ကိုမိုးဇော်
06.12.2012
လက်ပံတောင်းတောင် ကြေးနီ စီမံကိန်းကို ဆန့်ကျင် ဆန္ဒပြတဲ့ သံဃာတော်တွေနဲ့ ပြည်သူတွေကို အကြမ်းဖက် နှိမ်နင်း ခဲ့တာနဲ့ပတ်သက်ပြီး နိုင်ငံတော် သမ္မတနဲ့ အစိုးရအဖွဲ့က တရားဝင် တောင်းပန်ဖို့နဲ့ အကြမ်းဖက်မှုမှာ တာဝန် ရှိသူတွေကို အရေးယူပေးဖို့အတွက် မန္တလေးနဲ့ တောင်ကြီးမြို့က သံဃာတော် တွေက ဒီကနေ့ တောင်းဆို ဆန္ဒပြခဲ့ကြပါတယ်။ ဒီတောင်းဆိုချက် တွေကို အမြန်ဆုံး အကောင်အထည်ဖော် မပေးရင် ဆက်လက် ဆန္ဒပြသွားမယ် လို့လည်း မန္တလေးက ဆန္ဒပြပွဲကို ဦးဆောင်တဲ့ သံဃာတော်က မိန့်ကြား ပါတယ်။ သတင်း အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြ ထားပါတယ်။
လက်ပံတောင်းတောင်မှာ အကြမ်းဖက်ဖြိုခွဲတာကို ဆန့်ကျင်တဲ့အနေနဲ့ ဒီကနေ့ မြန်မာပြည်က မြို့ကြီး တချို့မှာ သံဃာတော်တွေ ဆန္ဒပြဖို့ ပြင်ဆင် ခဲ့ကြတာဖြစ်ပြီး မန္တလေးနဲ့ တောင်ကြီးမြို့တွေ မှာတော့ ရာနဲ့ချီတဲ့ သံဃာတော်တွေဟာ ပူးပေါင်း ပါဝင်ခဲ့ပါတယ်။ ဒီကနေ့ မန္တလေးမြို့မှာ ဆန္ဒပြတဲ့ အခြေအနေကိုတော့ ဦးဆောင်ပါဝင်ခဲ့တဲ့ အရှင် ဦးဥတ္တမသာရက အခုလို မိန့်ကြားပါတယ်။
“ ဦးဇင်းတို့ အားလုံးတန်းစီပြီးတော့ ထိုင်ပြီးတော့ မေတ္တာသုတ်ရွတ်ပါတယ်။ အိမ်တော်ရာဘုရားထဲမှာ။ ၁နာရီ မထိုးခင်က စလိုက်တာပေါ့။ နေလည်းတအားပူတာနဲ့ ၂နာရီခွဲ အခုပဲ သိမ်းလိုက်တယ်။ ၄၀၀ကျော်တော့ ရှိမယ် သံဃာတော်ပေါ့။ လူတွေလည်း မနည်းပါဘူး။ အများကြီးပဲ ။ လူတွေလည်း ဘေးကနေရော နောက်ကနေရော ထိုင်နေကြတာ။”
မန္တလေး သံဃာ့ဆန္ဒပြပွဲက အဓိက တောင်းဆိုတဲ့အချက်တွေကို အခုလို ဆက်ပြီး မိန့်ကြားပါတယ်။
“ တောင်းဆိုချက်ကတော့ ၅ချက်ပေါ့။ ဒါပေမဲ့ အမြန်ဆုံးရဖို့ တောင်းဆိုတာက ၃ချက်ပေါ့။ အဲဒီ၃ချက်က နိုင်ငံတော်သမ္မတနဲ့ အစိုးရ အဖွဲ့က ထိခိုက် ဒဏ်ရာရရှိသွားသော သံဃာတော်များကို အမြန်ဆုံးလာရောက် ၀န်ချတောင်းပန်ရန်၊ အကြမ်းဖက်မှုမှာ တာဝန် ရှိတဲ့ ပုဂ္ဂိုလ်တွေကို အရေးယူပေးရန်၊ ကြေးနီစီမံကိန်းနဲ့ ပတ်သက်လို့ ဆန္ဒထုတ်ဖော်ခဲ့လို့ ဖမ်းဆီးခံရတဲ့ပုဂ္ဂိုလ်တွေကို အမြန်ဆုံး ပြန်လွှတ်ပေးဖို့ အဲဒီ ၃ ချက်က အခုချက်ချင်း လုပ်ပေးဖို့ပေါ့။”
ကျန်အချက်တွေမှာတော့ ကော်မရှင်က စုံစမ်း စစ်ဆေးပြီး ဒေသခံတွေ ကျေနပ်မှု ရအောင်ဆောင်ရွက် ပေးဖို့၊ စစ်မှန်တဲ့ ဒီမိုကရေစီ စနစ် ပေါ်ပေါက်ဖို့နဲ့ နောက်ထပ် အကြမ်းဖက်မှုတွေ မဖြစ်စေရေး အတွက် လွှတ်တော်နဲ့ အစိုးရအဖွဲ့မှာ ပါဝင်တဲ့ တပ်မတော် သားတွေ နှုတ်ထွက်ပေးဖို့ ဆိုတာတွေ ပါဝင်ပါတယ်။
မန္တလေးသံဃာတော်တွေရဲ့ ဆန္ဒပြပွဲကိုတော့ အာဏာပိုင်တွေကဖက်က တားဆီးဟန့်တားတာ မရှိပါဘူး။ မန္တလေး သံဃာတော်တွေက လာမယ် ၈ရက်နေ့ အမျိုးသားနေ့မှာ တကြိမ် ထပ်မံ ဆန္ဒပြဖို့ရှိနေပြီး တောင်းဆိုချက်တွေ မရရင် ၁၂ ရက်နေ့မှာ တနိုင်ငံလုံး ပါဝင်တဲ့ အထွေထွေ သပိတ်ကို ဆင်နွှဲ သွားမယ်လို့လည်း မိန့်ကြားပါတယ်။
မန္တလေးမြို့မှာ သံဃာတော်တွေ ဆန္ဒပြနေတဲ့အချိန်မှာပဲ ရှမ်းပြည်နယ်တောင်ကြီးမြို့မှာလည်း သံဃာတော် အပါး ၂၀၀ လောက်ဟာ မေတ္တာသုတ် ရွတ်ဆိုပြီး မြို့တွင်းကို လှည့်လည်ကြွချီ ဆန္ဒပြခဲ့တယ်လို့ တောင်ကြီးမြို့ အမျိုးသား ဒီမိုကရေစီ အဖွဲ့ချုပ်အဖွဲ့ဝင် ဒေါ်ခင်မိုးမိုးက ပြောပါတယ်။
“ စုရပ်က လောကမာန်အောင်ကျောင်းပါ။ လောကမာန်အောင်ကျောင်းကနေပြီးတော့ ထွက်ပါတယ်။ ထွက်ပြီးတော့ အနောက်မြို့ပတ်လမ်း အတိုင်း မြို့ထဲကို တက်ပါတယ်။ အနောက်မြို့ပတ်လမ်းကနေ ဗိုလ်ချုပ်ကြေးရုပ်နား အထိကို ဖြတ်ဆင်းတယ်။ ဗိုလ်ချုပ်ကြေးရုပ် နားကနေပြီးတော့မှ မင်းလမ်းအတိုင်း စူဠာမုနိလောက ချမ်းသာဘုရားကို စုရုံးပြီးတော့ ချီတက်နေပါတယ်။”
ရှမ်းပြည်နယ်သံဃာတော်တွေ တောင်းဆိုချက်တွေဟာ မန္တလေး သံဃာတော်တွေတောင်းဆိုချက်နဲ့ အများစု တူညီ ပါတယ်။ ဒါပေမဲ့ အစိုးရနဲ့ လွှတ်တော်မှာ ပါဝင်တဲ့ တပ်မတော်သား ကိုယ်စားလှယ်တွေ နှုတ်ထွက်ပေးဖို့ တောင်းဆိုတာ မပါဝင်ဘဲ အကြမ်းဖက် ဖြိုခွဲတာကို စုံစမ်း စစ်ဆေးရေး ကော်မရှင်က အမြန်ဆုံး ဖော်ထုတ်ပေးဖို့ တောင်းဆို ထားပါတယ်။
ဒီနေ့ ညနေ ၃နာရီခွဲလောက်မှာတော့ ရန်ကုန်မြို့ဆူးလေဘုရားနဲ့ တာမွေဈေးမှာ သံဃာတော်နဲ့ ပြည်သူအချို့ ဆန္ဒ ထုတ်ဖော် ခဲ့ပါတယ်။ တချိန်တည်းမှာတော့ ကြေးနီစီမံကိန်းဆိုင်ရာ စုံစမ်းစစ်ဆေးရေးကော်မရှင်အဖွဲ့ဝင်တချို့က လက်ပံတောင်းတောင်ဒေသမှာ ဒေသခံတွေနဲ့ တွေ့ဆုံပြီး စုံစမ်းစစ်ဆေးတာတွေ စတင်နေပြီဖြစ်ပါတယ်။
“ သူတို့က စုံစမ်းစစ်ဆေးရေးကိစ္စကို အဖြစ်အပျက်တွေပေါ့နော်။ အဲဒါတွေကို လူထုတွေဆီက ထွက်ချက်ကို သူတို့က လာယူတာလို့ ပြောပါတယ်။ ကျနော်တို့ကတော့ လက်ပန်းတောင်းတောင် ကြေးနီစီမံကိန်းကြီးကို လုံးဝ ဖျက်သိမ်းရေးပဲ တင်ပြပါတယ်။ ပြည်သူလူထု ဖက်က ရပ်တည်ပေးဖို့ရာရယ် မီးလောင်ဗုံးတွေ ပစ်တဲ့ ကိစ္စကိုလည်း စစ်ဆေးပြီးတော့ အရေးယူပေးဖို့ ကျနော်တို့ တောင်းဆို ထားပါတယ်။ သူတို့ဖက်ကတော့ အထက်ကို တင်ပြအုံးမယ်လို့ ကျနော်တို့ကို ပြောပါတယ်ခင်ဗျ။”
ဒေသခံတယောက် ပြောပြတာဖြစ်ပါတယ်။
စုံစမ်းစစ်ဆေးရေး ကော်မရှင်က ပြည်သူ့လွှတ်တော်ကိုယ်စားလှယ် ဦးသန်းမြင့်၊ ဒေါ်ခင်စန်းလှိုင် နဲ့ ဒေသခံ ကော်မရှင် အဖွဲ့ဝင် ၂ ဦး အပါအ၀င် ၈ ယောက် လာရောက်ပြီး ရွာသူရွာသား ၂၀၀လောက် တက်ရောက်ခဲ့တာ ဖြစ်ပါတယ်။ ဒီဆွေးနွေးပွဲမှာ ကော်မရှင် အဖွဲ့ဝင်တွေ ဖက်က သဘာဝ ပတ်ဝန်းကျင် ထိခိုက်မှုအခြေအနေတွေ ကိုလည်း မေးမြန်းခဲ့ပါတယ်။
လက်ပံတောင်းတောင် ကြေးနီစီမံကိန်းအတွက် ကျေးရွာ ၂၆ရွာက စိုက်ပျိုးမြေဧက ၇၈၀၀လောက်ကို သိမ်းယူခဲ့တာ၊ စီမံကိန်းက ထွက်တဲ့ စွန့်ပစ်ပစ္စည်းတွေကြောင့် သဘာဝပတ်ဝန်းကျင် ညစ်ညမ်းတာနဲ့ လယ်တီဆရာတော်ရဲ့ သာသန အဆောက်အဦး တွေကို ထိန်းသိမ်းဖို့ အတွက် ဒေသခံတွေနဲ့ သံဃာတော်တွေက လနဲ့ချီပြီး ဆန့်ကျင် ဆန္ဒပြခဲ့ကြပါတယ်။
နိုဝင်ဘာလ ၂၉ရက်နေ့ကတော့ ဆန့်ကျင်ဆန္ဒပြတဲ့ သံဃာတော်တွေနဲ့ ဒေသခံတွေကို အကြမ်းဖက် နှိမ်နင်းခဲ့ တာကြောင့် မြန်မာပြည်တ၀ှမ်းမှာ ကန့်ကွက် ဆန္ဒပြတာတွေ ပိုမိုမြင့်တက် လာနေတာဖြစ်ပါတယ်။
Ref: VOA News
Friday, December 7, 2012
တောင်းဆိုချက် မရရင် အထွေထွေ သပိတ် မှောက်မည်
ဤသို့ ဤပုံ ပြောင်းလဲနေပါသည်
November 29, 2012
ကမ္ဘာ့မီဒီယာတွေမှာ မထင်မှတ်တဲ့ အချိုးအကွေ့နဲ့ပြောင်းလဲနေတဲ့ မြန်မာပြည်လို့ မကြာ မကြာ ဖော်ပြနေပါတယ်။ နိုင်ငံ အသီးသီးက အစိုးရ တာဝန် ရှိသူတွေလည်း မကြာမကြာ လာနေသလို၊ နိုင်ငံ အသီးသီးက စီးပွားရေး သမားတွေလည်း ချောင်းပေါက်မတတ် လာနေကြတာပါ။ နိုဝင်ဘာလ ၁၉ ရက်နေ့ကတော့ ကမ္ဘာ့စူပါ ပါဝါ ဖြစ်တဲ့ အမေရိကန်နိုင်ငံရဲ့ သမ္မတ အိုဘားမား အလည်လာပါတယ်။ အိုဘားမား မလာခင်ကလေးတင် အမေရိကန်က ပို့ကုန်ပိတ်ဆို့မှုကို ရုတ်သိမ်း လိုက်တဲ့ သတင်းတွေ ကမ္ဘာ့ မီဒီယာတွေမှာ ပါ လာပြန်ပါတယ်။ အမေရိကန်က လုပ်ငန်းရှင်တွေလည်း မြန်မာပြည်က လုပ်ငန်းရှင်တွေ နဲ့ အတူတူတွဲပြီး လုပ်ငန်းတွေ လုပ်ဖို့ တာစူနေကြပါပြီ။ အိုဘားမား လာတဲ့အတွက် ခရိုနီတွေပျော်ပါ တယ်။ အမေရိကန် လုပ်ငန်းရှင်တွေနဲ့ အတူတူတွဲပြီး အလုပ် လုပ်နိုင်တဲ့ ဗမာစီးပွားရေး လုပ်ငန်းရှင်ဆိုတာ လူ ၂ဝဝ မပြည့်ပါဘူး။ အဲဒီ့လူတွေ အကုန်လုံးဟာ စစ်အစိုးရလက်ထက်က ဗိုလ်ချုပ်ကြီးတွေနဲ့ ပနံ သင့်ခဲ့ကြသူတွေ ပါပဲ။ တနည်း အားဖြင့်ပြောရရင်တော့ ခရိုနီဆိုသူတွေပဲ ရှိတာပါ။ အီလစ်တွေကတော့ အိုဘားမားကို မျှော်ကြပါတယ်။ အိုဘားမားလာ ရင် ပါလာမယ့် NGO လုပ်ငန်းတွေကို အမိအရ ဖမ်းဆုပ်ဖို့ သူတို့လည်း မျှော်နေကြတာပါ။ နိုင်ငံရေး သမားတွေက သတိ နဲ့ ကြိုပါတယ်။ လက်လှုပ်မှ ပါးစပ်လှုပ်ရတဲ့ လူတန်းစားကတော့ မျှော်လည်း မမျှော်သလို၊ ပျော်လည်း မပျော်ပါဘူး။ သိ တောင်မှ မသိလိုက်တဲ့ လူတွေလည်း ဒုနဲ့ဒေးပါ။
သူတို့တွေလိုချင်တာက လက်လှုပ်သလောက် ပါးစပ်လှုပ်ခွင့်ပဲ ရချင်တာပါ။ ဝင်ငွေနဲ့ ထွက်ငွေမျှတရင် အသက်ရှုချောင် တာပေါ့လို့ အိမ်ရှင်မတွေက ပြောကြပါတယ်။ ဂျာနယ် တစောင်ရဲ့တန်ဘိုး က အနိမ့်ဆုံး ၅ဝဝ ကျပ်ဆိုတော့ ဆင်းရဲသား တွေအတွက် ငပိနဲ့ တို့စရာဝယ်လို့ရတာကြောင့် ဂျာနယ်လည်း ဝယ်မဖတ်ဖြစ်ပါဘူးတဲ့။ ဂျာနယ်ဖတ်ရင် ဝင်ငွေလည်း မတိုးပါဘူး။ ဂျာနယ် မဖတ်ရင်လည်း ထမင်း မငတ်ပါဘူးလို့ သူတို့တွေ ယူဆထားတာပါ။ တအိမ်လုံး ရှိရှိသမျှလူတွေ အ လုပ် လုပ်နေတာတောင်မှ ထမင်းဝအောင် မစားနိုင်သူတွေက ရန်ကုန်မြို့မှာ အများသား။
အခုလောလောဆယ်ဆယ် မြန်မာပြည်ရဲ့ အသံအထွက်ဆုံးပြဿနာက လက်ပန်တောင်းတောင်ပါ။ လက်ပံတောင်း တောင် ကိစ္စမှာ ပထမပိုင်း တုန်းက ခပ်ကြမ်းကြမ်း လုပ်ပြချင်တဲ့ ပုံစံမျိုးတွေ ချိုးခဲ့ပါတယ်။ ဖမ်းတဲ့ လူတွေကို ဖမ်းပြီး ခြောက်ကြည့် လိုက်ပါတယ်။ ဒေသခံတွေ အရှိန် ရပ်မသွားတဲ့အပြင် အခြားဒေသက လူတွေပါ ဝိုင်းရံလိုက်တော့ ဖမ်း ထားတဲ့ လူတွေကို ပြန်လွတ်ပေးလိုက်ပါတယ်။ ဒေသခံတွေ လိုချင်တာက ဖမ်းထားတဲ့ လူတွေကိုပြန်လွတ်တာ တခုထဲမှ မဟုတ်တာကိုး။ ဒီတော့ တောင်းပွဲတိုက်ပွဲတွေ ပြန်ဖြစ်လာပါတယ်။ ဒေသခံတွေရဲ့ ဆန္ဒက စီမံကိန်းလုံးဝ ရပ်ဆိုင်းလိုက် ရေးပါ။
ဒါပေမဲ့ အစိုးရပိုင်းက ဘာမှ အရေးတယူ မလုပ်တော့ နောက်ဆုံးတိုက်ပွဲအဖြစ် စီမံကိန်းမရပ်မချင်း သပိတ် စခန်းတွေ ဖွင့်ပြီး တိုက်ပွဲ ဝင်ကြပါတယ်။ အနယ်နယ်အရပ်ရပ်က လူတွေလည်း ပူးပေါင်းပါဝင်လာခဲ့ပါတယ်။ လွတ်တော်မှာ အရေး ပေါ် အဆို တင်သွင်းတာမျိုးဖြစ်လာတော့မှ ပြည်ထောင်စုဝန်ကြီး ဒုတိယဗိုလ်ချုပ်ကြီး ဝေလွင်က စပြီး ရှင်းလင်းပါတယ်။ အဲဒီ့ ရှင်းလင်းချက်မှာ ပြောစရာ အတော်များများ ပါလာပါတယ်။ ဦးပိုင်ဆိုတာ အငြိမ်းစား စစ်သည်တော်တွေ၊ တိုင်းပြည် အတွက် အသက်၊ ခန္ဓာစွန့်လှူခဲ့သူတွေ၊ ယခု လက်ရှိ တာဝန်ထမ်းဆောင်နေတဲ့ စစ်သည်တော်တွေရဲ့ငွေနဲ့ တည်ထောင် ခဲ့တာပါ။ ဦးပိုင်ဟာ အဲဒီ့ စစ်သည်တော်တွေကို ရှာကျွေးနေတဲ့ အဖွဲ့အစည်းလို့ အဓိပ္ပါယ်မျိုးပြောဆို ခဲ့ပါတယ်။ ဒါဆိုရင် စစ်သည်တော်တွေကောင်းစားဖို့ တိုင်းပြည်မှာ ရှိနေတဲ့ သယံဇာတတွေ၊ သဘာဝ ပတ်ဝန်းကျင်တွေကို စွန့်လွှတ်ရမယ် ဆိုရင် တရားမျှတမှု ရှိပါ့မလား ဆိုတာကို တိုင်းပြည်ကို အုပ်ချုပ်နေတဲ့ လူတွေမစဉ်းစားတာ ရှက်စရာကောင်းလှပါတယ်။ အမှန်တကယ် ဖြစ်သင့်တာက တိုင်းပြည်ကောင်းစားဖို့ စစ်သည်တော်တွေက အနစ်နာခံရမှာပါ။ တိုင်းပြည်က စစ်သည် တော်တွေအတွက် အနစ်နာ ခံစရာမလိုပါဘူး။ ဒီစီမံကိန်းကို ရပ်ဆိုင်းလိုက်ရင် တလကို ဒေါ်လာ ၂ သန်း ဆုံးရှုံးမယ်တဲ့။ ဒါဆိုရင် ဦးပိုင်က နိုင်ငံတော်ကို အခွန် ဘယ်လောက်ဆောင်ပါသလဲ။ ဒါလည်း ပြည်သူလူထုကို ချပြမသွားခဲ့ပါဘူး။
ဗိုလ်ချုပ်နေဝင်း၊ ဗိုလ်ချုပ်ခင်ညွန့်နဲ့ ဗိုလ်ချုပ်သန်းရွှေ ဘယ်သူ့လက်ထက်မှာမှ ပြည်သူကို ပွင့်ပွင့်လင်းလင်း ချပြတာ မ ကြားရဘူးပါဘူး။
ဝန်ကြီးဦးအောင်မင်းက သူတို့ တရုတ်တွေကို ကြောက်ရပါတယ်။ တရုတ်တွေရဲ့ ကျေးဇူးတရား စောင့်သိပါလို့ ပြောသံ ကြားရတော့ ဆရာကောင်းဆက်နိုင်ရဲ့ အံသြလွန်းလို့ သေတော့မယ်ဆိုတဲ့ ဆောင်းပါးခေါင်းစဉ်လေးကို ထပ်ပြန်တလဲလဲ သတိရနေမိပါတယ်။ ဗိုလ်နေဝင်းလို့ပြောလိုက်ရင် သူပြောခဲသမျှထဲမှာ လူတွေပြေးသတိရမိတာက “သေနတ်ဆိုတာ မိုးပေါ်ထောင်မပစ်ဘူး။ တည့်တည့်ပဲ ပစ်တယ်” ဆိုတဲ့ စကားပါ။ အခုလည်း ဦးအောင်မင်းလို့ပြောလိုက်ရင် “ကျနော်တို့ ငတ်နေတုန်း တရုတ်က ကျွေးထားတာ၊ တရုတ်ရဲ့ ကျေးဇူးကို စောင့်သိရမယ်” ဆိုတဲ့ စကားပဲ ဖြစ်ပါလိမ့်မယ်။ အဲဒီ့အ ချက်ကလည်း မပြောင်းလဲတဲ့ အချက်ပါပဲ။
နိုဝင်ဘာ ၂၉ ရက်မနက် ၃ နာရီလောက်မှာတော့ တော်တော်ဆိုးရွားတဲ့ ပုံစံနဲ့ ဆန္ဒပြနေသူတွေကို အကြမ်းဖက်နှိမ်နှင်း လိုက်ပါတယ်။ မီးလောင်ဗုံးတွေသုံးတယ်။ ဓာတုဗုံးတွေ သုံးတယ်။ မီးလောင် ဒဏ်ရာရသူတွေရဲ့ အသားဟာ အက်ကွဲ သွားတယ်။ ချိုင့်ဝင်သွားတယ်။ အဲဒီ့ဗုံးတွေက မိုးပေါ်ကို ပစ်လိုက်ရင် မီးခိုးတွေပဲထွက်ပြီး ကောင်းကင်ပေါ်ရောက်တာနဲ့ မီးပန်းတွေ ဖြစ်သွားတယ်လို့ မျက်မြင်သက်သေတွေက ပြောပါတယ်။ ဘုန်းကြီး ၂၇ ပါးကို ဆေးရုံတင်ထားရပြီး၊ အဲဒီ့ ထဲက ၁ဝ ပါးလောက်ဟာ စိုးရိမ်ရတဲ့အခြေအနေ ရှိနေပါတယ်။ မီးလောင်ဒဏ်ရာရတဲ့ လူတွေကို အရေးပေါ် ဆေးရုံမ တင်နိုင်အောင်လို့ ရွာလမ်းတွေအားလုံးကို ပိတ်ဆို့ထားပြီး ပြည်သူတွေကို ရန်သူတွေလို သဘောထားပြီး အသေသတ် နေတဲ့ အနေအထားရှိနေပါတယ်။ ဒါတွေအားလုံးဟာ အခုအစိုးရ၊ အရင်အစိုးရ ဘာတွေများထူးသွားသလဲဆိုတာ သိ သာစေပါတယ်။
အလုပ်ရှင်နဲ့ အလုပ်သမားတွေ ကြားက မကျေနပ်မှုတွေကို ဖြေရှင်းဖို့ ခုံသမာဓိ အဖွဲ့တွေကို ဖွဲ့စည်းပါတယ်။ အဲဒီ့အဖွဲ့မှာ အလုပ်ရှင်ကိုယ်စားလှယ်၊ အလုပ်သမားကိုယ်စားလှယ်နဲ့ အစိုးရအရာရှိတွေ ပါဝင်ပါတယ်။ ဒါပေမဲ့ အလုပ်သမား သမဂ္ဂ တွေ မရှိတော့ အလုပ်ရှင်တွေသဘောကျတဲ့ အလုပ်သမားတွေကိုပဲ ကိုယ်စားလှယ်အဖြစ် ရွေးချယ်ပါတယ်။ ဒါကြောင့် လည်း အလုပ်ရှင်နဲ့ အစိုးရအရာရှိတွေကပဲ လွှမ်းမိုးနေလို့ အလုပ်သမားကိုယ်စားလှယ်ဟာ ဘာမှ ပြောခွင့်ဆိုခွင့် မရှိဘူး လို့ ခုံသမာဓိအဖွဲ့နဲ့ ပြဿနာဖြေရှင်းခဲ့တဲ့ အလုပ်သမားတွေကတော့ ပြောပါတယ်။ ခုံသမာဓိအဖွဲ့ရဲ့ ဆုံးဖြတ်ချက်က လည်း ဘက်လိုက်မှုတွေများတယ်လို့ ဆက်ပြောပါတယ်။ မြန်မာပြည်မှာ တောက်လျောက် အလုပ်သမားနဲ့ အလုပ်ရှင် ကြား မျှတမှုမရှိခဲ့ပါဘူး။ အလုပ်သမားတွေဟာ အမြဲတမ်း ခေါင်းပုံဖြတ်ခံနေခဲ့ရပါတယ်။
မြန်မာပြည်မှ ပုဂ္ဂလိကပိုင် ကုမ္ပဏီ ၃ဝ၆ဝ၆ ခုရှိပါတယ်။ အဲဒီ့ ကုမ္ပဏီတွေဟာ အများပြည်သူတွေမရတဲ့ အခွင့်အလန်း တွေရပြီး ချမ်းသာကြွယ်ဝနေကြတာပါ။ ကုမ္ပဏီတော်တော်များများကို ခရိုနီတွေပိုင်ဆိုင်ကြပြီး သစ်လုပ်ငန်း အပါအဝင် အကျိုးအမြတ် သေချာပေါက်ရမယ့် လုပ်ငန်းတွေကို လုပ်ဆောင်နေကြတာပါ။ အဲဒီ့ ကုမ္ပဏီတွေထဲကမှ အခွန်ထမ်း ဆောင်တဲ့ ကုမ္ပဏီဟာ ၁၅၄ဝ၈ ခုပဲ ရှိပါတယ်။ အဲဒီ့ ကုမ္ပဏီတွေထဲကမှ အမြတ်ခွန်ကို မှန်မှန်ကန်ကန်ပေးဆောင်တဲ့ ကုမ္ပဏီဟာ ၂၂ဝဝ ကျော်ပဲ ရှိတယ်လို့ Weekly Eleven ဂျာနယ်မှာ ဖော်ပြထားပါတယ်။ မြန်မာနိုင်ငံမှာ ကုမ္ပဏီထောင် နိုင်သူတွေဟာ စစ်ဗိုလ်ချုပ်တွေရဲ့ ဆွေမျိုးသားချင်းတွေနဲ့၊ စစ်ဗိုလ်ချုပ်တွေနဲ့ ပတ်သက်တဲ့ လူတွေပဲ ရှိတာပါ။
မြန်မာနိုင်ငံဟာ အကျင့်ပျက်ချစားမှု အဆိုးရွားဆုံး အဆင့်မှာ နံပါတ် ၃ ချိတ်ပါတယ်။ ၂ဝ၁၁-၂ဝ၁၂ ဘဏ္ဍာရေး နှစ်အတွက် ဝန်ကြီးဌာန (၁၅) ခုက မြန်မာကျပ်ငွေ ၅၈ ဘီလျှံကျော်နှင့် အမေရိကန်ဒေါ်လာ ၂ သိန်း ၃ သောင်းကျော်ကို အ လွှဲသုံးစားပြုထားပါတယ်။ အစိုးရက အဲဒီ့ ငွေတွေကို ပြန်ပေးလျှော်ရမယ်လို့ ကြေညာခဲ့ပေမယ့် တကယ်လို့ ပြန်လည် ပေးလျှော်ခြင်းမရှိရင် ဘယ်လို အပြစ်ပေး အရေးယူမယ် ဆိုတာကို မဖော်ပြထားပါဘူး။ ဒီလိုကိစ္စတွေက ပြန်လျှော်ပေး ရုံနဲ့တင်ပြီး ရောလား။ ပြစ်မှု ပြစ်ဒဏ် မထိုက်သင့်ဘူးလား။
