..............................

Thursday, May 23, 2013

မြန်မာအပေါ် ပိတ်ဆို့မှု ဆက်ထားဖို့ လူ့အခွင့်အရေး အဖွဲ့တွေ တိုက်တွန်း

မခင်ဖြူထွေး
23.05.2013

မြန်မာနိုင်ငံရဲ့ ပြုပြင်ပြောင်းလဲမှုတွေဟာ ဆက်လက် စောင့်ကြည့်ရဦးမယ့် အခြေအနေဖြစ်တာမို့၊ ခုချိန်မှာ အမေရိကန်ရဲ့ ဒဏ်ခတ်မှုတွေ အပြီးပိုင် မရုပ်သိမ်း သင့်သေးဘူးလို့ မြန်မာ့ အရေး လှုပ်ရှားဆောင်ရွက်နေ သူတွေက ပြောပါတယ်။ မြန်မာအပေါ် ဒဏ်ခတ်ပိတ်ဆို့မှုတွေ ဖယ်ရှားရေး ထောက်ခံသွားမယ်လို့ အမေရိကန် ထိပ်တန်း လွှတ်တော်အမတ်တစ်ဦးက ပြောဆိုလိုက်တဲ့အပေါ်မှာ လူ့အခွင့်အရေး လှုပ်ရှားသူတွေ က ဝေဖန်ပြောဆိုနေကြတာ ဖြစ်ပါတယ်။ အပြည့်အစုံကို မခင်ဖြူထွေး က တင်ပြထားပါတယ်။

မြန်မာနိုင်ငံရဲ့ ပြုပြင်ပြောင်းလဲမှုတွေဟာ ဒဏ်ခတ်ပိတ်ဆို့မှုတွေ အပြီးပိုင် ရုပ်သိမ်းပေးလောက်တဲ့ အထိ တိုးတက် ကောင်းမွန်နေပြီလို့ မဆိုနိုင်သေးတာကြောင့်၊ အမေရိကန်ရဲ့ ပိတ်ဆို့ ဒဏ်ခတ်မှုတွေ ဆက်လက် ထားရှိဖို့ အရေးကြီးနေတုန်းပဲလို့ မြန်မာနိုင်ငံအရေး လှုပ်ရှားဆောင်ရွက်နေသူတွေက ပြောပါတယ်။

ဒဏ်ခတ်မှုတွေကို အပြီးပိုင် ရုပ်သိမ်းစရာ မလိုဘဲနဲ့လည်း မြန်မာနိုင်ငံနဲ့ ထိတွေ့ဆက်ဆံ ကုန်သွယ်နိုင် သလို၊ ပြုပြင် ပြောင်းလဲမှုတွေ နောက်ပြန်မလှည့်အောင် ဆက်လက် စောင့်ကြည့်ဖို့ အရေးကြီးတဲ့အကြောင်း အမေရိကန် အခြေစိုက် လူ့အခွင့်အရေး စောင့်ကြည့်ရေးအဖွဲ့က အာရှရေးရာ တာဝန်ခံတစ်ဦးဖြစ်တဲ့ ဂျွန် စစ်ဖ်တန် (John Sifton) က ပြောပါတယ်။

“ကျနော်တို့ လူ့အခွင့်အရေး စောင့်ကြည့်ရေးအဖွဲ့ အနေနဲ့ကတော့ ပိတ်ဆို့ ဒဏ်ခတ်မှု ဥပဒေတွေ ဒီအတိုင်း ဆက်ရှိသင့်တယ်လို့ ထင်ပါတယ်။ ခုချိန်မှာ ပိတ်ဆို့ ဒဏ်ခတ်မှုတွေကို ရုပ်သိမ်းတာဟာ မှားယွင်းတဲ့ လုပ်ရပ် ဖြစ်ပါလိမ့်မယ်။ ဘာဖြစ်လို့လဲဆိုတော့ ဒဏ်ခတ်မှုတွေ အပြီးပိုင် ရုပ်သိမ်းတာ မဟုတ်ဘဲနဲ့ သမ္မတရဲ့ ဆုံးဖြတ်ချက်နဲ့လည်း မြန်မာနိုင်ငံက ကုန်ပစ္စည်းတွေ အမေရိကန်နိုင်ငံထဲ တင်သွင်းနိုင်အောင် လုပ်ပေးလို့ရတဲ့ အခြေအနေ ရှိပါတယ်။ သမ္မတအနေနဲ့ လတ်တလောကာလ တစ်ခုအတွက် ဥပဒေကို သက်ညှာခွင့် ပေးထားပြီး၊ ဒဏ်ခတ်မှု ဥပဒေတွေကို ဆက်လက်ထားရှိလို့ ရပါတယ်။ ဒါမှ တကယ်လို့များ မြန်မာအစိုးရက ပြုပြင်ပြောင်းလဲမှုတွေကို ကတိပေးထားတဲ့အတိုင်း ဆက်လက် အကောင်အထည် မဖော်ဘူးဆိုရင် အချိန်မရွေး ဒီဒဏ်ခတ်မှုတွေကို ပြန်လည် ချမှတ်နိုင်မှာ ဖြစ်ပါတယ်။”

သမ္မတ ဦးသိန်းစိန်ရဲ့ အမေရိကန် တရားဝင် အလည်အပတ်ခရီးစဉ် အဆုံးသတ်တဲ့နေ့မှာပဲ အမေရိကန် ထိပ်တန်း နိုင်ငံရေးသမားတစ်ဦးဖြစ်တဲ့ ရီပတ်ပလစ်ကန် အထက်လွှတ်တော် လူနည်းစု ခေါင်းဆောင် မစ်ခ်ျ မက်ကောနဲလ် (Mitch McConnell) က မြန်မာနိုင်ငံတွင်း တိုးတက်လာတဲ့ ပြုပြင်ပြောင်းလဲမှုတွေကို အသိအမှတ် ပြုတဲ့အနေနဲ့ မြန်မာအပေါ် ဒဏ်ခတ်မှုတွေ ရုပ်သိမ်းရေး ထောက်ခံသွားမယ်လို့ ပြောဆိုခဲ့ပါတယ်။

ဒါပေမဲ့ ဂျွန် စစ်ဖ်တန် (John Sifton) ကတော့ ပိတ်ဆို့ ဒဏ်ခတ်မှုတွေဟာ ရုပ်သိမ်းပြီးရင် ပြန်လည် ချမှတ်ဖို့ မလွယ်ကူသလို၊ မြန်မာအစိုးရဘက်က ပြောင်းလဲမှုတွေ အပြည့်အ၀ မဖော်ဆောင်နိုင်သေးခင်မှာ ရုပ်သိမ်းပေးလိုက်မယ်ဆိုရင် မြန်မာအစိုးရကို ဆက်လက် ပြုပြင်ပြောင်းလဲအောင် ဖိအားပေးရာ မရောက်ဘူးလို့လည်း သုံးသပ်ပါတယ်။
“အခု သူက ပိတ်ဆို့ ဒဏ်ခတ်မှုတွေကို အပြီးပိုင် ရုပ်သိမ်းစေချင်နေတာ ဖြစ်ပါတယ်။ ဒါပေမဲ့ ပြဿနာက ဒဏ်ခတ်မှု ဥပဒေတွေကို အပြီးပိုင် ဖယ်ရှားပြီးမှ ပြန်လည် ချမှတ်ဖို့ဆိုတာ လွယ်ကူတဲ့ကိစ္စ မဟုတ်ပါဘူး။ ကွန်ဂရက်စ် လွှတ်တော် တစ်ခုလုံးက ဒါကို လက်ခံ အတည်ပြုပြီးမှ ပြန်လည် ချမှတ်နိုင်မှာပါ။ ဒီလို ချမှတ်နိုင်ဖို့ အလုပ်တွေ အများကြီး လုပ်ရပါတယ်။ ဒါကြောင့် လွယ်ကူတဲ့ကိစ္စ မဟုတ်ပါဘူး။ ဒါကြောင့် တကယ်လို့ မြန်မာနိုင်ငံအနေနဲ့ ပြုပြင်ပြောင်းလဲရေး လုပ်ငန်းတွေ ရပ်ဆိုင်းသွားမယ်။ ဒါမှမဟုတ် နောက်ကြောင်း ပြန်လှည့်သွားမယ်ဆိုရင်၊ အဲဒီအခါကျမှ ဒီဥပဒေတွေ ပြန်လည် ချမှတ်ဖို့ဆိုတာ ပိုပြီးတော့ ခက်ခဲပါလိမ့်မယ်။”

အမေရိကန် အစိုးရအနေနဲ့ လုပ်ရပ် တစ်ခုချင်းစီနဲ့အညီ တုံ့ပြန်ဆောင်ရွက်မယ်လို့ ပြောဆိုထားတဲ့အတိုင်း လုပ်ရပ်အပေါ် မူတည်ပြီးတော့သာ တုံ့ပြန်သင့်တယ်လို့လည်း လူ့အခွင့်အရေးအဖွဲ့တွေက ထောက်ပြနေတာပါ။ လောလောဆယ် တိုင်းရင်းသား ဒေသတွေက ပဋိပက္ခတွေ မပြေငြိမ်းသေးသလို၊ နိုင်ငံရေးနဲ့ဆိုင်တဲ့ အကျဉ်းသားတွေ ပိုပြီး များလာတဲ့ အခြေအနေတွေတောင် ရှိနေသေးတယ်လို့ ၀ါရှင်တန်ဒီစီအခြေစိုက် လူ့အခွင့်အရေးလှုပ်ရှားမှုအဖွဲ့ US Campaign for Burma က Myra Dahkapaw က ပြောပါတယ်။

“တိုင်းရင်းသားနေရာဒေသတွေ၊ ကချင်ပြည်နယ်မှာ တိုက်ပွဲရှိနေတာတွေ ရှိနေတုန်းပဲ။ ရှမ်းပြည်နယ် တောင်၊ မြောက် နှစ်ဘက် စလုံး စစ်ပွဲတွေလည်း ရှိတယ်။ အဲဒီအချိန်မှာ IDP တွေလည်း များလာတယ်။ ကရင်ပြည်နယ်နဲ့ ကရင်နီပြည်နယ်ဘက်မှာလည်း အပစ်အခတ် ရပ်စဲရေး လုပ်ထားတယ်။ အချိန်တိုင်း ရွာသူ ရွာသားကိုတွေလည်း သူတို့ကို ကြိုက်သလို သူတို့ ခိုင်းတယ်။ ဒီထက်ပိုဆိုးတာက အကျဉ်းသားတွေကို အချုပ်ထဲမှာ ထား ထားတာက တကဏ္ဍ။ အခု အသစ်တွေကလည်း အများကြီး ထပ်ဖမ်းသေးတယ်။ ရခိုင်ဘက်မှာလည်း ရိုဟင်ဂျာတွေ ဖမ်းထားတာ အများကြီး ရှိတယ်။ ကချင်ပြည်နယ်ဘက်မှာလည်း ဖမ်းထားတာတွေလည်း အများကြီးရှိတယ်။ သူတို့ ပြောတာကတော့ ပြည်သူလူထုတွေက ကချင်စစ်သားတွေနဲ့ အဆက်အသွယ် လုပ်နေလို့၊ ကူညီထောက်ပံ့နေလို့ သူတို့ကို ဖမ်းထားတာတဲ့။ အဲဒါတွေ အများကြီး ရှိတယ်။ ပြောရမယ်ဆိုရင် သူတို့ပြောတဲ့အတိုင်း သူတို့မှာ action ဘာမှ မပေါ်လာသေးတဲ့အချိန်။ အမေရိကန် အစိုးရကလည်း သူတို့ကို လိုက်လျောပေးနေတယ်။ Action for Action မဟုတ်တော့ဘူး။”

မြန်မာနိုင်ငံမှာ မကြာသေးခင်ကစလို့ နိုင်ငံရေး ပြုပြင်ပြောင်းလဲမှုတွေ ရှိလာချိန်က စလို့ အမေရိကန် ပြည်ထောင်စု ဟာလည်း မြန်မာ အပေါ် ချမှတ်ထားတဲ့ ဒဏ်ခတ် ပိတ်ဆို့မှုတွေကို တဖြည်းဖြည်း ပြန်လည် ဖြေလျော့ ပေးလာနေတာမှာ၊ အခုနောက်ဆုံး မြန်မာသမ္မတ ဦးသိန်းစိန်ရဲ့ အမေရိကန် တရားဝင် အလည်အပတ် ခရီးစဉ်အပြီးမှာတော့ ဒဏ်ခတ်မှုတွေ ဆက်လက် သက်တမ်းမတိုးတော့ဘူးဆိုတဲ့ သဘောထားတွေ အမေရိကန် လွှတ်တော် အမတ်တွေကြားမှာ ထွက်ပေါ်နေတာ ဖြစ်ပါတယ်ရှင်။

Ref: VOA News

Read More...

ပိုစန်း ရေပိုက်လုံးစက်ရုံ အလုပ်သမားများ လစာတိုးမြှင့်ရေး ဆန္ဒပြ

2013-05-22

ရန်ကုန်တိုင်း လှိုင်သာယာမြို့နယ် စက်မှုဇုန်(၂)၊ ဦးချိန်လမ်းမှာရှိတဲ့ ပိုစန်း (PO-Seng) ရေပိုက်လုံး စက်ရုံက အလုပ်သမား ခေါင်းဆောင်တွေဟာ စက်ရုံ တာဝန် ရှိသူတွေနဲ့ လှိုင်သာယာမြို့နယ် အထွေထွေ အုပ်ချုပ်ရေးမှူး ရုံးမှာ လုပ်ခ လစာကို တိုးမြှင့် သက်မှတ်ပေးဖို့ မနေ့က ညှိနှိုင်း ခဲ့ပေမယ့် ပြေလည်မှု မရရှိခဲ့တာကြောင့် ဒီကနေ့မှာ အလုပ်သမား ၁၀၀ လောက် စက်ရုံရှေ့မှာ တောင်းဆို ဆန္ဒပြခဲ့ ကြပါတယ်။

အဲဒီစက်ရုံမှာ လုပ်သက် ၁ နှစ်နဲ့အထက် အလုပ်သမားတွေကို အခြေခံ လစာ နှစ်သောင်းကျော်ပေးပြီး၊ လုပ်သက် ၇ နှစ် အထက် အလုပ်သမားတွေ ကိုတော့ လေးသောင်းကျော်လောက် ပဲ ပေးတဲ့ အတွက် ဆန္ဒပြတောင်းဆို ရတာဖြစ်တယ်လို့ ဆန္ဒပြ အလုပ်သမားခေါင်းဆောင် ကိုဇေဇေအောင်က RFA ကို ပြောပါတယ်။

အလုပ်သမားတွေဖက်က အခြေခံလုပ်ခလစာကို ပျမ်းမျှတစ်လကို ကျပ်ကိုးသောင်း အထိ တိုးမြှင့်ပေးဖို့ တောင်းဆိုနေကြတာလို့ သိရပါတယ်။

၂၀၀၇ ခုနှစ်ကလည်း အဲဒီစက်ရုံမှာ အခြေခံလုပ်ခလစာနဲ့ ပတ်သက်ပြီး အလုပ် သမားတွေရဲ့ တောင်းဆိုချက်ကို အလုပ်သမား ညွှန်ကြားရေးမှူး ဦးယုလွင်အောင်က ညှိနှိုင်းပေးခဲ့တာကြောင်း အလုပ်သမား လစာ ကိစ္စ ပြေလည်မှုရရှိခဲ့တယ်လို့ သိရပါတယ်။

Ref: RFA News

Read More...

ပင်လုံ ကတိကဝတ်များ ထည့်သွင်းစဉ်းစားရန် ကချင် အတိုင်ပင်ခံ သဘောထားရှိ

ဖနိဒါ
ဗုဒ္ဓဟူးနေ့၊ မေလ ၂၂ ရက် ၂၀၁၃

ချင်းမိုင်(မဇ္စျိမ)။ ။ အစိုးရနှင့် ကချင်လွတ်လပ်ရေးအဖွဲ့ KIO တို့ တွေ့ဆုံဆွေးနွေး ရာတွင် ပင်လုံ ကတိကဝတ် များ ထည့်သွင်း ဆွေးနွေးရန် ကချင်အ တိုင်ပင်ခံ အဖွဲ့ (WMR) ၏ သဘောထားကို ယနေ့ ထုတ်ပြန် လိုက်သည်။

ကချင် ခရစ်ယာန် ဘာသာရေး ခေါင်းဆောင်များ၊ ကချင်တိုင်းရင်သား လူမျိုးပေါင်းစုံမှ ခေါင်းဆောင် အပါ အဝင် ၄၄ ဦးတို့ မြစ်ကြီးနား မြို့တွင် ဆွေးနွေး၍ ထုတ်ပြန်လိုက်ခြင်း ဖြစ်သည်။

“အဓိကတော့ အစိုးရနဲ့ KIO တွေ့ဆုံတဲ့အပေါ် ကျနော်တို့ ကချင်အမျိုးသား ပြည်သူ လူထုကလည်း ကျနော်တို့ လိုလားချက်တွေကို အားလုံး သိနိုင်ဖို့၊ ဒီဆွေးနွေးပွဲ မှာလည်း ဒီအကြောင်းအရာတွေကို ထည့်သွင်းစဉ်းစား ပေးဖို့၊ ဒီဟာတွေ မရသရွေ့ အဖြေမှန် ရမယ်လို့ မထင်ဘူး။ ဒါကြောင့် ကျနော်တို့ လူထုတွေရဲ့ လိုလားချက် တွေကို ထုတ်ပြန်လိုက်တာပါ” ဟု ကချင်အတိုင်ပင်ခံအဖွဲ့မှ အတွင်းရေးမှူး ဦးဂမ်အောင်က ပြောသည်။

အမျိုးသား တန်းတူညီမျှမှု၊ မိမိအမျိုးသားများ နယ်မြေကို ကိုယ်တိုင် အုပ်ချုပ်ရန်၊ ကိုယ့်ကံကြမ္မာ ကိုယ်ဖန်တီး ခွင့်နှင့် ကိုယ်ပိုင်ပြဋ္ဌာန်းခွင့် အပြည့်အဝ ရှိရန်နှင့် စစ်မှန်သော ဖက်ဒရယ်ပြည်ထောင်စု တည်ဆောက်ရန် လိုလားကြောင်း တောင်းဆိုကြခြင်း ဖြစ်သည်။

လွတ်လပ်ရေး ရပြီးချိန်မှစ၍ ကချင်ပြည်နယ်အတွင်း နိုင်ငံရေး၊ စစ်ရေး ပဋိပက္ခများ ဖြစ်ပေါ်ခဲ့ရခြင်းမှာ အစိုးရ အဆက်အဆက်မှ ပင်လုံ ကတိကဝတ်အား လစ်လျုရှုထားခဲ့ပြီး ၂၀၀၈ ဖွဲ့စည်းပုံအခြေခံ ဥပဒေတွင်လည်း
ပြည်နယ်များသို့ အာဏာခွဲဝေရာတွင် အခွင့်အရေးညီမျှမှု မရှိခြင်းကြောင့် ဖြစ်သည်ဟု ရှုမြင်ကြောင်း ထုတ်ပြန်ချက်တွင် ဖော်ပြထားသည်။

ဖက်ဒရယ် ပြည်ထောင်စု တည်ဆောက်ရန် တောင်းဆိုနေရခြင်းမှာ ကချင်အမျိုးသား ခေါင်းဆောင်များက ဗမာအမျိုးသား ခေါင်းဆောင်များနှင့် ဖက်ဒရယ် ပြည်ထောင်စု ဖွဲ့စည်းရေး ကတိပြုထားသည့် သမိုင်းကြောင်း ရှိထားသည့်အပြင် ကချင်အမျိုးသားများ ပါဝင်သည့် ပြည်ထောင်စုကို တည်တံ့ခိုင်မြဲလို၍ ဖြစ်ပါသည်ဟု ဆိုသည်။

လက်ရှိအစိုးရ ခေါင်းဆောင်များအနေဖြင့် ယခင်အစိုးရများနည်းတူ ပင်လုံ ကတိကဝတ်များကို အလေးဂရုမ ပြုဘဲ ဘေးဖယ်ထားမည် ဆိုပါက ပြည်ထောင်စု တည်တံ့ခိုင်မြဲရေးကို ထိခိုက်လာနိုင်ပြီး ထိုသို့ ဖြစ်လာပါက ကချင်ပြည်သူများ အနေဖြင့်လည်း အနာဂတ် နောင်ရေးအလို့ငှာ ကိုယ့်ခြေထောက်ပေါ် ရပ်တည်နိုင်ရေး စဉ်းစားဆောင်ရွက်သွားရန် သမိုင်းပေး တာဝန်ရှိလာတော့မည်ဟု ထည့်သွင်းဖော်ပြထားသည်။

ဖေဖော်ဝါရီလ ၂ ရက်နေ့က သမ္မတ ဦးသိန်းစိန်က KIO ထံ ပေးဖို့သော စာတွင် တိုင်းရင်းသားများ အတွက် ကိုယ်ပိုင်ပြဋ္ဌာန်းခွင့်နှင့် ပတ်သက်၍ စားပွဲပေါ်တွင် တွေ့ဆုံဆွေးနွေး၍ အဖြေရှာခြင်းသာလျှင် တခုတည်းသော နည်းလမ်းဖြစ်ကြောင်း ပါရှိသည်ဟု ဆိုသည်။

၂၀၁၂ ခုနှစ် ဇန်နဝါရီလ ၁၉ ရက်နေ့က ငြိမ်းချမ်းရေးအဖွဲ့နှင့် KIO တို့ ပဏာမ သဘောတူညီချက်တွင် ထာဝရ တည်တံ့ခိုင်မြဲသော ငြိမ်းချမ်းရေး ဖော်ဆောင်နိုင်ရန် အလို့ငှာ ပင်လုံတွင် ကတိကဝတ် ပြုခဲ့ကြသည့် အမျိုးသား တန်းတူမှုနှင့် တိုင်းရင်းသား ကိုယ့်ကံကြမ္မာ ကိုယ်ဖန်တီးခွင့်များအပေါ် အခြေခံ၍ အလေးအနက်ထား ဆွေးနွေးသွား မည်ဟု ပါရှိ၍ ဝမ်းသာကြိုဆိုပြီး အမြန်ဆုံး အကောင်အထည်ဖော်လိမ့်မည်ဟု မျှော်လင့်ကြောင်း ယနေ့ ကြေညာချက်တွင် ဖော်ပြပါရှိသည်။

လာမည့် မေလ ၂၈ ရက်နေ့တွင် အစိုးရ ကိုယ်စားလှယ်များနှင့် KIO ကိုယ်စားလှယ်များ တွေ့ဆုံပြီးနာက် မေလ ၂၉ ရက်နေ့တွင် ကချင်အတိုင်ပင်ခံအဖွဲ့နှင့် ပြည်သူလူထု တွေ့ဆုံပွဲကို ဆက်လက် ပြုလုပ်ရန် ရည်ရွယ်ထားသည်ဟု ဦးဂမ်အောင်က ပြောသည်။

ကချင်လူမျိုးတို့၏ နိုင်ငံရေးရာကို ညှိနှိုင်းဆွေးနွေးရန် ဖွဲ့စည်းထားသော ကချင်အတိုင်ပင်ခံအဖွဲ့တွင် ယခင်က ကချင်တိုင်းရင်းသား လက်နက်ကိုင် အဖွဲ့အစည်းများ၊ စီးပွားရေး လုပ်ငန်းရှင်များနှင့် ဘာသာရေး ခေါင်းဆောင် များဖြင့် ဖွဲ့စည်းခဲ့သည်။ သို့သော် လက်ရှိတွင် လက်နက်ကိုင် အဖွဲ့အစည်းများ မပါဝင်တော့ဘဲ ကချင် လူမျိုးပေါင်းစုံမှ ခေါင်းဆောင်များဖြင့်သာ ဖွဲ့စည်းထားသည်။

Ref: မဇ္ဈိမ

Read More...

ငြိမ်းချမ်းရေး ဆွေးနွေးနေဆဲကာလတွင် စီမံကိန်းကြီးများ ဆိုင်းငံ့ ထားရန် ရှမ်းအဖွဲ့များ တောင်းဆို

ဖနိဒါ
ဗုဒ္ဓဟူးနေ့၊ မေလ ၂၂ ရက် ၂၀၁၃

ချင်းမိုင် (မဇ္စျိမ)။ ။ ငြိမ်းချမ်းရေး တွေ့ဆုံဆွေးနွေးနေချိန်တွင် ရှမ်းပြည်နယ် အတွင်း လုပ်ဆောင်နေသော စီမံကိန်း ကြီးများ ယာယီ ရပ်ဆိုင်း ထားရန် ရှမ်းလူထု အခြေပြု အဖွဲ့အစည်း များက မေလ ၂၂ ရက်နေ့တွင် တိုက်တွန်း လိုက်သည်။

မကြာမီက အစိုးရ တပ်ဖွဲ့နှင့် ရှမ်းပြည်တောင်ပိုင်း တပ်မတော် (RCSS/SSA) တို့ တိုက်ပွဲဖြစ်ပွား မှုမှ ပဋိပက္ခ ပြင်းထန် လာမည်ကို စိုးရိမ် လာသဖြင့် ထိုရေနံနှင့် သဘာဝ ဓာတ်ငွေ့ ပိုက်လိုင်း စီမံကိန်းအား အမြန်ဆုံး ရပ်တန့်ထားရန် ရှမ်းလူမှု အဖွဲ့ ၇ ဖွဲ့က ပူးတွဲတောင်းဆိုလိုက်ခြင်း ဖြစ်သည်။

ရခိုင်ပြည်နယ်မှ တရုတ်နိုင်ငံသို့ သွယ်တန်းမည့် ပိုက်လိုင်းသည် နမ်ခမ်းမြို့နယ်၊ နောင်မထား ကျေးရွာ တပ်စိုက် ထားသော RCSS/SSA မှ ၁၀ ကီလိုမီတာ အကွာအဝေး တွင် ရှိသဖြင့် ယင်းပိုင်းလိုင်းကြောင့် စစ်ပွဲဖြစ်ပွား ရခြင်းမှာ တိုက်ရိုက် ဆက်စပ်နေသည်ဟု ရှမ်း သဘောဝ ပတ်ဝန်းကျင် အဖွဲ့မှ ပြောခွင့်ရသူ စိုင်းခေးဆိုင် က မဇ္စျိမကို ပြောသည်။

“စစ်ပွဲ ရပ်ဖို့၊ စစ်ပွဲရဲ့ အဓိက အကြောင်းအရင်းက ပိုက်လိုင်းဆောက်မယ့် အကြောင်းအရင်း ဖြစ်နေတယ်။ နိုင်ငံရေး ဖြေရှင်းဖို့ မပြီးခင်၊ နောက်ပြီးတော့ ငြိမ်းချမ်းရေး သဘောတူညီချက်တွေ အကောင်အထည် မဖော်ဆောင်ရသေးခင်၊ စစ်ပွဲ အရှိန်အဟုန် မမြင့်မားခင် ဒီပိုက်လိုင်းကို ယာယီ ဆိုင်းငံ့ထားဖို့ ကျနော်တို့ တောင်းဆိုရတာ ဖြစ်တယ်” ဟု သူက ပြောသည်။

လာမည့် ဇွန်လတွင် နေရနံနှင့် သဘာဝ ဓာတ်ငွေ့ ပို့ခြင်းကို ရပ်ဆိုင်းထားရန် သူက ဆက်ပြောသည်။

“ဒီပိုက်လိုင်းတလျှောက် အစိုးရစစ်တပ်ရယ်၊ ရှမ်းတောင်ပိုင်း စစ်တပ်တွေရယ် ရှိတယ်ဆိုတော့ ဒီနေရာကို ရှင်းဖို့ လိုအပ်လာတယ်။ ပိုက်လိုင်းအတွက် လုံခြုံရေးရယ်၊ လာဆောက်မယ့် ကုမ္ပဏီတွေ ဝင်ပြီးတော့ ဖြတ်လျှောက် မယ်ဆိုရင် တိုင်းရင်းသားအဖွဲ့တွေနဲ့ စကားပြောရမယ်။ ဒါကြောင့် အဟန့်အတားဖြစ်နေလို့ ဒီဟာကို ရှင်းပစ်တာပဲ” ဟု ပြောသည်။

သို့သော် ရှမ်းတိုင်းရင်းသား ဒီမိုကရေစီပါတီမှ နမ်းခမ်းမြို့နယ် ပြည်သူ့လွှတ်တော် အမတ် ဦးစိုင်းအုန်းကျော် ကမူ ပိုက်လိုင်းကြောင့် တိုက်ပွဲ ဖြစ်ပွားရခြင်း မဟုတ်ဘဲ တခြား RCSS ၏ လုပ်ဆောင်ချက်အပေါ် စစ်တပ်က လာရောက် သိမ်းပိုက်ခြင်း ဖြစ်နိုင်သည်ဟု ယူဆကြောင်း ပြောသည်။

“ပိုက်လိုင်းနဲ့ မဆိုင်ပါဘူး။ RCSS က ပထမက ဘိန်းဖြတ်စခန်း လုပ်မယ်။ ဖွံ့ဖြိုးရေးအတွက် စိုက်ပျိုးမွေးမြူရေး လုပ်မယ်ပေါ့။ နောက်ပိုင်းက စစ်သင်တန်း ဖွင့်မယ်ပေါ့။ အဲဒါ အစိုးရ စစ်တပ်က ခွင့်မပြုဘူး။ ဒီကိစ္စနဲ့ပဲ ထင်တယ်။ ဒီကိစ္စနဲ့ပဲ လာပြီးတော့ သိမ်းတယ်ပေါ့။ အဲဒါပဲ ယူဆတယ်” ဟု မဇ္ဈိမကို ပြောသည်။

မေလ ၉ ရက်နေ့က ဖြစ်ပွားခဲ့သော ကျေးရွာပေါင်း ၃၂ ရွာမှ ဒေသခံ ၃,၀၀၀ ခန့် ထွက်ပြေး တိမ်းရှောင်ခဲ့ရ သည်။ တရုတ်နယ်စပ် နောင်တောင်းဘက်သို့ ရွာသား ၂,၀၀၀ ခန့် ထွက်ပြေးခိုလှုံခဲ့ရကာ ၁,၀၀၀ ခန့်မှာ နမ့်ခမ်းမြို့ပေါ် ဘုန်းကြီးကျောင်းများနှင့် မိတ်ဆွေများထံ ခိုလှုံနေခဲ့ကြရပြီး ယခုအခါတွင် အများစုမှာ နေရပ်သို့ ပြန်လည် ရောက်ရှိလာကြပြီဖြစ်ကြောင်း လွှတ်တော်ကိုယ်စားလှယ် စိုင်းအုန်းကျော် က ပြောသည်။

ယနေ့ ထုတ်ပြန်လိုက်သော ရှမ်းလူမှုအဖွဲ့များ၏ ထုတ်ပြန်ချက်ကို ပြည်နယ် ဝန်ကြီးချုပ်နှင့် ပြည်ထောင်စု ငြိမ်းချမ်ရေး ဖော်ဆောင်ရေးလုပ်ငန်း ကော်မတီတို့ထံ ပေးပို့ထားသည်ဟု သိရှိရိသည်။

ပူးတွဲတောင်းဆိုလိုက်သော အဆိုပါ ရှမ်းလူထုအခြေပြု အဖွဲ့အစည်းများတွင် ရှမ်းပြည် လူ့အခွင့်အရေး မဏ္ဍိုင်၊ ရှမ်းသဘာဝ ပတ်ဝန်းကျင် အဖွဲ့၊ ရှမ်းပြည် ဖွံ့ဖြိုးရေးမဏ္ဍိုင်၊ ရှမ်းပြည် အဖွဲ့အစည်း၊ ရှမ်းအမျိုးသမီးများ လှုပ်ရှားဆက်သွယ်ရေး အဖွဲ့၊ ရှမ်းလူငယ်ကွန်ယက်အဖွဲ့နှင့် ရှမ်းလူငယ့်စွမ်းအားတို့ ပါဝင်ကြသည်။

Ref: မဇ္ဈိမ

Read More...

