကျနော်တို့ ဘာမှ ခေါင်းထဲ ထဲ့ပြီး စဉ်းစားစရာ လိုလိမ့်မယ် မဟုတ်ဘူး။ ဒီထဲမှာ ထပ်ပြီး ဒေါ်အောင်ဆန်းစုကြည်ကို နိုင်ငံရေးလောက ကနေ အနည်းဆုံး တနှစ်ခွဲလောက် ဗမာနိုင်ငံရေးက ဖယ်ထုတ် ထားဖို့အတွက် အကျယ်ချုပ်လို့ ထားဖို့အတွက် လုပ်ခြင်းအားဖြင့်လည်း ဒီ နိုင်ငံရေး လမ်းကြောင်းဟာ ကျနော်တို့ အဖို့ ဘာမှ ရှေ့လျှောက် လမ်းမရှိတော့ဘူး။ အဲဒီတော့ တခုပဲ ရှိတာက ဘာလည်းဆိုတော့ ကျနော်တို့က ကမ္ဘာ့နိုင်ငံများ၊ ကမ္ဘာ့ အင်အားစုများ၊ ကမ္ဘာ့ နိုင်ငံတကာ အဖွဲ့အစည်းများနဲ့ အတူ နောက်ပြီး ပြည်တွင်းမှာရှိတဲ့ တိုင်းရင်းသား အဖွဲ့အစည်းများ၊ ကျောင်းသားလူငယ်၊ ရဟန်း သံဃာ ဆိုတာတွေ အားလုံးနဲ့အတူ ကျနော်တို့က ဆက်ပြီးတော့ ဒေါ်အောင်ဆန်းစုကြည် လွတ်မြောက်ရေးကို ဆက်ပြီးတော့ ကန့်ကွက် သွားရမယ်။ ဒေါ်အောင်ဆန်းစုကြည်နဲ့ အတူ နိုင်ငံရေး အကျဉ်းသားတွေ အားလုံး လွတ်ရေးကို ကန့်ကွက် သွားရမှာပဲ။ အဲဒီတော့ ကျနော်တို့က ဘာပြောချင်သလဲ ဆိုတော့ ဒီကိစ္စမှာ စု၊ လွှတ်၊ တွေ့ ဆိုတဲ့ မူလ မူဝါဒတွေ အတိုင်းပဲ ဒေါ်စု နဲ့ နိုင်ငံရေး အကျဉ်းသားများ လွတ်ရေးကို ကျနော်တို့ ဆက်ပြီးတော့ တောင်းဆိုသွားမယ်။ နောက်ပြီးတော့ ပြည်သူလွှတ်တော် ၁၉၉၀ ရွေးကောက်ပွဲ ရလဒ်များကို တနည်းနည်းနဲ့ ဒေါ်အောင်ဆန်းစုကြည်ရဲ့  စကားလုံး တနည်းနည်းနဲ့ ကျနော်တို့ ဖြေရှင်းရေးကို အဖြေရှာရေး အတွက် ကိုလည်း ကျနော်တို့ ဆက်ပြီး တောင်းဆိုသွားမယ်။ နောက်ပြီးတော့ အမျိုးသား ပြန်လည် သင့်မြတ်ရေးကိစ္စ၊ နိုင်ငံရေး ပြဿနာများကို နိုင်ငံရေးနည်းနဲ့ ဖြေရှင်းဖို့ အတွက် ဒီ တွေ့ဆုံ ဆွေးနွေးရေး ကိစ္စတွေကိုလည်း ကျနော်တို့ ဆက်လက် တောင်းဆို သွားမှာပဲ။ အဲဒါဟာ ကျနော်တို့ရဲ့  နိုင်ငံရေး လမ်းကြောင်း အမှန်ပဲ ဖြစ်မှာလို့ ကျနော် ပြောချင်ပါတယ်။

ဦးကျော်ဇံသာ ။ ။ အခုကတော့ ဆရာအနေနဲ့ တဦးချင်း အနေနဲ့ ပြောနေတာပေါ့။ ဒီ နိုင်ငံရေး လမ်းစဉ်တွေကို အမျိုးသား ဒီမိုကရေစီ အဖွဲ့ချုပ် အနေနဲ့ ဆုံးဖြတ်ချက် ချအုန်းမယ် ထင်ပါတယ်။ အဲဒီလို လုပ်တဲ့အခါမှာ ဆရာတို့ အခုဆွေးနွေးမယ့် ပုဂ္ဂိုလ်တွေထဲမှာ ဘယ်သူတွေ၊ အထူးသဖြင့် တလောက အနားယူသွားတယ်၊ နေမကောင်းလို့ အနားယူတယ် ဆိုတဲ့ ပုဂ္ဂိုလ်တွေ ဦးအောင်ရွှေတို့၊ ဦးလွင်တို့ အဲဒီ ပုဂ္ဂိုလ်တွေ ပါဝင်ပြီး ဆွေးနွေး ကြအုန်းမလား။ သို့တည်းမဟုတ် အခု အသစ် ရွေးချယ်ထားတဲ့ လူတွေနဲ့ ဆွေးနွေး ဆုံးဖြတ်မလား။

ဦးဝင်းတင် ။ ။ ဒီလိုရှိတယ်ခင်များ ဒီ ကိစ္စက ဒီဟာတွေက ကျနော်တို့ရဲ့  ရွှေဂုံတိုင် ကြေငြာချက်မှာ စု၊ လွှတ်၊ တွေ့ ဆိုတဲ့ဟာက အခြေခံပါပဲ။ စု၊ လွှတ်၊ တွေ့ ဆိုပြီးတော့ အခုနပြောတဲ့ နိုင်ငံရေးသမား ဒေါ်စု နဲ့ နိုင်ငံရေး အကျဉ်းသားများ လွတ်ရေး၊ လွှတ်တော် ရလဒ်များကို လွှတ်တော် ကိစ္စနဲ့ ပတ်သက်ပြီး လွှတ်တော် ခေါ်ယူရေးနဲ့ ပတ်သက်ပြီး တနည်းနည်းနဲ့ ဖြေရှင်းပေးရေး၊ တွေ့ဆုံ ဆွေးနွေးပွဲ ဆိုတာ လိုင်းကကျပြီးသာ။ ရွှေဂုံတိုင် တုန်းက ကျပြီးသာ။ နောက်တခါ ရွှေဂုံတိုင်မှာပဲ ကျနော်တို့ တောင်းဆိုခဲ့တာ နိုင်ငံရေး အကျဉ်းသားတွေ အားလုံး လွတ်ပေးရေး၊ နောက်တခါ ဒီမိုကရေစီ မဆန်တဲ့ ဒီ အခြေခံဥပဒေက အချက်တွေကို ပြန်လည် သုံးသပ်ရေး၊ နောက်တခုက နိုင်ငံတကာ ကွပ်ကဲမှုရှိတဲ့ ရွေးကောက်ပွဲ ကျင်းပရေးဆိုတဲ့ တောင်းဆိုချက်တွေက ရှိတဲ့ အခါကြတော့ ကျနော်တို့ ဒါတွေနဲ့ ပတ်သက်ပြီးတော့ ဒီ နိုင်ငံရေး လမ်းကြောင်းကတော့ ကျနော်တို့ သွေဖီစရာ အကြောင်း သိပ်မရှိဘူးလို့ ကျနော်က ထင်တယ်။ အဲဒီတော့ ဒီ တခုပဲရှိတယ် ဒေါ်စုကို မလွတ်ဘူး ဆိုတဲ့ အခါကြတော့ ဒီ စစ်အစိုးရရဲ့  ဇာတိရုပ်က ဘွားဘွားကြီးကို ပေါ်သွားတယ်။

အဲဒီပေါ်တဲ့အပေါ်မှာတည်ပြီးတော့ ကျနော်တို့က ဆက်ပြီးတော့ နိုင်ငံရေးကို အရှိန်မြင့်ခြင်း၊ စသည်ဟာကို ကျနော်တို့ စဉ်းစားဖို့ လိုလိမ့်မယ်လို့ ကျနော်ထင်တယ်။ နောက်တချက်ကတော့ ဒီလို လုပ်တဲ့နေရာမှာ ကျနော်တို့ လူသစ်တွေ ပေါ်လာတဲ့ အဖွဲ့အစည်း ကလည်း ဒါ အင်အားသစ်ကလည်း သူတို့လည်း ပြောခွင့် ဆိုခွင့်နဲ့ သူတို့ရဲ့  ဆွေးနွေးခွင့် တွေနဲ့ သူတို့ရဲ့  အကြံဥာဏ်တွေ နဲ့ သူတို့ ယူသွားမှာပဲ။ သို့သော် လူကြီးတွေပဲလုပ်လုပ် လူငယ်တွေ လူသစ်တွေနဲ့ပဲ လုပ်လုပ် ဘယ်လိုပဲ ပြောပြော ကျနော်တို့ရဲ့  နိုင်ငံရေး လမ်းကြောင်းကတော့ မူလ ရှိပြီးသာ လမ်းကြောင်း ဖြစ်နေတယ်။ မူလ နိုင်ငံရေး လမ်းကြောင်းမှာ ကျနော်တို့ မျှော်လင့်ချက် ထားပါတယ်။ အဲဒီဟာတွေ အကုန်လုံး ဘာမှပေါ်မလာပဲ ဒေါ်စုကို အခုလို နိုင်ငံရေးကနေ ဖယ်ထုတ်မယ် ဆိုရင်တော့ ကျနော်တို့ရဲ့  နိုင်ငံရေး လမ်းကြောင်းဟာ ရှေ့ ဆက်ပြီးတော့ ခိုင်ခိုင်မာမာ ဆက်သွားဖို့သာ ရှိမယ်လို့ ကျနော် ထင်ပါတယ်။

ဦးကျော်ဇံသာ ။ ။ ကျနော် နောက်ဆုံးတချက် မေးချင်တာကတော့ ဆရာတို့ ရွေးမယ့်လမ်းမှာ လူထု နည်းရော ပါအုန်းမလား။

ဦးဝင်းတင် ။ ။ လူထုနည်းလား။ ပါရမှာပေါ့ဗျာ။ ဘာဖြစ်လို့လည်း ဆိုတော့ ကျနော်တို့ ရွှေဂုံတိုင် အစည်းအဝေးမှာ ကျနော် မိန့်ခွန်း ပြောတဲ့ အထဲမှာ ဒါ ပါပြီးသားပါ။ ဘာဖြစ်လို့လည်း ဆိုတော့ ကျနော်တို့ လူထုကို မျက်နှာမူတဲ့ နိုင်ငံရေး လုပ်ရမယ်လို့ ကျနော်တို့ ပြောတဲ့ ဟာက ဘာလဲဆိုရင် ကျနော်တို့ လူထုနဲ့ပဲ တွဲလုပ်ရမှာပေါ့။ လူထုနဲ့တင် မကဘူး တခြား တိုင်းရင်းသား အဖွဲ့အစည်းတွေ ကျောင်းသား လူငယ်တွေ၊ ရဟန်း သံဃာများ အားလုံးနဲ့ ကျနော်တို့ တွဲလုပ်ရမယ်။ ဘာဖြစ်လို့လည်း ဆိုတော့ ဒီ စစ်အစိုးရဟာ သိပ်ပြီးတော့ ကမ္ဘာ တခုလုံးကနေ ပြောဆို နေတာကိုတောင်မှ နားမဝင် နိုင်လောက်အောင် ခေါင်းမာနေတယ် ဆိုရင်တော့ ကျနော်တို့ကလည်း ကျနော့် အနေနဲ့ အန်အယ်လ်ဒီ အစုစုလေးနဲ့ လုပ်လို့ ရမှာ မဟုတ်ဘူး၊ လူထုနည်းနဲ့ပဲ လူထုနဲ့ ချည်းကပ်ပြီးတော့ လူထုနဲ့ အတူ လက်တွဲပြီးတော့ ဒီစစ်အစိုးရရဲ့  ဒီ ခေါင်းမာမှုကို ကျနော်တို့ ဖြေရှင်း သွားရလိမ့်မယ်လို့ ထင်ပါတယ်။


Ref: VOA News

Read More...

ကိုးကန့်အရေး မြန်မာကို တရုတ်သတိပေး

ရန်ပိုင်
Thursday, 13 August 2009 17:16

ကိုးကန့်ဒေသစစ်ရေးတင်းမာမှု အပေါ်တွင် တရုတ်ပြည်မှ စစ်အစိုးရအား သတိပေး ပြောကြားသည် ဟု သိရသည်။

သြဂုတ်လ ၁၀ ရက်နေ့က အရှေ့မြောက်တိုင်း စစ်ဋ္ဌာနချုပ်တိုင်းမှူး ဗိုလ်ချုပ် အောင်သန်းထွဋ် အား ယူနန်ပြည်နယ် လင်ချန်ဒေသ ဒု အုပ်ချုပ်ရေးမှူးနှင့် ရဲမှူးကြီးတို့က လောက်ကိုင်တွင် တွေ့ဆုံပြီး နယ်စပ်ဒေသ အရေးနှင့် ပတ်သက်၍ သတိပေး ပြောကြားသွားသည်။

“ကိုးကန့်မှာရှိတဲ့ တရုတ်အမျိုးသားတွေ တရုတ်ပြည်ဘက်ကို ထွက်ပြေးတဲ့ ကိစ္စမျိုး နောက်ထပ် မဖြစ်ဖို့ ပြင်းပြင်း ထန်ထန် သတိပေးတယ်၊ တိုင်းမှူးကလည်း နောင် ဒါမျိုး မဖြစ်စေရပါဘူးလို့ ကတိပေးတယ်” ဟု တရုတ်နယ်စပ် စစ်ရေး နိုင်ငံရေး အကဲခတ် ဦးအောင်ကျော်ဇော က ပြောသည်။

လင်ချန်ဒေသသည် ယူနန်ပြည်နယ်တွင် ခရိုင် ၄ ခရိုင်နှင့်သာ ဖွဲ့စည်း ထားသော တိုင်းတခုဖြစ်သည်။

စစ်အစိုးရဒေသဆိုင်ရာ အာဏာပိုင်များက ချင်းရွှေဟော် ဒေသရှိ စီးပွားရေး လုပ်ကိုင်နေသော မြန်မာ ပြည်သားများကို အတင်းအကျပ် မြန်မာပြည်ထဲသို့ ပြန်ခိုင်း နေသည် ဟုလည်း ၎င်းဆိုသည်။

ယခုရက်ပိုင်းတွင် ကိုးကန့်ဒေသ ချင်းရွှေဟော်အနီးတွင် ကိုးကန့် ၊ ၀ နှင့် KIA အထူးဒေသ ၄ အပါအ၀င် နယ်ခြား ဒေသရှိ အပစ်ရပ် အဖွဲ့အစည်းများ၏ တပ်များအားလုံးသည် ဒေသ ကာကွယ်ရေး အတွက် ညီညွတ်မှု ပိုရှိလာပြီး တပ်များကိုလည်း အသင့် အနေအထားဖြင့် ပြင်ထားသည်ဟု သိရသည်။

“၀ တပ်မဟာ ၃၁၈ ရဲ့အထူးတပ်ရင်း၂ ရင်းကို ချင်းရွှေဟော်နားမှာ ချထားပြီး၊ အခြေအနေကို စောင့်ကြည့်နေတယ်၊ ကိုးကန့် အပေါ်မှာ အရေးယူမှု လုပ်ခဲ့ရင် ချက်ခြင်း ကာကွယ်နိုင်အောင်ဖြစ်တယ်” ဟု ဦးအောင်ကျော်ဇော က ပြောသည်။

တရုတ်ပြည်မှ မြန်မာစစ်အစိုးရအပေါ် ကန့်ကွက်မှု ပြုလုပ်ပြီးသည့် နောက်ပိုင်းတွင် စစ်အစိုးရ တပ်များ နောက်ထပ် စစ်ပြင်မှုများ မရှိတော့ကြောင်း သိရသည်။

“တရုတ်ပြည်က နယ်စပ်ဒေသကို ဆက်ထိန်းထားချင်တယ်၊ လူမျိုးစု လက်နက်ကိုင် တပ်တွေကလည်း စစ်အစိုးရထက် တရုတ်အစိုးရကို ပိုပြီးတော့ အယုံအကြည် ရှိတယ်၊ ဒီဒေသကို တည်ငြိမ် စေချင်တယ်၊ ဒါကြောင့် သတိပေးတာဖြစ်တယ်” ဟု ဦးအောင်ကျော်ဇော ကပြောသည်။

တရုတ်နိုင်ငံသည် မြန်မာပြည်အရေးနှင့်ပတ်သက်၍ ပြည်တွင်းရေးကို ၀င်ရောက် မစွက်ဖက်သော မူကို ကိုင်စွဲထားပြီး၊ နယ်စပ် ဒေသများ တည်ငြိမ်ရေးကို အထူး အလေးထားသည် ဟု သိရသည်။

ကိုးကန့်ဒေသသို့ ရောက်လာသော အရှေ့မြောက်တိုင်း စစ်ဋ္ဌာနချုပ် တိုင်းမှူး ဗိုလ်ချုပ် အောင်သန်းထွဋ် သည် ကိုးကန့် အပစ်ရပ် အဖွဲ့ ဥက္ကဋ္ဌ ဖုန်ကျားရှင်နှင့် တွေ့ဆုံခွင့် မရရှိဘဲ၊ ခရိုင်အဆင့်ရှိ ကိုယ်စားလှယ်နှင့်သာ တွေ့ဆုံခွင့် ရရှိခဲ့သည်ဟု သိရသည်။

ယနေ့ထုတ်စစ်အစိုးရသတင်းစာများတွင် အရှေ့မြောက်တိုင်း စစ်ဋ္ဌာနချုပ် တိုင်းမှူး ဗိုလ်ချုပ်အောင်သန်းထွဋ် လောက်ကိုင် တပ်နယ်သို့ ရောက်ရှိပြီး တိုင်းရင်းသား ခေါင်းဆောင်များ၊ ဋ္ဌာနဆိုင်ရာ ၀န်ထမ်းများနှင့် တွေ့ဆုံ၍ နယ်မြေဒေသ ဖွံဖြိုး တိုးတက်ရေး ဆိုင်ရာများကို ဆွေးနွေး ညှိနှိုင်းသည်ဟု ဖော်ပြထားသည်။

ပြီးခဲ့သည့် သြဂုတ်လ ၈ ရက်နေ့က ဖုန်ကျားရှင်၏ အိမ်ကို ၀င်ရောက် ရှာဖွေရန် ကြိုးစားခဲ့၍ စစ်အစိုးရ တပ်များနှင့် ကိုးကန့် တပ်ဖွဲ့များ ကြားတွင် စစ်ရေး ထိပ်တိုက် ရင်ဆိုင်မှု ဖြစ်ပွားသည်။

ကိုးကန့်ဒေသသည် ယူနန်ပြည်နယ် လင်ချန်ဒေသကြီးနှင့် ကပ်လျက်ရှိ၍ ၊တရုတ်လူမျိုးများ အများဆုံး နေထိုင်ကြပြီး၊ ယခင် က မူးယစ်ဆေးဝါး ထုတ်လုပ် ရောင်းချမှုနှင့် ပတ်သက်သည် ဟု အပြည်ပြည်ဆိုင်ရာ မူးယစ်ဆေးဝါး တိုက်ဖျက်ရေး အဖွဲ့များက သံသယ ရှိကြသည်။

ဖုန်ကျားရှင်ဦးဆောင်သော ကိုးကန့်အဖွဲ့သည် ၁၉၈၉ ခုနှစ်တွင် စစ်အစိုးရနှင့် အပစ်အခတ် ရပ်စဲရေး ပြုလုပ်ထားသော အဖွဲ့ ဖြစ်သည်။

Ref: ဧရာဝတီ

Read More...