စစ်တပ်က အကြီးတန်းအရာရှိတွေ အရမ်းချမ်းသာနေကြပါတယ်။ သူတို့ရဲ့ ဆွေမျိုးသားချင်းတွေလည်း အမှန်တကယ် အမြတ်ရမည့် လုပ်ငန်းတွေ လုပ်ကိုင်ခွင့်ရနေတယ်။ အရင်တုန်းကလည်း ဒီအတိုင်းပဲ။အခုလည်း ဒီအတိုင်းပဲ။
မီဒီယာတွေဟာ ဒီမိုကရေစီနိုင်ငံအတွက် အရေးကြီးပါတယ်လို့ပြောပြီး ပုဂ္ဂလိကတွေကို ဒီနှစ်ကုန်ရင် သတင်းစာ ထုတ် ခွင့်ပေးမယ်လို့ ပြန်ကြားရေးဝန်ကြီး ဦးအောင်ကြည်က ပြောခဲ့ပါတယ်။ အခုတော့လည်း ၂ဝ၁၃ ခုနှစ် သြဂုတ်လရောက် ရင် အစိုးရပိုင် ကြေးမုံနဲ့ မြန်မာ့အလင်းကို အများပြည်သူအတွက် ဝန်ဆောင်မှုပေးတဲ့ သတင်းစာအဖြစ်ပြောင်းမယ်လို့ ဆိုပြန်ပါတယ်။ အစိုးရအနေနဲ့ ၁၉၆၂ ခုနှစ်ကစလို့ ပုဂ္ဂလိက သတင်းစာတိုက်တွေကို ပြည်သူပိုင်သိမ်းပြီး အစိုးရသတင်း စာအနေနဲ့ ဝါဒဖြန့်ချိခဲ့တာ အခုဆိုရင် နှစ်ပေါင်း ၅ဝ ကျော်ခဲ့ပါပြီ။ အရင်ကလည်းဒီလိုပဲ၊ အခုလည်း ဒီလိုပါပဲ။
နိုင်ငံတကာကတော့ မြန်မာနိုင်ငံရဲ့ နိုင်ငံရေးအပြောင်းအလဲဟာ မထင်မှတ်ရလောက်အောင်ဆိုတဲ့ စကားလုံးတွေ သုံးပြီး အကြီးအကျယ်ကြီး အော်နေပေမဲ့ ကျမကတော့ ဤသို့၊ ဤပုံ ပြောင်းလဲသွားတဲ့ အကြောင်း ပြောပြချင်ပါတယ်။
ချမ်းမြေ့ခင်
Ref: နေ့သစ်
လက်ပံတောင်းတောင်ကိစ္စ အစိုးရ အဓိက တာဝန်ယူရမည် ဟု ဒေါ်အောင်ဆန်းစုကြည် ဆို
စနေလင်း
December 6, 2012
တရုတ်ကုမ္ပဏီများသည် မြန်မာ အစိုးရနှင့် စာချုပ်စာတမ်းများအရ သဘောတူညီချက်ကာ လာရောက် ရင်းနှီးမြှုပ်နှံနေခြင်း ဖြစ်သောကြောင့် အစိုးရကသာ အဓိက တာဝန်ယူရမည် ဖြစ်ကြောင်း လက်ပံတောင်းတောင် ကြေးနီစီမံကိန်း စုံစမ်း စစ်ဆေးရေး ကော်မတီ ဥက္ကဋ္ဌ ဒေါ်အောင်ဆန်းစုကြည်က ယနေ့ ရန်ကုန်တိုင်းဒေသကြီး အစိုးရအဖွဲ့ရုံးတွင် ကျင်းပသော သတင်းစာ ရှင်းလင်းပွဲ၌ ပြောကြား သွားသည်။
နောက်ပိုင်းတွင်လည်း တရုတ်ကုမ္ပဏီများနှင့် ပြဿနာ ဖြစ်ပွားမှု မရှိစေရန် မည်သို့လုပ်ဆောင်သင့်သည်ကို ထွက်ပေါ် လာမည့် အစီရင်ခံစာတွင် ထည့်သွင်း သွားမည်ဟု သူက ဆက်ပြောသည်။
“ဒီကိစ္စ ပထမဦးဆုံး စလာတာက ပွင့်လင်းမြင်သာမှု မရှိလို့။ အခု ဒီမိုကရေစီဘက် ဦးတည်မယ် ဆိုရင် ပွင့်လင်းမြင်သာမှု ရှိရမယ်၊ တာဝန်ယူမှု ရှိရမယ်။ ဒီနှစ်ခုအပေါ်မှာ အခြေခံ လုပ်သွားမယ်ဆိုရင် ဒီပြဿနာတွေက ပေါ်လာမှာ မဟုတ်ပါဘူး။ ကျမတို့ရဲ့ အကြံပြုချက်တွေ ထဲမှာ ဒီလိုပြဿနာတွေ နောက်မရှိအောင်လို့ ဘယ်လို လုပ်သင့်တယ် ဆိုတာပါရပါလိမ့်မယ်” ဟု ဒေါ်အောင်ဆန်းစုကြည်က ဆိုသည်။
ထို့အပြင် စုံစမ်းစစ်ဆေးရေး ကော်မတီမှ လက်ပံတောင်းတောင် ကြေးနီစီမံကိန်းနှင့် ပက်သက်ပြီး ဒေသခံများ အပါအဝင် စီမံကိန်း တာဝန်ရှိ ကုမ္ပဏီ ဘက်ကပါ ညှိနှိုင်းဆွေးနွေးကာ အပေးအယူ လုပ်ရမည်ဖြစ်ကြောင်း၊ နှစ်ဘက်စလုံးမှ ပျော့ပြောင်းမှု၊ နားလည်မှု ရှိရမည်ဖြစ်ကြောင်း ၎င်းက ပြောသည်။
အပေးအယူ မရှိဘဲ၊ မဆွေးနွေး မတိုင်ပင်ဘဲနှင့် မိမိတို့ လုပ်ချင်သည်ကို လုပ်ဆောင်နေမည် ဆိုလျှင် ဒီမိုကရေစီ စိတ်ဓာတ် မဟုတ်ကြောင်း၊ မိမိတို့နိုင်ငံတွင် ဒီမိုကရေစီ စိတ်ဓာတ်ရှင်သန်စေရန် ကြိုးစား လုပ်ဆောင်သွားမည်ဖြစ်ကြောင်း သူက ဆက် ပြောသည်။
လက်ပံတောင်းတောင် သပိတ်ကို အာဏာပိုင်များက အကြမ်းဖက် ဖြိုခွင်းခဲ့မှုကြောင့် မြန်မာနိုင်ငံ တ၀န်းတွင် ဆန္ဒပြမှုများ ဆက်တိုက် ဖြစ်ပွားနေသကဲ့သို့၊ ဖမ်းဆီးအရေးယူမှုများလည်း ရှိလာကြောင်း၊ ထို့ကြောင့် ၎င်းအနေဖြင့် ထိုသို့ ဆန္ဒ ပြမှုများသည် မည်သည့်အတွက် ပြနေသည်ကို သိလိုကြောင်း မေးခွန်းထုတ်သည်။
မည်သည့်အတွက် ဆန္ဒပြကြသည်ကိုသိလျှင် ၎င်းဆန္ဒပြကြ သူများ၏ လိုအပ်ချက်၊ သဘောထားကို နားလည်မှုရှိလျှင် အဆင်ပြေစေရန် လုပ်ဆောင်နိုင်မည် ဖြစ်ကြောင်း ဒေါ်အောင်ဆန်းစုကြည်က ပြောသည်။
လက်ရှိအချိန်အထိ သပိတ်စခန်းများတွင် ဖမ်းဆီးထားသူများ မရှိသေးကြောင်း၊ ရန်ကုန်ဘက်တွင် ဖမ်းဆီးထားသူများ ရှိနေရာ ယင်းကိစ္စရပ်နှင့် ပက်သက်ပြီး စုံစမ်းထားသည်များ ရှိကြောင်း၊ ရဲတပ်ဖွဲ့နှင့်လည်း ဆက်သွယ်မှုများရှိကြောင်းနှင့် လုပ်သင့်လုပ်ထိုက်သည်ကို ဆက်လက် လုပ်သွားမည် ဖြစ်ကြောင်း သူက ဆိုသည်။
“ကျမတို့အနေနဲ့ကတော့ ဘယ်လိုပဲဖြစ်ဖြစ် တရားဥပဒေ စိုးမိုးရေးကို ဦးထိပ်ထားမယ်။ ဒါပေမယ့်လည်း နားလည်မှုနဲ့ အားလုံး အဆင်ပြေရေးကို ဦးတည်ပြီး လုပ်သွားမှာပါ” ဟု ဆိုသည်။
လက်ရှိ ဒဏ်ရာရနေသော သံဃာတော်များ၏ ဆေးရုံ မှတ်တမ်းစာအုပ်တွင် ရာဇ၀တ်မှုတံဆိပ် အတပ်ခံရမှုနှင့် ပက်သက်ပြီး သပိတ်စခန်းဖွင့်စဉ်က တရုတ်ကုမ္ပဏီဘက်က ၀န်ထမ်းတဦးကို ပြန်ပေးဆွဲသော အမှုဖြစ်ခဲ့ကြောင်း၊ ပစ္စည်းများ ပျက်စီးသည့် ကိစ္စများလည်း ဖြစ်ပေါ်ခဲ့ခြင်းကြောင့် ရဲအမှုဖွင့်ခဲ့သည်ကို သိရှိခဲ့ကြောင်း ဒေါ်အောင်ဆန်းစုကြည်က ပြောသည်။
ဆက်လက်ဖမ်းဆီးမှုများမရှိရန် မုံရွာတွင်သဘောတူညီ ခဲ့သည့်အတိုင်း မုံရွာတွင် ဆက်လက် ဖမ်းဆီးမှုများ မရှိကြောင်း သိရသည်။
လက်ရှိ ကြေးနီစီမံကိန်းသည် ၁၉၈၄ ခုနှစ် မြန်မာ့ဆိုရှယ်လစ် လမ်းစဉ်ပါတီ အစိုးရ လက်ထက်ကတည်းက စီမံကိန်းဖြစ်သော ကြောင့် မိမိ၏အမြင်တွင် နိုင်ငံ၏ ကိစ္စရပ်များကို နိုင်ငံသူ နိုင်ငံသားအားလုံးက သက်ဆိုင်သည့် စိတ်ဓာတ်ထားစေချင် ကြောင်း၊ အခွင့်အရေးတခုတည်းကို ကြည့်၍မရကြောင်း ဒေါ်အောင်ဆန်းစုကြည်က ပြောသည်။
မည်သည့်အစိုးရက လုပ်ခဲ့သည့်အတွက် မိမိနှင့်မသက်ဆိုင် ဆိုသော စိတ်ဓာတ်မထားသင့်ကြောင်း၊ နိုင်ငံသူ နိုင်ငံသားများ၏ အခွင့်အရေးကို လိုချင်လျှင် နိုင်ငံသူ နိုင်ငံသားများ၏ တာဝန်ကို ထမ်းဆောင်ရန် ၀န်မလေးသင့်ကြောင်း ၎င်းက ဆက်ပြော သည်။
လက်ပံတောင်းတောင် ကြေးနီစီမံကိန်း အလုပ်များသည် မည်သည့် ပုံစံမျိုးဖြင့် လုပ်နေသည်၊ အသုံးပြုနေသော နည်းပညာများ သည် အကောင်းဆုံးပုံစံမျိုးဖြင့် လုပ်နေခြင်းရှိမရှိ၊ ပတ်ဝန်းကျင် ထိန်းသိမ်းရေးအမြင်များနှင့် ကိုက်ညီမှုရှိမရှိ၊ သပိတ်စခန်း များကို ဖြိုခွဲမှုများ စသည့်ကိစ္စရပ်များကို အစိုးဘက်နှင့် လုံးဝ ပါဝင်စိစစ်သွားမည် မဟုတ်ဘဲ ပြင်ပ ပညာရှင်များနှင့်သာ စုံစမ်းစစ်ဆေး သွားမည်ဖြစ်ကြောင်း သိရသည်။
သို့ရာတွင် စုံစမ်းစစ်ဆေးရေး ကော်မတီမှ ထွက်ပေါ်လာမည့် အဖြေသည် ပြည်သူအားလုံး ကျေနပ်သော အဖြေ ဖြစ်လာနိုင် မည် မဟုတ်ကြောင်း၊ ကော်မရှင်၏ ရည်ရွယ်ချက်သည် အမှန်တရားကို ဖော်ထုတ်ရန်သာ ဖြစ်ကြောင်း ဒေါ်အောင်ဆန်း စုကြည်က ဆိုသည်။
“အကြံပြုချက်တွေ ပေးတဲ့အခါ နိုင်ငံရဲ့ ရေရှည်အကျိုးစီးပွား၊ ပြည်သူတွေရဲ့ ရေရှည်အကျိုးစီးပွားနဲ့ ဒီမိုကရေစီ ခိုင်မာရေးရဲ့ အကျိုး စီးပွားတွေကို ကြည့်ပြီးတော့ လုပ်ပါ့မယ်။ မြင်ရင်မြင်တဲ့အတိုင်း အဖြေကို တင်ပြပါ့မယ်။ အဖြစ်ကို အဖြစ် အတိုင်း ကျမတို့ တင်ပြမှာပဲ။ အဲဒါကို ကျေနပ်တဲ့လူကလည်း ရှိမယ်၊ မကျေနပ်တဲ့လူကလည်း ရှိမယ်” ဟု သူက ပြောသည်။
ကော်မရှင်၏တာဝန်က အမှန်တရားကိုဖော်ထုတ်ရန်နှင့် အဆိုပါအမှန်တရားကိုအခြေခံပြီး နိုင်ငံအကျိုး၊ တိုင်းသူပြည်သား များအကျိုးအတွက် အကောင်းဆုံးဖြစ်မည့် အကြံပြုချက်များကို မှန်မှန်ကန်ကန် ရဲရဲဝံ့ဝံ့ တင်ပြရန်သာ ဦးတည်သွားမည် ဖြစ်ကြောင်း ဒေါ်အောင်ဆန်းစုကြည်က ရှင်းပြသည်။
သပိတ်စခန်းကို ဖြိုခွဲခဲ့မှုနှင့် ပက်သက်ပြီး ရဲများအနေဖြင့် အထက်မှ အမိန့် ပေးသောကြောင့်ဟု ပြောဆိုမှုများ ရှိနေကြောင်း၊ ယခုအချိန်တွင် မည်သူ့ကိုမျှ အပြစ်မဖို့ လိုကြောင်း၊ စုံစမ်းစစ်ဆေးရေးတွင် တိတိကျကျ အဖြေမပေါ်မခြင်း မည်သူ့တွင် တာဝန်ရှိသည်ကို မပြောချင်သေးကြောင်း ၎င်းက ဆိုသည်။
“ဟိုလူ့ကိုအပြစ်ဖို့သလို၊ ဒီလူ့ကို အပြစ်ဖို့သလို ဖြစ်နေမှာစိုးလို့ပါ။ ဘာပဲဖြစ်ဖြစ် ဒီအချိန်မှာ ဘယ်သူ့မှ အပြစ်မရှိဘူးလို့ တရားဥပဒေရဲ့ သဘောတရားအရ သတ်မှတ်မယ်။ စုံစမ်းလို့ သက်သေစုံလင် ရင်တော့ ဘယ်သူ့မှာ အပြစ်ရှိတယ် ဆိုတာ မြင်ရင် မြင်သလို ဖော်ပြပါ့မယ်” ဟု ဒေါ်အောင်ဆန်းစုကြည်က ရှင်းလင်းပြောကြားသည်။
ယခုဖြစ်ပျက်ခဲ့သော အခြေအနေများသည် နောက်ကြောင်းပြန်လှည့်နိုင်သည်၊ မလှည့်နိုင်သည်က နိုင်ငံသူနိုင်ငံသားများ အားလုံး၏ လက်ထဲတွင်သာ ရှိကြောင်းလည်း သူက ပြောသည်။
ကော်မရှင်အနေဖြင့် မီးလောင်မှုများနှင့် ပက်သက်ပြီး သက်သေခံ ပစ္စည်းတချို့ကို ရထားကြောင်း၊ နောက်ထပ်ရရှိရန် စုဆောင်းနေဆဲ ဖြစ်ကြောင်းနှင့် တတ်နိုင်သမျှ ထပ်မံရရှိရန် ကြိုးစားနေသကဲ့သို့ ရရှိပြီးဖြစ်သော ပစ္စည်းများကို အခြေပြုကာ ပညာရှင်များနှင့် အဖြေထုတ်သွားမည်ဟု သိရသည်။
ထိုလက်နက်များသည် တရုတ်နိုင်ငံမှ ထုတ်လုပ်ခြင်း ဟုတ်မဟုတ်ကို စုံစမ်းဆဲကာလ ဖြစ်သောကြောင့် အဖြေမပေးနိုင် သေးကြောင်း ဒေါ်အောင်ဆန်းစုကြည်က ပြောသည်။ ကျွမ်းကျင်သူများသာ မည်သည့်ဒေသက လာသည်၊ မည်သည့် အခြေအနေ ရှိသည်ကို ပြောနိုင်မည် ဖြစ်ပြီး အဖြေထွက်လာလျှင် သိနိုင်မည်ဖြစ်ကြောင်း ဒေါ်အောင်ဆန်းစုကြည်က ရှင်းပြသည်။
လက်ပံတောင်းတောင် ကြေးနီစီမံကိန်းနှင့် ပက်သက်ပြီး ဗိုလ်ချုပ်ဟောင်းများ ပါဝင်သော ဦးပိုင်ကုမ္ပဏီက အဓိက ပါဝင်နေ သောကြောင့် စုံစမ်းစစ်ဆေးမှုများတွင် အခက်အခဲ ဖြစ်နိုင်မည်မဟုတ်ကြောင်း သူက ဆိုသည်။
“ဗိုလ်ချုပ်ဟောင်းတွေရဲ့စီးပွားရေးပါနေလို့ ခက်ခဲတာမျိုး လုံးဝမရှိနိုင်ပါဘူး။ တွေ့ရှိချက်ကို တွေ့ရှိချက် အတိုင်းပဲ ဖော်ထုတ် မှာပါ။ ဘယ်သူ့ကိုမှ ကာကွယ်ဖို့လည်း မဟုတ်ဘူး။ ဘယ်သူ့ကိုမှလည်းမြှောက်စားဖို့ မဟုတ်ဘူး” ဟု ၎င်းက ပြောသွားသည်။
Ref: ဧရာဝတီ
ဒေါ်အောင်ဆန်းစုကြည်ရဲ့ လက်ပန်းတောင်းတောင်အရေး သတင်းစာ ရှင်းလင်းပွဲ
2012-12-06
လက်ပံတောင်းတောင်အရေး စုံစမ်းစစ်ဆေးရေး ကော်မရှင်အနေနဲ့ အမှန်တရားကို ဖော်ထုတ်ပြီး အမှန်ကို အမှန်အတိုင်း၊ အရှိကို အရှိတိုင်းသာ တွေ့ရှိချက်တွေကို ရဲရဲဝံ့ဝံ့နဲ့ အမှန်အတိုင်း တင်ပြသွားမယ်လို့ စုံစမ်း စစ်ဆေးရေးကော်မရှင် ဥက္ကဌ ဒေါ်အောင်ဆန်းစုကြည်က ဒီကနေ့မှာ ပြောကြား လိုက်ပါတယ်။
"အမှန်တရားကိုဖော်ထုတ်မယ် ကျွန်မတို့ရဲ့ တင်ပြချက်တွေမှာ နိုင်ငံရဲ့ရည်ရှည်အကျိုးစီးပွား၊ ပြည်သူတွေရဲ့ ရည်ရှည် အကျိုးစီးပွားနဲ့ ဒီမိုကရေစီ ခိုင်မာရေးရဲ့ အကျိုးစီးပွားတွေကို ကျွန်မတို့ ကြည့်ရမယ် "
ရန်ကုန်တိုင်းဒေသကြီး အစိုးရအဖွဲ့ရုံးမှာ ဒီကနေ့ကျင်းပတဲ့ လက်ပံတောင်းတောင်အရေး စုံစမ်း စစ်ဆေးရေးကော်မရှင် သတင်းစာ ရှင်းလင်းပွဲမှာ အခုလို ပြောကြားခဲ့တာပါ။
စုံစမ်းစစ်ဆေးရေး ကော်မရှင်ရဲ့တာဝန်နဲ့ ပြည်သူတွေကို အသိပေးရမယ့် တာဝန်နဲ့ ပတ်သက်ပြီးတော့ ဒေါ်အောင်ဆန်းစုကြည်က အခုလို ဆက်ပြောပါတယ်။
"ကျွန်မတို့ မြင်ရင်မြင်တဲ့အတိုင်းတင်ပြမယ်၊ လူတိုင်းကိုကျေနပ်အောင် ဆိုတာလုပ်လို့မရပါဘူး၊ ကော်မရှင်တစ်ခုအနေနဲ့ လူတိုင်းကို ကျေနပ်အောင် လုပ်ဖို့ဆိုတာ ကော်မရှင်တစ်ခုရဲ့ တာဝန် မဟုတ်ပါဘူး၊ ကော်မရှင်ရဲ့ တာဝန်ဟာ အမှန်တရားကိုဖော်ထုတ်ဖို့၊ ဒီအမှန်တရားကို အခြေခံပြီး နိုင်ငံအတွက် အကောင်းဆုံး၊ တိုင်းသူပြည်သားတွေအတွက် အကောင်းဆုံးဖြစ်မယ်ထင်တာကို ရဲရဲဝံ့ဝံ့နဲ့ တင်ပြဖို့ပါ"
မြန်မာနိုင်ငံမှာ လာရောက်ရင်းနှီး မြှုပ်နှံတဲ့ တရုတ်ကုမ္ပဏီတွေနဲ့ ပတ်သက်ပြီး ပွင့်လင်းမြင်သာမှု မရှိခဲ့တဲ့အတွက် အခုလို ပြဿနာတွေ ဖြစ်ခဲ့ရကြောင်း၊ ဒါကြောင့် ကော်မရှင်အနေနဲ့ အစိုးရရဲ့ ပွင့်လင်းမြင်သာမှုနဲ့ တာဝန်ယူမှုအတွက် တင်ပြချက်ထဲမှာ ထည့်သွင်းသွားမှာ ဖြစ်ကြောင်း၊ နိုင်ငံနဲ့ ပြည်သူတွေရဲ့ အကျိုးစီးပွားအတွက် အကောင်းဆုံးဖြစ်အောင် တင်ပြသွားမှာ ဖြစ်ကြောင်း ဒေါ်အောင်ဆန်းစုကြည်က ပြောပါတယ်။
လက်ပံတောင်းတောင်အရေး စုံစမ်းစစ်ဆေးရေး ကော်မရှင်အနေနဲ့ သတင်းထုတ်ပြန်ချက်တွေက လွဲပြီး သတင်းထောက်တွေကို သီးသန့်တွေ့ဆုံဖြေကြားမှာ မဟုတ်ဘဲ လိုအပ်တဲ့အခါ သတင်းစာ ရှင်းလင်းပွဲ ကျင်းပပြီး ထုတ်ပြန် သွားမယ်လို့ ပြောပါတယ်။ သပိတ်စခန်း ဖြိုခွဲခံရတာနဲ့ ပတ်သက်လို့ စုံစမ်း စစ်ဆေးပြီး အဖြေပေါ်မှသာ ထုတ်ပြန် အသိပေး သွားမယ်လို့လည်း ပြောခဲ့ပါတယ်။
Ref: RFA News
လက်ပံတောင်းဖြိုခွင်းမှု သမ္မတကိုယ်တိုင် တောင်းပန်ရန် သံဃာများ သတိပေး
ကျော်ခ
December 6, 2012
လက်ပံတောင်းတောင် အကြမ်းဖက် ဖြိုခွင်းမှုနှင့် ပတ်သက်၍ ထိခိုက်ဒဏ်ရာရရှိခဲ့သော သံဃာတော်များကို သမ္မတ ဦးသိန်းစိန်နှင့် အစိုးရ အဖွဲ့ ကိုယ်တိုင် အမြန်ဆုံး တောင်းပန်ရန် မန္တလေးမြို့မှ သံဃာတော်များက ယနေ့ နေ့လည်တွင် ထိုင်သပိတ်ဖြင့် ဆန္ဒ ထုတ်ဖော်၍ တောင်းဆိုခဲ့ကြသည်။
မန္တလေးမြို့ ချမ်းအေးသာစံမြို့နယ်ရှိ အိမ်တော်ရာ ဘုရားတွင် ရာနှင့်ချီသော သံဃာတော်များက လက်ရှိ အရပ်သား အစိုးရသစ် လက်ထက် ယင်းသို့ ဖြိုခွင်းမှုနှင့် ပတ်သက်ပြီး သမ္မတ ဦးသိန်းစ်ိန်နှင့် အစိုးရ အဖွဲ့တွင် တာဝန် အရှိဆုံးဖြစ်သဖြင့် ၎င်းတို့ ကိုယ်တိုင် တာဝန် သိသိဖြင့် အမြန်ဆုံးတောင်းပန် သင့်ကြောင်း မိန့်ကြားသည်။
“ဒဏ်ရာရ သံဃာတွေကို တာဝန်အရှိဆုံးဖြစ်တဲ့ ဦးသိန်းစိန်နဲ့ အစိုးရ ပုဂ္ဂိုလ်တွေက အမြန်ဆုံး လာတောင်းပန်ဖို့လိုတယ်ဗျ။ ဒါ ပထမဆုံး လုပ်ရမယ့်အလုပ်။ ဒါပြီးမှ အကြမ်းဖက်တဲ့ ပုဂ္ဂိုလ်တွေကို မြန်မြန်ဆန်ဆန် ပွင့်လင်းမြင်သာမှုရှိရှိ အရေးယူပေးဖို့ လိုတယ်။ အခု ဒေါ်စု ဦးဆောင်တဲ့ ကော်မတီက ဒီအကြမ်းဖက်မှုကို ဖော်ထုတ်ဖို့ မပါဘူးလို့ ဦးပဉ္စင်းတို့ သိရတယ်၊ ဒါ အစိုးရက မတရားဘူး။ ဒါကြောင့် ဦးပဉ္ဇင်းတို့ ဆန္ဒထုတ်ဖော်နေရခြင်း ဖြစ်တယ်” ဟု ဆန္ဒထုတ်ဖော်ရာတွင် ဦးဆောင်ပါဝင်သော သံဃာတော်တပါးက ဧရာဝတီသို့ မိန့်ကြားသည်။
အဆိုပါ သံဃာတော်များက အိမ်တော်ရာစေတီကို မျက်နှာမူကာ မေတ္တာသုတ် ရွတ်ဆိုခဲ့ကြပြီး နိုင်ငံတော် သမ္မတနှင့် အစိုးရအဖွဲ့က ထိခိုက်ဒဏ်ရာရ သံဃာများကို အမြန်ဆုံး လာရောက်ဝန်ချ တောင်းပန်ရန်၊ အကြမ်းဖက်နှိမ်နင်းမှုတွင် တာဝန်ရှိသူများအား ထိရောက်စွာ အရေးယူပေးရန်၊ ကြေးနီစီမံကိန်းနှင့် ပတ်သက်ပြီး ဖမ်းဆီးထားသူများကို အမြန်ဆုံး ပြန်လွှတ်ပေးရန် တောင်းဆိုခဲ့ကြသည်။
ထို့အပြင် ကြေးနီစီမံကိန်းကို ဒေသခံများနှင့် ပြည်သူများ ကျေနပ်လက်ခံနိုင်အောင် ဆောင်ရွက်ပေးရန်နှင့် ဒီမိုကရေစီ အစိုးရ စစ်စစ်တရပ် ပေါ်ပေါက်လာရန်၊ နောက်နောင်တွင် ယခုကဲ့သို့ အကြမ်းဖက်မှုမျိုးမပေါ်ပေါက်စေရန်၊ လွှတ်တော်များနှင့် အစိုးရအဖွဲ့တွင် ပါဝင်လျက်ရှိသော တပ်မတော်သားများ အမြန်ဆုံးနှုတ်ထွက်ပေးရန် တို့ကိုပါ တောင်းဆိုခဲ့ကြသည်။
သံဃာတော်များက ၎င်းတို့၏ တောင်းဆိုချက်များကို အစိုးရဘက်မှ လုပ်ဆောင်ပေးမှု မရှိမချင်း သပိတ် ဆင်နွှဲသွားရန် ရှိပြီး ယခုလ ၈ ရက်နေ့နှင့် ၁၂ ရက်နေ့များတွင်လည်း ဆန္ဒထုတ်ဖော်မှုများ ပြုလုပ်သွားရန်ရှိကြောင်း အကယ်၍ အဆိုပါရက်များ မတိုင်မီ အစိုးရက ပွင့်လင်းမြင်သာမှုရှိစွာ လုပ်ဆောင်မှုရှိပါက သပိတ် ရပ်တန့်မည်ဟု သိရသည်။