ကေအိုင်အိုနဲ့ ဆွေးနွေးပွဲ တိုင်းရင်းသား လက်နက်ကိုင် ၉ ဖွဲ့ တက်ရောက်မည်

2013-05-22

လာမယ့်မေလ ၂၈ ရက်နေ့မှာ ကျင်းပမယ့် အစိုးရနဲ့ ကေအိုင်အို ကချင် လွတ်မြောက်ရေး အဖွဲ့တို့ ငြိမ်းချမ်းရေးဆွေးနွေးပွဲကို တိုင်းရင်းသား လက်နက်ကိုင် အဖွဲ့အစည်း ၉ ဖွဲ့ အပါအ၀င် တရုတ် ကိုယ်စားလှယ်တွေနဲ့ ကုလသမဂ္ဂ အထူး ကိုယ်စားလှယ် မစ္စတာ နမ်ဘီယားတို့ တက်ရောက်ကြမယ်လို့ သိရပါတယ်။

ကချင်ပြည်နယ်၊ မြစ်ကြီးနားမြို့၊ မနောကွင်းမှာ ကျင်းပမယ့် ဒီဆွေးနွေးပွဲမှာ တိုင်းရင်းသား လက်နက်ကိုင် အဖွဲ့တွေက ကိုယ်စားလှယ် အားလုံး တက်ရောက် ကြမှာဖြစ်တယ်လို့ တိုင်းရင်းသား အဖွဲ့တွေကို စီစဉ် ဖိတ်ကြားတဲ့ ငြိမ်းချမ်းရေး အကျိုးဆောင်အဖွဲ့ (PCG) အဖွဲ့ဝင် ဦးလမိုင်ဂွန်ဂျာက RFA ကို ပြောပါတယ်။

"တိုင်းရင်းသား လက်နက်ကိုင်အဖွဲ့ ၉ ဖွဲ့ကို ဖိတ်ထားတယ်၊ သူတို့က ၁၇ ရက်နေ့ ရောက်လာမယ် လို့တော့ သိရတယ်၊ သူတို့မှာ ငြိမ်းချမ်းရေးဆွေးနွေးရေးကော်မတီ ဖွဲ့ထားတယ်လေ၊ သူတို့ ဖွဲ့ထားတဲ့ ကော်မတီ အားလုံး တက်ရောက်မယ် ဆိုတာတော့ သိရတယ်ဗျ၊ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဌ ဦးအောင်မင်း ဦးဆောင်ပြီးမှ တပ်ပိုင်းဆိုင်ရာ ကတော့ ဒုတိယ ဗိုလ်ချုပ်ကြီး မြင့်စိုးနဲ့ ဒီတစ်ခေါက် လွှတ်တော် ကိုယ်စားလှယ်တွေ ပါလာမယ်လို့တော့ ကျွန်တော်တို့ အကြမ်းအားဖြင့် သိရတယ်"

ဆွေးနွေးပွဲ တက်ရောက်မယ့် တိုင်းရင်းသား လက်နက်ကိုင် အဖွဲ့အစည်း ၉ ဖွဲ့ ကတော့ ရှမ်းပြည်ပြန်လည် ထူထောင်ရေးကောင်စီ (RCSS)၊ ကရင် အမျိုးသားအစည်း အရုံး (KNU)၊ ကရင်နီ အမျိုးသား တိုးတက်ရေးပါတီ (KNPP)၊ ‘၀’ ပြည်သွေး စည်းညီညွတ်ရေး ပါတီ (UWSP)၊ ချင်းအမျိုးသား တပ်ဦး (CNF)၊ ပအို့ဝ်အမျိုးသား လွတ်မြောက်ရေး အဖွဲ့ (PNLO)၊ မွန်ပြည်သစ် ပါတီ (NMSP)၊ ရှမ်းပြည် တိုးတက်ရေး ပါတီ (SSPP)၊ အမျိုးသား ဒီမိုကရက်တစ် မဟာမိတ် တပ်မတော် (NDAA)တို့ ဖြစ်ပါတယ်။

အဲဒီဆွေးနွေးပွဲကို အစိုးရဖက်က ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒုတိယ ဥက္ကဋ္ဌ ဦးအောင်မင်း ခေါင်းဆောင်တဲ့ ကိုယ်စားလှယ်တွေနဲ့ KIO ဖက်က ဒုတိယ စစ်ဦးစီးချုပ် ဗိုလ်ချုပ် ဂွမ်မော် ဦးဆောင်တဲ့ ကိုယ်စားလှယ် အဖွဲ့တွေ တက်ရောက်ဆွေးနွေးကြမှာ ဖြစ်ပါတယ်။

ပြီးခဲ့တဲ့ မတ်လ ၁၁ ရက်နေ့က တရုတ်နိုင်ငံ၊ ရွှေလီမြို့မှာ ငြိမ်းချမ်းရေး ဆွေးနွေးပွဲ တစ်ရပ် ကျင်းပခဲ့ပြီး ဧပြီလ အတွင်း ဆက်လက်ဆွေးနွေးဖို့ ချိန်းဆို ခဲ့ပေမယ့် KIO ဖက်က ရက်ရွှေ့ဆိုင်း လိုက်တဲ့အတွက် ဆွေးနွေးပွဲအနည်းငယ် နှောင့်နှေး သွားခဲ့ရတာ ဖြစ်ပါတယ်။

Ref: RFA News

Read More...

ABSDF နှင့် အစိုးရ ဆွေးနွေးမှု နှစ်ဘက်စလုံး အားရကျေနပ်မှုရှိ

နေမျိုး
ဗုဒ္ဓဟူးနေ့၊ မေလ ၂၂ ရက် ၂၀၁၃

ရန်ကုန် (မဇ္ဈိမ)။ ။ ABSDF မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦးနှင့် အစိုးရ ဘက်မှ ဗိုလ်မှူးကြီး တဦး ဦးဆောင်သည့် အဖွဲ့နှင့် Myammar Peace Center ခန်းမတွင် မေလ ၂၁ ရက်နေ့မှ စတင် ငြိမ်းချမ်းရေ အတွက် ဆွေးနွေး ခဲ့ကြကြောင်း သတင်းရရှိသည်။

ယခုအချိန်တွင် ဆွေးနွေးရလဒ်များကို ထုတ်ပြန်နိုင်ခြင်း မရှိသေးသော်လည်း အချိန်ကာလ တခုတွင် ပြည်သူလူထု သို့ မီဒီယာမှ တဆင့် ရှင်းလင်း တင်ပြမည် ဖြစ်ကြောင်း ဗဟို အလုပ်မှုဆောင် ကော်မတီဝင် ရဲဘော် ကျော်ကို က ပြောသည်။

၎င်းက “နှစ်ဘက်စလုံး ကျေနပ်အားရမှု ရှိတယ်။ နောက်တခု အပေါင်း လဏ္ခာဆောင် ပါတယ်။ ထူးခြားချက်ကတော့ သူ့အမြင် ကိုယ့်အမြင် နှစ်ဘက်ကြား သေသေချာချာ နက်နက်ရှိုင်းရှိုင်း ပြောနိုင် ဆိုနိုင်တယ်” ဟု ရှင်းပြသည်။

အဖွဲ့ဝင် ငါးဦးပါ ABSDF ကိုယ်စားလှယ်အဖွဲ့နှင့် ဗိုလ်မှူးကြီး ကျော်စိုးဝင်း အဖွဲ့ခေါင်းဆောင်သည့် မြန်မာ့ ငြိမ်းချမ်းရေး စင်တာ အဖွဲ့ (Technical team) တို့ နှစ်ဘက်ဆွေးနွေး ခဲ့ကြခြင်းဖြစ်သည်။

ကိုကျော်ကိုက “ယေဘုယျပြောမယ် ဆိုရင်တော့ သဘောထား ကွဲလွဲချက်တွေ ရှိမှာပဲ။ ဒါလည်း သဘာဝ ကျတယ်။ ကျနော် တို့ ပဋိပက္ခတွေက နှစ်ရှည် လာခဲ့တယ်။ ပြောတာက တနာရီ၊ နှစ်နာရီ၊ တကြိမ်တည်း၊ တလ၊ နှစ်လ
တနှစ် တည်းနဲ့ ကျနော်တို့ လိုချင်တဲ့ ရည်မှန်းချက် ပန်းတိုင် ရောက်ဖို့ မဖြစ်နိုင်သေးဘူး။ ဆွေးနွေးပွဲ ဖြစ်စဉ် အတိုင်း သွားကြရမယ်။ ဆက်ပြီးဆွေးနွေး အဖြေရှာရမှာပဲ” ဟု ဆက်ပြောသည်။

ပြည်ထောင်စု ငြိမ်းချမ်းရေး ဖော်ဆောင်ရေး ကော်မီတီနှင့် ၃ ကြိမ် တွေ့ဆုံခဲ့ပြီးသလို နှစ်ဘက်ရှု မြင်ချက်တွေ အမျိုးမျိုး ရှိနိုင်ကြောင်း ဖြည့်စွက်ပြောကြားသည်။

အချိန်ကာလအားဖြင့် မပြောနိုင်သေးသော်လည်း ဆွေးနွေးပွဲများ ဆက်ရှိရန် နှစ်ဘက်စလုံး သဘောထားရှိ မည်ဟု မျှော်လင့်ကြောင်း ကိုကျော်ကိုမှ မှတ်ချက်ပြုသည်။

ABSDF အနေဖြင့် တနိုင်ငံလုံး အတိုင်းအတာဆောင်သည့် အပစ်အခတ် ရပ်ဆဲရေး၊ ငြိမ်းချမ်းရေးနှင့် အမျိုးသား ပြန်လည်သင့်မြတ်ရေး ဆိုသည့် ရည်မှန်းချက်များ အောက်တွင်သာ ဆွေးနွေးမှုများ ပြုလုပ်ကြောင်း မဇ္စျိမကို ပြောသည်။

တပ်မတော်နှင့် အကြီးအကျယ်တိုက်ခိုက်နေရခြင်း မရှိသော်လည်း သမ္မတဆောင်ရွက်တဲ့ ငြိမ်းချမ်းရေး ဖြစ်စဉ် တွင် အားလုံး ပါဝင်နိုင်ရေး အတွက် ABSDF လည်း တစိတ်တဒေသ ပါဝင်ကြောင်း ဦးလှမောင်ရွှေ က ယနေ့ ဗုဒ္ဓဟူးနေ့တွင် ပြောဆိုသည်။

၎င်းက “အပြန်အလှန် နွေးနွေးထွေးထွေး ဆွေးနွေးနိုင်ခဲ့တယ်။ ယုံကြည်မှုကတော့ နှစ်ဘက် စလုံးမှာ ပိုရှိ လာတယ်။ သူတို့ အနေနဲ့ သူတို့ ဗဟိုကော်မတီကို ပြန်တင်ပြရမယ်။ နောင်မှာ သဘော တူညီချက်တွေ ဖြစ်လာနိုင်တဲ့ အခြေခံ ပြင်ဆင်တဲ့ ဆွေးနွေးမှုပါ။ သူတို့ ဗဟိုကော်မတီ (ABSDF) က ပေါ်လစီ ချပြီဆိုရင်တော့ နောက်ဆက်တွဲ လုပ်ရမဲ့ လုပ်ငန်းတွေ ရှိပါတယ်” ဟု မဇ္ဈိမကို ပြောသည်။

အစိုးရနှင့် အပစ်အခတ် ရပ်စဲရေး လုပ်ကိုင်နိုင်ဖို့ အကြိုဆွေးနွေးမှုများဖြစ်ကြောင်း MPC (မြန်မာငြိမ်းချမ်းရေး စင်တာ) မှ ညှိုနှိုင်းရေး တွဲဖက် ညွှန်မှူး ဦးအောင်နိုင်ဦး ကလည်း ပြောသည်။

ဦးအောင်နိုင်ဦး က “အခုဆွေးနွေးပွဲတွေဟာ ပြည်နယ်အဆင့် ဆွေးနွေးပွဲမှာ လက်မှတ် ထိုးနိုင်ဖို့ လုပ်တဲ့ သဘောပါ။ ဒါကြောင့်မို့ ဘာတွေ ဆွေးနွေးတယ် ဆိုတာ ပြောလို့ မရဘူး။ တဖက်နဲ့ တဖက် ကော်မတီ လူကြီးတွေကို တင်ပြပြီး သဘောတူညီချက် ရရင် ပြည်နယ်အဆင့် ဆွေးနွေးပွဲမှ အပစ်အခတ် ရပ်စဲရေး သဘောတူညီမှု လက်မှတ် ထိုးဖို့ပဲ ဖြစ်တယ်။ အားလုံးပါဖို့ သဘော တူထားတယ် ”ဟု ဆွေးနွေးပွဲအပြီး စောင့်ဆိုင်းနေသည့် သတင်းထောက် များအား ပြောဆိုသွားသည်။

Ref: မဇ္ဈိမ

Read More...

မြန်မာ့လူ့အခွင့်အရေးအခြေအနေ စိုးရိမ်ရဆဲ AI သုံးသပ်

23.05.2013

ကမ္ဘာအနှံ့မှာ ဒုက္ခသည်တွေ တိုးလာနေသလို၊ အဲဒီ ဒုက္ခသည်တွေအတွက် ထောက်ပံ့ ကူညီမှုတွေလည်း အားနည်းနေတယ်လို့ Amnesty International နိုင်ငံတကာ လူ့အခွင့်အရေး အဖွဲ့ကြီးရဲ့ နှစ်ပတ်လည် အစီရင်ခံစာ ထဲမှာ ထောက်ပြ ဝေဖန် ထားပါတယ်။

ပြီးခဲ့တဲ့နှစ်အတွင်းမှာ ကမ္ဘာအနှံ့ ဒုက္ခသည်တွေဟာ လူဦးရေ ၁၅ သန်းအထိ တိုးများ လာတယ်လို့ Amnesty International က ပြောပါတယ်။ ဒါ့အပြင် ဒုက္ခသည် အတော်များများဟာ သူတို့ နိုင်ငံတွင်း မှာပဲ ရွှေ့ပြောင်း တိမ်းရှောင်နေကြရတဲ့ အခြေအနေ ဖြစ်နေတယ်လို့လည်း ဖော်ပြပါတယ်။

ဒီလို ဒုက္ခသည်တွေ တိုးများလာတာဟာ လူ့အခွင့်အရေး ချိုးဖောက်မှုတွေကြောင့်ဖြစ်ပြီး၊ ဒုက္ခသည်တွေကို လက်ခံ ထားတဲ့ နိုင်ငံတွေရော နိုင်ငံ အတော်များများကပါ အဲ့ဒီ ဒုက္ခသည်တွေကို လုံလုံလောက်လောက် အကူအညီ မပေးနိုင်ကြဘူးလို့ ဝေဖန် ထားပါတယ်။

တချိန်တည်းမှာပဲ နိုင်ငံပေါင်း ၁၀၀ ကျော်က ညှဉ်းပမ်းနှိပ်စက်မှုတွေ၊ ဖိနှိပ်မှုတွေနဲ့ နိုင်ငံရေး အကျဉ်းသားတွေ အရေး ကိစ္စကိုလည်း မှတ်တမ်းပြုစု ထားပါတယ်။ အစီရင်ခံစာ ထဲမှာ မြန်မာနိုင်ငံနဲ့ ပတ်သက်တဲ့ ဖော်ပြချက်မှာတော့ မြန်မာနိုင်ငံတွင်းမှာ နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေ လုပ်ပြီး နိုင်ငံရေး အကျဉ်းသားတွေကို လွှတ်ပေးခဲ့ပေမဲ့ နိုင်ငံရေး လှုပ်ရှားသူ အတော်များများဟာ အကျဉ်းထောင်ထဲမှာ ရှိနေတုန်းပဲလို့ ဖော်ပြပါတယ်။

မြန်မာအာဏာပိုင်တွေအနေနဲ့ အကျဉ်းသား ၈၅၀၀ ကျော် လွှတ်ပေးတဲ့ အထဲမှာ ရာနဲ့ချီတဲ့ နိုင်ငံရေး အကျဉ်းသားတွေ ပါရှိပေမဲ့ အများစုဟာ ပုဒ်မ ၄၀၁ နဲ့ ခြွင်းချက် သဘောမျိုး လွှတ်ပေးခဲ့တာကို ထောက်ပြထားပါတယ်။ အမျိုးသား လူ့အခွင့်အရေး ကော်မရှင်ကို ဖွဲ့စည်းထားပေမဲ့လည်း လူ့အခွင့်အရေး ချိုးဖောက်မှု တိုင်ကြားချက်တွေအပေါ်မှာ စုံစမ်းစစ်ဆေးမှုတွေ မလုပ်နိုင်တာကို ဝေဖန်ထားပါတယ်။

လူ့အခွင့်အရေး ချိုးဖောက်သူတွေကို တရားဥပဒေအရ အရေးမယူနိုင်တဲ့ အခြေအနေတွေကိုလည်း ထောက်ပြထားပါတယ်။ မြန်မာနိုင်ငံ မြောက်ပိုင်း ကချင်ပြည်နယ်နဲ့ ရှမ်းပြည်နယ်အတွင်းက စစ်ရေး တင်းမာမှုတွေ ရှိတာနဲ့အမျှ အဲဒီက ဒေသခံ ကျေးရွာတွေမှာ တရားလက်လွတ် ဖမ်းဆီးမှု၊ သတ်ဖြတ်မှု အမျိုးသမီးတွေကို အဓမ္မ ပြုကျင့်မှု စတဲ့ လူ့အခွင့်အရေး ချိုးဖောက်မှုတွေကိုလည်း Amnesty ရဲ့ နှစ်ပတ်လည် အစီရင်ခံစာထဲမှာ ဖော်ပြပါတယ်။

တဆက်တည်းမှာပဲ လူအတော်များများ သေဆုံးခဲ့ရတဲ့ ရခိုင်ပြည်နယ်အတွင်းက ဘာသာရေးနဲ့ လူမျိုးရေး ပဋိပက္ခတွေအပေါ် အစိုးရက စုံစမ်းရေး ကော်မရှင်ဖွဲ့တဲ့ နေရာမှာ အရေးပါတဲ့ အလွှာ အသီးသီးကို ထည့်သွင်းခဲ့ပေမဲ့ ရိုဟင်ဂျာ အသိုင်းအ၀ိုင်းက ကိုယ်စားပြုသူတွေကို ထည့်သွင်းခြင်း မရှိဘူးလို့ Amnesty က ပြောပါတယ်ရှင်။

Ref: VOA News

Read More...

Wednesday, May 22, 2013

သမ္မတ အိုဘားမားနဲ့ သမ္မတ ဦးသိန်းစိန် အိမ်ဖြူတော် ပူးတွဲ သတင်းစာ ရှင်းလင်းပွဲ

21.05.2013

အမေရိကန် ပြည်ထောင်စုကို နှစ်ပေါင်း ၅၀ နီးပါးအတွင်း ပထမဆုံး တရားဝင် ခရီးစဉ် အဖြစ် စနေနေ့က ရောက်လာခဲ့တဲ့ မြန်မာ သမ္မတ ဦးသိန်းစိန်ဟာ မနေ့က တနင်္လာနေ့ မှာတော့ အမေရိကန် သမ္မတ အိုဘားမားနဲ့ သမ္မတ အိမ်ဖြူတော်မှာ တွေ့ဆုံ ခဲ့ကြပါတယ်။ ဒီလို တွေ့ဆုံချိန်မှာ မြန်မာနိုင်ငံရဲ့ နိုင်ငံရေး၊ စီးပွားရေးဆိုင်ရာ ပြုပြင်ပြောင်းလဲမှု၊ လူ့အခွင့်အရေး အပြင် တိုင်းရင်းသား ပဋိပက္ခနဲ့ ဘာသာရေး တင်းမာမှု ပြဿနာတွေကို ဖြေရှင်းဖို့ အရေးကြီးတဲ့ အကြောင်း ဆွေးနွေး ခဲ့ကြတယ်လို့ သိရပါတယ်။ ဆွေးနွေးပွဲ အပြီး သမ္မတ အိမ်ဖြူတော်မှာ သမ္မတနှစ်ဦးတို့ ပူးတွဲ သတင်းစာ ရှင်းလင်းပွဲကိုလည်း ကျင်းပခဲ့ပါတယ်။ အပြည့်အစုံကိုတော့ အခုပဲ နားဆင် ကြည့်ကြရအောင်ပါ။

သမ္မတ အိုဘားမား
“ကျနော့်အနေနဲ့ သမ္မတကြီး ဦးသိန်းစိန်ကို အမေရိကန် ပြည်ထောင်စုကိုရော၊ အိမ်ဖြူတော်ကိုရော ကြိုဆိုပါတယ်။ မနှစ်က ဆိုလို့ရှိရင် အမေရိကန် သမ္မတ တစ်ဦး အနေနဲ့ ပထမဆုံး မြန်မာနိုင်ငံကို ရောက်ခဲ့တဲ့ အတွက်ကြောင့် ကျနော် ဂုဏ်ယူပါတယ်။ အဲ့တော့ သမ္မတကြီး အနေနဲ့လည်း ဒီကို လာနိုင်တဲ့ အတွက်ကြောင့် ဒါဟာလည်း နှစ်ပေါင်း ၅၀ အတွင်းမှာ ပထမဦးဆုံး လာရောက်တဲ့ အတွက်ကြောင့် ကောင်းပါတယ်။ အဲ့တော့ ဒီ နှစ်ပေါင်း ၅၀ ကြားထဲမှာတော့ ကျနော်တို့မှာ နှစ်ဘက် တင်းမာမှုလေးတွေ ရှိခဲ့ပါတယ်။ အခု ဒီလို ပြောင်းလဲ သွားရတဲ့ ကိစ္စက သမ္မတ ဦးသိန်းစိန်ရဲ့ ခေါင်းဆောင်မှုနဲ့ ဒီမိုကရေစီ လမ်းကြောင်းပေါ်ကို စီးပွားရေး အရရော၊ နိုင်ငံရေး အရရော ပြုပြင်ပြောင်းလဲမှု လုပ်တဲ့ အတွက် ဖြစ်ပါတယ်။”

“လွန်ခဲ့တဲ့ ၂ နှစ်အတွင်းမှာ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေလည်း လွတ်လာပြီးတော့ ဒေါ်အောင်ဆန်းစုကြည် ကိုယ်တိုင်ကလည်း အခု ဆိုလို့ရှိရင် နိုင်ငံရေး လုပ်နေပါပြီ။ အဲ့တော့ အခုဆိုလို့ရှိရင် နိုင်ငံရေးအရ လွှတ်တော်ကလည်းပဲ အားလုံး ပါဝင်နိုင်အောင် ပါဝင်ဆောင်ရွက်နိုင်အောင် လုပ်နေပါပြီ။ မြန်မာနိုင်ငံ အကျိုးအတွက် နောက် အင်မတန်မှ ယုံကြည်လောက်တဲ့ ရွေးကောက်ပွဲလည်း ကျင်းပပြီး ခဲ့ပါပြီ။ အဲ့တော့ သမ္မတကြီး ဦးသိန်းစိန် အနေနဲ့ကလည်းပဲ အင်မတန်မှ ရှည်ကြာလှတဲ့ လူမျိုးစုပြဿနာတွေ၊ ပဋိပက္ခတွေကို ဖြေရှင်းဖို့အတွက် လုပ်နေပါတယ်။ နောက်ပြီးတော့လည်းပဲ မြန်မာပြည်သူ လူထုတွေအားလုံး လေးစားရမယ့် ဥပဒေတွေလည်းပဲ ဖော်ဆောင်ဖို့ လုပ်နေပါပြီ။ ဒီလို ပြုပြင်ပြောင်းလဲမှုတွေ အများကြီး လုပ်ခဲ့တဲ့အတွက်ကြောင့် အမေရိကန်ပြည်ထောင်စုကလည်းပဲ ချမှတ်ခဲ့တဲ့ ပြစ်ဒဏ်ပေးမှုတွေ ဘာတွေ အားလုံးပေါ့လေ ကုန်သွယ်ရေး ပိတ်ဆို့မှုတွေကို ကျနော်တို့ လျှော့လိုက်ပါပြီ။ နောက်ပြီးတော့ တခြားနိုင်ငံတွေကလည်း အလားတူ လျှော့လိုက်ပါပြီ။”

“အဲ့ဒီလို လုပ်ကိုင်ဆောင်ရွက်မှုတွေကြောင့် ဒါဟာ ဘာကို ပြသလဲဆိုရင် နိုင်ငံတကာကနေပြီးတော့ မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်မှုအတွက် ဘယ်လို ကျယ်ကျယ်ပြန့်ပြန့် လုပ်နိုင်တယ်ဆိုတဲ့ သဘောကို ပြပါတယ်။ မြန်မာနိုင်ငံမှာ ကုန်သွယ်ရေးရော၊ ရင်းနှီးမြှုပ်နှံမှုရော လုပ်လိုက်တဲ့အခါကျလို့ရှိရင်တော့ အလုပ်အကိုင်တွေလည်း ပေါများလာပြီးတော့ အကုန်လုံးက အဆင်ပြေသွားဖို့ ရှိပါတယ်။ အဲ့တော့ သမ္မတကြီး ဦးသိန်းစိန် ပြောသလိုပါပဲ ဒါက အင်မတန်မှ ရှည်လျားတဲ့ ခရီး ဖြစ်ပါတယ်။ အဲ့တော့ တော်တော်လေးတော့ လုပ်ယူရပါလိမ့်မယ်။”

“သမ္မတကြီး ဦးသိန်းစိန်ကတော့ နောင်ကို ဆက်ပြီးတော့ နိုင်ငံရေး အကျဉ်းသားတွေကိုလည်း လွှတ်ပေးမယ်။ နောက်ပြီးတော့ လူမျိုးစု ပြဿနာတွေ ဖြစ်နေတဲ့ ကိစ္စတွေမှာလည်းပဲ အပစ်အခတ် ရပ်စဲယုံတင်မဟုတ်ဘဲနဲ့ သူတို့လည်း နိုင်ငံရေးမှာ ပါဝင်ပူးပေါင်းနိုင်အောင်၊ ဆောင်ရွက်နိုင်အောင် လုပ်မယ်လို့ ပြောသွားပါတယ်။ မြန်မာနိုင်ငံထဲမှာရှိတဲ့ မူဆလင်တွေအပေါ်မှာ အကြမ်းဖက်မှုတွေ ဖြစ်တဲ့ကိစ္စနဲ့ပတ်သက်လို့လည်း ကျနော် သမ္မတကြီးနဲ့ ဆွေးနွေးခဲ့ပါတယ်။ အဲ့တော့ ဒီဟာနဲ့ပတ်သက်ပြီးတော့ သူတို့ အိုးမဲ့အိမ်မဲ့ ဖြစ်သွားတဲ့ ပုဂ္ဂိုလ်တွေ၊ နောက်ပြီးတော့ ဒုက္ခရောက်နေတဲ့ ပုဂ္ဂိုလ်တွေနဲ့ပတ်သက်ပြီးတော့ ဆက်လက်ပြီးတော့ အကူအညီ ပေးဖို့အတွက် ကျနော်တို့ သဘောတူကြပါတယ်။ နိုင်ငံတကာကလည်း ကူညီပေးနေတာ ဖြစ်ပါတယ်။ နောက်တစ်ခုကတော့ သူတို့ကို လေးလေးစားစားနဲ့ သူတို့ကို ဆက်ဆံဖို့ကိစ္စတွေလည်း ပါပါတယ်ခင်ဗျ။”

“သမ္မတကြီး ဦးသိန်းစိန်ကို ကျနော်ဆွေးနွေးတဲ့အခါမှာ ပြောတာကတော့ တခြားနိုင်ငံတွေမှာ ဖြစ်သလိုပဲပေါ့ ဒါက အားလုံး လေးလေးစားစားနဲ့ လုပ်မယ် ကိုင်မယ်ဆိုလို့ရှိရင် စီးပွားရေးအရရော၊ နိုင်ငံရေးအရာရော အားလုံး အဆင်ပြေပြေနဲ့ တခါတည်း ပြုပြင်ပြောင်းလဲမှုတွေ လုပ်လို့ရှိရင် အောင်မြင်မှာပါ။ နောက်ပြီးတော့ ကျနော်တို့ဆီက USAID ကနေပြီးတော့ အကူအညီပေး ဆောင်ရွက်နေတဲ့ ကိစ္စနဲ့ပတ်သက်ပြီး ဒါကတော့ လယ်ယာစိုက်ပျိုးရေးကဏ္ဍမှာ အဲ့ဒါတွေ တိုးတက်အောင် လုပ်နိုင်ဖို့အတွက် ကျနော်တို့ လုပ်နေပါတယ်။ ဒါ့အပြင် ရန်ကုန်-မန္တလေး လမ်းမကြီး ပြုပြင်ဖို့ကိစ္စလည်း ကျနော်တို့ လုပ်ကိုင်ဆောင်ရွက်နေပါတယ်။ သမ္မတကြီး ဦးသိန်းစိန်တို့အနေနဲ့လည်း အာဆီယံနဲ့ရော၊ အရှေ့အာရှ ပစိဖိတ် နိုင်ငံတွေနဲ့ပါ ဆောင်ရွက်နေတာကိုလည်း ကျနော်တို့ အားပေးပါတယ်။ ကျနော်တို့ အနေနဲ့ကလည်း အဲ့ဒါမျိုးတွေကို ဆက်ပြီးတော့ လုပ်ပြီးတော့ တိုးတက်အောင် ဆောင်ရွက်ပေးချင်ပါတယ်။ အဲ့တော့ သမ္မတကြီးကို ကြိုဆိုပါတယ်။ သမ္မတကြီးရဲ့ ဦးဆောင်မှုနဲ့ ဒီ လမ်းကြောင်းသစ်ကို သွားနေတဲ့ကိစ္စမှာ အောင်အောင်မြင်မြင်ဖြစ်အောင်လည်း ကျနော်တို့က အားပေးပါမယ်။ တချိန်တည်းမှာပဲ ဒါကလည်း အင်မတန်မှ ရှည်လျားတဲ့ခရီး ဖြစ်တဲ့အတွက်ကြောင့် ဒီလိုပဲရှိပါလိမ့်မယ်။”