ကုလ လုံခြုံရေးကောင်စီ အစည်းအဝေး မြန်မာ့အရေး မဆုံးဖြတ်နိုင်

ကြာသပတေးနေ့၊ သြဂုတ်လ 13 ရက် 2009 ခုနှစ် 18 နာရီ 24 မိနစ်

မဇ္ဈိမ (ချင်းမိုင်)။ ။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား နေအိမ် အကျယ်ချုပ် ၁၈ လ တိုးမြှင့် လိုက်ခြင်းနှင့် ပတ်သက်၍ ဆွေးနွေးနေသော ကုလလုံခြုံရေး ကောင်စီ၏ ပြီးခဲ့သည့် အင်္ဂါနေ့က တံခါးပိတ် အစည်းအဝေးသည် ဆုံးဖြတ်ချက် တစုံတရာ ချမှတ်နိုင်ခြင်း မရှိဘဲ ရပ်ဆိုင်းခဲ့ရသည်။

ဒေါ်အောင်ဆန်းစုကြည်အပေါ် ချမှတ်သော တရားရုံးဆုံးဖြတ်ချက်ကို ရှုတ်ချပြီး နိုင်ငံရေး အကျဉ်းသား အားလုံး လွှတ်ပေးရန် တောင်းဆိုသည့် အဆိုပြုချက် မူကြမ်းကို အမေရိကန်က ရေးဆွဲပြီး လုံခြုံရေး ကောင်စီသို့ တင်သွင်းခဲ့သော်လည်း ဆုံးဖြတ်ချက် ချမှတ်နိုင်ခြင်း မရှိဘဲ ရပ်ဆိုင်း ခဲ့ရခြင်းဖြစ်သည်။

ထောင်တွင်းတရားရုံးက ဒေါ်အောင်ဆန်းစုကြည်အား အမိန့်ချမှတ်သော ယခုလ ၁၁ ရက်၊ အင်္ဂါနေ့၌ပင် ယင်းကိစ္စနှင့် ပတ်သက်၍ ဆွေးနွေးရန် ပြင်သစ်နိုင်ငံ၏ တောင်းဆိုချက် အရ အဖွဲ့ဝင် ၁၅ နိုင်ငံ ပါဝင်သည့် လုံခြုံရေးကောင်စီ အစည်းအဝေးအား ကျင်းပခဲ့ခြင်း ဖြစ်ကြောင်း နိုင်ငံတကာ သတင်းများတွင် ဖော်ပြသည်။

ဗီဒိုအာဏာရှိသော တရုတ်၊ ရုရှ အပါအဝင် နိုင်ငံအချို့က လုံခြုံရေး ကောင်စီက ဆုံးဖြတ်ချက် တစုံတရာ မချမှတ်မီ ၎င်းတို့၏ အစိုးရများနှင့် ပြန်လည်ဆွေးနွေးရန် လိုအပ်သည်ဟု တင်ပြခဲ့ကြသည်။

ထို့အပြင် တရုတ်အစိုးရက မြန်မာနိုင်ငံ၏ တရားရေးစနစ်ကို အသိအမှတ်ပြု လေးစားရန်နှင့် အင်းအားကြီးနိုင်ငံများ အနေဖြင့် မြန်မာပြည်တွင်းရေးကို ဝင်ရောက်စွက်ဖက်ခြင်း မပြုရန် ယမန်နေ့က သတိပေး ပြောကြားခဲ့သည်။

တရုတ်နိုင်ငံသည် မြန်မာနိုင်ငံနှင့် စီးပွားရေး၊ စစ်ရေးအရ ပူးပေါင်း ဆောင်ရွက်မှုများ တိုးချဲ့ ပြုလုပ်လျက်ရှိပြီး ကုလသမဂ္ဂမှ ဆုံးဖြတ်ချက်များ ချမှတ်ရာတွင်လည်း ဗီဒိုအာဏာသုံး၍ အကာအကွယ် ပေးလေ့ ရှိသည်။

ဒေါ်အောင်ဆန်းစုကြည်အား ယင်းသို့ နေအိမ်အကျယ်ချုပ် ချမှတ်ခဲ့မှုအပေါ် ကုလသမဂ္ဂ အထွေထွေ အတွင်းရေးမှူး ဘန်ကီမွန်းက အလွန်အမင်း စိတ်ပျက်ရကြောင်းနှင့် ကုလ၏ ဆုံးဖြတ်ချက်ဖြစ်သော ဒေါ်အောင်ဆန်းစုကြည်နှင့် နိုင်ငံရေး အကျဉ်းသားအားလုံး အမြန်လွှတ်ပေးရန် ထပ်မံ တောင်းဆိုလိုက်သည်။

အမေရိကန်၊ ဗြိတိန်၊ ပြင်သစ်၊ ကနေဒါ၊ သြစတြေးလျား အစိုးရတို့ကလည်း ယင်းအမိန့်နှင့် ပတ်သက်၍ ရှုတ်ချကြပြီး ဤပုံစံအတိုင်း ဆက်သွားပါက ၂ဝ၁ဝ ခုနှစ်တွင် ကျင်းပရန် လျာထားသည့် စစ်အစိုးရ၏ ရွေးကောက်ပွဲ ရလဒ်အား နိုင်ငံတကာက အသိအမှတ် ပြုဖွယ် မရှိကြောင်း ထုတ်ဖော် ပြောဆိုကြသည်။

မြန်မာနိုင်ငံက အဖွဲ့ဝင်အဖြစ် ပါဝင်သော အာဆီယံ အဖွဲ့ကြီးကိုယ်စား အလှည့်ကျ ဥက္ကဋ္ဌ ဖြစ်နေသော ထိုင်းနိုင်ငံက ဒေါ်အောင်ဆန်းစုကြည်နှင့် နိုင်ငံရေးအကျဉ်းသား အားလုံး လွှတ်ပေးရန် ယမန်နေ့က ထပ်မံ တောင်းဆို ခဲ့ပြန်သည်။

အမေရိကန် လွှတ်တော်နိုင်ငံခြားဆက်ဆံရေး ကော်မတီ၏ အရှေ့အာရှနှင့် ပိစိဖိတ် ဒေသဆိုင်ရာ ကော်မတီခွဲ ဥက္ကဋ္ဌဖြစ်သူ အမေရိကန် ဒီမိုကရက်တစ် လွှတ်တော်အမတ် Jim Webb သည် မကြာမီ ကာလအတွင်း ဗိုလ်ချုပ်မှူးကြီးသန်းရွှေ အပါအဝင် စစ်ခေါင်းဆောင်များနှင့် တွေ့ဆုံမည် ဖြစ်ကြောင်း ၎င်း၏ရုံးက ယမန်နေ့တွင် ထုတ်ပြန်ပြောဆိုခဲ့သည်။

အင်းစိန်ထောင်တွင်းမှ အထူးတရားခွင်က ဒေါ်အောင်ဆန်းစုကြည်ကို နေအိမ် အကျယ်ချုပ် စည်းမျဉ်း ချိုးဖောက်သည်ဟု စွပ်စွဲ၍ အင်းစိန်ထောင်အတွင်း ရက်ပေါင်း ၅၀ ကျော် ချုပ်နှောင် ထားပြီးနောက် ယခုလ ၁၁ ရက်နေ့တွင် ထောင်ဒဏ် ၃ နှစ် ချမှတ်လိုက်သည်။

သို့သော် ယင်းနေ့မတိုင်မီ တရက်အလိုတွင် မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေက ပြည်ထဲရေး ဝန်ကြီးဌာနသို့ ပေးပို့သည့် ကြိုတင် ညွှန်ကြားချက် အရ နေအိမ်အကျယ်ချုပ် ၁၈ လသို့ လျှော့ချခဲ့သည်။

မြန်မာနိုင်ငံတွင် ယုံကြည်ချက်ကြောင့် အကျဉ်းချခြင်း ခံထားရသော နိုင်ငံရေး အကျဉ်းသား ၂၀၀၀ ထောင်ကျော် ရှိသည်ဟု နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) က ထုတ်ပြန်ထားသည်။

Ref: မဇ္ဈိမ

Read More...

တရားရုံးဆုံးဖြတ် ချက်မျှတမှုမရှိဟု ဒေါ်အောင်ဆန်းစုကြည် ပြောဆို

ကိုစိုး
Thursday, 13 August 2009 17:17

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ၎င်းအပေါ် မကြာသေးခင်က ချမှတ်လိုက်သော စစ်အစိုးရ တရားရုံး၏ ဆုံးဖြတ်ချက်သည် မျှတမှု မရှိကြောင်းနှင့် ယုတ္တိမတန်ကြောင်း မှတ်ချက် ပြုလိုက်သည်ဟု ရှေ့နေကြီး ဦးဉာဏ်ဝင်းက ပြောသည်။

ယမန်နေ့က ဒေါ်အောင်ဆန်းစုကြည်၏ အစီအစဉ်ဖြင့် အယူခံတင်ရန် အတွက် ၎င်း၏ နေအိမ်သို့ သွားရောက် တွေ့ဆုံရာတွင် ဤကဲ့သို့ စစ်အစိုးရ တရားစီရင်ရေး အပေါ် မှတ်ချက် ပြုလိုက်ခြင်း ဖြစ်သည်ဟု ဦးဉာဏ်ဝင်းက ပြောပြသည်။

“တရားစီရင်ရေး ဆုံးဖြတ်ချက်က လုံးဝ မမျှတဘူး၊ ယုတ္တိမတန်ဘူးပေါ့ တရားရုံး ဆွေးနွေးချက်တွေက၊ အဲဒီလို ဒေါ်အောင်ဆန်းစုကြည်က မှတ်ချက်ပေးပါတယ်၊ ကျနော်တို့ မနေ့က မွန်းလွဲ ၃း၃၀ ကနေ ၄း၃၀ အထိ ၁ နာရီ တွေ့ခွင့်ရတယ်၊ ဒေါ်အောင်ဆန်းစုကြည် အိမ်မှာပါ၊ အယူခံအတွက်ပါ၊ ဒါပေမယ့် အဲဒါတွေ တော့ ကျနော်တို့ ပြောလို့ မရသေးပါဘူး”ဟု ၎င်းက ပြောဆိုသည်။

ဒေါ်အောင်ဆန်းစုကြည် အယူခံတင်ရန်အတွက် တရားရုံး၏ စီရင်ချက် မိတ္တူ ကို စောင့်ရမည် ဖြစ်သောကြောင့် လာမည့် အပတ်အတွင်းမှ တင်နိုင်မည်ဟု ခန့်မှန်းကြောင်းလည်း ၎င်းက ဆိုသည်။

“အဲဒီ စီရင်ချက် မိတ္တူကို အယူခံလွှာနဲ့တွဲရမှာ၊ အဲဒါကို ကျနော်တို့ လျှောက်လွှာ တင်ပြီးပြီ ၊ ဘယ်နေ့ ရမလဲတော့ မသိဘူး၊ အခုတင်ရင် တိုင်းတရားရုံးကို တင်ရမယ်၊ တိုင်းမှာ ရှုံးရင်တော့ ဗဟို တက်ရမှာပေါ့” ဟု ဦးဉာဏ်ဝင်း က ဆက်ပြောသည်။

ဒေါ်အောင်ဆန်းစုကြည်အား ပြီးခဲ့သည် အင်္ဂါနေ့တွင် အင်းစိန်ထောင်တွင်း အထူးတရားရုံးက ထောင်ဒဏ် ၃ နှစ် ချလိုက်သည်ကို စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ ၏ အမိန့်ဖြင့် နေအိမ် အကျယ်ချုပ် တနှစ်ခွဲသို့ ပြောင်းလဲ သတ်မှတ်ခဲ့သည်။

ထို ပြစ်ဒဏ်လျှော့ပေါ့ရခြင်း အကြောင်းအရင်းမှာ ဒေါ်အောင်ဆန်းစုကြည်သည် ဗိုလ်ချုပ်အောင်ဆန်း ၏ သမီးဖြစ် ၍ လည်းကောင်း၊ ရပ်ရွာ အေးချမ်းသာယာရေးနှင့် တည်ငြိမ်ရေးကို ရှေးရှု၍ လည်းကောင်း၊ အာဃာတ မရှိစေရေး အတွက် လည်းကောင်း၊ ဒီမိုကရေစီ လမ်းကြောင်းတွင် အနှောင့်အယှက် မဖြစ်စေရေး အတွက်လည်းကောင်း ဖြစ်သည်ဟုလည်း ဆိုသည်။

ယင်း ပြစ်ဒဏ် ၁ နှစ် ခွဲ အတွင်း သတ်မှတ် စည်းမျဉ်းစည်းကမ်း များနှင့် ညီညွတ်ပါက ဒေါ်အောင်ဆန်းစုကြည် ကို လွတ်ငြိမ်း ချမ်းသာခွင့် ပေးမည်ဟုလည်း ဗိုလ်ချုပ်မှူးကြီး သန်းရွှေ ၏ အမိန့်တွင် ပါရှိသည်။

ဒေါ်အောင်ဆန်းစုကြည် လိုက်နာရမည့် စည်းကမ်းချက်များမှာ တက္ကသိုလ် ရိပ်သာလမ်းရှိ နေအိမ်တွင်ပင် နေရမည်၊ ခြံဝင်းအတွင်း လွတ်လပ်စွာ သွားလာခွင့် ရှိမည်၊ ကျန်းမာရေးအတွက် ဆရာဝန်နှင့် ပြသခွင့်ရမည်၊ သက်ဆိုင် ရာ ခွင့်ပြုချက်ဖြင့် ဧည့်သည် တွေ့ခွင့် ရမည်၊ မြဝတီ ၊ မြန်မာ့ ရုပ်မြင်သံကြား ကြည့်ရှုခွင့်ရမည်၊ မြန်မာ နိုင်ငံထုတ် နေ့စဉ် သတင်းစာများနှင့် ဂျာနယ် မဂ္ဂဇင်းများ ဖတ်ခွင့် ရမည်၊ လိုအပ်ချက် ရှိပါက စာရေးသား တောင်းဆိုခွင့် ရမည်၊ ၎င်း စည်းကမ်းချက်များ အပြင် တခြားကိစ္စများ ဆောင်ရွက်လိုပါက သက်ဆိုင်ရာ ခွင့်ပြုချက် တောင်းခံ၍ ဆောင်ရွက်ခွင့်ရှိမည် စသည့် အချက် ၈ ချက် ဖြစ်ကြောင်း သိရသည်။

ဦးဉာဏ်ဝင်းက မူ ယင်း စည်းကမ်းချက်များသည် ရှင်းလင်းမှု မရှိကြောင်း ပြောဆိုသည်။

“ကျနော်တို့ ကိုယ်တိုင် အဲဒီ ၈ ချက်လုံးကို မရှင်းဘူး၊ ဒေါ်အောင်ဆန်း စုကြည်လည်း မရှင်းဘူး၊ အဲဒီတော့ မရှင်းတဲ့ ကိစ္စကို ကျနော်တို့ ဆောင်ရွက်ဖို့ ရှိပါတယ်၊ သူတို့ သတ်မှတ်တဲ့ စည်းကမ်းချက်ထဲမှာ ရေဒီယို နားထောင်ခွင့် မပါဘူး ၊ ရေဒီယိုနဲ့ ပတ်သက်လို့ ဘာမှ မပါဘူး၊ ရုပ်မြင်သံကြားနဲ့ ပတ်သက်လို့လည်း နိုင်ငံခြား လိုင်းတွေ မပါဘူး၊ စာအုပ် စာတမ်း အနေနဲ့လည်း ပြည်တွင်းမှာ တရားဝင် တင်သွင်း ရောင်းချနေတဲ့ နိုင်ငံခြား စာနယ်ဇင်းတွေ ဖတ်ခွင့် ရမရ ဆိုတာ မသေချာဘူး၊ ကျနော် မနေ့က သွားတွေ့တော့ Newsweek နဲ့ Time မဂ္ဂဇင်း ၄ စောင် ယူသွားတယ်၊ အဲဒါကို ကျနော် အာဏာ ပိုင်တွေကို ပေးထားတယ်၊ ရမရ သူတို့ မပြောသေးဘူး”ဟု ဦးဉာဏ်ဝင်း က ပြောပြသည်။

လတ်တလောတွင် ဒေါ်အောင်ဆန်းစုကြည်၏ နေအိမ်ကို အာဏာပိုင်များက လုံခြုံရေးအတွက် အင်းလျားကန် ဘက်တွင် ခြံစည်းရိုး အကာအရန်များ ပြုလုပ်နေသည် ဟုလည်း ဆိုသည်။

ဒေါ်အောင်ဆန်းစုကြည်ကို ၎င်း၏အိမ်သို့ တိတ်တဆိတ် ဝင်ရောက်ခဲ့သော ဂျွန် ၀ီလျံ ယက်ထော အမှုနှင့် ပတ်သက်ပြီး အာဏာပိုင်များက မေလ ၁၄ ရက်နေ့ နံနက်ပိုင်းတွင် အကျယ်ချုပ် ထားရာ နေအိမ်မှ အင်းစိန်အကျဉ်း ထောင်သို့ ခေါ်ဆောင်၍ တားဆီးမိန့် ချိုးဖောက်မှု ပုဒ်မ ၂၂ ဖြင့် တရား စွဲဆိုလိုက်ကာ မေလ ၁၈ ရက်နေ့မှ စတင် ၍ အစိုးရ တရားလိုပြ သက်သေများကို ဆက်တိုက် စစ်ဆေးခဲ့ပြီး မေလ၂၆ နေ့တွင် ဒေါ်အောင်ဆန်း စုကြည်ကို စစ်ဆေးခဲ့သည်။ ပုဒ်မ ၂၂ သည် ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ် အထိ ကျခံရနိုင်ကြောင်း သိရသည်။

အဆိုပါ ဂျွန် ၀ီလျံ ယက်ထောသည် အင်းလျားကန်စောင်းရှိ ဒေါ်အောင်ဆန်း စုကြည်၏ နေအိမ်သို့ ရေကူး၍ သွားရောက်ကာ မေလ ၃ ရက် မှ ၅ ရက်နေ့အထိ ၃ ရက်ကြာနေထိုင်ခဲ့ပြီး မေလ ၆ ရက် နေ့တွင် အင်းလျားကန် အတွင်း၌ ၎င်းအား တွေ့ရှိရသဖြင့် ဖမ်းဆီးခဲ့ကြောင်း မေလ ၇ ရက်နေ့ထုတ် စစ်အစိုးရ သတင်းစာများတွင် ဖော်ပြ ထားသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်း အကြမ်းဖက် တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်း ခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။

Ref: ဧရာဝတီ

Read More...