ယနေ့တွင်ပင် ရန်ကုန်မြို့တွင်လည်း ဆူးလေစေတီတော် ဝန်းကျင်တွင် သံဃာတချို့က လမ်းလျှောက်ပြီး လက်ပံတောင်း အကြမ်းဖက်မှု ဖော်ထုတ်အရေးယူပေးရေး၊ ဒဏ်ရာရ သံဃာတော်များကို အစိုးရက အမြန်ဆုံး တောင်းပန်ရေးနှင့် ဒဏ်ရာရ သံဃာတော်များကို လိုအပ်ချက်မရှိ ဆေးကုသပေးရန် ဆန္ဒထုတ်ဖော်ခဲ့ကြသည်။
ရန်ကုန်မြို့ခံတချို့ကလည်း မီးလောင်ဒဏ်ရာ ရထားသော သံဃာတော်များ၏ ပိုစတာများကို ကိုင်ဆောင်ကာ သံဃာတော်များ အကြမ်းဖက်ခံရမှု ကာကွယ်ပေးရေး စာတမ်းပါ ပုံများကိုင်ဆောင်ကာ တာမွေဈေးမှ ယုဇနပလာဇာသို့ ချီတက် ဆန္ဒပြခဲ့ကြကြောင်း သိရသည်။
အလားတူ ရှမ်းပြည်နယ် တောင်ကြီးမြို့နှင့် ဧရာဝတီတိုင်း ဝါးခယ်မမြို့များတွင်လည်း မြို့ခံ သံဃာတော်များနှင့် လူပုဂ္ဂိုလ်များ စုပေါင်းကာ ယင်းသို့ပင် ဆန္ဒထုတ်ဖော် တောင်းဆိုခဲ့ကြပြီး အစိုးရအနေဖြင့် အကြမ်းဖက်မှုကို တောင်းပန်ခြင်း၊ ပွင့်လင်းမြင်သာမှုရှိစွာ ဖော်ထုတ် အရေးယူခြင်း မရှိပါက ဆက်လက် ဆန္ဒဖော်ထုတ်ကြမည်ဟု ကြေညာလိုက်သည်။
မနက်ဖြန်တွင် မကွေးတိုင်း ချောက်မြို့ပေါ်ရှိ စာသင်တိုက်များမှ သံဃာတော်များ၊ မြို့ခံလူပုဂ္ဂိုလ်များက မြို့ပေါ်ရှိ အေးစေတီ ဘုရားဝန်းထဲတွင် လက်ပံတောင်း အကြမ်းဖက်မှုနှင့် ပတ်သက်ပြီး အစိုးရကို ထပ်မံ ဆန္ဒဖော်ထုတ်သွားမည် ဖြစ်ကြောင်းနှင့် တခြား ပြည်နယ်နှင့် တိုင်းအချို့က မြို့ခံသံဃာများကလည်း ဆန္ဒထုတ်ဖော်မှု ပြုလုပ်သွားမည်ဖြစ်သည်ဟု ဦးဆောင် ဆရာတော်များက ဧရာဝတီသို့ မိန့်ကြားသည်။
၂၀၀၇ ရွှေဝါရောင်လှုပ်ရှားမှု စတင်ခဲ့သည့် ပခုက္ကူမြို့မှ သံဃာတော်များနှင့် လက်ပံတောင်းတောင် စီမံကိန်းဒေသ မုံရွာမြို့ခံ သံဃာတော်များက ဒေါ်အောင်ဆန်းစုကြည် ဦးဆောင်သည့် ကော်မတီအဖွဲ့နှင့် အစိုးရ တာဝန်ရှိသူတို့၏ ကိုင်တွယ်ဆောင်ရွက်မှုကို စောင့်ကြည်လိုကြောင်း အကယ်၍ ထူးခြားမှုမရှိခဲ့လျှင် နိုင်ငံလုံးဆိုင်ရာ သံဃာ့သပိတ် ဆင်နွှဲမည်ဟု တညီတညွှတ်တည်း ပြောဆိုကြသည်။
စစ်တပ်ကျောထောက်နောက်ခံ ဦးပိုင်ကုမ္ပဏီနှင့် တရုတ် ဝမ်ပေါင် ကုမ္ပဏီတို့ ပူးပေါင်းလုပ်ဆောင်နေသော လက်ပံတောင်းတောင် ကြေးနီစီမံကိန်းကို ဖျက်သိမ်းရန် ဒေသခံများက သပိတ်စခန်းများဖွင့်၍ ဆန္ဒထုတ်ဖော်မှုကို ဝန်းရံပေးခဲ့သည့် သံဃာတော်များကို ယခင်လ ၂၉ ရက်နေ့ မနက် ၃ နာရီခန့်က အစိုးရ အာဏာပိုင်များက အကြမ်းဖက်ဖြိုခွင်းခဲ့သဖြင့် သံဃာနှင့် လူပုဂ္ဂိုလ် ၁၀၀ ခန့် မီးလောင်ဒဏ်ရာရခဲ့ပြီး တချို့မှာ ဆေးကုသမှု ခံယူနေရဆဲဖြစ်သည်။
ယင်းအကြမ်းဖက်မှုနှင့် ပတ်သက်ပြီး ဆန္ဒထုတ်ဖော်ရာ၌ ဦးဆောင်ခဲ့ကြသူများကိုလည်း အစိုးရက ဆက်တိုက် ဖမ်းဆီးမှုများရှိသည်။
Ref: ဧရာဝတီ
ချင်း လက်နက်ကိုင်အဖွဲ့နှင့် အစိုးရ ရန်ကုန်တွင် ဆွေးနွေးမည်
နန်းဆိုင်နွမ်
December 6, 2012
ချင်းအမျိုးသား တပ်ဦး (CNF) ကိုယ်စားလှယ် အဖွဲ့နှင့် အစိုးရ ကိုယ်စားလှယ်များ ဒုတိယအကြိမ် ပြည်ထောင်စု အဆင့် ငြိမ်းချမ်း ရေး ဆွေးနွေးပွဲကို ရန်ကုန်မြို့ရှိ Peace Center တွင် ပြုလုပ်မည် ဖြစ်ကြောင်း သိရသည်။
ဒီဇင်ဘာ ၇ ရက်နှင့် ၈ ရက်နေ့များတွင် ပြုလုပ်မည့် အဆိုပါ ဆွေးနွေးပွဲသည် ရန်ကုန်မြို့၌ ပထမဆုံး အကြိမ် ပြုလုပ်သည့် ဖြစ်ကြောင်း၊ အစိုးရနှင့် ယုံကြည်မှု တည်ဆောက်ရေး အတွက် လာရောက်ခြင်း ဖြစ်ကြောင်း CNF တွဲဖက် အတွင်းရေးမှူး ၂ ဒေါက်တာ ရွှေခါး က ဧရာဝတီသို့ ပြောသည်။
“ဒီကိုလာရောက်ဖို့က အစိုးရဘက်က လှမ်းဖိတ်လို့ပါ။ ပြည်တွင်းမှာ ဆွေးနွေးခွင့်ရတဲ့ အတွက် ၀မ်းသာပါတယ်။ တဘက်နဲ့ တဘက် ယုံကြည်မှု တည်ဆောက်ပြီး ရင်းနှီးမှုနဲ့ လွတ်လွတ်လပ်လပ် ဆွေးနွေးနိုင်မယ်လို့ ထင်ပါတယ်”ဟု ၎င်းက ဆိုသည်။
ယင်းတွေ့ဆုံပွဲတွင် အမျိုးသားရေး၊ ဖွံ့ဖြိုးရေး ကိစ္စ၊ လူမှုရေး၊ ယဉ်ကျေးမှုနှင့် စစ်ဘက်ဆိုင်ရာ ကိစ္စများ ဆွေးနွေး သွားမည် ဖြစ်ကြောင်း၊ CNF မှ ၂၁ ဦး တက်ရောက်မည်ဖြစ်ပြီး အစိုးရဘက်မှ ၁၂ ဦး တက်ရောက်မည် ဖြစ်ကြောင်း၊ CNF သည် ရန်ကုန်မြို့ရှိ လူ ထု အခြေပြု အဖွဲ့အစည်းများ၊ နိုင်ငံရေး ပါတီများ၊ ကျောင်းသား လူငယ်များ၊ ချင်းအဖွဲ့ အစည်းများနှင့် လည်း တွေ့ဆုံသွားမည်ဟု သိရသည်။
“၂၄ နှစ် ကြာမှ မြန်မာပြည်ကို ရောက်လာပြီး မိသားစုနဲ့ ပြန်တွေ့ရတဲ့အတွက် အရမ်း ၀မ်းသာရပါတယ်။ ပြီးတော့ ပြည်ထောင်စု စစ်စစ် မူ ပြဌာန်းခွင့်နဲ့ ဒီမိုကရေစီ ရရှိရေး အတွက် ဆက်လက် လုပ်ရဦးမှာပါ။ ဒီမိုကရေစီ မရမချင်း ကျနော်တို့ မိသားစုနဲ့ ကွဲနေ ရဦးမယ်။ ဒါတွေ အားလုံးဟာလည်း မိဘပြည်သူတွေ အားလုံး လက်တွဲလုပ်မှ ရရှိမှာပါ”ဟု CNF အလုပ်အမှုဆောင် သောမတ်စ် က ဧရာဝတီ ကို ပြောသည်။
CNF သည် အိန္ဒိယ-မြန်မာ နယ်စပ် အခြေစိုက် လက်နက်ကိုင်အဖွဲ့တဖွဲ့ဖြစ်ပြီး ယခုနှစ် ဇန်န၀ါရီလ ၁၆ ရက်တွင် ချင်းပြည်နယ် ဟားခါးမြို့ ၌ အစိုးရ ငြိမ်းချမ်းရေး ကိုယ်စားလှယ် အဖွဲ့နှင့် ပဏာမ သဘောတူညီချက် ၉ ချက်ကို လည်းကောင်း၊ မေလ ၇ ရက်က ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့နှင့် ဟားခါးမြို့၌ တွေ့ဆုံကာ အပစ်အခတ်ရပ်စဲရေး ပဏာမ သဘော တူညီချက် ၁၅ ချက်ကို လည်းကောင်း သဘောတူ လက်မှတ် ရေးထိုးနိုင်ခဲ့သည်။
“အရင် ဆွေးနွေးပွဲတွေတုန်းက နယ်စပ်မှာ ကျင်းပခဲ့တယ်။ အခုလို ပြည်တွင်း ရန်ကုန်မှာ လာလုပ်ရတဲ့ အတွက် အရမ်း ၀မ်းသာ တယ်။ နှစ် ၂၀ကျော် မတွေ့ရတဲ့ သူတွေကို အခုလိုတွေ့ပြီး ချင်းတိုင်းရင်းသားတွေနဲ့ စုံစုံလင်လင် ပြန်တွေ့ရတော့ အတိုင်းမသိ ဝမ်းသာပါတယ်” ဟု ရန်ကုန်အခြေစိုက် ချင်းပြည်နယ် အရပ်ဘက် အဖွဲ့အစည်းမှ David That Bik ကလည်း ဧရာဝတီသို့ပြော သည်။
ယမန်နေ့က အိန္ဒိယနယ်စပ်မှ ရောက်လာသော အထွေထွေ အတွင်းရေးမှူး ပူကျင်ကျုံး (Pu Zing Cung) ဦးဆောင်သည့် CNF ကိုယ်စားလှယ် အဖွဲ့ဝင်များကို ရန်ကုန်မြို့ မှ လူမှုအဖွဲ့အစည်းများ၊ မိသားစုဝင်များ၊ ချင်း နိုင်ငံရေး ပါတီများက ရန်ကုန်လေဆိပ်သို့ လာရောက် ကြိုဆိုခဲ့ကြ သည်။
CNF သည် ယခင် စစ်အစိုးရနှင့် ၁၉၉၇ ခုနှစ်တွင် တကြိမ် ဆွေးနွေးခဲ့ကြောင်း သိရသည်။
၁၉၈၈ ခုနှစ်တွင် စတင် ဖွဲ့စည်းခဲ့သော CNF အဖွဲ့သည် မြန်မာနိုင်ငံ၏ အင်အား အနည်းဆုံးသော လက်နက်ကိုင် အဖွဲ့များတွင် ပါဝင်သည်။ လက်ရှိအချိန်တွင် လက်နက်ကိုင် အင်အား မည်မျှရှိသည်ကို မသိရသေးပေ။
Ref: ဧရာဝတီ
လက်ပန်းတောင်းတောင် စီမံကိန်းအရေး မြို့ကြီးတွေမှာ သံဃာတော်တွေ ထိုင်သပိတ် စတင်
2012-12-06
ပြီးခဲ့တဲ့ ဒီဇင်ဘာလ ၁ ရက်နေ့က တောင်းဆိုခဲ့တာတွေကို အာဏာပိုင်တွေဘက်က တုန့်ပြန် လိုက်လျောမှု မရှိသေးတဲ့အတွက် မန္တလေး၊ ချမ်းအေးသာစံမြို့နယ်၊ သီရိဟေမာ အရှေ့ရပ်မှာရှိတဲ့ အိမ်တော်ရာဘုရားမှာ သံဃာတော်အပါး (၃၀၀) လောက်ဟာ ဒီကနေ့ နေ့လည်တစ်နာရီမှာ ထိုင်သပတ်ကို စတင် ဆင်နွဲခဲ့ကြပါတယ်။
လက်ပန်းတောင်းတောင် အထွေထွေ သပိတ်ဖြိုခွဲခဲ့စဉ်က ထိခိုက်ဒဏ်ရာရခဲ့တဲ့ သံဃာတော်တွေကို သမ္မတ ဦးသိန်းစိန် အစိုးရက အမြန်ဆုံးဝန်ချတောင်းပန်ဖို့၊ သပိတ်စခန်းတွေ ဖြိုခွဲမှုမှာ တာဝန်ရှိသူတွေကို အရေးယူပေးဖို့၊ ဖမ်းဆီးထားသူတွေကို အမြန်ဆုံးပြန်လွှတ်ပေးဖို့ဆိုတဲ့ သုံးချက်ကို ၁၀ ရက်အတွင်း အကောင်အထည်ဖော်ပေးဖို့ သံဃာတွေက တောင်းဆိုကြောင်း သိရပါတယ်။
ဒီကနေ့ ထိုင်သပိတ်ကို သံဃာတော်တွေနဲ့အတူ အထက်ဗမာပြည် ဗကသများအဖွဲ့ချုပ်က အဖွဲ့ဝင်တွေ၊ ၈၈ မျိုးဆက်ကျောင်းသားတွေ အဖွဲ့က ကိုမာကီးနဲ့ ဇနီးဖြစ်သူ တောင်သူလယ်သမား အရေး ဆောင်ရွက်သူ မစုစုနွေးတို့ ပါဝင်ခဲ့ကြပါတယ်။
တစ်ချိန်တည်းမှာပဲ ဧရာဝတီတိုင်းဒေသကြီး ဝါးခယ်မ မြို့မှာလည်း ဒေသခံ သံဃာတော်တွေက ထိုင်သပိတ် ဆင်နွှဲ ခဲ့ကြပါတယ်။ အထက်မြန်မာပြည် သံဃာတွေရဲ့ ဆော်သြမှုအတိုင်း ဝါးခယ်မမြို့က သံဃာတွေက အောက်မြန်မာပြည် သံဃာတွေ အနေနဲ့ ပါဝင် ဆန္ဒထုတ်ဖော်တာဖြစ်ကြောင်း ဝါးခယ်မမြို့က အောင်ရတနာ စာသင်တိုက် ဆရာတော် ဦးက္ကန္ဒာစာရက မိန့်ကြားပါတယ်။
အလားတူ အထက်မြန်မာပြည် မြိုကြီးတွေဖြစ်တဲ့ ချောက်၊ ကျောက်ပန်းတောင်း၊ ပခုက္ကူ၊ တောင်းကြီး၊ မိုးကုတ်မြို့တွေမှာ ဒီတောင်းဆိုချက်တွေ အတိုင်း ဆန္ဒဖော်ထုတ် ခဲ့ကြပါတယ်။
ဒီကနေ့ ဆန္ဒပြပွဲကို အာဏာပိုင်တွေက တစုံတရာတားမြစ်တာ မရှိပေမယ့် စောင့်ကြည့် မှတ်တမ်း တင်တာတွေ ရှိခဲ့ပြီး ဆန္ဒပြပွဲဟာ နေလည် ၂ နာရီမှာ အဆုံးသတ်ခဲ့ပါတယ်။
Ref: RFA News
Thursday, December 6, 2012
လက်ပံတောင်း ဒိုင်ယာရီ
လဖိုင်
December 6, 2012
ဒေါ်အောင်ဆန်းစုကြည် လက်ပံတောင်းတောင်ကို နိုဝင်ဘာ ၂၉ ရက်နေ့ သွားမယ်ဆိုတဲ့ သတင်းကြောင့် ရန်ကုန်ကနေ နိုဝင်ဘာ ၂၈ ရက်နေ့ညကတည်းက ဟိုင်းဝေးကားနဲ့ ထွက်သွားခဲ့တယ်။ ည ၈ နာရီထွက်တဲ့ ကားက နောက်တနေ့ မနက် ၆ နာရီခွဲလောက် မုံရွာ ကားဂိတ်ကို ရောက်ပါတယ်။ ရောက်ပြီး မကြာခင်မှာ ရန်ကုန်က သတင်းလှမ်းပို့တယ်၊ နိုဝင်ဘာ ၂၉ ရက် မနက် ၃ နာရီမှာ သပိတ် စခန်းတွေ အပြောင် ရှင်းလိုက်ပြီတဲ့။
မုံရွာ အမျိုးသားဒီမိုကရေစီ အဖွဲ့ချုပ် (NLD) ကို ဆက်သွယ်တော့ လူတွေ မအားပါဘူး၊ လူနာသယ်နေရတယ်လို့ ဆိုပါတယ်။ မနက် ၆ နာရီ ခွဲမှာပဲ ဆေးရုံမှာ ဒဏ်ရာရ သံဃာ အပါး ၂၀ ရောက်နေပြီလို့ ပြောပါတယ်။ ဒါနဲ့ပဲ မီးလောင်ခဲ့တဲ့ နေရာမှာ အကြွင်းအကျန်လေးများ ဓာတ်ပုံ ရိုက်လို့ ရမလားဆိုပြီး လက်ပံတောင်းတောင်ကို ဆိုက်ကယ်နဲ့ သွားလိုက်ပါတယ်။
အစကတော့ ဆေးရုံကို သွားရင်း မြို့ကနာရေးကူညီမူကား နောက်ကနေပဲ ကပ်လိုက်သွားပါတယ်။ လမ်းတဘက် တချက်က တမာပင်တွေကြောင့် မုံရွာက တော်တော်လေး သာယာအေးဆေးတာ တွေ့ရတယ်။ ၀မ်ပေါင် ကုမ္ပဏီနားက လမ်းဆုံမှာတော့ ရဲတွေက သံဆူးကြိုး ကာပြီး သွားလာခွင့်ကို ပိတ်လိုက်ပြီ။ မနက်စောစောပိုင်းမှာ ကိုနေမျိုးဇင်တို့ အဖွဲ့၊ AFP သတင်းဌာနက ဓာတ်ပုံဆရာနဲ့၊ တခြားမီဒီယာတွေ ရောက်နှင့်နေပြီး အထဲကိုဝင်ဖို့ လုပ်တာကို ရဲတွေက တားဆီးနေကြပါတယ်။ ဗိုလ်ကြီးဟောင်း ကိုနေမျိုးဇင်က ပြည်သူ့ ၀န်ထမ်းတွေ ရှိသင့်တဲ့ စိတ်သဘောထားမျိုး ရဲဝန်ထမ်းတွေကို ပြောပြနေတော့ ဒုရဲအုပ် တယောက်က “စစ်ဗိုလ်ဟောင်းလည်း *** ခံလေ” ဆိုပြီး ရိုင်းရိုင်းစိုင်းစိုင်း ပြောလို့ ပွဲဆူကုန်ပါတယ်။
နောက်တော့ မုံရွာခရိုင် ဒုတိယ ရဲမှူးကြီးတင်ဝင်းက “ကျနော်တို့က လုံခြုံရေးအတွက် လုပ်တာပါ၊ မီးလောင်ဗုံး မသုံးရပါဘူး၊ သစ္စာ ဆိုရဲပါတယ်” လို့ ငြင်းချက် ထုတ်ပါတယ်။ သူပြောနေတုန်းပဲ မီးလောင်ခံရတဲ့ သပိတ်စခန်း ခေါင်းဆောင်က ထပြီး မီးရှို့တာတွေ၊ ရဲဝင်ရိုက်တာတွေကို အစအဆုံး သူမြင်တဲ့အတိုင်း ပြောပြလို့ လူတွေ အုံသွားပါတယ်။ ခဏနေတော့ NLD လွှတ်တော် အမတ် ဒေါ်ခင်စန်းလှိုင် ရောက်လာပြီး အထဲက အခြေအနေတွေကို ကြည့်ဖို့ ၀င်ခွင့်တောင်းခဲ့ပေမယ့် သူလည်း ၀င်ခွင့်မရပါဘူး။
မကြာဘူး မုံရွာဘက်က နာရေးကားတွေ တစီးပြီးတစီး ခေါက်တုန့် ခေါက်ပြန် လူနာ သယ်ကြပါတော့တယ်။ အကျော်၊ ဖောင်းကား စတဲ့ ရွာတွေထဲမှာ ပုန်းနေတဲ့ သံဃာတွေလည်း အဲဒီအချိန်ကျမှ ဆေးရုံရောက်ပါတယ်။
ဘုန်းကြီးကျောင်းတွေမှာ ပုံထားတဲ့ သင်္ကန်းတွေလည်း မီးလောင်ရာတွေနဲ့ ပြည့်နေတယ်။ ဖောင်းကားတောင်ဘက်က ဘုန်းကြီးကျောင်းထဲ ၀င်ပြေးသူတွေကို ရဲတွေက လိုက်ဖမ်းပေမယ့် ရွာသူရွာသားတွေက ရွံ့တွေ၊ အမှိုက်တွေနဲ့ ပြန်လည် ပစ်ခတ်လို့ ရဲတွေ လိုက်မလာတော့ဘူးလို့ ဖောင်းကား အလယ်က ဘုန်းကြီးကျောင်း တကျောင်းမှာ ပုန်းနေတဲ့ ၀က်မှေးရွာသားတွေက ပြောပြတယ်။
ဝမ်ပေါင်ဂိတ်ရှေ့ သပိတ်စခန်းက ကိုဝင့်ကျော့မှူးကိုလည်း ဖမ်းဆီးဖို့ ကြိုးစားခဲ့ပြီး ရိုက်နှက်တာတွေခံခဲ့ ရတယ်လို့ သိရတယ်။
“သူတို့က လုံခြုံရေးစည်းကို ၄ ယောက်လောက် ကျော်လာပြီးဖမ်းတာ။ ရိုက်လည်းရိုက်၊ ဆွဲလည်းဆွဲပေါ့။ ကျနော်က အော်ပြီး ရုန်းရင်း ပြေးတော့ လွတ်လာပါတယ်။ ၅ ချက်လောက်တော့ အရိုက်ခံလိုက်ရတယ်။ အရိုက်ထက် ဖမ်းဖို့ကို စိတ်သာနေလို့ နည်းနည်း သက်သာရတယ်” လို့ ကိုဝင့်ကျော့မှူးက ရှင်းပြတယ်။
မနက်ပိုင်းမှာ ရုန်းရင်းဆန်ခတ် ဖြစ်ပျက်ခဲ့ပြီး အဲဒီနေ့ ညပိုင်း ဒေါ်အောင်ဆန်းစုကြည် အလာမှာ ဘာဆုံးဖြတ်မယ် ဆိုတာကို စောင့်နေကြတာကြောင့် သပိတ်လှန်၊ မလှန် ဆုံးဖြတ်ချက်မချနိုင်ဘဲ တကွဲတပြား ဖြစ်နေကြတာ တွေ့ရတယ်။
ဒေါ်အောင်ဆန်းစုကြည်က နေ့လယ် ၁ နာရီ ကံကုန်းရွာထိပ်မှာ ဟောပြောမယ် ဆိုတာကြောင့် NLD ပါတီဝင်တွေ နေရာ ထိုင်ခင်း ပြင်ဆင်နေကြတယ်။ လူနာ သယ်တဲ့သူက သယ်၊ သတင်းထောက်တွေလည်း ဟိုလျှောက်၊ သည်လျှောက်နဲ့ ၀မ်ပေါင် ကုမ္ပဏီရှေ့က မုံရွာ – ပုသိမ် – ကလေးဝ လမ်းဟာ စည်ကားနေပါတယ်။
ဒေါ်အောင်ဆန်းစုကြည်ကို မမြင်ဖူးကြတဲ့ လမ်းတလျှောက်က ရွာသားတွေကလည်း အလံကိုင်တဲ့ သူကိုင်၊ လမ်းလျှောက်ပြီး ဟောပြောပွဲ နေရာ သွားတဲ့သူ သွားနဲ့ တဖြည်းဖြည်း လမ်းပေါ်မှာ လူတွေပြည့်လာ ပါတယ်။
“ဒေါ်အောင်ဆန်းစုကြည် ၁ နာရီမှာ ဟောမယ်ဆိုလို့ မနက် ၁၀ နာရီ လောက်ကတည်းက ထွက်လာတာ” လို့ ကံကုန်းရွာသူ တယောက်က ပြောပါတယ်။
ထော်လာဂျီ၊ ဆိုင်ကယ် ရရာယဉ်တွေနဲ့ ဟောပြောမယ့် နေရာဆီကို လူတွေ တဖွဲဖွဲ လာနေကြပါပြီ။ မုံရွာ၊ ယင်းမာပင်၊ ဆားလင်းကြီး၊ ဒီပဲယင်း၊ ပုခုက္ကူ၊ မြင်းခြံ မြို့နယ်တွေက NLD ပါတီ ၀င်တွေကတော့ ကားကြီး ကားငယ်တွေနဲ့ ရောက်လာ နေကြပါတယ်။ မုံရွာဘက်မှာလည်း လူတွေက အုတ်အုတ်ကျက်ကျက်၊ ဟောပြောမယ့် နေရာမှာလည်း လူတွေစုစုနဲ့ပါ။
ဟောပြောမယ့် စင်ကတော့ လက်ပံတောင်းတောင်ကို မျက်နှာမူထားပြီး ကြေးစင်တောင်ကို နောက်ခံပြုလို့ ဆောက်ထား ပါတယ်။ မွန်းတည့် ၁၂ နာရီလောက်မှာတော့ ကွင်းထဲမှာ လူတွေနဲ့အပြည့် ဖြစ်နေပါပြီ။
နေရာပျောက်မှာစိုးလို့ ရေအိမ်တောင် မသွားရဲသူတွေ၊ ဗိုက်ဆာပေမယ့် ကြိတ်ခံသူတွေရဲ့ အသံတွေကို အဆိုတော် လားရှိုးသိန်းအောင်ရဲ့ “အမေစု နောက်က လိုက်ကြစို့” ဆိုတဲ့ သီချင်းသံက ဖုံးလွှမ်းနေပါတယ်။ ၁ နာရီလာမယ်ဆိုပေမယ့် တကယ်တမ်း ဒေါ်အောင်ဆန်းစုကြည် ရောက်တော့ ညနေ ၆ နာရီ ထိုးပါတော့မယ်။ ပရိသတ်ကို ဟောပြောတာ မလုပ်ခင် ၀မ်ပေါင်က တာဝန်ရှိသူတွေနဲ့ သွားစကားပြောလာတယ်လို့ သိရတယ်။
ဒေါ်အောင်ဆန်းစုကြည်က ပရိသတ်ကို မိနစ် ၂၀ လောက် စကားပြောရာမှာ သူဟာ ပြည်သူအကြိုက်လိုက်တဲ့ နိုင်ငံရေးသမား မဟုတ်ကြောင်း၊ ရေရှည်အကျိုးကို ကြည့်ပြီး ဆောင်ရွက်မယ့် သူ့လုပ်ရပ်တွေအပေါ် မကြိုက်ရင် မကြိုက်တဲ့အကြောင်း ပြောနိုင်ကြောင်း၊ တနိုင်ငံလုံး တိုးတက်အောင် အားလုံး တက်ညီလက်ညီလုပ်ဖို့လိုကြောင်း၊ အများအကျိုးအတွက် တခါတရံ ကိုယ့်အကျိုးကို နောက်ပို့ထားရမှာဖြစ်ကြောင်း၊ လက်ရှိ ပြဿနာကို သိက္ခာရှိရှိ ဖြေရှင်းချင်ကြောင်း၊ အဲဒီလိုဖြေရှင်းဖို့ ပြည်သူတွေက ထောက်ခံဖို့ လိုကြောင်းတွေကို ပြောသွားပါတယ်။
သူ့ ဟောပြောပွဲ အပြီးမှာတော့ လာနားထောင်တဲ့ ကံကုန်းရွာသူတွေကို ဒေါ်အောင်ဆန်းစုကြည်က တရုတ်တွေကို စီမံကိန်း ဆက်လုပ်ခွင့် ပေးမယ်ဆိုရင်ရောလို့ မေးတော့ “အမေစု ကောင်းမယ်ထင်လို့ ဆုံးဖြတ်တာမို့ လက်ခံမှာပါ” လို့ ပြန်ဖြေကြတယ်။