သမ္မတ ဦးသိန်းစိန်
“သမ္မတကြီး မစ္စတာ အိုဘားမားကို ကျနော့်အနေနဲ့ ကျေးဇူးတင်ပါတယ်။ ကျနော် ဒီ ၀ါရှင်တန်ဒီစီကို ပထမဆုံးအကြိမ် ရောက်ဖူးတာဖြစ်သလို၊ ဒီ White House ကိုလည်း ပထမဆုံးအကြိမ် ရောက်ဖူးတာဖြစ်ပါတယ်။ အခုလို ကျနော်တို့နှစ်ယောက် ရင်းနှီးပွင့်လင်းစွာနဲ့ တိုင်ပင်ဆွေးနွေးခွင့်ရတဲ့အတွက်ကြောင့် ကျနော့်အနေနဲ့ များစွာ ၀မ်းမြောက်ဂုဏ်ယူမိပါတယ်။ အဲ့တော့ ကျနော်တို့ မြန်မာနိုင်ငံနဲ့ အမေရိကန် ပြည်ထောင်စုဟာ ၁၉၄၇ ခု လွတ်လပ်ရေး မရခင်ကတည်းက သံတမန်ဆက်သွယ်မှု ရှိခဲ့တဲ့ နိုင်ငံတွေဖြစ်ပါတယ်။ ဟိုတုန်းကလည်း နိုင်ငံအကြီးအကဲတွေ လာရောက်လည်ပတ်မှုတွေ ရှိခဲ့ပါတယ်။ အမှန်တော့ သမိုင်းကြောင်းအရ ကျနော်တို့ ရင်းနှီးပြီးသား နိုင်ငံတွေဖြစ်ပါတယ်။ သို့သော်လည်းပဲ ကျနော်တို့ အကြောင်းကြောင်းတွေကြောင့် ကျနော်တို့ နှစ်နိုင်ငံ ဆက်ဆံရေးဟာ ခုနကလို အခက်အခဲတွေ ဒါတွေနဲ့ ကျနော်တို့ ကြုံတွေ့ရတာတွေ ရှိပါတယ်။ ကျနော်တို့ဆိုလို့ရှိရင် နှစ်ပေါင်း ၅၀ အတွင်းမှာ မြန်မာနိုင်ငံရဲ့ အကြီးအကဲ တစ်ယောက်အနေနဲ့ အခုလို ကျနော်တို့ အမေရိကန်ကို လာခွင့် ကျနော်တို့ ရတာဖြစ်ပါတယ်။ သမ္မတကြီး ဖိတ်ကြားပေးတဲ့အတွက်ကြောင့် အခုလို လာရောက်နိုင်ခြင်းလည်း ဖြစ်ပါတယ်။ အဲ့တော့ မြန်မာနိုင်ငံမှာ ဒီကနေ့ ဒီမိုကရေစီ စနစ်ကိုလည်း ပြောင်းလဲပြီးတော့ ကျနော်တို့ ကျင့်သုံးနေပြီဖြစ်တဲ့အတွက်ကြောင့် အမေရိကန် ပြည်ထောင်စုနဲ့လည်း နိုင်ငံရေးစနစ်ခြင်း တူညီမှု ကျနော်တို့ ဒါ ရှိနေပြီလို့ ပြောလို့ရပါတယ်။”

“အဲ့တော့ နှစ်နှစ်တာကာလအတွင်းမှာ ကျနော်တို့ရဲ့ အစိုးရသက်တမ်းဟာ နှစ်နှစ် ကျနော်တို့ ရှိသွားပါပြီ။ နှစ်နှစ်တာကာလအတွင်းမှာ နိုင်ငံရေး ပြောင်းလဲမှုတွေ၊ စီးပွားရေး ပြောင်းလဲမှုတွေ၊ ဒါတွေကို ကျနော်တို့ ကြိုးပမ်းပြီးတော့ ဆောင်ရွက်ခဲ့ပါတယ်။ ကျနော်တို့မှာ ဒီမိုကရေစီနဲ့ပတ်သက်ပြီးတော့ အတွေ့အကြုံတွေ အလေ့အကျင့်တွေ ကျနော်တို့ ဒါ နည်းပါသေးတယ်။ အောင်မြင်မှုတွေ ရှိခဲ့သလို အခက်အခဲတွေ၊ စိန်ခေါ်မှုတွေ ဒါတွေလည်း ကျနော်တို့ ကြုံတွေ့နေရပါတယ်။ ကျနော်တို့မှာ ရှိပါတယ်။ ကျနော်တို့ရဲ့ ကြိုးပမ်းဆောင်ရွက်မှုတွေကို ကျနော်တို့ အသိအမှတ်ပြုတဲ့အနေနဲ့ အမေရိကန်နိုင်ငံနဲ့ ဆက်ဆံရေး အခုလို ပြန်လည်ပြီးတော့ ကောင်းမွန်ဖို့အတွက် သမ္မတကြီးရဲ့ မူဝါပြောင်းလဲ သတ်မှတ်ပေးမှုအပေါ်မှာ မူတည်ပါတယ်။ ဒါကြောင့် သမ္မတကြီးကိုလည်း ကျနော်တို့ နှစ်နိုင်ငံရဲ့ ဆက်ဆံရေးကို စတင်ပြီးတော့ ကျနော်တို့ ဖော်ဆောင်ပေးတဲ့ ပုဂ္ဂိုလ်တစ်ယောက်အနေနဲ့ အင်မတန်မှ ကျေးဇူးတင်ပါတယ်။ ကျနော်တို့လို ဖွံ့ဖြိုးစ ဖွံ့ဖြိုးဆဲနိုင်ငံ တစ်နိုင်ငံအနေနဲ့ အခုလို ကျနော်တို့ စနစ်ကို ပြောင်းလဲတဲ့အခါမှာ အခက်အခဲတွေ မျိုးစုံ ကျနော်တို့ ရှိပါတယ်။ ဒီအထဲမှာ ကျနော်တို့ ခုနက ဆင်းရဲနွမ်းပါးမှုနှုန်းတွေ မြင့်မားနေတာတွေ၊ နောက်တခါ အလုပ်အကိုင် အခွင့်အလမ်းတွေ နည်းပါးနေတာ နောက်တခါ လူတွေရဲ့ ဒီမိုကရေစီ အတွေ့အကြုံ ဒီမိုကရေစီ အလေ့အကျင့်တွေ ကျနော်တို့ နည်းပါးနေတာတွေ၊ နောက်တခါ ကျနော်တို့မှာ အလယ်အလတ်တန်းစားတွေ၊ အရည်အချင်းရှိတဲ့ အလယ်အလတ်တန်းစားတွေ ဒါတွေ ကျနော်တို့ နည်းပါးနေတဲ့အတွက်ကြောင့်မို့ နိုင်ငံတော်ကို ပြောင်းလဲထူထောင်တဲ့အခါမှာ ခုနကလို ကျနော်တို့ အခက်အခဲ မျိုးစုံတွေ ကျော်ဖြတ်ပြီးတော့ ကျနော်တို့ ဆောင်ရွက်နေရပါတယ်။ သို့သော်လည်းပဲ တချို့ အခက်အခဲတွေကို ကျနော်တို့ စာနာထောက်ထားပြီးတော့ အမေရိကန် သမ္မတကြီးအနေနဲ့ တချို့ဟာတွေကို ကူညီဆောင်ရွက်ပေးနေတဲ့အတွက်ကြောင့် ကျနော်တို့ ဒါ အခက်အခဲတွေကို ကျော်လွှားနိုင်တဲ့ အခြေအနေတွေလည်း ကျနော်တို့ ရှိလာပြီဖြစ်ပါတယ်။”

“အဲ့တော့ သမ္မတကြီးနဲ့ ကျနော်တို့ အခု ဆွေးနွေးကြတာက စောစောက သမ္မတကြီး ပြောသွားသလိုပါပဲ ဥပဒေရေးရာကိစ္စတွေ ဒါတွေ ကျနော်တို့ ပါဝင်ပါတယ်။ နောက်တခါ ကျနော်တို့ တရားဥပဒေစိုးမိုးရေးအပိုင်းတွေ၊ နောက် ရဲတို့ တပ်တို့ အရည်အသွေးတွေ ကျနော်တို့ မြင့်မားရေးကိစ္စတွေ၊ နောက်တခါ ဆင်းရဲနွမ်းပါးတဲ့ တောင်သူလယ်သမားတွေရဲ့ ဘ၀ကို မြှင့်တင်ပေးမယ့် ကိစ္စတွေ၊ နောက်တခါ ပညာရေး၊ ကျန်းမာရေး ဒီကိစ္စတွေ ကျနော်တို့ ကဏ္ဍစုံ ဆွေးနွေး ကျနော်တို့ အမြင်ချင်း ဖလှယ်နိုင်ခဲ့ပါတယ်။ သမ္မတကြီးဆီကနေလည်း ခုနလို မြန်မာနိုင်ငံအပေါ်မှာ သဘောထားတွေ၊ အမြင်တွေ၊ သိရှိရတဲ့အတွက်ကြောင့် ကျနော်တို့တွေ များစွာ ဒီဆွေးနွေးပွဲကတော့ အကျိုးရှိတဲ့ ပွဲဖြစ်ပါတယ်။ ကျနော်တို့ရဲ့ ခရီးစဉ်ကလည်း အင်မတန်မှ အကျိုးရှိတဲ့ ခရီးစဉ်တစ်ခု ဖြစ်တယ်လို့ ပြောချင်ပါတယ်။ ကျနော်တို့ ဒီမိုကရေစီရှေ့ကို ဆက်လက်ပြီးတော့ ရှင်သန်ဖွံ့ဖြိုးဖို့အတွက် ကျနော်တို့ ဒီ နိုင်ငံရေး ပြုပြင်ပြောင်းလဲမှုတွေ၊ စီးပွားရေး ပြုပြင်ပြောင်းလဲမှုတွေ၊ ဒါတွေကို ကျနော်တို့ လုပ်နေပါတယ်။ နိုင်ငံရေးနဲ့ စီးပွားရေးဆိုတာ တစ်ခုနဲ့တစ်ခု ကျနော်တို့ ခွဲခြားလို့ မရပါဘူး။ ကျနော်တို့ ခွန်အားနဲ့ ကျနော်တို့နိုင်ငံအတွက် လုပ်နေသလို တဘက်ကလည်း ကျနော်တို့ကို ထောက်ခံအားပေးတဲ့ ပြည်ပရဲ့ ခွန်အားတွေကိုပါ ကျနော်တို့ ရယူပြီးတော့မှ ကြိုးပမ်းဆောင်ရွက်နေပါတယ်။ ပြောချင်တာကတော့ ဒီမိုကရေစီစနစ် ရှေ့ကို ဆက်လက်ပြီးတော့ ရှင်သန်ဖွံ့ဖြိုးဖို့အတွက် သမ္မတကြီး မကြာခဏ ပြောဖူးသလိုပါပဲ Forward ဆိုတဲ့အတိုင်းပဲ ကျနော်တို့ရဲ့ ဒါ Move Forward ဆိုပြီး ဆက်ပြီးတော့ သွားမှာဖြစ်ပါတယ်။ အားလုံးကို ကျေးဇူးတင်ပါတယ်ခင်ဗျ။”

Ref: VOA News

Read More...

ဦးသိန်းစိန် အမေရိကန်ခရီးအပေါ် သူတို့အမြင်

ထက်နိုင်ဇော်
May 21, 2013

သမ္မတ ဦးသိန်းစိန်နှင့် အမေရိကန်သမ္မတ မစ္စတာ အိုဘားမားတို့ မေလ ၂၀ ရက်နေ့က သမ္မတ အိမ်ဖြူတော်တွင် တွေ့ဆုံကာ နှစ်နိုင်ငံ နိုင်ငံရေး၊ စီးပွားရေး ကိစ္စများ အမြင်ခြင်း ဖလှယ်ခဲ့ ကြသည်။ မြန်မာနိုင်ငံ၏ နိုင်ငံရေး၊ စီးပွားရေး ဆိုင်ရာ ပြုပြင်ပြောင်းလဲမှု၊ လူ့အခွင့်အရေး အပါအ၀င် တိုင်းရင်းသား ကိစ္စရပ်များနှင့် ဘာသာရေး တင်းမာမှု ပြဿနာများ ဖြေရှင်းနိုင်ရေး စသည့် အရေးကြီး ကိစ္စရပ်များ ဆွေးနွေး ခဲ့ကြသည်။ ဆွေးနွေးပွဲ အပြီး သမ္မတ အိမ်ဖြူတော်တွင် သမ္မတနှစ်ဦးက ပူးတွဲ သတင်းစာ ရှင်းလင်းပွဲ ပြုလုပ် ခဲ့သေးသည်။ သမ္မတ ဦးသိန်းစိန်က ဒီမိုကရေစီ စနစ်ဖြင့် တိုင်းပြည်ရှေ့ဆက် သွားရန် ပြည်ပ အကူအညီ ရယူ လုပ်ဆောင်မည် ဟု သတင်းစာ ရှင်းလင်းပွဲ အပြီး သတင်းထောက် များကို ပြောကြား ခဲ့သည်။ မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးတွင် အမေရိကန် ပြည်ထောင်စု၏ အခန်းကဏ္ဍနှင့် ပတ်သက်၍ ပြည်တွင်းရှိ နယ်ပယ်ကဏ္ဍ အသီးသီးမှ ပုဂ္ဂိုလ်များအား ဧရာဝတီမှ ဆက်သွယ်မေးမြန်းပြီး ကောက်နုတ်ဖော်ပြ လိုက်ပါသည်။

ဦးစိုင်းလိတ် (ရှမ်းတိုင်းရင်းသားများဒီမိုကရေစီအဖွဲ့ချုပ်- ပြောခွင့်ရပုဂ္ဂိုလ်)

ကျနော်ကတော့ အမေရိကန်-မြန်မာ ဆက်ဆံရေးကောင်းလာတာကို အကောင်းမြင်တယ်။ အရင်က အိမ်နီးချင်း အင်အားကြီး နိုင်ငံတစ်ခုရဲ့ လက်ဝေခံဖြစ်နေတာကို ခြေဖျက် လိုက်တဲ့ သဘောပဲ။ အခုလို တိုက်ရိုက် ထိတွေ့လာတာ ကောင်းတဲ့ပုံရိပ် တစ်ခုလို့ မြင်တယ်။ နှစ်နိုင်ငံပူးပေါင်းဆောင်ရွက်တဲ့ အခါမှာ ပြည်တွင်း ငြိမ်းချမ်းရေး အတွက် အထောက်အကူ ဖြစ်လာမယ်လို့ မြင်တယ်။ ဒီမိုကရေစီ အကူးအပြောင်း လုပ်နေတဲ့ အချိန်မှာ စီပွားရေး တိုးတက်ဖို့ပဲ ဖြစ်ဖြစ်၊ နိုင်ငံရေးအရ တိုးတက်ဖို့ပဲ ဖြစ်ဖြစ် အဓိကအားဖြင့်တော့ ပြည်တွင်း ငြိမ်းချမ်းရေး ရှိဖို့လိုတယ်။ ပြည်တွင်းငြိမ်းချမ်းရေးရှိမှ တခြားကိစ္စတွေကို ထိထိရောက်ရောက် လုပ်နိုင်မှာ။ အမေရိကန်နဲ့ အဆင်ပြေရင် နိုင်ငံရေးမှာ အကျိုးအမြတ်တွေ ရှိမယ်။ စီးပွားရေးမှာလည်း အမေရိကန်ဆန်ရှင် မရှိတော့ရင် မြန်မာအတွက် အခွင့်အလမ်းတွေ အများကြီးပဲ။ အမေရိကန်က ဖွင့်ပေးလိုက်ရင် ဥရောပနိုင်ငံတွေရော၊ ဂျပန်နိုင်ငံရော ချမ်းသာတဲ့နိုင်ငံတွေက ဒီမှာ လာပြီးတော့ ရင်းနှီးမြှုပ်နှံမှုတွေ လုပ်လာနိုင်တယ်။ ရင်းနှီးမြှုပ်နှံမှုတွေ ၀င်လာရင် ကျနော်တို့က ရင်းနှီးမြုပ်နှံမှု ဥပဒေကောင်းကောင်းရှိရမယ်။ပြည်သူလူထုကို အကာအကွယ်ပေးနိုင်တဲ့ ပွင့်လင်းမြင်သာတဲ့ ဥပဒေဖြစ်ဖို့လိုတယ်။ ပညာရေးနဲ့ ပတ်သက်ရင်တော့ ကျနော်တို့နိုင်ငံက အများကြီးနောက်ကျနေပြီ။ အဲဒါကြောင့် ပညာရေးကတော့ အမေရိကန်အပါအ၀င် တခြားတိုးတက်တဲ့ နိုင်ငံအားလုံးရဲ့ အကူအညီလိုတယ်။ အခု ပညာရေးကို အမေရိကန်က ကူညီမယ်လို့ ပြောတဲ့အတွက် ကျနော်တို့ ၀မ်းသာတယ်။ အရင်တုန်းကလို နိုင်ငံကြီးတစ်ခုကို လုံးဝအားကိုးစရာ မလိုတော့ဘူး။

ဒေါက်တာတူးဂျာ (ကချင်တိုင်းရင်းသားခေါင်းဆောင်)

ကျနော်တို့က နိုင်ငံတကာဆက်ဆံရေးမှာ အများကြီး ဆက်ဆံရေးကောင်းဖို့ လိုတယ်။ ကမ္ဘာ့အလယ်မှာ မတင့်တယ်တာ ကြာပြီလေ။ အခုက ဒီမိုကရေစီအစိုးရ ဖြစ်လာပြီ။ အစစအရာရာ လမ်းကပွင့်လာပြီလေ။ မနှစ်ကလည်း အမေရိကန်သမ္မတကြီးက ကျနော်တို့ဆီ လာလည်တယ်လေ။ အခု ကျနော်တို့ ခေါင်းဆောင်က ပြန်သွားလည်တာ ဂုဏ်ယူစရာကောင်းပါတယ်။ အခုလိုတွေ့ဆုံမှုကနေ စပြီးတော့ ကျနော်တို့နိုင်ငံကလည်း ပွင့်လင်းမြင်သာစွာနဲ့ ဒီမိုကရေစီ ဖြစ်ထွန်းလာဖို့ လိုအပ်တယ်လေ။ ပြည်တွင်းငြိမ်းချမ်းရေး၊ စစ်မှန်တဲ့ ပြည်ထောင်စုစနစ်ဆီကိုသွားဖို့ လိုအပ်နေပြီလေ။ တွေ့တယ်။ ပြောကြတယ်။ နောက်ပိုင်းကျတော့ ဘာမှ အကောင်အထည်ပေါ်မလာတဲ့ဟာတော့ မဖြစ်သင့်ဘူး။ခေါင်းဆောင်ကြီးနှစ်ဦးရဲ့ တွေ့ဆုံမှုဟာ ရေရှည်တည်တံတဲ့ ပြည်တွင်းငြိမ်းချမ်းရေးဆီသွားတဲ့ ပထမဆုံးခြေလှမ်းပဲ ဖြစ်စေချင်ပါတယ်။ ပြည်တွင်းငြိမ်းချမ်းရေးအတွက် အမေရိကန် အကူအညီရဖို့ မျှော်လင့်ပါတယ်။ အမေရိကန်ပြည်ထောင်စုဆိုတာ ကမ္ဘာမှာ အဖိနှိပ်ခံပြည်သူတွေကို ကူညီပေးနေတဲ့နိုင်ငံပဲလေ။ သူတို့ ကူညီခဲ့တာတွေလည်း ရှိပါတယ်။ အမေရိကန်ဆီကတောင် မရနိုင်ဘူးဆိုရင် ဘယ်နိုင်ငံကို မျှော်လင့်လို့ ရနိုင်မလဲ။ မြန်မာနိုင်ငံရေးကိုလည်း တခြားနိုင်ငံတွေထက် အကူအညီပေးနိုင်မယ်လို့ မျှော်လင့်တယ်။

အမေရိကန်နဲ့ ဆက်ဆံရေးကောင်းလာတာကို တရုတ်က စိုးရိမ်စရာမလိုပါဘူး။ ကျနော်တို့က အနောက်တံခါးဖွင့်လိုက်ပေမယ့် အရှေ့တံခါးကို မပိတ်ပါဘူး။ တစ်နိုင်ငံနဲ့ တစ်နိုင်ငံဆက်ဆံရေးက သူဟာနဲ့သူ ရှိနေတာပါပဲ။ အထူးဦးစားပေးဆိုတာလည်း ရှိချင်မှ ရှိမှာပါ။ နိုင်ငံတကာဆက်ဆံရေးဆိုတာက သူ့အကျိုး ကိုယ့်အကျိုးရှိဖို့ လိုပါတယ်။ တရုတ်နိုင်ငံက အိမ်နီးချင်းနိုင်ငံဖြစ်တဲ့အတွက် အဆက်အသွယ် မလုပ်လို့မှ မရတာ။

အခုက တိုင်းပြည်မှာ နိုင်ငံရေးစနစ်ပြောင်းလဲဖို့လိုတယ်။ အဲဒါက ဖက်ဒရယ်ပြည်ထောင်စုပဲ။ အမေရိကန်က ဖက်ဒရယ်ပြည်ထောင်စုကို အပြည့်အ၀ လိုက်နာကျင့်သုံးနေတော့ သူ့ဆီက အကူအညီ အကြံဉာဏ်ရနိုင်ရင် အကောင်းဆုံးပါပဲ။

ဟံသာဝတီဦးဝင်းတင် (သတင်းစာဆရာကြီး၊ နိုင်ငံရေးသမား)

အမေရိကန်-မြန်မာဆက်ဆံရေးမှာ အရေးကြီးတာ နှစ်ချက်ပဲရှိတယ်။ အခုလို စီးပွားရေးပိတ်ဆို့မှုတွေ လျော့လိုက်ရင် အမေရိကန်စီးပွားရေးလုပ်ငန်းရှင်တွေ အများကြီးလာဖို့ရှိတယ်။ သူတို့ လာရင်မြန်မာနိုင်ငံက စီးပွားရေးပွင့်သွားမှာပဲ။ ဒါကတစ်ချက်။ နောက်တစ်ချက်က စစ်တပ်ကိစ္စကို ဆွေးနွေးလိမ့်မယ်လို့ ထင်တယ်။ စစ်သားတွေ အမေရိကန်မှာ စစ်သင်တန်းတက်ဖို့ ကိစ္စတွေဘာတွေ ပေါ်လာနိုင်တယ်။ အဲဒါဆိုရင် စစ်တပ်ထဲမှာ လှုပ်လှုပ်ရှားရှား ဖြစ်လာလိမ့်မယ်လို့ မျှော်လင့်တယ်။ အခုက စစ်တပ်က ဘယ်နေရာမှာ ရောက်နေမှန်းကို မသိဘူး။ အခုစစ်တပ်က ဗိုလ်သင်တန်းလက်ခံတဲ့ အရေအတွက်တွေ လျော့တယ်ဗျ။ ၃၀ ရာခိုင်နှုန်းလောက်ကို လျှော့ပစ်တယ် ပြောတယ်။ သူတို့ပြောတာကတော့ စစ်တပ်မှာ ဘတ်ဂျက်မရှိလို့တဲ့ဗျ။ တခြားဘာမှ မလှုပ်သေးဘူး။ အဲလိုမျိုး တခြားလှုပ်တာ မရှိသေးဘူး။

တရုတ်က မြန်မာအပေါ်မှာ စီးပွားရေးအရ စီးထားတယ်။ တရုတ်က မြန်မာနဲ့ ပတ်သက်ပြီးတော့ ဘာမှခံရတာ မရှိဘူး။ လက်ပံတောင်းကိစ္စမှာလည်း ဒေါ်အောင်ဆန်းစုကြည်က ၀င်ကယ်ထားတယ်။ ဒေါ်အောင်ဆန်းစုကြည် ၀င်ခံတာနဲ့ သူတို့အများကြီး သက်သာတယ်။ မြစ်ဆုံကိစ္စကိုလည်း ခဏခဏထုတ်ပြောနေတယ်။ ပြီးတော့ ရှမ်းပြည်က ဟတ်ကြီးတို့ အပါအ၀င် သံလွင် တကြောက စီမံကိန်းတွေမှာ ၀င်လုပ်နေတယ်။ တရုတ်က တပြည်လုံးမှာ စီမံကိန်း ၃၈ လောက်လုပ်နေတာ။ ဗမာပြည်ကို အနောက်နိုင်ငံတွေက ၀င်လာလည်း တရုတ်က ဈေးကွက်ကိုစီးပြီးသား။ အစိုးရအဆက်ဆက်ကလည်း အမေရိကားတို့ ဘာတို့မသွားခင်မှာ နိုင်ငံရေးဂယက်ရိုက်မှာ မလိုချင်လို့ တရုတ်ကို ဂါရ၀ သွားပြုရတာ ရှိတယ်။

ရှင်းရှင်းပြောရရင် ဗမာပြည်အမေရိကန် ၀င်ရေးကိစ္စဟာ Geo-Politics ( ပထ၀ီနိုင်ငံရေး) နဲ့ ဆိုင်တယ်။ အမေရိကန်ရဲ့ ပထ၀ီနိုင်ငံရေးနဲ့လဲ တိုက်ရိုက်ပတ်သက်တယ်။ အမေရိကန်ရဲ့ ပေါ်လစီက ဗမာပြည်တစ်ခုတည်း ကွက်ကြည့်ပြီးတော့ ၀င်လာတာမဟုတ်ဘူး။ ဦးသိန်းစိန်ပြုပြင်ပြောင်းလဲရေး လုပ်တာတစ်ခုတည်း ကြောင့်လည်းမဟုတ်ဘူး။ ဒေါ်အောင်ဆန်းစုကြည်လုပ်လို့လည်း ၀င်လာတာ မဟုတ်ဘူး။ အဓိက အကြောင်းရင်းက သူရဲ့ အရှေ့ဖျားကိစ္စ၊ ဥပမာ ကိုးရီးယားတို့၊ ဖိလစ်ပိုင်တို့ ဂျပန်တို့ကို အာရှတခုလုံး ခြုံကြည့်ပြီးတော့ ၀င်လာတာ။ အခု ပစိဖိတ်သမုဒ္ဒရာက ၂၁ ရာစုမှာ အမေရိကန်ပြည်ထောင်စုအတွက် အရေးကြီးတဲ့ နေရာဖြစ်လာတယ်။ ကုန်သွယ်ဖို့၊ ကာကွယ်ဖို့ အတွက် နေရာယူပြင်လာတာ။ ဒေါ်အောင်ဆန်းစုကြည်ကြောင့် ၀င်လာတာမဟုတ်ဘူး။ တရုတ်မှားလို့ ၀င်လာတာ မဟုတ်ဘူး။ ပစိဖိတ်ဧရိယာ တခုလုံးရဲ့ ပထ၀ီနိုင်ငံရေးနဲ့ ပတ်သက်ပြီးတော့မှ ၀င်လာတာ။ ဗမာနဲ့ အမေရိကန်အဆင်ပြေတဲ့အတွက် တရုတ်ကို ဘာမှထိခိုက်စရာ မရှိပါဘူး။

ကိုမြအေး (၈၈ မျိုးဆက်ကျောင်းသားခေါင်းဆောင်)

ကျနော်တို့နိုင်ငံက နှစ်ပေါင်းများစွာ စစ်အစိုးရ လက်ထက်တလျှောက်လုံး အမေရိကန်အပါအ၀င် အနောက်နိုင်ငံတွေနဲ့ ဆက်ဆံရေး အလွန်တရာမှ ကျဲခဲ့တယ်။ အဲဒါကြောင့် အိမ်နီးချင်းနိုင်ငံကြီးတခုနဲ့ပဲ ဆက်ဆံရေးကောင်းအောင် တည်ဆောက်နိုင်ခဲ့တယ်။ ချိန်ခွင်လျှာ ညှိဖို့အတွက် ကျတော့ အနောက်နိုင်ငံတွေနဲ့ ဆက်ဆံရေး အဆင်ပြေဖို့ အရေးကြီးတယ်။သမ္မတနှစ်ယောက် တွေ့ကြတာကို ကြိုဆိုတယ်။ FDI အရ နိုင်ငံတကာရင်းနှီး မြှပ်နှံမှုတွေဝင်လာရင် အသိပညာ၊ အတတ်ပညာ နဲ့ အလုပ်အကိုင်အခွင့်အလမ်းတွေ ရလာမယ်။ စီးပွားရေးတက်လာမယ်လို့ မျှော်လင့်တယ်။ ကျနော်တို့ဆီရောက်လာမမယ့် အမေရိကန် ကုမ္ပဏီတွေလည်း အကျိုးအမြတ်ရှိမှာပါ။

တခုပြောချင်တာက သမ္မတနှစ်ယောက်တွေ့ဖို့ရှိလို့ နိုင်ငံရေးအကျဉ်းသားတွေကို လွှတ်ပေးတာမျိုး မလိုချင်ဘူး။ ကျနော်တို့ကလည်း တိုင်းပြည်တည်ဆောက်ရေးမှာ ရိုးရိုးသားသားဝင်ကူမယ်။ ကျနော်တို့ကိုလည်း ရိုးရိုးသားသား ဆက်ဆံစေချင်တယ်။ အမေရိကန်သွားခါနီးကျမှ အကျဉ်းသား တချို့တ၀က် လွှတ်ပေးလိုက်တာမျိုးကတော့ မကောင်းဘူးပေါ့ဗျာ။

အမေရိကန်နဲ့ဆက်ဆံလို့ တိုက်ရိုက်အကျိုးရှိမယ့်ဟာမျိုးကတော့ အမေရိကန်ရဲ့ မဟာမိတ် ဂျပန်က မြန်မာကို အကြွေးတွေ လျော်ပစ်လိုက်တယ်။ ဒါက တိုက်ရိုက်အကျိုးခံစားရတဲ့ဟာပဲ။ နောက်ပြီးတော့ ချေးငွေတွေ အကူအညီတွေ အများကြီးရမယ်။ ကျနော်တို့ နိုင်ငံကို မြင့်တင်ဖို့ ဆိုတာက သယံဇာတတွေကို ထုတ်ရောင်းနေလို့ မရဘူး။ လူ့စွမ်းအား ဖွံ့ဖြိုးဖို့အတွက် ပညာရေးအထောက်အပံတွေ အများကြီးလိုပါတယ်။ ကျန်းမာရေး အထောက်အပံတွေ တိုက်ရိုက်ရလာဖို့ မျှော်လင့်ပါတယ်။