Thursday, August 13, 2009

ဗိုလ်ချုပ်တွေ မျက်နှာနီနေရော့မယ်

ရဲဘော်ဖိုးသံချောင်း
၁၂ သြဂုတ် ၂၀၀၉

နအဖဗိုလ်ချုပ်များ သဘောထားကြီးကြပါပေ့။ ဗိုလ်ချုပ်အောင်ဆန်း အပေါ် လေးစား တန်ဖိုးထားကြ ပါပေ့။ ဆက်လို့သာ ရေးရင် စာဖတ်သူတွေက တဟားဟား ရယ်ကြတော့မှာပါ။

ဒီအမှုမှာ တရားဥပဒေစကားတွေကို ဖိနပ်ကြားက နတ်စကားထွက် ဆိုတာလို အမြှုပ် ထွက်မတတ် ပြောခဲ့တဲ့ နအဖအာဏာ ပိုင်တွေနဲ့ သူတို့ သတင်းစာတွေ ထဲက ကြေးစား ဆောင်းပါး ရေးသူတွေဟာ “ယိမ်းနွဲ့ပါးဓားကွ၊ ထုတ်မိရင် ခုတ်ကိုခုတ်ရမှ” လို့ ကြုံးဝါး နေရာကနေ အပြီးသတ်တော့ ဝှီးဖတ် ဆိုသလို ဘေးက ငှက်ပျောပင်ကိုပဲ ပိုင်းလိုက်ရ သလို ဖြစ်သွားပါတယ်။

ဗမာပြည်ရဲ့ ဒီနေ့ အခြေအနေမှာ နအဖထင်သလို လုပ်လို့ မရဘူးဆိုတာ ဒီအချက်က အထင်သာဆုံး ဖော်ပြလိုက်တာ ဖြစ်ပါတယ်။ နအဖကို ကမ္ဘာအဆုံး တည်တံ့မယ့် အဖွဲ့အစည်းကြီး တခုလို သဘောထားပြီး ဘုန်းတော် ဘွဲ့တွေရေး၊ သခင်အားရ ကျွန်ပါးဝ လုပ်နေသူတွေလည်း ဒီအချက်ကို သတိထား ကြပါ။ နအဖ ဗိုလ်ချုပ်တွေဟာ အချိန်မရွေး သားကောင်ချနင်း တတ်တယ် ဆိုတာ မမေ့ ကြပါနဲ့။

သေချာတာကတော့ ဒီတပွဲမှာ ပြည်သူတွေဘက်က အောင်ပွဲ ခံလိုက်ပါတယ်။ နအဖအနေနဲ့ အရှက်ပြေ ဘယ်လို ဆင်ခြေတွေပဲ ပေးနေနေ အောင်ခြင်းရှစ်ပါး သီချင်းထဲကလို ဒီတပွဲမှာတော့ “ဆင်မိုက်ကြီးမှာ ဒူးတုပ်ရရှာ” ဖြစ်သွားတာ အမှန်ပါပဲ။ ပြည်သူတွေရဲ့ အစွမ်းပြမှု၊ နိုင်ငံတကာက ဖိအားပေးမှုတွေ အောက်မှာ မောက်မာလှတဲ့ ဗိုလ်ချုပ်တွေ မျက်လွှာချရတာ တွေ့လိုက်ရပါပြီ။ တရားသူကြီးမင်း ဆိုသူက (၅) မိနစ်လောက်သာ ကြာတဲ့ အလုပ်ကြမ်းနဲ့ ထောင်ဒဏ် သုံးနှစ်ဆိုတဲ့ စီရင်ချက်ကို ချပြီးတာနဲ့ တဆက်တည်း လိုလိုမှာ ပြည်ထဲရေး ဝန်ကြီးဆိုသူက ဗိုလ်သန်းရွှေရဲ့မေတ္တာတော် ဆိုတာကို လာကြေညာ ခဲ့ပါတယ်။ အမှု တခုလုံးဟာ လိမ်ဆင်မှန်း၊ ကြပ်ပြေးက ဒါရိုက်တာ လုပ်နေတာမှန်း ရှင်းသထက် ရှင်းသွားတော့တာပါပဲ။

အဲဒီဒါရိုက်တာရဲ့ လက်ချက်မှန်း ထပ်ပေါ်လွင်စေတဲ့ ကိစ္စကတော့ ဒေါ်အောင်ဆန်း စုကြည်ကို အိမ်ထဲမှာ ချုပ်ထားတာနဲ့ တချိန် တည်းမှာ အိမ်ရဲ့ခြံမြေကို ရောင်းလိုက်ပြီ ဆိုတဲ့ ကိစ္စနဲ့ စိတ်မအေးအောင် နှိပ်စက် ထားတာပါပဲ။ လူတယောက်ကို အိမ်ထဲက မထွက်နိုင်အောင် လုပ်ထားပြီး အဲဒီအိမ်တိုင်ကို လှုပ်နှဲ့နေတာနဲ့ တူနေပါတယ်။ စားကောင်းခြင်း မစားရ၊ အိပ်ကောင်းခြင်း မအိပ်ရအောင် ဖန်တီး ထားပုံတွေဟာ အတွေ့အကြုံ များလှကြောင်း ပြသနေတာပါပဲ။ နောက်ပြီး သတ်မှတ်ထားတဲ့ အိမ်ချုပ်ကလည်း တနှစ်ခွဲတဲ့။ ၂ဝ၁ဝ ရွေးကောက်ပွဲ ပြီးတဲ့အထိ လို့ပဲ ဒဲ့ဒိုး ပြောလိုက်ပါတော့လား။

ဒီပွဲမှာ ဗိုလ်ချုပ်တွေ အမြီးကုပ် သွားတယ် ဆိုတဲ့အတွက် ပြည်သူတွေ အနေနဲ့ ပေါ့လို့ လုံးဝမဖြစ်ပါ။ ဒီအောင်ပွဲဟာ အသေးစား တခုသာ ဖြစ်ပါတယ်။ လက်ရှိ ဗမာပြည် အခြေအနေမှာ နအဖ ဗိုလ်ချုပ်တွေဟာ အရှုံးကို လွယ်လွယ်နဲ့ လက်မခံဘူးဆိုတာ မမေ့သင့်ပါဘူး။ လက်စားချေဖို့၊ သူတို့ သိက္ခာကို ပြန်ဆယ်ဖို့ ရှက်ရမ်း ရမ်းလာနိုင်တဲ့ အကြံအစည်တွေကို ပြင်ဆင်နေကြမယ် ဆိုတာ သံသယ ဖြစ်စရာမလိုဘူး ထင်ပါတယ်။ အဲဒီအတွက် အစီအစဉ်တွေ လုပ်ပြီးသားတောင် ဖြစ်ချင်ဖြစ်မှာပါ။

နအဖက ဒေါ်အောင်ဆန်းစုကြည်ကို သူတို့ရဲ့ ၂ဝ၁ဝ ရွေးကောက်ပွဲ မပြီးမချင်း အပြင်မှာ ရှိမနေစေချင်ဘူး ဆိုတဲ့ အချက်ကတော့ သေချာသွားပြီ။ တကယ်ကျတော့ ဒေါ်အောင်ဆန်းစုကြည်ဟာ အဲဒီရွေးကောက်ပွဲကို ဝင်မှာ မဟုတ်ဘူးဆိုတာ လူတိုင်း သိနေတာပါ။ ဒါနဲ့များ စစ်အာဏာရှင် ဗိုလ်ချုပ်တွေက ဘာကို ပူပန်နေကြတာလဲ။ ဒီနေရာမှာ ဝှက်ဖဲတွေ၊ လှည့်ကွက်တွေ ရှိလေသလားလို့ တွေးကြည့် သင့်ပါတယ်။ တကယ်လို့များ နအဖက အမျိုးသား ဒီမိုကရေစီ အဖွဲ့ချုပ်ကို ချေမှုန်းတယ်ဆိုရင်၊ ဒါမှမဟုတ် ၂ဝ၁ဝ ရွေးကောက်ပွဲ ဥပဒေကို ကြေညာ လိုက်တဲ့နောက် အမျိုးသား ဒီမိုကရေစီ အဖွဲ့ချုပ်အတွင်းမှာ တခုခုဖြစ်တယ် ဆိုရင် အပြင်မှာ ဒေါ်အောင်ဆန်းစုကြည် ရှိမနေတာဟာ သူတို့အတွက် ပိုမကောင်းပေဘူးလား။ ဒေါ်အောင်ဆန်းစုကြည်ကို အမျိုးသား ဒီမိုကရေစီ အဖွဲ့ချုပ်ထဲက တက်ကြွသူတွေနဲ့ ခွဲထားဖို့ဆိုတာဟာ နအဖရဲ့အရေးကြီးတဲ့ နည်းဗျူဟာတခု ဖြစ်တယ်ဆိုတာ မမေ့သင့်ပါဘူး။ တကယ်လို့များ ပြည်သူလူထုကြီး အုံကြွလာတယ် ဆိုရင် သူတို့ရှေ့မှာ ဒေါ်အောင်ဆန်းစုကြည် ရှိမနေတာဟာ နအဖအတွက် အခက်အခဲကြီး ဖြစ်မယ်ဆိုတာကို သူတို့တွက်မိမှာပါ။

ဒီအမှုကြောင့်မို့ ပြည်သူလူထုတွေ ပိုသွေးစည်းလာတယ်၊ တိုက်ပွဲဝင် စိတ်ဓာတ် မြင့်မားလာတယ်၊ သတိ ပိုရှိလာတယ်လို့ ဖြစ်ရမှာပါ။

နအဖစစ်ဗိုလ်ချုပ်တွေ သန္ဓေပြောင်းသွားပြီလို့ နည်းနည်းမှ မတွက်သင့် ပါဘူး။ ဘယ်စိတ်ကူးယဉ်မှု ဆီကိုမှ ရောက်မသွား စေသင့်ပါဘူး။ မာနလည်း မတက်သင့်ပါဘူး။

ဒါ့အပြင် ဒီနေရာမှာစဉ်းစားသင့်တဲ့ အချက်တခုလည်း ရှိသေးတယ် ထင်ပါတယ်။ နအဖရဲ့ ဒီလုပ်ရပ်ဟာ အခုတလော အမေရိကန် နိုင်ငံက သူတို့ကို မက်လုံး ပေးနေတာတွေနဲ့များ ဆက်နေသလား ဆိုတာပါ။ ဒီရက်ပိုင်းမှာပဲ အမေရိကန် ကွန်ဂရက်အမတ် ဂျင်ဝက်ဘ် ရောက်လာမယ် ဆိုတာ အားလုံးအသိပါ။ သူဘာတွေ လုပ်နေတယ်၊ နအဖ ခေါင်းဆောင်တွေ ထဲက ဘယ်သူတွေနဲ့ တွေ့မယ်-တွေ့တယ် ဆိုတာတွေကို ဘယ်သတင်းဌာန ကမှ မပြောသေးပါဘူး။ အဲဒီလိုအချိန်မှာ နအဖအနေနဲ့ ဒီအမှုမှာ အလျှော့ ပေးလိုက်ခြင်း အားဖြင့် အိမ်ဖြူတော်ကို သံလွင်ခက်လေး ဝှေ့ယမ်း ပြနေတာလား ဆိုတာကို ဦးနှောက် လှုပ်ရှားရာမှာ ထည့်သွင်း လှုပ်ရှားသင့်ပါတယ်။

နိုင်ငံကြီးတွေအနေနဲ့ သူတို့ရဲ့ လက်တွေ့အနေအထားအရ နိုင်ငံတကာ စစ်တုရင် ကွက်မှာ နည်းဗျူဟာတွေ ချမှတ်ကြ၊ ရွှေ့ကစားကြ တာတွေဟာ ဘာမှ မဆန်းပါဘူး။ သူတို့ အရေးမှာ ကိုယ်က ဝင်မစွက် သလို ကိုယ့်အရေးမှာ သူတို့က ဝင်မစွက်ရင် ရပါပြီ။ အရေးကြီးတာက ဗမာပြည် ပြည်သူတွေနဲ့ ဒီမိုကရေစီ အင်အားစုတွေ အနေနဲ့ ကိုယ့်လုပ်ငန်းနဲ့ ကိုယ့်ကြမ္မာတွေကို နိုင်ငံကြီးတွေရဲ့ သေနင်္ဂဗျူဟာတွေ၊ နည်းဗျူဟာတွေနဲ့ ချည်နှောင် မထားမိဖို့ သိပ် အရေးကြီးပါတယ်။ ကိုယ့်လမ်းကြောင်း ကိုယ်ရွေးလို့ ကိုယ့်ရွက်ကိုယ်ဖွင့် ကိုယ့်ကြမ္မာ ကိုယ်ဆုပ်ကိုင်မှ ကိုယ့်အနာဂတ်ကို ကိုယ်ဖန်တီးနိုင်ပါမယ်။

ဗမာပြည်အရေးနဲ့ ဒေါ်အောင်ဆန်းစုကြည်ကိစ္စ နိုင်ငံတကာ ဇာတ်ခုံပေါ်ကို ရောက်သွား တာမှာ ကောင်းတာလည်း ရှိသလို မကောင်းတာတွေလည်း ရှိတယ်ဆိုတာ မမေ့သင့်ပါဘူး။

ရဲဘော်ဖိုးသံချောင်း

Ref: ခေတ်ပြိုင်

Read More...

ဒေါ်အောင်ဆန်းစုကြည် အမှု အယူခံဝင်မည်

12 August 2009

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပေါ် နေအိမ် အကျယ်ချုပ် တားဆီး ကန့်သတ်မိန့်ကို ဖောက်ဖျက်တဲ့ အတွက် အပြစ်ရှိတယ် ဆိုပြီး ထောင်ဒဏ် သုံးနှစ် ချမှတ်ခဲ့တာကို ဆက်ပြီး အယူခံ တင်သွင်းသွားမယ်လို့ အကျိုးဆောင် ရှေ့နေတဦးက ပြောလိုက်ပါတယ်။ ဘယ်လိုပဲ လျှော့ပေါ့ သက်သာပေးခဲ့သည် ဖြစ်စေ အပြစ်ရှိတယ်လို့ ဆုံးဖြတ်တာကိုက မှားနေတယ်လို့ ဆိုပါတယ်။ အပြည့်အစုံကိုတော့ ဘန်ကောက်ကနေ စုံစမ်းထားတဲ့ ၀ိုင်းတော်သား ကိုကျော်ကျော်သိန်းက တင်ပြထားပါတယ်။

ဒေါ်အောင်ဆန်းစုကြည်ဟာ ၁၉၇၅ ခုနှစ်၊ နိုင်ငံတော်အား နှောက်ယှက် ဖျက်ဆီး လိုသူများ၏ ဘေးအန္တရာယ်မှ ကာကွယ် စောင့်ရှောက်သည့် ဥပဒေပုဒ် ၂၂ ကို ဖောက်ဖျက်တယ် ဆိုပြီး ရန်ကုန်မြောက်ပိုင်း ခရိုင် တရားရုံးကနေ သြဂုတ်လ ၁၁ ရက်နေ့က ထောင်ဒဏ် သုံးနှစ် ပြစ်ဒဏ် ချမှတ်ခဲ့တာပါ။ ဒီဥပဒေဟာ ၁၉၇၄ ခုနှစ် အခြေခံ ဥပဒေပေါ်မှာ အခြေတည် လာတာ ဖြစ်ပြီး အခုလက်ရှိ စစ်ကောင်စီက နိုင်ငံတော် အာဏာ သိမ်းပိုက်ခဲ့ပြီး နောက်ပိုင်းမှာ ဒီအခြေခံ ဥပဒေဟာ အသက် မရှိတော့ဘူးလို့ ဒေါ်အောင်ဆန်းစုကြည်ရဲ့ ရှေ့နေတွေ ဘက်ကနေ အမှု စစစ်ကတည်းက တောက်လျှောက် ခုခံ ချေပခဲ့ကြပါ တယ်။ ဒါပေမဲ့လည်း တကယ်တမ်း စီရင်ချက် ချတဲ့ အခါမှာတော့ အခြေခံ ဥပဒေကိစ္စဟာ အဓိက မကျဘူး၊ အဓိက ကျတာက တားဆီးမိန့်ကို ဖောက်ဖျက် သလား၊ မဖောက်ဖျက်ဘူးလား ဆိုတာ ဖြစ်တယ်၊ တားဆီးမိန့်ကို ဖောက်ဖျက်တာ တွေ့ရှိရတဲ့ အတွက် အပြစ်ရှိတယ် ဆိုပြီးတော့ တရားရုံးက ဆုံးဖြတ်ခဲ့ပါတယ်။ ဒီအမှုဟာ ဥပဒေကြောင်း အရကို အပြစ်ရှိတယ်ဆိုပြီး ဆုံးဖြတ်လို့ မရတာကြောင့် ဒါကို အယူခံ ၀င်သွားမှာပါလို့ ဒေါ်အောင်ဆန်းစု ကြည်ရဲ့ အကျိုးဆောင်ရှေ့နေတဦးဖြစ်သူ ဦးဥာဏ်ဝင်းက ပြောပါတယ်။

“ဥပဒေလမ်းကြောင်းကတော့ တရားရုံးက ချမှတ်တဲ့ အမိန့်အပေါ်မှာ ကျွန်တော်တို့ လုံးဝ သဘော မတူဘူး၊ မကျေနပ်ဘူး။ ကျွန်တော်တို့ အယူခံဝင်မှာပါ။ convict လုပ်တာကို မကျေလည်တာ။ ကျွန်တော်တို့ convict ကို မလုပ်နိုင်ဘူး။ ဒီအမှုတွဲ မှတ်တမ်းများ အရ။ မလုပ်နိုင်တာကို လုပ်တယ်၊ အဲဒါကို အယူခံ ၀င်မှာ။”

ဒေါ်အောင်ဆန်းစုကြည်မှာ အပြစ်ရှိတဲ့အတွက် ထောင်ဒဏ် သုံးနှစ်ကျခံစေ ဆိုပြီး တရားရုံးက စီရင်ချက် ချပြီးကာမှ မြန်မာ စစ်ကောင်စီ ခေါင်းဆောင် ဗိုလ်ချုပ်မှူးကြီးသန်းရွှေ သြဂုတ်လ ၁၀ ရက်နေ့စွဲနဲ့ ကြိုပြီး ပေးပို့ထားတဲ့ ညွှန်ကြားချက်ကို ပြည်ထဲရေး ၀န်ကြီး ဗိုလ်ချုပ်မောင်ဦးက တရားခွင်မှာ လာဖတ်ပြခဲ့ ပါတယ်။ ဒီညွှန်ကြားချက်မှာ ပြစ်ဒဏ် ဘယ်လောက်ပဲ ချမှတ်သည်ဖြစ်စေ၊ ထက်ဝက်လျှော့၊ အဲဒီ ထက်ဝက်ကိုလည်း ဆိုင်းငံ့ထား၊ နေအိမ်မှာ ပူးတွဲပါ ကန့်သတ်ချက်တွေနဲ့ အညီ ပြန်နေထိုင်၊ အဲဒီကာလ အတွင်း စည်းကမ်းချက်တွေနဲ့ အညီ ကောင်းမွန်စွာ နေထိုင်မယ် ဆိုရင် ဆိုင်းငံ့ ပြစ်ဒဏ် အားလုံးကို လွတ်ငြိမ်း ချမ်းသာခွင့် ပြုမယ် ဆိုပြီးတော့ ပါရှိပါတယ်။