နောက်တော့ ဒေါ်အောင်ဆန်းစုကြည် တည်းခိုတဲ့ ၀င်းယူနတီဟိုတယ်မှာ မီးလောင်ခံရတဲ့ ရွာသူတွေ၊ သပိတ်စခန်းက လူတွေနဲ့ စကားပြောပါတယ်။
“ဒီဖြစ်စဉ်တွေကို အမေစုကပဲ အကောင်းဆုံး လုပ်ပေးနိုင်မယ်လို့ ယုံကြည်ထားတယ်။ အမေစုပါလာတော့ အားရှိတာပေါ့။ ဒီလိုစီမံကိန်းမျိုး မရှိသင့်ဘူး၊ ဖျက်သိမ်းသင့်တယ်။ ကျမတို့ သပိတ်ကတော့ ဘယ်တော့မှမလှန်ဘူး စီမံကိန်းကြီး ဖျက်သိမ်းပြီးမှ သပိတ်လှန်ပါမယ်။ အားလုံးညှိနှိုင်းပြီးမှ သိပိတ်ပြန်စမှာပါ။ လယ်တီဆရာတော်က ဒီပနီကျမ်းကို အဲဒီ စီမံကိန်း နေရာမှာ ရေးသွားတာ၊ အခိုင်အမာ သက်သေရှိပါတယ်။ ဒီလို မတရားတာကြီးကို ကျမတို့သာ ငုံ့ခံခဲ့မယ်ဆိုရင် သားစဉ်မြေးဆက် သွားရော” လို့ သပိတ်ကို ခေါင်းဆောင်သူ တဦးဖြစ်တဲ့ မသွဲ့သွဲ့ဝင်းက ပြောပါတယ်။ မသွဲ့သွဲ့ဝင်းရဲ့ ညီမ မဖြူဖြူဝင်းလည်း မျက်နှာနဲ့ လက်မောင်းတွေမှာ မီးလောင်ဒဏ်ရာ ရနေပြီး တနေ့လုံး ပုန်းနေရတယ်လို့ သိရတယ်။
သပိတ်စခန်းက လူတွေနဲ့တွေ့ပြီးချိန်မှာ ဒေါ်အောင်ဆန်းစုကြည်က မီးလောင်ထားတဲ့ သံဃာတွေကို သွားဖူးတွေ့ပါတယ်။ နောက်တနေ့ နိုဝင်ဘာ ၃၀ မနက် ၈ နာရီမှာ မုံရွာ အောက်ဇက်ဆိပ် သောင်ပြင်မှာ ဟောပြောပွဲလုပ်ဖို့ စီစဉ်ထားပါတယ်။
အစီအစဉ် အသေအချာမသိရဘဲ အချိန် အနားကပ်မှ သိရတော့ လူတွေ အပြေးအလွှား သွားကြည့်ကြပါတယ်။ သောင်ပြင်အပြည့် လူတွေပါပဲ။ သောင်ပြင်ကနေ ကြည့်ရင်တော့ လက်ပံတောင်းတောင်ကို မြင်နေရပါတယ်။ အဲဒီမှာတော့ ဒေါ်အောင်ဆန်းစုကြည်စုက မီးလောင်ခံခဲ့ရတဲ့ ကိုယ်တော်တွေ အကြောင်း အပါအ၀င် မြန်မာနိုင်ငံဟာ အိမ်နီးချင်း နိုင်ငံတွေနဲ့ အဆင်ပြေအောင် နေရမယ့်အကြောင်း၊ ကမ္ဘာတည်သရွေ့ အိမ်နီးချင်းတွေနဲ့ နေသွားရမှာ ဖြစ်တဲ့အကြောင်း၊ အိမ်နီးချင်းနဲ့ မတည့်လို့ လင်မယားများ ကွဲကြသလို ကွဲလို့မရကြောင်း၊ အာဏာရှင်လက်ထက်က ပြည်သူ့ဆန္ဒမပါဘဲ ပေးထားတဲ့ ကတိတွေ ဆိုပေမယ့် သိက္ခာရှိတဲ့ နိုင်ငံသားများ ဖြစ်ရေးအတွက် နှစ်နိုင်ငံ သဘောတူညီချက်တွေကိုတော့ လေးစားရမှာ ဖြစ်ကြောင်း ပြောသွားပါတယ်။
မိန့်ခွန်း အပြီးမှာ အောက်ကပရိသတ်က “သတ္ထုတွင်း ၀န်ကြီးရိုရှိသားနဲ့ ဘာလို့ ဦးပိုင်က ဒီလုပ်ငန်းတွေကို ၀င်ကိုင်နေရသလဲ” လို့ မေးခွန်းထုတ်တော့ ဒေါ်အောင်ဆန်းစုကြည်က “ဒီကိစ္စနဲ့ ပတ်သက်လို့ ကျမ ရှင်းရှင်းလင်းလင်း ပြောပါမယ်” လို့ ဆိုပါတယ်။
ဦးပိုင်ကုမ္ပဏီ ဆိုတာက စစ်တပ်နဲ့ ဆက်စပ်နေတယ်ဆိုတာ အများအသိဖြစ်ကြောင်း၊ တပ်မတော်ဟာ မြန်မာနိုင်ငံနဲ့ ဆက်စပ်နေကြောင်း သူက ရှင်းပြပါတယ်။
“တချို့က ကျမ အနေနဲ့ တပ်မတော်အပေါ်မှာ မေတ္တာထားတယ် ဆိုရင် မကြိုက်ကြပါဘူး။ မတတ်နိုင်ဘူး။ ထားတာက ထားတာပဲ။ ဒါကတော့ ကျမ အမှန်အတိုင်း ပြောတာပဲ။ ဘာဖြစ်လို့လဲ ဆိုတော့ ကျမက ငယ်ငယ်ကတည်းက ဖေဖေ့သမီး အနေနဲ့ ကြီးလာတာကိုး။ တပ်မတော်အပေါ်မှာ မေတ္တာမထားဘဲနဲ့ကို မနေတတ်ဘူး။ ငယ်ငယ်ကတည်းက၊ မွေးကတည်းက တပ်မတော်အပေါ်မှာ မေတ္တာထားဖို့ သင်ခဲ့ရတော့ မေတ္တာကတော့ ဘယ်လိုမှ မပျောက်ကွယ် သွားနိုင်ဘူး။ လုပ်တဲ့ ကိစ္စတွေကိုတော့ ကျမ မကြိုက်ဘူးပေါ့။ အထူးသဖြင့် ကျမအပေါ်မှာလုပ်တာလည်း မကြိုက်ဘူး။ ပြည်သူအပေါ်မှာ လုပ်တာလည်း မကြိုက်ဘူး။ မကြိုက်သော်လည်း မေတ္တာတော့ မပျက်ပါဘူး” လို့ ဒေါ်အောင်ဆန်းစုကြည်က ဆက်ပြောတယ်။
ဦးပိုင် လီမိတက် ဆိုတာ တပ်မတော်နဲ့ ဆက်စပ်နေတာ ဖြစ်တဲ့အတွက် ဒီကိစ္စတွေကို ချဉ်းကပ်တဲ့အခါမှာ သဘောထား ကြီးကြီးနဲ့၊ အမျိုးသား ရင်ကြားစေ့ရေးကို ဦးတည်ပြီးတော့ ချဉ်းကပ်မှာ ဖြစ်တဲ့အကြောင်းလည်း သူက ဆိုပါတယ်။
“မသိချင်ယောင်တော့ ဆောင်မနေပါဘူး။ မေးသင့်တာတွေတော့ ကျမ မေးမှာပါ။ ဒါပေမယ့် မေးတယ် ဆိုတာဟာ ကောင်းတဲ့ အဖြေတခုကို လိုချင်လို့ မေးခွန်းမေးတာပါ။ ဖြေလိုက်တဲ့ အဖြေကို ပြောတာမဟုတ်ဘူး။ ဖြေလိုက်တဲ့ အဖြေအပေါ်မှာ အခြေခံပြီး ဘယ်လို အကောင်းဆုံး ဖြစ်နိုင်မလဲ ဆိုတာကို လုပ်ဖို့ ကျမတို့ ရည်ရွယ်တာပါ။ ဥိးပိုင်က တာဝန်ခံတွေနဲ့လည်း တွေ့ဆုံဖို့ ရှိပါတယ်။ ကျမ ပွင့်ပွင့်လင်းလင်းပဲ မေးလိုက်မယ်၊ ပြည်သူကတော့ ဒီလိုမေးနေတယ်၊ ကျမ ဘယ်လို ဖြေရမလဲလို့” ဆိုပြီး လူထုရဲ့ အမေးကို ဒေါ်အောင်ဆန်းစုကြည်က ဖြေပါတယ်။
သူ အဲဒီလိုဖြေလိုက်တာကို တချို့က သိပ်မကျေနပ်ချင်ပေမယ့် တချို့ကတော့ လက်ဝါးတွေ နီရဲလာတဲ့အထိ လက်ခုပ်တီးကြပါတယ်။
နောက်တော့ ၀င်းယူနတီ ဟိုတယ်မှာပဲ ရွာသားတွေနဲ့ ဒေါ်အောင်ဆန်းစုကြည် တခါပြန်တွေ့ပါတယ်။ ဒီတခါတော့ ရွာသား ၂၀ လောက်ပါပြီး ကံကုန်း၊ ဇီးတော၊ ဆည်တည်း၊ ၀က်မှေး စတဲ့ စီမံကိန်းနဲ့ ပတ်သက်တဲ့ ရွာတွေက လူတွေနဲ့ တွေ့တာပါ။လူရွေးတာကို NLD က လုပ်ပါတယ်။ မနေ့ညက တွေ့ခွင့်ရတဲ့ မီးလောင်ဒဏ်ရာနဲ့ မဖြူဖြူဝင်းက စာရင်းမှာ မပါလို့ မတွေ့ရပါဘူး။ ဟိုတယ် အပြင်မှာလည်း ပရိတ်သတ်တွေ ၀ိုင်းအုံနေပါတယ်။ ဒေါ်အောင်ဆန်းစုကြည်ကို တွေ့ချင်လို့ လာကြည့်တဲ့ မုံရွာမြို့ခံတွေလည်း ပါပါတယ်။ သပိတ်နှိမ်နင်းတဲ့ ဖြစ်စဉ်ကို ကောင်းကောင်း မသိတဲ့ မြို့သားတွေလည်း အများကြီးပါပါတယ်။
မီးက ဘယ်လိုလောင်တာ၊ ဘယ်လိုဖြစ်တာ စသည်ဖြင့် အထဲမ၀င်ရတဲ့ မဖြူဖြူဝင်းက အစအဆုံး ရှင်းပြနေတယ်။ အဲဒီအချိန်ကျမှ မုံရွာ မြို့သားတွေလည်း ဇာတ်ရည်လည်ပြီး အံ့သြနေတာ တွေ့ရတယ်။
မုံရွာမြို့သားတယောက်ကတော့ “သပိတ်မှောက်တဲ့ သံဃာတွေဟာ ဆန္ဒစောတယ်” လို့ ပြောနေတယ်။
ရွာသားတွေနဲ့ ဒေါ်အောင်ဆန်းစုကြည် တွေ့နေချိန်မှာ မီဒီယာတွေက ဟိုတယ်ပြင်က စောင့်ရပါတယ်။ ဒါပေမယ့် BBC, AP, New York Times စတဲ့ နိုင်ငံခြားသတင်းထောက်တွေက အထဲရောက်နေလို့ အပြင်မှာ ဆူကြရာကနေ မီဒီယာအားလုံးကို ပေးဝင်လိုက်ပါတယ်။ အဲဒီနောက်မှာတော့ ထွက်လာတဲ့ရွာသားတွေကို စောင့်ပြီး သတင်းသမားတွေ ဝိုင်းမေးကြပါတော့တယ်။ အားလုံးကတော့ “အမေစု” (ဒေါ်အောင်ဆန်းစုကြည်) ဆုံးဖြတ်တာကို လက်ခံမယ်လို့ပဲ ပြောကြပါတယ်။
မသွဲ့သွဲ့ဝင်းကလည်း “အမေစု ဆုံးဖြတ်တဲ့အတိုင်း လိုက်နာမှာပါလို့ ပြောပါတယ်။ သပိတ်ကိုလည်း ခဏဆိုင်းထားပါမယ်” ဆိုပြီး မီဒီယာများကို ဟိုတယ်မှာ ပြောပါတယ်။
နောက်တော့ ဒေါ်အောင်းဆန်းစုကြည်က သတင်းစာရှင်းလင်းပွဲ လုပ်ပြီး စုံစမ်းရေး ကော်မရှင် ဖွဲ့မယ့်အကြောင်း၊ ရှေ့ဆက်လုပ်မယ့် အကြောင်းအရာတွေကို ပြောသွားပြီး ရန်ကုန်ပြန်ဆင်း သွားပါတယ်။
ဒီဇင်ဘာ ၁ ရက်နေ့ မနက် ၁၁ နာရီ လောက်မှာ ၈၈ မျိုးဆက် ကျောင်းသားတွေ မုံရွာကို ရောက်လာပါတယ်။ နေ့လယ်မှာတော့ စစ်ကိုင်းတိုင်း ရဲမှူးကြီးက မုံရွာမြို့ပေါ် ကျောင်းတိုက်အသီးသီးက ဆရာတော်အပါး ၂၀ ကို ဖိတ်ကြားပြီး လှူဖွယ်ပစ္စည်းကပ်၊ သြ၀ါဒ ခံယူဖို့ စီစဉ်ထားတယ်လို့ သိရပါတယ်။ နေ့လယ် ၁ နာရီ ပွဲစမယ်ဆိုပြီး ကြေညာထားပါတယ်။ မုံရွာလူထုကလည်း အဲဒီပွဲကို တန်ပြန်ရှုတ်ချပွဲ လုပ်ဖို့ စီစဉ်ထားတယ်ဆိုပြီးလည်း သတင်း ကြားနေရပါတယ်။
နေ့လယ် ၁ နာရီကတည်းက ရဲတပ်ဖွဲ့ဝင်တွေ တဖွဲဖွဲ ရောက်လာပါတယ်။ သတင်းသမားတွေလည်း အမြောက်အများပါပဲ။ ၁ နာရီဆိုလို့ စောင့်နေပေမယ့် ဆရာတော်တွေက နေ့လယ် ၂ နာရီအထိ ကြွမလာပါဘူး။ ၂ နာရီ ကျော်မှ သံဃာတော် ၁၀ ပါးပဲကြွလို့ ကြွလာတဲ့ ကိုယ်တော်တွေနဲ့ပဲ ပွဲစပါတယ်။ ပွဲမစခင် အထွေထွေအုပ်ချုပ်ရေးဌာနမှ အရာကြီးတဦးက “SkyNet ရော၊ SkyNet ရောက်ပြီလား” ဆိုပြီး အပူတပြင်းရှာဖွေတာ တွေ့ရတယ်။ ခဏနေတော့ SkyNet ရုပ်သံက ကင်မရာသမားတွေကို တွေ့သွားပြီး သံဃာတော်တွေ ကြွလာတာက စလို့ အမိအရ ရိုက်ကူးစေပါတယ်။ ပြီးတော့မှ စစ်ကိုင်းတိုင်း ရဲမှူးကြီး ဦးစန်းယုက အသင့်ယူလာတဲ့ စာကိုဖတ်ပြပြီး ဆရာတော်တွေကို အကျိုးအကြောင်း လျှောက်ထားပါတယ်။
မီးခိုးဗုံး၊ မီးသတ်ပိုက်တွေသာ သုံးပြီး တတ်နိုင်သမျှ အင်အားအနည်းဆုံးနဲ့ ထိခိုက်မှု မရှိရအောင် ဆောင်ရွက် ပါတယ်လို့ပြောတော့ သြ၀ါဒ ခံယူပွဲ လာဝင်ကြည့်တဲ့ ပရိသတ်တွေက “လူလိမ်တွေဟေ့ … ညာနေတာတွေ” လို့ ကြိုကြား ကြိုကြား အော်ကြပါတယ်။ မဟာဇောတိက ကျောင်းတိုက်က ဆရာတော်ကို သြ၀ါဒ ချီးမြှင့်ပေးဖို့ စာရင်းထဲထည့် ထားပေမယ့် ဆရာတော်ကြီး ကြွမလာတာကြောင့် အုတ်ကန်တွင်း ကျောင်းတိုက်က ဆရာတော်က သြ၀ါဒပေးပါတယ်။ ဆရာ၊ ဒကာ လက်တွဲပြီး ငြိမ်းငြိမ်းချမ်းချမ်းနဲ့ တောင်းပန်ရင် လက်ခံသင့်တယ်လို့ ဆရာတော်က သြ၀ါဒ ပေးသွားပါတယ်။
ဆရာတော် သြ၀ါဒပေးပြီးလို့ ဆေးရုံက ကိုယ်တော်များအတွက် လှူဖွယ်တွေ ကပ်မယ်လည်း ဆိုရော ပရိသတ်က “၀ူး …” လို့ သံရှည်အော်ပြီး အားလုံး အပြင်ကိုထွက်သွားကြတာနဲ့ ရုတ်ရုတ်သဲသဲ ဖြစ်ကုန်ပါတယ်။ ရဲတွေလည်း ကြောင်အမ်းအမ်း ဖြစ်ပြီး နောက်ပိုင်း အစီအစဉ်တွေကို ကသုတ်ကရက်နဲ့ လုပ်လိုက်ရပါတယ်။ ပွဲပြီးတော့ သံဃာတော်တွေကို မီဒီယာတွေက မေးတာကို ဘယ်ကိုယ်တော်မှ စကားမပြန်ပါဘူး။ ရဲမှူးကြီး ဦးစန်းယုကတော့ “ဖြေဖို့ကို မရှိတာ” လို့ အရှင်းပြောပြီး သူ့ဖုန်းနဲ့ အလုပ်ရှုပ်နေပုံ မြင်ရပါတယ်။ ခဏနေတော့ ကားပေါ် အမြန်တက်ပြီး သြ၀ါဒခံယူပွဲ လုပ်တဲ့ ရွှေစည်းခုံဘုရား သာသနာ့ ဗိမာန်ကနေ အမြန်ထွက်သွားပါတယ်။ အပြုအမှုတွေ မာန်မချဘူးလို့ မုံရွာသားတွေက ပြောပြီး ရဲတွေကို ဒေါသထွက်ကြပြန်ပါတယ်။
ဘုရားပရ၀ုဏ် အပြင်ဘက်က မုံရွာမြို့ခံတွေကတော့ “ဒီသံဃာတွေက သပိတ်နဲ့မဆိုင်တဲ့ သံဃာတွေ၊ လာကန်တော့တဲ့ ရဲတွေကလည်း စီမံကိန်းမှာ တာဝန်ကျတဲ့ ရဲတွေမဟုတ်ဘူး” လို့ ဝေဖန်နေကြပါတယ်။ ဒီလို ဆင်ခြေပေးတာတွေကလည်း အဓိပ္ပာယ်မရှိဘူးလို့ ပြောတဲ့သူတွေက ပြောနေပါတယ်။
နောက်ပိုင်း မုံရွာမြို့ခံတွေနဲ့ စကားဝိုင်းဖွဲ့ကြည့်တော့ သူတို့ သပိတ်မှောက်ရတဲ့ ရည်ရွယ်ရင်းက စီမံကိန်းကြီး ရပ်ဆိုင်းရေး ဆိုပေမယ့် ဒေါ်အောင်ဆန်းစုကြည်က ခွင့်ပြုရင်တော့ လက်ခံမယ်ဆိုပြီး မုံရွာမြို့ခံ NLD ပါတီဝင် တဦးက ဆိုပါတယ်။ စီမံကိန်းကို ဒေါ်အောင်ဆန်းစုကြည်က ခွင့်ပြုမယ်ဆိုရင် သပိတ်မှောက်တဲ့ ရည်ရွယ်ချက် ပျောက်သွားမလားလို့ မေးကြည့်တော့ သူတို့ဆီက အဖြေမရပါဘူး။
“ဒါတော့ စောင့်ကြည့်ရမှာပေါ့” ဆိုတာလောက်ပဲ မြို့ခံက ပြန်ပြောပါတယ်။
နောက်တနေ့ ဒီဇင်ဘာ ၂ ရက်နေ့ မနက်မှာတော့ ၀က်မှေးရွာကို ၈၈ မျိုးဆက် ကျောင်းသားတွေ ဆင်းသွားပါတယ်။ ၀က်မှေးရွာက သစ်ပင်တွေနဲ့ စိမ်းလန်းစိုပြေပြီး သာယာတဲ့ရွာကလေးဖြစ်ပါတယ်။ ၈၈ မျိုးဆက် ကျောင်းသားတွေနဲ့ ရွာသားတွေ တွေ့တဲ့ ရွာထိပ်က ကွက်လပ်လေးဟာ ရွာဦးစေတီလေးရှေ့မှာ ဖြစ်ပြီးတော့ သစ်ပင်တွေပိတ်နေပြီး နေပြောက်မထိုးတဲ့ နေရာဖြစ်ပါတယ်။
သပိတ်ကို ဦးဆောင်ခဲ့သူတွေဖြစ်တဲ့ မအေးနက်နဲ့ မသွဲ့သွဲ့ဝင်းတို့က အိမ်နီးချင်းတွေဖြစ်ပြီး မအေးနက်အိမ်မှာ ကုန်စုံဆိုင် ဖွင့်ထားပါတယ်။ ရွာသားတွေ အားလုံး နွားပိုင်ကြပါတယ်။ နွားတွေက ၀ဖီးပြီး နွားချောနွားလှကြီးတွေပါ။ ရွာက အိမ်တွေကလည်း ပျဉ်တွေ၊ သွပ်တွေနဲ့ အခိုင်အမာဆောက်ထားပြီး အသီးအနှံလည်း သိပ်ကောင်းတာပဲလို့ ရွာသား ဦးသိန်းလှိုင်က ပြောပြပါတယ်။ ရွာအနောက်ဘက်ကို ထွက်တာနဲ့ စမ်းချောင်းလေးတခုရှိပြီး လက်ပန်းတောင်း တောင်ကိုလည်း မလှမ်းမကမ်းမှာ မြင်နေရပါတယ်။ စိမ်းလန်းတဲ့ စိုက်ခင်းတွေကြားက လက်ပံတောင်းတောင်၊ ကောင်းကင်ပြာ၊ စမ်းချောင်းလေးနဲ့ လှပတဲ့ရှုခင်းပါ။
ဂျုံခင်း၊ ကုလားပဲခင်းတွေ၊ ထန်းပင်တွေနဲ့ သာယာတဲ့၊ အသက်မွေးဝမ်းကြောင်း လုပ်ငန်း အဆင်ပြေနေတဲ့ အတွက် စီမံကိန်းက ရလာမယ့် အကျိုးစီးပွားဆိုတာ ၀က်မှေးရွာသားတွေ အတွက်တော့ အပိုသက်သက်ပါလို့ ဒေသခံတွေက ပြောကြပါတယ်။ ရွာသားတွေက သူတို့ရွာကို အဓမ္မ ပြောင်းခိုင်းတဲ့အကြောင်း၊ ကျောင်းတွေ ဖျက်ပစ်တဲ့ အကြောင်းကို ပြောပြနေပါတယ်။
“သူများအလှူကို အဓမ္မ လာဖျက်တာလေ၊ ကျောင်းဆောက်တုန်းက သဲတဆုပ်၊ ရေတမုတ် မကူဘဲနဲ့ အခုမှ အဓမ္မ လာဖျက်တာ” လို့ ရွာခံ ဦသိန်းဆိုင်က ဆိုပါတယ်။
အမျိုးသမီးကြီးတွေက ကျောင်းလာဖျက်သူတွေကို ၀ါးလုံးတွေနဲ့ ထိုးချ ရိုက်နှက်တာတွေ လုပ်မှ ကျောင်းဖျက်သူတွေ ထွက်ပြေးသွားတာလို့ သူက ဆက်ပြောပါတယ်။
ဝက်မှေး ရွာဟောင်းက မူလတန်းပြ ဆရာမတွေကို ရွာသစ်ဆီကို ပြောင်းလိုက်လို့ ၀က်မှေးက မူလတန်း ကျောင်းသားလေးတွေ တက်စရာကျောင်းမရှိ ဖြစ်သွားရတယ်လို့ သိရတယ်။ စိုက်ခင်းတွေထဲကို မြေစာတွေ လာပုံတာကတော့ မျက်မြင်ပါပဲ။ မြေစာပုံကြီးက ပေ ၅၀ လောက် မြင့်ပါတယ်။
“ကျနော်တို့က တောင်သူတွေလေ၊ သူတို့ အဲဒီလို လုပ်ရင် ဘာနဲ့ လုပ်စားရမှာလဲ” လို့ ဦးသိန်းဆိုင်က ပြောပါတယ်။
ဦးသိန်းဆိုင်က အကျော်ရွာ သပိတ်စခန်းမှာ နေ့ရောညပါ အားပေးခဲ့သူ ဖြစ်ပါတယ်။ ဦးသိန်းဆိုင်တို့ တမိသားစုလုံး သပိတ်စခန်း စကတည်းက ပါဝင်ကြတာပါ။ အနယ်နယ် အရပ်ရပ်က ထောက်ပံ့ကြလို့ ရွာသားတွေက ဘာမှ ထပ်ပံ့ပိုးစရာ မလိုဘူး၊ သပိတ်စခန်းမှာ ထိုင်နေရုံပဲလို့ ဦးသိန်းဆိုင်က ဆိုပါတယ်။ ဒီက အက်စစ်တွေသာ မြစ်ထဲချောင်းထဲ ရောက်သွားမယ် ဆိုရင် အညာတခွင်လုံး ဒုက္ခရောက်ရမှာလို့လည်း သူက ပြောပါတယ်။
ဝက်မှေးမြေတွေလည်း သိမ်းယူမယ့်အထဲမှာပါတယ်၊ တဧကကို ၃ နှစ်စာ သီးစားလျော်ကြေး ကျပ် ၅ သိန်းပေးပေမယ့် အဲဒီမြေတွေက တနှစ် ၇ သိန်းလောက် တန်ကြေးရှိတဲ့ သီးနှံတွေ ထွက်တာမို့ ပေးတဲ့လျော်ကြေးဟာ သိပ်ကို နည်းလွန်းပါတယ်လို့ ရွာခံတွေရဲ့ အဆိုအရ သိရတယ်။
“ထန်းပင်တပင်အတွက် ကျပ် ၅ ထောင်ပေးတယ်။ အုတ်စက်ကို ပြောလိုက်ရင် အမြစ်ကို ၂၅၀၀ ပေးပြီး ကိုယ့်ဖာသာ လာတူးယူတာ၊ ဈေးသည်များဆီမှာ ဈေးဆစ်သလို သူတို့က တဖြည်းဖြည်းနဲ့ ဈေးဆစ်ပြီး အဓမ္မဈေးနဲ့ ဖြတ်တာ” လို့ ဦးသိန်းဆိုင်က ဆိုတယ်။
ဝက်မှေးမှာတော့ အိမ်ထောင်စု ၄၈ စုလောက်ပဲ ကျန်တော့တယ်လို့ သိရတယ်။ ၀က်မှေးရွာသစ်က ရွာဟောင်းနဲ့ ၁၅ မိနစ်လောက် ဆိုင်ကယ်စီးရတဲ့ နေရာမှာရှိပါတယ်။ အိမ်အသစ်တွေကို ကွင်းပြင်ထဲမှာ တန်းစီပြီး ဆောက်ထားပါတယ်။ ရွေဘော်မထိုးဘဲ ဆောက်ထားတဲ့အတွက် ကြမ်းခင်းတွေက ရှတယ်လို့ ရွာခံတွေက ပြောတယ်။ အင်သား နုနုနဲ့ ကာထားတာဖြစ်လို့ ကျုံ့သွားတာ၊ ရွဲသွားတာတွေ အများကြီးရှိတယ်လို့လည်း သူတို့က ဆိုတယ်။
ဝမ်ပေါင် ကုမ္ပဏီမှာ လုံခြုံရေးဝင်လုပ်နေတဲ့ ကိုထွန်းထွန်းဝင်းရဲ့ အိမ်တိုင်က အလယ်ကနေ အက်ကြောင်းက လက်မလောက် ကြီးလာတာ တွေ့ရပါတယ်။
“မျက်နှာကျက်က ကျနော်တို့ တောင်းဆိုထားလို့ တပ်ထားပေးတာ။ မဟုတ်ရင် နွေမှာ မတရားပူတာ၊ နေစရာတောင်မရှိဘူး” လို့ ကိုထွန်းထွန်းဝင်းက ပြောပါတယ်။
လွန်ခဲ့တဲ့တနှစ်က ပြောင်းလာပြီးတော့ ပေ ၄၀၊ ၆၀ မြေကွက် နေရာပေါ်မှာ ပျဉ်ထောင်အိမ်နဲ့ နေရတဲ့ အကြောင်း၊ အိမ်တန်းတွေ ဆောက်တာကို ထူးကုမ္ပဏီက တာဝန်ယူတဲ့ အကြောင်း၊ အိမ်သာကျင်းက ၃ ပေပဲ တူးထားပေးလို့ ထပ်တူးရတဲ့ အကြောင်း၊ မပြောင်းခင်တုန်းက ၃ နှစ်အထိ ရေ၊ မီး အခမဲ့ရမယ်၊ ရွာဖွင့်ပွဲကို ဖိုးချစ် ဒါမှမဟုတ် စွမ်းဇာနည် ဇာတ်ပွဲ သွင်းပေးမယ်လို့ ပြောခဲ့ပေမယ့် အခုတော့ ရေခ၊ မီးခ ကောက်တဲ့အပြင် ဇာတ်ပွဲတွေလည်း ဘယ်ဆီနေမှန်းမသိဘူး ဆိုတဲ့ အကြောင်း ထွန်းထွန်းဝင်းက ရှင်းပြတယ်။