ဒေါ်သန်းမြင့်အောင် (လူမှုရေးတက်ကြွလှုပ်ရှားသူ၊ စာရေးဆရာမ)

သမ္မတဦးသိန်းစိန်က သူတို့ဆီက အကူအညီတွေ ယူကောင်းယူပါလိမ့်မယ်။ ဒါပေမယ့် တခုယူပြီး တခုပြန်ပေးလိုက်ရတာမျိုးတော့ မဖြစ်စေချင်ဘူး။ ပြန်ပေးလိုက်ရတဲ့ဟာက ကိုယ့်နိုင်ငံက အရင်းအမြစ်တွေ ပါမသွားဖို့ အရေးကြီးတာပေါ့။ စေတနာ သန့်သန့်နဲ့ပေးရင်တော့ လိုချင်တယ်။ ယူမှလည်း ကိုယ့်နိုင်ငံက ဖွံဖြိုးတိုးတက်ရေးလုပ်ဖို့ အဆင်ပြေမှာ။ စီးပွားရေး၊ ကျန်းမာရေး အကူအညီနဲ့ အတတ်ပညာပိုင်းတွေတော့ အကူအညီယူ ရပါလိမ့်မယ်။ ယူတယ်ဆိုတဲ့နေရာမှာ ကိုယ်က ဘာပြန်ပေးရမလဲဆိုတာ ပြန်စဉ်းစားဖို့ လိုတာပေါ့။

ကျမတို့နိုင်ငံက သက်ကြီးရွယ်အိုတွေအတွက် အာမခံချက်ရှိတဲ့ ဥပဒေမျိုးလိုချင်တယ်။ အမေရိကန်ပြည်ထောင်စုမှာ သက်ကြီးရွယ်အိုတွေအတွက် စောင့်ရှောက်မှုကောင်းတယ်လို့ ကြားတယ်။ ကျမတို့ လူအိုရုံမှာ အငြိမ်းစားဝန်ထမ်းတွေ အများကြီးပဲ။ တက္ကသိုလ်က ဆရာ ဆရာမတွေ၊ ကျောင်းဆရာ ဆရာမတွေ။ ပြောမယ်ဆိုရင် ဋ္ဌာနဆိုင်ရာ ၀န်ထမ်းတွေ အများကြီးပဲ။ ရဲမှူးကြီး အငြိမ်းစားတွေတောင်ပါတယ်။ အသက်ကြီးလာပြီး သားသမီး ကျောထောက်နောက်ခံလည်း မရှိတော့ တကယ့်ကို ဒုက္ခရောက်ကုန်တာ။ အခု ပြောတာ အရင်တုန်းက ၀န်ထမ်းကြီးတွေပါ။ ၀န်ထမ်းဘ၀ပြီးသွားတဲ့ အခါကျတော့ စုဆောင်းထားတာ မရှိဘူး။ ပင်စင်နဲ့ စားမလောက်ဘူး။ ကျန်းမာရေးအတွက် အာမခံချက် မရှိဘူး။ ကျမတို့ ၀န်ထမ်းတွေအတွက် အာမခံချက် ရှိစေချင်တယ်။ စုဆောင်းဖို့အတွက် လုပ်ကြရင်းနဲ့ နိုင်ငံက လဘ်ပေးလဘ်ယူတွေ များလာသလား မပြောတတ်ဘူး။ အစိုးရက သက်ကြီးရွယ်အို စောင့်ရှောက်ရေး လုပ်ပေးနိုင်ရင် တော်တော်ကောင်းမယ်။

ဦးကျော်သူ (နာရေးကူညီမှုအသင်း)

သမ္မတနှစ်ယောက်တွေ့တာ ဘာမှ မပြောလိုဘူး။ အစိုးရဆိုတာ ကိုယ့်ပြည်သူတွေပေါ်ကို ကောင်းဖို့လိုတယ်။ အစိုးရ ကောင်းပေမမယ့်လည်း ပြည်သူလူထုက လက်မခံရင် အလကားပဲ။ ကျနော်တို့ ပြီးခဲ့တဲ့ အပတ်က အမှိုက်လိုက်ကောက်တယ်။ ကောင်းတာလုပ်တယ်။ ပေးမလုပ်ဘူး။ ပြည်ပကူညီထောက်ပံမှုကတော့ လိုအပ်တာပဲ။ အမေရိကန်လို ဒီမိုကရေစီနိုင်ငံကြီးတွေက ကူညီထောက်ပံမှုက ပိုတောင် လိုသေးတယ်။ အမေရိကန်အဖွဲ့တွေ ကျနော်ဆီလာတာရှိပါတယ်။ သမ္မတဦးသိန်းစိန်လည်း သူ့အိမ်က ကားလွှတ်ပြီး အလှူငွေ လာထည့်ဖူးတယ်။ ငွေပမာဏကိုတော့ မမှတ်မိတော့ဘူး။

ဦးဝဏ္ဍရွှေ (အစ္စလာမ်ဘာသာရေး ခေါင်းဆောင်)

အမေရိကန်နဲ့ မြန်မာဆက်ဆံရေး ကောင်းလာတာ မြန်မာဟာ လူ့အခွင့်အရေးနဲ့ ဒီမိုကရေစီကိ်ု ပိုလေးစားတဲ့ နိုင်ငံတစ်ခုဖြစ်လာမယ်။ နိုင်ငံအတွင်းမှာ လူမျိုးစုအခွင့်အရေးတွေ၊ ဘာသာရေးလွတ်လပ်ခွင့်တွေ ပိုရလာမယ်လို့ ယုံကြည်တယ်။ အမေရိကန် ပြည်ထောင်စုဆိုတာ ကမ္ဘာပေါ်မှာ ဘာသာရေးလွတ်လပ်ခွင့် ရှိတဲ့နိုင်ငံပါ။ အမေရိကန်ပြည်ထောင်စုမှာ လူတဦးချင်းစီရဲ့ လွတ်လပ်ခွင့်ကို အာမခံချက်ပေးထားသလို ဘာသာတစ်ခုနဲ့ တစ်ခု ထိခိုက်မှု မရှိအောင် ဘယ်လိုလုပ်ဆောင်သလဲဆိုတာ မြန်မာနိုင်ငံ အနေနဲ့ နမူနာယူလို့ ရပါတယ်။ သူတို့ဆီမှာ အသားရောင်ခွဲခြားမှု ရှိခဲ့ပေမဲ့ အောင်မြင်စွာ ကျော်လွှားနိုင်ခဲ့တယ်။ ဒါပေမယ့် လူ့အခွင့်အရေး လေးစားမှုတွေ ရှိခဲ့တဲ့အတွက် သူတို့ အောင်မြင်ခဲ့တယ်။ ကျနော်တို့ဆီမှာလည်း အမေရိကန်ပြည်ထောင်စုကို နမူနာယူပြီးတော့ နိုင်ငံသားချင်း လေးစားတဲ့စိတ်ဓါတ် လူသားချင်း လေးစားတဲ့ စိတ်ဓါတ်တွေ ရှိလာရင် စိတ်ပိုင်းဆိုင်ရာ ငြိမ်းချမ်းမှုတွေရလာမယ်။

ဒေါက်တာ အေးမောင် ( ရခိုင်တိုင်းရင်းသားခေါင်းဆောင်၊ လွှတ်တော်အမတ် )

အမေရိကန်ပြည်ထောင်စုနဲ့ ထိတွေ့ခဲတဲ့နိုင်ငံတွေရဲ့သမိုင်းကို လေ့လာရမယ်။ တောင်ကိုးရီးယား တိုးတက်သွားတယ်။ ဂျပန် ဒုတိယ ကမ္ဘာစစ်နောက်ပိုင်း အရမ်းတိုးတက်လာတယ်။ ဖိလစ်ပိုင်၊ ထိုင်း အမေရိကန်နဲ့ ဆက်ဆံရေး ကောင်းလို့ ဖွံ့ဖြိုးတိုးတက်လာတယ်။ နှစ်နိုင်ငံကြားမှာ အပြန်အလှန်အကျိုးရှိခဲ့ကြတယ်။ အာရှ၊ အာဖရိကနဲ့ လက်တင်အမေရိက တိုင်းပြည်တွေက အမေရိကန်နဲ့ အဆင်ပြေတဲ့ နိုင်ငံတချို့ကို လေ့လာကြည့်ပါ။ သူတို့ စီးပွားရေးလာလုပ်တာကို ကြိုဆိုရမယ်။ အိမ်နီးနားချင်းနဲ့ စီးပွားရေးလုပ်ရတာ အန္တရာယ်များတယ်။ မကျေနပ်ရင် ခြံစည်းရိုးဖျက်ဝင်လာမှာလေ။ အိမ်နီးချင်းနိုင်ငံက ပို့တဲ့ တောသားကြိုက် ပစ္စည်းတွေ သုံးရတဲ့ ဘ၀က လွတ်သင့်ပြီ။

ဦးမော်သန်း ( စီးပွားရေးပညာရှင်)

အမေရိကန်ပြည်ထောင်စု ဆိုတာက စီးပွားရေးအရရော၊ နည်းပညာ အရရော ကမ္ဘာမှာ နံပါတ်တစ်ပဲလေ။ ဒီလိုနိုင်ငံနဲ့ ဆက်သွယ်ဆောင်ရွက်နိုင်ဖို့ လိုတယ်။ မြန်မာနိုင်ငံကလည်း သယံဇာတပေါကြွယ်ဝတယ်။ မြန်မာနိုင်ငံမှာ အရင်းအမြစ်ကောင်းတွေ ရှိတဲ့အတွက် အမေရိကန်လုပ်ငန်းရှင်တွေလည်း လာလေ့လာသွားပြီ။ လူတွေကလည်း အဆင်သင့်ပဲဆိုရင် နိုင်ငံခြားရင်းနှီးမြှပ်နှံမှုတွေလာရင် တိုင်းပြည်ဖွံ့ဖြိုးဖို့ပဲ ရှိတယ်။ လောလောဆယ်မှာတော့ ဘဏ်လုပ်ငန်းနဲ့ ပတ်သက်ရင် ကိုယ်စားလှယ်ရုံးပဲ ဖွင့်ခွင့်ရှိသေးတယ်။ သူတို့ကတော့ အကျိုးအမြတ်ရမှာပဲ လာလုပ်မှာ။ မြန်မာနိုင်ငံမှာတော့ လယ်ယာစိုက်ပျိုးရေးကစ လာလုပ်လို့ရတာတွေ အများကြီး ရှိတယ်။ တဖြည်းဖြည်းနဲ့တော့ ကဏ္ဍတိုင်းမှာ ရင်းနှီးမြှပ်နှံမှုတွေ ၀င်လာပါလိမ့်မယ်။ စီးပွားတက်ဖို့ကတော့ နိုင်ငံခြားရင်းနှီးမြှပ်နှံမှုက အားကိုးဖွယ်ရာပါပဲ။ တိုင်းပြည်အနေနဲ့ကတော့ သူတို့လာလုပ်ရင် ကိုယ်ပဲ အကျိုးအမြတ်ရရမယ်ဆိုတဲ့ စိတ်ပဲထားလို့မရဘူး။ အလုပ်အကိုင်ပွင့်လာမယ်။ နိုင်ငံခြားပို့ကုန်တွေလည်း တိုင်းပြည်စာရင်းထဲ ၀င်လာမယ်။ ကိုယ်ကလည်း သဘောထားကြီးဖို့လိုမယ်။ အမေရိကန်အတွက်လည်း မြန်မာနိုင်ငံနဲ့ ဆက်သွယ်လာတဲ့အတွက် သူတို့စီးပွားရေး အကျိုးအမြတ်သာမက နိုင်ငံရေး အကျိုးအမြတ်ပါရမယ်။

Ref: ဧရာဝတီ

Read More...

ဦးသိန်းစိန်အစိုးရရဲ့ ပြုပြင်ပြောင်း လဲမှု အမေရိကန်သမ္မတ ချီးကျူး

2013-05-21

အမေရိကန် သမ္မတ အိုဘားမားဟာ မြန်မာသမ္မတ ဦးသိန်းစိန်ကို ဝါရှင်တန်ဒီစီ မြို့တော်မှာ ရှိတဲ့ သမ္မတ အိမ်ဖြူတော်မှာ တနင်္လာနေ့ မနေ့က မွန်းလွဲပိုင်းမှာ ကြိုဆိုတွေ့ဆုံပြီး၊ ဦးသိန်းစိန် အစိုးရရဲ့ ပြုပြင်ပြောင်းလဲရေး ဆောင်ရွက်မှုတွေကို ချီးကျူး လိုက်ပါတယ်။

မြန်မာနိုင်ငံမှာ ယုံကြည်ရတဲ့ ရွေးကောက်ပွဲပြုလုပ်ခဲ့ တာတွေ့ရသလို၊ နိုင်ငံရေး အင်အားစုတွေ ပိုပြီး ပါဝင်နိုင်ရေးကို ဦးတည်တဲ့ လွှတ်တော်နိုင်ငံရေး အခင်းအကျင်း ဖန်တီးဆောင်ရွက်နေတာကို လည်း တွေ့ရတယ်လို့ သမ္မတ အိုဘားမားက ပြော ပါတယ်။

တချိန်တည်းမှာ မြန်မာနိုင်ငံက ဘာသာရေး ပဋိပက္ခတွေ အပေါ် စိုးရိမ်ကြောင်းနဲ့ မွတ်စလင်တွေ နဲ့ ပတ်သက်ပြီး အကြမ်းဖက်မှုဆီ ဦးတည်နေတာတွေ ရပ်တံ့အောင်ဆောင်ရွက်ဖို့ လိုအပ်ပါတယ်လို့ သမ္မတ အိုဘားမားက ပြောပါတယ်။

အဲဒီတွေ့ဆုံပွဲမှာ သမ္မတဦးသိန်းစိန်က နိုင်ငံရေးအကျဉ်းသားတွေ ဆက်ပြီး လွှတ်ပေးမယ်၊ လက်နက်ကိုင် လူမျိုး စုတွေနဲ့လည်း အပစ်အခတ် ရပ်စဲရေး သာမက နိုင်ငံရေးမှာ ပါဝင်ပူးပေါင်းနိုင်အောင် ဆောင်ရွက်သွားမယ် လို့ ပြောကြားခဲ့ပါတယ်။

တဆက်တည်း သမ္မတ ဦးသိန်းစိန်က အခုဆိုရင် အမေရိကန်နဲ့ မြန်မာနိုင်ငံတို့ နိုင်ငံရေး စနစ်ချင်း တူနေပြီ လို့ ပြောဆို လိုက်သလို သမ္မတ အိုဘားမား တိုက်တွန်း ထားတဲ့အ တိုင်း ဒီမိုကရေစီ အတွက် ရှေ့ကိုဆက်လက် ချီတက်နေပါပြီလို့ ပြောကြား လိုက်ပါတယ်။

သမ္မတ အိုဘားမားနဲ့တွေ့ဆုံဆွေးနွေးပွဲမှာ နိုင်ငံရေး၊ စီးပွါးရေး၊ ပညာရေး ဘက်ပေါင်းစုံ ပါဝင်တဲ့ အတွက် ဒီဆွေးနွေးပွဲဟာ အလွန် အကျိုးရှိတဲ့ဆွေးနွေးပွဲဖြစ်တယ်လို့ သမ္မတ ဦးသိန်းစိန်က ပြောပါတယ်။

Ref: RFA News

Read More...

ဗြိတိန်လွှတ်တော်အမတ်က သူ့ရဲ့ မြန်မာနိုင်ငံ ခရီးစဉ်အကြောင်း ရှင်းလင်း

2013-05-21

ဗြိတိန်လွှတ်တော်အမတ် Ms Rushanara Ali ရဲ့ ရခိုင်ပြည်နယ်ကို သွားခဲ့စဉ်က ကြုံတွေ့ ခဲ့တဲ့ ရိုဟင်ဂျာ မူဆလင်တွေ ဒုက္ခသည်တွေရဲ့ အခြေအနေကို ဗြိတိသျှ ပါလီမန် အဆောက်အဦ အတွင်းက အစည်းအဝေး ခန်းမဆောင် တစ်ခုမှာ ဒီကနေ့ မနက်ပိုင်းက ရှင်းလင်းပြောကြား ခဲ့ပါတယ်။

ထောင်ချီတဲ့ ရိုဟင်ဂျာမူဆလင် ဒုက္ခသည်တွေနေတဲ့ ဒုက္ခသည် စခန်းတွေမှာ သောက်ရေနဲ့ အစားအစာ မလုံလောက်မူတွေ၊ ကျန်းမာရေးစောင့်ရှောက်မှုတွေ ချို့တဲ့နေတာတွေ၊ သန့်ရှင်းမှု မရှိ တာတွေကို တွေ့ခဲ့တဲ့ အကြောင်း၊ နောက် ပေါက်တောမှာ ရှိတဲ့ ဒုက္ခသည် အမျိုးသမီးတွေက မီးဖွားဖို့ အတွက် နီးစပ်ရာ ဆေးရုံဆေးခန်းတွေမှာ မီးဖွားခွင့်မရှိတဲ့ အတွက် အသက်ဆုံးရှုံး ခဲ့တာတွေ ရှိတယ်ဆိုတာကို အဲဒီစခန်းတွေက ဒုက္ခသည် အမျိုးသမီးတွေက သူ့ကို ပြောပြတဲ့ အကြောင်း Ms Ali က ဆက်လက်ပြောပြပါတယ်။

ဆက်လက်ပြီး၊ Ms Ali က အိုးမဲ့ အိမ်မဲ့ဖြစ်နေတဲ့ ရိုဟင်ဂျာ မူဆလင်တွေဟာ ရခိုင် လူမျိုးတွေရဲ့ တိုက်ခိုက် ရန်မူလာမယ့် အခြေအနေတွေကို ကြောက်လန့်နေကြောင်း၊ နောက်သူတို့ရဲ့ မူလနေထိုင်တဲ့ နေရပ်ကို ပြန်နေဖို့ အတွက် ဆိုရာမှာလည်း သူတို့ရဲ့ လုံခြုံမူကို ခြိမ်းခြောက်နေကြောင်း ရှင်းလင်းပြောကြားပါတယ်။

အဲဒီအစည်းအဝေးပွဲမှာ လူ့အခွင့်အရေးစောင့်ကြည့်ရေး အဖွဲ့ UK ရဲ့ ဒါရိုက်တာ Mr David Mepham က သူတို့ အဖွဲ့ကနေ ထုတ်ပြန်လိုက်တဲ့ “All you can do is Pray: Crime Against Humanity and Ethnic Cleansing of Rohingya Muslims in Burma’s Rakhine State” “ ဆုတောင်းနေယုံသာ လုပ်နိုင်တယ်လို့ အမည်ပေးထားတဲ့ ရခိုင်ပြည်နယ်တွင်းက ရိုဟင်ဂျာ မူဆလင်တွေကို ရှင်းလင်း သုတ်သင်ရေးနဲ့ လူသားဖြစ်ခွင့် အပေါ် ဆန့်ကျင်တဲ့ ရာဇဝတ်ပြစ်မှု” ဆိုတဲ့ မှတ်တမ်း အကြောင်းကို ရှင်းပြ ခဲ့ပါသေးတယ်။

Ms Ali က သူ့ခရီးစဉ်ရဲ့ အတွေ့အကြုံကနေတဆင့်

ရခိုင်ပြည်နယ်နဲ့ မြန်မာနိုင်ငံအတွင်း ကို ပေးပို့တဲ့ အကူအညီတွေကို မြန်မာ အစိုးရကနေ ပိတ်ပင် ဟန့်တားမှု မရှိစေဖို့ နဲ့ မုတ်သုန်ရာသီကို ရောက်လာပြီဖြစ်တဲ့ အတွက် ရခိုင်ပြည်နယ် အတွင်းက ဒုက္ခသည် စခန်းတွေမှာ အမိုးအကာ၊ ဆေးဝါးနဲ့ ရှင်းသန့်ရေး အကူအညီတွေ အမြန်ဆုံးပေးရေးကို UK အစိုးရနဲ့ နိုင်ငံတကာ အစိုးရတွေကနေ မြန်မာ အစိုးရကို ဖိအားပေးဖို့ လိုအပ်ကြောင်း ၊ အဲဒီနောက်မြန်မာနိုင်ငံတွင်းက ခွဲခြား ဆက်ဆံ ခံနေရတဲ့ ရိုဟင်ဂျာ မူဆင်တွေအတွက် ၁၉၈၂ ခုနှစ် နိုင်ငံသားဖြစ်ခွင့် ဥပဒေ ကို မြန်မာ အစိုးရက ပြန်သုံးသပ်ဖို့လို အပ်အကြောင်း Ms Ali က အဓိကထား ရှင်းလင်းပြောကြား ခဲ့ပါတယ်။

Ms Ali ဟာ မြန်မာနိုင်ငံကို ဧပြီလ ၂၇ ရက်နေ့ကနေ မေလ ၂ ရက်နေ့ အထိ ၂ ပတ်ကြာ ရောက်ရှိခဲ့ပြီး၊သူ့ရဲ့ မြန်မာနိုင်ငံ ခရီးစဉ်အတွင်းမှာ ရန်ကုန်မြို့နဲ့ ရခိုင်ပြည်နယ်ကို သွားရောက်ခဲ့ပါတယ်။

အဲဒီအစည်းအဝေးပွဲကို ဗြိတိသျှ လွှတ်တော်မတ် တချို့၊ NGO အဖွဲ့အစည်းတွေ တစ်ချို့၊ လန်ဒန် အခြေစိုက် ရိုဟင်ဂျာ အဖွဲ့အစည်း နဲ့ Burma Campaign UK အဖွဲ့ အပါအဝင် လူပုဂ္ဂိုလ် ၅၀ နီးပါးတက်ရောက် ခဲ့ပေမယ့် လန်ဒန်မြို့က ရခိုင်လူမျိုးတွေ တက်ရောက်ခဲ့ခြင်း မရှိခဲ့တာကို တွေ့ရပါတယ်။

Ref: RFA News

Read More...

မိတ္ထီလာမှာ သံဃာတော် သတ်ဖြတ်ခဲ့သူ ၇ ဦးကို ထောင်ဒဏ်တွေ ချမှတ်

2013-05-21

ပြီးခဲ့တဲ့ မတ်လကဖြစ်ပွားခဲ့တဲ့ မိတ္ထီလာမြို့ ပဋိပက္ခမှာ သံဃာတော် ဦးသောဘိတကို သတ်ဖြတ်မှု ကျူးလွန်ခဲ့သူ ၇ ဦးကို မိတ္ထီလာ ခရိုင် တရားရုံးက ဒီကနေ့ နှစ်ရှည်ထောင်ဒဏ်တွေ ချမှတ် လိုက်ပါတယ်။

တရားခံ ၇ ဦးကို ပြစ်ဒဏ်ချမှတ်ရာမှာ ထောင်ဒဏ် ၂ နှစ်ကနေ တစ်သက် တစ်ကျွန်း အထိ အသီးသီး ချမှတ်ခဲ့ပြီး အသက် ၁၆ နှစ် မပြည့်သေးသူ တစ်ဦးကိုတော့ ထောင်ဒဏ် ၇ နှစ် ချမှတ် ခဲ့ပါတယ်။

ပြစ်ဒဏ် ၁၀ နှစ်အထက် ချမှတ်ခံရတဲ့ တရားခံတွေကို မြင်းခြံထောင်ကို ပို့မှာဖြစ်ပြီး ၁၀ နှစ်အောက် ပြစ်ဒဏ် ချမှတ်ခံရသူတွေ ကိုတော့ မိတ္ထီလာ အကျဉ်းထောင်မှာပဲ ထားရှိမှာဖြစ်ပါတယ်။

ဒီကနေ့ တရားခံတွေကို အမိန့်ချမှတ်ရာမှာ လုံခြုံရေးအရ တရားရုံးထဲကို ဘယ်သူ့ကိုမှ ၀င်ခွင့် မပေးခဲ့ဘူးလို့ ဒီအမှုကို လိုက်ပါဆောင်ရွက်ပေးနေတဲ့ ရှေ့နေ ဦးသိန်းသန်းဦးက RFA ကို ပြောပါတယ်။

ဒီကနေ့ အမိန့်ချမှတ်ခံရတဲ့ တရားခံတွေဟာ အဏ္ဏ၀ါ (ခေါ်) မြတ်ကိုကို၊ ကိုမျိုးထွန်း၊ ကိုမျိုးညွှန့်၊ ကိုဖိုးချို၊ ရာချီး (ခေါ်) ကိုမျိုးဝင်း၊ ကိုဇော်သက်နိုင်၊ ကိုညီညီအောင်တို့ ဖြစ်ပါတယ်။

တရားခံ ၇ ဦးကို အခုလိုပြစ်ဒဏ်ချပြီးသွားပေမယ့် လူသတ်မှုမှာ ပါဝင်တယ်လို့ ယူဆရသူ တခြား ၄ ဦးကတော့ ထွက်ပြေး တိမ်းရှောင်နေဆဲလို့ သိရပါတယ်။

Ref: RFA News

Read More...

ငြိမ်းချမ်းရေးနဲ့ အမျိုးသားပြန်လည် သင့်မြတ်ရေးသည် ABSDF ၏ ဆန္ဒဖြစ်

နေမျိုး
အင်္ဂါနေ့၊ မေလ ၂၁ ရက် ၂၀၁၃

ရန်ကုန် (မဇ္ဈိမ)။ ။ တနင်္လာနေ့က ဝန်ကြီး ဦးအောင်မင်းနှင့် တွေ့ဆုံပြီး နောက်ပိုင်း ABSDF မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး က မြန်မာနိုင်ငံတွင် ၎င်းတို့၏ အဖြစ်ချင်ဆုံး ဆန္ဒကို ထုတ်ဖော် ပြောဆိုလိုက်ကြောင်း သိရသည်။

ABSDF တပ်ဖွဲ့ဝင် ရဲဘော် ကျော်ကို က “ABSDF အနေနဲ့ အဖြစ်ချင်ဆုံးကတော့ ငြိမ်းချမ်းရေးနဲ့ အမျိုးသား ပြန်လည် သင့်မြတ်ရေးပါ” ဟု မဇ္စျိမ ကို ဖြေကြားသည်။

ရဲဘော် ကျော်ကို သည် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ဗဟိုအလုပ်မှုဆောင် ကော်မတီဝင် တဦးဖြစ်သည်။

တနင်္လာနေ့က Myanmar Peace Center တွင် အစိုးရနှင့် ABSDF တို့အကြား အပြန်အလှန် ညှိုနှိုင်းဆွေးနွေး ပွဲများ ကျင်းပခဲ့ကြောင်း ရန်ကုန်သို့ ရောက်ရှိလာသည့် ABSDF ညှိုနှိုင်းရေး အဖွဲ့ဝင် ရဲဘော်ကျော်ကို က ဆက်ပြောသည်။

၎င်းက “ နိုင်ငံရေး တွေ့ဆုံဆွေးနွေးရေးတွေ ဆက်လုပ်နိုင်ဖို့ အတွက် ကျနော်တို့ ABSDF က ညှိုနှိုင်းဆွေနွေးရေး အဖွဲ့နဲ့ သူတို့ MPC (Myanmar Peace Center) ဘက်က Technical team (နည်းလမ်းရှာဖွေရေးအဖွဲ့)
ပေါ့ဗျာ။ အပြန်အလှန် ညှိုနှိုင်းဆွေးနွေးတဲ့ ပွဲပေါ့ဆွေးနွေးပါတယ်” ဟု ဆိုသည်။

ဝန်ကြီး ဦးအောင်မင်း နှင့် ယနေ့ မနက်ပိုင်းက နှစ်ဘက်ကိုယ်စားလှယ် အဖွဲ့ဝင်များ အပြန်အလှန် နှုတ်ဆက် စကားပြောဆိုပြီး နေ့လည် ၁ နာရီတွင် ဆွေးနွေးပွဲများ ဆက်လက်ပြုလုပ်ကြောင်း သတင်းရရှိ သည်။

ဆွေးနွေးပွဲနှင့် ပါတ်သက်ပြီး ရဲဘော်ကျော်ကို က “ဆွေးနွေးပွဲ ရလဒ်တွေနဲ့ ပါတ်သက်ပြီး ကျနော်တို့ ဘာမှ မပြောနိုင်သေးဘူး။ မနက်ဖြန်လည်း ဆက်ဆွေးနွေးရဦးမှာ” ဟု မဇ္စျိမ ကိုပြောသည်။

အစိုးရနှင့် ABSDF နှစ်ဘက်အမြင်များအား အပြန်အလှန် ရင်းနှီးပွင့်လင်းစွာ ဖလှယ်ခဲ့ကြပြီး ကျေနပ် အားရမှုရှိကြောင်း ၎င်း တို့၏ မျော်လင့်ချက်နှင့် ပါတ်သက်ပြီး “ကျနော်တို့ အကောင်းဆုံး အတွက် ၀ိုင်းဝန်း ကြိုးစားနေတာပါ။ အဲလိုပဲဖြစ်မယ်လို့ ကျနော် မျှော်လင့်ပါတယ်” ဟု ပြောဆိုသွားသည်။

ပြည်ထောင်စု ငြိမ်းချမ်းရေးဖော်ဆောင်ရေး ကော်မီတီနှင့် ၃ ကြိမ် တွေ့ဆုံ ဆွေးနွေး ခဲ့ပြီးဖြစ်သလို ၂၀၁၂ ခုနှစ် ဒီဇင်ဘာလ အတွင်းက လေ့လာရေး ခရီးစဉ်အဖြစ် လာရောက် ခဲ့ဖူးသည်။

ကျောင်းသားတပ်မတော်ခေါ် ABSDF မှာ ပြည်တွင်း ငြိမ်းချမ်းရေးနှင့် အမျိုးသား ပြန်လည် သင့်မြတ်ရေး၊ အင်အားစု အားလုံး ပါဝင်သည့် နိုင်ငံရေး ဆွေးနွေးပွဲ ဖြစ်မြောက်ရေးနှင့် ဒီမိုကရေစီရေး၊ လူ့အခွင့် အရေးနှင့် အမျိုးသား တန်းတူရေးနှင့် ကိုယ်ပိုင်ပြဋ္ဌာန်းခွင့် တို့ကို အာမခံချက် ရှိသည့် အခြေခံ ဥပဒေတရပ် ပေါ်ပေါက်ရေးတို့အား ရည်မှန်းချက် ထားရှိခဲ့ကြောင်း ၂၀၁၂ ခုနှစ်၊ ဒီဇင်ဘာလက ထုတ်ပြန်ကြေငြာခဲ့ သည်။

ABSDF ခေါ် ကျောင်းသားတပ်မတော်သည် ရှစ်လေးလုံး အရေးတော်ပုံကြီးမှ ပေါက်ဖွားခဲ့ပြီး ထိုင်း-မြန်မာ နယ်စပ်တွင် ဖွဲ့စည်း ထူထောင်ခဲ့ပြီး စစ်အာဏာရှင် စနစ်အောက်မှ လွှတ်မြောက်ရေး၊ ဒီမိုကရေစီရေး၊ လူ့အခွင့်အရေး၊ ပြည်တွင်း ငြိမ်းချမ်းရေး၊ ဖက်ဒရယ်ပြည်ထောင်စု စနစ်ပေါ်ထွန်းရေး လက်နက်ကိုင် တိုက်ပွဲဝင်နေကြဆဲ ဖြစ်သည်။

ပြည်သူလူထု၏ ၁၉၈၈ ဒီမိုကရေစီ တောင်းဆိုအုံကြွမှုအား စစ်တပ်မှ အကြမ်းဖက် ဖြိုခွင်းလိုက်ပြီးနောက် လက်နက် ကိုင် တော်လှန်ရေး လုပ်ရန် နယ်စပ်ဒေသများသို့ ကျောင်းသား လူငယ်များ ထောင်နှင့်ချီ၍
ရောက်ရှိ သွားခဲ့ကြခြင်း လည်းဖြစ်သည်။

တော်လှန်ရေး ကာလအတွင်း မကဒတ တပ်ဖွဲ့ဝင် ရဲဘော် ၆၂၇ ဦး၊ ထိခိုက်ဒဏ်ရာရ ရဲဘော် ၃၉၉ ဦး ပေးဆပ် ခဲ့ရသည်။

Ref: မဇ္ဈိမ

Read More...