ထောင်ချပြီးကာမှ ထောင်ထဲမထည့်ဘဲ အိမ်ပြန်ပို့တာဟာ စစ်ကောင်စီ ဥက္ကဋ္ဌက စာနာထောက်ထား ညှာတာတာပါ ဆိုပေမဲ့ ဒါဟာ တရား ဥပဒေ အထက်ကနေ လုပ်ဆောင်မှု ဖြစ်တယ်ဆိုပြီး ဝေဖန်တာတွေက ရှိပါတယ်။ ဒါ့အပြင် စီရင်ချက် မချခင် ကတည်းက ဒီညွှန်ကြားချက်ကို ပေးပို့ထားတာဖြစ်ပြီး သုံးနှုန်းထားတဲ့ ဝေါဟာရတွေ အရ အပြစ်ရှိကြောင်း ကြိုဆုံးဖြတ်ထား ပြီးသားလို ဖြစ်နေတယ်လို့လည်း ထောက်ပြကြပါတယ်။ ဦးဥာဏ်ဝင်းက သူလည်း အလားတူ သတိထား မိတယ်လို့ ပြောပါတယ်။

“ဒီနေ့ သတင်းစာထဲမှာ ပါတာက ဗိုလ်ချုပ်မှူးကြီးသန်းရွှေက ပြည်ထဲရေး ၀န်ကြီးကို ပေးတဲ့စာ ၂စောင်၊ ပြည်ထဲရေး ၀န်ကြီး က နောက်ထပ် ထုတ်ပြန်တဲ့ အမိန့်မပါဘူး။ ဒါပေမဲ့ ဒီနေ့သတင်းစာကို ကြည့်လိုက်တော့ ပြည်ထဲရေးဝန်ကြီး စာကလည်း ၁၀ရက်နေ့ ရက်စွဲ၊ ဗိုလ်ချုပ်မှူးကြီး သန်းရွှေရဲ့ စာကလည်း ၁၀ရက်နေ့ ရက်စွဲ၊ စာ ၂စောင်လုံးကို ကြည့်လိုက်တော့လည်း အပေါ်နားမှာ ပါတယ်။ ပြစ်ဒဏ် ချမှတ်ခဲ့ပါက ဆိုတဲ့ စကားလုံး တလုံး ခံထားတယ်။ ဒါပေမဲ့ အဲဒီစာပိုဒ်ရဲ့ အောက်စာပိုဒ်တွေ ကို ဆက်ဖတ်လိုက်တော့ အဲဒီမှာ ကင်းလွတ်ခွင့်တွေ တခါတည်း လုပ်ထားပေးလိုက်တယ်။ ဒီတော့ ကြိုတင်ပြီးတော့ မကျ သေးတဲ့ အမှုကို permission တို့ suspend တို့ လုပ်ထားတာကို ကျွန်တော် တွေ့ရပါတယ်။”

ဒါ့အပြင် အမိန့်ထဲမှာ ရည်ညွှန်းထားတဲ့ ကျင့်ထုံး ဥပဒေပုဒ် ၄၀၁ ထဲမှာ နေအိမ်မှာ ပြန်နေထိုင်ခွင့် ပြုတာနဲ့ သက်ဆိုင်တာတွေ မပါတဲ့ အတွက် ဘယ်ဥပဒေနဲ့ လုပ်တယ် ဆိုတာကို သူတို့လည်း မသိသေးဘူးလို့ ဦးဥာဏ်ဝင်းက ပြောပါတယ်။

သတ်မှတ် စည်းကမ်းချက်တွေနဲ့အညီ နေထိုင်ခွင့် ပြုလိုက်တယ် ဆိုတာမို့ ဘယ်လို စည်းကမ်း သတ်မှတ်ချက်တွေ ချမှတ်ထား သလဲ ဆိုတာကိုတော့ ဦးဥာဏ်ဝင်းက သူ မှတ်သား ရလိုက်သလောက် ပြန်ပြောပြပါတယ်။

“သူက ဒီအိမ်မှာပဲ နေရမယ်။ မထွက်ရဘူး။ သတ်မှတ်တဲ့ ဆရာဝန်နဲ့ ဆေးကုသခွင့်ရှိတယ်။ nurse အဖွဲ့နဲ့လည်း ဆေးကုခွင့် ရှိတယ်။ အဲဒီမှာ လိုအပ်လို့ရှိရင်၊ တောင်းဆိုရင် တခြားဆေးမှူး၊ ဆရာဝန်နဲ့လည်း ကုသခွင့် သူတို့ ဆောင်ရွက်ပေးမယ်။ ပြည်တွင်း သတင်းမှာလည်း မြ၀တီ၊ မြန်မာ့အသံ ကြည့်ရှုခွင့်ရှိတယ်။ ပြင်ပကို စာနဲ့ စာရေးသား ဆက်သွယ်ခွင့် ရှိတယ်။ ဧည့်သည် တွေ့ခွင့် ရှိတယ်။ ဒါပေမဲ့ အစိုးရရဲ့ ခွင့်ပြုချက် ရှိတဲ့ သူနဲ့ပဲ။ အဲဒါတွေပါတယ်။”

မေလ ၁၄ ရက်နေ့ကနေ စပြီးစစ်ဆေးခဲ့တဲ့ ကမ္ဘာပေါ်မှာ စောင့်အကြည့် အခံရဆုံး တရား စစ်ဆေးမှု တခုကတော့ မနေ့ကပဲ အဆုံးသတ် သွားခဲ့ပါပြီ။ ဒါပေမဲ့ အမှုစဖြစ်ကတည်းက ပေါ်ထွက်နေခဲ့တဲ့ ဒေါ်အောင်ဆန်းစုကြည်ကို ပြန်လွှတ်ပေးဖို့ တောင်းဆို သံတွေကတော့ ရပ်မသွားတဲ့ အပြင် ပိုပြီးတော့ ကျယ်လောင် ပြင်းထန် လာနေပါတယ်။

အပြစ်ရှိတယ်ဆိုပြီး ထောင်ဒဏ်ချမှတ်၊ ပြီးကာမှ တရားစွဲခဲ့ရတာကို စိတ် မချမ်းမြေ့တာ၊ ဗိုလ်ချုပ် အောင်ဆန်းရဲ့ သမီး၊ ရပ်ရွာ အေးချမ်း သာယာရေး၊ အာဃာတ မရှိရေး၊ ဒီမိုကရေစီ လမ်းကြောင်း ချောမွေ့စေရေး စတာတွေနဲ့ စာနာ ထောက်ထားလိုတဲ့ အတွက် အိမ်မှာ ပြန်နေပါ၊ စည်းကမ်းတော့ မဖောက်ပါနဲ့ ဆိုပြီး ထောင်အချုပ်ကနေ အိမ်အချုပ် ပြန်ပို့ခဲ့တာဖြင့် စစ်မှန်တဲ့ စေတနာ မဟုတ်၊ အမျိုးသား ပြန်လည် သင့်မြတ်ရေးနဲ့ စစ်မှန်တဲ့ ဒီမိုကရေစီ ဖော်ဆောင်ရေး အတွက် ရှေ့တိုးတက်တဲ့ လုပ်ရပ် မဟုတ်ဘဲ နောက်ပြန် ဆုတ်ယုတ်တဲ့ လုပ်ရပ်သာ ဖြစ်တယ်လို့ ပြည်တွင်း ပြည်ပက ဒီမိုကရေစီရေး လှုပ်ရှားသူတွေနဲ့ နိုင်ငံတကာ ကနေ ဝေဖန် ပြစ်တင်ကြကြောင်းပါခင်ဗျား။

Ref: VOA News

Read More...

အပစ်ရပ်တိုင်းရင်းသားအဖွဲ့ (၄) ဖွဲ့ စစ်ရေးမဟာမိတ် အဖွဲ့ ဖွဲ့စည်း

ဝီရ / ၁၂ သြဂုတ် ၂၀၀၉

နအဖစစ်အစိုးရ၏ တပ်ဖွဲ့အသွင်ပြောင်းရေး ကမ်းလှမ်းချက်ကို ငြင်းဆန်နေသည့် မြန်မာပြည် မြောက်ပိုင်း အပစ်ရပ် တိုင်းရင်းသား လက်နက်ကိုင် အဖွဲ့ (၄) ဖွဲ့တို့ နအဖက စစ်ရေးအရ ပိုမို ဖိအားပေးလာလျှင် အတူတကွ စစ်ဆင်ရေး ဆင်နွှဲနိုင်ရန် ရည်ရွယ်၍ စစ်ရေးပူးတွဲ မဟာမိတ်အဖွဲ့ ဖွဲ့စည်းလိုက်ကြောင်း သိရသည်။

စစ်ရေးမဟာမိတ်အဖွဲ့တွင် ကချင်အမျိုးသားလွတ်မြောက်ရေး အဖွဲ့ (KIO)၊ ဝပြည် သွေးစည်း ညီညွတ်ရေး တပ်မတော် (UWSA)၊ ကိုးကန့် အဖွဲ့နှင့် မိုင်းလားအဖွဲ့ ခေါ် မြန်မာနိုင်ငံ အမျိုးသား ဒီမိုကရက်တစ် မဟာမိတ် တပ်မတော် (NDAA-ESS) တို့ ပါဝင်သည် ဟု ကချင် သတင်းဌာနက ယမန်နေ့တွင် ဖော်ပြထားသည်။

အဆိုပါအဖွဲ့ (၄) ဖွဲ့အနက် (၁) ဖွဲ့က နအဖနှင့်အပစ်အခတ် ရပ်စဲရေး ပျက်ပြားသွားပါက ကျန်ရှိသည့် အဖွဲ့ (၃) ဖွဲ့ကလည်း အပစ်အခတ် ရပ်စဲမှု ပျက်ပြယ်သွားမည် ဖြစ်ကြောင်း မဟာမိတ် အဖွဲ့၏ သဘောတူညီချက်တွင် ပါရှိကြောင်း ကချင် သတင်းဌာနမှ အယ်ဒီတာ ကိုနော်ဒင်က ပြောသည်။

“ဒီအပစ်ရပ်အဖွဲ့ (၄) ဖွဲ့က သူတို့ မဟာမိတ်အဖွဲ့ ဖွဲ့လိုက်တယ်ဆိုတာ အတိအလင်းတော့ ကြေညာတာ မဟုတ်ဘူးခင်ဗျ။ နအဖက ဒီ အပစ်ရပ် ထိန်းချုပ်တဲ့ ဒေသတွေမှာ တပ်အင်အားတိုးချဲ့ နေတဲ့ အတွက်ကြောင့် ဇူလိုင်လ ကတည်းက ဒီအဖွဲ့ကို ဖွဲ့စည်းလိုက်တာ။ ဒီ မဟာမိတ်အဖွဲ့က သဘော တူညီချက်တွေ ထဲမှာ အဓိကက နအဖက ဒီမဟာမိတ် အဖွဲ့ တဖွဲ့နဲ့ အပစ်အခတ် ရပ်စဲရေး ပျက်ပြားသွားလို့ ရှိရင် အခြား အဖွဲ့တွေကလည်း နအဖကို ပြန်တိုက်ကြဖို့လည်း ပါတယ်။ နအဖက တိုက်လာရင် သူတို့က အကုန်တိုက်မယ်ပေါ့။ နအဖကလည်း အခုဆို သူတို့နယ်မြေမှာ စစ်အင်အားတွေ အများကြီး တိုးချဲ့ ထားတာဆိုတော့ တိုက်ပွဲက ဒီလအတွင်းမှာတောင် ဖြစ်လာနိုင်တယ်” ဟု ခေတ်ပြိုင်သို့ ပြောကြားသည်။

ရှမ်းပြည်မြောက်ပိုင်းတွင် တည်ရှိသည့် ကေအိုင်အို တပ်မဟာ (၄) နှင့် ကေအိုင်အို ဌာနချုပ်တို့ အဆက်အသွယ် ပြတ်တောက် စေရန်အတွက် ကေအိုင်အို အဖွဲ့၏ ဌာနချုပ်ရှိရာ လိုင်ဇာဒေသ တလျှောက်တွင် နအဖစစ်တပ်မှ အင်အား (၅) သောင်းခန့် ရောက်ရှိနေကြောင်း ကိုနော်ဒင်က ပြောသည်။

“နအဖနဲ့ ဒီဘက် (မြောက်) ပိုင်းက အပစ်ရပ် အဖွဲ့တွေရဲ့အခြေအနေက အတော်လေးကို ဆိုးနေပြီ။ နောက်ဆုံး အခြေအနေအရ ဒေါ်စုကိုလည်း ထောင်ဒဏ် ပြန်ချထားလိုက်ပြီ ဆိုတော့ အပစ်ရပ် အဖွဲ့တွေ အပေါ်မှာလည်း ဖိအားတွေ ပိုပြီးများလာနိုင်လို့ ကေအိုင်အိုကလည်း အသင့်အနေအထားမှာ ရှိနေတယ်။ ကျေးလက်ဒေသက လူတွေက လုံခြုံရာကို ပြောင်းရွှေ့နေကြပြီ” ဟု ၎င်းက ဆက်လက်ပြောသည်။

ကချင်အမျိုးသားလွတ်မြောက်ရေး အဖွဲ့၏ ယခုလက်ရှိ အင်အားမှာ တပ်ဖွဲ့ဝင် (၂) သောင်း ဝန်းကျင် ရှိကြောင်း အထွေထွေ အတွင်းရေးမှုး ဒေါက်တာ လဂျာက ပြောသည်။

ပြီးခဲ့သည့် စနေနေ့၌ နအဖစစ်တပ်က မူးယစ်ဆေးဝါး ရှာဖွေရေး အကြောင်းပြချက်ဖြင့် ရှမ်းပြည်အရှေ့မြောက်ပိုင်း၊ ကိုးကန့်ဒေသရှိ ကိုးကန့် တပ်ဖွဲ့ဥက္ကဋ္ဌ ဖုန်ကျားရှင်၏ နေအိမ်သို့ ဝင်ရောက်ရှာဖွေရန် ကြိုးစားခဲ့၍ နှစ်ဖက် ပစ်ခတ်လုနီးပါး ဖြစ်ပွားခဲ့သည်။

ကိုးကန့်အဖွဲ့နှင့် နအဖ စစ်တပ်အကြား အခြေအနေ တင်းမာနေသည့် အတွက် ဒေသခံ အရပ်သား (၁) သောင်းကျော်ခန့် တရုတ်ပြည် ဘက်ခြမ်းသို့ တိမ်းရှောင် နေကြရပြီး ကျေးလက်ဒေသမှ ရွာသားများကလည်း နီးစပ်ရာ မြို့များသို့ သွားရောက် ခိုလှုံနေကြရကြောင်း တရုတ်နယ်စပ်မှ သတင်းများအရ သိရသည်။

Ref: ခေတ်ပြိုင်

Read More...

ကိုးကန့်တပ် စစ်ရေးပြင်ဆင်

မျိုးကြီး
ဗုဒ္ဓဟူးနေ့၊ သြဂုတ်လ 12 ရက် 2009 ခုနှစ် 18 နာရီ 38 မိနစ်

ရွှေလီ (မဇ္ဈိမ) ။ ။ နယ်ခြားစောင့်တပ်ဖွဲ့ရန် ငြင်းဆန်နေသည့် ရှမ်းပြည်(မြောက်ပိုင်း) လောက်ကိုင်မြို့ရှိ အပစ်ရပ် MNDAA ကိုးကန့် အဖွဲ့ ဥက္ကဋ္ဌ၏ နေအိမ်သို့ ဒေသခံ စစ်တပ်နှင့် ရဲများက ယခုလ ၈ ရက်နေ့တွင် မူးယစ်ဆေးဝါး ရှာဖွေရန်ဟု ဆိုကာ ဝင်ရောက်ခဲ့ပြီးနောက် ကိုးကန့် တပ်က စစ်ရေး ပြင်ဆင်လာသည်။

၁၀ ရက်နေ့တွင် မြန်မာအမျိုးသား ဒီမိုကရက်တစ် မဟာမိတ် တပ်မတော် - MNDAA ကိုးကန့် အထူးဒေသ (၁) ခေါင်းဆောင်များသည် နေအိမ်အတွင်း ဝင်ရောက်မှုနှင့် ပတ်သက်၍ အရှေ့ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အောင်သန်းထွဋ်နှင့် လောက်ကိုင်တွင် ဆွေးနွေးရာ မပြေလည်ဘဲ၊ နှစ်ဖက်အကြား တင်းမာလာသဖြင့် ယမန်နေ့မှ စတင်ကာ စစ်ရေးအရ အသင့်အနေအထား ပြင်ဆင်လာခြင်း ဖြစ်သည်။

“အခြေအတင် စကားများကြတယ်။ ခင်ဗျားတို့နဲ့ အပစ်အခတ် ရပ်စဲရေး လုပ်လာတာ နှစ် ၂၀ ရှိပြီ။ ကျနော်တို့ ငြိမ်းချမ်းရေး စလုပ်တုန်းက ဗိုလ်ချုပ်ကြီး ခင်ညွန့်နဲ့ ဆွေးနွေးစဉ်က အခု ခင်ဗျားတို့ ပြောတာတွေ တခုမှမပါဘူး။ အခု နိုင်ငံတကာက သိတဲ့ ဒေါ်အောင်ဆန်း စုကြည်လို လူတောင် ခင်ဗျားတို့ အခုလို လုပ်တယ်ဆိုရင် ကျနော်တို့ ခင်ဗျားတို့ကို ဘယ်လို ယုံကြည်လို့ ရမလဲလို့ ပြောဆိုမှုတွေ ရှိတယ်။ အခုတော့ အားလုံး အသင့်ပြင်ထား ကြပြီ။ အခြေအနေက တော်တော်ကို ရှုပ်နေပြီ” ဟု ကိုးကန့် အဖွဲ့နှင့် နီးစပ်သူက မဇ္ဈိမကို ပြောသည်။

ယမန်နေ့ နံနက်ပိုင်းတွင် MNDAA သည် စည်းကမ်း ဖောက်ဖျက်သဖြင့် ဖမ်းဆီး ထိန်းသိမ်းထားသော ၎င်းတို့၏ တပ်သား များကိုပင် အချုပ်ခန်းမှ ပြန်လွှတ်ပေးကာ တပ်အင်အား ဖြည့်တင်း ခဲ့သလို၊ နယ်မြေချင်း နီးကပ်ပြီး မဟာမိတ် ဖြစ်သော ဝပြည် သွေးစည်း ညီညွတ်ရေး တပ်မတော် - UWSA ထံ စစ်ကူ တောင်းခဲ့သည်။

“ဝတပ်ဖွဲ့ အင်အား ၁၀၀၀ လောက် ကိုးကန့် နယ်မြေထဲ စစ်ကူ ရောက်လာတယ်” ဟု ရှမ်းပြည်(မြောက်ပိုင်း) ရှိ တိုင်းရင်းသား လက်နက်ကိုင် အဖွဲ့တဖွဲ့မှ တာဝန်ရှိသူတဦးက ပြောသည်။

အလားတူပင် ယခုလဆန်းပိုင်းတွင် မြန်မာစစ်တပ်မှ ရှမ်းပြည်(မြောက်ပိုင်း) သိန္ဒီမြို့ အခြေစိုက် စကခ (၁၆) လက်အောက်ခံ တိုက်ခိုက်ရေး တပ်ရင်း ၃ ရင်း ပါဝင်သည့် နည်းဗျူဟာ တခုနှင့် ကွက်ခိုင်စစ်ဗျူဟာ လက်အောက်ခံ တပ်များသည် လောက်ကိုင် ဒေသတွင်းရှိ နမ့်တစ်နှင့် တာရွှေထန်ရွာ၌ နေရာယူထားကြောင်း သိရသည်။

ထိုကဲ့သို့ စစ်ရေးပြင်ဆင်သည့် သတင်းများကြောင့် ဒေသတွင်း၌ နေထိုင်သူ ကျေးရွာသား ၃၀၀၀ ခန့်သည် တရုတ်နယ်စပ်သို့ ထွက်ပြေး လာကြရာ၊ တရုတ် အာဏာပိုင်များက နယ်စပ် ဖြတ်ကျော်ခွင့် မပေးသဖြင့် ဒုက္ခ ရောက်နေကြောင်း လက်နက်ကိုင် တပ်ဖွဲ့ တာဝန်ရှိသူက ဆိုသည်။

ပြီးခဲ့သည့် ဧပြီလ ၂၈ ရက်နေ့တွင် မြန်မာစစ်တပ် ကိုယ်စားလှယ်များက တရုတ် နယ်စပ်ရှိ အပစ်အခတ်ရပ် တိုင်းရင်းသား လက်နက်ကိုင် အဖွဲ့ ၆ ဖွဲ့ကို နယ်ခြားစောင့်တပ် အဖြစ် အသွင်ပြောင်း ဖွဲ့စည်းရန် အဆိုပြုခဲ့သည်။

ထိုအဆိုပြုချက်ကို MNDAA အပါအဝင် အခြား ၄ ဖွဲ့က လက်မခံဘဲ ပယ်ချခဲ့ပြီး၊ ဦးစခုန်တိန့်ယိင်း ဦးဆောင်သည့် ဒီမိုကရေစီသစ် တပ်မတော် (ကချင်) တဖွဲ့တည်းသာ လက်ခံခဲ့သည်။

၁၉၈၉ ခုနှစ်အတွင်း MNDAA သည် ဗမာပြည် ကွန်မြူနစ်ပါတီမှ ပထမဆုံး ခွဲထွက်ခဲ့သည့် တိုင်းရင်းသား လက်နက်ကိုင် အဖွဲ့ဖြစ်ပြီး၊ ယခုအချိန် အထိ စစ်အစိုးရနှင့် ငြိမ်းချမ်းရေး ယူထားသည့် အဖွဲ့ ဖြစ်သည်။

Ref: မဇ္ဈိမ

Read More...