ရွာသစ်နဲ့ ရွာဟောင်း အကြားက ဆက်ဆံရေးကလည်း အလွန်ပဲ တင်းမာနေတယ်လို့ သိရပါတယ်။ တလောက ရွာသစ်က လူတယောက်သေတော့ သင်္ချိုင်းမှာ ချခွင့်မပေးလို့ အနူးအညွတ် တောင်းပန်ပြီးမှ ဈာပန မြေချခွင့်ရခဲ့တဲ့အကြောင်း ဒေသခံတွေက ပြောတယ်။
“နောက် အလောင်းတွေအတွက် ဆိုရင်တော့ မပြောတတ်ဘူး” လို့ ကိုထွန်းထွန်းဝင်းက ဆိုပါတယ်။
ရွာသစ်က လူတွေက ၀မ်ပေါင်မှာ အလုပ်ဝင်ကြလို့ ရွာဟောင်းမှာ ကျန်ခဲ့တဲ့ လူတွေက “တရုတ်အားပေးတွေ” ဆိုပြီး ကျဉ်ကြတာ ဖြစ်ပါတယ်။
“ကျနော်တို့ကိုဆို သတ်တောင် သတ်ချင်ကြမလား မသိဘူး၊ လုံခြုံရေးဆို လူတွေက သိပ်မုန်းနေတယ်” လို့ ၀မ်ပေါင် ကုမ္ပဏီမှာ တလ ကျပ် ၈၀၀၀၀ ကျော်နဲ့ လုံခြုံရေး ဝင်လုပ်နေသူ ကိုထွန်းထွန်းဝင်းက ပြောပါတယ်။
စီမံကိန်းကြီး ဖြစ်မြောက်ပါစေ၊ ရွာပျက်ပါစေဆိုတဲ့ စေတနာမရှိဘဲ ဆင်းရဲလို့၊ ထွန်ယက်စရာမရှိလို့ ရွာသစ်ကို ပြောင်းလာတာလို့ ကိုထွန်းထွန်းဝင်းက ရှင်းပြတယ်။ ရွာသစ်ပြောင်းလာသူ အများစုဟာ ရွာဟောင်းမှာ မြေပိုင်မရှိဘဲ မိဘအိမ်မှာ ကပ်ပြီးနေသူ အများစု ဖြစ်တယ်လို့ သိရတယ်။
စာသင်ကျောင်းနဲ့ ဘုန်းကြီးကျောင်း ဆောက်ထားပေးတာတော့ ကျေနပ်ပါတယ်လို့ ကိုထွန်းထွန်းဝင်းက ပြောပါတယ်။ ရွာသစ်က လူတွေမှာ ယောက်ျားက လုံခြုံရေး၊ မိန်းမက ထမင်းချက်၊ သန့်ရှင်းရေး အစရှိသဖြင့် ၀မ်ပေါင်မှာ ၀န်ထမ်းဝင်လုပ်ပြီး ၀မ်းရေး ဖြေရှင်းကြပါတယ်။
ဘာပဲပြောပြော ဒီဒေသခံ ဖြစ်တာမို့ လက်ပံတောင်းတောင်ကို သံယောဇဉ်ရှိပြီး ရွာဟောင်းသားတွေကို ထိခိုက်မယ် ဆိုရင်တော့ ရွာသားတွေနဲ့ ပူးပေါင်းမယ်လို့ ရွာသစ်သားတွေက ပြောပါတယ်။ စီမံကိန်း ရပ်သွားရင်လည်း အလုပ်ပြုတ်မှာ မကြောက်ဘူး၊ မုံရွာမှာ ကုန်ထမ်းမယ်လို့ ကိုထွန်းထွန်းဝင်းက ဆိုပါတယ်။ ရွာသစ်က မြေတွေကလည်း ပိုင်ဆိုင်ကြောင်း အထောက်အထား ပေးထားပေမယ့် လက်လွှဲရောင်းချခွင့် မရှိပါဘူး။
ဝက်မှေး မတိုင်ခင် စီမံကိန်းဒဏ်ကို ခါးစည်းခံရတဲ့ ကံကုန်းရွာသားတွေကတော့ စာနာစိတ်နဲ့ ၀က်မှေးကို ကူညီကြတာ တွေ့ရတယ်။ ၀က်မှေး လှုပ်ရှားမှုတွေကလည်း ကံကုန်းရွာကို နမူနာယူပြီး လှုပ်ရှားကြတာလို့ သိရတယ်။
“ဟိုတခါ (သမ္မတရုံး ဝန်ကြီး) ဦးအောင်မင်းလာတော့ မေးတယ်လေ၊ စီမံကိန်းက ဘာတွေ ဆိုးကျိုးဖြစ်စေမှာလဲ၊ သက်သေပြ ဆိုတော့ သွဲ့သွဲ့ဝင်းက ကံကုန်းရွာကလူတွေ စီမံကိန်းကြောင့် မွဲတေပြီး ကလေက၀ ဘ၀ ရောက်ရတဲ့ အကြောင်းကို ပြန်ပြောပြလိုက်တယ်” လို့ လက်ပံတောင်းတောင် စီမံကိန်းစုံစမ်းရေး ကော်မရှင်မှာပါတဲ့ ကံကုန်းရွာသား ဦးဗိုလ်သန်းက ပြောပါတယ်။
ကံကုန်းရွာကတော့ မပွင့်လင်းသေးတဲ့ ခေတ်မှာ မြေယာ ဧက ၅၄၄၈ အသိမ်း ခံလိုက်ရပြီး လျော်ကြေးငွေ တပြားတချပ်မှ မရဘဲ ဒုက္ခတွေကို စည်းခံခဲ့ရတဲ့ ရွာဖြစ်ပါတယ်။ အခုအချိန်မှာလည်း စီမံကိန်းမှာ အသုံးပြုဖို့ ဆိုပြီး ရွာထိပ်မှာ တည်ထားတဲ့ အက်စစ် စက်ရုံကြောင့် ရွာသားတွေ မူးဝေ၊ အော့အန်၊ သားပျက်၊ ဦးနှောက် အမှေးရောင် စတဲ့ ရောဂါတွေ ခံစားနေရတယ်လို့ ဒေသခံတွေက ဆိုပါတယ်။
စက်ရုံက ထုတ်လိုက်တဲ့ အငွေ့တွေကြောင့် မျက်လုံးကွယ်သွားရတယ်ဆိုတဲ့ ကလေးမလေးရဲ့ မိခင်ဖြစ်သူ မရွှေက “ကျမကတော့ ဘယ်သူလာလာ ကျမသမီး အခုလို ဘ၀ရောက်ရတာ၊ ဒုက္ခိတဖြစ်တာက စက်ရုံက အငွေ့တွေကြောင့်လို့ အမြဲပြောတယ်။ သမီးလေးက မွေးလာတုန်းက အကောင်းလေးပါ၊ ၁၁ နှစ် အရွယ်မှာ ခေါင်းကိုက်တယ်ဆိုလို့ ဆေးရုံပြရတယ်၊ ဦးနှောက်ခွဲရတယ်၊ ဒီစက်ရုံကြောင့်လို့ မသိပါဘူး။ နောက်ပိုင်းတော့ ကလေးက စက်ရုံလည်တဲ့ အခါများဆို မျက်စိမမြင်ရဘဲ စက်ရုံမလည်တော့တဲ့ အချိန် ပြန်လင်းလာတယ်။ ဒီနှစ် စက်တင်ဘာ ၁၃ ရက်မှာ စက်ရုံကထုတ်တဲ့ အငွေ့ကြောင့် ကျမသမီး မျက်လုံးကွယ်သွားပြီ” လို့ ပြောပါတယ်။
မရွှေရဲ့ သမီးလိုပဲ ရောဂါတူ ကလေး ၂ ဦး ရွာထဲမှာ ရှိနေပြီး စက်ရုံနားမှာနေတဲ့ ကလေး ၂ ဦးကတော့ သေဆုံးသွားပြီလို့ သိရတယ်။
“ကျမတို့ မျိုးရိုးမှာလည်း မရှိဘူး၊ အရင်တုန်းကလည်း မကြားဖူးဘူး၊ ဒီစက်ရုံတည်မှ ဒီလိုတွေ ဖြစ်နေတာ” လို့ ကလေးမိခင် တဦးဖြစ်တဲ့ မနီလာက ပြောပါတယ်။ မနီလာရဲ့သား အသက် ၈ နှစ်အရွယ် ကလေးက ဦးနှောက်အမှေးယောင်ပြီး ခြေလက်တွေ မသန်စွမ်း ဖြစ်နေပါတယ်။
အဲဒီရောဂါ လက္ခဏာတွေက စက်ရုံနား ရွာအရှေ့ပိုင်းက အိမ်တွေမှာ ပိုအဖြစ်များတာ တွေ့ရပါတယ်။ အဲဒီစက်ရုံက စီမံကိန်းမှာ အက်စစ်လိုတဲ့အချိန် လည်ပြီး ညဘက်လည်း မနားပါဘူး။ အခုတလောမှာ မီဒီယာတွေက မေးတာမြန်းတာ များလာလို့ စက်ရုံ ရပ်ထားပါတယ်။ စက်ရုံလည်တဲ့အချိန် ထွက်လာတဲ့ အနံ့က စိမ်းရွှေစူးရှပြီး အငွေ့တွေ ထွက်လာရင် သစ်ရွက်တွေ ညှိုးခြောက်ကုန်တယ်လို့ ရွာသားတွေက ရှင်းပြပါတယ်။ ဒီလို ဖြစ်ရပ်တွေ ခံစားခဲ့တဲ့ ကံကုန်းရွာကတော့ စီမံကိန်းကို လုံးဝ ရပ်စေချင်နေပါတယ်။
စံပယ်တောင် ပျောက်သွားပေမယ့် လက်တွေ့အကျိုးထူးတာ ဘာမှ မရှိဘဲ ဒုက္ခတွေချည်း ခါးစည်းခံခဲ့ရတဲ့ အကြောင်း၊ မြေယာလက်မဲ့ ဖြစ်သွားတဲ့ တောင်သူတွေက တာမခန်၊ အုန်းချော၊ ဖားကန် အရပ်ရပ်မှာ ပြန့်နှံ့နေပြီး တ၀မ်းတခါး အတွက် ပင်ပင်ပန်းပန်း ရှာစား နေရတဲ့အကြောင်း၊ ကျောက်ထု စခန်းတွေမှာ ရဲဘက်ထောင်ကျတွေလို လုပ်စားရပြီး သေတဲ့သူတွေလည်း သေ၊ တချို့ မိသားစုတွေ ကစဥ့်ကလျားဖြစ် အခြေပျက်တာတွေ အများကြီးဖြစ်ခဲ့တဲ့ အကြောင်း ဦးဗိုလ်သန်းက ပြောပါတယ်။
“နိုင်ငံ့အကျိုး၊ ပြည်သူ့အကျိုးဆိုရင် ဒီ ၂၆ ရွာရယ်၊ ၄ ရွာရယ်က သန်း ၆၀ ကို ကိုယ်စားပြုမယ် ဆိုရင် ဒီလူတွေကို ဘယ်လို အကူအညီတွေ ပေးမှာလဲ။ မြေနေရာ အစားထိုး ဘယ်မှာပေးမှာလဲ။ ရွာသားတွေကလည်း ဒီမြေက မခွာချင်ဘူး၊ အစားထိုပေးတဲ့ ယာမြေက မိုင် ၁၀၀ လောက် အဝေးမှာ ပြန်ပေးမယ်ဆိုရင် ဘယ်လိုလုပ်မလဲ။ ဒီလိုမျိုး အဆက်ဆက်က ဆိုးမွေတွေကို လက်ခံမယ်ဆိုရင် အစိုးရဟာ ပြည်သူပြည်သားအပေါ်မှာ ဘယ်တော့မှ ငဲ့ညှာတာမျိုး မရှိဘူးလို့ ပြောရမယ်။ ငဲ့ညှာရင်တော့ စီမံကိန်းကို မလုပ်သင့်ပါဘူး။ သန်း ၆၀ အတွက် ဒီအနီးအနားက လူပေါင်း လေး၊ ငါး၊ ရှစ်သောင်းက ခါးစည်း ခံရမှာလား၊ ဓားစာခံ ဖြစ်ရတော့မှာလား၊ တိုင်းပြည်ကကော ဘယ်လောက် အကျိုးရှိမှာလဲ၊ တိုင်းပြည် အကျိုးအတွက် ဘာမှ မရှိဘဲနဲ့ ဒီလူတွေဘ၀ကို စတေးတော့မှာလားလို့ မေးရတော့မယ်။ နိုင်ငံခြားကလာတဲ့ ကုမ္ပဏီဆိုတော့ နိုင်ငံတကာ စံချိန်စံညွှန်းနဲ့ ညီရင် ရွာက လက်ခံရင် လက်ခံလိမ့်မယ်၊ လူတွေ အမှီသဟဲ ပြုနေတဲ့ ရေမြေတောတောင်တွေ ပျောက်ပျက် မွဲတေတဲ့ ကလေက၀ အဆင့်ကိုတော့ မရောက်စေချင်ဘူး” လို့ သူက ဆိုတယ်။
အာဏာရှင် လက်အောက်မှာ နေခဲ့ရလို့ အပေးအယူ လုပ်ရာမှာ အားနည်းတယ်လို့ မုံရွာသောင် ဆိပ်ကမ်းမှာ ဒေါ်အောင်ဆန်းစုကြည်က ပြောခဲ့ပါတယ်။ သူဦးဆောင်ပြီး ကျင့်ကြံမယ့် အပေးအယူနည်းနဲ့ ဖြေရှင်းရေးက ဒီ လက်ပံတောင်းတောင် ကိစ္စမှာ ဈေးဦးပေါက်ပဲ၊ ရွာသားတွေ ဆန္ဒရှိတဲ့ စီမံကိန်း ရပ်ဆိုင်းဖို့ကိုတော့ သူ့အနေနဲ့ လုပ်ပေးနိုင်တဲ့ အနေအထားမှာ ရှိမနေဘူးလို့ ဒေါ်အောင်ဆန်းစုကြည်က ရှင်းရှင်းလင်းလင်း ပြောထားခဲ့တာပါ။
စုံစမ်းရေး ကော်မရှင်ကနေ ဒီဇင်ဘာ ၃၁ ရက်နေ့မှာ ထွက်လာမယ့် အစီအရင်ခံစာကတော့ နှစ်သစ်ကူးမှာ လက်ပံတောင်း ဒေသခံတွေအတွက် ပျော်စရာဖြစ်မလား၊ မျက်ရည်တွေပဲ ဖြစ်လာမလား ဆိုတာကို အဆုံးအဖြတ်ပေးမှာ ဖြစ်ပါတယ်။
Ref: ဧရာဝတီ
တကျော့ပြန် ရခိုင်ပဋိပက္ခ အရေး စစ်ဆေး ဖမ်းဆီးမှုများ ပြုလုပ်
စနေလင်း
December 5, 2012
ဒုတိယအကြိမ် ပြန်လည် ဖြစ်ပွားခဲ့သော ရခိုင်ပဋိပက္ခ အရေးနှင့် ပတ်သက်ပြီး ရဲတပ်ဖွဲ့ စသည့် အာဏာပိုင် များက ဒေသခံ တချို့ကို ခေါ်ယူ စစ်ဆေးမှုများပြုလုပ်နေပြီး ပါဝင်ပတ်သက်သည်ဟု ယူဆရသူများကို ဖမ်းဆီးထိန်းသိမ်းထားကြောင်း သိရသည်။
မင်းပြားမြို့နယ်အတွင်းတွင် အောက်တိုဘာလအတွင်း ပြန်လည်ဖြစ်ပွားသော ပဋိပက္ခများနှင့်ပတ်သက်ပြီး သက်သေခံအနေနှင့် သတင်း ရနိုင်မှုပေါ်မူတည်၍ ခေါ်ယူ မေးမြန်းခြင်းမျိုး ပြုလုပ်သော်လည်း ဖမ်းဆီးထိန်းသိမ်းထားခြင်း မရှိသေးကြောင်း၊ စုံစမ်း စစ်ဆေးမှု လုပ်ထုံးလုပ်နည်းအရ ပြုလုပ်နေခြင်းဖြစ်ကြောင်း မင်းပြားမြို့နယ် ရဲမှူးကြီး မောင်မောင်ဇော်က ပြောသည်။
“အမှုတွေ ဖွင့်ထားတာကတော့ နဂိုကတည်းက ပါပဲ။ အခုက စုံစမ်းစစ်ဆေးဆဲကာလ ဖြစ်တာကြောင့် တော်တော်များများကိုတော့ ခေါ်စစ်ပါတယ်။ လုပ်ငန်းအရ ခေါ်စစ်တာမျိုးပါပဲ”ဟု ၄င်းက ဆိုသည်။
စမ္ဘလီ ကျေးရွာတွင် ဖြစ်ပွားခဲ့သော လူသေဆုံးမှုဖြစ်သည့် ပုဒ်မ ၄၃၆ ပ/၁၈၇(၂၀၁၂) ဖြင့် အရေးယူဆောင်ရွက်ရန် စုံစမ်း စစ်ဆေး နေသော အမှုတွင်လည်း သေနတ် ဒဏ်ရာဖြင့် သေဆုံးသွားသူ၏ ရုပ်အလောင်းကို ပြန်လည်ဖော်ယူကာ စစ်ဆေးပြီးဖြစ်ကြောင်း၊ မည်သည့် ကျည် အမျိုးအစားဖြင့် သေဆုံးသည်ကိုတော့ မှုခင်း စုံစမ်းရေး ဌာနသို့ ပေးပို့ထားပြီး ဖြစ်ကြောင်း ရဲမှူးကြီး မောင်မောင် ဇော် က ဆက်ပြောသည်။
ကျောက်ဖြူမြို့နယ်တွင် ကုလားဘာတောင်ရွာမှ အမျိုးသားတစ်ဦးကို လွန်ခဲ့သော တစ်လက ဖမ်းဆီးခေါ်ယူစစ်ဆေးနေပြီး
ငလပွေ့ရွာမှ အမျိုးသားတစ်ဦးကိုလည်း ဖမ်းဆီးစစ်ဆေးနေသည်မှာ တစ်ပတ်ခန့် ရှိပြီဖြစ်ကြောင်း ကျောက်ဖြူမြို့ပြန်လည် ထူထောင်ရေးအဖွဲ့မှ ကိုလှမျိုးကျော် ဆိုသူက ပြောသည်။
ကျောက်ဖြူမြို့ အခင်းဖြစ်ပွားမှုတွင် လူသေမှုများရှိသောကြောင့် စစ်ဆေးနေခြင်းဖြစ်ပြီး ရုံးတင်စစ်ဆေးမှုများ မရှိသေးသောကြောင့် အတိအကျကို မပြောနိုင်သေးကြောင်း ၄င်းက ဆက်ပြောသည်။
ထို့အပြင် ကျောက်ဖြူ မြို့နယ်အတွင်း ဖြစ်ပွားသည့် ပဋိပက္ခများနှင့် ပတ်သက်ပြီး ရခိုင်တိုင်းရင်းသားများကို အဓိက ခေါ်ယူ စစ်ဆေးမှုများလည်း ရှိသည်ဟု ဆိုသည်။
ထိုသို့ စစ်ဆေးရခြင်းမှာ ပဋိပက္ခ စတင်ဖြစ်ပွားခဲ့သော ပိုက်ဆိုက် ရပ်ကွက်မှ အစ္စလမ် ဘာသာဝင်များက လှေများဖြင့်ထွက်ပြေးသွားကြ၍ ဖြစ်သည်။ ကျန်ရစ်သော သံပတ်ချောင်း၊ အရာရှိ၊ တိုးချဲ့ရပ်ကွက်များတွင် ရခိုင်လူမျိုးများနှင့် အစ္စလမ်ဘာသာဝင်များ အကြား မဋိပက္ခမဖြစ်စေရန် ရပ်မိရပ်ဘများက ရွှေ့ပြောင်းမှုများပြုလုပ်ခဲ့ရာ လက်ရှိကျန်ရစ် နေသော အစ္စလမ်ဘာသာဝင်များကို စစ်ဆေးမှုများ မပြုလုပ်ခြင်းဖြစ်နိုင်ကြောင်းလည်း ကိုလှမျိုးကျော်က ပြောဆိုသည်။
ပေါက်တောမြို့နယ်တွင်မူ ပဋိပက္ခဖြစ်ပွားမှုနှင့် ပတ်သက်ပြီး ခေါ်ယူစစ်ဆေးရန် ညွှန်ကြားချက်များ မရရှိ သေးသကဲ့သို့ ဖမ်းဆီး စစ်ဆေးမှုများလည်း မပြုလုပ်သေးကြောင်း ပေါက်တောမြို့နယ် ရဲစခန်းမှ တာဝန်ရှိသူ တစ်ဦးကပြောသည်။
“အဲဒီလို ဆောင်ရွက်တာတော့ ကျနော်တို့ မြို့နယ်မှာ မရှိသေးပါဘူး။ အဖြစ်မှန်က ဘယ်လိုဖြစ်တယ်၊ ဘယ်လို အခြေအနေ နဲ့ဘယ်လို လုပ်ရမယ် ဆိုတာကိုလည်း စီစဉ်ထားတာမျိုး မရှိသေးပါဘူး”ဟု ၄င်းက ပြောဆိုသည်။
မြောက်ဦးမြို့နယ်၌ ပဋိပက္ခဖြစ်စဉ်အတွင်း ဒဏ်ရာရခဲ့ဖူးသူ ၃ ဦးကို စစ်ဆေးရန်အတွက် လက်ရှိတွင် ဖမ်းဆီးခေါ်ဆောင်ထားကြောင်း၊ မြောက်ဦးမြို့ပေါ်ရှိ ရခိုင်တိုင်းရင်းသားများ ခိုလှုံရာ အလိုတော်ပြည့် ဘုန်းတော်ကြီး ကျောင်းသို့ သက်ဆိုင်ရာ အာဏာပိုင် များက လာရောက်စစ်ဆေး မေးမြန်းမှုများ ပြုလုပ်ခြင်းမျိုး မရှိသေးကြောင်း အလိုတော်ပြည့် ဆရာတော် က မိန့်ကြားသည်။
မြောက်ဦးအပိုင် ကျေးရွာများနှင့် မြောက်ဦးမြို့နယ်နှင့် နီးစပ်သော ကျေးရွာများမှ တချို့ကို ခေါ်ယူစစ်မေးမှုများ ပြုလုပ်သော်လည်း ဖြစ်စဉ်နှင့် မသက်ဆိုင်သူများကို ပြန်လွှတ်ပေးလိုက်ပြီဖြစ်ကြောင်း၊ သံသယရှိသူ ၇ ဦးကိုမူ ဖမ်းဆီးထားကြောင်း မြောက်ဦး ရဲစခန်းမှ တာဝန်ရှိသူတစ်ဦးက ပြောသည်။
“ခေါ်စစ်တာတော့ ရွာ ၃ ရွာကလူ ၂၀ ကျော်ကျော်လောက်ပါ။ ဒါပေမယ့် အများစုက သက်သေအနေနဲ့ စစ်တဲ့သဘောမျိုး ပါ။ မသက်ဆိုင်တဲ့သူတွေကို ပြန်လွှတ်ပေးလိုက်ပါတယ်။ ခေါ်စစ်ရင်းနဲ့ မှုခင်းနဲ့ သက်ဆိုင်လာတာ ပေါ်လာတဲ့အတွက် ဖမ်းဆီး ထား တာတော့ရှိတယ်။ ဘယ်သူကို ခေါ်စစ်မေးရမယ်ဆိုတာ အထက်က ညွှန်ကြားပါတယ်”ဟု ၄င်းကပြောသည်။
စစ်တွေမြို့ပေါ်ရှိ အစ္စလမ်ဘာသာဝင်များနေထိုင်ရာ သဲချောင်း ဒုက္ခသည်စခန်းတွင် ခေါ်ယူစစ်ဆေးမှုများ မပြုလုပ်သေးကြောင်း၊ စစ်တွေမြို့တစ်ဖက်ကမ်း ပေါက်တောမြို့နယ်အပိုင် ဆန်တပ်မော် ကျွန်းတွင်လည်း ယခု ပဋိပက္ခဖြစ်စဉ်နှင့် ပတ်သက်ပြီး ခေါ်ယူ စစ်ဆေးမှု မရှိသေးဘဲ ယခင် ၁ လနီးပါးက မိမိနေအိမ်ကိုမီးရှိုခဲ့မှုဖြင့် ဖမ်းဆီးထားသော လူ ၆ ဦး ခန့်သာရှိကြောင်း ကျောက်ဖြူမြို့မှ ထွက်ပြေးလာသော အစ္စလမ် ဘာသာဝင် တစ်ဦးက ပြောသည်။
လက်ရှိတွင် အစ္စလမ်ဘာသာဝင်များကို သန်းခေါင်စာရင်း စစ်ဆေးမှုများသာပြုလုပ်ပြီး ကျောက်ဖြူမြို့မှ ထွက်ပြေးလာသူများက ဘင်္ဂါလီ လူမျိုးအဖြစ် စာရင်းသွင်းမှုကိုလက်မခံဘဲ ၄င်းတို့က နိုင်ငံသားစိစစ်ရေး ကတ်ပြားရပြီးသား ကမန်လူမျိုး များသာဖြစ်ကြောင်းပြောဆိုကြသည်။ တချို့ နိုင်ငံသားစိစစ်ရေးကတ်ပြား မရရှိသူများကလည်း ဘင်္ဂါလီလူမျိုးဟု ခေါ်တွင်ခြင်းကို လက်မခံဘဲ ၄င်းတို့ကို ရိုဟင်ဂျာလူမျိုးအဖြစ် စာရင်းသွင်းရန်တောင်းဆိုမှုများရှိကြောင်းလည်း ၄င်းကဆက်ပြောသည်။
ရခိုင်ပြည်နယ် အစိုးရအဖွဲ့ ပြန်ကြားရေး တာဝန်ခံ ဦးဝင်းမြိုင်က“ကျနော်တို့ အနေနဲ့ကတော့ ဒီလိုခေါ်ယူစစ်ဆေးတာနဲ့ ပတ်သက်ပြီး ဘာသတင်းမှ မရသေးပါဘူး။ ဒါလုပ်ဖို့ ဆိုတာကလည်း ဥပဒေ အရ လုပ်ဖို့ရှိပါမယ်။ တိတိကျကျတော့ မပြောနိုင်သေးပါဘူး။ အခု ကာလကလည်း စုံစမ်းစစ်ဆေးဆဲကာလ ဖြစ်တာမို့လို့ပါ”ဟု ပြောဆိုသည်။
ကျောက်တော်မြို့နယ်တွင် ယခုကဲ့သို့ သက်ဆိုင်ရာမှ ခေါ်ယူစစ်မေးမှုများကြောင့် ဒေသခံတချို့ ကြောက်လန့်၍ ထွက်ပြေး တိမ်း ရှောင်မှုများ ရှိနေကြကြောင်း၊ လက်ရှိအချိန်အထိ တောင်ဗွေရွာမှ အမျိုးသားတစ်ဦးကို ဖမ်းဆီးထားသည်ဟု ကြားသိရကြောင်း ကျောက်တော် ဒေသခံ စီးပွားရေးလုပ်ငန်းရှင် တစ်ဦးက ပြောပြသည်။
ထိုသို့ ခေါ်ယူစစ်မေးမှုများရှိသော်လည်း အရေအတွက် မည်မျှခေါ်ယူစစ်မေးနေသည်၊ လက်ရှိအချိန်တွင် မည်မျှဖမ်းဆီးထားပြီး ဖြစ် သည်ကိုတော့ စုံစမ်းစစ်ဆေးဆဲကာလ ဖြစ်သောကြောင့် မပြောနိုင်သေးကြောင်း ကျောက်တော်မြို့နယ်ရဲတပ်ဖွဲ့မှ မြို့နယ်မှူး က ပြော သည်။
“ခေါ်စစ်နေတယ် ဆိုတာကတော့ ဟုတ်ပါတယ်။ ဒါပေမယ့် ခေါ်စစ်နေဆဲမို့လို့ မပြောနိုင်သေးပါဘူး။ ခေါ်စစ်လို့ မသက် ဆိုင်ဘူး ဆိုရင် ပြန်လွှတ်လိုက်ပါတယ်။ သံသယရှိတယ်ဆိုရင်တော့ ဖမ်းထားလိုက်ပါတယ်။ စစ်ဆေးဆဲပါ။ ဒီလောက်ပဲပြော နိုင်ပါသေး တယ်”ဟု ၄င်းက ပြောဆိုသည်။
Ref: ဧရာဝတီ
ကျပ် တသိန်းဝန်းကျင် ဆင်းမ်ကတ်များ သုံးနိုင်တော့မည်
မေရီကို
December 6, 2012
မြန်မာ့ ဆက်သွယ်ရေး လုပ်ငန်းက ကျပ် တသိန်း ၀န်းကျင်ရှိသည့် GSM နှင့် WCDMA မိုဘိုင်းဖုန်း ဆင်းမ်ကတ် များကို လာမည့် နှစ် ဆန်း ပိုင်းတွင် စတင် ရောင်းချသွားမည်ဖြစ်ကြောင်း သတင်းရရှိသည်။