မောင်တောမှာ မွတ်စလင် လူဦးရေ တိုးပွားမှုနှုန်း ထိန်းချုပ်မိန့် ထုတ်ပြန်

2013-05-21

ရခိုင်ပြည်နယ်မှာ မွတ်စလင်လူဦးရေ အဆမတန် တိုးပွားမှုနှုန်းကို ထိန်းချုပ်နိုင်ဖို့ အတွက် လူဦးရေ ထိန်းချုပ်တဲ့ ဒေသန္တရ အမိန့် တစ်ရပ်ကို မောင်တော ခရိုင်အတွင်း ပြီးခဲ့တဲ့ ရက်ပိုင်းက ထုတ်ပြန် လိုက်တယ် လို့ သိရပါတယ်။

အခုလို လူဦးရေထိန်းချုပ်တဲ့ ဒေသန္တရ အမိန့် ထုတ်ပြန်ရတာဟာ ပြီးခဲ့တဲ့ လကုန်ပိုင်းက ထုတ်ပြန်ခဲ့တဲ့ ရခိုင်ပဋိပက္ခ စုံစမ်းရေး ကော်မရှင် အစီရင်ခံစာရဲ့ အကြံပြုချက်အရ ဖြစ်တယ်လို့ ရခိုင်ပြည်နယ် အစိုးရအဖွဲ့ သတင်း ထုတ်ပြန်ရေးနဲ့ မှတ်တမ်းပြုစုရေး ဆပ်ကော်မတီ အတွင်းရေးမှူး ဦးဝင်းမြိုင်က ပြောပါတယ်။

“အခုဟာကျတော့ လူဦးရေတိုးပွားနှုန်းကလည်း တအားများလာတယ်၊ အရင်တုန်းက လုပ်ပေမယ့် နောက်ပိုင်း ကျတော့ မလုပ်ပဲနဲ့ အရှိန်လျော့သွားလို့ အခု စုံစမ်းစစ်ဆေးရေးကော်မရှင်ကနေပြီးတော့မှ ဒီထဲမှာ လူဦးရေ တိုးပွားနှုန်းကို ထိန်းချုပ် သင့်တယ်လို့ အကြံပေးတဲ့ အတွက် ဒီကလူတွေကလည်း အကုန်လုံးက လိုက်နာတယ်၊ သတ်မှတ်ထားတဲ့ ဥပဒေ လိုက်နာရင်တော့ ဒါဟာဘာမှ မဖြစ်နိုင်စရာ အကြောင်း မရှိပါဘူး၊ ဥပဒေ မလိုက်နာရင်တော့လည်း ဒီကိစ္စဟာတော်တော်နဲ့ပြီးမှာ မဟုတ်ဘူး”

အရင်ကထုတ်ပြန်ထားတဲ့ အိမ်ထောင်စုတစ်စုကို ကလေး ၂ ဦးနှုန်း မွေးဖွားဖို့နဲ့ မြန်မာ့ဓလေ့ ထုံးတမ်း အရ တစ်လင်တစ်မယား စနစ်ကို ကျင့်သုံးဖို့ အမိန့်ကို ထပ်မံ အတည်ပြု ထုတ်ပြန်တာ ဖြစ်တယ်လို့လည်း ဆိုပါတယ်။

လက်ရှိမှာတော့ ရခိုင်ပြည်နယ်အတွင်းက မွတ်စလင် မိသားစု တစ်ခုမှာ အနည်းဆုံးကလေး အယောက် ၂၀ ကနေ ၈၀ လောက်အထိ ရှိနေတယ်လို့ သိရပါတယ်။

အခုထုတ်ပြန်တဲ့ ဥပဒေအပေါ် ချိုးဖောက်သူတွေကို လူဝင်မှု ကြီးကြပ်ရေး ဥပဒေအရ အရေးယူဆောင်ရွက်သွား မှာ ဖြစ်တယ်လို့ ဦးဝင်းမြိုင်က ဆိုပါတယ်။

Ref: RFA News

Read More...

အစိုးရနှင့် KIO ဆွေးနွေးပွဲ ကုလ အထူးကိုယ်စားလှယ် တက်ရောက်မည်

ဖနိဒါ
အင်္ဂါနေ့၊ မေလ ၂၁ ရက် ၂၀၁၃

ချင်းမိုင်(မဇ္စျိမ)။ ။ မြစ်ကြီးနားမြို့၌ မေလ ၂၈ ရက်နေ့တွင် ကျင်းပရန်ရှိသည့် ကချင် လွတ်လပ်ရေး အဖွဲ့ KIO နှင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီတို့ ဆွေးနွေးပွဲသို့ ကုလသမဂ္ဂ အတွင်းရေးမှူးချုပ်၏ အထူး ကိုယ်စားလှယ် မစ္စတာ ဗီဂျေး နမ်ဘီးယား တက်ရောက်မည် ဖြစ်ကြောင်း ကချင် အကျိုးဆောင် ဦးဆန်အောင်က ပြောသည်။

“မစ္စတာ နမ်ဘီးယားနဲ့ သူ့အောက်က Marian တို့ ပါမယ်။ အမေရိကန်တွေတော့ အစိုးရက မပါခိုင်းဘူး။ ခုတော့ စမ်းသပ်တဲ့ သဘောပဲ။ ကုလ ပါတယ်ဆိုရင် အစိုးရဘက်က ဘယ် အတိုင်းအတာထိ လိုက်လျော ပေးနိုင်မလဲ။ အဲဒီအပေါ် မူတည်မယ် ထင်တယ်” ဟု မဇ္ဈိမကို ပြောသည်။

ဖေဖော်ဝါရီလ ၅ ရက်နေ့က မစ္စတာ နမ်ဘီးယားသည် မြစ်ကြီးနားမြို့သို့ သွားရောက် ခဲ့ရာ အစိုးရ ဌာနဆိုင်ရာ များ၊ လူမှု အခြေပြု အဖွဲ့အစည်းများနှင့် တွေ့ဆုံစဉ် ကချင်ပြည်နယ် ငြိမ်းချမ်းရေး ရရှိရေး အတွက် ကြိုးစားနေကြောင်း နှုတ်ဆက်စကားများ ပြောကြားပြီး မည်သည့် မေးမြန်းခွင့်မျှ မရခဲ့၍ လူထုအခြေပြု အဖွဲ့အစည်းများ ဘက်မှ ဝေဖန်မှုများ ရှိခဲ့သည်။

လာမည့်ဆွေးနွေးပွဲ မတိုင်မီ မစ္စတာ နမ်ဘီးယား၏ လက်ထောက်တဦးက KIO ငြိမ်းချမ်းရေး ကိုယ်စားလှယ် များအား သွားရောက် ခေါ်ယူရာတွင် လိုက်ပါသွားမည် ဖြစ်ကြောင်း ဦးဆန်အောင် က မဇ္စျိမကို ပြောသည်။

KIO ဘက်မှ တင်ပြသော ကုလသမဂ္ဂ အပါအဝင် အမေရိကန်၊ ဗြိတိန်နှင့် တရုတ်နိုင်ငံများမှ လေ့လာသူများ လည်း ပါဝင်ရန် ဖိတ်ကြားမှုကိုမူ အစိုးရဘက်မှ လက်မခံဘဲ ကုလသဂ္ဂ ကိုယ်စားလှယ်သာ ပါဝင်ရန် လက်ခံခဲ့ခြင်း ဖြစ်သည်။

ငြိမ်းချမ်းရေးလုပ်ငန်းဖော်ဆောင်ရေး ဒု-ဥက္ကဋ္ဌ ဝန်ကြီး ဦးအောင်မင်းတို့ ဘက်မှ သီးသန့် လေ့လာသူများကို ဖိတ်ကြားခြင်း မရှိကြောင်း ယမန်နေ့က ငြိမ်းချမ်းရေး အကျိုးဆောင် ဦးလှမောင်ရွှေ က မဇ္ဈိမကို ပြောသည်။

KIO ဘက်မှ ငြိမ်းချမ်းရေးကော်မတီ ဆရာကြီး ဦးဆွမ်းလွတ်ဂမ် ဦးဆောင်သော ကိုယ်စားလှယ်များ တက်ရောက်မည် ဖြစ်ပြီး ယခု တွေ့ဆုံဆွေးနွေးမှုတွင် တပ်နေရာချထားရေးနှင့် နိုင်ငံရေး ဆွေးနွေးပွဲကို မည်သို့ ဆက်လက် ဆောင်ရွက်သွားရန် ဆိုသည့် အချက်နှစ်ချက်အပေါ် ဆွေးနွေးသွားမည် ဖြစ်၍ စစ်ဦးစီးချုပ် ဗိုလ်မှူးချုပ် ဂွမ်မော် တက်ရောက်ဖွယ်ရှိသည်ဟု ဦးဆန်အောင် က ပြောသည်။

ပြီးခဲ့သည့် မတ်လ ၁၁ ရက်နေ့က တရုတ်နိုင်ငံ၊ ရွှေလီမြို့တွင် နောက်ဆုံး တွေ့ဆုံ ခဲ့ရာတွင်လည်း ဗိုလ်မှူးချုပ် ဂွမ်မော် တက်ရောက်ခဲ့သည်။

Ref: မဇ္ဈိမ

Read More...

မိတ္ထီလာအရေးအခင်း အစိုးရကိုင်တွယ်ပုံ ဒေါ်စု ဝေဖန်

မအေးသန္တာကျော်
22.05.2013

မြန်မာနိုင်ငံရဲ့ တရားရေးစနစ်ဟာ လွတ်လပ်မှု မရှိဘူး။ အုပ်ချုပ်ရေးပိုင်းရဲ့ ချုပ်ကိုင်မှု အောက်မှာ ရှိနေတယ်လို့ မြန်မာ့ အတိုက်အခံခေါင်းဆောင် ဒေါ်အောင်ဆန်းစုကြည် က ပြောသွားပါတယ်။ မိတ္ထီလာ ဘာသာရေး အဓိကရုဏ်းမှာ အစိုးရရဲ့ ကိုင်တွယ်မှုနဲ့ ပတ်သက်ပြီးတော့ ဒေါ်အောင်ဆန်းစုကြည် က တနင်္လာနေ့က လွှတ်တော်ဆွေးနွေးပွဲမှာ အခုလို ပြောခဲ့တာပါ။ အပြည့်အစုံကိုတော့ မအေးသန္တာကျော် က တင်ပြထားပါတယ်။

ဒေါ်အောင်ဆန်းစုကြည် ဟာ အင်္ဂါနေ့ကတော့ နေပြည်တော် လွှတ်တော် အစည်းအဝေးကို တက်ရောက်ခဲ့ပါတယ်။ မိတ္ထီလာမြို့မှာ မတ်လက ဖြစ်ပွားခဲ့တဲ့ ဗုဒ္ဓဘာသာဝင်တွေနဲ့ မူဆလင်တွေကြား ဂိုဏ်းဂဏကွဲ တိုက်ခိုက်မှုတွေကြောင့် အရေးပေါ် အခြေအနေ ကြေညာခဲ့ရတာကို အဲ့ဒီလွှတ်တော် အစည်းအဝေးပွဲမှာ တရားဝင် ခွင့်ပြုပေးခဲ့တာပါ။

အဲ့ဒီအမိန့် ဥပဒေနဲ့ပတ်သက်လို့ ဒေါ်အောင်ဆန်းစုကြည်က လွှတ်တော်မှာ အခုလို ပြောသွားခဲ့ပါတယ်။

“ဒီအချိန်မှာ ကျမတို့ နိုင်ငံဟာ ဒီမိုကရေစီ လမ်းကြောင်းပေါ်မှာ သွားနေပြီဆိုပြီးတော့ တကမ္ဘာလုံးကို အတွင်တွင် ကြေညာနေတဲ့အချိန် ဖြစ်တာမို့ ဒီမိုကရေစီ လုပ်ထုံးလုပ်နည်းတွေနဲ့ မကိုက်ညီတဲ့ ကိစ္စမှန်သမျှ ကျမတို့ ရှောင်နိုင်သလောက် ရှောင်ရမှာ ဖြစ်ပါတယ်။”

ဒေါ်အောင်ဆန်းစုကြည်ဟာ မိတ္ထီလာမှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေအတွင်း ဗုဒ္ဓဘာသာ ဘုန်းကြီးတစ်ပါးကို သတ်ဖြတ်ခဲ့မှုနဲ့ မူဆလင်တွေကို အင်္ဂါနေ့မှာ ပြစ်ဒဏ်ချတဲ့ စီရင်ချက်တွေနဲ့ ပတ်သက်ပြီးတော့လည်း သတင်းထောက်တွေကို သူ့ရုံးခန်းမှာ အခုလို ပြောသွားခဲ့ပါတယ်။

“ပွင့်လင်းမြင်သာမှု မရှိဘူး။ နောက်ပြီးတော့ အုပ်ချုပ်ရေးပိုင်းဆိုင်ရာက အရမ်း လွှမ်းမိုးမှု ရှိတယ်။ အုပ်ချုပ်ရေးပိုင်းဆိုင်ရာက လွှမ်းမိုးနေတဲ့ အခါကျတော့ တရားစီရင်ရေး မဏ္ဍိုင်က ဖြောင့်ရဲ့လားဆိုတာ လုံးဝ ပြောဖို့ရာ ခက်သွားပြီ။ တရားစီရင်ရေး မဏ္ဍိုင်က လွတ်လပ်မှသာလျှင် ဖြောင့်မတ်မှာ။ မလွတ်လပ်ဘဲနဲ့တော့ မဖြောင့်နိုင်ဘူး။”

မိတ္ထီလာ ပဋိပက္ခအတွင်းမှာ ဗလီနဲ့ အစ္စလာမ် ဘာသာဝင်တွေရဲ့ နေအိမ်အများအပြား မီးရှို့ဖျက်ဆီး ခံခဲ့ရပြီးတော့ အစ္စလာမ် ဘာသာဝင် အများစုလည်း မီးရှို့သတ်ဖြတ်ခံခဲ့ရပါတယ်။ အဲ့ဒီ ပဋိပက္ခကြောင့် ဒေသခံ လူ သောင်းနဲ့ချီပြီးတော့လည်း အိုးမဲ့အိမ်မဲ့ ဖြစ်ပွားခဲ့ရတာပါ။

ဒီဖြစ်ရပ်မှာ လှုံ့ဆော် သွေးထိုးမှု၊ မီးရှို့မှု၊ လူသတ်မှုတွေနဲ့ သံသယရှိသူ ဗုဒ္ဓဘာသာဝင် အပါအ၀င် လူပေါင်း ၇၄ ဦးကို အာဏာပိုင်တွေက ဖမ်းဆီးထားပါတယ်။ လောလောဆယ်ထိတော့ အစ္စလာမ် ဘာသာဝင် ၇ ဦးကိုပဲ ပြစ်ဒဏ်စီရင်ရသေးတာ ဖြစ်ပါတယ်ရှင်။

Ref: VOA News

Read More...

Tuesday, May 21, 2013

သမ္မတဦးသိန်းစိန်နဲ့ အမေးအဖြေ

20.05.2013

ဦးသန်းလွင်ထွန်း။ ။ မင်္ဂလာပါခင်ဗျ။ အခု ဗွီအိုအေမြန်မာပိုင်း ကနေပြီးတော့ မြန်မာနိုင်ငံကို ရုပ်မြင်သံကြားကနေ တိုက်ရိုက် ထုတ်လွှင့်မယ့် သမ္မတကြီး ဦးသိန်းစိန်နဲ့ အထူးသဖြင့် ဗွီအိုအေ အပါအ၀င် ဗွီအိုအေကနေ အိမ်ရှင်အဖြစ် လက်ခံ ကျင်းပပေးမယ့် ဒီစီ အနီးတ၀ိုက်မှာ ရှိတဲ့ မြန်မာ အသိုင်းအ၀ိုင်းကနေပြီးတော့၊ နိုင်ငံရေး၊ စီးပွားရေး၊ ဘာသာရေး၊ လူငယ်ရေးရာ ဘက်ပေါင်းစုံက အသိုင်းအ၀ိုင်းက သမ္မတကြီးနဲ့တွေ့ပြီးတော့ မေးချင်တာ၊ နှုတ်ဆက် ချင်တာတွေနဲ့ အတူ တွေ့ဆုံပွဲကို စတင်ပါပြီခင်ဗျ။

အထူးသဖြင့် ဒီမိုကရေစီနိုင်ငံတွေမှာပဲ အများအားဖြင့် တွေ့ရလေ့ရှိတဲ့ Town Hall meeting လို့ခေါ်တဲ့ မြို့တော်ခန်းမ ပုံစံမျိုး၊ ရင်းရင်းနှီးနှီး ပွင့်ပွင့်လင်းလင်း တွေ့ဆုံပွဲကို သမ္မတကြီး အနေနဲ့ လိုလိုလားလားနဲ့ ကျနော်တို့ ဆီကို လာပြီးတော့ အခုလို လာပေးတာ ကျေးဇူးတင်ကြောင်း အရင် ပြောပါရစေ။ အလားတူပဲ တက်လာတဲ့ ပရိသတ်တွေ ဆိုရင်လည်း သမ္မတနဲ့ တွေ့ဆုံခွင့် ရပြီးတော့ အားလုံး အနေနဲ့ ရိုးရိုးသားသား ပွင့်ပွင့်လင်းလင်း ရှင်းရှင်းလင်းလင်း မေးစရာ ရှိတာလေးတွေကို မေးပြီးတော့ သမ္မတကြီး ဆီကလည်း ပွင့်လင်း ရှင်းလင်းတဲ့ အဖြေတွေကို ရနိုင်လိမ့်မယ်လို့ ကျနော်တို့ ယူဆပါတယ်။ အဲဒီတော့ အကန့်အသတ်လေး နည်းနည်းရှိတဲ့ အတွက်ကြောင့် မေးခွန်းတွေ၊ မှတ်ချက်လေးတွေ ပေးရင်တော့ အချိန် အတိုင်းအတာလေးနဲ့ ဖြစ်စေ ချင်ပါတယ်။ မေးချင်တဲ့မေးခွန်းတွေကို ပေးပြီးသားဖြစ်တဲ့ အတွက်ကြောင့်မိုလို့ သမ္မတကြီးပြောတဲ့ အကြောင်းအရာလေးတွေ နဲ့ ကိုက်ညီတဲ့ အားလျော်စွာ ကျနော် ခေါ်ပြီးတော့ မေးခွန်းလေးတွေ မေးခွင့်ပေး ပါမယ်။ ဒီထောင့်မှာလာပြီးတော့ မေးခွန်းမေးပေးဖို့ ပါပဲ။

ကျနော့်အနေနဲ့ ပထမဦးဆုံးကတော့ မေးချင်တဲ့ အကြောင်းကတော့ သမ္မတကြီး အနေနဲ့ နိုင်ငံရဲ့ ၄၇ နှစ် အတွင်း မြန်မာနိုင်ငံရဲ့ ပထမဆုံး သမ္မတ အနေနဲ့ အမေရိကန်ပြည်ထောင်စုကို တရားဝင် အလည်အပတ် ရောက်ရှိ လာတယ်။ အဲဒီမှာ သမ္မတကြီးအနေနဲ့ အမေရိကန်ပြည်ထောင်စု သမ္မတ ဘရက် အိုဘားမားနဲ့လည်း မနက်ဖြန်ဆိုရင်တွေ့ဆုံဖို့ ရှိပါတယ်။ ဒီသမိုင်းဝင် ခရီးစဉ် အတွင်းမှာ သမ္မတကြီး အနေနဲ့ ဘယ်လို မြန်မာနိုင်ငံရဲ့အကျိုးအတွက် ရလဒ်တွေကို မျှော်မှန်းနိုင်ဖို့ ရည်ရွယ်ချက် ရှိထားပါလဲ ဆိုတာလေးကို သမ္မတကြီးအနေနဲ့ အတိုချုပ်လေး ရှင်းပြပေးစေချင်ပါတယ်။ အလားတူပဲ သမ္မတကြီး ဦးဆောင်ပြီးတော့ လုပ်နေတဲ့ မြန်မာနိုင်ငံတွင်းမှာ ရှိတဲ့ ပြုပြင်ပြောင်းလဲရေး လုပ်ငန်းစဉ်တွေရဲ့ လက်ရှိအခြေအနေ၊ ရင်ဆိုင်ရတဲ့ အကြောင်းလေးတွေကိုလည်း အတိုချုပ် ရှင်းပြပေးစေချင်ပါတယ်။ အဲဒါပြီးရင်တော့ ပရိသတ်ထဲက မေးစရာ ရှိတာလေးတွေကို သမ္မတကြီးအနေနဲ့ ဖြေကြားပေးစေ ချင်ပါတယ်။

သမ္မတဦးသိန်းစိန်။ ။ အားလုံးပဲ တက်ရောက်လာကြတဲ့ အဖွဲ့တွေကို ကျနော့် အနေနဲ့ ကျေးဇူးတင်ကြောင်း ပြောကြား ချင်ပါတယ်။ ဒီမှာ အကြောင်း အမျိုးမျိုးနဲ့ ရောက်နေပေမဲ့လည်း မြန်မာနိုင်ငံသားတွေဖြစ်တဲ့ အတွက်ကြောင့် စိတ်ထဲမှာတော့ စောစောကပြောသလိုပါပဲ။ ကိုယ့်သွေး ကိုယ့်သားတွေ လိုပဲ စိတ်ထဲမှာ သဘောထား ပါတယ်။ ခင်ဗျားတို့နဲ့ တွေ့နိုင်အောင် အခုလို စီစဉ်ပေးခဲ့တဲ့ ဗွီအိုအေက တာဝန်ရှိတဲ့ ပုဂ္ဂိုလ်တွေလည်း ကျေးဇူးတင်ကြောင်း ကျနော် ပြောလိုပါတယ်။ စောစောက ကျနော် ပြောသလိုပါပဲ မြန်မာနိုင်ငံနဲ့ အမေရိကန် ဆက်ဆံရေးဟာ ၁၉၄၇ ခုနှစ်ဆိုတော့ လွတ်လပ်ရေးတောင် မရသေးပါဘူး။ လွတ်လပ်ရေး မရခင်ကတည်း ကျနော်တို့က သံတမန်ဆက်သွယ်မှု ရှိခဲ့တယ်။ နောက် ဟိုတုန်းကတော့လည်း သွားလာဆက်ဆံမှုတွေ ရှိပါတယ်။ အဲဒီတော့ ၁၉၅၅ ခုနှစ်ကဆိုလို့ရှိရင်ဝန်ကြီးချုပ်ဦးနု ဒီကိုလာခဲ့ပါတယ်။ ဧည့်သည်အဖြစ်နဲ့။ နောက် တခါ ၂ နှစ်အကြာ ၁၉၅၇ ခုနှစ်မှာ သမ္မတကြီး ဦးမန်းဝင်းမောင် က ဆေးဝါးကုသဖို့ဆိုပြီးတော့ ဒီကိုလာခဲ့ဖူးပါတယ်။ နောက်တော့ ၁၉၆၆ ခုနှစ်မှာ ကျနော်တို့ ဗိုလ်ချုပ်ကြီးနေ၀င်းပေါ့လေ။ တရားဝင်အလည်အပတ်ခရီး လာခဲ့ဖူးပါတယ်။ အဲဒီတော့ ၁၉၆၆ ခုနှစ်ကနောက်ပိုင်းမှာ ကျနော်တို့ အဆက်အသွယ်တွေ ပြတ်သွားကြတယ်။ အသွားအလာတွေ နည်းသွားကြတာ အခု ကျနော်ရောက်တဲ့အချိန်ထိဆိုရင် အားလုံး ကျနော်တို့ ၄၇ နှစ်။ ၄၇ နှစ်အတွင်းမှာ ကျနော်တို့ မြန်မာနိုင်ငံရဲ့ တာဝန်ရှိတဲ့အကြီးအကဲတယောက် အနေနဲ့ အမေရိကန်နိုင်ငံကို၊ မြို့တော်ဝါရှင်တန်ကို ရောက်လာတာဖြစ်ပါတယ်။ အဲဒီတော့ အဓိက ကတော့ ကျနော်တို့ မြန်မာနိုင်ငံနဲ့ အမေရိကန်ဆက်ဆံရေး ဟာ သမ္မတအိုဘားမား လက်ထက်မှာ ပြန်လည်ပြီးတော့ ပွင့်လင်းသွားပြီးတော့ မှ နှစ်နိုင်ငံ ဆက်ဆံရေးဟာ နွေးနွေးထွေးထွေးနဲ့ ကျနော်တို့ ရှိလာတယ်။ နှစ်ပေါင်း ၂၀ လောက် အဆက်အသွယ် အကျိတ်အခဲတွေပေါ့နော်။ အခက်အခဲတွေ ရှိနေရာကနေ အခုတော့ ကျနော်တို့ နှစ်နိုင်ငံရဲ့ ဆက်သွယ်ရေးဟာ သမ္မတအိုးဘားမားရဲ့ ကျင့်သုံးတဲ့ ပေါ်လစီအရ ပြန်လည် ပြီးတော့ ထိတွေ့ဆက်ဆံမှုတွေ၊ ဆက်သွယ်မှုတွေ ကျနော်တို့ရှိလာပါတယ်။ အဲဒီတော့ လာရတဲ့ခရီးစဉ်ရဲ့ အဓိက ကတော့ နှစ်နိုင်ငံ ကျနော်တို့ရဲ့ ခင်မင်ရင်းနှီးမှုကို ဆက်လက်ပြီးတော့ အဓွန့်ရှည်အောင် တည်ဆောက်နိုင်ဖို့ အတွက် ဒါ ကျနော်တို့ လာရောက် လည်ပတ်ခြင်းဖြစ်ပါတယ်။ ဒါကတော့ အဓိက အကြောင်းတစ်ချက်ပေါ့။ အဲဒီတော့ ကျနော်တို့ သမ္မတကြီးနဲ့တွေ့ရင်းနဲ့ ကျနော်တို့နိုင်ငံရဲ့ ဖြစ်ပေါ်တိုးတက်မှုတွေ၊ ကျနော်တို့ တွေ့ကြုံရတဲ့ အခက်အခဲတွေ၊ ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဘက်ဘက်ကနေပြီးတော့ ကျနော်တို့နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့်ဟာတွေကို ဖြေရှင်းပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီးနဲ့တွေ့ဖို့ဖြစ်ပါတယ်။

ဦးသန်းလွင်ထွန်း။ ။ နောက်ထပ် အကြောင်းအရာတစ်ခုကို မဆက်ခင်မှာပဲ အခု ပရိသတ်ထဲမှာ မေးချင်တဲ့သူတွေထဲက သမ္မတကြီး အခုရှင်းပြတဲ့ အမေရိကန်ပြည်ထောင်စုကို လာရတဲ့အကြောင်းရင်းတွေ ထဲမှာပဲ ပါတဲ့အချက်လေးတခုကတော့ အမေရိကန် ဒီမိုကရေစီစနစ်မှာ မြန်မာနိုင်ငံ အတွက် အတုယူစရာဘာများ ရှိပါသလဲ။ ကိုအောင်သူငြိမ်းက မေးချင်ပါတယ်။ ကိုအောင်သူငြိမ်းကတော့ မြန်မာနိုင်ငံ နယ်စပ်မှာနေနေတဲ့ သူပါ။ အဲဒီတော့ ကိုအောင်သူငြိမ်းအနေနဲ့ မေးချင်တဲ့မေးခွန်းလေးကို မေးစေချင်ပါတယ်။

ဦးအောင်သူငြိမ်း။ ။ ကျေးဇူးတင်ပါတယ် သမ္မတကြီးခင်ဗျ။ ကျနော် အောင်သူငြိမ်းပါ။ ကျနော် ဗဟုဖွံ့ဖြိုးမှုအဖွဲ့ကပါ။ သမ္မတကြီးတို့ ဖိတ်ခေါ်မှုနောက်ပိုင်းမှာ ကျနော် တိုင်းပြည်ကိုလည်း ပြန်ရောက်ပါတယ်။ တချို့သုတေသနလုပ်ငန်းလည်း ကျနော် လုပ်ပါတယ်။ ကျနော် မေးချင်တဲ့မေးခွန်းကတော့ အခုလို ဒီအမေရိကန်ကို လာပြီးတော့ ဒီသမိုင်းဝင်ခရီးစဉ်မှာ အမေရိကန်ရဲ့ ဒီမိုကရေစီစနစ်ကနေ ကျနော်တို့နိုင်ငံက အတုယူစရာ၊ လေ့လာစရာဘာတွေ ရှိမလဲ။ ဒါနဲ့ပတ်သက်လို့ ကျနော် ပထမမေးချင်ပါတယ်။ ဆိုတော့ ဒုတိယကတော့ ကျနော်တို့နိုင်ငံရဲ့ ပညာရေးစနစ် ပြုပြင်ပြောင်းလဲမှု လုပ်တဲ့နေရာမှာ သမ္မတကြီးရဲ့ခရီးစဉ်အတွင်း ဘယ်လိုအထောက်အပံ့ အကူအညီတွေ ရနိုင်မလဲ။ မျှော်လင့်နိုင်မလဲပေါ့။ ဒါလည်း ကျနော်တို့ သိချင်ပါတယ်ခင်ဗျ။