Wednesday, August 12, 2009

၈၈ ကာလ စစ်ထောက်လှမ်းရေးအဖွဲ့ အခန်းကဏ္ဍ

09 August 2009

၁၉၈၈ ရှစ်လေးလုံး လူထုအုံကြွမှု အရေးတော်ပုံကြီး ကာလမှာ မြန်မာ့ ဆိုရှယ်လစ် ပါတီ ပြိုကွဲသွားပြီး နိုင်ငံတော် အုပ်ချုပ်မှု ယန္တယား ပျက်ခဲ့သလို စစ်ထောက်လှမ်းရေး အဖွဲ့ကြီးလည်း ဘာကိုမှ စနစ်တကျ လုပ်ဆောင် ထိန်းသိမ်းနိုင်စွမ်း မရှိခဲ့ပါဘူးလို့ စစ် ထောက်လှမ်းရေးဟောင်း ဗိုလ်မှုး ဦးအောင်လင်းထွဋ် က ပြောဆိုပါတယ်။ စက်တင်္ဘာလ အတွင်း စစ်တပ်က အာဏာ သိမ်းခဲ့တာဟာလည်း ထောက်လှမ်းရေးရဲ့  အကွက်ချ လုပ်ဆောင်မှု မဟုတ်ဘဲ စစ်တပ် တခုလုံးအနေနဲ့ အာဏာရှင် ဦးနေ၀င်းရဲ့  အမိန့်ကို နာခံပြီး လုပ်ခဲ့ရတာ ဖြစ်တယ်လို့လည်း သူက ပြောဆိုပါတယ်။ အဲဒီလို လွန်ခဲ့တဲ့ အနှစ် နှစ်ဆယ်က ဖြစ်ခဲ့ရတဲ့ စစ်ထောက်လှမ်းရေး အဖွဲ့အတွင်းက အခြေအနေ၊ လုပ်ဆောင်ခဲ့တာတွေကို စစ်ထောက်လှမ်းရေးဟောင်း ဗိုလ်မှူးအောင်လင်းထွဋ် က ဗွီအိုအေဌာနမှုး ဦးသန်းလွင်ထွန်း အား ထုတ်ဖော် ပြောဆိုထားချက်များကို တင်ပြထားပါတယ်။

ဦးအောင်လင်းထွဋ်။ ။ တကယ်တော့ ပရမ်းပတာပါပဲ။ အခြေအနေကို လုံးဝ ထိန်းသိမ်းနိုင်တဲ့ အနေအထားမျိုး ကျနော်တို့ မရှိပါဘူး။ အခုအချိန်မှာလည်း စစ်ထောက်လှမ်းရေး ပိုင်းမှာရော၊ စစ်တပ်ဖက် ပိုင်းမှာရော ဘယ်သူ့ အမိန့် နာခံရမယ့် အနေအထားမျိုး ကျနော်တို့ သိတယ်။ ကျနော်တို့ ထင်တာကတော့ ဦးနေဝင်းကတော့ အပြီးအပိုင် ထွက်သွားပြီးလို့ ထင်တာပဲ။ ဒါပေမယ့် စက်တင်္ဘာလ ၁၆ ရက်နေ့ ညကျတော့ ကျနော်တို့ နယ်မြေက အဖွဲ့တွေက ခေါ်တယ်။ အဲဒီအချိန်မှာ ရန်ကုန်တိုင်းမှုး ဗိုလ်ချုပ်မျိုးညွှန့် ပါတယ်၊ တပ်မ ၁၁ တပ်မမှုး ဗိုလ်ချုပ်ဝင်းမြင့်၊ တပ်မ ၂၂ တပ်မမှုး ဗိုလ်ချုပ်တင်လှ၊ ဗျူးဟာမှုးတွေဖြစ်တဲ့ ဗိုလ်မှုးကြီး စောလွင်တို့ ပါတယ်။ ကျနော်တို့ ထောက်လှမ်းရေးက ဆိုရင် ဗိုလ်မှုးကြီး စိန်ထွားတို့၊ ဗိုလ်မှုးကြီးတင်ဝင်း၊ ဗိုလ်မှုးကြီး ထွန်းကျော်တို့ ထောက်လှမ်းရေး တပ်က တပ်မှုးတွေ အားလုံး နဲ့ ကျနော်တို့လည်း ကပ္ပတိန် အဆင့်မှာ အဲဒီ အစည်းအဝေးမှာ ကျနော်တို့ ပါတယ်။ အဲဒီ အစည်းအဝေးမှာက ဗိုလ်ချုပ်ခင်ညွှန့်၊ အဲဒီအချိန်က ဗိုလ်မှုးကြီး ခင်ညွှန့်ပေါ့။ သူက ကျနော်တို့ကို ဘာ command ပေးလဲဆိုတော့ ဒီ စစ်တပ် နဲ့ ထောက်လှမ်းရေးကို အဲဒီညမှာ အားလုံးပေါင်း အတိုက်အခံ လူကြီးတွေ ၃၃ ယောက်၊ ၃၃ ယောက်ဆိုတာ သခင်ဟောင်းတွေပါတယ်။ ဦးနုတို့၊ သခင်တင်မြတို့ ဗိုလ်ရဲထွဋ် တို့ နာမည်ကြီး နိုင်ငံရေး သမားကြီးတွေ၊ ဟောင်းကြီးတွေ ပါတယ်။ ကျနော်ထင်တယ် ဒေါ်အောင်ဆန်း စုကြည်လည်း ပါတယ်။ ဗိုလ်ချုပ်တင်ဦး အားလုံး ထင်ရှားတဲ့ ပုဂ္ဂိုလ် ၃၃ ယောက်ကို ဖမ်းခိုင်းတယ်။

ဦးသန်းလွင်ထွန်း။ ။ အဲဒါ ၁၆ ရက်နေ့ပေါ့။ စက်တင်္ဘာ ၁၆ ရက်နေ့ပေါ့။

ဦးအောင်လင်းထွဋ်။ ။ ဟုတ်ကဲ့ အဲဒါ ၁၆ ရက်နေ့ည။ အဲဒီ အစည်းအဝေးမှာ ကြမှ ဖမ်းခိုင်းရော။ ဖမ်းခိုင်းတဲ့ အခါကြတော့ ကျနော်တို့ လူငယ်တွေကတော့ ဘေးက နားထောင်တဲ့ အဆင့်ပဲ ရှိပါတယ်။ အဲဒီမှာ ဘာဖြစ်လည်း ဆိုတော့ ကျန်တဲ့ တပ်မမှုး အဆင့်ရှိတဲ့လူတွေ၊ နောက် ထောက်လှမ်းရေးက ဗိုလ်မှုးကြီး စိန်ထွား တို့က မေးပါတယ်။ ဒီလူတွေကို ဖမ်းတဲ့အခါမှာ မရရအောင် ဖမ်းရမှာလား၊ ဒါမှမဟုတ် ပစ်ခတ်ပြီးတော့မှ ဖမ်းရမှာလား ဆိုပြီး ဗိုလ်မှုးကြီး ခင်ညွှန့် ကို မေးတယ်ခင်များ။ ကျနော်တို့ ရှေ့ မှာပဲ မေးတယ်။ အဲဒီမေးခွန်းကို ဗိုလ်မှုးကြီးခင်ညွှန့် က မဖြေနိုင်ဘူး။ မဖြေနိုင်တဲ့ အခါကြတော့ ခင်များတို့ ခဏနေအုံးဆိုပြီး အပေါ် တက်သွားတယ်။ သူ အပေါ်တက်သွားတော့ အဲဒီ အချိန်မှာ ဗိုလ်ချုပ်ကြီး စောမောင်၊ ဗိုလ်ချုပ်ကြီး သန်းရွှေ တို့ ရှိလိမ့်မယ် ထင်ပါတယ်။ ကျနော်တို့က အဲဒီအချိန်တုန်းက အပေါ်ထပ် အောက်ထပ်ဆိုတော့ အပေါ်ထပ် တက်သွားတယ်။ အပေါ်ထပ် တက်ပြီးတော့မှ ပြန်လာတယ်၊ ပြန်လာပြီးတဲ့ အခါကြမှ ဗိုလ်ချုပ်ခင်ညွှန့် က ဘာပြောသလဲ ဆိုတော့ မင်းတို့ နားလည်းဖို့က ဒါ အထက်ကနေ ခိုင်းတဲ့အတိုင်း ခိုင်းတဲ့ အမိန့်ကို စစ်တပ်ကနေ လုပ်ပေးရတာလို့ ပြောတယ်ခင်များ။ မရရအောင် ဖမ်းရမယ်ဆိုတယ့် သဘော မဟုတ်ဘူး။ ဒါပေမယ့် မင်းတို့ကို လုံခြုံရေးအရ ပြန်ပြီး တိုက်ခိုက်လာမယ် အန္တရာယ်ပြုလာမယ် ဆိုရင် ကိုယ့်ကိုကိုယ် ကာကွယ်တဲ့ အနေနဲ့ လုပ်နိုင်တယ်လို့ ပြောပါတယ်။ အဲဒီလို ပြောပြီး ကျနော်တို့ အဲဒီနေ့က ကျနော်တို့ လိုက်ပြီးတော့ ဖမ်းခိုင်းတယ် ဆိုပါတော့။ ဖမ်းခိုင်းတယ် အခါကြတော့ ဘယ်သူမှလည်း ဖမ်းချင်စိတ် မရှိပါဘူး။ ဖမ်းလို့ မရမှန်းလည်း အကုန်လုံး သိကြတယ်။ အဲဒီအချိန်မှာ တခုခု သွားလုပ်ရင် ပိုပြီးတော့ အခြေအနေက ပိုပြီး ရှုပ်ထွေးမယ်ဆိုတာ ကျနော်တို့ ဖြစ်လာကြတယ်။

ဦးသန်းလွင်ထွန်း။ ။ အဲဒီလို အမိန့်ထွက်ပေးမယ့် လက်တွေ့ သွား မဖမ်းကြဘူးလား။

ဦးအောင်လင်းထွဋ်။ ။ လက်တွေ့မသွားဘူး မဟုတ်ဘူး သွားတယ် ကျနော်တို့လည်း သွားတယ်။ ကျနော်ဆိုရင် အလုံဖက်ကို သွားတယ်ဗျ။ အလုံဖက်ကို သွားတော့ သစ်တုံးတွေ ကာထားတယ်။ အဲဒီအထဲကိုလည်း ဆက်သွားဖို့ မရတဲ့ အခါကြတော့ စစ်ကြောင်းမှုးက ကျနော် နဲ့ တိုင်ပင်တယ်။ စစ်ကြောင်းမှုးက ခင်များတို့ မဝင်တော့နဲ့ ပြန်လှည့်တော့ပြောလို့ ကျနော်တို့ ပြန်လှည့်ပြီး ပြန်လာကြတယ်။ အဲဒီနေ့ကတော့ သခင်တင်မြ နဲ့ ဗိုလ်ရဲထွဋ်တို့ နှစ်ယောက်ကို ကျနော်တို့ ခေါ်လို့ရတယ်။ သူတို့က ဘာလို့ ခေါ်လို့ ရသလဲဆိုတော့ ဦးဝီဇယလမ်းပေါ်မှာ နေတဲ့အခါကြတော့ ဦးဝီဇယ လမ်းကတော့ အဲဒီအချိန်မှာတော့ ဂျင်းကလိနဲ့ စောင့်တာဘာညာ မရှိဘူးလေ။ ကျန်တဲ့ လူတွေကတော့ ရပ်ကွက်တွေ အတွင်းမှာ ဖြစ်နေတာကြောင့် ဝင်ရ မလွယ်ခဲ့ဘူး။ အဲဒီလို ဖြစ်ခဲ့တယ်။

ဦးသန်းလွင်ထွန်း။ ။ ရှစ်ဆယ့်ရှစ် လှုပ်ရှားမှုကာလ အတွင်းမှာပဲ ထောက်လှမ်းရေး အဖွဲ့က ဗိုလ်မှုးဥာဏ်လင်း နဲ့ ဗိုလ်မှုးစည်သူတို့ အဲဒီ အချိန်တုန်းက ဗိုလ်ကြီးအဆင့်၊ သူတို့ ဦးစီးပြီးတော့ ဒေါ်အောင်ဆန်းစုကြည်ကို သိက္ခာချတဲ့ စာရွက်စာတမ်းတွေ ဝေဖို့ဆိုပြီးတော့ မြို့ထဲမှာ လည့်သွားနေတုန်း သပိတ်အဖွဲ့တွေက ဖမ်းဆီးမိခဲ့တယ့် အဖြစ်အပျက် တခုလည်း ရှိခဲ့တယ်။ အဲဒီအကြောင်းကို နည်းနည်း ပြောပြပါလား။ ဒီ လူတွေကလည်း ဦးအောင်လင်းထွဋ်တို့နဲ့ လုပ်ဖော် ကိုင်ဖက်တွေ ဖြစ်လိမ့်မယ်။

ဦးအောင်လင်းထွဋ်။ ။ ဟုတ်ကဲ့ ကျနော် ပြောပြပါမယ်။ ကျနော် သိသလောက်ပေါ့လေ။ ကျနော်လည်း အဲဒီအချိန်မှာ စစ်ရုံးမှာ မရှိပါဘူး။ ကျနော် သိသလောက်ကတော့ အဲဒီ အချိန်တုန်းက အဲဒီအမိန့်ကို တိုက်ရိုက် ညွန်ကြားတာက တပ်မတော်ထောက် လှမ်းရေးမှုး ဒုတိယ ညွန်ကြားရေးမှုး သန်းထွန်း၊ နောက်ပိုင်းတော့ ဗိုလ်မှုးချုပ် သန်းထွန်း၊ ကျနော်တို့ ဘဏ္ဍာရေး ဒု-ဝန်ကြီးလုပ်သွားတဲ့ ဗိုလ်မှုးချုပ် သန်းထွန်းပါ။ သူကနေပြီးမှ ဒေါ်အောင်ဆန်းစုကြည် နဲ့ ပတ်သက်ပြီးတော့ သိက္ခာချဖို့ အတွက်ကို ဒီ ကြော်ငြာ ဆိုင်းဘုတ်တွေကို ကပ်ဖို့ အတွက်ကို အထက်က ခိုင်းတယ်ဆိုပြီး ပြောပါတယ်။ အထက်ဆိုတာ ကျနော်ကတော့ အထက်ဆိုတာ ဘယ်အထက်ဆိုတာ မသိဘူး။ အဲဒီအခါမှာ အဲဒီမှာ လုပ်ဖို့ လူရွေးတဲ့ အခါကြတော့ အဲဒီမှာ တက်တက်ကြွကြွ သွားမယ် ဆိုပြီးသွားတာ ဗိုလ်မှုးဥာဏ်လင်း၊ ဗိုလ်မှုးစည်သူ၊ ဗိုလ်မှုး သက်တင်စိန် တို့ သူတို့က ဗိုလ်ကြီးအဆင့်ပဲ ရှိပါသေးတယ်။ နောက် အောက်ကနေပြီး တပ်ကြပ်ကြီး စာရေး အဖွဲ့တွေ လိုက်သွားကြတာ ရှိကြတယ်။ ရှိပြီးတော့မှ သူတို့က အခြေအနေလည်း အခုန ပြောသလို နယ်မြေခံ ထောက်လှမ်းရေး နဲ့လည်း ဌာနချုပ်နဲ့လည်း အဆက်အသွယ် ကလည်း မရှိ အဆက်အသွယ် မယူ ဝေလီဝေလင်း အချိန်မှာ လူရှင်းလောက်ပြီ ဆိုပြီး ကားနဲ့သွားရင် အဲဒီကားကို လူတွေက ဝိုင်းလိုက်တဲ့ အခါကြတော့ လူတွေက ဒီကောင်တွေက ထောက်လှမ်းရေးက ဆိုပြီး ဝိုင်းတဲ့ အခါမှာ ဗိုလ်ကြီး သက်တင်စိန် နဲ့ ဗိုလ်ကြီးဥာဏ်လင်း က လူအုပ်တွေ ကြားထဲမှာ နောက်ဆုတ် နောက်ဆုတ်ရင်း ရောသွားတော့ လွတ်သွားတယ်။ ဗိုလ်ကြီး စည်သူကတော့ အဲဒီလူအုပ်ကြီးက ကြည့်တဲ့ အခါကြတော့ ဗိုလ်ကြီးစည်သူရဲ့  သေနတ်သွားတွေ့တဲ့ အခါကြတော့ ထောက်လှမ်းရေးပဲ ဆိုပြီး အဲဒီမှာ ဝိုင်းရိုက်ခံရတယ်၊ နောက်ပိုင်း နောက်က ဆရာကြီးတွေ လေးငါးယောက်လား မသိဘူး တခါတည်း ဖမ်းပြီးတော့မှ သရက်တော ကျောင်းတိုက်ကို ခေါ်သွားတယ်လို့ ကျနော်တို့ သိရတယ်။ သရက်တော ကျောင်းတိုက်မှာလည်း အဲဒီ အချိန်တုန်းက သံဃာပေါ့ မှန်ကျောင်း ဆရာတော်ကနေ အသက်ကို ကယ်ထားတယ်ဆိုတဲ့ သဘောပါပဲ။ မှန်ကျောင်း ဆရာတော်ရဲ့  ကျေးဇူးကြောင့် သူတို့ အသက်မသေပဲ ပြန်ပြီး လွတ်ခဲ့ပါတယ်။