အဆိုပါ ဆင်းမ်ကတ်များ ရောင်းချခြင်းသည် တတိယအကြိမ်မြောက် ဈေးနှုန်းလျှော့ချခြင်း ဖြစ်ပြီး အခုရေ ၁.၂၆ သန်း ဖြန့်ဖြူး သွားမည် ဖြစ်ကြောင်း မြန်မာ့ ဆက်သွယ်ရေး လုပ်ငန်း မိုဘိုင်း အင်ဂျင်နီယာချုပ်ထံမှ သိရသည်။
ယင်း ဖုန်း ဆင်းမ်ကတ်များ ထုတ်လုပ်ရာတွင် 3G ကွန်ရက်စနစ်ကို ထည့်သွင်းပေးမည်ဟုလည်း ဆိုသည်။
မြန်မာ့ဆက်သွယ်ရေး လုပ်ငန်းသည် အဆိုပါ ဖုန်းဆင်းမ်ကတ် လိုင်းပေါင်း တသန်း ကျော်ကို ရတနာပုံ တယ်လီပို့ တယ်လီကွန်း ကုမ္ပဏီနှင့် ပူးပေါင်း ရောင်းချ သွားမည် ဖြစ်ကြောင်း သိရသည်။
လာမည့်နှစ်အတွင်း စတင်အသုံးပြုနိုင်တော့မည့် ဖုန်း ဆင်းမ်ကတ် ဈေးနှုန်းများသည် ကျပ် တသိန်း နှစ်သောင်း အများဆုံးနှင့် အနည်းဆုံး ကျပ် ရှစ်သောင်းဖြစ်လာနိုင်သည်ဟု မြန်မာ့ ဆက်သွယ်ရေး လုပ်ငန်း မိုဘိုင်း အင်ဂျင်နီယာချုပ် က ပြောကြားသည်။
မိုဘိုင်းဖုန်း ဆင်းမ်ကတ် တခု၏ တန်ဖိုးကို ကျပ် ရှစ်သောင်းအထိ လျှော့ချပေးသည်ဟု ဆိုသော်လည်း နိုင်ငံတကာ နှုန်းထားများနှင့် နှိုင်းယှဉ်လျှင် များစွာ မြင့်မားလွန်းနေသေးသည်ဟု ပြည်တွင်း ကွန်ပျူတာပညာရှင် တချို့က ပြောသည်။
မြန်မာ့ဆက်သွယ်ရေး လုပ်ငန်း၏ မိုဘိုင်း အင်ဂျင်နီယာချုပ်ကမူ မိုဘိုင်းဖုန်း ဆင်းမ်ကတ် တခုကို ကျပ် တသိန်းနှင့် ရောင်းချရာတွင် ယခင် ဈေးနှုန်းဖြစ်သည့် ကျပ် ငါးသိန်းနှင့် ယှဉ်ပါက လေးသိန်း နစ်နာသဖြင့် နိုင်ငံတော်ဝင်ငွေ အဆများစွာ ထိခိုက်ကြောင်း ပြော ဆိုသည်။
ယခု မိုဘိုင်းဖုန်း ဆင်းမ်ကတ်တခုကို ကျပ်တသိန်းနှင့် ရောင်းချမည်ဆိုပါက ၀င်ငွေ ကျပ် သန်းနှင့်ချီ ရရှိနိုင်ကြောင်း၊ ဝန်ဆောင်မှုများမှာမူ ယနေ့အချိန်အထိ ညံ့ဖျင်းနေဆဲဖြစ်ကြောင်း နည်းပညာ နယ်ပယ်မှ စီးပွားရေး လုပ်ငန်းရှင်များနှင့် ပညာရှင်များ၏ ဝေဖန်မှုများလည်း ရှိနေသည်။
ဦးသိန်းစိန်အစိုးရ တက်လာပြီးနောက် မြန်မာ့ဆက်သွယ်ရေး လုပ်ငန်းအနေဖြင့် မိုဘိုင်းဖုန်းဈေးနှုန်းများကို တကြိမ်တည်းဖြင့် အသက်သာဆုံးဖြစ်ရန် မဆောင်ရွက်ဘဲ တထစ်ချင်း လျှော့ချ လုပ်ကိုင်နေခြင်းကို သုံးစွဲသူများက စိတ်ပျက်နေကြသည့် အပြင် ဝန်ဆောင်မှု အနေဖြင့်လည်း နိုင်ငံတကာ စီးပွားရေး လုပ်ငန်းရှင်များ အလုံးအရင်းနှင့် ဝင်ရောက်လာပါက အဆင်မပြေနိုင်ကြောင်း မန္တလေး အခြေစိုက် ကွန်ပျူတာ လုပ်ငန်းရှင် တဦးကလည်း ပြောဆိုသည်။
ယခု လက်ရှိတွင် မြန်မာနိုင်ငံ၏ မိုဘိုင်းဖုန်း အသုံးပြုသူ ဦးရေမှာ သုံးသန်းကျော် ရှိကြောင်း မြန်မာ့ဆက်သွယ်ရေး လုပ်ငန်းမှ သိရ သည်။
Ref: ဧရာဝတီ
အမေရိကန်နိုင်ငံခြားရေးဌာန ကိုယ်စား လှယ်နဲ့ မန္တလေးသံဃာတွေ ဆွေးနွေး
2012-12-05
အမေရိကန်နိုင်ငံ နိုင်ငံခြားရေးဝန်ကြီး ဌာန၊ အရှေ့တောင်အာရှရေးရာ ညွှန်ကြားရေးမှူး မစ္စတာ Mr.Ike Reed နဲ့ အဖွဲ့ဟာ ဒီဇင်ဘာလ ၅ ရက်နေ့ ဒီနေ့နေ့လည်ပိုင်းက မန္တလေးက ဆရာတော် ၅ ပါးထံ ရောက်ရှိခဲ့ပြီး မဟာအောင်မြေမြို့နယ်၊ မစိုးရိမ် တိုက်သစ်၊ ဓမ္မစေတိယ စာကြည့်တိုက် ကျောင်းဆောင်မှာ တွေ့ဆုံဆွေးနွေး ခဲ့ပါတယ်။
နှစ်ဖက်ဆွေးနွေးမှုမှာ ဒီမိုကရေစီအရေး၊ လူ့အခွင့်အရေးနဲ့ သံဃာတော်တွေရဲ့ အခန်းကဏ္ဍ အကြောင်းတွေကို သံဃာတွေ ထံက မေးမြန်းခဲ့တယ်လို့ ဆွေးနွေးပွဲ တက်ရောက်ခဲ့တဲ့ မစိုးရိမ်တိုက်သစ်၊ ဓမ္မသဟာယကျောင်းနာယက ဆရာတော် ဦးဝီရသူက မိန့်ပါတယ်။
ဒီကနေ့ တွေ့ဆုံပွဲကို ဂဠုန်နီဆရာတော် ဦးကာဝိယ၊ မြဝတီမင်းကြီးကျောင်းတိုက် ဆရာတော် ဦးအရိယဝံသာဘိဝံသ၊ အမရပူရမြို့၊ မဟာဂန္ဒာရုံကျောင်းတိုက်က ဘဝအလင်း ဆရာတော်တွေဖြစ်တဲ့ ဦးဥတ္တမသာရ၊ ဦးသောဘိသတို့ တက်ရောက် ခဲ့ကြပါတယ်။ ဒါ့အပြင် လက်ပန်တောင်းတောင်ဒေသ ဝက်မှေးကျေးရွာက မအေးနက်နဲ့ မသွဲ့သွဲ့ဝင်း တို့လည်း တက်ရောက်ခဲ့ပါတယ်။
တစ်ချိန်တည်းမှာပဲ လက်ပန်းတောင်းတောင် သပိတ်စခန်းတွေမှာ အကြမ်းဖက်ခံခဲ့ရတဲ့ သံဃာတော်တွေနဲ့ ဒေသခံတွေ အတွက် ဦးအေးသာအောင် ဦးဆောင်တဲ့ ရခိုင်ဒီမိုကရေစီ အဖွဲ့ချုပ် အဖွဲ့ဝင်တွေက ဒီဇင်ဘာလ ၅ ရက်နေ့က သင်္ဃန်းအစုံ ၂ဝဝ ကျော်နဲ့ အလှုငွေ ၂၅ သိန်းကို မန္တလေးမြို့မှာရှိတဲ့ မစိုးရိမ်ကျောင်းတိုက်က ဆရာတော် ဦးဝီရသူကို လာရောက် လှူဒါန်းခဲ့ကြပါတယ်။
ဦးအေးသာအောင် ဦးဆောင်တဲ့ ရခိုင်ဒီမိုကရေစီ အဖွဲ့ချုပ် အဖွဲ့ဝင်တွေဟာ အလှူငွေနဲ့ လှူဖွယ် ပစ္စည်းတွေပေးအပ်ပြီး မန္တလေးပြည်သူ့ဆေးရုံမှာ တက်ရောက်ကုသနေတဲ့ ဒဏ်ရာရသံဃာတော်တွေနဲ့ ဒေသခံတွေကို သွားရောက်အားပေး တွေ့ဆုံခဲ့ပါတယ်။
Ref: RFA News
သပိတ်စခန်းဖြိုခွဲမှုကို စုံစမ်းဖေါ်ထုတ်မယ် လို့ ဒေါ်အောင်ဆန်းစုကြည် ပြောကြား
2012-12-06
လက်ပန်းတောင်းတောင် အရေးအခင်း မှာ အစိုးရ လုံခြုံရေး တပ်ဖွဲ့တွေက မီးလောင်ဗုံး သုံးခဲ့ခြင်း ရှိ မရှိ ကို မိမိတို့ စုံစမ်းရေးကော်မရှင်က စုံစမ်းဖေါ်ထုတ်မှာဖြစ်တယ်လို့ အမျိုးသားဒီမိုကရေစီ အဖွဲ့ချုပ် ခေါင်းဆောင်နဲ့ မုံရွာကြေးနီတောင် စုံစမ်း စစ်ဆေးရေးကော်မရှင် ဥက္ကဌ ဒေါ်အောင်ဆန်းစုကြည် က ပြောဆိုလိုက်ပါတယ်။
"ပထမရေနဲ့ဖျန်းပြီးမှ ဒီလိုမျက်ရည်ယိုဗုံးသုံးတယ် ပြီးမှ မီးတောက်တယ် ဘာတယ် ဆိုတော့ နည်းပညာအရ ဆိုရင် မဖြစ်နိုင်တဲ့ ကိစ္စတော့ မဟုတ်ပါဘူး၊ ဒီဟာကတော့ကော်မရှင်က စုံစမ်းပြီးမှ အဖြေပေးမှာပါ၊ တရားဥပဒေ သဘောတရား အရပေါ့နော် အပြစ်ရှိတယ် ဆိုတဲ့ အထောက်အထား မလုံလောက်မချင်း ဘယ်သူမှာမှ အပြစ်မရှိဘူးလို့ ကျမတို့ ဒီလိုယူဆပါတယ်"
RFA က ပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ် အတွက် မနေ့က ဆက်သွယ်မေးမြန်း ခဲ့ရာမှာ ဒေါ်အောင်ဆန်းစုကြည် က ခုလိုဖြေကြား ခဲ့တာဖြစ်ပါတယ်။
ဒါ့အပြင် ကြေးနီတောင် စုံစမ်းစစ်ဆေးရေးကော်မရှင်ကို အစိုးရက ဒီဇင်ဘာလ ၃ ရက်နေ့ ပြင်ဆင် ဖွဲ့စည်းခဲ့တဲ့ အခါမှာ မူလပထမ ဒီဇင်ဘာလ ၁ ရက်နေ့ ကြေညာချက်မှာ ပါဝင်ခဲ့တဲ့ ဆန္ဒပြပွဲအပေါ် သက်ဆိုင်ရာက အရေးယူဆောင်ရွက် ခဲ့ပုံကို စုံစမ်း စစ်ဆေးရေး ဆိုတဲ့အချက် ပါဝင်ခြင်း မရှိတော့တာနဲ့ ပတ်သက်လို့လည်း RFA က မေးမြန်းခဲ့ရာ ဒေါ်အောင်ဆန်းစုကြည့်က အဲဒီဟာက လွှတ်တော်မှာ တင်တဲ့ အဆိုနဲ့ မကိုက်ညီလို့ပါ၊ ဒါပေမယ့် နောက်ပိုင်းမှာဆိုရင် ဆက်စပ်နေတဲ့ ကိစ္စတွေကိုလည်း စုံစမ်းနိုင်တယ်လို့ ထည့်ထားပါတယ် လို့ ဖြေကြား ခဲ့ပါတယ်၊
ဒါ့အပြင် ကြေးနီတောင်စီမံကိန်းကို အကြမ်းဖက်ဖြိုခွဲခဲ့မှုကြောင့် မြန်မာပြည် ဒီမိုကရေစီပြောင်းလဲရေး လုပ်ငန်းစဉ်တွေ အပေါ် အကျိုး သက်ရောက်မှုတွေ ရှိ မရှိ ဆိုတာကိုလည်း စုံစမ်းရေးကော်မရှင်က လေ့လာသုံးသပ်ပြီး တင်ပြမှာဖြစ်တယ်လို့ ဒေါ်အောင်ဆန်းစုကြည်က RFA ကိုပြောပါတယ်။
Ref: RFA News
ကြို့ပင်ကောက်မြို့မှာ လက်ပန်းတောင်းအရေး ဆန္ဒဖေါ်ထုတ်
2012-12-05
ပဲခူးတိုင်းဒေသကြီး၊ ကြို့ပင်ကောက်မြို့နယ်မှာ လက်ပန်းတောင်းတောင် သပိတ်စခန်းတွေ အကြမ်းဖက် ဖြိုခွဲ ခံခဲ့ရတဲ့ အပေါ် ကန့်ကွက်တဲ့ စာသားပါ တီရှပ်အင်္ကျီတွေ ဆင်တူဝတ်ဆင်ထားတဲ့ လူအင်အား ၁ဝဝ ကျော်ဟာ ဒီကနေ့ ဒီဇင်ဘာလ ၅ ရက်နေ့ မနက်ပိုင်း တစ်ကြိမ်၊ ညနေပိုင်းမှာ တစ်ကြိမ် တစ်နေ့ နှစ်ကြိမ် လမ်းလျှောက် ဆန္ဒပြခဲ့ကြပါတယ်။
ဆန္ဒဖေါ်ထုတ်ပွဲကို ပြီးခဲ့တဲ့ ၂ ရက်လောက်က စတင်ကျင်းပခဲ့တာဖြစ်ပြီး ဒီကနေ့ဟာ နောက်ဆုံးနေ့ ဖြစ်ပါတယ်။ သပိတ် စခန်းတွေက ရဟန်း သံဃာတော်နဲ့ ပြည်သူတွေ အကြမ်းဖက် ခံရတာကို ကန့်ကွက်တဲ့ အနေနဲ့ ဆန္ဒထုတ်ဖော်တာဖြစ်တယ်လို့ ကြို့ပင်ကောက်မြို့နယ် လူငယ်ကွန်ရက်ခေါင်းဆောင် တစ်ဦးဖြစ်တဲ့ ကိုမောင်မောင်ဦးက ပြောပါတယ်။
ဆန္ဒပြပွဲတွေကို ကြို့ပင်ကောက်မြို့နယ် လူငယ်ကွန်ရက်အဖွဲ့ဝင် ၆ ဦးက ဦးဆောင်ပြီး ကြို့ပင်ကောက်မြို့မဈေးကြီး ဘေးပတ်လည် ကနေ အနောက် လမ်းမတော်ဘက်ကို လမ်းလျှောက်ပြီး ဆန္ဒ ထုတ်ဖော်ခဲ့ကြတာ ဖြစ်ပါတယ်။ ဆန္ဒပြ လမ်းလျှောက်ကြရာမှာ အမျိုးသမီး ၃ဝ နီးပါးခန့် ပါဝင်တယ်လို့ သိရပါတယ်။
အခုလို ဆန္ဒပြလမ်းလျှောက်ရာမှာ ဒီကနေ့မှာ လုံခြုံရေးရဲတပ်ဖွဲ့ဝင်တွေက မတားဆီးပေမယ့် မြို့မဈေးကြီး ပတ်လည်နဲ့ မြို့လယ်ကောင်မှာ လုံခြုံရေး အဖွဲ့ဝင်တွေ နေရာယူစောင့်ကြည့်နေတယ်လို့ သိရပါတယ်။
Ref: RFA News
လက်ပံတောင်းဆန္ဒပြမှု ဆက်လက်ဖြစ်ပွား
စုမြတ်မွန်
05.12.2012
လက်ပံတောင်းတောင် ကြေးနီစီမံကိန်း ဖျက်သိမ်းဖို့အတွက် လက်ပံတောင်းဒေသခံပြည်သူ ၂၀၀ လောက် ဒီကနေ့ ညနေပိုင်းမှာ ဆန္ဒပြခဲ့ ကြပါတယ်။ တုံရွာကနေ ရွှေလေကျေးရွာ အထိကို ဆန္ဒပြသူတွေ ကြွေးကြော် ချီခဲ့ကြတာဖြစ်ပါတယ်။ တချိန်ထဲမှာပဲ ရန်ကုန် မန္တလေး မြင်းခြံ ပခုက္ကူ တောင်ကြီးစတဲ့ မြို့တွေမှာလည်း မနက်ဖြန် ၁ နာရီမှာ သံဃာတွေ အချိန်ကိုက် ဆန္ဒပြဖို့ စီစဉ်နေကြပါတယ်။ အပြည့်အစုံကို ဘန်ကောက်ရုံးကနေ မစုမြတ်မွန်တင်ပြပေးထားပါတယ်။
လက်ပံတောင်းတောင် ကြေးနီတူးဖော်ရေးစီမံကိန်းကြောင့် ဒေသခံတွေနစ်နာမှုရှိတာကြောင့်ရော သဘာဝ ပတ်ဝန်းကျင်ကို ထိခိုက် တာကြောင့်ပါ စီမံကိန်းကို ရပ်ဖို့တောင်းဆို မှုတွေမှာ ဒီကနေ့တော့ လက်ပံတောင်း ဒေသခံ ၂၀၀ လောက် ညနေ ၄ နာရီမှာ စပြီး ချီတက် ဆန္ဒပြခဲ့ကြပါတယ်။ ဆန္ဒပြပွဲနဲ့ ပတ်သက်လို့ စီမံကိန်းရပ်ရေး ဒေသခံတွေနဲ့အတူ ကူညီ လှုပ်ရှားနေတဲ့ မြန်မာနိုင်ငံ ဝိဇ္ဇာနဲ့သိပ္ပံ တက္ကသိုလ် ကျောင်းသားများ ကွန်ယက်က ကိုသောင်းထိုက်က အခုလို ပြောပြပါတယ်။
“လက်ပံတောင်းဒေသမှာရှိတဲ့ ပြည်သူတွေက လက်ပံတောင်းတောင် ကြေးနီစီမံကိန်း လုံးဝဖျက် သိမ်းရေးကို တောင်းဆိုတဲ့ အနေနဲ့ ဆန္ဒပြတာပါ။ ပြီးတော့ ၁၇ ရက်နေ့က စဖွင့်တဲ့ သပိတ်စခန်းတွေ ကို ၂၉ ရက်နေ့မှာ အာဏာပိုင်တွေက အကြမ်းဖက် ဝင်ရောက် နှိမ်နင်းတာနဲ့ ပတ်သက်ပြီး ဒေသ ခံ ပြည်သူတွေက လုံးဝ မကျေနပ်ကြဘူး။ လုံးဝ မမျှတဘူး ဆိုတဲ့ အနေနဲ့ ဆန္ဒပြတာ ဖြစ်သလို လက်ပံတောင်းတောင် ကြေးနီစီမံကိန်း ဖျက်သိမ်းရေး အတွက် တောင်းဆိုရေးနဲ့ ဖမ်းဆီး ထိန်းသိမ်းခံ နေရပြီး အမှု ရင်ဆိုင်နေရတဲ့ သူတွေကို ပြန်လွှတ်ပေးဖို့ တောင်းဆိုတာပါ။”
မေး။ ။ အဲဒီတော့ အင်အားဘယ်လောက် ရှိပါလဲရှင့်။ ဘယ်နားမှာ ဆန္ဒပြနေတာပါလဲ။
“အင်အားကတော့ ၂၀၀ လောက်ပဲ ရှိပါတယ်။ တုံရွာထိပ်ကနေ ရွှေလေအထိကို လမ်းလျှောက် ချီတက်ပြီးတော့ ငြိမ်းချမ်းစွာ ဆန္ဒဖော်ထုတ်နေတာပါ။”
မေး။ ။ အခုလိုမျိုး ဆန္ဒဖော်ထုတ်နေတဲ့အခါမှာရော သက်ဆိုင်ရာက တားမြစ်တာ ရှိပါသလား။
“အခု အချိန်အထိကတော့ လာပြီးတားမြစ်တာ မရှိသေးပါဘူး။ ဒါပေမဲ့ အရပ်ဝတ်နဲ့ ရဲတွေက ဘေးကနေ ဝိုင်းပြီးကြည့်နေတာတော့ ရှိပါတယ်။”
ကြေးနီစီမံကိန်း ရပ်စဲရေးတောင်းဆိုနေတဲ့ သပိတ်စခန်းတွေအပေါ် နိုဝင်ဘာလ ၂၉ ရက်နေ့ က နှိမ်နှင်းရာမှာ ထိခိုက် ဒဏ်ရာရသူတွေကို ရွှေလေကျေးရွာမှာ သွားပြီး အားပေးကြမယ်လို့ ကိုသောင်းထိုက်က ပြောပါတယ်။ သံဃာတော် အများစု ဒဏ်ရာရခဲ့တဲ့ သပိတ်ခန်းတွေအပေါ် သက်ဆိုင်ရာက အင်အားသုံး နှိမ်နှင်းခဲ့မှုတွေနဲ့ ပတ်သက်လို့ အစိုးရက ကျေနပ်လောက်အောင် တောင်းပန် ဖြေရှင်းပေးတာ မရှိတဲ့ အတွက်လည်း ရန်ကုန်၊ မန္တလေး၊ ပခုက္ကူ၊ မြင်းခြံ၊ တောင်ကြီး စတဲ့မြို့တွေမှာ အချိန်ကိုက်ပြီး သံဃာတွေ ဆန္ဒပြကြဖို့ စီစဉ်နေကြပါ တယ်။ အထက်မြန်မာပြည် သံဃာတော်များ (မန္တလေး)က ဆရာတော်တပါးက သူတို့ အစီအစဉ်ကို VOA ကို ခုလို မိန့်ပါတယ်။
“ဦးဇင်းတို့က မနက်ဖြန်မှာ ၁ နာရီမှာ သပိတ်မှောက်ပါမယ်။ ပတ္တနိက္ကုဇ္ဇနကံ ဆောင်တာမျိုးတော့ မလုပ်ဘူး။ လောလော ဆယ်တော့- အရင်ကလည်း ပတ္တနိက္ကုဇ္ဇန ကံဆောင်ထားတာ လည်း ပြန်လှန်ထားတာ မဟုတ်သေးဘူးလေ။ အဲဒါကြောင့် အဲဒါကိုတော့ ကံပြန်ဆောင်တာမျိုး လုပ် မှာ မဟုတ်ဘူး။ ဦးဇင်းတို့ ရွှေဝါရောင်တော်လှန်ရေး ပုံစံမျိုး လှုပ်ရှားမှု အရှိန်ကို မြှင့်သွားမှာပေါ့။ မနက်ဖြန် ၁ နာရီမှာ စမယ်။ မန္တလေးရယ်၊ တောင်ကြီး၊ ပခုက္ကူရယ်၊ ချောက်ရယ်၊ ရန်ကုန်ရယ်၊ မြင်းခြံ ရယ်- ပေါင်းပြီးတော့ တပြိုင်တည်း လုပ်သွားဖို့ အစီအစဉ်ရှိတယ်။ အချိန်ကိုတော့ တနာရီမှာ တပြိုင်တည်းလုပ်ဖို့ စဉ်းစားတယ်။ ဒါပေမဲ့ လုပ်မယ့်ပုံစံက တနေရာနဲ့တနေရာ မတူဘူး။ တောင်ကြီး မှာဆို အေးတယ်။ အေးတော့ ထိုင်သပိတ်လုပ်လို့မရဘူး။ အဲဒီတော့ လမ်းလျှောက်မယ်။ ဦးဇင်းတို့ မန္တလေးမှာဆိုရင် ဦးဇင်းတို့က ထိုင်သပိတ်ပဲ။ လုပ်သွားမယ့် အနေအထားကတော့ အချိန်ကို တပြေးညီလုပ်ပြီးတော့ တောင်းဆိုတာ မရမချင်း လုပ်သွားမယ်။”
သပိတ်မှောက် သံဃာတွေ ဒဏ်ရာတွေ ဆိုးဆိုးဝါးဝါးရစေလောက်တဲ့အထိ ဖြိုခွင်းနှိမ်နှင်း ခဲ့တာကို ပြည်ထောင်စု အစိုးရ ကနေ တောင်းပန်ဖို့ အတွက် သံဃာတော်တွေက တောင်းဆိုနေကြတာ ဖြစ်ပါတယ်။
“တောင်းဆိုထားတဲ့ဟာမှာ အခုချိန်အထိ သူတို့ဘက်က ဘာလုပ်ပေးလဲဆိုတော့ ဝန်ချတောင်းပန်တာ လိုလို ဘာလိုလိုနဲ့ မုံရွာမှာ မလိမ့်တပတ် လုပ်တာတခု ရှိတယ်။ နောက် ကော်မရှင်ဖွဲ့ပြီးတော့လည်း စုံစမ်းမလိုလို ဘာလိုလိုနဲ့ ရက်စွဲထားတာ တခုရှိတယ်။ သူတို့က အဲလိုမျိုး လုပ်တဲ့အခါကျတော့ ကျန်းမာရေး စောင့်ရှောက်မှုဆိုလည်း မုံရွာမှာတုန်းက ကြောက်ပြီးတော့ လုံးဝ ဆေးကုမပေးဘူး လို့ ပြောကြတယ်။ အခု မန္တလေးကတော့ စောင့်ကြည့်နေဆဲပဲ။ မနေ့တုန်းက ၃၂ ပါးနဲ့ လူ ၃ ယောက်ကို ဆင်းခိုင်းတယ်။ အဲလိုမျိုး ဆိုတော့ ဦးဇင်းတို့ တောင်းဆိုတာတွေကို မလိမ့်တပတ်ပဲ လုပ်ထားတယ်။ တကယ်လိုက်လျောပေးတာ မရှိဘူး။ ဦးဇင်းတို့ လိုချင်တာက ဝန်ချတောင်းပန် တယ် ဆိုတာက နိုင်ငံတော် သမ္မတက ဦးဆောင်ပြီးတော့ ဒီသံဃာတွေကို လာပြီးတော့ ကြည့်ရမယ်၊ ဒဏ်ရာရတဲ့ သံဃာတွေကို ဆေးရုံမှာလာပြီးတော့ ကြည့်ရမယ်။ ကြည့်ပြီးတော့မှ တောင်းပန်တဲ့နေရာ မှာလည်း မအန ဘုန်းကြီးတွေကို သွားတောင်းပန်ရမှာ မဟုတ်ဘူး။ တကယ်ခံရတဲ့ သံဃာတွေဆီကို ကိုယ်တိုင်လာ၊ လာပြီးတော့မှ ဝန်ချတောင်းပန်၊ အဲဒီလို တောင်းပန်တာကို ကြေညာချက်လည်း ထုတ်ပေးရမယ်။ ဒီဥစ္စာနဲ့ပတ်သက်ပြီးတော့ တကယ် တာဝန်ရှိတဲ့သူ- လုပ်တဲ့ ရဲတွေကို ဆိုလိုတာ မဟုတ်ဘူး။ လုပ်တဲ့သူဆိုတာ။ အမိန့်ပေးတဲ့သူတွေ၊ လက်နက် ထုတ်ပေးတဲ့သူတွေ၊ အဲဒီလူတွေကို အရေး ယူပေးရမယ်။”
စစ်ကိုင်းတိုင်း၊ မုံရွာခရိုင်ထဲက လက်ပံတောင်းတောင် ကြေးနီ စီမံကိန်းကြောင့် ဒေသခံတွေ အနေ နဲ့ မြေဧက ထောင်ပေါင်း များစွာ အသိမ်း ခံခဲ့ရတဲ့အတွက် လယ်ယာ လုပ်ကိုင်စားသောက်ဖို့ အခက်တွေ့ ခဲ့ကြသလို သဘာဝ ပတ်ဝန်းကျင် ဆိုင်ရာ ဆိုးကျိုး အကျိုးဆက်တွေ ရှိလာနိုင်တဲ့အတွက် ဒီစီမံကိန်းကို ဆက်မလုပ်ဖို့ တောင်းဆိုနေကြတာဖြစ်ပါတယ်ရှင်။
Ref: VOA News
သံဃာတွေ ထိုင်သပိတ်စတင်ဆင်နွှဲမည်
2012-12-06
လက်ပန်းတောင်းတောင် သပိတ်စခန်း အကြမ်းဖက်ဖြိုခွဲခဲ့တဲ့ ကိစ္စနဲ့ပတ်သက်ပြီး အစိုးရက တာဝန်ယူဖြေရှင်းပေးဖို့ အတွက် သံဃာတွေဟာ မနက်ဖြန် ဒီဇင်ဘာလ ၆ ရက်နေ့မှာ မြို့အတော်များများမှာ ထိုင်သပိတ်မှောက် ဆန္ဒပြဖို့ စီစဉ်ထားတယ်လို့ သိရပါတယ်။