သမ္မတဦးသိန်းစိန်။ ။ အဲဒီတော့ ပထမမေးခွန်းအနေနဲ့ ကျနော်တို့ အမေရိကန်နိုင်ငံဟာ ဒီမိုကရေစီ ကျင့်သုံးလာတာ နှစ်ပေါင်းရာနဲ့ချီ ကြာခဲ့ပြီဖြစ်ပါတယ်။ နောက် ကျနော်တို့နိုင်ငံအနေနဲ့ ပြန်ကြည့်မယ်ဆိုရင် ဒီမိုကရေစီစနစ်ကို ၁၉၄၈ ခုနှစ်မှာ လွတ်လပ်ရေး ကျနော်တို့ရခဲ့တယ်။ ရခဲ့ပြီးတော့ တက်လာတဲ့အစိုးရဟာ ကျနော်တို့ ဒီမိုကရေစီစနစ်ကို ကျင့်သုံးတဲ့အစိုးရပါ။ သို့သော်လည်း ကျနော်တို့ ၁၄ နှစ်ပေါ့နော်။ သက်တမ်းအားဖြင့် ၁၄ နှစ်ပဲ ကျနော်တို့ ကြာညောင်းခဲ့ပြီးတော့၊ ကျန်တဲ့အချိန်တွေဟာ တိုင်းပြည်ရဲ့ တည်ငြိမ်အေးချမ်းမှု၊ လုံခြုံမှု အခြေအနေတွေအရ တပ်မတော်ကပဲ တလှည့်တပြန်စီ တာဝန်ယူသွားရတာ။ အဲဒီတော့ ဒီမိုကရေစီနဲ့ ကျနော်တို့ ကင်းကွာတာ အတော်လေးလည်း ကြာခဲ့ပါပြီ။ ဒီမိုကရေစီနဲ့ကင်းကွာတာ အတော်လေးကြာခဲ့ပြီ။ နောက်တခါ အခု ကျနော်တို့အစိုးရတက်လာတော့ ဒီမိုကရေစီစနစ်ကို ကျင့်သုံးတယ် ဆိုပေမဲ့လည်း ကျနော်တို့မှာ အချိန်ကာလအားဖြင့်က နှစ် နှစ်ပဲ ကျနော်တို့ရှိပါသေးတယ်။ အဲဒီတော့ ဒီမိုကရေစီနဲ့ပတ်သက်ပြီးတော့ ကျနော်တို့မှာ အတွေ့အကြုံတွေ၊ အလေ့အကျင့်တွေ အများကြီးနည်းပါသေးတယ်။ အဲဒီတော့ ဒီမိုကရေစီဆိုတာကို ကျင့်သုံးနေတဲ့ နိုင်ငံကြီးအတွက်တော့ ပြည်သူတွေပိုင်းကလည်း ဒီိမိုကရေစီကို အပြည့်အ၀ခံစားခွင့် ရသလို၊ ဒီမိုကရေစီနဲ့ပတ်သက်ပြီးတော့ တာဝန်ယူမှု၊ တာဝန်ရှိမှုတွေကလည်း အပြည့်အ၀ ပြည်သူတွေက ခံယူထားတယ်လို့ ကျနော်နားလည်ပါတယ်။ ဒါကြောင့် ဒီမိုကရေစီနဲ့ပတ်သက်ပြီးတော့ တဘက်ကလည်း ဒီအခွင့်အရေးတွေ၊ လွတ်လပ်ခွင့်တွေ အပြည့်ဝ ယူချင်သလို၊ တဘက်ကလည်း အမေရိကန်ပြည်သူတွေလို ဒီမိုကရေစီနဲ့ပတ်သက်တဲ့ တာဝန်ရှိမှုတွေ၊ တာဝန်သိမှုတွေ ဒါတွေဟာ ကျနော်တို့နိုင်ငံအတွက် အတုယူဖွယ်ရာဖြစ်တယ်လို့ ကျနော့်အနေနဲ့ပြောချင်ပါတယ်။ ဒါက မေးခွန်းတခုပေါ့။

ဒုတိယမေးခွန်းက ပညာရေးနဲ့ပတ်သက်ပြီးတော့ တိုင်းပြည်တွေ ဖွံ့ဖြိုးတိုးတက်ဖို့အတွက် ပညာရေးဟာ အင်မတန်မှ အဓိကကျပါတယ်။ ပညာရေးဟာ အဓိကကျပါတယ်။ အဲဒီတော့ ကျနော်တို့ရဲ့ ပညာရေးဟာ ကျနော်တို့လေ့လာကြည့်တဲ့အခါမှာ ဒီ လွတ်လပ်ရေးစရပြီးတဲ့ ကာလတွေအပိုင်းမှာ အရှေ့တောင်အာရှမှာဆိုရင် ကျနော်တို့ပညာရေးဟာ အတော်လေးကို ရှေ့တန်းကျကျနဲ့ ရှိနေတဲ့အနေအထားဖြစ်ပါတယ်။ ဟိုတုန်းကလည်း ကျနော်တို့ နိုင်ငံခြား တက္ကသိုလ်ကြီးတွေမှာ နံမည်ကြီးတက္ကသိုလ်ကြီးတွေမှာ ဘွဲ့ရခဲ့တဲ့ ဆရာကြီး၊ ဆရာမကြီးတွေ။ သူတို့ကနေတဆင့် တက္ကသိုလ်တွေမှာ ပြန်လည်သင်ကြားပေးတဲ့ အတွက်ကြောင့် ကျနော်တို့ရဲ့ပညာရေးဟာ ပြောရမယ်ဆိုရင် အရှေ့တောင်အာရှတင် မဟုတ်ပါဘူး။ အာရှမှာပါ ရှေ့ကနေပြီးတော့ ပြေးနေတဲ့ အနေအထား ရှိပါတယ်။ သို့သော်လည်းနောက်ပိုင်းမှာတော့ တိုင်းပြည်ရဲ့အခြေအနေတွေအရ တဖြည်းဖြည်းနဲ့ ပညာရေးနဲ့ပတ်သက်ပြီးတော့ အနောက်နိုင်ငံ တက္ကသိုလ်တွေကနေ၊ နံမည်ကြီးတက္ကသိုလ်တွေကနေ ဘွဲ့ရတဲ့ဆရာကြီးတွေ၊ ဆရာမတွေက တဖြည်းဖြည်းနဲ့ အသက်အရွယ်တွေကြီးလာတာ။ တချို့လည်း ပင်စင်သွားကြတယ်ဆိုတော့ အဆက်အသွယ်တွေ ပြတ်သွားတဲ့အနေအထားမျိုး ဖြစ်ပါတယ်။ အဆက်ပြတ်သွားတဲ့အနေအထားမျိုးဖြစ်တယ်။ ဖြစ်တော့ ပညာရေးဟာ တကယ်တော့ တိုင်းပြည်တပြည် ထူထောင်ဖို့အတွက် အရေးကြီးဆုံး အရာဖြစ်ပါတယ်။ ပညာရေးကိုလည်း ကျနော်တို့ အလေးထားပြီးတော့မှ ရင်းနှီးမြှုပ်နှံဖို့ ကျနော်တို့လိုပါတယ်။

အဲဒီတော့ ကျနော်တို့ ပညာရေးကို မြှင့်တင်ဖို့အတွက် ဒီကနေ့ ကျနော်တို့ ဘက်ပေါင်းစုံ နည်းလမ်းပေါင်းစုံနဲ့ ကျနော်တို့ ကြိုးစားနေပါတယ်။ အဲဒီတော့ ကျနော်တို့ ပညာရေးဟာ ပြောင်းလဲနေတဲ့ ကျနော်တို့နိုင်ငံရဲ့ အခြေအနေအရဆိုရင်တော့ လက်တွေ့လုပ်ငန်းခွင်ကို ထိထိရောက်ရောက် ၀င်နိုင်တဲ့ ပညာရေးမျိုးဖြစ်ဖို့ လိုပါတယ်။ ဥပမာဆိုကြပါစို့။ ကျနော်တို့ စီးပွားရေး ဖွံ့ဖြိုးတိုးတက်ဖို့အတွက် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်နေတယ်။ စက်ရုံတွေဆောက်မယ်။ အလုပ်ရုံတွေဆောက်မယ်။ ပြီးရင် ဒီ စက်ရုံတွေ အလုပ်ရုံတွေ ပြီးသွားတဲ့အခါမှာ skill labor တွေ လိုလာတယ်။ ကျနော်တို့ဆီမှာ ဘွဲ့ရတဲ့ကလေးတွေ အများကြီးရှိပါတယ်။ ကွန်ပျူတာနဲ့ဘွဲ့ရတဲ့ ကလေးတွေ၊ အင်ဂျင်နီယာနဲ့ဘွဲ့ရတဲ့ကလေးတွေ၊ သိပ္ပံဘာသာရပ်၊ ၀ိဇ္ဇာဘာသာရပ်နဲ့ ဘွဲ့ရတဲ့ကလေးတွေ။ ဒီကလေးတွေက အလုပ်ရုံ စက်ရုံထဲကို ဘွဲ့ရပြီးတော့ တိုက်ရိုက်ကူးဝင်လို့ ရမလားဆိုတော့ ကျနော်တို့မှာ မရနိုင်သေးပါဘူး။ ဘာဖြစ်လို့လဲဆိုတော့ လုပ်ငန်းခွင်ကို ကျနော်တို့ လုပ်နိုင်တဲ့ ပညာရေးစနစ်မျိုး မဟုတ်သေးဘူး။ မဟုတ်သေးတဲ့အတွက်ကြောင့် အနည်းဆုံးတော့ vocation training ခြောက်လတန်သည်။ တစ်နှစ်တန်သည် ကျနော်တို့ ပြန်ပြီးတော့ ပေး ရမှာဖြစ်ပါတယ်။ အဲဒီတော့ တိုင်းပြည်ဖွံ့ဖြိုးတိုးတက်ဖို့အတွက် ကျနော်တို့မှာ ဘာတွေလိုအပ်သလဲ။ အင်ဂျင်နီယာတွေ အများကြီးလိုအပ်နေလား။ ဆရာဝန်တွေ အများကြီးလိုနေလား။ အဲဒီတော့ တက္ကသိုလ်ကနေ မွေးထုတ်ပြီးတော့ ဘွဲ့ရတဲ့ကလေးတွေဟာ တိုက်ရိုက်လုပ်ငန်းခွင့်မှာဝင်ပြီးတော့ အကျိုးပြုနိုင်တဲ့ ပညာရေးမျိုး ဖြစ်သင့်တယ်။ ဒီပညာရေးမျိုးဖြစ်အောင် ကျနော်တို့ ဒီကနေ့ ကြိုးပမ်းဆောင်ရွက်နေတယ်လို့ ပြောရမှာပါဖြစ်ပါတယ်။

ဦးသန်းလွင်ထွန်း။ ။ ပညာရေးနဲ့ တဆက်ထဲပဲ အခု ဒီမှာရောက်နေတဲ့ ပညာတော်သင်ထဲက ပဲပေါ့နော်၊ Humphrey Fellow ပေါ့၊ သူက ဒေါ်မာမာသွင်ပါ။ သူကလည်း အလားတူ မေးခွန်းလေးပဲ မေးထားတော့ သူ့ရဲ့မေးခွန်းကို ဖတ်ပြ လိုက်ပါ့မယ်။ လောလောဆယ် နိုင်ငံရပ်ခြားမှာ ပညာတော်သင် ကိစ္စတွေနဲ့ ပတ်သက်ပြီး Exchange Program တွေကို သမ္မတကြီး ဒီမှာရှိနေတဲ့ အချိန်မှာ ဘာတွေမှာ ထူးထူးခြားခြား လုပ်ဆောင်ဖို့ ရှိပါသလဲ ခင်ဗျ။ အထူးသဖြင့် မနက်ဖြန် ဆိုလို့ရှိရင်လည်း ၀ါရှင်တန်မှာ ရှိတဲ့ Johns Hopkins မှာ သွားရောက်ပြီးတော့ စကားပြောမယ်၊ တွေ့ဆုံဖို့တွေ ရှိတယ်ဆိုတော့ အထူး အစီအစဉ်လေးတွေများ မြန်မာနိုင်ငံကနေပြီးတော့ အဆင့်မြင့် ပညာတွေကို လာပြီးတော့ သင်ဖို့ ကိစ္စလေးတွေများ အစီအစဉ် ရှိပါသလား။

သမ္မတဦးသိန်းစိန်။ ။ ဒီတော့ ဒီကိစ္စက အမေရိကန်နိုင်ငံတင် မဟုတ်ပါဘူး။ ကျနော်တို့ရောက်ခဲ့တဲ့ နိုင်ငံတိုင်းမှာ ပညာရေးနဲ့ ပတ်သက်ပြီးတော့ ကျနော်တို့ ခုနကလို ထိုက်သင့်တဲ့ ပူးပေါင်း ဆောင်ရွက်မှုတွေ ပြုပေးဖို့။ အထူးသဖြင့်တော့ ကျနော်တို့ဆီက ပညာတော်သင်တွေကို လက်ခံဖို့။ နောက်တခုကလည်း ပညာတော်သင်တွေကို လက်ခံပေးတယ် ဆိုရင်လည်း သူတို့က သင်ပေးပေမယ့် စရိတ် စကတို့ ဘာတို့ နေရေးအတွက်၊ စားရေးအတွက် ဒါကတွေကလည်း ရှိနေတော့ ၀န်ထုပ် ၀န်ပိုး ဖြစ်ပါတယ်။ ဖြစ်နိုင်လို့ရှိရင်တော့ နိုင်ငံခြားမှာရှိနေတဲ့ တက္ကသိုလ်မျိုး ကျနော်တို့ ပညာတော်သင်တွေကို လက်ခံပြီးတော့ သင်ပေးမယ့် တက္ကသိုလ်ခွဲတွေပေါ့၊ ဥပမာ ဆိုကြပါစို့ အခု Johns Hopkins တက္ကသိုလ်တို့ ဘာတို့ဆို ကျနော်တို့တွေ့ပါတယ်။ ဥက္ကဌတို့ ဘာတို့နဲ့လည်း တွေ့တယ်။ ခင်ဗျားတို့ဗျာ ကျနော်တို့ ဒီမှာလာပြီးတော့ တက်ဖို့ ပညာတော်သင်ကို လက်ခံပေးမယ်ဆိုရင်လည်း ကျနော်တို့မှာ ခုနကလို စားစရိတ်ကြီးတာတွေ၊ နေရေးထိုင်ရေးအတွက် စရိတ်ကြီးတာတွေ ဒါတွေက ရှိနေတယ်။ ကျနော်တို့ မလုပ်နိုင်ဘူး။ ဥပမာ လူဦးရေ သန်း ၆၀ ရှိတဲ့အနက်က ၂ ယောက်လောက် လွှတ်ပြီးတော့ သင်ယုံနဲ့က ဘာမှ ကျနော်တို့က အကျိုး မရှိနိုင်ဘူး။ ဖြစ်နိုင်လို့ရှိရင် ခင်ဗျားတို့ တက္ကသိုလ်ခွဲတွေ လာပြီးတော့ ထူထောင်ပေးပါ။ ကျနော်တို့မှာ ရှိပါတယ် နေရာတွေက အစ။ ဒါကို ကျနော်တို့ အဓိက အလေးအနက်ထားပြီးတော့ ပထမတော့ ကျနော်တို့ ပညာတော်သင်တွေကို။ များများ သင်ပေးနိုင်ဖို့အတွက်က ကိုယ့်ပြည်တွင်းမှာ လာပြီးတော့ ဌာနခွဲတွေကို လာရောက် ဖွင့်ပေးဖို့ဆိုပြီးတော့ ကျနော်တို့ ပြောဖို့ ရှိပါတယ်။ ကျနော်တို့ မနက်ဖြန်တွေ့တဲ့ ပြုတဲ့အခါမှာလည်း ပညာရေးနဲ့ ပတ်သက်လို့ တိုက်ဆိုင်လာရင် ဒီကိစ္စကို ပြောမယ်လို့ ကျနော်တို့ စိတ်ကူးထားပါတယ်။

ဦးသန်းလွင်ထွန်း။ ။ သမ္မတကြီးရဲ့ ခရီးစဉ်အတွင်းမှာ အားလုံး သေသေချာချာ အလေးအနက်ထားပြီးတော့ လေ့လာ ကြည့်ရှုနေကြတဲ့ အချက်ကတော့ အမေရိကန် - မြန်မာ ဆက်ဆံရေးပေါ့။ အမေရိကန် မြန်မာ ဆက်ဆံရေးမှာလည်း လောလောဆယ် အားဖြင့် အမေရိကန် မြန်မာ ဆက်ဆံရေးဟာ ပြန်ပြီး နွေးထွေး လာတယ်ဆိုတာ သမ္မတကြီးလည်း အစောပိုင်းက ပြောပြခဲ့ဘူးပါတယ်။ ဒါပေမယ့်လည်း အမေရိကန်နိုင်ငံ အနေနဲ့က လောလောဆယ် ပိတ်ဆို့ ကန့်သတ်ထားမှုတွေကို ချန်ထားတာလေးတွေ ရှိနေသေးတယ်ခင်ဗျ။ အကုန် မရုပ်သေးပဲနဲ့။ အဲဒီတော့ ဒီကန့်သတ်ချက်တွေကို သမ္မတကြီးရဲ့ ခရီးစဉ်အတွင်းမှာ လွှတ်တော်ပိုင်းကရော၊ ဥပဒေကြောင်းပိုင်းကရော ကြေကြေလည်လည် ရုပ်သိမ်းသွားရေး အောင်မြင်အောင် ဆောင်ရွက်သွားနိုင်မယ်လို့ ယူဆပါသလား။

သမ္မတဦးသိန်းစိန်။ ။ ကျနော်တို့ Sanction ကိစ္စနဲ့ ပတ်သက်လို့ကတော့ ခင်ဗျားတို့လည်း အားလုံး ကြားထားကြ ပြီးသား ဖြစ်မှာပါ။ အဲဒီတော့ ဒီကနေ့ ကျနော်တို့ရဲ့ ပြည်သူ အများစုကတော့ ၊ ပြည်သူအများ အနေနဲ့ တူညီတဲ့ သဘောဆန္ဒ နှစ်ခုရှိပါတယ်။ တခုကတော့ ကျနော်တို့တိုင်းပြည် တည်တည်ငြိမ်ငြိမ် အေးအေးချမ်းချမ်းနဲ့ တရားဥပဒေ စိုးမိုးတဲ့ နိုင်ငံဖြစ်ဖို့ ဒါဟာ လူတိုင်းရဲ့ ဆန္ဒ သဘောထားပဲ ဖြစ်ပါတယ်။ ဒီဟာက ခုနကလို နိုင်ငံရေးနဲ့ သက်ဆိုင်တဲ့ ကိစ္စပေါ့။

အဲဒီတော့ နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေးအကျဉ်းသားတွေ လွတ်ပေးတာ ပြုပေးတာက အစပေါ့။ နောက်တခုကလည်း ကျနော်တို့ နှစ်ပေါင်း ၆၀ ကျော်လောက် ရှိကြခဲ့တဲ့ လက်နက်ကိုင် ပဋိပက္ခ။ လက်နက်ကိုင် ပဋိပက္ခနဲ့ ပတ်သက်ပြီးတော့ ပြည်သူတွေဟာ အင်မတန်မှကို ညည်းငွေ့နေကြပါတယ်။ တချို့ အတွင်းပိုင်းကျတဲ့ မြို့ကြီးတွေမှာ မသိသာပေမယ့်လည်း နယ်စပ်ဒေသတွေမှာ ဒါတွေကို ခါးစည်းပြီးတော့ ခံနေရတာပေါ့။ ဒါကြောင့် ငြိမ်းချမ်းရေးကို ကျနော်တို့ လိုချင်နေကြပါတယ်။ ဒီလက်နက်ကိုင် ပဋိပက္ခတွေ ချုပ်ငြိမ်းဖို့အတွက် ငြိမ်းချမ်းရေး တည်ဆောက်ဖို့အတွက် ကျနော်တို့ ကြိုးပမ်းနေတာ ခင်ဗျားတို့လည်း ကြားပါတယ်။ ခင်ဗျားတို့လည်း သိပါတယ်။
နောက်တခုကတော့ ခုနကလို ဒီမိုကရေစီရှင်သန်ဖို့အတွက် တိုင်းပြည်တည်ငြိမ်အေးချမ်းဖို့၊ လုံခြုံဖို့၊ တရားဥပဒေစိုးမိုးဖို့ လိုအပ်သလိုပဲ တဘက်ကလည်း လူမှုစီးပွားရေးတွေ ဖွံ့ဖြိုးတိုးတက်ဖို့ လိုအပ်ပါတယ်။ အဲဒီတော့ စီးပွားရေး ဖွံ့ဖြိုးရေး တိုးတက်ရင်ပဲ လူမှုရေးကလည်း ထပ်ချပ်မကွာ လိုက်လာတာဖြစ်ပါတယ်။ အဲဒီတော့ စီးပွားရေးဖွံ့ဖြိုးတိုးတက်တယ်၊ အလုပ်အကိုင်တွေ ရတယ်။ အလုပ်အကိုင်တွေရတဲ့အတွက်ကြောင့် ၀င်ငွေတွေ ရလာတယ်။ ၀င်ငွေတွေ ရတဲ့အတွက်ကြောင့် နေနိုင်တယ်၊ စားနိုင်တယ်။ ကလေးတွေကို ကျနော်တို့ ကျောင်းထားနိုင်တယ်။ နေထိုင်မကောင်းဖြစ်ရင် ကျနော်တို့ ဆေးဝါးကုသနိုင်တယ်။ အဲဒီတော့ စီးပွားရေးနဲ့ လူမှုရေးဟာ ဒွံတွဲပြီးတော့ ပါလာတယ်။ အဲဒီတော့ တိုင်းပြည်မှာ ကျနော်တို့ စီးပွားရေးကို ထိထိရောက်ရောက် ဖြစ်ဖြစ်မြောက်မြောက်ဖြစ်အောင် ထူထောင်ဖို့ကြတော့ ကျနော်တို့မှာ လိုအပ်ချက်တွေ ရှိတယ်။

လိုအပ်ချက်က တစ်အချက်ကဘာလဲဆိုရင် ကျနော်တို့မှာ ရင်းနှီးမြှုပ်နှံဖို့ အရင်းအနှီး ကျနော်တို့မှာ လုံလုံလောက်လောက်မရှိဘူး။ ပြည့်ပြည့်စုံစုံ မရှိဘူး။ နောက်တစ်ခုကတော့ နည်းပညာပိုင်းပေါ့။ နည်းပညာပိုင်းနဲ့ ပတ်သက်ပြီးတော့လည်း ကျနော်တို့က နောက်ကျနေတယ်။ တတိယ အချက်ကတော့ လူ့စွမ်းအားအရင်းအမြစ်တွေ။ လူ့စွမ်းအားအရင်းအမြစ်တွေ ကတော့ ခင်ဗျားတို့သိတဲ့အတိုင်းပဲ။ အခုပဲ နေရာအနှံ့မှာ တက္ကသိုလ်တွေ ထောင်ပြီးတော့ အခုမှ မွေးမြူနေရတဲ့ အနေအထားရှိတယ်။ အဲဒီတော့ အရေအတွက်တွေကတော့ အထိုက်အလျောက် ကျနော်တို့ရတယ်။ သို့သော်လည်း ဒီအရေအတွက်တွေကို အရည်အချင်းအဖြစ် ပြောင်းလဲဖို့ မှာ ကျောင်းကပြီးတာနဲ့ ကျနော်တို့ လုပ်ငန်းခွင်မှာဝင်ပြီးတော့ အလုပ်လုပ်နိုင်တဲ့ အရည်အချင်းတွေ ပြောင်းလဲဖို့အတွက် ဒါတွေလည်း ကျနော်တို့ ဆောင်ရွက်နေပါတယ်။ အဲဒီတော့ ကျနော်တို့မှာ အရင်းအနှီးမရှိဘူး။ နောက် နည်းပညာ နောက်ကျနေတယ်။ ဒီအတွက်ကြောင့် ကျနော်တို့က နိုင်ငံခြားရင်းနှီးမြှုပ်နှံမှုတွေကို ကျနော်တို့က ဖိတ်ခေါ်ရတာ။ နိုင်ငံခြားရင်းနှီးမြှုပ်နှံမှုတွေကို ဖိတ်ခေါ်ရတာ။

အဲဒီတော့ နိုင်ငံခြား ရင်းနှီးမြှုပ်နှံဖို့ဆိုတာ ကျနော်တို့နိုင်ငံကို လာပြီးတော့ ရင်းနှီးမြှုပ်နှံချင်ကြပါတယ်။ ဘာဖြစ်လို့လဲဆိုတော့ ကျနော်တို့မှာ သဘာဝရဲ့ အခြေခံအရင်းအမြစ်တွေက ကျနော်တို့ အများကြီးရှိပါတယ်။ gas တွေ၊ oil တွေ၊ သစ်တောတွေ၊ သားငါးတွေရှိတယ်။ ရာဘာတွေရှိတယ်။ နောက်တခါ စားသုံးကုန်ပစ္စည်းတွေနဲ့ပတ်သက်ပြီးတော့လည်း အစားအသောက်မျိုးစုံ ထုတ်လုပ်နိုင်တဲ့ လယ်ယာကဏ္ဍ ဒါတွေ ကျနော်တို့မှာရှိနေတယ်။ ရင်းနှီးချင်တဲ့နိုင်ငံတွေက အများကြီးပါ။ အခုလည်းပဲ ခုနကလို တစ်ရက်ခြားနီးပါးလောက်က အမြဲတမ်း စီးပွားရေးလုပ်ငန်းရှင်တွေနဲ့ ထိတွေ့နေရတဲ့အနေအထား ရှိပါတယ်။ အဲဒီတော့ နိုင်ငံခြားသားက လာရောက်ပြီးတော့ ရင်းနှီးမြှုပ်နှံဖို့ ငွေထုပ်ကြီးကိုပိုက်ပြီးတော့ ကျနော်တို့နိုင်ငံကိုလာ ရင်းနှီးမြှုပ်နှံဖို့ဆိုတာ တကယ်တော့ ကျနော်တို့နိုင်ငံကို ချစ်လွန်းအားကြီးလို့၊ ကျနော်တို့ကို ဖွံ့ဖြိုးတိုးတက်စေချင်လို့ လာပြီးတော့ ရင်းနှီးမြှုပ်နှံတာမဟုတ်ပါဘူး။ ဒီရည်ရွယ်ချက်က နည်းပါတယ်။ အဓိက ကတော့ သူတို့အတွက် ဘာအကျိုးရှိမလဲ၊ အကျိုးအမြတ် ဘယ်လောက်ရနိုင် မလဲ။ နောက်တစ်ခု သူတို့ကို ဘယ်လိုအကာအကွယ်ပေးမလဲ။ နောက်တစ်ခုက သူတို့ရဲ့ မျှော်မှန်းချက်၊ ရည်မှန်းချက်တွေက ဘာတွေရှိလဲ ဒါတွေကို သူတို့ကြည့်မယ်။ ဒါတွေကို ကြည့်တဲ့အခါမှာ ဘာတောင်းလဲဆိုတော့ ပထမဆုံး Foreign Investment Law ကိုတောင်းတယ်။ အဲဒီတော့ Foreign Investment Law နဲ့ပတ်သက်ပြီးတော့ ကျနော်တို့မှာ ဥပဒေဟာ ပတ်ဝန်းကျင်မှာရှိနေတဲ့ ရင်းနှီးမြှုပ်နှံချင်သူတွေရဲ့ နိုင်ငံတွေနဲ့ လိုက်လျောညီထွေ မဖြစ်ဘူး။ မဖြစ်တဲ့အတွက်ကြောင့် ဒီ Foreign Investment Law ကို ပြီးခဲ့တဲ့နှစ်က ပြန်ပြီးတော့ ရေးဆွဲတယ်။ နိုင်ငံ လေး ငါး ခြောက်နိုင်ငံလောက်ကို စံနမူနာယူပြီးတော့မှ ဒီ law ကို ကျနော်တို့ ပြန်ရေးဆွဲတယ်။ ရေးဆွဲပြီးတော့မှ လွှတ်တော်ထဲမှာလည်း တော်တော်လေး အခြေအတင် ဆွေးနွေးကြ၊ ပြုကြနဲ့ ဒီလိုတွေ ကျနော်တို့ လုပ်ရပါတယ်။ အခုတော့ ခုနကလို နိုင်ငံခြားရင်းနှီးမြှုပ်နှံမှု ဥပဒေဟာ ကျနော်တို့ ပြဌာန်းပြီးဖြစ်ပါတယ်။ လာရောက်ပြီးတော့ ရင်းနှီးမြှုပ်နှံမယ့်နိုင်ငံတွေကလည်း ဘာပဲဖြစ်ဖြစ် ဒီဥပဒေကို သဘောကျပါတယ်။ ဒီအခက်အခဲတခုကတော့ ကျနော်တို့ ကျော်လွှားနိုင်တယ်။

နောက်ပြီးတော့ နောက်တစ်ခု ရင်းနှီးမြှုပ်နှံတာ။ စက်ရုံတွေဆောက်တယ်။ အလုပ်ရုံတွေဆောက်တယ်။ ကုန်ပစ္စည်းတွေထုတ်တယ်။ ထွက်လာတဲ့ ကုန်ပစ္စည်းတွေကို မ၀ယ်ဘူး၊ မပြုဘူး ပိတ်ပင်ထားတယ်ဆိုရင် ဘယ်သူမှလာပြီးတော့ ရင်းနှီးမြှုပ်နှံမှာ မဟုတ်ပါဘူး။ အဲဒီတော့ ဒုတိယအခက်အခဲကတော့ ဒီဟာက sanctions နဲ့သွားပြီးတော့ ဆိုင်ပါတယ်။ အဲဒီတော့ ကျနော်တို့ ဒီမိုကရေစီကိုလိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ်ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲအတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်ပြောပါတယ်။

ဦးသန်းလွင်ထွန်း။ ။ သမ္မတကြီးဆိုလိုချင်တဲ့သဘောကတော့ အနောက်နိုင်ငံတွေရဲ့ ပိတ်ဆို့ထားမှုကို ရုတ်သိမ်းဖို့ အထူးလိုအပ်နေပြီ။ လိုအပ်နေတဲ့အချိန်မှာ လက်ရှိမှာ တဖက်မှာလည်း အလုံးစုံ မဖြေဖျောက်နိုင်သေးတဲ့ကိစ္စက မြန်မာနိုင်ငံရဲ့ ပြုပြင်ပြောင်းလဲတဲ့အပေါ်မှာ သူတို့ကြည့်ပြီးတော့ ဆုံးဖြတ်နေတယ်ဆိုတဲ့ သဘောပေါ့။ အဲလိုဆိုရင် မြန်မာပြည်ရဲ့ ပြုပြင်ပြောင်းလဲ့မှုလုပ်ငန်းတွေမှာ ကြုံတွေ့နေရတဲ့ အတားအဆီးလေးတွေ၊ အခက်အခဲလေးတွေ၊ မပြေပျောက်နိုင်သေးတဲ့ အချက်လေးတွေရှိပါတယ်။ အဲဒါလေးတွေကို တချက်လောက်ပြန်ပြောပြပေး ပါလား။