ဦးသန်းလွင်ထွန်း။ ။ မြန်မာနိုင်ငံမှာ စက်တင်္ဘာလ ၁၈ ရက်နေ့ အာဏာသိမ်းတယ် ဆိုတာ စနစ်တကျ စီစဉ် အကွက်ချပြီး အာဏာသိမ်းတယ် ဆိုတယ် သဘောမျိုး ပြောကြတာ ရှိတယ်လေ။ ဘာကြောင့်လည်း ဆိုတော့ ဒီ လူထု လှုပ်ရှားမှု အရှိန်အဟုန် ကြွနေတဲ့ အချိန်အတွင်းမှာပဲ လူထု လှုပ်ရှားမှုကြားထဲမှာ မင်းမဲ့ စရိုက်တွေ ပေါ်လာတယ်။ ဥပမာ အဆိပ်ခတ် သတ်တာတို့၊ ဒါမှမဟုတ် အချင်းချင်းမှာ စွပ်စွဲပြီးတော့ သတ်မှုဖျက်မှုတွေ ပေါ်လာတာတို့ ဒီ ထိန်းလို့သိမ်းလို့ မရတဲ့အခြေအနေ။ ဒီလို ထိန်းလို့သိမ်းလို့ မရတဲ့ အခြေ အနေမျိုးဖြစ်အောင် ထောက်လှမ်းရေးကနေ တမင် ဖန်တီးပြီးတော့ ဒါကို လက်ညှိထိုးပြီး တိုင်းပြည် အခြေအနေကို တပ်မတော်က ပြန်လည်ကာကွယ် ထိမ်းသိမ်းရမယ် ဆိုတဲ့ အနေအထားမျိုး ရောက်အောင် လုပ်ပေးခဲ့တယ် ဆိုတဲ့ ယူဆချက်လည်း ရှိတော့ ဒါဟာ ထောက်လှမ်းရေးရဲ့  အခန်းကဏ္ဍပေါ့။ အဲဒါနဲ့ ပတ်သက်လိုရော ဦးအောင်လင်းထွဋ် အနေနဲ့ ဘာတွေများ သိထားခဲ့သလဲ။

ဦးအောင်လင်းထွဋ်။ ။ ကျနော်အနေနဲ့ ပြောရရင် ကျနော် ကာကွယ်ပြီး ပြောတာ မဟုတ်ဘူးဗျ။ ကျနော် အခုန ပြောခဲ့သလိုပဲ ဒီ ထောက်လှမ်းရေးရဲ့  အင်အားက ဂျီးအီဂျီး ကြောက်သလို ထောက်လှမ်းရေးကို ရှောက်ပြောပြီး နာမည်သုံးတာပဲ ရှိတယ်။ တကယ်တော့ ဒီ ထောက်လှမ်းရေးမှာ အဲဒီအချိန်မှာ အဲသလို ဥာဏ်နီဥာဏ်နက် လုပ်ဖို့ ဥာဏ်နီဥာဏ်နက် plan လုပ်မဲ့ လူတော့ ကျနော် မသိဘူးဗျ။ ဒါပေမယ့် တခုပဲ ကျနော် အဲဒီအချိန်မှာ သွားမြင်တာက ဘာဖြစ်လည်းဆိုတော့ အားလုံးသိပါတယ်။ ဒီ ထောင်တွေကို ဖောက်ပေး လိုက်တာ အဲဒါကတော့ ထောင်တွေကို ဖွင့်ပေးတဲ့ ဟာကလည်း ကျနော်ထင်တယ် မဆလရဲ့  ပယောဂ ပါလိမ့်မယ် ထင်တယ်။ ထောင်ဖွင့်ပေးတဲ့ အခါမှာမှ ဒီလို ဖြစ်တဲ့ ဖြစ်စဉ်တွေက ပိုပြီးတော့မှ များလာတယ်ထင်တယ်။ နောက်တခုကတော့ ကျနော်တို့ အပြစ်တင်တာတော့ မဟုတ်ပါဘူး၊ ကျနော် အလျှင်သင့်လို ပြောရရင်တော့ အဲဒီ အချိန်အခါတွင်းမှာ ကျနော်တို့ ဗမာပြည် ကွန်မြူနစ် ပါတီက ကိုသက်ခိုင်တို့ ကိုကျော်မြတို့ ကိုတင်အောင်တို့က ကျနော်တို့ အရေးအခင်း မဖြစ်ခင်မှာ ဗမာပြည်ထဲကို ရောက်နေပြီဆိုတာ ကျနော်တို့ သိတော့သိတယ်။ အကုန်လုံးပေါ့ ပေါင်းစုံလုပ်လို့ ရှိရင် ဟိုလိုလို ဒီလိုလိုနဲ့ အခုနပြောသလို ထောက်လှမ်းရေးက လုပ်သလိုလို ဗကပ က လုပ်သလိုလို ဒီထောင်ထွက်က လုပ်သလိုလို အဲဒီ အခြေအနေကိုတော့ အခြေအနေမှန် ဘာလည်းဆိုတာ ကျနော်အနေနဲ့ ပြောရခက်ပါတယ်။

ဦးသန်းလွင်ထွန်း။ ။ အဲဒီ အချိန်တုန်းကဆိုလိုရှိရင် အရေးအခင်း ကာလတုန်းက ထောက်လှမ်းရေး ဆိုပြီး မိတဲ့ သူတွေကြားမှ ဆေးတွေ ထိုးပြီးတော့ မှိုင်းတိုက် ခံထားရလူတွေ ရှိတယ်၊ သူကိုသူ ဘယ်သူဘယ်ဝါမှန်း မသိပဲ ဆေးထိုးပြီးတော့ ခိုင်းထားလို့ လုပ်ရတာပါဆိုပြီး ပြောတယ်ဆိုတဲ့ သတင်းစကားတွေ ရှိတယ်။ အဲဒါမျိုးတွေရော ထောက်လှမ်းရေး အနေနဲ့ လုပ်ခဲ့တာ ရှိသလား။

ဦးအောင်လင်းထွဋ်။ ။ အဲဒါမျိုး ကျနော်တို့ အားလုံး အနေနဲ့ မပြောလိုဘူး။ ကျနော့် အပိုင်း အနေနဲ့တော့ မရှိဘူး။ ဘာဖြစ်လိုလည်း ဆိုတော့ အဲဒါနဲ့ ပတ်သက်ပြီး ကျနော် ဘုရားမှာ နေတုန်းက ကျနော့်ရှေ့ မှာ လူတယောက်ကို ဆန္ဒပြတဲ့ အဖွဲ့တွေက ဝိုင်းရိုက်နေကြတယ်။ ဝိုင်းရိုက်နေကြတယ် ဆိုတာ ဘာဖြစ်လို့ ရိုက်သလဲဆိုတော့ ထောက်လှမ်းရေး ဆိုပြီးတော့ ရိုက်နေကြတယ်ဗျာ။ သူတို့က ဘုရားဂိတ်တွေကနေ ရှာလိုက်တဲ့ အခါမှာ အဲဒီလူဆီကနေ ကင်မရာပုံစံမျိုး မီးခြစ်လိုလို ကင်မရာလိုလို ပစ္စည်းလေးတခုကို သွားတွေ့တယ်။ ဒါ ထောက်လှမ်းရေးပဲကွ ဆိုပြီး သူတို့ ရိုက်နေကြတယ်။ သူတို့ ရိုက်နေတဲ့ နေရာနဲ့ မနီးမဝေးမှာ ကျနော် ရှိနေတယ်။

ဦးသန်းလွင်ထွန်း။ ။ အဲဒီလူက ဦးအောင်လင်းထွဋ် လူ မဟုတ်ဘူးပေါ့။
ဦးအောင်လင်းထွဋ်။ ။ ကျနော်တို့ လူမဟုတ်ဘူး။ အလကားနေရင်း သူ အရိုက်ခံနေရတာ သနားဖို့ ကောင်းတယ်။

ဦးသန်းလွင်ထွန်း။ ။ အဲဒီလိုမျိုး လူအုပ်ကြားထဲမှာ တစုံတရာ အထင်မှား အမြင်မှား ဖြစ်အောင် ဝင်လုပ်ခဲ့တာ ဘာညာ မရှိခဲ့ဘူးပေါ့။

ဦးအောင်လင်းထွဋ်။ ။ ကျနော်တို့ ဒီလို အထင်မှား အမြင်မှား ဒီလိုဖြစ်တာတော့ ကျနော်တို့တော့ လူတွေကို ဒီလို သတ်ချင်လာအောင် ဖျက်ချင် လာအောင်တော့ ကျနော်တို့ အဲလောက်ကြီး လုပ်လို့ မရဘူးထင်တယ်။ လုပ်ဖို့လည်း သိပ်မလွယ်ဘူး။ လူတွေရဲ့  mentality အရလေ အဲဒီလိုဖြစ်အောင်။ ဒါပေမယ့် ဒီအထဲမှာ ဖြစ်တာတော့ ဖြစ်တာပေါ့လေ။ တွေ့တာတော့ တွေ့နေရတာပေါ့။ ခေါင်းဖြတ်တာတို့ အဲဒီ အချိန်တုန်းကပေါ့။

ဦးသန်းလွင်ထွန်း။ ။ အခုနောက်ဆုံး ခြုံပြီးတော့ သုံးသပ်ရမယ် ဆိုရင် မြန်မာနိုင်ငံရဲ့  အခု လက်ရှိ အနေအထားမှာ နိုင်ငံရေးအရ ဆိုလို့ရှိရင်လည်း ပြီးကတဲ့နှစ်တုန်းက ရွှေဝါရောင် တော်လှန်ရေးတွေ ဖြစ်ခဲ့တယ်၊ နာဂစ် မုန်တိုင်းပြီး ကာလမှာ ဆိုရင်လည်း အခြေအနေက စီးပွားရေး ကြပ်တည်းမှုတွေနဲ့ အခြေအနေတွေက မတည်မငြိမ် ဖြစ်နေတယ် ဆိုတော့ ဒီအခြေအနေမှာ မြန်မာ ထောက်လှမ်းရေး နဲ့ သတင်းပေး တပ်ဖွဲ့တွေ အခန်းကဏ္ဍက ဘယ်လို ရှိလာနိုင်မလဲ။

ဦးအောင်လင်းထွဋ်။ ။ ဒီအခြေအနေ ဒီကာလကတော့ ဒီမိုကရေစီ အင်အားစုတွေ အတွက်ရော ဗမာပြည်သူ ပြည်သား အတွက်ရော အခွင့်အခါ ကျနော်တို့ ကောင်းတဲ့ အခြေအနေပါ။ သူတို့ တကယ်တော့ ဘာမှ ထိထိရောက်ရောက်နဲ့ ကျနော်တို့ မသိနိုင်ပါဘူး။ မသိနိုင်ဘူး ဆိုတာလည်း အခု ကိုသန်းလွင်ထွန်းတို့ သိတဲ့အတိုင်းပါ။ ဗမာပြည်တွင်းမှာ ဗုံးပဲကွဲကွဲ ဘာပဲဖြစ်ဖြစ် နောက်ဆုံး လူသတ်မှုကြီး ဖြစ်ဖြစ် ပေါ်အောင် သူတို့ လုပ်နိုင်တဲ့ အနေအထား စွမ်းအားမရှိဘူး။ ဒီလို မလုပ်နိုင်တာ ကျနော်တို့ ထောက်လှမ်းရေးရဲ့  ထောက်လှမ်းရေး ညံ့လို့ပေါ့။ ထောက်လှမ်းရေး ဆိုတဲ့ ကောင်တွေက မလုပ်နိုင်တဲ့ အတွက် ဒီလိုမျိုးတွေက တောက်လျှောက် ဖြစ်နေတာပါ။ သူတို့ အချင်းချင်းပဲ ခွေနေကြတဲ့ အနေအထားမျိုးဖြစ်တဲ့ အချိန်အခါ ဖြစ်ပါတယ်။ ဒီ ထောက်လှမ်းရေး အပိုင်းမှာ စစ်ထောက်လှမ်းရေး ကလည်း သိပ်ပြီးတော့ လုပ်နိုင်ကိုင်နိုင်တဲ့ အနေအထား မရှိဘူး။ ရဲ အထူး ထောက်လှမ်းရေး ကလည်း ဒီ လောက် လူအများကြီးနဲ့ ဖွဲ့စည်းထားတာ မဟုတ်ဘူး။ စ သုံးလုံးတို့ ဆိုတာလည်း ထောက်လှမ်းရေး ဆိုတာ နာမည်ခံထားတာ နောက်ပိုင်းမှာ ထောက်လှမ်းရေး ပြုတ်ပြီး နောက်ပိုင်းမှာ စွမ်းအားရှင်တို့ ကြံ့ခိုင်ဖွံ့ဖြိုးရေးတို့ ဆိုပြီးတော့ လုပ်တာဖြစ်လာတယ်။ မြို့တွေ ရွာတွေမှာ ကြံ့ခိုင် ဖွံ့ဖြိုးရေး စွမ်းအားရှင်တွေ ထားပြီး သတင်းပေးပေါ့။ ဒါလည်း ဒီအဖွဲ့တွေ စနစ်တကျ လေ့ကျင့်ပြီးမှ ထားတဲ့အဖွဲ့တွေ မဟုတ်တဲ့ အတွက်ကြောင့် အချိန်မရွေး အခုနပြောသလို ကျနော်တို့ အယင်ခေတ်တုန်းက လမ်းစဉ်လူငယ်တို့ ဘာညာ ကွိကွတွေလို ဘက်ပြောင်း သွားနိုင်တယ် အနေအထား ရှိပါတယ်။ ဒီမိုကရေစီ ဘက်တော်သား အတွက်ကတော့ အချိန်ကောင်း အချိန်အခါကောင်းပေါ့။

Ref: VOA News

Read More...

ဒေါ်အောင်ဆန်းစုကြည်အား နေအိမ်အကျယ်ချုပ် တနှစ်ခွဲ ချမှတ်၊ လူ ၇၀ ထက်မနည်း ဖမ်းဆီးခံခဲ့ရ

Tuesday, 11 August 2009 17:06 ဗထူး

နေအိမ်အကျယ်ချုပ်ဖောက်ဖျက်မှုဖြင့် မတရား ဖမ်းဆီးချုပ်နှောင်ကာ တရားစွဲဆို ခံနေရသည့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား စစ်အစိုးရက ယနေ့ နေအိမ် အကျယ်ချုပ် တနှစ်ခွဲ ပြစ်ဒဏ် ချမှတ်လိုက်သည်။

လေးလကြာ အင်းစိန်ထောင်တွင်း ချုပ်နှောင်ခံထားရပြီး ထောင်တွင်း အထူးတရားရုံးတွင် အမှုရင်ဆိုင်နေရသူ သူမအား ယနေ့ နအဖစစ်အစိုးရ ခေါင်းဆောင်၏ လုပ်ပိုင်ခွင့် အာဏာအရ နေအိမ်အကျယ်ချုပ် တနှစ်ခွဲ ပြစ်ဒဏ် ချမှတ်လိုက်သည်ဟု စစ်အစိုးရ ရုပ်သံသတင်းက ထုတ်လွှင့်သွားခဲ့သည်။

ယနေ့ အင်းစိန်ထောင်နှင့် အနီးတဝိုက်တွင် အဆိုပါရုံးချိန်းသို့ လာရောက်ကြသည့် လူထုမှာ အင်အား ၅,၀၀၀ ကျော်ခန့်ရှိပြီး တရားရုံးမှ ဒေါ်အောင်ဆန်းစုကြည် အပေါ် အပြစ်ရှိသည်ဟု ဆုံးဖြတ်ချက် ချခဲ့သဖြင့် မကျေနပ်သည့် လူစုလူဝေးက အမျိုးသား ဒီမိုကရေစီ အဖွဲ့ချုပ်ရုံးသို့ ချီတက်ခဲ့ကြသည်။

“လူအုပ်စုတစုက လမ်းလျှောက်ဖို့ ဆော်သြတယ်၊ ဒါနဲ့ လမ်းလျှောက်ကြတော့ အင်းစိန် ဂုံးကျော်တံတား အကျော် ဘော်လုံးကွင်းဒေါင့် ရောက်တော့ လူအုပ်ထဲက ၅၀ လောက်ကို လိုက်ဆွဲပြီး ဒိုင်နာကားတွေနဲ့ ဖမ်းပြီး ခေါ်သွားတယ်၊ တချို့ ဘတ်စ်ကားတွေပေါ် တက်ပြေးတော့ ယာဉ်ထိန်းရဲတွေက ကားကို တားပေးတယ်၊ ကားပေါ်ထိ လိုက်ဖမ်းတယ်” ဟု မျက်မြင် သက်သေ တဦးက ပြောသည်။

ဖမ်းဆီးခံရသူများတွင် အင်န်အယ်ဒီပါတီဝင်များ ပါဝင်သလို အများစုမှာ ဒေါ်အောင်ဆန်းစုကြည်အား အပြစ်ရှိသည်ဟု ပြောဆို ထောင်ချခြင်းကို မကျေနပ်သည့် သာမာန်ပြည်သူ အများစုဖြစ်ပြီး ဖမ်းဆီးခံရသူ ၇၀ ထက်မနည်း ရှိနိုင်သည်ဟု ၎င်းက ဆက်လက် ပြောဆိုသည်။

ယနေ့စစ်အစိုးရရုပ်သံသတင်းအရ မြန်မာပြည် လွတ်လပ်ရေးကို အသက်ပေး၍ ရယူပေးခဲ့သည့် ဗိုလ်ချုပ်အောင်ဆန်း သမီး ဖြစ်ခြင်းကြောင့် လည်းကောင်း၊ ရပ်ရွာ အေးချမ်း သာယာရေးနှင့် တည်ငြိမ်ရေးကို ရှေ့ရှု၍လည်းကောင်း၊ တဦးအပေါ် တဦး အာဃာတများ မရှိစေရေးအတွက် လည်းကောင်း၊ ဒီမိုကရေစီ လမ်ကြောင်းတွင် အနှောင့်အယှက် မဖြစ်စေရေး အတွက်လည်းကောင်း စစ်ခေါင်းဆောင် အကြီးအကဲ ဗိုလ်ချုပ်မှူးကြီး သန်းရွှေ၏ လုပ်ပိုင်ခွင့် အာဏာအတွင်းမှ ဒေါ်အောင်ဆန်း စုကြည်အပေါ် ညှာတာ ထောက်ထားမှု ပြုခဲ့သည်ဟု ဖော်ပြထားသည်။

ဒေါ်အောင်ဆန်းစုကြည်၏ နေအိမ်အတွင်းသို့ ဝင်ရောက်ခဲ့သူ အမေရိကန် နိုင်ငံသား မစ္စတာ ဂျွန်ယက်တောကို တရားရုံးက ထောင်ဒဏ် ၇ နှစ် ချမှတ်လိုက်ပြီး နေအိမ်တွင် အတူနေထိုင်သူ ဒေါ်ခင်ခင်ဝင်းနှင့် ဒေါ်ဝင်းမမတို့အား ဒေါ်အောင်ဆန်းစုကြည်နည်းတူ ပြစ်ဒဏ် ဆိုင်းငံ့ဖြင့် တနှစ်ခွဲ ပြစ်ဒဏ် ချမှတ်ခဲ့သည်။

နောက်ဆုံးရရှိသည့် သတင်းများအရ အင်းစိန်ဂုံးကျော်တံတား အနီး ဖမ်းဆီး သွားသူများအား အာဏာပိုင်များက ပြန်လည် လွှတ်ပေးလိုက်ပြီဟု သိရသည်။

Ref: ရိုးမ ၃

Read More...