ဒီတစ်ကြိမ်ပြုလုပ်မယ့် သံဃာ့သပိတ်ဟာ ပြီးခဲ့တဲ့သပိတ်တွေနဲ့မတူဘဲ၊ သံဃာတွေ တောင်းဆိုတဲ့အချက် ၅ ချက်ကို အစိုးရက ချက်ချင်း အကောင်အထည်ဖော်ပေး ရမယ်လို့ တောင်းဆိုမှာဖြစ်ပါတယ်။
တကယ်လို့ အစိုးရက ပျက်ကွက်မယ်ဆိုရင် အဲဒီ သံဃာ့ထိုင်သပိတ်ကိုအရှိန်မြှင့်ပြီး ရက်ရှည်ပြုလုပ်ဖို့ ရှိတယ်လို့ အဲဒီ့ သပိတ်ရဲ့ ဦးဆောင် သံဃာတော်တစ်ပါးဖြစ်တဲ့ မန္တလေး၊ မဟာဂန္ဓာရုံကျောင်းတိုက် ဘဝအလင်း ဆရာတော် ဦးသောဘိတက RFA ကို မိန့်ကြားပါတယ်။
မနက်ဖြန် ဒီဇင်ဘာလ ၆ ရက်နေ့မှာ စတင်မယ့်သံဃာ့သပိတ်ကို ရန်ကုန်၊ မန္တလေး၊ တောင်ကြီး ၊စစ်ကိုင်း၊ ချောက်၊ ပခုက္ကူ၊ မိတ္ထီလာနဲ့ ဝါးခယ်မမြို့တွေမှာ ကျင်းပမှာလို့ ဆိုပါတယ်။
မနက်ဖြန်ပြုလုပ်မယ့် သံဃာ့ထိုင်သပိတ်မှာ ကိုင်ဆွဲတောင်းဆိုမယ့် အချက်ငါးချက်အကြောင်းနဲ့ ပတ်သတ်ပြီး ဘဝအလင်း ဆရာတော် ဦးသောဘိတက အခုလို မိန့်ကြားပါတယ်။
"အောက်ပါအချက် ၅ ချက်က (က) နိုင်ငံတော်အစိုးရနဲ့ အစိုးရအဖွဲ့က ထိခိုက်ဒဏ်ရာရသော သံဃာတော် များကို အမြန်ဆုံး လာရောက် ဝန်ချတောင်းပန်ရန် (ခ) အကြမ်းဖက်နှိမ်နင်းမှုတွင် တာဝန်ရှိသော သူများအား ထိရောက်စွာ အရေးယူပေးရန် (ဂ) ကြေးနီ စီမံကိန်းနဲ့ ပတ်သက်ပြီး ဖမ်းဆီး ထားသူများကို ချက်ခြင်းပြန်လွှတ်ရန် (ဃ) ကြေးနီစီမံကိန်းကို ဒေသခံများနဲ့ပြည်သူများ လက်ခံနိုင်အောင်ဆောင်ရွက်ပေးရန် (င) ဒီမိုကရေစီ အစိုးရစစ်စစ် ပေါ်ပေါက်လာဖို့နဲ့ နောက်နောင်တွင် အခုကဲ့သို့ အကြမ်းဖက်မှု မပေါ်ပေါက်စေရန် လွှတ်တော်များနဲ့ အစိုးရ အဖွဲ့များတွင် ပါဝင်လျက်ရှိသော တပ်မတော်သားများ အမြန်ဆုံးနုတ်ထွက်ပေးရန်၊ အထက်မြန်မာပြည် သံဃာတော်များ"
နိုဝင်ဘာလ ၂၉ ရက်နေ့ မနက် ၂ နာရီခွဲလောက်မှာ လက်ပန်းတောင်းတောင် သပိတ်စခန်းတွေကို လုံခြုံရေး တပ်တွေက အင်အားသုံး အကြမ်းဖက် ဖြိုခွဲခံရပြီးနောက် ကန့်ကွက်ရှုံ့ချ ဆန့်ကျင်ပွဲတွေဟာ မြန်မာနိုင်ငံဒေသ အချို့မှာ တစ်ခုပြီး တစ်ခု ပေါ်ပေါက်နေခဲ့တာဖြစ်ပါတယ်။
Ref: RFA News
Monday, December 3, 2012
ဒေါ်အောင်ဆန်းစုကြည် ဦးဆောင်သည့် ကြေးနီစီမံကိန်း စုံစမ်းရေးကော်မရှင် ဖွဲ့စည်း
ကောင်းဆု
တနင်္ဂနွေနေ့၊ ဒီဇင်ဘာလ ၀၂ ရက် ၂၀၁၂
နေပြည်တော် (မဇ္ဈိမ) ။ ။ လက်ပန်းတောင်းတောင် ကြေးနီစီမံကိန်းတွင် ဖြစ်ပေါ်နေသော အခြေအနေ များကို အဖြစ်မှန် ပေါ်ပေါက်စေရန်နှင့် ယင်းစီမံကိန်းကို ဆက်လက် လုပ်ကိုင်ရန် သင့်မသင့် လေ့လာ အကြံပြုရန် ဒေါ်အောင်ဆန်းစုကြည် ဥက္ကဋ္ဌအဖြစ် ပါဝင်သော စုံစမ်းစစ်ဆေးရေးကော်မရှင် ဖွဲ့စည်းလိုက်ကြောင်း သမ္မတရုံးမှ စနေနေ့က ထုတ်ပြန်လိုက်သည်။
အဖွဲ့ဝင် ၃ဝ ပါ ကော်မရှင်အဖွဲ့မှာ ထိုကြေးနီစီမံကိန်းကြောင့် လူမှုဘဝနှင့် သဘာဝပတ်ဝန်းကျင် ထိခိုက်မှု၊ နိုင်ငံတော် အတွက် အကျိုးရှိ/မရှိ စသည်တို့ကို သုံးသပ်အကြံပြု တင်ပြရန်ဖြစ်ပြီး စီမံကိန်း ကန့်ကွက် ဆန္ဒပြရခြင်း အကြောင်းရင်းများအပြင် ဆန္ဒပြ သံဃာတော်များ ထိခိုက် ဒဏ်ရာရသည့်အပေါ် သုံးသပ်ချက်တို့ကိုလည်း သမ္မတထံ ဒီဇင်္ဘာလ မကုန်မီ အစီရင် ခံရမည်ဖြစ်သည်။
ကော်မရှင်တွင် ယခင်အစိုးရ စွမ်းအင် ဝန်ကြီးဟောင်း ဦးလွန်းသီ၊ ပုလဲနှင့် ဆားလင်းကြီး ပြည်သူ့လွှတ်တော် ကိုယ်စားလှယ်များ၊ ဝန်ကြီးဌာန အချို့မှ ညွှန်ချုပ်နှင့် ဒု-ညွှန်ချုပ်များ၊ အမျိုးသားဒီမိုကရေစီ အင်အားစုနှင့် ဒီမိုကရေစီနှင့် ငြိမ်းချမ်းရေး ပါတီတို့မှ ခေါင်းဆောင်များ၊ မြန်မာနိုင်ငံ လူ့အခွင့်အရေးကော်မရှင်၊ ၈၈ ကျောင်းသား အဖွဲ့နှင့် ဒေသခံ ရွာသုံးရွာမှ ကိုယ်စားလှယ် ၃ ဦးတိုပလည်း ပါဝင်ဖွဲ့စည်းထားသည်။
စုံစမ်းစစ်ဆေးရေး ကော်မရှင်၏ တာဝန်ထမ်းဆောင်စဉ် လုံခြုံရေးနှင့် အုပ်ချုပ်ရေးဆိုင်ရာ လိုအပ်ချက်များကို သမ္မတရုံးနှင့် စစ်ကိုင်းတိုင်း အစိုးရ အဖွဲ့တို့က ဖြည့်ဆည်းပေးရန် ဖြစ်သည်။
Ref: မဇ္ဈိမ
“ဒဏ်ရာတွေကို ဖုံးဖိထားလို့ မရဘူး”
ကိုညို (အော်စလို)
November 30, 2012
နိုဝင်ဘာလ၂၉ ရက်နေ့ မနက် ၃ နာရီမှာ မုံရွာမြို့နယ် လက်ပံတောင်း တောင် ကြေးနီ စီမံကိန်း သပိတ်ကို အစိုးရ လုံခြုံရေး ရဲ တပ်ဖွဲ့က အင်အားသုံး ဖြိုခွဲခဲ့ပါတယ်။ သပိတ်တိုက်ပွဲ ဆင်နွှဲနေတဲ့ ရဟန်းရှင်လူ ၁၀၀ ကျော် မီးလောင် ဒဏ်ရာတွေ အပြင်းအထန် ရခဲ့ပါတယ်။ သမ္မတရုံးက ဓာတုဆေးဝါး ပါဝင်တဲ့ဗုံးကို အသုံးမပြုခဲ့ဘူးလို့ (တရားမဝင် ဖေ့စ်ဘွတ်ကတဆင့်) ဆိုပေမယ့် ဒဏ်ရာ ရသူတွေနဲ့ မျက်မြင် အရပ်ဘက် သတင်းတွေ၊ မုံရွာဆေးရုံ သတင်းရပ်ကွက်တွေကတော့ ဒါဟာ လူ့ခန္ဓာကိုယ်ကို ပြင်းထန်စွာ လောင်ကြွမ်းစေတဲ့ ဓာတုဆေးရည် ပါတဲ့ မီးလောင်ဗုံးတွေ ဖြစ်နိုင်တယ်လို့ သံသယ ရှိနေပါတယ်။
ဒီကိစ္စနဲ့ ပတ်သက်ပြီး အရင် စစ်အစိုးရ လက်ထက် ပဲခူးတိုင်း ပန်းတောင်းမြို့နယ် ဆင်တဲ ကပစ(ကာကွယ်ရေး ပစ္စည်းနဲ့ စစ်လက်နက် ပစ္စည်း ထုတ် စက်ရုံ) အမှတ်(၃) မှာ အာပီဂျီ အလုပ်ရုံ ခွဲမှူး အနေနဲ့ တာဝန် ထမ်းဆောင် ခဲ့ဖူးသူ ဗိုလ်မှူးဟောင်း စိုင်းသိန်းဝင်း နဲ့ ဧရာဝတီ သတင်းထောက် ကိုညို (အော်စလို) ဆက်သွယ်မေးမြန်း ခဲ့တာတွေကို တင်ပြလိုက်ပါတယ်။
မေး ။ ။ လက်ပံတောင်းတောင် သပိတ် အကြမ်းဖက်ဖြိုခွဲတာနဲ့ ပတ်သက်ပြီး မျက်ရည်ယို ဗုံးလား၊ မီးလောင်ဗုံးလား လို့ အငြင်းပွားနေတာကို ကာကွယ်ရေး ၀န်ကြီးဌာန စစ်လက်နက်ထုတ် ပစ္စည်းစက်ရုံမှာ တာဝန် ထမ်းဆောင်ခဲ့သူ တယောက်ရဲ့ အတွေ့အကြုံနဲ့ယှဉ်ပြီး ဘယ်လို သုံးသပ်မှု ပေးချင်သလဲ။
ဖြေ ။ ။ မျက်ရည်ယိုဗုံး(Tear Gas)ဆိုတာ မီးခိုးဗုံးပဲလေ၊ သူကမျက်စိနဲ့ ထိမှန်ရင် စပ်ပြီး မျက်ရည်ကျအောင် စီမံထားတဲ့ ဓာတ်ငွေ့ချည်း သက်သက် ထွက်တဲ့ ဗုံးပါ။ မီးပန်း ထွက်စရာ မလိုဘူး။ အခုဟာက မီးပန်း မီးပွားတွေ ပန်းထွက်နေတဲ့ အခါကျတော့ ဘယ်လိုမှ မီးခိုးဗုံး မဖြစ်နိုင်ဘူးပေါ့ဗျာ။ သတင်းတွေအရ ဆိုးဆိုးရွားရွား သိရတာက ဗုံးထဲကနေ လွင့်စင်လာတဲ့ အဖြူရောင် အနှစ်တွေက လူ့ခန္ဓာကိုယ်ထဲ စွဲကပ်ပြီး မီးလောင်တယ်၊ ရေထိတော့ ပိုလောင်တယ်၊ ဒါဆို မီးစုန်းဗုံး သဘောမျိုးဖြစ်သွားပြီ။ ကျနော်တို့က ဗုံးအမျိုးအစားကို မျက်မြင်တွေ့ရတဲ့ အခြေအနေကြည့်ပြီး ခွဲခြားရတာ၊ မီးထွက်တဲ့ ဗုံးကို မီးလောင်ဗုံးပဲ ခေါ်မယ်၊ မီးခိုးပဲထွက်တဲ့ ဗုံးကို မီးခိုးဗုံးလို့ ခေါ်မှာပေါ့ဗျာ။ အခုဟာက မီးတွေ ပန်းထွက်နေတဲ့ ဗုံးမို့ မီးလောင်ဗုံးလို့ တိတိကျကျပြောတာပါ။
မေး ။ ။ ဒီလို ဗုံးအမျိုးအစားကို တပ်မတော်က ဘယ်လိုအချိန်အခါမှာ သုံးသလဲ၊ အခုလို ဆန္ဒပြတာမျိုးမှာ သုံးရမည့် ညွှန်ကြားမှု မျိုးတွေရော ရှိခဲ့ဖူးလား။
ဖြေ ။ ။ ဗီယက်နမ် စစ်ပွဲတွေမှာ အမေရိကန် တပ်က သုံးတယ်၊ ဗီယက်နမ်တွေက တောတောင် သစ်တောတွေကို အကာအကွယ် ယူပြီး ပြောက်ကျားစစ်ကို သုံးလို့ အမေရိကန်တွေ အထိနာတယ်။ ဗီယက်နမ် ပြောက်ကျားတွေ တောတောင်နဲ့ မြေအောက်ဂူတွေ၊ ကျင်းတွေထဲခိုလို့ မရအောင် မီးတိုက်နှိမ်နင်းဖို့ နပမ်းဗုံး(ဗုံးဒဏ်သင့် ဗီယက်နမ် ကလေးမလေး အမည် Napalm ရဲ့ ဖြစ်ရပ်က တဆင့်) ဆိုပြီး ထွင်သုံးတာ။ အဲဒီ နပမ်းဗုံးက ဓာတုဆေးရည်တွေနဲ့ ဖော်စပ်ထားတာ၊ အပင်တွေကို ဆေးရည်ထိရင် ဆေးရည် မကုန်မချင်း မီးမငြိမ်း ဘူး။ သစ်ပင်တွေ၊ သစ်တောတွေ မီးလောင်ပြာကျအောင် ထွင်ထားတာ။ နောက်ပိုင်း ဒီဗုံးရဲ့ ဆိုးကျိုးကို ဗီယက်နမ်မလေး Napalm ရဲ့ ဖြစ်ရပ်က တဆင့် စစ်မြေပြင် သတင်းထောက်တွေ ဖော်ထုတ် သိရပြီး ကန့်သတ် တားမြစ်မှုတွေ ပေါ်လာတာ။
ဥပမာ Flame Thrower လို ပေ၂၀ လောက် မီးပန်းထွက်တဲ့ မီးသေနတ်တွေကို ဘန်ကာ၊ ကတုတ်ကျင်း ထဲက ရန်သူတွေကို တိုက်ရာမှာပဲ သုံးပြီး၊ မြေပြင်တက် တပ်ဖွဲ့တွေကို မသုံးရဘူး။ ဂျနီဗာ စာချုပ်မှာ ကန့်သတ်ထားတယ်။
ပြောချင်တာက မီးလောင် ဒဏ်ရာရစေတယ် ဆိုတာ ပြင်းထန်အောင် ထိခိုက်တဲ့ ဆိုးရွားတဲ့ တိုက်ခိုက်မှုမျိုး ဖြစ်တယ်။
စစ်တိုက်တယ် ဆိုတာတောင် မချိမဆန့် ဒဏ်ရာရစေရင် လူမဆန်ဘူးလို့ သတ်မှတ်တယ်။ ဒီလို မဖြစ်အောင် နိုင်ငံတကာ ဆန္ဒပြမှုတွေကို မီးသတ် ပိုက်တွေ၊ မျက်ရည်ယို ဗုံးတွေနဲ့ ဖြိုခွဲတာပေါ့။ စစ်ပွဲမှာတောင် လက်မခံတဲ့ ကိစ္စကို လက်နက်မဲ့ ဆန္ဒပြသူတွေကြား သုံးတယ် ဆိုတာ ရာဇ၀တ်မှု ကျူးလွန်တာပဲ ဖြစ်တယ်။ အခုဖြစ်တဲ့ဟာမှာ မီးလောင်ဗုံးတွေ သုံးခဲ့တယ်ဆိုတာ ဒဏ်ရာတွေ ကြည့် ရင် သိသာတယ်။ ဒဏ်ရာတွေကို ဖုံးဖိထားလို့မှ မရတာ။
မေး ။ ။ တပ်မတော်ကရော ဒီလို မီးလောင်ဗုံးတွေ ဘယ်လို နေရာမှာသုံးလဲ။
ဖြေ ။ ။ ကျနော်တို့ ကပစ မှာတော့ ပေါင်၂၀၀ မီးလောင်ဗုံးတွေ ထုတ်ထားတာ ရှိတယ်။ အဓိကရုဏ်း နှိမ်နင်းဖို့ မျက်ရည်ယို ဗုံးတွေ ထုတ်တာရှိတယ်။ ဒါလဲ ကျနော်တို့ဆီက လိုအပ်မှ ထုတ်တာ။ ကျနော်မှတ်မိနေတာ တခုရှိတယ်။ ၁၉၉၆ ခုကျောင်းသား အရေး အခင်းကို ဖြိုခွဲတုံးက ကျနော်တို့ စက်ရုံကို အဓိကရုဏ်း နှိမ်နင်းရေး အတွက် မျက်ရည်ယို ဗုံးတွေ ထွင်ပြီး ထုတ်ခိုင်းတယ်။ ကျည်ဆန် တွေမှာ ဆေးအကြည်တွေထည့် ပစ်ရတာ၊ ကျည်ထဲမှာ ခဲဖူးလေးတွေ ပါတယ်၊ အဲဒီ ခဲဖူးတွေကို အပေါ်က ရာဘာ အုပ်ထားတာ။ ရာဘာကျည်ဆန် မှန်တာနဲ့ အသားအကွင်းလိုက် ပျက်ကျတာပေါ့။ မျက်လုံးထိရင် ကန်းတယ်။ သေတော့ မသေနိုင်ဘူး။ သိတ်မပြင်း တော့ ဗိုလ်ချုပ်မောင်အေး က တိုက်ရိုက် အမိန့်ပေးဖူးတယ်။
“သေချင် သေပစေကွာ၊ ယမ်းအား မြှင့်ပြီးထုတ်”လို့ ဆိုတော့ ယမ်းအားမြှင့်ပြီး အစမ်းပစ် ကြတယ်။ ကျနော့် ရှေ့ အရင်ရောက် နေ တဲ့ ဆရာ တယောက် ပြန်ပြောပြလို့ သိရတာက အဲဒီ ယမ်းအားမြှင့် ကျည်တွေနဲ့ ရဲဘော်တချို့ကို အဝေးကနေ စမ်းပစ်ကြတာ၊ ဒဏ်ရာတွေ ရကုန်တယ်တဲ့။
မေး ။ ။ ဒါဆို အခု လက်ပံတောင်းတောင် သပိတ်မှာ စွမ်းရည်မြှင့် မီးခိုးဗုံးတွေ ထုတ်သုံးတာရော မဖြစ်နိုင်ဘူးလား။
ဖြေ ။ ။ ကပစ ကတော့ မီးခိုးဗုံးပဲ ပုံမှန် ထုတ်တာပေါ့။ ဒါပေမယ့် အကြီးအကဲ အရာရှိ တယောက်ယောက်က မီးခိုးဗုံးကို စွမ်းရည်မြှင့် ထုတ်ခိုင်း တာလည်း ဖြစ်နိုင်တာပဲ၊ ဒါမှမဟုတ် ကပစ ထုတ်တဲ့ မျက်ရည်ယိုဗုံးက စံချိန်နဲ့ မကိုက်ညီတာမျိုးလည်း ဖြစ်နိုင်ပါတယ်။ မှတ် မိမလား မသိဘူး၊ ၂၀၀၇ ရွှေဝါရောင် တုံးက ရွှေတိဂုံဘုရား စောင်းတန်းတခုမှာ မီးခိုးဗုံး တခုကနေ မီးပန်းတွေ ဖြာထွက်နေတဲ့ ဗီဒီယို ကလစ်လေး တခု သတိထားမိတယ်။
မေး ။ ။ တချိန်က ကရင်ပြည်နယ် ၀မ်ခ တိုက်ပွဲမှာရော၊ မာနယ်ပလော နဲ့ အခုနောက်ပိုင်း ကချင် စစ်မြေပြင်မှာပါ တပ်မတော်က ဓာတု လက်နက်တွေ ထုတ်သုံးတယ် ဆိုတဲ့ စွပ်စွဲချက်တွေ ပေါ်ခဲ့ဖူးတယ်။ လူမသေပဲ၊ အရေပြားတွေ လောင်တာ၊ နားထဲက သွေးထွက်တာ၊ မူးဝေအော့အန်ပြီး လမ်းဆက်မလျှောက်နိုင်တာ စတဲ့ လက္ခဏာတွေ ပေါ်တယ်လို့ သတင်းတွေ ဖတ်ဖူးတယ်။ တပ်မတော်က တိုင်းရင်းသားတွေနဲ့ စစ်ခင်းရာမှာ ဓာတုလက်နက်တွေ သုံးတတ်သလား။
ဖြေ ။ ။ သုံးတတ်ပါတယ်။ ကိုယ်တိုင်တော့ အဲဒီလို တိုက်ပွဲတွေ မမီခဲ့ပေမယ့် ကျနော်တို့ စစ်အင်ဂျင်နီယာ သင်တန်းမှာ ဓာတု လက်နက် ကိစ္စတွေလည်း ဘာသာရပ်ခွဲ တခု အနေနဲ့ သင်ခဲ့ရတယ်။ သင်တန်းတခုမှာ ကပစ (၅)က ဒု တပ်ရင်းမှုး ဗိုလ်မှူးကြီး ဉာဏ်ထွန်း က ပြောဖူးတာပေါ့။ သူက ဓာတုလက်နက်ဆိုင်ရာ သင်တန်းပေးတာ၊ သူက ကရင်ပြည်နယ် ၀မ်ခမှာ တိုက်ပွဲတွေဖြစ် တော့၊ တပ်က လူတွေအများကြီး သေတယ်ဗျာတဲ့။
တဖက်က၊ ကတုတ်ကျင်းတွေ ထဲကနေ ခံပစ်တော့ တက်မရဘူး၊ ဒါနဲ့ အခုပြောနေကြတဲ့ မီးလောင်ဗုံးတွေ စပြီး စမ်းသပ် လုပ်ကြ တာပေါ့ လို့ ပြောဖူးတယ်။ နောက် Pressure Bomb လို့ ခေါ်တဲ့ မိုင်းရှင်းတဲ့ ဗုံးလဲ စမ်းကြတယ်။ သူက အမြှောက်ဆံနဲ့ မိုင်းရှိမယ် ထင်တဲ့ မြေပြင်ပေါ်ကို ပစ်လိုက်ရင်၊ ပေါက်ကွဲအားပြင်းတော့ လေထုထဲမှာ လေဟာနယ် ဖြစ်သွားပြီး ရုတ်တရက် ပြင်ပ လေထုတွေ ၀ုန်းခနဲ ပြန်စုတော့ မြေကြီးကိုဖိအားနဲ့ ရိုက်သလိုဖြစ်ပြီး မြှုပ်ထားတဲ့ ဗုံးတွေပေါက်ကွဲတဲ့ သဘောပဲ။ ကတုတ်ကျင်းထဲ ရေအပြည့် ထည့်ထားတဲ့ တိုင်ကီပုံး တလုံးတည်း စမ်းတာ၊ အဲဒီ Pressure ဗုံးကြောင့် တိုင်ကီထဲ ရေတစက်မှ မကျန်အောင်လွင့်စင်ပြီး တိုင်ကီ လည်း လိန်ပိန် တွန့်ခေါက်သွားတာ။
အဲဒီလို ဖိအားပေး မိုင်းရှာဗုံးတွေ(Pressure Bomb)နဲ့ မီးလောင်ဗုံး(Incendiary)တွေ သုံးတော့ ကတုတ် ကျင်းထဲက လူတွေလည်း ဘယ်ခံနိုင်မှာတုံး။ အဲဒီလို ဓာတုလက်နက်တွေ သုံးရင် ဂျနီဗာ သဘောတူညီချက်နဲ့ မညီဘူး။ ဒါကြောင့် တပ်က ဓာတုလက်နက် သုံးမယ်ဆို လူသိမခံဘူး။
ဥပမာ ရှေ့တန်း စစ်မြေပြင်တခုမှာ ဓာတုလက်နက် သုံးမယ်ဆိုတာ ခြေလျင်တပ် အရာရှိတွေကိုတောင် ပေးမသိစေဘူး။ ကျနော် တို့ ကာကွယ်ရေး စက်ရုံက အရာရှိတွေ ကိုယ်တိုင် သွားပစ်တာ။ ခြေလျင် တပ်သားတွေကို အနားမှာ မရှိစေဘူး။
မေး ။ ။ ကျနော်တို့ အတွေ့အကြုံအရ ဆန္ဒပြမယ်ဆိုရင် ရဲတပ်ဖွဲ့က ပထမ လူစုခွဲဖို့ သတိပေးမယ်။ ဒုတိယ တားမြစ် ထားတဲ့ အရံ အတားကို မကျော်ရဘူး၊ တတိယ အဆင့်က မီးသတ်ပိုက်နဲ့ပက်မယ်၊ အဲဒါမှ မရရင် မျက်ရည်ယိုဗုံး ဖောက်မယ်၊ နောက်ဆုံး နံပါတ် တုတ်နဲ့ ရိုက်မယ်၊ ဖမ်းမယ်ပေါ့။ ဒါကလည်း ဆန္ဒပြလူထုက ထကြွပြီး ချိုးဖောက်ရန်မူမှ ဖြစ်တာ၊ ဆန္ဒပြသူတွေ ငြိမ်းငြိမ်းချမ်းချမ်း ထိုင်နေရင် ရဲက ကျန်းမာရေးနဲ့ လုံခြုံရေးတောင် တာဝန်ယူရသေးတယ်။
ဒီမိုကရေစီ နိုင်ငံတွေမှာတော့ ကျနော်တို့ အဲဒီလိုပဲ ကြုံဖူးတယ်။ အခုဖြစ်တာက သံဃာတော်တွေ ကိုယ့်သပိတ် စခန်းထဲ ထိုင်ပြီး မေတ္တာပို့နေတာကို လှမ်းပစ်တာ ဆိုတော့၊ တပ်မတော် အရာရှိဟောင်း တယောက်အနေနဲ့ ဘယ်လိုမြင်လဲ။
ဖြေ ။ ။ အခုဖြစ်နေတဲ့ဟာက နိုင်ငံတကာ စံချိန်စံညွှန်းနဲ့လုံးဝမှ မကိုက်ညီဘူးလေ။ နိုင်ငံတကာ စံနှုန်းက စစ်မြေပြင်မှာတောင်၊ အခုလို မီးလောင်ကြွမ်း ဒဏ်ရာရစေမှုကို အကန့်အသတ်နဲ့ပဲ သုံးရတယ်။ အခု မြန်မာပြည်မှာ လုပ်နေတဲ့ဟာတွေက မျက်ကန်း တစ္ဆေမကြောက်၊ ထင်သလို လုပ်နေသလိုပဲ။ ဒီမိုကရေစီ နိုင်ငံတိုင်းလည်း ဆန္ဒပြသူတွေကို အရေးယူတာတွေ ရှိတာပဲ။ ကိုယ့်လက်ဆ ကိုယ်သိဖို့တော့ လိုတာပေါ့။ ဒီမိုကရေစီ စိတ်၊ ပြုပြင် ပြောင်းလဲချင်စိတ်တော့ ရှိရမှာပေါ့။ ။
Ref: ဧရာဝတီ
ဦးပိုင် လီမိတက် ဘာလဲ
ခင်ဦးသာ
December 1, 2012
လက်ပံတောင်းတောင် ကြေးနီစီမံကိန်း ဖျက်သိမ်းရေး သပိတ်စခန်းဖွင့်ကာ ဆန္ဒထုတ်ဖော်နေ ကြသည့် သံဃာတော် များနှင့် ဒေသခံပြည်သူ များအား နိုဝင်ဘာလ ၂၉ ရက်နေ့၌ အင်အားသုံး အကြမ်းဖက် ဆောင်ရွက်ခဲ့မှုတွင် စစ်တပ်ပိုင် မြန်မာ့စီးပွားရေး ဦးပိုင် လီမီတက်လည်း ပါဝင် ပတ်သက်နေသည်။
အဘယ်ကြောင့်ဆိုသော် လက်ပံတောင်းတောင် ကြေးနီစီမံကိန်းကို တရုတ်နိုင်ငံမှ ၀မ်ပေါင်ကုမ္ပဏီနှင့် ဦးပိုင် လီမိတက်တို့ အကျိုးတူ ပူးပေါင်း လုပ်ဆောင်နေခြင်းကြောင့် ဖြစ်သည်။ စစ်ဗိုလ်ချုပ်ကြီးများ ဦးစီးသည့် စီးပွားရေး ဦးပိုင် လီမီတက်သည် ကြေးနီ စီမံကိန်းကြီး အပြင် မြန်မာနိုင်ငံ၏ အဓိကျသည့် စီးပွားရေးလုပ်ငန်း အများအပြားကိုလည်း ပိုင်ဆိုင် လုပ်ကိုင်လျက် ရှိသည်။