သမ္မတ ဦးသိန်းစိန်။ ။ ကျနော်စောစောကပြောသလိုပေါ့။ ကျနော်တို့မှာသက်တမ်းအားဖြင့် ၂နှစ်ပဲရှိသေးတယ်။ ဒါအစိုးရဲ့ သက်တမ်း လွှတ်တော်ရဲ့ သက်တမ်းပေ့ါ။ နောက်ပြည်သူလူထုကလည်း ဒီမိုကရေစီနဲ့ ကင်းကွာနေတာ ကြာခဲ့ပြီ။ အတွေ့အကြုံနည်းတယ်။ အလေ့အကျင့်က နည်းတယ်ဆိုတဲ့အတွက်ကြောင့်၊ တစ်အချက်က လွတ်လပ်မှုအခွင့်အရေး ပိုင်းက ပေးသင့်သလောက် ကျနော်တို့ကပေးပြီးသွားပြီ။ တချို့ကိစ္စတွေ ကျတော့လည်း ကန့်သတ်မှုတွေ ကျနော်တို့ရှိခဲ့တယ်။ ပြည်သူအပိုင်းကလည်း တာဝန်ယူမှု၊ တာဝန်ရှိမှု၊ တာဝန်သိမှုက နည်းပါးသေးတယ်။ နည်းပါးသေးတဲ့အတွက်ကြောင့် တချို့ကိစ္စတွေမှာလည်း ကျနော်တို့ အရေးယူ ရတာတွေ ဆောင်ရွက်ရတာတွေ၊ ဒါတွေကျနော်တို့ရှိပါတယ်။ ဒါတွေကို အကြောင်းပြပြီး ဒီအပေါ်မှာ စောင့်ကြည့်နေတဲ့ စောင့်ကြည့်နေတဲ့ သဘောထားတွေရှိပါတယ်။ အဲတော့ ကျန်တာတွေကတော့ ကျနော်တို့ တက်နိုင်သလောက်တော့ ကျင့်သုံးတဲ့ စနစ်နဲ့ လိုက်လျောညီထွေဖြစ်အောင်လို့ ကျနော်တို့ များစွာပြောင်းလဲပြီး ပေးနေတယ်။ သို့သော်လည်းပဲ တချို့ကိစ္စတွေက ဥပမာ ကျနော်တို့ ဆိုကြပါစို့ ယုံမှားသံသယဖြစ်တဲ့ ကိစ္စတွေလည်း ကျနော်တို့ ရှိခဲ့ပါတယ်။ ဥပမာ မြောက်ကိုရီးယားနဲ့ လက်နက်ခဲယမ်းကိစ္စတွေနဲ့ ပတ်သက်ပြီးကျနော်တို့ ဆက်သွယ်တယ်တို့၊ သံသယတွေနဲ့ ကျနော်တို့ကို စောင့်ကြည့်နေတဲ့ သဘောပါပဲ။ မြန်မာနိုင်ငံမှာ အဏုမြူလုပ်နိုင်တဲ့အနေအထားလဲမရှိပါဘူး။ ပိုက်ဆံလည်းမရှိပါဘူး။ အတတ်ပညာလည်းမရှိပါဘူး။ သူများကလည်း ဘယ်သူမှ ကျနော်တို့ကို လာပြီးလုပ်ပေးမှာမဟုတ်ပါဘူး။ လုပ်ရင်လည်းကျနော်တို့ အကုန်လုံးဝိုင်းပြီးတော့ ကန့်ကွက်ကြမှာဖြစ်ပါတယ်။ သို့သော်လည်း မြောက်ကိုရီးယားကို ကျနော်တို့ ဆက်ဆံရတာတွေရှိပါတယ်။ ဟိုတုန်းက ကျနော်တို့ အကုန်ပိတ်ဆို့ထားတဲ့အခါမှာ ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရတက်လာတဲ့အခါမှာ စစ်ရေးအားဖြင့်ဆက်သွယ်မှုတွေလုံးဝမရှိပါဘူး။ သံတမန်ပဲရှိပါတယ်။ သို့သော်လည်း ဒီအပေါ်မှာ ကျနော်တို့ အနည်းလေး မယုံသင်ကာမှုတွေနဲ့ရှိတဲ့ သဘောမျိုးဖြစ်မယ်လို့ ကျနော်တို့ထင်ပါတယ်။ ခုနကလို ကျနော်တို့ကို sanction တွေရုတ်ပေးပါ၊ ရုပ်ပေးပါလို့ ပြောပေမဲ့လည်း၊ သူတို့ရဲ့ အခြေအနေက ဒီလိုကြည့်နေရတဲ့ အခြေအနေရှိနေတယ်လို့ ကျနော်ထင်ပါတယ်။ ဒါကြောင့်မို့ ကျနော်အတင်းအကြပ်တော့ မတောင်းဆိုပါဘူး။ သို့သော်လည်း ကျနော်တို့ ဒီမိုကရေစီစနစ် ရှင်သန်ဖွံ့ဖြို့ဖို့ဆိုရင် စီးပွားရေးဖွံ့ဖြိုးတိုးတက်ဖို့လိုတယ်။ အဲတော့ စီးပွားရေးဖွံ့ဖြိုးတိုးတက်ဖို့ဆိုရင် ဒီလို ပိတ်ဆို့တားဆီးမှုတွေက အဟန့်အတားတွေဖြစ်စေတယ်။ အဟန့်အတားတွေကို ကျနော်တို့က တတ်နိုင်သလောက်ဖယ်ရှားပေးဖို့ ဆိုတဲ့ ဒီသဘောလောက်ပါပဲ။

ဦးသန်းလွင်ထွန်း။ ။ ဟုတ်ကဲ့ သံသယတွေဖြေဖျောက်သွားပြီဆိုရင်တော့ မကြာခင်မှာရုတ်သိမ်းမှုတွေ လုပ်လာမှာပေါ့။ သမ္မတကြီးပြောသွားတဲ့ အထဲမှာ မြန်မာပြည်သူလူထုအနေနဲ့ လွတ်လပ်မှုတွေ အခုပိုပြီးရလာတဲ့ အချိန်မှာ တချို့လည်း ကျင့်သားမရသေးဘူးလို့ ပြောသွားပါတယ်။ ဒါနဲ့ပတ်သက်ပြီးတော့ ဒေါ်အတာ မေးထားတဲ့ မေးခွန်းလေးတခုကို ကျနော်တွေ့ပါတယ်။ ဒေါ်အတာကတော့ ဒီက ၀ါရှင်တန်ဒီစီမှာ လူငယ်ပိုင်းမှာ တော်တော်လေးကို တက်တက်ကြွကြွလုပ်ဆောင်တဲ့ အမျိုးသမီးတဦးပါ။ သူက မြန်မာနိုင်ငံရဲ့ တရားဥပဒေနဲ့ပတ်သက်ပြီးတော့ သမ္မတကြီးတို့အစိုးရအနေနဲ့ လုပ်ကိုင်နေတာလေးတွေနဲ့ ပတ်သက်ပြီးမေးချင်ပါတယ်လို့ပြောပါတယ်။

ဒေါ်အတာ။ ။ မင်္ဂလာပါရှင်။ သမ္မတကြီးကို ကျမအနေနဲ့ မေးချင်တာက လက်ရှိ အခြေအနေက ရရှိထားတဲ့ ပါဝါ အနေနဲ့ ကျမတို့ ဒီ ၂၀၀၈ ဥပဒေ ဆိုတဲ့ လူတစု အတွက် ဖွဲ့စည်းထားတဲ့ အခြေခံ ဥပဒေ ဘယ်တော့ ပြင်မှာလဲဆိုတာကို ကျမအနေနဲ့ သိချင်ပါတယ်။ နောက်တခုက ကျမတို့ အခု လက်ရှိဖြစ်ပေါ်နေတဲ့ လက်ပံတောင်းတောင်မှာ တရုတ် ကိုလိုနီတွေ အနေနဲ့ သိမ်းပိုက်နေတဲ့ လယ်ယာ ဘယ်တော့ ရပ်တန့်မှာလဲ။ အဲဒီ ရပ်တန့်မှုတွေ အပေါ်မှာ လူထုအနေနဲ့ နှိုးကြွလာမှုတွေနဲ့ ပတ်သက်ပြီး ဆန္ဒပြမှုတွေ ဖြစ်လာတဲ့အခါမှာ ဆန္ဒပြမှုတွေကို မျက်လှည့်ပြတဲ့ အနေနဲ့ ကျမတို့ ဒီနေ့ပဲ၊ နောက်အပတ်လောက် ဆိုရင်တော့ ဒီပဲရင်း ဆယ်နှစ်ပြည့် ပါတော့မယ်။ ဒီပဲရင်းကို လုပ်ကြံခဲ့တဲ့ လူတစုအနေနဲ့ ကျမတို့ ဗမာ ပြည်သူ လူထုတွေကနေပြီးတော့ ကုလားနဲ့ တိုက်ပြီးတော့ ဘာသာရေး အဓိကရုဏ်း လုပ်နေတဲ့ ဟာကို သမ္မတကြီး အနေနဲ့ ဘယ်လိုများ ဖြေရှင်းနိုင်မလဲ၊ အရေးယူပေးနိုင်မလဲ ဆိုတာ သိချင်ပါတယ်။

သမ္မတဦးသိန်းစိန်။ ။ ဒီမေးခွန်းနဲ့ ပတ်သက်ပြီးတော့ တချို့ ကိစ္စတွေကလည်း တဖက်က အမြင်ပဲဖြစ်ပါတယ်။ တဖက်က အမြင်ဆိုတော့ အလုံးစုံတော့ မှန်ချင်မှ မှန်မယ်ပေါ့။ တဖက်ထဲက ကြည့်ရင်တော့ ၀ါးခြမ်းပဲ မြင်နေမှာပါ။ ဒီဘက်ကကြည့်ရင်လည်း ၀ါးခြမ်းပဲ မြင်နေမှာပဲ။ နှစ်ဘက်လုံးက လှည့်ပတ်ကြည့်မှသာ ၀ါးလုံးပါလား ဆိုပြီး သိရမှာမြင်ရမှာဖြစ်ပါတယ်။ အဲဒီတော့ ဖွဲ့စည်းပုံ အခြေခံဥပဒေဟာ လူတစုအတွက် မဟုတ်ပါဘူး။ လူအများထောက်ခံ အတည်ပြု ထားတဲ့ ဖွဲ့စည်းပုံ အခြေခံ ဥပဒေဖြစ်ပါတယ်။ နောက် ဖွဲ့စည်းပုံ အခြေခံဥပဒေ ဆိုတာ သော့ခတ်ထားတဲ့ သံမဏိမျိုး ဟုတ်ပါဘူး။ သူ့မှာ ပြင်ဆင်နိုင်တဲ့ amendment ပါပြီးသားဖြစ်ပါတယ်။ အဲတော့ ဖွဲ့စည်းပုံ အခြေခံဥပဒေကို ပြင်ဆင်မယ် ဆိုရင် ဒီ amendment သူ့မှာ လုပ်ထုံးလုပ်နည်းတွေ ရှိပါတယ်။ ဒီ လုပ်ထုံးလုပ်နည်းတွေ အတိုင်း ကျနော်တို့ ပြင်ဆင်လို့ ရပါတယ်။ ဒီဟာက တချက်ပေါ့နော်၊ နောက် လက်ပံတောင်းတောင် ကိစ္စနဲ့ ပတ်သက်ပြီးတော့ ဆန္ဒပြနိုင်တဲ့ အခွင့်အရေးတွေ နိုင်ငံတော်ကနေပြီးတော့ တရားဝင် ဥပဒေနဲ့ ပြဌာန်း ပေးထားတာဖြစ်ပါတယ်။ တဖက်က ဒီဥပဒေနဲ့ အညီ ပြဖို့ လိုပါတယ်။ ဒီကိစ္စတွေဟာ ကျနော်တို့ အစိုးရဖြစ်လာတော့မှ ပေါ်ပေါက်လာတဲ့ ကိစ္စတွေ မဟုတ်ပါဘူး။ အရင်တုန်းက စာချုပ်စာတမ်း အရ လုပ်ခဲ့ ပြုခဲ့ကြတဲ့ ကိစ္စ ကျနော်တို့က ၀င်ပြီး ဖြေရှင်းပေးတဲ့ သဘောပဲဖြစ်ပါတယ်။ ဒီမှာ ကျနော်တို့ ရက်ရက်စက်စက် သတ်တယ်ဖြတ်တယ် ဆိုတာလဲ intentionally လုပ်တာပြုတာ မဟုတ်ပါဘူး။ ရဲကတော့ တရားဥပဒေ ထိန်းသိမ်းရေး အရ တကမ္ဘာလုံးမှာ လုပ်ရိုးလုပ်စဉ် ထိန်းသိမ်းနည်းတွေနဲ့ ထိန်းသိမ်းရတာဖြစ်ပါတယ်။ သို့သော်လည်းပဲ ဘုန်းကြီးရဟန်းတွေ ကျနော်တို့လည်း ဗုဒဘာသာ တဦးပါ။ ဘုန်းကြီးရဟန်းကို ရှိခိုး ဦးခိုက်နေရပါတယ်။ ဒီဘုန်းကြီး ရဟန်းတွေလည်း ကျနော်တို့ ဒီလို ဖြစ်ချင်တဲ့ ဆန္ဒတွေ မရှိပါဘူး။ သို့သော်လဲ ကျနော်တို့ မမျှော်လင့်ပဲနဲ့ အခန့်မသင့်ပဲနဲ့ ဖြစ်သွားတဲ့ ကိစ္စတွေပါပဲ။ ဖွဲ့စည်းပုံ အခြေခံဥပဒေနဲ့ ပတ်သက်ပြီး ပြန်ပြောရမယ် ဆိုရင် ကျနော်တို့ ပြင်နိုင်ပါတယ်။ Amendment ကျနော်တို့ ရှိတယ်။ လူတစုအတွက် ဆိုတာကတော့ စွပ်စွဲတာပဲဖြစ်တယ်။ ဘာကြောင့်လဲဆိုရင် ကျနော်တို့ ရာခိုင်နှုံးအားဖြင့် ပြောလို့ရတယ်။ ပြည်သူလူထု ဘယ်လောက်ထောက်ခံလဲ ဆိုတာ ဖွဲ့စည်းပုံ အခြေခံဥပဒေရဲ့ ပထမ၊ ဒုတိယ စာမျက်နှာတွေမှာ ကျနော်တို့ ပါပြီး ဖြစ်ပါတယ်။ သို့သော်လည်း ကျနော်တို့ ဒါ သံမဏိစည်းမျဉ်း ဟုတ်ဘူး။ သော့ခတ်ထားတာ မဟုတ်ဘူး။ amendment ကျနော်တို့ ပေးထားတယ်။ လွှတ်တော်က ပြင်နိုင် တယ်။ ပြည်သူက ပြင်နိုင်တဲ့ အနေအထား ကျနော်တို့ ရှိပါတယ်။

ဦးသန်းလွင်ထွန်း။ ။ ကျနော် ဖြည့်စွက်မေးချင်တာလေးတစ်ခုကတော့ အုပ်ချုပ်ပုံ အခြေခံ ဥပဒေ ပြုပြင်ရေးနဲ့ ပတ်သက်လို့ပေါ့။ လာမယ့် ၂၀၁၅ ခုနှစ်မှာ ဆိုလည်း နောက်ထပ်ရွေးကောက်ပွဲ တစ်ခု စပါမယ်။ ဒီနေရာမှာ မြန်မာနိုင်ငံရဲ့ ၂၀၀၈ ခုနှစ်၊ ဖွဲ့စည်းပုံ အခြေခံဥပဒေနဲ့ ပတ်သက်လို့ ထောက်ပြနေကြတဲ့ ကိစ္စ တစ်ခုကတော့ လွှတ်တော်ထဲမှာ စစ်တပ်က ၂၅ % ပါနေတဲ့ ကိစ္စပေါ့နော်။ အဲဒီကိစ္စကို ပြန်ပြီးတော့ သုံးသပ်ဖို့၊ ပြင်ဆင်ဖို့လည်း လွှတ်တော်ထဲမှာ ဆွေးနွေးနေကြတာတွေ၊ တင်ပြလာတာတွေလည်း ကျနော်တို့ ကြားရပါတယ်။ အဲဒါနဲ့ပတ်သက်လို့ သမ္မတကြီးတို့ အစိုးရပိုင်းရဲ့ သဘောထားကရော ဘယ်လိုရှိပါသလဲ၊ သိချင်ပါတယ်။

သမ္မတဦးသိန်းစိန်။ ။ ပွင့်ပွင့်လင်းလင်းပေါ့ဗျာ။ ကျနော်တို့ တပ်မတော်နဲ့ ပတ်သက်ပြီးတော့ - ခင်ဗျားတို့လည်း သိပါတယ်။ လွတ်လပ်ရေး စပြီးတော့ ကြိုးပမ်း ကတည်းက ဗိုလ်ချုပ်အောင်ဆန်းက တပ်မတော်ရဲ့ ခေါင်းဆောင် တစ်ဦးပါ။ ဗိုလ်ချုပ်အောင်ဆန်းက တပ်မတော်ကို ဖွဲ့ပေး လိုက်ပြီးတော့မှ ဒီ တပ်မတော်နဲ့ ပြည်သူလူထု ပူးပေါင်းပြီး လွတ်လပ်ရေး ရအောင် ကြိုးပမ်းဆောင်ရွက်ခဲ့တာ ဖြစ်ပါတယ်။ ကျနော်တို့ရဲ့ သမိုင်းကြောင်းမှာ တပ်မတော်ဟာ --- (၁း၀၁) အဖွဲ့အစည်း တစ်ခု ဖြစ်ပါတယ်။ ဒီဘက်ပိုင်းမှာလည်း လွတ်လပ်ရေးနဲ့ အတူ ပေါက်ဖွားလာတဲ့ လူမျိုးစု လက်နက်ကိုင် ပဋိပက္ခတွေနဲ့ တိုင်းပြည်ဟာ ဆူဆူပူပူဖြစ်ပြီးတော့ အစိုးရတောင်မှာ ရန်ကုန်အစိုးရ ဆိုပြီးတော့တောင်မှ ပြောတာ ဆိုတာ ခံရတာ ရှိပါတယ်။ အဲဒီတော့ တိုင်းပြည်က အခုနကလို သောင်းကြမ်းမှု အန္တရာယ်တွေနဲ့ ဒုက္ခသုက္ခတွေ ရောက်နေတဲ့အချိန်မှာ ကျနော်တို့ တပ်မတော်ကပဲ ဝင်ပြီးတော့မှ ဒီအခက်အခဲတွေ၊ အကျပ်အတည်းတွေ- ဒါတွေကို ဝင်ပြီး ဖြေရှင်း ဆောင်ရွက်ပေးတဲ့ အနေလည်း ရှိပါတယ်။ အဲဒီတော့ ကျနော် ပြောချင်တာက ကျနော်တို့ တပ်မတော်ဟာ ကျနော်တို့ သမိုင်းကြောင်း အခြေခံတွေက တခြား နိုင်ငံက တပ်မတော်တွေနဲ့ တူချင်မှ တူမယ်ပေါ့လေ။ လွတ်လပ်ရေး ကြိုးပမ်းမှု သမိုင်းမှာလည်း ပြည်သူနဲ့ပူးပေါင်းပြီးတော့ မှ ဆောင်ရွက်ခဲ့တာတွေ ရှိတယ်။ တိုင်းပြည်မှာ အခက်အခဲ အကြပ်အတည်းတွေ ဖြစ်ပေါ်လာတဲ့အခါမှာလည်း အခုနကလို တပ်မတော်ဟာ ကျရာ အခန်းကဏ္ဍကနေပြီး ပါဝင်ဆောင်ရွက်ပေးခဲ့တာ ရှိပါတယ်။ ဒါကြောင့်မို့လို့ မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။

အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်။

ဦးသန်းလွင်ထွန်း။ ။ မြန်မာနိုင်ငံမှာ လုပ်ဆောင်နေတဲ့ ကိစ္စတွေဟာ အင်မတန် အပြုသဘောဆောင်တဲ့ အကြောင်းအရာတွေအပေါ်ကို တစ်ခါ တစ်ခါ --- တဲ့ အမည်းစက်တွေ ရှိပါတယ်။ ရုပ်ဆိုးအကျည်းတန်တဲ့ ကိစ္စရပ်တွေပေါ့နော်။ အထူးသဖြင့် ရခိုင်ပြည်မှာ ဖြစ်ခဲ့တဲ့ ကိစ္စလိုမျိုး၊ ဘာသာရေးနဲ့ ပတ်သက်တဲ့ အဓိကရုဏ်းတွေပေါ့နော်။ ဒီကိစ္စတွေနဲ့ ပတ်သက်လို့ကတော့ တိုင်းပြည်တစ်ပြည်ရဲ့ အပြုသဘောဆောင်နေတဲ့ အခြေအနေတွေ ကြားထဲမှာ လက်ညှိုးထိုးပြစရာ အမြင်မျိုး ဖြစ်နေတယ်ဆိုတော့- ဒီကိစ္စနဲ့ ပတ်သက်ပြီးတော့ ဘာသာရေးအကြောင်းအရာနဲ့ ပတ်သက်ပြီးတော့ မေးမြန်းဖို့ ဆိုပြီးတော့ ဦးဝင်းအောင်ရှိနေပါတယ်။ ဦးဝင်းအောင်အနေနဲ့ ထပြီးတော့ မေးနိုင်ပါတယ်။ ဦးဝင်းအောင်ကတော့ အစောပိုင်းက ကျနော်တို့ ဗွီအိုအေရဲ့ ဌာန ဝန်ထမ်းဟောင်းပါပဲ။

ဦးဝင်းအောင်။ ။ ကျနော် ဝင်းအောင်ပါ။ ကျနော်တို့ ညီအကိုမောင်နှမ ၁၂ ယောက်ရှိတယ်။ မြန်မာပြည်က ထွက်လာ ပြီးတဲ့နောက် အနှစ် ၂၀ ကြာတဲ့ အခါမှာ တော်တော်များများ ကွယ်လွန်သွားတာ - အခု ပြုပြင်ပြောင်းလဲမှု အရ ကျနော် မြန်မာပြည်ကို ပြန်ရောက်ပြီးတော့ လည်ပတ်ခွင့် ရတဲ့အခါမှာ အသက်မသေ ရှင်ကျန်နေတဲ့ ညီအကို မောင်နှမတွေကို မသေခင်မှာ တွေ့ရတဲ့ အတွက် သမ္မတကြီးကို ကျေးဇူးတင်ကြောင်း အရင် ပြောလိုပါတယ်။ ကျနော် ဗွီအိုအေမှာ ၁၅ နှစ် မလုပ်ခင် မြန်မာ့အသံမှာ အနှစ် ၂၀ လုပ်ခဲ့ပါတယ်။ ကျနော်ဟာ အင်္ဂလိပ် ကျွန်ခေတ်မှာ မွေးပါတယ်။ ဂျပန်ခေတ်ကိုလည်း ကြုံပါတယ်။ နောက် ပြည်တွင်းစစ် ဖြစ်တော့လည်းပဲ ကျနော်တို့ ကွန်မြူနစ် အုပ်စိုးတာတို့-ဘာတို့ ဖြစ်လာတော့ နောက် ကျနော် မြန်မာ့ အသံမှာ အနှစ် ၂၀ လုပ်တဲ့ အခါမှာ အိမ်စောင့်အစိုးရ- စသဖြင့် ခေတ်အဆက် ဆက် နောက်ဆုံး ခေတ်အဆက်ဆက်ကို ကျနော် ကြုံခဲ့ပါတယ်။ ကျနော် သတင်းစာ ဆရာပါ။ နှစ်ပေါင်း ၅၀ ကျော် ကလောင် ကိုင်ခဲ့တဲ့သူပါ။ အဲဒီတော့ကာ ဒီလို မြန်မာပြည်မှာပေါ့လေ- ပြုပြင်ပြောင်းလဲရေး ဖြစ်လာတဲ့ အတွက် အင်မတန်ကို ဝမ်းသာစရာ ဖြစ်ပါတယ်။ နောက် ကျနော်တို့ မြန်မာပြည်ကို ပြန်ကြည့်တဲ့ အခါမှာ မြန်မာပြည်ကို ပြန်သွားချင်တဲ့ အခါမျိုးမှာ၊ အခုနက သမ္မတကြီး အမိန့်ရှိသလို ကျနော်တို့က အမြတ်ထုတ်ဖို့၊ Invest လုပ်ဖို့ မဟုတ်ပါဘူး။ ကျနော် အခုနက ပြောသလို ကျနော့် ညီအကို မောင်နှမအရင်းတွေ အဲဒီမှာ ရှိနေပါမယ်။ အဲဒီတော့ကာ မကြာသေးခင်က ဖြစ်နေတဲ့ ကိစ္စတွေ၊ အင်မတန် အကျည်းတန် အရုပ်ဆိုးတဲ့ ကိစ္စတွေ ဖြစ်နေတာက မြန်မာပြည်အတွင်းမှာ ဘယ်လောက်ထိ သိကြတယ်၊ မြင်ကြတယ်ဆိုတာကို မသိရပေမဲ့လို့ ပြည်ပမှာကတော့ သမ္မတကြီးလည်း သိတဲ့ အတိုင်းပါပဲ။ ဒီကနေ့ ခေတ်ပေါ် တိုးတက်တဲ့ နည်းပညာတွေအရ သမ္မတကြီးအိမ်မှာ နေ့လည်စာ ဘာတို့စရာနဲ့၊ ဘာဟင်းနဲ့ စားလဲဆိုတာကိုတောင်မှ သိလို့ မြင်လို့ရတဲ့ အခြေအနေမျိုး ဖြစ်သွားပါပြီ။

ဦးသန်းလွင်ထွန်း။ ။ ဦးဝင်းအောင်ခင်ဗျာ။ ဘာသာရေးနဲ့ ပတ်သက်တဲ့ ဦးဝင်းအောင် မေးစရာရှိတာကို မေးပေးပါ။

ဦးဝင်းအောင်။ ။ ဒီလို ဘာသာရေး အကျည်းတန်၊ အရုပ်ဆိုးတဲ့ ဖြစ်ရပ်တွေကို ပြင်ပမှာ မြင်နေရတဲ့ တွက်က သမ္မတကြီး ဦးဆောင်တဲ့ ပြုပြင်ပြောင်းလဲရေး လုပ်ငန်းစဉ်ကို အင်မတန် အကျည်းတန် အရုပ်ဆိုးစေပါတယ်။ အထူးသဖြင့် ဒီ မုန်းတီးရေးကို ဖန်တီးနေတဲ့- ပြောင်ပြောင်တင်းတင်း လုပ်နေတာကို တရားဥပဒေ စိုးမိုးရေး အရ ဘယ်လိုမှ ဘာကြောင့် အရေးမယူလဲ ဆိုတာ - ကျနော်ဟာ အစ္စလာမ် ဘာသာဝင် မူဆလင် တစ်ယောက်ပါ။ မွတ်ဆလင် တစ်ယောက် အနေနဲ့လည်း ကျနော် တော်တော် စိတ်မကောင်းဖြစ်ပါတယ်။ မြန်မာပြည် မှာ မွေးတဲ့ လူတစ်ယောက် အနေနဲ့လည်း ဝမ်းနည်းပါတယ်။ နောက် အနှစ် ၅၀ သတင်းသမားတစ်ယောက် အနေနဲ့လည်း ကျနော် အံ့သြမိပါတယ်။

ဦးသန်းလွင်ထွန်း။ ။ ဟုတ်ကဲ့၊ ကျေးဇူးတင်ပါတယ်၊ ဦးဝင်းအောင် ခင်ဗျ။ မေးချင်တဲ့ သဘောတော့ ကျနော် နားလည်ပါတယ်။ ကျနော် နားလည်တာက လက်ရှိ မုန်းတီးရေးတွေ လှုံဆော်နေတာတွေကို ဘာကြောင့် အရေးမယူသလဲ၊ အရေးယူမှု ရှိသလားဆိုတာကို သိချင်တယ်။

သမ္မတဦးသိန်းစိန်။ ။ ကျနော် ပြောရမယ်ဆိုရင်တော့ ကျနော်တို့ နိုင်ငံရေးအရ ပြုပြင်ပြောင်းလဲမှုတွေ လုပ်တယ်။ တခါ စီးပွားရေးအရ ပြုပြင်ပြောင်းလဲမှုတွေ လုပ်တယ်။ အဲတော့ အောင်မြင်မှုတွေလည်း ကျနော်တို့ အထိုက်အလျောက် ရပါတယ်။ အခက်အခဲတွေ စိန်ခေါ်မှုတွေ ဒါတွေလည်း ကျနော်တို့ တွေ့ရပါတယ်။ အဲတော့ ရခိုင်မှာဖြစ်တဲ့ ကိစ္စတွေက ဖြစ်ရိုးဖြစ်စဉ် ထပြီးတော့ ဖြစ်ကြတဲ့ ပုံစံမျိုးတော့ မဟုတ်ပါဘူး။ ရာဇ၀တ်ပြစ်မှု အပေါ်မှာ မူတည်ပြီးတော့ လူအုပ်စု တစုနဲ့ တစု မီးရှိုကြ အကြမ်းဖက်ကြနဲ့မှ ကြီးထွားလာတဲ့ ကိစ္စဖြစ်ပါတယ်။ ဒါနဲ့ပတ်သက်ပြီးတော့ စုံစမ်း စစ်ဆေးရေးကော်မရှင် ဖွဲ့ပါတယ်။ စုံစမ်းစစ်ဆေးရေးကော်မရှင်မှာ ဟိုဖက်က ဒေါက်တာ ပါပါတယ်။ ဒီကိစ္စနဲ့ ပတ်သက်ပြီးတော့ ဒေါက်တာ နဲနဲလေး ဖြေပေးလိုက်ပါ။

ဒေါက်တာကျော်ရင်လှိုင်။ ။ အချိန်အရဆိုတော့ အများကြီးတော့ ကျနော် မပြောတော့ပါဘူး။ သို့သော် ခြုံပြီးပြောမယ်ဆိုရင် တဖက်နဲ့တဖက် ယုံကြည်မှုတွေ လျှော့ပါးနေတာတွေ၊ နောက်ပြီး မုန်းတီးမှုတွေ ရှိနေတာက မြန်မာပြည်မမှာရော ရခိုင်ပြည်နယ်မှာပါ အတော်ကြာကြာ ရှိနေပြီးသားပါ။ ပြုပြင်ပြောင်းလဲမှုတွေ လုပ်လာတဲ့ အခါ ပွင့်လာတဲ့အခါ မကျေနပ်မှုတွေကို ပိုပြီး ပြလာတဲ့ အခြေအနေမှာရှိတော့ ဖြစ်သွားတဲ့ ရာဇ၀တ်မှုပေါ် မူတည်ပြီးတဲ့ အခါမှာ ရခိုင်ပြည်နယ်မှာ Community Level မှာပဲ အဓိက ဖြစ်ခဲ့တာပါ။ ဒါနဲ့ပတ်သက်လို့ Report ကိုလည်း လူပေါင်း နှစ်ထောင်ကျော်လောက်ကို အင်တာဗျူးပြီး ရေးခဲ့တာပါ။ ဒါနဲ့ ပတ်သက်လို့လည်း Online မှာ အင်္ဂလိပ်လိုရော မြန်မာလိုရော ရပါမယ်။ အဓိက ပြောချင်တာက မကျေနပ်မှုတွေ မုန်းတီးမှုတွေက အရမ်း များလာတဲ့ အခါမှာ အခွင့်အရေးယူပြီး မြောက်ထိုးပင့်ကော်မှုတွေကလည်း အများကြီး ပါလာတယ်။ အဲဒီ ပါလာတဲ့ အပိုင်းတွေက အခြေအနေတွေကို ပိုပြီး ဆိုးသွားစေတာပါ။ နောက် အစိုးရအနေနဲ့ အရေးယူမှုမပြုဘူးဆိုတာ အဲဒါတော့ မဟုတ်ပါဘူးဗျ။ မိတ္တီလာမှာ ပြီးပြီးတဲ့အချိန်မှာလည်း အရေးယူမှုတွေ အများကြီးလုပ်ပါတယ်။ ရခိုင်မှာလည်း ကျနော်တို့က အရေးယူမှုတွေ အများကြီးလုပ်ပါတယ်။ ရခိုင်မှာလည်း အရေးယူမှုတွေနဲ့ပတ်သက်ပြီး ကျနော်တို့ ကော်မရှင်အနေနဲ့က အားလုံးကို ကြည့်ခွင့်ရတဲ့အတွက် အရေးယူမှုတွေက အများကြီးလုပ်ထားပါတယ်။ နောက်ဆုံး တခု ပြောချင်တာက ဒီအစိုးရအနေနဲ့ ဘာမှ လုပ်မထားဘူးဆိုတာနဲ့ပတ်သက်လို့ Interfaith Dialogue တွေကို တနိုင်ငံလုံးအတိုင်းအတာနဲ့ လုပ်ဖို့ လုပ်နေပါတယ်။ ရခိုင်ပြည်နယ်နဲ့ပတ်သက်ပြီးတော့ ရခိုင်ပြည်နယ်တည်ငြိမ်ရေးနဲ့ ဖွံဖြိုးတိုးတက်ရေးတွေကနေ ဒါတွေကို လုပ်နေပါတယ်။ ရခိုင်ကော်မရှင်ကိစ္စ ပြီးသွားတော့ ဒီကိစ္စမှာ ပါဝင်ခဲ့တဲ့လူတွေနဲ့ ဆက်ပြီးလုပ်နေ ကျနော်တို့ အကြံပြုနေတယ် ၀င်ပြီး ကူညီနေတဲ့အချိန်မှာ ဒီ Interfaith Dialogue တွေကို ရန်ကုန်မှာလည်း လုပ်နေပါတယ်။ ရခိုင်မှာလည်း အဖွဲ့တွေက အစ္စလာမ်ဘာသာဝင်တွေ ဗုဒ္ဒဘာသာဝင်တွေ အတူတွဲသွားပြီးတော့ ကျယ်ကျယ်ပြန့်ပြန့်လုပ်ဖို့ ၀ိုင်းပြီးလုပ်နေကြပါပြီ။ အားလုံးကို ကျေးဇူးတင်ပါတယ်။

သမ္မတဦးသိန်းစိန်။ ။ ကိုသန်းလွင်ထွန်းရေ ကျနော်ကို ခွင့်ပြုပါ။ ကျနော် အစီအစဉ်လေးတခု ရှိနေလို့ ။ ကျန်တဲ့မေးခွန်းတွေကို ဖြေမယ့် ပုဂ္ဂိုလ်တွေ ရှိပါတယ်။ အားလုံးပဲ ကျနော့်ကို ခွင့်လွှတ်ပါ။

ဦးသန်းလွင်ထွန်း။ ။ ဟုတ်ကဲ့ သမ္မတကြီး။ ကျေးဇူးတင်ပါတယ်ခင်ဗျ။

Ref: VOA News

Read More...