Tuesday, August 11, 2009

ဒေါ်အောင်ဆန်းစုကြည် အမှု စီရင်ချက်ချမည့် တရားခွင် အန်အယ်လ်ဒီ စီအီးစီ တက်ရောက်ရန် မရေရာသေး

မင်းနိုင်သူ / ၁၁ သြဂုတ် ၂၀၀၉ ၊ နံနက် ၁၁:၂၀

ဒေါ်အောင်ဆန်းစုကြည်တို့အား ယနေ့စီရင်ချက်ချမည့် အင်းစိန် အထူးတရားခွင်သို့ အန်အယ်လ်ဒီ ဗဟို အလုပ်အမှုဆောင် ကော်မတီဝင်များ တက်ရောက်ရန် စောင့်ဆိုင်း နေကြရဆဲ ဖြစ်ကြောင်း အန်အယ်လ်ဒီ ပါတီ ပြောခွင့်ရပုဂ္ဂိုလ် ဦးအုံးကြိုင်က ပြောသည်။

“အခုချိန်ထိ အစိုးရဘက်က တစုံတရာအကြောင်းပြန်တာ မရှိသေးပါဘူး။ ဗဟို အလုပ်အမှုဆောင် တွေကတော့ တက်ခွင့်ပြုရင် သွားနိုင်ဖို့ အသင့် ပြင်ထားကြပါတယ်။ တက်ခွင့် ရမယ်ဆိုရင် ဦးအောင်ရွှေနဲ့ ဦးလွင်တို့လို ကျန်းမာရေး မကောင်းတဲ့ သူတွေက လွဲရင် ကျန်တဲ့ ဗဟို အလုပ်အမှုဆောင် အားလုံး တက်ရောက်မယ်” ဟု ၎င်းက ပြောသည်။

ဒေါ်အောင်ဆန်းစုကြည်တို့အား စီရင်ချက်ချမည့် ယနေ့တရားခွင်သို့ အန်အယ်လ်ဒီ ဗဟို အလုပ်အမှုဆောင်များ တက်ရောက်ခွင့် ရရန် အန်အယ်လ်ဒီ ပါတီက ယမန်နေ့က အာဏာပိုင်များထံ တင်ပြ တောင်းဆိုထားသည်။

အင်းစိန်အထူးတရားခွင်က ဒေါ်အောင်ဆန်းစုကြည်တို့အား ယနေ့ စီရင်ချက် ချမည်ဟု ချိန်းဆို ထားသော်လည်း သတင်းသမားများနှင့် သံတမန်များ ၀င်ရောက်ခွင့် ရမည် မရမည်ကိုလည်း ယခုအထိ တိတိပပ ကြားသိရခြင်း မရှိသေးကြောင်း ပြည်တွင်း သတင်းသမား တဦးက ပြောသည်။

၎င်းက “အခုချိန်အထိ ဘာမှ ရေရေရာရာမသိရသေးဘူး။ အရင်ရက်တွေ ကဆို ဘယ်သူတွေ တက်ခွင့်ရမယ် ဆိုတာ အခုချိန်ဆို သိနေရပြီ။ အန်အယ်လ်ဒီ စီအီးစီတွေလည်း တက်ရောက်ခွင့် တောင်းထားတယ်လို့ ကြားတယ်။ အန်အယ်လ်ဒီ ပါတီဆိုတာ ဒေါ်အောင်ဆန်းစုကြည်ရဲ့ ပါတီတခု ဖြစ်တဲ့ အတွက် ဒီတောင်းဆိုချက်ကို လိုက်လျောရမှာ ဖြစ်ပါတယ်” ဟု ပြောသည်။

နေအိမ်အကျယ်ချုပ်ဖြင့် ထိန်းသိမ်းခံနေရသော ဒေါ်အောင်ဆန်းစုကြည်၏ နေအိမ်ခြံဝင်း အတွင်း အမေရိကန် နိုင်ငံသား မစ္စတာ ယက်တော ၀င်ရောက်ခဲ့မှု အတွက် နအဖစစ်အစိုးရက မေ (၁၈) ရက်တွင် နေအိမ်အကျယ်ချုပ် ဖောက်ဖျက်မှု ပုဒ်မ (၂၂) ဖြင့် အင်းစိန် အထူးတရားရုံး၌ ဒေါ်အောင်ဆန်းစုကြည်အား တရားစွဲဆို ထားသည်။

နေအိမ်ခြံဝင်းအတွင်း ၀င်ရောက်ခဲ့သူ မစ္စတာယက်တောသည် ကျန်းမာရေး မကောင်းသဖြင့် ပြီးခဲ့သည့် တနင်္လာနေ့မှ စတင်ကာ ရန်ကုန် ဆေးရုံကြီးသို့ တက်ရောက် ကုသခဲ့ရသဖြင့် ဒေါ်အောင်ဆန်းစုကြည်တို့အား စီရင်ချက်ချမည့်ရက် ပြောင်းရွှေ့လိမ့်မည် ဆိုသော သတင်းများ ထွက်ပေါ်ခဲ့သည်။

သို့သော် သြဂုတ် (၉) ရက် တနင်္ဂနွေနေ့တွင် မစ္စတာယက်တော ကျန်းမာရေး ပြန်လည် ကောင်းမွန်ပြီဆိုကာ အာဏာပိုင်များက အင်းစိန်ထောင်သို့ ပြန်လည် ပြောင်းရွှေ့ခဲ့ပြီးနောက် ယနေ့ အင်းစိန်ထောင် တရားခွင်ကို ပြန်လည် စတင်မည်ဖြစ်သည်။

Ref: ခေတ်ပြိုင်

Read More...

ဒီကေဘီအေနှင့် နအဖတပ်တို့ ပစ်ခတ်မှုဖြစ်ပွား နအဖ ဘက်မှ (၃) ဦး သေဆုံး

NEJ / ၁၀ သြဂုတ် ၂၀၀၉

ယနေ့နံနက်တွင် နအဖစစ်သား (၂) ဦးနှင့် ရဲ (၁) ဦးကို ပစ်သတ်သွားသည့် ဒီကေဘီအေ တပ်ဖွဲ့ဝင် (၃) ဦးအား နအဖနှင့် ဒီကေဘီအေတို့ ပူးပေါင်းကာ အပူတပြင်း တောနင်း ရှာဖွေလျက်ရှိသည်။

တိုးတက်သောဗုဒ္ဒဘာသာ ကရင်အမျိုးသား တပ်မတော် (ဒီကေဘီအေ) တပ်မဟာ (၅) မှ အရာရှိ တဦး ဖြစ်သူ ဗိုလ်စောဖာထောနှင့် တပ်သား (၂) ဦးသည် မြ၀တီမှ ကားဖြင့် ကော့ကရိတ်သို့ အဆင်း အောက်ဘိုတဲ အရောက်တွင် နအဖ စစ်တပ်ဂိတ်မှ ၎င်းတို့ကားကို ရပ်တန့်ခိုင်းရာမှ ပစ်ခတ်မှု ဖြစ်ပွားပြီး နအဖ တပ်သားနှင့် ရဲတို့ သေဆုံးခြင်း ဖြစ်သည်။

၎င်းတို့စီးလာသည့်ကားကို ထား၍ တောထဲ ၀င်ပြေးသွားသည့် စောဖာထောနှင့် အဖွဲ့နောက်သို့ နအဖနှင့် ဒီကေဘီအေ တပ်ဖွဲ့ဝင်များက လိုက်လံ ရှာဖွေလျက် ရှိသော်လည်း ဖမ်းဆီးရမိခြင်း မရှိသေးဟု ဒီကေဘီအေဘက်က ပြောသည်။

ထိုဖြစ်စဉ်နှင့်ပတ်သက်၍ ဒီကေဘီအေတပ်မဟာ (၅) မှ အရာရှိ တဦးက “ဖာထောတို့ကို ဖမ်းဖို့ နယ်စပ်မှာ တပ်လှန့်ထားတယ်။ ဖာထောဟာ ဒီမနက် လေးနာရီမှာ တပ်ရင်း (၉၀၇) ထောက်လှမ်းရေးမှူး စောအောင်ချစ်အိမ်ကို သူ့လူတွေနဲ့ လာပစ်ခတ်ပြီးတော့ ကော့ကရိတ်ကို အဆင်းမှာ ဒီပြဿနာပေါ်တာ” ဟု ပြောသည်။

ဒီကေဘီအေတပ်မဟာ (၅) မှူး ဗိုလ်မှူးချုပ်စောလားပွယ် အနေဖြင့် နအဖနှင့် ပြဿနာ အဖြစ် မခံနိုင်ကြောင်း၊ သေသေရှင်ရှင် အမိဖမ်းရန်နှင့် ကေအန်ယူထံ လုံးဝ အရောက် မခံနိုင်ကြောင်း၊ ၎င်း၏ လက်အောက်ခံ တပ်ရင်းများနှင့် ဒီကေဘီအေ (၉၉၉) တပ်မဟာကိုလည်း ကြေးနန်းပို့ထားကြောင်း ထိုအရာရှိက ပြောသည်။

မြ၀တီတွင် ဒီကေဘီအေအချင်းချင်း ပိုက်ဆံ ကိစ္စကြောင့် ပြဿနာစတင် ဖြစ်ပွားရာမှ ကော့ကရိတ် အဆင်းတွင် ယခုကဲ့သို့ နအဖတပ်နှင့် ပစ်ခတ်မှု ဆက်လက်ဖြစ်ပွားခြင်း ဖြစ်သည်ဟု သိရသည်။

တပ်မဟာ (၅) အခြေစိုက်ရာ မြ၀တီခရိုင်ဝေါ်လေရွာသား တဦးက “ဒီမနက် အောင်ချစ်အိမ်ကို ဆဲဆိုပြီး လာပစ်တာ ပိုက်ဆံကိစ္စလို့ ပြောတယ်။ လူတော့ တယောက်မှ မထိဘူး။ ကားနဲ့လာတာ၊ ပစ်ပြီးတာနဲ့ ပြန်သွားတယ်။ မိုးတောင် မလင်းသေးဘူး” ဟု ပြောသည်။

ဒီကေဘီအေနှင့်အလုပ်လုပ်သည့် ကုန်သည်တဦးက “သူတို့ပြဿနာက ကြီးတယ်။ အောင်ချစ်တို့၊ ဖာထောတို့က ခိုးကားသွင်းတယ်။ ကန့်သတ်ကုန်တွေ သယ်တယ်။ ဘားအံကနေ မြ၀တီကို လူတင်တယ်။ အောင်ချစ်က မြ၀တီက ရဲနဲ့ စစ်တပ်ကို ပိုင်တော့ ရတဲ့ဟာကို နှစ်ပေါက် တပေါက်ရိုက်ပြီး နည်းနည်းပဲ ပေးတော့ အခုလို ပြဿနာဖြစ်ကြတာ” ဟု ပြောသည်။

လာမည့် ၂၀၁၀ ခုနှစ်ကုန်တွင် ဒီကေဘီအေ အဖွဲ့ကို ဖျက်သိမ်းပြီး နယ်ခြားစောင့်တပ် အဖြစ် အသွင် မပြောင်းမီ ဒီကေဘီအေ ခေါင်းဆောင် ပိုင်းများသည် အချိန်တိုအတွင်း ငွေအမြောက်အမြား ရရှိမည့် လုပ်ငန်းများကို ဒေသခံ အာဏာပိုင်များနှင့် ပေါင်း၍ လုပ်ကိုင် နေကြသည်ဟု ၎င်းကုန်သည်က ပြောသည်။

Ref: ခေတ်ပြိုင်

Read More...

ကိုးကန့်ဒေသ စစ်ရေးတင်းမာမှုကြောင့် ဒေသခံများ တရုတ် ဘက် ထွက်ပြေး ခိုလှုံ

ရန်ပိုင်
Monday, 10 August 2009 19:02

စစ်အစိုးရ နှင့် ကိုးကန့်အပစ်ရပ်အဖွဲ့တို့ လောက်ကိုင်မြို့ အနီးတွင် ထိပ်တိုက် ရင်ဆိုင်မှု ဖြစ်ခဲ့ပြီး ဒေသခံ တသောင်းကျော် တရုတ် ပြည်ဘက် ထွက်ပြေးသွားကြောင်း သိရသည်။

ကိုးကန့်အပစ်ရပ်အဖွဲ့နှင့် စစ်အစိုးရတပ်ဖွဲ့တို့ သြဂုတ်လ ၈ရက်နေ့က စီအောရွာ နှင့် ရန်လုံကျိုင်းကြားရှိ တရုတ်ပြည်သွား ကားလမ်းမပေါ်တွင် ထိပ်တိုက် ရင်ဆိုင်မှု ဖြစ်ပွားခဲ့ခြင်း ဖြစ်သည်။

“တရုတ်မြန်မာနယ်စပ်စည်း ဘေးကပ်ရက်မှာ ဥက္ကဌကြီးဖုန်ကျားရှင်ရဲ့အိမ်နဲ့ ဂိုဒေါင်ကို မူးယစ်ဆေးဝါး ရှာချင်တယ်ဆိုပြီး သြဂုတ်လ ၈ရက်နေ့ မနက်အစောကြီး လာဝိုင်းလို့ ထိပ်တိုက်တွေ့တာ”ဟု တရုတ် မြန်မာနယ်စပ် စစ်ရေး နိုင်ငံရေး အကဲခတ် ဦးအောင်ကျော် ဇောကပြောသည်။

ဖုန်ကျားရှင်၏ အိမ်နှင့် ဂိုဒေါင်တွင် လက်နက်များသိုလှောင်ထားသည် ဟု စစ်အစိုးရမှ သံသယ ရှိသောကြောင့် ရှာဖွေခြင်း ဖြစ်ကြောင်း သိရသည်။

သြဂုတ်လ ၈ ရက်နေ့ မနက်စောစောတွင် ရုတ်တရက်ဝိုင်းရံ ခြင်းဖြစ်ပြီး ဒေသကွပ်ကဲရေး စစ်ဋ္ဌာချုပ် လက်အောက်ခံ တပ်ခွဲများ၊ ရဲနှင့် မူးယစ်ဆေးဝါး နှိမ်နင်းရေး တပ်ဖွဲများ စုစုပေါင်း အင်အား ၇၀ ခန့် ပါဝင်သည်ဟု သိရသည်။

၎င်းတို့ကို အင်အား ၃၀၀ ခန့် ရှိသော ကိုးကန့်တပ်က တောင်ကုန်းများပေါ်တွင် နေရာယူပြီး ပိတ်ဆို့ ထားခဲ့ကြောင်း သိရသည်။

“ဥက္ကဋ္ဌကြီး ဖုန်ကျားရှင်ရောက်လာပြီး ၊ စစ်ဆေးချင်ရင် ငါနဲ့လိုက်ခဲ့ လက်နက်တွေ ယူလာစရာ မလိုဘူး၊ တပ်နဲ့ ၀င်လာစရာ မလိုဘူး၊ မင်းတို့ ဆုတ်ပေးပါလို့ ပြောတော့၊ စစ်တပ်က ဆုတ်သွားတယ်၊ မနက် ၈း၃၀ ကနေပြီးတော့ နေ့ခင်း ၂း၃၀ လောက် အထိ ကြာတယ်”ဟု ဦးအောင်ကျော်ဇောက ပြောသည်။

တရုတ်ပြည်သွား ကွမ်းလုံကားလမ်းမပေါ်တွင် နှစ်ဘက် စစ်တပ်များ နေရာယူ ပြင်ဆင်မှု ရှိခဲ့သောကြောင့် ဒေသခံများ နှင့် တရုတ်နိုင်ငံမှ လာရောက် အလုပ် လုပ်ကိုင်သူများ အထိတ်တလန့် ဖြစ်ပြီး ၊ လူတသောင်းကျော် တရုတ်ပြည်ဘက်သို့ ထွက်ပြေး သွားခဲ့ကြောင်း သိရသည်။

သြဂုတ်လ ၉ရက်နေ့က အရှေ့မြောက်တိုင်းစစ်ဋ္ဌာနချုပ် တိုင်းမှုး ဗိုလ်ချုပ် အောင်သန်းထွဋ္ဋ် ရောက်ရှိလာပြီး အခြားသော ကိုးကန့် အဖွဲ့ဝင်များနှင့် တွေ့ဆုံခဲ့သော်လည်း၊ ဦးဖုန်ကျားရှင်မှ လက်ခံ တွေ့ဆုံခဲ့ခြင်း မရှိဟုသိရသည်။

တရုတ်မြန်မာနယ်စပ်ရှိ အပစ်ရပ်အဖွဲ့များက နယ်ခြားစောင့်တပ်ဖွဲ့များ အဖြစ် ပြောင်းလဲရေး ကမ်းလှမ်းချက်ကို လက်မခံသောကြောင့် ဒေသခံလူထု အထိတ်တလန့် ဖြစ်စေရန် ရည်ရွယ်၍ စစ်အစိုးရမှ ပရိယာယ်လုပ်ဆောင် နေသည်ဟု ထင်ကြောင်းကို ဦးအောင်ကျော်ဇောက ပြောသည်။

“ကချင်မှာလည်း တပ်အပြောင်းအရွှေ့နဲ့ လက်နက်ကြီးများ ချထားတယ်၊ မိုင်းလားမှ တပ်တွေကို ရိက္ခာ စုဆောင်းခိုင်းပြီး မိုးရာသီ ကုန်ရင် ထိုးစစ်တွေ စတင်မယ်လို့ ပြောပြီးတော့ နယ်မြေဒေသ မတည်ငြိမ်အောင် လုပ်နေတယ်” ဟု ပြောသည်။

တရုတ်နိုင်ငံအနေဖြင့် ၄င်း နယ်စပ်ရှိ အပစ်ရပ်အဖွဲ့များနှင့် စစ်အစိုးရကြားတွင် ရှိနေသော ပြဿနာများကို ငြိမ်းချမ်းစွာ ဖြေရှင်းရန် လိုလားကြောင်း မြန်မာ စစ်အစိုးရအား သဘောထား ပေးထားသည်ဟု ဆိုသည်

လောက်ကိုင်မြို့သည် မြန်မာပြည်အရှေ့မြောက်ဘက်စွန်း တရုတ်ပြည် နယ်စပ်နှင့် ကပ်လျက်ရှိပြီး တရုတ်လူမျိုးများ အများဆုံး နေထိုင်ကာ လောင်ကစား ရုံကြီးများလည်း ရှိသော လူဦးရေ ၂ သိန်း ခန့် ရှိသည့်မြို့ဖြစ်ကြောင်း သိရသည်။

ဝ နှင့် ကိုးကန့်တပ်ဖွဲ့များကို မူးယစ်ဆေးဝါးထုတ်လုပ် ရောင်းဝယ်မှုများတွင် ပါဝင် ပတ်သက်သည်ဟု အပြည်ပြည်ဆိုင်ရာ မူးယစ် ဆေးဝါး တိုက်ဖျက်ရေး အဖွဲ့များက သံသယ ရှိနေသောကြောင့် ၂၀၀၃ ခုနှစ်တွင် ကိုးကန့် ခေါင်းဆောင်များက မူးယစ် ဆေးဝါး ကင်းစင်သော နယ်မြေအဖြစ် သတ်မှတ် ပြောဆိုခဲ့သည်။

ဖုန်ကျားရှင်ဦးဆောင်သော ကိုးကန့်အဖွဲ့သည် ၁၉၈၉ ခုနှစ်တွင် စစ်အစိုးရနှင့် အပစ်အခတ် ရပ်စဲရေး ပြုလုပ်ထားသော တိုင်းရင်းသား လက်နက်ကိုင် အဖွဲ့ဖြစ်သည်။

Ref: ဧရာဝတီ

Read More...