ထိုစီမံကိန်းသည် စစ်တပ်အတွက် အရေးပါသည့် စီမံကိန်းဖြစ်ပြီး စစ်တပ်မှ အငြိမ်းစား ယူထားသည့် ရဲဘော် မိသားစုများ အတွက် ဖြစ်ကြောင်းလည်း ကာကွယ်ရေး ၀န်ကြီး ဒု ဗိုလ်ချုပ်ကြီး ဝေလွင်က ပြီးခဲ့သည့် သီတင်းပတ်က ပြည်ထောင်စု လွှတ်တော် ၌ ဖြေဆို ခဲ့သေးသည်။
ထိုစီမံကိန်းသည် စစ်တပ်ပိုင် ဦးပိုင် လီမိတက်နှင့်တရုတ်နိုင်ငံတို့ အကြား အကျိုးတူ ပူးပေါင်း လုပ်ဆောင်နေခြင်းကြောင့် မျက်နှာ မပျက်စေလိုကြောင်း ဒု ဗိုလ်ချုပ်ကြီး ဝေလွင်က ကြေးနီစီမံကိန်းနှင့်ပ တ်သက်၍ ဖြေဆို သွားသည်။
ဦးပိုင် လီမီတက်အား ၁၉၉၀ ပြည့်နှစ်တွင် ယခင်စစ်အစိုးရ၏ စစ်တပ်အကြီးအကဲများ ဦးဆောင်၍ ဖွဲ့စည်း တည်ထောင်ခဲ့ခြင်း ဖြစ်ပြီး ရည်ရွယ်ချက်မှာ တပ်မတော်သားများနှင့် မိသားစုဝင်များ၊ တပ်မတော် အငြိမ်းစားများ စားဝတ်နေရေး ပြေလည်စေရန်ဟု သိရသည်။ ဦးပိုင်၏ လက်ရှိ ဥက္ကဋ္ဌ မှာ စစ်ရေးချုပ် ဒု ဗိုလ်ချုပ်ကြီး ခင်ဇော်ဦး ဖြစ်ပြီး၊ လက်ရှိ ရွေးကောက်ပွဲ ကော်မရှင် ဥက္ကဋ္ဌ ဒု ဗိုလ်ချုပ်ကြီးဟောင်း ဦးတင်အေးလည်း ဦးပိုင် ဥက္ကဋ္ဌအဖြစ် တာဝန်ယူခဲ့သေးသည်။
ဦးပိုင် လီမိတက်သည် ဗန္ဓုလ သယ်ယူပို့ဆောင်ရေး လုပ်ငန်း၊ ကျောက်မျက်၊ သတ္တု တူးဖော်ရေး လုပ်ငန်းများ၊ ရေနံတူးဖော်ရေး၊ သဘာဝဓာတ်ငွေ့ ရှာဖွေရေး၊ မွေးမြူရေး၊ စိုက်ပျိုးရေး၊ ရေလုပ်ငန်း၊ ခရီးသွားလုပ်ငန်းများ၊ ဆောက်လုပ်ရေးလုပ်ငန်းများ၊ ဘဏ်လုပ်ငန်းများ စသည်ဖြင့် လုပ်ငန်းအများ အပြားကိုလည်း ကုမ္ပဏီပေါင်း ၅၀ ၀န်းကျင်ဖြင့် လုပ်ဆောင်နေကြောင်း မောင်အောင်မျိုး ရေးသားသည့် Building the Tatmadaw: Myanmar Armed Forces Since 1948 စာအုပ်တွင် ဖော်ပြထားသည်။
ထို့အတူ ကြယ်ငါးပွင့်သဘောင်္လိုင်း၊ ပြည်တွင်းရေကြောင်းပိုင် လုပ်ငန်းတချို့၊ လောင်စာဆီ အရောင်းဆိုင်များ၊ ပြည်ပမှ ကားတင်သွင်းခွင့် ပါမစ်များနှင့် တခြားသော စီးပွားရေးလုပ်ငန်း အများအပြားကိုလည်း ပိုင်ဆိုင်ထားကြောင်း ၀ီကီလိ(ခ်) အင်တာနက်စာ မျက်နှာ၌ ဖော်ပြထားသည်။ အလားတူ ပြည်ပ ဆန်တင်ပို့မှု၏ ၄၀ ရာခိုင်နှုန်းကိုလည်း ဦးပိုင် လီမိတက်က တင်ပို့ခွင့် ရရှိထားသည်။
ဘီယာချက်စက်ရုံ၊ စီးကရက်စက်ရုံ၊ သောက်ရေသန့် ထုတ်လုပ်ရေး လုပ်ငန်းများ၊ သကြားစက်၊ ပလတ်စတစ် ထုတ်လုပ်သည့် စက်ရုံလုပ်ငန်းများလည်း လုပ်ကိုင်ထားသည်။ ထိုသို့ စီးပွားရေးလုပ်ငန်း အများစုကို လုပ်ကိုင်ဆောင်ရွက်နေသော်လည်း စစ်ဗိုလ်ချုပ်ကြီးများ ဦးစီးနေခြင်းကြောင့် ထိုလုပ်ငန်းများနှင့်ပတ်သက်၍ ပွင့်လင်းမြင်သာမှုလည်း မရှိပေ။
မြန်မာအစိုးရသည် ၂၀၁၁ ခုနှစ်မှစ၍ အခွန်တိမ်းရှောင်မှု ပပျောက်စေရန် ဆောင်ရွက်နေသော်လည်း နိုင်ငံတော် အဖွဲ့အစည်းများနှင့် စီးပွားရေး ဦးပိုင်လီမီတက်သည် အခွန်ပေးဆောင်ရန် မလိုအပ်ကြောင်း ပြည်တွင်း အခွန်များ ဦးစီးဌာန ညွန်ကြားရေးမှူး ဦးအောင်မိုးကြည်က ၂၀၁၁ ခုနှစ် နှစ်ဆန်းပိုင်းတွင် ဧရာဝတီသို့ ပြောဆိုခဲ့သည်။
ဦးပိုင် လီမီတက်သည် စစ်အစိုးရလက်ထက် နိုင်ငံ၏ စီးပွားရေး လုပ်ငန်းအများအပြားကို ဦးစီးထားပြီး လက်ရှိ ဦးသိန်းစိန် အစိုးရ လက်ထက်တွင်လည်း ထိုလုပ်ငန်းများကို လက်ဝါးကြီးအုပ် ချူပ်ကိုင်ထားဆဲ ဖြစ်သည်။ စင်ကာပူနှင့် တရုတ်နိုင်ငံက ရင်းနှီးမြှုပ်နှံ ထားသည့် စီပွားရေး လုပ်ငန်းအများစုနှင့် အကျိုးတူ ပူးပေါင်းလုပ်ကိုင်နေကြောင်း ၀ီကီလိ(ခ်) ၌ ဖော်ပြထားသည်။
ကာကွယ်ရေး ၀န်ကြီး ဒု ဗိုလ်ချုပ်ကြီး ဝေလွင်ပြောသကဲ့သို့ ဦးပိုင်နှင့် ကြေးနီစီမံကိန်းသည် တပ်မတော် အောက်ခြေရဲဘော်များ၊ အငြိမ်းစား တပ်မတော်သားများ မိသားစုများ၏ သက်သာချောင်ချိရေးအတွက် ဖွဲ့စည်းထားခြင်းဟု ပြောဆိုနေသည့်တိုင် အမှန်တကယ် အကျိုးအမြတ် ခံစားနေသူများမှာ တပ်မတော်၏ ထိပ်ပိုင်း ခေါင်းဆောင်များသာ ဖြစ်ကြောင်း သိရသည်။
တပ်ရင်းတခုလျှင် ကျပ်ငွေသိန်း ၂၀၀ မှ ၃၀၀ စီ ထည့်ဝင်ရကြောင်း၊ ထိုသို့ ထည့်ဝင်နိုင်ရန်အတွက် အောက်ခြေရဲဘော်များက အစ တပ်မတော်သားများ၏ လစာထဲမှ စုငွေအဖြစ် လစဉ် ဖြတ်တောက်သည့်အတွက် လစာကျပ်ငွေ တသိန်းအောက်သာ ရရှိသည့် ရဲဘော် မိသားစုများမှာစားဝတ်နေရေး ကျပ်တည်းလေ့ရှိသည်ဟု စစ်တပ်အသိုင်းအ၀ိုင်းက ပြောသည်။
ဦးပိုင် လီမိတက်သည် ၂၀၀၇ ခုနှစ်တွင် ရင်းနှီးမှုရန်ပုံငွေ ကျပ်သန်းပေါင်း ၄၀၀၀၀ အထိခွင့်ပြုခဲ့ကြောင်း မောင်အောင်မျိုး၏ စာအုပ်၌ ရေးသားထားသည်။ ရှယ်ယာထည့်ဝင်ရသည့် တပ်ရင်းများအတွက် အကျိုးအမြတ်ငွေကို ရှယ်ယာအများစု ထည့်ဝင်သည့်သူများအား နှစ်စဉ်ထုတ်ပေးကြောင်းလည်း သိရသည်။
Ref: ဧရာဝတီ
ရဲများ၏ သြဝါဒခံယူပွဲ မုံရွာဒေသခံများ ရှုတ်ချ
လဖိုင်
December 1, 2012
စစ်ကိုင်းတိုင်း မုံရွာမြို့ ရွှေစည်းခုံဘုရားဝင်းအတွင်းရှိ သာသနာ့ဗိမာန်တော်တွင် မုံရွာရဲတပ်ဖွဲ့များ၏ လက်ပံတောင်းတောင် ဖြစ်စဉ်နှင့် ပတ်သက်သည့် သြ၀ါဒခံယူပွဲကို မုံရွာလူထုက ရှုတ်ချခဲ့ကြောင်း သိရသည်။
နေ့လည် ၂ နာရီတွင် သြ၀ါဒခံယူပွဲဟု အမည်ပေးထားသည့် အစီအစဉ်သို့ ဆရာတော် အပါး ၂၀ ဖိတ်ခဲ့သော်လည်း ၁၀ ပါးသာ အချိန်အတော်နောက်ကျမှ ကြွရောက် လာသည်။
အစီအစဉ်တွင် ဒဏ်ရာရ သံဃာအများစု ပါဝင်သည့် ဇောတိကကျောင်းတိုက်မှ ဆရာတော်ကို သြ၀ါဒပေးရန် ထည့်သွင်း ခဲ့သော်လည်း ဆရာတော် ကြွရောက်လာခြင်း မရှိသဖြင့် အုတ်ကန်ကျောင်း ဆရာတော်က သြ၀ါဒပေးသည်။
စစ်ကိုင်းတိုင်း ရဲမှူးကြီး ဦးစန်းယုက သပိတ်စခန်းမှ သံဃာတော်များကို လူစုခွဲရာတွင် လူအင်အား အနည်းဆုံး တတ်နိုင်သမျှ ထိခိုက်မူ မရှိအောင် ဆောင်ရွက်ခဲ့ကြောင်း၊ မီးသတ်ပိုက်၊ မျက်ရည်ယိုဗုံးတို့ကိုသာ အသုံးပြုခဲ့သည်ဟု ပြောနေသည့် အချိန်တွင် ၀င်ရောက် နားထောင်နေသည့် ဒေသခံလူစုက ညာနေတာ၊ လိမ်နေတာဟု အသံပြု ခဲ့ကြသည်။
သံဃာတော်များ နစ်နာစေရန် ရည်ရွယ်ခြင်းမဟုတ်ဘဲ တာဝန်အရ လုပ်ဆောင်ရခြင်းဖြစ်သောကြောင့် မေတ္တာရှေ့ထားကာ ခွင့်လွှတ် ပါရန် ရဲမှူးကြီး ဦးစန်းယုက လျှောက်ထားခဲ့သည်။
ရဲမှူးကြီး ဦးစန်းယု ဆရာတော်များကို လျှောက်ထားအပြီးတွင် ဆေးရုံသို့ရောက်နေသည့် သံဃာများ အတွက် လှူဖွယ် ပစ္စည်းများ ကပ်လှူသည့် အခါတွင် ၀င်ရောက် နားထောင်နေသည့် မုံရွာလူထု ၈၀ ကျော်က မကျေနပ်ကြောင်း ပြောဆိုကာ အခမ်း အနားပြုလုပ်နေသည့် သာသနာ့ ဗိမာန်မှ ထွက်ခွာ သွားခဲ့သည်။
“ဒါက ဆင်ခြေပေးတာပါ။ သူတို့ပြောချင်တာပြောတာ၊ ပြည်သူတွေက ဘာမှ မသိဘူး။ ဒီလိုမျိုး အခမ်းအနား လုပ်မယ် ဆိုတာလည်း မသိရပါဘူး။ ပင့်လာတဲ့ ဘုန်းကြီးတွေကလည်း ဒီကိစ္စနဲ့ဘာမှ မပက်သက်တဲ့သူတွေ ” ဟု သာသနာ့ ဗိမာန် အပြင်ဘက်သို့ အော်ဟစ်ကာ ထွက်လာသူ မုံရွာမြို့ခံ တဦးက ပြောသည်။
“တောင်းပန်ပါတယ်၊ မှားပါတယ်လို့ တခွန်းမှ မပြောသွားဘူး။ ပြောတဲ့လေသံကလည်း မာထန်နေတာပဲ။ မီးခိုးဗုံးပဲ သုံးတယ် ဆိုရင် ဘယ်လိုလုပ် မီးလောင်တာလဲ။ ဒီလိုပြောတာတွေကို မုံရွာကလူတွေ လုံးဝ လက်မခံသလို မကျေနပ်ဘူးလို့ ပြောပါရစေ” ဟု ယင်းမြို့ခံက ပြောသည်။
“ကန်တော့တောင်းပန်တဲ့သူတွေက အနောက်ဘက်ကမ်းက လူတွေ ပါ မပါ မသိဘူး ” ဟု ယင်းသြ၀ါဒ ခံယူပွဲသို့ တက်ရောက် လာသူ ရဲအရာရှိ တဦးက ပြောသည်။ လက်ပံတောင်းတောင်ဖြစ်စဉ်နှင့် ပတ်သက်ပြီး ရဲမှူးကြီး ဦးစန်းယုက “ဖြေဖို့ကို မရှိတာ” ဟု မီဒီယာများ၏ အမေးကို တုန့်ပြန်ခဲ့သည်။
“ဘုန်းကြီးတို့ လုံးဝလက်မခံပါဘူး။ သွားစရာအကြောင်းလဲ မရှိပါဘူး ” ဟု သပိတ်အောင်မြင်ရေးကော်မတီမှ ဆရာတော် ဦးတေဇက ပြောသည်။
ယင်းသြ၀ါဒခံယူပွဲနှင့်အပြိုင် ရဲတပ်ဖွဲ့ဝင်များ၏ လုပ်ရပ်ကို ရှုတ်ချသည့်လှုပ်ရှားမူ ပြုလုပ်မည်ဟု သတင်းများ ထွက်ပေါ် ခဲ့သော်လည်း သြ၀ါဒ ခံယူပွဲ ပြုလုပ်စဉ် ပြင်ပတွင် မုံရွာမြို့သားများက ၀ိုင်းအုံကြည့်ရှုခြင်းသာ ပြုလုပ်ခဲ့သည်။
ထိုသြ၀ါဒခံယူပွဲသို့ မုံရွာမြို့ပေါ်မှ ရဲတပ်ဖွဲ့ဝင် ၁၂၀ ကျော် တက်ရောက်ခဲ့ပြီး ဆရာတော်အပါး ၂၀ သို့ ဒဏ်ရာရ ကိုယ်တော်များ အတွက် စောင်၊ သင်္ကန်းနှင့် တခြားပစ္စည်းများ လှူဒါန်းခဲ့သည်။
Ref: ဧရာဝတီ
လက်ပန်းတောင်းတောင်အရေး ဆန္ဒပြသူနှစ်ဦး ထပ်မံဖမ်းဆီးခံရ
2012-12-02
လက်ပန်းတောင်းတောင်အရေးမှာ အစိုးရတာဝန်ရှိသူတွေက ကိုင်တွယ်ဖြေရှင်းခဲ့တာကို မကျေနပ်တဲ့ အတွက် နိုင်ငံရေး တက်ကြွ လှုပ်ရှားသူတွေ ဒီကနေ့ ညနေပိုင်းက ရန်ကုန်မြို့၊ဗဟန်းမြို့နယ်မှာ စုပေါင်း ဆန္ဒပြခဲ့ရာ ရန်ကုန်တိုင်း ရဲတပ်ဖွဲ့မှ ဒုတိုင်းမှူး ဒုရဲမှူးကြီး ဦးသက်လွင် ကိုယ်တိုင် ဆန္ဒပြခေါင်းဆောင် နှစ်ဦးကို ဝင်ရောက် ဖမ်းဆီး ခဲ့ပါတယ်။
ဒီကနေ့ ဖမ်းဆီးခံခဲ့ရသူတွေဟာ Generation Wave အဖွဲ့က ကိုမိုးသွေးနဲ့ ရန်ကုန်ပြည်သူ့ အကျိုးဆောင် ကွန်ရက်က ကိုအောင်စိုးတို့ နှစ်ဦးဖြစ်ပြီး ဗဟန်းမြို့နယ်ရွှေတိဂုံ ဘုရား အရှေ့ဘက်မုဒ်မှာ ရှိတဲ့ ကြေးသွန်း ဘုရားကြီးကနေ တာမွေ အဝိုင်းထိပ်ကို ချီတက် ဆန္ဒပြနေချိန် ရွှေဂုံတိုင် ဟိုတယ်အနီးမှာ ဖမ်းဆီးခံခဲ့ရတာ ဖြစ်ပါတယ်။ ရဲတပ်ဖွဲ့ဝင်တွေ အကြမ်းဖက် ဝင်ရောက် ဖမ်းဆီးခဲ့တာနဲ့ ပတ်သက်ပြီး ဆန္ဒပြပွဲမှာ ကိုယ်တိုင်ပါဝင်ခဲ့တဲ့ စာရေးဆရာ ဝေမှူးသွင်က RFA ကို အခုလိုပြောပါတယ်။
"ကျွန်တော်တို့က ကြေးသွန်းဘုရားရှေ့ကနေ တာမွေအဝိုင်းကို သွားတဲ့အခါမှာ ရန်ကုန်ပြည်သူ့ အကျိုးဆောင် ကွန်ရက်က ကိုအောင်စိုးနဲ့ Generation Wave အဖွဲ့က ကိုမိုးသွေးရယ်ကို SSC ဆေးရုံနားမှာ ဖမ်းဆီးသွားတာ ကျွန်တော်တို့က မည်သည့် အကြမ်းဖက်မှုကိုမှ မပြုလုပ်ပါဘူး၊ နိုင်ငံသားတွေရဲ့ အခြေခံ ရပိုင်ခွင့်ဖြစ်တဲ့ လွတ်လပ်စွာ ဆန္ဒထုတ်ဖော်ခွင့်ကို အသုံးချတာဖြစ်ပါတယ်" ဒီကနေ့ ဆန္ဒပြ သူတွေဟာ သပိတ်စခန်းတွေက အကြမ်းဖက် ဖြိုခွင်းခံခဲ့ရ သူတွေကို နိုင်တော် အစိုးရက ဝန်ချတောင်းပန်ရေး၊ လက်ပန်းတောင်းတောင် စီမံကိန်း ရပ်ဆိုင်းရေးနဲ့ တရုတ်နိုင်ငံမှ ရင်းနှီးမြှုပ်နှံမှုများ မြန်မာနိုင်ငံ အတွင်းက အမြန်ဆုံး ထွက်ခွာသွားရေး စတဲ့ ဆိုင်းဘုတ်တွေကို ကိုင်ဆောင် ဆန္ဒပြခဲ့တာ ဖြစ်ပါတယ်။ ဒီကနေ့ဆန္ဒပြပွဲကို ရန်ကုန်မြို့မှာ ရှိတဲ့ နိုင်ငံရေးတ က်ကြွ လှုပ်ရှားသူ အင်အား ၆၀ ကျော် ပါဝင်ခဲ့ပြီး၊ဒီကနေ့ဟာ လက်ပန်းတောင်းတောင် ကြေးနီစီမံကိန်းက သပိတ်စခန်းတွေကို အကြမ်းဖက် ဖြိုခွဲပြီးနောက် တတိယမြောက်နေ့ အဖြစ် ရန်ကုန်မှာ ဆန္ဒပြတာ ဖြစ်ပါတယ်။
Generation Wave မျိုးဆက်သစ်လူငယ်များအဖွဲ့ခေါင်းဆောင်တစ်ဦးဖြစ်သူ ကိုမိုးသွေးနဲ့ နိုင်ငံရေး အကျဉ်းသားဟောင်းများ အဖွဲ့က တစ်ဦးကို ဒီကနေ့ ဒီဇင်ဘာလ ၂ ရက်နေ့ ညနေပိုင်းက ရဲတပ်ဖွဲ့ဝင်တွေက ကိုမိုးသွေးတို့ စီးလာတဲ့ အငှားယာဉ် တက္ကဆီကို လမ်းပိတ်တားပြီး ဖမ်းဆီးခေါ်ဆောင် သွားပါတယ်။
Ref: RFA News
လက်ပန်းတောင်းတောင်အရေး မန္တလေးမှာ သံဃာတွေ ဆန္ဒပြ
2012-12-02
လက်ပန်းတောင်းတောင် ကြေးနီစီမံကိန်း ရပ်တန့်ရေးအတွက် သပိတ်စခန်းဖွင့် ဆန္ဒပြခဲ့ကြရာမှာ အကြမ်းဖက် ဖြိုခွင်း တာကနေ လွတ်မြောက် လာကြတဲ့ သံဃာတော်အပါး ၂ဝဝ လောက်ဟာ ဒီကနေ့နေ့လည် ၁ နာရီမှာ မန္တလေးမြို့၊ မဟာမြတ်မုနိ ဘုရားကြီး အရှေ့မုခ်ကနေ မြို့ကိုတစ်ပတ်ပတ်ပြီး ချီတက် လမ်းလျှောက် ဆန္ဒပြခဲ့ကြပါတယ်။
ဆန္ဒပြရတာနဲ့ပတ်သက်ပြီး ဦးဆောင်သံဃာတစ်ပါးဖြစ်တဲ့ ဦးကောမလက RFA ကို အခုလို မိန့်ကြား ပါတယ်။
"ပြည်သူကို အန္တရာယ်မဖြစ်အောင် ဝင်ရပ်ပေးခဲ့တဲ့ သံဃာတော်တွေကို ဒီလောက်ရက်ရက်စက်စက် ဖြိုခွင်းတာ မလိုလားပါဘူး၊ တကယ် လိုချင်တာ ကြားထဲက ညှိနှိုင်းစေ့စပ်မှုနဲ့ တရားမျှတမှု သက်သက်ကို ပုံဖော်တဲ့ သဘောပဲ၊ ဒီစီမံကိန်း တစ်ခုလုံးကို ရပ်ဆိုင်းပစ်ဖို့ သွားတာ မဟုတ်ဘူး၊ အခုအခါ လူမျိုးကြားတွေကျတော့ ရှိရင် မျက်နှာချိုသွေး အောက်ကျခံ တကယ့် ကိုယ့်လူမျိုး အချင်းချင်းကျရင် ပိုးစိုး ပက်စက်နှိပ်စက်နေတဲ့ နှစ်ပေါင်း ၅ဝကျော် အတွေးတွေကို ရပ်တန်းက ရပ်ဖြစ်ဖို့ လုပ်တာဖြစ်တယ်"
ဒီကနေ့ဆန္ဒပြပွဲကို လူထုပရိတ်သတ် ၁ဝဝ လောက် ဝန်းရံလိုက်ပါခဲ့ကြပြီး နေ့လည် ၂နာရီခွဲမှာ ပြီးဆုံး ခဲ့ပါတယ်။ အာဏာပိုင်တွေ ဘက်ကတော့ တစုံတရာ နှောက်ယှက်တာမျိုး မရှိဘဲ အဝေးကစောင့်ကြည့် တာမျိုးတွေပဲ ရှိပါတယ်။
Ref: RFA News
လက်ပန်းတောင်းတောင် သပိတ်စခန်း ဖြိုခွင်းခဲ့ပုံကို စစ်တွေမှာ တစ်ကိုယ်တော် ဆန္ဒပြ
2012-12-02
လက်ပန်းတောင်းတောင် ကြေးနီစီမံကိန်းရပ်တန့်ရေး သပိတ်စခန်းဖွင့်ပြီး ဆန္ဒပြခဲ့ကြတဲ့ သံဃာတော်တွေနဲ့ ဒေသခံတွေကို အာဏာပိုင်တွေက အကြမ်းဖက် ဖြိုခွဲခဲ့တဲ့ ကိစ္စနဲ့ ပတ်သက်ပြီး ကန့်ကွက်ရှုတ်ချတဲ့ အနေနဲ့ ရခိုင်ပြည်နယ် အမျိုးသမီး ကွန်ယက်(ယာယီ) အဖွဲ့ ဥက္ကဌ ဒေါ်ညိုအေးက စစ်တွေမြို့မှာ မနေ့နေ့လည်ပိုင်းက တစ်ကိုယ်တော် ဆန္ဒဖော်ထုတ်ခဲ့ပါတယ်။
လက်ပန်းတောင်းတောင် လူထုဆန္ဒဖော်ထုတ်မှုအား အင်အားသုံးဖြေရှင်းမှု ကန့်ကွက်ပါ ဆိုတဲ့ စာတန်းကို ကိုင်ဆောင်ပြီး စစ်တွေမြို့လယ် လောကနန္ဒာ ဘုရားကနေ လမ်းမကြီး တစ်လျှောက် တစ်ကိုယ်တော် လမ်းလျှောက် ဆန္ဒ ထုတ်ဖော်ခဲ့တာပါ။ ဆန္ဒဖော်ထုတ် ရတာနဲ့ ပတ်သက်ပြီး ဒေါ်ညိုအေးက RFA ကို အခုလိုပြောပါတယ်။
“ လက်ပန်းတောင်းတောင်ကိစ္စဖြေရှင်းခဲ့တာနဲ့ပတ်သက်ပြီး ဘုန်းဘုန်းတွေက ဒဏ်ရာ၊ အနာတရတွေဖြစ်ခဲ့တယ် ဆိုတော့ ကျွန်မတို့ ရခိုင် လူမျိုးတွေက အရမ်းပဲ ခံစားရပါတယ်၊ အဲ့ဒါကြောင့်မို့ ဆန္ဒထုတ်ဖော်တာပါ ”
တကိုယ်တော် ဆန္ဒဖော်ထုတ်မှုကို မင်းဘာကြီးလမ်းက ရခိုင်အမျိုးသမီးများ ကွန်ယက်ရုံးမှာ အဆုံးသတ်ဖို့ စီစဉ် ထားပေမဲ့၊ မောလိပ် ရပ်ကွက်အရောက်မှာ အာဏာပိုင်တွေက ဒေါ်ညိုအေး ကိုင်ဆောင်လာတဲ့ စာတန်း ကို သိမ်းဆည်း သွားခဲ့ပါတယ်။ ဒါ့အပြင် ဒေါ်ညိုအေးကို အာဏာပိုင်တွေက စစ်ဆေးမေးမြန်း ခဲ့တယ်လို့လည်း သိရပါတယ်။
လက်ပန်းတောင်းတောင် အရေးကိစ္စနဲ့ပတ်သက်ပြီး ရခိုင်တိုင်းရင်းသားများတိုးတက်ရေးပါတီ (RNDP) ကလည်း မနေ့က သဘောထား ကြေညာချက်တစ်စောင် ထုတ်ပြန်ခဲ့ပါတယ်။
ရခိုင်တိုင်းရင်းသားများတိုးတက်ရေးပါတီ(RNDP) အတွင်းရေးမှူး ဦးခိုင်ပြည်စိုးက RFA ကို အခုလို ပြောပါတယ်။
“ လက်ပန်းတောင်းတောင်ကိစ္စမှာ လူထုဆန္ဒဖော်ထုတ်ပွဲ လုပ်နေတဲ့ စခန်းတွေကို လုံခြုံရေး တပ်ဖွဲ့တွေက အင်အားသုံးနှိမ်နင်းတဲ့ ကိစ္စတွေမှာ ကျွန်တော်တို့ ပါတီနဲ့ ရခိုင်ပြည်သူတွေက စိတ်မကောင်းဖြစ်ရပါတယ်၊ အစိုးရ အနေနဲ့ ဒီထက်ပိုပြီး ပျော့ပြောင်းညှင်သာတဲ့ နည်းလမ်းတွေနဲ့ ဖြေရှင်းသင့်ပါတယ် ”
ကြေညာချက်မှာ လက်ပန်းတောင်းတောင် သပိတ်စခန်းတွေကို အကြမ်းဖက်တဲ့နည်းသုံးစွဲဖြိုခွဲခဲ့တာနဲ့ ပက်သက်ပြီး တာဝန် ရှိသူတွေကို ဥပဒေနဲ့အညီ အရေးယူပေးဖို့၊ စီမံကိန်းဆိုင်ရာ ဒေသခံလူထုတွေရဲ့ နစ်နာ ဆုံးရှုံးမှုတွေနဲ့ သဘာဝ ပတ်ဝန်းကျင် ထိခိုက် ပျက်စီး ဆုံးရှုံးနစ်နာမှုတွေကို ပြန်လည် သုံးသပ်ပေးဖို့နဲ့ ထိခိုက် ဒဏ်ရာရရှိခဲ့ကြတဲ့ သံဃာတော်တွေနဲ့ လူပုဂ္ဂိုလ်တွေရဲ့ ဆေးကုသမှုအတွက် အပြည့်အဝ တာဝန်ယူဖို့ စတဲ့အချက် ၄ ချက် ပါဝင်ပါတယ်။
Ref: RFA News
Posts