“နောက်ကျော ဓားနဲ့ အထိုးခံခဲ့ရတာ”

May 20, 2013

၉ နှစ်တာမျှ နိုင်ငံတော် စာရင်းစစ်ချုပ်၊ ပြည်ထောင်စု စာရင်းစစ်ချုပ် အဖြစ် တာဝန်ထမ်းဆောင် ခဲ့ပြီး ယခုလက်ရှိ မွန်ပြည်နယ် ဘီးလင်းမြို့ အဝင်တွင် အောင်ပြည့်စုံ အမည်ရှိ ထမင်းဆိုင်ကို ဦးစီးဖွင့်လှစ် လုပ်ကိုင်နေသည့် အငြိမ်းစား ဗိုလ်ချုပ် လွန်းမောင် (ယခု ဦးလွန်းမောင်) ၏ ပြည်ထောင်စု စာရင်းစစ်ချုပ် တာဝန်မှ အနားပေး ခံခဲ့ရသော ဖြစ်ရပ်နှင့် ပတ်သက်၍ ဧရာဝတီ သတင်းထောက် မေခက သွားရောက်တွေ့ဆုံ မေးမြန်းခဲ့ပါသည်။

မေး။ ။ လက်ရှိရွေးချယ်ခဲ့တဲ့ ဘ၀က ဦးလွန်းမောင်အတွက် အံဝင်ခွင်ကျတဲ့ ဘ၀တခုလို့ ပြောလို့ရပါသလား။

ဖြေ။ ။ ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်မှာ ငယ်ငယ်က ဘ၀ ကြမ်းသလောက် မကြမ်းပါဘူး၊ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ ဘ၀မှာ နေပျော်နေဖို့ လိုပါတယ်။ အခုအချိန်မှာ ဒီအလုပ်အတွက် အချိန်တောင် မလောက်ပါဘူး။

မေး။ ။ နိုင်ငံတနိုင်ငံလုံးရဲ့ စာရင်းစစ်ချုပ် တယောက် ဘ၀ကနေ ဒီလိုမျိုး ဈေးရောင်းရတဲ့ ဘ၀တခုနဲ့ ဖြတ်သန်းဖို့ ဘယ်လိုစိတ်ကူး ရခဲ့တာလဲ။ အရင်ကတည်းက စိတ်ကူးထားခဲ့တာလား။

ဖြေ။ ။ ပြောင်းသွားတဲ့ ရည်ရွယ်ချက်ကတော့ ဒီလိုပါ။ နိုင်ငံတော်က အနားပေးလိုက်တယ် ဆိုတော့ နားလိုက်တာပေါ့။ နားချိန်မှာ အေးအေးဆေးဆေး နားချင်ပေမယ်လို့ အမျိုးသမီးရဲ့ လုပ်လက်စ ဒီဆိုင်လုပ်ငန်းကြီးရှိတော့ ကိုယ်က တယောက်တည်းကို လွှတ်ရုန်းလို့ မရဘူး။ မရတဲ့အခါ သူ့အလုပ်ကို ထောင့်ပေါင်းစုံ ဟာတဲ့ နေရာတွေမှာ လိုက်ဖြည့်ပြီး လုပ်ပေးတာပေါ့။ စားပွဲထိုး ၅ ယောက်လိုရင် အဲဒီနေရာကို ငါရအောင် လုပ်မယ်ဆိုတဲ့စိတ်နဲ့ နောက်ဆုံး ဗုန်းဗုန်းလဲသွားတဲ့ အထိပေါ့။ တချိန်တုန်းက နိုင်ငံ့ တာဝန်တွေ ထမ်းဆောင်နေတဲ့ အချိန်တုန်းကလို မိသားစုနဲ့နေလည်း မိသားစု တာဝန် ကျေရမယ်ဆိုတဲ့ စိတ်နဲ့ လုပ်ဖြစ်ခဲ့တာ။ အမျိုးသမီးကလည်း ကိုယ်မပါဘဲ တယောက်တည်း ပင်ပန်းနေခဲ့ရတာ ၁၀ နှစ်ကျော်ရှိပြီ။ ကိုယ်က အခု ဝင်လုပ်တာ လပိုင်းပဲ ရှိသေးတယ်။

မေး။ ။ နိုင်ငံတာဝန် ထမ်းဆောင်တာနဲ့ မိသားစုတာဝန် ထမ်းဆောင်တာ ဘယ်ဟာပိုခက်ခဲလဲ။

ဖြေ။ ။ ဒါကတော့ ရိုးစင်းတာပေါ့။ ဒါက ခက်ခဲပေမယ့် ခေါင်းမသုံး ရဘူးပေါ့။ ဘာလို့လဲ ဆိုရင် အဆင့်နိမ့်တာကိုး။ တပ်တာဝန် ကတော့ ဒီထက် အဆင့်မြင့်တာပေါ့။ တပ်မှာလည်း အမြင့်ဆုံးပေါ့ တပ်မတော် စစ်ဆေးရေး အရာရှိချုပ် လုပ်ခဲ့တာကိုး။ တပ်တာဝန် ကတော့ ကြီးတာပေါ့။ ကြီးတော့ ဦးဏှောက် စားရတာပေါ့။ ဒီဟာကတော့ ရိုးစင်းတဲ့ ဘ၀လေးပါ။

မေး။ ။ ဒီဘ၀ကိုကော ကျေနပ်နှစ်သက်ရဲ့လား။

ဖြေ။ ။ ကျေနပ်တာပေါ့။ ကြိုက်လို့ပဲ အခု ဖြတ်သန်းတာပေါ့။ အခုက ၀တ္တရား ကျေပွန်အောင် လုပ်တာမျိုး မဟုတ်ဘူး။ စေတနာနဲ့ လုပ်တာပေါ့။ ဒီမှာ အသေးစိတ်က အစ ကိုယ်တိုင် လုပ်တယ်။ ထန်းလျက် ထည့်တာက အစ သေချာထည့်တယ်။ စားပွဲက အစ ဝင်သုတ်တယ်။ ဒီလိုမျိုး ဖြတ်သန်းရတာက ဘာပဲပြောပြော စေတနာနဲ့ လုပ်ဆောင်နေတာမို့ စိတ်ချမ်းသာ နေရတာပေါ့။

မေး။ ။ အောက်ခြေသိမ်း အလုပ်ကို လုပ်ဆောင်တော့ အရင်ဘ၀နဲ့ တော်တော် ကွာဟသွားပြီ။ ဒီလို အချိန်မျိုးမှာ အခက်အခဲ မရှိဘူးလား။

ဖြေ။ ။ ပြောရရင် ဒီမှာ ခဏခဏ တပည့်တွေ လာစားတယ်။ နောက် ကိုယ့်သူငယ်ချင်းတွေ လာစားတယ်။ တခါတလေ တပည့်ဝိုင်းတွေကို သန့်ရှင်းရေး လုပ်ပေးရင် သူတို့က မစားရဲတော့ဘူး။ ကိုယ်က ပြောရတယ်၊ ငါ ဘာမှ မဟုတ်ဘူးလို့။ ဒီမှာက အဝေးပြေး ကားတွေက ၁ နာရီခြား၊ ၂ နာရီခြား လာတာဆိုတော့ အားချိန် မရှိဘူး။ ဒီအချိန်မှာ ငါသိတဲ့လူ ပါမှာပဲ ဆိုတဲ့စိတ်မျိုး မရှိဘူး။ ငါ့အလုပ် ငါလုပ်တယ်၊ နောက် ဒီအပေါ်မှာလည်း ဘာခံစားချက်မှ မရှိပါဘူး။

မေး။ ။ ဗိုလ်ချုပ်လွန်းမောင် အနေနဲ့ ဖြတ်သန်းရချိန်နဲ့ ဦးလွန်းမောင် အနေနဲ့ ဖြတ်သန်းရချိန် ဒီမှာ ကြုံလာတဲ့ လူတွေရဲ့ ဆက်ဆံမှု ဘယ်လို ကွာခြားလဲ။

ဖြေ။ ။ ကွာတယ်၊ တော်တော် ကွာတယ်။ ကိုယ့်ကို သိသူကတော့ အရင်က ဆက်ဆံမှု အတိုင်းပဲ ရှိပါတယ်။ လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိတယ်။ တော်တော်ကို မာနချနိုင်လို့ တော်တာ။ တော်တော်ကို မာနချရတယ်။ တခါကဆို မန္တလာမင်း ဒရိုင်ဘာက ဆိုင်ရှေ့မှာ တိုးရစ်ကား လာရပ်ထားတာကို တဘက်ကို ရွှေ့ဖို့ မပြောလို့ ကားမရှင်းထားရ ကောင်းလား ဆိုပြီး ရန်လာတွေ့တယ်။ စော်ကား ခံရတာတွေ အရမ်းများတယ်။ တော်တော် သည်းခံရတယ်။ ဟိုးတချိန်တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန်ကုန်မေ့လိုက်တော့မယ်။ ငါ အခု ဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန်တယောက်လို ငေါက်ငမ်း သွားတာမျိုးတွေတောင် ရှိတယ်။

မေး။ ။ နှစ် ၄၀ ကျော် တိုင်းပြည် အုပ်ချုပ်ခဲ့တဲ့ စစ်တပ်ရဲ့ သြဇာရှိတဲ့ လူတွေထဲမှာ တယောက် အပါအဝင် ဖြစ်ခဲ့တော့ လက်ရှိ အခြေအနေကို လက်ခံဖို့ လွယ်ကူခဲ့ရဲ့လား။

ဖြေ။ ။ ခက်တာတော့ တော်တော် ခက်ခဲတယ်။ ငယ်ငယ်ကတည်းက ခန္တီပါရမီ ရှိခဲ့တယ်လို့ ပြောရမှာပါ။ နောက်တခုက ဘ၀လည်း မမေ့ခဲ့တာပါမယ်။ နောက် မာနကတော့ ထားလို့တော့ မရဘူးပေါ့။ မာနကို ဘယ်မှာမှ မထားချင်တာ။ ကိုယ်လည်း ဆင်းရဲတဲ့ ဘ၀ကနေ တက်လာခဲ့တယ်။ အဖေကော အမေကောက ရှမ်းတွေ၊ မြန်မာစကား မတတ်ဘူး၊ ကိုယ်လည်း ရှမ်းစကားပဲ တတ်ခဲ့တာ၊ ဒီလိုဘ၀ကနေ ကိုယ်က ဗိုလ်ချုပ်ဖြစ်လာခဲ့တာ။ အောက်သက် ကျေခဲ့တဲ့ လူတယောက်ပါ။ နောက် ဒီဘ၀ကို ဘယ်တော့မှ မမေ့ခဲ့ဘူး။ ရာထူး ကြီးခဲ့ပေမယ့် သိပ်ပြီး မက်မက်မောမော မရှိခဲ့တော့ ခံသာပါတယ်။ အရင်က ဘ၀ကို သိပ်တွယ်တာ တပ်မက်နေတဲ့သူ ဆိုရင်တော့ ဘယ်ခံသာမလဲ။

မေး။ ။ ဗိုလ်ချုပ်ဘ၀မှာ ကြုံခဲ့ရတဲ့ အချိန်ရှားပါးမှုနဲ့ အခု လက်ရှိဘ၀ အချိန်ရှားပါးမှု ဘယ်ဟာက ပိုပြီး ကျေနပ်ဖို့ ကောင်းတယ်လို့ ထင်လဲ။

ဖြေ။ ။ ပြောရရင် အခုအချိန်က လူပင်ပန်းတယ်။ ဗိုလ်ချုပ် ဘ၀ကျတော့ ပိုတည်ငြိမ်တာပေါ့။ လူကြီး ဆိုတော့လေ။ ကိုယ်က အောက်က ကလေးတွေ တင်လာတဲ့ စာရင်းကို နိုင်ငံတော်အဆင့် မှန်မမှန် စစ်ပြီး လက်မှတ် ထိုးရတာ။ ကိုယ့်ထက် ကလေးတွေက ပိုအလုပ်များတယ်။ ဘယ်တော့မှ ဂုဏ်ယူမပြောဘူး။ ကိုယ် တခွန်းခိုင်းရင် သူတို့မှာ အလုပ်တွေ ရှုပ်ရပြီ။ တာဝန်ကြီးပေမယ့်လို့ အဆုံးအဖြတ် ပေးတဲ့အခါပဲ တာဝန်ယူရတော့ အဆုံးအဖြတ် မမှားဖို့ဘဲ။ ဒီမှာကျတော့ ဒီလို မဟုတ်ဘူးလေ။ တကယ့်ကို အချိန်ရှားတာ။

မေး။ ။ အနားပေးခံရတဲ့ အပေါ်မှာ ဘယ်လိုကြောင့် အပေးခံခဲ့ရတာလဲ။ အပြင်မှ သတင်းတွေ မျိုးစုံ ထွက်နေတော့ ကာယကံရှင် ကပဲ အမှန်တရား တခု ပြောပေးပါလား။

ဖြေ။ ။ ဒီကိစ္စတွေကို ပြန်မပြောချင်တော့ဘူး။ စေတနာ အမှားပေါ့။ တချို့သော သူတွေက ကိုယ့်စေတနာကို ကိုယ်ကျိုး သုံးခဲ့ကြတော့ ကိုယ်က ခံရတာပေါ့။ ဒီအပေါ် အာဃာတ မထားဘူး။ သမ္မတ ဘက်က ကြည့်တော့ မှန်တာပေါ့။ ကိုယ်စစ်ခဲ့တဲ့ စာရင်းတွေကို လွှတ်တော်က တဂျီဂျီ တောင်းခဲ့တယ်။ ဒါတွေက စစ်ပြီးသားတွေပဲလေ။ လွှတ်တော် ကလည်း ပေါ်လာခါစ ဆိုတော့ အလုပ်က မရှိဘူး။ ဒီစာရင်းတွေ ရမှ ငွေစာရင်း ကော်မတီက အလုပ် လုပ်ရမှာ။ ဒီတော့ စစ်ပြီးသားတွေ ပေးလိုက်တယ်။ ဒါကို အစည်းအဝေးမှာ အသုံးချရမှာကို လွှတ်တော် ကိုယ်စားလှယ်တွေကို ဖြန့်လိုက်တယ်။ ကိုယ်က အဲဒီအချိန် အိန္ဒိယရောက်နေတာ။ ပြန်ရောက်တော့ သူငယ်ချင်း တင်အောင်မြင့်ဦးက ဘတ်ဂျက်ကိစ္စ ၀ိုင်းကူပေးဆိုလို့ ကူညီပေးနေတာ၊ ဘာမှ မသိလိုက်ရဘူး။ နောက်ကျော ဓားနဲ့ အထိုး ခံခဲ့ရတာပေါ့။

မေး။ ။ ဒီစာရင်းတွေက အစိုးရ ထိပ်ပိုင်းတာဝန်ရှိသူတွေကို တော်တော်လေး တုန်လှုပ် သွားစေတဲ့ စာရင်းတွေ ဖြစ်ခဲ့တယ်၊ ဒါတွေကြောင့် အပြောင်းအလဲ တချို့ ဖြစ်ခဲ့တယ်လို့ ပြောနိုင်လား။

ဖြေ။ ။ တပ်မတော် တုန်းကလည်း ငွေစာရင်းကွာတာတွေ အများကြီးပဲ။ တပ်မတော် စစ်ဆေးရေး အရာရှိလည်း လုပ်ခဲ့တာကိုး။ နိုင်ငံတော် စာရင်းစစ်ချုပ် ဆိုတာ တပ်မတော် အောက်မှာ လုပ်ခဲ့ရတာကိုး။ အမုန်းခံပြီး ၀န်ကြီးတွေကို တွယ်ခဲ့ရတာ။ ပြည်သူတွေ မသိခဲ့ဘူး။ ကုန်ကုန်ပြောရရင် ၀န်ကြီး တော်တော်များများ ကတော့ ၀မ်းသာမှာပါ။ ဘာကြောင့်ဆို ကိုယ့်ကို တော်တော် မုန်းကြတာ။ ကိုယ်တွယ်ခဲ့တာ မနည်းဘူး။ စကားမပြောတဲ့ ၀န်ကြီးတွေ အများကြီးပဲ။ လက်ရှိ နေပြည်တော် ၀န်ကြီးချုပ်တို့၊ သတ္ထုတွင်းကတို့ ဆိုရင် စကားတောင် ပြောတာ မဟုတ်ဘူး။

မေး။ ။ ဦးလွန်းမောင်ရဲ့ အဖြစ်အပျက်ကို မှန်လွန်းလို့ ရွာပြင် အထုတ်ခံရတဲ့ အဖြစ်တခုလို့ မြင်မိလား။ အပြင်မှာ တချို့က အဲဒီလိုပဲ ပြောနေကြလို့ပါ။

ဖြေ။ ။ ကိုယ်မှန်တယ်လို့ မပြောပါဘူး။ ယူသော် ရ၏ပေါ့။ မှန်တယ်လည်း မပြောဘူး၊ မှားတယ်လည်း မပြောဘူး။ သုံးသပ်သူ အပေါ်မှာပဲ မူတည်တာပေါ့။ ပထမတော့ စိတ်မကောင်း ဖြစ်ရတာပေါ့။ နောက်တော့ နားချိန်တန်လို့ နားရတာ လို့ပဲ တွေးတယ်။ ဒီအပေါ် ဘာမှ စိတ်ထဲ မထားတော့ဘူး။ မှန်တယ်ထင်ပြီး လုပ်ခဲ့လည်း တဘက်က ကိုယ့်ကို မငဲ့တော့ ဘာမှ မပြောလိုပါဘူး။ အဓိက မငဲ့ခဲ့သူကတော့ သူရ ဦးရွှေမန်းပေါ့။ သူက ကိုယ့်နောက်ကျော ဓားနဲ့ ထိုးခဲ့သူပေါ့။ သူနဲ့က ဟိုးငယ်ငယ် ကတည်းက၊ ဗိုလ်လောင်းထဲက သူက ၁၁၊ ကိုယ်က ၁၂။ မိုးကောင်းမှာလည်း အတူတူ တာဝန်ကျခဲ့တာ။ သို့သော် ကိုယ်မြင်တာက သူတို့မှာ အာဏာအတွက် ဆန္ဒ ရှိနေသေးတယ်၊ ကိုယ်ကတော့ မရှိတော့ဘူး။ ဒါကြောင့် ဒီလိုနေနိုင်တာပေါ့။

မေး။ ။ အခု အဖြစ်အပျက်နဲ့ ပတ်သက်လို့ သမ္မတ အပေါ်မှာကော ဘယ်လိုမြင်လဲ။

ဖြေ။ ။ သူနားလည် ပါလိမ့်မယ်လေ၊ သူ့အပိုင်းတော့ သိပ်မပြောလိုပါဘူး။ သူလုပ်သင့်တယ် ထင်လို့ လုပ်ခဲ့တယ် လို့ပဲ မြင်ပါတယ်။ ကိုယ်ကတော့ ဘာမှ မပြောလိုတော့ပါဘူး။

မေး။ ။ နောက်လာမယ့် ရွေးကောက်ပွဲကျရင်ကော ပုံစံတခုအနေနဲ့ ၀င်လာဖို့ရှိသေးလား။ ပါတီနိုင်ငံရေး လုပ်ဦးမလား။

ဖြေ။ ။ မရှိဘူး။ စထွက်လာခဲ့ ကတည်းက စစ်စွပ်ကျယ်တောင် မ၀တ်တော့ဘူးလို့ ဆုံးဖြတ်ထားတာ။ တိုက်ပုံလည်း ဘယ်တော့မှ မ၀တ်တော့ဘူးလို့ ဆုံးဖြတ်ထားတယ်။ အလုပ် လုပ်တော့ စွပ်ကျယ် အဖြူက အပေတေ မခံလို့ စစ်စွပ်ကျယ် ၀တ်ဖြစ်တာ၊ နို့မို့ဆို ၀တ်ဖြစ်မှာ မဟုတ်ဘူး။

မေး။ ။ စစ်သား တယောက်ဘ၀ကို စိတ်နာခဲ့လို့လား။

ဖြေ။ ။ မရှိဘူး။ စိတ်လည်းမနာဘူး။ တခါတလေ စိတ်နာစရာတွေ ရှိခဲ့လည်း ချက်ချင်း ဖျောက်ပစ်တယ်။ ကိုယ်ဖြစ်ခဲ့တာ ၀ဋ်ရှိလို့ပေါ့။ ဘာမှ မပြောလိုပါဘူး။ သတင်းမှာ ပါလာမှ ကိုယ်ပါတယ် သိတာ။ ကြိုလည်း မသိခဲ့ဘူး။

မေး။ ။ နောက်ဆုံးမေးခွန်း အနေနဲ့ လက်ရှိပြောင်းလဲလာတဲ့ နိုင်ငံရေးအပေါ် ဘယ်လိုမြင်မိပါသလဲ။

ဖြေ။ ။ အကောင်း မြင်ပါတယ်။ ကောင်းတဲ့ဘက်ကို ဦးတည်တယ်လို့ပဲ မြင်တယ်။

Ref: ဧရာဝတီ

Read More...

တောင်သူလယ်သမား အကျိုးစီးပွား မြှင့်တင်ရေး အစည်းအဝေး ကျင်းပ

2013-05-20

တောင်သူလယ်သမားများ အကျိုးစီးပွား ကာကွယ်မြှင့်တင်ရေးနဲ့ ပတ်သက်ပြီး အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်၊ ပြည်သူ့လွှတ်တော် ဥက္ကဌ သူရဦးရွှေမန်းနဲ့ ပြည်သူ့လွှတ်တော် ဥပဒေကြမ်းရေးဆွဲရေးကော်မတီတို့ ဒီကနေ့ နေ့လည်က နေပြည်တော်မှာ အစည်းအဝေး ကျင်းပခဲ့ကြပါတယ်။

လယ်သမားတွေအနေနဲ့  သင့်တင့်တဲ့ဈေးနှုန်း ရရှိအောင်ဆောင်ရွက်ဖို့၊ နည်းပညာပိုင်း ဆိုင်ရာတွေ ချေးငွေတွေကို အချိန်မီနှစ်တိုနှစ်ရှည်နဲ့ ကာလတစ်ခု သတ်မှတ် ထုတ်ပေးဖို့ စတဲ့ ကိစ္စရပ်တွေကို ဆွေးနွေးခဲ့ကြတဲ့ အကြောင်း NLD ပြည်သူ့လွှတ်တော် ကိုယ်စားလှယ် ဦးစိန်ဝင်းဟန်က ပြောပါတယ်။

ပြည်သူ့လွှတ်တော်ဝင်းအတွင်းရှိ ဇဗ္ဗူသီရိဆောင်မှာကျင်းပတဲ့ ဒီအစည်းအဝေးကို မြန်မာနိုင်ငံ ဆန်စပါး အသင်းချုပ် ဥက္ကဌ ဦးချစ်ခိုင်၊ သိမ်းဆည်းခံ လယ်ယာမြေများ စုံစမ်း စစ်ဆေးရေးကော်မတီနဲ့ ပြည်သူ့ လွှတ်တော်ရေးရာ ကော်မတီဝင်များ အပါအဝင် ပြင်ပ ပညာရှင်များ၊ စက်မှုလက်မှု ကုန်သည်အသင်း ကိုယ်စားလှယ်များ တက်ရောက်ခဲ့ကြ ပါတယ်။

Ref: RFA News

Read More...

တော်ဝင်အလုပ်သမားများ လွတ်မြောက်ရေး သတင်းစာ ရှင်းလင်း

2013-05-20

ပြီးခဲ့တဲ့ ရက်ပိုင်းက ပိုင်နက်ကျူးလွန်မှုနဲ့ ဖမ်းဆီးခံရတဲ့ တော်ဝင်သစ်အချောထည် စက်ရုံက အလုပ်သမား ၁၂ ဦး အမြန်ဆုံး လွတ်မြောက်နိုင်ဖို့ အတွက် အဖမ်း ခံထားရသူတွေရဲ့ မိဘတွေနဲ့ စက်ရုံ အလုပ်သမား တချို့က ၈၈ မျိုးဆက် (ငြိမ်းချမ်းရေးနဲ့ ပွင့်လင်း လူ့အဖွဲ့အစည်း) ရုံးမှာ ဒီကနေ့ သတင်းစာ ရှင်းလင်းပွဲ ပြုလုပ်ခဲ့ပါတယ်။

အဖမ်းခံထားရတဲ့ အလုပ်သမား ၁၂ ဦး အမြန်ဆုံးလွတ်မြောက်ဖို့နဲ့ အလုပ်ထုတ် ခံထားရတဲ့ အလုပ်သမား ၂၀၀ ကျော် အတွက် အလုပ်ရှင် ဘက်က နစ်နာကြေးပေးဖို့ အကူအညီ တောင်းတာ ဖြစ်တယ်လို့ အလုပ်သမား ကိုယ်စားလှယ်တ စ်ဦးဖြစ်တဲ့ မလဲ့လဲ့ဝင်းက RFA ကို ပြောပါတယ်။

ဒါ့အပြင် အဲဒီအလုပ်သမား ၁၂ ဦးဟာ မတရားဖမ်းဆီးခံထားရတာဖြစ်ပြီး အမှုမှန်ပေါ်ပေါက်အောင်လည်း ကြိုးစား သွားမယ်လို့ မလဲ့လဲ့ဝင်းက ပြောကြားခဲ့ပါတယ်။

ရွှေပြည်သာမြို့နယ် ဝါးတစ်ရာစက်မှုဇုန်က တော်ဝင်သစ်အချောထည် စက်ရုံမှာ စက်ရုံ တာဝန် ရှိသူတွေရဲ့ ခွင့်ပြုချက်မရဘဲ စက်ရုံထဲ ဝင်ရောက်ခဲ့တဲ့ အလုပ်သမား ၄၂ ဦးကို လှော်ကား ရဲစခန်းက ပုဒ်မ(၄၅၂) ပိုင်နက် ကျူးလွန်မှုနဲ့ တရား စွဲဆိုခဲ့ပြီး အခုလ ၁၄ ရက်နေ့ညက အလုပ်သမား ၁၂ ဦးကို ဖမ်းဆီးသွားခဲ့တာ ဖြစ်ပါတယ်။

သူတို့တွေကို တရားရုံးကနေတဆင့် အင်းစိန်ထောင်ကို ပို့လိုက်ပြီး လာမယ့်မေလ ၂၈ ရက်နေ့ကို နောက်ထပ် ရုံးချိန်း ချိန်းဆို ထားပါတယ်။

Ref: RFA News

Read More...

အပေါ်သို့