ကေအိုင်အိုက ကချင်အာဇာနည်နေ့ အခမ်းအနား ကျင်းပ

မျိုးကြီး
တနင်္လာနေ့၊ သြဂုတ်လ 10 ရက် 2009 ခုနှစ် 19 နာရီ 31 မိနစ်

ရွှေလီ (မဇ္ဈိမ) ။ ။ ၃၄ နှစ်မြောက် ကချင်အာဇာနည်နေ့ အခမ်းအနား တရပ်ကို ကချင် လွတ်မြောက်ရေး အဖွဲ့ ကေအိုင်အို ထိန်းချုပ်ရာ ဗဟိုဌာနချုပ် လိုင်ဇာမြို့၌ ယနေ့နံနက်ပိုင်းက ကျင်းပခဲ့သည်။

ကေအိုင်အို ဥက္ကဋ္ဌ လထော်ဇော်ဆိုင်း အပါအဝင် ခေါင်းဆောင် ၃ ဦး လုပ်ကြံခံခဲ့ရသည့် နေ့ရက်ကို အစွဲပြုကာ ကချင်ဘာသာဖြင့် ShaReShaGam Nine Htoi ဟု ခေါ်ဆိုသည့် အာဇာနည်နေ့ အခမ်းအနားကို လိုင်ဇာမြို့ရှိ ကေအိုင်အေ စစ်တပ်များ၊ ဌာန ဆိုင်ရာများနှင့် ဒေသခံများ ဟူ၍ အဖွဲ့များခွဲ၍ ကျင်းပခဲ့ခြင်း ဖြစ်သည်။

“ကေအိုင်အေ ခေါင်းဆောင်တွေ တော်လှန်ရေး စလုပ်တုန်းက အဲဒီအကြောင်းတွေ ရှင်းပြတာ။ ထိုင်းနယ်စပ် တနေရာမှာပေါ့နော်။ ၁၉၇၅ ခုနှစ်၊ ၈ လပိုင်း၊ ၁၀ ရက်နေ့မှာ ဇော်ဆိုင်းက လုပ်ကြံ ခံလိုက်ရတယ်။ သူနဲ့အတူ ဇော်တူးတို့၊ ဇော်ဆိုင်းတို့ အားလုံး ပါသွား ကြတာပေါ့နော်” ဟု အခမ်းအနား တက်ရောက်ခဲ့သူ လိုင်ဇာဒေသခံ လူငယ်တဦးက မဇ္ဈိမကို ပြောသည်။

နံနက် ၁၀ နာရီမှ ၁၂ နာရီခန့်အထိ ကျင်းပသည့် အခမ်းအနားတွင် ကျဆုံးခဲ့သည့် ကေအိုင်အေ အာဇာနည် ခေါင်းဆောင်များအား ဆုတောင်းခြင်း၊ လက်ရှိ ကေအိုင်အို ဥက္ကဋ္ဌ မိန့်ခွန်းနှင့် ကေအိုင်အို တော်လှန်ရေး စတင်စဉ်က ခေါင်းဆောင်ပိုင်း၏ လုပ်ဆောင်ချက် များကို တာဝန်ရှိသူများက ရှင်းလင်း ဟောပြောခဲ့ကြသည်။

ကေအိုင်အေ အရာရှိတဦးက “ကျနော်တို့ အရင် နှစ်စဉ်လုပ်တဲ့ အတိုင်းပဲ ဟောပြောပွဲပဲ လုပ်ပါတယ်ခင်ဗျ။ လိုင်ဇာကျတော့ မနောကွင်းက မနော ခန်းမမှာ လုပ်တယ်။ စစ်တပ်ကုန်းကတော့ ဟိုး စစ်တပ်ကုန်း ခန်းမမှာ လုပ်ပါတယ်ခင်ဗျ။ ဌာနပေါင်းစုံ ကတော့ တက်ရောက်တာပေါ့။ လူဦးရေကတော့ ဘယ်လောက်လဲ ဆိုတာတော့ မပြောတတ်ဘူးဗျ” ဟု ပြောသည်။

လိုင်ဇာ ရုပ်သံလှိုင်းမှနေ၍ ဥက္ကဋ္ဌ ဘရမ်ဆိုင်း ဥရောပ ခရီးစဉ်များ၊ ABSDF (မြောက်ပိုင်း) ကျောင်းသား တပ်ဖွဲ့ဝင်များနှင့် တွေ့ဆုံခဲ့ပုံ၊ ကေအိုင်အို တော်လှန်ရေး စတင်ခဲ့သည့် မှတ်တမ်းများကို ထုတ်လွှင့် ပြသကြောင်း လိုင်ဇာရုပ်သံ ကြည့်ရှုခဲ့သူ ဒေသခံတဦးက ပြောသည်။

လိုင်ဇာ ရုပ်သံဌာနမှ တာဝန်ရှိသူတဦးကမူ “သမိုင်းကြောင်းတွေ ပြခွင့်မရှိလို့ မပြသေးဘူးဗျ။ သီချင်းတွေပေါ့လေ၊

တော်လှန်ရေးသီချင်းလည်း မဟုတ်ပါဘူး။ ဒီလိုပေါ့၊ ရှေ့တန်းထွက်တော့ ချစ်သူကို လွမ်းတဲ့ စိုင်းဆိုင်မောဝ်ရဲ့ သီချင်းမျိုးလေးတွေ ထုတ်လွှင့်နေတာပါ” ဟု ပြောသည်။

၁၉၇၅ နှစ် သြဂုတ်လ ၁၀ ရက်နေ့တွင် အေအိုင်အို ဥက္ကဋ္ဌ လထော်ဇော်ဆိုင်း (Lahtaw Zau Seng) နှင့်အတူ အတွင်းရေးမှူး ဖုန်ရွှေ ဇော်ဆိုင်း (Pungshwe Zau Seng) ၊ စစ်ရေးတာဝန်ခံ လထော်ဇော်တူး (Lattaw Zau Tu) တို့သည် ထိုင်း-မြန်မာနယ်စပ် BP1 အနီးရှိ ကူမင်တန် စစ်စခန်းဟောင်း အနီး Thang Ngawk Bum နယ်စပ်တနေရာတွင် လုပ်ကြံ သတ်ဖြတ် ခံခဲ့ရသည်။

၁၉၆၂ ခုနှစ် ဖေဖော်ဝါရီလ ၅ ရက်နေ့တွင် ကေအိုင်အို လက်နက်ကိုင် တော်လှန်ရေး စတင်ချိန်တွင် ပါဝင်ခဲ့သည့် ခေါင်းဆောင် ၇ ဦးတွင် ယခု ကျဆုံးသူများ ပါဝင်သည်။

Ref: မဇ္ဈိမ

Read More...

Monday, August 10, 2009

စစ်သည်တစ်ဦး၏ ရင်ဖွင့်စကား

ယနေ့ မြန်မာနိုင်ငံတော်ကြီးမှာ စစ်အာဏာရှင်တွေရဲ့ သွေးထိုး သပ်လျှိုမှုကြောင့် တပ်မတော်နဲ့ ပြည်သူ ဒို့ရန်သူ ဖြစ်နေကြရတာကို စိတ်မကောင်းစွာ တွေ့မြင်နေရပါတယ်။ ကျွန်တော်တို့ တပ်မတော် သားတွေဆိုတာ ပြည်သူလူထုက ပေါက်ဖွား လာခဲ့ရတာပါ။ ပြောရရင် ပြည်သူ့ ရင်သွေး စစ်စစ်တွေပါ။ ကျွန်တော်တို့ကို တပ်မတော်က မွေးကတည်းက ဖန်ဆင်းလိုက်တာ မဟုတ်ပါဘူး။ ဒီကနေ့ ကျွန်တော်တို့ တပ်ရင်း၊ တပ်ဖွဲ့ တွေမှာနောက်ပြောင် ပြောဆို နေကြတာရှိပါတယ်။ တပ်မတော်သာအမိ၊ တပ်မတော်သာအဖ ဆိုတော့ ငါတို့ရဲ့အဖေ၊ အမေတို့က အလိုလိုနေရင်း ပထွေးတွေ မိထွေးတွေ ဖြစ်ကုန်ပါပြီ ကွာတဲ့။ ပြီးတော့ ရှိပါသေးတယ်..။ ရဲရဲတက်၊ ရဲရဲတိုက်၊ ရဲရဲပြေး တဲ့။ ရဲရဲတော့ မချေမှုန်း ချင်တော့ပါဘူးဗျာ။

ကျွန်တော်တို့ အနှစ် ၄၀ ကျော် ပြည်တွင်းစစ်ကြီးဟာ တကယ်ဆို အိမ်ကြက်ချင်း အိုးမဲသုတ်လို့ ခွပ်နေကြရတဲ့ အဖြစ်တွေမှန်း အောက်ခြေ ရဲဘော်ကအစ သဘောပေါက် လာကြပါပြီ။ ကျွန်တော်တို့ကိုတော့ အမျိုးမျိုး မိုက်စိတ်တွေ သွင်းပေးပြီး ကိုယ့်တိုင်းရင်းသား အချင်းချင်း သတ်ဖြတ် ခိုင်းနေတဲ့ ဗိုလ်ချူပ်ကြီးတွေကို အော့နှလုံး နာနေကြပါပြီ။ တိုက်ပွဲတွေမှာ ထိခိုက်ဒဏ်ရာရလို့ အထူးကြပ်မတ် ကုသ ပေးနေတယ်လို့တော့ မထင်လိုက်ပါနဲ့။ မိုင်းနင်း မိလို့ ခြေပြတ်၊ လက်ပြတ် စစ်သည် အရာရှိတွေကို ကစထမှူး ဆိုတဲ့ကောင်တွေက Queen အချိုရည်လေး တစ်ပုလင်းလောက်ကို လူကြုံနဲ့ ပို့ပြီး ၀မ်းနည်းကြောင်း ဟန်ဆောင်စကားလေး တစ်ခွန်းလောက် နဲ့ပဲ နှစ်သိမ့် ပေးပါတယ်။ ကျန်တာ ဘာခံစားခွင့်မှ မရှိသလို ဆေးကုသမှု ခံယူရတဲ့ နေရာတွေမှာ ဆိုလည်း တပ်မတော် အရိုးကုက အရာရှိတွေရဲ့ သမားစိတ် မရှိလို့ အပ်နဲ့ ထွင်းရမှာကို ပုဆိန်နဲ့ ခုတ်ပြီး အကု ခံရတာတွေလည်း အများကြီးပါ။ ကျွန်တော်ပြောတာ မယုံဘူးဆိုရင် ကိုယ်လက် အင်္ဂါ ချို့တဲ့နေတဲ့ စစ်သည်ဟောင်း၊ အရာရှိဟောင်းကို မေးကြည့်ပါ။ ခြေလက် မဖြတ်ချင်ဘဲ စပါယ်ရှယ် ကုသချင်ရင် စပါယ်ရှယ် လာဘ်ထိုးရပါတယ်။ ကျွန်တော်တို့လို မျက်နှာမွဲ စစ်သည်များ ဆိုရင်တော့ မိုင်းထိလား ဖြတ်ပလိုက် ဆိုတာမျိုး ဖြစ်နေပါတယ်။

စစ်ရုံးချူပ်လိုနေရာမျိုးမှာလည်း အရာရှိ၊ စစ်သည် တော်တော်များများဟာ ခွက်ပျောက် ဘ၀နဲ့ မျောက်မှိုင် မှိုင်နေ ရပါတယ်။ တနေကုန် ရုံးထဲမှာ အလုပ်မရှိတဲ့ အချိန်ဆို ချဲတွက်တဲ့ စစ်သည်ကတွက်၊ ချဲဒိုင်ကိုင်တဲ့ အရာရှိကကိုင် လို့ မိသားစု စားဝတ်နေရေး အတွက် ကြံဖန် ရှာရပါတယ်။ နေပြည်တော် စစ်ရုံးကြီးဆိုလို့ အထင်ကြီးစရာ တကွက်မှ မရှိပါဘူး။ ရွှေထီးပြောင်ပြောင် ၀မ်းခေါင်ခေါင် ဖြစ်နေတယ်။ Staff အရာရှိက အမှုတွဲကိုင် စာရေးတွေကို " ဒီနေ့ဘာ ဂဏန်းကောင်းလဲဟေ့..။ ဟော့ဖြစ်တာရှိရင် ပြောစမ်းပါ..။ ဒီမှာ အကွက်ပိတ်မလို့ " ဆိုတဲ့ အသံတွေပဲ ကြားနေရ ပါတယ်။ ဒါက G3၊ A3၊ Q3 ဆိုတဲ့ စစ်ဦးစီး တတိယတန်းတွေ လောက်မှာပဲ ဖြစ်နေ ကြတာပါ။ စစ်ဦးစီး ဒုတိယတန်း၊ ပထမတန်းတို့လဲ သူ့အပူနဲ့သူ ရှိကြမှာပါ။ ကျွန်တော်က မနီးစပ်တော့ မသိပါဘူး။

နောက်တစ်ခု ရှိပါသေးတယ်။ နေပြည်တော်ဆိုတဲ့ တောမြို့ကြီးမှာ လျှိုမြောင်၊ တောတောင် တွေက အင်မတန် ပေါများလေတော့ သစ်တပင် အောက်၊ ၀ါးတပင်အောက် တွေမှာဆို ဖဲကျိတ်ဝိုင်း ကလေးတွေ အသီးသီး ရှိကြပါတယ်။ ဟိုဘက်ရုံး၊ ဒီဘက်ရုံးတွေ ချိန်းပြီး ထမင်းစားနားတဲ့ အချိန်မှာ ဖဲကျိတ်ဝိုင်းလေးတွေ လုပ်ကြပါတယ်။ ပြေလည်တဲ့ စစ်သည် တစ်ချို့လဲ ဆိုင်ရာဆိုင်ရာကို လာဘ်လာဘ လေးများ ပူဇော်ပသပြီး ဆိုင်ကယ် ကယ်ရီ ဆွဲကြပါတယ်။ သိပ်မပြေလည်တဲ့ လူတွေကျတော့ အမှုတွဲကိုင် စာရေးများ ရုံးခန်းထဲမှာ ဒိုင်လျှိုလေးနဲ့ လဘက်ရည် ဆိုင်လေးတွေ တနိုင် တပိုင်လုပ် ကြရပါတယ်။ လဘက်ရည်ဆိုင် ဆိုလို့ အထင် မကြီးလိုက်ပါနဲ့။ ရေနွေး ဓာတ်ဗူးလေး ၂ လုံး၊ ကော်ဖီမစ်ထုပ်ကြီး တထုပ်၊ နို့ဆီဗူးတဗူး ဆိုရင် မတ်တပ်ဆွဲ လဘက်ရည် ဆိုင်လေး ဖြစ်သွားပြီပေါ့ ခင်ဗျာ။ အရာရှိတွေကလည်း စစ်သည်တွေ သက်သာ ချောင်ချိရေး အတွက် တမင် ခွင့်ပြုထားပုံတော့ မဟုတ်ပါဘူး။ အနည်းအကျဉ်း လေးတော့ ရမှာပါ။ ဘာပဲဖြစ်ဖြစ်ပါ။ အားလုံးဟာ ရတဲ့လစာနဲ့ မလောက်ငှလို့ ကြံဖန်ပြီး အပိုဝင်ငွေ ရှာနေကြရတာပါ။

ကျွန်တော်တို့ရုံးနဲ့ မနီးမဝေးမှာတော့ ဧရာနန္တ ကြီးကျယ် ခမ်းနားတဲ့ အိမ်ကြီးတွေ ထဲမှာ စည်းစိမ် ယစ်မူးနေကြတဲ့ ဗိုလ်ချူပ်ကြီးများရဲ့ဆွေတော် မျိုးတော်တွေ ရှိကြပါတယ်။ သူတို့တစ်နေ့ အရက်သောက်တဲ့ ပုလင်းခွံတောင် ကျွန်တော်တို့ တစ်နေ့ စားစရိတ်လောက် ရှိပါတယ်။ အခမ်းအနားတွေမှာ အကြီးအကဲ ဆိုတဲ့ ပုဂ္ဂိုလ်ကြီးပြောလေ့ ရှိတဲ့ စကားတခွန်းကို အမြဲ မှတ်မိနေပါတယ်။ တပ်မတော်မှာ အောက်ခြေ ရဲဘော်ကစလို့ ကာကွယ်ရေး ဦးစီးချူပ်ထိ အားလုံးဟာ တစ်သွေး၊ တစ်သံ၊ တစ်မိန့် အောက်မှာ နေကြရတာပါတဲ့။ ဟုတ်မဟုတ်ကို ကျွန်တော်တို့ အားလုံး သိပါတယ်ဗျာ။ ကျွန်တော်တို့တတွေမှာ ဖျာလိပ်ထဲ ၀င်မိတဲ့ ခွေးလို ရှေ့တိုးရခက် နောက်ဆုတ်ရခက် ဖြစ်နေကြ ပါပြီ။ ရှေ့တိုးရရင်လဲ ကိုယ့်ဘ၀ကိုယ် တတိတိ အလှီးခံရမယ်။ နောက်ဆုတ်မယ် ဆိုရင်လည်း တပ်မတော်က ထွက်ခွင့်မပေး။ ကိုင်း...ဘာ ဆက်လုပ်ရမလဲဗျာ။

နိုင်ငံတော် အကြီးအကဲ ဆိုသူများကို တောင်းပန်ချင်တာ ကတော့ အောက်ခြေက စစ်သည်များရဲ့ဘ၀ကို စာနာပြီး စားဝတ်နေရေး ပြေလည်အောင် ဖန်တီးပေး စေချင်ပါတယ်။ နောက်ပြီးတော့ ပြည်သူလူထုနဲ့ လှည့်ပတ် ရန်တိုက် ပေးနေတာတွေကိုလည်း မလုပ်ပါရ စေနဲ့တော့။ ကျွန်တော်တို့ ကိုယ့်ရပ်ကိုယ့်ရွာကို ပြန်တဲ့အခါ ရပ်ရွာက မိတ်ဆွေ သူငယ်ချင်း အပေါင်းအသင်း များက အရင်လို မဆက်ဆံ ကြတော့ပါ။ ကျွန်တော်တို့ကို မြင်ရင် မသတီတဲ့ မျက်လုံးတွေ ကြည့်ကြလွန်းလို့ ခွင့်တောင် မပြန်ရဲ ဖြစ်နေကြရပါပြီ ခင်ဗျာ..။

Ref: Freedom Right

Read More...

အပေါ်သို့